Discover how Pakistan has grappled with significant economic and social setbacks due to climate change. Explore proactive strategies and solutions to mitigate future losses, ensuring a more r

Mitigating Pakistan's Climate Change Woes: Crafting a Resilient Future Against Economic and Social Losses

مارچ 2022ء کی بات ہے جب پاکستان میں پارہ اچانک چڑھنے لگا، گرمی بڑھتی چلی گئی۔ دو ماہ تک ایسے لگتا تھا جیسے سورج سوا نیزے پر آ گیا ہو۔ یکم مئی کو نوابشاہ شہر میں ٹمپریچر 49.5 ڈگری ریکارڈ کیا گیا جو اس سال زمین پر سب سے زیادہ درجہ حرارت تھا۔

<a href="https://reliefweb.int/report/pakistan/melting-glaciers-growing-lakes-and-threat-outburst-floods">اقوام متحدہ کا رابطہ دفتر برائے انسانی امور&nbsp; (او سی ایچ اے) تصدیق کرتا ہے</a> کہ گرمی کی اس لہر کے دوران دن کے وقت ملک کے بیشتر علاقوں میں اوسط درجہ حرارت پانچ سے آٹھ ڈگری معمول سے زیادہ رہا اور اپریل میں پاکستان کو چھ دہائیوں کی دوسری بڑی خشک سالی کا سامنا ہوا۔

&quot;خشک سالی سے کم از کم 90 افراد ہلاک ہوئے، بجلی کی شدید کمی ہو گئی، آگ لگنے کے واقعات ہوئے اور فصلوں کو نقصان پہنچا۔ شدید گرمی کے ساتھ ہی پہاڑوں پر برف پگھلنے لگی اور شیسپر گلیشیئر پھٹنے سے حسن آباد (ہنزہ) میں برفانی جھیل بن گئی۔&quot;

رپورٹ بتاتی ہے کہ کہ صرف ہیٹ ویو سے تباہ کاری نہیں ہوئی بلکہ اس کے بعد جولائی میں شدید بارشیں اور سیلاب نے 530 سے زیادہ <a href="https://www.voanews.com/a/heavy-rains-in-pakistan-leave-at-least-29-dead-/7511709.html">(یہ ہلاکتیں بعدازاں ایک ہزار 739 تک پہنچ گئی تھیں جبکہ 80 لاکھ لوگ بے گھر ہوئے تھے)</a> جانیں لے لیں جبکہ سڑکیں، پل، گھر اور سکول تباہ ہو گئے۔&quot;

سائنسدان گرمی کی لہروں اور سیلاب کو موسمیاتی بحران سے جوڑتے ہیں۔ وہ بتاتے ہیں کہ سردیوں کا دورانیہ کم ہوتا جا رہا ہےجس کے بعد یک دم گرمی شروع ہو جاتی ہے۔ رواں سال بھی پاکستان میں شدید موسمیاتی تبدیلی آئی۔

گلیشیئرز کے ماہر ڈاکٹر شیر محمد، انٹر نیشنل سنٹر فار انٹیگریٹڈ ماؤنٹین ڈیویلپمنٹ (آئی سی آئی ایم او ڈی) سے منسلک ہیں۔ وہ کہتے ہیں کہ ملک کے شمالی علاقوں میں موسم سرما کا آغاز اکتوبر سے ہو جاتا ہے جبکہ عام طور نومبر دسمبر تک کئی بار بارش اور برفباری ہو چکی ہوتی ہے۔

&quot;مگر اس بار مارچ میں آکر ہم نے برفباری دیکھی۔ تاخیر سے برفباری کا یہ نقصان ہے کہ برف کو زیادہ جمنے کا موقع نہیں ملتا جس سے حادثات ہوتے ہیں۔ جونہی مارچ میں درجہ حرارت بڑھنا شروع ہوتا ہے برف پگھل کر گر جاتی ہے۔&quot;

وہ کہتے ہیں کہ درحہ حرارت معمول کے مطابق ہو تو برف آہستہ آہستہ پگھلتی ہے جو ماحول میں بہتری اور پانی کی مسلسل فراہمی میں مدد گار ثابت ہوتی ہے مگر بے وقت برف فائدہ مند کم اور نقصان دہ زیادہ ہوتی ہے۔

<a href="https://www.ncbi.nlm.nih.gov/pmc/articles/PMC3076420/">تبت، بھارت اور پاکستان میں برف باری اور گلیشیئر&nbsp; دریائے سندھ کے پانی کا دائمی اور بڑا ذریعہ ہیں </a>جس میں شامل ہونے والا بارشوں کا پانی اسے &#39;شیر دریا&#39; بناتا ہے۔ یہ دریا پانی کے سالانہ بہاؤ کے لحاظ سے دنیا کا 21 واں بڑا دریا ہے جو صرف پاکستان میں ایک ہزار 976 میل (تقریباً 3180 کلومیٹر) طویل ہے۔

<a href="https://openknowledge.fao.org/server/api/core/bitstreams/4cb697e5-01b8-45ba-ade6-50ea1c703ea7/content">اقوام متحدہ کے ادارہ برائے خوراک و زراعت&nbsp; (ایف اے او) کے مطابق دریائے سندھ، انڈس بیسن میں رہنے والے</a> کم از کم 30 کروڑ لوگوں (2011ء کے اعداد و شمار) کے لیے لائف لائن ہے جس میں ہندوکش، قراقرم، ہمالیہ کے پہاڑ، سندھ اور پنجاب کے میدان اور ریگستان شامل ہیں۔

<h2>سندھ طاس یا انڈس ریور بیسن</h2>

&#39;سندھ طاس یا انڈس ریور بیسن&#39; جغرافیہ کی زبان میں ان تمام علاقوں پر مشتمل ہے جہاں پر بارشوں یا برف باری کے پانی کی نکاسی ( ندی نالوں یا چھوٹے دریاؤں کے ذریعے) دریائے سندھ میں ہوتی ہے۔

انڈس ٹرانس باؤنڈری ریور بیسن کے نام سے جاری ایف اے او کی رپورٹ بتاتی ہے کہ سندھ طاس (بیسن) کا کل رقبہ 11 لاکھ 20 ہزار مربع کلو میٹر ہے جو 47 فیصد پاکستان، 39 فیصد بھارت، آٹھ فیصد چین اور چھ فیصد افغانستان میں ہے۔

بھارت کا تقریباً چار لا کھ 40 ہزار مربع کلو میٹر( ملک کا 14 فیصد) رقبہ سندھ طاس میں آتا ہے جس میں مقبوضہ کشمیر، ہماچل پردیش، مشرقی پنجاب، راجستھان، ہریانہ اور چندی گڑھ کے علاقے شامل ہیں۔ تاہم چین کا ایک فیصد جبکہ افغانستان کا 11 فیصد رقبہ سندھ طاس (بیسن) کا کیچمنٹ ایریا بنتا ہے۔

اس رپورٹ کے مطابق پاکستان کا پانچ لاکھ 20 ہزار مربع کلو میٹر علاقہ انڈس بیسن میں آتا ہے جس میں شمالی علاقہ جات اور کشمیر کے علاوہ پنجاب، خیبرپختونخوا کے دونوں صوبے، سندھ کا بیشتر علاقہ اور بلوچستان کے مشرقی حصے شامل ہیں۔

<a href="https://openknowledge.fao.org/server/api/core/bitstreams/4cb697e5-01b8-45ba-ade6-50ea1c703ea7/content">سندھ طاس معاہدے&nbsp; میں تخمینہ لگایا گیا تھا کہ انڈس ریور بیسن میں</a> چین سے سالانہ 181.62 مکعب کلومیٹر پانی آتا ہے جس میں بھارت سے 50.86 مکعب کلومیٹر پانی شامل ہے۔ یوں سالانہ کل بہاؤ 232.48 مکعب کلومیٹر بنتا ہے۔

اس معاہدے کے تحت تقریباً 170.27 مکعب کلومیٹر سالانہ پانی پاکستان جبکہ 62.21 مکعب کلومیٹر بھارت کے لیے مختص کیا گیا ہے۔

پاکستان کے کروڑوں لوگوں کا انحصار دریائے سندھ پر ہے جبکہ ملک کے زرعی رقبے کا 95 فیصد آبپاشی نظام (بشمول زمین سے پانی لینے والے ٹیوب ویل) انڈس بیسن کی ندیوں اور دریاؤں (جہلم، چناب، راوی، ستلج وغیرہ) کے سہارے چلتا ہے۔ پانی کے بغیر ملک میں بجلی کی ضرورت بھی پوری نہیں ہوتی۔

<h2>بارش، برفباری ،گلیشیئرز اور دریا</h2>

شمالی علاقہ جات میں موسمیاتی معلومات اور سیلاب کی پیشن گوئی کے لیے خود کار سٹیشنوں کے ساتھ بارش و پانی ناپنے کے گیج اور بہاؤ کے سینسر وغیرہ لگائے جا چکے ہیں تاہم برفباری کا تخمینہ اب بھی سٹیلائٹ امییجز سے لگایا جاتا ہے۔

محکمہ موسمیات (میٹ آفس) اسلام آباد کا فراہم کردہ پچھلے 20 سال&nbsp; کا ڈیٹا ظاہر کرتا ہے کہ پاکستان کے مختلف علاقوں میں سالانہ اوسطاً 4.2 فٹ برفباری ہوتی ہے لیکن ہر سیزن میں اس میں کمی بیشی آتی رہتی ہے۔

محکمے کے اعداد و شمار کے مطابق ملک میں سب سے زیادہ برف باری 5-2004ء میں ہوئی جو تقریباً ساڑھے 8 فٹ&nbsp; ریکارڈ کی گئی۔ 2008-09ء میں لگ بھگ چھ فٹ برف&nbsp; پڑی مگر اس کے بعد برفباری میں مسلسل کمی آنا شروع ہو گئی۔

&quot;یہاں تک کہ 18-2017ء میں صرف پونے دو فٹ برف پڑی جو ان 19 برسوں میں سب سے کم تھی۔ گزشتہ سال برفباری تقریباً سوا تین فٹ اور پچھلی سردیوں میں تین فٹ سے بھی کم&nbsp; برفباری ریکارڈ کی گئی۔&quot;

<a href="https://tradingeconomics.com/pakistan/temperature">میٹ آفس کے ڈیٹا کے مطابق پاکستان کا سالانہ اوسط درجہ حرارت بھی بڑھتا جا رہا ہے</a> جو 1901ء سے 2022ء تک 20.87 درجے&nbsp; سینٹی گریڈ تھا وہ 2022ء میں اوسطاً 22.23 درجے رہا۔

زیادہ درجہ حرارت، کم اور دیر سے برفباری کے باعث گلیشیئرز بھی پگھل کر چھوٹے ہوتے جا رہے ہیں۔

<a href="https://www.pmd.gov.pk/rnd/rndweb/rnd_new/journal/vol13_issue26_files/1_Application_of_Remote_Sensing_for_Temporal_Mapping_of_Glacier_and_Glacial_Lake.pdf">پاکستان میٹریالوجی جرنل میں جنوری 2017ء میں شائع ہونے والی سٹڈی رپورٹ</a> دو گلیشیئر (ڈارکٹ اور یزغل) اور ان سے جڑی دو جھیلوں کے 27 سالہ جائزے کی تفصیل بتاتی ہے جو ہنزہ کے ضلع غذر میں واقع ہیں۔

اس رپورٹ کے مطابق سال 1988ء میں ڈارکٹ گلیشیر کی جھیل کا رقبہ تقریباً 73ہزار مربع میٹر تھا جو 1998ء تک سکڑ کر 53 ہزار مربع میٹر ہو گیا جبکہ 2001ء تک یہ مزید کم ہوکر 35 ہزار 700 مربع میٹر رہ گیا تھا۔

تاہم 2001ء کے بعد ڈارکٹ جھیل کا رقبہ بڑھنا شروع ہوا جو 2009ء میں تقریباً ایک لاکھ 41 ہزار مربع میٹر تک پہنچ گیا اور&nbsp; 2015ء میں یہ جھیل 1 لاکھ 57 ہزار مربع میٹر رقبے&nbsp; پر پھیل چکی تھی۔

رپورٹ کے مطابق اس جھیل کے بتدریج پھیلاؤ کی وجہ یہ ہے کہ گلیشیئر تیزی سے پگھل رہا ہے۔ دوسرا گلیشیئر یزغل اور اس کی جھیل کا طرز عمل بھی کچھ ڈارکٹ گلیشیئر جیسا ہے جو خطے میں موسمیاتی تبدیلیوں کو ظاہر کرتا ہے۔

ڈاکٹر شیر محمد کے بقول پاکستانی دریاؤں میں 44 فیصد پانی بارشوں، 40 فیصد برفباری، پانچ فیصد گلیشیئرز اور گیارہ فیصد ندی نالوں سے آتا ہے۔ اس سال برفباری کم&nbsp; اور بے وقت ہوئی۔ اب اگر مناسب بارشیں نہ ہوئیں تو مسائل پیدا ہو سکتے ہیں۔

<h2>موسمیاتی تبدیلیوں کے ممکنہ اثرات</h2>

<a href="https://reliefweb.int/report/pakistan/climate-crisis-pakistan-voices-ground">او سی ایچ اے&nbsp; اعتراف کرتا ہے کہ پاکستان دنیا میں ایک فیصد سے بھی کم کاربن پیدا کرتا ہے</a> مگر پھر بھی موسمیاتی تبدیلی کے سنگین نتائج بھگت رہا ہے۔

گلوبل کلائمٹ رسک انڈیکس میں یہ پانچواں سب سے زیادہ خطرات کا شکار ملک ہے جو پچھلے 24 برسوں میں ان تبدیلیوں سے ہزاروں انسانی جانوں اور اربوں ڈالر کا نقصان اٹھا چکا ہے۔

