Despite the establishment of new local union councils in Umarkot tehsils, residents continue to face the challenge of commuting 80 km to Umarkot city for employment opportunities. Discover th

Despite New Local Union Councils, Umarkot Tehsil Residents Still Travel 80 km to Umarkot City for Work

پچاس سالہ ممتاز سومرو یونین کونسل کھوکھرا پار کے گاؤں جمعوں سوموں کے رہائشی ہیں جو عمر کوٹ سے 80 کلومیٹر شمال میں پاک بھارت سرحد کے قریب واقع ہے۔ وہ اپنے بچوں کے پیدائشی سرٹیفکیٹس لینے کے لیے عمر کوٹ آئے تھے جو نادرا نے فارم &#39;ب&#39; کے اجراء کے لیے ان سے طلب کیے ہیں۔

وہ بتاتے ہیں کہ ان کی یونین کونسل کا کھوکھراپار میں کوئی دفتر موجود نہیں ہے جس کی وجہ سے اس یوسی کا سیکریٹری و دیگر عملہ ضلعی ہیڈکوارٹر میں قائم دفتر میں ہوتا ہے۔

صرف ممتاز سومرو کو ہی اس تکلیف کا سامنا نہیں بلکہ تحصیل عمرکوٹ کے بیشتر لوگ اسی مشکل سے دوچار ہیں۔

&quot;ہمارے علاقے کے کسی بھی آدمی کو جب یونین کونسل سے برتھ سرٹیفکیٹ یا کوئی اور کاغذ لینا ہو اسے 80 کلومیٹر دور عمر کوٹ آنا پڑتا ہے جس پر ایک پورا دن اور کم از کم ایک ہزار روپے خرچ ہو جاتے ہیں۔ اگر کبھی افسر یا کلرک چھٹی پر ہو تو پھر چکر لگانے پڑتے ہیں جس پر اضافی خرچہ ہوتا ہے جبکہ بعض اوقات تو دو یا تین بار بھی آنا پڑتا ہے۔&quot;

عمر کوٹ (یا امر کوٹ) پہلے ضلع میر پور خاص کی تحصیل (تعلقہ) ہوا کرتی تھی لیکن 1993ء میں اسے ضلع بنا دیا گیا جس کی 2012 ء تک 27 یونین کونسلز تھیں۔ تاہم پھر ان کی تعداد بڑھا کر 42 کر دی گئی مگر دس سال قبل تشکیل پانے والی یوسیز کے دفاتر ابھی تک تعمیر نہیں جا سکے۔

گیارہ لاکھ 59 ہزار&nbsp; 831 افراد کی آبادی کا ضلع عمرکوٹ چار تحصیلوں پر مشتمل ہے جن میں سے تحصیل عمرکوٹ کے ساتھ صحرائے تھر کا علاقہ منسلک ہونے کے باعث یہ ضلعے کی سب سے بڑی تحصیل ہے۔ جبکہ اس کی 19 یونین کونسلز میں سے 14 میں دفاتر موجود نہیں ہیں۔

اس حوالے سے سیکریٹری یونین کونسل کھوکھراپار عبدالرزاق سموں بتاتے ہیں کہ اگرچہ نئی یو سیز کے ابھی تک اپنے دفاتر نہیں بنے تاہم عوام کے مسائل مسائل کو حل کرنے کے لیے&nbsp; یہ دفاتر میونسپل کمیٹی عمرکوٹ کی ایک بلڈنگ میں اکٹھے قائم کیے گئے ہیں جو پوری تحصیل کے سیکرٹریٹ کے طور پر کام آ رہی ہے۔

اجمل میندھرانی یونین کونسل جانھیرو کے رہائشی اور یہاں مقیم اپنی مینگھواڑ برادری کے &#39;مکھیا&#39; ہیں۔ وہ بتاتے ہیں کہ ان کا گاؤں جانھیرو جو تحصیل عمرکوٹ میں کنری روڈ پر واقع ہے اس کی یونین کونسل کا مرکز 35 کلو میٹر دور راجاڑی گاؤں کو بنایا گیا ہے جبکہ وہاں بھی یو سی کا اپنا کوئی دفتر نہیں ہے۔

&quot;برتھ سرٹیفکیٹ،رہائشی یا ڈیتھ سرٹیفکیٹ حاصل کرنے کے لیے ہماری یونین کونسل کے باسیوں کو 40 کلومیٹر سفر طے کر کے عمرکوٹ آنا پڑتا ہے۔&quot;

وہ کہتے ہیں کہ صوبائی حکومت ہر یونین کونسل کو ہر ماہ پانچ لاکھ روپے گرانٹ دیتی ہے جبکہ ان کی یو سی میں کوئی سیکریٹری یا کلر ک تک تعینات نہیں گیا۔ وہ کوئی بھی کام لے کر جائیں تو ہر بار اس کا چارج کسی اور کے پاس ہوتا ہے جبکہ اس یوسی کا کوئی ریٹائرڈ ملازم بھی نہیں ہے جس کو پینشن دینا پڑتی ہو۔

انہوں نے شکوہ کیا &quot; جب یو سی کا کوئی خرچ ہی نہیں ہے تو پھر ماہانہ گرانٹ کے یہ پانچ لاکھ روپے آخر کہاں خرچ ہو رہے ہیں؟ ہمیں اس کا کوئی جواب دینے کو تیار نہیں۔&quot;

سابق کونسلر کھیت سنگھ ٹھاکر بھی اجمل میندھرانی سے اتفاق کرتے ہیں کہتے ہیں کہ انہیں ان یوسیز سے عوام کو کوئی خاص فائدہ ہوتا نظر نہیں آیا۔ اس ضلعے میں 42 یونین کونسلیں&nbsp; ہونے کے باوجود دیہات اور قصبات میں صفائی کا کوئی انتظام ہے نہ ڈرینیج یا سیوریج کا کوئی خاطر خواہ سسٹم ہے جبکہ پینے کے صاف پانی کے حصول میں بھی لوگوں کو مشکلات کا سامنا ہے۔

سماجی کارکن دلبر حسین سومرو یونین کونسل نیوچھور کے رہائشی ہیں۔ وہ بتاتے ہیں کہ نیو چھور شہر کی گلیاں کچرا کنڈی بنی ہوئی ہیں جہاں یوسی انتظامیہ کے پاس صفائی کے لیے ایک بھی ملازم نہیں ہے۔

&quot;ہر دو تین ماہ کے بعد جب ہمارے شہر میں بدبو اور تعفن پھیلنے لگتا ہے تو میونسپل کمیٹی عمرکوٹ سے مدد مانگی جاتی ہے جہاں عملے کے کچھ لوگ آتے ہیں اور صفائی کر کے چلے جاتے ہیں۔&quot;

وہ کہتے ہیں کہ بلدیاتی الیکشن کا آخری مرحلہ مکمل ہونے کے بعد گزشتہ سال جولائی میں پونین کونسلز کا چارج نئے چئرمینوں اور منتخب اراکین کے سپرد کر دیا گیا تھا۔ اب تک پانچ لاکھ روپے ماہانہ کے حساب سے یونین کونسل نیوچھور گرانٹ کی مد میں 45 لاکھ روپے وصول کر چکی ہے۔

&quot;ان نو ماہ میں ہمارے جو ادارے عوام کو برتھ، ڈیتھ اور رہائشی سرٹیفکیٹس کی سہولت بھی ٹھیک سے نہیں دے پا رہے وہ کیا خاک ترقی لائیں گے۔&quot;

عبدالجبار سومرو یونین کونسل کھوکھرا پار کے منتخب چیئرمین ہیں جن کا تعلق پاکستان پیپلز پارٹی سے ہے۔ انہوں نے لوک سجاگ کو بتایا کہ یونین کونسلز موجود گرانٹ (پانچ لاکھ روپے) میں لوگوں کو صرف برتھ،ڈیتھ اور رہائشی سرٹیفکیٹس کی سہولت ہی دے سکتی ہیں۔

&quot;ہم زیادہ سے زیادہ کہیں کوئی سولر لائٹ لگوا سکتے ہیں یا کہیں کوئی چھوٹی موٹی سولنگ بنوا دیتے ہیں۔ کسی بیوہ عورت یا یتیم بچی کو سلائی مشین تک کی مدد کر دیتے ہیں تاہم اس رقم میں اس سے زیادہ ممکن نہیں ہے۔ ہاں! اگر حکومت ماہانہ گرانٹ دگنا یعنی دس لاکھ روپے کر دے تو دیہات میں کچھ ترقیاتی کام بھی ہو جائیں گے۔ &quot;

محمد میاں گاہو، ضلع عمرکوٹ میں ایڈیشنل ڈائریکٹر لوکل گورنمنٹ کے عہدے پر فائز ہیں۔ وہ اعتراف کرتے ہیں کہ یونین کونسلز شیخڑو، مہیندرے جو پار، کھوکھراپار، کچولی، حاجی میاں شاہ، کھاروڑو چارن، کونجیلی، میاں جان محمد، جانہیرو، صوفی فقیر اور کچھ دیگر یوسیز کے دفاتر نہ ہونا ایک سنگین مسئلہ ہے۔ تاہم اسے صرف صوبائی حکومت ہی حل کر سکتی ہے جس کے لیے وہ صوبائی حکام کو پہلے ہی مطلع کر چکے ہیں۔

وہ بتاتے ہیں کہ محکمے میں نئی بھرتیاں نہ ہونے سے سندھ بھر میں یو سی سیکریٹریز کی سیکڑوں اسامیاں خالی پڑی ہیں جبکہ عمرکوٹ تحصیل کی 19 یو سیز میں صرف آٹھ سیکرٹریز مقرر کیے گیے ہیں۔ امید ہے کہ آنے والے کچھ دنوں میں نئے سیکریٹری بھی تعینات ہو جائیں گے جس سے کام میں بہتری آئے گی۔

&quot;جب ایک ایک سیکریٹری کے پاس تین سے چار یوسیز کا چارج ہے تو پھر کام بھی اسی رفتار اور معیار کے مطابق ہی ہوں گے۔&quot;

ایڈیشنل ڈائریکٹر لوکل گورنمنٹ کی مجبوریاں اور وضاحتیں اپنی جگہ لیکن ممتاز سومرو کہتے ہیں کہ تحصیل عمرکوٹ میں ایسی 19 یونین کونسلیں بنانے کا کیا فائدہ جہاں ایک غریب آدمی کو رہائشی یا برتھ سرٹیفکیٹ لینے کے لیے بھی 80 کلومیٹر مسافت طے کرنی پڑے۔

عمر کوٹ میں جسمانی معذور بچے تعلیمی سہولیات میں میٹرک تک توسیع کے منتظر

عمر کوٹ تحصیل میں 'برتھ سرٹیفکیٹ' کے لیے 80 کلومیٹر سفر کیوں کرنا پڑتا ہے؟

text

"Shining a spotlight on the often overlooked, yet resilient Scheduled Caste Hindus in Pakistan's General Elections. This meta description unravels the narrative of neglect, shedding light on 

"Democracy for All: Scheduled Caste Hindus' Participation in Pakistan's General Elections"

پی ایس- 51 عمر کوٹ: شیڈولڈ کاسٹ ہندوؤں کی حالت زار

video

"Delve into the intersection of faith and politics as we explore the significant role played by Pakistan's Hindu community in General Elections. This meta description unveils the unique dynam

"Bridging Faith and Politics: Examining the Role of Pakistan's Hindu Community in General Elections"

پی ایس- 49 عمر کوٹ: ہندو کمسن لڑکیوں کو اغوا کر کے جبری طور پر مسلمان کیا جاتا ہے

پی ایس- 50 عمرکوٹ: اقلیتی آبادی 51 فیصد لیکن حقوق سے محروم

ملک میں سب سے زیادہ ہندو آبادی سندھ کے ضلع عمر کوٹ میں رہتی ہے جہاں لگ بھگ 52 فیصد لوگ ہندو دھرم سے تعلق رکھتے ہیں۔آئندہ انتخابات میں اس ضلعے میں ایک قومی اور تین صوبائی نشستیں کے لیے انتخابات ہوں گے جن میں اس بار بھی ہندو برادریوں کا ووٹ فیصلہ کن کردار ادا کرے گا۔

اس ضلع میں رجسٹرڈ ووٹرز کی کل تعداد پانچ لاکھ 89 ہزار 350 ہے جس میں دو لاکھ 78 ہزار 379 خوتین اور تین لاکھ 10 ہزار 971 مرد ووٹرز ہیں۔

گزشتہ انتخابات میں یہاں کی واحد قومی اور تینوں صوبائی نشستیں پیپلزپارٹی نے جیتی تھیں۔ یہاں پی پی نے اس انتخابی معرکے کے لیے سابقہ امیدوار کھڑے کیے ہیں جن کے مقابلے میں پی ٹی آئی کے امیدوار آزاد لڑ رہے ہیں جبکہ نواز لیگ اور جی ڈی اے نے مشترکہ امیدوار میدان میں اتارے ہیں۔

این اے 213 عمرکوٹ پر پیپپلز پارٹی سے نواب محمد یوسف تالپر، پی ٹی آئی کے سابق ایم این اے لالچند مالھی اور جی ڈی اے کی اتحادی ن لیگ کے میر امان اللہ تالپر مد مقابل ہیں۔

اس ضلعے کی انتخابی سیاست پر برادریوں، پیروں، گدی نشینوں اور اقلیتی سیاسی رہنماؤں کی گرفت خاصی مضبوط ہے۔ جس کے سبب غوثیہ جماعت کے سربراہ شاہ محمود قریشی یہاں سے قومی نشست پر دو مرتبہ الیکشن لڑ چکے ہیں اور اب سندھ سے تیسری بار امیدوار ہیں۔

