پچاس سالہ رام جی تھرپارکر کی تحصیل ڈیپلو میں نمک کی جھیل (سن) پر مزدوری کرتے ہیں۔ ان کا گھر یہاں سے کوئی 20 کلومیٹر دور مہتر ڈھانی گاؤں میں ہے جہاں سے ان کی تین کم عمر بیٹیاں اور ایک بیٹا بھی ان کے ساتھ آتے اور کام میں ہاتھ بٹاتے ہیں۔

رام جی جھیل سے نمک کی ٹرالی کھینچ کر لاتے ہیں جسے وہ جھیل کنارے سوکھنےکے لیے پڑی نمک کی ڈھیری پر پلٹ دیتے ہیں اور دوسرا پھیرا لگانے کی تیاری کرنے لگتے ہیں۔ اس دوران ان کے چاروں بچے خشک نمک کی بوریاں بھرتے رہتے ہیں۔

&nbsp;رام جی بتاتے ہیں کہ ان کے گاؤں کے قریب کوئی اور مزدوری نہیں ملتی اس لیے مجبوراً وہ ادھر آ جاتے ہیں۔ لیکن یہاں اجرت اتنی کم ہے کہ ان کا سارا خاندان دن بھر محنت کرتا ہے مگر دو وقت کی روٹی پوری کرنا آسان نہیں ہوتا۔

وہ کہتے ہیں کہ نمک ڈھونے کے بعد شام کو سارے جسم میں خارش ہوتی ہے اور زندگی عذاب لگتی ہے۔ یہاں کوئی حفاظتی لباس ہے نہ ہسپتال۔مزدور مالکان کے رحم کرم پر ہیں۔زخم ہو جائیں تو وہ شہر سے مرہم خرید کر لگا لیتے ہیں۔

صحرائے تھر پانچ معدنیات کے لیے مشہور ہے جن میں کوئلہ، چینی مٹی (چائنا کلے) ، نمک (لیک سالٹ)، گرینائیٹ اور لٹریٹ (سرخ پتھر) شامل ہیں۔ تھرپارکر صوبے میں چینی مٹی اور گرینائیٹ پیدا کرنے والا واحد ضلع ہے۔

سندھ شماریاتی بیورو نے اکتوبر 2022 میں ایک سروے رپورٹ جاری کی تھی جس کے مطابق 2020-21ء میں تھرپارکر صوبے میں سب سے زیادہ معدنیات دینے والا ضلع قرار پایا۔اس سال کے دوران ضلع بھر سے ایک ارب 38 کروڑ 98 لاکھ روپے مالیت کی معدنیات نکالی گئی۔

تھرپارکر صوبے میں کوئلے کی مجموعی پیداوارکا 74 فیصد اور نمک(لیک سالٹ) کا 98 فیصد پیدا کرتا ہے۔یہاں کارونجھر کے پہاڑوں کے گرد نمک کی جھیلوں کا ایک طویل سلسلہ موجود ہے۔ نمک کی جھیل کو &#39;کان&#39; اور سندھی میں &#39;سن&#39; کہا جاتا ہے۔

تحصیل ہیڈکوارٹر ڈیپلو سے 20کلومیٹر مغرب میں جھیل سارن تھر کی سب سے بڑی کان (سن) شمار ہوتی ہے۔ یہ سو ایکڑ رقبے پر محیط ہے۔ یہاں سے پانچ دہائیاں قبل نمک جمع کرنے کا سلسلہ شروع ہوا اور پھر پھیلتا چلا گیا۔

سارن کے علاوہ تھر میں نمک کی دیگر بڑی جھیلوں میں موکھائی جھیل ڈھائی سو ایکڑ، ڈاگو ڈیڑھ سو، ڈاگو ٹو 180، ھتھنی جھیل سو ایکڑ اور ڈابھرو جھیل کا رقبہ ڈیڑھ سو ایکڑ رقبے پر محیط ہے۔

جھیلوں سےکچھ نمک پراسسنگ (صفائی اور پیکنگ وغیرہ) کے لیے قریب ہی فیکٹریوں میں منتقل کیا جاتا ہے۔تھر سے پانچ سو ٹن پراسیسڈ نمک ملکی مارکیٹ میں جاتا ہے اور باقی خام حالت میں ہی ایکسپورٹ یا پراسیسنگ کے لیے کراچی بھیج دیا جاتا ہے۔

2020-21ء میں تھر سے دو لاکھ 22 ہزار 335 میٹرک ٹن نمک نکالا گیا۔ یہ نمک ملک میں زیادہ تر کھاد بنانے والے کارخانوں۔ٹیکسٹائل انڈسٹری اور چمڑے کی فیکٹریوں و دیگر صنعتوں میں استعمال ہوتا ہے۔اس صنعتی نمک کی بیرون ملک برآمد سے بھی ملک میں کثیر زرمبادلہ آتا ہے۔

مون سون میں کارونجھر کے پہاڑوں سے آنے والا پانی یہ نمک اپنے ساتھ لاتا ہے یا پانی جمع ہونے سے زیر زمین نمک اوپر آ جاتا ہے۔ تین چار ماہ بعد جھیلوں کا پانی کم یا خشک ہونے پر نمک کی چار پانچ انچ موٹی تہہ جم جاتی ہے۔

جھیل سے اوپر والا نمک نکال لیا جاتا ہے تو کچھ دنوں بعد ایک نئی تہہ جم جاتی ہے۔یہ عمل لگ بھگ آٹھ ماہ جاری رہتا ہے۔

محکمہ معدنیات تھرپارکر میں جھیلوں سےنمک نکالنے کےسالانہ71 ٹھیکے دیتا ہے۔ زیادہ تر نمک مزدور ہی نکالتے اور بوریاں بھر کر لوڈ کرتےہیں۔ انہیں روزانہ گھنٹوں کھارےپانی اور نمک میں کھڑے رہنا پڑتا ہے۔ یہاں ہر جھیل پر اوسطاً 40 سے60 مزدور کام کرتے ہیں۔

ڈاکٹر ذوالفقار نہڑی ماہر امراض جلد ہیں۔ وہ کہتے ہیں کہ نمک میں کام کرنے والوں کو اکثر الرجی اور جسم پر خارش ہوتی ہے۔اس کے زخم خطرناک بھی ہو سکتے ہیں اور تیز بخار بھی ہو سکتا ہے۔ اسیلیے مزدوروں کو کام کے دوران لمبے بوٹ اور دستانے استعمال کرنے چاہیئیں۔

&nbsp;رام جی بتاتے ہیں کہ تھرپارکر کی جھیلوں پر سیکڑوں مزدور نمک نکالتے ہیں۔ مگر کسی کی کسی سرکاری محکمے میں رجسٹریشن نہیں ہوئی۔ ٹھیکیدار انہیں حفاظتی کٹ بھی نہیں دیتا۔سہولت مانگنے والا نوکری سے نکال دیا جاتا ہے۔

&quot;جھیل سے 60 کلو نمک باہر لانے پر 16 روپے اور 40 کلو پر دس روپے مزدوری ملتی ہے۔ بوری بھرنے اور گاڑی میں لوڈ کرنے کے پانچ روپے ملتے ہیں۔ ایک مزدور روزانہ 20 بوریاں ہی بھر سکتا ہے۔ یعنی دن بھر پانچ سو سے زیادہ نہیں کما پاتے۔&quot;

ایک اور مزدور نے اپنا نام خفیہ رکھنےکی شرط پر بتایا کہ کانوں پر مزدوری نقد صورت میں نہیں ملتی۔ یہاں کام کے بدلے ایک پرچی دی جاتی ہے جس پر رقم کی ادائیگی کچھ عرصہ بعد ٹھیکیدار کے منشی کرتے ہیں۔ پہلے تو 15 دن میں پرچی کی رقم (مزدوری) مل جاتی تھی۔ اب پرچی کیش ہونے میں چار سے چھ ماہ بھی لگ جاتے ہیں۔

&quot;اگر کسی مزدور نے اسی روز رقم لینی ہو تو بروکر یامنشی پرچی کے بدلے نقدی دے دیتے ہیں مگر ایک ہزار کی پرچی سے چار سو روپے کاٹ لیتے ہیں۔&quot;مزدوروں نے تو شام کو گھر کے لیے آٹا دال لینا ہوتا ہے۔ اس لیے اکثر مزدور ہزار کی مزدوری پر چھ سو روپے لے جاتے ہیں۔&quot;

&nbsp;محکمہ لیبر کے افسر اس معاملے میں اپہنی بے بسی کا اعتراف کرتے ہوئے کہتے ہیں کہ تھر میں کہیں لیبر قوانین پر عمل نہیں ہو رہا۔ بااثر ٹھیکیداروں کی وجہ سے محکمہ بھی لاتعلق بنا ہوا ہے۔

محکمہ محنت و افرادی قوت کے ایک افسر نے اپنا نام ظاہر نہ کرنے کی شرط پر بتایا کہ سالٹ لیز ہولڈر ہی مزدور وں کے تحفظ کے ذمہ دار ہیں۔ سندھ مائنز ایکٹ 1923 کے سندھ کنسیشنز رولز 2002ء کے تحت مزدوروں کو فرسٹ ایڈ کی سہولت دینا لازم ہے۔

وہ کہتے ہیں کہ لیز ہولڈروں کے لیے مزدوروں کی ای او بی آئی اور ورکرز بورڈ میں رجسٹریشن کرانا ضروری ہے۔قانوں کے مطابق انہیں مزدوروں کو دستخط شدہ کانٹریکٹ لیٹر دینا چاہیے جس پر مقررہ اجرت بھی تحریر ہو مگر یہاں کوئی ایسا نہیں کر رہا۔

سائیں داد ہنگور کئی سال سے سندھی مزدور تحریک کے پلیٹ فارم سے اس مسئلے پر آواز اٹھا رہے ہیں۔ وہ کہتے ہیں کہ سرمایہ داروں نے مزدوروں کی زندگی بھی نمک کر دی ہے۔ یہاں پر مزدوری انتہائی کم دی جاتی ہے اورکوئی سوشل سکیورٹی نہ ہی سیفٹی۔

یہاں سب سے بڑی کان سارن کے ٹھیکیدار محمد شریف ڈیپلائی میمن بتاتے ہیں کہ ان کا خاندان اپنے باپ دادا کے دور سے نمک کے ٹھیکے لیتا چلا آ رہا ہے۔

شریف کا دعویٰ ہے کہ وہ اس کام میں تمام سرکاری تقاضے پورے کرتے ہیں۔ یہاں کوئی ملازم مستقل نہیں۔ سب ڈیلی ویجز پر کام کرتے ہیں۔ اس کام میں لیبر کو زیادہ خطرات نہیں ہوتے اور لیبر ڈیپارٹمنٹ کا یہاں کوئی کام نہیں ہے۔

محکمہ&nbsp; منرل اینڈ مائنز کے ڈپٹی ڈائریکٹر محمد صدیق منگریو بتاتے ہیں کا کہنا ہے کہ پہلے نمک کی لیز 15 سو روپےفی ایکڑ سالانہ تک تھی۔اب دو ہزار روپے کر دی گئی ہے۔مزدوروں کو سہولتیں نہ ہونے کی بات ٹھیک ہے۔ یہ معاملات لیبر ڈیپارٹمنٹ دیکھتا ہے مگر محکمہ&nbsp; تھرپارکر میں کام نہیں کر رہا۔

ماہر ارضیات عطا محمد رند نے طویل عرصہ تک تھرپارکر کے معدنی وسائل پر تحقیق کی ہے۔ وہ بتاتے ہیں کہ تھرپارکر کی چینی مٹی اور نمک کیکانوں سے حکومت کو سالانہ پچاس لاکھ روپےفیس ملتی ہے۔ مگر مقامی لوگوں کو اس کا کوئی فائدہ نہیں۔

&nbsp;وہ کہتے ہیں کہ رائلٹی اور لیز کی رقم محکمہ معدنیات کے اکاؤنٹ میں جانی چاہیے ۔اس سے ڈیپارٹمنٹ کو یہ رقم مقامی ترقی پر خرچ کرنے کاپابند کیا جا سکتا ہے۔ یہاں نمک مزدور بھیانک زندگی گزار رہے ہیں۔ نمک فیکٹریوں کو انڈسٹریل ایکٹ اور لیبر قوانین کا پابند کیا جانا ضروری ہے۔

تھرپارکر: کوئلے کی کانوں کے منصوبے، ماڈل گاؤں اور ناخوش کسان

'نہ پسینہ خشک ہوتا ہے نہ مزدوری ملتی ہے'، تھرپارکر میں نمک کی جھیلوں پر محنت کشوں کی کسمپرسی

text

تیسری زچگی سے قبل جمنا بائی کے شوہر شنکر بھیل انہیں تحصیل ہیڈکوارٹر اسلام کوٹ لائے تو ڈاکٹروں نے بتایا کہ ان کا کیس پیچیدہ ہے اس لیے یہاں زچگی نہیں ہو سکتی، ان کا آپریشن ہو گا جس کے لیے انہیں 40 کلومیٹر دور ڈسٹرکٹ ہسپتال (ڈی ایچ کیو) مٹھی لے جانا ہو گا۔

شنکربھیل تھرپارکر کے گاؤں ملھو میں رہتے اور پانچ سات سو روپے دیہاڑی کماتے ہیں۔ آپریشن کا سن کر وہ پریشان ہو گئے۔ لیکن کوئی چارہ نہ پا کر ایک رشتہ دار سے ادھار رقم لے کر وہ کسی نہ کسی طرح جمنا کو مٹھی لے گئے جہاں ڈی ایچ کیو میں ایک دن انتظار کے بعد کامیاب آپریشن کے ذریعے بچے کی پیدائش عمل میں آئی۔

شنکر بھیل زچہ بچہ کی صحت وسلامتی پر خوش ہونے کے ساتھ دل برداشتہ بھی ہیں۔

&nbsp;ان کا کہنا ہے کہ پیسے والے لوگ تو نجی ہسپتالوں میں علاج کرا لیتے ہیں مگر ان جیسے غریب لوگ بہت پریشان ہوتے ہیں۔آپریشن اگر اسلام کوٹ ہسپتال میں ہو جاتا تو وہ گھر کا کھانا کھا سکتے تھے جو مٹھی میں انہیں خرید کر کھانا پڑا جبکہ سفر کے کرائے خرچے اور تکلیف الگ تھی۔

