"Explore the pivotal Sahiwal, Punjab election of 2024. Dive into the dynamic political landscape as candidates vie for leadership. Stay informed on the issues that matter and witness the unfo

"Decisive Choice: Sahiwal, Punjab Election 2024 - Unveiling the Future Leadership"

آٹھ فروری 2024ء کو ہونے والے عام انتخابات میں ضلع ساہیوال میں قومی اسمبلی کی تین اور پنجاب اسمبلی کی سات نشستوں پر مقابلہ ہونے جا رہا ہے۔

گزشتہ عام انتخابات میں اس ضلعے سے دو قومی حلقوں میں مسلم لیگ ن اور ایک میں پاکستان تحریک انصاف کے امیدوار کامیاب ہوئے تھے۔

اسی طرح صوبائی اسمبلی کی سات نشستوں میں سے پانچ پر مسلم لیگ ن اور دو پر پاکستان تحریک انصاف کامیاب ہوئی تھی۔

الیکشن کمیشن کے مطابق اس ضلعے میں رجسٹرڈ ووٹرز کی تعداد 17 لاکھ 46 ہزار 886 ہے جن میں آٹھ لاکھ دو ہزار 806 خواتین اور 9 لاکھ 44 ہزار 80 مرد ووٹر ہیں۔

این اے 141 ساہیوال ون میں شہری آبادی کا حلقہ ہے جہاں سے 2018ء میں ن لیگ کے امیدوار عمران احمد شاہ نے تحریک انصاف کے چودھری نوریز شکور کو ہرایا تھا۔

تین بار مسلسل اس نشست سے جیتنے والے عمران شاہ کا اس بار مقابلہ تحریک انصاف کے حمایت یافتہ رانا عامر شہزاد سے ہو گا جو تحصیل ناظم ساہیوال بھی رہ چکے ہیں اور وہ سابق ایم این اے رانا طارق جاوید کے بھائی ہیں۔

یہاں پیپلز پارٹی نے محمد ذکی اور جماعت اسلامی نے محمد رحمت اللہ کو نامزد کیا ہے جبکہ میاں انوار الحق رامے آزاد امیدوار کے طور پر الیکشن لڑیں گے۔

سماجی و سیاسی کارکن عرفان اللہ بتاتے ہیں کہ ضلعے کے دیگر دو حلقوں کے برعکس اس حلقے میں پارٹی کو زیادہ ووٹ پڑتا ہے۔ یہاں رانا عامر شہزاد تحصیل نظامت کے دوران ترقیاتی کاموں کا کریڈٹ لیتے ہیں اور انہیں پارٹی کا پاپولر ووٹ پڑنے کا بھی امکان ہے۔

وہ کہتے ہیں کہ عمران احمد شاہ درگاہ دائم الحضوری قصوری&nbsp; کے سجادہ نشین ہیں اور ان کے مریدین کی کثیر تعداد بھی اس حلقے میں موجود ہے جس کا وہ بھرپور فائدہ اٹھائیں گے۔

اس حلقے میں ارائیں، راجپوت اور جٹ اکثریتی برادریاں ہیں جبکہ بلوچ، سگلہ، کمیانہ، وٹو، فتیانہ، سیال اور نول برادریوں کا بھی اچھا خاصا ووٹ ہے۔ تاہم شہری علاقہ ہونے کہ وجہ سے یہاں برادری اور دھڑے بندی کی بنیا د پر کم ووٹ پڑتا ہے۔

اس قومی حلقے کے نیچے صوبائی نشست پی پی 198 اور پی پی 199 کے ساتھ پی پی 200 کا حصہ بھی آتا ہے۔

<hr />
<h2 style="text-align:center">ساہیوال نئی حلقہ بندیاں 2023</h2>

2018 کا قومی اسمبلی کا حلقہ این&nbsp; اے 147 ساہیوال 1 اب این اے 141 ساہیوال 1 ہے 
یہ ساہیوال کا شہری حلقہ ہے۔ اس حلقے میں ساہیوال تحصیل کے قصبے قادر آباد، یوسف والا اور نور شاہ بھی شامل ہیں۔ نئی حلقہ بندیوں میں ساہیوال قانون گو حلقہ کے پٹوار سرکل 90 نائن ایل کو اس حلقے میں شامل کر دیا گیا ہے۔ جبکہ تحصیل ساہیوال کے قانون گو حلقہ یوسف والا کے پٹوار سرکل چک نمبر 78 فائیو ایل، 80 فائیو ایل اور چک نمبر 111 نائن ایل کو نکال دیا گیا ہے۔ اسی طرح ساہیوال کے قانون گو حلقے کے پٹوار سرکلز، چک نمبر 94 نائن ایل، 96 نائن ایل، 97 نائن ایل اور 96 سکس آر بھی اب اس میں شامل نہیں ہیں۔

2018 کا قومی اسمبلی کا حلقہ این&nbsp; اے 148 ساہیوال 2 اب این اے 142 ساہیوال 2 ہے 
یہ حلقہ ساہیوال تحصیل کی دیہی آبادی پر مشتمل ہے جس میں ہڑپہ، کمیر، نائیوالہ بنگلہ اور چیچہ وطنی تحصیل کا قصبہ داد فتیانہ قانون گوئی حلقے کے دیہات بھی شامل ہیں۔ نئی حلقہ بندیوں میں اس حلقے میں تحصیل ساہیوال کے قانون گو حلقہ یوسف والا کے پٹوار سرکلز چک نمبر 78 فائیو ایل، 80 فائیو آر اور چک نمبر 111 نائن ایل اور ساہیوال قانون گو حلقے کے چک نمبر 94 نائن ایل، 96 نائن ایل، 97 نائن ایل اور چک نمبر 93 سکس آر کو شامل کیا گیا ہے۔ چیچہ وطنی تحصیل کے قانون گو حلقہ غازی آباد کا پٹوار سرکل چک نمبر 22 گیارہ ایل بھی اس حلقے میں شامل ہو گیا ہے۔ اس حلقے سے تحصیل ساہیوال کے قانون گو حلقے ساہیوال کے پٹوار سرکل 90 نائن ایل کو نکال دیا گیا ہے۔

2018 کا قومی اسمبلی کا حلقہ این&nbsp; اے 149 ساہیوال 3 اب این اے 143 ساہیوال 3 ہے 
یہ تحصیل چیچہ وطنی کا حلقہ ہے جس میں شہری آبادی کے علاوہ اس تحصیل کے بیشتر دیہات شامل ہیں۔ نئی حلقہ بندیوں میں اس حلقے سے چیچہ وطنی تحصیل کے قانون گو حلقے غازی آباد کے پٹوار سرکل چک نمبر 22 گیارہ ایل کو نکال دیا گیا ہے۔

<hr />

پی پی 198 سے مسلم لیگ ن کے پیر ولایت شاہ کھگہ امیدوار ہیں جو سابق ایم پی اے رہ چکے ہیں۔ وہ پہلے جعلی ڈگری کیس میں نااہل ہو گئے تھے اور انہوں نے اپنے صاحبزادے خضر حیات شاہ کھگہ کو الیکشن لڑایا تھا اور وہ جیت بھی گئے تھے۔اس بار وہ خود امیدوار ہیں اور اس حلقے پر کئی برسوں سے اسی خاندان کی سبقت رہی ہے۔

یہاں سے تحریک انصاف کے امیدوار سجاد ناصر ہیں جنہوں نے پچھلی بار آزاد حیثیت میں 17 ہزار سے زائد ووٹ حاصل کیے تھے۔ جماعت اسلامی نے ساہیوال کسان بورڈ کے صدر سعید رندھاوا اور پیپلز پارٹی نے پیر ظفر شاہ کھگہ کو امیدوار نامزد کیا ہے۔

عرفان اللہ کا کہنا ہےکہ یہاں کئی انتخابات کے بعد پہلی بار ولائت شاہ کھگہ کے خاندان کو سخت حریف کا سامنا کرنا پڑ سکتا ہے کیوں کہ سجاد ناصر کا حلقے میں ناصرف اپنا ذاتی ووٹ بینک ہے بلکہ انہیں تحریک انصاف کی حمایت بھی حاصل ہے۔

پی پی 199 سے پچھلی بار مسلم لیگ ن کے ملک ندیم کامران جیتے تھے جبکہ پاکستان تحریک انصاف کے شیخ محمد چوہان دوسرے نمبر پر رہے تھے۔

اس بار ملک ندیم کامران کی جگہ ان کے صاحبزادے قاسم ندیم ن لیگ کے امیدوار ہیں جبکہ تحریک انصاف کے حمایت یافتہ امیدوار احمد صفدر خان ہیں جو سابق ایم پی اے رانا آفتاب کے صاحبزادے ہیں۔ پیپلز پارٹی نے یہاں ذکی چودھری کے بھتیجے سرمد شفقت اور جماعت اسلامی نے طیب محمود اشرف کو میدان میں اتارا ہے۔

پی پی 200 سے مسلم لیگ ن کے امیدوار ارشد ملک ہیں جنہوں نے پچھلے دو انتخابات میں کامیابی حاصل کی ہے۔ جبکہ تحریک انصاف کے حمایت یافتہ امیدوار سابق رکن صوبائی اسمبلی حاجی جلال دین ڈھکو کے پوتے ملک احمد علی ڈھکو ہیں جن کے خاندان کا ساہیوال کی سیاسی تاریخ میں بڑا نام ہے۔

سابق سٹی میئر ساہیوال سردار اسد علی بلوچ جو مسلم لیگ ن میں تھے اب آزاد الیکشن لڑ رہے ہیں۔ سابق ایم پی اے اور پی ٹی آئی کے سٹی صدر لطیف مغل کے صاحبزادے ہارون لطیف بھی آزاد امیدوار ہیں لیکن تحریک انصاف کے نام پر الیکشن لڑ رہے ہیں۔ اس نشست پر سخت مقابلہ نظر آ رہا ہے۔

این اے 142 میں ہڑپہ، داد فتیانہ اور اردگرد کے علاقے شامل ہیں جہاں ارائیں برادری اکثریت میں ہے اور ماضی میں یہاں سے وہی امیدوار کامیاب ہوئے ہیں جن کا تعلق اس برادری سے تھا یا پھر انہیں ارائیں برادی کی حمایت حاصل تھی۔

پچھلے عام انتخابات میں بھی یہاں سے ارائیں برادری سے تعلق رکھنے والے مسلم لیگ ن کے چودھری محمد اشرف تقریباً 50 ہزار کی برتری سے جیتے تھے حالانکہ ان کے مدمقابل تحریک انصاف کے امیدوار ڈھکو خاندان کے ملک محمد یار تھے۔ جن کا اس حلقے کی سیاست بھی بہت زیادہ اثر و رسوخ ہے۔

اس حلقے میں اس بار تحریک انصاف نے بھی ارائیں کارڈ کھیلا ہے اور سیاسی طور پر مضبوط ڈھکو خاندان کی بجائے معروف ارائیں زمیندار چودھری محمد آصف کے بھتیجے چودھری محمد عثمان کو ٹکٹ دیا ہے۔

شاہد لطیف اس حلقے کی ایک یونین کونسل کے چیئرمین رہ چکے ہیں۔ ان کے خیال میں لوگ عمران خان کی مقبولیت کی وجہ سے محمد عثمان کی طرف چلے گئے ہیں۔ ارائیں برادری کی تقسیم ہے جبکہ تحریک انصاف کے حمایت یافتہ امیدوار محمد عثمان کی انتخابی مہم سے لگتا ہے کہ وہ فرنٹ رنر ہیں۔

وہ کہتے ہیں کہ جبکہ ڈھکو خاندان اور سابق ایم این اے رانا طارق جاوید کو پی ٹی آئی کا ٹکٹ نہیں ملا دیا۔ اس بات کا چودھری اشرف کو شاید کوئی فائدہ ہو جائے لیکن ن لیگ کے لیے ایک نقصان یہ بھی ہے کہ پرانے مسلیگی ارشد خان لودھی کی بیٹی عائشہ لودھی بھی یہاں آزاد حیثیت میں الیکشن لڑ رہی ہیں۔

اس حلقے میں عائشہ لودھی ن لیگ کے ٹکٹ کی مضبوط امیدوار تھیں لیکن پارٹی قیادت نے گذشتہ دو بار کے فاتح چودھری اشرف کو ہی امیدوار چنا۔

شاید لطیف کے خیال میں عائشہ لودھی بھر پور مہم چلا رہی ہیں اگر ن لیگ کی قیادت انہیں دستبردار کرانے میں کامیاب نہیں ہوتی تو اس کا فائدہ پی ٹی آئی کے حمایت یافتہ امیدوار کو ہوگا۔

اس حلقے میں پیپلز پارٹی نے مہر غلام فرید کاٹھیہ کو امیدوار نامزد کیا تاہم ان کی انتخابی بہت کمزور نظر آتی ہے۔

اس قومی نشست کے نیچے دو صوبائی حلقے پی پی 201 اور پی پی 202 آتے ہیں جبکہ تیسرے حلقے کا ایک حصہ آتا ہے۔

پی پی 201 سے مسلم لیگ ن نے گزشتہ انتخابات میں یہ نشست جیتنے والے نوید اسلم خان لودھی کو ہی امیدوار برقرار رکھا ہے جو ارشد خان لودھی کے داماد اور اوپر قومی اسمبلی کے حلقے میں حصہ لینے والی عائشہ خان لودھی کے شوہر ہیں۔

تحریک انصاف محمد یار ڈمرا کی حمایت کررہی ہے جو اپنے قومی حلقے کے امیدوار محمد عثمان کے ساتھ مل کر الیکشن مہم چلا رہے ہیں۔ آٹھ فروری کو اس حلقے میں سخت مقابلے کی توقع کی جارہی ہے۔

پی پی 202 تحصیل چیچہ وطنی کی دیہی آبادیوں پر مشتمل ہے جہاں وحید اصغر ڈوگر تحریک انصاف کے حمایت یافتہ، رانا ریاض ن لیگ اور سعید چیمہ پیپلز پارٹی کے امیدوار ہیں جبکہ سابق نائب تحصیل ناظم رانا سجاد آزاد امیدوار الیکشن لڑ رہے ہیں۔

ضلعے کا یہ شاید واحد حلقہ ہے جہاں پر پیپلز پارٹی کے امیدوار شہزاد سعید چیمہ بھرپور انتخابی مہم چلا رہے ہیں۔ 2018 میں وہ یہاں تیسرے نمبر پر رہے تھے لیکن انھوں نے 25 ہزار کے قریب ووٹ حاصل کیے تھے۔ اس حلقے میں راجپوت برادری کے علاوہ جٹ برادری کی بھی بڑا ووٹ بینک ہے۔

پچھلے الیکشن میں رانا سجاد نے ن لیگ کے امیدوار رانا ریاض کی بھرپور حمایت کی تھی اور وہ کامیاب ہوگئے تھے۔ تاہم اس مرتبہ رانا سجاد ن لیگ کے ٹکٹ کے امیدوار تھے لیکن پارٹی نے انہیں نظر انداز کر دیا جس وہ آزاد حیثیت میں بھی بھرپور کمپین کر رہے ہیں۔

&nbsp;ن لیگ کا ووٹ تقسیم ہونے سے تحریک انصاف یا پیپلز پارٹی کو فائدہ ہو گا اس طرح یہاں تحریک انصاف، رانا ریاض اور سعید چیمہ کے مابین سخت مقابلے کی امکان ہے۔

سیاسی کارکن صوفی شہزاد بتاتے ہیں کہ این اے 142 کے نیچے جتنے بھی صوبائی حلقے ہیں یہاں دلچسپ صورتحال ہے اور مسلم لیگ ن کے امیدوار آپس میں گتھم گتھا ہیں۔ یہاں پر عائشہ لودھی کے شوہر نوید اسلم جو ن لیگ کے ٹکٹ ہولڈر ہیں ان کے مقابلے میں آزاد امیدوار میاں حسین رامے حمایت کا دعویٰ کرتے ہیں۔

وہ کہتے ہیں کہ چودھری اشرف جو قومی حلقے میں ن لیگ کے امیدوار ہیں وہ پی پی 201 میں نوید لودھی کے خلاف تحریک انصاف کے محمد یار ڈمرا کی حمایت کر رہے ہیں۔اس صورتحال سے ن لیگ کی قومی کے ساتھ صوبائی نشستیں بھی خطرے میں ہیں۔

&nbsp;این اے 143 میں چیچہ وطنی شہر، کسوال اور اقبال نگر وغیرہ کے علاقوں پر مشتمل ہے۔ یہ حلقہ صوبہ پنجاب کے ان 11 حلقوں میں شامل ہے جہاں پر ن لیگ نے پاکستان استحکام پارٹی سے سیٹ ایڈجسٹمنٹ کی ہے۔

اس حلقے سے معروف سیاسی رائے خاندان، جو پچھلی بار بھی فاتح رہا تھا اس سے تعلق رکھنے والے رائے حسن نواز، تحریک انصاف کے حمایت یافتہ امیدوار ہیں۔