<hr />
<h2 style="text-align:center">عمرکوٹ نئی حلقہ بندیاں 2023</h2>

2018 کا قومی اسمبلی کا حلقہ این اے 220 عمرکوٹ&nbsp; اب این اے 213 عمرکوٹ&nbsp; ہے 
عمر کوٹ کا یہ حلقہ ضلع عمر کوٹ کی مکمل آبادی پر مشتمل ہے۔ اس میں کوئی تبدیلی نہیں آئی ہے۔

2018 کا صوبائی اسمبلی کا حلقہ پی ایس 51 عمر کوٹ 1 اب پی ایس 49 عمرکوٹ 1 ہے 
یہ حلقہ پورے پتھورو&nbsp; تعلقے، پورے سمارو تعلقے اور عمرکوٹ تعلقے کے علاقوں پر مشتمل ہے۔ 2023ء کی نئی حلقہ بندیوں کے مطابق اس حلقے سے عمر کوٹ تعلقے کے صوفی ٹپے دار سرکل کو نکالا گیا ہے۔

2018 کا صوبائی اسمبلی کا حلقہ پی ایس 52 عمرکوٹ 2 اب پی ایس 50 عمرکوٹ 2 ہے 
&nbsp;یہ حلقہ عمرکوٹ تعلقے کے علاقوں پر مشتمل ہے۔ 2023ء کی نئی حلقہ بندیوں کے تحت اس حلقے سے کھیجراڑی&nbsp; ٹپے دار سرکل، سیراٹھی&nbsp; ٹپے دار سرکل اور قاضی محمد درس ٹپے دار سرکل کو&nbsp; نکالا ہے۔

2018 کا صوبائی اسمبلی کا حلقہ پی ایس 53 عمرکوٹ 3 اب پی ایس 51 عمرکوٹ 3 ہے 
یہ حلقہ پورے کُنری تعلقہ اور عمرکوٹ تعلقے کے علاقوں پر مشتمل ہے۔ 2023ء کی نئی حلقہ بندیوں کے تحت اس حلقے میں عمرکوٹ تعلقے کے&nbsp; کھیجراڑی ٹپے دار سرکل، سیراٹھی ٹپے دار سرکل، قاضی محمد درس ٹپے دار سرکل اور صوفی ٹپے دار سرکل&nbsp; کو اس حلقے میں شامل کیا ہے۔

<hr />

شاہ محمود اس بار سابقہ حلقے سے متصل این اے 214 تھرپارکر ون (ڈاہلی- چھاچھرو) سے میدان میں اترے ہیں۔ پچھلی بار انہوں نے گدی نشین ہونے کے باعث ملتان میں بیٹھ کر یہاں سے ایک لاکھ سے زائد ووٹ حاصل کیے تھے۔ اگرچہ وہ جیت نہیں سکے تاہم انہوں نے دونوں مرتبہ یوسف تالپر کو ٹف ٹائم دیا تھا۔

اس حلقے میں پیر پگارا کی حر جماعت، مخدوم جمیل الزمان کی سروری جماعت، مخدوم شاہ محمود کی غوثیہ جماعت اور پیر نور محمد شاہ کی جیلانی جماعت کے لوگوں کی کثیر تعداد موجود ہے۔ جن میں سے سروری اور جیلانی جماعتیں پی پی، حر جماعت جی ڈی اے اور غوثیہ جماعت پی ٹی آئی کے ساتھ کھڑی ہے۔

اسی طرح ہندو ووٹرز پر ڈھاٹ کے رانا ہمیر سنگھ، پیپلز پارٹی کے رہنماؤں کھٹومل جیون، پونجو مل بھیل اور کرشنا کماری کولھی جبکہ پی ٹی آئی کے لالا مالھی کا زیادہ اثر ہے۔

عمرکوٹ کے رہائشی عارب بھیل اپنی برادری کی فلاحی تنظیم &quot;بھیل سجاگ اتحاد &quot;کے رکن اور سماجی ورکر ہیں۔ انہوں نے لوک سجاگ کو بتایا کہ اس الیکشن میں ہندو ووٹرز اور خاص طور پر بھیل، مینگھواڑ، اوڈ، کولھی اور جوگی برادریوں نے جس پارٹی یا امیدوار کو سپورٹ کیا یقینی طور پر اسی کی ہی جیت ہو گی۔

عمرکوٹ کے شوانی محلہ کے رہائشی بابو درزی بتاتے ہیں کہ مخدوم شاہ محمود کو یہاں اتنے زیادہ ووٹ پڑنے کی وجہ پی ٹی آئی نہیں بلکہ غوثیہ جماعت سے منسلک ہزاروں مریدین تھے۔

وہ کہتے ہیں کہ اس بار شاہ محمود نے اس قومی حلقے سے اپنے قریبی سیاسی رفیق لال چند مالھی کو آزاد حیثیت میں کھڑا کیا ہے۔ جو پچھلی دونوں قومی اسمبلیوں میں مخصوص نشست پر پی ٹی آئی کے رکن رہ چکے ہیں اور ان کی مالھی برداری عمرکوٹ شہر کی اکثریتی برادری ہے۔

ان کے مطابق موجودہ حالات میں پی پی مخالف ووٹ جی ڈی اے اتحاد اور آزاد امیدوار لال چند مالھی میں تقسیم ہو گا اور اس کا فائدہ پیپلزپارٹی اٹھائے گی۔

سابق سٹوڈنٹ لیڈر اور کنری کے بیوپاری راجا دائم سادھو بتاتے ہیں کہ ماضی میں &#39;امرکوٹ کا حکمران&#39; ڈھاٹ کا رانا خاندان کچھ برسوں کو چھوڑ کر ہمیشہ پی پی کے ساتھ رہا ہے۔

&quot;موجودہ رانا ہمیر سنگھ سوڈھو پچھلی سندھ اسمبلی میں پی پی کے اقلیتی رکن رہے اور اس بار بھی پارٹی نے فہرست میں انہیں پہلے نمبر پر رکھا ہے۔ جس کی وجہ سے ان کے زیر اثر راجپوت، جوگی اور دیگر ہندو برادریاں پی پی کو ہی ووٹ کریں گی۔&quot;

وہ کہتے ہیں کہ مینگھواڑ برادری کا ووٹ ضلعے کی ہندو برادریوں میں سے سب سے زیادہ ہے۔ پیپلز پارٹی نے ڈاکٹر کھٹومل اور ن لیگ نے نیلم کماری کو مخصوص نشست پر نامزد کیا ہے۔ کھٹومل مینگھواڑ برادری کےپرانے رہنما اور نیلم کماری سیاست میں نووارد ہیں اس لیے برادری میں کھٹومل کی بات زیادہ مانے جائے گی۔

تاہم پی پی مینارٹی ونگ کے رہنما پونجو مل بھیل اقلیتی نشستوں کی پارٹی لسٹ میں اپنا نام آٹھویں نمبر پر آنے پر برہم ہیں۔ انہوں نے پریس کانفرنس میں الزام لگایا کہ پی پی سمیت تمام پارٹیاں مخصوص نشستیں ہندو جاگیر داروں اور سیٹھوں کو بیچتی ہیں۔ جس پر یہ تاثر پایا جاتا ہے کہ بھیل برادری کا ووٹ تقسیم ہو گا۔

کستور چند مینگھواڑ عمرکوٹ کے شہر نیوچھور کے سابق کونسلر ہیں۔ ان کا ماننا ہے کہ یہاں کے اقلیتی رہنما ہمیشہ سے رکن اسمبلی، سینیٹر، وزیر و مشیر بنتے آ رہے ہیں اور اب بھی سب کو ایک ہی جماعت سے آسرا ہے۔ اس لیے اقلیتی برادریوں کا 70 سے 80 فیصد ووٹ پی پی کو ہی ملے گا۔

&nbsp;جی ایم بگھت طویل عرصے سے قوم پرست سیاست سے وابستہ ہیں۔وہ سمجھتے ہیں کہ پی پی مخالف جماعتوں کے امیدواروں میں اگر سیٹ ایڈجسٹمینٹ نہیں ہوتی تو پی پی امیدوار نواب محمد یوسف تالپر آسانی سے جیت جائیں گے۔

پی ایس 49 پتھورو، سامارو پر سردار علی شاہ پیپلز پارٹی، جماعت غوثیہ کے خلیفہ اکبر پلی آزاد (پی ٹی آئی) اور فقیر خضر حیات منگریو جی ڈی اے کے امیدوار ہیں۔ جبکہ مقامی پی پی رہنما اور سروری جماعت کے خلیفہ علی مراد راجڑ بھی یہاں آزاد الیکشن لڑ رہے ہیں۔

علی مراد بتاتے ہیں کہ یہ ان کا پرانا حلقہ انتخاب ہے جہاں انہوں نے 2008ء میں فنکشنل لیگ کے سابق وزیراعلیٰ اور موجودہ سینیٹر مظفر علی شاہ کو شکست دی تھی۔ 2013ء میں مرشد مخدوم امین فھیم اور سردار علی شاہ میں معاہدہ ہوا تھا کہ 2018ء میں ٹکٹ انہیں (علی مراد کو) ملے گا لیکن اس معاہدے پر کوئی عمل نہیں ہوا۔

اس نشست پر جی ڈی اے کے امیدوار سابق وزیر ممکت فقیر جادم مرحوم کے بھائی فقیر خضر حیات منگریو پہلی بار الیکشن لڑ رہے ہیں۔ وہ کہتے ہیں کہ نئی حلقہ بندیوں میں پی پی کو فائدہ پہنچایا گیا ہے تاہم وہ الیکشن میں مقابلے کے لیے تیار ہیں۔ 
یہاں پی پی کے باغی علی مراد راجڑ کے الیکشن لڑنے کا جی ڈی اے کو فائدہ ہو سکتا ہے۔

پی ایس 50 عمر کوٹ میں پیپلز پارٹی سے امیر علی شاہ، پی ٹی آئی کے سابق ایم این اے لال چند کے بھائی لیکھراج مالھی آزاد جبکہ نواز لیگ اور جی ڈی اے سے غلام نبی منگریو میدان میں اترے ہیں۔

اس حلقے سے سابق وزیر اعلیٰ ارباب غلام رحیم دو الیکشن ہار چکے ہیں۔ ان کی نہڑی برادری کے یہاں 15 ہزار سے زائد ووٹ ہیں۔ اس مرتبہ انہوں نے یہاں اپنے بیٹے ارباب ابراہیم کو کھڑا کیا تھا مگر پیر پگارا کے خلیفے فقیر غلام نبی کے حق میں دستبردار کرایا لیا ہے۔ جس سے نہڑی برادری کا ووٹ تقسیم ہونے کا اندیشہ ہے اور اس کا فائدہ پی پی کو ہوگا۔

&nbsp;پی ایس 51 کنری پر پیپلز پارٹی کے نواب تیمور تالپر اور ان کے روایتی حریف نواز لیگ و جی ڈی اے کے مشرکہ امیدوار دوست محمد میمن مدمقابل ہیں۔

&nbsp;یہاں بھی صورتحال پی ایس 50 سے مختلف نہیں ہے۔ ڈاکٹر دوست محمد سابق صوبائی وزیر تیمور تالپر سے پچھلے دو الیکشن ہار چکے ہیں اور اس بار بھی تیمور تالپر کا پلہ بھاری ہے۔

برھان الدین کنبھار پیپلز پارٹی کے ضلعی ترجمان ہیں۔ وہ بتاتے ہیں کہ پیپلز پارٹی کے امیدوار مقامی لوگ ہیں اور ہر وقت یہاں موجود رہتے ہیں جبکہ مخالفین کبھی ارباب غلام رحیم تو کبھی مخدوم شاہ محمود کو یہاں لاتے ہیں۔ عمر کوٹ کے لوگ امپورٹڈ امیدواروں کو ووٹ نہیں کرتے اس لیے یہاں اب بھی نتائج پچھلے تین انتخابات سے مختلف نہیں ہوں گے۔

حیدرآباد: "لوگ صرف پارٹی نشان کو ووٹ دیتے ہیں" کیا یہاں نتائج میں کوئی تبدیلی آئے گی؟

گدی نشینوں اور ہندو برادریوں کا کردار اہم عمرکوٹ کا قلعہ اب کی بار کون فتح کرے گا؟

دیوان مالھی عمرکوٹ شہر کے علاقے چندی رام نگر کے رہائشی ہیں۔ ان کا گھر سرکاری واٹر فلٹریشن پلانٹ سے نصف کلومیٹر پر ہے لیکن انہیں پینے کے لیے صاف پانی بازار سے خریدنا پڑتا ہے۔

وہ بتاتے ہیں کہ انہوں نے گھر میں واٹر سپلائی کا کنکشن لگایا ہوا ہے اور ہر ماہ میونسپل کمیٹی کا سو روپے کا بل باقاعدگی سے ادا کرتے ہیں لیکن پانی مہینے میں ایک یا دو بار آتا ہے اور وہ بھی پینے کے قابل نہیں ہوتا۔ اسے صرف برتن اور کپڑے دھونے کے لیے ہی استعمال کیا جا سکتا ہے۔

ڈسٹرکٹ ہیڈکوارٹر عمرکوٹ کی میونسپل کمیٹی میں ایک لاکھ 44 ہزار سے زائد افراد رہتے ہیں۔ مگر شہر میں پینے کا صاف پانی مہیا کرنے والا واحد فلٹریشن پلانٹ چھ ماہ سے بند پڑا ہے۔ شہریوں کے کبھی کبھار تالابوں سے نہر کا پانی فراہم کر دیا جاتا ہے۔

