In Sindh, the government has established the price of wheat at 4000 rupees, yet farmers find themselves compelled to sell their produce at 3500 rupees, highlighting a significant gap in the a

Disparity in Wheat Prices: Sindh Government Sets Rate at 4000 Rupees, Farmers Compelled to Sell at 3500 Rupees

سندھ: گندم کی سرکاری قیمت 4000، کسان 3500 روپے میں فروخت کرنے پر مجبور

video

In Golarchi, Badin District, farmers face adversity due to the unavailability of revenue records. Discover the challenges they endure and the impact on their livelihoods as they strive to ove

Plight of Golarchi Farmers: Impact of Revenue Record Unavailability in Badin District

مصطفیٰ ایاز مہیری، بدین کی تحصیل گولاڑچی کے رہائشی ہیں جو گاؤں حاجی چاکر مہیری میں 248 ایکڑ زرعی رقبے کے مالک ہیں۔ جس میں سے ان کی 148 ایکڑ اراضی دیہہ کھاریوں اور 100 ایکڑ دیہہ آگڑی میں واقع ہے۔ لیکن یہ زمین ابھی تک ان کے مرحوم والد کے نام ہے جن کی وفات کو طویل عرصہ بیت چکا ہے۔

وہ تحصیل گولاڑچی اور ضلع بدین کے مال افسروں پر سخت برہم دکھائی دیے۔

انہوں نے بتایا&nbsp; کہ زمین کی اپنے نام منتقلی اور ریکارڈ کے حصول کے لیے وہ دو سال سے ریونیو دفاتر کے چکر کاٹ رہے ہیں&nbsp; اور&nbsp; پچاس ہزار روپے خرچ بھی کر چکے ہیں۔ تاہم ابھی تک یہ دستاویزات بنوانے میں کامیاب نہیں ہو سکے۔

وہ کہتے ہیں کہ&nbsp; انہوں&nbsp; نے اراضی کی تمام قانونی دستاویزات اور متعلقہ کاغذات گولاڑچی ریونیو آفس میں تپیدار (پٹواری)،اسسٹنٹ کمشنر اور مختیار کار (تحصیلدار) کے پاس جمع کرا دیے ہیں مگر انہیں نقل انتقال اور فرد ملکیت جاری نہیں کی جا رہیں۔

&quot;محکمہ مال کے افسروں اور اہلکاروں کی نااہلی کے باعث ہم اپنی ہی جائیداد کے چور بنے ہوئے ہیں۔ ملکیتی دستاویزات کی عدم موجودگی کی وجہ سے ہم نہ صرف اپنی جائیداد فروخت کرنے کے حق سے محروم ہیں بلکہ کاشتکاری کے لیے بینک سے قرضہ بھی نہیں لے سکتے۔&quot; 
یہ صرف مصطفیٰ ایاز کا مسئلہ نہیں ہے بلکہ تحصیل گولاڑچی کے ہزاروں زمیندار اور کسان اسی تکلیف سے گزر رہے ہیں۔

ستائیس دسمبر 2008ء کی شام جب محترمہ بے نظیر بھٹو کو ایک دہشت گرد حملے میں شہید کیا گیا تو ملک بھر میں اس المناک واقعے پر شدید غم و غصہ دیکھنے میں آیا تھا جس کے بعد سندھ بھر کے چھوٹے بڑے شہروں میں مشتعل لوگوں نے نجی اور سرکاری املاک پر حملے شروع کر دیئے تھے۔

&nbsp;اس رات ضلع بدین میں بپھرے ہجوم نے کئی سرکاری اور غیر سرکاری عمارتوں کو آگ لگا دی تھی۔ اس احتجاج میں تعلقہ ہیڈ کوارٹر گولاڑچی کے ریونیو آفس کو بھی جلا دیا گیا تھا جس کے نتیجے میں یہاں موجود دیگر سرکاری دستاویزات کے ساتھ تحصیل بھر کا ریونیو ریکارڈ بھی راکھ ہو گیا تھا۔

اس آتشزدگی سے تحصیل گولاڑچی کی تمام 14 یونین کونسلوں کے کھاتے دار متاثر ہوئے جن میں گولاڑچی، کھور واہ، خانانی جت، کھور واہ چوک، دبی، جھول، دھادھرکو، کڑیو گھنور، راہوکی، ترائی، احمد راجو ،فتح آباد، گھرہڑی، اور کنڈیاری شامل ہیں۔

&nbsp;ان یونین کونسلز میں کل 99 دیہات آتے ہیں تاہم 84 کا ریکارڈ مکمل طور پر خاکستر ہو گیا تھا جن میں مخدوم پور، سوڈھکی، ولہار، کھور واہ، نڑبٹ، ڈھانڈھو، پٹیہل، فٹون، چھچھ، بکیرانی، ملکی، میانو کرڑاٹھ، نوحکی، لکھی، گھجھڑی، فتح پور، چاکری جیسے بڑے دیہات شامل ہیں جبکہ 15 دیہات کے ریکارڈ کو جزوی نقصان پہنچا تھا۔

اس واقعے کو 16 سال بیت چکے ہیں جس کے دوران ضلع بدین اور تحصیل گولاڑچی میں کئی ڈپٹی کمشنر، اسٹنٹ کمشنر، مختیار کار آئے اور چلے گئے مگر تباہ شدہ ریونیو ریکارڈ دوبارہ مکمل طور پر بحال نہیں کیا جا سکا۔

تحصیل گولاڑچی چار لاکھ 16 ہزار ایکڑ رقبے پر مشتمل ہے جس میں محکمہ مال کے پٹواریوں ہیمو کولہی اور علی نواز کھوسو کے مطابق تحصیل کے زرعی رقبے کے کھاتے داروں کی تعداد ساڑھے سات ہزار کے قریب ہے، ان میں سے 80 فیصد کے قریب کاشت کار ریکارڈ جلنے کے باعث متاثر ہوئے ہیں۔

سرکاری اعداد و شمار کے مطابق اس تحصیل کا لگ بھگ ایک لاکھ 75 ہزار ایکڑ رقبہ زیر کاشت ہے۔ جبکہ مقامی سیاسی رہنما امیر آزاد پنہور کے خیال میں زیر کاشت رقبہ زیادہ ہے لیکن سرکاری عملہ مالیہ،آبیانہ خورد برد کرنے کے لیے کم ظاہر کرتا ہے۔

تاہم زرعی بینک زمین گروی رکھے بغیر زمینداروں کو ٹریکٹر وغیرہ جیسی مشینری کے لیے قرضے جاری نہیں کرتا اور نہ ہی کاشت کی تصدیق شدہ دستاویزات کے بغیر کسانوں کو کھاد و بیج کے لیے کوئی رقم دیتا ہے۔

ریونیو ریکارڈ نہ ہونے کے باعث اس تحصیل میں کاشت کاروں کے نقصان کا اندازہ تو کسی نے نہیں لگایا البتہ یہاں کے زرعی ترقیاتی بینک کو اپنے نقصان کا خوب اندازہ ہے۔

زرعی ترقیاتی بینک گولاڑچی برانچ کے منیجر عدنان عزیز ارائیں نے لوک سُجاگ کو بتایا کہ ریونیو ریکارڈ جلنے سے مجموعی طور پر بینک کے منافعے میں 12 کروڑ کی کمی آئی ہے، کیونکہ بینک صرف ان لوگوں کو زرعی پراپرٹی پر قرضے جاری کر رہا ہے جن کی دستاویزات مکمل ہیں۔

&quot;ماضی میں ہمارا زرعی قرضے کا پورٹ فولیو (حجم)&nbsp; 60 کروڑ سے بھی زیادہ تھا مگر اب کم ہو کر مجموعی طور پر 36 کروڑ روپے پر آ چکا ہے۔ یہاں اکثر کسان ریونیو ریکارڈ نہ ہونے کے باعث قرض لینے کی سہولت سے محروم ہیں۔&quot;

بعض جگہ بجلی کا میٹر لگوانے تک کے معاملات میں بھی لوگوں کو پریشانی کا سامنا کرنا پڑتا ہے۔ کیونکہ حیسکو قوانین کے تحت بجلی کنکشن کے لیے گھر یا عمارت کی ملکیتی دستاویزات کی ضرورت ہوتی ہے۔

تاہم حیسکو کے ڈائریکٹر پبلک ریلیشنز محمد صادق کبرک کا کہنا ہے کہ جن علاقوں کا سٹی سروے نہیں کیا گیا وہاں گھریلو کنکشن کے لیے یونین کونسل کا جاری کردہ ریزیڈنشل (رہائشی) سرٹیفیکیٹ قبول کر لیا جاتا ہے۔

پچاس سالہ دھنو نوحانی، یوسی راہوکی کے علاقے دیہہ کاکیجانی میں 12 ایکڑ کے کاشت کار ہیں۔ وہ بتاتے ہیں کہ انہوں نے ریکارڈ کی درستی کے لیے محکمہ ریونیو کو درخواست دے رکھی ہے مگر کوئی سننے والا نہیں۔

&quot;تپیدار بھاری رشوت لینے کے باوجود ہمیں اپنی زمین کی نقل انتقال اور فرد ملکیت جاری نہیں کر رہے۔ میں 2015ء سے کبھی ریونیو آفس گولاڑچی، تو کبھی ڈی سی آفس بدین اور کبھی بورڈ آف ریونیو حیدر آباد کے دھکے کھا کھا کر تنگ آ گیا ہوں مگر ابھی تک کام نہیں ہوا۔&quot;

اس سلسلے میں آبادگار رهنما جاکھرو نوحانی اور مرزا نذیر بتاتے ہیں کہ انہوں نے ریونیو ریکارڈ کی بحالی اور محکمہ مال کی بد عنوانیوں کے خلاف پچھلے دس سال کے دوران درجنوں احتجاجی مظاہرے اور دھرنے کیے ہیں مگر ان کا کوئی فائدہ نہیں ہوا۔

&nbsp;صوبائی اسمبلی کے سابق امیدوار اور سماجی رہنما امیر آزاد پنہور کے مطابق 2008ء سے 2013ء تک گولاڑچی میں تعینات ایک قابل اسٹنٹ کمشنر حاجن اجن نے تحصیل کا تمام ریونیو ریکارڈ دوبارہ بنوا لیا تھا،&nbsp; تاہم ریونیو حکام نے اسے رد کر دیا اور پھر سے ریکارڈ بنانے کا حکم جاری کر دیا تھا جس پر 10 سال بعد بھی عمل نہیں ہو سکا ہے۔

اس ضمن میں موقف کے لیے گولاڑچی کے تحصیلدار ریونیو سجاد صداقت شر سے رابطہ کرنے کی بار بار کوشش کی گئی لیکن رابطہ نہیں ہوا۔

تاہم اسٹنٹ کمشنر گولاڑچی فہد میر سہتو تصدیق کرتے ہیں کہ 2013ء تک 90 فیصد ریکارڈ مکمل کر لیا گیا تھا مگر اگلے سال یعنی 2014ء میں اس وقت کے سینئر ممبر بورڈ آف ریونیو حیدر آباد ڈویژن نذر محمد لغاری کی ٹیم نے ضروری دستاویزات مکمل نہ ہونے کا اعتراض لگا دیا تھا۔

&quot;اب ہمارا مختیارکار، پٹواری اور دیگر عملہ تمام دستاویزات کی تصدیق کرنے کے بعد کھاتے دار کی فائل ایڈیشنل ڈپٹی کمشنر ون کو بدین بھیجتے ہیں جہاں سے فائل ویریفیکیشن سرٹیفکیٹ کے ساتھ ہمارے پاس واپس آتی ہے۔ جس کے بعد ہم کھاتے دار کو مالکانہ حقوق کا ساتواں فارم جاری کرتے ہیں۔&quot;

وہ کہتے ہیں کہ ریکارڈ جل جانے اور کھاتےداروں کی جانب سے ضروری کاغذات جمع نہ کرانے کے باعث ریکارڈ بنانے میں تاخیر ہو رہی ہے۔

فہد میر، رشوت یا پیسہ بٹورنے کے سارے الزامات کی تردید کرتے ہیں۔

ایڈیشنل ڈپٹی کمشنر بدین جاوید احمد ڈاھری بھی تحصیل گولاڑچی کے ریونیو ریکارڈ کی دوبارہ تیاری میں تاخیر کی ذمہ داری کھاتے داروں پر ڈالتے ہیں۔

&quot;کھاتے داروں کی سستی اور عدم دلچسپی کے باعث ریکارڈ کا 60 فیصد کام بھی مکمل نہیں ہوا۔ میں نے یہاں آنے کے بعد 150 رجسٹریاں کی ہیں تاہم لوگوں کے تعاون سے کام میں تیزی کی گنجائش موجود ہے۔&quot;

"جدید کاشتکاری اچھی بات ہے لیکن غریب کسان کیا کرے؟"

گولاڑچی کے بیشتر کسان اپنی زمینوں کے مالک کیوں نہیں رہے؟

text

Gain insight into the Badin, Sindh election as it unfolds, with updates on candidates, issues, and voter sentiment. Stay informed about the political dynamics shaping governance in this cruci