سابق ایم این اے چودھری طفیل جٹ مسلم لیگ ن کا ٹکٹ نہ ملنے کی وجہ سے آزاد امیدوار کے طور پر الیکشن لڑ رہے ہیں۔ چودھری زاہد اقبال سابق ضلعی چیرمین اور ایم این اے بھی آزاد امیدوار کے طور پر الیکشن لڑ رہے ہیں۔

یہاں سے آئی پی پی کے امیدوار ملک نعمان احمد لنگڑیال جو پچھلی بار تحصیل چیچہ وطنی کے ایک صوبائی حلقے سے تحریک انصاف کے ٹکٹ پر منتخب ہوئے تھے لیکن پھر انہیں نشست سے ہاتھ دھونے پڑے اور ضمنی الیکشن میں تحریک انصاف سے ہار گئے تھے۔

صوفی شہزاد ن لیگ کے ایڈجسٹمنٹ کے فیصلے کو درست تسلیم نہیں کرتے۔ ان کے خیال میں چودھری طفیل جٹ جو 2013ء میں کامیاب ہوئے تھے ان کی ن لیگ سے جیت کے امکانات کافی زیادہ تھے۔

ارائیں برادری کی اکثریت سابق ایم این اے زاہد اقبال کو سپورٹ کرتی چلی آئی ہے اور وہ سابق ضلع ناظم ہیں جو تیسری بار ن لیگ میں نظر انداز کیے جانے پر اپنا گروپ بنا کر آزاد امیدوار بن گئے ہیں۔

صوفی شہزاد کے مطابق اس حلقے میں جٹ اور ارائیں برادریوں کا بڑا ووٹ بینک ہے جو اب ن لیگ کی طرف سے اپنا امیدوار سامنے نہ لانے کے باعث بٹ چکا ہے۔ اسی طرح&nbsp; گجر اور راجپوت برادری کی اکثریت رائے گروپ کے ساتھ ہے۔جبکہ ڈوگر برادری کی اکثریت بھی رائے گروپ کی حامی ہے۔

چودھری زاہد اقبال، طفیل جٹ اور نعمان لنگڑیال میں ووٹ کی تقسیم کا رائے حسن نواز کو بڑا فائدہ پہنچ سکتا ہے۔

اس حلقے کی ایک اور خاص بات یہ ہے کہ پیپلز پارٹی نے عرصے تک اس حلقے میں راج کرنے والی بیگم شہناز جاوید کے صاحبزادے علی جاوید کو پارٹی ٹکٹ دیا ہے۔وہ شاید زیادہ ووٹ تو حاصل نہ کرپائیں لیکن شہناز جاوید خاندان کی چیچہ وطنی کی سیاست میں واپسی ہوسکتی ہے۔ 
قومی اسمبلی کے اس حلقے میں نیچے پی پی 202 نصف جبکہ پی پی 203 اور پی پی 204 کی پوری آبادی آتی ہے۔

پی پی 203 سے پچھلے انتخابات میں تحریک انصاف کے رائے مرتضی اقبال کامیاب رہے تھے جنہوں نے قومی اسمبلی کی نشست اپنے پاس رکھی اور صوبائی نشست کو چھوڑ دیا۔ ضمنی میں یہاں سے تحریک انصاف نے اوکاڑہ سے تعلق رکھنے والے صمام بخاری کو ٹکٹ دیا جو جیت بھی گئے تھے۔

اب اس حلقے سے تحریک انصاف کے حمایت یافتہ امیدوار رائے مرتضی اقبال ہیں جبکہ چودھری زاہد اقبال آزاد امیدوار کی حیثیت سے حصہ لے رہے ہیں۔ یہاں طفیل جٹ کے بھائی چودھری حنیف جٹ کو مسلم لیگ ن نے ٹکٹ دیا ہے جبکہ وحید کاٹھیا پیپلز پارٹی کے امیدوار ہیں۔اس نشست پر زور دار مقابلہ متوقع ہے۔

ساہیوال کے ساتویں صوبائی حلقے پی پی 204 سے میجر غلام سرور تحریک انصاف کے حمایت یافتہ جبکہ نعمان لنگڑیال کے صاحبزادے فلک شیر لنگڑیال آئی پی پی کے امیدوار ہیں۔ مسلم لیگ ن نے اس حلقے میں بھی کسی امیدوار کو ٹکٹ جاری نہیں کیا جس پر شاہد منیر جٹ آزاد او چودھری عادل سعید گجر مسلم لیگ ق کے امیدوار ہیں۔

آئی پی پی اورپی ایم ایل این کی سیٹ ایڈجسٹمنٹ کی وجہ سے طفیل جٹ گروپ یہاں آزاد امیدوار عادل سعید گجر کی حمایت کررہا ہے۔ عادل سعید گجر کا خاندان پچھلے دو انتخابات میں تحریک انصاف کے ساتھ تھا ۔

صوفی شہزاد کو لگتا ہے کہ تحصیل چیچہ وطنی کے ایک قومی اور تین صوبائی حلقوں میں تحریک انصاف کے حمایت یافتہ امیدواروں کی پوزیشن بہتر ہے لیکن مقابلے بھر پور ہوں گے۔

قصور کا نیا سیاسی منظر نامہ اور پرانے سیاست دان، شہباز شریف کس نشست پر کھڑے ہیں؟

غلط فیصلوں اور برادریوں کی سیاسی لڑائی میں کیا ن لیگ ضلع ساہیوال میں اپنی برتری برقرار رکھ پائے گی؟

text

&quot;میری بیٹی مغرب کے وقت دکان سے چیز لینے گئی مگر واپس نہ آئی۔ گاؤں میں تلاش کرنے پر وہ نہ ملی تومیں لوٹ آیا۔ کچھ دیر کے بعد گھر کے باہر مجھے اپنی بچی کے رونے کی آواز آئی۔ میں نے دروازہ کھول کر دیکھا تو وہ زخمی حالت میں کھڑی تھی۔ وہ وقت میرے لیے انتہائی اذیت ناک تھا۔ اسے جنسی زیادتی کا نشانہ بنایا گیا تھا۔&quot;

یہ کہنا ہے ساہیوال کی تحصیل چیچہ وطنی کے گاؤں 40/12 ایل&nbsp; کے جاوید مسیح کا۔ وہ محنت مزدوری کر کے گزر بسر کرتے ہیں۔ ان کی دو بیٹیاں اور ایک بیٹا ہے۔ متاثرہ بیٹی کی عمر سات سال ہے۔

وہ بیٹی کو فوراً تحصیل ہسپتال چیچہ وطنی لے گئے۔ ڈاکٹروں نے اسے ضلعی ہسپتال ساہیوال ریفر کر دیا جہاں سے اسے جلد ہی گھر واپس بھیج دیا گیا۔

جاوید کے مطابق ان کی بیٹی خوف کا شکار ہے۔ وہ بول نہیں پا رہی اور اس کی ذہنی حالت بھی ٹھیک نہیں رہی۔&quot;

تحصیل ہسپتال چیچہ وطنی کے ایم ایس ڈاکٹر کاظم کہتے ہیں کہ بچی کو جب ہسپتال لایا گیا تو اس کی حالت خراب تھی اور اس کا خون بہہ رہا تھا۔ ڈاکٹروں نے اسے ابتدائی طبی امداد دی۔ بچی کو خون بھی لگایا گیا۔ ابتدائی طبی امداد کے بعد بچی کو ساہیوال کے ضلعی ہسپتال ریفر کر دیا گیا کیونکہ چیچہ وطنی کے ہسپتال میں بچوں کی سرجری کی سہولت موجود نہیں ہے۔

ولسن رضا ایک نجی صحافتی ادارے میں بطور رپورٹر کام کرتے ہیں۔ وہ بتاتے ہیں کہ اس واقعے کو تین ہفتے ہو چکے تھے، نہ تو طبی رپورٹ سے کچھ واضح ہو سکا تھا اور نہ ہی پولیس نے عدالت میں بچی کا بیان دلوایا تھا۔ مسیحی فلاحی تنظیموں کے تعاون سے ہی بچی کو عدالت میں پیش کیا گیا جہاں اس کا بیان ریکارڈ ہوا۔

ولسن بتاتے ہیں کہ متاثرہ بچی کے خاندان کو دباؤ کا سامنا ہے۔ انہیں کہا جا رہا ہے کہ وہ کیس کی پیروی نہ کریں۔ ملزموں کو بااثر افراد کی پشت پناہی حاصل ہے۔ ان کے مطابق ایسے واقعات میں بالخصوص مسیحی برادری سے تعلق رکھنے والے لگوں کو انصاف کے لیے طویل جدوجہد کرنی پڑتی ہے۔

تھانہ صدر چیچہ وطنی کے انچارج ڈی ایس پی وسیم کا کہنا ہے کہ بچی سے زیادتی کے ملزم شہیر کے خلاف ایف آئی آر درج ہو چکی ہے اور اسے گرفتار کر لیا گیا ہے۔

محمد امین اس کیس کے تفتیشی افسر ہیں۔ انہوں نے بتایا کہ زیرحراست ملزم سے تفتیش کا عمل جاری ہے اور میرٹ کی بنیاد پر اس کیس کا فیصلہ کیا جائے گا۔

وہ بتاتے ہیں کہ ایسے واقعات میں متاثرہ فرد کا طبی معائنہ جلد از جلد ہونا چاہیے۔ بچی کو تحصیل ہسپتال چیچہ وطنی لے جایا گیا جہاں سے اسے ضلعی ہسپتال منتقل کر دیا گیا۔ ضلعی ہسپتال کے ڈاکٹر نے ابھی اپنی حتمی رائے دینی ہے۔ اس کے بعد ہی کیس آگے چل سکے گا۔

بچی کے وکیل ندیم حسن بتاتے ہیں کہ تحصیل ہسپتال چیچہ وطنی کی ابتدائی رپورٹ میں کہا گیا کہ خون زیادہ بہہ رہا تھا اس لیےبچی کے سویب کے نمونے نہیں لیے گئے۔ ڈاکٹروں نے اپنی رپورٹ میں زیادہ خون بہنے کی وجہ نہیں لکھی اور بچی کو ٹانکے لگا کر ضلعی ہسپتال ریفر کر دیا گیا۔ دوسری طرح ضلعی ہسپتال کی رپورٹ سے معلوم نہیں ہوتا کہ بچی کے ساتھ کیا ہوا۔

انہوں نے ہسپتال سے بچی کے علاج کا ریکارڈ مہیا کرنے کی درخواست دے رکھی ہے۔ اس کے بعد ہی وہ میڈیکل بورڈ بنانے کے لیے درخواست دیں گے۔

وہ بتاتے ہیں کہ قانون کے مطابق، ایسے واقعات میں 24 گھنٹوں میں طبی معائنہ ہو جانا چاہیے۔ اس بچی کے کیس میں 22 دن گزر جانے کے باوجود ابھی تک میڈیکل رپورٹ ہی واضح طور پر سامنے نہیں آئی۔ انہوں نے کہا کہ پولیس نے تاحال ملزم کی گرفتاری ہی نہیں ڈالی اور نہ ہی اسے عدالت میں پیش کیا گیا۔

ان کا الزام ہے کہ غیر مسلم متاثرین کے بارے میں پولیس کا رویہ عموماً منفی ہوتا ہے۔ مذکورہ کیس میں بھی متاثرہ بچی کے خاندان کو انتہائی دباؤ کا سامنا ہے۔ پولیس کی طرف سے بچی کے خاندان والوں کو بلاوجہ تنگ کیا جا رہا ہے تاکہ وہ کیس کی پیروی چھوڑ دیں۔&quot;

سماجی کارکن اشک ناز کا کہنا ہے کہ بچوں کے ساتھ جنسی زیادتی کے واقعات میں ملزموں کو سزا ملنے کی شرح کم ہے۔ ایسے مقدمات عام طور پر تاخیر کا شکار ہو جاتے ہیں جس کے سبب لوگ ان کی پیروی کرنا چھوڑ دیتے ہیں۔ ملک میں قانونی چارہ جوئی کرنا بھی ایک مہنگا کام ہے جسے غریب لوگ برداشت نہیں کر سکتے۔

وائس آف جسٹس کے چیئرمین جوزف جانسن کا کہنا ہے کہ جاوید کی بیٹی کی طرح مذہبی اقلیتوں کی لڑکیوں کو خاص طور پر نشانہ بنایا جاتا ہے کیونکہ انصاف کی تلاش میں انہیں پولیس اور دیگر محکموں کے اہلکاروں سے تعاون ملنے کا امکان کم ہوتا ہے۔

مس شمسہ پیشے کے اعتبار سے وکیل ہیں۔ ان کا کہنا ہے کہ وہ خود اقلیتی برادری سے تعلق رکھتی ہیں۔ بچیوں کے ساتھ جنسی زیادتی ایک ایسا خطرہ ہے جو معاشرے میں چاروں طرف منڈلا رہا ہے اور مذہب سے قطع نظر تمام بچیاں اس خطرے کے سامنے غیرمحفوظ ہیں۔

دو برس سے بھی کم عرصے میں ساہیوال میں مسیحی بچی کے ساتھ زیادتی کا یہ دوسرا واقعہ ہے۔

قبل ازیں گاؤں 134 نائن ایل کی آٹھ سالہ مسیحی بچی &quot;ع&quot; کے ساتھ 2 ستمبر 2021ء کو جنسی زیادتی کا نشنانہ بنایا گیا۔ متاثرہ بچی کا خاندان بصد کوشش اعلیٰ عدالتوں سے انصاف لینے میں کامیاب ہوا جس کے نتیجے میں اسی گاؤں سے تعلق رکھنے والے ملزم محمد بوٹا کو عمر قید کی سزا سنائی گئی۔ تاہم ملزم کے خاندان کی جانب سے دباؤ کے باعث متاثرہ بچی کے اہلخانہ دوسرے گاؤں میں منتقل ہو گئے تھے۔

وڈیو ثبوت کے باوجود خیرپور میں بچوں کے ساتھ جنسی زیادتی کرنے والا کیسے بری ہو گیا؟

طبی معائنہ ہوا نہ میڈیکل بورڈ بنا: ساہیوال میں جنسی زیادتی کا شکار مسیحی بچی کو انصاف کے لیے کڑی جدوجہد کا سامنا

گجر محلہ ساہیوال کے اصغر مسیح پچھلے 12 سال سے بلدیہ ساہیوال میں ملازمت کر رہے ہیں۔ ان کی زندگی ہر وقت داؤ پر لگی رہتی ہے اور وہ تین بار مرتے مرتے بچے ہیں۔

انہیں محکمے میں سینیٹری ورکر کے طور پر بھرتی کیا گیا تھا لیکن ان سے سیور مین کا کام لیا جا رہا ہے۔ انہیں نہ تو اس کام کی تربیت دی گئی ہے اور نہ ہی چہرے کے ماسک، آکسیجن سلنڈر، گیس ڈیٹیکٹر، ڈرائی سوٹ اور مخصوص جوتوں جیسا کوئی حفاظت سامان ملا ہے۔

وہ اپنے کام کے دوران تین مرتبہ زہریلی گیس کا شکار ہو چکے ہیں۔ حادثوں کے موقع پر انہیں محکمے کے بجائے مقامی لوگوں نے ہسپتال پہنچایا جبکہ اپنے علاج پر اٹھنے والے اخراجات بھی انہوں نے اپنی جیب سے کیے۔

&quot;جب میں گٹر میں اترتا ہوں تو مجھے نہیں معلوم ہوتا کہ زندہ سلامت واپس آؤں گا یا نہیں۔ میں نے محکمے کو بارہا کہا ہے کہ مجھے سیور مین کا کام نہیں کرنا لیکن جواب میں نوکری سے نکالنے کی دھمکی دے دی جاتی ہے۔ اس لیے میں مجبوراً یہ کام کر رہا ہوں&quot;۔

وہ بتاتے ہیں کہ انہیں چھٹی والے دن بھی کام کا بلاوا آ جاتا ہے، لیکن اضافی کام کے پیسے نہیں دیے جاتے۔

گجر محلے ہی کی رہنے والی سمیعہ شفیق کو بلدیہ ساہیوال میں سینیٹری ورکر کے طور پر کام کرتے ہوئے دو ماہ ہو گئے ہیں۔

وہ شادی شدہ ہیں اور ان کے تین بچے ہیں۔انہوں نے سجاگ کو بتایا&nbsp; کہ محکمے والوں کی طرف سے ان کے لیے صفائی کا کوئی علاقہ مختص نہیں کیا گیا،&nbsp; افسروں کا جہاں دل کرتا ہے اُدھر ڈیوٹی لگا دیتے ہیں۔

&quot;ہمیں محکمے کی طرف سے نہ تو کوئی سواری دی جاتی ہے اور نہ ہی کسی قسم کا کوئی الاؤنس۔ جو تنخواہ ملتی ہے وہ کرایوں میں چلی جاتی ہے۔ ہمیں حفاظتی ماسک بھی نہیں دیے جاتے&quot;۔

خرم کھوکھر سینیٹری ورکروں کے حقوق کے لیے کام کرنے والی تنظیم تحفظ ورکر لیبر یونین کے صدر ہیں۔ وہ بلدیہ ساہیوال میں بطور سینیٹری سپروائزر اپنے فرائض انجام دے رہے ہیں۔

