Explore the concerning phenomenon of minority hatred perpetuated by Pakistan's educational curriculum. Delve into the complexities of this issue and its implications for social cohesion and t

Unveiling Bias: The Role of Pakistan's Educational Curriculum in Fostering Minority Hatred

خیبر پختونخوا: نصاب میں نفرت پڑھا کر محبت نہیں سکھائی جا سکتی

video

Assess the viability of the School Initiative Program in Khyber Pakhtunkhwa's tribal areas. Dive into the challenges, opportunities, and potential outcomes of this initiative aimed at transfo

Prospects of Success: Evaluating the School Initiative Program in the Tribal Areas of Khyber Pakhtunkhwa

خیبر پختونخوا کے ضم شدہ&nbsp; اضلاع میں &quot;سباون سکولز انشی ایٹو پروگرام&quot; کی منظوری دے دی گئی ہے۔ جس کے تحت سکولوں سے باہر بچوں کو سرکاری خرچ پر پڑھایا جائے گا۔ مگر بہت سے لوگ اس پروگرام کے مستقبل کے بارے میں خدشات کا شکار ہیں۔

پروگرام کے مطابق جس علاقے میں کوئی بھی سرکاری یا نجی سکول موجود نہیں ہے وہاں سباون سکولز انشی ایٹو پروگرام کے تحت سکول قائم کیے جائیں گے۔ ابتدائی مرحلے میں ساتوں قبائلی اضلاع باجوڑ، مہمند، خیبر ، اورکزئی، کرم، شمالی وزیرستان اور جنوبی وزیرستان میں 25 سکول بنائے جائیں گے۔ انفرادی طور پر بھی سکول قائم کیے جا سکتے ہیں۔

ایم ڈی قبائلی اضلاع ایجوکیشن فاونڈیشن عبدالکرم نے لوک سجاگ کو بتایا&nbsp; سکولوں میں طلبہ کا انتخاب کرنے کا اختیار ڈسٹرکٹ ایجوکیشن آفیسر کے زیر قیادت بننے والی کمیٹیوں کو ہو گا جنہیں باقاعدہ گائیڈ لائنز جاری کردی گئی ہیں۔ وہ علاقے جہاں کوئی سرکاری یا نجی سکول نہ ہو وہاں کے تعلیم یافتہ نوجوان کو ایک لاکھ روپے تک گرانٹ دی جائے گی تاکہ وہ سکول کھولیں۔

بچوں کی فیس حکومت ادا کرے گی۔ پرائمری تک فی بچہ ایک ہزار روپے، سیکنڈری کے لیے 15سو&nbsp; اور مڈل کے طلبا کی فیس کی مد میں دو ہزارروپے ادا کیے جائیں گے۔

ٹرائبل یوتھ موومنٹ کے سینئر نائب صدر مصباح الدین اتمانی نے لوک سجاگ کو بتایا کہ سابق حکومت نے اس سے پہلے بھی کئی پروگرام شروع کیے تھے لیکن وہ کامیاب نہیں ہوئے۔

مثال کے طور پر تحریک انصاف نے قبائلی اضلاع کے سکولوں میں سیکنڈ شفٹ پروگرام کا آغاز کیا تھا جس کے تحت کنٹریکٹ پر اساتذہ کو&nbsp; بھرتی کیا گیا، ان اساتذہ نے نو ماہ تک کام کیا اور انہیں بروقت تنخواہیں بھی دی گئیں۔ لیکن آہستہ آہستہ ٹیچر بہتر روزگار اپناتے گئے اور سکول بند ہو گئے تو پروگرام فلاپ ہو گیا۔ انہوں نے بتایا کہ اس سے پہلے داخلہ مہم والا منصوبے کے بھی خاظر خواہ نتائج سامنے نہیں آئے۔

&quot;ایسے منصوبے صرف میڈیا اور سوشل میڈیا تک محدود ہوتے ہیں عملی طور پر اس کا قبائلی بچوں کو کوئی فائدہ نہیں ملتا کیونکہ ان پر چیک اینڈ بیلنس کا کوئی طریقہ کار ہی موجود نہیں ہوتا&quot;۔

مصباح الدین اتمانی نے مزید بتایا کہ ضم شدہ اضلاع میں تعلیم کی صورتحال بدترین ہے، وہاں موجود مسائل کے حل میں نہ تو حکومت سنجیدہ ہے نہ محکمہ تعلیم اور نہ باقی متعلقہ ادارے۔

<h2>منصوبہ کب شروع ہو گا؟</h2>

ڈپٹی ڈائریکٹر پلاننگ اینڈ ڈیویلپمنٹ جاوید اقبال نے&nbsp; لوک سجاگ کو بتایا کہ اس منصوبے پر پچھلے سال اکتوبر سے کام شروع ہو گیا ہے۔ اس کے لیے تین کمیٹیاں بنائی گئی ہیں جن میں ڈسٹرکٹ سکروٹنی کمیٹی، سنٹرل سکروٹنی اینڈ ایوالوایشن کمیٹی اور سلیکشن کمیٹی شامل ہیں۔ ڈسٹرکٹ سکروٹنی کمیٹی کا کام قبائلی اضلاع میں ایسے علاقوں کی نشاندہی کرنا ہے جہاں پر دو&nbsp; کلومیٹر میں کوئی سرکاری یا پرائیویٹ سکول موجود نہ ہو۔ کمیٹی نے آدھا کام مکمل کیا ہے تاہم ابھی تک رپورٹ نہیں بھیجی۔

انہوں نے کہا کہ جب ڈسٹرکٹ سکروٹنی کمیٹی رپورٹ بھیجے گی اس کے بعد متعلقہ علاقوں کے امیداواروں کو درخواست دینے کے لیے اشتہار دیا جائے گا۔ درخواستیں ملنے کے بعد باقی دونوں کمیٹیاں اس کی جانچ پڑتال کریں گی اور 25 سکولوں کا قیام عمل میں لایا جائے گا۔ 
&quot;ہم اپریل میں کلاسز شروع کرنا چاہ رہے تھے لیکن کام مکمل نہ ہونے کی وجہ سے ایسا ممکن نہیں ہے&quot;۔

پاک الائنس فار میتھس اینڈ سائنس کی 2021 کی رپورٹ &rsquo;&rsquo;<a href="https://mathsandscience.pk/wp-content/uploads/2021/09/TheMissingThird_OOSCStudy_PAMS-2.pdf">دی میسنگ تھرڈ</a>&lsquo;&lsquo; کے مطابق خیبر پختونخوا میں پانچ سے 16 سال کی عمر کے بچوں کی کل تعداد&nbsp; ایک کروڑ 17 لاکھ 98 ہزار ہے۔ جن میں سے 30 لاکھ سے زائد یعنی 32 فیصد بچے سکول سے باہر ہیں۔