&nbsp;شنکر بھیل کے مطابق صرف جمنا بائی ہی نے تکلیف نہیں جھیلی ۔ اسی روز مزید پانچ خواتین کو بھی زچگی کے لیے ٹی ایچ کیو اسلام کوٹ سے مٹھی ریفر کیا گیا۔یہاں سب اسی صورت حال سے دوچار ہیں۔

ضلع تھرپارکر کی تحصیل اسلام کوٹ تھر کول فیلڈ کی وجہ سے الگ پہچان رکھتی ہے۔ اسلام کوٹ کو ماڈل سٹی بھی کہا جاتا ہے۔ مگر اس شہر کا واحد سرکاری ہسپتال کئی مسائل کا شکار ہے۔

&nbsp;ڈھائی لاکھ کی آبادی پر مشتمل اسلام کوٹ اور نواحی علاقوں کو ستمبر 2012ء میں سندھ حکومت نے تحصیل کا درجہ دیا تھا۔ ڈسٹرکٹ ہیڈکوارٹر مٹھی کے جنوب مشرق میں واقع تیس ہزار آبادی کے شہر اسلام کوٹ کو اس کا تحصیل ہیڈکوارٹر بنایا گیا۔

اُس وقت وہاں ایک دیہی مر کز صحت (آر ایچ سی) کام کر رہا تھا۔ علاقے کایہ واحد سرکاری ہسپتال یہاں 1986ء میں قائم کیا گیا تھا۔تحصیل بننے کے دو سال بعد اسی آر ایچ سی کو تحصیل ہسپتال (ٹی ایچ کیو)کا درجہ دے دیا گیا۔

2016 ء میں 60 بستروں کے ٹی ایچ کیو ہسپتال کی نئی عمارت کی تعمیر شروع ہوئی۔ مگر اسلام کوٹ کے لوگوں کی مشکلات کم نہ ہوئیں۔یہ عمارت ابھی تک نا مکمل ہے اور یہ ہسپتال 37 سال پرانی عمارت میں کام کر رہا ہے۔

شہر میں چند نجی طبی مراز اور اینگرو تھر کول کے تعاون سے قائم ہونے والا ہسپتال بھی موجود ہیں۔ مگر یہاں مخصوص لوگ ہی علاج کرا سکتے ہیں۔عوام کے لیے یہاں ٹی ایچ کیو ہی واحد سرکاری ہسپتال ہے۔

2019 ء میں اس ہسپتال کا انتظام سندھ حکومت نے انٹی گریٹڈ ہیلتھ سروسز (آئی ایچ ایس) کے حوالے کر دیا تھا۔چند ماہ قبل ریٹائر ہونے والے ایم ایس ڈاکٹر نھچل داس الزام عائد کرتے ہیں کہ اس ادارے نے ہسپتال کو تباہ کر دیا ہے اور یہاں بجٹ خرچ نہیں کیا۔ آئی ایچ ایس کو ایک کروڑ 58 لاکھ روپے سالانہ گرانٹ ملتی تھی جس میں سے ہسپتال انتظامیہ کو صرف ڈیڑھ لاکھ دیے جاتے تھے۔&quot;

سابق ایم ایس کے اس دعوے کی تصدیق یا تردید نہیں ہو سکی۔جولائی 2021 میں صوبائی حکومت نے یہ ہسپتال آئی ایچ ایس سے واپس لے کر پیپلز پرائمری ہیلتھ انیشی ایٹو (پی پی ایچ آئی) کے سپرد کر دیا۔

سر کاری ریکارڈ کے مطابق اب اس ہسپتال میں ڈاکٹروں کی 21 پوسٹیں ہیں مگر صرف آٹھ ڈاکٹر کام کر رہے ہیں۔ یہاں 30 مریضوں کے لیے بستر موجود ہیں جبکہ کنسلٹنٹس کی دس اور میڈیکل افسروں کی پانچ اسامیاں برسوں سے خالی ہیں۔

ڈاکٹر عبدالستار لنجو ٹی ایچ کیو ہسپتال میں سینئر میڈیکل افسر ہیں۔وہ بتاتے ہیں کہ او پی ڈی میں روزانہ پانچ سو مریض آتے ہیں۔ رش کے باعث ان ڈور میں 50 مریض داخل کرنا پڑتے ہیں۔

ہستال کی او پی ڈی میں دو سو مریضوں اور ان ڈور میں صرف دس مریضوں کو داخل کرنے کی گنجائش ہے۔جبکہ اس وقت یہاں حکومت کے دو ڈاکٹر اور پی پی ایچ آئی کے چار یعنی مجموعی طور پر صرف چھ ڈاکٹر کام کر رہے ہیں۔

ایک سینئر ڈاکٹر نے نام ظاہر نہ کرنے کی شرط پر بتایا کہ اس ہسپتال میں کوئی سپیشلسٹ ڈاکٹر ہے نہ سرجن اور نہ ہی گائناکالوجسٹ ۔آٹھ ماہ سے میڈیکل سپرنٹنڈنٹ کا تقرر نہیں ہو سکا۔ عمارت اتنی بوسیدہ ہےکہ ڈر رہتا ہے کہیں گر ہی نہ پڑے۔

وہ کہتے ہیں کہ او پی ڈی میں روزانہ ایک ڈاکٹر کے پاس اوسطاً ڈیڑھ سو مریض ہوتے ہیں۔ مریض کا اچھی طرح معائنہ کرنے کاوقت بھی نہیں ملتا ۔ڈاکٹر تیس سے چالیس سیکنڈ ہی میں مریض کو فارغ کر کے بھیج دیتے ہیں۔

&nbsp;پی پی ایچ آئی کے ایڈمن افسر عبدالحفیظ بھٹی بتاتے ہیں کہ ڈاکٹروں، پیرامیڈیکل اہلکاروں اور انتظامی عملے سمیت ہسپتال کا سٹاف 90 ارکان پر مشتمل ہے۔ نئی عمارت مکمل نہ ہونے کے باعث ہسپتال کو اپ گریڈ کرنے کا کام معطل ہے۔

ہسپتال کی نئی عمارت پر 29 کروڑ 20 لاکھ روپے خرچ ہوں گے مگر کسی کو نہیں معلوم کہ یہ کام کب مکمل ہو گا۔تعمیراتی کام کی نگرانی محکمہ صحت کا شعبہ پلاننگ کررہا ہے تاہم پلاننگ افسر وجے کمار نے بار بار رابطہ کرنے کے باوجود کوئی موقف نہیں دیا۔

اس شعبے کے ایک اہلکار نے نام نہ بتانے کی شرط پر کہا کہ اس منصوبے کی رقم قسطوں میں جاری ہو رہی ہے اور تاخیر کی دوسری وجہ ٹھیکیدار کی سست روی ہے۔

ایڈیشنل ڈی ایچ او تھرپارکر ڈاکٹر چہنو بتاتے ہیں کہ تحصیل ہسپتال مکمل ہونے میں ابھی دو سال لگیں گے۔ تاہم انہیں نئے ہسپتال کے کل رقبے کا بھی اندازہ نہیں ہے۔

10 اکتوبر 2022ء کو تھر میں وزیراعظم کو اس وقت کے وزیراعلیٰ سندھ نے بریفنگ میں کہا تھا کہ 176 کروڑ ڈالر تھرپارکر کے انفراسٹرکچر پر خرچ کیے گئے ہیں مگر یہاں لوگ صحت کی بہتر سہولیات کے لیے ترس رہے ہیں۔

'اسے حیدرآباد لے جائیں': مٹِھی کا اعلیٰ درجے کا ہسپتال عام بیماریوں کا علاج کیوں نہیں کر پا رہا؟

'ہسپتال ہے مگر علاج نہیں'، تھرپارکر کے باسی ٹی ایچ کیو اسلام کوٹ سے مایوس

چالیس سالہ حلیماں ضلع تھر کی تحصیل مٹھی سے 30 کلومیٹر دور ڈابھی گاؤں کی رہائشی ہیں۔ وہ چادروں اور تکیوں وغیرہ پر ہاتھ سے کشیدہ کاری کی ماہر ہیں اور یہی ان کا پیشہ ہے۔

حلیماں کی مشکل یہ ہے کہ انہیں گاؤں میں اس کشیدہ کاری کے خریدار میسر نہیں ہیں اس لیے وہ اپنی تیار کردہ اشیا بیچنے کے لیے مٹھی شہر میں آتی ہیں۔ لیکن یہاں بھی ان کی چیزیں ہاتھوں ہاتھ نہیں بکتیں۔ شہر میں ان کا سامان خریدنے والی صرف چار دکانیں ہیں۔حلیماں کو شکایت ہے کہ یہ دکاندار انہیں بہت کم قیمت دیتے ہیں جس سے منافعے کا حصول تو دور ان کی لاگت بھی پوری نہیں ہوتی۔

حلیماں دو بیٹیوں کی ماں ہیں۔ ان کے شوہر مزدوری اور کھیتی باڑی کرتے ہیں۔ بارش اچھی ہو جائے تو فصل بھی اچھی ہوتی ہے ورنہ گزارا مشکل ہو جاتا ہے۔

&nbsp;وہ کڑھائی کے لیے بازار سے ایک ہزار روپے میں چادر خریدتی ہیں۔ کڑھائی کرنے پر آٹھ سے نو سو روپے خرچہ آتا ہے۔ کئی دن&nbsp; کڑھائی کے بعد یہ چادر دو ہزار یا 2100 روپے میں بکتی ہے۔ اس طرح انہیں زیادہ سے زیادہ دو سو روپے بچتے ہیں۔

ان کا کہنا ہے کہ وہ اپنی چیزیں بیچنے کے لیے بڑے شہروں میں جانے کی استطاعت نہیں رکھتیں اور نہ یہ جانتی ہیں کہ ان کا سامان کون سے شہر میں بک سکتا ہے۔

&quot;سنا تھا مٹھی میں ہنرمندوں کے لیے کالونی اور مارکیٹ بن گئی ہے۔ ہمیں بھی اس جگہ گھر اور دکان مل جاتی تو اچھی روزی کما لیتے۔ مگر بدقسمتی سے ایسا نہیں ہو سکا۔&quot;

تھرپارکر&nbsp; کی کشیدہ کاری اور دستکاری کے نمونے اپنی الگ پہچان رکھتے ہیں۔ یہاں کی روایتی شالیں، رلی، بیڈ سیٹ (تکیہ چادر)، بیڈ شیٹ، خواتین کے رنگا رنگ لباس اور چادریں ملک بھر میں پسند کی جاتی ہیں۔

لوہے کے اوزار اور مٹی کے برتن ،گھڑے، پٹولے، اور مٹکے وغیرہ بھی تھرپارکر کی پہچان ہیں جنہیں سیاح ذوق وشوق سے خریدتے ہیں۔

اسی طرح مقامی درختوں کی لکڑی سے بنا مخصوص تھری فرنیچر اور دیگر ثقافتی اشیا بھی لوگ شوق سے گھروں میں رکھتے ہیں۔

مقامی سماجی کارکن عاشق پجیر یہاں مختلف این جی اوز کے ساتھ کام کرتے ہیں۔وہ بتاتے ہیں کہ تھر میں کشیدہ کاری اور ہینڈی کرافٹس کا 95 فیصد کام دیہات میں کیا جاتا ہے۔ وہاں&nbsp; سے شہر میں آنا مشکل اور بہت مہنگا پڑتا ہے۔ اس لیے اگر ہنر مند کاری گروں کو شہر میں سہولتیں ملیں تو انہیں بڑی مارکیٹ میسر آ جائے گی۔

اسی کے پیش نظر سندھ سمال انڈسٹریز کارپوریشن نے 2006 میں تھرپارکر میں ہنرمندوں کے لیے ایک کالونی بنانے کا منصوبہ شروع کیا تھا جس کے تحت ڈسٹرکٹ ہیڈکوارٹر مٹھی میں مرکزی شہر سے صرف دو کلومیٹر دور نوکوٹ روڈ پر &#39;ہنر مندکالونی &#39;کا سنگ بنیاد رکھا گیا۔

&nbsp;سندھ حکومت نے اس منصوبے کے لیے 23 ایکڑ رقبہ دیا۔ منصوبے پر 23کروڑ روپے لاگت آئی اور یہ 2011ء میں مکمل ہو گیا۔

&#39;شاہ عبدالطیف بھٹائی ہنرمند کالونی&#39; کے نام سے قائم اس کمپلیکس میں 100 رہائشی کوارٹر، 100 ورکشاپس اور 25 دکانیں ہیں۔کاری گروں کی مصنوعات کے لیے ڈسپلے سنٹر ، ایک ڈسپنسری اور بچوں کے لیے پرائمری سکول بھی قائم کیا گیا ہے۔

28 مئی 2011ء کو اس وقت کے صوبائی وزیر رؤف صدیقی نے ہنرمند کالونی کا افتتاح کر دیا تھا۔ مگر 12 سال سے یہ کالونی ہنرمندوں کے حوالے نہیں کی جا سکی۔

کالونی اور اس کا نظام چلانے کے لیے یہاں اسسٹنٹ ڈائریکٹر سمیت 18 ملازمین تعینات کیے جانا تھے تھیں۔ لیکن اس وقت اسسٹنٹ ڈائریکٹر&nbsp; کی پوسٹ خالی پڑی ہے۔ باقی&nbsp; 17 اسامیوں پر کلرک، چوکیدار اور نائب قاصد وغیرہ کی تعیناتیاں ہو چکی ہیں۔ مگر ملازمین کب آتے ہیں کیا کام کرتے ہیں؟یہ کسی کو معلوم نہیں۔

چالیس سالہ گنیش لوہار مٹھی میں سڑک کنارے ایک جھگی میں بیٹھے اوزار بنا رہے ہیں۔ وہ اسی شہر ہی کے رہائشی ہیں اور فصلوں کی کٹائی بوائی کے دوران کام آنے والی چیزیں درانتی،کھرپا، کلہاڑی، کسی ،کسولے وغیرہ بناتےہیں۔

