Explore the grave threat posed by fishing trawlers to the delicate ecosystem of Astola Island, Pakistan's lone 'protected' sanctuary. Learn how these vessels endanger aquatic and wildlife lif

Fishing Trawlers: A Menace to Wildlife on Astola Island, Pakistan's Sole 'Protected' Sanctuary

بلوچستان کے ساحلی شہر پسنی سے موٹر بوٹ پر مشرق کو سمندری سفر پر نکلیں تو 20 ناٹیکل میل&nbsp; (37.04 کلومیٹر) کی دوری پر ایک بے آباد جزیرہ آتا ہے جو اپنے قدرتی حسن، ریتلے ساحل، کرسٹل کلیئر نیلے پانیوں اور متنوع سمندری حیات کی وجہ سے فطرت کے شائقین کے لیے منفرد مقام مانا جاتا ہے۔

بحیرہ عرب کے شمالی ساحل کے ساتھ واقع یہ واحد آف شور آئی لینڈ &#39;جزیرہ استولا &#39; کے نام سے مشہور ہے جسے مقامی لوگ اس کی سات پہاڑیوں کی نسبت سے ہفت یا ھپت تلار (سات پہاڑ) کہتے ہیں۔ اس جزیرے کی سطح سمندر سے بلندی 240 فٹ (تقریباً 73 میٹر) تک بتائی جاتی ہے۔

استولا پاکستان کا واحد جزیرہ ہے جسے سمندری حیات کے لیے &#39;محفوظ علاقہ&#39; (رامسر سائٹ) قرار دیا گیا ہے مگر یہاں سمندری حیات کے مسکن اور پرندوں کے گھونسلے انسانی سرگرمیوں سمیت متعدد عوامل کے باعث خطرے سے دوچار ہیں۔

<a href="https://www.researchgate.net/publication/329310937_Ecological_Baseline_and_Resource_Use_Survey_of_Astola_Island-1st_Marine_Protected_Area_MPA_in_Pakistan">اس جزیرے کو 15جون 2017 کو بلوچستان حکومت نے &#39; سمندری محفوظ علاقہ&#39; قرار دیا تھا </a>جس میں جزیرے (لگ بھگ تین کلومیٹر لمبا اورتقریباً دو کلومیٹر چوڑا ) کے 6.7 مربع کلومیٹر رقبے اور ارد گرد بفر زون کو ملا کر401.47 مربع کلومیٹر علاقے کوشامل کیا گیا ہے۔

<a href="https://www.researchgate.net/publication/329310937_Ecological_Baseline_and_Resource_Use_Survey_of_Astola_Island-1st_Marine_Protected_Area_MPA_in_Pakistan">انٹر نیشنل&nbsp; یونین فار کنزرویشن&nbsp;&nbsp; آف نیچر (آئی یو سی این) </a>کے یہاں کروائے گئے ایک&nbsp; سروے سے پتہ چلتا ہے کہ جزیرہ استولا پر فالکن سمیت مہمان اور مقامی پرندوں کی 61 اقسام (سپشیز) پائی گئیں جبکہ رینگنے والے جانوروں کی سات اقسام جس میں ایک خاص نسل کا سانپ (Saw-scaled viper)، تین اقسام کے چوہے اور سبز کچھوے وغیرہ پائے گئے۔

رپورٹ بتاتی ہے کہ یہاں پانچ اقسام کے میمل پائے جاتے ہیں جن میں فیل ماہی، انڈو پیسیفک فن لیس پورپوز اور عالمی خطرے سے دوچار ہمپ بیک وہیل (جوصرف بحیرہ عرب میں ملتی ہے) شامل ہیں۔ اس جزیرے کے ارد گرد مچھلیوں کی 27 اقسام موجود ہیں۔

جزیرے میں سخت کورال (مرجان اور مونگے) کی گیارہ اقسام ہیں جبکہ 30 اقسام کی جھاڑیاں، گھاس وغیرہ کے علاوہ تین انواع کے سمندری پودے بھی موجود ہیں۔ تاہم یہاں میٹھا پانی نہ ہونے کی وجہ سے کوئی درخت نہیں ہے۔

<a href="https://rsis.ramsar.org/ris/1063">رامسر سائٹ انفارمیشن سروس</a> کے مطابق استولا میں جینیاتی اور ماحولیاتی تنوع برقرار ہے۔ یہاں کچھوے کی دو ایسی اقسام پائی جاتی ہیں جو عالمی سطح پر خطرے سے دوچار ہیں جن میں سبز کچھوا اور ہاکس بل (یہ کچھوا پانی کے درجہ حرارت کے ساتھ رنگ بدل لیتا ہے) سرفہرست ہیں۔

یہ جزیرہ، بلوچستان کے ضلع گوادر تحصیل پسنی کی ریونیو حدود میں آ تا ہے تاہم صوبائی محکمہ ماہی پروری ساحل سے 12 سمندری میل تک نگرانی کی ذمہ داری سنبھالتا ہے جبکہ استولا کا فاصلہ 20 سے 24 سمندری میل ہے جس کی وجہ سے اس کا انتظام میری ٹائم سیکورٹی ایجنسی (ایم ایس اے)کو سونپا گیا ہے۔

استولا پر ایک چھوٹی سی مسجد ہے جس کو ماہی گیر پانیوں سے خاص مناسبت رکھنے والے بزرگ خواجہ خضر کی درگاہ قرار دیتے ہیں۔ یہاں کالی دیوی کے قدیم مندر کے آثار بھی موجود ہیں جس کی وجہ سے ہندو اس جزیرے کو &#39;ستادیپ&#39; کہتے تھے۔

اس جزیرے پر تیسری انسانی تعمیر 1982ء میں بنایا جانے والا لائٹ ہاؤس ہے جو اب سولر پر منتقل ہو چکا ہے۔

ناخدا نیک سال بتاتے ہیں کہ وہ اور ان کے ساتھی مئی سے ستمبر تک ہفت تلار آتے ہیں اور مچھلیاں، جھینگے ،کیکڑے وغیرہ پکڑنے کے لیے عارضی قیام کرتے ہیں۔ وہ بتاتے ہیں کہ سیاح بھی یہاں اسی دوران ہی آتے ہیں، باقی مہینوں میں اکثر یہ جزیرہ ویران ہی دکھائی دیتا ہے۔

&quot; کچھ مقامی لوگ یہاں خواجہ خضر کی درگاہ پر منت مانگنے اور زیارت کے لیے بھی آتے ہیں۔&quot;

ملا شکاران علی پسنی کے باسی ماہی گیر ہیں جو سال میں تین مرتبہ ہفت تلار ضرور جاتے ہیں اور وہاں زیارت کرکے دو تین دن بعد واپس آتے ہیں۔

ان کا پختہ یقین ہے کہ جب کوئی ناخدا مصیبت یا شکار نہ ملنے پر خواجہ خضر کو پکارتا ہے تو وہ ان کی ضرور مدد کرتے ہیں۔

2020ء میں ڈبلیو ڈبلیو ایف کی ٹیم نے یہاں زیرِآب مونگے اور مرجان کی چٹانوں کا جائزہ لیا تھا جس کے بعد ٹیم کے ارکان نے بتایا تھا کہ استولا میں مونگے اور مرجان کی چٹانیں محفوظ ہیں۔

ڈبلیو ڈبلیو ایف کے تکینکی معاون محمد معظم خان اور انڈس سکوبہ ڈائیورز کے مومن زیدی اس ٹیم میں شامل تھے جن کا کہنا ہے کہ مشاہدے کے دوران غوطہ خوروں کو چار کلومیٹر کے فاصلے پر ایک سمندری جہاز کا ملبہ ملا ہے جس میں سمندری حیات موجود تھیں۔ 
لیکن اب &#39;سب اچھا&#39; نہیں ہے۔

ماہرِ سمندری حیات ڈاکٹر واجد بلوچ بتاتے ہیں کہ تاریخی جزیرہ استولا اپنی خوبصورتی کی مثال آپ ہے جس کا ذکر قبل مسیح کے یونانی امیر البحر&nbsp; نے بھی کیا ہے لیکن سندھ سے آنے والا ٹرالر مافیا اس جزیرے کو تباہی کی جانب دھکیل رہا ہے۔

وہ کہتے ہیں کہ فشنگ ٹرالرز کے پاس ایسے جال ( مقامی نام گجّو) ہوتے ہیں جو سمندر کی تہہ میں پونگے کو بھی نہیں چھوڑتے۔ اس غیرقانونی ٹرالنگ سے جزیرے کی سمندری مخلوق محفوظ ہے نہ آسمانی (پرندے)۔

&quot;گرمیوں میں مہمان پرندے انڈے دینے کےلیے مکران کے ساحل کو مسکن بناتے ہیں مگر ٹرالنگ ان کے لیے مصیبت بن جاتی ہے۔ ٹرالرز کچھووں، مرجان اور مونگے کو شدید نقصان پہنچا رہے ہیں جس سے سمندری ایکو سسٹم متاثر ہو رہا ہے۔&quot;

<h2>کورال کو خطرہ، آبی حیات کے لیے خطرہ کیوں ہے؟</h2>

کورال (مرجان اور مونگے ) پانی کے اندر ایک ماحولیاتی نظام (ایکو سسٹم)ہے جو سمندر کے پانی کی نچلی سطح میں کیلشیم کاربونیٹ کے ذریعے کالونیاں (چٹانیں) بناتا ہے۔ یہ چٹانیں یا کالونیاں سمندری حیات کے لیے مسکن کا کام کرتی ہیں جن میں سپنج، سیپ، کلیم، کیکڑے، سمندری سٹار اور ارچنز وغیرہ شامل ہیں۔

مرجان (کورال) کو ایشیائی ممالک میں نگینے(رنگین پتھر) کے طور پر زیورات میں لگایا جاتا ہے جبکہ طبی میدان میں اس سے ہڈیوں کو جوڑنے ( بون گراف ) اور کینسر کے علاج میں استعمال کے لیے تجربات کیے جا رہے ہیں۔

