Discover the significant environmental benefits of electric vehicles, from reduced carbon emissions to cleaner air. Explore the measurable impact on pollution reduction and learn how electric

Electrifying Solutions: Quantifying the Environmental Impact of Electric Vehicles on Pollution Reduction

لاہور میں جی ٹی روڈ، فیروز پور روڈ، ملتان روڈ یا کینال روڈ پر سفر کریں تو کوئی نہ کوئی گہرا سیاہ دھواں چھوڑتی گاڑی خاص طور پر رکشہ یا موٹرسائیکل ضرور نظر آئے گی۔ یہ گاڑی چلانے والے کو شاید احساس ہی نہیں ہوتا کہ ان کے اس عمل سے ماحول میں کس قدر آلودگی پھیل رہی ہے۔

لاہور کی نشتر روڈ، دو موریہ،گڑھی شاہو سمیت کئی علاقے ایسے ہیں جہاں رکشوں اور گاڑیوں کے دھویں کی وجہ سے سانس لینا بھی دشوار ہوتا ہے۔

<h2>فضائی آلودگی کیا ہے؟</h2>

عالمی ادارہ صحت کے مطابق فضائی آلودگی، ماحول کی ایسی خرابی ہے جو کسی کیمیائی، طبعی یا حیاتیاتی اثر&nbsp; کے ذریعے ماحول کی قدرتی خصوصیات کو تبدیل کر دیتی ہے۔ جس کے بڑے ذرائع ڈیزل، پٹرول وگیس پر چلنے والی گاڑیاں، فیکٹریاں، گھریلو آلات (ائرکنڈیشنرز، فریج وغیرہ) اور فصلوں پر چھڑکے جانے والے زہر اور جنگل کی آگ مانے جاتے ہیں۔

ڈبلیو ایچ او کہتی ہے کہ فوسل فیول (پٹرول، ڈیزل وغیرہ) جلنے سے کاربن مانو آکسائیڈ، سلفر ڈائی آکسائیڈ اور نائٹروجن ڈائی آکسائیڈ گیس خارج ہوتی ہیں جو بیماریوں اور اموات کی بڑی وجہ ہیں۔

میوہسپتال لاہور کے سینئر ماہر طب ڈاکٹر سلمان کاظمی بتاتے ہیں کہ پاکستان میں کینسر، دمہ اور سانس کی دیگر بیماریوں کے پھیلنے کا بڑا سبب ڈیزل، پٹرول میں موجود زہریلے مادوں کی زائد مقدار ہے۔ کئی اقسام کی الرجی و دیگر بیماریوں کے ساتھ لوگوں کی آنکھیں بھی متاثر ہو رہی ہیں۔

دنیا میں فضائی آلودگی کی مانیٹرنگ کر نے والے ادارے <a href="https://www.iqair.com/pakistan/punjab/lahore">ائر کوالٹی انڈکس</a> کے مطابق&nbsp; 2018ء میں پاکستان کو مجموعی طور پر دنیا کا دوسرا آلودہ ترین ملک قرار دیا گیا جہاں سالانہ پی ایم 2.5 اوسط 74.3 مائیکرو گرام فی مکعب میٹر رہی۔

اسی سال&nbsp; ورلڈ ائر کوالٹی رپورٹ میں لاہور کا درجہ دسواں جبکہ فیصل آباد کا فضائی آلودگی میں تیسرا نمبر تھا۔

لاہور میں عام طور پر سردیوں کے موسم میں اکتوبر سے فروری تک فضا میں بدترین آلودگی ہوتی جب شہر میں ٹریفک کے دھویں کے ساتھ کسان بھی فصلوں کی باقیات جلا رہے ہوتے ہیں۔

نومبر 2019ء میں لاہور دنیا میں باقاعدگی سے دہلی کے بعد دوسرے نمبر پر آیا اور بعض اوقات بھارتی دارالحکومت کو پیچھے چھوڑ دیتا تھا۔

<a href="https://aqicn.org/city/pakistan/lahore/us-embassy/">فضائی آلودگی مانیٹر کرنے والا ایک اور عالمی ادارہ&nbsp; اے کیو آئی سی این</a> بتاتا ہے کہ اگر فضائی آلودگی کی سطح صفر سے 50 تک تو یہ ہوا کی اچھی کوالٹی ہوتی ہے تاہم اگر یہ سطح 51 سے 100 کے درمیاں پہنچ جائے تو یہ قابل قبول ہے۔

اسی ادارے کے مطابق اگر فضا میں آلودگی 101 سے 150 کے درمیان ہو تو&nbsp; حساس طبیعت یا بیمار افراد کے لیے ٹھیک نہیں۔

اسی طرح 151 سے 200 تک&nbsp; کی سطح ہر ایک کے لیےمضر صحت، 201 سے 300 تک انتہائی مضر صحت ہوتی ہے لیکن جب فضا میں آلودگی کا لیول 300 سے اوپر&nbsp; ہوتا تو یہ صحت کے لیے انتہائی خطرناک سمجھا جاتا ہے۔

بدقسمتی سے لاہور میں آلودگی کا لیول کئی بار ساری حدیں پھلانگ چکا ہے۔

&nbsp;اے کیو آئی سی این&nbsp; کی رپورٹ ظاہر کرتی ہے کہ گزشتہ اکتوبر کے دوران لاہور میں فضائی آلودگی کی سطح نو دن 200 سے 400 کے درمیان رہی جبکہ&nbsp; نومبر کے 14 دن یہ لیول 200 سے 400 کے درمیان رہا۔

پچھلے دسمبر میں تو حد ہی ہو گئی تھی جب چار دن ائیرکوالٹی انڈکس 400 کو عبور کر گیا جبکہ 13 روز یہ سطح 300 سے 400 کے درمیان اور 13 دن 200 سے 300 رہی۔

رواں سال جنوری&nbsp; میں ایک دن انڈکس 400 سے اوپر،جبکہ 18 دن 300 سے 400 کے درمیان ریکارڈ کیا گیا۔

<a href="https://asef.org/wp-content/uploads/2021/11/ASEFSU23_Background-Paper_Urban-Mobility-in-Pakistan-and-Lahore.pdf">ایشیا یورپ فاؤنڈیشن کی 2021ء کی ایک سٹڈی رپورٹ</a>&nbsp; کے مطابق پنجاب بھر میں ایک کروڑ 96 لاکھ 55 ہزار سے زائد گاڑیاں ہیں جن میں سے 62 لاکھ 65 ہزار ( تمام گاڑیوں کا تقریباً ایک تہائی) لاہور میں رجسٹرڈ ہیں۔

اس ضلعے کی کل گاڑیوں میں سے آٹو رکشوں کی تعداد دو لاکھ سے زائد جبکہ موٹر سائیکلوں کی تعداد 42 لاکھ 98 ہزار ہے جو کہ گاڑیوں کی مجموعی تعداد کا 68 فیصد بنتی ہے۔

&nbsp;<a href="https://www.urbanunit.gov.pk/Download/publications/Files/8/2023/Emission%20Inventory%20of%20Lahore%202023.pdf">پنجاب اربن یونٹ کی ایمیشن انوینٹری&nbsp; آف 2023ء</a> ظاہر کرتی ہے کہ لاہور کی فضائی آلودگی میں 83 فیصد سے زیادہ حصہ ٹرانسپورٹ کا ہے۔

&nbsp;اسی رپورٹ کے مطابق صوبائی دارالحکومت میں 2011ء کے بعد گاڑیوں کی تعداد میں ہر سال تیزی سے اضافہ ہو رہا ہے۔ 2011ء میں یہاں گاڑیوں کی تعداد ساڑھے 23 لاکھ 90 ہزار تھی جو 2019 ء میں 51 لاکھ 60 ہزار، 2020ء میں 57 لاکھ جبکہ 2021 ء کے اختتام تک 62 لاکھ 90 ہزار ہو گئی۔

لاہور میں2011ء سے 2021ء کے درمیان موٹر سائیکل/سکوٹر کی مجوعی تعداد میں 69 فیصد اضافہ ریکارڈ کیا گیا۔

ماہرین بتاتے ہیں کہ فضائی آلودگی میں اضافہ روکنے کے لیے الیکٹرک گاڑیوں کا فروغ&nbsp; مدد گار ثابت ہو سکتا ہے جس سے شہر میں ٹریفک کا شور بھی کم ہو جائے گا۔ اسی سلسلے&nbsp; میں پنجاب میں الیکٹرک (ای) گاڑیاں متعارف کرائی جا رہی ہیں جبکہ ای رکشے اور ای موٹر سائیکل اب سڑکوں پر نظر آنا بھی شروع ہوگئے ہیں۔

اسی پالیسی کے تحت صوبائی حکومت نے چنگ چی رکشوں کی مینوفیکچرنگ پر پابندی عائد کر دی ہے اور لاہور میں آٹو رکشوں کو بتدریج بند کیا جائےگا جبکہ روایتی چنگ چی اور آٹو رکشوں کے متبادل کے طور پر ای رکشے اور موٹرسائیکل متعارف کرا دیے گئے ہیں۔

صوبائی وزیر ٹرانسپورٹ بلال اکبر خان تصدیق کرتے ہیں کہ لاہور کی فضائی آلودگی میں 70 سے 80 فیصد حصہ ٹرانسپورٹ کا ہے جبکہ اس آلودگی میں 70 فیصد کردار روایتی رکشے اور موٹر سائیکل ادا کر رہے ہیں۔ اس لیے حکومت نے پہلے مرحلے میں رکشوں اور موٹر سائیکلوں کو بجلی پر منتقل کرنے کا فیصلہ کیا ہے۔

&quot;اگر ہم دو اور تین وہیلر گاڑیوں کو بجلی پر لانے میں کامیاب ہو جاتے ہیں تو ہمارے شہر کی ائر کوالٹی کے معیار میں 30 سے 40 فیصد بہتری ہو گی۔ اس سے صرف فضائی آلودگی میں ہی کمی نہیں آئےگی بلکہ انتہائی مہنگے ایندھن یعنی پٹرول کا استعمال بھی کم ہو جائےگا جو شہریوں خاص طورپر طلبا کے لیے ناقابل برداشت ہو چکا ہے۔&quot;

محکمہ تحفظ ماحولیات، پنجاب کے ڈائریکٹر نسیم الرحمن بتاتے ہیں کہ ای موٹر سائیکل اور ای رکشے سمیت الیکٹرک وہیکلز میں چونکہ کسی قسم کا فوسل فیول (کوئلہ، تیل وغیرہ) استعمال نہیں ہو گا تو ان سے آلودگی بھی پیدا نہیں ہو گی۔

ماحولیاتی تحفظ کے لیے کام کرنے والے نوجوان کارکن فہد الیکٹرک گاڑیاں متعارف کرانے کے حکومتی فیصلے کو قابل ستائش قرار دیتے ہیں۔ لیکن ان کا ماننا ہے کہ اس سے فضائی آلودگی کی شرح میں کمی نہیں آئے گی کیونکہ جو گاڑیاں اس وقت سڑکوں پر چل رہی ہیں وہ تو موجود رہیں گی تاہم ہرسال نئی پٹرول اور ڈیزل گاڑیوں کا اضافہ نہیں ہو گا۔

&quot; کم از کم ہمیں غیر میعاری ایندھن استعمال کر نے والے رکشے پر مکمل پابندی لگانی پڑے گی۔&quot;

پبلک پالیسی اور ماحولیات کے ماہر داور بٹ سمجھتے ہیں کہ صوبائی حکومت اور متعلقہ محکموں کو ماحولیاتی آلودگی کے نقصانات اور سنگینی کا ادراک ہے جو اچھی بات ہے ۔ اس حوالے سے ائر کوالٹی پالیسی 2023ء میں آلودگی کی وجوہات کے خاتمے کے لیے لانگ ٹرم اور شارٹ ٹرم اقدامات کا بھی ذکر کیا گیا ہے لیکن بدقسمتی سے ان پالیسیوں پر عمل نہیں ہو رہا۔

وہ بتاتے ہیں کہ 2018ء سے لاہور میں الیکٹرک بسیں لانے کی بات ہو رہی ہے مگر اس پر ابھی تک عمل نہیں ہو پایا۔ تاہم الیکٹرک رکشوں و موٹر سائیکلوں کی تیاری اور اسمبلگنگ شروع ہو گئی جبکہ حکومت نے 10 ہزار ای موٹر سائیکل اقساط پر دینے کا بھی فیصلہ کیا ہے لیکن یہ کافی نہیں۔

وہ بھی فہدملک کی بات کی تائید کرتے ہیں کہ روایتی چنگ چی اور آٹو رکشوں پر مکمل پابندی لگانا ہو گی اور ان لوگوں کو متبادل کے طور پرای رکشے اور موٹر سائیکل دینا ہوں گے۔

الیکٹرک گاڑیوں سےآلودگی میں کمی کے امکانات اپنی جگہ درست لیکن بعض ماہرین کے مطابق یہ دعویٰ درست نہیں کہ ای وہیکلز سے کوئی آلودگی پیدا نہیں ہو گی۔

<a href="https://www.sfei.org/news/vehicle-tires-threaten-water-quality#sthash.UdhfaMH8.dpbs">سان فرانسسکو ایسٹوری&nbsp; انسٹی ٹیوٹ اینڈ ایکوا سائنس سنٹر کی رپورٹ</a> بتاتی ہے کہ گاڑیوں کے ٹائروں سے انتہائی چھوٹے ذرات جھڑتے رہتے ہیں جو آلودگی کا سبب بنتے ہیں۔ اس رپورٹ کے مطابق ایک کار کے ٹائروں سے سالانہ تین سے ساڑھے پانچ کلو گرام تک مائیکروپلاسٹک ذرات پیدا ہوتے ہیں۔

لاہور کی ایک نجی یونیورسٹی میں شعبہ ماحولیات کی پروفیسر ڈاکٹر عائشہ لیاقت بتاتی ہیں کہ گاڑی گیسولین ایندھن والی ہو یا الیکٹرک جب یہ سڑک پر دوڑتی ہے تو ہر چکر کے ساتھ ٹائر سے انتہائی چھوٹے ذرات الگ ہوتے ہیں جو فضائی آلودگی میں اضافہ کرتے ہیں۔

وہ کہتی ہیں کہ اس آلودگی کے علاوہ، ٹائر بنانے میں ایک خاص قسم کا کیمیکل &#39;پی پی ڈی 6&#39; استعمال ہوتا ہے جو ربڑ کو ٹوٹنے یا پھٹنے سے روکتا ہے۔ یہ مادہ سڑکوں سے بارش کے ذریعے بہہ کر دریاؤں اور سمندروں میں جاتا ہے، جو آبی حیات کے لیے سخت نقصان ہے۔

ڈاکٹر عائشہ لیاقت کا کہنا تھا کہ کہ الیکٹرک گاڑیوں میں بھاری بیٹریوں کے استعمال کی وجہ سے ان کا وزن عام گاڑیوں کی نسبت زیادہ ہوتا ہے جس کے لیے انہیں زیادہ مضبوط ٹائروں کی ضرورت ہوتی ہے۔ تاہم ای گاڑیاں دھواں تو پیدا نہیں کریں گی لیکن ان کے ٹائروں کی آلودگی برقرار رہے گی۔

وہ تجویز کرتی ہیں کہ اس مسئلے&nbsp; پر قابو پانے کے لیے دنیا میں ہونے والی نئی پیشرفت اور پالیسیوں پر نظر رکھنا ہو گی۔

کیا حکومت الیکٹرک بائیکس اپنانے کے لیے لوگوں کو کوئی مراعات دے گی؟

الیکٹرک گاڑیوں کے استعمال سے فضائی آلودگی میں کتنی کمی آئے گی؟

text

Explore strategies for overcoming barriers to green meter installation and advancing sustainable energy solutions. Discover how innovative approaches and collaborative efforts can dismantle o

Clearing the Path: Overcoming Obstacles to Green Meter Installation for Sustainable Energy Solutions

گرمیوں میں پنکھے اور ائیر کنڈیشنرز کا استعمال بڑھتے ہی بجلی کے بل کئی گنا بڑھ جاتے ہیں جن سے جان چھڑانے کے لیے لوگوں میں چند برسوں سے سولر سسٹم لگوانے کے رحجان میں اضافہ ہوا ہے۔ بعض صارفین تو گھر کی بجلی، الیکٹرک سپلائی کمپنیوں (ڈسکوز) کو بھی دے رہے ہیں۔

مقصود فریدی ڈی ایچ اے لاہور کے رہائشی ہیں جنہوں نے اپنے گھر میں 10 کلو واٹ کا سولرسسٹم نصب کر رکھا ہے۔ وہ بتاتے ہیں کہ انہوں نے چار سال قبل یہ سسٹم 18 لاکھ روپے خرچ کر کے لگایا تھا جس سے ان کے گھر میں تین انورٹر ائیرکنڈیشنر، 10 پنکھے، استری، واشنگ مشین اور پانی کی موٹر چلتی ہے۔

وہ کہتے ہیں کہ ان کے گھر میں ماہانہ ایک ہزار یونٹ تک بجلی استعمال ہوتی تھی جس کا ہزروں روپے بل آتا تھا۔ تاہم سولر سسٹم اور گرین میٹر لگانے کے بعد انہیں لیسکو سے 200 یونٹ سے زیادہ کا بل نہیں آتا جبکہ سردیوں میں تو زیرو یونٹ کا بھی بل آیا۔ 
&nbsp;&quot;ہم دوپہر کے اوقات یعنی دن گیارہ سے دو بجے کے درمیان اگر بجلی کم استعمال کریں تو زیادہ بچت ہوتی ہے۔&quot;

لاہور میں سولر بزنس سے منسلک محمد عمران بتاتے ہیں کہ سولر سسٹم لگوانے کے لیے صارفین کے پاس دو آپشنز ہوتے ہیں۔ ایک &#39;آف گرڈ سسٹم&#39; جس سے صارف دن میں بچ جانے والی سولر بجلی رات کے استعمال کے لیے بیٹریوں میں محفوظ کر لیتا ہے جو کافی مہنگی اور بھاری ہوتی ہیں۔ تاہم ان سے گھر بجلی کے معاملے میں خود کفیل ہو جاتا ہے۔

&quot;دوسرا &#39;آن گرڈ سسٹم&#39; ہے جس میں صارف دن کو بچ جانے والی اضافی سولر بجلی ڈسکوز کو دے دیتا ہے جبکہ رات کو گھر کی ضرورت پوری کرنے کے لیے ڈسٹری بیوشن کمپنی سے بجلی لے لیتا ہے۔ جس کے لیے گرین یا اے ایم آئی میٹر لگانا ضروری ہوتا ہے۔ اس عمل کو نیٹ میٹرنگ کہا جاتا ہے&quot;۔ 
عمران بتاتے ہیں کہ&nbsp; زیادہ تر لوگ آن گرڈ سسٹم کا ہی انتخاب کرتے ہیں۔

2015ء میں بجلی بحران کے دوران حکومت نے نیٹ میٹرنگ شروع کرنے کا فیصلہ کیا تھا جس کا ہدف لوگوں کو شمسی توانائی میں سرمایہ کاری کی طرف راغب کرنا تھا۔ اس اقدام کا مقصد یہ بھی تھا کہ اس سے نہ صرف مہنگی تھرمل بجلی کی پیداوار پر انحصار کم ہو گا اور قیمتی زرمبادلہ بھی بچے گا بلکہ ماحولیاتی آلودگی پر بھی قابو پایا جا سکے گا۔

نیٹ میٹرنگ منصوبے کے تحت حکومت نے یہ بھی طے کیا تھا کہ صارفین سے اضافی سولر بجلی ڈسکوز خریدیں گی۔

گھریلو صارفین سے سولر سے بجلی خریدنے کے لیے ڈسکوز صارفین سے&#39;گرین میٹر&#39; لگوا رہی ہیں جو دراصل دو طرفہ میٹر ہوتا ہے۔ اس میں گرڈ سے گھر میں آنے والی اور گھر سے گرڈ سسٹم کو جانے والی بجلی کے یونٹس ماپنے کا نظام موجود ہوتا ہے۔

لیسکو ٹیرف&nbsp; کے مطابق، کمپنی اپنے صارفین سے 19.32 روپے فی یونٹ بجلی خریدتی ہے جبکہ انہیں 12.21 روپے سے 49.10 روپے تک فی یونٹ کے حساب سے فروخت کرتی ہے۔ تاہم پیک آورز کے ریٹ الگ ہوتے ہیں۔

وفاقی حکومت نے ستمبر 2015ء میں نیپرا&nbsp; (متبادل اور قابل تجدید توانائی) ڈسٹری بیوٹڈ جنریشن اینڈ نیٹ میٹرنگ ریگولیشنز کا اجراء کیا تھا جس کی شق سات کے تحت ابتدائی طور صارفین سے سولر بجلی خریدنے کے کنٹریکٹ کی مدت تین سال مقرر کی گئی تھی لیکن نیٹ میٹرنگ کا یہ منصوبہ شروع نہ ہو سکا۔

تاہم نومبر 2017ء میں وزارت توانائی&nbsp; نے نیٹ میٹرنگ منصوبے پر عمل درآمد کے لیے جب سٹینڈرڈ پروسیجرز(ایس او پیز) جاری کیے تو سولر سسٹم کی کوالٹی اور سرمایہ کاری کے امکانات کو مدنظر رکھتے ہوئے صارفین سے کنٹریکٹ کی مدت سات سال مقرر کرنے کا فیصلہ کیا گیا۔

اسی نوٹیفکیشن میں کہا گیا کہ &quot; کنٹریکٹ کی مدت تین سال رکھنے سے صارف کے لیے کوئی کشش نہیں ہو گی&quot;۔ اس لیے نیپرا کو نیٹ میٹرنگ ریگولیشنز کی شق سات میں ترمیم کی اجازت دے دی گئی۔

نیپرا نے ان ریگولیشنز میں ترمیم کے بعد صارفین سے گرین میٹرز کے ذریعے بجلی خریدنے کا ٹیرف (ریٹ) 9.95 روپے یونٹ مقرر کیا لیکن بجلی مہنگی ہونے کے باعث جولائی 2022ء تک یہ ریٹ19.32 روپے یونٹ کر دیا گیا جس کی وجہ سے ہزاروں لوگوں نے نیٹ میٹرنگ میں دلچسپی لینا شروع کر دیا۔

لیکن پھر ڈسکوز اور وزارت توانائی نے گرین میٹر کا ٹیرف کم کرنے کے لیے دباؤ ڈالا تو نیپرا نے عوامی سماعت رکھ لی جس میں صارفین اور دیگر سٹیک ہولڈرز نے اس کی سخت مخالفت کی۔

ستمبر 2022ء میں ترجمان وزارت توانائی&nbsp; نے تو اعلان&nbsp; بھی کر دیا تھا&nbsp; کہ نیپرا نیٹ میٹرنگ بجلی کی فی یونٹ قیمت کم کرکے نو روپے کر رہا ہے (جس کی قیمت خرید 2018ء سے 2021ء تک 9.95 روپے جبکہ فروری2021ء سے جولائی 2022ء تک 12.95 روپے یونٹ مقرر تھی)۔

تاہم نیپرا&nbsp; نے 13 فروی 2023ء کو گرین میٹر سے بجلی خریدنے کے ٹیرف میں کمی کی درخواست پر اپنا فیصلہ جاری کر دیا جس میں واضح کیا گیا کہ صارفین ڈسکوز کو 19.32 روپے یونٹ کے حساب سے اضافی بجلی کی فروخت جاری رکھیں گے۔

اس فیصلے اور بجلی مزید مہنگی ہونے کی وجہ سے صارفین کو حوصلہ ملا جس کے باعث سولر سسٹم کے ساتھ گرین میٹرز کی ڈیمانڈ میں خاطر اضافہ ہو چکا ہے۔

پہلے گرین میٹر کا حصول خاصا مشکل ہوتا تھا لیکن اب صارفین کو مارکیٹ سے میٹر خریدنے کی اجازت دے دی گئی ہے۔

ڈائریکٹر جنرل لیسکو مارکیٹ امپلیمنٹیشن اینڈ ریگولیٹری ڈیپارٹمنٹ (میراڈ) الطاف قادر بتاتے ہیں کہ رواں سال فروری کے اختتام تک لیسکو 60 ہزار 331 گرین میٹرز کی تنصیب مکمل کرچکا ہے جن کی کپیسٹی 495 میگاواٹ سے زیادہ بنتی ہے۔

وہ کہتے ہیں کہ فروری میں صارفین سے دو کروڑ 10 لاکھ یونٹ بجلی لیسکو سسٹم میں آئی تھی جبکہ باقی مہینوں میں بھی صورت حال کم وبیش ایسے ہی رہتی ہے۔ اسی طرح جب گرمیوں میں سولر سسٹمز سے بجلی کی پیداوار میں اضافہ ہوتا ہے تو صارفین کی طرف سے استعمال بھی بڑھ جاتا ہے۔

&quot; اب لیسکو کے پاس گرین میٹرز کا سٹاک ختم ہو چکا ہے جس کی وجہ سے ہم صرف میٹر کے لیے این او سی جاری کرتے ہیں جبکہ صارفین مارکیٹ سے اپنی مرضی کا گرین میٹر خرید سکتے ہیں۔&quot;

لاہور میں سولر کے کاروبار سے وابستہ اسامہ خان بتاتے ہیں کہ گرین میٹر لگوانے میں دو ماہ لگ جاتے ہیں اور اس پر صارف کا ڈیڑھ لاکھ روپے خرچ آتا ہے۔ ان اخراجات میں میٹر کی لاگت بھی شامل ہے جس کی قیمت ( 70 سے 95 ہزار روپے) کا انحصار میٹر کی کوالٹی پر ہوتا ہے۔

وہ ہنستے ہوئے کہتے ہیں کہ گرین میٹر لگوانے کا اصل خرچ ایک لاکھ 20 ہزار روپے ہے لیکن اس میں لیسکو عملے کے &quot;سروس چارجز&quot; بھی شامل کرنا پڑتے ہیں یعنی 30 ہزار روپے جلدی کام کرانے کے لیے دیے جاتے ہیں۔

ان کا کہنا تھا کہ گرین میٹر لگوانے کا عمل کافی طویل ہے۔ جس کے لیے وہ سولرسسٹم کی تکنیکی معلومات پر مبنی فائل تیار کرتے ہیں جو صارف کے بجلی بل کے ساتھ سب ڈویژنل آفس میں جمع کرائی جاتی ہے۔ وہاں سے لیٹر جاری ہونے پر لیسکو ٹیم سائٹ کا معائنہ کر کے سرٹیفکیٹ جاری کرتی ہے۔

اسامہ خان کی مطابق انسپکشن سرٹیفکیٹ جمع کرانے پر سب ڈویژن آفس سے گرین میٹر کا ڈیمانڈ نوٹس ایشو ہوتا ہے۔ یہ رقم جمع ہونے کے بعد میٹر کی تنصیب کا انتظار شروع ہوجاتا ہے جس میں کئی ہفتے یا بعض اوقات مہینے بھی لگ جاتے ہیں۔

انہوں نے بتایا کہ گرین میٹر لگوانے میں عملہ کوئی نہ کوئی اعتراض لگا کر رکاوٹیں ڈالتا ہے جس کے لیے ہر مرحلے پر اہل کاروں کی مٹھی گرم کرنا پڑتی ہے۔ تاہم یہ کام سولر کمپنی کے نمائندے کرتے ہیں۔

ڈی جی لیسکو الطاف قادر کے مطابق اب گرین میٹر کی بجائے ایڈوانسڈ میٹرنگ انفراسٹرکچر ( اے ایم آئی ) پراجیکٹ کے تحت جدید میٹرز نصب کیے جائیں گے جن کی خریداری کا عمل جاری ہے۔ یہ پراسیس مکمل ہوتے ہی نئے میٹروں کی تنصیب شروع کردی جائے گی۔

&nbsp;انہوں نے بتایا کہ اے ایم آئی میٹر کی قیمت 45 سے 48 ہزار روپے تک مقرر کرنے کی تجویز ہے جن کی تنصیب سے بجلی چوری اور اووربلنگ پر قابو پایا جا سکے گا۔ ان میٹرز کی ریڈنگ کے لیے الگ کنٹرول روم قائم کیا جائے گا۔

لیسکو ذرائع کے مطابق جدید ای ایم آئی میٹر لگوانے کا طریقہ کار بھی گرین میٹر جیسا ہی ہوگا اور اخراجات بھی لگ بھگ وہی ہوں گے۔

بےقابو لائن لاسز یا بجلی چوری کی سزا بل ادا کرنے والے کیوں بھگت رہے ہیں؟

گرین میٹر کی تنصیب کی راہ میں رکاوٹیں کس طرح دور ہوں گی؟

Discover the potential incentives offered by governments to encourage electric bike adoption. Learn about possible benefits, policies, and their impact on sustainable transportation.

