چوالیس سالہ کالو خان ضلع بھكر کی بستی عمروالی کے رہائشی ہیں۔ وہ چھ ایكڑ زرعی رقبے كے مالک ہیں جس میں سے انہوں نے چار ایکڑ پر دھان كاشت كیا تھا لیکن فصل کو پورا پانی نہ ملنے کے باعث نقصان کر بیٹھے۔

كالو خان نے اپنے کھیتوں کی آب پاشی كے لیے ٹیوب ویل (بور) لگا رکھا ہے جو ڈیزل والے انجن پر چلتا ہے۔ وہ بتاتے ہیں کہ دھان کو کچھ ہفتوں تک روزانہ اور اس کے بعد ہر دوسرے تیسرے روز پانی دینا ہوتا ہے بصورت دیگر پیداوار بری طرح متاثر ہوتی ہے۔

&quot;دھان کو پانی دینے پر روزانہ دس سے بارہ ہزار روپے خرچ ہوتے ہیں كیونكہ کچھ عرصہ قبل تک ڈیزل 350 روپے لٹر رہا ہے۔ انجن دو سے تین لٹر فی گھنٹہ کھا جاتا ہے۔ ٹیوب ویل کو پورا دن بھی چلائیں تو بہ مشکل دو ایکڑ فصل سیراب ہوتی ہے۔ اس لیے فصل کو پانی پورا نہیں مل سکا اور پیداوار 20 من فی ایکڑ سے زیادہ نہیں ہوئی&quot;۔

ضلع بھکر میں زراعت ہی بیشتر آبادی&nbsp; کا ذریعہ روزگار ہے۔ مگر پچھلے کئی سالوں سے بجلی اور ڈیزل کی بڑھتی قیمتیں کاشتکاروں کے لیے مسئلہ بن چكی ہیں اور چھوٹا کسان سب سے زیادہ متاثر ہو رہا ہے۔

چھوٹے کاشتکاروں کی اکثریت کے پاس اپنے ٹیوب ویل نہیں ہیں اور وہ فصل کے لیے پانی دوسروں سے خریدتے ہیں جو بہت ہی مہنگا پڑتا ہے۔ جن کے اپنے ٹیوب ویل ہیں ان کے لیے ڈیزل کے اخراجات ناقابل برداشت ہو چکے ہیں۔ یہی وجہ ہے کہ بھکر میں زیادہ تر کاشتکاروں نے اپنے ٹیوب ویل سولر انرجی پر منتقل کرنا شروع کر دیئے ہیں۔

ملازم حسین بھی بستی عمر والی كے رہائشی ہیں۔ کالو خان کے برعکس انہوں نے اپنے چار ایکڑ دھان سے پونے دو لاکھ روپے سے زائد منافع کمایا ہے۔ وہ بتاتے ہیں کہ پانچ ایكڑ رقبہ ان کا اپنا ہے اور پندرہ ایكڑ زمین انہوں نے ٹھیكے پر لے رکھی ہے۔

&quot;پہلے منافع تو کیا فصل کا خرچہ بھی پورا نہیں ہوتا تھا لیکن جب سے ٹیوب ویل کو سولر پر منتقل کیا ہے تو میں نے دھان کے ساتھ 10 ایکڑ گنا بھی کاشت کر لیا ہے کیونکہ پانی وافر ہے۔ اس بار دھان کی پیداوار شاندار رہی اور گنے کی فصل بھی اچھی ہے۔&quot;

ملازم حسین بہت خوش ہیں۔ وہ کہتے ہیں کہ ٹیوب ویل کو سولر سسٹم پر منتقل کرنے کے لیے ایک ہی بار رقم خرچ کرنا پڑی لیکن بجلی کی طرح ہر ماہ بھاری بھرکم بل نہیں آتا ہے، اب نہ ڈیزل خریدنےکا جھنجھٹ ہے نہ انجن کی مرمت کے اخراجات۔ اب سارے عذابوں سے چھٹکارا مل گیا ہے۔ 
عابد حسین 120 ایكڑ زرعی رقبے كے مالک ہیں۔ انہوں نے اپنی زمین میں ڈیزل انجن پر چلنے والے چار ٹیوب ویل لگائے ہوئے تھے۔

وہ بتاتے ہیں کہ انہوں نے پانچ سال قبل دو ٹیوب ویل بجلی پر منتقل كر دیے تھے جس سے وہ دہری مشكل میں پھنس گئے۔ ایک تو بجلی روز بروز مہنگی ہوتی گئی اوپر سے لوڈشیڈنگ نے ناک میں دم كر دیا تھا بوقت ضرورت پھر وہی پرانا ڈیزل انجن چلانا پڑتا تھا۔

&quot;كسی دوست نے مجھے سولرسسٹم لگانے كا مشورہ دیا تو میں نے تجربہ کرنے کے لیے پچھلے سال ایک ٹیوب ویل کو سولر پر منتقل كر لیا جس پر 22 لاكھ روپے خرچہ آیا كیونكہ ان دنوں سولر پینلز كے ریٹ زیادہ تھے۔ مگر اب باقی تینوں ٹیوب ویل بھی سولر سسٹم پر منتقل کرنے کا فیصلہ کر چکا ہوں۔&quot;

بستی بختاور کے زمیندار مظفر حسین ڈھانڈلہ بتاتے ہیں کہ 50 ایکڑ سے زائد رقبے والے بعض زمینداروں نے 2012 ء میں ہی ٹیوب ویل سولر پر چلانا شروع کردیے تھے مگر اب سولر پینلز لگانے کا رجحان بڑھ رہا ہے۔

وہ کہتے ہیں کہ مہنگے پانی سے تنگ کاشتکار ایک دوسرے کی دیکھا دیکھی سولر سسٹم لگوا رہے ہیں لیکن سرکاری سطح پر کسانوں کی معاونت یا رہنمائی نہیں کی جا رہی۔ حکومت کو چاہیے سولر ٹیوب ویل لگانے کے لیے سبسڈی یا بلاسود قرضوں کی سہولت دے تاکہ چھوٹے کاشتکاروں کی پریشانیاں کم ہوں۔

&nbsp;انہوں نے بتایا کہ سابق دور حکومت میں پرائم منسٹر یوتھ پروگرام کے تحت پڑھے لکھے نوجوانوں کو سات فیصد مارک اپ پر زرعی قرضے دینے کا اعلان کیا گیا تھا جس میں سولر ٹیوب ویل بھی شامل تھے۔ لیکن نجی بنکوں نے ایسی شرائط رکھیں کہ عام کاشتکار یہ سہولت حاصل نہیں کر سکا۔

اس سلسلے میں نیشنل پروگرام برائے اصلاح آبپاشی کے ضلعی افسر ڈاکٹر امتیاز حسین بتاتے ہیں کہ ان کا محکمہ چھوٹے کاشتکاروں کو سولر انرجی کے ساتھ ڈرپ ایریگیشن اور سپرنکلر سسٹم پر75 فیصد سبسڈی دے رہا ہے۔

&quot;ہمارے پروگرام کا بنیادی مقصد زیر زمین پانی کے ذخائر کو محفوظ کرنا ہے اس لیے جو کاشتکار ڈرپ ایریگیشن یا سپرنکلر سسٹم میں دلچسپی نہیں رکھتے انہیں ہم سولر ٹیوب ویل پر سبسڈی نہیں دیتے۔&quot;

واجد حسین بستی گرہ كے رہائشی ہیں۔ انہوں نے دوسال قبل کاشتکاری اس لیے چھوڑ دی تھی کہ انہیں فصل کے لیے پانی قریبی زمیندار سے 600 روپے گھنٹہ خریدنا پڑتا تھا۔ جب بجلی كے نرخ مزید بڑھے تو انہوں نےکاشتکاری کو ترک کرنا ہی مناسب سمجھا۔

وہ بتاتے ہیں کہ ڈیڑھ سال قبل بستی میں ان کے ایک عزیز نے اپنا ٹیوب ویل سولر پر چلانا شروع کیا تو انہیں یہ تجربہ انتہائی مفید نظر آیا۔

&quot;میں نے بھائیوں سے بات کی کیونکہ مسئلہ یہ تھا کہ ہماری اپنی صرف دو ایکڑ زمین ہے اور اتنی کم اراضی کے لیے سولر کے اخراجات بہت زیادہ تھے۔ سوچا اگر رقبہ ٹھیکے پر لیتے ہیں تو وہاں سے پینلز چوری ہو جائیں گے جس پر دکاندار نے &#39;ٹرالی پر سولر سسٹم نصب کرنے&#39; کا مشورہ دیا۔&quot;

وہ کہتے ہیں کہ انہوں نے ٹرالی والا سولر سسٹم لگوا لیا ہے اور دس ایکڑ رقبہ ٹھیکے پر لے کر دوبارہ کاشتکاری شروع کر رکھی ہے۔

&quot;میری زمین اور لیز والا رقبہ دونوں الگ الگ سمت میں ہیں مگر دونوں جگہ بور موجود ہیں اس لیے کوئی پریشانی نہی۔ جس زمین کو پانی دینا ہوتا ہے وہاں ٹریکٹر کے ذریعے سولر پینلز لے جاتے ہیں اور رات کو واپس گھر لے آتے ہیں&quot;۔

مظفر حسین ڈھانڈلہ اس خدشے کا اظہار کرتے ہیں کہ کاشتکار سولر سسٹم لگوا تو رہے ہیں مگر معلوم نہیں یہ سسٹم وارنٹی کی مدت تک چلے گا یا نہیں۔

&quot;پینلز کی&nbsp; کوالٹی کی جانچ پڑتال کا کوئی نظام نہیں ہے۔ یہاں چند ایک کاروباری افراد کے سوا سولر پینل بیچنے والے بیشتر دکانداروں&nbsp; کی وارنٹی پر اعتبار نہیں کیا جا سکتا&quot;۔

بھکر میں سولر سسٹم فروخت کرنے والی کمپنی کے نمائندے سید علی عابد بخاری نے لوک سجاگ كو بتایا کہ نہری پانی کے بعد سب سے سستا ذریعہ آبپاشی سولر سسٹم ہے جو ایک بار لگانے پر 25 سال استعمال کیا جا سکتا ہے۔

&nbsp;وہ بتاتے ہیں كہ پچھلے سال ڈالر اور امپورٹ کی مشکلات کے باعث سولر پینلز اور متعلقہ سامان کے ریٹ بڑھ گئے تھے۔ چھ انچ قطر پانی کی نکاسی کے لیے مکمل سولر سسٹم ٹیوب ویل چھ ماہ قبل 22 سے 23 لاکھ روپے تک کا لگایا جا رہا تھا لیکن اب ویسا ہی سسٹم، اچھے مٹیریل اور 25 سالہ وارنٹی کے ساتھ 14 سے 15 لاکھ میں نصب ہو رہا ہے۔

وہ کہتے کہ کہ اگر آپ اوسطاً پانچ گھنٹے روزانہ ٹیوب ویل چلاتے ہیں تو ڈیزل کے موجودہ ریٹ کے حساب سے ایک سال میں سولر سسٹم ٹیوب ویل پر لگی رقم واپس مل جاتی ہے۔ جبکہ باقی 24&nbsp; سال آپ کی فصل کو پانی مفت ملتا ہے۔ بشرطیکہ آپ صحیح کوالٹی اور اچھی فرم کا انتخاب کریں۔

سولر پینل سستا کر دیں: راجن پور میں شمسی توانائی پر منتقلی کے خواہش مند کسانوں کا واحد مطالبہ

بھکر کے کاشت کار اپنے ٹیوب ویل سولر سسٹم پر کیوں منتقل کر رہے ہیں؟

text

بھکر میں گیس کمپریسر کا غیر قانونی استعمال: رہائشی علاقوں میں تباہی کا باعث

video

ملک بھر میں الیکشن 2024ء کے لیے انتخابی عمل کا دوسرا مرحلہ شروع ہو چکا ہے۔ امیدواروں کے کاغذات نامزدگی پر اعتراضات داخل&nbsp; ہو چکے۔ جس کے بعد اپیلوں اور سماعتوں کا سلسلہ چلے گا۔ بھکر میں بھی انتخابی مہم اور جوڑ توڑ جاری ہے۔

ضلع بھکر کی آبادی 19 لاکھ 57 ہزار 470 نفوس پر مشتمل ہے۔ یہاں رجسٹرڈ ووٹر دس لاکھ 42 ہزار 684 ہیں جن میں پانچ لاکھ 51 ہزار 246 مرد اور چار لاکھ 91 ہزار 438 خواتین ووٹر شامل ہیں۔

2018ء میں اس ضلعے میں قومی اسمبلی کے دو حلقے تھے۔ جن کے نمبر پہلے این اے 97 اور این اے 98 تھے۔ اب نئی حلقہ بندی میں یہ این اے 91 (بھکر ون) اور این اے 92 (بھکر ٹو) ہو گئے ہیں۔ تاہم ان کے علاقوں میں کوئی خاص تبدیلی نہیں آئی۔

&nbsp;پچھلے الیکشن میں یہاں صوبائی نشستیں چار تھیں جن میں پی پی 89 بھکر ون (کلورکوٹ)، پی پی 90 بھکر ٹو (دریا خان)، پی پی 91 بھکر تھری (منکیرہ) اور پی پی 92 بھکر فور( بھکر شہری) شامل ہیں۔ آئندہ انتحابات کے لیے ضلعے میں پانچویں یعنی پی پی 93 بھکر فائیو (بھکر دیہی) کا اضافہ ہو گیا ہے۔

ضلع بھکر میں بااثر خاندان اور مقامی دھڑے دہائیوں سے سیاست پر حاوی ہیں۔ ان میں نوانی، ڈھانڈلہ، خنانخیل، مستی خیل، شاہانی، چھینہ، اترا اور نیازی زیادہ اہم سمجھے جاتے ہیں۔

<hr />
<h2 style="text-align:center">بھکر نئی حلقہ بندیاں 2023</h2>

2018 کا قومی اسمبلی کا حلقہ این اے 97 بھکر 1 اب این اے 91 بھکر 1 ہے 
ضلع بھکر کا یہ حلقہ تحصیل کلور کوٹ اور تحصیل دریا خان پر مشتمل ہے۔ نئی حلقہ بندیوں کے تحت اس حلقے میں معمولی تبدیلی یہ آئی ہے کہ منکیرہ تحصیل کے قصبے گوہر والا قانون گو حلقہ کو نکال دیا گیا ہے جبکہ بھکر تحصیل کے خانسر قانون گو حلقہ اور کوٹلہ جام ڈگر ٹاؤن کمیٹی کو شامل کیا گیا ہے۔

2018 کا قومی اسمبلی کا حلقہ این اے 98 بھکر 2 اب این اے 92 بھکر 2 ہے 
یہ حلقہ تحصیل منکیرہ کی مکمل آبادی اور تحصیل بھکر کی بیشتر آبادی پر مشتمل ہے۔&nbsp; نئی حلقہ بندیوں میں اس حلقے میں منکیرہ تحصیل کے قصبے گوہر والا قانون گو حلقے کو شامل کیا گیا ہے جبکہ تحصیل بھکر کے مکمل قصبہ خانسر قانون گو اور ٹاؤن کمیٹی کوٹلہ جام ڈگر کو نکال دیا گیا ہے۔

2018 کا صوبائی حلقہ پی پی 89 بھکر 1 اب پی پی 89 بھکر 1 ہے 
یہ حلقہ کلورکوٹ تحصیل کی آبادی پر مشتمل ہے۔ نئی حلقہ بندیوں میں اس حلقے میں کلور کوٹ تحصیل کے تین پٹوار سرکل، دریاخان تحصیل کا دولےوالا اور منکیرہ تحصیل کا گوہر والا قانون گو حلقہ نکال دیا گیا ہے۔

2018 کا صوبائی حلقہ پی پی 90 بھکر 2 اب پی پی 90 بھکر 2 ہے 
یہ دریا خان تحصیل کا حلقہ ہے۔ نئی حلقہ بندیوں میں اس حلقے میں دریا خان تحصیل کے دو اور کلور کوٹ تحصیل کے تین پٹوارسرکل شامل کیے گئے ہیں جبکہ بھکر تحصیل کے چک 26 ٹی ڈٰی اے&nbsp; قانون گو اورخانسر قانون گو حلقے کے پانچ پٹوار سرکل نکال دیے گئے ہیں۔