&nbsp;گنیش بتاتے ہیں کہ وہ روزانہ&nbsp; پانچ سے آٹھ سو روپے کماتے ہیں۔ چونکہ دکان دس ہزار سے کم پر کرائے میں نہیں ملتی اس لیے وہ جھگی میں ہی اپنا کام کرتے ہیں۔ تاہم جب بھی تجاوزات کے خلاف کارروائی ہوتی ہے تو یہ جھگیاں سب سے پہلے نشانہ بنتی ہیں۔

وہ کہتے ہیں کہ ہنرمند کالونی بننا شروع ہوئی تو انہیں بھی دکان&nbsp; ملنےکی امید ہو چلی تھی۔ سوچا تھا کالونی میں گھر بھی مل گیا تو عزت سے اپنا کام کریں گے۔ مگر&nbsp; ان کا یہ خواب ادھورا ہی رہا کیونکہ کالونی اب تک فعال ہی نہیں ہو سکی۔

علی محمد کھوسو سکھر سے سیرو سیاحت کے لیے تھرپارکر&nbsp; آئے ہیں ۔وہ یہاں سے روایتی لباس اور دیگر خوبصورت ثقافتی اشیا خریدنا چاہتے ہیں۔

ان کا کہنا ہے کہ تھر کے قدرتی حسن کی طرح یہاں کی ثقافت اور دستکاری بھی باکمال ہے۔ بارشوں کے موسم میں سیاح بڑی تعداد میں یہاں آتے ہیں۔ تاہم اگر یہاں کی تمام دستکاری اور روایتی لباس مٹھی میں ایک ہی جگہ میسر ہوں تو ان کی فروخت کئی گنا بڑھ جائے اور اس کے ساتھ تھرپارکر کے لوگوں کی آمدنی میں بھی اضافہ ہو جائےگا۔

عاشق پجیر کا کہنا ہے کہ تھر کے ہر گھر میں ایک ہنرمند خاتون موجود ہے مگر خواتین کو محنت کا صلہ نہیں ملتا۔چند لوگ گاؤں سے چیزیں سستی خرید کر شہروں میں مہنگی بیچتے اور بھاری منافع کماتے ہیں۔

ان کا کہنا ہے کہ تھرپارکر میں کالونی تو بن گئی مگر کوئی کوارٹر یا ورکشاپ کسی ہنرمند کو الاٹ نہیں کیا گیا۔کالونی&nbsp; کھنڈرات کا منظر پیش کر رہی ہےاور ہنرمند لاوارث ہیں۔

محکمہ سمال انڈسٹریز ایک اہلکارنے اپنا نام ظاہر نہ کرنے&nbsp; کی شرط پر کہا کہ سیاسی مداخلت کی وجہ سے پورا منصوبہ&nbsp; تباہ ہوکر رہ گیا ہے۔اب توانفراسٹرکچر&nbsp; بھی ختم ہو رہا ہے۔ کالونی کے گیٹ بھی ٹوٹ چکے ہیں۔

وہ کہتے ہیں کہ کالونی کا افتتاح ہوتے ہی کوارٹرز اور دکانیں من پسند لوگوں کو الاٹ کرنے کے مسئلے پر سیاسی جماعتوں میں تنازع شروع ہو گیا تھا۔ پہلے اس کالونی کے انچارج اسسٹنٹ ڈائریکٹر تھے۔ دو سال قبل ان&nbsp; کا تبادلہ ہوا تو یہ چارج حیدرآباد کے ڈائریکٹر کو&nbsp; دے دیا گیا۔ ابھی تک چارج انہی کے پاس ہے۔ملازمین&nbsp; یہاں آتے ہیں اور گپ شپ کرکے&nbsp; چلے جاتے ہیں۔

&nbsp;ڈائریکٹر سندھ سمال انڈسٹریز حیدرآباد کے ڈائریکٹر ظفر جونیجو سے اس بارے میں پوچھا گیا تو ان کا کہنا تھا کہ&nbsp; منصوبےکو فعال کرنے میں محکمے کو کچھ رکاوٹیں درپیش ہیں۔ تاہم انہوں نے رکاوٹوں کی تفصیل بتانے سے یہ کہہ کر انکار کر دیا کہ سرکاری ملازم ہونے کے ناطے انہیں میڈیا کو بیان دینے کی اجازت نہیں ہے۔

گوادر کی دوچ گر خواتین: 'کبھی کبھی نیند میں خیال آتا ہے کہ انگلی میں سوئی چبھ گئی ہے اور اس میں سے خون نکل رہا ہے'۔

سیاسی تنازع یا محکمانہ مسئلہ: تھرپارکر میں ہنرمند کالونی 12 سال سے کاریگروں کی منتظر

&nbsp;تھرپارکر میں فقیر پاربرھم کا سالانہ میلہ تحصیل ڈیپلو کے گاؤں ویڑھی جھپ میں لگتا ہے۔ پانچ دن جاری رہنے والے ہندو برادری کے اس میلے میں شرکت کے لیے یاتریوں کے قافلے مٹھی، اسلامکوٹ، ڈیپلو اور تھرپارکر کے کئی دیگر شہروں سے نکلتے ہیں۔ ہر قافلہ اپنا ایک علم اٹھائے ہوتا ہے جس پر ترشول کو مور کے پروں وغیرہ سے سجایا ہوا ہوتا ہے جسے چھڑی صاحب کہا جاتا ہے۔ قافلے میں شامل یاتری ناچتے گاتے میلوں کا سفر پیدل طے کر کے دیسی مہینے جیٹھ کی گیارہویں تاریخ کو میلے کے مقام پر پہنچتے ہیں۔

کئی دنوں کے اس سفر میں ان کے آرام اور کھانے پینے کا انتظام راستے میں آنے والے دیہات کے لوگ کرتے ہیں اور جب یہ قافلے آگے بڑھتے ہیں تو میزبان دیہات کے لوگ بھی اس میں شامل ہو جاتے ہیں۔

ہر سال کی طرح اس سال بھی اسلام کوٹ سے روانہ ہونے والے قافلے نے مٹھی کے قریبی دیہات ساتار میں قیام کیا۔ 30 سالہ لالو کولھی جو دیہاڑی پر مزدوری کرتے تھے، اسی گاؤں کے تھے اور ہر سال قافلے کی خدمت میں بڑھ چڑھ کر حصہ لیتے تھے۔ اس سال بھی جب قافلہ سستانے کے بعد روانہ ہوا تو وہ اپنے گاؤں کے دوسرے لوگوں کے ساتھ اس میں شامل ہو گئے۔

یہ 29 مئی کی رات تھی اور موسم غیر معمولی طور پر ابرآلود تھا۔ 9 بجے کے قریب گرج چمک کے ساتھ بارش شروع ہو گئی اور پھر قیامت ٹوٹ پڑی۔ اچانک آسمانی بجلی کڑکی اور قافلے پر گر گئی۔

لالو کولھی سمیت چھ افراد موقعہ پر ہی اجل کا شکار ہو گئے اور نو زخمی ہوئے جنہیں فوری سول ہسپتال مٹھی میں پہنچا دیا گیا۔

تھر میں چار دیسی مہینوں جیٹھ، ہاڑ، ساون اور بھادوں کو برسات کا چوماسہ کہا جاتا ہے۔ یہ عام کیلنڈر میں وسط مئی سے وسط ستمبر کا دورانیہ بنتا ہے اور یہی وہ عرصہ ہے جب تھر کے لوگوں کی نظریں آسمان کی جانب ہوتی ہیں۔

علاقے میں کہاوت مشہور ہے کہ جیٹھ کی بارش اور پلیٹھی (پہلی اولاد) کا بیٹا بھاگوں والوں کو نصیب ہوتا ہے۔ جیٹھ میں بارش بہت ہی کم ہوتی ہے۔ لیکن موسمی اعتبار سے گذشتہ چند برسوں سے کچھ بھی معمول کے مطابق نہیں ہو رہا اور جیٹھ کی بارش لالو کولھی کے خاندان کے لیے تو ہرگز بھاگوان ثابت نہیں ہوئی۔

لالو اپنے والد کے ساتھ ہی ساتار گاؤں کے ایک کچے گھر میں رہتے تھے۔ ان کے 55 سالہ والد ولیو کولھی بھی اپنے بیٹے کی طرح دیہاڑی دار مزدور ہیں۔ اس عمر میں اب ان کے کندھوں پر لالو کی دو کمسن بیٹیوں اور پانچ سالہ بیٹے کی کفالت کا بوجھ بھی آن پڑا ہے۔

تھرپارکر میں آسمانی بجلی گرنے سے ہونے والے حادثات تواتر سے رونما ہو رہے ہیں۔

<h2>آسماں ایک سلگتا ہوا صحرا ہے جہاں</h2>

مٹھی کے ایک قریبی گاؤں کے 70 سالہ بزرگ خان محمد اپنے مشاہدے کی بنیاد پر کہتے ہیں کہ تھرپارکر میں بجلی گرنے کے واقعات اکا دکا ہی ہوا کرتے تھے اور &quot;جان لیوا واقعات تو کبھی کبھار ہی سننے میں آتے تھے۔ مگر پانچ چھ سالوں سے ان میں کافی اضافہ ہو گیا ہے&quot;۔

گذشتہ ماہ (جولائی) کی 9 تاریخ کو اسلام کوٹ کے قریبی گاؤں بھوتاڑو میں آسمانی بجلی گرنے سے 50 سالہ چیتن بھیل اور ان کی 45 سالہ بیوی ردھو بائی جان سے ہاتھ دھو بیٹھے۔ وہ اپنے جھونپڑے میں سو رہے تھے کہ ان پر بجلی آن گری۔ گاؤں والوں نے بجلی گرنے سے ہونے والا دھماکہ تو سنا مگر ڈر کے مارے کوئی بھی اپنے گھر سے نہیں نکلا۔ صبح کو دونوں میاں بیوی کی لاشیں ملیں۔

&nbsp;18 جولائی کو گاؤں پانھیاری میں 30 سالہ وڈکی جو اپنے کھیت میں کام کر رہی تھی آسمانی بجلی کا نشانہ بنی۔ 20 جولائی کو اسلام کوٹ میں بجلی گرنے سے 53 سالہ مزدور نارو بھیل جاں بحق ہوئے۔ 21 جولائی کو مٹھی کے قریب گاؤں مٹھڑیو میں اپنے گھر کے باہر بارش میں بھیگتے ہوئے 22 سالہ دلیپ مینگھواڑ پر بجلی گری اور وہ جان سے ہاتھ دھو بیٹھے۔

اس مہینے میں آسمانی بجلی گرنے سے مٹھی کے گاؤں ویجھیار میں سات اونٹ ، گاؤں کولھی ویری میں دو گائیں، ڈیپلو تحصیل کے گاؤں جھرمریو میں 30 بکریاں، مٹھی تحصیل کے گاؤں عالمسر میں 13 اور گاؤں ٹاھو میں آٹھ بکریاں مر گئیں۔

تھرپارکر کی اکثریتی آبادی کے گذر بسر کا اہم ترین ذریعہ مال مویشی ہیں اور میڈیا رپورٹس کے مطابق گذشتہ پانچ سالوں میں آسمانی بجلی گرنے سے تین ہزار مویشی ہلاک ہو چکے ہیں۔ زیادہ ہلاکتیں ان مویشیوں کی ہوئیں جو بارش سے بچنے کے لئے درختوں کے نیچے جمع ہو گئے تھے۔

غازی بجیر معروف سندھی اخبار عوامی آواز کے تھرپارکر بیورو چیف ہیں اور گذشتہ پندرہ سال سے اس علاقے سے رپورٹنگ کر رہے ہیں۔ وہ اس مسئلے پر گہری نظر رکھتے ہیں۔ انہوں نے لوک سجاگ کو بتایا کہ جان لیوا حادثات کے حوالے سے 2019ء سب سے برا سال تھا جب ایک ہی دن (14 نومبر) بجلی گرنے کے 25 واقعات میں 30 ہلاکتیں ہوئیں تھیں، اس سال ہلاکتوں کی کل تعداد 40 تھی۔ ان کے جمع کردہ اعدادوشمار کے مطابق اگلے تین سالوں میں یہ تعداد بالترتیب 30، 20 اور 18 رہی اور رواں سال اب تک 12 ہلاکتیں رپورٹ ہو چکی ہیں۔

سرکاری اعدادوشمار اس سے قدرے مختلف ہیں۔ تھرپارکر کے ایڈیشنل ڈپٹی کمشنر 2 سنجے ترکیو کا کہنا ہے کہ 2020ء میں کل 22 لوگوں کی جان آسمانی بجلی کی وجہ سے گئی تھی جبکہ اگلے دو سالوں میں یہ تعداد 10 اور آٹھ تھی۔

14 نومبر 2019ء کے حادثے میں ہلاک ہونے والوں کے ورثا کو سندھ حکومت نے 60 ہزار روپے فی کس امداد دی تھی۔ امسال مٹھی کے قریب آسمانی بجلی گرنے سے چھ نوجوانوں کی موت کے واقعہ کا بھی سندھ حکومت نے نوٹس لیا اور اقلیتی امور کے صوبائی وزیر گیانچند ایسرانی نے مٹھی پہنچ کر مرحومین کے ورثا کو ایک ایک لاکھ روپے کے چیک دیے۔ حکومت بڑے جان لیوا حادثات کے بعد ہی متحرک ہوتی ہے جبکہ اکا دکا واقعات نظرانداز کر دیئے جاتے ہیں۔

<h2>اضافے پر تحقیق کون کرے گا؟</h2>

غازی بجیر چاہتے ہیں کہ تھرپارکر میں ان واقعات میں اضافے کی وجوہات کی تحقیق کی جائے۔ &quot;اس کی سخت ضرورت ہے۔ یہاں واقعات دوسرے علاقوں کی نسبت بہت زیادہ ہو رہے ہیں۔ حکومت اس پر اگر توجہ دے تو اس کی وجوہات سامنے آ سکتی ہیں&quot;۔

ڈائریکٹر محکمہ موسمیات سندھ سردار سرفراز نے لوک سجاگ کو بتایا کہ اب تک اس حوالے سے کوئی تحقیق نہیں ہوئی، اس لیے اضافے کی وجوہات کے بارے میں مستند طور پر کچھ نہیں کہا جا سکتا۔ &quot;پہلے یہ دیکھنا پڑے گا کہ کتنا اضافہ ہوا ہے اور کس طرح ہوا ہے، اس پر ابھی تحقیقی کام ہونا باقی ہے&quot;۔