تاہم مقامی لوگ مرجان سیاحوں یا دکان داروں کو بیچنے کے لیے &#39;کورال مائننگ&#39; کرتے ہیں جس سے سمندری حیات کی یہ کالونیاں ٹوٹ جاتی ہیں۔

کورال کے لیے انتہائی خطرناک فشنگ ٹرالرز کو بھی کوئی سرکاری ادارہ روکنے میں کامیاب نہیں ہو سکا۔

پسنی اور ساحلی بستیوں کے ماہی گیر اگست سے مئی تک اس جزیرے کو ٹھکانے کے طور پر استمال کرتے ہیں جن میں سے بیشتر جھاڑیوں کو جلا کر کھانا وغیرہ بناتے ہیں جس سے یہاں کی نباتات شدید متاثر ہو رہی ہے۔

بتایا جاتا ہے کہ ماہی گیر جب مچھلیاں پکڑنے کے لیے یہاں آتے تو جزیرے پر موجود چوہے ان کے جال کتر دیتے تھے جن پر قابو پانے کے لیے انہوں نے (1960ء کی دہائی میں) اپنے ساتھ گھریلو بلیاں لانی شروع کر دیں۔ لیکن اب یہ بلیاں کچھووں اور پرندوں کی افزائش کے لیے مسلسل خطرہ بنی ہوئی ہیں کیونکہ وہ ان کے انڈے، بچے کھا جاتی ہیں۔

سماجی کارکن بادل بلوچ بتاتے ہیں کہ اسٹولا (ہفت تلار) جزیرے کے لیے حکومت کی کوئی پالیسی نہیں ہے۔ ایک طرف اسے ریزرو ایریا بنایا گیا ہے تو دوسری طرف ٹورسٹ مقام بھی بنا دیا گیا ہے۔ مقامی ماہی گیر بھی جزیرے پر آتے جاتے رہتے ہیں۔

بادل بلوچ کہتے ہیں کہ سیاحوں کا رش، جگہ جگہ پلاسٹک کا کچرا اور ماہی گیروں کے ٹوٹے جال، سمندری حیات کی افزائش کے لیے سخت خطرناک ہیں۔ مگر یہاں صفائی کا کوئی انتظام نہیں کیا گیا۔ بلیوں کا بھی کوئی سدباب نہیں کیا گیا۔

ایم ایس اے جزیرے پر فشریز ریگولیشن کے نفاذ، زون میں غیر قانونی سرگرمیوں اور کورال مائننگ(مرجان کی کان کنی) روکنے کی ذمہ دار ہے، محکمہ جنگلات و جنگلی حیات بلوچستان کو بھی آبی و جنگلی حیات کے تحفظ کے لیے اقدامات کا اختیار ہے۔

جزیرہ استولا کی صورت حال کے حوالے سے ایم ایس اے حکام سے رابطہ نہیں ہو سکا جبکہ ڈپٹی کنزرویٹر جنگلات و جنگلی حیات یار محمد دشتی بتاتے ہیں کہ ان کا محکمہ ہر وقت مقامی ماہی گیروں اور سیاحوں سے اپیل کرتا ہے کہ وہ جزیرے پر پلاسٹک اور جال کے ٹکڑے نہ پھینکیں۔

&quot;ہمارے پاس بوٹ، کشتی یا دیگر وسائل نہیں ہیں جس سے ہم وہاں روزانہ گشت کریں سٹاف کی بھی کمی ہے۔ اس کے علاوہ جزیرے پر کوئی ایسی سہولت یا جگہ موجود نہیں جہاں کوئی اہلکار قیام کر سکے۔&quot;

'فشنگ ٹرالرز نے گوادر ساحل پر تباہی مچا رکھی ہے'، کلمت کے ماہی گیروں نے احتجاجاً سمندر میں جانا چھوڑ دیا

پسنی: پاکستان کا واحد "محفوظ" جزیرہ کیوں غیر محفوظ ہوتا جا رہا ہے؟

text

Explore the puzzling paradox of water scarcity plaguing farmers in Pasni Tehsil, Gwadar District, despite the presence of the Shadi-Cor Dam. Delve into the underlying factors contributing to

Drying Fields: Unveiling Water Deprivation Despite Shadi-Cor Dam Construction in Pasni Tehsil, Gwadar District

لعل بخش پسنی کے علاقے شادی کور میں پچاس ایکڑ زرعی زمین کے مالک ہیں لیکن وہ اس میں سے صرف دس ایکڑ ہی کاشت کر پاتے ہیں باقی 40 ایکڑ رقبہ بنجر پڑا ہوا ہے۔

وہ بتاتے ہیں کہ زمین کو قابل کاشت بنانے کے لیے زرعی مشینری اور لاکھوں روپے درکار ہیں جو ان کی بس کی بات نہیں۔ اگر وہ کچھ نہ کچھ بیچ کر رقبہ قابل کاشت بنا بھی لیں تو کاشت کے لیے اتنا سرمایہ کہاں سے آئے گا؟

&quot;زمین ہموار کرنے کے لیے ٹریکٹر والے دو ہزار روپےگھنٹہ لیتے ہیں۔ اگر میں پانچ ایکڑ بھی لیول کراؤں تو تقریباً 50 ہزار روپے لگیں گے جبکہ کھاد، بیچ، پیسٹی سائیڈز اور دیگر اخراجات ملا کر فصل پر تین چار لاکھ روپے خرچ ہوں گے۔&quot;

وہ کہتے ہیں کہ فصل خراب ہو جائے تو راشن بھی کوئی ادھار نہیں دیتا۔ حکومت ویسے ہی مدد نہیں کرتی اور این جی اوز &#39;زمین دار&#39; کو مال دار سمجھتی ہیں۔

&quot;میں جیسے تیسے دس ایکڑ کاشت کرتا ہوں جہاں میری بیوی اور بچے بھی ساتھ کام کرتے ہیں لیکن دو وقت کی روٹی بمشکل میسر آتی ہے۔&quot;

جمعہ عصاء تحصیل پسنی ہی کے علاقے شادی کور کے رہائشی ہیں جنہوں نے گندم کاشت کی ہوئی ہے۔ وہ بتاتے ہیں کہ پچھلے سال انہوں نے تین ایکڑ گندم اگائی تھی جس پر بیچ، کھاد، سپرے سمیت دو لاکھ خرچ ہوئے لیکن جب فصل تیار ہوئی تو 20 کٹے ( 25 من ) گندم بھی نہیں نکلی۔

&quot;میری محنت مزدوری چھوڑیں میں تو ادھار والی کھاد کی رقم بھی نہیں چکا پایا۔ شادی کور کے کسان وافر پانی میسر ہونے کے باوجود ذلیل و خوار ہیں۔ وسائل کی کمی کے باعث میں نے بھی اب زمین بیچنے کا فیصلہ کر لیا ہے اس سے بہتر ہےکوئی اور کام ڈھونڈوں۔&quot;

ضلع گوادر کی تحصیل پسنی میں پہاڑوں سے آنے والی ندی &#39;شادی کور&#39; بہتی ہے جو تقریباً 45 کلومیٹر ہموار ڈھلوانی علاقے سے گذرتی سمندر میں جا گرتی ہے۔ ندی کے دونوں جانب زرخیز زرعی زمینیں اور میدان ہیں۔

2023ء کی مردم شماری ظاہر کرتی ہے کہ اس تحصیل کی کل آبادی&nbsp; 61 ہزار 347 نفوس پر مشمل ہے جن میں سے 26 ہزار 790 افراد&nbsp; دیہی علاقوں میں رہتے ہیں۔

تاہم ایک اندازے کے مطابق یہاں کی دیہی آبادی میں سے لگ بھگ پانچ ہزار لوگ صرف شادی کور کے علاقے میں رہتے ہیں جن میں&nbsp; سے80 فیصد آبادی روزی روٹی کے لیے کھیتی باڑی پر انحصار کرتی ہے۔

پسنی کے زراعت افسر اور انچارج کوکونٹ فارم شادی کور وسیم نور بتاتے ہیں کہ اس تحصیل میں لگ بھگ 10 ہزار ایکڑ زرعی رقبہ ہے جہاں مختلف سبزیوں کے علاوہ تربوزہ، خربوزہ، بیر، کجھور، چارہ جات، کاٹن، گندم، گوار اور ماش وغیرہ کاشت ہوتی ہیں۔

وہ کہتے ہیں کہ شادی کور میں پھول گوبھی، گاجر، پالک، بند گوبھی، آلو، مولی، شلغم، بھنڈی، مرچ، ٹماٹر ، لوکی، خیار (کھیرا)، مٹر اور پیاز زیادہ کاشت ہوتے ہیں۔ یہ ضلع کیچ اور گوادر کی 30 سے 40 فیصد سبزی کی ضرورت پوری کرتے ہیں جبکہ پسنی شہر کو بھی شادی کور سے سبزی کی ترسیل ہوتی ہے۔

<h2>شادی کور ڈیم کی بحالی</h2>

تکنیکی معلومات فراہم کرنے والے ادارے<a href="https://www.geoengineer.org/on-this-day/02/10">&#39;جیو انجنیئر</a>&#39; کے مطابق اس علاقے (شادی کور) کی آبپاشی کے لیے 2003ء میں ساڑھے چار کروڑ( 45 ملین ) روپے کی لاگت سے پسنی شہر کے تقریباً 50 کلومیٹر (31 میل) شمال میں شادی کور ندی پر ایک ڈیم تعمیر کیا گیا تھا جو 10 فروری 2005ء کو شدید بارشوں کے باعث ٹوٹ گیا۔

اقوام متحدہ کے دفتر برائے رابطہ برائے انسانی امور (او سی ایچ اے) کے مطابق فروی 2005ء میں شادی کور ڈیم ٹوٹنے&nbsp; سے 82 افراد ہلاک ہو گئے تھے جبکہ سیلاب سے ساڑھے پانچ ہزار کے قریب لوگ شدید متاثر ہوئے تھے۔