انہوں نے سجاگ سے بات کرتے ہوئے تصدیق کی کہ بلدیہ ساہیوال میں کام کے دوران کسی بھی سینیٹری ورکر کو حفاظتی سامان نہیں دیا جاتا اور نہ ہی محکمے کی طرف سےعلاج معالجے کی کوئی سہولت موجود ہے۔

&quot;بلدیہ کے پاس سیور مین نہیں ہیں ، گٹروں کی صفائی یا انہیں کھولنے کا کام سینٹری ورکر سے لیا جاتا ہے۔ سب سے بڑا مسئلہ یہ ہے کہ بھرتی کے وقت ہماری زمہ داریاں نہیں بتائی جاتیں۔ ہم افسر کے حکم کے تابع ہوتے ہیں، وہ جس سے جو مرضی کام لیں&quot;۔

وہ بتاتے ہیں کہ انہوں نے اپنے مسائل کے بارے میں اپنی یونین کے پلیٹ فارم سے بارہا افسران بالا کو آگاہ کیا ہے لیکن کہیں سنوائی نہیں ہوئی۔

&quot;سینی ٹیشن برانچ کے عملے کو ترقی بھی نہیں دی جاتی ایک ورکر جس اسامی پر بھرتی ہوتا ہے وہ ساری زندگی اسی پر کام کرتے ہوئے ریٹائر ہو جاتا ہے&quot;۔

خرم نے بتایا کہ جو ورکر خاکروب کا کام کرتے ہیں حفاظتی ماسک نہ ہونے کی وجہ اکثر سانس کی بیماریوں کا شکار رہتے ہیں۔

&quot;روزانہ کے اوقات کار آٹھ گھنٹے ہیں، لیکن کسی ایمرجنسی یا زیادہ بارش ہونے کی صورت میں انہیں روک لیا جاتا ہے، چاہے کوئی اپنی ڈیوٹی کے آٹھ گھنٹے پورے ہی کیوں نہ کرچکا ہو&quot;۔

انہوں نے بتایا کہ انہیں اوور ٹائم حاصل کرنے کے لیے یونین کا پلیٹ فارم استعمال کرنا پڑتا ہے، کبھی تو اضافی کام کی ادائیگی کر دی جاتی اور کبھی نہیں کی جاتی۔

&quot;ہمارے ورکر کسی حفاظتی بندوبست کے بغیر رسی کی مدد سے ہاتھوں میں بالٹی لیے گٹر میں اترتے ہیں۔ انہیں بدبودار زہریلی گیسوں میں سانس لینا ہوتا ہے۔ اکثر سینیٹری ورکر صحت کے مختلف مسائل کا شکار رہتے ہیں&quot;۔

بلدیہ ساہیوال کے ریکارڈ کے مطابق سینیٹری ورکر کی منظور شدہ اسامیوں کی تعداد 355 ہے جن میں سے 44 اسامیاں خالی ہیں۔ محکمے کی طرف سے ضرورت کو مدنظر رکھتے ہوئے گزشتہ سال سیکرٹری لوکل گورنمنٹ اینڈ کمیونٹی ڈویلپمنٹ کو لکھے گئے مراسلے میں مزید 150 سینڑی ورکروں اور 50 سیورمینوں کی تقرری کا مطالبہ کیا گیا تھا، لیکن تاحال اس پر عمل درآمد نہیں ہو سکا۔

بلدیہ ساہیوال میں صفائی برانچ کے سپرنٹنڈنٹ شیخ عمر تصدیق کرتے ہیں کہ سینیٹری ورکر سے سیور مین کا کام لیا جاتا ہے۔

&quot;سیور مین کی بھرتی کے لیے درخواست حکومت کو بھیجی ہوئی ہے۔ ہمارے محکمے کے پاس فنڈ نہیں ہیں اس لیے جو بجٹ دیا جاتا ہے اسی میں تمام انتظام کرنا ہوتا ہے&quot;۔

انہوں نے دعویٰ کیا کہ محکمہ سینیٹری سپروائزر کو چہرے کا ماسک، آکسیجن سلنڈر، گیس ڈیٹیکٹر، ڈرائی سوٹ، بیلٹ اور رسہ بھی فراہم کرتا ہے۔

بلدیہ ساہیوال کے سینیٹری انسپکٹر عامر لودھی بتاتے ہیں ان کے محکمے کی صفائی برانچ میں دو طرح کا عملہ&nbsp; کام کر رہا ہے جن میں ایک مستقل اور دوسرا دیہاڑی پر ملازم ہے۔ دیہاڑی والوں کو حکومت نے چار سال سے مستقل ورک مین کا درجہ دیا ہوا ہے۔

&quot;بلدیہ ساہیوال میں 168 کارکن مستقل ورک مین کے طور پر کام کر رہے ہیں۔ انہیں صرف تنخواہ ہی دی جاتی ہے۔ اس کے علاوہ انہیں تنخواہ میں سالانہ اضافے، میڈیکل الاؤنس، حادثے یا بیماری کی صورت میں کوئی اور مراعات وغیرہ نہیں ملتیں بھلے وہ کتنے ہی سال سے بلدیہ میں کام کیوں نہ کر رہے ہوں۔&#39;&#39;

ملازمین کے دعوے سے برعکس ان کا یہ کہنا ہے کہ کام کے دوران کسی حادثے کی صورت میں علاج معالجے کے اخراجات کی تفصیل فراہم کرنے پر محکمے کی جانب سے انہیں ادائیگی کر دی جاتی ہے۔

انسانی حقوق کے کارکن اشک ناز کھوکھر کہتے ہیں کہ ملک میں صفائی ستھرائی کے کارکنوں کے لیے کئی دہائیوں سے کچھ زیادہ نہیں بدلا۔ سیور مینوں کی بڑی تعداد ناقص منصوبہ بندی اور عام سہولتوں کے فقدان کی وجہ سے اپنی جانیں گنوا رہی ہے۔

انہوں نے بتایا کہ صفائی کے کام کے لیے نوکریوں کے اشتہار میں واضح طور پر لکھا ہوتا ہے کہ اس نوکری کے لیے صرف &quot;غیر مسلم&quot; ہی درخواست دے سکتے ہیں۔ یہ ملازمت اور پیشے کے حوالے سے امتیازی سلوک سے متعلق انٹرنیشنل لیبر آرگنائزیشن کے کنونشن 111 اور آئین پاکستان کی خلاف ورزی ہے۔

وہ مطالبہ کرتے ہیں کہ سینیٹری ورکروں کو بغیر کسی حفاظتی سامان کے گٹر میں اتارنے کے عمل کو غیر قانونی قرار دینے کے لیے قانون سازی کی جائے۔ کنٹریکٹ پر کام کرنے والے تمام سینیٹری ورکرز کو ریگولرائز کیا جائے، ان کے کام میں شامل خطرات کو مدنظر رکھتے ہوئے ان کی تنخواہ اور ہیلتھ انشورنس میں اضافہ کیا جائے، انہیں وقتاً فوقتاً انہیں ویکسینیشن فراہم کی جائے اور حفاظتی سامان کے استعمال، صحت کو لاحق خطرات اور احتیاطی تدابیر کے حوالے سے تربیت بھی دی جائے۔

'گندے بدبودار پانی کی وجہ سے ہم لوگ رات کو سو نہیں سکتے': نارووال میں سیوریج سسٹم نہ ہونے سے شہریوں کی زندگی اجیرن

لوگوں کو صحت مند ماحول دینے والوں کی اپنی جان داؤ پر: حفاظتی سامان اور سہولتوں سے محروم ساہیوال کے سینٹری ورکرز

ساہیوال کے کاشتکار بیدار بخت 20 ایکڑ زرعی اراضی کے مالک ہیں جہاں وہ پچھلے دس سال سے آلو، مکئی اور جانوروں کا چارا کاشت کر رہے ہیں۔ انہیں خدشہ ہے کہ بہت جلد ان کی زمینیں اچھی فصل دینے کے قابل نہیں رہیں گی کیونکہ پچھلے چند سال سے وہ اپنی فصلوں کو سیوریج کا پانی لگا رہے ہیں جس سے زمین کی ذرخیزی تیزی سے کم ہو تی جا رہی ہے۔

گاؤں 12/11 ایل چیچہ وطنی سے تعلق رکھنے والے بیدار بخت کا کہنا ہے کہ بجلی مہنگی ہونے اور نہری پانی کی کمی کے باعث ٹیوب ویل کا پانی انہیں آٹھ سو روپے فی گھنٹہ پڑتا ہے جبکہ سیوریج کا پانی فی گھنٹہ چار سو روپے میں مل جاتا ہے اس لیے وہ سستے پانی کو ترجیح دیتے ہیں۔

&#39;&#39;ایک اور مسئلہ یہ ہے کہ اگر ہم سیوریج کا پانی فصلوں کو نہ لگائیں تو اس پانی کا کیا کریں؟ کیونکہ گاؤں میں اس کو ٹھکانے لگانے کا کوئی انتظام نہیں ہے۔&#39;&#39;

وہ بتاتے ہیں کہ سیوریج کا پانی لگانے سے فصل کی نشوونما اچھی نہیں ہوتی، خصوصاً مکئی کے پودے چھوٹے رہ جاتے ہیں۔

فیصل جاوید اسی گاؤں کے رہائشی ہیں جو اپنی زمین پر مکئی اور چارے کے علاوہ کپاس اور&nbsp; سرسوں بھی اگاتے ہیں۔ وہ پچھلے 20 سال سے اپنی فصلوں کو سیوریج کے پانی سے سیراب کر رہے ہیں۔ ان کا بھی یہی کہنا ہے کہ&nbsp; گندے پانی میں موجود کیمیائی مادوں کی وجہ سے زمین خراب ہوتی جا رہی ہے۔

&quot;گندا پانی ایک تو مضر صحت ہے دوسرا اس کی وجہ سے سبزیوں میں ذائقہ ختم ہو جاتا ہے&quot;۔

انہوں نے بتایا کہ سیوریج کے پانی کی وجہ سے ان کی پیداوار کم ہوتی جا رہی ہے۔ اس مسئلے کا واحد حل ایک ہی ہے کہ ہر گاؤں میں واٹر ٹریٹمنٹ پلانٹ لگائے جائیں۔ جب یہ پانی صاف ہونے کے بعد فصلوں کو لگے گا تو تبھی پیداوار، صحت اور ذائقے کےمسائل سے چھٹکارا مل سکتا ہے۔&#39;&#39;

غلام دستگیر پچھلے 30 سال سے اپنی فصلوں کو سیوریج کے پانی سے سیراب کر رہے ہیں جہاں وہ چری، گنا اور مکئی کی فصل کاشت کرتے ہیں۔

ان کا کہنا ہے &quot;اگر ہم سیوریج کا پانی فصلوں میں استعمال نہ کریں تو پورا گاؤں گندے پانی میں ڈوب جائے جس سے خاص طور پر بچوں میں صحت کے سنگین مسئلے پیدا ہونے کا خدشہ ہے&quot;۔

&nbsp;عبدالجبار چک 12/11 ایل میں کام کرنے والی سماجی تنظیم ایکتا ویلفئر سوسائٹی کے بانیوں میں سے ہیں۔ اس علاقے میں سیوریج کے پانی کا نظام یہی تنظیم چلاتی ہے جو سالانہ 50 ہزار روپے کے عوض پانچ چھ کسانوں/ ٹھیکے داروں کو گندا پانی فروخت کرتی ہے۔ یہ ٹھیکیدار اس پانی سے نہ صرف اپنی فصلوں کو سیراب کرتے ہیں بلکہ&nbsp; فی گھنٹہ کے حساب سے دیگر کسانوں کو بھی بیچتے ہیں۔ یہ تنظیم ٹھیکے کے پیسوں سے ڈسپوزل ٹیوب ویل کا بجلی کا بل ادا کرتی ہے۔

عبدالجبار نے بتایا کہ چیچہ وطنی کے دیگر دیہات میں بھی فصلوں کو سیوریج کے پانی سے سیراب کیا جاتا ہے۔ بعض دیہات میں جہاں سیوریج کا نظام نہیں ہے وہاں لوگوں نے نالیاں بنائی ہوئی ہیں جن کے ذریعے گندا پانی گاؤں سے ملحقہ قریبی رقبے کو لگایا جاتا ہے۔

&nbsp;ساہیوال میں زرعی اراضی اور پانی کی تجزیہ گاہ کے لیب انچارج رانا عمر حیات نے بتایا کہ&nbsp; گاؤں 12 /11 ایل کی زمین کے تجزیے سے یہ سامنے آیا ہے کہ اس میں نامیاتی مادہ کمزور حالت میں جبکہ پوٹاش درمیانی حالت میں ہے۔

&quot;نامیاتی مادہ زمین کی ساخت، پانی برقرار رکھنے کی صلاحیت اور پودوں کو خوراک پہچانے کے لیے نہایت ضروری ہے۔ اسے پودوں اور جانوروں کی باقیات سے حاصل کیا جاتا ہے۔ یہ زمین کی زرخیزی میں اضافہ کرتا ہے اور پودے اسے بطور خوراک استعمال کرتے ہیں۔&#39;&#39;

رانا عمر نے بتایا کہ چک 12/11 کی زمین میں نامیاتی مادہ 0.86 فیصد ہے جبکہ اسے تین سے چھ فیصد کے درمیان ہونا چاہیے۔ &nbsp;

دوسری جانب پنجاب فوڈ اتھارٹی گندے پانی پر پیدا ہونے والی فصلوں کو مضر صحت قرار دیتے ہوئے انہیں تلف کر رہی ہے۔

ساہیوال میں اتھارٹی کے دفتر کی جانب سے جاری ہونے والے اعدادوشمار کے مطابق محکمے نے پچھلے تین سال میں ضلعے کے 177 ایکڑ رقبے کا دورہ کیا اور سیوریج کے پانی سے کاشت شدہ&nbsp;&nbsp; 7.2 ایکڑ پر فصلیں اور سبزیاں تلف کیں جن میں کدو، پودینہ، پالک اور آلو شامل تھے۔

فوڈ اتھارٹی کے ایڈیشنل ڈائریکٹر آپریشنز علی خرم بتاتے ہیں کہ پانی کی آلودگی انسانی صحت کے لیے سخت نقصان دہ ہے۔ گندے پانی سے سیراب ہونے والی سبزیاں کھانے سے گلے اور معدے کی بیماریاں، یرقان، سانس کی تکلیف اور کینسر جیسے امراض لاحق ہو سکتے ہیں اور یہ پانی جانوروں اور پودوں کے لیے بھی خطرناک ہے۔

ساہیوال کے کسان سیوریج کو نہری پانی میں ملانے پر راضی نہیں، دیہات میں سیوریج نظام کا منصوبہ کیسے ناکام ہوا؟

ساہیوال میں زرعی زمینوں کی زرخیزی کم کیوں ہو رہی ہے؟

&quot;میری عمر 14 سال ہے، اور&nbsp; میں طبی معائنہ نہیں کروانا چاہتی۔ میں نے اسلام قبول کرلیا ہے اور اپنی مرضی اور رضامندی سے عمران شہزاد سے شادی کا معاہدہ کیا ہے۔&quot;

زرویہ کے اس بیان کو راولپنڈی کی خاتون جوڈیشل مجسٹریٹ نے کافی سمجھا اور&nbsp; ملزم عمران کو اغوا کے الزام سے بری کر دیا۔

زرویہ پرویز کو 30 اپریل 2022 کو راولپنڈی سے جب اغوا کیا گیا تو وہ سرکاری سکول میں چوتھی جماعت کی طالبہ تھیں۔

&quot;ملزموں نے مجھے دھمکی دی تھی کہ اگر عدالت میں یہ بیان نہ دیا تو تمہارے&nbsp; دونوں بھائیوں کو قتل کر دیا جائے گا۔&quot;

زرویہ کا تعلق پانچ افراد پر مشتمل مسیحی خاندان سے ہے۔ وہ راولپنڈی کی رہائشی ہیں۔ ان کے دو بھائی بڑے ہیں وہ سب سے چھوٹی ہیں۔ ان کے والد پرویز مسیح میونسپل کارپوریشن راولپنڈی میں ملازمت کرتے ہیں۔

ان کے خاندان نے اپنے گھر میں ایک مسلمان جوڑے، عمران شہزاد اور ادیبہ کو ان کے تین بچوں کے ساتھ ایسے وقت میں پناہ دی تھی جب وہ مالی مجبوریوں کا سامنا کر رہے تھے۔

عمران کا اکثر اپنی بیوی سے لڑائی جھگڑا رہتا تھا۔ ان کے اس رویے سے پریشان ہو کر زرویہ کے والدین نے انہیں گھر چھوڑنے کا کہا۔

زرویہ بتاتی ہے کہ گھر چھوڑنے کے ایک ہفتے بعد، عمران کی اہلیہ ادیبہ 30 اپریل 2022ء کو ان کے گھر آئی اور زرویہ سے کہا کہ وہ شاپنگ پر ان کے ساتھ چلے۔

