The rapid urbanization and deforestation in Balochistan have led to a decline in birds like crows, eagles, and vultures. This article explores the impact of the absence of these birds on Balo

Impact of Urbanization and Deforestation on Bird Species in Balochistan: The Vanishing of Crows, Eagles, and Vultures

پچپن سالہ لال بخش ضلع آواران کے علاقے سستگان جاھو کے رہائشی ہیں۔ وہ بتاتے ہیں کہ تین روز قبل وہ اپنے ساتھی الٰہی بخش کے ساتھ اونٹ پر مزری اٹھانے جارہے تھے۔

&quot;راستے میں کوے کی آواز سنائی دی جو ہم دونوں نے سنی لیکن کوا کہیں نظر نہیں آیا۔ اگلے روز میرا اونٹ بیمار ہوا علاج معالجے کرایا مگر کوئی فائدہ نہیں ہوا اور اونٹ مر گیا۔&quot;

لال بخش کے خیال میں کوے کی آوازہی ان کے اونٹ کی ہلاکت کا باعث بنی۔

تاہم وہ کہتے ہیں کہ مردہ اونٹ دو دن سے وہیں پڑا ہے مگر نہ تو کوئی کوا وہاں منڈلاتا نظر آیا اور نہ ہی کوئی گوشت خور پرندہ جانور کا گوشت کھانے آیا۔

مختلف جانور اور پرندوں کے حوالے سے کئی لوگوں میں توہمات پائے جاتے ہیں۔ کوا شاید وہ واحد پرندہ ہے جس سے صرف برصغیر، بلکہ جاپان سے لے کربرطانیہ اور امریکا تک میں کئی شگون اور کہانیاں (میتھالوجیز) منسوب ہیں۔

بھارت میں لوگ کوے کو&#39;روحوں کا قاصد&#39; سمجھتے ہیں جبکہ ہندودھرم میں اسے عقلمندی کی علامت (کاکا بھوشندی یا کوا دیوتا) قرار دیا گیا ہے۔

بنگلہ دیش میں کوے کی &#39;کائیں کائیں&#39; کو بد قسمتی اور مصیبت کا شگون مانا جاتا ہے۔ جبکہ پاکستان میں کچھ لوگ اسے مہمان کی آمد کی نوید تو بعض &#39;نحوست&#39;خیال کرتے ہیں۔

فوک کہانیوں کا حصہ ہونے سے اندازہ ہو تا ہے کہ کوے کی کوئی نہ کوئی قسم دنیا کے بیشتر خطوں میں پائی جاتی تھی مگر بدقسمتی سے یہ پرندہ پاکستان کے صوبہ بلوچستان کچھ علاقوں میں میں ناپید ہو گیا ہے۔

بلوچستان میں کبھی کوئی باضابطہ &#39;پرندہ شماری&#39; تو نہیں ہوئی تاہم لگتا ہے آواران میں صرف کوا ہی نہیں گدھ، چیل اور شکرے بھی علاقہ چھوڑ گئے ہیں۔

چونسٹھ سالہ بہرام واجہ باغ بازار میں دو دہائیوں سے قصاب کا کام ہیں۔ وہ بتاتے ہیں کہ کوے، چیل ہمیشہ ان کی دکان کے ارد گرد منڈلاتے نظر آتے تھے۔ جونہی جانور ذبح ہوتا تھا ان پرندوں کا جمگھٹا لگ جاتا تھا۔

&quot;کچھ سالوں سے یہ پرندے غائب ہو گئے ہیں اب کئی کئی روز آلائشیں پڑی رہتی ہیں مگر کوئی پرندہ انہیں کھانے نہیں آتا۔&quot;

آواران کی تحصیل جاھو کی پہاڑیاں گدھ کی مصری نسل(مقامی نام گوتو ) کا مسکن ہوا کرتی تھیں۔ اگر کہیں کوئی جانور مر جاتا تو پل بھر ہی بڑی تعداد میں گدھ وہاں جمع ہوجاتے۔ ان کی دیکھا دیکھی کوے چیلیں بھی اپنا حصہ بٹورنے پہنچ جاتے تھے۔

دمب جاھو کے رہائشی گہرام بتاتے ہیں کہ ایک بار انہوں نے یہاں ایک بڑی جسامت والا گدھ(گریفن ) دیکھا تھا مگر اب گدھ تو کیا چیل بھی کہیں نہیں ہے۔

&quot;کچھ عرصہ پہلے یہاں ایک گائے مری تو اسے دفن کرنے کے بجائے کسی نے ندی میں پھینک دیا۔ گوشت کی سڑاند سے ہر طرف تعفن پھیلا رہا مگر کوئی جانور یا پرندہ اس کے قریب بھی نہیں آیا۔ پہلے جب گدھ، چیل کوے ہوتے تھے تو مردہ سڑنے کی نوبت ہی نہیں آتی تھی۔&quot;

<h2>کوّا، چیل اور گدھ کیوں ضروری ہیں؟</h2>

&nbsp;ماحولیاتی ماہرین کہتے ہیں کہ کوے ماحولیاتی نظام اور انسانوں کو کئی فائدے پہنچاتے ہیں۔ یہ ٹڈیاں پتنگے جیسے کیڑوں کو کھا کر ان کی آبادی کنٹرول کرنے میں مدد اور مردار کو صاف کرتے ہیں جس سے بیماریوں کا پھیلاؤ کم ہوتا ہے۔

<a href="https://www.3blmedia.com/news/kites-trees">&quot;جنگل&nbsp; میں چیلوں کی موجودگی ہی اس بات کی علامت ہے کہ جنگل صحت مند ہے۔ جبکہ چیل کے کئی ماحولیاتی فوائد بھی ہیں۔&quot;</a>

گدھ کو تو &#39;فطرت کا خاکروب&#39; کہا جاتا ہے۔ برطانوی نشریاتی ادارے&nbsp; میں شائع ہونے والی امریکن اکنامک ریویو کی تحقیق بتاتی ہے کہ مردہ جانور سڑنے سے زہریلے کیمیکلز اور گیسیں پیدا ہوتی ہیں جن سے بیماریاں جنم لیتی ہیں۔ گدھ ان مردہ جانوروں کو کھا کر ماحول صاف کرتے ہیں۔

رپورٹ کے مطابق <a href="https://www.bbc.com/urdu/articles/c250yndq4jro">جہاں جہاں یہ پرندے (گِدھ) ختم ہوئے وہاں مہلک بیکٹیریا پھیلنے کے واقعات سامنے آئے اور پچھلے پانچ سال کے دوران انفیکشن سے، ہر سال پانچ لاکھ افراد ہلاک ہو ئے ہیں۔</a>

&nbsp;یہ رپورٹ خاص طور پر انڈیا کے حوالے سے تھی جہاں تحقیق کاروں کا اندازہ ہے کہ 2000ء اور 2005ءکے درمیان گِدھوں کی تعداد میں کمی سے قبل از وقت اموات کے باعث معاشی اخراجات کی مد میں سالانہ 69 ارب ڈالر سے زیادہ کا نقصان ہوا۔

انٹرنیشنل یونین آف کنزرویشن آف نیچر(آئی یو سی این) کا کہنا ہے کہ دنیا میں گدھ کی نسلیں تیزی سے معدوم ہوتی جا رہی ہیں۔

تاہم <a href="https://iucn.org/news/pakistan/201912/thar-identified-vulture-safe-zone-pakistan">پاکستان میں 2019 ء کے اعدادوشمار کے مطابق&nbsp; تھر میں 450 پرندے پائے گئے تھے جبکہ کچھ تعداد کیر تھر نیشنل پارک اور گورکھ ہلز(ضلع دادو) میں بھی پائی گئی۔</a>

وائلڈ لائف ریسرچر سلمان بلوچ بتاتے ہیں کہ بلوچستان میں کوے کی دو اقسام پائی جاتی ہیں جن میں کامن ریون(عام کوا) اور براؤن نک ریون (کالی گردن والا) شامل ہیں۔ جاھو میں کامن ریون پایا جاتا ہے مگر اس کی افزائش میں کمی آ ئی ہے۔

ایک اندازے کے مطابق&nbsp; <a href="https://www.britannica.com/animal/common-raven">عام کوے کی ایشیا، شمالی افریقا، شمالی امریکا اور یورپ میں آبادی تقریباً ایک کروڑ 60 لاکھ بتائی ہے مگر آواران میں ایک بھی دکھائی نہیں دیتا۔</a>

<a href="https://biodiversity.lums.edu.pk/lums-biodiversity/birds/black-kite">کوے، گِدھ کی طرح چیل ( شکاری پرندہ) بھی آواران میں کثیر تعداد میں تھا جو تازہ شکار(چوزے اس کی مرغوب غذا ہیں) کے ساتھ مردہ جانور کی صفائی میں بھی کردار ادا کرتا تھا۔ یہ پرندہ بھی کئی سال سے جاھو میں نظر نہیں آرہا حالانکہ دنیا میں اس پرندے کی آبادی 60 لاکھ کے قریب ہے۔</a>

<h2>آخر یہ شکاری پرندے کہاں گئے؟</h2>

بشام گوٹھ جاھو کے رہائشی جمال اس کی وجہ یوں بتاتے ہیں کہ جاھو میں بڑے بڑے جنگل ان پرندوں کے لیے مسکن ہوا کرتے تھے اور لوگوں کا پیشہ گلہ بانی تھا۔ درختوں اور گلہ بانی سے گوشت خور پرندوں کو تحفظ و خوراک مل جاتی تھی۔

&quot;تاہم لوگوں نے گلہ بانی چھوڑ کر زراعت شروع کر دی اور جنگلوں کو کاٹ کر زرعی اراضی میں بدل دیا ہے۔ یہی وجہ ہے کہ پرندے اپنی بقا کے لیے نقل مکانی کر گئے ہیں۔&quot;

سلمان بلوچ کہتے ہیں کہ کوے کو اپنا گھونسلا بنانے کے لیے مسکن نہیں مل رہا۔ جب وہ کمزور مقام پر انڈے دیتے ہیں تو گھونسلا اپنا وجود برقرار نہیں رکھ پاتا اور انڈے یا بچے مر جاتے ہیں۔

تاہم چیف کنزرویٹر وائلڈ لائف بلوچستان شریف الدین بلوچ جانوروں کی ویکسینیشن کو گوشت خور پرندوں کی اموات کی وجہ قرار دیتے ہیں۔

&quot;تحقیقی رپورٹس سے پتا چلتا ہے کہ ان پرندوں کی ہلاکتیں اُن جانوروں کا گوشت کھانے سے ہوئی ہے جنہیں ویکسین لگائی گئی تھی۔ ایسے جانوروں کا گوشت کھانے کی وجہ سے ان کے گردے فیل ہوگئے اور وہ مر گئے۔&quot;

شریف الدین کے موقف کو نیشنل جیو گرافک کی ایک رپورٹ سے تقویت ملتی ہے۔

رپورٹ کے مطابق انڈیا میں، 1990 کی دہائی سے گدھوں کی آبادی میں 99 فیصد سے زیادہ کمی ہوگئی تھی۔ تحقیقات کے بعد گِدھوں کی موت کی ذمہ دار&nbsp; پالتو جانوروں کو دی جانے والی دوا ڈیکلو فینک کو قرار دیا گیا تھا۔

یہ دوا جانوروں میں سوزش کو زائل کرتی ہے لیکن گِدھوں نے جب ایسے جانوروں کو گوشت&nbsp; کھایا جنہیں مرنے کے بعد کھلے میں پھینک دیا گیا تھا تو ان کے گردے فیل ہو گئے۔

اس دوا سے گوشت خور پرندوں کی ہلاکتیں ایک طرف مردار کھانے سے جہاں ماحول کے مسائل سامنے آئے مردار کھانے سے کتوں میں ریبیز اور دیگر بیماریاں بھی دیکھنے میں آئی جن کا براہ راست نقصان انسانوں کو ہوا۔

انڈیا اور بنگلہ دیش دونوں نے بالترتیب 2006ء اور 2010ءمیں ڈیکلو فینک کے ویٹرنری استعمال پر پابندی لگا دی تھی۔ان ملکوں نے گِھدوں کی افزائش کے انتظامات کیے ہیں جس سے ان کی تعداد بڑھ رہی ہے۔

جاھو میں ڈیکلو فینک انجکشن کا استعمال مویشی کے بجائے انسانوں میں عام ہے۔ ڈاکٹر نہ ہونے کے سبب یہاں کے عطائی جوڑوں کے درد یہاں تک کہ بخار کی صورت میں ڈیکلو فینک انجکشن کا استعمال کرتے نظر آتے ہیں۔

وٹرنری آفیسر جاھو محمد اشرف کہتے ہیں کہ یہاں مویشیوں کے علاج کو اہمیت نہیں دی جاتی۔

&quot;مارچ 2023ء میں میری تعیناتی ہوئی تو یہاں جانوروں کے علاج کا کوئی ادارہ نہیں تھا۔ میں نے ڈیری فارم ہاؤس جاھو میں جانوروں کا ایک مفت ہیلتھ سنٹر قائم کیا مگر لوگ اس جانب متوجہ نہیں ہوئے اور مجھے یہ سینٹر بند کرانا پڑا۔&quot;

وہ کہتے ہیں کہ یہاں جانوروں کا علاج معالجے کا دستور نہیں۔ اس لیے ان کے خیال میں یہاں ڈیکلو فینک کا جانوروں میں استعمال نہ ہونے کے برابر ہے۔

تاہم آواران کے رہائشی کاشت کار خادم حسین یہاں گوشت خور پرندوں کی ہلاکت کا ذمہ دار &#39;کتے مار مہم&#39; کو سمجھتے ہیں۔

وہ بتاتے ہیں کہ چند سال قبل لوگوں نے آواران میں کتے مارنے کے لیے گوشت کو خطرناک زہر لگا کتوں کو ڈالنا شروع کر دیا۔ مرنے والے کتوں کی لاشیں کھلے میں پڑی رہیں۔ انہیں جس گوشت خور پرندے نے کھایا وہ مر گیا۔

ماہر ماحولیات عبدالرحیم بلوچ کا ماننا ہے کہ انسانی سرگرمیوں کی وجہ سے ان پرندوں کا جونقصان ہوا اس کے ازالے کے لیے پرندوں کے مسکن اور خوراک کے نظام کو بحال کرنا ہوگا۔

&quot;سب سے اہم مسئلہ آگہی نہ ہونا ہے۔ عام آدمی کو خبر ہی نہیں کہ قدرت کے نظام میں توازن کے لیے گدھ، کوے یا شکرے وغیرہ کا ہونا کتنا ضروری ہے؟سکولوں، مدارس، اور کمیونٹی میں آگاہی کے لیے محکمہ جنگلات و جنگلی حیات سمیت ملکی و بین الاقوامی اداروں کو کردار ادا کرنا چاہیے۔&quot;

چیف کنزرویٹر وائلڈ لائف بلوچستان کہتے ہیں کہ اتنے بڑے صوبے کے لیے محکمے کے پاس افرادی قوت بہت کم ہے۔ وائلڈ لائف پہلے محکمہ جنگلات کا حصہ تھا جس کو تین سال قبل الگ کیا گیا ہے۔

&quot;رواں سال کچھ بھرتیاں ہوئی ہیں ہماری کوشش ہوگی کہ ان پرندوں اور جانوروں کے تحفظ کے لیے اقدامات کریں جو معدومی کا شکار ہو رہے ہیں۔&quot;

درختوں پر طوطے، مینا، نیل کنٹھ اور فاختاؤں کی جگہ چیلوں اور کووں کا بسیرا، لاہور کے خوبصورت پرندے کہاں گئے؟

آواران میں کوے، گدھ اور چیل جیسے گوشت خور پرندے کہاں غائب ہو گئے؟

text

Discover how the adoption of solar technology in Balochistan is creating job opportunities for hundreds of artisans, craftsmen, technicians, and laborers, transforming the region's employment

How Solar Technology is Boosting Employment for Artisans, Craftsmen, Technicians, and Laborers in Balochistan

تریسٹھ سالہ لال بخش، بکر گوٹھ کے رہائشی اور پیشے کے لحاظ سے لوہار(حَداد، مقامی نام) ہیں۔ انہوں نے اپنے گھر کے ساتھ ہی ایک سائبان کے نیچے اپنی ورکشاپ/ بھٹی بنا رکھی ہے۔

یہ جس گاؤں میں رہتے ہیں وہ تحصیل جاھو میں واقع ہے۔ جاھو ضلع آواران کا شہر ہے۔

لال بخش سورج نکلتے ہی اپنے اس ٹھکانے پر پہنچ جاتے ہیں۔ وہ اکیلے کام نہیں کرتے بلکہ ان کے دونوں بیٹے وسیم اور مہیم بھی ان کا ہاتھ بٹاتے ہیں۔ آج کام کا بوجھ ذرا کم تھا اس لیے وسیم نہیں آئے۔ لال بخش نے مہیم کو کام سونپا اور خود مزری کی چٹائی بنانے میں مصروف ہو گئے۔

مہیم نے بھٹی پر کوئلہ رکھنے کے بعد اسےآگ دکھائی، سولر پینلز کی تاریں موٹر کے ساتھ جوڑتے ہی پنکھا چلنا شروع ہو گیا۔

مہیم بتاتے ہیں کہ پہلے بھٹی کا پنکھا ہاتھ سے چلایا جاتا تھا اور پورا دن ایک آدمی مسلسل اس خاص قسم کے پنکھے کا ہینڈل گھماتا رہتا تھا۔ لیکن اب اس فرد کی جگہ برقی پنکھے نے لے لی ہے جو شمسی توانائی سے چلتا ہے۔

&quot;ہاتھ کے پنکھے سے ہمیں ایک اوزار تیار کرنے میں کئی گھنٹے لگتے تھے لیکن سولر نے یہ مشکل آسان کر دی ہے۔ لوگوں کی ڈیمانڈز&nbsp; وقت پر پوری ہو جاتی ہیں اور ہماری آمدن میں بھی اضافہ ہو ا ہے۔&quot;

کچھ عرصہ پہلے تک لال بخش نہیں جانتے تھے کہ بھٹی کا پنکھا سولر انرجی کے ذریعے بھی چلایا جا سکتا ہے۔ وہ بتاتے ہیں کہ ایک دن انہیں کسی کام کے سلسلے میں آواران شہر جانا پڑا جہاں ان کی نظر اپنے ہم پیشہ کاریگر پر پڑی جو اپنی ورکشاپ میں شمسی توانائی استعمال کر رہے تھے۔

&quot;اسی روز ہم نے سولر پلیٹ (پینل) اور چھوٹی سی موٹر والا پنکھا خرید لیا، واپس آ کر ہینڈل کی جگہ اسے لگایا اور کام شروع کر دیا۔ جب پنکھا چلنے لگا تو سب حیران رہ گئے۔ پھر ہماری دیکھا دیکھی آس پاس کے کاریگروں نے بھی یہی طریقہ کار اپنانا شروع&nbsp; کر دیا۔&quot;

اسی اثنا میں بھٹی پر پڑےکوئلے انگاروں میں تبدیل ہوگئے۔ مہیم نے دہکتے انگاروں پر لوہا رکھ دیا اور پنکھے کی طرف اشارہ کرتے ہوئے کہا &quot; دیکھ رہے ہیں؟ جس تیزی سےیہ چل رہا ہے اس رفتار سے ہینڈل کے ذریعے ہوا دینا ممکن نہیں تھا۔&quot;

کچھ ہی دیر میں لوہا گرم ہوکر سرخ ہو چکا تھا، مہیم نے اسے ہتھوڑے سے چوٹیں لگاتے ہوئے درانتی کی شکل دینا شروع کر دی۔