2018 کا صوبائی حلقہ پی پی 91 بھکر 3 اب پی پی 91 بھکر 3 ہے 
یہ حلقہ منکیرہ تحصیل کی آبادی پر مشتمل ہے۔ نئی حلقہ بندیوں کے تحت اس حلقے میں بڑی تبدیلیاں کی گئی ہیں۔ گوہر والا قانون گو حلقہ پہلے اس میں شامل نہیں تھا لیکن اب اس کو شامل کر لیا گیا ہے، اس کے علاوہ خانسر قانون گو حلقے کا ایک پٹوار سرکل بھی اس حلقے میں شامل ہوا ہے۔ بھکر ڈگر، چھینا ڈگر قانون گو حلقے اس سے نکال دیے گئے ہیں، اسی طرح خانسر اور خان پور کے بیشتر پٹوار سرکلز بھی اب اس کا حصہ نہیں ہیں۔

2018 کا صوبائی حلقہ پی پی 92 بھکر 4 اب پی پی 92 بھکر 4 ہے 
یہ بھکر کا شہری حلقہ ہے۔ جس میں بھکر تحصیل کے دیہی علاقے بھی شامل ہیں۔ نئی حلقہ بندیوں کے تحت اس حلقے میں بھی کافی تبدیلیاں کی گئی ہیں، خانسر، خانپور، دریا خان قانون گو حلقے، ٹاؤن کمیٹی کوٹلہ جام ڈگر اور چک نمبر 202 ٹی ڈی اے پٹوار سرکل کو اس حلقے میں شامل کیا گیا ہے جبکہ چھینہ نشیب، بہل نشیب، بھکر ڈگر ون قانون گو حلقے اور بہل ڈگری پٹوار سرکل نکال دیے گئے ہیں۔

پی پی 93 بھکر 5 
نئی حلقہ بندیوں کے تحت بھکر ضلع میں صوبائی اسمبلی کے ایک حلقے کا اضافہ کیا گیا ہے۔ پی پی 93 بھکر پانچ کے نام سے بنائے گئے اس حلقے میں تحصیل بھکر کے چھینہ نشیب، بہل نشیب، بھکر ڈگر ون، بھکر ڈگر ٹو قانون گو حلقے شامل ہیں، اسی طرح دو پٹوار سرکل چھوڑ کر پورا خانپور قانون گو کو بھی اس نئے حلقے کا حصہ بنایا گیا ہے۔

<hr />

یہ خاندان سیاسی پارٹیوں میں بھی گروپ کی صورت میں شامل ہوتے ہیں اور&nbsp; پھر گروپ کی شکل میں ہی پارٹی چھوڑتے ہیں۔

قصبہ جنڈانوالہ کے رہائشی سلیم خان بلوچ سیاسی ورکر ہیں۔ وہ بتاتے ہیں کہ ضلع بھکر میں سیاسی جماعتوں کا ووٹ بہت کم رہا ہے۔ جس کی مثال 2002ء کے انتخابات ہیں جب یہاں ق لیگ نے دونوں قومی اور چاروں صوبائی نشستوں پر کلین سویپ کر لیا تھا۔

&quot;یہ نئی نویلی سیاسی پارٹی کا نہیں بلکہ نوانی گروپ کا کمال تھا جو تازہ تازہ ق لیگ میں شامل ہوا تھا۔ پھر جب اس گروپ نے چوہدری شجاعت حسین کو بھکر سے الیکشن لڑایا تو وہ بھی انتخابی مہم میں حصہ لیے بغیر جیت گئے۔ &quot;

وہ کہتے ہیں کہ 2008ء میں نوانی گروپ نے آزاد حثیت میں چناؤ لڑا اور ضلعے کی ساری سیٹیں جیت کر ن لیگ میں شامل ہو گئے تھے۔ پھر سعید اکبر نوانی نے اپنی نشست خالی کی اور&nbsp; یہاں میاں شہباز شریف کو ایم پی اے منتخب کرا لیا تھا۔

یہی صورت حال بھکر کے دوسرے بڑے سیاسی دھڑے دھانڈلہ گروپ کی ہے۔

&nbsp;محلہ ملکانوالہ کے رہائشی عبدالحمید ڈکھنہ&nbsp; 40 سال سے ووٹر ہیں۔ وہ بتاتے ہیں کہ پہلے بھکر میں مشہور تھا کہ ڈھانڈلہ اور خنانخیل خاندان نظریاتی مسلم لیگی ہیں مگر دونوں پچھلے دو انتخابات میں قلا بازی مار چکے ہیں۔

&quot; ظفر اللہ خان ڈھانڈلہ 2012 میں ن لیگ کے سینیٹر اور پھر ان کے کزن ڈاکٹر افضل ایم این اے (موجودہ این اے 92 سے) بنے۔ لیکن وہ 2018ء میں گروپ سمیت پی ٹی آئی میں شامل ہو گئے۔ جب عمران خان کے خلاف عدم اعتماد آئی تو واپس ن لیگ میں آ&nbsp; گئے۔&quot;

&quot; ثناء اللہ مستی خیل کی کہانی بھی ایسی ہی ہے۔ وہ 2002ء میں ق لیگ کے رکن اسمبلی (موجودہ این اے 91 سے) بنے۔ 2008ء میں ن لیگ میں چلے گئے اور پچھلا الیکشن پی ٹی آئی سے لڑا۔ یہاں ووٹر بھی&#39;بندہ&#39; دیکھتے ہیں کہ کون ان کے لڑائی جھگڑے اور تھانہ کچہری کے مسائل حل کرا تا ہے ۔&quot;&nbsp;

بھکر میں نوانی خاندان نے &#39;نوانی عوامی محاذ&#39; اور ڈھانڈلہ خاندان نے&#39;عوامی خدمت محاذ&#39; کے نام سے اتحاد قائم کیے ہوئے ہیں۔

نوانی گروپ نے پچھلا الیکشن آزاد حیثیت میں لڑا تھا جس میں نوانی، مستی خیل، اترا اور حسن خیلی خاندان شامل تھے۔ جبکہ ڈھاندلہ گروپ میں ڈھانڈلہ، شاہانی، خنانخیل اور چھینہ خاندان اتحادی تھے۔

این اے 91 بھکر ون کلورکوٹ، دریا خان اور خانسر، چک 26 ٹی ڈی اے پر مشتمل ہے۔اس کے نیچے صوبائی حلقہ پی پی 89 (کلورکوٹ) اور پی پی 90 بھکر ٹو (دریا خان) آتے ہیں۔

پچھلی بار اس قومی حلقے سے نوانی گروپ کے&nbsp; ثناء اللہ مستی خیل جیتے تھے۔ پی پی 89 سے امیر محمد حسن خیلی اور پی پی 90 سے سعید اکبر خان نوانی کامیاب ہوئے تھے۔ جبکہ ن لیگ کا خنانخیل گروپ ہار گیا تھا۔ بعد ازاں نوانی گروپ کے تینوں ارکان تحریک انصاف میں شامل ہو گئے تھے۔

این اے 92 بھکر ٹو تحصیل منکیرہ اور تحصیل بھکر کے علاقوں پر مشتمل ہے۔ اس کے نیچے دو صوبائی حلقے&nbsp; پی پی 91 اور پی پی 92 آتے تھے۔ یہاں پچھلے دو انتخابات&nbsp; ڈھانڈلہ گروپ اور عامر شاہانی اتحادی تھے۔

2018ء میں اس قومی حلقے سے ڈاکٹر افضل ڈھانڈلہ نے تحریک انصاف کے ٹکٹ پر رشید اکبر نوانی کو ہرایا۔ جبکہ پی پی 92 پر عامر شاہانی نے ملک ظہیر اترا اور پی پی 91 پر غضنفر چھینہ نے سعید اکبر نوانی کو مات دی تھی۔

اب کی بار شاہانی خاندان تقسیم ہو چکا ہے۔ عامر شہانی نے سابقہ مخالف نوانی گروپ سے اتحاد کر لیا ہے جبکہ نعیم اللہ شاہانی ڈھانڈلہ گروپ کے ساتھ کھڑے ہیں۔ آئندہ الیکشن کے لیے ایک تیسرا اتحاد بھی وجود آگیا ہے جس میں مستی خیل، حسن خیلی اور نیازی خاندان شامل ہیں۔

صحافی ادریس عمران کہتے ہیں کہ ڈھانڈلہ گروپ وکٹ کے دونوں طرف کھیل رہا ہے۔ یہ ن لیگ کی حمایت حاصل کرنا چاہتا ہے اور پی ٹی آئی کے ووٹر کو بھی نہیں کھونا چاہتا۔ اسی لیے اس گروپ نے آزاد چناؤ لڑنے کا فیصلہ کیا ہے۔

&nbsp;ن لیگ کی قیادت نے ڈھانڈلہ کی خواہش کے مطابق این اے 92 بھکر ٹو پر افضل ڈھانڈلہ، پی پی 91 پر غضنفر عباس چھینہ ، پی پی 92 نعیم اللہ شہانی اور پی پی 93 پر ضیاء اللہ خان ڈھانڈلہ کے مقابلے میں امیدوار نامزد نہ کرنے کا فیصلہ کیا ہے۔

&nbsp;جبکہ این اے 91 اور پی پی 89 میں ن لیگ نے عبدالمجیدخان اور پی پی 90 میں ملک نذرعباس کہاوڑ کو امیدوار نامزد کر دیا ہے۔

یوں نوانی گروپ اب این اے 91 میں مستی خیل گروپ اور ن لیگ کے خنانخیل گروپ کا مقابلہ کر رہا ہے۔ جبکہ این اے 92 میں ڈھانڈلہ گروپ کے مد مقابل ہے۔

محمد سلیم بلوچ کا خیال ہے کہ اب&nbsp; کلورکوٹ اور دریا خان پر مشتمل قومی اور دونوں صوبائی حلقوں میں ووٹر کا مزاج تبدیل ہوا ہے۔ میانوالی سے قربت اور رشتہ داریوں کے باعث یہاں لوگوں میں عمران خان سے ہمدردی پائی جاتی ہے۔ جس کا چناؤ پر بھی اثر ہو گا۔

وہ کہتے ہیں کہ تحصیل بھکر اور منکیرہ کے حلقوں این اے 92 ، پی پی 91،پی پی 92 اور پی پی 93 میں صورت حال مختلف ہے۔ جہاں نوانی، شاہانی، چھینہ اور ڈھانڈلہ گروپ بہت زیادہ اثر و رسوخ رکھتے ہیں&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;

این اے 91 بھکر ون سے 22 امیدواروں نے کاغذات نامزدگی جمع کرائے ہیں۔ جن میں ثناءاللہ مستی خیل اور ان کی اہلیہ سندس خان، شہاب علی کھوکھر اور عمران خان کے کزن رفیق احمد نیازی کا تعلق پی ٹی آئی سے ہے۔

&nbsp;اس نشست پر رہنما آئی پی پی سعید اکبر نوانی( تاحال آزاد)، ن لیگ کے عبدالمجید خنانخیل، تیمور&nbsp; خان، جماعت اسلامی کے رستم علی ساقی ، امیر محمد خان، پیپلز پارٹی کے اعجاز&nbsp; شاہانی اور ثناءاللہ مستی خیل کی بھانجی بیرسٹر سوّدہ کشمیر خان و دیگر بھی امیدوار ہیں۔

تاہم اس قومی حلقے میں سعید اکبر نوانی، عبدالمجید خنانخیل اور ثنا اللہ مستی خیل یا مستی خیل گروپ کے نامزد امیدوار میں سخت مقابلے کا امکان ہے۔ یہاں سےعبدالمجید خنانخیل اور ثناء اللہ مستی خیل نوانی گروپ کی حمایت سے دو دو مرتبہ چناؤ جیت چکے ہیں۔

تجزیہ کار طارق حمید ملک کہتے ہیں کہ ثناء اللہ مستی خیل نو مئی کیس میں چھ جنوری تک حفاظتی ضمانت پر ہیں جو برقرا ر نہ رہی تو ان کا الیکشن لڑنا مشکل ہو گا ۔اس لیے ممکن ہے ثناء اللہ کی اہلیہ سندس خان کو میدان میں اتارا جائے۔

این اے 92 بھکر ٹو سے رشید اکبر نوانی، ڈاکٹر محمد افضل ڈھانڈلہ، ملک ظہیر احمد اترا، حبیب اللہ نوانی، پیپلز پارٹی کے اعجاز شاہانی، پی ٹی آئی کے سید علی بخاری، رفیق احمد نیازی اور فرحان نثار، ٹی ایل پی کے محمد امجد و دیگر نے کاغذات نامزدگی جمع کرائے ہیں۔

تاہم اس نشست پر رشید اکبر نوانی اور محمد افضل ڈھانڈلہ کے درمیان گھمسان کا رن پڑے گا۔

یہاں صوبائی حلقوں میں امیدوار بڑی تعداد میں سامنے آئے ہیں۔ اکثر حلقوں میں پی ٹی آئی نے زیادہ لوگوں کے کاغذات جمع کرائے ہیں تاکہ ایک نامزدگی مسترد ہونے پر دوسرا&nbsp; مناسب امیدوار لایا جا سکے۔

پی پی 89 بھکر ون کلورکوٹ سے سابق ایم پی اے امیر محمد خان، عبدالجبار عباسی(نوانی گروپ)، حکیم محمد مستی خیل، عبدالمجید خنانخیل(ن لیگ)، افتخار حسین شاہ(جماعت اسلامی)، فرحان خان مستی خیل، عزیز احمد و دیگرنے کاغذات نامزدگی جمع کرائے ہیں۔

&nbsp;تاہم اس نشست پر امیر محمد حسن خیلی، عبدالمجید خنانخیل اور عبدالجبار عباسی کے درمیان کڑا مقابلہ متوقع ہے

حلقہ پی پی 90 بھکر ٹو دریا خان سے احمد نواز نوانی، ن لیگ کے نذر عباس کہاوڑ، جماعت اسلامی کے نوید احسن ، پی ٹی آئی کے عرفان اللہ نیازی(چار فارم)، فرحان نثار، شہاب علی، ٹی ایل پی کے خالد عمر و دیگر نے کاغذات نامزدگی جمع کرائے ہیں۔

&nbsp;اس حلقے میں احمد نواز نوانی، عرفان اللہ نیازی اور ملک نذر کہاوڑ کے درمیان دلچسپ الیکشن دیکھنے کو ملے گا۔

اس حلقہ کے بڑے زمیندار بلوچ، قریشی، جھمٹ، واگہوارہ، ملک، سید، اولکھ اور کھوکھر نوانی گروپ کا حصہ ہیں۔ جبکہ امیر محمد خان یہاں خاصے مقبول ہیں۔ تاہم پی ٹی آئی ووٹر عرفان اللہ نیازی کے ساتھ ہو گا مگر وہ ابھی روپوش ہیں۔

&nbsp;پی پی 91 بھکر تھری منکیرہ سے سعید اکبر نوانی، ملک غضنفر عباس چھینہ، ملک انصر چھینہ، حبیب اللہ نوانی، پی ٹی آئی سے اختر قاسم سمیت کئی امیدواروں نے نامزدگی فارم داخل کرائے ہیں۔

&nbsp;تاہم یہاں اصل مقابلہ غضنفر عباس چھینہ اور سعید اکبر نوانی کے درمیان متوقع ہے۔ چھینہ پہلے بھی دو مرتبہ منتخب ہوچکے ہیں۔

&nbsp;پی پی 92 بھکر فور (بھکر شہری) سے عامر عنایت شہانی، نعیم اللہ شہانی، ملک ظہیر احمد اترا، پی ٹی آئی کی رضوانہ نثار، فرحان نثار، رفیق احمد نیازی، پی پی پی کے اعجاز شاہانی سمیت 23 امیدوار ہیں۔

یہاں سے نعیم اللہ شاہانی تین بار اور عامر عنایت شاہانی دو مرتبہ منتخب ہو چکے ہیں۔ اترا خاندان سے ملک نذیر اور ان کے بیٹے عادل نذیر بھی ایک ایک بار منتخب ہوچکے ہیں۔

