نئی حلقہ بندیوں میں سب سے زیادہ چوٹ سابقہ قبائلی کے عوام کی قومی اسمبلی میں نمائندگی پر پڑی ہے۔ جہاں سے قومی اسمبلی کی بارہ میں سے چھ نشستیں واپس لے لی گئی ہیں۔تاہم کرّم کے لوگوں میں زیادہ تشویش نظر آ رہی ہے۔

جون 2018ء تک وفاق کے زیرانتظام (فاٹا) سات ایجنسیوں پر مشتمل قبائلی علاقوں کی طویل عرصے سے قومی اسمبلی 12 اور سینٹ میں آٹھ خصوصی نشستیں ہوتی تھیں۔

پچیسویں آئینی ترمیم کی منظوری کے بعد یہ قبائلی علاقے&nbsp; صوبہ خیبر پختونخوا میں ضم کر دیئے گئے۔ جہاں صوبائی اسمبلی میں ساتوں قبائلی اضلاع اور چھ سب ڈویژنز (سابقہ فرنٹیئر ریجنز ) کو 16 نشستوں کی نمائندگی دی گئی۔ اسی طرح قومی اسمبلی میں بارہ نشستیں برقرار رہیں۔ تاہم سینٹ کی آٹھ نشستیں ختم کر دی گئی تھیں۔

2018ء کے عام انتخابات میں قومی اسمبلی کی جنرل نشستیں 272 تھیں۔ جو اب 266 ہوگئی ہیں۔ حالیہ مردم شماری کے تحت نئی حلقہ بندیوں سے متعلق الیکشن کمیشن کی تجاویز میں&nbsp; قومی اسمبلی کا ایک حلقہ نو لاکھ سات ہزار 913 آبادی پر بنایا گیا ہے۔

قومی اسمبلی کی مجموعی سیٹیں کم ہونے&nbsp; پر خیبر پختونخوا کی قومی اسمبلی کی نشستیں 51 سے&nbsp; 45 ہو گئی ہیں اور یہ ساری چھ نشستیں قبائلی اضلاع کو دی گئی تھیں۔ یوں کہا جا سکتا ہے کہ آبادی کے اس فارمولے کا پہلا شکار سابقہ قبائلی اضلاع بنے ہیں۔

پچھلے الیکشن میں ضلع باجوڑ سے دو ارکان قومی اسمبلی منتخب ہوتے تھے، اب یہاں ایک نشست رہ گئی ہے۔ ضلع خیبر میں دو&nbsp; قومی حلقے تھے وہاں بھی ایک رہ گیا ہے جبکہ ضلع کرّم میں بھی دو میں سے ایک نشست کم کر دی گئی ہے۔

&nbsp;گزشتہ انتخابات میں اورکزئی کی واحد نشست تھی جو ختم کر دی گئی۔ اب ضلع اورکزئی اور ہنگو کا ایک مشترکہ قومی حلقہ بنا دیا گیا۔

جنوبی وزیرستان کے دو اضلاع(اپر اور لوئر) سے دو ارکان قومی اسمبلی منتخب ہوئے تھے۔ لیکن اب دونوں کو ملا کر ایک ہی حلقہ بنادیا گیا ہے۔ یوں یہاں بھی ایک نشست کم ہو گئی ہے۔

اسی طرح&nbsp; 2018ء میں چھٹا قومی حلقہ چھ سابق فرنٹیئر ریجن(ایف آر) کو ملا کر بنایا گیا تھا۔یہ شاید ملک میں قومی اسمبلی کا طویل ترین حلقہ تھا جس میں حسن خیل (ایف آر پشاور)، درہ آدم خیل (ایف آر کوہاٹ)، وزیر (ایف آر بنوں)، بیٹنی (ایف آر لکی مروت)، درازندہ (ایف آر ڈی آئی خان)اور جنڈولہ (ایف آر ٹانک) شامل تھے۔

اب فرنٹیئر ریجنز پر مشتمل نشست بھی ختم ہو گئی ہے اور ہر فرنٹیئر ریجن کو متصل&nbsp; ضلع کے قومی اور صوبائی حلقے میں شامل کر دیا گیا ہے۔

تاہم شمالی وزیرستان اور مہمند کی&nbsp; قومی اسمبلی کی ایک ایک نشست برقرار رکھی گئی ہے۔

قومی اسمبلی میں ان جنگ زدہ اضلاع کی نمائندگی کم ہونے سے ترقیاتی فنڈز کے معاملات اپنی جگہ، یہاں قبائلی اور علاقائی مسائل بڑھنے کے خدشات پیدا ہو رہے ہیں۔ ضلع کرّم میں عرصہ دراز سے فرقہ وارانہ مسائل کا شکار ہے۔ جس کا کوئی حل نظر نہیں آ رہا۔

ضلع کرّم سات لاکھ 85 ہزار 434 آبادی پر مشتمل ہے۔ یہاں قومی اسمبلی کا ایک(این اے 37) اور صوبائی اسمبلی کے دو حلقے بنائے گئے ہیں۔

پی کے 95 کرّم ون تحصیل سنٹرل اور تحصیل لوئر کرّم (قانونگوئی علیزئی کے پٹوار سرکل حسن علی، ابراہیم زئی اور رامکی نکال کر) پر مشتمل ہے۔ اس حلقے کی آبادی چار لاکھ 79 ہزار 700 بنتی ہے۔

پی کے 96 کرّم ٹو میں تحصیل اپر کرّم کے علاوہ تحصیل لوئر کرّم کی قانونگوئی علیزئی کے پٹوار سرکل حسن علی، ابراہیم زئی اور رامکی(پارت) شامل ہیں۔ یہاں کی آبادی تین لاکھ پانچ ہزار 734 بتائی گئی ہے۔

ضلع کرّم سے حلقہ بندی پر اعتراضات سے متعلق الیکشن کمیشن میں ابھی تک چار درخواستیں جمع کرائی گئی ہیں۔ دراصل ان میں سے&nbsp; اعتراض کی در خواست ایک ہی ہے باقی تین درخواستوں میں ضلع کی مجوزہ صوبائی حلقہ بندی برقرار رکھنے کی استدعا کی گئی ہے۔

البتہ اپر کرّم، محمد ادریس کی درخواست میں سماجی مسائل کی بنیاد پر دو قومی حلقے (اپر اور لوئر)برقرار رکھنے کی اپیل&nbsp; کی گئی ہے اور اس کے لیے علاقوں کی تقسیم اور مارجن میں لچک کی تجاویز دی گئی ہیں۔

اپرکرّم (سابقہ این اے 46) سے پچھلے چار اانتخابات میں ڈاکٹر ساجد حسین طوری رکن قومی اسمبلی منتخب ہو چکے ہیں۔ وہ پہلے آزاد اور پیپلز یارٹی کے ٹکٹ پر کامیاب ہوتے تھے۔

لوئر اور سنٹرل کرّم سے 2002ء اور 2008ء کے انتخابات میں منیر اورکزئی کامیاب ہوئے تھے۔ 2013ء میں مخدوش صورتحال کے باعث اس حلقے پر انتخاب ہی ممکن نہیں ہوسکا تھا۔ 2018ء میں اس حلقے( سابقہ این اے 94)&nbsp; سے ایک بار پھر منیر اورکزئی&nbsp; رکن اسمبلی منتخب ہوئے تھے۔

تاہم منیر اورکزئی&nbsp; کے انتقال کے بعد 2021ء میں ضمنی انتخاب ہوا اور پی ٹی آئی کے فخر زمان بنگش جیت گئے۔

فخر زمان بنگش نے&nbsp; لوک سجاگ کو بتایا کہ کرّم میں ایک قومی حلقہ بنانے کا معاملہ بہت سنگین ہے۔ یہاں اب شعیہ بمقابلہ سنی انتخاب&nbsp; ہونے کا خوف ہے۔ دو حلقے بنانے کے لیے صرف آبادی کو ہی مدنظر رکھنا درست نہیں ہے۔

&nbsp;وہ کہتے ہیں کہ ایک تو تمام آبادی تک پہنچنا امیدوار کےلیے آسان نہیں ہو گا۔ دوسرے کرّم میں امن و امان کی موجودہ صورتحال میں انتخابات ہونا ہی بڑی کامیابی ہو گی۔ لوئر اور سنٹرل کرّم&nbsp; کے لوگ ماضی میں بھی پانچ سال تک نمائندگی سے محروم رہ چکے ہیں۔

سینئر صحافی علی افضل افضال بتاتے ہیں کہ&nbsp; ضلع کرّم میں مسئلہ گھمبیر ہو گا۔ قومی اسمبلی کی یہاں دو نشستیں تھیں تو اہل سنت اور اہل تشیع کو نمائندگی مل جاتی تھی۔ دونوں کے الگ الگ حلقے سے نمائندے منتخب ہوتے تھے اور اپنے علاقوں میں کام ہوتے تھے۔

&quot;اب ایک حلقہ ہونے سے&nbsp; ایک ہی نمائندہ منتخب ہوسکتا ہے۔ ماضی میں کسی منتخب نمائندے نے بھی خواہ وہ اہل تشیع تھا یا اہل سنت، کبھی دوسرے فرقے کے لوگوں کے کام کرنے کو ترجیح نہیں دی۔ دونوں کے الگ الگ نمائندے ہونے سے کبھی کوئی بڑا مسئلہ نہیں آیا۔&quot;

صحافی نبی جان اورکزئی بتاتے ہیں کہ فرقہ وارانہ تقسیم کی وجہ سے ضلعے کے انتظامی طور پر دو اضلاع کی طرح چلایا جا رہا ہے۔ تعلیم اور صحت کے ڈسٹرکٹ افسر کے ساتھ لوئر و سنٹرل کرّم کے لیےالگ ایڈیشنل افسر لگائے گئے ہیں تاکہ لوگوں کو دوسرے علاقے میں جانے کی ضرورت نہ ہو۔

وہ کہتے ہیں کہ اپر کرّم میں اہل تشیع جبکہ سنٹرل اور لوئر میں اہل سنت کی اکثریتی آبادی ہے۔ لوئر اور سنٹرل کی آبادی زیادہ ہے۔ لیکن یہاں ووٹنگ کی شرح کم ہوتی ہے۔ اپر کرّم میں تعلیم کی شرح اور ووٹنگ کا تناسب بھی زیادہ ہوتا ہے۔

نبی جان سمجھتے ہیں کہ فرقہ وارانہ مسائل کی وجہ سے کوئی امیدوار پورے ضلع میں مہم نہیں چلا سکتا۔

&quot; لوئر و سنٹرل کرّم کا امیدوار اپر کرّم میں جانے کا سوچ بھی نہیں سکتا۔ جبکہ اپر کرّم کا امیدوار لوئر کرّم کے کئی علاقوں میں جانے سے بھی کترائے گا۔ ایسے میں کوئی جیت کر بھی دوسرے علاقے کی نمائندگی نہیں کر سکے گا۔&quot;

خیبر پختونخوااسمبلی میں فرنٹیئر ریجنز پر مشتمل صوبائی اسمبلی کا حلقہ ختم ہوگیا ہے۔ تاہم باجوڑ میں ایک صوبائی حلقے کا اضافہ ہو گیا ہے۔ لہٰذا صوبائی اسمبلی کے 16 حلقے برقرار ہیں۔

صحافی ارشد مومند کہتے ہیں کہ سینٹ کی آٹھ نشستیں ختم ہونے کا قبائلی اضلاع کو نقصان ہوا ہے۔

&quot;صوبائی اسمبلی میں بیٹھے منتخب نمائندے چار سال اختیار کا رونا روتے رہے۔ فنڈز قومی اسمبلی اور سینٹ ارکان کے پاس ہوتے ہیں۔ قبائل سے پہلے سینٹ اور اب قومی اسمبلی کی 6 نشستیں واپس لے لی گئی ہیں۔&quot;

ضلع ٹانک کا قومی حلقہ پھر ڈیرہ اسماعیل خان سے جڑ گیا، نقصان کس کا ہوا؟

سابق قبائلی اضلاع سے چھ قومی نشستوں کا خاتمہ، " کرّم میں شیعہ بمقابلہ سنی انتخاب کا خوف ہے۔"

text

نئی حلقہ بندی کے بعد خیبر پختونخوا اسمبلی میں صوبائی دارالحکومت پشاور&nbsp; کی ایک نشست کم ہو گئی ہے۔ جس سےکئی حلقوں میں رد و بدل کیا گیا ہے تاہم کچھ تبدیلیاں بہت دلچسپ ہیں اور نئی حد بندی پر اعتراضات&nbsp; داخل کرنے کا سلسلہ بھی جاری ہے۔

پچھلی مردم شماری میں&nbsp; پشاور کی آبادی&nbsp; 42 لاکھ 67 ہزار 198 بتائی گئی تھی۔ 2018ء کے انتخابات میں یہاں سے قومی اسمبلی کی پانچ اور صوبائی اسمبلی کی 14 نشستیں تھیں۔

&nbsp;حالیہ مردم شماری میں صوبائی دارالحکومت کی آبادی 47 لاکھ 58 ہزار 762 تک پہنچ چکی ہے۔

تاہم یہاں قومی حلقے بدستور پانچ این اے 28 تا این اے 32 ( جو پہلے این اے 27 سے این اے 31 تک تھے) رکھے گئے ہیں۔ ان کی حدود میں بھی زیادہ تبدیلیاں نہیں کی گئیں۔ صرف ضم شدہ سب ڈویژن حسن خیل (سابقہ ایف آر پشاور) کو اب پشاور کے قومی حلقہ این اے 30 میں شامل کر دیا گیا ہے۔

