Despite being elected to represent their communities, minority representatives in assemblies often find their voices marginalized. Explore the ongoing challenges faced by minority communities

Minority Votes Ignored: The Unseen Struggles of Elected Representatives in Assemblies

نمائندے ووٹ لے کر اسمبلی پہنچ جاتے ہیں، اقلیت راہ دیکھتی رہتی ہے

video

Concerns loom in Punjab as farmers consider boycotting wheat cultivation due to mistreatment this year. This decision could have repercussions, potentially impacting wheat prices, which curre

Farmers in Punjab Vow to Boycott Wheat Cultivation: Impact on Future Prices

رحیم یار خان شہر سے 34 کلومیٹر دور نیشنل ہائی وے سے ملحقہ شیخ واہن نامی گاوں میں چائے کے ڈھابے پر کافی رش ہے۔ نوید احمد جو&nbsp; پیشے کے اعتبار سے چھوٹے زمیندار ہیں ابھی منڈی سے واپس آ کر یہاں بیٹھے ہیں۔ ان کے چہرے پر پریشانی واضح ہے۔ دوستوں کے اصرار پر وہ بتاتے ہیں کہ ان کے برے دن آنے والے ہیں۔

ان کے بقول انہوں نے چار ایکڑ رقبے پر گندم کاشت کی تھی جس کی فی ایکڑ 32 من پیداوار آئی ہے اور فی من 3100 روپے میں فروخت ہوئی ہے۔

نوید احمد بتاتے ہیں کہ کٹائی اور تھریشر کی 28 من مزدوری اور گھر کے لیے&nbsp; 20 من گندم رکھ کر جو باقی 80 من فروخت کی ہے اس کی کل قیمت ڈھائی لاکھ کے قریب بنی ہے جو چار ایکڑ رقبے پر اٹھنے والے اخراجات سے بھی کم ہے۔

&quot;یہ سوچ کر پریشان ہوں کہ تین بچوں سمیت پانچ افراد پر مشتمل کنبے کے اخراجات کیسے پورے کروں گا جبکہ ابھی اگلی فصل کی تیاری کے لئے بھی اخراجات ہونا ہیں۔&quot;

موضع کلر والی نام گاؤں کے 55 سالہ جام عبدالمجید کی بھی کچھ ایسی ہی کیفیت ہے۔ انھوں نے چھ ایکڑ رقبے پر گندم کاشت کی تھی جس کی اوسط فی ایکڑ پیداوار 40 من رہی ۔ ان کے مطابق ٹھیکے کے علاوہ ان کا فی ایکڑ 80 ہزار کے قریب خرچ آیا ہے۔ انھوں نے اپنی پیداوار کا دسواں حصہ مزارعوں کو بھی دینا ہے۔

جام عبدالمجید کہتے ہیں کہ ان کی فصل اگر سرکاری قیمت 3900 روپے میں بھی فروخت ہوجاتی تو شاید ان کی کچھ منافع ہو جاتا لیکن غلہ منڈی میں تو ریٹ تین ہزار&nbsp; روپے فی من چل رہا ہے۔

ان&nbsp; کا کہنا ہے کہ اس بار جتنے خرچے فصل کی تیاری میں ہوئے اتنے ہی پیسے فصل فروخت کرکے مل جائیں تو بڑی بات ہو گی۔

&quot;فصل کی تیاری میں بلیک میں ملنے والی کھادیں استعمال ہوئیں۔یوریا کھاد کی بوری تین ہزار 600 روپے گورنمنٹ کنٹرول ریٹ کی بجائے پانچ ہزار تک بلیک ریٹ پر اور ڈی اے پی ساڑھے گیارہ ہزار روپے کنٹرول ریٹ کی بجائے 14000 روپے میں ملی۔ نہری پانی کم ملنے کی وجہ سے ٹیوب ویل چلانا پڑا جس کی وجہ سے مہنگا ڈیزل استعمال ہوا۔ کیڑے مار ادویات پر الگ سے اخراجات ہوئے۔&quot;

پنجاب بھر کی طرح ضلع رحیم یار خان میں بھی حکومت نے گندم کی خریداری ابھی تک شروع نہیں کی ہے۔

جام مجید اور نوید احمد تو سرکاری باردانہ لینے میں بھی ناکام رہے ہیں کیوں کہ وہ جدید ٹیکنالوجی سے نابلد ہونے کی وجہ سے باردانہ ایپ کا استعمال نہیں جانتے۔

کسانوں کی تنظیم ایگری فورم پاکستان کے مرکزی جنرل سیکرٹری میاں شہبار شریف کے مطابق منصوبہ سازوں کو اس حقیقت کا ادراک ہی نہیں کہ آبادی کے 70 فی صد لوگوں کا روزگار زراعت سے جڑا ہے اور کورونا وبا کے بعد سے زرعی مداخل کی قیمتوں میں کئی گنا اضافہ ہو گیا ہے۔

ان کے مطابق گندم پر آنے والے اخراجات کو دیکھا جائے تو اس وقت مارکیٹ میں اس کی فی من قیمت پانچ ہزار روپے ہونی چاہیے اور کسانوں کو امید بھی تھی کہ ایسا ہی ہو گا لیکن جیسے ہی فصل تیار ہوئی حکومت پنجاب نے&nbsp; پرانی سرکاری قیمت کو برقرار رکھا جو سراسر ناانصافی ہے۔

&quot; اب ہمارے پاس احتجاج کے علاوہ کوئی راستہ نہیں ہے۔&quot;

کسان بچاو تحریک کے رہنما چوہدری یاسین کے مطابق نئی پالیسی کے تحت چھ ایکڑ والا کسان زمیندار ہے باقی کوئی نہیں۔ یہ کسان کا استحصال ہے۔

ان کا کہنا تھا کہ حکومت نے کوئی ایکشن نہ لیا تو مارکیٹ میں گندم کی قیمت مزید گر جائے گی۔

ڈپٹی ڈائریکٹر زرعی اطلاعات پنجاب نوید عصمت کاہلوں کے مطابق ضلع رحیم یارخان میں گندم کی فصل کی بوائی کا ٹارگٹ سات لاکھ 14 ہزار ایکڑ اور پیدوار کا ٹارگت 13 لاکھ 19 ہزار ٹن تھا۔ فی ایکڑ گندم کی پیداوار کا ٹارگٹ 46 من فی ایکڑ مقرر کیا گیا تھا اور امدادی قیمت چار ہزار روپے&nbsp; ہونا تھی۔

&quot;اس بار فصل اچھی ہونے کی وجہ سے ٹارگٹ پورے ہوئے ہیں۔&quot;

گندم کی قیمت میں گراوٹ کے بارے میں بھی وہ الگ نظریہ پیش کرتے ہیں۔

وہ کہتے ہیں کہ پچھلے ماہ&nbsp; ہونے والی بارشوں کی وجہ سے&nbsp; گندم میں نمی آ گئی تھی۔ جب کسان نمی والی گندم بیچنے جاتا ہے تو اس کو گندم میں نمی کی قیمت نہیں ملتی جس کی وجہ سے مارکیٹ میں ریٹ کم لگتا ہے۔

محکمہ خوراک پنجاب کے مطابق گزشتہ سال ضلع کی تین تحصیلوں لیاقت پور، رحیم یارخان اور صادق آباد میں گندم کی خریداری کا ہدف ایک لاکھ 40 ہزار میٹرک ٹن اور تحصیل خانپور میں پاکستان ایگریکلچر کارپوریشن نے ایک لاکھ 40 ہزار میٹرک ٹن رکھا تھا۔

ڈسٹرکٹ فوڈ کنٹرولر عبدالماجد خان کے مطابق ابھی تک پنجاب میں گندم کی سرکاری سطح پر خریداری شروع نہیں ہوئی ہے، نہ خریداری کا ہدف طے ہوا ہے اور نہ ہی پالیسی کی مکمل اپروول ہو سکی ہے۔

کسانوں رہنماؤں کا کہنا ہے کہ رواں سال کسانوں کے ساتھ جو برتاؤ کیا جارہا ہے اس کے نتیجے میں وہ اگلی بار گندم کاشت نہیں کریں گے۔پھر یہی گندم پانچ&nbsp; کیا سات ہزار روپے من بھی نہیں ملے گی۔

چوہدری یاسین کہتے ہیں کہ اگر حکومت یہ سوچ رہی ہے کہ اس بار ملک بھر بمپر کراپ ہوئی ہے اور آٹے کی قلت نہیں ہوگی تو یہ اس کی خام خیالی ہے۔

&quot; فلور ملز والے، ذخیرہ اندوز یا آڑھتیے گندم&nbsp; یا تو افغانستان اور ایران کے راستے سمگل کرنے کی کوشش کریں گے یا پھر مارکیٹ میں اس کی ترسیل کو روک کر چینی کی طرح مصنوعی قلت پیدا کریں گے۔ پھر حکومت کو ہی مارکیٹ میں گندم ریلیز کرنا پڑے گی، اگر اس کے پاس کم مقدار میں ہوگی تو پھر آٹے کے نرخ بہت بڑھ جائیں گے۔&quot;

وہ کہتے ہیں کہ اگر تو حکومت کے پاس گندم کا چار پانچ سال کا سٹاک موجود ہو تو پھر خریداری کے عمل سے اس کا باہر ہو جانا سمجھ آتا ہے لیکن اس کے پاس تو چار مہینے کا ذخیرہ بھی نہیں ہوتا تو وہ ایسا فیصلہ کیسے کر سکتی ہے۔

چوہدری یاسین کہتے ہیں کہ چینی، کھاد یا دوسری چیزوں کی قلت اور بلیک میں خرید و فروخت تو شاید برداشت ہوسکتی ہے لیکن اگر گندم یا آٹے کا بحران پیدا ہوا تو حکومت کے لیے یہ اچھا نہیں ہوگا۔ماضی میں اس کی مثالیں بھی موجود ہیں۔

پنجاب حکومت کسانوں سے گندم کیوں نہیں خرید رہی؟

" پنجاب میں آٹے کا بحران آنے والا ہے، حکومت کے لیے اچھا نہیں ہو گا"

text

پی پی- 263 رحیم یار خان: اقلیت کو جب تک مالکانہ حقوق نہیں ملتے وہ مرضی سے ووٹ نہیں ڈال سکتے

رحیم یا ر خان کی میونسپل کارپوریش نے شہر میں پیدا ہونے والے سیکڑوں ٹن کوڑے کو ٹھکانے لگانے کا انوکھا طریقہ دریافت کیا ہے تاہم اس سے شہر بھر کے لوگوں کی صحت کو خطرات لاحق ہو گئے ہیں۔ &nbsp;

ریاض احمد، جناح پارک رحیم یار خان کے رہائشی اور پیشے کے اعتبار سے تاجر ہیں۔ وہ بتاتے ہیں کہ میونسپل کمیٹی کا عملہ صفائی ان کے محلے سے کوڑا نہیں اٹھاتا بلکہ وہیں کسی کونے میں جمع کر کے اسے جلا دیتا ہے۔ سینٹری ورکرز کو روکا جائے تو کہتے ہیں&quot;ہمارے پاس کوڑا اٹھانے کے لیے ٹرالی ہی نہیں ہے۔&quot;

&quot;اگر ہم زیادہ اصرار کریں تو صفائی والے ہفتوں ہمارے علاقے میں نہیں آتے اور جب آتے ہیں تو کچھ کوڑا لے جاتے ہیں۔ باقی یہیں جلا دیتے ہیں۔&quot;

کینال پارک کے رہائشی ارسلان علی کو یہی شکایت ہے کہ ان کے علاقے میں کارپوریشن کا عملہ کچرے کو ایک خالی پلاٹ میں جمع کرتا ہے اور آگ لگا کر چلا جاتا ہے۔ جس سے اٹھنے والی بدبو اور دھواں محلے کے رہائشیوں کا جینا دو بھر کیے رکھتا ہے۔

وہ کہتے ہیں کہ پنجاب حکومت صوبہ بھر میں فضائی آلودگی پر قابو پانےکے لیے مختلف اقدامات کر رہی ہے۔ لیکن یہاں میونسپل کارپوریشن کا رویہ آلودگی میں اضافے کا باعث بن رہا ہے۔

پنجاب حکومت نے اربن پلاننگ کے ایک رپورٹ بنوائی تھی جس کے مطابق انٹیگریٹڈ سالڈ ویسٹ منیجمنٹ نے 2013ء میں رحیم یار خان شہر میں کوڑے کی روزانہ پیداوار کا تخمینہ 169.21 ٹن لگایا تھا۔اس رپورٹ میں دس سال بعد یعنی 2023ء میں کوڑے کی روزانہ پیداوار لگ بھگ 287.49 ٹن بتائی گئی تھی۔

اتنے کوڑے کو ٹھکانے لگانے کے لیے ایک بڑی &quot;لینڈ فل سائٹ&quot; کا ہونا ضروری ہے لیکن رحیم یار خان میں اب تک ایسی کوئی سائٹ نہیں بنائی گئی۔ یہی وجہ ہے کہ کارپوریشن نے مختلف جگہوں پر کوڑا جمع کرنے کے &quot;پوائنٹس&quot; بنائے ہوئے ہیں۔

میونسپل کارپوریشن کے سینٹری سپروائزر محمد زبیر کانجو بتاتے ہیں کہ شہر کا کوڑا دس پوائنٹس پر جمع کیا جاتا ہےجہاں سے اسے ٹریکٹر ٹرالیوں کے ذریعے تین بڑے ڈمپنگ پوائنٹس پر منقل کیا جاتا ہے۔ ایک پوائنٹ شہر کے اندر ہی خان پور اڈا کے قریب اوور ہیڈ برج کے ساتھ واقع ہے۔ باقی دو شہر کے نواحی علاقوں نورے والی مو ڑ اور موہ مبارک میں بنائے گئے ہیں۔

کارپوریشن کے ریکارڈ کے مطابق شہر سے روزانہ 120 ٹن کوڑا جمع کرکے ڈمپنگ پوانٹس پر ٹھکانے لگایا جاتا ہے۔ اس کام میں نو ٹریکٹر ٹرالیاں اور تین فرنٹ بلیڈ ٹریکٹرز استعمال ہوتے ہیں۔

پنجاب حکومت کے تخمینے اور کارپوریشن کے ریکارڈ کو اگر درست مان لیا جائے تو روزانہ 150 ٹن سے زائد کوڑا شہر ہی میں جلا دیا جاتا ہے۔ ڈمپنگ پوانٹس پر بھی کوڑے کے ڈھیروں کو آگ لگا دی جاتی ہے۔ لیکن یہ بات کوئی عہدیدار تسلیم کرنے کو تیار نہیں۔

چیف افسر میونسپل کارپوریشن محمود احمد ڈمپنگ سٹیشن پر کوڑا کرکٹ جلانے کی تردید کرتے ہیں۔ وہ بتاتے ہیں کہ ان کی تعیناتی کے بعد سے کوڑا ٹرالیوں میں موہ مبارک روڈ پر لے جایا جاتا ہے اور وہاں اسے زمین میں دبا دیا جاتا ہے۔

&quot;تاہم کچھ علاقوں میں پرائیویٹ کوڑا اٹھانے والے بھی کام کر رہے ہیں، ہو سکتا ہے وہ آگ لگاتے ہوں۔ ہم نے اپنے سٹاف کو وارننگ دے رکھی ہے کہ اگر بلدیہ کا عملہ کوڑے کو آگ لگائے گا تو اس پر باقاعدہ ایف آئی آرز درج ہوں گی۔&quot;