Exploring Government Incentives for Electric Bike Adoption: A Look into Potential Benefits and Policies

بائیس سالہ کشف ندیم، اعوان ٹاؤن لاہور کی رہائشی اور ایک نجی کالج میں تھرڈ ائیر کی طالبہ ہیں۔ وہ&nbsp; گلبرگ کی ایک فاسٹ فوڈ کمپنی میں بطور ڈلیوری رائیڈر پارٹ ٹائم کام بھی کر رہی ہیں۔ کشف کالج اور کام پر آنے جانے کے لیے الیکٹرک بائیک استعمال کرتی ہیں۔

وہ بتاتی ہیں کہ وہ تقریباً چھ ماہ سے ای بائیک چلا رہی ہیں جس کا تجربہ کافی اچھا رہا کیونکہ، بقول ان کے پٹرول کی نسبت اس کے اخراجات کم ہیں۔ انہیں اب تک صرف ایک انڈیکٹر تبدیل کرانا پڑا ہے جو چھوٹے سے حادثے کی وجہ سے ٹوٹ گیا تھا۔

&quot;تاہم ای بائیک میں مسئلہ صرف بیٹری اور سپیڈ کا ہے۔ میں ابتدا میں اس کی بیٹری سے 80 سے 90 کلو میٹر سفر کر لیتی تھی لیکن اب بیٹری کی صلاحیت کم ہوتی جا رہی ہے اور 60 کلومیٹر پر ہی جواب دے جاتی ہے۔&quot;

کشف کہتی ہیں کہ ای بائیک کی بیٹری مکمل چارج ہونے میں پانچ سے چھ گھنٹے لیتی ہے۔ انہیں اس میں فی الحال کوئی مشکل نہیں ہوتی۔

<a href="https://mocc.gov.pk/SiteImage/Policy/EV%20Policy%20Final.pdf">پاکستان میں نیشنل الیکٹرک وہیکلز پالیسی</a> (این ای وی پی) کی منظوری 2019ء میں دی گئی تھی جس کا شارٹ ٹرم ہدف یہ تھا کہ پانچ سال میں دو وہیلر(ای بائیکس)، تین ویلر (رکشے) اور &#39;ایل&#39; کیٹیگری کی فور وہیل گاڑیوں (چھوٹی کاریں) سمیت مجموعی طور پر پانچ لاکھ گاڑیاں وغیرہ سڑکوں پر لائی جائیں گی۔

اس پالیسی کے تحت لانگ ٹرم اہداف میں ای بائیکس، رکشوں اور چھوٹی الیکٹرک کاروں کی نئی سیل کو 2030ء تک 50 فیصد اور 2040ء تک 90 فیصد پر پہنچانا شامل ہے۔

ایکسائز اینڈ ٹیکسیشن ڈیپارٹمنٹ کے مطابق فروری 2024ء تک پنجاب میں ای بائیکس کی تعداد تین ہزار 963 ہو گئی تھی۔

محکمے کی فہرست بتاتی ہے کہ سب سے زیادہ ایک ہزار 318 ای بائیکس، لاہور میں رجسٹرڈ ہیں جبکہ اٹک میں تین، بہاولنگر میں 193، بہاولپور میں 63، بھکر میں 54، چکوال سات، چنیوٹ 56، ڈی جی خان 42 اور فیصل آباد میں 331 ای بائیکس رجسٹر ہوئیں۔

اسی طرح گوجرانوالہ میں ای بائیکس کی تعداد 81، گجرات 78، حافظ اباد 36، جہلم تین، جھنگ 23، قصور 15، خانیوال 29، خوشاب 14، لیہ 27، لودھراں 16، منڈی بہاؤالدین 36، میانوالی 123 اور ملتان میں 188 ہے۔

مظفرگڑھ میں صرف ایک ای بائیک رجسٹر ہوئی جبکہ ننکانہ صاحب میں 92، نارووال83، اوکاڑہ 79، پاکپتن 81 ، رحیم یارخان 124، راجن پور سات، راولپنڈی 41، ساہیوال 98، سرگودھا 146،شیخوپورہ 14، سیالکوٹ 257، ٹوبہ ٹیک سنگھ 170 اور وہاڑی میں 34 بائکس رجسٹر ہیں۔

ملک میں اگرچہ ای بائیکس کے استعمال کا رحجان بڑھنے لگا ہے تاہم اس میں پیشرفت سست دکھائی دیتی ہے۔

لاہور ہی کے رہائشی رانا مبشر حسن بتاتے ہیں کہ جو بائیک وہ استعمال کررہے ہیں وہ مقامی کمپنی نے پٹرول موٹرسائیکل کے سٹرکچر کو موڈیفائی (تبدیل) کرکے بنائی ہے۔ اس میں&nbsp; انجن کی جگہ بیٹریاں لگائی گئی ہیں اور پچھلے ٹائرکے ساتھ موٹر لگا دی گئی ہے۔

&quot;ٹینکی بھی موجود ہے لیکن اس کا کوئی استعمال نہیں ہے۔&quot;

انہیں بھی ای بائیک کی سپیڈ سے شکایت ہے۔ کہتے ہیں کہ پیٹرول بائیک کو دو، تین افراد بٹھا کر 60 کلومیٹر کی سپیڈ سے چلایا جا سکتا ہے جبکہ ای بائیک سنگل سواری کے ساتھ بھی بمشکل 60 کلو میٹر تک دوڑتی ہے۔

&quot;میں جب اپنی اہلیہ اور بچے کو بائیک پر ساتھ بٹھاتا ہوں تو اس کی رفتار 50 کلومیٹر فی گھنٹہ سے اوپر نہیں جاتی۔ دوسرا مسئلہ بارش سے ہوتا ہے۔ایک بار بارش کے دوران ایک انڈرپاس میں پانی زیادہ جمع ہو گیا تو وہاں بائیک بند ہو گئی جس سے مجھے کافی پریشانی کا سامنا کرنا پڑا تھا۔&quot;

گلبرگ لاہور کے بائیک ٹیکنیشن محمد رمضان بتاتے ہیں کہ ای بائیک کا الیکٹرک میٹر مرمت نہیں ہوتا۔ اس لیے بارش یا سروس کے دوران اس کا خیال رکھنا پڑتا ہے۔ بائیک میں لگائی جانے والی موٹر اور کنٹرولر اگرچہ واٹرپروف ہیں تاہم&nbsp; کسی وجہ سے وہاں تک پانی پہنچ جائے تو ان پارٹس کو بھی تبدیل کرنا پڑتا ہے۔

پنجاب حکومت نے انہی مشکلات کے پیش نظر طلبا و طالبات کو ای بائیکس کے ساتھ پٹرول بائیکس بھی دینے کا فیصلہ کیا ہے۔ محکمہ تعلقات عامہ کے مطابق 20 ہزار بائیکس میں سے ایک ہزار الیکٹرک اور 19 ہزار پٹرول بائیکس دی جائیں گی۔

اس سے قبل نگران حکومت نے صوبے 20 ہزار ای بائیکس تقسیم کرنے کا اعلان کیا تھا۔ تاہم اب وزیراعلی مریم نواز کا کہنا ہے کہ ای بائیکس ماحولیاتی آلودگی کم کرنے کے لیے ضروری ہیں لیکن بیٹری چوری اور کم مائیلج کی وجہ سے فی الحال یہ موزوں نہیں ہیں۔

حکومت نے طلباء کو آسان اقساط کی سہولت دینے کے لیے بینک آف پنجاب کے ساتھ معاہدہ کیا ہے جس کے تحت ای بائیک کی قسط 10 ہزار روپے جبکہ پٹرول بائیک کی پانچ ہزار روپے ماہانہ ہوگی جس کے لیے مئی میں قرعہ اندازی متوقع ہے۔

موٹرسائیکلوں کی فراہمی کے لیے لڑکوں اور لڑکیوں کا الگ الگ کوٹہ مقرر کیا گیا ہے۔ شہری علاقوں میں تو یہ طلبا اور طالبات کے لیے برابر ہو گا لیکن دیہی علاقوں میں 70 فیصد بائیکس طلبا اور 30 فیصد طالبات کو دی جائیں گی۔

پاکستان میں اس وقت انجینرئنگ ڈیویلپمنٹ بورڈ کے پاس الیکٹرک گاڑیاں تیار کرنے والی 31 کمپنیاں رجسٹرڈ ہیں&nbsp; تاہم ان میں سے چند ہی ای بائیکس اور رکشے تیار کر رہی ہیں جن میں جولٹا الیکٹرک، پاک زون، روڈ کنگ، ولیکٹرا، ایم ایس جیگوار قابل ذکر ہیں۔

یہاں زیادہ تر کمپنیاں پٹرول موٹرسائیکل کے ڈھانچے کو ای بائیکس میں بدل رہی ہیں تاہم ماہرین کا خیال ہے کہ یہ تجربہ کامیاب نہیں رہا۔

ہدایت الرحمٰن چینی کمپنی ای وی اون کے ڈائریکٹر سیلز و مارکیٹنگ ہیں۔ یہ کمپنی ای بائیکس اور رکشے اسمبل کرتی ہے۔ وہ بتاتے ہیں کہ بعض کمپنیوں کی بائیکس میں لیتھیم کی استعمال شدہ بیٹریاں لگائی جارہی ہیں جن کی کارکردگی تسلی بخش نہیں ہے۔

وہ کہتے ہیں کہ اوریجنل لیتھیم بیٹری کے ساتھ ای بائیک چار سے ساڑھے چار لاکھ روپے میں پڑتی ہے جبکہ لاٹ میں خریدی گئی لیتھیم کی بیٹریوں کی وجہ سے قیمت ڈھائی لاکھ روپے تک رکھی گئی جو 40 سے 50 کلومیٹر تک چلتی ہے۔

ہدایت الرحمن کے مطابق چینی کمپنیوں نے مشورہ دیا ہے کہ پٹرول بائیک کو الیکٹرک میں تبدیل کرنے کی بجائے سکوٹر والے ڈیزائن کو اپنائیں جن کے پارٹس اب چین سے امپورٹ کیے جا رہے ہیں اور پاکستان میں کچھ کمپنیاں ان کی اسمبلنگ کر رہی ہیں۔

انہوں نے بتایا کہ ای بائیکس میں ان کی صلاحیت کے مطابق چار، پانچ یا چھ بیٹریاں فکس ہوتی ہیں جن میں ہر بیٹری 12 واٹ کی ہے جبکہ 12 واٹ کی بیٹریوں میں پاور کے لحاظ سے مارکیٹ میں 20 امپیئر، 23، 26 اور 38 امپیئر کی بیٹریاں دستیاب ہیں۔ جس بیٹری کے امپیئر زیادہ ہوں گے وہ زیادہ مائلیج دے گی۔

ان کہنا تھا کہ ای بائیک میں لیڈ ایسڈ گریفن کوالٹی کی بیٹریاں بھی استعمال کی جاتی ہے جو گھر میں عام پوائنٹ پر چھ سے آٹھ گھنٹے میں چارج ہوتی ہیں۔ ان کی مکمل چارجنگ میں تقریباً ڈھائی یونٹ بجلی استعمال ہوتی ہے۔ اس بیٹری کی اوسط عمر ایک ہزار سائیکل اور ورانٹی ڈیڑھ سال ہے۔

مارکیٹ میں دستیاب ای بائیکس کی کارکردگی کے حوالے سے کمپنیاں ان کی الگ الگ خصوصیات بتاتی ہیں۔

جیگوار کمپنی کا دعویٰ ہے کہ ان کی ای بائیک مکمل چارجڈ بیٹری کے ساتھ 71 کلومیٹر چلتی ہے جبکہ اس کی بیٹری پانچ گھنٹے میں چارج ہو جاتی ہے۔

جولٹا الیکٹرک کے مطابق کمپنی نے ای بائیک کے چار ماڈل اور ایک سکوٹی متعارف کرائی ہے جن کی رفتار 50 سے 80 کلومیٹر ہے۔ سکوٹی خواتین کے لیے خاص طور پر تیار کی گئی ہے۔ ان کی سب سے بڑی بائیک جے 125 ایل کی رفتار 80 سے 100 کلومیٹر فی گھنٹہ ہے۔ کمپنی کا دعویٰ ہے کہ اس کی بیٹری کو آسانی سے چارج کیا جا سکتا ہے۔

اسی طرح نیون ایم تھری ایک سپورٹس ای بائیک ہے جس میں دو ہزار واٹ کی موٹر لگی ہے جبکہ اس کی رفتار 90 کلومیٹر تک جاتی ہے۔ اس کی ٹرانسمیشن آٹو میٹک ہے یعنی جب اس کی بیٹری 20 فیصد رہ جاتی ہے تو بائیک خود بخود بند ہو جاتی ہے۔

ایک اور ای بائیک &#39;سنرا &#39; بھی مارکیٹ میں دستیاب ہے جو 60 کلومیٹر فی گھنٹہ تک کی رفتار سے چلائی جاسکتی ہے تاہم اس کی بیٹری ڈیڑھ ہزار واٹ کی ہے۔

قومی الیکٹرک وہیکلز پالیسی&nbsp; تسلیم کرتی ہے کہ پاکستان میں ابتدائی سالوں میں الیکٹرک گاڑیوں تک رسائی حکومتی تعاون کے بغیر ممکن نہیں ہو گی کیونکہ ان&nbsp; کی قیمت روایتی ایندھن والی گاڑیوں سے کہیں زیادہ ہے۔

اسی لیے ای وہیکلز کو اپنانے کے لیے دنیا بھر کی حکومتیں کی طرح یہاں بھی عوام کو سبسڈی، مراعات اور ٹیکس میں چھوٹ کی تجاویز دی گئی تھیں۔

ملک میں الیکٹرک بائیکس کو متعارف کرانا بڑا چیلنج ہے کیونکہ عوام کو ابھی تک&nbsp; کوئی پرکشش حکومتی رعایت نظر نہیں آئی۔

لاہور یونیورسٹی آف منیجمنٹ سائنسز (لمز) میں ای وہیکلز پراجیکٹ کے ڈائریکٹر عمر آفاق کہتے ہیں کہ ای بائیکس کی افادیت کے بارے میں جہاں آگاہی پھیلانے کی ضرورت ہے وہیں ان بائیکس کی پائیداری سے متعلق لوگوں میں اعتماد پیدا کرنا بھی ضروری ہے۔

&quot;ہمارے ہاں ای بائیکس کی خریداری میں اضافہ تبھی ہو گا جب حکومت ان کی خریداری اور رجسٹریشن پر مراعات دینے کی پالیسی اپنائے گی۔&quot;

ای بائیکس اور سکوٹی نے طلبہ اور ملازمت پیشہ افراد کی زندگی آسان بنا دی ہے

Discover key strategies for advancing eco-friendly electric rickshaws, from incentivizing adoption to infrastructure development. Learn how to drive sustainable transportation initiatives for

Driving Change: Essential Steps for Promoting Eco-Friendly Electric Rickshaws

پاکستان میں دھواں چھوڑتے رکشوں کی جگہ اب ماحول دوست الیکٹرک رکشے لے رہے ہیں جو نہ صرف آٹو رکشے کی نسبت زیادہ پائیدار اور آرام دہ ہیں بلکہ ان سے ماحولیاتی آلودگی اور شور پر قابو پانے میں بھی مدد ملے گی۔ یہ سبک رفتار اور بے آواز رکشے بیٹری پر چلتے ہیں جس کی وجہ سے مہنگے تو ہیں مگر ان کے اخراجات پانچ گنا کم بتائے جا رہے ہیں۔

پنجاب کے محکمہ ٹرانسپورٹ نے لگ بھگ تین ماہ قبل نجی کمپنی کے اشتراک سے الیکٹرک (ای) رکشے متعارف کرائے تھے جو اب لاہور کی سڑکوں پر نظر آنا شروع ہو گئے ہیں۔ تاہم ابھی ان کی تعداد بہت کم ہے۔

محمد رمضان لاہور کے علاقے سلامت پورہ کے رہائشی ہیں جو 14 سال سے رکشہ چلا رہے ہیں۔ انہوں نے پچھلے سال کے اختتام پر گیارہ لاکھ روپے خرچ کر کے الیکٹرک رکشہ خرید لیا تھا۔

وہ بتاتے ہیں کہ ای رکشہ چلاتے ہوئے انہیں تین ماہ ہونے والے ہیں لیکن اس دوران انہیں کبھی کوئی مسئلہ نہیں ہوا۔ اس رکشے میں 30 کلو واٹ کی موٹر اور لیتھیم کی چار بیٹریاں نصب ہیں جو کم و بیش پانچ گھنٹے میں چارج ہو جاتی ہیں۔

&quot;اگر بیٹریاں مکمل چارج ہوں تو 80 سے 90 کلومیٹر چل جاتی ہیں تاہم مائلیج کا انحصار رکشے کی رفتار اور لوڈ پر ہوتا ہے۔ رکشے میں ڈرائیور سمیت پانچ افراد بیٹھنے کی گنجائش ہے جن کا اگر وزن زیادہ ہو تو بیٹریوں کی مائلیج کم حاصل ہوتی ہے۔&quot;

ان کا کہنا تھا کہ بیٹریاں چارج کرانے کے لیے بیدیاں روڈ پر &#39;چارجنگ پوائنٹ&#39; موجود ہے جہاں سے وہ چارج شدہ بیٹریاں رکشے میں لگا لیتے ہیں اور پرانی بیٹریوں کا سیٹ اتار کر چارجنگ یونٹ میں رکھ دیتے ہیں۔ ان کی ری چارجنگ پر آج کل گیارہ سو روپے خرچ ہوتے ہیں۔

محمد رمضان کے مطابق وہ سواری بٹھاتے وقت روٹ اور فاصلے کو مدنظر رکھتے ہیں کیونکہ بیٹریاں تبدیل کرنے والا یونٹ فی الحال صرف بیدیاں روڈ پر ہے۔ جب شہر میں اس طرح کے زیادہ پوائنٹس کھل گئے تو پھر آسانی ہو جائے گی۔

محمد سفیان نے نجی کمپنی سے قسطوں پر الیکٹرک رکشہ خریدا ہے جس میں نو کلو واٹ فی گھنٹہ صلاحیت کی فکس بیٹری ہے۔ وہ اسے چارج کرانے کے لیے بیدیاں روڈ نہیں جاتے بلکہ خود ہی گھر میں چارج کر لیتے ہیں۔

وہ بتاتے ہیں کہ وولٹیج پورے ہوں تو بیٹری چار سے پانچ گھنٹے میں چارج ہو جاتی ہے۔ اس کی چارجنگ میں بجلی کے چار سے پانچ یونٹ لگتے ہیں۔ چالیس روپے فی یونٹ کے حساب سے ان کی بیٹری تقریبا 200 روپے میں چارج ہو جاتی ہے۔

انہوں نے بتایا کہ وہ رات کو بیٹری چارج کر کے صبح بچوں کو سکول چھوڑتے ہیں اور واپس آ کر دوبارہ چارج کر لیتے ہیں۔ بچوں کو ان کے گھر ڈراپ کرنے کے بعد وہ عام سواریوں کے لیے رکشہ چلاتے ہیں۔

ان کا کہنا تھا کہ وہ اپنی آمدنی میں سے روزانہ کچھ رقم قسط اور کچھ نئی بیٹری خریدنے کے لیے الگ کر لیتے ہیں۔

&quot;اگر یہ بیٹری دو سال نکال گئی تو میں اسے بیچ کر نئی خرید لوں گا۔ رکشہ سروس کراتے ہوئے تھوڑی احتیاط کرنا پڑتی ہے کہ بیٹریاں اور ڈیجیٹل میٹر پانی سے خراب نہ ہوں۔&quot;

پاکستان میں ای رکشہ بنانے کا لائسنس حاصل کرنے والی پہلی کمپنی &#39;ساز گار&#39; کے پراجیکٹ ڈائریکٹر شعبہ الیکٹرک وہیکلز طاہر شفیق بتاتے ہیں کہ الیکٹرک رکشے میں انجن کی جگہ ایک موٹر لگائی جاتی ہے جو بیٹری سے چلتی ہے جبکہ اس کی رفتار اور کارکردگی کو سنبھالنے کے لیے کنٹرولر لگایا جاتا ہے۔

&quot;ہماری کمپنی الیکٹرک رکشہ مقامی طور پر تیار کر رہی ہے جس کو جدید فیچرز کے ساتھ ڈیزائن کیا گیا ہے۔ تاہم اس کی بیٹریاں، موٹر اور کنٹرولر امپورٹ کیے جا رہے ہیں۔&quot;

وہ کہتے ہیں کہ ان کے حساب سے ای رکشے کا سالانہ خرچ 70 سے 80 ہزار روپے ہے اور مینٹیننس نا ہونے کے برابر ہے جبکہ روایتی آٹو رکشے کا سالانہ خرچہ لگ بھگ سات سے آٹھ لاکھ ہے جس میں فیول، ٹیونگ، انجن آئل وغیرہ کے اخراجات شامل ہیں۔

ان کے مطابق الیکٹرک رکشے میں موونگ پارٹس کم ہونے کی وجہ سے انجن آئل، رنگ پسٹن، کلچ پلیٹ وغیرہ کی تبدیلی جیسے مسائل نہیں ہوتے۔

سازگار کے پراجیکٹ مینجر حسنین مہدی بتاتے ہیں کہ ان کی کمپنی کافی عرصے سے آٹو رکشے بنا رہی تھی جبکہ الیکٹرک رکشے تیار کرنے کا کام 2019ء میں شروع کیا گیا۔ تاہم رواں سال جنوری میں انہیں پنجاب میں الیکٹرک گاڑیاں بنانے کا لائسنس بھی مل گیا ہے۔

وہ کہتے ہیں کہ سازگار سالانہ دو ہزار الیکٹرک رکشے تیار کرنے کی صلاحیت رکھتی ہے تاہم رجسٹریشن نہ ہونے کی وجہ یہ مارکیٹ میں نہیں لائے جا سکے تھے۔ لائسنس ملنے کے بعد 50 الیکٹرک رکشے تیار کئے گئے ہیں اب ڈیمانڈ کے حساب سے پیداوار میں اضافہ کیا جائے گا۔

ان کا کہنا ہے کہ لائسنس کے بعد اب محکمہ ایکسائز مقامی کمپنیوں کے تیار کردہ رکشوں کی رجسٹریشن کر کے نمبر بھی الاٹ کر رہا ہے۔ اکتیس دسمبر 2023ء تک صوبے میں 368 ای گاڑیاں اور دو ہزار 711 ای موٹرسائیکل رجسٹر کئے گئے ہیں۔

حسنین مہدی کے مطابق ای رکشے میں دو طرح کی بیٹریاں استعمال کی جا رہی ہیں جن میں سے کچھ کی صلاحیت 5.6 کلو واٹ فی گھنٹہ اور دوسری کی نو کلو واٹ فی گھنٹہ ہے۔ نو کلو واٹ فی گھنٹہ والی بیٹریوں کے ساتھ رکشہ 170 سے 185 کلومیٹر اور 5.6 کلو واٹ والی کے ساتھ 130 سے 140 کلومیٹر فاصلہ طے کرتا ہے۔

انہوں نے بتایا کہ ان کے ای رکشے کی بیٹری فکس ہے اور اسے کسی بھی الیکٹرک پوائنٹ پر چارج کیا جا سکتا ہے جس کے لیے چارجر کمپنی مہیا کرتی ہے۔ نو کلو واٹ والی بیٹری پانچ گھنٹے جبکہ 5.6 والی چار گھنٹے میں چارج ہو جاتی ہے۔

لاہور یونیورسٹی آف مینجمنٹ سائنسز (لمز) نے بھی ای رکشے تیار کیے ہیں انجینئر عمر آفاق ان کے ای وہیکلز پراجیکٹ سے منسلک ہیں۔ وہ بتاتے ہیں کہ ان کے تیار کردہ رکشے میں میں بھی 1.4 کلو واٹ فی گھنٹہ والی چار بیٹریاں لگتی ہیں جن کی مجموعی صلاحیت 5.6 کلو واٹ فی گھنٹہ ہے۔

وہ کہتے ہیں کہ ان بیٹریوں کو صرف خصوصی چارجنگ پوائنٹ پر چارج کیا جا سکتا ہے۔ بعض کمپنیاں ایسی فکس بیٹریاں استعمال کر رہی ہیں جو گھر میں چارج کی جا سکتی ہیں لیکن لمز کے رکشے میں چھوٹے سائز کی چار بیٹریوں کا سیٹ ہے جنہیں آسانی سے اتارا جا سکتا ہے۔

ان کا کہنا تھا کہ لیتھیم کی یہ بیٹریاں 60 ڈگری سینٹی گریڈ درجہ حرارت میں بھی کام کریں گی۔ جبکہ ای رکشے میں وولٹیج کنٹرول کے لیے بیٹری منیجمنٹ سسٹم لگایا گیا ہے اور چارجنگ بتانے والے انڈیکیٹر بھی موجود ہیں۔

عمر آفاق کے مطابق 80 فیصد استعمال تک بیٹری کی وولٹیج متاثر نہیں ہوتی اس لیے جب بیٹری 20 فیصد تک رہ جائے&nbsp; تو اسے چارج کرنا ضروری ہوتا ہے۔

انہوں نے دعویٰ کیا کہ ای رکشے کا فی کلومیٹر خرچ آٹھ سے نو روپے بنتا ہے جبکہ اس کے مقابلے میں پٹرول رکشے کا خرچہ 16 روپے اور ایل پی جی کا 13 روپے فی کلو میٹر ہے۔

