اگلے جنم مجھے خواجہ سرا نہ کیجیو: 'ٹرانس جینڈر قانون میں مجوزہ ترامیم نہ تو آئینی ہیں اور نہ ہی اسلامی'۔

video

How thousands of women working in textile factories lost their jobs during Covid 19

صبیحہ اصغر مشرقی لاہور کے علاقے بیدیاں روڈ پر واقع کپڑے کی ایک فیکٹری میں سات سال کام کرتی رہیں لیکن پچھلے سال کے وسط میں انہیں نوکری سے نکال دیا گیا۔ &nbsp;

ان کا کہنا ہے کہ جب وہ چند چھٹیوں کے بعد کام پر واپس آئیں تو فیکٹری انتظامیہ نے انہیں بتایا کہ انہوں نے بہت زیادہ غیر حاضریاں کی ہیں جس کی وجہ سے انہیں ملازمت سے برخاست کیا جا رہا ہے۔ فیکٹری میں ان کا کام کپڑے کے معیار کی جانچ کرنا تھا۔&nbsp;

صبیحہ جنوبی لاہور کے نادرآباد نامی محلے میں رہتی ہیں۔ دیگر مقامی مزدور خواتین کے برعکس وہ جینز اور قمیض پہنتی ہیں اور 49 برس کی ہونے کے باوجود نوجوان لڑکیوں کے انداز میں بات چیت کرتی ہیں۔&nbsp;

پچھلے سال تک وہ غیر شادی شدہ تھیں جس کی وجہ سے انہیں کوئی گھریلو ذمہ داریاں ادا نہیں کرنا ہوتی تھیں چنانچہ، ان کے بقول، وہ اپنے ساتھ کام کرنے والے مرد مزدوروں کی نسبت کام کو زیادہ وقت دیا کرتی تھیں لہٰذا ان کی ماہانہ آمدن بھی ان مزدوروں کی نسبت زیادہ ہوتی تھی اس لئے وہ ان سے حسد کرتے تھے ۔ وہ کہتی ہیں کہ اپریل 2020 میں ان کی شادی ہونے کے بعد ان کے ساتھی مزدوروں کا ان کے ساتھ رویہ اور بھی بگڑ گیا۔&nbsp;

تاہم صبیحہ کا کہنا ہے کہ شادی سے پہلے بھی ان کا سپروائزر انہیں دھمکیاں دیتا تھا کہ اگر وہ اپنے ساتھ کام کرنے والے مردوں کے ساتھ دوستی نہیں رکھیں گی تو وہ انہیں نوکری سے نکلوا دے گا۔ وہ کہتی ہیں کہ &quot;مجھے یہ مطالبہ قبول نہیں تھا کیونکہ میرے ساتھ کام کرنے والے مزدور کبھی طرح طرح کے مذاق کرتے، کبھی مجھ سے ادھار مانگتے اور اکثر نا مناسب باتیں کر کے اور فقرے کس کے مجھے ہراساں اور پریشان کرتے&quot;۔&nbsp;

ان کے بقول انہیں نوکری سے نکالے جانے کی بنیادی وجہ یہ تھی کہ انہوں نے اس قسم کے رویے کو مزید برداشت کرنے سے انکار کر دیا تھا (لیکن ان کے سپروائزر کا اصرار ہے کہ انہیں نوکری سے اس لیے نکالا گیا کہ وہ بغیر بتائے ایک لمبا عرصہ کام سے غیر حاضر رہیں)۔&nbsp;

صبیحہ نے پنجاب لیبر کورٹ میں ایک درخواست بھی دائر کر رکھی ہے کہ انہیں نوٹس دیے بغیر نوکری سے نکالا گیا اور ان کے قانونی واجبات بھی ادا نہیں کیے گئے جن کی مالیت دو لاکھ 12 ہزار آٹھ سو 53 روپے بنتی ہے۔&nbsp;

تاہم ان کی درخوست پر عدالت نے ابھی تک کوئی کارروائی نہیں کی۔

<h2>کورونا کے دوران مزدوروں کی حالتِ زار</h2>

کپڑے کی صنعت میں کام کرنے والے مزدوروں کے حالاتِ کار کی بہتری کے لیے بنائی گئی ایک بین الاقوامی تنظیم ایشیا فلور ویج الائنس نے حال ہی میں ایک سروے کے نتائج شائع کیے ہیں جس میں چھ سو پانچ پاکستانی مزدوروں نے حصہ لیا۔ ان نتائج کے مطابق 2020 میں ان میں سے 86 فیصد مزدوروں کو ملازمت سے نکال دیا گیا جبکہ 14 فیصد کو کچھ عرصے کے لیے کام سے معطلی کا سامنا کرنا پڑا۔

حکومتِ پاکستان کے جاری کردہ تازہ ترین اقتصادی سروے میں بھی تسلیم کیا گیا ہے کہ پچھلے سال کورونا وبا کی وجہ سے لگائی گئی کاروباری اور صنعتی بندشوں کے باعث دو کروڑ 70 لاکھ پاکستانی مزدور بے روز گار ہوئے جن میں سے ایک بڑی تعداد کا تعلق کپڑے کی صنعت سے تھا۔

جنوبی لاہور کے علاقے چونگی امر سدھو میں رہائش پذیر سیکڑوں خواتین کپڑے کی صنعت سے بے روزگار ہونے والے ان مزدوروں میں شامل ہیں۔ ان میں سے بیشتر اب دوسرے لوگوں کے گھروں میں کام کر کے اپنا گزارا کر رہی ہیں حالانکہ حکومت نے ان کی نوکریاں برقرار رکھنے کے لیے صنعتی اداروں کو کئی مالی مراعات بھی دیں۔&nbsp;

مثال کے طور پر کورونا وبا کی وجہ سے بند ہونے والی صنعتی سرگرمیوں کے منفی مالی اثرات کی روک تھام کے لیے سٹیٹ بنک آف پاکستان نے 22 اپریل 2020 کو ایک سکیم کا اعلان کیا جس کے تحت صنعتی اداروں کو رعایتی شرحِ سود پر قرضے دیے گئے تا کہ وہ اپنے ملازمین کو نہ نکالیں۔ ان قرضوں کی واپسی کے لیے بھی انہیں معمول سے زیادہ مہلت دی گئی۔

اگرچہ اس سکیم سے سیکڑوں صنعتی اداروں نے فائدہ اٹھایا اور اربوں روپے کے رعایتی قرضے حاصل کیے۔ لیکن ایشیا فلور ویج الائنس کی رپورٹ کے مطابق اس کے باوجود پاکستان میں 71 فیصد مرد مزدوروں اور 82 فیصد خواتین مزدوروں کو کورونا وبا کے دوران اجرت میں کمی کا سامنا کرنا پڑا۔ قومی اقتصادی سروے کے مطابق صرف کپڑے کی صنعت میں کام کرنے والے مزدوروں کو تقریباً آٹھ کروڑ 85 لاکھ ڈالر کی کٹوتیوں کا سامنا کرنا پڑا۔

بہت سے دیگر مزدوروں کو مستقل ملازمتوں سے نکال کر یومیہ اجرت پر دوبارہ رکھا گیا لیکن پھر انہیں اس کام سے بھی فارغ کر دیا گیا۔ نازیہ حامد کو بھی اس ساری صورتِ حال سے گزرنا پڑا۔ 
وہ لاہور میں فیروزپور روڈ پر واقع ایک فیکٹری میں سات سال بطور سپروائزر کام کرتی رہی ہیں جہاں ان کی ماہانہ تنخواہ 20 ہزار پانچ سو روپے تھی۔ لیکن گزشتہ برس مارچ میں اچانک انہیں چھٹی پر بھیج دیا گیا اور ان کی واجب الادا تنخواہ بھی روک لی گئی۔&nbsp;

نومبر 2020 میں انہیں یہ کہہ کر نوکری پر واپس بلایا گیا کہ اب وہ ماہانہ تنخواہ پر نہیں بلکہ 500 روپے روزانہ اجرت پر کام کریں گی۔ &nbsp;لیکن ایک ماہ بعد ان کے واجبات دیے بغیر انہیں دوبارہ نوکری سے نکال دیا گیا۔ &nbsp;تب سے ان کے مالی حالات اتنے خراب ہیں کہ وہ مخیر حضرات اور غیر سرکاری تنظیموں کی طرف سے دیے گئے عطیات پر گزر بسر کرتی ہیں۔

<h2>ملازمت کے معاہدوں کی خلاف ورزی</h2>

ایک نوجوان ڈیزائنر سِلے ہوئے کپڑوں کی تین مشہور کمپنیوں کے ساتھ کام کر چکی ہیں۔ اپنا نام پوشیدہ رکھنے کی شرط پر وہ کہتی ہیں کہ &quot;کپڑے کے شعبے سے جڑے مزدوروں کا ایک بڑا مسئلہ یہ ہے کہ ان میں سے بیشتر کے پاس اپنی ملازمت کا کوئی دستاویزی ثبوت نہیں ہوتا جس کے باعث فیکٹری مالکان ان کی تنخواہوں میں غیر قانونی کٹوتیاں کر سکتے ہیں، انہیں معمول سے زیادہ کام کی ادائیگی سے انکار کر سکتے ہیں اور انہیں طبی بنیادوں پر چھٹیاں کرنے سے منع کر سکتے ہیں&quot;۔

لیکن وہ تسلیم کرتی ہیں کہ نوکری کے دستاویزی ثبوت بھی بعض اوقات کسی کام نہیں آتے۔ اس ضمن میں وہ اپنی مثال دیتے ہوئے کہتی ہیں کہ ان کی آخری نوکری شروع ہونے سے پہلے ان کے اصرار پر ان کو ملازمت دینے والی کمپنی نے ان کے ساتھ ایک تحریری معاہدہ &nbsp;کیا جس میں یہ شرائط شامل کی گئیں کہ انہیں معمول سے زیادہ کام کرنے کے لیے تنخواہ سے علیحدہ ادائیگی کی جائے گی اور انہیں طبی بنیادوں پر چھٹیاں لینے کی سہولت بھی دی جائے گی۔ لیکن وہ کہتی ہیں کہ ان کے مسلسل مطالبے کے باوجود ان دونوں شرائط پر کبھی عمل درآمد نہیں ہوا۔

ان کے مطابق جب کبھی وہ اپنے مطالبات فیکٹری مالکان کے سامنے رکھتیں تو انہیں بتایا جاتا کہ کس طرح دوسرے فیکٹری مالکان دھڑا دھڑ اپنے ملازمین کو نکال رہے ہیں لہٰذا انہیں اپنے آپ کو خوش قسمت سمجھنا چاہیے کہ ان کے پاس ابھی تک نوکری موجود ہے۔&nbsp;

تاہم کچھ عرصے بعد ان کی نوکری بھی چلی گئی۔

ان کا کہنا ہے کہ انہیں کام سے فارغ کرتے وقت فیکٹری مالکان نے ان کے ڈیڑھ ماہ کے واجبات بھی ادا نہ کیے۔ لیکن جب ان کی وصولی کے لیے انہوں نے پنجاب لیبر کورٹ میں مقدمہ دائر کر دیا تو فیکٹری انتظامیہ کو خدشہ پیدا ہو گیا کہ کہیں یہ معاملہ سوشل میڈیا تک نہ پہنچ جائے۔ لہٰذا انہیں نوکری سے نکالے جانے کے پانچ ماہ بعد مئی 2020 میں ان کے واجبات ادا کر دیے گئے۔

<h2>حقوق کے حصول کے قانونی راستے</h2>

حمیرا ندیم لاہور میں فیروز پور روڈ پر جنرل ہسپتال کے جنوب میں واقع ایک فیکٹری میں کام کرتی تھیں۔ ان کا گھر بھی اسی علاقے میں ہے۔ مارچ 2020 میں جب حکومت نے کورونا وائرس کی روک تھام کے لیے معاشی اور کاروباری سرگرمیوں پر پابندی لگائی تو فیکٹری انتظامیہ نے ان سمیت بہت سی خواتین مزدوروں کو نوکری سے نکال دیا۔&nbsp;

حمیرا کے شوہر ریڑھ کی ہڈی کے درد میں مبتلا ہیں اس لیے وہ آٹھ افراد پر مشتمل اپنے خاندان کی واحد کفیل ہیں۔ &nbsp;نوکری چلے جانے کے بعد انہوں نے اپنے گھر میں ایک ٹیوشن سنٹر قائم کرنے کی کوشش کی لیکن مقامی پولیس نے کورونا لاک ڈاؤن کے نفاذ کے لیے اسے بند کر دیا۔ اب وہ لوگوں کے گھروں میں صفائی کا کام کر کے اور کپڑے سی کر اپنے بچوں کا پیٹ پال رہی ہیں۔

حال ہی میں حمیرا نے مزدور اکٹھ نامی ایک رضاکار گروپ کی طرف سے منعقد کیے گئے ایک تربیتی پروگرام میں شرکت کی جس میں وکیلوں، استادوں اور مزدور رہنماؤں نے فیکٹریوں سے نکالے گئے مزدوروں کو بتایا کہ ان کے پاس اپنے حقوق حاصل کرنے کے لیے کون سے قانونی راستے موجود ہیں۔ اس تربیت کے دوران انہیں معلوم ہوا کہ قانونی طور پر وہ نہ صرف طبی بنیادوں پر کی گئی چھٹیوں کے پیسے وصول کر سکتی تھیں بلکہ وہ پنشن اور کچھ دوسری مالی مراعات کی بھی حق دار تھیں۔

حمیرا کہتی ہیں کہ &quot;اگر ان باتوں کا مجھے پہلے علم ہوتا تو میں اپنے ساتھ ہونے والی نا انصافی پر کبھی خاموش نہ رہتی&quot;۔

یہ رپورٹ لوک سجاگ نے پہلی&nbsp;دفعہ 16 اگست 2021 کو اپنی پرانی ویب سائٹ پر شائع کی تھی۔

