Explore how individuals with disabilities provide genuine support to one another, beyond the limits of sympathy from the able-bodied. Discover the strength of mutual understanding and the pow

The Real Backbone of Disability Support: How the Disabled Empower Each Other Beyond Sympathy

معذور ہی معذور کا سہارا ہے، عام لوگ تو صرف ہمدردی کرتے ہیں

video

Thousands of workers in Khyber Pakhtunkhwa's marble industry are facing unemployment. Explore the reasons behind this crisis, including economic instability, factory shutdowns, and challenges

Unemployment Crisis for Thousands of Marble Factory Workers in Khyber Pakhtunkhwa

چھیالیس سالہ شیر محمد باجوڑ کے رہائشی ہیں جو مردان کی ماربل فیکٹریوں میں دس سال سے مزدوری کر رہے ہیں۔ وہ بتاتے ہیں کہ پہلے ان کا ٹھیک گزارہ ہورہا تھا ایک ہزار سے پندرہ سو روپے کے درمیان دیہاڑی بن جاتی تھی مگر اب مزدوری نہیں مل رہی۔

شیر محمد اور ان کے ساتھی کسی ماربل فیکٹری میں کام نہیں کرتے بلکہ ان فیکٹریوں میں تیار ہونے والے ماربل کو ٹرکوں میں لوڈ کرتے ہیں۔

&quot;ہم لوگ صبح گھر سے آتے ہیں اور سارا دن فارغ بیٹھ بیٹھ کر شام کو خالی ہاتھ واپس چلے جاتے ہیں۔ ایسے حالات کبھی نہیں دیکھے بیشتر کارخانے ہی بند ہو رہے ہیں تو ہمیں مزدوری کہاں سے ملے گی۔&quot;

شیر محمد کہتے ہیں کہ وہ کرائے کے گھر میں رہتے ہیں اور مالک مکان روز کرایہ مانگتا ہے لیکن ادھر دیہاڑی ہی نہیں لگتی تو پیسے کہاں سے دیں۔

&quot; جب بھی کوئی کارخانہ دار فیکٹری بند کرتا ہے وہاں کے پندرہ بیس مزدوروں کے ساتھ اس فیکٹری سے ہماری مزدوری بھی ختم ہو جاتی ہے۔ دس سالوں میں پہلی بار ایسا ہو رہا ہے۔&quot;

پچاس سالہ ثناءاللہ بتاتے ہیں کہ انہیں ماربل انڈسٹری میں مزدوری کرتے 20 سال ہو گئے ہیں لیکن انہوں نے اتنے مشکل حالات کبھی نہیں دیکھے۔ پہلے مہنگائی نے پریشان کر رکھا تھا اور اب فیکٹریاں بند ہو رہی ہیں۔

صرف شیر محمد اور ثناءاللہ ہی پریشان نہیں یہاں سیکڑوں مزدوروں کا یہی حال ہے۔ انڈسٹری مالکان سمیت اس شعبے سے وابستہ تمام لوگ خیبرپختوںخوا میں ماربل فیکٹریوں کی بندش کا ذمہ دار بھاری حکومتی ٹیکسوں اور بجلی کے بلوں کو گردانتے ہیں۔

محکمہ سمال انڈسٹریز خیبرپختونخوا کے ڈپٹی ڈائریکٹر نعمان فیاض بتاتے ہیں کہ صوبے میں کل ایک ہزار527 ماربل فیکٹریاں رجسٹرڈ ہیں جن میں سے ایک ہزار 30 چل رہی ہیں۔

اوسطاً ہر فیکٹری میں دس مزدور کام کرتے ہیں جس سے ان کی مجموعی تعداد 15 ہزار 270 بنتی ہے۔

وہ کہتے ہیں کہ 497 بند ماربل فیکٹریوں میں سے 12 کے مالکان نے کاروبار تبدیل کر لیے ہیں جبکہ 15فیکٹریاں مختلف وجوہ کی بنیاد پر بند ہو چکی ہیں۔ تاہم 470 فیکٹریوں کو ان کے محکمے نے قوانین کی خلاف ورزی کرنے پر سیل کیا ہوا ہے۔

ڈپٹی ڈائریکٹر نعمان فیاض کے مطابق مردان کی انڈسٹریل اسٹیٹ میں کل 249 ماربل فیکٹریاں ہیں جن میں سے 42 غیر فعال ہیں۔ اسٹیٹ کی فعال فیکٹریوں میں ایک ہزار 836 مزدور کام کرتے ہیں۔

&quot;انڈسٹریل سٹیٹ فیز ون کی 55 میں سے صرف دو فیکٹریاں بند ہوئی ہیں جن سے آٹھ مزدور متاثر ہوئے ہیں۔ فیز ٹو کی 92 میں سے 15 اور فیز تھری کی 100ماربل فیکٹریوں میں سے 25 بند پڑی ہیں۔ ان دونوں فیزز میں بیروزگار ہونے والے مزدوروں کی تعداد تقریباً چار سو کے قریب ہے۔&quot;

تاہم ماربل انڈسٹری کے اپنے اعدادوشمار اور سرکاری ڈیٹا میں زمین آسمان کا فرق ہے۔

ماربل مائنز انڈسٹری ڈیویلپمنٹ ایسوسی ایشن(میڈا) کے چیئرمین محمد سجاد خان سرکاری اعدادوشمار پر تبصرہ کیے بغیر کہتے ہیں کہ خیبرپختوںخوا میں مجموعی طور پر چھ ہزار ماربل فیکٹریاں ہیں جو ضم شدہ اضلاع کے علاوہ پشاور، بونیر، صوابی، مردان، نوشہرہ، چارسدہ اور ملاکنڈ میں قائم کی گئی ہیں۔

وہ بتاتے ہیں کہ صوبے میں اس وقت واحد ماربل اندسٹری ہی ہےجو چل رہی ہے۔ یہاں بیشتر بڑی ماربل فیکٹریوں میں ڈبل شفٹ میں کام ہوتا ہے جبکہ چھوٹی فیکٹریوں میں ایک ہی شفٹ ہوتی ہے جہاں دس مزدور کام کرتے ہیں۔

انہوں نے دعویٰ کیا کہ ڈیڑھ لاکھ مزدور براہ راست ماربل فیکٹریوں میں کام کرتے ہیں۔ لیکن اگر مائینز کی لیبر، ٹرانسپورٹیشن اور لوڈنگ کرنے والے مزدوروں کو ملا کر دیکھا جائے تو لاکھوں افراد ماربل انڈسٹری سے وابستہ ہیں۔

اس حوالے سے مردان میں انڈسٹری مالکان کی تنظیم کے جنرل سیکریٹری اور فیکٹری مالک منیب الرحمن بتاتے ہیں کہ پہلے تو ملکی معاشی صورت حال اور حکومتی پالیسیوں سے تعمیراتی شعبہ شدید متاثر ہوا جس کا براہ راست اثر ماربل انڈسٹری پر پڑا ہے۔

&quot;دوسرا یہ ہوا کہ رواں سال کے بجٹ میں فیکٹریوں کے لیے بجلی کے نرخ 500 روپے فی ایم ڈی آئی (میکسیمم ڈیمانڈ انڈیکیٹر/ مخصوص وقت میں استعمال شدہ بجلی ناپنے کا پیمانہ) سے بڑھا کر ایک ہزار 250 روپے کر دیے گئے۔&quot;

&quot;بجلی کی قیمت بڑھنے کے ساتھ ہی فیکٹریوں پر ٹیکسوں کی بھی بھرمار کر گئی جس سے انڈسٹری مشکلات کا شکار ہے۔&quot;

وہ کہتے ہیں کہ ماربل کی مائنینگ سے لے کر فنشنگ تک سب کام یہیں خیبرپختونخوا میں ہورہا ہے۔ اس لیے بحران سے کانکن، لوڈنگ، کانٹے والے سے لے کر مزدور اور فیکٹری مالک تک سب متاثر ہوئے ہیں۔

&quot;مردان کی لگ بھگ 400 ماربل فیکٹریز میں سے تقریباً 120 بجلی اور ٹیکسوں کی وجہ سے بند ہو چکی ہیں جہاں ہر فیکٹری میں 15 سے 20 ورکر کام کرتے تھے۔&quot;

ضلع نوشہرہ میں ماربل فیکٹری کے مالک عرفان خان بتاتے ہیں کہ گذشتہ ماہ ان کی فیکٹری کی اکثر مشینیں بند تھیں اس کے باوجود 557 یونٹ کا بل چارلاکھ 66ہزار روپے آیا جو 810روپے یونٹ بنتا ہے۔

&quot;اس لیے بہتر ہے ہم بجلی مزید مہنگی ہونے سے پہلے خود ہی کنکشن کٹوا کر کارخانے بند کر دیں۔&quot;

ماربل انڈسٹری ایسوسی ایشن پشاور کے صدر ہمت شاہ کہتے ہیں کہ ان کے ضلع میں 50 فیصد کارخانے بند ہو چکے ہیں جس کی بنیادی وجہ بجلی کی قیمت اور ٹیکس میں اضافہ ہے۔

ضلع بونیر میں واقع ماربل فیکٹری کے مالک خورشید خان نے دعویٰ کیا کہ اس وقت بونیر میں 215 کارخانے بند پڑے ہیں جس سے ہزاروں مزدور بے روزگار ہو چکے ہیں۔ ان کے خیال میں صورت حال رواں سال زیادہ خراب ہوئی ہے۔

چیئرمین میڈا محمد سجاد خان بتاتے ہیں کہ 2018ء سے پہلے ماربل اندسٹری بہتر چل رہی تھی پھر بجلی مہنگی ہوتی گئی اور ٹیکس لگنا شروع ہو گئے۔رواں سال جی ایس ٹی،انکم ٹیکس، لیبر ٹیکس، انوارمنٹل اور ایکسائز کے ساتھ صوبائی ٹیکس بھی لگ گئے۔

&quot;بجلی کی قیمت پہلے 500 سے بڑھا کر دو ہزار روپے فی ایم ڈی آئی کر دی گئی تھی جس کو احتجاج کے بعد ایک ہزار 250 روپے کیا گیا ہے۔ اس کے باوجود ماربل کا ریٹ بڑھ چکا جس سے ڈیمانڈ کم ہوتی جا رہی ہے اور چھوٹی فیکٹریاں بحران میں گھر گئی ہیں۔&quot;

فیکٹری مالک یونس خان کہتے ہیں کہ جس کارخانہ دار کے پاس سرمایہ ہے وہ کروڑوں روپے خرچ کر کے سولر سسٹم پر منتقل ہو رہا ہے۔ باقی سب بجلی کٹوا کر اپنی فیکٹریاں بند کر رہے ہیں۔

اسسٹنٹ ڈائریکٹر سمال انڈسٹریز مردان غالب شاہ نے لوک سجاگ سے گفتگو میں اعتراف کیا کہ صوبے میں حالیہ ٹیکسز اور بجلی کے نرخوں سے ماربل انڈسٹری متاثر ہوئی ہے۔

&quot;ہماری ماربل فیکٹری مالکان کے ساتھ میٹنگز ہوئی ہیں جن میں سامنے آیا کہ بند ہونے والی فیکٹریوں کے مالکان مالی لحاظ سے کمزور تھے۔ ان فیکٹریوں کو دوبارہ چالو کرنے کے لیے سولرائزیشن کی طرف لارہے ہیں۔&quot;

&quot;ہماری کوشش ہے کہ مالی طور پر کمزور کارخانہ داروں کو بینکوں سے کم شرح سود پر قرضہ مل جائے تاکہ ان فیکٹریوں کو دوبارہ چالو کیا جائے اور یہ سیکٹر تباہ ہونے سے بچ سکے۔&quot;

'کاروبار چلانا دہرا عذاب بن گیا ہے'، باجوڑ میں ماربل کے صنعت کاروں نے فیکٹریاں بند کرنے کا الٹی میٹم دے دیا

خیبر پختونخوا کی ماربل انڈسٹری کے ہزاروں مزدور بیروزگار کیوں ہو رہے ہیں؟

text

Explore the journey of Pakistani women married to Afghan husbands, eagerly awaiting Pakistani nationality. Discover their stories, challenges, and aspirations as they navigate cross-border lo

Cross-Border Love: Pakistani Women with Afghan Husbands Await Pakistani Nationality

بسراجہ بی بی کی عمر پینتیس برس ہے، وہ پشاور کے علاقے گل درہ کاشکال کی رہائشی ہیں۔ ان کا تعلق پاکستان میں آباد شنواری قبیلے سے ہے جبکہ ان کے چالیس سالہ شوہر ، آدم خان کا تعلق افغانستان کے علاقے جلال آباد میں آباد شنواری قوم سے ہے۔

تقریبا دو دہائی قبل آدم خان کا خاندان افغانستان سے ہجرت کرکے پشاور میں آباد ہو گیا تھا۔ دونوں خاندان ایک ہی محلے میں رہتے تھے۔ سترہ سال پہلے والدین نے دونوں کی شادی کروا دی۔ آدم خان مزدوری&nbsp; کر کے اپنے چھ بچوں، جن میں چار لڑکے اور دو لڑکیاں شامل ہیں، کا پیٹ پال رہے ہیں۔