مقامی یونیورسٹی کی طالبہ عائشہ پہلے اپنی کلاس فیلو ام حبیبہ کے ساتھ آٹو رکشے میں یونیورسٹی آتی جاتی تھیں لیکن اب انہوں نے الیکٹرک رکشہ لگوا لیا ہے۔ وہ بتاتی ہیں کہ انہیں ای رکشہ اچھا لگتا ہے جس میں شور ہے اور نہ ہی پریشان کر نے والا دھواں ہوتا ہے۔

&nbsp;ام حبیبہ کا کہنا ہے کہ ای رکشے میں سفر حیرت انگیز حد تک خوشگوار ہے ایسی گاڑیاں زیادہ سے زیادہ ہونی چاہیں تاکہ آلودگی میں کمی آئے۔

تاہم مردوں کے تاثرات تھوڑے مختلف ہیں۔ کامران حنیف ایک نجی کمپنی میں ملازم ہیں جنہیں ای رکشے کی کم رفتار اور اس کے بے آواز ہونے پر اعتراض ہے۔ ان کا خیال ہے کہ شور نہ ہونے کی وجہ سے کئی لوگ بے خیالی میں رکشے سے ٹکرا جاتے ہیں اور ان رکشوں کی رفتار بھی بڑھانے کی ضرورت ہے۔

چینی کمپنی ای وی اون کی ای بائیکس اور رکشے یہاں ایک مقامی کمپنی اسمبل کر رہی ہے جس کے ڈائریکٹر سیلز و مارکیٹنگ ہدایت الرحمٰن بتاتے ہیں کہ ای رکشے میں سب سے مہنگی چیز بیٹری ہے۔ اگر حکومت بیٹریوں پر امپورٹ ڈیوٹی اور سیلز ٹیکس ختم کردے تو رکشے کی قیمت کافی کم ہو جائے گی۔

وہ کہتے ہیں کہ اس وقت ای رکشے کی قیمت 10 لاکھ روپے سے شروع ہوتی ہے جس کو خریدنا عام آدمی کے لیے ممکن نہیں۔ انہوں نے تجویز دی کہ ای رکشوں کی خریداری کے لیے حکومت رکشہ ڈرائیوروں کو بینکوں سے بلاسود قرضے جاری کرانے کا بندوبست کرے۔

ان کا کہنا ہے کہ ای رکشوں کے لیے بیٹری چارجنگ پوائنٹس کو بھی بڑھانا ہو گا اور اگر یہ پوائنٹس سولر پر ہوں تو چارجنگ کے اخراجات کئی گنا کم ہو جائیں گے۔

تاہم لمز کے پراجیکٹ ڈائریکٹر عمر آفاق بتاتے ہیں کہ پاکستان میں بعض ایسی کمپنیاں اپنا کاروبار شروع کرنے جا رہی ہیں جو صرف ای رکشوں کو بیٹریاں فراہم کریں گی۔ جس سے رکشہ ڈرائیوروں کے لیے آسانی ہو گی جو کمپنی کے پاور سٹیشن پر بیٹریاں دے کر چارج شدہ بیٹریاں لے جا سکیں گے۔ یہ ایسے ہی ہو گا جیسے کوئی فیول ڈلوانے کے لیے رکتا ہے۔

سازگار کمپنی کے حکام کے مطابق ای رکشے کی لیتھیم بیٹری کی قیمتیں ڈالر سے جڑی ہیں۔ تاہم اس وقت نو کلو واٹ فی گھنٹہ صلاحیت کی بیٹری پانچ لاکھ جبکہ 5.6 کلو واٹ والی بیٹری چار لاکھ روپے میں مل رہی ہے۔ اسی طرح 1.4 کلو واٹ والی چار بیٹریوں کی قیمت ساڑھے چار لاکھ روپے کے قریب ہے تاہم اتنی ہی صلاحیت والی مختلف کمپنیوں کی بیٹریوں کی قیمت میں فرق ہے۔

الیکٹرک رکشوں کا سب سے بڑا فائدہ یہ ہے کہ یہ زیرو کاربن خارج کرتے ہیں۔

<a href="https://www.urbanunit.gov.pk/Download/publications/Files/8/2023/Emission%20Inventory%20of%20Lahore%202023.pdf">پنجاب اربن یونٹ کی رپورٹ</a> کے مطابق لاہور میں شور اور فضائی آلودگی کی بڑی وجہ ٹرانسپورٹ ہے جہاں 2021ء میں رجسٹرڈ وہیکلز کی تعداد 62 لاکھ 90 ہزار تھی۔ یہاں کی آلودگی میں یہ وہیکلز 83.15 فیصد کی حصہ دار ہے۔ جبکہ ٹرانسپورٹ کی آلودگی میں آٹو رکشہ صرف 4.24 فیصد حصہ ڈالتا ہے۔

ماحولیاتی وکیل، لیسکو اور لاہور ویسٹ مینجمنٹ کمپنی بورڈز کے سابق چیئرمین رافع عالم کہتے ہیں کہ پاکستان میں استعمال ہونے والا غیر معیاری پٹرول اور ڈیزل آلودگی کی بڑی وجہ ہے۔ خاص طور پر آٹو رکشے اور چنگ چی میں انتہائی غیر معیاری ایندھن استعمال ہوتا ہے۔

رافع عالم کہتے ہیں ملک میں ٹرانسپورٹ کو مرحلہ وار الیکٹرک وہیکل پر منتقل کرنے کے لیے واضع پالیسی بنانے کی ضرورت ہے جس سے ناصرف آلودگی میں کمی آئے گی بلکہ تیل کا استعمال اور امپورٹ بھی کم ہو گی۔ اسی طرح ای وہیکلز کو فروغ دینے کے لیے چارجنگ انفراسٹرکچر بھی بہتر بنانے کی ضرورت ہے جبکہ ای وہیکل کی رجسٹریشن فیس اور ٹیکس میں بھی کمی ہونی چاہیے۔

نگران پنجاب حکومت نے جنوری میں 26 ہزار الیکٹرک موٹر سائیکلوں اور رکشوں کے لیے بلاسود قرضے دینے کا اعلان کیا تھا۔ اس حوالے سے سیکرٹری ٹرانسپورٹ نے بتایا کہ نئی حکومت کی مشاورت سے اس منصوبے کو آگے بڑھایا جائے گا۔

ماحول دوست الیکٹرک رکشوں کے فروغ کے لیے کون سے اقدامات کی ضرورت ہے؟

Discover the ramifications of escalating transmission and distribution losses on Pakistani consumers. Explore how these inefficiencies affect energy access, costs, and reliability, and learn

Addressing Escalating Transmission and Distribution Losses: Impact on Pakistani Consumers

رواں سال جنوری میں انکشاف ہوا تھا کہ پاکستان میں پاور سیکٹر (بجلی)&nbsp; کا گردشی خسارہ&nbsp; دو ہزار 700 ارب روپے سے تجاوز کر چکا ہے ۔ ہر ماہ تقریباً 49 ارب کی بچلی چوری ہو رہی ہے&nbsp; جس کی قیمت عوام بجلی مہنگی ہونے کی صورت میں چکا رہے ہیں۔

جب بھی ملک میں پاور سیکٹر کے مالی خسارے کی کوئی نئی رپورٹ سامنے آتی ہے کمپنیوں کے اہلکار بجلی چوروں کے خلاف چند روز کاروائیاں کرتے ہیں اور پھر خاموشی اختیا ر کر لی جاتی ہے مگر اگلی بار خسارہ مزید بڑھ چکا ہوتا ہے۔

محمد افضل لاہور کے علاقہ داروغہ والا کے رہائشی ہیں جو محنت مزدوری کرکے بمشکل اپنے گھر کا چولہا جلاتے ہیں۔ حال ہی میں لیسکو نے ناصرف ان کا بجلی کنکشن منقطح کر دیا بلکہ انہیں 80 ہزار روپے جرمانہ کیا ہے۔

وہ بتاتے ہیں کہ ان کی ماہانہ آمدن 15 سے 20 ہزار روپے ہے جس کے باعث وہ تین ماہ کا بل ادا نہیں کر پائے اور ان کا میٹر کاٹ دیا گیا۔ انہوں نے بھی دیگر محلے داروں کی طرح ڈائریکٹ بجلی استعمال کرنا شروع کر دی۔

تاہم چند ہی روز میں لیسکو ٹیم نے نہ صرف تمام کنڈے اتار دیے بلکہ محمد افضل سمیت سب محلے والوں کو جرمانے بھی کر دیے۔ یوں مہنگی بجلی اور بھاری بلوں کی وجہ سے کم آمدنی والے لوگ اس بجلی چوری کی طرف مائل ہو رہے ہیں۔

نگراں حکومت نے گذشتہ ستمبر میں جو<a href="https://www.bbc.com/urdu/articles/c6pgw02zl6no"> اعداد و شمار</a> بتائے تھے ان کے مطابق کراچی کے سوا ملک میں تین ہزار 781 ارب روپے مالیت کی بجلی سسٹم میں دی جاتی ہے لیکن اس میں سے لگ بھگ تین ہزار 192 ارب روپے واپس آتے ہیں یعنی سالانہ 589 ارب روپے کی بجلی چوری ہوتی ہے۔

نگراں وزیر توانائی محمد علی نے کابینہ کے دیگر ارکان کے ساتھ پریس کانفرنس میں برملا کہا تھا کہ جو لوگ بل ادا کرتے ہیں بجلی چوری کی وجہ سے انھیں بھی بجلی مہنگی ملتی ہے۔

<a href="https://www.nepra.org.pk/Legislation/Codes/Consumer%20Service%20Manual.pdf">نیپرا کے کنزیومر مینوئل</a>&nbsp; کے مطابق ٹیرف (لاگت) کا مطلب&nbsp; بجلی کے نرخ، چارجز، بجلی کی پیداوار کی شرائط، ترسیل، انٹرکنکشن اور ڈسٹری بیوشن کمپنوں کی سروسز (تقسیم اور فروخت) کاخرچ ہو گا۔ یعنی یہ تمام اخراجات فی یونٹ کے حساب سے (کیٹیگری لاگو کر کے) صارف کو ادا کرنا ہوتے ہیں۔

&nbsp;سپلائی کے دوران بجلی کا تکنیکی نقصان دو طرح کا ہوتا ہے۔

ہائی ٹرانسمشن لائنوں کے ذریعے پیداواری یونٹس سے بڑےگرڈ تک ترسیل میں ہونے والے نقصان کو ٹی اینڈ ٹی (ٹرانسمشن اینڈ ٹرانسفارمیشن) لاسز کہا جاتا ہے جو نیشنل ٹرانسمشن اینڈ ڈسپیچ کمپنی (این ٹی ڈی سی)کے کھاتے میں ڈالا جاتا ہے۔

گرڈ سے صارف تک لائنوں میں ہونے والا نقصان ٹی اینڈ ڈی (ٹرانسمشن اینڈ ڈسٹری بیوشن) لاسز کہلاتا ہے جو تقسیم کار کمپنییوں ( ڈسکوز) کے کھاتے میں ہوتا ہے۔

نیپرا نے این ٹی ڈی سی کو 500 کے وی اور 220 کے وی نیٹ ورک پر 2.639 فیصد ٹی اینڈ ٹی لاسز کی اجازت دی ہوئی ہے جبکہ مٹیاری لاہور 660 کے وی لائن کے لیے یہ حد 4.3 فیصد تک مقرر کی گئی ہے۔

تاہم این ٹی ڈی سی کے لاسز اکثر حد میں رہتے ہیں مگر بجلی چوری کی وجہ سے بجلی کی تقسیم کار کمپنییوں کا نقصان بڑھ جاتا ہے۔

سنٹرل پاور پرچیزنگ ایجنسی نے گزشتہ سال مئی کے لیے فیول کاسٹ ایڈجسٹمنٹ (ایف سی اے) کی مد میں بجلی کی قیمت بڑھانے کے لیے نیشنل الیکٹرک پاور ریگولیٹری اتھارٹی ( نیپرا) کو درخواست دی تھی جس کی سماعت کے بعد اس نے جولائی میں اپنا فیصلہ&nbsp; جاری کیا۔

درخواست میں بتایا گیا کہ تقسیم کار کمپنییوں کے صارفین کے لیے نرخ 7.8281 روپے فی یونٹ (کلو واٹ آور) مقرر تھے جبکہ مئی میں مہنگے ایندھن کے باعث فی یونٹ 9.8817 لاگت آئی جس پر مذکورہ مہینے کے نرخ 2.0536 روپے یونٹ بڑھانے کی تجویز دی گئی۔

&nbsp;این ٹی ڈی سی نے مئی کی سپلائی میں 262.48 گیگا واٹ یعنی 2.260 فیصد عارضی ٹی اینڈ ٹی لائن لاسز بتائے جبکہ ہائی وولٹیج لائن مٹیاری- لاہور کے لاسز 35.491 گیگا واٹ یعنی 2.927 فیصد بتائے گئے۔ یعنی اس ماہ کل ملاکر ٹی اینڈ ٹی لاسز 297.97 گیگا واٹ بنے جن کو نرخ مقرر کرنے میں شامل کیا گیا ہے۔

نیپرا نے مزید لکھا کہ تھر کول&nbsp; بلاک ون ( TCB-I) سے مٹیاری لاہور ہائی ٹرانسمیشن لائن نو مئی 2023ء کو مکمل ہو چکی تھی۔ تاہم سسٹم میں رکاوٹوں اور مسائل حل کرنے میں متعلقہ محکموں کی ناکامی کے باعث تھر کول منصوبوں سے سپلائی تقریباً 55.68 گیگا واٹ کم رہی جس سے اربوں روپے کا مالی نقصان ہوا۔

نیپرا نے فیصلے میں بتایا کہ سماعت کے دوران مشاہدے میں آیا کہ مئی 2023ء کے دوران مہنگے ایندھن سے بجلی پیدا کرنے والے پلانٹس چلائے گئے جو سسٹم آپریٹر&nbsp; (این ٹی ڈی سی کا شعبہ نیشنل پاور کنٹرول سنٹر ) کا اکنامک میرٹ آرڈر (ای ایم او) سے انحراف ہے۔

اتھارٹی کے مطابق ای ایم او سے انحراف کے نتیجے میں سٹریٹجک ٹیبل سے ٹرانسمشن لائن کی بندش (مستقل خرابی / ایچ وی ڈی سی) کے باعث 864.66 ملین روپے، معاہدوں کی پابندی ( ٹیک ایںڈ پے ) سے 46.96 ملین روپے کے مالی نقصان ہوئے۔

اسی طرح ٹرانسمشن نیٹ ورک اوور لوڈنگ سے611.28&nbsp; ملین&nbsp; روپے، ٹرانسفارمیشن اوور لوڈنگ میں 99.20 ملین روپے اور اعلیٰ کارکردگی والے (ایفیشنٹ) پلانٹس کے کم استعمال سے 48.82 ملین روپے کا نقصان ہوا جو مجموعی طور پر1,670.92 ملین (ایک ارب 67 کروڑ سے زائد) روپے بنتا ہے۔

نیپرا نے یہ رقم عارضی طور ایف سی اے میں شامل کرنے سے روک دی تاہم مئی کے لیے نرخ 2.0536 روپے بڑھانے کی بجائے تقریباً دو روپے(1.9039) فی یونٹ بڑھانے کی منظوری دے دی۔

ڈسٹری بیوشن کمپنیاں (ڈسکوز) اپنا ٹیرف (نرخ ) بڑھوانے کے لیے نیپرا سے الگ رجوع کرتی ہیں۔ ایسی ہی درخواست پر مالی سال 23-2022ء کی چوتھی سہ ماہی کے ٹیرف کی ایڈجسٹمنٹ کی گئی تھی جس کے تحت صارفین پر ایک سو پینتیس ارب روپے سے زائد&nbsp; کی ریکوری ڈال دی گئی۔

نیپرا نے یہ فیصلہ 22 ستمبر 2023ء&nbsp; کو جاری کیا تھا جس میں بتایا گیا کہ ریکوری میں مارکیٹ آپریٹر فیس اور ایف سی اے کے لائن لاسز (ٹی اینڈ ڈی) پر اثرات، کپیسٹی چارجز میں تبدیلی، او اینڈ ایم (آپریشن اور منیجمنٹ)، انکریمنٹل سیلز پر اضافی وصولی اور سسٹم چارجز شامل ہیں۔

فیصلے میں بتایا گیا کہ 135 ارب 58 کروڑ سے زائد روپے آئندہ چھ ماہ (یعنی اکتوبر 2023ء سے مارچ 2024ءتک) میں ڈسکوز اور کے الیٹرک کے صارفین سے وصول کیے جائیں گے جس کے لیے بجلی کی قیمت چھ ماہ کے لیے 3.2814 روپے فی یونٹ (یونیفارم ٹیرف ریٹ) بڑھا دی گئی۔

دلچسپ بات یہ ہے کہ فیول کاسٹ ایڈجسٹمنٹ کے فیصلے میں لائن لاسز کی تفصیل تو بتا دی گئی تھی جبکہ ڈسکوز کے ٹیرف پر فیصلے میں ٹی اینڈ ٹی لائن لاسز کی کوئی تفصیل نہیں۔

تاہم &#39;مارکیٹ آپریٹر فیس اور ایف سی اے کے لائن لاسز پر اثرات&#39; کا ذکر کر کے 3.2814 روپے فی یونٹ بل بڑھا دیا گیا۔

نیپرا کی مقررہ کردہ حدود سے زائد لائن لاسز یا بجلی چوری اور وصولیوں میں ناکامی کو ڈسکوز کا خسارہ قرار دیا جاتا ہے جس کا نتیجہ یہ ہوتا ہے کہ ہر بار بجلی مہنگی کرنے کے باوجود خسارہ بڑھتا جا رہا ہے۔اس طرح تقسیم کار کمپنییوں کی ناکامیوں کی سزا عوام بھگت رہے ہیں۔

کئی برسوں سے توانائی کے شعبے سے متعلق رپورٹنگ کرنے والے سینئر صحافی طالب فریدی کہتے ہیں کہ اب تو سسٹم میں ڈالی جانے والی بجلی کی کل قیمت میں خسارے کی رقم شامل کر لی جاتی ہے۔ جس کو استعمال شدہ یونٹس میں تقسیم کرکے فی یونٹ قیمت مقرر کر دی جاتی ہے۔

نیشنل الیکٹرک پاور ریگولیٹری اتھارٹی کی 2023ء کی<a href="https://nepra.org.pk/publications/State%20of%20Industry%20Reports/State%20of%20Industry%20Report%202023.pdf"> سٹیٹ آف انڈسٹری رپورٹ&nbsp;</a> بتاتی ہے کہ ڈسکوز نے مالی سال 23-2022ء کے دوران لائن لاسز کی مد میں لگ بھگ 160 ارب 49 کروڑ روپے کا نقصان کیا جس میں سب سے زیادہ حصہ پشاور الیکٹرک سپلائی کمپنی (پیسکو) نے ڈالا جو77 ارب 35 کروڑ روپے تھا۔

رپورٹ کے مطابق اسی سال آئسکو نے لائن لاسز میں 28 کروڑ، لیسکو نے 21 ارب 79 کروڑ، میپکو سات ارب 95 کروڑ، حیسکو 15 ارب، سیپکو 20 ارب 38 کروڑ اور کیسکو نے 21 ارب 21کروڑ روپے کا نقصان کیا۔ تاہم ٹیسکو کے لائن لاسز کا نقصان تقریباً ساڑھے 16 کروڑ، گیپکو ایک ارب 86 کروڑ اور فیسکو کا نقصان ایک ارب&nbsp; 45 کروڑ روپے رہا۔

اسی طرح ریکوری کے معاملے میں ڈسکوز گزشتہ سال تقریبا&nbsp; 212 ارب روپے کے بل وصول کرنے میں ناکام رہیں جبکہ کے الیکٹرک 38 ارب 88 کروڑ روپے سے زائد رقم وصول نہ کر سکی جو گردشی قرضوں (سرکلر ڈیٹ)کا بڑا سبب ہے۔

اس رپورٹ میں اعتراف کیا گیا ہے کہ لائن لاسز (ڈی اینڈ ٹی ) اور وصولیوں کی کمی پوری کرنے کے لیے ڈسکوز فرضی بلنگ کرتی ہیں۔

نسرین بی بی لاہورکے مضافاتی علاقے باٹاپور کی رہائشی ہیں جو اپنے تین بچوں کے ساتھ تین مرلے کے گھر میں رہتی ہیں جبکہ ان کے شوہر فوت ہوچکے ہیں۔ وہ بتاتی ہیں کہ رواں سال جنوری میں انہیں 24 ہزار روپے سے زائد کا بل بھیجا گیا حالانکہ ان کے گھر میں فریج ہے اور نہ ہی&nbsp; اور کوئی مشین۔

وہ کہتی ہیں کہ ان کے استعمال شدہ یونٹ 100 سے بھی کم تھے لیکن انہیں اضافی بل بھیج دیا گیا۔ وہ بل ٹھیک کرانے لیسکو دفتر گئیں لیکن عملے نے انکار کر دیا تاہم کسی کی سفارش پر بل کی قسطیں کر دی گئیں جو وہ ادا کر رہی ہیں۔

طالب فریدی تصدیق کرتے ہیں کہ لاہور اور مضافات میں بجلی چوری مجموعی سپلائی کا تقریباً 30 فیصد ہے جس کی وجہ سے لیسکو ریجن میں اوور بلنگ کی جا رہی ہے۔ اضافی یونٹس سے ٹیرف کے ساتھ ٹیکس بڑھ جاتے ہیں اور جب کوئی صارف شکایت لے کر جاتا ہے تو بل ٹھیک کرنے بجائے قسطیں کردی جاتی ہیں۔

افسوسناک بات یہ ہے کہ حکومت بھی اووربلنگ کا نوٹس نہیں لے رہی۔ تاہم نیپرا کے فوکل پرسن کہتے ہیں کہ اتھارٹی نے شہریوں کی شکایات پر ڈسکوز سے اووربلنگ کی تفصیلات مانگی ہیں جس کی رپورٹ آنے پر متعلقہ افسران کے خلاف کارروائی کی جائے گی۔

نیشنل ٹرانسمیشن اینڈڈسپیچ کمپنی (این ٹی ڈی سی ) کے سابق چیف انجینئر جعفر حسین کا ماننا ہے کہ ڈسٹری بیوشن لائن لاسز کا نقصان کم کرنے کے لیے ڈسٹری بیوشن نظام کو بہتر کرنا ہو گا اور چوری کی روک تھام کے لیے اقدامات اٹھانا ہوں گے۔

تاہم سابق ڈائریکٹر ٹیکنیکل لیسکو سید شبیہ الحسن سمجھتے ہیں کہ بجلی چوری روکنا اہم ہے لیکن ٹرانسفارمر سے صارف تک بجلی کا ترسیلی نظام مضبوط بنانے سے لائن لاسز زیادہ کم ہو سکتے ہیں۔ ان کے مطابق&nbsp; خسارے میں کمی کے لیے انڈپینڈینٹ پاور پرڈیوسرز (آئی پی پیز) سے معاہدوں پر نظرثانی کرنا ضروری ہے۔

بجلی چوری روکنے سے متعلق لاہور الیکٹرک سپلائی کمپنی (لیسکو) کے ترجمان کا کہنا ہے کہ پچھلے پانچ ماہ میں 54 ہزار92 افراد بجلی چوری میں ملوث پائے گئے جن میں سے 49 ہزار 907 کے خلاف مقدمات درج کرائے گئے جبکہ 17ہزار 564 ملزموں کو گرفتار کرایا گیا۔

وہ کہتے ہیں کہ بجلی چوروں کو اب تک دوارب 83 کروڑ سے زائد جرمانے کیے گئے ہیں۔ بجلی چوری کے کئی واقعات میں لیسکو افسران اور اہل کار بھی ملوث پائے گئے جن کے خلاف کارروائیاں بھی کی گئی ہیں۔

صحافی طالب فریدی سمجھتے ہیں کہ خسارہ پورا کرنے کے لیے جب بھی بجلی مہنگی ہوتی ہے اس کی چوری مزید بڑھ جاتی ہے۔ اندرون سندھ اور بلوچستان کے کئی علاقوں میں بجلی چوری کی شرح 50 سے 60 فیصد تک پہنچ چکی ہے۔ 
تاہم ان کے خیال میں لائن لاسز کنٹرول ہونے تک نہ تو بجلی سستی ہو گی اور نہ ہی خسارہ بڑھنے کی رفتار کم ہو گی۔

ضلع شیرانی میں آٹھ سال پہلے عارضی طور پر معطل کی گئی بجلی بحال نہ ہو سکی

Explore the pervasive issue of gender discrimination against girls in Pakistan, where cultural norms and socio-economic factors often marginalize their rights and opportunities. Discover the

Challenging Gender Discrimination: Addressing the Plight of Girls in Pakistan

چائلڈپروٹیکشن بیورو لاہور کی نرسری میں ایک &#39;ننھی پری&#39; کا نام رکھا جا رہا تھا جس کی وجہ سے یہاں خاصی رونق تھی۔ بیورو کی چیئرپرسن سارہ احمد نے سٹاف کی مشاورت سے بچی کا نام رابعہ تجویز کیا اور اب بیورو ہی رابعہ کا گھر ہو گا۔

اس بچی کو دو ہفتے قبل میانوالی کے ایک سرکاری ہسپتال سے یہاں لایا گیا تھا جس کو جنم دینے والی ماں اسے ہسپتال میں&nbsp; چھوڑ کر چلی گئی تھیں۔ ہسپتال انتظامیہ نے پولیس کو آگاہ کیا اور پولیس نےاس بچی کے والدین کی تلاش میں ناکامی پر اسے چائلڈ پروٹیکشن بیورو کے حوالے کر دیا۔

چائلڈپروٹیکشن بیورو کے ترجمان وسیم عباس بتاتے ہیں کہ اس ادارےکا قیام 2005ء میں عمل میں آیا تھا لیکن کئی برسوں تک یہاں نوزائیدہ بچوں کی تعداد نہ ہونے کے برابر تھی۔ تاہم 2012ءکے بعد لاوارث نوزائیدہ بچوں کو تحویل میں لینے پر زیادہ توجہ دی گئی۔

ترجمان کے مطابق 31 دسمبر 2023ء تک نرسری میں مجموعی طور پر 371 نوزائیدہ بچے لائے گئے جن میں 154 بچے(میل بے بی) جبکہ 217 بچیاں تھیں۔ یعنی لاوارث چھوڑے جانے والے بچوں میں زیادہ تعداد بچیوں کی تھی۔

چائلڈ پروٹیکشن اینڈ ویلفیئر بیورو کی چیئرپرسن سارہ احمد نے لوک سجاگ کو بتایا کہ نوزائیدہ بچوں کو لاوارث چھوڑنے کی تین بڑی وجوہات ہوتی ہیں جن میں سے ایک جسمانی نقص ہے یعنی جسمانی نقص کے ساتھ پیدا ہونے والے بچے اکثر لاوارث چھوڑ دیے جاتے ہیں۔