پاکستان میں آسمانی بجلی گرنے کے واقعات کو ریکارڈ کرنے کا بندوبست کسی محکمے کے پاس نہیں ہے۔

ڈاکٹر عمران شہزاد کامسیٹس یونیورسٹی اسلام آباد کے شعبہ موسمیات کے ہیڈ ہیں۔ انہوں نے لوک سجاگ کو بتایا کہ واپڈا کے ہر گرڈ سٹیشن پر آسمانی بجلی سے بچاؤ کا ایک آلہ لگا ہوتا ہے جس میں ایک کاؤنٹر بھی شامل ہوتا ہے جو بجلی گرنے کے ہر واقع کو گنتا ہے &quot;لیکن کیونکہ یہ آلہ اس واقعہ کا وقت ریکارڈ نہیں کرسکتا، اس لیے اس ڈیٹا کی مدد سے ہم نہیں بتا سکتے کہ کس عرصے میں کتنے واقعات ہوئے اور آیا ان میں اضافہ ہو رہا ہے یا نہیں۔ البتہ بین الاقومی سطح پر ایسی ٹیکنالوجی دستیاب ہے جس سے ہم معلومات کا یہ خلاء پر کر سکتے ہیں&quot;۔

ڈاکٹر عمران نے ایسی ایک تحقیق کے حوالے سے بتایا کہ کراچی اور اسلام آباد میں گذشتہ 15 سالوں میں بجلی گرنے کے واقعات میں ڈھائی سو فیصد اضافہ ریکارڈ کیا گیا ہے۔ ماہرین اس اضافے کو بڑھتی ہوئی موسمی سختیوں کے تناظر میں ہی دیکھتے ہیں۔

آسمانی بجلی گرنے کے واقعات کو ریکارڈ کرنا اور ان کے امکانات کی پیش گوئی کرنا دنیا بھر کے موسمیات کے اداروں کے لیے ایک معمول کا کام ہے۔ بھارت کا محکمہ موسمیات زمینی مراکز اور سیٹلائٹ کی مدد سے حاصل کردہ معلومات کو ملا کر نقشے پر ان واقعات کو ہمہ وقت ظاہر کرتا ہے۔

<a href="https://internal.imd.gov.in/section/satmet/lightning/">بھارت کے محکمہ موسمیات</a> کی موبائل فون ایپ آسمانی بجلی گرنے کے امکانات کو بھی عام صارفین تک براہ راست ہمہ وقت پہنچاتی ہے۔

<h2>حادثات میں اضافہ کیوں ہو رہا ہے؟</h2>

ڈائریکٹر محکمہ موسمیات سندھ سردار سرفراز&nbsp; نے لوک سجاگ کو بتایا: &quot;عام طور پر تمام ہی موسمی انتہاؤں (شدید بارش، شدید طوفان) میں اضافہ ہو رہا ہے، آسمانی بجلی گرنے کے واقعات میں اضافہ بھی اسی سے جڑا ہوا ہے۔ ماحولیاتی آلودگی میں عالمی سطح پر اضافے نے زمین کا درجہ حرارت بڑھا دیا ہے اور اس عمل نے بہت سی موسمی تبدیلیوں کو جنم دیا ہے&quot;۔

ڈاکٹر کلیم اللہ کامسیٹس یونیورسٹی، اسلام آباد کے شعبہ موسمیات کے چیئرمین ہیں۔ انہوں نے موسمیاتی سائنس میں چین سے پی ایچ ڈی کی ڈگری حاصل کی ہے اور پاکستان میں اس پیچیدہ سائنس کے معدود چند محققین میں شمار ہوتے ہیں۔ ان کی تحقیق ظاہر کرتی ہے کہ گزشتہ برس مون سون ہواوں کا راستہ روایتی راستے سے مختلف ہو گیا تھا۔ انہوں نے لوک سجاگ کو بتایا کہ ان بڑی بڑی تبدیلیوں کا موسمی انتہاؤں میں اضافے سے ربط ہے اور جب بارشوں اور طوفانوں میں اضافہ ہوتا ہے تو آسمانی بجلی زمین پر گرنے کے واقعات میں بھی لامحالہ اضافہ ہوتا ہے۔

تھرپارکر میں مختلف اداروں کے ساتھ ماحولیات پر کام کرنے والے دیال صحرائی وکیل ہیں۔ وہ تھر ٹیکنیکل فورم کے چیئرمین بھی ہیں۔ ان کا ماننا ہے کہ آسمانی بجلی گرنے کے واقعات میں اضافے کی کوئی ایک وجہ نہیں ہے۔ &quot;یہ گلوبل وارمنگ اور اس کے نتیجے میں رونما ہونے والی موسمیاتی تبدیلیوں کا شاخسانہ تو ضرور ہے لیکن گذشتہ چند سالوں میں تھر میں شروع ہونے والی اوپن پٹ کول مائننگ بھی اس کی ایک وجہ ہو سکتی ہے&quot;۔

ساؤتھ افریقہ کی یونیورسٹی آف وٹ واٹرزلینڈ میں قائم <a href="https://www.wits.ac.za/eie/research-groups/johannesburg-lightning-research-lab--wits/">جوہانسبرگ لائٹننگ ریسرچ لیبارٹری</a> دنیا بھر میں آسمانی بجلی پر تحقیق کا ایک بڑا ادارہ ہے۔ لوک سجاگ نے وجوہات جاننے کے لیے ان سے رابطہ کیا۔

ادارے کے پروفیسر چندیما گومز نے ای میل پر جواب دیتے ہوئے بتایا کہ &quot;یہ بات دنیا کے مختلف حصوں میں مشاہدے میں آئی ہے کہ وسیع میدانی علاقوں میں جب انسانی سرگرمیاں بڑھتی ہیں تو آسمانی بجلی گرنے کے نتیجے میں ہونے والے حادثات میں اضافہ ہو جاتا ہے۔ غالب امکان یہی ہے کہ تھر میں ان حادثات میں اضافے کی وجہ وہاں شروع ہونے والی کوئلے کی مائننگ ہو&quot;۔

پروفیسر گومز نے واضح کیا کہ بجلی گرنے کے واقعات میں اضافے کے مائننگ جیسی سرگرمی سے براہِ راست تعلق کے بارے میں ابھی کوئی ٹھوس سائنسی تحقیق موجود نہیں ہے لیکن مائننگ میں کیونکہ انسان اور بڑی بڑی دھاتی مشینیں ان علاقوں میں گھومتی پھرتی ہیں جو روایتی طور پر غیر آباد رہے ہیں، اس لیئے وہاں جو بھی آسمانی بجلی گرتی ہے وہ (انسان اور مشینیں) اس کی زد میں آنا شروع ہو جاتے ہیں&quot;۔

<h2>کیا اس آفت سے بچا جا سکتا ہے؟</h2>

مٹھی کے بزرگ خان محمد کا ماننا ہے کہ پہلے آمدورفت کے ذرائع کم ہوتے تھے تو لوگ باہر کم ہی نکلتے تھے مگر اب لوگ باہر بہت آتے جاتے ہیں۔ ان کا اندازہ ہے کہ ماضی کے نسبت اب بجلی گرنے کی حادثات میں چار گنا اضافہ ہو گیا ہے۔

خان محمد کہتے ہیں کہ پہلے لوگ بہت احتیاط کیا کرتے تھے۔ &quot;بارشوں کے وقت دھات خاص طور پر پیتل کے برتنوں کو چھپایا جاتا تھا۔ لوگوں کا خیال تھا کہ ان پر بجلی گر سکتی ہے۔ اس کے علاوہ ہم گھروں کے اوپر اک درخت کی شاخ بھی لگا دیتے تھےکیونکہ لوگوں کا عقیدہ تھا کہ اس پر بجلی نہیں گرتی۔ ہمیں احتیاطی تدابیر اختیار کرنے کی اشد ضرورت ہے۔ اگر ایسے ہی حادثات بڑھتے رہے تو ہمارے مویشی ختم ہو جائیں گے۔ ہمارا تو گزارہ ہی ان پر ہے&quot;۔

دیال صحرائی کے خیال میں سائنٹیفک طریقے سے ایسا بندوبست کیا جا سکتا ہے جو اس آفت سے بچنے میں مددگار ثابت ہو۔ &quot;ایک خاص راڈ پر مشتمل ایسا ایکوپمنٹ موبائل کمپنیوں کے ٹاور پر لگا ہوتا ہے جو آسمانی بجلی کے واقعہ کو حادثے میں تبدیل ہونے سے روک دیتا ہے۔ جہاں یہ لگا ہوتا ہے وہاں ایک ہزار فٹ تک آسمانی بجلی کوئی نقصان نہیں کر سکتی کیونکہ اس کا ارتھ بجلی کو زمین میں ملا دیتا ہے اور کوئی نقصان نہیں ہوتا&quot;۔

ڈاکٹر چندیما گومز کے خیال میں بھی ایسے کم خرچ اقدامات کیے جا سکتے ہیں جو انفرادی اور کمیونٹی کی سطح پر آسمانی بجلی گرنے کے نتیجے میں ہونے والے حادثات کو کم کر سکتے ہیں۔

&nbsp;

موسمیاتی عفریت نے کیا کچھ توڑ ڈالا؟

یا بجلیاں رہیں گی یا آشیاں رہے گا: تھر میں آسمانی بجلی گرنے کے بڑھتے ہوئے واقعات کی ممکنہ وجوہات کیا ہیں؟

مہک کماری مِٹھی کے گرلز ڈگری کالج میں انٹرمیڈیٹ پری میڈیکل کی طالبہ ہیں۔ان کا تعلق تھرپارکر کی تحصیل ننگرپارکر کے گاؤں کاسبو سے ہے۔ وہ پڑھ لکھ کر ڈاکٹر بننا چاہتی ہیں اور اس مقصد کی تکمیل کے لیے انہوں نے اپنے علاقے سے تقریباً 130 کلومیٹر دور اس کالج میں داخلہ لے رکھا ہے جو پورے ضلع میں لڑکیوں کا واحد ڈگری کالج ہے۔

مہک نے کچھ ہی عرصہ پہلے گیارہویں جماعت کا امتحان دیا ہے۔

اس امتحان کی تیاری میں انہیں بہت سی مشکلات کا سامنا رہا کیونکہ کالج میں بیالوجی اور انگریزی کی اساتذہ نہیں ہیں جس کی وجہ سے انہیں بہت سی چیزیں سمجھنے میں مشکل پیش آتی ہے یا وہ سرے سے سمجھ ہی نہیں پاتیں۔

ان کا کہنا ہے کہ کالج میں 80 فیصد طالبات پری میڈیکل تعلیم حاصل کر رہی ہیں۔

چند ماہ پہلے کالج میں باٹنی کے ایک پروفیسر کی تعیناتی ہوئی تھی لیکن زوآلوجی کا کوئی علیحدہ استاد نہیں ہے۔ باٹنی کے استاد ہی وقت نکال کر انہیں زوآلوجی پڑھاتے اور وہی کمپیوٹر لیب میں طالبات کی مدد کرتے ہیں۔

&quot;اس سطح کی پڑھائی میں انگریزی کی اچھی سوجھ بوجھ ہونا ضروری ہے لیکن انگریزی کا استاد نہ ہونے کی وجہ سے ہمیں اپنے سائنسی مضامین میں بہت سی چیزوں اور اصطلاحیں کی سمجھ نہیں آتیں۔اس کے علاوہ کالج میں کئی دیگر مضامین کے اساتذہ بھی نہیں ہیں۔

ضلع میں لڑکیوں کا کوئی اور کالج بھی نہیں ہے اور ہمارے والدین ہمیں حیدرآباد اور کراچی کے کالجوں میں بھیجنے کی استطاعت بھی نہیں رکھتے۔&quot;

مِٹھی کی سترہ سالہ سحرش اس کالج میں گریجوایشن کر رہی ہیں۔ مہک کماری کی تصدیق کرتے ہوئے ان کا کہنا ہے کہ کالج میں مخصوص مضامین کے ماہر اساتذہ کی عدم موجودگی میں طالبات کے لیے پڑھائی مشکل ہو گئی ہے۔ خاص طور پر میڈیکل کی طالبات کے لیے اپنی مدد آپ کے تحت پڑھنا اور سمجھنا ممکن نہیں ہے۔ اس کے لیے کالج میں تدریسی عملے کی کمی پوری کرنا ہو گی۔

ضلع تھرپارکر سات تحصیلوں پر مشتمل ہے جن میں مٹھی،کلوئی، ڈیپلو، اسلام کوٹ، ننگرپارکر، چھاچھرو اور ڈاھلی شامل ہیں۔ مِٹھی تھرپارکر کا ضلعی صدر مقام بھی ہے جہاں سے ننگر پارکر کا فاصلہ تقریباً 150 کلومیٹر، چھاچھرو کا 100کلومیٹر، ڈاھلی کا 170 کلومیٹر، اسلام کوٹ کا 45 کلومیٹر، کلوئی کا 55 اور تحصیل ڈیپلو کا فاصلہ 40 کلومیٹر ہے۔

ان تمام علاقوں سے پڑھنے کے لیے مِٹھی کے گرلز کالج میں آنے والی طالبات کو رہائش کا مسئلہ بھی درپیش ہے۔

کالج کا ہاسٹل بند ہونے کی وجہ سے بیشتر لڑکیوں کو اپنے عزیزوں کے ہاں قیام کرنا پڑتا ہے۔ مِٹھی میں لڑکیوں کے کوئی نجی ہاسٹل بھی نہیں ہیں اور اسی لیے جن کے رشتہ دار نہ ہوں انہیں مکان کرائے پر لے کر رہنا پڑتا ہے جس پر بھاری اخراجات آتے ہیں۔

تھرپارکر میں اس کالج کے قیام کو ڈیڑھ دہائی سے زیادہ عرصہ ہو چکا ہے جہاں تدریسی عملے کی ہمیشہ کمی رہی ہے۔ بظاہر ڈگری درجے کے اس کالج میں بہت سے مضامین کے اساتذہ نہ ہونے کی وجہ سے ڈگری کلاسز ہی شروع نہیں ہو سکیں۔

کالج کے پرنسپل پروفیسر رادھو مل دھیرانی تسلیم کرتے ہیں کہ فزکس، زوآلوجی، انگریزی، ریاضی، اردو، اسلامیات، سندھی اور مطالعہ پاکستان کے شعبوں میں تدریسی عملے کی 21 پوسٹیں خالی ہیں۔

