Discover how Punjab is leading the way in sustainable energy with its solarization program for schools. Learn about the innovative initiatives transforming educational institutions into hubs

Punjab's Solarization Initiative: Powering Schools with Sustainable Energy Solutions

دس سالہ فاطمہ چوتھی جماعت کی طالبہ ہیں اور ملتان کے نواح میں اپنے گاؤں سنگھڑ والا کے سرکاری پرائمری سکول میں زیرتعلیم ہیں۔ وہ 2017ء میں جب سکول میں داخل ہوئی تھیں تو اس وقت ملک میں شدید لوڈشیڈنگ ہوا کرتی تھی۔ یہ سکول آم کے باغات میں گھرا ہوا ہے اور بجلی نہ ہو تو کلاس روم میں اندھیرا چھا جاتا ہے۔

فاطمہ بتاتی ہیں کہ ان کی نظر شروع سے کمزور ہے جس کی وجہ سے انہیں عینک لگوانا پڑی۔ اس کے باوجود لوڈشیڈنگ کے دوران انہیں بلیک بورڈ پر کچھ دکھائی نہیں دیتا تھا اور کلاس میں بہت مشکل ہوتی تھی۔

لیکن پھر سکول میں سولر پینل لگ گئے اور آسانی ہو گئی تھی مگر سکول کے پینل چوری ہونے کے بعد اب دوبارہ وہی حالت ہے۔ 
&nbsp; 
پنجاب حکومت نے لوڈشیڈنگ کے پیش نظر صوبے کے 15 ہزار سکولوں کو سولر انرجی پر منتقل کرنے کا منصوبہ بنایا تھا اور اسے &#39;پنجاب سولرائزیشن پروگرام&#39; کا نام دیا گیا تھا ۔ بعد ازاں بنیادی مراکز صحت کی سولرائزیشن کو بھی شامل کر لیا گیا اور اس منصوبے پر اخراجات کا تخمینہ ڈھائی سو ارب روپے لگایا تھا۔

&nbsp;2018ء میں صوبائی محکمہ توانائی کے ذریعے سرکاری سکولوں میں سولر پینل لگانے کا کام شروع کر دیا گیا۔

مسز عابدہ پرائمری سکول سنگھڑ والا میں چھ برس سے ہیڈمسٹریس ہیں۔ وہ بتاتی ہیں کہ اس سکول میں 86 بجے زیرتعلیم ہیں جن کے لیے دو کلاس روم اور ایک واش روم ہے جبکہ چار اساتذہ پر مشتمل سٹاف ہے۔ یہاں فروری 2019ء میں چھت پر چار سولر پینل لگائے گئے تھے جن سے سکول میں پنکھے اور بلب چل رہے تھے۔

وہ کہتی ہیں کہ پچھلے سال 16 اپریل کی شب نامعلوم افراد سکول کی چھت سے سولر پینلز چوری کر کے لے گئے جن کی مالیت تقریبا تین لاکھ روپے ہے۔

&quot;محکمہ تعلیم کے چیف ایجوکیشن آفیسر فیض عباس کو صورتحال سے آگاہ کر دیا گیا ہے اور انہوں نے متعلقہ تھانے سیتل ماڑی میں پینلز چوری کی ایف آئی آر بھی درج کرا دی ہے۔ تاہم ابھی تک سامان برآمد نہیں ہوا اور نہ ہی کوئی کارروائی آگے بڑھی&quot;۔

سولرائزیشن پروگرام کے تحت ملتان ڈویژن میں دو ہزار 741 پرائمری سکولوں کو شمسی توانائی پر منتقل کیا گیا تھا لیکن ایک ہزار 328 سکولوں سے کہیں پینلز تو کہیں پورا سولر سسٹم غائب ہے۔

&nbsp;آٹھ سالہ عبداللہ گورنمنٹ پرائمری سکول موضع کرپال پور قادر پور راں میں پڑھتے ہیں۔ وہ بتاتے ہیں کہ انہیں سانس کی تکلیف ہے اور وہ بڑے ہو ڈاکٹر بننا چاہتے ہیں تاکہ سانس کے مریضوں کاعلاج کر سکیں۔

وہ کہتے ہیں کہ گرمیوں میں حبس کے باعث ان کی سانس کی تکلیف بڑھ جاتی ہے اور پھر سکول میں اگر بجلی نہ ہو تو کلاس روم میں گھٹن کی وجہ سے پڑھنا تو کجا ان کے لیے بیٹھنا اور سانس لینا بھی دشوار ہوتا ہے۔ لیکن سولر سسٹم چوری ہونے سے سکول میں اب پنکھے بھی نہیں چلتے۔ 
&nbsp; 
&nbsp;پرائمری سکول کرپال پور کے ہیڈ ماسٹر محمد شاہد بتاتے ہیں کہ یہاں طلبا کی تعداد 147 ہے جن کے لیے چار کلاس روم، ایک سٹاف روم اور چار اساتذہ ہیں۔ یہاں جنوری 2019ء کے آخری ہفتے میں چار سولر پینل، کنورٹر اور دو سولر پنکھے لگائے گئے تھے۔

&quot; سولر سسٹم کے نتیجے میں لوڈشیڈنگ سے جان چھوٹ گئی تھی اور بل کی فکر بھی نہیں ہوتی تھی۔ لیکن پچھلے سال گیارہ مارچ کو رات گئے نامعلوم چور سکول میں داخل ہوئے اور چاروں سولر پلیٹیں،کنورٹر، پنکھے اور واٹر پمپ لے گئے جن کی کم از کم قیمت دو لاکھ 25 ہزار روپے بنتی ہے&quot;۔

ان کا کہنا تھا کہ چوری کی ایف آئی آر تھانہ قادر پور راں میں درج کرائی گئی۔ وہ سامان کی برآمدگی کے لیے کئی بار تھانے سے رابطہ کر چکے ہیں مگر ابھی تک سکول کا چوری شدہ سامان برآمد نہیں ہو سکا۔

چیف ایجوکیشن افسر ملتان فیض عباس نے لوک سجاگ کو بتایا کہ ملتان ڈویژن کے ایک ہزار 328 سکولوں سے چوری کی وارداتوں پر صرف 589 ایف آئی آر درج کرائی گئیں جس کی وجہ سے متعلقہ سکولوں کے ہیڈ ماسٹروں سے جواب طلبی کی گئی۔

وہ کہتے ہیں کہ سولر پینلز اور دیگر سامان کی چوریوں کے معاملے پر ایک محکمانہ کمیٹی بھی بنائی گئی تھی۔ اس کمیٹی کا سربراہ اسسٹنٹ ڈائریکٹر عبدالجبار کو بنایا گیا تھا جنہوں نے اپنی سفارشات محکمہ تعلیم کو بھجوا دی ہیں۔

کمیٹی کی رپورٹ میں بتایا گیا ہے کہ وہ تمام سکول جہاں سے سولر پینلز یا پورا سسٹم چوری کیا گیا ہے ان میں چوکیدار کی اسامی ہی موجود نہیں ہے جس کی وجہ سے چوری کی واداتیں ہوتی ہیں۔ 
&nbsp; 
رپورٹ کے مطابق محکمے کا کروڑوں روپے مالیت کاسامان چوری ہوا ہے لیکن پولیس نے کوئی ریکوری نہیں کی۔ اس طرح سولر منصوبہ عملاً ناکامی سے دوچار ہوا اور سکول دوبارہ اندھیروں میں گھر گئے ہیں۔

سرکاری دستا ویزات اور محکمہ تعلیم کے ریکارڈ سے معلوم ہوتا ہے کہ خانیوال میں 637 سکولوں میں سولر سسٹم لگایا گیا تھا جن میں سے 210 سکولوں سے پینل چوری ہو گئے۔ ان وارداتوں کے صرف 149 مقدمات درج کرائے گئے جبکہ 61 سکولوں کے ہیڈ ماسٹروں کو اظہار وجوہ کے نوٹس جاری کئے گئے اور انہیں جلد مقدمات درج کرانے کی ہدایات دی گئیں۔

