فیصل آباد شہر کے آٹھ اہم بازار اس کے مشہور گھنٹہ گھر چوک پر آ کر ملتے ہیں۔ یہ بازار اس صنعتی شہر کا کاروباری مرکز بھی ہیں&nbsp; اور شہری بد انتظامی کا سب سے بڑا مظہر بھی۔ یہاں کی ہر سڑک اور گلی میں چند فٹ کی بلندی پر ایک دوسرے میں الجھے بجلی کے لاتعداد تاروں کے بے ہنگم گچھے ہر وقت خطرے کی تلوار بنے لٹکے رہتے ہیں۔

گھنٹہ گھر سے شمال کی&nbsp; جانب منٹگمری بازار اور اس سے متصل گلیوں میں پاکستان کی سب سے بڑی سوت منڈی (سوتر منڈی) واقع ہے جہاں اس کاروبار سے وابستہ 500 سے زیادہ دفاتر اور دکانیں ہیں ۔ سوت منڈی ناصرف فیصل آباد بلکہ ملک بھر کی ٹیکسٹائل ملوں کو دھاگے کی فراہمی کا اہم مرکز ہے جہاں روزانہ اربوں روپے کا کاروبار ہوتا ہے۔

ان دفتروں اور دکانوں کے اوپر سے گزرتے بجلی کی تاروں کے گچھے کسی بھی وقت شعلے اگلنا شروع کر دیتے ہیں اور کسی نہ کسی کی عمر بھر کی جمع پونجی راکھ کا ڈھیر بن جاتی ہے۔

ریسکیو 1122 کے مطابق فیصل آباد میں 2022ء کے دوران آتشزدگی کے ایک ہزار 906 واقعات رونما ہوئے&nbsp; جن میں 10 افراد ہلاک&nbsp; اور 37 شدید زخمی ہوئے جبکہ 56 کو معمولی چوٹیں آئیں۔ ان واقعات میں ہونے والے مالی نقصان کی مالیت ایک ارب روپے سے زیادہ بتائی گئی ہے۔

اسی طرح 2021ء میں آتشزدگی کے ایک ہزار 661 واقعات پیش آئے تھے جن میں پانچ افراد&nbsp; ہلاک اور 50 شدید زخمی ہوئے جبکہ 33 کو معمولی چوٹیں آئیں اور 71 کروڑ روپے سے زیادہ کا مالی نقصان ہوا۔

ریسکیو 1122 کے ریکارڈ سے یہ بات بھی سامنے آئی ہے کہ 2022ء میں آتشزدگی کے سب سے زیادہ واقعات شارٹ سرکٹ کے باعث پیش آئے جن کی تعداد ایک ہزار142 ہے اور ان میں سے زیادہ تر واقعات گھنٹہ گھر کے آٹھ بازاروں اور شہر کے دیگر تجارتی مراکز میں پیش آئے۔

ایسا ہی ایک واقعہ سات اکتوبر 2022 ء کو پیش آیا تھا جس میں منٹگمری بازار سے متصل ایک گلی میں واقع چھ منزلہ پلازے میں آگ&nbsp; لگنے سےایک ہی خاندان کے سات افراد جل کر دم توڑ گئے تھے۔

اس واقعے میں&nbsp; ہلاک ہونے والوں میں 55 سالہ عبدالستار، ان کے دو بیٹے، تین پوتے اور ایک پوتی امل شامل تھیں۔ آتشزدگی میں عبدالستار کے بھائی، والدہ، بہو، پوتا اور پوتی سمیت 20 افراد زخمی بھی ہوئے تھے۔

اس واقعے کے کئی ماہ بعد اب پلازے کی نچلی تین منزلوں میں واقع سوترمنڈی کے تاجروں کی دکانوں اور دفاتر میں کاروباری سرگرمیاں تو بحال ہو چکی ہیں لیکن اوپر کی تینوں منزلیں&nbsp; تاحال خالی ہیں۔

<h2>کوئی مدد کو نہ آیا</h2>

محمد احسان نے بتایا کہ وہ اور ان کے دو بھائی اپنے اہلخانہ کے ہمراہ پلازے کی آخری تین منزلوں میں الگ الگ مقیم تھے۔ &quot;رات کو جس وقت آگ لگی گھر کے تمام لوگ سو رہے تھے۔ آگ چوتھی منزل سے شروع ہوئی اور چند ہی منٹوں میں چھٹی منزل تک پہنچ گئی&quot;۔

انہوں نے بتایا کہ آگ سے بچنے کے لیے وہ اپنے اہل خانہ سمیت نیچے جانے میں کامیاب رہے جبکہ چھٹی منزل پر رہائش پذیر ان کے بھائی اور دیگر اہلخانہ نے چھت پر جا کر اپنی جان بچائی تاہم درمیان والی منزل پر موجود افراد اور تینوں منزلوں پر موجود سامان آگ کی نذر ہو گیا۔

&quot;ہم نے ریسکیو 1122 اور فیسکو حکام&nbsp; کو بہت فون کیے لیکن وہاں سے کوئی جواب نہ آیا۔ ہم اپنی سی کوشش کرتے رہے لیکن آگ کی شدت کم ہونے کے بجائے بڑھتی گئی&quot;۔

محمد احسان کے مطابق بعدازاں محلے داروں نے خود ریسکیو 1122 اور فیسکو کے دفاتر جا کر عملے کو حادثے کی اطلاع دی لیکن اس وقت تک بہت دیر ہو چکی تھی۔

انہوں نے بتایا کہ آتشزدگی کے بعد وہ اپنے اہل خانہ کے ہمراہ کرائے کے مکان میں منتقل ہو گئے تھے لیکن اب کرایہ ادا کرنے کی سکت بھی نہیں رہی، اس لیے وہ دروازے کھڑکیاں مرمت کروا رہے ہیں تاکہ اپنے گھر کو بحال کرسکیں۔

<h2>&#39;جھوٹے وعدے اور لارے&#39;</h2>

اس حادثے کے فوراً بعد ڈپٹی کمشنر فیصل آباد عمران حامد شیخ نے اس جگہ کا دورہ کیا۔ اس موقعے پر انہوں نے متاثرین کی مالی امداد اور سول ڈیفنس و دیگر متعلقہ محکموں کو شہر کی بلند و بالا عمارتوں میں آگ سے تحفظ کے اقدامات یقینی بنانے اور فیسکو انتظامیہ کو گھنٹہ گھر کے اطراف میں واقع پلازوں و رہائشی عمارتوں کے نزدیک سے گزرنے والی بجلی کی تاروں کو محفوظ بنانے کے لیے اقدامات کرنے کی ہدایت کی تھی۔

لیکن نہ تو امداد کا وعدہ پورا ہوا اور نہ ہی ہدایات پر کوئی عمل ہو سکا۔

اس حادثے کی تحقیقات کے لیے دو کمٹییاں تشکیل دی گئی تھیں جن میں سے ایک کمیٹی کو حادثے کی وجوہات کی مکمل تحقیقات اور اداروں کا رسپانس ٹائم چیک کرنے کی ذمہ داری دی گئی تھی۔ جبکہ دوسری کمیٹی نے آٹھ بازاروں میں بجلی کی تاروں اور ٹرانسفارمرز کو محفوظ بنانے سمیت ہنگامی حالات میں اداروں کی گاڑیوں کی آسان رسائی اور آگ سے بچاؤ کے اقدامات پر رپورٹ تیار کرنا تھی۔

ڈپٹی کمشنر کی طرف سے تاجروں کے ساتھ وعدہ کیا گیا تھا کہ تحقیقات&nbsp; 10 روز میں مکمل کر لی جائیں گی جس کے بعد ان کی رپورٹیں تاجروں کو پیش کی جائیں گی۔

لیکن کسی کمیٹی کی رپورٹ تاحال سامنے نہیں آئی۔

نومبر 2022ء میں ضلعی انتظامیہ نے چوک گھنٹہ گھر میں ایمرجنسی رسپانس سنٹر قائم کرنے کا اعلان کر کے گھنٹہ گھر سے ملحقہ بازاروں کی تمام عمارتوں میں آگ بجھانے والے آلات نصب کرنا لازمی قرار دے دیا تھا۔

ایمرجنسی رسپانس سنٹر میں ریسکیو 1122، سول ڈیفنس، ہیلتھ اور دیگر ایمرجنسی اداروں کے نمائندے 24 گھنٹے موجود رہنے کی یقین دہانی کروائی گئی تھی لیکن یہ وعدہ بھی وفا نہ ہو سکا۔

<h2>مزید حادثے</h2>

سوت منڈی کے تاجروں کی تنظیم پاکستان یارن مرچنٹس ایسوسی ایشن کے صدر شیخ قیصر شمس گچھا نے بتایا کہ بارہا رابطہ کرنے کے باوجود ضلعی انتظامیہ کی جانب سے نہ تو متاثرین کی مالی امداد کی گئی ہے اور نہ ہی دیگر انتظامی امور پر کوئی پیشرفت ہوئی ہے۔

انہوں نے بتایا کہ اس حادثے کے بعد بھی گھنٹہ گھر کے آٹھ بازاروں میں شارٹ سرکٹ اور بجلی کی&nbsp; تاروں کی ٹرپنگ کے باعث آتشزدگی کے متعدد واقعات ہو چکے ہیں۔

چنیوٹ بازار میں ہونے والی ایسی ہی آتشزدگی میں جانوروں کی ادویات کا کاروبار کرنے والے ماجد عمران کی دکان جل کر راکھ ہو گئی تھی۔

انہوں نے بتایا کہ &quot;میں رات کو اپنی دکان بند کرکے گیا تھا لیکن آدھی رات کے بعد مجھے مارکیٹ کے چوکیدار کا فون آ گیا کہ دکان میں آگ لگ گئی ہے&quot;۔

ماجد کا کہنا تھا کہ جب تک وہ دکان پر پہنچے، اندر رکھا سامان جل کر راکھ ہو چکا تھا۔

13 دسمبر 2022ء کو جڑانوالہ کے پاکستانی گیٹ سے متصل مارکیٹ میں بھی شارٹ سرکٹ کے باعث ہونے والی آتشزدگی سے درجنوں دکانیں، ریڑھیاں اور ٹھیلے جل کر راکھ ہو گئے تھے۔

<h2>&nbsp;&quot;کام ہوگا مگر معلوم نہیں کب؟&quot;</h2>

فیسکو کے ترجمان طاہر شیخ کہتے ہیں کہ گھنٹہ گھر اور اس سے منسلک بازاروں میں بجلی کے تاروں اور کھمبوں کے نظام میں بہتری لا کر شارٹ سرکٹ اور دیگر حادثات پر قابو پانے کے لیے پرائیویٹ کنسلٹنسی فرم کی خدمات حاصل کرنے کا فیصلہ کیا گیا ہے۔

ان کا کہنا ہے کہ &quot;کنسلٹنٹ فرم بجلی کی ترسیل کے موجودہ نظام، بجلی کے میٹروں اور تاروں کا جائزہ لے کر خطرے سے پاک سسٹم کی تجاویز دینے کے ساتھ تاروں اور ٹرانسفارز کی مناسب تنصیب کے لیے مکمل ڈیزائن فراہم کرے گی&quot;۔ 
انہوں نے بتایا کہ اس سلسلے میں کنسلٹنٹ فرم کے انتخاب کا عمل جاری ہے جس کے بعد عملی کام شروع ہو گا۔ تاہم انہوں نے اس کام کے آغاز اور اس کی تکمیل کے حوالے سے کوئی ٹائم فریم دینے سے معذوری ظاہر کی۔

حادثوں کا ہجوم: پاکستان ریلوے میں بد انتظامی اور نا اہلی نے ریل کے سفر کو کتنا غیر محفوظ کر دیا ہے۔

فیصل آباد کے بازاروں میں شعلہ اُگلتے 'اژدھے' اور انتظامیہ کی بانسری

text

حالیہ معاشی بحران اور بند ہوتے صنعتی ادارے

video

فیصل آباد کی معروف گارمنٹ فیکٹری میں بطور سٹیچنگ مشین آپریٹر ملازمت کرنے والی 22 سالہ نورین اسلم کی زندگی اب گھر کے ایک کمرے تک محدود ہو کر رہ گئی ہے۔&nbsp;

وہ نا صرف ملازمت سے محروم ہو چکی ہیں بلکہ اہل خانہ اور رشتہ داروں کا سامنا کرنے سے بھی کتراتی ہیں۔&nbsp;

انہیں اس صورتحال کا سامنا اس لئے کرنا پڑ رہا ہے کہ انہوں نے فیکٹری میں کام کے دوران اس کے ایڈمن مینیجر واجد علی کے خلاف جنسی ہرسانی کے الزام میں مقدمہ درج کروایا تھا۔&nbsp;

تھانہ سرگودھا روڈ میں 17 جولائی 2022 کو درج ہونے والے اس مقدمے کے اگلے ہی روز انہیں اپنی برادری کے &quot;معززین&quot; کے دباو پر مجسٹریٹ کی عدالت میں جا کر یہ بیان دینا پڑا کہ وہ ملزم کے خلاف قانونی کارروائی نہیں کرنا چاہتیں۔&nbsp;

فیصل آباد کے نواحی گاؤں کی رہائشی نورین نے ملازمت کا آغاز اپنی ایک سہیلی کے کہنے پر کیا تھا۔

&quot;میری سلائی اچھی تھی لیکن گاوں میں اتنا کام نہیں ملتا تھا، میری سہیلی نے بتایا کہ شہر کی ایک بڑی گارمنٹ فیکٹری میں مشین آپریٹر کی ملازمتیں آئی ہیں تم کرنا چاہو تو اچھی تنخواہ بھی ملے گی اور پک اینڈ ڈراپ کی سہولت بھی ہے۔&quot;

نورین کے مطابق انہوں نے اہل خانہ سے اصرار کر کے یہ ملازمت کرنے کی اجازت لی تھی کیونکہ ان کے دو چھوٹے بھائی ابھی زیر تعلیم ہیں اور وہ اپنے والد کا سہارا بننا چاہتی تھیں جو کہ گاؤں میں کھیت مزدور کے طور پر کام کرتے ہیں۔&nbsp;

&quot;فیکٹری میں کام کے آغاز میں کوئی مسئلہ نہیں ہوا لیکن پھر فیکٹری کے ایڈمن آفیسر واجد علی نے سٹیچنگ یونٹ میں چیکنگ کے دوران آتے جاتے اور مجھے کسی نہ کسی بات پر تنقید کا نشانہ بنانا شروع کر دیا&quot;۔

پہلے پہل اس نے میرے کام &nbsp;پر اعتراضات اٹھائے، پھر میرے گھر والوں سے متعلق باتیں کرنے لگا اور پھر اس نے &quot;میرے لباس اور شخصیت کے بارے میں فقرے بازی شروع کر دی&quot;۔

نورین کے مطابق جب انہوں نے اس بارے میں اپنی ساتھی لڑکیوں اور سپروائزر سے بات کی تو سب نے خاموش رہنے اور اس شخص کو نظر انداز کرکے کام پر توجہ دینے کا مشورہ دیا۔

مجھے کہا گیا کہ اگر میں ایشو بناوں گی تو فیکٹری کی انتظامیہ میرا ساتھ دینے کی بجائے نوکری &nbsp;سے برخاست کر کے جان چھڑا لے گی۔

کچھ عرصے بعد واجد علی نے نورین کے ساتھ رویہ تبدیل کر کے ایک ہمدرد ہونے کا تاثر دینا شروع کر دیا اور پھر ایک دن انہیں شادی کی پیشکش کر دی۔&nbsp;

بعدازاں ملزم نے نورین کو اپنے والدین سے ملانے کے بہانے گھر لے جا کر جنسی طور پر ہراساں کیا اور بلیک میل کرنا شروع کر دیا جس پر انہیں ملزم کے خلاف ایف آئی آر درج کروانا پڑی۔&nbsp;

اس وقت نورین کو اپنے ساتھ ہونے والے ایک ایسے جرم پر گھر والوں اور معاشرے کے امتیازی سلوک کا سامنا ہے جس کا ذمہ دار کوئی اور ہے۔&nbsp;

وہ کہتی ہیں کہ &quot;اب تو مجھے بھی یہی محسوس ہوتا ہے کہ غلطی میری ہی ہے کیونکہ اپنے ساتھ ہونے والی زیادتی اور ہراسانی پر آواز اٹھانے سے نوکری بھی گئی اور عزت بھی&quot;۔

اسی طرح کا ایک واقعہ دسمبر 2020 میں پیش آیا تھا جس میں ایک &nbsp;مقامی ہوزری فیکٹری کے سپروائزر محمد سلیم پر 14 سالہ ہوزری ورکر ایلس نے جنسی ہراسانی کی کوشش کا الزام لگا یا تھا۔&nbsp;

ورکنگ ویمن الائنس کی عہدیدار پروین لطیف نے سجاگ کو بتایا کہ اس واقعے کے مرتکب &nbsp;شخص کے خلاف قانونی کاروائی کروانے کے لیے ان کی تنظیم نے کافی کوشش کی تھی لیکن پولیس اور متاثرہ لڑکی کے اہل خانہ کے عدم تعاون کی وجہ سے ملزم کے خلاف ایف آئی آر ہی درج نہ ہو سکی۔&nbsp;