یہاں صرف دیوان مالھی ہی نہیں پورا شہر ہی پانی کی قلت کا شکار ہے۔ چھور روڈ، کنری روڈ، چھاچھرو روڈ اور رتنور روڈ پر واقع راہموں کالونی، مینگھواڑ کالونی، جیون نگر، ہاری کیمپ سمیت 20 کے قریب علاقے ویسے ہی پانی کی سہولت سے محروم ہیں۔

میونسپل کمیٹی عمرکوٹ کے سرکاری ریکارڈ کے مطابق اس وقت فلٹر پلانٹ پر بیلداروں سمیت 22 ملازم کام کر رہے ہیں۔

برھان کنبھر پیپلز پارٹی کے ضلعی سیکرٹری اطلاعات ہیں۔ وہ کہتے ہیں کہ میونسپل کمیٹی اور گردو نواح کی آبادی دو لاکھ کے قریب بنتی ہے جبکہ فلٹریشن پلانٹ چھوٹا ہے۔ پانی کی قلت کی وجہ سے شہر میں ٹینکر مافیا کا راج قائم ہو چکا ہے۔

میونسپل کمیٹی سے ملنے والے اعداد و شمار کے مطابق شہر عمرکوٹ میں واٹر سپلائی کے سات ہزار کنکشن ہیں اور ہر صارف سے ماہانہ 100 روپے فیس وصول کی جاتی ہے۔

جھامن کمار مالھی عمرکوٹ کے شوانی محلہ کے رہائشی ہیں۔ وہ بتاتے ہیں کہ شہر میں 50 سے زائد نجی واٹر ٹینکر ہیں جو مختلف کالونیوں اور دیہات میں پانچ سے چھ ہزار روپے فی ٹینکر پانی دیتے ہیں۔ شہر میں چنگچی رکشوں اور گدھا گاڑیوں پر پانی لایا جاتا ہے۔

&nbsp;مگر یہ نہر سے لایا جانے والا پانی بھی صاف نہیں کیا جاتا۔ اسے پینے سےعمرکوٹ اور گرد و نواح میں پیٹ کے امراض اور گیسٹرو میں تیزی سے اضافہ ہو رہا ہے۔

سول ہسپتال عمرکوٹ کے تین وارڈز (مرد، خواتیں اور بچوں کے وارڈز) سے ملنے والے اعداد و شمار کے مطابق نومبر 2023ء کے ابتدائی 20 دنوں میں یہاں گیسٹرو اور ڈائریا کے 573 مریض داخل ہوئے جن میں 70 مرد، 93 خواتین اور 410 بچے شامل تھے۔

ریکارڈ کے مطابق گذشتہ سال کے انہیں 20 دنوں میں گیسٹرو اور ڈائریا کے عورتوں، بچوں سمیت 181 مریض سول ہسپتال عمرکوٹ میں داخل ہوئے تھے۔

ڈاکٹر اللہ داد راٹھور سابقہ ڈسٹرکٹ ہیلتھ آفیسر عمرکوٹ ہیں۔ وہ کہتے ہیں کہ عمرکوٹ شہر اور دیہات میں پیٹ کی بیماریوں کی اہم وجہ نہری پانی ہے۔ جو یہاں پہنچتے پہنچتے آلودہ ہو چکا ہوتا ہے۔

ان کا کہنا تھا کہ گیسٹرو اور پیٹ کے امراض کی 50 فیصد وجہ خراب پانی اور 50 فیصد دیگر فیکٹر یعنی مختلف وائرس ہیں۔ لوگوں کی مجبوری یہ ہے کہ شہر میں زیر زمین پانی کڑوا اور پینے کے قابل نہیں ہے۔

ڈاکٹر وشنداس سوٹھڑ، سندھ ایگریکلچر یونیورسٹی ٹنڈو جام میں سوائلسائنسز ڈیپارٹمنٹ کے اسٹنٹ پروفیسر اور سب کیمپس عمرکوٹ میں تعینات ہیں۔ انہوں نے یہاں نہری اور زیر زمیں پانی کی تجزیاتی رپورٹ تیار کی ہے۔

وہ بتاتے ہیں کہ شہر کی واٹر سپلائی یعنی نہری پانی کے 25 اور مختلف مقامات سے زیر زمین پانی کے 85 سیمپل (نمونے) حاصل کیے گئے تھے۔ رپورٹ کے مطابق عمرکوٹ میں نہری اور زیر زمین پانی کی کوالٹی مجموعی طور پر تسلی بخش نہیں ہے۔

وہ کہتے ہیں کہ بیشتر مقامات پرنہری پانی کا ٹی ڈی ایس لیول 50 ملی گرام فی لیٹر سے کم ہے اور یہ پانی پینے کے لیے قطعی ٹھیک نہیں ہے۔

وہ کہتے ہیں کہ یہاں زیر زمیں پانی کا پی ایچ لیول 8 ہے۔ جبکہ آدھے نمونوں میں ٹی ڈی ایس (ٹوٹل ڈزالوڈ سالڈز ) دو ہزار سے اوپر ہے اور اس میں آرسینک کی مقدار بھی زیادہ ہے۔

&quot;یہ پانی پینے تو کیا زرعی استعمال کے بھی لائق نہیں&quot;۔

عمر کوٹ کا واٹر فلٹریشن پلانٹ اب میونسپل کمیٹی چلا رہی ہے۔ یہاں واٹر سپلائی انچارج اشوک کمار مالھی بتاتے ہیں کہ کوٹ واہ اور تھر واہ سے پائپ لائن کے ذریعے پانی لا کر تالابوں میں سٹور کیا جاتا ہے اور یہاں سے شہر کو سپلائی ہوتا ہے۔

&nbsp;وہ تصدیق کرتے ہیں کہ پلانٹ چھ ماہ سے بند ہونے کی وجہ سے فلٹرشدہ پانی تو شہریوں کو نہیں مل رہا۔ البتہ نہروں سے آنے والا دریائے سندھ کا پانی جو نسبتاً بہتر اور میٹھا ہوتا ہے وہ فراہم کیا جا رہا ہے۔

سید حیدر شاہ پبلک ہیلتھ ڈیپارٹمنٹ میں سینیئر سب انجینئر ہیں۔ وہ بتاتے ہیں کہ عمر کوٹ کے فلٹریشن پلانٹ کا میگا منصوبہ 2006ء میں شروع ہوا اور 2014ء میں مکمل ہوا تھا۔ اس پر 65 کروڑ روپے لاگت آئی اور اس کا مقصد عمرکوٹ کی ایک لاکھ آبادی کو روزانہ 34 لاکھ گیلن فلٹر شدہ پانی فراہم کرنا تھا۔

ان کا دعویٰ ہےکہ فلٹریشن پلانٹ کی میعاد 2020ء تک تھی مگر یہ تین سال بعد بھی کام کر رہا ہے۔

تاہم پیپلز پارٹی کے نو منتخب چیئرمین میونسپل کمیٹی خالد سراج سومرو اس پلانٹ کی خرابی کا ذمہ دار پبلک ہیلتھ ڈیپارٹمنٹ کے افسروں کو قرار دیتے ہیں۔

وہ کہتے ہیں کہ ڈیپارٹمنٹ نے فلٹریشن پلانٹ کا بیڑہ غرق کرنے کے بعد میونسپل کمیٹی کے حوالے کیا ہے۔

&quot;محکمے کی لاپروائی کے باعث پلانٹ کا اہم پمپ خراب ہوا۔ اس کی کلورینیشنیں مشین، بیک واش مشین، 50 ہارس پاور کی موٹر اور 400 کے وی کا جنریٹر بھی تباہ کر کے کمیٹی کے حوالے کر دیے گئے ہیں&quot;۔

&nbsp; خالد سراج کا کہنا تھا کہ اب فلٹریشن پلانٹ کے لیے تمام مشینری میونسپل کمیٹی مہیا کرے گی جس کے لیے انتظامات کیے جا رہے ہیں۔ شہری آبادی کے ہر ایک وارڈ میں نئے واٹر سپلائی کنکشن جون تک لگا دیے جائیں گے اور پانی کی فراہمی بھی شروع کر دی جائے گی۔

سب انجینئر پبلک ہیلتھ کہتےہیں کہ پی پی حکومت نے کچھ عرصہ قبل عمرکوٹ میں صاف پانی کی گنجائش بڑھانے کے لیے ایک منصوبے کی منظور دی تھی۔

نئی سکیم کے تحت سات میل نہر کے ریگولیٹر کے قریب پانی کے لیے دو بڑے تالاب بنائے جانے ہیں جن کے لیے 29 ایکڑ اراضی درکار ہے۔ یہ معاملہ پبلک ہیلتھ اور محکمہ ریونیو کے درمیان آخری مراحل میں تھا کہ نگران سیٹ اپ آ گیا اور کام شروع ہونے میں تاخیر ہو گئی ہے۔

انہوں نے بتایا کہ اس منصوبے کا ابتدائی تخمینہ ایک ارب سات کروڑ 80 لاکھ روپے لگایا گیا تھا اور حکومت نے پہلے مرحلے میں 20 کروڑ کی منظوری دی تھی۔ اندازے کے مطابق اس منصوبے کی تکمیل سے شہر اور نواح کی دو لاکھ 42 ہزار آبادی کو صاف پانی میسر&nbsp; آئے گا۔

میانوالی: "فنڈز ملتے ہی تمام واٹر فلٹریشن پلانٹس کو چلا دیا جائے گا، تب تک ڈاکٹروں کی ہدایات پر عمل کریں"

عمرکوٹ: زیر زمین پانی کڑوا، فلٹریشن پلانٹ چھ  ماہ سے بند، شہری کہاں سے پانی پیتے ہیں؟

سھراب سومرو ضلع عمرکوٹ کے گاؤں &#39;جالو جو چونیرو&#39; کے رہائشی ہیں۔ وہ مقامی پرائمری سکول میں چوکیدارہ کرتے ہیں۔ تین ماہ قبل ان کے 12 سالہ بیٹے کو تیز رفتار لانگ جیپ(جگاڑو) نے کچل دیا۔ زخمی شاہنواز کو ہسپتال لے جایا گیا مگر وہ وہاں پہنچنے سے پہلے ہی دم توڑ چکے تھے۔

یہ واقعہ صحرائے تھر میں کھوکھرا پار چھور روڈ پر پیش آیا تھا۔ سھراب سومرو جواں سال بیٹے کی ہلاکت پر قانونی کارروائی کرنا چاہتے تھے لیکن انہیں برادری کے دباؤ پر حادثے کے ذمہ دار جیپ ڈرائیور غلام سمیجو کو معاف کرنا پڑا۔

نوعمر شاہنواز کے ماموں محمد فضل سومرو بتاتے ہیں کہ ان کے معصوم بھانجے کی میت ابھی گھر کے آنگن میں ہی رکھی تھی کہ جیپ ڈرائیور غلام سمیجو اپنی برادری کے 50 سے زائد معززین کو لے کر سوگوار خاندان کے گھر پہنچ گیا۔ آخری رسومات کے بعد تمام معززین نے معافی طلب کرنا شروع کر دی۔

&quot;سندھ میں صدیوں سے &#39;میڑھ منت قافلے&#39; کا رواج چلا آ رہا ہے۔ واقعے کا ذمہ دار گھر آ&nbsp; کر جرم کا اعتراف کرتے ہوئے معافی مانگے (سندھی میں اسے &#39;تڈو بخشانہ&#39; کہتے ہیں) تو اسے معاف کر دیا جاتا ہے۔&quot;

وہ کہتے ہیں کہ روایت کے تحت سھراب سومرو نے بھی ڈرائیور کو معاف کر دیا۔ البتہ تمام لوگوں نے اتفاق رائے سے ڈرائیور غلام سمیجو کے کھوکھراپار چھور روٹ پر لانگ جیپ چلانے پر پابندی لگا دی ہے۔

عمرکوٹ اور تھرپارکر میں صرف شاہنواز ہی نہیں، معروف الٹرا ساؤنڈ سپیشلسٹ ڈاکٹر نیاز سمیجو سمیت درجنوں افراد ان لانگ جیپوں کے حادثات میں جانیں گنوا چکے ہیں لیکن معافی تلافی یا &#39;میڑھ منت&#39; کے باعث یہ حادثات رپورٹ تک نہیں ہوتے۔

صرائےتھر کے بڑے قصبات اور شہروں کے درمیان آمدورفت کے لیے طویل عرصے تک اونٹ کے علاوہ ایک خاص ساخت کے ٹرک (مقامی لوگ اسے کیکڑا یا چھکڑا کہتے ہیں) استعمال ہوتے رہے ہیں۔ ریتلے اور اونچے نیچے راستوں پر تیز سفر کے لیے ان گاڑیوں کا متبادل نہیں تھا۔

80ء کی دہائی میں پاک بھارت سرحدی علاقوں میں کہیں کہیں جیپیں نظر آنے لگیں۔ ان میں زیادہ تر سوزوکی کمپنی کی تیار کردہ ماڈل &#39;سمورائی&#39; اور &#39;شیرا&#39; فور ویل ڈرائیو 5/7 سیٹر گاڑیاں تھیں۔ یہ گاڑی عام جیپ سے تھوڑی لمبی تھی، اس لیے اسے لانگ جیپ بھی کہا جاتا تھا۔