<a href="https://www.adb.org/sites/default/files/publication/357876/climate-change-profile-pakistan.pdf">ایشیائی ترقیاتی بینک&nbsp; پہلے ہی بتا چکا ہےکہ گزشتہ 50 برسوں میں پاکستان میں سالانہ اوسط درجہ حرارت میں تقریباً 0.5 ڈگری سینٹی گریڈ کا اضافہ ہوا ہے</a> اور ہیٹ ویوز کے دن تقریباً پانچ گنا بڑھ گئے ہیں۔ یعنی پہلے اگر گرمی کی لہریں 20 روز کے لیے آتی تھیں تو اب یہ&nbsp; دورانیہ 100 روز ہو گیا ہے۔ بارشوں میں بھی کچھ اضافہ دیکھنے میں آیا ہے۔

ایشیائی ترقیاتی بنک کہتا ہے کہ دنیا میں اگر کاربن کا اخراج ایسے ہی بڑھتا رہا تو اس صدی کے اختتام تک پاکستان میں سالانہ اوسط درجہ حرارت میں تین سے پانچ ڈگری کا اضافہ ہو سکتا ہے جس سے سطح سمندر&nbsp; میں تقریباً دو فٹ&nbsp; تک اضافے کا امکان ہے۔

ماہرین کے مطابق ایسی صورت حال میں نشیبی ساحلی علاقے سب سے متاثر ہوں گے جبکہ بارش کے پیٹرن میں تغیر، گلیشیئرز پگھلنے، دریا کے بہاؤ اور آبپاشی کی ضروریات سمیت کئی تبدیلیوں میں اضافہ متوقع ہے۔

<h2>حل کیا ہے؟</h2>

ایشیائی ترقیاتی بینک، ترقی کے لیے موسمیاتی تبدیلی کے چیلنجز سے نمٹنا پہلا ہدف قرار دیتا ہے جس کا حل گرین ہاوس گیسز کے اخراج میں کمی سے ہی ممکن ہے۔ دنیا بھر کے ماہرین اس مقصد کے لیے توانائی کے متبادل ذرائع کا استعمال تجویز کر رہے ہیں۔

وزارت صنعت و پیداوار کے نیشنل پروڈیکٹویٹی آرگنائزیشن (این پی او)کے سینیئر انرجی ایڈیٹر انجنیئر حماد الطاف سمجھتے ہیں کہ پاکستان میں ماحول دوست توانائی کے وافر ذرائع موجود ہیں جن کو نہ صرف حکومت بلکہ عوام کو بھی اپنانا ہو گا۔

وہ بتاتے ہیں کہ گرین ہاوس گیسز میں کمی کے لیے توانائی کے آلودگی سے پاک ذرائع کا استعمال ناگزیر ہے جس کے لیے دنیا بھر میں ہائیڈل (پانی سے بجلی بنانا)، سولر پینل، ونڈ ٹربائین، بائیوماس اور جیو تھرمل بجلی کے آپشن استعمال کیے جا رہے ہیں۔

&quot;سولر توانائی کے لیے تو اضافی تعمیرات کی بھی ضرورت نہیں ہوتی۔ پاکستان کے بیشتر علاقوں میں سال کے 365 میں سے کم از کم ڈھائی سو دن دھوپ میسر ہوتی ہے۔ اس بجلی سے ماحولیاتی مسائل پیدا نہیں ہوتے جبکہ عام آدمی کے لیے لاگت بھی کم ہے۔&quot;

ان کا کہنا تھا کہ ہوا سے توانائی کا حصول دوسرا کم لاگتی اور ماحول دوست طریقہ ہے جس سے پاکستان کے ساحلی علاقوں میں فائدہ اٹھایا جا رہا ہے۔

&quot;واٹر ٹربائین سے صدیوں سے توانائی حاصل کی جا رہی ہے تاہم اب ٹیکنالوجی میں جدت آ چکی ہے۔ اب ہم پانی کو روکے بغیر تیز بہاؤ والی آبشاروں اور چشموں کو بجلی پیدا کرنے کے لیے استعمال کر سکتے ہیں۔&quot;

حماد الطاف نے بتایا کہ لکڑی، فصلوں کی باقیات اور جانوروں کے گوبر اور کچرے وغیرہ سے بائیو انرجی (قابل تجدید توانائی) حاصل کی جا سکتی ہے جس کے پاکستان میں زیادہ مواقع موجود ہیں۔ بعض دیہات میں پہلے ہی بائیو (گوبر) گیس استعمال بھی کی جا رہی ہے۔

&quot;گرین انرجی کے حصول کا ایک اور قدرتی ذریعہ گرم پانی کے چشمے بھی ہیں جس کو &#39;جیو تھرمل انرجی&#39; کہا جاتا ہے۔ اس طریقہ کار میں زیر زمین گرمی سے بجلی پیدا کی جاتی ہے جو آسانی سے ختم نہیں ہو سکتی۔ لیکن بد قسمتی سے ہمارے ہاں ان وسائل کو استعمال نہیں کیا جا سکا۔&quot;

موسمیاتی تبدیلیوں سے متاثرہ علاقوں میں بحالی کے کام سے سیلاب کا بچاو ممکن ہے ؟

موسموں کے بدلتے تیور  کیا رنگ دکھائیں گے؟

text

&quot;میں نے تعلیم چھوڑی تو میرے والد صاحب حیات تھے۔ ہم پانچ بہن بھائی ہیں۔ گھر کے اخراجات پورے نہیں ہوتے تھے تو میں نے ایک چھوٹی سی ملازمت کرلی۔ ملازمت سے جب وقت ملتا تو فٹ بال کھیلتا تھا۔ یہ تو کبھی سوچا بھی نہیں تھا کہ میں ایک دن فٹ بال کھیلنے قطر اور ناروے جاؤں گا اور واپسی پر میرا شاندار استقبال ہوگا۔&quot;

یہ کہنا ہے کراچی کے محمد علی کا جو پاکستان چائلڈ سٹریٹ فٹ بال ٹیم کےکھلاڑی ہیں۔ اس ٹیم نے گزشتہ سال قطر میں منعقدہ عالمی ورلڈ کپ سے پہلے سٹریٹ فٹ بال ورلڈ کپ میں شرکت کی اور پھر حال ہی میں ناروے میں منعقدہ عالمی سٹریٹ فٹ بال ٹورنامنٹ میں دوسری پوزیشن حاصل کی ہے۔

محمد علی فٹ بال کے لیے مخصوص جوتوں کے بغیر کھیلا کرتے تھے۔

&quot;میرے پاس عام جوگر ہوتے تھے جنہیں پہن کر میں فٹ بال کھیلا کرتا تھا۔ مجھے ساتھی کھلاڑی کہتے کہ یہ جوتے پہن کر فٹ بال نہیں کھیلا جا سکتا۔ ان سے پاؤں زخمی کرنے کے علاوہ کچھ حاصل نہیں ہو گا۔ میں ان کی بات سن کر چپ ہوجاتا مگر گراؤنڈ میں جانا نہیں چھوڑتا تھا۔&quot;

شامیر شریف کا تعلق ضلع بھکر سے ہے جو قطر اور ناروے میں عالمی سٹریٹ فٹ بال مقابلوں میں ٹیم کے فل بیک کی حیثیت سے شرکت کر چکے ہیں۔ جب وہ ٹیم کا حصہ بنے تو اس وقت درزی کا کام کررہے تھے۔

شامیر بتاتے ہیں کہ ان کے والد سیکورٹی گارڈ کے طور پر نوکری کرتے تھے۔ گھر میں مالی مسائل کے باعث انہوں نے نویں کلاس میں سکول چھوڑ کر درزی کا کام سیکھنا شروع کردیا۔

&quot;مجھے فٹ بال کھیلنے کا جنون کی حد تک شوق تھا۔ یہاں تک کہ میرے پاؤں میں جوگر یا فٹ بال والے جوتے بھی نہیں ہوتے تھے۔ عام چپل پہن کر گراونڈ میں فٹ بال کھیلا نہیں جاسکتا تھاِ، اس لیے ننگے پاؤں کھیلتا تھا جو بھاگنے سے زخمی بھی ہو جاتے تھے۔ میں عموماً صبح کے وقت جلدی کام پر پہنچ جاتا تھا تاکہ اپنا کام ختم کرکے شام کے وقت کھیل سکوں۔

اب یہ دونوں کھلاڑی محنت مزدوری کرنے کے بجائے اپنے کھیل سے پیسے کماتے ہیں اور انہوں نے اپنی زندگی کو بہتر بنا لیا ہے۔

2018 میں روس میں منعقدہ سٹریٹ فٹ بال ورلڈ کپ میں پاکستان کی ٹیم کی قیادت کرنے والے عبداللہ اس وقت ترکیہ میں سکالر شپ پر اعلیٰ تعلیم حاصل کررہے ہیں۔

عبداللہ کا تعلق لاہور سے ہے۔ 2022 میں قطر میں منعقدہ چائلڈ سٹریٹ بال ورلڈ کپ میں انھیں ان مقابلوں کے سفیر کا درجہ دیا گیا تھا۔

محمد علی اور شامیر کی طرح ان کا بچپن بھی مشکلات میں گزرا۔ تاہم فٹ بال کے میدان میں کامیابیاں حاصل کرنے کے بعد انہیں مسلم ہینڈ نامی ادارے نے ترکی میں تعلیمی سکالرشپ دلا دی۔ مسلم ہینڈ ہی وہ ادارہ ہے جو پاکستان میں سٹریٹ چائلڈ فٹ بال ورلڈ کپ کے لیے کھلاڑیوں کو تیار کرتا ہے۔ عبداللہ ترکی میں پڑھائی کے ساتھ فٹ بال بھی کھیلتے ہیں اور انہیں توقع ہے کہ جلد وہ ترکی کے کلب میں شمولیت اختیار کر لیں گے۔

مسلم ہینڈ میں کھلاڑیوں کو تربیت دینے والے ریحان طاہر نے بتایا کہ کسی بھی کھیل کی سٹریٹ ٹیم بنانے کی پہلی تجویز برطانیہ کے ایک غیر سرکاری ادارے سٹریٹ چائلڈ یونائٹیڈ نے دی تھی۔ اس کے بعد جب مختلف کھیلوں کے ورلڈ کپ منعقد ہوتے ہیں تو ان سے پہلے سٹریٹ ورلڈ کپ منعقد کروایا جاتا ہے جس میں دنیا کے بہت سے ممالک کی ٹیمیں حصہ لیتی ہیں۔

ریحان طاہر نے بتایا کہ ان کا ادارہ آخری تین ورلڈ کپ مقابلوں میں پاکستان کی سٹریٹ فٹ بال ٹیم کو شرکت کروا چکا ہے۔ اس سے پہلے وہ ٹیم کو صرف سپانسر کیا کرتے تھے۔ پاکستان میں بظاہر تو یہ لگتا ہے کہ کرکٹ بہت مقبول ہے مگر حقیقت میں پسماندہ اور دور دراز علاقوں میں ابھی بھی فٹ بال بہت شوق سے کھیلا جاتا ہے کیونکہ یہ کھیل ایک گیند سے کھیلا جاسکتا ہے جس میں شرکت کے لیے کھلاڑیوں کا زیادہ خرچہ نہیں ہوتا۔ تاہم سٹریٹ فٹ بال کےکھلاڑی عام طور پر اس قدر پسماندہ ہوتے ہیں کہ ان کے پاس کھیل کے لیے معمولی سامان بھی نہیں ہوتا۔

ان کا کہنا ہے کہ وہ ملک سےٹیلنٹ کو تلاش کرتے ہیں اور اس میں یہ خیال رکھتے ہیں کہ ان بچوں ہی کو موقع دیا جائے جن سے کسی نہ کسی وجہ سے تعلیم حاصل کرنے کے مواقع چھن چکے ہیں۔ یا جو کم عمری میں کام کرنے پر مجبور ہیں۔

ریحان طاہر کہتے ہیں کہ جو بچے میرٹ کی بنیاد پر منتخب ہوتے ہیں اور ٹیم کا حصہ بنتے ہیں ان کی زندگی میں تبدیلی آجاتی ہے۔ عبداللہ کی طرح چند اور بھی ایسے بچے ہیں جو اب اعلیٰ تعلیم حاصل کر رہے ہیں۔

پاکستان کی سٹریٹ فٹ بال ٹیم نے اپنی صلاحتیوں سے دنیا کو ششدر کر رکھا ہے۔

فٹ بال کی عالمی تنظیم فیفا نے گزشتہ سال قطر میں فٹ بال ورلڈ کپ کے موقع پر پاکستان سٹریٹ فٹ بال ٹیم کو خراج تحسین پیش کیا تھا۔

فیفا کا کہنا تھا کہ پاکستان کی فٹ بال ٹیم کبھی بھی ورلڈ کپ کے مقابلوں میں شرکت نہیں کرسکی جبکہ ملک کی سٹریٹ ٹیم ہر بین الاقوامی مقابلے میں متاثر کن کارگردگی دکھاتی ہے۔ یہ ایسے ملک کے کھلاڑی ہیں جہاں غربت عام ہے، بچوں کو ان کے تمام حقوق میسر نہیں ہیں، ان کی بہت بڑی تعداد خستہ حال گھروں اور آبادیوں میں رہتی ہے اور انہیں جسمانی اور جنسی استحصال کا خطرہ درپیش ہوتا ہے۔

فیفا کا کہنا ہے کہ پاکستان میں 3.3 ملین بچے نوعمری میں کام کرنے پر مجبور ہیں۔ پندرہ لاکھ بچے سڑک کنارے رہتے ہیں۔ ایسے&nbsp; میں پاکستانی سٹریٹ فٹ بال ٹیم تمام بچوں کے لیے امید کی کرن بن گئی ہے۔