ضلع ملتان میں 721 سکولوں میں سولر پینل نصب کئے گئے تھے جن میں سے 191 کے پینل چوری ہوئے تاہم تمام وارداتوں کے مقدمات درج کرا دیے گئے۔ لودھراں کے 534 سرکاری سکولوں میں سولر پینل لگائے گئے جن میں سے 92 کے پینلز چوری ہوئے اور 91 ایف آئی آرز درج ہوئیں۔

ضلع وہاڑی میں 849 سکولوں میں سولر سسٹم لگایا گیا تھا جن میں سے 835 سکولوں سے سولر پینل چوری ہو گئے اور صرف 158 وارداتوں کے مقدمات درج کرائے گئے جبکہ 681 ہیڈ ماسٹروں کو نوٹس جاری کر کیے گئے ہیں۔

سٹی پولیس افسر ملتاں کے ترجمان فیاض بلوچ بتاتے ہیں کہ جب کوئی مقدمہ درج ہوتا ہے تو متعلقہ تھانہ کارروائی کرتا ہے اور پولیس نے پینلز کی برآمدگی کے لیے مختلف مختلف علاقوں میں چھاپے بھی مارے ہیں۔

&nbsp;وہ کہتے ہیں کہ اگرچہ پینلز کی برآمدگی کا تناسب کم ہے تاہم پولیس اپنی جدوجہد جاری رکھے ہوئے ہے۔ان مقدمات میں ایک واردات کے دو ملزمان سامان سمیت گرفتار کر لیے گئے جن سے45 لاکھ روپے مالیت کی سولر پلیٹیں اور دیگر سامان بھی برآمد ہوا۔ دیگر سکولوں میں وارداتیں کرنے والے افراد کو بھی جلد گرفت میں لے لیں گے۔

اُجالا چوری: پنجاب کے دو سو سے زائد سرکاری سکولوں سے چور شمسی توانائی کا سامان لے اُڑے۔

ملتان: سرکاری سکولوں کی سولر توانائی پر منتقلی کا منصوبہ کس نے ناکام بنایا؟

text

بہاری کالونی ملتان کے 27 سالہ فہد انور موبائل ریپئرنگ کا کام کرتے ہیں۔ کچھ عرصہ قبل انہیں بخار ہوا اور قے آنے لگی۔ مقامی ڈاکٹر سے دوا لینے کے بعد انہیں قدرے افاقہ ہوا۔ بعدازاں&nbsp; ایک رشتہ دار کو ضرورت پڑنے پر وہ خون عطیہ کرنے مقامی ہسپتال پہنچے تو وہاں ہونے والے ٹیسٹ سے ان میں یرقان کی تشخیص ہوئی۔

فہد انور بتاتے ہیں کہ وہ علاج کے لیے چوک فوارہ کے قریب شہباز شریف ہسپتال گئے جہاں مرض کی تشخیص کے لیے ان کے دوبارہ ٹیسٹ لیے گئے۔ ان کی رپورٹ دیکھ کر ڈاکٹر نے بتایا کہ ادویات اور ویکسین کے ذریعے ان کا علاج ہو گا۔ 26 جون کو انہیں انجکشن اور ایک ماہ کی ادویات دے کر گھر بھیج دیا گیا اور ایک ماہ کے بعد دوبارہ آنے کو کہا گیا۔ ڈاکٹر نے یہ بھی بتایا کہ اس علاج میں چھ ماہ لگیں گے اور اس دوران دوا میں ناغہ نہیں ہونا چاہیے۔

اس کے بعد 26 جولائی اور 24 اگست کو وہ ہسپتال سے دوا لے آئے۔ آئندہ ماہ دوا لینے کے لیے وہ 24 ستمبر کو ہسپتال پہنچے تو وہاں ڈاکٹر نے کہا کہ اس بار دوا نہیں ملے گی کیونکہ سٹاک ختم ہو چکا ہے اور دوا بازار سے خریدنا پڑے گی۔ انہوں نے یہ بھی بتایا کہ دو ماہ تک دوا آنے کا امکان نہیں ہے۔

فارمیسی سے ایک ماہ کی دوا تقریباً چھ ہزار روپے میں مل رہی تھی۔ چونکہ اس وقت ان کے پاس اتنے پیسے نہیں تھے اس لیے وہ دوا خریدے بغیر واپس آ گئے۔

شہباز شریف ہسپتال میں ہیپا ٹائٹس پروگرام کے فوکل پرسن ڈاکٹر ہمال اعتراف کرتے ہیں کہ ان کے پاس ادویات کا سٹاک ختم ہو گیا ہے۔

&quot;حالیہ دنوں میں آنے والے مریضوں سے ہم استدعا کر رہے ہیں کہ وہ بازار سے ادویات خرید کر اپنا علاج جاری رکھیں۔ سات روز سے زیادہ ناغے کی صورت میں سابقہ علاج بھی بے سود ہو جاتا ہے اور پہلے سے کھائی ہوئی دوائی کااثر زائل ہو جاتا ہے۔&quot;

اس استفسار پر کہ کیا محکمہ صحت کو ان ادویات کے ختم ہونے کی اطلاع دی گئی ہے، انہوں نے کہا کہ ابھی تک محکمے کو آگاہ نہیں کیا اور نہ ہی ان کی فراہمی کے لیے لیٹر بھیجا گیا ہے۔

ملتان کے نواحی علاقے دنیا پور کے پچیس سالہ مرید حسین مستری کا کام کرتے ہیں۔ کام کے دوران انہیں تھکاوٹ اور پیٹ میں درد کی شکایت رہنے لگی۔ وہ ملتان میں تھے کہ ان طبیعت زیادہ بگڑ گئی۔ ساتھی انہیں شہبازشریف ہسپتال لے گئے جہاں انہیں بتایا گیا کہ وہ یرقان میں مبتلا ہیں۔

&quot;ہسپتال میں ہیپاٹائٹس کنٹرول کے شعبے میں بھیج دیا جہاں میرے دوبارہ ٹیسٹ ہوئے۔ اس کے بعد ویکسین لگا کر مجھے گھر بھیج دیا گیا اور کہا کہ پی سی آر ٹیسٹ کی رپورٹ آنے کے بعد دوا بھی ملے گی۔ مجھے 28 ستمبر کو بلایا گیا کہ ہیپاٹائٹس کی دوا&nbsp; لے لوں لیکن موقع پر موجود ڈاکٹر کا کہنا تھا کہ دوا دستیاب نہیں، آپ اسے بازار سے خرید لیں۔ جب آ جائے گی تو یہاں سے&nbsp; لے جانا۔&quot;

ان کا کہنا ہے کہ مختلف کمپنیوں کی یہ دوا مارکیٹ میں چھ ہزار سے 12 ہزار روپے میں ملتی ہے اور ان کے لیے اتنی مہنگی دوا لینا ممکن نہیں۔

ہسپتال کی ایم ایس ڈاکٹر صائمہ ارم بتاتی ہیں کہ اگست کے دوسرے ہفتے میں ہیپاٹاٹس کی ادویات ختم ہو گئی تھیں جس کے باعث ستمبر میں آنے والے مریضوں کو دوا کے حصول میں مشکلات پیش آ رہی ہیں۔

ان کا کہنا ہے شہباز شریف ہسپتال میں روزانہ ہیپاٹائٹس کے 25 سے 30 مریضوں کا اندراج ہوتا ہے۔

سرکاری اعداد و شمار کے مطابق جنوری 2022ء سے اگست 2023ء تک اس ہسپتال میں ہیپاٹائٹس کے 3901 مریض رجسٹرڈ کیے گئے۔ اس دوران 6555 مریضوں کی بلڈ سکریننگ کی گئی جن میں سے 4680 مریضوں میں ہیپا ٹائٹس سی ری ایکٹو پایا گیا جبکہ 892 مریض ہیپاٹاٹس بی ری ایکٹو میں مبتلا تھے۔ یہاں&nbsp; 2365 مریضوں کی ویکسینیشن کی گئی۔