بسراجہ خاتون نے لوک سجاگ کو بتایا کہ خاندان میں وہ پہلی خاتون تھیں جن کی شادی کسی افغانی سے ہوئی۔ البتہ ان کی نند&nbsp; کی شادی پشاور میں مقیم ایک پاکستانی خاندان میں ہو چکی ہے۔

وہ مزید بتاتی ہیں، حالات بہتر ہونے پر ان کے سسرال کے زیادہ تر لوگ واپس افغانستان جا چکے ہیں۔ مگر یہ خیال انہیں تکلیف دیتا ہے کہ کہیں ان کے شوہر کو پاکستان نہ چھوڑنا پڑ جائے۔

&quot;میں نے نہ تو افغانستان دیکھا ہے اور نہ ہی کبھی وہاں گئی ہوں، میں چاہتی ہوں کہ میرے شوہر میرے ساتھ پاکستان میں رہیں۔&quot;

بسراجہ بی بی کی اس خواہش کی تکمیل میں سب سے بڑی رکاوٹ یہ ہے کہ ان کے شوہر آدم خان کے پاس پاکستانی اوریجن (پی او سی ) کارڈ نہیں ہے۔

وہ بتاتی ہیں کہ انہیں اپنے شوہر کے لیے پی او سی کی زیادہ ضرورت اس وقت محسوس ہوئی جب وہ دونوں اپنی بچی کو سکول میں داخل کرانے گئے اور انتظامیہ نے فارم ب کا مطالبہ کیا۔ انہیں فارم ب بنانے میں مشکلات کا سامنا کرنا پڑا، جس کی وجہ سے بچی کے سکول کا ایک سال ضائع بھی ہو گیا۔

دم خان گزشتہ کئی برسوں سے پی او سی کے حصول کے لیے عدالتوں کے چکر لگا رہے ہیں۔

&quot;میں اپنے بیوی بچوں سے جدائی کا تصور بھی نہیں کر سکتا۔ دیہاڑی چھوڑ کر ہر پیشی پر عدالت میں حاضر ہوتا ہوں کہ شاید اس بار میرے حق میں فیصلہ آجائے۔&quot;

بسراجہ کے کیس کی پیروی کرنے والے پشاور ہائی کورٹ کے سینئر وکیل منصف سعید پی او سی کے حصول کے حوالے سے چھ سے زائد کیسز پشاور ہائی کورٹ میں دائر کر چکے ہیں۔

منصف سعید نے لوک سجاگ سے گفتگو کرتے ہوئے بتایا کہ پاکستان سٹیزن ایکٹ 1951ء کے آرٹیکل 10(2) کے مطابق&nbsp; ایک غیر ملکی عورت پاکستانی مرد سے شادی کر کے شہریت حاصل کر سکتی ہے۔ تاہم، کوئی غیر ملکی مرد پاکستانی عورت سے شادی کر کے پاکستان کی شہریت حاصل نہیں کر سکتا۔

پشاور ہائی کورٹ نے 2021ء کے ایک فیصلے میں اٹارنی جنرل اور وزارت خارجہ کو حکم درخواست کی تھی کہ وہ پاکستانی خاتون کے افغان مہاجر شوہر کو پی او سی کارڈ جاری کرنے کے حوالے سے اپنا موقف پیش کریں۔

دسمبر 2023ء میں 109 پاکستانی خواتین، جنہوں نے اپنے افغان شوہروں کو پی او سی جاری کرنے کی درخواستیں دے رکھی تھیں، ان کے حق میں پشاور ہائی کورٹ نے 33 صفحات پر مشتمل فیصلہ جاری کیا تھا جس میں لکھا گیا تھا تھا&nbsp; پاکستانی شہریوں سے شادی کرنے والے افغان مہاجرین کے لیے رولز میں نرمی کرنا چاہیے۔

منصف سعید ایڈوکیٹ کے مطابق بسراجہ خاتون کے شوہر آدم خان کو پی او سی کارڈ کے اجراء کے لیے پشاور ہائی کورٹ نے نادرا کو حکم جاری کیا ہے، لیکن ابھی تک وہ اپنے شوہر کے لیے قانونی اسناد حاصل کرنے میں کامیاب نہیں ہوسکی ہیں۔

پشاور ہائی کورٹ کے ایک اور وکیل سیف اللہ محب کاکاخیل کے پاس ایسے سو سے زائد کیسز موجود ہیں جن میں پاکستانی خواتین اپنے افغان شوہروں کے لیے پاکستانی اوریجن کارڈ حاصل کرنے کے لیے ہائی کورٹ کے سامنے درخواست گزار ہیں۔

ان کے دفتر میں موجود پاکستانی خاتون صفیہ (فرضی نام) نے بتایا کہ انہوں نے کہ سیف اللہ کاکا خیل کی وساطت سے درخواست دائر کی تھی جس کے تحت عدالت نے وزارت داخلہ کو ان کے افغان شوہر کو مروجہ قانون کے تحت پی او سی کارڈ جاری کرنے کا حکم دیا ہے۔

ان کا کہنا تھا کہ ان کے شوہر کی دستاویزات نہ ہونے کی وجہ سے انہیں اور ان کے بچوں کو شدید مشکلات کا سامنا ہوتا ہے۔انہوں نے بتایا اور بھی ایسی خواتین ہیں جن کے افغان شوہر برطانیہ، کینیڈا میں مزدوری کے لیے جا چکے ہیں اور ان کی پاکستانی بیویاں یہاں اپنی فیملی کے ساتھ رہتی ہیں اور شوہروں کو پی او سی جاری نہ ہونے کی وجہ سے مشکلات کا شکار ہیں۔

سیف اللہ کاکا خیل نے لوک سجاگ کو بتایا کہ انہیں ( پاکستانی خواتین کے غیر ملکی شوہر) پاکستان آنے کے لیے ویزے کی ضرورت ہوتی ہے، ویزہ نہ ملنے کی وجہ سے وہ کئی سالوں سے بیوی بچوں اور خاندان سے نہیں مل سکتے۔ پی او سی ملنے کے بعد انہیں ویزے کی ضرورت نہیں رہے گی۔

&quot;یہ صرف خیبر پختونخوا کی خواتین کا ہی مسئلہ نہیں ہے، بلکہ اسلام آباد، کراچی، کوئٹہ، فیصل آباد، سیالکوٹ، گجرات، لاہور میں مقیم خواتین جنہوں نے افغان مردوں سے شادیاں کی ہیں، وہ بھی پی او سی کے لیے عدالتوں کے چکر لگا رہی ہیں۔&quot;

انہوں نے بتایا کہ جو خواتین عدالت آ جاتی ہیں وہ پہلے کارڈ حاصل کرنے کے لیے نادرا آفس اور وزارت داخلہ سے اپنے شوہروں کے لیے پی او سی کارڈ حاصل کرنے کی کوشش کرتی ہیں وہاں سے انکار کے بعد مجبوراً عدالت آنا پڑتا ہے۔

سیف اللہ محب ایڈوکیٹ نے مزید بتایا کہ پاکستان اور یجن کارڈ کے حامل افراد پاکستان میں بینک اکاؤنٹ کھول سکتے ہیں، جائیداد خرید سکتے ہیں، کاروبار کرسکتے ہیں، اپنے نام سے موبائل سم لےسکتے ہیں، انہیں پاکستان آنے کے لیے ویزے کی ضرورت نہیں ہوتی۔ ایک پاکستانی شہریت رکھنے والے فرد کو جو سہولیات حاصل ہیں، پی او سی کے حامل فرد کو بھی وہی حاصل ہوتی ہیں۔

&quot;پی او سی کے اجراء کے پانچ سال گزرنے پر مذکورہ شخص کو پھر پاکستانی شہریت مل جاتی ہے اور اسے پاسپورٹ بھی جاری کیا جاتا ہے۔ جس کے لیے عدالت 90 دن دیتی ہے۔&quot;

انہوں نے اس بات پر افسوس و حیرانگی کا اظہار کرتے ہیں کہ اعلیٰ عدالتوں کے فیصلے آنے کے باوجود بھی پی اوسی دینے سے انکار کیا جاتا ہے۔

&quot;نادرا آفس میں اپلائی کے بعد مختلف ایجنسیاں مذکورہ شخص کو کلیئرنس سرٹیفیکٹ جاری کرتی ہیں جس کے بعد پی او سی کارڈ جاری ہوجاتا ہے۔ حالانکہ پی او سی رولز 2002ء میں اس قسم کی کوئی بات نہیں ہے۔&quot;

ڈپٹی اٹارنی جنرل دولت خان مہمند نے لوک سجاگ کو بتایا کہ تمام ادارے عدالتی فیصلوں پر عمل درآمد کرنے کے پابند ہوتے ہیں۔ پشاور ہائی کورٹ کی جانب سے پی او سی کی درخواستوں پر کارڈ اسی صورت میں جاری کیا جائے گا جب درخواست کنندہ نادرا اور سٹیزن شپ ایکٹ رولز میں دئے گئے لوازمات کو پورا کرے گا۔

&quot;وزارت داخلہ نے افغانستان کو کیٹگری بی سٹیٹس میں شامل کیا ہے، جس کے تحت انہیں پی او سی سے پہلے سیکورٹی کلیئرنس لینا ہوگا۔ ہم نے پشاور ہائی کورٹ کے حالیہ فیصلے کو&nbsp; اعلیٰ عدلیہ میں چیلنج کیا ہے کیونکہ بیشتر درخواست گزار ایکٹ پر پورا نہیں اترتے&quot;۔

لیکن متاثرہ خواتین اس حوالے سےکچھ اور کہتی ہیں۔

مختلف خواتین کا کہنا ہے کہ عدالتی حکم کے باجود ادارے سیکیورٹی کلیئرنس جاری نہیں کرتے، جس کی وجہ سے ان کے شوہروں کو پی او سی کارڈ جاری نہیں ہوسکے ہیں۔

لوک سجاگ نے اس حوالے سے نیشنل ڈیٹا بیس (نادرہ) کے ویب سائیٹ پر موجود ای میل ایڈریس pio@nadra.gov.pk پر ان کے پبلک ریلیشن آفیسر سے بذریعہ ای میل ان کا مؤقف جاننے کی کوشش کی گئی لیکن کوئی جواب موصول نہیں ہوا۔

لاہور میں مقیم افغان:' ہم ہر وقت غیر یقینی کیفیت میں رہتے ہیں کہ کہیں ہمیں واپس نہ بھیج دیا جائے'۔

افغان شوہروں والی پاکستانی خواتین کیوں پریشان ہیں؟

خیبرپختونخوا کے ہزارہ ڈویژن میں دو لاکھ آبادی پر مشتمل ضلع تورغر کو پہلے کالا ڈھاکہ کے نام سے جانا جاتا تھا اور اس کا شمار قبائلی علاقوں میں ہوتا تھا۔ 2011 میں اسے الگ ضلعے کا درجہ دے کر بندوبستی علاقہ قرار دے دیا گیا۔ تاہم یہ درجہ اس کے کچھ زیادہ کام نہیں آیا اور یہاں کی آبادی کو بنیادی نوعیت کی سہولیات اور خدمات بھی بمشکل دستیاب ہیں۔

تورغر کی ضلعی سرحدیں شانگلہ، ہری پور، بٹ گرام، مانسہرہ اور ضلع بونیر کے ساتھ ملتی ہیں۔ یہ ضلع تین تحصیلوں جدبا، میرا مداخیل اور دوڑ میرا پر مشتمل ہے اور اس کی آبادی دو لاکھ سے کچھ زیادہ ہے۔ بیشتر آبادی پہاڑی علاقوں میں آباد ہے جس میں پشتون قبائل بسی خیل، مدا خیل، اکازئی، حسن زئی اور نصرت زئی اکثریت میں ہیں۔

ضلعی ہیڈکوارٹر جدبا کے رہنے والے فرمان اللہ بتاتے ہیں کہ تورغر میں صحت کی سہولیات کا خاص طور پر فقدان ہے۔ اگرچہ یہ مسائل سبھی کے لیے یکساں ہیں لیکن خواتین کے علاج میں بہت زیادہ مشکلات درپیش ہیں۔ پورے ضلعے کے ہسپتالوں میں کوئی لیڈی ڈاکٹر نہیں جو حاملہ خواتین کو زچگی کے دوران ابتدائی طبی امداد دے سکے۔

&quot;جو لوگ پیسے والے ہیں، وہ اپنے مریض کیلئے کرائے پر ایمبولینس لے کر اسے قریبی اضلاع بٹ گرام، مانسہرہ یا ایبٹ آباد کے ہسپتالوں میں لے جاتے ہیں۔ لیکن کم وسائل والے لوگوں کیلئے ان کے دیہات میں چندہ اکھٹا کیا جاتا ہے تاکہ مریضہ خاتون کو بروقت کسی دوسرے ضلع میں لے جا کر کسی لیڈی ڈاکٹر کو دکھایا جائے اور اس کی زندگی بچائی جا سکے۔&quot;