&quot; بعض اوقات بیٹے کے خواہش مند لوگ بھی بیٹی پیدا ہو نے پر اسے ہسپتال میں چھوڑ کر کسی کو بتائے بغیر چلے جاتے ہیں۔ اسی طرح بغیر نکاح ماں بننے والی عورتیں بھی بدنامی کے خوف سے بچے کو ہسپتال، پارک یا کسی ویرانے میں چھوڑ دیتی ہیں۔&quot;

چائلڈ پروٹیکشن بیورو کے مطابق 2022ء میں 24 لاوارث بچے نرسری میں لائے گئے تھے۔ ان دو برسوں کے دوران نرسری لائے جانے والے بچوں میں سے کئی اب بھی بیورو میں ہی پرورش پارہے ہیں جن میں بچیوں کی تعداد زیادہ ہے۔

بچوں کے حقوق کے لیے سرگرم سرچ فار جسٹس کی پروگرام مینجر راشدہ قریشی بھی سارہ احمد کی بتائی گئی باتوں سے متفق ہیں۔ وہ کہتی ہیں کہ بغیر نکاح کے تعلقات کے نتیجے میں بچے کی پیدائش بھی ناخواندگی یا پسماندگی کی علامات میں سے ایک ہے کیونکہ فیملی پلاننگ سے متعلق آگاہی ہو تو ایسی نوبت ہی نہیں آئے گی۔ وہ افسوس کا اظہار کرتے ہوئے کہتی ہیں کہ دقیانوسی خیالات کے حامل لوگ آج بھی بیٹیوں کو بوجھ سمجھتے ہیں۔

پاکستان میں بیٹیوں سے امیتیازی سلوک لاوارث چھوڑے جانے والے بچوں تک محدود نہیں ہے بلکہ زندگی کے ہر شعبے میں یہ صنفی امتیاز واضح نظر آتا ہے۔

عالمی اقتصادی فورم&nbsp; ہر سال گلوبل جینڈر گیپ (صنفی امتیاز) انڈیکس جاری کرتا ہے جس کی بنیاد کا پیمانہ صرف چار عوامل یعنی خواتین کی اقتصادی معاملات میں شراکت اور مواقع، ان کی تعلیم ، صحت و بقاء اور سیاسی اداروں میں کردار کو بنابا جاتا ہے۔ 
اسی تناظر میں ہر ملک کی درجہ بندی کی جاتی ہے۔

2023ء کے صنفی مساوات انڈیکس میں پاکستان 146 ممالک کی فہرست میں&nbsp; 142ویں نمبر پر آیا ہے جبکہ پاکستان کے بعد ایران، الجیریا، چاڈ اور افغانستان ہیں۔

&nbsp;ملک خداداد میں بچیوں سے امتیازی سلوک کی کئی شکلیں ہیں جن میں پہلی لڑکوں کے مقابلے میں بچیوں کو تعلیم کے کم مواقع فراہم کرنا ہے۔

اقوام متحداہ کے ادارے یو این وومن کی 2020ء کی رپورٹ&nbsp; میں بتایا گیا تھا کہ پاکستان میں 33.6 فیصد لڑکیاں سکول سے باہر (پرائمری اور لوئر سیکنڈری تعلیم) ہیں جبکہ لڑکوں میں یہ تناسب21.7 فیصد تھا۔

ادارہ تعلیم و آگاہی کی صوبائی کوآرڈینیٹر فاطمہ جعفر بتاتی ہیں کہ پاکستان میں غربت اور سکولوں تک مشکل رسائی بچوں کے سکول سے باہر رہنے کی بڑی وجوہات ہیں۔تاہم بہت سے والدین بیٹوں کو سکول بھیجتے ہیں مگر لڑکیوں کو نہیں جانے دیتے۔

وہ کہتی ہیں کہ لڑکیوں کو تعلیم کے برابر مواقع نہ ملنے کی بڑی وجہ سماجی پسماندگی ہے جس کے لیے لڑکی کو کبھی خاندانی روایت اور کبھی &#39;پرایا دھن&#39; کے نام پر گھر بٹھا دیا جاتا ہے۔ اسی طرح دیہات میں ہائی سکول اور کالج دور ہونے کا بہانہ مل جاتا ہے جبکہ اکثر اوقات صرف &#39;بیٹی&#39; ہونے کے باعث بےجا پابندیاں لگائی جاتی ہیں۔

&quot;ہمارے معاشرے میں بیٹیوں سے صرف تعلیم اور جائیداد ہی نہیں بلکہ کھانے پینے،کپڑے جوتے، پاکٹ منی، آؤٹنگ سمیت ہر معاملے میں امتیازی سلوک ہوتا ہے۔ صرف یہی نہیں گھروں میں لڑکیوں سے کام بھی زیادہ لیا جاتا ہے۔&quot;

یو این وومن رپورٹ تصدیق کرتی ہے کہ لڑکیاں اپنا 18.8 فیصد وقت بلا معاوضہ گھریلو کاموں اور گھر کی دیکھ بھال پر صرف کرتی ہیں جبکہ ان کے مقابلے میں لڑکے گھر کو اپنا 1.8 فیصد وقت دیتے ہیں۔

فاطمہ جعفر کا کہنا تھا کہ بعض والدین لڑکیوں کو سکول،کالج اور گھر سے باہر کام پر بھیجنے سے ڈرتے ہیں جس کی بڑی وجہ جنسی زیادتی اور ہراسانی کے واقعات ہیں۔ جبکہ ایسا صرف باہر ہی نہیں ہوتا گھروں میں بھی ہوتا ہے۔

یو این رپورٹ بتاتی ہے کہ 2018 ء میں 15 سے 49 سال عمر کی 16.2 فیصد پاکستانی خواتین نے شکایت کی کہ وہ پچھلے 12 ماہ کے دوران اپنے موجودہ یا سابق قریبی ساتھی کے ہاتھوں جسمانی یا جنسی ( یا دونوں طرح کے) تشدد کا شکار ہوئی ہیں۔

پاکستان میں بچوں کے تحفظ اورحقوق کے لیے کام کرنے والی غیر سرکاری تنظیم &#39;ساحل&#39; کے اعدادوشمار بتاتے ہیں کہ 2023ء کے دوران بچوں پر جنسی و جسمانی تشدد، اغوا اور قتل کے چار ہزار 213 کیس سامنے آئے جن میں دو ہزار251 بچیوں جبکہ ایک ہزار 962 لڑکوں کو نشانہ بنایا گیا۔

اسی رپورٹ کے مطابق بچوں کے خلاف جرائم کے 75 فیصد واقعات پنجاب، 13 فیصد سندھ، سات فیصد اسلام آباد تین فیصد خیبرپختونخوا اور دو فیصد ملک کے دیگر علاقوں سے رپورٹ ہوئے تھے۔

&nbsp;پاکستان خواتین کے خلاف جرائم کے لحاظ سے پہلے پانچ ممالک میں آتا ہے۔

جارج ٹاؤن یونیورسٹی کے ادارہ برائے خواتین، امن اور سلامتی&nbsp; نے 2021ء کے ڈبلیو پی ایس انڈیکس میں دنیا کے 170 ممالک میں سے پاکستان کو خواتین کے لیے چوتھا خطرناک ترین ملک قرار دیا ہے۔ اس فہرست میں پاکستان سے پہلے صرف افغانستان، شام اور یمن کے نام آتے ہیں۔

لڑکیوں کے لیے پاکستانی سماج میں مسائل یہیں ختم نہیں ہوتے۔

یو این وومن&nbsp;&nbsp; کے مطابق 20 سے 24 سال کے درمیان عمر کی خواتین کے سروے میں پتا چلا کہ ان میں سے 3.6 فیصد کی شادی پندرہ سال کی عمر سے پہلے کر دی گئی جبکہ 18.3 فیصد اٹھارہ سال کی حد تک پہنچنے سے پہلے ہی بیاہ دی گئیں۔

ساحل کی رپورٹ بتاتی ہے کہ 2023ء میں 27 لڑکیوں کی کم عمری میں شادی کے واقعات پیش آئے۔

ادارہ تعلیم و آگاہی کی صوبائی کوآرڈینیٹر سمجھتی ہیں کہ بیٹیوں کی کم عمری میں شادیوں کا رحجان لڑکیوں کی اعلیٰ تعلیم، اقتصادی و سیاسی عمل شرکت کی راہ میں بڑی رکاوٹ ہے جس سے ملک میں نہ صرف سماجی بلکہ معاشی ترقی بھی متاثر رہی ہے۔

اقوام متحدہ کے زیر اہتمام ایک سٹڈی رپورٹ&nbsp; کم عمری کی شادی کے گیارہ منفی اثرات کی نشاندہی کرتی ہے جن میں لڑکی کی تعلیم، صحت، کام کرنے کی صلاحیت، بچہ پیدا کرنے کی صلاحیت، آبادی ، بچوں کی اموات، خواتین کی فیصلہ سازی میں شمولیت اور گھریلو تشدد جیسے عوامل نمایاں ہیں۔

اس رپورٹ کے مطابق کم عمری کی شادیوں سے جی ڈی پی، انسانی ترقی اور اقتصادی ترقی پر ضرب پڑتی ہے جس کے نتائچ غربت اور عدم مساوات کی شکل میں کئی نسلوں کو بھگتنا پڑتے ہیں۔

چائلڈپروٹیکشن بیورو نرسری کی نگران نازیہ زیب کہتی ہیں کہ ان کی نرسری میں اب بھی بچیوں کی تعداد بچوں سے لگ بھگ دو گنا ہے۔ بچیاں ان سے کافی مانوس ہو جاتی ہیں لیکن جب کوئی جوڑا ان میں سے کسی کو گودلیتا ہے تو انہیں خوشی ہوتی ہے کہ اسے خاندان اور شناخت مل جائے گی۔

نوزائیدہ بچیوں کو ہسپتال میں چھوڑ جانے والے والدین: 'ایسے فیصلے زیادہ تر باپ کرتے ہیں'۔

بیٹیوں سے امتیازی سلوک، ہم ایسے کیوں ہیں؟

Explore the dynamics of the Christian job quota in Pakistan through this meta description. Delve into the principles of equity and inclusion as we analyze the impact of this quota system on e

Equity and Opportunity: Examining the Christian Job Quota in Pakistan's Employment Landscape

مریم گل مسیحی برادری سے تعلق رکھتی ہیں اور لاہور کی رہائشی ہیں۔ انہوں نے 2021ء میں گریجویشن کی تھی اور پر امید تھیں کہ انہیں اقلیتی کوٹے کی بنیاد پر سرکاری ملازمت مل جائے گی لیکن ایسا نہیں ہو سکا۔ تاہم شادی کے بعد انہیں ایک نجی ہسپتال کے اکاؤنٹ ڈیپارٹمنٹ میں نوکری مل گئی۔

&quot;میں نے دل سے سرکاری نوکری کا خیال نکال دیا ہے کیونکہ مجھے لگتا ہے اقلیتی کوٹہ صرف کاغذوں میں ہی موجود ہے اس کا حقیقت سے کوئی تعلق نہیں۔&quot;

حکومت نے 2009ء میں سرکاری ملازمتوں میں اقلیتوں کے لیے&nbsp; پانچ فیصد کوٹہ مختص کیا تھا لیکن پندرہ سال گزرجانے کے باوجود&nbsp; آج بھی اس پالیسی پرمکمل عمل درآمد نہیں ہو رہا ہے۔

پاکستان پبلک ایڈمنسٹریشن ریسرچ سنٹر اسٹیبلشمنٹ ڈویژن کی سالانہ رپورٹ کے مطابق 2021-22ء میں وفاقی محکموں میں غیرمسلم ملازمین کی کل تعداد 19ہزار 128 تھی۔ ان میں میں سب سے زیادہ 17 ہزار 683 ملازمین مسیحی، 167 احمدی، ایک ہزار چھ ہندو، 243 شیڈولڈ کاسٹ اور 29 سکھ ملازم تھے۔

رپورٹ کے مطابق 18-2017 میں غیر مسلم ملازمین کی تعداد 16 ہزار 711 تھی جو مجموعی ملازمین کا دو اعشاریہ آٹھ فیصد تھے۔

سال 19-2018 میں یہ تعداد 16 ہزار 612 تھی، یعنی اس میں 0.59 فیصد کمی ہوئی۔ جبکہ 13 فیصد اضافے کے ساتھ اگلے سال 20-2019 میں یہ تعداد 18 ہزار 782 تک پہنچ گئی۔سال 21-2020میں 1.59 فیصد اضافہ ہوا اور غیر مسلم ملازمین کی تعداد 19ہزار 81 ہوگئی جبکہ 22-2021میں 0.24 فیصد اضافے کے ساتھ تعداد 19 ہزار 128 ہو گئی۔

پنجاب کے سرکاری محکموں میں غیرمسلم ملازمین کی تعداد سے متعلق چیف سیکرٹری پنجاب، ایڈیشنل سیکرٹری سروسز اینڈجنرل ایڈمنسٹریشن اور محکمہ انسانی حقوق واقلیتی امور پنجاب نے کوئی ڈیٹا فراہم نہیں کیا۔

ادارہ برائے سماجی انصاف کی رپورٹ کے مطابق محکمہ انسانی حقوق و اقلیتی امور پنجاب نے&nbsp; جولائی 2018ء میں سپریم کورٹ میں اقلیتوں کے جاب کوٹہ سے متعلق جو رپورٹ جمع کروائی تھی اس میں بتایا گیا کہ مجموعی طور پر 8337 آسامیوں پر 5151 ملازم بھرتی کئے گئے جبکہ 3186 پوسٹیں خالی تھیں۔

پنجاب کے 40 سرکاری محکموں میں سے صرف 29 محکموں کا ڈیٹا فراہم کیا گیا اور ان میں سے بھی 9 سرکاری محکمے ایسے تھے جن میں اقلیتوں کے لئے مختص کوٹہ کی بنیاد پر کوئی ملازم بھرتی نہیں کیا گیا جس کی بڑی وجہ یہ بتائی گئی کہ زیادہ تر غیرمسلم امیدوار اہلیت پر پورا نہیں اترتے تھے۔

اقلیتی برادری سے تعلق رکھنے والے نصیب انجم سپریم کورٹ کے وکیل ہیں، انہوں لوک سجاگ کو بتایا کہ وہ 2018ء میں وفاق اور 2020ء میں حکومت پنجاب کے خلاف الگ الگ پیٹیشنز دائر کر چکے ہیں، جن میں انہوں نے یہ موقف اختیار کیا تھا کہ&nbsp; پنجاب حکومت نے ایڈیشنل ایڈووکیٹ جنرل اور وفاقی حکومت نے ڈپٹی اٹارنی جنرل کی پوسٹوں میں اقلیتوں کے لیے مختص کوٹہ کو نظرانداز کیا ہے۔ اس حوالے سے انہوں نے لاہور ہائی کورٹ میں بھی انٹرا کورٹ اپیل دائر کر رکھی ہے جو ابھی تک زیر التوا ہے۔

قومی کمیشن برائے انسانی حقوق کے پنجاب کے ممبر ندیم اشرف نے اس حوالے سے لوک سجاگ کو بتایا کہ ان کے پاس سرکاری نوکریوں میں اقلیتوں کے کوٹہ سے متعلق کوئی تفصیلی رپورٹ توموجود نہیں لیکن امیدواروں کی جانب سے مختلف محکموں کے خلاف کی جانے والی شکایات پر کارروائی کو ضرور یقینی بنایا جاتا ہے۔

&quot;سرکاری محکموں کو اقلیتوں کا کوٹہ مکمل نہ ہونے کی ایک وجہ یہ بھی ہے کہ محکمے اپنی پوسٹوں کا باقائدہ حساب کتاب نہیں رکھتے۔ وقتا، فوقتا جو پوسٹیں خالی ہوتی ہیں، ان پر بھرتی کر لی جاتی ہے حالانکہ ہونا یہ چاہیے کہ تمام پوسٹوں میں اقلیتوں کا کوٹہ نکال کر ان کو بھرتی کرلیا جائے&quot;۔

سرکاری نوکریوں میں اقلیتوں کے کوٹہ سمیت دیگر مسائل اور شکایات کو سامنے رکھتے ہوئے سپریم کورٹ آف پاکستان نے 2019ء میں یک رکنی اقلیتی کمیشن تشکیل دیا تھا۔ جو اپنے قیام سے اب تک اقلیتوں سے متعلق مختلف امور پر کام کر رہا ہے۔

کمیشن کے سربراہ&nbsp; ڈاکٹر شعیب سڈل نے لوک سجاگ کو بتایا کہ انہوں نے دیگر معاملات کے ساتھ سرکاری محکموں میں اقلیتوں کے لیے مختص کوٹہ پر عمل درآمد کے لیے بھی کام کیا تھا۔

&quot;میرے لیے یہ حیران کن تھا کہ ملک بھر میں اقلیتوں کے لیے مختص 30 ہزار 866 پوسٹیں خالی تھیں۔ ان میں سے تین ہزار 943 وفاق، 18 ہزار 914&nbsp; پنجاب، تین ہزار 165 سندھ، تین ہزار670 خیبرپختونخوا، 824 بلوچستان اور 347 پوسٹیں گلگت بلتستان میں خالی تھیں&quot;۔

انہوں نے بتایا کہ یہ اسامیاں بتدریج مکمل کرنے کی کوشش کی جا رہی ہے تاہم ابھی تک وہ نتائج سامنے نہیں آسکے جس کی توقع تھی۔ اس کی ایک وجہ یہ بھی ہے کہ بیشتر غیر مسلم امیدوار میرٹ پر پورا نہیں اترتے اور تحریری ٹیسٹ یا انٹرویو میں فیل ہوجاتے ہیں۔ 
لیکن زمینی حقائق ڈاکٹر&nbsp; شعیب کے موقف سے میل نہیں کھاتے۔

لاہور کے علاقے&nbsp; یوحنا آباد کے یوسف دین کی عمر 29 سال ہے، وہ غیر شادی شدہ ہیں۔ انہوں نے 2020ء میں انفارمیشن ٹیکنالوجی میں ماسٹرز کیا تھا۔ تعلیم مکمل کرنے کے بعد سرکاری نوکری کے لیے بہت تگ و دو کی، پنجاب فوڈ اتھارٹی سمیت دیگر سرکاری محکموں میں اوپن میرٹ اور اقلیتوں کے لیے مختص کوٹہ پر ملازمت کے لیے اپلائی کیا مگر ان کا انتخاب نہیں ہوسکا۔ فی الحال وہ ایک نجی تعلیمی ادارے میں ٹیچر ہیں۔

ڈاکٹر شعیب کہتے ہیں کہ&nbsp; وہ ہائرایجوکیشن کمیشن کو ہدایات جاری کر چکے ہیں کہ تعلیم کے تمام شعبوں میں داخلوں کے لئے غیرمسلم طالب علموں کے لیے دو فیصد کوٹہ مقرر کیاجائے تاکہ وہ بھی تعلیم حاصل کرکے اعلی انتطامی عہدوں پر فائز ہوسکیں۔

پاکستان میں سکھوں کی نمائندہ پاکستان سکھ گوردوارہ پربندھک کمیٹی کے سربراہ سردار امیر سنگھ نے لوک سجاگ کو بتایا، ایسا نہیں ہے کہ اقلیتی کوٹے پر بھرتیاں نہیں ہوتیں، لیکن اس بات سے بھی انکار نہیں کیا جا سکتا کہ اقلیتوں کے لیے مختص ہزاروں سیٹیں خالی پڑی رہتی ہیں۔

ادارہ برائے سماجی انصاف کے سربراہ پیٹرجیکب نے لوک سجاگ سے گفتگو کرتے ہوئے کہا پاکستان میں آج بھی اقلیتوں کے لیے مختص 70 فیصد پوسٹیں خالی ہیں۔ اس کے حل کے لیے ادارہ برائے سماجی انصاف کی طرف سے حکومت کو مختلف تجاویز دی گئی تھیں جن میں&nbsp; اقلیتوں کے لیے سکول،کالجوں اور یونیورسٹیوں میں پانچ فیصد کوٹہ اور&nbsp; نوجوانوں کو پیشہ ورانہ ،تکنیکی اور ہنرمندی کی تعلیم کے مواقعوں کی فراہمی کے مطالبات شامل تھے۔&nbsp;&nbsp;&nbsp; سرکاری محکموں کی طرح پرائیویٹ سیکٹر میں بھی اقلیتوں کے لیے جاب کوٹہ مختص کرنے اور&nbsp; ملازمت کوٹہ کے نفاذ، نگرانی اور شکایات کے ازالہ کے لیے انتظامی ادارہ یا ملازمت کوٹہ ریگولیٹری اتھارٹی کے قیام کی مانگ کی گئی تھی لیکن ان میں سے کسی تجویز پر عمل نہیں ہوا۔

خیبرپختونخوا میں اقلیتی برادری مخصوص ملازمتی کوٹے میں حق تلفی پر نالاں

" لگتا ہے اقلیتی کوٹہ صرف کاغذوں میں ہی موجود ہے اس کا حقیقت سے کوئی تعلق نہیں۔"

پنجاب کے جنگلوں میں رہنے والا اڑیال بے ضرر سا جانور ہے لیکن پنجاب کے محکمہ جنگلی حیات کے ماہرین سمجھتے ہیں کہ ان کی تعداد بڑھانے کے لیے ہر سال ان کا شکار ضروری ہے۔ ڈبلیو ڈبلیو ایف سمیت پنجاب کے جنگلی حیات کے محکمے نے اس سال بھی اڑیال کے شکار کی ا جازت دے دی ہے۔

پنجاب وائلڈ لائف نے اڑیال کی &quot;ٹرافی ہنٹنگ&quot; یعنی شکار&nbsp; کا شیڈول جاری کر دیا ہے۔

وفاقی وزارت&nbsp; موسمیاتی تبدیلی کی طرف سے پنجاب حکومت کو&nbsp; اڑیال ٹرافی ہنٹنگ کے 16 پرمٹ جاری کرنے کا کوٹہ دیا گیا ہے۔ ٹرافی ہنٹنگ کی ریزرو پرائس 21 ہزار امریکی ڈالر رکھی گئی ہے۔ یکم فروری سے 31 مارچ تک ٹرافی ہنٹنگ کی اجازت ہوگی دوسری طرف ماہرین کا کہنا ہے کہ&nbsp; پنجاب وائلڈ لائف کی طرف سے شیڈول کا اعلان تاخیر سے ہونے کی وجہ سے ٹرافی ہنٹنگ سیزن کے&nbsp; پہلے تین ماہ ضائع&nbsp; ہو گئے ہیں۔

ٹرافی ہنٹنگ کے لئے ملکی اور&nbsp; غیرملکی شکاریوں، آؤٹ فٹرز کو&nbsp; پنجاب وائلڈ لائف سے&nbsp; خصوصی پرمٹ حاصل کرنا ہوگا۔ پنجاب وائلڈ لائف ٹرافی ہنٹنگ کے 16 پرمٹس کی نیلامی 18 جنوری کو&nbsp; لاہور&nbsp; میں کرے گی۔ نیلامی کے لئے ایک اڑیال کی ریزرو&nbsp; پرائس 21 ہزار امریکی ڈالر رکھی گئی ہے۔ نیلامی میں حصہ لینے والے شکاریوں&nbsp; کو پانچ ہزار امریکی ڈالر بطور&nbsp; سیکیورٹی جبکہ&nbsp; 800 امریکی ڈالر شوٹنگ لائسنس فیس جمع کروانا ہوں گے۔

<h2>اڑیال کہاں رہتے ہیں؟</h2>

ڈبلیو ڈبلیو ایف کے مطابق اڑیال پاکستان میں پائے جانے والے لمبے سینگوں والے بکرے کی ایک قسم ہے۔ یہ پہاڑی بکرے اڑیال، جس کو ارکارس یا شاپو بھی کہتے ہیں ان کی پاکستان میں مجموعی طورپر چھ اقسام ہیں، اڑیال ان میں سے ایک ہے۔

اڑیال سالٹ رینج اور چٹا کالا رینج کی پہاڑیوں پر پایا جاتا ہے تاہم اس کے علاوہ یہ پنجاب کے دو آبہ کے علاقے میں بھی دیکھا گیا ہے۔

یہ ایک خاکی رنگ کا بکرا ہے جس کا نچلا دھڑ سفید اور ان دونوں کو جدا کرتی ایک سیاہ پٹی ہوتی ہے- اس کے سینگ تمام عمر بڑھتے رہتے ہیں اور جس بکرے کے جتنے بڑے سینگ ہوں اس کی عمر اتنی ہی بڑی ہوگی۔ ڈبلیو ڈبلیو ایف کے مطابق ماحولیاتی تبدیلیوں، بڑھتی ہوئی آبادی، جنگلات میں کمی، غیرقانونی شکار&nbsp; نے پنجاب میں اڑیال کی آبادی کو نقصان پہنچایا ہے۔

<h2>ٹرافی ہنٹنگ کیوں کروائی جاتی ہے؟</h2>

&nbsp;ماہر جنگلات و جنگلی حیات و سابق چیئرمین ٹاسک فورس برائے وائلڈ لائف پنجاب&nbsp; بدر منیر کہتے ہیں پنجاب وائلڈ کی طرف سے ہر سال عمر رسیدہ پہاڑی&nbsp; بکروں کی ٹرافی ہنٹنگ کروائی جاتی ہے۔ ہنٹنگ ٹرافی میں ایسے جانور آفر کیے جاتے ہیں جن کی طبی عمر پوری ہونے کے قریب ہوتی ہے۔ انہوں نے کہا کہ اڑیال کی اوسط عمر 12 سے 13 سال ہوتی ہے۔ اس عمر کے جانور کا اگر شکار نہ کیا جائے تو وہ خود مر جائے گا جبکہ بوڑھے اڑیال افزئش کی راہ میں بھی رکاوٹ بنتے ہیں، یہ خود افزائش کے قابل نہیں رہتے جبکہ نوجوان اڑیال کو مادہ کے قریب نہیں جانے دیتے جس کی وجہ سے ان کی بریڈنگ رک جاتی ہے۔

&quot; ٹرافی ہنٹنگ میں ایک جانور اپنی جان دے کر100 دوسرے جانوروں کی جان بچانے میں مددگار ثابت ہوتا ہے&quot;۔

مگر&nbsp; انہوں نے یہ نہیں بتایا کہ شکاری جوان اور بوڑھے اڑیال میں تفریق کیسے کریں گے؟

<h2>ٹرافی ہنٹنگ سے حاصل ہونے والی آمدن کہاں جاتی ہے؟</h2>

&nbsp;ٹرافی ہنٹنگ سے حاصل ہونیوالی آمدن کا 80 فیصد مقامی کمیونٹی بیسیڈ آرگنائزیشن (سی بی او) کو دیا جاتا تھا جو&nbsp; یہ رقم اپنے علاقے میں جنگلی حیات کے تحفظ سمیت مقامی لوگوں کی فلاح و بہبود پرخرچ کرتی ہیں۔ سال 2022ء&nbsp; تک پنجاب میں پانچ سی بی اوز رجسٹرڈ تھیں جنہیں ختم کر دیا گیا اور&nbsp; اب انہیں کمیونٹی بیسیڈ کنزروینسی (سی بی سی ) کا نام دیا گیا ہے۔ سال 2022ء تک ٹرافی ہنٹنگ سے حاصل ہونیوالی آمدن کا 80 فیصد مقامی سی بی اوز کو دیا جاتا تھا۔ جس سی بی او کے علاقے میں جتنی ٹرافیاں ہنٹ کی جاتی تھیں، اس کے مطابق اس سی بی او کو معاوضہ دیا جاتا تھا۔تاہم&nbsp; 2023ء میں سی بی اوز ختم ہونے کی وجہ سے ٹرافی ہنٹنگ سے حاصل ہونے والی رقم ابھی تک پنجاب وائلڈلائف کے پاس موجود ہے۔