جب ان سے پوچھا گیا کہ کیا ایسی کوئی ایف آئی آر درج ہوئی ہے تو ان کا جواب نفی میں تھا۔

رحیم یار خان شہر کی سوا پانچ لاکھ کے قریب آبادی کا کچرا ٹھکانے لگانے کے لیے ایک بھی &#39;لینڈ فل سائٹ&#39; نہیں بنائی گئی ہے اور نہ ہی 287.49 ٹن کچرا اٹھانے کے لیے کارپوریشن کے پاس اتنا گاڑیاں اور مشینری دستیاب ہے۔ جس کی وجہ سے جگہ جگہ کچرے کے ڈھیروں سے دھواں اٹھتا دکھائی دیتا ہے۔

ایڈمنسٹریٹر میونسپل کمیٹی و ایڈیشنل ڈپٹی کمشنر ریونیو رحیم یار خان احمد رضا بٹ بتاتے ہیں کہ محکمہ بلدیات نے سرکاری اراضی کا انتخاب کر لیا ہے۔ جہاں لینڈ فل سائٹ بنائی جا سکتی ہے۔ &quot;چند ماہ تک ہمارا اربوں روپے کا پراجیکٹ شروع ہو رہا ہے۔ وہاں سالڈ ویسٹ کی مشینری لگا کر تمام کوڑا ڈسپوز آف کیا جائے گا۔&quot;

شفقت علی شہر میں خان پور اڈہ اوور ہیڈ برج کے قریب رہتے ہیں۔ وہ بتاتے ہیں کہ کچرے کا ایک ڈمپنگ پوائنٹ ان کے گھر کے قریب ہے۔ یہاں کوڑے کو زمین میں دبانے کی بجائے آگ لگا دی جاتی ہے۔ جس کی بدبو اور دھوئیں سے سانس لینا دشوار ہوتا ہے۔

شیخ زید میڈیکل کالج ہسپتال میں شعبہ امراض سینہ و سانس (پلمونولوجی) کے ایسوسی ایٹ پروفیسر ڈاکٹر عمران بشیر بتاتے ہیں کہ وہ اکثر مریضوں سے ارد گرد کے ماحول کے بارے میں سوال کرتے ہیں۔

&nbsp;&quot;بہت سے مریض ہمیں بتاتے ہیں کہ ان کے گھر کے قریب کوڑا جلانے سے انہیں سانس کی تکلیف ہوتی ہے۔&quot;

وہ کہتے ہیں کہ سموگ سیزن سے پہلے آؤٹ ڈور میں روزانہ تین سو کے قریب مریض آتے تھے لیکن اب روزانہ تقریباً ساڑھے چار سو مریض آ رہے ہیں جن میں سانس کی بیماریوں میں مبتلا افراد کی تعداد لگ بھگ 20 فی صد زیادہ ہیں۔ جبکہ نزلہ، زکام اور کھانسی کے مریض بھی بڑھے ہیں۔

رجسٹرار شعبہ امراض چشم ڈاکٹر محمد رمضان بتاتے ہیں کہ کوڑا جلنے سے اٹھنے والا دھواں آنکھوں میں سوزش پیدا کر سکتا ہے۔ مریض بروقت دوائی نہ لے تو سوزش مزید بڑھ جاتی ہے۔ سموگ کے بعد ایسے مریضوں میں سات سے آٹھ فی صد اضافہ دیکھنے میں آیا ہے۔

عامر رحمانی محکمہ تحفظ ماحولیات میں اسسٹنٹ ڈائریکٹر ہیں۔ انہوں ںے لوک سجاگ کو بتایا کہ سموگ سیزن کے آغاز پر ہی سیکرٹری بلدیات نے میونسپل کمیٹیز اور کارپویشنز کو کوڑا نہ جلانے کے احکامات جاری کر دیے تھے۔ اس لیے یہاں ایسا کوئی معاملہ ان کے نوٹس میں نہیں آیا۔

تاہم انہوں نے اتفاق کیا کہ گلی محلوں میں عملہ صفائی کوڑا جلا دیتا ہے۔

ان کا کہنا تھا کہ رواں سموگ سیزن میں ائیر کوالٹی انڈیکس 140 پوائنٹس تک گیا تھا لیکن اب یہ اتنا کم ہو گیا ہے کہ مضر صحت نہیں۔ نومبر 2023ء کے پہلے ہفتے میں رحیم یارخان کی فضاء میں سموگ تھی تاہم بارش ہونے سے وہ سموگ ختم ہو گئی تھی۔

&nbsp;تاہم دنیا بھر میں فضائی آلودگی کے اعداد و شمار پیش کرنے والی ویب سائٹ آئی کیو ایئر کے مطابق رواں ماہ پانچ دسمبر کو بھی رحیم یار خان میں فضائی آلودگی عالمی ادارہ صحت کے قائم کردہ معیار سے 14.6 گنا زیادہ تھی اور ایئر کوالٹی انڈیکس 160 پوائنس تھا۔

خواجہ فرید انجنیئرنگ یونیورسٹی آف انفارمیشن ٹیکنالوجی میں ایڈیشنل ڈائریکٹر انسٹی ٹیوٹ آف کیمیکل اینڈ انوائرمینٹل انجینئرنگ عمیر اظہر بتاتے ہیں کہ صنعتی اخراج، فصلوں کی باقیات جلنے اور گاڑیوں کے دھوئیں سے زہریلے مرکبات پیدا ہوتے ہیں۔ یہ مرکبات ہوا میں آبی بخارات سے مل کر سموگ بناتے ہیں۔

وہ کہتے ہیں کہ کوڑا جلنے سے بھی سموگ میں اضافہ ہوتا ہے۔ خاص طور پر پلاسٹک کی اشیا کو جلانا زیادہ خطرناک ہے، اس سے کئی بیماریاں جنم لیتی ہیں۔

فیصل آباد کے گھروں میں آنے اور صنعتوں سے جانے والے آلودہ پانی کے مابین کیا تعلق ہے؟

رحیم یار خان کے شہریوں کا ناک میں دم کس نے کیا ہوا ہے؟

اکتیس اکتوبر 2019ء کا دن رحیم یار خان کے لیے بہت بھاری تھا۔ اس روز شیخ زید میڈیکل کالج ہسپتال میں 70 سے زائد لاشیں پہنچائی گئیں، لاشیں بھی کیا راکھ کے ڈھیر تھے جنہیں گٹھڑیوں میں باندھ کر ہسپتال کے مردہ خانے میں رکھ دیا گیا تھا۔

باہر سیکڑوں میلوں کا سفر طے کرکے پہنچنے والے لواحقین، ان پوٹلیوں میں بندھی ہڈیوں اور خاک کے ڈین اے ٹیسٹ کروا رہے تھے تاکہ ان کے پیاروں کی شناخت ہو سکے۔

یہ دردناک منظر کراچی سے راولپنڈی جانے والی ٹرین میں آگ لگنے کے بعد کا ہے۔

یہ حادثہ رحیم یار خان سے 96 کلومیٹر دور لیاقت پور کے قریب پیش آیا تھا۔

جائے حادثہ سے قریبی دو ہسپتالوں، شیخ زیدہسپتال رحیم یار خان اور بہاولپور وکٹوریہ ہسپتال میں ایمرجنسی نافذ کر دی گئی تھی۔ مرنے والو ں کے علاوہ، آگ سے جھلسے، زندہ بچ جانے والے زندگی اور موت کی کشمکش میں تھے۔

شیخ زید میڈیکل کالج میں برن یونٹ موجود تو تھا لیکن وہاں سرجری کے لیے جدید سہولیات میسر نہیں تھیں، اسی لئے علاج میں دشواری ہورہی تھی۔

اس حادثے کے بعد حکومت پنجاب&nbsp; کی جانب سے خصوصی طور پر شیخ زید میڈیکل کالج ہسپتال میں 450 بیڈز پر مشتمل جدید طرز کے &quot;حضرت حمید الدین حاکم شیخ زید سرجیکل کمپلیکس&quot; قائم کرنے کااعلان کیا گیا۔ اس میڈیکل کمپلیکس میں سرجیکل وارڈز، آوٹ ڈور مریضوں کے لیے بلڈنگ، آپریشن تھیٹرز، ٹراما سینٹر اور جدید ریڈیالوجی سینٹر قائم کرنے کے لیے سات&nbsp; ارب روپے کے فنڈز بھی مختص کئے گئے۔

منصوبے کے سول ورکس کنٹریکٹ کے لیے ایک نجی کمپنی ایم/ایس آرایم ایس پرائیویٹ لمیٹڈ کا انتخاب کیا گیا۔ میسرز میٹرو پلان ایشین کو کنسلٹنٹ رکھا گیا جبکہ اس پراجیکٹ کی ایگزیکیوٹنگ ایجنسی انفراسٹرکچر ڈویلپمنٹ اتھارٹی پنجاب تھی۔

ضلع رحیم یار خان کی آبادی&nbsp; 60لاکھ سے زائد ہے۔ یہ جنوبی پنجاب میں ایسے مقام پر واقع ہے جہاں سے سندھ اور بلوچستان کے کئی شہر، جیکب آباد، ڈیرہ بگٹی، سوئی، میر پور، ماتھیو، گھوٹکی وغیرہ تین سے پانچ گھنٹوں کی دوری پر ہیں۔

ترجمان شیخ زید میڈیکل کالج ہسپتال ڈاکٹررانا الیاس کے مطابق اس ہسپتال میں تینوں صوبوں سے روزانہ کی بنیاد پر تقریبا سات سے آٹھ ہزار مریض چیک اپ کے لیے آتے ہیں، جن میں سے کچھ مریضوں کو داخل بھی کیا جا تا ہے۔

سرجیکل&nbsp; کمپلیکس پر اکتوبر 2021ء میں تعمیراتی کام کا آغاز کیا گیا تھا، جبکہ جون 2022ء میں دیگر تکنیکی مسائل کو وجہ بنا کر کام روک دیا گیا۔ تاہم جولائی 2022ء میں پھر سے تعمیراتی کام شروع ہو گیا۔

حکومت نے اس پراجیکٹ&nbsp; کی کنٹریکٹر کمپنی کو دسمبر 2021ء میں&nbsp; 270 ملین روپے اور جولائی 2022ء میں 730 ملین روپے جاری کئے تھے، یعنی مجموعی طور پر اب&nbsp; تک ایک ارب سے زائد رقم کنٹریکٹر کو دی جا چکی ہے لیکن تعمیر اتی&nbsp; کام بدستور رُکا ہوا ہے۔

پرنسپل شیخ زید میڈیکل کالج ہسپتال پروفیسر ڈاکٹر محمد سلیم لغاری بتاتے ہیں&nbsp; کہ سرجیکل کمپلیکس کی تعمیر&nbsp; کے لیے سائٹ، 13 اکتوبر 2021ء کو&nbsp; نجی کنٹریکٹر کے حوالے&nbsp; کی گئی تھی، منصوبے کے مکمل ہونے کی مجوزہ تاریخ 30جون 2023ء تھی، لیکن تاحال اس پراجیکٹ پر بمشکل آٹھ فیصد کام مکمل ہوا ہے۔

&quot;پراجیکٹ&nbsp; کی تکمیل انفراسٹرکچر ڈویلپمنٹ اتھارٹی پنجاب (آئی ڈی اے پی) کے ذمے ہے۔ اس مد میں پنجاب حکومت،&nbsp; آئی ڈی اے پی کو اب تک تین ارب 40 کروڑ روپے جاری کر چکی ہے جو کہ اس پراجیکٹ پر آنے والی لاگت کا نصف بنتا ہے&quot;۔

وہ مزید بتاتے ہیں کہ ان کی معلومات کے مطابق آئی ڈی اے پی، کنٹریکٹر کمپنی کو ایک ارب روپے ادا کرچکا ہے۔

انہوں نے بتایا کہ پراجیکٹ کی جلد تکمیل کے لیے وہ انفراسٹرکچر ڈویلپمنٹ اتھارٹی پنجاب( آئی ڈیپ) اور محکمہ صحت کو بارہا تحریری درخواستیں بھجوا چکے ہیں، جن کا کبھی کوئی خاطر خواہ جواب موصول نہیں ہوا۔

پنجاب پروکیورمنٹ ریگولیٹری اتھارٹی کی طرف سے اس پراجیکٹ کے نجی کنٹریکٹر ایم /ایس آر ایم ایس پرائیویٹ لمیٹڈ کو جعلی دستاویزات بنانے اور دھوکہ دہی کی وجہ سے 20 فروری 2023 ء کو اگلے دوسالوں کے لیے بلیک لسٹ کردیا گیا تھا۔

پرنسل شیخ زید ہسپتال پروفیسر ڈاکٹر سلیم لغاری کہتے ہیں کہ ان کی معلومات کے مطابق کنٹریکٹراپنی کمپنی سے سزا ہٹوانے کے لئے کورٹ میں ہاتھ پاؤں مار رہا ہے۔

اس بات کی تصدیق پراجیکٹ ڈائریکٹر آئی ڈی اے پی محمد عامر بھی کرتے ہیں۔ لوک سجاگ کے سوال کے جواب میں انہوں نے بتایا کہ معاملہ عدالت میں زیر سماعت ہے اس لیے وہ انہوں نے کنٹریکٹر کو تبدیل نہیں کیا۔

&nbsp;جب ان سے پوچھا گیا کہ حکومت پنجاب نے تین ارب 40 کروڑ شیخ زید سرجیکل ٹاور کی مد میں جاری کیے ہیں اور ان کے ادارے نے ایک ارب روپے سے زائد رقم کنٹریکٹر ایم/ایس آر ایم ایس کو جاری کر دی ہے جبکہ&nbsp; کام گزشتہ تین ماہ سے رکا ہوا ہے تو وہ اس بات کو جھٹلا نہ سکے اور کہا &quot;آپ تحریری درخواست دیں گے تو آپ کو تحریری جواب دوں گا&quot;۔&nbsp;

مظفر گڑھ میں سرکاری تھرمل پاور پلانٹ مقامی آبادی کی صحت کے لیے سنگین خطرہ بن گیا

شیخ زید میڈیکل کالج ہسپتال کے سرجیکل کمپلیکس کی تعمیر پر ایک ارب روپے خرچ ہوجانے کے باوجود چار سال میں صرف آٹھ فیصد کام مکمل ہوا ہے

رحیم یارخان کے نواحی علاقے چوک بہادر پور کی طاہرہ پروین تین بچوں کی ماں ہیں۔ انہوں نے گھر میں چارہ کاٹنے والی برقی مشین لگا رکھی ہے جسے عرف عام میں ٹوکہ مشین کہا جاتا ہے۔ ان کے شوہر ارشد علی اس مشین سے بھینس کے لیے چارہ کاٹتے ہیں۔ ایک روز وہ کہیں گئے ہوئے تھے کہ چارہ ختم ہو گیا۔ طاہرہ پروین نے ٹوکہ مشین سے چارہ کاٹنا شروع کیا لیکن ان کا ہاتھ اس میں پھنس گیا اور وہ چیخ اٹھیں۔اس پر ان کی ساس آمنہ بی بی نے کمرے سے باہر آکر برقی مشین کا بٹن بند کیا۔ اس دوران طاہرہ کا ہاتھ بری طرح زخمی ہو چکا تھا۔

انہیں شیخ زید میڈیکل کالج ہسپتال کی ایمرجنسی میں لایا گیا جہاں ڈاکٹروں کو ان کے ہاتھ کا آپریشن کرنا پڑا۔&nbsp; اب ان کے زخم کو بھرنے میں کئی ماہ لگیں گے۔