&quot;واقعے کے بعد لڑکی کے گھر والوں نے بچی کو کام سے ہٹا لیا۔ان کا ہم سے بھی یہی مطالبہ تھا کہ ہم ان کی عزت کی خاطر چپ ہو جائیں۔ اس طرح کے بیشتر واقعات میں لڑکیوں کے گھر والے اس لئے بھی سمجھوتہ کر لیتے ہیں کہ ان کے پاس تھانے ، کچہری کے چکر لگانے کے وسائل نہیں ہوتے&quot;۔&nbsp;

پروین لطیف کے مطابق ٹیکسٹائل انڈسٹری میں خواتین ورکرز کو درپیش ہراسانی کے مسائل سے نمٹنے کے لیے حکومت بھی خاطر خواہ توجہ نہیں دے رہی ہے۔&nbsp;

مگر بعض اوقات بات جنسی ہراس سے آگے بڑھ جاتی ہے۔

بیس دسمبر 2022 کوفیصل آباد کے صنعتی مرکز کھرڑیانوالہ کی کاٹن ملز میں ٹھیکیدار شہباز نے 500 روپے یومیہ اجرت پر کام کرنے والی دو کم عمر لڑکیوں 13 سالہ عائشہ اور اس کی رشتہ دار 12 سالہ ناہید کو زنا بالجبر کا نشانہ بنایا اور فرار ہو گیا۔

تھانہ بلوچنی میں درج مقدمے کی تفتیشی افسر اے ایس ائی سفینہ ممتاز کے مطابق متاثرہ لڑکیوں کا میڈیکل کروا لیا گیا ہے اور ملزم کی گرفتاری کے لیے کوششیں جاری ہیں۔&nbsp;

انہوں نے یہ بھی بتایا کہ اس طرح کے مقدمات میں زیادہ تر فریقین کے مابین پیسوں کے عوض &quot;صلح&quot; ہو جاتی ہے اور بہت کم ایسے واقعات ہیں جہاں ملزموں کو قانونی کارروائی کا سامنا کرنا پڑا ہو۔

سفینہ ممتاز بتاتی ہیں کہ یہ غریب لوگ ہوتے ہیں ان کے پاس اتنے وسائل نہیں ہوتے کہ ملزم کو سزا دلوانے کے لیے تھانے، کچہریوں کے چکر لگا سکیں اور پھر معاشرہ بھی زیادہ تر ملزم کا ہی ساتھ دیتا ہے۔

<h2>ہراسانی سے تحفظ کا قانون</h2>

پاکستان میں کام کی جگہوں پر خواتین کو ہراسانی کے خلاف تحفظ فراہم کرنے کے لیے پہلا قانون 2010 میں منظور کیا گیا تھا۔

قانون کے مطابق:

خوف و ہراس کے ذریعے کسی طرح کی ناپسندیدہ جنسی پیش قدمی کرنا، جنسی تعلق کی استدعا یا دیگر زبانی یا تحریری روابط یا جنسی نوعت کا جسمانی طرز عمل یا جنسی تذلیل جو کام کی انجام دہی میں رکاوٹ کا سبب بننے یا خوف وہراس یا جارحانہ یا مخالفانہ ماحول کا باعث بنے، یا مذکورہ مدعا پورا نہ کرنے پر مستغیث کو سزا دینے کے لیے شرط رکھنا ہراسانی کی ذیل میں آتا ہے۔

تاہم قانونی ماہرین کے مطابق اس قانون میں کچھ سقم موجود تھے اور کام کی جگہ، ہراسانی، ملازم، ملازمت کی قانونی تعریف مبہم اور محدود تھی۔ 
ہراسانی کی تعریف میں صرف جنسی ہراسانی کو شامل کیا گیا تھا۔

نئے قانون (Protection Against Harassment of Women at the Workplace (Amendment) Act, 2022) کا دائرہ کار وسیع ہے اور اس میں ملازمت کے نئے پیشوں، غیر روایتی شعبوں میں کام کرنے والے افراد اور گھریلو ملازمین کو بھی تحفظ مل سکے گا۔

نئے قانون میں &#39;ملازم&#39; کی قانونی تعریف میں فری لانسر، فنکار، پرفارمر، کھلاڑی، طلبا، آن لائن کام کرنے والے افراد، گھریلو ملازمین، انٹرن، یومیہ، ہفتہ وار یا ماہانہ اجرت پر کام کرنے والے کانٹریکٹ یا بغیر کانٹریکٹ کے کام کرنے والے افراد کے ساتھ ساتھ ایسے افراد کو بھی شامل کیا گیا ہے جو کسی کے پاس بغیر اجرت کے بھی کام کرتے ہیں۔

نئے قانون میں ان افراد کو بھی شامل کیا گیا ہے جو کسی بھی ادارے یا شخص کے سابق ملازم تھے اور کسی بھی وجہ کے باعث نوکری چھوڑ چکے ہیں وہ بھی اب اپنی سابقہ جگہِ ملازمت کے خلاف ہراسانی کی درخواست دے سکیں گے۔

&quot;ہراسانی&quot; کی قانونی تعریف میں بھی وسعت لائی گئی ہے۔ پہلے قانون میں ہراسانی سے مراد صرف جنسی ہراسانی تھا جبکہ نئے قانون میں جنسی ہراسانی کے ساتھ ساتھ کوئی بھی ایسا اشارہ، عمل یا فقرہ جو کام کی جگہ پر کسی کے لیے باعث ہتک یا زحمت بنے، ذومعنی الفاظ یا فقرے، کسی کو گھورنا یا سائبر سٹاکنگ یعنی انٹرنیٹ کے ذریعے کسی کی نگرانی کرنا بھی اب ہراسانی کے زمرے میں آئے گا۔

کام کی جگہوں پر خواتین کے خلاف ہراسانی کے تحفظ کے نئے قانون میں خواتین کے ساتھ مردوں، بچوں اور خواجہ سراؤں کو بھی شامل کیا گیا ہے۔

جنسی ہراس کی شکایت کے خلاف ہر ادارے میں ایک انکوائری کمیٹی تشکیل دینا لازم ہے جس کی کم سے کم ایک ممبر خاتون ہوگی۔ کمیٹی کو شکایت ملنے کے 30 روز کے اندر انکوائری شروع کرنا ہوگی۔ &nbsp;

پروین ممتاز نے بتایا بہت کم فیکٹریاں ہیں جہاں پر انسداد ہراسمنٹ کمیٹیاں موجود ہیں۔&nbsp;

جن فیکٹریوں میں ایسی کمیٹیاں بنی ہوئی ہیں وہاں پر خواتین ورکرز کو اس بارے میں آگاہی نہیں ہے اور نہ ہی انہیں اس قانون کے بارے میں بتایا جاتا ہے کہ وہ ہراسانی کے خلاف کارروائی کے لئے کس فورم سے رجوع کریں۔

<h2>قانون جوتی کی نوک پر&nbsp;</h2>

فیصل آباد میں مزدوروں کے حقوق کے لیے کام کرنے والی تنظیم لیبر قومی موومنٹ کے سیکرٹری جنرل اسلم معراج نے سجاگ سے گفتگو کرتے ہوئے کہا کہ ان کی تنظیم کو ٹیکسٹائل ملز میں کام کرنے والی خواتین ورکرز کی طرف سے ہراسانی کی شکایات موصول ہوتی رہتی ہیں جس پر وہ انہیں فیکٹری انتظامیہ سے رابطہ کر کے حل کروانے کی کوشش کرتے ہیں۔&nbsp;

انہوں نے بتایا کہ فیصل آباد میں درجنوں ٹیکسٹائل ملز میں سیکڑوں کی تعداد میں خواتین کام کرتی ہیں لیکن ان میں سے صرف 27 ایسے ادارے ہیں جہاں ہراسمنٹ کمیٹیاں بنی ہوئی ہیں لیکن &nbsp;وہ ان کی کارکردگی سے بھی لاعلم ہیں۔&nbsp;

کھرڑیانوالہ کا علاقہ فیصل آباد میں ٹیکسٹائل انڈسٹری کا ایک بڑا مرکز ہےجہاں پاکستان کے بڑے ٹیکسٹائل ایکسپورٹرز کے پروڈکشن یونٹس میں ہزاروں خواتین ورکر کام کرتی ہیں۔&nbsp;

فیصل آباد کی جی سی یونیورسٹی اور زرعی یونیورسٹی کی طرف سے 2018 میں کھرڑیانوالہ کی 30 بڑی ٹیکسٹائل ملز میں کام کرنے والی خواتین ورکروں سے کئے گئے ایک سروے کے دوران 15.7فیصد نے سپروائزرز کی جانب سے جنسی ہراسانی جبکہ 40 فیصد نے غلط زبان کے استعمال کی شکایت کی تھی۔

لیبر ڈیپارٹمنٹ فیصل آباد کے اسسٹنٹ ڈائریکٹر رائے یاسین سرفراز کھرل نے سجاگ کو بتایا کہ لیبر ڈیپارٹمنٹ کے قوانین میں ہراسانی کا شکار ٹیکسٹائل ورکرز کی شکایات کے ازالے کا کوئی نظام موجود نہیں ہے۔

متاثرہ خواتین کی قانونی امداد کا واحد فورم پولیس کا محکمہ ہے اور پولیس بھی ان خواتین کے کیسز پر قانونی کارروائی کرتی ہے جو باقاعدہ درخواست دے کر ملزم کےخلاف ایف آئی آر کا اندراج کرواتی ہیں&quot;۔

<h2>جنسی ہراس کی شکایات میں اضافہ&nbsp;</h2>

اینٹی ویمن ہراسمنٹ اینڈ وائیلنس سیل فیصل آباد کی انچارج سب انسپکٹر ثنا نذیر گلناز کے مطابق فیصل آباد میں رواں سال ہراسانی کے واقعات کی پانچ سو سے زائد شکایات درج کروائی گئی تھیں تاہم ان میں سے کام کے مقام پر ہراسانی سے متعلق شکایات کی تعداد ایک درجن سے بھی کم ہے۔

&quot;زیادہ تر شکایات گھریلو تشدد سے متعلق تھیں جبکہ یونیورسٹی طالبات کی جانب سے بھی ہراسانی کی شکایات میں اضافہ ہوا ہے۔ہراسانی اور ڈومیسٹک وائلینس کے زیادہ تر واقعات میں ابتدائی طور پر ہی صلح ہو جاتی ہے اور اگر مقدمہ درج ہو بھی جائے تو پہلی پیشی پر ملزم کی ضمانت ہو جاتی ہے&quot;۔

ان کا کہنا تھا کہ فیکٹریوں میں کام کرنے والی زیادہ تر خواتین کو اس قانون کے بارے میں آگاہی نہیں ہے اور اگر کوئی خاتون کسی بڑے جرم یعنی زیادتی وغیرہ کی ایف آئی آر درج کروانے پولیس سٹیشن پہنچ بھی جائے تو وہاں ایف آئی آر کا اندراج کرتے وقت صرف زیادتی یا زیادتی کی کوشش کے الزام کے تحت مقدمہ درج کیا جاتا ہے۔

وفاقی محتسب برائے انسداد ہراسانی &nbsp;کی طرف سے جاری کی گئی ایک رپورٹ کے مطابق کام کی جگہ پر خواتین سے ہراسانی کے واقعات میں تشویشناک حد تک اضافہ ہوا ہے۔&nbsp;

اس رپورٹ کے مطابق وفاقی محتسب کے سیکرٹریٹ کو 18-2013 کے دوران ہراسانی کے واقعات سے متعلق مجموعی طور پر 398 شکایات موصول ہوئیں جبکہ 22-2018 کے دوران اس نوعیت کی شکایات کی تعداد بڑھ کر پانچ ہزار آٹھ تک پہنچ گئی ہے۔

ان میں سے ایک ہزار 689 شکایات سرکاری شعبے جبکہ تین ہزار 319 شکایات نجی اداروں سے متعلق تھیں۔ ہراسانی کی شکایت کرنے والوں میں تین ہزار 601 خواتین اور ایک ہزار 407 مرد شامل تھے۔&nbsp;

فیصل آباد میں قائم شہید بینظربھٹو ہیومن رائٹس سنٹر فار ویمن کی مینیجر کنول شہزادی نے سجاگ کو بتایا کہ اس طرح کے کیسز میں ان کا ادارہ متاثرہ خواتین کو قانونی مدد فراہم کرتا ہے۔

&quot;زیادہ تر واقعات میں متاثرہ خواتین سماجی دباؤ کے باعث معاملہ عدالت تک جانے سے پہلے ہی اپنی درخواست واپس لے لیتی ہیں جس کے بعد ہمارے پاس ملزم کے خلاف مزید کارروائی کرنے کا جواز نہیں بچتا&quot;۔

ان کا کہنا تھا کہ قوانین میں بہتری آئی ہے مگر کوئی بھی متاثرہ خواتین کے ساتھ کھڑا ہونے کے لیے تیار نہیں جس کی وجہ سے وہ خاموش رہنے یا ملازمت چھوڑ دینے کو بہتر سمجھتی ہیں۔

'امداد نہ آئی تو اپنے زور بازو پر زندگی بحال کرنے کی ٹھان لی': جعفر آباد میں سیلاب سے متاثرہ کسان کے عزم کی داستان

'ہراس کے خلاف آواز اٹھائی تو نوکری سے نکال دیا گیا' فیصل آباد میں خواتین ٹیکسٹائل ورکر جنسی بدسلوکی کے سامنے بے بس

محمد داؤد کی عمر محض 18 سال ہے اور انہیں فیصل آباد میں کپڑے کی ایک مِل کے تکنیکی شعبے میں بطور فِٹر کام کرتے ابھی ایک سال ہی ہوا ہے لیکن انہیں کئی دوسری ملیں اچھے معاوضے پر ملازمت کی پیشکش کر رہی ہیں۔&nbsp;

ان کے خیال میں اس کی وجہ یہ ہے کہ انہوں نے ایک سرکاری ادارے سے اپنے کام کی باقاعدہ تربیت لی ہے جس سے انہیں اس کی تمام تکنیکی باریکیوں پر عبور حاصل ہو گیا ہے۔ اب وہ نوکری کرنے کے ساتھ ساتھ مزید تعلیم حاصل کر رہے ہیں تاکہ مستقبل میں وہ اور بھی اچھی ملازمت حاصل کر سکیں۔ ساتھ ہی وہ اپنے تین چھوٹے بھائیوں کو بھی تکنیکی تعلیم دلوانے کا ارادہ رکھتے ہیں کیونکہ ان کے خیال میں اس طرح انہیں بھی آسانی سے اچھا روزگار مل جائے گا۔

وہ فیصل آباد کے نواحی گاؤں چک نمبر سات میں رہتے ہیں اور کہتے ہیں کہ فروری 2020 میں کورونا وائرس کی وبا پھیلنے کے بعد ان کا سکول بند ہوا تو وہ آٹھویں جماعت میں زیرتعلیم تھے۔ اس وقت ان کے والد اپنے گھر کے ساتھ ملحق کریانے کی ایک چھوٹی سی دکان چلاتے تھے جس سے اتنی آمدن نہیں ہوتی تھی کہ وہ گھریلو خرچے آسانی سے اٹھا سکتے۔ اس لیے محمد داؤد پر دباؤ تھا کہ وہ وبا کے دوران فارغ رہنے کے بجائے کوئی کام کریں اور کچھ کما کر لائیں۔

اس دوران ان کے ایک دوست نے انہیں مشورہ دیا کہ وہ پیشہ وارانہ تربیت دینے والے کسی سرکاری ادارے میں داخل ہو کر کوئی ہنر سیکھ لیں تاکہ انہیں جسمانی مشقت والی محنت مزدوری کے بجائے کچھ بہتر کام مل سکے۔ لہٰذا انہوں&nbsp; نے فیصل آباد کے سرگودھا روڈ پر واقع پنجاب ووکیشنل ٹریننگ انسٹی ٹیوٹ میں فِٹر کے ایک سالہ کورس میں داخلہ لے لیا۔ یہ کورس مکمل کرنے کے بعد انہوں نے ایک استاد کی وساطت سے ایک کارخانے میں دو ماہ عملی تربیت بھی لے لی۔ وہ کہتے ہیں کہ یہ تربیت ختم ہوتے ہی انہیں ان کی موجودہ ملازمت مل گئی۔&nbsp;

فیصل آباد ہی میں واقع پیپلز کالونی کے علاقے کی کچی آبادی ڈوگر بستی میں رہنے والی 25 سالہ روبینہ علی نے بھی پیشہ وارانہ تربیت دینے والے ایک سرکاری ادارے سے سلائی کڑھائی سیکھی ہے۔ اب وہ گھر بیٹھے خواتین کے ملبوسات بیچنے والی بڑی بڑی دکانوں اور نامی گرامی ڈیزائنروں کے لئے کپڑے تیار کرتی ہیں اور ماہانہ 40 ہزار روپے تک کما لیتی ہیں۔