فیفا کی جانب سے پاکستان میں ایک نگران کمیٹی مقرر کی گی ہے۔ اس کمیٹی کے ممبر محمد شاہد نیاز کہتے ہیں کہ سٹریٹ فٹ بال ٹیم کی کارکردگی پاکستان میں فٹ بال کے مستقبل کے لیے امید کی کرن ہے۔ ٹیم کے بعض کھلاڑیوں نے قومی انڈر 16 ٹیم کے لیے ٹرائل دیا ہے اور ان میں چند کھلاڑی منتخب بھی ہو گئے ہیں۔

وہ توقع کرتے ہیں کہ یہ کھلاڑی مستقبل میں پاکستان فٹ بال کی بہتری کے لیے اپنا کردار ادا کریں گے اور امکان ہے کہ آنے والے وقت میں یہ کھلاڑی ملک میں فٹ بال کو نئی بلندیوں تک لے جائیں گے۔

فٹ بال کا نوحہ: لیاری کے ایک نوجوان رول ماڈل کی موت جو خبر نہ بن سکی

پاکستان کی سٹریٹ فٹ بال ٹیم ملک کے لاکھوں پسماندہ بچوں کے لیے امید کی کرن بن گئی

چالیس سالہ تبسم بی بی&nbsp; ضلع کرم کے ایک گاؤں کی رہائشی ہیں۔ وہ کئی سال تک &#39;مزری&#39; نامی جھاڑی نما پودے سے مختلف اشیاء (ہینڈی کرافٹس) بنا کر فروخت کرتی رہیں مگر آج کل بے روز گار ہیں۔

تبسم چار بچوں کی ماں ہیں۔ ان کے خاوند ایک دفتر میں درجہ چہارم کے ملازم ہیں۔ وہ بتاتی ہیں کہ مزری سے ان کی بنی اشیا شہر کے دکاندار فروخت کے لیے لے جاتے تھے جس سے انہیں اچھی آمدنی ہوجاتی تھی۔ لیکن وقت کے ساتھ مزری بہت کم اور مہنگی ہو گئی۔ اس کے علاوہ دستکاری مارکیٹ میں انہیں مناسب معاوضہ بھی نہیں ملتا تھا۔ ان حالات سے تنگ آ کر انہوں نے یہ کام چھوڑ دیا۔

تبسم کے علاوہ اس علاقے میں مزری سے گھریلو استعمال کی اشیا بنانے والی سیکڑوں دیگر خواتین بھی یہ کام ترک کر چکی ہیں۔

&nbsp;مزری خیبر پختونخوا اور بلوچستان کے خشک ڈھلانی مقامات پر پایا جانے والا جھاڑی نما خودرو پودا ہے۔ اس کے پتے کھجور سے ملتے جلتے ہیں۔ اسےانگریزی میں آئیچ، اردو میں &#39;مزری اور پشتو میں &#39;مزریا&#39;&nbsp; کہا جاتا ہے۔اسے بلوچی زبان میں &#39;پیش&#39; اور سرائیکی میں &#39;پیس&#39;کہتے ہیں۔ 
مزری کے پودے پر گول مٹیالے رنگ کا پھل لگتا ہے۔بلوچستان میں اس کی نرم شاخ &#39;کیلڑ&#39;&nbsp; کو لوگ بھون کر کھانے کے لیے بھی استعمال کرتے ہیں۔

مزری کے پتوں سے چٹائیاں، چارپائی کا بان، ٹوپیاں اورٹوکریاں وغیرہ بنتی ہیں۔اس سے بننے والی 36 کے قریب اشیاء میں سے بعض میں مزری کی لکڑی بھی استعمال ہوتی ہے۔

&#39;ڈبلیو ڈبلیو ایف پاکستان&#39; کی ایک رپورٹ&nbsp; کے مطابق2004ء میں مزری کے پتے اور لکڑی(کانی) کاٹنے، بنڈل بنانے، اس کی خریدو فروخت اور اس سے گھریلو استعمال کی اشیا تیار کرنے تک بہت سے کاموں سے تقریباً 65 ہزار افراد وابستہ تھے جن میں میں 78 فیصد خواتین تھیں۔ مگر اب ایسا نہیں ہے اور ان لوگوں کی اکثریت ان کاموں کو چھوڑ چکی ہے۔

نزہت امین پشاور میں &#39;خواندہ کرو&#39; نامی غیر سرکاری ادارے کی&nbsp; پروگرام مینیجر ہیں۔ ان کا ادارہ خیبر پختونخوا کے پسماندہ علاقوں&nbsp; کی خواتین کو مزری سے ہینڈی کرافٹ بنانے کا ہنر سکھاتا ہے۔

وہ بتاتی ہیں کہ اس صوبے میں خواتین کی بنائی مزری مصنوعات کو بڑے شہروں&nbsp; کے ساتھ ساتھ بیرون ملک بھی پسند کیا جاتا ہے۔ خاص طور برطانیہ میں یہ اشیاء اچھے نرخ پر بکتی تھیں اور اس طرح خواتین کو گھر بیٹھے روزگار مل رہا تھا۔

&nbsp;نزہت امین تصدیق کرتی ہیں کہ اب مزری کی ہنر مند خواتین کی خاصی بڑی تعداد بے روزگار ہوچکی ہے۔

&quot;ہم ضلع کرک میں 25 خواتین سے مزری کی چیزیں بنوایا کرتے تھے مگر اب ان کی تعداد آٹھ رہ گئی ہے۔ اس کام میں محنت بہت زیادہ ہے اور اس کا معاوضہ انتہائی کم ہوچکا ہے۔&quot;

راشد حسین محکہ جنگلات خیبر پختونخواہ&nbsp; کے شعبہ نان ٹمبر فاریسٹ پراڈکٹ (این ٹی ایف پی) کے ڈائریکٹر ہیں۔ ان کا کہنا ہے کہ مزری&nbsp; کی پیداوار بارانی علاقوں میں زیادہ ہے۔ کوہاٹ کے سرکاری جنگلات کومزری کے لیے &#39;محفوظ علاقے &#39;قرار دیا گیا ہے۔ان علاقوں میں پیداوار کم نہیں ہوئی ہے تاہم باقی علاقوں میں کم ہو گئی ہے۔

انہوں نے بتایا کہ سال 19-2018 میں مزری کی پیداوار سات سو ٹن تھی جبکہ اس کی قیمت فروخت 20 روپے کلو مقرر کی گئی تھی ۔20-2019 میں اس کی پیدوار 850 ٹن اور 21-2020&nbsp; میں پیدوار 1508 ٹن رہی۔

ضلع کرم کے اقبال حسین 25 سال سے مزری کے کاروبار سے وابستہ ہیں۔ وہ مختلف علاقوں سے مزری کے پتے خریدتے اور انہیں منڈی میں بیچتے ہیں۔

وہ بتاتے ہیں کہ سرکاری سطح پر محفوظ قرار دیے گئے علاقے کے سوا مزری کی پیداوار بہت کم ہوگئی ہے جس کے باعث اس کی قیمت بھی بڑھ چکی ہے۔ کچھ عرصہ قبل 50 روپے میں مزری کا ایک بنڈل ملتا تھا جس میں تقریباً 80 پتے ہوتے تھے۔ اب یہی بنڈل تین سو روپے میں مل رہا ہے۔اس طرح پیداوار کم ہونے سے مزری کا کام کرنے والے لوگ براہ راست متاثر ہوئے ہیں۔

ڈاکٹر عبداللہ نے قائد اعظم یونیورسٹی&nbsp; میں پی ایچ ڈی کے دوران مزری پر تحقیق کی ہے اور اب وہ یورپ میں تحقیقی کام کرتے ہیں۔&nbsp;

ان کا کہنا ہے کہ مزری کی پیداوار میں کمی کا آغاز افغانستان اور روس کی جنگ کے دور سے ہوا تھا جب افغان مہاجرین بڑی تعداد میں سابقہ فاٹا اور ملحقہ اضلاع میں آئے۔ مزری افغانستان میں بھی پایا جاتا ہے اور افغان مزری سے گھریلو استعمال کی اشیا تیار کرنے میں ماہر تھے۔ ان لوگوں نے مزری کا بے دریغ استعمال کیا جو مزری کو گھر میں ایندھن کے طور پر بھی جلاتے تھے۔

ڈاکٹر عبداللہ کا کہنا ہے کہ بڑھتی&nbsp; آبادی کے ساتھ مزری کے&nbsp; میدان بھی کھیتوں اور بستیوں میں تبدیل ہورہے ہیں۔&nbsp; اس کے علاوہ سفیدے کا درخت بھی مزری کی پیداوار میں کمی کا باعث ہے۔ یہ درخت اپنے قریب مزری جیسے تمام پودوں&nbsp; کے لیے زہر قاتل ہوتا ہے۔

مزری کی پیداوار میں کمی آنے کی تیسری وجہ سیلاب ہیں۔ کسی علاقے میں زیادہ دیر پانی کی موجودگی سے مزری کی جڑیں ختم ہو جاتی ہیں جس سے بھی پیدوار کو بھی نقصان پہنچا ہے۔

راشد حسین کہتے ہیں کہ&nbsp; مزری کا پودا زمین کا کٹاؤ روکتا ہے۔ ڈیم کی عمر بڑھانے میں مدد گار ثابت ہوتا ہے۔ ریت کے ٹیلوں کو مضبوط رکھتا ہے اور اس سے قدرتی حادثات کا خطرہ کم ہو جاتا ہے۔

انہوں نے بتایا کہ مزری کا پودا جنگلی حیات کے لیے آماجگاہ کا کام دیتا ہے۔ اس کا پھل انسان اور مال مویشی دونوں کھاتے ہیں۔ اس کے علاوہ مزری کئی یونانی دواؤں میں بھی استعمال کیا جاتا ہے۔

ڈاکٹر عبداللہ کا کہنا ہے کہ مزری موسمیاتی تبدیلی کے خلاف&nbsp; مضبوط ہتھیار ہوسکتا ہے۔ مزری کو سڑکوں کے درمیان اگایا جائے تو یہ گاڑیوں کا دھواں جذب کرنے&nbsp; کی طاقت رکھتا ہے۔ حکومت کو چاہیے کہ سڑکوں کے کنارے سفیدے کو ہٹا کر مزری کی کاشت بڑھائی جائے۔

ان کا کہنا ہے کہ مزری سے جھاڑو، ٹوپیاں، روٹیاں گرم رکھنے کے&#39; ہاٹ پاٹ&#39;، رسیاں وغیرہ بنتی تھیں۔ یہ سب اشیا اب بھی استمعال ہوتی ہیں مگر اب انہیں پلاسٹک سے بنایا جانے لگا ہے&nbsp;&nbsp; جس سے ماحول آلودہ ہو رہا ہے۔

وہ یہ بھی کہتے ہیں کہ مزری سے گھریلو استعمال کی اشیا بنانے والی خواتین نے اپنےکام میں وقت کے ساتھ جدت پیدا کی، اشیا کو دیدہ زیب بنایا جس سے ان&nbsp; کی لاگت بڑھ گئی۔

&quot;اب روٹی گرم رکھنے کے لیے پلاسٹک کا ہاٹ پاٹ پانچ چھ سو روپے سے بھی سستا مل جاتا ہے مگر مزری کا دیدہ زیب ہاٹ پاٹ بارہ تیرہ سو روپے سے کم پر فروخت نہیں ہوتا۔

نزہت امین کہتی ہیں کہ مزری سے بنی چیزوں پر محنت ہوتی ہے۔ یہ کام کرتے ہوئے خواتین کے ہاتھوں پر چھالے اور سوراخ بن جاتے ہیں۔ ضرورت اس امر کی ہے کہ مزری سے بنائی جانے والی چیزوں کی نئی منڈیاں ڈھونڈی جائیں۔ اس طرح ناصرف خواتین کا ہنر قائم رہے گا اور انہیں روزگار ملے گا بلکہ ماحول کو بھی فائدہ ہو گا۔

کشیدہ کاری: خواتین دستکاروں اور کڑھائی کی 'مرد مشینوں' میں چھڑی جنگ

خیبرپختونخوا میں مزری کی دست کاری رو بہ زوال، فن کی ماہر سیکڑوں خواتین نے کام چھوڑ دیا

رواں سال جون میں یونان کے سمندر میں کشتی ڈوبنے کے واقعے میں آزاد کشمیر کے گاؤں بنڈلی سے تعلق رکھنے والے 28 افراد بھی جاں بحق ہوئے۔ یہ لوگ آنکھوں میں اچھے مستقبل کے خواب سجائے یورپ جانے کی کوشش کر رہے تھے۔ حادثے کے بعد ان کا کوئی سراغ نہ مل سکا اور انہیں لاپتہ قرار دے دیا گیا جس کا مطلب یہ بھی ہے کہ اب وہ اس دنیا میں نہیں رہے۔

بنڈلی گاؤں آزاد کشمیر کے ضلع کوٹلی کی تحصیل کھوئی رٹہ میں واقع ہے۔ یہاں کے بلدیاتی کونسلر ادیب ظفر اس علاقے میں چند بڑنے اور خوبصورت گھروں کی طرف اشارہ کرتے ہوئے بتاتے ہیں کہ یہ ان لوگوں کے گھر ہیں جو دس پندرہ سال پہلے اٹلی چلے گئے تھے۔

ان کے بقول مقامی طور پر روزگار کے مواقع موجود نہیں ہیں۔ نوجوان جب اٹلی اور یورپ میں موجود لوگوں کے گھروں میں خوش حالی دیکھتے ہیں تو ہر خطرہ مول لینے کو تیار ہوجاتے ہیں۔

لاپتہ محمد شمریز بھی حادثے کا شکار ہونے والی کشتی میں تھے۔ ان کی والدہ روبینہ بی بی بتاتی ہیں کہ شمریز کے والد ان کے بچپن میں ہی وفات پا گئے تھے جس کے بعد انہوں ںے اکیلے ان کی پرورش کی۔ بالغ ہونے پر انہوں ںے سنار کا کام سیکھنا شروع کر دیا اور اس طرح باروزگار ہو گئے اور ان کی شادی بھی ہو گئی جس سے ان کے تین چھوٹے بچے ہیں۔