نشتر ہسپتال سے حاصل کیے گئے اعداد و شمار کے مطابق ہسپتال میں ہیپاٹائٹس سے بچاﺅ اور علاج کے کلینک میں رواں برس 81079 مریضوں کی یرقان کی تشخیص کے لیے سکریننگ کی گئی۔ اس میں ہیپاٹائٹس (بی) کے 1853 مریض سامنے آئے۔ اسی طرح 4010 مریضوں میں ہیپاٹائٹس (سی) پازیٹو پایا گیا جو ہسپتال میں زیر علاج ہیں۔

ہسپتال میں شعبہ پتھالوجی کے سربراہ ڈاکٹر ایس۔ ایم عباس نقوی نے بتایا کہ پاکستان یرقان کے مریضوں کے حوالے سے دنیا میں دوسرے نمبر پر ہے جس کی وجوہات میں ناقص خوراک اور انتقال خون کے وقت بداحتیاطی اور عوام میں شعور کی کمی شامل ہیں۔

ڈاکٹر سلطان احمد کھر ماہر امراض جگر، معدہ و آنت ہیں۔ انہوں ان کا کہنا ہے کہ حکومت اور انتظامیہ کی عدم توجہی کی وجہ سے اکثر ادویات کی فراہمی میں تعطل آ جاتا ہے جس کی وجہ سے مریضوں کے علاج میں مشکلات پیش آنا معمول بن چکا ہے۔

پنجاب میں انسولین موجود ہونے کے باوجود ملتان کے سرکاری ہسپتالوں میں نایاب

ملتان کے سرکاری ہسپتالوں میں ہیپاٹائٹس کی دوائیں ختم، غریب مریضوں کا علاج بند ہو گیا

بیس سالہ محمد اویس ملتان کے علاقے سجان پور کی آئس فیکٹری میں تین سال سے مزدوری کر رہے ہیں۔ ان کے والد نشے کے عادی ہونے کے باعث کوئی کام نہیں کرتے۔ انہوں نے ساتویں جماعت میں تعلیم چھوڑ کر محنت مزدوری شروع کر دی تھی۔ چند سال میں اس فیکٹری میں مستقل روز گار مل گیا۔ آمدنی بڑھانے کے لیے وہ اوور ٹائم بھی لگانے لگے جس سے ان کی معاشی مشکلات قدرے کم ہو گئیں۔

پھر ایک دن فیکٹری مالک نے ان سے کہا کہ اس کے لیے لاکھوں روپے بجلی کے بل ادا کرنا ممکن نہیں اس لیے فیکٹری بند کی جا رہی ہے اور تمام کارکن اپنے روزگار کا بندوبست کر لیں۔

اب یہ فیکٹری گزشتہ چار ماہ سے بند ہے۔ اویس نے آم کے باغ میں دو ماہ رکھوالی اور دیکھ بھال کا کام کیا اور جب آم کا موسم ختم ہوا تو ان کا یہ روزگار بھی ختم ہو گیا۔ اب ان کا گھرانہ ایک بار پھر شدید مالی مشکلات سے دوچار ہے۔

ملتان کی آئس فیکٹریز یونین کے جوائنٹ سیکرٹری چوہدری عامر کے مطابق ان کا خاندان کئی عشروں سے برف بنانے اور فروخت کرنے کے کاروبار سے وابستہ ہے۔ ایک وقت تھا جب اس کاروبار سے جڑے لوگ بہت خوش حال سمجھے جاتے تھے مگر گزشتہ کچھ عرصے سے انہیں بدحالی نے آ لیا ہے۔

انہوں نے بتایا کہ ملتان میں کبھی برف کے 70 سے زیادہ کارخانے تھے جن میں سے 40 سے زیادہ اب بند ہوچکے ہیں جس کی وجہ مہنگی بجلی ہے۔

ان کا کہنا ہےکہ ایسے ایک کارخانے میں اوسطاً 50 مزدور کام کرتے تھے اور اس طرح تقریباً دو ہزار مزدور بے روزگار ہو گئے ہیں۔

جہانگیر آباد کے شہزاد چھ برس سے بہاولپور بائی پاس پر آئس فیکٹری میں کام کر کے اپنے خاندان کی کفالت کر رہے تھے۔ اس فیکٹری میں 12 گھنٹے کی ایک شفٹ کے دوران 24 کارکن ملازم تھے۔

شہزاد بتاتے ہیں کہ کارخانے سے ملنے والی اجرت سے ضروریات زندگی پوری ہو جاتی تھیں۔ مگر اب فیکٹری مالکان نے کارکنوں کی تعداد کم کر دی ہے جس سے ان سمیت بہت سے مزدوروں کا روزگار ختم ہو گیا ہے۔

&quot;پہلے فیکٹری 24 گھنٹے چلتی تھی۔ بجلی مہنگی ہونے کے سبب اب مالکان نے ایک شفٹ میں فیکٹری چلانے کا فیصلہ کیا ہے۔ فریج خریدنے کی استطاعت نہ رکھنے والے لوگ برف خانے کی برف استعمال کرتے ہیں۔ لیکن فیکٹریاں بند ہونے سے غریبوں کے لیے برف کا حصول بھی مشکل ہوتا جا رہا ہے۔&quot;

انہوں نے بتایا کہ وہ گھر کے آٹھ افراد کی کفالت کرتے ہیں۔ بے روز گار ہونے کے بعد وہ مزدوری کی تلاش میں شہر بھر کی خاک چھانتے رہتے ہیں۔ کبھی مزدوری مل جاتی ہے تو کبھی خالی ہاتھ گھر لوٹنا پڑتا ہے۔

میاں محمد ثاقب گزشتہ 30 برس سے این ایل سی بائی پاس پر واقع آئس فیکٹری میں ملازمت کرتے ہیں۔ وہ آئس فیکٹریز ورکرز یونین کے جنرل سیکرٹری ہیں۔ ان ان کا کہنا ہے کہ کارخانہ مالکان کہتے ہیں کہ پہلے بجلی کا جو بل 30 سے 35 لاکھ روپے آتا تھا اب وہی 50 لاکھ روپے سے زیادہ آتا ہے۔ برف فروخت ہو چکی ہوتی ہے ارو دو ماہ کے بعد اس پر استعمال ہونے والی بجلی پر لاکھوں روپے بطور فیول ایڈجسٹمنٹ شامل کر دیے جاتے ہیں جو کہ ناانصافی ہے۔

&quot;مالکان کو مجبوراً اپنا کوئی اثاثہ فروخت کرنا پڑتا ہے تاکہ بجلی کے بل جمع کروا سکیں۔ حکومت بے شک فلور ملز کی طرح سبسڈی نہ دے مگر بجلی کی قیمتوں میں تو استحکام لائے۔&quot;

ان کا کہنا ہے کہ ایک کارخانے کو سولر پر منتقل کرنے کے لیے کم وبیش چار کروڑ درکار ہیں جس کا بندوبست کرنا کارخانہ دار کے لیے ممکن نہیں۔

یونین کے صدر شاہد عزیز نے بتایا کہ کئی فیکٹری مالکان میپکو کے لاکھوں روپے کے بقایاجات چھوڑ کے فرار ہو جاتے ہیں جن سے دیگر فیکٹری مالکان کے لیے بھی مسائل پیدا ہوتے ہیں۔ ان کا کہنا ہے کہ بہت سے فیکٹریوں کے ذمے انفرادی طور پر پچاس لاکھ روپے تک کا بل واجب الادا ہے۔ جو فیکٹری مالکان بل ادا نہیں کر سکتے ان کی فیکٹریاں بند ہوتی جا رہی ہے اور اگر یہی صورتحال جاری رہی تو شہر سے اس صنعت کا خاتمہ ہو جائے گا جس میں سب سے زیادہ نقصان مزدور طبقے کا ہونا ہے۔

'مہنگی بجلی کاروبار کھا گئی'، ملتان میں چلتی پاور لومز کوڑیوں کے مول کباڑ میں بکنے لگیں

ملتان میں برف بنانے کے بیسیوں کارخانے بند، سیکڑوں دیہاڑی دار مزدور بے روزگار ہو گئے