خیبرپختونخوا ایجوکیشن <a href="https://kpese.gov.pk/vtwkaf/uploads/2023/07/ASC-2021-22.pdf">مانیٹرنگ اتھارٹی کی سالانہ رپورٹ</a> 2021-22 کے مطابق ضم شدہ قبائلی اضلاع کے سرکاری پرائمری سکولوں میں لڑکیوں کی تعداد ایک لاکھ 89 ہزار 315 تھی جو مڈل سکولوں تک جاتے جاتے صرف 9 ہزار 943 رہ گئی یعنی 95 فیصد لڑکیاں&nbsp; سرکاری سکولوں سے ڈراپ آؤٹ ہو گئیں۔

مصباح الدین اتمانی نے بتایا کہ پہلے کالجز اور یونیورسٹیز میں پڑھنے والے قبائلی اضلاع کے طلباء کو سالانہ چھ ہزار روپے سکالر شپ دیا جاتا تھا جو اب نہیں ملتا۔

&quot;پنجاب کے مخلتف کالجز میں قبائلی اضلاع کے پندرہ سو سے زائد طالبعلم تعلیم حاصل کررہے تھے، فاٹا انضمام کے وقت وعدہ کیا گیا تھا کہ ان سیٹوں کو ڈبل کر دیا جائے گا لیکن فاٹا انضمام کے بعد کچھ تعلیمی اداروں میں یا تو کوٹہ ختم کر دیا گیا یا سیٹس کم کر دی گئی&quot;۔

انہوں نے کہا کہ اس کے علاوہ ایک پروگرام کے ذریعے قبائلی اضلاع کے سو طلباء کو ایٹا ٹیسٹ&nbsp; کے ذریعے منتخب کیا جاتا تھا اور ان کو ملک کے بہترین تعلیمی اداروں میں پڑھنے کا موقع ملتا تھا لیکن بدقسمتی سے اب وہ سیٹیں بھی 25 کر دی گئی ہے۔

<h2>منصوبوں کا چیک اینڈ بیلنس نہیں ہوتا</h2>

ضلع اورکزئی سے تعلق رکھنے والی سماجی کارکن نوشین فاطمہ نے لوک سجاگ سے گفتگو کرتے ہوئے بتایا کہ سباون سکولز انشی ایٹو اگرچہ ایک اچھا اقدام ہے تاہم قبائلی اضلاع کے لیے جب بھی کوئی منصوبہ بنتا ہے تو وہ اسلام آباد کے بند کمروں میں بنایا جاتا ہے۔ اسی لیے وہ چند مہینوں شہہ سرخیوں میں رہنے کے بعد ناکام ہو جاتا ہے۔

پالیسی سازی میں وہ لوگ شامل ہیں جو قبائلی اضلاع کی ثقافت، مسائل، روایات اور حالات سے واقف نہیں ہوتے۔ سرکاری منصوبوں کا چیک اینڈ بیلنس نہیں ہوتا نہ ہی کسی سے پوچھ گچھ ہوتی۔ کئی منصوبے آئے اور ختم ہو گئے لیکن کوئی خاطر خواہ&nbsp; نتیجہ نہیں نکلا۔ فنڈز کا آڈٹ تک نہیں کیا جاتا۔

خیبر پختونخوا کی حکومت نے مالی سال 2022ء میں 172 جاری اور 39 نئے ترقیاتی منصوبوں کے لیے 24.6 ارب روپے مختص کیے تھے جس میں سے پرائمری تعلیم کے لیے 4.3 ارب روپے، ثانوی تعلیم کے لیے 12.1 ارب روپے، ابتدائی اور ثانوی تعلیم کے لیے 1.2 ارب روپے اور اعلیٰ تعلیم کے لیے 7.0 ارب روپے رکھے گئے تھے۔

نوشین کہتی ہیں کہ سباون سکولز انشی ایٹو میں بچوں کو فیس کے پیسے دیے جائیں گے، اس سے کیا فرق پڑے گا؟

سرکاری سکولوں میں تو پہلے ہی سے فیس نہیں لی جاتی لیکن پھر بھی بچے سکولوں سے باہر ہیں۔ اگر صرف اورکزئی کی بات کی جائے تو وہاں لڑکوں کے لئے سکول ہی نہیں ہے، لڑکیوں کے سکول کا تو سوال ہی پیدا نہیں ہوتا۔

خیبر پختونخوا ایجوکیشن مانیٹرنگ اتھارٹی کی رپورٹ کے مطابق کے پی کے نئے ضم شدہ اضلاع میں غیر فعال سکولوں کی تعداد 194 ہے، جن میں سے لڑکیوں کے سکولوں کی تعداد 137 ہے۔

نوشین کہتی ہیں کہ آپ سرکاری اعداد و شمار اٹھا کر دیکھیں گے تو کاغذوں میں سکول شاید مل جائیں لیکن حقیقت یہ ہے کہ وزیرستان، اورکزئی اور دیگر پسماندہ علاقوں میں سکولز نہیں ہیں، جو موجود ہیں ان میں بنیادی سہولیات کا فقدان ہے۔

&quot;ایسا نہیں ہے کہ وہاں کے لوگ بچیوں کو پڑھانا نہیں چاہتے لیکن جب وہاں سکول ہی نہیں ہیں تو وہ کیسے پڑھائیں گے۔ اس پراجیکٹ کے تحت انفرادی طور پر سکول سسٹم کی گنجائش رکھی گئی ہے۔ وہ لوگ جنہیں سالوں دہشت گردی نے سانس نہیں لینے دیا&nbsp; اور دو وقت کی روٹی سے عاجز ہیں،&nbsp; وہ نئے سکول سسٹم کہاں سے لائیں گے&quot;۔

ان کا کہنا تھا کہ صرف سکولز بنانے سے بھی کام نہیں ہو گا، ان سکولوں کو سہولیات دینے اور اساتذہ کی تعداد پوری کرنے کی ضرورت ہے، چیک اینڈ بیلنس ضروری ہے، تعلیمی اصلاحات اور&nbsp; لوگوں کو ساتھ لے کر چلنے کی ضرورت ہے۔ یہ سب&nbsp; آسان نہیں ہے لیکن ناممکن بھی نہیں۔

عبدالکرم کہتے ہیں کہ&nbsp; پہلے والے منصوبوں کی ناکامی کی جو بھی وجوہ رہی ہوں، وہ اس حوالے سے کچھ نہیں کہہ سکتے، البتہ اس پروگرام کو کامیاب بنانا ان کی ذمہ داری ہے۔

وہ کہتے ہیں کہ اس پروگرام سے نہ صرف چار ہزار سے زائد طلبہ و طالبات کو مفت تعلیم کرنے کا موقع ملے گا بلکہ&nbsp; 100 نوجوانوں کو روزگار بھی میسر آئے گا۔

