The closure of the Chaman border has forced many children out of school, pushing them into child labor to support their families. Explore the socioeconomic challenges faced by these children

Impact of Chaman Border Closure: Children Forced into Labor

چمن بارڈر بند ہونے سے بچے سکول چھوڑ کر مزدور بن گئے ہیں

video

Discover how solar technology is alleviating the challenges of expensive electricity, over-billing, and load shedding for gardeners in Chaman and Qila Abdullah, significantly improving their

How Solar Technology is Transforming the Lives of Gardeners in Chaman and Qila Abdullah

توبہ اچکزئی ویسے تو ضلع قلعہ عبداللہ کی ریونیو حدود میں آتا ہے لیکن اس کے قریب واقع درجنوں دیہات ضلع چمن میں شامل ہیں جہاں ہر طرف سیب کے باغات ہی باغات نظر آتے ہیں۔

کمال الدین، توبہ اچکزئی ہی کے رہائشی ہیں جو 30 ایکڑ رقبے پر مشتمل باغ کے مالک ہیں۔ وہ بتاتے ہیں کہ افغان بد امنی کے دوران ان علاقوں میں بجلی طویل عرصہ بند رہی تاہم جب 1998ء میں سپلائی بحال کی گئی تو انہوں نے چار ٹیوب ویلز لگائے تھے۔

&quot;چار سال قبل گرمی، خشک سالی اور لوڈ شیڈنگ ایک ساتھ شروع ہوئی تو ہم نے دو ٹیوب ویلوں کو سولر پر منتقل کر لیا لیکن پھر بجلی دو دو دن مسلسل معطل رہنے لگی تو باغ کو پانی پورا نہیں ہوتا تھا جس پر مجھے تیسرے ٹیوب ویل کو سولر اور چوتھے کو ڈیزل انجن پر لانا پڑا۔&quot;

کمال بتاتے ہیں کہ توبہ اچکزئی میں تین ہزار کے قریب ٹیوب ویلز ہیں۔ ان کے مطابق صرف وہی نہیں یہاں کے 80 فیصد سے زائد باغبان سولر پر منتقل ہو چکے ہیں۔

&quot;اب میں بادلوں کے دنوں یا اشد ضرورت میں ڈیزل انجن چلاتا ہوں ورنہ پانی کافی ہوتا ہے۔&quot;

پاک افغان سرحد پر واقع جڑواں اضلاع قلعہ عبداللہ اور چمن کی لگ بھگ 50 فیصد آبادی کا ذریعہ معاش باغبانی اور کاشت کاری سے وابستہ ہے۔

ضلع چمن میں انگور، انار، انجیر کے باغات ہیں اور سبزیاں بھی کاشت ہوتی ہیں۔ ضلع قلعہ عبداللہ میں خوبانی، انگور، انار، بلیک بیری، سنتروزہ (آلوچہ یا آلوبخارا) کے علاوہ تربوز اور خربوزہ بڑے پیمانے پر کاشت ہوتے ہیں۔

چمن شہر کے مشرق میں ندا کاریز کے رہائشی محمد خیر نے انجیر اور انار کا باغ لگا رکھا ہے۔ وہ تین ٹیوب ویل بجلی اور ایک ڈیزل پر چلاتے تھے۔ وہ بتاتے ہیں کہ جون، جولائی میں باغ کو زیادہ پانی کی ضرورت ہوتی ہے مگر لوڈشیڈنگ بڑھ جاتی تھی۔

&quot;میرے لاکھوں روپے ڈیزل انجن چلانے پر خرچ ہو جاتے تھے۔ پانی نہ لگاؤں تو باغ سوکھنے لگتا تھا۔ ہم نے تنگ آ کر پچھلے پانچ سال میں سارے ٹیوب ویل سولر پر منتقل کر دیے۔ تب سے بجلی کے بل سے چھٹکارہ مل گیا ہے۔اب میں اپنے باغ میں انگور لگانے کا سوچ رہا ہوں۔&quot;

مہنگی بجلی، اوربلنگ اور طویل لوڈشیڈنگ کے باعث یہاں صرف کاشت کار ہی نہیں گھریلو اور کمرشل صارفین بھی تیزی سے سولر پر منتقل ہو رہے ہیں۔

حاجی برات، چمن میں تاج روڈ پر سات سال سے &#39;ٹیسٹی فلورا&#39; چلاتے ہیں۔ وہ بتاتے ہیں کہ&nbsp; انہوں نے دو دکانوں کے لیے سولر پر ساڑھے گیارہ لاکھ روپے خرچ کیے ہیں اور روز کی 16 سے 18 گھنٹے کی لوڈشیڈنگ سے جان چھڑا لی ہے۔

&quot;ہم تنگ آ چکے تھے۔ میرا ماہانہ بل 18 سے 20 ہزار روپے آتا تھا۔ لوڈشیڈنگ کے دوران جنریٹر کے ڈیزل پر روزانہ چار ہزار روپے خرچ ہو جاتے تھے۔ سولر لگانے سے تیل کا خرچ (رات کا جنریٹر) ایک ہزار روزانہ پر آ گیا ہے اور بجلی کا بل آدھا رہ گیا ہے۔&quot;

وہ بتاتے ہیں کہ انہیں بل میں ناجائز ٹیکس بھی نہیں دینا پڑتے۔ کل ملا کر انہیں ایک لاکھ روپے ماہانہ کا فائدہ ہوا ہے۔

&quot;اب میں گھر میں بھی سولر لگانے کا پلان بنا رہا ہوں۔&quot;

چمن کے رہائشی سید علی اچکزئی علاقائی سماجی و اقتصادی امور پر گہری نظر رکھتے ہیں۔ وہ بتاتے ہیں کہ ایک محتاط اندازے کے مطابق جڑواں اضلاع میں 12 ہزار کے قریب زرعی اور پرائیوٹ ٹیوب ویل ہیں۔ سات سال قبل جب کالعدم تنظیوں نے بجلی کے ٹاورز کو دھماکوں سے اڑایا تو یہاں ہفتوں بجلی بند رہی۔

&quot;باغات سوکھنے لگے تو زمینداروں نے مجبوراً ڈیزل انجن چلانے شروع کیے جو بہت مہنگے پڑ رہے تھے۔ جس پر 50 فیصد سے زائد باغبانوں (باغ مالکان) نے قرض لے کر سولر پینل لگا لیے تھے۔ باقی لوگ بھی اب شمسی توانائی پر جا رہے ہیں۔&quot;

حاجی کاظم خان اچکزئی، قلعہ عبداللہ کی تحصیل گلستان میں 120 ایکڑ پر پھیلے &#39; قاسم باغ&#39; کے مالک اور زمیندار ایکشن کمیٹی کے ممبر ہیں۔

انہوں نے 23 اقسام کے انگور، چار اقسام کے سیب کے علاوہ بلیک بیری اور خوبانی کے ہزاروں پودے لگا رکھے ہیں۔

وہ بتاتے ہیں کہ بلوچستان میں رجسٹرڈ یا سبسڈائزڈ زرعی ٹیوب ویلوں کی تعداد 27 ہزار437 ہے۔ 2021ء سے 2022ء تک ان ٹیوب ویلوں کا بل چھ ہزار روپے ماہانہ فکس تھا۔ تاہم 2022ء میں یہ رقم 12 ہزار روپے ماہانہ کردی گئی۔

&quot;بارہ ہزار میں سے ساڑھے چھ ہزار روپے صوبائی اور وفاقی حکومتیں سبسڈی کی مد میں ادا کرتی تھیں جبکہ زمینداروں کو چھ گھنٹے بجلی فراہم کی جاتی تھی۔ تاہم ستمبر 2023ء میں بجلی کی فراہمی تین گھنٹے تک محدود کر دی گئی۔&quot;

وہ کہتے ہیں کہ بجلی سپلائی میں تین گھنٹے کی کمی کے خلاف کاشتکاروں نے صوبہ بھر میں مظاہرے کیے۔ رواں سال دو سے 10 مئی تک وزیر اعلیٰ ہاؤس کے سامنے احتجاجی دھرنا بھی دیا۔ جس پر وزیر اعلیٰ نے وفاق سے بجلی کی چھ گھنٹے فراہمی اور رجسٹرڈ ٹیوب ویلوں کی سولرائزیشن کی سفارش کرنے کا وعدہ کیا۔

بلوچستان حکومت کے ترجمان شاہد رند نے ٹیلی فونک رابطے پر لوک سجاک کو بتایا کہ وزیر اعلیٰ سرفراز بگٹی نے زمینداروں کا مسئلہ حل کرا دیا ہے۔ بلوچستان کے تمام رجسٹرڈ (27 ہزار437 ) زرعی ٹیوب ویل سولر پر منتقل کر دیے جائیں گے اور بجلی بھی چھ گھنٹے سپلائی کی جائے گی۔

وہ کہتے ہیں کہ وزیر اعظم شہباز شریف نے بلوچستان کے زرعی ٹیوب ویلز کی سولرائزیشن کے لیے 55 ارب روپے مختص کیے ہیں۔ ہر زمیندار کو متعلقہ اضلاع کے ڈپٹی کمشنر، زمیندار ایکشن کمیٹی کے ممبر اور ایکسین واپڈا کی موجودگی میں فی ٹیوب ویل 20 لاکھ روپے کا کراس چیک دیا جائے گا جس کا آغاز رواں ماہ میں ہی ہو گا۔

&quot;وفاق اور صوبائی حکومت تین عشروں سے بلوچستان کے زرعی ٹیوب ویلوں کی بجلی کے بل پر سالانہ 24 ارب روپے سبسڈی دے رہے تھے جس کا 60 فیصد صوبائی حکومت اور 40 فیصد وفاقی حکومت دیتی تھی۔ سولرائزیشن کے بعد یہ سبسڈی ختم کر دی جائے گی۔&quot;

قلعہ عبداللہ کی تحصیل گلستان کے زمیندار محمد ہاشم اس حکومتی فیصلے سے بہت خوش نظر آئے۔ وہ کہتے ہیں کہ وزیر اعلیٰ نے زمینداروں کی مشکل کو اپنا مسئلہ سمجھ کر حل کرایا۔ اس قدام سے نہ صرف لوڈشیڈنگ، اوربلنگ اور مہنگی بجلی سے جان چھوٹے گی بلکہ کسان خوشحال ہوں گے اور ملکی وسائل کی بھی بچت ہو گی۔

جہاں سولرائزیشن سے کاشت کار پر جوش دکھائی دیتے ہیں وہاں چمن کے شہریوں کو بھی ایک نوید سنائی جا رہی ہے۔

چمن کا نیا ڈسٹرکٹ ہیڈ کوارٹر ہسپتال (ڈی ایچ کیو) 2019ء میں فنکشنل ہوا تھا جہاں او پی ڈی میں روزانہ ڈیڑھ سو کے قریب مریض آتے ہیں۔ ہسپتال کے ڈائیلیسز یونٹ، ایکسرے، آپریشن تھیٹر، زچہ وبچہ ودیگر شعبوں میں لوڈشیڈنگ کے باعث مریضوں کو مشکلات کا سامنا ہے۔

ہسپتال انتظامیہ کے بقول بجٹ نہ ہونے کے باعث ڈائیلیسز یونٹ تو اگست 2022ء میں بند ہی ہو گیا تھا۔ تاہم لوک سجاگ کی ایک رپورٹ پر چیمبر آف کامرس نے ڈائیلیسز یونٹ کے جنریٹر چلانے کا ایک سال کا خرچ اپنے ذمہ لے لیا تھا۔ 2023ء کے بعد سے یہ اخراجات ایک تاجر حاجی نظر جان برداشت کر رہے ہیں۔

اب نیو ڈی ایچ کیو ہسپتال کے ایم ایس ڈاکٹر عبدالرشید ناصر نے خوشخبری دی ہے کہ ہسپتال میں 15 روز کے اندر سولر پینل نصب ہو جائیں گے۔ اس منصوبے سے ہسپتال میں تمام شعبے 24 گھنٹے فعال رہیں گے اور مریضوں کو بھی کسی حد تک ریلف ملے گا۔

یو این ایچ سی آر کے ضلعی افسر سلطان رودی بتاتے ہیں کہ ڈی ایچ کیو ہسپتال میں ان کے ادارے کے تعاون سے سولر سسٹم لگایا جا رہا ہے کیونکہ یہاں میزبان کمیونٹی کے ساتھ رجسٹرڈ افغان مہاجرین کا بھی علاج معالجہ ہو رہا ہے۔

&quot;شہر کے دو تعلیمی اداروں گورنمنٹ بوائز ہائیر سیکنڈری سکول اور گرلز ہائی سکول میں بھی 15 دن میں سولز سسٹم نصب کر دیے جائیں گے جہاں ہزاروں مقامی بچوں کے ساتھ افغانی بچے بھی پڑھتے ہیں۔&quot;

شمسی توانائی، قبائلی ضلع خیبر کے لوگوں کی تکالیف کیسے کم کر رہی ہے؟

چمن و قلعہ عبداللہ: سیب و انگور کے باغات مالکان آج کل کیوں خوش ہیں؟

text

Despite the new academic year beginning, students from grades 1 to 12 in Chaman district are still waiting for their textbooks, affecting their education and progress.