Decision Time: Badin, Sindh Election - Navigate the Political Landscape

بحیرہ عرب کی ساحلی پٹی پر واقع ضلع بدین میں دو قومی اور پانچ صوبائی نشستوں پر انتخابات ہوں گے۔ جہاں مجموعی انسانی آبادی 19 لاکھ 47 ہزار 81 ہے۔

اس ضلعے میں درج ووٹروں کی کل تعداد نو لاکھ 42 ہزار 176 ہے جن میں پانچ لاکھ چھ ہزار&nbsp; مرد اور چار لاکھ 36 ہزار 167 خواتین ووٹر ہیں۔

سابق سٹوڈنٹ لیڈر اور سیاسی کارکن اشرف راہو کڑو بتاتے ہیں کہ اس علاقے میں ٹنڈو غلام علی کے میر بندہ علی خان ٹالپر کاخاندان، راجوخانانی کے میر اللہ بخش ٹالپر، گلاب لغاری کے سریوال، ہالیپوٹہ برادران، لنواری کے پیر، راہوکی کے شہید فاضل راہو کا خاندان اور حیدر آباد سے آ کر مورجھر میں آباد ہونے والے مرزا خاندان کا بڑا اثر موجود ہے۔

وہ کہتے ہیں کہ نظامانی، چانڈیو، پنہور، جمالی، چانگ اور ملاح یہاں کی اکثریتی برادریاں ہیں جبکہ ضلع میں اقلیتی برادری اور بدین کے جنوبی علاقوں میں پنجابی آباد کاروں کا ووٹ بینک بھی بہت اہمیت رکھتے ہیں۔

اس بار بھی پیپلز پارٹی کے شریک چیئرمین آصف علی زرداری کے روٹھے ہوئے پرانے دوست سابق وزیر داخلہ سندھ ڈاکٹر ذوالفقار مرزا اور ان کی اہلیہ ڈاکٹر فہمیدہ مرزا کا خاندان پیپلز پارٹی کے لیے ضلع بدین میں سیاسی طور پر سر درد بنا ہوا ہے جو یہاں گرینڈ ڈیموکریٹک الائنس (جی ڈی اے) کے پلیٹ فارم سے میدان میں ہے۔

2018ء میں پی پی کے میر غلام علی ٹالپر نے این اے 222 ماتلی تلہار اور ٹنڈو باگو پر جی ڈی اے کے حسام مرزا کو ہرا یا تھا۔ اس بار اس نشست پر پیپلز پارٹی کے میر غلام علی، جی ڈی اے کے میر حسین بخش ٹالپر، آزاد امیدوار کمال چانگ سمیت 15 امیدوار الیکشن میں حصہ لے رہے ہیں مگر ان میں سے کوئی اقلیتی یا خاتون امیدوار نہیں ہے۔

ماتلی کے صحافی ستار عمرانی بتاتے ہیں کہ اس حلقے میں میر غلام علی ٹالپر اور میر حسین بخش ٹالپر فرنٹ رنر ہیں۔ ان میں سے میر غلام علی کے والد میر بندہ علی خان سندھ کی پہلی صوبائی اسمبلی کے رکن اور وزیر اعلیٰ رہے جبکہ ان کے بھائی میر محمد حسن خاں بھی رکن صوبائی اسمبلی رہ چکے ہیں۔

میر غلام علی کو ماتلی ٹنڈو باگو اور تلہار کا بہت بڑا ووٹ بینک رکھنے والے وڈیروں اور برادریوں کی حمایت حاصل ہے جبکہ ذوالفقار مرزا کے حمایت یافتہ میر رسول بخش سیاست کے میدان میں نئے کھلاڑی ہیں۔

این اے 223 بدین گولاڑچی پر 2018ء میں جی ڈی اے کی امیدوار سابق سپیکر قومی اسمبلی ڈاکٹر فہمیدہ مرزا نے کڑے مقابلے کے بعد پی پی کے سردار رسول بخش چانڈیو کو ہرایا تھا۔ ڈاکٹر فہمیدہ مرزا نے 94 ہزار 988 ووٹ اور رسول بخش چانڈیو نے 93 ہزار 991 ووٹ لیے تھے یعنی ہار صرف 997 ووٹوں سے ہوئی تھی۔

ڈاکٹر فہمیدہ مرزا یہاں سے پانچ مرتبہ مسلسل رکن قومی اسمبلی منتخب ہو چکی ہیں اور اس بار بھی جی ڈی اے کی امیدوار ہیں جبکہ پی پی کے رسول بخش چانڈیو ، آزاد امیدوار کمال خان چانگ سمیت 14 امیدوار یہاں الیکشن لڑ رہے ہیں جن میں کوئی بھی اقلیتی امیدوار نہیں ہے۔

بدین کی سیاست کو قریب سے جاننے والے تجزیہ کار امیر مندھرو بتاتے ہیں کہ اس حلقے میں ذوالفقار مرزا اپنی اہلیہ کی بھرپور انتخابی مہم چلا رہے ہیں جنہوں نے ماضی میں یہاں خوب ترقیاتی کام کرائے اور لوگوں کو سرکاری نوکریاں دلائیں جس کی وجہ سے انہیں خاصی عوامی حمایت حاصل ہے۔

وہ کہتے ہیں کہ رسول بخش چانڈیو کی الیکشن مہم میں نہ صرف ان کے تین بار ایم پی اے رہنے والے بھائی نواز چانڈیو، سابق ایم پی اے تاج محمد ملاح، سابق وزیر اسماعیل راہو اور پیر آف لنواری شریف کے گدی نشین پیر صادق قریشی شریک ہیں۔ بلکہ چیئرمین بلاول بھٹو اور اس کی بہن آصفہ بھٹو بھی ان کی حمایت میں جلسے کر چکے ہیں۔

لیکن یہاں پی پی کے ناراض رہنما کمال خان چانگ کی بطور آزاد امیدوار موجودگی رسول بخش کے لیے خطرہ بنی ہوئی ہے۔ وہ ماضی میں پی پی کے ضلع ناظم اور رکن قومی اسمبلی بھی منتخب ہو چکے ہیں اور اس حلقے میں ان کے قبیلے کا بڑا ووٹ بینک ہے جو دراصل پی پی کے امیدوار کو جانا تھا۔

&nbsp;کمال خان چانگ بتاتے ہیں کہ انہوں نے پارٹی ٹکٹ کے لیے درخواست دی تھی لیکن ٹکٹ نہیں ملا۔ وہ کئی برادریوں کی حمایت سے 2002ء سے چناؤ لڑ رہے ہیں اور اس بار الیکشن جیت کر دکھائیں گے۔

پی ایس 70 ٹنڈو باگو اور نواحی علاقوں پر مشتمل ہے جہاں پچھلی بار ذوالفقار مرزا اور ڈاکٹر فہمیدہ مرزا کے بڑے صاحبزادے&nbsp; حسنین مرزا نے جی ڈی اے کے ٹکٹ پر پی پی کے سید علی بخش عرف پپو شاہ کو شکست دی تھی۔

&nbsp;اس بار اس حلقے میں پیپلز پارٹی نے تھرپارکر کے نواب ارباب لطف اللہ کے بھائی امیر ارباب امان اللہ کو ٹکٹ دیا ہے جن کے مقابلے میں جی ڈی اے کے حسنین مرزا سمیت 21 امیدوار میدان میں موجود ہیں۔

ٹنڈوباگو کے سماجی رہنما اللہ بچایو راھوکڑو کا کہنا ہے کہ اس حلقے میں مرزا خاندان کا ذاتی ووٹ بینک موجود ہے اور یہاں پیرپگارو کے عقیدت مندوں کی بڑی تعداد بھی حسنین مرزا کی حمایت کر رہی ہے۔

پی پی کے حامی مقامی وڈیرے اندرونی طور پر ارباب امیر امان اللہ کی مخالفت کر رہے ہیں جس کے باعث انہیں مشکلات کا سامنا ہے۔ تاہم ارباب خاندان کا تھرپارکر سے ملحقہ علاقوں میں بڑا اثر ہے جس سے یہ مقابلہ دلچسپ ہو گیا ہے۔

پی ایس 71 بدین کی نشست پر 2018ء میں پیپلز پارٹی کے تاج محمد ملاح نے صرف چند سو ووٹوں کے فرق سے جی ڈی اے کی ڈاکٹر فہمیدہ کو شکست دی تھی۔

اب کی بار اس نشست پی پی کے تاج محمد ملاح کا مقابلہ جی ڈی اے کے حسام مرزا ، آزاد امیدوار کمال چانگ، انور ملاح و دیگرامیدواروں سے ہوگا جن میں دو خواتین ساجدہ پروین اور عابدہ سموں بھی شامل ہیں۔ یہاں بھی کوئی اقلیتی امیدوار میدان میں نہیں ہے۔

امیر مندھرو کا کہنا ہے کہ اس حلقے میں حسام مرزا اور تاج محمد ملاح کے درمیان زبردست مقابلہ ہے تاہم کمال خان چانگ یہاں بھی پی پی کے ووٹ توڑ رہے ہیں۔ ایک اور آزاد امیدوار انور ملاح بھی ملاح برادری کا ووٹ تقسیم کریں گے جس کا فائدہ حسام مرزا اور نقصان تاج محمد ملاح کو ہو رہا ہے۔

پی ایس 72 گولاڑچی سے پچھلی بار پیپلز پارٹی کے اسماعیل راہو نے جی ڈی اے کے ذوالفقار مرزا کو ہرایا تھا۔ اس بار یہاں پی پی کے اسماعیل راہو اور جی ڈی اے کے نوجوان امیدوار امیر آزاد پنھور میں مقابلہ ہوگا تاہم جے یو آئی کے عطاء اللہ سمیت کئی دیگر امیدوار بھی میدان میں موجود ہیں۔

امیر مندھرو کے مطابق اسماعیل راہو ضلع بدین میں پی پی کے مضبوط ترین امیدوار اور نامور ہاری رہنما شہید فاضل راہو کے صاحبزادے&nbsp; ہیں جن کا سندھ میں بہت احترام کیا جاتا ہے۔ اسماعیل راہو پہلے ن لیگ اور پھر پی پی سے رکن اسمبلی منتخب ہو چکے ہیں۔یہاں پارٹی کے علاوہ ان کا ذاتی ووٹ بینک بھی موجود ہے۔

جی ڈی اے کے امیدوار امیر آزاد غریب گھرانے سے تعلق رکھتے ہیں اور سندھ یونائٹڈ پارٹی کے نائب صدر ہیں جن کی انتخابی مہم ڈاکٹر ذوالفقار مرزا اور کچھ نوجوان چلا رہے ہیں۔

اسی طرح پی ایس 69 تلہار میں پی پی کے میر اللہ بخش ٹالپر اور ڈاکٹر عبداللہ کے درمیان مقابلہ ہوگا۔ اشرف راہوکڑو بتاتے ہیں کہ میر اللہ بخش ٹالپر پرانے سیاست دان ہیں اور 1985ء سے مختلف اوقات میں منتخب ہوتے چلے آ رہے ہیں۔ جبکہ ڈاکٹر عبداللہ سیاست میں نو وارد ہیں اس لیے اس حلقے میں کسی بڑے مقابلے یا اپ سیٹ کا امکان نہیں۔

پی ایس 68 ماتلی پر جی ڈی اے کے منصور نظامانی اور پیپلز پارٹی کے ڈاڈا محمد ہالیپوٹو کے درمیان جوڑ پڑے گا۔ یہ دونوں امیدوار پہلی بار اسمبلی پہنچنے کی کوشش کر رہے ہیں۔

ستار عمرانی بتاتے ہیں کہ محمد ہالیپوٹو سابق ارکان اسمبلی بشیر ہالیپوٹو اور عبدللہ ہالیپوٹو کے عزیز ہیں جو مدتوں سے اسمبلیوں کے رکن منتخب ہو رہے ہیں۔ منصور نظامانی کا تعلق حر جماعت سے ہے اور وہ پچھلا الیکشن بھی ہار گئے تھے۔

ان کا کہنا تھا کہ نظامانی برادری کے ماتلی تحصیل میں کافی ووٹ ہیں مگر تقسیم ہیں۔ یہاں کی سب سے بڑی کشمیری برادری پیپلز پارٹی کی حمایت میں کھڑی ہے جس سے محمد ہالیپوٹو کا پلڑا بھاری لگ رہا ہے۔

قانون دان اور اقلیتی رہنما رام کولہی کا خیال ہے کہ بدین میں اقلیتی برادری کے لوگ پیپلز پارٹی کو اس لیے ووٹ دیتے ہیں کہ بیشتر زمینداروں کا تعلق پی پی سے ہے۔ یہ لوگ ان کی زمینوں پر کھیتی باڑی کرتے ہیں اور انہوں نے ان کی زمینوں پر ہی گھر بنا رکھے ہیں۔

سرداروں کے گڑھ ضلع گھوٹکی کی سیاست میں 30 برسوں بعد کیا تبدیلی آئی ہے؟

کیا پیپلز پارٹی بدین میں اس بار مرزا خاندان کو ہرانے میں کامیاب ہو پائے گی؟

&nbsp;سندھ میں ضلع سجاول کے ساٹھ سالہ قاسم تھیمور بحری باز (پیریگرین فالکن) کے ماہر شکاری ہیں اور 15 سال سے عرب امراء کے مقامی ایجنٹوں کے لیے کام کر رہے ہیں۔ یہی ان کا پیشہ اور ذریعہ روزگار&nbsp; ہے۔