&quot;سولر پلیٹیں ہمارے لیے بہت بڑی سہولت لے آئی ہیں بلکہ یوں کہیں کہ ہمارا اب مکمل طور پر انحصار سولر پر ہی ہو گیا ہے۔ پہلے سست رفتاری کے باعث ہم خراب موسم اور رات میں بھی کام کرتے رہتے تھے مگر اب شام ہوتے ہی کام بند کر دیتے ہیں۔&quot;

سولر ٹیکنالوجی نے صرف لال بخش ہی نہیں بلوچستان کے سیکڑوں ہنرمندوں، کاریگروں، ٹیکنشنز اور محنت کشوں کے روزگار میں آسانیاں پیدا کر دی ہیں۔

چونتیس سالہ زاہد حسین، تحصیل جاھو کے گوٹھ(گاؤں) دمب علی محمد میں نو سال سےاپنی ٹیلرنگ شاپ چلا رہے ہیں۔ انہوں نے درزی کا کام لیاری (کراچی) میں قیام کے دوران اپنے رشتے داروں سے سیکھا تھا۔

وہ بتاتے ہیں کہ جب وہ کراچی سے واپس آئے تو ان کے پاس اتنی رقم نہیں تھی کہ وہ بازار میں دکان کرائے پر لے کر اپنا کام شروع کرتے۔ اس لیے انہوں نے گاؤں میں ہی ٹیلرنگ شاپ کھولنے کا فیصلہ کیا۔

&quot;یہاں بجلی نہیں تھی اس لیے میں نے پیڈل والی سلائی مشین خرید کر کام کا آغاز کیا تھا۔ کچھ عرصے بعد میرے چھوٹے بھائی ریاض میرے ساتھ بیٹھ گئے۔ تاہم 2018ء میں جب ہم نے دکان پر سولر پینل لگائے تو عبدالوحید (کاریگر) کو بھی ساتھ شامل کر لیا۔&quot;

سولر لگانے کا خیال کیسے آیا؟ اس سوال پر وہ کہتے ہیں کہ اسے اتفاق کہہ لیں، ایک روز ان کا یہاں سے بیلہ (80 کلو میٹر دور ضلع لسبیلہ کا شہر) جانا ہوا۔

&quot;وہاں میری نظر ایک ٹیلر ماسٹر (درزی) پر پڑی جو سلائی مشینیں سولر سسٹم پر چلا رہے تھے۔ میں نے ان سے معلومات لیں، سیدھا کراچی چلا گیا اور وہیں سے سولر پینل خرید کر گاؤں واپس آیا۔ دکان پر سسٹم لگانے کے بعد سلائی مشینوں سے پیڈل ہٹا کر ان کی جگہ موٹریں نصب کر دیں۔&quot;

&nbsp;زاہد بتاتے ہیں کہ پہلے ان کی دکان میں پورے دن میں بمشکل دو جوڑے کپڑے سلتے تھے لیکن سولر انرجی کے حصول کے بعد سیزن (عیدین پر ) میں وہ آٹھ آٹھ جوڑے روزانہ تیار کرتے رہے ہیں۔

&quot;بجلی نہ ہونے کی وجہ سے ہم شام ہوتے ہی دکان بند کر دیتے تھے مگر سولر کے ساتھ بیٹری لگانے سے لائٹ کا بھی بندوبست ہو گیا ہے۔ اب ہم رات گئے تک کام کر سکتے ہیں۔&quot;

واجہ باغ بازار، جاھو کے بیچوں بیچ شبیر لطیف کی &#39;سولر الیکٹرک شاپ &#39;ہے جہاں گاہکوں کی بڑی تعداد جمع رہتی ہے۔ کوئی سولر پلیٹ ٹھیک کرانے آیا ہے تو کسی کا سمر سیبل پمپ یا موبائل فون خراب ہے۔

وہ بتاتے ہیں کہ یہ دکان ان کے والد عبدالطیف نے بنائی تھی جو ریڈیو، ٹیپ اور گھڑیوں وغیرہ کی مرمت کرتے تھے۔ لیکن سولر ٹیکنالوجی آنے سے یہ &#39;الیکٹرک شاپ&#39; میں تبدیل ہو گئی ہے جسے انہوں (والد) نے ان کے حوالے کر دیا۔

شبیر لطیف، کاویہ (ٹانکا لگانے والا اوزار) اٹھاتے ہیں اور سولر پلیٹ کے بورڈ کو ٹانکا لگاتے ہوئے اپنی گفتگو جاری رکھتے ہیں۔

&quot;پہلے ٹانکا لگانے میں گھنٹہ لگ جاتاتھا۔ کاویہ گرم کرنے کا کام ابتدا میں تیل والے اسٹوپ (چولہا) اور پھر گیس سلنڈر سے لیا جاتا تھا جس پر کاویہ گرم ہونے کا نام ہی نہیں لیتا تھا۔ اب وہی ٹانکا منٹوں میں لگ جاتا ہےاور یہ سارا کمال سولر کا ہے۔&quot; 
وہ بتاتے ہیں کہ سولر سسٹم آنے سے انہوں نے سکھ کا سانس لیا ہے۔

&quot;صرف کام میں آسانی نہیں ہوئی ہماری آمدن میں بھی اضافہ ہوا ہے۔ یہ پنکھے اور لائٹنگ جو اس وقت نظر آ رہی ہے یہ سب سہولتیں ہمارے تصور میں بھی نہیں تھیں۔&quot;

انہوں نے بتایا کہ اپنا سارا سسٹم چلانے کے لیے انہوں نے 580 واٹ کا صرف ایک سولر پینل، 200 ایمپیئر کی دو بیٹریاں، کنٹرولر اور ایک چھوٹا انورٹر لگایا ہوا ہے جس پر 80 ہزار روپے خرچ ہوئے تھے۔ یہ سسٹم انہیں 24 گھنٹے بجلی دیتا ہے جو کسی نعمت سے کم نہیں اور اسی سے ہی ان کی روزی روٹی چلتی ہے۔

مرید حسین جنہیں ان کے ساتھی مزدور پیار سے بابل پکارتے ہیں۔ وہ جاھو کے شمالی علاقہ پیلار میں سکول کی عمارت تعمیر کرنے کے لیے اینٹوں کی ترائی میں مصروف تھے۔ انہوں نے دیگر مزدوروں کے ساتھ مل کر ٹھیکیدار سے یہ کام (پیٹی ٹھیکہ) لیا تھا۔

وہ بتاتے ہیں کہ یہاں پانی کا حصول مشکل تھا انہیں ہزار روپے کا واٹر ٹینکر منگوانا پڑتا تھا یوں مہینے میں پانی پر ہی 30 ہزار روپے کا خرچہ آتا تھا۔

&quot;ہم نے پیسے جمع&nbsp; کر کے ایک سولر پلیٹ، بیٹری، سمر سیبل پمپ اور پائپ خرید لیا ہے اور اب کنویں سے پانی لے رہے ہیں جو یہاں سے 15 سو فٹ دور ہے۔ اس سے ہمارا کام آسان ہو گیا ہے۔ نہ صرف ٹینکر کا خرچہ بچ جاتا ہے بلکہ رات کی لائٹنگ کا مسئلہ بھی حل ہو گیا ہے۔&quot;

ضلع خیبر: ڈوبتی ہوئی زراعت کو سولر سسٹم کا سہارا

بلوچستان کے ہنرمند اور محنت کش سولر توانائی سے کس طرح استفادہ کر رہے ہیں؟

Traditional agriculture in Balochistan is hampered by costly electricity, frequent load shedding, and water scarcity. However, the government's solar technology initiative in the agricultural

Traditional agriculture in Balochistan suffers due to expensive electricity, load shedding, and water shortages, but the government's solar technology project in the agricultural sector is ex

پینسٹھ سالہ عبدالرحیم ضلع آواران کے علاقے شمالی لنجار جاھو کے رہائشی ہیں۔ان کے وہم و گمان میں بھی نہیں تھا کہ ان کی بنجر زمینوں پر کبھی سرسبز لہلہاتی فصلیں نظر آئیں گی۔

وہ بتاتے ہیں کہ ان کے پاس 15 ایکڑ کے قریب وراثتی اراضی موجود تھی مگر وہ اسے آباد کرنے سے قاصر تھے۔ ان کا 30 افراد پر مشتمل کنبہ ہے جس کی ضرورتیں پوری نہیں ہو پاتی تھیں اور بعض اوقات تو نوبت فاقوں تک آ جاتی تھی۔

&quot;ہم دوسروں کی زرعی زمینوں پر مزدوری کیا کرتے تھے۔ کٹائی کے موسم میں اونٹوں اور گدھوں پر تحصیل جاھو سے 90 کلومیٹر دور بیلہ (ضلع لسبیلہ)کی جانب خاندان سمیت نقل مکانی کر کے جاتے تھے۔ وہاں پہنچنے میں ہمیں چھ دن لگتے تھے اور کٹائی سے سال بھی کے لیے 25 کٹہ (تقریباً 30 من)گندم کما لاتے تھے۔&quot;

وہ اپنے چھوٹے بیٹے ریاض جو قوت گویائی و سماعت سے محروم ہیں کی طرف دیکھتے ہوئے کہتے ہیں کہ اس کو پتا نہیں ایک دن کیا سوجھی کہ کسّی اٹھائی اور زرعی زمین کے درمیان کھدائی شروع کر دی۔ انہوں نے استفسار کیا تو ریاض نے دوسروں کی فصل اور سورج کی طرف اشارہ کر دیا۔

&quot;ہم سمجھ گئے وہ سولر ٹیوب ویل کا کہہ رہا ہے مگر کسی نے اس کی بات پر دھیان نہیں دیا کیونکہ ہمیں معلوم تھا کہ صرف کنواں کھودنے سے کچھ نہیں ہوگا ہمارے پاس اتنا بڑا سرمایہ کہاں؟ مگر یہ اپنے جنون میں کھدائی کرتا چلا گیا۔&quot;

ریاض اپنے والد کی گفتگو کو سمجھے بغیر مسکرا دیے اور عبدالرحیم نے اپنی گفتگو جاری رکھی۔

&quot;جب ریاض نے اکیلے دس فٹ کھدائی کر لی تو خاندان کے دیگر نوجوان بھی ان کا ساتھ دینے پہنچ گئے۔ ہم نے ہاتھوں سے 105 فٹ گہرا کنواں کھود ڈالا مگر پانی نہیں نکلا۔ تب میں نے اپنے بڑے بیٹوں راشد اور پیر بخش کو فون کیا جو دبئی میں مزدوری کرتے تھے۔&quot;

&quot;انہیں بتایا کہ ہم اپنی زمینیں آباد کرنے جا رہے ہیں آپ پیسوں کا انتظام کریں۔ انہوں نے وہاں سے اپنی ساری پونجی اور ادھر اُدھر سے قرض پکڑ کر ہمیں رقم بھیجی جس سے مشینی بور ہوا اور ہم نے سولر لگا کر آدھی زمین کو قابل کاشت بنا لیا۔&quot;

عبدالرحیم نے اپنی کپاس کی تیار فصل پر نظر ڈالتے ہوئے بتایا &quot;یہ سب کچھ سولر سسٹم کی بدولت ممکن ہوا۔ ہم نے خواب دیکھے اور سولر سسٹم نے ان کو تعبیر دے دی۔ ایک ماہ بعد ہم اس کی پیداوار اٹھائیں گے۔&quot;

عبدالرحیم کے 36 سالہ صاحبزادے پیر بخش بتاتے ہیں کہ یہاں روزی کی بہت تنگی تھی جس پر وہ 2013ء میں دبئی چلے گئے تھے۔

&quot;وہاں ہم اونٹوں کی دیکھ بھال کرتے تھے اور دن رات کی محنت کے بدلے مجھے 800 درہم ماہانہ ملتے تھے۔ پھر ایک دن ابو کا فون آیا انہوں نے کہا کہ جتنی مشقت تم دبئی میں کرتے ہو اس سے آدھی محنت میں اپنے کھیتوں سے کہیں زیادہ کما سکتےہو، واپس آ جاؤ۔&quot;

&nbsp;پیر بخش والد کی بات سنتے ہی واپس ہو لیے۔

&quot;جو کمائی ساتھ لایا تھا اس سے دوسرا سولر ٹیوب ویل لگایا اور باقی زمین آباد کرنا شروع کر دی جس کے بعد بڑے بھائی راشد کو بھی واپس بلا لیا۔ اب کھیتی سے ہم تینوں (پیربخش، راشد اور ریاض) کے گھر چل رہے ہیں، تینوں کے پاس اپنی اپنی موٹر سائیکل ہے اور دبئی جانے کی ضرورت بھی نہیں رہی۔&quot;

عبدالرحیم اب اپنی زمین سے سال میں تین فصلیں (گندم، پیاز اور کپاس) اٹھاتے ہیں۔علاج معالجے اور خاندان کی کفالت کے بعد کچھ بچت بھی کر لیتے ہیں۔

بلوچستان شمسی توانائی سے مالا مال ہے۔ ورلڈ بینک کے مطابق صوبے کے&nbsp;&nbsp; تقریباً 40 فیصد رقبے میں چھ کلو واٹ فی مربع میٹر فی دن سے زیادہ براہ راست شمسی توانائی (solar insolation) مل سکتی ہے جب کہ باقی علاقے میں 4.5 کلو واٹ فی مربع میٹر یومیہ براہ راست شمسی توانائی (solar radiation) حاصل ہو سکتی ہے۔

تاہم سولر ٹیکنالوجی عام ہونے کے بعد کاشت کار اس سے فائدہ اٹھانے لگے ہیں اور یہ توانائی بلوچستان کی زرعی صلاحیت بڑھاتی نظر آ رہی ہے۔

بتیس سالہ روشن 15 سال سے کھیتی باڑی کر رہے ہیں۔ وہ بتاتے ہیں کہ ان کے خاندان کی زمینوں میں کنواں کھودنے کے نو تجربے ناکام ہو چکے ہیں۔ جب بھی انہوں نے زیر زمین پانی نکالنے کوشش کی ہے بور کے دوران نیچے چکنی مٹی (مقامی زبان میں &#39;غل&#39;) آجاتی تھی۔

وہ کہتے ہیں کہ بور کے مسائل کی وجہ سے وہ روایتی آبپاشی کے ذریعے فصل کاشت کیا کرتے تھے جس کا انحصار مون سون پر ہوتا تھا۔ بارشیں ہو گئیں تو ٹھیک ورنہ خشک سالی میں زمینیں بنجر پڑی رہتی تھیں۔ دوسرا یہاں ایک ہی فصل یعنی گندم کاشت ہوتی تھی جس میں محنت زیادہ اور پیداوار کم ملتی تھی۔

&quot;میں نے ایک اور تجربہ کرنے کی بجائے اپنی زمین سے کچھ فاصلے پرسولر ٹیوب ویل لگایا اور تین ہزار 300 فٹ اضافی پائپ کے ذریعے پانی اپنے کھیت تک پہنچا دیا ہے۔ ابھی پہلی فصل (کپاس) ہی کاشت کی ہے، امید ہے آمدن اچھی ہو گی۔ اب یہاں سال میں تین فصلیں کاشت ہو سکتی ہیں۔&quot;

دلدار خان، تحصیل جاھو کے علاقے کنڈی کے رہائشی اور 22 ایکڑ کے زمیندار ہیں۔ وہ بتاتے ہیں کہ اس علاقے میں مشینری کے ذریعے کھتی باڑی 1994ء میں شروع ہوئی۔ ان کے والد نے 1996ء میں زمین آباد کرنا شروع کی تو چائنا کے ڈیزل انجن پر چلنے والے ٹیوب ویل سے سیراب ہوتی تھی۔

وہ بتاتے ہیں کہ اس وقت ایرانی ڈیزل یہاں سستا مل جا تا تھا لیکن پھر ڈیزل مہنگا ہوتا گیا اور بہت سے کاشت کاروں کی دسترس سے باہر ہوگیا۔ چونکہ زرعی پیداوار کی قیمتیں کم تھیں اس لیے زمینیں دوبارہ غیر آباد ہونا شروع ہو گئیں۔

&quot;میرے ساتھ بھی یہی ہوا جب پیاز کی قیمتیں گریں تو میں نے بھی 2012 ء میں زمین کی کاشت چھوڑ دی۔ پانچ سال قبل میں نے ڈیزل انجن کے ساتھ ٹیوب ویل پر سولر سسٹم لگا دیا۔ ہم تیل کے خرچے سے آزاد ہوئے تو وہی رقم کھاد اور زرعی ادویات پر خرچ کرنا شروع کی ہے۔&quot;

وہ کہتے ہیں کہ ڈیزل انجن اب بھی موجود ہے۔جب بادل ہوں تو مجبوراً ڈیزل انجن چلانا پڑتا ہےجس پر یومیہ پانچ ہزار اضافی خرچ ہوتا ہے۔

&quot;پہلے میری آدھی زمین آباد تھی لیکن سولر آنے کے بعد میں نے دوسرا بور لگا دیا ہے اور ساری زمین کاشت کر رہا ہوں۔&quot;

بلوچستان میں حال ہی میں ایک بڑی پیشرفت ہوئی ہے۔ وزیراعظم&nbsp; نے صوبے میں تقریباً 28 ہزار بجلی پر چلنے والے زرعی ٹیوب ویلوں کو سولر پر منتقل کرنے کا اعلان کیا ہے۔ اس حوالے سے آٹھ جولائی کو کوئٹہ میں وفاقی حکومت اور بلوچستان حکومت کے مابین معاہدے پر دستخط کیے گئے۔

معاہدے کے تحت 55 ارب روپے کے اس منصوبے کے لیے 70 فیصد رقم وفاقی حکومت جبکہ 30 فیصد صوبائی حکومت ادا کرے گی۔وزیرِ اعظم نے وزیرِ اعلی بلوچستان کو سولرائیزیشن کا یہ منصوبہ تین ماہ میں مکمل کرنے کا ٹاسک دیا۔

وفاقی حکومت بجلی کے بِلوں کی عدم ادائیگی کی وجہ سے ہر سال سبسڈی کی مد میں 70سے 80 ارب روپے دیتی تھی مگر پھر بھی کسانوں کو صرف دو سے چھ گھنٹے بجلی ملتی تھی۔ معاہدے کے موقع پر وزیراعظم کا کہنا تھا کہ زرعی ٹیوب ویلز کی سولارائیزیشن سے یہ دیرینہ مسئلہ ہمیشہ کے لیے ختم کر رہے ہیں۔

سولر ٹیکنالوجی اور خاص طور پر 55 ارب کے اس منصوبے کی تکمیل سے یقیناً بلوچستان کی زرعی اور دیہی معیشت میں بڑی تبدیلی دکھائی دے گی۔

شمسی توانائی، قبائلی ضلع خیبر کے لوگوں کی تکالیف کیسے کم کر رہی ہے؟

عبدالرحیم کے بیٹے دبئی چھوڑ کر آواران کیوں آ گئے؟

بلوچستان کے ضلع کیچ کا علاقہ جوسک کراس ایران سےلائے جانے والے تیل (ڈیزل اور پٹرول) کی خرید و فروخت کا مرکز ہے۔ یہاں نیلے رنگ کے &#39;زمیاد&#39; پک اپ ٹرک بہت بڑی تعداد میں دکھائی دیتے ہیں جنہیں مقامی زبان میں زمباد کہا جاتا ہے۔

ایران سے تیل انہی ٹرکوں پر بلوچستان لایا جاتا ہے جسے بعدازاں صوبے کے مختلف حصوں میں بھیجا جاتا ہے۔

اس تیل کے بہت سے خریدار جوسک کراس پر آتے ہیں جہاں ہوٹلوں، گاڑیاں مرمت کرنے کی ورکشاپوں، اشیائے خورونوش&nbsp; کی دکانوں اور دیگر کاروبار کا انحصار اسی تجارت سے وابستہ ہے۔