Students in Chaman District Await Textbooks as New Academic Year Begins

چمن: بچے ابھی تک کتابوں کے منتظر ہیں

Discover the aftermath of inadequate government planning as Chaman's road succumbs to destruction post-rains. Explore the repercussions and implications of poor infrastructure management in t

Chaman's Road Ravaged: Consequences of Poor Government Planning Post-Rains

چمن: حکومت نے جگاڑ سے راستہ بحال کیا، بارشیں دوبارہ بہا لے گئیں

Explore the tensions at the Pak-Afghan border as protestors stage sit-ins against the implementation of a passport system. Delve into the implications of this dispute and its impact on region

Pak-Afghan Border Standoff: Sit-In Protests Against Passport System

چمن: پاک افغان بارڈر، پاسپورٹ سسٹم کے خلاف دھرنا، ڈرائیورز شدید مشکلات کا شکار

ملک بھر کی طرح بلوچستان میں بھی انتخابی سرگرمیاں تیز ہو چکی ہیں۔ سرحدی اضلاع چمن اور قلعہ عبداللہ میں آٹھ فروری کو ایک قومی اور دو صوبائی حلقوں پر الیکشن ہو گا۔

ضلع قلعہ عبداللہ اور چمن کی آبادی کم ہونے کی وجہ سے قومی اسمبلی کی مشترکہ نشست برقرار ہے جس کو این اے 266 قلعہ عبداللہ- کم- چمن کا نام دیا گیا ہے۔

الیکشن کمیشن کی ترتیب کے لحاظ سے قومی اسمبلی کے اس آخری حلقے میں رجسٹرڈ ووٹوں ووٹوں کی کل تعداد تین لاکھ 57 ہزار 834 ہے جن میں دو لاکھ 30 ہزار 306 مرد اور ایک لاکھ 27 ہزار 528 خاتون ووٹرز ہیں۔

2018ء کے عام انتخابات میں اس نشست پر جے یو آئی کے مرکزی رہنما مولانا صلاح الدین ایوبی منتخب ہوئے اور&nbsp; اے این پی کے اصغر خان اچکزئی رنر اپ تھے پشتونخوا میپ کے چیئرمین محمود خان اچکزئی تیسری پوزیشن پر آئے تھے۔

&nbsp;اب اس نشست پر 20 امیدوار میدان میں ہیں جن میں پشتونخوا میپ کے محمود خان اچکزئی، جے یو آئی کے مولانا صلاح الدین ایوبی، اے این پی کے محیب خان کاکڑ اور پیپلز پارٹی کے نظر محمد کاکڑ نمایاں ہیں۔

صحافت سے وابستہ چمن کے رہائشی عمران اچکزئی بتاتے ہیں کہ ضلع قلعہ عبداللہ اور چمن میں پانچ بڑے قبائل آباد ہیں جن میں اچکزئی، کاکڑ، نورزئی، سید اور ترین شامل ہیں۔ ان کے اندازے کے مطابق اچکزئی قبیلے کی آبادی لگ بھگ 50 فیصد، کاکڑ 25 اور نورزئی 10&nbsp; فیصد ہوں گے۔اس کے بعد سید اور ترین قابل ذکر آبادیاں ہیں اندازے کے مطابق سادات ترین برادری سے زیادہ تعداد میں ہیں۔ دو تین فیصد دیگر قبائل اور برادریاں ہیں۔

وہ کہتے ہیں کہ قلعہ عبداللہ میں اچکزئی قبیلے کی دو بڑی شاخیں، کوجن اور بادین آباد ہیں جبکہ ضلع چمن میں صرف کوجن رہتے ہیں جن کی ذیلی شاخوں میں عشیزئی، ملیزئی، حمیدزئی، نصرت زئی وغیرہ شامل ہیں۔ اس حلقے میں سب سے مضبوط امیدوار محمود خان کا تعلق اچکزئی کی ذیلی شاخ کوجن حمیدزئی سے ہے۔

ان کا کہنا ہے کہ قلعہ عبداللہ میں حمیدزئی شاخ کے رجسٹرڈ ووٹر کی تعداد 20 ہزار کے قریب ہے اور پی میپ پرانی سیاسی جماعت بھی ہے جس میں مختلف قبائل کے لوگ شامل ہیں۔ علاوہ ازیں اس بار حمیدزئی قبیلے سے کوئی اور امیدوار نہ ہونے کا محمود خان کو فائدہ ہو گا۔

عمران اچکزئی کے مطابق محمود خان کے مقابلے میں چمن سے مولانا صلاح الدین ایوبی بھی مضبوط امیدوار ہیں جن کا تعلق اچکزئی کی نصرت زئی شاخ سے ہے۔ نصرت زئی قبیلے کے 12 ہزار ووٹ ہیں۔ تاہم مولانا کا انحصار قبیلے پر نہیں بلکہ مذہبی ووٹ اور پارٹی پر ہے۔

انہوں نے بتایا کہ یہاں تیسرے اہم امیدوار قلعہ عبداللہ سے اے این پی کے محیب اللہ کاکڑ ہیں جو قبیلے پر نہیں بلکہ پارٹی پر بھروسا کرتے ہیں کیونکہ کاکڑ قبیلہ یہاں مختلف پارٹیوں میں تقسیم ہے۔

انتخابی سیاست پر گہری نظر رکھنے والے بلال احمد بتاتے ہیں کہ اس حلقے سے محمود خان اچکزئی تین بار منتخب ہو چکے ہیں۔ پچھلی بار یہاں سے صلاح الدین ایوبی جیت گئے تھے جبکہ اے این پی کے امیدوار دوسرے نمبر آئے تھے۔ اس بار یہاں تینوں امیدواروں میں کانٹے کا مقابلہ گا۔

2018ء میں چمن ضلع الگ نہیں ہوا تھا اور اس وقت یہاں تین صوبائی نشستیں تھیں جن میں سے قلعہ عبداللہ کی نشست پر اے این پی کے انجنیئر زمرک خان، قلعہ عبداللہ چمن کی مشترکہ نشست پر جے یو آئی کے محمد نواز اور چمن سے اے این پی کے اصغر خان اچکزئی منتخب ہوئے تھے۔ 
چمن کے ضلع بننے کے بعد نئی حلقہ بندی میں قلعہ عبداللہ اور چمن دونوں اضلاع کے حصے میں ایک ایک صوبائی نشست آئی ہے۔

قلعہ عبداللہ کی صوبائی نشست پی بی 50 میں رجسٹرڈ ووٹوں کی تعداد ایک لاکھ 63 ہزار 753 ہے جن میں ایک لاکھ چار ہزار161 مرد اور 59 ہزار 592 خاتون ووٹرز ہیں۔

اس حلقے سے اے این پی کے انجنئیر زمرک خان اچکزئی مسلسل تین بار الیکشن جیت چکے ہیں۔ پچھلی بار جے یو آئی کے مولانا محمد حنیف دوسرے اور بی اے پی کے امیدوار تیسرے نمبر پر تھے۔

اب اس نشست پر 23 امیدوار انتخابی میدان میں اترے ہیں جن میں اے این پی کے زمرک خان اچکزئی اور جے یو آئی کے حاجی نواز خان کاکڑ کے علاوہ پشتونخوا میپ کے میر وائس خان اچکزئی بھی شامل ہیں۔

میر وائس اچکزئی کا تعلق حمیدزئی قبیلے سے ہے اور وہ محمود خان اچکزئی کے بھتیجے ہیں جنہیں قبیلے کے ساتھ پارٹی کی بھی سپورٹ حاصل ہے۔ مدمقابل انجنئیر زمرک اچکزئی کا تعلق بادین علیزئی سے ہے اور انہیں بادین شمشوزئی، بادین کاکوزئی کے علاوہ کاکڑ سید اور ترین قبائل کے لوگوں کی حمایت بھی حاصل ہے۔

عمران اچکزئی کا خیال ہے کہ فائنل ریس میر وائس اچکزئی اور انجنئیر زمرک خان کے درمیان ہو گی لیکن اس بار یہاں زمرک خان کے دو کزن بھی الیکشن لڑ رہے ہیں جن کی وجہ سے انہیں نقصان ہو سکتا ہے۔

&nbsp;پی بی 51 چمن میں رجسٹرڈ ووٹوں کی تعداد ایک لاکھ 94 ہزار 81 ہے جن میں ایک لاکھ 26 ہزار145 مرد اور 67 ہزار 936 خاتون ووٹرز ہیں۔

اس نشست پر 29 امیدوار سامنے آئے ہیں جن میں اے این پی کے اصغر خان اچکزئی، پشتونخوا میپ کی اباسین خان اچکزئی، بلوچستان عوامی پارٹی کے کپیٹن (ر) عبدالخالق اچکزئی، جے یو آئی کے غوث اللہ اچکزئی اور پیپلز پارٹی کے اکبر خان اچکزئی نمایاں ہیں۔

قلعہ عبداللہ کے برعکس چمن میں اچکزئی کوجن کی تین شاخیں آباد ہیں جن میں عشیزئی، نصرت زئی اور ملیزئی شامل ہیں۔ پچھلی بار یہاں سے اصغر خان اچکزئی کامیاب ہوئے تھے تاہم اب کی بار اس حلقے میں زبردست مقابلہ متوقع ہے۔

اصغر خان کے عشیزئی قبیلے کے چمن میں 20 ہزار ووٹ ہیں جو چمن شہر کی آبادی کا 37 فیصد ہیں۔ انہیں اپنے قبیلے اور دیگر قبائل سے بھی ووٹ پڑتے ہیں لیکن اس بار اس حلقے میں ان کا مقابلہ دیگر کے علاوہ اپنے بھائی اکبر خان سے بھی ہے جو پیپلز پارٹی کے امیدوار ہیں۔

یہاں دوسرے مضبوط امیدوار اباسین خان اچکزئی (حمید زئی) ہیں جو سابق صوبائی وزیر ڈاکٹر حامد خان اچکزئی کے صاحبزادے اور محمود خان اچکزئی کے بھتیجے ہیں۔

اسی طرح جے یو آئی امیدوار غوث اللہ کا قبیلہ اچکزئی ملیزئی چمن شہر کا 32 فیصد بنتا ہے تاہم ان کا انحصار قبیلے پر کم اور پارٹی پر زیادہ ہو گا جبکہ عبدالخالق کا بھروسا اپنے قبیلے اچکزئی نصرت زئی پر ہے جو شہر کی آبادی کا 20 فیصد بنتا ہے۔

ڈاکٹر حامد خان کزئی نے یہاں کئی بڑے کام کرائے تھے جبکہ اصغر خان کے کریڈٹ پر بھی چمن کو الگ ضلع بنوانے کے علاوہ کئی ترقیاتی کام ہیں۔ اس لیے اصغر خان اچکزئی اور اباسین خان اچکزئی کے درمیان زبردست مقابلہ متوقع ہے۔

بلال احمد کا خیال ہے کہ کہ اگر مزید سیاسی جوڑ توڑ نہ ہوا تو چمن سے اب تک سابقہ ایم پی اے اصغر خان آگے ہیں اور قلعہ عبداللہ میں سخت مقابلے کے باوجود میر وائس خان کی پوزیشن مستحکم ہے۔