ان کا کہنا ہے کہ ضوابط کے مطابق کالج میں ہر مضمون کا کم از کم ایک استاد ہونا ضروری ہے۔ تاہم اس کالج کے کیٹلاگ میں مضامین کے حساب سے پوسٹیں الاٹ نہیں کی گئیں بلکہ گریڈ کے اعتبار سے عہدے دیے گئے ہیں۔ خالی اسامیوں میں گریڈ 20 کی ایک پوسٹ بھی شامل ہے۔

پروفیسر رادھو مل کے مطابق کالج میں 300 سے زیادہ لڑکیاں زیر تعلیم ہیں جنہوں نے گیارہویں جماعت پاس کرکے انٹر میں آنا ہے جبکہ گیارہویں جماعت میں داخلے شروع ہو چکے ہیں۔ساڑھے تین سے 400 تک نئی طالبات کالج میں داخلہ لیں گی۔ کالج میں مجموعی طور پر تقریباً 700 طالبات پڑھتی ہیں۔

انہوں نے یہ بھی بتایا کہ کالج میں سائنس اور آرٹس کی ایسوسی ایٹ ڈگری میں بھی داخلے دیے جاتے ہیں لیکن اساتذہ نہ ہونے کی وجہ سے ان کی کلاسیں نہیں ہوتیں اور صرف امتحان ہی لیے جاتے ہیں۔ اس وقت ان دونوں ڈگری پروگراموں میں تقریباً 200 لڑکیوں کو داخلہ دیا گیا ہے جو اپنی مدد آپ کے تحت پڑھتی ہیں۔

پروفیسر رادھو مل کہتے ہیں کہ تھرپارکر میں ایک ہی کالج ہونے کی وجہ سے پورے ضلعے کی طالبات عموماً یہیں کا رخ کرتی ہیں۔ تدریسی عملے کی کمی پوری کرنے کے لیے محکمہ تعلیم کو بارہا تحریری درخواستیں دی گئی ہیں لیکن ابھی تک اس معاملے میں کوئی پیش رفت نہیں ہوئی۔

گزشتہ برس ڈسٹرکٹ ایجوکیشن آفیسر نے اپنے محکمے سے چار لڑکیوں کو فزکس، انگریزی، زوآلوجی اور اردو پڑھانے کے لیے کالج میں بھیجا تھا جن کی مدد سے طالبات نے اپنے کورس مکمل کیے۔

اسی طرح بوائز کالج سے عارضی طور پر ایک لیکچرار کی خدمات بھی حاصل کی گئیں۔

&quot;تھرپارکر میں لڑکوں کے پانچ کالجوں سمیت کہیں بھی انگریزی کا کوئی استاد نہیں ہے۔ ضلع کی دو لڑکیوں نے انگریزی کی لیکچررشپ کے لیے پبلک سروس کمیشن کا امتحان پاس کیا ہے جس کے بعد امید ہے کہ ان میں سے کسی کو گرلز کالج مین تعینات کیا جائے گا&quot;۔

انہوں نے بتایا کہ کالج کی لائبریری کو اس کا واحد کیٹلاگر سنبھالتا ہے۔ یہاں 12 کمپیوٹر ہیں لیکن آئی ٹی کا کوئی ماہر نہیں ہے جس کی وجہ سے طالبات کو کمپیوٹر پر اپنے مضامین پڑھنے اور سمجھنے کے لیے دیگر شعبوں کے اساتذہ کی مدد لینا پڑتی ہے۔

تھرپارکر کے سماجی کارکن مکیش راجہ کہتے ہیں کہ لڑکیوں کی تعلیم تھرپارکر کا بہت بڑا مسئلہ ہے۔ ہر تحصیل میں گرلز کالج ہونا چاہیے تاکہ طالبات کو اپنے گھر کے قریب معیاری تعلیمی سہولیات میسر آ سکیں۔

&quot;چونکہ موجودہ ڈگری کالج میں اساتذہ کی کمی ہے اس لیے یہ کالج طالبات کے لیے تاحال کچھ زیادہ مفید ثابت نہیں ہوا&quot;۔

تھرپارکر میرپور خاص ڈویژن کا حصہ ہے جس کے ڈائریکٹر کالجز پروفیسر میر چند اوڈ تسلیم کرتے ہیں کہ نئی بھرتیاں نہ ہونے کی وجہ سے مِٹھی گرلز کالج کی طالبات کو&nbsp; تعلیمی مسائل کا سامنا ہے۔ اس کی ایک وجہ وہ یہ بتاتے ہیں کہ تھرپارکر کے کئی نوجوانوں نے پبلک سروس کمیشن کا امتحان پاس کر رکھا ہے لیکن وہ تھرپارکر آ&nbsp; کر نوکری نہیں کرنا چاہتے۔

میر چند اوڈ کے مطابق انہوں نے اعلیٰ حکام کو اساتذہ کی کمی پوری کرنے کے لیے تحریری طور پر لکھ بھیجا ہے۔ وہ کہتے ہیں کہ یہ مسئلہ دیرپا طور پر اسی صورت حل ہو گا جب مقامی تعلیم یافتہ لوگ اپنے علاقے میں کام کرنے کو ترجیح دیں گے۔

رحیم یار خان کے گرلز کالجوں میں دو ہزار طالبات کو پڑھانے کے لئے صرف 14 اساتذہ

تھرپارکر کا گرلز کالج: یہاں صرف فزکس، زوآلوجی، انگریزی، ریاضی، اردو، اسلامیات، سندھی اور مطالعہ پاکستان کے استاد نہیں ہیں

گورنمنٹ صادق فقیر ڈگری کالج مٹھی میں زیر تعلیم&nbsp; روی شنکر&nbsp; نواحی گاؤں وہار کے رہائشی ہیں۔برسوں قبل اپنے شہر میں وسیع و عریض کیڈٹ کالج بنتا دیکھا تو انہوں نے بھی فوج میں کمیشن حاصل کرنے کے خواب سجا لیے تھے۔

وہ اب ایف ایس سی&nbsp; میں پہنچ گئے ہیں مگر کیڈٹ کالج تا حال زیرتعمیر ہے۔

روی کے والد کھیت مزدور ہیں&nbsp; اور فصل کی کٹائی سیزن کے بعد آس پاس&nbsp; دیہات میں جوتوں کی مرمت کا کام کر تے ہیں۔مشکل سے بیوی اور تین بچوں کا کا گذارہ ہوتا ہے۔

سترہ لاکھ سے زائد آبادی کے ضلع تھر پارکر میں 2017 ء کی مردم شماری کے مطابق 43.39 فیصد ہندو رہائش پذیر ہیں۔ یہاں خواندگی کی شرح 20 فیصد سے کم اور لوگوں کی اکثریت غربت کی لکیر سے نیچے زندگی بسر کر رہی ہے۔

سابق صدر آصف علی زرداری نے 2011 ء میں یہاں معیاری تعلیم کے لیے &#39;مٹھی کیڈٹ کالج &#39;بنانے کا اعلان کیا تھا۔چند ماہ بعد ہی سندھ کابینہ نے ادارے کے قیام اور اس کے لیے رقم کی باضابطہ منظوری دی تھی۔

حکومت نے کالج کے لیے مٹھی شہر سے دو کلومیٹر&nbsp; شمال میں 89 ایکڑ سرکاری اراضی دی۔ یوں 2012 ء میں بائی پاس چیلہار موڑ کے قریب منصوبے کا سنگ بنیاد رکھا گیا تاہم 11 سال بعد بھی یہ کالج مکمل نہیں ہو سکا۔

اسسٹنٹ انجنیئر ایجوکیشن ورکس تھرپارکر فراز عثمان کہتے ہیں کہ شروع&nbsp; میں اس منصوبے کی لاگت کا تخمینہ 49 کروڑ روپے تھا۔اس رقم سے کالج کا اکیڈمک &quot;بلاک، ہاسٹلز اور اندرونی رابطہ سڑکیں تعمیر کی جانا تھیں۔

&nbsp;وقت کے ساتھ لاگت میں اضافہ ہوتا چلا گیا اور 2016 ء میں تخمینہ 99 کروڑ 29 لاکھ کے قریب پہنچ چکا تھا&quot;۔

وہ بتاتے ہیں کہ منصوبے پر اب تک 23 کروڑ 80 لاکھ روپے خرچ ہو چکے ہیں۔یہ رقم کالج کی باؤنڈری وال، عمارت کے سٹرکچر اور مٹھی روڈ بائی پاس سے کالج تک رابطہ سڑک کی تعمیر پر خرچ کی گئی ہے۔

اسسٹنٹ انجنیئر نے بتایا کہ اس کام کا ٹھیکہ شوکت میمن کو دیا گیا اور بشیر میمن کی کمپنی کو کنسلٹنٹ مقرر کیا گیا۔ منصوبہ2019 ء میں مکمل کرنے کا ہدف تھا۔

کالج کی تعمیر میں تاخیر پر&nbsp; مٹھی کے رہائشی سماجی کارکن اکبر درس نے&nbsp; 2022ء میں وزیر اعظم کے سٹیزن پورٹل پر&nbsp; شکایت کی تھی۔جس پر ایگزیکٹو انجینئر(ایکسیئن) نے ایجوکیشن ورکس سے ملے جواب کی روشنی میں سپرنٹنڈنٹنگ انجینئر کو بتایا تھا کہ منصوبے کے کنسلٹنٹ اور کنٹریکٹر کے جھگڑے کے باعث کام بند پڑا ہے۔

اس سلسلے میں کنسلٹنٹ اور ٹھیکیدار دونوں موقف دینے سے انکاری ہیں ۔

&nbsp;محکمہ ایجوکیشن ورکس کے ایک اہلکار نے نام ظاہر نہ کرنے کے شرط پر بتایا ہے کہ سابقہ کنسلٹنٹ اور ٹھیکیدار آپس میں رشتہ دار ہیں۔ان کے درمیان پہلے ہی سے کوئی اختلاف تھا۔بعد ازاں منصوبے میں تاخیر اور مٹیریل کی کوالٹی پر دونوں میں تلخ کلامی ہو گئی تھی۔

اہلکار کا کہنا ہے کہ &quot; چوںکہ دونوں ایک ہی برادری سے تعلق رکھتے تھے اس لیے ان کے بڑے بیچ میں آ گئے اور معاملہ محکمانہ کاروائی تک نہیں پہنچا۔ بعد ازاں کنسلٹنٹ نے اپنامعاہدہ ختم کر دیا ۔&quot;

اسسٹنٹ انجنیئر نے بتایا کہ منصوبے کی تکمیل پر کالج میں 300&nbsp; کیڈٹس کا داخلہ ہونا تھا لیکن کام رک گیا۔

&quot;رواں بجٹ کے سالانہ ترقیاتی پروگرام میں یہ منصوبہ بھی شامل ہے۔نیا کنسلٹنٹ مقرر ہوتے ہی کام شروع کر دیا جائے گا&quot;۔

تھرپارکر میں 10 سال سے کوالٹی ایجوکیشن کے لیے کام کرنے والے 35 سالہ امتیاز نور کنبھار ینگ سوشل ریفارمز فائونڈیشن&nbsp; کے نائب صدر اور ماسٹر ٹرینر ہیں۔

وہ کہتے ہیں کہ تھرپارکر میں کیڈٹ کالج جیسا ادارہ بچوں&nbsp; کی صلاحیتوں کو نکھارے گا اور یہاں معیاری تعلیم ملے گی۔اس کالج سے تھرپارکر کے بچے فورسز سمیت مختلف اداروں میں جا سکیں گے۔

امتیاز نور کے مطابق تھرپارکر&nbsp; کے لوگ باہر کے شہروں میں بچوں کو پڑھانے کی حیثیت نہیں رکھتے ہیں یہاں کالج ہوگا تو داخلے میں مقامی بچوں کا کوٹا بھی زیادہ ہوگا۔

تھر پارکر سے منتخب&nbsp; جی ڈی اے کے رکن صوبائی اسمبلی رزاق راہموں کہتے ہیں کہ کیڈٹ کالج تھرپارکر کے لیے بڑا منصوبہ ہے مگر محکمے کی لاپروائی&nbsp; کے باعث مکمل نہیں ہو سکا۔ امید ہے کہ محکمہ اس کو جلد مکمل کرے گا۔

سندھی شاگرد تحریک کے رہنما کبیر بھیل کہتے ہیں کہ سندھ میں تعلیم اور سکولوں کی حالت&nbsp; اچھی نہیں ہے۔ حکومت پرائمری سکولوں کو بھی عمارتیں مہیا نہیں کر پائی، کیڈٹ کالج تو تھر والوں کے لیے ایک خواب جیسا ہے۔ یہ منصوبہ جلد مکمل نہ ہوا تو بھرپور احتجاج کریں گے۔

مقامی ایم۔پی اے ارباب لطف اللہ&nbsp; اور سریندر ولاسائی سے رابطے&nbsp; کی کوشش کی گئی لیکن انہوں نے کوئی تبصرہ کرنے سے گریز کیا۔

کیڈٹ کالج منصوبے میں تعطل کے بعد روی شنکر نے فوج میں جانے کا ارادہ ترک کردیا ہے۔ وہ اب ڈاکٹر بننا چاہتے ہیں۔

&quot;کیڈٹ کالج کے قیام کا سن کر بہت خوشی ہوئی تھی۔ خواہش تھی کہ میں بھی یہاں پڑھوں۔ تھرپارکر کے بچوں کو بڑے بڑے خواب دکھائے گئے لیکن ان کی تکمیل کا کسی نے نہیں سوچا۔&nbsp; &quot;

ضلع واشک کا پہلا انٹرکالج: سات سال سے زیر تعمیر عمارت اور اس میں زیر تعلیم طلبا کی کہانی

تھرپارکر کے' بچوں کے خواب' اور  کیڈٹ کالج کی تعمیر کی کہانی

تھرپارکر کے محمد شریف جونیجو پچھلے پینتیس سال سے کھیتی باڑی کر رہے ہیں لیکن کم ہی ایسا ہوتا ہے کہ ان کی فصل اچھے داموں فروخت ہو جائے۔ جب وہ فصل کا بیج خریدنے جاتے ہیں تو اس کے نرخ چڑھے ہوتے ہیں اور جب وہ اپنی پیداوار لے کر منڈی پہنچتے ہیں تو اس کی قیمت گر چکی ہوتی ہے۔