اس جگہ تیل کے بہت سے ڈپو قائم ہیں۔ ان کے مالکان زمیاد گاڑیوں کے ڈرائیوروں سے تیل خرید کر بڑی گاڑیوں کے ذریعے دوسری جگہوں پر سپلائی کرتے ہیں۔ ان گاڑیوں کو &#39;بیک&#39; کہا جاتا ہے۔&nbsp; تیل کے ایسے ڈپو صرف جوسک کراس میں ہی نہیں بلکہ پورے ضلع کیچ میں موجود ہیں جن کی تعداد تقریباً 400 ہے۔

ایران سے آنے والے تیل کی قیمت یہی ڈپو مالکان طے کرتے ہیں۔ آج کل جوسک کراس میں زمیاد&nbsp; والوں سے یہ تیل 37 ہزار روپے فی ڈرم کے حساب سے خریدا جا رہا ہے۔ ایک ڈرم میں 210 لٹر تیل ہوتا ہے اور ڈرم ہی یہاں تیل ماپنے کا بنیادی پیمانہ ہے۔

کیچ کے علاقے ہوشاب کے رہنے والے تیس سالہ الہٰی بخش بھی جوسک کراس میں تیل فروخت کرنے آئے ہیں جہاں وہ اپنی گاڑی کھڑی کر کے گاہکوں کا انتظار کر رہے ہیں۔ دو گاہک ان سے تیل خریدنا چاہتے ہیں لیکن الہٰی بخش کے لئے 37 ہزار روپے قابل قبول نہیں ہیں۔

وہ گاہکوں کو بتاتے ہیں کہ انہوں نے 33 ہزار روپے فی ڈرم کے حساب سے چار ہزار ڈیزل لوڈ کروایا ہے۔ تیل لانے کے لئے انہوں نے 20 ہزار روپے کا &#39;ٹوکن&#39; خریدا، 15 ہزار ڈرائیور اور پانچ ہزار کلینر کو ادا کئے، سفری اخراجات پر 15 ہزار روپے خرچ ہوئے اور پاک ایران سرحد سے کیچ تک180 کلومیٹر فاصلے طے کرنے کے لئے 140 لٹر پٹرول کا خرچ اس کے علاوہ ہے۔ اس طرح اگر وہ فی ڈرم 37 ہزار روپے میں ڈیزل بیچیں گے تو انہیں کوئی بچت نہیں ہو گی۔

چار سال پہلے الہٰی بخش دبئی میں محنت مزدوری کرتے تھے۔

اس دوران جب انہیں پتا چلا کہ پاک ایران بارڈر پر کاروبار چل پڑا ہے تو وہ دبئی سے واپس آ گئے۔ یہاں آ کر انہوں نے ایک دوست کے اشتراک سے سیکنڈ ہینڈ زمیاد گاڑی خریدی اور ایران سے تیل لا کر فروخت کرنے کا کاروبار شروع کر دیا۔

اس کام میں الہٰی بخش کو ایک بڑا مسئلہ درپیش ہے اور وہ یہ کہ ان کی گاڑی کو تیل کی تجارت کے لئے رجسٹرڈ نہیں کیا گیا اس لئے انہیں ہر مرتبہ تیل لانے کے لئے ٹوکن خریدنا پڑتا ہے۔

یہ ٹوکن کیچ کے ڈپٹی کمشنر کے دفتر سے ملتا ہے جس کا حصول آسان نہیں ہوتا۔ بعض اوقات انہیں ٹوکن کے لئے دفتر کے کئی کئی چکر لگانا پڑتے ہیں اور بھاری رقم ادا کرنا پڑتی ہے۔

&quot;انتظامیہ نے تیل لانے والی مزید گاڑیوں کی رجسٹریشن بند کر رکھی ہے۔ ایسے میں ٹوکن ہی تیل لانے کا واحد ذریعہ ہے۔ ٹوکن کی قیمت تیل کی قیمت سے منسلک ہوتی ہے۔ جب تیل مہنگا ہو جاتا ہے تو ٹوکن کے لئے بھی زیادہ پیسے ادا کرنا پڑتے ہیں۔ کئی مرتبہ ایسا بھی ہوا کہ مجھے ایک ٹوکن دو لاکھ روپے میں خریدنا پڑا۔&quot;

اپریل 2019 میں حکومت پاکستان نے سکیورٹی کی صورتحال کے پیش نظر پاک ایران 950 کلومیٹر طویل سرحد پر باڑ لگانے کا فیصلہ کیا۔ اس فیصلے کے بعد سرحد کے آر پار بہت سے مقامات سے ہونے والی غیرقانونی تجارت بند ہو گئی۔ انتظامیہ نے صرف عبدوئی کے مقام پر سرحدی گزر گاہ کو کھلا رکھا اور اب ایران اور کیچ کے درمیان تمام تجارت اسی راستے سے ہو رہی ہے۔

جوسک کراس پر ڈیزل کے ایک ڈپو کے مالک قمبر کیف کہتے ہیں کہ یہ فیصلہ اچانک کیا گیا جس کی اطلاع نہ تو زمیاد مالکان کو دی گئی اور نہ ہی ڈپو مالکان اس سے آگاہ تھے۔ اس دوران تیل بردار گاڑیاں ڈیڑھ ماہ تک پاک ایران بارڈر پر پھنسی رہیں اور چار مزدور بھوک اور پیاس کے مارے انتقال کر گئے۔ ان حالات میں سرحد پر پھنسے لوگوں نے احتجاج شروع کر دیا جو کئی روز جاری رہا۔ بالاآخر انتظامیہ نے تیل بردار گاڑیوں کو سرحد سے نکالنے کے لئے ٹوکن کا اجرا کیا جس نے بعد میں باقاعدہ صورت اختیار کر لی۔

2020 میں کیچ کی ضلعی انتظامیہ نے تیل کی تجارت کو باقاعدہ بنانے کے لئے ان گاڑیوں کو رجسٹرڈ کرنے کا فیصلہ کیا جس کے تحت اب تک 14 ہزار زمیاد گاڑیوں کی رجسٹریشن عمل میں آ چکی ہے۔ انتظامیہ اتوار کے علاوہ ہفتے کے چھ روز ان میں سے باری کی بنیاد پر 600 گاڑیوں کی فہرست جاری کرتی ہے جو ایران سے تیل لاتی ہیں۔ تاہم روزانہ سرحدر پار جانے آنے والی گاڑیوں کی تعداد اس سے کہیں زیادہ ہے۔

اس تجارت سے منسلک لوگوں کے حقوق کے لئے کام کرنے والی تنظیم بارڈر عوامی تحریک کے سربراہ خالد ولید سیفی نے لوک سجاگ کو بتایا کہ روزانہ تقریباً 1200 تیل بردار گاڑیاں سرحد پار جاتی آتی ہیں۔ ان میں چھ سو گاڑیاں تو وہ ہیں جن کی رجسٹریشن ہو چکی ہے جبکہ باقی گاڑیوں کو اس تجارت کے لئے ٹوکن یا خصوصی اجازت نامہ جاری کیا جاتا ہے۔

خالد الزام عائد کرتے ہیں کہ ٹوکن کے اجرا کو انتظامیہ نے اپنا &#39;کاروبار&#39; بنا رکھا ہے جس سے بھاری کمائی ہوتی ہے۔ جب انہوں نے اس تجارت کے حوالے سے اپنے مسائل کی بابت ڈپٹی کمشنر سے ملاقات میں چھ سو گاڑیوں کو ٹوکن دیے جانے کا معاملہ اٹھایا تو انہوں نے تصدیق کی کہ انتظامیہ غیررجسٹرڈ گاڑیوں کے مالکان کو تیل لانے کے لئے ٹوکن جاری کرتی ہے۔ تاہم ان کا کہنا تھا کہ ایسی گاڑیوں کی روزانہ تعداد 600 کے بجائے 350 ہے۔

انتظامیہ نے اس تجارتی روٹ پر اب مزید گاڑیوں کی رجسٹریشن بند کر رکھی ہے اور کوئی غیررجسٹرڈ گاڑی اس تجارت میں حصہ لینا چاہے تو اسے ٹوکن خریدنا پڑتا ہے۔ اس حوالے سے جب کیچ کے ایڈیشنل ڈپٹی کمشنر عقیل کریم سے بات ہوئی تو ان کا کہنا تھا کہ زمیاد کے مالکان نہیں چاہتے کہ مزید گاڑیوں کی رجسٹریشن ہو کیونکہ انہیں خدشہ ہے کہ مزید رجسٹریشن کی صورت میں ضلع سے باہر کے لوگ بھی اس تجارت میں شامل ہو جائیں گے جس سے ان کی حق تلفی ہو گی۔

دوسری جانب خالد کا کہنا ہے کہ ٹوکن کے نام پر انتظامیہ بروکرز کے ذریعے بھاری کمائی میں مصروف ہے۔ ایسی صورتحال میں وہ کیسے چاہے گی کہ مزید گاڑیوں کی رجسٹریشن ہو۔

لوک سجاگ نے ایک بروکر سے رابطہ کرکے ٹوکن کا ریٹ پوچھا تو اس نے بتایا کہ ایک ٹوکن کے لئے کم از کم 35 ہزار روپے ادا کئے جاتے ہیں۔

زمیاد گاڑیوں کے مالکان کی تنظیم &#39;زمیاد اینڈ دو ہزار ایسوسی ایشن&#39; کے صدر وسیم سفر مطالبہ کرتے ہیں کہ سرحدی تجارت کو ماضی کی طرح آزادانہ بنیادوں پر چلایا جائے اور سکیورٹی کے نام پر بند کی گئی سرحدی گزرگاہیں کھولی جائیں۔

&quot;جب گوادر میں حق دو تحریک کا مظاہرہ جاری تھا تو ہم بھی اس کا حصہ تھے۔ ہم نے مطالبہ کیا تھا کہ سرحدی سکیورٹی ایف سی سے واپس لے کر ضلعی انتظامیہ کے حوالے کی جائے اور ٹوکن سسٹم کا خاتمہ کیا جائے۔

وزیراعلیٰ عبدالقدوس بزنجو نے ہمارے احتجاجی کیمپ میں آکر ان مطالبات کو تسلیم کر لیا تھا جس کے بعد سرحدی سکیورٹی تو ضلعی انتظامیہ کے پاس واپس چلی گئی لیکن ٹوکن سسٹم ختم نہیں ہو سکا۔&quot;

عبدوئی کے علاوہ دیگر سرحدی گزرگاہیں بند کئے جانے کے معاملے پر ایڈیشنل ڈپٹی کمشنر کا کہنا ہے کہ ان گزرگاہوں کو کھولنے کے معاملے پر ایران کی حکومت اور پاکستانی سکیورٹی فورسز کے اپنے اپنے خدشات ہیں۔

جیسا کہ پاکستان کی جانب سے کپکپار اور جالگی گزرگاہ کھولنے کی بات کی گئی تو ایران راضی نہ ہوا۔ دوسری جانب ایران کی حکومت مند چک گزرگاہ کھولنے پرتیار ہے لیکن اس پر پاکستان کی سکیورٹی فورسز کو خدشات ہیں۔

&nbsp;وسیم سفر کا یہ بھی کہنا ہے کہ ٹوکن کے نام پر رجسٹرڈ اور غیر رجسٹرڈ دونوں گاڑی مالکان کا استحصال ہو رہا ہے۔

رجسٹرڈ گاڑیوں کے مالکان اس لیے پریشان ہیں کہ انہیں مہینے میں صرف ایک مرتبہ سرحد سے تیل لانے کی اجازت ہوتی ہے۔ اس کے علاوہ وہ جتنے بھی چکر لگاتے ہیں اس کے لئے انہیں ٹوکن خریدنا پڑتا ہے۔

افغانستان پاکستان کو انگور اور انار کیوں نہیں بھیج رہا؟

بلوچستان میں ایرانی تیل لانے کا 'ٹوکن' لاکھوں میں بکنے لگا، تاجر انتظامیہ کے رویے سے نالاں

گیارہ سالہ عابد تین سال پہلے دوسری جماعت کے طالب علم تھے لیکن اب ان کا سکول نہیں رہا اور وہ بھیڑ بکریاں چراتے ہیں۔

عابد کا تعلق بلوچستان کے ضلع آوران سے ہے جہاں ان کا گھرانہ تحصیل جھاؤ کے گاؤں موسیٰ گوٹھ میں رہتا ہے۔ عابد اور ان کے دو بڑے بہن بھائی مقامی کمیونٹی سکول میں تعلیم حاصل کرتے تھے جو 2019 میں بند ہو گیا تھا۔ اب ان کے بھائی ڈرائیونگ کرتے ہیں اور بہن گھر کی ذمہ داریاں سنبھالتی ہیں۔

عابد کا سکول قریبی گاؤں بکر سرمستانی گوٹھ میں واقع تھا جس کی عمارت اب ایک تعمیراتی کمپنی کے زیر استعمال ہے جس نے سکول کے ایک کمرے کو سٹور اور دوسرے کو باورچی خانہ بنا رکھا ہے۔

یہاں طلبہ کے زیراستعمال رہنے والے ڈیسک اور بینچ کھلے احاطے میں پڑے گل سڑ رہے ہیں۔

موسیٰ گوٹھ کے نادر علی اور بکر سرمستانی گوٹھ کے دل مراد تین سال پہلے تک اس سکول میں پڑھاتے رہے ہیں۔

وہ بتاتے ہیں کہ اس سکول میں قریبی دیہات کیلکوری، غریب آباد، پیردان، صالح بزنجو گوٹھ، چاکر گوٹھ، موصل پیر اور مامو گوٹھ کے طلبہ بھی پڑھنے آتے تھے۔مجموعی طور پر یہاں زیرتعلیم 56 طلبہ میں لڑکیوں کی اکثریت تھی۔ سکول بند ہونے سے ان تمام بچوں کی تعلیم چھوٹ گئی ہے۔

بکر سرمستانی گوٹھ کا یہ سکول نیشنل رورل سپورٹ پروگرام (این آر ایس پی) اور پاکستان پاورٹی ایلیویشن فنڈ (پی پی اے ایف) کے مشترکہ منصوبے کے تحت 2010ء میں قائم کیا گیا تھا۔

اس سلسلے میں بلوچستان کے ضلع آواران اور پنجگور میں مجموعی طور پر 10 سکول قائم کیے گئے جنہیں کمیونٹی سکولوں کا نام دیا گیا۔ ان میں سات آواران کے علاقوں سری مچی، لعل بازار، سرمستانی گوٹھ، موسیٰ بازار، سستگان، گدّور گوٹھ اور مروکی میں کھولے گئے تھے۔

ضلع کیچ میں این آر ایس پی کے علاقائی دفتر میں سینئر پروگرام آفیسر سعید عالم نے بتایا کہ کمیونٹی سکولوں کا منصوبہ 2015ء میں ختم ہو گیا تھا۔ اسی سال پاورٹی ایلیویشن فنڈ نے &#39;غربت میں کمی لانے کا پروگرام&#39; شروع کیا جس میں فروغ تعلیم کا منصوبہ بھی شامل تھا۔ اس منصوبے کے تحت سوشل انٹرپرائز سکول قائم کیے گئے جن میں آواران کے ساتوں کمیونٹی سکولوں کو بھی شامل کر لیا گیا اور اس طرح یہ سکول 2019 تک قائم رہے۔

سعید عالم بتاتے ہیں کہ اس منصوبے کا ماڈل بنگلہ دیش سے لیا گیا تھا۔ اس کے تحت اساتذہ کو اپنی مدد آپ کے تحت سکول چلانے کی تربیت دی گئی لیکن وہ چلا نہ پائے اور یوں ابتدائی چار سالہ مدت مکمل ہونے پر بند ہو گئے۔

آواران میں این آر ایس پی کے پروگرام آفیسر عبدالغنی میروانی کہتے ہیں کہ یہ منصوبہ ختم ہونے&nbsp; سے قبل فروری 2019ء میں انہوں نے ادارے کے دیگر لوگوں کے ساتھ آواران کے ڈسٹرکٹ ایجوکیشن آفیسر مسعود حلیم سے ملاقات کی اور انہیں تحریری طور پر آگاہ کیا کہ تعلیمی منصوبہ ختم ہو رہا ہے اس لیے محکمہ تعلیم ان سکولوں کو اپنے ذمے لے۔ مگر وہ ایسا نہ کر سکے۔

اس حوالے سے مسعود حلیم کا کہنا ہے کہ این آر ایس پی ٹیم ان کے پاس آئی تھی مگر اس کے پاس صرف سکول کی محکمہ تعلیم کو حوالگی کی درخواست پر مبنی لیٹر تھا۔ مجاز حکام کے تحریری احکامات کے بغیر محکمہ سکول کی ذمہ داری نہیں لیتا۔

این آر ایس پی کے مطابق ساتوں کمیونٹی سکولوں میں 364 طلبہ نے داخلہ لیا تھا جن میں 198 لڑکیاں تھیں جبکہ نو سوشل انٹرپرائز سکولوں میں 446 طلبہ و طالبات زیرتعلیم تھے۔

گدّور گوٹھ کے بند ہو جانے والے سکول کے استاد محمد اسلم بتاتے ہیں کہ ان سکولوں کی انتظامیہ میں مقامی لوگوں کو بھی شامل کیا جاتا تھا۔ اگر کوئی استاد غیرحاضر رہتا تو لوگوں کی شکایت پر اسے نوکری سے نکال کر دوسرے استاد کو بھرتی کیا جاتا تھا۔ ہر استاد کو 15 ہزار روپے ماہانہ تنخواہ ملتی تھی۔ اس منصوبے کے تحت اساتذہ کو تربیت دینے کا انتظام بھی کیا گیا تھا۔

اسلم کے مطابق گدّور گوٹھ کے سکول میں 50 بچے اور بچیاں زیرتعلیم تھے جن میں سے صرف سات کو ہی پرائمری تعلیم مکمل کرنے کا موقع مل سکا۔

نواحی گاؤں شاہی تریپ کے حنیف بھی اسی سکول میں پڑھتے تھے جو بند ہوا تو انہیں مزید تعلیمی مواقع دوبارہ میسر نہ آئے اور اب وہ محنت مزدوری کرتے ہیں۔

ان کا کہنا ہے کہ ایک دن ان کے اساتذہ کو این آر ایس پی کی طرف سے زبانی اطلاع ملی کہ فنڈ ختم ہو گئے ہیں اور سکول کو مقامی لوگ چلائیں گے۔ لیکن لوگوں نے یہ ذمہ داری لینے سے معذوری ظاہر کر دی۔

سعید عالم کا کہنا ہے کہ کمیونٹی سکولوں کے منصوبے سے قبل وہ بلوچستان ایجوکیشن فاؤنڈیشن (بی ای ایف) کے 20 سکولوں کو چلا رہے تھے۔ 2016ء میں یہ سکول بی ای ایف کے حوالے کر دیے گئے۔ یہ سکول اب بھی چل رہے ہیں کیونکہ بی ای ایف نے انہیں چلانے کے لئے حکومتِ بلوچستان سے معاہدہ کر رکھا تھا۔ مگر پی پی اے ایف کی جانب سے ایسا کوئی تحریری معاہدہ ان کی نظروں سے نہیں گزرا۔

&nbsp;پاورٹی ایلیویشن فنڈ کے پروگرام مینیجر برائے تعلیم احسان اللہ بیگ نے بتایا کہ وہ آواران اور دیگر اضلاع میں نہ صرف کمیونٹی سکول چلا رہے تھے بلکہ سرکاری سکولوں کی معاونت بھی کر رہے تھے۔ 2019ء میں جب کورونا کی وبا آئی تو یہ منصوبہ بھی متاثر ہوا۔ شراکت دار ادارے این آر ایس پی نے منصوبےکی مدت ختم ہونے کے بعد سکولوں کو لوکل سپورٹ آرگنائزیشنز (ایل ایس اوز) کے تحت چلانے کی منصوبہ بندی کر رکھی تھی۔ لیکن نہ جانے وہ ایسا کیوں نہ کر پائے۔

