Discover the factors contributing to the increasing child mortality rate in Hafizabad and learn about the initiatives and strategies aimed at reducing this concerning trend.

Addressing the Rising Child Mortality Rate in Hafizabad: Challenges and Solutions

ساجد علی حافظ آباد کے علاقے کسوکی روڈ کے رہائشی اور چمڑے کے کاروبار سے وابسطہ ہیں ان کی بہن طاہرہ یاسمین کی اپنے شوہر سے نو سال قبل علیحدگی ہوئی تب وہ دو بچوں کی ماں تھیں۔

ساجد بتاتے ہیں کہ ستمبر 2017ء کی ایک رات ان کی بھانجی مہرین رانی جس کی عمر تقریبا پانچ سال تھی کو شدید بخار ہو گیا ساجد فوری طور پر بچی کو قریبی ہسپتال لے گئے جہاں بچی کو داخل کرکے علاج معالجہ شروع کر دیا گیا۔

دو روز ہسپتال میں علاج معالجے کے بعد جب طبعیت نہ سنبھل پائی تو نجی ہسپتال کے ڈاکٹر نے لاہور چلڈرن ہسپتال لے جانے کا مشورہ دیا جس پر ساجد علی نے فوری عمل کیا اور چلڈرن ہسپتال لاہور کی ایمرجنسی میں لے گئے۔ ایمرجنسی میں ڈیوٹی پر موجود ڈاکٹر نے بچی کا مکمل چیک اپ کیا اور انہیں داخل کر لیا۔

علاج کے باوجود بچی کی طبعیت مزید بگڑتی گئی، گلے میں زخم اور سانس کی تکلیف بڑھتی گئی۔ تین روز تک زیر علاج رہنے کے بعد اس کا انتقال ہو گیا۔

&quot;ڈاکٹروں نے بتایا تھا کہ بچی کے گلے میں انفیکشن اس کی موت کی وجہ ہے اور یہ بیماری شاید غیرمناسب آب و ہوا کی وجہ سے ہوئی چونکہ بچی کا مدافعتی نظام کمزور تھا تو وہ زیادہ متاثر ہوئی اور پھر صحت یابی کی طرف بھی نہیں لوٹ سکی۔&quot;

ساجد علی کہتے ہیں کہ اس اچانک موت سے ان کی بہن شدید صدمے میں چلی گئیں۔ اب وہ اپنے بیٹے کی صحت کے حوالے سے بہت ہی زیادہ حساس ہو گئی ہیں اور اس کے آمد و رفت بھی کافی محدود کردی ہے۔

ان کے مطابق جس سال ان کی بھانجی کا انتقال ہوا تھا ان دنوں ان کے محلے میں مزید دو بچوں کی ایسی ہی بیماری کی وجہ سے موت ہوئی تھی۔

ان دنوں میں آس پاس کے محلے والوں بھی کافی پریشان تھے اور انھوں نے محدود وسائل کے باوجود بچوں کے لیے پینے کے پانی اور خوراک کے حوالے سے احتیاطی تدابیر اپنائیں۔

<h2>بچوں کی شرح اموات میں حافظ آباد پہلے نمبر پر&nbsp;</h2>

اقوام متحدہ کی جانب سے بچوں کے فنڈ سے تیار کردہ پروگرام کے تحت مختلف ممالک میں ملٹی پل انڈیکیٹر کلسٹر سروے (MICS ) کروایا جاتا ہے۔

صوبہ پنجاب میں حکومت پاکستان، ورلڈ ہیلتھ آرگنائزیشن اور یونیسف کے تعاون سے یہ سروے 2017ء سے 2018ء میں ہوا تھا اور اس سروے رپورٹ میں بتایا گیا ہے ضلع حافظ آباد میں بچوں کی شرح اموات پنجاب کے دوسرے تمام اضلاع سے زیادہ ہے۔

اس رپورٹ کے مطابق حافظ آباد میں ہر ایک ہزار میں سے 109 بچے پانچ سال کی عمر تک پہنچنے سے پہلے ہی مر جاتے ہیں۔

پنجاب حکومت کی طرف سے 2022ء میں جاری ہونے والی ڈسٹرکٹ پروفائل رپورٹ بھی اس کی تصدیق کرتی ہے جس میں بتایا گیا ہے کہ بچوں کی شرح اموات کے حوالے سے حافظ آباد پنجاب کے 36 اضلاع میں سب سے آگے ہے۔ پنجاب میں ہر ایک ہزار بچوں میں انتقال کرنے والے بچوں کی تعداد 69 ہے۔

اس رپورٹ کے مطابق صرف پانچ سال ہی نہیں بلکہ حافظ آباد میں ایک ہزار نوزائیدہ بچوں(ایک ماہ سے کم عمر) میں سے 59 اور ایک سال سے کم عمر ہر ہزار میں سے97 بچوں کا انتقال ہوجاتا ہے۔ پنجاب میں یہ شرح 41 اور 60 ہے۔

طبی ماہرین کے مطابق بچوں کی شرح اموات میں جہاں پر آب و ہوا یا ناقص خوراک کا عمل دخل ہے وہیں پر غربت اور صحت کی کم سہولیات کا ہونا بھی وجہ ہے۔

دو سال پہلے حکومت پنجاب کی طرف سے جاری صنفی امتیاز (جینڈر پیرٹی رپورٹ) میں کہا گیا ہے کہ حافظ آباد صحت کی سہولیات میں پنجاب کے 36 اضلاع میں سب سے آخری نمبر پر ہے۔

اس رپورٹ کے مطابق ضلع میں بی ایچ یو، آر ایچ سی، تحصیل و ضلعی ہیڈ کوارٹر ہسپتال اور سرکاری ڈسپنسریوں سمیت کل 61 مراکز صحت یا طبی سہولیات فعال ہیں۔

یہی نہیں زچگی کے دوران اور اس کے بعد بچے کی صحت و خوراک کی دیکھ بھال کے لیے قائم مراکز صحت کی تعداد اس ضلع میں خوشاب کے بعد سب سے کم یعنی 22 ہے۔

کنگ ایڈورڈ میڈیکل یونیورسٹی کے اسسٹنٹ پروفیسر میڈیسن ڈاکٹر بلال رفیق ملک کہتے ہیں کہ کم عمر بچوں کی قوت مدافعت کمزور ہوتی ہے اور ان میں اموات کی بیشتر وجوہات ہو سکتی ہیں جیسے جراثیم کا خوارک اورسانس کے ذریعے جسم میں داخل ہو جانا، قبل از وقت پیدائش، حمل کے دوران ماں کا مناسب خوراک استعمال نہ کرنا اور بچوں کے درمیان پیدائش کا مناسب وقفہ نہ ہونا اور بچے میں خوراک کی کمی۔

<h2>کیا حفاظتی ٹیکے خطرناک ہیں؟</h2>

محکمہ صحت حافظ آباد کے ایک عہدے دارکی نظر میں اس ضلع میں بچوں کی شرح اموات زیادہ ہونے کے پیچھے ایک اور وجہ بھی ہے اور وہ حفاظتی ٹیکے ہیں۔ وہ جلال پور بھٹٰاں سے تعلق رکھنے والے محنت کش خرم شہزاد کی مثال دیتے ہوئے بتاتے ہیں کہ انھوں نے 14 اپریل 2022ء میں اپنے تین ماہ کے بیٹے علی شیر کو حفاظتی ٹیکہ لگوایا جس کے بعد بخار ہوا اور دوسرے ہی روز بچے کی موت ہو گئی، محکمہ صحت حافظ آباد کی ٹیم نے تحقیق کے بعد رپورٹ تیار کی جس میں ویکسینیشن کو موت کی وجہ قرار دیا گیا ہے۔

اس حوالے سے ڈسٹرکٹ ہیلتھ آفیسر شیخوپورہ ڈاکٹر جمیل نے گفتگو کرتے ہوئے بتایا کہ حفاظتی ٹیکہ جات سمیت دیگر ویکسینیشن بچوں کو بیماریوں سے بچاؤ کے لیے انتہائی ضروری ہیں ایسے کیسز نہ ہونے کے برابر ہیں جن میں یہ ثابت ہو کہ ویکسینیشن موت کا سبب بن سکتی ہے۔

وہ بتاتے ہیں کہ ویکسینیشن کی ایک وائل 20 بچوں پر استعمال کی جاتی ہے اگر بیس سے میں ایک بچہ مر جائے تو اس کا مطلب ہرگز یہ نہیں کہ ویکسینیشن درست نہیں، ہو سکتا ہے بچہ بیمار ہو اسکی قوت مدافعت کمزور یا وہ الرجی کا شکار ہو جو رئیکشن کا سبب بن جائے۔ 
حافظ آباد کے پڑوسی ضلع شیخوپورہ &nbsp;میں ہیلتھ وزٹرز کے طور کام کرنے والے والے عملے کے انچارج محمد روؑف نے لوک سُجاگ سے گفتگو کرتے ہوئے کہا &nbsp;کہ حفاظتی ٹیکہ جات لگانے والے عملے کو مکمل تربیت فراہم کی جاتی ہے تاکہ ٹیکہ جات کے مضر اثرات سے بچا جا سکے۔

محمد رؤف نے بتایا کہ عملے کی غفلت بھی موت کی وجہ بن سکتی ہے جس کی مثال دیتے ہوئے وہ کہتے ہیں کہ گزشتہ برس ٹوبہ ٹیک سنگھ اور بہاولپور میں خسرے سے بچاؤ کے حفاظتی ٹیکے لگنے سے سات سے آٹھ بچوں کی اموات ہوئیں۔

محکمہ ہیلتھ پنجاب کی جانب سے انکوائری کروانے پر سامنے آیا کہ ہیلتھ ورکرز نے انجکشن بنانے کے لیے ڈائلونٹ کی بجائے ڈرپ کا پانی استعمال کیا جس کا ری اکشن ہوا اور بچوں کی اموات ہوئیں۔

<h2>موت کی کیا وجوہات ہیں؟</h2>

اقوام متحدہ کے ادارے یونیسیف کے رپورٹ 2020ء کے مطابق پاکستان میں ایک ہزار بچوں میں سے 44 بچے پیدائش کے وقت ہی فوت ہو جاتے ہیں اور 75 بچے پانچ سال کی عمر کو نہیں پہنچ پاتے۔

مجموعی طور پر پاکستان میں بچوں کی شرح اموات 2018ء میں میں69.3 تھی جو کہ 2013ء میں 80.5 تھی۔ یہی تعداد جنگ زدہ اور غربت کا شکار افغانستان میں پاکستان سے کئی درجے بہتر یعنی 62.3 کی سطح پر ہے اور بھارت میں 61، نیپال میں 48 اور بنگلہ دیش میں 46 ہے۔

یونیسف کی رپورٹ کے مطابق ایک سے چار سال کی عمر تک کے بچے پاکستان کی کل آبادی کا 13 فیصد ہیں جبکہ پاکستان کے تقریبا نصف بچے وٹامن اے، وٹامن ڈی، زنک، کیلشیم اور معدنیات کی کمی کا شکار ہیں۔

رپورٹ کے مطابق پاکستان کے 51.5 فیصد بچے وٹامن اے کی کمی اور 12.1 فیصد بچے شدید کمی کا شکار ہیں جبکہ پانچ سال کی عمر تک کے 62.7 فیصد بچے وٹامن ڈی کی کمی کا شکار ہیں۔

ماہرین کے مطابق جسم میں وٹامن اے کی کمی سے آنکھوں کی بینائی اور وٹامن ڈی کی کمی سے ہڈیاں شدید متاثر ہوتی ہے۔

رپورٹ میں53.7 فیصد بچوں میں خون کی کمی کا خدشہ بھی ظاہر کیا گیا ہے رپورٹ میں بتایا گیا ہے کہ شہروں کی نسبت دیہات میں مقیم بچوں میں خون کی زیادہ کمی ہے، خواتین کی کم عمری میں شادی ، بار بار حمل کے منفی اثرات مرتب ہوتے ہیں جس کا اثر ماں کے ساتھ بچوں پر بھی ہوتا ہے اور وہ مناسب دیکھ نہیں کر پاتیں جسکی وجہ سے بچوں میں بیماریاں اور موت کا خطرہ زیادہ ہوتا ہے۔&nbsp;

پانچ سال سے کم عمر بچوں میں موت کی وجوہات میں نمونیا اور اسہال کے علاوہ خسرہ، ملیریا، پیمولیٹک امراض، زچگی کے انفیکشن اورغذائیت کی کمی بھی ہے۔

اقوام متحدہ کے ادارے یونیسیف کے مطابق بچوں کی شرح اموات کے متعلق پاکستان کے تمام صوبوں کی صورتحال مختلف ہے،

پاکستان ڈیموگرافک ہیلتھ سروے ( PDHS ) کے مطابق پاکستان کے دیہاتوں میں شہروں کی نسبت بچوں کی شرح اموات زیادہ ہیں ، دیہات میں شرح اموات ہر ایک &nbsp;ہزار میں 83 جبکہ شہروں میں تعداد 56 ہے جس کی وجہ شہروں کی نسبت دیہات میں صحت کی سہولیات کا شدید فقدان ہے۔

<h2>حفاظتی ٹیکے ضروری ہیں</h2>

کنگ ایڈورڈ میڈیکل یونیورسٹی کے اسسٹنٹ پروفیسر ڈاکٹر بلال رفیق ملک کہتے ہیں کہ بچوں کی شرح اموات میں کمی لائی جا سکتی ہے تاہم &nbsp;اس میں حکومت کے ساتھ والدین کو بھی ذمہ دارانہ کردار ادا کرنا ہو گا۔

&quot;انہیں وقت پر بچوں کو حفاظتی ٹیکے لگوانے ہیں بعض اوقات ایسے واقعات سامنے آتے ہیں جہاں والدین بچوں کو حفاظتی ٹیکے بروقت نہیں لگواتے جس سے بچوں کی ایک بڑی تعداد ان جان لیوا بیماریوں کا شکار ہو جاتی ہے ۔&quot;

طبی ماہرین کے مطابق بچوں کی شرح اموات میں کمی کے لیے سرکاری سطح پر ہیلتھ سسٹم میں بھی بہتری لانا بہت ضروری ہے، کم تعلیم یافتہ اور متوسط طبقات سے تعلق رکھنے والی خواتین کو شعور فراہم کرنا بھی حکومتی ترجیحات کا حصہ ہونا چائیے۔

عالمی ادارہ صحت کے مطابق پاکستان جیسے ترقی پذیر ملک کو صحت کے شعبے میں کم از کم ہر شہری کے لیے سالانہ 86 ڈالرز خرچ کرنے چاہیں۔

اعدادوشمار کے مطابق ہم اپنی قومی پیداوار کا تقریبا ایک فیصد صحت کے شعبے پر خرچ کرتے ہیں جو انتہائی کم ہے۔

یونیسف کی رپورٹ کے مطابق پاکستان میں طبی سہولیات کا فقدان، ناقص خوراک کی وجہ سے بچوں کی شرح اموات میں خاطر خواہ کمی نہیں ہو پا رہی۔

محمد رؤف جو شیخوپورہ محکمہ ہیلتھ میں اپنے فرائض سر انجام دے رہے ہیں مزید بتاتے ہیں کہ 2017ء، 2018ء میں ہونے والا (MICS) سروے پنجاب میں اسی سال 2024ء میں ہوگا۔ سترہ فروری 2024ء کو لاہور میں محکمہ ہیلتھ پنجاب کے افسران کی جانب سے تربیتی سیشن رکھا گیا تھا جس میں پنجاب کے تمام اضلاع سے متعلقہ نمائندوں کو بلایا گیا تھا۔

تربیتی سیشن میں محکمہ ہیلتھ پنجاب کی جانب سے تمام اضلاع کو حفاظتی ٹیکہ جات کی کوریج کے متعلق اپنے تمام اہداف مکمل کرنے کے احکامات جاری کیے گئے ہیں۔

سی ای او ڈسٹرکٹ ہیلتھ اتھارٹی حافظ آباد ڈاکٹر عمر&nbsp; نے &quot;لوک سُجاگ&quot; سے گفتگو کرتے ہوئے بتایا کہ ضلع بھر میں حفاظتی ٹیکہ جات اور پولیو سمیت تمام حفاظتی مہم کے دوران اہداف حاصل کیے جا رہے ہیں۔ محکمہ ہیلتھ کی ٹیمیں تمام وسائل بروئے کار لاتے ہوئے حفاظتی ٹیکہ جات ، وٹامنز اور پولیو کے قطرے گھر گھر جاکر بچوں کو پلاتے ہیں تاکہ بچوں کی قوت مدافعت کو بڑھایا جا سکے۔