اس صوبائی نشست پر نوانی گروپ کے عامر عنایت شاہانی اور ان کے کزن نعیم اللہ شاہانی (ڈھانڈلہ گروپ کے حمایت یافتہ)کے درمیان&nbsp; کانٹے دار&nbsp; مقابلہ ہوگا۔ یہاں ملک ظہیر اترا اور حبیب اللہ نوانی نوانی گروپ کے لیے خطرہ ثابت ہو سکتے ہیں۔

&nbsp;پی پی 93 بھکر فائیو (بھکر دیہی) سے حمیدہ بانو، عامر شہانی، ضیاءاللہ ڈھانڈلہ، حبیب اللہ نوانی، چوہدری محمد نصراللہ، منتظر مہدی، ٹی ایل پی کے بہرام خان ، پی ٹی آئی کے فرحان نثار، آصف عنایت شاہانی اور محمد افضل ڈھانڈلہ سمیت متعدد امیدواروں نے کاغذات جمع کرائے ہیں۔

تاہم توقع کی جا رہی ہے کہ&nbsp; اصلہ دوڑ عامر عنایت شاہانی اور ضیاء اللہ ڈھانڈلہ کے درمیان&nbsp; ہو گی۔ مگر یہاں سابقہ اتحادیوں حبیب اللہ نوانی اور چوہدری نصراللہ کے الیکشن لڑنے کا نقصان نوانی گروپ کو ہو گا۔

امید واروں کے کاغذات نامزدگی پر اعتراضاضات کے بعد ہی اصل صورت حال کا اندازہ ہو گا۔

میانوالی کے دو سابق ارکان قومی اسمبلی جیل میں ہیں، متبادل امیدواروں اور روایتی سیاسی خاندانوں میں مقابلے

ضلع بھکر: با اثر سیاسی خاندانوں کی قلابازیاں اور جوڑ توڑ، کس علاقے میں کیا تبدیلی آئی ہے

مرید عباس، بھکر کے علاقے نوتک نشیب کے زمیندار ہیں۔ انہوں نے پچھلے سال 50 ایکڑ سے زائد رقبے پر گندم کاشت کی تھی لیکن رواں سال 30 ایکڑ گندم اور باقی رقبے پر چقندر&nbsp; کاشت کیا ہے۔

&nbsp;وہ گندم کم کاشت کرنے کی وجہ بے یقینی بتاتے ہیں۔ وہ کہتے ہیں کہ ضلع بھکر میں یوریا کھاد نہیں مل رہی۔

&quot;پہلے پانی پر فصل کے لیے یوریا مل بھی جائے تو دوسری آبپاشی پر دستیابی کی کوئی گارنٹی نہیں ہے&quot;۔

&nbsp;ان کا کہنا ہے کہ حکومت نے یوریا کی فی بوری قیمت تین ہزار 450 سے تین ہزار 650 روپے مقرر کر رکھی ہے۔ مگر ضلع بھر میں جہاں بھی دستیاب ہے پانچ ہزار روپے بوری بک رہی ہے۔ جو اصل قیمت سے 1600 روپے زائد ہے۔

وہ بتاتے ہیں کہ پچھلے تین سال میں بجلی اور ڈیزل کے نرخ بہت بڑھ چکے ہیں۔ اوپر سے کھاد کی ناجائز منافع خوری سے گندم کے فی ایکڑ اخراجات میں اضافہ ہو رہا ہے۔ جس نے کاشت کار کو پریشان کر کے رکھ دیا ہے۔

وفاقی حکومت کے ادارے نیشنل فرٹیلائزر ڈیویلمپنٹ سینٹر کی رپورٹ کے مطابق اگست 2023ء میں ڈی اے پی (ڈی امونیم فاسفیٹ) کھاد کی 50 کلو بوری کی قیمت 10 ہزار 689 روپے تھی جو دو ماہ بعد 12ہزار 183 روپے تک پہنچ گئی تھی۔

اس رپورٹ کے مطابق رواں سال&nbsp; اگست سے اکتوبر تک دو ماہ میں یوریا کی قیمت تین ہزار 592 سے بڑھ کر تین ہزار 786 روپے ہو چکی تھی۔ پچھلے سال اکتوبر میں یوریا کھاد کسانوں کو دو ہزار425 روپے تک فی بوری مل رہی تھی۔

رپورٹ میں یہ بھی بتایا گیا تھا کہ ملک میں ربیع سیزن کے لیے 36 لاکھ47 ہزار ٹن یوریا کھاد دستیاب ہے۔ جبکہ سیزن کی ضرورت 33 لاکھ 35 ہزار ٹن ہو سکتی ہے یعنی ملک میں طلب سے زائد یوریا کھاد موجود ہے۔ 
رواں سیزن میں ڈی اے پی کی طلب کا اندازہ نو لاکھ ایک ہزار ٹن لگایا گیا تھا جبکہ آٹھ لاکھ 65 ہزار ٹن کھاد دستیاب ہے۔ یعنی یہ ضرورت سے تھوڑی سی کم ہے۔

موضع ہزارہ کے رہائشی قیصر عباس خان میڈیسن کا کاروبار کرتے ہیں لیکن پچھلے چھ سال سے اپنا 60 ایکڑ رقبہ خود کاشت کر رہے ہیں۔ وہ بتاتے ہیں کہ جب انہوں نے کاشتکاری شروع کی تو یوریا آسانی سے دستیاب تھی اور ریٹ بھی مناسب تھا۔

&quot;امدادی قیمت کم ہونے کے باوجود ہم نے گندم سے منافع کمایا مگر دو سال سے ذخیرہ اندوزوں نے کاشتکاری کو مشکل بنا دیا ہے۔ گندم کی بوائی کے وقت ڈی اے پی کھاد کا بحران ہوتا ہے، اس کے بعد یوریا نہیں ملتی۔&quot;

وہ کہتے ہیں کہ کھاد کی سرکاری قیمتیں محض کاغذوں میں درج ہیں۔ حکومت کاشتکاروں کو کنٹرول ریٹ پر کھاد فراہم کرانے میں ناکام رہی ہے،&nbsp; اوور چارجنگ اور بلیک مارکیٹنگ افسران کی ملی بھگت کے بغیر ممکن ہی نہیں ہے۔

&quot;ضلعی انتظامیہ کے جو افسر گندم کی خریداری کا ہدف پورا کرنے کے لیے کسانوں کے گھروں سے گندم اٹھا لاتے ہیں، یہ کیسے ممکن ہے کہ وہ چند کھاد ڈیلرز کے گوداموں سے بے خبر ہوں، ڈپٹی کمشنر ذمہ داری پوری کریں تو کھاد کا خود ساختہ بحران ختم ہو سکتا ہے۔&quot;

محکمہ شماریات کے مطابق ضلع بھکر میں گزشتہ سال چار لاکھ تین ہزار ایکڑ گندم کاشت کی گئی تھی۔ امسال اب تک چار لاکھ چھ ہزار 230 ایکڑ گندم کاشت کی جا چکی ہے۔

زراعت افسر ڈاکٹر سجاد حسین نے لوک سجاگ کو بتایا کہ رواں سال ضلعے میں چار لاکھ دو ہزار ایکڑ رقبے پر گندم کی کاشت کا ہدف مقرر کیا گیا تھا۔

گندم کی کاشت پندرہ دسمبر تک مکمل کی جاتی ہے۔ تاہم کماد سے خالی ہونے والی زمین پر دسمبر کے آخری ہفتہ تک بھی بوائی جاری رہتی ہے۔ گذشتہ سال کے مقابلے میں رواں سال گندم کی کاشت پچاس ہزار ایکڑ زیادہ متوقع ہے۔ کیونکہ کسان کینولا اور سرسوں کی بجائے گندم کی کاشت کو ترجیح دے رہے ہیں۔

&quot;ضلع میں گندم کے لیے نو لاکھ بوری یوریا کی ضرورت ہے۔ تاہم ہم نے انتظامیہ سے اپنے ہدف کے مطابق سات لاکھ 51 ہزار 960 بوری یوریا کی ڈیمانڈ کی ہے۔ اس میں سے اکتوبر اور نومبر میں ہمیں صرف پونے دو لاکھ بوری یوریا ملی ہے جو&nbsp; پہلی آبپاشی کی ضرورت سے بھی دو لاکھ ایک ہزار بوری کم ہے۔&quot;

زراعت افسر کا کہنا تھا کہ طلب اور رسد میں بہت فرق ہے۔

&quot;ایک تو کھاد ڈیلرز منافع خوری کرتے ہیں۔ دوسرے اگر کسانوں کو بروقت یوریا نہ ملی تو اس سے گندم کی فصل کو نقصان پہنچ سکتا ہے&quot;۔

&nbsp;ڈپٹی کمشنر آفس (ایس این اے برانچ) میں کھاد کے لیے بنائے گئے ڈیش بورڈ کے انچارج محمد نواز بتاتے ہیں کہ مختلف کھاد کمپنیوں نے نومبر میں لگ بھگ 86 ہزار بوری یوریا فراہم کی ہے۔ ڈی سی بھکر یوریا کی قلت کے خاتمے کے لیے بھرپور کوشش کر رہے ہیں۔

وہ کہتے ہیں کہ ڈپٹی کمشنر نے صوبائی حکومت سے ایک لیٹر کے ذریعے بھکر میں یوریا کا کوٹہ بڑھانے کا مطالبہ کیا ہے۔ اگر چیف سیکرٹری درخواست منظور کر لیتے ہیں تو یہاں کسانوں کی مشکلات کم ہو جائیں گی۔

&nbsp;محمد نواز کا کہنا تھا کہ محکمہ زراعت کے افسران ناجائز منافع خوری پر اب تک چالیس کے قریب کھاد ڈیلرز کے خلاف مقدمات درج کرا چکے ہیں اور 32 لاکھ روپے جرمانہ بھی عائد کیا گیا ہے جبکہ جعلی یوریا کی چھ ہزار بوری تحویل میں لی گئی ہے۔

&nbsp;بھکر کے ایک معروف فرٹیلائزر ڈیلر نے نام ظاہر نہ کرنے کی شرط پر بتایا کہ کھاد کی ذخیرہ اندوزی اور ناجائز منافع خوری کی ایک بڑی وجہ &#39;گھوسٹ ڈیلرز &#39;ہیں۔ تمام کھاد کمپنیوں میں ایسے ڈیلر رجسٹرڈ ہیں جن کا تعلق بھکر سے نہیں بلکہ دیگر اضلاع سے ہے۔

وہ کہتے ہیں کہ ملتان اور ڈیرہ اسماعیل خان کے دو بڑے &#39;گھوسٹ&#39; ڈیلرز بھکر کے کوٹہ کے نام پر سیزن سے پہلے ہی ہزاروں بوری یوریا کمپنیوں سے بک کرا لیتے ہیں۔ بعد ازاں چند ایک کے علاوہ تمام چھوٹے بڑے کھاد ڈیلرز کو مہنگے داموں ادھار پر مال سپلائی کرتے ہیں۔ 
&nbsp; 
&quot;ڈیلر سے مہنگی کھاد خریدنے والے آگے کسانوں کو بھی مہنگی بیچتے ہیں۔ ضلعی انتظامیہ اور محکمہ زراعت کے افسران ان گھوسٹ ڈیلرز سے واقف ہیں لیکن ان کے خلاف کبھی کوئی اقدام نہیں اٹھایا گیا۔ نہ کمپنیوں سے ان کی رجسٹریشن ختم کرانے کی کوشش کی گئی ہے۔&quot;

میانوالی میں کھاد ڈیلروں نے طلب اور رسد کا "کنٹرول" سنبھال لیا، ڈی اے پی کے نرخ دوگنا

" گندم کی کاشت کے وقت ڈی اے پی کھاد کا بحران ہوتا ہے، اس کے بعد یوریا نہیں ملتی"

ضلع بھکر کی آبادی میں چھ سال کے دوران تین لاکھ سے زائد نفوس کا اضافہ&nbsp; دیکھنے میں آیا ہے۔ الیکش کمیشن نے نئی آبادی کی بنیاد پر بھکر میں صوبائی اسمبلی کی ایک نشست کا اضافہ کر دیا ہے۔

اس ضلعے کی آبادی تقریباً ساڑھے 16 لاکھ تھی تو قومی اسمبلی کی دو اور صوبائی اسمبلی کی چار نشستیں تھیں۔ان میں پی پی 89 بھکر ون کلورکوٹ، پی پی 90 بھکر ٹو دریا خان، پی پی 91 بھکر تھری منکیرہ اور پی پی 92 بھکر فور شامل تھیں۔

اب جب کہ آبادی 20 لاکھ کے قریب پہنچ گئی ہے تو قومی اسمبلی کے حلقوں کے صرف نمبر ہی تبدیل ہوئے ہیں۔جو این اے 97 اور این اے 98 سے اب این اے 91 اور این اے 92 ہو گئے ہیں۔

&nbsp;نئی حلقہ بندی میں اس ضلعے کے صوبائی حلقے پانچ ہو گئے ہیں۔ جن میں سے چار پرانے حلقوں کے نمبر برقرار رکھے گئے ہیں، البتہ نئے حلقہ پی پی 93 بھکر فائیو کا اضافہ ہو گیا ہے۔

صوبائی اسمبلی کے نئے حلقے پی پی 93 میں شامل کیے جانے والے بیشتر علاقے تحصیل بھکر&nbsp; کے پرانے حلقے پی پی 92 سے ہیں۔

پی پی 91 منکیرہ سے وہ علاقہ نئے حلقے میں شامل کر دیا گیا ہے جو گزشتہ حلقہ بندی میں بھکر تحصیل سے اس حلقے میں شامل کیا گیا تھا۔ یوں پی پی 91 اور پی پی 92 میں زیادہ تبدیلیاں آئی ہیں۔

نئے صوبائی حلقے کے اضافے کا&nbsp; این اے 97 اور پی پی 89 کلور کوٹ، پی پی 90 دریا خان پر زیادہ اثر نہیں ہوگا کیونکہ ان میں معمولی رد وبدل کیا گیا ہے۔

البتہ حلقہ پی پی 91 منکیرہ میں پوری تحصیل منکیرہ اور اس کے ساتھ تحصیل بھکر کی قانون گوئی خان پور کے پٹوار سرکل سے خان پور شمالی، چک نمبر 209 ٹی ڈی اے اور قانون گوئی حلقہ مسلم (کراڑی)کوٹ کو شامل کیا گیا۔

&nbsp;اسی طرح حلقہ پی پی 92 بھکر فور میں میونسپل کمیٹی بھکر چارج نمبر 11 اور 12، ٹاون کمیٹی کوٹلہ جام ڈگر چارج نمبر 3، قانون گوئی حلقے 26 ٹی ڈی اے، خانسر اور بھکر نشیب شامل ہیں۔ جبکہ دریاخان تحصیل کی قانون گوئی دریا خان کے پٹوار سرکل رکھ ڈگراں والی اور دریاخان ڈگر کے سوا باقی علاقہ اسی حلقے میں شامل ہے۔

&nbsp;حلقہ پی پی 93 بھکر فائیو یعنی نئے حلقے میں قانون گوئی حلقے بھکر ڈگر ون، بھکر ڈگر ٹو، چھینہ ڈگر، چھینہ نشیب، بہل نشیب اور بہل ڈگر شامل ہیں۔

اس کے علاوہ پٹوار سرکلز خان پور شمالی اور چکنمبر 209 ٹی ڈی اے کو نکال کر قانون گوئی حلقہ خان پور کو بھی اسی نئے حلقے میں شامل کیا گیا ہے۔

<h2>شاہانی کیوں پریشان ہیں؟</h2>

حلقوں کی تبدیلی اور ایک نشست کے اضافے سے تحصیل بھکر کے دو سیاسی گھرانے (نوانی اور ڈھانڈلہ) جہاں خوش ہیں۔ وہیں یہ تبدیلی اسی حلقے سے دو مرتبہ رکن پنجاب اسمبلی منتخب ہونے والے عامر عنایت شاہانی کے لیے پریشانی کا سبب ہو سکتی ہے۔خیال ہے کہ ان کے ووٹر تقسیم ہو گئے ہیں۔

عامر شاہانی گذشتہ دونوں عام انتخابات میں ڈھانڈلہ گروپ کے اتحادی رہے۔ دونوں بار ڈاکٹر افضل ڈھانڈلہ این اے 98 جبکہ عامر شاہانی پی پی 92 سے کامیاب ہوئے۔ دونوں نے 2013ء میں آزاد اور 2018ء میں تحریک انصاف کے ٹکٹ پر حصہ لیا تھا۔ ان کے مد مقابل نوانی گروپ کو شکست کا سامنا کرنا پڑا تھا۔

