Due to the Pakistani government's delayed wheat procurement, many South Punjab farmers missed the optimal cotton planting window, making it impossible to meet this year's cotton production ta

Delayed Wheat Procurement Disrupts Cotton Cultivation in South Punjab, Threatening This Year's Production Targets

صاحب جان شلوانی، راجن پور کے علاقہ پچادھ کے رہائشی اور پیشے کے اعتبار سے کاشتکار ہیں۔ یوں تو موضع محمد پور گم والا میں ان کی دس ایکڑ ذاتی اراضی&nbsp; ہے لیکن انہوں نے قریب ہی 25 ایکڑ اراضی ٹھیکے پر بھی لے رکھی ہے۔

وہ بتاتے ہیں کہ پچھلے سال انہوں نے آبپاشی کے لیے 14 لاکھ روپے سے سولر پینلز کے ساتھ ٹربائن لگائی مگر بوقت ضرورت فصل کو&nbsp; ڈیزل انجن سے بھی پانی دیتے رہے۔ اپریل کے آغاز میں ہی انہوں نے ہارویسٹر لگا کر گندم اٹھا لی، چونکہ بروقت پانی میسر رہا اس لیے پیداوار اچھی ہوئی۔

وہ کہتے ہیں کہ اس بار حکومت نے گندم کا نرخ تین ہزار 900 روپے من (فی 40 کلو)&nbsp; مقرر کر رکھا تھا جس کی وجہ سے وہ بھی سرکاری خریداری کا انتظار کرنے لگے۔ پچھلے کئی برسوں سے محکمہ خوراک اپریل کے آخر تک خریداری شروع کر دیتا ہے مگر رواں سال معاملہ تاخیر کا شکار ہوتا چلا گیا۔

&quot;پھر ہمارا برا وقت شروع ہو گیا۔ ابتدا میں بیوپاری تین ہزار 400 روپے من نرخ آفر کرتے رہے لیکن ہم نے گندم&nbsp; سرکاری نرخ پر بیچنے کا سوچ رکھا تھا۔ تاہم جب پنجاب حکومت نے خریداری نہ کرنے کے اعلان کیا تو مارکیٹ میں ریٹ ڈھائی ہزار روپے&nbsp; پر آ&nbsp; گئے۔&quot;

&quot;گندم میں مجھے بہت زیادہ نقصان ہوا ہے جبکہ کپاس کی کاشت کا وقت بھی گزر چکا ہے۔ تاہم میں تو ویسے ہی کپاس کاشت کرنے کے قابل ہی نہیں رہا۔ اب ٹربائن سے سولر پینل اکھاڑ کر گھر رکھ دیے اور رقبے کو ویران چھوڑ دیا ہے۔ اگر حکومتی پالیسی یہی رہی تو آئندہ ہم گھریلو ضرورت کی گندم ہی اگائیں گے۔&quot;

یہ اکیلے صاحب جان شلوانی کی ہی نہیں، پچادھ کے نوے فیصد کاشتکاروں کی کہانی ہے جو گندم کے مناسب دام نہ ملنے&nbsp; پر کپاس کاشت کرنے کے قابل نہیں رہے جس کی قیمت اب ملکی معیشت کو چکانا پڑے گی۔

ضلع راجن پور کی کل&nbsp; آبادی 23 لاکھ 81 ہزار سے زائد ہے جو چار تحصیلوں یعنی راجن پور، جام پور، روجھان اور ٹرائیبل تحصیل (ڈی ایکسکلوڈڈ ایریا ) پر مشتمل ہے۔ ٹرائیبل تحصیل کو سرائیکی میں &#39;پچادھ&#39; (مغربی علاقہ) کہا جاتا ہے&nbsp; جس میں لگ بھگ 50 ہزار لوگ رہتے ہیں۔

اس ضلعے کا کل&nbsp; رقبہ 28 لاکھ 57 ہزار 758 ایکڑ ہے جس میں سے کوہ سلیمان کے ڈھلان (دامان) میں واقع تقریباً دو تہائی یعنی 19 لاکھ 95 ہزار 958 ایکڑ رقبہ ٹرائیبل تحصیل یا علاقہ پچادھ میں آتا ہے۔

&nbsp;پچادھ میں کوئی نہری نظام نہیں جبکہ زیر زمین پانی بھی دو سے تین سو فٹ نیچے&nbsp; ہے۔ اس لیے کچھ عرصہ پہلے تک یہاں بیشتر زمینیں بنجر&nbsp; تھیں۔ بارش اور رود کوہیوں (پہاڑی نالوں) سے تھوڑی بہت کھیتی باڑی ہوتی تھی۔

لیکن چند سال سے شمسی توانائی عام ہوئی تو پچادھ کی قسمت بھی جاگ اٹھی۔ اب یہاں ہزاروں ایکڑ رقبہ زیرکاشت لایا جا چکا ہے جہاں خریف اور ربیع سیزن میں گندم، جوار ، کپاس اور سرسوں کے وسیع کھیت لہلہاتے نظر آتے ہیں۔

سینیئر افسر زراعت ظفر اللہ تصدیق کرتے ہیں کہ&nbsp; گزشتہ برس علاقہ پچادھ میں 25 ہزار ایکڑ سے زائد رقبے پر کاٹن اگائی گئی تھی۔ لیکن اب کی بار کپاس کی کاشت تو دور ان علاقوں میں ہر طرف ویرانی اور گندم کی فصل کی باقیات(ناڑ) دکھائی دیتی ہے۔

ضلع راجن پور کے دیگر علاقوں کی صورت حال بھی اس سے بہت زیادہ مختلف نہیں۔

جاوید حسین، تحصیل راجن پور کی یونین کونسل کوٹلہ خان محمد کے کاشتکار ہیں جو ہر سال 12 ایکڑ گندم کاشت کرتے ہیں اور کٹائی کے بعد اسی رقبے پر کپاس لگاتے ہیں۔

وہ بتاتے ہیں کہ گندم بروقت اور مناسب نرخ پر فروخت نہ ہونے کے باعث پہلی بار ایسا ہوا ہے کہ انہوں نے کپاس کاشت نہیں کی۔ جب گیہوں فروخت ہوا تو کپاس کا وقت نکل چکا ہے۔ ظالمانہ حکومتی فیصلے سے انہیں دہرا نقصان ہوا ہے کیونکہ ایک تو گندم کا مناسب ریٹ نہیں ملا دوسرا کپاس کاشت نہیں کر سکے۔

موضع رکھ فاضل پور کے محمد یونس نے پچھلے سال 30 ایکڑ رقبہ ٹھیکے پر لیا تھا جس کا سالانہ ٹھیکہ 15 ہزار روپے ایکڑ ہے۔ وہ بتاتے ہیں کہ انہوں نے گندم کی کاشت کے لیے ڈی اے پی بلیک میں 13 ہزار روپے بوری خریدی جبکہ یوریا کھاد پانچ ہزار میں لیتے رہے مگر اب اچھی فصل کے باوجود برباد ہو گئے ہیں۔

&quot;پچھلے سال مجسٹریٹ گھروں میں گھس کر گندم ضبط کر رہے تھے لیکن اب وہ سارے غائب ہیں۔ ہم بلا رہے ہیں کہ ہمارے پاس سیکڑوں من گندم پڑی ہے چھاپہ مار کر سرکاری نرخ پر اٹھا لیں مگر کوئی نہیں سن رہا۔&quot;

&nbsp;&quot;گندم خریدنے والا کوئی نہیں ہمارا تو فائدہ بھی نقصان میں بدل گیا ہے۔ میں نے اپنی ساری پونجی پچھلی فصل پر لگا دی، اب کپاس کے لیے کچھ نہیں بچا۔ ٹھیکے پر لیا ہوا رقبہ بھی ویران پڑا ہے۔&quot;

محکمہ زراعت کے سینیئر افسر ظفر اللہ کے مطابق ضلع راجن پور میں گزشتہ سال تین لاکھ 69 ہزار 864 ایکڑ رقبے پر کپاس کاشت کی گئی تھی لیکن&nbsp; اس بار تین لاکھ 15 ہزار ایکڑ کپاس کاشت ہوئی ہے جو پچھلے سال سے 55 ہزار ایکڑ کم ہے۔

لیکن ایک اور سرکاری محکمے کاشت رقبہ اس سے کہیں کم بتاتا ہے۔

&nbsp;پنجاب میں فصلوں کی کاشت کا تخمینہ لگانے والا سرکاری ادارہ &#39;کراپ رپورٹنگ سروس&#39; کہتا ہے کہ 16 مئی تک راجن پور میں 2 لاکھ 25 ہزار ایکڑ رقبہ کاشت ہوا ہے جو رواں سال کے ہدف اور پچھلے سال سے 30 فیصد کم ہے۔

تاہم کسان بورڈ راجن پور کے ضلعی صدر خواجہ محسن ریاض ان اعداد&nbsp; و شمار کو بھی شک کی نظر سے دیکھتے ہیں۔ وہ کہتے ہیں کہ محتاط اندازے کے مطابق اس بار راجن پور میں گزشتہ سال کی نسبت 40 فیصد کم رقبے پر کپاس کاشت کی گئی ہے جبکہ علاقہ پچادھ&nbsp; مکمل ویران نظر آتا ہے۔

کراپ رپورٹنگ سروس کے اعداد و شمار بتاتے ہیں کہ&nbsp; صرف راجن پور ہی نہیں پورے ڈیرہ غازی خان ڈویژن میں کاٹن کی کاشت کا حکومتی ہدف پورا نہیں ہو سکا۔ یہاں کاشت کا ہدف سات لاکھ 52 ہزار ایکڑ تھا جس میں سےابھی تک صرف 57 فیصد ہی پورا ہوا ہے یعنی چار لاکھ 30 ہزار ایکڑ رقبے پر ہی کپاس کاشت ہوسکی ہے۔

&nbsp;پنجاب میں کپاس کا تقریباً&nbsp;&nbsp; 90فیصد رقبہ جنوبی پنجاب&nbsp; کے اضلاع پر مشتمل ہوتا ہے۔&nbsp; اس بار بھی پنجاب حکومت نے صوبے میں 40 لاکھ ایکڑ کاشت کا ہدف مقرر کیا تھا جس میں سے 89 فیصد یعنی 35 لاکھ 66 ہزار ایکڑ رقبہ جنوبی پنجاب کا ہے۔

&nbsp;لیکن کراپ رپورٹنگ سروس کے مطابق جنوبی پنجاب میں ابھی تک ہدف کا 69 فیصد رقبہ ہی کاشت ہو پایا ہے جبکہ مقامی کاشت کاروں کا کہنا ہے کہ موسمیاتی تبدیلیوں کے باعث جنوبی پنجاب میں اب 15 مئی سے پہلے ہی کپاس کی کاشت مکمل ہو جاتی ہے۔

&nbsp;اسی طرح ملتان ڈویژن میں کپاس کی کاشت کا صرف 62 فیصد اور بہاول پور میں&nbsp; 77 فیصد ہدف مکمل ہو پایا ہے۔

ایگری امپورٹ ڈیٹا بتاتا ہے کہ پاکستان نے گذشتہ سال تقریباً چھ لاکھ 84 ہزار ٹن روئی امپورٹ کی جس پر 408 ارب روپے سے زائد رقم خرچ ہوئی تھی۔ اعداد و شمار کے مطابق پاکستان پچھلے تین سال میں اوسطاً سالانہ سوا دو ارب ڈالر کا زرمبادلہ&nbsp; کاٹن امپورٹ پر خرچ کرتا آ رہا ہے۔

&nbsp;خواجہ محسن&nbsp; کہتے ہیں کہ جان بوجھ کر کسانوں کی حوصلہ شکنی کی جارہی ہے&nbsp; &quot;وزیر اعلیٰ پنجاب کہتی ہیں کہ حکومت گندم اس لیے نہیں خرید رہی کہ کرپشن نہ ہو&quot; جبکہ کرپشن تو یہ ہے کہ ملک میں وافر گندم موجود تھی اور نئی فصل آنے سے پہلے مزید امپورٹ&nbsp;&nbsp; کر لی گئی۔ 
&quot;اب ہمارے&nbsp; کسان تباہ ہو چکے ہیں جن کو حکومتی پالیسی نے اس قابل ہی نہیں چھوڑا کہ کپاس کاشت کر سکیں۔&quot;

تاہم کاٹن کی پیداوار کے ماہرین کہتے ہیں کہ گندم کی بے قدری کے علاوہ اس بار کپاس کی کم کاشت کے پیچھے&nbsp; ایک اور وجہ&nbsp; پچھلے سیزن میں&nbsp; پھٹی کی بے قدری ہے جس کی امدادی قیمت ساڑھے آٹھ ہزار روپے من مقرر کی گئی تھی لیکن کاشت کاروں کو سات ہزار روپے من سے زیادہ ریٹ نہیں ملا۔