ڈاکٹر عمر بتاتے ہیں کہ بعض اوقات مخصوص علاقوں سے ایسے واقعات رپورٹ ہوتے ہیں جہاں والدین بچوں کو پولیو کے قطرے اور حفاظتی ٹیکہ جات لگوانے سے انکار کرتے ہیں۔ ایسی صورتحال سے بروقت نمٹنے کے لیے &quot; ہائی رسک موبائل پاپولیشن &quot; ( HRMP ) کے نام سے خصوصی ٹیم تشکیل دی گئی ہے جو &nbsp;محکمانہ رپورٹ اعلی حکام کو پیش کرتے ہیں، اس میں پولیس کی مدد بھی حاصل کی جاتی ہے۔

وہ کہتے ہیں کہ ماضی میں ایسے واقعات بھی رپورٹ ہو چکے ہیں جہاں والدین محکمہ صحت کی مانیٹرنگ ٹیموں کو حفاظتی ٹیکہ جات کا ریکارڈ فراہم کرنے میں ناکام رہتے تھے اور صحت کے نمائندوں سے ہتک آمیز رویہ اختیار کرتے تھے۔

&quot;بچوں کے نام اندراج کروانے کے لیے ریکارڈ کارڈ کو لازم قرار دیا گیا یے ساتھ ہی مقدمہ کا اندراج بھی کروایا جا سکتا ہے ۔ جس کا مقصد والدین &nbsp;کو حفاظتی ٹیکہ جات &nbsp;کی اہمیت کا احساس دلانا ہے۔&quot;

انہوں نے بتایا کہ محکمہ صحت کی ٹیمیں ان پڑھ افراد کو خصوصی آگاہی بھی فراہم کر رہی ہیں جس کے خاطر خواہ نتائج موصول ہوئے ہیں۔ مارچ 2024ء میں ہونے والی پولیو و وٹامنز مہم میں ضلع حافظ آباد نے 99 فیصد سے زائد اہداف حاصل کیا ہے۔

محکمہ ہیلتھ حافظ آباد کے افسران امید ظاہر کرتے ہیں کہ سال 2024ء میں ہونے والے سروے میں پانچ سال سے کم عمر بچوں کی شرح اموات میں ماضی کی نسبت خاصی کمی سامنے آئے گی۔

بھوک چہروں پر لیے چاند سے پیارے بچے: آجروں کے تشدد کا نشانہ بننے والے بچوں کو انصاف کیوں نہیں ملتا؟

پنجاب کے ضلع حافظ آباد میں پانچ سال کی عمر تک کے بچوں کی شرح اموات سب سے زیادہ ، وجوہات کیا ہیں؟

text

Uncover the urgent issue of rising traffic accidents in Sheikhupura through this meta description. Explore the factors contributing to this alarming trend, from infrastructure challenges to r

Sheikhupura's Road Safety Crisis: Addressing the Alarming Surge in Traffic Accidents

شیخوپورہ: ٹریفک حادثات کی شرح میں خطرناک حد تک اضافہ

video

Explore the challenges and advancements in disability voting rights during elections in Pakistan. Learn about efforts to ensure accessibility and inclusion for disabled individuals in the ele

Overcoming Hurdles: Disability Voting Rights and Elections in Pakistan

بیالیس سالہ محمد جاوید&nbsp; ضلع حافظ آباد کے رہائشی ہیں جو بچپن میں پولیو کا شکار ہوئے تھے۔ اسی وجہ سے وہ گھر میں نقل و حرکت&nbsp; اور باہر&nbsp; آنے جانے کے لیے وہیل چیئر استعمال کرتے ہیں لیکن ہر الیکشن میں ووٹ ضرور کاسٹ کرتے ہیں۔

وہ بتاتے ہیں کہ وہ 2018ء کے انتخابات میں اپنا ووٹ ڈالنے کے لیے ایک دوست کی مدد سے ماڈل ہائی سکول پولنگ سٹیشن پہنچے تو وہاں لمبی لائن لگی ہوئی تھی۔ تقریباً ڈیڑھ گھنٹے بعد ان کی باری آئی تو برآمدے پر وہیل چیئر کو چڑھانے کے لیے کوئی ریمپ نہیں تھا۔

&quot;قطار میں موجود لوگوں نے وہیل چیئر اٹھا کر مجھے پولنگ عملے کے قریب پہنچایا لیکن بیلٹ پیپر لے کر جب میں پولنگ بوتھ میں داخل ہونے لگا تو سکیورٹی اہلکار نے میرے مددگار&nbsp; کو روک لیا اور کہا، غیر متعلقہ شخص کو آپ کے ساتھ جانے کی اجازت نہیں ہے&quot;۔

ان کا کہنا تھا کہ پریزیڈنگ افسر سے مددگار کو ساتھ بھیجنے کی گزارش کی جنہوں نے حکام سے فون پر بات کی لیکن صرف بوتھ تک چھوڑنے اجازت ملی جبکہ وہ سہارے کے بغیر وہیل چیئر سے نہیں اٹھ سکتے۔ بالآخر پریزیڈنگ افسر کو ان پر رحم آیا اور انہوں نے مددگار کے ذریعے پولنگ بوتھ جا کر ووٹ کاسٹ کرنے کی اجازت دے دی۔

محمد جاوید نے اپنی جسمانی کمزوری کو کبھی مجبوری نہیں بننے دیا۔ وہ مشکل حالات میں اعلیٰ تعلیم حاصل کر کے سکول ٹیچر بھرتی ہوئے اور 12 سال سے بچوں کو زیور تعلیم سے آراستہ کر رہے ہیں۔

وہ کہتے ہیں کہ الیکشن کمیشن معذور افراد کے لیے پولنگ سٹیشن پر خصوصی انتظامات کے دعوے تو کرتا ہے مگر عملی طور پر ایسا نہیں ہوتا اور ہر بار ووٹ ڈالنے کے لیے انہیں کڑے امتحان سے گزرنا پڑتا ہے۔

<h2>پاکستان میں معذور افراد کتنے ہیں؟</h2>

عالمی اداہ صحت (ڈبلیو ایچ او ) کے اندازوں کے مطابق دنیا بھر میں ایک ارب 30 کروڑ لوگ معذوری کے ساتھ زندگی بسر کر رہے ہیں جو کہ کل آبادی کا 16 فیصد بنتے ہیں۔

انسانی حقوق کی بین الاقومی تنظیم ہیومن رائٹس واچ کا تخمینہ ہے کہ پاکستان میں خصوصی افراد کی تعداد دو کروڑ 70 لاکھ کے قریب ہو سکتی ہے۔ پاکستانی وزارت انسانی حقوق ان اعداد و شمار کو تسلیم کرتی ہے۔

پشاور کے رہائشی اور پولیو سے متاثرہ مشتاق حسین پیرا پلیجک سینٹر (مرکز بحالی معذوراں) پشاور کے نگران ہونے کے علاوہ &#39;فرینڈز آف پیرا پلیجک&#39; نامی تنظیم کے سیکرٹری اطلاعات ہیں۔

وہ بتاتے ہیں کہ انہوں نے کئی الیکشن دیکھے ہیں لیکن آج تک خصوصی افراد کے لیے کبھی پولنگ بوتھ تک رسائی کا کوئی خاص انتظام نہیں کیا گیا جس سے انہیں اور ان جیسے لوگوں کو بہت تکلیف ہوتی ہے۔

&quot;ہم بھی اس ملک کے شہری ہیں اور ٹیکس دیتے ہیں۔ ہمارا بھی حق ہے کہ پولنگ سٹیشن جا کر اپنے پسندیدہ امیدوار کو ووٹ دیں لیکن پولنگ بوتھ تک ہماری رسائی کے لیے وہاں وہیل چیئرز ہوتی ہیں نہ ریمپ&nbsp; اور نہ ہی نابینا افراد کے لیے مدد گار کا انتظام ہوتا ہے۔ ایسے&nbsp; الیکشن ہوں یا نہ ہوں ہمارے لیے بے معنی ہیں&quot;۔

مشتاق حسین کا کہنا ہے کہ یہاں 75 برسوں سے ملک کی آدم شماری ہو رہی ہے مگر خصوصی آبادی&nbsp; کے درست اعداد و شمار بھی کسی ادارے کے پاس نہیں ہیں۔

خیبر پختونخوا میں معذور افرادکا ڈیٹا حاصل کرنے کے لیے محکمہ بہبود آبادی کو معلومات تک رسائی کے قانون کے تحت درخواست دی گئی جس کا اب تک جواب موصول نہیں ہوا ہے۔

ادارہ شماریات کی ویب سائٹ پر 2021ء تک کے نادرا سے موصول شدہ اعداد و شمار بتاتے ہیں کہ ملک میں خصوصی افراد کی تعداد تین لاکھ 71 ہزار 833 ہے۔

تاہم پاکستان میں سوشل پروٹیکشن سنٹر نامی تھنک ٹینک نادرا کے اعداد و شمار کو شک کی نظر سے دیکھتا ہے اور خصوصی افراد کا مکمل ڈیٹا جمع کرنے کی ضرورت پر زور دیتا ہے۔

نادرا کے مطابق پختونخوا میں خصوصی افراد کی تعداد ایک لاکھ 16 ہزار 491ہے جن میں ایک لاکھ ایک ہزار 625 شناختی کارڈ کے حامل ہیں۔ پنجاب میں خصوصی افراد کی تعداد ایک لاکھ 47 ہزار 539 ہے جن میں ایک لاکھ 27 ہزار 591&nbsp; شناختی کارڈ ہولڈرز ہیں۔

نادرا کے مطابق ملک میں بصارت کے محروم افراد کی تعداد 19 ہزار 643، قوت سماعت و گویائی&nbsp; سے محروم افرد (گونگے بہرے) کی تعداد 25 ہزار 183 اور جسمانی معذوری کا شکار&nbsp; خصوصی افراد دو لاکھ 95 ہزار 93 ہیں۔

شیخوپورہ کی شاہ کالونی کے رہائشی سید عطر عباس&nbsp; کی عمر&nbsp; 45 سال ہے۔ برسوں پہلے ایک حادثے میں ان کی ریڑھ کی ہڈی میں چوٹ آئی تھی تب سے وہ سیدھا کھڑے ہو سکتے ہیں نہ ہی گردن اٹھا کر سامنے دیکھ سکتے ہیں۔

وہ بتاتے کہ 2018ء میں وہ پولنگ سٹیشن پر پہنچے تھے تو قطار میں زمین پر بیٹھ کر اپنی باری کا انتظار کیا تھا اور رینگتے ہوئے سیڑھیاں چڑھ کر عملے تک پہنچے تھے۔ تب کہیں جا کر ووٹ کاسٹ کیا تھا۔

وہ کہتے ہیں کہ2021 ء کے ضمنی انتخاب میں پولنگ سٹیشن پر تعینات پولیس اہلکار نے&nbsp; انہیں زمین پر بیٹھے دیکھا تو لائن سے نکال کر نہ صرف انہیں سہارا دیا بلکہ ووٹ ڈالنے کے تمام مراحل میں بھی ان کی مدد کی تھی۔

&quot; اس وقت مجھے احساس ہوا کہ اگر الیکشن کمیشن ہر پولنگ سٹیشن پر خصوصی افراد کے لیے ایک مددگار تعینات کر دے تو ان کے لیے بہت سی آسانیاں میسر آ سکتی ہیں اور وہ&nbsp; کسی پریشانی کے بغیر اپنا ووٹ کاسٹ کر سکتے ہیں&quot;۔

مشتا ق حسین کہتے ہیں کہ خیبر پختونخوا کے خصوصی افرد میں سے 12ہزار افراد سپائنل کارڈ انجری ( ریڑھ کی ہڈی کی چوٹ)&nbsp; سے متاثر ہیں جن میں سے بیشتر بیساکھی یا وہیل چیئر استعمال کرتے ہیں۔ یہ&nbsp; صرف ریمپ کے ذریعے پولنگ بوتھ تک پہنچ سکتے ہیں لیکن پولنگ سٹیشنز سرکاری عمارتوں میں قائم کیے جاتے ہیں جہاں ریمپ ہوتے ہی نہیں۔

سینٹر فار پیس اینڈ ڈیویلپمنٹ انیشیوٹیو(سی پی ڈی آئی )کے زاہد عبداللہ خصوصی افراد کے لیے کام کرتے ہیں۔ وہ بتاتے ہیں کہ خصوصی افراد کی رسائی کے لیے سرکاری عمارتوں کا سروے شروع کیا گیا تھا جو تاحال مکمل نہیں ہو پایا ۔&nbsp;

وہ کہتے ہیں کہ پورے ملک میں سرکاری دفاتر یا نجی عمارتوں میں خصوصی افراد کے لیے کہیں ریمپس بنائے بھی گئے ہیں تو وہ بھی مقررہ معیار کے مطابق نہیں ہیں۔ سٹینڈرڈ کے مطابق اگر چڑھائی ایک فٹ ہو تو ریمپ کی لمبائی 12 فٹ ہونی چاہیے اور مقررہ معیار کے برعکس بنایا گیا ریمپ خصوصی افراد کے لیے خطرناک ثابت ہو سکتا ہے۔

ان کا کہنا تھا کہ ملک میں معذور افراد کے ووٹ ڈالنے میں بظاہر کوئی رکاوٹ نہیں ہے اور یہ لوگ&nbsp; اپنے ساتھ مدد گار کو بھی ساتھ لے جا سکتے ہیں۔ انہیں اکثر اوقات پولنگ افسر سہولت بھی دیتے ہیں لیکن مشکل تب زیادہ ہوتی ہے جب پولنگ بوتھ دوسری منزل پر ہو۔ 
شرقپور (شیخوپورہ) کے رہائشی فلک شیر گوگا اور ان کی 32 سالہ بہن دونوں کے ہاتھوں کی گرفت اتنا کمزور ہے کہ انتخابی نشان پر ٹھیک سے مہر نہیں لگا سکتے۔دونوں بہن بھائی صرف اسی وجہ سے ووٹ کاسٹ کرنے کا ارادہ نہیں رکھتے۔

گوگا کہتے ہیں کہ وہ ووٹ ڈالنا چاہتے ہیں لیکن اگر مدد گار میسر ہو تو انہیں ووٹ ڈالنے میں کوئی پریشانی نہیں ہو گی۔

حافظ آباد کے رہائشی خصوصی فرد محمد جاوید اعلیٰ تعلیم یافتہ ہیں اور ووٹ کے بغیر جمہوری عمل کو بے معنی سمجھتے ہیں۔ ان کا ماننا ہے کہ الیکشن کمیشن چند اقدامات کرے تو معذور افراد بھی پولنگ میں بھرپور حصہ لے سکتے ہیں۔

&nbsp;وہ کہتے ہیں کہ سماعت سے محروم افراد کے لیے اشاروں پر مبنی پوسٹر آویزاں کیے جانے چاہیئے۔

&quot;اگر یہ اقدا مات ممکن نہیں تو ہر شہر میں خصوصی افراد کے لیے ایک الگ پولنگ سٹیشن بنایا جا سکتا ہے یا انہیں ای ووٹنگ کی سہولت دے کر پولنگ سٹیشن پر&nbsp; آنے&nbsp; کی مشکلات سے بچایا جا سکتا ہے&quot;۔

پاکستان اقوام متحدہ کے کنونشن پر دستخط کر چکا ہے اور اس کنونشن کی آرٹیکل 29 اے&nbsp; کے تحت معذور افراد کو سیاست میں شامل کرنا ان کا اہم حق ہے لیکن ملک میں ایسا ہوتا نظر نہیں آ رہا۔

&nbsp;انتخابی قوانین (الیکشن ایکٹ 2017ء )کے مطابق بینائی سے محروم افراد اپنے ساتھ مددگار لا سکتے ہیں مگر یہاں زیادہ تر پولنگ عملہ قوانین سے لاعلم ہوتا ہے اور ایسے افراد کو&nbsp; امتحان میں ڈال دیتا ہے۔

خصوصی انتظامات سے متعلق الیکشن کمشنر خیبر پختونخوا شمشاد خان بتاتے ہیں کہ الیکشن کمیشن کی واضح ہدایات ہیں کہ تمام پولنگ سٹیشنز پر خصوصی افراد کے لیے پولنگ بوتھ گراونڈ فلور پر بنائے جائیں اور انہیں ریمپ کی سہولت مہیا کی جائے۔

ترجمان الیکشن کمشنر خیبر پختونخوا سہیل احمد کا کہنا تھا کہ&nbsp; انہیں نہیں معلوم کہ کتنے پولنگ سٹیشنز میں ریمپ نہیں اور معذور افراد کی رسائی کے لیے کتنے ریمپ بنائے گئے ہیں۔ تاہم عمومی ہدایات دی جاتی ہے کہ ان افراد کی پولنگ تک رسائی یقینی بنائی جائے۔