&nbsp;2013ء میں رشید اکبر نوانی نے ڈاکٹر افضل کے مقابلے میں مسلم لیگ ن کے ٹکٹ پر کاغذات نامزدگی جمع کرائے تھے مگر الیکشن سے چند روز قبل انہیں نااہل قرار دے دیا گیا تھا۔ جس کے بعد کورنگ امیدوار اور نوجوان سیاستدان احمد نواز نوانی نے آزاد الیکشن لڑا تھا۔

2018 ء میں بھی ڈاکٹر افضل ڈھانڈلہ این اے 98 پر آزاد امیدوار رشید اکبر نوانی سے پانچ ہزار کے قریب ووٹوں سے جیت گئے تھے۔ پی پی 92 بھکر فور پر عامر شاہانی نے ملک ظہیر احمد اترا کو شکست دی تھی۔ جبکہ پی پی 91 بھکر تین منکیرہ پر تحریک انصاف کے غضنفر عباس چھینہ آزاد امیدوار سعید اکبر نوانی سے جیت گئے تھے۔

&nbsp;پچھلے الیکشن میں این اے 97، پی پی 89 اور پی پی 90 سے نوانی گروپ کے حمایت یافتہ امیدواروں نے کامیابی حاصل کی تھی۔ آزاد امیدوار ثناء اللہ مستی خیل ایم این&nbsp; اے بنے تھے۔ پی پی 89 کلور کوٹ سے نوانی گروپ کے امیر محمد حسن خیلی اور پی پی 90 دریا خان سے آزاد سعید اکبر خان نوانی کامیاب ہوئے تھے۔

سینئر صحافی ادریس عمران رانا بتاتے ہیں کہ بظاہر نئے حلقے کا عامر عنایت شاہانی کو نقصان ہوا ہے۔ ان کی آبائی یونین کونسلیں ملانوالی اور پیر اصحاب (چھینہ نشیب) اور بڈیانی کو پی پی 92 سے نکال دیا گیا ہے۔ دوسری طرف مخالف امیدوار ملک ظہیر اترا کی آبائی یونین کونسل گڈولہ ودیگر علاقے پی پی 90 دریا خان سے پی پی 92 بھکر میں شامل کر دیے گئے ہیں۔

وہ کہتے کہ عامر عنایت شہانی اپنے حامیوں کے ذریعے حلقہ بندی پر اعتراض داخل کرا چکے ہیں ۔جس میں ملانوالی، پیر اصحاب اور بڈیانی کو پی پی 92 میں شامل کرنے اور خانسر، ڈگر اولکھ گڈولہ کو واپس پی پی 90 دریا خان میں شامل کرنے کی درخواست کی گئی ہے۔

ملک غضنفر چھینہ کے حامیوں نے قانون گوئی حلقہ مسلم(کراڑی) کوٹ کو پی پی 91 منکیرہ سے نکال کر پی پی 92 میں شامل کرنے کی مانگ کی ہے۔ ان دو امیدواروں کے سوا کسی جانب سے کوئی اعتراض سامنے نہیں آیا۔

سابق ایم پی اے و صوبائی وزیر نعیم اللہ شاہانی نے لوک سجاگ سے گفتگو کرتے ہوئے کہا کہ نیا حلقہ بنانے کے لیے الیکشن کمیشن نے بہترین حکمت عملی اختیار کی ہے۔ نئے حلقے میں بھی کوئی سیاسی دھڑا اکیلا کامیاب نہیں ہو سکتا۔

<h2>نوانی فیملی کو فائدہ اور ڈھانڈلہ خاندان کی مضبوطی</h2>

گورنمنٹ کالج بھکر کے پروفیسر عبدالعزیز انجم کہتے ہیں کہ نئی حلقہ بندیوں کا سب سے زیادہ فائدہ نوانی خاندان کو پہنچ سکتا ہے۔ سابقہ حلقہ بندیوں میں نوانی گروپ کے حامیوں کی یونین کونسلز کو چاروں صوبائی حلقوں میں بکھیر دیا گیا تھا۔ اب وہ پی پی 92 بھکر اور پی پی 91 میں شامل ہو چکی ہیں۔

سابق این اے 98 سابقہ اور موجودہ 92 کی جو قانون گوئیاں 2018ء میں سابقہ حلقہ این اے 97 موجودہ این اے 91 میں شامل کی گئی تھی وہ اب واپس این اے 92 آچکی ہیں جن میں یوسی خانسر، یوسی ڈگر اولکھ اور یوسی گڈولہ سمیت دیگرعلاقے قابل ذکر ہیں، جس کے بعد نوانی خاندان کا ووٹ بیلنس تقریباً تمام حلقوں میں برابر ہو چکا ہے۔ انہیں این اے 92 میں اپنی جیت کے امکان واضح نظر آ رہے ہیں۔

عبدالعزیز انجم سمجھتے ہیں کہ نئے حلقے کی تشکیل سے ڈھانڈلہ خاندان مضبوط پوزیشن میں آ گیا ہے اور یہ خاندان اس نشست کو اپنے ہاتھ سے جانے نہیں دے گا۔

نئی حلقہ بندیوں میں ڈھانڈلہ خاندان کے ذاتی اثر ورسوخ والی تین یونین کونسلز، یوسی ڈھانڈلہ، یوسی ہموں والی اور یوسی یوسف شاہ شامل ہیں۔ مقامی طور پر رہائش پذیر ہونے کے باعث اردگرد کی یوسیز، نوتک، بہل اور ملانوالی بھی ان کے زیر اثر ہیں۔

اس کے ساتھ ہندوستان سے پاکستان ہجرت کرکے آنے والے مہاجرین جن کی اکثریت صرف اور صرف مسلم لیگ کو ہی ووٹ دیتی چلی آ رہی ہے وہ بھی ڈھانڈلہ خاندان کی طرف جھکاؤ رکھتی ہے کیونکہ ڈھانڈلہ خاندان زیادہ تر مسلم لیگ ن کے ساتھ ہی منسلک رہا ہے۔ اس طرح 51 چکوک پر مشتمل حلقے کی تقریباً نصف آبادی انتخابی نتائج پر بھرپور طریقہ سے اثر انداز ہو سکتی ہے۔

&nbsp;بھکر کے پرانے سیاسی تجزیہ کار طارق حمید ملک کہتے ہیں کہ نئی حلقہ بندیوں سے عامر عنایت شہانی اور غضنفر چھینہ کے سوا کسی سیاسی گروپ کو کوئی نقصان نہیں ہوا۔تاہم ہار جیت کا فیصلہ مقامی دھڑوں کی صف بندی کرے گی۔

ضلع بہاولپور: چار قومی اور آٹھ صوبائی انتخابی حلقوں میں تبدیلیاں، فائدہ کس کو ہو گا؟

نئی حلقہ بندی، ضلع بھکر میں ایک صوبائی نشست کا اضافہ کس سیاسی خاندان کو مضبوط کرے گا؟

ٹانک کے رہائشی سید سفیر حسین شاہ کو بیٹی کے علاج کے لیے مقامی ڈاکٹر نے ملتان لے جانے کا مشورہ دیا۔ وہ اگلے ہی روز&nbsp; اپنی اہلیہ، برادر نسبتی اور 12 سالہ بیمار بیٹی دعا زہرا کے ہمراہ ملتان روانہ ہوئے۔ راستے میں سرائے مہاجر چوک پر بچی کی طبیعت زیادہ خراب ہونے لگی۔ وہاں ایک ڈاکٹر نے انہیں مشورہ دیا کہ وہ اسے فوری طور پر بھکر کے ڈسٹرکٹ ہیڈ کوارٹر ہسپتال لے جائیں جو وہاں سے قدرے نزدیک تھا۔

سفیر اپنے ایک ویڈیو بیان میں بتاتے ہیں کہ جب وہ بچی کو بھکر کے ہسپتال لے گئے تو عملے نے اسے ایمرجنسی وارڈ میں بھیج دیا۔ وہاں کچھ دیر انتظار کرنے کے باجود جب کوئی ڈاکٹر اسے دیکھنے نہ آیا تو وہ ڈیوٹی پر موجود ڈاکٹر احسن کے پاس چلے گئے جو موبائل فون پر مصروف تھا۔

سفیر&nbsp; کے بقول انہوں ںے ڈاکٹر سے کہا کہ ان کی بچی کی حالت خراب ہے لہٰذا اسے فوری چیک کیا جائے مگر ڈاکٹر نے اس پر کوئی توجہ نہ دی جس پر طیش میں آ کر انہوں نے ڈاکٹر کا گریبان پکڑ لیا۔ اس دوران شور سن کر ہسپتال کا عملہ بھی وہاں آ پہنچا جس نے انہیں مارنا پیٹنا شروع کر دیا۔ اس دوران بچی پر کسی نہ توجہ نہ دی جس کی حالت بگڑتی چلی گئی۔

سفیر کہتے ہیں کہ طبی امداد نہ ملنے کے باعث ان کی بیٹی نے کچھ دیر بعد دم توڑ دیا۔ اس دوران ڈاکٹر احسن درجن بھر افراد کے ساتھ ایمرجنسی وارڈ میں آئے اور انہیں تشدد کا نشانہ بناتے رہے۔

&quot;یہ لوگ مجھے مار رہے تھے اور میری بیوی رو رو کر انہیں ان کی منت سماجت کر رہی تھی کہ مت ماریں ہماری بیٹی فوت ہو گئی ہے کچھ تو خیال کریں۔&quot;

&nbsp;مقامی وکیل مداح حسین ایڈووکیٹ اس واقعے کے وقت ڈی ایچ کیو میں موجود تھے۔ ان کا کہنا ہے کہ ایمرجنسی ہال پہنچنے پر انہوں نے دیکھا کہ سفیر حسین اور ان کے برادر نسبتی ڈاکٹروں اور&nbsp; عملے کی منتیں کر رہے تھے کہ ان کی بیٹی کی لاش حوالے کر دیں اور انہیں جانے دیں مگر وہ نہیں مان رہے تھے۔

اتنی دیر میں ڈی ایس پی کی قیادت میں پولیس بھی موقع پر پہنچ گئی جنہوں نے سفیر حسین کو حراست میں لے لیا۔ مداح حسین کہتے ہیں کہ انہوں نے ان لوگوں کی پولیس اور ڈاکٹروں سے جان خلاصی کروانے کی کوشش کی مگر ناکام رہے۔

بچی کی ہلاکت کا واقعہ سوشل میڈیا کے ذریعے مختصر وقت میں مشہور ہو گیا جس پر شہر بھر میں غم و غصے کی لہر دوڑ گئی اور مقامی لوگوں ںے ہسپتال اور ڈاکٹروں کے خلاف احتجاجی مظاہرے شروع کر دیے۔

اس واقعے سے اگلے روز سفیر کے برادر نسبتی ملازم حسین نے اس نمائندے کو بتایا کہ &quot;ہم تو ہسپتال والوں سے اپنی بچی کے لیے چند سانسوں کی بھیک مانگتے رہے تھےکہ اس کو آکسیجن لگائیں مگر انہوں نے مجرمانہ غفلت کا مظاہرہ کیا اور شکایت کرنے پر مریضہ کو چیک کرنے کے بجائے میرے بہنوئی پر تشدد کرتے رہے۔ میں نے بیچ بچاؤ کروانے کی کوشش کی تو مجھ پر بھی تشدد کیا اور تین گھنٹے تک میری بھانجی کی لاش پر قبضہ کیے رکھا۔&quot;

ان کا کہنا تھا کہ سفیر&nbsp; نے ڈاکٹر کا گریبان پکڑ کر غلطی کی تھی لیکن ڈاکٹر نے پولیس پر دباؤ ڈالا کہ ان کے خلاف دہشت گردی ایکٹ کے تحت مقدمہ درج کیا جائے۔

&quot;میں نے ڈی ایس پی اور ینگ ڈاکٹرز ایسوسی ایشن کے صدر ڈاکٹر عامر اقبال ڈھانڈلہ کی منت سماجت کی کہ بچی کا جنازہ پڑھانا اور تدفین کرنی ہے۔ باپ کے بغیر یہ سب کیسے ہو گا تو انہوں نے بطور ضمانت ہماری گاڑی قبضے میں لے لی اور کہا کہ تدفین کے فوراً بعد سفیر حسین واپس آ کر خود کو ہمارے حوالے کرے گا، اس کے بعد گاڑی واپس ملے گی۔&quot;

ملازم حسین کے بقول جب ہسپتال کے عملے کے چند افراد نے ڈی ایس پی کو حقائق بتائے تو تبھی پولیس افسروں نے نرمی اختیار کی۔

ڈی ایچ کیو میں کلاس فور کے ایک ملازم&nbsp; اور واقعے کے عینی شاہد نے اپنا نام ظاہر نہ کرنے کی شرط پر بتایا کہ جب یہ لوگ اپنی مریضہ کو لے کر ڈی ایچ کیو آئے تو بچی کی سانسیں اکھڑی ہوئی تھیں۔ انہوں نے سٹریچر ڈاکٹر کے کمرے کے سامنے رکھا۔ سفیر ایمرجنسی میں بیٹھے ڈاکٹر احسن کے کمرے میں داخل ہوئے اور ان سے کہا کہ مریضہ کی حالت بہت خراب ہے آپ اسے دیکھ لیں۔ مگر ڈاکٹر نے اپنی سیٹ سے نہ اٹھے جس پر سفیر شاہ نے تعیش میں آکر ڈاکٹر کے گریبان سے پکڑ لیا۔

ملازم کے مطابق سفیر شاہ پر تشدد کرنے والوں میں ایمرجنسی ہال کا کوئی ڈاکٹر یا عملے کا فرد شامل نہیں تھا۔ تشدد ہاسٹل سے آنے والے ڈاکٹروں نے کیا۔ بھکر کے بڑے زمیندار گھرانے سے تعلق رکھنے والے ایک ڈپٹی میڈیکل سپرنٹنڈنٹ بھی ان میں شامل تھے۔

چوہدری نوید یونس مقامی صحافی اور سوشل میڈیا ایکٹیویسٹ ہیں۔ ان کا کہنا ہے کہ انہوں نے اپنے طور پر معلومات لینے کے بعد سوشل میڈیا پر اس&nbsp; خاندان کے حق میں آواز بلند کی۔ اس پلیٹ فارم پر بھکر کے شہری بھی انتظامیہ سے فوری طور پر شفاف انکوائری اور ڈیوٹی پر موجود ڈاکٹر احسن کے خلاف کارروائی کا مطالبہ کرنے لگے اور ایک ہی روز میں سوشل میڈیا پر احتجاجی تحریک شروع&nbsp; ہو گئی۔

&nbsp;ینگ ڈاکٹرز ایسوسی ایشن (وائی ڈی اے) نے جواباً مذکورہ ڈاکٹر کی زخمی حالت میں تصاویر&nbsp; اپنے سوشل میڈیا پیج سے شیئر کیں جس میں ان کے ہاتھوں اور سر پر پٹیاں بندھی ہیں۔ تاہم سوشل میڈیا صارفین نے واقعہ کے بعد کی ایسی تصاویر بھی سوشل میڈیا پر وائرل کر دیں جن میں ڈاکٹر احسن زخمی دکھائی نہیں دیتے۔

نوید یونس کہتے ہیں حالات کی سنگینی کے پیش نظر تین دن بعد ڈپٹی کمشنر ڈاکٹر نور محمد نے انکوائری کمیٹی تشکیل دے کر معاملے کی تحقیقات شروع کروائیں۔ اس سلسلے میں جب ڈی ایس پی ملک مظہر حسین نون سے معلومات لینے کی کوشش کی گئی تو ان کا کہنا تھا کہ وہ اس معاملے کی انکوائری کمیٹی کے رکن ہیں اس لیے اس پر کوئی بات نہیں کر سکتے۔

ضلع قلعہ عبداللہ: 'میری اہلیہ کو لیڈی ڈاکٹر میسر آتی تو اس کی جان بچ سکتی تھی'

'مت ماریں ہماری بیٹی فوت ہو گئی ہے'، بھکر ہسپتال میں جاں بحق ہونے والی مریضہ اور لواحقین کے ساتھ کیا ہوا؟