ملتان کے محمد عرفان موٹر سائیکلوں اور کاروں کی نمبر پلیٹیں بنانے کا کام کرتے ہیں۔ ان کے دس سالہ بیٹے عبدالمتین کو چند برس قبل سانس لینے میں دشواری ہونے لگی۔ وہ مختلف ڈاکٹروں اور حکیموں سے دوا لیتے رہے مگر افاقہ نہ ہوا۔ اس کے بعد ان کے بیٹے کو بخار بھی رہنے لگ، جب اس میں تیزی آتی تو بچہ نڈھال ہو جاتا اور کچھ دن بعد اس کی حالت قدرے سنبھل جاتی۔

عرفان نے بتایا کہ انہیں کسی جاننے والے نے ملتان چلڈرن کمپلیکس سے بچے کا علاج کرانے کا مشورہ دیا۔ وہاں ڈاکٹروں نے معائنے اور میڈیکل ٹیسٹ کے بعد چلڈرن ہسپتال میں بچوں کے ماہر سرطان سے چیک اپ کرانے کو کہا۔

ماہر سرطان نے انہیں بتایا کہ بچے میں خون کے کینسر کی واضح علامات ہیں اور اس کا فی الفور علاج ضروری ہے۔عبدالمتین کو ستمبر 2019ء میں ہسپتال داخل کیا گیا جہاں اس کی بیماری ٹی سیل اکیوٹ لمفوبلاسٹک لیوکیمیا کا علاج شروع ہو گیا جسے مختصراً &#39;ٹی آل&#39; کہا جاتا ہے۔

ڈاکٹر نے امید دلائی کہ علاج کے بعد بچہ تندرست ہو جائے گا۔ تقریباً ایک سال سے زیادہ عرصہ عبدالمتین کا علاج جاری رہا۔ جولائی 2020ء میں بچہ مکمل طور پر تندرست ہو گیا اور اب معمول کی صحت مند زندگی گزار رہا ہے۔

میاں چنوں کے کاشت کار محمد نصیر بتاتے ہیں کہ ان کا تیرہ سالہ بیٹا ریحان علی اکثر بیمار رہتا تھا۔ اس کی تلی بڑھی ہوئی تھی اور اس میں انفیکشن بھی تھا۔ ایک مقامی ڈاکٹر کے مشورے پر وہ اسے چلڈرن کمپلیکس ملتان لے آئے جہاں خون کے کینسر کی تشخیص ہوئی۔ ان کے خاندان میں پہلے ایسا کوئی مریض نہیں تھا۔

جنوری 2020ء میں بچے کا علاج شروع ہوا۔ ڈیڑھ برس زیرعلاج رہنے کے بعد ان کا بیٹا زندگی کی طرف لوٹ آیا۔چلڈرن کمپلیکس کینسر وارڈ کے سربراہ نے ریحان کو صحت مند قرار دیا اور وہ خوشی خوشی گھر واپس آ گئے۔

تاہم کچھ عرصہ کے بعد ریحان کی طبیعت پھر بگڑ گئی۔ میڈیکل ٹیسٹ سے معلوم ہوا کہ ریحان پر کینسر نے دوبارہ حملہ کیا ہے۔ ڈاکٹروں نے بتایا کہ اب اس کا علاج بون میرو ٹرانسپلانٹ ہے جس کی سہولت چلڈرن ہسپتال ملتان میں میسر نہیں۔

وہ بچے کو چلڈرن ہسپتال لاہور لے گئے جہاں انہیں بمشکل داخلہ ملا۔ وہ بتاتے ہیں کہ ہسپتال میں رش کا یہ عالم تھا کہ ایک بیڈ پر دو بچے بھی زیرعلاج تھے۔ علاج کے دوران ریحان کو تیز بخار بھی رہنے لگا۔

نصیر کا کہنا ہے کہ لاہور کے چلڈرن ہسپتال میں ڈاکٹروں اور عملے کا رویہ ہمدردانہ نہیں تھا۔&nbsp; کئی مرتبہ وہ ریحان کے پاس آ کر کہتے کہ تم لوگ اپنا اور ہمارا وقت ضائع کر رہے ہو، اس بچے کے زندہ رہنے کی امید بہت کم ہے۔ انہوں نے بتایا کہ ہسپتال میں ریحان کی طبیعت بگڑتی چلی گئی اور بالآخر وہ انہیں روتا چھوڑ کر اس دنیا سے چلا گیا۔

چلڈرن ہسپتال ملتان جنوبی پنجاب کی واحد علاج گاہ ہے جہاں کینسر کے مرض میں مبتلا بچوں کا علاج کیا جاتا ہے۔ کینسر سے متعلق شعبہ اونکالوجی میں 2021ء میں داخل ہونے والے مریض بچوں کی تعداد 239 تھی۔ 2022ء میں یہ تعداد بڑھ کر 260 ہو گئی جبکہ رواں برس اگست تک 183 بچے چلڈن ہسپتان میں داخل ہو چکے ہیں۔ یوں ہر گزرتے سال کے ساتھ یہاں آںے والے مریضوں کی تعداد بڑھی ہے۔

ڈاکٹر ذوالفقار علی رانا اس ہسپتال میں شعبہ اونکالوجی کے سربراہ ہیں۔ اپنے تجربات کی روشنی میں انہوں نے بتایا کہ جنوبی پنجاب میں بچوں میں کینسر کا مرض بڑھ رہا ہے۔

یہ اعداد وشمار ان بچوں کے ہیں جو ہسپتال پہنچ جاتے ہیں۔ دیہات میں رہنے والوں کی اکثریت اس کا علاج نہیں کرواتی جہاں اس بیماری کے مریضوں کی تعداد بہت زیادہ ہو سکتی ہے۔

انہوں نے بتایا کہ یہ بیماری کروموسوم میں تبدیلی کی وجہ سے ہوتی ہے۔ ضرورت سے زیادہ زرعی ادویات کا استعمال، ماحولیاتی آلودگی اور چند وائرس کے انفیکشن خون کے کینسر کے امکان کو بڑھا دیتے ہیں۔ دو سال سے 13 سال تک کے بچے اس بیماری کا شکار ہو سکتے ہیں۔

انہوں نے کہا کہ اگر خاندان میں کسی ایک بچے کو یہ مرض ہو جائے تو خاندان کے باقی بچوں کو محفوظ رکھنے کے لیے فوری طور پر ان کا معائنہ کرانا ضروری ہے۔ نیز پیدائش کے بعد حفاظتی ٹیکوں کا کورس بھی ضرور کروائیں اس کی بدولت کینسر سے بچا جا سکتا ہے۔

ڈاکٹر سید شاذف علی باقری کنسلٹنٹ ہیماٹالوجسٹ اونکالوجسٹ کے طور پر ملتان کے ایک نجی ہسپتال میں کینسر کے مریض بچوں کا علاج کرتے ہیں۔ ان کا کہنا ہے کہ خون کا کینسر پوری دنیا میں بڑھ رہا ہے۔ پاکستان میں مریضوں کا ایسا ریکارڈ موجود نہیں جس سے صورت حال کا درست اندازہ لگایا جا سکے مگر پرائیوٹ ہسپتال میں آنے والے مریضوں کی تعداد کافی زیادہ ہے۔ یہ وہ مریض ہیں جو زیادہ اخراجات برداشت کر سکتے ہیں جبکہ اکثریت یہاں کا رخ نہیں کرتی۔

انہوں نےبتایا کہ کینسر کی ادویات کی قلت بھی اس کے علاج میں بڑی رکاوٹ ہے۔ یہ علاج بہت مہنگا ہے۔ کیمو کا انجکشن پہلے مارکیٹ میں 40 سے 50 ہزار میں کا مل جاتا تھا، اب اس کی قیمت ایک لاکھ روپے سے بھی بڑھ گئی ہے۔ اس کے علاوہ پرائیوٹ علاج پر 10 لاکھ روپے سے زیادہ رقم خرچ ہوتی ہے۔ بچوں میں صرف خون ہی کا نہیں دوسری اقسام کا کینسر بھی بڑھ رہا ہے۔ ان میں گردوں، ہڈیوں اور رسولی کے کینسر شامل ہیں۔