ان کا کہنا ہے کہ ان کے والد یومیہ اجرت پر مزدوری کرتے ہیں اس لیے ان کے معاشی حالات ایسے نہیں تھے کہ وہ میٹرک کے بعد اپنی تعلیم جاری رکھ سکتیں۔ لیکن، ان کے بقول، کپڑے سینے کا کام سیکھنے کے بعد انہیں روزگار کی کوئی فکر نہیں رہی۔&nbsp;

<h2>وسائل بمقابلہ مسائل</h2>

پنجاب ووکیشنل ٹریننگ کونسل 1998 میں قائم کیا گیا ایک سرکاری ادارہ ہے۔ اس کا بنیادی مقصد زکوٰۃ اور نجی شعبے کی مالی امداد سے پنجاب میں ایسے نوجوانوں کو مفت فنی تربیت فراہم کرنا ہے جو اپنے معاشی حالات کی وجہ سے اپنی تعلیم جاری نہیں رکھ سکتے۔ یہ کونسل پنجاب بھر میں قائم دو سو آٹھ ووکیشنل ٹریننگ انسٹی ٹیوٹ چلاتی ہے جن میں ایسے نوجوان لڑکے لڑکیوں کو داخلہ دیا جاتا ہے جو&nbsp;زکوٰۃ کے مستحق ہوں۔ &nbsp;

اس کے بورڈ آف گورنرز کے رکن ساجد نصیر کے مطابق 17-2016 سے لے کر پنجاب حکومت ہر سال اسے تقریباً پانچ ارب روپے دے رہی تھی تاکہ یہ اپنے ساتھ ملحق تمام انسٹی ٹیوٹ اچھی طرح چلا سکے۔ لیکن وہ کہتے ہیں کہ 22-2021 میں پاکستان تحریک انصاف کی صوبائی حکومت نے اسے دی جانے والی سالانہ رقم صرف 80 کروڑ روپے کر دی۔

ان کا دعویٰ ہے کہ اس رقم میں سے بھی بعد میں 25 فیصد سے زیادہ کٹوتی کر لی گئی جس کی وجہ سے &quot;ہر سال دو لاکھ افراد کو تربیت دینے کی استعداد رکھنے والی کونسل اب ایک سال میں صرف 60 ہزار افراد کو مختلف ہنر سکھا سکتی ہے&quot;۔

ان کے مطابق پنجاب حکومت نے موجودہ مالی سال (23-2022) میں بھی اس کے لیے صرف ایک ارب 10 کروڑ روپے کی رقم مختص کی ہے جو اس کی سابقہ استعداد بحال کرنے کے لیے کافی نہیں۔ نتیجتاً ہزاروں مستحق لڑکے لڑکیاں اس سال فنی تربیت نہیں لے پائیں گے۔

فیصل آباد ڈویژن میں متعین پنجاب ووکیشنل ٹریننگ کونسل کے ایریا مینجر ناصر عباس مہار اس کٹوتی کے اثرات کی وضاحت کرتے ہوئے کہتے ہیں کہ 2018 میں ضلع فیصل آباد کے سات ووکیشنل ٹریننگ انسٹی ٹیوٹ ایک ہزار آٹھ سو طلبا کو 60 شعبوں میں تربیت دینے کی استعداد رکھتے تھے لیکن اب وہ صرف 38 شعبوں میں تربیت دے رہے ہیں اور ان میں زیرِتربیت نوجوانوں کی تعداد چھ سو نو رہ گئی ہے۔&nbsp;

فیصل آباد ڈویژن میں شامل باقی تین اضلاع میں بھی یہی حالات ہیں۔

&nbsp;مثال کے طور پر ضلع جھنگ کے تین ووکیشنل ٹریننگ انسٹی ٹیوٹ 2018 کی طرح 26 شعبوں میں تربیت دینے کے بجائے اب صرف 16 شعبوں میں تربیت فراہم کر رہے ہیں جبکہ انہوں نے اپنے طلبا کی تعداد بھی سات سو 80 سے کم کر کے دو سو 87 کر دی ہے۔ اس طرح ضلع ٹوبہ ٹیک سنگھ کے تین ووکیشنل ٹریننگ انسٹی ٹیوٹ اب 28 کے بجائے 14 شعبوں میں تربیت دے رہے ہیں جبکہ ان میں تربیت لینے والے طلبا کی تعداد آٹھ سو 20 سے کم ہو کر دو سو 30 پر آ گئی ہے۔ چنیوٹ کے واحد ووکیشنل ٹریننگ انسٹی ٹیوٹ میں بھی شعبوں کی تعداد 10 سے کم ہو کر پانچ رہ گئی ہے جبکہ اس میں داخل کیے جانے والے طلبا کی تعداد تین سو سے گھٹ کر صرف 80 ہو گئی ہے۔ &nbsp;

لیکن جہاں ایک طرف حکومت ان تربیتی اداروں کے لیے مختص رقم میں کمی کرتی جا رہی ہے وہاں دوسری طرف، ناصر عباس مہار کے مطابق، ان میں داخلے کے خواہش مند نوجوانوں کی تعداد میں اضافہ ہوتا جا رہا ہے۔ ان کا کہنا ہے کہ اس سال ضلع فیصل آباد میں دو ہزار دو سو 97 امیدواروں نے مختلف شعبوں میں فنی تعلیم حاصل کرنے کے لیے درخواستیں دی تھیں لیکن مقامی ووکیشنل ٹریننگ انسٹی ٹیوٹ ان میں سے صرف 25 فیصد کو ہی داخلہ دے سکے۔&nbsp;

تاہم ان کا کہنا ہے کہ پنجاب ووکیشنل ٹریننگ کونسل نے اپنے مالی وسائل میں اضافہ کرنے لیے ایک نئی سکیم متعارف کرائی ہے جس کے تحت اگر ایک امیدوار کو کسی سرکاری انسٹی ٹیوٹ میں مفت تربیت کے لیے داخلہ نہیں ملتا تو وہ پانچ ہزار پانچ سو روپے ماہانہ فیس ادا کر کے اس میں تربیت لے سکتا ہے۔ اس کے علاوہ، ان کے مطابق، کونسل مختلف صنعتی تنظیموں اور کاروباری انجمنوں سے بھی پیسے اکٹھے کرنے کی کوشش کر رہی ہے تاکہ زیادہ سے زیادہ نوجوانوں کو مفت تربیت دی جا سکے۔&nbsp;

<h2>پاکستان: غیر ہنرمند افراد کا ملک</h2>

پاکستان لیبر فورس سروے 21-2020 کے مطابق اس وقت ملک میں 15 کروڑ 98 لاکھ 30 ہزار افراد کام کرنے کی عمر میں ہیں۔ ان میں سے آٹھ کروڑ 92 لاکھ مرد ہیں اور تقریباً سات کروڑ 89 لاکھ خواتین ہیں۔ تاہم کام کاج کے قابل اس آبادی میں سے دو کروڑ 60 لاکھ مرد اور چھ کروڑ 20 لاکھ خواتین بے روزگار ہیں۔&nbsp;

ورلڈ اکنامک فورم کی 2017 میں جاری کردہ ایک رپورٹ کے مطابق ان بے روزگار لوگوں میں سے اکثر کے پاس کوئی ہنر کوئی فن نہیں۔ اس رپورٹ کا کہنا ہے کہ دراصل پاکستان میں ہنر مند افراد کی تعداد اتنی کم ہے کہ اس حوالے سے بنائی گئی ایک سو 30 ممالک کی ایک فہرست میں اس کا نمبر ایک سو 25 ہے۔ اس فہرست میں شامل جنوبی ایشیا کے دوسرے ممالک بھی پاکستان سے کہیں بہتر ہیں۔ ان میں سے سری لنکا کا نمبر 70، نیپال کا 98، انڈیا کا 103 اور بنگلہ دیش کا ایک سو 11 ہے۔&nbsp;

فیصل آباد چیمبر آف کامرس کے سابق صدر انجینئر رضوان اشرف بھی یہی کہتے ہیں۔ ان کے مطابق &quot;پاکستان میں صرف پانچ فی صد بے روزگار نوجوان ایسے ہیں جو فنی تربیت حاصل کرتے ہیں جبکہ ترقی یافتہ ممالک میں کسی نہ کسی طرح کی تربیت حاصل کرنے والے بے روزگار نوجوانوں کی شرح 66 فی صد تک ہوتی ہے&quot;۔ وہ سمجھتے ہی کہ &quot;اگر ہمیں اس شرح میں اضافہ کرنا ہے تو ہمیں فنی تعلیم فراہم کرنے والے اداروں کی تعداد اور ان کے لیے مختص رقم دونوں میں اضافہ کرنا ہو گا&quot;۔

پنجاب میں فنی تربیت کے لیے مختص کی گئی رقم میں کمی: 'ہزاروں مستحق طلبا اس سال تربیتی اداروں میں داخلہ نہیں لے پائیں گے'۔

ایک نِجی تعمیراتی کمپنی کے ملازم عبدالمنان چند ہفتے پہلے کسی کام کے سلسلے میں فیصل آباد کے ریل بازار میں گئے تو انہیں اپنی کار ایک ایسے پارکنگ سٹینڈ میں کھڑی کرنا پڑی جو ضلع کچہری سے تقریباً پانچ سو میٹر دور ہے۔ لیکن جب انہوں نے وہاں متعین ملازم سے پارکنگ کی رسید طلب کی تو انہیں جواب ملا کہ &quot;آپ کو اس کی ضرورت نہیں۔ آپ کی گاڑی یہاں محفوظ رہے گی&quot;۔&nbsp;

اپنا کام مکمل کرنے کے بعد جب وہ واپس آئے تو اُس ملازم نے ان سے سو روپے طلب کیے۔ انہوں نے پہلے تو احتجاج کیا کہ کہ یہ رقم بہت زیادہ ہے تاہم بعد میں وہ اس شرط پر پیسے دینے پر رضامند ہو گئے کہ انہیں اُن کی وصولی کی باقاعدہ رسید دی جائے۔ دوسری طرف پارکنگ سٹینڈ کے ملازم کا کہنا تھا کہ وہ رقم تو ضرور وصول کرے گا لیکن رسید کبھی جاری نہیں کرے گا۔

جب عبدالمنان نے رسید کے بغیر ادائیگی کرنے سے انکار کیا تو اس نے ان کی کار کے پیچھے ایک اور کار کھڑی کر کے ان کا راستہ بند کر دیا۔ اس رویے سے تنگ آ کر انہوں نے مقامی اسسٹنٹ کمشنر کے دفتر میں فون کیا تاکہ اس کے خلاف شکایت درج کرا سکیں۔ جواباً انہیں کہا گیا کہ وہ 2015 میں بنائے گئے سرکاری ادارے، فیصل آباد پارکنگ کمپنی، سے رابطہ کریں جس کا عملہ مقامی ڈپٹی کمشنر کے دفتر میں بیٹھتا ہے۔

اس عملے نے انہیں فون پر بتایا کہ کہ وہ 40 روپے سے زیادہ پیسے ادا نہ کریں کیونکہ سارے شہر میں ایک کار کی پارکنگ فیس یہی مقرر کی گئی ہے۔ اس کے باوجود بھی ملازم کا اصرار تھا کہ انہیں سو روپے ہی دینا ہوں گے کیونکہ، اس کے مطابق، &quot;اس پارکنگ سٹینڈ کا انتظام فیصل آباد پارکنگ کمپنی کے پاس نہیں بلکہ (مقامی وکیلوں کی انجمن) فیصل آباد ڈسٹرکٹ بار ایسوسی ایشن کے پاس ہے اس لیے اس کے ریٹ باقی شہر سے مختلف ہیں&quot;۔ &nbsp; &nbsp;

اس کا اصرار اس قدر بڑھا کہ عبدالمنان بالآخر مقامی پولیس سے رجوع کرنے پر مجبور ہو گئے جس نے اپنے اہل کار بھیج کر انہیں پارکنگ سٹینڈ سے کار نکالنے میں مدد دی۔ &nbsp;

حماد احمد نامی ایک مقامی صحافی نے بھی 2020 میں ایک درخواست کے ذریعے وزیرِاعظم کے سٹیزنز پورٹل کو اس پارکنگ سٹینڈ کے بارے میں آگاہ کیا تھا۔ ان کا کہنا تھا کہ اس کا عملہ &quot;ہمیشہ یہی کہتا ہے کہ بار ایسوسی ایشن یہاں سے وصول کی جانے والی فیس &nbsp;کے حوالے سے ضلعی انتظامیہ کو جوابدہ نہیں&quot;۔

ان کی شکایت کا بنیادی نکتہ یہ تھا کہ بار ایسوسی ایشن کو پارکنگ سٹینڈ چلانے کا کوئی اختیار نہیں لہٰذا حکومت کو چاہیے کہ وہ اسے پارکنگ فیس کی وصولی سے روکے۔ لیکن دو سال گزرنے کے بعد اور کئی سرکاری دفتروں میں گردش کرنے کے باوجود ابھی تک ان کی درخواست پر کوئی عمل درآمد نہیں ہوا۔

ان کے مطابق سٹیزنز پورٹل نے ان کی شکایت ڈپٹی کمشنر فیصل آباد کو بھیجی جس نے اسے فیصل آباد پارکنگ کمپنی کو بھیج دیا۔ تاہم اس کمپنی کے اس وقت کے مینیجنگ ڈائریکٹر عامر ذیشان کا کہنا تھا کہ وہ اس پارکنگ سٹینڈ کے خلاف کوئی عملی اقدام نہیں اٹھا سکتے کیونکہ، ان کے مطابق، ایسا کرنا میونسپل کارپوریشن فیصل آباد اور مقامی اسسٹنٹ کمشنر کی ذمہ داری ہے۔&nbsp;

دوسری طرف میونسپل کارپوریشن فیصل آباد کے چیف آفیسر چوہدری زبیر حسین کا اب بھی اصرار ہے کہ یہ اُن کے ادارے کا کام نہیں۔ وہ کہتے ہیں کہ یہ اختیار فیصل آباد پارکنگ کمپنی کے پاس ہی ہے کیونکہ، ان کے بقول، اس کے بنانے کا مقصد ہی یہ تھا کہ وہ &quot;شہر میں بنے ہوئے تمام پارکنگ سٹینڈ چلائے اور اگر کہیں کوئی غیر قانونی پارکنگ سٹینڈ بن جائے تو اسے ختم کرے&quot;۔&nbsp;

اسی طرح اگرچہ اسسٹنٹ کمشنر سٹی صاحبزادہ محمد یوسف مانتے ہیں کہ ضلع کچہری کے ارد گرد بنایا گیا پارکنگ سٹینڈ غیر قانونی ہے لیکن وہ اسے ختم کرنے کی ہامی نہیں بھرتے کیونکہ، ان کے مطابق، انہیں اس کے خلاف &quot;کارروائی کرنے کے لیے اپنے سینئر افسروں کے احکامات کی ضرورت ہے&quot;۔

حماد احمد نے اپنی درخواست میں مقامی ٹریفک پولیس کو بھی فریق بنایا گیا تھا جس نے اپنے جواب میں محض پارکنگ سٹینڈ کی موجودگی کی تصدیق کرنے پر ہی اکتفا کیا۔ فیصل آباد کے چیف ٹریفک آفیسر تنویر احمد ملک درحقیقت اس معاملے میں خود کو بالکل بے بس محسوس کرتے ہیں حالانکہ وہ تسلیم کرتے ہیں کہ شہر کی سڑکوں پر موجود تجاوزات یا غیر قانونی پارکنگ سٹینڈ ختم کرنا ان کے دائرہِ اختیار میں شامل ہے۔ ان کا کہنا ہے کہ &quot;جب تک ضلعی انتظامیہ اس پارکنگ سٹینڈ کو غیر قانونی قرار نہیں دیتی اس وقت تک ہم اس معاملے میں کچھ نہیں کر سکتے&quot;۔

حیرت کی بات یہ ہے کہ اس طرح کے غیر تسلی بخش جوابات وصول کرنے کے باوجود سٹیزنز پورٹل پر لکھ دیا گیا کہ حماد احمد کا مسئلہ حل ہو گیا ہے۔ اس لیے جب انہوں نے اس پورٹل کو دوبارہ پارکنگ سٹینڈ کے خلاف درخواست بھیجی تو انہیں ڈپٹی کمشنر کے دفتر سے فون کر کے کہا گیا کہ &quot;آپ غیر قانونی مواد پر مشتمل شکایات بھیجنے سے گریز کریں ورنہ سٹیزنز پورٹل پر آپ کی رجسٹریشن معطل کر دی جائے گی&quot;۔

<h2>وکلا راج؟</h2>

ڈسٹرکٹ بار ایسوسی ایشن نے رواں سال جنوری میں پارکنگ سٹینڈ سے فیس کی وصولی کا ٹھیکہ دینے کے لیے اخبار میں اشتہار دیا۔ اس اشتہار کی اشاعت کے بعد فیصل آباد پارکنگ کمپنی کے بورڈ آف ڈائریکٹرز کے رکن رانا فیاض احمد نے ضلعی انتظامیہ کو کہا کہ اس نیلامی کو روکا جائے کیونکہ یہ غیر قانونی ہے۔ ان کا موقف تھا کہ قانون صرف ان کی کمپنی کو ایسا ٹھیکہ دینے کی اجازت دیتا ہے۔&nbsp;