ننگر پارکر کے ہائر سیکنڈری سکول، جہاں پرائمری اور ایلیمنٹری اساتذہ انٹر کی کلاسیں پڑھاتے ہیں

کیا قبائلی اضلاع میں سباون سکولز انشی ایٹو پروگرام بھی فلاپ ہو جائے گا؟

text

ایک ویڈیو اعلامیے کے ذریعے خیبر پختونخوا کے جنوبی ضلع بنوں میں مساجد کے آئمہ اور مذہبی شخصیات نے اس بار تعلیمی اداروں سے مطالبہ کیا ہے کہ لڑکیوں کے کھیلنے پر پابندی لگائی جائے، کیونکہ لڑکیوں کا کھیلوں میں حصہ لینا معاشرے میں بے حیائی پھیلانے کا سببب بن رہا ہے۔

اس اعلامیے میں کہا گیا ہے کہ آئمہ و علماء کرام کے نوٹس میں یہ بات آئی ہے کہ بنوں سپورٹس کمپلکس میں تعلیمی اداروں کی لڑکیاں کھیلنے جاتی ہیں، جہاں مرد بھی آتے ہیں۔ انہوں نے کہا کہ بنوں کے لوگ بہت غیرت مند ہیں وہ اس بات کی اجازت نہیں دے سکتے کہ لڑکیاں مردوں کے بیچ میں کھیل رہی ہوں۔ لہٰذا تعلیمی ادارے لڑکیوں کو کھیلنے کے لیے نہ بھیجیں، اور اگر ان کی بات نہ مانی گئی تو وہ تعلیمی اداروں کے خلاف احتجاجی تحریک چلائیں گے۔

علماء نے ویڈیو میں یہ وضاحت بھی کی ہے کہ وہ لڑکیوں کی تعلیم کے خلاف نہیں ہیں، لیکن وہ چاہتے ہیں کہ خواتین پردے اور علاقائی رسم و رواج کے اندر رہتے ہوئے تعلیم حاصل کریں۔

اس حوالے سے بات کرتے ہوئے ایف جی ڈگری کالج بنوں کی لیکچرار کرن زہرہ نے بتایا کہ بنوں میں خواتین اپنے حقوق سے آگاہ ہی نہیں ہیں تو اپنے لئےآواز اٹھانے کا تو سوال ہی پیدا نہیں ہوتا۔

&quot;مردوں کی اکثریت ناخواندہ ہے، وہ خواتین اور لڑکیوں کے بارے محدود سوچ رکھتے ہیں، اسی لئے خواتین کو سماجی سرگرمیوں سے دور رکھا جاتا ہے&quot;۔

وہ کہتی ہیں کہ ایسا پہلی بار نہیں ہوا بلکہ اس سے پہلے خواتین کے واحد فیملی پارک کو بھی ایسی ہی توجیہات دے کر بند کر دیا گیا تھا۔ یہاں فرسودہ روایات ہر شے پر حاوی ہیں۔

&quot;مردوں کو ہر کام کی کھلی آزادی ہے، چاہے وہ مذہب کے مطابق ہوں یا نہیں، لیکن چونکہ انہیں مرد ہونے کا استحقاق حاصل ہوتا ہے اس لئے چپ سادھ لی جاتی ہے۔ لیکن خواتین کے معاملے میں ان کا دہرا معیا ر تب نظر آتا ہے جب مختلف گروپ مذہب کا بہانہ بنا کر خواتین کے بنیادی حقوق سلب کر لیتے ہیں۔

مقامی صحافی سلمان خان نے خواتین کے کھیلنے پر پابندی کے مطالبے کے حوالے سے بات کرتے ہوئے کہا کہ کچھ عرصے سے بنوں میں خواتین پر کافی پابندیاں لگائی جا چکی ہیں جس کی وجہ سے وہ گھروں تک محدود ہو کر رہ گئی ہیں۔

انہوں نے کہا کہ بنوں میں خواتین کے لیے تفریح کے کوئی مواقعے موجود نہیں جہاں وہ جا کر اچھا وقت گزاریں۔ ضلعی انتظامیہ کو چار و ناچار مذہبی گروپس کی بات ماننا پڑتی ہے کیونکہ مقامی لوگ علماء کی باتوں اور فیصلوں پر زیادہ یقین رکھتے ہیں۔

پچھلے سال اگست کے مہینے میں علماء اتحاد اور مدارس کے طلباء کے احتجاج کے بعد خواتین کے لیے بنائے گئے واحد فیملی پارک کو بھی بند کر دیا گیا تھا۔

پارک کو بند کرنے کے لیے ایک ہفتے تک احتجاج جاری رہا، اس وقت بھی یہی توجیح پیش کی گئی تھی کہ پارک میں خواتین کے آنے سے فحاشی پھیلتی ہے۔ پارک بند کرنے کے لیے احتجاج تب شروع ہوا جب پچھلے سال 14 اگست کے روز خواتین کی زیادہ تعداد فیملی پارک پہنچ گئی تھی اور جگہ نہ ملنے کے باعث کچھ خواتین کو پارک کے باہر انتظار کرنا پڑا تھا۔ اس دوران کچھ لڑکوں نے خواتین پر آوازے کسے، جس کے بعد علماء نے پارک کو بند کرنے کے لیے احتجاج شروع کر دیا اور انتظامیہ نے علماء کے سامنے گھٹنے ٹیک دیئے۔

اس حوالے سے انتظامیہ سے رابطہ کیا گیا تو کمشنر بنوں ڈویژن کے ترجمان خالد محمد نے بتایا کہ بنوں میں خواتین کے گیمز انڈور ہوتے ہیں اور یہ بات غلط ہے کہ کھیل سے بے حیائی پھیلتی ہے۔ سپورٹس کمپلیکس میں بھی جب گیمز ہوتے ہیں تو وہاں بھی باقاعدہ پردے کا اہتمام کیا جاتا ہے۔

&quot;بعض اوقات سیاسی پوائنٹ سکورنگ اور دیگر وجوہات کی بنا پر بھی معاملے کو غلط رنگ دے دیا جاتا ہے&quot;۔

دراصل یہ مسئلہ ایک غلط فہمی کی وجہ سے پیدا ہوا، کچھ دن پہلے سوشل میڈیا پر ایک تصویر شئیر کی گئی۔ اس تصویر کے کپیشن میں بنوں سپورٹس کمپلیکس کا نام لکھا گیا تھا جو کہ درحقیقت بنوں سپورٹس کمپلیکس کی نہیں تھی۔ لیکن اس تصویر کے بعد علما نے ایک میٹنگ بلائی اور خواتین کی کھیلوں پر پابندی کے حوالے سے اعلامیہ جاری کیا۔ تاہم اسسٹنٹ کمشنر بنوں نے ایف آئی اے سے رابطہ کیا ہے تاکہ تصویر شیئر کرنے والے کا پتہ لگا کر اس کے خلاف کارروائی کی جا سکے اور اس غلطی کا ازالہ کیا جا سکے۔