نئی حلقہ بندیاں: بلوچستان کا ضلع چمن کیوں سب سے زیادہ گھاٹے میں رہا؟

قلعہ عبداللہ اور چمن میں فاتح کون ہو گا اچکزئی خاندان، اے این پی یا جے یو آئی ؟

چمن پاک-افغان بارڈر پر تاجروں کا حکومتی امداد لینے سے انکار

50 سالہ امیر محمد چمن شہر میں پیدا ہوئے اور یہیں کاروبار کرتے ہیں۔ وہ اور ان کے بھائی ڈیڑھ سو ایکڑ اراضی کے مالک ہیں لیکن انہیں سو ایکڑ کی کاشت کے لیے افغانستان جانا پڑتا ہے۔

امیر محمد &#39;باب دوستی&#39; پر امیگریشن کی پابندیوں کے خلاف چمن میں جاری احتجاج میں پیش پیش ہیں۔ وہ بتاتے ہیں کہ ان کے خاندان کی زمین سرحد پر باڑ لگانے سے تقسیم ہو گئی تھی اور یوں سو ایکڑ سے زائد افغان حدود میں چلی گئی۔

وہ کہتے ہیں کہ باڑ لگاتے وقت انہیں یقین دلایا گیا تھا کہ انہیں زمینوں تک رسائی میں کوئی مسئلہ نہیں ہو گا لیکن اب پاسپورٹ کی شرط لاگو کی جا رہی ہے۔

&quot;ہمارے عزیز و اقارب سرحد پار رہتے ہیں، قبرستان اور آباؤ اجداد کی قبریں وہیں ہیں اور روزگار بھی اُدھر رہ گیا ہے۔ کیا ہم گندم بونے یا کاٹنے کے لیے پاسپورٹ پر جائیں؟&quot;

چمن پاک افغان بارڈر (باب دوستی) سے مقامی لوگوں کے لیے پہلے آمد و رفت قلعہ عبداللہ کے شناختی کارڈر اور سپن بولدک کے تزکرے (افغان شناختی دستاویز) پر ہوتی رہی۔ چمن 2021ء میں الگ ضلع بنا تو قلعہ عبداللہ کے رہائشیوں کے لیے پاسپورٹ لازمی قرار پایا اور چمن کے شناختی کارڈ پر آمدورفت اب تک جاری تھی۔

&nbsp;باب دوستی پر یہ طریقہ کار کئی عشروں سے چلتا آ رہا تھا۔ بقول ایک سکیورٹی اہلکار &quot;دہشتگردی کے خلاف جنگ سے پہلے تو یہاں کوئی شناختی کارڈ بھی نہیں پوچھتا تھا&quot;۔ دو ماہ قبل وفاقی حکو مت نے افغان بارڈر پر آمد و رفت کو ریگولیٹ کرنے کا فیصلہ کر لیا۔

&nbsp;نگراں وزیراعلیٰ بلوچستان علی مردان ڈومکی نے آٹھ اکتوبر کو چمن میں قبائلی جرگے سے خطاب کیا اور انکشاف کیا کہ یکم نومبر سے باب دوستی پر پاسپورٹ کی شرط لاگو ہو گی۔ جرگے کے مشران نے اس کی مخالفت کی اور نظر ثانی کرنے کی اپیل کی۔ تاہم وزیراعلیٰ نے کہا کہ ایپکس کمیٹی کا یہ فیصلہ حتمی ہے۔

جب حکومتی فیصلے میں کوئی لچک نظر نہ آئی تو چمن کے لوگوں میں تشویش بڑھ گئی۔ 20 اکتوبر جمعہ کو احتجاج کا آغاز ہوا اور اسی روز شام کو باب دوستی اور چمن شہر کے درمیان پاک افغان شاہراہ پر دھرنا شروع ہو گیا۔

&nbsp;دھرنے میں لغڑی (پھیری والے) اتحاد یونین، انجمن تاجران و دکانداران کے ساتھ پشتونخوا ملی عوامی پارٹی، عوامی نیشنل پارٹی، جمعیت علمائے اسلام، بلوچستان عوامی پارٹی، جماعت اسلامی، پشتون تحفظ موومنٹ، نیشنل ڈیموکریٹک موومنٹ، اہل سنت و الجماعت و دیگر بھی شامل ہو گئے۔ یہ دھرنا 15ویں روز بھی جاری ہے۔

ساتویں روز 26 اکتوبر کو چمن میں نگراں صوبائی وزیر جان اچکزئی اور دھرنا کمیٹی کے درمیان دو مرتبہ مذاکرات ہوئے لیکن ناکام رہے۔ کمیٹی نے تین مطالبات کیے تھے جن میں افغان مہاجرین کے خلاف کریک ڈاؤن روکنے، چمن کے مقامی لوگوں کے لیے پاسپورٹ کی شرط کے خاتمے اور لغڑی پیکج کی بحالی کی ڈیماند کی گئی تھی۔

مذاکرات کے بعد جان اچکزئی کا کہنا تھا کہ شہریوں کو روزگار دینا ریاست کی ذمہ داری ہے اور حکومت کسی کا روزگار نہیں چھینے گی، جیسے ایران کے ساتھ تجارت جاری ہے اسی طرح افغانستان سے بھی جاری رہے گی ۔

&quot;البتہ وہ آئٹمز ہمیں نہیں چاہئیں جو ہماری معیشت کو نقصان پہنچا رہے ہیں۔ آئے روز ہم جوان جنازے اٹھا رہے ہیں۔ اپنی سرحد اور آمد و رفت کو ریگولیٹ کرنا ہمارا حق ہے۔&quot;

وہ بتاتے ہیں کہ رواں سال 20 خودکش حملے ہوئے ہیں جن میں 14 حملہ آوروں کا تعلق افغانستان سے تھا۔ ملک بھر میں سات سو کرمنل کیسز میں بھی افغان مہاجرین ملوث ہیں۔ باب دوستی پر پاسپورٹ اور ویزے سے کسی کو استثنیٰ نہیں ملے گا البتہ سرحد سے متصل دیہات میں آنے جانے کا کوئی میکنزم بنا لیا جائے گا۔

چمن میں اس روز بھی حکومتی فیصلوں کے خلاف ہزاروں افراد نے مظاہرہ کیا اور ڈپٹی کمشنر آفس تک ریلی نکالی گئی تھی۔

چار لاکھ 66 ہزار 218 نفوس پر مشتمل سرحدی ضلع چمن میں کوئی فیکٹری یا کارخانہ نہیں ہے۔ یہاں کے 70 فیصد لوگوں کا روزگار بارڈر سے وابستہ ہے جو چمن کی سبزی منڈی، زنانہ بازار اور ارد گرد کے علاقوں میں کاروبار کرتے ہیں۔

اس علاقے میں عارضی بازار اور منڈیاں بھی لگتی ہیں۔ جہاں شو رومز پر گاڑیاں، پرزہ جات (سپیئر پارٹس)، استعمال شدہ ٹائر اور خشک میوہ جات فروخت کیے جاتے ہیں۔

یہاں کچھ افغان باشندے بھی آتے ہیں جو چلتے پھرتے مختلف اشیا بیچتے ہیں۔ ان میں کپڑے، استعمال شدہ جوتے، چپل اور کاسمیٹکس کا سامان وغیرہ شامل ہوتا ہے۔ یہ لوگ شام کو واپس سپن بولدک چلے جاتے ہیں۔

&nbsp;باب دوستی پر تعینات ایک سکیورٹی اہلکار نے نام نہ ظاہر نہ کرنے کی شرط پر بتایا کہ دوستی گیٹ سے روزانہ لگ بھگ 20 ہزار افراد کی آمد و رفت ہوتی ہے جن میں 16 ہزار کے قریب چمن کے مقامی افراد اور تقریباً چار ہزار افغانی آتے جاتے ہیں۔

وہ کہتے ہیں کہ یہاں سے روزانہ آنے جانے والے مقامی تاجروں کی تعداد پانچ سے چھ ہزار ہے جبکہ 10 سے 11 ہزار کے درمیان چھوٹے تاجر یا لغڑی (پھیری والے) ہیں۔ ان کے لیے &#39;لغڑی پیکیج&#39; بھی متعارف کرایا گیا تھا۔

اس پیکیج کے تحت یہ مقامی لوگ چمن سے کچھ اشیا (ہاتھوں میں) لے جاتے ہیں اور سپن بولدک سے چیزیں لے بھی آتے ہیں۔ انہیں صبح سات سے 11 بجے تک کام کرنے کی اجازت دی گئی تھی۔ اب یہ تمام لوگ کام کاج چھوڑ کر احتجاج کر رہے ہیں۔

چمن چیمبر آف کامرس کے سینئر نائب صدر خان اچکزئی بتاتے ہیں کہ چمن کی افغان گلی میں دو سو کے قریب کاسمیٹکس اور الیکٹرانکس کی دکانوں کا سب مال افغان بارڈر سے آتا ہے۔ اسی طرح کمبل کی سو کے قریب دکانیں بھی سرحد پار کے مال سے چلتی ہیں۔

وہ کہتے ہیں کہ یہاں قندھاری بازار میں ڈیڑھ سو سے زائد سپیئر پارٹس کی دکانوں اور 50 کے قریب ڈرائی فروٹ شاپس کا انحصار بھی بارڈر پر ہے۔ یہاں لوگ سیزن کی سبزی فروٹ سے پرچون کے سامان تک افغانستان سے لیتے ہیں۔

خان اچکزئی کا کہنا ہے کہ اس سارے کاروبار میں لغڑیوں کا بھی اہم کردار ہے۔ یہاں کے سیکڑوں تعلیم یافتہ بیروزگار نوجوان سپن بولدک کی کمپنیوں میں بطور منشی ملازمت کرتے ہیں اور شام کو ہاتھوں میں کچھ نہ کچھ لیے واپس آتے ہیں۔

ان کا ماننا ہے کہ روزانہ ہزاروں تاجروں کے پاسپورٹ پر ویزے، داخلے یا خروج کے ٹھپے لگنا بہت پیچیدہ عمل ہو گا۔ اگر یہ سسٹم لاگو ہوا تو یہاں کے لوگ صبح وقت پر مارکیٹ نہیں پہنچ سکتے اور نہ ہی ڈرائیور اپنے ٹرک تک پہنچ پائیں گے۔

&quot;بارڈر ہماری معاشی آکسیجن ہے، امیگریشن سے تجارت میں شدید مشکلات پیش آئیں گی۔ چمن میں کاروبار ٹھپ ہو جائے گا اور لوگ نان شبینہ کے محتاج ہو جائیں گے۔&quot;

دھرنا کمیٹی کے ترجمان اولس یار اچکزئی بتاتے ہیں کہ پاسپورٹ کی شرط کسی صورت قبول نہیں، نہ ہی نگراں حکومت کے پاس اتنا بڑا فیصلہ کرنے کا مینڈیٹ ہے۔ پابندیوں سے یہاں عوام کے لیے بہت مشکلات ہوں گی اس لیے حکومت پرانا طریقہ کار برقرار رکھے۔

وہ کہتے ہیں کہ چھوٹے تاجر یا لغڑی ہاتھوں میں پانچ یا چھ کلو چینی، آٹا، کپڑا وغیرہ اور قانونی اشیا چمن لاتے یا لے جاتے ہیں۔ وہ روزانہ پانچ یا چھ سو روپے کماتے ہیں اور اسی سے ان کا گھر چلتا ہے۔ یہ روزگار بھی ختم ہو گیا تو وہ کیسے گزارہ کریں گے۔

امیر محمد لغڑی یونین کے سیکرٹری ہیں۔ ان کا کہنا ہے کہ پورا شہر سراپا احتجاج ہے۔ اگر حکومت نے فیصلوں پر نظر ثانی نہ کی تو احتجاج میں شدت پیدا ہونے کا اندیشہ ہے۔

دھرنے میں شریک جمعہ خان روغانی روڈ کے رہائشی ہیں اور بارڈر پر سپیئر پارٹس کا کاروبار کرتے ہیں۔ وہ کہتے ہیں کہ یہاں زراعت ہے، نہ فیکٹری اور نہ ہی روزگار کے کوئی اور مواقع ہیں۔ اب بارڈر کے دروازے بھی بند ہو جائیں گے۔

&quot;میں پڑھا لکھا آدمی ہوں لیکن کہیں نوکری نہیں ملی۔ کاروبار شروع کیا تو پابندیاں لگائی جا رہی ہیں۔&quot;