شیخ زید میڈیکل کالج ہسپتال میں ہڈیوں کے شعبے کے ڈاکٹر نصیر احمد چوہدری بتاتے ہیں کہ ہسپتال میں ٹوکہ مشین سے زخمی ہونے والے مریضوں کی بہت بڑی تعداد آتی ہے۔ 2016ء سے 2022ءکے دوران ڈھائی ہزار سے زیادہ ایسے مریض ہسپتال لائے گئے جو ان مشینوں کی زد میں آ کر زخمی ہوئے تھے۔ ان میں 756 مرد اور 1764 عورتیں اور بچے تھے۔

ڈاکٹر نصیر نے بتایا کہ ان کے پاس پنجاب، سندھ اور بلوچستان سے زخمی علاج کے لیے آتے ہیں۔ ان میں سب سے زیادہ تعداد زراعت سے وابستہ ان عورتوں اور بچوں کی ہوتی ہے جنہیں اپنے جانوروں کا چارہ تیار کرنے کے لیے مشین پر کام کرنا پڑتا ہے۔ انہیں اس کے استعمال کی تربیت نہیں دی جاتی اس لیے تواتر سے حادثات ہوتے رہتے ہیں۔ روزانہ ایسے ایک سے چھ مریض یہاں داخل کیے جاتے ہیں۔

&quot;اذیت ناک بات یہ ہے کہ ہمارے پاس آنے والے بہت سے مریضوں کے ہاتھ اور بازو کٹے ہوتے ہیں اور انہیں ری پلانٹ نہیں کیا جا سکتا یا دوبارہ جوڑ کر کارآمد نہیں بنایا جا سکتا۔&quot;

وہ سمجھتے ہیں کہ ان حادثات کی روک تھام کے لیے منصوبہ بندی ناگزیر ہے۔ یا تو لوگوں کو ان مشینوں کے استعمال کی تربیت دی جائے یا ان کا ڈیزائن تبدیل کر کے انہیں محفوظ بنایا جائے۔

شیخ زید میڈیکل کالج ہسپتال میں شعبہ امراض ہڈی و جوڑ کے اسسٹنٹ پروفیسر ڈاکٹر محسن ورک کہتے ہیں کہ&nbsp; اگر مریض کی ایک انگلی بھی کٹ جائے تو وہ معذور شمار ہو گا۔ قوانین کے مطابق اگر مریض کے ہاتھوں کی ٹپس یا پوریں کٹ جائیں تو یہ مائلڈ یعنی ابتدائی معذوری ہو گی۔اگر&nbsp; پوری انگلیاں یا آدھا ہاتھ کٹ جائے تو یہ موڈریٹ یعنی درمیانی معذوری سمجھی جائے گی اور اگر پورا ہاتھ کٹ جائے تو مریض سیویئر یعنی شدید معذور گنا جائے گا۔

ان کا کہنا تھا کہ اگر کسی مریض کا انگوٹھا مشین میں آ کر کٹ جائے تو وہ 40 فی صد ہاتھ سے محروم ہو جاتا ہے۔ ایک ہاتھ کو بچاتے دوسرا ہاتھ&nbsp; مشین میں آ سکتا ہے اسی لیے&nbsp; ہسپتال آنے والے 100 زخمی مریضوں میں سے دو کے دونوں ہاتھ کٹے ہوتے ہیں۔

ان کا کہنا ہے کہ ٹوکہ مشینیں بہت خطرناک ہیں جس پر حکومت کو قانون سازی کرنی چاہیے۔ موجودہ ٹوکہ مشینوں کا استعمال بند کیا جائے یا ان کا ڈیزائن تبدیل کر کے انہیں محفوظ بنایا جائے کیونکہ یہ دیہات میں جسمانی معذوری کا اب سب سے بڑا سبب بن گئی ہیں۔

کرائم رپورٹر رضوان اختر کے مطابق چارہ کاٹنے والی ٹوکہ مشینیں اس علاقے میں ہزاروں لوگوں کو زخمی اور اپاہج کر چکی ہیں لیکن تاحال ان کے استعمال پر پابندی نہیں لگائی جا سکی۔ ان کا کہنا ہے کہ وہ روزانہ ایمرجنسی میں رپورٹنگ کے لیے ڈیٹا لینے جاتے ہیں اور ایک ہفتے میں کم از کم پانچ دن ٹوکہ مشین کے زخمی علاج کے لیے لائے جاتے ہیں۔

وہ کہتے ہیں کہ اس مشین پر حکومت فوری پابندی لگائے اور محفوظ طریقے سے چارہ کاٹنے والی مشینوں ہی کے استعمال کی اجازت دے۔

شہر سے 15 کلومیٹر دور گاؤں تاج گڑھ کے کاشت کار رانا اشفاق احمد نے بتایا کہ اس مشین پر حادثے سے بچنے کے لیے احتیاط ضروری ہے۔جلد بازی حادثے کا باعث بنتی ہے۔ ان کے گھر میں بھی یہ مشین موجود ہے اور کئی سال سے وہ روزانہ اسے استعمال کرتے ہیں لیکن احتیاطی تدابیر کی بدولت ان کے ہاں کبھی کوئی حادثہ نہیں ہوا۔

نواحی گاؤں سردار گڑھ کے کاشت کار سیف علی کے مطابق ٹوکہ مشینوں سے کاٹے جانے والے لوسن اور برسیم کے پودے چھوٹے اور کماد، جوار اور مکئی کے بڑے ہوتے ہیں۔ چھوٹے پودوں کو ٹوکہ مشین میں تیزی سے ڈالا جا رہا ہو تو ہاتھ کے اس کی زد میں آنے&nbsp; کا امکان زیادہ ہوتا ہے۔

ان کا کہنا ہے کہ اگر پرانے ڈیزائن کی ٹوکہ مشینوں کی بجائے چائنہ ماڈل مشینوں کا استعمال کیا جائے تو ان حادثات سے بچا جا سکتا ہے۔ یہ اس طرح ڈیزائن کی گئی ہیں کہ ان میں ہاتھ نہیں بلکہ صرف چارہ ہی آگے جا سکتا ہے۔ تاہم ٹوکہ مشنیوں کے کاروبار سے وابستہ دکان دار میاں اظہر جمیل کا کہنا ہے کہ علاقے میں مقامی طور پر تیار کردہ روایتی ٹوکہ مشینیں ہی دستیاب ہیں اور چین کے ماڈل کی مشینیں لوکل مارکیٹ میں نہیں ملتیں۔

جو چلے تو جاں سے گزر گئے: واسا فیصل آباد کے مسیحی مزدوروں کو درپیش جان لیوا خطرات

ہاتھوں کو کاٹتی ٹوکہ مشینیں دیہات میں جسمانی معذوری کا سب سے بڑا سبب بن گئیں

رحیم یار خان شہر کے فضیلت ٹاؤن میں رہنے والے امتیاز احمد پیشے کے اعتبار سے بینکار ہیں۔ انہوں نے اپنی بیٹی آمنہ کو گھر کے قریب ایک پرائیویٹ سکول میں داخل کروایا۔ چند برس میں وہ پلے گروپ سے جماعت دوم تک پہنچی۔ اس دوران بینک نے والد کا تبادلہ تحصیل خان پور میں کر دیا۔

وہاں وہ اچھی شہرت کے حامل ایک پرائیویٹ سکول میں اپنی بیٹی کا داخلہ کرانے گئے۔ سکول انتظامیہ نے سابق سکول کا ریکارڈ دیکھا اور کہا کہ وہ آمنہ کا ٹیسٹ لیں گے تاہم&nbsp; پاس ہونے کی صورت میں پہلی جماعت میں داخلہ دیں گے کیونکہ وہ ایک غیر رجسٹرڈ سکول میں پڑھتی رہی ہے۔

استفسار پر پہلے پرائیویٹ سکول کی انتظامیہ نے امتیاز کو بتایا کہ رجسٹریشن کا عمل آن لائن ہونے کی وجہ سے تاخیر کا شکار ہوا اور یہ جلد مکمل ہو جائے گا۔

آمنہ ان پیچیدگیوں کو نہیں سمجھتی داخلہ ملنے کے بعد والدین سے پوچھتی رہتی ہے کہ وہ دوسری کے بعد پہلی جماعت میں کیوں ہے۔

رحیم یار خان میں بہت سے ایسے بچوں کو یہی مسئلہ درپیش ہے جو جانے انجانے میں غیررجسٹرڈ نجی سکولوں میں پڑھتے رہے ہیں۔

اس حوالے سے پنجاب ٹیچر یونین جنوبی پنجاب کے صدر رانا شہباز صفدر اور پرائیویٹ سکولز ایسوسی ایشن کے سابق صدر حافظ محمد مدثر کا کہنا ہے کہ غیر رجسٹرڈ سکولوں سے آنے والے طلبہ کی بڑی تعداد تعلیمی لحاظ سے کمزور ہوتی ہے۔

&quot;ایسے سکول کی انتظامیہ کے پاس سکول چھوڑنے کا سرٹیفکیٹ دینے کا اختیار ہی نہیں ہوتا اور نہ ہی وہ کوئی رزلٹ کارڈ جاری کر سکتی ہے۔ اس کی مثال غیررجسٹرڈ گاڑی کی سی ہے۔ ایسےسکولوں کی عمارتوں کے بارے میں بھی یقینی طور پر نہیں کہا جا سکتا کہ وہ محفوظ اور بچوں کے لیے موزوں ہیں یا نہیں۔&quot;

ان کا کہنا ہے کہ حکومت اور غیر سرکاری تنظیموں کی جانب سے دیے جانے والے وظائف سے غیر رجسٹرڈ سکولوں کے طلبہ محروم رہتے ہیں۔ انتظامیہ بھی غیر رجسٹرڈ سکولوں کے خلاف مؤثر کارروائی نہیں کرتی۔

فرحان عامر فروغ تعلیم کے لیے کام کرنے والی مختلف غیر سرکاری تنظیموں سے طویل عرصہ وابستہ رہے ہے۔ وہ بتاتے ہیں کہ بہت سے سکول انکم ٹیکس اور دیگر سرکاری فیسوں سے بچنے کے لیے رجسٹرڈ نہیں کرائے جاتے۔

ایک پرائیویٹ سکول کی انتظامیہ کے عہدے دار طارق محمود نے بتایا کہ انہوں نے ایک سال پہلے اپنے سکول کے ای لائسنس کے لیے درخواست دی تھی لیکن یہ انہیں ابھی تک نہیں ملا۔

طارق کے مطابق سکولوں کو ای لائسنس حکومت پنجاب کی ویب سائٹ کے ذریعے اپلائی کرنے پر ملتے ہیں۔ شاید اس کا ایک سبب یہ ہے کہ مختصر عرصے میں چار چیف ایگزیکٹو آفیسر ایجوکیشن تبدیل ہو چکے ہیں اور معاملات میں تسلسل نہیں رہا۔

چیف ایگزیکٹو آفیسر ایجوکیشن محمد اسلم کے مطابق کسی سکول کی رجسٹریشن کے لیے حکومت پنجاب کے ضلعی محکمہ صحت کی جانب سے ہائی جینک سرٹیفکیٹ حاصل کیا جانا ضروری ہے۔ ضلعی محکمہ بلڈنگ کی طرف سے معائنہ کرنے کے بعد عمارت کے قابل استعمال ہونے کا سرٹیفکیٹ دیا جاتا ہے۔ علاوہ ازیں سکول انتظامیہ نے ضروری دستاویزات متعلقہ ویب سائٹ پرائیویٹ ایجوکیشن پرووائیڈر رجسٹریشن اینڈ انفارمیشن (پیپرس) پر اپ لوڈ کرنا ہوتی ہیں۔

&quot;ضروری دستاویزات موصول ہونے کے بعد تصدیق کے لیے ہم محکمہ صحت اور محکمہ بلڈنگ کو خط لکھ دیتے ہیں۔ جب ان محکموں سے تصدیق ہو جاتی ہے تو ہم ایک اجلاس بلاتے ہیں جس کی سربراہی ڈپٹی کمشنر اور سیکرٹری چیف ایگزیکٹو آفیسر ایجوکیشن کرتے ہیں۔ اس میں پرائیویٹ سکولوں، بچوں کے والدین اور خواتین کا ایک ایک نمائندہ بھی شریک ہوتا ہے۔ سکولوں کی رجسٹریشن کا فیصلہ اسی اجلاس ہوتا ہے۔&quot;

انہوں نے بتایا کہ پرائیوٹ سکول چاہے پرائمری ہو، مڈل یا ہائی سب کی رجسٹریشن کا عمل ایک سا ہے۔ رجسٹرڈ ہونے والے سکولوں کو دو برسوں کے لیے ای لائسنس جاری کر دیا جاتا ہے جس کے بعد ان کی تجدید ہوتی ہے۔تمام رجسٹرڈ سکولوں کا ڈیٹا آن لائن ویب سائٹ پیپرس پر موجود ہے اور رجسٹریشن کا عمل آن لائن ہی ہوتا ہے۔&quot;

غیر رجسٹرڈ سکول کی شکایت کے اندراج کے بارے میں سی ای او ایجوکیشن نے بتایا کہ یہ آن لائن نہیں بلکہ درخواست لکھ کر دی جا سکتی ہے۔

&quot;درخواست ملنے کے بعد وہ متعلقہ سکول کے پرنسپل کو بلا کر وارننگ دیں گے اور اسے رجسٹریشن کروانے کا وقت دیا جائے گا۔ ایسا نہ ہونے کی صورت میں وہ سکول بند کر دیا جائے گا۔ وارننگ کے بعد عمل درآمد نہ ہونے پر سکول کی انتظامیہ کو جرمانہ بھی کیا جا سکتا ہے۔&quot;

پرائیویٹ رجسٹرڈ سکولوں کے بارے میں جاننے کے لیے حکومت پنجاب کی ویب سائٹ (پیپرس) پر ایک &#39;پیرنٹ کارنر&#39; بنایا گیا ہے۔ اس میں پنجاب کے تمام اضلاع کے رجسٹرڈ پرائیویٹ سکولوں کی تعداد دی گئی ہے۔

اس ویب سائٹ کے مطابق ضلع رحیم یار خان میں 486 سکولوں کے پاس ای لائسنس ہے جبکہ 531 سکولوں کے لائسنس عبوری (پروویژنل) یا زائدالمعیاد (ایکسپائرڈ) ہیں۔ویب سائٹ کے اعداد و شمار کے مطابق 85 سکولوں نے لائسنس کے لیے درخواست ہی نہیں دی۔

رانا شہباز صفدر کے مطابق جنوبی پنجاب میں 35 فی صد سکول رجسٹرڈ ہی نہیں ہیں۔ فرحان عامر کا ان کا دعویٰ ہے کہ 60 لاکھ سے زیادہ آبادی کے ضلع رحیم یار خان میں سات ہزار سے زیادہ پرائیویٹ سکول ہیں۔

&nbsp;ضلع بھر میں رجسٹرڈ پرائیویٹ سکولوں کی تعداد جاننے کے لیے اس نمائندے نے فوکل پرسن ضلعی محکمہ ایجوکیشن&nbsp; محمد یاسین ساحر سے بارہا رابطہ کیا گیا لیکن انہوں نے ٹال مٹول سے کام لیا جبکہ چیف ایگریکٹو آفیسر ایجوکیشن بھی یہ تعداد بتانے سے گریزاں رہے۔

محکمہ تعلیم یا اساتذہ: چاغی میں بند پڑے سکولوں کا ذمہ دار کون ہے؟

غیرمعیاری تعلیم، غیرمحفوظ عمارتیں، غیرصحت مند ماحول: رحیم یار خان میں غیررجسٹرڈ نجی سکول طلبہ کے لیے خطرہ بن گئے