&nbsp;نئی مردم شماری کے مطابق خیبر پختونخوا اسمبلی کا حلقہ&nbsp; تین لاکھ 55 ہزار 270 آبادی (تھوڑے بہت فرق کے ساتھ) پر بنایا گیا ہے۔ جس کے نتیجے میں پشاور کے صوبائی حلقے 13 ہو گئے ہیں۔ پہلے یہاں حلقوں کے سیریل نمبرز&nbsp; پی کے 66 سے پی کے 79 تک تھے جو اب پی کے 72&nbsp; سے&nbsp; پی کے 84 تک ہو گئے ہیں۔

ضلعے میں ایک صوبائی حلقہ کم ہونے اور سابقہ نیم قبائلی علاقہ حسن خیل (ایف آر پشاور) شامل ہونے کی وجہ سے حلقے بڑے ہو گئے ہیں۔ جس سے چند حلقوں میں تبدیلی آئی ہے۔

پشاور کے صوبائی حلقہ 72 اور&nbsp; 73 میں کوئی خاص تبدیلی نہیں کی گئی ہے۔ پہلا حلقہ&nbsp; پی کے 72 (نیا نمبر) ہے۔ جہاں سے دو بار سابق ڈپٹی سپیکر محمود جان کامیاب ہوئے تھے۔ اس حلقے میں تحصیل متھرا کے آٹھ آبادیاں شامل کی گئی ہیں۔ جن میں علی زئی، حسن آباد، ڈاگ، تیرائی پایان، ماموخٹکی، نیامی، شگئی بالا ، ہریانہ بالا اور سرکانہ کے کچھ حصے شامل ہیں۔

اسی طرح&nbsp; پی کے 73 سے ارباب وسیم کامیاب ہوئے تھے۔ اس حلقے میں تحصیل شاہ عالم کے علاقے جٹی بالا، پجگی، احد پورہ، بابوزئی، شاہ عالم، ہریانہ پایاں اور لڑمہ شامل ہیں۔ جبکہ چارسدہ روڈ پر بڈھنی سے بخشی پل تک کا علاقہ بھی اس کا حصہ ہے۔

پی کے 74 میں عالم تحصیل کے باقی تمام علاقے (پی کے 73 میں شامل علاقوں کو نکال کر) شامل کر لیے گئے ہیں۔ چمکنی تحصیل کے علاقے وڈپگہ، محمد زئی، دلزاک روڈ، گلوزئی اور بڈھنی بھی اسی حلقے کا حصہ ہوں گے۔ اس حلقے سے دو مرتبہ پی ٹی آئی کے ارباب جہانداد&nbsp; منتخب ہو چکے ہیں۔ 
چمکنی تحصیل کے باقی تمام علاقے پی کے 75 کا حصہ بن گئے ہیں۔

ماضی میں ان علاقوں یعنی خالصہ اور شگئی ہندکیان سے ایک رکن اسمبلی منتخب ہوتا تھا۔ اب ان آبادیوں کو چمکنی تحصیل اور شاہ عالم میں&nbsp; شامل کر کے تین حلقوں میں تقسیم کیا گیا ہے۔ پی کے 75 انہیں میں سے ایک ہے جس میں &#39;شگئی ہندکیان&#39; برادری کا کردار اہم ہو گا۔

پی کے 76 سے شگئی ہندکیان کے&nbsp; علاقے نکالے جانے کے بعد یہ حلقہ اب صرف پشتون آبادی پر مشتمل ہو گا جس میں چمکنی تحصیل کی آبادیاں ارمڑ بالا، ارمڑ پایان اور ارمڑ مینہ اکٹھی&nbsp; رکھی گئی ہیں۔ تحصیل بڈھ بیر کے علاقے ہری زئی، مریم زئی، بڈھ بیر مریم زئی، گڑھی فیض اللہ، سوڑیزئی بالا اور پایان بھی اسی حلقے میں شامل کیے گئے ہیں۔

&nbsp;پی کے 76&nbsp; میں تبدیلیوں کا فائدہ براہ راست تحریک انصاف کے سابق رکن اشتیاق ارمڑ&nbsp; کو ہوا ہےجو حال ہی میں پی ٹی آئی پارلیمینٹرینز (پرویز خٹک ) میں شامل ہوئے ہیں۔ چمکنی اور بڈھ بیر کے یہ علاقے ان کا مضبوط گڑھ سمجھے جاتے ہیں۔

پی کے 77 میں حسن خیل&nbsp; (سابق فرنٹیئر ریجن پشاور) کو شامل کیا گیا ہے۔ اس کے علاوہ بڈھ بیر تحصیل کی باقی آبادیاں متنی، ادیزئی، اضاخیل، اولی زئی، باغ میاں خیل ، پسنی، خلی زئی، گڑھی باغبانان اور گڑھی چندن اسی حلقے میں شامل ہیں۔ پشتخرہ تحصیل کے علاقے ماشو گگر اور بہلول زئی بھی اسی کا حصہ ہیں۔

&nbsp;پی کے 77 میں کوئی بڑی تبدیلی نہیں کی گئی۔ ماضی میں یہاں سے اے این پی کے صلاح الدین کامیاب ہوئے تھے۔

گزشتہ انتخابات میں کامیاب ہونے والے&nbsp; اے این پی کے خوشدل خان اور پی ٹی آئی کے انجینئر فہیم احمد کے سابقہ حلقے&nbsp; یکجا ہو گئے ہیں۔ ان&nbsp; دونوں حلقوں سے نکالی گئی بیشتر آبادیوں پر مشتمل پی کے 78 بنایا گیا ہے۔ اس میں پشتخرہ کے باقی علاقوں کے علاوہ پشاور سٹی کی آبادیاں اچینی پایان، حاجی پھندو اور سفید ڈھیری بھی شامل ہیں۔

پی کے 79 سے پچھلی بار سابق صوبائی وزیر تیمور سلیم جھگڑا منتخب ہوئے تھے۔ اب اس حلقے میں صرف نوتھیہ کی ایک یونین کونسل کا اضافہ کیا گیا ہے۔ باقی سابقہ علاقے حیات آباد، دانش آباد، گل آباد، لالازار کالونی اور مالاکنڈ ھیر اسی میں شامل ہیں۔

پی کے 80 یونیورسٹی ٹاﺅن کمیٹی سے&nbsp; ڈاگ یونین کونسل تک جائے گا۔ یہاں سے ماضی میں&nbsp; پیر فدا منتخب ہوئے تھے۔ اس حلقے میں سابق آبادیوں&nbsp; کے ساتھ&nbsp; پاواکہ، آبدرہ، ڈاگ اور تیرائی پایان&nbsp; کا بھی اضافہ کر دیا گیا ہے۔

حلقہ پی کے 81&nbsp; پشاور کنٹونمنٹ پر مشتمل ہے۔ یہاں سے 2018ء میں ملک واجد منتخب ہوئے تھے اس حلقے میں سابقہ علاقوں کے ساتھ محال سالو اور نوتھیہ پایان&nbsp; کی آبادیاں بھی شامل کر دی گئی ہیں۔

پشاور سٹی کے چار حلقوں کو اب تین (پی کے 82، 83، 84) کر دیا گیا ہے۔ پچھلی بار یہاں سے کامران بنگش، آصف خان ، فضل الہی اور ثمر ہارون بلور منتخب ہوئے تھے۔ تاہم کامران بنگش والے حلقے کو باقی تینوں میں تقسیم کر دیا گیا ہے اور اس حلقے کی زیادہ آبادیاں آصف خان کے حلقے میں شامل ہو گئی ہیں۔

نئی تقسیم کے مطابق حلقہ پی کے 82 میں آفریدی گڑھی، سربلند پورہ، فقیرآباد، عیدگاہ، حسن گڑھی، خالصہ، کمبوہ اور ہزار خوانی کا کچھ حصہ شامل ہے۔

اسی طرح پی کے 83 میں تحصیل گورگٹھڑی، کریم پورہ، گھنٹہ گھر، قصہ خوانی، ڈبگری،&nbsp; یکہ توت، رامداس، وزیر باغ کا کچھ حصہ اور گلبہار شامل ہیں۔&nbsp;

پی کے 84 پشاور کا آخری حلقہ ہو گا۔ یہ حلقہ ہزار خوانی، وزیر باغ، اچر، دیہہ بہادر، موسی زئی، پشتخرہ تحصیل کے علاقے احمد خیل، بازید خیل، اتمانخیل اورعلیزئی کی آبادیوں پر مشتمل ہو گا۔

&nbsp;یوں پشاور کے دیہی علاقوں میں حلقوں پر زیادہ فرق نہیں آیا۔ تاہم&nbsp; سٹی کو نئی حد بندی میں&nbsp; نقصان اٹھانا پڑا ہے اور کامران بنگش کا حلقہ عملی طور پر ختم ہو گیا ہے۔

پشاور میں حلقہ بندیوں پر اب تک کل 28 امیدوار و&nbsp; شہری الیکش کمیشن میں اعتراضات داخل کرا چکے ہیں۔ جن میں خوشدل خان ،ارباب حسن اکبر ، ارباب میر عالم اور آصف خان، عاظف خاں و دیگر شامل ہیں۔ سب سے زیادہ اعتراضات شہری حلقوں پر کیے گئے ہیں۔

اے این پے خوشدل خان نئی حلقہ بندی سے خاصے متاثر ہوئے ہیں۔ انہوں نے پی کے 75، 76، 78 اور 82 پر اعتراضات کی لمبی چوڑی فہرست جمع کرائی ہے جس میں ان حلقوں کی کئی آبادیوں میں رد و بدل کی درخواست کی ہے۔

تاہم اے این پی کی صوبائی ترجمان ثمر ہارون بلور کا دعویٰ ہے کہ ان کی پارٹی کو حلقہ بندی پر کوئی اعتراض نہیں ہے۔ انفرادی طور پر کچھ اعتراضات ہیں جس کے لیے مروجہ طریق کار اختیار کیا جا رہا ہے۔ &quot;تاہم چیف الیکشن کمشنر نے کافی تحفظات دور کر دیے ہیں&quot;۔

یہی حال پی ٹی آئی رہنماؤں کا ہے۔ وہ بھی تبدیلیوں سے اپنی تکلیف چھپا رہے ہیں۔ پی ٹی آئی پشاور کے جنرل سیکرٹری عاصم خان کا کہنا ہے کہ ان کی پارٹی کے پاس حلقہ بندی کو باریکی سے دیکھنے کا وقت نہیں ہے۔ ووٹ بلّے کا ہے جیسا بھی حلقہ ہو اور جو بھی امیدوار ہو پارٹی کو مسئلہ نہیں ہو گا۔

لیکن پی ٹی آئی رہنما اور سابق ایم پی آصف خان نے اعتراضات داخل کرا دیئے ہیں۔ جنہوں نے&nbsp; پی کے 81، 82 اور پی کے 83 میں کئی تبدیلیوں کی استدعا سامنے آئی ہے۔

جے یو آئی کی طرف بھی اعتراضات سامنے آگئے ہیں۔ صوبائی ترجمان عبدالجلیل جان سمجھتے ہیں کہ&nbsp; پشاور کی سیٹ اٹھا کر چترال کو دے دی گئی ہے۔ جبکہ ہنگو کی نشست باجوڑ کو دے دی گئی ہے۔

&quot;ہم نے الیکشن کمیشن میں درخواست دی ہے۔ جمعیت علماء اسلام نے احتجاج بھی کیا&nbsp; لیکن سردست کوئی پیش رفت نظر نہیں آ رہی۔&quot;

پشاور میں ایک صوبائی نشست کم ہونے سے حلقوں میں تبدیلیاں، کس کا حلقہ ختم ہو گیا؟

پشاور میں بارش کا پانی تقریباً دو&nbsp; سو سال پرانے ایک نالے کے ذریعے شہر سے نکالا جاتا ہے۔ یہ نالا 1823 میں مہاراجہ رنجیت سنگھ کے دور میں کھودا گیا تھا جس نے دو صدیوں تک شہر سے پانی کے نکاس کے واحد ذریعے کا کام دیا ہے۔ لیکن اب یہ بندوبست ناکام ہوتا دکھائی دیتا ہے۔

2021 میں صوبائی ڈیزاسٹر مینجمنٹ اتھارٹی نے مون سون کے موسم میں حفاظتی اقدامات کا جو منصوبہ بنایا تھا اس میں واضح طور پر کہا گیا کہ پشاور کو شہری سیلاب (اربن فلڈنگ) کا خطرہ درپیش ہے اور اس کی دو وجوہات بیان کی گئیں جن میں شہر کے اندر متواتر اور بے ترتیب تعمیرات اور نکاسی آب کے بندوبست پر بھاری بوجھ شامل ہیں۔

نکاسی آب کے کام آنے والےاس نالے کا نام شاہی کٹھہ ہے تاہم اب یہ اپنی اصلی حالت میں باقی نہیں رہا۔ جب یہ نالا بنایا گیا تو اس وقت پشاور اور گردونواح کی مجموعی آبادی تقریباً ڈیڑھ لاکھ تھی جو اب پچاس لاکھ کےقریب پہنچ چکی ہے۔

کیپیٹل میٹروپولیٹن (ماضی میں سٹی ڈسٹرکٹ گورنمنٹ) کی جانب سے چیف سیکریٹری خیبر پختونخوا کو جمع کرائی جانیوالی رپورٹ کے مطابق شاہی کٹھہ پر گزشتہ 100برس کے دوران 239 سرکاری جبکہ 234 نجی تعمیرات کی جا چکی ہیں۔