بسی خیل کے احسان خان بتاتے ہیں کہ گزشتہ ہفتے جٹ کول گاؤں میں ایک گاڑی کھائی میں جا گری جس میں سات مرد و خواتین شدید زخمی ہوگئے تھے، لیکن تورغر میں فرسٹ ایڈ کی سہولت نہ ہونے کی وجہ سے زخمیوں کو بٹ گرام اور مانسہرہ کے ہسپتالوں میں منتقل کیا گیا، اس دوران ایک خاتون سمیت چار افراد راستے میں ہی جاں بحق ہوگئے تھے، جبکہ باقی تین زیر علاج ہیں۔

اسی علاقے کے محمد زاہد کہتے ہیں کہ ضلع تورغر کے لوگ اب بھی پتھر کے زمانے میں رہ رہے ہیں۔&nbsp; یہاں ہسپتالوں میں لیبر روم اور میٹرنٹی ہوم نہیں ہے، خواتین کے علاج کیلئے کوئی لیڈی ڈاکٹر نہیں ہے، خواتین ڈلیوری کیسز کے دوران سہولیات کی فقدان کی وجہ سے جاں بحق ہو جاتی ہیں اور لوگ حادثات میں بروقت طبی امداد نہ ملنے سے انتقال کر جاتے ہیں۔

انہوں نے شدید مایوسی کا اظہار کرتے ہوئے کہا کہ بارہ برس گزر گئے ہیں جب تورغر کو ضلع کا&nbsp; درجہ ملا، لیکن ابھی تک یہاں ڈسٹرکٹ ہیڈکوارٹر ہسپتال اور تحصیل ہیڈ کوارٹر ہسپتال تعمیر نہیں ہوسکا اور نہ ہی پورے ضلع میں کوئی رورل ہیلتھ سنٹر بنا ہے۔

&quot;اسی وجہ سے ضلع تورغر میں لیڈی ڈاکٹر کی سرکاری پوسٹ نہیں ہے اور نہ ہی ابھی تک کوئی ایل ایچ وی یا نرس تعینات کی گئی ہے&quot;

محمد زاہد نے بتایا کہ ضلع بٹ گرام کا ہسپتال تورغر سے ساٹھ کلومیٹر کے فاصلے پر ہے جہاں خواتین فرسٹ ایڈ لینے جاتی ہیں اور اگر مسئلہ زیادہ ہو تو مانسہرہ یا ایبٹ آباد کے ہسپتال جانا پڑتا ہے، جہاں آنے جانے پر ہزاروں روپے خرچ ہوجاتے ہیں۔

تحصیل ہیڈ کوارٹر جدبا میں ایک میڈیکل سٹور کے مالک احمد خان کہتے ہیں کہ تورغر میں اباسین (دریائے سندھ) پر تعمیر تربیلا ڈیم کے بند کے قریب&nbsp; کھڑے پانی میں مچھروں کی افزائش کے باعث دو ماہ سے ملیریا وبا کی صورت اختیار کر چکا ہے۔ اس دوران سیکڑوں لوگ ملیریا کے بخار میں مبتلا ہوئے، لیکن پورے ضلع میں کسی سرکاری ہسپتال میں سرکاری لیبارٹری نہیں ہے جس میں ملیریا کے ٹیسٹ ہو سکیں۔

اس معاملے پر جب ڈپٹی ڈسٹرکٹ ہیلتھ آفیسر ڈاکٹر مدثر اقبال خان سے بات کی گئی تو ان کا کہنا تھا کہ تورغر میں ابھی تک ڈسٹرکٹ ہیڈ کوارٹر ہسپتال کی تعمیر مکمل نہیں ہوئی۔

&quot;علاقے میں دس بنیادی صحت مراکز (بی ایچ یو) موجود ہیں، جو افعال ہیں، ان میں دوڑا میرا بی ایچ یو اور میرا مداخیل بی ایچ یو کو آر ایچ سی میں اپ گریڈ کردیا گیا ہے لیکن کام نہیں ہوا، بس عمارتیں بنی ہوئی ہیں جن میں سامان اور عملہ نہیں ہے۔ ضلع میں میڈیکل آفیسرز کی دس پوسٹیں ہیں۔ اس وقت پورے ضلع میں چار ایم بی بی ایس ڈاکٹرز کام کر رہے ہیں باقی سارے میڈیکل ٹیکنیشنز ہیں۔ ایل ایچ ویز(لیڈی ہیلتھ ویزیٹرز) کی پورے ضلع میں چھ پوسٹیں ہیں وہ بھی خالی پڑی ہیں اور ان پر تعیناتی کے لیے کام جاری ہے۔&quot;

ضلع تورغر میں لیڈی ڈاکٹر نہ ہونے کے سوال پر ڈاکٹر مدثر نے بتایا کہ ضلع میں میڈیکل آفیسر کی پچاس فیصد سے زیادہ سیٹیں خالی ہیں لیکن ڈاکٹر ان دوردراز علاقوں میں آنا نہیں چاہتے اور یہاں ٹرانسفر آرڈرز ہونے کے بعد وہ کوشش کرتے ہیں کہ کس طرح یہاں سے نکل سکیں۔

انہوں نے بتایا کہ تورغر کیلئے ڈاکٹروں کے انٹرویو ہوئے تھے تو خواتین میڈیکل آفیسر اس علاقے میں نوکری کیلئے تیار نہیں تھیں کیونکہ یہ آمدوروفت کےحوالے سے مشکل جگہ ہے۔

ڈپٹی ڈی ایچ او تورغر کا خیال ہے کہ جب ڈسٹرکٹ ہیڈ کوارٹر ہسپتال بن جائے گا تو پھر خواتین میڈیکل افسر بھی آجائیں گی کیونکہ ڈی ایچ کیو ہسپتال میں سہولیات زیادہ ہوتی ہیں۔

ڈپٹی کمشنر ضلع تورغر ضیاء الرحمن مروت نے بتایا کہ ضلع کا درجہ ملنے کے بعد ہی یہاں ترقیاتی کام شروع ہوئے جن میں ڈسٹرکٹ ہیڈ کوارٹرز ہسپتال کی عمارت پر تعمیراتی کام جاری ہے۔

انہوں نے بتایا کہ دس سول ڈسپنسریوں کو بی ایچ یو میں اپ گریڈ کیا گیا جبکہ دو بی ایچ یوز کو کو اپ گریڈ کر کے آر ایچ سیز میں تبدیل کیا گیا ہے۔ ان میں سٹاف آنے کے بعد صحت کے شعبے میں مسائل کافی حد تک حل ہو جائیں گے۔

محمد زاہد یاد کرتے ہیں کہ ضلع بننے کے بعد اس وقت کے وزیر اعلیٰ امیر حیدر خان ہوتی نے یہاں دورہ کیا تھا اور ضلع کے ترقیاتی کاموں کیلئے چھ ارب روپے پیکیج کا اعلان کیا تھا، جس میں ڈسٹرکٹ ہیڈ کوارٹرز ہسپتال کیلئے بیس کروڑ روپے رکھے گئے تھے، لیکن 12 سال گزرنے کے باوجود ابھی تک ڈی ایچ کیو ہسپتال یا ایسا کوئی دوسرا منصوبہ مکمل نہیں ہو سکا۔

سابق وزیراعظم شہباز شریف بھی رواں سال چھ جولائی کو تورغر کا دورہ کرچکے ہیں، جس میں انہوں نے ضلع میں دریائے سندھ پرایک رابطہ پل، دو گرلز کالج، ایک دانش سکول اور ایک بوائز کالج بنانے کا اعلان کیا تھا۔&nbsp; لیکن صحت کی سہولیات کو پورا کرنے کے حوالے سے کسی منصوبے کا اعلان نہیں ہوا اور نہ ہی پہلے سے منظور شدہ منصوبوں پر کام کے حوالے سے کوئی پیش رفت دیکھنےکو ملی۔

ضلع قلعہ عبداللہ: 'میری اہلیہ کو لیڈی ڈاکٹر میسر آتی تو اس کی جان بچ سکتی تھی'

"تورغر میں کوئی ڈاکٹر ڈیوٹی دینا نہیں چاہتا، جو آ جائے وہ تبادلے کی کوشش میں رہتا ہے"

خیبرپختونخوا میں تمباکو کی قیمتوں میں غیرمعمولی اضافہ ہو گیا ہے جس کے باعث ایسے کاشت کار بھی خوش دکھائی دیتے ہیں جو قبل ازیں بارشوں اور ژالہ باری سے اس فصل کو ہونے والے نقصان کے بعد پریشانی میں مبتلا تھے۔

ضلع صوابی کے علاقے گوہاٹی سے تعلق رکھنے والے تمباکو کے کاشتکار خان محمد کہتے ہیں کہ پچھلے سال تک ایک ایکڑ پر کاشت کی گئی تمباکو کی فصل سے انہیں زیادہ سے زیادہ دو لاکھ روپے ملتے تھے۔ اس سال تمباکو کو ژالہ باری نے بھی متاثر کیا لیکن پھر بھی فی ایکڑ پیداوار کی قیمت دس لاکھ روپے تک وصول ہوئی ہے۔

مردان کے علاقے خان گڑھئی میں قائم پاکستان ٹوبیکو بورڈ ریسرچ سنٹر کے فارم مینیجر محمد عصمت اللہ نے بتایا کہ 2022 میں خیبر پختوںخوا میں تمباکو کی پیداوار 64 ملین کلوگرام رہی۔ رواں سال 85 ملین کلوگرام پیداوار متوقع تھی جبکہ برآمدات کیلئے تمباکو کی طلب پچھلے برس کی نسبت 30 فیصد زیادہ تھی۔

&quot; اس سال موسمیاتی تبدیلی کے باعث پیداوار میں کمی آئی اور بے وقت بارشوں اور ژالہ باری سے صوابی، چارسدہ اور تخت بائی (مردان) کے کچھ علاقوں میں پیداوار متاثر ہوئی۔&quot;

مردان میں شیرگڑھ کے کاشتکار محمد علی نے بتایا کہ ٹوبیکو بورڈ کی جانب سے تمباکو کی فی کلو قیمت 325 مقرر کی گئی تھی لیکن کمپنیوں نے پہلے دن سے قیمت سو روپے زیادہ رکھی جس میں بتدریج اضافہ ہوتا گیا جو گیارہ سو روپے فی کلو تک پہنچ گئی۔

&quot;جن علاقوں میں فصل قدرتی آفات سے بچ گئی ہے وہاں کے کاشتکار کو پانچ جریب (ڈھائی ایکڑ) کی پیداوار سے پچیس سے تیس لاکھ روپے تک آمدنی ہوئی ہے۔&quot;

انہوں نے اطمینان کا اظہار کرتے ہوئے کہا کہ کاشتکار کو پہلی بار تمباکو کی درست قیمت ملی ہے کیونکہ اس تمباکو سے بننے والی سگریٹ ہزاروں روپے میں فروخت ہوتی ہے جس سے کمپنیاں بھاری منافع کماتی ہیں۔

انہوں نے اس خدشے کا اظہار بھی کیا کہ قیمتوں میں ہونے والے اس اضافے سے کھیتوں کے اجارے (کاشت کیلئے ٹھیکے پر زمین لینے) کی فی ایکڑ قیمت بھی ابھی سے بڑھنا شروع ہوگئی ہیں۔

&quot;تمباکو پر پہلے سے ہی بہت زیادہ خرچہ آتا ہے اور کاشتکار کو دوسری فصلوں کی نسبت محنت بھی بہت کرنا پڑتی ہے۔ زمین اجارے پر حاصل کرنے کے ریٹ بڑھنے سے تمباکو کی کاشت پر ہونے والے اخراجات میں بھی اضافہ ہو جائے گا۔

ٹوبیکو بورڈ کے اسسٹنٹ کیمسٹ اور اسسٹنٹ ڈویلپمنٹ آفیسر کامران خان کہتے ہیں کہ اس سال خیبر پختوںخوا میں 29 ہزار ہیکٹر پر تمباکو کاشت کیا گیا تھا جس میں میدانی علاقے صوابی، چارسدہ اور مردان میں 15500 ہیکٹر زمین پر جبکہ پہاڑی علاقوں مانسہرہ اور بونیر میں 13500ہزار ہیکٹر پرتمباکو اگایا گیا جو کہ پچھلے سال سے صرف پانچ ہیکٹر زیادہ تھا۔

قیمتوں میں اضافے کی وجوہات بتاتے ہوئے انہوں نے کہا چونکہ امسال برآمدی طلب زیادہ تھی اس لیے بورڈ نے کاشتکاروں کو اس کے مطابق تمباکو اگانے کی ہدایت کی تھی۔