وفاق المدارس العربیہ&nbsp; کے ضلعی مسئول مولانا ضیاء الحق عثمانی، کمشنر کے ترجمان کے موقف کو درست نہیں مانتے۔

وہ کہتے ہیں کہ فیک تصویر والی بات غلط ہے۔

&quot;علماء نے عوامی شکایات کے بعد لڑکیوں کے کھیلنے پر پابندی کا مطالبہ کیا کیونکہ&nbsp; سپورٹس کمپلیکس میں مردوں کا آنا جانا تھا۔ وہاں ہونے والے مقابلوں کی وجہ سے بنوں کی روایات اور ثقافت کو خطرات لاحق تھے اور بنوں کا ماحول خراب ہو رہا تھا۔&quot;

انہوں نے کہا وہ خواتین کے کھیل کے خلاف نہیں ہیں۔ خواتین کھیلوں کی سرگرمیوں میں حصہ لے سکتی ہیں لیکن محدود جگہ پر باپردہ ہو کر۔

&nbsp;&quot;بنوں کے علماء علاقائی روایات اور ثقافت کو مدنظر رکھتے ہوئے اسلامی تعلیمات کے مطابق خواتین کے حقوق کے حق میں بات کرتے ہیں&quot;۔

ایڈووکیٹ طارق افغان ضلعی انتظامیہ کے فیصلے سے بہت ناراض ہیں۔ وہ کہتے ہیں&nbsp; کہ بنوں میں کچھ عرصے سے جو واقعات پیش آ رہے ہیں خاص کر خواتین کے حوالے سے، وہ نہایت قابل افسوس ہیں۔ انہوں نے کہا کہ بنوں میں لڑکیوں کے کھیل کود پر پابندی لگانا یا فیملی پارک کو بند کرانا یہ ان علماء کا کام ہے جنہوں نے&nbsp; کبھی کوئی کتاب نہیں پڑھی۔

&quot;ایسی پابندیوں کی آئین اور&nbsp; قانون میں کوئی گنجائش نہیں۔ تاہم اگر ریاست بھی کسی چیز پر پابندی لگاتی ہے تو اس کے لیے بھی معقول وجوہات سامنے لائی جاتی ہیں۔ علماء کے پاس تو یہ اختیار بالکل نہیں کہ وہ کسی چیز پر پابندی لگائے&quot;۔

انہوں نے کہا کہ علماء کا کام لوگوں کو صحیح راستہ دکھانا ہے نہ کہ جج بن کہ اپنی بات منوانا۔

&quot;میرے خیال میں یہ ریاست کی رٹ کو چیلنج کرنا ہے اور عورتوں کے حقوق کو سلب کرنا ہے کیونکہ لڑکیاں جہاں پر کھیلتی ہے تو وہ لڑکیوں کے درمیان ہی ہوتا ہے وہاں پہ مرد نہیں ہوتے&quot;۔

طارق افغان نے کہا کہ بدقسمتی سے ضلعی انتظامیہ علماء کی دھمکیوں میں آ جاتی ہے۔ انتظامیہ کو چاہئے کہ اپنی ڈیوٹی کرے اور ایسے لوگ جو معاشرے میں بگاڑ پیدا کرتے ہیں ان کے خلاف ایکشن لیں۔

&quot;اگر کوئی ریاست کی رٹ کو چیلنج کرتا ہے تو اس کے خلاف تعزیرات پاکستان کی دفعہ 506 کے تحت مقدمہ کیا جاسکتا ہے جس کی سزا دو سال قید ہے اور ملزم پر جرمانہ بھی عائد کیا جا سکتا ہے&quot;۔

بارش کا پہلا قطرہ: وراثتی جائداد میں اپنے حصہ کے لیے عدالت کا دروازہ کھٹکھٹانے والی قبائلی خواتین

بنوں میں کیا ہو رہا ہے؟ سوالات بہت سارے، جواب کوئی نہیں

لنڈی کوتل کے علاقے میرداد خیل کے احمد شاہ کی چچا زاد بہن کو زچگی کا درد شروع ہوا تو وہ اہلخانہ کے ساتھ انہیں تحصیل ہیڈکوارٹر ہسپتال لے گئے۔ ڈاکٹروں نے انہیں ڈرپ لگائی اور انجکشن دیے لیکن ان کی حالت بگڑ گئی۔ ڈاکٹروں نے کہا کہ انہیں فوری طور پر پشاور کے ہسپتال لے جانا ہو گا وگرنہ ان کی کی جان کو خطرہ ہے۔ تاہم وہ پشاور پہنچنے سے پہلے راستے میں ہی انتقال کر گئیں۔

احمد شاہ کہتے ہیں کہ یہ اپنی نوعیت کا کو کوئی پہلا واقعہ نہیں بلکہ ناصرف ان کے علاقے بلکہ پورے قبائلی ریجن میں آئے روز بہت سی خواتین زچگی کے دوران جاں بحق ہو جاتی ہیں۔ انہوں نے کہا کہ ضلع خیبر میں نہ صرف ہسپتالوں میں سہولیات کی کمی ہے بلکہ سڑکیں بھی نہایت خراب ہیں، جس کی وجہ سے دور دراز سے لائی جانے والی خواتین اکثر ہسپتالوں کے راستے میں دم توڑ دیتی ہیں۔ جو خواتین ہسپتال پہنچ جائیں ان کے عزیزوں کو اکثر &quot;ریفر ٹو پشاور&quot; کی پرچی تھما دی جاتی ہے۔

احمد شاہ کے بقول قبائلی اضلاع میں بہت ساری این جی اوز بھی صحت پر کام کر رہی ہیں لیکن اس سے قبائلی لوگوں کو بہت کم فائدہ ہوا ہے۔ احمد شاہ کے مطابق لنڈی کوتل ہسپتال کیٹیگری اے میں شمار ہوتا ہے لیکن ابھی تک یہاں زچگی کی سہولیات میسر نہیں ہیں۔

لنڈی کوتل ہسپتال میں کلاس فور ملازمین کے نمائندے خیال مدار کہتے ہیں کہ لوئی شلمان سڑک کی حالت بہت خراب ہے۔ یہاں لوگ جب مریض اور خاص کر زچگی والی خواتین کو لاتے ہیں تو اسّی فیصد خواتین کی حالت بہت خراب ہو چکی ہوتی ہے اسی لیے انہیں پشاور ریفر کر دیا جاتا ہے۔