&quot;چونکہ کینسر کی تمام ادویات درآمدت کی جاتی ہیں اس لیے ڈالر مہنگا ہونے سے ان کی قیمتیں بھی بہت بڑھ گئی ہیں۔&quot;

ماہر امراض سرطان ڈاکٹر قراة العین ہاشمی نے بتایا کہ کینسر نے جنوبی پنجاب ہی نہیں پورے ملک میں پنجے گاڑے ہوئے ہیں۔ ناقص خوراک اور ہمارے غیر صحت مندانہ رہن سہن کا بھی اس مرض کے پھیلاؤ میں اہم کردار ہے اور اسے کنٹرول کرنے کے لیے عوام میں اس کی آگاہی ہونا بہت ضروری ہے۔

&quot;اکثر بیماری مرض کے پہلے مرحلے میں ہسپتال نہیں پہنچتے۔ عموماً مریض حالت خراب ہونے پر ہسپتال لائے جاتے ہیں جو تشویش ناک بات ہے۔ اگر مریض بروقت ہسپتال پہنچ جائیں تو ان کے علاج میں آسانی ہو گی اور اس مرض میں موت کی بڑھتی ہوئی شرح پر قابو پایا جا سکے گا۔&quot;

'اب تو 20، 20 سال کے جوان منہ کے کینسر کے مریض ہیں': کیا سندھ پولیس گٹکا مافیا کو ختم کر پائے گی؟

جنوبی پنجاب کے بچوں میں خون کے کینسر میں غیرمعمولی اضافے کی کیا وجہ ہے؟

32 سالہ عمیر الیکٹرونکس کی دکان پر سیلز مین ہیں۔ وہ سنٹرل جیل ملتان سے متصل پیر کالونی میں رہتے ہیں جہاں اکثر و بیشتر موبائل فون کے سگنل ٹھیک نہیں آتے۔ اس خرابی کا سبب موبائل فون کے سگنل میں خلل ڈالنے والے جیمر ہیں جنہیں سنٹرل جیل میں نصب کیا گیا ہے۔

وہ بتاتے ہیں کہ 15 نومبر 2022ء کو زچگی کے لیے انہیں اپنی اہلیہ کو ہسپتال منتقل کرنا تھا۔ اس مقصد کے لیے انہوں نے ریسکیو 1122 کو کال ملائی۔ چند کوششوں کے بعد ان سے فون پر رابطہ ہو گیا اور انہوں نے ایمبولینس پر مریضہ کو ہسپتال لے جانے کی درخواست کی۔ ریسکیو کے آپریٹر نے ان کا رابطہ ایمبولینس کے ڈرائیور سے کروا دیا جس نے کہا کہ مجھے راستہ سمجھاتے جائیں تاکہ میں بروقت پہنچ سکوں۔

&quot;اسی دوران جیمرز کے باعث فون پر ہمارا رابطہ منقطع ہو گیا اور کوششوں کے باوجود بحال نہ ہوا۔ چنانچہ مجھے ہنگامی طور پر اپنی اہلیہ کو رکشے میں ہسپتال لے جانا پڑا۔ سڑکوں کی خراب حالت کے باعث وہ بہت اذیت سے گزرنے کے بعد ہسپتال پہنچیں۔ جیمرز سے قرب و جوار کے رہائشیوں کو ایمرجنسی میں اسی طرح کی مشکلات کا سامنا کرنا پڑتا ہے اور علاقہ مکین ہی نہیں ریسکیو حکام بھی اس صورتحال سے بہت تنگ ہیں۔&quot;

ریسکیو ایمرجنسی آفیسر مجمد بلال نے بتایا کہ جیمرز کی وجہ سے جیلوں سے ملحقہ آبادیوں میں مریضوں تک پہنچنے میں مشکلات پیش آتی ہیں۔ رابطہ قائم نہ رہنے سے بعض اوقات ایمبولینس مطلوبہ مقام تک پہنچ نہیں پاتی جس سے مریض کی زندگی خطرے میں پڑ جاتی ہے۔

پاک اٹالین ماڈرن برن سنٹر ملتان کی ڈسٹر کٹ جیل کے قریب واقع ہے۔ یہاں برن یونٹ کے ایڈیشنل میڈیکل سپرنٹنڈنٹ ڈاکٹر احمد علی ملک نے بتایا کہ ڈسٹرکٹ جیل میں لگے جیمرز کی وجہ سے موبائل فون اکثر و بیشتر خاموش رہتے ہیں۔ کسی بھی نمبر پر کال ملانے کی صورت میں کوئی جواب موصول نہیں ہوتا۔ ایمرجنسی کی صورت میں مشکل پیش آتی ہے۔ تاہم کچھ فاصلہ طے کرنے پر موبائل نیٹ ورک ٹھیک کام کرتا ہے۔

ڈسٹرکٹ جیل کے قریبی علاقے چونگی نمبر 1 محلہ حاجی پورہ کے رہائشی محمد طلحہ آٹوموبائل کے کاروبار سے وابستہ ہیں۔ وہ بتاتے ہیں کہ 2022ء میں ان کے ماموں زاد بھائی محمد طیب کا انتقال ہو گیا تھا اور اطلاع ملنے پر دور دراز علاقوں سے آنے والے رشتہ داروں اور تعلق داروں کو ان سے رابطے میں دشواری ہو رہی تھی۔ ان میں سے بہت سوں کو گھر کا پتا معلوم تھا اس لیے وہ تو بروقت پہنچ گئے لیکن کاروباری ساتھیوں اور دفتر سے وابستہ دوستوں کو شدید مشکل کا سامنا رہا۔

دونوں جیلوں کے آس پاس بہت سی گنجان آبادیاں ہیں۔ ڈسٹرکٹ جیل ملتان یونین کونسل نمبر 35 میں واقع ہے۔ اس سے ملحقہ علاقوں میں چونگی نمبر ایک، محلہ حاجی پورہ، نشتر ہسپتال اور پاک اٹالین برن سنٹر شامل ہیں۔

سنٹرل جیل یونین کونسل نمبر 47 میں ہے جہاں مختلف صنعتیں بھی ہیں۔ بسکٹ اور دال فیکٹریوں کے علاوہ یہاں بہت سے گودام ہیں۔ گھریلو صنعتیں بھی کام کر رہی ہیں۔ اس کے علاوہ سنٹرل جیل کے نواح میں ہاشمی کینال ویو کالونی، غوث آباد، جیل روڈ اور شاہ شمس کالونی واقع ہیں۔ ان تمام آبادیوں کے مکین کسی نہ کسی طرح جیمرز سے متاثر ہو رہے ہیں۔

نشتر ہسپتال کے اعدادوشمار کے مطابق 2022ء میں یہاں 10 لاکھ 64 ہزار 412 مریض اور رواں برس جون تک 55 ہزار 322 مریض آئے۔ اٹالین برن سنٹر میں 2022ء میں 11 ہزار 298 مریض اور جون 2023ء تک چھ ہزار 625 مریض آئے۔ ایسے تمام لوگوں کو کسی نہ کسی طرح ان جیمرز کے باعث کوفت کا سامنا رہتا ہے۔

اس معاملے میں جب آئی جی پنجاب جیل خانہ جات فاروق نذیر سے بات کی گئی تو ان کا کہنا تھا کہ مئی 2014ء میں ایک حساس ادارے کی جانب سے پنجاب کی 28 جیلوں میں موجود خطرناک ملزموں کے پاس موبائل فون کی موجودگی کی اطلاعات پر جیمرز لگائے گئے تھے۔ اگرچہ جیلوں سے ملحقہ آبادیوں میں موبائل فون کام نہ کرنے کی شکایات عام ہیں لیکن جیلوں میں لگے جیمرز کو ہٹایا نہیں جا سکتا۔

مقامی شہری عطاءالہادی اس مسئلے کا حل یہ بتاتے ہیں کہ ملتان سمیت ہر جگہ جیلوں کو شہروں سے باہر منتقل کر دینا چاہیے۔ بیشتر جیلیں شہروں کے نواح میں قائم کی گئی تھیں لیکن وقت کے ساتھ آبادی بڑھی تو وہ شہروں کے درمیان میں آ گئیں۔