لیکن، ان کے مطابق، انتظامیہ نے ان کی بات پر کوئی توجہ نہ دی۔&nbsp;

ان کا کہنا ہے کہ &quot;فیصل آباد پارکنگ کمپنی کو اس غیرقانونی ٹھیکے کے خلاف بہت سی عوامی شکایات بھی موصول ہوئیں&quot;۔ اس لیے نیلامی کا عمل مکمل ہونے کے بعد انہوں نے یہ معاملہ اپنی کمپنی کے اجلاس میں بھی اٹھایا تاہم وہ کہتے ہیں کہ &quot;بورڈ کے باقی ارکان اس پر خاموش رہے&quot;۔

ان کے بقول اس خاموشی کی وجہ وکلا کا خوف ہے جس کے باعث &quot;کوئی سرکاری محکمہ اس غیرقانونی پارکنگ سٹینڈ کے خلاف کارروائی کرنے کے لیے تیار نہیں&quot;۔

اپنا نام ظاہر نہ کرنے کی شرط پر ایک سینئر مقامی وکیل بھی کہتے ہیں کہ پارکنگ سٹینڈ کی موجودگی نہ صرف شہر کا انتظام چلانے کے لیے بنائے گئے قوانین کی خلاف ورزی ہے بلکہ یہ لیگل پریکٹیشنرز اینڈ بار کونسلز ایکٹ 1973 کے تحت بھی خلافِ قانون ہے۔ ان کا کہنا ہے کہ اس ایکٹ کے تحت بار ایسوسی ایشن اپنے ارکان سے رکنیت فیس لینے اور وکلا کی بہبود کے لیے عطیات وصول کرنے کے علاوہ کوئی کاروباری سرگرمی نہیں کر سکتی۔ ان کے مطابق &quot;یہ قانون بار ایسوسی ایشن کو پارکنگ سٹینڈ کا ٹھیکہ دینے یا اس کا انتظام چلانے کی ہرگز اجازت نہیں دیتا بلکہ اس کے مطابق تو اسے اپنی کینٹین کا ٹھیکہ دینے کا بھی اختیار نہیں&quot;۔&nbsp;

ڈسٹرکٹ بار ایسوسی ایشن فیصل آباد کے دفتر میں کام کرنے والے سپرنٹنڈنٹ محمد شاہد تسلیم کرتے ہیں کہ ان کے ادارے کے پاس پارکنگ سٹینڈ کا انتظام چلانے کے لیے کوئی سرکاری اجازت نامہ موجود نہیں۔ تاہم ان کا کہنا ہے کہ &quot;2019 میں ایسوسی ایشن کے اس وقت کے سیکرٹری روہیل ظفر کینتھ نے اس وقت کے ڈپٹی کمشنر سلمان غنی کو زبانی درخواست کی تھی کہ اس پارکنگ سٹینڈ سے حاصل ہونے والی رقم ایسوسی ایشن کو دی جائے تاکہ وہ اسے وکلا کی بہبود پر خرچ کر سکے&quot;۔ محمد شاہد کے بقول &quot;ڈپٹی کمشنر نے اس درخواست کو زبانی طور پر قبول کر لیا تھا&quot;۔

اگرچہ وہ اس بات سے لاعلمی ظاہر کرتے ہیں کہ پارکنگ فیس کون اور کس حساب سے متعین کرتا ہے لیکن ان کا کہنا ہے کہ اس سے ہونے والی سالانہ آمدنی ایک کروڑ روپے کے لگ بھگ ہے &quot;جس میں سے ہر سال 30 سے 35 وکلا کو ایک لاکھ سے دو لاکھ روپے فی کس امداد دی جاتی ہے&quot;۔ &nbsp;

ڈسٹرکٹ بار ایسوسی ایشن فیصل آباد کے جنرل سیکرٹری یاسر حیات چٹھہ بھی دعویٰ کرتے ہیں کہ وہ پارکنگ فیس مقرر کرنے کے طریقہِ کار سے واقف نہیں۔ وہ کہتے ہیں کہ ایسوسی ایشن کے عہدے داروں کا اس معاملے میں کوئی عمل دخل نہیں کیونکہ &quot;فیس مقرر کرنے کا اختیار صرف پارکنگ سٹینڈ کے ٹھیکے دار کے پاس ہے&quot;۔

فیصل آباد میں غیرقانونی پارکنگ سٹینڈ: 'کوئی سرکاری محکمہ اس کے خلاف کارروائی کرنے کے لیے تیار نہیں'۔

In 2016, informal schools that opened on brick kilns closed two years later, depriving 90,000 children of an education.

فیصل آباد کے ایک نواحی گاوں میں آٹھ سالہ عبدالرحمان اینٹوں کے بھٹے پر ایک پرانے بائیسکل ٹائر کو لکڑی کے ڈنڈے کی مدد سے زمین پر لڑھکا رہا ہے۔ اس سے کچھ فاصلے پر دو بچے کچی اینٹوں کی قطاروں کے درمیان پلاسٹک کی ٹوٹی پھوٹی کھلونا گاڑیاں چلا رہے ہیں۔ کئی دیگر بچے ادھر ادھر مٹی سے کھیل رہے ہیں۔

چند سال پہلے ان میں سے زیادہ تر بچے پنجاب حکومت کی طرف سے بھٹوں پر بنائے گئے ان غیر رسمی سکولوں میں پڑھ رہے تھے جو 2016 میں ایک خصوصی پروگرام کے تحت کھولے گئے تھے۔ اس پروگرام کا بنیادی مقصد بھٹوں پر کام کرنے والے 90 ہزار سے زیادہ بچوں کو تعلیم دینا تھا۔ لیکن ان سکولوں کے کھلنے کے بعد بھٹہ مزدوروں کے دوسرے بچے بھی وہاں پڑھنے لگے تھے۔

ان سکولوں میں پڑھنے والے ہر بچے کے والدین کو دو ہزار روپے ماہانہ ادا کئے جاتے تھے۔ جن بچوں کی حاضری 75 فیصد ہوتی تھی انہیں ہزار روپے ماہانہ بطور انعام بھی دیے جاتے تھے۔ پنجاب حکومت کا سکول ایجوکیشن ڈیپارٹمنٹ پڑھنے والے تمام بچوں کو کتابیں، وردی، سکول بیگ اور جوتے بھی مفت فراہم کرتا تھا۔

جولائی 2018 کے عام انتخابات کے بعد برسرِاقتدار آنے والی صوبائی حکومت نے ان بھٹہ سکولوں کا انتظام سکول ایجوکیشن ڈیپارٹمنٹ سے لے کر لٹریسی ڈیپارٹمنٹ کے حوالے کر دیا لیکن پنجاب کے صوبائی بجٹ میں اس پرگرام کے لئے 30 جون 2019 کو ختم ہونے والے مالی سال میں مختص کی گئی ڈیڑھ ارب کے قریب رقم پہلے ڈیپارٹمنٹ سے دوسرے ڈیپارٹمنٹ کو منتقل نہ کی گئی۔ جس کی وجہ سے یہ سکول بند ہو گئے۔ &nbsp;

پرانے ٹائر سے کھیلنے والے عبدالرحمان اس وقت دوسری جماعت کے طالب علم تھے۔ انہیں اپنے سکول کے دن بہت یاد آتے ہیں کیونکہ وہ اپنی تعلیم جاری رکھنا چاہتے ہیں۔

عبدالرحمان کے والد غلام حیدر بھٹے پر مزدوری کرتے ہیں۔ ان کا کہنا ہے کہ ان کا بڑا بیٹا تیسری جماعت اور چھوٹا بیٹا دوسری جماعت میں پڑھ رہا تھا جب اچانک بھٹے پر بنا ہوا سکول بند ہو گیا۔ وہ کہتے ہیں: &#39;اب یہ بچے آوارہ پھرتے رہتے ہیں کیونکہ ہم انہیں پڑھانے کے لئے فیس یا دیگر اخراجات ادا نہیں کر سکتے&#39;۔

بارہ سالہ محمد عابد ان چند &nbsp;بچوں میں شامل ہیں جنہوں نے بھٹے والا سکول بند ہونے کے باوجود اپنی تعلیم کا سلسلہ جاری رکھا ہے۔ وہ بھٹے سے دس کلومیٹر دور ایک سرکاری سکول میں پانچویں جماعت میں پڑھ رہے ہیں۔

انہیں سب سے بڑا مسئلہ روزانہ سکول آنے جانے کا ہے جس میں پیسے بھی خرچ ہوتے ہیں اور وقت بھی۔ انہیں سکول کی فیس بھی دینا پڑتی ہے اور وردی اور کاپیوں کتابوں پر بھی خود خرچہ کرنا پڑتا ہے۔

عابد کے والدین اپنا پیٹ کاٹ کر اور شدید مالی مشکلات برداشت کر کے ان کی پڑھائی کو یقینی بنا رہے ہیں لیکن بھٹے پر کام کرنے والے دوسرے خاندان ان اخراجات کو برداشت نہیں کر سکتے اس لئے وہ اپنے بچوں کو سکول نہیں بھیج رہے۔ عابد کہتے ہیں: &#39;بھٹے پر بنے ہوئے سکول میں میرے ساتھ 65 بچے پڑھتے تھے لیکن اب میں اکیلا ہی سکول جاتا ہوں جبکہ باقی سب بچوں نے پڑھائی چھوڑ دی ہے&#39;۔

بھٹے کے مالک میاں فرمان علی کہتے ہیں کہ ان کے بھٹے پر ڈیڑھ سو کے قریب بچے ایسے ہیں جو سکول بند ہونے کی وجہ سے اپنی تعلیم جاری نہیں رکھ پائے۔ ان کا کہنا ہے کہ &#39;اگر یہ سکول جاری رہتے تو بہت سے بھٹہ مزدوروں کے بچے پڑھ لکھ کر کہیں نہ کہیں چھوٹی موٹی ملازمت پر لگ کر بہتر زندگی گزار سکتے تھے&#39;۔

بھٹوں پر کام کرنے والے مزدور خاندان کسی ایک جگہ پر ہی ہمیشہ کام نہیں کرتے بلکہ ہر چھ ماہ بعد اپنے کام کی جگہ بدل لیتے ہیں۔ ان کا اس طرح مسلسل حرکت میں رہنا ایک اہم وجہ ہے کہ ان کے بچے کسی باقاعدہ سکول میں پڑھ نہیں پاتے۔ لیکن، جیسے کہ میاں فرمان علی کہتے ہیں، &#39;اگر ہر بھٹے پر ایک غیر رسمی سکول موجود ہو تو یہ خاندان جہاں بھی کام کریں گے وہیں ان کے بچوں کی تعلیم کا سلسلہ جاری رہے گا&#39;۔

سکول ایجوکیشن کے صوبائی وزیر ڈاکٹر مراد راس سے جب پنجاب اسمبلی میں بھٹہ سکولوں کی بندش کے بارے میں پوچھا گیا تو انہوں نے کہا کہ اس مد میں پنجاب حکومت کے پاس پچاس کروڑ روپے کی رقم موجود ہے لیکن اسے سکول ایجوکیشن ڈیپارٹمنٹ سے لٹریسی ڈیپارٹمنٹ کو منتقل کرنے کا معاملہ صوبائی کابینہ کی ایک کمیٹی کے سامنے زیرِ التوا ہے۔ ان کے مطابق اس کمیٹی سے منظوری ملنے کے بعد یہ رقم لٹریسی ڈیپارٹمنٹ کو منتقل کر دی جائے گی جس سے بھٹہ سکول دوبارہ کھل جائیں گے۔

لیکن کمیٹی کے پاس یہ معاملہ جنوری 2020 سے اٹکا ہوا ہے۔ شاید کمیٹی ممبران کو معلوم نہیں کہ عبدالرحمان جیسے کئی لاکھ بچوں کا تعلیمی مستقبل ان کی طرف سے کوئی فیصلہ نہ کیے جانے کی وجہ سے خطرے میں پڑ چکا ہے۔

یہ رپورٹ لوک سجاگ نے پہلی دفعہ&nbsp;24 نومبر 2020&nbsp;کو اپنی پرانی ویب سائٹ پر شائع کی تھی۔

'آتا ہے یاد مجھ کو سکول کا زمانہ': سرکاری محکموں کی لڑائی کے باعث بھٹہ مزدوروں کے بچے تعلیم سے محروم۔

A Christian sanitation worker in Faisalabad died while doing a mechanic’s work at a faulty sewerage pumping station

Death of Christian sanitary worker in Faisalabad

جو چلے تو جاں سے گزر گئے: واسا فیصل آباد کے مسیحی مزدوروں کو درپیش جان لیوا خطرات

Power looms industry in Faisalabad is in crisis due to high cost of electricity and expensive yarn.

Faisalabad power looms crisis.

مہنگی بجلی اور مہنگے دھاگے کی وجہ سے فیصل آباد میں پاورلومز کی بندش۔

Thirteen-year-old Farah Shaheen was forcibly converted to Islam and married after her alleged abduction. Father's request for recovery was rejected in court for non-cooperation of police.

Abduction, forced conversion, and marriage of a young Christian girl in Faisalabad.

فیصل آباد کی ضلع کچہری میں پریشانی سے ادھر ادھر چکر کاٹتے آصف مسیح کی آنکھیں بتا رہی ہیں کہ وہ گزشتہ کئی راتوں سے سو نہیں سکے۔ ان کے چہرے پر &nbsp;امید اور خوف کے ملے جلے تاثرات ہیں۔

ان کا کہنا ہے کہ ان کی بیٹی فرح شاہین، جو ان کے مطابق محض تیرہ سال کی ہے، کئی ماہ سے غائب ہے۔ ان کا الزام ہے کہ فرح شاہین کو خضر حیات نامی ایک 45 سالہ شخص نے اغوا کر کے اسے مسیحی سے مسلمان بنا لیا ہے اور اس سے زبردستی شادی بھی کر لی ہے۔ &nbsp;

سجاگ سے بات کرتے &nbsp;ہوئے آصف مسیح نے بتایا کہ ان کی بیٹی کو 25 جون 2020 کو اغوا کیا گیا جس کے اگلے دن وہ مقدمہ درج کروانے فیصل آباد کے ایک مقامی تھانے میں گئے لیکن وہاں ان کی کوئی شنوائی نہیں ہوئی۔ اس کے بعد انہوں نے مقدمے کے اندراج کے لئے ضلعی جج کی عدالت میں رٹ دائر کی جس نے 19 ستمبر 2020 کو خضر حیات کے خلاف مقدمہ درج کرنے کا حکم جاری کیا۔

وہ کہتے ہیں&#39;میری بیٹی کو اغواء ہوئے چار ماہ ہو چکے تھے لیکن پولیس اس حوالے سے میری کوئی مدد نہیں کر رہی تھی میں جب بھی تھانے جاتا تھا مجھے گالیاں دی جاتی تھیں۔ پولیس والے کہتے تھے تم چوہڑے ہو، گٹر صاف کرنے والے ہو، یہاں سے بھاگ جاؤ&#39;۔

وہ آج (11 نومبر کو) اس امید پر سینئر سول جج فیصل آباد کی عدالت میں آئے کہ شاید ان کی اپنی بیٹی سے ملاقات ہو جائے اور وہ اسے واپس گھر لے جا سکیں کیونکہ گزشتہ روز اسی عدالت نے پولیس کو حکم دیا تھا کہ وہ آج فرح شاہین اور ان کے مبینہ اغواکار کو عدالت کے سامنے پیش کریں۔

تاہم پولیس نے اس واضح حکم کے باجود دونوں کو عدالت میں پیش نہیں کیا بلکہ عدالت کو بتایا ہے کہ فرح شاہین اور خضر حیات کو ڈھونڈا نہیں جا سکا۔ اس کارروائی کے بعد بھی آصف مسیح کو امید تھی کہ عدالت ان کی بیٹی کی بازیابی کےلیے کوئی نیا حکم نامہ جاری کرے گی لیکن انہیں اس وقت شدید مایوسی کا سامنا کرنا پڑا جب ان کی درخواست خارج کر دی گئی اور انہیں کہا گیا کہ وہ ماتحت عدالت سے رجوع کریں جہاں ان کا مقدمہ پہلے سے چل رہا ہے۔

اغوا کی جانے والی فرح شاہین کی والدہ وفات پاچکی ہیں، ان کے والد اپنے چھ بچوں کے واحد کفیل ہیں اور رکشہ پر بار برداری کا کام کر کے اپنی گزر بسر کرتے ہیں۔ ان کا کہنا ہےکہ &#39;انہیں عدالت کے فیصلے سے مایوسی ہوئی ہے اور وہ پریشان ہیں کہ واپس گھر جا کر اپنے بچوں کو ان کی بہن کے بارے میں کیا بتائیں گے&#39;۔