&quot;حکومت کو چاہیئے کہ لوئی شلمان علاقے میں یا تو الگ ہسپتال بنادے یا پھر سڑک کی حالت بہتر بنائے تاکہ لوگوں کی مشکلات میں کمی آ سکے اور مریضوں کو برقت ہسپتال پہنچایا جا سکے۔ ہسپتال میں دیگر عملے اور کلاس فور ملازمین کی بھی کمی ہے جسے پورا کرنا چاہیئے۔&quot;

ایک اور اہم مسئلے کی جانب توجہ دلاتے ہوئے انہوں نے بتایا کہ لنڈی کوتل ہسپتال میں بلڈبینک تو موجود ہے لیکن بجلی 12 گھنٹے ہوتی ہے اور 12 گھنٹے غائب رہتی ہے۔ اسی وجہ سے بینک کو آپریشنل نہیں کیا جا سکا۔

&quot;جب تک بلڈ بینک اور بجلی کا مسئلہ حل نہیں ہوتا تب تک لنڈی کوتل ہسپتال میں زچگی کے کیسز صحیح طریقے سے نہیں ہو سکتے۔ ابھی یہ صورتحال ہے کہ جیسے ہی لیبر روم میں کسی مریض کی بلیڈنگ شروع ہوجائے یا حالت بگڑ جائے تو اسے فوراً پشاور ریفر کر دیا جاتا ہے۔&quot;

خیبر کے ضلعی افسر صحت ظفر خان کے پاس لنڈی کوتل ہسپتال کے ایم ایس کا اضافی چارج بھی ہے۔ وہ کہتے ہیں کہ ہسپتال میں سہولیات اور سامان کی کمی نہیں بلکہ اصل مسئلہ بجلی کی لوڈشیڈنگ کا ہے۔ لوڈشیڈنگ پر قابو پانے کے لیے انہوں نے چار پانچ مرتبہ واپڈا حکام کے ساتھ ملاقاتیں بھی کیں، انہوں نے یقین دہانی کرائی ہے کہ وہ ہسپتال کو 24 گھنٹے بجلی فراہم کریں گے۔

ظفرخان نے کہا کہ انہوں نے جب سے ایم ایس کا چارج سنبھالا ہے تب سے ہسپتال میں اصلاحات لانے کی کوشش کر رہے ہیں۔ اس ضمن میں پہلے مرحلے میں انہوں نے گائنی وارڈ کو سولرائزڈ سسٹم کے ذریعے 24 گھنٹے بلا تعطل بجلی کی فراہمی یقینی بنائی ہے۔ اس کے علاوہ فی میل میڈیکل افسر ہر وقت دستیاب ہوتی ہیں اور عملے کو کہا گیا ہے کہ وہ صرف ایمرجنسی کی صورت میں خواتین اور باقی مریضوں کو ایل آر ایچ یا دیگر ہسپتالوں کو ریفر کریں۔

پاکستان ڈیموگرافک اینڈ ہیلتھ سروے کے مطابق خیبرپختونخوا میں ہر سال تقریباً 1,900 خواتین حمل و زچگی میں موت کا شکار ہو جاتی ہیں۔ زندہ پیدا ہونے والے 1000 بچوں میں سے 29 بچے ایک سال کی عمر سے پہلے ہی انتقال کر جاتے ہیں۔ صرف 49 فیصد بچوں کی پیدائش کسی مرکزِ صحت یا ہسپتال میں ہوتی ہے۔

پانچ سال سے کم عمر کے 52 فیصد بچے وزن کی کمی کا شکار ہیں۔ 85 فیصد خواتین تعلیم یافتہ نہیں ہیں۔ قبائلی اضلاع میں ملازمت یا کاروبار کرنے والی شادی شدہ خواتین کی شرح ایک فیصد سے بھی کم ہے۔

جنوبی وزیرستان سے تعلق رکھنے والی سماجی کارکن بشریٰ محسود کا کہنا ہے کہ قبائلی اضلاع میں خواتین کو صحت کے معاملے میں بہت سی مشکلات کا سامنا ہے۔ انہوں نے کہا کہ ان اضلاع میں بنیادی مراکز صحت (بی ایچ یوز) فعال نہیں اور اگر کہیں ہیں بھی تو صرف برائے نام، وہاں نہ تو علاج کی سہولیات موجود ہے اور نہ ہی تربیت یافتہ عملہ ہے۔

بشریٰ محسود نے بتایا کہ قبائلی اضلاع میں ایم بی بی ایس لیڈی ڈاکٹر نہ ہونے کے برابر ہے صرف لیڈی ہیلتھ وزیٹرز (ایل ایچ ویز) ہیں جو اکثر ڈیوٹی سے غائب رہتی ہیں۔

بشریٰ محسود کا کہنا ہے کہ قبائلی خواتین پہاڑی علاقوں میں رہتی ہیں جو سڑکوں اور ٹرانسپورٹ کی سہولت سے محروم ہیں۔ جب بھی کوئی خاتون زچگی کے وقت ہسپتال لائی جاتی ہے تو سہولیات کی عدم دستیابی کی وجہ سے اسے بہت سی مشکلات کا سامنا کرنا پڑتا ہے۔

&quot; حمل کے وقت خاتون کے جسم میں ہارمونز کے باعث زیادہ تبدیلیاں رونما ہوتی ہیں جس کی وجہ سے اس کو باقاعدگی کے ساتھ مناسب معائنے اور علاج کی ضرورت ہوتی ہے لیکن قبائلی خواتین کی اکثریت ان سہولیات سے محروم ہے، جس کی وجہ سے کچھ بچے وقت سے پہلے (پری میچور) پیدا ہو جاتے ہیں جبکہ کچھ انتقال کر جاتے ہیں۔&quot;

ایک اہم مسئلے پر بات کرتے ہوئے بشریٰ محسود نے کہا حمل میں خواتین کو اچھی خوراک کی ضرورت ہوتی ہے، اچھی خوراک ماں اور بچے دونوں کی صحت کیلئے بہت ضروری ہے، لیکن قبائلی خواتین کو حمل میں مناسب خوراک بھی نہیں ملتی، جس کی وجہ سے ان کی صحت کمزور ہوتی ہے اور زچگی میں انہیں بہت مشکلات کا سامنا ہوتا ہے۔

"یہاں ایمرجنسی میں صرف درد کا انجکشن ملتا ہے"، ٹانک کے شہری واحد سرکاری ہسپتال میں سہولتوں کے فقدان پر نالاں

خیبر کے لنڈی کوتل ہسپتال میں زچگی کے لیے آنے والے خواتین کو پشاور کیوں بھیج دیا جاتا ہے؟