روبینہ بتاتی ہیں کہ جب ان کے بیٹے نے اٹلی جانے کا فیصلہ کیا تو وہ تینوں بچوں کے ساتھ ان کے پاس آئے اور کہا کہ &quot;یہ بچے آپ کے حوالے ہیں۔ میں جلد واپس آؤں گا۔&quot;

شمریز کی اہلیہ کنیز فاطمہ نے بتایا کہ محبت کی شادی کرنے کے بعد ان زندگی بہت پُرسکون تھی۔ البتہ کاروبار میں دھوکا کھانے کے بعد شمریز نے کہنا شروع کر دیا تھا کہ یہاں گزارا مشکل ہے۔

&quot;ہمارے علاقے کے ایک ایجنٹ نے شمریز کو کہا کہ وہ انہیں 15 دن میں اٹلی پہنچا دے گا۔ میں نے انہیں روکنے کی بہت کوشش کی مگر وہ کہتے تھے کہ دیکھو کس طرح میری کمائی کو لوٹ لیا گیا ہے۔ اتنی محنت اٹلی میں کی ہوتی تو اب تک بہت سے پیسے کما چکا ہوتا۔

اس علاقے کی سیاسی و سماجی شخصیت صوبیدار (ر) خان ملک کا بیٹا اور بھانجا بھی اس حادثے میں لاپتا ہیں۔ ان کا کہنا ہے وہ نہیں جانتے کہ کب اور کیسے وہ دونوں ایجنٹوں کے جال میں پھنس گئے۔

&quot;میرے بیٹے سلیمان اور بھانجے یونس دونوں کی عمر تقریباً 28 سال ہے۔ دونوں شادی شدہ اور دو دو بچوں کے والد ہیں۔ دونوں ہی علاقے میں اپنی اپنی دکان چلاتے تھے۔ مجھے ان کے لیبیا پہنچنے کے بعد پتا چلا کہ ان کی ذہن سازی کرنے والا ایجنٹ ہمارے ہی علاقے کا ہے۔ اس نے انھیں بتایا کہ دیکھو میں نے فلاں فلاں کو باہر بھجوایا ہے اب وہ یورو کما کر گھر بھیجتے ہیں۔&quot;

لاپتہ محمد سمیر بھی حادثے کا شکار ہونے والی کشتی پر سوار تھے۔ وہ پاکستان میں ٹریکٹر چلاتے تھے۔ ان کے والد نور محمد نے بتایا کہ کشتی پر بیٹھتے وقت محمد سمیر نے فون پر انہیں کہا تھا کہ وہ اٹلی پہنچ کر ان سے بات کریں گے۔ لیکن ان کا فون کبھی نہیں آیا۔&quot;

نور محمد بتاتے ہیں ان کے بیٹے نے ایجنٹ کو 25 لاکھ روپے دیے تھے۔ مگر یہ پیسے بلیک میلنگ کر کے لیے گئے۔

خان ملک کا کہنا ہے کہ بیٹے اور بھانجے نے انہیں بتایا تھا کہ ایجنٹ کو پیسے اٹلی پہنچنے پر دینا ہے۔ مگر دبئی میں انھوں نے فون پر کہا کہ &quot;ایجنٹ کہتا ہے کہ پیسے ابھی ملیں گے تو آگے جاؤ گے ورنہ نہیں۔&quot;

وہ بتاتے ہیں کہ ان کے پاس اتنی رقم نہیں تھی اس لیے انہوں نے ریٹائرمنٹ کے بعد کراچی میں ملنے والا ایک پلاٹ اونے پونے داموں فروخت کر دیا۔

کنیز فاطمہ کہتی ہیں کہ جب ان کے شوہر شمریز دبئی پہنچے تو انھوں نے مجھے کہا کہ جو 23 لاکھ روپے ایجنٹ کو اٹلی پہنچنے پر دینا ہیں وہ ابھی دے دوں۔ ان کی جانب سے پیسے منگوانے کا سلسلہ لیبیا پہنچنے تک جاری رہا۔

کنیز فاطمہ بتاتی ہیں کہ شمریز دبئی سے مصر اور پھر مصر سے لیبیا پہنچے جہاں پر ان کا قیام بہت طویل ہو گیا تھا۔ وہاں شمریز پر تشدد بھی کیا گیا۔

&quot;ایک مرتبہ فون پر مجھے کہنے لگے کہ یہ بہت ظالم لوگ ہیں۔شمریز کو کئی کئی دن تک اس کے دیگر ساتھیوں کے ہمراہ بھوکا اور پیاسا رکھا جاتا۔ انہوں ںے مجھے کہا کہ میں اپنا زیور فروخت کر کے ایجنٹ کو پیسے دوں تاکہ وہ مجھےمنزل پر پہنچائے۔ میں نے زیور پانچ لاکھ روپے میں فروخت کیے اور ایجنٹ کو رقم دیتے ہوئے کہا کہ میں تمھارے پاؤں پکڑتی ہوں شمریز کو واپس بھیج دو۔ ایجنٹ نے کہا کہ واپسی کا کوئی راستہ نہیں ہے تاہم کچھ دن تک وہ اٹلی پہنچ جائے گا۔&quot;

خان ملک کہتے ہیں کہ بیٹے اور بھانجے نے انہیں بتایا تھا کہ وہ 15 دن میں اٹلی ہوں گے مگر وہ کئی ہفتے سے لیبیا میں ہی تھے۔

&quot;ایک روز میرا چھوٹا بیٹا لیبیا میں موجود اپنے بھائی سلیمان سے بات کر رہا تھا۔ میں نے اس سے فون لے لیا جس کے بعد جو سنا وہ میرے لیے بہت بڑا دھچکا تھا۔ میرے بچوں کو وہاں پر تشدد کا نشانہ بنانے کے علاوہ بھوکا اور پیاسا رکھا جاتا تھا۔ پیسے بھی چھین لیے گئے تھے۔ میں نے بیٹے پوچھا کہ میں کیا کر سکتا ہوں تو اس نے کہا کہ کچھ پیسے بھجوائیں جس پر ان کو مزید پیسے بھجوائے تھے۔&quot;

کشتی پر سوار 30 سالہ محمد یونس بنڈلی میں دیہاڑی پر مزدوری کرتے تھے۔ انہوں نے لواحقین میں بیوہ اور تین بچے چھوڑے ہیں۔ ان کے بھائی کا کہنا ہے کہ اٹلی جانے کے لیے انہوں نے اپنا پیٹ کاٹ کر پیسے اکھٹے کیے تھے۔ اس کے علاوہ 15 لاکھ روپے قرض بھی لیا تھا۔

&quot;کشتی میں سوار ہوتے وقت اس نے کہا تھا کہ اٹلی میں مزدور کی بہت قدر ہے۔ میں وہاں پیسے کماؤں گا۔ ہم ایک شاندار گھر بنائیں گے جس میں ہم سب رہیں گے۔&quot;

خان ملک کا کہنا ہے کہ علاقے کے بچوں کو ورغلایا گیا ہے۔ انھیں موت کے منہ میں دھکیلا گیا ہے۔ انھیں ایسی کشتی میں سوار کروایا گیا جس میں گنجائش سے زیادہ مسافر سوار تھے۔ خطرناک ترین سفر میں مناسب حفاظتی اقدامات اختیار نہیں کیے گئے۔ لائف جیکٹس بھی نہیں تھیں۔

ایسا کرنے والے معافی کے قابل نہیں ہیں۔

کنیز فاطمہ کہتی ہیں کہ وہ فیصلہ کر چکی ہیں کہ انصاف کے لیے آخری سانس تک لڑیں گی اور ہر دروازے پر دستک دیں گی کیونکہ ان کے بچوں کو یتیم کرنے والے لوگ کسی رعایت کے مستحق نہیں۔

'پہلے اپنے بیٹے کو ملک سے باہر بھجوانے کے لیے ڈھائی لاکھ روپے دئیے، اب اس کی میت وطن واپس منگوانے کے لیے ساڑھے تین لاکھ روپے'

'بیٹے نے کہا کہ اٹلی پہنچ کر فون کروں گا لیکن اس کا فون کبھی نہیں آیا'

پنجاب کے تعلیمی اداروں میں گرمیوں کی چھٹیوں کو گلگت بلتستان میں سیاحت کا سیزن کہا جاتا ہے لیکن رواں سال ان چھٹیوں میں یہاں آنے والے سیاحوں کی تعداد گزشتہ برسوں کے مقابلے میں نصف سے سے بھی کم ہے۔

گلگت کی وادی ہنزہ میں ایک ہوٹل کے مالک انعام کریم نومی بتاتے ہیں کہ بے وقت بارشوں، لینڈ سلائیڈنگ، فلیش فلڈ اور گلیشیئر جھیلوں کے پھٹنے سے علاقے میں سیاحت کی صنعت متاثر ہوئی ہے۔

رواں سال جولائی اور اگست کے اوائل میں یہاں لینڈ سلائیڈنگ کے دو بڑے واقعات میں دو اور سکردو میں چار لوگ ہلاک ہو گئے۔ لینڈ سلائیڈنگ سے 10 مرتبہ مختلف سڑکیں چھ گھنٹے یا اس سے زیادہ وقت کے لیے بند رہیں۔ جولائی کے آخری ہفتے میں چلاس اور گلگت کو ملانے والی سڑک تتہ پانی دو دن اور کوہستان کے مقام پر سڑک 24 گھنٹے بند رہی۔ نیشنل ڈیزاسٹر مینجمنٹ اتھارٹی کے مطابق رواں سال جون سے اگست کے پہلے ہفتے تک ڈیڑھ کلومیٹر سڑک کو نقصان پہنچا۔

گلگت بلتستان ہوٹل ایسوسی ایشن کے جنرل سیکرٹری کوثر حسین کہتے ہیں کہ اس وقت فیری میڈوس جانے والے راستے 10 دن سے بند ہیں جس سے سیاحتی صنعت کو روزانہ اندازاً 50 لاکھ روپے کا نقصان ہو رہا ہے۔

ہنزہ ہوٹل ایسوسی ایشن کے سینئر نائب صدر ظہور الہیٰ کے بقول دو سال قبل جولائی اور اگست کے مہینے میں ہنزہ میں سیاحو ں کا رش ہوا کرتا تھا اور ہوٹل بھرے ہوتے تھے مگر اب ایسا نہیں ہے۔ کئی سیاح سڑک بلاک ہونے سے راستوں میں پھنس گئے اور واپس چلے گئے۔

&quot;ہنزہ میں 80 رجسٹرڈ اور چند غیر رجسٹرڈ ہوٹل اور گیسٹ ہاؤس ہیں۔ رواں سیزن میں کسی نے بھی اچھا کاروبار نہیں کیا۔&quot;

کوثر حسین نے بتایا کہ گلگت بلتستان کے 10 اضلاع میں مجموعی طور پر دو ہزار رجسٹرڈ ہوٹل ہیں۔ غیر رجسٹرڈ ان کے علاوہ ہیں۔ یہاں کے عوام کا 60 فیصد روزگار سیاحت سے وابستہ ہے۔

&quot;سیاح کے آنے پر ٹیکسی کا پہیہ چلتا ہے۔ اسی کی بدولت ریڑھی اور پھل پھول والے کا سامان بکتا اور ہوٹلوں کا کاروبار چلتا ہے۔ لوگ گلگت بلتستان میں آنا چاہتے ہیں مگر لینڈ سلائیڈنگ اور بے وقت کی بارشوں سے آنے والا سیلاب ان کی راہ میں رکاوٹ ہے۔ بارشوں کا تو کچھ نہیں ہو سکتا مگر لینڈ سلائیڈنگ کا حل تو موجود ہے۔&quot;

سڑکوں سے آمدورفت کے مسائل کو بیان کرتے ہوئے کوثر حسین کہتے ہیں کہ تتہ پانی کے مقام پر سڑک عموماً سیلاب اور لینڈ سلائیڈنگ سے بند ہو جاتی ہے۔ سیاح اور گلگت بلتستان کے لوگ یہ روڈ گرمیوں کے تین چار ماہ استعمال کرتے ہیں پھر برفباری کے باعث یہ بند ہو جاتی ہے ۔ اس کے بعد روایتی شاہراہ قراقرم استعمال کی جاتی ہے۔ شاہراہ قراقرم بھی لینڈ سلائیڈنگ کے سبب کوہستان کے مقام پر اکثر و بیشتر بند رہتی ہے۔

&quot;یہ صورت حال سیاحت کی صنعت کو تباہی کی طرف لے جا رہی ہے۔ اس کا ایک حل یہ ہے کہ گلگت ایئرپورٹ کو زیادہ فعال کیا جائے اور وہاں پاکستان کے تمام بڑے شہروں تک اور بین الاقوامی پروازیں چلائی جائیں۔&quot;

مقامی ماحولیاتی کارکن عامر حسین کہتے ہیں کہ گزشتہ چند برس میں ملکی سیاحوں نے بڑی تعداد میں اس علاقے کا رخ کیا۔ اس کے بعد یہاں تعمیرات میں بڑی سرمایہ کاری کی گئی۔ مگر یہ اقدامات ماحول سے مطابقت نہیں رکھتے۔ اس علاقے میں روایتی تعمیرات پتھر، گارے اور لکڑی سے ہوتی ہیں۔ پتھر مقامی طور پر حاصل کیا جاتا ہے۔ لکڑی جنگل کے بجائے اپنے اگائے گئے درخت سے حاصل کی جاتی ہے۔

&quot; ان کا کہنا تھا کہ یہ ماحول دوست تعمیرات مضبوط اور دیرپا ہوتی ہیں۔ مگر اب زیادہ تر سریا اور سیمنٹ استعمال ہو رہا ہے جو ماحول دوست نہیں ہے۔&quot;