کورونا وبا سے فیکٹریوں کی بندش: لاہور کی سینکڑوں مزدور خواتین نوکریوں سے نکال دی گئیں۔

text

جب سے لاہور ہائی کورٹ نے 2017 میں امین مسیح کے حق میں ایک تاریخی فیصلہ دیا ہے تب سے متعدد قانونی کارروائیوں میں ان کا نام آتا رہا ہے۔ تاہم اکثر لوگوں کو ان کے بارے میں کچھ زیادہ معلوم نہیں۔ 
امین درزی کا کام کرتے ہیں۔ انہوں نے 2004 میں سونیا عزیز سے شادی کی تاہم جلد ہی ان کے باہمی تعلقات اچھے نہ رہے۔ سونیا کا تعلق نسبتاً امیر گھرانے سے تھا اس لیے ان کے لیے امین کی محدود آمدنی میں گزارا کرنا مشکل تھا۔ وہ کہتے ہیں کہ &quot;میری اہلیہ اکثر اپنے والدین کے گھر رہتی تھیں جہاں ان کا خاندان پیسے کے معاملے پر انہیں میرے خلاف بھڑکاتا رہتا تھا&quot;۔ اس لڑائی جھگڑے کے باعث وہ دونوں بمشکل دو سال ہی اکٹھے رہے ہوں گے حالانکہ ان کی شادی دس سال قائم رہی۔ 
جب بھی سونیا اپنے شوہر کے گھر واپس آتیں تو وہ اکثر طلاق کا مطالبہ کیا کرتیں لیکن امین شادی ختم کرنے کے لیے تیار نہ تھے کیونکہ وہ اسے ایک مقدس رشتہ سمجھتے تھے۔ 
علاوہ ازیں مسیحی طلاق ایکٹ 1869 کے تحت ان کے پاس اپنی بیوی کو طلاق دینے کی واحد بنیاد یہی تھی کہ وہ ان پر بدچلن ہونے کا الزام عائد کریں جبکہ وہ ایسی ہرگز نہ تھیں۔ کچھ روز پہلے سجاگ سے بات کرتے ہوئے امین کہتے ہیں کہ &quot;میرے لیے سونیا پر جھوٹا الزام لگا کر اپنی شادی کو ختم کرنا آسان تھا لیکن میرے ضمیر نے مجھے ایسا نہیں کرنے دیا&quot;۔

ان کے لیے اپنی شادی کو قائم رکھنے کی دوسری وجہ ان کی بیٹی شیزا تھیں۔ وہ جانتے تھے کہ اگر انہوں نے سونیا پر بدچلنی کا الزام لگایا تو اس کا منفی اثر شیزا پر بھی پڑے گا کیونکہ ان حالات میں کوئی اس سے شادی نہیں کرے گا اور لوگ ہمیشہ اس کے کردار پر بھی انگلی اٹھائیں گے۔ مگر وہ یہ بھی جانتے تھے کہ سونیا کے ساتھ ان کے مسلسل جھگڑے ان کی بیٹی کی جذباتی اور نفسیاتی صحت کے لیے نقصان دہ ہیں۔ 
چنانچہ انہوں نے اور ان کی اہلیہ نے باہمی رضامندی سے اپنے راستے جدا کرنے کا فیصلہ کیا۔

اس فیصلے کے بعد انہوں نے اپنی بیوی پر بدچلنی کا الزام لگائے بغیر انہیں طلاق دینے کے سلسلے میں صلاح مشورے کے لیے لاہور ہائی کورٹ کے وکیل شیراز ذکا سے رجوع کیا جن کی والدہ اور بہنیں ان کے پرانے گاہکوں میں شامل تھیں۔ اس مشورے کے نتیجے میں جب 2016 میں انہوں نے لاہور ہائی کورٹ میں درخواست دائر کی تو براہِ راست طلاق مانگنے کے بجائے انہوں نے ایک نیا راستہ اختیار کیا اور مسیحی طلاق ایکٹ کی دفعہ سات کو بحال کرنے کی استدعا کی۔

یہ دفعہ برطانیہ کے ازدواجی قانون کے تحت ایسے مسیحی جوڑوں کو بدچلنی کے علاوہ کسی بھی دوسری وجہ کو بنیاد بناتے ہوئے طلاق کا حق دیتی ہے جن کے لیے اپنی شادی قائم رکھنا ممکن نہ رہا ہو۔ تاہم جنرل ضیا الحق کی حکومت نے 1981 میں اس دفعہ کو مسیحی طلاق ایکٹ سے خارج کر دیا تھا۔

امین نے اپنی درخواست میں موقف اختیار کیا کہ اس دفعہ کا اخراج غیر آئینی ہے اور پاکستان میں رہنے والے مسیحیوں کے بنیادی حقوق کی خلاف ورزی ہے۔ انہوں نے یہ دلیل بھی دی کہ اس سے پاکستانی مسیحی طلاق کے لیے اپنا مذہب تبدیل کر کے اسلام قبول کرنے پر مجبور ہو رہے ہیں۔

<h2>دفعہ سات کے حق اور مخالفت میں دلائل</h2>

اس درخواست کی سماعت کے دوران عدالت نے بطور گواہ لاہور کے اعزازی بشپ ڈاکٹر الیگزنڈر جان ملک کو بھی طلب کیا۔ وہ ضیا دور میں لاہور کے بشپ رہ چکے ہیں۔ انہوں نے عدالت کو اپنے تحریری بیان میں بتایا کہ دفعہ سات مسیحی مذہبی رہنماؤں کی مشاورت کے بغیر ختم کی گئی تھی۔ امین کی درخواست کی حمایت کرتے ہوئے انہوں نے یہ بھی کہا کہ اس دفعہ کے خاتمے سے مسیحی طلاق ایکٹ&quot; انسانی حقوق کو محدود کرنے اور ان کی خلاف ورزی کرنے&quot; کا باعث بن رہا ہے۔ 
اس وقت کی اسسٹنٹ اٹارنی جنرل حنا حفیظ اللہ اسحاق نے بھی وفاقی حکومت کی جانب سے عدالت میں پیش ہو کر یہی بات کہی۔ ان کا کہنا تھا کہ اس دفعہ کا خاتمہ خواتین کے ان بنیادی حقوق کی خلاف ورزی ہے جن کی ضمانت خواتین کے خلاف ہر طرح کے امتیازی سلوک کے خاتمے سے متعلق عالمگیر کنونشن (سی ای ڈی اے ڈبلیو) میں دی گئی ہے اور جس پر پاکستان نے دستخط کر رکھے ہیں۔

اسی لیے انہوں نے دلیل دی کہ اس دفعہ کو ختم کرنے سے آئین کے آرٹیکل آٹھ کی خلاف ورزی ہوئی ہے جو ایسے ہر قانون یا رواج کو ناجائز قرار دیتا ہے جو بنیادی انسانی حقوق سے متصادم ہو۔ انہوں نے یہ بھی کہا کہ اگرچہ آئین کا آرٹیکل 227 یہ ضمانت دیتا ہے کہ تمام مروج قوانین اسلامی احکامات کے تابع ہوں گے تاہم اس شرط کا اطلاق اسلام کے علاوہ دوسرے مذاہب پر نہیں ہوتا۔ اس لیے ان کی نظر میں دفعہ سات کی بحالی میں کوئی قانونی اور آئینی رکاوٹ نہیں تھی۔

انسانی حقوق کے لیے کام کرنے والی معروف قانون دان حنا جیلانی، اس وقت پنجاب اسمبلی کی مسیحی ارکان شنیلا روتھ اور میری گِل اور&nbsp; خواتین کی صورتحال پر پنجاب میں بنائے گئے کمیشن کی سربراہ فوزیہ وقار نے بھی امین کی درخواست کی مکمل حمایت کی۔ اس موقع پر حنا جیلانی نے عدالت کو بتایا کہ جس صدارتی آرڈیننس کے ذریعے دفعہ سات ختم کی گئی وہ آئین کے آرٹیکل 9 (جو ہر فرد کی زندگی اور آزادی کو تحفظ دیتا ہے)، آرٹیکل 14 (جو چادر اور چار دیواری کے تحفظ کی ضمانت دیتا ہے) اور آرٹیکل 25 (جو صنف، ذات، عقیدے اور نسل وغیرہ سے قطع نظر تمام شہریوں کے مساوی حقوق ممکن بناتا ہے) کے خلاف ہے۔

دوسری طرف اس وقت پنجاب کے انسانی حقوق اور اقلیتی امور کے وزیر خلیل طاہر سندھو اور تمام بڑے مسیحی فرقوں کے نمائندوں نے اس درخواست کی مخالفت کی۔ ان کا کہنا تھا کہ انجیل کے احکامات کی رو&nbsp; سے مسیحی شادی دو انسانوں کے مابین قائم ہونے والا ایک مقدس رشتہ ہوتا ہے جسے بدچلنی کے سوا کسی اور وجہ سے ختم نہیں کیا جا سکتا۔

امین کی درخواست کی سماعت کرنے والے جسٹس منصور علی شاہ نے بالآخر 19 جون 2017 کو اپنا فیصلہ سنایا۔ انہوں نے دفعہ سات کو بحال کرتے ہوئے اپنے فیصلے میں لکھا کہ مسیحی طلاق ایکٹ سے اس کا اخراج ماضی کی غیرجمہوری حکومت کی جانب سے خاص مقاصد کے تحت کیا گیا ایک &quot;رجعتی&quot; قدم ہے۔ انہوں نے یہ بھی کہا کہ اس دفعہ کے خاتمے نے نہ صرف اقلیتوں کے حقوق کی راہ میں رکاوٹ ڈالی بلکہ یہ ریاست کی ان ذمہ داریوں سے پہلو تہی کے مترادف بھی ہے جو شہری اور سیاسی حقوق سے متعلق عالمگیر کنونشنوں کی توثیق اور آئین کے میں دیے گئے پالیسی اصولوں کے نتیجے میں اس پر عائد ہوتی ہیں۔

جسٹس منصور علی شاہ نے یہ بھی لکھا کہ &quot;دنیا بھر میں مسیحی اکثریتی آبادی والے ممالک میں بدچلنی یا ایسی کسی دوسری وجہ کے علاوہ کبھی ختم نہ ہونے والے باہمی اختلافات بھی طلاق کی معقول بنیاد تسلیم کیے جاتے ہیں۔ ایسی طلاق کی اجازت دینے سے شادی شدہ جوڑوں کو عدالت میں ایک دوسرے کے بارے میں ناشائستہ اور نامناسب تفصیلات بیان کرنے سے بچنے، شادی کے رشتے کو مضبوط اور محفوظ بنانے اور خاندانی تعلقات کا تحفظ کرنے میں مدد ملے گی&quot;۔

لیکن یہ فیصلہ سنائے جانے کے چند ہفتے بعد ایک مسیحی شہری ایمانویل فرانسس نے اس کے خلاف ایک انٹرا کورٹ اپیل دائر کی جس کی حمایت پاکستان کی متعدد نمایاں مسیحی شخصیات نے کی۔ ان تمام لوگوں کا خیال تھا کہ امین کی درخواست کی سماعت کے دوران مسیحی مذہبی رہنماؤں کی جانب سے دیے گئے بیانات پر خاطرخواہ غورو فکر نہیں کیا گیا۔ انہوں نے یہ بھی کہا کہ کوئی دنیاوی قانون سازی نہ تو انجیل کی تعلیمات کی جگہ لے سکتی ہے اور نہ اس کے خلاف جا سکتی ہے۔ 
لاہور ہائی کورٹ کے وکیل اور مسیحی وکلا کی ایک تنظیم کے سربراہ کاشف الیگزنڈر کہتے ہیں کہ دفعہ سات کی بحالی آئین کے آرٹیکل 20 کی خلاف ورزی ہے جو یہ کہتا ہے کہ &quot;ہر شہری کو کوئی عقیدہ اختیار کرنے، اس پر عمل کرنے اور اس کی تبلیغ کرنے کا حق ہے&quot;۔ اس لیے وہ سمجھتے ہیں کہ جسٹس منصور علی شاہ نے ایک &quot;امتیازی فیصلہ&quot; دیا ہے جو ان کے خیال میں اقلیتوں کے معاملات میں &quot;براہ راست مداخلت&quot; ہے۔

کاشف الیگزنڈر کے نکتہِ نظر کے مطابق دفعہ سات کی بحالی کا یہ بھی مطلب ہے کہ اب پاکستانی عدالتوں میں برطانوی قانون بھی استعمال کیا جا سکتا ہے لیکن &quot;چونکہ پاکستانی مسیحی پاکستان کے شہری ہیں اس لیے ان پر برطانیہ کا قانون لاگو کرنے کا کوئی جواز نہیں&quot;۔

وہ اس دفعہ کی بحالی کے خلاف یہ دلیل بھی دیتے ہیں کہ کسی قانون میں تبدیلی کا اختیار عدالتوں کو نہیں بلکہ صرف پارلیمنٹ کو ہے۔وہ کہتے ہیں کہ &quot;اگر مسیحی طلاق ایکٹ میں ترامیم کی ضرورت ہے تو ایک پارلیمانی کمیٹی بنا کر اس کے ذریعے مسیحی برادری کے رہنماؤں سے تفصیلی مشاورت کی جائے جس کے بعد ایک نئے قانون کا مسودہ تیار ہو اور پارلیمنٹ سے اس کی منظوری لی جائے&quot;۔

حقیقت یہ ہے کہ ایسی مشاورت پہلے ہی ہو چکی ہے لیکن اس کے باوجود ایک مجوزہ مسیحی شادی اور طلاق ایکٹ کو تا حال پارلیمنٹ کی منظوری نہیں مل سکی کیونکہ مسیحی مذہبی رہنما اس کی توثیق نہیں کر رہے۔ اسی لیے بہت سی نمایاں پاکستانی مسیحی شخصیات کاشف الیگزنڈر کے اس نکتہ نظر سے متفق نہیں ہیں کہ جن مسیحی شادیوں کا قائم رہنا ممکن نہ ہو انہیں عدالتوں کے ذریعے ختم نہیں کیا جانا چاہیے۔

لاہور سے تعلق رکھنے والی وکیل سمیرا شفیق بھی انہی شخصیات میں سے ایک ہیں۔ وہ سمجھتی ہیں کہ مسیحی طلاق اور شادی سے متعلق اصلاح شدہ قانون کی پارلیمنٹ سے فوری منظوری وقت کی ضرورت ہے۔ ان کی نظر میں اس کی وجہ یہ نہیں کہ عدالتیں ان شادیوں کے بارے میں فیصلے کرنے کے لئے مناسب فورم نہیں ہیں بلکہ اس کی وجہ یہ ہے کہ پارلیمنٹ کی منظوری سے عدالتوں کے فیصلوں کو مزید قانونی تقویت مل جاتی ہے۔ اپنی بات کی وضاحت کرتے ہوئے وہ کہتی ہیں: &quot;لاہور ہائی کورٹ کے فیصلے کا اطلاق ملک کی دیگر عدالتوں پر نہیں ہوتا اس لیے قوانین میں تبدیلیوں کی منظوری پارلیمںٹ سے لی جانی چاہیے تاکہ کوئی بھی کہیں بھی انہیں اپنے مسائل کے حل کے لیے استعمال کر سکے&quot;۔