لوکل سپورٹ آرگنائزیشنز (ایل ایس اوز) کا ڈھانچہ این آر ایس پی نے تیار کیا تھا۔ جس کا مقصد مقامی تنظیموں کی صلاحیت بہتر بنا کر انہیں اپنے پاؤں پر کھڑا کرنا اور سکولوں کو سنبھالنےکے قابل بنانا تھا۔

جھل جھاؤ کے علاقے واجہ باغ میں 2010 میں قائم ہونے والی لوکل سپورٹ آرگنائزیشن کو چھ کمیونٹی سکولوں اور اس کے بعد چار سوشل انٹرپرائزز سکولوں کا نظم و سنبھالنا تھا۔ اس تنظیم کے عہدیدار گوہر اسد عمرانی بتاتے ہیں کہ جب سکولوں کے منصوبے ختم ہوئے تو&nbsp; مقامی کمیونٹی کے پاس انہیں چلانے کے لیے وسائل نہیں تھے۔ ایل ایس او کو اندرونی اختلافات نے بھی نقصان پہنچایا اور اس طرح سکول بند ہو گئے۔

موسیٰ گوٹھ سے چھ کلومیٹر کے فاصلے پر صالح بزنجو آباد میں بھی سوشل انٹرپرائز سکول بنایا گیا تھا۔ اس گاؤں کے محمد حسن کے خاندان کی پانچ لڑکیاں ان سکولوں میں پڑھتی تھیں جو اب تعلیم سے محروم ہو گئی ہے۔

حسن بتاتے ہیں کہ اس سکول میں 37 طلبہ و طالبات زیرتعلیم تھے۔یہ مںصوبہ ختم ہونے سے لڑکیوں کی تعلیم خاص طور پر متاثر ہوئی۔ لڑکے تو موٹرسائیکلوں پر پانچ کلومیٹر دور لنجار کے گورنمںٹ بوائز ہائی سکول جانے کے قابل تھے لیکن لڑکیوں کو ایسی سہولت میسر نہیں تھی جس کی وجہ سے ان کا تعلیمی مستقبل اب غارت ہو چکا ہے۔

ناقص منصوبہ بندی یا سیاسی اقربا پروری: خضدار کے بچے اپنے تعلیمی حق سے کیوں محروم ہیں؟

آواران کے چار سال سے بند پڑے کمیونٹی سکول: لڑکیوں کا تعلیمی مستقبل غارت ہو گیا

عبدالرحیم جھل جھاؤ کے مرکزی واجہ باغ بازار میں سبزی فروخت کرتے ہیں۔ وہ بھنڈی کے سوا تمام سبزیاں 280 کلومیٹر دور کراچی سے لاتے ہیں۔طویل سفر کی مشکلات برداشت کرنے کے علاوہ مہینے میں کم از کم آٹھ دن انہیں دکان سے غیر حاضر رہنا پڑتا ہے۔

ان کے گاہکوں میں زیادہ تعداد مقامی کسانوں کی ہے۔ وہ سبزیاں کاشت نہ کرنے پر ان سے برہم رہتے ہیں۔

&quot;انہیں لاکھ سمجھایا کہ سبزیاں اگا لیں مگر وہ نہیں مانتے۔&quot;

واجہ باغ بازار میں سبزی کی 10 کے قریب دکانیں ہیں۔ یہ تمام دکاندار کراچی سے سبزی لاتے ہیں۔ جوسبزی لینے خود نہیں جاتے، انہیں سپلائر مہیا کر دیتا ہے۔ یہاں مقامی سبزی منڈی یا آڑھت کا تصور نہیں ہے۔

قریبی علاقے علی محمد گوٹھ جھاؤ کے عبدالباسط 25 ایکڑ اراضی کے مالک ہیں۔

وہ کپاس، گندم اور پیاز کاشت کرتے ہیں۔ انہوں نے بتایا کہ چار سال پہلے انہوں نے گاجر کاشت کی۔ گاجر میٹھی اور ذائقہ دار تھی مگر اسے بیچنا مشکل ہو گیا۔

&quot;دکان داروں سے مناسب قیمت نہ ملنے پر گاجر بیچنے کے لیے بازار میں ایک آدمی بٹھانا پڑا تھا&quot;۔

عبدالباسط کا کہنا ہے کہ آدھے ایکٹر کی پیداوار کراچی لے جانے کے لیے انہیں پورا ٹرک بک کرانا پڑتا جو گھاٹے کا سودا تھا۔

وہ مزید کہتے ہیں کہ اگر پورے جھاؤ میں گاجر کے ساتھ دیگر سبزیاں بڑے پیمانے پر اگائی جاتیں تو انہیں کراچی ٹرانسپورٹ کرنا ممکن ہو جاتا۔

&quot;ٹرک کے ذریعے سبزی بھجوانا چند کاشت کاروں کے بس میں نہیں۔ ٹرک ان سے پورا کرایہ لے گا۔ مقامی سبزی سے ایک دن میں پورا ٹرک نہیں بھرتا۔ آواران سے بیلہ تک سڑک نہ ہونے سے نقل و حمل کے اخراجات بھی زیادہ ہیں جو مقامی کاشت کاروں کو سبزیاں اگانے سے روکتے ہیں۔&quot;

تاہم عبدالرحیم کہتے ہیں کہ مقامی پیداوار ہو تو علاقے ہی میں گاہک کو تازہ اور سستی سبزی، اور کسان کو اچھی اجرت ملے گی۔ دکان دار کو بھی آسانی ہو گی۔

&quot;کراچی سے ہم چار سبزی فروش 25 ہزار روپے میں ٹرک بک کراتے ہیں۔ فی کریٹ 150 روپے کرایہ اور 50 روپے لوڈنگ اور ان لوڈنگ کے دینا پڑتے ہیں۔ یوں 10 کلو کے کریٹ پر 200 روپے اضافی خرچ ہوتے ہیں۔ منڈی میں کمرے کا ماہانہ کرایہ چار ہزار روپے اور دو دن کے سفر کی خواری الگ ہے۔ اس کے علاوہ گرمی سے مال خراب ہو جائے تو گھاٹا بھی کھانا پڑتا ہے&quot;۔

آواران کی تحصیل جھل جھاؤ کی کل آبادی 46 ہزار 403 نفوس پر مشتمل ہے۔ اس کے مرکزی بازار میں بیرونی منڈی سے روزانہ سبزی کے دو ٹرک آتے ہیں۔ یہاں قابل ذکر مقامی پیداوار بھنڈی ہے جو 15 سے 20 بوری آتی ہے اور سبزی کی کل سپلائی کا تقریباً ایک فیصد ہے۔

سردیوں میں تھوڑے سے مٹر بھی کاشت ہوتے ہیں۔ کسی اور سبزی کی کاشت نظر نہیں آتی۔ یہاں بھنڈی کی کاشت بھی دو سال قبل شروع ہوئی تھی۔

ساڑھے 29 ہزار مربع کلومیٹر پر پھیلے ضلع آواران میں روایتی طور پر پیاز، گندم، جو، گوار، تربوز، خربوزہ اور کپاس کاشت کی جاتی رہی ہے۔ اس علاقے کی زمینیں بارانی ہیں مگر اب ٹیوب ویل کی تعداد تیزی سے بڑھ رہی ہے۔

محمد یعقوب نواحی علاقے اسپیت دمب میں مقامی زمیندار کا رقبہ کاشت کرتے ہیں۔ وہ بتاتے ہیں کہ 2020ء میں انہوں نے بیلہ سے پنیری منگوا کر دو ایکڑ پر ٹماٹر لگایا۔ فصل تیار ہوئی تو ٹڈی دل نازل ہوئی اور سب کچھ چٹ کر گئی۔

&quot;پچھلے سال پھر 50 ہزار روپے کا ہائبرڈ بیج خریدا اور ڈیڑھ ایکڑ رقبے پر ٹماٹر بویا۔ چار ماہ بعد 15 جنوری کی شب سردی کی شدید لہر نے تیار فصل اجاڑ دی اور کچھ ہاتھ نہیں آیا&quot;۔

سیاہ دمب جھاؤ کے کسان برکت علی نے بتایا کہ چند سال قبل انہوں نے دو ساتھی زمینداروں سے مل کر اپنی زمین پر کھیرا کاشت کیا تھا۔ فصل اچھی ہوئی مگر ناتجربہ کاری کی وجہ سے انہوں ںے کھیرا اٹھانے میں تاخیر کر دی اس لیے وہ اسے بیچ نہیں سکے اور اس کے بعد انہوں ںے کھیرا کاشت نہیں کیا۔

سستگان جھاؤ کے بہرام خان 15 کلومیٹر دور سے ہفتے میں تین بار سبزی لینے واجہ باغ بازار آتے ہیں۔انہوں نے اڑھائی ایکڑ زمین ٹھیکے پر لے رکھی ہے۔

وہ کہتے ہیں&quot;پچھلے سال میں نے مٹر کاشت کیے تھے۔ فصل تیار ہوئی تو ہمسائے اور رشتہ دار اس پر ٹوٹ پڑے۔ اس سے پہلے بینگن اور مرچ کاشت کی تھی، ان کا بھی یہی حشر ہوا تھا۔ کسی کو سبزی لے جانے سے نہیں روک سکتے، روکیں تو لوگ ناراض ہو جاتے ہیں&quot;۔

لسبیلہ یونیورسٹی آف واٹر، ایگریکلچر اینڈ میرین سائنسز میں ایگریکلچر فیکلٹی کے ڈین ڈاکٹر تیمور خان کہتے ہیں کہ آواران کے کاشت کار کے لیے بنیادی مسئلہ منڈی سے دوری اور سڑکوں کی ابتر صورت حال ہے۔

&quot;سبزی ایک ہی دن میں مارکیٹ نہ پہنچے تو مناسب قیمت ہی نہیں ملے گی۔ اس لیے لسبیلہ کے کسان بڑی مارکیٹ اور اچھی سڑکوں کا فائدہ اٹھا رہے ہیں اور بہترین سبزیاں اگا رہے ہیں۔&quot;

زراعت آفیسر محمد ابراہیم بھی ان سے اتفاق کرتے ہیں۔ ان کا کہنا ہے کہ جھاؤ اور آواران کی مقامی مارکیٹ میں سبزی کی کھپت بہت کم ہے۔

پیاز تین یا چار دن میں بڑی منڈی پہنچ جاتا ہے تب بھی خراب نہیں ہوتا جبکہ سبزی کو پہلے ہی روز منڈی پہنچانا ہوتا ہے۔ ایسا سڑکوں کی موجودہ صورت حال میں ممکن نظر نہیں آتا۔ اس لیے یہاں زمیندار زیادہ سبزیاں کاشت نہیں کرتے۔

آواران کا جھاؤ-بیلہ روڈ جہاں پیاز سے لدا ٹرک 90 کلومیٹر کا فاصلہ ایک دن میں طے کرتا ہے!

اچھی پیداوار کے لئے اچھی سڑک چاہئیے: آواران کے کسان سبزیاں خریدتے ہیں، اگاتے نہیں!

تپتی دھوپ میں پسینے سے شرابور محمد انور لعل بازار، جھاؤ میں اپنی پیاز کی چنائی میں مصروف ہیں۔ جھاؤ ضلع آواران کی تحصیل ہے۔ چنائی کے ساتھ ساتھ وہ پیاز کی چھانٹی کرکے گلی ہوئی پیاز علیحدہ رکھ رہے ہیں۔اس کام میں ان کے گھر کے 11 افراد ان کا ہاتھ بٹھا رہے ہیں۔

محمد انور دلبرداشتہ ہیں کیونکہ مارکیٹ سے خبریں آ رہی ہیں کہ پیاز کی قیمت گر گئی ہے۔&quot;دو سال پہلے بھی ہمارے ساتھ یہی ہوا تھا۔پیاز کی قیمت 400 روپے فی من تک گر گئی تو ہم نے فیصلہ کیا کہ اس کے بعد یہ کاشت نہیں کریں گے مگر اس مرتبہ پھر دیکھا دیکھی ہم نے پیاز بو دی۔&quot;

تحصیل جھاؤ اور تحصیل آواران میں پیاز کی فصل سال میں دو بار کاشت ہوتی ہے۔مقامی لوگ سرما کی فصل کو سہہ ماہی اور گرما کی فصل کو شش ماہی پیاز کہتے ہیں۔

سہ ماہی پیاز مئی میں بویا جاتا ہے۔ اگست میں اس کی پنیری تیار ہوتی ہے جسے دوسری زمین میں منتقل کردیا جاتا ہے۔ فصل دسمبر ، جنوری تک تیار ہوجاتی ہے۔شش ماہی پیاز ستمبر میں بویا جاتا ہے اور مئی میں یہ تیار ہو جاتی ہے جس کی چنائی کا سلسلہ جون تک چلتا ہے۔

مئی ایسا مہینہ ہے جب کسان پیاز کی ایک فصل کی چنائی اور دوسری کی بوائی میں مصروف ہوتے ہیں۔

محمد انور نے دو ایکڑ زمین پر پیاز کاشت کی تھی مگر پیداوار ان کی توقع سے کم رہی ہے۔ &quot;پیاز تیار تھی کہ بارشیں شروع ہوگئیں جس سے فصل کا بیشتر حصہ خراب ہو گیا&quot;۔

وہ اب تک 133 بوری پیاز مارکیٹ بھیج چکے ہیں۔انہوں نے بتایا پہلی 60 بوریاں ایک ہزار روپے فی من کے حساب سے فروخت ہوئیں لیکن اس کے بعد قیمت گر گئیں اور اس وقت ریٹ 700 روپے من ہے۔

منسٹری آف فوڈ اینڈ ایگریکلچر کے مطابق 2021ء اور 2022ء میں ملک بھر میں پیدا ہونے والے پیاز میں 33 فیصد حصہ بلوچستان کا تھا۔ بلوچستان میں پیدا ہونے والے پیاز میں آواران کا حصہ پانچ فیصد ہے یوں یہ ضلع پاکستان میں سب سے زیادہ پیاز پیدا کرنے والے 20 بڑے اضلاع میں شامل ہے۔

<h2>اخراجات آسمان سے باتیں کر رہے ہیں</h2>

کنڈی جھاؤ کے رہائشی دلدار خان بھی پیاز کے کاشتکار ہیں۔ ان کے حساب کے مطابق ایک ایکڑ پیاز کی کاشت پر لگ بھگ 65 ہزار روپے کے اخراجات آتے ہیں اور بیشتر کسان ادھار پر مداخل اور سامان خریدتے ہیں۔

دلدار نے بتایا کہ فصل کو منڈی تک پہنچانے کے اخراجات اس سے علیحدہ ہیں۔ (خالی) بوری جو پچھلے سال 50 روپے کی تھی، اب 200 کی ہو گئی ہے۔لوڈنگ، ان لوڈنگ کی مزدوری چار گنا بڑھ چکی ہے۔ڈیڑھ دو سال پہلے تک ٹرانسپورٹ کے اخراجات 300 روپے فی بوری تھے جو اب 600 روپے ہو گئے ہیں&quot;۔

&quot;ہر چیز مہنگی ہے، صرف ہماری محنت سستی ہو گئی ہے۔&quot;

وہ بتاتے ہیں کہ پیاز کی فصل کے لیے فی ایکڑ دو کلو بیج چاہیے ہوتے ہیں جو اس مرتبہ ساڑھے تین ہزار روپے فی کلو ملے تھے۔

&quot;ایک ایکڑ میں ڈی اے پی کھاد کی ایک بوری ڈالی جاتی ہے جس کی مارکیٹ میں قیمت 11 ہزار روپے ہے، (اگر یہی بوری ادھار لی جائے تو 14 ہزار کی ہوتی ہے)۔ چھ بوری سفید یوریا (21 ہزار روپے)، جراثیم کش ادویہ اور سپرے (15 ہزار روپے) اور ٹریکٹر کے اخراجات 12 ہزار 500 روپے آتے ہیں&quot;۔

انہوں نے بتایا کہ اسی طرح ڈی اے پی کھاد کی قمیت سات ہزار تھی جو اب 14 ہزار روپے کی ہو گئی ہے۔ٹریکٹر کا کرایہ فی گھنٹہ 12 سو روپے تھا جو اب ڈھائی ہزار روپے ہے۔ 
&#39;ہم پیاز اپنے لیے نہیں بلکہ منڈی والوں کے لیے کاشت کر رہے ہیں&#39;

منڈی میں بیٹھے آڑھتی قیمتوں میں فرق کی وجہ پیاز کی سپلائی میں کمی بیشی کو قرار دیتے ہیں۔ ان کے بقول پچھلے سال سیلاب اور درآمد برآمد کی پالیسیوں نے بھی اس اتار چڑھاؤ میں اہم کردار ادا کیا تھا۔

کوئٹہ کی سبزی منڈی کے کمیشن ایجنٹ شاہجہاں خان بتاتے ہیں کہ جنوری 2023ء میں کراچی منڈی میں پیاز فی من آٹھ ہزار روپے جبکہ کوئٹہ میں 23 ہزار روپے فروخت ہو رہا تھا۔

&quot;اُس وقت ایک طرف، سیلاب نے سندھ کی پیاز کو نقصان پہنچایا تھا تو دوسری طرف انڈیا کا بارڈر بھی بند تھا۔ سپلائی کم تھی اس لیے ریٹ چڑھ گیا۔ اس کا فائدہ آواران اور جھاؤ کے کاشتکاروں کو ہی ہوا۔&quot;

انہوں نے بتایا کہ سندھ اور پنجاب کا پیاز منڈی میں آنے کے بعد سپلائی بڑھ گئی تو قیمت میں کمی آ گئی۔ ان کے خیال میں جھاؤ اور آواران کی پیاز کے ساتھ تو پھر بھی کسی حد تک انصاف ہوگیا لیکن تحصیل مشکے کی پیاز کی حالت بہت خراب ہے، وہاں کے زمینداروں کو زیادہ نقصان ہو رہا ہے۔

آواران کے خادم حسین 1997ء سے پیاز کاشت کر رہے ہیں۔ اِس سال انہوں نے تین ایکڑ پر پیاز کاشت کی تھی جس سے انہیں 962 من پیداوار ملی ہے۔

&quot;موجودہ سال پچھلے سال سے بہتر ہوگا، ہم ہر سال اسی امید پر پیاز کاشت کرتے ہیں مگر نقصان کر جاتے ہیں۔ حقیقت میں ہم یہ فصل اپنے لیے نہیں بلکہ منڈی والوں کو فائدہ پہنچانے کے لیے کاشت کر رہے ہیں۔&quot;

وہ پیاز کی فصل کو جوئے کے کھیل سے تشبیہہ دیتے ہیں۔

<h2>ایکسپورٹ پالیسی ریٹ پر کیسے اثرانداز ہوتی ہے؟</h2>

کپاس بھی اس علاقے کی اہم فصل رہی ہے۔ زمیندار ایکشن کمیٹی جھاؤ کے صدر ناصر عمرانی پیاز اور کپاس کی فصل کا موازنہ کرتے ہوئے کہتے ہیں۔&quot;ایک ایکڑ میں کپاس 40 من سے زیادہ نہیں ہوتی جبکہ پیاز 275 سے 400 من تک ہوجاتی ہے۔ یہی وجہ ہے زمینداروں کا جھکاؤ پیاز کی جانب زیادہ ہے۔&quot;