شریف کا تعلق تھرپارکر کے گاؤں ڈابھڑو سے ہے۔ اس پورے علاقے میں زراعت کا دارومدار بارش پر ہوتا ہے۔ بارش بروقت اور اچھی ہو تو فصل اچھی ہو جاتی ہے وگرنہ انہیں اس سے کوئی خاص آمدن نہیں ہوتی۔ اسی لیے انہوں نے گھریلو اخراجات پورے کرنے کے لیے 25 بکریاں بھی پال رکھی ہیں۔

وہ بتاتے ہیں کہ گزشتہ سال انہوں نے گوار کا بیج سات ہزار روپے فی من کے حساب سے خریدا تھا۔

&quot;فصل تیار ہوئی تو منڈی میں اس کا فی من ریٹ دو ہزار 800 سے تین ہزار 200 روپے تک نکلا&quot;۔

اس برس انہیں فی من بیج آٹھ ہزار روپے میں ملا ہے جو ان کے بقول بارشوں کا موسم شروع ہونے کے بعد مزید مہنگا ہو جائے گا۔

یہی حال باجرے کا ہے جس کا بیج انہوں نے پچھلے سال چھ ہزار روپے من میں خریدا تھا مگر ان کی فی من پیداوار دوہزار 900 روپے میں فروخت ہوئی۔ انہوں نے موٹھ کا بیج آٹھ ہزار روپے من کے حساب سے خریدا جس کی فصل تین ہزار 800 روپے فی من کے ریٹ پر بکی۔

شریف کہتے ہیں کہ اس مرتبہ موٹھ کے بیج کی قیمت بہت بڑھ گئی ہے لیکن انہیں خدشہ ہے کہ چار ماہ بعد جب فصل تیار ہو گی تو اس کے قیمت گر چکی ہو گی کیونکہ وہ سالہا سال سے یہی دیکھتے چلے آئے ہیں۔

&quot; چار ماہ کی محنت کے بعد فصل سے اتنی آمدن بھی نہیں ہوتی کہ چھ سے آٹھ ماہ گزار سکوں۔ جب پیسے ختم ہو جاتے ہیں تو اپنی بکریاں بیچ کر گھر چلاتا ہوں۔ گھر میں شادی بیاہ ہو یا کوئی بیمار پڑ جائے تو قرض لینا پڑتا ہے&quot;۔

تھرپارکر کی تحصیل چھاچھرو کے کاشت کار گلاب را کہتے ہیں کہ اس علاقے میں کھیتی باڑی سے اتنی آمدن نہیں ہوتی کہ اس سے گھر کا سالانہ خرچ پورا ہو سکے۔ انہوں نے بھی شریف جونیجو کی طرح چند بھیڑ بکریاں پال رکھی ہیں جو آڑے وقت میں ان کے کام آتی ہیں۔

گلاب کہتے ہیں کہ اگر سرکار ہر سال اس علاقے کی مخصوص فصلوں کی امدادی قیمت مقرر کرے، تبھی یہاں کھیتی باڑی کرنے میں فائدہ ہے۔

&quot;سرکار صرف گندم، گنے اور کپاس کی امدادی قیمتوں کا اعلان کرتی ہے۔ اگرچہ ان پر بھی پوری طرح عمل نہیں ہوتا لیکن تھوڑا بہت فائدہ ضرور ہو جاتا ہے&quot;۔

وہ بتاتے ہیں کہ ان کے علاقے میں زیادہ تر کسان گوار کاشت کرتے ہیں کیوں کہ اس کی فصل سخت گرمی اور بارش میں تاخیر کے باوجود قائم رہتی ہے۔

باجرا نسبتاً کم لوگ کاشت کرتے ہیں کیوں کہ اس پر زیادہ محنت کرنا پڑتی ہے۔ جب اس کی فصل تیار ہونے لگتی ہے تو ڈھائی ماہ تک اس کی دیکھ بھال کرنا خصوصاً اسے پرندوں سے بچانا بھی ضروری ہوتا ہے۔ لیکن اس کی قیمت سب فصلوں سے کم ملتی ہے اور زیادہ تر لوگ اسے گھر میں بطور خوراک استعمال کرنے کے لیے رکھ لیتے ہیں۔

چھاچھرو میں گوار کے کاشت کار بیجل کولہی ٹریکٹر کے ذریعے فصل کی بوائی کرواتے ہیں جس پر فی گھنٹہ ڈھائی ہزار روپے کے حساب سے تقریباً ساڑھے سات ہزار روپے خرچ ہوتے ہیں۔

گزشتہ برس انہوں نے پانچ ہزار روپے دے کر بوائی کروائی تھی، بیج کا خرچ الگ تھا اور فصل پر ان کے بیٹے بیٹیوں اور بیوی نے بھی کام کیا۔

جب وہ اپنی فصل لے کر منڈی میں گئے تو وہ 21 ہزار روپے میں بکی۔

بیجل کہتے ہیں کہ گوار پر آمدن نہ ہونےکے برابر ہے۔ اس لیے اکثر وہ اپنی فصل کو بطور سبزی استعمال کرنے کے لیے گھر میں ہی رکھ لیتے ہیں۔

&quot; کھیتی باڑی سے فائدے کی امید نہ ہو تو ہم شہر جا کر مزدوری کرتے ہیں۔یہی حالات رہے تو انہیں کاشت کاری چھوڑنا پڑے گی&quot;۔

مٹھی میں ان دِنوں دکانوں پر گوار آٹھ ہزار روپے فی من، باجرا چار ہزار روپے فی من، مونگ ساڑھے چھ ہزار ، موٹھ چار ہزار 800 روپے اور تل 500 روپے فی کلو مل رہا ہے۔

تھرپارکر کی یہی مخصوص فصلیں ہیں جنہیں تیار ہونے میں تین سے چار ماہ لگتے ہیں۔

تھر پارکر کی تحصیل اسلام کوٹ میں ٹریڈر ایسوسی ایشن کے صدر کلدیپ پاروانی کسانوں کو فصلوں کی کم قیمت ملنے کا ذمہ دار برآمد کنندگان کو ٹھہراتے ہیں۔

ان کا کہنا ہے علاقے میں اکثر کسان گوار کاشت کرتے ہیں۔ گوار بیرون ملک برآمد ہوتا ہے کیونکہ اس کا پاؤڈر مختلف صنعتوں میں بھی استعمال کیا جاتا ہے۔ اس کے علاوہ ڈیٹرجنٹ انڈسٹری بھی گوار خرید کر کام میں لاتی ہے۔

کلدیپ کے بقول فصل تیار ہونے کے بعد برآمد کنندگان تھرپار میں آتے ہیں اور اندازہ لگاتے ہیں کہ اس مرتبہ فصل کیسی ہوئی ہو گی؟

اگر انہیں محسوس ہو کہ فصل اچھی ہے تو وہ اس کی قیمت میں کمی کر دیتے ہیں۔ اگر فصل اچھی نہ ہو تو کسانوں کو مناسب دام مل جاتے ہیں۔

&quot; موٹھ اور مونگ حیدرآباد اور کراچی کی دال ملوں میں فروخت ہوتی ہے اور ان دونوں کی قیمت بھی وہی فیکٹریاں طے کرتی ہیں۔ باجرا عام مارکیٹ میں بکتا ہے اور اس کی قیمت طے کرنے میں بڑے شہروں کے تاجروں کا نمایاں کردار ہوتا ہے&quot;۔

تھرپارکر کے ڈپٹی کمشنر لال ڈنو منگی مقامی فصلوں کی سرکاری قیمت سالانہ بنیادوں پر طے کرنے کی اہمیت کو تسلیم کرتے ہیں۔

ان کا کہنا ہے کہ اس مقصد کے لیے متعلقہ ادارے تو موجود ہیں لیکن وہ اپنا کام درست طریقے سے نہیں کر رہے۔

وہ یقین دہانی کراتے ہیں کہ اس مرتبہ وہ تمام اداروں سے رابطہ کر کے فصلوں کا سرکاری ریٹ مقرر کرنے کے لیے کمیٹی بنائیں گے جس کے فیصلوں پر عمل بھی کروایا جائے گا۔

&quot;پرائس کنٹرول کمیٹی کو ہدایات دی جائیں گی کہ وہ ان فصلوں کی قیمتوں کی موثر نگرانی کرے&quot;۔

کلدیپ تجویز کرتے ہیں کہ حکومت گندم کی طرح تھرپارکر کی مقامی فصلوں کے بھی خریداری پوائنٹ قائم کر کے اپنے مقررہ نرخوں پر فصل خریدے تو کسانوں کو جائز قیمت ملے گی۔

وہ کہتے ہیں کہ حکومت تھرپارکر میں اپنے گودام قائم کر کے ان میں گوار اور دیگر فصلیں خرید کر رکھے تو ناصرف منڈی میں ان کے بیجوں کی قیمت مناسب حدود میں رہے گی بلکہ پیداوار کی قیمتوں میں ناجائز کمی کے مسئلے پر بھی قابو پایا جا سکے گا۔

&quot;جب حکومت خود ان فصلوں کو فروخت کرے گی تو ناصرف کسانوں بلکہ مقامی لوگوں اور تاجروں کو بھی فائدہ ہو گا&quot;۔

سندھ میں سستے آٹے کے حصول کی راہ میں کون رکاوٹ ہے؟

'بیج مہنگے ملتے ہیں اور فصل سستی بکتی ہے'، تھرپارکر کے کسان مقامی فصلوں کی امدادی قیمتیں مقرر کرنے کے خواہاں

چھیالیس سالہ ہریاں ننگر پارکر کے گاؤں اون وانڈھیو کی رہائشی ہیں۔ان کے شوہر کھیت مزدور ہیں اور وہ خود بھی کڑہائی کر کے کچھ پیسے کما لیتی ہیں۔ گذشتہ دنوں انہیں پیٹ میں شدید درد کی شکایت ہوئی تو انہوں نے گاؤں کے سٹور سے دوا لی لیکن افاقہ نہیں ہوا۔

اہل خانہ انہیں ننگرپارکر کے تحصیل ہسپتال لے گئے جہاں ڈاکٹروں نے ان کے گردوں میں پتھری کی تشخیص کی اور ساتھ یہ بھی بتایا کہ اس کا علاج اس ہسپتال میں ممکن نہیں۔

کچھ روز بعد وہ اپنے بیٹے کے ساتھ ڈیڑھ سو کلومیٹر کا سفر کر کے سول ہسپتال مٹھی پہنچیں لیکن اس ہسپتال نے بھی ان کے علاج سے معذرت کرتے ہوئے انہیں حیدرآباد جانے کا مشورہ دیا۔

ہریاں کے پاس نہ اتنے پیسے ہیں اور نہ وسائل کہ وہ حیدرآباد جا کر اپنی بیماری کا علاج کروا سکیں۔

گردوں کی پتھری ایک عام مرض ہے اور اس کا علاج بالکل پیچیدہ نہیں۔

مٹھی کا سول ہسپتال ٹرشری ہیلتھ کیئر (اعلیٰ ترین) درجے کا ہسپتال ہے جہاں اس مرض کا علاج بائیں ہاتھ کا کھیل ہونا چاہیے۔

پھر ہریاں کو دربدر کیوں ہونا پڑ رہا ہے؟

ضلع تھرپارکر لگ بھگ 20 ہزار مربع کلومیٹر پر پھیلا ہوا ہے جس میں 20 لاکھ لوگ آباد ہیں، 174 بستروں پر مشتمل ڈسٹرکٹ ہیڈ کواٹر ہسپتال جسے عرف عام میں سول ہسپتال کہا جاتا ہے اس علاقے کا واحد بڑا ہسپتال ہے۔

ہسپتال کے سرجن ڈاکٹر زاہد محمود نے لوک سجاگ کو بتایا کہ تھرپارکر کے علاوہ میر پورخاص اور بدین سے بھی مریض سول ہسپتال مٹھی آتے ہیں اور یہاں ہر وقت ہر طرح کے مریضوں کا بہت رش لگا رہتا ہے۔

&quot;یہاں ہر ماہ ایک ہزار سے 1200 تک تو صرف بچے داخل ہوتے ہیں جس کی وجہ سے بہت مشکلات پیدا ہوتی ہیں۔ بیڈ بھر جاتے ہیں تو ایک بیڈ پر دو دو مریضوں کو شفٹ کرنا پڑتا ہے&quot;۔

<h2>خالی پوسٹیں اور غیر حاضر ڈاکٹر</h2>

ڈاکٹر زاہد محمود کے مطابق سول ہسپتال مٹھی میں عملے کی شدید کمی ہے۔انہوں نے بتایا کہ یہاں گریڈ ایک سے 20 تک کی کل 427 اسامیاں ہیں جن میں سے 171 خالی پڑی ہیں۔ ان میں 82 اسامیاں ڈاکٹروں کی اور 89 پیرامیڈیکس اور دیگر عملے کی ہیں۔

ڈسٹرکٹ ہیلتھ افسر تھرپارکر ڈاکٹر ہرچند رائے کہتے ہیں کہ تھرپارکر میں 2015ء سے کوئی نئی بھرتی نہیں ہوئی ہے۔

&quot;اگر صرف خالی اسامیوں پر بھرتی ہو جائے تو بھی ہسپتال کے مسائل حل ہو سکتے ہیں۔ ہم نے سیکریٹری اور ڈی جی کو پہلے بھی لیٹر لکھ کر آگاہ کیا تھا اور ابھی ڈپٹی کمشنر تھرپارکر نے بھی خط لکھا ہے&quot;۔

ڈپٹی کمشنر تھرپارکر لال ڈنو منگی نے سیکریٹری محکمہ صحت سندھ کو خط لکھ کر سول ہسپتال کے مسائل سے آگاہ کیا ہے۔ انہوں نے خالی اسامیوں کو جلد پُر کرنے اور ڈاکٹروں کی حاضری کو یقینی بنانے کا بھی کہا ہے۔

ڈپٹی کمشنر کا کہنا ہے کہ سول ہسپتال ضلع کا اہم اور ہیڈکوارٹر ہسپتال ہے جہاں پر تمام اسپیشلسٹ اور پورے عملے کا تعنیات ہونا لازمی ہے۔