<h2>انت بھلا سو بھلا</h2>

شیراز ذکا نے امین کی درخواست پر عدالتی کارروائی کے دوران یہ بات یقینی بنائی کہ ان کے موکل کو عدالت میں پیش نہ ہونا پڑے۔ اس سے امین کو اپنی شناخت خفیہ رکھنے میں آسانی ہوئی۔ نتیجتاً انہیں اپنی طلاق کی وجہ سے جنم لینے والی مذہبی رہنماؤں کی ناراضگی اور سماجی بدنامی کے خوف سے بے نیاز ہو کر اپنی زندگی نئے سرے سے شروع کرنے میں مدد ملی۔

چنانچہ لاہور ہائی کورٹ کا فیصلہ اپنے حق میں آنے کے بعد انہوں نے اپنی پرانی نوکری اور پرانا گھر چھوڑ دیا اور کسی اور شہر منتقل ہو گئے جہاں ان&nbsp; کی والدہ نے ارفع نامی ایک کیتھولک مسیحی لڑکی سے ان کی شادی کر دی۔ 
ارفع کے عقیدے کے مطابق بھی طلاق ممنوع ہے تاہم وہ کہتی ہیں کہ انہیں ایک طلاق یافتہ شخص سے شادی پر کوئی اعتراض نہیں تھا۔ دراصل وہ امین کی اس وجہ سے بھی عزت کرتی ہیں کہ وہ اپنی پہلی شادی کے خاتمے کے دوران انسانیت پر قائم رہے اور انہوں نے اپنی پہلی بیوی پر بدچلنی کا الزام نہیں لگایا۔

امین خود بھی یہ سوچ کر سکون محسوس کرتے ہیں کہ انہیں اپنی پہلی بیوی سے قطع تعلق کے لیے ان کے کردار کے بارے میں جھوٹ نہیں بولنا پڑا۔ ان کا کہنا ہے کہ &quot;اگر میں ان کی زندگی تباہ کر دیتا تو کبھی خوش نہ رہتا&quot;۔ 
امین کے مطابق سونیا نے بھی دوسری شادی کر لی ہے اور اب وہ اپنی نئی زندگی سے خوش ہیں۔ ان کا کہنا ہے کہ &quot;اگر میں ناجائز طور سے انہیں بدچلن ٹھہراتا تو یہ سب کچھ ممکن نہ ہوتا&quot;۔

یہ رپورٹ لوک سجاگ نے پہلی دفعہ 20 جولائی 2021 کو اپنی پرانی ویب سائٹ پر شائع کی تھی۔

افغانستان میں طالبان کے آنے سے طورخم بارڈر کے آر پار لوگوں اور تجارتی سامان کی آمدورفت شدید مشکلات کا شکار۔

مسیحی جوڑوں کے لیے طلاق کے قانون کی عدم موجودگی: 'میں اپنی بیوی پر جھوٹا الزام نہیں لگانا چاہتا تھا'۔

A large number of women security guards in Pakistan not only face harassment during their duty hours but also face injustice in their basic workers rights.

How is it possible for security guards to deal with unfavorable working conditions for women?

رخشندہ کے ساتھ کام کرنے والے مرد ہر وقت گالی گلوچ کرتے رہتے ہیں جس کی وجہ سے وہ بہت بے چینی محسوس کرتی ہیں۔ ان کے بقول وہ مرد ان سے ایسی &quot;نامعقول فرمائشیں&quot; بھی کرتے ہیں کہ &quot;میں ان کے ساتھ وقت گزاروں، ان سے ہاتھ مِلاؤں اور ان کے نامناسب لطیفوں پر ہنسوں&quot;۔&nbsp;

وہ ایک سال سے زائد عرصے سے جنوب مغربی لاہور میں واقع ایک معروف شاپنگ مال میں بطور سکیورٹی گارڈ کام کر رہی ہیں۔ لیکن انہیں مال کی انتظامیہ سے شکوہ ہے کہ وہ مرد ملازمین کے خلاف خواتین کی شکایات حل کرنے کی کوئی کوشش نہیں کرتی بلکہ شکایت کنندہ کا نام سب کو بتا دیتی ہے جس کے بعد &quot;مرد ملازمین اسے اس قدر ہراساں کرتے ہیں کہ یا تو وہ خاتون اپنی شکایت واپس لے لیتی ہے یا نوکری چھوڑ جاتی ہے&quot;۔ یہی وجہ ہے کہ &quot;گارڈ خواتین اس مال میں ایک سال سے زیادہ عرصہ ملازمت نہیں کرتیں&quot;۔

رخشندہ شادی شدہ ہیں تاہم ان کے شوہر ان کے آبائی گاؤں میں ہی رہتے ہیں جب کہ وہ خود لاہور میں ایک ہاسٹل میں رہتی ہیں۔ ان کے خیال میں خواتین کام کی جگہوں پر عدم تحفظ اور ہراس کا اسی وقت میں مقابلہ کر سکتی ہیں جب وہ متحدہ ہوں۔ لیکن وہ کہتی ہیں کہ &quot;کچھ گارڈ خواتین اپنے ساتھی ملازم مردوں کی ناجائز پیش رفت کا مثبت جواب دیتی ہیں جس کے باعث ایسی خواتین کو ایسے مردوں سے نمٹنے میں مشکل پیش آتی ہیں جو اُن سے فاصلہ برقرار رکھنا چاہتی ہیں&quot;۔&nbsp;

فوزیہ اور نتاشا کو بھی اپنی نوکری سے اسی طرح کی شکائتیں ہیں۔ وہ دونوں لاہور کی ایک تاریخی سرکاری یونیورسٹی کے سکیورٹی کے شعبے میں گارڈ &nbsp;کے طور پر ملازم ہیں اور شاکی ہیں کہ کام کے دوران انہیں اکثر بدسلوکی کا سامنا کرنا پڑتا ہے۔ فوزیہ کا کہنا ہے کہ &quot;لوگ ہمیں ان پڑھ سمجھتے ہیں جس کی وجہ سے وہ ہم سے حقارت بھرا سلوک کرتے ہیں&quot;۔&nbsp;

ان کی ساتھی نتاشا کا کہنا ہے کہ کچھ طلبا یونیورسٹی کے قواعد کی خلاف ورزی کرتے ہوئے باہر کے لوگوں کو کیمپس میں لے آتے ہیں لیکن جب اس معاملے کی تحقیق ہوتی ہے تو یہ طلبا سارا الزام سکیورٹی کے عملے پر لگا دیتے ہیں۔

ان کا یہ بھی کہنا ہے کہ طلبا سوشل میڈیا کے ذریعے ہر وقت یونیورسٹی کے وائس چانسلر سے رابطے میں رہتے ہیں لیکن سکیورٹی کے عملے کو یہ سہولت دستیاب نہیں۔ چنانچہ کسی تنازعے کی صورت میں گارڈ &quot;اپنا موقف پیش کرنے سے قاصر رہتے ہیں اور خاموشی سے اپنے نگرانوں کی ڈانٹ ڈپٹ سننے کے علاوہ کچھ نہیں کر پاتے&quot;۔

اس قسم کی صورتِ حال میں گارڈ خواتین کو اضافی مشکلات کا سامنا کرنا پڑتا ہے کیونکہ، نتاشا کے مطابق، تحقیقات کی صورت میں &quot;مرد گارڈ تو تعداد میں زیادہ ہونے کی وجہ سے ایک دوسرے کا ساتھ دیتے ہیں لیکن عورتیں چند ایک ہونے کی وجہ سے ایسا نہیں کر سکتیں&quot;۔

انہیں یہ شکایت بھی ہے کہ گارڈ خواتین کے ساتھ بہت سے دقیانوسی تصورات منسلک کر دیے گئے ہیں جیسا کہ وہ مردوں کے برابر کام نہیں کر سکتیں یا یہ کہ وہ مشکل کام کرنے سے گھبراتی ہیں۔ ان کا کہنا ہے کہ اس کے برعکس &quot;ہم وہی سخت تربیت حاصل کرتی ہیں جو مردوں کو دی جاتی ہے اور انہی کی طرح ہمیں بھی آٹھ گھنٹے کی پوری شفٹ کے دوران مسلسل کھڑے رہ کر یہ خیال رکھنا پڑتا ہے کہ یونیورسٹی میں کون آ رہا ہے اور کون جا رہا ہے&quot;۔

ان کے بقول &quot;یہ کوئی آسان کام نہیں لیکن ہمیں کبھی سراہا نہیں جاتا&quot;۔

<h2>کام زیادہ، معاوضہ کم&nbsp;</h2>

لاہور کی اورنج لائن میٹرو ٹرین کے سٹیشن پر کام کرنے والی ایک خاتون گارڈ، صہبا، اپنے گھر میں واحد کمانے والی ہیں۔ وہ کرائے کے مکان میں رہتی ہیں اور ان کے شوہر گردے کی خرابی میں مبتلا ہیں۔&nbsp;

اپنے شوہر کا خیال رکھنے کے لیے اکثر انہیں رات دیر تک جاگنا پڑتا ہے جس کی وجہ سے وہ کبھی کبھار صبح دیر سے کام پر پہنچتی ہیں۔ لیکن وہ کہتی ہیں کہ جب بھی انہیں دیر ہوتی ہے تو انہیں دو ہزار پانچ سو روپے جرمانہ ادا کرنا پڑتا ہے جو، ان کے مطابق، ان کی پانچ دن کی اجرت کے برابر ہے۔

صہبا سکیورٹی 2000 نامی کمپنی کی ملازم ہیں جو لاہور اورنج لائن میٹرو ٹرین کے لیے سکیورٹی گارڈ فراہم کرنے کی ذمہ دار ہے۔&nbsp;

نمیرہ بھی اسی کمپنی کی ملازمہ ہیں اور ایک ٹرین سٹیشن پر ایک سال سے زیادہ عرصے سے بطور گارڈ کام کر رہی ہیں۔ وہ بتاتی ہیں کہ کس طرح کچھ عرصہ پہلے انہیں ان کی ہفتہ وار چھٹی کے دن کام پر بلایا گیا حالانکہ اس وقت انہیں تیز بخار تھا لیکن جب وہ کام پر پہنچیں تو انہیں کہا گیا کہ اب ان کی ضرورت نہیں رہی۔ لہٰذا انہیں کوئی اضافی معاوضہ ادا کیے بغیر واپس گھر بھیج دیا گیا۔&nbsp;

ان کا یہ بھی کہنا ہے کہ گارڈ خواتین کو سرکاری تعطیلات پر بھی چھٹی کرنے کی اجازت نہیں ہوتی اور نہ ہی اِن چھٹیوں پر کام کرنے کا انہیں اضافی معاوضہ ادا کیا جاتا ہے۔

انہیں یہ بھی شکایت ہے کہ ان کی تنخواہ میں اکثر کوئی نہ کوئی کٹوتی کر لی جاتی ہے۔ وہ کہتی ہیں کہ &quot;میں ایک سال سے زیادہ عرصے سے کام کر رہی ہوں لیکن ایک مہینے کے علاوہ مجھے کبھی بھی پوری تنخواہ نہیں ملی یہاں تک کہ ان مہینوں میں بھی نہیں جب میں نے کوئی چھٹی نہیں کی&quot;۔

لیکن وہ کہتی ہیں کہ &quot;میں ان کٹوتیوں کے بارے میں کمپنی سے پوچھ بھی نہیں سکتی کیونکہ مجھے اس کی انتظامیہ تک رسائی ہی نہیں ہے&quot;۔

نمیرہ کا یہ بھی کہنا ہے کہ اگر کوئی گارڈ خاتون گھر پر بیمار پڑی ہو تو اس کے باوجود اسے کام پر حاضر ہونے کا کہا جاتا ہے۔ اسی طرح، ان کے مطابق، کام کے دوران بیمار ہو جانے والی خواتین کو بھی اوقاتِ کار ختم ہونے تک گھر نہیں جانے دیا جاتا۔&nbsp;

ان کا دعویٰ ہے کہ خواتین کو اضافی کام کا معاوضہ بھی ٹھیک طرح سے نہیں دیا جاتا بلکہ ان کا &quot;شفٹ انچارج اکثر اس معاوضے میں سے کچھ پیسے اپنے لیے رکھ لیتا ہے&quot;۔

ایک بار ان کی ساتھی گارڈ ریحانہ نے کوشش کر کے اس کٹوتی کے بارے میں کمپنی کو شکایت کی تو &quot;شفٹ انچارج نے کاٹے ہوئے پیسے تو واپس کر دیے لیکن اس کے خلاف کوئی کارروائی نہ کی گئی&quot;۔&nbsp;

سکیورٹی 2000 سے ہی تعلق رکھنے والی ایک اور گارڈ خاتون، شازیہ، کا کہنا ہے کہ ان کا کام روزانہ سہ پہر دو بجے ختم ہوتا ہے لیکن کمپنی کے انتظامی عملے کی نا اہلی کی وجہ سے انہیں محض حاضری لگانے کے لیے اکثر تین بجے تک انتظار کرنا پڑتا ہے جس کی وجہ سے وہ &quot;اپنی دوسری نوکری پر دیر سے پہنچتی&quot; ہیں اور یوں ان کی &quot;آمدن پر منفی اثر پڑتا ہے&quot;۔

اورنج لائن میٹرو ٹرین کے سٹیشن پر ہی پچھلے 11 ماہ سے کام کرنے والی ایک اور گارڈ، 27 سالہ علیشہ، کا کہنا ہے کہ ایک ہفتہ وار چھٹی کے علاوہ اضافی چھٹی کرنے پر نہ صرف ان کی تنخواہ کاٹ لی جاتی ہے بلکہ انہیں جرمانہ بھی کیا جاتا ہے۔ حال ہی میں جب انہوں نے ایک رشتہ دار کی موت کا پرسہ دینے کے لیے دو دن چھٹی کی تو انہیں دو ہزار پانچ سو روپے جرمانہ کیا گیا۔&nbsp;