اہم بات یہ ہے کہ&nbsp; کہ ان تعمیرات کو غیر قانونی یا تجاوزات قرار نہیں دیا جا سکتا کیونکہ انہیں سرکار نے مختلف ادوار میں قانونی حیثیت دیتے ہوئے الاٹمنٹ کر رکھی ہے۔کئی تعمیرات ایسی ہیں جن کی ملکیت 1923 میں اس وقت کے ڈپٹی کمشنر نے شہریوں کو دے دی تھی جبکہ ضلعی انتظامیہ کی جانب سے پٹے یعنی لیز پر دی جانیوالی 110 دکانوں کے باعث بھی انتظامیہ کے لیے شاہی کٹھہ پر تجاوزات کے خلاف کارروائی مشکل ہو گئی ہے۔

سرکار کی اپنی تعمیرات میں بازار بٹیر بازاں میں 36، ریتی بازار میں 22، جناح مارکیٹ میں 18، محلہ خداداد میں 13، بازار دالگراں میں 12، چوک بزازاں میں 10، سبزی منڈی میں 8، جہانگیر پورہ میں 3 جائیدادیں الاٹ کی گئی ہیں۔ نالے پر تہہ بازاری پاس میں مختلف جگہوں پر بنائے گئے دس عوامی بیت الخلا بھی ان میں شامل ہیں۔

شاہی کٹھہ پر 234 نجی تعمیرات ہیں جن میں 109جائیدادیں عقب قصہ خوانی، 19جائیدادیں محلہ خداداد، 19جائیدادیں بازار بزازاں اور بازار دالگراں، 19 جائیدادیں موچی لڑہ میں واقع ہیں۔ ریتی بازار میں 17، سبزی منڈی میں 15، پل پختہ میں 13، ریتی بازار لوہاران سٹریٹ میں 11، بٹیر بازاں میں 9 اور ایجرٹن روڈ قصہ خوانی میں تین عمارتیں زیر تعمیر ہیں۔

اندرون شہر پشاور میں نکاسی آب کے ناقص نظام کو بہتر بنانے کے لیے سینیٹیشن کمپنی پشاور نے رواں برس مون سون کے فوری بعد ایک جائزہ مکمل کرتے ہوئے 25 مقامات کی نشاندہی کی، جنہیں ہاٹ سپاٹ قرار دیاگیا۔ جائزے کے مطابق پشاور کے 25 مقامات، کبوتر چوک، غریب آباد، پتنگ چوک، چلڈرن ہسپتال، نیشنل بینک کالونی ورسک روڈ، ہشت نگری چوک، مدینہ کالونی، چارسدہ اور رنگ روڈ کا سنگمی مقام، بادشاہ خان چوک، گلبہار پولیس سٹیشن، جی ٹی روڈ، درانی روڈ، سکندر پورہ بازار، لختی غاڑہ ڈرین، کوہاٹی گیٹ، نوتھیہ بازار پھاٹک چوک، مسکین آباد، عثمانیہ ریسٹورنٹ کے قریب یونیورسٹی روڈ، شاہی کٹھہ سے کوہاٹ روڈ ، گیس زون سی این جی ورسک روڈ اور لیبارٹری روڈ کی نشاندہی کرتے پوئے بتایا گیا کہ اگر ان مقامات پر نکاسی کا نظام بہتر نہ بنایا جا سکا تو پشاور میں سیلاب کا خطرہ موجود رہے گا۔

یونیورسٹی روڈ پر نکاسی آب کا مسئلہ پشاور بی آر ٹی کی تعمیر کے وقت نمایاں ہو کر سامنے آیا۔

اس وقت مبینہ سیاسی وجوہات کی بنا پر تحریک انصاف کی سابق صوبائی حکومت کو اس منصوبے کی بروقت تکمیل درکار تھی۔ اس وقت یونیورسٹی روڈ پر نکاسی کا انتظام پشاور ڈویلپمنٹ اتھارٹی (پی ڈی اے) کے پاس تھا جبکہ بی آر ٹی کا تعمیراتی کام بھی پی ڈی اے کررہی تھی، لہٰذا نکاسی کے نظام کو پس پشت ڈال کر بی آرٹی کی تعمیر کو ترجیح دی گئی اور اس کو مکمل کرلیا گیا، جس کا نتیجہ ہے کہ اب زیادہ بارش نہ بھی ہو تو یونیورسٹی روڈ پر بہت زیادہ پانی آجاتا ہے اور سڑک پر سیلاب کا منظر ہوتا ہے۔

جولائی 2022 میں پشاور رنگ روڈ اور یونیورسٹی روڈ کا انتظام پی ڈی اے کی جانب سے سینی ٹیشن کمپنی پشاور کے حوالے کر دیا گیا تاہم یہاں کی نکاسی کے نالوں کے نقشے فراہم نہیں کیے گئے جس کے باعث&nbsp; معاملات کافی عرصے تک جوں کے توں رہے، بعد ازاں صوبائی حکومت کی مداخلت پر نالوں کے نقشے بھی فراہم کیے گئے جس کے بعد رنگ روڈ پر کئی نالوں کی ماڈلنگ میں تبدیلی شروع کردی گئی ہے۔

پشاور ہائی کورٹ کے سابق چیف جسٹس وقار احمد سیٹھ (مرحوم) کی جانب سے ہدایات کے اجرا کے بعد شہر کے تمام متعلقہ اداروں کو ایک ساتھ بٹھا کر نکاسی آب کے لیے نالوں سے ہٹ کر متبادل نظام مرتب کرنے کا کام شروع کیا گیا اور اس سلسلے میں ایک منصوبہ تجویز کیا گیا جس کے تحت نکاسی کا پانی پشاور کی نہروں میں پھینکنے کے بجائے اس کے لیے الگ ڈرین بنائی جا رہی ہے۔

اس منصوبے کے لیے پشاور ڈویلپمنٹ اتھارٹی کی جانب سے مرتب کردہ پی سی ون کے مطابق یہ منصوبہ ڈھائی ارب روپے کا تھا تاہم اب اس کی تخمینہ لاگت 8 ارب روپے سے تجاوز کرچکی ہے۔

&nbsp;تجدید شدہ پی سی ون کے مطابق یہ منصوبہ اب 8 ارب 8 کروڑ 32 لاکھ روپے میں مکمل ہوگا۔ اس لاگت میں نکاسی آب کے متبادل نظام کی فراہمی کے دوران متاثر ہونیوالی سڑکوں کی بحالی ، بجلی و دیگر سہولیات کی فراہمی اور اراضی کی خریداری بھی شامل ہے۔ اگرچہ یہ نظر ثانی شدہ تخمینہء لاگت اب تک صوبائی ترقیاتی ورکنگ پارٹی (پی ڈی ڈبلیو پی) میں منظور نہیں ہوسکی تاہم منصوبے کے پیکیج ون میں ورسک گریویٹی کینال پر 80 فیصد، ہزار خوانی کینال پر 70 فیصد جبکہ کابل ریور کینال پر 75 فیصد کام کرلیا گیا ہے۔

اس منصوبے کی تکمیل سے یہ امید رکھی جا رہی ہے کہ اس کی بدولت ناصرف نہروں کو گندے&nbsp; پانی کی آلودگی سے بچایا جا سکے گا بلکہ پشاور میں نکاسی کے مسئلے کی شدت میں بھی کمی آئے گی۔

بڑھتی آبادی، بِکتی زمینیں، مٹتے کھیت، پھولوں کے شہر پشاور کو کنکریٹ نے ڈھک لیا

پشاور میں نکاسی آب کا 200 سال پرانا بندوبست ناکام، کیا نیا منصوبہ شہر کو سیلاب سے بچا پائے گا؟

پشاور کے علاقے گلبہار کی رہائشی ہمامیر اپنے والدین اور ایک بہن کے ساتھ رہتی ہیں۔ چار افراد کا یہ کنبہ دو برس قبل روایتی بجلی سے شمسی توانائی پر منتقل ہوگیا ہے۔

ان کے گھر میں واپڈا کی بجلی بھی آتی ہے اور شمسی توانائی بھی ہے۔ اس طرح اب جون، جولائی اور اگست کی شدید گرمی میں کئی کئی گھنٹے کی لوڈشیڈنگ سے ان کی جان چھوٹ گئی ہے۔

شدید گرمی کے ان مہینوں میں کبھی مرمتی کام کے نام پر دن بھر بجلی میسر نہیں ہوتی تو دوسری جانب جہاں بجلی ہوتی ہے وہاں کم وولٹیج کا مسئلہ رہتا ہے۔لیکن ہما کے گھر میں شمسی توانائی کے پینلز لگے ہونے کی وجہ وہ ان مسائل سے آزاد ہو گئے ہیں۔

ہما بتاتی ہیں کہ شدید گرمی میں صبح چھ سے شام چھ بجے تک گھر کے تمام کام شمسی توانائی پر کئے جاتے ہیں۔ گھر میں تین کلو واٹ کا سسٹم لگایا گیا ہے جو گھر کی لائٹس، پنکھے، واشنگ مشین اور پانی کی مشین چلانے کیلئے کافی ہے۔

&quot;ایئرکنڈیشنر لگانے کی صورت میں ہم زیادہ لوڈ لینے والے آلات جیسا کہ اوون اور پانی کی مشین استعمال نہیں کرتے۔

ان کے گھر شدید گرمی کے موسم میں بھی بجلی کا بل دو سے تین ہزار روپے آتا ہے۔ وہ رات کے اوقات میں ہی واپڈا کی بجلی استعمال کرتے ہیں اور دوسروں کو بھی یہی مشورہ دیتے ہیں کہ شمسی توانائی پر منتقلی ہی مہنگی اور &#39;کمیاب&#39; بجلی سے جان چھڑانے کا بہترین طریقہ ہے۔

انجینئرنگ یونیورسٹی پشاور میں شعبہ الیکٹریکل انجینئرنگ کے ڈین ڈاکٹر امجد خٹک کہتے ہیں کہ بجلی کے اخراجات کم کرنے کیلئے شمسی توانائی انتہائی ضروری ہے جس کی مدد سے دن کے اوقات میں کھپت کم کی جاسکتی ہے اور بل کو کنٹرول کیاجاسکتا ہے جبکہ بیٹری کا استعمال رات کے وقت بھی بجلی کی بچت میں مدد دیتا ہے۔

دوسری جانب شمسی توانائی کی اشیا بھی کافی مہنگی ہوگئی ہیں اس لئے ضروری ہے کہ کم لوڈ کے لیے شمسی توانائی پر منتقل ہوا جائے جائے۔ گھر میں ڈی سی پنکھے اور لائٹس کا استعمال کیا جائے۔ ضروری نہیں ہے کہ ایئر کنڈیشنر کو شمسی توانائی پر منتقل کیاجائے باقی لوڈ بھی بجلی کی کھپت کا باعث بنتا ہے اور اگر ہلکا لوڈ ہی شمسی توانائی پر منتقل کردیاجائے تو تب بل کم ہوسکتا ہے ۔

خیبر پختونخوا میں سرکاری سطح پر بھی شمسی توانائی کے استعمال پر توجہ دی جارہی ہے۔ محکمہ توانائی و برقیات خیبر پختونخوا کے مطابق صوبہ بھر کی چار ہزار مساجد کو شمسی توانائی پر منتقل کرنے کیلئے دو ارب 41کروڑ 50 لاکھ روپے کا منصوبہ آخری مراحل میں ہے۔ مساجد کے علاوہ دیگر مذہبی مقامات کو بھی شمسی توانائی پر منتقل کرنے کا منصوبہ ہے۔ اس کی لاگت کا تخمینہ 5 ارب 88 کروڑ 72 لاکھ روپے ہے۔ اسی طرح صوبہ بھر میں سرکاری سکولوں اور مراکز صحت کو بھی شمسی توانائی پر منتقل کیاجا رہا ہے اور اس پر 4 ارب 34 کروڑ 70 لاکھ روپے خرچ ہوں گے۔

&nbsp;خیبر پختونخوا اسمبلی سیکرٹریٹ، سول سیکرٹریٹ، ایم پی ایز ہاسٹل، سپیکر ہاﺅس، گورنر ہاﺅس، خیبر پختونخوا ہاﺅس اسلام آباد اور پختونخوا انرجی ڈویلپمنٹ آرگنائزیشن (پیڈو) کے دفتر کی بھی شمسی توانائی پر منتقلی جاری ہے۔

اسی طرح قبائلی اضلاع میں مساجد اور عبادت گاہوں کو 45 کروڑ کی لاگت سے شمسی توانائی پر منتقل کردیا گیا ہے جبکہ وہاں سکولوں کو ایک ارب 14کروڑ 40 لاکھ روپے کی لاگت سے شمسی توانائی پر منتقل کیا جارہا ہے۔ ان اضلاع میں اب مزید دو ہزار مساجد کو شمسی توانائی پر منتقل کرنے کا منصوبہ بھی شروع کیاجائے گا جس کی لاگت کا تخمینہ دو ارب 84 کروڑ81 لاکھ روپے ہے۔

&nbsp;خیبر پختونخوا میں مالی بحران کے پیش نظر صوبائی حکومت کو بیشتر منصوبے مکمل کرنے میں مشکل کا سامنا ہے جبکہ شمسی توانائی کے منصوبے لیٹر آف کریڈٹ نہ ہونے کی وجہ سے تعطل کاشکار ہوئے ہیں تاہم اب یہ مسئلہ بڑی حد تک حل کرلیا گیا ہے اور بیرون ملک سے منگوایا گیا بیشتر سامان موصول ہونا شروع ہوگیا ہے۔