اسی سال ماہ رمضان میں جمیلہ بی بی کی گمشدگی کے بعدان کے شوہر نے ان کے بھائیوں پر شبہ ظاہر کرتے ہوئے پولیس میں رپورٹ درج کروائی تھی۔جمیلہ کے تین بھائیوں کو شک کی بنیاد پر رواں برس مئی میں حراست میں لیا گیا۔ ضلع باجوڑ کے ان بھائیوں نے اپنی بہن کے قتل کا اعتراف کیا اورانہی کی نشاندہی پر کھیتوں میں دفن مقتولہ کی لاش برآمد کر لی گئی۔ تین سال قبل پہلے شوہر سے طلاق ملنے کے بعد جمیلہ بی بی نے نور خان سے شادی کی تھی&nbsp; جس سے ان کی ایک بیٹی بھی پیدا ہوئی۔ وہ چھ بچوں کی ماں تھیں۔

پولیس کے مطابق بھائیوں نے ان کی مرضی کے بغیر چھپ کر دوسری شادی کرنے پر اپنی بہن کو قتل کیا۔

پولیس ریکارڈ کے مطابق خیبرپختونخوا کے ضلع باجوڑ میں 2019ء سے اب تک غیرت کے نام پر قتل کے کل 16 کیسز رپورٹ ہوئے۔ اس سلسلے میں 2019ء میں دو، 2020ء میں تین، 2021ء میں چھ، 2022ء میں دو اور رواں سال اب تک تین ایف آئی آر درج ہوئیں۔ ضلع خیبر میں رواں سال اب تک اس نوعیت کے چار واقعات کی ایف آئی آرز درج کی گئی ہیں۔

&nbsp;ضلع شمالی وزیرستان میں گزشتہ چار برس میں عورتوں کے غیرت کے نام پر قتل کی 21 ایف آر ہوئیں۔ پولیس کے مطابق 2020ء میں چھ، 2021ء میں تین، 2022ء میں سات اور 2023ء میں اب تک پانچ کیسز رپورٹ ہوئے ہیں۔ مقامی ذرائع کے مطابق شمالی وزیرستان میں لوگ اب بھی اس طرح کے قتل پولیس کو&nbsp; رپورٹ نہیں کرتے لہٰذا ان واقعات کی تعداد زیادہ ہو سکتی ہے۔

ضلع مہمند کی پولیس کے مطابق وفاق کے زیرانتظام قبائلی علاقہ جات (فاٹا) کے خیبرپختون خوا میں انضمام کے بعد اب تک عورتوں کو غیرت کے نام پر قتل کرنے کے صرف دو کیسز 2022 میں رپورٹ ہوئے۔

باجوڑ سے تعلق رکھنے والے صحافی بلال یاسر کے مطابق ایسا نہیں کہ قتل کے واقعات میں اضافہ ہوا ہے بلکہ حالیہ برسوں میں ایسے واقعات سامنے لائے جانے لگے ہیں۔

انہوں نے کہا کہ قبائلی معاشرے میں عورتوں سے متعلق ایسے معاملات ایک خاندان ہی نہیں پورے قبیلے کی عزت کا مسئلہ سمجھے جاتے ہیں، اس لیے انتہائی اقدام اتفاق رائے کے بعد اٹھایا جاتا ہے اور اس کے نتائج کی ذمہ داری بھی مشترکہ تصور ہوتی ہے۔ ماضی میں پولیس اور عدالتی نظام کی غیر موجودگی اورخاصہ دار و لیویز کی قبائلی وابستگیوں کے باعث ایسے کیسز شاذ و نادر ہی منظر عام پر&nbsp; آتے تھے۔

خیبر پختونخوا میں انضمام کے بعد قبائلی اضلاع میں ایسے واقعات کی شکایت کی جانے لگی ہے کیونکہ پولیس اور عدالت کے نظام کا دائرہ کار ان اضلاع تک بڑھا دیا گیا ہے۔ اب عورتوں کے خلاف تشدد اور غیرت کے نام پر قتل پر باقاعدہ ایف آئی آر درج ہوتی ہیں۔

ضلع خیبر میں اس نوعیت کی پہلی ایف آئی آر&nbsp; 2021ء میں وادئ تیراہ میں درج ہوئی جب&nbsp; دو خواتین سمیت پانچ افراد کو قتل کیا گیا ۔

خواتین کے حقوق کے لیے سرگرم پشاور ہائی کورٹ کی وکیل مہوش محب کاکاخیل کا کہنا ہے کہ پولیس کے نظام کی ان اضلاع تک توسیع اور فوجداری قوانین کی موجودگی سے ایسے تمام واقعات دبائے نہیں جاسکتے۔ غیرت کے نام پر قتل خاندانی یا قبائلی معاملہ نہیں رہا بلکہ اسے ریاست کے خلاف جرم تسلیم کیا جاتا ہے لہٰذا اسے کوئی بھی رپورٹ کر سکتا ہے۔

انہوں نے کہا کہ لڑکی کو پسند کی شادی پر بھی غیرت کے نام پر قتل کر دیا جاتا ہے۔ گھر چھوڑ کر جانے والی خواتین بھی غیرت کے نام پر قتل ہو جاتی ہیں۔ جب کوئی کزن میرج سے انکار کرتی ہے تب بھی اس کے مارے جانے کا خدشہ ہوتا ہے۔

&quot;ایسا بھی ہوا ہے کہ وارثت میں جائیداد کا مطالبہ کرنے پر عورت کو قتل کر کے اسے غیرت کا نام دے دیا گیا&nbsp; اور کہا گیا کہ اس کی طبعی موت واقع ہوئی ہے۔&quot;

<h2>قتل کے نئے طریقے</h2>

ضلع اورکزئی سے تعلق رکھنے والی سماجی کارکن نوشین فاطمہ نے بتایا کہ قبائلی اضلاع میں کسی غیر مرد کے ساتھ دیکھ لیے جانے پر عورت کے قتل کو مقامی جرگہ سراہتا ہے۔&nbsp; ان کے مطابق اگر کسی خاتون کی کسی مرد کے تصویریا ویڈیوز دوسروں تک پہنچ جائیں تو بھی اس خاتون کے قتل ہونے کا امکان ہوتا ہے۔

&quot;قبائلی علاقے کی ایک طالبہ نے مجھے بتایا کہ اب انہیں باہر جاتے ہوئے ڈر لگتا ہے کہ کہیں کوئی ان کی تصویریا ویڈیو نہ بنا لے کیونکہ اپنے گھروں اور گرد و نواح میں اکثر خواتین پردہ نہیں کرتیں&quot;۔

نوشین کے مطابق عورتوں کو قتل کرنے کے طریقے بدل گئے ہیں۔ اب گولی کے بجائے انجکشن یا کرنٹ لگا کر یا پھر دیوار گرا&nbsp; کر مارا جانے لگا ہے۔