وہ چھ ماہ سے حاملہ بھی ہیں لیکن انہیں شکایت ہے کہ دورانِ حمل انہیں ایک چھٹی کرنے کی بھی اجازت نہیں ملی بلکہ اُلٹا انہیں اضافی کام کرنے کا کہا جاتا ہے۔ وہ کہتی ہیں کہ انہیں بچے کی پیدائش کے لیے بھی چھٹیاں ملنے کی توقع نہیں بلکہ، ان کے بقول، انہیں نوکری سے &quot;استعفیٰ دینا پڑے گا&quot;۔

ان کے مطابق پچھلے چند ماہ میں دو گارڈ خواتین کے ساتھ ایسا ہو چکا ہے۔ اُن میں سے فرزانہ نامی گارڈ کو وہ جانتی بھی ہیں اور ان کے بارے میں کہتی ہیں کہ &quot;وہ ایک سال سے زیادہ عرصہ ٹرین سٹیشن پر گارڈ کی نوکری کرتی رہیں لیکن جب ان کے ہاں بچے کی پیدائش کا وقت آیا تو انہیں استعفیٰ دے کر گھر جانے کا کہہ دیا گیا&quot;۔&nbsp;

علیشہ کا کہنا ہے کہ اگرچہ حاملہ گارڈ خواتین کو کہا جاتا ہے کہ کوئی اسامی خالی ہونے کی صورت میں انہیں بچے کی پیدائش کے بعد نوکری پر واپس بلا لیا جائے گا لیکن، ان کے مطابق، &quot;اس بات کی کوئی ضمانت نہیں کہ انہیں ضرور ہی دوبارہ کام پر رکھا جائے گا&quot;۔&nbsp;

<h2>قانون پر عمل درآمد کون کراے گا</h2>

آئینِ پاکستان کے آرٹیکل 37 کی ذیلی شق ای میں کہا گیا ہے کہ ملک میں &quot;انسانیت کے تقاضوں سے ہم اہنگ حالاتِ کار یقینی بنائے جائیں گے تاکہ (کچھ دوسری باتوں کے علاوہ) ملازم خواتین کو بچوں کی پیدائش کے لیے درکار مراعات فراہم کی جا سکیں&quot;۔ اس آئینی ضمانت کے تحت ایسی عورتوں کو ملازمت چھوڑنے پر مجبور نہیں کیا جا سکتا بلکہ تںخواہ کاٹے بغیر انہیں تین ماہ کی چھٹی دینا بھی ضروری ہے۔

لیکن اس آئینی تحفظ کے باوجود علیشہ کو خدشہ ہے کہ ان کی نوکری چلے جائے گی۔ لہٰذا وہ پریشان ہیں کہ آمدنی کا یہ واحد ذریعہ کھو دینے کے بعد وہ &quot;اپنا اور اپنے بچے کا پیٹ کیسے پالیں گی&quot;۔&nbsp;

دوسری طرف سرکاری حکام کا کہنا ہے کہ کام کی جگہوں کے لیے بنائے گئے قوانین کے تحت ہر کمپنی پر لازم ہے کہ وہ اپنے ملازمین کو ان کی تنخواہ کاٹے بغیر 14 دن کی سالانہ چھٹیاں اور 10 دن کی اتفاقی چھٹیاں دے جبکہ آدھی تنخواہ پر 16 دن کی طبی چھٹی لینا بھی ملازمین کا قانوںی حقوق ہے۔ اسی طرح یہ قوانین کسی کمپنی کو یہ اجازت بھی نہیں دیتے کہ وہ اپنے ملازمین سے ان کی مرضی کے بغیر ایک ہفتے میں 48 گھنٹے سے زیادہ کام لے۔&nbsp;

پنجاب کے محکمہ لیبر کے پبلک انفارمیشن آفیسر داؤد عبداللہ کہتے ہیں کہ ان کے محکمے کی انسپکٹر خواتین وقتاًفوقتاً مختلف دفاتر، فیکٹریوں اور کام کی دوسری جگہوں پر جا کر خواتین کے حالاتِ کار کا معائنہ کرتی رہتی ہیں تاکہ متعلقہ قوانین کا اطلاق یقینی بنایا جا سکے۔ لیکن وہ تسلیم کرتے ہیں کہ ان جگہوں کی نگرانی کرنے والا یہ عملہ اتنا کم ہے کہ ہر وقت ہر جگہ کا معائنہ یقینی نہیں بنایا جا سکتا۔&nbsp;

خواتین کی ترقی کے لیے بنائے گئے صوبائی محکمے نے بھی ملازم خواتین کے لیے ایک فون ہیلپ لائن قائم کر رکھی ہے جس پر وہ اپنی ملازمت سے متعلق کوئی بھی شکایت درج کرا سکتی ہیں۔ لیکن اس محکمے کے پبلک انفارمیشن آفیسر اشفاق بخاری مانتے ہیں کہ سکیورٹی گارڈ خواتین کے مسائل پر کبھی توجہ نہیں دی گئی لہٰذا ان کے حقوق کا فوری اور موثر تحفظ کیا جانا بہت ضروری ہے۔&nbsp;

لیکن ان خواتین کو ملازم رکھنے والی کمپنیوں کی نمائندہ تنظیم، آل پاکستان سکیورٹی ایجنسیز ایسوسی ایشن، کا کہنا ہے کہ اس کے ارکان نے ابھی تک صنفی امتیاز کی بنیاد پر دائر کی جانے والی شکایات کے ازالے کے لیے کوئی مجموعی یا انفرادی پالیسی تیار ہی نہیں کی۔ اس کے مطابق اس کی وجہ یہ ہے کہ اس کے تمام ارکان میں سے صرف دو، سکیورٹی 2000 اور عسکری گارڈز، ہی خواتین کو ملازم رکھتے ہیں۔&nbsp;

تاہم سکیورٹی 2000 کے اہل کار اپنی کمپنی کی ملازم خواتین کی شکایات اور ان کے ازالے کے بارے میں بات نہیں کرنا چاہتے۔

نوٹ: اس رپورٹ میں گارڈ خواتین کے اصلی نام استعمال نہیں کیے گئے تاکہ انہیں کسی ذاتی یا پیشہ وارانہ مشکل کا سامنا نہ کرنا پڑے۔&nbsp;

گھریلو ملازم بچوں پر تشدد: با اثر مالکان کے سامنے والدین بے بس اور قانون خاموش۔

'مشکلیں اتنی پڑیں': سکیورٹی گارڈ خواتین کو درپیش نامناسب حالاتِ کار کا حل کیسے ممکن ہے۔

تین سال پہلے جب ناصرہ کی شادی ہوئی تو ان کی عمر 14 سال تھی جبکہ ان کے شوہر 15 سال کے تھے۔&nbsp;

وہ جنوب مغربی لاہور کے علاقے جوہر ٹاؤن کی ایک کچی بستی میں رہتی ہیں جہاں نصب نل سے پانی بھرتے ہوئے وہ کہتی ہیں کہ وہ تعلیم حاصل کر کے اپنے پاؤں پر کھڑا ہونا چاہتی تھیں لیکن ان کے والدین نے ان کی شادی کرنے کے لیے انہیں سکول سے اٹھا لیا۔&nbsp;

اسی بستی کی رہنے والی 14 سالہ صائمہ کو ان کے گھر والے پیار سے بے بی کہتے ہیں۔ ان کا کہنا ہے کہ وہ ٹیچر بننا چاہتی تھیں لیکن ان کے خاندان والے چاہتے تھے کہ وہ جلد سے جلد اپنا گھر بسا لیں۔ اس لیے چار ماہ قبل ان کی رضامندی کے بغیر ہی ان کی شادی ایک &nbsp;16 سالہ لڑکے سے کر دی گئی۔&nbsp;

صائمہ اب ایک سے زیادہ گھروں میں ملازمہ کے طور پر کام کرتی ہیں جبکہ ان کے شوہر اپنی رہائش گاہ کے قریب ایک نجی سکول کی صفائی کا کام کرتے ہیں یوں میاں بیوی کل ملا کر ہر مہینے 19 ہزار روپے کماتے ہیں۔ &nbsp;

وہ کہتی ہیں کہ اس آمدن میں وہ دونوں بمشکل اپنا پیٹ پالتے ہیں لہٰذا اگر وہ ایک بچہ پیدا کر لیں گے تو ان کا گزارا اور بھی مشکل ہو جائے گا۔ انہیں یہ بھی خدشہ ہے کہ کم عمری میں بچہ پیدا کرنے کی صورت میں وہ اس کی ٹھیک طرح سے دیکھ بھال نہیں کر پائیں گی کیونکہ، جیسے کہ وہ خود کہتی ہیں، &quot;میں تو خود ابھی بچی ہوں&quot;۔&nbsp;

اگرچہ ان کے شوہر ان سے متفق ہیں کہ انہیں فوری طور پر بچہ پیدا نہیں کرنا چاہیے لیکن ان کی ساس کا اصرار ہے کہ وہ بچے کی پیدائش کو روکنے کی کوئی کوشش نہ کریں کیونکہ، ان کی نظر میں، &quot;ایسا کرنا غیر اسلامی ہے&quot;۔&nbsp;

ناصرہ اور صائمہ جیسی کم سِن بیاہتاؤں کو درپیش مسائل پر روشنی ڈالنے کے لیے اقوامِ متحدہ کے ادارے یو این ویمن اور عورتوں کے مقام کے بارے میں بنائے گئے قومی کمیشن نے حال ہی میں ایک مشترکہ رپورٹ شائع کی ہے۔ اس کی تیاری کے لیے 2020 میں اگست اور ستمبر کے مہینوں میں پنجاب کے چھ اضلاع اور خیبرپختونخوا کے چار اضلاع میں مجموعی طور پر دو ہزار سات سو 50 شادی شدہ عورتوں کی آرا لی گئیں۔ ان میں ہر ضلعے سے لی جانے والی عورتوں کی تعداد دو سو 75 تھی۔&nbsp;

اس سروے میں شامل مظفر گڑھ اور خانیوال سے تعلق رکھنے والی عورتوں میں سے بالترتیب 44 فیصد اور 43 فیصد ایسی تھیں جن کی شادی 18 سال کی عمر کو پہنچنے سے پہلے ہوئی تھی جبکہ مجموعی طور پر پنجاب سے سروے کے شرکا میں 21 فیصد عورتیں ایسی تھیں جن کی شادی 18 سال سے کم عمر میں ہو چکی تھی۔&nbsp;

اس رپورٹ کے مطابق جون 2019 اور جولائی 2020 کے درمیان پنجاب میں 18سال سے کم عمر بیاہتاؤں کی کل تعداد 26 لاکھ تھی۔ اس کا کہنا ہے کہ اگر کم عمری میں اتنی شادیاں نہ ہوتیں تو صرف ان دو سالوں میں پنجاب میں دو لاکھ 94 ہزار مزید لڑکیاں دسویں جماعت پاس کر لیتیں۔

لیکن کم عمری کی شادیوں کے نتیجے میں نہ صرف لڑکیوں کی تعلیم پر براہِ راست منفی اثر پڑتا ہے بلکہ ان کی سماجی نقل و حرکت کا دائرہ بھی محدود ہو جاتا ہے کیونکہ بہت سی لڑکیوں کے لیے تعلیمی ادارے نہ صرف تعلیم کے حصول کا ذریعہ ہوتے ہیں بلکہ انہی میں وہ دوسرے لوگوں سے گھلنے ملنے کے طریقے سیکھتی ہیں اور وہیں ان کی سہیلیاں بھی بنتی ہیں۔ اسی طرح ان اداروں میں ہی انہیں سماجی اور تفریحی سہولتوں میں حصہ لینے کا موقع ملتا ہے۔

ان عوامل کی بنیاد پر اس رپورٹ کا کہنا ہے کہ جیسے ہی یہ لڑکیاں شادی کی وجہ سے اپنا تعلیمی سلسلہ منقطع کرتی ہیں ویسے ہی وہ سہیلیوں اور تفریح کے مواقع سے محروم ہو جاتی ہیں۔ اس لیے کم عمر بیاہتاؤں کی ایک بڑی تعداد &nbsp;کا سروے میں کہنا ہے کہ اگر انہیں اختیار ہوتا تو وہ کبھی بچپن میں اپنی شادی نہ ہونے دیتیں بلکہ اس کے بجائے اپنی تعلیم مکمل کرنے کو ترجیح دیتیں۔&nbsp;

تعلیم مکمل نہ کر پانے کی وجہ سے یہ لڑکیاں نہ صرف اپنی بات کہنے اور منوانے کی طاقت سے محروم ہو جاتی ہیں بلکہ ان کی کوئی ہنر سیکھنے اور کمائی کرنے کی صلاحیت بھی کم ہو جاتی ہے۔ چنانچہ ملازمت پیشہ افراد میں نہ صرف خواتین کا مجموعی تناسب کم رہتا ہے بلکہ کم عمر بیاہتاؤں کو جب کام ملتا بھی ہے تو (پنجاب میں) وہ ایسی خواتین کے مقابلے میں اوسطاً دو ہزار دو سو روپے ماہانہ کم کماتی ہیں جن کی شادی 18 سال کی عمر کے بعد ہوئی ہوتی ہے۔&nbsp;

<h2>شادی یا جان کا روگ؟&nbsp; &nbsp;</h2>

جب عذرا بی بی کی شادی ہوئی تو ان کی عمر صرف 16 سال تھی جبکہ ان کے شوہر ان سے 10 سال بڑے تھے۔ لیکن چونکہ وہ سارا دن نشہ کر کے گھر میں پڑے رہتے تھے اس لیے شادی کے فوراً بعد عذرا بی بی کو دوسرے لوگوں کے گھروں میں کام کرنا پڑا جہاں، ان کے مطابق، انہیں مرد ہراساں کرتے اور کہتے کہ &quot;اپنے شوہر کو چھوڑ کر ہم سے شادی کر لو&quot;۔&nbsp;

دوسری طرف ان کے شوہر ان کی ساری کمائی چھین لیتے اور اکثر انھیں مارتے پیٹتے۔ لیکن ان سے چھوٹی ہونے کی وجہ سے وہ چھ سال سے زیادہ عرصہ یہ جذباتی اور جسمانی تشدد خاموشی سے برداشت کرتی رہیں۔