امریکی فارن ایگریکلچرل سروس کی رپورٹ&nbsp; کہتی ہے کہ پاکستان کی سالانہ طلب&nbsp; ایک کروڑ گانٹھ (فی گانٹھ وزن 170 کلو گرام) کے قریب ہے اور اسے ہر سال ٹیکسٹائل کی ضرورت پوری کرنے کے لیے 40 سے 45 لاکھ گانٹھ روئی امپورٹ کرنا پڑتی ہے۔ جس کا درآمدی بل تیل و گیس کی درآمد کے بعد سب سے بڑا ہوتا ہے۔

رحیم یار خان میں کپاس کی کاشت کیوں کم ہوتی جا رہی ہے؟

گندم کی بے قدری کے بعد کپاس کی کاشت میں کمی، قیمت کون چکائے گا؟

text

آئندہ عام انتخابات سے قبل نئی حلقہ بندیوں کے نتیجے میں ملک کے بعض دیگر اضلاع کی طرح راجن پور کے حلقوں کی ترتیب میں بھی تبدیلی آئی ہے۔ اگرچہ قومی اسمبلی کے حلقوں کے صرف نمبر ہی تبدیل ہوئے ہیں تاہم صوبائی اسمبلی کی ایک نشست بڑھ گئی ہے جس کے بعد یہاں پنجاب اسمبلی کی نشستیں پانچ سے چھ ہو گئی ہیں۔

وفاق کے زیر انتظام سابق قبائلی علاقے (فاٹا) کو 25ویں آئینی ترمیم کے تحت خیبرپختونخوا میں ضم کیے جانے کےبعد اب وہاں قومی اسمبلی کی 6 نشستیں کم ہو گئی ہیں اور اسی لیے ملک میں قومی اسمبلی کے حلقوں کے نمبروں میں بھی 6 کی کمی ہوئی ہے۔ جیسا کہ&nbsp; 2018 میں راجن پور سے قومی اسمبلی کا حلقہ 193 اب 187 ہو گیا ہے۔

حالیہ ڈیجیٹل مردم شماری 2023&nbsp; کے مطابق راجن پور کی کل آبادی 23 لاکھ 81 ہزار ہے جبکہ 2017 کی مردم شماری میں ضلع کی کل آبادی تقریباً 20 لاکھ تھی۔ ضلع میں ایک صوبائی نشست کے اضافے کی وجہ آبادی میں ہونے والا اضافہ ہے۔

2018 کی حلقہ بندی کے مطابق راجن پور میں کل ووٹروں کی تعداد 8 لاکھ 87 ہزار 990 تھی جو 2023 کی حلقہ بندیوں میں 2 لاکھ 35 ہزار 296 ووٹروں کے اضافے سے 11 لاکھ 23 ہزار 286 ہو گئی ہے۔

2018 کی حلقہ بندیوں کے مطابق راجن پور کے صوبائی حلقے پی پی 293 راجن پور 1 سے شروع ہو کر پی پی 297 راجن پور 5 پر ختم ہوتے تھے جو اب ایک صوبائی حلقے کے اضافے سے تبدیل ہو گئے ہیں۔ اب یہ نمبر پی پی 292 راجن پور 1 سے شروع ہو کر پی پی 297 راجن پور 6 پر ختم ہوں گے۔

2018 کے عام انتخابات میں راجن پور کی 3 قومی اور 5 صوبائی نشستوں پر انتخابات ہوئے تھے جن میں روجھان مزاری کے علاقے پر مشتمل قومی اسمبلی کے حلقہ این اے 195 اور پی پی 297 کے دو امیدواروں کے علاوہ مسلم لیگ (ن) کے تمام امیدواروں نے ٹکٹ واپس کر دیے تھے اور آزاد امیدوار کی حیثیت سے انتخابات میں حصہ لیا تھا۔

قومی اسمبلی کے حلقہ این اے 193 راجن پور 1 پر تحریک انصاف کے امیدوار سردار جعفر خان لغاری نے آزاد امیدوار سردار شیر علی خان گورچانی کو شکست دی تھی۔

این اے 194 راجن پور 2 پر تحریک انصاف کے سردار نصراللہ خان دریشک آزاد امیدوار حفیظ الرحمٰن خان دریشک کو شکست دے کر کامیاب ہوئے جبکہ این اے 195 راجن پور 3 تحریک انصاف کے امیدوار سردار ریاض محمود خان مزاری نے مسلم لیگ (ن) کے خضر حسین مزاری کے خلاف کامیابی حاصل کی۔

اسی طرح صوبائی حلقوں پی پی 293 راجن پور 1 پر تحریک انصاف کے امیدوار محمد محسن لغاری آزاد امیدوار سردار شیر علی گورچانی کو شکست دے کر کامیاب ہوئے۔

پی پی 294 راجن پور 2 پر تحریک انصاف کے امیدوار سردار حسنین بہادر دریشک آزاد امیدوار اطہر حسن خان گورچانی کے خلاف جیت گئے۔

&nbsp;پی پی 295 راجن پور 3 پر تحریک انصاف کے سردار فاروق امان اللہ دریشک آزاد امیدوار سردار پرویز اقبال گورچانی کو ہرا کر کامیاب ہوئے۔

&nbsp;پی پی 296 راجن پور 4 پر تحریک انصاف کے امیدوار محمد طارق دریشک نے آزاد امیدوار سردار محمد یوسف دریشک کو شکست دی۔

پی پی 297 راجن پور 5 پر پ تحریک انصاف کے امیدوار سردار دوست محمد مزاری مسلم لیگ (ن) کے سردار عاطف خان مزاری&nbsp; کوشکست دے کر کامیاب ہوئے۔

اس طرح ضلع بھر میں 3 قومی اور 5 صوبائی اسمبلی کی نشستوں پر تحریک انصاف کے تمام امیدواروں نے کامیابی حاصل کی۔

راجن پور میں صوبائی اسمبلی کی جس نشست کا اضافہ ہوا ہے اس کا نمبر پی پی 292 ہے جس میں پٹوار سرکل کوٹ جانوں ملاں والہ، ٹھل شاہین والہ ،جھوک مہار، قمبر شاہ، رستم لغاری، قاسم والہ کوٹلہ مغلاں، محمد پور ہانبھی، ٹاؤن کمیٹی داجل، قانونگو حلقہ داجل، چک کوڑے والہ، بولیوالہ ،ڈھورہ رندان اور قبائلی علاقہ چچہ قانون گو حلقہ شامل ہیں۔

ان علاقوں کی آبادی 4لاکھ 4 ہزار 281 ہے اور یہ علاقے پہلے حلقہ پی پی 193 راجن پور 1 میں شامل تھے۔

ضلع کی حلقہ بندی میں تبدیلی سے بہت سے سیاسی رہنماؤں کو شکایات ہیں جبکہ بعض اسے اپنے لیے بہتر خیال کرتے ہیں۔

سابق وائس چیئرمین ضلع کونسل مرزا شہزاد خان ہمایوں کا کہنا ہے کہ مجموعی طور پر حلقہ بندیاں ٹھیک ہیں مگر ان میں ابھی بہتری کی گنجائش باقی ہے چند مواضعات جو ایک حلقے سے بالکل قریب تھے انہیں دور کے حلقے میں شامل کر دیا گیا ہے۔

موضع گڈن والا کے ایک ووٹر غلام علی کا کہنا ہے کہ ان موضع جام پور سے متصل ہے جو حلقہ پی پی 293 میں ہے مگر اسے پی پی 294 میں شامل کیا گیا ہے ایسا نہیں ہونا چاہیے تھا۔ اسی طرح الہ آباد شرقی اور کوٹلہ مغلاں کو بھی جام پور سے نکال کر پی پی 294 محمد پور کے حلقے میں شامل کر دیا گیا ہے۔

اسی طرح پی پی 295 سے سابق ایم پی اے فاروق امان اللہ خان کے بھائی صدیق خان دریشک کہتے ہیں کہ 2018 کے انتخابات میں حاجی پور اور فاضل پور حلقہ پی پی 295 میں شامل تھے جن میں ان کا اچھا خاصا ووٹ بینک تھا جسے اس حلقے سے نکال کر پی پی 94 میں شامل کرنے کے نتیجے میں ان کے مخالف امیدواروں کو فائدہ ہو گا۔

ان کا یہ بھی کہنا تھا کہ حلقہ بندی کے خلاف الیکشن کمیشن میں اپیل کا نظام بہت پیچیدہ ہے ایک حلقے میں چند پٹوار سرکل شامل کرنے کے لیے ضلع کے چھ حلقوں کی تبدیل شدہ تجاویز دینا پڑتی ہے۔اگر ایسا نہ کیا جائے تو کسی حلقے میں ووٹوں کی تعداد بہت بڑھ جاتی ہے اور کسی میں بہت کم ہو جاتی ہے اس لیے چاروناچار وہ ان حلقہ بندیوں کو قبول کرتے ہیں۔

پاکستان مسلم لیگ (ن) کے رہنما شیر علی خان گورچانی ان حلقہ بندیوں سے مطمئن ہیں تاہم وہ بعض مواضعات کی ایک سے دوسرے حلقے میں شمولیت کے لیے الیکشن کمیشن سے اپیل کا ارادہ رکھتے ہیں۔

سابق صوبائی وزیر، تحریک انصاف کے رہنما اور انتخابی امیدوار سردار حسنین بہادر دریشک کی انتخابی مہم کے منتظم سید شفیق بخاری سمجھتے ہیں کہ جام پور شہر کو پی پی 292 راجن پور 1میں ہونا چاہیے تھا جسے پی پی 293 راجن پور 2 میں شامل کیا گیا ہے۔ انہیں خدشہ ہے کہ اس تبدیلی سے ان کا ووٹ بینک متاثر ہو گا۔ اسی طرح وہ رکھ پیر بخش شرقی، باغوالہ اور ریخ رکھ پٹوار سرکل کو پی پی 294 کے بجائے پی پی 293 میں دیکھنا چاہتے ہیں کیونکہ سابقہ حلقہ بندیوں میں انہیں یہاں سے ووٹ ملے تھے جو نئی ترتیب میں ان سے محروم ہو سکتے ہیں۔

کوئٹہ میں بلدیاتی انتخابات کے لیے حلقہ بندیاں مکمل: کیا بلدیاتی نمائندے مسائل کا بوجھ ہلکا کر پائیں گے؟

نئی حلقہ بندیوں میں راجن پور کو اضافی صوبائی نشست مل گئی، حلقوں میں مواضعات کی تبدیلی سے انتخابی امیدواروں کو پریشانی

نجیب اللہ اپنی اہلیہ اور تین بیٹوں کے ساتھ راجن پور کی سادات کالونی میں رہتے ہیں۔ چند ماہ قبل ان کے خاندان کے تمام افراد کا وزن کم ہونے لگا اور بچے سست رہنے لگے جس سے انہیں پریشانی لاحق ہوئی۔ انہوں نے شہر کے فزیشن ڈاکٹر ایوب ملک سے رابطہ کیا جنہوں نے چند لیبارٹری ٹیسٹ لکھ کر دیے جن کی رپورٹ ملنے پر ڈاکٹر نے انہیں بتایا کہ گھر کے تمام افراد کا ایچ پائیلوری ٹیسٹ مثبت آیا ہے۔ یہ جسم میں پایا جانے والا ایک بیکٹیریا ہے جو ان کے نظام انہضام کو متاثر کر رہا ہے۔

&nbsp;ادویات تجویز کرنے کے ساتھ ڈاکٹر نے انہیں پینے کے پانی کا لیبارٹری ٹیسٹ کرانے کی بھی ہدایت کی۔ اگلے روز وہ گھر میں لگے نلکے کا تازہ پانی لے کر شہر میں موجود سرکاری واٹر ٹیسٹنگ لیبارٹری گئے۔ دوسرے روز انہیں پانی کی ٹیسٹ رپورٹ مل گئی جس میں لکھا تھا کہ پانی میں ٹی ڈی ایس (مجموعی حل شدہ مواد) کی سطح 1640 پی پی ایم اور کثافت (حل شدہ کیلشیم اور میگنیشیم) کی سطح 850 پی پی ایم ہے۔ اس کےعلاوہ پانی میں کلورائیڈ لیول 260 بتایا گیا۔

ڈاکٹر نے اس رپورٹ کو دیکھ کر بتایا کہ ان کے گھر کا زیر زمین پانی مضر صحت ہو چکا ہے جس کا استعمال مزید بیماریوں کا سبب بن سکتا ہے۔

قاسم علی راجن پور کے علاقے مچھی درہ میں رہتے ہیں۔ اگست کے اوائل میں انہیں پیٹ کے ایک جانب شدید درد ہوا۔ اہلخانہ انہیں ہسپتال لے گئے جہاں ان کے ایکسرے اور خون کے مختلف ٹیسٹ کیے گئے۔ رپورٹ ملنے پر معلوم ہوا کہ ان کے گردے میں پتھری ہے۔ ادویات کے ساتھ انہیں بھی زیر زمین پانی ٹیسٹ کرانے کا مشورہ دیا گیا۔

پانی کی رپورٹ کے مطابق اس میں ٹی ڈی ایس 1130 پی پی ایم، کثافت 600 پی پی ایم اور آرسینک پانچ پی پی ایم تھا۔ ڈاکٹر نے انہیں بتایا کہ مضر صحت پانی پینے کی وجہ سے ان کے گردے خراب ہو رہے ہیں۔