دھرنے میں شریک پشتونخوا میپ کے مرکزی رہنما حاجی جمال بتاتے ہیں کہ نگراں حکومت نے افغان مہاجرین کو &#39;تارکین وطن&#39; کا نام دے کر ملک چھوڑنے کا حکم دیا ہے۔ یہ لوگ خود نہیں آئے تھے بلکہ جنرل ضیاالحق کی حکومت انہیں دعوت دے کر لائی تھی۔

وہ کہتے ہیں کہ افغان شہری اپنی مرضی سے وطن واپس جانا چاہیں تو ٹھیک ہے، زبردستی اور توہین آمیز سلوک نہ کیا جائے۔ اسی طرح سرحد کے دونوں جانب پشتون قبائل ہیں، پاسپورٹ کی شرط سے خاندانوں اور رشتوں کو جدا کرنا زیادتی ہے۔

&nbsp;دھرنا کمیٹی کے رکن صحبت خان اچکزئی بتاتے ہیں کہ 26 اکتوبر کو چمن ایف سی قلعے میں کور کمانڈر آصف غفور نے جرگے اور دھرنا کمیٹی سے ملاقات کی تھی جس میں کمیٹی نے اپنے مطالبات پیش کیے۔

&nbsp;صحبت خان کے بقول &quot;کور کمانڈر آصف غفور نے بتایا کہ ریاست کا فیصلہ ہے کہ یکم نومبر سے کسی افغان یا غیر ملکی کو پاسپورٹ اور ویزا کے بغیر پاکستان میں داخل ہونے کی اجازت نہیں ہو گی تاہم وہ چمن کے عوام کے لیے مخصوص میکنزم بنانے کی سفارش کریں گے۔&quot;

&quot;انہوں نے کہا کہ پرامن احتجاج شہریوں کا حق ہے لیکن ہم کسی کو قانون ہاتھ میں نہیں لینے دیں گے۔ یہ بھی طے ہے کہ دستاویزات کے بغیر یہاں مقیم افغان مہاجرین کو بے دخل کیا جائے گا۔&quot;

ادھر افغان حکام پہلے ہی کہہ چکے ہیں کہ اگر پاکستان نے چمن اور سپن بولدک کے رہائشیوں کا استثنیٰ ختم کیا تو وہ بھی بغیر پاسپورٹ افغانستان میں داخلے کی اجازت نہیں دیں گے۔ تاہم وہ پرانے سسٹم پر چلنے کو بھی تیار ہیں۔

سرحد کے اس پار لوک سجاگ کے رابطہ کرنے پر ایک افغان تاجر نے نام ظاہر نہ کرنے کی شرط پر بتایا کہ طالبان حکومت میں یہاں چمن طرز کا احتجاج تو ممکن نہیں ہے البتہ سپن بولدک کے لوگوں میں اس فیصلے پر شدید تشویش پائی جا رہی ہیں۔

پاک-افغان سرحد کی بندش: چمن میں سینکڑوں خاندان اور کروڑوں روپے کا سامان تجارت پھنس گئے۔

چمن میں کئی روز سے جاری دھرنے کے شرکا کون ہیں اور کیا چاہتے ہیں؟

چمن پاک-افغان بارڈر، پاسپورٹ کی شرط نامنظور، دھرنا جاری رہے گا

نالے اور دریا کوڑا دان بن گئے

چھ سال پہلے بلوچستان کے شہر چمن سے چار کلومیٹر جنوب میں چمن ماسٹر پلان کے نام سے ایک بڑا منصوبہ شروع کیا گیا تھا۔ 117 ایکڑ رقبے پر محیط اس منصوبے میں مذبحہ خانہ، گوشت مارکیٹ، کولڈ سٹوریج، ڈیری فارم، ٹرک اڈا، ٹیکسی سٹینڈ، فائر بریگیڈ سٹیشن، بس سٹینڈ، سبزی منڈی اور دیگر سہولیات تعمیر کی جانا تھیں لیکن یہ منصوبہ ابھی تک مکمل نہیں ہو سکا۔

گزشتہ دو عشروں سے بیج کا کاروبار کرنے والے حاجی عبدالصمد کی دکان بوغرہ روڈ پر موجودہ سبزی منڈی کے قریب ہے۔ ان کا کہنا ہے کہ بوغرہ روڈ کے دکان دار یہ سن کر خوش تھے کہ اس منصوبے کی تکمیل کے بعد سبزی منڈی شہر سے باہر منتقل کر دی جائے گی تاہم ایسا نہ ہو سکا اور ان تاجروں کی مشکلات بڑھتی جا رہی ہیں۔

انہوں نے بتایا کہ اس سڑک پر ہر 10 منٹ بعد ٹریفک جام ہوتا ہے۔ انتظامیہ نے دن کے وقت بڑے ٹرکوں کے داخلے پر پابندی لگا رکھی ہے لیکن اس پر عمل درآمد نہیں ہو رہا۔ گزشتہ پانچ برس سے بوغرہ روڈ کی مرمت نہیں ہوئی۔ اس کا خستہ حال مرکزی پل کسی بھی وقت بڑے حادثے کا سبب بن سکتا ہیں۔ کئی بار حکام بالا کو ان مسائل کے بارے میں آگاہ کیا مگر ابھی تک کوئی نوٹس نہیں لیا گیا۔

سابق کونسلر عبدالولی چمن بائی پاس روڈ سے چند گز کے فاصلے پر محلہ حاجی گل زمان میں رہتے ہیں۔ ان کا کہنا ہے کہ چمن بائی پاس روڈ پر پاک افغان تجارتی قافلوں کے ساتھ چمن تا کراچی بسیں بھی چلتی ہیں۔ ان بسوں کا سٹینڈ مال روڈ پر مرکزی بازار میں ہے جہاں ان کے پریشر ہارن ذہنی سکون برباد کر دیتے ہیں۔

&quot;زیادہ ٹریفک کی وجہ سے بائی پاس روڈ پر کئی حادثات ہو چکے ہیں۔ پچھلے سال ستمبر میں ایک سکول وین حادثے کا شکار ہوئی جس میں سوار چار بچے جاں بحق اور پانچ زخمی ہو گئے تھے۔ دسمبر 2022ء میں باراتیوں کی کوچ کو حادثہ پیش آیا جس میں خواتین سمیت چھ افراد جاں بحق اور ایک درجن کے قریب زخمی ہوئے۔ میگا پروجیکٹ کے مکمل ہونے سے بائی پاس روڈ پر ٹریفک کم ہو جائے گی۔&quot;

گزشتہ 15 برس سے شہر کے قندھاری بازار میں موٹر سائیکل پرزہ جات کے کاروبار سے وابستہ تاجر اللہ داد نے بتایا کہ 50 سال پہلے تعمیر کی گئی اس مارکیٹ کے اکثر حصے منہدم ہو چکے ہیں۔ مارکیٹ کے سامنے ذبح کیے گئے جانوروں کی آلائشیں پھینکی جاتی ہیں۔ میونسپل کارپوریشن کا عملہ ہفتے میں ایک ہی بار اس جگہ کی صفائی کرتا ہے جس کے سبب آس پاس کے دکان داروں کا تعفن سے برا حال رہتا ہے۔

&nbsp;

&quot;بہت سی دکانیں اسی وجہ سے یہاں سے منتقل ہو گئی ہیں۔ اگر یہاں میری ذاتی جائیداد نہ ہوتی تو میں ایک دن بھی اس بازار میں نہ ٹھہرتا&quot;۔

چمن ماسٹر پلان کے پراجیکٹ ڈائریکٹر محمد یونس نے بتایا کہ منصوبہ فیز 1 اور فیز 2 پر مشتمل ہے۔ پہلے فیز میں بس اڈا، ٹرک اڈا، فروٹ منڈی، سبزی منڈی، کولڈ سٹوریج اور ٹیکسی سٹینڈ کی تعمیر ہونی ہے جبکہ دوسرے فیز میں مذبحہ خانہ، ڈیری فارم اور فائر بریگیڈ سٹیشن بنائے جانا ہیں۔ ان کے مطابق فیز 1 پر کام آخری مراحل میں ہے اور یہ دو ہفتوں میں فعال ہو جائے گا۔

چمن چیمبر آف کامرس کے نائب صدر محمد قسیم اچکزئی کا کہنا ہے کہ اس میگا پروجیکٹ میں ترقی یافتہ ممالک کی طرح الگ الگ بازار ہونے چاہئیں جیسے سبزی اور گوشت کا الگ الگ بازار ہو۔ ٹرک اڈہ اور ٹیکسی سٹینڈ وغیرہ ان بازاروں سے دور ہوں۔ نیز مرکزی شہر تک ٹرانسپورٹ کی سہولت دی جائے۔

محمد یونس کے مطابق 2019ء میں 50 کروڑ روپے، 2020ء میں 10 کروڑ روپے، 2021ء میں پانچ کروڑ روپے اور 2022ء میں تین کروڑ روپے ملے تھے۔ پیسے وقت پر نہیں ملتے تھے اس لیے کام میں تاخیر ہوئی ورنہ یہ منصوبہ دو سال پہلے فعال ہو جانا چاہیے تھا۔

انہوں نے کہا کہ انہیں اب تک صرف فیز 1 کے لیے ہی فنڈ ملے ہیں۔ فیز 2 کا پی سی ون تیار کر کے آئندہ مالی سال کے بجٹ میں پیش کیا جائے گا۔

تاہم سابق صوبائی وزیر ڈاکٹر حمید خان اچکزئی اس بات سے اختلاف کرتے ہوئے کہتے ہیں کہ منظورشدہ ایک ارب 60 کروڑ روپے دونوں فیز کے لیے تھے۔

ڈپٹی کمشنر ضلع چمن کیپٹن (ر) راجہ اطہر عباس نے بتایا کہ دو گاؤں کلی لنڈی کاریز اور کلی پڈو کاریز کے رہائشی ماسٹر پلان کا راستہ استعمال کرتے ہیں کیونکہ شہر آنے جانے کے لیے ان کے پاس کوئی متبادل راستہ نہیں ہے۔

&nbsp;&quot;اس لیے آمد و رفت پر مکمل پابندی نہیں لگائی جا سکتی۔ اوباش نوجوان اس امر کا فائدہ اٹھاتے ہوئے وہاں پر غیر اخلاقی سرگرمیوں میں ملوث ہوتے ہیں۔ بار بار گرفتاریاں بھی عمل میں آئیں، ان پر مقدمے بھی درج ہوئے لیکن وہ باز نہ آئے۔&quot;

انہوں نے کہا کہ اب وہاں لیویز فورس کے اہلکار داخلی اور خارجی راستوں پر تعینات کر دیے گئے ہیں۔ ان میں مذکورہ گاؤں کا اہلکار بھی شامل ہے۔ انہیں حکم دیا گیا ہے کہ&nbsp; گاؤں کے رہنے والوں کے علاوہ کسی کو ماسٹر پلان کی حدود میں داخل نہ ہونے دیا جائے۔

دوسری جانب سیکٹر اتھارٹی کے منیجنگ ڈائریکٹر فیصل خان یقین دہانی کراتے ہیں کہ آئندہ ایک ہفتے میں یہ منصوبہ فعال ہو جائے گا اور سب سے پہلے سبزی منڈی یہاں منتقل کی جائے گی۔

آل بلوچستان گڈز اینڈ ٹرانسپورٹ ایسوسی ایشن کے صدر عبدالاعلیٰ اچکزئی نے بتایا کہ شہر میں اس وقت تین ٹرک اڈے ہیں۔ 2017ء میں ماسٹر پلان کی منظوری کے وقت ہونے والے ایک اجلاس میں حکام سے مطالبہ کیا گیا تھا کہ جو دکان دار اس وقت اڈوں میں کرایے پر ہیں انہیں وہاں کرایے پر دکانیں اور جن کی یہاں ذاتی ہیں انہیں وہاں ذاتی دکانیں دی جائیں۔ ٹرک اڈوں پر فی ٹرک فیس 50 روپے ہے تو وہاں اسے 50 سے 100 روپے کے درمیان ہونا چاہیے۔ ہم اپنے مطالبات منظور ہونے پر اڈے منتقل کریں گے۔