چھ ماہ قبل بالآخر انہوں نے ہمت کر کے اپنے شوہر کو چھوڑ دیا۔

اب وہ جوہر ٹاؤن میں واقع شادے وال چوک کے قریب ایک گھر کے سرونٹ کوارٹر میں اپنی دو بیٹیوں کے ساتھ رہتی ہیں جن کی عمریں چار سال اور ایک سال ہیں۔ ان کے بقول &quot;اگر میں نے بڑی عمر میں شادی کی ہوتی تو میں خود کو کبھی بھی ایسی ذلت سے نہ گزرنے دیتی اور اپنے شوہر کو تبھی چھوڑ دیتی جب انہوں نے پہلی بار مجھ پر ہاتھ اٹھایا تھا&quot;۔

یو این ویمن اور عورتوں کے مقام کے بارے میں بنائے گئے قومی کمیشن کی رپورٹ اس امر کی تائید کرتی ہے۔ اس کے سروے میں شامل 54 فیصد عورتوں کا ماننا ہے کہ کم عمر بیاہتائیں بڑی عمر کی بیاہتاؤں کی نسبت زیادہ فرمانبردار ہوتی ہیں۔

لیکن انہیں اس فرمانبرداری کی ایک بھاری قیمت چکانا پڑتی ہے جو عذرا بی بی کے جذباتی اور مالی استحصال کی صورت میں واضح طور پر نظر آتی ہے۔ تاہم اس استحصال کی سب سے خطرناک شکل اس کے طبی نتائج ہیں۔&nbsp;

مثال کے طور پر ناصرہ کا حمل ایک سے زیادہ تر مرتبہ گر چکا ہے کیونکہ، ڈاکٹروں کے مطابق، انہیں حمل کے دوران مناسب غذا مناسب مقدار میں نہیں ملتی۔ ان کا یہ بھی کہنا ہے کہ &quot;مجھے پیٹ کے السر سمیت بہت سی بیماریاں لاحق ہیں اس لیے ڈاکٹر مجھے مشورہ دیتے ہیں کہ میں اس وقت تک بچہ پیدا کرنے کے بارے میں نہ سوچوں جب تک میری اپنی صحت ٹھیک نہیں ہو جاتی&quot;۔&nbsp;

لیکن وہ کہتی ہیں کہ &quot;میرے شوہر کو اس بات سے غرض نہیں کہ میری جسمانی حالت کیسی ہے&quot;۔ اس لیے وہ بچوں کی پیدائش روکنے کا کوئی طریقہ استعمال نہیں کرتے بلکہ کہتے ہیں کہ یہ معاملہ &quot;خدا کے ہاتھ میں ہے&quot;۔&nbsp;

جوہر ٹاؤن کی کچی بستی کی ایک اور رہائشی رابعہ بھی اسی طرح کے مسائل سے دوچار ہیں۔ چند ماہ قبل جب ان کی شادی ہوئی تو وہ ابھی 14 سال کی بھی نہیں تھیں۔ وہ کہتی ہیں کہ وہ فی الحال بچے پیدا نہیں کرنا چاہتیں لیکن انہیں خدشہ ہے کہ ان کے شوہر یہ بات نہیں مانیں گے۔&nbsp;

یو این ویمن اور عورتوں کے مقام کے بارے میں بنائے گئے قومی کمیشن کی رپورٹ میں کہا گیا ہے کہ ان کی طرح کی کم سن بچیوں کے حاملہ ہونے سے کئی قسم کی طبی پیچیدگیاں جنم لیتی ہیں جن میں زچگی سے منسلک بیماریاں اور نوزائیدہ بچوں کی صحت کو لاحق خطرات خاص طور پر نمایاں ہیں۔ اس رپورٹ میں ایسی طبی تحقیقات کا حوالہ دیا گیا ہے جو واضح طور پر کہتی ہیں کہ کم عمر ماؤں کے جسم بچے کی پیدائش کے لیے تیار نہیں ہوتے اس لیے انہیں زچگی کے دوران طبی رکاوٹوں، خون کے دباؤ میں زیادتی اور حتیٰ کہ موت کے امکان کا بھی سامنا کرنا پڑتا ہے۔&nbsp;

تاہم ان تمام طبی پیچیدگیوں میں سے فِسٹولا (fistula) ایک ایسا مسئلہ ہے جس کا شکار بچیاں موت سے بھی بدتر زندگی گزارنے پر مجبور ہوتی ہیں۔ یہ بیماری زیادہ تر ان لڑکیوں کو لاحق ہوتی ہے جو 18 سال کی ہونے سے پہلے حاملہ ہو جاتی ہیں۔ طبی نکتہِ نظر سے ان کے کولہے کی ہڈیاں ابھی اس حالت کو نہیں پہنچی ہوتیں کہ وہ پیدائش کے دوران پڑنے والے دباؤ کا سامنا کرنے کے لیے مناسب طریقے سے پھیل سکیں جس کے باعث ان کے بچے کا سر ان کے &nbsp;پیڑوؤں میں پھنس جاتا ہے اور اس تکلیف دہ زچگی کے دباؤ اور رگڑ کی وجہ سے ان کے پیڑوؤں کے اندر کی جلد پھٹ جاتی ہیں۔ نتیجتاً ان کے مقعد اور پیشاب کی نالی کو علیحدہ علیحدہ رکھنے والے پردے میں سوراخ ہو جاتے ہیں اور وہ اپنے پیشاب اور پاخانے پر قابو کھو دیتی ہے۔

لاہور میں کام کرنے والی ایک غیر سرکاری تنظیم، پاکستان نیشنل فورم آن ویمن ہیلتھ، کے کوآرڈی نیٹر &nbsp;سید راحت علی کے مطابق فِسٹولا کا شکار لڑکیوں کو ان کے شوہر گھر سے نکال دیتے ہیں کیونکہ اس بیماری کی وجہ سے ان سے ہر وقت بدبو آتی رہتی ہے۔ وہ کہتے ہیں کہ اس میں مبتلا لڑکیاں دوسرے لوگوں کے ساتھ اٹھ بیٹھ اور کھا پی بھی نہیں سکتیں کیونکہ انہیں ناپاک سمجھا جاتا ہے۔ لیکن ان کے بقول &quot;اس سے بھی بڑا المیہ یہ ہے کہ وہ اپنی بیماری کا کسی سے ذکر نہیں کر سکتیں اور یہ بھی نہیں جانتیں کہ اس کا علاج موجود ہے&quot;۔&nbsp;

ڈاکٹر ٹیپو سلطان کئی سالوں سے ایسی بچیوں کا علاج کر رہے ہیں۔ وہ کراچی میں کوہی گوٹھ جنرل ہسپتال برائے خواتین میں کام کرتے ہیں جو پاکستان کا واحد طبی ادارہ ہے جہاں صرف فسٹولا کا علاج کیا جاتا ہے۔ ان کا کہنا ہے کہ &quot;یہ غریب لڑکیوں کی بیماری ہے جن میں سے 80 فیصد اس میں بچپن کی شادیوں کی وجہ سے مبتلا ہوتی ہیں&quot;۔&nbsp;

<h2>بچپن: لڑکیوں کا بنیادی حق&nbsp;</h2>

کم عمری کی شادی سے جڑے ان جذباتی، مالی اور طبی مسائل کے باوجود مذہبی معاملات پر حکومت کی راہنمائی کرنے والے وفاقی ادارے اسلامی نظریاتی کونسل نے ہمیشہ ایسا قانون بنانے کی مخالفت کی ہے جو 18 سال سے کم عمر کی لڑکیوں کی شادی پر پابندی لگاتا ہو۔ اس کونسل کے سربراہ ڈاکٹر قبلہ ایاز کہتے ہیں کہ &quot;اسلامی شریعت لڑکیوں کے جسمانی طور پر بالغ ہو جانے کے بعد ان کی شادی کی اجازت دیتی ہے اس لیے قانون سازی کے ذریعے 18 سال سے کم عمر لڑکیوں کی شادی کو نہیں روکا جانا چاہیے&quot;۔ اس کے بجائے ان کا کہنا ہے کہ &quot;بچپن کی شادی کے خاتمے کے لیے ہمیں سماجی بیداری پر توجہ دینے کی ضرورت ہے&quot;۔

کم سِن بیاہتاؤں کو درپیش مسائل کے بارے میں ان کا کہنا ہے کہ ان کا حل &quot;بڑے بڑے بیانات&quot; سے نہیں کیا جا سکتا بلکہ انہیں کم عمری کی شادی سے &quot;الگ کر کے سمجھنے کی ضرورت ہے&quot;۔

دوسری طرف بچوں کے حقوق کے تحفظ پر کام کرنے والی غیر سرکاری تنظیم، سوسائٹی فار دی پروٹیکشن آف دی رائٹس آف چائلڈ (سپارک)، کے پروگرام منیجر خلیل احمد ڈوگر کا کہنا ہے کہ کم عمری کی شادیوں کے خلاف قانون بنانا اس لیے ضروری ہے کہ پاکستان نے اقوام متحدہ کو یہ عہد دے رکھا ہے کہ 18 سال سے کم عمر کے ہر فرد کو بچہ سمجھا جائے گا اور اس کے حقوق اور فرائض کا تعین اسی بنا پر ہو گا۔

دوسرے لفظوں میں وہ کہتے ہیں کہ 18 سال سے کم عمر کی لڑکیوں کی شادی کر کے انہیں گھر داری اور بچوں کی پیدائش میں لگا دینا اقوامِ متحدہ کے چارٹر کے تحت ان کے تسلیم شدہ حقوق کو سلب کرنے کے مترادف ہے۔

بچوں سے جنسی زیادتی کے مقدمات: ملزموں کو معاف کرنے کے لیے لواحقین پر کس قِسم کا دباؤ ہوتا ہے۔

کم سِن بیاہتائیں: جن کی آنکھوں کے گُل کھلنے سے پہلے ہی مرجھا گئے ہیں۔

transgender protection act 2018

احمد نے جب اپنے والدین سے کہا کہ وہ انہیں اپنے بارے میں ایک اہم بات بتانا چاہتے ہیں تو انہوں نے فوراً فرض کر لیا کہ شاید اس کا تعلق ایڈز جیسے کسی موذی مرض سے ہے۔ لیکن ان کے بیٹے کا یہ انکشاف کہ وہ مکمل مرد نہیں بلکہ خواجہ سرا ہیں ان کے لیے اس سے بھی زیادہ حیران کن تھا۔&nbsp;

احمد نے اپنے والدین سے یہ بھی کہا کہ انہیں اب &#39;سارہ&#39; کے نام سے مخاطب کیا جائے۔&nbsp;

یہ2015 &nbsp;کی بات ہے۔ سارہ اب لاہور کی ایک یونیورسٹی میں تعلیم حاصل کرتی ہیں جس کے کیفے ٹیریا میں چائے پیتے ہوئے وہ کہتی ہیں کہ ان کے والدین خوفزدہ تھے کہ اگر لوگوں کو ان کے خواجہ سرا ہونے کا پتہ چل گیا تو انہیں بہت تنگ کیا جائے گا۔ حقیقت یہ ہے کہ کیفے ٹیریا میں بھی لوگ نہ صرف انہیں مڑ مڑ کر دیکھ رہے ہیں بلکہ کئی طلبا ان پر چلتے چلتے جملے بھی کس رہے ہیں۔&nbsp;

سارہ ان سب باتوں سے لاپرواہ ہیں اور بتاتی ہیں کہ ابھی ان کے گھر والے انہیں خواجہ سرا کے طور پر تسلیم نہیں کر پا رہے تھے کہ انہوں نے یہ اصرار کرنا شروع کر دیا کہ وہ ایسے ہارمون استعمال کرنا چاہتی ہیں جو ان میں عورتوں والی جسمانی خصوصیات کو بڑھانے میں مدد گار ثابت ہو سکیں۔ ان کے مطابق یہ ہارمون انہیں اس ذہنی پریشانی سے چھٹکارا حاصل کرنے میں مدد دے سکتے ہیں جس کا تجربہ ان لوگوں کو ہوتا ہے جن کے جسمانی اعضا اور ان کی صنفی شناخت میں ہم آہنگی نہیں ہوتی۔ یعنی ان کے اعضا تو مردانہ ہو سکتے ہیں لیکن وہ مردانہ پن محسوس نہیں کرتے ہیں یا اسی طرح زنانہ اعضا رکھنے کے باوجود وہ اپنے آپ کو عورت نہیں سمجھتے۔ اس کشمکش کا شکار افراد کو بےچینی، ڈپریشن اور ذہنی دباؤ کا سامنا کرنا پڑتا ہے جسے طبی اصطلاح میں Gender Dysphoria کہتے ہیں۔&nbsp;

سارہ کہتی ہیں کہ ان کے والدین ان کی اس تکلیف سے آگاہ تھے اس لیے وہ ان کا علاج کرانے پر راضی ہو گئے۔ لیکن اس دوران انہیں معلوم ہوا کہ یہ علاج کرانے سے پہلے انہیں اپنے خواجہ سرا ہونے کی تصدیق کرانا ہو گی۔ ان کا کہنا ہے کہ اس تصدیق کے لیے وہ چھ ماہ تک گلبرگ کی ایک معروف نفسیاتی علاج گاہ میں جاتی رہیں جہاں وہ اپنے باطنی جذبات طبی اور نفسیاتی ماہرین کے سامنے پیش کرتی رہیں۔ لیکن ان کی توقع کے برعکس ان ماہرین نے انہیں شقاقِ دماغی (schizophrenia) کا مریض قرار دے کر انہیں ہارمون استعمال کرنے سے روک دیا۔

جب 2018 میں پارلیمنٹ نے ٹرانس جینڈر پرسنز (پروٹیکشن آف رائٹس) ایکٹ کی منظوری دی تو سارہ بہت خوش ہوئیں کہ اب انہیں ہارمون استعمال کرنے سے پہلے اپنا طبی اور نفسیاتی تجزیہ نہیں کرانا پڑے گا بلکہ اس قانون کی موجودگی میں وہ اپنی مرضی سے اپنی صنفی شناخت طے کر سکیں گی اور اس کے مطابق اپنے جسم میں تبدیلیاں بھی لا سکیں گی۔ (لیکن آگے چل کر کچھ ایسے واقعات کا ذکر آئے گا جن کی وجہ سے ان کی خوشی ماند پڑ گئی ہے-)