ماہر امراض گردہ و مثانہ ڈاکٹر شاہد حسین کا کہنا ہے کہ ٹی ڈی ایس اور ہارڈنس کی زیادہ مقدار والا پانی پینے سے گردوں اور مثانے پر برے اثرات مرتب ہوتے ہیں۔ زیادہ عرصہ ایسا پانی پینے سے مثانے کا انفیکشن اور گردوں میں پتھریاں بننے لگتی ہیں۔ بروقت علاج نہ کیا جائے تو گردے فیل بھی ہو سکتے ہیں جس کے بعد مریض کو زندگی بھر کے لیے ڈائیلیسز کے عمل سے گزرنا پڑتا ہے۔

راجن پور کے سینئر فزیشن ڈاکٹر محمد ایوب ملک کہتے ہیں کہ پانی میں موجود غیر حل پذیر دھاتوں اور نمکیات کی زیادتی سے دل، گردے، جگر، معدے اور انتڑیوں کی بیماریوں اور ذیابیطس میں اضافہ ہو رہا ہے۔

ان نمکیات اور دھاتوں کی ایک خاص مقدار جیسا کہ ٹی ڈی ایس 300 سے 500 پی پی ایم صحت کے لیے ضروری ہے۔ اس سے کم مقدار سے بھی انسانی جسم بیماری کا شکار ہو جاتا ہے۔

ان کا کہنا ہے کہ راجن پور شہر کا زیر زمین پانی تیزی سے خراب ہو رہا ہے۔ 2010ء تک زیر زمین پانی کا ٹی ڈی ایس 400 پی پی ایم تک تھا جو اب بڑھ کر 1200 اور چند علاقوں میں 1600 پی پی ایم سے بھی تجاوز کر گیا ہے۔

عالمی ادارہ صحت کے معیار کے مطابق پانی میں ٹی ڈی ایس 300 سے 500 پی پی ایم تک ہونا چاہیے جبکہ 1000 پی پی ایم تک قابل برداشت ہے۔ اسی طرح پانی کی کثافت زیادہ سے زیادہ 500 پی پی ایم تک ہونی چاہیے۔

اگر ٹی ڈی ایس 1000 پی پی ایم اور کثافت 500 پی پی ایم سے بڑھ جائے تو ایسا پانی انسانی صحت کے لیے مضر شمار ہو گا جسے پینے سے دل کی بیماری، ذیابیطس، معدے کے مسائل جیسے پیٹ میں درد اور اسہال وغیرہ ہو سکتے ہیں۔ زیادہ عرصہ تک ایسا پانی پینے سے گردوں کی بیماریاں اور جگر کی خرابی جنم لے سکتی ہے۔

سماجی کارکن تنزیل الرحمٰن علوی نے محمد حسین کالونی میں 24 ہزار لیٹر روزانہ کی صلاحیت کا آر او (ریورس اوسموسس) پلانٹ نصب کر رکھا ہے جہاں سے شہری بلا معاوضہ پینے کا صاف پانی حاصل کر رہے ہیں۔

ان کا کہنا ہے کہ سوا لاکھ سے زیادہ آبادی کے شہر میں روزانہ چند ہزار لیٹر صاف پانی کی فراہمی اونٹ کے منہ میں زیرے کے برابر ہے۔ اس کے لیے سرکاری سطح پر لائحہ عمل بنانے کی ضرورت ہے۔ اگر ہر محلے میں آر او پلانٹ لگ جائیں تو تمام شہریوں کو پینے کا صاف پانی دستیاب ہو گا جس سے ہسپتالوں میں مریضوں کی شرح میں غیرمعمولی کمی آ سکتی ہے۔

راجن پور کے صحت افزا مقام پر جوہڑ کا مضر صحت پانی: ماڑی واٹر سکیم کی تکمیل میں کیا رکاوٹ ہے؟

راجن پور میں زیرزمین پانی میں کیمیائی مادوں کی مقدار خطرناک حد سے تجاوز کر گئی، شہریوں کی صحت اور زندگی کو خطرہ

حق نواز راجن پور کے علاقہ حاجی پور کے کاشت کار ہیں۔ انہوں نے جون کے اوائل میں اپنے 10 ایکڑ رقبہ پر کپاس کاشت کی تھی جس کی بڑھوتری اچھی تھی۔ وہ وقت پر کپاس کو کھاد پانی دیتے رہے اور سات سے 10 دن بعد کیڑے مار ادویات کا سپرے بھی کرتے رہے۔ اگست تک ان کی فصل سر سبز و شاداب تھی لیکن ستمبر کے شروع میں موسم تبدیل ہونے پر متعدد دیگر کاشت کاروں کی طرح ان کے کھیت پر بھی کپاس کے پتوں کا رس چوسنے والی سفید مکھی کا حملہ ہو گیا جس کی شدت بڑھتی چلی گئی۔

دو ہفتوں کے اندر انہوں نے سفید مکھی کے تدارک کے لیے لگاتار چار مہنگے سپرے کرائے مگر خاطر خواہ فائدہ نہ ہوا۔ سپرے کے بعد ان کے کھیت سے سفید مکھی کچھ کم ہو جاتی مگر دوسرے روز اردگرد کے کھیتوں سے اڑ کر آنے والی مکھی حملہ آور ہو جاتی۔

ان کا کہنا ہے کہ سفید مکھی کے تدارک کے لیے سپرے پر تقریباً دو ہزار روپے فی ایکٹر خرچ ہوتے ہیں۔ جمع پونجی اسی پر ختم ہو نے پر وہ مایوس ہو گئے۔

&nbsp;14 ستمبر کی صبح حق نواز کو اپنے کھیتوں کی جانب سے ہیلی کاپٹر کی تیز آواز سنائی دی۔ انہوں نے باہر نکل کر دیکھا تو ایک ہیلی کاپٹر ان کے کھیت سمیت آس پاس کے زرعی رقبے پر سپرے کر رہا تھا۔ یہ عمل ان کے لیے باعث حیرت و مسرت تھا۔ وہاں ان کی چند افسروں سے ملاقات ہوئی جن سے معلوم ہوا کہ کپاس کی فصل کو سفید مکھی سے بچانے کے لیے حکومت پنجاب کی طرف سے مفت سپرے کیا جا رہا ہے۔

محکمہ اطلاعات راجن پور کا کہنا ہے کہ حکومت پنجاب کی ہدایت پر سفید مکھی کا سپرے ضلعے کی تینوں تحصیلوں جام پور، راجن پور اور روجھان کے درجنوں مواضعات میں پچھیتی کاشت کی گئی کپاس پر کیا جا رہا ہے۔ کمشنر ڈیرہ غازی خان ناصر محمود بشیر کے مطابق &quot;جن علاقوں میں سفید مکھی کا حملہ زیادہ ہے وہاں ڈرون اور ہیلی کاپٹروں سے کیمیائی سپرے کیا جا رہا ہے۔&quot;

&nbsp;ڈپٹی ڈائریکٹر زرعی اطلاعات پنجاب نوید عصمت کاہلوں نے بتایا کہ صوبہ پنجاب میں کپاس کی فصل اس وقت انتہائی نگہداشت کے مرحلہ میں داخل ہو چکی ہے۔

اس مرحلے پر فصل کی بہتر دیکھ بھال سے ہی پیداواری ہدف حاصل کرنے میں مدد ملے گی۔ فی ایکڑ مطلوبہ پیداوار کے حصول کے لیے سفید مکھی کے مؤثر کنٹرول سمیت فصل کی نیوٹریشن مینجمنٹ پر بھی خصوصی توجہ دینے کی ضرورت ہے۔ ان کا کہنا تھا کہ اس مقصد کے لیے محکمہ زراعت کی جانب سے 1400 ہائی پریشر سپرے مشینیں فراہم کی گئی ہیں۔

سینئر زراعت آفیسر ظفر اللہ نے بتایا کہ راجن پور میں دو ڈرون اور دو ہیلی کاپٹر سفید مکھی کے تدارک کے لیے سپرے کر رہے ہیں اور اس سلسلے میں روزانہ 1500 سے 2000 ایکڑ کپاس پر متوئی اور پیری پراکسی فین سپرے پھینکا جا رہا ہے۔ انہوں نے کہا کہ اس سال ضلع بھر میں تین لاکھ 69 ہزار 864 ایکڑ پر کپاس کاشت کی گئی ہے جس میں تقریباً ایک لاکھ ایکڑ اگیتی کپاس تھی جس کی فی ایکڑ پیداوار 30 سے 35 من رہی، سفید مکھی کے حملے سے زیادہ نقصان پچھیتی کاشت والی کپاس کو پہنچ رہا ہے۔

انہوں نے بتایا کہ اب تک حاجی پور، محمد پور، داجل، میراں پور، کوٹلہ دیوان، الہ آباد، رکھ فاضل پور، مہرے والا، سکھانی والا، حضرت والا ،گجر والی، سید پور، رقبہ داد کوٹلہ، نور محمد، آسنی بیٹ، مغل عمر کوٹ اور بنگلہ ہدایت سمیت 50 سے زیادہ مواضعات میں سفید مکھی کے تدارک کے لیے سپرے کیا جا چکا ہے۔

حکومت پنجاب کی جانب سے جہاں ہیلی کاپٹر اور ڈرون کے ذریعے سفید مکھی کے خلاف سپرے کو پچھیتی کاشت کی گئی کپاس کے کاشت کار پیداوار میں اضافے کے لیے اچھا اقدام شمار کر رہے ہیں وہیں جن کی فصل سفید مکھی کے حملے سے تباہ ہو چکی ہے وہ اسے آگ لگے پر کنواں کھودنے جیسے عمل سے تشبیہہ دے رہے ہیں۔

ایسے ہی ایک کاشت کار موضع جاگیر گبول کے نصراللہ گبول ہیں جن کی سات ایکڑ رقبے پر کاشت کی گئی کپاس سفید مکھی کے حملے سے پوری طرح تباہ ہو گئی ہے۔

&nbsp;ان کا کہنا ہے کہ گزشتہ سال سیلاب کی وجہ سے ان کی کپاس کی تیار فصل سیلابی پانی کی نذر ہو گئی تھی۔ اس کے بعد گندم کی فصل اچھی ہوئی تو انہوں نے اس سے حاصل ہونے والی رقم کپاس پر خرچ کر ڈالی۔ ان کی فصل پر 20 اگست کے بعد سفید مکھی کا حملہ ہوا جس کے تدارک کے لیے انہوں نے اچھے سے اچھے سپرے کیے۔ ان پر ایک لاکھ 10 ہزار روپے خرچ ہو گئے مگر کپاس نہ بچ سکی۔ اگر حکومت پنجاب سفید مکھی کے حملے کے اوائل میں ڈرون اور ہیلی کاپٹروں سے سپرے کرتی تو ان سمیت سیکڑوں کاشت کار اس نقصان سے بچ سکتے تھے۔

کپاس کے کیڑوں کے خلاف جاری کیمیائی جنگ: کیا سیڈ کمپنیاں 'میر جعفر' کا کردار ادا کر رہی ہیں؟

راجن پور میں کپاس پر سفید مکھی کا حملہ: حکومتی اقدامات فصل کو بچانے میں کتنے کارگر ہوں گے؟

ملک محمد افسر راجن پور کی یونین کونسل شکار پور کے موضع رقبہ داد کے کاشت کار ہیں۔ گزشتہ برس انہوں نے 50 ایکڑ پر اگیتی گندم کاشت کی تھی جس سے انہیں 50 من فی ایکڑ پیداوار حاصل ہوئی۔ کپاس کی چنائی مکمل ہونے کے بعد اس کی چھڑیاں تلف کر کے اب وہ گندم کے لیے زمین تیار کر رہے ہیں۔ اس بار ان کا اکتوبر کے پہلے ہفتے میں 115 ایکڑ پر گندم کاشت کرنے کا ارادہ ہے جس کے لیے انہیں بیج کے ساتھ ڈی اے پی کھاد کے 50 کلوگرام والے 115 تھیلوں کی ضرورت ہو گی۔

ملک افسر کہتے ہیں کہ ان کے پاس کپاس کی فروخت سے حاصل ہونے والی رقم موجود ہے۔ وہ اس سے بیج اور بیجائی کے وقت زمین میں ڈالی جانے والی ڈی اے پی کھاد خریدنے کے لیے زرعی مارکیٹ گئے۔ وہاں انہیں موجودہ مقررہ قیمت 11 ہزار 843 روپے فی تھیلے کے حساب سے ڈی اے پی نہیں ملی۔

چند دکان داروں نے کہا کہ کھاد فیکٹری سے نہیں آ رہی۔ البتہ مارکیٹ میں گاہکوں کی تلاش میں رہنے والے پرائیویٹ ایجنٹوں نے انہیں 14 ہزار روپے فی تھیلا ڈی اے پی فراہم کرنے کی آفر کی۔