سیکنڈ ائیر کی طالبہ لبنیٰ (فرضی نام) ایک پرائیویٹ اکیڈمی میں ٹیوشن پڑھنے کے لیے روزانہ شام کے وقت پانچ کلومیٹر فاصلہ طے کر کے اپنے گاؤں سے بھکر شہر آتی ہیں۔ وہ یہ سفر رکشے پر کرتی ہیں جس میں ان کے ساتھ پانچ دیگر طالبات بھی ہوتی ہیں۔

ایک سال پہلے محلہ لعل درویش کے چند اوباش نوجوانوں نے ان کے رکشے کا تعاقب کرنا شروع کر دیا۔ یہ نوجوان ان پر جملے کستے اور ہراساں کرتے تھے۔ لبنیٰ اور ان کی ساتھی طالبات ایک سال تک خاموشی سے یہ سب کچھ جھیلتی رہیں۔ انہیں ڈر تھا کہ اگر انہوں نے اپنے گھر والوں کو اس بارے میں بتایا تو وہ انہیں پڑھائی سے روک دیں گے۔

لبنیٰ کہتی ہیں کہ انہیں تعلیم حاصل کرنے کا جنون کی حد تک شوق ہے۔ اور اسی لیے وہ روزانہ کالج اور اکیڈمی کئی کلومیٹر کا سفر طے کر کے دو بار بھکر شہر آتی جاتی ہیں۔ تاہم یہ کٹھن سفر ان اوباش نوجوانوں نے ان کے لیے مزید اذیت ناک بنا دیا۔

&quot;ایک دن ان اوباشوں نے ریلوے کراسنگ پر رکشے کو روک کر ہمیں زبردستی نیچے اتارا اور ہمارے ساتھ دست درازی شروع کردی جس سے ہمارے سروں سے دوپٹے اتر گئے اور ہماری چادریں پھٹ گئیں۔&quot;

مقامی کالج کے لیکچرار عبدالعزیز انجم بہل روڈ جنوبی ریلوے کراسنگ کے قریب رہتے ہیں۔ انہوں نے اس نمائندے کو بتایا کہ وہ شور کی آواز سن کر ریلوے کراسنگ کے قریب پہنچے تو افسوس ناک منظر دیکھنے کو ملا۔ اوباش نوجوانوں کا گینگ طالبات سے نازیبا حرکات اور غیر اخلاقی جملے بازی کر رہا تھا۔ طالبات کے شور مچانے پر راہگیر اور قریبی آبادی کے لوگ بھی وہاں پہنچ گئے۔

&quot;پانچ نوجوانوں میں سے ایک کو لوگوں نے پکڑ لیا اور پولیس ایمرجنسی ہیلپ لائن پکار 15 پر کال کی۔ صرف ایک کلومیٹر کے فاصلے پر موجود تھانہ سٹی کے اہلکار تقریباً ڈیڑھ گھنٹہ بعد پہنچے۔&quot;

وہ بتاتے ہیں کہ اس واقعے کی اطلاع شہر میں پھیل گئی۔ بڑی تعداد میں شہری جنوبی ریلوے کراسنگ پر پہنچ گئے اور روڈ بلاک کر کے احتجاج شروع کر دیا۔ دو گھنٹے جاری رہنے والا احتجاج ایس پی انویسٹی گیشن محمد اکرم نیازی کی اس یقین دہانی پر ختم ہوا کہ&nbsp; ملزموں کے خلاف مقدمہ درج ہوگا اور انہیں گرفتار کیا جائے گا۔

جنڈانوالہ سے تعلق رکھنے والے صحافی پرنس امان اللہ کہتے ہیں کہ ایسے واقعات میں خواتین اور طالبات کے تحفظ کے لیے اہل خانہ کی سپورٹ بہت اہم ہوتی ہے۔ بچیوں کو طاقت ور بنانے کے لیے والدین کو انہیں اعتماد دینا ہو گا۔ اگر معاشرے سے ایسے واقعات کا قلع قمع کرنا اور ایسے عناصر کو قرار واقعی سزا دلانا ہے تو والدین کو یہ نہیں سوچنا چاہیے کہ آواز اٹھانے سے ان کی عزت پر کوئی حرف آئے گا۔&nbsp;

انہوں نے نویں کلاس کی ایک طالبہ کی مثال دیتے ہوئے بتایا کہ چند ماہ قبل تھانہ جنڈانوالہ کی حدود میں ایک پرائیویٹ سکول کا استاد اپنی طالبہ کو ہراساں کرتا تھا۔ ایک شہری نے بچی کو ہراساں کیے جانے کی ویڈیو بنا کر سوشل میڈیا پر وائرل کر دی اور ٹیچر کے خلاف مقدمہ درج کرا دیا۔ پولیس نے اس ٹیچر کو گرفتار کر لیا لیکن چند ہی روز کے بعد ملزم رہا ہو گیا کیونکہ متاثرہ بچی کے والدین نے سامنے آنے اور ملزم کے خلاف قانونی کارروائی سے انکار کر دیا تھا۔

شیخ محمد اورنگزیب ایڈووکیٹ ڈسٹرکٹ بار ایسوسی ایشن بھکر کے سابق جنرل سیکرٹری ہیں اور خواتین کے حقوق کے لیے آواز بلند کرنے والی نمایاں شخصیات میں شمار ہوتے ہیں۔ ان کا ماننا ہے کی بھکر میں خواتین اور طالبات کو ہراساں کرنے کے واقعات میں تیزی سے ہونے والے اضافے کی بڑی وجہ لوگوں کی جانب سے ایسے واقعات کی پردہ پوشی اور پولیس کی مؤثر کارروائی نہ ہونا ہے۔

وہ کہتے ہیں کہ گزشتہ ایک سال میں متعدد ایسے واقعات رونما ہو چکے ہیں جن میں صرف دو میں مقدمات درج ہوئے۔ ہراسانی کے زیادہ تر واقعات میں یا توخواتین اپنے گھر والوں کو آگاہ نہیں کرتیں یا پھر گھر کے بڑے &#39;بے عزتی&#39; کے ڈر سے خاموشی اختیار کر لیتے ہیں۔ اس سے ہراساں کرنے والوں کی حوصلہ افزائی ہوتی ہے۔

انہوں نے تجویز دی کہ سکولوں اور کالجوں کے اوقات اور شام میں پولیس کے مؤثر گشت کا انتظام کیا جائے۔ اس سے بالخصوص طالبات کو تحفظ کا احساس ہو گا۔ انہوں مزید کہا کہ شہر کے مختلف مقامات پر لیٹر بکس نصب کرنے چاہئیں جن کے ذریعے خواتین سامنے آئے بغیر اپنی شکایات پولیس تک پہنچا سکیں۔

ڈسٹرکٹ پولیس آفیسر محمد نوید کا کہنا ہے کہ ریلوے کراسنگ پر پیش آنے والے واقعے کا علم ہوتے ہی انہوں نے ایس پی انویسٹی گیشن محمد اکرم نیازی کو جائے وقوعہ پر بھیجا اور اوباش لڑکوں کے خلاف مقدمہ درج کر کے گرفتار کرنے کے ساتھ تھانہ سٹی پولیس کے دیر سے پہنچنے کی وجوہات معلوم کرنے کو کہا۔ اس پر فوری انکوائری کی گئی اور یہ بات سامنے آئی کہ 15 پر موصول ہونے والی کال میں جائے وقوعہ جیل روڈ بتائی گئی جس پر فوری رسپانس کرتے ہوئے ایس ایچ او تھانہ صدر بتائے گئے مقام پر پہنچے مگر وہاں ایسا کوئی واقعہ رونما ہونے کے شواہد نہ ملے۔

اس کے بعد تھانہ سٹی سے ایس ایچ او کی نگرانی میں ایک ٹیم جنوبی ریلوے کراسنگ پہنچی۔ پولیس نے فوری کارروائی کی اور تھانہ سٹی میں نہ صرف مقدمہ درج کیا گیا ہے۔ اب تک دو ملزموں کو گرفتار کر لیا گیا ہے جبکہ دیگر ملزموں گرفتاری کے لیے پولیس چھاپے مار رہی ہے۔

سالہ شازیہ (فرضی نام) مقامی ہوٹل میں بطور ویٹر کام کر رہی ہیں۔ وہ کہتی ہیں کہ ان کے والد جسمانی معذوری کے باعث کام نہیں کر سکتے جبکہ ایک چھوٹی بہن زیر تعلیم ہے۔

گھریلو اخراجات پورے کرنے کے لیے انہوں نے ہوٹل میں ملازمت کی جس کے ساتھ وہ اپنی تعلیم کا سلسلہ بھی جاری رکھے ہوئے ہیں۔

وہ کہتی ہیں کہ انہیں ہوٹل کے عملے اور مالکان سے بھی کوئی شکایت نہیں رہی مگر ان کے ساتھ گاہکوں کا سلوک کچھ اچھا نہیں ہے۔ 20 اگست کو ہوٹل میں کھانا کھانے کے لیے آنے والے چند گاہکوں ںے ان پر جملے کسے اور ان کے جسمانی خدوخال کے بارے میں باتیں شروع کر دیں۔ انہوں نے ہوٹل کے مالک سے اس کی شکایت کی اور جب انتظامیہ نے ان گاہکوں کو اس رویے سے روکا تو انہوں نے لڑائی جھگڑا شروع کر دیا اور ساتھیوں کو بلا کر ہوٹل میں توڑ پھوڑ کی۔

شازیہ کا کہنا ہے کہ ہوٹل مالک نے انہیں پولیس میں رپورٹ کرنے کو کہا مگر انہوں نے انکار کر دیا کیونکہ ایسا کرنا ان کے لیے مزید مسائل کا سبب بن سکتا تھا۔

اس کے بعد ہوٹل مالک نے شازیہ کو ہراساں کرنے اور ہوٹل میں توڑ پھوڑ کرنے پر تین نامزد اور 10 نامعلوم افراد کے خلاف تھانہ صدر بھکر میں مقدمہ درج کروایا ہے جس پر تفتیش جاری ہے۔

قبائلی اضلاع میں بڑی تعداد میں غیرت کے نام پر قتل کے واقعات کیوں سامنے آنے لگے ہیں؟

'والدین "بدنامی" کے خوف سے نکل آئیں تو خواتین کو ہراساں کرنے کے واقعات کا موثر تدارک ممکن ہے'

منکیرہ میں کاشت ہونے والا خربوزہ اپنی خوشبو ذائقے اورمٹھاس کے لئے پاکستان بھر میں شہرت رکھتا ہے۔ مگر اس مرتبہ منکیرہ کے کاشت کار حیران ہیں کہ ان کے خربوزوں کو کس کی نظر لگ گئی۔

بھکر کی تحصیل منکیرہ رقبے کے لحاظ سے ضلع مظفر گڑھ کی تحصیل کوٹ ادو کے بعد پنجاب کی سب سے بڑی تحصیل ہے۔

منکیرہ مکمل طور پر صحرائے تھل پر مشتمل ہے۔ یہاں پر سب سے زیادہ چنے کی کاشت کاری کی جاتی ہے جبکہ موسم گرما میں کچھ علاقوں میں تربوز اور خربوزہ بھی لگایا جاتا ہے۔

لیکن خربوزہ ہی اس علاقے کی اصل سوغات ہے۔اس سال نہ صرف خربوزوں کی مٹھاس غائب ہوگئی بلکہ پیداوار بھی کم ہوئی۔

منکیرہ میں خربوزے کے کاشت کار ملک احسان اللہ چھینہ بتاتے ہیں کہ انہوں نے ہر بار کی طرح اس مرتبہ بھی اپنے 20 ایکڑ ہموار رقبے پر خربوزے کی فصل کاشت کی تھی۔ لیکن پیداوار پچھلے سال سے نصف بھی نہیں ہوئی، خربوزے میں پہلی جیسی مٹھاس نہیں تھی اور اوپر سے مارکیٹ میں فصل کے دام بھی بہت کم ملے۔

ان کے مطابق مسلسل بارشوں ہوئیں اورانہیں فصل پر ہر بارش کے بعد کیڑے مار دوا سپرے کرنا پڑی۔

عام حالات میں وہ سیزن کے دوران صرف چار سے پانچ سپرے کرتے ہیں لیکن اس بار انہیں دو درجن کے قریب سپرے کرنا پڑ گئے۔

ملک احسان اللہ کہتے ہیں کہ گذشتہ سال جب خربوزہ مارکیٹ میں آیا تو شروعات میں 15سو روپے سے 18 سو روپے فی من بکتا رہا اور سیزن کے آخر میں قیمت 600 روپے من سے کم کبھی نہیں رہی۔ لیکن رواں سال شروع سے ہی خربوزے کا فی من ریٹ 600 روپے رہا جو اب کم ہو کر 200 روپے من رہ گیا ہے۔

خربوزہ یہاں ریت کے بڑے بڑے ٹیلوں کے درمیان کہیں کہیں موجود ہموار رقبے پر کاشت کیا جاتا ہے۔ ایسی لاٹیں رکھ منکیرہ، رکھ ڈگر کوٹلی، رکھ کارلو والا، رکھ کوریا وغیرہ میں زیادہ تر پائی جاتی ہیں۔ ان میں سے کچھ لاٹوں کو گرمیوں میں گریٹر تھل کینال کے ذریعے پانی بھی فراہم ہوتا ہے۔

محکمہ زراعت کے مطابق بھی پنجاب کے میدانی علاقے جہاں پر بارشیں کم مقدار میں ہوتی ہیں اور نامیاتی مادہ والی ریتلی میرا زمین جس میں پانی کا نکاس اچھا ہو اس فصل کے لیے نہایت موزوں ہے۔

خربوزے کو 21 سے 35 ڈگری سینٹی تک بہتر پیداوار دیتی ہے لیکن سالہا سال کی کاشت کی وجہ سے پنجاب میں لگائی جانے والی مقامی اقسام 40 ڈگری سینٹی گریڈ تک برداشت کرسکتی ہیں۔

زرعی ماہرین کے مطابق صحرا کی مٹی میں بہت سارے غذائی اجزا اور معدنیات موجود ہیں جو ہر قسم کی فصلوں خاص کر خربوزے اور تربوز کی کاشت میں مدد دیتے ہیں۔

ملک محمد اشفاق جنہوں نے اس بار پانچ ایکڑ رقبے پر خربوزے کی فصل کاشت کی تھی وہ بھی مناسب دام نہ ملنے پر پریشان ہیں۔

ان کا کہنا ہے کہ جتنا خرچ کھاد اور زرعی ادویات پر کیا ہے وہ بھی پورا نہیں ہوا جبکہ پانی، بیج اوراس کی محنت الگ ہے۔

وہ کہتے ہیں خربوزے کی چنائی کے لیے پہلے 600 روپے دیہاڑی کے حساب سے انہیں مزدور مل جاتے تھے مگر اس سال مزدوروں کی دیہاڑی بھی ایک ہزار روپے تک رہی۔ اس لیے انھوں نے بیوی بچوں سیمت اس کی خود چنائی کی۔

چودھری آفتاب کا شمار منکیرہ کے بڑے فارمرز میں ہوتا ہے جو 350 ایکڑ سے زائد رقبے پر مختلف اجناس، سبزی اور پھلوں&nbsp; کی کاشت کاری کرتے ہیں انہوں نے بھی 60 ایکڑ کے قریب رقبہ پر خربوزہ کاشت کیا تھا۔

چودھری آفتاب احمد کو بھی یہی خدشہ ہے کہ منکیرہ شاید اپنی یہ پہچان کہیں گم کردے گا۔

دیگر کسان بھی&nbsp; چودھری آفتاب سے اتفاق کرتے ہوئے اس بات کی نشاندہی کرتے ہیں کہ منکیرہ میں خربوزے کی پیداوار میں مسلسل کمی آرہی ہے۔

منکیرہ میں محکمہ زراعت کے اسسٹنٹ ڈائریکٹراللہ یار کے بقول گذشتہ سال کی نسبت اس مرتبہ منکیرہ میں 500 ایکڑ کم رقبہ پر خربوزے کی فصل کاشت ہوئی ہے۔

ان کے مطابق پچھلے سال دو ہزار ایک سو ایکڑ رقبے پر خربوزے کی فصل لگی تھی جبکہ اس مرتبہ یہ زیر کاشت رقبہ 16 سو ایکڑ رہ گیا ہے۔