بلال خان نیو سبزی منڈی کراچی میں بطور کمیشن ایجنٹ کام کر رہے ہیں۔ وہ بھی پیاز کی قیمتوں میں گراوٹ کو سپلائی اور ڈیمانڈ کا کھیل سمجھتے ہیں۔

ان کا کہنا ہے کہ پہلے صرف جھاؤ اور آواران سے گاڑیاں آرہی تھیں۔اب ان کے ساتھ ساتھ ضلع خضدار کی تحصیلوں وڈھ اور ناچ اور ضلع لسبیلہ کی تحصیل دریجی سے بھی آرہی ہیں۔ وہ بتاتے ہیں کہ ابھی ضلع خضدار کی تحصیلوں نال اور گریشہ سے مزید پیاز نے آنا ہے۔&quot;دسمبر اور جنوری میں (منڈی میں) روزانہ 30 سے 40 گاڑیاں آ رہی تھیں۔اب گاڑیوں کی تعداد بڑھ کر 130 سے 160 روزانہ ہو گئی ہے۔&quot;

بلال کہتے ہیں کہ ایکسپورٹ پالیسی بھی پیاز کی ریٹ پر اثرانداز ہوتی ہے۔&quot;آپ آلو کو سٹاک کر سکتے ہیں مگر پیاز کو آپ ایک ہفتے سے زیادہ نہیں رکھ سکتے کیونکہ یہ خراب ہونا شروع ہو جاتا ہے۔ اسی لیے ایکسپورٹ جتنی زیادہ ہو گی، ریٹ اتنا ہی زیادہ ہو جائے گا۔&quot;

ناصر عمرانی کے خیال میں گذشتہ دسمبر اور جنوری میں پیاز کی قیمتیں اس لیے بھی بڑھیں تھیں کہ حکومت نے دو ماہ کے لیے ایکسپورٹ پر ٹیکس کی چھوٹ دی تھی۔ پیاز بڑی مقدار میں کولمبو اور دبئی ایکسپورٹ ہوا جس کا فائدہ مقامی زمینداروں کو ہوا۔ اب بھی حکومت ایکسپورٹ ڈیوٹی نرم کردے تو پیاز کا ریٹ بڑھ جائے گا۔&quot;

آواران کے پیاز کے کاشتکار: 'ہر چیز مہنگی ہے، صرف ہماری محنت سستی ہو گئی ہے'

بارہ سال کے&nbsp; یونس دو دن سے بخار میں تپ رہے تھے۔ دو ساتھی انہیں سہارا دے کر 10 کلومیٹر دور تحصیل ہیڈ کوارٹرز ہسپتال (ٹی ایچ کیو) لے آئے۔

یونس جھل جھاؤ کے نواحی گاؤں نوندڑہ کے رہائشی اور مقامی مدرسے&nbsp; کے طالب علم ہیں۔

&#39;ڈیوٹی&#39; پر موجود ویکسی نیٹر محمد انور نے یونس کا معائنہ کیا اور پرچی پر دوائیں لکھ دیں۔مریض کے ساتھیوں نے بتایا کہا کہ ان کے پاس دوا خریدنے کے لیے پیسے نہیں ہیں۔

&nbsp;محمد انور نے وہاں موجود ایک اور اہلکار عبدالخالق&nbsp; کی طرف دیکھا، عبدالخالق سٹور سے ایک سیرپ لے آئے اور یونس کو تھما کر انہیں رخصت کر دیا۔

میڈیکل ٹیکنیشن محمد انور، جھاؤ میں 23 سال سےبطور ویکسی نیٹر کام کر رہے ہیں۔ہسپتال میں کوئی ڈاکٹر نہ ہونے کی وجہ سے ڈسٹرکٹ ہیلتھ آفیسر نے اکتوبر 2022ء میں انہیں ٹی ایچ کیو ہسپتال کا انچارج بنادیا تھا۔

انور نے بتایا کہ کہ ان کے&nbsp; پاس ادویات ختم ہو چکی ہیں اور اِس وقت یہاں صرف&nbsp; فلیجل اور او آر ایس دستیاب ہیں۔

چھبیس سالہ حیات بی بی، گجرو گاؤں سے 21 کلومیٹر فاصلہ طے کرکے آئی تھیں۔ محمد انور نے ان کا &#39;معائنہ&#39; کیا اور انہیں لگا کہ مریضہ میں ٹی بی کی علامات پائی جاتی ہیں۔ انہوں ںے مریضہ کو ہسپتال کے ٹی بی یونٹ بھیج دیا۔ 
ٹی بی یونٹ کے انچارج&nbsp; ایکسرے اسسٹنٹ خیر محمد شاہ ہیں۔

انہوں نے بھی حیات بی بی کا &#39;معائنہ&#39; کیا اور انہیں پانچ روز بعد کی تاریخ دے دی۔

خیر محمد 2007ء سے بطور ایکسرے اسسٹنٹ کام کر رہے ہیں۔ اس سے پہلے وہ اسی ہسپتال میں لیبارٹری سیکشن اور میڈیسن سٹور کے انچارج رہ چکے ہیں۔

ٹی بی یونٹ کو اس سے پہلے ہسپتال ڈسپنسر محمد اسلم چلا رہے تھے۔ ان کا تبادلہ ستمبر 2022ء میں سول ڈسپنسری شندی کر دیا گیا تو یہ شعبہ غیر فعال ہو گیا۔

خیر محمد شاہ نے چند ماہ پہلے ٹی بی سینٹوریم کوئٹہ سے ٹی بی کے پانچ روزہ تربیتی پروگرام میں شرکت کی اور آکر اس یونٹ کو سنبھال لیا۔

خیر محمد بتاتے ہیں کہ ان کے پاس ٹیسٹ مشین اور دوائیں تو موجود ہیں مگر مریضوں کا بلغم سیمپل لینے کے لیے ٹی بی یونٹ کے اندر بنائے گئے واش روم میں پانی کی سپلائی نہیں ہے۔ جس کی وجہ سے سیمپل نہیں لیے جا رہے۔ &quot; واش روم کی بحالی کام شروع ہونے میں دو چار روز لگ جائیں گے&quot;۔

<h2>پوری تحصیل میں ایک بھی ایم بی بی ایس ڈاکٹر نہیں!</h2>

حالیہ مردم شماری کے مطابق تحصیل جھل جھاؤ کی آبادی 40 ہزار سے زائد ہے مگر جھاؤ شہر میں بھی کوئی ایم بی بی ایس ڈاکٹر دستیاب نہیں اور نہ ہی کوئی باقاعدہ نجی لیبارٹری ہے۔

تمام نجی کلینکس بھی ٹیکنیشن اور ڈسپنسر چلا رہے ہیں۔

آر ایچ سی جھاؤ کو 2021 ء میں ٹی ایچ کیو تو بنا دیا گیا مگر سٹاف میں اضافہ ہوا نہ ہی بجٹ میں۔

<hr />

ہسپتال کے ایک کمرے میں مقتول ڈاکٹر شفیع محمد&nbsp; کی تصویر آویزاں ہے۔

وہ 11 سال یہاں اپنے فرائض&nbsp; انجام دیتے رہے۔ اس وقت یہ دیہی مرکز صحت ہوا کرتا تھا جس میں میڈیکل افسروں کی چار اسامیاں تھیں لیکن صرف ڈاکٹر شفیع ہی ڈیوٹی دیتے تھے۔

انہیں 15 دسمبر 2015ء کو انہیں نواحی علاقے لنجار میں نامعلوم افراد نےفائرنگ کرکے قتل کر دیاتھا۔ ڈاکٹر شفیع سابق وزیراعلیٰ بلوچستان ڈاکٹر عبدالمالک بلوچ کے پولیٹیکل سیکرٹری خیر جان بلوچ کے چھوٹے بھائی تھے۔

موجودہ انچارج ٹی ایچ کیو، محمد انور بتاتے ہیں کہ ڈاکٹر شفیع کے بعد دو ڈاکٹروں کی تعیناتی ہوئی۔ ڈاکٹر نصیر ایک ہفتہ رہے اور ڈاکٹر شہزاد چھ ماہ کے لیے عارضی تعینات کیے گئے تھے۔ وہ مدت مکمل ہونے پر چلے گئے۔2021ء کے بعد سے یہاں کوئی نہیں آیا۔

<hr />
ہسپتال میں کل 14 کمرے ہیں جن میں چھ، چھ بستروں والے زنانہ اور مردانہ وارڈ شامل ہیں۔ یہاں کوئی مریض داخل نہیں ہے۔ ان بستروں کو کبھی کبھار مریضوں کو ڈرپ لگانے یا عملے کے آرام کے لیے استعمال کیا جاتا ہے۔ ایمرجنسی وارڈ اس وقت مکمل طور پر بند ہے، &quot;آوٹ ڈور&quot; ہی سب کچھ ہے۔

ٹی ایچ کیو میں سٹاف کی تعداد 16 اہلکاروں پر مشتمل ہے لیکن ان میں سے کوئی بھی ڈاکٹر نہیں ہے۔

سٹاف میں تین ویکسی نیٹر، ایک ایکسرے اسسٹنٹ، ایک ڈینٹل ٹیکنیشن، دو جونیئر کلرک، ایک ملیریا سپروائزر، دو نرسنگ اردلی(وارڈ بوائے)، دو ڈرائیور، ایک ڈسپنسر، ایک خاکروب اور دو دائیاں شامل ہیں۔

<h2>ہسپتال میں دستیاب &#39;دیگر سہولیات&#39;</h2>

محمد انور نے کہا کہ دائیاں تربیت یافتہ نہیں ہیں، اس لیے زچگی کیسز کو بھی یہاں ڈیل نہیں کیا جاتا۔ &quot;ہم انہیں 54 کلو میٹر دور آواران، 100 کلومیٹر دور&nbsp; بیلہ، ڈھائی سو کلومیٹر دور حب چوکی یا پھر کراچی بھیج دیتے ہیں&quot;۔

او پی ڈی رجسٹر کے مطابق پچھلے ایک سال کے دوران ہسپتال میں 17 ہزار 163 مریضوں آئے۔

محمد نعیم (ڈینٹل ٹیکنیشن ہیں مگر ڈینٹل یونٹ میں مشینری اور آلات کی عدم دستیابی کے سبب وہ بطور میڈیسن سٹور انچارج کام کر رہے ہیں۔

وہ بتاتے ہیں کہ &quot;جو تھوڑی بہت دوائیں ہیں وہ پچھلے سال کی بچی ہوئی ہیں۔میڈیسن سٹور گزشتہ پانچ ماہ سے بغیر دوائیوں کے سہارے چل رہا ہے&quot;۔

انہوں نے بتایا کہ ہسپتال کی ضروری ادویہ جیسے ںوویڈیٹ، آگمینٹن، السانک سیرپ اور پیناڈول گولی گزشتہ ایک سال سے دستیاب نہیں۔

&nbsp;ڈسٹرکٹ ہیلتھ آفیسر محمد عالم زہری نے لوک سجاگ کو بتایا&nbsp; کہ رواں سال ہسپتال کی دواؤں کا بجٹ 30 لاکھ روپے تھا۔ سترہ لاکھ&nbsp; سے پہلی سہ ماہی کی ادویات خریدی گئیں۔مگر پھر کمپنیوں نے سپلائی سے انکار کر دیا کہ خام مال مہنگا ہوگیا ہے۔ موجودہ نرخ پر دوائیں نہیں دے سکتے۔

انہوں نے بتایا کہ اب بجٹ کی باقی رقم فریز ہو چکی ہے۔&quot;آئندہ مالی سال میں دواؤں کی قلت پر قابو پا لیا جائے گی&quot;۔

وہ کہتے ہیں کہ ٹی ایچ کیو کے لیےمیڈیکل سپرنٹنڈنٹ اور سپیشلسٹس سمیت ڈاکٹروں کی 18 اورعملے کی 91 اسامیوں کی تجویز صوبائی حکومت کو بھجوا ئی گئی تھی مگر دو سال بعد بھی منظور نہیں ہوئی۔

ہسپتال میں &#39;لیبارٹری&#39; نام کا ایک سیکشن بھی موجود ہے جہاں شوگر تک چیک کرانے کی سہولت دستیاب نہیں۔

ملیریا سپروائزر ثناء اللہ کو لیبارٹری اسسٹنٹ کی اضافی ذمہ داری دی گئی ہے۔ ان کی چھٹی کے باعث&nbsp; نرسنگ اردلی(وارڈ&nbsp; بوائے) عبدالخالق اور ٹرینی پرویزیہ ڈیوٹی انجام دے رہے تھے۔

عبدالخالق نے بتایا کہ یہاں صرف ملیریا ٹیسٹ ہوتا ہے مگر ٹیسٹ کٹس اکثر دستیاب نہیں ہوتیں۔انہوں نے بتایا کہ این آر ایس پی نے ملیریا ٹیسٹ کے لیے ایک مائیکروسکوپ فراہم کی تھی۔ مگر ٹیسٹ کے دوران استعمال ہونے والے کیمیکلز ختم ہوگئے تو خورد بین بے کار ہوگئی۔

محقق و بولان میڈیکل کالج کوئٹہ کےسابق پروفیسر ڈاکٹر شاہ محمد مری کا کہنا ہے کہ ڈاکٹروں کو صرف رہائش نہیں، اپنے&nbsp; بچوں کے لیے تعلیم و صحت اور دیگرسہولیات&nbsp; بھی درکار ہوتی ہیں۔ وہ شہر کا پر کشش ماحول چھوڑ کر یہاں دیہات میں کیوں آئیں گے؟

نیشنل پارٹی کے ضلعی صدر اور چیرمین میونسپل کمیٹی آواران عابد حسین کا کہنا ہے کہ ڈاکٹروں کے بغیر محض عمارتیں بنانے اور ہسسپتالوں کی اپ گریڈیشن سے حالات نہیں بدلیں گے۔

&quot;حکومت کو ان علاقوں میں ڈاکٹروں&nbsp; کے لیے پرکشش تنخواہوں اور مراعات پر مشتمل خصوصی پیکیج کا اعلان&nbsp; کرنا چاہیے&quot;۔

پاکستان میڈیکل ایسوسی ایشن بلوچستان کے صوبائی صدر ڈاکٹر آفتاب کاکڑ ڈاکٹرز کے دیہی علاقوں میں نہ آنے کی سب سے بڑی وجہ لا اینڈ آرڈر کی مخدوش صورتحال کو قرار دیتے ہیں۔

&quot;ایک تو یہ کہ سیکورٹی کی وجہ سے ڈاکٹرز ان علاقوں میں اپنے آپ کو غیر محفوظ سمجھتے ہیں۔ اس لیے وہ آنا نہیں چاہ رہے دوسرا یہ کہ ان علاقوں میں ڈاکٹرز کے لیے رہائش، بجلی اور دیگر بنیادی سہولیات دستیاب نہیں نہ ہی ہسپتالوں میں میڈیسن اور آلات، اس کے علاوہ جو ڈاکٹر ڈیوٹی پہ نہیں آتا تو ایڈمنسٹریشن کی زمہ داری بنتی ہے کہ وہ اس کے خلاف کاروائی کرے مگر وہ زمہ داری سرانجام دینے میں ناکام ہوتا ہے۔&quot;

پورے ضلع صحبت پور میں ایک لیڈی ڈاکٹر: 'ایسا نہ ہوتا تو بیٹی کے سر پر ماں کا سایہ سلامت ہوتا'

&quot;نومر 2022ء میں ملیریا کے کیسز زیادہ ہوئے تو این آر ایس پی نے ہسپتال کو ملیریا کٹس مہیا کرنا شروع کر دیں&quot;۔

ریکارڈ کے مطابق اس ماہ این آر ایس پی کی جانب سے 200 کٹس ملی تھیں جو ختم ہوچکی ہیں۔

<h2>ہسپتال کی نئی بلڈنگ زیرِتعمیر ہے!</h2>

پچپن سالہ عبداللہ 26 کلومیٹر دور کوٹو گاؤں سے موٹر سائیکل پر شوگر لیول چیک کرانے ٹی ایچ کیو پہنچے تھے مگر انہیں مایوس لوٹنا پڑا۔

وہ بتاتے ہیں کہ انہوں نے یہاں ٹی ایچ کیو اور نجی کلینک&nbsp; سے ایک ماہ تک علاج کرایا مگر ان کا بخار نہیں اترا، مجبوراً ڈھائی سو کلومیٹر دور حب چوکی جانا پڑا۔

&quot;ڈاکٹر نے ٹیسٹ کرایا تو ذیابیطس تشخیص ہوئی۔ اب بہتر ہوں، حب نہ جاتا تو یہاں بخار ہی کاعلاج کراتا رہتا۔&quot;

پرانی عمارت کے ساتھ ہی ٹی ایچ کیو جھاؤ کی نئی عمارت زیر تعمیر ہے۔

&nbsp;ایگزیکٹیو انجینیر بی اینڈ آر بہرام گچکی کا کہنا ہے کہ لاگت 17 کروڑ ہے، اب تک تین کروڑ 20 لاکھ روپے خرچ ہو چکے ہیں۔

&quot;پلان میں ڈاکٹرز اور سٹاف کے لیے رہائشی کالونی بھی شامل&nbsp; ہے، جون 2024ء تک مکمل ہوجائے گی۔&quot;

تحصیل ہیڈ کوارٹر ہسپتال جھل جھاؤ، جہاں ویکسی نیٹر آوٹ ڈور انچارج اور ایکسرے اسسٹنٹ شعبہ ٹی بی کا سربراہ ہے

بلوچستان کے ضلع آواران کی تحصیل جھاؤ میں مغرب کی نماز کے بعد ایک مسجد کے سامنے سات افراد ڈیرہ جمائے بیٹھے ہیں۔ یہ لوگ ایک دوسرے کو دن بھر کا احوال بتا رہے ہیں۔ اگرچہ بلوچستان میں حال احوال کا رواج اب ماند پڑتا جا رہا ہے لیکن جھاؤ کے عبدالستار گوٹھ میں یہ روایت اب بھی برقرار ہے۔ یہ لوگ کاشت کاری پر بات چیت کر رہے ہیں جو جلد ہی رخ بدل کر پرندوں پر مرکوز ہو جاتی ہے۔

اس منڈلی میں پینسٹھ سالہ عبدالرحیم ان پرندوں کے نام گنوا رہے ہیں جو یا تو معدوم ہو چکے ہیں یا اب خال خال ہی دکھائی دیتے ہیں۔ ان کا کہنا ہے کہ کبھی اس علاقے میں کونجیں اترا کرتی تھیں جو اب کبھی کبھار ہی نظر آتی ہیں جبکہ تلور کو دیکھے تو مدتیں گزر گئی ہیں۔

پچپن سالہ محمد اسماعیل ماضی کو یاد کرتے ہوئے کہتے ہیں کہ ان کے بڑے بوڑھے بتایا کرتے تھے کہ اس علاقے میں کبھی سیاہ سر دُرسہ نامی پرندہ (اسے مقامی زبان میں کررک، زردک اور دروچک بھی کہا جاتا ہے) عام دکھائی دیتا تھا۔ جب اس پرندے کے جھنڈ فضا میں پرواز کرتے تو پورا آسمان زرد ہو جاتا تھا لیکن اب یہ پرندہ بھی علاقے میں کم ہی دکھائی دیتا ہے۔

اسماعیل کہتے ہیں کہ انہوں ںے پچھلے ایک سال کے عرصہ میں اس پرندے کو نہیں دیکھا جبکہ عبدالرحیم بھی سر ہلا کر ان کی تائید کرتے ہیں۔