2008ء میں شادی کور ڈیم کی بحالی کا منصوبہ بنایا گیا جس کی سنٹرل ڈیویلپمنٹ ورکنگ پارٹی&nbsp; نے 2009ء میں منظوری دی لیکن بعد ازاں (سی پیک کے باعث)&nbsp; پی سی ون میں ترمیم کی وجہ سے اس پر 2015ء تک کام شروع نہ ہو سکا۔ تاہم نئے پی سی ون میں پسنی، ارد گرد کی آبادیوں اور گوادر کو صاف پانی کی فراہمی کی سکیمیں بھی شامل کی گئی تھیں۔

وفاقی پبلک سیکٹر ڈیویلپمنٹ پروگرام کے ذریعے تین ارب 80 کروڑ روپے کی لاگت سے اس ڈیم کے پہلے فیز&nbsp; کی تعمیر مکمل کی گئی تھی تاہم منصوبے کی مجموعی لاگت کا تخمینہ 7.9 ارب روپے بتایا گیا۔

بعدا ازاں قومی اسمبلی کو بتایا گیا تھا کہ شادی کور&nbsp; ڈیم 31 اکتوبر 2016ء کو مکمل ہو چکا ہے جس میں <a href="https://na.gov.pk/uploads/documents/questions/1509973933_610.pdf">پانی ذخیرہ کرنے کی گنجائش 37 ہزار ایکڑ فٹ ہے</a> جو شادی کور کے سات ہزار 595 ایکڑ (3075 ہیکٹر) رقبے کو 70.28 کیوسک پانی فراہم کرے گا۔

<h2>ڈیم کا ہونا نہ ہونا برابر</h2>

ایکسیئن آبپاشی بیبگر بابو بتاتے ہیں کہ اس ڈیم سے 70 کیوسک پانی کی فراہمی کے لیے ایک کینال نکالی گئی ہے لیکن اس میں صرف 12 کیوسک سپلائی دی جا رہی ہے۔ جس میں سے آٹھ کیوسک زرعی زمینوں کے لیے استعمال ہو رہا ہے، چار کیوسک پانی واٹر ٹینکروں کے ذریعے پسنی شہر کو فراہم کیا جا رہا ہے۔

وہ کہتے ہیں کہ مین آؤٹ لٹ ( کینال) سے 10 واٹر چینل (کھالے) نکالے گئے ہیں جو کھیتوں تک پانی پہنچاتے ہیں۔

شادی کور ڈیم کے ذخیرے کا پانی کمانڈ ایریا (سات ہزار 595 ایکڑ) سے بھی زیادہ زمین سیراب کرنے کے لیے کافی ہے۔ تاہم یہاں ابھی تک صرف 700 ایکڑ رقبہ ہی زیر کاشت لایا جا سکا ہے، باقی زمینیں بنجر پڑی ہیں۔

ان کا کہنا تھا کہ بنجر اراضی میں واٹر چینل (کھالے) نہیں بنائے گئے وہاں پانی پہنچانے کے لیے کسانوں کو خود محنت کرنا پڑے گی۔

ان کے بقول بارش کا سیزن شروع ہوتے ہی ڈیم بھر جاتا ہے اور پانی ندی میں چھوڑنا پڑتا ہے جو ضائع ہو جاتا ہے۔

2016ء میں اُس وقت کے وزیر اعظم نواز شریف نے جب اس ڈیم کا افتتاح کیا تو مقامی لوگوں کو توقع تھی کہ ان زمینوں کو پانی میسر آنے کے بعد یہاں کسانوں کو کا شت کے لیے وسائل مہیا کیے جائیں گے جس کے نتیجے میں علاقے کی معاشی حالت میں بہتری آئے گی۔

طاہر بلوچ مقامی زمیندار ہیں جنہوں نے گریجوایشن کے بعد کاشت کاری شروع کر دی تھی۔ وہ بتاتے ہیں کہ شادی کور ڈیم بننے کے ساتھ محکمہ آبپاشی نے کچھ کھیتوں اور باغات تک واٹر چینل پہنچا دیے جس سے سبزیوں کی کاشت بڑھ گئی مگر روایتی فصلوں سے تو چھوٹے کاشت کار کی لاگت ہی پوری نہیں ہوتی۔

وہ کہتے ہیں کہ چاہیے تو یہ تھا کہ محکمہ انہار تمام قابل کاشت زمینوں تک کھال پہنچاتا، نئے بیج، کھادیں، زرعی مشینری، پیسٹی سائیڈز، جڑی بوٹی ختم کرنے والی دوائیں متعارف کرائی جاتیں اور کسانوں کی تربیت ہوتی۔

کسانوں کورقبے آباد کرنے کے لیے سبسڈی پر زرعی مشینری دی جاتیں اور&nbsp; زرعی بینک وسائل فراہم کرتا۔

&quot;مگر ایسا کچھ نہیں ہوا۔&quot;

<h2>محکمہ زراعت کی عذر داریاں</h2>

&nbsp;محکمہ زراعت یہ تو تسلیم کرتا ہے کہ یہاں کسانوں میں زمین آباد کرنے کی استعداد نہیں ہے مگر کاشت کاروں کی صلاحیت اور وسائل میں اضافے کے لیے کوئی حکومتی ادارہ آگے بڑھنے کو تیار نہیں ہے۔

زرعی ترقیاتی بینک پسنی برانچ کے منیجر کریم بخش بتاتے ہیں کہ ان علاقوں میں اب تک سیٹلمنٹ (بندوبست اراضی) جاری ہے جس کے مکمل ہونے یعنی ریکارڈ محکمہ مال میں آنے تک کسی کو زرعی قرضہ نہیں ملے گا ۔سیٹلمنٹ کے بعد نیا ریٹ مقرر کیا جائے گا۔

&nbsp;&quot;پہلے ہم بارانی کاشت پر چھ ہزار روپے فی ایکڑ کے حساب سے قرض دیتے تھے مگر کچھ لوگوں نے لون واپس نہیں کیا جس کے بعد بینک نے یہاں قرض کی فراہمی روک دی ہے۔&quot;

زراعت افسر وسیم نور کا کہنا تھا کہ ان کے محکمے نے پچھلے سال کسانوں کو گندم کا بیچ فراہم کیا تھا۔ اس سال بھی ایک این جی اوز کے تعاون سے کاٹن، تربوز کے بیج اور ادویات فراہم کرنے کی کوشش کریں گے۔

&quot;کسانوں کی معاونت کی لیے ایک اور پراجیکٹ پر کام ہو رہا ہے۔ اس بار ہم کوشش کر رہے ہیں کہ سیمینارز کے ذریعے کاشت کاروں کو تربیت اور معلومات فراہم کی جائیں۔&quot;

رحیم بخش اپنے کنبے کے ساتھ 30 سال سےکاشت کاری کرتے آرہے ہیں۔ وہ بتاتے ہیں کہ پچھلے سال انہوں نے تین لاکھ روپے خرچ کرکے تربوز بویا تھا لیکن فصل تیار ہونے والی تھی کہ بارش نے سب ملیا میٹ کر دیا۔

&quot;ہم جہاں سے بیج، کھاد، ادویات، پلاسٹک وغیرہ ادھار لیتے ہیں، فصل بھی اسی سیٹھ کو دیتے ہیں۔ جب لاکھوں کی فصل بارش یا طوفان کی نذر ہو جائے قرض کیسے واپس کریں؟&quot;

'سمندر کے کنارے پر کھڑا ہوں اور پیاسا ہوں'، شادی کور ڈیم کے دیہات صاف پانی سے محروم

پسنی: وافر پانی میسر ہونے کے باوجود شادی کور کی زمینیں بنجر کیوں ہیں ؟

سنتے آئے تھے کہ &#39; ٹیلے چلتے ہیں&#39; لیکن اب ایسا ہی کچھ ہو رہا ہے بلوچستان کے ساحلی شہر پسنی میں ریت 70 گھروں کو نگل چکی ہے۔ جبکہ پورے تین محلے اس کی لپیٹ میں ہیں جہاں کے درجنوں مکین بے بسی سے اپنے گھروں کو ریت برد ہوتا دیکھ رہے ہیں۔

یہ اچانک کسی طوفان یا زلزلے کی وجہ سے نہیں ہوا بلکہ ایک مسلسل عذاب ہے جس سے یہاں کے باسی نبرد آزما ہیں۔ جو صبح ہوتے ہی گھروں کو بچانے لگ جاتے ہیں اور جو دن کو محنت مزدوروی کرنے جاتے ہیں وہ واپس آ کر آدھی رات تک ریت گھروں سے نکالتے ہیں۔

ماسی جماعتی &#39;محلہ نصراللہ&#39; کی رہائشی ہیں۔ وہ بتاتی ہیں کہ اس ریت کی وجہ سے ان کی زندگی مفلوج ہو کر رہ گئی ہے۔ ان کا باورچی خانہ مٹی کے نیچے دب چکا ہے اور اب تو صحن میں کھانا بنا کر بھی ان کا خاندان روٹی کے ساتھ ریت کھا رہا ہوتا ہے۔

وہ کہتی ہیں کہ اس مہنگائی میں اگر گھر کا مرد ایک دن بھی مزدوری پر نہ جائے تو بچے خالی پیٹ سوتے ہیں۔

&quot; میرے شوہر صبح سمندر میں جاتے تھے تو ہم اس امید میں ہوتے تھے کہ واپسی پر کچھ مچھلیاں گھر بھی لے آئیں گے لیکن وہ گھر سے ریت نکالتے نکاتے خود بیمار پڑ گئے ہیں۔ اب ہم نانِ شبینہ سے محروم ہو گئے ہیں۔ مدد کے لیے کونسلروں سے لے کر ایم پی اے تک کے پاس گئے مگر کوئی فائدہ نہیں ہوا۔&quot;

پسنی کبھی مکران کے ساحلی علاقوں کی معاشی سرگرمیوں کا مرکز ہوا کرتا تھا جہاں سے خشک مچھلی سری لنکا، نیپال، سنگاپور وغیرہ کو برآمد ہوتی تھی اور لوگ خوش حال زندگی گزار رہے تھے۔ اب یہ باتیں اگرچہ ماضی کا حصہ بن چکی ہیں تاہم اب بھی یہاں کے باسیوں کا ذریعہ معاش ماہی گیری ہی ہے۔