ان کا کہنا تھا کہ تمام ووٹروں کی آگاہی کے لیے الیکشن کمیشن کا ونگ کام کر رہا ہے جو مختلف جگہوں پر جا کر طلبا، شہریوں اور محروم طبقات کو ووٹ ڈالنے کے حوالے سے آگاہی دیتا ہے۔

&quot;معذور افراد کے لیے پوسٹل بیلٹ پیپر کی سہولت دسیتاب ہے۔ اگر وہ گھر بیٹھے ووٹ ڈالنا چاہیں تو یہ سہولت بروقت حاصل کر سکتے ہیں اس حوالے سے آگاہی دینا ہم سب کی ذمہ داری ہے اوریقیناً اس کی تشہیر بھی کی جانی چاہیے&quot;۔

<h2>معذور افراد اور سیاسی جماعتیں</h2>

تحریک انصاف کے مرکزی رہنما شوکت یوسفزئی کا کہنا تھا کہ معذور افراد&nbsp; کا&nbsp; گھر سے پولنگ سٹیشن اور پھر بوتھ تک پہنچنا بڑا مسئلہ ہوتا ہے۔ ایسے ووٹرز کو دنیا بھر میں مفت ٹرانسپورٹ فراہم&nbsp; کی جاتی ہے اور پاکستان میں بھی ایسا ہونا چاہیے۔

عوامی نیشنل پارٹی کی صوبائی ترجمان ثمر ہارون بلور بتاتی ہیں کہ ان کی پارٹی ہر کمزور کے ساتھ ہے اور پولنگ ڈے پر بھی ایسے ہر فرد تک پہنچنے کی کوشش کرے گی۔

مسلم لیگ (ن) خیبرپختونخوا خواتین ونگ کی صدر صوبیہ شاہد کہتی ہیں کہ ان کی کوشش ہوگی کہ ہر شہری&nbsp; کو ووٹ ڈالنے کی طرف راغب کریں اور پارٹی خصوصی افراد کے لیے ٹرانسپورٹ فراہم کرنے کے ساتھ بوتھ تک رسائی میں بھی مدد کرے گی۔

پنجاب امپاورمنٹ ڈس ایبل ایکٹ 2022ء کہتا ہے کہ معذور افراد کو سیاسی سرگرمی میں شامل ہونے اور&nbsp; پسند کے امیدوار کو ووٹ کرنے کا پورا حق&nbsp; ہے۔ اس ایکٹ میں پولنگ سٹیشنز پر معذور افراد کی آسانی کے لیے سہولیات فراہم کرنے کا ذکر بھی کیا گیا ہے &nbsp;

اس سلسلے میں ڈسٹرکٹ ریٹرننگ افسر شیخو پورہ ڈاکٹر وقار خان بتاتے ہیں کہ ضلع بھر کے تمام پولنگ سٹیشنوں پر معذور افراد کی آسانی کے لیے ریمپ موجود ہوں گے جس کے لیے متعلقہ حکام نے پولنگ سٹیشنوں کا دورہ کر کے جائزہ لیا ہے۔

&nbsp;ڈپٹی ڈائریکٹر سوشل ویلفیئر حافظ آباد کے اسسٹنٹ ثناء اللہ بتاتے ہیں کہ اس ضلعے میں رجسٹرڈ خصوصی افراد کی تعداد ساڑھے پانچ ہزار کے قریب ہے اور شیخوپورہ میں صرف چار ہزار رجسٹرڈ ہیں۔ تاہم بد قسمتی سے دیہی علاقوں میں مقیم خصوصی افراد رجسٹریشن کے عمل میں زیادہ دلچسپی رکھتے ہیں۔

عبدالصبور کاسی: پاکستان کے پہلے معذور شخص جو انتخابات میں حصہ لینے جا رہے ہیں

مجھے زمین پر رینگ کر پولنگ سٹیشن کے اندر جانا پڑا ، پولنگ سٹیشنوں پر خصوصی افراد کے ساتھ عمومی برتاؤ

"Explore the ongoing pneumonia epidemic, uncovering its critical aspects – from common symptoms to preventive measures. Stay informed about the latest developments and essential strategies to

"Pneumonia Epidemic: Risks, Symptoms, and Vital Strategies for Prevention and Recovery"

شیخوپورہ میں نمونیا کی وبا شدت اختیار کر گئی، ایک ماہ میں 25 بچے ہلاک

انتخابات قریب آتے ہی شیخوپورہ میں انتخابی سرگرمیاں اپنے عروج کو پہنچ چکی ہیں اور&nbsp;&nbsp; حلقوں میں مقامی جوڑ توڑ کا سلسلہ آخر تک چلے گا۔

آٹھ فروری کو اس ضلعے کی چار قومی اور نو صوبائی&nbsp; نشستوں پر انتخابات ہوں گے جن میں کچھ ہائی وولٹیج حلقوں میں صورت حال انتہائی دلچسپ ہو چکی ہے۔

این اے 114 شیخوپورہ ٹو سے سابق وفاقی وزیر رانا تنویر حسین تین مرتبہ ممبر قومی اسمبلی منتخب ہو چکے ہیں جو اس بار اپنی انتخابی مہم میں مخالفین پر تنقید کے ساتھ حلقے میں اپنے ترقیاتی منصوبوں کو اجاگر کر کے ووٹ مانگ رہے ہیں۔

رانا تنویر حسین جلسوں میں دعویٰ کر رہے ہیں کہ انہوں نے&nbsp; پی ڈی ایم کے ڈیرھ سالہ دور حکومت میں شرقپور کے لیے 70 ارب کے میگا پروجیکٹس منظور کرائے ہیں عوام انہیں ووٹ دیں تاکہ وہ ان منصوبوں کو مکمل کرا سکیں۔

رانا تنویر حسین کے سیاسی حریف علی اصغر منڈا بیرون ملک اور فی الحال سیاست سے آؤٹ ہو چکے ہیں۔ اب ان کی جگہ ان کے بھائی ارشد محمود منڈا پی ٹی آئی کے حمایت یافتہ امیدوار ہیں۔ پیپلز پارٹی کے سردار علی آصف بھی پہلی بار الیکشن لڑ رہے ہیں۔ یعنی سیاسی میدان کے منجھے ہوئے کھلاڑی کے سامنے دو&nbsp; نئے&nbsp; لوگ آئے ہیں۔

رانا تنویر حسین قومی نشست کے ساتھ صوبائی حلقہ پی پی 139 سے بھی الیکشن میں حصہ لے رہے ہیں جہاں سے منتخب ہونے والے سابق ایم پی اے میاں عبدالراوف کو اب&nbsp; پی پی 140 شرقپور کا پارٹی ٹکٹ ملا ہے اور ان کا مقابلہ پی ٹی آئی کے اویس عمر ورک سے ہو گا۔

پی پی 140 میں سابق ایم پی اے افتخار بھنگو کو نظر انداز کرنا ن لیگ کو مہنگا پڑ گیا ہے کیونکہ انہوں نے رانا تنویر حسین کو چھوڑ کر ارشد منڈا اور اویس عمر ورک کی حمایت کر دی&nbsp; ہے۔ بھنگو کی محنت سے یہاں کی جٹ برادری کا اتحاد بھی تقیسم ہو گیا ہے جن میں سے ایک دھڑا منڈا گروپ اور دوسرا رانا تنویر کی حمایت&nbsp; کر رہا ہے۔

شرقپور سے ن لیگ کے سابق ایم پی اے میاں جلیل شرقپوری نے&nbsp; پی ٹی آئی کے امیدوار اویس عمر ورک کے حق میں الیکشن سے دستبرداری کا اعلان کیا ہے۔ ان کے ساتھ پریس کانفرنس میں مقامی سماجی شخصیت رانا عباس علی خان بھی موجود تھے جن کا شمار رانا تنویر حسین کے قریبی ساتھیوں میں ہوتا تھا۔

میاں جلیل شرقپوری کے دست راست قربان شرقپوری بتاتے ہیں کہ میاں جلیل کے فیصلے کی وجہ اویس ورک کے والد سابق ڈی ایس پی عمر ورک کے ساتھ تعلقات اور میاں عبدالروف کا ماضی میں میاں جلیل کے ساتھ ہتک آمیز رویہ ہے۔

وہ کہتے ہیں کہ کہ گزشتہ الیکشن میں میاں جلیل ن لیگ کے ٹکٹ پر&nbsp; منتخب ہوئے تھے مگر وہ پارٹی سے کئی معاملات پر اختلاف رکھتے ہوئے بیان بازی کرتے تھے جن کو جواز بنا کر میاں عبدالراوف نے پنجاب اسمبلی کے باہر میاں جلیل کے سر پر لوٹا رکھا تھا اور ہتک آمیز جملے استعمال کیے تھے۔

ان کا ماننا ہے کہ افتخار بھنگو کو نظر انداز کرکے میاں عبدالروف کو&nbsp; پارٹی ٹکٹ دلوانا رانا تنویر حسین کے لیے مشکلات پیدا کر سکتا ہے کیونکہ افتخار بھنگو کے ساتھ دو دیگر امیدوار افضل ورک اور سابق ایم پی فیضان خالد بھی رانا تنویر کے مخالفین کی حمایت کا اعلان کر چکے ہیں۔

مسلم لیگ ن لاہور ڈویژن کے جنرل سیکرٹری اور رانا تنویر حسین کے قریبی ساتھی حکیم سلیم اللہ کا دعویٰ ہے کہ افتخار بھنگو اور دیگر کی پی ٹی آئی امیدواروں کی حمایت سے زیادہ فرق نہیں پڑے گا کیونکہ یہ علاقہ ن لیگ کا گڑھ ہے اور رانا تنویر کو لوگ ترقیاتی کاموں کی وجہ سے پسند کرتے ہیں۔

&quot;ہم ڈور ٹو ڈور جا کر نواز شریف کی ملکی خدمات اور رانا تنویر حسین کے ترقیاتی کاموں کا بتا رہے ہیں۔ جن میں شرقپور سے لاہور ملتان روڈ لنک کے لیے موہلنوال پل، قائد اعظم یونیورسٹی کیمپس، کیڈٹ کالج اور عیسن موٹروے انٹرچینج کی منظوری، علامہ اقبال اوپن یونیورسٹی کا شیخوپورہ آفس اور درجنوں دیہات میں سوئی گیس کی فراہمی شامل ہیں۔&quot;

مقامی سماجی ورکر اور صحافی فاروق چوہدری بتاتے ہیں کہ&nbsp; اس میں کوئی شک نہیں کہ رانا تنویر حسین نے یقیناً ترقیاتی کام کرائے ہیں لیکن افتخار بھنگو کو نظر انداز کرنے اور میاں عبدالراوف کو یہاں لا کر الیکشن لڑانے کا رانا تنویر حسین کو نقصان ہوا ہے جس کا فائدہ مخالف امیدواروں کو ہو گا۔

سکھاں والا سٹاپ کے رہائشی حاجی سعید&nbsp; اپنے علاقے میں تحریک لبیک کی انتخابی مہم چلا رہے ہیں۔ وہ سمجھتے ہیں کہ اب لوگ برادری کی بنیاد پر نہیں بلکہ کارکردگی اور نظریات کو ووٹ دے رہے ہیں۔ انتخابی مہم میں روزانہ ان سے کئی ووٹر سوال اور بحث&nbsp; کرتے ہیں جبکہ انہیں ماضی میں کبھی ایسے سوالوں کا سامنا نہیں کرنا پڑتا تھا۔

بڑی برادریوں میں راجپوت، جٹ، ارائیں اور شیخ شامل ہیں۔

صوبائی نشست پی پی 139 میں رانا تنویر کا مقابلہ پی ٹی آئی کے اعجاز حسین بھٹی کر رہے ہیں جو پچھلے انتخابات میں ن لیگ کے عبدالراوف سے ہارے تھے۔ پی پی 138 میں ن لیگ کے سابق ایم پی اے پیر اشرف رسول کا مقابلہ پی ٹی آئی کے ابوزر مقصود چدھڑ سے ہے جو&nbsp; گزشتہ الیکشن&nbsp; میں ان سے شکست کھا چکے ہیں۔

رانا تنویر حسین&nbsp; این اے 113 میں اپنے بھتیجے سابق چیرمین ضلع کونسل احمد عتیق انور کی انتخابی مہم بھی چلا رہے ہیں جن کے مقابل پی ٹی آئی کے سابق ایم این اے بریگیڈیئر ریٹائرڈ راحت امان اللہ امیدوار ہیں۔

راحت امان اللہ کے پرسنل اسسٹنٹ ملک عباس نے الزام عائد کیا ہے کہ تھانہ نارنگ منڈی کے ایس ایچ او نے انہیں بلوا کر وارننگ دی&nbsp; ہے کہ راحت امان اللہ کا کوئی بینر یا جھنڈا نہیں لگانا ہے ورنہ ایکشن لیا جائے گا۔

&quot;یہ ہمارے ساتھ ناانصافی ہے کیونکہ مسلم لیگ ن کے امیدوار بلا روک ٹوک انتخابی مہم چلا رہے ہیں اور ہمیں کھل کر ووٹ مانگنے کی بھی اجازت نہیں دی جا رہی۔ حالانکہ راحت امان اللہ عمر رسیدگی اور بیماری کے باعث انتخابی مہم خود نہیں چلا رہے۔ &quot;

یہاں کے رہائشی سماجی کارکن رانا جعفر کا خیال ہے کہ رانا احمد عتیق انور آسانی سے الیکشن جیت جائیں گے کیونکہ بریگیڈیئر ریٹائرڈ راحت امان اللہ پچھلا الیکشن جیتنے کے بعد کبھی حلقے میں نظر ہی نہیں آئے جبکہ انکے مدمقابل امیدوار ہارنے کے&nbsp; باوجود لوگوں کے مسائل حل کرواتے تھے۔

این اے 115 میں ن لیگ کے میاں جاوید لطیف اور پی ٹی آئی کے خرم شہزاد ورک میں مقابلہ ہے جہاں خرم شہزاد نے صوبائی نشست پر 2022ء کے ضمنی الیکشن میں ن لیگ کے میاں خالد محمود کو 18 ہزار ووٹوں سے ہرایا تھا۔

میاں جاوید لطیف مسلسل تین بار اس قومی حلقے سے منتخب ہو چکے ہیں مگر اس بار دن رات کمپین میں مصروف ہیں۔ شیخوپورہ شہر کی نشست پی پی 141 سے جاوید لطیف نے پارٹی ٹکٹ اپنے بھائی میاں امجد لطیف کو دلوایا ہے جن کا مقابلہ پی ٹی آئی کے بیرسٹر طیاب&nbsp; سندھو اور آئی پی پی کے میاں خالد محمود سے ہو گا۔

ن لیگ کے سابق ایم پی اے عارف خان سندھیلہ بتاتے ہیں کہ کارکنوں نے نواز شریف اور مریم نواز کو مخاطب کر کے اخبار میں اشتہار شائع کرایا ہے جس میں میاں امجد کو&nbsp; ٹکٹ دینے پر&nbsp; سیٹ ہارنے کا خدشہ ظاہر کیا گیا ہے۔

میاں جاوید لطیف انتخابی جلسوں میں دعویٰ کر رہے ہیں کہ نواز شریف وزیر اعظم بن کر سی پیک مکمل کرائیں گے اور ملکی ترقی کا سفر شروع ہو گا۔ جبکہ وہ شیخوپورہ شہر میں ن لیگ کے ترقیاتی کاموں کو بھی اجاگر کر رہے ہیں۔

انجمن تاجران کے صدر امجد نذیر بٹ بتاتے ہیں کہ جاوید لطیف کو ترقیاتی کاموں کی وجہ سے تاجر برادری سپورٹ کر رہی ہے۔ جنہوں نے یہاں ڈی ایچ کیو میں سی ٹی سکین مشین ، انڈر پاسز، گرین بیلٹ، سٹیڈیم چوک، سپورٹس کمپلیکس، فٹ بال سٹیڈیم اور جناح پارک جیسے بڑے منصوبے مکمل کرائے ہیں۔

وہ کہتے ہیں کہ اس حلقے میں ورک کے بعد ارائیں سب سے بڑی برادری ہے اور جاوید لطیف&nbsp; بھی ارائیں برادری سے تعلق رکھتے ہیں۔ انہیں برادری کی حمایت ساتھ جوڑ توڑ میں بھی&nbsp; مہارت حاصل ہے اور وہ بڑا ووٹ لینے میں کامیاب ہو جائیں گے۔

سابق ایم این سے سعید ورک کا دعویٰ ہے کہ اس حلقے میں &#39;وِرک&#39; سب سے بڑی برادری ہے اور سب نے الیکشن میں اتحاد کیا ہے جس کا مقصد جاوید لطیف کو شکست دے کر شہر سے ان کی اجارہ داری کو ختم کرنا ہے۔