انہوں نے کہا کہ یہ مطالبات منظور ہونے پر وہ اپنے اڈے نئی جگہ منتقل کر دیں گے۔

سبزی منڈی کے جنرل سیکرٹری عبدالنافع حقیار نے بھی اسی طرح کا مؤقف اختیار کیا کہ اگر انہیں وہاں پر دکانوں کی ملکیت اور بہتر سہولیات دی جائیں تو وہ منڈی کو نئی جگہ لےجانے کے لیے تیار ہیں۔

کوئٹہ میں ٹریفک کا دباؤ اور آلودگی کم کرنے کا منصوبہ 35 سال میں مکمل نہ ہو سکا

شہریوں کی مشکلات میں کمی کے لیے بنایا گیا 'چمن ماسٹر پلان' رحمت کے بجائے زحمت بن گیا

چمن کے نعمت اللہ نے اپنےتین بچوں کو پڑھائی سے اٹھا کر مزدوری پر لگا دیا ہے۔ ان کے گاؤں کا پرائمری سکول پانچ سال پہلے بند ہو گیا تھا اور وہ بچوں کو شہر میں داخل کرانے کی استطاعت نہیں رکھتے تھے۔

نعمت اللہ چمن شہر کے جنوب میں 20 کلو میٹر فاصلے پر واقع کلی (گاؤں) برج متکزئی کے رہائشی ہیں۔ اس گاؤں کے پرائمری سکول میں 25 بچے زیر تعلیم تھے۔ جب یہ سکول بند ہوا تو&nbsp; گاؤں والوں نے کئی بار محکمہ تعلیم اور ڈپٹی کمشنر&nbsp; کو آگاہ کیا مگر انتظامیہ نے سکول میں تدریس دوبارہ شروع کرنے کا کوئی بندوبست نہ کیا۔

نعمت اللہ ریڑھی پر خوبانی کا شربت بیچتے ہیں اور اپنے گھر کے 16 افراد کے واحد کفیل ہیں۔

وہ کہتے ہیں کہ ان کے تینوں بچے دوسری اور تیسری جماعت میں پڑھتے تھے&nbsp; استاد کی غیر حاضری کے باعث سکول اچانک بند ہو گیا تو ان کے پاس بچوں کی پڑھائی چھڑانے کے علاوہ کوئی چارہ نہیں تھا۔

&quot;میرا گیارہ سالہ بیٹا علی محمد اور 12 سالہ احمد علی اب درزی کے پاس کام کرتے ہیں اور دس سالہ شیرعلی موٹر سائیکل ورکشاپ پر جاتا ہے۔ تینوں بچے صبح سویرے کام پر نکلتے اور شامل کو واپس آتے ہیں۔ اس طرح ہمیں ماہانہ 35 ہزار روپے تک آمدنی ہو جاتی ہے۔&quot;

چمن کے شمس محلے میں رہنے والے سراج الدین کسٹم ہاؤس کے سامنے لسی بیچتے ہیں۔ وہ طویل عرصہ سے بیمار ہیں جس کی وجہ سے ان کے لیے زیادہ کام کرنا ممکن نہیں۔ ان کے دس سالہ بیٹے فرید احمد مقامی عیسیٰ خان پرائمری سکول میں پڑھتے تھے لیکن اب ایک سال سے وہ بھی والد کے ساتھ کام کرتے ہیں۔

سراج الدین بتاتے ہیں کہ انہیں ایک عشرے سے گردوں کی بیماری لاحق ہے۔ ان کا آٹھ افراد پر مشتمل کنبہ ہے اور مہنگائی نے ان کی مشکلات پہلے سے کہیں زیادہ بڑھا دی ہیں۔ آمدنی کم ہونے کی وجہ سے وہ بیٹے کے تعلیمی اخراجات برداشت نہیں کر سکتے۔

چمن شہر کے وسط میں قائم جمعہ خان پرائمری سکول دہائیوں سے بند پڑا ہے۔ لوگ اسے &#39;الیکشن سکول&#39; کے نام سے جانتے ہیں کیونکہ یہ صرف الیکشن کے دنوں میں کھلتا ہے۔

محلہ جمعہ خان کے محمدہاشم کے گھر کے قریب یہ سکول 35 برس سے خالی پڑا&nbsp; ہے۔ اس سکول میں استاد بھی تعینات ہیں جو گھر بیٹھے تنخواہ لے رہے ہیں۔سکول کی کھڑکیاں دروازے اور مین گیٹ چوری کر لیے گئے اور اس کی عمارت کھنڈر بن چکی ہے۔

شہر میں نجی سکولوں کی تعداد میں بھی نمایاں کمی ہوئی ہے۔ ان میں بہت سے سکول ایسے ہیں جو کورونا وائرس کی وبا کے نتیجے میں بند ہوئے اور پھر مہنگائی بڑھنے کے باعث طلبہ گھٹتی ہوئی تعداد کی وجہ سے دوبارہ نہیں کھل سکے۔

پرائیوٹ سکول ایسوسی ایشن چمن کے صدر رحمت اللہ اچکزئی بتاتے ہیں کہ 2020ء میں 71 سکول رجسٹرڈ تھے اب صرف 52 رہ گئے ہیں۔ تین سال میں مہنگائی کی وجہ سے 19 رجسٹرڈ پرائیوٹ سکولز بند ہوچکے ہیں۔شہر میں پانچ مزید نجی سکول بند ہونے جارہے ہیں۔

&quot;ان بچوں نے یا تو سرکاری سکولوں میں داخلے لے لئے ہیں یا پھر تعلیم کو خیرباد کہہ دیا ہے۔ یوں نجی سکولوں کے 60کے قریب اساتذہ بھی بے روزگار ہو گئے ہیں۔&quot;

بلوچستان میں رئیل ٹائم سکول مانیٹرنگ (آر ٹی ایس ایم)نامی ادارہ سرکاری سکولوں کی نگرانی کرتا ہے۔ اس ادارے کا ہر ضلع میں ایک افسر ہے جو صرف سیکرٹری ایجوکشن کو جوابدہ&nbsp; ہے اور انہی کو رپورٹ بھیجتا ہے۔

چمن کے آر ٹی ایس ایم افسر جہانزیب اچکزئی نے انکشاف کیا ہے کہ ضلع میں37 سکول بند پڑے ہیں اور 40 اساتذہ ڈیوٹی سے مستقل غیرحاضر رہتے ہیں۔ ان کے بارے میں رپورٹ متعلقہ حکام کو ارسال کردی گئی ہے۔ تاہم مزید کارروائی محکمے کی صوابدید ہے۔

جہانزیب&nbsp; اچکزئی بتاتے ہیں کہ ضلع میں سرکاری سکولوں کی کل تعداد 246 ہے۔ ان میں دو ہائیر سکینڈری سکول (لڑکوں اور لڑکیوں&nbsp; کے لیے)اور 21 ہائی سکول ہیں جن میں 13 لڑکوں اور آٹھ لڑکیوں کے ہیں۔

&nbsp;ضلع میں مڈل سکولوں کی تعداد 29 ہے جن میں 18 لڑکوں اور گیارہ لڑکیوں کے ہیں۔ 194 پرائمری سکولوں میں 160 لڑکوں اور 34 گرلز پرائمری سکول ہیں۔ٓ دو مڈل اور 35 پرائمری سکول بند پڑے ہیں جن میں 25 سکول لڑکوں اور دس لڑکیوں کے ہیں۔

آر ٹی ایس ایم&nbsp; کی مطابق ضلع میں اساتذہ کی تعداد 650 ہے۔ ان میں دوردراز کے علاقوں میں تعینات 40 اساتذہ عرصہ دراز سے غیر حاضر ہیں۔ 50 کے قریب اساتذہ عیوضی (اپنی جگہ خلاف ضابطہ کسی اور شخص سے ڈیوٹی کرانے والے) ہیں۔

جہانزیب اچکزئی نے بتایا کہ 2018 میں غیر حاضر اساتذہ اور بند سکولوں کی تعداد 150 سے زیادہ تھی۔ مسلسل رپورٹنگ پر 2019 میں محکمہ تعلیم نے 94 پرائمری سکول کھول دیے اور ان میں اساتذہ کو تعینات کردیا گیا۔

&nbsp;2021ء میں مزید 13 سکول دوبارہ کھولے گئے۔ 2022ء میں مزید 21 بند سکول فعال ہوئے جبکہ رواں سال کوئی بند سکول کھولا نہیں جا سکا۔

تاہم ڈسٹرکٹ ایجوکیشن آفیسر چمن محمود اچکزئی ضلع میں صرف 28 پرائمری سکول غیر فعال ہونے کی تصدیق کرتے ہیں۔ ان کا کہنا ہے کہ ضلع میں 650 اساتذہ تعینات ہیں جن میں دس مستقل غیر حاضر ہیں۔

&nbsp;وہ کہتے ہیں کہ لنڈی کاریز ہائی سکول، مردہ کاریز ہائی سکول، سباون گرلز ہائی سکول اور ہائر سکینڈری گرلز سکول میں دس عیوضی اساتذہ کام کر رہی ہیں۔

&quot;ہم نے عیوضی استادوں کے خلاف کارروائی کی ہے۔ ان کی تنخواہوں سے پچیس ہزار روپےکاٹ لیے گئے ہیں اور انہیں تین ماہ کے لیے معطل کردیا گیا ہے۔&quot;

محمود اچکزئی&nbsp; کا ماننا ہے کہ گزشتہ تین سال کے دوران طلباء و طلبات کے تعداد میں غیر معمولی اضافہ ہوا ہے۔ مہنگائی کی وجہ سے والدین نے بچوں کو پرائیوٹ سکولوں سے نکال کر سرکاری داروں میں داخل کرا دیا ہے۔

محمود اچکزئی بتاتے ہیں کہ2021ء میں ضلع کے سکولوں میں بچوں کی تعداد 15 ہزار تھی۔ 2022 ء میں یہ بڑھ کر ساڑھے 16 ہزار ہوئی اور رواں سال ساڑھے 19 ہزار تک پہنچ گئی ہے۔ ان میں 15 ہزار بچے اور ساڑھے چار ہزار بچیاں ہیں۔ آئندہ سال یہ تعداد 24 ہزار سے تجاوز کر جائے گی۔

ضلع میں چار غیر سرکاری تنظیمیں تعلیم پر کام کررہی ہیں۔ ان میں&nbsp; قطر چیریٹی اور سیو دی چلڈرن واش رومز کی تعمیر اور مرمت میں مدد فراہم کرتی ہیں۔انٹرنیشنل ریسکیو کمیٹی (آئی آر سی) سٹیشنری&nbsp; اور یونیسف سکولوں کی مرمت میں مددکررہی ہے۔

بلوچستان میں یونیسف کے نمائندے جمیل کاکڑ نے بتایا کہ ان کا ادارہ سکولوں کی مرمت کے ساتھ ان میں اے ایل پی سنٹر قائم کر رہا ہے۔ ان مراکز میں سے آٹھویں تک تعلیم صرف دوسال میں مکمل کرائی جاتی ہے۔

وہ بتاتے ہیں کہ اے پی ایل سنٹر وہاں دیے گئے ہیں جہاں سرکاری سکول نہیں ہیں۔ افغان مہاجرین&nbsp; کے علاقوں اور مدرسوں کو بھی ان مراکز کی سہولت فراہم کی گئی ہے۔ اس سال ادارے نےشہر سے باہر چار سنٹر بنائے ہیں جبکہ شہر بھر میں 18 اے ایل پی سنٹرز فعال ہیں جن میں ساڑھے سات سو کے قریب بچے بچیاں زیر تعلیم ہیں۔ یونیسف ان مراکز میں بچوں کو سٹیشنری اور کتابیں&nbsp; مفت فراہم کررہا ہے۔

مقامی سماجی تنظیم عوامی تحریک کے رہنما حاجی رحمت اللہ پہلوان دعویٰ کرتے ہیں کہ مہنگائی اور سرکاری سکول بند ہونے کی وجہ سے چمن میں15 ہزار سے زیادہ بچوں نے تعلیم چھوڑ دی ہے۔ محکمہ تعلیم کے افسر صرف کاغذی کاروائی تک محدود ہیں۔ اگر ڈپٹی کمشنر نے سکولوں کی بحالی کے لیے کوئی اقدام نہ کیا تو احتجاج کیا جائےگا۔

آواران کے چار سال سے بند پڑے کمیونٹی سکول: لڑکیوں کا تعلیمی مستقبل غارت ہو گیا

سکول بند، اساتذہ غیرحاضر، چمن میں تعلیم چھوڑ کر مزدوری کرنے والے بچوں کی تعداد بڑھنے لگی