واقعے کی مزید تفصیل بیان کرتے ہوئے آصف مسیح کا کہنا ہے کہ &#39;جب پولیس نے عدالتی حکم کے تحت خضر حیات کے خلاف مقدمہ درج کر کے اس کو گرفتار کر لیا تو اس نے فرح شاہین کو ایک مقامی مجسٹریٹ کے سامنے پیش کر کے یہ بیان دلوا دیا کہ اس نے اپنی مرضی سے مذہب تبدیل کر کے خضر حیات سے شادی کر لی ہے&#39;۔

<h2>عدالتی کارروائی</h2>

آصف مسیح کے وکیل تنویر اختر رندھاوا کے مطابق پولیس کے تفتیشی افسر نے ریکارڈ میں خود سے ہی فرح شاہین کی عمر 17 سال لکھ دی تھی جس کے بعد ان کو مجسٹریٹ کی عدالت میں پیش کر کے یہ بیان بھی دلوا دیا گیا کہ وہ بالغ ہیں اور اپنی مرضی سے شادی کر رہی ہیں۔

تنویر اختر رندھاوا کا کہنا ہے کہ تفتیشی افسر کا یہ اقدام سراسر غلط اور خلاف قانون ہے کیونکہ نیشنل ڈیٹا بیس اینڈ رجسٹریشن اتھارٹی (نادرا) کے ریکارڈ کے مطابق فرح شاہین کی عمر 13 سال سے کچھ زیادہ بنتی ہے اور اسی بنیاد پر ان کے مؤکل نے عدالت سے رجوع کیا تھا۔ &#39;ہمارا یہ بھی مؤقف تھا کہ اگر عدالت اس ریکارڈ سے مطمئن نہیں ہے تو وہ فرح شاہین کی عمر کا میڈیکل ٹیسٹ کروا لے&#39;۔

پولیس کے تفتیشی افسر سب انسپکٹر مصدق ریاض کا اس حوالے سے کہنا ہےکہ &#39;انہیں عدالت کی طرف سے فرح شاہین یا خضر حیات کو عدالت میں پیش کرنے کا کوئی حکم موصول نہیں ہوا اور انہوں نے اس مقدمے کے حوالے سے پولیس ریکارڈ پہلے ہی عدالت میں جمع کروا دیا &nbsp;ہے&#39;۔

فرح شاہین کی عمر زیادہ لکھنے کے الزام کا جواب دیتے ہوئے ان کا کہنا ہے کہ انہوں نے ایسا کچھ نہیں کیا بلکہ &#39;لڑکی نے خود عدالت میں پیش ہو کر مجسٹریٹ کے سامنے یہ بیان دیا تھا کہ اس کی عمر 17 سال ہے اور اس نے اپنی مرضی سے مذہب تبدیل کر کے شادی کی ہے&#39;۔

پنجاب کی وزارت انسانی حقوق کی طرف سے آج عدالت میں پیش ہونے والے وکیل عاطف جمیل پگان کے مطابق سینئر سول جج نے اپنے فیصلے میں آصف مسیح کی درخواست اس بنیاد پر خارج کی ہےکہ ان کی عدالت فرح شاہین کی عمر کا تعین کرنےکے لئے &nbsp;مناسب فورم نہیں ہے۔

ان کے مطابق &#39;عدالت نے اپنے فیصلے میں لکھا ہے کہ عمر کے تعین کےلیے میڈیکل ٹیسٹ کروانا متعلقہ علاقے کے مجسٹریٹ کی ذمہ داری ہے اور یہ تب ہو گا جب مقدمے کا چالان مکمل ہو کر اس کی سماعت شروع ہو گی&#39;۔

لیکن عاطف جمیل پگان کا کہنا ہے کہ &#39;مقدمے کا چالان مکمل ہونے میں چھ ماہ یا اس سےبھی &nbsp;زائد عرصہ لگ سکتا ہے اور اس دوران خضر حیات کی طرف سے فرح شاہین کے ساتھ کچھ بھی کیا جا سکتا ہے&#39;۔

لہٰذا وہ کہتے ہیں کہ وہ اس فیصلے کے خلاف سیشن کورٹ یا لاہور ہائی کورٹ میں اپیل دائر کریں گے تا کہ فرح شاہین کی عمر کا جلد سے جلد تعین کر کے اس کی بازیابی ممکن بنائی جا سکے۔

پولیس کو مجسٹریٹ کی عدالت میں پیش کر کے یہ بیان بھی دلوا دیا گیا کہ وہ بالغ ہیں اور اپنی مرضی سے شادی کر رہی ہیں۔

یہ رپورٹ لوک سجاگ نے پہلی دفعہ 11 نومبر 2020 کو اپنی پرانی ویب سائٹ پر شائع کی تھی۔

&nbsp;

مذہب کی جبری تبدیلی اور شادی کا مقدمہ: کمسن مسیحی لڑکی کے والدین پولیس اور عدالت دونوں سے مایوس۔

برقی کھڈیوں پر کپڑا بننے والے مزدور محمد رمضان 28 مئی 2020 کو سو رہے تھے کہ کسی نے آدھی رات کے وقت ان کے گھر کا مرکزی دروازہ بری طرح پیٹنا شروع کر دیا۔&nbsp;

جب انہوں نے دروازہ کھولا تو ان کے سامنے ان کا محلے دار رانا رفاقت علی اپنی بیوی اور چند مسلح افراد کے ہمراہ کھڑا تھا۔ وہ اونچی آواز میں گالیاں دیتے ہوئے ان کے گھر میں داخل ہوا اور کمروں کی تلاشی لینے لگا۔ اس دوران اس نے غضب ناک انداز میں ان سے پوچھا کہ ان کا بیٹا حامد اور ان کی بہو فوزیہ کہاں ہیں۔&nbsp;

فیصل آباد کے علاقے امداد ٹاؤن میں رہنے والے محمد رمضان کے مطابق ان کے 24 سالہ بیٹے حامد نے 19 فروری 2020 کو رانا رفاقت علی کی 21 سالہ بیٹی فوزیہ سے اس کے والدین کی اجازت کے بغیر شادی کر لی تھی جس پر اس کے خاندان میں شدید غم و غصہ پایا جاتا تھا۔ وہ کہتے ہیں کہ اس رات ان کی تلاش میں ناکام ہونے کے بعد رانا رفاقت علی نے &quot;مجھے خبردار کیا کہ اگر 12 گھنٹے میں میں نے ان دونوں کو اس کے حوالے نہ کیا تو وہ مجھے اور میرے گھر والوں کو قتل کر دے گا&quot;۔&nbsp;

اگلے دن رانا رفاقت علی کے سالے عثمان مَنج نے محمد رمضان کو فیصل آباد میں واقع اپنے ڈیرے پر طلب کر کے پوچھا کہ حامد اور فوزیہ کہاں چھپے ہوئے ہیں۔ وہ کہتے ہیں کہ &quot;جب میں نے ان کے بارے میں لاعلمی کا اظہار کیا تو مجھے گالیاں دی گئیں اور تشدد کا نشانہ بنایا گیا&quot;۔&nbsp;

اُسی روز انہیں زبردستی ایک نواحی گاؤں گلاں-83 لے جایا گیا جہاں رانا رفاقت علی اور عثمان منج کی برادری کے بااثر لوگ رہتے ہیں۔ وہاں انہیں اس قدر ڈرایا دھمکایا گیا کہ انہوں نے بالآخر کہہ دیا کہ ان کا بیٹا اور بہو ضلع چِنیوٹ کی تحصیل بھوانہ کے ایک گاؤں میں رہ رہے ہیں۔&nbsp;

رانا رفاقت علی اور عثمان مَنج نے اسی وقت محمد رمضان کو ساتھ لیا اور مذکورہ گاؤں جا پہنچے۔ وہ کہتے ہیں کہ &quot;ان دونوں نے مجھے آگے کر کے حامد کے گھر کا دروازہ کھلوایا اور اندر داخل ہو کر مجھے اور میرے بیٹے کو مارنا پیٹنا شروع کر دیا&quot;۔ اسی دوران فوزیہ بھی کمرے سے باہر آ گئی اور اس نے اپنے والد اور ماموں کو منع کیا کہ &quot;وہ ہمیں نہ ماریں کیونکہ اس نے اپنی مرضی سے حامد سے شادی کی ہے۔ یہ سن کر وہ اُس پر بھی تشدد کرنے لگے&quot;۔&nbsp;

رات گئے وہ حامد اور فوزیہ کو زبردستی فیصل آباد لے آئے۔

ایک روز بعد رات پونے دس بجے کے قریب محمد رمضان عثمان مَنج کے ڈیرے پر گئے اور اس سے درخواست کرنے لگے کہ وہ ان کے بیٹے کو چھوڑ دے۔ ان کے مطابق ان کی منت سماجت کے جواب میں اس نے حامد کو اپنے گھر سے بلایا اور اسے دیکھتے ہی رانا رفاقت علی کے بھائی رانا شوکت علی کے ساتھ مل کر اس پر فائرنگ کر کے اسے ہلاک کر دیا۔

کچھ دیر بعد رانا شوکت علی نے انہیں بتایا کہ فوزیہ کو بھی مار دیا گیا ہے۔&nbsp;

پولیس نے بعدازاں دونوں ملزموں کو گرفتار کر لیا لیکن ڈیڑھ سال سے زائد عرصہ گزرنے کے باوجود یہ مقدمہ تاحال فیصل آباد کی ایک عدالت میں زیرِ سماعت ہے۔&nbsp;

اِسی طرح کے ایک اور واقعہ میں فیصل آباد کی رہائشی دو چچا زاد بہنوں کو پچھلے سال مبینہ طور پر &#39;غیرت&#39; کی بھینٹ چڑھا دیا گیا۔ مقامی اخبارات میں چھپنے والی رپورٹوں کے مطابق 29 جولائی 2021 کو 19 سالہ سمیعہ اور 17 سالہ سعدیہ ایک مرد کے ساتھ ایک ریستوران میں کھانا کھا رہی تھیں کہ ان کے ایک ہمسائے نے انہیں دیکھ لیا۔ اس نے فوراً فون کر کے یہ خبر سمیعہ کے والد محمد ظفر کو دی جو وہاں پہنچ کر اپنی بیٹی اور بھتیجی کو گھر لے گئے۔

اسی رات سعدیہ کے والد مظہر حسین نے اپنے دوسرے بھائی محمد صفدر کے ساتھ مل کر دونوں لڑکیوں کو گلا گھونٹ کر قتل کر دیا۔ بعدازاں سمیعہ کی والدہ سکینہ بی بی نے پولیس کو بتایا کہ لڑکیوں کے مارے جانے کی وجہ یہ تھی کہ وہ کسی بات پر اپنے گھر والوں سے الجھ پڑی تھیں جس پر ان کے بڑوں کو طیش آ گیا تھا۔&nbsp;

اس واقعے کی تفتیش کرنے والے پولیس آفسر سب انسپکٹر شہزاد جاوید کا کہنا ہے کہ سکینہ بی بی نے عدالت میں پیش ہو کر یہ بیان بھی دیا ہے کہ وہ ملزمان کے خلاف مقدمے کی مزید پیروی نہیں کرنا چاہتیں جس سے &quot;ان کی ضمانت پر رہائی کی راہ ہموار ہو گئی ہے&quot;۔ &nbsp;

حامد، فوزیہ، سمیعہ اور سعدیہ کی طرح 2011 سے لے کر 2020 تک ضلع فیصل آباد میں تین سو 30 افراد &#39;غیرت&#39; کے نام پر قتل کیے گئے ہیں۔ پنجاب پولیس کے مرتب کردہ اعدادوشمار کے مطابق ان 10 سالوں میں فیصل آباد، جھنگ، چنیوٹ اور ٹوبہ ٹیک سنگھ کے اضلاع پر مشتمل فیصل آباد ڈویژن میں مجموعی طور پر چھ سو سات افراد کی جان &#39;غیرت&#39; کے نام پر لے لی گئی ہے۔ یہ تعداد اس عرصے میں پنجاب کے کسی بھی دوسرے ڈویژن میں اسی وجہ سے قتل ہونے والے افراد کی تعداد سے کہیں زیادہ ہے۔&nbsp;

اس ضمن میں دوسرا نمبر سرگودھا ڈویژن کا ہے جہاں اسی عرصے میں میں تین سو 87 افراد &#39;غیرت&#39; کے نام پر موت کے گھاٹ اتار دیے گئے جبکہ گوجرانوالہ ڈویژن میں ایسے مقتولین کی تعداد تین سو 46، ملتان ڈویژن میں تین سو 18، ڈیرہ غازی خان ڈویژن میں تین سو، لاہور ڈویژن میں دو سو 78، بہاولپور ڈویژن میں دو سو 66 اور ساہیوال ڈویژن میں دو سو 44 ریکارڈ کی گئی۔ گزشتہ دہائی میں اس طرح کے سب سے کم واقعات راولپنڈی ڈویژن میں دیکھنے میں آئے جہاں ان کی تعداد 97 رہی۔&nbsp;

ان اعدادوشمار کے مطابق 2011 سے لے کر 2020 تک پنجاب کے تمام تھانوں نے &#39;غیرت&#39; کے نام پر ہونے والے قتل کے دو ہزار نو سو 57 واقعات کا اندراج کیا ۔ یعنی ان سالوں میں صوبے میں ہر پانچ دنوں میں اس طرح کے لگ بھگ چار قتل ہوئے۔&nbsp;

<h2>با اثر لوگ، بے اثر قانون</h2>

شاہینہ کوثر چھاتی کے سرطان میں مبتلا ہیں۔ وہ دوبار سرجری کرا چکی ہیں اور شدید طبی اثرات والی دوائیاں کھانے کی وجہ سے شدید نقاہت اور کمزوری کا شکار ہیں جو ان کی دھیمی آواز سے واضح ہے۔ تاہم وہ کہتی ہیں کہ ان کی تیزی سے بگڑتی ہوئی صحت کی وجہ سرطان نہیں بلکہ ان کے 22 سالہ بھانجے احسان خالق کا قتل ہے۔&nbsp;

ان کا تعلق جنوبی پنجاب کے ضلع رحیم یار خان کی تحصیل صادق آباد کی بستی وَلانہ سے ہے۔ وہ کہتی ہیں کہ ان کا بھانجا چار سال کا تھا جب اس کی والدہ فوت ہو گئیں۔ مزید تین سال بعد جب اس کے والد بھی وفات پا گئے تو وہ اسے اپنے گھر لے آئیں۔ ان کا اپنا کوئی بچہ نہیں ہے لیکن وہ کہتی ہیں کہ ان کا بھانجا انہیں اتنا عزیز تھا کہ اس کی تعلیم کی خاطر وہ 2010 میں لاہور منتقل ہو گئیں جہاں وہ جنرل ہسپتال کے قریب ایک کرائے کے مکان میں رہتی ہیں۔

گزشتہ سال کے وسط میں احسان خالق اپنے رشتہ داروں سے ملنے بستی ولانہ گیا لیکن 5 جون کو وہاں اُسے &#39;غیرت&#39; کے نام پر قتل کر دیا گیا۔

تھانہ احمد پور لمہ میں درج کی گئی ابتدائی اطلاعی رپورٹ (ایف آئی آر) کے مطابق اسے داؤد نامی شخص نے چند دیگر لوگوں کے ساتھ مل کر مارا تھا کیونکہ اسے شبہ تھا کہ مقتول کے اس کی بہن طاہرہ قمر کے ساتھ &quot;ناجائز تعلقات&quot; تھے۔ پولیس کا کہنا ہے کہ ملزمان نے طاہرہ قمر کو بھی موت کے گھاٹ اتار دیا تھا اور دونوں کی لاشیں احمد واہ نامی نہر میں بہا دی تھیں۔&nbsp;

شاہینہ کوثر کہتی ہیں طاہرہ قمر ان کے بھانجے کو پسند کرتی تھی لیکن ان دونوں کے درمیان کوئی ناجائز تعلقات نہیں تھے۔ دوسری طرف مقتولہ کے اہلِ خانہ کا دعویٰ ہے کہ 4 جون 2021 کو احسان خالق اسے بھگا کر لے جا رہا تھا لیکن وہ دونوں ابھی گاؤں کی حدود میں ہی تھے کہ پکڑے گئے۔&nbsp;

اس دوہرے قتل کی تفتیش ابھی جاری تھی کہ احسان خالق کے چچا محمد قاسم ولانہ نے جنوبی پنجاب کے ایڈیشنل انسپکٹر جنرل پولیس (انویسٹی گیشن) کو یکم اکتوبر 2021 کو درخواست کی کہ اس کی ایف آئی آر میں نامزد کیے گئے پانچ ملزمان کے علاوہ مزید چھ افراد پر بھی مقدمہ درج کیا جائے۔ ان کا کہنا تھا کہ ڈسٹرکٹ انویسٹی گیشن برانچ کی زیر نگرانی کی گئی تفتیش اور گواہوں کی بیانات دونوں ظاہر کرتے ہیں کہ یہ لوگ بھی اس واردات میں ملوث تھے۔