پچھلے سال 64 ملین کلوگرام پیداوار میں سے 29ملین کلوگرام تمباکو برآمد ہوا اور 35 ملین کلوگرام ملکی کمپنیوں نے سگریٹ سازی کیلئے خریدا تھا۔امسال سال 40 ملین کلوگرام برآمد متوقع ہے جبکہ 45 ملین کلوگرام تمباکو ملکی کمپنیاں خریدیں گی۔

علاوہ ازیں ڈالر مہنگا ہونے سے بھی تمباکو کی قیمت بڑھی ہے۔ برآمد کنندگا نے تمباکو لینے میں دلچپسی لی اور فائدہ ہونے کی وجہ سے زیادہ تمباکو ایکسپورٹ کرنے لگے۔

تیسری بڑی وجہ انہوں نے موسمیاتی تبدیلی بتائی۔ جس کاشتکار نے مارچ سے پہلے تمباکو کاشت کیا تھا اس کو تیز بارشوں، آندھی اور ژالہ باری نے متاثر کیا۔ جیسے صوابی کے زیادہ تر علاقے، چارسدہ کے علاقے مندنی اور مردان کے علاقے تخت بھائی میں تمباکو کی فصل کو بہت نقصان پہنچا ۔

کامران خان نے بتایا کہ پیداوار میں کمی ہوئی تو مقامی بیوپاریوں اور کمپنیوں کے درمیان مقابلہ شروع ہوگیا، جس سے روزانہ کی بنیاد پر تمباکو کے نرخ فی کلو سو روپے کے حساب سے بڑھتے گئے اور یوں قیمت ایک ہزار روپے فی کلو سے بھی بڑھ گئی۔

<h2>تمباکو کی قیمتوں کے تعین کا طریق کار</h2>

کامران خان کے مطابق ہرسال نومبر میں ٹوبیکو بورڈ کے اہلکار فصل کا سروے کرتے ہیں اور پھر کاشتکار تنظیموں اور تمباکو خریدنے والی کمپنیوں کے نمائندے مل بیٹھ کر خریدو فروخت کیلئے فی کلو نرخ مقرر کرتے ہیں۔

اس سال کاشتکار سے تمباکو پر ہونے والے تمام اخراجات کی جانچ پڑتال کے بعد نرخ میں 35 فیصد مہنگائی کا اضافہ اور کاشتکاروں کیلئے مناسب منافع بھی شامل کیا گیا اور کم از کم قیمت 325 روپے فی کلو نرخ مقرر ہوئی جس کے تحت کمپنیاں کاشتکار کو اس سے کم قیمت نہیں دیں گی اور اگر وہ اس سے زیادہ قیمت دینا چاہیں تو اس پر پابندی نہیں ہو گی۔

صوابی کے علاقے یارحسین کے ت کے کاشتکاروں کی یونین کسان جرگہ کے صدر محمد علی ڈاگی وال نے بتایا کہ امسال سورج کی تپش زیادہ تھی اور فصل وقت سے پہلے تیار ہوگئی جس کی وجہ سے کاشتکاروں نے جلد ہی تمباکو کمپنیوں اور لوکل بیوپاریوں کو پیداوار بیچنا شروع کردی۔

&quot;دیکھا جائے تو نرخ بڑھنے سے کاشتکار کے بجائے مڈل مین کو زیادہ فائدہ پہنچا ہے۔ جب مقامی بیوپاریوں اور تمباکو کی خریدار کمپنیوں نے سیزن کے ابتدائی دنوں میں کاشتکاروں سے خریداری کی تو قیمت بہت کم تھی، اکثر کاشتکار ماضی کے تجربات کے باعث خوف زدہ تھے سو انہوں نے جلد از جلد فصل بیچ دی۔&quot;

انہوں نے مطالبہ کیا کہ کمپنیوں کو چاہیے کہ جن کاشتکاروں سے کم قیمت پرتمباکو خریدا گیا انہیں آخری خریداری کے نرخ کے حساب سے ادائیگیاں کی جائیں۔

کامران خان نے کاشتکاروں کو خبردار کیا کہ آئندہ سال بھی وہ تمباکو کی فصل ٹوبیکو بورڈ کے ہدایت کے مطابق کاشت کریں، ایسا نہ ہو کہ موجودہ قیمت دیکھ کر کسان زیادہ تمباکو کاشت کریں اور پھر طلب کم اور رسد زیادہ ہونے کی وجہ سے انہیں نقصان اٹھانا پڑے۔

اس کے ساتھ ہی انہوں نے یہ خدشہ بھی ظاہر کیا کہ اگر کاشت کاروں نے قیمتیں دیکھ کر تمباکو کی کاشت بڑھا دی تو گندم اور سبزیوں سمیت دیگر اجناس کی کمی ہو سکتی ہے۔

انجمن کاشتکاران خیبرپختونخوا کے صدر نعمت شاہ نے بتایا کہ تمباکو کا منافع دیکھ کر کاشتکار آئندہ زیادہ سے زیادہ رقبے پر یہ فصل کاشت کریں گے۔ اس رجحان کور روکنے کے لیے حکومت کو چاہیے کہ کاشتکاروں کو گندم و دیگر غذائی اجناس کیلئے سستی کھاد اور قرضے فراہم کرے تاکہ ان کی پیداوار متاثر نہ ہو۔

سگریٹ سازی کی صنعت: تمباکو کی خریداری میں رائج کوٹہ سسٹم کیسے کاشت کاروں کا استحصال کر رہا ہے۔

خیبرپختونخوا میں تمباکو کی فصل میں کمی، قیمتوں میں غیرمعمولی اضافہ اور مستقبل کے خدشات

خیبرپختونخوا کے ضلع صوابی کی صفیہ خاتون (فرضی نام) تمباکو کی کاشت کار ہیں۔ اِس سال انہوں نے اپنی پانچ ایکڑ زمین پر یہ فصل کاشت کی تھی۔ انہیں امید تھی کہ فصل اچھی ہو گی جسے فروخت کر کے وہ اپنا نو لاکھ روپے قرضہ اتار دیں گی جو انہوں نے اپنے بیٹے کو روزگار کے لئے سعودی عرب بھجوانے اور روزمرہ ضروریات پوری کرنے کے لئے لے رکھا تھا۔

تاہم مئی جون میں پڑنے والے خلاف معمول بارشوں اور ژالہ باری نے ان کی فصل تباہ کر دی۔

اب ان پر قرض کے ساتھ ان اخراجات کا بوجھ بھی آن پڑا ہے جو انہوں نے فصل کی تیاری پر خرچ کئے تھے۔

وہ کہتی ہیں کہ اگر حکومت نے انہیں مدد مہیا نہ کی تو وہ دوبارہ تمباکو کاشت نہیں کریں گی۔

صفیہ کے علاوہ صوابی میں تمباکو کے دیگر کاشت کار بھی یہی بات کر رہے ہیں جن کی فصل ان بارشوں میں خراب ہو گئی ہے۔

جگن ناتھ گاؤں کے منفاد خان نے دس جریب (پانچ ایکڑ) زمین پر تمباکو کاشت کیا تھا جس پر ان کا فی جریب ڈیڑھ لاکھ روپے تک خرچہ آیا جبکہ اس سال تمباکو کمپنیوں کے مقرر کردہ نرخوں کے مطابق انہیں ایک جریب سے چار لاکھ روپے آمدنی کی توقع تھی۔ لیکن بارش اور ژالہ باری نے ان کی محنت پر پانی پھیر دیا۔

منفاد خان اور ان کے گاؤں کے دیگر افراد دہائیوں سے تمباکو کاشت کرتے آئے ہیں۔

ان کا کہنا ہے کہ تمباکو کی فصل تیار کرنے کے موسم میں بارش اور ژالہ باری کوئی غیرمعمولی بات نہیں لیکن اس قدر شدید موسمی حالات انہوں نے پہلے کبھی نہیں دیکھے۔

وہ کہتے ہیں کہ سگریٹ ساز کمپنیاں تمباکو سے اربوں روپے کماتی ہیں اور حکومت کو ٹیکس کی مد میں بہت بڑی رقم ادا کرتی ہیں۔

&quot;اگر تمباکو کے کاشت کاروں کی مدد نہ کی گئی تو آئندہ سال کاشت کار یہ فصل کاشت نہیں کر سکیں گے&quot;۔

پاکستان میں کاشت ہونے والے تمباکو کا 98 فیصد (ورجینیا تمباکو) خیبر پختونخوا میں اگایا جاتا ہے جس کی 60 فیصد پیداوار ضلع صوابی سے حاصل ہوتی ہے۔ تمباکو اس شہر کی معیشت کی بنیاد ہے اور شہر کی 70 فیصد سے زیادہ آبادی کا روزگار اسی فصل سے وابستہ ہے۔

تمباکو کی فصل جون کے آغاز سے اگست کے آخر تک تیار ہوتی ہے جسے بعدازاں سگریٹ بنانے والی کمپنیوں کو فروخت کیا جاتا ہے۔

رواں سال اس موسم میں ہونے والی بارشوں اور ژالہ باری نے صوبے کے مختلف اضلاع میں جہاں گندم کی فصل اور پھلوں کے باغات کو نقصان پہنچایا ہے وہیں تمباکو کے کاشت کاروں کی کمر توڑ کر رکھ دی ہے۔

پختونخوا کسان جرگہ کے آرگنائزر محمد علی ڈاگیوال کا کہنا ہے کہ صوابی کی تحصیل رزڑ اور لاہور میں تمام زرعی اراضی پر صرف تمباکو ہی کاشت ہوتا ہے۔ یہ ناصرف صوابی بلکہ پورے خیبر پختونخوا کی سب سے بڑی نقد آور فصل ہے۔ پیٹرولیم کے بعد قومی خزانے کو تمباکو سے ہی فیڈرل ایکسائز ڈیوٹی کی مد میں سب سے زیادہ ریونیو جمع ہوتا ہے۔ جس کی مالیت پچھلے سال 150 ارب روپے سے زیادہ تھی۔

محمد علی بتاتے ہیں کہ موسمیاتی تبدیلیوں کے باعث بے وقت بارشوں اور ژالہ باری سے تقریبا سات ہزار جریب (ساڑھے تین ہزار ایکڑ) پر تمباکو کی فصل متاثر ہوئی ہے جس نے مقامی معیشت کو بھاری نقصان پہنچایا ہے۔

ڈاکٹر ذوالفقار پشاور یونیورسٹی میں موسمیاتی تبدیلی کے شعبے سے منسلک ہیں۔ ان کا کہنا ہے کہ غیرمعمولی موسمی حالات میں زرعی شعبہ سب سے زیادہ متاثر ہوتا ہے۔

&quot;کبھی ژالہ باری تو کبھی زیادہ بارشیں، کبھی گرمی اور کبھی سردی کی شدید لہر جیسے عوامل فصلوں کو خراب کر دیتے ہیں اور پچھلے چند سال سے ایسا ہونا معمول بن گیا ہے&quot;۔

وہ محکمہ زراعت کو تجویز دیتے ہیں کہ زرعی تحقیقی اداروں کے ذریعے فصلوں پر موسمیاتی تبدیلی کے اثرات کے بارے میں تحقیق کرائی جائے اور کسانوں کو بدلتے موسمی حالات سے متاثر ہونے والی فصلوں کے متبادل چیزوں کی کاشت کے بارے میں آگاہی اور عملی مدد فراہم کی جائے۔

صوابی کے کاشتکاروں اور ان کی نمائندہ تنظیموں نے تمباکو کے کسانوں کو ریلیف دلانے کے لئے ایک چارٹر آف ڈیمانڈ تیار کیا ہے جس میں انہوں نے حکومت پاکستان، پاکستان ٹوبیکو بورڈ اور تمباکو کمپنیوں سے ضلع صوابی کو آفت زدہ قرار دینے کا مطالبہ کیا ہے۔

محمد علی ڈاگیوال نے بتایا کہ تمباکو کے کاشت کار زرعی ٹیکس، مالیے اور آبیانے کی معافی، فیڈرل ایکسائز ڈیوٹی (ایف ای ڈی) کے 157 ارب روپے میں سے کاشتکاروں کیلئے ریلیف پیکیج کی فراہمی، تمباکو سے جمع شدہ تمباکو ڈویلپمنٹ سیس کی رقم سے کاشتکاروں کی مالی امداد اور کمپنیوں کی جانب سے اپنے ایگریمنٹ ہولڈر کاشتکاروں کیلئے امدادی رقم مہیا کرنے کا مطالبہ کر رہے ہیں۔

انہوں نے موسمیاتی تبدیلی کے اثرات سے نمٹنے کے لئے پاکستان کو امدادی اداروں اور عالمی برادری سے ملنے والے کسی بھی طرح کے مالی وسائل میں کسانوں کے لئے رقم مختص کرنے کا مطالبہ بھی کیا ہے۔

صوابی کی ضلعی انتطامیہ نے ژالہ باری سے متاثرہ علاقوں کا سروے شروع کر رکھا ہے تاکہ کسانوں کو ہونے والے نقصان کا اندازہ لگایا جا سکے۔