صوبے میں بجلی کی پیدوار بڑھانے کیلئے قائم کئے گئے ادارے پختونخوا انرجی ڈویلپمنٹ آرگنائزیشن (پیڈو) کے چیف ایگزیکٹو انجینئر قاضی محمد نعیم خان نے بتایا کہ صوبہ بھر میں بجلی کی پیداوار بڑھانے کیلئے متعدد منصوبوں پر کام جاری ہے جس میں بڑے ڈیم اور ہائیڈرو پاور پراجیکٹ سمیت چھوٹے چھوٹے منصوبے بھی شامل ہیں۔ ایک جانب نیشنل گرڈ میں بجلی شامل کی جا رہی ہے تو دوسری طرف نیشنل گرڈ پر دباﺅ بھی کم کیا جا رہا ہے۔

صوبے بھر میں مختلف منصوبوں کی مدد سے اب تک 55 میگاواٹ کا دباﺅ نیشنل گرڈ سے کم کیا گیا ہے اور آٹھ سال بعد صوبے کی ضرورت کا ایک ہزار میگاواٹ کا دباﺅ نیشنل گرڈ سے کم کردیا جائیگا۔

قاضی نعیم کہتے ہیں کہ صوبے میں 316 منی مائیکرو ہائیڈرو پراجیکٹس بھی لگائے گئے ہیں جنہیں چھوٹے ڈیم کہا جاتا ہے۔ ان منصوبوں کی مدد سے صوبے کے دو ڈویژن ملاکنڈ اور ہزارہ کے دور دراز علاقوں میں پن بجلی گھر بنائے گئے ہیں جو شہریوں کو چار سے پانچ روپے فی یونٹ پر اپنے ہی علاقے میں ماحول دوست بجلی فراہم کررہے ہیں۔

ان منصوبوں کی مدد سے مجموعی طور پر29 میگاواٹ بجلی پیدا کی جا رہی ہے۔ اسی طرح مساجد، دفاتر اور سکولوں کو بھی شمسی توانائی پر منتقل کیا گیا ہے اور اس حوالے سے نو الگ الگ منصوبے مکمل کئے گئے ہیں۔ ان منصوبوں سے 26.3 میگاواٹ بجلی پیدا کی جارہی ہے۔ ان دونوں مدوں میں 55 میگاواٹ سستی اور صاف بجلی پیدا ہوکر استعمال کی جارہی ہے جو نیشنل گرڈ سے نہیں لی گئی۔

اسی طرح جنوبی اضلاع میں 100دیہات شمسی توانائی پر منتقل کئے گئے ہیں جبکہ چترال میں تین ہزار گھروں کو شمسی توانائی پر منتقل کیا گیا اور وہاں کے رہائشیوں کو تمام تکنیکی امور سمجھا دیے گئے ہیں جو خود ہی ان پیداواری یونٹوں کی دیکھ بھال کررہے ہیں اور ضرورت پڑنے پر انہیں حکومت معاونت فراہم کرتی ہے۔

پشاور الیکٹرک سپلائی کمپنی کے چیف ایگزیکٹو فضل ربی کے مطابق خیبر پختونخوا میں بجلی کا مسئلہ کم کرنے کیلئے واحد حل شمسی توانائی ہے۔ جب تک اس کو ترویج نہیں دی جائے گی اس وقت تک یہ مسئلہ حل نہیں ہوسکتا۔

صوبے بھر میں کئی ادارے ایسے ہیں جو صرف دن کے اوقات میں چلتے ہیں۔ ان میں سکول، کالجز، جامعات اور دفاتر شامل ہیں۔ اگر ان اداروں کی بجلی کی ضرورت شمسی توانائی سے پوری کی جائے تو بجلی کی مانگ میں کمی آئیگی اور لوڈشیڈنگ کا دورانیہ کم ہوسکے گا۔

فضل ربی کے مطابق خیبر پختونخوا کے مختلف سرکاری اداروں کے ذمہ بجلی بلوں کے بقایاجات 6 ارب 90 کروڑ روپے سے زیادہ ہیں جن کی ادائیگی انتہائی ضروری ہے کیونکہ بجلی بلوں کی ادائیگی اگر سرکاری ادارے نہیں کریں گے تو پرائیوٹ اداروں کو کیسے قائل جائے گا۔ ان واجبات کی ادائیگی کیلئے سرکاری اداروں کے ساتھ ٹیمیں تشکیل دے کر بات کی جارہی ہے اور ہر ممکن کوشش ہے کہ ان کے کنکشن کاٹنا نہ پڑیں کیونکہ ان کی بجلی کاٹنے سے شہریوں کو متعلقہ اداروں کی خدمات کی فراہمی معطل ہوجائیگی۔

&quot;ان اداروں کی شمسی توانائی پر منتقلی کے بعد وہ پیسکو کی بجلی استعمال نہیں کرینگے اور پیسکو کو ادائیگی نہیں کرنی پڑے گی۔ رواں برس بجلی چوری سمیت مختلف مدوں میں پیسکو کا خسارہ 42 فیصد سے بڑھ گیا جو کہ بہت زیادہ ہے۔&quot;

قاضی محمد نعیم خان کہتے ہیں کہ مردان اور چارسدہ میں بہتے ندی نالوں پر چھوٹے پن بجلی گھر بنانے کا تجربہ انتہائی کامیاب ثابت ہوا ہے۔ اب اس حوالے سے منصوبہ بندی آخری مراحل میں ہے اور وسطی اضلاع یعنی پشاور، مردان، چارسدہ، صوابی اور نوشہرہ میں ان آبی گزر گاہوں پر بجلی کے پیداواری یونٹ لگائے جائیں گے۔

پختونخوا انرجی ڈویلپمنٹ آرگنائزیشن کی جانب سے اگلے آٹھ سالوں میں بجلی کی مقامی سطح پر پیداوار اور تقسیم کے منصوبے کم سے کم ایک ہزار میگاواٹ بجلی کا نیشنل گرڈ سے بوجھ کم کرسکیں گے اس اقدام سے شہریوں کو سستی اور ماحول دوست بجلی میسر آئے گی جبکہ نیشنل گرڈ کو بھی دباﺅ سے نکالا جا سکے گا۔

یہ اندھیرا جانے کتنوں کا اجالا کھا گیا: گلگت میں بجلی کی پیداوار میں کمی کیوں ہوتی جا رہی ہے؟

خیبرپختونخوا میں سرکاری سطح پر شمسی توانائی کی جانب منتقلی کے اقدامات: کیا روایتی بجلی کی مانگ کم ہو سکے گی؟

ضلع صوابی کے خلدون محمد پشاور یونیورسٹی کے شعبہ اینتھروپولوجی میں زیرتعلیم ہیں۔ یہاں داخلہ لینے کے لئے انہیں اپنے اہلخانہ بالخصوص والدہ کو راضی کرنا تھا جس کے لیے انہیں خاصی تگ و دو کرنا پڑی کیونکہ والد کے انتقال کے بعد وہ انہیں دور بھیجنا نہیں چاہتی تھیں اور گھر کی آمدنی میں ان کی پڑھائی کا خرچہ نکالنا بھی بہت مشکل تھا۔

جب ان کے بڑے بھائی محنت مزدوری کے لیے دبئی گئے تو انہوں&nbsp; نے خلدون کے تعلیمی اخراجات اٹھانے کی ذمہ داری لے لی۔

خلدون کے پاس اپنے بھائی کی بھیجی ہوئی رقم میں سے یونیورسٹی اور ہاسٹل کی فیس ادا کرنے کے بعد زیادہ پیسے نہیں بچتے اس لیے وہ ایک ایک روپیہ احتیاط سے استعمال کرتے ہیں اور نہایت مشکل حالات میں بھی تعلیم جاری رکھے ہوئے ہیں۔ 
تاہم پچھلے دنوں کچھ ایسے واقعات پیش آئے ہیں جن کے بعد انہیں اپنا تعلیمی مستقبل غیریقینی دکھائی دینے لگا ہے۔

مارچ کے پہلے ہفتے میں یونیورسٹی کے سکیورٹی سپروائزر ثقلین بنگش کو اپنے ہی گارڈ نے فائرنگ کر کے قتل کر دیا تھا۔ اس واقعے سے چند روز قبل اسلامیہ کالج یونیورسٹی میں انگریزی کے لیکچرار بشیر احمد بھی یونیورسٹی کے سکیورٹی گارڈ کی فائرنگ سے جاں بحق ہو گئے تھے۔

اگرچہ دونوں واقعات میں ملوث ملزموں کو گرفتار کر لیا گیا لیکن چند ہی روز میں کیمپس کی حدود میں پیش آنے والے ان واقعات سے طلبہ، اساتذہ اور یونیورسٹی کے عملے میں پریشانی پھیل گئی۔

پشاور یونیورسٹی میں اساتذہ اور دیگر عملے کی &#39;جوائنٹ ایکشن کمیٹی&#39; نے سات مارچ کو اس واقعے کے خلاف اور اپنے دیگر مطالبات کو لے کر ہڑتال کر دی جس سے تدریسی عمل اور انتظامی امور کی انجام دہی معطل ہو گئی۔

خلدون کا کہنا ہے کہ ان واقعات کے بعد طلبہ میں خوف کی فضا پھیل گئی اور طویل ہڑتال سے سبھی کی تعلیم بری طرح متاثر ہوئی۔

&#39;&#39;والدہ دن میں دو مرتبہ فون کر کے میری خیریت پوچھتی ہیں۔ ہڑتال نے تعلیم سے جڑے میرے مستقبل پر سوالیہ نشان لگا دیا ہے۔ بھائی اور والدہ مجھ پر دوباؤ ڈال رہے ہیں کہ میں پڑھائی چھوڑ کر مزدوری کے لیے دبئی چلا جاؤں یا اپنے گاؤں واپس لوٹ کر کوئی کام کروں۔&#39;&#39;

خلدون محمد کی طرح پشاور یونیورسٹی کے 52 شعبوں میں زیر تعلیم 17 ہزار سے زیادہ طلبہ و طالبات بھی قتل کے ان واقعات اور اس کے بعد طویل ہڑتال کے باعث اپنے تحفظ اور تعلیمی کیریئر کے حوالے سے بے یقینی کا شکار ہیں۔

یونیورسٹی میں مختلف طلبہ تنظیموں کے اتحاد &#39;متحدہ طلبہ محاذ&#39; کے چیئرمین مدار احمد کہتے ہیں کہ اساتذہ اور ملازمین نے غیرضروری طور پر طویل ہڑتال کی جس سے طلبہ کی تعلیم متاثر ہوئی۔

&#39;&#39;اساتذہ کے بعض مطالبات ناحق تھے اور اس پورے احتجاج میں نقصان صرف طلبہ کا ہی ہوا۔ انتظامیہ کی غیر سنجیدگی کے باعث طلبہ کا ایک سیشن تقریباً ضائع ہو چکا ہے۔ ثقلین بنگش کے قتل کے بعد ہمارا مطالبہ تھا کہ اس واقعے کی جوڈیشل انکوائری کرائی جائے اور طلبہ کو سکیورٹی فراہم کی جائے۔ ہمارا ایک مطالبہ یہ بھی ہے کہ یونیورسٹی کی سکیورٹی نجی فرم سے واپس لے کر یہاں یونیورسٹی کی اپنی سکیورٹی تعینات کی جائے۔&#39;&#39; &nbsp;

پشاور یونیورسٹی ٹیچرز ایسوسی ایشن (پیوٹا)کے جنرل سیکرٹری ڈاکٹر سلمان خان سے ہڑتال اور اس کے نتیجے میں طلبہ کے تعلیمی نقصان کے بارے میں بات کی گئی تو ان کا کہنا تھا کہ یہ ہڑتال یونیورسٹی کے تمام طلبہ و طالبات اور یہاں کام کرنے والے ہر شخص کے تحفظ کے لیے کی گئی۔

&#39;&#39;اساتذہ اور دیگر عملہ ثقلین بنگش کے قتل کی تحقیقات اور ان کے اہلخانہ کے لیے امدادی پیکیج کا مطالبہ کر رہا تھا۔ اس وقت یونیورسٹی میں ہر فرد غیر محفوظ ہے۔ جب سے موجودہ وائس چانسلر نے عہدہ سنبھالا ہے تب سے یہاں کے حالات خراب ہو رہے ہیں۔ جس طرح ثقلین بنگش کو قتل کیا گیا اس طرح&nbsp; جامعہ کی حدود میں کل کسی اور کو بھی نشانہ بنایا جا سکتا ہے۔&#39;&#39;

یہ ہڑتال 18 اپریل کو ختم ہوئی جس کے بعد جوائنٹ ایکشن کمیٹی نے بیان جاری کیا کہ ان کے مطالبات پورے کرنے کی یقین دہانی کرا دی گئی ہے۔ یونیورسٹی انتظامیہ کا کہنا ہے چونکہ عید الفطر قریب ہے لہٰذا کلاسیں عید کے بعد ہی بحال کی جائیں گی۔

پشاور یونیورسٹی کے رجسٹرار سیف اللہ خان کہتے ہیں کہ اساتذہ کے تمام جائز مطالبات پہلے تسلیم کرلیے گئے تھے۔ اس کے باوجود ہڑتال کو طول دینا سمجھ سے بالا تر ہے۔

انہوں نے بتایا کہ اساتذہ اور عملے نے اپنے بچوں کی فیس معاف کرنے اور ہاؤس سبسڈی اور ہاؤس ریکویزیشن صوبائی سے وفاقی ریٹ پر منتقل کرنے کے لیے بھی کہا تھا اور ان دونوں معاملات کو سینڈیکیٹ میں زیر غور لانے کا وعدہ کیا گیا۔