این اے 116 سے مسلم لیگ ن کے سردار عرفان ڈوگر مسلسل تین بار الیکشن جیت چکے ہیں&nbsp; اور اثر و رسوخ والے بڑے زمیندار ہیں۔ لیکن اس بار ان کا پالا&nbsp; اپنی ٹکر کے امیدوار سابق ایم این اے پی ٹی آئی کے خرم منور منج سے پڑا ہے جو چوہدری پرویز الٰہی کے قریبی ساتھی ہیں۔

خرم منور منج حلقے میں اب تک&nbsp; سردار عرفان ڈوگر کے حامی متعدد دھڑوں کو اپنے ساتھ ملانے میں مصروف ہیں جن میں گاؤں ایسر کے گجر&nbsp; اور مانانوالہ کی ارائیں برادری کے لوگ&nbsp; شامل ہیں۔

مخالفین کا الزام ہے کہ سردار عرفان ڈوگر نے حلقے میں کوئی ترقیاتی کام نہیں کرائے جبکہ عرفان ڈوگر کے حامی اکبر چوہان کا دعویٰ ہے کہ سردار عرفان نے دیہات میں سوئی گیس فراہم کی اور سڑکیں بنوائی ہیں۔

اس قومی نشست کے نیچے صوبائی حلقے پی پی 143 میں اشتیاق ڈوگر ن لیگ کے امیدوار ہیں&nbsp; جبکہ یہاں سے ن لیگ کی ٹکٹ کے خواہشمند جہانزیب خان اور شہباز چھینہ جو چند روز قبل تک حلقے میں جلسے اور کارنر میٹنگز کررہے تھے اب کہیں نظر نہیں آ رہے۔

ن لیگ کے سرگرم کارکن ملک ارباز بتاتے ہیں کہ رانا تنویر سابق وائس چیرمین ضلع کونسل جہانزیب خان ٹکٹ کے لیے پرامید تھے۔ کیونکہ ان کے والد اورنگزیب خان اس حلقے سے ایم پی اے منتخب ہو چکے تھے اور وہ نواز شریف سے لندن میں ملاقات بھی کر چکے تھے جنہیں رانا تنویر نے ٹکٹ کی یقین دہانی کرائی تھی۔ شہباز چھینہ کو بھی اسی طرح تسلی دی گئی تھی۔

وہ کہتے ہیں کہ جہانزیب خان اور شہباز چھینہ دونوں ہی اب رانا تنویر اور عرفان ڈوگر سے ناراض ہیں کیونکہ رانا تنویر نے دونوں کو نظر انداز کردیا اور ٹکٹ اپنی برادری کے شہزاد خالد عرف مون خان کو دلوا دیا۔ جس کا فائدہ میاں جاوید لطیف نے اٹھایا اور یہ ٹکٹ ختم کرا کے اس نشست پر اپنے گروپ کے اشتیاق ڈوگر کو نامزد کرا دیا جو گزشتہ الیکشن میں اس حلقے سے ہار چکے ہیں۔

الیکشن جیتنے کے لیے تمام امیدوار ایڑھی چوٹی کا زور لگا رہے ہیں ووٹرز کو قائل کرنے کے لیے بھی ہر حربے استعمال کیے جا رہے ہیں مگر جیت کس کا مقدر ہو گی اس کا فیصلہ ووٹر پولنگ ڈے پر کریں گے۔

ننکانہ صاحب میں روایتی حریفوں میں مقابلے، بڑی برادریاں کس امیدوار کے ساتھ کھڑی ہوں گی؟

شیخوپورہ کی سیاست کے بدلتے رنگ، کیا ترقیاتی کام امیدواروں کی کامیابی میں کوئی کردار ادا کریں گے؟

ثناء بی بی کہتی ہیں کہ 25 جنوری کی صبح پانچ بجے میرے بچے کا جسم کانپنے لگا، رنگ بھی نیلا پڑ گیا، اسے بیڈ پر لٹا کر فوری ڈاکٹر کی طرف بھاگی جو دوسری وارڈ میں تھے۔ کچھ ہی دیر بعد ڈاکٹر پہنچے، بچے کا معائنہ کیا اور کہہ دیا کہ آپ کا بیٹا اللہ کو پیارا ہو چکا ہے۔

ثناء بی بی کا تعلق پنجاب کے ضلع شیخوپورہ کے نواحی قصبے منڈیالی سے ہے ان کے شوہر شہر میں ایک ہوٹل پر ملازمت کرتے ہیں۔

ثناء جو پہلے سسکیاں لے رہی تھیں پھوٹ پھوٹ کر رونے لگی ان کا شکوہ ہے کہ ان کے بچے کو نمونیا ہی تو تھا اگر بروقت مناسب طبی سہولیات مل جاتی تو شاید وہ آج زندہ ہوتا۔

ان کے بقول 24 جنوری کی شام جیسے ہی ان کے بیٹے کی طبعیت بگڑی تھی تو وہ اپنے شوہر کے ہمراہ&nbsp; فوری طور پر اسے لے کر سول ہسپتال پہنچ گئیں۔ یہاں پر موجود ڈاکٹرز نے بچے کا معائنہ بھی نہیں کیا اور کہہ دیا کہ اسے شہباز شریف چلڈرن ہسپتال کی ایمرجنسی میں لے جائیں جو وہاں سے تقریبا 5 کلومیٹر کے فاصلے پر ہے۔ ہم دونوں میاں بیوی بیمار بچے کو لے کر چلڈرن ہسپتال پہنچے تو رات کے 8 بج چکے تھے۔ پرچی کاونٹر پر بھی بہت لوگ جمع تھے، قطار میں کھڑے رہ کر اندراج کی پرچی بنوائی۔ اس کے بعد بچے کے ڈاکٹر سے معائنے کے لیے بھی کافی دیر تک انتظار کرنا پڑا۔

&#39; ایک لمحے کا انتظار بھی مشکل ہو رہا تھا کیونکہ بچہ بہت تکلیف میں تھا اس کی تکلیف مجھ سے دیکھی نہیں جا رہی تھی&quot;۔

ان کے مطابق باری آنے پر ڈاکٹر نے بتایا کہ نمونیا کی بیماری کی وجہ سے بچے کی حالت نازک ہو چکی ہے اسے فوری طور پر وارڈ میں داخل کرا دیں۔

وہ بتاتی ہیں کہ جب وہ بچے کو گود میں اٹھائے وارڈ میں داخل ہوئے تو وہاں پر بہت زیادہ بھیڑ تھی۔ ایک ایک بستر پر پانچ، پانچ بچے تھے، بہت ساری مائیں اپنے بچوں کو گود میں لے کر بیٹھی تھیں اور ڈرپ کو ہاتھوں میں تھامہ ہوا تھا۔&nbsp; وہ نرسنگ کاؤنٹر پر پہنچے تو یہاں بھی 15 منٹ تک انتظار کرنا پڑا، باری آئی نرس نے ڈرپ لگا کر مشورہ دیا کہ جس بیڈ پر جگہ ملے بچے کو گود میں لےکر بیٹھ جائیں۔

&#39;میں ساری رات بچے کو لے&nbsp; کر بیٹھی رہی اس کے والد سخت سردی میں باہر کھڑے رہے، پھر صبح پانچ بجے&nbsp; ان کا بچہ دم توڑ گیا۔

فاروق آباد کے رہائشی محمد سجاول کی دو سالہ بیٹی نور فاطمہ بھی تین دن تک ہسپتال میں زیر علاج رہنے کے بعد 26 جنوری کو زندگی کی بازی ہار چکی ہیں۔

سجاول نہ کسی سے شکوہ کرتے ہیں اور نہ ہی انہیں کوئی شکایت ہے بس انھوں نے اتنا ہی کہا &quot;خدا کرئے کسی غریب کا بچہ بیمار نہ ہو، کیوں کہ یہاں پر تو موت بھی سکون کی نہیں ملتی&quot;

شیخوپورہ میں یہ کہانی صرف ثناء بی بی یا محمد سجاول کی ہی نہیں ہے۔ چلڈرن ہسپتال کے ریکارڈ کے مطابق پچھلے دو ہفتوں میں اس&nbsp; شہر میں نمونیے سے کم از کم 21 بچوں جاں بحق ہو چکے ہیں اور روزانہ کی بنیاد پر سینکڑوں متاثر ہو رہے ہیں۔

گوجرانوالہ کے قریبی قصبہ اروپ سے تعلق رکھنے والے چالیس سالہ غلام رسول مزدوری کرکے گزر بسر کرتے ہیں، دو روز پہلے ان کے&nbsp; تین سالہ اکلوتے بیٹے کا اسی مرض کی وجہ سے انتقال ہوگیا ہے۔

غلام رسول بتاتے ہیں کہ کچھ دن پہلے جب ان کے بیٹے کی طبعیت خراب ہوئی تو انھوں نے ایک مقامی کلینک سے دوا لی اور گھر واپس آگئے۔ بچے کو دو روز تک دوائی دی گئی جس میں بظاہر کچھ افاقہ بھی ہوا لیکن تیسرے روز اچانک بچے کی حالت بگڑ گئی جس پر سب گھر والے پریشان ہو گئے۔

غلام رسول کہتے ہیں کہ ہمیں اور کچھ نہ سجھائی دیا تو ہم بیٹے کو لے کر سول ہسپتال پہنچ گئے جہاں سے ہمیں قریب ہی نئے بننے والے چلڈرن ہسپتال بھجوادیا گیا، چلڈرن ہسپتال میں پہلے ہی بہت زیادہ رش تھا ، بچے کے ٹیسٹ کئے گئے تو انکشاف ہوا کہ اسے نمونیا ہوگیا ہے جس پر ہمارے ہاتھ پیر پھول گئے۔

&#39;میرا لخت جگر دو روز تک ہسپتال میں زیر علاج بھی رہا لیکن پھر تیسرے روز ڈاکٹر نے بتایا کہ اس کی جان نہیں بچائی جاسکی&#39;۔

میڈیا پر محکمہ صحت پنجاب کے حوالے سے چلنے والی خبروں کے مطابق یکم جنوری سے 26 جنوری تک صوبے میں نمونیے سے انتقال کرنے والے بچوں کی تعداد 233 تک پہنچ چکی ہے۔ ریکارڈ کے مطابق 25 جنوری کو 12 اور 26 جنوری کو 13 بچوں کا انتقال ہوا ہے۔ اسی طرح&nbsp; یکم جنوری سے اب تک نمونیے مرض میں مبتلا ہونے والے بچوں کی تعداد 12 ہزار کے قریب ہے۔

اس عرصے میں لاہور میں بھی25 بچے جاں بحق ہوچکے ہیں۔یہ صورتحال صرف شمالی پنجاب ہی نہیں بلکہ جنوبی پنجاب کے حالات بھی کچھ اچھے نہیں ہیں۔ ملتان کے چلڈرن اور نشتر ہسپتال کے ریکارڈ کے مطابق رواں ماہ 42 بچے نمونیے کی وجہ سے دم توڑ گئے ہیں جبکہ جنوبی پنجاب کے مختلف ہسپتالوں میں جاں بحق ہونے والے بچوں کی کل تعداد 67 ہے۔

ماہرینِ صحت نمونیا کے بڑھتے ہوئے کیسز کو شدید سردی اور موسمِ سرما میں فضائی آلودگی کی وجہ سے پیدا ہونے والی سموگ کو بھی قرار دے رہے ہیں۔

شیخوپورہ کے ہسپتالوں میں زیر علاج بچوں کے والدین ایسی صورتحال میں نہ صرف ہسپتال کے عملے بلکہ اپنے مقامی سیاستدانوں کی بے اعتنائی کا شکوہ بھی کر رہے ہیں۔

ان کے مطابق موجودہ الیکشن مہم کے دوران ہر کوئی ترقی کے دعوے تو بڑھ چڑھ کر رہا ہے لیکن ان سے کوئی پوچھنے تک نہیں آیا۔

شیخوپورہ سے مسلسل تین بار منتخب ہونے والے مسلم لیگ ن کے رہنما میاں جاوید لطیف نے تو اپنی الیکشن مہم کے لیے ایک ایسا پمفلٹ بھی چھپوایا ہے جس میں وہ چلڈرن ہسپتال سمیت شہر میں عوامی فلاح کے 36 منصوبوں مکمل کرنے کا دعوی کرتے ہوئے خود کو ووٹ کا صحیح حق دار قرار دے رہے ہیں۔

محمد سجاول جن کی تین سال بچی کا دو روز پہلے انتقال ہوا ہے وہ کہتے ہیں کہ مقامی سیاستدان کی نظر میں صرف چوہدری اور وڈیرے ہی ووٹر ہیں کیوں کہ آج کل وہ انہی کے ڈیروں پر پائے جاتے ہیں، شہر میں غریب لوگوں کے ساتھ کیا ہو رہا ہے اس سے انہیں کوئی فرق نہیں پڑتا۔

وہ کہتے ہیں کہ جس طرح مقامی سیاستدان انہیں نہیں پوچھ رہے اسی طرح پورے ملک کے میڈیا کو بچوں کی اموات سے زیادہ الیکشن میں دلچسپی ہے۔

شیخوپورہ سے تعلق رکھنے والے سماجی کارکن اور صحافی آصف کمبوہ&nbsp; کہتے ہیں کہ 24 جنوری کی رات 11 بجے وہ اپنے شہر کے چلڈرن ہسپتال گئے تو یہاں پر بجلی بند تھی۔ پوچھنے پر معلوم پڑا کہ جنریٹر پچھلے گزشتہ پندرہ روز سے خراب ہے۔ کچھ والدین نے بتایا کہ نرسری میں آکسیجن کی سپلائی 20 منٹ معطل رہی ہے۔

ان کے مطابق ہسپتال میں چھاتی کے انفیکشن کا ٹیسٹ کرنے والی واحد مشین بھی خراب ہے جو ایک کونے میں پڑی ہے اور اس کو زنجیر لگائی گئی ہے۔ ہسپتال میں داخل بچے سینکڑوں میں ہیں لیکن یہاں پر صرف 32 ہی بیڈ دستیاب ہیں ان میں سے بھی کچھ ایمرجنسی وارڈ میں ہیں۔

ان کے&nbsp; مطابق جب اس ساری صورتحال سے ڈپٹی کمشنر ڈاکٹر وقار علی خان کو آگاہ کیا تو انھوں نے فوری طور پر میڈیکل سپرنٹنڈنٹ فون کیا اور ان معاملات کو فوری طور پر حل کرنے کا حکم دیا۔ لیکن دو روز گزرنے کے باوجود کچھ نہیں ہوا۔

شیخوپورہ چلڈرن ہسپتال کے ایڈیشنل میڈیکل سپریڈنٹ ڈاکٹر اسامہ خان کے مطابق پہلے ہسپتال کی ایمرجنسی اور آئی سی یو میں بیڈز کی تعداد 32 ہی تھی لیکن اب ان کو بڑھا کر 41 کر دیا گیا ہے کیوں کہ سٹور روم میں پڑے ہوئے 9 بیڈز بھی اب استعمال میں لائے جارہے ہیں۔

&nbsp;وہ بتاتے ہیں کہ ایمرجنسی میں روزانہ کی بنیاد پر دو سو سے ڈھائی سو بچے چیک اپ کے لیے آرہے ہیں جبکہ او پی ڈی میں چیک اپ والوں کی تعداد&nbsp; 400 سے 450&nbsp; تک ہے۔ ہسپتال میں صرف انہیں بچوں کو داخل کیا جا رہا ہے جو شدید متاثر ہوں، اس کے علاوہ اگر کسی روز بچوں کی تعداد بہت زیادہ ہو جائے تو والدین کو انہیں لاہور کے چلڈرن ہسپتال لے جانے کا مشورہ دیا جاتا ہے لیکن یہ تعداد دو فیصد سے بھی کم ہو گی ۔ ہسپتال میں ڈاکٹروں اور نرسوں کی بھی کمی ہے۔

وہ اپنے ہپستال میں پانچ بچوں کے لیے ایک ہی بستر کو بھی صحت کے اصولوں کے خلاف قرار دیتے ہوئے کہتے ہیں کہ اس سے سوئیر انفیکشن کا شکار بچہ دوسرے بچوں پر بھی اثر انداز کر سکتا ہے۔

ڈاکٹر فیاض کھوکھر کا شمار گوجرانوالہ کے سینئر جنرل فزیشنز میں ہوتا ہے&nbsp; جوکہ سول ہسپتال کامونکی کے میڈیکل سپرنٹینڈنٹ بھی رہے ہیں۔ ان کا خیال ہے کہ ہمارا نظام صحت کا ڈھانچہ زیادہ بوجھ برداشت کرنے کے قابل نہیں ہے۔ اس لیے احتیاطی تدابیر اپنا کر اس صورتحال سے بچا جاسکتا ہے۔