شہر کے جنوب مغرب میں ایک بڑا ٹیلہ ہے جسے مقامی لوگ &#39;مستانی ریک&#39; کہتے ہیں۔ &#39;مستانی&#39; بلوچی میں پاگل اور &#39;ریک&#39; ریت کو کہا جاتا ہے۔ ساحل کی طرف سے چلنے والی ہواؤں کے نتیجے میں یہ &#39;پاگل ریت&#39; آگے بڑھتی اور شہر ایک حصے کو اپنی لپیٹ میں لیتی جا رہی ہے۔

ضلع گوادر کی تحصیل پسنی کے اس مرکزی شہر کی آبادی 64 ہزار ہے جس کے جنوب مغرب میں &#39;پاگل ٹیلے&#39; کی لمبائی تقریباً چھ کلومیٹر اور چوڑائی نصف کلومیٹر ہے۔ اب اس ریت نے کلانچی محلہ، ھشتی کنڈ، نصراللہ محلہ اور عیدگاہ کو گھیر رکھا ہے۔

&nbsp;ریت میں گھرے ان محلوں میں 64 خاندانوں کے گھر زیادہ متاثر ہو رہے ہیں۔ محلہ نصراللہ کے ساتھ ٹیلے کی اونچائی لگ بھگ 80 فٹ ہشتی کنڈ اور بنگلہ بازار کے قریب 50 فٹ جبکہ عیدگاہ کے علاقے میں اونچائی 70 فٹ ہے۔

چھیالیس سالہ محمد عمر ٹرک اڈے پر مزدوری کرتے ہیں ۔ وہ بتاتے ہیں کہ سورج طلوع ہوتے ہی وہ اور ان کے بچے گھر سے ریت نکالنے میں لگ جاتے ہیں۔ جبکہ دوسروں کے بچے سکول جا رہے ہوتے ہیں۔

&quot;کون نہیں چاہتا کہ ان کے بچے سکول جائیں لیکن ہم افسوس کے علاوہ اور کچھ نہیں کر سکتے۔ میں مزدور آدمی ہوں اور ماہانہ 25 ہزار روپے کماتا ہوں۔ ہم تو کہیں اور جا بھی نہیں سکتے اور اگر جائیں بھی تو کہاں؟&quot;

ستم ظریفی یہ ہے کہ گوادر کی ضلعی انتظامیہ نہ صرف اس صورت حال سے پوری طرح واقف ہے بلکہ تصدیق کرتی ہے کہ اب تک پسنی میں 70 کے قریب گھر ریت برد ہو چکے ہیں۔ اس کے باوجود خاموش تماشائی بنی ہوئی ہے۔

محمد عمر کا کہنا تھا کہ وہ پچھلے 40 برس سے اس علاقے میں رہائش پذیر ہیں جہاں کئی گھر ٹیلوں کے نیچے چلے گئے ہیں۔ تاہم وہ وہاں سے تھوڑا پیچھے آ گئے تھے اب یہاں بھی وہی حالت ہے۔

&quot; جب ہم سرکار سے زمین مانگتے ہیں تو سرکاری نمائندے آتے ہیں اور تصویر کھینچ کر چلے جاتے ہیں۔ ایک بار گوادر کے ڈپٹی کمشنر نے متبادل جگہ دینے کا وعدہ کیا تھا لیکن ان کا وعدہ بھی آج تک پورا نہیں ہوا۔&quot;

اس حوالے سے اسسٹنٹ کمشنر پسنی بتاتے ہیں کہ ریت سے متاثرہ 64 گھرانوں کو ببر شور کے علاقے میں 25 ایکڑ رقبہ جلد الاٹ کر دیا جائے گا۔ کوشش ہے کہ ان لوگوں کو جلد سے جلد زمین الاٹ کر کے کاغذات حوالے کر دیے جائیں۔

معلوم ہوا ہے کہ ریت متاثرین کے لیے چیئرمین ضلع کونسل گوادر سید معیار جان نوری نے انتظامیہ کو ببرشور وارڈ نمبر 1 میں اپنی ذاتی زمین دینے کی پیشکش کی ہے جس کو انتظامیہ نے قبول کر لیا ہے۔

معیار جان نوری نے اس بات کی تصدیق یا تردید نہیں کی تاہم انہوں نے کہا کہ وہ مسئلہ 90 فیصد حل کر چکے ہیں اور پسنی میں ریت متاثرین کو جلد اچھی خبر دیں گے۔

اربن پلاننگ کے ماہر غلام یاسین نے لوک سجاگ بتایا کہ ساحلی شہر پسنی کے ایک طرف بحرہ عرب اور دوسری طرف صحرا مستانی واقع ہے۔ ہر سال موسم گرما میں ہوائیں چلنے سے شہر کی قدیمی آبادی متاثر ہو رہی ہے اور گھر ریت کے نیچے آتے چلے جا رہے ہیں۔

وہ کہتے ہیں کہ اگر ہیوی مشینری سے صحرا مستانی کے اوپر کی سطح پر لیولنگ کی جائے تو شہر کو نہ صرف آبادی کے لیے نئی جگہ میسر آئے گی بلکہ نیچے میں قدیمی آبادی کا بچاؤ بھی ممکن ہوگا۔ اور اس سب پر ایک اندازے کے مطابق دو سے ڈھائی کروڑ روپے خرچ ہوں گے۔

محمد عمر کہتے ہیں کہ جب بھی ہوائیں چلتی ہیں شہر بھر میں سانس لینا مشکل ہو جاتا ہے کیونکہ ریت کے ذرات آنکھوں، منہ اور ناک میں گھس جاتے ہیں۔ کچھ لوگ ماسک تو پہن لیتے ہیں مگر آنکھوں کو کیسے بچائیں کاش اس کا بھی کوئی حل نکل سکتا۔

ماہر سول انجیئنر طاہر میر سمجھتے ہیں کہ ریت کو پیچھے دھکیلنے پر زیادہ اخراجات نہیں آئیں گے لیکن یہ مسئلے کا عارضی حل ہو گا اس سے ریت ہمیشہ کے لیے نہیں رکے گی۔

وہ کہتے ہیں کہ شہر میں کوئی پارک نہ ہونے کی وجہ سے شام کے وقت ٹیلے پر لوگوں کا رش ہوتا ہے۔ بہتر یہ ہو گا کہ ٹیلے کو تفریح پارک میں بدل دیا جائے۔ جس سے ریت آگے نہیں بڑھے گی اور شہریوں کو بھی صاف ستھرا ماحول میسر آئے گا۔

وارڈ نمبر پانچ کے رہائشی 60 سالہ حاصل مزدوری کرتے ہیں۔ وہ بتاتے ہیں کہ ان کا پورا محلہ ریت میں دھنستا جا رہا ہے اور کوئی پرسان حال نہیں۔ سیاسی لوگ انتخابات کے وقت آتے ہیں وعدے کر کے چلے جاتے ہیں اور اس کے بعد کوئی دکھائی نہیں دیتا۔

وہ طنزیہ کہتے ہیں کہ انہیں ایک لحاظ سے اس ریت کا بہت فائدہ ہے۔&quot;ہمیں قبر اور کفن کی ضرورت نہیں پڑے گی کیونکہ ایک دن ریت کا یہ ڈھیر ہمیں بھی اپنے نیچے زندہ دفن کر دے گا۔ اور پھر سیاست دان آ کر ہماری بے نشاں قبروں پر اپنی سیاست چمکائیں گے۔&quot;

سمندری حیات کے لیے مشہور پسنی کا ساحلی علاقہ مچھلیوں سے خالی کیوں ہو رہا ہے؟

پسنی: "یہ ریت ہمیں زندہ دفن کر دے گی اور سیاست دان ہماری بے نشاں قبروں پر سیاست چمکائیں گے"

گوادر کے ساحلی قصبے کلمت ہور کے نودو پچھلے تیس برس سے ماہی گیری کر رہے ہیں۔ یہی ان کے سات افراد پر مشتمل کنبے کی روزی روٹی کا واحد ذریعہ ہے۔ ان کے پاس مچھلیاں پکڑنے کی اپنی کشتی ہے اور&nbsp; وہ چند سال پہلے تک اس پر شکار کر کے 40 ہزار ماہانہ کما لیا کرتے تھے۔ 
وہ بتاتے ہیں کہ چند سال پہلے ساحل پر فشنگ ٹرالر آنا شروع ہو گئے اور چھوٹی کشتی والے ماہی گیروں کی روزی تنگ ہونے لگی۔

وہ بتاتے ہیں کہ چند روز قبل سندھ سے آنے والے 30 ٹرالروں نے ساحل کے قریب کھڑی ان کی کشتیوں پر دھاوا بول دیا۔ ان لوگوں نے کلمت کے ماہی گیروں کی کشتیوں کے جال اور لنگروں کی رسیاں کاٹ دیں۔ جس سے سات کشتیاں سمندر برد ہو گئیں۔

گڈانی سے جیوانی تک چھ سو کلو میٹر طویل مکران کے ساحل پر گیارہ بڑی آبادیاں ہیں۔ جن میں گڈانی، اورماڑہ، ماکولا، کلمت، پسنی، چربندن، شمال بندن، کپّر ، سربندن، گوادر پلیری اور جیوانی شامل ہیں۔ یہاں کے 80 فیصد لوگوں کا روزگار ماہی گیری سے وابستہ ہے۔ جو لگ بھگ دو لاکھ خاندان بنتے ہیں۔

یہاں کی تمام مچھلی اور جھینگا ایکسپورٹ کے لیے کراچی جاتا ہے۔ ساحلی آبادیوں میں کلمت بھی تحصیل پسنی میں ماہی گیروں کی ایک بستی ہے۔ یہ کوسٹل ہائی وے سے 20 کلومیٹر دور ایک قدرتی جیٹی(کھاڑی) ہے۔ جہاں سے کشتیاں با آسانی سمندر میں آتی جاتی ہیں۔ یہ آبادی تین ہزار کے قریب ماہی گیر گھرانوں پر مشتمل ہے۔

&nbsp; ماہی گیر نودو کا کہنا تھا کہ کلمت اعلیٰ اقسام کی مچھلی اور ٹائیگر جھینگے کے لیے مشہور تھا۔ وہ صبح سویرے جاتے تھے اور شام کو مطمئن واپس لوٹتے تھے۔