&nbsp;طاقتور انجن (ہزار سے ڈیڑھ ہزار سی سی) اور آف روڈ صلاحیت کے باعث ان گاڑیوں کو سرحد پر سمگلنگ کے لیے استعمال کیا جاتا تھا۔ تاہم 80ء کی دہائی کے آخر میں بارڈر پر باڑ لگنے سے یہ دھندہ بند ہو گیا تو ان گاڑیاں کو سواریوں اور سامان کی نقل و حمل کے لیے استعمال کیا جانے لگا۔ تب سے یہ صحرا میں مقبول ترین سواری چلی آ رہی ہے۔

شفیع محمد بھنبھرو پانچ سال تک گاڑیوں کاروبار کرتے رہے۔ وہ بتاتے ہیں کہ 86ء کے بعد لانگ جیپ آنا بند ہوگئی تھی۔ اس وقت یہاں اکا دکا جیپیں ہوتی تھیں لیکن طلب بڑھنے کے ساتھ ہی &#39;دو نمبر&#39; لانگ جیپ بنانے کا کام شروع ہوگیا جو تاحال جاری ہے۔

&quot;مقامی مکینک(مستری) اور ڈینٹر پرانے ماڈل کی ہاف ہڈ، پوٹھوہار، شیرا وغیرہ خریدتے ہیں۔ اس کا پچھلا حصہ کاٹ کر چیسز (نچلا فریم) کے ساتھ اضافی حصے ویلڈ کر دیتے ہیں۔ یوں فریم کی لمبائی ڈیڑھ دو فٹ بڑھا کر باڈی کو &#39;لانگ جیپ&#39; کی شکل دے دی جاتی ہے۔ مقامی لوگ اسے &#39;جگاڑ&#39; کہتے ہیں۔&quot;

وہ کہتے ہیں کہ ان گاڑیوں کے سٹرکچر کے ساتھ انجن میں بھی تبدیلیاں (آلٹریشن) کی جاتی ہیں یعنی پٹرول کٹ کو ڈیزل میں بدل دیا جاتا ہے۔ ان کا دعویٰ ہے کہ تھرپارکر اور عمرکوٹ میں 90 فیصد دو نمبر &#39;جگاڑی جیپیں&#39; چل رہی ہیں۔

مکینیکل انجینئر نریش کمار کھتری بتاتے ہیں کہ جگاڑ سے بنائی گئی گاڑی کا کوئی سیفٹی سٹینڈرڈ (حفاظتی معیار) نہیں ہوتا۔

&quot;اوریجنل چیسز کی لمبائی میں اضافے سے گاڑی متوازن ہی نہیں رہتی&quot;۔

وہ کہتے ہیں کہ پانچ افراد کے لیے ڈیزائن کی گئی جیپ میں چھ اور اصل لانگ جیپ میں آٹھ افراد تک کی گنجائش ہوتی ہے۔ یعنی کمپنی نے کل ساڑھے تین سے چارسو کلو گرام لوڈ اٹھانے کی گنجائش رکھی ہوتی ہے۔

&nbsp;&quot;جگاڑ والی گاڑی پر پانچ یا چھ گنا زیادہ بوجھ ڈال دیا جاتا ہے۔ وزن کا بیشتر حصہ پیچھے چیسز کے بڑھے ہوئے حصے پر ہوتا ہے جس سے روڈ پر اگلے ٹائروں کی گرپ کمزور پڑ جاتی ہے اور گاڑی کنٹرول میں نہیں رہتی۔ ایمرجنسی بریک پر حادثہ تو ہونا ہی ہوتا ہے۔&quot; &nbsp;

ارشد خاصخیلی زیرو پوائنٹ عمر کوٹ پر ورکشاپ مکینک ہیں۔ وہ بتاتے ہیں کہ اگر گاڑی بکتی رہے تو وہ مہینے میں دو مزدوروں کی مدد سے ایک یا دو لانگ جیپیں بنا لیتے ہیں۔ خرچہ نکال کر انہیں اس کام میں ایک لاکھ روپے تک کی بچت ہو جاتی ہے۔

&quot; گاڑی کو لانگ جیپ میں بدلنے پر کم از کم پانچ لاکھ روپے خرچ ہوتے ہیں۔ جس میں گاڑی کے اگلے ہڈ پر 50 ہزار، رنگ روغن پر 50 ہزار، باڈی پر دو لاکھ، وائرنگ پر 50 ہزار اور پٹرول کٹ کو ڈیزل میں تبدیل کرنے پر دو لاکھ لگ جاتے ہیں۔&quot;

عمر کوٹ میں اڈا منیجر جان محمد منگریو بتاتے ہیں کہ تھرپارکر اور صحرائی علاقوں سے لگ بھگ 700 لانگ جیپیں روزانہ عمرکوٹ آتی ہیں جن میں چھاچھرو، کاہوڑ براستہ رتنور، کھوکھراپار، کنری براستہ چیل بند، کھپرو اور اچھڑو تھر کے روٹ شامل ہیں۔

وہ کہتے ہیں کہ عمرکوٹ شہر میں ان &#39;جگاڑی جیپوں&#39; کے سات اڈے ہیں اور تھر کے چھوٹے بڑے قصبات میں لاتعداد جیپیں کھڑی ہوتی ہیں جو مقامی ٹیکسی کے طور پر چلتی ہیں۔

رانو منگریو 20 سال سے عمرکوٹ ڈھیبوڑی روٹ پر اپنی لانگ جیپ چلا رہے ہیں۔ وہ بتاتے ہیں کہ نئی بنی ہوئی جیپ کم از کم 12 لاکھ میں ملتی ہے اور ڈیزل بہت مہنگا ہے۔

&nbsp;&quot;اگر میں جیپ میں 40 من سامان اور 25/ 30 سواریاں نہ اٹھاؤں تو گذارا نہیں ہوتا۔ ٹیلوں میں گاڑی کا ستیاناس ہو جاتا ہے اور تین ہزار روپے دہاڑی میں بچت بھی نہیں ہوتی۔&quot;

ان جیپوں نے مقامی لوگوں کی منزلوں کو قریب تو کر دیا ہے لیکن گنجائش سے زیادہ سواریاں اور سامان اٹھانے کی وجہ سے حادثے روز کا معمول ہیں۔ تاہم نہ تو پولیس کے پاس حادثات کا ریکارڈ ہے نہ ہی محکمہ ایکسائز کو ان جگاڑو جیپوں کی تعداد کا علم۔

ایس ایس پی آفس عمرکوٹ میں قائم حادثات ڈیٹا سیل میں حادثوں کی مکمل تفصیلات موجود نہیں۔ تاہم یہاں سے ملنے والے اعداد و شمار کے مطابق رواں سال اکتوبر تک ضلعے میں سڑک کے کل 58 حادثے ہوئے جن میں سے صرف تین کی رپورٹ درج ہوئی جبکہ 55 رپورٹ ہی نہیں ہو سکے ہیں۔

&nbsp;ٹریفک پولیس تھانہ عمرکوٹ کے ہیڈ محرر عبدالستار ٹریفک پولیس کی لاپروائی کا اعتراف کرتے ہیں۔ وہ بتاتے ہیں کہ یہاں سیکڑوں لانگ جیپیں روزانہ آتی جاتی ہیں مگر شاید ہی کسی گاڑی کے کاغذات درست ہوں، لائسنس تو اکثر ڈرائیوروں کے پاس نہیں ہے۔

&nbsp;&quot;سارا سسٹم سیاسی مداخلت اور سفارش پر چل رہا ہے۔ سارجنٹ گاڑی یا ڈرائیور کو پکڑے تو فوراً&nbsp; کسی رکن اسمبلی یا وڈیرے کا فون آ جاتا ہے کہ میرا بندہ چھوڑ دیں۔ حادثہ ہو تو گرفتاری سے پہلے ہی معافی تلافی ہو جاتی ہے۔ ہم سب بے بس ہیں۔&quot;

ایکسائز انسپکٹر شاہ میر سموں تصدیق کرتے ہیں کہ&nbsp; علاقے میں بیشتر &#39;دو نمبر&#39; گاڑیاں چل رہی ہیں۔ وہ کہتے ہیں کہ گاڑیوں کی آلٹریشن نہ صرف غیر قانونی بلکہ جرم ہے۔ تاہم ان گاڑیوں کی رجسٹریشن کراچی میں ہوتی ہے۔ اس لیے ان کے پاس جیپوں کا ڈیٹا نہیں ہے۔

سیکریٹری آر ٹی&nbsp; اے عمرکوٹ سید شیراز شاہ نے یہ کہ کر جان چھڑا لی کہ &quot; لانگ جیپ &#39;کمرشل گاڑیوں&#39; کے زمرے میں نہیں آتی اس لیے ان کے مالکان کو پابند نہیں کر سکتے۔ تاہم ہم نے رواں سال لائسنس، روٹ پرمٹ نہ ہونے اور ٹریفک رولز کی خلاف ورزی پر 50 جیپوں کے چالان کیے ہیں۔&quot;

فتح علی جونیجو 23 سال سے تھر میں گاڑی چلا رہے ہیں۔ وہ حادثات کا ذمہ دار جوگاڑو جیپ کی بجائے ڈرائیوروں کو سمجھتے ہیں۔ وہ کہتے ہیں کہ زیادہ وزن، طویل سفر اور کچے راستوں کے باعث کبھی گاڑی کا ایکسل، تو کبھی کمانی یا پھر ٹائی راڈ ٹوٹ جاتا ہے۔

&quot;شاید ہی کوئی ڈرائیور ہو گا جو حادثے کا شکار نہ ہوا ہو۔ ٹریفک پولیس اور انتظامیہ چاہیں توحادثات کم ہو سکتے ہیں مگر&nbsp; کوئی سنجیدہ نظر نہیں آتا۔&quot;

6 ہزار حادثات، 680 ہلاکتیں، میانوالی تا مظفرگڑھ روڈ ڈیڑھ سال میں 'خونی سڑک' کیسے بنی؟

صحرائے تھر میں دوڑتی 'جگاڑو جیپوں' کا تڈو بخشانہ رسم سے کیا تعلق ہے؟

تھرپارکر سے کوئلے کی منتقلی کے لیے ریل کی پٹری بچھانے کا منصوبہ اس صحرا کے باسیوں میں نئی امیدیں جگا رہا ہے۔ حکومت گزشتہ سال اس منصوبے کی منظوری دے چکی ہے اورمقامی لوگ اب اس پر کام شروع ہونے کا بے صبری سے انتظار کر رہے ہیں۔

میرپور خاص ریلوے سیکشن پر ضلع عمرکوٹ کے شہر &#39;نیوچھور&#39; سے تھر کول ایریا تک 105 کلومیٹر نیا ٹریک وفاقی اور سندھ حکومت کا مشترکہ منصوبہ ہے۔ اس ٹریک کے ذریعے کوئلہ تھر سے ٹرین کے ذریعے کراچی میں پورٹ قاسم پر پہنچایا جائے گا۔

ڈاکٹر اکرم عمرانی یونیںن کونسل نیوچھور کے وائس چیئرمین ہیں۔ وہ اس منصوبے پر بہت پر جوش دکھائی دیتے ہیں۔

ان کا کہنا ہے کہ یوں محسوس ہوتا ہے نیوچھور کا دورِ عروج لوٹ آئے گا۔ یہ شہر کبھی تھر کی بڑی اناج منڈی ہوا کرتا تھا۔ یہاں کے گودام باجرہ،گوار اور مونگ سے بھرے ہوتے تھے۔ 71ء کی جنگ کے بعد بہت سے لوگ یہاں سے نقل مکانی کر گئے۔ تاہم اب بھی اس قصبے کی آبادی 12 ہزار سے زیادہ ہے۔

سنٹرل ڈیویلپمنٹ ورکنگ پارٹی (سی ڈی ڈبلیو پی) کے مطابق تھر کول ٹریک بچھانے کے ساتھ ہی بن قاسم ریلوے سٹیشن کو پورٹ قاسم سے ملا دیا جائے گا۔ اس پورے منصوبے پر 58.240 ارب روپے لاگت آئے گی۔ تاہم ورکنگ پارٹی اس کے لیے 55.97 ارب روپے کی منظوری دے چکی ہے۔ اس کے اخراجات میں وفاق اور سندھ حکومت برابر کا حصہ ڈالیں گے۔

&nbsp;نثار میمن ڈی کچھ عرصہ قبل جی ایم ریلوے کے عہدے سے ریٹائر ہوئے ہیں۔ دوران ملازمت وہ تھر کول ٹریک بچھانے کی محکمانہ سرگرمیوں کی نگرانی کرتے رہے ہیں۔ ان کا کہنا ہے کہ یہ بنیادی طور پر ٹرانسپورٹیشن (فریٹ ٹرین) کا منصوبہ ہے۔ اس سے تھر کا کوئلہ بجلی گھروں اور سیمنٹ پلانٹس و دیگر صنعتوں تک پہنچانے کی لاگت میں کمی آئے گی۔

ٹریک کی فزیبلیٹی اور سروے کا کام جولائی 2019 ءمیں شروع کیا گیا تھا اور یہ مارچ 2020ء میں مکمل کر لیا گیا۔ اس دوران صرف یہی پیشرفت دکھائی دی کہ اس منصوبے میں170 ملین یورو کی براہ راست غیر ملکی سرمایہ کاری کے ایک سمجھوتے (ایم او یو) پر دستخط کیے گئے ہیں۔

&nbsp;تاہم حیدرآباد میں ریلوے کے اسسٹنٹ انجنیئر( اے ای این ) نے نام ظاہر نہ کرنے کی شرط پر بتایا کہ نیوچھور&nbsp; سے اسلام کوٹ ٹریک بچھانے کا کام پانچ ماہ میں شروع کر دیا جائے گا۔ کراچی سے میرپور خاص ریلوے ریسٹ ہاؤس کو افسروں کے لیے تیار رکھنے کی ہدایات جاری کی جا چکی ہیں۔ 
وہ بتاتے ہیں کہ نیوچھور ریلوے سٹیشن کو توسیع دی جا رہی ہے۔ یہاں سے تھرکول ایریا تک پانچ ریلوے سٹیشن تعمیر ہوں گے۔ وفاق اور سندھ حکومت کی مشترکہ کمیٹی تھر کول ٹریک منصوبے کی نگرانی کرے گی۔