&quot;اس دن گھر میں کوئی نہیں تھا۔ والد، والدہ اور بھائی کام پر گئے تھے۔ جب میں شام تک گھر نہیں لوٹی تو میرے&nbsp; گھر والوں نے مجھے ڈھونڈنا شروع کر دیا اور عمران اور ادیبہ کے رشتہ داروں سے رابطہ کرنا شروع کر دیا۔ اس کے بعد عمران شہزاد نے واٹس ایپ کے ذریعے میری والدہ یاسمین کو ایک آڈیو میسج بھیجا کہ انہوں نے مجھے اغوا کر لیا ہے، اور وہ مجھے گھر والوں کو واپس نہیں کریں گے&quot;۔

زرویہ کے اغوا کا مقدمہ یکم مئی 2022 کو راولپنڈی کے صادق آباد تھانے میں شہزاد، اس کی اہلیہ ادیبہ اور ان کے معاون لیاقت کے خلاف درج کرلیا گیا۔ایف آئی آر میں صرف اغوا کی دفعہ لگائی گئی۔

مقدمہ درج ہونے کے دو ہفتے بعد پولیس نے تینوں ملزمان کو گرفتار کر کے زرویہ کو فیصل آباد سے بازیاب کرالیا۔زرویہ کو راولپنڈی کے ویمن پولیس لاک اپ میں ملزمہ ادیبہ کے ساتھ ہی بند کردیا گیا۔

پولیس نے 14 مئی 2022 کو زرویہ کو جوڈیشل مجسٹریٹ کے سامنے پیش کیا جن کے حکم پر ملزموں کو&nbsp; رہائی مل گئی اور مغویہ اغوا کاروں کے ساتھ بھیج دیا۔ تاہم جوڈیشل مجسٹریٹ صاحبہ نے کمسنی کی شادی کے ایکٹ کے تحت مقدمہ سنوائی کے لیے ڈسٹرکٹ اینڈ سیشن جج کی عدالت میں بھیج دیا۔

زرویہ کے والدہ یاسمین نے جوڈیشل مجسٹریٹ کے فیصلے کو لاہور ہوئی کورٹ کے راولپنڈی بنچ میں چیلنج کیا تاہم معزز جج صداقت علی خان نے کیس خارج کرتے ہوئے انہیں سیشن کورٹ سے رجوع کرنے کا حکم دیا۔

یاسمین نے سیشن کورٹ میں درخواست دی۔ان کے وکیل نے اس فون کال کی ریکارڈنگ عدالت کے سامنے رکھی جس میں زرویہ واضح طور پر&nbsp; بتا رہی تھیں کہ انہیں اغوا کیا گیا ہے، زبردستی شادی اور جبری طور پر مذہب تبدیل کیا گیا ہے۔ وہ اپنے اغوا کاروں کے ساتھ نہیں رہنا چاہتی تھی۔دوسری جانب ملزموں نے عدالت میں نکاح اور تبدیلی مذہب کے سرٹیفکیٹ پیش کیے تھے۔

عدالت نے زرویہ کے مجسٹریٹ کے سامنے دیے گئے بیان پر بھروسہ کیا اور مغویہ کے والدین کی جانب سے اٹھائے گئے نکات کو نظر انداز کرتے ہوئے درخواست خارج کردی۔

زرویہ نے اپنے ساتھ ہونے والے ہولناک سلوک کے بارے میں بتایا کہ انہیں بہت زیادہ نشہ دیا گیا تھا، اور جب وہ نشے کی حالت سے&nbsp; باہر نکلیں تو وہ ایک خالی کمرے میں اکیلی تھیں۔

&quot;اغوا کے پہلے دن سے عمران شہزاد نے بار بار مجھے جسمانی طور پر مارا پیٹا، عصمت دری اور بدفعلی کی۔ مجھے&nbsp; بھوکا رکھا گیا اور اینٹوں کے بھٹے پر سخت محنت اور بچوں کی دیکھ بھال کرنے پر بھی مجبور کیا گیا&quot;۔

زرویہ بتاتی ہیں کہ انہوں نے کئی بار فرار ہونے کی کوشش کی، لیکن ہر بار&nbsp; عمران شہزاد یا ادیبہ پکڑ کر سزا کے طور پر تشدد کا نشانہ بناتے، بڑی مقدار میں شراب پینے پر مجبور کرتے، سگریٹ سے جلاتے، لاٹھیوں اور ہتھوڑوں سے مارتے، یہاں تک کہ انہیں بجلی کا کرنٹ لگاتے تھے۔

زرویہ کو اس قدر جسمانی، جنسی اور ذہنی تشدد کا سامنا کرنا پڑا کہ انہوں نے اپنی کلائی کاٹ کر خودکشی کی کوشش بھی کی۔

نیشنل کمیشن فار ہیومن رائٹس نے اس کیس کا ازخود نوٹس لیتے ہوئے 11 اکتوبر 2022 کو سماعت کی اور شواہد کا جائزہ لیا۔ این سی ایچ آر کے مطابق اس کیس میں پنجاب چائلڈ میرج ریسٹرینٹ ایکٹ 2015ء کے سیکشن 4، 5، اور 6 کے تحت درج جرائم کے ساتھ ساتھ پاکستان کے پینل کوڈ کے دیگر سیکشنز کا ارتکاب کیا گیا تھا۔ این سی ایچ آر کمشنرز نے سینٹرل پولیس آفس (سی پی او) راولپنڈی کو کیس کی دوبارہ تحقیقات کا حکم دینے کی سفارش بھی کی۔

زرویہ کو اپنے اغوا کے چھ ماہ بعد نومبر 2022ء میں کچھ سماجی کارکنوں کی کووششوں سے اغوا کاروں سے رہائی نصیب ہوئی۔

زرویہ کی والدہ یاسمین پرویز کہتی ہیں کہ اقلیتوں کو انصاف تک رسائی کا مساوی اور مکمل حق حاصل نہیں ہے۔

&quot;پولیس اور عدالتیں کمسنی کی شادی اور جنسی تشدد کے متعلق قوانین کو نظر انداز کرتے ہوئے مجرموں کی حمایت جاری رکھے ہوئے ہیں&quot;۔

انہوں نے مزید کہا کہ تفتیش اور مقدمے میں امتیازی سلوک مجرموں کو حوصلہ دیتا ہے کہ وہ نابالغ اقلیتی لڑکیوں کو ان کے والدین سے چھین لیں۔

وائس فار جسٹس کی ایک رپورٹ میں جنوری 2019ء سے اکتوبر 2022ء کے درمیان پاکستان بھر میں مسیحی برادری سے تعلق رکھنے والی لڑکیوں اور خواتین کے اغوا، جبری مذہب کی تبدیلی اور جبری شادی کے واقعات کا جائزہ لیا گیا ہے۔

اس رپورٹ کے مطابق گزشتہ چار سال کے دوران ملک بھر میں اغوا، جبری تبدیلی مذہب اور مسیحی لڑکیوں کی جبری شادیوں سے متعلق کل 100 واقعات رپورٹ ہوئے جن میں سے 86 کیس صرف پنجاب کے ہیں۔

اعداد و شمار سے پتہ چلتا ہے کہ 67 فیصد کیسز صرف پانچ اضلاع میں رپورٹ ہوئے، جن میں صوبہ پنجاب سے لاہور، فیصل آباد، گوجرانوالہ، اور شیخوپورہ، اور کراچی شامل ہیں۔

وائس فار جسٹس کے چیئرپرسن جوزف جانسن نے کہا کہ تبدیلی مذہب کے بارے میں عمومی رویہ یہ ہے کہ مسلمان بننا ہر غیر مسلم کا فرض ہے۔

&quot; زرویہ کے کیس میں پولیس اور عدالتوں کا کردار سہولت کار کا رہا ہے۔اسے ہر جگہ سے مسترد کیا گیا۔ لڑکی نے بازیابی کے بعد جا کر پولیس اور ججز کو اپنے ساتھ ہونے والی زیادتیوں کے بارے میں بتایا، لیکن کوئی ایکشن نہیں لیا گیا۔ میری رائے میں یہ امیتنازی سلوک اس لیے روا رکھا گیا کہ وہ بچی غریب اور مسیحیی خاندان سے ہے&quot;۔

انہوں نے&nbsp; کہا کہ مذہب کی جبری تبدیلی کی شکایات کو ایکشن لیے بغیر نہیں چھوڑنا چاہیے اور اسے جرم قرار دینے کے لیے قانون متعارف کروانا چاہیے۔

انسانی حقوق کے کارکن اشکناز کھوکھر کہتے ہیں کہ جبری تبدیلی مذہب کے رحجان کو پاکستان کی مذہبی جماعتوں کی حمایت حاصل ہے۔ حالانکہ اپنی تقاریر میں مسلم علما یہ کہتے سنائی دیتے ہیں کہ دین میں جبر نہیں ہے۔

زرویہ نے اس واقعے کے بعد سکول جانا چھوڑ دیا۔ وہ اس اذیت ناک صورت حال سے باہر نہیں آ پا رہی ہیں۔

انہوں نے راولپنڈی کی&nbsp; فیملی کورٹ میں اپنے اغواکاروں کے خلاف کیس کر رکھا ہے۔

&quot;ہمیں امید&nbsp; کہ کبھی تو ہمیں انصاف ملے گا۔ میرا بس ایک ہی مطالبہ ہے کہ ملزموں کو گرفتار&nbsp; کر کے&nbsp; انہیں سزا دی جائے&quot;۔

مذہب کی جبری تبدیلی اور شادی کا مقدمہ: کمسن مسیحی لڑکی کے والدین پولیس اور عدالت دونوں سے مایوس۔

"ہر غیر مسلم کا فرض ہے کہ وہ مسلمان ہوجائے"، کیا پولیس، عدالتیں جبری تبدیلی مذہب کے رحجان کی سہولت کار ہیں؟

ضلع ساہیوال کی تحصیل چیچہ وطنی کی یونین کونسل 56 میں سرسبز کھیت کھلیانوں کے بیچ کچے پکّے گھروں میں 25 ہزار کے قریب لوگ آباد ہیں۔اس کونسل میں آباد دیہات میں سیوریج کے پائپ بچھے ہوئے ہیں۔ ہر گھر کا سیوریج گٹر لائین سے جڑا ہوا ہے جو گاؤں سے باہر کھودے گئے کنوئیں سے منسلک ہے اور وہاں سے یہ پانی ڈسپوزل پمپ کے ذریعے نہری پانی والے کھال میں پہنچانے کا بندوبست بھی ہے۔

لیکن اس تمام انتظام کے باوجود کونسل کے ہر گاؤں کی گلیاں ہمہ وقت کیچڑ اور گندے پانی سے بھری رہتی ہیں اور نشیبی علاقوں میں تو جگہ جگہ سیوریج کا پانی گھروں کے اندر داخل ہو جاتا ہے۔

<h2>سیوریج کا انتظام کیوں کام نہیں کر رہا؟</h2>

یونین کونسل 56 میں چک نمبر 12/11 ایل، 13/11 ایل، 18/11 ایل ، 176/9 ایل شمالی اور جنوبی ایل 176/9 شامل ہیں۔

چک 12/11 ایل کا سیوریج کا نظام حکومت نے ایشین ڈویلپمنٹ بنک کی فنڈنگ سے 93-1992 میں تعمیر کیا تھا اور اس پر 25 سے 30 لاکھ روپے لاگت آئی تھی۔ اس چک کے 42 سالہ عبدالجبار مقامی سماجی کارکن ہیں۔ ان کے خیال میں نظام کی ناکامی کی اصل وجہ منصوبہ سازوں کی زمینی حقائق سے ناواقفیت ہے۔

انہوں نے بتایا کہ گندے پانی کو سیوریج کے کنوئیں سے اس کی آخری منزل یعنی نہری پانی کے کھال تک لے کر جانا سب سے بڑا مسئلہ ہے۔ اس کے لیے سرکاری طور پر کوئی راستہ منظور نہیں کیا گیا تھا۔ منصوبہ سازوں کا خیال یہ تھا کہ یہ سارا عمل کاشتکار باہمی مشاورت اور رضا مندی سے طے کر لیں گے اور کسان بخوشی یہ پانی اپنے کھیتوں کو لگائیں گے۔

لیکن ایسا نہیں ہوا۔

اکثر کاشتکار آلودہ پانی کو اپنے صاف نہری پانی کے کھال میں سے راستہ دینے پر راضی نہیں ہوتے۔ &quot;جب کسانوں کے پاس نہری پانی کی کمی ہوتی وہ اپنے نہری پانی کے کھال میں آلودہ پانی شامل کرنے پر تیار تو ہو جاتے ہیں لیکن پھر انہیں ہر ماہ اپنے کھال کی بھل صفائی کرنا پڑتی تھی جو کافی محنت طلب کام ہوتا ہے اور سب لوگ اس مشقت کے لیے آمادہ نہیں ہوتے&quot; عبدالجبار نے بتایا۔

وہ کہتے ہیں کہ یہ مسئلہ منصوبہ سازوں کی نظروں سے اس لیے اوجھل ہوا کیونکہ منصوبہ سازی کے عمل میں سب سے بڑے سٹیک ہولڈر یعنی مقامی کسان کو شامل ہی نہیں کیا گیا تھا۔

کاشتکار آلودہ پانی اپنے کھیت کو لگانے سے اس لیے بھی ہچکچاتے ہیں کہ جس کھیت کو بھی یہ پانی لگایا جاتا ہے اس کی زمین میں کچھ ہی عرصہ بعد نمکیات کی مقدار بڑھ جاتی ہے جو فصل کے لیے نقصان دہ ہوتی ہے۔

عبدالجبار ( یہ اسی نام کے دوسرے صاحب ہیں) محکمہ پبلک ہیلتھ انجینئرنگ ساہیوال میں بطور سب ڈویژنل آفیسر فرائض سر انجام دے رہے ہیں۔ انہوں نے بتایا کہ دیہات میں سیوریج نظام بچھانے کے اس منصوبے کی انوائرمنٹ اسیسمنٹ رپورٹ نہیں بنائی گئی تھی اور اب سیوریج کا پانی بغیر صفائی (ٹریٹمنٹ) کے ہی نہری پانی کے ساتھ فصلوں کو لگایا جاتا ہے۔

&quot;ٹریٹمنٹ پلانٹ کے لیے زیادہ بجٹ درکار ہوتا ہے اس لیے حکومت اسے ان منصوبوں کا حصہ نہیں بناتی۔ محکمہ تو ٹریٹمنٹ پلانٹ لگانے کے لیے تیار ہے لیکن اس کے لیے بجٹ تو سرکار نے ہی جاری کرنا ہے۔ پورے منصوبے پر اتنی لاگت نہیں آتی جتنی اس ٹریٹمنٹ پلانٹ کے لیے درکار ہوتی ہے&quot;۔

<h2>&#39;سانوں کیہ&#39;</h2>

چودھری عمر فاروق گجر اسی کونسل کے گاؤں 13/11 ایل کے رہائشی ہیں۔ وہ وکیل ہیں اور سماجی اور سیاسی سرگرمیوں میں بڑھ چڑھ کر حصہ لیتے ہیں۔ ان کے گاؤں کی آبادی 10 ہزار ہے۔ انہوں نے بتایا کہ منصوبے کے تحت ان کے گاؤں کی بڑی گلیوں میں پائپ لائنیں بچھائی گئیں جبکہ چھوٹی گلیوں میں نالیاں بنا کر پائپ لائنوں میں ڈالی گئیں۔ گاؤں کے گورنمنٹ بوائز پرائمری سکول کے قریب ڈسپوزل پمپ نصب کیا گیا جس کا پانی قریبی فصلوں کو لگایا جاتا رہا۔

&quot;یہ نظام 2015-16 تک چلتا رہا اور اب مکمل طور پر بند ہے۔ سڑک بننے کی وجہ سے سیوریج پائپ لائن نیچے چلی گئی تھی۔ اب لوگوں نے اپنی مدد آپ کے تحت نالیاں بنا لی ہیں جن کے ذریعے گھروں کا سیوریج کا پانی بڑے نالے میں ڈالا جاتا ہے&quot;۔

چودھری عمر فاروق بتاتے ہیں کہ شروع میں سیوریج کے نظام کی دیکھ بھال کے لیے چھ افراد کی کمیٹی بنائی گئی تھی جو بل کی ادائیگی کے لیے لوگوں سے پیسے اکٹھے کرتی تھی۔ ابتدا میں وہ 10 روپے لیتے تھے پھر 20 اور 30 روپے لینے لگے۔ اس کے بعد لوگ اس نظام کے مسائل سے دلبرداشتہ ہو گئے اور انہوں نے پیسے دینا بند کر دیے تو کمیٹی بھی غیر فعال ہوتی گئی جس سے سارا نظام ٹھپ ہو گیا۔

&quot;سیوریج نظام بند ہونے سے گورنمنٹ بوائز پرائمری سکول کا گیٹ عملی طور پر بند ہو چکا ہے کیونکہ گیٹ کے بالکل سامنے گندے پانی کا جوہڑ بن گیا ہے۔علاقے میں مچھروں کی بہتات ہے اور ملیریا، نزلہ زکام، یرقان اور اسہال کی بیماریاں عام ہیں&quot;۔