&nbsp;صوبائی ڈیزاسٹر منیجمنٹ اتھارٹی (پی ڈی ایم اے) کے میڈیا پرسن انور شہزاد کا کہنا ہے کہ جن علاقوں میں قدرتی آفات سے فصلوں کو نقصان پہنچا ہو یا دیگر نقصانات ہوئے ہوں تو متعلقہ ضلع کے ڈپٹی کمشنر کے دفتر سے پی ڈی ایم اے کوتفصیلی رپورٹ بھیجی جاتی ہے جس پر اتھارٹی حکومتی پالیسی کے مطابق لوگوں کو زرتلافی ادا کردیتی ہے۔

انہوں نے بتایا کہ صوبائی حکومت کی پالیسی کے مطابق اگر قدرتی آفت میں فصلوں کا نقصان ہو تو کاشتکار کو فی ایکڑ (دو جریب) فصل کے عوض کم از کم 10 ہزار اور زیادہ سے زیادہ ایک لاکھ روپے ادا کیے جاتے ہیں اور تمباکو کے کاشت کاروں کو بھی اسی پالیسی کے مطابق ریلیف ملے گا۔

'سیلاب ہمارے لیے بہت بڑا عذاب ثابت ہوا': کوہستان میں پھلوں اور سبزیوں کے کاشتکار حکومت کی عدم توجہی پر نالاں

بے موسمی بارش نے تمباکو کے گڑھ صوابی میں کسانوں کی محنت پر پانی پھیر دیا

لوئر دیر کے ایک گاؤں میں مقامی جرگے نے خواتین کے بارے میں ایک انوکھا فیصلہ کیا ہے جس کی علاقے میں کوئی مثال نہیں ملتی۔

اس فیصلے کے مطابق گاؤں میں کسی دلہن کا حق مہر ایک تولہ سونے سے کم یا زیادہ نہیں ہو گا۔ جرگے نے اس فیصلے سے روگردانی کرنے والوں کی سزا بھی طے کر دی ہے جس کے مطابق پورا گاؤں ایسے خاندان کا سماجی بائیکاٹ کرے گا اور اسے ایک لاکھ روپے جرمانہ ادا کرنا پڑے گا۔

یہ فیصلہ تین سو گھرانوں پر مشتمل گاؤں ماچلے کے ایک جرگے نے کیا ہے۔ ماچلے لوئر دیر کی یونین کونسل درہ اکاخیل میں واقع ہے۔

مقامی مشران کے جرگے کے مطابق یہ فیصلہ سونے کی قیمت میں بے تحاشہ اضافے اور حالیہ مہنگائی کے باعث کیا گیا ہے۔

جرگے کی سربراہی کرنے والے 52 سالہ نصیب گل نے بتایا کہ گاؤں میں شادی کے موقع پر چار سے سات تولے سونا بطور حق مہر مقرر کرنے کا رواج ہے لیکن اب اتنے سونے کا انتظام کرنا مشکل ہو گیا ہے جس کی وجہ سے شادی میں تاخیر ہو جاتی ہے۔ اسی لیے گاؤں کے مشران نے مل کر لوگوں کی آسانی کے لیے یہ فیصلہ کیا ہے۔

&#39;&#39;اس علاقے میں منگنی کے موقع پر نکاح پڑھا دیا جاتا ہے اور حق مہر بھی اسی وقت مقرر کیا جاتا ہے۔ جب تک لڑکی کا حق مہر ادا نہیں کیا جاتا، شادی تکمیل کو نہیں پہنچتی۔ جرگے کے فیصلے سے شادیوں میں تاخیر ختم ہو جائے گی&#39;&#39;۔

جرگے کے فیصلے پر عید الفطر کے بعد عمل درآمد کا فیصلہ کیا گیا ہے کیونکہ علاقے میں منگنی اور شادی کا سیزن عید کے بعد شروع ہوتا ہے۔

جرگے کے ایک ممبر کے مطابق اس فیصلے میں یہ بھی بتایا گیا ہے کہ قبل ازیں جتنی منگنیاں ہو چکی ہیں ان میں نکاح کے وقت جتنا حق مہر مقرر کیا گیا ہے وہ برقرار رہے گا۔ گاؤں سے باہر رشتہ کرنے کی صورت میں لڑکی کے گھر والوں پر اس فیصلے کا اطلاق نہیں ہو گا۔

پچاس روپے کے اسٹامپ پیپر پر لکھے گئے اس اقرار نامے پر مقامی جرگے کے 30 ارکان کے دستخط موجود ہیں جس کی نقل لوک سجاگ کو بھی موصول ہوئی ہے۔

خواتین کے حقوق کے لیے کام کرنے والی لوئر دیر کی سماجی کارکن شاد بیگم اس فیصلے پر تنقید کرتے ہوئے کہتی ہیں کہ اس طرح کے جرگوں میں خواتین کے حقوق کے لیے بات کرنے کی بجائے دراصل ان سے حقوق چھینے جاتے ہیں۔

اس علاقے میں خواتین کو نہ تو جائیداد میں صحیح حق ملتا ہے اور نہ ہی ان کی تعلیم پر کوئی توجہ دی جاتی ہے اور اب حق مہر پر بھی قدغن لگائی جا رہی ہے۔

&#39;&#39;حق مہر عورت کا اہم سرمایہ ہوتا ہے اور اسے متعین کرنے کا اختیار عورت کے سوا کسی دوسرے کو نہیں۔ لوئر دیر میں زیادہ تر لوگوں کی معاشی حالت اچھی ہے لہٰذا حق مہر کم کرنا خواتین کے ساتھ زیادتی ہے۔&#39;&#39;

ان کا کہنا ہے کہ حق مہر متعین کرنے کے بجائے جرگے کو شادی بیاہ کے دیگر اخراجات کم کرنے کے بارے فیصلہ کرنا چاہیے تھا۔

ان کے مطابق علما اس بات پر زور دیں کہ خواتین کو وراثت میں حصہ ملے۔ وہ حق مہر کی اہمیت بھی اجاگر کریں۔

جب نصیب گل سے پوچھا گیا کہ آیا جرگے میں خواتین کو جائیداد میں ان کا قانونی حصہ دینے یا جہیز پر بھی بات ہوئی تو نصیب گل نے بتایا کہ اس علاقے میں بعض لوگ جائیداد میں حصہ دیتے ہیں اور بعض نہیں دیتے۔ بسا اوقات بیٹی یا بہن والدین سے وراثت میں ملنے والی جائیداد سے دستبردار ہو جاتی ہے۔

انہوں نے کہا کہ اس سلسلے میں جرگے نے لوگوں کو آزادی دی ہے کہ خواتین کو جائیداد میں حصہ دینے کا فیصلہ وہ آپس میں اور خود کریں۔

ماچلے گاؤں کے رحیم خان جرگے کے اس فیصلے پر خوش ہیں۔ لوک سجاگ سے بات کرتے ہوئے انہوں نے دعویٰ کیا کہ &#39;&#39;پورے گاؤں والے اس فیصلے کو مانتے ہیں کیونکہ یہ ہمارے فائدے کے لیے کیا گیا ہے۔&#39;&#39;

&#39;&#39;میں نے اپنی بیٹی کی شادی کے موقع پر چار تولے سونا حق مہر مقرر کیا تھا۔ لڑکے والوں نے چار تولہ سونے کے زیورات تیار کرکے حوالہ کئے تو تب ہی دلہن کو رخصت کیا گیا۔ لیکن اس وقت نرخ کم تھا اور اب بہت زیادہ ہے اور اتنے سونے کی خریداری ہر کسی کے بس کی بات نہیں ہے۔

رحیم کے مطابق اس فیصلے کے لیے تمام گھرانوں کے سربراہوں سے رائے لی گئی تھی۔

لوئر دیر کے سماجی کارکن کبیر روغانی نے بتایا کہ اس فیصلے کی تحریری نقل جب سوشل میڈیا پر پھیلی تو لوگوں نے اس پر سخت تنقید کی اور کہا گیا کہ حق مہر ایک شرعی فعل ہے اور کسی دوسرے فرد کو یہ اختیار نہیں ہے کہ وہ اس کی مقرر شدہ حد لوگوں پر مسلط کرے۔

تحصیل لعل قلعہ میدان کے اسسٹنٹ کمشنر نورزالی خان نے بتایا کہ انتظامیہ کو ماچلے گاؤں میں جرگے کے فیصلے کے بارے سوشل میڈیا کے ذریعے پتا چلا ہے لیکن ابھی تک کسی شخص نے اس فیصلے کے حوالے سے شکایت نہیں کی اور اگر کوئی شکایت موصول ہوئی تو اس کی قانونی حیثیت کو دیکھ کر ہی کارروائی کی جائے گی۔

'شرعی نکاح' یا رجسٹر والا نکاح: کم عمری کی شادی کی روایت نے نیا راستہ ڈھونڈ لیا

لوئر دیر، جرگے کا انوکھا فیصلہ: شادی کرنی ہے تو حق مہر کے لیے ایک تولہ سونا لائیں

نسرین سیلاب کے بعد کی صورتِ حال سے اس قدر مایوس ہوئیں کہ انہوں نے پانچ اکتوبر 2022ء کو اپنی تین کم سِن بیٹیوں سمیت دریائے کابل میں چھلانگ لگا دی۔

خوش قسمتی سے ریسکیو 1122 کے غوطہ خوروں کی بر وقت کارروائی کی وجہ سے 35 سالہ نسرین اور ان کی بیٹیوں، جن کی عمریں دو سے چھ سال کے درمیان ہیں، کو بچا لیا گیا۔

نسرین نوشہرہ شہر سے تین کلومیٹر شمال کی جانب نوشہرہ کلان کے گاؤں مِثل آباد میں رہتی ہیں۔ اس واقعے کے بعد انہوں نے سُجاگ کو بتایا کہ انہیں ایک مقامی صاحبِ حیثیت آدمی نے رہنے کے لئے گھر دے رکھا تھا۔

&nbsp;گذشتہ سال 25 اگست کو آنے والے سیلاب کی وجہ سے ان کا گھر کئی فٹ پانی میں گِھر گیا جبکہ اس میں موجود تمام سامان اور کھانے پینے کی اشیاء سیلابی پانی اپنے ساتھ بہا لے گیا۔ سیلاب کا پانی اُترنے کے بعد جب وہ اپنے شوہر اور تین بیٹیوں کے ہمراہ دوبارہ اپنے گھر گئیں تو اسے کیچڑ سے صاف کیا اور اُس میں رہنے لگیں۔ &rsquo;&rsquo;لیکن کچھ روز بعد گھر کے مالک نے ہمیں وہاں سے نکال دیا تاکہ متاثرین کو ملنے والی امداد وہ لے سکے۔&lsquo;&lsquo;

اس طرح پانچ افراد پر مشتمل یہ کنبہ سڑک پر آ گیا۔

ان دنوں ان کے شوہر بھی بے روزگار تھے، سر سے چھت بھی چِھن گئی، گھر میں پڑا سامان اور کھانے پینے کی اشیاء سیلاب کی نذر ہو گئیں جبکہ سیلاب کے کھڑے پانی کی وجہ سے جِلدی بیماریوں نے بھی انہیں آ گھیرا۔

&rsquo;&rsquo;ایسے میں ہماری مدد کو کوئی نہیں تھا۔ ان نامساعد حالات سے دل برداشتہ ہو کر میں نے اپنی تین بیٹیوں سمیت دریا میں چھلانگ لگا دی۔&lsquo;&lsquo;

اس واقعہ کے بعد ایک مقامی خاتون سماجی کارکن نے ان کی مالی مدد کی اور بستر اور چارپائیاں فراہم کیں جبکہ ایک مخیّر شخص نے انہیں تین مرلہ زمین خرید کر دےدی جس پر اُس خاتون نے انہیں ایک کمرا بنا کر دینے کا وعدہ کیا ہے۔ 
حالیہ سیلاب کی وجہ کی ضلع نوشہرہ میں ہزار کے قریب گھروں کو نقصان پہنچا تھا۔

نوشہرہ شہر سے شمال مشرق کی جانب 15 کلومیٹر کے فاصلے پر واقع بیلہ پیر پیائی کے علاقہ مجید آباد کی 40 سالہ بیوہ مریم بی بی کہتی ہیں کہ جب انہیں یاد آتا ہے کہ کس طرح ان کی آنکھوں کے سامنے ان کا بھرا پُرا گھر سیلابی پانی میں ڈوب گیا تو وہ اپنی آنکھوں سے نکلنے والے آنسوؤں کے سامنے بند نہیں باندھ پاتیں۔

وہ بمشکل اپنی بیمار خالہ اور کمسن بچے سمیت وہاں سے نکلنے میں کامیاب ہوئیں اور سر چھپانے کے لئے اپنے ایک رشتہ دار کے گھر رہنے لگیں۔

بیمار خالہ کو اُس رشتہ دار کے گھر چھوڑ کر وہ سارا دن گھر سے کچھ فاصلہ پر ریل کی پٹڑی کے قریب بیٹھ کر پانی کے نیچے اترنے کا انتظار کرتیں تاکہ وہ اپنے گھر جا سکیں۔