&quot;تین برس قبل شمالی وزیرستان میں دو لڑکیوں کو قتل کر دیا گیا تھا۔ ان کی موت کا سبب گھر کی چھت کا گرنا بتایا گیا۔ تفتیش کے بعد پتا چلا کہ سوشل میڈیا پر گردش کرنے والی ایک وڈیو میں وہ ایک نوجوان کے ساتھ دکھائی دی تھیں۔ پولیس نے ان لڑکیوں کے والد، ایک کزن اور ویڈیو میں نظر آنے والے نوجوان کو گرفتار کر لیا تھا۔ مقدمہ چلنے کے بعد ان میں سے ایک کو آٹھ سال قید کی سزا سنائی گئی اور وہ بنوں جیل میں اپنی سزا پوری کر رہا ہے جبکہ باقی افراد رہا کیے جا چکے ہیں۔&quot;

اسی طرح ضلع خیبر میں بھی گزشتہ سال مقامی عدالت نے غیرت کے نام پر بیوی سمیت دو افراد کے قتل کے الزام میں ملزم زیور شاہ کو سزائے موت اور 10 لاکھ روپے جرمانے کی سزا سنائی۔

خواتین کے حقوق کے لیے کام کرنے والی غیر سرکاری تنظیم د حوا لور (حوا کی بیٹی) کی انتظامی افسر خورشید بانو کا کہنا ہے کہ رواں برس خیبرپختونخوا میں صرف ایک مہینے میں 44 خواتین کو غیرت کے نام پر قتل کیا گیا۔

ان کے مطابق قبائلی اضلاع میں بعض خواتین کو جائیداد میں حق کے لیے آواز اٹھانے پر غائب کر دیا گیا۔ گھر والے بغیر ثبوت کہتے ہیں کہ خاتون دل کا دورہ پڑنے سے انتقال کر گئی یا کرنٹ سے اس کی موت واقع ہو گئی۔

&quot;تھانوں میں جہاں ایسے واقعات کی ایف آئی آر درج ہوتی ہیں وہاں مرد محرر بیٹھے ہوتے ہیں۔ جب کسی ملزم کو وہاں لایا جاتا ہے تو وہ&nbsp; مقتولہ کے بارے میں بڑھا چڑھا کر منفی باتیں کرتا ہے۔ اس طرح وہ محرر کی حمایت حاصل کر کے اپنا کیس مضبوط کرا لیتا ہے۔&quot;

خورشید بانو کہتی ہیں کہ غیرت کے نام پر قتل میں اکثر گھر یا خاندان کے مرد ملوث ہوتے ہیں جو قاتل کو بچانے کی کوشش کرتے ہیں۔

ضلع کرم میں صوبائی کمیشن برائے وقار نسواں کی چیئرپرسن نائلہ الطاف کے مطابق قبائلی اضلاع میں لوگوں کو قانون ہاتھ میں لینے سے باز رکھنے کے لیے حکومت کو بہت کچھ کرنے کی ضرورت ہے۔

مہوش کاکاخیل کے مطابق محض ایف آئی آر درج کرانے&nbsp; سے فائدہ نہیں ہوگا۔ &quot;غیرت کے نام پر قتل میں کمی قانون پر عمل درآمد، درست تفتیش اور واقعے پر متعلقہ اداروں کی موثر کارروائی سے ہی لائی جا سکتی ہے۔&quot;

نصیر آباد ڈویژن: ایک سال میں خواتین پر گھریلو تشدد کے واقعات میں غیرمعمولی اضافہ

قبائلی اضلاع میں بڑی تعداد میں غیرت کے نام پر قتل کے واقعات کیوں سامنے آنے لگے ہیں؟

سینتالیس سالہ محل بی بی نے والد کی جائیداد میں اپنا حصہ لینے کے لیے خیبر پختونخوا کی صوبائی محتسب رخشندہ ناز کے ہاں درخواست جمع کرائی ہے۔ ان کا تعلق ضم شدہ قبائلی ضلع خیبر کی تحصیل جمرود&nbsp; سے ہے۔

قبائلی اضلاع کی 20 دوسری خواتین نے بھی ایسا ہی قدم اٹھا رکھا ہے۔

محل بی بی کہتی ہیں کہ اپنا حصہ لینے کا خیال انہیں اس وقت آیا جب حکومت نے ان کے علاقے میں ریسکیو 1122 کے مرکز اور ڈسٹرکٹ پولیس آفیسر کے دفتر کے لیے ان کے قبیلے سے کئی جریب زمین حاصل کی اور قبیلہ کے ملکان اور چند دوسرے افراد کو اس کا معاوضہ ادا کر دیا لیکن اس میں انہیں کوئی حصہ نہیں دیا گیا۔ &quot;حالانکہ انتظامیہ کے پاس اس زمین اور اس کے حصہ دار افراد کی ساری تفصیل موجود ہے&quot;۔

محل بی بی کہتی ہیں: &quot;ہم نے سنا تھا کہ اب (انضمام کے بعد) قانون بدل گیا ہے، اس لئے امید ہو چلی تھی کہ ہمیں بھی کچھ نہ کچھ ملے گا لیکن افسوس کی بات ہے کہ عورتوں کو کسی نے پوچھا تک نہیں&quot;۔

ان کے خیال میں انتظامیہ کو یہ بات یقینی بنانا چاہیے تھی کہ قبیلے اور شامل خاندانوں کے سب حصے داروں کو ادائیگی ہو &quot;اور خواتین بھی اپنے بھائیوں اور گھر کے دیگر مردوں کی طرح حصہ لے سکیں&quot;۔

<a href="https://www.pakp.gov.pk/wp-content/uploads/KP-Enforcement-of-Womens-Property-Rights-Act-2019.pdf">خیبر پختونخوا ویمن پراپرٹی رائٹس ایکٹ 2019</a> کے تحت صوبائی محتسب کو جائیداد میں حصے سے محروم خواتین کو ان کا حق دلانے کے حوالے سے وسیع اختیارات دیے گئے ہیں۔

اس قانون کے تحت صوبائی محتسب نہ صرف خواتین کے منقولہ اور غیر منقولہ جائیداد میں حق وراثت کے حصول کے لیے درخواستوں پر فیصلہ دے سکتی ہیں بلکہ اس پر ضلعی انتظامیہ، پولیس، محکمہ ریونیو اور دیگر متعلقہ اداروں کے ذریعے عملدرآمد بھی کروا سکتی ہیں۔

<h2>خواتین کی درخواستوں کی تعداد بڑھ رہی ہے</h2>

صوبائی محتسب کے مطابق قبائلی اضلاع سے اب تک 21 خواتین نے وراثت میں حصے کے لیے درخواستیں دی ہیں، جن میں سے چند کا تو فیصلہ بھی ہوچکا ہے جبکہ باقی پر کارروائی جاری ہے۔