یہی کچھ گاؤں 12/11 ایل میں بھی ہوا۔ اس گاؤں کے عبدالجبار بتاتے ہیں کہ نظام کو چلانے کے لیے ڈسپوزل پمپ کے بجلی کے بل، سیوریج لائنوں کی صفائی اور ٹیوب ویل کی موٹر مرمت پر اخراجات آتے ہیں۔ ڈسپوزل پمپ کا ماہانہ بجلی کا بل 50 ہزار سے زیادہ آتا تھا جس کی ادائیگی ناگزیر تھی لیکن کمیٹی لوگوں سے پیسے اکٹھے کرنے میں ناکام رہی۔

مقامی سماجی تنظم ایکتا نے صورتحال کو بہتر بنانے کے لیے یہ نظام سنبھالا لیکن اسے بھی ناکامی کا سامنا کرنا پڑا۔

انہوں نے مزید بتایا کہ اب سیوریج لائین بند ہونے پر جب حالات بہت خراب ہو جاتے ہیں تو گاؤں والے چندہ اکٹھا کر کے صفائی والوں کو بلاتے ہیں۔ اس سارے عمل میں ہفتہ، دس دن لگ جاتے ہیں اور گاؤں کی گلیاں گندے پانی سے بھر جاتی ہیں۔

<h2>&quot; محکمہ سوائے حوصلہ افزائی کے اور کچھ نہیں کر سکتا &quot;</h2>

راؤ زوہیب حسن پبلک ہیلتھ انجینئرنگ ساہیوال میں بطور کمیونٹی ڈویلپمنٹ آفیسر فرائض سر انجام دے رہے ہیں۔انہوں نے بتایا کہ ضلع ساہیوال میں ایک سو کے قریب سیوریج سکیمیں لگائی گئی ہیں جن میں سے 55 فعال ہیں جبکہ 45 جزوی طور پر کام کر رہی ہیں۔

زوہیب کا کہنا ہے کہ ان کا محکمہ سیوریج سکیم کی تنصیب کے بعد اسے مقامی کمیونٹی کے حوالے کر دیتا ہے۔ اس کے بعد تمام تر ذمہ داری مقامی کمیونٹی کی ہوتی ہے۔

&quot;کمیونٹی کی عدم دلچسپی کی وجہ سے کئی دیہات میں ڈسپوزل پمپ بند پڑے ہیں۔ ہمارا محکمہ سوائے ان کی حوصلہ افزائی کے اور کچھ نہیں کر سکتا اور نہ تو محکمے کے پاس بجٹ ہے اور نہ ہی اس حوالے سے کوئی پالیسی&quot;۔

عبدالجبار سوال کرتے ہیں کہ گاؤں کے سیوریج کے نظام کو چلانے کے لیے حکومت شہروں کی طرح میونسپل خدمات کے انتظامات کو چلانے کی ذمہ داری خود کیوں نہیں لیتی۔

وسطی پنجاب کے گاؤں سودھرا میں زیرِ زمیں پانی کی تباہی: 'صنعتی فضلہ ملا پانی پینے سے ہر کوئی بیمار ہو رہا ہے'۔

&nbsp;وسطی پنجاب کے شہر ساہیوال سے تقریباً 30 کلومیٹر شمال مغرب کی جانب سات دیہات پر مشتمل یونین کونسل 51 میں سرسبز کھیت کھلیانوں کے بیچ کچے پکّے گھروں میں 40 ہزار کے قریب لوگ آباد ہیں۔

ان سات دیہات &ndash; 178/9 ایل، 179/9 ایل، 180/9 ایل، 181/9 ایل، 182/9 ایل شرقی، 182/9 ایل غربی، 183/9 ایل اور 184/9&nbsp; ایل &ndash; کے باسیوں کی بڑی تعداد پینے کے صاف پانی کے حصول کے لئے صبح شام قریبی ٹیوب ویلوں کا رخ کرتی ہے۔ کوئی سائیکل پر تو کوئی موٹر سائیکل پر اور کوئی گدھا گاڑی کے ذریعہ اپنے گھروں کو پانی ڈھونے میں جُتا نظر آتا ہے۔ کچھ لوگ پا پیادہ پانی کے کین اٹھائے دکھائی دیتے ہیں۔

دس ہزار نفوس پر مشتمل گاؤں 184/9 ایل بھی انہی میں سے ایک ہے جہاں لوگوں کو ڈیڑھ کلومیٹر کی مسافت طے کر کے ایک نجی ٹیوب ویل سے پانی لانا پڑتا ہے۔

کاشت کاری سے وابستہ یونین کونسل 51 کے وائس چیئرمین محمد اشفاق رندھاوا کہتے ہیں کہ ساہیوال ڈویژن کے محکمہ پبلک ہیلتھ انجینئرنگ نے 2017 میں اس یونین کونسل میں پانی کو صاف کر کے پینے کے لائق بنانے والے تین فلٹریشن پلانٹ لگائے تھے۔ اشفاق کے مطابق ان پلانٹس سے چالیس ہزار آبادی والی اس یونین کونسل کے صرف 25 فی صد یعنی 10 ہزار کے قریب لوگوں کی ضروریات پوری ہو رہی تھیں۔ لیکن یہ پلانٹ صرف دو سال یعنی 2020 تک ہی چل سکے۔

وہ کہتے ہیں کہ بجلی کے بلوں کی عدم ادائیگی اور دیکھ بھال کے لئے مالی وسائل میسر نہ ہونا پلانٹ بند ہونے کی بنیادی وجہ ہے۔ اُس وقت ہر پلانٹ پر خرچ ہونے والی بجلی کا ماہانہ بل تقریباً 10 ہزار روپے تک آتا تھا۔

اس یونین کونسل میں متعلقہ گاؤں کی سطح پر ایک سات رکنی کمیٹی بنائی گئی تھی جسے پلانٹ میں کسی خرابی کی صورت میں محکمے کو مطلع کرنے، فلٹریشن پلانٹ کے سامان کی حفاظت اور بجلی کے بل ادا کرنے کی ذمہ داری سونپی گئی تھی۔ لیکن مقامی لوگوں کی عدم دلچسپی کی وجہ سے یہ کمیٹی بھی کچھ عرصہ بعد غیر فعال ہو گئی۔

اشفاق کا کہنا ہے کہ پلانٹ نصب ہونے کے بعد ہر گھر کو بجلی کے بل کی مد میں 150 روپے ماہانہ ادا کرنا ہوتے تھے۔ کچھ عرصہ تو لوگوں نے پیسے دیئے لیکن بعد میں یہ سلسلہ رُک گیا۔ ان کے بقول &rsquo;&rsquo;گاؤں کے لوگ محنت مزدوری کر کے گزر بسر کرتے ہیں۔ وہ پہلے ہی سیوریج کی مد میں ماہانہ 150 روپے اور پہرے داری کے لئے بھی اتنے بھی پیسے دیتے ہیں اور ان کے لئے پلانٹ کے بل کے لئے 150 روپے دینا مشکل تھا۔&lsquo;&lsquo;

ان کے نزدیک اس کا ایک ہی حل ہے اور وہ یہ کہ سرکار اپنے اخراجات پر فلٹریشن پلانٹ چلائے۔

اس گاؤں کے زیادہ تر لوگ زرعی پانی کے حصول کے لئے نجی طور پر لگائے گئے ٹیوب ویلوں سے بلامعاوضہ پانی بھر کر لاتے ہیں۔ ایک جانب ان لوگوں کا کہنا ہے کہ وہ فلٹریشن پلانٹ کے لیے ماہانہ 150 روپے ادا نہیں کر سکتے جبکہ دوسری جانب یہی لوگ ٹیوب ویل سے پانی بھر کر لانے کے لیے اس سے کہیں زیادہ رقم موٹرسائیکلوں اور گدھا گاڑیوں کے کرایوں پر خرچ کر دیتے ہیں جبکہ اس پانی کے صاف ہونے کی ضمانت بھی نہیں دی جا سکتی۔

یہی وجہ ہے کہ گزشتہ چند سال میں اس گاؤں میں ہیپا ٹائٹس سی کے مریضوں میں اضافہ دیکھنے میں آیا ہے جبکہ یہاں پیٹ کی بیماریاں بھی عام ہیں۔ اس گاؤں کے قریبی دیہی مرکز صحت (جو کہ 185/9 ایل میں واقع ہے) میں تعینات ایک سرکاری اہل کار نے نام نہ ظاہر کرنے کی شرط پر بتایا کہ گزشتہ تین سال میں معدے کے امراض میں مبتلا 21 ہزار 235 اور ہیضے کے تین ہزار851&nbsp; مریضوں نے اس مرکز کا رخ کیا۔ جبکہ امسال اکتوبر کے اوائل میں اس مرکز میں یرقان کے مریضوں کے علاج کی سہولت کا آغاز کیا گیا تو پہلے ہی ماہ میں یہاں 48 مریض آئے۔

گاؤں 184/9 ایل کے 45 سالہ رہائشی منظور بھٹی اور ان کے گھر کے افراد آلودہ پانی پینے کے باعث معدے کی بیماریوں میں مبتلا رہ چکے ہیں۔ وہ بتاتے ہیں کہ طویل علاج معالجے کے بعد بالاآخر ڈاکٹر نہیں انہیں یہ مشورہ دیا ہے کہ وہ اپنا پانی تبدیل کریں۔

<h2>آسمان سے گرا &hellip;</h2>

مقامی لوگوں کا کہنا ہے کہ اس گاؤں میں 15 سال قبل ایک سرکاری منصوبے کے تحت نکاسی آب کے لئے پختہ نالیاں تعمیر کی گئیں تو گندے پانی کو اڑھائی کلومیٹر کے فاصلہ پر واقع برساتی نالے تک راستہ دینے کی بجائے اس کا رخ کھیتوں کی طرف کر دیا گیا۔ یہی وجہ ہے کہ زیرِ زمین پانی آلودہ ہونے کی وجہ سے پینے کے قابل نہ رہا۔

اشفاق رندھاوا کہتے ہیں کہ پانچ لاکھ روپے کی لاگت سے فلٹریشن پلانٹ کو دوبارہ فعال کیا جا سکتا ہے &#39;&#39;اس مقصد کے لیے بجلی کے بل کی مد میں ماہانہ 20 ہزار روپے کا بھی کوئی انتظام کرنا ہو گا کیونکہ گاؤں کے لوگ ماہانہ بل ادا کرنے کے لیے تیار نہیں ہیں۔&#39;&#39;

یہ بھی ایک حقیقت ہے کہ اس مسئلے کو اپنی مدد آپ کے تحت با آسانی حل کیا جا سکتا ہے۔ مثال کے طور پر پر اگر 10 ہزار افراد پر مشتمل اس گاؤں کے ہر گھرانے کے ارکان کی تعداد سات تصور کی جائے تو یہاں کم از کم 1400 گھرانے بنتے ہیں۔ اس صورتِ حال میں فلٹریشن پلانٹ کو فعال کرنے کے لئے فی گھر صرف 357 روپے دینا پڑیں گے۔

178/9 ایل گاؤں میں بھی پانچ سال قبل فلٹریشن پلانٹ لگایا گیا تھا لیکن اس کی تنصیب کے لئے سیوریج لائن کے قریب ایک جگہ کا انتخاب کیا گیا جس کی وجہ سے زیرِ زمین پانی آلودہ ہو گیا۔ اس گاؤں سے تعلق رکھنے والے 33 سالہ رانا آصف کہتے ہیں کہ فلٹریشن پلانٹ کے پانی سے بدبو آتی تھی جس کی وجہ سے پانچ ہزار سے زیادہ آبادی کے لئے بنائے گئے پلانٹ کو تنصیب کے ہی چند دنوں بعد بند کرنا پڑا۔

رانا آصف فلٹریشن پلانٹ کی تنصیب کے لئے غلط جگہ کے انتخاب کے لئے متعلقہ محکمہ کو موردِ الزام ٹھہراتے ہیں کیونکہ &#39;&#39;جگہ کے تعین کے لئے گاؤں کے لوگوں سے کسی قسم کی کوئی مشاورت نہیں کی گئی تھی۔&#39;&#39;

دوسری طرف ساہیوال شہر میں محکمہ پبلک ہیلتھ انجینئرنگ میں بطور کمیونٹی ڈویلپمنٹ آفیسر فرائض سر انجام دنے والے راؤ زوہیب حسن کا کہنا ہے کہ جب بھی کسی علاقے کے لئے کوئی سکیم منظور ہوتی ہے تو سب سے پہلے وہاں کے مرد و خواتین کا مشترکہ اجلاس بلا کر انہیں سکیم کے بارے میں بتایا جاتا ہے۔ ان کے بقول &#39;&#39;لوگوں کو اس بات سے بھی آگاہ کیا جاتا ہے کہ اس منصوبے کی تمام تر نگرانی انہوں نے ہی کرنا ہے جس کے لئے ہم مقامی لوگوں کو سکیم چلانے کی پوری تربیت دیتے ہیں اور یہ بھی بتاتے ہیں کہ ماہانہ بل کی ادائیگی کا طریقہ کیا ہو گا۔&#39;&#39;

تاہم اس گاؤں میں فلٹریشن پلانٹ کے لئے جگہ کے انتخاب کے بارے میں مقامی لوگوں سے مشاورت نہ کیے جانے کے سوال پر انہوں نے کہا کہ وہ اس بارے میں کچھ نہیں جانتے اور ان کے پاس اس حوالےسے کوئی ریکارڈ بھی موجود نہیں ہے۔

چیچہ وطنی میں محکمہ پبلک ہیلتھ انجینئرنگ کے ڈویژنل آفیسر عابد فرید نے بتایا کہ ساہیوال میں صاف پانی کی فراہمی کے لئے 171 فلڑیشن پلانٹس لگائے گئے ہیں جن میں 51&nbsp; تحصیل ساہیوال اور 120 پلانٹ چیچہ وطنی میں ہیں۔ وہ کہتے ہیں کہ&nbsp; ان کا محکمہ پلانٹ کی تنصیب کے بعد اسے مقامی لوگوں کے حوالے کر دیتا ہے۔ محکمہ چھ ماہ تک پلانٹ کی دیکھ بھال کرتا ہے جس کے لئے اس کے پاس 50&nbsp; ہزار سے ایک لاکھ روپے تک بجٹ ہوتا ہے &rsquo;&rsquo;اس کے بعد پلانٹ کو سنبھالنے کی تمام تر ذمہ داری مقامی لوگوں کی ہوتی ہے۔&lsquo;&lsquo;

184/9 ایل کی رہنے والی 36 سالہ ناصرہ بی بی کے شوہر روزگار کے سلسلے میں عموماً گاؤں سے باہر ہوتے ہیں اس لیے انہیں خود پانی بھر کر لانا پڑتا ہے۔ وہ سمجھتی ہیں کہ اگر فلٹریشن پلانٹ کو دوبارہ چلا دیا جائے تو ان سمیت پورے گاؤں کو دور سے پانی بھر کر لانے کی مشکل سےچھٹکارا مل سکتا ہے۔

تھرپارکر میں پانی کی قلت: 'ہم کئی نسلوں سے چیخ رہے ہیں کہ ہمیں پانی چاہیے لیکن حکومت نے کبھی ہماری بات نہیں سنی'۔

ہم تو آنسو بھی جو پیتے ہیں تو پانی کی طرح: ساہیوال میں فلٹریشن پلانٹس کی تنصیب کے باوجود لوگ میلوں دور سے پانی لانے پر مجبور۔

غلام قادر کے پاس کچھ بھی نہیں بچا۔ پچھلے ماہ کی آٹھ اور نو تاریخ کی درمیانی شب دریائے راوی سے 86 ہزار مکعب میٹر فی سیکنڈ کی رفتار سے گزرنے والا پانی ان کا مکان اور کھیت سب بہا لے گیا۔

وہ وسطی پنجاب کے ضلع ساہیوال کی تحصیل چیچہ وطنی کی بستی بونگا شامند کے رہنے والے ہیں جو دریا سے محض ڈیڑھ کلومیٹر کے فاصلے پر واقع ہے اور جہاں کے 80 کے قریب گھروں میں سے زیادہ تر کچے ہیں۔ اُن کے مطابق یہ سارے کچے مکان سیلاب میں ملیامیٹ ہو گئے ہیں اور ان کی باقیات اب دریا کے کنارے جگہ جگہ بکھری پڑی ہیں۔&nbsp;

بے گھر ہونے والے کئی مقامی باسی اپنے تمام ذرائع روزگار بھی کھو بیٹھے ہیں۔ 55 سالہ غلام قادر خود بھی ان میں شامل ہیں۔&nbsp;