سولہ سالہ ناصر زنجیروں میں جکڑے ہوئے تھے۔ ایک ڈاکو انہیں بار بار چھڑی مار رہا تھا۔ ناصر کے جسم پر تشدد کے نشانات تھے اور زخموں سے خون بہہ رہا تھا۔

ڈاکوؤں نے ناصر سے کہا کہ وہ موبائل کیمرے کے سامنے گھر والوں سے مخاطب ہوں اور ان سے کہیں کہ وہ جلد از جلد تاوان کی رقم دیں، &quot;ورنہ وہ اسی طرح مار کھاتا رہے گا۔&quot;

درد سے کراہتے ناصر نے ایسا ہی کیا۔

تحصیل صادق آباد کے قصبے بھونگ کے ناصر کو تین اپریل 2023ء کو اغوا کیا گیا تھا۔

اغوا کے بعد ڈاکو انہیں روجھان کے کچے کے علاقے میں لے گئے تھے۔وہیں ویڈیو بنائی گئی جو سوشل میڈیا پر وائرل ہوئی۔

ویڈیو میں ڈاکوؤں نے پنجاب پولیس کو چیلنج کرتے ہوئے کہا تھا کہ &quot;ہمت ہے تو نوجوان کو چھڑوا لو&quot;۔

پولیس نے جدید اسلحے اور بکتر بند گاڑیوں کی مدد سے آٹھ اپریل 2023ء کو کچہ روجھان میں انٹیلی جنس کی بنیاد پر آپریشن کرتے ہوئے مغوی ناصر کو بازیاب کرا لیا۔

تاہم انسپکٹر جنرل آف پنجاب پولیس ڈاکٹر عثمان انور نے نو اپریل کو کچے کے علاقے کا دورہ کرنے کے بعد ڈاکوؤں کے خلاف گرینڈ آپریشن کا اعلان&nbsp; کردیا۔

ضلعی ترجمان پولیس سیف علی کے مطابق پنجاب کے دو اضلاع راجن پور اور رحیم یار خان جبکہ سندھ کے دو اضلاع کشمور اور گھوٹکی سے یہ آپریشن بیک وقت شروع کیا گیا۔

اس میں پنجاب کے دو اضلاع کی پولیس کے علاوہ پنجاب کانسٹیبلری کے دستوں نے بھی حصہ لیا۔لہٰذا اسے گرینڈ آپریشن کا نام دیا گیا ہے۔

نو اپریل 2023ء کی شام کو ڈی پی او آفس میں پریس بریفنگ دیتے ہوئے آئی جی نے بتایا کہ یہ آپریشن عسکری اور سیاسی قیادت کی ہدایات پر شروع کیا گیا ہے۔

<h2>چھ خطرناک گروہوں کے 90 ڈاکو&nbsp; اور 11ہزار پولیس اہلکار</h2>

پنجاب پولیس کے مطابق کچے کے علاقے میں آپریشن چھ خطرناک گروہوں کے خلاف کیا جا رہا ہے۔ ان میں سکھانی گینگ کے 14، لٹھانی گینگ کے 25، لونڈ گینگ کے 15، دولانی گینگ کے 12، پٹ عمرانی گینگ کے 15 اور بنگیانی گینگ کے نو ڈاکو شامل ہیں۔

کچہ، سات جزیرہ نما علاقوں پر مشتمل ہے جن میں کچہ کراچی، کچہ عمرانی، کچہ حیدر آباد، کچی بنو، کچی مورو، کچی جمال اور کچی کپرا شامل ہیں۔

کچہ کراچی ضلع رحیم یارخان میں ہے۔ کچہ حیدر آباد کا کچھ علاقہ رحیم یار خان اور باقی دیگر پانچ کچے کے علاقے ضلع راجن پور میں ہیں۔

کچے کے 15 ہزار مربع کلومیٹر علاقے کی سرحد تین صوبوں پنجاب، سندھ اور بلوچستان سے ملتی ہے۔

اس گرینڈ آپریشن میں 11 ہزار پولیس اہلکار حصہ لے رہے ہیں۔

<h2>ابھی تک کوئی کامیابی نہیں ہوئی: ڈی پی او</h2>

ڈسٹرکٹ پولیس آفیسر رضوان عمر گوندل بتاتے ہیں کہ کچے کے انتہائی مطلوب ڈاکوﺅں کی تعداد 36 ہے لیکن ان میں سے کوئی بھی ابھی تک پکڑا یا مارا نہیں جا سکا۔

ڈی پی او کے مطابق رواں برس فروری، مارچ، اپریل اور مئی میں ضلع رحیم یار خان سے اغوا کی ایک واردات ہوئی ہے جبکہ ضلع راجن پور سے 17، ضلع کشمور سے 38 اور ضلع گھوٹکی سے 36 افراد اغوا ہوئے۔

ان کا کہنا تھا کہ سات جون 2023ء کو لونڈ گینگ کے خلاف راجن پور پولیس نے آپریشن شروع کر دیا ہے۔ انہوں نے مزید کہا کہ کچے کے علاقے میں مورچہ زن ڈاکو تمام علاقے سے بخوبی واقف ہیں۔

&quot; کسی مورچہ زن کے پاس اگر جدید اسلحہ وافر ہو تو وہ اکیلا کئی افراد پر بھاری ہوتا ہے&quot;۔

تاہم ان کا کہنا ہے کہ اس بار پولیس کی کوشش ہے کہ جانی سمیت کسی بھی نقصان کے بغیر زیادہ سے زیادہ اہداف حاصل کیے جائیں۔

انہوں نے بتایا کہ اب تک ہونے والے آپریشن میں رحیم یار خان پولیس کے اہلکار محفوظ رہے ہیں تاہم راجن پور پولیس کا ایک اہلکار غلام قاسم شہید ہوا ہے۔

&quot;یہ واقعہ تین مئی 2023ء کا ہے۔لڑائی میں تین ڈاکو ہلاک مارے گئے&quot;۔

&nbsp;آپریشن کی مشکلات کا ذکر کرتے ہوئے ڈی پی او نے کہا کہ اس وقت کچے کے کچھ علاقوں میں دریا کا پانی چڑھ رہا ہے جس کی وجہ سے وہاں آپریشن کرنا ممکن نہیں۔

&quot;رحیم یارخان سے ملحقہ جزیرہ نما کچہ کراچی میں رہنے والا ڈاکو قابل سکھانی پولیس کو مطلوب ڈاکو ہے۔ وہ اور اس کے ساتھی کچہ کراچی کو چھوڑ کر کچہ رجوانی میں چلے گئے ہیں۔ کچہ رجوانی میں 11 فٹ اونچا جنگل ہے جہاں بکتر بند گاڑی نہیں چل سکتی۔آپریشن کے لیے ہم بکتر بند گاڑیوں پر بہت زیادہ انحصار کر رہے ہیں&quot;۔

انہوں نے مزید بتایا کہ کچے کا ترقیاتی بجٹ منظور ہونے جا رہا ہے جس کے بعد یہاں پولیس کے چار بیس کیمپ اور 20 چوکیاں بنیں گی۔

&quot;ہم نے تجویز دی ہے کہ کچے کی چوکیاں اونچائی پر بنائی جائیں تاکہ آپریشن سیلاب سے متاثر نہ ہو&quot;۔

<h2>ماضی میں کیے گئے آپریشن کیوں ناکام ہوئے؟</h2>

ریٹائرڈ ڈی ایس پی پولیس ایاز لغاری ماضی میں کچے کے آپریشنوں میں حصہ لے چکے ہیں۔

ان کے مطابق ماضی میں پولیس کی ناکامی کا سبب کم وسائل تھے۔

&quot; ڈاکوؤں کے پاس راکٹ لانچر اور اینٹی ائیر کرافٹ گنز سمیت مختلف طرح کا جدید اسلحہ ہوتا تھا جسے وہ بچپن میں چلانا سیکھ لیتے ہیں&quot;۔

وہ بتاتے ہیں ڈاکوؤں کے پاس ایسا نظام بھی تھا جس سے وہ پولیس کے وائرلیس پیغامات سن لیتے تھے اور ضرورت پڑنے پر پناہ گاہیں چھوڑ کر روپوش ہو جاتے تھے۔

پنجاب سے ڈاکو کبھی سندھ اور کبھی بلوچستان چلے جاتے۔سندھ سے بھی ڈاکو پنجاب آ کر پناہ لیتے ہیں۔

تاہم محدود وسائل کے باوجود پولیس کچے میں آپریشن کرتی رہی۔

رحیم یار خان پولیس کے ضلعی ترجمان سیف علی کا کہنا ہے کہ پولیس کے ماضی کے آپریشن ناکام نہیں ہوئے۔ پولیس نے محدود وسائل اور وقت میں اپنے اہداف حاصل کیے ہیں۔

انہوں نے بتایا کہ اپریل&nbsp; میں گندم&nbsp; کی کٹائی کے بعد کچے میں حد نگاہ بہتر ہو جاتی ہے اور دریائی پانی بھی کم ہوتا ہے۔ اپریل سے جون تک تقریباً دو سے ڈھائی ماہ کا عرصہ پولیس کو ملتا ہے جس میں اسے آپریشن کرنا ہوتا ہے۔

جون میں دریا میں پانی دوبارہ چڑھنا شروع ہو جاتا ہے تو کچے میں پولیس کی پیش قدمی محدود ہو جاتی ہے۔

&quot;جب تک رسائی آسان نہیں ہوتی اور وہاں سڑکیں اور محفوظ پوسٹیں نہیں بنتیں، پولیس کا وہاں رہنا خطرے سے خالی نہیں۔&quot;

انہوں نے کہا پولیس کے&nbsp; آنے پر ڈاکو کبھی دریا کے دوسری طرف چلے جاتے ہیں اور کبھی سندھ یا بلوچستان۔

انہوں نے بتایا کہ رحیم یار خان اور راجن پور کی ٓپولیس آپس میں رابطے میں رہتی ہے۔ معلومات کی شیئرنگ کی وجہ سے پولیس کی پیش قدمی جاری ہے۔

وہ کہتے ہیں کہ رحیم یار خان پولیس نے زیادہ آپریشن ضلع راجن پور کے کچے میں کیے ہیں۔

&quot;رحیم یار خان کے کچے سے راجن پور کے کچے میں رسائی آسان ہے۔ راجن پور پولیس کو کچے میں جانے کے لیے دریا عبور کرنا پڑتا ہے۔ جغرافیائی تقسیم اتنی پیچیدہ ہے کہ راجن پور سے کچے کے تھانے شاہوالی جانے کے لیے اگر دریا میں پانی کم ہو تو 15 سے 20 منٹ کا وقت لگتا ہے۔ پانی چڑھا ہو تو تین گھنٹوں سے زائد کا وقت لگتا ہے&quot;۔

<h2>پولیس میں ڈاکوؤں کے مخبر</h2>

ایاز لغاری نے بتایا کہ زیادہ تر سندھ پولیس اور اکا دکا پنجاب پولیس اہلکاروں کے ڈاکوؤں سے رابطے تھے۔

&quot; یہ پولیس اہلکار چاہتے تھے کہ ڈاکو ان کی تعیناتی والے علاقوں میں واردات نہ کریں اور اگر وہاں سے کوئی اغوا ہو تو ڈاکو فوراً ان کو بتادیں&quot;۔

ریٹائرڈ ڈی ایس پی کہتے ہیں کہ سندھ پولیس کے ڈاکوؤں سے بہت زیادہ رابطے تھے۔ &quot;ہم نے جب بھی سندھ پولیس کے ساتھ مل کر ڈاکوؤں پر ریڈ کیا تو ان کے علاقے خالی ملے کیونکہ انہیں پہلے ہی اطلاع مل جاتی تھی&quot;۔

ان کا کہنا تھا کہ ان ڈاکوؤں کی سیاسی لوگ اور سندھ کے وڈیرے سرپرستی کرتے ہیں انہیں زمینوں پر قبضے سمیت دیگر معاملوں میں استعمال کرتے ہیں۔

کچے کے مستقل حل کے حوالے سے ان کا کہنا تھا کہ اب پولیس کو کچے سے واپس نہیں آنا چاہیے۔ حکومت وہاں سکول، کالج، ہسپتال اور سڑکیں و دیگر ترقیاتی کام کرے۔ کچے کے لوگوں کو تعلیم کے ساتھ روزگار دے۔ وہاں جنگلوں کو&nbsp; محفوظ بنائے۔

&quot;ہمیں ڈاکو بھی پیغام بھجواتے تھے کہ حکومت نے آج تک ہمیں دیا کیا ہے جو ہم یہ کام چھوڑیں؟&quot;

ایاز لغاری کہتے ہیں کہ حالیہ آپریشن ماضی سے مختلف ہے۔ یہ پہلی دفعہ ہوا ہے کہ پولیس نے ڈاکوؤں کے ٹھکانوں پر مورچے بنائے ہیں اور مسلسل وہاں موجود ہے۔ اس سے کچے کے ڈاکوؤں کی کمر ٹوٹ گئی ہے۔

البتہ رحیم یار خان میں بہت سے لوگ پولیس کے دعوؤں سے مطمئن نہیں۔

ڈسٹرکٹ بار ایسوسی ایشن رحیم یارخان نے آٹھ جون 2023ء کو پولیس کے رویے اور کچے میں بڑھتی ہوئی وارداتوں کے خلاف ہڑتال کی۔

&nbsp;جنرل سیکرٹری بار محمد احمد کانجو&nbsp; کہتے ہیں کہ ہر دو چار سال بعد کچے میں آپریشن کیا جاتا ہے۔

&quot;ہم 15 برسوں سےکچہ آپریشن ہوتے دیکھ رہے ہیں&quot;۔

وہ کہتے ہیں کہ پولیس جب بھی کچے میں آپریشن کرتی ہے، اس کا اثر ایک یا دو سال رہتا ہے۔ پھر روپوش ہونے والے ڈاکو واپس آ جاتے ہیں اور دوبارہ منظم ہو کر وارداتیں کرنے لگتے ہیں۔

<h2>ماضی کے اہم آپریشن</h2>

ماضی میں ڈسٹرکٹ پولیس آفیسر سہیل حبیب تاجک کے دور میں 2011 ء میں &quot;آپریشن توبہ&quot; کے نام سے یہاں بڑا آپریشن کیا گیاتھا جس میں کچہ کراچی اور اسے سے ملحقہ کچے کو ڈاکوؤں سے صاف کروایا گیا تھا۔

سہیل حبیب تاجک نے لوک سجاگ کو بتایا کہ&nbsp; کچے کے تمام نو گو ایریاز کو ختم کرکے ریاست کی رٹ قائم کر دی گئی تھی۔اس آپریشن میں دو پولیس اہلکار محمد سرفراز اور داؤد احمد شہید ہوئے تھے۔

دوسرا بڑا آپریشن جسے ضرب آہن کا نام دیا گیا تھا 24 روز جاری رہا۔ اس کا ہدف سنگین جرائم میں ملوث چھوٹو گینگ تھا۔اس کے خلاف پنجاب پولیس نے مارچ 2016ء کے آخری ہفتے میں آپریشن شروع کیا تھا۔

آپریشن کے اٹھارویں دن تک پولیس کے سات جوان شہید ہوچکے تھے۔

چھوٹو گینگ نے 24 پولیس اہل کاروں کو یرغمال بھی بنا لیا تھا اس صورت حال میں پنجاب پولیس نے پاک آرمی سے مدد مانگی جس پر 20 اپریل 2016ء کو فوج نے آپریشن کیا۔ فوج نے کچے کا محاصرہ کر لیا جس کے بعد چھوٹو گینگ نے ہتھیار پھینک کر گرفتاری دے دی۔