ان کے مطابق علاقے میں کنکریٹ کا جنگل پھیل رہا ہے اور قدرتی جنگل سکڑ رہا ہے۔&quot;ماحولیاتی تبدیلی کی ایک اہم وجہ جنگلات میں کمی اور وسیع وعریض چرا گاہوں میں حد سے زیادہ مال مویشی کا چرنا ہے۔&quot;

عامر حسین کہتے ہیں کہ سڑکوں کا جال بچھانے کا کام سوچے سمجھے بغیر کیا گیا ہے۔ سڑک تعمیر کرنے کے لیے دھماکے کیے گئے جس سے پہاڑ اور چٹانیں کمزور ہوئیں۔ اس لیے بارش ہونے پر زیادہ لینڈ سلائیڈنگ ہوتی ہے۔

وہ مزید کہتے ہیں کہ پانی کی گزرگاہوں اور نالوں پر عمارتیں بنا دی گئی ہیں۔ گلگت بلتستان میں مون سون کے دوران کم بارشیں ہوتی ہیں۔ تاہم موسمیاتی تبدیلی کے باعث اب ہونے لگی ہیں مگر پانی کی قدرتی گزرگاہوں میں یہ عمارتیں رکاوٹ ڈالتی ہیں جس سے یہ تباہی مچاتا ہے۔

گلگت بلتستان میں محکمہ سیاحت کے ڈائریکٹر یاسر حسین کہتے ہیں کہ گلگت بلتستان میں ماحولیاتی قوانین موجود ہیں اور تعمیرات کے دوران ان پر عمل ہوتا ہے۔ اس معاملے میں حکومت کی سنجیدگی کا اندازہ اس امر سے لگایا جا سکتا ہے کہ یہاں بہت بڑا رقبہ محفوظ علاقہ قرار دیا گیا ہے جس پر تعمیرات نہیں ہو سکتیں۔

ان کا کہنا ہے کہ تعمیراتی منصوبے نہیں ہوں گے تو سیاحت ترقی نہیں کر پائے گی اس لیے حکومت انتہائی احتیاط سے اور ماحولیات کو مدنظر رکھ کر منصوبے ترتیب دیتی ہے۔ پاک چین معاہدے کے تحت تتہ پانی روڈ اور کوہستان کے مقام پر سڑک کو بہتر کیا جائے گا اور سرنگیں بنائی جائیں گی جس سے موجودہ مسائل ختم ہو جائیں گے۔

یاسر کا کہنا ہے کہ سڑکوں کی تعمیر کے لیے دھماکوں یا بلاسٹنگ سے پہاڑ اور چٹانیں کمزور ہوئی ہیں جس سے لینڈ سلائیڈنگ ہوتی ہے مگر کچھ عرصے میں یہ ختم ہو جائے گی۔

وہ یہ بھی بتاتے ہیں کہ گزشتہ چند برس کے دوران اندرون ملک سے سیاحوں کی بڑی تعداد گلگت بلتستان آ رہی ہے۔ اس سے پہلے غیر ملکی سیاح زیادہ تعداد میں آتے تھے۔ غیر ملکی یا کوڑا کرکٹ کھلے آسمان تلے، سڑک پر یا پارکوں میں نہیں پھینکتے مگر ملکی سیاح ایسی کوئی احتیاط نہیں کرتے۔ اب جگہ جگہ یہاں تک کہ پانی میں بھی پلاسٹک اور کوڑا ملے گا۔ پلاسٹک آسانی سے ختم نہیں ہوتا اور ماحول کو نقصان پہنچاتا ہے۔

عامر حسین کے مطابق اب لوگ کہتے ہیں کہ وہ گلگت بلتستان میں سکون، بہتر موسم اورسبزے کی تلاش میں آئے ہیں۔ مگر اب یہ مری کا مال روڈ اور ایبٹ آباد کا مانسہرہ روڈ بنتا جا رہا جہاں پرسکون، بہترین موسم اور ماحول دستیاب نہیں ہے۔ ایسے میں کوئی گلگت بلتستان جائے تو کیوں جائے۔&nbsp;

وسے تہ تھر نہ تہ بر: محکمہ سیاحت کی توجہ کے طالب تھر پارکر کے آٹھ تاریخی مقامات

'انہی پتھروں پہ چل کر اگر آ سکو تو آؤ'، گلگت بلتستان میں سیاحوں کی تعداد نصف سے کم رہ گئی

ایبٹ آباد کے نوشیرواں اقبال کا نو ماہ کا بیٹا جگر کی بیماری میں مبتلا ہے۔ وہ اسے علاج کے لیے لاہور لائے ہیں جہاں ڈاکٹر نے بچے کے ہاضمے کے لیے انہیں بیسوفک گولیاں لکھ دی ہیں۔ یہ گولیاں بھارت سے آتی ہیں جو آسانی سے نہیں ملتیں۔ انہوں نے دس ہزار روپے دے کر بلیک میں یہ گولیاں خریدی ہیں۔

ان کا کہنا ہے کہ وہ 30 ہزار تنخواہ پر ملازمت کرتے ہیں اور اتنی مہنگی دوا خریدنے کی استطاعت نہیں رکھتے۔ بچے کی بیماری ان سے دیکھی نہیں جاتی۔ وہ اس کی صحت یابی کے لیے ہر کوشش کرنے کو تیار ہیں لیکن دوا نہ ملنے سے مایوسی کا شکار ہیں۔

کراچی کے محسن اقبال کو بھی ایسی ہی صورتحال کا سامنا ہے۔

چالیس سالہ محسن علی نجی کمپنی میں ملازمت کرتے ہیں۔ ان کی&nbsp; والدہ مثانے کے کینسر میں مبتلا ہیں جن کی کیمو تھراپی کے لیے انہیں ہر ہفتے ایک بی سی جی انجکشن درکار ہوتا ہے۔

محسن علی بتاتے ہیں کہ یہ انجیکشن مارکیٹ میں عام دستیاب نہیں ہے اور تلاش بسیار کے بعد انتہائی مہنگا ملتا ہے۔ دراصل یہ انجکشن بھارت میں تیار ہوتا ہے جس کی اصل قیمت تقریباً سات ہزار روپے ہے لیکن مقامی مارکیٹ میں یہ 25 سے 30 ہزار روپے میں ملتا ہے۔

ان کے بقول چند ماہ پہلے جب ان کی والدہ کو بی سی جی انجکشن لگنا شروع ہوا تو اس وقت اس کی قیمت صرف ڈھائی ہزار روپے تھی تاہم گزشتہ ہفتے انہوں نے یہ انجکشن 30 ہزار روپے میں خریدا ہے۔

ان کا کہنا تھا کہ ایک بار ایسا بھی ہوا کہ پوری مارکیٹ میں انجکشن نہیں مل رہا تھا۔ کسی نے بتایا ایک بڑے ہسپتال میں دستیاب ہے۔ وہ&nbsp; والدہ کو وہیں لے گئے۔ ہسپتال والوں نے انجکشن تو لگا دیا مگر سروسز چارجز کے نام پر ان&nbsp; سے 70 ہزار روپے اینٹھ لیے۔

&#39;&#39; بی سی جی انجیکشن کے لیے میں نے بہت لوگوں کو مارا مارا پھرتے دیکھا ہے۔&#39;&#39;

ادویات کی کمیابی اور مہنگائی کا مسئلہ صرف بیسوفک گولیوں اور بی سی جی انجیکشن تک ہی محدود نہیں&nbsp; بہت سی دیگر ببیاریوں کی ادویات کا بھی یہی معاملہ ہے جن میں جلدی بیماری &#39;لیشمینیاسس&#39; کی دوا بھی شامل ہے۔

یہ تینوں ادویات یورپ کے چند ملکوں میں بھی تیار ہوتی ہیں مگر وہ مہنگی ملتی ہیں جبکہ بھارت میں بننے والی دوا سستی&nbsp; پڑتی ہے اور ان کی درآمد پر بھی کوئی پابندی نہیں۔

ڈبلیو ایچ او کے مطابق 2021ء میں پاکستان نے بھارت سے 194.22 ملین امریکی ڈالر کی دوائیں درآمد کیں تھیں۔ تاہم اتنی بڑی مقدار میں دوائیں منگوانے کے باوجود کینسر جیسے امراض کی دواؤں کی قلت اور بلیک میں فروخت ایک سوالیہ نشان ہے۔

بادشاہ آفریدی پشاور سے چند کلومیٹر دور ضلع خیبر کے رہائشی ہیں۔ وہ بتاتے ہیں کہ کچھ عرصہ قبل وہ اور ان کا پورا خاندان لیشمینیاسس میں مبتلا ہو گیا تھا اور انہیں اس کی دوا &#39;گلوکن ٹائم&#39; حاصل کرنے میں انتہائی مشکل کا سامنا کرنا پڑا تھا۔ ان کا کہنا ہے کہ انہوں نے دوا کا ایک ایک انجیکشن پندرہ ہزار روپے میں بھی خریدا ہے۔

گزشتہ سال عالمی ادارہ صحت (ڈبلیو ایچ او) نے&nbsp; گلوکن ٹائم کے حوالے سے الرٹ بھی جاری کیا تھا کہ کوئٹہ کی مارکیٹوں میں اسی نام سے نقلی انجیکشن فروخت کیا جارہا ہے۔ اس انتباہ کے بعد پاکستان ڈرگ ریگولیٹری اتھارٹی (ڈریپ) نے اس پر ایکشن بھی لیا تھا۔

ایک دوا ساز کمپنی کے ڈائریکٹر تصدیق کرتے ہیں کہ بھارت اور بعض دیگر ممالک&nbsp; سے دوائیں افغانستان کو برآمد ہوتی ہیں۔ پھر یہ افغانستان&nbsp; سے سمگل ہو کر پشاور اور کوئٹہ پہنچتی ہیں۔ بعض اوقات تو ایسی دواؤں کی وارنٹی بھی نہیں ہوتی۔

ایبٹ آباد کے ممتاز یورالوجسٹ ڈاکٹر ناصر جمیل کہتے ہیں کہ پچھلے چند سال کے دوران پاکستان میں مثانے کے کینسر کے مریضوں کی تعداد تیزی سے بڑھی ہے۔ خواتین میں اس بیماری کی شرح بہت زیادہ ہے۔ اگر جلد تشخیص اور بروقت علاج ہو تو مثانے کا کینسر ٹھیک&nbsp; ہو سکتا ہے اور کنٹرول میں بھی رہتا ہے۔

ان کا کہنا تھا کہ دنیا بھر میں بی سی جی انجیکشن ہی مثانے کے کینسر کا بہترین علاج سمجھا جاتا ہے۔ پاکستان میں بھی ڈاکٹر اسی کو مستند دوا کے طور پر تجویز کرتے ہیں۔ باالفاظ دیگر اس انجکشن کے سوا اس بیماری کا کوئی علاج نہیں ہے۔

ڈاکٹر ناصر بتاتے ہیں کہ اکثر و بیشتر مریض شکایت کرتے رہتے ہیں کہ &#39;بی سی جی&#39; مارکیٹ میں نہیں مل رہا۔ مگر مسئلہ یہ ہے کہ اس کا کوئی متبادل دستیاب نہیں ہے۔ اسی لیے معالج یہی انجکشن تجویز کرنے پر مجبور ہیں۔

کراچی&nbsp; میں ایک بڑی دوا ساز کمپنی کے ڈائریکٹر نے نام ظاہر نہ کرنے کی شرط پر بتایا کہ بعض امراض کی دوائیں پاکستان میں تیار نہیں کی جاتیں بلکہ یہ بھارت سے امپورٹ ہوتی ہیں۔ گلوکن ٹائم، بی سی جی یا کینسر کی دیگرادویات مریضوں نے ہر صورت میں لینا ہوتی ہیں۔ یہی وجہ ہے کہ ناجائز منافع کمانے کے لیے لازمی اہمیت کی انہی دواؤں کی قلت پیدا کی جاتی ہے۔

ان کا کہنا ہے کہ جونہی کوئی مخصوص دوا بیرون ملک سے آتی ہے تو چند افراد اس کا بڑا سٹاک خرید کر چھپا لیتے ہیں۔ بعد ازاں&nbsp; یہ دوا مہنگے داموں ضرورت مندوں کو بیچی جاتی ہے۔

ان کے خیال میں اس کا حل صرف یہی ہے کہ حکومت ان دواؤں کومناسب تعداد میں مارکیٹ میں رکھنے کے لیے اقدامات کرے۔

لاہور میں ماہر امراض کینسر ڈاکٹر ابرار احمد کہتے ہیں کہ خون کے سرطان کی ایک قسم (کرانک مائیلو لوکیمیا) میں مبتلا بیشتر مریض بتاتے ہیں کہ عام طور پر اس کی دوا دستیاب نہیں ہوتی ہے جس سے مریضوں کی زندگی کو خطرہ ہوتا ہے۔

&nbsp;لاہور میں ادویات کے ہول سیل ڈیلر اقبال اینڈ کو کے مالک محمد عرفان اس بات سے اتفاق کرتے ہیں کہ بیسوفک اور بی سی جی انجیکشن جیسی دوائیں طویل عرصہ سے&nbsp; بلیک مارکیٹ کا حصہ بن چکی ہیں۔ بلیک مارکیٹ والوں کی کوشش ہوتی ہے کہ یہ دوائیں عام مارکیٹ میں نہ پہنچیں اور اس کے لیے یہ لوگ ہر ہتھکنڈا استعمال کرتے ہیں۔

محمد عرفان کے مطابق اس کا یہی حل ہے کہ یہ دوائیں مقامی طور پر تیار کی جائیں۔ اگر تیاری ممکن نہیں تو مارکیٹ میں ان کی وافر سپلائی کے اقدامات کئے جائیں وگرنہ مسئلہ برقرار رہے گا۔