اگرچہ وہ صرف پانچ ایکڑ زرعی اراضی کے مالک ہیں لیکن انہوں نے 15 ایکڑ مزید ٹھیکے پر لے رکھے تھے اور اپنے دو بیٹوں کے ساتھ مل کر اس تمام زمین پر کھیتی باڑی کرتے تھے۔ ان کا کہنا ہے کہ اس کاشت کاری سے حاصل ہونے والی آمدن سے وہ ایک خوشحال زندگی گزار رہے تھے لیکن &quot;سیلاب نے ہم سے یہ سب کچھ چھین لیا ہے&quot;۔&nbsp;

اب ان کی حالت یہ ہو گئی ہے کہ وہ &quot;محنت مزدوری کے ذریعے اور اپنے مویشیوں کا دودھ فروخت کر کے بمشکل دو وقت کی روٹی کا انتظام کر پاتے ہیں&quot;۔&nbsp;

ان کی بستی کے رہنے والے 65 سالہ طارق عزیز بھی اپنی گائیوں اور بکریوں کا دودھ فروخت کر کے گزر بسر کر رہے ہیں حالانکہ سیلاب سے پہلے وہ 40 ایکڑ زرعی اراضی کے مالک ہونے کی وجہ سے متمول لوگوں میں شمار ہوتے تھے۔ وہ کہتے ہیں کہ &quot;میں خود تو بیمار ہونے کے باعث کوئی کام نہیں کر سکتا لیکن میرے بیٹے روزانہ محنت مزدوری کرنے کے لیے ادھر ادھر کے دیہات اور قصبوں میں چلے جاتے ہیں جہاں کبھی انہیں کام مل جاتا ہے اور کبھی کچھ بھی ہاتھ نہیں آتا&quot;۔

بونگا شامند مراد کے کاٹھیا نامی گاؤں کا حصہ ہے جو ساہیوال شہر سے تقریباً 40 کلومیٹر مغرب میں واقع ہے۔ راوی میں آنے والے سیلاب نے اس پورے گاؤں کو ہی شدید نقصان پہنچایا ہے۔&nbsp;

یہاں کے سیلاب متاثرین میں 60 سالہ نذیر احمد شامل ہیں جو اپنے بھائی کے ساتھ مل کر 55 ایکڑ اراضی پر کھیتی باڑی کرتے تھے۔ اب ان کے معاشی حالات اتنے خراب ہیں کہ انہیں کھانے پینے کا انتظام کرنے کے لیے بھی روزانہ محنت مزدوری کرنا پڑ رہی ہے۔ جس دن انہیں کام نہ ملے اس دن، ان کے بقول، انہیں &quot;کھانا بھی مانگ کر کھانا پڑتا ہے&quot;۔&nbsp;

ان سیلاب متاثرین کو یہ شکایت بھی ہے کہ ان کے پاس کوئی حکومتی امدد نہیں پہنچی۔ ان کا کہنا ہے کہ ایک مقامی سرکاری سکول میں ایک میڈیکل کیمپ لگانے کے علاوہ حکومت نے نہ تو انہیں پیسے اور راشن فراہم کیے ہیں اور نہ ہی ان کی رہائش کے لیے کوئی خیمہ بستی قائم کی ہے۔ چنانچہ پچھلے چھ ہفتوں سے وہ اپنی مدد آپ کے تحت اپنے دیہات کے قریب بلند جگہوں پر رہائش پذیر ہیں۔&nbsp;

<h2>افسوس تو کرتے ہیں امداد نہیں کرتے</h2>

طارق عزیز کہتے ہیں کہ سیلاب کی رات جیسے ہی راوی میں پانی کی سطح بلند ہونا شروع ہوئی مقامی زمین کٹاؤ کا شکار ہو کر دریا برد ہونے لگی۔ اس کے نتیجے میں ان کے اپنے گھر اور کھیتوں سمیت بڑے پیمانے پر مکان، سبزیات اور کپاس اور تِل کی فصلیں پانی میں بہہ گئیں۔&nbsp;

غلام قادر اس نقصان کی تفصیل بتاتے ہوئے کہتے ہیں کہ ان کے گاؤں میں مجموعی طور پر تین سو ایک ایکڑ زرعی رقبہ دریا کے کٹاؤ اور سیلاب سے متاثر ہوا ہے جو کل مقامی اراضی کا سات فیصد بنتا ہے۔ انہیں شکوہ ہے کہ حکومت نے اس رقبے پر لگی ہوئی فصلوں کو پہنچنے والے نقصان کا جائزہ لینے کا تردد تک نہیں کیا۔&nbsp;

لیکن ساہیوال کے ایڈیشنل ڈپٹی کلکٹر ریونیو اور سیلاب متاثرین کی امداد کے نگران اہل کار طارق حسین کا کہنا ہے کہ مراد کے کاٹھیا کا تمام زرعی رقبہ درحقیقت دریا کا پاٹ ہے جہاں لوگوں نے قبضے کر کے غیرقانونی طور پر کاشت کاری کر رکھی ہے۔ اس لیے، ان کے مطابق، &quot;حکومت یہاں فصلوں کو ہونے والے نقصان کا معاوضہ نہیں دے سکتی کیونکہ قانونی طور پر یہ معاوضہ صرف انہی لوگوں کو دیا جا سکتا ہے جو سیلاب سے متاثر ہونے والی زمین کے جائز مالک ہوں&quot;۔

مقامی زمین دار ان سے اتفاق نہیں کرتے اور کہتے ہیں کہ ان کے گاؤں کا تمام رقبہ نہیں بلکہ صرف ایک سو 75 ایکڑ اراضی دریا کے پاٹ میں واقع ہے۔ ان کے مطابق باقی تمام زمین ان کی ذاتی ملکیت ہے جس کی &quot;ضروری دستاویزات ہمارے پاس موجود ہیں&quot;۔ اپنے دعوے کے حق میں ایک اور ثبوت پیش کرتے ہوئے ان کا کہنا ہے کہ &quot;ہر موسم برسات کے بعد دریا میں پانی کا بہاؤ کم ہونے کے بعد ہم اپنی زمین پر دوبارہ کاشت کاری شروع کر دیتے ہیں لیکن کبھی کسی حکومتی اہل کار نے ہمیں یہ نہیں کہا کہ اس کے لیے ہمیں کسی قسم کی اجازت کی ضرورت ہے&quot;۔&nbsp;

ان میں سے غلام قادر جیسے بزرگوں کا یہ بھی کہنا ہے کہ حکومت نہ صرف ان کے نقصانات کی تلافی کرنے کو تیار نہیں بلکہ آنے والے سالوں میں بھی انہیں سیلاب سے بچانے کے لیے کچھ نہیں کرنا چاہتی۔ ان کے مطابق یہ مسئلہ بڑی آسانی سے مستقل بنیادوں پر حل کیا جا سکتا تھا اگر اُس بند کی لمبائی ایک کلومیٹر اور بڑھا دی جاتی جو 2021 میں مراد کے کاٹھیا کو راوی کے دوسری طرف واقع دیہات سے ملانے والے پُل کی حفاظت کے لیے بنایا گیا تھا۔ مگر، ان کے بقول، &quot;حکومت کو پُل کی تو فکر ہے لیکن ہماری زمینوں، فصلوں اور گھروں کا کوئی خیال نہیں&quot;۔

کئی طوفان آئیں گے اب اس سیلاب سے آگے: 'مسلسل سیلابی پانی کی زد میں رہنے سے جیکب آباد کی زرعی زمین ناقابل کاشت ہو گئی ہے'۔

ایک دن دریا سبھی دیوار و در لے جائے گا: 'حکومت نہ تو ہمارے نقصانات کی تلافی کر رہی ہے اور نہ ہی ہمیں  سیلاب سے بچانے کے لیے کچھ کرنا چاہتی ہے'۔

احسان الدین کی عمر محض 21 سال ہے لیکن چار بہن بھائیوں میں سب سے بڑا ہونے کی وجہ سے اپنے گھر کا خرچہ چلانے کی ساری ذمہ داری انہی کے سر ہے۔ اس لیے پچھلے چھ ماہ سے وہ وسطی پنجاب کے شہر ساہیوال کے مضافات میں واقع پنیر بنانے کی فیکٹری ایڈم مِلک فوڈز میں کام کر رہے ہیں۔&nbsp;

لیکن انہیں شکایت ہے کہ اس &quot;فیکٹری میں کام کرنے والوں کو کبھی ان کی قانونی اجرت نہیں دی جاتی حالانکہ یہاں روزانہ تقریباً ایک کروڑ پندرہ لاکھ روپے کا پنیر تیار کیا جاتا ہے&quot;۔ ان کے مطابق فیکٹری میں کام کرنے والے پانچ سو کے قریب مزدوروں میں سے اکثر اپنی تنخواہوں سے ناخوش ہیں لیکن ان میں سے زیادہ تر اس کے بارے میں خاموش رہتے ہیں کیونکہ &quot;کچھ عرصہ پہلے جب کچھ لوگوں نے یک زبان ہو کر انتظامیہ سے قانونی معاوضے کی ادائیگی کا مطالبہ کیا تھا تو انہیں نوکری سے نکال دیا گیا تھا&quot;۔&nbsp;

ایڈم مِلک فوڈز میں کام کرنے والے ایک 24 سالہ مزدور بھی اسی طرح کے مسائل کی نشان دہی کرتے ہیں لیکن وہ اپنا نام نہیں ظاہر کرنا چاہتے تاکہ کہیں انہیں نوکری سے نہ نکال دیا جائے۔

ان کا تعلق ساہیوال کے ایک قریبی گاؤں سے ہے اور وہ پانچ بہن بھائیوں میں سب سے بڑے ہیں۔ ان کے والد اپنی تین ایکڑ زرعی زمین پر کھیتی باڑی کرتے ہیں لیکن اس زمین سے حاصل ہونے والی آمدنی سے ان کے گھریلو اخراجات پورے نہیں ہوتے اس لیے انہیں ایڈم مِلک فوڈز میں کام کر کے مزید رقم کمانا پڑتی ہے۔&nbsp;

وہ کہتے ہیں کہ سات سال پہلے جب انہوں نے اس فیکٹری میں ملازمت اختیار کی تو ان کی تنخواہ 14 ہزار روپے مقرر کی گئی۔ تین سال پہلے ان کی تنخواہ بڑھا کر 16 ہزار روپے کر دی گئی اگرچہ اُس وقت کم از کم ماہانہ سرکاری اجرت 17 ہزار پانچ سو روپے تھی۔ اسی طرح پچھلے دو سال میں ان کی تنخواہ میں دو ہزار روپے کا مزید اضافہ کیا گیا ہے حالانکہ اس دوران کم از کم ماہانہ سرکاری اجرت بڑھ کر 25 ہزار روپے ہو چکی ہے۔&nbsp;

ان کا کہنا ہے کہ ان کی تنخواہ انہیں باقاعدگی سے بھی نہیں ملتی بلکہ کئی دفعہ اسے قسطوں میں ادا کیا جاتا ہے۔ وہ اس سال چھوٹی عید سے پہلے واجب الادا تنخواہ کا ذکر کرتے ہوئے کہتے ہیں کہ اس کی صرف نصف ادائیگی ہی وقت پر کی گئی جبکہ اس کا باقی نصف عید کے بعد دیا گیا۔ ان کے مطابق &quot;کئی مزدوروں نے اس پر احتجاج بھی کیا لیکن ان کی کوئی شنوائی نہ ہوئی&quot;۔

ان کا یہ بھی کہنا ہے کہ فیکٹری میں کام کرنے والے مزدوروں کو ںہ صرف سرکاری تعطیلات پر بلکہ ہر اتوار کو بھی کام کرنا پڑتا ہے لیکن &quot;اس کام کے اضافی پیسے ملنے کی کوئی ضمانت نہیں ہوتی بلکہ اس کا دارومدار فیکٹری مالکان کی صوابدید پر ہوتا ہے&quot;۔ تاہم وہ کہتے ہیں کہ ہر ماہ چاند کی 11 تاریخ کو فیکٹری بند رہتی ہے کیونکہ اس روز مقامی لوگوں کی ایک بڑی تعداد دودھ بیچنے کے بجائے گیارہویں کا ختم دلاتی ہے جس میں دودھ یا اس کی کھیر تقسیم کی جاتی ہے۔ چاند کی ہر 21 تاریخ کو بھی فیکٹری میں کام نہیں ہوتا کیونکہ اس روز بھی بوجوہ اسے کم دودھ ملتا ہے۔ &nbsp;

لیکن، ان کے مطابق، اگر کوئی ملازم چاند کی 12 یا 22 تاریخ کو چھٹی کر لے تو اس کی تنخواہ سے پچھلے دن کے پیسے بھی کاٹ لیے جاتے ہیں۔ اسی طرح &quot;اگر کوئی مزدور کبھی آدھے دن کی چھٹی کرے تو اس کی پورے دن کی تنخواہ کاٹ لی جاتی ہے&quot;۔&nbsp;

ان کا یہ بھی کہنا ہے کہ &quot;ہر مزدور کی تنخواہ سے ایمپلائز اولڈ ایج بینیفٹ انسٹی ٹیوٹ (ای او بی آئی) کی قسط کی مد میں 23 روپے ماہانہ منہا کیے جاتے ہیں لیکن اس کی کوئی رسید نہیں دی جاتی&quot;۔ (اس سرکاری ادارے کا کام بوڑھے مزدوروں کی فلاح و بہبود کے لیے کام کرنا ہے لیکن اس کی سہولیات سے فائدہ اٹھانے کے لیے ضروری ہے کہ مزدور اس کے ساتھ باقاعدہ رجسٹرڈ ہوں اور اپنے ماہانہ واجبات باقاعدگی سے ادا کریں۔ ایڈم مِلک فوڈز میں کام کرنے والے مزدوروں کے بارے میں واضح نہیں کہ آیا وہ اس کے ساتھ رجسٹرڈ ہیں یا نہیں۔)&nbsp;

اس مزدور کو یہ شکوہ بھی ہے کہ ان کے پاس کوئی تقرر نامہ یا کوئی اور دستاویزی ثبوت نہیں جس سے ثابت ہوتا ہو کہ وہ ایڈم مِلک فوڈز کے ملازم ہیں۔ چنانچہ ان کا کہنا ہے کہ &quot;فیکٹری مالکان جب چاہیں مجھے نوکری سے نکال سکتے ہیں اور میں اس کے خلاف کسی سرکاری محکمے یا کسی عدالت میں شکایت بھی نہیں کر سکتا&quot;۔ (ایڈم مِلک فوڈز لمیٹڈ کے ایک انتظامی اہل کار علی رضا اس امر کی تصدیق کرتے ہوئے کہتے ہیں کہ مزدوروں کو تقرر نامے اس لیے نہیں دیے جاتے کہ انہیں درحقیقت مستقل نوکری دی ہی نہیں جاتی بلکہ روزانہ کی بنیاد پر بھرتی کیا جاتا ہے۔)&nbsp;

فیکٹری میں کام کرنے والے کئی لوگ مسلسل مطالبہ کرتے چلے آ ئے ہیں کہ یہ تمام مسائل حل کر کے انہیں قانون کے مطابق حالات کار فراہم کیے جائیں۔ لیکن، مذکورہ بالا مزدور کے بقول، &quot;ان کی کبھی ایک بھی نہیں سنی گئی&quot;۔&nbsp;

<h2>قانون بڑا یا حکومتی اہل کار؟</h2>

مزدوروں کے حقوق کے لئے کام کرنے والی ملک گیر تنظیم پاکستان ورکرز فیڈریشن کے ڈپٹی جنرل سیکرٹری سعد چوہدری کا کہنا ہے فیکٹری ایکٹ 1934 اور دوسرے لیبر قوانین کی رو سے فیکٹریوں میں کام کرنے والے لوگوں سے ایک دن میں آٹھ گھنٹے اور ایک ہفتے میں 48 گھنٹے سے زیادہ کام نہیں لیا جا سکتا۔ ان کے مطابق &quot;اگر کوئی مزدور اس سے زیادہ وقت کام کرے گا تو قانون کہتا ہے کہ اضافی وقت کے لیے اسے اس کی فی گھنٹہ اجرت سے دگنا معاوضہ دیا جائے گا&quot;۔ ان کا یہ بھی کہنا ہے کہ ہفتہ وار اور سرکاری تعطیلات کے علاوہ قانوناً &quot;ہر مزدور کو سالانہ 24 چھٹیاں ملنی چاہئیں جن میں بیماری کی صورت میں دی جانے والی بارہ چھٹیاں بھی شامل ہیں&quot;۔&nbsp;

انہی قوانین پر عمل درآمد کا مطالبہ لے کر ایڈم مِلک فوڈز کے کچھ مزدور تین جولائی 2022 کو فیکٹری کے منیجر کے پاس میں گئے۔ لیکن ان کا کہنا ہے کہ اس نے انہیں دھکے دے کر اپنے دفتر سے باہر نکال دیا۔ اس سلوک سے تنگ آ کر انہوں نے پیکنگ کے شعبے میں کام کرنے والے دو سو سے زیادہ مزدوروں کو ساتھ لیا اور فیکٹری کے سامنے سے گزرنے والی سڑک پر آکر ایک احتجاجی مظاہرہ کرنے لگے۔&nbsp;