ماضی میں تین گینگ مشہور تھے جن کے نام شر گینگ، کوش گینگ، پٹ عمرانی اور چھوٹو گینگ تھے۔ یہ گینگ اسلحہ کی نوک پر لوگوں کو اغوا کر کے تاوان لیا کرتے تھے۔ چھوٹو گینگ کی گرفتاری کے بعد شر اور کوش گینگ کچہ چھوڑ کر چلے گئے تھے۔لیکن اب دونوں واپس آچکے ہیں۔

ملتان مشتعل ہجوم کے ہاتھوں تشدد سے ہلاکتیں: پولیس ایسے واقعات روکنے میں ناکام کیوں ہے؟

کچے میں ڈاکوؤں کے خلاف آپریشن ، اس مرتبہ کیا حکمت عملی بنائی گئی ہے؟

<hr />
&bull;&nbsp;&nbsp; &nbsp;2018-2017 میں حکومت پنجاب نے کراپ انشورنس کا نظام متعارف کیا تاکہ کسی آفت کی صورت میں کسانوں کے نقصان کی تلافی کی جا سکے

&bull;&nbsp;&nbsp; &nbsp;اس نظام کے تحت کسان ہر بار اپنی فصل رجسٹر کرواتے ہیں۔

&bull;&nbsp;&nbsp; &nbsp;پانچ ایکڑ سے کم والے کسانوں کا مکمل پرمیئم حکومت انشورنس کمپنی کو&nbsp; ادا کرتی ہے اور پانچ سے 25 ایکڑ والوں کا آدھا۔

&bull;&nbsp;&nbsp; &nbsp;فصل کے نقصان کی صورت میں اس کا تخمینہ انفرادی سطح پر نہیں بلکہ تحصیل کے سطح پر اوسط پیداوار میں کمی کی بنیاد پر لگایا جاتا ہے۔

&bull;&nbsp;&nbsp; &nbsp;متعلقہ ادارے دعوی کرتے ہیں کہ کسانوں کو ادائیگیاں ایک شفاف نظام کے تحت کی جاری ہیں۔

&bull;&nbsp;&nbsp; &nbsp;لوک سجاگ نے ایسے 60 کسانوں کو فون کیے جن کو اداروں کے مطابق ادائیگیاں کی جا چکی ہیں۔ انہوں نے کیا جواب دیا؟

<hr />
خادم حسین کی فصل ژالہ باری سے تباہ ہو گئی ہے۔ چونکہ وہ ہر سال محکمہ زراعت سے اپنی فصل کا بیمہ (انشورنس) کراتے ہیں اس لیے انہیں امید تھی کہ حکومت ان کے نقصان کا ازالہ کر دے گی لیکن انہیں بتایا گیا ہے کہ وہ معاوضے کے حق دار نہیں ہیں۔

خادم کا تعلق رحیم یار خان کی تحصیل لیاقت آباد کے قصبے جمال دین والی سے ہے۔ وہ ایک ایکڑ (آٹھ کنال) زرعی رقبے کے مالک ہیں جس میں سے نصف ہی زیرکاشت ہے۔ اس مرتبہ انہیں چار کنال زمین سے بیس من تک گندم حاصل ہونے کی امید تھی لیکن بارش اور ژالہ باری نے ان کی فصل کو شدید نقصان پہنچایا اور وہ سوا چھ من گندم ہی حاصل کر پائے ہیں۔

وہ بتاتے ہیں کہ تین سال پہلے جب ایک ایکڑ پر ان کی کپاس کی فصل خراب ہوئی تھی تو حکومت نے انہیں بائیس سو روپے معاوضہ ادا کیا تھا۔ وہ یہ سمجھنے سے قاصر ہیں کہ اس مرتبہ انہیں معاوضہ کیوں نہیں دیا جا رہا۔

محکمہ زراعت کے ذیلی ادارے کراپ رپورٹنگ سروس کے ضلعی ڈپٹی ڈائریکٹر کاشف ندیم کا کہنا ہے اس بار خادم حسین کو اس لئے معاوضہ نہیں ملے گا کیونکہ ضلعے میں فصلوں کو مجموعی طور پر زیادہ نقصان نہیں ہوا۔

وہ بتاتے ہیں کہ بیمہ سکیم کے پیسے صرف ایسی صورت میں ملتے ہیں جب پوری تحصیل میں فصل خراب ہوجائیں۔ اگر چند ایک کسانوں کی فصل کو نقصان ہوا ہو تو کسی کو معاوضہ نہیں ملتا۔

پنجاب حکومت نے قدرتی آفات سے فصلوں کو ہونے والے نقصانات کے ازالے کے لئے &#39;ایریا ییلڈ انڈیکس&#39; کے طریقہ کار کے تحت 18-2017 میں فصلوں کی بیمہ سکیم (انشورنس) شروع کی تھی۔

یہ سکیم کراپ رپورٹنگ سروس پنجاب کے ڈائریکٹر جنرل ڈاکٹر عبدالقیوم کی نگرانی میں چل رہی ہے جو بتاتے ہیں کہ یہ ایک گروپ انشورنس ہے۔ اگر&nbsp; کسی ضلعی مرکز، تحصیل یا یونین کونسل میں فصل کی پیداوار پچھلے دس سال کی اوسط پیداوار سے 10 تا 20 فیصد کم رہے تو وہاں کے تمام بیمہ شدہ کسانوں کو برابر معاوضہ دیا جاتا ہے، چاہے کسی کا نقصان نہ بھی ہوا ہو۔

ڈاکٹر عبدالقیوم بتاتے ہیں کہ اگر گندم اور چاول کی فصل 10 فیصد اور کپاس کی فصل 20 فیصد سے زیادہ متاثر ہو تو کسانوں کو معاوضہ دے دیا جاتا ہے۔ اس کے لئے کسانوں کا ہر فصل کی کاشت سے پہلے محکمہ زراعت کے علاقائی دفتر میں اپنی رجسٹریشن کرانا ضروری ہے۔ اس سکیم کے تحت پانچ ایکڑ سے کم رقبے والے کسانوں کی انشورنس کا سو فیصد پریمیم اور پانچ سے 25 ایکڑ تک رقبے کا 50 فیصد پریمیم حکومت خود ادا کرتی ہے۔

عالمی بنک کی ایک رپورٹ میں بتایا گیا ہے کہ اس بیمہ سکیم کو چلانے کے اخراجات دوسری پالیسوں کے مقابلے میں بہت کم ہیں۔ اس کے طریقہ کار کے تحت کسی آفت کی صورت میں ہر ایک کسان کی فصل کا انفرادی معائنہ نہیں کرنا پڑتا۔ اس طرح اس سکیم کے اطلاق کے اخراجات نمایاں طور پر کم ہو جاتے ہیں اور یہ چھوٹے پیمانے پر کسانوں کے لئے موزوں ہوتی ہے۔ اس پالیسی کے تحت پیداوار کے نقصان کا ازالہ مجموعی رقبے کی اوسط پیداوارکے حساب سے کیا جاتا ہے۔

<h2>پیسے بھیج تو دیئے لیکن پہنچے نہیں؟</h2>

کراپ رپورٹنگ سروس کے مطابق 2018ء اور 2022ء کے درمیان ایک لاکھ 40 ہزار سے زیادہ&nbsp; کسانوں کو انشورنس کی مد میں ایک ارب 39 کروڑ روپے دیے جا چکے ہیں۔

لیکن رحیم یار خان کے قصبہ کوٹ سمابہ میں موضع بھگویلہ کے کسان صغیر احمد کا دعویٰ ہے کہ انہوں نے 2020ء میں اپنی کپاس کی فصل کی انشورنس کرائی تھی لیکن بڑے پیمانے پر فصلیں خراب ہونے کے باوجود وہ معاوضے سے محروم رہے۔

تاہم ضلعی محکمہ زراعت کے دفتر کا کہنا ہے کہ اُس سال ضلعے کی چار تحصیلوں رحیم یار خان، خان پور، لیاقت پور اور صادق آباد کے چھ ہزار 698 کسانوں کو تین کروڑ 42 لاکھ روپے معاوضہ ادا کیا گیا۔ اس حوالے سے محکمے کی فہرست میں ان کسانوں کے فون نمبر، پتے اور شناختی کارڈ نمبر بھی درج ہیں۔

لوک سجاگ نے اس فہرست میں موجود 60 کسانوں سے رابطہ کیا جن میں سے 26 کا یہ کہنا تھا کہ انہیں اُس سال کوئی معاوضہ نہیں ملا جبکہ 29 کسانوں کے فون نمبر بند ملے یا وہ نمبر کوئی اور افراد استعمال کر رہے تھے۔

اس فہرست میں بشارت علی ولد غلام محمد کا نام بھی درج ہے جنہیں چک 54 پی کا رہائشی بتایا گیا ہے لیکن جب ان سے رابطہ کیا گیا تو یہ نمبر سوات کے رہنے والے حشمت نامی شخص کا نکلا۔ حشمت یہ نہیں جانتے کہ ان کا نام اس فہرست میں کیسے شامل ہو گیا۔

رحیم یار خان میں آباد پور کی بستی واحد بخش کے محمد اصغر کا نام بھی اس فہرست میں شامل ہے۔ وہ تصدیق کرتے ہیں کہ انہیں کوئی معاوضہ نہیں ملا جبکہ ان کے بقول ان کا 20 لاکھ روپےکا نقصان ہوا تھا۔

60 میں سے صرف پانچ کسانوں نے تصدیق کی کہ انہیں اُس سال انشورنس کی مد میں کچھ نہ کچھ معاوضہ ملا تھا۔ ان میں آباد پور کی بستی غلام سرور کے مشرف حسین بھی شامل ہیں جن کا کہنا ہے کہ ان کی تین ایکڑ پر کپاس کی فصل متاثر ہوئی جس کے انہیں پانچ ہزار روپے ادا کئے گئے۔

<h2>محکمہ، کمپنی، بینک یا کسان: ذمہ دار کون؟</h2>

رحیم یار خان میں کراپ رپورٹنگ سروس کے ڈپٹی ڈائریکٹر کاشف ندیم سے جب پوچھا گیا کہ اس فہرست میں شامل کسانوں کو معاوضہ کیوں نہیں ملا تو ان کا جواب تھا کہ اس بارے میں انشورنس کمپنی ہی بتا سکتی ہے کہ ادائیگیاں کیوں نہیں کی گئیں۔ 2020ء میں خریف کے سیزن کے لئے بیمہ کا معاہدہ یونائیٹڈ انشورنس کمپنی (یو آئی سی) اور عسکری انشورنس کمپنی(AGI)&nbsp; سے ہوا تھا۔

تاہم ڈائریکٹر جنرل ڈاکٹر عبدالقیوم کہتے ہیں کہ ان کا محکمہ ہی کسانوں تک بیمہ کے پیسے پہنچانے کا ذمہ دار ہے۔ &quot;بیمہ کلیم کے پیسے انشورنس کمپنی کے ذریعے ڈیجیٹل ٹرانسفر کئے جاتے ہیں۔ اس مقصد کے لئے بائیومیٹرک کرانا ہوتی ہے۔ رقم کی وصولی کے لیے کسانوں کے موبائل فون نمبر پر کوڈ بھیجا جاتا ہےجسے دکھا کر کلیم کی رقم وصول کی جاسکتی ہے۔ اگر کسان یہ کوڈ گم کر بیٹھیں تو پھر سارا عمل دوبارہ کرنا ہوتا ہے۔&quot;

ان کی رائے میں بہت سے کسان اپنے گھرانے کے دیگر ارکان کو بھی معاوضے کے لئے رجسٹرڈ کرا دیتے ہیں جس کی وجہ سے ان کے نام پر پیسے نہیں آتے۔ جب ان سے کسانوں کی جانب سے معاوضہ نہ ملنے کے دعووں کی بابت پوچھا گیا تو ان کا جواب تھا کہ وہ رحیم یارخان دفتر سے اس بارے میں میں معلومات لے کر بتائیں گے۔

اس سے اگلے روز جب ان کے دفتر سے رابطہ کیا گیا تو وہاں کراپ رپورٹنگ سروس کے ڈپٹی ڈائریکٹر وسیم عباس نے بتایا کہ جن کسانوں کو ادائیگی نہیں ہوئی ان کے پیسے بینک میں موجود ہیں تاہم عدم ادائیگی کا مسئلہ کسانوں کےموبائل فون نمبروں کی وجہ سے ہے۔

بہت سے کسانوں کے موبائل فون نمبر ان کے اپنے ناموں کے بجائے رشتہ داروں کے نام پر ہوتے ہیں جس کی وجہ سے انہیں رقم نہیں مل پاتی۔ وسیم عباس کے مطابق اگر کسان اپنے موبائل نمبر مقامی کراپ رپورٹنگ سروس کے دفتر میں جا کر اپ ڈیٹ کروا لیں تو ان کی رکی ہوئی ادائیگیاں ہو جائیں گی۔

ان کا کہنا ہے کہ اگر کسی کسان کو کلیم کی رقم نہیں ملتی تو وہ بینک میں ہی پڑی رہتی ہے اور پھر واپس حکومتی خزانے میں چلی جاتی ہے۔

&quot;جن کسانوں کو ادائیگی نہیں ہوئی وہ کراپ رپورٹنگ سروس رحیم یارخان کے دفتر جا کر اپنا ڈیٹا اپ ڈیٹ کروائیں اور انہیں موبائل فون پر جو ٹرانزیکشن کوڈ موصول ہو اسے لے کر بینک چلے جائیں جہاں شنختی کارڈ دکھا کر انہیں پیسے مل جائیں گے۔&quot;

<h2>کسان کیا کہتے ہیں؟</h2>

رحیم یار خان میں کسانوں کی غیرسرکاری تنظیم انجمن کاشت کاراں کے جنرل سیکرٹری محمد عامر غنی کے خیال میں یہ پالیسی سرے سے ہی غلط اصولوں پر بنی ہے۔

&quot;اس میں سب سے بڑا مسئلہ یہ ہے کہ جب تک حکومت پوری تحصیل کو آفت زدہ قرار نہیں دے دیتی اس وقت تک کسانوں کو معاوضہ نہیں ملتا۔ اگر چند کسانوں کو پیسے ملتے بھی ہیں وہ اتنے کم ہوتے ہیں کہ اس سے ان کا بیج کا خرچ بھی پورا نہیں ہوتا&quot;۔

عامر غنی کے بقول پچھلے سال سیلاب کی وجہ سے بہت سے کسانوں کی سیکڑوں ایکڑ پر کھڑی فصلیں تباہ ہو گئیں تھیں لیکن انہیں نہ تو انشورنس کے کلیم ملے اور نہ ہی حکومت نے کسی قسم کی کوئی اور امداد ان تک پہنچائی۔

کسان بچاؤ تحریک پاکستان کے چیئرمین چوہدری محمد یاسین اور آل پاکستان کسان فاؤنڈیشن کے سربراہ محمود الحق بخاری کا ماننا ہے کہ فصلوں کی انشورنس ہونی چاہیے لیکن اس کے لئے ایسا طریقہ کار وضع کیا جائے جس کے ذریعے کسانوں کو ان کا معاوضہ باآسانی مل سکے۔

کھاد پر امداد دینے کا پیچیدہ سرکاری طریقہ کار: پریشان حال کسان سبسڈی کے ٹوکن فروخت کرنے پر مجبور۔

ڈیجیٹل ٹرانسفر، بائیومیٹرک، کسان کے فون پر موصول کوڈ: فصلوں کی انشورنس کا پیسہ کہاں گم ہو رہا ہے؟