اگر وہ ان سے 14 ہزار روپے فی تھیلے کے حساب سے 115 بیگ ڈی اے پی خریدیں تو انہیں تقریباً ڈھائی لاکھ روپے اضافی&nbsp; دینا ہوں گے جو ان کے لیے ایک بڑی رقم ہے۔ وہ چاہتے ہیں کہ ضلعی انتظامیہ اس معاملے میں فعال کردار ادا کرے تاکہ گندم کے کاشت کاروں کو ڈی اے پی کمپنی کے مقرر کردہ نرخ پر اور بروقت کھاد مل سکے۔

راجن پور کے بعد کسان جعلی اور دو نمبر ڈی اے پی کی شکایت بھی کرتے ہیں۔ یونین کونسل جہان پور کے موضع چک جلال پور کے کاشت کار محمد یعقوب بھی انہی میں شامل ہیں۔ ان کا کہنا ہے کہ انہوں نے اپنے ڈھائی ایکڑ رقبے پر چاول کاشت کیے ہیں۔

شہر میں ڈی اے پی نہ ملنے&nbsp; کے باعث ڈیڑھ ماہ قبل انہوں نے اپنے نزدیکی علاقے چک شہید کے آڑھتی سے 16 ہزار 800&nbsp; روپے میں اس کے دو بیگ خریدے۔ یہ کھاد غیر معروف کمپنی کی تھی۔ پوچھنے پر آڑھتی نے بتایا کہ یہ نئی کمپنی ہے اور کھاد کا نتیجہ بہت اچھا ہے، آپ بے فکر ہو کر استعمال کریں۔

محمد یعقوب کہتے ہیں کہ آڑھتی کے مطمئن کرنے پر انہوں نے اسی غیر معروف کمپنی کی ڈی اے پی اپنے کھیت میں ڈالی لیکن ڈیڑھ ماہ گزرنے کے باوجود انہیں اپنی فصل میں کوئی بہتری نظر نہ آئی۔ ان کے ساتھ والے رقبے والے کسان نے راجن پور سے معروف کمپنی کی ڈے اے پی لے کر ڈالی تو اس کی فصل سرسبز ہے اور لہلہا رہی ہے۔ ان کا کہنا ہے کہ غلط کھاد سے ان کی رقم اور فصل دونوں کا نقصان ہوا۔

ڈی اے پی کھاد کی قلت کے بارے میں راجن پور میں اینگرو فرٹیلائزرز کے ڈیلر آفتاب خان بزدار کا کہنا ہے کہ ڈالر ریٹ بڑھنے سے آئے روز کھادوں کے نرخ میں بھی اضافہ ہو رہا ہے جس کا فائدہ اٹھانے کے لیے مقامی انویسٹر کھاد کو سٹاک کر رہا ہے۔ یہ لوگ دکان یا گودام کی بجائے گھروں میں سٹاک کرتے ہیں جس کے باعث انتظامیہ آسانی سے ان تک نہیں پہنچ پاتی۔ اس کام میں بعض ناجائز منافع خور دکان دار بھی ان کے ساتھ ملے ہوئے ہیں۔

ڈی اے پی کی قلت کی دوسری وجہ طلب و رسد میں عدم توازن ہے۔ ملک میں زیادہ تر کھاد بنانے والی کمپنیاں ڈے اے پی بیرونی ممالک سے منگواتی ہیں۔ صرف فوجی فرٹیلائزرز بن قاسم لمیٹڈ ہی اپنے پلانٹ پر ڈی اے پی تیار کرتی ہے جس سے ملکی ضرورت کا بمشکل 30 فیصد پورا ہوتا ہے۔

ڈی اے پی کی قلت اور مہنگائی&nbsp; سے اندیشہ ہے کہ اس مرتبہ گندم کے کاشت کار ڈی اے پی کا ایک بیگ ایک ایکڑ کے بجائے دو ایکڑ میں ڈالیں گے جس سے گندم کی پیداوار میں کمی کا اندیشہ ہے۔

راجن پور کھاد سپرے مارکیٹ کے صدر حاجی محمد اشرف ڈی اے پی کی قلت اور بلیک مارکیٹنگ کے بارے میں کہتے ہیں کہ چونکہ یہ تقریباً پانچ چھ ماہ سے درآمد نہیں کی گئی اس لیے اس کی قلت ہو گئی ہے اور بلیک مارکیٹنگ بڑھ گئی ہے۔

&nbsp;ان کا کہنا ہے کہ گندم کی کاشت کا موسم سر پر ہے مگر ابھی تک کسی بندرگاہ پر ڈی اے پی کا کوئی جہاز نہیں پہنچا، نہ ہی کھاد کمپنیاں ملکی ضرورت کے مطابق بکنگ لے رہی ہیں۔ اگر مارکیٹ میں کھاد ضرورت کے مطابق مہیا کی جائے تو ذخیرہ اندوزی اور بلیک مارکیٹنگ ختم ہو جائے گی۔

راجن پور میں ڈی اے پی کی قلت اور مہنگی فروخت پر اسسٹنٹ کمشنر محمد عامر خان جلبانی کا کہنا ہے کہ اول، مارکیٹ میں کھاد کی کمی نہیں ہے۔ دوم، گندم کی کاشت میں ابھی ایک ماہ تاخیر ہے اس لیے پرائیویٹ سرمایہ کار سرگرم ہیں جن کے خلاف کارروائی کی جا رہی ہے۔ گندم کی کاشت پر کسانوں کو ڈی اے پی کی فراہمی یقینی بنائی جائے گی۔

کاشت کاروں کو جعلی کھاد کی فروخت کے بارے میں ڈپٹی ڈائریکٹر زراعت (توسیع) محمد آصف کا کہنا ہے کسانوں کو معیاری کھاد کی فراہمی ان کی اولین ترجیح ہے جس کے لیے وہ وقتاً فوقتاً ضلع بھر سے کھادوں کے نمونے لے کر لیبارٹری کو بھیجتے رہتے ہیں۔ اگر کسی نمونے کی منفی رپورٹ آ ئے تو اس ڈیلر کے خلاف قانونی کارروائی کرتے ہوئے مقدمہ درج کیا جاتا ہے۔

ان کا کہنا ہےکہ غیرمعیاری اور جعلی کھاد زیادہ تر دور دراز علاقوں میں کاشت کاروں کو آڑھتی وغیرہ سپلائی کرتے ہیں اگر ہمیں کوئی اطلاع ملے تو اسی وقت اس آڑھت پر چھاپہ مار کر کھاد کا نمونہ لیا جاتا ہے۔ کپاس کے موجودہ سیزن میں انہوں نے نرخ نامے سے مہنگی کھاد فروخت کرنے پر مختلف دکان داروں پر 14 لاکھ روپے جرمانہ کیا جبکہ غیرمعیاری کھاد بیچنے والے سات دکان داروں پر مقدمہ درج کرایا۔

ان کا کہنا ہے کاشت کاروں کو چاہیے کہ کمپنی کے منظور شدہ ڈیلر سے کھاد خریدیں تاکہ غیرمعیاری اور جعلی کھاد سے بچ سکیں۔ اگر کہیں ایسی کھاد فروخت ہوتی دیکھیں تو محکمہ زراعت کو اطلاع دیں۔ جعل سازوں کے خلاف فوری کارروائی عمل میں لائی جائے گی۔

کھاد ڈیلر یا محکمہ زراعت: یوریا کھاد کی قلت کا ذمہ دار کون ہے؟

ذخیرہ اندوزی یا طلب و رسد میں عدم توازن: راجن پور میں ڈی اے پی کھاد کی قلت کا مسئلہ شدت اختیار کر گیا

اکیس سالہ محمد خان گورنمنٹ گریجوایٹ کالج راجن پور میں زیر تعلیم ہیں۔ وہ بی ایس انگریزی فائنل ائیر کی پوری کلاس کے ساتھ برآمدے میں کھڑے لیکچر روم خالی ہونے کا انتظار کررہے ہیں۔ کالج میں کلاس روم بہت کم ہیں۔ہر پیریڈ کے بعد طالب علموں کی بھاری تعداد کا اسی طرح کوریڈور میں موجود رہنا معمول بن چکا ہے۔ایک کلاس کا لیکچرہو رہا ہو تو دوسری کلاس کے پاس انتظار کے سوا کوئی آپشن نہیں ہوتا۔

محمد خان راجن پور شہر کے شمال مشرق میں واقع گاؤں قاسم پور کے رہائشی ہیں۔ وہ روزانہ 21کلو میٹر فاصلہ بسوں اور چنگ چی رکشوں میں طےکر کے کالج آتے ہیں۔

وہ کہتے ہیں کہ اگر ایک پروفیسر ایک کلاس کو اضافی وقت دے دیں تو دوسری کلاس کا پیریڈ ہی ضائع ہو جاتا ہے اور اکثر یہی ہوتا ہے۔

یہ مسئلہ صرف بی ایس انگریزی یا فائنل ائیرکے طلبہ کو ہی درپیش نہیں بلکہ کالج کی تمام کلاسز کے ساتھ یہی ہور رہا ہے۔

کالج ریکارڈ کے مطابق ادارے میں تین ہزار600 طلبا وطالبات زیر تعلیم ہیں ۔یہاں بی ایس انگریزی، اسلامیات، باٹنی ، کیمسٹری ، آئی ٹی، اکنامکس اور اردو کے سات پروگرام چل رہے ہیں جن میں طلبہ کی تعداد دو ہزار 447 ہے۔

یہاں ایف اے /ایف ایس سی اور آئی سی ایس میں بھی ایک ہزار 153 طلبہ پڑھ رہے ہیں۔کالج میں طالبات تعداد&nbsp; 1600 ہے اور ان سب کلاسز کے لیے صرف 32 کلاس روم دستیاب ہیں۔

2004 ء میں پنجاب کے وزیرِ اعلیٰ پرویز الٰہی نے گورنمنٹ ڈگری کالج راجن پور کو اپ گریڈ کرنے کا اعلان کیا تھا۔ یہ اس پس ماندہ ضلعے کے لوگوں کا پرانا مطالبہ تھا۔ اس اعلان کے ساتھ ہی صوبائی محکمہ تعمیرات نے پوسٹ گریجوایٹ کالج کی عمارت کے لیے فزیبلٹی پر کام شروع کر دیا۔

عمارت کی لاگت کا تخمینہ&nbsp; تین کروڑ34لاکھ روپے لگایا گیا۔ اگلے ہی بجٹ میں حکومت&nbsp; نے یہ رقم جاری کردی۔ پوسٹ گریجوایٹ بلاک کے لیے ڈگری کالج&nbsp; کی اراضی کا انتخاب کیا گیا۔

کالج&nbsp; کی پرانی عمارت 1972 ء میں انٹر کالج کے لیے تعمیر کی گئی تھی ۔اس وقت حکومت نے کالج کو چار سو 55 کنال رقبہ الاٹ کیا تھا۔ مگر یہ اراضی&nbsp; دو حصوں میں تقسیم ہے اور ریلوے لائن ان کے درمیان سے گزرتی ہے۔

انڈس ہائی وے پر ریلوے لائن کے مغرب میں 98 کنال پر کالج کی پرانی عمارت موجود ہے جبکہ مشرق میں کالج کے سامنے ریلوے لائن کے پار تین سو 57 کنال اراضی خالی پڑی تھی۔اسی اراضی پر پوسٹ گریجوایٹ کالج کے تین بلاکس کی تعمیر شروع کر دی گئی۔

ایم اے انگریزی، اردو اور اسلامیات کے لیے تین بلاک تعمیر کیے گئے۔ یہ عمارت 2008ء میں مکمل ہو گئی۔ مگر آج 15 سال گزرنے کے باوجود یہاں کلاسز کا سلسلہ شروع نہیں ہو سکا۔

پندرہ سال تک مناسب نگرانی اور دیکھ بھال نہ ہونے کے باعث یہ دومنزلہ عمارت چوروں کے ہاتھ چڑھ گئی جنہوں نے وائرنگ ،کھڑکیاں ،دروازے، جالیاں&nbsp; اور حفاظتی ریلنگ تک اکھاڑ لیں۔

باتھ روم کی ٹونٹیاں، واش بیسن، بجلی&nbsp; کے بورڈز بھی چوری کر لیے گئے۔ اب عمارت کے نام پر صرف اینٹیں اور چھت رہ گئی ہے جہاں رات کو گلہ بان اپنی بھیڑ بکریاں باندھتے ہیں۔

2008ء میں عمارت تو تعمیر ہو گئی لیکن یہاں بجلی تھی نہ ہی پانی فراہم کیا گیا تھا۔عمارت کے ارد گرد زمین تک ہموار نہیں کی گئی تھی۔ ٹھیکیدار اور محکمہ بلڈنگ نے عمارت کو کالج کے سپرد کرنے کی کوشش کی مگر کالج ڈیپارٹمنٹ نے انکار کر دیا۔

سابق&nbsp; پرنسپل محمد اشرف قمر، عمارت تعمیر کرنے والے ٹھیکیدار اوراس وقت کے ایس ڈی او بلڈنگ وفات پا چکے ہیں اور صوبائی محکمہ بلڈنگ عمارت کی اس صورتحال ذمہ دار کالج ڈیپارٹمنٹ کو سمجھتا ہے۔