&quot;بستی کے بچے ساحل پر کشتیوں کا انتظار کر رہے ہوتے تھے۔ ہم &#39;پاپلیٹ&#39; اور &#39;مشکا&#39; بچوں کو دے دیتے تھے۔ وہ جا کر یہ مچھلیاں بیچتے تھے اور ان پیسوں سے کئی بیواؤں اور غریبوں کے گھر چلتے تھے&quot;۔

&nbsp;انہوں نے دکھ کا اظہار کیا کہ اس &#39;ٹرالر دہشتگردی&#39; کی وجہ سے اب ماہی گیر نہ صرف سمندر سے خالی ہاتھ لوٹتے ہیں بلکہ بختیار، مراد بخش، مولاداد، لیاقت، محبت خان،رحیم داد اور وہ خود کشتیوں سے بھی محروم ہو چکے ہیں۔

&nbsp;رحیم داد بتاتے ہیں کہ پچھلے ماہ انہوں نے ٹھیکیدار سےایک لاکھ روپے ادھار لے کر جال خریدا تھا۔ لیکن سب امیدوں پر پانی پھر گیا۔اب پریشانی یہ ہے کہ وہ ادھار کیسے چکائیں گے اور گھر کا راشن کس طرح پورا کریں گے۔

وہ کہتے ہیں کہ اس روز موسم خوش گوار تھا اور بہتر شکار کی امید تھی۔ وہ اور ان کے ساتھی سمندر میں جال لگا کر بیٹھے تھے۔ اچانک کسی نے آواز دی &quot; ناخدا !دیکھو ٹرالر ہیں۔&quot;

&quot;ٹرالر میرے جالوں کے اوپر سے گزر رہے تھے۔ ہم نے آوازیں لگانا شروع کیں تو ان ٹرالروں نے چھ اور کشتیوں کو بھی لتاڑ دیا۔ ہمارے احتجاج پر وہ ہم پر پتھر برسا رہے تھے۔&quot;

بلوچستان فشریز آرڈیننس 1971ء کے تحت ساحل سے بارہ ناٹیکل میل تک صوبائی حکومت کی سمندری حدود ہیں۔ یہاں صوبائی حکومت ہی فشنگ کی اجازت دے سکتی ہے۔ اس قانوں کے مطابق بارہ ناٹیکل میل پر مقامی لوگوں کے حقوق ہیں اور ٹرالر کے شکار کے&nbsp; لیے یہ ممنوع علاقہ ہے۔

کلمت ہی کے رہائشی جمعہ 30 سال سے ماہی گیری کر رہے ہیں۔اب ان کے بیٹے بھی اسی پیشے سے وابستہ ہیں۔ وہ بتاتے ہیں کہ ٹرالروں نے مکران کا ساحل تباہ کر دیا ہے اور ان میں روز بروز اضافہ ہورہا ہے۔ یہ دن دہاڑے آتے ہیں اور مقامی لوگوں کے قیمتی جال اور دیگر سامان کو روند ڈالتے ہیں۔ غریب ماہی گیر اتنا بڑا نقصان برداشت نہیں کر سکتے۔

وہ کہتے ہیں کہ مچھیروں کی کشتیاں چھوٹی ہوتی ہیں اور ہر کشتی پر تین یا چار لوگ روزی کماتے ہیں۔ ان کے جال بھی چھوٹے اور ہر سیزن کی مچھلی کے لیے مختلف ہوتے ہیں۔ لیکن ٹرالر کا ایک ہی بڑا جال سب کچھ تہس نہس کر دیتا ہے۔اب کلمت کے ماہی گیر احتجاجاً سمندر میں نہیں جا رہے۔

عزیز اسماعیل انجمن ماہی گیران پسنی کے صدر ہیں۔ وہ بتاتے ہیں کہ فشریز کے ساتھ کوسٹ گارڈز اور ایم ایس میرین بھی اگر چاہیں تو ان ٹرالروں کو روک سکتے ہیں۔

&nbsp;&quot;لیکن ہم ماہی گیروں کی بدقسمتی یہ ہے کہ با اثر لوگ خود اس غیر قانونی ٹرالنگ میں ملوث ہیں۔ بھتہ خور یہ دھندہ بند نہیں کرانا چاہتے۔ جبکہ ہم بیروزگار ہو رہے ہیں، یہاں لوگوں کا کاروبار ختم اور مقامی فش کمپنیاں بند ہو رہی ہیں۔&quot;

انہوں نے کہا کہ مچھیرے سمندر کے شکار&nbsp; سے دست بردار ہو رہے ہیں۔ ٹرالرنگ کے باعث گڈانی سے جیوانی تک تمام آبادی کا معاشی قتل ہو رہا ہے اور اس کے ذمہ دار سیاست دان اور محکمہ فشریز&nbsp; ہے۔

&nbsp;محکمہ فشریز کے ایک افسر نے اپنا نام ظاہر نہ کرنے کی شرط پر لوک سجاگ سے گفتگو کی ہے۔ وہ بتاتے ہیں کہ محکمہ ان ٹرالروں کو روکنے کی دن رات کوشش کر رہا ہے۔ فشریز نے اب تک بیسیوں بار ٹرالرز کو پکڑا ہے مگر یہ لوگ عدالت کے ذریعے نکل جاتے ہیں اور پھر شکار&nbsp; کے لیے واپس آ جاتے ہیں۔

وہ کہتے ہیں کہ کچھ ٹرالرز کے پاس جدید اسلحہ بھی ہوتا ہے ۔جب اہلکار قریب جاتے ہیں تو وہ فائرنگ شروع کر دیتے ہیں۔ ان کے پیچھے کوئی طاقتور لوگ ہیں۔ یہ بھی ہو سکتا ہے فش کمپنیاں ملوث ہوں۔ جو ان لوگوں کو برف اور تیل فراہم کرتی ہیں اور وہاں سے مچھلی لیتی ہیں۔

فشریز افسر کا کہنا تھا کہ ایسا لگتا ہے کہ کچھ مقامی لوگ بھی ٹرالر والوں کے مخبر ہیں &quot;جب ہم پٹرولنگ کے لیے نکلتے ہیں تو ٹرالر والے فرار ہوجاتے ہیں۔ ہم چوبیس گھنٹے بھی پٹرولنگ کریں تو وہ ساحل کے قریب نہیں آتے۔ ٹیم واپس آتے ہی ٹرالر ساحل پر آ جاتے ہیں۔ ہم انہیں ایک حد تک ہی روک سکتے ہیں۔&quot;

کوسٹ گارڈ اور ایم ایس میرین اس معاملے کو سول محکمہ سے متعلقہ قرار دیتے ہیں اور وہ ٹرالرنگ پر بات کرنے کو بھی تیار نہیں ہیں۔

آبی حیات کے ماہرِ اور پی ایچ ڈی سکالر واجد علی بتاتے ہیں کہ فشنگ ٹرالر کا طاقتور جال سمند کی تہہ سے مچھلی کے ساتھ انڈوں کو تباہ کر دیتا ہے۔یہ گہرے پانی میں کچھوے اور دیگر سمندری حیات کو بھی سمیٹ لیتا ہے۔

وہ کہتے ہیں کہ ٹرالر ساحل کے قریب گہرے پانی میں ایکو سسٹم کو قائم رکھنے والی حیاتیات کو ختم کر رہے ہیں۔ یہ فطرت میں مداخلت اور مچھلیوں کی نسل کُشی ہے۔ اس سے ہر صورت گریز کرنا ہو گا۔

عالمی ادارے ڈبلیو ڈبلیو ایف کے معاون معظم خان بھی واجد علی سے اتفاق کرتے ہیں۔ وہ بتاتے ہیں کہ ٹرالنگ کے آلات سمندر میں جھاڑو پھیر دیتے ہیں اور نیچے سطح کو ہل کی طرح کھود دیتے ہیں، یہ آبی حیات کی تباہی ہے۔

کراچی کا دسترخوان اور ماہی گیروں کے کھانے: ایک ثقافت کی اپنی بقا کی جنگ کی کتھا

بلوچستان کے ضلع واشک میں 55 سالہ کریم بخش کا گھر ڈھائی ماہ پہلے سیلاب میں بہہ گیا تھا اور اب وہ بیوی اور سات بچوں کے ساتھ ایک خیمہ بستی میں مقیم ہیں۔ سیلاب آنے سے پہلے وہ اپنے گاؤں غریب آباد میں کھیتی باڑی کر کے روزی کماتے تھے لیکن سیلاب نے کھیت کھلیان اجاڑ دیے اور انہیں یوں لگتا ہے کہ ان کی زندگی بھی اجڑ گئی ہے۔

غریب آباد ایران کی سرحد سے تقریباً 35 کلومیٹر دور ہے جہاں انہوں نے دس سال کی محنت سے دو کمرےکا چھوٹا سا گھر بنایا تھا جو اب مٹی کا ڈھیر بن چکا ہے۔ سیلاب کے بعد سرکاری محکمے کے چند اہلکاروں نے ان کے گاؤں کا دورہ کر کے تصاویر بنائی تھیں اور کھانے پینے کے سامان کے چند پیکٹ بھی دے گئے تھے جن میں زیادہ تر اشیا زائد المعیاد نکلیں۔

وہ بتاتے ہیں کہ سیلاب کےبعد سر چھپانے کو درخت کا سایہ بھی میسر نہیں تھا۔ بچے شدید گرمی کے موسم میں خیموں میں جھلستے رہے۔ اب سردیاں آنے کو ہیں اور وہ نہیں جانتے کہ اس موسم میں گزارا کیسے کریں گے۔