پانچ دن بعد پانی کچھ کم ہوا تو وہ کیچڑ کے درمیان سے اپنا رستہ بناتے ہوئے بڑی مشکل سے اپنے گھر پہنچیں تو دیکھا کہ گھر میں پڑا تمام سامان سیلاب کے پانی کی وجہ سے استعمال کے قابل نہیں رہا۔

خیبر پختونخوا میں محکمہ موسمیات کے مطابق 25 اگست 2022ء کو آنے والے سیلاب کی وجہ سوات کے علاقے کالام اور دِیرکے علاقوں میں معمول سے زیادہ بارشیں تھیں۔

گذشتہ سال اگست سوات کے پُر فضا مقام کالام میں 268 اعشاریہ ملی میٹر بارش ہوئی جبکہ ضلع اپر دِیر میں 361 ملی میٹر بارش ریکارڈ ہوئی۔

اس کے برعکس عمومی طور پر کالام میں جولائی اور اگست میں 45 سے 50 ملی میٹر تک بارشیں ریکارڈ ہوتی ہیں جبکہ اسی عرصہ کے دوران دِیر میں 150 ملی میٹر تک بارشیں ہوتی ہیں۔

حالیہ سیلاب نے سوات اور چارسدہ کے بعد ضلع نوشہرہ کو سب سے زیادہ متاثر کیا جس سے سیکڑوں گھروں کو مکمل یا جزوی طور پر نقصان پہنچا۔

دریائے کابل میں پانی کا بہاؤ بڑھنے سے سیلابی پانی نوشہرہ کے مقام پر حفاظتی دیوار کو توڑ کر پانی آبادی میں داخل ہوا۔

علاقہ بیلہ پیر پیائی جو کہ دیائے کابل کے کنارے آباد ہے جہاں پورے کے پورے گاؤں پانی میں ڈوب گئے۔ علاقہ بیلہ پیر پیائی میں دریائے کابل کے کنارے چار گاؤں آباد ہیں جن میں لیاقت آباد، مجید آباد، غازی آباد اور محسن آباد شامل ہیں۔ ان چاروں دیہات میں سیلابی ریلہ داخل ہوا جس کی وجہ سے کئی دن تک ان علاقوں میں پانچ فُٹ پانی کھڑا رہا۔

حکومتی اداروں کے ساتھ مقامی رضا کاروں نے بھی متاثرہ لوگوں کو محفوظ مقامات تک پہنچانے میں مدد کی جبکہ متاثرین کی رہائش اور کھانے پینے کا بندوبست بھی کیا۔

ضلع نوشہرہ کے علاقہ نوشہرہ کلان سے ہی تعلق رکھنے والے ناصر خان نے سُجاگ کو بتایا کہ حالیہ سیلابی ریلہ نوشہرہ کلان میں حفاظتی دیوار کے کچھ حصے کو بہا کر لے گیا جس کی وجہ سے پانچ سے سات فُٹ تک پانی نوشہرہ کلان کے آبادی میں داخل ہو گیا۔

وہ کہتے ہیں کہ اگر دریائے کابل کے کنارے حفاظتی دیواروں کو مضبوط کر دیا جائے تو سیلابی ریلے سے نوشہرہ کلان کی آبادی کو بچایا جا سکتا ہے۔

یاد رہے کہ 25 اگست 2022ء کو دریائے کابل میں نوشہرہ کے مقام پر دو لاکھ 60 ہزار کیوسک کا سیلابی ریلہ داخل ہوا جبکہ 2010ء میں نوشہرہ دو لاکھ کیوسک سیلابی ریلے کی زد میں آیا تھا۔ لیکن پانی کے زیادہ بہاؤ کے باوجود حالیہ سیلاب میں 2010ء کے سیلاب کے مقابلہ میں بہت کم نقصان ہوا۔

سنہ 2010ء میں سیلاب کی وجہ سے نوشہرہ میں 167 افراد جاں بحق ہوئے تھے جبکہ سیلابی پانی سے 50 ہزار گھروں کو نقصان پہنچا تھا جس کی وجہ سے ساڑھے تین لاکھ افراد بے گھر ہوئے تھے۔

خیبر پختونخوا میں پاکستان تحریک انصاف کے پہلے دورِ حکومت (2013-2018ء) میں اُس وقت کے وزیرِ اعلیٰ پرویز خٹک نے اپنے آبائی ضلع نوشہرہ میں 22 ارب روپے کی لاگت سے دریائے کابل پر 26 کلومیٹر پر محیط دونوں کناروں پر حفاظتی دیوار تعمیر کروائی تھی۔

اس حفاظتی دیوار کی وجہ سے 2022ء میں سیلابی ریلے سے 17 لاکھ آبادی پر مشتمل ضلع نوشہرہ میں، پراونشل ڈیزاسٹر مینجمنٹ اتھارٹی کے مطابق، تین افراد جاں بحق اور 979 گھر متاثر ہوئے جن میں 23 مکمل طور پر تباہ ہوئے جبکہ 925 گھروں کو جزوی نقصان پہنچا۔

خیبر پختوںخوا کی پراونشنل ڈیزاسٹر منیجمنٹ اتھارٹی کے ترجمان تیمور علی خان کے مطابق حالیہ سیلاب میں ضلع نوشہرہ میں 72 ہزار 678 سیلاب متاثرین کو کیمپوں میں منتقل ہونا پڑا۔

&quot;یہ لوگ تین دن تک ان کمیپوں میں رہے جو پانی کی سطح کم ہوتے ہی اپنے گھروں میں منتقل ہو گئے&quot;۔

ان کا یہ بھی دعویٰ ہے کہ پراونشنل ڈیزاسٹر منیجمنٹ اتھارٹی نے ضلع نوشہرہ میں سیلاب سے سیلاب میں گِھرے 20 ہزار 925 افراد کو محفوظ مقامات پر پہنچایا۔

تیمور علی نے کہا کہ حکومت جاں بحق ہونے والے افراد کے وارثوں کو آٹھ لاکھ روپے، زخمی ہونے والوں کو چار لاکھ روپے دے گی۔ مکمل طور پر تباہ ہونے والے گھروں کے مالکان کے لئے تین لاکھ روپے اور جبکہ جزوی طور پر تباہ ہونے والے گھروں کے لئے ایک لاکھ روپے کی امداد کا اعلان کیا گیا ہے۔

ضلعی انتظامیہ کے ترجمان لائق زادہ کے مطابق اب تک 443 متاثرہ گھروں کے مالکان کو معاوضہ دیا جا چکا ہے جبکہ باقی متاثرین کی معاوضہ دینے کی عمل جاری ہے &rsquo;&rsquo;جس میں اکثر متاثریں کی بینک اکاونٹ نہ ہونے کی وجہ سے اس عمل میں تاخیر ہو رہی ہے۔&lsquo;&lsquo;

آج سے تقریباً 14 سال قبل شورش زدہ علاقوں میں ملٹری آپریشنوں کی وجہ سے جزوی اور مکمل طور پر تباہ ہونے والے گھروں کے مالکان کے لیے چار لاکھ روپے اور جزوی نقصان والے گھروں کے مالکان کو ایک لاکھ 60 ہزار روپے معاوضہ دیا جاتا تھا۔ 
اس حوالہ سے ضلع نوشہرہ کے رہائشی پرویز خان کا کہنا ہے کہ حکومت کی جانب سے دیئے جانے والے تین لاکھ روپے سے ایک گھر کی تعمیر تو دُور کی بات &rsquo;&rsquo;ایک چھوٹے سے گھر کی چار دیواری کی تعمیر تک ممکن نہیں۔&lsquo;&lsquo;

سندھ میں سیلاب کے متاثرین کی شکایات: 'حکومت نے اپنی ذمہ داری نہیں نبھائی اور ہمیں لاوارث چھوڑ دیا ہے'۔

قلیل معاوضہ سے سیلاب زدگان کے لئے گھروں کی دوبارہ تعمیر اور مرمت کیونکر ممکن ہو؟

دریائے سوات کو ابھی بھی کشتیوں سے کیوں عبور کیا جا رہا ہے؟

پشاور سے شمال مشرق میں تقریباً 70 کلومیٹر کی مسافت پر واقع آبادی کے لحاظ سے خیبر پختونخوا کے دوسرے بڑے شہر مردان سے تعلق رکھنے والے 50 سالہ صنعت کار وصال خان کو کچھ عرصہ پہلے کاروباری سلسلے میں ہمسایہ ملک چین کی سنگِ مرمر کی فیکٹریوں کو دیکھنے کا اتفاق ہوا۔

وہاں ان کے مشاہدہ میں آیا کہ سنگِ مرمر کی تراش خراش کے دوران پیدا ہونے والے سفوف (پاؤڈر) کی شکل کے کمیائی فضلے سے گرینائٹ نامی مصنوعی پتھر بنایا جاتا ہے۔ ان کے بقول &rsquo;&rsquo;یہ پتھر پاکستان میں بھی درآمد کیا جاتا ہے جو یہاں پیدا ہونے والے قدرتی گرینائٹ سے مہنگے داموں فروخت ہوتا ہے۔&lsquo;&lsquo;

اس کے برعکس پاکستان میں یہی کیمیائی فضلہ ندی نالیوں میں بہا دیا جاتا ہے جس سے نہ صرف آبی حیات سنگین خطرات سے دوچار ہے بلکہ قدرتی آبی گزرگاہوں میں بہنے والے پانی کے زہر آلود ہونے کی وجہ سے انسانوں اور زرعی زمینوں کو بھی خطرات کا سامنا ہے۔

سمال انڈسٹریز سٹیٹ مردان میں سنگِ مرمر کا ایک کارخانہ چلانے والے وصال خان کہتے ہیں کہ ہم چین سے جدید مشینری درآمد کر کے سنگِ مرمر کی فیکٹری سے نکلنے والے فضلے کو کارآمد بنا سکتے ہیں &rsquo;&rsquo;جس سے نہ صرف آبی اور ماحولیاتی آلودگی کو ختم کیا جا سکتا بلکہ لوگوں کو روزگار کے مواقع بھی میسر ہوں گے۔&lsquo;&lsquo;

ماربل انڈسٹریز ایسوسی ایشن مردان کے 65 سالہ رہنما محمد یونس بھی سمجھتے ہیں کہ کیمیائی فضلے کو کارآمد بنانے کے لئے ٹریٹمنٹ پلانٹ لگانے سے ہم مصنوعی گرینائٹ درآمد کرنے کی بجائے برآمد کر کرنے کے قابل ہو جائیں گے جس سے ملک کے زرِ مبادلہ میں بھی اضافہ ہو گا۔

مردان میں سمال انڈسٹریز سٹیٹ 1974میں قائم ہوئی جس میں لگے 222 سنگِ مرمر کے کارخانوں کا فضلہ ایک نالے کے ذریعہ کلپانی نامی ندی میں جا گرتا ہے۔ کلپانی ندی آگے جا کر نوشہرہ کے علاقہ کھنڈر میں دریائے کابل سے جا ملتی ہے اور وہاں سے ہوتی ہوئی اٹک کے مقام پر دریائے سندھ میں شامل ہو جاتی ہے۔

سمال انڈسٹریز سٹیٹ مردان کے ڈپٹی ڈائریکٹر سید غالب حسین شاہ نے سُجاگ کو بتایا کہ 800 کنال اراضی پر محیط اس صنعتی احاطہ میں 222 فیکٹریاں کام کر رہی ہیں جبکہ اس میں مزید 44 صنعتی یونٹس لگانے کی گنجائش موجود ہے۔ ان کا کہنا ہے کہ سنگِ مرمر کا کارخانہ لگاتے وقت مالک کو تحریری طور پر اس بات کا پابند کیا جاتا ہے کہ کیمیائی فضلے کو وہ خود ٹھکانے لگائے گا۔ وہ اس بات کا اعتراف کرتے ہیں کہ محکمانہ سطح پر تاحال ایسا کوئی نظام وضع نہیں کیا گیا جس سے اندازہ ہو سکے کہ روزانہ کی بنیاد پر کتنا فضلہ کلپانی ندی میں گرایا جاتا ہے۔

<h2>پانی کا ہوا ہو جانا</h2>

ماحولیات پر ایک بین الاقوامی تحقیقی جریدہ &rsquo;انوائرمنٹل ٹیکنالوجی اینڈ انوویشن&lsquo; کی ویب سائٹ پر موجود ایک تحقیق کے مطابق سمال انڈسٹریز سٹیٹ مردان میں 12 مختلف مقامات سے زیرِ زمین پینے کی پانی کے نمونے لئے گئے جبکہ اس کے ساتھ ماربل فیکٹریوں میں کام کرنے والے چھ مزدورں سے خون کے نمونے بھی لئے گئے۔ ان کے لیبارٹری معائنہ سے ثابت ہوا کہ کارخانوں سے نکلنے والا فضلہ زیرِ زمین پینے میں شامل ہو جاتا ہے جسے بعد میں پینے کے لئے استعمال کیا جاتا ہے جس کے انسانی صحت پر انتہائی خطرناک اثرات مرتب ہوتے ہیں۔ اس تحقیق میں ماربل انڈسٹریز سٹیٹ مردان میں میں فضلے ملے پانی کے لئے ٹریٹمنٹ پلانٹ کو ازحد ضروری قرار دیا گیا ہے۔