اس ایکٹ کا بنیادی مقصد ایسے افراد کے جنسی اور جسمانی حقوق کا تحفظ کرنا اور ان کی نفسیاتی، سماجی اور مالی زندگیوں کو بہتر بنانا ہے جنہیں پاکستان میں خواجہ سرا کہا جاتا ہے۔ یہ افراد یا تو جسمانی طور پر مکمل مرد/عورت نہیں ہوتے یا وہ نفسیاتی طور پر اپنے آپ کو اس صنف میں شمار نہیں کرتے جو ان کی جسمانی ساخت سے ظاہر ہوتی ہے۔&nbsp;

اس قانون کی افادیت پر بات کرتے ہوئے خواجہ سرا افراد کے حقوق پر کام کرنے والی جنت علی کا کہنا ہے کہ اس کی منظوری سے پہلے خواجہ سرا شناختی کارڈ بھی نہیں بنوا سکتے تھے کیونکہ اس کے لیے انہیں اپنے والدین کے شناختی کارڈ &nbsp;کی ضرورت ہوتی ہے جبکہ ان میں سے اکثر اپنے والدین کے ساتھ نہیں رہتے تھے۔ لیکن وہ کہتی ہیں کہ &quot;اب ایسے لوگ اپنے گرو کے ساتھ جا کر اپنے شناختی کارڈ بنوا سکتے ہیں&quot;۔&nbsp;

جنت علی جینڈر پروٹیکشن ایکٹ کی تیاری کے لیے بنائی گئی سرکاری ٹاسک فورس کا حصہ رہ چکی ہیں اور کہتی ہیں کہ اس قانون میں خواجہ سرا (ٹرانس جینڈر) کی اصطلاح کو ایک ایسی چھتری کے طور پر استعمال کیا گیا ہے جس کے نیچے کئی صنفی شناختوں کی گنجائش رکھی گئی ہے۔ خواجہ سرا افراد اس کے تحت خود کو صرف مخنث کے طور پر ہی نہیں بلکہ &quot;مرد مخنث اور خنسا&quot; کے طور پر بھی رجسٹرڈ کرا سکتے ہیں۔&nbsp;

انسانی حقوق کی ترویج کے لیے کام کرنے والے کئی لوگوں کی دو سال کی مسلسل جدوجہد کے نتیجے میں بننے والے اس قانون کے تحت خواجہ سرا افراد کے خلاف کسی بھی قسم کے امتیازی سلوک کی بھی ممانعت کی گئی ہے خواہ اس کا تعلق تعلیم سے ہو یا ملازمت کے مواقع اور وراثتی جائیداد میں ان کے حصے سے۔&nbsp;

<h2>مذہبی اعتراضات</h2>

ضلع راولپنڈی کے علاقے واہ کینٹ کے رہنے والے 40 سالہ محمد عرفان خان پیدائشی نقائص سمیت جسمانی معذوریوں پر پی ایچ ڈی کر رہے ہیں۔ انہوں نے 2020 میں وفاقی شرعی عدالت میں ایک درخواست دائر کی جس میں انہوں نے کہا کہ&nbsp;ٹرانس جینڈر پرسنز (پروٹیکشن آف رائٹس) ایکٹ&nbsp;دراصل &quot;خواجہ سرا افراد کے حقوق کے نام پر ہم جنس پرستی اور ہم جنس پرستوں کے حقوق کو قانونی جواز دینے کی کوشش ہے&quot;۔ ان کا یہ بھی کہنا تھا کہ اس قانون میں بہت سی خامیاں ہیں کیونکہ &quot; ایک تو اس میں خواجہ سرا کی تعریف صرف جسمانی طور پر مخنث لوگوں تک محدود نہیں بلکہ اس میں ہم جنس پرست بھی شامل ہیں، دوسرا یہ کہ اس میں مخنثوں کی شناخت کے لیے طبی بورڈ کا معائنہ لازمی قرار نہیں دیا گیا اور تیسرا یہ کہ اس میں پاکستان کے ہر شہری کو یہ حق دیا گیا ہے کہ وہ خود کو خواجہ سرا قرار دے لے&quot;۔

اس کے برعکس محمد عرفان خان کا دعویٰ ہے کہ خواجہ سرا ہونا ایک ذہنی بیماری ہے جس کا علاج نفسیاتی طریقوں اور ہارمون کے استعمال کے ذریعے ممکن ہے۔ اس لیے ان کی نظر میں &quot;ایسے لوگوں کو اپنی جنسی شناخت خود طے کرنے کا اختیار دینا غیر اسلامی ہے&quot;۔&nbsp;

اس ایکٹ کے خلاف وفاقی شرعی عدالت میں ایک اور درخواست انٹرنیشنل اسلامک یونیورسٹی اسلام آباد میں زیر تعلیم &nbsp;22 سالہ محمد بن ساجد نے اسی سال دائر کی ہے۔ وہ کہتے ہیں کہ انہوں نے یہ درخواست دینے کا فیصلہ اس وقت کیا جب ان کے ایک دوست نے انہیں بتایا کہ یہ قانون &quot;اسلام کے اصولوں کو خطرے میں ڈالتا ہے اور ہم جنس پرستی کو فروغ دیتا ہے&quot;۔ اس لیے &quot;وہ اپنا فرض سمجھتے ہیں کہ وہ مذہب کے خلاف ہونے والی ہر قسم کی قانون سازی کے خلاف اٹھ کھڑے ہوں&quot;۔&nbsp;

ان کا یہ بھی کہنا ہے کہ &quot;جو شخص پیدائش کے وقت اپنے لیے طے کردہ جنس کو اپنی شناخت قرار نہیں دیتا وہ ہم جنس پرست ہے&quot; اس لیے اسے اپنی شناخت کی تبدیلی کی اجازت دینے والا قانون مذہبی نکتہِ نظر سے ٹھیک نہیں۔&nbsp;

جماعت اسلامی کے سینیٹر مشتاق احمد نے بھی 15 نومبر 2021 کو ہونے والے سینیٹ کے اجلاس میں ایک قانونی ترمیم کا مسودہ پیش کیا ہے جس میں کہا گیا ہے کہ اپنی جنسی اور صنفی شناخت کو تبدیل کرنے کے خواہش مند لوگوں کا طبی معائنہ لازمی قرار دیا جائے اور ڈاکٹروں کی تصدیق اور اجازت کے بغیر نہ تو ان کے شناختی کارڈ پر ان کی جنس بدلی جائے اور نہ ہی انہیں سرجری یا دوسرے طبی طریقے استعمال کر کے اپنی جسمانی ساخت بدلنے کی اجازت دی جائے۔&nbsp;

ان کا کہنا ہے کہ &quot;ٹرانس جینڈر پرسنز (پروٹیکشن آف رائٹس) ایکٹ کا اطلاق صرف انہی لوگوں پر ہونا چاہیے جو جسمانی اعتبار سے نہ عورت ہوں نہ مرد کیونکہ اسلام صرف ایسے لوگوں کو ہی مخنث مانتا ہے&quot; جبکہ اس کے برعکس &quot;اپنی حالیہ شکل میں یہ قانون ہر کسی کو یہ آزادی دیتا ہے کہ وہ جب چاہے اپنی جنسی اور صنفی شناخت تبدیل کر لے&quot;۔

ان کے مطابق اس طرح کی تبدیلی کے کئی سماجی اور مذہبی مضمرات ہیں۔ اپنی بات کی وضاحت کرتے ہوئے وہ کہتے ہیں کہ اگر کوئی مرد اپنے خیالات اور خصلتوں کی بنیاد پر اپنے آپ کو عورت کہنے لگے تو اس ایکٹ کی تحت نہ صرف اسے عورت مان لیا جائے گا بلکہ اسے عورتوں کے لیے مخصوص جگہوں پر جانے کی اجازت بھی ہو گی &quot;جو شائستگی کے خلاف ہے&quot;۔

گزشتہ 13 برس سے ایکسپریس نیوز میں میک اپ آرٹسٹ کے طور پر کام کرنے والی ندیم کشش سمیت بعض خواجہ سرا بھی ان اعتراضات سے متفق ہیں۔ وہ سمجھتی ہیں کہ بچے پیدا کرنے کی صلاحیت رکھنے والے کسی بھی فرد کو خواجہ سرا نہیں سمجھا جانا چاہیے۔ لہٰذا، ان کے مطابق، اس ایکٹ میں دی گئی یہ اجازت مذہبی اعتبار سے ٹھیک نہیں کہ کوئی شخص بھی اپنی مرضی سے خود کو خواجہ سرا قرار دے لے اور اس کے مطابق اپنی جسمانی ساخت میں تبدیلیاں کر لے۔

وہ اپنی ذاتی مثال دیتے ہوئے کہتی ہیں کہ 1987 میں 16 سال کی عمر میں وہ ملتان میں واقع اپنے گھر سے بھاگ کر بازارِ حسن میں چلی گئیں جہاں ان کے گرو نے تجویز کیا کہ وہ نسوانی شکل اختیار کرنے کے لیے سرجری کروائیں لیکن ان کا کہنا ہے کہ انہوں نے یہ تجویز نہ مانی اور اپنی زندگی &#39;مورت&#39; (مرد+عورت) کے طور پر گزار دی ہے کیونکہ ان کا خیال ہے کہ جنس کی تبدیلی مذہبی لحاظ سے ٹھیک نہیں۔

خواجہ سرا افراد کے حقوق کی ترویج کے لیے کام کرنے والی نوشی خان کا بھی خیال ہے کہ جسمانی اور نفسیاتی طور پر مرد اور عورت کے درمیان معلق افراد کی کئی قسمیں ہیں لیکن ان میں سے ہر ایک کو خواجہ سرا قرار نہیں دیا جا سکتا۔ ان کے خیال میں&nbsp;ٹرانس جینڈر پرسنز (پروٹیکشن آف رائٹس) ایکٹ کا سہارا لے کر صاحبِ حیثیت لوگ اپنی جنس کی تبدیلی کے لیے مختلف علاج کرا رہے ہیں حالانکہ اس قانون کا بنیادی مقصد پسماندہ طبقے سے تعلق رکھنے والے خواجہ سرا افراد کو محفوظ رہائش اور ملازمت کے مواقع فراہم کرنا ہے۔

<h2>صنف: مذہبی سوال یا سماجی مسئلہ؟</h2>

دوسری طرف جنت علی کا کہنا ہے کہ &quot;جنس ٹانگوں کے درمیان نہیں ہوتی بلکہ یہ دماغ اور روح میں ہوتی ہے اس لیے یہ کوئی ایسی چیز نہیں ہے جس کا تعین طبی یا نفسیاتی ٹیسٹوں کے ذریعے کیا جا سکے&quot;۔ لیکن وہ تسلیم کرتی ہیں کہ پاکستان کی خواجہ سرا برادری میں بھی ایسے لوگوں سے متعلق منفی جذبات پائے جاتے ہیں جو جسمانی طور پر مرد یا عورت دکھائی دیتے ہیں لیکن وہ صنفی طور پر اپنے آپ کو مرد یا عورت تصور نہیں کرتے۔&nbsp;

جنت علی یہ بھی کہتی ہیں کہ &quot;جو لوگ عدالتی درخواستوں کے ذریعے اس معاملے کو بگاڑنے کی کوشش کر رہے ہیں وہ ٹرانس جینڈر پرسنز (پروٹیکشن آف رائٹس) ایکٹ سے واقف ہی نہیں ہیں&quot;۔

عائشہ مغل بھی سمجھتی ہیں کہ قانون کے ناقدین اس کا پسِ منظر نہیں جانتے۔

وہ 2020 میں اقوام متحدہ کے خواتین کے خلاف امتیازی سلوک کے خاتمے کے کنونشن کے جنیوا، سوئٹزرلینڈ، میں ہونے والے اجلاس میں شمولیت کر کے پہلی خواجہ سرا بن چکی ہیں جس نے کسی بین الاقوامی فورم پر ریاستِ پاکستان کی نمائندگی کی ہے۔ ان کا کہنا ہے کہ&nbsp;ٹرانس جینڈر پرسنز (پروٹیکشن آف رائٹس) ایکٹ کا مسودہ اسلامی نظریاتی کونسل کے چئرمین قبلہ ایاز کی مشاورت اور تعاون سے پارلیمنٹ میں بھیجا گیا تھا۔&nbsp;

اس قانون کے خلاف عدالتوں میں دی گئی درخواستوں کا جواب دینے کے لیے آج کل وہ وکلا اور مذہبی علما کے ساتھ مل کر کام کر رہی ہیں۔

سپریم کورٹ کی وکیل صباحت رضوی،جو&nbsp;ٹرانس جینڈر پرسنز (پروٹیکشن آف رائٹس) ایکٹ کی منظوری کے لیے کام کرنے والے لوگوں میں شامل تھیں، بھی کہتی ہیں کہ اس قانون پر پارلیمانی بحث کے دوران اس کے خلاف اٹھائے گئے تمام مذہبی اعتراضات کا تسلی بخش جواب دے دیا گیا تھا۔ ان کا کہنا ہے کہ قومی اسمبلی میں اس قانون کی منظوری کے بعد جب سینیٹ میں اس پر بحث شروع ہوئی تو جمیعت علمائے اسلام فضل الرحمان کے سینیٹر حافظ حمد اللہ سمیت بہت سے ارکانِ سینیٹ نے کہا کہ اس کے ذریعے ہم جنس پرستی کے حق میں راہ ہموار کرنے کی کوشش کی جا رہی ہے۔ لیکن وہ کہتی ہیں کہ &quot;ہم نے ان سینیٹروں کو ایکٹ کی منظوری پر رضامند کرنے کے لیے مذہبی تحقیق کا استعمال کیا اور انہیں قائل کیا کہ اس میں کچھ بھی غیر اسلامی نہیں بلکہ اس کا واحد مقصد خواجہ سرا برادری کو قانونی تحفظ فراہم کرنا ہے&quot;۔&nbsp;

ڈاکٹر محمد اسلم خاکی بھی اس موقف کی تائید کرتے ہیں۔ وہ ایک مذہبی عالم اور سپریم کورٹ کے وکیل ہیں۔ انہوں نے 2009 میں ملکی تاریخ میں پہلی مرتبہ خواجہ سرا برادری کے حقوق کے لیے سپریم کورٹ میں ایک درخواست دائر کی تھی۔ ان کا کہنا ہے کہ &quot;یہ کوئی مذہبی مسئلہ نہیں بلکہ ایک سماجی مسئلہ ہے اور اس لیے اس سے نمٹنے کے لیے ایک سماجی حل ہی چاہیے&quot;۔