پنجاب میں اڑیال اور تیتر کے مساکن کو مدنظر رکھتے ہوئے&nbsp; 20 زون مقرر کئے گئے ہیں اور ہر زون میں ایک سی بی سی کو رجسٹرڈ کیا جائے گا تاہم ابھی تک پنجاب میں کوئی بھی سی بی سی رجسٹرڈ نہیں کی جا سکی ہے۔

وفاقی وزارت موسمیاتی تبدیلی کی طرف سے پنجاب اڑیال کی ٹرافی ہنٹنگ کی قیمت 12 ہزار امریکی ڈالر رکھی گئی ہے تاہم پنجاب وائلڈلائف نے ریزرو&nbsp; پرائس 21 ہزار امریکی ڈالر مقرر کی&nbsp; ہے۔ دلچسپ بات یہ ہے کہ گزشتہ سیزن یعنی سال 2022-23ء میں ٹرافی ہنٹنگ کی ریزرو پرائس 25 ہزار امریکی ڈالر رکھی گئی تھی لیکن نیلامی 20 ہزار پانچ ڈالر میں کی گئی تھی۔

پنجاب وائلڈلائف حکام کا کہنا ہے&nbsp; ٹرافی ہنٹنگ اشتہار میں ریزور پرائس غلطی سے 25 ہزار ڈالر لکھی گئی تھی۔

حکام کے مطابق&nbsp; محکمے نے 25 ہزار ڈالر پر نیلامی کروانے کی کوشش کی تھی لیکن کسی بھی شکاری اور آؤٹ فٹر&nbsp; نے دلچسپی ظاہر نہ کی جس کے بعد ڈائریکٹر جنرل پنجاب وائلڈ لائف نے اپنے اختیارات استعمال کرتے ہوئے ریزرو پرائس 20 ہزار امریکی ڈالر کر دی جبکہ 20 ہزار پانچ ڈالر میں پرمٹ جاری کئے گئے۔

پنجاب وائلڈ لائف&nbsp; حکام کے مطابق 2019-20ء میں ریزرو پرائس 18ہزار امریکی ڈالر تھی جس میں 2022-23ء میں طباعت کی غلطی سے سات&nbsp; ہزار ڈالرکا اضافہ ہو گیا لیکن اصل میں یہ اضافہ دو ہزار امریکی ڈالر تھا۔

پنجاب وائلڈلائف کو گزشتہ 10 سال سے ٹرافی ہنٹنگ کے 16 پرمٹ نیلام کرنے کا کوٹہ دیا جا رہا ہے۔ سال 2018ء میں 16 پرمٹ نیلام ہوئے جس سے محکمے کو دو لاکھ 80 ہزار امریکی ڈالر آمدن ہوئی، سال 2019ء میں کورونا وبا کی وجہ سے ٹرافی ہنٹنگ نہیں ہوسکی تھی۔ 2020ء میں بھی 16 پرمٹ نیلام ہوئے اور محکمے کو دولاکھ 88 ہزار&nbsp; ڈالر حاصل ہوئے۔ 2021ء میں بھی یہ رقم دولاکھ 96 ہزار امریکی&nbsp; اور&nbsp; 2022ء میں بھی 16 پرمٹوں کی نیلامی سے&nbsp; محکمے کو تین لاکھ، 20 ہزار&nbsp; ڈالر حاصل ہوئے تھے۔

پنجاب وائلڈ لائف کے سابق ڈائریکٹر اور ماہر جنگلی حیات غضنفر علی لنگاہ کہتے ہیں پنجاب وائلڈ لائف کی طرف سے ٹرافی ہنٹنگ کا اعلان کافی تاخیر سےکیا گیا ہے۔ ٹرافی ہنٹنگ کا سیزن عموما نومبر سے شروع ہو جاتا ہے اور 31 مارچ تک رہتا ہے لیکن پنجاب وائلڈ لائف کی مس مینجمنٹ کی وجہ سے سیزن کے پہلے تین ماہ ضائع ہو گئے ہیں۔

انہوں نے مزید کہا کہ پنجاب اڑیال کی ٹرافی ہنٹنگ میں زیادہ تر وہی غیرملکی شکاری اور آؤٹ فٹر حصہ لیتے ہیں جو مارخور کی ٹرافی ہنٹ کرنے آتے ہیں۔ غیرملکی شکاری ٹرافی ہنٹنگ کے لیے بہترین آپشن ہوتے ہیں لیکن ٹرافی ہنٹنگ شیڈول میں تاخیر کی وجہ سے یہ موقع ضائع ہو گیا ہے، انہیں توقع نہیں ہے کہ اس سیزن میں تمام 16 پرمٹ نیلام ہو سکیں گے۔

دوسری طرف پنجاب وائلڈ لائف کے ڈپٹی ڈائریکٹر خواجہ جنید کہتے ہیں اس وقت چونکہ پنجاب میں کوئی بھی سی بی سی رجسٹرڈ نہیں ہے اس لئے ٹرافی ہنٹنگ کا کوٹہ کسی سی بی سی کو نہیں دیا جائے گا۔ تاہم محکمے کی طرف سے ایک سمری وزیر اعلی پنجاب کو منظوری کے&nbsp; لئےبھیجی گئی ہے جس میں یہ تجویز دی گئی ہے کہ ٹرافی ہنٹنگ سے حاصل ہونیوالی رقم کا 80 فیصد مقامی ڈپٹی کمشنر کی سربراہی میں بنائی جانے والی کمیٹی کو دیا جائے جو اپنے علاقے میں جنگلی حیات کے تحفظ اور&nbsp; ڈیویلپمنٹ پر یہ رقم خرچ کرے گی۔

&nbsp;یہ رقم اس علاقے کے ڈپٹی کمشنر کو دی جائے گی جس علاقے میں ٹرافی ہنٹنگ ہو گی۔ ذرائع کے مطابق اس مرتبہ شکار کے پرمٹوں کی نیلامی سے اس مرتبہ پنجاب وائلڈ لائف کو ممکنہ طور پر تین لاکھ چار ہزار ڈالر&nbsp; کی آمدن ہو گی۔

خواجہ جنید نے یہ بھی واضح کیا کہ ٹرافی ہنٹنگ کی اجازت صرف اسی کمیونٹی بیسڈ کنزروینسی میں دی جائے گی جو اجازت نامے میں درج ہو گی۔&nbsp; شکاری اور آؤٹ فٹر نیلامی کے لئے درخواست میں ٹرافیوں کی تعداد کا حوالہ دیں گے۔ پرمٹ حاصل کرنے والے شکاریوں کو اپنے مقررہ علاقے میں سات دن کے اندر شکار کرنا ہو گا جبکہ اڑیال کے علاوہ کسی دوسرے جنگلی جانور کےشکار کی اجازت بھی نہیں ہو گی۔

پنجاب میں اڑیال کی آبادی کتنی ہے؟

پنجاب وائلڈ لائف ریسرچ سنٹر گٹ والا کی ڈپٹی ڈائریکٹر، ڈاکٹر مصباح سرور کے مطابق 2004ء میں کئے گئے ایک سروے میں پنجاب اڑیال کی تعدادکا تخمینہ صرف ساڑھے 400 لگایا گیا تھا۔ اس کے بعد جب 2018ء میں ایک سروے کیا گیا تو اس میں اڑیال کی تعداد تین ہزار 700 کے قریب تھی، سال 2022ء میں یہ تعداد&nbsp; بڑھ کر پانچ ہزار 757 تک جا پہنچی اور اب 2023ء کے سروے میں اڑیال کی آبادی کا تخمینہ چھ ہزار 891 لگایا گیا تھا۔

&nbsp;ڈاکٹر مصباح کے مطابق سال 2023ء میں ایریا میں تبدیلی اور نئے علاقے شامل کرنے کی وجہ سے پنجاب اڑیال کی تعداد زیادہ ہوئی ہے۔

پنجاب اڑیال کے 2022ء کی سروے رپورٹ کے مطابق سالٹ رینج چکوال میں اڑیال کی آبادی کا تخمینہ 1871، جہلم میں 1894، کالاباغ رینج میں 1726 اور خوشاب میں 266 لگایا گیا تھا جبکہ 2023ء کے سروے رپورٹ کے مطابق چکوال میں اڑیال کی آبادی کا تخمینہ 2102، جہلم میں 1702، میانوالی میں 2050، تلہ گنگ میں 83 اور خوشاب میں 954 لگایا گیا ہے۔

تاہم جنگلی حیات کے تحفظ اور ویلفیئر کے لئے کام کرنے والی این جی اوز ان اعداد و شمار کو تسلیم نہیں کرتیں ہیں۔

جنگی حیات کے کارکنوں کا کہنا ہے بے تحاشا شکار&nbsp; کی وجہ سے اڑیال کی تعداد کم ہو رہی ہے لیکن محکمہ غلط اعداد و شمار کے ذریعے تعداد زیادہ ظاہر کرتا ہے۔

اگر پنجاب اڑیال کی تعداد میں اتنا اضافہ ہوا ہے تو وزارت موسمیاتی کی تبدیلی کی طرف سے ٹرافی پرمٹ کا کوٹہ کیوں نہیں بڑھایا گیا؟&nbsp; دس سال پہلے جب اڑیال کی تعداد ایک،ڈیڑھ ہزار تھی اس وقت بھی کوٹہ 16 تھا اور آج جب یہ تعداد 6 ہزار سے بڑھ چکی ہے تو پھر بھی کوٹہ 16 ہی ہے؟

جنگلی حیات کے شکار پر پابندی کا مطالبہ

مشن اوئیرنس فاؤنڈیشن (ایم اے ایف) کے سربراہ فہد ملک کہتے ہیں جنگلی حیات کے قانونی اورغیرقانونی ہر قسم کے شکار پرپابندی ہونی چاہئے۔ وائلڈ لائف حکام کی اس پالیسی نے جنگلی حیات کو سب سے زیادہ نقصان پہنچایا ہے کہ قانونی شکار، غیرقانونی شکار میں کمی لا سکتا ہے۔ ماضی میں شکار خوراک کی ضروریات پوری کرنے کے لیے کیا جاتا تھا لیکن بدقسمتی سے آج&nbsp; جنگلی حیات کا شکار کرنا ایک کھیل بنا دیا گیا ہے۔

&quot;اگر کسی کو جنگلی حیات کے شکار&nbsp; کا اس قدر شوق ہے اور&nbsp; یہ اتنا ہی اہم ہے تو جس طرح گوشت کے حصول کے لیے بھیڑ بکریاں اور مرغیاں پالی جاتی ہیں، اسی طرح ہرنوں اور اڑیالوں کے لیے بریڈنگ فارم بنا دیے جائیں اور وہاں سے پھر جانور کسی مخصوص علاقے میں چھوڑ کر ان کا شکار کر لیا جائے&quot;۔

نیشنل الائنس فار اینیمل رائٹس ایکٹویسٹ اینڈ ایڈووکیٹس (نعرہ) کی ترجمان عنیزہ خان عمر زئی بھی سمجھتی ہیں کہ جنگلی حیات کو گن کی بجائے کیمرے شوٹ کرنے کے رحجان کو فروغ دینے کی ضرورت ہے۔

پنجاب وائلڈ لائف کا کام جنگلی حیات کا تحفظ ہے ناکہ اس کے شکار کی اجازت دینا۔ &quot;محکمہ اگر قانون کے مطابق شکار کی اجازت دیتا بھی ہے تو&nbsp; کیا محکمے کے پاس اتنی افرادی قوت ہے کہ وہ یہ چیک کر سکے کہ جن ایس اوپیز کے تحت شکار کی اجازت دی گئی ان پر عمل کیا جا رہا ہے؟&quot;

وہ کہتی ہیں پنجاب وائلڈ لائف والے خود&nbsp; تسلیم کرتے ہیں کہ ان کے پاس فیلڈ سٹاف کی کمی ہے۔

&quot;صرف شوق اور دکھاوے کے لیے جنگلی حیات کے بے دریغ شکار کو اسی صورت روکا جا سکتا ہے جب اس کے شکار پر مکمل پابندی کی جائےگی۔

عنیزہ خان کے مطابق شکار کے پرمٹ اور لائسنس جاری کرنے میں چونکہ محکمے کی عملے کی جیبیں گرم ہوتی ہیں اس لیے وہ کبھی نہیں چاہیں گے کہ شکار پر مکمل پابندی لگائی جائے یا پھر ٹرافی ہنٹنگ کے لئے طے شدہ ایس اوپیزپر پر سختی سے عمل درآمد کروایا جائے۔

درختوں پر طوطے، مینا، نیل کنٹھ اور فاختاؤں کی جگہ چیلوں اور کووں کا بسیرا، لاہور کے خوبصورت پرندے کہاں گئے؟

کیا اڑیال کی افزائش کے لیے اس کا شکار کرنا ضروری ہے؟

کرن ملک کا تعلق جنوبی پنجاب کے ضلع بھکر سے ہے۔ انہوں نے سوشیالوجی میں ماسٹرز کیا تو نوکری کے حصول کے لئے کافی عرصے تک پریشان رہیں لیکن پھر انہیں اپنے شہر سے تقریبا 400 کلومیٹر دور، ملتان کی ایک نجی کمپنی میں ملازمت مل گئی۔ مگر ان کی پریشانیاں ختم نہیں ہوئیں۔

ایک ایسے شہر میں نوکری کے لیے اکیلے رہنا، جہاں کوئی رشتہ دار بھی مقیم نہ ہو، کرن کے لئے کافی مشکلات کا باعث ہے۔

کمپنی کی جانب سے بھی رہائش کا انتظام نہیں ہے اور پچھلے تین ماہ سے کرن کسی محفوظ اور پرسکون رہائش کی تلاش میں ہیں۔

&nbsp;کرن بتاتی ہیں کہ وہ جس نجی ہاسٹل میں رہائش پذیر ہیں وہاں کرایہ بہت زیادہ ہے اور بنیادی سہولیات نہ ہونے کے برابر، غیر محفوظ ہونے کا احساس الگ ہے۔

اس ذہنی کوفت کے باعث وہ کئی بار نوکری چھوڑنے کے بارے بھی سوچتی ہیں لیکن یہ فیصلہ ان کے کیرئیر کے حوالے سےاچھا نہیں ہو گا۔

اپنے شہر کو چھوڑ کر کسی دوسرے شہر میں ملازمت کے لئے آئی خواتین کے لئے محفوظ اور سستی رہائش کی عدم دستیابی ایک اہم مسئلہ ہے۔

اکیس لاکھ کی آبادی والے شہر ملتان میں صرف ایک سرکاری ہاسٹل ہے۔

ادارہ شماریات کے مطابق ضلع ملتان کی آبادی 47 لاکھ سے تجاوز کر چکی ہے، جن میں خواتین کی تعداد 23 لاکھ سے زائد ہے۔ معاشی حالات کے پیش نظر خواتین میں ملازمت کا رجحان بھی بڑھ رہا ہے۔

سابقہ سیکرٹری ویمن ڈیویلپمنٹ پنجاب بشریٰ امان نے 21 جولائی 2018 کو ملتان آمد کے موقع پر ملتان میں دوسرا ورکنگ ویمن ہاسٹل قائم کرنے کا اعلان کیا تھا تاکہ جنوبی پنجاب کی ملازمت پیشہ خواتین کو رہائش کی بہتر سہولیات مل سکیں مگر پانچ سال گزر جانے کے بعد بھی اس پر عمل درآمد نہیں ہو سکا۔

محکمہ ویمن ڈیویلپمنٹ پنجاب کی سیکرٹری سمیرا صمد نے لوک سجاگ کو بتایا کہ محکمہ کے زیر انتظام اس وقت پنجاب کے 12 اضلاع میں16 ورکنگ ویمن ہاسٹل ہیں جن میں مجموعی طور پر 625 بیڈ ہیں۔ لاہور میں چار، راولپنڈی میں دو جبکہ گوجرانوالہ، فیصل آباد، ساہیوال، وہاڑی، ملتان، بہاولپور، مظفرگڑھ، ڈیرہ غازیخان، رحیم یار خان اور سرگودھا میں ایک ایک ہاسٹل ہے۔ ان میں سے بعض ہاسٹل سرکاری عمارتوں جبکہ کچھ کرائے کی عمارتوں میں پبلک، پرائیویٹ پارٹنرشپ کے تحت بنائے گئے ہیں۔

وہ کہتی ہیں صوبے کے تمام اضلاع میں ہاسٹل بنائے جائیں گے جبکہ بڑے شہروں میں ایک سے زیادہ ہاسٹلز بنانے کا منصوبہ ہے۔ آئندہ مالی سال میں ویمن ہاسٹلز اتھارٹی کے لئے بجٹ مختص کیا جائے گا جس کے بعد اتھارٹی کے لئے سٹاف کی بھرتی ہو گی۔

<h2>پرائیویٹ ہاسٹل، شتر بے مہار</h2>

پنجاب میں اس وقت کتنے پرائیویٹ ہاسٹل ہیں اس کا کسی بھی حکومتی ادارے کے پاس کوئی ریکارڈ نہیں ہے۔ صرف ملتان کی گلگشت کالونی میں ڈیڑھ سو سے زائد ہاسٹلز ہیں۔

ہزاروں ہاسٹل رہائشی عمارتیں کرایہ پر لے کر بنائے گئے ہیں۔ صرف متعلقہ تھانے کو اطلاع دی جاتی ہے، ہاسٹلز مالکان نے اپنے حساب سے خود ہی کرائے اور رہائشیوں کے لئے اصول وضوابط طے کر رکھے ہیں۔

اٹھائیس سالہ اقصی عندلیب کا تعلق احمدپور شرقیہ سے ہے۔ وہ گزشتہ تین سال سے ملتان کے مختلف نجی ہاسٹلوں میں رہ چکی ہیں۔ وہ بتاتی ہیں کہ نجی ہاسٹلز میں انہیں اچھا خاصا کرایہ ادا کرنا پڑتا ہے، کھانے کے پیسے الگ دینا پڑتے ہیں۔ اس کے باوجود کھانا معیاری نہیں ہوتا ، جس سے ان کی صحت بری طرح متاثر ہو چکی ہے۔

وہ جس ہاسٹل میں فی الحال رہائش پذیر ہیں، وہاں پانی اور بجلی دونوں غائب رہتے ہیں لیکن چونکہ یہ ان کے دفتر کے قریب ہے اس لئے وہ تمام ذہنی اذیت کے باوجود یہاں رہنے پر مجبور ہیں۔

عندلیب کہتی ہیں کہ وہ ہاسٹل انتظامیہ کی شکایت بھی کریں تو کس سے کریں، کیونکہ ایسی کوئی اتھارٹی نہیں جو ایسے ہاسٹلز کے خلاف کارروائی کر سکے۔

پرائیویٹ ہاسٹلز کو ریگولیٹ کرنے کے لئے کسی بھی سطح پر کوئی اتھارٹی موجود نہیں ہے، لاہور میں پرائیویٹ ہاسٹل چلانے والے مظاہر شگری اس بات کی تصدیق کرتے ہیں۔

&quot;ہم خود ہی ہاسٹل میں مقیم خواتین کا ریکارڈ جس میں ان کے قومی شناختی کارڈ کی کاپی، ایک تصویر، خاتون کے والد یا شوہر کے شناختی کارڈ کی کاپی اور وہ جس ادارے میں پڑھتی یا جاب کرتی ہیں وہاں سے تصدیقی لیٹر&nbsp; لے کر مقامی تھانے میں جمع کرواتے ہیں&quot;۔

انہوں نے کہا حالات یہ ہیں کہ تھانے میں ریکارڈ جمع کروانے کے لئے عملے کی مٹھی گرم کرنا پڑتی ہے۔ اس کے علاوہ جب سے دہشت گردی کے کچھ واقعات ہوئے یا کسی ہاسٹل میں کوئی ناخوشگوار واقع پیش آ جائے تو پھر مختلف ایجینسز کے لوگ بھی چیک کرنے آتے ہیں اور ان میں سے اکثر پیسے لے کر جاتے ہیں۔

<h2>ورکنگ ویمن ہاسٹل اتھارٹی ایکٹ پر عمل کیوں نہیں ہو رہا؟</h2>

سابق پنجاب حکومت نے سرکاری اور پرائیویٹ ہاسٹلوں کی رجسٹریشن، مانیٹرنگ اور انہیں ریگولائز کرنے کے لئے&nbsp; ورکنگ ویمن ہاسٹل اتھارٹی کی منظوری دی تھی تاہم یہ اتھارٹی ابھی تک فعال نہیں ہو سکی ہے۔

ایکٹ کے مطابق صوبے میں موجود خواتین کے تمام پرائیویٹ ہوسٹلوں کی رجسٹریشن کی جائے گی اور بغیر رجسٹریشن کے تحت چلنے والے تمام ہاسٹل سیل کر دیے جائیں گے۔

قواعد یا ضوابط کی خلاف ورزی پر ہاسٹل کی رجسٹریشن معطل یا دیگر تادیبی کارروائی کی جا سکے گی۔

ہاسٹل مالکان کو حفظان صحت اور خواتین کی حفاظت کے لیے ایکٹ میں طے کردہ معیارات یقینی بنانا ہوں گے۔ خلاف ورزی پر ہاسٹل کی رجسٹریشن کی منسوخی یا 10 ہزار روپے تک جرمانے کی سزا ہو گی۔

پنجاب ویمن ہاسٹلز اتھارٹی ایکٹ فروری 2023 میں منظور کیا گیا تھا۔ اتھارٹی میں ہائر ایجوکیش ڈیپارٹمنٹ، پرائمری اینڈ سکینڈری ہیلتھ، سپیشلائزڈ ہیلتھ اینڈ میڈیکل، سوشل ویلفیئر، لیبر و ہیومن ریسورسز، فنانس، لوکل گورنمنٹ، ہاؤسنگ اربن ڈیویلپمنٹ کے سیکریٹری ممبر ہوں گے۔

پنجاب اسمبلی کی تین خواتین رکن بھی اتھارٹی کی ارکان ہوں گی جن میں سے ایک خاتون اپوزیشن جبکہ دو کی نامزدگی سپیکر پنجاب اسمبلی کی طرف سے کی جائے گی۔ اسی طرح ویمن چیمبر آف کامرس اینڈ انڈسٹری کی ایک نمائندہ، پرائیویٹ ہاسٹلز آپریٹرز کا ایک نمائندہ،&nbsp; ڈی جی ویمن ہاسٹلز اتھارٹی سمیت اس شعبے میں مہارت رکھنے والے تین نان آفیشل افراد اتھارٹی کے رکن ہوں گے۔

نگران پنجاب حکومت میں ویمن ڈیویلپمنٹ ڈیپارٹمنٹ کا کوئی وزیر نہیں ہے۔ تاہم جب ورکنگ ویمن ہاسٹلز اتھارٹی کے قیام کے حوالے سے نگران وزیر اطلاعات عامر میر سے پوچھا گیا تو انہوں نے کہا پنجاب ویمن ہاسٹلز اتھارٹی ایکٹ 2023 میں یہ واضع ہے کہ اتھارٹی میں تین خواتین اراکین اسمبلی کا ہونا ضروری ہے لیکن اس وقت چونکہ نگران حکومت ہے تو اس قانونی اور تکنیکی معاملے کی وجہ سے اتھارٹی فعال نہیں ہو سکی ہے۔

انہوں نے کہا وہ سمجھتے ہیں ہاسٹلز کو ایک قانونی دائرہ کار میں لانے اور ان کے لئے قواعد وضوابط بنانے کے لئے اتھارٹی کا قیام ضروری ہے۔ انہوں نے امید ظاہر کی کہ انتخابات کے بعد جو بھی منتخب حکومت آئے گی وہ یقینا اس اتھارٹی کو فعال کرے گی۔

<h2>سرکاری ہوسٹلوں کی الگ کہانی ہے</h2>

سرکاری ہاسٹل میں داخلے کے لئے لوگ انتظامیہ کی منت سماجت کرتے ہیں لیکن وہ اس بات سے لا علم ہیں کہ سرکاری ہاسٹلز کے حالات نجی ہاسٹلز سے مختلف نہیں ہیں۔

کشف کا تعلق سرگودھا سے ہے، وہ&nbsp; ایک سرکاری ملازم ہیں اور ملتان کے سرکاری ہاسٹل میں رہائش پذیر ہیں، لیکن ان کے مسائل بھی نجی ہاسٹل میں رہنے والی خواتین سے مختلف نہیں ہیں۔

وہ بتاتی ہیں کہ جس ہاسٹل میں وہ رہتی ہیں، وہاں گنجائش 25 خواتین کی ہے لیکن وہاں 35 سے زائد خواتین مقیم ہیں۔

&quot;سرکاری ہاسٹل کی فیس تو نجی ہاسٹلز کے مقابلےمیں قدرے کم ہے لیکن یہاں سہولیات نام کی کوئی چیز نہیں۔ صفائی&nbsp; کے لئے ایک ملازم ہے جو اکثر و بیشتر چھٹی پر ہوتا ہے۔

&quot;ڈرائیور، باورچی اور چوکیدار کی ذمہ داریاں ایک ہی ملازم نبھا رہا ہے۔ وہ بازار سے سودا سلف لینے چلا جائے، یا کچن میں کام کر رہا ہو تو گیٹ خالی رہتا ہے&quot;۔

کشف مزید بتاتی ہیں کہ کئی خواتین کے کپڑے، موبائل اور میک اپ کا سامان وغیرہ چوری ہو جاتے ہیں لیکن ہاسٹل انتظامیہ کو شکایت کرنے پر انہیں جواب ملتا ہے کہ ان کے سامان کی حفاظت ہاسٹل انتظامیہ کی ذمہ داری نہیں ہے، اس لئے انہیں مہنگا سامان ہمہ وقت اپنے ساتھ رکھنا پڑتا ہے۔

بتول فاطمہ کا تعلق لیہ ہے اور وہ گذشتہ چھ سال سے لاہور میں جاب کرتی ہیں۔ وہ ایک سرکاری ورکنگ ویمن ہاسٹل میں رہتی ہیں۔ وہ&nbsp; کہتی ہیں ان کے والد بھی ایک سرکاری محکمے میں ایڈیشنل سیکرٹری رہ چکے ہیں اس لئے انہیں سرکاری ورکنگ ویمن ہاسٹل میں جلدی جگہ مل گئی تھی۔ لاہور جیسے شہر میں ہاسٹل کا کرایہ تو بہت کم ہے لیکن جس طرح سرکاری اداروں میں ہوتا ہے ویسا ہی حال ہاسٹل میں ہے۔