عائشہ سیکنڈ ائر کی طالبہ ہیں وہ اپنے کالج آنے جانے کے لیے روزانہ 22 کلو میٹر کا فاصلہ طے کرتی ہیں۔

مگر ان کا مسئلہ طویل فاصلہ یا راستے کی مشکلات نہیں بلکہ کچھ اور ہے۔

وہ رحیم یار خان کے نواحی گاؤں چک 238 پی میں رہتی ہیں جس کی آبادی ایک ہزار 600 نفوس پر مشتمل ہے۔ وہ گورنمنٹ ایسوسی ایٹ کالج برائے خواتین قصبہ منٹھار میں پڑھتی ہیں۔

عائشہ کی مشکل یہ ہے کہ ان کےکالج میں صرف دو لیکچرار تعینات ہیں جس کی وجہ سے عائشہ اپنے دو مضامین کے علاوہ پانچ مضامین اکنامکس، اسٹیٹس، اردو، اسلامیات، اور مطالعہ پاکستان&nbsp; کےحوالے پریشانی میں مبتلا ہیں۔

ان کے والد امتیاز احمد کسان ہیں۔عائشہ نے بتایا کہ دو ماہ بعد بورڈ کے امتحانات شروع ہونے والے ہیں لیکن وہ تیاری نہیں کر پا رہیں۔ وہ اپنی دوسری کلاس فیلوز کے ساتھ بارہا پرنسپل کالج کو درخواست کر چکی ہیں کہ ان کی پڑھائی کا مسئلہ حل کیا جائے لیکن ابھی تک شنوائی نہیں ہوئی۔

گورنمنٹ ایسوسی ایٹ کالج برائے خواتین میانوالی قریشیاں میں ایسوسی ایٹ ڈگری پروگرام (اے ڈی پی) کمپیوٹر سائنس کے دوسرے سمسٹر کی طالبہ آمنہ حمید کو بھی ایسا ہی مسئلہ درپیش ہے۔ وہ روزانہ 15 کلومیٹر کا سفر کر کے اپنی بہن کےساتھ، جو کہ اے ڈی پی سائنس (زوا لوجی) کے دوسرے سمسٹر کی طالبہ ہیں، کالج جاتی ہیں۔

&quot;کالج میں ایک ہی مستقل ٹیچر ہیں جو ہیلتھ اینڈ فزیکل ایجوکیشن پڑھاتی ہیں۔ میں کمپیوٹر سائنس کی طالبہ ہوں لیکن اس مضمون کی کوئی ٹیچر کالج میں دستیاب نہیں&quot;۔

انہوں نے بتایا کہ کچھ مضمون ایسے بھی ہیں جو وہ سلیبس کے مطابق پورے نہیں پڑھ سکیں۔ ان میں&nbsp; انٹروڈکشن ٹو پروگرامنگ، ڈیجیٹل لاجک، کیلکولس، میتھ اینڈ الجبرا، اکنامکس اور بزنس انگلش شامل ہیں۔

&nbsp;ان کا کہنا ہے کہ تیاری نہ ہونے کے باعث&nbsp; سالانہ امتحان اچھے نمبروں سے پاس کرنا مشکل نظر آ رہا ہے۔

آمنہ کے والد حمید الدین ایک موبائل شاپ کے مالک ہیں۔ وہ سردار گڑھ (یونین کونسل) سے روزانہ اپنی دونوں بیٹیوں کو موٹرسائیکل پر چھوڑنے آتے ہیں۔

&quot;برادری میں صرف میری بیٹیاں ہی کالج جا رہی ہیں۔ اس سے پہلے ہمارے خاندان میں لڑکیوں کو صرف میٹرک تک&nbsp; تعلیم دی جاتی تھی&quot;۔

حمید الدین کے مطابق بیٹیوں کے کالج میں ٹیچنگ سٹاف کی کمی کے باعث وہ ان کے سالانہ امتحانوں کے نتائج کے لیے فکر مند ہیں۔

<h2>ایسوسی ایٹ کالج کیا ییں؟</h2>

نومبر 2020ء میں، اس وقت کے وزیر اعلیٰ پنجاب عثمان بزدار کی صوبائی کابینہ&nbsp; نے سرکاری کالجز میں دو سالہ بی اے اور بی ایس سی ڈگری پروگرام ختم کر کے، دو سالہ ایسوسی ایٹ ڈگری پروگرام شروع کرنے کی منظوری دی تھی۔

پہلے گریجوایٹ پروگرام دو سال کا ہوتا تھا جسے چار سالہ کر دیا گیا۔ دوسال کی ڈگری کو ایسوسی ایٹ ڈگری کا نام دیا گیا جبکہ چار سالہ ڈگری پروگرام کوگریجوایٹ ڈگری کا نام دیا گیا تھا۔

ڈائریکٹر کالجز ابراہیم بھٹی کے مطابق یہ طرز تعلیم امریکن سسٹم سے لیا گیا ہے۔

ڈپٹی ڈائریکٹر کالجز سعدیہ رشید کہتی ہیں کہ ان کالجز کے قیام کا مقصد دور دراز سے شہر میں آنے والی طالبات کو ان کے گھروں کے قریب اعلی تعلیم اور ڈگری کالج کی سہولت فراہم کرنا تھا۔

مگر نہ تو طویل فاصلوں کا مسئلہ حل ہوا نہ کالجوں کا سٹاف پورا ہو سکا۔

<h2>لڑکیوں کے کالجوں میں اساتذہ کی کتنی اسامیاں خالی ہیں؟</h2>

ضلع رحیم یارخان کے دیہی علاقوں میں سات ایسوسی ایٹ کالج ہیں جو حکومت نے دیہی علاقوں میں رہنے والی لڑکیوں کے لیے سال 2012 ء سے سال 2021ء کے دوران قائم کیے تھے لیکن وہاں کبھی بھی ٹیچنگ سٹاف کی کمی پوری نہیں ہوسکی۔

مستقل بنیادوں میں تعینات ہونے والی لیکچرارز وہاں سے تبادلے کروا کر شہری علاقوں کے کالجوں میں جا چکی ہیں یا پھر ابھی تک خالی سیٹوں پرتعیناتیاں ہی نہیں ہوئیں۔

ان کالجز میں آرٹس اور سائنس کے تمام مضامین، اور کمپیوٹر سائنس کے شعبے تو موجود ہیں لیکن اساتذہ ندارد ہیں۔

<h2>سی ٹی آئیز کی بھرتی کیسے ہوتی ہے ؟</h2>

عارضی ٹیچر یا کالج ٹیچنگ انٹرنیز (سی ٹی آئیز)&nbsp; کی بھرتی کے لیے ہائر ایجوکیشن ڈیپارٹمنٹ اخبار میں اشتہار دیتا ہے۔ ساتھ ہی ڈیپارٹمنٹ&nbsp; ڈپٹی ڈائریکٹر کالجز سے عارضی ٹیچرز کی ڈیمانڈ طلب کرتا ہے۔

گورنمنٹ ایسوسی ایٹ کالج میانوالی قریشیاں کی پرنسپل مسز فرخ چودھری کے مطابق وہ زیادہ ٹیچرز کی ڈیمانڈ نہیں کر سکتیں۔ &quot;صرف اہم مضامین کی ڈیمانڈ پوچھی جاتی ہے&quot;۔

انہوں نے بتایا پورے پنجاب میں کل تین ہزار سی ٹی آئیز کو بھرتی کیا جاتا ہے۔ اس حساب سے ہر کالج میں چار یا پانچ سی ٹی آئیز ہی ایک کالج کے حصے میں آتی ہیں۔

&nbsp;مسز فرخ چودھری بتاتی ہیں کہ ان کے کالج میں ٹیچنگ سٹاف کی 18 پوسٹیں ہیں ان میں سے 17 خالی ہیں۔ ان کے پاس اس وقت ایک مستقل لیکچرار ہیلتھ اینڈ فیزیکل ایجوکیشن کی ہیں۔

انہوں نے بتایا کہ 2022ء میں ان کے پاس آٹھ مستقل ٹیچرز تھیں جن کی وجہ سے ان کے کالج میں انٹرمیڈیٹ کا رزلٹ 84 فی صد تھا جبکہ ایسوسی ایٹ کلاسز کا نتیجہ 100 فی صد تھا۔ تاہم سات مستقل ٹیچرز کے ٹرانسفر ایک ماہ کے اندر اندر کر دئیے گئے۔ جس کے بعد طالبات کے والدین ان کے پاس مطلوبہ مضمون کی ٹیچر نہ ہونے پر شکایت لے کر آ رہے ہیں۔

گورنمنٹ ایسوسی ایٹ کالج برائے خواتین خان بیلہ کی سابق پرنسپل صبیحہ کا دو ہفتے قبل تبادلہ ہوا ہے۔ انہوں نے سجاگ کو بتایا کہ ان کے ٹرانسفر کے بعد وہاں کوئی بھی مستقل ٹیچنگ سٹاف نہیں ہے اور صرف عارضی تعینات ہونے والی پانچ&nbsp; سی ٹی آئیز پڑھا رہی ہیں۔

ضلع رحیم یار خان میں دو ہزار طالبات کے لیے 14 مستقل ٹیچرز موجود ہیں اور ان میں سے بھی زیادہ تر ٹیچرز اختیاری مضامین پڑھانے کے لیے ہیں۔ سائنس ،سوشل سائنس اور لازمی مضامین کا سٹاف تو کبھی کبھار ہی نظر آتا ہے۔

گورنمنٹ ایسوسی ایٹ کالج کوٹ سمابہ کی پرنسپل افشاں سلیم کے مطابق ان کے کالج میں پانچ مستقل ٹیچرز جبکہ سات سی ٹی آئی ٹیچرز ہیں۔ ان کا کہنا ہے کہ اگرچہ ان کے پاس ٹیچنگ سٹاف کی کمی ہے لیکن ضلع کے دیگر کالجز کے مقابلے میں ان کے کالج کی پوزیشن بہتر ہے۔

&quot;میرے پاس کچھ ایسی ٹیچرز بھی ہیں جنہون نے ماسٹر ڈگری کرلے رکھی ہے اور وہ رضاکارانہ طور پربغیر تنخواہ پر اس امید یہاں پڑھا رہی ہیں کہ جیسے ہی یہاں اسامیاں نکلیں گی انہیں نوکری مل جائے گی&quot;۔

<h2>&quot;ٹیچر تو ٹیچر ہوتا ہے&quot;</h2>

ڈائریکٹر کالجز بہاولپور محمد ابراہیم بھٹی کے مطابق دو ہزار طالبات کے لئے14 مستقل ٹیچرز کے اعدادوشمار پرانے ہیں۔

&quot;ہم نے ضلع بھر میں 115 اساتذہ، سی ٹی آئیز کی صورت میں ان کالجز کو دیے ہیں۔ &quot;وہ ریگولر ٹیچر تو نہیں ہیں لیکن ٹیچر تو ٹیچر ہوتا ہے جو انٹرویو اور پراسس سے گزر کر آتا ہے&quot;۔

انہوں نے کہا کہ&nbsp; اس وقت الیکشن کمیشن کی طرف سے تعیناتیاں روک دی گئی ہیں ورنہ مستقل ٹیچرز&nbsp; نے ہی ان سیٹوں پر آنا ہے۔ وہ مستقل ٹیچرز کی تعیناتی میں تاخیر کا ذمہ دار پبلک سروس کمیشن کو ٹھہراتے ہیں کہ ان کا پراسس سست ہونے کی وجہ سے بھی یہ سیٹیں خالی رہ جاتی ہیں۔

&quot; اس وقت ہم نے ہر دیہی کالج کو آٹھ سے دس عارضی ٹیچر دے دیے ہیں جس سے صورتحال بہتر ہے۔ وہ امید کرتے ہیں کہ الیکشن کے بعد دیہی کالجز میں 80 سے 90 فی صد سیٹیں پوری ہو جائیں گی۔

ڈپٹی ڈائریکٹر کالجز سعدیہ رشید ٹیچنگ سٹاف کی کمی پر اتفاق کرتی ہیں۔

ان کا کہنا&nbsp; ہے کہ&nbsp; اچھے نتائج کے لیے ہر کالج میں مستقل بنیادوں پر اساتذہ کی تعیناتی ضروری ہے۔ &quot;میری تجویز ہے کہ سی ٹی آئیز کو ستمبر میں تعینات کیا جائے تو طالبات کی پڑھائی متاثر نہیں ہو گی&quot;۔

تاہم، بقول سعدیہ رشید کے اس بار چونکہ سی ٹی ائیز جنوری 2023ء میں تعینات کی گئی ہیں جس کی وجہ سے امتحانی نتائج پر منفی اثر پڑ سکتا ہے۔

رحیم یار خان کے گرلز کالجوں میں دو ہزار طالبات کو پڑھانے کے لئے صرف 14 اساتذہ

محمد طارق نے اپنی زندگی میں پہلی بار آٹا خریدا ہے جس کے لیے انہیں آٹھ کلومیٹر سفر طے کرنے کے بعد چار گھنٹے تک قطار میں لگنا پڑا۔

پچاس سالہ محمد طارق جنوبی پنجاب کے ضلع رحیم یار خان کے قصبے احسان پور کے ایک کاشت کار ہیں۔ ان کی 15 ایکڑ زرعی ملکیتی زمین ہے۔

ان کے بقول پچھلے برسوں میں ان کے پاس اتنی گندم ہوتی تھی کہ سال کے آخر میں وہ ضرورت پڑنے پر دوسروں کو بھی دے دیتے تھے لیکن سیلاب نے انہیں اس قدر معاشی نقصان پہنچایا ہے کہ اس سال انہیں آٹا خریدنے کے لیے لائن میں لگنا پڑ رہا ہے۔

اگست 2022ء میں آنے والے والے سیلاب کی وجہ سے محمد طارق کی 12 ایکڑ رقبے پر کاشت کپاس اور گنے کی فصل بھی شدید متاثر ہوئی جس سے ان کے مطابق انہیں نو لاکھ روپے کا نقصان ہوا۔

محمد طارق کہتے ہیں کہ اب تو حالات اس قدر تنگ ہیں کہ بیوی بچوں کا پیٹ پالنے کے لیے انہیں تمام جمع پونجی سمیت گھر میں رکھی ہوئی گندم بھی فروخت کرنا پڑ گئی۔

رحیم یار خان کی تحصیل خان پور سے تعلق رکھنے والے جام اصغر علی کی بھی 15 ایکڑ فصلیں سیلاب میں برباد ہوگئیں تھیں اور آج کل ان کے حالات بھی محمد طارق سے مختلف نہیں ہیں۔

جام اصغر کی خوش قسمتی ہے کہ ان کے گھر میں ابھی تک کھانے کے لیے گندم موجود ہے لیکن معاشی طور پر وہ بھی اس قدر تنگ ہو چکے ہیں کہ انہیں اگلی فصل کے اخراجات پورے کرنے میں بہت مشکل پیش آرہی ہے۔

&quot;میں مقررہ نرخوں پر کھاد کے حصول کے لیے پچھلے ایک ماہ سے ضلع بھر میں خوار ہو رہا ہوں لیکن یوریا اور ڈی اے پی کھاد کہیں سے نہیں مل رہی&quot;۔

وہ بتاتے ہیں کہ یوریا کھاد کی اصل قیمت 2,450 روپے ہے جو اس وقت مارکیٹ میں 3,300 روپے میں مل رہی ہے جبکہ ڈی اے پی کی اصل قیمت 10,500 روپے ہے جو 13 ہزار روپے تک بلیک میں فروخت ہو رہی ہے۔