ان کے مطابق یہاں تعینات دس ڈاکٹر بغیر تنخواہ کے لمبی چھٹی پر ہیں جن میں سے کئی بڑے شہروں میں اپنے سینٹر چلا رہے ہیں۔

&quot; کئی فیمیل ڈاکٹر اور گائناکالوجسٹ غیر حاضر رہتی ہیں جس کی رپورٹ سول سرجن نے محکمے کو بھیجی ہے لیکن اس پر اب تک کوئی کاروائی نہیں کی گئی&quot;۔&nbsp; وہ بتاتے ہیں کہ ایک ڈاکٹر نومبر 2022ء کو 90 دن کی میٹرنٹی چھٹی پر گئیں مگر انہوں نے ابھی تک واپس جوائن نہیں کیا ہے۔

<h2>تھرپارکر کے ڈومیسائل پر ڈاکٹر بننے والے تھرپارکر سے بھاگتے ہیں</h2>

ڈاکٹر زاہد محمود کو شکایت ہے کہ لوگ تھرپارکر کے ڈومیسائل پر میڈیکل کالج میں سیٹ تو لیتے ہیں لیکن ڈاکٹر بننے کے بعد تھرپارکر میں ڈیوٹی کرنے پر تیار نہیں ہوتے اور یہاں سے اپنا تبادلہ کروا کے کہیں اور چلے جاتے ہیں۔

&quot;کچھ تو کراچی میں اپنے ذاتی کلینک چلا رہے ہیں&quot;۔

مٹھی کے شہری ایڈوکیٹ عاشق بجیر اپنے علاقے میں صحت کی سہولیات سے نالاں ہیں۔

&quot;تھر پارکر میں محکمہ صحت صرف نام کا ہی رہ گیا ہے۔ دیہات میں سہولیات نہ ہونے کے برابر ہیں۔ تعلقہ ہسپتالوں میں سپیشلسٹ ڈاکٹر ہے نہ ہی کہیں فعال آپریشن تھیٹر ۔ پورے ضلع سے حاملہ خواتین مٹھی لائی جاتی ہیں اور ادھر گائناکالوجسٹ حاضر نہیں ہوتی۔ ہاں یہاں پرائیویٹ کلینک چل رہے ہیں لیکن غریب اتنا پیسہ کہاں سے لائیں؟&quot;

انہیں بھی تھرپارکر کے ڈومیسائل پر ڈاکٹر بننے والوں سے شکایت ہے۔ وہ مطالبہ کرتے ہیں کہ حکومت یہاں کے ڈومیسائل پر ڈگری حاصل کرنے والوں کو پابند بنائے تاکہ وہ یہاں ڈیوٹی کریں۔

ڈپٹی کمشنر نے اپنے خط میں سیکریٹری کو تجویز کیا ہے کہ قریبی اضلاع کراچی، ٹنڈو محمد خان، حیدرآباد، میر پور خاص کے میڈیکل کالج اور یونیورسٹیوں کے گریجویٹ اور پوسٹ گریجویٹ ڈاکٹروں کو روٹیشن کی بنیاد پر تھرپارکر بھیجا جائے تاکہ یہاں کے صحت کے مسائل حل ہو سکیں۔

تھر میں برسوں سے مفت بلڈ بینک چلانے والے سماجی رہنما ماما وشن تھری کا کہنا ہے کہ تھر پارکر بڑی تعداد میں تھلیسیمیا کے مریض بچے بھی ہیں جن کے لیے کوئی سیٹ اپ نہیں ہے نہ ہی سرکاری طور پر ان کی کوئی رجسٹریشن ہو رہی ہے۔

ماما وشن تھری کی تھرپارکر سوشل آرگنائزیشن تھلیسمیا کے 64 مریض بچوں کو مفت خون فراہم کر رہی ہے۔

&quot;محکمہ صحت میں مزید کام کرنے کی اشد ضرورت ہے۔ ہم تھلیسمیا سینٹر کے لیے کوشش کر رہے ہیں اگر حکومت ساتھ دے تو ہم تھلیسیمیا کے مریض بچوں کے لیے یہاں ایک سینٹر بنا سکتے ہیں&quot;۔

'اسے لاہور لے جائیں': ننکانہ صاحب کا ضلعی ہسپتال ہر چوتھے مریض کو دوسرے شہروں کے ہسپتالوں میں کیوں ریفر کر دیتا ہے؟

ساٹھ سالہ عبدالغنی بلوچ ہر وقت کھانستے رہتے ہیں۔ ان کا گلا بیٹھا رہتا ہے اور اکثر ان کے لیے بولنا مشکل ہو جاتا ہے۔ وہ کبھی سرکاری تو کبھی پرائیویٹ ہسپتال جاتے ہیں۔کوئی ڈاکٹر اینٹی بایوٹک تو کوئی اینٹی الرجک دوا تجویز کرتا ہے مگر کھانسی ہے کہ جانے کا نام نہیں لے رہی۔

عبدالغنی ضلع تھرپارکر کے گاؤں ونگو کے رہائشی ہیں۔یہ علاقہ تحصیل ہیڈکوارٹر کلوئی شہر سے آٹھ کلومیٹر دور ضلع بدین کی سرحدپر واقع ہے۔ عبدالغنی بتاتے ہیں کہ انہیں تکلیف تو گھر میں بھی محسوس ہوتی ہے۔مگر جب باہر آتے تو کھانسی زیادہ ہو جاتی ہے۔کام اور مال مویشی کے لیے گھر سے تو نکلنا ہی پڑتا ہے۔

صرف عبدالغنی ہی نہیں یہاں قریبی بستیوں کی نصف سے زیادہ آبادی سانس کی بیماریوں کا شکار ہے ۔اور اس کی وجہ یہاں موجود اینٹوں کے بھٹوں اور کوئلے کے کپوں کا دھواں ہے۔

عبدالغنی کھیت مزدور ہیں ۔وہ 20 ہزار روپے ماہانہ کماتے ہیں اور پانچ بچوں سمیت سات افراد پر مشتمل اپنے خاندان کے واحد کفیل ہیں۔

وہ کہتے ہیں کہ بھٹے اور کپے بااثر افراد کی ملکیت ہیں۔یہ لوگ کسی کی نہیں سنتے۔ اگر کوئی آواز اٹھائے تو اسے دباؤ ڈال کر خاموش کرا دیا جاتا ہے۔

&nbsp;&quot;ہم غریب لوگ ہیں ۔بھٹہ مالکان کی مزدوری کرتے اور انہیں کی زمینیں کاشت کرتے ہیں۔ہم کچھ نہیں کر سکتے بس بیماریاں ہی بھگت رہے ہیں۔&quot;

&nbsp;کلوئی ہی کے باون سالہ زمیندار میرحسن بتاتے ہیں کہ یہاں 50 سے 60 بھٹے اور کوئلے کے لگ بھگ 70 کپُے چل رہے ہیں۔ ان کی وجہ سے کلوئی شہر اور 50 نواحی دیہات کی ایک لاکھ آبادی مشکلات سے دوچار ہے۔

وہ کہتے ہیں کہ دھوئیں اور آلودہ فضا سے نہ صرف انسان بلکہ پرندے اور فصلیں بھی متاثر ہورہی ہیں۔ ان بھٹوں اور کُپوں کے خلاف آج تک کوئی کارروائی نہیں ہوئی۔ لوگ بھی آواز اُٹھانے سے ڈرتے ہیں۔

تحصیل کلوئی کا یہ علاقہ سکھر سے نکلنے والی مٹھڑاؤ کینال کی ٹیل بنتا ہے۔ پانی کی قلت کے باعث یہاں ہزاروں ایکڑ اراضی پر جنگلی کیکر(دیوی) کا جنگل وجود میں آگیا ہے۔مقامی لوگ اب اس لکڑی سےکوئلہ بناتے اور اسےبیچ کر گزارا کرتے ہیں۔

&nbsp;کوئلہ بنانے کے لیے گیلی یا سوکھی لکڑی کو جھونپڑی نما &#39;کپوں&#39; میں جلایا جاتا ہے ۔جلتی آگ کے دوران کپوں کا منہ بند کر دیا جاتا ہے۔بعد میں کئی روز ان سے مسلسل دھواں نکلتا رہتا ہے۔

یہی صورت حال تحصیل کلوئی میں اینٹوں کے بھٹوں کی ہے۔ایک لاکھ 18ہزار آباد ی پر مشتمل اس چھوٹی سی تحصیل میں 50 سے زیادہ&nbsp; بھٹے ہیں۔ شہر کے ارد گرد چار کلو میٹر علاقے کے میں دس بھٹے کام کر رہے ہیں جن کی وجہ سے علاقے پر دھوئیں کے بادل منڈلاتے رہتے ہیں۔

اس علاقے کا قریب ترین سرکاری ہسپتال کلوئی رورل ہیلتھ سنٹر ہے۔سرکاری ریکارڈ کے مطابق یہاں آؤٹ ڈور میں اوسطاًروزانہ 120 مریض آتے ہیں جن میں سے تقریباً 70 نزلہ ،کھانسی ،دمہ اور سر میں درد کی شکایت کرتے ہیں۔

ہسپتال کے میڈیکل سپرنٹینڈنٹ ڈاکٹر نھچل داس کہتے ہیں کہ دھوئیں سے کئی طرح کی بیماریاں پھیل رہی ہیں۔ اس سے پھیپھڑے متاثر ہوتے ہیں۔ دمہ بھی اسی سے شروع ہوتا ہے اور مریضوں کی سانس گھٹی رہتی ہے۔

صرف کلوئی ہی نہیں بدین کی تحصیل ٹنڈوباگو کے 30 سے زیادہ دیہات میں بھی یہی صورتحال ہے۔

سندھ انوائرمنٹل پروٹیکشن ایکٹ 2014ء کی شق 17 کے تحت ماحول پر منفی اثرات مرتب کرنے والا کوئی بھی یونٹ لگانے پر پابندی ہے۔ایسا کوئی کمرشل یا صنعتی کام شروع کرنے سے پہلے سندھ انوائرمنٹل پروٹیکشن ایجنسی(سیپا) سے منظوری لازم ہے۔

سیپاایکٹ کے تحت ایسا یونٹ&nbsp; شروع کرنے سے قبل&nbsp; معائنہ نہ کرانے اور منظوری نہ لینے (سیکشن 11، 17، 18اور 21 کی خلاف ورزی) کی صورت میں 50 لاکھ روپے جرمانہ کیا جائے گا۔ ماحولیات کو نقصان پہنچانے پر روزانہ ایک کروڑ روپے تک جرمانہ ہو سکتا ہے مگر ایسا کبھی ہوا نہیں ہے۔

سابق ایم پی اے سریندر ولاسائی نے اس حوالے سے سندھ اسمبلی میں سوال آواز اٹھائی تھی۔جس پر بتایا گیا کہ کلوئی تحصیل میں صرف 6 بھٹے ہی رجسٹرڈ ہیں اور ان میں کوئی بھی زگ زیگ ٹیکنالوجی پر نہیں ہے۔

&nbsp;یہ معاملہ سامنے آنے پر اسمبلی میں ہیومن رائٹس کمیٹی بنائی گئی تھی۔کمیٹی نے علاقے کا دورہ کیا۔وہاں ایک طبی کیمپ لگایا گیا۔اس کے بعد کمیٹی واپس چلی گئی اور پھر خاموشی چھا گئی۔

آغا خان ہسپتال کراچی میں دماغی و اعصابی بیماریوں کے ماہر پروفیسر ڈاکٹر محمد واسع کہتے ہیں کہ نوجوانوں سمیت پاکستان کی نصف آبادی کسی نہ کسی غیر متعدی مرض میں مبتلا ہے۔بلڈ پریشر، شوگر، فالج اور دل کی بیماریوں میں اضافے کی بڑی وجہ ماحولیاتی آلودگی ہے۔

ڈپریشن اور نفسیاتی امراض میں بھی اضافہ ہوا ہے۔

سندھ کے سابقہ وزیر ماحولیات اسماعیل راہو بتاتے ہیں کہ زگ زیگ ٹیکنالوجی کے بغیر چلنے والے یہ اینٹوں کے بھٹے غیرقانونی ہیں ۔ان میں پلاسٹک اور ٹائروں سمیت بہت سی ایسی چیزیں جلائی جاتی ہیں جن کا دھواں ماحول کے لیے تباہ کن ہے۔

وہ کہتے ہیں کہ غیر قانونی بھٹوں کے خلاف کارروائی شروع ہو چکی ہے۔ عمرکوٹ میں 27 بھٹوں کے خلاف کاروائی کی گئی ہے۔ 13 افراد پر مقدمات بھی ہو چکے ہیں۔

محمد خان رند سندھ انوائرمنٹ پروٹیکشن ایجنسی کے اسسٹنٹ ڈائریکٹر ہیں۔ ان کا کہنا ہے کہ بھٹوں کے معاملے میں عمرکوٹ کی عدالت میں بھی ایک درخواست دی گئی ہے۔اس پر انہیں بھی ایک لیگل نوٹس آیا تھا اور ابھی کیس کی سماعت چل رہی ہے۔

ان کا کہنا ہے کہ بھٹہ مالکان کو ای پی اے نے نوٹس بھیجے ہیں اور عدالت نے بھی انہیں رجسٹریشن کرانے کی ہدایات دے رکھی ہیں۔اگر بھٹے زگ زیگ ٹیکنالوجی شروع نہیں کریں گے تو ای پی اے انہیں عدالت لے جائے گی۔

محمد خان دعویٰ کرتے ہیں کہ کہ عمرکوٹ کے بعد کلوئی کے گردونواح میں بھٹوں اور درخت کاٹ کر کوئلہ بنانے والوں کے خلاف بھی جلد ایکشن لیا جانا ہے۔

ایڈیشنل ڈپٹی کمشنر تھرپارکر عبدالحمید مغل تصدیق کرتے ہیں کہ کلوئی میں بہت سے بھٹے غیر قانونی کام کر رہے ہیں ۔وہ یہ بھی تسلیم کرتے ہیں کہ یہاں ای پی اے فعال نہیں ہے۔ ان کا کہنا ہے کہ وہ اس سلسلے میں انوائرمنٹ ایجنسی کو لکھیں گے۔ اور دیگر محکموں سے مل کر کام کریں گے۔