ساتذہ کے ساتھ معاہدہ پہلے ہی ہو چکا تھا جس پر سیکرٹری ہائیر ایجوکیشن اور گورنر کے مشیر برائے ہائیر ایجوکیشن کے دستخط ہیں تاہم اساتذہ اسے ماننے کو تیار ہی نہیں تھے۔

پشاور یونیورسٹی میں اسلامی جمعیت طلبہ کے رہنما اسفند یار ربانی نے ہڑتال کے خلاف پشاور ہائی کورٹ سے رجوع کیا تھا۔ ان کا کہنا ہے کہ پچھلے گیارہ برس میں اس یونیورسٹی کے اساتذہ نے نو مرتبہ ہڑتال کی اور یونیورسٹی کو بند کیا۔ افسوسناک بات یہ ہے کہ اساتذہ اور دیگر عملے کی یہ تمام ہڑتالیں تنخواہوں میں اضافے، ترقیوں اور مراعات کے حصول کے لیے ہوئیں اور اس دوران طلبہ کی تعلیم کے نقصان کی کوئی پروا نہیں کی گئی۔

ان کا کہنا تھا کہ وائس چانسلر کو ہٹانے کے لیے اساتذہ کا مطالبہ بھی نیا نہیں بلکہ اس سے قبل اس عہدے پر رہنے والے ڈاکٹر محمد آصف ،ڈاکٹر محمد عابد ،ڈاکٹر رسول جان اور ڈاکٹر عظمت حیات کو ہٹانے کا مطالبہ لے کر ہڑتالیں ہوتی رہی ہیں۔ ان ہڑتالوں سے کروڑوں روپے فیسیں دینے والے ہزاروں طلبہ کو سخت نقصان ہوتا ہے۔ اساتذہ کہتے ہیں کہ وہ گرمی کی چھٹیوں میں کلاسیں لے کر ہڑتال کے دنوں کی کمی کو پورا کر دیں گے لیکن ایسے وعدے پہلے بھی کئے جاتے رہے ہیں جو کبھی ایفا نہیں ہوئے۔

اسفند یار نے ہائی کورٹ سے استدعا کی ہے کہ پچھلے دس گیارہ سال میں ہونے والی ہڑتالوں کا دورانیہ 16 ہفتے یا ایک سیمسٹر سے زیادہ بنتا ہے اس لیے طلبہ کو ایک سمیسٹر کی پوری فیس معاف کی جائے۔

رحیم یار خان کے گرلز کالجوں میں دو ہزار طالبات کو پڑھانے کے لئے صرف 14 اساتذہ

پشاور یونیورسٹی کے طلبہ اپنے اساتذہ کی ہڑتالوں سے تنگ، ایک سمیسٹر کی فیس معاف کرنے کا مطالبہ

پشاور کے گیبرئیل جوزف ایک نِجی یونیورسٹی میں بی ایس (انگلش) کے طالبِ علم ہیں۔ وہ اپنے تعلیمی اخراجات پورے کرنے کے لئے شام میں ایک مقامی چرچ میں پارٹ ٹائم نوکری کرتے ہیں۔

خیبر پختونخوا کی سابقہ حکومت نے غیر مسلم اقلیتوں میں تعلیم کے فروغ کے لئے طلبہ کو وظائف دینے کا ایک پروگرام تین سال قبل شروع کیا تھا۔ اس ضمن میں موجودہ مالی سال 2022-23 کے بجٹ میں چھ کروڑ 17 لاکھ روپے مختص کئے تھے ۔ 20 سالہ گیبریئل نے وظیفے کے حصول کے لئے وضع کردہ طریقہ کار کے تحت درخواست جمع کروا دی تھی۔ وہ امید کرتے ہیں کہ اب وہ شام کی نوکری چھوڑ کر اپنی توجہ تعلیم پر مرکوز کر پائیں گے۔

22 سالہ کیرل ملائکہ یونیورسٹی آف پشاور کے اکنامکس ڈیپارٹمنٹ میں آخری سمسٹر کی طالبہ ہیں۔ انہوں نے بھی مقررہ تاریخ سے پہلے سکالرشپ کے لئے درخواست جمع کروا دی تھی۔ کیرل کے والد سینٹ جانز کیتھولک چرچ کوہاٹی گیٹ میں کام کرتے ہیں۔ چرچ انتظامیہ نے انہیں رہائش کے لئے ایک چھوٹا سا مکان دے رکھا ہے۔

اگرچہ کیرل کا تعلیمی سلسلہ اس سال مکمل ہو جائے گا لیکن وہ ڈگری حاصل نہیں کر سکیں گی کیونکہ اس کے لئے انہیں تمام بقایا جات ادا کرنے ہوں گے۔ کیرل کی والدہ روبیکا نے سُجاگ کو بتایا کہ انہوں نے پہلے دو سمیسٹر کی فیس کا انتظام تو بدِقت تمام کر لیا تھا جبکہ اگلے دو سمیسٹر کی فیس ہائیر ایجوکیشن کمیشن کی جانب سے دیئے جانے والے وظائف سے ادا کی گئی لیکن اگلے چار سمیسٹر کی فیس تا حال واجب الادا ہے۔

محکمہ اوقاف اور مذہبی و اقلیتی امور کی دستاویزات کے مطابق ایم بی بی ایس، ڈینٹل سٹڈیز، انجینئرنگ، وٹرنری، فزیکل تھراپی اور فارمیسی کے غیر مسلم طلبہ کے لئے ایک ایک لاکھ روپے کے 60 وظائف کی منظوری ہوئی۔ بزنس ایڈمنسٹریشن، کامرس، آرٹس اور سائنس میں ماسٹرز اور بیچلر آف لاء (ایل ایل بی)، بیچلر آف سائنس (آنرز) کرنے والوں کے لئے 70 ہزار روپے کے 250 وظائف اور آرٹس، سائنس، ایجوکیشن اور کامرس میں بیچلرز اور ماسٹرز آف ایجوکیشن والوں کے لئے 60 ہزار روپے کے 70 جبکہ آرٹس اور سائنس میں ایف اے، ایسوسی ایٹ انجینئرنگ، ڈپلومہ آف کامرس اور آئی کام والوں کے لئے 50 ہزار روپے کے 400 وظائف منظور کئے گئے۔

اس کے علاوہ پی ایچ ڈی کرنے والے طلبہ کے لئے 10 لاکھ روپے کے 10 وظائف اور ایم ایس اور ایم فِل کے 20 طلبہ&nbsp; کے لئے دو لاکھ روپے (فی طالب علم) کے وظائف منظور کئے گئے۔

محکمے نے ان وظائف کے حصول کے لئے 12 شرائط رکھی ہیں جن میں طلبہ کا ریگولر سٹوڈنٹ ہونا، اقلیتی برادری سے تعلق، خیبر پختونخوا کے ڈومیسائل کا حامل ہونا، سالانہ امتحانات میں کم سے کم 45 فیصد نمبر جبکہ سمیسٹر نظام میں 2.50 جی پی اے حاصل کرنا ضروری قرار دیا گیا۔

گیبرئیل، روبیکا اور اقلیتی برادری سے تعلق رکھنے والے سینکڑوں طالب علموں کو توقع تھی کہ وہ حکومت کے وظائف کے منصوبہ سے فائدہ سکیں گے۔لیکن تاحال یہ منصوبہ کاغذات کی حد پھلانگ نہیں پایا۔

&nbsp;محکمہ اقلیتی امور کے ایڈیشنل سیکرٹری عبدالغفور شاہ کے مطابق طلبہ کے انتخاب میں مکمل طور پر شفافیت کو یقینی بنانے کے لئے ایک کمیٹی بنائی گئی تھی جس نے تمام درخواستوں کا جائزہ لینے کے بعد شارٹ لسٹنگ کر لی ہے۔ ان کے مطابق &quot;شارٹ لسٹ کئے گئے طلبہ سے ان کے بینک اکاؤنٹ کی تفصیلات مانگی گئی ہیں، یہ مکمل ہوتے ہی ان کو ادائیگی شروع کر دی جائے گی۔&quot;

لیکن گیبرئیل اور کیرل کی امید بر آنے کے امکانات کم ہی ہیں۔

مالی سال 2021-2022 میں غیر مسلم طلبہ کو سکالرشپ کے اجرا کا عمل مارچ 2022ء تک مکمل ہو پایا اور جب اکاﺅنٹنٹ جنرل آفس کو چیک بھیجے گئے تو &#39;مالی مسائل کے پیش نظر&#39; ان کی ادائیگی نہیں کی گئی۔ اس سے پچھلے مالی سال میں بھی وظائف کی مد میں کسی ایک غیر مسلم طالبِ علم کو پیسوں کا اجرا نہیں ہوا۔

رواں مالی سال میں بھی سات ماہ گزرنے کے باوجود طلبہ کو وظائف جاری نہیں کئے گئے۔

اسی طرح کے ایک اور تین سالہ منصوبے کے تحت تین کروڑ روپے کی لاگت سے مذہبی اقلیتوں سے تعلق رکھنے والے نوجوانوں کے لئے مختلف تکنیکی تربیتی کورسز کا ایک پروگرام شروع کیا جانا تھا۔ رواں مالی سال میں اس کے لئے صرف ایک کروڑ روپے درکار ہیں لیکن یہ منصوبہ بھی فنڈز کی عدم فراہمی کی وجہ سے شروع نہیں ہو سکا۔

<h2>غیر مسلم طلبہ کے لئے وظائف کیوں ضروری ہیں؟</h2>

پشاور میں مقیم مسیحی برادری سے تعلق رکھنے والے نوجوان سماجی کارکن نقاش بھٹی کا کہنا ہے کہ مذہبی اقلیتوں کے لئے سرکاری نوکریوں میں تو کوٹہ مختص کر دیا گیا ہے لیکن اس کو پُر کرنے کے لئے مطلوبہ تعلیمی قابلیت کے حامل امیدواروں کی شدید کمی ہے۔ ان کے مطابق &quot;اس کی ایک وجہ اقلیتی طلبہ کی سکولوں اور کالجوں میں ڈراپ آؤٹ کی شرح کا زیادہ ہونا ہے۔&quot; اس بات کے ثبوت کے طور پر وہ کرسچین کوآرڈینیشن کونسل پاکستان کی جانب سے 2020ء میں کئے گئے ایک سروے کا حوالہ دیتے ہیں۔ اس دستاویز کے مطابق پشاور میں محض تین فیصد اقلیتی طلبہ ہی ماسڑ لیول تک پہنچ پاتے ہیں جبکہ 50 سے 60 فیصد طالبِ علم آٹھویں جماعت میں ہی تعلیم کو خیرباد کہہ دیتے ہیں۔

نقاش بھٹی کہتے ہیں کہ یہی کم شرحِ خواندگی بلاواسطہ نوکریوں کے حصول پر منفی اثرات مرتب کرتی ہے۔&quot;فیڈرل پبلک سروس کمیشن کے اعداد و شمار کے مطابق 2015ء سے 2021ء تک پانچ فیصد اقلیتی کوٹہ کے تحت اقلیتوں کی کُل 545 نوکریاں مشتہر کی گئیں جن پر 281 امیدوار کامیاب ہوئے۔ اس طرح 264 اسامیاں (کُل کوٹے کا 48 فیصد) خالی رہ گئیں۔&quot;

مذہبی اقلیتوں کے لئے ترقیاتی منصوبے بھی کچھ اسی قسم کی رکاوٹوں کا شکار ہیں۔

صوبائی محکمہ پلاننگ و ڈیویلپمنٹ کے اعداد و شمار کے مطابق اقلیتی امور کے شعبے میں ترقیاتی منصوبوں کے لئے مجموعی طور پر 48 کروڑ 49 لاکھ 92 ہزار روپے رکھے گئے ہیں۔ ان میں بندوبستی اضلاع کی اقلیتی برادری کے لئے 41 کروڑ 50 لاکھ جبکہ قبائلی اضلاع کی اقلیتی برادری کے لئے چھ کروڑ 99 لاکھ 92 ہزار روپے رکھے گئے ہیں۔

صوبائی محکمہ خزانہ کے ریکارڈ کے مطابق بندوبستی اضلاع کے فنڈز میں سے تا حال نو کروڑ 34 لاکھ 66 ہزار 317 روپے ہی استعمال ہو سکے ہیں جبکہ قبائلی اضلاع کے ترقیاتی فنڈز کے لئے ایک پائی بھی جاری نہیں کی گئی۔

من مانی فیس، خودساختہ قواعد اور غیرقانونی داخلے: نجی یونیورسٹیاں کیسے 'طلبا کا استحصال کر رہی ہیں'۔

خیبر پختونخوا کے غیر مسلم طلبہ کے لئے سرکاری وظائف: ہنوز دلی دور است

خیبر پختونخوا میں خواتین کے مسائل پر کام کرنے والی ایک غیر سرکاری تنظیم &#39;خویندو کور&#39; کی ڈائریکٹر پروگرامز شازیہ حنا تقریباً چار برس قبل کوٹھہ لیلہ گئیں تو بنیادی سہولیات کی فراہمی کے حوالہ سے اس چھوٹے سے گاؤں کو انتہائی پس ماندہ پایا۔&nbsp;

لیکن اب کے وہ اس گاؤں میں گئیں تو وہاں کا منظر ہی بدل چکا تھا &quot;ہر طرف سیلاب نے تباہی مچا رکھی تھی۔&quot;