وہ کہتے ہیں کہ ٹرانس جینڈر پرسنز (پروٹیکشن آف رائٹس) ایکٹ کی مخالفت محض اس لیے نہیں کرنی چاہیے کہ اس کے تحت کچھ ہم جنس پرست افراد اپنے آپ کو خواجہ سرا کے طور پر رجسٹرڈ کروا کر اس کا غلط استعمال کریں گے۔ کیونکہ، ان کے مطابق، غلط استعمال تو ہر قانون کا ہوتا ہے لیکن اس وجہ سے کبھی کسی قانون کو ختم نہیں کیا گیا۔

ٹرانس جینڈر پروٹیکشن ایکٹ  کے خلاف عدالتی درخواستیں: 'ناقدین اس قانون سے واقف ہی نہیں'۔

نو سالہ اشراق احمد عرف بوبی سکول سے گھر واپس آنے کے بعد کھیلنے کے لیے نکل گیا۔ لیکن جب وہ دن ڈھلنے کے بعد بھی واپس نہ آیا تو اس کی والدہ سلمیٰ بی بی اسے گلیوں میں دیوانہ وار ڈھونڈنے لگیں۔ &nbsp;&nbsp; 
انہوں نے چند روز پہلے ایک بچی کو جنم دیا تھا اور شدید نقاہت محسوس کر رہی تھیں۔ اس کے باوجود وہ رات گئے تک بوبی کو ڈھونڈتی رہیں کیونکہ ان کے شوہر منور حسین فالج زدہ ہونے کی وجہ سے بھاگ دوڑ نہیں کر سکتے تھے۔ تاہم بچے کی تلاش میں ناکام ہونے کے بعد اگلی صبح انہوں نے قریبی تھانے میں اس کی گمشدگی کی رپورٹ درج کرا دی۔&nbsp;

ایک دن بعد پولیس نے بوبی کی لاش اس کے گھر کے قریب گنے کے کھیت سے دریافت کر لی۔ اسے مارنے کے لیے اس کے گلے میں اسی کی قمیض کا پھندا ڈالا گیا تھا۔ پوسٹ مارٹم رپورٹ سے یہ بات بھی سامنے آئی کہ اسے مارنے سے پہلے اس سے جنسی زیادتی کی گئی تھی۔&nbsp;

یہ واقعات 9 اور 10 جنوری 2018 کو ضلع قصور کی پتوکی نامی تحصیل میں واقع ڈھولن (چک نمبر 27) گاؤں میں پیش آئے۔ انہی دنوں اسی ضلعے کی رہنے والی زینب نامی بچی کے ساتھ ہونے والی جنسی زیادتی اور اس کا قتل شہ سرخیوں میں رپورٹ ہو رہے تھے جس کے باعث قصور کی پولیس پر شدید عوامی دباؤ تھا کہ وہ بچوں کے خلاف ہونے والے جنسی جرائم کے خاتمے کے لیے فوری اور موثر اقدامات کرے۔

اس دباؤ کے نتیجے میں پولیس نے بوبی کے قاتلوں کی تلاش کے لیے ڈھولن کے کئی افراد کو گرفتار کر کے صدر تھانہ پتوکی میں تشدد کا نشانہ بنایا۔ سلمیٰ بی بی کہتی ہیں کہ اس کارروائی کے بعد گاؤں کے وہی لوگ جو ابتدا میں ان کے ساتھ مل کر بوبی کے قاتلوں کو ڈھونڈ رہے تھے ان سے دور ہٹتے چلے گئے۔ انہیں شکایت تھی کہ پولیس سلمیٰ بی بی کے کہنے پر گرفتاریاں اور تشدد کر رہی ہے۔ &nbsp;

تاہم اسی تفتیشی عمل کے دوران پولیس نے کئی مقامی لوگوں کے ڈی این اے کے نمونے بھی اکٹھے کیے جن کا بوبی کی لاش سے ملنے والے ڈی این اے کے ساتھ موازنہ کرنے کے بعد وہ اس نتیجے پر پہنچی کہ اس کا قاتل اس کے گھر کے پاس ہی رہنے والا فرحان احمد ہے (جس کی عمر اس وقت تقریباً 20 سال تھی)۔

فرحان احمد کو 5 مئی 2019 کو گرفتار کر لیا گیا۔ دورانِ تفتیش اس نے انکشاف کیا کہ وہ اپنے ہمسائے سلمان رفیق کے ساتھ مِل کر بوبی کو گنے کے کھیت میں لے گیا تھا جہاں دونوں نے اس کے ساتھ زیادتی کی اور پھر اس کا گلا گھونٹ کر اسے قتل کر دیا۔

فرحان احمد کی گرفتاری کے بعد قصور کے ایڈیشنل سیشن جج کی عدالت میں اس پر اغوا، جنسی زیادتی اور قتل کے الزام میں مقدمہ چلایا گیا اور 2019 کے آخر میں اسے مجرم قرار دے کر موت کی سزا سنادی گئی۔ وہ اس وقت لاہور کی ایک جیل میں قید ہے جبکہ اس کے خاندان نے اس کی سزا کے خلاف لاہور ہائی کورٹ میں اپیل کر رکھی ہے۔&nbsp;

دوسری طرف سلمیٰ بی بی اس انتظار میں ہیں کہ اس کے شریک مجرم کو کب گرفتار کیا جائے گا۔

مئی 2019 میں ایک پولیس اہل کار نے مقدمے کے تفتیشی افسر کو بتایا کہ اس نے سلمان رفیق کو ڈھونڈنے کی بہت کوشش کی ہے لیکن اسے کامیابی نہیں ہوئی۔ سلمیٰ بی بی کے مطابق اس ناکامی کی سب سے بڑی وجہ یہ تھی کہ ملزم نے اپنا نام بدل کر عرفان رفیق رکھ لیا تھا اور اسی نام سے شناختی کاغذات بنوا کر سعودی عرب چلا گیا تھا۔ وہ کہتی ہیں کہ اس کے گھر والے اس کی تلاش میں آئے پولیس والوں کو یہ کہہ دیتے تھے کہ وہ کسی سلمان رفیق کو نہیں جانتے۔ تاہم عدالت میں حاضر نہ ہونے کے باعث اسے اشتہاری ملزم قرار دے دیا گیا ہے۔

سلمیٰ بی بی کا کہنا ہے کہ کچھ عرصہ پہلے وہ پاکستان واپس آیا تھا اور انہوں نے پولیس کو اس کی واپسی کی اطلاع بھی دی تھی لیکن ان کے بقول اس کے باوجود اسے گرفتار کرنے کی کوئی کوشش نہیں کی گئی۔&nbsp;

ان کا یہ بھی دعویٰ ہے کہ انہیں مقدمے کی پیروی سے روکنے کے لیے عرفان رفیق کے خاندان نے ان کے فالج زدہ شوہر کے خلاف مسلح ڈکیتی کا مقدمہ درج کرا دیا تھا لیکن اس کی حالت دیکھنے کے بعد پولیس نے خود ہی یہ مقدمہ خارج کر دیا۔ اس واقعے کے بعد عرفان رفیق کا خاندان ڈھولن چھوڑ کر کہیں اور چلا گیا۔ سلمیٰ بی بی کہتی ہیں کہ اگر پولیس بروقت کارروائی کرتی تو انہیں فرار ہونے سے روکا جا سکتا تھا۔ &nbsp; 
اسی دوران مقدمے پر اٹھنے والے اخراجات پورے کرنے کے لیے انہیں اپنا گھر فروخت کرنا پڑا۔ لہٰذا 2020 سے وہ ڈھولن سے تقریباً 50 کلومیٹر مشرق کی جانب ضلع قصور ہی کے علاقے کھڈیاں خاص میں کرائے کے مکان میں رہ رہی ہیں۔

لیکن وہ ابھی بھی باقاعدگی سے تھانہ صدر پتوکی کے تفتیشی افسر سے بات کرتی ہیں تاکہ وہ عرفان رفیق کی تلاش کو یقینی بنا سکیں۔ اس افسر کی طرف سے مناسب جواب نہ ملنے پر وہ کبھی کبھار خود بھی تھانے چلی جاتی ہیں لیکن وہ کہتی ہیں کہ ان کے لیے ایسا کرنا روز بروز مشکل ہوتا جا رہا ہے کیونکہ ایک تو کھڈیاں خاص منتقل ہونے کے بعد ان کے گھر اور تھانے میں فاصلہ بہت بڑھ گیا ہے اور دوسرا انہیں اپنے مفلوج شوہر اور تین چھوٹے بچوں کی دیکھ بھال بھی کرنا ہوتی ہے۔

ان کے مالی مسائل بھی انہیں روز بروز تھانے کا سفر کرنے سے روکتے ہیں کیونکہ ان کی آمدن کا واحد ذریعہ ان کے بیٹے زین کی تنخواہ ہے جو ایک سرکاری سکول میں سولہ ہزار روپے ماہانہ پر مالی کا کام کرتا ہے۔&nbsp;

<h2>باپ بڑا نہ بھیا، سب سے بڑا روپیا</h2>

بچوں کے حقوق پر کام کرنے والے غیر سرکاری ادارے ساحل کی تیار کردہ ایک رپورٹ کے مطابق پاکستان میں ہر سال سینکڑوں بچوں کے ساتھ جنسی زیادتی کے واقعات پیش آتے ہیں۔ 2021 کے پہلے چھ مہینوں (جنوری تا جولائی) میں ہی اس طرح کے ایک ہزار آٹھ سو 96 واقعات رپورٹ ہو چکے ہیں۔ &nbsp;

ساحل کے صوبائی کوآرڈینیٹر عنصر سجاد بھٹی کہتے ہیں کہ ان میں سے بیشتر واقعات میں ملوث ملزموں کو سزا نہیں ملے گی کیونکہ جنسی زیادتی کے شکار اکثر بچوں کے والدین کے پاس سلمیٰ بی بی کی طرح مقدمے کی پیروی کرنے کے لیے پیسے نہیں ہوتے۔ وہ متعدد ایسے واقعات کے بارے میں جانتے ہیں &quot;جن میں بہت مضبوط شہادتوں کے باوجود جنسی زیادتی کے مجرموں کو سزا نہیں مِل سکی کیونکہ متاثرہ بچے کے والدین مقدمے کا مالی بوجھ نہیں اٹھا سکتے تھے&quot;۔

اس طرح کا ایک واقعہ پچھلے سال جنوبی لاہور میں واقع آڈٹ اینڈ اکاؤنٹس ہاؤسنگ سوسائٹی میں پیش آیا جہاں رہنے والا 16 سالہ ولید ایک روز کہیں جا رہا تھا کہ اس کی موٹر سائیکل کا پٹرول ختم ہو گیا۔ یہ دیکھ کر پاس ہی موجود شہباز نامی ایک 27-26 سالہ شخص نے اس کے لیے پٹرول کا بندوبست کیا جس کے بعد دونوں نے فون نمبروں کا تبادلہ کیا اور ایک دوسرے کے دوست بن گئے۔&nbsp;

لیکن3 مارچ 2020 کو شہباز نے اپنے ایک ساتھی کی مدد سے ولید کو اس کے گھر کے قریب سے بندوق کے زور پر اغوا کر کے اجتماعی زیادتی کا نشانہ بنا ڈالا۔ جب ولید کے والد ریاض اکبر کو اس واقعے کا علم ہوا تو انہوں نے اپنے علاقے کے تھانے میں رپورٹ درج کرا دی جس کے نتیجے میں پولیس نے شہباز کو گرفتار کر لیا۔ &nbsp;

ریاض اکبر کا دعویٰ ہے کہ شہباز کا تعلق ایک بااثر خاندان سے ہے اس لیے اس نے گرفتار ہونے کے باوجود رشوت کا استعمال کر کے اپنے ڈی این اے کی تجزیاتی رپورٹ منظرِ عام پر نہیں آنے دی۔ اسی دوران اس نے انہیں دھمکیاں بھی دیں اور کہا کہ وہ مقدمے کی پیروی ترک کر کے اس سے صلح کر لیں۔

ریاض اکبر کہتے ہیں کہ ان تمام باتوں کے باوجود وہ مقدمے کی پیروی سے پیچھے نہیں ہٹنا چاہتے تھے لیکن ان کی آڈٹ آفیسر کی نوکری سے انہیں اتنی آمدن نہیں ہوتی تھی کہ وہ پولیس، وکیل اور عدالت کے خرچے اٹھا سکتے اس لیے انہوں نے مقدمے میں دلچسپی لینا چھوڑ دی۔ نتیجتاً اگست 2020 میں شہباز کی ضمانت پر رہائی ہو گئی۔

جنوبی لاہور کے رہائشی علاقے خیابانِ امین میں جنسی زیادتی کا شکار ہونے والے 10 سالہ حسنین کے والد غلام سرور نے بھی مقدمے کی پیروی کے لیے پیسے نہ ہونے کی وجہ سے ملزم کو معاف کر دیا۔

وہ سولہ ہزار روپے کی قلیل ماہانہ تنخواہ پر خیابانِ امین میں ایک سیکورٹی گارڈ کے طور پر کام کرتے ہیں اور اس سے تین کلومیٹر دور واقع ہلوکی نامی گاؤں کے رہائشی ہیں۔ حسنین روزانہ دوپہر کو گھر سے ان کا کھانا لے کر ان کے پاس آتا تھا۔ 8 جون 2020 کو جب وہ کھانا لے کر آ رہا تھا تو خیابانِ امین میں سبزی بیچنے والے ایک شخص آفتاب حسن نے اسے اغوا کر کے جنسی زیادتی کا نشانہ بنانے کی کوشش کی لیکن حسنین کی چیخ و پکار سن کر ایک راہگیر موقع پر پہنچ گیا اور اس نے آفتاب کو پکڑ کر پولیس کے حوالے کر دیا۔&nbsp;

اس واقعے کے چند روز بعد ملزم کی والدہ، خالہ اور دادی غلام سرور کے پاس آئیں اور ان کے پاؤں پر اپنے دوپٹے ڈال کر ان سے درخواست کی کہ وہ اسے معاف کر دیں۔ انہوں نے یہ درخواست مان لی جس کی وجہ سے جون 2020 میں آفتاب ضمانت پر رہا ہو گیا۔