اس احتجاج کو ختم کرانے لیے فیکٹری انتظامیہ نے انہیں پیشکش کی کہ اگر وہ کام پر واپس آ جائیں تو ان کی تنخواہ 19 ہزار روپے ماہانہ سے بڑھا کر 21 ہزار روپے ماہانہ کر دی جائے گی۔ لیکن مزدوروں نے یہ پیش کش رد کر دی اور اپنے مطالبات ایک درخواست کی شکل میں ڈپٹی کمشنر ساہیوال کے پاس لے گئے۔&nbsp;

اس درخواست میں انہوں نے اپنے مطالبات دہراتے ہوئے کہا کہ انہیں کم از کم سرکاری اجرت کے برابر ماہانہ تنخواہ دی جائے، تمام سرکاری تعطیلات پر چھٹی کرنے کی اجازت دی جائے، اضافی کام کا اضافی معاوضہ دیا جائے، پنجاب کے محکمہ سوشل سکیورٹی کے ساتھ ان کی رجسٹریشن کرائی جائے تاکہ انہیں مفت علاج معالجے کے ساتھ ساتھ بچوں کی تعلیم اور شادیوں کے لیے سرکاری امداد مل سکے اور اپنے حقوق کے لیے آواز بلند کرنے والے مزدوروں کو نوکری سے نہ نکالا جائے۔&nbsp;

ڈپٹی کمشنر نے ان کی درخواست مقامی لیبر آفیسر کو بھیج دی جن کے بارے میں مزدوروں کا کہنا ہے کہ انہوں نے فیکٹری مالکان کی طرف داری کرتے ہوئے ان کے مطالبات مانے بغیر ہی انہیں کام پر واپس جانے کا کہا۔ احتجاج کرنے والے مزدوروں کے ایک نوجوان قائد اس صورتِ حال کی وضاحت کرتے ہوئے کہتے ہیں کہ &quot;اس وقت عیدالاضحیٰ قریب آ رہی تھی جو ایسا موقع ہوتا ہے جب پنیر بہت زیادہ فروخت ہوتا ہے اس لیے علاقے کے بااثر لوگوں کے ذریعے ہم پر احتجاج ختم کرنے کے لیے اتنا دباؤ ڈالا گیا کہ ہم اگلے دن کام پر واپس آ گئے&quot;۔&nbsp;

دوسری طرف ساہیوال کے لیبر ڈیپارٹمںٹ میں متعین اسسٹنٹ ڈائریکٹر &nbsp;کلیم یوسف کا کہنا ہے کہ احتجاج کے خاتمے کی وجہ ان کی طرف سے مزدوروں کو کرائی گئی یقین دہانی ہے کہ &quot;یکم اگست 2022 سے انہیں 25 ہزار روپے ماہانہ اجرت ہی ملے گی&quot;۔&nbsp;

اگرچہ اس یقین دہانی پر عمل درآمد کرتے ہوئے فیکٹری انتظامیہ نے اِس ماہ اپنے ملازموں کو 25 ہزار روپے ماہانہ کے حساب سے ہی اجرت دی ہے لیکن اس میں کام کرنے والے مزدوروں کا کہنا ہے کہ اس نے ایک ایک کر کے ان تمام 20 لوگوں کو بھی نوکری سے نکال دیا ہے جو احتجاج میں پیش پیش تھے۔

میری ذات ذرہِ بے نشان: 'زرعی مزدور خواتین کی مشقت کو کام تسلیم ہی نہیں کیا جاتا'۔

ساہیوال کی پنیر فیکٹری میں مزدوروں کا استحصال: 'شکایت یا احتجاج کرنے والوں کو نوکری سے نکال دیا جاتا ہے'۔

سات سال پہلے غلام مصطفیٰ 12 ایکڑ زرعی زمین کے مالک تھے لیکن اب ان کے پاس صرف دو ایکڑ رہ گئے ہیں جن پر کاشتکاری کر کے وہ بمشکل اپنے پانچ بچوں کا پیٹ پالتے ہیں۔&nbsp;

وہ وسطی پنجاب کے ضلع ساہیوال کے گاؤں 5/76 آر کے رہنے والے ہیں اور کہتے ہیں کہ تقریباً 50 برس قبل حکومت نے ان کے خاندان کو مقامی لمبردار مقرر کر کے اسے غیرآباد زمین الاٹ کی تھی جسے قابلِ کاشت بنانے میں ان کے باپ دادا کو کئی سال لگ گئے تھے۔ تاہم جولائی 2015 میں پنجاب کی صوبائی حکومت نے ان کی 10 ایکڑ اراضی سمیت ان کے گاؤں کی زمین کا ایک بڑا حصہ اپنے قبضے میں لے لیا اور اس پر ساہیوال کول پاور پراجیکٹ کے نام سے بجلی پیدا کرنے کا ایک کارخانہ لگا دیا۔

درآمدی کوئلے سے چلنے والے اس بجلی گھر کی تعمیر سے پہلے 5/76 آر کا مجموعی رہائشی اور زرعی رقبہ دو ہزار ایک سو 50 ایکڑ تھا جو اب ایک ہزار ایک سو 50 ایکڑ رہ گیا ہے۔ اس منصوبے کے باعث زمین سے محروم ہونے والے اکثر لوگوں کے پاس، غلام مصطفیٰ کے مطابق، ایک ایک دو دو ایکڑ اراضی تھی &quot;جو ان کے روزگار کا واحد ذریعہ تھی&quot;۔ یہ اراضی حکومت کے پاس چلے جانے سے اب &quot;انہیں فاقوں کا سامنا کرنا پڑ رہا ہے&quot;۔&nbsp;

ان زمین داروں میں چھ بچوں کے والد محمد رفیق بھی شامل ہیں۔ وہ 60 سال کے ہو چکے ہیں لیکن بڑھاپے کے باوجود وہ کبھی فیصل آباد کے کسی کارخانے میں کام کر کے روزی کماتے ہیں اور کبھی تعمیراتی شعبے میں بطور مزدور کام کر کے گزر بسر کرتے ہیں۔ ان کا کہنا ہے کہ بجلی گھر کی تعمیر سے پہلے ان کے معاشی حالات بہت اچھے تھے (حالانکہ وہ صرف دو ایکڑ اراضی کے مالک تھے)۔ لیکن، ان کے مطابق، اپنی زمین سے محروم ہونے کے بعد ان کے حالات اتنے خراب ہو گئے ہیں کہ انہوں نے اپنی دونوں بھینسیں بھی فروخت کر دی ہیں کیونکہ کاشت کاری کے بغیر ان کے چارے کا انتظام کرنا ممکن نہیں رہا تھا۔&nbsp;

محمد رشید بھی ایسے ہی مسائل سے دوچار ہیں۔ ان کی عمر 55 سال ہے اور وہ پانچ بچوں کے باپ ہیں۔ اپنی ایک ایکڑ اور ڈیڑھ کنال زرعی زمین بجلی گھر کو دینے کے بعد انہوں نے بھی محمد رفیق کی طرح اپنے دودھ دینے والے مویشی فروخت کر دیے ہیں۔ اس کا نتیجہ یہ نکلا ہے کہ اب انہیں ذاتی استعمال کے لیے بھی دودھ دہی دستیاب نہیں حالانکہ کبھی ان کے پاس اتنا دودھ ہوتا تھا کہ اپنی ضروریات پوری کرنے کے بعد وہ اسے فروخت بھی کر لیا کرتے تھے۔ ان کے مطابق زمین سے محرومی کے نتیجے میں جنم لینے والے معاشی حالات سے تنگ آ کر کئی مقامی خاندان اپنا گھر بار چھوڑ کر دوسری جگہوں پر جا بسے ہیں۔

ان کا یہ بھی کہنا ہے کہ گاؤں میں ایک سو ایکڑ اراضی پر لگے ہوئے امرود، آم اور جامن کے باغات بھی بجلی گھر کی نذر ہو چکے ہیں۔ جنوری 2014 میں صوبائی محکمہ ماحولیات کی جاری کردہ رپورٹ بھی اس بات کی توثیق کرتی ہے کہ اس منصوبے کے لیے مختص زمین پر نو ہزار تین سو دو پھل دار اور جنگلی درخت موجود تھے جو سارے کے سارے کاٹے جا چکے ہیں۔ اسی طرح 36 ٹیوب ویل، تین نہری کھالے اور سات سو 83 ایکڑ پر مشتمل فصلیں بھی بجلی گھر کی تعمیر کی خاطر ختم کر دی گئیں۔&nbsp;

ان میں سے کھالوں کی بندش کا مقامی زراعت پر شدید منفی اثر مرتب ہوا ہے۔ غلام مصطفیٰ کہتے ہیں کہ اس کے باعث ان کے گاؤں کے پاس سے گزرنے والی نہر لوئر باری دوآب سے مقامی زمینوں کو فراہم کیا جانے والا پانی لگ بھگ پانچ سال بند رہا۔ صوبائی محکمہ آبپاشی کے ساہیوال میں متعین ایک سب انجینئر ان کے موقف کی تائید کرتے ہوئے کہتے ہیں کہ 5/76 آر کو پانی کی فراہم کرنے والے &quot;تینوں کھالے بجلی گھر کے اندر سے گزر رہے تھے اس لیے 2017 میں انہیں بند کرنا پڑا&quot;۔&nbsp;

اگرچہ حال ہی میں ایک قریبی گاؤں 6/77 آر میں ایک متبادل کھالا بنا کر ان کے گاؤں کو نہری پانی کی فراہمی کافی حد تک بحال کر دی گئی ہے لیکن غلام مصطفیٰ کے مطابق اس نئے کھالے میں خرابی یہ ہے کہ اس کے ذریعے فراہم کیا جانے والا پانی ابھی بھی تین سو 25 ایکڑ اراضی پر نہیں پہنچ رہا۔ نتیجتاً اس اراضی کو &quot;ٹیوب ویل سے سیراب کرنا پڑتا ہے جس پر اٹھنے والے اخراجات اکثر چھوٹے زمینداروں کی استطاعت سے باہر ہیں&quot;۔&nbsp;

<h2>دعوے بمقابلہ شکایتیں</h2>

ساہیوال کول پاور پراجیکٹ ایک ہزار تین سو 20 میگاواٹ بجلی پیدا کرنے کی صلاحیت رکھتا ہے۔ لاہور سے کراچی جانے والی قومی شاہرا ہ کے شمال میں قادر آباد نامی قصبے کے قریب واقع یہ بجلی گھر ساہیوال شہر کے مرکز سے تقریباً 19 کلومیٹر کے فاصلے پر بنایا گیا ہے۔ چین پاکستان اقتصادی راہداری (سی پیک) کے تحت 1.8 ارب ڈالر کی لاگت سے مکمل کیے گئے اس منصوبے پر کام 31 جولائی 2015 کو شروع ہوا اور مئی 2017 میں ختم ہوا۔ &nbsp;

حکومت پاکستان کی طرف سے قائم کی گئی سی پیک اتھارٹی کے جاری کردہ اعدادوشمار کے مطابق ساہیوال کول پاور پراجیکٹ کی تعمیر کے دوران تین ہزار مقامی لوگوں کو روزگار ملا جبکہ پاکستان ٹوڈے نامی اخبار میں چھپنے والی ایک خبر کا کہنا ہے کہ اسے چلانے کے لیے دو سو سے زیادہ پاکستانی انجینئر بھرتی کیے گئے جنہیں اس مقصد کے لیے چین سے تربیت دلوائی گئی۔

تاہم مقامی لوگ اس منصوبے کو علاقے کی زراعت اور قدرتی ماحول کی تباہی کا ذمہ دار قرار دیتے ہوئے کہتے ہیں کہ اس نے انہیں بدحالی، بیروزگاری اور بھوک کے سوا کچھ نہیں دیا۔ غلام مصطفیٰ کا کہنا ہے کہ اس کے منفی معاشی اثرات کی ذمہ دار پنجاب حکومت ہے جس نے &quot;بجلی گھر بنانے سے پہلے نہ تو مقامی آبادی سے مشاورت کی اور نہ ہی اس کے لیے لی گئی زمین کا معاوضہ طے کرتے وقت زمینداروں سے پوچھا&quot;۔ بلکہ، ان کے بقول، &quot;جن لوگوں نے حکومت کا مقرر کردہ معاوضہ قبول کرنے سے انکار کیا ان کی زمین ان سے زبردستی چھین لی گئی&quot;۔

وہ خود بھی ایسے لوگوں میں شامل تھے۔ وہ کہتے ہیں کہ جب انہوں نے حکومتی اقدامات کے خلاف احتجاج کیا تو انہیں گرفتار کر کے 12 روز کے لیے جیل میں ڈال دیا گیا جہاں، ان کے مطابق، انہیں تشدد کا نشانہ بھی بنایا گیا۔ 2017 میں انہوں نے ساہیوال کی ضلعی سول عدالت میں ایک دعویٰ بھی دائر کیا کہ انہیں ان کی زمین کا مناسب معاوضہ نہیں دیا گیا۔ لیکن ان کا کہنا ہے کہ &quot;بیسیوں پیشیوں کے باوجود بھی اس مقدمے کی سماعت میں کوئی خاص پیش رفت نہیں ہوئی&quot;۔&nbsp;

بجلی گھر کی تعمیر کے لیے لی گئی زمین میں محمد سلیم نامی ایک مقامی استاد کا 10 کنال رقبہ بھی شامل ہے۔ وہ غلام مصطفیٰ کے موقف کی تائید کرتے ہوئے کہتے ہیں کہ حکومت نے ان سے زمین لیتے وقت ان سے کسی قسم کی کوئی مشاورت نہیں کی بلکہ &quot;جن مقامی لوگوں نے حکومتی شرائط پر اپنی زمین فروخت کرنے سے انکار کیا انہیں گرفتار کر لیا گیا&quot;۔ ان کے مطابق &quot;بعض مقامی لوگوں نے زمینیں خریدنے کے حکومتی طریقہ کار کو لاہور ہائی کورٹ کے ملتان بنچ میں چیلنج بھی کیا&quot;۔

تاہم تین سال تک اس مقدمے کی سماعت کرنے کے بعد عدالت نے فیصلہ دیا کہ بجلی گھر کے لیے لی گئی زمین کا معاوضہ ضلعی انتظامیہ کی طرف سے اس مقصد کے لیے قائم کی گئی کمیٹی کے طے کردہ نرخوں کے مطابق دیا جائے۔ اس کمیٹی کے سربراہ ڈسٹرکٹ کلکٹر ساجد محمود کا کہنا ہے کہ اس عدالتی فیصلے سے واضح ہوتا ہے کہ 5/76 آر کے باسیوں کی شکایات بے بنیاد ہیں۔&nbsp;

ان کا یہ بھی دعویٰ ہے کہ انہوں نے زمین کی قیمت کا تعین اپنے طور پر نہیں کیا تھا بلکہ اس کے لیے تین سو 72 مقامی زمینداروں اور ضلعی انتظامیہ کے درمیان ایک باقاعدہ معاہدہ ہوا تھا جس کے تحت ایک ایکڑ اراضی کی قیمت 20 لاکھ 70 ہزار روپے مقرر کی گئی تھی۔&nbsp;

ان کا یہ بھی کہنا ہے کہ بجلی گھر کے لیے حاصل کردہ زمین پر کھڑی فصلوں، جنگلات، پھل دار درختوں، آبی گزرگاہوں اور ٹیوب ویلوں کی بھی باقاعدہ قیمت مقرر کی گئی تھی اور اس منصوبے پر کام شروع ہونے سے پہلے ہی اس قیمت کے مطابق مقامی مالکانِ زمین کو ادائیگیاں بھی کر دی گئی تھیں۔

کیا کالا دھواں چھوڑنے والے بھٹوں کا کوئی متبادل ہے؟

ساہیوال میں کوئلے سے چلنے والا بجلی گھر: 'مقامی معیشت، زراعت اور قدرتی ماحول کی تباہی کا ذمہ دار'۔

Migrant workers in the United Arab Emirates

چند ماہ پہلے جب پینتیس سالہ محمد شاہد* کو ابو ظہبی میں ڈرائیور کی نوکری ملی تو ان کے والد نے پورے محلے میں مٹھائی بانٹی۔ ان کی تنخواہ آٹھ سو درہم ماہانہ مقرر ہوئی تھی جو تقریبا 35 ہزار پاکستانی روپے بنتے ہیں۔ انہیں یہ بھی بتایا گیا کہ ابوظہبی میں ان کے رہائشی اور طبی اخراجات بھی ان کو ملازمت دینے والی کمپنی برداشت کرے گی۔

چار بہن بھائیوں میں سب سے بڑے محمد شاہد نے سوچا کہ اس تنخواہ سے وہ کچھ نہ کچھ رقم بچا کر پاکستان واپس بھیجتے رہیں گے جس سے ان کے خاندان کا گذارا ہوتا رہے گا۔ لیکن ابو ظہبی پہنچنے کے بعد نہ تو انہیں ڈرائیور کی نوکری ملی اور نہ ہی مقرر کردہ تنخواہ اور دوسری مراعات۔