ان کارخانوں کی وجہ سے زیرِ زمین پانی کی سطح بھی روز بروز گرتی چلی جا رہی ہے۔ محکمہ تحفظ ماحولیات کے مردان ڈویژن کے اسسٹنٹ ڈائریکٹر ریاض خان کا کہنا ہے کہ سنگِ مرمر کے تراش خراش کے لئے درکار پانی زمین سے بور کے ذریعے حاصل کیا جاتا ہے جو کہ غیر قانونی عمل ہے۔ انہیں خدشہ ہے کہ &rsquo;&rsquo;اگر اسی طرح سینکڑوں فیکٹریاں زمین سے پانی نکالتی رہیں تو کچھ بعید نہیں کہ آنے والے دنوں میں مردان شہر میں پینے کے پانی بھی میسر نہ ہو۔&lsquo;&lsquo;

ضلع مردان کے محکمہ پبلک ہیلتھ انجنیئرنگ کے انجینئر منصور خان کہتے ہیں کہ اس وقت مردان میں پانی کی سطح 30 سے 40 فٹ پر ہے جبکہ 90 کے دہائی میں پانی کی سطح 10 سے 20 فٹ پر تھی۔

ریاض خان کہتے ہیں کہ قانون کے مطابق ہر ماربل فیکٹری کے لئے ضروری ہے کہ وہ ایک سیفٹی ٹینک بنائے۔ بورنگ سے نکلا ہوا پانی استعمال کے بعد اس سیفٹی ٹینک میں جمع کیا جائے گا۔ اگر کوئی کارخانہ اس پر عمل نہیں کرتا تو اس کے خلاف قانونی کارروائی کی جائے گی۔

لیکن وہ یہ بات بھی تسلیم کرتے ہیں کہ مردان میں نہ تو کبھی کسی سنگِ مرمر کے کارخانے کو جرمانہ کیا گیا ہے اور نہ ہی کسی کارخانہ کو سیل کیا گیا ہے کیونکہ &rsquo;&rsquo;مردان میں تحفظ ماحولیات کا دفتر چندہ ماہ پہلے ہی قائم ہوا ہے۔&lsquo;&lsquo;

محکمہ سمال انڈسٹریز کے ایک اہلکار نے نام نہ بتانے کی شرط پر سُجاگ کو بتایا کہ ان کے محکمہ کی کوشش ہوتی ہے کہ کسی کارخانہ کو موحولیاتی آلودگی سے متعلق قوانین کی خلاف ورزی پر بند نہ کیا جائے۔ اس کی وجہ بتاتے ہوئے وہ کہتے ہیں کہ &rsquo;&rsquo;کارخانے کی بندش سے لوگ بے روزگار ہو جاتے ہیں۔&lsquo;&lsquo;

ماہر ماحولیات ڈاکٹر ولایت شاہ سمجھتے ہیں کہ ملک میں کارخانوں کی ضرورت ہوتی ہے لیکن کارخانے لگانے والوں کو ماحول کا بھی خیال رکھنا ہو گا اور اس کے لئے بنائے گئے قوانین پر عمل بھی کرنا ہو گا۔ انہوں نے کہا کہ اگر کوئی کارخانہ آبی، فضائی یا زمینی ماحول کو خراب کر رہا ہے تو اس کے خلاف قانونی کاروائی ہونی چاہئے۔ وہ کہتے ہیں کہ &rsquo;&rsquo;دیکھنے میں آیا ہے کہ متعلقہ قوانین کی خلاف ورزی پر انوائرمینٹل پروٹیکشن ٹریبونل کارخانہ مالکان کو معمولی سا جرمانہ کرتا ہے۔ جس کے بعد کارخانہ دار ماحول اور آبی ذخائر کو آلودہ کرنے کا عمل جاری رکھتا ہے۔

سنگِ مرمر کی صنعت سے پچھلے 10 برس سے وابستہ محمد یونس کہتے ہیں کہ سمال انڈسٹریز سٹیٹ مردان سے سے نکلنے والی فضلے کو ٹھکانے لگانے کے لئے انہوں نے کئی مرتبہ محکمہ سمال اندسٹری کے ڈائریکٹر سے ملاقاتیں کی ہیں &rsquo;&rsquo;لیکن ہمارے ساتھ صرف وعدے کئے جاتے ہیں اور ابھی تک عمل نہیں کیا گیا۔&lsquo;&lsquo;

ان کی تجویز ہے کہ اگر سمال انڈسٹریز سٹیٹ کے قریب ہی پڑی مردان ڈویلپمنٹ اتھارٹی کی 12 کنال اراضی کو &rsquo;&rsquo;ان کارخانوں کے فضلے کے گرانے کے لئے مختص کر دیا جائے یا اس مقصد کے لئے وہ ہمیں کرایہ پر دے دی جائے تو اس مسئلہ کو احسن طریقہ سے حل کیا جا سکتا ہے۔&lsquo;&lsquo;

پتھر پیسنے والے کارخانوں میں موت پھانکتے مزدور: 'یہ کام ہم سب کو کھا گیا ہے'۔

مردان کے ندی نالے ماربل فیکٹریوں کے فضلے سے بھر گئے، شہریوں کی صحت سنگین خطرات سے دوچار

مردان تحصیل سٹی کونسل کی خاتون رکن کوثر وسیم کو گلہ ہے کہ خیبر پختونخوا کی حکومت کی جانب کروائے گئے بلدیاتی انتخابات کے پہلے مرحلہ کے ایک سال پورے ہونے کے بعد بھی 23 ہزار کے قریب منتخب نمائندوں کو ان کے قانونی اختیارات اور مختص شدہ فنڈز منتقل نہیں کیے جا رہے۔&nbsp;

کوثر، جو 2015 کے بلدیاتی انتخابات میں ویلج کونسل کی رکن رہ چکی ہیں، کہتی ہیں کہ &quot;پہلے تو ہمارے پاس پیدائش سرٹیفیکیٹ، شادی کے سرٹیفیکیٹ اور ڈیتھ سرٹیفیکیٹ پر دستخط کرنے کی اختیارات تھے۔ اس دفعہ تو وہ بھی نہیں ہیں۔&quot;

اس ماہ کی 19 تاریخ کو خیبر پختونخوا میں ہونے والے بلدیاتی حکومتوں کے انتخابات کے پہلے مرحلہ کو ایک سال کا عرصہ بیت چکا ہے۔ لیکن عوام کے مسائل کے حل پر توجہ مرکوز کرنے کی بجائے منتخب نمائندے بنی گالہ میں پاکستان تحریک انصاف کے چیئرمین عمران خان کی رہائش گاہ کے باہر دھرنا دینے کی منصوبہ بندی کر رہے ہیں۔&nbsp;

بلدیاتی نمائندوں کی تنظیم، لوکل کونسل ایسوسی ایشن خیبر پختونخوا، کے صدر حمایت ﷲ مایار کا کہنا ہے کہ تمام منتخب نمائندوں نے اس دھرنے کے لئے 5 جنوری کا انتخاب کیا ہے۔&nbsp;

پاکستان تحریک انصاف کی صوبائی حکومت نے 2019 میں خیبر پختونخوا لوکل گورنمنٹ ایکٹ میں ایک سو 20 ترامیم کیں اور اسی ترمیم شدہ قانون کے تحت صوبے میں مرحلہ وار بلدیاتی انتخابات کروائے گئے۔ اس قانون کے تحت 19 دسمبر 2021 کو 17 اضلاع میں بلدیاتی انتخابات کے پہلے مرحلے کا انعقاد کیا گیا جبکہ 31 مارچ 2022 کو دوسرے مرحلے میں صوبے کے باقی 18 اضلاع میں بلدیاتی الیکشن کروائے گئے۔&nbsp;

ان انتخابات میں کُل دو ہزار نو سو 96 ویلج کونسل, پانچ سو پانچ نیبرہڈ کونسل کے نمائندگان کے ساتھ ساتھ ایک سو 24 تحصیل کونسلوں اور سات سٹی تحصیل کونسلوں کے چئیرمینوں اور میئرز کا انتخاب کیا گیا۔&nbsp;

پہلے مرحلہ میں 17 اضلاع میں انتخابات میں جمعیت علماءِ اسلام (فضل) نے سب سے زیادہ نشستوں پر کامیابی حاصل کی۔ جبکہ دوسرے مرحلہ میں 18 اضلاع میں انتخابات ہوئے جس میں حکمراں جماعت پاکستان تحریک انصاف نےدوسری جماعتوں پر سبقت حاصل کی۔

مجموعی طور پر ایک سو 24 تحصیل کونسلوں میں سے پاکستان تحریک انصاف 47 نشستوں پر کامیابی حاصل کر سکی جبکہ سات سٹی تحصیل کونسلوں میں سے بھی صرف تین پر کامیاب قرار پائی۔&nbsp;

حمایت ﷲ مایار، جو مردان سٹی تحصیل کونسل کے میئر بھی ہیں، کہتے ہیں کہ بلدیاتی انتخابات میں اپوزیشن جماعتوں کے نصف سے زیادہ نشستوں پر کامیاب ہونے کی وجہ سے صوبے میں پاکستان تحریک انصاف کی حکومت کو بلدیاتی نمائندوں کے اختیارات کو محدود کرنے کے لئے قانون میں ایک بار پھر تبدیلیاں کرنا پڑیں۔&nbsp;

اس سال 3 جون کو لوکل گورنمنٹ ایکٹ میں مزید 17 تبدیلیاں کی گئیں جنہیں اپوزیشن جماعتوں سے تعلق رکھنے والے منتخب نمائندگان اپنے مالی اور انتظامی اختیارات کو محدود کرنے سے تعبیر کرتے ہیں۔

مایار کہتے ہیں کہ تحصیل چئیرمین کے لئے مستقل دفاتر کا نوٹیفیکیشن بھی ابھی تک جاری نہیں ہوا جس کی وجہ سے تحصیل چئیرمینوں کے دفاتر کا اختیار متعلقہ ڈپٹی کمشنروں کے پاس ہے۔ ان کے بقول &quot;اس طرح ایجوکیشن، ایگریکلچر، ایگریکلچر ایکسٹینشن، کلچر، بہبود آبادی، لائیو سٹاک، سوئل کنزرویشن، سوشل ویلفئیر، سپورٹس اور امورِ نوجوانان کے محکمے تحصیل چئیرمین کے زیر نگرانی آتے ہیں۔ لیکن دفاتر کے نوٹیفکیشن نہ ہونے کی وجہ سے یہ تمام اختیارت فی الوقت ڈپٹی کمشنروں کے پاس ہیں۔&quot;&nbsp;

رہی سہی کسر 23 جون کو نافذ ہونے والے رولز آف بزنس (قواعد و ضوابط) نے پوری کر دی۔&nbsp;

<h2>مختص فنڈز کی عدم فراہمی</h2>

مایار کہتے ہیں کہ بلدیاتی نمائندنوں کو لوکل گورنمنٹ ایکٹ کے تحت دیئے گئے اختیارات رولز آف بزنس میں شامل کر دیئے گئے ہیں جس کی وجہ سے مقامی حکومتوں کے اختیارات میں کمی بیشی کے لئے اب صوبائی حکومت کو اسمبلی سے ترمیم کروانے کی ضرورت نہیں رہی۔ اب یہ اختیار صوبائی کابینہ کو دے دیا گیا ہے۔

بلدیاتی نمائندوں کا کہنا ہے کہ مالی سال 2021-22 کے لئے پراونشنل فنانس کمیشن ایوارڈ کے تحت مقامی حکومتوں کے لئے 15 ارب روپے رکھے گئے تھے۔ اگرچہ اپریل 2021 میں مقامی حکومتیں قائم ہو چکی تھیں لیکن مالی سال کے اختتام (30 جون 2021) تک اس مد میں ایک پیسہ بھی جاری نہیں کیا گیا۔&nbsp;

اسی طرح رواں مالی سال (2022-23) میں بھی مقامی حکومتوں کے لئے اس ایوارڈ کے تحت 41 ارب روپے رکھے گئے ہیں لیکن صوبائی حکومت نے تمام کے تمام فنڈز روک رکھے ہیں جس کی وجہ سے بلدیاتی حکومتیں مفلوج ہو کر رہ گئی ہیں۔&nbsp;