&#39;چمن کے انگور&#39; پورے ملک میں مشہور ہیں۔ اچھے انگور کا کوئی متلاشی جب بازار جائے تو عام طور پر دکان دار سے چمن کے &#39;سندر خانی&#39; انگور طلب کرتا ہے۔ مخصوص سیزن میں یہ انگور بازاروں میں وافر مقدار میں دستیاب ہوتے ہیں۔ لیکن بہت کم لوگ جانتے ہوں گے کہ وہ جو انگور خرید رہے ہیں ضروری نہیں کہ وہ چمن سے آیا ہو۔

مارکیٹ میں موجود بیشتر انگور افغانستان سے درآمد ہوتے ہیں اور ان کا چمن سے تعلق بس اتنا ہے کہ وہ چمن بارڈر کے راستے پاکستان آتے ہیں۔

چمن چیمبر آف کامرس کے سابق صدر عمران کاکڑ بتاتے ہیں کہ بلوچستان میں انگور کی پیداوار جون کے مہنے میں تیار ہو کر ایک ماہ میں ملک بھر کی منڈیوں میں پہنچ جاتی ہے۔

&quot;جب مقامی انگور کا سیزن ختم ہوتا ہے تو 10 جولائی تک افغانستان میں قندھار کے انگور پک کر تیار ہو جاتے ہیں۔ زیادہ تر یہ انگور افغان صوبے قندھار سے آتے ہیں اور انہیں چمن کے راستے پاکستان پہنچایا جاتا ہے۔ یہی انگور ملک بھر میں &#39;چمن کے سندرخانی انگور&#39; کے نام سے فروخت ہوتے ہیں&quot;۔

عمران کاکڑ بتاتے ہیں کہ چمن میں انگور کی اتنے بڑے پیمانے پر پیداوار نہیں ہوتی کہ اسے ملک بھر کی منڈیوں میں بھیجا جا سکے۔

سرکاری اعدادوشمار کے مطابق 22۔2021ء میں پاکستان بھر میں انگور ساڑھے 39 ہزار ایکڑ پر کاشت کیا گیا تھا۔ اس سال کُل ملکی پیداوار ایک لاکھ سات ہزار میٹرک ٹن تھی۔ اس میں سے 99 فیصد یعنی ایک لاکھ 6 ہزار میٹرک ٹن حصہ بلوچستان کا تھا۔

اُس سال بیرون ملک سے ایک لاکھ 53,000 میٹرک ٹن انگور منگوایا گیا جس کی مالیت نو ارب 68 کروڑ روپے سے زیادہ بنتی ہے۔ اس میں ایک لاکھ 42,357 میٹرک ٹن انگور افغانستان سے آیا تھا۔

دو سال پہلے چمن کو قلعہ عبداللہ سے الگ کر کے الگ ضلع بنایا گیا۔ 21-2020 میں ان دونوں جگہوں پر انگور کا زیر کاشت رقبہ تقریباً پانچ ہزار ایکڑ تھا۔

بلوچستان کے ڈائریکٹر زرعی تحقیق سلیم یوسف زئی کے مطابق اس وقت چمن میں انگور کی سالانہ پیداوار 1600 میٹرک ٹن ہے۔

چمن میں 65 فیصد سے زیادہ کسان اپنے انگورکے باغات کاریزوں سے سیراب کرتے ہیں۔ کاریز پہاڑوں سے آنے والی وہ زیرزمین قدرتی ندی ہوتی ہے جس کے ذریعے آبپاشی مقاصد کے لیے پانی حاصل کیا جاتا ہے۔ ان میں موسم بہار سے سردیوں تک پانی کا محفوظ طریقے سے بہاؤ جاری رہتا ہے۔

سوئی کاریز کے ایک گاؤں سے تعلق رکھنے والے علی اللہ چھ ایکڑ پر اپنے باغات میں انگور اگاتے ہیں۔ ان کا کہنا ہے کہ پچھلی ایک دہائی میں خشک سالی کے باعث کاریزوں میں پانی کم ہو گیا ہے جس سے انگوروں کی کاشت بھی متاثر ہوئی ہے۔

&quot;اب کسان کاریز سے ہٹ کر ٹیوب ویل کے پانی پر انحصار کرنے لگے ہیں لیکن گرمیوں میں جب انگور کو پانی چاہیے ہوتا ہے تو اس دوران لوڈ شیڈنگ بھی بڑھ جاتی ہے۔ اسی لیے انگور کی بھرپور پیداوار کے لیے حالات کچھ ایسے سازگار نہیں ہیں&quot;۔

محمد زئی چمن کے وسط میں اپنے دو ایکڑ باغ میں عام طور پر سندرخانی اور کشمشی انگور اگاتے ہیں۔ یہ باغ دوعشرے قبل ان کے بڑے بھائی نے کاشت کیا تھا۔ اس سے انہیں 2021ء میں ایک لاکھ 65 ہزار اور 2020ء میں ڈیڑھ لاکھ روپے آمدنی ہوئی۔

ان کا کہنا ہے کہ پچھلے سال بارشوں اور سیلاب سے انگور خراب ہو گئے تھے اور وہ فصل سے بمشکل 50 ہزار روپے کما سکے تھے۔ اس سال انہوں نے اپنا ایک باغ ایک لاکھ 85 ہزار روپے میں ٹھیکے پر دے دیا ہے۔

علی اللہ کہتے ہیں کہ پورا صوبہ موسمیاتی تبدیلی کے اثرات کی زد میں ہے۔ پچھلے اپریل میں بہت ژالہ باری ہوئی کہیں کہیں تو پتھر نما اولے گرے جس سے بعض جگہوں پر انگور کی فصل پوری طرح تباہ ہو گئی۔

&quot;جب بارشیں شروع ہوتی ہیں تو&nbsp; رکنے کا نام نہیں لیتیں۔ زیادہ بارش سے بیل خراب ہوجاتی ہے یا بیماری لگ جاتی ہے۔ انگور کو منڈی میں پہنچانا ایک الگ مسئلہ ہے۔ راستے خراب ہیں، کبھی کسی ہڑتال یا احتجاج کے باعث سڑکیں بند ہوں تو انگور گاڑیوں میں ہی خراب ہو جاتا ہے&quot;۔

بلوچستان میں انگور کی چھ اقسام اگائی جاتی ہیں جن میں کلمک، آئتہ ،سندرخانی ،کشمشی ، طور یا کالا انگور اور روچہ شامل ہیں۔چمن میں روچہ، سندر خانی اور کشمشی انگور کی کاشت زیادہ ہے۔

روچہ انگور سب سے پہلے تیار ہوتا ہے جو دس جون تک مارکیٹ میں آ جاتا ہے اور ایک ماہ رہتا ہے۔ اس کے بعد کشمشی، کالا انگور ،کلمک اور سندرخانی آتے ہیں۔ آخر میں آئتہ انگور بازاروں میں آتا ہے جو موسم خزاں سے بیس روز پہلے تیار ہوتا ہے۔

مطیع اللہ نے چمن کے علاقے کلی لنڈی کاریز میں چار ایکڑ انگور کاشت کر رکھا ہے جس سے وہ ہر سال دو سو من پیداوار حاصل کرتے ہیں۔

ان کا کہنا ہے کہ انگور کی نئی بیل پر کاشت سے پیداوار تک اوسطاً خرچ 500 کے قریب ہوتا ہے۔ایک ایکڑ میں تقریباً 500 بیلیں ہوتی ہیں۔ نئے باغ پر کاشت سے پہلی پیداوار تک فی ایکڑ اخراجات سوا دو سے سوا تین لاکھ روپےتک&nbsp; آتے ہیں۔جس میں صرف آبپاشی کا خرچ تقریباً 95 ہزار روپے ہے۔

ان کا کہنا ہے کہ ان کے باغ کی پیداوار 50 من فی ایکڑ ہے ۔ محمکہ زراعت رہنمائی کرے اور حکومت سستی کھاد اور سپرے فراہم کرے تو پیداوار بڑھ سکتی ہے۔

چمن ہی کے ایک اور کاشت کار محمد زئی بھی یہی بات کرتے ہیں کہ یہاں انگور کے کاشت کرنے والوں کو محکمہ زراعت کی کوئی مدد میسر نہیں ہے۔

فصل کا جائزہ لینے کے لیے کبھی کوئی کاشت کار باغات میں نہیں آیا۔ اس علاقے میں انگور کی پیداوار کو کئی گنا بڑھایا جا سکتا ہے لیکن اس کے لیے حکومت کو قدم بڑھانا ہو گا۔

دوسری جانب ڈپٹی ڈائریکٹر محکمہ زراعت ثناء اللہ کا دعویٰ ہے کہ انگور کے کاشت کاروں کو اچھی فصل کے حصول میں ہر ممکن مدد فراہم کی جا رہی ہے۔

اس بات کے ثبوت میں وہ دعویٰ بھی کرتے ہیں کہ پانچ برس کے دوران ضلع چمن میں انگور کی کاشت میں 40 فیصد اضافہ ہوا ہے۔یہاں اب انگور کا زیر کاشت رقبہ 180 ایکڑ اور پیداوار لگ بھگ 400 میٹرک ٹن بڑھ گئی ہے۔

ان کا یہ بھی کہنا ہے کہ کبھی کبھار مائٹس، جویں اور امریکن سنڈی جون جولائی میں فصل کو متاثر کرتے ہیں۔ تاہم رواں سال اب تک چمن میں انگوروں کو کوئی بیماری نہیں لگی۔

افغانستان پاکستان کو انگور اور انار کیوں نہیں بھیج رہا؟

چمن میں محدود پیمانے پر کاشت ہونے والا انگور ملک بھر میں عام کیوں ہے؟

سنزلہ کاریز کے ولی خان روغانی روڈ پر بہت کم رفتار سے ویگن چلا رہے ہیں اس کی وجہ یہ ہے کہ ان کی گاڑی میں ایک حاملہ خاتون سوار ہیں اور سڑک پر جگہ جگہ بڑے بڑے گڑھے ہیں۔ ولی خان 35 کلو میٹر کا فاصلہ کم سے کم چھ گھنٹے میں طے کریں گے۔ تاہم ان کی مجبوری ہے کہ وہ رفتار بڑھا نہیں سکتے کیونکہ یہ اس علاقے کی انتہائی خطرناک سڑک سمجھی جاتی ہے جس پر کبھی بھی کوئی ناگہانی صورتحال پیش آ سکتی ہے۔

وہ اپنے گاؤں اور چمن شہر کے درمیان اس سڑک پر پچھلے چھ سال سے مسافر ویگن چلا رہے ہیں۔ ان کا کہنا ہے کہ یہ &#39;خونی سڑک&#39; ہے جہاں آئے روز حادثات ہوتے رہتے ہیں۔ آٹھ ماہ قبل ان کی گاڑی کو بھی اسی سڑک پر حادثہ پیش آیا تھا جس میں ان کے ساتھ پانچ مسافر بھی زخمی ہوئے اور وہ خود 10 روز تک کومے کی حالت میں رہے۔

پینتیس کلومیٹر طویل روغانی روڈ چمن شہر سے ایک کلومیٹر فاصلے پر کوئٹہ چمن شاہراہ سے نکلتی ہے۔ یہ سڑک کلی تروا نادر کاریز سے ہوتی ہوئی سکان کانڑی گاؤں تک جاتی اور مجموعی طور پر 14 دیہات اور کاریز (پانی کی زیرزمین گزرگاہوں کے قریب واقع آبادی) کو آپس میں ملاتی ہے۔ ان میں ہر گاؤں اور کاریز کی اوسط آبادی دو ہزار نفوس پر مشتمل ہے۔

محتاط اندازے کے مطابق روغانی روڈ پر روزانہ پانچ سے چھ سو چھوٹی بڑی گاڑیاں سفر کرتی ہیں اور چمن شہر کی آبادی کا ایک بڑا حصہ بھی یہی سڑک استعمال کرتا ہے۔

روغانی روڈ بلوچستان کی ان درجنوں سڑکوں میں سے ایک ہے جنہیں پچھلے سال آنے والی طوفانی بارشوں میں نقصان پہنچا تھا۔ اس دوران قصبوں اور دیہاتوں کا چمن شہر سے رابطہ کئی روز منقطع رہا تھا ۔چونکہ یہ سڑک بری طرح ٹوٹی پھوٹی ہے اس لئے یہاں حادثے روز کا معمول ہیں۔