&nbsp;وہ بتاتے ہیں کہ شکار ہوائی روزی ہے۔ قسمت ساتھ دے تو وہ سیزن میں دو سے چار باز پکڑ لیتے ہیں۔ جس سے دس بیس لاکھ&nbsp; کما لیتے ہیں۔کبھی کبھی ایک باز بھی ہاتھ نہیں آتا اور تین ماہ کی محنت سمیت کیمپ کا خرچہ سب ضائع ہو جاتا ہے۔

پیریگرین فالکن انٹار کٹیکا کے سوا دنیا کے تقریباً تمام براعظموں میں پائے جاتے ہیں۔ مگر بحری باز فالکونیڈ فیملی میں الگ خصوصیات کا حامل ہے۔ یہ موسم سرما کے آغاز پر پاکستان کے ساحلی اضلاع کے پہاڑی اور دریائی علاقوں میں نمودار ہوتے ہیں اور یہاں جھاڑیوں کی وجہ سے ان کا شکار نسبتاً آسان ہوتا ہے۔

یہاں بحری باز کے شکار کے لیےجھاڑیوں کے درمیان میدان میں گڑھا کھوا جاتا ہے جس میں شکاری موجود رہتا ہے۔ شکاری اور گڑھے کو شاخوں سے ڈھانپ(کیموفلاج) دیا جاتا ہے۔ باز کو راغب کرنے کے لیے قریب ہی بدور (شکرا نما مقامی پرندہ)کو رسی سے باندھ دیتےہیں اور اس کے پنجوں میں چوزا&nbsp; پھنسا دیتے ہیں۔ بحری باز جب &#39;بدور&#39; سے چوزا چھینے کے لیے اترتا ہے تو شکاری اسے پکڑ لیتے ہیں۔

نایاب قسم کا یہ بحری باز خرگوش، ہرن اور تلور کے شکار کے لیے مشہور ہے۔اس لیے عرب شہزادے اور امراء ہر سال سندھ میں پکڑے جانے والے یہ باز مہنگے داموں خرید کر لے جاتے ہیں۔ پھر اس کو تربیت دے کر شکار کے لیے استعمال کرتے ہیں۔

&nbsp;سندھ میں پرندوں پر تحقیق کرنے والے ماہر خادم رند بتاتے ہیں کہ بحری باز کو یہاں&#39;چرغ باز&#39; بھی کہا جاتا ہے۔ درحقیقت بحری باز کا نر کسی کام کا نہیں ہوتا جبکہ شکار کے لئے اس کی مادہ کار آمد ہوتی ہے اور یہ لاکھوں روپے میں فروخت کی جاتی ہے۔ ایک بالغ باز کی لمبائی 47 سے 55 سنٹی میٹر اور پروں کا پھیلاؤ 105 سے 130 سنٹی میٹر ہوتا ہے۔

وہ کہتے ہیں کہ اوسط بحری باز کا وزن 730 گرام سے ایک ہزار 300 گرام تک ہوتا ہے اور اس کی عمر زیادہ سے زیادہ 25 سال ہوتی ہے۔ اس کے تیز پنجے اور نوکدار چونچ شکار کو چیر کر رکھ دیتے ہیں۔ حملہ کرتے وقت اس کی رفتار 322 کلومیٹر فی گھنٹہ تک پہنچ جاتی ہے۔

خادم رند نے بتایا کہ بحری باز کی افزائش اپریل مئی میں ہوتی ہے۔ یہ اپنا گھونسلہ نہیں بناتے بلکہ کسی چٹان یا اونچے درخت پر پہلے سے بنے گھونسلے میں بیٹھ جاتے ہیں۔ مادہ تین سے چار انڈے دیتی ہے اور انڈے سے بچے نکلنے(ہیچنگ) کا زیادہ سے زیادہ وقت 32 دن ہوتا ہے۔ بچے 48 سے 50 دنوں میں اڑان کے قابل ہو جاتے ہیں۔

پیریگرین فالکن کو 1999ء میں &#39;ناپید ہونے کے خطرے سے دوچار&#39; پرندوں کی امریکی فہرست سے نکال دیا گیا تھا۔ تاہم خادم رند کا کہنا ہے کہ بحری باز کی تعداد میں کمی واقع ہو رہی ہے۔ جبکہ کیر تھر سمیت پاکستان کے تمام پہاڑی علاقوں میں اس باز کی افزائش ہوتی ہے مگر یہاں اس کی تعداد سے متعلق درست معلومات دستیاب نہیں ہیں۔

بحری باز کے بہت سے ماری(شکاری کا مقامی نام) ضلع سجاول میں &#39;جاتی شہر&#39; کی ساحلی پٹی سے تعلق رکھتے ہیں۔ انہیں میں ایک گوٹھ رمضان ملاح کے موسیٰ ملاح بھی ہیں جو سات برسوں سے بحری باز کا شکار کر رہے ہیں۔ ان کے والد بھی ماہر شکاری تھے۔

وہ بتاتے ہیں کہ شکاریوں کو صرف مزدوری ملتی ہے۔ اصل کمائی تو دلالوں( ایجنٹس) کی ہوتی ہے جو کیمپ کے اخراجات برداشت کرتے ہیں۔ بحری باز کے شکار کے لیے جنگلوں میں پورا سیزن کیمپ لگایا جاتا ہے۔ جس میں ایک ماہر شکاری کے ساتھ تین چار افراد ہو تے ہیں۔

وہ کہتے ہیں کہ یہ کوئی آسان کام نہیں ہے۔ کیمپ میں تین مہینے تک دن رات ہر لمحہ چوکس رہنا پڑتا ہے۔ وہاں لوگ سردی اور نیند پوری نہ ہونے سے بیمار ہو جاتے ہیں مگر وہیں پڑے رہتے ہیں۔

سندھ میں غیر قانونی شکار پر نظر رکھنے والے صحافی اور جاتی شہرکے رہائشی زاہد اسحاق بتاتے ہیں کہ یہاں ستمبر، اکتوبر اور نومبر میں بحری باز کے شکار کا سیزن ہوتا ہے۔ ویسے تو تمام پرندوں کے شکار پر پابندی ہوتی ہے مگر محکمہ جنگلی حیات والے مبینہ طور پر بھاری رشوت کے عوض جانتے بوجھتے&quot; لاعلم&quot;رہتے ہیں۔

&nbsp;وہ کہتے ہیں کہ بحری باز کے شکار کے لیے اس سال بھی حسب معمول ٹھٹہ، بدین اور سجاول میں دو سو سے زائد غیر قانونی کیمپ قائم کئے گئے ہیں۔ان لوگوں کو نہ صرف محکمہ جنگلی حیات بلکہ مقامی پولیس اور وڈیروں کی پشت پناہی بھی حاصل ہے۔

زاہد اسحاق نے بتایا کہ یہ شکاری کیمپ بھنبھور، کیٹی بندر ، حجامڑو کریک، میرپور ساکرو، گاڑھو، رھڑو، واڑی، لاکھامل، کلکاں چھانی اور شیخ کرھیو بھانڈاری میں موجود ہیں۔ اسی طرح رکھال، مارو، علی بندر، زیرو پوائنٹ، نریڑی، رحمکی بازار ، جھرک ، ٹنڈو حافظ، جھمپیر، سری ، مال ماڑی اور کئی دیگر مقام پر بھی کیمپ لگائے گئے ہیں۔

انہوں&nbsp; نے بتایا کہ &quot;عرب شہزادوں اور امراء کے کروڑ پتی دلال(ایجنٹ) کراچی، بدین، ٹھٹہ اور سجاول چاروں شہروں میں موجود ہیں۔ یہ شکاری کیمپ وہی لگوا تے ہیں اور ہر کیمپ پر دلال کا دو لاکھ روپے سے زیادہ خرچ ہوتا ہے۔ شکار کے بعد بحری باز دلال (کیمپ کے مالک) کے سپرد کر دیا جاتا ہے۔&quot;

زاہد اسحاق کے مطابق دلال ایک بحری باز 20 سے 50 پچاس لاکھ روپے میں عرب خریداروں کو بیچتے ہیں اور اس رقم کے پانچ حصے کیے جاتے ہیں۔ اس میں سے ایک حصہ ماہر شکاری کو ملتا ہے۔ دوسرا شکاری کے ساتھیوں میں تقسیم کیا جاتا ہے جبکہ باقی تین حصے دلال رکھ لیتا ہے۔

انہوں نے دعویٰ کیا کہ رواں سیزن میں اب تک دس بحری باز پکڑے جا چکے ہیں۔ جبکہ ہر سال ساحلی اضلاع میں 40 سے 60 بازوں کا شکار کیا جاتا ہے۔

گیم انسپکٹر علی شاہ ضلع ٹھٹہ میں محکمہ جنگلی حیات کے انچارج ہیں۔ انہوں نے بحری باز کے شکار سے&quot;اظہار لاعلمی&quot;یا کیمپوں کے وجود سے انکار نہیں کیا۔ تاہم وہ بتاتے ہیں کہ بحری باز کا شکار زیادہ تر پہاڑی علاقوں،سمندری جزیروں اور دور دراز علاقوں میں کیا جاتا ہے۔ جہاں بروقت پہنچنا بہت مشکل ہوتا ہے۔

وہ کہتے ہیں کہ مشکلات کے باوجود انہوں نے پچھلے ایک ماہ میں ٹھٹہ کی پہاڑی اور ساحلی پٹی میں بارہ شکاری کیمپ تباہ کیے ہیں۔ لیکن شکاری بھاگ جاتے ہیں۔ پورے علاقے میں ان کی ٹیمیں مسلسل پٹرولنگ کر رہی ہیں اور یہ شکار روکنے کی ہر ممکن کوشش کریں گے۔

بدین اور سجاول ریجن کے گیم انسپیکٹر صوفن شاہ نے بار بار رابطہ کرنے کے باوجود موقف دینے سے انکار کر دیا ہے۔

رزق کا فقدان یا شکاریوں کا خوف: مہاجر پرندہ سیاہ سر دُرسہ ایک سال سے آواران کا مہمان نہیں بنا

محکمہ جنگلی حیات، پولیس، وڈیرے: سندھ میں نایاب 'بحری باز' کے غیرقانونی شکار کی پشت پناہی کون کر رہا ہے؟

بدین کے عثمان ناڈیھ تحصیل گولاڑچی میں سیلاب متاثرہ یونین کونسل خانانی جت میں اپنی آٹھ ایکڑ آبائی زمین پر کاشتکاری کرتے ہیں۔ گزشتہ سال شدید بارشوں کے بعد گونگڑو سیم نالے میں پڑنے والے شگاف سے ان کا پورا گاؤں ڈوب گیا تھا جس کے ساتھ ان کی دھان کی فصل بھی سیلاب برد ہو گئی۔

گاؤں کے تمام لوگوں کی طرح عثمان بھی گھر چھوڑ کر سڑک کنارے اونچی اور محفوظ جگہ پر آ&nbsp; گئے تھے۔ اس برس بارشوں نے وقفہ دیا تو تبھی ان کے لیے دوبارہ کاشت ممکن ہوئی۔ چونکہ امسال فصل بھی اچھی ہوئی اس لیے وہ بہت خوش تھے۔ مگر اچانک دھان کی قیمتوں میں کمی نے انہیں ایک بار پھر پریشان کر دیا ہے۔

ان کا کہنا ہے کہ ایک تو مِلوں نے دام گرا دیے ہیں اور اوپر&nbsp; سے کٹوتی کر رہے ہیں۔&nbsp; لگتا ہے کہ اس سال بھی کچھ بچت نہیں ہوگی، اگر بچت نہ ہوئی تو بارش میں گرے ہوئے گھر کی مرمت کیسے ہوگی۔ انہیں افسوس ہے کہ وہ اس سال بھی اپنی بیٹی کا بیاہ نہیں کر پائیں گے۔

زیریں سندھ میں ضلع بدین کی تحصیل گولاڑچی نہ صرف دھان کی ریکارڈ پیدوار کے حوالے سے&nbsp; مشہور ہے بلکہ اسے ضلع لاڑکانہ کے بعد صوبہ سندھ میں چاولوں کی دوسری بڑی منڈی بھی مانا جاتا ہے۔

عثمان بتاتے ہیں کہ رواں سال نہری پانی کی فراہمی میں دیر کی وجہ سے فصل کی بوائی میں بھی تاخیر ہو گئی تھی، جس کے باعث فصل بھی دیر&nbsp; سے تیار ہوئی۔ اس کا نتیجہ یہ نکلا کہ فصل کی کٹائی جو اکتوبر کے پہلے ہفتے شروع ہو جاتی تھی اب پندرہ&nbsp; دن&nbsp; کی تاخیر&nbsp; سے اکتوبر کے آخری ہفتے میں شروع ہوئی ہے۔ دھان کے فصل کی کٹائی کا عمل شروع ہوتے ہی یہاں کے رائس ملز مالکان نے ایک طرف بڑے پیمانے ریٹ میں نہ صرف کمی کر دی بلکہ فی من دھان پر تین کلو کٹوتی بھی شروع کر دی ہے جس سے مقامی کاشتکاروں کو کروڑوں روپے کا نقصان ہو رہا ہے۔