فیاض احمد&nbsp; راجن پور میں ایس ڈی او بلڈنگ ہیں۔ان کا دعویٰ ہے کہ ٹھیکیدار نے تو کام مکمل کر دیا تھا۔ بس واپڈا نے ٹرانسفارمر نہیں لگایا تھا۔ قریبی آبادی کے مکین چار دیواری نہیں بنانے دیتے تھے کیونکہ اس طرح ان کا شہر جانے کا &#39;شارٹ کٹ&#39; راستہ بند ہوتا تھا۔ پھر 2010 ء میں سیلاب متاثرین کو عمارت میں رکھا گیا تو انہوں نے بھی توڑ پھوڑ کی۔

ایس ڈی او بلڈنگ کہتے ہیں کہ کالج ڈیپارٹمنٹ کے&nbsp; ایم اے بلاک کی عمارت لینے سے کی وجہ سے یہ مسئلہ بنا۔ ان کے محکمے نے کئی بار عمارت سپرد کرنے کی کوشش کی لیکن ناکام رہا۔

فیاض احمد کے مطابق سابق پرنسپل&nbsp; محمد اشرف قمرکا اصرار تھا کہ عمارت صوبائی محکمے کی زیرنگرانی بنائی گئی اور وہی تعلیمی بلاکس مکمل کرکے کالج کے حوالے کرائے۔

&quot;ہمارا آفس ڈیرہ غازی خان میں تھا۔ افسروں کو وہیں سے آنا پڑتا تھا۔ ہم نے کوشش کر کے تین میں سے ایک بلاک کالج کے حوالے بھی کر دیا مگریہ عمارت آباد نہ ہو سکی۔&quot;

&nbsp;پروفیسر ڈاکٹر رب نواز مونس اس وقت گریجوایٹ کالج&nbsp; کے پرنسپل&nbsp; ہیں۔ انہوں نے بتایا کہ تینوں ایم اے بلاکس موجودہ کالج کے سامنے ریلوے لائن کے پار بنائے گئے۔ ضروری تھا کہ وہاں&nbsp; تک رسائی کے لیے ریلوے لائن پر انڈر پاس یا اوور ہیڈ برج بنایاجا تا مگر ایسا نہیں ہوا۔ یہ فاصلہ دو تین سو گز بنتا ہے۔

وہ بتاتے ہیں کہ کالج سے ایم اے بلاکس کے لیے شہر کی&nbsp; مصروف وتنگ سڑک سے گذر کرجانا پڑتا ہے۔یہ ڈھائی کلومیٹر فاصلہ بعض اوقات خاصا وقت لیتا ہے۔

پروفیسر رب نواز کا کہنا ہے کہ ٹھیکیدار اور بلڈنگ ڈیپارٹمنٹ چاہتے تھے کہ کالج&nbsp; غیر مکمل عمارت ٹیک اوور کر لے جہاں سٹوڈنٹس اور سٹاف کے لیے میز کرسیاں&nbsp; تو دور بجلی، پانی تک موجودنہیں تھا۔

انہوں نے بتایا کہ تین میں سے ایک بلاک&nbsp; قدرے بہتر حالت میں تھا۔ اسے بجلی و پانی کی سپلائی کے وعدے پر 2014 ءمیں کالج کے ہینڈ اوور کر دیا گیا تھا۔ لیکن آج تک یہ وعدہ&nbsp; پورا ہوا نہ ہی وہاں کلاسیں شروع ہوسکیں۔

پرنسپل کا کہنا تھا کہ ایم اے بلاکس تو بنا دیے گئے مگر وہاں چوکیدارتک نہیں رکھا گیا۔

&quot;مارچ 2012 ءمیں بوائز ڈگری کالج اپ گریڈ ہوا تھا ۔یہاں چار سالہ بی ایس پروگرام شروع کیے گئے۔ مگر ہم آج بھی 51 سال پہلے انٹر کالج کے لیے بننے والی عمارت میں کام کررہے ہیں &quot;

آواران کے چار سال سے بند پڑے کمیونٹی سکول: لڑکیوں کا تعلیمی مستقبل غارت ہو گیا

پوسٹ گریجوایٹ کالج راجن پور میں کلاس رومز کی 'قلت'، ایک پیریڈ کے دوران دوسری کلاس دروازے پر کھڑی رہتی ہے

راجن پور کے نواحی موضع کوٹ بہادر کے کاشتکارچودھری ظفر اقبال 35 ایکڑ رقبہ کاشت کرتے ہیں جس میں سے 20 ایکڑ ان کے گھر کے پاس ہے جبکہ 15 ایکڑ موضع کوٹلہ نصیر میں انہوں نے مستاجری (ٹھیکہ) پر لیا ہوا ہے۔ انہوں ںے 35 میں سے دو ایکڑ پر کپاس جبکہ باقی رقبے پر گنا (کماد) کاشت کر رکھا ہے۔

وہ بتاتے ہیں کہ دو سال پہلے تک نہری پانی کی کمی یا عدم دستیابی کی صورت میں آبیاری کے لیے وہ ٹیوب ویل استعمال کرتے تھے جسے بجلی سے چلایا جاتا ہے۔ زرعی سبسڈائز ٹیرف کے باوجود ان کا ماہانہ بل تقریباً ساٹھ ہزار روپے آتا تھا اور انہیں کماد کی دس ماہ کی فصل پر پانی کی مد میں تقریباً چھ لاکھ روپے خرچ کرنا پڑتے تھے۔

دوسرا نقصان بجلی کی لوڈ شیڈنگ کی صورت میں ہوتا تھا کہ کھیت آدھا سیراب ہوتا اور بجلی چلی جاتی اور جب بجلی آتی تو پھر نئے سرے سے کھیت میں پانی لگتا جس سے کھیت کے کچھ حصوں میں بار بار پانی لگنے اور بعض کو بہت کم پانی ملنے کی وجہ سے پیداوار 15 سے 20 فیصد کم ہوتی تھی۔

دوسال قبل انہوں نے ساڑھے پانچ لاکھ روپے کی لاگت سے اپنے گھر والے رقبے پر سولر سسٹم (شمسی توانائی کانظام) لگایا جو دن بھر کھیتوں کو مفت سیراب کرتا ہے۔ زیادہ گرمی کی وجہ سے اگر سارے رقبے کی آبیاری کرنا ہو تو پھر انہیں رات کے وقت بجلی استعمال کرنا پڑتی ہے جس کے نرخ اب پانچ گنا بڑھ چکے ہیں۔ تاہم اس کے باوجود ان کا بجلی کابل ساٹھ ہزار روپے سے کم ہو کر تقریباً 12 ہزار روپے رہ گیا ہے۔

ظفر اقبال نے بتایا کہ ٹھیکے پر لیے کوٹلہ نصیر والے 15 ایکڑ رقبے پر کماد کی فصل اگانے پر ایک سیزن میں ان کے تقریباً چھ لاکھ روپے پیٹر انجن کے ڈیزل اور موبل آئل پر خرچ ہوتے تھے جو سولر سسٹم کی تنصیب کی وجہ سے کم ہو کر ستر ہزار روپے پرآ گئے ہیں۔

سولر سسٹم لگانے سے ڈیزل اور بجلی کی بچت کے ساتھ بروقت فصل کو پانی ملنے سے ان کی تقریباً 100 من فی ایکڑ پیداوار بھی بڑھی ہے جو کہ چھ لاکھ روپے سے زیادہ بنتی ہے۔

راجن پور کے شمال میں موضع قاسم پور کے کاشتکار نصراللہ اپنی ساڑھے چار ایکڑ وراثتی زمین کاشت کرتے ہیں جس میں ڈھائی ایکڑ ان کے گھر کے پاس ہیں جس پر انہوں نے کماد کاشت کیا ہوا ہے جبکہ دو ایکڑ ان کے گھر سے تین کلومیٹر دور ہیں۔

گھر کے پاس ڈھائی ایکڑ کو سیراب کرنے کے لیے انہوں نے گزشتہ برس دس لاکھ روپے کی لاگت سے سولر سسٹم نصب کیا جس سے ایک ہی روز میں ان کی کماد کی فصل سیراب ہو جاتی ہے جبکہ ہفتہ کے باقی چھ دن وہ دو ہزار روپے روزانہ کے حساب سے آس پاس کے کاشتکاروں کو پانی فراہم کرتے اور اس سے معقول آمدنی پاتے ہیں۔

نصراللہ کا کہنا ہے کہ انہوں نے گھر سے دور والے دو ایکڑ رقبے پر ڈیزل سے چلنے والا پیٹر انجن لگا رکھا ہے اور اس رقبے پر انہوں نے کپاس کاشت کی ہے جسے کماد کے مقابلے میں بہت کم پانی لگانا پڑتا ہے۔اس پر ان کا تقریباً چار سے پانچ ہزار روپے خرچ آتا ہے۔ یوں دو ایکڑ کپاس کے پانی پر اب تک وہ تقریباً ایک لاکھ دس ہزار روپے خرچ کر چکے ہیں جبکہ پیداوار صرف ایک لاکھ سینتالیس ہزار روپے کی ہوئی ہے۔

دس سال سے راجن پور میں سولر کے کاروبار سے منسلک نعمان شہزاد نے بتایا کہ دو سال پہلے تک سولر پینلز کے نرخ کم ہونے کے باوجود ان کی طلب زیادہ نہیں تھی۔ اس وقت شہر میں صرف تین دکانوں پر زرعی سولر سسٹم دستیاب ہوتا تھا جن کی تعداد اب بڑھ کر سات ہو گئی ہے۔

&quot;پہلے ہماری دکان پر مہینے میں ایک دو سسٹم فروخت ہوتے تھے اب قیمتوں میں دوگنا اضافے کے باوجود تیس سے چالیس سسٹم فروخت ہوتے رہے ہیں اس کی وجہ نہری پانی کی کمی کے ساتھ بجلی اور ڈیزل کی قیمتوں میں بڑی حد تک اضافہ ہے۔&quot;

سولر سسٹم کے زراعت پر اثرات سے متعلق ڈپٹی ڈائریکٹر زراعت (توسیع) محمد آصف کا کہنا ہے کہ راجن پور کی نہریں ششماہی ہیں جن میں فصل خریف کے لیے تو کچھ حد تک پانی دستیاب ہوتا ہے مگر ربیع میں یہ زیادہ تر خشک رہتی ہیں۔

نہری پانی کے متبادل کے طور پر کاشتکاروں نے بجلی کے کنکشن یا ڈیزل سے چلنے والے پیٹر انجن لگائے ہوئے ہیں اب چونکہ دونوں ذرائع آبپاشی کے اخراجات میں بہت حد تک اضافہ ہو چکا ہے تو کاشتکار سولر سسٹم پر ایک بار کا خرچہ کر کے کئی سالوں تک اپنے کھیتوں کو مفت میں سیراب کر کے بچت کر رہے ہیں۔

ان کا کہنا ہے کہ سولر سسٹم کی وجہ سے راجن پور اور روجھان کا بارانی علاقہ اب تیزی سے آباد ہو رہا ہے۔ ضلع میں اس وقت تین لاکھ 69 ہزار864 ایکڑ پر کپاس، 90 ہزار ایکڑ پر چاول، ایک لاکھ پانچ ہزار ایکڑ پر کماد اور 35 ہزار ایکڑ پر دیگر فصلیں اور چارہ جات کاشت ہیں جنہیں سیراب کرنے کے کاشتکار تیزی سے سولر ٹیکنالوجی اپنا رہے ہیں۔ اس طرح ناصرف ان کی فصل پر اخراجات کم ہو گئے ہیں بلکہ فی ایکڑ پیداوار بڑھ گئی ہے اور ماحول میں ڈیزل سے پیدا ہونے والی آلودگی میں بھی کمی ہو رہی ہے۔

نصراللہ مطالبہ کرتے ہیں کہ دو سال میں سولر سسٹم کی قیمتیں دو گنا بڑھ گئی ہیں اس لیے وہ چاہتے ہوئے بھی اپنے دوسرے رقبے پر سولر سسٹم نہیں لگا پا رہے۔ حکومت کو چاہیے کہ سولر سسٹم پر لگے تمام ٹیکس ختم کر کے اس ماحول دوست ٹیکنالوجی کو عام کرے جس سے ڈیزل کے درآمدی بل میں کمی اور فی ایکڑ پیداوار میں اضافہ ہو سکتا ہے۔

ٹیوب ویلوں کے بجلی کے بلوں میں ڈالے گئے اضافی یونٹ: پنجاب بھر کے کسان شدید نالاں۔

سولر پینل سستا کر دیں: راجن پور میں شمسی توانائی پر منتقلی کے خواہش مند کسانوں کا واحد مطالبہ

&quot;ہم پچھلے سیلاب کے اثرات سے سنبھل نہیں پائے تھے کہ ایک اور آ گیا۔ جن دنوں لُو چلتی ہے ان دنوں ہم سیلاب دیکھ رہے ہیں، آگے ساون بھادوں میں جانے کیا ہو گا۔&quot;

یہ کہنا ہے روجھان کے نواحی علاقے بستی چونگلی کے احمد نواز چونگلی کا۔ انہیں شکوہ ہے کہ گزشتہ سیلاب کو نو ماہ ہو چکے ہیں اور اس عرصہ میں انتظامیہ نے ایک اور متوقع سیلاب سے بچاؤ کے ضروری اقدامات نہیں کیے۔