ڈرگ ریگولیٹری اتھارٹی آف پاکستان (ڈریپ)کے ترجمان اختر عباس کا کہنا ہے کہ اگر کوئی دوا ساز کمپنی مستند دوا کی مقامی سطح پر تیاری کے لیے درخواست دے تو اس پر فوری کاروائی جاتی ہے۔ ڈریپ نے ایسی کوئی دوا رجسٹر کرنے سے کبھی انکار نہیں کیا ۔بعض دوائیں اندرون ملک&nbsp; تیار کرنے کے لیے کوئی بھی کمپنی درخواست نہیں دیتی۔ اس کی وجہ شاید یہ ہوتی ہے کہ ان دواؤں کا استعمال کم ہے اور انہی دواؤں کے لیے ہی امپورٹ لائسنس جاری کیا جاتا ہے۔

اختر عباس کہتے ہیں کہ بی سی جی انجیکشن منگوانے&nbsp; کا لائسنس بھی پاکستان میں ایک کمپنی کے پاس موجود ہے۔ مارکیٹ میں اس کی قلت&nbsp; کی وجہ مذکورہ کمپنی سے دریافت کی جائے گی اور دیگر ادویات کی عدم دستیابی کے معاملے کا جائزہ بھی لیا جائے گا۔

ان کا کہنا ہے کہ کبھی کسی دوا کی ضرورت پڑتی ہے وہ فوری طور پر منگوائی جاتی ہے ۔ کوئی غیر سرکاری ادارہ منگوانا چاہے تو تمام سہولتیں فراہم کی جاتی ہیں۔گلوکن ٹائم انجیکشن&nbsp; کے لیےایک بین الاقوامی این جی او اور مختلف اداروں&nbsp; کواجازت دی گئی ہے۔

اختر عباس کہتے ہیں کہ تب بھی کوئی دوا نہ ملے تو ڈریپ صرف ایک مریض کے لیے بھی دوا امپورٹ کرنے کی سہولت فراہم کرتا ہے۔ اس کا طریقہ بہت آسان ہے کہ ڈاکٹر کا لکھا&nbsp; نسخہ اور کیمسٹ کے ذریعے دوائی کا آرڈر ڈریپ کو دیں جو مختصر وقت میں دوا کا انتظام کر دے گا۔

علاج یا نشہ: کنٹرولڈ آئٹمز میں شامل کیٹامین دوا کی ضرورت سے زیادہ درآمد کے پیچھے کیا راز ہے؟

کینسر، جگر  اور جلدی بیماریوں کی دوائیں امپورٹ کی اجازت کے باوجود بلیک میں کیوں بِکتی ہیں؟

راولپنڈی میں اس سال فروری اور اپریل میں دو خواجہ سرا افراد کو ایک ہی انداز میں قتل کئے جانے کے واقعات پیش آئے۔ دونوں وارداتوں میں مقتولین کو پہلے تشدد کا نشانہ بنایا گیا، انہیں بجلی کے جھٹکے دیے گئے اور پھر ازار بند سے گلا گھوٹ کر ہلاک کر دیا گیا۔

&nbsp;طریقہ واردات میں مماثلت سے تفتیش کاروں نے اخذ کیا کہ نہ تو یہ واقعات ایک دوسرے سے علیحدہ ہیں اور نہ ہی قاتل کوئی عام اناڑی مجرم ہے بلکہ وہ کسی نفسیاتی مسئلے کا شکار سفاک سیریل کلر ہے۔

راولپنڈی کے علاقے صادق آباد میں خواجہ سرا افراد کی بڑی تعداد رہتی ہے۔ پولیس نے قاتل کی تلاش کے لئے اس علاقے کی نگرانی شروع کر دی لیکن اس کا کوئی سراغ نہ مل سکا۔

راولپنڈی پولیس کے شعبہ تفتیش کی انچارج&nbsp; زونیرا اظفر نے لوک سجاگ کو بتایا کہ دو وارداتوں کے بعد پولیس کی کوشش تھی کہ ملزم کو مزید جرم کرنے سے پہلے ہی گرفتار کر لیا جائے۔

ان کے مطابق قاتل کے طریقہ واردات سے معلوم ہوتا تھا کہ وہ غصے اور اشتعال کی کیفیت میں ہونے کے علاوہ نہایت ہوشیار چالاک بھی ہے کیونکہ جائے واردات پر اس نے کوئی ایسے شواہد نہیں چھوڑے تھے جن کے ذریعے اس تک پہنچا جا سکے۔

تاہم ہر ملزم کی طرح اس نے بھی ایک غلطی کی جو یہ تھی کہ وہ پہلی واردات کے بعد مقتول ظہور احمد کا موبائل فون اپنے ساتھ لے گیا تھا۔ پولیس نے اس فون نمبر پر آبزرویشن لگا دی لیکن فون مسلسل بند جاتا رہا۔

زونیرا اظفر بتاتی ہیں کہ واردات کے تقریباً تین ماہ بعد پہلی مرتبہ وہ فون رحیم یار خان میں کچھ دیر کے لئے آن ہوا اور پھر بند ہو گیا۔ اس طرح پولیس ملزم تک تو نہ پہنچ سکی لیکن یہ بات ضرور سامنے آ گئی کہ ملزم کا رحیم یار خان سے کوئی تعلق ضرور ہے۔

ملزم نے سیف الرحمان نامی جس دوسرے ٹرانس جینڈر کو قتل کیا تھا وہ ظہور کے مقدمے کا مدعی بھی تھا۔ مقتول ظہور اور سیف اللہ دونوں دوست اور راولپنڈی کے علاقے صادق آباد میں ایک گھر میں رہتے تھے۔

کچھ عرصہ کے بعد ظہور کا فون کچھ دیر کے لئے اسلام آباد میں آن ہوا تو پولیس نے اس کی لوکیشن نوٹ کر کے اس علاقے کی نگرانی شروع کر دی اور بالآخر اسے گرفتار کر لیا گیا۔

<h2>&nbsp;وہ سفاک قاتل کیسے بنا؟</h2>

زونیرا اظفر بتاتی ہیں کہ ملزم علی حسن پولیس کی توقع سے زیادہ چالاک اور شاطر تھا۔ اس سے پوچھ گچھ بہت مشکل ثابت ہوئی جس میں اس نے انکشاف کیا کہ اس نے دونوں مقتولین کو قتل کرنے سے پہلے جنسی زیادتی کا نشانہ بھی بنایا تھا اور اس سے پہلے وہ رحیم یار خان میں سعید نامی ایک شخص کو بھی قتل کر چکا ہے۔

ملزم نے بتایا کہ بارہ سال کی عمر میں جب وہ رحیم یار خان کے ایک مدرسے میں زیر تعلیم تھا تو ایک استاد نے اسے جنسی زیادتی کا نشانہ بنایا تھا۔ ملزم کے ذہن پر اس واقعے کے منفی اثرات اب بھی موجود ہیں۔

&quot;اس واقعے کے بعد ایک ایسے شخص نے بھی اس سے زیادتی کی تھی جسے وہ نعتیں سنایا کرتا تھا۔ ملزم اس قدر مشتعل ہوا کہ ایک روز اس نے ڈنڈے کے وار کر کے اسے قتل کر دیا&quot;۔

انہوں نے بتایا کہ ملزم کو گرفتار کر لیا گیا مگر کیس کی عدم پیروی اور راضی نامے کی بنیاد پر چند ہی روز کے بعد اسے جیل سے رہائی مل گئی جس کے بعد اس نے اسلام آباد میں رہائش اختیار کر لی جہاں وہ رنگ و روغن کا کام کرنے لگا۔

زونیرا کا کہنا ہے ملزم کو اپنے ساتھ پیش آئے زیادتی کے واقعات کا بے حد رنج تھا اور وہ ہر وقت لوگوں اور معاشرے سے بدلہ لینے کی تدابیر سوچتا رہتا تھا۔ اس کی یہ کیفیت تاحال برقرار ہے۔

راولپنڈی میں قتل ہونے والے دونوں ٹرانس جینڈر افراد کے لواحقین ملزم کے خلاف مقدمے کی پیروی میں دلچسپی نہیں رکھتے اس لئے متوقع طور پر حکومت اس مقدمے کی پیروی کرے گی۔ تاہم ابھی ان مقدموں کا ٹرائل شروع نہیں ہوا۔

<h2>جنسی زیادتی کا شکار بچوں کو کیسی مدد درکار ہوتی ہے؟</h2>

بچوں کے حقوق کے لئے کام کرنے والے غیر سرکاری ادارے ساحل سے وابستہ قانون دان امتیاز احمد سومرو کہتے ہیں کہ نوعمری میں جنسی زیادتی کا شکار ہونے والے لوگ غصے اور انتقام کے جذبات میں کوئی بھی قدم اٹھا سکتے ہیں۔

ان کا کہنا ہے کہ ایسے بچوں کو مناسب کونسلنگ فراہم کرنے اور انہیں صدمے کی کیفیت سے باہر لانے کی ضرورت ہوتی ہے تاکہ انہیں معاشرے کا صحت مند حصہ بنایا جا سکے لیکن بدقسمتی سے بچوں کے ساتھ زیادتی کے بیشتر واقعات سامنے ہی نہیں آتے۔

ساحل کی جاری کردہ رپورٹ کے مطابق 2022ء میں بچوں سے جنسی زیادتی یا ایسی کوشش، ان کی غیراخلاقی ویڈیو بنانے اور زیادتی کے بعد انہیں قتل کئے جانے کے چار ہزار 253 واقعات رپورٹ ہوئے۔ ایسے بیشتر واقعات کے ملزم ان بچوں کے قریبی رشتہ دار تھے۔

جنسی تشدد کا سامنا کرنے والے ان بچوں میں 55 فیصد لڑکیاں اور 45 فیصد لڑکے شامل ہیں۔ جبکہ ایسے 47 فیصد واقعات دیہی اور 53 فیصد شہری علاقوں سے رپورٹ ہوئے۔

امتیاز سومرو کہتے ہیں کہ جس بچے کے ساتھ زیادتی ہوتی ہے وہ خوف اور شرم کے مارے اپنے والدین کو اس سے آگاہ نہیں کر پاتا۔

&quot;والدین کا اپنے بچوں کے ساتھ رویہ دوستانہ نہ ہو تو زیادتی کا سامنا کرنے والا بچہ یہ سمجھتا ہے کہ اگر اس نے انہیں آگاہ کیا تو الٹا اسے ہی قصوروار سمجھا جائے گا۔ چنانچہ ایسے بچے غصے اور صدمہ کی کیفیت سے نکل نہیں پاتے اور بڑے ہو کر جرائم کی راہ پر چل نکلتے ہیں&quot;۔

امتیاز سومرو کا کہنا ہے کہ بچوں سے جنسی زیادتی کے جو واقعات رپورٹ ہوتے ہیں ان میں سے بیشتر میں متاثرہ کو انصاف بھی نہیں ملتا۔عدالتی عمل اس قدر طویل اور پیچیدہ ہوتا ہے کہ کئی متاثرہ اس دوران مزید ٹراما اور مسائل کا شکار ہو جاتے ہیں۔

&quot;انہی مسائل کی وجہ سے سپریم کورٹ نے اپنے ایک فیصلے میں کہا تھا کہ ایسے بچوں کی کونسلنگ کروانا ریاست کی ذمہ داری ہے۔ اسی طرح اسلام آباد ہائی کورٹ نے ایسے واقعات کی تفتیش ایس پی سطح کے افسر سے بالاحتیاط کرانے کا حکم دیا تھا۔ لیکن ان دونوں احکامات پر عملدرآمد نہیں ہوا&quot;۔

خبردار! یہ مردہ ٹرانس جینڈر ہے، اسے اس قبرستان میں دفن نہیں کیا جا سکتا!

دو خواجہ سراؤں کا قاتل راولپنڈی کا سیریل کلر کیسے گرفتار ہوا؟

&quot;خنجراب پاس کھلا تو میرے رکے ہوئے پانچ کنٹینر بھی آ گئے جس سے میں سو فیصد گھاٹے سے بچ گیا۔ البتہ حکومت نے اب جو نیا نظام متعارف کروایا ہے اس کے بعد میں تو چین سے مزید مال نہیں منگواؤں گا&quot;۔

یہ کہنا ہے گلگت بلتستان کے تاجر سرفراز حسین کا جو کئی برسوں سے چین سے مال منگوا رہے ہیں۔

خنجراب پاس سے منسلک سست ڈرائی پورٹ کے حکام کے مطابق پورٹ سے مال کلیئر کروانے کے لیے نئے نظام کے تحت پاکستانی تاجروں کو چین میں تمام ادائیگیاں بینک کے ذریعے کرنا ہوں گی اور پورٹ سے ان کا مال اسی صورت میں کلیئر ہو پائے گا جب وہ الیکٹرانک امپورٹ فارم (ای آئی ایف) پُر کر کے بینک سے ادائیگی کی رسید ساتھ لف کریں گے۔

ناصر حسین گلگت بلتستان چیمبر آف کامرس کے صدر ہیں۔ ان کے مطابق چیمبر میں دس ہزار چھوٹے بڑے تاجر رجسٹر ہیں۔ انہوں نے لوک سجاگ کو بتایا کہ تجارت کا روایتی انداز بالکل مختلف رہا ہے اور نیا نظام اس سے مطابقت نہیں رکھتا۔

&quot;پہلے گلگت بلتستان اور سنکیانگ کے تاجروں کے درمیان مال کے بدلے مال کی تجارت ہوتی تھی۔ ساٹھ کی دہائی میں لین دین کرنسی میں ہونے لگا۔ سنکیانگ کا تاجر گلگت بلتستان آتا تو وہ پاکستانی روپے میں خریداری کرتا تھا اور گلگت بلتستان کا تاجر سنکیانگ جاتا تو وہ چین کی کرنسی میں تجارت کرتا تھا۔ اس میں ڈالر یا کسی اور کرنسی کا کوئی عمل دخل نہیں تھا۔&quot;