ایوب ایگریکلچرل ایرڈ زون ریسرچ انسٹیوٹ بھکر میں بطور سائنٹیفک آفیسر کام کرنے والے منیر عباس بھی کہتے ہیں کہ تحصیل منکیرہ سے چنے کی فصل کی طرح خربوزے کی کاشت بھی کم ہوتی جارہی ہے۔

ان کے خیال میں ایسا موسمیاتی تغیرات کی وجہ سے ہورہا ہے۔

&quot;یہاں کے کاشت کار سفیدہ، کینو، مالٹے یا ان جیسے دوسرے درخت لگا رہے ہیں جو موسم کی شدت کو بہتر انداز میں برداشت کرسکتے ہیں۔&quot;

محکمہ زراعت پنجاب کے اعداد و شمار سے بھی یہ بات واضح ہوتی ہے کہ منکیرہ ہی نہیں بلکہ پورے صوبے میں ہر گزرنے والے سال خربوزے کے زیر کاشت رقبے میں کمی آرہی ہے۔

پنجاب میں 2020ء میں 25 ہزار 500 ایکڑ رقبے پر خربوزہ لگا تھا جبکہ اس سے اگلے سال یعنی 2021ء میں یہ کم ہوکر 23 ہزار سات سو 70 ایکڑ رہ گیا۔ 2022ء میں خربوزے کی فصل مزید کم ہوکر 21 ہزار 264 ایکڑ ہوگئی۔

احسان اللہ چھینہ خربوزے کی کاشت میں کمی کو پیداوار کے مناسب دام نہ ملنے سے جوڑتے ہیں۔ ان کا کہنا ہے کہ منکیرہ میں سرکاری منڈی نہیں۔ خربوزے کا ریٹ پرائیویٹ جگہوں پر آڑھتی طے کرتے ہیں۔ انہوں الزام عائد کرتے ہوئے کہا کہ آڑھتی اپنے ہی لوگوں سے کم ریٹ پر بولی لگوا کر کم داموں میں مال خرید کر بعد ازاں دوسرے شہروں میں مہنگے داموں فروخت کردیتے ہیں۔

بھکر کی مارکیٹ کمیٹی کے مطابق 2021ء سیزن کے ابتدائی دنوں میں خربوزے کا پرچون ریٹ زیادہ سے زیادہ 120 روپے کلو تھا۔ سیزن کے اختتام پریہ 40 روپے فی کلو رہ گیا تھا۔ 2022ء میں پچھلے سال کےمقابلے میں اس کے نرخ 30 روپے تک گر گئے اور اس سال زیادہ سے زیادہ قمیت 80 روپے فی کلو رہی۔

سیزن کے وسط میں یہ 50 سے 55 روپے کلو بکنے لگا جبکہ اختتام پر20 روپے فی کلو رہا۔

حالانکہ اس سال نہ صرف زرعی مداخل بلکہ مزدوری اور باربرداری کے اخراجات بھی پہلے سے کہیں زیادہ تھے۔

منکیرہ کے دیگر کسان اس ساری صورتحال کا ذمہ دار حکومتی اداروں کو سمجھتے ہیں۔ ان کا کہنا ہے کہ متعلقہ اداروں نے کبھی خربوزے کی کاشتکاری میں ان کی کوئی مدد نہیں کی ہے۔

چودھری آفتاب کہتے ہیں کہ دنیا بھر میں ایسے بیج سامنے آرہے ہیں جو روایتی ذائقے کو برقرار رکھتے ہوئے بہتر پیداوار بھی دے رہے ہیں لیکن منکیرہ کا کسان سالہا سال سے خربوزے کا پرانا بیج استعمال کررہا ہے۔

ان کے خیال میں ہونا تو یہ چاہیے تھا کہ موسمیاتی تبدیلی کو مدنظر رکھتے ہوئے کسانوں کو ایسے بیج فراہم کئے جاتے جن کی موسم اور بیماریوں کے خلاف قوت مدافعت زیادہ ہوتی لیکن ایسا کچھ نہیں ہے۔

اسسٹنٹ ڈائریکٹر زراعت اللہ یار اس سے اتفاق نہیں کرتے ان کے مطابق محکمہ زراعت کاشتکاروں کو تمام اجناس، سبزیوں اور پھلوں کی آبیاری کے حوالے سے مکمل طور پر آگاہی فراہم کر رہا ہے۔

ان کے مطابق زیادہ بارشوں کی وجہ سے خربوزے کی فصل بیماریوں کا شکار ہوجاتی ہے اور ان میں سب سے زیادہ نقصان دہ فروٹ فلائی کی بیماری ہے۔

&quot;ہم کسانوں کو بارہا آگاہ کرتے رہتے ہیں کہ کہ فروٹ فلائی کو کنٹرول کرنے کے لیے صرف کیمکلز پر اکتفا نہ کریں بلکہ اس کے ساتھ ساتھ جو بائیولوجیکل طریقہ کار ہیں ان کو بھی اپنا ئیں&quot;۔

بیج کے حوالے سے ان کا کہنا تھا کہ اگر کاشتکاروں کو خربوزے کا ہائیبرڈ بیج دیا جائے تو منکیرے کے خربوزے کی الگ شناخت ختم ہوجائے گی۔

ان کا دعویٰ&nbsp; ہے کاشتکار بھی پرانے بیج کو ہی ترجیح دیتے ہیں۔

فصلوں کی قیمتیں: طلب اور رسد کی پینگ پر جھولے کون لے رہا ہے؟

منکیرہ کی سوغات کو کس سے خطرہ ہے؟

گندم کی کٹائی اور تھریشنگ شروع ہونے کے بعد بھکر میں فصل کی خریدوفرخت جاری ہے۔ سرکاری مراکز پر کسانوں سے 3,900 روپے فی من کے ریٹ پر گندم خریدی جا رہی ہے جبکہ آڑھتی یا مڈل مین اسی گندم کے 4,250 سے 4,400 روپے تک ادا کر رہے ہیں۔

تحصیل کلور کوٹ سے لیہ کی حدود تک دریائے سندھ کے کنارے 110 کلومیٹر کی پٹی میں شاہ عالم، پنج گرائیں، دریا خان، کوٹلہ جام، نوتک اور بہل سمیت دیگر علاقوں میں کسانوں کے پاس اپنی گندم سرکاری ریٹ سے زیادہ قیمت پر بیچنے کا آپشن موجود ہے اور وہ بیچ رہے ہیں۔

دریائے سندھ کے کنارے نوتک نشیب بستی عمر والی کے آڑھتی حاجی حسنین خان نے کسانوں سے بھاری مقدار میں گندم خرید لی ہے جسے وہ خیبرپختونخوا میں فروخت کر رہے ہیں۔

ان کا کہنا ہے کہ چند سال پہلے تک ان کے لئے پنجاب حکومت کو گندم بیچنا آسان نہیں ہوتا تھا۔ سرکاری اہلکار منہ نہیں لگاتے تھے اور باردانہ حاصل کرنے کے لیے خوار ہونا پڑتا تھا۔ ایسے میں ہمسایہ صوبے کی مارکیٹ ان کے کام آئی۔ ان کے بقول اب جبکہ خیبرپختونخوا کو گندم کی اشد ضرورت ہے تو وہ اپنی فصل وہیں فروخت کریں گے۔

وہ بتاتے ہیں کہ گزشتہ ایک ہفتے کے دوران دریائے سندھ تک گندم پہنچاتے ہوئے ان کی تین ٹرالیاں گندم ضلعی انتظامیہ پکڑ چکی ہے جس کا وہ 45 ہزار روپے جرمانہ ادا کرچکے ہیں۔ ان کا بھی کہنا ہے کہ وہ اپنی ذاتی زمین پر کاشت شدہ گندم سرکاری مرکز خریداری پر بیچیں گے مگر جو گندم وہ مہنگے داموں خرید چکے ہیں یا خرید رہے ہیں اسے وہ سرکار کو دینے بجائے خیبرپختونخواہ میں نجی خریداروں کو فروخت کریں گے۔

دریا سے پار خیبرپختونخوا کے ضلع ڈیرہ اسماعیل خان اور اس سے متصل تحصیل پرویا اور نائی ویلہ، ماہڑی، رمک اور دیگر علاقوں میں گندم 4,500 روپے سے 5,200 روپے فی من تک فروخت ہو رہی ہے۔

&nbsp;گذشتہ سال آنے والے سیلاب میں ڈیرہ اسماعیل خان کا جنوبی زرعی علاقہ دامان بری طرح متاثر ہوا تھا۔ سیلابی ریلے نے ڈیرہ اسماعیل خان سے ڈیرہ غازی خان کی تحصیل تونسہ تک چشمہ رائٹ بینک کینال کو بہت سی جگہوں پر توڑ دیا جس کے بعد اس نہر کو پانی کی فراہمی بند کر دی گئی تھی۔ دامان کا وسیع زرعی رقبہ اسی نہر کے پانی سے سیراب ہوتا تھا۔ پانی نہ ملا تو وہاں لاکھوں ایکڑ رقبے پر گندم کاشت نہ کی جا سکی۔ اب ان علاقوں کے لوگوں کا انحصار دریا پار بھکر اور اور گردونواح کے علاقوں کی گندم پر ہے جس کی وہ بھاری قیمت ادا کرنے کو تیار ہیں۔

دریائے سندھ کے پار زیادہ تر گندم پتن میانجی، پتن میتلا اور پتن بستی موسن والا کے مقام پر کشتیوں میں لاد کر خیبرپختونخواہ کی حدود میں بھیجی جاتی ہے۔

قابل ذکر بات یہ ہے کہ پنجاب کی سمت میں واقع یہ تینوں جگہیں دریائی علاقے کی ایک مخصوص بناوٹ کی وجہ سے خیبرپختونخوا کا حصہ ہیں تاہم 58 مربع کلومیٹر سے زیادہ رقبے پر مشتمل اس علاقے میں عام طور پر پنجاب انتظامیہ کی عملداری رہتی ہے۔

جب گندم کی سمگلنگ شروع ہوئی تو یہاں ضلعی انتظامیہ اور پنجاب پولیس نے متحرک کردار ادا کرتے ہوئے اسے روکنے کی کوشش کی۔ لیکن چند ہی روز کے بعد خیبرپختونخوا پولیس نے ان تینوں جگہوں کو اپنی عملداری میں لے لیا اور بھکر کی ضلعی انتظامیہ اور پنجاب پولیس کو یہاں داخل ہونے سے روک دیا۔

اس نمائندے نے صورت حال کا جائزہ لینے کے لئے میانجی پتن کا دورہ کیا تو وہاں خیبرپختونخوا کی تحصیل پرویا کی پولیس تعینات تھی۔ اس جگہ گندم کی سینکڑوں بوریاں بھی دریا پار لے جائے جانے کے لئے موجود تھیں۔

پتن پر تعینات پولیس کے انچارج شیر گل نے اس نمائندے کو بتایا کہ وہ مقامی زمینداروں کی درخواست پر یہاں آئے ہیں جنہوں نے شکایت کی تھی پنجاب پولیس اور بھکر کی ضلعی انتظامیہ ان کی گندم پر قبضہ کر رہی ہے۔ انہوں نے کہا کہ جب تک یہ گندم دریا پار پرویا میں منتقل نہیں کر دی جاتی اس وقت وہ پتن پر موجود رہیں گے۔

مختار خان ڈھانڈلہ ڈیرہ اسماعیل خان اور بھکر میں دریائے سندھ کے کناروں پر آٹھ ہزار ایکڑ زرعہ رقبے کے مالک ہیں۔ ان کی اراضی کا ایک حصہ پتن میانجی سے متصل ہے۔ ان کا کہنا ہے کہ&nbsp; دریا پار منتقل کی جانے والی اور پتن پر موجود گندم ان کی اپنی، ان کے مزارعوں اور دیگر چھوٹے کاشتکاروں کی ملکیت ہے۔ چونکہ یہ علاقے خیبرپختونخوا میں آتا ہے اس لئے یہاں سے دریا پار بھیجی گئی گندم کو سمگلنگ نہیں کہا جا سکتا۔

دریا کنارے پنجاب کے علاقے میں تعینات سب انسپکٹر امیر نواز (فرضی نام) الزام عائد کرتے ہیں کہ خیبرپختونخوا کی پولیس اپنی نگرانی میں گندم سمگل کروانے میں مصروف ہے۔

&#39;&#39;پتن ہی واحد راستہ ہے جس سے گندم کی سمگلنگ روکی جا سکتی ہے لیکن اس پر خیبرپختونخواہ پولیس کا قبضہ ہے۔ ہمارے اعلیٰ افسروں نے بھی ہمیں یہ حکم دیا ہے کہ پتن کی طرف نہیں جانا۔&#39;&#39;

اقبال حسین بلوچ نے بستی بمبھ میں اپنے ملکیتی پندرہ ایکڑ رقبے پر گندم کاشت کی تھی جس کی انہوں نے روایتی انداز میں مزدوروں کے بجائے کمبائن ہارویسٹر کے ذریعے ایک ہی دن میں کٹائی کی اور اگلے ہی روز ایک آڑھتی کو 4,250 روپے فی من کے حساب سے بیچ آئے ہیں۔ انہیں اس سے غرض نہیں کہ یہ گندم کس طرح اور کہاں جائے گی۔ وہ اس بات پر خوش ہیں کہ انہیں ان کی محنت کا اچھا معاوضہ مل گیا ہے۔&nbsp;

محنت کسان کی، ریٹ سرکار کا، منافع آڑھتی کا: 'ذخیرہ کی گئی گندم مارکیٹ میں لا کر اربوں روپے کا اضافی منافع کمایا جاتا ہے'

بھکر میں گندم کی ٹرالیوں نے سرکاری خریداری مراکز سے منہ موڑ کر دریا کا رخ کر لیا

چوہدری ارشد مانگٹ نے اپنے نو ایکڑ رقبے پر لگی گندم کی کٹائی تو مکمل کرلی ہے لیکن اب وہ اس شش و پنج میں ہیں کہ اپنی فصل حکومت کو فروخت کریں یا نہیں۔

وہ پچھلے سالوں میں اپنی تمام گندم سرکاری خریداری مرکز پر ہی پہنچاتے آئے ہیں۔

لیکن ان کے بقول اس مرتبہ اگر وہ اپنی گندم سرکاری خریداری مرکز تک پہنچانا چاہیں تو انہیں پہلے باردانہ اور پھر فصل کا معاوضہ لینے کے لیے 40 کلومیٹر دور بینک کے کئی چکر لگانا پڑیں گے۔

چوہدری ارشد کا تعلق ضلع بھکر کے چک 217 ٹی ڈی اے سے ہے اور انہیں جس بینک سے معاوضہ ملنا ہے وہ تحصیل منکیرہ میں بنک آف پنجاب کی ایک برانچ ہے۔

ارشد کہتے ہیں کہ پہلے انہیں باردانہ لینے کے لئے پیسے جمع کرانا ہوں گے۔ پھر فصل کو گاؤں سے چار کلومیٹر دور سرکاری مرکز تک لے جانا ہو گا۔ اس کے بعد وہ مرکز سے ملنے والی رسید کو بینک میں جمع کرائیں گے اور پھر ایک یا دو دن بعد انہیں پیسے لینے کے لئے دوبارہ بینک جانا پڑے گا اور ممکنہ طور پر کئی چکر بھی لگانا پڑ سکتے ہیں کیونکہ پچھلے سالوں میں کئی مرتبہ ایسا بھی ہوا کہ جب وہ بینک گئے تو انہیں اگلے دن آنے کا کہہ دیا گیا۔

بھکر کے بیشتر کاشت کاروں کو ان دنوں یہی پریشانی لاحق ہے۔ پورے ضلعے میں بینک آف پنجاب کی صرف چار شاخیں ہیں جن میں سے ایک بھکر شہر اور باقی اس کی تین تحصیلوں منکیرہ، دریاخان اور کلور کوٹ میں واقع ہیں۔

چوہدری ارشد کہتے ہیں کہ ایسا پہلی بار ہو رہا ہے کہ حکومت نے کسانوں کو ادائیگی کے لئے ایسے بینک کا انتخاب کیا ہے جس کی شاخیں گندم کی خریداری کے سرکاری مراکز سے بہت دور ہیں۔ پچھلے سالوں میں انہیں فصل کی قیمت لینے کے لیے خریداری مرکز سے زیادہ دور نہیں جانا پڑتا تھا۔