ینگ ڈاکٹرز ایسوسی ایشن کے سیکرٹری اطلاعات ڈاکٹر ذوالقرنین نے بتایا کہ ان کی تنظیم اور پاکستان میڈیکل ایسوسی ایشن نے ڈی آئی جی جیل خانہ جات سے ملاقات میں مطالبہ کیا تھا کہ اس مسئلے کے حل میں حائل رکاوٹیں دور کر کے ڈاکٹروں اور مریضوں کو پریشانی سے نجات دلائی جائے۔ اس کے بعد کچھ عرصے کے لیے سگنل بہتر ہوئے لیکن اب پھر وہی صورت حال ہے جس کا کوئی مستقل حل نکالا جانا ضروری ہے۔

گوجرانوالہ میں چھ سال سے تکمیل کا انتظار کرتا سیف سٹی پراجیکٹ

ملتان کی سنٹرل اور ڈسٹرکٹ جیل کے جیمرز نے قریبی آبادیوں کی زندگی جام کر دی

پینسٹھ سالہ خادم حسین انصاری ملتان کے علاقہ انصار کالونی میں رہتے ہیں۔ ان کا خاندان تقسیم ہند کے موقع پر ہجرت کر کے پاکستان آیا تھا۔ متحدہ ہندوستان میں ان کے اجداد کپڑا بنانے کے کام سے منسلک تھے جنہوں نے پاکستان آنے کے بعد بھی اسی کام کو جاری رکھتے ہوئے ملتان کے علاقے منظور آباد میں کپڑے کا کارخانہ لگایا۔

اس زمانے میں کپڑا ہاتھوں سے چلنے والی کھڈیوں پر تیار کیا جاتا تھا۔ وقت کے ساتھ یہ گھریلو صنعت معدوم ہوتی گئی اور لکڑی کی بنی ہوئی کھڈیوں کی جگہ بجلی سے چلنے والی مشینوں نے لے لی تاہم اس سے وابستہ لوگ خوش حال ہی رہے۔ اب کچھ عرصہ سے یہ صنعت زوال کا شکار ہے اور اس سے وابستہ لوگوں کے حالات بگڑ رہے ہیں۔

خادم انصاری کہتے ہیں کہ 2018ء میں پاکستان تحریک انصاف (پی ٹی آئی) کی حکومت آنے کے بعد اس شعبے پر 20 فیصد ٹیکس لگانے سے اس کا زوال شروع ہوا۔

ان کے بیٹے عمران خادم کے مطابق اب بجلی کی بڑھتی ہوئی قیمتوں نے اس کاروبار کو تباہ کر دیا ہے۔ 2017ء میں ایک پاور لوم کا بجلی کا بل تقریباً آٹھ ہزار روپے آتا تھا۔ اب یہ 37 ہزار روپے تک پہنچ گیا ہے۔ دستی پاور لوم کا بل پانچ ہزار روپے آتا تھا جو اب 18 ہزار روپے سے زیادہ آ رہا ہے۔

&quot;شہر میں تقریباً 50 ہزار سے زیادہ پاور لوم مشینیں کباڑیوں کو فروخت کر دی گئی ہیں۔ بڑی مشین جو 10 لاکھ روپے میں خریدی گئی تھی کباڑ میں اس کی قیمت دو لاکھ روپے تک مل رہی ہے۔ ہمیں یہ کاروبار ترک کرنا پڑ رہا ہے کیونکہ ہم مزید کسی نقصان کے متحمل نہیں ہو سکتے۔&quot;

&nbsp;پاور لومز ایسوسی ایشن ملتان کے صدر خالق قندیل انصاری نے بتایا کہ اس کاروبار سے وابستہ ہزاروں مزدور بے روز گار ہو چکے ہیں۔ حکومت کی ناقص پالیسیوں کی بدولت یہ انڈسٹری تباہ ہو گئی ہے۔ اس صنعت سے وابستہ بہت سے لوگ کارخانہ دار نہیں ہیں بلکہ انہوں نے ٹھیکے پر یا کرایے پر مشینیں لے رکھی ہیں۔

&quot;ملکی معیشت کی بہتری میں اس صنعت کا اہم کردار ہے لیکن حکومت اسے ریلیف دینے ک بجائے ٹیکس لگا رہی ہے۔ اس سے جڑے بڑے کاروباری لوگ اپنے کارخانوں کو دوسرے ممالک میں منتقل کر چکے ہیں۔ اس سے ایک جانب مقامی مزدور بے روزگار ہوئے ہیں اور دوسری طرف برآمدات میں بھی خاطر خواہ کمی آئی ہے۔

ملتان کے علاقے شریف پورہ کے رہائشی محمد آصف کے والد حاجی عبدالرشید 50 برس سے پاور لوم کے کاروبار سے منسلک ہیں۔ وہ کہتے ہیں کہ&nbsp; پہلے دھاگہ مہنگا کیا گیا اور اب آئے روز بجلی کی قیمتوں میں اضافہ ہو رہا ہے۔

&quot;فیول ایڈجسٹمنٹ کے نام پر جو ظلم ہو رہا ہے وہ سمجھ سے بالا ہے۔ ایک کام کی اجرت تمام اخراجات شامل کر کے سو روپے بنتی ہے۔ جب دو ماہ بعد بجلی کے بل میں دو ماہ پہلے کے فیول ایڈجسٹمنٹ چارجز شامل کر دیے جاتے ہیں تو ہمیں خسارہ ہوتا ہے۔ بجلی کے بلوں میں اضافے سے مزدوروں کے گھروں میں نوبت فاقوں تک آ گئی ہے۔&quot;

محمد شاہد ابراہیم رشید آباد پاور لوم ایسوسی ایشن کے نائب صدر ہیں۔ انہوں نے بتایا کہ ٹیکسٹائل کے حوالے سے ملتان شہر کو بہت اہم سمجھا جاتا ہے۔ یہاں لگ بھگ ایک لاکھ سے زیادہ پاور لومز کام کر رہی ہیں۔ منظور آباد، عثمان آباد، شریف پورہ، انصار کالونی، خونی برج، احمد آباد اور دیگر کئی علاقوں میں یہ کارخانے بڑے تعداد میں کام کر رہے ہیں صرف رشید آباد کے علاقے میں چار ہزار سے زیادہ پاور لومز لگی ہوئی تھیں جن میں سے بیشتر بجلی کی بڑھتی ہوئی قیمتوں کے باعث بند ہو چکی ہیں۔

اصغر علی انصار کالونی میں 30 برس سے کباڑ کا کام کر رہے ہیں۔ انہوں نے بتایا کہ چند برس سے پاور لوم کے کاروبار کی بدحالی کے باعث پاور لوم مشینوں کی فروخت میں اضافہ دیکھنے میں آ رہا ہے۔ مالک چالو حالت کی مشینیں بھی فروخت کرنے پر مجبور ہو چکے ہیں۔

اکرم کباڑیہ نے انصار کالونی میں کباڑ کا گودام بنا رکھا ہے۔ ان کا کہنا ہے کہ انہوں نے کارخانہ داروں کو مشینیں فروخت کرتے وقت روتے بھی دیکھا ہے۔ جب پاور لوم کی مشینیں ان کے پاس سکریپ کی صورت میں آتی ہیں تو وہ انہیں ڈھلائی کے کارخانے میں بھیج دیتے ہیں جہاں لوہے کو پگھلا کر دیگر اشکال میں ڈھال دیا جاتا ہے۔

ملتان الیکٹرک پاور کمپنی (میپکو) کے ڈائریکٹر کمرشل اسد حماد کا کہنا ہے کہ حکومت بجلی ہر طرح کی سبسڈی ختم کرتی جا رہی ہے اور پٹرول اور ڈالر کی بڑھتی ہوئی قیمتیں بجلی کی قیمت میں اضافے کا باعث بن رہی ہیں۔ اگر زراعت کی طرح پاورلومز کو بھی سبسڈی دی جائے تو یہ صنعت تباہی سے بچ سکتی ہے۔