ان میں طاہرہ قمر کے سوتیلے چچا محمد یار ولانہ کا نام بھی شامل تھا جو اس وقت لاہور ہائی کورٹ ملتان بنچ کے سینئر ایڈیشنل رجسٹرار کے طور پر کام کر رہے ہیں۔ لیکن محمد قاسم کا کہنا ہے کہ ان کی دخواست پر تو کوئی عمل درآمد نہ ہوا البتہ &quot;ملزموں کی جانب سے دی گئی ایک درخواست کے نتیجے میں مقدمے کی تفتیش ریجنل انویسٹی گیشن برانچ بہاولپور منتقل کر دی گئی جہاں ان چھ افراد کو بے گناہ قرار دے دیا گیا&quot;۔

شاہینہ کوثر کا کہنا ہے کہ پچھلے چند ہفتوں میں ایف آئی آر میں نامزد پانچوں ملزموں کو بھی عدالت نے ضمانت پر رہا کر دیا ہے۔ ان کے مطابق یہ سب کچھ اس لیے ممکن ہوا ہے کہ &quot;ملزمان بہت بارسوخ ہیں&nbsp;جبکہ میں اپنی صحت کی وجہ سے مقدمے کی پیروی کرنے کی حالت میں نہیں ہوں&quot;۔

<h2>انصاف میں تاخیر، جرم کی حوصلہ افزائی</h2>

فیصل آباد پولیس کے اعدادوشمار ظاہر کرتے ہیں کہ 2021 میں ضلع بھر میں &#39;غیرت&#39; کے نام پر قتل کے 17 مقدمات درج ہوئے جن میں سے چار میں ابھی تک تفتیش مکمل نہیں ہوئی۔ اسی طرح ان میں نامزد 18 ملزموں میں سے 14 کو گرفتار کیا گیا ہے جبکہ چار ابھی تک مفرور ہیں۔

پچھلے سال عدالتوں میں پہنچنے والے 13 مقدمات بھی ابھی سب کے سب زیرِ سماعت ہیں۔ ان میں زیادہ تر کے مدعیان کو شاہینہ کوثر اور محمد رمضان کی طرح خدشہ ہے کہ ان کا نتیجہ جلد یا بدیر ملزموں کی ضمانت یا رہائی کی صورت میں نکلے گا۔

ماہرینِ قانون اس صورتِ حال پر تبصرہ کرتے ہوئے کہتے ہیں کہ &#39;غیرت&#39; کے نام پر کسی کی جان لینے کے جرم میں ملوث لوگوں کو فوری سزا نہ ملنے کی وجہ سے ایسے عناصر کی حوصلہ افزائی ہوتی ہے جو اسے جرم ہی نہیں سمجھتے بلکہ سماجی روایات کے اعتبار سے ایک جائز عمل گردانتے ہیں۔ شاید یہی وجہ ہے کہ دسمبر 2021 میں پنجاب میں صنفی مساوات کے حوالے سے جاری ہونے والی ایک سرکاری رپورٹ (Punjab Gender Parity Report) کے مطابق گزشتہ ایک سال میں اس سے پچھلے سال کی نسبت صوبے میں &#39;غیرت&#39; کے نام پر ہونے والے قتل کی وارداتوں میں 20 فیصد اضافہ ہوا۔ &nbsp;&nbsp;

خواتین کے حقوق پر کام کرنے والے سماجی کارکنوں کے مطابق یہ صورتِ حال ماضی کی نسبت زیادہ تشویش ناک ہے کیونکہ پنجاب میں 2016 سے ایک ایسا خصوصی قانون موجود ہے جس کا بنیادی مقصد &#39;غیرت&#39; کے نام پر ہونے والے قتلوں کو روکنا ہے۔ یہ قانون اُسی سال ڈیرہ غازی خان کے علاقے شاہ صدر دین سے تعلق رکھنے والی ماڈل اور اداکارہ قندیل بلوچ کے اپنے بھائی کے ہاتھوں ہونے والے قتل کے نتیجے میں وجود میں آیا تھا۔&nbsp;

لاہور میں نادارخواتین کو مفت قانونی امداد مہیا کرنے والی عاصمہ جہانگیر لیگل ایڈ سیل نامی غیرسرکاری تنظیم کی ایگزیکٹو ڈائریکٹر ندا علی کا کہنا ہے کہ اس قانون نے مدعیوں کی جانب سے ملزموں کو معاف کرنے کا راستہ تو بند کر دیا ہے لیکن &#39;غیرت&#39; کے نام پر ہونے والی قتل کی وارداتوں کی تفتیش اور عدالتی سماعت ابھی بھی پرانے قواعدوضوابط کے تحت ہی کی جا رہی ہے۔

اس کی مثال پیش کرتے ہوئے وہ کہتی ہیں کہ &quot;اس قانون میں پولیس کو پابند کیا گیا ہے کہ وہ قتل کے 14 دن کے اندر اس کی تفتیش مکمل کر کے فردِ جرم عدالت میں جمع کرائے گی لیکن گزشتہ چھ سال میں شاید ہی کسی ایک مقدمے میں ایسا ہوا ہو&quot;۔ پچھلے سال اسلام آباد میں قتل ہونے والی نوجوان خاتون نور مقدم کے مقدمے کا حوالہ دیتے ہوئے وہ مزید کہتی ہیں کہ نیوز میڈیا، سول سوسائٹی اور خواتین کے حقوق کی تنظیموں نے اس کی تفتیش کے ہر مرحلے پر کڑی نگاہ رکھی لیکن اس کے باوجود پولیس کو فردِ جرم عدالت میں جمع کرانے میں کئی ماہ لگ گئے&quot;۔&nbsp;

ان کی نظر میں اسی طرح کی تاخیر کے باعث &#39;غیرت&#39; کے نام پر ہونے والے قتل کے واقعات میں &quot;ملوث لوگوں کو سزا ملنے کی شرح انتہائی کم رہتی ہے&quot;۔

نوٹ: لاہور سے تنویر احمد نے بھی اس رپورٹ کی تیاری میں حصہ لیا ہے

لوئر کوہستان: غیرت کے نام پر بچے اور خاتون سمیت تین افراد قتل

ناقص تفتیش اور کمزور عدالتی کارروائی: پنجاب میں ایک سال میں غیرت کے نام پر قتل 20 فیصد بڑھ گئے۔

فیصل آباد کی ضلع کچہری میں رانی بی بی کا ٹی سٹال: 'مردوں کو نظرانداز کر کے ہی اپنا کام کرنا پڑتا ہے'

خواتین کے ملبوسات کے کئی معروف برانڈز میں استعمال ہونے والے کپڑَے کی رنگائی (ڈائینگ) اور اس پر ڈیزائنوں کی چھپائی (پرنٹنگ) فیصل آباد کی دو مشہور شاہراہوں -- سمندری روڈ اور مقبول روڈ -- کے درمیان واقع علاقے میں کی جاتی ہے۔ یہاں مِلوں کے بڑے بڑے بند دروازوں کے پیچھے ہزاروں گز کپڑا روزانہ تیار ہوتا ہے جس کے جاذبِ نظر رنگ اور ڈیزائن جب ملبوسات کی بڑی بڑی دکانوں کے صاف شفاف شیشوں کے پیچھے سے جھلکتے ہیں تو خریداروں کے قدم خود بخود ان کی طرف اٹھنے لگتے ہیں۔

لیکن اس کپڑے کی رنگینی اور خوبصورتی کے دِلدادہ لوگوں کو شاید ہی معلوم ہو کہ ان کے پسندیدہ لباسوں کی تیاری ایک پورے شہر &ndash; بلکہ ایک پورے خطے &ndash; کے زیرِ زمین پانی کو انسانوں کے لئے ناقابلِ استعمال بنا رہی ہے۔ &nbsp;

فیصل آباد کے جس علاقے میں کپڑا بنانے کی یہ مِلیں واقع ہیں وہاں کی سڑکیں کئی مقامات پر اس آلودہ پانی میں ڈوبی ہوئی ہیں جو کپڑے کی رنگائی اور چھپائی کے دوران مِلوں سے خارج ہوتا ہے۔ واٹر اینڈ سینی ٹیشن ایجنسی (واسا) کا عملہ ایک مقامی پمپنگ سٹیشن چلا کر اس پانی کی نکاسی کو بہتر بنانے کی کوشش کرتا رہتا ہے لیکن ملوں سے آلودہ پانی کا اخراج پمپنگ سٹیشن کی صلاحیت سے کہیں زیادہ ہے۔

یہاں موجود کسی بھی مِل میں اس پانی کو صاف کرنے کے لئے کوئی پلانٹ موجود نہیں ہے اس لئے مِل مالکان کئی سالوں سے یہ زہریلا پانی براہِ راست واسا کی سیوریج لائنوں اور بارشی پانی کی نکاسی کے لئے بنائے گئے نالوں میں ڈال رہے ہیں۔&nbsp;

اس علاقے کے مکین اکثر شکایت کرتے ہیں کہ مِلوں کے مالکان آلودہ پانی کو کھلے عام چھوڑنے سے پہلے اس کے مضرِ صحت اثرات کے بارے میں بالکل نہیں سوچتے۔ انہیں اس بات پر بھی غصہ ہے کہ واسا کے حکام اس سنگین مسئلے کا کوئی پائیدار حل نہیں کر رہے۔

مِلوں کا گندا پانی نہ صرف فیصل آباد کے اندر انسانی بستیوں کو آلودہ کر رہا ہے بلکہ اس کی وجہ سے شہر کے اندر اور اس کے ارد گرد موجود پانی کے زیرِ زمین زخائر اور جنگلی اور آبی حیات بھی بری طرح متاثر ہو رہے ہیں۔

شہر کے اندر بچھی سیوریج لائنوں اور بارشی پانی کی نکاسی کے لئے سڑکوں کے ساتھ ساتھ بنائے گئے نالوں میں سے گذرتا ہوا یہ آلودہ پانی اندرونِ شہر سے پانچ کلومیٹر دور ایک بڑے گندے نالے میں شامل ہو جاتا ہے جسے چینل فور کہا جاتا ہے جہاں سے چند کلومیٹر آگے گلزار کالونی کے علاقے میں کپڑے کی کئی اور ملیں واقع ہیں۔ یہ ملیں بھی اپنا آلودہ پانی براہِ راست چینل فور میں ڈالتی ہیں۔ اس مقام پر نالے سے ملحقہ سیکڑوں ایکڑ زرعی اراضی کی سطح پر تیزی سے ایسے نمکیات جمع ہو رہے ہیں جو اسے ناقابلِ کاشت بنا رہے ہیں۔

مقبول روڈ کے علاقے میں سڑکوں پر فیکٹریوں کا آلودہ پانی جمع ہے۔

<h2>میٹھا پانی زہرآلود کیسے ہوا؟</h2>

ایک صدی قبل اس وقت کے انگریز لیفٹیننٹ گورنر سر جیمزلائل کو لاہور سے جھنگ جاتے ہوئے دریائے چناب اور دریائے راوی کے درمیان واقع علاقے &ndash; جسے اس وقت ساندل بار کہا جاتا تھا -- میں وسیع پیمانے پر زرخیز زمین اور میٹھے پانی کے کنوئیں ملے۔ اس دریافت کے بعد اس نے یہاں ایک نیا شہر بسانے کا فیصلہ کر لیا۔

اس مقصد کے لئے دریاؤں سے دو نہریں نکال کر زرعی زمینوں کی آبپاشی کا انتظام کیا گیا اور چناب کالونی کے نام سے ایک بستی آباد کر کے نئے شہر لائل پور کی بنیاد رکھی گئی جو اب فیصل آباد کہلاتا ہے۔

ستم ظریفی یہ ہے کہ میٹھے پانی کی موجودگی کی وجہ سے بننے والے اس شہر میں زمینی پانی آج نہ میٹھا &nbsp;ہے اور نہ ہی انسانی استعمال کے قابل۔ اس کا &nbsp;بنیادی سبب صنعتوں سے خارج ہونے والا آلودہ فضلہ ہے جو چینل فور جیسے گندے نالوں کے ذریعے زمین میں جذب ہو رہا ہے اور یوں زیرِ زمین &nbsp;آبی ذخائر کو بھی آلودہ کر رہا ہے۔

یہ نالے در حقیقت بارشوں کا پانی جمع کر کے اسے دریائے چناب اور دریائے روای میں ڈالنے کے لئے بنائے گئے تھے لیکن گزشتہ کئی دہائیوں سے انہیں سیوریج اور صنعتی فضلے کی شہر سے باہر منتقلی کے لئے استعمال کیا جا رہا ہے۔

یہ نالے شہر کےجنوب مشرقی حصے &nbsp;کا آلودہ پانی مدھوآنہ ڈرین کے ذریعے دریائے راوی میں لے جاتے ہیں جبکہ شمال مغربی آبادیوں کا آلودہ پانی پہاڑنگ ڈرین کے ذریعے دریائے چناب میں جاتا ہے۔ 
&nbsp; 
پہاڑنگ ڈرین کے ذریعے دریائے چناب میں شامل ہونے والے سیوریج اور فیکٹریوں کے کیمیکل نے دریا کا پانی بھی آلودہ کر دیا ہے۔

پہاڑنگ ڈرین میں بہنے والے فضلے میں سے 20 ملین گیلن پانی ہر روز چکیرہ کے مقام پر واسا کی طرف سے بنائے گئے تین بڑے تالابوں سے گذارا جاتا ہے جہاں اس میں شامل ٹھوس فضلہ تالابوں کی تہہ میں بیٹھ جاتا ہے جبکہ بقیہ پانی ایک بار پھر ڈرین میں شامل ہو کر دریائے چناب میں چلا جاتا ہے۔

فیصل آباد میں متعین محکمۂِ تحفظِ ماحولیات کے ڈپٹی ڈائریکٹر فرحت عباس کموکا تالابوں کے اس نظام کو مناسب نہیں سمجھتے۔ ان کا کہنا ہے کہ ایک تو یہ نظام ڈرین میں سے گزرنے والے تمام پانی کو صاف نہیں کرتا، دوسرے یہ کہ اس کے ذریعے پانی میں شامل کیمیائی اجزا ختم نہیں ہوتے اور تیسرے یہ کہ صاف شدہ پانی پھر ڈرین کے آلودہ پانی میں شامل ہو جاتا ہے۔

ڈرین کے پانی میں آلودگی کی شدت کا اندازہ اس بات سے لگایا جا سکتا ہے کہ جس مقام پر یہ پانی دریا میں شامل ہوتا ہے وہاں دریا کا مٹیالا رنگ سیاہ ہو جاتا ہے۔ اس جگہ پر دریا کے پاٹ کے خشک حصوں پر جابجا کاٹھ کباڑ، ہسپتالوں کا کچرا اور دیگر کوڑا کرکٹ بکھرا ہوا ہے اور ہر طرف ایک ایسی بو پھیلی ہوئی ہے جو عام طور پر کیمیائی اجزا کے گلنے سڑنے سے پیدا ہوتی ہے۔ &nbsp;

اس مقام پر دور دور تک کوئی انسانی آبادی موجود نہیں۔ یہاں پرندے بھی بہت کم تعداد میں دکھائی دیتے ہیں اور دریا کے پانی میں مچھلی یا دیگر آبی حیات کے کوئی اثار نظر نہیں آتے۔

پاکستان کونسل آف ریسرچ ان واٹر ریسورسز نام ایک سرکاری ادارے کی طرف سے کی گئی ایک تحقیق میں اس صورتحال کو &nbsp;انتہائی تشویشناک قرار دیا گیا ہے جبکہ جنگلی حیات کے لئے کام کرنے والی ایک غیر سرکاری تنظیم ورلڈ وائڈ فنڈ فار نیچر (ڈبلیو ڈبلیو ایف) کی ایک رپورٹ کے مطابق فیصل آباد سے آنے والا آلودہ پانی اور صنعتی فضلہ دریائے چناب اور دریائے راوی میں شامل ہو کر ساندل بار کے پورے علاقے میں ماحولیاتی اور آبی آلودگی میں اضافے کا سبب بن رہا ہے۔

چوکیرہ میں واسا کے واٹر ٹریٹمنٹ پلانٹ کے ذریعے صاف ہونے والے پانی کو دوبارہ پہاڑنگ ڈرین میں ڈال دیا جاتا ہے۔

یہ دونوں دریا نہ صرف صوبہ پنجاب میں زرعی آبپاشی کا اہم ذریعہ ہیں بلکہ ان کے کناروں پر آباد کئی شہر اور قصبے جو پانی پینے کے لئے استعمال کرتے ہیں اس کا ایک بڑا حصہ بھی انہی کے ذریعے زمین کے اندر جذب ہوتا ہے۔

پاکستان کونسل آف ریسرچ ان واٹر ریسورسز کی ایک اور تحقیق کے مطابق چناب اور راوی میں بڑھتی ہوئی آلودگی کے نتیجے میں فیصل آباد کا کم از کم 42 فیصد زیرِ زمیں پانی آلودہ ہو چکا ہے کیونکہ اس میں کیڈمیم کی مقدار پنجاب کے محکمہ ماحولیات کی &nbsp;مقررہ حد سے تین گنا زیادہ ہے جبکہ اس میں کرومیم کی مقدار سرکاری طور پر مقررہ حد سے دس گنا زیادہ ہے۔ کیڈمیم اور کرومیم دونوں انسانی صحت کے لئے انتہائی مضر عناصر ہیں۔