ابو ظہبی سے فون پر سجاگ سے بات کرتے ہوئے وہ کہتے ہیں: &#39;جب میں یہاں پہنچا تومجھے محمد اسماعیل نامی ایک مقامی شخص کے حوالے کر دیا گیا۔ اس نے مجھ سے ایک سروس اسٹیشن پر گاڑیاں صاف کرانے کا کام لینا شروع کر دیا لیکن دو ماہ تک کوئی تنخواہ نہ دی&#39;۔

جب انہوں نے اپنے والد کو یہ سب کچھ بتایا تو &#39;انہیں شدید ذہنی دھچکا لگا&#39;۔

محمد شاہد نے ابوظہبی جانے کے لئے ایک ایجنٹ کو ایک لاکھ روپے دیے تھے جو ان کے والد نے قرض لے کر اکٹھے کیے تھے۔ اس قرض کی واپسی کے دباؤ کی وجہ سے ان کے والد ڈپریشن کا شکار ہو گئے اور کچھ ہی دنوں بعد انتقال کر گئے۔

محمد شاہد کہتے ہیں: &#39;یہ خبر مجھ پر پہاڑ بن کرٹوٹی۔ میں نے پاکستان جانے کی بہت کوشش کی تا کہ میں اپنے والد کو آخری بار دیکھ سکوں۔ میں نے محمد اسماٰعیل کی منت سماجت بھی کی لیکن اس بے رحم انسان نے مجھے واپس پاکستان نہیں جانے دیا&#39;۔

پچھلے چند ماہ سے محمد شاہد انتہائی قلیل تنخواہ پر کام کر رہے ہیں۔ ان کے بقول &#39;مجھے چار سو درہم تنخواہ ملتی ہے جس میں سے دو سو سے تین سو درہم کھانے پینے پر خرچ ہو جاتے ہیں&#39;۔

جب وہ محمد اسماٰعیل سے مطالبہ کرتے ہیں کہ انہِیں پنجاب کےضلع ٹوبہ ٹیک سنگھ کی تحصیل کمالیہ میں واقع ان کے گھر واپس جانے دیا جائے تو انہیں بتایا جاتا ہے کہ &#39;تمھارے میڈیکل ٹیسٹ اور انشورنس کرانے پر چار ہزار درہم خرچ آیا ہے وہ دے دو تو تمہیں جانے دیا جائے گا اور اگر یہ رقم نہیں دے سکتے ہو تو دو سال اور اسی تنخواہ پر کام کرو&#39;۔

پاکستان کے نا مساعد معاشی حالات کی وجہ سے محمد شاہد جیسے ناخواندہ یا نیم خواندہ اور نیم تربیت یافتہ مزدوروں &nbsp;کی ایک بہت بڑی تعداد بیرونِ ملک &ndash; خاص طور پر عرب ریاستوں میں -- ملازمت کی خواہش مند ہوتی ہے۔ یہ رجحان 1970 کی دہائی میں شروع ہوا جب دبئی، ابو ظہبی، سعودی عرب اور تیل کی دولت سے مالا مال دیگر عرب ممالک میں بہت وسیع پیمانے پر نئے شہر تعمیر ہونا شروع ہوئے۔ چونکہ ابتدا میں وہاں پاکستانی مزدوروں کی مانگ بہت زیادہ تھی اس لئے ان مزدوروں کو معاوضہ بھی اچھا ملتا تھا جس کے نتیجے میں ان کے خاندانوں کی معاشی حالت میں بھی کافی بہتری ہوئی۔

تاہم اب یہ صورتِ حال بدلتی جا رہی ہے کیونکہ ایک طرف تو ان عرب ممالک کی تیل سے پیدا ہونے والی آمدنی کم ہو رہی ہے اور دوسری طرف انہیں بنگلہ دیش اور انڈیا جیسے ممالک سے بھی سستے داموں مزدور دستیاب ہیں۔ اس لئے وہاں کام کرنے والے پاکستانیوں کو اب شدید استحصال کا سامنا کرنا پڑ رہا ہے۔

ان پاکستانیوں میں ضلع وہاڑی کی تحصیل بورے والا کے قصبے گگو منڈی کے رہنے والے محمد خان* بھی شامل ہیں۔ وہ اپنے خاندان کے واحد کفیل ہیں لیکن انہیں پاکستان میں کوئی کام نہیں مل رہا تھا اور ان کی مالی حالت دن بدن خراب ہو رہی تھی۔ اس دوران ان کے ایک دوست نے انہیں پیش کش کی کہ وہ ایک لاکھ روپے کمیشن کے عوض انہیں شارجہ میں نوکری لے کر دے سکتا ہے۔ انہوں نے یہ پیش کش قبول کر لی اور جیسے تیسے کر کے اپنے دوست کو مطلوبہ رقم دے دی۔

چنانچہ کئی ماہ کام کرنے کے باوجود محمد خان اپنے گھر والوں کو ابھی تک ایک روپیہ بھی نہیں بھیج پائے۔ سجاگ سے بات کرتے ہوئے وہ کہتے ہیں: &#39;میں دس گھنٹے ڈیوٹی کرتا ہوں۔ ایک دن کی تنخواہ چار درہم فی گھنٹہ کے حساب سے 40 درہم دی جاتی ہے ۔ بیماری کی صورت میں خرچہ اپنی جیب سے کرنا پڑتا ہے۔&#39;

جس دوست نے انہیں شارجہ بھجوایا تھا اس نے دوبارہ ان سے رابطہ تک نہیں کیا۔ جب وہ خود اس کو کال کرتے ہیں تو &#39;اس کا نمبر بند ملتا ہے&#39;۔

محمد خان کے مطابق شارجہ میں وہ جس کمپنی میں کام کرتے ہیں اس نے مزدوروں کے رہنے کے لئے دو کیمپ بنائے ہوئے ہیں جہاں ان کے علاوہ سینکڑوں پاکستانی رہتے ہیں۔ کچھ انڈین اور بنگلہ دیشی بھی وہاں رہتے ہیں۔ وہاں موجود زیادہ تر پاکستانیوں کا تعلق وسطی پنجاب کے مختلف اضلاع سے ہے۔ محمد خان کے بقول ان کیمپوں میں &#39;چھوٹے چھوٹے کمروں میں آٹھ سے نو افراد رہتے ہیں جو سب ایک ہی طرح کے مسائل سے دوچار ہیں&#39;۔

عرب ممالک میں درکار افرادی قوت وہاں کے مقامی ایجنٹوں کے ذریعے پاکستان، انڈیا اور بنگلہ دیش جیسے ممالک سے لائی جاتی ہے۔ ان ایجنٹوں کو &#39;ارباب&#39; یا &#39;کفیل&#39; کہا جاتا ہے جو درآمد کئے گئے مزدور مختلف کمپنیوں کو فراہم کرتے ہیں۔ ان مزدوروں کی تنخواہ ارباب کو ہی ملتی ہے جو بعد میں اسے مزدوروں میں تقسیم کرتے ہیں لیکن اس میں سے وہ کئی قسم کی کٹوتیاں کر لیتے ہیں۔ مثال کے طور پر محمد خان کہتے ہیں کہ &#39;اگر مجبوری میں چھٹی کرنی پڑ جائے تو ان کی تنخواہ سے 25 درہم کاٹ لیے جاتےہیں&#39;۔

کچھ ہفتوں بعد ان کے پاسپورٹ پر شارجہ کا ویزا لگ کر آ گیا۔

محمد خان کہتے ہیں کہ &#39;جب میرا ویزا لگا تو میرے گھر والوں کو بہت خوشی ہوئی۔ میرے سب رشتے دار مجھے مبارک باد دینے میرے گھر آئے۔ میں بھی بہت خوش تھا کہ اب ہمارے گھر کے حالات بدل جائیں گے&#39;۔

انہیں بتایا گیا کہ وہ شارجہ میں پلمبر کی نوکری کریں گے اور ان کی تنخواہ تیرہ سو درہم ماہانہ یعنی پچپن ہزار روپے ہو گی۔ لیکن شارجہ پہنچنے پر انھیں ہیلپر کا کام دیا گیا اور انہیں کسی ماہ پانچ سو درہم اور کسی ماہ سات سو درہم تنخواہ دی جاتی ہے۔ &#39;اس میں سے بھی زیادہ تر رقم کھانے پینے اور علاج معالجے پر خرچ ہو جاتی ہے اور کچھ ویزہ فیس کی قسط کے طور پر کاٹ لی جاتی ہے&#39;۔

ان کا یہ بھی کہنا ہے کہ ان کٹوتیوں کے بارے میں کمپنیوں کو آگاہ نہیں کیا جا سکتا کیونکہ ارباب دھمکیاں دیتے ہیں کہ اگر کسی مزدور نے ان کے بارے میں شکایت کی تو اسے واپس بھیج دیا جائے گا۔ &#39;جو مزدور قرض لے کر بیرونِ ملک گیا ہو وہ واپس نہیں آنا چاہتا اس لیے وہ مجبوراً انہی حالات میں کام &nbsp;کرتا رہتا ہے&#39;۔

خلیجی ممالک میں غیر ملکی مزدوروں کی فراہمی کا یہ نظام &ndash; جسے &nbsp;کفالت یا کفالہ کا نام دیا جاتا ہے اور جو غیر ملکی مزدوروں کو ایک انفرادی آجر یا سپانسر یا کفیل یا ارباب کے تابع کرتا ہے &ndash; انسانی حقوق پر کام کرنے والی عالمی تنظیموں کی طرف سے شدید تنقید کی زد میں ہے کیونکہ اس کے تحت سارے اختیارات آجر کے پاس ہوتے ہیں جبکہ مزدور مکمل طور پر آجر کے رحم و کرم پر ہوتے ہیں۔

<h2>کیا پاکستانی قانون سو رہا ہے؟</h2>

لیکن در حقیقت مزدوروں کا استحصال بیرونِ ملک پہنچنے سے پہلے ہی شروع ہو جاتا ہے۔

چونکہ ان کا ان کمپنیوں سے کوئی براہِ راست رابطہ نہیں ہوتا جنہیں مزدور درکار ہوتے ہیں اس لئے وہ &nbsp;ملازمت کے حصول کے لئے ریکروٹنگ ایجنسیوں پر انحصار کرتے ہیں۔ پاکستانی قانون کے مطابق اس وقت صرف لائسنس یافتہ ریکروٹنگ ایجنسیاں ہی مزدوروں کو بیرونِ ملک بھجوا سکتی ہیں۔ یہ ایجنسیاں فی مزدور چھ ہزار روپے سے زیادہ فیس وصول نہیں کر سکتیں۔

اگر بیرونِ ملک بھیجے گئے افراد کو ان لائسنس یافتہ ایجنسیوں کے خلاف کوئی شکایت ہو تو اس بات کا امکان کافی زیادہ ہے کہ ان کی شکایت حکومت تک پہنچ جائے۔ ایسی ایجنسیوں کے خلاف تحقیقات اور کارروائی کی خبریں بھی اکثر و بیشتر نیوز میڈیا میں آتی رہتی ہیں۔

ان ایجنسیوں کی تعداد تقریبا تین ہزار ہے لیکن ان کے ساتھ ساتھ بغیر لائسنس کے کام کرنے والے ایجنٹوں کا ایک بہت بڑا نیٹ ورک بھی پاکستان میں موجود ہے جو بیرونِ ملک جانے کے خواہش مند افراد کی کم علمی یا لاعلمی سے فائدہ اٹھا کر ان سے بھاری فیس وصول کرتا ہے اور حالاتِ کار کے بارے میں بھی انہیں درست معلومات فراہم نہیں کرتا۔

اس نیٹ ورک کی موجودگی کی ایک اہم وجہ یہ ہے کہ لائسنس یافتہ ایجنسیاں زیادہ تر بڑے شہروں میں قائم ہیں۔ ان کے لئے چھوٹے شہروں میں دفاتر کھولنا مالی طور پر فائدہ مند نہیں ہوتا اس لئے دیہی علاقوں سے بیرونی ممالک جانے کے خواہش مند مزدور اپنے آس پاس موجود ایجنٹوں کے ساتھ رابطہ کرنے پر مجبور ہوجاتے ہیں۔

یہ ایجنٹ کسی قاعدے قانون کے تحت کام نہیِں کرتے لیکن اکثر اوقات وہ ریکروٹمنٹ ایجنسیوں سے غیر رسمی طور پر منسلک ہوتے ہیں۔ کبھی کبھار ان کا بیرونِ ملک موجود کفیل یا ارباب سے براہِ راست تعلق بھی ہوتا ہے۔ اِن ایجنٹوں کو پکڑنا اور ان کے خلاف کارروائی کرنا مشکل ہوتا ہے کیونکہ ان میں سے اکثر بغیر کوئی دفتر بنائے کام کر رہے ہوتے ہیں۔ اسی طرح جو وعدے وعید وہ مزدوروں کے ساتھ کرتے ہیں ان کا بھی کوئی تحریری ریکارڈ نہیں ہوتا اس لئے ان پر عمل درآمد کرانا نا ممکن ہوتا ہے۔

تاہم انٹرنیشنل لیبر آرگنائزیشن (آئی ایل او) کا کہنا ہے کہ حکومتِ پاکستان ان مزدوروں کے حقوق کا تحفظ کر سکتی تھی اگر اس نے آئی ایل او کی طرف سے دس سال پہلے پیش کی جانے والی ایک پالیسی کو منظور کر لیا ہوتا۔

منور سلطانہ آئی ایل او کے نیشنل پروجیکٹ کوآرڈینیٹر کے طور پر اسلام آباد میں کام کرتی ہیں۔ سجاگ کو فون پر دیے گئے ایک انٹرویو میں وہ کہتی ہیں کہ اگر یہ پالیسی لاگو ہو جاتی تو ملازمت کے معاہدے واضع اور شفاف ہو جاتے اور محنت کشوں کے ساتھ دھوکہ بازی یا ان پر دباؤ ڈالنے کے واقعات میں کمی آ جاتی۔

&#39;یہ پالیسی محنت کشوں کو بیرونی ممالک میں اپنی شناختی اور سفری دستاویزات اپنی تحویل میں رکھنے کا اختیار دیتی ہے تا کہ وہ جب چاہیں بیرونِ ملک سے پاکستان واپس آ سکیں۔ اس کے تحت انہیں اپنی ملازمت ختم کرنے اور آجر یا ارباب &nbsp;تبدیل کرنے کی بھی آزادی ہے اور اس میں ان کے استحصال کے تدارک اور تنازعات کے مفت اور سستے حل تک رسائی کے طریقے بھی موجود ہیں&#39;۔&nbsp;

اس پالیسی کی عدم موجودگی میں پاکستان نے ایک ایسا انتظام کر رکھا ہے جس سے شاید ہی کوئی مزدور فائدہ اٹھا سکتا ہے۔ اس کے تحت بیرونِ ملک ملازمت کے خواہش مند تمام افراد کے لئے لازم ہے کہ وہ وفاقی حکومت کے تحت چلائے جانے والے ایک ادارے بیورو آف امیگریشن اینڈ اوور سیز ایمپلائمنٹ کے دفتر میں حاضری دیں تا کہ انہیں بیرونِ ملک پہنچ کر اپنے حقوق کی حفاظت کرنے اور اپنی شکایات درج کرنے کے طریقہ کار کے بارے میں معلومات مل سکیں۔

سجاگ کے ساتھ ایک انٹرویو میں اس ادارے کے ایک اہل کار مزمل برلاس کہتے ہیں کہ ان کے ادارے کے دفاتر سات مختلف شہروں میں قائم ہیں جہاں لوگوں کو تمام معلومات آسانی سے مل سکتی ہیں۔ ان کا یہ بھی کہنا ہے کہ بیرونِ ملک نوکری کے لئے جانے والے لوگ اس لئے استحصال کا شکار ہوتے ہیں کیونکہ وہ خود بھی قوانین اور قواعد پر عمل درآمد نہیں کرتے۔

لیکن دور دراز دیہاتی علاقوں میں رہنے والے ناخواندہ اور نیم خواندہ مزدوروں کے لئے عام طور پر سرکاری دفاتر تک پہنچنا اور وہاں موجود افسران سے بات چیت کرنا آسان نہیں ہوتا۔ اس لئے وہ ایجنٹ سے رابطہ کرتے ہیں جو سارے کاغذات تیار کر کے ان کے گھر پہنچا دیتا ہے۔ ان میں سے زیادہ تر کو یہ پتہ ہی نہیں ہوتا کہ حکومت نے اس سلسلے میں کوئی قوانین بھی بنا رکھے ہیں اور آیا ایسے حکومتی ادارے موجود ہیں جو کسی طرح سے ان کی مدد کر سکتے ہیں۔

*فرضی نام

یہ رپورٹ لوک سجاگ نے پہلی&nbsp;دفعہ&nbsp;23 اکتوبر 2020&nbsp;&nbsp;کو اپنی پرانی ویب سائٹ پر شائع کی تھی۔

الویرا راشد

الویرا راشد کا تعلق ساہیوال سے ہے۔ پچھلے دس سال سے شعبہ صحافت سے وابستہ ہیں۔ شہری مسائل اور زراعت ان کی دل چسپی کے موضوعات ہیں۔