رواں برس جون کے پہلے ہفتے میں کوہ سلیمان پر ہونے والی بارشوں سے رودکوہیوں میں طغیانی آئی۔ چونکہ گزشتہ سیلاب میں کچھی کینال ٹوٹ گئی تھی اس لیے سیلابی پانی اس میں سے قدرے آسانی سے گزر گیا۔ اس کے بعد جب یہ پانی مشرف ڈرین میں داخل ہوا تو اس کے کمزور پشتے تیز بہاﺅ برداشت نہ کر سکے اور ڈرین میں بہت بڑا شگاف پڑ گیا۔

ڈرین ٹوٹی تو اس کا پانی موضع مٹ نمبر 2، بستی چونگلی، بستی بختیار، بستی عبداللہ لولائی، بستی خدا بخش، بستی ڈھیوانی، بستی مکول، بستی سیداں، بستی جوئیہ اور صفدر آباد سمیت متعدد علاقوں میں داخل ہو گیا۔

احمد نواز نے ٹھیکے پر لی گئی زمین میں سے تین ایکڑ پر کپاس کاشت کر رکھی ہے۔ سیلابی ریلے سے نہ ان کا گھر محفوظ رہا اور نہ کھیت۔

ضلع راجن پور کے شہر روجھان کے جنوب میں بستی جوئیہ کے عبدالحمید اپنے بیوی بچوں سمیت گھر کا سامان نکال کر خشکی پر لا رہے تھے۔

انہوں نے لوک سجاگ کو بتایا کہ ان کے گھر کے چاروں طرف پانی ہے۔ بوڑھے اور بچے باہر نہیں نکل سکتے اس لیے وہ اپنا گھر چھوڑ کر جا رہے ہیں۔&quot;

ماہرین موسمیات کے مطابق 2008ء سے اب تک راجن پور میں رود کوہیوں کے سیلاب سے ہونے والی تباہی کا بڑا سبب سیلابی پانی کی قدیم گزرگاہوں کا تنگ یا بند ہونا ہے۔

کچھی کینال تونسہ بیراج سے شروع ہو کر بلوچستان کے علاقوں نصیرآباد اور جھل مگسی تک جاتی ہے۔ یہ نہر ضلع راجن پور کی حدود میں کوہ سلیمان کی مشرقی جانب سے گزرتی ہے۔ راجن پور کے کسی علاقے میں کچھی کینال کا پانی استعمال کرنے کی اجازت نہیں۔

کوہ سلیمان سے آنے والی رودکوہیوں کے پانی کی نکاسی میں ایک رکاوٹ یہی نہر پیدا کرتی ہے۔ اس نہر پر سیلابی پانی کی کھلی گزر گاہیں بہت کم اور تنگ ہیں جس سے پانی زیادہ مقدار میں جمع ہو جاتا ہے۔ ایسی صورت میں اگر سیلابی ریلا کینال کے کسی کمزور حصے کو توڑ دے تو بڑی آبادی کو متاثر کرتا ہے۔ تاہم حالیہ سیلاب کا بڑا سبب مشرف ڈرین بتایا جا رہا ہے جس کے پشتے ٹوٹ گئے ہیں۔

بستی بختیار کے 45 سالہ محمد ادریس نے بتایا کہ وہ کئی ایکڑ اراضی پر پھیلے پانی سے گزر کرہی سڑک تک پہنچ سکتے ہیں۔

ان کا کہنا ہے کہ مشرف ڈرین سیلابی پانی کو دریائے سندھ تک پہنچانے کے لیے بنائی گئی تھی لیکن ناقص تعمیر کی وجہ سے وہ رہائشی آبادی کے قریب ٹوٹ گئی جس نے پورے علاقے کو ڈبو دیا۔

حالیہ سیلاب میں نسبتاً کم پانی ہی سے ڈرین میں شگاف پڑ گیا۔ اگر زیادہ پانی آتا تو قریبی روجھان شہر میں بھی سیلاب آ سکتا تھا۔

مشرف ڈرین عمر کوٹ کے قریب سے شروع ہو کر روجھان کے مغرب میں اوزمان روڈ سے گزرتی ہوئی سوری نالے تک جاتی ہے جو دریائے سندھ میں گرتا ہے۔ اس کا مقصد رودکوہیوں کے پانی کو استعمال میں لانا&nbsp; اور اضافی پانی کو دریائے سندھ تک پہنچانا ہے۔

مگر اس نالے کو مکمل نہیں کیا گیا، لہٰذا رودکوہیوں میں طغیانی آنے پر یہاں سے بڑی مقدار میں پانی خارج ہو کر قریبی آبادیوں میں پھیل جاتا ہے۔

مشرف ڈرین محکمہ رود کوہی نے تعمیر کیا ہے جس کے ایکسیئن مجاہد کلیم کئی جگہ پر کچھی کینال ٹوٹنے کو روجھان میں سیلاب کی بنیادی وجہ قرار دیتے ہیں۔

انہوں نے لوک سجاگ کو بتایا کہ ضلع راجن پور میں گزشتہ سیلاب سے کم و بیش 40 مقامات پر کچھی کینال میں شگاف پڑے تھے مگر ابھی تک ان کی مرمت نہیں کی گئی۔

&quot;ہمارے پاس اتنے وسائل نہیں کہ ہم کچھی کینال کی مرمت کرا سکیں۔ اس سلسلے میں ہمارا محکمہ اور ڈپٹی کمشنر راجن پور کئی بار کچھی کینال انتظامیہ کو یاددہانی بھی کرا چکے ہیں مگر کوئی پیش رفت نہیں ہوئی۔&quot;

لوک سجاگ نے سیلاب سے بچاﺅ کے اقدامات اور امدادی کارروائیوں کے بارے میں جاننے کے لیے جب پنجاب ڈیزاسٹر مینجمنٹ اتھارٹی (پی ڈی ایم اے) کے ضلعی دفتر رابطہ کیا تو معلوم ہوا کہ گزشتہ چھ ماہ سے اتھارٹی کے ضلعی کوآرڈینیٹر کی اسامی خالی پڑی ہے۔

راجن پور میں کئی برس تک تعینات رہنے والے ریٹائرڈ واٹر ریسورس انجینئر ملک سیف الرحمٰن کا کہنا ہے کہ سیلاب سے بچنا ہے تو سب سے پہلے رود کوہیوں کی گزر گاہوں کو کھلا کیا جائے۔ اس کے ساتھ مشرف ڈرین کو نالہ سوری میں ڈالا جائے تاکہ اس کا پانی نالے سے ہوتے ہوئے دریائے سندھ میں جا گرے۔

&quot;ان نالوں کی تعمیر و مرمت کے وقت ٹھیک طرح سے بھرائی نہیں کی گئی جس سے ان میں رہ جانے والے معمولی سے سوراخ بھی پانی کے دباؤ سے بڑے شگاف میں تبدیل ہو جاتے ہیں جو علاقے میں سیلاب کا سبب بنتے ہیں۔&quot;

انہوں نے کہا کہ ابھی تو مون سون شروع نہیں ہوا اور بعض علاقوں میں سیلابی صورت حال پیدا ہو گئی ہے۔ ابھی متعلقہ محکموں کے پاس کچھ وقت ہے جس میں نالوں اور پشتوں کو مضبوط کر کے علاقے کو ممکنہ سیلاب سے محفوظ رکھا جا سکتا ہے۔

تونسہ میں سیلاب کی تباہ کاریاں: رود کوہی نے 'ہمیں اتنا وقت ہی نہیں دیا کہ ہم اپنے مویشیوں اور گھر والوں کے سوا کچھ اور بچا سکتے'۔

'روجھان میں جون کا سیلاب 'ہم ایک آفت سے سنبھلے نہیں تھے کہ دوسری سر پر آ پڑی'

پینسٹھ سالہ خدا بخش بڈلانی رہتے تو راجن پور کے صحت افزا مقام ماڑی میں ہیں لیکن ان کا خاندان تالاب کا مضر صحت پانی پینے پر مجبور ہے۔

ان کے گھر سے دو کلومیٹر دور پانی کی ایک نوتعمیر شدہ ٹینکی کبھی انہیں اچھے دونوں کے آنے کی نوید دیتی ہے اور کبھی ان کی بے بسی کا منہ چڑاتی ہے۔

ماڑی کوہ سلیمان کی ایک اونچی پہاڑی پر ہموار جگہ پر واقع ہے جہاں دس ہزار سے زیادہ لوگ بستے ہیں۔ موسم گرما میں اس جگہ کا درجہ حرارت راجن پور کے دیگر علاقوں سے دس تا پندرہ ڈگری کم رہتا ہے اس لئے ہر سال سیاحوں کی معقول تعداد اس جگہ آتی ہے۔ یہ سیاح بذریعہ انڈس ہائی وے فاضل پور، حاجی پور اور پھر لنڈی سیدان سے ہوتے ہوئے ماڑی پہنتے ہیں۔

ماڑی میں بارڈر ملٹری پولیس کا تھانہ، بنیادی مرکز صحت، سیاحوں کے لئے چند ہوٹل اور ریسٹ ہاؤس بھی واقع ہیں۔ یہاں کی مقامی آبادی اس پہاڑی کی چوٹی کے ارد گرد رہتی ہے۔ قبائلی علاقوں کے بلوچ عام طور پر بستی کی صورت میں نہیں رہتے اسی طرح ماڑی میں بھی لوگوں کے گھر ایک دوسرے سے فاصلے پر واقع ہیں۔ ان لوگوں کی اکثریت کا پیشہ گلہ بانی ہے۔

ماڑی قومی اسمبلی کے حلقے این اے 194 اور صوبائی حلقے پی پی 294 کی حدود میں آتا ہے۔ 2018ء کے عام انتخابات میں ان دونوں حلقوں سے بالترتیب سردار نصراللہ دریشک اور ان کے بیٹے حسنین بہادر دریشک رکن اسمبلی منتخب ہوئے تھے۔

ویسے تو یہ علاقہ بہت سی بنیادی سہولتوں سے محروم ہے لیکن صاف پانی کی عدم دستیابی یہاں کا سب سے بڑا مسئلہ ہے جس کی وجہ سے یہ لوگ ہمہ وقت بیماریوں سے لڑتے رہتے ہیں۔ یہاں پانی کے حصول کا واحد ذریعہ وہ تالاب ہیں جن میں بارش کا پانی ذخیرہ ہوتا ہے اور تمام انسان اور حیوان اسی پانی سے پیاس بجھاتے ہیں۔

مقامی سماجی کارکن سیوا خان بڈلانی کہتے ہیں کہ علاقے میں اسہال، ہیضہ، ہیپاٹائٹس اور ٹائفائیڈ جیسی بیماریاں عام ہیں اور خاص طور پر بچے بڑی تعداد میں ان سے متاثر ہوتے ہیں اور ان امراض کی بنیادی وجہ تالابوں کا آلودہ پانی ہے۔

پنجاب کے سابق وزیر اعلیٰ عثمان بزدار نے فروری 2021ء میں ماڑی کے دورے میں اس علاقے کے لئے واٹر سپلائی سکیم کا اعلان کیا تھا جو علاقے کے لئے بہت بڑی خوشخبری تھی۔

اعلان کے کچھ ہی عرصہ بعد پبلک ہیلتھ انجینئرنگ ڈیپارٹمنٹ نے واٹر سپلائی منصوبے پر کام کا آغاز کر دیا۔ سروے میں ماڑی سے تقریباً چھ کلومیٹر دور زیارت کے مقام پر زیر زمین میٹھا پانی دریافت ہوا تو وہاں ڈرلنگ کر کے بور کر دیا گیا۔ چونکہ علاقے میں بجلی کی سہولت نہیں ہے اس لئے واٹرسپلائی کی موٹر چلانے کے لئے سولر پینل نصب کئے گئے۔ زیارت سے ماڑی تک پانی پہنچانے کے لئے فولادی پائپ بچھائے گئے اور پانی ذخیرہ کرنے کے لئے ٹینکی بھی تعمیر کر دی گئی۔ لیکن صاف پانی اب بھی ماڑی کے لوگوں تک نہیں پہنچا۔

خدابخش یہ سمجھنے سے قاصر ہیں کہ اب تک واٹرسپلائی چالو کیوں نہیں ہو سکی۔&quot;میں ہر روز اپنے بچوں کے لئے صاف پانی ملنے کی امید پر ٹینکی تک آتا ہوں اور دبے (سرائیکی زبان میں گدلے پانی کا تالاب) کا پانی لے جاتا ہوں۔ اگر حکومت نے واٹر سپلائی سکیم پر بیشتر کام مکمل کر لیا ہے تو اسے فعال کرنے میں کیا رکاوٹ ہے اور اسے دور کیوں نہیں کیا جاتا۔&quot;