فضل محمد سومرو نواحی گاؤں &quot;جالو جو چونئرو&quot;کے رہائشی ہیں۔وہ تین سال قبل یہیں سے بطور اے ڈبلیو آئی (اسسٹنٹ ورکس انسپکٹر) ریٹائر ہوئے تھے۔ وہ بتاتے ہیں کہ ریلوے ماہرین صحرائے تھر کو ٹریک کے لیے موزوں قرار دے چکے ہیں۔

&nbsp;وہ کہتے ہیں کہ سروے ٹیم میں چار ریٹائرڈ ڈی ایس اور دو ریٹائرڈ&nbsp; جی ایم ریلوے شامل تھے۔ ٹیم میں تھر کول اینگرو کمپنی کے ہائر کیے گئے تپے دار (پٹواری)اور سرویئرز بھی شامل تھے۔ سروے میں مجوزہ ٹریک کے ہر نصف کلومیٹر فاصلے پر نشان کے لیے پول لگا دیے گئے ہیں۔

فضل محمد کا کہنا تھا کہ تھر کول ایریا تک پانچ ریلوے سٹیشنوں پر کم از کم پانچ سٹیشن ماسٹر اور پانچ اے ایس ایم تعینات ہوں گے۔ گیٹ مین، واٹر مین، فائر مین، پوائنٹس مین اور سینیٹری ورکرز بھی رکھے جائیں گے۔ ٹریک پر تین سو کے قریب لوگ تعینات ہونے کے امکانات ہیں۔

انہوں نے بتایا کہ میرپورخاص ریلوے ریسٹ ہاؤس میں &#39;پراجیکٹ ڈائریکٹر آفس&#39; قائم کر دیا گیا ہے۔ تھر کول ریلوے ٹریک بننے سے علاقے میں سیکڑوں افراد کے لیے روزگار کے مواقع پیدا ہوں گے۔ ٹریک کے قریب نئی بستیاں اور کاروباری مراکز بھی بنیں گے۔

جائزہ ٹیم کے ایک رکن اور سابق ڈی ایس ریلوے نے اپنا نام ظاہر نا کرنے کی شرط پر بتایا کہ وفاقی حکومت نے پراجیکٹ ڈائریکٹر کی تقرری اور دیگر بھرتیوں کے لیے اشتہار دے دیا ہے۔ یہ بہت بڑا کام ہونے جا رہا ہے اس کی تکمیل کے لیے عالمی ڈونرز کو آن بورڈ لینا پڑے گا۔

سماجی کارکن شوکت ڈھاٹی کا کہنا ہے کہ مجوزہ ٹریک کے دونوں اطراف تھر کے لگ بھگ ڈیڑھ لاکھ لوگوں کو فائدہ ہوگا۔ یہ پٹڑی کانٹیو شہر سے پانچ کلومیٹر دور مگر رامسر اور اک وڈھو گاؤں کے بالکل قریب سے گزرے گی۔ تھانیسر، گرڑیو، واڑ بھیل نئوں پورو، پاٹیاری، متارو منگریو گوٹھ اور دیگر گاؤں بھی اس سے مستفید ہوں گے۔

اسلام کوٹ کے صحافی غازی بجیر بتاتے ہیں کہ ریل کی مجوزہ پٹڑی تحصیل اسلام کوٹ کے گاؤں ابن کاتڑ، سونل بوہ ،بٹڑا، بھوجاسر اور مینہل بجیر گاؤں سمیت 15 دیہات سے گزرے گی۔ اس سے 20 ہزار لوگوں کو فائدہ ہوگا۔ شاید مقامی لوگوں کو پانی تعلیم و صحت کی سہولتیں بھی میسر آ جائیں۔

نیوچھور سے تھر کول بلاک-2 تک 100 کے قریب چھوٹے، بڑے دیہات کو فائدہ ہو گا۔ میرپورخاص-کھوکھرا پار سیکشن کے گرد 20 دیہات کی آبادی میں بھی سماجی کاروباری سرگرمیاں بڑھنے کے امکانات ہیں۔

چاندنو ہالیپوتہ پاکستان ریلوے سے بطور گینگ میٹ (جمعدار) ریٹائرڈ ہوئے تھے۔ وہ بتاتے ہیں کہ ٹریک سے کوئلہ اٹھانے کے لیے مال گاڑیاں تو چلائی جائیں گی مگر ابتدا میں ایک مسافر ٹرین بھی چلانی پڑے گی اور ان کی تعداد میں اضافہ بھی کرنا ہو گا۔

&nbsp;نثار میمن تصدیق کرتے ہیں کہ تھر کول ٹریک پر پانچ ریلوے سٹیشن اگرچہ ٹرینوں کی فنی رابطہ کاری کے لیے بنائے گئے ہیں تاہم ایک مسافر ٹرین چلانے کی تجویز بھی زیر غور ہے۔

اس سے ریلوے ملازمین کے ساتھ شہریوں کو بھی سفری سہولت ملے گی پھر مقامی مانگ کو دیکھ کر مزید مسافر گاڑیاں چلائی جا سکتی ہیں۔

ان کا کہنا ہے کہ پٹڑی بچھانے، سامان کی ترسیل اور دیگر سرگرمیوں سے علاقہ مکینوں کو مزدوری ملے گی، سرکاری نوکریوں کے ساتھ پانی، بجلی اور سڑکوں کی سہولیات آئیں گی اور کاروباری سرگرمیاں بڑھیں گی۔

&quot;تھر کے لوگوں کے لیے ریل گاڑی سہانے سپنے کی مانند ہے۔ یہاں کے کئی لوک گیتوں جیسا کہ مشہور مارواڑی لوک گانے &#39;&#39;ریل گاڑی آئی۔۔۔ بمبئی رو مال لائی&quot; میں ریل کی سیٹی اور اس کے بابو کا ذکر موجود ہے۔ اب دیکھنا یہ ہے کہ تھر میں ریل کی سیٹی سننے کا یہ خواب کب پورا ہوتا ہے۔&quot;

حادثہ ایک دم نہیں ہوتا: ریلوے ٹریک کو محفوظ بنانے پر مامور کچے ملازموں کی کتھا

'ریل گاڑی آئی، بمبئی رو مال لائی'، تھرکول ریلوے ٹریک صحرائے تھرکے باسیوں کے لیے ترقی کی امید

مہندر دیو لکھانی کا تعلق عمر کوٹ شہر سے ہے اور وہ سندھ کے صدارتی ایوارڈ یافتہ سماجی رہنما ڈاکٹر ہرچند رائے لکھانی کے بیٹے ہیں۔ 62 سالہ مہندر دیو لکھانی نے 2013ء میں نارا کینال کی ذیلی نہر نور واہ پر اپنی 168 ایکڑ زرعی اراضی بیچی اور اس کے بعد عمرکوٹ سے کراچی منتقل ہو گئے۔

ان کا کہنا ہے کہ &quot;نارا کینال، جہاں آج کل لوگ پانی کو ترس رہے ہیں، اس کی نور واہ نہر کے ساتھ میں نے 1990ء میں گندم کی 70 من فی ایکڑ اور مرچ کی 50 من فی ایکڑ پیداوار حاصل کی۔ پھر حالات یہ ہو گئے کہ میرا 45 ایکڑ پر مشتمل آموں کا باغ پانی نہ ملنے سے سوکھ گیا۔ اس لیے اپنی زرعی زمیں بیچنا پڑی۔ کراچی میں ریئل اسٹیٹ کا نیا کاروبار شروع کیا اور اب خوش حال زندگی گزار رہا ہوں۔&quot;

نارا کینال سکھر بیراج سے نکلنے والے سات نہروں میں سے ایک ہے۔ اس کی لمبائی 364 کلومیٹر ہے اور اس میں 13 ہزار 602 کیوسک پانی کی گنجائش ہے۔

ریٹائرڈ پروفیسر جلال کوری کا تعلق عمر کوٹ سے 30 کلومیٹر دور جنوب میں واقع تاریخی شہر ڈھورو نارو سے ہے۔ 63 سالہ جلال کوری سندھی لکھاری ہیں اور تاریخ کے مختلف موضوعات پر تحقیق کرتے ہیں۔

ان کے مطابق سکھر بیراج سے نکلنے والی نارا کینال کے کمانڈ ایریا کی زمین بہت زرخیز ہے۔ پانی کی فراوانی کے سبب کبھی یہاں کے کاشت کار امیر تر ہوا کرتے تھے اور دوسرے علاقوں کے لوگ انہیں &quot;نارا کے نواب&quot; کہا کرتے تھے۔

انہوں نے بتایا کہ صوبہ سندھ میں پرانا ضلع تھرپارکر، جس میں موجودہ اضلاع عمرکوٹ، تھرپارکر، سانگھڑ اور میرپور خاص شامل تھے، سب اس سے مستفید ہوتے۔ مگر پانی کی قلت، چوری اور بدانتظامی سے زمین دار اور ہاری دونوں کو اب قابل ذکر نفع نہیں ہوتا۔

بھوم سنگھ سوڈھو عمر کوٹ سے 10 کلومیٹر شمال میں واقع گاؤں ماندھل کے کاشت کار اور 55 ایکڑ زمین کے مالک ہیں۔ وہ مقامی زمین داروں کے قائم کردہ &quot;انڈس ایگریکلچر فورم&quot; کے سرگرم رکن بھی ہیں۔

انہوں نے بتایا کہ محکمہ آب پاشی سب ڈویژن عمرکوٹ کے اعداد و شمار کے مطابق 1932ء میں نارا کینال کے لیے 13 ہزار 602 کیوسک پانی کی منظوری دی گئی۔ اس وقت نارا کینال کا کمانڈ ایریا یا سیراب ہونے والا رقبہ 20 لاکھ ایکڑ تھا۔ بعض ازاں روہڑی کینال اور گھوٹکی فیڈر کینال سے سیراب ہونے والی خیرپور اور سکھر اضلاع کی اراضی کو نارا کینال سے پانی دیا جانے لگا جس سے اس کا کل کمانڈ ایریا بڑھ کر 27 لاکھ ایکڑ تک پہنچ گیا البتہ نہر کا پانی نہیں بڑھایا گیا۔

ان کے مطابق اس وقت نارا کینال کو 18 ہزار 500 کیوسک پانی کی ضرورت ہے جبکہ اسے صرف 9590 کیوسک پانی مل رہا ہے۔ جس عرصے میں طلب کم ہوتی ہے اس وقت اسے صرف سات ہزار سے آٹھ ہزار کیوسک پانی دیا جاتا ہے۔

بھوم سنگھ سوڈھو نے کہا کہ صالح پٹ اور چونڈکو سے جمڑاؤ کینال تک نارا کینال کا پانچ ہزار کیوسک پانی بااثر کاشت کار چوری کرتے ہیں۔ یہاں غیرقانونی طور پر پانی نکالنے والی سیکڑوں مشینیں لگی ہیں۔

انہوں نے بتایا کہ سکھر بیراج سے نارا کینال کے لیے پانی کا بہاؤ یا واٹر ڈسچارج بڑھانے کے لیے 2015ء میں اس وقت کے صوبائی وزیر سندھ سید علی مردان شاہ نے کوشش کی اور اس کے نتیجے میں صوبائی وزارت آب پاشی نے ایک سمری بنا کر وزیر اعلیٰ سندھ کو ارسال کی۔ اس میں نارا کینال کا واٹر ڈسچارج 18 ہزار 500 کیوسک کرنے کا کہا گیا۔ تاہم حال ہی میں سابق وزیر اعلیٰ سندھ سید مراد علی شاہ کے عہدے کی مدت پوری ہونے تک یہ سمری منظور نہیں ہوئی۔

&quot;اگر نارا کینال کا واٹر ڈسچارج سمری کے مطابق کر دیا جائے تو سرے پر موجود ضلع تھرپارکر اور عمرکوٹ میں پانی کے قلت کا مسئلہ کافی حد تک حل ہو جائے گا۔&quot;

ڈائریکٹر نارا کینال انجنیئر نعیم میمن کا کہنا ہے کہ کینال کو 11 ہزار 800 کیوسک پانی مل رہا ہے۔ ان کے مطابق چوٹیاریوں ڈیم بننے سے لوئر نارا کینال کو فائدہ ہوا ہے جس کے ذریعے پانی کی بندش اور قلت کے دنوں میں لوئر نارا کینال کی پانچ شاخوں کو پانی فراہم کیا جاتا ہے۔

44 سالہ فاروق جونیجو 200 ایکڑ زمین کے مالک ہیں اور کاشت کاروں کی تنظیم انڈس ایگریکلچر فورم کے صدر رہے ہیں۔انہوں نے بتایا سب ڈویژن عمرکوٹ میں ایک لاکھ 32 ہزار ایکڑ زرعی زمین میں سے 50 ہزار ایکڑ پانی کی قلت کے باعث غیر آباد ہو گئی ہے۔ اگر ان زمینوں کو چوٹیاریوں ڈیم کا پانی نہ ملے تو 15000 ایکڑ زمین بھی آباد نہ ہو۔ انہوں نے کہا کہ اس ڈیم سے سب ڈویژن عمر کوٹ کو پانی 2008ء سے ملنا شروع ہوا ہے۔