ملتان میں محکمہ سمال انڈسٹریز کے ڈپٹی ڈائریکٹر زاہد محمود نے بتایا کہ پاورلوم انڈسٹری کا کوئی بھی کارخانہ دار قرض کے حصول کے لیے سمال انڈسٹری کے دفتر میں نہیں آتا۔ محکمے مارک اپ دیگر بینکوں کی نسبت سب سے کم ہے جس کی شرح صرف پانچ فیصد ہے۔ اگر اس صنعت سے تعلق رکھنے والے کاروباری لوگ قرض کے حصول کی درخواست دیں تو ان کی مدد کر کے ان کا کاروبار بچایا جا سکتا ہے۔

مہنگی بجلی اور مہنگے دھاگے کی وجہ سے فیصل آباد میں پاورلومز کی بندش۔

ملتان میں اڈا متی تل کے&nbsp; اللہ وسایا گدھا گاڑی چلا کر روزی کماتے ہیں۔ یکم اپریل کو وہ اپنے کام کے سلسلے میں بازار سے گزر رہے تھے کہ انہیں لوگوں کا شور سنائی دیا۔ راہگیروں کی زبانی انہیں معلوم ہوا کہ لوگ ڈاکوؤں کو پکڑنے کی کوشش کر رہے ہیں جن کی فائرنگ سے دو افراد زخمی ہو گئے ہیں۔

اللہ وسایا موقع پر پہنچے تو انہوں نے ہجوم کو چند ڈاکوؤں پر تشدد کرتے دیکھا۔ اسی دوران لوگ اللہ وسایا کو پہچان کر انہیں تسلی اور دلاسے دینے لگے۔

اللہ وسایا کہتے ہیں کہ یہ بات ان کے لئے حیران کن تھی۔

&#39;&#39;میں ںے لوگوں سے پوچھا کہ میرا اس معاملے سے کیا تعلق ہے تو لوگوں نے بتایا کہ ڈاکوؤں کی فائرنگ سے تمہارا بیٹا بھی زخمی ہو گیا ہے۔&#39;&#39;

&nbsp;ان کے بیٹے کو سر میں گولی لگی تھی جسے تشویش ناک حالت میں نشتر ہسپتال منتقل کیا گیا لیکن وہ جانبر نہ ہو سکا۔

جس جگہ یہ واقعہ پیش آیا وہاں سے قریب ترین تھانہ آٹھ کلومیٹر کے فاصلے پر ہے۔ جب پولیس موقع پر پہنچی تو اس وقت تک لوگ تین ڈاکوؤں کو ہلاک کر چکے تھے جبکہ ان کا ایک ساتھی شدید زخمی ہوا جسے پولیس ساتھ لے گئی اور وہ نشتر ہسپتال میں زیرعلاج ہے۔

ملتان میں اسی ہفتے ایسا ہی ایک اور واقعہ گلگشت کی گردیزی مارکیٹ میں پیش آیا۔

اس واقعے میں پانچ ڈاکوؤں نے ایک سنار کی دکان سے دکان سے پندرہ لاکھ روپے اور 22 تولے زیور لوٹ لئے۔ دکاندار نے مزاحمت کی تو ڈاکوؤں اسے فائرنگ کر کے زخمی کر دیا اور بھاگ اٹھے۔ ڈاکوؤں کو پکڑنے کی کوشش میں مزید دو دکاندار زخمی ہو گئے جن میں سے ایک دم توڑ گیا۔

اتنی دیر میں بہت سے لوگوں نے ڈاکوؤں کو گھیر کر انہیں مارنا پیٹنا شروع کر دیا۔ تشدد کے نتیجے میں چار ڈاکو بری طرح زخمی ہو گئے جبکہ ایک بھاگ نکلا۔ کچھ دیر کے بعد پولیس نے ڈاکوؤں کو لوگوں کی گرفت سے چھڑا کر ہسپتال منتقل کیا جن میں سے تین دم توڑ گئے اور ایک زیرعلاج ہے۔

پولیس ترجمان کے مطابق دونوں واقعات میں ہلاک و زخمی ہونے والے ڈاکو پہلے بھی کئی وارداتوں میں مطلوب تھے۔

لوگوں کی جانب سے قانون ہاتھ میں لینے کے ان سنگین واقعات پر جنوبی پنجاب کے ایڈیشنل آئی جی محمد آصف کا کہنا ہے کہ نفری کی کمی کے باعث کئی واقعات میں پولیس بروقت جائے وقوعہ پر نہیں پہنچ پاتی جس کے باعث لوگوں کو ملزموں پر تشدد کا موقع مل جاتا ہے۔

ملتان شہر کی آبادی تقریباً 20 لاکھ ہے۔یہاں مجموعی طور پر 33 تھانے ہیں جن میں پانچ ہزار 200 پولیس اہلکار تعینات ہیں۔ اس کے علاوہ فوری کارروائی کے لئے ڈولفن فورس بھی چوبیس گھنٹے شہر میں گشت کرتی ہے۔ اس فورس میں ایک سب انسپکٹر، دو اے ایس آئی، ایک ہیڈ کانسٹیبل اور 119 کانسٹیبل فرائض انجام دیتے ہیں۔

شہریوں کو شکایت ہے کہ پولیس سٹریٹ کرائمز کے خلاف بروقت کارروائی نہیں کرتی اور اگر ملزم پکڑے بھی جائیں تو نظام عدل کی خامیوں کے باعث قرار واقعی سزا سے بچ نکلتے ہیں۔

محمد آصف کہتے ہیں کہ پولیس اہلکار اپنی بنیادی ڈیوٹی انجام دینے کے علاوہ ضلعی انتظامیہ کی مدد میں بھی مصروف ہیں۔ پولیو ورکرز کے ساتھ بھی پولیس اہلکار تعینات کرنا پڑتے ہیں جبکہ رمضان میں پولیس نے مفت آٹے کی فراہمی کے مراکز پر بھی ڈیوٹی دی، مساجد کی حفاظت کے لئے بھی نفری مخصوص کی گئی اور پروٹوکول ڈیوٹی اس کے علاوہ ہے۔ ایسے میں پولیس کے لئے سٹریٹ کرائمز کی روک تھام کے لئے مطلوبہ تعداد میں فورس نہیں ہوتی۔

ان واقعات کے بعد پولیس کی جانب سے لوگوں کی آگاہی کے لئے شہر میں تشہیری مہم چلانے کا فیصلہ کیا گیا ہے جس میں لوگوں کو قانون کی پاسداری کے لئے کہا جائے گا۔

سٹی پولیس آفیسر منصورالحق نے شہریوں سے کہا ہے کہ کسی بھی واقعے میں اگر ملزم لوگوں کے ہاتھ آ جائیں تو انہیں مارنے پیٹنے کے بجائے ذمہ دار شہریوں کا کردار ادا کرتے ہوئے انہیں پولیس کے حوالے کیا جائے۔

وہاڑی 16 سالہ نوجوان کی مبینہ پولیس مقابلے میں ہلاکت: 'پولیس کے پاس سزا دینے کا کوئی آئینی اختیار نہیں ہے'

ملتان مشتعل ہجوم کے ہاتھوں تشدد سے ہلاکتیں: پولیس ایسے واقعات روکنے میں ناکام کیوں ہے؟

رانا اسلم اندرون حسین آگاہی ملتان کے رہائشی ہیں۔ چھ مہینے پہلے ان کے چہرے پر&quot;مکھی نما کسی چیز&quot; نے کاٹ لیا۔ پہلے تو انہیں کوئی تکلیف نہ ہوئی لیکن ایک ماہ بعد انہیں شدید بخار نے آ لیا جس کے ساتھ جسم میں درد بھی رہنے لگا۔ یہی نہیں بلکہ جس جگہ مکھی نے کاٹا تھا وہاں زخم ہو گیا اور اس سے پیپ بھی رسنے لگی۔