&quot;صفائی والے عملے کی مٹھی گرم کر دیں تو بہترین صفائی کریں گے وگرنہ چاہے کئی کئی دن کوئی صفائی کرنے نہ آئے کوئی پوچھنے والا نہیں ہوتا ہے۔ خاص طور پر واش رومز کی صفائی کا بڑا ایشو رہتا ہے&quot;۔

سمیرا صمد&nbsp; اس بات سے اتفاق نہیں کرتیں۔ ان کا کہنا ہے کہ سرکاری ہوسٹلوں میں رہائش کی بہترین سہولتیں فراہم کی جاتی ہیں، سیکیورٹی کا بھی خاص خیال رکھا جاتا ہے۔ انہوں نے کہا ہاسٹلز کے کرائے انتہائی کم ہیں، اس وقت 2014 میں مقرر کئے گئے کرائے لئے جا رہے ہیں۔ کرائے بڑھانے کی ضرورت ہے۔

میٹھا میٹھا ہپ: کیا دو طالبات کی ہلاکت بہاولپور کے نجی ہاسٹلز کو قانون کے دائرے میں لا پائے گی؟

پنجاب ورکنگ ویمن ہاسٹل اتھارٹی ایکٹ پر کب عملدرآمد ہو گا؟

ایمان فاطمہ گورنمنٹ کالج باغبانپورہ لاہور میں سیکنڈ ائیر کی طالبہ ہیں۔ وہ کالج&nbsp; سے صرف ساڑھے سات کلومیٹر دور یونین کونسل بھسین کی رہائشی ہیں لیکن انہیں کالج آنے کے لیے روزانہ 23 کلومیٹر سے زائد سفر کرنا پڑتا ہے۔

&nbsp;ایمان فاطمہ کو باغبانپورہ کے لیے براہ راست پبلک ٹرانسپورٹ میسر نہیں ہے۔ اس لیے وہ علی الصبح پہلے اپنے گاؤں سے چنگ چی رکشے پر 10 کلومیٹر دور جلوموڑ جاتی ہیں، وہاں سے دوسرے رکشے پر 13 کلومیٹر فاصلہ طے کر کے کالج پہنچتی ہیں۔ اگر بارش ہو جائے تو نہ رکشہ ملتا ہے اور نہ ہی وہ کالج پہنچ پاتی ہیں۔

ان کے والد چھوٹے سے کاشت کار ہیں۔ تعلیمی اخراجات کے ساتھ روزانہ 200 روپے آمدورفت کا خرچہ ان کے لیے اضافی بوجھ ہے۔ وہ بتاتی ہیں کہ ایسے اضافی اخراجات کی وجہ سے گاؤں کی دوسری لڑکیوں نے میٹرک کے بعد پڑھنا ہی چھوڑ دیا ہے۔

&quot;میرے والد مجھے بارہا کہہ چکے ہیں کہ میں کالج جانا بند کردوں اور گھر میں پرائیویٹ امتحان کی تیاری کروں۔ لیکن میں تعلیم جاری رکھنا چاہتی ہوں۔&quot;

لاہور کی 24 یونین کونسلز(یو سییز) پر مشتمل مشرقی علاقوں کو حکومت پنجاب&nbsp; لوکل کمیونٹی ڈویلپمنٹ اتھارٹی نے&nbsp; واہگہ ٹاؤن کا نام دے رکھا ہے۔ اس ٹاؤن کی تقریباً آٹھ یوسیز کے رہائشیوں کو شہر آنے جانے کے لیے&nbsp; شدید مسائل کا سامنا ہے۔

پنجاب لوکل گورنمنٹ کے اعداد و شمار کے مطابق لکھوڈئیر، ہانڈوگجراں، اعوان ڈھائی والہ، اتوکے اعوان، مناواں، بھسین، منہالہ، واہگہ اور ڈوگرائے کلاں سمیت ان آٹھ یوسیز کی آبادی تین لاکھ 66 ہزار 884 بنتی ہے۔ صرف ایمان فاطمہ ہی نہیں ان آبادیوں کے تمام لوگ پبلک ٹرانسپورٹ کی سہولت نہ ہونے سے مشکلات کا شکار ہیں۔

1965ء میں واہگہ سے لاری اڈا تک ڈبل ڈیکر بسیں ملتی تھیں۔ لاہور ریلوے سٹیشن سے جلو گاؤں تک کسی زمانے میں چند بوگیوں پر مشتمل ٹرین چلا کرتی تھی۔ تقریباَ دس سال پہلے تک اس روڈ پر لاہور ٹرانسپورٹ&nbsp; کمپنی (ایل ٹی سی) کی بسیں چلتی رہیں۔ لیکن اب یہاں صرف چنگ چی رکشے ہی دستیاب ہیں۔

اس وقت لاہور شہر میں میٹرو بس سروس اور اورنج لائن ٹرین جیسی عالمی&nbsp; معیار کی سہولتیں موجود ہیں۔ &#39;اورنج ٹرین&#39; ٹھوکر نیاز بیگ سے ڈیرہ گجراں تک 27 کلومیٹر روٹ پر چلتی ہے۔ لیکن ڈیرہ گجراں سے واہگہ بارڈر تک کے علاقے آج بھی پبلک ٹرانسپورٹ کی سہولت سے محروم ہیں۔

واہگہ گاؤں سے قریب ترین پبلک ٹرانسپورٹ اورنج لائن ٹرین ہے جس کا پہلا سٹیشن ڈیرہ گجراں 13 کلومیٹر دور ہے اور جلوموڑ کا فاصلہ تقریبا آٹھ کلومیٹر بنتا ہے۔ منہالہ سے اورنج ٹرین سٹیشن 19 کلومیٹر دور پڑتا ہے۔

&nbsp;اسی طرح&nbsp; اورنج لائن سے بھسین گاؤں 13 کلومیٹر&nbsp; اور اعوان ڈھائی والہ 11 کلومیٹر دور پڑتا ہے۔ تاہم&nbsp; باٹاپور، مناواں، سوترمل اور اڈاچھبیل کے علاقے جی ٹی روڈ پر ہونے کی وجہ سے اورنج ٹرین سٹیشن سے چند کلومیٹر کی دوری پر ہیں۔

ایمان فاطمہ اورنج لائن پر بھی سفر نہیں کر سکتیں۔ انہوں نے بتایا کہ رکشے والے جلوموڑ سے ڈیرہ گجراں تک 40 روپے اور باغبانپورہ کالج سٹاپ تک 50 روپے لیتے ہیں۔

&quot; میں ڈیرہ گجراں سے اورنج ٹرین میں بیٹھوں تو ٹرین سٹیشن پر کالج سٹاپ سے ایک کلومیٹر دور اتارتی ہے۔ یہاں پھر&nbsp; رکشہ لینا پڑے گا اور خرچ مزید بڑھ جائے گا&quot;۔

سرحدی گاؤں نروڑ کے رہائشی محمد سلیم&nbsp; لاہور میں بندروڈ&nbsp; پر ایک سٹیل مل میں کام کرتے تھے۔ لیکن اب تین سال سے بیروزگار ہیں۔ وہ بتاتے ہیں کہ وہ سٹیل مل اپنے گاؤں کے ایک ساتھی کے ہمراہ&nbsp; موٹرسائیکل پر آتے جاتے تھے۔

&nbsp;&quot;میرے ساتھی نے سٹیل مل میں نوکری چھوڑ دی تو مجھے چنگ چی پر آنا جانا پڑتا تھا۔ گاؤں سے جلوموڑ اور پھر وہاں سے داروغہ والا بند روڈ اور سٹیل مل تک تین رکشے تبدیل کرنا پڑتے تھے۔ یوں دیہاڑی کا ایک تہائی حصہ کرائے پر لگ جاتا تھا&quot;۔

پبلک ٹرانسپورٹ سے محروم یہ علاقے لاہور کے قومی حلقہ 128 اور صوبائی حلقہ پی پی 155 میں آتے ہیں۔ یہاں منتخب ہونے والے مسلم لیگ ن کے سابق رکن قومی اسمبلی سہیل شوکت بٹ اعتراف کرتے ہیں کہ ان کے حلقے میں&nbsp; پبلک ٹرانسپورٹ کا سنگین مسئلہ ہے۔

وہ بتاتے ہیں کہ ان کی کوشش ہے کہ نگران حکومت ہی واہگہ بارڈر سے اورنج ٹرین سٹیشن تک سپیڈو بس سروس شروع کر دے۔ اس کے بعد طالبات اور خواتین کے لیے صبح اور دوپہر کے اوقات میں الگ سے بسیں چلائی جائیں گی۔

واہگہ روٹ&nbsp; (جی ٹی روڈ) پر پبلک ٹرانسپورٹ بند کرنے سے متعلق جواب کے لیے سیکرٹری احمد جاوید قاضی سمیت ٹرانسپورٹ اتھارٹی کے کئی افسران سے متعدد بار رابطہ کیا گیا لیکن کوئی جواب موصول نہیں ہوا۔

تاہم نگران صوبائی وزیر ٹرانسپورٹ ابراہیم مراد کہتے ہیں وہ نگران وزیر اعلی سمیت دیگر حکام کو اس روٹ پر سپیڈو بس کی شٹل سروس شروع کرنے کی تجویز دیں گے۔

سسٹین ایبل سوشل ڈیویلپمنٹ آرگنائزیشن (ایس ایس ڈی او) کے ایگزیکٹو ڈائریکٹر سید کوثر عباس نگران وزیر کی بات کی تصدیق کرتے ہوئے کہتے ہیں کہ اورنج لائن ٹرین کے ساتھ دنیا بھر میں شٹل سروس فراہم کی جا تی ہے۔ لاہور کے دیہی علاقوں کو بھی یہ سہولت دینا ناگزیر ہے۔

&nbsp;وہ کہتے ہیں کہ حکومت نواحی علاقوں میں پبلک ٹرانسپورٹ یا پھر اورنج لائن ٹرین سٹیشن تک رسائی کے لئے اسی طرح&nbsp; بس سروس شروع&nbsp; کر سکتی ہے۔ جس طرح لاہور شہر کے مختلف علاقوں میں فراہم کی جا رہی ہے۔

ڈپٹی کمشنر لاہور رافعہ حیدر کا اس حوالے سے کہنا ہے وہ پنجاب ٹرانسپورٹ اتھارٹی حکام سے اس پر بات کریں گی تاکہ مشرقی دیہات میں پبلک ٹرانسپورٹ کا مسئلہ جلد سے جلد حل کیا جا سکے۔

بے 'بس' لاہوری اور پنجاب ٹرانسپورٹ کمپنی کا لاہور شہر تک محدود پنجاب

لاہور سے ساڑھے سات کلومیڑ پر واقع دیہات، جہاں  سے شہر آنے کے لیے 'چنگ چی ' پر 23 کلومیٹر سفر کرنا پڑتا ہے

منیر حسین لاہور کے نواحی دیہات بھماں جھگیاں کے رہائشی ہیں۔ ان کا گھر شہر سے 20 کلومیٹر کے فاصلے پر ہے۔ وہ گاؤں ہی میں پھلوں کی ریڑھی لگاتے ہیں اور اسی سے ان کے خاندان کی روزی روٹی چلتی ہے۔

وہ بتاتے ہیں کہ چار ماہ قبل ان کے تیسرے بچے کی پیدائش ہونے والی تھی۔ رات کو اچانک ان کی اہلیہ کو تکلیف شروع ہوئی تو وہ انہیں فوری طور پر مقامی مڈوائف کے پاس لے گئے جو نجی ہسپتال میں ملازمت کرتی ہیں اور گھر میں کلینک بنا رکھا ہے۔

&quot; مڈوائف کے گھر میں اہلیہ کی زچگی ہوئی لیکن چند منٹوں بعد ہی نوزائیدہ بچی پیدائش کے بعد دم توڑ گئی۔مجھے بہت دکھ ہے تاہم خدا کا شکر ہے کہ میری بیوی کی جان بچ گئی&quot;۔

منیرحسین کا کہنا تھا کہ بنیادی مرکز صحت (بی ایچ یو) ان کے گھر سے سات کلومیٹر دور ہے۔ لیکن دوپہر ہی میں بند ہو جاتا ہے۔ تاہم انہوں نے وہاں سے اپنی اہلیہ کا ایک بار الٹرا ساؤنڈ کرایا تھا۔ وہ دوسری بار بھی بیوی کو لے کر ہسپتال گئے لیکن عملے نے بغیر چیک اپ پرچی تھما کر ٹال دیا تھا۔ اس لیے حمل میں کوئی پیچیدگی سامنے نہیں آئی تھی۔

&nbsp;نواحی گاؤں اتوکے اعوان کی رہائشی بشریٰ بی بی بتاتی ہیں کہ وہ جب بھی دوا لینے اپنے علاقے میں موجود بی ایچ یو آتی ہیں انہیں یہاں گھنٹوں انتظار کرنا پڑتا ہے۔ پھر ڈسپنسر سب کو ایک جیسی گولیاں اور سیرپ دے دیتا ہے۔ اگر حاملہ خاتون آ جائے تو اسے بازار سے خریدنے کے لیے دو، ڈھائی ہزار کی دوا لکھ دی جاتی ہے۔

بشریٰ بی بی کے ساتھ موجود کرن فاطمہ بتاتی ہیں کہ چند ماہ قبل ان کی زچگی اسی بی ایچ یو میں ہوئی تھی۔ انہیں شکایت ہے کہ ہسپتال کے فی میل عملےکا رویہ انتہائی تکلیف دہ تھا۔ اب وہ صرف نزلہ بخار کی دوائی کے لیے ہی یہاں آتی ہیں۔

صرف بشریٰ بی بی، کرن یا منیرحسین ہی نہیں، دیہی علاقوں میں بسنے والے لوگوں کی اکثریت کو علاج کے لیے اس طرح کی مشکلات کا سامنا ہے۔ جس کے نتیجے میں اتائیت بھی فروغ پا رہی ہے۔

حالیہ مردم شماری کے مطابق پنجاب کی 12 کروڑ 76 لاکھ سے زائد آبادی میں سے 59.30 فیصد لوگ دیہات میں رہائش پذیر ہیں۔ اس حساب سے لاہور ڈویژن کی لگ بھگ دو کروڑ27 لاکھ آبادی میں سے ایک کروڑ 39 لاکھ لوگ دیہات میں رہتے ہیں۔

محکمہ صحت (سپیشلائزد ہیلتھ کیئر اینڈ میڈیکل ایجوکشن) پنجاب کی ویب سائٹ بتاتی ہے کہ صوبہ بھر کے قصبات و دیہات میں 293 دیہی مراکز صحت اور دوہزار 461 بنیادی مراکز صحت موجود ہیں۔ ان میں سے لاہور ڈویژن میں 34 دیہی (آر ایچ سی)اور 246 بنیادی مراکز صحت کام کر رہے ہیں۔

موضع سنسس 2020ء بتاتا ہے کہ لاہور ڈویژن کےکل ایک ہزار 566 مواضعات میں سے تقریباً 34 فیصد میں بنیادی یا دیہی مرکز صحت موجود ہیں۔ ڈویژن میں دیہات کا طبی مرکز سے اوسط فاصلہ سات سے آٹھ کلومیٹر ہے۔ جبکہ 30 فیصد سے زائد دیہات 10 کلومیٹر سے زائد فاصلے پر واقع ہیں۔

سنسس کے مطابق لاہور ڈویژن کے دیہات میں دس کلو میٹر سے کم فاصلے پر ڈاکٹر کا نجی کلینک تو کیا کوئی تربیت یافتہ دائی بھی دستیاب نہیں ہے۔ اس کے باوجو یہاں سرکاری مراکز صحت دوپہر کو ہی بند ہو جاتے ہیں۔

ڈاکٹر شکیل احمد پندرہ سال سے واہگہ ٹاؤن کے بنیادی مرکز صحت ڈوگرائے کلاں میں تعینات ہیں۔ یہاں روزانہ اوسطا 70 سے 80 افراد علاج کے لیے آتے ہیں۔ ڈوگرائے کلاں کا لاہور شہر سے فاصلہ 16 کلو میٹر اور یونین کونسل کی آبادی 50 ہزار سے زائد ہے۔

ڈاکٹرشکیل تصدیق کرتے ہیں کہ بی ایچ یو میں عملہ اور سہولیات ناکافی ہیں۔ وہ بتاتے ہیں کہ حکومت نے مریضوں کی آن لائن رجسٹریشن لازم قرار دے رکھی ہے۔ موبائل /ٹیبلٹ پر مریض، مرض اور دوائی کی تفصیل درج کرنے میں کافی وقت لگ جاتا ہے۔ اس لیے یہاں آنے والے مریضوں کی تعداد بھی کم ہو رہی ہے۔

وہ کہتے ہیں کہ بی ایچ یو میں آؤٹ ڈور کی سہولت دوپہر دو بجے تک ہوتی ہے جبکہ زچگی کی سہولت 24 گھنٹے میسر ہے۔ ایک ایل ایچ وی، مڈوائف اور چوکیدار رات کو بھی ڈیوٹی پر موجود ہوتے ہیں۔ یہاں بنیادی تشخیصی ٹیسٹوں کی سہولت موجود ہے لیکن ان کی الگ سے فیس لی جاتی ہے۔

&quot;بی ایچ یو میں ایک ڈاکٹر، ایل ایچ وی، مڈوائف، ڈسپنسر، چوکیدار اور ٹی بی پروگرام وغیرہ کا عملہ ہوتا ہے۔ جبکہ رورل ہیلتھ سنٹرز (آرایچ سی ) میں ڈاکٹر اور سٹاف کی صورت حال نسبتاً بہتر ہے۔ وہاں مریضوں کے لیے 20 بستر کے وارڈ کی سہولت بھی میسر ہے۔&quot;

ڈاکٹرشکیل احمد کا کہنا تھا کہ بی ایچ یو اور آر ایچ سی 1970ء کی دہائی میں پرائمری ہیلتھ پروگرام کے تحت بنائے گئے تھے۔ اس وقت پانچ سے دس ہزار آبادی کے لیے ایک بی ایچ یو بنا تھا۔ اب آبادی کئی گنا بڑھ چکی ہے لیکن سٹاف کی تعداد نہیں بڑھائی گئی۔

انہوں نے بتایا کہ لاہور ڈسٹرکٹ کے دیہات میں بی ایچ یو کے ساتھ چھ آر ایچ سی کام کر رہے ہیں۔ ان کے علاوہ دو قصبات کاہنہ اور مناواں میں دو سرکاری ہسپتال موجود ہیں۔ جنہیں انڈس نامی این جی او چلا رہی ہے۔ تاہم یہ اضافی سہولت ہر ضلعے کے دیہات میں دستیاب نہیں ہے۔

ہر بی ایچ یو اور آر ایچ سی میں ڈاکٹروں کے لیے رہائش گاہیں بھی بنائی گئی تھیں۔ ان میں سے بیشتر اب کھنڈر بن چکی ہیں۔ ان کی کھڑکیاں اور دروازے تک غائب ہوچکے ہیں۔ ویسے بھی ڈاکٹرز یہاں کبھی رہنا پسند نہیں کرتے تھے۔

ڈاکٹر شکیل کے مطابق اب تو بنیادی اور دیہی مراکز صحت کی عمارتیں بھی اپنی عمر پوری کر چکی ہیں۔

واہگہ ٹاؤن کی یونین کونسل کے سابق چیئرمین رانا اعجاز احمد بتاتے ہیں کہ واہگہ گاؤں سے آر ایچ سی اعوان ڈھائی والہ کے لیے پبلک ٹرانسپورٹ دستیاب نہیں ہوتی۔ اس لیے کچھ لوگ مریضوں کو مناواں کے سرکاری ہسپتال لے جاتے ہیں۔

&nbsp;وہ کہتے ہیں کہ یہاں بیشتر لوگ نجی ہسپتال کے اخراجات برداشت نہیں کر سکتے۔ اس لیے یہیں اتائیوں سے کام چلا لیتے ہیں۔

&quot;دیہات میں کوئی ایم بی بی ایس ڈاکٹر کلینک نہیں بناتا۔ قریبی قصبات جلوموڑ، باٹاپور، مناواں، برکی وغیرہ میں ڈاکٹرز موجود ہیں لیکن کوئی بھی دو سو روپے سے کم فیس نہیں لیتا۔ وہ بھی سرشام کلینک بند کر چلے جاتے ہیں۔&quot;

رانا اعجاز کا کہنا ہے کہ زیادہ مسئلہ رات کو ایمرجنسی کے وقت بنتا ہے۔ تب گاؤں میں بیٹھے اتائی کام آتے ہیں۔ یہ 50 روپے میں دوا دے دیتے ہیں اور بوقت ضرورت گھر جا کر انجیکشن بھی لگا دیتے ہیں۔

خواتین اور بچوں کے لیے کام کرنے والی غیر سرکاری تنظیم (آسرا) کی نمائندہ علینا اظہر بتاتی ہیں کہ باقی صوبے کے دیہات میں لاہور ڈویژن&nbsp; سے زیادہ خراب صورت حال ہے۔ دیہی علاقوں میں بنیادی صحت کے لیے بی ایچ یو بہترین ماڈل ہے لیکن بدقسمتی سے ان مراکز کو بڑھتی آبادی کی ضروریات کے تناسب سے اپ گریڈ نہیں کیا گیا۔

ان کا ماننا ہے کہ دیہی مراکز صحت میں اگر ڈاکٹروں کی کم از کم دو شفٹیں کر دی جائیں، عملہ بڑھا دیا جائے۔ اسی طرح یہاں ادویات اور تشخیصی سہولیات مفت فراہم کی جائیں تو لوگوں کے مسائل میں کمی آئے گی اور اتائیت کا بھی خاتمہ ہو جائے گا۔

&nbsp;بنیادی اور دیہی مراکز صحت سے متعلق نگران صوبائی وزیر اور سیکرٹری پرائمری ہیلتھ نے کسی سوال کا جواب نہیں دیا۔ تاہم ترجمان محکمہ صحت سہیل جنجوعہ بتاتے ہیں کہ صوبے کے 855 بنیادی مراکز صحت میں گائنی سروس کے لیے 24 گھنٹے سہولت مہیا کر دی گئی ہے۔

وہ کہتے ہیں کہ گائنی سروس کے لیے ایک ہزار ڈاکٹر بھرتی کر لیے گئے ہیں۔ جبکہ مزید 400 لیڈی ڈاکٹرز بھرتی کی جا رہی ہیں۔ بی ایچ یو اور آر ایچ سی ہر ماہ باقاعدگی سے رپورٹ جمع کراتے ہیں اور آن لائن سسٹم سے عملے کی حاضری چیک کی جاتی ہے۔

&quot;ان اقدامات سے مراکز صحت کی صورت حال بہتر ہو رہی ہے&quot;۔

عالمی بینک کی رواں سال کی رپورٹ بتاتی ہے کہ پاکستان نے 2020ء میں صحت پر38.18 ڈالر فی کس خرچ کئے تھے۔ جبکہ عالمی ادارہ صحت کم از کم 44 ڈالر فی کس خرچ کرنے کی&nbsp; سفارش کرتا ہے۔

اکنامک سروے آف پاکستان 23-2022ء کے مطابق پنجاب میں مالی سال 2023ء کے لیے صحت کا ترقیاتی بجٹ پچھلے برسوں کے مقابلے میں 50 فیصد کم کر دیا گیا تھا۔ اسی طرح سپیشلائزڈ ہیلتھ کیئر اینڈ میڈیکل ایجوکیشن کے بجٹ میں بھی تین فیصد کٹوتی کر دی گئی تھی۔

'جعلی ڈاکٹر، جعلی دوائیں'، نارووال میں تین محکمے مل کر بھی اتائیوں پر قابو نہ پا سکے

لاہور کے نواحی علاقوں میں لوگ اتائیوں سے علاج کیوں کرا رہے ہیں؟

پینستھ سالہ حلیمہ بی بی ضلع قصور کے علاقے چھانگا مانگا کی رہائشی ہیں۔وہ 40سال سے اپنےگھر کے ایک میں ریشم کے کیڑے پال رہی ہیں۔ اس کام سے انہیں سالانہ 40 سے 50 ہزار روپے آمدنی ہوجاتی تھی۔ لیکن رواں سال ان کے پالے تمام کیڑے مر گئے ہیں۔

حلیمہ بی بی کے شوہر ضعیف اور بیمار ہیں۔ دونوں میاں بیوی اپنے بیٹے کے ساتھ رہتے ہیں۔ ریشم کے کیڑے پالنا ان کی آمدنی کا بنیادی ذریعہ تھا جو اب ختم ہو گیا ہے۔

حلیمہ بتاتی ہیں کہ تین سال پہلے تک کیڑے پالنے کا ایک ہی سیزن ہوتا تھا۔ لیکن اب دو سیزن میں کیڑے پالے جا رہے ہیں۔ ان کے پوتے پوتیاں سکول سے واپسی پر ان کی مدد کر دیتے ہیں۔ اس مرتبہ انہیں مطلوبہ مقدار میں سلک سیڈ (ریشم کےکیڑوں کے انڈے) ملا نہ ہی شہتوت کے پتے میسر تھے اس لیے وہ اپنا کام جاری نہیں رکھ سکیں۔

یہ صرف حلیمہ کے ساتھ ہی نہیں ہوا بلکہ پنجاب میں &#39;نان ٹمبر فارمنگ&#39; کے شعبے میں لگ بھگ چار ہزار خاندان انہی کی طرح بے روزگار ہو گئے ہیں۔ان میں زیادہ تعداد دیہی خواتین کی ہے جو ریشم سازی، مگس بانی (شہد کی مکھیاں پالنا) اور مشروم (کھمبی) کی فارمنگ سے وابستہ ہیں۔

چھانگا مانگا ہی کی نذیراں بی بی بھی سخت پریشان ہیں۔وہ 35 سال سے ریشم کے کیڑے پال رہی ہیں۔ان کے شوہرفوت ہو چکے ہیں اور وہ شادی شدہ بیٹی کے ساتھ اپنے گھر میں رہتی ہیں۔

نذیراں بی بی بتاتی ہیں کہ سلک سیڈ کا ایک پیکٹ چار ہزار روپے کا آتا ہے۔اس سے ملنے والی ریشم کی کون یا ٹوٹیاں 60 سے 70 ہزار روپے میں بک جاتی ہیں۔یہ رقم ان کے سال بھر کے اناج کے لیے کافی ہوتی ہے۔لیکن رواں سال انہیں سلک سیڈ ہی میسر نہیں آیا جس سے ان کا کام ٹھپ ہو گیا ہے۔

وہ بتاتی ہیں کہ انہیں گھر میں مشروم فارمنگ کی تربیت بھی دی گئی تھی۔وہ خوش تھیں کہ ایک اور روزگار مل جائے گا۔جس کمرے میں وہ کیڑے پالتی ہیں اسی میں مشروم (کھمبی) بھی اگالیں گی۔لیکن اہلکاروں نے دوبارہ انہیں مشروم اگانے کے لیے کوئی سامان ہی فراہم نہیں کیا۔