خیبر پختونخوا کے جنوبی شہر ڈیرہ اسماعیل خان سے تقریباً 60 کلومیٹر مشرق کی جانب تحصیل درابن میں گنڈھی عمر خان کے علاقے کوٹھہ لیلہ میں 70 کے قریب گھر ہیں۔ مشترکہ خاندانی نظام کی وجہ سے یہاں کی آبادی ایک ہزار سے زائد ہے یعنی ایک گھر میں ایک سے زیادہ خاندان آباد ہیں۔&nbsp;

لگ بھگ 50 سالہ شازیہ حنا کہتی ہیں کہ پورے گاﺅں میں انہیں ایک صحت مند بچہ نظر نہیں آیا، تمام لوگ انتہائی غربت اور تنگی کا شکار ہیں، امداد تو دور کی بات خواتین کے پاس پاﺅں میں پہننے کو جوتے تک نہیں ہیں۔&nbsp;

اس سال اگست کے آخری ہفتے میں کوہِ سلیمان سے آنے والے سیلابی ریلے نے اس گاﺅں کے تمام گھروں کو نقصان پہنچایا۔ کچے گھر تو پلک جھپکتے ہی سیلاب میں بہہ گئے۔ لیکن تاحال ان کی دوبارہ آباد کاری کے لئے حکومتی سطح پر کوئی قدم نہیں اٹھایا گیا۔ یہ صرف ایک گاؤں کی کہانی نہیں بلکہ صوبے میں سیلاب کی زد میں آنے والے تمام علاقوں میں یہی صورتِ حال ہے۔&nbsp;

خیبر پختونخوا میں سیلاب کے باعث آنے والی تباہی کے درست اعشاریے مرتب کرنے کے لئے محکمہ پلاننگ اینڈ ڈیویلپمنٹ نے تمام انتظامی محکموں سے اعداد و شمار طلب کئے اور خیبر پختونخوا فلڈ رسپانس پلان 2022 کے نام سے جامع رپورٹ مرتب کی جو اس ماہ کی 8 تاریخ کو جاری کی گئی۔&nbsp;

اس رپورٹ کے مطابق خیبر پختونخوا میں سیلاب کے نقصانات کی بحالی کے لئے 179 ارب 93 کرو ڑ روپے سے زائد کا تخمینہ لگایا گیا ہے۔ زرعی اور صنعتی شعبہ میں ہونے والے نقصانات کے ازالہ کے لئے 39 ارب 16کروڑ روپے درکار ہوں گے جبکہ جاں بحق، زخمی ہونے والوں، سیلاب سے متاثرہ گھروں، بحالی منصوبہ بندی اور پیشگی اقدامات کے لئے 35 ارب 86 کروڑ اور آب پاشی کے نظام کی بحالی کے لئے 22 ارب روپے سے زائد کا انتظام کرنا ہو گا۔

رپورٹ کے مطابق بارشوں اور سیلاب کے باعث خیبر پختونخوا میں چھ لاکھ 74 ہزار تین سو 18 افراد بے گھر ہوئے۔ اسی طرح 37 ہزار&nbsp; پانچ سو 25 گھر مکمل طور پر جبکہ 53 ہزار نو سو 38 جزوی طور پر تباہ ہوئے۔ چھ ہزار پانچ سو 77 مویشی ہلاک ہوئے، ایک سو 7 پُل، نو سو 64 سڑکیں، ایک ہزار&nbsp; چار سو 58 سکول، دو سو 56 مراکزِ صحت، ایک ہزار 93 واٹر سپلائی سکیمیں، ایک سو 72 ٹیوب ویل، دو ہزار 42 واٹر چینلز، چار سو 77 واٹر ٹینک، ایک لاکھ 7ہزار دو سو 20 ایکڑ اراضی پر کھڑی فصلیں اور ایک ہزار&nbsp; پانچ سو 75 کلومیٹر سڑکیں تباہ ہوئیں۔

رپورٹ میں فراہم کردہ محکمہ بحالی و آباد کاری کے اعداد و شمار میں تین سو چھ افراد کے جاں بحق ہونے کی تصدیق ہوئی ہے جنہیں مالی امداد کی مد میں 24 کروڑ 50 لاکھ روپے ادا کئے جائیں گے۔ اسی طرح تین سو 69 افراد شدید زخمی ہوئے ہیں جنہیں مجموعی طور پر سات کروڑ 40 لاکھ روپے ادا کئے جائیں گے۔&nbsp;مکمل یا جزوی طور پر تباہ ہوئے 91 ہزار چار سو 63 گھروں کی بحالی کے لئے 25 ارب 23 کروڑ 80 لاکھ روپے درکار ہیں۔ جبکہ دیگر مدوں میں بحالی کے لئے مزید 5 ارب روپے کی ضرورت ہو گی۔

اگلے چھ ماہ تک متاثرہ علاقوں میں خوراک کی فراہمی کے لئے پانچ ارب 62 کروڑ 50 لاکھ روپے درکار ہیں۔ مجموعی طور پر بحالی آپریشن اور معاوضوں کی ادائیگی پر 35 ارب 86 کروڑ 30 لاکھ روپے خرچ ہوں گے۔ سیلاب کے بعد آگاہی، مستقبل کے لئے تیاری اور بحالی منصوبے کے لئے چھ ارب 79 کروڑ 20 لاکھ روپے کا تخمینہ لگایا گیا ہے۔&nbsp;

لائیو سٹاک اور ایک لاکھ 7 ہزار دو سو 20 ایکڑ پر کھڑی فصلوں کی تباہی، زرعی اور صنعتی شعبہ میں پہنچنے والے نقصانات کے ازالہ کے لئے 39 ارب 16 کروڑ روپے معاوضہ ادا کیا جائے گا۔&nbsp;

صوبائی انرجی اینڈ پاور ڈیپارٹمنٹ کے مطابق لوئر کوہستان میں 17 میگاواٹ کا رانولیہ ہائیڈرو پراجیکٹ مکمل طور پر تباہ ہو چکا ہے۔ اسی طرح 11 اضلاع میں ایک سو 14 منی مائیکرو ہائیڈرو پاور پراجیکٹ شدید متاثر ہوئے ہیں جن میں 19 مکمل تباہ جبکہ 95 میں بڑے پیمانے پر تباہی ہوئی ہے۔ آٹھ اضلاع &mdash; ڈیرہ اسماعیل خان، چارسدہ، سوات، چِترال، کرک، کوہستان، لوئر دیر اور نوشہرہ &mdash; کے سکولوں اور بنیادی مراکزِ صحت میں لگائے گئے ایک سو 76 شمسی توانائی کے سسٹم بھی تباہ ہو چکے ہیں۔ اسی طرح سوات میں 36.6 میگاواٹ کا دراڑ خوڑ ہائیڈرو پراجیکٹ بھی جزوی طور پر متاثر ہوا ہے جبکہ 4.2 میگاواٹ کا ریشون چترال ہائیڈرو پراجیکٹ کو بھی نقصان پہنچا ہے۔ انرجی اینڈ پاور ڈیپارٹمنٹ کو مجموعی طور پر 23 ارب 17 کروڑ روپے درکار ہیں۔&nbsp;

رپورٹ کے مطابق محکمہ آب پاشی کو صوبے کے 24 اضلاع میں 22 ارب 38 کروڑ روپے سے زائد کا نقصان پہنچا ہے۔ صوبے میں ایک ہزار تین سو 66 اِریگیشن چینل اور ایک ہزار چار سو 57 حفاظتی پشتے تباہ ہوئے ہیں۔

محکمہ تعمیرات و مواصلات کے مطابق صوبے کے 31 اضلاع میں ایک ہزار پانچ سو تین کلومیٹر سڑکیں اور 96 پل تباہ ہوئے ہیں۔ ڈیرہ اسماعیل خان میں دو سو 26 کلومیٹر، ٹانک میں ایک سو 85 کلومیٹر، کرَک میں ایک سو 75 کلومیٹر، کوہستان میں ایک سو 50 اور سوات میں&nbsp; ایک سو چھ کلومیٹر سڑکیں تباہ ہوئیں۔ ان سڑکوں کی عارضی بحالی کے لئے چار ارب 50 کروڑ 46 لاکھ 30ہزار روپے کا تخمینہ ہے جبکہ ان تمام سڑکوں کو دوبارہ تعمیر کرنا پڑے گا جس کے لئے 14 ارب 98 کروڑ 46 لاکھ 80 ہزار روپے درکار ہیں۔&nbsp;

محکمہ ابتدائی و ثانوی تعلیم کے مطابق صوبے میں ایک ہزار سات سو 90 سکول متاثر ہوئے ہیں جن میں ایک سو 50 مکمل جبکہ ایک ہزار چھ سو 40 جزوی طو پر تباہ ہوئے ہیں۔ ان کی بحالی کے لئے آٹھ ارب 39 کروڑ 40 لاکھ روپے درکار ہیں۔

محکمہ بلدیات کے مطابق چار سو 37 منصوبوں کی بحالی کے لئے چھ ارب 57 کروڑ 10 لاکھ روپے درکار ہوں گے جن میں تین ارب 60 کروڑ 55 لاکھ سڑکوں کی بحالی، ایک ارب 42 کروڑ 70 لاکھ سینی ٹیشن، 46 کروڑ 75 لاکھ آب رسانی، 46 کروڑ 45 لاکھ دیگر مدوں میں، 25 کروڑ 62 لاکھ ریسٹ ہاﺅسز اور 10 کروڑ 94 لاکھ پُلوں کی بحالی کے لئے درکار ہیں۔ دفاتر کی مرمت کے لئے ایک کروڑ 91 لاکھ، دکانوں کے لئے 30 لاکھ اور مذبحہ خانوں کے لئے دو کروڑ 70 لاکھ روپے درکار ہیں۔

محکمہ آب نوشی کے مطابق 16 اضلاع میں آب رسانی کی آٹھ سو 44 سکیمیں متاثر ہوئی ہیں جن کی بحالی کے لئے چار ارب 86 کروڑ روپے درکار ہیں۔ ملٹی سیکٹر ڈویلپمنٹ کے شعبہ میں چار سو 14 سکیمیں متاثر ہوئی جن کی بحالی کے لئے ایک ارب 13 کروڑ چار لاکھ 90 ہزار روپے کا انتظام کرنا ہو گا۔&nbsp;

اسی طرح محکمہ صحت کے مطابق 17 اضلاع میں ایک سو 58 مراکز صحت متاثر ہوئے ہیں ایک ارب نو کروڑ 10 لاکھ روپے کی ضرورت ہے۔

ماہی پروری کی بحالی کے لئے 52 کروڑ 68 لاکھ، زرعی تحقیق کے لئے 28 کروڑ 30 لاکھ، محکمہ توسیع زراعت کے لئے چھ کروڑ 60 لاکھ 38 ہزار اور ڈائریکٹوریٹ آف لائیو سٹاک ریسرچ کے لئے چار کروڑ 77 لاکھ اور مجموعی طور پر 92 کروڑ 35 لاکھ 38ہزار روپے بحالی کے لئے درکار ہیں۔

محکمہ سیاحت و کھیل کے مطابق مجموعی طور پر 50 کروڑ 45 لاکھ روپے درکار ہوں گے جن میں آثارِ قدیمہ کو 27 کروڑ، ڈائریکٹوریٹ آف سپورٹس کو 21 کروڑ 45 لاکھ جبکہ ڈائریکٹوریٹ آف ٹورازم کو دو کروڑ روپے فراہم کرنا ہوں گے۔

تعلیم کے شعبہ میں باچا خان یونیورسٹی چارسدہ، بے نظیر بھٹو وومن یونیورسٹی اپر دِیر، یونیورسٹی آف صوابی اور نو کالجوں اور جامعات کو نقصان پہنچا ہے جن کی بحالی کے لئے 37 کروڑ 29 لاکھ 90 ہزار روپے درکار ہیں۔

صوبائی وزیر خزانہ تیمور سلیم جھگڑا نے سُجاگ کو بتایا کہ سیلاب متاثرین کے لئے سب سے پہلے خیبر پختونخوا حکومت نے امداد کی فراہمی شروع کی ہے جو مجموعی طور پر تقریباً 30 ارب روپے بنتی ہے۔ اس سے ادائیگی شروع کر دی گئی ہے اور اب تک تقریبا چار ارب روپے سے زائد تقسیم بھی کر دئیے گئے ہیں۔یعنی ابتدائی طور پر 30 ارب روپے مختص کئے گئے ہیں جن میں سے چار ارب روپے تقسیم کئے جا چکے ہیں۔&nbsp;

صوبے کو تقریباً ایک سو 62 ارب روپے بحالی اور تعمیر نو کے لئے درکار ہیں اس میں 35 ارب روپے انفراسٹرکچر کے لئے ہے جو مستقبل کے لئے ہے۔ باقی رقم کی فوری ضرورت ہے جس میں اپنے بجٹ سے منتقلی اور امدادی اداروں کے منصوبوں سے رقم منتقل کرتے ہوئے 80 ارب روپے کا انتظام کرلیا گیا ہے۔ اس رقم کے منصوبے شروع کرنے میں وقت لگے گا اور تمام طریقہ کار کے تحت منصوبوں کی منظوری کے بعد اس پر کام شروع ہو جائے گا۔&nbsp;

صوبائی وزیر خزانہ نے مزید بتایا کہ وفاقی حکومت نے 10 ارب روپے سیلاب متاثرہ علاقوں کے لئے فراہم کرنے کا وعدہ کیا تھا تاہم اس میں ایک پائی تک جاری نہیں کی جا سکی ہے۔