عثمان ہی نہیں بلکہ یہاں کے بہت سارے کاشت کار ان بے جا کٹوتیوں سے پریشان ہیں اور انھوں نے اس کے خلاف احتجاج بھی شروع کر دیے ہیں۔

اس سلسلے میں قومی عوامی تحریک کی کال پر 23 اکتوبر 2023 کو کاشتکاروں نے گولاڑچی میں شہید فاضل راہو چوک سے ایک احتجاجی ریلی نکالی اور بعد میں پریس کلب کے سامنے دھرنا دے کر ایک گھنٹہ تک احمد راجو روڈ بھی بلاک کر دیا تھا۔

احتجاج میں شریک کاشتکار رہنما اصغر نوتکانی نے بتایا کہ ہر سال کی طرح اس سال بھی دھان کی فصل مارکیٹ میں آتے&nbsp; ہی تمام رائس ملز مالکان نے غیر قانونی طور پر فی من نرخ میں&nbsp; 1500 روپے کمی کردی ہے۔ دھان کا فی من ریٹ 4500 روپے تھا، جو ان لوگوں نے آپس میں ملی بھگت کرکے فی من 3000 کردیا ہے۔ جبکہ کراچی&nbsp; کی مارکیٹ میں فی من 5000 اور لاڑکانہ ریجن میں 3200 روپیہ فی من ریٹ مقرر ہے۔

انہوں نے یہ بھی بتایا کہ دھان کی پیدوار میں نمی (موائسچر)کا بہانا بنا کر ان لوگوں نے غیر قانونی طور فی من پر تین کلو کٹوتی بھی شروع کر دی ہے۔ انہوں&nbsp; نے یہ بھی کہا کہ غیر قانونی طور پر کٹوتی کرنے اور قیمتوں میں کمی کرنے والی رائس ملز مافیا کے خلاف کارروائی نہ کی گئی تو وہ پورے زیریں سندھ میں احتجاجی تحریک چلائیں گے۔&nbsp;&nbsp;

بیشتر اوقات زرعی پانی کے بحران کا شکار رہنے والے زیریں سندھ کے چار اضلاع بدین، ٹھٹہ، ٹنڈو محمد خان اور سجاول میں مجموعی طور پر تقریباً 8 لاکھ ایکڑ پر دھان کی فصل کاشت کی جاتی ہے۔ ان میں سے بدین ضلع کا حصہ سب سے زیادہ ہوتا ہے۔

گزشتہ سال شدید بارشوں کے باعث پیدا ہونے والی سیلابی صورتحال میں تیں لاکھ ایکڑ پر دھان کی فصل ہوئی تھی۔ زیریں سندھ میں سرکاری طور دھان کا نہ تو ریٹ مقرر کیا جاتا ہے اور نہ ہی کاشتکاروں&nbsp; سے دھان خریدنے کے لیے سرکاری سطح پر کوئی مراکز قائم کئے جاتے ہیں۔جس کے باعث یہاں پر دھان کی تمام خرید و فروخت رائس ملز مالکان کرتے ہیں جو کہ با اثر ہوتے ہیں۔ مل مالکان ملی بھگت کرکے ریٹ بھی مقرر کرتے ہیں اور کٹوتی بھی کرتے ہیں جس سے کاشتکاروں کو معاشی طور پر ہر سال بڑے پیمانے پر نقصان اٹھانا پڑتا ہے۔

زیریں سندھ کے اضلاع بدین ، ٹنڈو محمد خان، ٹھٹہ اور سجاول میں مجموعی طور پر 240 رائس ملز ہیں جہاں پر ہرسال بڑے پیمانے پر دھان کی خریداری کی جاتی ہے

صرف تحصیل گولاڑچی میں 105 بڑی رائس ملیں قائم ہیں، جن میں سے گولاڑچی شہر میں 80 جبکہ 20 کڑیو گھنور میں اور پانچ کھورواہ نامی ایک چھوٹے سے قصبے میں ہیں۔ مجموعی طور پر ہر رائس ملز دو لاکھ من دھان کی خریداری کا ہدف ملتا ہے۔

محمد سعید جت کا تعلق گولاڑچی سے 20 کلومیٹر کے فاصلے پر موجود خانانی جت گاؤں سے ہے۔ وہ چھوٹے کاشتکار ہیں جنہوں نے اپنی 80 ایکڑ زمین پر دھان کی فصل کاشت کی ہے۔ سعید جت نے بتایا کہ ماضی کی نسبت ڈالر کی قیمت بڑھنے سے ہونے والی مہنگائی کے نتیجے میں اس سال فصل پر دگنا خرچ آیا ہے۔ انہوں نے بتایا کہ وہ کیش پر فصل نہیں اگاتے بلکہ سارا خرچہ رائس ملز والوں سے لیتے ہیں جو کہ فصل اترنے پر دوگنا سود کے ساتھ وصول کرتے ہیں، نتیجے میں ہر سال پیداوار کا ایک بڑا حصہ&nbsp; وہ خرچے کی مد میں لے جاتے ہیں اور کسان کو کچھ نہیں بچتا۔

انہوں نے بتایا کہ مہنگائی کے باعث تیل، زرعی ادویات اور کھاد نہ صرف دو گنا قمیت پر مل رہی ہے بلکہ اس پر سود الگ دے رہے ہیں۔

مجموعی طور پر فی ایکڑ دھان کی کاشت پر اس سال ڈیڑھ لاکھ سے زیادہ خرچہ آیا ہے، اب یہ عالم ہے کے ملز مالکان نے دھان کی قمیت کم کرلی ہے اور کٹوتی بھی کر رہے ہیں جس سے کاشتکاروں کو بڑا معاشی نقصان ہو رہا ہے۔

دوسری جانب رائس ملز ایسوسی ایشن گولاڑچی کے صدر سیٹھ کیشومل اکرانی کا موقف ہے کہ ڈالر کی قیمت میں اچانک کمی سے عالمی مارکیٹ میں چاول کی قیمتیں گر گئی ہیں جس کا اثر مقامی مارکیٹ پر بھی ہوا ہے۔

انہوں نے بتایا کہ ایک مہینہ پہلے کراچی میں ایکسپورٹر ان سے فی کلو 160 روپے کے حساب سے چاول خریدتے تھے۔ اس وقت دھان کی فی من قیمت 4500 روپے تک تھی۔ اس کے بعد اچانک چاول کی قیمت گر کر فی کلو 125 روپے ہوگئی ہے جس کے باعث دھان کا ریٹ بھی نیچے آیا ہے۔

ان کا کہنا ہے کہ وہ کاشتکاروں سے 3000 روپیہ فی من دھان خرید رہے ہیں جو اچھا ریٹ ہے اور اس سے کاشتکاروں کو نقصان نہیں بلکہ منافع ہو رہا ہے۔ انہوں نے بتایاکہ&nbsp; یہاں پر کاشت کار گیلا مال مارکیٹ میں لے آتے ہیں جس کو وہ سُکھا کر پھر چاول نکالتے ہیں۔ 20 فیصد تک موائسچر فری ہے جبکہ اس سے زیادہ نمی پر وہ فی من پر ایک سے دو کلو کٹوتی کرتے ہیں۔

محکمہ زراعت ضلع بدین کے ایڈیشنل ڈائریکٹر ایگریکلچر امتیاز علی بھٹو نے بتایا کہ زرعی اجناس کا ریٹ مقرر کرنا ہمارا کام نہیں ہے، جبکہ مارکیٹ میں کٹوتی کرنے یا ریٹ کم کرنے والے مل مالکان کے خلاف کاروائی کا اختیار بھی محکمے کےپاس نہیں بلکہ ریونیو ڈیپارٹمنٹ کے پاس ہے۔

اس معاملے میں ڈپٹی کمشنر بدین فتاح ھلیو کا کہنا ہے کہ زراعت معیشت میں ریڑھ کی ہڈی کی حیثیت رکھتی ہے اور حکومت کبھی بھی یہ نہیں چاہے گی کہ کاشتکار کو نقصان ہو۔ انہوں نے بتایا کہ اس سال رائس مل مالکان اور کاشتکاروں کی رضامندی سے یہ فیصلہ کیا گیا ہے کہ چالیس کلوگرام پر کوئی بھی کٹوتی نہیں کی جائے گی، موائسچر 18 سے 22 فیصد فری ہوگا، اگر اس پر کوئی عمل نہیں کرتا تو اس پر جرمانہ عائد کیا جائے گا اور دیگر قانونی&nbsp; کارروائی بھی کریں گے۔

پتے جھلساؤ: کاشت کاروں اور زرعی مزدوروں کی محنت بھسم، 'چاول کے شہر' میں مایوسی کے ڈیرے

زیریں سندھ میں دھان کے کاشت کار مل مالکان اور منڈی کے استحصالی ہتھکنڈوں سے پریشان

18 سالہ عبدالرحمان ناڈیہ کا تعلق ضلع بدین کی تحصیل گولاڑچی کے گورنمنٹ بوائز ہائر سیکنڈری سکول میں انٹر پری میڈیکل کے طالب علم ہیں۔ وہ روزانہ اپنے گاؤں سے صبح سات بجے ایک چنگچی رکشے پر سوار ہو کر آٹھ کلومیٹر دور کھور واہ چوک آتے ہیں جہاں کچھ دیر انتظار کے بعد ایک لوکل وین میں سفر کرتے ہوئے تقریباً پونے نو بجے سکول پہنچتے ہیں۔ اس طرح علم کے حصول کی خاطر عبدالرحمان کو روزانہ 50 کلومیٹر طویل اور تکلیف دہ سفر کرنا پڑتا ہے۔

عبدالرحمان کے والد کاشت کار ہیں جن کے لیے شہر میں رہنا اور نجی تعلیمی ادارے میں بیٹے کو پڑھانے کے اخراجات برداشت کرنا ممکن نہیں۔ عبدالرحمان پڑھ لکھ کر ڈاکٹر بننا چاہتے ہیں تاہم ان کا کہنا ہے کہ سکول کی حالت دیکھ کر لگتا ہے کہ ان کی یہ خواہش پوری نہیں ہو گی۔

اسی سکول میں ایف ایس سی کے طالب علم عاطف علی کا تعلق ساحلی پٹی کے گاؤں چک 14 سے ہے۔ وہ بھی روزانہ مقامی ٹرانسپورٹ پر 20 کلومیٹر سفر کرنے کے بعد سکول پہنچتے ہیں۔ مگر سکول میں تدریسی عمل اور سہولیات کے فقدان کے باعث حاضری لگانے کے بعد عموماً جلد واپس آ جاتے ہیں۔

عاطف بھی ایک چھوٹے کاشتکار کے بیٹے ہیں۔ وہ شہر میں رہ کر معیاری نجی تعلیمی ادارے میں پڑھنے کے خواہش مند تھے مگر معاشی حالات نے اجازت نہ دی۔ انہوں نے بتایا&nbsp; کہ دوسری کلاسز کے بعض اساتذہ انہیں اپنے خالی پیریڈ کے دوران پڑھانے آتے ہیں مگر زیادہ تر کلاسیں نہیں ہوتیں۔

یہی وجہ ہے کہ بہت سے طلبہ سکول نہیں آتے یا صرف حاضری لگا کر چلے جاتے ہیں۔ بیشتر طالب علم تو صرف امتحان دینے کی اہلیت حاصل کرنے کے لیے یہاں داخلہ لیتے ہیں۔

&nbsp;محکمہ تعلیم اور سکول انتظامیہ سے حاصل کردہ معلومات کے مطابق اس کی منظوری 1997ء میں ہوئی تھی۔ اس وقت کے گولاڑچی سے منتخب ممبر سندھ اسمبلی اور صوبائی وزیر اسماعیل راہو کی کوششوں سے 1998ء میں اس تعلیمی ادارے کی عمارت تعمیر ہوئی۔ اس میں دو بڑے ہال، دو کلاس روم اور دفاترکے لیے تین کمرے شامل ہیں۔ یہ عمارت جنوری 2002ء میں محکمہ تعلیم کے حوالے کی گئی اور اسی سال اگست میں یہاں ہائر سیکنڈری سیکشن میں ایف ایس سی کے داخلے ہوئے۔

2002ء سے 2023ء تک اس تعلیمی ادارے کو مطلوبہ سبجیکٹ سپیشلسٹ اور دیگر اسٹاف ہی فراہم نہیں کیا گیا۔ یہی وجہ ہے کہ یہاں تدریسی عمل نہ ہونے کے برابر ہے۔

سکول کی عمارت کا بیشتر حصہ تیزی&nbsp; خستہ ہوتا گیا۔ محکمہ ایجوکیشن ورکس نے خطرناک اور ناکارہ قرار دے کر 2010ء میں اسے ناقابل استعمال قرار دے دیا۔ اب اس عمارت کے آنگن میں طلبہ کے بجائے شہر کے آوارہ کتے اور گدھے بسیرا کرتے نظر آتے ہیں اور کھیل کے میدان میں شہر کے مختلف علاقوں سے آنے والا گندا پانی جمع ہوتا رہتا ہے۔