&quot;سب ڈویژن عمرکوٹ کی زرعی زمین زرخیز ہے، مگر پانی کی قلت کی وجہ سے رواں سال وہاں گندم کی فی ایکڑ پیداوار صرف 18 سے 22 من ہوئی ہے اور کپاس کی کی پیداوار 16 سے 20 من فی ایکڑ رہی جبکہ قریبی ضلع سانگھڑ میں گندم کی فی ایکڑ پیداوار 30 سے 40 من اور کپاس کی 40 من فی ایکڑ رہی۔&quot;

سندھ میں ڈاکٹر میر امان اللہ تالپر کا شمار پانی اور زراعت کے ماہرین میں ہوتا ہے۔ عمر کوٹ کی تحصیل کنری سے تعلق رکھنے والے 68 سالہ میر امان اللہ نے بتایا کہ تونسہ بیراج سے گڈو بیراج تک 35 ہزار کیوسک پانی چوری ہو جاتا ہے جس کے نتیجے میں لوئر نارا کینال کو کم پانی ملتا ہے۔ کشمور اور کندھ کوٹ کے علاقوں میں بھی اس کینال سے چوری شدہ پانی سے کاشت کاری ہوتی ہے۔

عمر کوٹ کے رانا رمیز انڈس ایگریکلچر فورم کے سابق صدر ہیں۔ وہ کہتے ہیں کہ مہنگائی اور پانی کی قلت سے حالات مزید خراب ہو گئے ہیں۔ &quot;گزشتہ سال ڈیڑھ لاکھ روپے میں ملنے والی ٹریکٹر کے پچھلے ٹائروں کی جوڑی اس سال تین لاکھ 50 ہزار روپے میں مل رہی ہے۔ گزشتہ سال بیلارس روسی ٹریکٹر کی قیمت 28 لاکھ روپے تھی جو رواں سال 63 لاکھ روپے ہو گئی۔ گزشتہ سال یوریا کھاد کی بوری 2700 روپے کی تھی جو اس سال 4200 روپے میں ملی۔&quot;

سب ڈویژن عمرکوٹ کے محکمہ آب پاشی آفس سے ملنے والے اعداد و شمار کے مطابق نارا کینال کا نظام آب پاشی دو حصوں میں چلایا جاتا ہے۔ اس میں ایک حصہ سکھر بیراج سے جمڑاؤ کینال تک اپر نارا کینال کہلاتا ہے جو 115 میل پر مشتمل ہے اور دوسرا جمڑاؤ سے فرش ریگولیٹر ڈھورو نارو تک لوئر نارا کینال کہلانے والا 105 میل طویل حصہ ہے۔

ایس ڈی او آب پاشی سب ڈویژن فرش ہیں اسد اللہ میمن کے پاس سب ڈویژن عمرکوٹ کا اضافی چارج بھی ہے۔ انہوں نے کہا کہ ممکن ہے کہ زرعی پانی چوری کیا جا رہا ہو لیکن رواں سال پانی کی چوری کا کوئی کیس داخل نہیں ہوا۔ اس کا سبب گزشتہ دو سیزنز میں پیدا ہونے والی سیلابی صورت حال ہے۔ غیر قانونی مشینوں اور بڑے پائپوں سے پانی چوری سرے کے علاقوں میں نہیں ہوتی تاہم کینال کے بالائی حصے میں پانی چوری کی بابت اعلیٰ افسران ہی بہتر بتا سکتے ہیں۔

اسداللہ میمن نے بتایا کے مکھی فرش لنک کینال کے منصوبے پر اس سال کے آخر تک کام کرنا شروع ہو جائے گا۔ اس سے نبی سر سے تھر کول تک پانی پہنچایا جائے گا۔

واضح رہے کہ 28 جون 2023ء کو سابق وفاقی وزیر خزانہ اسحاق ڈار کی صدارت میں ہونے والے ایکنک کے اجلاس میں تھر کول کو مکھی فرش لنک کینال کے ذریعے پانی فراہم کرنے کا منصوبہ منظور کیا گیا۔ اس پر 12 ارب روپے سے زیادہ کی لاگت کا تخمینہ ہے۔

اسلم ملاح نارا کینال کے کاشت کاروں کے حقوق کے لیے سرگرم عمل ہیں۔ ان کا تعلق وکلا کے فورم &quot;آلٹرنیٹ لا کلیکٹو&quot; سے ہے۔ میر پور خاص سے تعلق رکھنے والے یہ 32 سالہ وکیل اسلم کہتے ہیں کہ حکام کے مطابق تھر کول ایریا بلاک ون کو پانی فراہم کرنے والے اس منصوبے کے تحت 200 کیوسک پانی لے جایا جائے گا اور اسے 500 کیوسک تک بڑھایا جائے گا۔

ان کا کہنا ہے کہ لوئر نارا کینال سے تھر کول منصوبے کو پانی فراہم کرنے کے نتیجے میں تھر واہ، نور واہ، کوٹ واہ، چھور واہ اور تھر ٹیل کے کمانڈ ایریا میں 50 ہزار ایکڑ زرعی اراضی متاثر ہو گی اور علاقے پر منفی معاشی و سماجی اثر پڑے گا۔ ان کے مطابق 100 کیوسک سے 10 ہزار ایکڑ زمین آباد کی جا سکتی ہے۔

چوٹیاریوں ڈیم ضلع سانگھڑ سے 35 کلومیٹر کے فاصلے پر واقع ہے۔ یہ ڈیم چھ ارب روپے کی لاگت سے 2002ء میں تعمیر ہوا۔ اس کا بنیادی مقصد لیفٹ بنک آؤٹ فال ڈرین (ایل بی او ڈی)کے پانی کا اخراج تھا۔ اپریل، مئی اور جون کے مہینوں میں ہونے والی پانی کی کمی کے دوران نارا کینال کے عمرکوٹ اور فرش سب ڈویژن کو اس ڈیم سے پینے اور کاشت کے لیے پانی فراہم کیا جاتا ہے۔

عمرکوٹ کے مقامی زمین دار مدن مالہی کہتے ہیں &quot;چوٹیاریوں ڈیم نہ ہوتا تو پورا ضلع عمرکوٹ پینے کے پانی کو ترس جاتا۔ گزشتہ دو سیلابوں میں نارا کینال کو بچانے کے لیے مسلسل بند رکھا گیا۔ اس دوران ضلع عمر کوٹ کو چوٹیاریوں ڈیم سے پانی دیا گیا۔&quot;

انہوں نے بتایا کہ اپریل، مئی اور جون میں جب دریائے سندھ میں پانی کا بہاؤ کم ہوتا ہے، چوٹیاریوں ڈیم سے لوئر نارا کینال کو پانی فراہم کیا جاتا ہے۔ اسی دوران علاقے میں مرچ اور کپاس بوائی اپریل سے 15 مئی تک جاری رہتی ہے البتہ پانی کی کمی کے باعث فصل اچھی نہیں ہوتی۔

57 سالہ میاں خالد ولہاری ضلع عمر کوٹ کے وائس چیئرمین اور کاشت کار ہیں۔ وہ کہتے ہیں کہ نارا کے زمیندار اب نواب نہیں رہے، حکومت سندھ کو نارا کینال کا واٹر ڈسچارج بڑھانا چاہیے کیوں کہ 2023ء تک آبادی بہت بڑھ چکی ہے لیکن پانی 1932ء میں منظور ہونے والا مل رہا ہے۔

'پٹ فیڈر کینال ہمارے لیے خونی نہر ثابت ہوئی ہے، ایک اور سیلاب کو برداشت کرنے کی سکت نہیں ہے'

ملک کی طویل ترین نہر میں پانی کی قلت سے سندھ کی زراعت متاثر، کاشت کار زمینیں بیچنے لگے

تھرپارکر کے سراج سمیجو ڈسٹرکٹ ایجوکیشن آفس مٹھی میں بطور ڈیٹا پروسیسنگ افسر کام کرتے ہیں۔ وہ سجاکڑی گاؤں کے رہنے والے ہیں اور نوکری کے لیے انہیں ہر ماہ کے پہلے ہفتے 85 کلومیٹر سفر کر کے عمرکوٹ آنا ہوتا ہے۔ ان کے 14 سالہ بیٹے اعظم سمیجو قوت سماعت و گویائی سے محروم ہیں جو عمرکوٹ میں خصوصی بچوں کے سکول (گورنمنٹ سپیشل ایجوکیشن اینڈ ری ہیبلیٹیشن سنٹر) میں زیر تعلیم ہیں۔

چونکہ اس سکول کا ہاسٹل نہیں ہے اس لیے چھ سال سے ان کا پورا گھرانہ عمر کوٹ میں ہی مقیم ہے۔ ان کا کہنا ہےکہ اگر ہاسٹل کی سہولت میسر ہوتی تو گھر دیگر لوگ سجاکڑی میں ہی مقیم رہتے۔

تاہم اب انہیں یہ پریشانی لاحق ہے کہ ان کا بیٹا آٹھویں کے بعد تعلیم کیسے جاری رکھ پائے گا۔ عمرکوٹ میں خصوصی بچوں کا یہ ادارہ آٹھویں جماعت تک ہی تعلیم دیتا ہے اور میٹرک کرانے کے لیے انہیں بیٹے کو اپنے گاؤں سے 162 کلومیٹر دور میرپورخاص بھیجنا پڑے گا۔

سراج سمیجو بتاتے ہیں کہ ان کا بچہ انتہائی ذہین ہے۔خاندان کو عمر کوٹ میں رکھنے کے باعث انہیں ہر ماہ پچاس ہزار روپے اضافی اخراجات کرنا پڑتے ہیں۔ میرپورخاص میں ان کے لیے بچے کی تعلیم جاری رکھنا آسان نہیں ہو گا۔

عالمی ادارہ صحت (ڈبلیو ایچ او) کے مطابق دنیا بھر میں ایک ارب 30 کروڑ یعنی کل عالمی آبادی کا 16 فیصد افراد معذور ہیں۔ پاکستان کے شماریاتی بیورو کے سماجی اور معیار زندگی (پی ایس ایل ایم ) سے متعلق 20-2019ء کے جائزے کے مطابق ملکی آبادی میں معذور افراد&nbsp; کی شرح 6.2 فیصد ہے۔ تاہم اسی رپورٹ میں کہا گیا ہے کہ یہ شرح زیادہ بھی ہو سکتی ہے۔

سندھ میں خصوصی بچوں کی تعلیم کے ادارے پہلے محکمہ سماجی بہبود کے تحت ہوا کرتے تھے۔ 2010ء میں 18ویں آئینی ترمیم کے بعد وفاق کے زیر انتظام 12 خصوصی ادارے صوبے کے سپرد کیے جانا تھے تو یہاں بھی 2011ء میں محکمہ خصوصی تعلیم قائم کر دیا گیا۔

سندھ میں اس وقت خصوصی بچوں کی تعلیم کے 54 ادارے کام کر رہے ہیں۔عمرکوٹ میں خصوصی بچوں کا سکول 2012ء میں قائم ہوا تھا۔ اس سکول میں پڑھانے والے بھرت کمار اسی سکول میں ٹیچر ہیں۔ وہ بتاتے ہیں کہ پہلے یہ ادارہ پولیس لائنز کے قریب ایک سرکاری سکول کی ایک کمرے کی عمارت میں شروع کیا گیا۔پھر اسے شہر سے پانچ کلومیٹر دور بوائز ہائی سکول وھرو شریف کے دو کمروں میں شفٹ کر دیا گیا۔

وہ بتاتے ہیں کہ پچھلے چند سال سے اس ادارے کو شوانی محلے کے خالی گرلز پرائمری سکول میں منتقل کر دیا گیا ہے۔ موجودہ عمارت میں پانچ کمروں میں سے چار کو بطور کلاس روم اور ایک کو دفتر کے لیے استعمال کیا جا رہا ہے۔یہاں پینے کا پانی، بجلی اور واش روم بھی موجود ہیں۔

&nbsp;میرپورخاص ڈویژن میں خصوصی بچوں کے لیے کل چھ ادارے ہیں۔ ان میں تین میرپورخاص شہر ہی میں ہیں جہاں دو اداروں میں آٹھویں اور ایک میں میٹرک تک تعلیم دی جاتی ہے۔باقی تین میں سے ایک ڈگری شہر ، ایک مٹھی اور ایک عمرکوٹ میں ہے۔ ان تینوں میں آٹھویں تک پڑھایا جاتا ہے۔

خصوصی ادارے (سکول) کی انتظامیہ کے مطابق 11 لاکھ 59 ہزار آبادی کے ضلع عمر کوٹ میں خصوصی بچوں کی تعداد&nbsp; تقریباً 1200 ہے۔ لیکن سہولیات کی کمی اور والدین کی عدم دلچسپی کے سبب ایسے بیشتر بچے تعلیم سے محروم ہیں۔

اس سکول کے آفس اسسٹنٹ عبدالرزاق خاصخیلی بتاتے ہیں کہ 2020ء میں سکول کے اساتذہ نے عمر کوٹ کا سروے کیا تو پتہ چلا کہ شہر میں لگ بھگ 200 بچے سپیشل (معذور) درجے میں آتے ہیں۔لیکن بہت کوشش کے باوجود تاحال صرف 55 بچے ہی سکول میں داخل ہو سکے ہیں۔

وہ کہتے ہیں کہ سماعت اور گویائی سے محروم بچوں کو پاکستان سائن لینگویج (پی ایس ایل)کے تحت تعلیم دی جاتی ہے اور ووکیشنل ٹریننگ یعنی ٹیلرنگ وغیرہ کا کام بھی سکھایا جاتا ہے جبکہ بصارت سے محروم بچوں کو بریل لینگویج میں تربیت دی جاتی ہے۔