واشک&nbsp; پہلے ضلع خاران کی تحصیل ہوا کرتی تھی۔2005 ء میں تین تحصیلوں واشک، ماشکیل اور ناگ پر مشتمل الگ ضلع بنا دیا گیا۔اب اس ضلعے کی کل آبادی ایک لاکھ 76 ہزار ہے۔ واشک کے مغرب میں ایرانی سرحد&nbsp; مشرق میں ضلع خضدار، شمال میں چاغی اور جنوب میں ضلع پنجگور&nbsp; واقع ہے۔ 
اندازے کے مطابق ضلع واشک&nbsp; سے سالانہ لگ بھگ دس کروڑ کی کجھور&nbsp; ملکی مارکیٹ میں سپلائی کی جاتی ہے۔ یہاں کی 80 فیصد آبادی کا روزگار&nbsp; کجھور کے باغات سے منسلک ہے اور باقی 20 فیصد لوگ ایرانی پٹرول کے کاروبار پر انحصار کرتے ہیں۔

یہاں کھجور کے باغات کی آبپاشی کے لیے بارشوں پر انحصار کیا جاتا ہے۔ مقامی زمیندار بڑے بڑے بند باندھ کر&nbsp; برساتی ندیوں کا پانی جمع کرتے ہیں اور پھر&nbsp; یہی پانی&nbsp; کاریز کی طرح باغات&nbsp; کے لیے استعمال میں لاتے ہیں۔ جولائی میں غیر معمولی برسات کے باعث یہ &#39;زمیندارہ بند&#39; ٹوٹ گئے تھے جن سے نکلنے والے پانی نے علاقے میں تباہی مچا دی۔

سیلابی ریلوں نے غریب آباد، علیاں، بلوچ آباد اور&nbsp; قادر آباد و دیگر دیہات&nbsp; میں دو سو گھر&nbsp; ملیا میٹ کر دیے۔ اس آفت میں ایک ہزار سے زیادہ لوگ بے گھر ہوئے۔ ان متاثرین کی بیشتر تعداد ترعلی زی، لوراج،&nbsp; محمد حسنی اور ریکی قبائل سے تعلق رکھتی ہے۔

اسی علاقے کے رہائشی ملنگ بلوچ ایرانی تیل کے کاروبار سے وابستہ ہیں۔ انہوں نے دوستوں سے 20 لاکھ روپے قرض لے کر ایک زمباد (ایران سے تیل لانے کے لیے استعمال ہونے والی گاڑی ) خریدی تھی اور وہ سرحد سے تیل لا کر بیچتے تھے اور اسی سے ان کے دس افراد پر مشتمل خاندان کا گزارا ہوتا تھا۔

ان کا کہنا ہے کہ وہ اور ان جیسے دیگر لوگ اپنی زندگی کی قیمت پر بچوں کی روزی کماتے ہیں۔ کچھ پتا نہیں ہوتا کہ کب ایرانی فوج تیل والی گاڑیوں پر فائرنگ&nbsp; کر دیں۔ جب سیلاب آیا تو اس سے ایک روز پہلے ہی وہ سرحد سے آئے تھے اور دوبارہ واپس جانے کی تیاری کر رہے تھے۔

&quot; سیلاب آیا تو گھر کی دیوار میری زمباد گاڑی کے اوپر جا گری۔ گھر اور روزگار دونوں ختم ہو گئے۔ 20 لاکھ روپے ادھار بھی واپس کرنا ہے۔ گاڑی کو مرمت کرانے پر بھاری اخراجات آئیں گے جو میرے پاس نہیں ہیں۔ میں پریشان ہوں کہ اب گھر کیسے چلاؤں گا اور ادھار کیسے چکاؤں گا۔&quot;

35&nbsp; سالہ کھیت مزدور گل محمد بتاتے ہیں کہ سیلاب کے بعد محکمہ ڈیزاسٹر منیجمنٹ نے انہیں اور دیگر متاثرین کو خیمے اور کچھ راشن فراہم کیا۔ این جی اوز، سابقہ ارکان اسمبلی عیسیٰ ریکی، مجیب محمد حسنی، قادر بلوچ اور زاہد علی ریکی نے ذاتی حیثیت میں متاثرین کی مدد کی۔ لیکن تین چار ہزار روپے کی امداد چند روز کی ضروریات کے لیے ناکافی تھی۔

وہ کہتے ہیں کہ&nbsp; متاثریں کو کسی نہ کسی طرح فوری ریلیف تو کسی حد تک مل گیا مگر ان علاقوں میں بحالی کام آج تک شروع نہیں ہو سکا۔ کچھ لوگ رشتہ داروں کے گھروں میں رہنے پر مجبور ہیں۔ بیشتر خیمہ بستیوں میں بے یارو مددگار پڑے ہیں۔رات کو مچھروں کی بھر مار ہوتی ہے۔ بچے بیمار ہو رہے ہیں اور علاج کی کوئی سہولت میسر نہیں ہے۔

تیس سالہ فرید سیلاب سے متاثرہ ایک اور گاؤں بلوچ آباد کے رہائشی&nbsp; اور سماجی کارکن ہیں۔ وہ بتاتے ہیں کہ ضلع واشک کے ڈپٹی کمشنر عبدالقدوس اچکزئی یہاں آئے تھے اور لوگوں کے نقصانات کا ازالہ کرنے کا وعدہ کیا تھا۔ کچھ سیاسی نمائندوں نے بھی کہا تھا کہ وہ ان گھروں کو دوبارہ تعمیر کر کے دیں گے لیکن ابھی تک کوئی عملی کام نظر نہیں آیا۔

ان کا کہنا ہے کہ ایک سماجی تنظیم نے کچھ لوگوں کو پانچ پانچ ہزار روپے دیے ہیں جبکہ ایک اور نتظیم نے 30 خاندانوں کو&nbsp; مکان بنانے کے لیے دروازے اور کھڑکیاں فراہم کی ہیں۔ لیکن بحالی کے لیے جب تک حکومت آگے نہیں آئے گی ان متاثرین کی مشکلات کم نہیں ہوں گی۔

واشک میں حال ہی میں تعینات&nbsp; ہونے والے ڈپٹی کمشنر سجاد عالم کا کہنا ہے کہ ضلعی انتظامیہ اپنا کام کر رہی ہے اور سیلاب سے متاثرہ دو سو کے قریب بے گھر خاندانوں&nbsp; کے نقصانات کا ازالہ کرنے کی کوشش کی جا رہی ہے۔

&quot;سیلاب کے دوران ہم نے متاثرہ علاقوں&nbsp; کا دورہ کیا تھا۔ ہمیں لوگوں کے تکالیف کا احساس ہے۔ یہاں راشن اور دوائیں بھی پہنچائی تھیں اور بے گھر لوگوں کی&nbsp; بنیادی ضروریات پوری کی ہیں۔ جو ہمارے بس میں تھا کیا اور انشاء اللہ حکومت جلد ان سیلاب متاثرین کو گھر تعمیر کر کے دے گی۔&quot;

خاک ہو جائیں گے ہم تم کو خبر ہونے تک: کوئٹہ میں سیلاب متاثرین کی بحالی کا کام کب شروع ہو گا؟

'گرمی جیسے تیسے خیموں میں کاٹ لی، سردی میں ہمارا کیا بنے گا'، واشک میں سیلاب متاثرین کی دہائی

ساٹھ سالہ موسیٰ گوادر کی تحصیل پسنی کے گاؤں زہرین کہور میں رہتے اور جنگل سے لکڑی کاٹ کر گزربسر کرتے ہیں۔ پانچ افراد پر مشتمل ان کے خاندان کی روزی روٹی کا یہی واحد ذریعہ ہے۔

&nbsp;موسیٰ کو چند روز قبل ملیریا ہو گیا تھا ۔ابھی ان کا علاج چل رہا ہے۔ وہ بتاتے ہیں کہ انہیں روزانہ انجکشن لگلوانے کے لیے 45 کلومیٹر دور پسنی شہر جانا پڑتا ہے۔ جانے آنے اور ٹیکے پر ان کے ایک ہزار روپے لگ جاتے ہیں۔

&quot;میرے لیے دو وقت کی روٹی پوری کرنا ہی دشوار ہے۔ ایسے حالات میں ہر روز ہزار روپے ایک ٹیکے پر خرچ کروں تو بچوں کو کیا کھلاؤں؟ یہاں گاؤں کے ہسپتال میں ڈاکٹر تو کیا ایک ڈسپنسر بھی حاضر ہوتا تو یہ نوبت نہ آتی۔&quot;

ماسی ماہکان اب عمر کی پانچویں دہائی میں ہیں۔ چند سال قبل ان کی آخری زچگی کے دوران پیچیدگی ہو گئی تھی۔چونکہ مقامی ہسپتال بند تھااس لیے انہیں پسنی جانا پڑا۔

وہ کہتی ہیں اگر ہمیں بر وقت گاڑی نہ ملتی یا گھر میں 15 ہزار روپے نہ ہوتے تو آج میں اپنی بچی سے محروم ہوتی یا خود دنیا سے رخصت ہو چکی ہوتی&quot;۔

وہ بتاتی ہیں کہ اس گاؤں کے ہسپتال میں کئی سال سے ڈاکٹر نہیں ہے۔ معمولی بخار کے لیے بھی روزی روٹی چھوڑ کر پسنی جانا پڑتا ہے۔ کسی حکومتی نمائندے کو کبھی لوگوں کا خیال نہیں آیا۔ بس ووٹ مانگنے آ جاتے ہیں۔

ضلع گوادر کا یہ علاقہ&#39; شادی کور&#39; کہلاتا ہے۔یہ کئی چھوٹے دیہات پر مشتمل زرعی خطہ ہے۔ تحصیل ہیڈ کوارٹر پسنی یہاں سے 45 کلو میٹر اور دوسرا قریبی شہر تربت تقریباً 130 کلو میٹر دور ہے۔

زہرین کور شادی کور میں آبادی کے لحاظ سے سب سے بڑا گاؤں ہے۔دو ہزار کے قریب آبادی کے اس گاؤں میں 2007ء میں ایک ہسپتال کا سنگ بنیاد رکھا گیا۔ 2009ء میں عمارت کی تعمیر مکمل ہو نے پر اسے محکمہ صحت کے حوالے کردیا گیا۔ یہ سول ڈسپنسری (سی ڈی) ہسپتال کہلاتا ہے۔