نزہت تسکین صوبائی محتسب کے دفتر میں سینئیر لیگل آفیسر ہیں۔ ان کے کہنا ہے کہ خیبر پختونخوا میں نہ صرف مجموعی طور پر وراثت میں حصہ طلب کرنے والی خواتین کی تعداد میں اضافہ ہو رہا ہے بلکہ قبائلی اضلاع کی&nbsp; خواتین کی جانب سے موصول ہونے والی ایسی درخواستوں کی تعداد بھی مسلسل بڑھ رہی ہے۔

دفتر کے مطابق سال 2020ء میں صوبے بھر سے ایسی 97 درخواستیں موصول ہوئی تھیں، جن میں سے صرف ایک خاتون کا تعلق قبائلی اضلاع سے تھا۔ 2021ء میں آنے والے کل 281 کیسز میں سے چار اور 2022ء کے کل 619 کیسز میں سے 11 ضم شدہ قبائلی اضلاع کی خواتین کے تھے۔ جبکہ سال رواں میں اب تک موصول ہونے والی کل 204 درخواستوں میں سے پانچ قبائلی خواتین کی ہیں۔

نزہت نے بتایا کہ چونکہ ان اضلاع میں زمین کی ملکیت کے بندوبست کا تحریری ریکارڈ (ریونیو ریکارڈز) موجود نہیں ہے، اس لیے ان کے تصفیے میں کافی مشکلات پیش آتی ہیں۔

&quot;بندوبستی ریکارڈ کی تیاری میں ابھی کئی سال لگیں گے، تاہم قبیلے کے بڑوں کو ڈی سی آفس بلا کر کچھ نہ کچھ تفصیلات حاصل کرلی جاتی ہیں اور کچھ لوگ خود ہی یہ تفصیلات دے دیتے ہیں لیکن کئی کیسز میں کافی دقت پیش آرہی ہے&quot;۔

<h2>نیا قانون کام کر رہا ہے</h2>

پشاور ہائی کورٹ کے وکیل طارق افغان&nbsp; کہتے ہیں کہ ہمارا عدالتی نظام جائداد کے معاملات نہ نمٹا سکنے کے حوالے سے بدنام ہے۔

&quot;سول عدالتوں میں دیوانی مقدمات کا سفر نہایت طویل اور تھکا دینے والا ہوتا ہے۔ فریقین کی طلبی، بیانات قلم بند ہونے اور جرح ہونے میں سالوں بلکہ دہائیاں صرف ہو جاتی ہیں۔ پھر اعلیٰ عدالتوں میں اپیل در اپیل کا سلسلہ چل نکلتا ہے&quot;۔ 
ان کے مطابق نئے قانون کے تحت خواتین کے حق وراثت کے معاملات حل کرنے میں صوبائی محتسب زیادہ موثر ثابت ہو رہا ہے۔

&quot;صوبائی محتسب کے پاس بھائی، بھتیجے حتیٰ کے شوہر کے خلاف شکایت کے اندراج پر جلد کاروائی ہوتی ہے اور فیصلہ بھی جلدی آ جاتا ہے۔ صوبائی محتسب&nbsp; ڈپٹی کمشنر، پٹواری اور ریونیو کے سٹاف سے ریکارڈ طلب کرتی ہیں، اور اس بات کا تعین کرتی ہیں کہ دعوے دار خاتون کا حصہ بنتا ہے یا نہیں؟ اگر حصہ بنتا ہو تو خاتون کے حق میں فیصلہ دے کر کیس نمٹا دیا جاتا ہے&quot;۔

<h2>حق وراثت کے لیے عدالت جانے والی پہلی قبائلی خاتون</h2>

لوئی شلمان کی منہاجہ بی بی نے اپنے حق وراثت کے لیے براہِ راست عدالت سے رجوع کرنے کو ترجیح دی۔

لوئی شلمان ضلع خیبر کی تحصیل لنڈی کوتل میں واقع ہے۔

وہ اپنے والد کی جائداد میں حصے کے حصول کے لیے عدالت کا دروازہ کھٹکھٹانے والی پہلی قبائلی خاتون ہیں۔

ان کے وکیل ساجد شنواری خیبر بار ایسوسی ایشن کے نائب صدر ہیں۔

ان کا کہنا ہے کہ عدالتی دائرہ اختیار ان علاقوں تک بڑھنے کے بعد خواتین نے اپنے مسائل کے حل کے لیے عدالتوں کا رخ کیا ہے اور وہ نہ صرف موروثی جائیداد میں حصہ کے لیے بلکہ خلع، غگ ایکٹ وغیرہ کے تحت بھی مقدمات دائر کر رہی ہیں۔

منہاجہ بی بی کو جب والد کے وفات کے بعد جائیداد میں حصہ نہ ملا تو انہوں نے عدالت میں درخواست دی کہ انہیں شریعت اور قانون کے مطابق حصہ دیا جائے۔

سماعت کے آغاز میں منہاجہ بی بی کے بھائی نیاز ولی عدالت میں پیش ہوئے اور کہا کہ وہ جلد عدالت میں جواب جمع کرائیں گے۔ تاہم وہ ایسا کرنے میں ناکام رہے ہیں۔

اس کیس کی اب تک پانچ سماعتیں ہوچکی ہیں۔

&#39;حصہ لو گی تو بھائی کے گھر کس منہ سے جاؤ گی&#39;

ضلع اورکزئی کی سماجی کارکن نوشین فاطمہ کا کہنا ہے کہ خواتین کے لیے جائیداد میں حصہ لینا نہ صرف قبائلی اضلاع میں بلکہ پورے خیبرپختونخوا میں گالی سمجھی جاتا ہے۔ کوئی خاتون حصے کا مطالبہ کرے تو لوگ اسے طعنہ دیتے ہیں کہ حصہ لیا تو بھائی کے گھر کس منہ سے جاؤ گی۔

&quot;حالانکہ خواتین کو وراثت کا حق مذہب میں دیا گیا ہے لیکن ایسے معاملوں میں ہم مذہب کی بجائے رواج کے تقلید کو ترجیح دیتے ہیں&quot;۔

نوشین فاطمہ سمجھتی ہیں کہ خواتین میں اپنے حقوق کے حوالے سے شعور کی ابھی بہت کمی ہے۔

&quot;اس تناظر میں دیکھیں تو اپنے مسائل کے حل کے لیے عدالتوں تک پہنچنا نہایت خوش آئند ہے۔ان خواتین کے بارے میں شروع میں لوگ اچھے خیالات کا اظہار نہیں کریں گے۔ تبدیلی بہرحال آہستہ آہستہ ہی آتی ہے اور یہ خواتین بارش کا پہلا قطرہ ثابت ہوں گی&quot;۔