اس رپورٹ کے مطابق خیبر پختونخوا حکومت کو سیلاب متاثرہ اضلاع کی بحالی اور انفراسٹرکچر کی دوبارہ تعمیرِ نو کے لئے نصف سے زائد فنڈز کی کمی کا سامنا ہے۔ مجموعی طور پر صوبے کو ایک سو 79 ارب 93 کروڑ روپے میں سے تقریباً 18 ارب روپے جاری ترقیاتی منصوبوں سے نکال کر سیلاب متاثرہ علاقوں کے مجوزہ منصوبوں کی جانب منتقل کر دئیے گئے ہیں تاہم باقی مانندہ تقریباً ایک سو 62 روپے میں سے 81 ارب 50 کروڑ روپے کی کمی کے باعث صوبے کو آئندہ کئی برسوں تک بحران کا سامنا کرنا پڑ سکتا ہے۔&nbsp;

محکمہ پلاننگ اینڈ ڈیویلپمنٹ خیبر پختونخوا نے سیلاب متاثرہ اضلاع کی بحالی کے لئے منصوبہ تیار کر کے اسے دسمبر کے پہلے ہفتے منظوری کے لئے متعلقہ فورم صوبائی کابینہ کو ارسال کر دیا ہے۔ اس رپورٹ کے مطابق صوبائی حکومت کو پوسٹ ڈیزاسٹر بحالی پروگرام کے لئے ایک سو 62 ارب روپے درکار ہیں جس میں انفراسٹرکچر پروگرام کے لئے مجموعی طور پر ایک سو 20 ارب روپے درکار ہوں گے۔ صوبائی حکومت مجموعی طور پر 80 ارب 50 کروڑ روپے کا بندوبست کر سکی ہے جس کی تصدیق صوبائی وزیر خزانہ نے بھی کی ہے۔ صوبے کو نصف سے بھی زائد یعنی 81 ارب 50 کروڑ روپے درکار ہیں جس کے لئے وفاقی حکومت کی مدد انتہائی ضروری ہے۔&nbsp;

محکمہ پلاننگ اینڈ ڈویلپمنٹ نے ایک سو 62 ارب روپے کے مجموعی نقصانات کی بحالی میں سے فی الفور دو سالہ منصوبہ تیار کیا گیا ہے جو 77 ارب 60 کروڑ روپے سے زائد کا ہے۔ اس پلان کے تحت پہلے سال 31 ارب جبکہ دوسرے سال 46 ارب 60 کروڑ روپے درکار ہوں گے۔&nbsp;

پہلے مرحلہ کے 31 ارب روپوں کے لئے صوبائی حکومت نے انتظامی محکموں کے ترقیاتی فنڈز سے پیسے نکال کر 19 ارب روپے کا بندوبست کر لیا ہے جبکہ بین الاقوامی امدادی اداروں نے صوبائی حکومت کو سیلاب متاثرہ علاقوں کے لئے آٹھ انتظامی محکموں کو 61 ارب 50 کروڑ روپے کی مدد فراہم کرنے کی بھی یقین دہانی کرائی ہے جس کا کچھ حصہ پہلے مرحلہ میں فراہم کیاجائے گا۔

تاہم اس کے باوجود بھی صوبائی حکومت کو پہلے مرحلہ کے لئے سات ارب 70 کروڑ روپے کی کمی کا سامنا ہے۔ مجوزہ منصوبہ بندی میں بتایا گیا ہے کہ 13 شعبہ جات میں انفراسٹرکچر کی بحالی درکار ہو گی۔ صوبے کے پانچ شعبہ جات کے لئے تاحال کسی امدادی ادارے نے مدد فراہم کرنے کا وعدہ نہیں کیا ہے جن میں بلدیات، اعلیٰ تعلیم، خوراک، ملٹی سیکٹر ڈویلپمنٹ اور محکمہ مال شامل ہیں۔&nbsp;

ایک دن دریا سبھی دیوار و در لے جائے گا: 'حکومت نہ تو ہمارے نقصانات کی تلافی کر رہی ہے اور نہ ہی ہمیں  سیلاب سے بچانے کے لیے کچھ کرنا چاہتی ہے'۔

خیبر پختونخوا میں سیلاب زدہ علاقوں کی بحالی کے لئے 180 ارب روپے درکار، حکومت کو نصف سے زیادہ رقم کی کمی کا سامنا

اوائلِ جوانی سے کھیتی باڑی کرنے والے 60 سالہ عظمت شیر کا کہنا ہے کہ پچھلی چار دہائیوں میں دورانِ کاشت کاری انہیں کبھی بھی اتنی مشکلات کا سامنا نہیں ہوا جتنا انہیں اس سال کرنا پڑا ہے۔&nbsp;

وہ شغالی بالا نامی دیہی علاقے میں رہتے ہیں جو پشاور سے شمال کی جانب وارسک ڈیم کو جانے والی سڑک کے ساتھ واقع ہے۔ ان کے مطابق نومبر 2021 میں جب انہوں نے اپنی چار ایکڑ زمین پر گندم کی فصل کاشت کرنا شروع کی تو انہیں اس کے لیے مطلوبہ مقدار میں نہ تو پانی دستیاب تھا اور نہ ہی یوریا اور ڈی اے پی کھادیں۔ وہ کہتے ہیں کہ انہوں نے اپنے گاؤں کے پاس سے گزرنے والی نہر سے ایک ڈیزل انجن کے ذریعے پانی نکال کر اپنی اراضی کو سیراب تو کر لیا لیکن بہت کوشش کرنے کے باوجود بھی وہ کھادوں کا انتظام نہ کر سکے۔ لہٰذا انہیں اپنی فصل ان کے بغیر ہی کاشت کرنا پڑی جس سے ان کی &quot;فی ایکڑ پیداوار آدھی رہ گئی&quot;۔&nbsp;

ان کے بقول عام طور پر وہ ایک ایکڑ اراضی سے 60 من (دو سو 40 کلوگرام) سے 70 من (دو سو 80 کلوگرام) گندم حاصل کرتے ہیں لیکن اس دفعہ ان کی اوسط پیداوار صرف 30 من (ایک سو 20 کلوگرام) فی ایکڑ رہی۔ چنانچہ وہ کہتے ہیں کہ وہ فصل سے کوئی منافع کمانے کے بجائے اس پر اٹھنے والے اخراجات بھی پورے نہیں کر پائے۔&nbsp;

پشاور کے مقامی کسانوں کی تنظیم اتحاد زمینداران کے سربراہ ارباب محمد جمیل بھی عظمت شیر کی بات کی تائید کرتے ہیں۔ وہ کہتے ہیں کہ پچھلے سال جب گندم بوئی جا رہی تھی تو بیشتر چھوٹے اور درمیانے درجے کے کاشت کاروں کو اس کے لیے درکار کھادیں کسی قیمت پر بھی نہیں مل رہی تھیں۔ ان کے مطابق ان کھادوں کی عدم موجودگی کی وجہ سے &quot;فصل کی پیداوار پر بہت برا اثر پڑا ہے&quot;۔&nbsp;

خیبرپختونخوا کے محکمہ زراعت میں شعبہ توسیع کے ڈائریکٹر جنرل کے طور پر کام کرنے والے جان محمد اس بات کی توثیق کرتے ہیں اور کہتے ہیں کہ اس سال صوبے میں گندم کی پیداوار ان کی توقع اور تخمینے سے کم رہی ہے۔ ان کے مطابق ابتدائی طور پر اس کی پیداوار کا صوبائی ہدف 16 لاکھ ٹن مقرر کیا گیا تھا لیکن &quot;کھادوں کی عدم فراہمی کو مدنظر رکھتے ہوئے اسے کم کر کے 12 لاکھ 80 ہزار ٹن کر دیا گیا&quot;۔

تاہم ان کا کہنا ہے کہ اس سال کھاد کی قلت ہی گندم کی پیداوار میں کمی کا سبب نہیں بنی بلکہ اس کے سِٹے پر حملہ کرنے والے کیڑوں نے بھی اس کا &quot;بہت بڑا حصہ تباہ کر دیا&quot;۔ ان کے مطابق کاشت کاروں نے ان کیڑوں کو تلف کرنے کے لیے بیش قیمت دوائیاں تو ضرور چھڑکیں لیکن وہ ان سے چھٹکارا حاصل نہ کر سکے کیونکہ &quot;بازار میں دستیاب ایسی زیادہ تر دوائیاں ناقص تھیں&quot;۔ &nbsp;&nbsp;

<h2>بحران در بحران</h2>

خیبر پختونخوا کی مجموعی آبادی تین کروڑ 55 لاکھ ہے جسے، صوبائی محکمہ خوراک کے مطابق، ہر سال 50 لاکھ میٹرک ٹن گندم کی ضرورت ہوتی ہے۔ تاہم اس میں سے صرف 25 فیصد کے قریب گندم صوبے کے اندر پیدا ہوتی ہے جبکہ باقی ماندہ کا انتظام وفاقی حکومت کے ادارے، پاسکو، کے ذریعے کیا جاتا ہے۔ یہ ادارہ ہر سال پنجاب سے لاکھوں ٹن گندم خرید کر ایسے علاقوں میں اس کی فراہمی یقینی بناتا ہے جہاں یا تو اس کی کاشت ہی نہیں کی جاتی یا اس کی پیداوار مقامی ضرورتوں سے کم رہتی ہے۔

اس کے علاوہ خیبر پختونخوا میں قائم آٹے کی ملوں کے مالکان بھی اپنے طور پر پنجاب سے گندم خریدتے ہیں۔ لیکن ان ملوں کے مالکان کی صوبائی تنظیم، فلورملز ایسوسی ایشن خیبرپختونخوا، &nbsp;کے صدر صابر بنگش دعویٰ کرتے ہیں کہ اس سال صوبہ پنجاب کے محکمہ خوراک اور پاسکو دونوں نے مجموعی طور پر اپنی ضرورت سے 10 لاکھ ٹن زیادہ گندم خریدی ہے جس سے مارکیٹ میں اس کی قلت ہو گئی ہے اور نتیجتاً اس کی قیمت بہت بڑھ گئی ہے۔

ان کے مطابق اس وقت &quot;گندم کی 50 کلو گرام کی بوری کی قیمت ساڑھے تین ہزار روپے تک پہنچ چکی ہے&quot; حالانکہ اس سال اپریل-مئی میں اس کی سرکاری قیمتِ خرید دو ہزار پانچ سو روپے فی 50 کلوگرام تھی۔ گندم کی قیمت میں اس اضافے کے باعث پشاور میں اچھے معیار کا آٹا تقریباً ایک سو روپے فی کلوگرام کے حساب سے فروخت ہو رہا ہے جبکہ اِس سال مئی میں اس کی قیمت 75 روپے فی کلوگرام تھی۔

صابر بنگش کہتے ہیں کہ یہ صورتِ حال اتنی سنگین ہے کہ اس کی وجہ سے خیبر پختونخوا میں آٹا بنانے کی صنعت ایک بحران سے دوچار ہو چکی ہے۔ ان کے بقول &quot;اس وقت صوبے میں آٹا بنانے کی کل دو سو 20 ملیں رجسٹرڈ ہیں لیکن گندم کی قلت اور اس کی قیمت میں اضافے کی وجہ سے ان میں سے 60 بند ہو گئی ہیں اور ان میں کام کرنے والے چار ہزار کے لگ بھگ مزدور بے روزگار ہو گئے ہیں&quot;۔

تاہم خیبرپختونخوا کے وزیر خوراک محمد عاطف خان کہتے ہیں کہ صوبائی حکومت ان مسائل سے آگاہ ہے۔ اس لیے، ان کے مطابق، وہ نہ صرف اگلے سال سرکاری طور پر 14 لاکھ ٹن اضافی گندم خریدنے کا ارادہ رکھتی ہے (تاکہ صوبے میں اس کی قلت پیدا نہ ہو) بلکہ وہ کم آمدنی والے طبقات کو &nbsp;آٹے کی خرید پر اربوں روپے کی مالی امداد بھی فراہم کر رہی ہے تاکہ ان کے لیے 20 کلو گرام والے آٹے کے تھیلے کی سرکاری قیمت نو سو 50 روپے پر برقرار رکھی جا سکے۔&nbsp;

ان کا کہنا ہے کہ اس مقصد کے لیے گزشتہ مالی سال (22-2021) کے صوبائی بجٹ میں 34 ارب روپے کی رقم رکھی گئی تھی جبکہ &quot;23-2022 کے مالی سال میں اس کے لیے تقریباً 60 ارب روپے مختص کیے گئے ہیں&quot;۔

گھروں میں دانۂ گندم نہ تھا ماتم بہت تھا: پانی اور کھاد کی عدم موجودگی سے خیبرپختونخوا میں 'گندم کی فصل پر بہت برا اثر پڑا ہے'۔

khyberp pakhtunkhwa local government under the control of bureaucracy

khyberp pakhtunkhwa local government under the authority of bureaucracy

پشاور کے علاقے رام داس سے تعلق رکھنے والے 52 سالہ عبدالرؤف چھ ماہ قبل ہونے والے بلدیاتی انتخابات میں عوامی نیشنل پارٹی کے امیدوار کے طور پر محلہ (neighborhood) کونسل کے چیئرمین منتخب ہوئے۔ اس انتخاب کے دوران انہوں نے ووٹروں سے بہت سے وعدے کیے لہٰذا اب ہر ووٹر ان سےکوئی نہ کوئی امید لگائے بیٹھا ہے۔ کسی کو اپنی گلی میں روشنی کا انتظام کرانا ہے، کوئی اپنے گھر کا راستہ پختہ کرانا چاہتا ہے اور کسی کو گندے پانی کی نکاسی کا مسئلہ حل کرانا ہے۔