یہی وجہ ہے کہ اب کے وہ اپنی فصل کسی آڑھتی یا بیوپاری کو فروخت کرنے کا سوچ رہے ہیں۔

ان کے خیال میں ایک یا دو ایکڑ چھوٹے کاشت کار اس سارے جھنجھٹ سے بچنے کے لیے شاید اس بار آڑھتی کو ہی اپنی فصل فروخت کرنے کو ترجیح دیں گے۔

چک 51 ٹی ڈی اے کے مرکز کو منکیرہ برانچ سے منسلک کیا گیا ہے جو 50 کلومیٹر دور ہے۔&nbsp; بہل خریداری مرکز کو بھکر برانچ سے منسلک کیا گیا ہے اور ان دونوں کا درمیانی فاصلہ 25 کلومیٹر ہے۔ اسی طرح، برکت والا، چاندنی چوک، نوتک اور دوسرے مراکز بھی بینکوں سے لگ بھگ 25 سے 50 کلومیٹر کے فاصلے پر ہیں۔

چک 2 قصبہ جنڈانوالہ کے حاجی بشارت اعوان اور بستی بختاور کے نعیم اقبال ڈھانڈلہ ضلعے کے بڑے زمینداروں میں شمار ہوتے ہیں اور انہیں بھی حکومت کی جانب سے کاشت کاروں کو ادائیگی کے لئے بینک آف پنجاب کے انتخاب پر اعتراض ہے۔

حاجی بشارت نے 60 ایکڑ رقبے پر گندم اگائی ہے۔ پہلے وہ باردانے کے لیے چالان اور ادائیگی کا واؤچر چاندنی چوک میں قائم سرکاری گندم خریداری مرکز کے قریب ہی جنڈانوالہ نامی قصبے کی ایک بنک برانچ میں جمع کرا دیتے تھے لیکن اس بار انہیں 50 کلومیٹر دور کلور کوٹ جانا پڑے گا۔

وہ اپیل کرتے ہیں کہ حکومت اپنی پالیسی پر نظر ثانی کرے اور کسی ایسے بینک کے ذریعے بھی ادائیگی کروائی جائے جس کی برانچیں زیادہ ہوں۔

&#39;&#39;اگر یہی صورتحال رہی تو چھوٹے کاشتکار کسی بھی صورت سرکار کو گندم فروخت نہیں کریں گے کیونکہ ان کے پاس مڈل مین اور آڑھتی کی صورت میں ایک بہترین ذریعہ موجود ہے جو سرکار کے مقرر کردہ نرخ سے زیادہ قیمت بھی دیتا ہے۔&#39;&#39;

نعیم اقبال ڈھانڈلہ کے خیال میں حکومت کی اس پالیسی کا ملک کو بھی نقصان ہو گا۔ ان کا ماننا ہے کہ اگر ادائیگی کے عمل میں مزید بینکوں کو شامل نہ کیا گیا تو بھکر سمیت بہت سے علاقوں میں گندم کی خریداری کا ہدف پورا نہیں ہو سکے گا۔

صوبائی محکمہ خوراک کی 2 مئی کو جاری ایک رپورٹ سے بھی تصدیق ہوتی ہے کہ ضلع بھکر میں گندم کی 66 فیصد کٹائی مکمل ہونے کے باوجود حکومت ابھی تک اپنے مقررہ ہدف کا 25 فیصد ہی حاصل کرپائی ہے۔

ضلع بھکر میں رواں سال چار لاکھ تین ہزار ایکڑ رقبے پر گندم اگائی گئی ہے اور حکومت نے اس ضلعے سے ایک لاکھ 10 ہزار میٹرک ٹن گندم خریدنے کا ہدف مقرر کررکھا ہے۔

ضلعی فوڈ کنٹرولر مظہر حسین کہتے ہیں کہ گندم خریداری کی پالیسی باقاعدہ طریقہ کار اپناتے ہوئے مرتب کی جاتی ہے۔ اس مقصد کے لیے پنجاب میں کام کرنے والے تمام بینکوں سے کوٹیشن طلب کی جاتی ہیں اور جس بنک کا انٹرسٹ ریٹ سب سے کم ہوتا ہے اسی کو منتخب کیا جاتا ہے۔

وہ یہ بات تسلیم کرتے ہیں کہ بینک آف پنجاب کے ساتھ معاہدے کے باعث دور دراز علاقوں سے تعلق رکھنے والے کاشتکاروں کو مسائل کا سامنا کرنا پڑ رہا ہے۔ تاہم ان کا کہنا ہے کہ بینک آف پنجاب کی انتظامیہ سے بات چیت کے بعد یہ فیصلہ ہوا ہے کہ جو بینک خریداری مرکز سے 20 کلومیٹر سے زیادہ فاصلے پر واقع ہیں وہاں بینک اپنے سہولتی مراکز قائم کریں گے۔

ان کا کہنا ہے کہ ایسا ہونے کی صورت میں کاشتکاروں کو دور دراز علاقوں میں جانے کی ضرورت نہیں رہے گی۔

ڈپٹی ڈائریکٹر محکمہ زراعت ڈاکٹر شوکت علی عابد کہتے ہیں کہ &quot;ڈپٹی کمشنر کی ہدایت پر دو، دو اہلکاروں پر مشتمل ٹیمیں تشکیل دی ہیں جو گاؤں گاؤں جاکر کاشتکاروں سے ملاقات کرکے انہیں اس بات کی ترغیب دے رہی ہیں کہ وہ ملک اور صوبے کے مفاد کو مدنظر رکھتے ہوئے اپنی فصل کسی مڈل مین یا آڑھتی کو نہ دیں۔&#39;&#39;

'حکومت کو فصل فروخت کرنے سے بہتر ہے آڑھتی کو بیچ دیں': بھکر کے کسان گندم کی خریداری کے سرکاری طریقے سے نالاں

بھکر سے تعلق رکھنے والے محمد نواز چھینہ کا شمار صحرائے تھل کے ان جدت پسند کاشت کاروں میں ہوتا ہے جو اپنی ریتلی اور غیر آبپاش زمین کو کار آمد بنانے کی کوششوں میں لگے رہتے ہیں۔

پندرہ سال پہلے جب پنجاب حکومت نے ان کے علاقے میں جدید طریقہ آبپاشی &quot;ڈرپ ایریگیشن&quot; کا منصوبہ شروع کیا تو وہ اسے اپنانے والے پہلے کاشت کاروں میں شامل تھے۔

تاہم، محمد نواز کے مطابق یہ منصوبہ زیادہ دیر تک فائدہ مند ثابت نہ ہوا اور چار سال کے بعد بالآخر انہیں اسے ترک کرنا پڑا۔

&#39;&#39;صحرائے تھل میں فصلوں کے لیے پانی کی دستیابی ایک اہم مسئلہ ہے۔ مجھ سمیت یہاں کا ہر کاشت کار اپنے ٹیلوں کو آباد اور ہموار بنانے زمین سے زیادہ پیداوار حاصل کرنے کا خواہش مند ہے۔ اسی لیے جب 2008ء میں حکومت نے اس علاقے میں ڈرپ ایریگیشن کا نظام متعارف کرایا تو انھوں نے اپنے دس ایکڑ رقبے کو سیراب کرنے کے لیے یہی طریقہ اختیار کیا۔&#39;&#39;

ڈرپ ایرگیشن فصلوں کو پانی یا غذائی اجزاء دینے کا ایسا نظام ہے جس میں پائپ کا استعمال ہوتا ہے۔ اس طریقے سے پانی اور غذائی اجزاء آہستہ آہستہ پودوں کی جڑوں میں پہنچتے ہیں۔ اور ہر پودا ان سے یکساں طور پر مستفید ہوتا ہے۔

اس نظام میں استعمال ہونے والے پائپ سطح زمین پر یا زیر زمین ہو سکتے ہیں۔ اس طریقے میں بخارات کم بنتے ہیں اور پانی ضائع نہیں ہوتا۔

حکومت پنجاب نے 2008ء تھل کے اضلاع بھکر، لیہ، مظفر گڑھ، میانوالی، خوشاب اور جھنگ میں کپاس کی پیداوار کو فروغ دینے کے لیے عالمی بینک کے تعاون سے &quot;تھل کاٹن پراجیکٹ&quot; کے نام سے یہ منصوبہ تجرباتی طور پر شروع کیا تھا جس میں کسانوں کو 60 فیصد تک سبسڈی فراہم کی گئی۔

اس پائلٹ پروجیکٹ کے مکمل ہونے کے دو سال بعد حکومت نے اسی منصوبے کے فیز ٹو کا آغاز کیا۔

صوبائی محکمہ منصوبہ بندی و ترقی کی رپورٹ میں بتایا گیا ہے کہ فیز ٹو میں 25 کروڑ روپے کی لاگت سے تھل کے ان چھ اضلاع میں 200 ایکڑ رقبے پر مزید ڈرپ ایریگیشن نظام لگایا گیا۔ اس کے ساتھ 200 کسانوں کو تربیت بھی دی گئی۔

محمد نواز بتاتے ہیں کہ انہیں بھی حکومت کی طرف سے چھ لاکھ روپے ملے جبکہ ڈھائی لاکھ روپے انھوں نے خود لگائے تھے۔

<h2>منصوبہ ناکام کیوں ہوا؟</h2>

نواز کہتے ہیں کہ اس نظام کی سب سے بڑی خامی یہ تھی کہ پائپ میں لگی نوزل کا دوسری نوزل سے فاصلہ پودوں کے&nbsp; درمیانی فاصلے کے مقابلے میں زیادہ تھا۔ جس کی وجہ سے ہر پودے کو مطلوبہ مقدار میں پانی اور خوراک نہیں پہنچائی جاسکتی تھی۔

&#39;&#39; میں نے اپنے طور پر اس نظام کو کارآمد رکھنے کے لیے بہت کوشش کی۔ جب یہ طریقہ کپاس کی فصل کے لیے مفید ثابت نہ ہوا تو میں نے اپنی زمین پر مالٹے کا باغ لگا لیا۔ دو سال تک جب پودے چھوٹے تھے اور ان کو کم پانی اور غذا کی ضرورت تھی تو کام چلتا رہا لیکن جیسے ہی پودوں کی غذائی ضرورت اور پانی کی طلب بڑھی تو ان پائپوں کے ذریعے انہیں مطلوبہ خوراک اور پانی پہنچانا مشکل ہو گیا کیونکہ پائپ کا سائز چھوٹا تھا۔&#39;&#39;

تھک ہار کر انھوں نے ان پائپوں کو ہی ضائع کر دیا۔

وہ کہتے ہیں کہ انہوں نے پائپوں کے ذریعے پودوں کو پانی پہنچانے کے لیے (ڈیزل انجن سے چلنے والا) ٹیوب ویل لگایا تھا جس کے ذریعے زمین سے پانی نکال کر ایک تالاب میں جمع&nbsp; ہوتا اور پھر پریشر پمپوں کے ذریعے اسے پائپوں میں لے جایا جاتا۔ اس طریقہ کار پر بہت زیادہ اخراجات آ رہے تھے۔

محمد نواز کے بقول انھوں نے محکمہ آبپاشی کے حکام سے کئی بار رابطے کیے اور ان سے مدد مانگی لیکن کسی نے ایک نہ سنی۔

ان کا کہنا ہے کہ حکومت نے یہ نظام متعارف کرانے کے بعد اس کی کوئی ذمہ داری نہ لی اور آئندہ اسے چلانے کا انتظام کسانوں کو خود کرنا تھا جو اس حوالے سے زیادہ جان کاری نہیں رکھتے تھے۔

محمد اکرم نیازی بھکر میں ضلعی آفیسر واٹر منیجمنٹ کے عہدے پر تعینات رہے ہیں اور 2008ء سے 2011ء تک یہ منصوبہ انہی کی زیر نگرانی پایہ تکمیل کو پہنچا تھا۔

وہ بھی تسلیم کرتے ہیں کہ یہ نظام ناکام ہو گیا ہے۔

ان کا کہنا ہے کہ جب یہ نظام متعارف کروایا گیا تھا اس وقت یہ اتنا جدید نہیں تھا جیسے اب ہے۔ علاوہ ازیں اس وقت یہ نظام کافی مہنگا تھا اور تھل میں کسانوں کے پاس اسے استعمال کرنے کے لیے درکار مالی وسائل کی کمی تھی۔

اکرم نیازی کے بقول تھل کاٹن پراجیکٹ کی ناکامی کی دوسری بڑی وجہ گرمی کے موسم میں آنے والی شدید آندھیاں ہیں۔

&quot;ریت اڑ کر کپاس کے پودوں پر آجاتی تھی جو اس کی افزائش میں رکاوٹ بن جاتی۔ 2008 اور 2009 میں جتنے کاشتکاروں نے کپاس کاشت کی انہیں نقصان اٹھانا پڑا جس کے بعد اکثر کاشتکاروں نے ڈرپ سسٹم ختم کردیا جبکہ چند ایک نے اس کو باغبانی کے لیے استعمال شروع کردیا مگر وہ بھی اخراجات زیادہ ہونے کی وجہ سے اسے مزید نہیں چلا پائے&quot;۔

محمد نواز نشاندہی کرتے ہیں کہ اس کے بعد بھی ان کے علاقے میں ڈرپ ایریگیشن کے کچھ دوسرے منصوبے شروع کیے گئے ہیں لیکن انھوں نے اس میں دلچسپی اس لیے ظاہر نہیں کی کیوں کہ ان کا پہلا تجربہ بری طرح ناکام رہا تھا۔

<h2>فی قطرہ زیادہ فصل</h2>

پنجاب کے محکمہ اصلاح آبپاشی کی ویب سائٹ سے بھی تصدیق ہوتی ہے کہ حکومت نے 2008ء کے بعد سے عالمی بنک کے تعاون سے پنجاب میں چار ایسے بڑے منصوبے متعارف کرائے ہیں جن میں نظام آبپاشی کو جدید تقاضوں (ڈرپ ایریگیشن بھی ان میں سے ایک ہے) کے مطابق ڈھالنے کی کوشش کی گئی ہے۔

اس ویب سائیٹ کے مطابق 13-2012 میں عالمی بینک کے تعاون سے 36 ارب روپے کی لاگت کا ایک ایسا منصوبہ شروع کیا گیا جس کا مقصد آبپاشی کے لیے پانی کی مجموعی پیداواری صلاحیت&nbsp; کو بہتر بنانا، یعنی &#39;فی قطرہ زیادہ پیداوار&#39; حاصل کرنا ہے۔

اس منصوبے کے ذریعے صحرائے تھل سمیت پنجاب میں ایک لاکھ 20 ہزار ایکڑ رقبے پر جدید نظام آبپاشی، ڈرپ اور سپرنکلز ایریگیشن سسٹم نصب کیا گیا جس پر حکومت نے کسانوں کو 60 فیصد تک سبسڈی دی۔

اس منصوبے کے تحت لگنے والے ڈرپ ایریگیشن سسٹم کو چلانے کے لیے کاٹن پراجیکٹ کی طرح -ڈیزل سے چلنے والے ٹیوب ویلوں کا استعمال کیا جاتا تھا لیکن 2019ء میں حکومت نے عالمی بینک ہی کے تعاون سے &quot;ڈرپ/سپرنکلر نظامِ آبپاشی کو سولر سسٹم&nbsp; پر منتقل کرنے کے لیے ایک اور پراجیکٹ متعارف کرا دیا جس کا نام ہائی ایفیشینسی ایریگیشن سسٹمز&nbsp;&nbsp; (HEIS)یا آبپاشی کا موثر نظام تھا۔

&nbsp;اس منصوبے کی کل لاگت تقریباً 37 ارب روپے تھی جس میں حکومت کا حصہ تقریباً 19 ارب 28 کروڑ جبکہ کسانوں کا 17 ارب 50 کروڑ روپے تھا۔