جام اصغر نے نئی فصل کے اخراجات پورے کرنے کے لیے زرعی ترقیاتی بینک سمیت کئی بینکوں سے قرض کے حصول کے لیے بھی کوشش کی ہے لیکن وہ اس میں بھی تاحال کامیاب نہیں ہوسکے۔

جام اصغر کو یہ بھی خدشہ ہے کہ اگر وہ حکومت کی اعلان کردہ سکیموں کے تحت زرعی قرض لینے کی کوشش بھی کریں گے تو شاید انہیں ناکامی کے سوا کچھ نہیں ملے گا۔ ان کے بقول اس قرضے کے حصول کا طریقہ کار اتنا طویل اور پیچیدہ ہے کہ کسان تھک ہار کر بیٹھ جاتا ہے۔

جام اصغر اور محمد طارق کو شکوہ ہے کہ سیلاب کی آفت کے بعد حکومت نے انہیں بے یارومدد گار چھوڑ دیا ہے۔

حکومت پنجاب کے مطابق رحیم یار خان سمیت جنوبی پنجاب کے مختلف اضلاع میں شدید سیلاب اور بارشوں سے تقریباً نو لاکھ ایکڑ زرعی اراضی پر کھڑی فصلیں تباہ ہو گئیں جبکہ سینکڑوں گائے بھینسیں، اونٹ اور بھیڑ بکریوں کا بھی نقصان ہوا۔

وفاقی حکومت نے اکتوبر 2022ء کے آخر میں جنوبی پنجاب سمیت ملک کے سیلاب متاثرہ کسانوں کی مدد کے لیے 600 ارب روپے کے مراعاتی پیکج (کسان پیکج ) کا اعلان کیا تھا۔

اس پیکج میں سیلاب سے متاثرہ علاقوں میں چھوٹے کسانوں کو آٹھ ارب روپے سے زیادہ کی مالی مدد فراہم کرنے کا وعدہ کیا گیا تھا۔

حکومت نے یہ اعلان بھی کیا تھا کہ کسانوں کو 18 سو ارب روپے کے قرضے دیے جائیں گے جو کہ پچھلے سال کے مقابلے میں 400 ارب روپے زیادہ بڑی رقم ہے۔

<h2>کسان پیکج میں کیا ملے گا</h2>

کھاد کی قیمتوں میں کمی اور مناسب مقدار میں یوریا کی دستیابی کو یقینی بنایا جائے گا۔

ٹیوب ویلوں کو شمسی توانائی سے چلانے کا پروگرام شروع کیا جائے گا۔ بجلی کے بلوں کی قسطیں بھی اسی پیکج کا حصہ ہیں۔

پانچ سال تک پرانے سیکنڈ ہینڈ ٹریکٹر درآمد کرکے کسانوں کو فراہم کیے جائیں گے۔

ڈی اے پی کھاد کا تھیلا 11 ہزار 250 روپے میں دستیاب ہو گا۔

گندم کے تصدیق شدہ بیج کے 12 لاکھ تھیلے کسانوں کو مفت فراہم کیے جائیں گے۔

یوریا پر سبسڈی کے طور پر 30 ارب روپے مختص کیے جائیں گے۔

وزیر اعظم شہباز شریف نے کسانوں سے وعدہ کیا تھا کہ اس پیکج پر عمل کرنے کی ہر ممکن کوشش کی جائے گی۔ اس کی بدولت زراعت چار سے چھ مہینے میں توانا ہو جائے گی جس سے ملکی معیشت کو بہت فائدہ ہو گا۔

کسانوں کا کہنا ہے کہ &#39;کسان پیکج&#39; کے اعلان کو چار ماہ ہوچکے ہیں لیکن ابھی تک انہیں امداد، بلاسود قرضے یا بیج، کھاد، بجلی، ڈیزل یا کسی بھی دوسری چیز پر کسی بھی قسم کی سبسڈی نہیں مل رہی۔

ضلع رحیم یار خان کے ڈپٹی ڈائریکٹر زراعت حسیب اکبر کے مطابق کسان پیکج ایک بہت بڑا پیکج ہے جس کے تحت ڈی اے پی کھاد پر 25 سو روپے فی بوری اور&nbsp; گندم کے بیج پر سبسڈی مل رہی ہے۔ تاہم ان کا کہنا ہے کہ اس پیکج کے تحت اعلان کردہ دیگر اقدامات پر ابھی تک عمل درآمد ہوتا نظر نہیں آیا۔&nbsp;

محمود الحق بخاری کاشت کار ہونے کے ساتھ آل پاکستان کسان فاؤنڈیشن نامی غیر سرکاری تنظیم کے چیئرمین بھی ہیں۔ ان کا کہنا ہے کہ جب اس پیکج کا اعلان ہوا تو کسانوں میں ایک بار امید ضرور جاگی تھی کہ شاید ان کے نقصان کا کچھ نہ کچھ ازالہ ہوجائے گا لیکن حکومت تاحال اپنا کوئی وعدہ پورا نہیں کر سکی۔

&quot;زرعی پیکج صرف ایک اشتہاری پیکج تھا جو اشتہاروں میں چلا اور اس میں کسانوں کو کچھ نہیں ملا۔ وزیر اعظم نے وعدہ کیا تھا کہ بجلی کے ٹیوب ویل پر انہیں 13 روپے فی یونٹ فلیٹ ریٹ ملے گا جبکہ اس وقت کسان تقریباً 24 روپے فی یونٹ بل بھر رہا ہے&quot;۔

انہوں نے بتایا چار ماہ ہوگئے لیکن نہ تو درآمدہ ٹریکٹر کی پالیسی سامنے آئی ہے نہ ہی کسی ٹیوب ویل کو شمسی توانائی پر منتقل کیا گیا ہے۔

محمود بخاری کہتے ہیں کہ زرعی قرضہ اب بھی زرضمانت کے عوض ملتا ہے اور اس پر شرح سود بھی اتنی ہی ہوتی ہے جتنی عام بینک وصول کرتے ہیں۔&quot; ظلم یہ ہے کہ اس مرتبہ یوریا کھاد مہنگے داموں بھی دستیاب نہیں اور کسان اسے بلیک ریٹ پر خریدنے پر مجبور ہے۔&#39;&#39;

دسمبر 2022ء میں وفاقی وزیر برائے نیشنل فوڈ سکیورٹی اینڈ ریسرچ طارق بشیر چیمہ نے کہا تھا کہ وزیر اعظم کسان پیکج میں پیش رفت کا جائزہ لینے کے لیے پندرہ روزہ اجلاس منعقد کر رہے ہیں۔

کسان بچاؤ تحریک پاکستان کےچیئرمین چودھری محمد یاسین تحصیل صادق آباد میں 250 ایکڑ زمین کے مالک ہیں جن کا کہنا ہے کہ حکومت نے انہیں کہیں کا نہیں چھوڑا۔

&quot;پیکج ایک فراڈ تھا جس کے خلاف کسان تنظیمیں بارہا احتجاج ریکارڈ کروا چکی ہیں&quot;۔

کسان خوشحال آرگنائزیشن کے مرکزی چیئرمین شہزاد سلیمی چک 117 پی کے زمیندار ہیں جو 70 ایکڑ رقبے پر کاشتکاری کرتے ہیں۔ ان کا کہنا ہے کہ حکومت اگر کسی سہولت کا اعلان کرتی ہے تو دوسری طرف ہر دوسرے دن پیٹرول اور ڈیزل بھی مہنگا کر دیتی ہے۔ اسی طرح حکومت نے کھادوں پر سبسڈی تو دے دی ہے لیکن مارکیٹ میں کھاد کی دستیابی یقینی بنانے کے لیے کچھ نہیں کیا گیا۔

سبسڈی چور واٹس ایپ گروپ: 'کھاد پر دی جانے والی حکومتی امداد جعل سازوں کی جیبوں میں جا رہی ہے'۔

"کسان پیکج اشتہار کے سوا کچھ نہیں، حکومت نے ہمیں بے یارومددگار چھوڑ دیا"، سیلاب سے متاثرہ کسانوں کا شکوہ

&quot;مبارک ہو بیٹا ہوا ہے!&quot; یہ الفاظ کہتے ہوئے نرس کے چہرے پر سنجیدگی طاری تھی۔

بچے کے والد شعیب احمد وہیں موجود تھے۔ انہوں نے بچے کو گود میں لیا تو انہیں اس کی کمر پر ابھار محسوس ہوا۔ شعیب نے تولیہ ہٹا کر دیکھا تو بچے کی کمر پر بڑا سا پھوڑا رس رہا تھا۔ 
چھ جنوری 2023ء کو پیدا ہونے والا یہ بچہ شعیب اور اسما کا پہلا بچہ ہے۔شعیب باورچی ہیں اور ایک شادی ہال میں ملازمت کرتے ہیں۔ گزشتہ سال ان کی شادی اپنی خالہ کی بیٹی سے ہوئی تھی۔دوران حمل وہ اہلیہ کی دیکھ بھال کے لیے پرائیویٹ ہسپتال کی نرس سے رہنمائی لیتے رہے تھے۔

شعیب ضلع رحیم یار خان کے قصبے کوٹ سمابہ میں رہتے ہیں۔ قصبے کے ڈاکٹر نے انہیں بچے کو شہر کے ہسپتال لے جانے کا مشورہ دیا تو وہ اسے لے کر رحیم یار خان کے شیخ زید میڈیکل ہسپتال لے آئے۔اس وقت بچے کی عمر 20 دن تھی۔

ڈاکٹروں نے انہیں بتایا کہ بچے کو پیدائشی کمر کے پھوڑے کی خطرناک بیماری لاحق ہے جسے طبی زبان میں سپائنا بائیفڈا کہا جاتا ہے۔

&quot;ڈاکٹروں کا کہنا تھا کہ پھوڑے کا سائز کافی بڑا ہے، اس حالت میں آپریشن کرنے سے بچے کی جان کو خطرہ ہے۔ اس لیے ابھی کچھ عرصہ بچے کو وارڈ میں رکھ کر معائنہ جاری رکھا جائے گا جس کے بعد آپریشن کیا جائے گا&quot;۔

<h2>رحیم یار خان میں سپائنا بائیفڈا کا مرض زیادہ کیوں؟</h2>

شیخ زید ہسپتال میں بچوں کے سرجن پروفیسر ڈاکٹر جام مظہر نے لوک سجاگ کو بتایا کہ پاکستان میں ہر سال 50 ہزار بچے اس مرض کے ساتھ پیدا ہوتے ہیں اور یہ کہ جنوبی پنجاب اور خاص طور پر ضلع رحیم یار خان میں ان کیسز میں اضافہ دیکھنے میں آ رہا ہے۔

ڈاکٹر سید آصف شاہ بھی اسی ہسپتال میں بچوں کے سرجن اور ایسوسی ایٹ پروفیسر ہیں۔ انہوں نے بتایا کہ اس ہسپتال میں سال 2022ء میں سپائنا بائیفڈا کے دو سو 80 مریض بچوں کی سرجری کی گئی۔

ہسپتال میں بچوں کی جراحی کے شعبے کے رجسٹرار ڈاکٹر عظیم احمد نے بتایا کہ ان کا شعبہ ہفتے میں تین دن آؤٹ ڈور میں مریضوں کا چیک اپ کرتا ہے اور ان تین دنوں میں جن ڈھائی سو سے زائد مریضوں کا معائنہ کیا جاتا ہے ان میں 8 سے 10 بچے پیدائشی کمر کے پھوڑے کے مریض ہوتے ہیں۔ کچھ مریض علاج کے لئے داخل ہو جاتے ہیں اور کچھ دوائی لکھوا کر چلے جاتے ہیں۔ &quot;یہاں اس مرض کے اوسطاً پانچ سے چھ آپریشن ہر ہفتے ہوتے ہیں&quot;۔

ان کے مطابق تحصیل صادق آباد کے قصبہ جمال دین والی، قصبہ احمد پور لمہ اور چوک بہادر پور سے سپائنا بائیفڈا کے کیسز ضلع کے دیگر دیہی علاقوں سے نسبتاً زیادہ رپورٹ ہوتے ہیں جن کی تعداد ہر ہفتے میں دو سے تین ہوتی ہے۔

جنرل آف دی پاکستان میڈیکل ایسوسی ایشن کے والیم 65 میں شائع ہونے والے ایک مطالعہ کے مطابق رحیم یارخان میں ہر ایک ہزار پیدا ہونے والے بچوں میں سے سات سے آٹھ بچوں میں نیورل ٹیوب ڈیفیکٹ ہوتا ہے اور ان میں سے 29 فیصد سپائنا بائیفڈا کا شکار ہوتے ہیں۔

یہ مرض رحیم یار خان کے ان علاقوں میں ہی زیادہ کیوں ہے؟ ماہرین کے پاس اس سوال کا کوئی شافی جواب نہیں۔ وہ سب بس ان عوامل کی طرف ہی اشارہ کرتے ہیں جنہیں اس مرض کا ذمہ دار ٹھہرایا جاتا ہے۔

<h2>سپائنا بائیفڈا ہوتا کیا ہے؟</h2>

ہسپتال کے سینیئر ڈاکٹر صاحبان بتاتے ہیں کہ یہ ایک پیدائشی نقص ہے جو دوران حمل ریڑھ کی ہڈی ٹھیک سے نہ بننے کے باعث ہوتا ہے۔ سپائنا بائیفڈا نیورل ٹیوب ڈیفیکٹ کی ایک قسم ہے۔ ان بچوں میں اعصابی نظام عام طور پر پیدائش کے بعد خراب ہو جاتا ہے۔ جلد کی حساسیت ختم ہو جاتی ہے اور وہ جسمانی طور پر کمزور ہوتے ہیں۔ انہیں ٹانگوں کے فالج جیسے مسائل کا سامنا بھی ہوسکتا ہے۔

سپائنا بائیفڈا کا مریض زیادہ سے زیادہ 20 سال تک زندہ رہتا ہے وہ بھی اگر پھوڑے کا سائز چھوٹا ہو وگرنہ زندگی اور بھی کم ہو جاتی ہے۔ یہ مرض پیدائشی ہی ہوتا ہے اور پیدا ہونے کے بعد لاحق نہیں ہوتا۔

کئی ممالک میں حمل کے دوران بچے میں سپائنا بائیفڈا کی تشخیص ہو جائے تو اسقاط حمل کروا دیا جاتا ہے کیونکہ اس کا کوئی مکمل علاج نہیں ہے۔

<h2>یہ مرض کیوں ہوتا ہے؟</h2>

ماہرین سپائنا بائیفڈا کے لاحق ہونے کی حتمی وجہ کا تعین تو نہیں کر سکے لیکن وہ ان عوامل کی نشاندہی یقین کے ساتھ کرتے ہیں جن کی وجہ سے اس بیماری کے ہونے کے امکانات بہت زیادہ بڑھ جاتے ہیں۔

ڈاکٹر آصف شاہ بتاتے ہیں کہ ان عوامل میں سر فہرست حمل کے پہلے تین ماہ میں فولک ایسڈ (آئرن یا فولاد) کی کمی ہے۔ اس کے علاوہ کزن میریج کے نتیجے میں پیدا ہونے والے بچوں میں بھی اس بیماری کے کیسز زیادہ پائے گئے ہیں۔

ڈاکٹروں کا مشاہدہ یہ بھی ہے کہ شہری علاقوں میں سپائنا بائیفڈا کے کیسز کم ہیں لیکن دیہی علاقوں میں کیسز بڑھ رہے ہیں۔ یہ بھی حقیقت ہے کہ اس کے مریضوں کی اکثریت کا تعلق غریب گھرانوں سے ہوتا ہے۔