شادی کور کے 39 سالہ دل مراد بتاتے ہیں کہ اس ہسپتال بلڈنگ کی تکمیل پر علاقے کے باسیوں میں خوشی کی لہر دوڑ گئی تھی۔ ہر جگہ یہی بات ہورہی تھی کہ اب معمولی علاج کے لیے پسنی یا تربت&nbsp; نہیں جانا پڑے گا مگر لوگوں کی امید پوری نہیں ہوئی۔

&quot;ہسپتال ہونے کے باوجود ہم علاج کی سہولت سے محروم ہیں۔ سواری کے لیے الگ خوار ہونا پڑتا ہے۔ ہم لکڑی یا گھاس سے لوڈ پک اپ گاڑیوں پر پسنی جاتے ہیں۔ بوڑھے لوگ ان گاڑیوں پر سوار ہی نہیں ہو سکتے۔&quot;

زہرین کہور ہی کے فضل علی بتاتے ہیں کہ ہسپتال بننے پر یہاں ڈاکٹر پھلان بلوچ کو تعینات کیا&nbsp; گیا تھا۔ ہسپتال چل پڑا مگر چار سال بعد ڈاکٹر پھلان بلوچ کا یہاں سے کلمت تبادلہ ہوگیا۔ تب سے ہسپتال میں کسی ڈاکٹر کی تعیناتی نہیں ہوئی۔

&quot;ڈاکٹر کی عدم موجودگی میں عملہ بھی ہسپتال سے غائب ہوتا گیا۔آخر کار یہ خوبصورت عمارت کھنڈر بن گئی۔ دروازوں پر زنگ آلود تالے اور کمروں کی دیواروں میں دراڑیں پڑ گئیں۔ اب یہ بھوت بنگلے کا منظر پیش کرتی ہے جس میں کوئی داخل نہیں ہوتا۔

محکمہ صحت کے ایک اہلکار نے نام ظاہر نہ کرنے کی شرط پر بتایا کہ زہریں کہور ہسپتال میں چند ماہ پہلے تک چھ ملازم تعینات تھے۔ان میں دو ویکسی نیٹر، دو خواتین اہل کار اور دودرجہ چہارم کے اہلکار شامل ہیں۔ا ایک چپڑاسی کا انتقال ہو چکا ہے۔

ان کا کہنا ہے کہ صرف ڈاکٹر اور ایک چپڑاسی کی اسامیاں خالی ہیں۔ ہسپتال کے دیگر اہلکار گاؤں میں موجود ہیں مگر ڈیوٹی پر نہیں جاتے ۔ڈاکٹر کا تبادلہ ہوا تو سٹاف نے بھی ڈیوٹی پر آنا کم کر دیا تھا۔

&quot;اس دوران ہسپتال کی عمارت کو ایک سرکاری ادارے نے استعمال کرنا شروع کر دیا تھا۔ کچھ برس عمارت ان کے پاس رہی ۔پھر ایک ٹھیکدار نے اس پر قبضہ جما لیا۔اس صورت حال پر اہل کاروں نے عمارت میں جانا مناسب نہیں سمجھا۔اب توبلڈنگ کی حالت ویسے ہی خراب ہے۔&quot;

مقامی سماجی کارکن لعل بخش بتاتے ہیں کہ ہسپتال دس سال سے بند ہے۔ یہاں کبھی کوئی حکومتی نمائندہ آیا ہے نہ ہی محکمہ صحت کا کوئی افسر۔ ہسپتال کا تمام عملہ مقامی ہے لیکن ڈیوٹی نہیں دیتا۔ تاہم سرکاری کاغذوں میں یہ ہسپتال فعال ہے۔

گوادر کے ڈسٹرکٹ ہیلتھ آفیسر لطیف دشتی بتاتے ہیں کہ شادی کور، کیچ سے کافی دور ہے۔ راستے انتہائی غیر ہموار ہیں۔ڈاکٹروں کے لیے وہاں جانا مشکل ہے۔ اب ہسپتال کی عمارت بھی ناکارہ اور ناقابلِ رہائش ہوچکی ہے۔ تاہم اس کے باوجود ان کی پوری کوشش ہے کہ شادی کور ہی کے رہائشی کسی ڈپلومہ ہولڈر ڈسپنسر کو وہاں تعینات کر دیا جائے۔اس کے لیے دو افراد کے نام تجویز بھی کئے گئے ہیں۔ امید ہے ہسپتال کو جلد فعال کر لیا جائے گا۔

لطیف دشتی نے بتایا کہ کہ جب ہسپتال فعال تھا تو اس مہیں ہر ماہ دو سو کے قریب مریض آتے تھے۔ان میں زیادہ تعداد بچوں کی ہوتی تھی۔ سی ڈی ہسپتال کے قریب ہی ایک مویشی ہسپتال کی عمارت 2011 ء میں مکمل ہو گئی تھی لیکن اس کا اب تک افتتاح نہیں ہوسکا۔ یہ عمارت بھی خراب ہونے لگی ہے۔ اب کوشش ہے مویشی ہسپتال کی عمارت میں سی ڈی ہسپتال کو دوبارہ&nbsp; فعال کیا جائے۔

ضلع قلعہ عبداللہ: 'میری اہلیہ کو لیڈی ڈاکٹر میسر آتی تو اس کی جان بچ سکتی تھی'

"علاقے میں ہسپتال ہونے کے باوجود ملیریا کا ٹیکہ لگوانے 45 کلومیٹر دور جانا پڑتا ہے"

کسی دور میں ناخدا معیار فجر سے پہلے اٹھ کر ساحل پر لنگر انداز اپنی چھوٹی کشتیوں کی جانب روانہ ہو جاتے تھے۔ وہ انہیں اس امید کے ساتھ سمندر میں اتارتے کہ جلد شکار کر کے دوپہر کے کھانے کے لیے اپنے گھر لوٹ آئیں گے۔ اس دوران وہ پاپلیٹ، سورو ، گرانز اور دیگر اقسام کی مچھلیاں پکڑ کر لایا کرتے تھے۔ لیکن اب سمندر میں ان مچھلیوں کا نام و نشان نہیں ملتا۔

معیار کہتے ہیں کہ سمندر کے اندر کئی دن گزارنے کے باوجود وہ بہت کم مقدار میں مچھلی پکڑ پاتے ہیں اور اسے بیچ کر بس اتنے ہی پیسے ملتے ہیں کہ راشن والے کا ادھار چکانےکے بعد کچھ نہیں بچتا۔

ناخدا معیار کا تعلق بلوچستان کے ساحلی علاقے پسنی سے ہے۔ انہوں نے 10 سال کی عمر میں نے اپنے والد کے ساتھ مچھلی کے شکار کے لیے سمندر میں جانا شروع کیا تھا۔ وہ تقریباً 45 سال سے اس پیشے سے وابستہ ہیں۔ اس عرصہ میں انہوں نے سمندر کے ہر طرح کے گرم سرد رخ دیکھے ہیں۔

&quot;ہمارے ہم کاروں کی لاشیں اس سمندر کی مست موجوں کی امانت ہوئی ہیں۔ کئی دوست ہم سے بچھڑ گئے۔ اب ہماری زندگی اور موت اسی سے منسلک ہے۔ اگر ایک دن بھی سمندر نہ جائیں تو بھوک آواز دینے لگتی ہے۔&quot; 
پسنی ماہی گیروں کی ایک چھوٹی سی بستی تھی۔ 1931ء میں خان آف قلات میر محمود خان دوم کی وفات کے بعد ان کے جانشین میر احمد یار خان نے بیرون ملک تجارتی تعلقات کا آغاز کیا تو اس مقصد کے لیے پسنی کی بندرگاہ قلات کی دوسری بندرگاہوں کے مقابلے میں زیادہ کار آمد ثابت ہوئی۔ 
چنانچہ سندھ اور بلوچستان کے تاجروں نے، جن میں اکثریت ہندوؤں کی تھی، یہاں سے تجارتی مال درآمد و برآمد کرنا شروع کیا اور دیکھتے ہی دیکھتے ماہی گیروں کی یہ چھوٹی سی گمنام بستی ایشیا بھر میں شہرت پا گئی۔ جاپان سے ریشمی، سوتی اور اونی کپڑا اور کیوبا سے چینی بڑی مقدار میں درآمد ہونے لگی۔ یہاں سے خشک مچھلی اور پیش کی چٹائیاں وغیرہ ہندوستان اور کولمبو کو برآمد کی جانے لگیں۔ تاہم مقامی لوگوں کا ذریعہ معاش ماہی گیری ہی رہا جو اب ان سے چھنتا جا رہا ہے۔

حالیہ مردم شماری کے مطابق پسنی شہر کی کل آبادی ایک لاکھ کے قریب ہے۔ اس میں 80 فیصد خاندان&nbsp; ماہی گیری سے وابستہ ہیں۔ یہ ضلع گوادر کی تحصیل اور مقامی ماہی گیروں کی قدیم بستی ہے اور اس کا ساحل بہت طویل ہے۔

پسنی ہی کے ناخدا پَشو کی عمر 60 سال ہے۔ نامساعد حالا ت کے باوجود انہوں نے سمندر سے اپنا تعلق ٹوٹنے نہیں دیا۔

وہ ماضی کو یاد کرتے ہوئے کہتے ہیں کہ کبھی انہیں مچھلیاں پکڑ کر بہت اچھی آمدنی ہو جاتی تھی لیکن اب یہاں ماہی گیری کا سنہری دور ختم ہو چکا ہے۔

&quot;ہم سمندر سے حاصل ہونے والے رزق کے بل بوتے پر اپنے بچوں کو کراچی جیسے شہروں میں تعلیم کے لیے بھیجتے تھے۔ اب ماہی گیروں کے بچے فون کرتے ہیں کہ ان کے پاس پیسے ختم ہو گئے ہیں کچھ بھیج دیجیے تو ان کا سر جھک جاتا ہے کہ پیسے کہاں سے لائیں۔&quot;