خاصخیلی نے بتایا کہ سکول میں جسمانی معذور15، بصارت سے محروم پانچ ،سماعت وگویائی سے محروم 21 اور ذہنی پسماندگی اور ایک سے زیادہ مسائل کا شکار 14بچے زیرتعلیم ہیں۔ لڑکیوں کی کل تعداد صرف نو ہے جبکہ یہاں کے تربیت یافتہ کچھ بچے شہر میں کام بھی کر رہے ہیں۔

عبداللہ کھوسو عمرکوٹ میں سندھ ہیومن رائیٹس ڈیفینڈر فورم کے ساتھ کام کرتے ہیں۔ان کا کہنا ہے کہ سکول میں بچوں کی کم تعداد کی بڑی وجہ آگاہی کی کمی اور منفی سماجی رویہ ہے۔ بیشتر لوگ معذور بچوں کو اہمیت ہی نہیں دیتے اور بچیوں کو &#39;عدم تحفظ&#39; کے نام پر سکول بھیجنے سے گریز کیا جاتا ہے۔

&nbsp;عمرکوٹ میں اس ادارے کا سالانہ بجٹ دو کروڑ 30 لاکھ روپے ہے۔ اس میں دو کروڑ دس لاکھ روپے سٹاف کی تنخواہوں کے لیے مختص ہیں۔باقی رقم سے بچوں کو سٹیشنری، جوتے، سکول یونیفارم اور روزانہ ایک وقت کھانا فراہم کیا جاتا ہے۔ ساتھ ہی فی بچہ دو ہزار روپے ماہانہ وظیفہ بھی دیا جاتا ہے۔

ادارے کا ریکارڈ بتاتا ہے کہ یہاں سپیچ تھراپسٹ، فزیو تھراپسٹ اور سائیکالوجسٹ کی پوسٹیں 2012ء سے خالی پڑی ہیں ۔اسی طرح سپیشل ایجوکیشن ٹیچر گریڈ 17 کی دو اور جونیئر سپیشل ایجوکیشن ٹیچر گریڈ 16کی ایک پوسٹ بھی خالی ہے۔

چوالیس سالہ وین ڈرائیور شوکت راجڑ بتاتے ہیں کہ وہ سکول کے 55 بچوں کو گھروں سے لے کر آتے ہیں اور ڈراپ بھی کرتے ہیں۔ انہیں صبح لینے اور سہ پہر کو واپس پہنچانے کے لیے چار چار چکر لگانا پڑتے ہیں کیوںکہ سکول وین میں چھ نشستیں ہیں اور اس میں زیادہ سے زیادہ 15 بچوں کو بٹھانے کی گنجائش ہے۔

محکمہ سپیشل ایجوکیشن سندھ نے گیارہ برس بعد بالآخر عمرکوٹ کے خصوصی بچوں کے ادارے کی نئی عمارت کے لیے چھ کروڑ روپے کی منظوری دے دی ہے۔ اس منصوبے کا ٹینڈر بھی ہو چکا ہے لیکن ابھی کام کا آغاز نہیں ہوا ہے۔تاہم یہاں بچوں کے والدین کے لیے آٹھویں کے بعد تعلیم سنگین مسئلہ ہے۔

خصوصی بچوں کے اداروں کے ریجنل ڈائریکٹر منیر احمد بھٹی بتاتے ہیں کہ عمرکوٹ میں ادارے کی نئی بلڈنگ ایک سال میں مکمل ہو گی۔جیسے ہی عمارت محکمے کو ملے گی وہاں میٹرک کی کلاسز شروع کر دی جائیں گی۔

انہوں نے یقین ظاہر کیا کہ آئندہ ماہ تک عمر کوٹ سپیشل سکول کو نئی وین بھی مل جائے گی۔اس کے بعد دیہات کے بچے بھی سکول آئیں گے اور ان کی رہائش کے لیے ہاسٹل بھی قائم ہو جائے گا۔

زنجیریں توڑ کر اولمپکس مشعل اٹھانے والی ثنا کپری: جھڈو کی سپیشل ایتھلیٹ نے علاقے کی پہچان بدل دی

چار سال پہلے تھر کے 55 سالہ کاشت کار عبدالغنی سمیجو اور ان کی تین بیٹیوں کو قاتلانہ حملے میں شدید زخمی کر دیا گیا۔ ان پر یہ حملہ زمین آباد کرنے کے تنازع پر سمیجا قبیلے کے دو فریقین میں جھگڑے کے دوران ہوا۔ اس حملے میں مجموعی طور پر ان کے گھرانے کے پانچ افراد لاٹھیوں اور کلہاڑیوں کے وار سے شدید زخمی ہوئے۔ جب ان زخمیوں کو ہسپتال لے جایا جا رہا تھا تو حملہ آوروں نے ان کے کھیتوں پر قبضہ کر لیا۔

عبدالغنی سمیجو کے بیٹے سمو سمیجو بتاتے ہیں کہ جن کھیتوں کو آباد کرنے پر جھگڑا ہوا تھا وہ زمین &#39;اینیمی پراپرٹی&#39; ڈکلیئرڈ ہے لیکن ان کے والد اسے 1971ء سے کاشت کرتے آ رہے ہیں۔ تاہم اب اس پر بااثر افراد کا قبضہ ہو چکا ہے اور چار سال سے تھانوں اور وڈیروں کے بنگلوں کے چکر لگانے کے باوجود انہیں انصاف نہیں مل سکا۔

صحرائے تھر میں جرائم کم ہی ہوتے ہیں مگر جولائی کی بارشوں کے بعد بارانی زمین پر کاشت کے لیے کسانوں اور حق ملکیت&nbsp; کے دعویدار افراد میں اکثر جھگڑے شروع ہو جاتے ہیں۔ ان جھگڑوں کے نتیجے میں لوگ ہسپتالوں اور&nbsp; تھانے کچہریوں کے چکر لگاتے رہتے ہیں اور پولیس بھی تین مہینے مصروف رہتی ہے۔

بندوبست اراضی اور لینڈ گرانٹ سروے نہ ہونا ان تنازعات کی بنیادی وجہ ہے۔

علی شیر سمیجو عمر کوٹ میں بطور تحصیلدار(مختیار کار) کام کرتے ہیں۔ ان کا کہنا ہے کہ صحرائے تھر میں کبھی بندوبست اراضی (قلعہ بندی/پیمائش) نہیں ہوا۔تاہم سیٹلمینٹ سرویز کا ریکارڈ ایکڑوں میں موجود ہے۔

انسائیکلو پیڈیا برٹینیکا اور دیگر ویب سائٹس پر پاکستان میں صحرائےتھر کا مجموعی رقبہ 30ہزار مربع کلو میٹر بتایا گیا ہے جبکہ حکومتی اعداد و شمار کے مطابق&nbsp; اس علاقے کا مجموعی رقبہ 22 ہزار 15 مربع کلو میٹر یعنی 54 لاکھ ایکڑ ہے۔

<h2>سر کاری اراضی ،اینیمی پراپرٹی اور جھگڑے</h2>

انجنیئر علی اکبر راہموں تھر کی تحصیل چھاچھرو کے گاؤں تڑ دوست کے رہائشی ہیں۔ وہ بتاتے ہیں کہ نجی ملکیت کے سوا تھر کی اراضی کو&nbsp; چار بڑے حصوں میں تقسیم کیا جاتا ہے۔

پہلی قسم وہ سرکاری اراضی ہے جس میں&nbsp; ریزرو ایریاز، جنگلات، پانی کے کنویں اور قدرتی تالابوں (ترائی) کی اراضی اور قدیم بنجر قدیم (ناقابل کاشت) اراضی آتی ہیں۔ان زمینوں کو نہ تو کاشت کیا جاسکتا ہے اور نہ ہی یہ الاٹ ہوتی ہیں۔

علی اکبر نے بتایا کہ شہروں اور قصبات کے قریب زمین کی دوسری قسم &#39;گئوچر&#39; (چراہ گاہ) کہلاتی ہے۔ تیسری طرز کی اراضی وہ ہے جو برصغیر کی تقسیم کے وقت خالی ہوئی۔ یہ اویکیو(متروکہ)پراپرٹی کہلاتی ہے اور چوتھی وہ زمین ہے جو65ء اور 71 کی جنگوں کے دوران بھارت چلے جانے والے لوگ چھوڑ&nbsp; گئے تھے۔ یہ اینیمی پراپرٹی (دشمن کی تحویل میں لی گئی) کہلاتی ہے۔

ان کا کہنا تھا کہ گئوچر، اویکیو اور اینیمی پراپرٹی بھی سرکاری ہی ہے مگر اس کے انتظام میں فرق ہے۔ سرکاری اراضی میں کل قابل کاشت رقبہ چھ لاکھ 13ہزار 374 ایکڑ بتایا جاتا ہے۔

سرکاری اعداد و شمار کےمطابق ضلع تھرپارکر میں اینیمی پراپرٹی کا ایک لاکھ 89 ہزار 194 ایکڑ رقبہ ہے۔ باقی سرکاری قابل کاشت رقبے کے علاوہ ہے۔ ضلع عمرکوٹ کے صحرا ئی علاقے میں آٹھ ہزار 976 ایکڑ اینیمی پراپرٹی موجود ہے۔

ریونیو ریکارڈ کے مطابق عمر کوٹ کی اینیمی پراپرٹی پر 235 مقامی لوگوں نے قبضہ کیا ہوا ہے اور وہ اسےآباد بھی کر رہے ہیں۔ محکمہ ریونیو عمرکوٹ نے یہ رپورٹ اگست 2021 میں تیار کی ہے۔

علی اکبر راہموں&nbsp; کہتے ہیں کہ قبضے کے تنازعات ویسے تو تمام سرکاری زمینوں اور چراگاہوں پر ہوتے ہیں۔ تاہم اینیمی پراپرٹی پر زیادہ جھگڑے دیکھنے میں آتے ہیں کیوں کہ ان زمینوں کی دیکھ بھال کا کوئی سرکاری نظام نہیں ہے۔

تھر میں ملکیتی حقوق دینے کے لیے پہلے بھی پالیسیاں بنتی رہیں مگر کسی پر بھی عمل نہ ہو سکا۔ پہلی تھر لینڈ گرانٹ پالیسی 1930ء، دوسری 1986ء تیسری 2000 ء اورچوتھی گرانٹ پالیسی کا اعلان 2002ء میں کیا گیا۔ مگر یہاں کبھی بندوبست اراضی نہیں ہوا۔

محقق اور لکھاری بھارو مل امرانی تھرپارکر کے شہر چیلہار کے رہائشی ہیں۔ وہ اپنی کتاب&#39; تھر کی لوک دانش&#39; (اصل نام اور کتاب سندھی میں ہے) میں بتاتے ہیں کہ 1930 کی&nbsp; لینڈ گرانٹ پالیسی میں یہ لازم تھا کہ &quot;زمین آباد کرنے والا کسان فصل اکٹھی کر کے رکھے گا اور گاؤں کے نیک مرد (مکھیا/وڈیرا)کو دے گا۔

1986 کی پالیسی میں پرانی پالیسی کو رد کرتے ہوئے اس میں ملکیت دینے کے لیے کاشت کی مدت دس سے کم کر کے پانچ سال کر دی گئی۔2000ء اور 2002 ء کی پالیسیاں بھی اس سے ملتی جلتی ہیں۔&nbsp;

بھارو مل امرانی کا ماننا ہے کہ چاروں پالیسیاں بناتے وقت مقامی دانش کو پس پشت ڈالا گیا تھا۔ اس لیے ان ان پر عملدرآمد نہیں ہو سکا۔

دیپ سنگھ سوڈھو تھرپارکر کے گاؤں ویجھیار کےرہائشی اور محکمہ ریونیو کے ریٹائرڈ پٹواری (تپے دار) ہیں۔وہ بتاتے ہیں کہ ضلع تھرپارکر میں کل47 لاکھ91 ہزار ایکڑ بارانی زمین ہے جس میں 14 لاکھ 89 ہزار 955 ایکڑ اراضی قبولی (کاشت کاروں کے نام رجسٹرڈ) ہے۔

2022ء میں تھر میں چار لاکھ18 ہزار ایکڑ بارانی رقبہ کاشت کیا گیا۔ یہ کاشت بارشوں کی بنیاد پر کم یا زیادہ ہوتی رہتی ہے۔

اسی طرح تحصیل عمرکوٹ کے 25 صحرائی دیہات میں چھ لاکھ 32 ہزار 405 ایکڑ بارانی زمین موجود ہے۔ پٹواری چندر پرکاش سوٹھڑ بتاتے ہیں کہ یہاں صرف 30 ہزار ایکڑ زمین ہی رجسٹرڈ (قبولی) ہے۔

&nbsp;چندر پرکاش کے مطابق تھر میں بارشوں کی صورت میں کھیت مالکان سے دو روپے فی ایکڑ ریونیو وصول کیاجاتا ہے۔&nbsp; تھر کی بارانی زمین کی خرید و فروخت کے سلسلے میں پانچ ایکڑ پر مجموعی طور پر سب رجسٹرار لینڈ ریونیو آفس میں دو سے ڈھائی لاکھ کا خرچہ ہوتا ہے جس میں رجسٹریشن فیس شامل ہے۔