ڈاکٹر آصف شاہ نے بتایا کہ جو ماں پیدائشی کمر کے پھوڑے والے بچے کو جنم دیتی ہے اگر اسے اگلے حمل کے دوران آئرن کا استعمال کروائیں تو اسے دوبارہ اس کا مریض بچہ ہونے کے امکان نصف رہ جاتے ہیں۔

<h2>اس سے کیسے بچا جا سکتا ہے؟</h2>

ڈاکٹر عظیم کا کہنا ہے کہ فولک ایسڈ کی گولیاں سستی ہوتی ہیں اور ہر کوئی باآسانی خرید سکتا ہے۔ فولک ایسڈ کی ایک گولی حمل کے پہلے تین ماہ میں روزانہ استعمال کر لی جائے تو&nbsp; یہ آئرن کی کمی کو پورا کرنے کے لیے کافی ہوتی ہے۔ اس سے سپائنا بائیفڈا سے بچا جا سکتا ہے۔

ڈاکٹر آصف شاہ مرض کی روک تھام کے لئے حاملہ خواتین کے لیے آئرن کی اہمیت کے بارے میں آگاہی پیدا کرنے کی ضرورت پر زور دیتے ہیں۔

پروفیسر ڈاکٹر ظفر اقبال بھی اس ہسپتال میں بچوں کے سینیئر سرجن ہیں وہ چاہتے ہیں ان مریض بچوں کے علاج کی سہولت کو بہتر بنانے کے لیے ہسپتال میں ایک بہت اچھی کوالٹی کا انٹینسو کیئر یونٹ(آئی سی یو) ہونا چاہیے اور یہاں ایک پیڈیاٹرک لیپروسکوپ کی بھی اشد ضرورت ہے۔

بچوں میں ایڈز کا پھیلاؤ:'میں نہیں جانتی کہ اپنی بیٹی کی جان کیسے بچاؤں'۔

ڈاکٹر عظیم کے مطابق معاشی لحاظ سے مضبوط خاندان جن کا کھانا پینا اچھا ہو، جنہیں پھل، دودھ، گوشت، انڈوں جیسی صحت بخش غذائیں میسر ہوں ان میں آئرن کی کمی کے امکانات کم ہوتے ہیں۔ &quot;غریب کے لئے تو دو وقت کی سادہ روٹی بھی مشکل ہوتی ہے، ان کی خواتین کی خوراک کم اور غیر متوازن ہوتی ہے اور وہ مشقت والے کام زیادہ کرتی ہیں۔ ان میں آئرن کی کمی زیادہ ہوتی ہے۔&quot;

انہوں نے بتایا کہ پہلے حمل کے دوران بہت سی مائیں آئرن کی گولیاں یا آئرن والی غذائیں استعمال نہیں کر رہی ہوتیں جبکہ ان کے جسم میں پہلے ہی اس کی کمی ہوتی ہے۔ ایسی ماؤں میں اس مرض کے بچے زیادہ&nbsp; پیدا ہوتے ہیں۔

انہوں نے بتایا کہ ان ماؤں میں بھی اس بیماری کو زیادہ دیکھا گیا ہے جو بار بار بچے جنم دیتی ہیں۔

سپائنا بائیفڈا: نوزائیدہ بچوں کی یہ جان لیوا بیماری رحیم یار خان کے دیہات میں کیوں بڑھ رہی ہے؟

صادق آباد کے شیر ساہی کو جون 2022ء میں ایک ناواقف نمبر سے مسلسل فون کالز موصول ہو رہی تھیں۔&nbsp;

کال کرنے والے شخص کا کہنا تھا کہ &quot;آپ زمیندار گھرانے سے تعلق رکھتے ہیں، ہمارے پاس ایک استعمال شدہ ٹریکٹر ہے جسے ہم کسی زمیندار کو ہی فروخت کرنا چاہتے ہیں، کوئی شوروم ہمیں مناسب قیمت نہیں دے رہا&quot;۔

فون کال میں انہیں پیشکش کی گئی کہ اگر وہ ٹریکٹر خریدنا چاہیں تو مناسب داموں میں اس کا سودا ممکن ہے۔

شیر ساہی کو کالر کی طلب کی گئی قیمت مناسب لگی تو وہ کار میں بیٹھ کر ٹریکٹر کا سودا کرنے سندھ کے شہر کشمور کے نواحی علاقے میں پہنچ گئے۔

وہ ٹوکن منی کے طور پر 10 ہزار روپے ساتھ لے گئے تھے۔

شیر ساہی خود بھی زمیندار ہیں تاہم انہوں نے صحافت کو اپنا پیشہ بنایا ہوا ہے۔ وہ گزشتہ ایک سال سے پاکستان ٹیلی وژن کے نمائندے کے طور پر کام کر رہے ہیں۔

ان کی 36 ایکڑ مشترکہ آبائی زمین ہے جس سے ان کا گھر چلتا ہے۔

کشمور میں ساہی کی ملاقات کال کرنے والے شخص سے ہوئی جو انہیں ٹریکٹر دکھانے راجن پور کے کچے کے علاقے کی جانب لے گیا۔

شیر ساہی جیسے ہی کچے میں پہنچے، انہیں اغوا کر لیا گیا اور ان کی کار کو سڑک کنارے چھوڑ کر ڈاکو انہیں اپنی گاڑی میں بٹھا کر لے گئے۔&nbsp;

اغوا کاروں نے شیر ساہی کے اہل خانہ سے ان کی رہائی کے بدلے 10 لاکھ روپے تاوان مانگا۔ رابطے کے لیے اغوا کار شیر ساہی کا ہی موبائل استعمال کرتے تھے۔ انہوں نے تین چار مرتبہ ساہی کی ان کے گھر والوں سے بات بھی کروائی۔

شیر ساہی کے بھائی شاہد محمود نے ان کے اغوا کا مقدمہ درج کروایا تو علاقائی اور قومی میڈیا ان کی خبر نمایاں طور سامنے لایا۔ ان کے اغوا پر صحافیوں نے مظاہرے بھی کیے جس سے پولیس پر ان کی بازیابی کے لیے دباؤ بڑھ گیا۔&nbsp;

تاہم پولیس کی کسی کارروائی سے پہلے ہی اغوا کاروں نے سات جولائی 2022ء کی رات شیر ساہی کو رہا کر دیا اور انہیں ضلع کشمور سے ملحقہ سڑک پر چھوڑ گئے۔

شیر ساہی کچھ فاصلے تک پیدل چلنے کے بعد موٹروے ایم فائیو پر پہنچے جہاں سے ان کا رابطہ موٹر وے پولیس سے ہوگیا اور وہ اپنے گھر پہنچ گئے۔&nbsp;

شیر ساہی کے مطابق اغوا کاروں نے ان کو گھاس پھونس سے بنی جھونپڑیوں میں رکھا تھا اور ان کی جگہ تین مرتبہ تبدیل کی گئی۔ جگہ تبدیل کرتے وقت اغوا کار شیر ساہی کے آنکھوں پر پٹی باندھ دیتے تھے۔ ان کا کہنا ہے کہ اغوا کار جو زبان بولتے تھے وہ انہیں سمجھ نہیں آتی تھی۔

<h2>کچے کا علاقہ جرائم کا پکا گڑھ</h2>

جنوب کی جانب پنجاب کے آخری ضلعے رحیم یار خان سے ملحقہ دریائی علاقہ کچہ کہلاتا ہے۔ یہ علاقہ اغوا کاروں کے لیے محفوظ پناہ گاہ سمجھا جاتا ہے کیونکہ یہاں ہر طرف خودرو جھاڑیاں، دلدل اور کیچڑ پھیلا ہے۔ یہاں کچھ علاقے جزیرہ نما ہیں جہاں چاروں طرف پانی ہونے کی وجہ سے صرف کشتی یا موٹر بوٹ کے ذریعے ہی رسائی ممکن ہے۔

اس علاقے کی سرحدیں ضلع راجن پور، بلوچستان اور صوبہ سندھ سے ملتی ہیں۔ یہاں کئی دہائیوں سے ڈاکوؤں کے مختلف گروہ متحرک ہیں۔

چند سال پہلے اس علاقے میں چھوٹو گینگ سرگرم تھا۔ مارچ 2016ء کے آخری ہفتے میں پنجاب بھر کی پولیس نے اس گینگ کے خلاف آپریشن کیا۔ اٹھارہ روز تک جاری رہنے والی کارروائی میں پولیس کے سات اہلکار شہید ہوئے جبکہ ڈاکوؤں نے 24 اہلکاروں کو یرغمال بنا لیا۔ پنجاب پولیس کو فوج سے مدد طلب کرنا پڑی جس کے بعد اپریل میں چھوٹو گینگ نے ہتھیار ڈال کر گرفتاری دے دی۔&nbsp;

اس آپریشن کے بعد کچے میں ڈاکوؤں کے گروہ کچھ عرصہ تو غائب رہے لیکن جلد دوبارہ متحرک ہو گئے اور تاحال پنجاب پولیس کے لیے درد سر بنے ہوئے ہیں۔

اس وقت کچے میں سلطو شر گینگ، راھب شر گینگ، علی عربو گینگ، اندھڑ گینگ اور باشو شر گینگ سرگرم ہیں۔&nbsp;

<h2>سمارٹ فون اور سوشل میڈیا: نیا جال لائے پرانے شکاری&nbsp;</h2>

اس مرتبہ ڈاکو لوگوں کو اغوا کرنے کا نیا طریقہ استعمال کر رہے ہیں۔ اب انہوں نے سمارٹ فون لے لیے ہیں اور اپنے سوشل میڈیا اکاؤنٹ بھی بنا لیے ہیں۔&nbsp;

پہلے وہ لڑکیوں کی آواز میں لوگوں کو کال کر کے دوستی و شادی کا جھانسہ دیتے ہیں یا کسی انعامی سیکم یا سستی گاڑیوں، موبائل فون یا مشینری کی پیشکش کرتے ہیں یا کسی منافع بخش کاروبار میں شرکت کی دعوت دیتے ہیں اور پھر ان کو کچے کے قریبی علاقوں میں ملاقات کے بہانے بلا کر اغوا برائے تاوان کر لیتے ہیں۔&nbsp; 
اس کو ہنی ٹریپ کہا جاتا ہے۔

ان وارداتوں میں اضافہ 2021ء سے دیکھنے میں آیا ہے۔

حال میں ہنی ٹریپ میں آئے کچھ لوگ پولیس کی بروقت کاروائی سے اغوا ہونے سے بچ گئے۔ لودھراں کے طارق اور شاہنواز بھی ایسے ہی خوش قسمت لوگوں میں شامل ہیں۔

جنوری 2023ء دو دوست طارق اور شاہ نواز سستا مزدا ٹرک خریدنے کے جھانسے میں آکر کچے کی طرف جا رہے تھے۔ اس دوران سندھ پنجاب بارڈر پر رحیم یار خان پولیس نے ان کی گاڑی کو روکا اور تمام افراد کے شناختی کارڈ چیک کیے۔&nbsp;

طارق کے کارڈ پر لودھراں کا پتہ دیکھ کر پولیس نے پوچھ گچھ کی تو معلوم ہوا کہ جن لوگوں نے طارق کو بلایا ہے وہ انہیں نہیں جانتے۔ پولیس نے معلومات لے کر تحقیقات کیں تو معلوم ہوا کہ طارق اور ان کے ساتھی اغوا کاروں کے چنگل میں پھنسنے کو تھے۔

<h2>&#39;کیا ڈاکو ریاست سے طاقتور ہیں؟&#39;</h2>

ڈی پی او رحیم یار خان اختر فاروق کا کہنا ہے کہ ان کے ضلع میں ہنی ٹریپ ہونے والوں کا تعلق پورے ملک سے ہے۔&nbsp;

انہوں نے بتایا کہ پولیس سندھ پنجاب بارڈر پر ہر گاڑی کو چیک کرتی ہے اور مسافروں کو اغوا کاروں کے طریقہ کار سے آگاہ کرتی ہے۔&nbsp;

&quot;کچے کے اہم داخلی راستوں، چیک پوسٹوں اور مختلف مقامات پر ہنی ٹریپ سے متعلق فلیکس اور بینر آویزاں کیے گئے ہیں۔ اس بارے میں لوگوں کو خبردار کرنے کے لیے سوشل میڈیا پر بھی آگاہی مہم چلائی جارہی ہے&quot;۔

اختر فاروق کے مطابق &quot;رواں ماہ میں ہی پولیس نے آٹھ پولیس مقابلوں میں سات ڈاکوؤں کو ہلاک کیا جن میں سے تین ڈاکو اندھڑ گینگ کے سرگرم رکن تھے۔ اس دوران تین ریکارڈ یافتہ ڈاکو گرفتار بھی ہوئے۔ رواں ماہ ہنی ٹریپ کے ذریعے اغوا کیے گئے 10 مغویوں کو بازیاب کروایا گیا جبکہ 63 سے زیادہ لوگوں کو جدید ٹیکنالوجی کا استعمال کرتے ہوئے پیشگی معلومات کی بنا پر اغوا ہونے سے بچا لیا گیا۔&#39;&#39;

رحیم یار خان پولیس کے ترجمان سیف علی کے مطابق ماضی میں ڈاکو اغوا برائے تاوان کی وارداتیں گن پوائنٹ پر کرتے تھے اور مغویوں کو شہری علاقوں سے یا کچے کے قریبی علاقوں سے اٹھا کر لے جاتے تھے۔ تاہم جب پولیس نے ان کے خلاف کارروائیاں کیں تو ڈاکوؤں نے ہنی ٹریپ کا طریقہ اپنا لیا۔

ایک سینئر پولیس اہلکار نے نام ظاہر نہ کرنے کی شرط پہ بتایا کہ بہت سے واقعات میں مغویوں کے ورثا نے پولیس کو مطلع کیے بغیر ڈاکووں کو تاوان ادا کر کے اپنے لوگوں کو رہا کروایا ہے۔

سابق ایم پی اے چودھری آصف مجید ان ڈاکوؤں کے خلاف پولیس کی کارکردگی کو تسلی بخش قرار دیتے ہوئے کہتے ہیں کہ رحیم یار خان کے لوگوں میں کچے کے ڈاکووں کا خوف کم ہوا ہے۔

تاہم سماجی ورکر ایڈوکیٹ فرحان عامر کا خیال ان سے مختلف ہے۔&nbsp;

وہ کہتے ہیں کہ &quot;کیا یہ المیہ نہیں کہ اس قدر بڑی تعداد میں کارروائیوں کے باوجود پولیس، انتظامی ادارے، حکومت اور ریاست ڈاکوؤں کا مکمل قلع قمع کرنے میں ناکام ہیں؟ پولیس گزشتہ 30 سال سے ان ڈاکوؤں کے خلاف آپریشن کرتی چلی آ رہی ہے لیکن اغوا کی وارداتیں ختم نہیں ہو سکیں، کیا اس کا مطلب یہ ہے کہ ڈاکو ریاست سے زیادہ طاقتور ہیں؟&#39;&#39;

فرحان کہتے ہیں کہ ڈاکوؤں نے کچے کو علاقہ غیر بنایا ہوا ہے اور مقامی لوگ ان سے خوفزدہ ہیں۔

بلال حبیب

بلال حیب رحیم یا ر خان کے رہائشی ہیں۔ وہ گذشتہ 16سال سے انگریزی اردو پرنٹ، الیکٹرانک اور ڈیجیٹل میڈیا میں کام کر رہے ہیں۔