حال میں لاگو ہونے والے نئے نظام کے تحت تاجر مال کی خریداری رسید دے گا اور تمام ادائیگیاں بینکوں کے ذریعے کرے گا۔

نئے نظام کے تحت کیونکہ لین دین دو ملکوں کے بینکوں کے ذریعے ہو گا اس لیے لامحالہ ڈالر درمیان میں آ جائے گا۔ گویا پہلے پاکستانی بینک گلگت بلتستان کے تاجروں کے روپوں کو ڈالروں میں تبدیل کر کے انہیں چینی بینک کو ادا کرے گا جو اسے سنکیانگ کے تاجر کو چینی کرنسی یوان میں بدل کر ادا کرے گا۔

تاجروں کو اس ادل بدل میں نقصان دکھائی دیتا ہے۔ خاص طور پر اس لیے کہ پاکستانی روپے کی قدر میں اتارچڑھاؤ اب روز کا معمول ہے اور یہ اتارچڑھاؤ اتنا زیادہ ہوتا ہے کہ منافع کے کسی بھی تخمینے کو حقیقی نقصان میں بدل سکتا ہے۔

ناصر سمجھتے ہیں کہ اس نظام کے تحت مقامی تاجروں کے لیے کاروبار کرنا ممکن ہی نہیں ہے کیونکہ یہاں کا تاجر کسی فیکڑی سے نہیں بلکہ کاشغر یا کسی اور شہر کی ہول سیل مارکیٹ سے مال خریدتا ہےاور ادائیگی موقع پر نقد کرتا ہے۔

ان کا کہنا ہے کہ سنکیانگ میں فیکٹریاں ہیں ہی نہیں بلکہ ہول سیل مارکیٹ ہے۔ &quot;ایک تاجر پورے کنٹینر کا مال بھی نہیں خریدتا۔ ایک کنٹینر دو، تین تاجروں کے مال پر مشتمل ہوتا ہے۔ سنکیانگ کا ہول سیل تاجر بینک سے ادائیگی قبول نہیں کرتا۔ اسے نقد رقم چاہیے۔&quot;

&quot;جب تجارت مقامی کرنسیوں میں نقد پر ہوتی ہے، بینک سے ادائیگی نہیں ہوتی، اور اس میں ڈالر کا کوئی عمل دخل نہیں ہے تو تاجر کس طرح ای آئی ایف ڈیجیٹل فارم پر ڈالر میں خریداری کی تفصیل اور بینکنگ چینل کا ثبوت مہیا کر سکتا ہے۔&quot;

ناصر حسین نے بتایا کہ ماضی میں خصوصی انتظام کے تحت گلگت بلتستان اور سنکیانگ کے رہائشی تاجروں کو ویزہ کی بجائے خصوصی پاس جاری کیے جاتے تھے۔ اب بھی دونوں ممالک میں اس سے ملتا جلتا نظام رائج ہے جس کے مطابق سنکیانگ جانے پر گلگت بلتستان کے تاجر کو چیمبر آف کامرس کے کارڈ کی بنیاد پر پاس یا اجازت نامہ جاری کیا جاتا ہے۔ سنکیانگ میں بھی اسی طرح کا عمل ہوتا ہے۔

نئے نظام میں ٹیکس یا کسٹم کا تخمینہ بھی خرید کی رسیدوں کی بنیاد پر لگایا جائے گا۔ سرفراز حسین کہتے ہیں کہ ایسا نہیں ہے کہ ہم ٹیکس نہیں دیتے یا ٹیکس سے بچنا چاہتے ہیں۔ میں نے سال 2019ء میں 51 لاکھ ٹیکس دیا تھا۔ سرکار نے سال 2019ء میں خنجراب پاس سے 856 ملین ڈالر کی تجارت کا جو تخمینہ لگایا ہے اس پر ٹیکس وصول کیا گیا تھا۔

ان کا کہنا تھا کہ اگر اسی پالیسی کو نافذ رکھا گیا تو خنجراب پاس سے مقامی تجارت کا دوبارہ شروع ہونا ممکن نہیں ہوگا۔

<h2>آسمان سے گرا، کجھور میں اٹکا</h2>

سرکاری اعدادوشمار کے مطابق 2018-19ء میں خنجراب پاس سے 1611 کنٹینر آئے۔ اگلے برس یہ تعداد بڑھ کر 1882 ہو گئی۔ لیکن اس سے اگلے برس کووڈ کی وبا نے بین الاقومی آمدورفت کو مکمل طور پر بند کر دیا۔

یہ بندش تین سال جاری رہی۔ ان تین سالوں کے دوران خنجراب پاس صرف ایمرجنسی کی صورت میں ہی کھولا جاتا تھا۔ 2021ء میں یہاں چین سے صرف 65 کنٹینر آئے جبکہ 2022ء میں یہ تعداد 221 رہی۔ رواں برس 830 کنٹینر آ چکے ہیں۔ ان میں سے بیشتر پہلے سے پھنسے ہوئے کنٹینر ہیں۔

گزشتہ ماہ کے اوائل سے پاس کو دوبارہ مکمل طور پر کھول دیا گیا ہے۔

گلگت بلتستان کی مقامی معیشت میں خنجراب پاس ریڑھ کی ہڈی کی حیثیت رکھتا ہے۔ پاکستان اور چین کو ملانے والی شاہراہ قراقرم پر واقع یہ دنیا کی بلند ترین پختہ بارڈر کراسنگ ہے۔ دونوں ممالک کی مال بردار گاڑیاں پہاڑوں میں گھری اس راہ گزر سے گزرتی ہیں اور کسٹم کلیرنس کے لیے سست ڈرائی پورٹ پر آتی ہیں۔

طفیل محمد علی کسٹم کلیئرنگ ایسوسی ایشن گلگت بلتستان کے صدر ہیں۔ وہ کہتے ہیں کہ خنجراب پاس کا کھلنا بہت ہی اچھی خبر ہے۔ مگر صورت حال یہ ہے کہ اس کے بعد پرانے پھنسے ہوئے کنٹینر تو گزر رہے ہیں مگر نیا مال اور کنٹینر نہیں آ رہے۔

ان کے مطابق کووڈ سے پہلے یہاں 40 کسٹم کلیئرنگ ایجنٹ کام کرتے تھے۔ اب کم ہو کر 15 رہ گئے ہیں۔ جب کوئی پھنسا ہوا پرانا کنٹینر آتا ہے تو ان میں سے کسی ایک دو کا کام چل پڑتا ہے جبکہ دیگر انتظار کرتے ہیں۔

طفیل کہتے ہیں کہ ہمارے اندازے کے مطابق بندش سے قبل خنجراب پاس پر کاروبار سے دو لاکھ لوگوں کو براہ راست روزگار میسر آتا تھا، مگر اب ایسا نہیں ہے۔

چیمبر آف کامرس کے ناصر حسین کہتے ہیں کہ چیمبر میں رجسٹرڈ دس ہزار تاجروں میں سے ہر ایک کے پاس کم از کم دو لوگ تو ملازمت کرتے ہی تھے جبکہ بڑے تاجروں کے پاس یہ تعداد پچاس سے بھی زیادہ تھی۔

سرفراز حسین جن کے پھنسے ہوئے پانچ کنٹینر ابھی پہنچے ہیں کہتے ہیں کہ کووڈ سے پہلے ان کے پاس 15 افراد کا سٹاف تھا۔ اب ان میں سے صرف تین لوگ باقی ہیں۔

اس تجارت سے گلگت بلتستان میں ٹرانسپورٹر، دیہاڑی دار مزدور، ریسٹورنٹ والے اور دکان دار منسلک تھے۔ لیکن اب تاجروں نے اپنا بیشتر سٹاف فارغ کر دیا ہے۔

ذیشان سست میں واقع گڈز اڈے میں منشی کے ساتھ کام کرتے تھے۔ اب وہ دو سال سے ہنزہ میں دیہاڑی پر مزدوری کر رہے ہیں۔ وہ کہتے ہیں: &quot;کووڈ کی وجہ سے کام انتہائی کم ہوا۔ ہمارے اڈے پر کئی کئی دن مال نہیں آتا تھا۔ مجھ سمیت اڈے پر کام کرنے والے چھ لوگوں کو فارغ کر دیا گیا۔ اب میں دیہاڑی پر کام کرتا ہوں جو کبھی ملتی ہے اور کبھی نہیں۔&quot;

گل حسین کووڈ سے پہلے ناصر حسین کے گوداموں کی رکھوالی کرتے تھے۔ اب یہ گلگت میں کام کی تلاش میں ہیں۔ وہ کہتے ہیں &quot;جب چین سے مال آنا بند ہوا تو گوداموں میں مال ہی نہیں ہوتا تھا جس کی رکھوالی کی جاتی۔کچھ عرصے بعد ناصر صاحب نے یہ کہہ کر فارغ کر دیا کہ کام دوبارہ شروع ہو گا تو واپس بلا لیں گے۔&quot;

خنجراب پاس کھلنے کے باوجود گلگت بلتستان کے تاجر پرانی رونقوں کی واپسی کے بارے پُرامید نہیں ہیں۔ وہ نئے نظام سے مایوس ہیں اور کہتے ہیں کہ اس کے تحت ان کے لیے چین سے تجارت کرنا ممکن نہیں جس کے باعث مقامی معیشت کے بحال ہونے کے آثار کم ہی دکھائی دے رہے ہیں۔

افغانستان میں طالبان کے آنے سے طورخم بارڈر کے آر پار لوگوں اور تجارتی سامان کی آمدورفت شدید مشکلات کا شکار۔

نیا کسٹم نظام: خنجراب پاس تو کھل گیا لیکن گلگت بلتستان کے مقامی تاجروں کی قسمت پر تالا پڑ گیا

گزشتہ دنوں سوشل میڈیا پر ایک ویڈیو وائرل ہوئی جس میں قصور کے سرحدی علاقے گنڈا سنگھ والا میں دریائے ستلج کے کنارے ایک مچھیرے کے جال سے گھڑیال برآمد ہوتا دکھائی دیتا ہے جسے مچھیرے نے باحفاظت پانی میں واپس چھوڑ دیا۔ 
ماہرین کے مطابق پاکستان میں &#39;گھڑیالوں کے&nbsp; اس قدیم گڑھ&#39; میں یہ معدوم جانور اس سے پہلے 1985ء میں دیکھا گیا تھا۔

یہ ویڈیو سامنے آنے کے بعد فیصل آباد میں پنجاب وائلڈ لائف ریسرچ سنٹر نے ماہرین کی ایک ٹیم کو اس علاقے میں روانہ کیا۔جس نے مچھیرے کو تلاش کر کے اسے شاباش دی اور سرکاری سطح پر اس کی حوصلہ افزائی کا وعدہ کیا۔

ریسرچ سنٹر کی ڈپٹی ڈائریکٹر ڈاکٹر مصباح سرور کہتی ہیں کہ دریا میں جس جگہ یہ گھڑیال پایا گیا وہ علاقہ چار دہائیاں پہلے گھڑیالوں کا گڑھ تھا لیکن سندھ طاس معاہدے کے تحت جب دریائے ستلج بھارت کے حصے میں چلا گیا تو ناسازگار آبی ماحول کے باعث گھڑیال وہاں سے مفقود ہو گئے۔ ان کے مطابق غالب امکان یہی ہے کہ یہ گھڑیال بھارت سے پاکستان کی حدود میں آیا تھا۔

<h2>گھڑیال بھارت سے آیا؟</h2>

وائلڈ لائف ریسرچ سنٹر کی تحقیقاتی ٹیم کی ایک اور رکن اور لاہور چڑیا گھر کی ڈائریکٹر کرن سلیم رینگنے والے جانوروں پر تحقیق کرتی رہی ہیں۔ جب انہوں نے اس جگہ کا دورہ کیا تو انہیں ریت پر ایک سے زیادہ گھڑیالوں کے پاؤں کے نشان دکھائی دیے۔ ڈاکٹر کرن نے یہ نتیجہ اخذ کیا ہے کہ اس علاقے میں گھڑیال کا جوڑا اور اس کے چھ بچے موجود ہیں۔

ان کا کہنا ہے کہ گزشتہ چند سالوں میں انڈیا نے بڑی مقدار میں دریائے ستلج میں پانی چھوڑا ہے اور غالب امکان یہی ہے کہ یہ گھڑیال بھارت سے ہی پاکستان میں آئے ہوں گے۔

&nbsp;گھڑیال صاف اور آلودگی سے پاک پانی میں پایا جاتا ہے اور گنڈا سنگھ والا میں اس کی موجودگی کا مطلب یہ ہے کہ اس علاقے میں دریائی ماحول بہتر ہوا ہے۔

کرن سلیم سمجھتی ہیں کہ یہ صرف گھڑیالوں کی نسل کے لئے ہی نہیں بلکہ پاکستان میں ستلج کے آبی نظام کے حوالے سے بھی اچھی خبر ہے کیونکہ صاف ماحول اور پانی کا بالآ خر انسانوں کو ہی فائدہ پہنچتا ہے۔

<h2>گھڑیال کیوں معدوم ہو گئے؟</h2>

کرن سلیم&nbsp; کہتی ہیں کہ ابھی حتمی طور پر یہ نہیں کہا جا سکتا کہ گھڑیال کے بچے پاکستانی علاقے میں پیدا ہوئے تھے۔ تاہم موافق ماحول میں گھڑیال کی نسل تیزی سے بڑھتی ہے اور اگر پاکستانی حدود میں ماحول بہتر ہوا ہے تو ممکنہ طور پر یہ بچے بھی یہیں پیدا ہوئے ہوں گے۔