ڈسٹرکٹ ہیڈ کوارٹر ہسپتال چمن میں شعبہ حادثات کے رجسٹرار نعمت خان بتاتے ہیں کہ ان کے ہاں روزانہ لائے جانے والے زخمیوں میں دس فیصد روغانی روڈ سے آتے ہیں۔ ان کا کہنا ہے کہ&nbsp; 2022ء کی بارشوں سے پہلے یہ شرح اوسطاً دو فیصد ہوتی تھی۔

کلی بوستان کے ڈاکٹر عطاءاللہ نے اپنے گھر سے 10 کلو میٹر دور اسی سڑک پر کلینک بنا رکھا ہے۔ انہوں نے بتایا کہ روزانہ اس سڑک پر حادثات میں زخمی ہونے والے دو سے تین لوگ ان کے کلینک پر لائے جاتے ہیں۔ وہ یہ بھی بتاتے ہیں کہ شکستہ سڑک پردھول اور مٹی سے لوگ سانس کی بیماریوں اور الرجی کا شکار ہو رہے ہیں۔

&nbsp;محلہ زمان کہول کے اللہ محمد روغانی روڈ پر دکان چلاتے ہیں۔ انہوں نے بتایا کہ گزشتہ سال اپریل&nbsp; میں سڑک پر کام شروع ہوا مگر پندرہ روز بعد ہی بند ہو گیا۔ پہلے تو اے این پی کے رکن صوبائی اسمبلی اصغر خان اور جے یو آئی کے مولانا صلاح الدین ایوبی دونوں کریڈٹ لے رہے تھے کہ سڑک انہوں نے منظور کرائی ہے مگر اب دونوں خاموش ہیں۔

اس بارے میں مولانا صلاح الدین ایوبی کا کہنا ہے کہ انہوں نے وزیراعلیٰ اور وزیراعظم سے ملاقاتیں کی ہیں۔ وزیر اعظم نے یقین دہانی کرائی ہے کہ وہ فنڈز کے لیےجلد صوبائی حکومت کو احکامات جاری کریں گے۔

چمن میں محکمہ منصوبہ بندی و ترقی ( پی اینڈ آر) کے ایکسیئن عبدالرازق مندوخیل اس سڑک کی تعمیر نو میں تاخیر کی وجہ بتاتے ہوئے کہتے ہیں کہ صوبائی حکومت نے روغانی روڈ کے 16 کلومیٹر حصے کے لیے مالی سال 2021ء میں 37 کروڑ روپے کی منظوری دی تھی۔ 2022ء میں اس کے لئے ایک کروڑ 90 لاکھ روپے جاری ہوئے۔ یہ رقم سڑک پر بجری ڈالنے اور پُلوں اور کاز ویز کا ڈھانچہ کھڑا کرنے پر خرچ ہو گئی۔ اب جیسے ہی مزید فنڈ ملے تو سڑک پر کام دوبارہ شروع ہوجائے گا۔

روغانی روڈ کو تعمیر کرنے والے ٹھیکدار صحبت خان اچکزئی تصدیق کرتے ہیں کہ ابھی انہیں ایک کروڑ 90 لاکھ روپے ہی ملے ہیں۔ ان کا کہنا ہے کہ روغانی روڈ صوبائی ترقیاتی پروگرام میں شامل ہے اس لیے توقع تھی کہ مزید فنڈ بھی جلد مل جائیں گے۔ مگر اسی دوران بارشیں شروع ہو گئیں جن سے سارا صوبہ پانی میں ڈوب گیا اور ترقیاتی کام&nbsp; رک گئے۔

صوبائی ڈیزاسڑ منیجمنٹ کی مطابق گذشتہ سال تباہ کن بارشوں میں بلوچستان کی دو&nbsp; ہزار221&nbsp; کلو میٹر شاہراہیں اور رابطہ سڑکیں شدید متاثر ہوئیں،&nbsp; شاہراؤں پر بنے 25 پل بھی ٹوٹ گئے تھے۔ عبدالرازق مندوخیل بتاتے ہیں صوبے میں کہیں بھی بحالی کا کام شروع نہیں ہوسکا۔ سب فنڈز ملنے کا انتظار کررہے ہیں۔

فضل الرحمٰن ڈمپر ڈرائیور ہیں جو پچھلے آٹھ سال سے ایک کرشنگ پلانٹ کی بجری چمن پہنچانے کا کام کر رہے ہیں۔ وہ اس سڑک پر رات کے وقت سفر کو &#39;خودکشی&#39; قرار دیتے ہیں۔ چھ ماہ قبل رات کے وقت اس سڑک پر ان کا ڈمپر الٹ گیا تھا جس سے وہ خود اور ان کا کلینر شدید زخمی ہو گئے تھے۔

فضل الرحمٰن کے مطابق اس علاقے میں تقریباً 25 ڈمپر بجری کی لوڈنگ کرتے ہیں۔ ان کے ڈرائیوروں نے سڑک کی تعمیرنو کے لیے کئی بار احتجاج کیا اور ٹریفک بھی بلاک کر دی لیکن کچھ نہیں ہوا اس لئے وہ اب کسی بہتری کی امید نہیں رکھتے بس سفر پر نکلنے سے پہلے دعا کر لیتے ہیں۔

چمن میں ریسکیو 1122 سروس چار ماہ پہلے شروع ہوئی ہے۔ ضلعے میں محکمے کے انچارج عبدالغنی بتاتے ہیں کہ اگرچہ اس سڑک پر تواتر سے حادثوں کی اطلاعات آتی ہیں لیکن ابھی تک کسی نے انہیں مدد کے لئے کال نہیں کی۔ ان کا کہنا ہے کہ ابھی لوگوں کو یہ علم نہیں ہےکہ انہیں کسی حادثے کی صورت میں 1122 پر کال کرنی ہے۔ لوگ اپنے طور پر زخمیوں کو اٹھاتے اور ہسپتال پہنچانے کی کوشش کرتے ہیں جس میں تاخیر ہونے سے متاثرین کی حالت بگڑ جاتی ہے۔

ان کا یہ بھی کہنا ہے کہ لوگوں میں یہ تاثر بھی پایا جاتا ہے کہ شاید 1122 کی خدمات لینے پر انہیں کوئی فیس ادا کرنا پڑے گی جبکہ ایسا کچھ نہیں اور یہ عوام کی خدمات کے لئے مفت مہیا کی جانے والی سرکاری سہولت ہے جو کال کرنے پر دس منٹ میں دستیاب ہو سکتی ہے۔&nbsp;

آواران کا جھاؤ-بیلہ روڈ جہاں پیاز سے لدا ٹرک 90 کلومیٹر کا فاصلہ ایک دن میں طے کرتا ہے!

روغانی روڈ: چمن کی 'خونی سڑک' جہاں تیز رفتاری کی کوئی گنجائش نہیں

افغان تاجر اور قندھار چیمبر آف کامرس کے سابق صدر حاجی جان محمد پچھلے چالیس برس سے خشک میوہ جات کی تجارت کر رہے ہیں۔ وہ چمن بارڈر کے ذریعے پاکستان میں بھی خشک میوہ جات کی تجارت کرتے ہیں لیکن اب انہوں ںے یہ سلسلہ ترک کر دیا ہے

لوک سجاگ سے ٹیلی فون پر بات کرتے ہوئے انہوں نے بتایا کہ مسلسل خسارے کے باعث میں نے گزشتہ ایک سال سے چمن بارڈر کے ذریعے ایک روپے کا کاروبار بھی نہیں کیا۔ میں نے اپنا کاروبار دبئی منتقل کر دیا ہے۔

اگست 2021ء میں افغانستان پر طالبان کے کنٹرول کے بعد پاکستان اور افغانستان کے درمیان تجارت مختلف طرح کے مسائل کا شکار ہے۔ اس صورت حال سے سرحد کے دونوں جانب تاجر پریشان ہیں۔

دونوں ممالک کی باہمی تجارت کے زوال میں کارفرما عوامل پر پاکستان افغانستان جوائنٹ چیمبر آف کامرس کے نائب صدر حاجی عبدالغنی اچکزئی نے بتایا کہ طالبان حکومت بین الاقوامی سطح پر تسلیم شدہ نہیں ہے۔ موجودہ افغان حکومت پر پابندیوں کی وجہ سے افغانستان کی درآمدات اور برآمدات بری طرح متاثر ہوئی ہیں۔

&quot;افغانستان کا بینکنگ نظام منہدم ہو چکا ہے۔ یہ پاکستان اور دنیا کے دیگر ممالک کے ساتھ چل نہیں رہا۔&quot;

پاکستان افغانستان جوائنٹ چیمبر آف کامرس اینڈ انڈسٹری کی رواں برس جاری ہونے والی ایک رپورٹ سے بھی اس بات کی تصدیق ہوتی ہے۔

رپورٹ کے مطابق پاکستان اور افغانستان کے مابین تجارت کے لیے &quot;سب سے بڑا چیلنج بین الاقوامی برادری کی قبولیت اور امریکہ کی جانب سے منجمد افغان اثاثوں کا اجرا ہے۔ مختلف بین الاقوامی اداروں کی جانب سے افغان حکومت کے حکام کو شامل نہ کرنے سے کاروباری برادری اور خاص طور پر پاکستان کے لیے رکاوٹوں میں کئی گنا اضافہ ہو گیا ہے۔&quot;

پاکستان کی حکومت افغانستان کی جانب سے ٹیکسوں میں اضافے اور نقل و حمل پر لگائی جانے والی مختلف پابندیوں پر معترض ہے۔&nbsp;

اس سلسلے میں دونوں ممالک کی وزارتوں کے درمیان رواں برس کے اوائل میں دو طرفہ اور ٹرانزٹ ٹریڈ کے معاملات پر ہونے والے ایک ورچوئل اجلاس میں پاکستان نے افغانستان سے کوئلے کی درآمدات اور وسط ایشیائی ریاستوں سے آنے والی اشیا پر ٹیکس میں کمی کا مطالبہ کیا۔

پاکستان کا کہنا تھا کہ وہ افغان ٹرکوں کی آزادانہ نقل&nbsp; و حمل کی اجازت دے چکا ہے تاہم افغانستان نے اس کی اجازت نہیں دی جس سے اشیا اور کاروبار کی لاگت میں اضافہ ہوا۔

ٹیکسوں میں اضافے کی شکایت افغانستان کے تاجروں کو بھی ہے۔

حاجی جان محمد نے لوک سجاگ کو بتایا کہ حکومت پاکستان آئے روز تجارتی اشیا پر کسٹم ڈیوٹی بڑھا رہی ہے۔

پاکستان کی جانب سے گڈز ڈیکلریشن (جی ڈی) نامی فارم متعارف کرایا گیا ہے جس میں اشیا کا وزن، نرخ اور تعداد وغیرہ کی تفصیل درج کرنا ہوتی ہے۔ اسی فارم کی بنیاد پر ٹیکس عائد کیا جاتا ہے۔

حاجی جان محمد اس تبدیلی سے نالاں ہیں اور کہتے ہیں کہ اس نئی پالیسی کی وجہ سے تجارت پر منفی اثر پڑا ہے۔

حاجی جان محمد کا دعویٰ ہے کہ افغانستان کی جمہوری حکومت کے دور میں خشک میوہ جات کی ہماری برآمدات سالانہ تقریباً 50 کروڑ امریکی ڈالر تک تھیں مگر اب یہ صرف 15 کروڑ ڈالر تک رہ گئی ہیں۔

&quot;اگر دنیا نے موجود افغان حکومت کو تسلیم نہ کیا اور پاکستانی حکومت نے اپنی پالیسی میں نرمی نہیں کی تو پاکستان کے ساتھ تجارت بہت کم رہ جائے گی۔ اس تجارت سے وابستہ چھوٹے تاجر، مزدور، منڈی مالکان، اگر میں یہ کہوں کہ ہزاروں لوگ، بے روزگار ہو جائیں گے تو غلط نہ ہوگا۔&quot;