اس گفتگو میں شریک پینتیس سالہ عبدالاحد اپنے ساتھیوں کو بتاتے ہیں کہ اب موسم پہلے جیسے نہیں رہے جس کی وجہ سے پرندے بھی یہ علاقہ چھوڑ گئے ہیں۔ وہ کہتے ہیں کہ سیاہ سر دُرسہ عام طور پر مارچ کے مہینے میں گندم کی فصل پکنے کے دنوں میں دکھائی دیتا تھا۔ لیکن اس سال بارش اور ژالہ باری کے باعث فصل اپریل میں پکی نتیجتاً پرندے علاقے میں قیام کئے بغیر چلے گئے۔

جنگلی حیات کے فوٹو گرافر سلمان بلوچ بتاتے ہیں کہ سیاہ سر دُرسہ کو انگریزی میں بلیک ہیڈڈ بنٹںگ کہا جاتا ہے۔ یہ پرندے طویل سفر کرتے ہیں جو عام طور پر سات ہزار کلومیٹر تک محیط ہوتا ہے۔ یہ بلوچستان سے ہوتے ہوئے انڈیا جا کر اپنا ٹھکانہ بناتے اور انڈے دیتے ہیں۔ دو ہفتوں کے اندر انڈوں سے بچے نکل آتے ہیں اور اتنے ہی عرصے میں یہ بچے گھونسلہ چھوڑ کر اڑ جاتے ہیں۔

ان کا کہنا ہے کہ گزشتہ دس سال میں اس پرندے کی تعداد میں 30 فیصد کمی رپورٹ کی گئی ہے اور اس کی جھاؤ سے نہ گزرنے کی ممکنہ وجہ غیرقانونی شکار ہے۔

آواران سمیت بلوچستان کے بہت سے علاقوں میں ناصرف مقامی پرندوں کی تعداد میں کمی دیکھی گئی ہے بلکہ اب ہر سال دوسرے ممالک سے ہجرت کر کے آنے والے کئی طرح کے پرندے بھی کم کم نظر آتے ہیں۔

بلوچستان کے کنزرویٹر آف فاریسٹ اینڈ وائلڈ لائف نیاز کاکڑ پرندوں کو خوراک میسر نہ آنے اور ان کے اندھا دھند شکار کو اس کمی کی بنیادی وجہ قرار دیتے ہیں۔ ان کا کہنا ہے کہ ہر سال ہجرت کر کے آنے والے پرندوں کو اپنے راستے پر جو خوراک پہلے وافر مقدار میں ملتی تھی وہ اب موسمیاتی تبدیلی کی وجہ سے دستیاب نہیں ہے۔ اس کے علاوہ ان پرندوں کے شکار کا رحجان بھی پہلے سے کہیں بڑھ گیا ہے جس کی وجہ سے ان کی آمد کم ہو گئی ہے۔

ماہر ماحولیات محمد یحییٰ کے مطابق بیرون ملک سے ہجرت کر کے آنے والے پرندوں نے اب اپنے راستے بدل لئے ہیں۔

&quot;مجھے موسیٰ خیل سے اطلاع ملی ہے کہ اس مرتبہ وہاں زرد رنگ کے پرندے دیکھے گئے ہیں۔ امسال وہ اس راستے سے گزر رہے ہیں جس پر ہم نے انہیں پہلے کبھی نہیں دیکھا۔ قبل ازیں یہ پرندے مکران آواران روٹ سے آتے تھے۔ پیچھے یوکرین کی جنگ کی وجہ سے بھی پرندوں کے راستے تبدیل ہوئے ہیں۔&quot;

انہوں نے بتایا کہ بلوچستان میں ہجرتی پرندوں کے چار بڑے راستے ہیں۔ ان میں ایک راستہ آواران جھاؤ سے ہوتا ہوا اورماڑہ اور گوادر تک جاتا ہے۔ دوسرا نوشکی زنگناوڑ سے جھل مگسی اور پھر سکھر سے ہوتا ہوا سمندر تک چلا جاتا ہے۔ تیسرا راستہ قلعہ سیف اللہ سے بولان اور&nbsp; سندھ تک اور چوتھا راستہ افغانستان اور ژوب موسیٰ خیل کے درمیان ہے۔

یحییٰ کے مطابق پرندوں کے جسم میں قدرتی سینسر ہوتے ہیں جو انہیں بتاتے ہیں کہ موسم بدل گیا ہے۔ اب جب یہ پرندے ان راستوں پر آنا چاہتے ہیں تو ان کے سینسر انہیں سفر کے راستوں پر موسم تبدیل ہونے کے بارے میں آگاہ کر دیتے ہیں جس سے ان کی نقل و حرکت میں خلل آتا ہے۔

ہجرتی پرندوں کے شکار کی روک تھام میں حائل مسائل پر بات کرتے ہوئے نیاز کاکڑ کا کہنا ہے کہ جنگلی حیات ایکٹ 2014ء اور جنگلات ایکٹ 2022ء کی صورت میں پرندوں کو تحفظ دینے کے لئے واضح قانون موجود ہیں۔ تاہم وہ کہتے ہیں کہ ان قوانین پر عملدرآمد کرنے اور غیرقانونی شکار کی روک تھام کے لئے ان کے پاس وسائل اور افرادی قوت کی کمی ہے۔

&quot;بلوچستان کی وائلد لائف اور فاریسٹ فورس کی مجموعی افرادی قوت دو ہزار سے زیادہ نہیں جس میں ہر طرح کا عملہ شامل ہے۔ صوبے کے وسیع جنگلات کی نگرانی کے لئے فورس کے پاس نہ تو مطلوبہ تعداد میں گاڑیاں ہیں اور نہ ہی ایندھن، اسلحہ اور دیگر سازوسامان دستیاب ہے۔ پرندوں کے شکاری جدید اسلحے سے لیس ہوتے ہیں جنہیں روکنا اس فورس کے بس کی بات نہیں۔&quot;

'اس سال نقل مکانی کر کے آنے والے مہمان پرندوں کو پورا سندھ ہی جھیل نظر آیا': موسمیاتی تبدیلیاں اور پرندہ شماری

رزق کا فقدان یا شکاریوں کا خوف: مہاجر پرندہ سیاہ سر دُرسہ ایک سال سے آواران کا مہمان نہیں بنا

دلدار خان کنڈی آج کل بہت پریشانی اور مایوسی کا شکار ہیں۔ انہوں نے اپنی 24 ایکڑ زمین پر تربوز اُگا رکھا تھا جو بارشوں اور ژالہ باری سے تباہ ہو گیا ہے۔ وہ اسی فصل سے اپنے سال بھر کے بیشتر اخراجات پورے کرتے تھے اس لئے اب انہیں سمجھ نہیں آ رہی کہ وہ آنے والے دنوں میں گھر کیسے چلائیں گے۔

دلدار بلوچستان کے جنوبی ضلعے آواران کی تحصیل جھاؤ میں رہتے ہیں اور وہیں کاشت کاری کرتے ہیں۔ حالیہ بارشوں میں ان جیسے بہت سے کسانوں کی فصل تباہ ہو گئی ہے لیکن انہیں حکومت کی جانب سے اس کا کوئی ازالہ یا معاوضہ نہیں مل سکتا کیونکہ ان لوگوں کے پاس اپنی زمین کے مالکانہ حقوق نہیں ہیں۔

جھاؤ میں ابھی تک سرکاری سطح پر زرعی اراضی کا بندوبست/ حد بندی (لینڈ سیٹلمنٹ) نہیں ہوئی اس لئے یہاں کے زمیندار ہر طرح کی سرکاری مراعات سے محروم ہیں۔

دلدار خان کہتے ہیں کہ سبسڈی والی سرکاری کھاد کی قیمت 1800 روپے فی بوری ہے جو انہیں 3400 روپے میں خریدنا پڑتی ہے۔ یہی حال بیج کا ہے۔ اگر حکومت بارشوں کے متاثرین کی امداد کا فیصلہ کر لے تو تب بھی انہیں کچھ نہیں ملے گا۔

خضدار میں قلات ڈویژن کے سیٹلمنٹ افسر ظفر بنگلزئی کے مطابق جھاؤ کی اراضی کسی شخص، ادارے یا حکومت کے نام نہیں ہے۔ عام طور پر لوگ کئی نسلوں سے اپنی مخصوص زمینوں پر کاشت کاری کرتے چلے آ رہے ہیں اور جو جہاں بیٹھا ہے وہ اس زمین کا مالک سمجھا جاتا ہے۔

یہاں کی زمین کی ملکیت کے حوالے سے حکومت کے پاس بھی کوئی ریکارڈ موجود نہیں ہے۔ کسی زمین کے کسی فرد کی ملکیت میں ہونے کا واحد ثبوت ایک اقرار نامہ ہوتا ہے جسے &#39;قبض&#39; کہتے ہیں اور یہی زمین کی خریدو فروخت کی &#39;تسلیم شدہ دستاویز&#39; سمجھی جاتی&nbsp; ہے۔ علاوہ ازیں یہاں حکومت کسی کسان سے مالیے یا کسی اور مد میں کوئی وصولی بھی نہیں کرتی۔

جھاؤ میں بندوبست اراضی کا مسئلہ کئی دہائیاں پرانا ہے۔ حاجی شہر کے رہائشی اور مقامی سردار میر نصیب اللہ میروانی بتاتے ہیں کہ جھاؤ کی زمینوں پر مالکانہ حقوق کے لیے چار قبائل دعویدار ہیں جن میں میروانی، حملانی، تمرانی (یہ تینوں بزنجو قبیلے کے ذیلی شاخیں ہیں) اور گوارانزئی شامل ہیں۔ ماضی میں ان چاروں قبائل کے سردار ان علاقوں کے کسانوں سے &#39;ششک&#39; یعنی فصل کا چھٹا حصہ وصول کیا کرتے تھے۔

1972ء میں جھاؤ میں میر عبدالکریم بزنجو کی سربراہی میں ششک کے خلاف کسانوں کی تحریک اٹھی جو بلوچستان بھر میں پھیل گئی۔ اس وقت صوبے میں نیشنل عوامی پارٹی کی حکومت تھی جو ختم ہوئی تو ذوالفقار علی بھٹو کی وفاقی حکومت نے ایک آرڈیننس کے ذریعے ششک کا خاتمہ کر دیا۔ اس کے بعد 1973ء میں صوبائی اسمبلی نے ششک منسوخی ایکٹ کی منظوری تو دے دی مگر اراضی کے مالکانہ حقوق اور بندوبست کے لیے قانون سازی نہ ہو سکی۔

1983ء میں حکومت نے پہلی بار تحصیل جھاؤ میں بندوبست اراضی کا اعلان کیا۔ جس روز سرکاری حکام حدبندی&nbsp; کے لیے جھاؤ آئے، اسی روز عبدالکریم بزنجو کو قتل کر دیا گیا۔ اس قتل کا الزام سردار الم خان تمرانی، شیردل تمرانی اور ان کے ساتھیوں پر عائد کیا گیا۔حد بندی کا کام رک گیا۔ تمام ملزم چار سال بعد قید سے رہا ہو گئے لیکن اس کے بعد نہ تو زمینوں کی حد بندی دوبارہ زیرغور آئی اور نہ ہی کاشت کاروں نے دوبارہ یہ مطالبہ کیا۔

قصبہ لنجار کے کسان صالح بزنجو کے مطابق کاشت کاروں کو خوف ہے اگر حد بندی ہوئی تو یہ زمینیں ان کے ہاتھ سے نکل جائیں گی اور سردار پھر غالب آجائیں گے۔ اس لیے میر عبدالکریم کے قتل کے بعد انہوں نے خاموشی اختیار کر رکھی ہے۔

مگر دلدار خان کو اس بات سے اتفاق نہیں کہ کسان کسی ڈر کے مارے زمینوں کی حد بندی نہیں کراتے۔ ان کا کہنا ہے کہ ڈرنا انہیں چاہئے جو زمینوں پر ناجائز طور سے قابض ہیں۔ وہ اپنی مثال دیتے ہوئے کہتے ہیں کہ ان کے پاس جو 24 ایکڑ اراضی ہے وہ ان کے والد نے میر نصیب اللہ کی وراثتی جائیداد سے خریدی تھی جس کا ان کے پاس ثبوت بھی موجود ہے۔

نصیب اللہ کہتے ہیں کہ یہ موجودہ وزیراعلیٰ کے خاندان کا گھڑا ہوا &#39;سیاسی بیانیہ&#39; ہے کہ کسان حد بندی سے خوفزدہ ہیں۔ وزیراعلیٰ کے پاس تمام اختیارات موجود ہیں لیکن وہ حد بندی نہیں کروا رہے۔

دوسری جانب آواران کے ڈپٹی کمشنر جمعداد خان مندوخیل &#39;وسائل کی کمی&#39; کو بندوبست اراضی نہ ہونے کی وجہ قرار دیتے ہیں۔ ان کا کہنا ہے کہ یہ صرف آواران کا نہیں بلکہ پورے صوبے کا مسئلہ ہے۔ اس کام کے لئے بہت سے وسائل اور افرادی قوت چاہئے جو صوبے میں دستیاب نہیں ہیں۔

آواران کے ڈپٹی ڈائریکٹر زراعت نواز علی اس دعوے کو مسترد کرتے ہیں کہ جن کسانوں کے پاس مالکانہ حقوق نہیں ہیں انہیں تباہ ہونے والی فصل کا معاوضہ نہیں دیا جا رہا۔

ان کا کہنا ہے کہ کاشتکاروں کی مدد کے لئے محکمے کی فیلڈ ٹیمیں گھر گھر جا کر رجسٹریشن کرتی ہیں اور اس کا زمین کی ملکیت سے کوئی تعلق نہیں ہوتا۔ مالکانہ حقوق سے محروم زمیندار بھی حکومتی سبسڈی سے مستفید ہو رہے ہیں اور رواں سال محکمے نے جھاؤ کے کسانوں میں بلا تخصیص پندرہ ہزار بوری گندم کا بیج تقسیم کیا ہے۔

تاہم دلدار خان اس دعوے کی تردید کرتے ہوئے کہتے ہیں کہ ان کی زمین مرکزی شاہراہ پر واقع ہے۔ انہوں نے بھی بیج کے لئے درخواست دی تھی لیکن نہ تو کوئی اہلکار ان سے پوچھنے آیا اور نہ ہی بیج ملا۔

میر نصیب اللہ کا کہنا ہے کہ زمین کی حد بندی اور الاٹمنٹ نہ ہونے سے کاشت کار ایک دوسرے کے ساتھ اراضی کے تنازعات میں الجھ رہے ہیں، طاقتور کمزور کی زمین پر قبضہ کرتا جا رہا ہے، قابضین اور کیسوں کی تعداد بڑھتی جا رہی ہے۔

آواران میں وکالت کرنے والے شہباز طارق ایڈووکیٹ اس بات کی تصدیق کرتے ہوئے کہتے ہیں کہ سول جج آواران کی عدالت میں زیادہ تر مقدمات کا تعلق جھاؤ سے ہے اور ان میں 80 فیصد تک مقدمات کا تعلق غیرتصفیہ شدہ زمینوں سے ہے۔

چھوٹے ڈیمز: کوہلو کی زرعی امیدوں پر موسمیاتی تباہی نے پانی پھیر دیا

بلوچ کسان: سرداروں کا ششک ٹیکس تو ختم ہوئے 50 سال ہو گئے لیکن لینڈ سیٹلمنٹ ابھی تک نہیں کی گئی

گلاب بلوچ نے کراچی آواران شاہراہ پر جھاؤ کے واجہ باغ بازار میں مشروبات بیچنے کی دکان بنا رکھی ہے۔ آواران سے بیلہ، خضدار، کوئٹہ اور کراچی جانے والی گاڑیاں اور بسیں یہاں رکتی ہیں اور مسافر کچھ دیر سستانے اور پیاس بجھانے کے لیے گلاب کے گاہک بن جاتے ہیں۔

گلاب کی دکان کے سامنے ویگن سٹینڈ پر اڈہ مینجر اور مسافروں کے درمیان کرائے پر تکرار ہو رہی ہے۔ یہ لسبیلہ کے صنعتی مرکز حب چوکی جانے والے مسافر ہیں۔

اڈہ مینجر جھاؤ سے بیلہ تک کا چھ سو روپے کرایہ طلب کر رہا ہے۔ مسافروں کا موقف ہے کہ جھاؤ سے حب تک ڈھائی سو کلومیٹر کا کرایہ بارہ سو روپے ہے تو بیلہ تک 89 کلومیٹر کا کرایہ چھ سو روپے کیسے بنتا ہے؟ لیکن اڈہ مینجر کی دلیل ہے کہ سڑک بہت خراب ہے اس لئے چھ سو روپے ہی وصول کئے جائیں گے۔

گلاب کے لئے یہ تُو تُو میں میں سننا روزانہ کا معمول ہے۔ وہ بتاتے ہیں کہ سڑک کی خرابی کے باعث سفر کے دورانیے کی طوالت میں اضافے کی بنیاد پر یہاں زیادہ کرایہ وصول کیا جا رہا ہے۔

ٹرک ڈارئیور غلام نبی آواران سے پیاز لے کر کوئٹہ جا رہے ہیں۔ ان کا کہنا ہے کہ انہوں نے سڑک خراب ہونے کے باعث یہاں تک 54 کلومیٹر فاصلہ ایک دن سے زائد میں طے کیا ہے!