محکمہ پبلک ہیلتھ انجینئرنگ کے ایکسیئن عامر رند نے لوک سجاگ کو بتایا کہ سابق حکومت میں اس سکیم پر اخراجات کا تخمینہ تقریباً ساڑھے پانچ کروڑ روپے لگایا گیا تھا۔ اس میں سے ابتداً تین کروڑ روپے جاری کئے گئے جس سے بورنگ، پائپ لائن بچھانے اور ٹینکی کی تعمیر کا کام مکمل ہوا۔ ابھی اس سکیم میں شامل ایک پمپنگ سٹیشن اور آٹھ چھوٹی ٹینکیوں کی تعمیر کے علاوہ ڈیزل جنریٹر کی تنصیب باقی ہے۔

انہوں نے بتایا کہ دوسرے مرحلے میں اس منصوبے کے لئے دسمبر 2022ء میں مزید ایک کروڑ روپے جاری کئے گئے تھے جو چند روز بعد حکومت نے واپس لے لئے۔ عبوری حکومت آنے پر یہ فنڈ منجمد ہو گئے اور منصوبے پر کام رک گیا۔

انہوں نے اس امید کا اظہار کیا کہ جون میں نیا بجٹ آنے کے بعد باقی ماندہ فنڈ جاری ہو جائیں گے جن سے منصوبہ مکمل کر لیا جائے گا۔

اسی آلودہ پانی میں عمر بہتی جا رہی ہے: نارووال کے شہری آلودہ پانی کے استعمال سے ہسپتالوں کا رخ کرنے لگے

راجن پور کی تحصیل روجھان مزاری کے سینٹری ورکر اعجاز احمد 17 اپریل 2023 کی شام جیسے ہی گٹر میں اترے تو سیوریج لائن کی زہریلی گیس نے ان کے حواس منقطع کر دیے اور وہ بے ہوش ہو کر گر گئے۔ کچھ دیر کے بعد گٹر کے باہر موجود ان کے ساتھی محمد حسین نے انہیں آواز دی۔ کوئی جواب نہ پا کر وہ اعجاز کی خیریت معلوم کرنے گٹر میں اترے اورخود بھی زہریلی گیس کے اثر سے بے ہوش ہو گئے۔

جب بلدیہ کے اہلکار ڈسپوزل پوائنٹ پر پہنچے تو دونوں کو گٹر میں اوندھے منہ گرا پایا۔ اہلکاروں نے انہیں فوری طور پر ہسپتال پہنچایا لیکن اس وقت تک دونوں کی موت ہو چکی تھی۔

گٹروں اور نالیوں کی صفائی اعجاز احمد کا خاندانی پیشہ تھا۔ ان کے والد غلام نبی بھی بلدیہ روجھان مزاری میں سینٹری ورکر رہ چکے تھے۔ پندرہ سال پہلے جب ان کا دوران ملازمت انتقال ہوا تو محکمے نے ان کی جگہ ان کے بیٹے اعجاز کو نوکری دے دی تھی۔

اگرچہ اعجاز سینٹری ورکر کی حیثیت سے بھرتی ہوئے تھے لیکن ان سے بند گٹر کھولنے کا کام بھی لیا جاتا تھا جو اصولاً سیورمین کی ڈیوٹی ہوتی ہے۔ انہیں اس کام کے لئے بلدیہ کی جانب سے گیس ماسک، آکسیجن سلنڈر، ڈرائی سوٹ اور گیس ڈیٹیکٹر جیسا کوئی ضروری سامان بھی نہیں دیا جاتا تھا۔

دراصل اسی سامان کی عدم دستیاب ہی ان کی موت کا سبب بنی۔ انہوں نے سوگواروں میں بیوہ اور چار بچے چھوڑے ہیں۔

اعجاز احمد کے ساتھ فوت ہونے والے محمد حسین بلدیہ میں سینٹری ورکر کی پوسٹ پر تعینات اونچی ذات والے ایک اہلکار کی جگہ آٹھ ہزار روپے ماہانہ پر صفائی کا کام کرتے تھے۔ ان کے خاندان کو بلدیہ کی جانب سے کسی معاوضے یا نوکری کی بھی امید نہیں ہے۔

اس نمائندے نے جب ان ہلاکتوں کے محرکات کا تفصیلی جائزہ لینے کے لئے بلدیہ روجھان کے چیف آفیسر کے دفتر سے رجوع کیا تو پتا چلا کہ وہاں پچھلے چھ ماہ سے کوئی چیف افسر تعینات نہیں ہے اور بلدیہ کا اضافی چارج ضلع کونسل راجن پور کے چیف آفیسر ساجد ریاض کے پاس ہے۔

بلدیہ روجھان کے سینیٹری سپروائزر ندیم گوکھانی نے بتایا کہ شہر میں سیوریج لائن بیس سال پہلے متحدہ عرب امارات کے مالی تعاون سے بچھائی گئی تھی لیکن اس کے لئے سیورمین بھرتی نہیں کئے گئے تھے اور نہ ہی عملے کو سپورٹ کٹس فراہم کی گئی تھیں۔

&#39;&#39;بلدیہ میں اس وقت پچاس سینٹری ورکرز تعینات ہیں جن میں سے آٹھ بوقت ضرورت سیوریج لائن کی صفائی کا کام بھی کرتے ہیں۔ سیوریج لائن بند ہونے کی صورت میں سینٹری ورکر کو گیس ماسک اور دیگر حفاظتی سامان کے بغیر گٹر میں اترنا پڑتا ہے۔ اگر اعجاز اور محمد حسین کے پاس حفاظتی سامان ہوتا تو ان کی جانب بچ سکتی تھی۔&#39;&#39;

دفتر میں موجود کلرک عبدالرؤف نے فنڈز کی قلت کو عملے کو حفاظتی سامان مہیا نہ کرنے کا بنیادی سبب بتایا۔ ان کا کہنا تھا کہ بلدیہ کو پنجاب حکومت کی جانب سے تنخواہوں اور دیگر اخراجات کے لیے ماہانہ 53 لاکھ روپے ملتے ہیں جبکہ ضرورت 90 لاکھ روپے کی ہے۔

&#39;&#39;چند سال پیشتر ڈویلپمنٹ ٹیکس، لائسنس فیس، پروفیشنل ٹیکس، تہہ بازاری فیس اور مویشی منڈی کے ٹھیکوں سے بلدیہ کو اچھی آمدنی ہوتی تھی۔ لیکن مختلف ادوار میں&nbsp; حکومتوں نے یہ ٹیکس ختم کر دیے جس سے اخراجات کے مقابلے میں بلدیہ کے ذرائع آمدنی کم ہو گئے۔ اس وقت بلدیہ روجھان کے ذمے واپڈاکے 93 لاکھ روپے واجب الادا ہیں۔ ہمیں پنجاب حکومت کی جانب سے جو فنڈ ملتے ہیں ان سے عملے کی تنخواہیں بھی پوری نہیں ہوتیں۔ مالی وسائل کی اس قدر قلت ہے کہ ہم سیوریج لائن کے گٹروں کے ڈھکن تک نہیں خرید سکتے۔&#39;&#39;

مقامی شہری محمد سلیمان کا کہنا ہے کہ دنیا میں کہیں ایسا نہیں ہوتا کہ سیوریج لائن تو بچھا دی جائے مگر اس کی صفائی کے لیے سیور مین بھرتی نہ کیے جائیں۔ ایسا صرف پسماندہ علاقوں میں ہو رہا ہے جہاں گلی میں جھاڑو لگانے کے لیے بھرتی ہونے والے سینٹری ورکر کو ننگے بدن سیوریج کے زہریلے کنویں میں اتار دیا جاتا ہے۔ ان میں جو اہلکار خوش قسمت نہ ہوں وہ گٹر سے باہر کبھی نہیں آ پاتے۔

اعجاز احمد کے ساتھ کام کرنے والے انتیس سالہ سینٹری ورکر&nbsp; نے اپنا نام ظاہر نہ کرنے کی شرط پر بتایا کہ ان سے وہ کام نہیں لیا جاتا جس کے لئے انہیں بھرتی کیا گیا ہے۔

&#39;&#39;ہم سے کسی طرح کے حفاظتی انتظامات کے بغیر سیوریج کی مین لائن اور بڑے گٹر صاف کرائے جاتے ہیں۔ ہم غریب لوگ افسروں کی ناراضگی کے ڈر سے انہیں انکار بھی نہیں کر سکتے اور اسی لئے ان حالات کو مقدر کا لکھا سمجھ کر خاموشی سے کام کرتے رہتے ہیں۔&#39;&#39;

لوگوں کو صحت مند ماحول دینے والوں کی اپنی جان داؤ پر: حفاظتی سامان اور سہولتوں سے محروم ساہیوال کے سینٹری ورکرز

روجھان مزاری، سینٹری ورکر کی ہلاکت: 'حالات کو مقدر کا لکھا سمجھ کر خاموشی سے کام کرتے رہتے ہیں'

راجن پور کے عزادار حسین کپاس کے کاشتکار ہیں۔ پچھلے سال آنے والے سیلاب میں ان کی ساری فصل بہہ گئی تھی اور وہ یہ سوچ کر پریشان ہیں کہ نجانے اس سال ان کے ساتھ کیا ہو گا۔ سیلاب میں ٹوٹنے والے حفاظتی پشتوں کی مرمت تاحال نہیں ہو سکی اور انہیں خدشہ ہے کہ اگر آنے والے مہینوں میں کوہ سلیمان پر زیادہ بارشیں ہوئیں پہاڑی ندی نالوں سے آنے والے سیلابی ریلے کی راہ میں کوئی رکاوٹ نہیں ہو گی۔

عزادار حسین راجن پور سے تقریباً 25 کلومیٹر دور فاضل پور میں رہتے ہیں۔ انہوں نے سرائیکی ادب میں ماسٹرز کر رکھا ہے۔ تلاش بسیار کے بعد جب انہیں کوئی اچھی نوکری نہ ملی تو انہوں نے قطب کینال کے کنارے بارہ ایکڑ زرعی اراضی ٹھیکے پر لے کر کاشت کاری شروع کر دی۔

گزشتہ برس انہوں نے کپاس اگانے کے لیے ایک نیا اور مہنگا بیج استعمال کیا جو فصل کو کئی طرح کی بیماریوں سے بچاتا ہے۔ کاشت اور برداشت کے درمیان انہیں ڈیزل، کھاد اور سپرے کے لئے قرض بھی لینا پڑا۔ اگست میں جب کپاس کے سبز ٹینڈے کھل کر سفید روئی میں تبدیل ہوئے تو انہوں نے چنائی کے لیے مزدور خواتین سے رابطہ کیا جنہوں نے دو روز بعد کا وقت دیا۔

اسی رات جب وہ اپنے بچوں کے ساتھ کھانا کھا رہے تھے تو مساجد سے شہر خالی کرنے کے اعلانات ہونے لگے جن میں بتایا جا رہا تھا کہ کوہ سلیمان سے آنے والے سیلابی ریلے نے قطب کینال میں شگاف ڈال دیا ہے اور سیلابی پانی کسی بھی وقت شہر میں داخل ہو سکتا ہے۔

کچھ ہی دیر میں سیلاب نے علاقے میں تباہی مچا دی۔ اگرچہ پانی اترنے کے بعد سرکاری اداروں اور غیر سرکاری تنظیموں نے لوگوں کو زندگی کی بحالی کے لیے کچھ مدد بھی فراہم کی لیکن سیلاب سے متاثرہ کاشت کاروں کو ان کی تباہ ہونے والی فصلوں کا معاوضہ نہیں دیا گیا۔ عزادار پچھلی فصل کا قرضہ تاحال نہیں اتار سکے اور اب انہیں اگلی فصل کی پریشانیوں نے گھیر رکھا ہے۔

راجن پور کے مشرق میں دریائے سندھ اور مغرب میں کوہ سلیمان کا پہاڑی سلسلہ واقع ہے۔ اس طرح یہ ضلع دو اطراف سے سیلاب کی زد میں رہتا ہے۔

کوہ سلیمان سے نکلنے والے سات پہاڑی نالے راجن پور کو براہ راست متاثر کرتے ہیں جن میں کالا بگا کھوسڑا، درہ کاہا سلطان، درہ چھاچھڑ، پٹوخ، سوری شمالی، سوری جنوبی اور زنگی شامل ہیں۔ ان میں درہ کاہا سلطان اور درہ چھاچھڑ کا بیشتر پانی میدانی علاقوں کی جانب آتا ہے۔ درہ کاہا میں پانی کی زیادہ سے زیادہ گنجائش 80 ہزار جبکہ چھاچھڑ میں 45 ہزار کیوسک ہے۔ اگست 2022 میں ان نالوں میں کئی روز تک بالترتیب ایک لاکھ آٹھ ہزار اور پچھتر ہزار کیوسک پانی گزرا جس نے پورے ضلعے کو بری طرح متاثر کیا۔