سکول کے پرنسپل مقبول احمد گندرو نے بتایا کہ ادارے کی عمارت مکمل طور پر زبوں حال ہے۔ آنے والے طلبہ کو ہائی سکول سیکشن کے دو کمروں میں بٹھاتے ہیں۔ انہوں نے بتایا کہ 2006ء میں اس عمارت کی مرمت بھی کی گئی مگر ناقص مواد کے&nbsp; استعمال سے دو سال بعد ہی عمارت کی حالت پھر خراب ہو گئی۔

پرنسپل کے مطابق&nbsp; ادارے میں کیمسٹری، فزکس، ریاضی، باٹنی، زوالوجی، انگلش اور سندھی مضامین کے گریڈ 17 کے سبجیکٹ سپیشلسٹ کی تمام سات اسامیاں 21 برس سے خالی ہیں۔

انہوں نے بتایا کہ اس ادارے میں 19 گریڈ کے ایسوسی ایٹ پروفیسر کی تین اسامیاں خالی ہیں۔ گریڈ 17 کے ڈائریکٹر فزیکل ایجوکیشن سمیت ایک لائبریرین، دو اسسٹنٹ اور چوکیدار کی تین اسامیاں بھی پُر نہیں ہوئیں۔ گریڈ 18 کے اسسٹنٹ پروفیسر کی چار اسامیاں ہیں جن میں سے فقط ایک پُر ہوئی ہے۔

انہوں نے بتایا کہ ان کے پاس 2023ء میں ایف ایس سی کی کلاس میں داخلے جاری ہیں۔ انٹرمیڈیٹ پری میڈیکل اور پری انجنیئرنگ میں اس وقت 567 طالب علم زیرتعلیم ہیں، مگر باقاعدہ سے آنے والوں کی تعداد ان سے کئی گنا کم ہے جس کا سبب بیٹھنے کی جگہ کا نہ ہونا، اسٹاف اور اساتذہ کی کمی ہے۔

تعلقہ ایجوکیشن آفیسر ( ٹی ای او سیکنڈری ) یونس راحموں نے لوک سُجاگ سے بات کرتے ہوئے کہا کہ میں نے کئی بار عمارت کا معائنہ کیا ہے اور حکام بالا کو اس کی&nbsp; رپورٹ بھی بھیجی ہے۔

انہوں نے بتایا کہ سکول میں لائبریری، کمپیوٹر لیب اور سائنس لیب نہیں ہیں۔ یہ تعلیمی ادارہ بجلی اور پانی کی سہولیات سے بھی محروم ہے۔

خیال رہے کہ گولاڑچی تحصیل میں کوئی سرکاری کالج نہیں ہے۔ شہر میں گرلز اور بوائز کے لیے دو&nbsp; الگ الگ ہائر سیکنڈری سکول ہیں۔ سہولیات نہ ملنے کی وجہ سے طالب علم زیادہ تر 30 کلومیٹر دور ضلع ہیڈ کوارٹر بدین کے نجی اور سرکاری اداروں میں پڑھنے کے لیے جاتے ہیں۔ جہاں ایک گورنمنٹ کالج اور کئی نجی کالجز ہیں۔ ہائر سیکنڈری سکولوں کی تعداد بھی زیادہ ہے۔

گولاڑچی سے تعلق رکھنے والے سابق ممبر سندھ اسمبلی و سابق صوبائی وزیر اسماعیل راہو کا کہنا ہے کہ انہوں نے اپنے والد اور ہاری رہنما شہید فاضل راہو کے نام سے گولاڑچی شہر میں بوائز ہائر سیکنڈری سکول منظور کروایا تھا، مگر اس کے بعد 15سال اقتدار میں نہ ہونے کی وجہ سے وہ اس ادارے کے لیے کچھ نہیں کر پائے۔

انہوں نے بتایا کہ اب سندھ پبلک سروس کمیشن کے ذریعے نوجوان سبجیکٹ سپیشلٹ اور لیکچرر بھرتی ہو رہے ہیں، ہم کوشش کریں گے کہ ان کی یہاں پوسٹنگ ہو۔ انہوں نے کہا مستقبل میں ہم اپنی حکومت آنے کی صورت میں اس سکول کی عمارت کو دوبارہ تعمیر کروائیں گے اور دیگر مسائل بھی ترجیحی بنیادوں پر حل کریں گے۔

سماجی کارکن اور وکیل جاوید اقبال بھٹی نے بتایا کہ گولاڑچی سمیت ضلع بھر کے تعلیمی اداروں کی حالت قابل رحم ہے۔ گولاڑچی تحصیل میں 419 سرکاری پرائمری سکول ہیں جن میں سے 150 سکولوں کی عمارتیں ہی نہیں ہیں۔ معصوم بچے کھلے آسمان کے تلے تعلیم حاصل کر رہے ہیں۔

تھرپارکر کا گرلز کالج: یہاں صرف فزکس، زوآلوجی، انگریزی، ریاضی، اردو، اسلامیات، سندھی اور مطالعہ پاکستان کے استاد نہیں ہیں

گولاڑچی کا ہائر سیکنڈری سکول 21 سال سے سبجیکٹ سپیشلسٹ اساتذہ کا منتظر

&quot;ایک تو نہری پانی تاخیر سے آیا جس سے دھان کی بوائی ایک ماہ لیٹ ہو گئی۔ پھر اگست کا پورا مہینہ زیریں سندھ میں بارش نہیں ہوئی اور اب کھاد کا بحران آگیا ہے۔ اس سال دھان کی پیداوار میں 10 سے 15 من فی ایکڑ کمی واضح نظر آرہی ہے۔&quot;

ان خدشات کا اظہار گولاڑچی کے کاشت کار جاکھرو نوحانی نے کیا ہے جو نواحی گاؤں دھادھرکو کے رہائشی ہیں اور وہیں 40 ایکڑ آبائی زمین پر دھان کاشت کرتے ہیں۔

54 سالہ جاکھرو نوحانی چھوٹے کاشتکاروں کی تنظیم آبادگار ایسوسی ایشن کے مقامی رہنما بھی ہیں۔وہ بتاتے ہیں کہ کئی دن سے یوریا کھاد غائب ہے۔بلیک مارکیٹ بھی نہیں مل رہی۔ دھان کو بر وقت کھاد نہ ملنے سے پودے کی نشوونما رک جائے گی۔

زیریں سندھ دھان کی پیداوار کا&#39; لاڑ خطہ&#39;کہلاتا ہے۔یہاں ضلع بدین میں فصل کی کاشت مکمل ہوتے ہی یوریا کھاد نایاب ہوگئی ہے جس کے باعث کسان پریشان ہیں۔

بدین، سیرانی اور کڈھن کے نواحی علاقوں کے کاشتکاروں نے 22 اگست 2023ء کو ڈسٹرکٹ ہیڈکوارٹر میں ایوان صحافت کے سامنے دو گھنٹے دھرنا دیا۔اس احتجاجی مظاہرے میں کاشت کار کریم سومرو، اقبال ابڑو بھی شامل تھے۔

کریم سومرو نےالزام عائد کیا کہ بھاری منافع کمانے کے لیے کمپنیوں اور ڈیلروں نے ملی بھگت سے کھاد غائب کردی ہے۔ ڈیلر ذخیرہ اندوزی کرکے کاشتکاروں کو لوٹ رہے ہیں۔

&nbsp;وہ بتاتےہیں کہ یوریا کی بوری کا سرکاری ریٹ ساڑھے تین ہزار روپے ہے۔ مگر یہ لوگ بڑے زمینداروں کو خفیہ طور پر ساڑھے چار ہزار روپے فی بوری بیچ رہے ہیں۔ چھوٹے کاشتکاروں کو بلیک پر بھی کھاد نہیں دی جا رہی۔

ڈپٹی کمشنر بدین نے اس احتجاج کا نوٹس لیا اور محکمہ زراعت، پولیس، ڈیلروں، کمپنیوں کے نمائندوں اور ضلع کے تمام اسسٹنٹ کمشنروں کی میٹنگ بلالی۔

&nbsp;ڈی سی بدین نے ڈیلروں اور کمپنیوں کے نمائندوں کو سرکاری ریٹ پر فوری کھاد فراہم کرنے کا پابند بنایا۔ ساتھ ہی محکمہ زراعت پولیس اور ریونیو افسروں کو ذخیرہ اندوزوں کے خلاف کارروائی کا حکم بھی دیا۔

&nbsp;اگلے ہی روزاسسٹنٹ کمشنر گولاڑچی ھاشم مسعود اور ڈپٹی ڈائریکٹر زراعت امتیاز بھٹونے مقامی پولیس کےساتھ چھاپے مارے اور گولاڑچی، کڑیو گھنور اور ٹنڈو باگو میں چار دکانوں سے سات سو بوری یوریا تحویل میں لے لی۔

بعد ازاں یہ کھاد موقع پر ہی کاشتکاروں میں کنٹرول ریٹ پر تقسیم کر دی گئی۔ دکاندار وں کو 20 سے 50 ہزار تک جرمانہ کیا گیا تاہم کوئی ایف آئی آر یا گرفتاری عمل میں نہیں آئی۔

ضلع بدین کی پانچوں تحصیلوں گولاڑچی، بدین، ٹنڈوباگو، تلہار، اور ماتلی میں مجموعی طور پر آٹھ لاکھ ایکڑ دھان کاشت کیا جاتا ہے۔ یوں سیزن میں یہاں یوریا کی 40 لاکھ بوریاں درکار ہوتی ہیں۔ مگر اس مرتبہ کمپنیوں نے ضلعے میں کھاد کی مجموعی طلب کا 10 فیصد حصہ بھی فراہم نہیں کیا ۔

ڈیلروں کے نمائندے کشومل اکرانی نے الزام لگایا ہےکہ ملٹی نیشنل کمپنیوں نے کھاد افغانستان، ایران اور دیگر ممالک کو سمگل کردی ہے جس سے کھاد کا بحران پیدا ہوا ہے۔

وہ بتاتے ہیں کہ پہلے بدین میں ہر ڈیلر کو 50 ہزار بوری یوریا فراہم کی جاتی تھی۔مگر اس سال چار سو سے آٹھ سو بوری تک کھاد دی گئی ہے جو ایک کاشتکار کی فصل کے لیے بھی ناکافی ہے۔

&quot;کمپنیاں بلیک میں ساڑھے تین ہزار روپے والی کھاد کی بوری چار ہزار400 روپے میں بیچ رہی ہیں۔ مجبوری میں ہم بھی اس مافیا سے مہنگے داموں کھاد خرید رہے ہیں اور اپنے مستقل گاہکوں کو دے رہے ہیں۔&quot;

ملٹی نیشنل کمپنی اینگرو کیمیکلز کے نمائندے شیراز شیخ ڈیلروں کے الزامات کی تردید کرتے ہیں۔وہ بتاتے ہیں کہ ان کی کمپنی نے ڈیلروں کو ضلع بدین کے لیے مقررہ کوٹہ 13000 بوری سےساڑھے تین ہزار بوری یوریا زیادہ فراہم کی ہے۔

&nbsp;محکمہ زراعت نے بھی ضلع بھر میں بلیک مارکیٹنگ اور کھاد کے بحران کا ذمہ دار کمپنیوں کو قرار دیا ہے۔ تاہم ان کے خلاف کارروائی سے معذوری بھی ظاہر کی ہے۔ امتیاز بھٹو بتاتے ہیں کہ ضلعے میں کھاد کا سالانہ کوٹہ 27 لاکھ بوری مقرر ہے۔ مگر اس سال کمپنیوں نے یوریا کی صرف ساڑھے سات لاکھ بوریاں فراہم کی ہیں جوکہ ضرورت سےبہت کم ہیں۔

انہوں نے تسلیم کیا کہ بدین میں کھاد کا بحران پیدا کرنے اور اس کی بلیک مارکیٹنگ میں کمپنیوں کے کارٹل کا ہاتھ ہے۔ مگر یہ لوگ اتنے بااثر اور طاقتور ہیں کہ محکمہ ان کے خلاف کوئی کاروائی کرنے کی پوزیشن میں نہیں ہے۔

&nbsp;ڈپٹی کمشنر آغا شاہ نواز بتاتے ہیں کہ انہوں نے کھاد کمپنیوں کے نمائندوں&nbsp; اور تمام ڈیلروں کو سرکاری ریٹ پر کھاد فراہم کرنے کا حکم دیا ہے اور کاشت کاروں کو مقررہ نرخوں پر ہی کھاد ملے گی۔

وہ کہتے ہیں کہ تمام ریونیو افسروں اور محکمہ زراعت کے حکام کو بھی احکامات جاری کر دیئےگئے ہیں۔ کھاد بلیک کرنے والے عناصر کے خلاف سخت قانونی کارروائی کی جائے گی اور امید کرتے ہیں کہ جلد ہی صورتحال پر قابو پا لیا جائے گا۔