وہ بتاتے ہیں کہ پچھلے بیس سال سے اس سڑک کی مرمت نہیں ہوئی پھر اس سال مارچ میں آواران سے جھاؤ آنے والی سڑک پر سیڑھ ندی کا پل بھی ٹوٹ گیا۔ اس حادثے میں ایک&nbsp; ہی خاندان کے آٹھ افراد جاں بحق ہو گئے تھے۔

واجہ باغ بازار میں سستانے کے لئے رکنے والے عبدالنبی نیابت آواران سے اپنی بیوی کو زچگی کے لیے کراچی لے گئے تھے۔ وہ بتاتے ہیں کہ انہیں حب چوکی سے بیلہ تک 159 کلومیٹر سفر طے کرنے میں دس گھنٹے لگے جبکہ یہ راستہ بمشکل دو گھنٹے کا ہے۔

آواران وزیراعلیٰ بلوچستان میر عبدالقدوس بزنجو کا آبائی علاقہ اور حلقہ انتخاب ہے۔ اس ضلعے کی آبادی دو لاکھ سے زیادہ ہے اور ان تمام لوگوں کو کہیں بھی جانے کے لئے جھاؤ-بیلہ روڈ سے ہی سفر کرنا پڑتا ہے جہاں سے روزانہ تقریباً تین سو بسیں اور ٹرک گزرتے ہیں۔

آواران میں ہر سال بڑی مقدار میں پیاز، تربوز، کھجور، جو اور گندم پیدا ہوتی ہے جس میں سے کچھ اجناس علاقے میں سٹوریج کی سہولت نہ ہونے کے باعث ضائع ہو جاتی ہیں اور باقی ملک بھر کی منڈیوں میں بھیج دی جاتی ہے۔ 
ان دنوں یہاں پیاز کا سیزن ہے۔

باغ بازار میں گڈز ٹرانسپورٹ کمپنی چلانے والے ملا صادق کہتے ہیں کہ خراب سڑک کی سزا کاشت کاروں کو مل رہی ہے۔ پیاز کی نقل و حمل پر فی بوری 600 روپے تک خرچہ آتا ہے اور اتنے پیسے خرچ کر کے بھی اسے بروقت منڈی نہیں پہنچایا جا سکتا۔ اٹھارہ سے انیس گھنٹے کے سفر میں پیاز ٹرکوں میں ہی خراب ہو جاتا ہے اور کاشت کاروں کو ان کی فصل کی پوری قیمت نہیں مل پاتی۔

2004ء تک کراچی، لسبیلہ اور دیگر اضلاع سے مکران جانے کے لیے آواران سے ہی گزر کر جانا پڑتا تھا۔ تاہم مشرف حکومت میں مکران کوسٹل ہائی وے مکمل ہونے کے بعد آواران کی بطور گزرگاہ اہمیت ختم ہو گئی اور اس کا مکران سے زمینی رابطہ ٹوٹ گیا۔

گزشتہ حکومت نے ستمبر 2021ء میں جھاؤ بیلہ 80 کلومیٹر سڑک کی تعمیر کے منصوبے کا سنگ بنیاد رکھا تھا۔ اس کے ساتھ وفاقی بجٹ میں ہوشاب (مکران ڈویژن) سے آواران تک 146 کلومیٹر شاہراہ بنانے کا اعلان بھی کیا گیا تھا جس سے آواران کے لوگوں کو امید ہوئی کہ اب انہیں سفر کی بہتر سہولت میسر آئے گی۔

تاہم جھاؤ سے حب تک اپنی مسافر ویگن چلانے والے عبیداللہ عمرانی کہتے ہیں کہ توقع تھی یہ منصوبہ چار سال میں مکمل ہو جائے گا مگر ایسا نہ ہو سکا۔ وقت کے ساتھ اس سڑک پر جگہ جگہ گہرے گڑھے بن چکے ہیں اور گاڑیوں کا نقصان ہو رہا ہے۔ اگر کوئی ٹرک الٹ جائے تو ٹریفک گھنٹوں بند رہتی ہے۔

جھاؤ بیلہ روٹ پر اس سڑک کی تعمیر کے انچارج سبطین شاہ نے بتایا کہ اس منصوبے کی تکمیل پر 10 ارب روپے خرچ ہونا تھے۔ یہ رقم 2021ء سے 2023ء تک کے بجٹ سے ادا کی جانا تھی لیکن مکمل ادائیگی نہ ہونے کے باعث تعمیراتی کام دو سال میں جھاؤ بیلہ لک پاس کی کٹائی اور چند کلومیٹر ڈھلائی سے آگے نہیں بڑھ سکا۔

تعمیراتی کمپنی کے ایک اہلکار نے نام ظاہر نہ کرنے کی شرط پر بتایا کہ اب تک کمپنی کو ڈیڑھ ارب روپےکی ہی ادائیگی ہو سکی ہے۔ سکیورٹی کا مسئلہ بھی کام میں تعطل کی دوسری بڑی وجہ ہے کیونکہ سڑک کی تعمیر کے لئے جو ماحول درکار ہوتا ہے وہ میسر نہیں ہے۔

آواران کے ڈپٹی کمشنر جمعداد خان مندوخیل کا کہنا ہے کہ بیلہ جھاؤ شاہراہ کے لیے رقم جاری ہو گئی تو اس کی تعمیر دو سال میں مکمل ہو جائے گی۔ مستقبل میں آواران سی پیک کے مشرقی روٹ (سکھر لاڑکانہ گوادر) اور مغربی روٹ (کوئٹہ گوادر) کا جنکشن ہو گا۔ یہاں کاروبار، ترقی اور روزگار کے مواقع پیدا ہوں گے اور امن و امان میں بہتری آئے گی۔

لسبیلہ کے رہائشی نادر علی آواران میں نیشنل بینک کی برانچ میں کام کرتے ہیں۔ انہیں پچھلے تین سال سے ہر ہفتے یا دو ہفتے بعد لسبیلہ اور آواران کے درمیان آنا جانا پڑتا ہے اور وہ ہر بار اس مشکل سفر کی کوفت اٹھانے سے پہلے کئی مرتبہ سوچتے ہیں۔ تاہم نوکری کی مجبوری ہر بار انہیں اس راہ پر لے جاتی ہے جس کے درست ہو جانے کا مستقبل میں انہیں کوئی امکان دکھائی نہیں دیتا۔

سڑک بن رہی ہے: گوادر میں ایکسپریس وے کی تعمیر پرانے شہر کے باسیوں اور مچھیروں کے لیے وبالِ جان

اِس مہینے کی 6 تاریخ کو بلوچستان کے وزیراعلیٰ عبدالقدوس بزنجو کے آبائی علاقے جھاؤ میں سکولوں کے بچوں نے احتجاجی جلوس نکالا۔ ان بچوں نے پلے کارڈ اٹھا رکھے تھے جن پر کچھ ایسے نعرے درج تھے:

&quot;ہمیں کتابیں چاہئیں&#39;&#39;

&quot;سکولوں میں بچے ہیں مگر کتابیں نہیں&quot;

&quot;نیا تعلیمی سال آ گیا مگر کتابیں نہیں آئیں&quot;

جھاؤ ضلع آواران سے 54 کلومیٹر کے فاصلے پر واقع ہے جہاں اس احتجاج میں طلبہ و طالبات کی بڑی تعداد نے شرکت کی۔ ان بچوں کا ایک ہی مطالبہ تھا کہ انہیں کتابوں کی بروقت فراہمی یقینی بنائی جائے۔

بلوچستان بھر میں نئے تعلیمی سال کا آغاز یکم مارچ سے ہوتا ہے۔&nbsp; 10 فروری کو محکمہ ثانوی تعلیم نے ایک نوٹیفکیشن کے ذریعے تمام 35 اضلاع کے ایجوکیشن&nbsp; افسروں کو احکامات جاری کیے کہ وہ طے شدہ شیڈول کے مطابق اپنے اپنے علاقوں کے سکولوں کے لیے کتابیں وصول کر لیں۔

اس شیڈول کے مطابق آواران کے سکولوں کے لیے کتابوں کی وصولی 21 فروری کو ہونا تھی لیکن یکم مارچ کو بیشتر سکولوں میں بچوں نے نئی جماعتوں میں قدم رکھا تو پتا چلا کہ ان کے لیے کتابیں تاحال نہیں پہنچ سکیں۔

محکمے کے ڈائریکٹر واحد شاکر بلوچ کا کہنا ہے کہ سکولوں میں کتابیں فراہم کرنا آواران کے ضلعی ایجوکیشن آفیسر کی ذمہ داری ہے جنہیں ڈائریکٹوریٹ سے کتابیں وصول کرکے سکولوں کو پہنچانا تھیں لیکن وہ اس ذمہ داری کو پورا کرنے میں سستی کے مرتکب ہوئے ہیں۔

گورنمنٹ ہائی سکول لعل بازار جھاؤ کے ہیڈماسٹر محمد ظریف کا کہنا ہے کہ نئے تعلیمی سال کے آغاز پر سکولوں میں کتابیں نہ ہونے کا یہ پہلا واقعہ نہیں۔ پچھلے سال بھی ایسا ہی ہوا تھا اور بہت کم تعداد میں کتابیں دی گئی تھیں۔ تیسری اور پانچویں جماعت کے لیے کوئی کتاب نہ پہنچ سکی جبکہ دیگر جماعتوں کے متعدد مضامین کی کتابیں بھی دستیاب نہیں تھیں۔ ان کا کہنا ہے کہ اس صورتحال کی زبانی اطلاع آواران کے ضلعی ایجوکیشن آفیسر کو دے دی گئی تھی لیکن انہوں نے بھی کچھ نہیں کیا۔

ظریف بتاتے ہیں کہ رواں سال انہوں نے 28 فروری کو کتابوں کی ڈیمانڈ ڈسٹرکٹ ایجوکیشن آفیسر کو تحریری طور پر ارسال کر دی تھی جس کے بعد امید تھی کہ اس سال کتابیں بروقت ملیں گی اور نئے تعلیمی سال کا آغاز بہتر طریقے سے ہو گا مگر ایسا نہیں ہو سکا۔

&quot;ہم نے امتحانی نتیجے کا اعلان کرکے بچوں کو بتایا تھا کہ یکم مارچ کو کتابیں تقسیم کریں گے۔ اب بچوں کا ایک ہی مطالبہ ہے کہ انہیں کتابیں فراہم کی جائیں اور انہیں مطمئن کرنے کے لیے ہمارے پاس کوئی جواب نہیں۔&quot;

محمد ظریف بتاتے ہیں&nbsp; کہ کتابوں کی عدم دستیابی کے سبب تعلیم میں بچوں کی دلچسپی کم ہوتی جا رہی ہے جس کا اندازہ سکول میں آنے والے طلبہ کی تعداد میں مسلسل کمی سے لگایا جا سکتا ہے۔

گورنمنٹ ہائی سکول لعل بازار میں آٹھویں جماعت کے طالب علم نواز احمد کتابیں نہ ملنے پر سخت پریشان ہیں۔ انہوں نے سجاگ کو بتایا کہ پچھلے سال انہیں اردو اور سائنس کی کتابیں نہیں ملی تھیں۔ انتظار کے بعد انہوں نے سائنس کی کتاب تو دوسرے سکول سے منگوا لی مگر اردو کی کتاب دستیاب نہ ہو پانے کے باعث وہ اس کے امتحان کی اچھی تیاری بھی نہ کر سکے۔

تاہم آواران کے ڈسٹرکٹ ایجوکیشن آفیسر محمد ابراہیم مہر کتابوں کی عدم دستیابی کی ذمہ داری بلوچستان ٹیکسٹ بک بورڈ کے سر ڈالتے ہیں۔ ان کا کہنا ہے کہ پچھلے تین سال سے انہیں ٹیکسٹ بک بورڈ کی طرف سے بروقت کتابیں نہیں مل رہیں۔ کہیں ریاضی، کہیں اردو تو کہیں انگریزی کی کتاب میسر نہیں ہے جس سے بچوں کی تعلیم بری طرح متاثر ہو رہی ہے۔

حکومتِ بلوچستان کتابوں کی مد میں ہر سال ایک مقررہ گرانٹ کالجوں اور سکولوں کے ڈائریکٹوریٹ کو جاری کرتی ہے۔ یہ رقم کتابوں کے لیے کاغذ کی خریداری، ان کی اشاعت اور جلد بندی وغیرہ پر خرچ ہوتی ہے۔ اس سال محکمہ خزانہ کی جانب سے ڈائریکٹر سکولز بلوچستان کو اس مد میں ایک ارب چھ کروڑ روپے جاری کیے گئے ہیں۔

چیئرمین ٹیکسٹ بک بورڈ بلوچستان یحییٰ مینگل نے سجاگ سے بات کرتے ہوئے وضاحت کی کہ ادارے کو محکمہ خزانہ کی طرف سے سالانہ گرانٹ تاخیر سے ملتی ہے جس کی وجہ سے کتابوں کی چھپائی کا کام لیٹ ہو جاتا ہے۔

&quot;رواں مالی سال کے لیے کتابوں کی اشاعت کا کام اکتوبر 2022 میں شروع کیا گیا تھا مگر اس کے لیے مختص رقم فروری 2023 میں جاری کی گئی جس کا اثر کتابوں کی چھپائی پر اور فراہمی پر بھی پڑا&quot;۔

یحییٰ مینگل کے مطابق ادارے کی جانب سے ڈائریکٹر ثانوی تعلیم کو 65 فیصد کتابیں فراہم کی جا چکی ہیں اور باقی 35 فیصد کی چھپائی کا کام جاری ہے۔ وہ یہ بھی کہتے ہیں کہ آواران کے سکولوں میں کتابیں نہ پہنچنے کا معاملہ ان کی سمجھ سے بالاتر ہے۔

محکمہ خزانہ کے ایک افسر نے نام ظاہر نہ کرنے کی شرط پر بتایا کہ کتابوں کی فراہمی میں تاخیر کے ذمہ دار ناشر ہیں۔ ٹیکسٹ بک بورڈ بلوچستان نے جس ناشر کے ساتھ معاہدہ کیا ہو اس پر لازم ہوتا ہے کہ وہ کتابیں بروقت شائع کر کے پہنچائے گا۔ لیکن ناشر کبھی وقت پر کتابیں نہیں چھاپتے جبکہ محکمہ خزانہ نے ناشروں کو معاوضے کی ادائیگی میں کبھی تاخیر نہیں کی۔

کتابیں جمنیزیم میں ڈھیر اور عمارت پر تالا: کیا تربت پبلک لائبریری پر قبضہ ہو چکا ہے؟

''کتابیں دی جائیں ہمیں پڑھنا ہے''، آواران میں سکول کے بچوں کا احتجاج

شیر محمد پچھلے ڈیڑھ ماہ سے اپنے بیوی بچوں کے ہمراہ ایک خیمہ بستی میں رہ رہے ہیں جہاں ان کی گزربسر حکومت اور مخیر افراد کی جانب سے دی جانے والی امداد پر ہو رہی ہے۔ انہیں معلوم نہیں کہ وہ کب اپنے گھر واپس جا سکیں گے اور وہاں جا کر کیسے نئے سرے سے اپنی زندگی شروع کر سکیں گے۔

ان کی خیمہ بستی بلوچستان کے جنوب مشرقی ساحلی ضلع لسبیلہ کے صدرمقام بیلہ سے تقریباً 17 کلومیٹر جنوب میں ٹیارو نامی جگہ پر بنائی گئی ہے جہاں سے ان کا گاؤں، نصیبانی، 15 کلو میٹر مزید جنوب مغرب میں واقع ہے۔

یہاں پہنچنے کی وجہ بیان کرتے ہوئے ان کا کہنا ہے کہ جولائی 2022 کے اواخر میں نصیبانی اور اس کے ارد گرد کئی روز بارش ہوتی رہی جس کے نتیجے میں اُس مہینے کی 25 تاریخ کو صبح سویرے ان کے گاؤں کے نواح میں بہنے والی پورالی ندی کے بہاؤ میں بہت اضافہ ہو گیا۔ تاہم مقامی لوگوں نے اسے معمول کی بات سمجھ کر نظرانداز کر دیا۔ ان کا خیال تھا کہ برسات کے موسم میں ایسا ہوتا ہی رہتا ہے۔ دراصل ان سب کو یقین تھا کہ جلد ہی ندی میں پانی کی سطح کم ہونے لگے گی۔&nbsp;

لیکن اس کے برعکس شام چھ بجے تک نصیبانی سے باہر جانے والے تمام راستے ندی سے نکلنے والے سیلابی پانی میں ڈوب چکے تھے۔ اس وقت تک گاؤں کے اندر بھی اتنا پانی گھس آیا تھا کہ اس کے ساڑھے تین سو کے قریب باشندوں کو اپنے گھربار چھوڑ کر ایک مقامی کمیونٹی ہال کی چھت پر پناہ لینا پڑ گئی تھی۔&nbsp; 
اگلے چار روز ان سب نے اسی چھت پر گزارے۔

سرکاری اعدادوشمار کے مطابق اس دوران پورالی ندی میں پانی کا بہاؤ دو لاکھ 18 ہزار مکعب میٹر فی سیکنڈ تھا جس کے باعث کسی امدادی ٹیم کا ان تک پہنچنا ناممکن تھا۔ اسی لیے، 45 سالہ شیر محمد کے مطابق، حکومتی اہل کار ان تک پانی کے بہاؤ میں کمی آنے کے بعد ہی پہنچ پائے۔&nbsp;

ان اہل کاروں نے بعدازاں انہیں ٹیارو کی خیمہ بستی میں منتقل کیا جہاں اپنے حالاتِ زندگی کے بارے میں ان کا کہنا ہے کہ &quot;سیلاب نے ہم سے سب کچھ چھین لیا اور بدلے میں ہمیں ہیضے کی وبا دے دی&quot;۔

نصیبانی کے جنوب مغرب میں واقع پٹوکی نامی گاؤں بھی پورالی ندی میں آنے والے سیلاب سے بری طرح متاثر ہوا۔ سیلابی پانی نے نہ صرف اس کے مکانات کو شدید نقصان پہنچایا بلکہ تین سو 65 ایکڑ پر کھڑی مقامی فصلیں بھی مکمل طور پر تباہ کر دیں۔

اس گاؤں سے تعلق رکھنے والے 34 سالہ کاشت کار محمد انور کہتے ہیں کہ سیلاب نے انہیں &quot;کوڑی کوڑی کا محتاج کر دیا ہے&quot;۔

وہ 18 افراد پر مشتمل ایک کنبے کے سربراہ ہیں اور اپنے علاقے کے بڑے زمینداروں میں شمار ہوتے ہیں۔ انہوں نے سوچ رکھا تھا کہ اس سال کپاس کی فصل بیچ کر وہ شمسی توانائی سے چلنے والے اپنے ٹیوب ویل کی قیمت ادا کریں گے جو انہوں نے پچھلے سال آٹھ لاکھ روپے ادھار لے کر لگایا تھا۔ ان کا یہ بھی خیال تھا قرض کی واپسی کے بعد بچ جانے والی رقم سے وہ ایک نیا گھر بنائیں گے۔

لیکن وہ کہتے ہیں سیلاب نے نہ صرف ان کی 45 ایکڑ رقبے پر کھڑی کپاس، گوارا اور جوار کی فصلیں تہس نہس کر دیں (جن کی مجموعی مالیت 38 لاکھ روپے تھی) بلکہ ان کا پرانا گھر بھی ملیا میٹ کر کے انہیں دربدر کر دیا۔&nbsp;

وہ کہتے ہیں کہ اگرچہ سیلابی پانی کے پٹوکی میں داخل ہونے سے پہلے ہی وہ اپنے اہل خانہ کو لے کر تحصیل بیلہ کے ایک محفوظ علاقے پیرانی گوٹھ میں اپنے بہنوئی کے ہاں منتقل ہو گئے تھے لیکن ان کے بڑے بھائی غلام حیدر اور ان کے ایک ماموں زاد اپنے گاؤں میں ہی رہ گئے تھے تاکہ وہ مویشیوں اور گھریلو سازوسامان کا خیال رکھ سکیں۔&nbsp;

تاہم غلام حیدر کہتے ہیں کہ وہ ایسا کچھ نہ کر سکے کیونکہ 25 جولائی کی شام تک پٹوکی میں پانی کی سطح اتنی بلند ہو چکی تھی کہ ان کا پورا گھر اس میں ڈوب گیا تھا۔ چنانچہ ان کے گھر کے کمرے اُن کے سامنے گرتے رہے اور وہ کچھ نہ کر پائے۔ یہاں تک کہ ان کی تین گائیں بھی پانی میں بہہ گئیں اور وہ انہیں بچا نہ سکے۔

ان کا کہنا ہے کہ انہیں خود بھی &quot;چار راتیں ایک قریبی ٹیلے پر گزارنا پڑیں&quot; جہاں نہ کھانے پینے کا انتظام تھا نہ سونے کا بندوبست۔ 29 جولائی کو سرکاری اہل کاروں نے انہیں اسی ٹیلے سے اٹھا کر ایک محفوظ مقام پر پہنچایا۔&nbsp;

<h2>غم کی فصل</h2>

تحصیل بیلہ میں کپاس کی کاشت مئی کے مہینے میں کی جاتی ہے جبکہ اگست کے آغاز میں اس کی چنائی شروع ہو جاتی ہے جو اکتوبر تک جاری رہتی ہے۔ 
مقامی اسسٹنٹ کمشنر حمزہ انجم کہتے ہیں کہ ہر سال کپاس کی چنائی کے موسم میں تقریباً 20 ہزار کھیت مزدور سندھ بھر سے اس تحصیل میں کام کرنے کے لیے آتے ہیں۔ ان کے مطابق ان مزدوروں کی ایک بڑی تعداد حالیہ سیلاب سے شدید متاثر ہوئی ہے کیونکہ کپاس کی فصل کی تباہی کی وجہ سے انہیں نہ تو روزگار کے مواقع مل رہے ہیں اور نہ ہی ان کے پاس رہنے سہنے کا کوئی ٹھکانہ ہے۔