وہ بتاتے ہیں کہ پہلے ان کی دو کشتیاں تھیں اور حالات اچھے تھے لیکن اب سمندر سے اچھی آمدن نہیں ہوتی۔ جال پھٹ جائے تو نئے جال کی قیمت دو لاکھ سے زیادہ ہے۔ غریب یہ جال کیسے خریدے۔ ایک جال چھ مہینے سے زیادہ چل نہیں سکتا اور ہر چھ ماہ بعد جال تبدیل کرنا ان کی استطاعت سے باہر ہے۔ اسی لیے انہوں نے اپنی ایک کشتی فروخت کر دی ہے تاکہ دوسری کشتی کے لیے جال خرید سکیں بچے کی یونیورسٹی کی فیس ادا ہو سکے۔

&quot;ہم مچھیرے دن رات محنت کرتے ہیں لیکن پھر بھی ضروریات پوری نہیں ہوتیں۔ مچھیروں کے لیےحکومت کی طرف سے کوئی ریلیف نہیں۔ ہم جو بھی کررہے ہیں اپنی مدد آپ کے تحت کر رہے ہیں۔ حکومت کی طرف سے پسنی کے ساحل پر توجہ نہ دینے سے یہاں کے باسیوں کا کاروبار روز بروز پستی کی جانب گامزن ہے۔&quot;

ہر کوئی معیار یا پَشو نہیں۔ مگر اب ناخدا (ملاح) اپنے روایتی خاندانی پیشے سے دست بردار ہورہے ہیں اور دوسرے شہروں میں مزدوری کرنے پر مجبور ہیں۔ ماہی گیروں کے مقامی نمائندہ رہنما ناخدا عمر نے بتایا کہ ان کی روزی روٹی پر سیاسی لوگ قدغن لگا رہے ہیں۔

انہوں نے بتایا کہ پسنی کے مچھیروں کے لیے ایک فش ہاربر جیٹی بنائی گئی تھی لیکن جیٹی مٹی سے بھر چکی ہے وہاں کشتی کی جگہ اب جانور بندھے ہوتے ہیں ۔ایک بڑی عمارت جس میں مچھلیوں کی خرید و فروخت ہونا تھی وہ بھی ویران پڑی ہے۔

&quot;ہم کشتیوں میں پٹرول ڈلوا کر اور برف لاد کر شکار کے لیے نکلتے ہیں مگر کبھی پٹرول اور برف کے پیسے بھی پورے نہیں ہوتے۔ سمندر کو ٹرالنگ والوں نے مچھلیوں سے خالی کر دیا ہے۔ ان ٹرالنگ والوں کی پشت پناہی حکومتی لوگ کر رہے ہیں۔

ماہر سمندری حیات ظریف نوشیروانی کا کہنا ہے کہ اوور فشنگ یعنی مچھلیوں کے حد سے زیادہ شکار سے کئی اقسام کی آبی حیات معدوم ہوتی جا رہی ہے۔ افزائش نسل کے وقت شکار سے بھی مچھلیوں کی تعداد کم ہو رہی ہے۔ آبی آلودگی کے باعث کئی اقسام کی سمندری مخلوق معدومیت کے خطرے سے دوچار ہے۔ اسی طرح پلاسٹک کے ممنوعہ جالوں کا استعمال بھی اس کا ایک بڑا سبب ہے۔ یہ پلاسٹک چار سے ساڑھے چار سو برس تک قدرتی نظام کا حصہ نہیں بن سکتا اور سمندر میں رہ کر آلودگی پھیلاتا رہتا ہے۔

مکران کے گاؤں کَڈکی میں رہنے والی ماسی دُر بی بی پینے کا پانی لینے کے لیے روزانہ سر پر مشکیزہ رکھ کر طویل فاصلہ طے کرتی ہیں۔کڑی مشقت کے بعد انہیں جو پانی ملتا ہے اس کا رنگ گدلا سبز ہوتا ہے جسے پیتے ہوئے کراہت آتی ہے۔

ان کے گاؤں سے صرف پانچ کلومیٹر کے فاصلے پر شادی کور ڈیم واقع ہے۔ اگر کسی طرح پائپ کے ذریعے اس علاقے میں ڈیم کا صاف پانی پہنچا دیا جائے تو ماسی سمیت بہت سے لوگوں کی مشکل دور ہو سکتی ہے لیکن کئی مطالبوں اور درخواستوں کے باوجود ان لوگوں کی کسی نے نہیں سنی۔

شادی کور مکران کے ضلع کیچ اور گوادر کے درمیان واقع ہے۔ یہ بنیادی طور پر زرعی علاقہ ہے جس کا بڑا حصہ پسنی اور کیچ کے علاقے تربت کے درمیان پھیلا ہوا ہے۔ یہاں سے پسنی تقریباً 45 کلومیٹر اور تربت 130 کلو میٹر کے فاصلے پر ہے۔

&nbsp;شادی کور ڈیم کیچ کی حدود میں آتا ہے اور یہ مکران کا دوسرا بڑا آبی ذخیرہ ہے۔ بحری اور شادی کور ندی کو ملا کر بنائے جانے والے اس ڈیم کا افتتاح 2016 میں اس وقت کے وزیر اعظم نواز شریف نے کیا تھا۔ یہ ڈیم 6650 ایکڑ رقبے پر محیط ہے اور اس میں 37 ہزار ایکڑ پانی ذخیرہ کرنے کی گنجائش ہے۔

یہ ڈیم بننے کے بعد محکمہ آبپاشی نے شادی کور کے تمام زرعی علاقے کو واٹر چینلز کے ذریعے پانی کی فراہمی کا بندوبست کیا جس کے بعد شادی کور کے تمام علاقوں میں سبزیوں کی کاشت میں اضافہ ہوگیا۔ اب ضلع کیچ، گوادر اور پسنی شہر کو ترسیل ہونے والی تقریباً 40 فیصد سبزی شادی کور میں پیدا ہوتی ہے جس میں ٹماٹر، بینگن، کدو، بھنڈی، کوسا اور پالک نمایاں ہیں۔

کَڈکی شادی کور کے متعدد دیہات میں سے ایک ہے جن میں تراتی، گورستانی، کَڈکی، کَبڈی، تلوسن، سندھی پاسو، زہرین کہور اور پسنی کی زرعی اراضی کو پانی کی فراہمی اسی ڈیم سے ہو رہی ہے۔ تاہم ڈیم سے محض چند کلومیٹر فاصلے پر واقع ان علاقوں میں رہنے والے لوگوں کو پینے کا صاف پانی نہیں ملتا۔

یہاں کے لوگ ڈیم سے نکلنے والے چینلز سے پانی لیتے ہیں۔ایسا ایک بڑا چینل ڈیم سے کَبڈی گاؤں تک جاتا ہے جس سے اردگرد کئی دیہات کے لوگ پانی لیتے ہیں۔ یہ چینل پسنی تک بھی پانی&nbsp; پہنچاتا ہے جسے شہر میں بچھائی گئی پائپ لائن کے ذریعے ٹینکیوں اور پھر وہاں سےلوگوں کے گھروں تک پہنچایا جاتا ہے۔ تاہم یہ چینل اور کھلے نالوں کی صورت میں ایسی دیگر آبی گزرگاہیں آبپاشی کے لیے تو موزوں ہو سکتی ہیں لیکن پینے اور دیگر گھریلو مقاصد کے لیے ان کا پانی موزوں نہیں ہے۔

زہرین کہور کے کونسلر شاکر علی کا کہنا ہے کہ اس کھلے چینل میں ناصرف لوگ بلکہ مویشی بھی نہاتے ہیں، پانی میں ان مویشیوں کا فضلہ بھی شامل ہوتا رہتا ہے، بعض اوقات کتوں اور دیگر جانوروں کی لاشیں بھی اس چینل میں پائی جاتی ہیں جبکہ شادی کور کے دیہات اور پسنی شہر کے لوگوں کو پانی کی فراہمی کا یہی ایک ذریعہ ہے۔

پسنی کے سماجی کارکن غلام نبی کہتے ہیں کہ اگر کوئی اس پانی کو ایک نظر دیکھ لے تو وہ اسے پینے کی ہمت نہیں کرے گا۔ چینل میں پائی جانے والی گندگی کو دیکھا جائے تو حیرت ہوتی ہے کہ اسے پینے والے زندہ کیسے ہیں۔ اس پانی سے علاقےکے لوگوں کو بیماریاں لگ رہی ہیں جن سے بچے بری طرح متاثر ہو رہے ہیں۔

شاکر علی دہائی دیتے ہیں کہ یہاں کے لوگوں سے مویشیوں کے بجائے انسانوں جیسا سلوک کیا جائے اور کسی صاف ذریعے سے پینے کے پانی کا بندوبست ممکن بنایا جائے۔

وہ کہتے ہیں کہ ان کے دیہات ڈیم سے پانچ کلومیٹر یا اس سے بھی کم فاصلے پر واقع ہیں۔ اگر ڈیم سے ان دیہات تک زیر زمین پائپوں کے ذریعے پانی پہنچا دیا جائے تو لوگوں کی زندگی بدل جائے گی۔

پسنی میں سول ہسپتال کے ڈی ایچ او ڈاکٹر رؤف نے بتایا کہ ہسپتال میں آنے والے مریضوں میں ذیادہ تعداد بچوں کی ہوتی ہے جن میں بیشتر آلودہ پانی پینے کی وجہ سے اسہال، ہیضے، ٹائیفائیڈ اور ہیپاٹائٹس اے اور ای میں مبتلا ہوتے ہیں۔

&nbsp;اقوام متحدہ میں بچوں کے ادارے یونیسف کے مطابق پاکستان میں سالانہ 53 ہزار بچے اسہال کا شکار ہو کر موت کے منہ میں چلے جاتے ہیں۔ ملک میں بیماریوں سے ہونے والی 30 سے 40 فیصد اموات آلودہ پانی کے باعث پھیلنے والی بیماریوں سے ہوتی ہیں۔

پسنی کے رہائشی لطیف سید محکمہ آبپاشی سے درخواست کرتے ہیں کہ وہ ڈیم پر تعینات ملازمین کو پابند کریں کہ وہ پانی کی گزرگاہوں (چینلز) کی صفائی قائم رکھنے کا بندوبست یقینی بنائیں اور صاف پانی کیلئے ڈیم سے پسنی شہر تک زیرزمین پائپ لائن کے ذریعے پانی پہنچایا جائے۔

ملک جان کے ڈی