لوکل کونسل ایسوسی ایشن نے پشاور ہائی کورٹ میں لوکل گورنمنٹ ایکٹ 2019 میں ترامیم کے خلاف رٹ بھی دائر کر رکھی ہے جس میں ان کا استدلال ہے کہ بلدیاتی نمائندوں کے اختیارات لوکل گورنمنٹ ایکٹ سے نکال کر رولز آف بزنس میں ڈالنا اور پھر ان قواعد و ضوابط کے ذریعے میئر اور چیئرمین کے اختیارات لے کر افسر شاہی کو دینا آئین میں دیئے گئے اقتدار کو نچلی سطح پر منتقل کرنے کے تصور کے منافی ہے۔&nbsp;

اس تمام صورتِ حال کے بارے میں صوبائی وزیرِ بلدیات فیصل امین گنڈاپورا کہتے ہیں کہ خیبر پختونخوا حکومت کے ریونیو کا زیادہ تر انحصار وفاقی حکومت پر ہے۔ ان کے مطابق &quot;جب سے مرکز میں پاکستان ڈیموکریٹک موومنٹ کی حکومت قائم ہوئی ہے ہمارے صوبہ کو کچھ نہیں دیا جا رہا۔ سارا مسئلہ فنڈز کا ہے۔ ہمارے پاس تنخواہیں دینے کے پیسے نہیں ہیں تو ان کو کہاں سے دیں؟&quot;

پنجاب میں مقامی حکومتوں کی بحالی کا فیصلہ: بہت دیر کی مہرباں آتے آتے۔

خیبر پختونخوا کا بلدیاتی نظام کیوں مفلوج ہو کر رہ گیا ہے؟

کلپانی ندی ایک گندے نالے کا روپ دھار چکی ہے۔&nbsp;

وسطی خیبرپختونخوا کے شہر مردان کے بیچوں بیچ گزرنے والی یہ ندی چار دہائیاں پہلے اتنی صاف شفاف ہوتی تھی کہ، 87 سالہ مقامی باشندے نورالاسلام کے مطابق، لوگ اس کا پانی نہ صرف پینے کے لیے استعمال کرتے تھے بلکہ مقامی خواتین اس میں کپڑے بھی دھوتی تھیں۔ ان کا یہ بھی کہنا ہے کہ &quot;قیام پاکستان سے پہلے مقامی ہندو برادری بھی پوجا پاٹ کرنے سے پہلے اسی میں اشنان کیا کرتی تھی&quot;۔&nbsp;

لیکن وہ کہتے ہیں کہ 1980 کی دہائی سے شہر کا استعمال شدہ گندا پانی اور کوڑاکرکٹ مسلسل اس ندی میں پھینکے جا رہے ہیں جس سے رفتہ رفتہ اس کا پانی شدید آلودہ ہو گیا ہے۔ اب تو نوبت یہاں تک پہنچ چکی ہے کہ &quot;اس کا پانی پینا تو درکنار اس سے اٹھنے والے تعفن کے باعث اس کے قریب سے گزرنا بھی مشکل ہے&quot;۔&nbsp; 
کلپانی ندی کی آلودگی نے اس کے ارد گرد موجود زیرزمین پانی کو بھی خراب کر دیا ہے جس کے باعث اس کے کناروں پر آباد لوگوں میں یرقان اور پیٹ کی بیماریاں عام ہو گئی ہیں۔ ڈسٹرکٹ ہیڈ کوارٹرز ہسپتال مردان سے وابستہ لیبارٹری سے جمع کیے گئے اعدادوشمار اس آبی آلودگی کی نشان دہی کرتے ہوئے انکشاف کرتے ہیں کہ اِس سرکاری طبی مرکز میں اس سال فروری سے جولائی تک پیٹ کے امراض میں مبتلا جن دو ہزار دو سو لوگوں کا علاج کیا گیا ان کی اکثریت مردان خاص، گجر گڑھی اور جھنڈی نامی ایسے علاقوں سے تعلق رکھتی تھی جو اس ندی کے کنارے آباد ہیں۔ ان اعدادوشمار سے یہ پتہ بھی چلتا ہے کہ گزشتہ چار مہینوں میں اس ہسپتال میں لائے جانے والے یرقان کے دو ہزار 95 مریضوں میں سے بیشتر بھی انہی آبادیوں کے رہنے والے تھے۔&nbsp;

اسی ہسپتال میں ماہر امراض اطفال کے طور پر کام کرنے والے ڈاکٹر محمد عقیق بھی کہتے ہیں کہ ان کے پاس &quot;علاج کے لیے لائے جانے والے اکثر بچے معدے کی ایسی بیماریوں میں مبتلا ہوتے ہیں جو عموماً آلودہ پانی پینے سے لاحق ہوتی ہیں&quot;۔ ان کے مطابق &quot;ان بچوں کے بیمار ہونے کی بڑی وجوہات کلپانی ندی کی آلودگی اور شہر کی بہت سی آبادیوں میں ان پائپ لائنوں کا گڈ مڈ ہونا ہے جو پینے کے پانی کی فراہمی اور گندے پانی کی نکاسی کے لیے بچھائی گئی ہیں&quot;۔&nbsp;

<h2>ندی کی بحالی: کس کی ذمہ داری؟</h2>

خیبرپختونخوا کے شمالی ضلع مالا کنڈ کی تحصیل درگئی کے علاقہ مچھی کے قدرتی چشموں سے نکلنے والی کلپانی ندی 55 کلو میٹر کا فاصلہ طے کر کے ضلع نوشہرہ میں کھنڈر نامی مقام پر دریائے کابل میں شامل ہو جاتی ہے۔ اس سفر کے دوران یہ پانچ کلومیٹر طویل شہری اور 23 کلومیٹر طویل دیہی آبادیوں میں سے گزرتی ہے۔

خیبرپختونخوا کے محکمہ آبپاشی کے مردان میں متعین ایگزیکٹو انجینئر سید احمد امین شاہ کہتے ہیں کہ جب یہ ندی مردان شہر سے گزرتی ہے تو ایک طرف تو مقامی ہسپتالوں اور سنگ مرمر کی تراش خراش کرنے والے درجنوں کارخانوں کا فضلہ اس میں شامل ہو جاتا ہے اور دوسری طرف استمال شدہ گندے پانی کے 65 ایسے نالے بھی اس میں گرتے ہیں جن کی دیکھ بھال کرنا مختلف سرکاری اداروں کی ذمہ داری ہے۔

وہ کہتے ہیں کہ اس آلودگی کی روک تھام کے لیے گزشتہ سال انہوں نے مردان کی ضلعی انتظامیہ، تحصیل میونسپل ایڈمنسٹریشن، واٹر اینڈ سینی ٹیشن سروس کمپنی اور کنٹونمنٹ بورڈ کو خطوط لکھ کر کہا کہ وہ اپنے اپنے زیرِانتظام گندے نالوں کا رخ ندی کے بجائے کسی اور جانب موڑیں۔ لیکن وہ کہتے ہیں کہ &quot;ان خطوط پر تاحال کوئی کارروائی نہیں ہوئی&quot;۔&nbsp;

ان کے مطابق ان کا محکمہ بھی اس سلسلے میں مزید کچھ نہیں کر سکتا &nbsp;کیونکہ &quot;اس کے پاس ایسے کوئی قانونی اختیارات موجود نہیں جنہیں استعمال کر کے وہ اس آلودگی کے ذمہ دار لوگوں اور اداروں کے خلاف کوئی موثر کارروائی کر سکے&quot;۔ اس ضمن میں وہ 1873 کے کینال ڈرینیج ایکٹ کی دفعہ 70 کا حوالہ دیتے ہوئے کہتے ہیں کہ اگرچہ اس کے تحت آبی گزرگاہوں میں استمعال شدہ گندا پانی یا کوڑاکرکٹ پھینکنا ایک جرم ہے لیکن پچھلی دو دہائیوں سے اس جرم میں ملوث افراد یا اداروں کو سزا دینا محکمہ آب پاشی کے دائرہ اختیار سے باہر کر دیا گیا ہے۔&nbsp;

اس کے برعکس ماضی میں اس محکمے میں کینال مجسٹریٹ ہوا کرتے تھے جو آبی آلودگی میں ملوث لوگوں کو موقع پر سزائیں دے سکتے تھے۔ لیکن وہ کہتے ہیں کہ 2002 میں جنرل پرویز مشرف کی حکومت نے عدلیہ اور انتظامیہ کو ایک دوسرے سے علیحدہ کرتے ہوئے یہ عہدہ ختم کر دیا اور اس کے اختیارات ضلعی عدلیہ کو دے دیے۔ ان کے مطابق اب ان کا محکمہ &quot;آبی گزرگاہوں کو گندا کرنے والے افراد اور اداروں کے خلاف ایک سول جج کی عدالت میں محض مقدمات درج کرا سکتا ہے جبکہ انہیں سزا دینا یا نہ دینا مکمل طور پر عدلیہ کا استحقاق ہے&quot;۔

لیکن، ان کے بقول، &quot;عدالتیں معمولی سے معمولی مقدمہ نمٹانے میں بھی اکثر چار سے پانچ سال لگا دیتی ہیں&quot; جس کے باعث آلودگی میں ملوث لوگوں کا یہ خوف دور ہو چکا ہے کہ انہیں اپنے جرم کی فوری سزا بھگتنا ہو گی۔&nbsp;

ان کے مطابق اس صورت حال میں تبدیلی کا ایک ہی راستہ ہے کہ پرانا نظام واپس آ جائے۔ اس سلسلے میں ہونے والی ایک اہم پیش رفت کا ذکر کرتے ہوئے وہ کہتے ہیں &quot;اس سال اگست میں پشاور ہائی کورٹ نے کینال مجسٹریٹ کے اختیارات بحال کرنے کا حکم دے دیا ہے&quot;۔ اگرچہ ابھی تک اس عدالتی حکم کے نتیجے میں عملی طور پر کوئی تبدیلی نہیں آئی لیکن وہ کہتے ہیں کہ جب کبھی ایسا ہو جائے گا تو یہ مجسٹریٹ کلپانی ندی کی آلودگی میں ملوث لوگوں کو موقع پر سزائیں دے سکیں گے۔&nbsp;

آبی آلودگی سے منسلک دوسرے سرکاری ادارے، صوبائی محکمہ تحفظ ماحولیات، کو بھی اپنے اختیارات محدود ہونے کی شکایت ہے۔ اس کے مردان میں متعین اسسٹنٹ ڈائریکٹر ریاض خان کہتے ہیں کہ ان کا محکمہ عام افراد اور سرکاری اداروں کے خلاف کوئی کارروائی کر ہی نہیں سکتا بلکہ اس کے دائرہِ کار میں صرف ایسی تجارتی، صنعتی اور ترقیاتی سرگرمیاں آتی ہیں جنہیں اپنے ماحولیاتی اثرات کی وجہ سے اس کی مسلسل نگرانی درکار ہوتی ہے۔

ان کا کہنا ہے کہ اسی نگرانی کے اختیار کو استعمال کرتے ہوئے انہوں نے مردان اور اس کے گردونواح میں سنگ مرمر کے 60 ایسے کارخانوں کو نوٹس بھیجے ہیں جو اپنا استعمال شدہ زہریلا پانی کلپانی ندی میں ڈال کر اس کو آلودہ کر رہے ہیں۔ ان کے مطابق اس کارروائی کے نتیجے میں ان کارخانوں کے خلاف تحفظ ماحولیات کی خصوصی عدالتوں میں مقدمے بھی چل رہے ہیں۔&nbsp;

تاہم تحصیل مردان کے میئر حمایت اللہ مایار کے خیال میں کلپانی ندی کی آلودگی محض انتظامی اور عدالتی اقدامات سے دور نہیں ہو گی بلکہ اس کے لیے مربوط منصوبہ بندی کرنا ہو گی۔ اسی لیے، ان کے مطابق، شہری اور صوبائی حکومتیں ایشیائی ترقیاتی بنک سے مل کر سات اربے روپے کی لاگت سے ایک ایسا منصوبہ تیار کر رہی ہیں جو اس ندی کی بحالی میں اہم کردار ادا کرے گا۔ &nbsp;

مردان کی واٹر اینڈ سینی ٹیشن سروس کمپنی کے ترجمان جنید یوسف زئی اس منصوبے کی تفصیلات بیان کرتے ہوئے کہتے ہیں کہ &quot;اس کے تحت ایک ایسا پلانٹ تعمیر کیا جائے گا جو مردان شہر کی چھ یونین کونسلوں سے نکلنے والا سارا گندا پانی اور دو یونین کونسلوں کی نصف آبادی کا استعمال کردہ پانی صاف کرنے کی اہلیت رکھتا ہو گا&quot;۔&nbsp;

اگرچہ ابھی اس پلانٹ کی تعمیر شروع نہیں ہوئی لیکن، ان کے مطابق، ایک کمپنی کو اس کام کا ٹھیکہ دے دیا گیا ہے۔ ان کا کہنا ہے کہ &quot;جیسے ہی اس پلانٹ کا تعمیراتی کام مکمل ہو جائے گا تو مردان کا بیشتر گندا پانی کلپانی ندی میں بھیجے جانے کے بجائے اس کی طرف موڑ دیا جائے گا&quot;۔

عبدالستار