وہ بتاتے ہیں کہ ان دنوں ان کے کلینک پر ہر دس میں سے نو مریض سموگ اور نمونیا کا شکار آرہے ہیں سب کو سینے میں درد ، نزلہ ، زکام ، کھانسی ، آنکھوں کا دکھنا اور کپکپاہٹ کی ایک جیسی علامات ہیں۔

&nbsp;ایسے لوگ جوکہ موٹر سائیکل کا استعمال کرتے ہیں وہ اس بیماری کا سب سے پہلا شکار ہوتے ہیں، اس کے علاؤہ چھوٹے بچوں کو نمونیا منٹوں میں پکڑ لیتا ہے جس کی پہلی علامت یہی ہوتی ہے کہ انہیں سانس میں تکلیف ہوتی ہے اور سینے میں درد محسوس ہوتا ہے۔ &quot;

ڈاکٹر فیاض کھوکھر کا کہنا ہے کہ والدین کو چاہیے کہ وہ مزید ایک ماہ یعنی ماہ فروری تک بچوں کے بارے میں لاپرواہی نہ برتیں ، ان کو گرم ملبوسات پہنائیں ، انڈر گارمنٹس کا لازمی استعمال کریں ، بچوں کو ضروری حالات کے سوا باہر نہ نکلنے دیں ،جو بچے سکول جاتے ہیں ان کو ٹوپی دستانے اور جرابیں ضرور پہنائیں اور جب بھی پانی پئیں اسے نیم گرم کرلیں ، ابلے انڈوں، سوپ، گرم دودھ اور چائے کا استعمال کریں۔

ڈاکٹر فیاض کھوکھر کہتے ہیں کہ جو نمونیا ان دنوں پھیلا ہوا ہے وہ عام نمونیا نہیں بلکہ وائرل نمونیا ہے جس میں وہ ویکسین کارآمد نہیں ہوتی جوکہ بچوں کو پیدائش کے بعد حفاظتی ٹیکا جات میں لگائی جاتی ہے ، بہتر یہی ہے کہ والدین احتیاط سے کام لیں اور اس وائرل نمونیا سے خود بھی بچیں اور اپنے بچوں کو بھی بچائیں۔

*اس رپورٹ کی تیاری میں گوجرانوالہ سے احتشام احمد شامی نے بھی مدد کی ہے۔

'اسے لاہور لے جائیں': ننکانہ صاحب کا ضلعی ہسپتال ہر چوتھے مریض کو دوسرے شہروں کے ہسپتالوں میں کیوں ریفر کر دیتا ہے؟

پنجاب میں نمونیا کے بڑھتے کیسز:' پورے ملک کے میڈیا کو بچوں کی اموات سے زیادہ الیکشن میں دلچسپی ہے'

انتخابات قریب آتے ہی ضلع شیخو پورہ میں سیاسی گہما گہمی شروع ہو چکی ہے۔ کچھ امیدوار کارنر میٹنگز، جلسے شروع کر چکے ہیں اور جن کے کاغذات نامزدگی مسترد ہو چکے وہ اپیلوں کی تیاریاں کر رہے ہیں۔

ضلع شیخو پورہ میں 2008ء سے قومی اسمبلی کی چار اور پنجاب اسمبلی کی نو نشستیں چلی آ رہی ہیں۔ پچھلی حلقہ بندی میں یہاں قومی حلقوں کے نمبر این اے 119 سے این اے 122 تک تھے جو اب این اے 113 سے این اے 116 تک ہو گئے ہیں۔

&nbsp;2008ء کے انتخابات میں اس ضلعے کی تمام چار قومی و نو نشستوں پر مسلم لیگ ن نے کامیابی حاصل کی تھی۔ 2013 ء میں ن لیگ کو صرف ایک صوبائی نشست پر آزاد امیدوار علی اصغر منڈا کے ہاتھوں شکست ہوئی تھی مگر وہ بھی ن لیگ میں شامل ہو گئے تھے۔

پچھلے عام انتخابات میں تحریک انصاف نے ن لیگ سے شیخوپورہ کی ایک قومی اور چار صوبائی نشستیں چھین لی تھیں۔ تحریک انصاف کے ٹکٹ پر دو صوبائی نشستیں جیتنے والوں میں مریدکے سے خرم اعجاز چھٹہ اور عمر آفتاب ڈھلوں شامل تھے جو پہلے ن لیگ کے ایم پی اے رہ چکے تھے۔ لیکن الیکشن سے قبل پی ٹی آئی میں چلے گئے تھے۔

اس ضلعے میں ن لیگ کے تین رہنما تین قومی نشستوں پر مسلسل کامیابی حاصل کرتے رہے ہیں۔

پچھلی بار این اے 120(موجودہ این اے 114) سے رانا تنویر حسین، این اے 121 (اب این اے 115)سے میاں جاوید لطیف اور این اے 122 (موجودہ این اے 116) سے سردار عرفان ڈوگر کامیاب ہوئے تھے۔

لیکن این اے 119 (اب این 113) سے رانا تنویر کے بھائی میاں افضال حسین پچھلے انتخابات میں تحریک انصاف کے بریگیڈیئر ریٹائرڈ راحت امان اللہ سے ہار گئے تھے۔

<hr />
<h2 style="text-align:center">شیخوپورہ نئی حلقہ بندیاں 2023</h2>

2018 کا قومی اسمبلی کا حلقہ این اے 119 شیخوپورہ 1 اب این اے 113 شیخوپورہ 1 ہے 
قومی اسمبلی کا یہ حلقہ تحصیل مریدکے کی آبادی پر مشتمل ہے۔ تحصیل فیروز والا کی میونسپل کمیٹی اور کچھ دیہی علاقے بھی اس حلقے کا حصہ ہیں۔ نئی حلقہ بندیوں کے تحت اس حلقے میں&nbsp; تحصیل فیروز والا کے پٹوار سرکل کالا شاہ کاکو کو نکال دیا گیا ہے۔

2018 کا قومی اسمبلی کا حلقہ این اے 120 شیخوپورہ 2 اب این اے 114 شیخوپورہ 2 ہے 
اس حلقے میں پوری شرق پور تحصیل شامل ہے۔ فیزوز والا اور شیخوپورہ تحصیل کی کچھ دیہی آبادیاں بھی اس حلقے کا حصہ ہیں۔ نئی حلقہ بندیوں کے تحت صرف یہ تبدیلی آئی ہے کہ&nbsp; اس میں کالا شاہ کاکو پٹوار سرکل کو شامل کردیا گیا ہے۔کالا شاہ کاکو پٹوار سرکل 2018 کے انتخابات کے وقت شیخوپورہ ون کا حصہ تھا۔

2018 کا قومی اسمبلی کا حلقہ این اے 121 شیخوپورہ 3 اب این اے 115 شیخوپورہ 3 ہے 
یہ شیخوپورہ کا شہری حلقہ ہے۔جس میں میونسپل کارپوریشن شیخوپورہ کے علاوہ بھکھی اور جنڈیالہ شیر خان کے قصبے بھی شامل ہیں۔ 2023 کی حلقہ بندیوں میں اس حلقے میں کوئی تبدیلی نہیں ہوئی ہے۔

2018&nbsp;&nbsp; کا قومی اسمبلی کا حلقہ این اے 122 شیخوپورہ 4 اب این اے 116 شیخوپورہ 4 ہے 
یہ حلقہ تحصیل صفدر آباد اور شیخوپورہ تحصیل کے قصبوں ماناوالا اور فاروق آباد کے علاقوں پر مشتمل ہے۔2023 کی حلقہ بندیوں میں اس حلقے میں کوئی تبدیلی نہیں آئی ہے۔

<hr />

حالیہ مردم شماری میں ضلع شیخوپورہ کی مجموعی آبادی 40 لاکھ 49 ہزار 418 بتائی گئی ہے۔ الیکشن کمیشن کے مطابق اس ضلعے میں رجسٹرڈ ووٹرز کی کل تعداد 21لاکھ 13 ہزار 545 ہے۔ جن میں 11لاکھ 63 ہزار 194 مرد اور نو لاکھ 50 ہزار 351 خواتین ووٹر ہیں۔

نئی حلقہ بندیوں میں بھی ضلع شیخوپورہ کی چار قومی اور نو صوبائی نشستیں برقرار رکھی گئی ہیں۔

این اے 113 میں مریدکے، فیروز والا اور کالا شاہ کاکو کے علاقے شامل ہیں۔ یہاں سے 16 امیدواروں نے کاغذات نامزدگی جمع کرائے تھے۔ جن میں عمر آفتاب ڈھلوں، ان کے والد آفتاب اقبال، خرم اعجاز چھٹہ اور راحت امان اللہ پی ٹی آئی سے تعلق رکھتے ہیں۔

اس نشست کے لیے ن لیگ سے احمد عتیق انور اور ان کے والد رانا افضال حسین، پیپلز پارٹی سے عثمان نثار پنوں اور صابر حسین بھلہ جبکہ تحریک لبیک سے نعمان خالد اور انور رشید گجر نے کاغذات جمع کرائے ہیں۔

&nbsp;اس نشست پر ن لیگ کے متوقع امیدوار رانا احمد عتیق انور بتائے جارہے ہیں جو چیئرمین ضلع کونسل رہ چکے ہیں۔ پی ٹی آئی کے بریگیڈیئر ریٹائرڈ راحت امان اللہ اور ان کے تینوں بیٹوں کے کاغذات نامزدگی مسترد ہو چکے ہیں۔

&nbsp;اب یہاں فائنل ریس کن امیدواروں کے درمیان ہوتی ہے اس کا اندازہ پارٹی ٹکٹوں کی تقسیم کے بعد ہو گا۔

این اے 114 تحصیل شرقپور، کوٹ عبدالمالک، بھاریاں والا ودیگر علاقوں پر مشتمل ہے۔

اس حلقے میں 23 امیدوار سامنے آئے ہیں۔ جن میں ن لیگ سے رانا تنویر حسین، پی ٹی آئی سے سابق ایم پی اے علی اصغر منڈا کی اہلیہ شبانہ اصغر اور علی اصغر کے بھائی ارشد منڈا نے کاغذات نامزدگی جمع کرائے ہیں۔ یہاں سے پیپلز پارٹی کے سردار علی آصف، تحریک لبیک کے میاں آصف کے علاوہ میاں جلیل شرقپوری نے بھی درخواست دے رکھی ہے۔

سابقہ انتخابات میں اس قومی حلقے کے نیچے صوبائی نشست پر کامیاب ہونے والے علی اصغر منڈا اور میاں جلیل شرقپوری کی کہانی بھی دلچسپ ہے۔

&nbsp;علی اصغر 2008ء میں پہلی بار ن لیگ کے ٹکٹ پر ممبر صوبائی اسمبلی منتخب ہوئے لیکن ان کا رانا تنویر حسین سے اختلاف ہو گیا تھا۔ 2013ء میں پارٹی ٹکٹ نہ ملنے پر انہوں نے صوبائی نشست پر آزاد الیکشن لڑا اور جیت کر ن لیگ میں ہی واپس آگئے۔

سابق ایم پی اے کی 43 سالہ اہلیہ شبانہ اصغر جو اب خود امیدوار ہیں، بتاتی ہیں کہ رانا تنویرنے علی اصغر کو قبول نہیں کیا اس لیے وہ ن لیگ چھوڑ کر پی ٹی آئی میں چلے گئے۔ ان کے شوہر نے 2018ء کا چناؤ قومی نشست پر رانا تنویر حسین کے خلاف لڑا مگر ہار گئے تھے۔

رانا تنویر حسین پرانے سیاست دان ہیں۔ وہ اس صوبائی نشست پر پی ٹی آئی سے جلیل شرقپوری کو ن لیگ میں لے آئے۔ جس کے نتیجے میں شرقپوری صوبائی اور رانا تنویر حسین قومی نشست جیت گئے۔ مگر وہ ایم پی اے بننے کے بعد بزدار حکومت کو سپورٹ کرتے رہے۔

شبانہ اصغر کا کہنا ہے کہ نو مئی کے بعد پولیس ان کے شوہر کی گرفتاری کے لیے کئی چھاپے مار چکی ہے جو ان دنوں سعودی عرب ہیں اور حالات بہتر ہونے تک واپس نہیں آ سکتے۔ &quot;اب تو علی اصغر منڈا کا شناختی کارڈ اور پاسپورٹ بلاک کیا جا چکا ہے&quot;۔

اس حلقے میں شبانہ اصغر اور ارشد منڈا دونوں نے رانا تنویر کے مقابلے میں کاغذات جمع کرا رکھے ہیں تاہم ارشد منڈا اپنی بھاوج ہی کو الیکش لڑانے کا اعلان کر چکے۔ یہ مقابلہ کافی دلچسپ ہوگا۔

این اے 115 میں شیخوپورہ شہر کے ساتھ جنڈیالہ شیر خان و دیگر دیہات آتے ہیں۔ اس نشست پر 15 امیدوں نے کاغذات نامزدگی جمع کرائے ہیں جن میں پی ٹی آئی سے سابق صوبائی وزیر خرم شہزاد ورک، ن لیگ سے میاں جاوید لطیف اور پیپلز پارٹی کے میاں لیاقت بھی شامل ہیں۔

اس حلقے سے پی ٹی آئی کے سعید ورک اور طیاب راشد سندھو نے بھی کاغذات جمع کرائے ہیں تاہم یہاں خرم شہزاد ورک اور جاوید لطیف کے درمیان ہی اصل میدان لگنے کا امکان ہے۔

&nbsp;این اے 116 تحصیل صفدر آباد، مانانوالہ، فاروق آباد وغیرہ پر مشتمل ہے جہاں 28 امیدوار سامنے آئے ہیں۔ اس نشست پر ن لیگ کے سابق ایم این اے سردار عرفان ڈوگر اور پی ٹی آئی کے خرم منور منج ممکنہ طور پر مدمقابل ہونگے۔ لیکن ابتدائی جانچ پڑتال میں پرویز الہی کے ساتھی خرم منور منج کے کاغذات نامزدگی مسترد قرار پائے ہیں۔

ضلع شیخو پورہ کے ںو صوبائی حلقوں میں ن لیگ کے سابق ٹکٹ ہولڈرز کے ساتھ نئے امیدوار بھی پارٹی ٹکٹ کے لیے زور لگاتے دکھائی دے رہے ہیں ۔

ایک اور اہم بات یہاں پی پی 141 سے میاں جاوید لطیف کا کاغذات نامزدگی جمع کرانا ہے جو این اے 115 سے تین بار الیکشن جیت چکے ہیں اور اب بھی وہاں امیدوار ہیں۔ اسی طرح رانا تنویر نے پی پی 139 اور پی پی 140 سے کاغذات نامزدگی جمع کرائے ہیں۔ یہ دونوں 
صوبائی حلقوں کے پارٹی ٹکٹ کے لیے بھی بھرپور کوششیں کر رہے ہیں۔

پنجاب اسمبلی کی نشست پی پی 136 شیخو پورہ ون مریدکے سے 26 امیدواروں نے کاغذات نامزدگی جمع کرائے ہیں۔ یہاں مسلم لیگ ن کے حسان ریاض اور پی ٹی آئی کے عمر آفتاب ڈھلو کے درمیان مقابلہ متوقع ہے۔&nbsp;

پی پی 137 شیخوپورہ ٹو مریدکے سے 16 امیدوار سامنے آئے ہیں جن میں سے فائنل ریس ن لیگ کے ارشد ورک اور پی ٹی آئی کے خرم اعجاز چھٹہ کے درمیان ہو سکتی ہے۔تاہم ابتدائی سکروٹنی میں خرم اعجاز کے کاغذات مسترد ہو چکے ہیں۔

&nbsp;پی پی 138 شیخوپورہ تھری کے لیے مجموعی طور پر 23 کاغذات نامزدگی جمع کرائے گئے ہیں۔ یہاں مسلم لیگ ن کے پیر اشرف رسول اور پی ٹی آئی کے ابوزر مضبوط امید وار تصور کیے جا رہے تھے۔لیکن ابوزر کے کاغذات مسترد ہو چکے ہیں اور دیگر امیدواروں کے ٹکٹ ابھی سامنے نہیں آئے۔

پی پی 139 فیروز والا سے 32 امیدواروں نے کاغذات نامزدگی جمع کروائے تھے۔ رانا تنویر حسین کے دستبردار ہونے کی صورت یہاں میاں عبد الروف یا رانا عباس علی خان ن لیگ کے امیدوار ہونگے۔ میاں عبد الرؤف پچھلے انتخابات میں اس حلقے سے ایم پی اے منتخب ہوئے تھے۔ 
اب نشست پر سمیع اللہ بوہکا اور رانا عباس خان بھی ن لیگ کے ٹکٹ کے لیے مضبوط امیدوار ہیں۔ یہاں پی ٹی آئی سے سابق ٹکٹ ہولڈر محمد اشفاق یا اعجاز بھٹی امیدوار ہونگے ۔