عبدالرحمٰن بھی چھانگامانگا کے ہائشی ہیں ۔ان کے بیوی بچے گھر میں ریشم کے کیڑے پالتے ہیں۔ وہ خود شہتوت کی شاخوں سے ٹوکریاں بناتے اور بیچتے ہیں اسی سے ان کے گھر کی روزی روٹی چلتی ہے لیکن اب وہ کئی ماہ سے بے روزگار ہیں۔

وہ بتاتے ہیں کہ ان کے گھر میں فاقوں کی نوبت آ گئی ہے۔ وہ شہید کی مکھیاں پالنے کا سوچ رہے ہیں لیکن اس کا سامان خریدنے کے لیے ان کے پاس وسائل نہیں۔

چھانگا مانگا ملک میں انسانی ہاتھ کا اگایا سب سے بڑا جنگل ہے۔ یہاں تقریباً سو ایکڑ رقبے پر ہائبرڈ شہتوت کے درخت ہیں جن ناصرف اعلیٰ معیار کا پھل حاصل ہوتا ہے بلکہ ان درختوں کے پتے ریشم کے کیڑوں کی خوراک ہیں اور اس کی شاخوں سے ٹوکریاں بنائی جاتی ہیں۔

محکمہ جنگلات سال میں دو مرتبہ شہتوت کے درختوں کی شاخ تراشی کرتا ہے۔ مارچ، اپریل اور ستمبر اکتوبر میں نئے پتے نکلتے ہیں تو ریشم کے کیڑے پالنے کا موسم ہوتا ہے۔اسی طرح شعبہ سری کلچر (ریشم کی پیداوار) مقامی لوگوں میں سلک سیڈ کے تقریبا دوہزار پیکٹ تقسیم کرتا ہے جو رواں سال نہیں کیے گئے۔

امسال اس بیج کے صرف تین سو پیکٹ کسانوں کو دیئے گئے ہیں اور شہتوت کے درختوں کی شاخ تراشی بھی کسی نے نہیں کی ۔یوں نئے پتے نہ اگنے سے ریشم کے کیڑوں کے لیے خوراک دستیاب نہیں ہوسکی اور جن کسانوں نے تھوڑے بہت کیڑے پالے تھے ان میں سے بیشتر مرگئے ہیں۔

شعبہ سری کلچر پنجاب کے مطابق پاکستان کی ٹیکسٹائل انڈسٹری کو سالانہ پانچ سو میٹرک ٹن ریشم درکار ہوتا ہے جو زیادہ تر چین اور دبئی سے درآمد کیا جا رہا ہے۔2019ء کے اعدادوشمار کے مطابق رواں سال بہار کے سیزن میں پنجاب میں صرف 25 ٹن ریشم پیدا ہوا۔

اسی طرح حکومت شہد اور مشروم کی امپورٹ پر زرمبادلہ خرچ کررہی ہے۔ سونف، تلسی، مورنگا، ایلوویرا،کلونجی، اجوائن جیسی جڑی بوٹیاں بھی براستہ دبئی انڈیا سے منگوائی جارہی ہیں۔

پاکستان میں خیبرپختونخوا، اسلام آباد اور آزاد کشمیر کے علاقوں میں 1952ء میں سرکاری سطح ہر ریشم کے کیڑے پالنے کا آغاز ہوا۔ خیبرپختونخوا میں پہلے جنگلات ،جنگلی حیات اور سری کلچر ایک ہی محکمے کا حصہ تھے لیکن 2007ء میں سری کلچر کو نان ٹمبر فاریسٹ پروڈکٹ محکمے کی شاخ بنا دیا گیا۔

پنجاب حکومت نے بھی خیبرپختونخوا کی طرح 2020ء میں سری کلچر کے شعبے کو نان ٹمبرفارمنگ ڈائریکٹوریٹ کا درجہ دے دیا ۔تاہم اگلے ہی سال ڈائریکٹر نان ٹمبرفارمنگ کی تعیناتی کے لیے تنازع شروع ہوگیا۔اس پر 2022 ءمیں ڈائریکٹوریٹ این ٹی ایف کو ختم کرکے سری کلچر کو بحال کر دیا گیا۔

شعبہ سری کلچر کا سربراہ 18 ویں گریڈ ڈپٹی ڈائریکٹر ہوتا ہے۔ جب اس شعبے کو &#39;نان ٹمبرفارمنگ ڈائریکٹوریٹ &#39;کا درجہ ملا تو اس کی سربراہی19ویں گریڈ کے فاریسٹ کنزرویٹر کو دینے کا فیصلہ کیا گیا ۔اس اقدام پر جب ڈپٹی ڈائریکٹر سری کلچر اور عملے نے احتجاج کیا تو سیکرٹری جنگلات نے ڈائریکٹوریٹ کو ہی ڈی نوٹیفائی کر دیا۔

محکمہ سری کلچرکے سابق ڈپٹی ڈائریکٹر فاروق بھٹی بتاتے ہیں کہ نان ٹمبرفارمنگ ڈائریکٹوریٹ کےلیے 2022ء میں 13 کروڑ 60 لاکھ روپے کے فنڈز جاری ہوئے تھے۔ پہلے مرحلے میں مری میں &#39;نان ٹمبرفاریسٹ پراڈکٹ کمپلیکس&#39; بنایا گیااور ماسٹرٹرینرز کی تربیت کی گئی ۔دوسرے مرحلے میں کسانوں کی تربیت ہونا تھی لیکن یہ ڈائریکٹوریٹ ہی ختم کردیا گیا۔

ڈائریکٹوریٹ این ٹی ایف کے خاتمے کو سلک فارمنگ اینڈ ٹریڈرز ایسویسی ایشن نے لاہور ہائیکورٹ میں چیلنج کر کے حکم امتناہی حاصل کر لیا تھا۔لیکن یہ معاملہ اب عدالت میں زیرسماعت ہےاور شعبہ سری کلچر بھی غیر فعال ہو چکا ہے۔

&nbsp;سلک فارمنگ اینڈٹریڈرایسوسی ایشن کے صدر رانا سعید انور کہتے ہیں کہ 2021 اور 2022&nbsp; میں جب فنڈ منظور ہو گئے تو تاجروں کا ہدف نان ٹمبرفارمنگ کے ذریعے پہلے مرحلے میں ایک لاکھ خاندانوں کو روزگار دینا تھا۔دوسرے مرحلے میں اس کو دس لاکھ خاندانوں تک پھیلانا تھا۔ چند ماہ میں دوہزار خاندان رجسٹر ہو چکے تھے۔

وہ کہتے ہیں کہ تاجروں نے نان ٹمبرفارمنگ ڈائریکٹوریٹ کے لیے بہت محنت کی تھی۔ پراجیکٹ میں ریشم سازی ، شہد ، جڑی بوٹیوں اور مشروم کی فارمنگ شامل تھی۔ شہد کی مکھیوں کے باکس بھی ریشم کے لیے کاشتہ شہتوت کے درختوں کے نیچے ہی رکھے جاتے ہیں۔

سعید انور نے بتایا کہ سلک پروڈکشن کے لیے انہوں نے حال ہی میں تین کروڑ روپے کی مشینری بھی درآمد کی ہے جو بند پڑی ہے۔ سلک فارمنگ اورٹریڈنگ سے جڑے درجنوں تاجروں کو بھاری نقصان اٹھانا پڑا ہے۔

فاروق بھٹی تصدیق کرتے ہیں کہ اس منصوبے کی تیاری میں خیبرپختونخوا حکومت اور گورنمنٹ کالج لاہور کی معاونت لی گئی تھی۔ گورنمنٹ کالج کی رپورٹ کے مطابق نان ٹمبرفارمنگ ڈائریکٹوریٹ کے تحت مگس بانی میں چارلاکھ اور ریشم سازی سے سات لاکھ افراد کو روزگار دینا تھا۔

&nbsp;انہوں نے بتایا کہ میڈیسنل پلانٹس کے لیے کچن گارڈننگ طرز کا منصوبہ تھا جس سے 30 ہزار گھریلو خواتین کو روزگارملنا تھا۔ مگر اب تو چھانگامانگا کے ساتھ چیچہ وطنی، منڈی بہاؤالدین، کمالیہ،ٹوبہ ٹیک سنگھ، رجانہ، فیصل آباد، اورسیالکوٹ میں بھی ریشم کے کیڑے پالے والےبیروزگار ہوگئے ہیں۔

ڈپٹی ڈائریکٹر سری کلچر ندا زہرا بتاتی ہیں کہ دوسال سے محکمے کو سرکاری فنڈز نہیں ملے۔ چھانگامانگا سمیت مختلف مقامات پر جاپانی شہتوت کے جو پودے اور درخت گائے گئے تھے ان کی دیکھ بھال کرنا مشکل ہوچکا ہے۔

سیکرٹری جنگلات وجنگلی حیات مدثر وحید ملک اعتراف کرتے ہیں کہ اس سال شہتوت کاشت کرنا بھی ممکن نہیں۔ تاہم ان کا کہنا ہے کسان کہیں سے بھی سلک سیڈ خرید سکتے ہیں اور اس سے انہیں کیڑے پالنے میں کوئی مشکل پیش نہیں آئےگی۔

خلیجی ممالک میں منافع بخش پاکستانی شہد کےکاروبار کو زوال کا سامنا کیوں کرنا پڑ رہا ہے؟

سرکاری افسر کی تعیناتی کا تنازع، ریشم، شہداور مشروم کی پیداوار سے وابستہ چار ہزار خاندان بے روزگار

پینتیس سالہ محمد ریاض لاہور کے ایک سرحدی گاؤں میں رہتے ہیں۔ وہ واہگہ بارڈر سے جلوموڑ تک چنگ چی رکشہ چلا کر روزی کماتے ہیں۔ اس سے پہلے وہ آٹھ سال تک واہگہ ریلوے سٹیشن اور پاک بھارت سرحد پر بطور پانڈی (سامان اٹھانے والا/قلی) کا کام کرتے رہے ہیں لیکن اب یہ کام بند ہو گیا ہے۔

وہ بتاتےہیں کہ 2019ء میں پاک بھارت تجارت، دوستی بس اور سمجھوتہ ایکسپریس بند ہوئیں تو سیکڑوں افراد بیروزگار ہوگئے تھے۔ واہگہ پر تقریباً ایک ہزارپاکستانی مزدور کام سے ہاتھ دھو بیٹھے جن میں وہ خود بھی شامل تھے۔

واہگہ میں ایک ڈھابے پر کام کرنےوالے شبیر حسین بھی پہلے سرحد پر مزدوری کر کے اپنا گھر چلاتے تھے۔ شبیر حسین کئی ماہ تک بیروزگار رہے اور روزانہ یہ امید لے کر سرحد پر آ جاتے تھے کہ شاید تجارت یابس سروس بحال ہوجائے لیکن انہیں ہمیشہ مایوسی کا سامنا ہے۔ بالاآخر انہیں شہر کے قریب ایک فرنس مل میں دیہاڑی پر مزدوری مل گئی۔ گھرکا چولہا جلانے کے لیے وہاں چندماہ کام کیا جس سے وہ آٹھ سو سے ہزار روپے روزانہ کمالیتے تھے مگر گاؤں سے مل تک کرایہ بہت زیادہ تھا جس کی وجہ سے انہوں نے کام چھوڑ دیا۔

اب چند ماہ سے وہ ڈھابے پر کام کرتے ہیں جس سے انہیں دو وقت کا کھانا اور اتنی اجرت مل جاتی ہے کہ گھر کا گزارا ہو سکے۔

فروری 2019 ء میں پلوامہ میں انڈین فوجی قافلے پر حملے کے بعد بھارت نے پاکستان سے آںے والی اشیا پر دو سو فیصد ڈیوٹی عائد کر دی۔ پھر اگست میں مودی حکومت نے مقبوضہ کشمیر کی خصوصی حیثیت ختم کرنے کا اقدام کیا تو پاک بھارت تعلقات کشیدہ ہو گئے۔ باہمی تجارت، دوستی بس سروس اور سمجھوتہ ایکسپریس بھی معطل ہو گئی۔

&nbsp;چار برس بعد بھی یہ رابطے بحال نہیں ہو سکے۔ اس سارے عمل میں سرحد پر کام کرنے والے یہ سیکڑوں پانڈی سب سے زیادہ متاثر ہوئے جن میں سے بیشتر اب بھی بےروزگار ہیں۔

واہگہ سے پاک بھارت تجارت بند ہے تاہم یہاں سے افغانستان انڈیا ٹرانزٹ ٹریڈ ہو رہی ہے۔ اسی طرح دوستی بس اور سمجھوتہ ایکسپریس ٹرین بند ہیں لیکن دونوں ملکوں کے شہریوں کی&nbsp; واہگہ بارڈر کے راستے پیدل آمدورفت جاری ہے۔

واہگہ سے آنے جانے والے مسافروں کی سہولت کے لیے یہاں اب 50 کے قریب پانڈی کام کرتے ہیں۔ خادم حسین انہی میں سے ایک ہیں۔ وہ روزانہ صبح 9 بجے یہاں پہنچ جاتے ہیں۔ وہ بتاتے ہیں کہ کوئی پاکستانی بھارت جانے کے لیے یہاں پہنچتا ہے یا وہاں سے کوئی مسافر آتا ہے تو وہ خوش ہوجاتے ہیں۔

خادم کا کہنا ہے کہ ان کی روزی روٹی انہی مسافروں سے چلتی ہے۔ وہ ان کے سامان کی کسٹمز کلیئرنس میں مدد کرتے ہیں انہیں گاڑی تک پہنچاتے ہیں اور اسی طرح پاکستانیوں کاسامان زیرو لائن پر بھارتی پانڈیوں کے سپرد کرتے ہیں۔

خادم حسین کے مطابق وہ روزانہ پانچ سو سے ایک ہزار روپے تک کما لیتے ہیں۔سب مزدوروں نے آپس میں باری مقرر کررکھی ہے۔ بعض اوقات سارا دن بھی کئی پانڈیوں کی باری نہیں آتی اور وہ خالی ہاتھ گھر جاتے ہیں۔ بارڈر پر کچھ لوگ مسافروں کے لیے ٹرانسپورٹ کا انتظام کرتے تھے۔ اب ان کا کاروبار نہ ہونے کے برابرہے۔

پاک بھارت تجارت بند ہونے سے سینکڑوں بھارتی خاندان بھی متاثر ہوئے ہیں۔

بھارتی صحافی اورتجزیہ کار سریندر کھوچر بتاتے ہیں کہ انہوں نے پاک بھارت تجارت، ٹرین اوربس سروس بند ہونے کے بعد ایک تفصیلی سروے کیا تھا ۔اس میں یہ بات سامنے آئی کہ دوطرفہ تجارت سے جڑے نو ہزار 354 خاندان متاثر ہوئے اور صرف امرتسر شہر کے تاجروں کے منافع میں 30 کروڑ (انڈین کرنسی) ماہانہ کمی آئی ہے۔

کریم خان بھارت کو جپسم اورنمک ایکسپورٹ کرتے تھے۔ ان کا کہنا ہے کہ وہ بلوچستان سےجپسم منگواتے تھے اور بارڈر کے قریب سٹورکر لیتے تھے۔پھر یہاں سے ڈیمانڈ کے مطابق اسے انڈیا بھیج دیتے تھے۔ جب دوطرفہ تجارت بند ہوئی تو برآمد کنندگان کا کروڑوں روپے کا ذخیرہ شدہ جپسم ضائع ہوچکا ہے۔

وہ کہتے ہیں کہ جپسم کے نقصان سے وہ مقروض ہوچکے ہیں اور ان کے کاروبار سے وابستہ ڈیڑھ سو سے زیادہ خاندانوں کا روزگار ختم ہو گیا ہے۔

<h2>پاک بھارت تجارتی کی بحالی کے امکانات</h2>

پاکستان نے مئی 2022ء میں قمر زمان کو نئی دہلی کے پاکستانی ہائی کمیشن میں ٹریڈ منسٹر مقرر کیاتھا۔ یہ عہدہ پانچ سال سے خالی تھا۔اس تقرری سے سرحد کی دونوں جانب تاجروں ، مزدوروں اور ٹرانسپورٹروں میں امید پیدا ہوئی تھی کہ شاید دو طرفہ تجارت بحال ہو جائے گی۔ لیکن ایسا نہیں ہوا۔

&nbsp;ترجمان دفترخارجہ ممتاز زہرہ بلوچ نے بتایا کہ اس وقت ملک میں نگران حکومت بھارت سے تجارت یا ڈائیلاگ کا کوئی فیصلہ نہیں کرسکتی۔ یہ کام منتخب حکومت ہی کرے گی۔

وہ کہتی ہیں کہ تجارت اورتعلقات کی بحالی کے لیے ڈائیلاگ ضروری ہے۔ لیکن بھارت جس طرح ہر معاملے میں پاکستان کوموردوالزام ٹھہرانے اور اس پر دباؤ ڈالنے کی کوشش کرتا ہے تو ایسی صورتحال تو مذاکرات کا کوئی امکان نہیں ہے۔

لاہورچیمبر آف کامرس اینڈ انڈسٹری لاہور کے صدر کاشف انور کا ماننا ہے کہ تمام ہمسایہ ممالک کے ساتھ تجارت ہونی چاہئے۔ بھارت سے پاکستان کو بہت سا سامان سستا مل سکتا ہے۔ اسی طرح پاکستانی اشیا ہمسایہ ملکوں میں ایکسپورٹ کرنے پر لاگت کم آئے گی۔

وہ کہتے ہیں کہ پاکستاں ہمسایہ ملکوں کی منڈیوں میں بہتر داموں پر اشیا فروخت کرسکتا ہے۔ دو طرفہ تجارت سے صرف کاروباری لوگوں کو ہی فائدہ نہیں ہوگا بلکہ بارڈر کی دونوں جانب کام کرنے والے ہزاروں مزدوروں کو بھی روزگار ملے گا۔

ٹریڈ ڈویلپمنٹ اتھارٹی آف پاکستان کے سی ای او زبیر موتی والا بھارت سے سوتی دھاگے کی درآمد کھولنے کا مطالبہ کر چکے ہیں تاہم اب ان کا موقف ہے کہ موجودہ حالات میں بھارت سے تجارت پربات نہیں کی جاسکتی۔

نگران وفاقی وزیر تجارت اور کاروباری شخصیت گوہر اعجاز نے بتایا کہ نگران حکومت کے پاس بھارت کے ساتھ مذاکرات کا اختیار نہیں ہے۔ دونوں ملکوں کے درمیان تیسرے ملک کے ذریعے تجارت ہو رہی ہے اور شاید ابھی یہ سلسلہ ایسے ہی چلتا رہے گا۔

&nbsp;تحریک انصاف کے دورحکومت میں بھی بھارت سے تجارت بحال کرنے کی تجویز سامنے آئی تھی۔ تاہمم اسے اگلے ہی روز اسے واپس لے لیا گیا تھا۔

بھارت میں پاکستان کے سابق ہائی کمشنر عبدالباسط سمجھتے ہیں کہ بھارت کے ساتھ تعلقات بحال ہونے کا فی الحال کوئی امکان نظرنہیں آتا۔ جب تک بھارت مقبوضہ کشمیر کی خصوصی حیثیت بحال نہیں کرتا تب تک دو طرفہ تجارت یا ٹرین اور بس سروس کا سلسلہ بحال نہیں ہو گا۔

آسمان سے گرا کھجور میں اٹکا: واہگہ بارڈر بند ہونے سے کھجور برآمد کرنے والے تاجر پریشان

راستے بند، تجارت بند: پاک بھارت سرحد پر کام کرنے والے سیکڑوں پانڈی بے روزگار

لاہور کے سلیم اقبال انسانی حقوق کے کارکن اور فری لانس صحافی ہیں۔ وہ پچھلے 25 سال سے صحافت کر رہے ہیں اور زیادہ تر مسیحی کمیونٹی کے مسائل پر کام کرتے ہیں۔

سلیم اقبال بتاتے ہیں کہ 2011ء میں انہوں نے ایک مسیحی لڑکی کے مذہب کی جبراً تبدیلی اور ان کی شادی کرائے جانے کے بارے میں خبر دی۔ اس خبر کا حکام نے فوری نوٹس لیا اور لڑکی کو بازیاب کرا لیا جبکہ ملزم کو جیل بھیج دیا گیا۔

وہ بتاتے ہیں کہ کچھ عرصہ کے بعد ملزم نے رہا ہوتے ہی ان کے گھر پر حملہ کر دیا۔ تاہم خوش قسمتی سے ان کے اہلخانہ محفوظ رہے۔ اس واقعہ کے بعد انہوں نے اپنے خاندان کو بیرون ملک منتقل کردیا۔

سلیم اقبال نے بتایا کہ ان کے بہت سے رشتہ دار پہلے ہی بیرون ملک مقیم ہیں اور خوشحال بھی ہیں۔ اس لیے انہیں بیوی بچوں کو باہر بھیجنے میں زیادہ مشکل نہیں پیش نہیں آئی۔

پاکستان میں صحافیوں کوصرف حساس اداروں اور عدالتوں سے متعلق رپورٹنگ پر ہی نہیں غیرمسلم کمیونٹی کے مسائل سامنے لانے پر بھی مشکلات کا سامنا کرنا پڑتا ہے۔ کبھی مذہبی گروپ تو کبھی ریاستی ادارے انہیں ہراساں کرتے ہیں۔

پاکستانی میڈیا خاص طورپر ٹی وی چینل اور بیشتر&nbsp; اردو اخبارات&nbsp; اقلیتوں پر&nbsp; حملوں اور ان کے ساتھ روا رکھے جانے والے امتیازی سلوک کی خبروں کو جگہ نہیں دیتے۔ نیوز ایڈیٹر یہ جواز پیش کرتے ہیں کہ ایسی خبریں صورتحال کو مزید کشیدہ ہونے سے بچانے کے لیے روک لی جاتی ہیں۔

سلیم اقبال نے بتایا کہ انہیں درجنوں بار دھمکایا گیا ہے۔ گزشتہ سال ایک نامعلوم فون نمبر سے انہیں انتہائی سنگین نتائج کی دھمکی دی گئی۔

&nbsp;&quot;فون کرنے والے نے کہا کہ ارطغرل غازی نے تو صرف تمہاری گردنیں کاٹی تھیں ۔میں تم لوگوں (مسیحیوں) کا وہ حال کروں گا کہ یاد رکھو گے۔&quot;

سلیم اقبال کے مطابق انہوں نے اس واقعے پر تھانہ سول لائن لاہور میں ایف آئی آر نمبر 366/22 درج کرائی۔ پولیس کو فون کال کی ریکارڈنگ بھی فراہم کی مگر ایک سال بعد بھی ملزم کو گرفتار نہیں کیا جا سکا۔

ایک اورسینئر صحافی ودود مشتاق کو آسیہ مسیح کیس کی رپورٹنگ کے دوران پہلے فون پردھمکیاں دی گئیں۔پھر ان کی گاڑی پرفائرنگ گئی۔ مگر وہ محفوظ&nbsp; رہے۔ لیکن اس واقعہ کے بعد وہ فیملی سمیت برطانیہ منتقل ہو گئے۔

&nbsp;ودود مشتاق کے ایک قریبی ساتھی بتاتے ہیں کہ ان پر غیرمسلم ہونے تک کے الزامات لگائے گئے ۔ پھر انہوں نے سکالرشپ کے لیے درخواست دے دی۔کافی جدوجہد کے بعد انہیں سکالرشپ مل گیا اور وہ بیرون ملک چلے گئے۔

ودودمشتاق کہتے ہیں کہ ان پر حملہ کس نے کیا تھا وہ اس پر توکوئی بات نہیں کرنا چاہتے۔ تاہم ان کا کہنا ہے کہ اب تو مختلف مذاہب کے فرقے بھی ایک دوسرے کو برداشت نہیں کرتے اور&nbsp; غیرمسلم کمیونٹی کے لیے رپورٹنگ کو تو کسی صورت قبول نہیں کیا جاتا۔

کراچی کی خاتون صحافی سدرہ ڈار&nbsp; وائس آف امریکا سے منسلک ہیں۔ وہ بتاتی ہیں کہ&nbsp; 2020ء میں انہوں نے آرزو&nbsp; راجہ نامی نابالغ غیرمسلم لڑکی کے مذہب کی جبراًتبدیلی اور نکاح کے معاملے پر رپورٹنگ کی تھی۔

انہوں نے بتایا کہ ایک دن وہ عدالت میں آرزو راجہ سے ملاقات کے بعد گھر جارہی تھیں کہ انہیں کسی نامعلوم شخص کی کال آئی۔

&quot;کال کرنے والے نے دھمکی دی کہ اس معاملے سے پیچھے ہٹ جاؤں۔کہا گیا کہ وہ جانتے ہیں کہ میں کہاں رہتی ہوں۔ کب آفس آتی اور کب جاتی ہوں۔ دھمکی دینے والے نے اپنا تعلق ایک مذہبی گرو پ سے بتایا تھا۔&quot;

&nbsp;سدرہ ڈار کے مطابق انہوں نے اس دھمکی آمیز فون کال سے متعلق اپنے چند ساتھیوں کو بتایا&nbsp; تاہم کوئی قانونی کارروائی نہیں کی تھی۔ دوبارہ انہیں نامعلوم نمبر سے کوئی کال نہیں آئی ۔

جولائی 2023ء میں گوگل سروے فارم کے ذریعے ملک بھر سے صحافیوں کی رائے جاننے کی کوشش کی گئی۔ الیکٹرانک، پرنٹ اورسوشل میڈیا سے منسلک صحافیوں نے بتایا کہ انہیں غیرمسلم کمیونٹی کے مسائل اورایونٹس کی رپورٹنگ ہی نہیں کرنے دی جاتی۔ان کے ادارے کے ذمہ داران کی طرف سے انہیں ایسا کرنے سے روکا جاتا ہے۔

73 فیصد صحافیوں کے مطابق انہیں احمدی کمیونٹی سے متعلق خبریں فائل کرنے سے منع کیا گیا ہے۔ اگروہ کبھی کوئی نیوز فائل کربھی دیں تووہ شائع ہی نہیں ہوتی ہے۔ 18 فیصد صحافیوں کے مطابق مسیحی برادری اور 9 فیصد کے مطابق سکھ کمیونٹی کی خبریں فائل کرنے سے منع کیا جاتا ہے۔

لاہور کے&nbsp; ایک سینئر صحافی نے نام ظاہر نہ کرنے کی شرط پر بتایا کہ 2013ء میں جب جوزف کالونی میں گھر جلائے گئے تو وہ سب سے پہلے موقع پر پہنچنے والے صحافیوں میں شامل&nbsp; تھے۔ انہوں نے فوٹیج اپنے آفس بھیجی اور نیوز روم کو صورتحال سے آگاہ کیا۔

وہ بتاتے ہیں کہ نیوز روم نے کہا یہ مذہبی معاملہ ہے۔ حالات خراب ہوسکتے ہیں لہٰذا وہ ڈی ایس این جی لےکر واپس آجائیں۔ وہ آفس آرہے تھے&nbsp; کہ راستے میں ڈائریکٹر نیوز&nbsp; کی کال آگئی اور انہیں واپس جوزف کالونی جانے کی ہدایت کی گئی۔