اسی رپورٹ کے مطابق واسا کے صاف کئے ہوئے پانی میں بھی نامیاتی اور غیر نامیاتی اجزا کی شرح طبی طور پر محفوظ حد سے کئی گنا زیادہ پائی گئی ہے۔

فرحت عباس کموکا اس صورتِ حال کی تمام تر ذمہ داری فیصل آباد کے صنعت کاروں پر ڈالتے ہیں۔ ان کا کہنا ہے کہ شہر کے رہائشی علاقوں میں موجود سینکڑوں چھوٹے بڑے صنعتی اداروں میں سے کم از کم 25 فیصد ایسے ہیں جو خطرناک حد تک آلودہ پانی خارج کرتے ہیں۔ ان کے مطابق ان کے محکمے نے آلودہ پانی خارج کرنے والی فیکٹریوں کو متعدد بار نوٹس جاری کیے ہیں اور انہیں پانی صاف کرنے کے پلانٹ لگانے اور انسانی آبادی سے باہر منتقل ہونے کی ہدایات بھی کی ہیں &#39;لیکن ابھی تک اس سلسلے میں جاری کارروائی کسی نتیجے پر نہیں پہنچ سکی&#39;۔

فیصل آباد ایوانِ صنعت و تجارت کے سابق صدر میاں تنویر احمد محکمہ ماحولیات کی طرف سے صنعت کاروں پر لگائے گئے اعتراضات سے متفق نہیں۔ ان کا دعویٰ ہے کہ شہر میں قائم زیادہ تر بڑے صنعتی اداروں نے آلودہ پانی صاف کرنے کیلئے از خود انتظامات کر رکھے ہیں لیکن &#39;بدقسمتی کی بات یہ ہے کہ ان کا صاف کیا ہوا پانی دوبارہ گندے نالوں میں ڈال کر آلودہ کیا جا رہا ہے&#39;۔

ستیانہ روڈ پر گلزار کالونی میں واقع ٹیکسٹائل ملز کیمیکل زدہ پانی براہ راست گندے نالے میں خارج کرتی ہیں۔

'ماحولیاتی آلودگی میں اضافے سے لاہور کے ہر شہری کی اوسط عمر ساڑھے چھ سال کم ہو رہی ہے'۔

وہ کہتے ہیں: &#39;شہر کے اندرونی حصوں میں قائم 123 صنعتوں میں آلودہ پانی صاف کرنے والے پلانٹ لگے ہوئے ہیں جو یومیہ آٹھ لاکھ گیلن سے زائد پانی &nbsp;صاف کرنے کی استعداد رکھتے ہیں۔ ان میں سے 24 پلانٹ صنعتی فضلے کو &nbsp;100 &nbsp;فیصد &nbsp;صاف کر دیتے ہیں جبکہ 99 پلانٹ آلودہ پانی کو 50 فیصد سے 60 &nbsp;فیصد تک صاف کرنے کی استعداد رکھتے ہیں&#39;۔

ان اعداد وشمار کی آزادانہ تصدیق کرنا قریب قریب ناممکن ہے کیونکہ زیادہ تر صنعت کار صحافیوں کو اپنے صنعتی اداروں میں داخل نہیں ہونے دیتے لیکن اگر میاں نتویر احمد کی بات کو درست مان بھی لیا جائے تو پھر بھی صنعتوں میں لگے پلانٹ شہر میں پیدا ہونے والے کل آلودہ پانی &ndash; جس کی مقدار 573 ملین گیلن یومیہ ہے -- کا عشرِ عشیر بھی صاف نہیں کر رہے۔

<h2>کاغذی منصوبے</h2>

1993 میں بنائے گئے فیصل آباد کے ماسٹر پلان میں فیصلہ کیا گیا کہ چینل فور نامی نالے کو اس طرح سے تبدیل کیا جائے گا کہ رہائشی آبادیوں سے خارج ہونے والا سیوریج کا پانی اور بارشی پانی ایک دوسرے سے الگ الگ رہیں۔ تاہم 27سال گزرنے کے باوجود یہ منصوبہ ابھی تک نامکمل ہے۔

واسا کے منیجنگ ڈائریکٹر جبار انور چوہدری کہتے ہیں کہ اس منصوبے پر 50 فیصد سے زائد کام مکمل ہو &nbsp;چکا ہے لیکن باقی ماندہ کام &nbsp;کو مکمل کرنے کے لئے کم از کم 30 کروڑ روپے درکار ہیں جو ان کا محکمہ اپنے ذرائع سے اکٹھا نہیں کر سکتا۔

تاہم ان کا یہ بھی کہنا ہے کہ آئندہ بیس سال کے لئے بنائے گئے واسا کے ماسٹر پلان کے تحت دریاوں کو آبی آلودگی سے بچانے کے لئے شہر کے مشرقی حصے میں 19 ارب کی لاگت سے پانی صاف کرنے کا ایک نیا پلانٹ بنایا جائے گا جو روزانہ 44 ملین گیلن پانی کو زہریلے مادوں سے &nbsp;پاک کر کے انسانی استعمال کے قابل بنائے گا جبکہ چوکیرہ کے مقام پر پہلے سے موجود پلانٹ کی صلاحیت کو بھی 20 ملین گیلن یومیہ سے بڑھا کر 180 ملین گیلن یومیہ کیا جائے گا۔

حقیقت میں یہ دونوں منصوبے گزشتہ کئی سال سے واسا کے کاغذوں میں پڑے ہوئے ہیں اور خود واسا حکام &nbsp;کو معلوم نہیں کہ ان پر عملی کام کب شروع ہو گا۔ اگر کبھی ان منصوبوں پر عمل درآمد ہو بھی جائے تو پھر بھی 268 ملین گیلن یومیہ سے زائد سیوریج اور صنعتی فضلہ بغیر کسی پلانٹ میں سے گزرے دریاوں میں شامل ہوتا رہے گا۔

یہ رپورٹ لوک سجاگ نے پہلی دفعہ 3 نومبر 2020&nbsp; کو اپنی پرانی ویب سائٹ پر شائع کی تھی۔

'پنجاں پانیاں اچ دتی زہر رلا': فیصل آباد کی صنعتوں سے نکلنے والا گندا مواد زیرِ زمیں پانی کو آلودہ کر رہا ہے۔

فیصل آباد کے ڈسٹرکٹ ہیڈ کوارٹر ہسپتال میں کام کرنے والی نرس پروین اور لیڈی ہیلتھ ورکر فاطمہ کی موت کو چھ ماہ کے قریب کا عرصہ گزر چکا ہے لیکن ان کے ساتھ کام کرنے والے لوگ ابھی بھی ان کے بچھڑنے کا غم بھلا نہیں پائے۔

شبانہ نامی خاتون نرس تین سال پروین کے ساتھ اکٹھے کام کرتی رہی ہیں۔ ان &nbsp;کے سامنے جب بھی مرحومہ نرس کا ذکر آتا ہے تو وہ ماضی میں کھو جاتی ہیں۔ پروین کی موت سے پہلے کے دنوں کو یاد کرتے ہوئے وہ کہتی ہیں کہ &#39;وہ بڑا مشکل وقت تھا، وارڈز مریضوں سے بھر چکے تھے، کام کا دباؤ بہت زیادہ تھا&#39;۔

پروین ان دنوں حاملہ بھی تھیں چنانچہ جب ان کی طبیعت خراب ہوئی تو ان کے رفقائے کار نے پہلے پہل یہی سمجھا کہ اس کا باعث کام کی زیادتی اور ان کا حمل سے ہونا ہے لیکن جب ان کو سانس لینے میں دقت پیش آنے لگی تو ان کا کورونا ٹیسٹ کروایا گیا جس سے پتہ چلا کہ وائرس ان کے جسم میں داخل ہو چکا ہے۔ ٹیسٹ کے چند ہی روز بعد ان کا انتقال ہو گیا۔

ہسپتال کی لیڈی ہیلتھ ورکر کی موت کی وجہ بھی کورونا وائرس ہی تھا۔

ان دونوں کے علاوہ ڈسٹرکٹ ہیڈکوارٹر ہسپتال کے عملے کے 100 کے قریب دیگر ارکان بھی فروری 2020 سے پاکستان میں شروع ہونے والی کورونا وائرس کی پہلی لہر کا شکار بنے تاہم وہ سب اس سے صحت یاب ہو گئے۔

حقیقت یہ ہے کہ اس لہر کے دوران فیصل آباد کے مختلف سرکاری ہسپتالوں میں متعین ڈاکٹر اور دوسرے طِبی اہل کار صوبہ پنجاب کے کسی بھی دوسرے ضلعے میں کام کرنے والے طِبی عملے سے زیادہ کورونا وائرس سے متاثر ہوئے۔ صوبائی محکمہِ صحت سے لئے گئے اعداد و شمار کے مطابق فیصل آباد میں کورونا وائرس کے کل 6385 متاثرین میں سے 376 افراد مختلف سرکاری ہسپتالوں کے اہل کار ہیں۔ ان میں 358 ڈاکٹر، 11 پیرامیڈیکل اہل کار اور سات نرسیں شامل ہیں۔

طبی عملے کی مقامی تنظیموں کا کہنا ہے کہ کورونا کے ان متاثرین میں سے 60 فیصد افراد وائرس کے مریضوں کے لئے مختص وارڈوں میں متعین نہیں تھے بلکہ ان میں وائرس کے پھیلاؤ کی سب سے بڑی وجہ کورونا سے بچاؤ کے لئے درکار حفاظتی سامان-- &nbsp;جس میں پی پی ایز (personal protective equipment) &nbsp;اور ماسک وغیرہ شامل ہیں &ndash; کا ان تک مناسب مقدار میں اور مناسب وقت پر نہ پہنچنا تھا۔ &nbsp;

وائرس کی دوسری لہر&ndash; جو پاکستان میں ستمبر 2020 کے تیسرے ہفتے سے چل رہی ہے &ndash; &nbsp;میں بھی اس ضلعے میں اسی طرح کی صورتِ حال نظر آ رہی ہے۔

ڈسٹرکٹ ہیڈ کوارٹر ہسپتال کے ایمرجنسی وارڈ کی انچارج نرس اعجاز فاطمہ کہتی ہیں کہ حکومت نے ان کے ہسپتال کا بجٹ روکا ہوا ہے جس کی وجہ سے ناصرف کورونا کے مریضوں کی دیکھ بھال میں مشکلات پیش آ رہی ہیں بلکہ طِبی عملے کی حفاظت کو یقینی بنانا بھی دشوار ثابت ہو رہا ہے۔ ان کا کہنا ہے کہ ان کے پاس مریضوں کو آکسیجن فراہم کرنے کے لئے کچھ ضروری سامان موجود ہی نہیں۔

اسی طرح ان کے مطابق &#39;عملے کے لئے این-95 ماسک مناسب تعداد میں موجود نہیں۔ خاص طور پر نرسوں کے لئے تو باقی حفاظتی سامان بھی مطلوبہ مقدار میں دستیاب نہیں&#39;۔

محکمہِ صحت کے کئی دیگر مقامی اہل کاروں کا بھی کہنا ہے کہ این-95 ماسک ہر ہفتے صرف کورونا وارڈ اور آپریشن تھیئٹروں میں کام کرنے والے ڈاکٹروں کو فراہم کئے جاتے ہیں۔ باقی جگہوں پر کام کرنے والے ڈاکٹروں کو یہ ماسک کبھی ملتے ہیں اور کبھی نہیں جبکہ باقی طبی عملہ جو کورونا وارڈ میں کام نہیں کرتا اسے محض سرجیکل ماسک ہی دیے جا رہے ہیں۔ &nbsp;

لیکن فیصل آباد حلال احمر میٹرنٹی ہسپتال کے شعبہِ زچہ و بچہ کی سربراہ ڈاکٹر تحسین &nbsp;اسلم کہتی ہیں کہ پیرامیڈیکل اہل کار اور ڈاکٹروں کے علاوہ دیگر طبی عملہ جس جراثیم زدہ ماحول میں کام کرتا ہے اس کی وجہ سے ان میں قوت مدافعت کم ہو جاتی ہے چنانچہ &#39;یہ لوگ وائرس سے زیادہ متاثر ہوتے ہیں&#39;۔

اس کا واضح مطلب یہ ہے کہ انہیں بھی تمام تر حفاظتی سامان کی اتنی ہی ضرورت ہوتی ہے جتنی کہ ڈاکٹروں کو اور کورونا وارڈ میں کام کرنے والے اہل کاروں کو۔

سرکاری ہسپتالوں میں کام کرنے والے ڈاکٹر بھی موجودہ صورتِ حال سے مطمئن نہیں۔ ینگ ڈاکٹرز ایسوسی ایشن کے ضلعی صدر ڈاکٹر نعمان چوہدری کہتے ہیں کہ فیصل آباد میں &nbsp;پی پی ایز اور این-95 &nbsp;ماسک مناسب تعداد میں دستیاب نہیں ہیں۔ &#39;جو ماسک دستیاب بھی ہیں ڈاکٹر انہیں استعمال کرنے &nbsp;سے گریز کر تے ہیں کیونکہ وہ سانس لینے میں دشواری پیدا کرتے ہیں&#39;۔

نعمان چوہدری کا مزید کہنا ہے کہ وائرس کی دوسری لہر کا سامنا کرنے کے لئے ہسپتالوں میں بیرونی مریضوں کے معائنے کا شعبہ یا تو مکمل طور پر بند کیا جانا چاہئے یا کم از کم اس میں مریضوں کی آمد کو اس حد تک کم کیا جانا چاہئے کہ ان کے درمیان مناسب جسمانی فاصلہ قائم کرنے کی گنجائش پیدا ہو سکے۔

وہ کہتے ہیں کہ &#39;بڑے سرکاری ہسپتالوں میں اس شعبے میں روزانہ چار ہزار سے پانچ ہزار مریض آتے ہیں جن میں سے کئی ایک کو کھانسی ہو رہی ہوتی ہے یا وہ بخار میں مبتلا ہوتے ہیں یا ان میں کورونا وائرس کی کچھ اور علامات نظر آ رہی ہوتی ہیں لیکن ان میں سے اکثر مریض ماسک بھی نہیں پہنتے اور ان کے بیٹھنے کے لئے جگہ بھی محدود ہوتی ہے&#39;۔

لہٰذا، نعمان چوہدری کے مطابق، &#39;ان سے وائرس کا دوسرے مریضوں، ڈاکٹروں اور دیگر طبی عملے کو منتقل ہونے کا امکان بہت بڑھ جاتا ہے&#39;۔

ینگ ڈاکٹرز ایسوسی ایشن نے سرکاری ہسپتالوں کی انتظامیہ سے یہ بھی مطالبہ کیا ہے کہ کسی بھی مریض کو کورونا وائرس کا ٹیسٹ کروائے بغیر آپریشن تھیٹر میں نہ لے جایا جائے۔ نعمان چوہدری کا کہنا ہے کہ یہ شرط ابھی جزوی طور پر لاگو ہے لیکن &#39;اس پر عمل درآمد اس طرح سے نہیں ہو رہا جس طرح ہونا چاہئے&#39;۔

دوسری طرف فیصل آباد کے تین بڑے سرکاری طبی مراکز -- الائیڈ ہسپتال، ڈسٹرکٹ ہیڈ کوارٹر ہسپتال اور جنرل ہسپتال غلام محمد آباد -- کے انتظامی سربراہ اور فیصل آباد میڈیکل یونیورسٹی کے وائس چانسلر پروفیسر ڈاکٹر ظفر علی چوہدری دعویٰ کرتے ہیں کہ ضلعے کے طبی ادارے وائرس کا مقابلہ کرنے کے لئے پوری طرح تیار ہیں۔ ان کے بقول اس وقت الائیڈ ہسپتال میں 250 اور ڈسٹرکٹ ہیڈ کوارٹر ہسپتال میں 50 ایسے بیڈ موجود ہیں جن پر مریضوں کو فی الفور آکسیجن مہیا کی جا سکتی ہے۔

&#39;اس کے علاوہ انتہائی نگہداشت کے وارڈوں میں وینٹی لیٹر بھی پوری طرح فعال ہیں اور کورونا کے مریضوں کے لئے درکار ادویات بھی وافر مقدار میں موجود ہیں&#39;۔

اگرچہ ان کا یہ بھی دعویٰ ہے کہ فیصل آباد کے ہسپتالوں میں اس وقت مناسب تعداد میں پی پی ایز موجود ہیں لیکن ساتھ ہی ان کا یہ بھی کہنا ہے کہ &#39;مکمل حفاظتی لباس صرف کورونا وارڈ یا آپریشن تھیٹر میں استعمال کئے جا رہے ہیں&#39; حالانکہ وبا کی سابقہ لہر کے اعداد و شمار ظاہر کرتے ہیں کہ ایک ہسپتال میں کام کرنے والا طبی عملہ کسی بھی جگہ وائرس کا شکار ہو سکتا ہے۔ &nbsp;&nbsp;

ڈاکٹر ظفر علی چوہدری ینگ ڈاکٹرز ایسوسی ایشن کے اس مطالبے کی حمایت بھی نہیں کرتے کہ بیرونی مریضوں کا شعبہ مکمل یا جزوی طور پر بند کر دیا جائے۔ ان کا کہنا ہے کہ کورونا کے ڈر سے یہ شعبہ بند نہیں کیا جا سکتا۔ &#39;ہمارے لئے ہر مریض اتنا ہی اہم ہے جتنا کورونا کے مریض ہیں۔ اگر اس کے ڈر سے کسی مریض کا &nbsp;علاج &nbsp;منسوخ کر دیا جائے تو اس کی موت کا ذمہ دار کون ہوگا؟&#39;۔

یہ رپورٹ لوک سجاگ نے پہلی دفعہ 30 نومبر 2020&nbsp; کو اپنی پرانی ویب سائٹ پر شائع کی تھی۔

کورونا وبا کے اثرات یا کھاد کمپنیوں کی مَن مانی: ڈی اے پی کی قیمت ایک سال میں دگنی ہو گئی۔

طبی عملے پر کورونا کے وار: فیصل آباد کے ڈاکٹر اور نرسیں کس طرح کووڈ کی دوسری لہر کا مقابلہ کر رہے ہیں۔

Is there an alternative to black smoke emitting brick kilns?