عبدالرؤف فکر مند ہیں کہ وہ ان توقعات پر کیسے پورا اتریں گے کیونکہ، ان کے مطابق، لوگوں کے مطالبات بہت زیادہ ہیں لیکن خیبرپختونخوا کی صوبائی حکومت نے انہیں حل کرنے کے لیے نومنتخب مقامی حکومتوں کو نہ تو اختیارات دیے ہیں اور نہ ہی فنڈز۔ وہ زمین کی خریدوفروخت کا کام کرتے ہیں اور کہتے ہیں کہ وہ اپنی ذاتی آمدن سے ساڑھے تین لاکھ روپے خرچ کر کے اپنے محلے میں سٹریٹ لائٹس لگوا چکے ہیں تاکہ ووٹر ان سے مکمل طور پر مایوس نہ ہو جائیں۔ لیکن ان کا کہنا ہے کہ ان کے علاقے کے مسائل اتنے زیادہ ہیں کہ وہ اپنی جیب سے پیسے خرچ کر کے انہیں حل نہیں کر سکتے۔

وہ جنرل پرویز مشرف کے دور میں بننے والی مقامی حکومت میں لیبر کونسلر رہ چکے ہیں اور 2015 میں یونین کونسل کے نائب ناظم کے طور پر بھی کام کر چکے ہیں۔ ان کا کہنا ہے کہ موجودہ مقامی حکومتیں ماضی کی مقامی حکومتوں کی نسبت اس قدر بے اختیار ہیں کہ &quot;اس بار تو ہم لوگوں کو تسلی دینے کے سوا کچھ نہیں کر سکتے&quot;۔

عبدالرؤف یہ شکایت کرنے والے واحد منتخب نمائندے نہیں بلکہ صوبے بھر میں مقامی حکومتوں کے انتخابات میں کامیاب ہونے والے لوگ اسی طرح کے خیالات رکھتے ہیں۔ 20 لاکھ کے قریب آبادی کی نمائندہ سٹی کونسل پشاور کے کئی ارکان کا کہنا ہے کہ وہ ایک ایسے نظام کا حصہ ہیں جس میں انہیں کوئی اختیار نہیں دیا گیا۔

<h2>حسرت ان غنچوں پہ ہے۔۔۔</h2>

خیبر پختونخوا میں مقامی حکومتوں کا قانون، خیبرپختونخوا لوکل گورنمنٹ ایکٹ، پہلی بار 2013 میں منظور کیا گیا۔ اس قانون کے تحت پہلے انتخابات 30 مئی 2015 کو ہوئے جن میں صوبے کی حکمران جماعت پاکستان تحریک انصاف کو بھرپور کامیابی حاصل ہوئی۔

بعد میں یہ جماعت صوبے میں قائم ہونے والی مقامی حکومتوں کو اپنا ایک اہم کارنامہ قرار دیتی رہی اور 2018 کے عام انتخابات جیتننے کے بعد پورے ملک میں انہی کی طرح کے بلدیاتی ادارے قائم کرنے کی خواہش کا اظہار بھی کرتی رہی۔ اس مقصد کے لیے چاروں صوبوں کے بلدیات کے محکموں کے وزرا اور سیکرٹریوں پر مشتمل ایک کمیٹی بھی تشکیل دی گئی لیکن وہ کسی نتیجے پر نہ پہنچ سکی۔

ان مقامی حکومتوں کی مدت 28 اگست 2019 کو پوری ہوگئی جس کے بعد پاکستان تحریک انصاف کی صوبائی حکومت نے خود ہی اس قانون میں 120 سے زیادہ ترامیم کر دیں۔ ترمیم شدہ قانون (خیبرپختونخوا لوکل گورنمنٹ ایکٹ 2019) کے تحت ضلع کونسلیں ختم کر دی گئیں اور تحصیل کونسلوں کے سربراہوں کے لئے براہ راست انتخابات کا طریقہ متعارف کرایا گیا۔ اسی طرح گاؤں (village) اور محلہ (neighborhood) کونسلوں کے سربراہوں کو براہ راست متعلقہ تحصیل کونسلوں کا رکن بھی بنا دیا گیا۔

لیکن اس قانون کے تحت مقامی حکومتوں کے انتخابات فوری طور پر منعقد نہ کیے جا سکے بلکہ ان کا انعقاد حال ہی میں دو مرحلوں میں ہوا ہے۔ پہلا مرحلہ 17 اضلاع میں19&nbsp; دسمبر 2021&nbsp; کو عمل میں آیا جس میں اپوزیشن جماعت، جمعیت علمائے اسلام (فضل)، نے سب سے زیادہ نشستوں پر کامیابی حاصل کی۔ دوسرے مرحلے میں 31 مارچ 2022 کو 18 اضلاع میں انتخابات ہوئے جن میں پاکستان تحریک انصاف دوسری جماعتوں سے آگے رہی۔

تاہم صوبے کے سات بڑے شہروں کے میئروں کے انتخاب میں پاکستان تحریک انصاف کو صرف تین (ایبٹ آباد، سوات اور ڈیرہ اسمعیل خان) میں کامیابی مل سکی۔ باقی چار شہروں میں سے تین (پشاور، بنوں اور کوہاٹ) میں جمیعت علمائے اسلام (فضل) کامیاب رہی جبکہ مردان میں عوامی نیشنل پارٹی کی جیت ہوئی۔

یہ انتخابی نتائج ظاہر کرتے ہیں کہ خیبرپختونخوا پر پاکستان تحریک انصاف کی سیاسی گرفت ڈھیلی پڑ رہی ہے۔ اس کے مخالفین کے مطابق یہی وجہ ہے اس نے حال ہی میں خیبرپختونخوا لوکل گورنمنٹ ایکٹ 2019 میں کئی ایسی تبدیلیاں کر دی ہیں جن کے ذریعے مقامی حکومتوں کے تمام اہم اختیارات کو عملاً سلب کر لیا گیا ہے۔

پشاور کے نومنتخب میئر حاجی زبیر علی کہتے ہیں کہ اگر پاکستان تحریک انصاف ماضی کی طرح یہ انتخابات بھی جیت جاتی تو مقامی حکومتوں کے نظام کو مزید مضبوط بنانے کی کوشش کرتی۔ لیکن وہ کہتے ہیں کہ &quot;صوبے کے بڑے شہروں میں شکست کھانے کے بعد اس نے مقامی حکومتوں کے اختیارات صوبائی حکومت کے ماتحت کام کرنے والی افسر شاہی کے حوالے کردیے ہیں&quot; تاکہ اس کی حریف جماعتیں اپنے منتخب نمائندوں کے ذریعے اپنے ووٹروں کے مسائل حل نہ کرا سکیں۔

اسلام آباد میں کام کرنے والے غیرسرکاری تحقیقی ادارے، سنٹر فار پیس اینڈ ڈویلپمنٹ انیشی ایٹوز (سی پی ڈی آئی)، کے سربراہ مختار احمد علی بھی ان تبدیلیوں کی ذمہ داری بلدیاتی انتخابات میں پاکستان تحریک انصاف کو پہنچنے والے سیاسی دھچکوں پر ڈالتے ہیں۔ لیکن وہ خبردار کرتے ہیں کہ &quot;ایسی تبدیلیاں ایک افسوس ناک امر ہے جو پاکستان میں جمہوریت کے استحکام کے لئے کی جانے والی کوششوں کے لئے نقصان دہ ثابت ہو گا&quot;۔

انتخابی عمل کے مکمل ہونے کے کچھ ہفتوں بعد، 3 جون 2022 کو ایک قانونی ترمیم کے ذریعے کی گئی ان تبدیلیوں کے چیدہ چیدہ نکات درجِ ذیل ہیں:

1: چیئرمین تحصیل کونسل کے اختیارات اور ذمہ داریوں کی تفصیل قانون سے حذف کر دی گئی ہے۔ اس کے بجائے اسے ان قواعد و ضوابط کا حصہ بنا دیا گیا ہے جو صوبائی حکومت نے نئے قانون کے نفاذ کے لیے بنائے ہیں۔

2: میئر اور سٹی گورنمنٹ کے اختیارات اور ذمہ داریوں کو بھی قانون سے نکال کر قواعد و ضوابط میں ڈال دیا گیا ہے۔ ایک اضافی ترمیم کے ذریعے یہ بھی واضح کیا گیا ہے کہ مقامی حکومتوں کی موجودگی کے باوجود صوبائی حکومت کو یہ اختیار حاصل رہے گا کہ وہ کسی بھی مقامی حکومت کی حدود میں کوئی بھی ترقیاتی کام کر سکتی ہے۔

3: نجی رہائشی سکیموں کی منظوری کے اختیارات تحصیل کونسلوں سے لے لیے گئے ہیں۔

اس تبدیلیوں کے نفاذ کے لیے متعلقہ قواعدوضوابط 23 جون 2022 کو جاری کیے گئے جن کا خلاصہ یہ ہے کہ مقامی حکومتوں کے منتخب نمائندوں کو عملاً تحصیل کی سطح کے سرکاری افسروں کے ماتحت کر دیا گیا ہے۔ ان کے مطابق ہر تحصیل کے اسسٹنٹ کمشنر کو وہاں پائے جانے والے مقامی حکومت کے تمام محکمے چلانے کا اختیار دیا گیا ہے۔ دوسرے لفظوں میں مقامی نمائندے ان محکموں کے اہل کاروں کو براہِ راست کوئی حکم نہیں دے سکتے بلکہ اس کے لیے انہیں اسسٹنٹ کمشنر کو کہنا پڑے گا۔

اسی طرح تمام شہری سہولیات کی فراہمی کی ذمہ داری تحصیل میونسپل آفیسر (ٹی ایم او) کو سونپ دی گئی ہے جس کا مطلب یہ ہے کہ مقامی نمائندے روزمرہ کے شہری مسائل کے حل کے لیے بھی اسی کے مرہون منت ہوں گے۔ مقامی حکومتوں کو ترقیاتی کاموں کے لیے دیے گئے پیسوں کے استعمال کا اختیار بھی ٹی ایم او کو دیا گیا ہے۔ وہ تحصیل ترقیاتی کمیٹی کی سربراہ بھی ہو گا اور ضرورت کے پیش نظر سکیل ایک سے 16 تک کی اسامیوں پر بھرتیاں بھی کر سکے گا۔

گاؤں اور محلے کی کونسلوں کے تمام امور کی انجام دہی کے اختیارات ان کے سیکرٹریوں کو سونپ دیے گئے ہیں (اگرچہ وہ چیئرمینوں کی منظوری کے بغیر کوئی انتظامی فیصلہ نہیں کر سکیں گے)۔ لیکن ان کونسلوں کو کسی بھی ترقیاتی منصوبے پر رقم خرچ کرنے کے لیے اپنی تحصیل کے اسسٹنٹ ڈائریکٹر بلدیات سے منظوری لینا ہو گی۔

<h2>&#39;غیر قانونی عمل&#39;</h2>

خیبر پختونخوا میں مقامی حکومتوں کے نمائندوں کی تنظیم لوکل کونسل ایسوسی ایشن کے صدر اور مردان کے میئر حمایت اللہ مایار ان تمام تبدیلیوں کو غیرقانونی سمجھتے ہیں۔ ان کا کہنا ہے کہ ان کے نفاذ کے لیے بنائے گئے قواعدوضوابط دراصل خیبرپختونخوا لوکل گورنمنٹ ایکٹ 2019 کی منظوری کے فوراً بعد وضع کر دیے جانے چاہیے تھے۔ ان کے مطابق ان قواعدوضوابط کی تشکیل میں تین سال کی تاخیر کا مطلب ہے کہ صوبائی حکومت نے انہیں حالیہ انتخابی نتائج کو پیشِ نظر رکھ کر بنایا ہے جو کہ ایک &quot;غیر قانونی عمل&quot; ہے۔

انہوں نے قانون میں کی جانے والی تبدیلیوں اور قواعدوضوابط کی تشکیل کے خلاف پشاور ہائی کورٹ میں ایک رٹ پٹیشن بھی دائر کی ہے جس کی پہلی سماعت 7 جولائی 2022 کو ہوئی۔ عدالت کے دو رکنی بنچ کے سامنے اپنا موقف پیش کرتے ہوئے انہوں نے کہا کہ بلدیاتی نمائندوں کے اختیارات قانون سے نکال کر قواعد وضوابط میں ڈالنا اور پھر ان قواعدوضوابط کے ذریعے میئر اور چیئرمین کے اختیارات لے کر افسر شاہی کو دینا آئین میں دیے گئے اس تصور کے منافی ہے جس کے تحت اقتدار کی نچلی سطح پر منتقلی ایک ضروری آئینی تقاضہ ہے۔ ان کے بقول یہ عمل صوبائی حکومت کی &quot;بدنیتی&quot; کو ظاہر کرتا ہے۔

تاہم خیبر پختونخوا کے وزیر بلدیات فیصل امین گنڈاپور کہتے ہیں کہ صوبائی حکومت نے نہ تو قواعدوضوابط کے وضع کرنے میں کسی بدنیتی کا مظاہرہ کیا گیا ہے اور نہ ہی وہ صوبائی حکومت مقامی حکومتوں کے اختیارات میں کمی کرنا چاہتی ہے۔ ان کا دعویٰ ہے کہ حالیہ قانونی ترامیم اور قواعدوضوابط کے تحت صوبائی حکومت کو کوئی نئے اختیارات نہیں دی گئے بلکہ اسے حاصل سابقہ اختیارات کا ہی اعادہ کیا گیا ہے۔

محمد فہیم