&quot;مجھے کہا گیا کہ ڈی ایس این جی محفوظ فاصلے پر رکھیں۔ آپ کا بیپر ہو گا لیکن بیپر میں اس کو مذہبی معاملہ نہیں کہنا بلکہ یہ الفاظ استعمال کریں کہ مقامی لوگوں کا جھگڑا ہوا ہے۔ ایک گروپ نے دوسرے گروپ کے گھروں کو آگ لگادی ہے۔&quot;

مذکورہ بالا آن لائن سروے میں 90 فیصد مرد اور دس فیصد خواتین صحافیوں نے حصہ لیا۔ ساڑھے 45 فیصد صحافیوں نے بتایا کہ انہیں احمدی کمیونٹی کی خبروں پر دھمکیاں ملیں۔

&nbsp;18 فیصد کو مسیحی، نو فیصد کو ہندو کمیونٹی اور 27 فیصد کو دیگر اقلیتوں سے متعلق خبریں دینے پر دھمکیوں اور ہراس کا سامنا کرنا پڑا ہے

جڑانوالہ میں ایک ٹی وی چینل کے نمائندے&nbsp; راؤ عبدالرحمٰن بتاتے ہیں کہ رواں ماہ اگست میں سانحہ جڑانوالہ کے روز صبح&nbsp; مسجد میں اعلان ہوا اور مظاہرین جمع ہورہے تھے تو انہوں نے اپنے دفتر کو نیوز ،ٹکر اور ویڈیوز بھیجیں تو انہیں بتایا گیا کہ یہ خبر نہیں چلائی جاسکتی۔

&nbsp;وہ کہتے ہیں کہ جب دوپہر تک سب کچھ تباہ ہوگیا تو حکومت نے نوٹس لیا ۔پھر دیگر ٹی وی چینلوں پر بھی خبریں چلنا شروع ہو گئیں۔اگر صبح&nbsp; ہی ٹی وی چینل یہ معاملہ اٹھاتے تو شاید اس قدر نقصان نہ اٹھانا پڑتا۔

پاکستان فیڈرل یونین آف جرنلسٹ کے سیکرٹری جنرل رانا عظیم کہتے ہیں کہ پاکستان میں اب تو یہ سوال پوچھنا چاہیے کہ کتنے صحافی باقی رہ گئے ہیں جن کو&nbsp; ہراساں نہیں کیا گیا۔ صحافی کا کام مذہب و عقیدے سے بالاتر ہوکر سچ سامنے لانا ہوتا ہے۔

&quot; صحافیوں کو&nbsp; اقلیتوں کے مسائل کی رپورٹنگ میں مشکلات کا سامنا کرنا پڑتا ہے ۔کبھی ریاستی ادارے رکاوٹ بنتے ہیں تو کبھی خود میڈیا ہاوس خودساختہ پالیسی کے تحت سنسرشپ لگاتے ہیں۔&quot;

پی ایف یو جے (افضل بٹ گروپ) کے سیکرٹری جنرل ارشد انصاری وضاحت کرتے&nbsp; ہیں کہ اگرچہ سوشل میڈیا پر معلومات کو روکنا اب ممکن نہیں رہا تاہم نیشنل میڈیا انتشار&nbsp; کو روکنے کے لیے شدید مذہبی معاملات سے متعلق خبریں چلانے سے گریز کرتا ہے۔

گزشتہ چند برس میں کتنے صحافیوں کو مذہبی گروپوں نے ہراساں کیا یاان پرحملے ہوئے؟ جب پنجاب پولیس سے یہ معلومات مانگی گئیں تو&nbsp; کوئی ڈیٹا نہیں مل سکا۔

پولیس حکام نے بتایا کہ ان کے پاس کیٹگریز کے مطابق ڈیٹا مرتب نہیں ہوتا ۔تاہم گزشتہ دوسال میں درجنوں مقدمات درج ہوئے جن میں کتنے مدعی جرنلسٹ تھے اس بارے میں صحافیوں کی تنظیم&#39; پنجاب یونین آف جرنلسٹ&#39; کے پاس بھی کوئی ڈیٹا موجود نہیں ہے۔

ہیومن رائٹس کمیشن آف پاکستان کی ترجمان کا&nbsp; کہنا ہے کہ&nbsp; مذہبی گروہوں اور قانون نافذ کرنے والے حکام&nbsp; کا میڈیا کارکنوں کو ہراساں کرنا قابل مذمت ہے۔ اس طرح کا ماحول آزادی صحافت اور بین المذاہب ہم آہنگی&nbsp; کی کوشش،دونوں کو بھی متاثر کرتا ہے۔ صحافیوں اور میڈیا ورکرز کو ایسے ہتھکنڈوں کے خلاف متحد ہونا چاہیے۔

سینئرصحافی، متعدد اخبارات میں بطور نیوز ایڈیٹر کام کرنیوالے زاہد گوگی اب کنٹرولر نیوز ہیں۔وہ کہتے ہیں کہ انہیں کسی ادارے یا حکومت کی طرف سے اقلیتیوں کی خبریں نشرکرنے سے نہیں روکا جاتا۔بلکہ ایسا سیلف سینسرشپ کے تحت کیا جاتا ہے۔

وہ دلیل دیتے ہیں کہ صرف اقلیتوں ہی کے نہیں بلکہ تمام مذاہب کے پیروکاروں کے متنازع واقعات کے بارے میں خبریں دینے سے ہمیشہ گریز کیا جاتا ہے کیونکہ اس طرح مزید انتشار&nbsp; کا خدشہ ہوتا ہے۔ یہاں تو بغیر تصدیق ہی ہجوم جلاؤ، گھیراؤ اورتوڑپھوڑ&nbsp; شروع کردیتا ہے۔ ایسے میں تشددکی خبریں جلتی پر تیل کا کام کر سکتی ہیں۔

طالبان کے عہد میں افغان صحافت: مشکل ہیں اگر حالات وہاں، دل بیچ آئیں جاں دے آئیں۔

دھمکیاں ،حکومتی رکاوٹیں یا سیلف سنسر شپ؟پاکستانی  میڈیا غیر مسلم کمیونٹی کی خبریں دینے سے گریزاں کیوں؟

14 سالہ پروین بند روڈ لاہور کے قریب خانہ بدوشوں کی بستی میں رہتی ہیں۔ان کی پیدائش راوی کنارے اسی خیمہ بستی میں ہوئی تھی۔ ان کا خاندان کم وبیش 25 سال سے یہیں آباد ہے۔ وہ نوعمر ہیں اور بہت کمزور دکھائی دیتی ہیں۔

انہیں نو سال کی عمر میں ماہواری شروع ہو گئی تھی۔ سردیوں کے دن تھے اور اس وقت وہ بستی کی لڑکیوں کے ساتھ کھیل رہی تھی۔ اس دوران انہیں ٹانگوں میں اچانک درد شروع ہوگیا۔ وہ اپنی جھوپڑی میں واپس آگئیں اوراپنی والدہ کو درد کا بتایا۔

والدہ نے انہیں تسلی دی اور کہا کہ آرام کرو، ٹھیک ہوجاؤ گی۔ لیکن جب ماہواری شروع ہوئی تو وہ خوف زدہ ہو گئیں۔ ان کی والدہ نے انہیں کپڑا استعمال کرنے کو دیا اور ٹھنڈی چیزیں کھانے، نہانے اور کھیلنے سے روک دیا۔

تب سے پروین خون کی کمی کا شکار ہیں۔ انہیں ڈاکٹرکے پاس نہیں لے جایا گیا اور وہ گھریلو ٹوٹکوں سے اپنا علاج کر رہی ہیں۔ ان کے چیرے پر دانے اور چھائیاں ہیں۔ وہ امید کرتی ہیں کہ انہی ٹوٹکوں کی بدولت یہ ختم ہو جائیں گی اور خون کی کمی بھی دور ہو جائے گی۔

نذیر غازی خانہ بدوشوں کی فلاح وبہبود کے لئے سرگرم تنظیم &#39;گود&#39; کے سربراہ ہیں۔ وہ بتاتے ہیں کہ خانہ بدوش خواتین نسوانی صحت پر بات کرنا معیوب سمجھتی ہیں جس کا نتیجہ کئی طرح کے جسمانی مسائل کی صورت میں نکلتا ہے۔

&quot;ان کے ہاں باقاعدہ واش روم نہیں ہوتے۔ پانی کی قلت کی وجہ سے یہ لوگ کئی کئی دن نہاتے ہی نہیں۔ اس لیے ان خواتین میں بیماریاں عام ہیں۔&quot;

نذیر غازی کہتے ہیں خانہ بدوشوں کی اکثریت کے پاس قومی شناختی کارڈ نہیں ہیں۔ اس لیے یہ لوگ کسی بڑے&nbsp; ہسپتال میں علاج کروانے نہیں جاسکتے ۔چنانچہ یہ اتائیوں اور حکمیوں کے پاس جاتے ہیں یا گھریلو ٹوٹکے استعمال کرتےہیں۔

اس حوالے سے صوبائی محکمہ صحت کے ترجمان سے بات کی گئی تو ان کا کہنا تھا کہ سرکاری ہسپتالوں میں کوئی بھی علاج کرا سکتا ہے۔ بلا امتیاز ادویات فراہم کی جاتی ہے۔ خانہ بدوشوں یا&nbsp; کسی خاص کمیونٹی کے لئے الگ کوئی پالیسی نہیں ہے۔

سماجی کارکن علینہ اظہر &#39;آسرا &#39; کے&nbsp; نام سے این جی او چلا رہی ہیں۔وہ خانہ بدوش خواتین کی نسوانی صحت کے لیے کام کرتی ہیں اور&nbsp; لیڈی ڈیانا ایوارڈ حاصل کر چکی ہیں۔

ان کا کہنا ہے کہ خانہ بدوش خواتین میں نسوانی بیماریوں کی ایک بڑی وجہ گندگی اور کم عمری کی شادیاں ہیں۔ یہ لوگ بچپن میں ہی بچوں کے رشتے طے کرتے ہیں ۔تیرہ چودہ سال کی عمر میں لڑکی کی شادی کردی جاتی ہے۔

&quot;جلد شادی کی ایک وجہ جنسی ہراسانی بھی ہے۔ بچوں سے زیادتی کے سب سے زیادہ واقعات خانہ بدوشوں میں ہوتے ہیں۔ مرد عورتیں مانگنے یا مزدوری کے لیے باہر جاتے ہیں تو گھروں میں لڑکیوں کو خطرہ ہوتا ہے۔&quot;

&quot;مخصوص ایام کے دوران بے احتیاطی، گندے کپڑے کا استعمال اورروایتی ٹوٹکوں سے پیشاب کی نالی کا انفیکشن ہوسکتا ہے۔ بعض خواتین ماں بننے کی صلاحیت سے بھی محروم ہوسکتی ہیں اور انہیں گردوں کی بیماری کا خطرہ بھی ہوتا ہے۔

اس خانہ بدوش بستی میں رہنے والی ایک عمر رسیدہ خاتون شاہدہ مائی بتاتی ہیں کہ ان کی بیٹیاں شرم وحیا کی وجہ سے اپنے ایسے مسائل پران سے بات نہیں کرتیں۔ وہ خود بھی مخصوص ایام میں کپڑا استعمال کرتی رہی ہیں۔ان کا کہنا ہے کہ شہروں میں خواتین پیڈ استعمال کرتی ہیں مگر وہ بہت مہنگے ہیں۔

بابا رفیق&nbsp; گلبرگ لاہورمیں ریلوے لائن کے ساتھ جھونپڑی میں رہتے ہیں۔ ان کا دعویٰ ہے کہ شہری خواتین کے مقابلے میں ان کی خواتین زیادہ صحت مند ہیں۔ روزانہ کئی کئی میل پیدل چلتی ہیں۔

&quot;ہمارا ذریعہ معاش بھیک مانگنا ہے۔گھر میں جتنے زیادہ&nbsp; بچے ہوں گے اتنی زیادہ آمدن ہوگی۔ جب بچے سات ،آٹھ سال کے ہو جاتے ہیں تو خود ہی &#39;کمانا&#39; شروع کردیتے ہیں۔&quot;

ماہر امراض نسواں ڈاکٹر صائمہ عامر بتاتی ہیں کہ خانہ بدوش عورتوں کا سات،آٹھ بچے پیدا کرنا&nbsp; معمول کی بات ہے۔ بعض خواتین کے تو درجن بھر سے زیادہ بچے ہوتے ہیں۔

ان کا کہنا ہے کہ دیہی خواتین کی طرح خانہ بدوش عورتوں میں بھی نسوانی بیماریوں کی شرح زیادہ ہے۔ کوئی بڑی پیچیدگی محسوس ہو تو یہ خواتین ڈاکٹر کے پاس جاتی ہیں ورنہ ان کی زچگی بھی گھروں میں ہی ہوتی ہے۔

علینہ اظہر جوہرٹاؤن سمیت لاہور کے مختلف علاقوں میں ہرماہ خانہ بدوش خواتین میں سینیڑی پیڈ تقسیم کرتی ہیں۔ وہ کہتی ہیں کہ کم عمری میں وہ لڑکیاں بھی مائیں بن جاتی ہیں جن کی ابھی کھیل کود کی عمر&nbsp; یوتی ہے۔ ان کے بچے بہت کمزور ہوتے ہیں اور بچے کی پیدائش کے بعد وہ مختلف امراض کا شکار ہوجاتی ہیں۔

ان کے مطابق خاص طور پریہ لوگ اپنی ان لڑکیوں کی شادی جلد کر دیتے ہیں جو ان کے خیال میں اچھی شکل وصورت کی مالک ہوتی ہیں۔ کئی خانہ بدوشوں نے بتایا کہ جن کی بیٹیاں ہیں انہیں پولیس اہلکار اور دیگر لوگ تنگ کرتے ہیں۔ یہاں بعض خواتین&nbsp; جسم فروشی بھی کرتی ہیں۔

حکومت بھی اس کمیونٹی پر توجہ نہیں دیتی۔ لاہور میں بنیادی مرکز صحت واہگہ ٹاؤن کے ایک سینئر اہلکار نے نام ظاہر نہ کرتے کی شرط پر بتایا&nbsp; کہ لیڈی ہیلتھ ورکرز کی ڈیوٹی تھی کہ وہ اپنے علاقے میں بھٹوں اورخانہ بدوش بستیوں میں جائیں گی۔ لیکن چارسال سے یہ سلسلہ بند ہے۔

2017ء میں فیصل آباد میں کیے گئے ایک سروے کے مطابق 59.8 فیصد خانہ بدوش خواتین کے بچوں کی تعداد چار سے زیادہ تھی۔ ان کی اکثریت نے دوران حمل کبھی طبی معائنہ نہیں کرایا۔ 98.3 فیصد خواتین کی گھر میں نارمل زچگی ہوئی ۔صرف ایک اعشاریہ سات فیصد کے بچے کی سی سیکشن کے ذریعے پیدائش ہوئی۔

دوا اور غذا کی قلت: بلوچستان کے سیلاب متاثرین میں حاملہ خواتین کی صحت و زندگی خطرے میں پڑ گئی

'کمائی' کے لیے زیادہ سے زیادہ بچے پیدا کرنے کے رحجان نے خانہ بدوش خواتین کی زندگی داؤ پر لگا دی

پچپن سالہ بدرمنیر لاہور کے علاقے جوہر ٹاؤن میں رہتے ہیں۔ وہ کئی سال سےجنگلی حیات کے تحفظ کے لئے کام کر رہے ہیں۔ کینال روڈ پر شادمان میں واقع ان کے دفتر کے لان میں کئی طرح کے سایہ دار درخت ہیں جن پر پرندوں کا بسیرا رہتا ہے۔ بدر منیر نے زیادہ سے زیادہ پرندوں کو راغب کرنے کے لیے ان درختوں پر مصنوعی گھونسلے بھی بنا رکھے ہیں۔

وہ بتاتے ہیں کہ کئی سال پہلے نہر کے کنارے اور ان کے دفتر میں درختوں پر را طوطے، مینا، بلبل، ہدہد، کوئل، نیل کنٹھ، کامن چڑیا، لالی اور فاختہ سمیت کئی طرح کے بے شمار پرندے آتے تھے۔ لیکن اب ان کی تعداد بہت کم رہ گئی ہے۔

&quot;یوں لگتا ہے جیسے پرندے لاہور سے روٹھ گئے ہیں۔ کینال روڈ لاہور کا ایسا حصہ ہے جہاں بڑی تعداد میں گھنے اور پرانے درخت واقع ہیں۔ ایسی جگہ پر پرندوں کی کمی نہیں ہونی چاہیے لیکن اب یہ درخت صرف چیلوں اور کووں کی آماجگاہ بن کر رہ گئے ہیں۔&quot;

اس نہر کے دونوں جانب ہزاروں درخت ہیں لیکن ان پر کسی بھی پرندے کا گھونسلہ نہیں ہے۔ یہی صورتحال مال روڈ کے درختوں کی ہے۔ البتہ شالامار باغ، باغ جناح، جلوپارک، گورنرہاؤس اور چڑیا گھر میں اب بھی پرانے پرندوں کے گھونسلے نظر آتے ہیں۔

محکمہ جنگلی حیات پنجاب کے ڈپٹی ڈائریکٹر اور ترجمان مدثر حسن بتاتے ہیں کہ شہروں میں پائے جانیوالے پرندوں کو اربن وائلڈ لائف کہا جاتا ہے۔ لاہور میں ان پرندوں کے بارے میں محکمے کی جانب سےکبھی کوئی سروے نہیں کیا اس لیے شہر میں پرندوں کی اقسام کے بارے میں سرکاری سطح پر کوئی ڈیٹا دستیاب نہیں ہے۔ تاہم بعض تعلیمی ادارے وقتاً فوقتاً اس حوالے سے کام کرتے رہتے ہیں۔

1997 میں گورنمنٹ کالج لاہور کے شعبہ زوآلوجی کے سروے میں لاہور کی حدود میں پرندوں کی 74 اقسام ریکارڈ کی گئی تھیں۔ پنجاب یونیورسٹی کے شعبہ زوآلوجی کے ماہرین یہ تعداد 85 بتاتے ہیں۔

پنجاب یونیورسٹی کے شعبہ زوآلوجی کے سربراہ پروفیسر ڈاکٹرزوالفقار علی کے مطابق 1965 کے ایک جائزے میں یہ تعداد 240 تھی اور 1992 میں یہاں پرندوں کی 101 اقسام کا پتا چلایا گیا تھا۔

<h2>پرندے کہاں گئے</h2>

محکمے کے ایک اور ڈپٹی ڈائریکٹر زاہد بھٹی کہتے ہیں کہ بیس پچیس سال پہلے لاہور میں دکھائی دینے والے پرندوں کی نسلیں ختم نہیں ہوئیں مگر وہ نظر اس لئے نہیں آتے کہ اب انہوں ںے اپنے مساکن تبدیل کر لیے ہیں۔ آجکل سب سے زیادہ پرندے لاہور کے کنٹونمنٹ ایریا میں پائے جاتے ہیں کیونکہ وہاں برسوں پرانے کئی درخت ہیں جنہیں کاٹا نہیں گیا۔ شہرکے دیگرعلاقوں کی نسبت کینٹ ایریا میں اربن وائلڈلائف زیادہ ہے۔

تحفظ جنگلی حیات کے لیے کام کرنے فہد ملک ان کی تصدیق کرتے ہوئے کہتے ہیں کہ اربن وائلڈ لائف میں کمی کی سب سے بڑی وجہ یہی ہے کہ ان پرندوں کے مساکن ختم ہو گئے زیادہ تر پرندے مقامی اور پرانے درختوں پر گھونسلے بناتے ہیں۔ لیکن جیسے جیسے پرانے درخت کاٹے گئے پرندوں کے گھونسلے بھی ختم ہو گئے۔ دوسری غلطی یہ کی گئی کہ شجرکاری کے دوران مقامی پودے اور درخت لگانے کے بجائے غیرملکی اور فینسی پودے لگائے گئے جن پر پرندے گھونسلا نہیں بناتے۔

اسی طرح شہروں کی تیز روشنیوں اور شورشرابے نے بھی پرندوں کی زندگی کو متاثر کیا ہے۔ پرندوں کو اپنے گھونسلوں میں بریڈنگ کے لئے اندھیرا اور سکون درکار ہوتا ہے لیکن شہروں کی چکاچوند نے ان کی بریڈنگ پر بھی منفی اثرات پڑے ہیں۔

فہد ملک نے بتایا شہرکے مختلف علاقوں میں صدقے کا گوشت بیچا جاتا ہے۔ یہ گوشت کھانے کے لئے جمع ہونیوالی چیلوں اور کوؤں نے ان علاقوں میں پائے جانیوالے دیگرپرندوں کو وہاں سے بھگا دیا ہے۔ یہی نہیں بلکہ بعض اوقات بھوکی چیلیں چھوٹے پرندوں پر بھی حملہ کردیتی ہیں جس کی وجہ سے یہ پرندے اب یہاں سے ہجرت کر گئے ہیں۔

گورنمنٹ کالج کے زیراہتمام اس جائزے میں سامنے آنے والے 44 پرندے مقامی اور 30 مہاجر تھے۔ مہاجر پرندوں میں 17 سردیوں اور 13 گرمیوں کے موسم میں یہاں آتے تھے۔ ان میں کامن چڑیا، سنہری چڑیا، کوئل، سرخ پشت والی بلبل، راطوطے، کاٹھے طوطے، ممولے، کالاتیتر، بھوراتیتر، بٹیرے، ہدہد، ہڑیل، مینا، سفید گالوں والی بلبل، رام چڑا، ماہی خور، فاختہ، لالیاں، نیل کنٹھ، چیل، کوے، بجڑا، الو، شارک، کبوتر اور چمگادڑیں قابل ذکر ہیں۔

زاہد بھٹی کہتے ہیں کہ چیلوں کی وجہ سے مقامی ماحول میں پائے جانے والے شکرے بھی غائب ہو گئے ہیں۔ اگرچہ شکرے بھی گوشت خود ہیں لیکن چیلیں انہیں بھگا دیتی ہیں۔ محکمے نے چند برس قبل شکرے فضا میں چھوڑے تھے تاکہ ان کی قدرتی ماحول میں افزائش ہو سکے جبکہ چیلوں کو بھگانے کے لئے وقتاً فوقتاً پٹاخے پھوڑے جاتے تھے لیکن اس کے باوجود چیلوں نے ان شکروں کو لاہور میں نہیں رہنے دیا۔

پنجاب یونیورسٹی شعبہ زوآلوجی کے سربراہ ڈاکٹر ذوالفقار علی کا کہنا ہے کہ دیہی علاقوں میں فصلوں پر کئے جانیوالے زہروں کے سپرے کی وجہ سے بھی ایسے پرندوں کی نسل کو نقصان ہوا ہے جو کیڑے مکوڑے کھاتے تھے۔ دیہات میں بلیاں، کتے اور چوہے عام ہوتے ہیں جو پرندوں کے بچے اور انڈے کھا جاتے ہیں جس سے ان کی تعداد گھٹ جاتی ہے۔

بدرمنیر کہتے ہیں کہ ماحولیاتی تبدیلی، بڑھتی ہوئی آبادی، ہاؤسنگ سکیموں کے نام پر تیزی سے پھیلتے کنکریٹ کے جنگل نے پرندوں کو لاہور سے ہجرت پر مجبور کردیا ہے۔ ان حالات میں سب سے زیادہ نقصان راطوطے اور مقامی کاٹھے طوطے کو پہنچا ہے۔ را طوطے انڈیا سے ہجرت کرکے خوراک کی تلاش میں پاکستان آتے ہیں لیکن بارڈر ایریا میں نیٹنگ کے ذریعے ان کو پکڑ لیا جاتا ہے۔

بدر منیر بتاتے ہیں کہ سیالکوٹ، شکرگڑھ، نارووال، ظفروال، قصور اور لاہور کے سرحدی علاقوں میں شکاری بڑے بڑے جال لگاتے ہیں جن میں یہ طوطے پھنس جاتے ہیں۔ را طوطے چونکہ کافی مہنگے فروخت ہوتے ہیں اس لئے ان کی بے تحاشا پوچنگ کی گئی ہے۔ ان کی بریڈنگ کرکے انہں فروخت کیا جاتا ہے جس کی وجہ سے آج لاہور میں را طوطا خال خال ہی دکھائی دیتا ہے۔

مدثرحسن نے بتایا کہ پنجاب وائلڈ لائف (پروٹیکشن، پریزرویشن، کنزرویشن اینڈ مینجمنٹ) ایکٹ کے تحت اربن وائلڈلائف میں پائے جانے والے زیادہ تر پرندوں کا شکار کرنا یا انہیں پکڑنا جرم ہے۔ ان میں طوطے، لالیاں، فاختہ اور عام چڑیا بھی شامل ہیں۔ لیکن اس قانون پر عملدرآمد کمزور ہے۔

بدرمنیر کے مطابق لاہور میں پرندوں کی آبادی میں اضافے اور روٹھے پرندوں کو واپس لانے کے لئے زیادہ سے زیادہ تعداد میں مقامی درخت لگانا ہوں گے۔ پرانے درختوں کے کاٹنے پرمکمل پابندی ہونی چاہیے اور پھل داردرخت اگائے جانے چاہیں۔ جلوپارک، جیلانی پارک، باغ جناح، شالامارباغ اور میو گارڈن پرندوں کے لیے پرسکون علاقے ہیں یہاں جھاڑیاں بھی اگائی جانی چاہئیں کیونکہ کئی پرندے جھاڑیوں میں رہنا پسند کرتے ہیں اورانہیں اپنے گھونسلے بنانے کے لئے تنکوں کی بھی ضرورت ہوتی ہے۔

اس کے علاوہ محکمہ وائلد لائف کو پرندوں کا غیرقانونی شکار کرنے والوں پر سختی کرنا ہو گی۔ شہروں کے اندر بڑی عمارتوں کی چھتوں پر پرندوں کے لئے پانی اور دانے کا اہتمام ہونا چاہیے۔ گھروں اوردفاترکے لان میں پرندوں کے مصنوعی گھونسلے رکھنا، برڈ ہاؤسزکی تعداد بڑھانا اور بچوں کے تعلیمی نصاب میں وائلڈ لائف کا مضمون شامل کرنا بھی پرندوں کو شہر میں واپس لانے میں مددگار ہو سکتے ہیں۔

ڈاکٹر ذوالفقار علی کا کہنا ہے کہ کچھ عرصہ پہلے ان کے شعبے کے طلبہ نے لاہور میں پرندوں کی موجودہ اقسام کو تلاش کرنے کی کوشش کی تھی لیکن ایک ہفتے کے مطالعے کے دوران صرف 50 کے قریب اقسام کے پرندے ہی نطر آ سکے تھے۔ اگر ہجرت کرنے والے پرندوں کوبھی شامل کیا جائے تو یہ تعداد اب بھی 80 اقسام تک ہو سکتی ہے۔ تاہم حقیقت یہ ہے کہ لاہور اپنے پرندوں کی نصف سے زیادہ انواع کھو چکا ہے جو مقامی ماحولیاتی نظام کے لیے ایک تشویشناک علامت ہے۔

آصف محمود