کھاد ڈیلر یا محکمہ زراعت: یوریا کھاد کی قلت کا ذمہ دار کون ہے؟

بدین میں یوریا کھاد کا بحران اور بلیک مارکیٹنگ: انتظامیہ 'طاقتور ذمہ داروں' کے سامنے بے بس

طلحہ آرائیں ہر سال 80 ایکڑ رقبے پر چاول اگاتے ہیں۔ عام طور پر وہ وسط جون سے وسط جولائی تک فصل کی کاشت مکمل کر لیتے ہیں لیکن امسال ان کے علاقے کی نہر میں پانی تاخیر سے آیا جس کی وجہ سے وہ جولائی کا مہینہ ختم ہو جانے کے باوجود فصل کاشت نہیں کر پائے۔

طلحہ زیریں سندھ کے ضلع بدین کی تحصیل گولاڑچی کے قصبے ترائی میں رہتے ہیں اور یہیں پر ان کا زرعی رقبہ ہے جس کو امام واہ نہر سیراب کرتی ہے۔

ان کا کہنا ہے کہ سالہا سال سے یہی معمول رہا ہے کہ نہر امام واہ میں مئی کے مہینے میں ہی پانی آجاتا ہے لیکن پچھلے کچھ عرصہ سے ایک ماہ تاخیر کے بعد جون کے شروع میں یہاں پانی چھوڑا جاتا تھا۔

&quot;اس مرتبہ تو حد ہی ہوگئی، جولائی کا نصف گزرنے کے بعد بالاآخر جب پانی چھوڑا گیا تو اس کی مقدار اتنی کم ہے کہ یہ ٹیل (نہرکے آخری سرے) کے کاشت کاروں تک پہنچ ہی نہیں پایا۔&quot;

وہ الزام عائد کرتے ہیں کہ نہر میں پانی تاخیر سے اور کم مقدار میں آنے کی وجہ یہ ہے کہ ان کے ضلعے کو حصے کے مطابق پانی نہیں ملتا اور نہر کے آغاز پر آباد بااثر زمیندار پانی چوری کر لیتے ہیں۔

طلحہ کے بقول سندھ کے تمام زیریں اضلاع بدین، ٹھٹہ اور سجاول میں بھی ٹیل کے کاشت کاروں کو انہی حالات کا سامنا ہے۔

انہیں خدشہ ہے کہ رواں سال پانی کی کمی کے باعث یہاں چاول کے زیر کاشت رقبے میں بھی بہت زیادہ کمی آئے گی۔

وفاقی وزارت غذائی تحفظ و تحقیق کی ایک رپورٹ کے مطابق سندھ میں کل آب پاش زرعی رقبہ 40 لاکھ 75 ہزار 500 ایکڑ ہے جس میں سے 78 فیصد یعنی 31 لاکھ 86 ہزار ایکڑ رقبے کو نہروں کے ذریعے سیراب کیا جاتا ہے۔

مختلف اداروں کی تحقیق کے مطابق سندھ میں تقریباً 89 فیصد زیر زمین پانی کھارا ہے جو آب پاشی کے لیے ساز گار نہیں ہے۔ اس لیے اس صوبے میں زیادہ تر زراعت کا انحصار نہری پانی پر ہے۔ اگر نہروں میں پانی نہیں ہو گا یا کم آئے گا تو اس سے فصلوں کی پیداوار متاثر ہو گی۔

سندھ میں 19 سے 20 لاکھ ایکڑ رقبے پر دھان کی فصل کاشت کی جاتی ہے۔ بدین اور ٹھٹہ کا شمار اس حوالے سے پانچ بڑے اضلاع میں ہوتا ہے۔ 2021 میں صوبے کے کل زیر کاشت رقبے کا 23 فیصد حصہ ان دونوں اضلاع میں اگایا گیا تھا۔

طلحہ کے مطابق ضلع بدین کی تحصیل گولاڑچی کی 14 یونین کونسلیں گولاڑچی، کھورواہ ، خانانی جت، کھورواھ چوک، احمد راجو، محمد شاہ گرھڑی، کڑیو گھنور، ترائی، دبی ، راھوکی، فتح آباد ، دھادھرکو، گھڑو، اور پٹیھل چاول کا گڑھ ہیں۔

وہ بتاتے ہیں کہ ان کا علاقے میں لوگوں کے ذریعہ معاش کا انحصار چاول کی فصل پر ہے اور چاول کی بہتر پیداوار نہری پانی سے جڑی ہے۔

چاول کی فصل اور اس کے لیے نہری پانی کی اہمیت کو ثابت کرنے کے لیے وہ 18 جولائی کو گولاڑچی تحصیل میں ہونے والے ایک احتجاجی مظاہرے کا حوالہ دیتے ہیں۔

ان کے بقول اس مظاہرے میں سیکڑوں کی تعداد میں کاشت کار جمع ہوئے تاکہ اپنی مشکلات کو میڈیا کے ذریعے حکومت تک پہنچایا جاسکے لیکن اس کے باوجود کسی نے کوئی ایکشن نہیں لیا اور نہروں میں پانی کی کمی کا مسئلہ جوں کا توں ہے۔

کسانوں کے اس مظاہرے میں شرکت کرنے والے 45 سالہ امیر ڈاھری الزام عائد کرتے ہیں کہ ان کے حصے کا پانی محکمہ آبپاشی کے افسروں نے چند پیسوں کی خاطر ان زمینداروں کو بیچ دیا ہے جن کی زمینیں نہر کے آغاز پر واقع ہیں۔

وہ کہتے ہیں کہ پانی ان کی زمینوں تک پہنچنے سے پہلے ہی غائب ہو جاتا ہے۔ اس قلت کی وجہ سے ٹیل کے کسان نہ صرف چاول کاشت نہیں کر پائے بلکہ اب تو اس کی پنیری بھی سوکھ کر خراب ہورہی ہے۔

&quot;ہمارا کروڑوں روپے کا نقصان ہو رہا ہے لیکن کسی کو کوئی پروا نہیں ہے۔&quot;

احتجاج کے منتظمین میں شامل نواز چانڈیو اور صالح میمن تو یہاں تک الزام عائد کرتے ہیں کہ محکمہ آبپاشی والے کسانوں سے 10 ہزار روپے رشوت مانگ رہے ہیں۔

نواز چانڈیو کے مطابق ایک کاشت کار سے 10 ہزار روپے رشوت لینے مطلب یہ ہے کہ اس نہر کی ٹیل پر جتنے بھی کاشت کار ہیں وہ لاکھوں روپے بطور رشوت دیں گے تو تب ہی نہر میں مطلوبہ مقدار میں پانی چھوڑا جائے گا۔

نواز چانڈیو کے علاوہ دیگر کاشت کاروں کا بھی یہی الزام ہے کہ محکمہ آبپاشی کے اہلکار، سیاستدانوں، وڈیروں اور با اثر زمینداروں کے اثر رسوخ اوررشوت کے عوض غیر منصفانہ طور پر چھوٹے&nbsp; کاشتکاروں کے حصے کا پانی کاٹ کر ان کی زمینوں کو سیراب کرنے والی نہروں اور آبی گزرگاہوں میں چھوڑ دیتے ہیں۔

وہ یہ بھی کہتے ہیں کہ جن بڑے زمینداروں کی اراضی نہروں کے آغاز پر ہوتی ہے وہ غیر قانونی طور موٹر پمپ اور لفٹ مشینیں لگا کر بھی پانی چوری کرلیتے ہیں۔

گولاڑچی کے سب ڈویژن آفیسر(ایس ڈی او) آبپاشی شمس میمن نے بتایا کہ تحصیل گولاڑچی کو دو اہم نہروں گونی کینال اور حسن علی کینال کے ذریعے زرعی پانی فراہم کیا جاتا ہے۔

گونی کینال کی گنجائش 10,208 اور حسن علی کینال کی گنجائش9,000&nbsp; ہزار کیوسک ہے۔ لیکن ان دونوں نہروں میں پچھلے چند سال سے بہت کم مقدار میں پانی فراہم کیا جارہا ہے۔ یہی وجہ ہے کہ اس علاقے میں پانی کی قلت ہے۔

ان کا کہنا ہے کہ رواں سیزن میں پانی کی چوری کا کوئی کیس رپورٹ نہیں ہوا۔ البتہ گزشتہ تین سال کے دوران گولاڑچی، کڑیو گھنور اور کھورواہ کے تھانوں میں پانی کی چوری کے متعدد مقدمات درج ہوئے ہیں۔

گونی کینال پر ڈیوٹی دینے والے محکمہ آبپاشی کے ایگزیکٹو انجنیئر(ایکسیئن) امتیاز بھرگڑی کہتے ہیں کہ بپر جوائے طوفان اوربارشوں کے وجہ سے پانی کو روکا گیا تھا، جس کے باعث نہر میں پانی کی فراہمی میں چند روزکی تاخیر ہوئی۔

کاشت کاروں کی جانب سے پانی کی قلت کی شکایات کے بارے میں پوچھنے پر انہوں نے دعویٰ کیا کہ انہیں جتنا پانی ملتا ہے اتنا ہی نہروں کو دیتے ہیں۔ بیک وقت پورے علاقے میں چاول کی کاشت شروع ہونے کے باعث نہروں پر دباؤ بڑھ گیا ہے اور اسی لیے کاشت کاروں کی جانب سے شکایات آ رہی ہیں۔

اس قدر کثرت آفات کہاں تھی پہلے:  'تونسہ کے نہری نظام نے رودکوہی نالوں کا بہاؤ تبدیل کر کے انہیں رحمت سے زحمت بنا دیا ہے'۔

'نہر کا پانی ہم تک پہنچنے سے پہلے ہی غائب ہو جاتا ہے'، بدین میں ٹیل کے کسان آبی قلت سے پریشان

بدین میں امیر شاہ سیم نالے کے کنارے قدیم گاؤں آسیلی پر آسیب زدہ جگہ کا گمان ہوتا ہے۔ چند سال پہلے تک بھرا پُرا یہ گاؤں اب مکینوں سے خالی ہو چکا ہے اور ٹوٹے پھوٹے مکانوں، سونی گلیوں اور اجاڑ راستوں پر اب ڈھونڈے سے بھی کوئی انسان دکھائی نہیں دیتا۔

بدین کی تحصیل گولاڑچی کی حدود میں یہ گاؤں تقریباً ایک صدی تک آباد رہا ہے۔ تاہم اب اس کے تمام باسی ہجرت کر کے بدین شہر اور گردونواح میں منتقل ہو گئے ہیں۔ انہی لوگوں میں شامل کاشف قادر میمن بتاتے ہیں کہ وہ آسیلی میں پیدا ہوئے تھے جہاں ان کا خاندان کئی نسلوں سے آباد تھا۔ ان کے اجداد کی قبریں بھی وہیں ہیں مگر اب چاہتے ہوئے بھی وہ اپنے گاؤں میں واپس نہیں جا سکتے۔

کاشف بدین کے گورنمنٹ ہائی سکول میں پڑھاتے ہیں۔ ان کا کہنا ہے کہ آسیلی کی ویرانی کا سبب امیر شاہ سیم نالہ (گونی پھلیلی آؤٹ فال ڈرین) ہے جسے ماتلی میں واقع انصاری شوگر مل میں الکوحل بنانے والے ڈسٹلری یونٹ سے خارج ہونے والے زہریلے مواد نے آلودہ کر دیا ہے۔

نالے سے نکلنے والی گیسوں سے گاؤں کے لوگ بیمار ہو کر مرنے لگے تو سبھی نے اپنی زمینیں اونے پونے داموں بیچ کر شہروں کو ہجرت کر لی۔

آسیلی کے قریب سیم نالے کی دوسری جانب ترائی نامی قصبہ ہے جس کی آبادی پانچ ہزار ہے۔ یہاں رہے والے اسلم آزاد سموں بتاتے ہیں کہ سیم نالے سے زہریلی گیسوں اور بدبو کے اخراج سے ناصرف ترائی بلکہ آس پاس کے دیہات میں رہنے والے تمام لوگوں کی صحت و زندگی بری طرح متاثر ہو رہی ہے اور لوگ تیزی سے نقل مکانی کرتے جا رہے ہیں۔

<h2>&#39;کبھی یہ علاقہ سُگداسی چاول کی خوشبو سے مہکتا تھا&#39;</h2>

گولاڑچی کے مشرق میں واقع قصبے کھور واہ کے لوگ بھی انہی حالات کا شکار ہیں۔ یہ قصبہ گونگڑو سیم نالے کے کنارے واقع ہے جو ٹںڈو محمد خان کی شاہ مراد شوگر مل اور سجاول کی دیوان شوگر مل کے ڈسٹلری یونٹ کی گندگی سے اٹ چکا ہے۔

کھور واہ کے سماجی کارکن عبدالغنی چنا بتاتے ہیں کہ کبھی یہ علاقہ سُگداسی چاول کے ذائقے اور خوشبو کے لئے مشہور تھا لیکن اب یہاں بدبو کے مستقل ڈیرے ہیں۔