صوبائی حلقہ پی پی 140 شرقپور سے 34 امیدوار سامنے آئے ہیں۔ رانا تنویر حسین کے یہاں نہ لڑنے کی صورت میں ن لیگ کے رانا عباس علی یا افتخار احمد بھنگو امیدوار ہونگے۔ پی ٹی آئی سے اویس عمر ورک امیدوار ہو سکتے ہیں جو ریٹائرڈ ڈی ایس پی عمر ورک کے بیٹے ہیں۔

صوبائی حلقہ پی پی 141 شیخوپورہ سے کل 48 کاغذات نامزدگی جمع ہوئے تھے۔ میاں جاوید لطیف کی دستبرداری کی صورت میں یہاں ان کے بھائی میاں منور لطیف یا سابق چیرمین بلدیہ امجد لطیف امیدوار ہو سکتے ہیں۔ تاجر رہنما امجد نذیر بٹ بھی ن لیگ کے ٹکٹ کے لیے کوشش کر رہے ہیں۔ 
اس نشست پر پی ٹی آئی کے بیرسٹر طیاب راشد سندھو ، سابق ایم این اے چوہدری سعید ورک اور میاں علی بشیر نے کاغذات جمع کرا رکھے ہیں۔

استحکام پاکستان پارٹی کے میاں خالد محمود بھی مضبوط امیدوار ہیں۔ جو دو مرتبہ یہاں سے ایم پی اے بن چکے ہیں اور تحریک انصاف کے صوبائی وزیر رہے۔ ن لیگ سے ایڈجسٹمنٹ کی صورت میں وہ دونوں پارٹیوں کے متفقہ امیدوار ہو سکتے ہیں۔

&nbsp;پی پی 142 شیخوپورہ سے 28 کاغذات نامزدگی جمع ہوئے تھے۔ یہاں مسلم لیگ ن کے امیدوار سابق ایم پی اے محمود الحق یا سید سجاد حسین ہونگے ۔ جبکہ پی ٹی آئی کے رانا علی سلمان، وقاص محمود مان اور بلال ورک سامنے آچکے ہیں۔ ان میں سے کون الیکشن الیکشن لڑ پاتا ہے ابھی کچھ کہا نہیں جا سکتا۔

&nbsp;پی پی 143 فاروق آباد سے 46 امیدواروں نے کاغذات نامزدگی جمع کرائے ہیں۔ اس حلقہ میں مسلم لیگ ن کے ٹکٹ کے لیے سابق ایم پی اے سجاد حیدر گجر، جہانزیب خان، شہباز احمد چھینہ اور واصف ڈوگر کوشش کر رہے ہیں۔ پی ٹی آئی سے سابق ٹکٹ ہولڈر رانا وحید احمد خان امیدوار ہیں۔

&nbsp;پی پی 144 صفدر آباد میں 48 امیدوار امیدوار سامنے آئے ہیں جن میں ن لیگ کے رہنما احسن اقبال کے بھائی مجتبیٰ جمال، سجاد حیدر گجر اور عمران حیدر ڈوگر شامل ہیں۔ پی ٹی آئی سے سرفراز ڈوگر نے کاغذات نامزدگی جمع کرائے تھے۔

اس بار ن لیگ اور تحریک انصاف کے امیدواروں کے درمیان کانٹے دار مقابلے متوقع ہیں۔ یہاں پارٹی ووٹ زیادہ ہے اس لیے ان دو پارٹیوں کے سوا کسی اور کے لیے اس ضلع سے سیٹ نکالنا مشکل ہو گا تاہم فیصلہ ووٹر کریں گے۔

خوشاب میں ماضی کے اتحادی آمنے سامنے، مخالف ایک دوسرے کے مددگار بن گئے

شیخو پورہ میں پارٹی ووٹ اہم، کس حلقے میں کن امیدواروں کے درمیان فائنل ریس متوقع ہے؟

بچوں کی ضد نے ظفر اقبال کو اپنی دو ایکڑ زرخیز زرعی زمین ایک ہاؤسنگ سوسائٹی کو فروخت کرنے پر مجبور کر دیا۔

دو ماہ پہلے انھوں نے اپنی زمین کا پانچ کروڑ روپے میں سودا کیا تو ہاوسنگ سوسائٹی کے مالکان نے انہیں فوری طور پر پانچ لاکھ روپے بیعانہ ادا کرتے ہوئے زمین کا قبضہ لے لیا۔

ظفر اقبال کے بقول باقی پانچ کروڑ 40 لاکھ روپے کی ادائیگی کے حوالے سے مہینے کا معاہدہ ہوا تھا لیکن دو ماہ گزر جانے کے باوجود ابھی تک انہیں پیسے نہیں ملے ہیں۔

&quot;جب بھی ان کے پاس جاتا ہوں تو کہتے ہیں کہ بس ایک بڑا چیک کلیئر ہونے والا ہے جیسے ہی پیسے آتے ہیں تو انہیں ادا کر دیے جائیں گے&quot;

ظفر اقبال ضلع شیخوپورہ کے قصبے برج اٹاری کے رہنے والے ہیں اور ان کی زرعی زمین لاہور، شیخوپورہ کے سنگم میں فیض پور انٹرچینج کے پاس عین اس جگہ موجود تھی جہاں ہاؤسنگ سوسائٹیوں کی بھرمار ہے۔

ظفر اقبال کے بقول وہ اپنی وراثتی زمین کسی صورت فروخت نہیں کرنا چاہتے تھے لیکن بچے چونکہ اب بڑے ہوگئے ہیں ان کو لگتا ہے کہ دو ایکڑ رقبے سے تو گھر کے اخراجات بھی پورے نہیں ہوسکتے تو وہ اپنا مستقبل بہتر کیسے بنائیں گے۔

&quot;پچھلے دو سال سے انہیں سمجھانے کی کوشش کر رہا ہوں کہ زمین چلی گئی تو پھر گھر کی دال روٹی بھی مشکل ہو جائے گی لیکن انھوں نے اپنی ضد نہیں چھوڑی بلکہ مجھے خود غرض سمجھنے لگے تھے۔ اب میری عمر بھی ہو گئی ہے اور پتا نہیں کب اگلے جہان جانا پڑ جائے اس لیے ان کی ضد کے آگے ہار مان لی ہے&quot;۔

انہوں نے کہا کہ اپنے حصے کے پیسوں سے وہ کاروبار شروع&nbsp; کریں گے۔

ظفر اقبال کی عمر 65 سال ہے اور ان کے چار بیٹے اور دو بیٹیاں ہیں جو سب 18 سال سے بڑے ہیں۔ان میں سے ایک بیٹے اور ایک بیٹی کی شادی بھی ہو چکی ہے۔

وہ بتاتے ہیں کہ زمین فروخت کیے ہوئے ابھی دو ماہ کا عرصہ بھی نہیں گزرا ہے تو گھر کی ضرورت پوری کرنے کے لیے دودھ خریدنا بھی مشکل ہو گیا ہے۔

دو ماہ پہلے تک ظفر اقابل کے پاس چار بھینسیں تھیں جو انھوں نے اپنی زرعی زمین کے ایک حصے پر بنی ہوئی حویلی میں رکھی ہوئی تھیں۔ ظفر اقبال کے بقول بھینسوں کے دودھ کی فروخت سے حاصل ہونے والی آمدن پر ان کی دال روٹی باآسانی چل رہی تھی لیکن جیسے ہی زمین کا قبضہ ہاؤسنگ سوسائٹی کو دیا تو انہیں بھینیسیں بھی فروخت کرنا پڑ گئیں۔

ان کے مطابق یہ مویشی ان کا بڑا سہارا تھا کیوں کہ انھوں نے اپنے دونوں بچوں کی شادیاں بھی بھینسیں فروخت کرکے ہی کی تھیں۔

&quot;لیکن اب تو خوشی غمی کے لیے لوگوں سے ادھار لینا پڑے گا۔&quot;

وہ کہتے ہیں کہ وراثتی زمین میرے پاس نہیں رہی اس کا دکھ انہیں مرتے دم تک رہے گا لیکن یہ بھی ڈر ہے کہ کہیں بیٹے جنہیں کسی بھی قسم کے کاروبار کو کوئی تجربہ نہیں ہے، وہ بھی اپنے مقصد میں کامیاب نہ ہو سکے تو پھر ان کا کیا بنے گا؟

بچوں کے کاروبار میں کامیاب نہ ہونے کے حوالے سے وہ اتنے فکر مند کیوں ہیں اس کی مثال وہ کچھ یوں دیتے ہیں کہ ان کے چھوٹے بھائی 58 سالہ اکبر اور 55 سالہ اصغر کا بھی دو، دو ایکڑ وراثتی زرعی رقبہ تھا جو انھوں نے دو سال پہلے اسی ہاؤسنگ سوسائٹی کو فروخت کیا تھا۔ دونوں بھائیوں نے کاروبار میں خسارہ ہوا۔

&quot;آج ایک بھائی اپنے جواں سال بیٹے کے ساتھ مزدوری کر رہا ہے تو دوسرے کے پاس صرف دو مکان ہیں جن سے حاصل ہونے والے ماہانہ 30 ہزار روپے پر تین بیٹیوں اور دو بیٹوں کے ساتھ بمشکل گزر بسر کر رہے ہیں۔ حالانکہ یہ بھائی تین سال پہلے تک معاشی لحاظ سے کافی بہتر تھا کیوں کہ وہ اپنی زمین پر گلاب کے پھول اور سبزیاں کاشت کرتا تھا اور پھر انہیں خود لاہور کی منڈیوں میں فروخت کر کے آتا تھا۔ اس کے علاوہ اس کے پاس تین بھینسیں بھی تھیں&quot;۔

ظفر اقبال حساب لگا کر کہتے ہیں کہ اصغر کو اب دو مکانوں سے تقربیاً سال میں تین لاکھ 60 ہزار روپے ملتے ہیں، اگر اس نے زمین فروخت نہ کی ہوتی تو اسے ٹھیکے(کرایے) پر دے کر بھی اتنے پیسے حاصل کر سکتے تھے اور زمین بھی ان کی ملکیت میں رہتی۔ 
جس علاقے میں ظفر اقبال اور ان کے بھائیوں کا رقبہ ہے وہاں پر ان کے بقول اب ایک ایکڑ زمین کا ٹھیکہ ڈیڑھ لاکھ تک آ گیا ہے۔

شیخوپورہ سے ہی تعلق رکھنے والے چودھری محمد یوسف ورک جن کی قصبہ چھتہ کھوہ میں 160 ایکڑ زرعی زمین تھی اور ان کے کھیتوں پر کئی بے زمین خاندان کام کرتے تھے۔ اس زمانے میں چودھری یوسف کا شمار علاقے کے بڑے زمینداروں میں ہوتا تھا لیکن 2016 میں جب ان کے علاقے میں زمین کے ریٹ بڑھنا شروع ہوئے تو انھوں نے اپنی یہ زمین ایک ہاؤسنگ سوسائٹی کو فروخت کر دی۔

رہائشی سکیموں کے اعداد و شمار کے حوالے سے بنائی جانے والی پنجاب حکومت کی ویب سائیٹ &quot;ہاوسنگ سوسائٹیز ان پنجاب&quot; کے مطابق شیخوپورہ میں ہاؤسنگ سوسائیٹیز کی تعداد 192 ہے جس میں سے 182 غیر قانونی ہیں، صرف چھ ہی پنجاب ہاؤسنگ اینڈ ٹاؤن پلاننگ ایجنسی سے منظور شدہ ہیں&nbsp; جبکہ چار ہاؤسنگ سوسائیٹیز منظوری کے مراحل میں ہیں۔

چودھری یوسف کہتے ہیں کہ ہاؤسنگ سوسائٹی کے مالک نے انہیں معاہدے کے مطابق ادائیگیاں نہیں کیں تو تین سال بعد وہ اس ہاؤسنگ سوسائٹی کے شراکت دار بن گئے۔اب ان کا گزر بسر تو اچھے سے ہو رہا ہے لیکن اب جس حساب سے گندم، چاول اور سبزیوں کے نرخ بڑھ گئے ہیں اگر یہ زمین کاشت کاری کے قابل رہتی تو وہ اس سے کہیں زیادہ منافع کما رہے ہوتے۔

اس کے ساتھ انہیں یہ بھی پشیمانی ہے کہ انھوں نے اپنے کھیتوں پر کام کرنے والے کئی خاندانوں کی روزی کا سہارا بھی چھین لیا ہے۔

چودھری یوسف کہتے ہیں کہ شیخوپورہ کی زمین انتہائی زرخیز ہے جہاں پر گندم، چاول کی بہترین پیداوار ہوتی ہے لیکن یہاں پر زرعی رقبہ تیزی سے کم ہو رہا ہے جو کہ کافی تشویش ناک ہے۔

پنجاب کے ادارہ شماریات کے اعداد و شمار کے مطابق ضلع شیخوپورہ میں 2009 سے 2021 تک زیر کاشت رقبے میں 91 ہزار 334 ایکڑ کی کمی آئی ہے۔

2009 میں ضلع شیخوپورہ میں زیر کاشت رقبہ آٹھ لاکھ 84 ہزار&nbsp; ایکڑ سے زائد تھا جبکہ 2021 میں سات لاکھ 93 ہزار ایکڑ کے قریب رہ گیا ہے۔

شیخوپورہ میں محکمہ زراعت کے ڈپٹی ڈائریکٹر شفیق چودھری بھی محکمہ لینڈ ریونیو کے ریکارڈ کا حوالے دیتے ہوئے بتاتے ہیں کہ ضلع شیخوپورہ میں 11-2010ء کے بعد سے زیر کاشت رقبے میں سالانہ 2 عشاریہ 22 فیصد کے حساب سے کمی ہو رہی ہے جو انتہائی تشویش ناک ہے۔ 
&quot;اگر اسی رفتار سے ہمارا زرعی رقبہ کم ہوتا رہا تو انسانوں اور جانوروں کی خوراک پوری کرنا بھی مشکل ہو جائے گا&quot;۔

پڑھنے، سننے میں شاید 91 ہزار ایکڑ رقبہ زیادہ نہیں لگتا لیکن اگر فرض کرلیا جائے کہ اس سارے رقبے پر گندم کی فصل کاشت&nbsp; ہو تو اس سے 30 لاکھ 14 ہزار&nbsp; من سے زائد گندم پیدا ہو گی جو نو لاکھ 72 ہزار سے زائد افراد کو سال بھر کی خوراک مہیا کر سکتی ہے۔

یہ صورتحال صرف شیخوپورہ میں ہی نہیں بلکہ لاہور ڈویژن میں شامل لاہور، قصور اور شیخوپورہ کے اضلاع جن کی حدود لاہور سے لگتی ہیں، یہاں بھی یہی رحجان ہے۔ ادارہ شماریات پنجاب کی رپورٹ کے مطابق ان اضلاع میں 2009ء سے 2021ء تک دو لاکھ 15 ہزار ایکڑ کے قریب زرعی رقبہ کم ہوا ہے۔

کسانوں کی کسان بورڈ پاکستان نامی غیر سرکاری تنظیم کے سربراہ چودھری شوکت علی چدھڑ ان اعداد و شمار کو درست تسلیم نہیں کرتے ہیں۔

ان کے بقول ان کی تنظیم پچھلے کئی سالوں سے پنجاب بھر میں زرعی رقبے کے حوالے سے سروے کر رہی ہے۔ ان کے خیال کے مطابق لاہور، شیخوپورہ، قصور، گوجرانوالہ، سیالکوٹ، گجرات اور منڈی بہاؤ الدین میں 32 فیصد سے 40 فیصد تک زرعی رقبے میں کمی ہوئی ہے۔

اس کی دلیل وہ یہ دیتے ہیں کہ پہلے بلڈر مافیا بڑے شہروں کے گرد و نواح تک ہی محدود تھی لیکن اب انھوں نے دیہات تک کا رخ کر لیا ہے۔ مین شاہراہوں کے کناروں پر وہ کسانوں کو زیادہ پیسوں کا لالچ دے کر مہنگے داموں زمین خرید رہے ہیں۔

&quot;بلڈر کاشتکاروں کو بھاری رقوم کا لالچ دیکر زرعی رقبہ حاصل کرتے ہیں پھر اس سے بھی کئی گنا مہنگے داموں فروخت کرتے ہیں&quot;۔

وہ کہتے ہیں پچھلے کچھ عرصے سے ریئل اسٹیٹ میں سرمایہ کاری بہت بڑے پیمانے پر آئی ہے۔ حکومتوں کی طرف سے بار بار کی ایمنسٹی سکیموں نے ریئل اسٹیٹ کے کاروبار کو بڑھانے میں اہم کردار ادا کیا ہے۔ لوگ اپنا کالا دھن سفید کرنے کے لیے بھی اس شعبے میں سرمایہ کاری کرتے ہیں۔ ان کا ماننا ہے کہ پاکستان میں ہزاروں کی تعداد بننے والی یہ ہاؤسنگ سوسائٹیاں سالوں گزر جانے کے بعد بھی خالی پڑی ہیں۔