میاں فرمان علی کے بھٹے پر زور و شور سے کام جاری ہے۔ اس کے چاروں اطراف ایک وسیع میدان میں مزدور کچی اینٹیں تیار کر رہے ہیں جبکہ بھٹے کے اندر ایک طرف مزدور کچی اینٹوں کو ترتیب سے ایک دوسرے کے اوپر لگا رہے ہیں اور دوسری طرف پکی اینٹوں کو ریڑھیوں پر لاد کر باہر نکال رہے ہیں۔ اس کی چمنی سے نکلنے والا دھواں سفید مرغولوں کی صورت میں تحلیل ہوتا دیکھا جا سکتا ہے۔

اس بھٹے کی واحد نمایاں خصوصیت اس سے نکلنے والے دھوئیں کا رنگ نہیں بلکہ اس کی ساخت اور اس کے اندر اینٹوں کے رکھنے کا طریقہ کار بھی کالا دھواں چھوڑنے والے بھٹوں سے مختلف ہے۔ ان کے برعکس یہاں اینٹیں ایک دوسرے کے اوپر ایک موٹی دیوار کی طرح جوڑنے کے بجائے ایک آڑے ترچھے طریقے سے رکھی جا رہی ہیں تا کہ گرم ہوا ان کے درمیان سے آسانی سےگزر سکے۔ دوسرے بھٹوں میں اینٹیں جس طرح ترتیب دی جاتی ہیں اس سے انہیں پکانے کے لیے زیادہ حرارت کی ضرورت ہوتی ہے کیونکہ ان کے درمیان کوئی خلا نہیں ہوتا مزید برآں ان بھٹوں میں ہوا کی غیر موجودگی میں ایندھن میں موجود کاربن پوری طرح جل نہیں پاتی جسکی وجہ سے یہ گاڑھا کاربن بھرا زہریلا دھواں خارج کرتے ہیں۔

فیصل آباد کے ایک نواحی گاؤں میں واقع میاں فرمان علی کے بھٹے میں استعمال ہونے والے اس نئے طریقہ کار کو زگ زیگ ٹیکنالوجی کہتے ہیں۔ بنیادی طور پر یہ بھٹے کے اندر بنایا گیا ایک ڈھانچہ ہوتا ہے جو اینٹیں پکانے کے لیے استعمال ہونے والے ایندھن سے خارج ہونے والی زہریلی اور مضر صحت گیسوں اور دوسرے عناصر کی مقدار کو کم سے کم کر دیتا ہے۔ اس طریقہ کار پر چلنے والے بھٹوں میں روایتی بھٹوں کی نسبت آگ سے پیدا ہونے والی تپش کو ایک بڑے برقی پنکھے کے ذریعے اینٹوں کے درمیان سے گزارا جاتا ہے تا کہ سبھی اینٹوں کو یکساں حرارت مل سکے۔ بھٹے کے اندر ہوا کی موجودگی سے کوئلہ جلنے کا عمل بھی زیادہ موثر ہو جاتا ہے اور کوئلے میں موجود زیادہ تر کاربن بھٹے کے اندر ہی جل جاتی ہے چنانچہ ایسے بھٹوں کا دھواں سیاہ ہونے کی بجائے سفید اور نسبتا کم زہریلا ہوتا ہے۔

اس طریقہ کار کی پاکستانی بھٹوں میں آمد کا باعث پاکستان، خاص طور پر پنجاب، میں گزشتہ کچھ سالوں سے بڑھتی ہوئی فضائی اور ماحولیاتی آلودگی اور سردیوں کے اوائل میں آنے والی سموگ (smog) ہے جسے پیدا کرنے میں اینٹیں بنانے والے بھٹوں کا ایک اہم کردار ہے جس کی وجہ سے لاہور ہائی کورٹ نے پنجاب کے محکمہ ماحولیات کو پابند کیا ہے کہ وہ آلودگی پھیلانے والے تمام بھٹوں کو سات نومبر 2020 سے بند کرنا شروع کرے۔ اسی طرح پنجاب کے تمام بھٹہ مالکان کو صوبائی حکومت کی طرف سے حکم دے دیا گیا ہے کہ وہ 31 دسمبر 2020 تک اپنے بھٹے زگ زیگ ٹیکنالوجی پر منتقل کر لیں ورنہ ان کے بھٹے بند کردیے جائیں گے۔

اس پابندی سے بچنے کے لیے بہت سے روایتی بھٹے چوری چھپے اپنا کام کر رہے ہیں۔ اسی طرح کا ایک بھٹہ فیصل آباد کے نواحی گاؤں روشن والا سے چند کلو میٹر کی دوری پر کام کر رہا ہے۔ بظاہریہاں کوئی گہما گہمی نظر نہیں آتی۔ نہ ہی مزدور نئی کچی اینٹیں بنا رہے ہیں اور نہ ہی تیار شدہ اینٹوں کو بھٹے کے اندر لگایا جا رہا ہے مگر اس کی چمنی سے اٹھتے کالے دھوئیں سے پتہ چلتا ہے کہ یہ ابھی بھی پرانی ٹیکنالوجی پر چل رہا ہے۔

اس بھٹے کے مالک بشارت علی سجاگ سے گفتگو کرتے ہوئے کہتے ہیں کہ حکومت کی طرف سے بھٹوں کی بندش کا اعلان ہونے کے بعد انہوں نے کچی اینٹیں بنانے کا کام بند کر رکھا ہے اور اب صرف بھٹے میں پکنے کے لیے رکھی اینٹوں کو ہی تیاری کے مراحل سے گزارا جا رہا ہے۔ تاہم انہیں شکایت ہے کہ &#39;حکومت اور عدالتیں بھٹہ مالکان کو زگ زیگ ٹیکنالوجی پرمنتقل ہونے کے لئے زور تو لگا رہی ہیں لیکن اس سلسلے میں ہماری کوئی مدد نہیں کر رہی ہیں&#39;۔

ان کا یہ بھی کہنا ہے کہ بھٹوں میں زگ زیگ ٹیکنالوجی نصب کرنے کے ماہر کاریگر آسانی سے دستیاب نہیں ہیں اور نہ ہی حکومت نے اپنے وعدے کے مطابق ایسے ماڈل بھٹے بنائے ہیں جن سے بھٹہ مالکان اس ٹیکنالوجی کے بارے میں آگاہی حاصل کر سکیں &#39;اس لئے وہ اپنے طور پر تجربات کر رہے ہیں جن کی وجہ سے ان میں سے بیشتر لوگ لاکھوں روپے کا نقصان اٹھا چکے ہیں&#39;۔ ان کا یہ بھی کہنا ہے کہ زگ زیگ ٹیکنالوجی خامیوں سے مبرا نہیں ہے۔ ان کے مطابق اس ٹیکنالوجی میں ایک ایسا سقم ہے جس کی وجہ سے کوئلے کو ہوا پہنچانے والے پنکھے کچھ عرصہ چلنے کے بعد خراب ہو جاتے ہیں جس کے نتیجے میں اینٹوں تک حرارت یکساں طور پر نہیں پہنچتی اور ان کی ایک بڑی تعداد نیم پختہ رہ جاتی ہے یوں بھٹہ مالکان کو لاکھوں روپے کا نقصان برداشت کرنا پڑتا ہے۔

میاں فرمان علی بشارت علی سے متفق نظر نہیں آتے۔ انہیں اپنے بھٹے کو زگ زیگ ٹیکنالوجی پر منتقل کیے ہوئے دو سال سے زائد کا عرصہ گزر چکا ہے۔ اس کے فوائد بیان کرتے ہوئے وہ کہتے ہیں کہ &#39;عام بھٹوں کی نسبت میرے بھٹے میں کوئلے کے استعمال میں تیس فیصد کمی آئی ہے۔ پہلے میں چوبیس گھنٹوں میں تقریبا تیس ہزار اینٹ تیار کرتا تھا لیکن اب میرے بھٹے پرایک دن میں ساٹھ ہزار اینٹ تیار ہو رہی ہے جس کا معیار بھی پہلے سے بہتر ہے&#39;۔

زگ زیگ ٹیکنالوجی کی تنصیب میں مالی نقصان سے بچنے کے لیے وہ بھٹہ مالکان کو مشورہ دیتے ہیں کہ وہ اس ٹیکنالوجی کو اچھی طرح سیکھنے سے پہلے اپنا بھٹہ اس پر منتقل نہ کریں کیونکہ بہت سے لوگ ایسا کر کے ناکامی کا منہ دیکھ چکے ہیں۔

حکومت کی طرف سے دی گئی ڈیڈ لائن پر بات کرتے ہوئے میاں فرمان علی کہتے ہیں کہ اکثر بھٹہ مالکان کا مؤقف ہے کہ 31 دسمبر 2020 تک تمام بھٹوں کو زگ زیگ ٹیکنالوجی پر منتقل کرنا نا ممکن ہے کیونکہ اس کو استعمال کرنے والا بھٹہ بنانے پر شروع میں بہت خرچہ آتا ہے جس سے بھٹہ مالکان مالی مشکلات کا شکار ہو جاتے ہیں جبکہ پرانی ٹیکنالوجی تھوڑے پیسے سے بھی چل سکتی ہے&#39;۔

ان اخراجات کے بارے میں محکمہ ماحولیات قصور کے اسسٹنٹ ڈائریکٹر محمد نعمان یونس کا کہنا ہے کہ &#39;ایک بھٹے کو زگ زیگ ٹیکنالوجی پر منتقل کرنے کے لیے اوسطا چھ سے سات لاکھ روپے درکار ہیں جو بھٹہ مالکان آسانی سے ادا کر سکتے ہیں کیونکہ وہ سارا سال اس کاروبار سے منافع کماتے ہیں لہٰذا بھٹہ مالکان کا یہ کہنا کہ ان کے پاس زگ زیگ ٹیکنالوجی کے لیے پیسے نہیں ہیں محض ایک بہانہ ہے&#39;۔

بھٹہ مالکان کے علاوہ بھٹہ مزدور بھی حکومت کی طرف سے بھٹوں کی بندش کے حکم نامے سے پریشان ہیں۔ آل پاکستان بھٹہ مزدور یونین پنجاب کے سیکٹری جنرل محمد شبیر کا کہنا ہے کہ اگر 31 دسمبر کے بعد پنجاب میں موجود اکثر بھٹے بند کر دیے جائیں گے تو یہ مزدور جو پہلے ہی بہت کم تخواہوں اور غیر مناسب اور غیر محفوظ حالات میں کام کرتے ہیں فاقے کرنے پر مجبور ہو جائیں گے۔

سجاگ سے بات کرتے ہوئے وہ کہتے ہیں کہ &#39;بھٹوں کی صنعت بند ہونے کی صورت میں وزیر اعظم پاکستان کو چاہیے کہ وہ بھٹہ مزدوروں کو وفاقی حکومت کے مالی امداد فراہم کرنے والے احساس پروگرام &nbsp;میں رجسٹر کریں تا کہ یہ مزدور اپنے بچوں کا پیٹ پال سکیں&#39;۔

<h2>ایک قدم آگے دو قدم پیچھے</h2>

2017 میں ماحولیاتی بچاؤ پر کام کرنے والی ایک بین الاقوامی تنظیم انٹرنیشنل سینٹر فار انٹیگریٹڈ ماؤنٹین ڈویلپمنٹ (ICIMOD)، حکومت پاکستان اور بھٹہ مالکان کے نمائندوں کا ایک اجلاس اسلام آباد میں منعقد ہوا جہاں نیپال میں زگ زیگ ٹیکنالوجی پر چلنے والے بھٹوں سے متعلق مختلف ویڈیوز کے ذریعے بھٹہ مالکان کو اس کے متعلق آگاہ کیا گیا۔ اسی سال بھٹہ مالکان اور حکومتی نمائندوں نے نیپال کا دورہ بھی کیا جہاں انہوں نے اس ٹیکنالوجی پر چلنے والے بھٹوں کا مشاہدہ کیا۔

آل پاکستان بھٹہ مالکان ایسوسی ایشن کے جنرل سیکرٹری مہر عبدالحق اور ان کی تنظیم کے دوسرے عہدیداروں نے اس دورے سے واپسی پر لاہور، اسلام آباد، ملتان اور فیصل آباد میں سیمینار منعقد کیے جہاں انہوں نے دوسرے بھٹہ مالکان کو اپنے تجربات کے بارے میں آگاہ کیا۔ ان سیمیناروں کے ذریعے نہ صرف بھٹہ مالکان کو زگ زیگ ٹیکنالوجی سے متعارف کروایا گیا بلکہ ان سے یہ وعدہ بھی کیا گیا کہ حکومت بھٹوں کی ساخت میں تبدیلی اور ان میں پنکھوں کی تنصیب میں ان کی معاونت کے لیے انہیں سستے قرضے بھی فراہم کرے گی۔ تین سال گزر جانے کے بعد مہر عبدالحق اس ضمن میں کیے گئے حکومتی اقدامات سے خوش نہیں ہیں۔

ان کا یہ بھی دعوی ہے کہ 2017 میں عالمی بینک نے گرین ڈویلپمنٹ پروگرام کے تحت حکومت پاکستان کو دو ارب روپے اس لئے فراہم کیے تھے کہ وہ بھٹہ مالکان کو اپنے بھٹے زگ زیگ ٹیکنالوجی پر منتقل کرنے کےلیے آسان شرائط پر قرض دے مگر وہ کہتے ہیں کہ تین سال گزر جانے کے باوجود بھٹہ مالکان کو ایک روپیہ تک نہیں دیا گیا۔

ضلع قصور میں تعینات محکمہ ماحولیات کے اسسٹنٹ ڈائریکٹر محمد نعمان یونس بھی تسلیم کرتے ہیں کہ &#39;ورلڈ بینک نے بھٹوں کو زگ زیگ ٹیکنالوجی پر منتقل کرنے کے لیے حکومت پاکستان کو دو ارب روپے عطیہ کیے تھے جو بھٹہ مالکان کو قرضوں کی صورت میں دیے جانے تھے مگر ابھی تک حکومت &nbsp;نے وہ پیسے کسی کو نہیں دیے ہیں&#39;۔

<h2>حکومتی دعوے</h2>

وسطی پنجاب کے مختلف علاقوں میں تعینات محکمہ ماحولیات کے افسران کا دعوی ہے کہ بھٹہ مالکان صرف نئی ٹیکنالوجی کے خوف سے اسے نہیں اپنا رہے ہیں۔ فیصل آباد میں محکمہ ماحولیات کے اسسٹنٹ ڈائریکٹر محمد عارف محمود سجاگ سے بات کرتے ہوئے کہتے ہیں کہ &#39;جب بھی کوئی نئی ٹیکنالوجی آتی ہے لوگ شروع میں اسے اپنا نے سے ہچکچاتے ہیں لیکن ان کا یہ بھی دعوی ہے کہ &#39;وقت گزرنے کے ساتھ ساتھ بھٹہ مالکان بھی اس ٹیکنالوجی کے فوائد کو دیکھ کر اسے اپنا رہے ہیں&#39;۔

لیکن قدرتی آفات سے نپٹنے والے صوبائی ادارے (PDMA) کی 14 نومبر 2020 کی ایک رپورٹ کے مطابق ابھی تک پنجاب کے 7530 بھٹوں میں سے صرف 1268 بھٹے زگ زیگ ٹیکنالوجی پر منتقل ہو سکے ہیں۔ دوسرے لفظوں میں ابھی تک پنجاب میں موجود کل بھٹوں میں سے 20 فیصد سے بھی کم نئی ٹیکنالوجی استعمال کر رہے ہیں۔

یہ رپورٹ لوک سجاگ نے پہلی&nbsp;دفعہ&nbsp;20 نومبر 2020&nbsp; کو اپنی پرانی ویب سائٹ پر شائع کی تھی۔

نعیم احمد