پہلے تو وہ انہی زمینداروں کی زمین پر عارضی گھر بنا لیتے تھے جن کی فصل کی وہ چنائی کرتے تھے لیکن حمزہ انجم کہتے ہیں کہ اس سال سیلاب کی وجہ سے انہیں یہ سہولت کہیں دستیاب نہیں۔ اس لیے ان کی ایک بڑی تعداد سیلاب متاثرین کے لیے قائم کی گئی خیمہ بستیوں میں رہ رہی ہے جو تحصیل بیلہ میں جگہ جگہ دکھائی دیتی ہیں۔&nbsp;

دوسری طرف بیلہ شہر میں قائم کپاس کی ایک جننگ فیکٹری کے مالک ونود کمار کہتے ہیں کہ سیلاب سے ہونے والے نقصانات کا منفی اثر صرف سندھی مزدوروں اور مقامی زمینداروں پر ہی نہیں پڑا بلکہ ان جیسے فیکٹری مالکان بھی اس سے شدید متاثر ہوئے ہیں۔ ان کا کہنا ہے کہ کپاس کی مقامی فصل کی موجودہ پیداوار معمول سے تین چوتھائی کم رہ گئی ہے جس کی وجہ سے جننگ فیکٹریوں میں پہلے کی نسبت کہیں کم کام ہو رہا ہے۔ &quot;اس کے نتیجے میں بیلہ سے روزانہ کراچی کپاس لے جانے والی گاڑیوں کی تعداد صرف نو رہ گئی ہے حالانکہ عام حالات میں ان کی تعداد 35 سے کم نہیں ہوتی تھی&quot;۔&nbsp;

بلوچستان کے محکمہ زراعت کی طرف سے بیلہ میں متعین کیے گئے ڈپٹی ڈائریکٹر محمد شفیع تباہی کے ان تخمینوں کی تصدیق کرتے ہوئے کہتے ہیں کہ کپاس کی مقامی فصل کو اس سال جتنا شدید نقصان پہنچا ہے اتنا انہوں نے پہلے کبھی نہیں دیکھا۔ اس کی شدت کی وضاحت کرتے ہوئے ان کا کہنا ہے کہ &quot; تحصیل بیلہ میں سیلاب سے تقریباً 60 ہزار ایکڑ زرعی اراضی متاثر ہوئی ہے جس میں سے 33 ہزار ایکڑ پر صرف کپاس کی فصل لگی ہوئی تھی&quot;۔ ان کے اندازے کے مطابق تباہ ہونے والی کپاس تحصیل بیلہ میں بوئی گئی تمام فصل کا 90 فیصد تھی۔ &nbsp;

<h2>کیا تھمے گا بہاؤ پانی کا؟</h2>

بیلہ سے چار کلومیٹر مشرق کی جانب واقع میارکہ گوٹھ میں حاجی محمد رحیم کی 26 ایکڑ زرعی زمین پر لگی کپاس اور بھنڈی کی فصل برباد ہو گئی ہے۔ لیکن ان کا کہنا ہے کہ اس بربادی کا سبب سیلاب یا اس کی شدت نہیں بلکہ پورالی ندی پر کچھ سال پہلے بنائی گئی تعمیرات اور تنصیبات ہیں۔&nbsp;

یہ ندی ضلع لسبیلہ میں دریائے ہنگول کے بعد پانی کی دوسری بڑی قدرتی گزرگاہ ہے جس میں بہت سے چھوٹے بڑے ندی نالوں کا پانی جمع ہوتا ہے۔ یہ بیلہ شہر کے شمال میں ضلع خضدار سے نکلتی ہے اور تحصیل بیلہ میں سے گزرتی ہوئی جنوب میں سمندر کی طرف چلی جاتی ہے۔ جس علاقے سے اس کا گزر ہوتا ہے اسے اس کی مناسبت سے پورالی بیسن کہا جاتا ہے۔&nbsp;

بلوچستان کی صوبائی حکومت نے 2017 میں عالمی بنک کے تعاون سے اس بیسن میں آب پاشی کا ایک نیا نظام متعارف کرایا جس پر 25 کروڑ 37 لاکھ 20 ہزار ڈالر لاگت آئی اور جس کا مقصد پورالی ندی اور اس کے قریب ہی بہنے والی ناڑی ندی کے آبی وسائل کو &quot;ایک مربوط طریقے سے منظم کرنا اور ترقی دینا&quot; تھا۔

اس نظام کے تحت پورالی ندی کے کنارے دو فٹ اونچے کر کے اس کا پانی دو چھوٹی ندیوں، نرگ اور ہنجری، میں منتقل کیا گیا۔ پانی کی اس منتقلی کو کنٹرول کرنے کے لیے تینوں ندیوں کے سنگم پر دو گیٹ بنائے گئے اور دونوں چھوٹی ندیوں کی چوڑائی کو کم کر کے انہیں گہرا کر دیا گیا۔ &nbsp;

ڈان اخبار میں نومبر 2016 میں چھپنے والے سکندر بروہی نامی تحقیق کار کے ایک مضمون کے مطابق اس نظام کا مقصد 35 ہزار پانچ سو 83 ایکڑ اراضی اور تین ہزار دو سو 20 مکانات کو ندی برد ہونے سے بچانا تھا۔ اس کا دوسرا مقصد چار ہزار پانچ سو کاشت کار خاندانوں کو آب پاشی کے لیے پانی فراہم کرنا اور 16 دیہات کو پینے کا پانی باہم پہنچانا تھا۔&nbsp;

لیکن مقامی لوگوں کو شکایت ہے کہ یہ نظام متعارف کرانے سے پہلے ان کی رائے سنی ہی نہیں گئی۔ حاجی محمد رحیم کا کہنا ہے کہ &#39;&#39;جب اس پر کام شروع ہوا تو ہم نے اس کا معائنہ کر کے کہہ دیا تھا کہ اس کی وجہ سے ہمارے علاقے میں سیلاب کا خطرہ بڑھ جائے گا&quot;۔ وہ کہتے ہیں کہ &quot;ہم نے ضلعی انتظامیہ کو بھی ان خدشات سے آگاہ کیا لیکن ہماری بات پر کسی نے توجہ ہی نہ دی&quot;۔

نرگ ندی کے علاقے میں رہنے والے کسانوں کی ایک تنظیم کے سربراہ عبدالجبار رونجھا بھی کہتے ہیں کہ &quot;جب یہ سرکاری منصوبہ منظرِعام پر آیا تو مقامی زمینداروں نے اس کے منصوبہ سازوں کو اس کے ممکنہ خطرات کے بارے میں خبردار &nbsp;کر دیا تھا&quot;۔ تاہم حکومت نے ان خطرات کو یہ کہہ کر مسترد کر دیا کہ اس کے انجینئر مقامی لوگوں سے بہتر علم رکھتے ہیں۔&nbsp;

وہ کہتے ہیں کہ حالیہ سیلاب نے بالآخر ان انجینئروں کو غلط ثابت کر دیا ہے کیونکہ، ان کے بقول، &quot;بیلہ کے جنوب میں واقع درجنوں دیہات شدید بارشوں کی وجہ سے نہیں بلکہ پورالی ندی کا حفاظتی بند ٹوٹنے کی وجہ سے زیرِ آب آئے&quot;۔ ان کے مطابق اس بند کے ٹوٹنے کی بنیادی وجہ بھی یہ تھی کہ اس ندی کے پانی کو چھوٹی ندیوں میں منتقل کرنے کے لیے بنائی گئی تعمیرات اور تنصیبات نے سیلابی پانی کا رخ موڑ دیا تھا۔&nbsp;

مقامی وکیل اور سماجی کارکن محمد عاصم لاسی نے اسی مسئلے کو بنیاد بناتے ہوئے بلوچستان ہائی کورٹ میں ایک درخواست دی ہے جس میں انہوں نے کہا ہے کہ پورالی ندی پر بنائے گئے نئے آبی نظام کے ناقص ڈیزائن کی وجہ سے ہی اس کے سیلابی پانی کا رخ انسانی آبادی کی جانب مڑا۔ انہوں نے عدالت سے یہ استدعا بھی کی ہے کہ اس نظام کے تحت کی گئی تعمیرات کو گرا کر ندی کے بہاؤ کا پرانا قدرتی طریقہ بحال کیا جائے اور اسے تبدیل کرنے کے ذمہ دار سرکاری حکام اور انجینئروں کے خلاف قانونی کارروائی کی جائے۔

بیلہ میں متعین صوبائی محکمہ آبپاشی کے سب ڈویژنل آفیسر عاشق علی جاموٹ بھی ان عوامی شکایات سے متفق ہیں۔ وہ کہتے ہیں کہ 2017 میں بنائے گئے آبی نظام پر کام کرنے والے انجینئر &quot;پورالی ندی کا مزاج ہی نہیں سمجھ پائے&quot; کیونکہ، ان کے بقول، &quot;اگر ندی کے راستے میں گیٹ نہ لگے ہوتے تو اس کا پانی اپنے قدرتی راستے پر ہی آگے بڑھتا رہتا اور ارگرد کے دیہات کا رخ نہ کرتا&quot;۔&nbsp;

ان کا یہ بھی کہنا ہے کہ &quot;مستقبل میں مقامی دیہات کو سیلاب سے بچانے کے لیے اس ندی کے &quot;قدرتی بہاؤ کی راہ میں حائل رکاوٹیں ختم کر کے اسے اس کی پرانی حالت میں لے جانا بہت ضروری ہے&quot;۔

اس قدر کثرت آفات کہاں تھی پہلے:  'تونسہ کے نہری نظام نے رودکوہی نالوں کا بہاؤ تبدیل کر کے انہیں رحمت سے زحمت بنا دیا ہے'۔

پاتے نہیں جب راہ تو چڑھ جاتے ہیں نالے: لسبیلہ میں آب پاشی کا سرکاری منصوبہ کیسے تباہ کن سیلاب کا سبب بنا۔

نو عمر راشد حسین پڑھ لکھ کر ڈاکٹر بننا چاہتے ہیں لیکن وہ کھیتی باڑی میں اپنے والد کا ہاتھ بٹانے پر مجبور ہیں اور یہ سوچ کر ذہنی تناؤ کا شکار رہتے ہیں کہ کیا وہ کبھی اعلیٰ تعلیم حاصل کر پائیں گے۔&nbsp;

وہ بلوچستان کے جنوبی ضلع آواران کے قصبے جھل جھاؤ میں رہتے ہیں جو ضلعی صدر مقام آواران سے 63 کلومیٹر جنوب مشرق میں واقع ہے۔ جب 2020 میں انہوں نے میٹرک کا امتحان پاس کیا تو صوبائی حکومت نے اعلان کیا کہ وہ اور ان کے ساتھ میٹرک کرنے والے دوسرے مقامی لڑکے اس وقت تک جھل جھاؤ کے گورنمنٹ گرلز ہائر سیکنڈری سکول میں انٹرمیڈیٹ کی تعلیم حاصل کر سکتے ہیں جب تک ان کے علاقے میں تعمیر کیا گیا بوائز انٹر کالج فعال نہیں ہو جاتا۔&nbsp;

لیکن وہ کہتے ہیں کہ چار کمروں پر مشتمل اس سکول میں داخلہ لینے کے بعد انہیں پتہ چلا کہ اس میں نہ تو انٹرمیڈیٹ کی تعلیم دینے کے لیے اساتذہ موجود تھے اور نہ ہی اس میں سائنس کی پڑھائی کے لیے درکار لیبارٹری وغیرہ کا انتظام کیا گیا تھا۔ چنانچہ انہوں نے اسے چھوڑ دیا اور کچھ دوستوں کے مشورے پر چھ سو کلومیٹر شمال میں واقع صوبائی صدرمقام کوئٹہ کے ایک کالج میں داخل ہو گئے۔&nbsp;

لیکن، ان کے مطابق، اس دوران ان کے والد کو پیاز کی فصل میں نقصان اٹھانا پڑا جس کی وجہ سے ان کے خاندان کے مالی حالات اتنے خراب ہو گئے کہ ان کے لیے کالج کے اخراجات اٹھانا ممکن نہ رہا۔ چنانچہ وہ تعلیم ترک کرکے گھر لوٹ آئے اور اپنے والد کے ساتھ کھیتوں میں کام کرنے لگے۔&nbsp;

تاہم انہوں نے اپنا ڈاکٹر بننے کا خواب ترک نہیں کیا اس لیے وہ ابھی بھی فارغ وقت میں اپنی کتابیں پڑھتے رہتے ہیں۔ اس دوران انہیں کوئی مشکل پیش آئے تو وہ فون پر اپنے اُن دوستوں سے رہنمائی لے لیتے ہیں جو ابھی تک کوئٹہ میں پڑھ رہے ہیں۔ انہیں یہ بھی امید ہے کہ اس سال ان کی کپاس کی فصل اچھی ہو گی اور ان کے والد انہیں پڑھائی کے لیے دوبارہ کوئٹہ بھیجنے کے قابل ہو جائیں گے۔

تاہم ان کے سابقہ ہم جماعت عبدالخالق کو یہ امید نہیں کہ وہ کبھی اپنی تعلیم دوبارہ شروع کر پائیں گے۔ راشد حسین کی طرح انہوں نے بھی 2020 میں میٹرک کا امتحان پاس کرنے کے بعد گورنمنٹ گرلز ہائر سیکنڈری سکول میں داخلہ لیا تھا لیکن اس میں اساتذہ کے نہ ہونے کی وجہ سے وہ پڑھائی چھوڑ کر مستری کا کام کرنے لگے۔ ان کے والد پیر جان کہتے ہیں کہ &#39;&#39;میرے بیٹے کی عمر محنت مزدوری کرنے کی نہیں ہے۔ میں نے سوچا بھی تھا کہ اسے اعلیٰ تعلیم دلواؤں گا لیکن میرے پاس اس مقصد کے لیے اسے کسی دوسرے شہر بھیجنے کے وسائل نہیں ہیں&quot;۔&nbsp;

<h2>تعمیر میں مضمر خرابی</h2>

پانچ سال پہلے کی جانے والی سرکاری مردم شماری کے مطابق جھل جھاؤ کی آبادی تقریباً 40 ہزار ہے جس کی تعلیمی ضروریات کے پیش نظر صوبائی حکومت نے 2014 میں یہاں لڑکوں کے لیے ایک انٹر کالج بنانے کا فیصلہ کیا۔&nbsp;

اگلے دو سال میں اس کالج کی عمارت تو کھڑی ہو گئی لیکن اساتذہ کی تقرری نہ ہونے کی وجہ سے اس میں تدریسی عمل شروع نہ ہو سکا۔ اس حوالے سے کیے جانے والے پرزور عوامی مطالبات کے نتیجے میں پچھلے سال بالآخر حکومت نے آواران کے نواحی ضلع لسبیلہ کے علاقے وندر میں قائم ایک ڈگری کالج کے لیکچرار سراج احمد کو بوائز انٹر کالج جھل جھاؤ کے پرنسپل کا اضافی عہدہ دے کر انہیں کہا کہ وہ اسے فعال بنائیں۔&nbsp;

جب وہ کالج پہنچے تو انہوں نے اس کی عمارت کو کافی خستہ حالت میں پایا۔ ان کا کہنا ہے کہ &quot;اس کی چاردیواری موجود ہی نہیں تھی، مرکزی ہال کا فرش بیٹھ چکا تھا، کمروں کے داخلی دروازے غائب تھے اور بیت الخلا پوری طرح بنائے ہی نہیں گئے تھے۔ اسی طرح اس میں بجلی کی وائرنگ بھی نہیں کی گئی تھی&quot;۔ لیکن وہ کہتے ہیں کہ &quot;جنوری 2022 میں جب میں نے باقی ماندہ تعمیراتی کام، فرنیچر اور وائرنگ کے لئے پیسے مانگے تو صوبائی ڈائریکٹوریٹ آف ایجوکیشن سے جواب آیا کہ کالج میں ابھی تدریسی عمل شروع نہیں ہوا اس لیے یہ پیسے فراہم نہیں کیے جا سکتے&quot;۔

صوبائی محکمہ تعلیم کے جوائنٹ ڈائریکٹر کالجز باھو خان کھوسہ اس صورتِ حال کی ذمہ داری کالج میں اساتذہ کی عدم موجودگی پر ڈالتے ہیں۔ ان کا کہنا ہے کہ اس میں تدریسی عمل کے آغاز کا سرکاری اعلامیہ جاری ہونے تک حکومت اس کی مرمت اور تزئین کے لیے درکار پیسے نہیں دے سکتی لیکن، ان کے مطابق، یہ اعلامیہ اس وقت تک جاری نہیں ہو گا جب تک اساتذہ کی تعیناتی نہیں ہو جاتی۔

<h2>اسامیاں، بھرتیاں، منظوریاں</h2>

اس سال 65 طلبہ نے بوائز انٹر کالج جھل جھاؤ میں داخلہ تو لے لیا ہے لیکن انہیں تعلیم دینے کے لیے صرف اس کے پرنسپل اور انگریزی کے ایک لیکچرار ہی موجود ہیں۔ سراج احمد کہتے ہیں کہ دسمبر 2021 میں جب صوبائی سیکرٹری کالجز نے صرف ایک لیکچرار کی تعیناتی کی منظوری دی تو &quot;میں نے ٹیلی فون پر ڈائریکٹر کالجز اور جوائنٹ ڈائریکٹر کالجز دونوں کو بتایا تھا کہ کالج چلانے کے لیے کم از کم پانچ لیکچرار چاہئیں&quot;۔

تاہم ڈائریکٹر کالجز سراج کاکڑ سمجھتے ہیں کہ یہ مسئلہ جلد ہی حل ہو جائے گا کیونکہ، ان کے بقول، &quot;جب طلبا کے داخلے مکمل ہو جائیں گے تو متعلقہ محکموں پر تدریسی عملے کی تعیناتی کے لیے عوامی دباؤ بڑھے گا جس کے نتیجے میں کالج میں اساتذہ کی خالی اسامیاں بھی پُر ہو جائیں گی&quot;۔&nbsp;

آواران کے ڈسٹرکٹ ایجوکیشن آفیسر ریاض احمد رند ان سے متفق نہیں۔ وہ کہتے ہیں کالج میں تقرریوں کے لیے اساتذہ کا انتخاب بلوچستان پبلک سروس کمیشن کا کام ہے لیکن اس نے ابھی تک ان پر &quot;بھرتی کا اشتہار بھی جاری نہیں کیا&quot;۔ &nbsp;

صوبائی محکمہ ہائر ایجوکیشن کے سیکرٹری حافظ عبدالماجد بھی اساتذہ کی تعیناتی نہ ہونے کی یہی&nbsp;توجیہہ پیش کرتے ہیں۔ ان کا کہنا ہے کہ اس وقت صرف جھل جھاؤ میں ہی نہیں بلکہ بلوچستان بھر میں مجموعی طور پر کالج لیکچرار کی تین سو 80 اسامیاں خالی پڑی ہیں لیکن بلوچستان پبلک سروس کمیشن ان کے لیے موزوں امیدواروں کا انتخاب نہیں کر پا رہا۔&nbsp;

ان کا مزید کہنا ہے کہ ان کے محکمے نے یہ معاملہ صوبائی کابینہ کے سامنے بھی رکھا ہے تاکہ وہ یا تو ان اسامیوں پر عارضی تقرریاں کرنے کی اجازت دے یا صوبائی پبلک سروس کمیشن کے علاقائی دفاتر قائم کرنے کی منظوری دے تاکہ ان تعیناتیوں کے عمل میں تیزی لائی جا سکے۔ لیکن، ان کے مطابق، &quot;تاحال اس معاملے میں کوئی پیش رفت نہیں ہو سکی&quot;۔

شبیر رخشانی

شبیر رخشانی کا تعلق بلوچستان کے علاقے جھاؤ آواران سے ہے۔ مختلف صحافتی اداروں دنیا نیوز، روزنامہ آزادی آن لائن نیوز پیپر حال احوال کے ساتھ کام کر چکے ہیں۔