ظفر اقبال اور چودھری یوسف بھی اس بات کی تصدیق کرتے ہیں کہ شیخوپورہ میں جن سوسائیٹوں کو انھوں نے اپنی زمینیں بیچی ہیں ان میں ابھی تک صرف 20 فیصد ہی تعمیرات ہوئی ہے باقی زمین خالی پڑی ہے۔

ڈسٹرکٹ ریونیو اکاؤنٹنٹ شیخوپورہ محمد جمیل خان کے خیال میں ہاؤسنگ سوسائٹیوں کے علاوہ شیخوپورہ میں زیر کاشت رقبے میں کمی کی ایک وجہ یہاں پر موٹر ویز کی بہتات بھی ہے۔

ان کے مطابق ایم تھری لاہور ملتان موٹر وے جو پانچ چھ سال پہلے بنائی گئی تھی اس سے شرقپور تحصیل کے 22 اور فیروز والا کے چار دیہات متاثر ہوئے اور ان دونوں تحصیلوں کا 285 ایکڑ رقبہ زرعی رقبہ اس کی نذر ہو گیا۔ اسی طرح اس ضلع کا 459 ایکڑ رقبہ لاہور، سیالکوٹ موٹروے کی زد میں آیا ہے۔

&quot;موٹرویز یا دیگر سفری سہولیات بے شک لوگوں کی آسانی کے لیے ہیں لیکن ان کے بدلے میں ملک کو جو خمیازہ بھگتنا پڑ رہا ہے یا پڑے گا وہ شاید اس سے بھی زیادہ خوف ناک ہو گا&quot;۔

محکمہ زراعت کے لاہور میں قائم مرکزی دفتر کے ایک سینئر عہدیدار جو اپنا نام خفیہ رکھنا چاہتے ہیں ان کے مطابق لاہور، ملتان اور ملتان، سکھر موٹر وے کی زد میں آنے والا لاکھوں ایکڑ رقبہ سب سے زیادہ زرخیز تھا۔ یہاں پر گندم، چاول، کپاس یا دوسری فصلوں کی سب سے زیادہ پیدوار ہوتی تھی۔

محمد جمیل خان کہتے ہیں کہ 2021ء&nbsp; میں تحریک انصاف کی حکومت کی جانب سے راوی اربن ڈیویلپمنٹ اتھارٹی (RUDA) کے نام سے شروع کیے جانے والے منصوبے کی وجہ سے ضلع شیخوپورہ کے 102 دیہات کا&nbsp; ہزاروں ایکڑ زرعی رقبہ متاثر ہو گا۔ حال ہی میں حکومت نے ملتان موٹر وے کو سگیاں روڈ سے ملانے کے لیے سگیاں بائی پاس بنانے کا فیصلہ کیا ہے جس کے لیے تحصیل فیروز والا میں چار ہزار سے زائد ایکڑ زرعی اراضی اس منصوبے کی لپیٹ میں آئے گی۔

راوی اربن ڈیویلپمنٹ اتھارتی کے ماسٹر پلان کے مطابق یہ منصوبہ ایک لاکھ ایکڑ سے زائد رقبے پر محیط ہوگا جس میں سے77 ہزار ایکڑ رقبہ زرعی ہےجس&nbsp; کا زیادہ تر حصہ ضلع شیخوپورہ میں ہے۔

شیخوپورہ کے زرعی ماہرین اور محکمہ ریونیو کی ٹیم&nbsp; نے &quot; شیخوپورہ میں بڑھتی ہوئی شہری آبادی کے زراعت، ایکو سسٹم اور سماجی زندگیوں پر اثرات&quot; کے عنوان سے ایک تحقیقاتی رپورٹ بنائی ہے۔ اس کے مطابق یہاں پر بڑھتی ہوئی شہری آبادیاں دیہی معیشت کے لیے ایک بڑا نقصان ہیں، بہت سارے کسان نقل مکانی پر مجبور ہو رہے ہیں۔ زیادہ آباد کاری کی وجہ سے درختوں کی کٹائی اور ماحول سے میٹھے پانی کا کی کمی حیاتیاتی تنوع کا توازن بگاڑ سکتی ہے۔ زیادہ ہجوم، آلودگی اور ٹریفک کے مسائل کے ساتھ تازہ خوارک کی کمی بھی واقع ہو رہی ہے۔

رپورٹ میں یہ بھی واضح کیا گیا ہے کہ کسی بھی علاقے میں زیادہ آباد کاری کی وجہ سے دریاؤں کے درجہ حرارت میں اضافہ ہوتا ہے جس سے سیلاب کے خطرات بھی بڑھ جاتے ہیں۔

حیدر آباد میں زرعی اراضی پر پھیلتی ہاوسنگ سکیمیں، بلڈرز نے کاشت کاروں کی زندگی اجیرن کر دی

پنجاب کے مختلف شہروں میں زرعی رقبہ کیوں کم ہو رہا ہے؟

&quot;خاندان کے چار افراد کے قاتلوں کو عدالت سے ضمانت نہ ملتی تو میرا چھوٹا بھائی آج زندہ ہوتا&quot;۔

یہ الفاظ شیخوپورہ کے رہنے والے محمد منشا ڈھلوں کے ہیں جو خاندانی دشمنی کی وجہ سے اپنے تین بھائی اور دو بھتیجوں کی موت کا غم جھیل رہے ہیں۔

منشا ڈھلوں آنکھوں سے آنسو صاف کرتے ہوئے کہتے ہیں کہ &quot;دشمن&quot; جو پہلے ہی دو بھائیوں اور دو بھتیجوں کو قتل کر چکا تھا، اس نے چھ اکتوبر 2023ء کو میرے چھوٹے بھائی صفدر کو بھی بے رحمی سے مار دیا۔

ان کے بقول 56 سالہ صفدر ڈھلوں اس روز صبح کی سیر کے بعد گھر واپس آ رہے تھے کہ موٹر سائیکل پر سوار دو افراد نے ان پر فائرنگ کر دی جس سے وہ شدید زخمی ہو گئے انہیں سول ہسپتال پہنچایا گیا لیکن وہ جانبر نہ ہو سکے۔

پولیس ریکارڈ کے مطابق صفدر ڈھلوں کے قتل کا مقدمہ ان کی اہلیہ کی مدعیت میں فیصل، ناصر اور دو نامعلوم افراد کے خلاف درج کیا گیا ہے۔ ایف آئی آر میں وجہ قتل خاندانی دشمنی کو قرار دیا گیا ہے۔

منشا ڈھلوں کہتے ہیں کہ اس بات کو اتنا عرصہ ہو گیا ہے لیکن پولیس ابھی تک قاتل گرفتار نہیں کر سکی ہے۔

&quot;اب تو صورتحال یہ ہے کہ خاندان کے باقی بچ جانے والے بچے، بوڑھے اپنے ہی گھر میں محصور ہیں اور پولیس دن رات پہرہ دے رہی ہے۔&quot;

اکہتر سالہ محمد منشا شیخوپورہ کے علاقے گھنگ روڈ کے رہائشی اور پاک فضائیہ کے ریٹائر ملازم ہیں۔ ان کے بقول 2013ء میں ان کے خاندان کی اپنے ہی رشتہ داروں سے صرف اس بات پر ناچاقی ہو گئی تھی کہ ان کے بھتیجے ظہیر عباس نے دوسری شادی کر لی تھی۔ اس کی پہلی بیوی چونکہ رشتے داروں کے خاندان سے تھی تو انھوں نے دوسری بیوی کو طلاق دینے کے لیے دباؤ ڈالنا شروع کر دیا لیکن بھتیجے نے ایسا نہیں کیا۔

منشا ڈھلوں کے مطابق یکم دسمبر 2014ء کو ظہیر عباس اپنے والد، والدہ، چچا محمد ریحان اور چھوٹے بھائی عدیل عباس کے ہمراہ مخالفین کی ایک فوتگی پر قصبہ ڈیرہ غلام غوث گئے۔ فاتحہ خوانی کے بعد وہ گھر واپس آنے کے لیے نکلے تو طارق، ناصر، فیصل اور قیصر نامی ملزمان نے ان پر اندھا دھند فائرنگ شروع کر دی جس سے بھائی محمد عباس اور محمد ریحان جبکہ دونوں بھتیجے ظہیر عباس اور عدیل عباس موقع پر ہی جاں بحق ہو گئے۔

&quot;اس وقت میں ابوظبی میں ملازمت کرتا تھا، خبر ملی تو فوراً سے واپس پہنچا اور اپنے ہاتھوں سے بھائیوں اور بھتیجوں کی تدفین کی، اس کے بعد دوبار ابوظبی نہیں جا سکا کیوں کہ اس وقت خاندان کو میری ضرورت تھی۔&quot;

&nbsp;محمد منشا کہتے ہیں کہ اس قتل کا مقدمہ تھانہ بھکھی میں درج ہوا تھا لیکن ملزمان دو سال تک مفرور رہے اور پولیس انہیں گرفتار نہیں کر سکی۔ دو سال بعد ملزمان پکڑے گئے تو ان میں سے تین دو سال بعد ہی ضمانت پر رہا ہو گئے جبکہ چوتھے ملزم فیصل کو چھ سال بعد سپریم کورٹ نے ضمانت دے دی۔

وہ بتاتے ہیں کہ ملزم فیصل رہا ہوا تو اس نے انہیں پھر سے دھمکیاں دینا شروع کر دی تھیں جس کے بارے میں پولیس کو آگاہ بھی کیا تھا لیکن چوںکہ عدالت میں پیش نہیں ہونے کی وجہ سے وہ اشتہاری ہو گیا تھا تو پولیس بھی ملزم تک نہیں پہنچ پائی۔

ملزم فیصل کے حوالے سے ان کا دعویٰ ہے کہ وہ اس قدر خطرناک ہے کہ اس نے ناجائز تعلقات کے شعبے پر اپنی ہی بیوی کو قتل کر دیا تھا۔ اس کیس میں بھی وہ پولیس کو مطلوب ہے۔

ضلع شیخوپورہ میں خاندانی یا ذاتی دشمنیوں کے ایسے واقعات کی تعداد درجنوں میں ہے۔

&nbsp;پولیس ریکارڈ کے مطابق ضلع بھر میں ایسی بڑی خاندانی دشمنیوں کی تعداد 32 ہے جن میں اب تک 139 افراد قتل ہو چکے ہیں۔

پولیس کے مطابق ان 32 ذاتی یا خاندانی دشمنیوں کے اب تک 187 مقدمات درج ہوئے ہیں جن میں 723&nbsp; نامزد ملزموں اور ان کے سہولت کاروں کو تو گرفتار کر لیا گیا ہے لیکن ان کیسسز میں ملوث 63 مفرور ملزم عدالتوں سے اشتہاری قرار پاچکے ہیں۔

&nbsp;پولیس کے مطابق خاندانی دشمنیوں کے حوالے سے تحصیل مریدکے میں حالات سب سے زیادہ خطرناک ہیں کیوں کہ یہاں پر پچھلے 23 سال میں 39 افراد قتل ہو چکے ہیں۔ ان مقدمات میں ملوث 250 ملزمان کو تو پولیس&nbsp; نے گرفتار&nbsp; کر لیا لیکن 44 ملزمان ابھی تک گرفت میں نہیں آ سکے، اسی لیے وہ پولیس ریکارڈ میں مفرور ہیں۔

تحصیل نارنگ منڈی میں ایسی دشمنیوں کی نذر ہونے والوں کی تعداد 32، فاروق آباد میں 19، قصبہ بھیکھی میں 17 ہے۔

&nbsp;تھانہ فیروز والا کے علاقوں میں درینہ دشمنی کے باعث نو افراد قتل ہو چکے ہیں۔ صفدر آباد میں اب تک 23 افراد قتل ہو چکے ہیں۔

پولیس حکام کے مطابق ان دشمنیوں میں سب سے خطرناک خاندانی دشمنی شیخوپورہ کے علاقے خان پور میں سیاسی رہنما اشتیاق ڈوگر گروپ اور شفیع گروپ کے مابین ہے جو 1999ء میں زرعی زمین کے تنازعے پر شروع ہوئی تھی اور اب تک دونوں گروپوں کے 20 افراد کی جان لے چکی ہے۔

دونوں گروپوں کے کل نامزد 83 ملزمان میں سے 82 گرفتار ہوئے چکے ہیں۔

اب بھی دونوں گروپوں کی صورتحال ایسی ہے کہ دونوں گھرانوں کے افراد بغیر گن مین کے گھر سے نہیں نکلتے۔

مریدکے میں مختلف اخبارات اور ٹی وی چینلز کے لیے رپورٹںگ کرنے والے صحافی محمد اجمل جنہوں نے ان خاندانی دشمنیوں پر بھی رپورٹنگ کی ہے۔ ان کے مطابق شیخوپورہ میں بیشتر خاندانی دشمنیاں ایسی ہیں جو معمولی تکرار سے شروع ہوئیں۔

وہ تحصیل مریدکے میں قصائی گروپ اور بٹ گروپ کے مابین دشمنی کی مثال دیتے ہوئے بتاتے ہیں کہ 2006ء صرف ایک گروپ کے مویشی دوسرے گروپ کے کھیتوں میں گھس گئے تھے، اس پر دونوں گروپوں میں معمولی تلخ کلامی ہوئی پھر ایک دن محلے میں مٹی ڈالنے کے معاملے پر تکرار، جھگڑے میں بدل گئی جس میں اب تک ان دونوں &quot;پارٹیوں&quot; کے 20 افراد قتل ہو چکے ہیں۔

ان کے خیال میں یہ دشمنی اس لیے ختم نہیں ہو سکی&nbsp; کیوں کہ دونوں خاندانوں نے اسے اپنی انا کا مسئلہ بنا لیا ایک وقت تو یہ تھا کہ بٹ گروپ کے ایک ہی دن میں پانچ افراد قتل کر دیے گئے تھے۔

وہ بتاتے ہیں کہ 2018ء میں مریدکے میں پنجاب پولیس کے انسپکٹر زاہد راٹھور اپنے دو ساتھیوں سمیت خاندانی دشمنی کی بنا پر قتل کر دیے گئے تھے۔

اسی طرح جنڈیالہ شیر خان کے معروف زمیندار سابق ممبر صوبائی اسمبلی شیر اکبر خان کے والد محمود اکبر خان جو 1998ء میں ممبر قومی اسمبلی رہ چکے تھے وہ بھی اپنے پانچ رشتہ داروں سمیت خاندانی دشمنی کی بھینٹ چڑھ چکے ہیں۔

وہ نشاندہی کرتے ہیں کہ ان دشمنیوں کی وجہ سے اس علاقے میں دیگر جرائم بھی کافی بڑھ گئے ہیں کیونکہ جو لوگ اشتہاری ہو جاتے ہیں پھر وہ یہ نہیں دیکھتے کہ انھوں نے صرف اپنے مخالفین کو ہی نشانہ بنانا ہے۔ وہ چوریاں اور ڈکیٹیاں بھی کرتے ہیں، چونکہ وہ قانون کی گرفت سے خود کو باہر سمجھتے ہیں اس لیے وہ کسی بھی قسم کی مزاحمت پر کسی کو بھی قتل کر دیتے ہیں۔

شیخوپورہ پولیس ریکاڑڈ کے مطابق خاندانی دشمنیوں سمیت اس ضلع میں پچھلے 12 سال کے دوران مختلف اقسام کے جرائم کے دوران دو ہزار 918 افراد قتل ہوئے ہیں۔

اسی طرح رواں سال کے ابتدائی 11 ماہ میں شیخوپورہ میں قتل ہونے والوں کی تعداد 276 ہے، محمد اجمل کے مطابق یہ اعدادو شمار انتہائی خطرناک ہیں۔

منشا ڈھلوں کے بقول ان کے خاندان نے قانون کا راستہ اپناتے ہوئے مجرموں کو سزائیں دلانے کی ہر ممکن کوشش کی لیکن اس کوشش میں سوائے مایوسی کے کچھ نہیں ملا ہے۔

&quot;اب وہ میرے خاندان کے ہر فرد کو قتل کرنا چاہتے ہیں۔ اسی لیے ہم سب چھپے بیٹھے ہیں، مقتول بھائی صفدر کا بڑا بیٹا دسویں اور چھوٹا ساتویں جماعت کا طالب علم ہے لیکن خوف کی وجہ سے وہ پچھلے دو مہینے سے سکول نہیں جاسکے ہیں&quot;۔