سیلاب سے فاضل پور، حاجی پور، بمبلی اور روجھان مزاری شہر سمیت درجنوں قصبے اور دیہات زیر آب آئے۔ اس دوران 37 افراد ہلاک ہوئے، 28 ہزار سے زیادہ مکان مکمل یا جزوی طور پر متاثر ہوئے اور دو لاکھ 39 ہزار ایکڑ پر چاول اور کپاس کی تیار فصل سیلاب میں بہہ گئی۔ 
چک شکاری کے کاشت کار رحیم بخش کا کہنا ہے کہ 2008 سے پہلے اس علاقے میں سیلاب سے زیادہ نقصان نہیں ہوتا تھا کیونکہ رودکوہی کے سیلابی پانی کو دریا میں ڈالنے کے لیے قدیمی گزرگاہیں اپنی اصل حالت میں موجود تھیں۔ راستے میں آنے والی ریلوے لائن اور انڈس ہائی وے پر مختلف جگہوں پر پل بنائے گئے تھے جس سے رودکوہی کا پانی علاقے کو نقصان کیے بغیر سیدھا دریائے سندھ میں جا گرتا تھا۔

&#39;&#39;2008 کے بعد سیاسی اثر و رسوخ رکھنے والے بعض لوگوں نے رودکوہی کے راستے میں ہل چلا کر فصلیں کاشت کرنا شروع کر دیں۔ ان کی دیکھا دیکھی سیلابی گزرگاہوں کے قریب رہنے والے باقی لوگوں نے بھی ان جگہوں کو آباد کر کے اپنے رقبے میں شامل کر لیا جس کا کسی سرکاری محکمے نے نوٹس نہ لیا۔ اس طرح قبضہ مافیا کو شہ ملی اور اس نے انڈس ہائی وے پر سیلابی پانی کے کازوے کو کہیں مٹی ڈال کر بند کر دیا تو کہیں اس پر پیٹرول پمپ قائم کر لیے۔ جب پانی کو راستہ نہیں ملتا تو وہ علاقے میں سیلابی کیفیت پیدا کر دیتا ہے۔&#39;&#39;

یوں تو ہر ضلعے میں ایک ایگزیکٹو انجینئر محکمہ آبپاشی کا ضلعی سربراہ ہوتا ہے لیکن راجن پور میں کوہ سلیمان سے آنے والے سیلابی پانی کو کنٹرول کرنے کے لیے ایکسیئن ہل ٹورنٹ یا رودکوہی کا علیحدہ عہدہ اور آفس ہے۔حکومت اس دفتر کو سیلاب سے بچاؤ کے لیے ہر سال سالانہ خطیر رقم مہیا کرتی ہے جس کا مقصد کوہ سلیمان سے آنے والے بارش کے پانی کی گزرگاہوں کی صفائی اور سیلابی پشتوں کی تعمیر مرمت کرنا ہے۔

تاہم راجن پور کے لوگ اس محکمے کی کارکردگی کے بارے میں کچھ اچھی رائے نہیں رکھتے۔

مقامی شہری محمد خان کا کہنا ہے کہ اب تک اس محکمے کی کارکردگی بہت مایوس کن رہی ہے۔ اس محکمے کے اہلکاروں نے سال بھر میں صرف مون سون کے دو تین ماہ ہی کام کرنا ہوتا ہے لیکن صورتحال یہ ہے کہ گزشتہ برس کے سیلاب میں ٹوٹنے والے سیم نالے اور بچاؤ بند ابھی تک اسی حالت میں ہیں جن کی مرمت کے لیے کوئی قدم نہیں اٹھایا گیا جبکہ مون سون کا موسم آنے والا ہے۔

&#39;&#39;کوٹلہ عیسن اور پارکو کے درمیان انڈس ہائی وے سے سیلابی پانی کو گزارنے کے لیے بنایا گیا پل گزشتہ سیلاب میں ٹوٹ گیا تو اسے تعمیر کرنے کے بجائے اس کے سامنے نئی سڑک بنا کر پانی کا راستہ روک دیا گیا۔ گزشتہ برس کی طرح اگر اس سال بھی کوہ سلیمان پر زیادہ بارشیں ہوئیں تو پل بند ہونے کی وجہ سے سیلابی ریلا سیدھا راجن پور شہر کا رخ کر لے گا۔&#39;&#39;

لوک سجاگ کی ٹیم نے ایکسیئن رودکوہی زین ملک کا موقف لینے کے لیے ان سے کئی مرتبہ فون پر اور بالمشافہ ملنے کی کوشش کی لیکن نہ تو انہوں نے فون کال کا جواب دیا اور نہ ہی اپنے دفتر میں دستیاب ہوئے۔

گندم کی نئی فصل سندھ کو ایک نئے غذائی بحران کے دہانے پر لے آئی ہے؟ سات اہم باتیں

سیلابی گزرگاہوں پر قبضہ مافیا کا کنٹرول اور ناقص منصوبہ بندی: 'بارشیں ہوئیں تو سیلابی ریلا سیدھا راجن پور شہر کا رخ کر لے گا'

دلہا دلہن کی گاڑی جیسے ہی انڈس ہائی وے پر واقع فاضل پور ٹول پلازہ کے قریب پہنچی، ایک ٹرالر کو اوور ٹیک کرتا ہوا تیز رفتار ٹرک اچانک سامنے آگیا اور کار سے ٹکرا گیا۔ٹکر اتنی شدید تھی کہ کار کا کچھ حصہ ٹرک کے نیچے دب گیا۔ بس میں سوار باراتیوں نے اتر کر کار میں سوار افراد کو نکالنے کی کوشش کی لیکن دیر ہوچکی تھی۔

حادثے میں کار ڈرائیور، دلہا ثقلین رضا اور اس کے والد موقع پر جاں بحق ہو گئے۔ ریسکیو ون ون ٹو ٹو نے شدید زخمی دلہن معراج بی بی کو ہسپتال پہنچایا لیکن وہ بھی کچھ دیر بعد دم توڑ گئی۔ 
یہ چھ نومبر2022ء کا واقعہ ہے۔

صرف 2022ء کی آخری سہ ماہی میں انڈس ہائی وے پر تین بڑے حادثات میں 42 مسافر جاں بحق جبکہ 68 زخمی ہوئے۔ اکتوبر میں جامشورو ڈسٹرکٹ میں 14 مسافر جاں بحق ہوئے، نومبر میں سیہون شریف کے قریب بس کے حادثے میں 20 اور دسمبر میں راجن پور کے نزدیک دو مسافر بسوں کے تصادم میں آٹھ مسافر جاں بحق ہوئے۔

انڈس ہائی وے یا این 55 دریائے سندھ کے غربی جانب سے گذرتی ہوئی کراچی، حیدرآباد سے براستہ سیہون، کشمور، راجن پور شہر اور اس کی تحصیلوں کوٹ مٹھن اور جام پور، ڈیرہ غازیخان، تونسہ، اور ڈیرہ اسماعیل خان اور کرک سے گذرتی ہوئی پشاور تک جاتی ہے۔

ضلع راجن پور میں انڈس ہائی وے کو مقامی لوگوں نے قاتل سڑک کا نام دے رکھا ہے۔ضلع میں بیشتر حادثات مرغائی موڑ، رمضان چوک،کوٹلہ نصیر چوک، کوٹلہ لنڈان، فاضل پور اور جام پور میں ہوئے ہیں، جن میں سب سے زیادہ موٹر سائیکل سوار متاثر ہوئے ہیں۔

ریسکیو 1122 کی رپورٹ کے مطابق انڈس ہائی وے پر 2019ء سے 2022ء کے دوران 12 ہزار سے زائد حادثات رپورٹ ہوئے ہیں جن میں 195 لوگ جاں بحق اور 15 ہزار کے قریب شہری زخمی ہوئے جن میں سے کئی لوگ زندگی بھر کے لیے معذور ہو چکے ہیں۔

انڈس ہائی وے پشاور اور شمالی علاقہ جات کو کراچی سے ملانے والا کم فاصلے کا راستہ ہے۔اس کی کل لمبائی 12 سو کلومیٹر کے لگ بھگ ہے۔ کراچی پورٹ سے شمالی علاقہ جات بشمول افغانستان ملکی و غیر ملکی سامان کی ترسیل اسی سڑک کے ذریعہ ہوتی ہے۔

بیس برس قبل جب نیٹو فورسز افغانستان میں براجمان ہوئیں تو ان کے لیے ٹینکوں توپوں سے لے کر کھانے پینے کا سامان تک اسی راستے افغانستان بھیجا جاتا تھا۔

سڑک پر ہر دس پندرہ کلومیٹر پر کوئی نا کوئی شہر یا قصبہ واقع ہے۔اس سڑک سے دور و نزدیک کی آبادیوں و قصبات کو ملانے والی لنک روڈز بھی ملتی ہیں۔ مقامی آبادی میں سے بیشتر تر موٹر سائیکل استعمال کرتی ہے یا لوکل بسوں پر سفر کرتی ہے۔

<h2>حادثوں کی تعداد زیادہ کیوں؟</h2>

دوسرے راستوں کی نسبت فاصلہ کم ہونے کے باعث انڈس ہائی وے پر ٹرک، ٹرالر، ٹینکر، کینٹینر اور تیز رفتار مسافر کوچز جیسی ہیوی ٹریفک کی بہتات ہے۔

یہاں پر حادثات کی بڑی وجہ سڑک کا ایک رویہ (سنگل لین) ہونا ہے یعنی اس ساری سڑک کی چوڑائی بہت کم ہے۔سوائے جام پور کے، اس پر موجود بڑے شہروں کے باہر بائی پاس بھی نہیں ہیں۔2010ء میں سیلابی پانی جام پور شہر میں داخل ہوا تو حکام نے شہر کی شرقی جانب فلڈ بند تعمیر کر کے اس پر سڑک بنا دی جو اب بائی پاس کا کام دے رہی ہے۔

ایک رویہ ہونے کے باوجود کوٹ مٹھن کے قریب مصروف ترین رمضان آباد چوک میں سڑک کے تقریباً 70 فیصد حصے پر گول چکر بنا کر گاڑیوں کے گذرنے کا راستہ انتہائی تنگ کر دیا گیا ہے جس کی وجہ سے اب تک درجنوں حادثات ہو چکے ہیں۔

اس سے چند کلومیٹر کے فاصلے پر کوٹلہ نصیر چوک ہے جسے مقامی لوگ خونی چوک کہتے ہیں۔یہاں ایک عجیب و غریب ڈیوائیڈر بنایا گیا ہے جس کا کونہ ایک طرف نکلا ہوا ہے جو کئی حادثات کا موجب بنا ہے۔

ریسکیو ریکارڈ کے مطابق صرف 2022ء میں اس چوک میں103 حادثے ہوئے جن میں ہلاک و زخمی ہونے والے مسافروں کی تعداد 108 ہے۔

سڑک پر قائم تجاوزات بھی حادثوں کی ایک وجہ ہے۔

گذشتہ تین برسوں میں ضلع راجن پور کی حدود میں موٹروے این فائیو کی تعمیر کے بعد انڈس ہائی وے پر رش کچھ کم ہوا ہے اور حادثات میں کچھ کمی آئی ہے۔

این 5 موٹر وے دریائے سندھ کی شرقی جانب ملتان تا سکھر تعمیر کی گئی ہے اور یہ انڈس ہائی وے سے 30 کلو میٹر دور ہے۔

<h2>سڑک کب دو رویہ ہوگی؟</h2>

عوام کے شدید احتجاج اور مطالبے پر اکتوبر 2016ء میں نیشنل ہائی وے اتھارٹی نے راجن پور تا ڈیرہ غازی خان سیکشن کو چار لین اور ڈی جی خان تا ڈیرہ اسماعیل خان دو رویہ کرنے کے لیے باقاعدہ پیپر ورک شروع کیا۔

محکمہ ہائی وے کے ریکارڈ کے مطابق انڈس ہائی وے شکار پور تا راجن پور سیکشن اور راجن پور تا ڈیرہ غازی خان سیکشن کی منصوبہ بندی 2020ء میں مکمل ہوگئی تھی۔ ان دونوں سیکشنوں کی مدت تکمیل بالترتیب 36 اور 24 ماہ رکھی گئی تھی۔

حلقہ پی پی295 راجن پور سے سابق ایم پی اے سردار فاروق امان اللہ خان کہتے ہیں کہ ان کے دور میں منصوبہ بندی کا عمل تیزی سے مکمل کیا گیا، حکومت ختم نہ ہوتی تو اب تک سڑک مکمل ہوجاتی۔

نیشنل ہائی وے اتھارٹی کی جانب سےحال ہی میں لگائی گئی آن لائن کچہری میں ایک سوال کے جواب میں اتھارٹی کے اعلیٰ افسر محمد نوید اقبال کا کہنا تھا کہ راجن پور ڈی جی خان سیکشن فیز تھری میں ہے اس سے پہلے شکار پور سے راجن پور تک کام شروع کیا جائے گا جس کے ٹینڈر ہو چکے ہیں۔

انڈس ہائی وے پر موجود درختوں کی کٹائی کی جا رہی ہے۔ راجن پور، ڈی جی خان سیکشن پر کام کے شروع ہونے میں کم سے کم ایک سے ڈیڑھ سال مزید لگ سکتا ہے۔

مجاہد حسین خان

مجاہد حسین خان کا تعلق راجن پور سے ہے۔ مختلف قومی اخبارات اور ٹی وی چینلوں کے ساتھ وابستہ ہیں۔