کچھ ہی عرصہ میں ان کی حالت اتنی خراب ہو گئی کہ اہلخانہ اور دوست بھی ان سے دور رہنے لگے۔ جب انہوں نے ڈاکٹر سے رجوع کیا تو پتا چلا کہ انہیں سینڈ فلائی نے کاٹا ہے جس کا علاج صرف &#39;گلوکن ٹائم&#39; انجکشن سے ہی ممکن ہے۔ 
رانا اسلم بتاتے ہیں کہ ڈاکٹر نے انہیں علاج تو بتا دیا لیکن اس کا حصول بجائے خود ایک مسئلہ بن گیا۔

&quot;میں کئی روز تک ملتان کے میڈیکل سٹوروں پر یہ انجکشن تلاش کرتا رہا مگر ناکامی ہوئی۔ جنوبی پنجاب کے مختلف شہروں میں بھی اسے تلاش کیا لیکن یہ کہیں دستیاب نہیں تھا۔&#39;&#39; طویل کوشش کے بعد کہیں جا کر وہ اس انجکشن کے حصول میں کامیاب ہوئے۔

ان کا کہنا ہے کہ یہ انجکشن پاکستان میں رجسٹرڈ نہیں ہے اس لیے اس کی سرکاری سطح پر درآمد بھی ممکن نہیں۔ چونکہ یہ سمگل ہو کر پاکستان میں آتا ہے اس لیے دکاندار اس کی من مانی قیمت وصول کرتے ہیں جو ایک سے دو ہزار روپے تک ہوتی ہے۔

اسلم کی طرح دولت گیٹ کے مبین بھی سینڈ فلائی کا نشانہ بن چکے ہیں۔ انجکشن نہ ملنے کے باعث ان کے چہرے کا زخم بری طرح خراب ہو گیا جس کے نتیجے میں ان کے لیے کہیں آنا جانا بھی ممکن نہ رہا اور اب ان کی سماجی زندگی تقریباً ختم ہو چکی ہے۔

<h2>سینڈ فلائی کیا ہے؟</h2>

ملتان میں سینڈ فلائی اپنی رنگت کی وجہ سے سفید مکھی کے نام سے مشہور ہے۔

یہ زہریلی مکھی عام طور پر آتی گرمیوں میں لوگوں کو نشانہ بناتی ہے مگر اس بار یہ پہلے ہی&nbsp; حملہ آور ہو گئی ہے۔

ان مکھیوں کی لمبائی تین ملی میٹر ہوتی ہے اور یہ سفید، سنہری، بھوری یا سرمئی رنگ کی ہوسکتی ہیں۔ دیہی ماحول میں یہ مکھیاں عام طور پر کیچڑ، درختوں کے کھوکھلے تنوں یا لکڑی کے خشک لٹھوں میں پرورش پاتی ہیں جبکہ شہروں میں مرطوب اور اندھیری عمارتوں میں رہتی ہیں۔ ان کے انڈوں کی افزائش گٹروں، نالیوں، پرانے گھروں کے نمدار اور تاریک کھونے کھدروں میں ہوتی ہے۔ خستہ دیواروں کی دراڑیں اور چوہوں کے بل بھی ان کی آماجگاہ ہوتے ہیں۔

مادہ سینڈ فلائی جانوروں اور انسانوں کے خون پر پلتی ہے اور خاص طور پر انڈے دینے سے پہلے اسے خون کی ضرورت ہوتی ہے۔تاہم نر اور مادہ دونوں ایسے غذائی اجزا پر بھی پرورش پاتے ہیں جن میں شوگر کا تناسب زیادہ ہوتا ہے۔

اس مکھی کے کاٹنے کے کچھ دن بعد متاثرہ جگہ پر زخم بن جاتا ہے۔ جس سے پیپ رستی رہتی ہے۔ ایسے زخم ٹھیک ہونے کے بعد زندگی بھر کے لیے بدنما داغ چھوڑ جاتے ہیں۔

سینڈ فلائی کے ایک بار کاٹنے کے بعد انسانی جسم میں قدرتی طور پر اس کے خلاف مزاحمت پیدا ہوجاتی ہے اور دوبارہ اس کے کاٹنے سے زخم یا بخار نہیں ہوتا۔

بخار، بے چینی، آنکھوں اور سر میں درد سینڈ فلائی کے کاٹنے کی عام علامات ہیں۔ اس کی شدید علامات دو سے چار دن تک رہتی ہیں۔بخار سخت ہو تو اسے دور ہونے میں ایک ہفتہ لگتا ہے۔

<h2>گلوکن ٹائم انجکشن نایاب کیوں ہے؟</h2>

ملتان کے شہباز شریف ہسپتال میں خدمات انجام دینے والی ماہر امراض جلد ڈاکٹر عاصمہ بانو بتاتی ہیں کہ پہلے ملتان کے چند مخصوص علاقوں سے ہی اس مکھی کے کاٹے کے مریض ان کے پاس آتے تھے۔ لیکن اب ایسے مریضوں کی تعداد مسلسل بڑھ رہی ہے۔ &quot;اگر یہ کہا جائے کہ پورا ملتان شہر سینڈ فلائی کی آماجگاہ بنا ہوا ہے تو غلط نہ ہوگا&quot;۔

انہوں نے کہا کہ درخت کاٹے جانے کے باعث سینڈ فلائی شہروں کا رخ کر چکی ہے جبکہ ماحول اور موسم کی تبدیلی بھی اس کے پھیلاؤ کی بڑی وجہ ہے۔

ڈاکٹر عاصمہ کے مطابق شہباز شریف ہسپتال میں گزشتہ کئی ماہ سے گلوکن ٹائم انجکشن دستیاب نہیں ہے اس لیے وہ مریضوں کو نشتر ہسپتال بھیج دیتے ہیں۔

ڈی ایچ او پریونیٹو سروسز ملتان ڈاکٹر فاروق احمد تصدیق کرتے ہیں کہ شہر میں سینڈ فلائی کے مریضوں کی تعداد بہت زیادہ ہے۔

&quot;ہمارے پاس ناکافی سہولیات ہیں اور اس کے علاج کی دوا صرف گلوکن ٹائم انجکشن ہے جو مارکیٹ میں بمشکل ہی ملتا ہے۔&#39;&#39;

انہوں نے بتایا کہ نشتر ہسپتال میں اس کے علاج کا سنٹر بنایا گیا تھا لیکن وہ بھی ادویات نہ ملنے کی وجہ سے تاحال غیر فعال ہے۔

نشتر ہسپتال کے حکام&nbsp; کا کہنا ہے کہ سینڈ فلائی سے متاثرہ مریضوں کی تعداد بڑھ رہی ہے۔ انجکشن نہ ملنے کی صورت میں مریض کو عارضی سکون کے لئے ادویات لکھ دی جاتی ہیں جو اس مرض کا علاج تو نہیں البتہ ان سے تکلیف ضرور کم ہو جاتی ہے۔

نشتر ہسپتال میں پچھلے دو ماہ کے دوران روزانہ سینڈ فلائی سے متاثرہ 10 سے 15مریض آ رہے ہیں۔ ڈاکٹر فاروق کہتے ہیں کہ انہوں نے اعلیٰ حکام کو انجکشن کی رجسٹریشن کے لیے بارہا یاد دہانی کروائی ہے لیکن تاحال اس حوالے سے کوئی قدم نہیں اٹھایا گیا۔

نشتر میڈیکل یونیورسٹی میں شعبہ ڈرماٹالوجی کے سربراہ ڈاکٹر راحیل طاہر کا کہنا ہے کہ سینڈ فلائی کے مریض کومسلسل 28 روز تک روزانہ دو انجکشن لگائے جاتے ہیں۔ انجکشن کی کمیابی کے سوال پر ان کا کہنا تھا &#39;&#39;چونکہ یہ انجکشن سمگل ہو کر آتا ہے اس لیے بیشتر میڈیکل سٹور چھاپے کے ڈر سے اسے اپنے پاس نہیں رکھتے کہ کہیں ان کی دکان کو سیل نہ کردیا جائے۔

ان کا یہ بھی کہنا ہے کہ گرمی کی شدت بڑھنے کے ساتھ ہی اس بیماری کے مریضوں کی تعداد میں بھی اضافے کا خدشہ ہے۔&nbsp;

شہزاد عمران خان