اس علاقے میں گھڑیال کے ناپید ہو جانے کی وجوہات پر بات کرتے ہوئے ڈاکٹر مصباح سرور کہتی ہیں کہ گھڑیال ساٹھ فیصد سے زیادہ آلودہ اور کم گہرے پانی میں نہیں رہ سکتے۔ یہی وجہ ہے کہ چار دہائیاں قبل جب دریائے ستلج میں پانی بہت کم ہو گیا تو گھڑیال غائب ہو گئے۔

ان کا کہنا ہے کہ دریا کے کناروں کی ریت گھڑیال کو افزائش نسل میں مدد دیتی ہے۔ یہ اپنے انڈے ریت میں دبا دیتے ہیں جہاں سے کچھ عرصہ کے بعد بچے نکل آتے ہیں۔ تعمیراتی کاموں میں اضافے کے باعث ریت کا استعمال بڑھ گیا ہے اور ریت دریاؤں کے کناروں سے ہی نکالی جاتی ہے۔ چنانچہ ستلج کے کناروں پر ریت نکالنے کی سرگرمیوں میں اضافے سے بھی گھڑیالوں کی زندگی متاثر ہوئی۔ 
کرن سلیم، گھڑیال کے معدوم ہونے کی ایک اور بڑی وجہ اس کے شکار کو قرار دیتی ہیں۔ ان کا کہنا ہے کہ مگر مچھ کا چمڑا کئی طرح کی مصںوعات میں استعمال ہوتا رہا ہے۔ اگرچہ اب پاکستان سمیت دنیا بھر میں تجارتی مقاصد کے لئے کسی بھی قسم کے مگرمچھ کا شکار کرنے پر پابندی ہے لیکن گھڑیال کی نسل کو اس سے جو نقصان پہنچ سکتا تھا وہ پہنچ چکا ہے۔

<h2>بھارت میں گھڑیال کیوں معدوم نہیں ہوئے؟</h2>

بھارت میں بھی گھڑیال کے معدوم ہونے کی وجوہات وہی رہی ہیں جن کا ذکر کرن سلیم نے کیا۔ البتہ بھارت نے 70 کی دہائی میں اسے نہ صرف ان جانوروں کی فہرست میں شامل کیا جن کی نسل کی بقا شدید خطرات سے دوچار ہوتی ہے بلکہ اس کی بحالی کے لیے کوششیں بھی کیں۔

ان کوششوں میں سرفہرست چمبل کے نیشنل پارک کا قیام ہے۔ ساڑھے پانچ ہزار مربع کلومیٹر پر محیط جنگلی حیات کی یہ محفوظ پناہ گاہ بھارت کی تین ریاستوں &ndash; راجستھان، مدھیہ پردیش اور اترپردیش ۔ کے سنگم پر واقع ہے۔ 
گھڑیال کو بھی یہیں امان ملی اور اس کی نسل معدوم ہونے سے بچ گئی۔

&nbsp;بھارتی پنجاب کی حکومت نے دریائی حیات کی بحالی کے ایک پروگرام کے تحت چمبل میں پلنے والے 94 گھڑیالوں کو 2017ء سے 2021ء کے درمیان دریائے بیاس میں امرتسر، ترن تارن اور ہوشیارپور کے مقامات پر چھوڑا۔

گیتانجلی کنور بھارت میں ورلڈ وائلڈ لائف فنڈ کی اعلیٰ افسر ہیں۔ وہ پنجاب کے اس پروگرام میں شامل تھیں۔ انہوں نے ماحولیات پر کام کرنے والی <a href="https://www.downtoearth.org.in/news/wildlife-biodiversity/gharial-seen-in-pakistan-s-punjab-after-3-decades-it-likely-crossed-over-from-india-89320">بھارتی ویب سائٹ ڈاؤن ٹو ارتھ</a> کو بتایا: &quot;ہمارے خیال میں بیاس میں چھوڑے گئے کچھ گھڑیال ہریکے کے راستے ستلج میں چلے گئے ہوں گے جہاں سے کسی ذیلی راستے سے وہ پاکستان جا پہنچے۔ ہریکے سے نیچے دریائے ستلج بل کھاتا ہوا آگے بڑھتا ہے۔&quot;

انہوں نے بتایا کہ گھڑیال پانی کے بہاؤ کے ساتھ ڈھلوان کی سمت تیرنا پسند کرتا ہے اور نوجوان گھڑیال اس میں پیش پیش ہوتے ہیں۔

<h2>گھڑیال انسان کا دشمن نہیں</h2>

تحفظ جنگلی حیات کے لئے کام کرنے والی تنظیم ہمالین وائلڈ لائف فاؤنڈیشن کے رکن ڈاکٹر انیس الرحمان کا ماننا ہے کہ سرحدی علاقے میں گھڑیال کی موجودگی اس بات کا اشارہ ہے کہ سرحد پار گھڑیال کی نسل بڑھانے کا منصوبہ کامیاب رہا ہے۔

انیس الرحمان کا کہنا ہے کہ پاکستان میں جس جگہ یہ گھڑیال دیکھا گیا ہے وہاں انسانی سرگرمیاں بہت کم ہوتی ہیں اس لئے ایسی جگہ پر گھڑیال کی نسل کو بڑھانے کے اقدامات کئے جانے چاہئیں اور اس سلسلے میں ایک بڑے رقبے کو&nbsp; وائلڈ لائف سینکچوری قرار دینا ضروری ہے جس کے لئے ورلڈ وائلڈلائف فنڈ (ڈبلیو ڈبلیو ایف) کی مدد بھی لی جا سکتی ہے۔

اس کے علاوہ مقامی لوگوں بالخصوص مچھیروں کو سمجھانا ہوگا کہ یہ انسان دشمن جانور نہیں بلکہ یہ تو انسانوں سے ڈرتا اور شرماتا ہے۔ اس لئے اسے غیر ضروری طور پر ہلاک کرنے کے بجائے پانی میں ڈال دینا بہتر ہے۔ تاہم کوئی اس پر حملہ کر دے تو یہ جوابی حملہ بھی کر سکتا ہے۔

انیس الرحمان یہ تجویز بھی دیتے ہیں کہ اس علاقے میں مچھلی کے شکار پر بھی پابندی ہونی چاہئیے۔ جب پانی میں مچھلی کی مقدار زیادہ ہو گی تو آبی آلودگی ختم ہو جائے گی اور ماحولیاتی نظام کی بحالی میں مدد ملے گی۔

ریسرچ سنٹر کی مصباح سرور تجویز کرتی ہیں کہ گنڈا سنگھ والا سے لے کر ہیڈ سلیمانکی تک دریائے ستلج کو وائلڈ لائف سنگچوری قررا دے دیا جانا چاہیے۔ ان کے خیال میں اگر وہاں انسانی مداخلت کم سے کم ہو تو گھڑیال کی نسل دوبارہ بڑھ سکتی ہے۔

رزق کا فقدان یا شکاریوں کا خوف: مہاجر پرندہ سیاہ سر دُرسہ ایک سال سے آواران کا مہمان نہیں بنا

قصور میں بھارت سے آیا گھڑیال: سوکھے ستلج کے آبی ماحول کے لیے امید کی کرن

25 اپریل کا نیوز میڈیا نیوزی لینڈ کی کرکٹ ٹیم کے خلاف پاکستان کی فتح کی خبروں سے بھرا ہوا تھا۔ چیختی چلاتی سرخیوں اور چنگھاڑتے اینکروں کے ہنگام میں کھیلوں کی دنیا کی ایک چھوٹی سی خبر اپنی جگہ بنانے کی لاحاصل جدوجہد کر رہی تھی۔

یہ خبر پاکستان کے نامور فٹ بالر منیر آفتاب کی موت کی تھی۔

ان کا انتقال صرف 26 سال کی عمر میں ہوا۔ وہ پاکستان کی انڈر 12، 14، 16 اور انڈر 19 ٹیموں کی قیادت کر چکے تھے۔ اس باصلاحیت کھلاڑی کا انتقال گردوں کے مرض ہوا۔ آخری ایام میں وہ شدید مالی پریشانیوں کا شکار رہے لیکن انہیں سرکاری سطح پر علاج کی سہولت میسر نہ آ سکی۔ انہوں نے سوگواروں میں اہلیہ اور تین کمسن بیٹیاں چھوڑی ہیں۔

منیر آفتاب نے اپنے مختصر مگر شاندار کیریئر میں ملک کے لئے بہت سی کامیابیاں سمیٹیں۔ انہوں نے 2009ء میں بارہ سال کی عمر میں ایران میں ہونے والے انڈر 13 فٹ بال فیسٹیول میں پہلی مرتبہ قومی ٹیم کی قیادت کی۔ جنوبی ایشیاء کی سیف فٹ بال چیمپئن شپ میں نیپال اور انڈیا کے خلاف کامیابیاں ان کے کیریئر کی شاندار فتوحات سمجھتی جاتی ہیں۔

منیر آفتاب کا تعلق کراچی کے علاقے لیاری سے تھا جو فٹ بال کے لیے اپنے جنون کی بنا پر بھی شہرت رکھتا ہے۔ ان کے والد آفتاب بلوچ رکشہ چلاتے ہیں جو خود بھی فٹ بال کے کھلاڑی رہ چکے ہیں۔

ان کا کہنا ہے کہ آخری ایام میں زندگی اور موت کی جنگ لڑتے منیر آفتاب اس بات پر نالاں تھے کہ ارباب اقتدار نے ان کی کوئی عملی مدد کرنا تو درکنار ان کا حال تک نہیں پوچھا۔ غصے اور مایوسی کے عالم میں وہ اپنی ٹرافیاں اور میڈل اٹھا کر پھینک دیتے تھے۔

آفتاب بلوچ کے مطابق ان کے لئے محدود مالی وسائل میں اپنے بیٹے کو کھیل کی اچھی تربیت دلانا آسان نہیں تھا لیکن انہوں نے اپنی سی کوشش کی اور منیر اپنی غیرمعمولی صلاحیتوں کی بدولت بہت جلد لیاری کی پہچان بن گیا۔

قومی فٹ بال ٹیم کے سابق کھلاڑی اور نیشنل بینک کی ٹیم کے کوچ غلام شبیر کا تعلق بھی لیاری سے ہے۔ منیر آفتاب کی زیادہ تر کوچنگ انہوں نے ہی نے کی تھی۔

غلام شبیر بتاتے ہیں کہ وہ جونیئر کھلاڑی ہوتے ہوئے پاکستان کی سینئر ٹیم کی طرف سے کھیلے۔ انہوں نے کئی مقابلوں میں گولڈ میڈل جیتے اور تمام قومی جونیئر ٹیموں کے کپتان رہے۔ یہ اعزاز کسی اور کھلاڑی کے حصے میں نہیں آیا۔

منیر آفتاب پہلے کراچی پورٹ ٹرسٹ کی ٹیم کی نمائندگی کرتے تھے۔ غلام شبیر نے انہیں نیشنل بینک کی ٹیم میں منتخب کیا اور ادارے کی ملازمت دلوائی۔

کچھ عرصہ پہلے جب نیشنل بینک نے اپنا کھیلوں کا شعبہ ختم کیا تو بہت سے کھلاڑیوں کی ملازمتیں بھی ختم ہو گئیں۔ اس وقت منیر آفتاب اور دیگر کھلاڑیوں کو بینک سے تیس ہزار روپے تک ماہانہ مشاہرہ ملتا تھا۔

غلام شبیر کے مطابق انہوں نے بینک سے استدعا کی کہ اس قدر معمولی تنخواہ پر کھیلنے والے ان کھلاڑیوں کو فارغ کرنا بہتر پالیسی نہیں کیونکہ اس سے ادارے کو کچھ زیادہ مالی فائدہ تو شاید نہ ہو لیکن بہت سے باصلاحیت کھلاڑیوں کا کھیل ضرور ختم ہو جائے گا۔ لیکن بدقسمتی سے ان کی بات نہیں سنی گئی۔

آفتاب بلوچ کہتے ہیں کہ روزگار ختم ہونے کے باعث ان کا بیٹا ذہنی دباؤ کا شکار ہو گیا۔ اس کا بلڈ پریشر ہائی رہنے لگا جس کا اثر اس کے گردوں پر پڑا جو جلد ہی فیل ہو گئے۔ فٹ بال ہی اس کا اوڑھنا بچھونا تھا اور نیشنل بینک کی نوکری کے بعد اسے کہیں کوئی مناسب ملازمت نہ مل سکی۔

سندھ فٹ بال ایسوسی ایشن کے سیکرٹری رحیم بخش بلوچ کہتے ہیں کہ منیر آفتاب کو بیماری کے دوران سرکاری سطح پر کسی طرح کی مدد دستیاب نہیں تھی۔ اگر کسی نے اس کی کوئی مدد کی تو وہ فٹ بال کے پرستار اور لیاری کے لوگ تھے۔

منیر آفتاب کی بیماری کے دوران سابق فٹ بالر شاہد تاج نے ان کی ویڈیو بنائی تاکہ ارباب اختیار کو ان کے بارے میں آگاہی ہو سکے۔ جب یہ ویڈیو سوشل میڈیا پر مشہور ہوئی تو بہت سی نمایاں شخصیات نے ان کی مدد اور علاج معالجہ کرانے کے وعدے کئے جو کبھی پورے نہیں ہوئے۔

قومی فٹ بال ٹیم کے سابق کھلاڑی اورنگ زیب شاہ میر کہتے ہیں کہ منیر آفتاب کی موت جن حالات میں ہوئی انہیں دیکھتے ہوئے اب لیاری کے نوجوان فٹ بال میں کیریئر بنانے کی امید چھوڑ رہے ہیں۔ منیر آفتاب اس علاقے میں نوجوانوں کے رول ماڈل تھے جن کے کیریئر اور زندگی کے دردناک انجام نے نوجوانوں کھلاڑیوں کو شدید مایوس کیا ہے۔

زبیر خان

موسموں کے بدلتے تیور کیا رنگ دکھائیں گے؟