2019ء میں ہی حکومت نے &quot;پنجاب میں بارانی علاقہ جات کا کمانڈ ایریا بڑھانے کے قومی پروگرام&quot; کے عنوان سے ایک اور پانچ سالہ منصوبہ شروع کیا۔ اس میں صحرائے تھل کے اضلاع بھکر، خوشاب، میانولی اور لیہ کے علاوہ اٹک، راولپنڈی، جہلم، چکوال، گجرات، سیالکوٹ، نارووال، ڈیرہ غازی خاں اور راجن پور کے تمام بارانی علاقہ جات شامل ہیں۔

اس منصوبے کی مجموعی لاگت بھی 37 ارب روپے ہے۔ اس منصوبے کا ایک ہدف یہ بھی ہے کہ ان علاقوں میں چھ ہزار 383 ایکڑ رقبے پر پھل دار پودوں، 16 ہزار 538 ایکڑ&nbsp; رقبے پر تیل دار اجناس/ دالوں اور 11 ہزار 562 ایکڑ پر چارے کی کاشت کو فروغ دیا جائے گا۔

صحرائے تھل کے ایک بڑے زمیندار ملک عاصم کھچی کا ماننا ہے کہ ان کے علاقے میں اس طرح کے جتنے بھی منصوبے لگائے گئے ہیں وہ زیادہ تر ناکام ہی رہے ہیں۔ انہوں&nbsp; نے اپنے آبائی گاوں کھچی کلاں میں چار سال قبل ٹنل فارمنگ اور سبزیاں کاشت کرنے کے لیے ڈرپ ایری گیشن سسٹم نصب کیا تھا لیکن وہ بھی اس نظام کو نہیں چلا پائے۔

ثناء اللہ بلوچ بھکر کے نواحی قصبے سرائے مہاجر میں 25 ایکڑ ذاتی رقبے پر کاشت کاری کرتے ہیں۔ ان کا کہنا ہے کہ حکومت کی غفلت اور لاپروائی ان منصوبوں کی ناکامی کا بنیادی سبب ہے۔

&#39;&#39;چند سال پہلے میں نے بھی (محکمہ اصلاح آبپاشی) کے اہلکاروں کے مشورے سے اپنے 10 ایکڑ رقبے پر مالٹے کا باغ لگایا اور اسے ڈرپ ایری گیشن سسٹم سے سیراب کرنے کی کوشش کی۔ مجھے سنگل لائن سسٹم فراہم کیا گیا تھا جو ٹیلوں یا غیر ہموار زمین پر پانی کم مقدار میں پہنچاتا تھا جس سے ٹیلوں پر لگے باغ کا نصف سے زیادہ حصہ خشک ہو گیا اور باقی پودے ہموار زمین پر منتقل کرنے کی کوشش میں ضائع ہو گئے&quot;۔

ثناء اللہ بلوچ کا کہنا ہے کہ محکمہ اصلاح آبپاشی کے افسروں نے کاشتکاروں کی صحیح رہنمائی نہیں کی اور بعد میں کسانوں کو بے یارو مدد گار چھوڑ دیا گیا۔ ان کا یہ دعویٰ بھی ہے کہ ان کے علاقے میں ڈرپ ایریگیشن سسٹم لگانے والی پرائیویٹ کمپنیوں کے نمائندوں نے بھی سسٹم کی تنصیب کے بعد کاشتکاروں کے ساتھ کوئی تعاون نہیں کیا۔

وہ سمجھتے ہیں کہ سسٹم کی تنصیب کے بعد کاشتکاروں کو تکنیکی معاونت فراہم کی جاتی تو شاید کاشتکار اور حکومت کروڑوں روپے کے نقصان سے بچ جاتے۔

تاہم ڈپٹی ڈائریکٹر واٹر منیجمنٹ امتیاز حسین کسانوں کی ان باتوں سے اتفاق نہیں کرتے۔ ان کا دعویٰ ہے کہ تھل کاٹن پراجیکٹ کے علاوہ صحرائے تھل میں لگنے والے تمام ڈرپ ایریگیشن کے منصوبے کامیاب رہے ہیں۔

ان کے بقول جب سے شمسی توانائی سے ڈرپ ایریگیشن سسٹم کا آغاز ہوا ہے اس میں کوئی بھی خامی نہیں رہی۔

&quot;اب یہ نظام سبزیوں اور باغات دونوں کے لیے ہی کامیاب ہے کیونکہ اب باغوں میں پانی کی سپلائی کے لیے دہرے پائپ بچھائے جا رہے ہیں جن سے پودوں کو پانی اور کھاد کی مطلوبہ مقدار باآسانی فراہم ہوتی ہے۔ اب پہلے کی طرح تالاب بھرنے والے جھنجھٹ سے بھی آزادی مل چکی ہے شمسی توانائی سے چلنے والے ڈرپ ایریگیشن سسٹم کے ساتھ طاقتور موٹریں اور پریشر پمپ نصب کئے گئے ہیں جس سے کاشتکاروں کے لیے بہت آسانی ہو گئی ہے&quot;۔

وہ بتاتے ہیں کہ ڈرپ سسٹم کو روزانہ کی بنیاد پر صبح شام چلایا جانا ضروری ہے۔ &quot;اگر کوئی کاشتکار روایتی طریقہ کار کو اپناتے ہوئے ہفتہ بعد آبپاشی کرے گا یا دن میں ایک بار یہ سسٹم چلائے گا تو اسے ناکامی کا سامنا کرنا پڑے گا&quot;۔

ان کا خیال ہے کہ اب بھی کوئی کسان اس سے فائدہ نہیں اٹھا پاتا تو یہ اس کی اپنی کوتاہی ہے۔

ثنا اللہ بلوچ اور ملک عاصم سمجھتے ہیں کہ ڈرپ ایری گیشن سسٹم جدید طریقہ آبپاشی ہے جو زراعت کے لیے ایک انقلابی اقدام ہے۔

&quot;یہ نظام خاص طور پر سبزیاں کاشت کرنے کے لیے بہترین ذریعہ ہوسکتا ہے لیکن ہمارے سرکاری محکمے اسے صرف اہداف کے حصول تک ہی محدود رکھے ہوئے ہیں&quot;۔

ڈائریکٹر جنرل ایگریکلچر(اصلاح آبپاشی) پنجاب چودھری محمد اشرف نے حال ہی میں لکھے گئے اپنے تحقیقاتی مقالے میں کہا ہے کہ صحرائے تھل جیسے ریتلے علاقوں میں پانی کا ذخیرہ کرنے کی صلاحیت بہت کم ہوتی ہے اس لیے ان علاقوں میں روایتی طریقوں کے ذریعے آبپاشی کار آمد ثابت نہیں ہوتی۔

ان کے خیال میں ڈرپ ایریگیشن ہی ایسے علاقوں کی آب پاشی کے لیے بہترین نظام ہوسکتا ہے۔

ملک عاصم کہتے ہیں کہ پاکستان تیزی سے غذائی قلت کے بحران کی طرف بڑھ رہا ہے۔ اس سے بچنے کے لیے تھل، چولستان اور دوسرے صحرائی علاقوں میں ڈرپ ایریگیشن کے ذریعے فصلوں کی پیداوار کو بڑھانا ہو گا۔

(اس رپورٹ کی تیاری میں سجاگ کے رپورٹر محمد آصف ریاض نے بھی مدد فراہم کی ہے)

تھل میں کسانوں نے روایتی فصلوں کی کاشت سے منہ موڑ لیا، چنے، مونگ پھلی اور گوار کے کھیت سکڑنے لگے

کاشت کاروں کی کم جانکاری یا سرکار کی بے اعتنائی:  تھل میں ڈرپ ایریگیشن سسٹم کیوں ناکام ہوا؟

ضلع بھکر کے کاشت کار محمد وکیل بھٹی نے اس بار اپنی زمین پر سورج مکھی کاشت کرنی ہے لیکن انہیں اس کا بیج نہیں مل رہا۔ وہ چھ ایکڑ پر یہ فصل اگانا چاہتے ہیں لیکن ابھی تک انہیں جتنا بیج ملا ہے اس سے بمشکل دو ایکڑ ہی پورے ہوں گے۔ وہ بیج خریدنے کے لیے روزانہ مارکیٹ کا چکر لگاتے ہیں لیکن ڈیلر حضرات ہر بار انہیں کل آنے کا کہہ کر ٹال دیتے ہیں۔

وکیل بھکر کے نواحی علاقے مسلم کوٹ میں 15 ایکڑ اراضی کے مالک ہیں جس کے ساتھ انہوں نے 30 ایکڑ ٹھیکے پر بھی لے رکھے ہیں۔ ان کی پریشانی یہ ہے کہ اگر سورج مکھی کی کاشت کا صحیح وقت گزر گیا تو انہیں کم از کم چار ماہ تک ٹھیکے والی زمین کے اس حصے کو خالی رکھنا پڑے گا جہاں وہ سورج مکھی اگانا چاہتے ہیں۔

انہوں نے ہر سال زمین کے مالک کو ٹھیکے کی رقم بھی دینا ہوتی ہے اور سورج مکھی کے لیے مخصوص رقبے پر فصل نہ اگائی جا سکی تو یہ ان کے لیے ناقابل تلافی نقصان ہو گا۔

وکیل کی طرح چک نمبر 51 ٹی ڈی اے کے مرید عباس اس سال 10 ایکڑ رقبے پر سورج مکھی کاشت کرنا چاہتے تھے مگر کئی روز کوشش کے بعد انہیں صرف چار ایکڑ کے لیے ہی بیج مل سکا ہے۔ باقی چھ ایکڑ رقبے پر انہوں ںے جانوروں کے چارے کے لیے مکئی کاشت کی ہے۔ تاہم ان کا کہنا ہے کہ یہ فصل سورج مکھی سے حاصل ہونے والی آمدنی کا متبادل نہیں ہے۔

پچھلے سیزن (22-2021) میں بھکر کے کسانوں نے سورج مکھی کا بیج سات ہزار روپے فی ایکڑ کے حساب سے خریدا تھا جس میں حکومت پنجاب کی جانب سے کسانوں کی حوصلہ افزائی کے لیے پانچ ہزار روپے فی ایکڑ سبسڈی بھی شامل تھی۔ اس سال وہی بیج 17 سے 18 ہزار روپے فی ایکڑ میں مل رہا ہے اور وہ بھی ضرورت کے مطابق دستیاب نہیں ہے۔

صوبائی محکمہ زراعت کے مطابق پنجاب میں پچھلے سال 49 ہزار 450 ایکڑ رقبے پر سورج مکھی کاشت ہوئی تھی جس میں سے تھل کے ضلع بھکر اور میانوالی میں مجموعی طور پر پانچ ہزار 757 ایکڑ پر یہ فصل اگائی گئی جس میں بھکر کا حصہ تین ہزار 378 ایکڑ تھا۔

&nbsp;خدشہ ہے کہ کسانوں کی موثر رہنمائی نہ ہونے، بیج کی قلت اور اس کی قیمتوں میں اضافے کے باعث پورے تھل خصوصاً بھکر میں سورج مکھی کی کاشت میں کمی آ سکتی ہے۔

بھکر کے زمیندار عمران اسلم کا کہنا ہے چونکہ سورج مکھی کی پیداواری صلاحیت بہت سی دوسری فصلوں سے زیادہ ہوتی ہے اس لیے بھکر کے کسانوں کی بڑی تعداد سورج مکھی اگانے لگی ہے۔ یہ دیکھ کر ڈیلروں نے بیج کی مصںوعی قلت پیدا کر دی ہے تاکہ اسے مہنگے داموں بیچ سکیں۔ اس سے کاشتکاروں کو یہ نقصان ہو گا کہ بروقت فصل کاشت نہ ہونے سے ان کی پیداوار کم ہو جائے گی۔

عمران اسلم کہتے ہیں کہ &quot;سورج مکھی کا بیج پہلے بھی آسانی سے نہیں ملتا تھا لیکن اب جس قدر برے حالات ہیں وہ پہلے کبھی نہیں دیکھے گئے۔&#39;&#39;

<h2>بیج کیوں نہیں مل رہا؟</h2>

سورج مکھی خوردنی تیل کی پیداوار کا ایک اہم ذریعہ اور نفع بخش فصل سمجھی جاتی ہے۔ کینولا کے بعد سورج مکھی کم وقت میں تیار ہونی والی تیار ہونے والی دوسری اہم فصل ہے جو صرف سو سے 120 دن میں تیار ہوجاتی ہے۔

پنجاب میں سورج مکھی کی دو فصلیں اگتی ہیں۔ بہاریہ فصل جنوری اور فروری میں کاشت کی جاتی ہے جبکہ خزاں کی فصل اگست اور ستمبر میں اگائی جاتی ہے۔ تھل ریجن میں تیز ہوائیں اور آندھیاں چلتی ہیں جس کی وجہ سے یہاں کے کسان سورج مکھی کی بہاریہ کاشت کو ترجیح دیتے ہیں۔

محکمہ زراعت نے 20-2019 اور 24-2023 تک کے سیزنوں کے لیے تیل دار اجناس کی پیداوار بڑھانے کے لیے تقریباً ساڑھے پانچ ارب روپے مختص کیے تھے۔ اس سکیم کے تحت کاشتکاروں کو سورج مکھی، کینولا اور تِل کا تصدیق شدہ بیج محکمہ زراعت سے منظور شدہ کمپنیوں کے ذریعے سبسڈی ای واؤچر کے ذریعے فراہم کیا جانا تھا اور فی ایکڑ سبسڈی پانچ ہزار روپے رکھی گئی تھی۔

پاکستان میں استعمال ہونے والے سورج مکھی کے ہائبرڈ بیج سے جو فصل پیدا ہوتی ہے اس سے فصل کے بیج نہیں بنائے جا سکتے اور انہیں بیرون ملک سے منگوانا پڑتا ہے۔

راؤ ماجد ایوب بھکر میں سورج مکھی اور دیگر فصلوں کے ہائبرڈ بیچ فروخت کرنے والے ایک بڑے ڈیلر سمجھے جاتے ہیں۔ ان کا کہنا ہے کہ پہلے پاکستان میں 10 کمپنیاں سورج مکھی بیج کے بارہ سے زیادہ برانڈ فروخت کرتی تھیں تاہم اس سال حکومت نے صرف چار کمپنیوں کو ہی بیج منگوانے کی اجازت دی ہے جس کی وجہ سے بیج کی قلت ہو گئی ہے۔

ماجد کے مطابق ہوائی جہاز کے ذریعے درآمد اس بیج کی قیمت میں اضافے کی بڑی وجہ ہے۔ بحری جہاز کے بجائے ہوائی جہاز سے بیج منگوانے پر اخراجات بڑھ جاتے ہیں۔ چنانچہ اس مرتبہ پہلے کی نسبت بیج کی کم مقدار درآمد ہوئی ہے۔ ان کا کہنا ہے کہ اگر کراچی کی بندرگاہ پر پھنسے بیج کے کنٹینر چھوڑ دیے جائیں تو اس کی قلت ختم ہو جائے گی اور بہاریہ کاشت کے بعد کسانوں کو موسم خزاں کی کاشت میں آسانی رہے گی۔

ڈپٹی ڈائریکٹر ایگریکلچر شوکت علی عابد بھی اس بات کی تصدیق کرتے ہیں۔ ان کا کہنا ہے &#39;&#39;چونکہ سورج مکھی کا ہائبرڈ بیج بیرون ملک سے درآمد کیا جاتا ہے اسی لیے جب ڈالر کی قیمت بڑھی تو اس بیج کی درآمد پر اٹھنے والے اخراجات بھی بڑھ گئے، نتیجتاً بیج مہنگا اور کمیاب ہو گیا۔&#39;&#39;

وہ یہ بھی کہتے ہیں کہ حکومت کو چاہیے کہ وہ سورج مکھی سمیت دیگر اجناس کے ہائبرڈ بیج بنانے والی کمپنیوں سے انڈیا کی طرز پر معاہدے کرے جن کے تحت&nbsp; پاکستان کو بیج فراہم کرنے والی کمپنیاں پاکستان میں ہی اپنے فارم بنائیں اور یہیں پر بیج تیار کریں تاکہ آنے والے وقت میں کاشتکاروں کو مشکل پیش نہ آئے۔

غلام عباس بلوچ

غلام عباس بلوچ کا تعلق صوبہ پنجاب کے ضلع بھکر سے ہے۔ علاقائی و سماجی مسائل، سیاست، انسانی حقوق اور پسماندہ طبقہ کے حقوق کیلئے لکھتے رہتے ہیں۔