امير شاہ اور گونگڑو بدین اور سجاول اضلاع سے گزرنے والے بڑے سیم نالے ہیں۔ انہیں بارشوں کے موسم میں بدین، سجاول اور ٹنڈو محمد خان کے سیلابی پانی کو سمندر تک پہنچانے کے مقصد کے تحت بنایا گیا تھا۔ لیکن پچھلے بیس سال سے یہ دونوں نالے ان اضلاع کی شوگر ملوں کی ملکیتی &#39;گٹر&#39; بن کر رہ گئے ہیں۔

سندھ میں 30 شگر ملیں چل رہی ہیں جن میں 13 انہی تینوں اضلاع میں واقع ہیں۔ ان میں بدین اور ٹنڈو محمد خان میں پانچ پانچ جبکہ سجاول میں تین ملیں قائم ہیں۔ نومبر سے جون تک یہ ملیں روزانہ ہزاروں ٹن زہریلا فضلہ ان سیم نالوں میں ڈالتی ہیں۔

انصاری شوگر مل کے ڈسٹلری یونٹ کا زہریلا مواد امیر شاہ سیم نالے میں ڈالا جاتا ہے جبکہ دیوان شوگر ملز اور شاہ مراد مل کا پانی گونگڑو نالے میں چھوڑا جاتا ہے۔ اس طرح بدین، گولاڑچی، میرپور بٹھورو اور جاتی تحصیلوں میں 800 سے زیادہ دیہات کی پانچ لاکھ آبادی ان نالوں سے براہ راست متاثر ہو رہی ہے۔

<h2>بھیڑ، بکری، انسان سب بیمار پڑے ہیں</h2>

تعلقہ ہسپتال گولاڑچی کے ڈاکٹر رمضان آرائیں نے لوک سجاگ کو بتایا کہ سیم نالوں کے زہریلے پانی کے باعث ان علاقوں میں ہیپاٹائٹس اور کینسر جیسے خطرناک امراض پھوٹ پڑے ہیں۔ نالوں کے آس پاس دیہات میں جلد کے امراض اور الرجی کے ساتھ سانس کی بیماریاں اور پھیپڑوں کا کینسر بھی عام ہو گیا ہے۔

گونگڑو نالے کے کنارے ایک سو گھروں پر مشتمل گوٹھ سومار لوٹھیو کے رہنے والے رشید لوٹھیو کہتے ہیں کہ نالے کا آلودہ پانی مویشیوں کی صحت کو بھی متاثر کر رہا ہے۔ اسی گاؤں کے غلام لوٹھیو کی پانچ بکریاں اور بچایو ملاح کی تین بھینسیں اس نالے کا پانی پی کر مر گئی ہیں۔

بدین، سجاول اور ٹنڈو محمد خان کے سیکڑوں دیہات میں پھیلے سیم نالوں کا آلودہ پانی پینے سے لاتعداد مویشی ہلاک ہو چکے ہیں۔

بدین میں محکمہ لائیو سٹاک کے ویٹرنری افسر ڈاکٹر عمران میمن بتاتے ہیں کہ امیر شاہ اور گونگڑو سیم نالوں کے آس پاس علاقوں میں 40 سے 50 فیصد بھیڑ بکریوں، گائے بھینسوں اور اونٹوں کی اموات انہی نالوں کے زہریلے پانی سے ہوتی ہیں۔

&quot;اس علاقے میں دسمبر سے جون تک چھ مہینے پینے کے پانی کا شدید بحران ہوتا ہے۔ جب جانوروں کے لئے صاف پانی میسر نہ ہو تو وہ سیم نالوں سے پانی پی لیتے ہیں اور پیٹ کی بیماریوں، کئی طرح کے ٹیومر اور کینسر کا شکار ہو کر مر جاتے ہیں۔ گرمی کے موسم میں مویشی ان نالوں کے پانی میں رہتے ہیں جس سے انہیں جلدی بیماریاں آ لیتی ہیں۔&quot;

<h2>نالوں کے بند کیوں ٹوٹ جاتے ہیں؟</h2>

امیر شاہ اور گونگڑو سیم نالوں کی تباہ کاری ان کے دو سو کلومیٹر تک پھیلے کمانڈ ایریا میں عام دکھائی دیتی ہے۔ ایک تو یہ نالے شوگر ملوں کے زہریلے مواد سے اٹے پڑے ہیں اور پھر ان کی صفائی کرنے یا ان کے کنارے مضبوط بنانے کا بھی کوئی انتظام نہیں ہے جس کی وجہ سے ہر سال بارشوں میں ان کے بند ٹوٹ جاتے ہیں اور زہریلا پانی کھیتوں میں داخل ہو کر انہیں بنجر کر دیتا ہے۔

&nbsp;امیر شاہ سیم نالے کے کنارے واقع بچل حجام گاؤں کے غفور حجام 16 ایکڑ زرعی زمین کے مالک ہیں جہاں کبھی وہ چاول، سورج مکھی، گندم اور سرسوں کاشت کیا کرتے تھے لیکن اب ان کی زمین ویران پڑی ہے۔ انہوں نے بتایا کہ ہر سال بارشوں کے موسم میں اس نالے میں شگاف پڑ جاتا ہے جس سے نالے کا زہریلا پانی زرعی زمینوں میں پھیل کر انہیں خراب کر دیتا ہے۔

بچل حجام کے قریب آسیلی جیسے ایک اجڑے گاؤں مٹھو میمن کے زمیندار رمضان میمن نے بتایا کہ اس گاؤں کے لوگوں کی ڈھائی ہزار ایکڑ زرعی زمین ہر سال آنے والے زہریلے پانی سے تباہ ہو گئی ہے جس کے بعد تمام لوگ شہر کو نقل مکانی کر گئے ہیں۔

<h2>&#39;ٹریٹمینٹ پلانٹ لگانے پر چھ کروڑ روپے خرچ آتا ہے&#39;</h2>

سندھ کے ساحلی علاقوں میں ماحولیات پر تحقیق کرنے والے ابوبکر شیخ نے لوک سجاگ کو بتایا کہ قانون کے مطابق ہر مل میں ایسا فلٹر اور ٹریٹمینٹ پلانٹ لگانا لازم ہے جس کے ذریعے فضلے کو صاف کر کے ماحول کو نقصان سے بچایا جا سکے۔ اگر اس قانون پر عمل کیا جائے تو ملوں سے خارج ہونے والے پانی کو 80 سے 90 فیصد تک صاف کیا جا سکتا ہے۔

انہوں نے کہا کہ شوگر ملوں کا ڈسٹلری یونٹ سارا سال چلتا رہتا ہے جس میں ایتھانول الکوحل کشید کیا جاتا ہے۔ انہوں نے بتایا کہ گنے کے رس سے ایک لیٹر الکوحل کشید کرنے کے لئے 15 لیٹر پانی استعمال کرنے کی اجازت ہوتی ہے۔ مگر یہ ملیں اس حد سے دس پندرہ گنا زیادہ پانی استعمال کرتی ہیں۔

جب یہ پانی کشید کے عمل سے گزر کر خارج ہوتا ہے تو اس میں کئی طرح کے کیمیائی مادے شامل ہو چکے ہوتے ہیں۔ ان میں سے جو پانی میں حل نہیں ہو سکتے وہ سطح آب پر تہہ بنا لیتے ہے جس کے باعث پانی میں آکسیجن کی مقدار کم ہو جاتی ہے اور آبی مخلوق ہلاک ہو جاتی ہے۔

ایک شوگر مل کے اہلکار نے لوک سجاگ کو بتایا کہ شوگر مل کے فضلے کو صاف کرنے کے پلانٹ کی تنصیب پر چھ کروڑ روپے سے زیادہ خرچہ آتا ہے اور اس کو چلانے کے اخراجات الگ ہیں اس لئے مل مالکان پلانٹ لگانے سے گریز کرتے ہیں۔

<h2>&#39;صاحب چھٹی پر ہیں&#39;</h2>

قانون دان ڈاکٹر روشن علی کہتے ہیں کہ تحفظ ماحولیات ایکٹ 1997ء کے تحت کوئی بھی فرد یا کمپنی کوئی زہریلا کیمیائی مادہ یا فضلہ عام ماحول میں خارج نہیں کر سکتے۔ ایسا کرنے کی صورت میں کمپنی کو جرمانہ اور اس کے مالک کو دو سال قید کی سزا ہو گی اور کمپنی پر پابندی بھی عائد کی جا سکتی ہے۔

انہوں نے بتایا کہ اس قانون کے تحت سینئر سول جج ماحولیاتی میجسٹریٹ ہوتا ہے مگر سندھ میں کوئی بھی ایسی عدالت نہیں ہے جو ماحول کو تحفظ دے۔

سپریم کورٹ کے قائم کردہ سندھ واٹر کمیشن کے سربراہ ریٹائرڈ جسٹس امیر حانی مسلم نے جنوری 2019ء میں ایک فیصلے میں کہا تھا کہ تمام شوگر ملوں میں پانی صاف کرنے کے پلانٹ کی موجودگی ضروری ہے لیکن اس حکم پر عمل نہیں کیا گیا۔

اس معاملے میں گولاڑچی کے اسسٹنٹ کمشنر ہاشم مسعود نے ردعمل دیتے ہوئےکہا کہ انہیں عہدے سنبھالے زیادہ دن نہیں ہوئے اور وہ جلد ہی سیم نالوں میں زہریلا مواد پھینکنے والی شوگر ملوں کو نوٹس جاری کریں گے۔

تھرپارکر میں کوئلے سے بجلی کی پیداوار: 'ہماری زمینیں زبردستی لی جا رہی ہیں اور ہمارا رہن سہن بدلا جا رہا ہے'۔

شوگر ملوں سے بہتا زہریلا فضلہ جنوبی سندھ کو ویران کر دے گا

پینسٹھ سالہ آمی مہیری ضلع بدین کے ایک چھوٹے سے علاقے کڑیو گھنور کے گاؤں کھتھڑ میں رہتی ہیں۔ یہ گاؤں کبھی &#39;فراسی&#39; بنانے کا مرکز ہوا کرتا تھا لیکن اب آمی یہاں اس کام کی واحد ماہر ہیں جو پینتالیس سال سے اس صدیوں پرانے فنی ورثے کو بچانے کی کوشش کر رہی ہیں۔ اس کام میں ان کی بہو اور بیٹی بھی ان کا ساتھ دیتی ہیں۔

فراسی ایک نادر قسم کا &#39;بچھونا&#39; ہے جو عام طور پر مہمانوں کے لیے چارپائی پر بستر کے نیچے بچھایا جاتا ہے۔ لیکن اس کی آرائشی اہمیت بھی ہے اور لوگ اسے غالیچے یا قالین کی طرح اپنے کمروں میں سجاتے ہیں۔

سندھ کے قدیم فنون اور روایتی دستکاری کی ترقی کے ادارے (سٹکو) کے سیکرٹری عبدالحمید آخوند بتاتے ہیں کہ فراسی بنانے والے &#39;مہیری&#39; اور &#39;جت&#39; قبائل میں والدین یہ ثقافتی تحفہ بیٹیوں کو جہیز میں بھی دیتے ہیں۔

&#39;&#39;فراسی کا فن بہت مشکل اور مشقت طلب ہے۔ اس میں سب سے پہلے اونٹ کے بالوں (مرس) اور بھیڑ کی اون کو جمع کیا جاتا ہے اور انہیں صاف کر کے ان کی ڈھیریاں بنائی جاتی ہیں۔ گھر کے مرد ان ڈھیریوں دھاگہ بناتے ہیں جس میں کئی روز لگتے ہیں۔ پھر ان دھاگوں کو ببول اور بیر کے درخت کی گوند (لاکھ) سے رنگ دیا جاتا ہے اور ان سے فراسی بُنی جاتی ہے۔&#39;&#39;

فراسی پر مختلف طرح کے رنگین پھول اور ڈیزائن بنائے جاتے ہیں۔ ہر رنگ اور ڈیزائن کے لیے الگ ریشمی دھاگے اور پشم استعمال کی جاتی ہے۔ فراسی بنانے کے لیے استعمال ہونے والے فریم اور دیگر سامان بھی کاریگر خود لکڑیوں اور رسیوں سے تیار کرتے ہیں جنہیں مقامی زبان میں ارٹ، گڑت، مکڑی، گھوڑی، پیزگ، ایس، جھل وغیرہ کہا جاتا ہے۔

&nbsp;فراسی کی تین اقسام ہوتی ہیں جنہیں فراسی، آدھی فراسی اور کھرڑی کہا جاتا ہے۔ کھرڑی صرف اونٹ اور بھیڑ کے بالوں سے بنائی جاتی ہے جبکہ فراسی اور آدھی فراسی میں اونٹ یا بھیڑ کے بالوں کے ساتھ رنگین ریشمی دھاگے بھی شامل ہوتے ہیں۔

&nbsp;ایک فراسی بنانے میں دو ماہر خواتین کو تین سے چھ ماه لگ جاتے ہیں۔ فراسی اپنی بناوٹ کے لحاظ سے بہت مضبوط ہوتی ہے اور سو سال تک نہ تو پھٹتی ہے اور نہ ہی کے رنگ یا ڈیزائن میں کوئی فرق آتا ہے۔