<h2>&nbsp;زمین کاشت کار کی ملکیت کیسے بنتی ہے</h2>

پینسٹھ سالہ سائیں داد نھڑی عمر کوٹ کے گاؤں شہمیر ڈھانی میں 40 سال سے کاشت کاری کر رہے ہیں۔ وہ بتاتے ہیں کہ&nbsp; اینیمی پراپرٹی پر کسان اجازت لے کر فصل اگاتے ہیں۔ ایک سال کی ڈھل (زرعی ٹیکس ) دینے والا&nbsp; کاشت کار &#39;یک سالو&#39;کہلاتا ہے۔

وہ کہتے ہیں کہ جو کسان ایک ہی زمین کا مسلسل پانچ سال ٹیکس دیتا ہے وہ زمین اس کے نام پر رجسٹر&nbsp; کر لی جاتی ہے۔اسے &#39;ہمیشگی&#39; کہتے ہیں ۔یعنی زمین قانونی طور پر کسان کی ملکیت ہو گئی۔ مگر کسی کو ملکیت کے کاغذات نہیں ملتے۔

<h2>نئی تھر لینڈ گرانٹ کمیٹی&nbsp; اور سروے کا آغاز</h2>

ڈھاٹ کے رانا ھمیر سنگھ سوڈھو کئی مرتبہ ایم پی اے اور صوبائی&nbsp; مشیر&nbsp; رہ چکے ہیں اور اب تھر لینڈ گرانٹ کمیٹی کے رکن ہیں۔ ان کا کہنا ہے کہ انہوں نے 76 برسوں سے زیر التوا تھر لینڈ گرانٹ پالیسی کو قانونی حیثیت دلانے کے لیے سندھ اسمبلی میں آواز اٹھائی۔

انہوں نے بتایا کہ سندھ حکومت نے 30 جولائی 2021ء کو تھر لینڈ گرانٹ کمیٹی تشکیل دی تھی۔ مخدوم محبوب الزماں کو اس کا چیئرمین مقرر کیا گیا جبکہ اس کے ارکان میں ان سمیت&nbsp; متعدد ارکان اسمبلی کے علاوہ ریونیو پورڈ کے ممبران اور سیکرٹری کو رکن نامزد کیا گیا تھا۔

رانا ھمیر سنگھ کا کہنا تھا کہ محکمہ فنانس نے اس مد میں ابتدائی طور پر 11 کروڑ روپے جاری کیے تھے۔ تھرپارکر کی دو تحصیلوں کلوئی اور اسلام کوٹ کو ماڈل بنا کر ڈھائی لاکھ ایکڑ بارانی غیر رجسٹرڈ زمین کا سروے&nbsp; شروع کردیا گیا ہے ۔اس کا افتتاح مخدوم محبوب الزماں نے مٹھی میں پانچ اگست 2023 ءکو&nbsp; کیا تھا۔

<h2>&nbsp;لینڈ گرانٹ سروے کیوں اہم ہے</h2>

دوست محمد راہموں بھی چھاچھرو کے گاؤں مہران ویرو&nbsp; میں رہتے ہیں۔وہ پیپلز پاٹی کے سابق ایم پی اے اور صوبائی مشیر رہے اور اب تھر لینڈ گرانٹ کمیٹی کےبھی رکن ہیں۔

&nbsp;ان کا کہنا ہے کہ ہر سال بارشوں کے بعد نئے تنازعات&nbsp; کھڑے ہو جاتے ہیں۔ اس لئے نئی کمیٹی مینڈیٹ کے تحت غیر رجسٹرڈ زمینوں کا سروے کرائے گی اور &#39;نئی لینڈ گرانٹ پالیسی&#39;کے لیے سفارشات تیار کرے گی۔

انہوں نے بتایا کہ پہلے مرحلے میں کمیٹی اینیمی اور غیر رجسٹرڈ زمینوں کی ریونیو ریکارڈ کے مطابق حد بندی کرائے گی۔ پٹوار(تپہ) سرکلز اور نقشے بنانے کا کام مکمل ہوگا ۔ دیہہ سے تحصیل تک تمام علاقوں کی حدود واضح ہو جائیں گی اور اس طرح صحرائے تھر میں مدتوں سے جاری &#39;مالکی حدود&#39;کے جھگڑے ختم ہو جائیں گے۔

&nbsp;وہ کہتے ہیں کہ دوسرے مرحلے میں جب پالیسی مسودے کو قانونی شکل مل جائے گی تو زمین کا کھاتہ الاٹ کرنے کا سلسلہ شروع ہو گا۔ باقی تنازعات&nbsp; اسی سے حل ہو جائیں گے اور کوئی کسی کی رجسٹرڈ زمین آباد نہیں کرے گا۔

رانا ھمیر سنگھ کے مطابق پورے صحرائے تھر کا سروے ہو گا، علاقے میں ملکیتی زمینوں اور&nbsp; پراپرٹی کی قیمتیں بڑھیں گی اور تھر کے لوگوں کا 76 سال پرانا مسئلہ حل ہو جائے گا۔

حیدر آباد میں زرعی اراضی پر پھیلتی ہاوسنگ سکیمیں، بلڈرز نے کاشت کاروں کی زندگی اجیرن کر دی

صحرائے تھر میں لینڈ گرانٹ سروے: کیا زرعی اراضی پر دہائیوں پرانے تنازعات ختم ہو جائیں گے؟

سندھ کے ضلع عمر کوٹ اور تھر میں مویشیوں کی افزائش نسل کے لیے سولہ سال پہلے بنائی گئی &#39;کیٹل کالونیاں&#39; ابھی تک پوری طرح فعال نہیں ہو سکیں جن پر سرکاری خزانے سے خرچ کی گئی بھاری رقم عملاً ضائع ہو چکی ہے۔

یہ کالونیاں تقریباً ایک ارب اور 44 کروڑ روپے لاگت سے عمر کوٹ، تھرپارکر کے گاؤں جنھان جونیجو اور کلوئی میں بنائی قائم کی گئی تھیں۔ ان کا ایک مقصد یہ بھی کہ لوگ اپنے مویشی آبادیوں سے نکال کر ان کالونیوں میں رکھیں تاکہ سرکاری سطح پر ان کی اجتماعی دیکھ بھال ہو سکے۔

عمرکوٹ کی کیٹل کالونی شہر سے پانچ کلومیٹر دور مشرق میں رتنور روڈ پر دو سو ایکڑ اراضی پر بنائی گئی۔ سرکاری ریکارڈ کے مطابق 44 کروڑ روپے سے لاگت سے یہ منصوبہ اگست 2016ء میں مکمل ہوا جس کے بعد محکمہ ورکس نے یہ کالونی محکمہ لائیو سٹاک کو سونپ دی۔ تاہم اس کالونی کو تاحال پوری طرح فعال نہیں کیا جا سکا۔

تھرپارکر میں نوکوٹ قلعے کے قریب جنھان جونیجو گاؤں میں کیٹل کالونی کی خستہ حال عمارتیں ہی باقی رہ گئی ہیں جبکہ کلوئی کے قریب قائم کردہ دوسری کالونی کا بھی یہی حال ہے۔

غلام اکبر درس پچھلے 25 برس سے مویشی پال رہے ہیں۔وہ عمر کوٹ کی تحصیل کنری میں رہتے ہیں جہاں انہوں نے اپنے گاؤں نبیسر&nbsp; میں مویشی فارم بنا رکھا ہے۔

ان کا کہنا ہے کہ سندھ حکومت نے تھر اور عمر کوٹ میں ڈیری ڈیویلپمنٹ کے لیے تین کیٹل کالونیاں بنائی تھیں مگر ان میں کوئی ایک بھی فعال نہیں ہے۔ سرکاری خزانے کے کروڑوں روپے ضائع&nbsp; ہو گئے اور مقامی لوگوں کو بھی کوئی فائدہ نہیں ہوا۔

عمر کوٹ کے محلہ سومرو سے تعلق رکھنے والے مینھل سومرو نے اپنے گھر کے ساتھ باڑے میں تقریباً 35 گائیں بھینیسں پال رکھی ہیں۔ وہ ان کا دودھ شہر میں بیچتے ہیں۔

مینھل کا کہنا ہے کہ عمر کوٹ کی کیٹل کالونی ان کے علاقے سے قریب ہے لیکن اس کالونی میں پانی نہیں ہے۔ اگر محکمہ لائیو سٹاک پانی کی فراہمی شروع کرا دے اور شیڈ الاٹمنٹ کی فیس میں کمی کرے تو وہ اپنے مویشیوں کو کیٹل کالونی میں منتقل کر سکتے ہیں۔

اس وقت کیٹل کالونی کی ماہانہ فیس 7600 روپے ہے جسے مویشی مالکان بہت زیادہ قرار دیتے ہیں۔

عمرکوٹ کے&nbsp; سماجی کارکن ہرچند ساگر بتاتے ہیں کہ کیٹل کالونی میں پانی کے برسوں سے خالی تالاب ٹوٹ پھوٹ کا شکار ہیں۔ میٹھے پانی کے لیے بنائی گئی بڑی ٹینکی کا بھی یہی حال ہے جس کی چھت نوجوانوں کے سیلفیاں بنانے کے کام آتی ہے۔

وہ کہتے ہیں کہ یہ کالونی ڈیری فارمرز کے کام تو نہ آ سکی البتہ بینظیر انکم سپورٹ والوں کے کام ضرور آ رہی ہے۔ کالونی کی عمارت کو عارضی طور پر اس پروگرام کے لیے استعمال کیا جا رہا ہے۔ یہاں جب خواتین&nbsp; پیسے نکلوانے آتی ہیں تو وقتی طور پر چہل پہل دکھائی دیتی ہے۔ سیلاب متاثرن کے لیے خیمہ سٹی بھی اسی کالونی میں قائم کیا گیا تھا۔

چند برس سے ڈپٹی ڈائریکٹر لائیو سٹاک نے کیٹل کالونی میں ویٹرنری ہسپتال&nbsp; کے لیے تعمیر کردہ چند کوارٹرز میں اپنا دفتر بنا رکھا ہے۔ اس لاوارث کیٹل کالونی کی عمارتوں کے دروازے اور دیگر قیمتی سامان چوری ہو رہا ہے۔ بھینسوں کو نہلانے کے لیے بنائے گئے فواروں کے کچھ حصے بھی غائب ہو گئے ہیں۔

ڈپٹی ڈائریکٹر لائیو سٹاک تسلیم کرتے ہیں کہ کالونی سے سامان چوری ہوتا رہا ہے تاہم ان کا کہنا ہے کہ جب سے وہ اس جگہ آئے ہیں اس وقت سے چوری کا کوئی واقعہ پیش نہیں آیا۔

عمرکوٹ کے سابق ڈپٹی کمشنر ندیم رحمان میمن نے جولائی 2020ء&nbsp; میں کالونی کی بحالی کے لیے اجلاس بلایا اور پندرہ روز کے اندر مویشی بانوں کو شیڈز کی الاٹمنٹ کی ہدایات جاری کیں۔ کالونی کو&nbsp; کوٹ واہ سے پانی&nbsp; کی فراہمی کے لیے ایکسیئن انہار تھر ڈویژن کو لیٹر لکھنے کی ہدایات بھی دی گئیں مگر ان معاملات پر کوئی پیش رفت نہ ہوئی۔&nbsp;

اس وقت کے ڈپٹی ڈائریکٹر لائیو سٹاک ڈاکٹر گنیش کمار کہتے ہیں کہ کیٹل کالونی کا رقبہ بارانی تھا اس لیے پانی کا انتظام نہ ہو سکا۔ کوٹ واہ سے پانی لینے کے لیے حکومت کو 30 لاکھ روپے دینے کی درخواست&nbsp; کی گئی تاہم یہ کوشش کامیاب نہیں ہو سکی۔

دوسری جانب ایکسیئن آبپاشی تھر ڈویژن اختر خاصخیلی کالونی کو پانی دینے کے لیے کوئی سمری یا تجاویز ملنے کی تردید کرتے ہیں۔ وہ بتاتے ہیں کہ ایسا کوئی منصوبہ زیر غور نہیں ہے۔ تاہم ضلعی انتظامیہ سے احکامات ملے تو وہ فزیبلٹی رپورٹ تیار کر کے حکام کو بھیج دیں گے۔

عمر کوٹ کے موجودہ ڈپٹی کمشنر نوید رحمان لاڑک کہتے ہیں کہ کیٹل کالونی کا معاملہ ترجیحی بنیادوں پر حل کیا جائے گا۔ باڑے باہر منتقل ہونے&nbsp; سے شہر کا ماحول بہتر ہو گا اور کسان بھی پراجیکٹ کے معاشی فوائد سے مستفید ہوں گے۔

تھرپارکر کے گاؤں مانجھی ڈاھانی کے عثمان جونیجو نے 17 گائے بھینسیں پال رکھی ہیں۔ وہ 20 سال سے نوکوٹ جا کر دودھ بیچ رہے ہیں۔

ان کا کہنا ہے کہ مویشی بیمار ہو جائیں تو نوکوٹ یا مٹھی سے ڈاکٹروں کو بلانا پڑتا ہے۔ مویشیوں کے حوالے سے کئی مسائل ایسے ہیں جو تھرپاکر کی جنھان جونیجو کیٹل کالونی فعال ہونے کی صورت میں حل ہو سکتے تھے۔

ان مویشی کالونیوں کےمعاملے پر جب سندھ کے ڈائریکٹر اینیمل ہسبینڈری ڈاکٹر احتشام الحق سے بات کی گئی تو انہوں نے غیر فعال کیٹل کالونیوں کے مسائل کا اعتراف کیا اور کہا کہ ان کا محکمہ مسائل کو حل کرنے کی کوشش کر رہا ہے اور وہ اس سلسلے میں جلد عمر کوٹ کے ڈپٹی کمشنر سے بھی ملیں گے۔

الیاس تھری