ادارہ تحفظ ماحولیات (ای پی اے)سندھ کے ڈی جی نعیم مغل بھی اعتراف کر تے ہیں کہ بھٹے ماحول کے لیے خطرناک بنتے جا رہے ہیں۔ ماحولیاتی آلودگی انسانی صحت کے ساتھ معمول کی انسانی سرگرمیوں کو متاثر کرنے لگی ہے۔

وہ کہتے ہیں کہ ماحولیاتی مسائل میں آگہی اور تعلیم کی کمی کے باعث سے اضافہ ہو رہا ہے۔اس مسئلے پر قابو پانے کے لیے صرف ای پی اے ہی نہیں تمام اداروں اور افراد کو مل کر کام کرنا ہو گا۔

ساہیوال میں کوئلے سے چلنے والا بجلی گھر: 'مقامی معیشت، زراعت اور قدرتی ماحول کی تباہی کا ذمہ دار'۔

تھرپارکر میں کوئلہ بنانے کے کُپے اور اینٹوں کے غیرقانونی بھٹے صحت عامہ کے لیے سنگین خطرہ بن گئے

زیادہ تر میڈیا کے لیے تھر ایک قحط زدہ علاقہ ہے جہاں ہر طرف غربت ، بھوک اور نوزائیدہ بچوں کی موت کا ماتم رہتا ہے۔ لیکن تھر میں اور بھی بہت کچھ ہے جو میڈیا ہی کی وجہ سے عام لوگوں کی نظروں سے اوجھل ہے۔

کم لوگ جانتے ہوں گے کہ تھر میں پہاڑ ہیں، جھیلیں اور برساتی ندیاں ہیں جو بارش کے بعد اس کے حسن کو دوبالا کر دیتی ہیں۔ رنگارنگ ثقافت، خوبصورت مناظر اور قدیم تاریخی و مذہبی مقامات سیاحوں کواپنی طرف کھینچتے ہیں۔ اگست اور ستمبر میں مون سون کے بعد یہاں بہت رونق ہوتی ہے ٹریفک جام معمول بن جاتا ہے اور بعض اوقات تو گاڑیوں کی طویل قطاریں نظر آتی ہیں۔

لیکن اس تمام تر خوبصورتی کے باوجود بعض چیزیں وہاں جانے والے لوگوں کو مایوس کرتی ہیں۔

چالیس سالہ صبیحہ خاتون نواب شاہ سے کارونجھر کے نظارے دیکھنے کے لیے اپنے خاندان کے ساتھ یہاں آئی ہیں۔ ان کا کہنا ہے کہ تھر لاجواب ہے مگر ان کی فیملی یہاں صرف ایک دن ہی گزار سکے گی۔

&quot;رات کو طعام و قیام کے لیے ہمیں مٹھی جانا پڑے گا۔ یہاں ہم جو جگہیں دیکھنے کے لیے آئے ہیں ان تک پہنچنے کے لیے نہ تو کوئی مناسب راستہ ہے اور نہ ہی گائیڈ میسر ہیں۔ یہاں گیسٹ ہاؤس بھی بہت مہنگے ہیں اس لیے تھر میں زیادہ دیر قیام کرنا ممکن نہیں ہے۔&#39;&#39;

ان کا کہنا ہے کہ سیاحتی مقامات پر بیٹھنے اور سستانے کے لیے بھی کوئی انتظام موجود نہیں۔ تاریخی جگہوں کے بارے میں معلومات دینے والا کوئی شخص بھی نہیں ملتا۔ محکمہ سیاحت نے ہر جگہ بورڈ لگا کر اپنے وجود کی نشاندہی تو کر رکھی ہے لیکن لوگوں کی سہولت کے لیے بہت کم کام کیا گیا ہے۔

تھر کے علاقے ننگرپارکر میں سطح سمندر سے 130 میٹر بلند پہاڑی سلسلے میں کارونجھر کی گرینائیٹ والی لال پہاڑیاں خوبصورتی کا نمونہ ہیں۔ یہاں جین اور ہندو دھرم کے مندر، تیرتھ، جھیلیں، بھوڈیسر مسجد اور لوک داستان کی ہیروئن &#39;ماروی&#39; کا گاؤں بھالوا سیاحوں کی توجہ کا مرکز ہیں۔ انگریزوں نےکارونجھر کی چوٹی پر ایک پوائنٹ بنایا تھا جہاں سے دور دور تک تھر کا نظارہ کیا جا سکتا ہے۔

محکمہ سیاحت کے مطابق تھر میں اوسطاً سالانہ 5 لاکھ سیاح آتے ہیں۔ سندھ کے دیہی علاقوں سے بھی لوگوں کی بڑی تعداد یہاں آتی ہے۔ اسی طرح کراچی، اسلام آباد اور پنجاب سے بھی لوگ آتے ہیں۔ ایک اور خاص بات یہ ہے کہ تھرپارکر کی سیاحت میں 60 فیصد حصہ مذہبی مقامات کا ہے۔

<h2>تھر کے مشہورسیاحتی مقامات</h2>

<h2>1۔ نوکوٹ قلعہ</h2>

صحرائے تھر میں بنیادی طور پر نو مشہور سیاحتی مقامات ہیں۔ اس علاقے میں آئے تو سب سے پہلے نوکوٹ کے قریب واقع &#39; قلعہ نو کوٹ &#39;آتا ہے۔ اسے ضلع تھرپارکر کا گیٹ وے بھی کہا جاتا ہے۔ یہاں سے ضلعی ہیڈکوارٹر مٹھی کا فاصلہ 55 کلومیٹر ہے۔ یہ قلعہ 1789 میں میرپورخاص کے حاکم میر شیر محمد ٹالپر کے والد میر علی مراد نے تعمیر کرایا تھا۔ یہ قلعہ اپنے نو برجوں کی وجہ سے مشہور ہے۔

تھر کے بیشتر سیاحتی مقامات تحصیل ننگرپارکر میں واقع ہیں۔یہ علاقہ تاریخی طور پر جین دھرم کا قدیم مرکز رہا ہے۔ آزادی سے پہلے بھی ننگرپارکر اور اس کے قریب اجڑے پاری نگر شہر میں 800 کے قریب جین خاندان آباد تھے لیکن 1947ء میں یہ لوگ ہجرت کر گئے اور بہت سارے مجسمے بھی ساتھ لے گئے۔ اب یہاں جین دھرم کا کوئی پیروکار نہیں رہتا۔

<h2>2۔ گوڑی مندر</h2>

یہاں جین مت سے وابستہ تاریخی &#39;گوڑی مندر&#39; بہت پرانا ہے۔ روایت ہے کہ یہاں جین گرو &#39;پارس ناتھ&#39; کا مجسمہ رکھا ہوا تھا۔ اس مندر کے مینار کے اندر شاندار نقاشی کی گئی ہے۔ بعض نقش تو وقت کے ساتھ ختم ہو گئے مگر کچھ اب بھی باقی ہیں۔

<h2>&nbsp;3۔ ویراواہ جین مندر</h2>

یہاں سفید سنگ مرمر سے بنا &#39;ویراواہ جین مندر&#39; بھی دیکھنے کی جگہ ہے۔کہا جا تا ہے کہ 500 قبل مسیح میں یہ جگہ ایک بندرگاہ ہوتی تھی۔ کبھی یہاں چھ مندر تھے لیکن اب صرف ایک باقی ہے۔

<h2>4۔ بھوڈیسر مسجد</h2>

ننگرپارکر کے قریبی گاؤں بھوڈیسر میں موجود مسجد آثار قدیمہ کا حسین شاہکار ہے۔ اس کے ستون ایک ہی پتھر سے تراشے گئے ہیں۔ بھوڈیسر مسجد گجرات کے حاکم محمود شاہ بن مظفرشاہ بن غیاث الدین نے 1505ء میں تعمیر کرائی تھی۔ بھوڈیسر مسجد میں سفید سنگ مرمر پر &#39;جین فن تعمیر &#39;کے دلکش نقش و نگار دیکھنے والے پر اپنا سحر طاری کر دیتے ہیں۔ اس مسجد کی انفرادیت یہ بھی ہے کہ اس کی تعمیر میں جین دھرم کے کاریگروں نے حصہ لیا تھا۔

<h2>5۔ جین دھرم مندر ننگرپارکر</h2>

بھوڈیسر مسجد سے چند قدم دور&#39;کجلاسر&#39; تالاب کے کنارے بھوڈیسر کا تاریخی مندر واقع ہے جو جین دھرم کے پیروکاروں کا بتایا جاتا ہے۔ یہ مندر 1375 اور 1449 کے درمیانی دور کا ہے مگر آج بھی اس کا وجود شاندار دکھائی دیتا ہے۔ ننگرپارکر شہر کے بیچ شاہی بازار میں واقع جین مندر کی 500 سالہ تاریخ ہے۔ اس مندر کے گنبد کے اندر بنے دائروں میں دھرمی کہانیوں کو نقش کی زبان میں رقم کیاگیا ہے۔

<h2>&nbsp;6۔ ماتا مندر چوڑیو</h2>

پاک بھارت سرحد کے بالکل قریب واقع گاؤں چوڑیو میں ایک پہاڑی چٹان کے نیچے ہندو دھرم کی دیوی &#39;دُرگا ماتا&#39; کا تاریخی مندر واقع ہے جسے ماتا مندر بھی کہا جاتا ہے۔ یہاں سے بھارتی دیہات بھی نظر آتے ہیں۔ یہاں دونوں نوراتوں کو تاریخی میلہ لگتا ہے جس میں شرکت کے لیے بڑی تعداد میں یاتری اور سیاح اس جگہ آتے ہیں۔

<h2>7۔ ساردھڑو اور شو مندر</h2>

کارونجھر پہاڑ ہی کی گود میں بسا &#39;ساردھڑو&#39; مذہبی مقام ہونے کے ساتھ ایک پرسکون جگہ بھی سمجھی جاتی ہے۔ یہاں ہر سال فروری اور مارچ کی درمیانی تاریخوں میں مہاشو راتری کا بڑا میلہ لگتا ہے۔ پہاڑوں سے ایک جھرنا اس مندر میں واقع تالاب میں گرتا ہے۔ اسی تالاب میں لوگ اپنے مرنے والے پیاروں کی استھیاں بہانے آتے ہیں۔ گئو مکھ جھرنا اور بھیم سر کا تالاب بھی انہی پہاڑیوں میں ہیں۔

<h2>8۔ تھر کا سوئٹزرلینڈ</h2>

ننگرپارکر شہر سے آٹھ کلومیٹر دور خوبصورت گاؤں&#39; کاسبو&#39; کو مقامی لوگ تھر کا سوئٹزرلینڈ بھی کہتے ہیں۔ باغات اور لہلہاتی فصلوں میں گھرا یہ چھوٹا سا گاؤں اپنے مندروں اور موروں کی وجہ سے پہچانا جاتا ہے۔ سندھی شعراء نے کاسبو کو اپنی شاعری میں حسن کی علامت کے طور پر استعمال کیا ہے۔

علاوہ ازیں تھرک ول ایریا میں بلاک ون کی کان سے نکلنے والے پانی پر ایک ڈیم بنایا گیا ہے جسے &#39;گوڑانو ڈیم&#39; کہا جاتا ہے۔ یہاں ایک خوبصورت پارک بھی سیاحوں کی توجہ کا مرکز ہے۔

<h2>سہولتیں نہیں ہیں</h2>

&nbsp;دلچسپ بات یہ ہے کہ یہ تمام سیاحتی مقامات تھر کے ان دیہی علاقوں میں واقع ہیں جہاں بہتر سفر اور قیام و طعام کی سہولتیں نہ ہونے کے برابر ہیں۔ ننگرپارکر سے ماتا مندر چوڑیو کا فاصلہ 33 کلومیٹر ہے لیکن یہاں سڑک کچی ہے اور لوگ فور وہیل گاڑیوں پر بمشکل وہاں پہنچ پاتے ہیں۔ چوڑیو تک جیپ کا کرایہ سات سے آٹھ ہزار روپے ہے جبکہ برساتی ندیوں کے باعث سفر اور بھی مشکل ہو جاتا ہے۔

ننگرپارکر گھومنے کے بعد زیادہ تر لوگ مٹھی میں قیام کو ترجیح دیتے ہیں مگر یہاں کوئی بڑا ہوٹل نہیں ہے۔ ضلعی انتظامیہ نے دو گیسٹ ہاؤس بنا کر ٹھیکے پر دے رکھے ہیں اور چند نجی گیسٹ ہاوس بھی شہر میں موجود ہیں مگر یہاں ایک کمرے کا کرایہ تین ہزار روپے سے شروع ہوتا ہے۔

ننگرپارکر میں سیاحوں کے لیے محکمہ سیاحت وثقافت کا &#39;روپلو کولہی موٹیل&#39; نامی گیسٹ ہاؤس بھی موجود ہے مگر اس کے کمروں کا روزانہ کرایہ چھ سےآٹھ ہزار روپے تک ہے جو کم آمدنی والے لوگوں کے لیے بہت زیادہ ہے۔ یہی وجہ ہے کہ بیشتر سیاح یہاں صرف ایک دن قیام کے بعد واپس چلے جاتے ہیں۔

کاشف علی تھر کے فطری حسن کے مداح ہیں اور وہ لاڑکانہ سے اپنی فیملی کے ساتھ ننگرپارکر آئے ہیں۔ صبیحہ خاتون کی طرح انہیں بھی اس علاقے میں سہولتوں کی کمی کی شکایت ہے۔ ان کا کہنا ہے کہ محکمہ سیاحت و ثقافت کے گیسٹ ہاؤس کا کرایہ عام شخص کی استطاعت سے بہت زیادہ ہے۔

مقامی سیاسی و سماجی رہنما شاہنواز ہنگور کہتے ہیں کہ سیاحتی مقامامات پر خواتین کے لیے واش رومز تک موجود نہیں۔ یہاں روزانہ ہزاروں لوگ آتے ہیں جنہیں پینے کو پانی بھی نہیں ملتا۔ سیاحوں کے لیے سہولتیں نہ ہونے کا نقصان یہاں کے مقامی لوگوں کو بھی&nbsp; ہو رہا ہے۔

جی آر جونیجو