انگور اور انار جیسے تازہ پھل پاکستان برآمد کرنے والے افغان تاجر حاجی کل باران نے لوک سجاگ کو ٹیلی فون پر بتایا کہ پاکستان میں قندھاری انار اور انگور کی بہت مانگ ہے۔ سیزن کے دوران روزانہ کی بنیاد پر تقریباً 130 ٹرک پاکستان جاتے ہیں تاہم پچھلے سال پاکستانی حکومت نے سیزن کے شروع میں اچانک فی ٹرک ٹیکس ایک لاکھ 70 ہزار روپے سے بڑھا کر تین لاکھ 20 ہزار روپے کر دیا۔ اس کے خلاف تاجروں نے ایک ہفتے تک احتجاج کیا لیکن کوئی شنوائی نہیں ہوئی۔ گزشتہ برس سیزن کے دنوں میں مون سون کی بارشوں کے باعث بھی کاشتکاروں اور تاجروں کو کافی نقصان بھی اٹھانا پڑا۔

&#39;&#39;ہم نے مجبوراً چمن بارڈر کے بجائے تورخم بارڈر کا رخ کیا۔ تورخم بارڈر قندھار سے تقریباً آٹھ سو کلومیٹر کے فاصلے پر ہے۔ ٹیکسز کسی حد تک کم تھے لیکن زیادہ مسافت کی وجہ سے انگور راستے ہی میں خراب ہو جاتے تھے۔ اس لیے تاجروں نے انگور اور انار افغانستان کے دیگر ہمسایہ ممالک، تاجکستان، ازبکستان اور ترکمانستان کو برآمد کرنا شروع کر دیے ہیں۔&#39;&#39;

پھل اور سبزیوں کے برآمد کنندہ حاجی ولی جان کا کہنا ہے کہ گزشتہ دو برسوں کے دوران ان کاروبار بہت خراب رہا۔

&#39;&#39;پچھلے افغان دور حکومت میں ہم موسمی پھل یا سبزیوں کے روزانہ 300 سے 350 ٹرک بھیجتے تھے تاہم افغانستان میں حالیہ سیاسی تبدیلی کے بعد یہ تعداد 150 ٹرک تک رہ گئی ہے۔

سیکورٹی کی مخدوش صورت حال بھی باہمی تجارت پر اثر انداز ہو رہی ہے۔

حاجی ولی جان نے اس سبب بتاتے ہوئے کہا کہ جب سے طالبان نے ملک کا کنٹرول سنبھالا ہے سرحد پر باڑ کی تنصیب پر تین مرتبہ پاکستان کے ساتھ جھڑپ ہو چکی ہے جس کے باعث باب دوستی گیٹ ایک دو ہفتہ بند رہا جبکہ دس سے زیادہ بار نامعلوم وجوہات کی بنا پر ایک یا دو دن بند رہا۔

ان کا کہنا ہے کہ یہاں کے مقامی چھوٹے تاجر یا عارضی کام کرنے والے لوگ بھی ہڑتال اور مظاہرے کرتے ہیں۔ یہ چھوٹے تاجر سرحد کے دونوں جانب مختلف اشیا ہاتھوں میں یا سر پر اٹھا کر لاتے اور لے جاتے ہیں۔ بارڈر انتظامیہ نے کئی بار اس کاروبار کو بند کرنے کوشش کی لیکن ان لوگوں نے اپنے مطالبات منوانے کے لیے بار بار بین الاقوامی شاہراؤں کو بند کیا۔

ان کے مطابق سرحدی تنازعات اور آئے روز کی ہڑتالوں کے باعث تاجروں نے کروڑوں روپوں کا نقصان اٹھایا ہے۔ درجنوں تاجر دیوالیہ ہو چکے ہیں جبکہ کئی تاجروں نے یہ تجارت ہی چھوڑ دی ہے۔

افغانستان میں طالبان کے آنے سے طورخم بارڈر کے آر پار لوگوں اور تجارتی سامان کی آمدورفت شدید مشکلات کا شکار۔

حاجی جان آغا افغانستان کے صوبہ لشکرگاہ میں پرچون کی دکان چلاتے تھے۔ ان کی زندگی اچھی گزر رہی تھی اور ان کے بچے سکولوں میں زیرتعلیم تھے۔ لیکن 15 اگست 2021 کو افغانستان میں طالبان کی حکومت آںے کے بعد سب کچھ بدل گیا اور انہیں پاکستان ہجرت کرنا پڑی۔

اب وہ چمن سے قریباً پندرہ کلومیٹر فاصلے پر کلی حاجی گل شاہ نامی افغان بستی میں رہتے ہیں جو تقریباً سو گھرانوں پر مشتمل ہے۔ یہاں نہ تو بجلی ہے اور نہ ہی پینے کا صاف پانی میسر ہے۔ علاقے میں نکاسی آب کا بھی کوئی انتظام نہیں۔ بستی کے مکین کچھ فاصلے پر ایک ٹیوب ویل سے ضرورت کا پانی لاتے ہیں اور چھوٹے موٹے کام کر کے گزربسر کرتے ہیں۔

حاجی جان آغا کا خاندان 16 افراد پر مشتمل ہے۔ ان کے دو بیٹوں کی شادی ہوچکی ہے جن میں بڑا بیٹا عبدالخالق تین بیٹیوں کا باپ ہے جبکہ دوسرے بیٹے عبدالقادر کا ایک بیٹا اور ایک بیٹی ہے۔ حاجی جان کی چار نواسیاں اور ایک نواسا افغانستان میں رہ گئے ہیں۔جب انہوں نے افغانستان چھوڑا تو&nbsp; عبدالخالق کی بڑی بیٹی بی بی زردانہ پانچویں جماعت کی طالبہ تھیں جبکہ دوسری بیٹی گل چوتھی جماعت میں پڑھتی تھی۔ اسی طرح عبدالقادر کی بیٹی بھی چوتھی اور بیٹا پہلی جماعت کے طالب علم تھے۔

وہ بتاتے ہیں کہ طالبان کے آنے کے بعد افغانستان میں معاشی حالات دن بدن خراب ہوتے گئے لیکن ان کے ہجرت کرنے کی بنیادی وجہ یہ تھی کہ حکام نے لڑکیوں کو تعلیم حاصل کرنے سے روک دیا تھا جو انہیں کسی طور قبول نہ تھا۔

&#39;&#39;طالبان نے حکومت سنبھالی تو صوبے کے تعلیمی ادارے بالخصوص لڑکیوں کے سکول بند ہو گئے۔ خواتین اساتذہ گھروں میں بیٹھ گئیں یا انہوں ںے علاقہ چھوڑ دیا۔ جب حالات سدھرنے کی امید نظر نہ آئی تو میں نے اپنی دکان بیچ دی اور ہم لوگ جیسے تیسے پاکستان آ گئے۔ پہلے تو ہم اپنی جمع پونجی خرچ کر کے گزارا کرتے رہے لیکن اب ہمارے معاشی حالات بہت خراب ہیں۔&#39;&#39;

حاجی جان آغا اب محنت مزدوری کررہے ہیں اور ان کا بڑا بیٹا عبدالخالق ٹھیلہ لگا کر سبزی فروخت کرتا ہے۔ ان کا کہنا ہے کہ مہنگائی کے باعث وہ بمشکل گزر بسر کرتے ہیں۔ پاکستان میں آںے کے بعد کسی غیرسرکاری ادارے نے بھی ان کی کوئی مدد نہیں کی۔ البتہ یونیسف نے بچوں کو مفت تعلیم دینے کے لیے ایک ایجوکیشن سینٹر بنایا ہے جہاں خاندان کی بچیاں زیر تعلیم ہیں۔

&#39;&#39;مجھے خوشی ہے کہ خاص طور پر ہماری بچیاں تعلیم حاصل کر رہی ہیں۔ اب چاہے مجھے پیٹ پر پتھر ہی کیوں نہ باندھنا پڑیں، میں اپنی بچیوں کو تعلیم ضرور دلاؤں گا۔&#39;&#39;

ان کی پوتی بی بی زردانہ کہتی ہیں کہ اگر انہیں دادا کی مدد حاصل رہی تو وہ پڑھ لکھ کر ڈاکٹر بنیں گی۔

حاجی جان آغا کے پوتے پوتیاں اقوام متحدہ کے ادارہ برائے اطفال (یونیسف) کے قائم کردہ خصوصی سکولوں میں زیرتعلیم ہیں جہاں آٹھویں جماعت تک تعلیم دو سال میں مہیا کی جاتی ہے۔

چمن میہں یونیسف کے پروگرام افسر جمیل کاکڑ کا کہنا ہے کہ افغانستان میں طالبان کی حکومت کے آنے کے بعد بڑی تعداد میں مہاجرین نے پاکستان کا رخ کیا ہے۔ یونیسف نے کلی رحمان اور کلی گلدارہ باغیچہ میں ان مہاجرین کے بچوں کے لیے دو تعلیمی مراکز کھولے ہیں جہاں 65 بچوں کو پڑھایا جاتا ہے۔ ان مراکز میں بچوں کو کتابیں اور سٹیشنری مفت فراہم کی جا رہی ہے اور انہیں پڑھانے والے اساتذہ کو روزانہ فی بچہ 40 روپے دیے جاتے ہیں۔

عطا محمد کا تعلق افغان صوبہ قندھار سے ہے۔ وہ اکتوبر 2021 میں ہجرت کرکے چمن کی بستی حاجی گل شاہ میں آباد ہوئے ہیں۔ حاجی جان آغا کی طرح ان کی ہجرت کا محرک بھی بچوں کی تعلیم ہے۔

&#39;&#39;میں سائیکلوں کو پنکچر لگانے کا کام کرتا تھا۔ میری دس سالہ بیٹی اور نو اور سات سال عمر کے دو بیٹے سکولوں میں زیرتعلیم تھے۔ چونکہ حکومت تبدیل ہونے کے بعد وہاں انتظامیہ کا کنٹرول جنگجوؤں کے ہاتھ میں آ گیا تھا اس لیے مجھے اپنے بچوں کا تعلیمی مستقبل غیریقینی محسوس ہوا اور مجھے اپنے بیوی بچوں کو لے کر ہجرت کرنا پڑی۔&#39;&#39;

عطا محمد اب ریڑھی پر گنڈیریاں فروخت کرتے ہیں۔ ان کے دونوں بیٹے بھی سکول سے واپس آںے کے بعد ان کا ہاتھ بٹاتے ہیں۔ ان کا کہنا ہے کہ وہ اپنے وطن واپس جانا چاہتے ہیں اور اگر طالبان نے لڑکیوں کی تعلیمی پر پابندی اٹھا لی تو وہ ایک دن بھی پاکستان میں نہیں ٹھہریں گے۔

حاجی جان آغا اور ان جیسے بہت سے خاندانوں کو عارضی طور پر پاکستان میں قیام کی اجازت دی گئی ہے اور انہیں مہاجر کی حیثیت سے رجسٹرڈ نہیں کیا گیا۔

اقوام متحدہ کے ادارہ برائے مہاجرین (یو این ایچ سی آر) کے اسسٹںٹ ڈائریکٹر احتشام نے لوک سجاگ کو بتایا کہ ضلع چمن میں رجسٹرڈ افغان مہاجرین کی تعداد 4000 ہے جن کے پاس اے سی سی یعنی &#39;افغان سٹیزن کارڈ&#39; ہیں۔ یہ وہ افغانی ہیں جنہوں ںے 2001 میں مہاجرت اختیار کی تھی۔ اس وقت ادارہ نئے افغان مہاجرین کی رجسٹریشن نہیں کر رہا کیونکہ حکومت پاکستان نے اس کے لیے آمادگی ظاہر نہیں کی۔

حاجی جان آغا کہتے ہیں کہ وہ باامر مجبوری ہجرت پر مجبور ہوئے ہیں۔ پاکستان آ کر انہیں جن معاشی مشکلات کا سامنا کرنا پڑا وہ انہیں افغانستان میں درپیش نہیں تھے۔ وہ کہتے ہیں کہ اگر افغانستان کے حالات معمول پر آ جائیں اور لڑکیوں کی تعلیم پر پابندی اٹھا لی جائے تو کون وطن واپس نہیں جانا چاہیے گا۔

حضرت علی

حضرت علی عطار کا تعلق بلوچستان کے ضلع چمن سے ہے۔ وہ پچھلے 10 سالوں سے مختلف نیوز ایجنسز اور پاکستان کے بڑے ڈیجیٹل نیٹ ورکس کے ساتھ منسلک ہیں۔