وہ کہتے ہیں کہ کوئی بیٹا یہ کیسے برداشت کر سکتا ہے کہ اس کے باپ کے قاتلوں کو سزا نہ ملے؟ ان کے اندر تو دشمنی کی آگ پنپے گی ہی ناں؟

&quot;میرے بھتیجوں کے اندر بھی ایسا ہی کچھ پنپ رہا ہے جو ان کے رویے سے صاف نظر آ رہا ہے۔ اگر ان کو انصاف نہ ملا تو پھر مستقبل میں وہ کیا کریں گے یا پھر ان کے ساتھ کیا ہو گا یہ کوئی نہیں جانتا ہے۔ بہرحال&nbsp; میں انہیں ہر حال میں پرسکون رہنے کی تلقین کرتا ہوں۔ اس کی ایک وجہ یہ بھی ہے کہ اگر یہ بچے بھی دشمنوں کے سامنے آ گئے تو شاید وہ انہیں بھی نہیں بخشیں گے&quot;۔

محمد اجمل کے خیال میں پنجاب میں برادری نظام بھی ہے۔ ہر کوئی اپنی برادری کو دوسری برادری سے بہتر&nbsp; سمجھتا ہے۔ کچھ برادریوں کے حوالے سے بے تکی باتیں اور&nbsp; کہاوتیں گھڑی گئی ہیں جیسا کہ فلاں ڈرپوک ہوتے ہیں اور فلاں بہادر۔ &quot;یہ بھی ان دشمنیوں کی ایک وجہ ہے&quot;۔

ڈسٹرکٹ پولیس آفیسر شیخوپورہ زاہد نواز مروت بھی ان دشمنیوں کی بڑی وجہ &quot;چودھراہٹ&quot; کی خواہش کرنے کو قرار دیتے ہیں۔ ان کے خیال میں مخالفین خود کو علاقے میں بڑا چودھری یا طاقتور ثابت کرنے کی جو دوڑ لگی ہوئے ہے وہ انہیں مصالحت اور جھکنے پر تیار نہیں ہونے دیتی۔

&quot; فلاں میں اتنی جرآت کہاں سے آ گئی کہ وہ ہمارے ساتھ دشمنی مول لے، ایسی جھوٹی انائیں بھی معمولی جھگڑوں یا باتوں کو دشمنیوں میں&nbsp; بدلنے کو ہوا دے رہی ہیں&quot;۔

وہ مانتے ہیں کہ دشمنیوں کو پروان چڑھانے میں سست نظام انصاف کا بھی حصہ ہے۔ مقدمات کی سماعت میں تاخیر کی وجہ سے کیس لمبے عرصے تک چلتے رہتے ہیں۔

&quot;قانونی نکات میں سقم کو لے کر اگر ملزمان بے گناہ قرار دے دیے جاتے ہیں تو مقتول کے ورثاء غصے و جذبات میں آکر خود ہی بدلہ لینے نکل پڑتے ہیں&quot;۔

لاہور ہائیکورٹ میں فوجداری مقدمات کی وکالت کرنے والے قاسم اقبال شاکر کا تعلق شیخوپورہ سے ہے۔ وہ چونکہ بیشتر قتل یا اقدام قتل کے کیسوں کی پیروی کرتے ہیں تو ان کے خیال میں شیخوپورہ میں جتنے بھی قتل ہو رہے ہیں ان میں بیشتر واقعات زمین جائیداد اور لین دین کے تنازعات کی وجہ سے ہوتے ہیں۔

&nbsp;خاندانی دشمنیاں ان کے نزدیک ان معمولی تنازعات کی شدید قسم ہے جس میں انا بھی شامل ہو جاتی ہے۔

وہ کہتے ہیں کہ پولیس ابتدائی تحقیقات میں کوتاہی برتتی ہے جس سے ملزمان کو فائدہ ملتا ہے۔

&quot;پولیس آج بھی ایسا کرتی ہے کہ اگر کوئی قتل ہو جائے تو شک کی بنیاد پر بہت سے لوگوں کو تھانے میں بند کر دیتی ہے پھر وہ کسی نتیجے پر پہنچ بھی جائے تو اس کی ایسی ٹریننگ نہیں ہے کہ شواہد خاص کر میٹریل ایویڈینس کو صحیح طرح سے صفحہ مثل پر لا سکے۔ ایک اور وجہ معتبر گواہی کی عدم موجودگی ہے۔ غیر جانبدار گواہ، خواری یا ڈر کی وجہ سے عدالت میں پیش نہیں ہوتے&quot;۔

ان کے خیال میں چار پانچ سال بعد عدالت کے سامنے ایسے شواہد نہیں ہوتے جس سے ملزموں کو سزا ہو سکے، اس لیے بیشتر مجرم رہا ہو جاتے ہیں۔

&nbsp;اقبال شاکر کا کہنا تھا کہ پولیس مفرور ملزموں کو جلد گرفتار کر لے، تو بھی تنازعہ جلدی نمٹ سکتا ہے لیکن جب ملزم دوسرے شہروں کی جانب فرار ہو گئے ہوں تو پولیس اطلاع کے باوجود&nbsp; انہیں گرفتار نہیں کرتی کیونکہ&nbsp; ان کے پاس اتنے فنڈز نہیں ہوتے کہ وہ آنے جانے کے اخراجات برداشت کریں۔

&quot;شہر میں قومی اسمبلی کی چار اور صوبائی اسمبلی کی آٹھ نشستیں ہیں لیکن ایک بھی سیاست دان ایسا نہیں جس نے دو مخالف گروپوں کے مابین صلح کرانے کی کوشش کی ہو۔ وہ اپنے ووٹ کے متاثر ہونے کے ڈر سے ایسے معاملات میں غیر جانبدار رہتے ہیں&quot;۔

وہ کہتے ہیں کہ حکومت اس مسئلے کو ترجیحات میں شامل کرے اور مختلف سیاسی لوگوں کی کمیٹی بنائے جو ضلع میں خاندانی دشمنیاں ختم کرنے میں کردار ادا کرے تو صرف ایک سال میں حالات بدل سکتے ہیں۔

ڈسٹرکٹ پولیس آفیسر شیخوپورہ زاہد نواز مروت پرامید ہیں کہ بہت جلد حالات بہتر ہو جائیں گے، اس کی وجہ وہ یہ بتاتے ہیں کہ نگران پنجاب حکومت نے نمبرداری نظام دوبارہ موثر انداز میں رائج کرنے کا احسن اقدام اٹھا لیا ہے جس کا آغاز بھی شیخوپورہ سے ہی کیا گیا ہے۔

&quot;امید ہے کہ یہ نمبردار دشمنی میں مبتلا خاندانوں میں صلح کروانے کے لیے اپنا کردار ادا کریں گے&quot;۔

ان کا ماننا ہے کہ پولیس کے علاوہ علاقہ معززین بھی ان دشمنیوں کے خاتمے میں اہم کردار ادا کر سکتے ہیں۔ وہ کہتے ہیں کہ تھانہ صدر فاروق آباد میں چار خاندانوں کے نو افراد قتل ہو چکے تھے اور یہ خاندان ایک دوسرے کے دشمن تھے لیکن کچھ علاقہ معززین نے کردار ادا کیا اور ان کے درمیان صلح کرا دی۔ اب ان کی دشمنی دوستی میں بدل چکی ہے۔

آئین شکنی یا آئین کی پاسداری: شیخوپورہ میں احمدی عبادت گاہ کے مینار کیوں گرائے گئے؟

شیخو پورہ: معمولی تکرار سے شروع ہونے والی لڑائیاں خاندانی دشمنیوں میں کیسے تبدیل ہوئیں؟

35 سالہ فائزہ رؤف دس سال تک شوہر کا تشدد برداشت کرتی رہیں اور اس دوران ان کے چار بچے بھی ہو گئے۔ لیکن جولائی 2022 کو پیش آنے والے ایک ایسے ہی واقعے کے بعد ان کی ہمت جواب دے گئی اور وہ شوہر کے خلاف شکایت لے کر تھانے پہنچ گئیں۔ ان کے بقول اس روز شوہر نے انہیں بچوں کے سامنے اس قدر مارا پیٹا کہ ان کے جسم پر جگہ جگہ نشان پڑ گئے، ہونٹوں سے خون رسنے لگا اور دانت بھی ہلنے لگے۔

فائزہ رؤف کا تعلق شیخوپورہ کے علاقے رحمان گارڈن سے ہے انھوں نے مینجمنٹ سائنسز اور بزنس ایڈمنسٹریشن میں ماسٹر ڈگری حاصل کر رکھی ہے۔

وہ بتاتی ہیں کہ 11 سال پہلے ان کی نثار احمد نامی شخص سے پسند کی شادی ہوئی تھی لیکن شادی کے چند ہی روز بعد انہیں معلوم ہوا کہ ان کے شوہر کی پہلے بھی ایک شادی ہے۔ تاہم انہوں نے یہ سب کچھ اس لیے برداشت کر لیا کہ وہ اپنے والدین کو کسی صدمے میں مبتلا نہیں کرنا چاہتی تھیں۔

دس سال میں اس کے ہاں تین بیٹیاں اور ایک بیٹا پیدا ہوا۔ لیکن اس عرصہ میں وہ متواتر شوہر کے تشدد کا نشانہ بنتی رہیں۔ اب چونکہ ان کے بچے بھی بڑے ہو رہے تھے، اس لیے وہ ان کو اس ماحول سے دور رکھنے کی خواہاں تھیں۔ اسی لیے انہوں نے آخری مرتبہ بدترین تشدد سہنے کے بعد ہسپتال سے اپنی میڈیکل رپورٹ بنوائی اور تھانے پہنچ گئیں۔

ان کی درخواست پر تھانے میں درج کی جانے والی ایف آئی آر میں لکھا ہے کہ فائزہ کی میڈیکل رپورٹ میں چہرے اور جسم پر تشدد کے نشانات واضح ہیں۔

ان کا مقدمہ فیملی کورٹ کی جج صائقہ یونس کی عدالت میں کئی ماہ تک زیر سماعت رہا اور اسی دوران ان کے شوہر نے انہیں طلاق دے دی۔ عدالت نے مقدمے کا فیصلہ فائزہ کے حق میں دیا اور شوہر کو بچوں کی کفالت کے لیے پچاسی ہزار روپے ماہانہ ادائیگی کا حکم جاری کیا۔

اب فائزہ اپنے بچوں کے ساتھ والدین کے گھر پر رہتی ہیں۔ ان کے تین بچے سکول جاتے ہیں جبکہ ایک بچی ابھی دو سال کی ہے۔ فائزہ کا عزم ہے کہ اب وہ اکیلے ہی اپنی بچوں کی کفالت کریں گی اور اس مقصد کے لیے وہ نوکری کی تلاش میں ہیں۔

شیخوپورہ کے ضلعی اینٹی ویمن ہراسمنٹ سیل کی رپورٹ کے مطابق رواں سال خواتین پر تشدد کے 1503 مقدمات درج ہوئے۔ ان مقدمات میں 2983 افراد ملوث تھے جن میں سے پولیس نے 1629 افراد کو گرفتار کیا جبکہ 507 بے گناہ قرار پائے گئے۔ 
رپورٹ کے مطابق ان مقدموں میں سے 603 کے چالان عدالت میں جمع کروائے جا چکے ہیں جن میں سے 540 زیر تفتیش ہیں جبکہ 360 مقدمات مسترد کر دیے گئے۔

خواتین پر تشدد کے متعدد مقدمات کی پیروی کرنے والے وکیل رانا عمیر اقبال کے خیال میں یہ وہ مقدمات ہیں جو رپورٹ ہوئے ہیں یعنی جن کی شکایات کا متعلقہ تھانوں میں اندراج ہوا ہے جن میں فیملی کورٹس سے رجوع کیا گیا ہے۔

جبکہ اس سے کہیں زیادہ واقعات ایسے ہیں جو رپورٹ ہی نہیں ہوتے اور اس کی وجہ ہمارا معاشرتی نظام ہے جس میں گھر بچانے کی خاطر خواتین تشدد کو مقدر اور شوہر کے گھر کو اپنا جینا مرنا مان لیتی ہیں۔

&quot;ہمارے معاشرے میں بیٹی کو یہی سکھایا جاتا ہے کہ شوہر ہی اس کا سب کچھ ہے اس لیے وہ اپنا گھر بچانے کے لیے تشدد برداشت کرتی رہتی ہیں۔ اس کے علاوہ بیٹیاں اپنے والدین کی عزت کی خاطر اور انہیں پریشانیوں سے بچانے کے لیے بھی شکایت نہیں کرتیں۔&quot;

عمیر اقبال کے مطابق وہ تشدد کے ایسے بہت سے مقدمات کے شاہد ہیں جن میں خواتین نے اپنے شوہر یا دیگر رشتہ داروں کی جانب سے وحشیانہ تشدد پر ان کے خلاف قانونی کارروائی آگے بڑھانے سے انکار کیا۔

حال ہی میں قصبہ جنڈیالہ شیر خان کے ایک گاؤں میں سسر کے ہاتھوں بہو پر تشدد کی ویڈیو سوشل میڈیا پر وائرل ہوئی تھی۔ تحقیق پر یہ بات سامنے آئی کہ ملزم کا نام لطیف احمد ہے جو اپنی بہو کو صرف اس لیے تشدد کا نشانہ بنا رہا ہے کیونکہ اسے وقت پر کھانا نہیں ملا تھا۔

جس خاتون پر تشدد ہوا اس کا نام شازیہ بی بی ہے اور نو سال قبل اس کی شادی جنڈیالہ شیر خان کے رہائشی ساجد سے ہوئی جو روزگار کے سلسلے میں&nbsp; جنوبی افریقہ مقیم ہے۔ علاقہ مکینوں کے مطابق متاثرہ خاتون کا شوہر بھی معمولی باتوں پر متعدد بار بیوی پر تشدد کر چکا ہے اور شازیہ پر سسر کا تشدد کوئی نئی بات نہیں بلکہ یہ روزانہ کا معمول ہے۔

یہ وائرل ویڈیو متاثرہ خاتون کے دیور عابد نے گھر کی دوسری منزل پر کھڑے ہوکر بنائی اور اپنے رشتہ دار کو بھیجی تو اس نے اسے سوشل میڈیا پر پوسٹ کر دیا۔

جیسے ہی یہ ویڈیو وائرل ہوئی تو پولیس حرکت میں آئی اور متاثرہ خاتون سے رابطہ کرکے قانونی کارروائی کا فیصلہ کیا لیکن پھر شازیہ کی ایک اور ویڈیو آئی جس میں وہ اپنے سسر کے خلاف کسی بھی قسم کی قانونی کارروائی نہ کرنے کا اعلان کرتے ہوئے اس سب معاملے کو اپنی ہی غلطی قرار دیتی ہیں۔

شیخوپورہ ڈسٹرکٹ ہیڈ کوارٹر ہسپتال میں بطور ماہر نفسیات خدمات سرانجام دینے والی ڈاکٹر صوبیہ کا کہنا ہے کہ خواتین پر تشدد کی سب سے بڑی وجہ تعلیم اور شعور کی کمی ہے۔ کیوں کہ مرد خود کو عورت سے اعلیٰ سمجھتے ہوئے اپنا حکم چلانا چاہتا ہے اور جب کبھی ذہنی الجھنوں کا شکار خاتون اکتاہٹ کا اظہار کرئے تو مرد غصے میں آکر اس پر تشدد کرتا ہے۔

ان کے بقول معاشی حالات بھی بہت اثر انداز ہوتے ہیں جس کی وجہ سے گھر کا ماحول خوشگوار نہیں رہتا اور تشدد کے واقعات رونما ہوتے ہیں۔ معاشرے میں عورت صرف جسمانی ہی نہیں، ذہنی تشدد اور اذیت کا شکار بھی رہتی ہے۔ شادی کے بعد اس کا ماحول رہن سہن اگر ماضی جیسا نہ ہو تو اس کو مشکل ہوتی ہے۔اکثر اوقات مجبوری میں اسے وہ کام کرنا پڑتا ہے جو اس کا ذہن تسلیم نہیں کرتا یوں وہ ذہنی ازیت کا شکار رہتی ہے۔

&#39;تنظیم برائے پائیدار سماجی ترقی&#39; نامی این جی او کی ایک رپورٹ کے مطابق پنجاب میں ہر ایک گھنٹے میں ایک خاتون کو جسمانی طور پر ہراساں کیا جاتا ہے، ہر آدھے گھنٹے میں ایک خاتون کے اغوا کا واقعہ پیش آتا ہے اور روزانہ نو خواتین جنسی تشدد کا نشانہ بنتی ہیں۔

بلال احمد اذان

بلال احمد اذان کا تعلق شیخوپورہ سے ہے۔ انہوں نے انٹرنیشنل ریلیشن اور پولیٹیکل سائنس میں ماسٹر کر رکھا ہے۔ 2011 سے صحافت سے وابستہ ہیں۔