کھتھڑ گاؤں کے حسن مہیری بتاتے ہیں کہ ان کی اہلیہ فراسی بنانے کی ماہر تھیں۔ بےنظیر بھٹو شہید کے دور حکومت میں انہوں نے لندن&nbsp; کی ایک عالمی ثقافتی نمائش میں سندھی ثفاقتی ورثے کی نمائندگی کرتے ہوئے فراسی کا سٹال لگایا تھا۔ اس نمائش میں فراسیوں اور اس فن کو بیحد سراہا گیا مگر حکومت نے ان کی کوئی مدد نہیں کی اس لیے مایوس ہو کر ان کی اہلیہ نے یہ کام چھوڑ دیا۔

&#39;&#39;پہلے کھتھڑ، بجاری شریف، خانانی جت، باگھلی، سنھڑو مہیری، بھائی خان مہیری، سکھیو مہیری اور خیرو نوندانی سمیت علاقے کی بیس بستیوں میں چھ سو سے زیاده خواتین فراسی بنانے کا کام کرتی تھیں۔ مگر بہتر اجرت نہ ملنے کے باعث اکثر نے یہ کام چھوڑ دیا ہے اور اب اس علاقے کے دو دیہات میں مجموعی طور پر صرف چھ خواتین ہی&nbsp; فراسی بنانے کا ہنر جانتی ہیں۔&#39;&#39;

عبدالحمید آخوند کا کہنا ہے کہ چند سال پہلے ایک فراسی کی قیمت 10 سے 30 ہزار روپے تک ہوتی تھی، مگر مہنگائی کے باعث اس کی لاگت میں بہت اضافہ ہو گیا ہے۔ اب کاریگر فراسی کی قیمت ڈیڑھ لاکھ روپے تک طلب کرتے ہیں جس سے اس کی فروخت میں کمی آئی ہے۔

آمی مہیری اس فن کے زوال کا سبب یہ بتاتی ہیں کہ فراسی بنانے والی خواتین مسلسل بیٹھ کر کام کرنے سے گھٹنوں اور کمر کے درد میں مبتلا ہو جاتی ہیں۔ دھول اور آنکھوں پر دباؤ پڑنے سے نظر کمزور ہو جاتی ہے۔ یہی وجہ ہے کہ نوجوان لڑکیاں اس کام سے دور بھاگتی ہیں اور اسے سیکھنا نہیں چاہتیں۔

آمی بھی اب مایوسی کا شکار ہیں اور اس کام کو جاری رکھنا نہیں چاہتیں۔

&#39;&#39;میری والدہ، نانی، دادی اور ان کی پشتیں اسی ہنر سے وابستہ تھیں۔ اب لوگ ہمارا کام دیکھتے، اس کی تصویریں بناتے اور بڑی بڑی باتیں کرتے ہیں لیکن فراسی کوئی نہیں خریدتا جبکہ باتوں سے پیٹ کی آگ نہیں بجھتی۔&#39;&#39;

عبدالحمید اخوند نے بتایا کہ ان کے ادارے کا کام قدیم اور زوال پذیر دستکاری کو بچانا ہے جس کے لیے انہوں نے مختلف اضلاع میں ڈسپلے سنٹر بنائے ہیں اور ہنرمندوں کو دستکاری کا سامان بھی فراہم کیا جاتا ہے۔

ان کا کہنا ہے کہ سٹکو نے نمائشوں میں فراسی کی ہنرمندوں کو ہمیشہ مدعو کیا ہے اور ان کے کام کی نمائش بھی کی ہے۔ تاہم دستکاری کی مارکیٹنگ سٹکو کا نہیں بلکہ سندھ سمال انڈسٹریز ڈیپارٹمنٹ کا کام ہے۔ اگر حکومت اس قدیم ہنر کو بچانے اور فراسی کی عالمی مارکیٹ میں فروخت کے لیے اقدامات کرے تو فراسی کی کاریگروں کو تنگ دستی اور مایوسی کا سامنا نہیں کرنا پڑے گا۔

گوادر کی دوچ گر خواتین: 'کبھی کبھی نیند میں خیال آتا ہے کہ انگلی میں سوئی چبھ گئی ہے اور اس میں سے خون نکل رہا ہے'۔

لوگ 'فراسی'کی تصویریں تو بناتے ہیں مگر خریدتا کوئی نہیں: سندھ کا دم توڑتا قدیم ثقافتی ہنر

عمر ملاح بدین کی تحصیل گولاڑچی کے ایک اجڑے گاؤں امن ملاح میں رہتے ہیں۔ آج سے تیس سال پہلے یہ ایک بھرا پُرا علاقہ تھا جہاں مچھیروں کے تین سو سے زیادہ خاندان آباد تھے۔ یہ لوگ اپنی کشتیوں میں قریبی نریڑی جھیل میں ماہی گیری کرتے اور خوشحال زندگی گزارتے تھے لیکن اب اس گاؤں میں ویرانی کا راج ہے۔ بیشتر لوگ یہ جگہ چھوڑ کر جا چکے ہیں اور جو باقی ہیں وہ بقا کی جدوجہد میں لگے ہیں۔

اس گاؤں کی آبادی اور خوشحالی نریڑی جھیل سے وابستہ تھی جو اب پہلی حالت میں باقی نہیں رہی۔ یہ جھیل تازہ پانی سے محروم ہو گئی ہے، فیکٹریوں کے آلودہ پانی نے اس میں آبی حیات کا خاتمہ کر دیا ہے اور رہی سہی کسر سمندر نے پوری کر دی ہے جو تیزی سے اسے نگلتا جا رہا ہے۔

اب امن ملاح میں چند ہی گھرانے مقیم ہیں جن میں عمر ملاح کا خاندان بھی شامل ہے۔ چونکہ اب انہیں مچھلی نہیں ملتی اس لیے وہ جھیل کے آس پاس دیوی (ببول) کے جنگلات کی لکڑی اور اس سے کوئلہ بنا کر بیچتے ہیں۔

سندھ کی ساحلی پٹی پر معدوم ہوتی 80 سے زیادہ جھیلوں کے کنارے رہنے والے سینکڑوں ملاح خاندانوں کی یہی کہانی ہے جن کے خواب ان جھیلوں کے ساتھ مرتے جا رہے ہیں۔

بدین سجاول اور ٹھٹہ کی ساحلی پٹی میں تازہ پانی کی 80 سے زیادہ جھیلیں ہوا کرتی تھیں جن میں نریڑی، جھبو، شکور، سائینری، اچھ، کنڈڑی، چورھڈی، کھنبھرو، وایارو، ھڈا ، داسڑا، بہن، سانڈو، بکرانڈی، شیخانی، لوہن، کڈھ، دان، پٹیجی اور میانو جھیل اپنی خوبصورتی اور معاشی افادیت کے باعث بہت مشہور رہی ہیں۔

1999 میں آنے والے سمندری طوفان کے نتیجے میں سمندر کو خشکی کی طرف بڑھنے کا راستہ مل گیا اور دیکھتے ہی دیکھتے اس نے ذرخیز زمین کے ساتھ ساحلی پٹی کی متعدد قدیم جھیلوں کو بھی نگل لیا۔ تباہی کا یہ سلسلہ آج بھی جاری ہے اور اب یہ جھیلیں کھارے پانی کے سمندری ڈھورے بن کے رہ گئیں ہیں۔

تیزی سے معدوم ہوتی ان جھیلوں میں نریڑی اور جھبو بھی شامل ہیں اور یہ دونوں رامسر سائٹس (عالمی اہمیت کے حامل آبی مقامات) میں شمار ہوتی تھیں۔ نریڑی جھیل بدین کی تحصیل گولاڑچی اور ساحلی پٹی میں 12 ہزار ایکڑ پر پھیلی ہوتی تھی۔ لیکن کئی سال سے میٹھا پانی میسر نہ ہونے، چینی بنانے کی فیکٹریوں سے نکلنے والے کیمیائی مادوں اور بحیرہ عرب کے کھارے پانی نے اسے ایک سمندری کھاڑی میں تبدیل کر دیا ہے۔

اس سے کچھ دور گولاڑچی اور ضلع سجاول کے تحصیل جاتی کی ساحلی حدود میں ایک ہزار 745 ایکڑ پر پھیلی جھبو جھیل بھی میٹھے پانی کی کمی اور سمندری چڑھاؤ کی لپیٹ میں آ کر تباہ ہو گئی ہے۔ ماضی کی اس حسین کے آثار چند ہی ایکڑ پر باقی ہیں اور یہ بھی سمندر کی نذر ہونے والے ہیں۔

چند دہائیاں پہلے ان جھیلوں کے دامن ڈیڑھ سو سے زیادہ اقسام کے جانوروں اور پودوں کا مسکن تھے جن آبی پرندے، مچھلیاں، آبی پھل اور گھاس خاص طور پر قابل ذکر ہیں۔ ان جھیلوں میں ڈنبھرو، تھیرو، پوپری، کرڑو، رڑو، فوجی رڑو، منڈھو، کھگھو، تھیری، گراس، دیو، لوہڑ، بوہن، جرکو، موراکھی، گندن، وکھر، ڈاہی، گانیر اور دیگر اقسام کی مچھلیاں ملتی تھیں۔

ان جھیلوں سے نڑ، ٹوپ، کل، ڈیر، پن، سینر، ناڑو، کنول، لوڑھ، قم اور پابوڑو جیسے آبی پھل اور گھاس حاصل کی جاتی تھی۔

سرد موسم میں کونج، چیکھلو، ہنجھ، لاکھے جاجی، تور، نیرگی، تھورانڈو، ڈگوش، بوھاڑ، گہنو، رتونبو، بڈنو، چیہ، آڑی، پین، گوریو، سان، جاہو، چٹوڑو، کہنگ، کیناٹھی، گوھایو، گایو، کانیرو ، ڈیڈوڑو، اور دیگر اقسام کے لاکھوں پرندے وسط ایشیا سے ہجرت کر کے ان جھیلوں پر آتے تھے۔

بدین، ٹھٹہ اور سجاول کی ساحلی پٹی کے 4 ہزار دیہات کی تقریباً آٹھ لاکھ آبادی کی معاشی و سماجی زندگی کسی نہ کسی طرح ان جھیلوں سے منسلک تھی۔ یہاں رہنے والے مچھیرے انہی جھیلوں سے مچھلیاں پکڑ کر گزر بسر کرتے تھے۔ یہی نہیں بلکہ جھیلوں پر آنے والے غیر ملکی پرندے بھی ان کی روزی روٹی کا ذریعہ تھے جنہیں بیچ کر انہیں اس قدر رقم مل جاتی تھی کہ اس سے وہ اپنے بچوں کی شادیاں بھی کیا کرتے تھے۔

زیرو پوائنٹ کے خمیسو ملاح کا کہنا ہے کہ میٹھے پانی کی کمی سے جھیلیں برباد ہو گئی ہیں۔ یہاں کے لوگ اور باہر سے آنے والے سیاح پرندوں کا گوشت بہت پسند کرتے ہیں، خصوصاً بڑی دعوتوں میں&nbsp; پرندوں کا گوشت پکایا جاتا تھا جو ہم انہیں انہی جھیلوں سے پکڑ کر مہیا کرتے تھے۔ اب ہماری روزی کا یہ ذریعہ بند ہو گیا ہے کیونکہ جھیلیں ختم ہونے کے باعث سرد ممالک سے آنے والے لاکھوں مسافر پرندوں کی پناہ گاہیں بھی ختم ہو گئی ہیں۔

جھیلوں کے کنارے وسیع رقبے پر پھیلی گھاس ساحلی پٹی پر رہنے والے لوگوں کے مویشیوں کی خوراک تھی۔ دیہات اور ماہی گیروں کی بستیوں میں رہنے والی خواتین ان جھیلوں کے کنارے مخصوص جھاڑیوں سے عام استعمال کی مختلف چیزیں بنا کر فروخت کیا کرتی تھیں جبکہ مقامی بچے جھیلوں کے اندر اگنے والے آبی پھل بور، پونی، لوڑھ، قم اور پابوڑو کو بازاروں میں بیچ کر جیب خرچ حاصل کرتے تھے۔

سيرانی کے قریبی بھگڑا میمن گاؤں کی فاطمہ ملاح نے بتایا کہ برسوں پہلے ہم جھیل کی پن (آبی جھاڑی جس کے پتوں اور ٹہنیوں سے مختلف چیزیں بنائی جاتی ہیں) سے تڈے اور تئوریاں (چٹائیاں) بناکر بیچتے تھے&nbsp; اور اس کی آمدنی سے ہمارا اچھا گزارا ہو جاتا تھا۔ لیکن جب سے&nbsp; جھیلیں خشک ہونا شروع ہوئی ہیں تو پن بھی اگنا بند ہو گئے ہیں۔

&#39;&#39;اب ہمارے مرد شہروں میں جاکر مزدوری کرتے ہیں جو کبھی مل جاتی ہے اور کبھی وہ خالی ہاتھ واپس آتے ہیں۔ پہلے بھی ہم زیادہ خوشحال نہیں تھے لیکن جھیلیں ہماری بنیادی ضرورتیں پورا کر دیتی تھیں۔ اب ایسا بھی ہوتا ہے کہ ہمیں خالی پیٹ سونا پڑتا ہے۔&#39;&#39;

رضا آکاش