لیکن اس کی رہائی کے دو ماہ بعد ہی حسنین غائب ہو گیا &nbsp;اور ابھی تک گھر واپس نہیں آیا۔ اس کی والدہ فرزانہ بی بی کو شک ہے کہ آفتاب نے اسے اغوا کر لیا ہے لیکن غلام سرور اس بات سے متفق نہیں۔ اس لیے انہوں نے اس کے خلاف ابھی تک کوئی قانونی چارہ جوئی نہیں کی۔

<h2>جنسی زیادتی کے ملزموں کو سزا کیوں نہیں ملتی؟</h2>

ساحل کے ساتھ کام کرنے والے عاطف خان جنسی استحصال کے کئی واقعات میں متاثرہ بچوں کے وکیل کے طور پر پیش ہو چکے ہیں۔ ان کہ کہنا ہے کہ اگرچہ 2006 میں بنائے گئے ایک قانون کی رو سے بچوں کے ساتھ کی جانے والی جنسی زیادتی کی سزا موت ہے اس کے باوجود اس طرح کے واقعات میں کوئی خاطر خواہ کمی نہیں آ رہی۔

ان کے ادارے کی ایک رپورٹ کے مطابق 2018 میں بچوں کے ساتھ جنسی زیادتی کے کل تین ہزار آٹھ سو 32 واقعات قومی اخبارات میں رپورٹ ہوئے۔ 2019 میں ان کی تعداد کچھ کم ہو کر دو ہزار آٹھ سو 46 رہ گئی تاہم 2020 میں ان میں ایک بار پھر اضافہ ہو گیا اور ان کی تعداد دو ہزار نو سو 60 تک پہنچ گئی۔ دوسرے لفظوں میں پچھلے تین سالوں میں ہر روز اوسطاً نو بچے جنسی زیادتی کا نشانہ بنائے گئے ہیں۔&nbsp;

لیکن قانونی ماہرین کا کہنا ہے کہ ان میں سے اکثر واقعات میں ملوث ملزموں کو کبھی سزا نہیں ملتی۔ عاطف خان کہتے ہیں کہ &quot;بیشتر واقعات میں متاثرین کے اہلِ خانہ اس لیے مجرموں کو معاف کر دیتے ہیں کہ ان کے پاس یا تو مقدمہ لڑنے کے لیے درکار مالی وسائل نہیں ہوتے یا انہیں سماجی دباؤ اور انتقامی کارروائی کا سامنا ہوتا ہے&quot;۔ &nbsp;

تاہم وہ کہتے ہیں قانونی طور پر ان اہلِ خانہ کو یہ اختیار حاصل نہیں کہ وہ جنسی زیادتی کا مقدمہ خود ہی واپس لے لیں۔ اس لیے وہ عدالت میں ایسے بیان دیتے ہیں جن سے جرم کی نوعیت تبدیل ہو کر کچھ اور ہو جاتی ہے۔ اگرچہ، ان کے مطابق، &quot;اس طرح کے بیان دینا بھی ایک جرم ہے اس کے باوجود پولیس اکثر اس کا ارتکاب کرنے والوں کے خلاف کوئی کارروائی نہیں کرتی&quot;۔&nbsp;

پنجاب کے پراسیکیوٹر جنرل کے دفتر میں ترجمان کے طور پر کام کرنے والے ندیم اقبال خاکوانی اس معاملے پر بات کرتے ہوئے کہتے ہیں کہ عدالتیں بھی اس صورتِ حال کی ذمہ دار ہیں کیونکہ &quot;عدالتی نظام سائنسی ثبوتوں کے بجائے زبانی بیانات پر انحصار کرتا ہے&quot;۔ ان کے مطابق اگر ان بیانات میں تبدیلی آ جائے تو طبی رپورٹوں اور ڈی این اے کے تجزیوں جیسے ٹھوس ثبوتوں کو بھی بالکل نظرانداز کر دیا جاتا ہے۔

'اگر کوئی بچہ جیل سے نکل کر کہتا ہے کہ اس پر جنسی تشدد نہیں کیا گیا تو وہ یقیناً جھوٹ بول رہا ہے'۔

اعجاز احمد کو 25 مارچ 2014 کی شام دل کا دورہ پڑا اور ان کا انتقال ہو گیا۔ ان کی عمر 63 برس تھی۔ ان کے اہلِ خانہ کا کہنا ہے کہ انہوں نے اپنی عمر بھر کی کمائی ایک رہائشی پلاٹ خریدنے پر لگا رکھی تھی لیکن جب انہیں پتہ چلا کہ اس کی خریداری میں ان کے ساتھ دھوکا ہو گیا ہے تو وہ صدمے کی شدت سے جانبر نہ ہو سکے۔

پانچ مرلے کا یہ پلاٹ انہوں نے 2010 میں ایڈن ریزیڈنشیا نامی رہائشی منصوبے میں بُک کرایا تھا جو لاہور کے جنوبی سرے پر واقع کاہنہ نامی گاؤں کے قریب سے گزرنے والے روہی نالے کے کنارے بنایا جانا تھا۔ یہ منصوبہ بنانے والی کمپنی، ایڈن ہاؤسنگ لمیٹڈ، اس سے پہلے لاہور کے جنوب مغربی داخلی راستے، ملتان روڈ، کے قریب ایڈن ہومز کے نام سے ایک کامیاب رہائشی منصوبہ تعمیر کر چکی تھی اس لیے اعجاز احمد کا خیال تھا کہ یہ کمپنی ان کی رقم کے بدلے انہیں ان کی ضروریات کے مطابق ایک مناسب پلاٹ مہیا کرے گی۔

اگلے چار سال میں انہوں نے متعدد قسطوں کی صورت میں ایڈن ہاؤسنگ لمیٹڈ کو ساڑھے 17 لاکھ روپے ادا کیے۔ ان کے لیے یہ ادائیگی آسان نہیں تھی کیونکہ ان کے مالی وسائل بہت محدود تھے۔ وہ ایک نیم سرکاری محکمے میں اکاؤنٹنٹ کے طور پر کام کرتے تھے جہاں سے ملنے والی ماہانہ تنخواہ سے انہیں گھر کے اخراجات بھی چلانے ہوتے تھے اور اپنے تین بچوں کی تعلیم کا بندوبست بھی کرنا ہوتا تھا۔ ان کی اہلیہ فرزانہ اعجاز کہتی ہیں کہ ان کے خاندان نے پلاٹ خریدنے کے لیے بہت قربانیاں دیں۔ حتیٰ کہ اس کی قسطیں ادا کرنے کے لیے انہیں اپنے زیورات بھی بیچنا پڑے۔

لیکن جب اعجاز احمد نے اپنے ذمے واجب الادا رقم کا زیادہ تر حصہ ادا کر دیا تو انہیں ایسی افواہیں سننے کو ملیں کہ ایڈن ریزیڈنشیا محض ایک کاغذی منصوبہ ہے اور یہ کہ جن لوگوں نے اپنے پلاٹوں کی مکمل ادائیگی کر دی ہے انہیں بھی ابھی تک ان کا قبضہ نہیں ملا۔

ان افواہوں کی تصدیق یا تردید کے لیے ایک دن وہ ایڈن ہاؤسنگ لمیٹڈ کے دفتر پہنچ گئے جہاں انہیں یقین دہانی کرائی گئی کہ کمپنی اپنے وعدے کے مطابق انہیں پلاٹ کی فراہمی یقینی بنائے گی چنانچہ انہوں نے بقیہ رقم کی ادائیگی جاری رکھی۔

مکمل رقم ادا کرنے کے بعد اعجاز احمد ایک بار پھر ایڈن ہاؤسنگ لمیٹد کے دفتر گئے تا کہ اپنے پلاٹ کا قبضہ حاصل کر سکیں لیکن اس دفعہ وہاں موجود اہل کاروں نے ان کے ساتھ ٹال مٹول شروع کر دی۔ ایک طرف انہیں کہا گیا کہ لاہور رِنگ روڈ کی تعمیر کے باعث پلاٹوں کا قبضہ دینے میں کچھ مسائل درپیش ہیں اور دوسری طرف انہیں بتایا گیا کہ لاہور ڈویلپمنٹ اتھارٹی (ایل ڈی اے) کو منصوبے پر کچھ اعتراضات ہیں جن کی وجہ سے پلاٹوں کو ان کے مالکان کے حوالے کرنے میں تاخیر ہو رہی ہے۔

تاہم ان اہل کاروں کے رویے سے اعجاز احمد کو اندازہ ہو گیا کہ ان کی جمع پونجی ضائع ہو چکی ہے اور اپنا گھر بنانے کا ان کا خواب چکنا چور ہو چکا ہے۔

ان کی بیوہ فرزانہ اعجاز اب اپنے دو بیٹوں کے ساتھ ایک سرکاری گھر میں رہتی ہیں جو ایک ایسے تعلیمی ادارے کے اندر واقع ہے جہاں ان کا بڑا بیٹا پڑھاتا ہے۔ ان کا کہنا ہے کہ پلاٹ کے حصول کی کوشش میں &quot;ہمارے حصے میں صرف&nbsp; دکھ اور تکالیف ہی آئی ہیں&quot;۔

وہ گذشتہ کئی سالوں سے ایک ایسی تنظیم میں شامل ہیں جو اُن کی طرح ایڈن ہاؤسنگ لمیٹڈ کے مختلف منصوبوں میں اپنے پیسے کھو بیٹھنے والے لوگوں نے بنائی ہے۔ اگرچہ وہ اس کے احتجاجی مظاہروں میں باقاعدگی سے شریک ہوتی ہیں لیکن انہیں اس بات کی توقع نہیں کہ وہ اپنی زندگی میں اپنا پلاٹ یا اس کی مروجہ قیمت کے برابر رقم حاصل کر پائیں گی۔

<h2>ایک پلاٹ، سو مالک</h2>

ایڈن ہاؤسنگ لمیٹڈ 23 فروری 2005 میں لاہور کے رہنے والے ڈاکٹر محمد امجد نے قائم کی۔ اس کے مالکان میں ان کے علاوہ ان کی اہلیہ انجم امجد اور دو بیٹے مصطفیٰ امجد اور مرتضیٰ امجد شامل ہیں۔ کمپنی نے جلد ہی کئی با رسوخ شخصیات سے تعلقات قائم کر لیے حتیٰ کہ 2013 میں مرتضیٰ امجد کی شادی اس وقت کے چیف جسٹس آف پاکستان جسٹس افتخار محمد چودھری کی بیٹی سے ہو گئی۔&nbsp;

اسی دور میں کمپنی کے متاثرین نے اپنی رقوم کی واپسی کے لیے مظاہرے شروع کر دیے تھے اور نیوز چینل یہ الزام لگانے لگے تھے کہ اس کے مالکان اس کے منصوبوں کو غیر ضروری طور پر موخر کر رہے ہیں کیونکہ وہ لوگوں کا پیسہ غبن کر کے ملک سے بھاگنے کا ارادہ رکھتے ہیں۔

اس صورتِ حال کے پیشِ نظر ایڈن ہاؤسنگ لمیٹڈ نے 10 ستمبر 2014 کو ایک اخباری اشتہار جاری کیا جس میں کہا گیا کہ کمپنی نے رہائشی اور تجارتی تعمیرات کے نو مختلف منصوبے شروع کیے تھے جن میں سے پانچ مکمل ہو گئے ہیں جبکہ چار پر کام جاری ہے۔

ترجمان کا یہ بھی کہنا ہے کہ کمپنی کے پاس لاہور میں دراصل صرف ایک سو 11 رہائشی پلاٹ تھے لیکن اس نے انہیں مختلف منصوبوں کے تحت ہزاروں لوگوں کو بیچ رکھا تھا۔

نتیجتاً تقریباً 11 ہزار آٹھ سو لوگوں نے نیب کو بتایا کہ کمپنی مجموعی طور پر ان کے آٹھ ارب روپے کھا گئی ہے۔ سینکڑوں ایسے لوگ بھی اس کے متاثرین میں شامل ہیں جنہوں نے ابھی تک نیب سے رابطہ نہیں کیا۔

اگر اِن تمام لوگوں کے دعووں کو اکٹھا کیا جائے تو ایڈن ہاؤسنگ لمیٹڈ کے ذمے کل واجب الادا رقم 13 ارب روپے بنتی ہے مگر نیب نے 29 اکتوبر 2019 کو لاہور کی احتساب عدالت میں اس کے خلاف 23 ارب روپے کی بد عنوانی کرنے کا ریفرنس دائر کیا تا کہ روپے کی قدر میں کمی کو مدِ نظر رکھتے ہوئے اس کے تمام متاثرین کو ان کی جمع کرائی گئی رقم کی صحیح قدر فراہم کی جا سکے۔

نیب کے ریفرنس کی سماعت شروع ہونے کے بعد ڈاکٹر محمد امجد اور ان کے گھر والوں کے وارنٹ گرفتاری جاری کیے گئے اور انہیں پاکستان واپس لانے کی کوششیں شروع ہوئیں۔ اسی دوران ان کی کمپنی کے متاثرین نے لاہور میں وزیر اعظم عمران خان کے گھر کے سامنے شدید احتجاج کیا جس کے نتیجے میں پولیس نے مرتضیٰ امجد کو دبئی سے گرفتار کر لیا (اگرچہ کچھ عرصے کے بعد ہی انہیں رہا کر دیا گیا)۔

ریفرنس پر عدالتی کارروائی ابھی جاری ہے لیکن نیب نے ڈاکٹر محمد امجد اور ان کے خاندان کی ملکیت کئی جائیدادوں کو اپنے قبضے میں لے لیا ہے۔ ان میں لاہور میں واقع ایک سو 11 رہائشی پلاٹوں کے علاوہ ایڈن آباد نامی منصوبے میں واقع ایک سو 11 تجارتی پلاٹ، جنوبی لاہور کے گاؤں باگڑیاں میں واقع 33 کنال زمین اور اسلام آباد کے دیہی علاقوں میں واقع 400 کنال زمین شامل ہے۔

<h2>کیا متاثرین کے پیسے ہمیشہ کے لیے ڈوب گئے ہیں؟</h2>

جون 2021 میں ڈاکٹر محمد امجد اور ان کی اہلیہ پاکستان واپس آئے۔ انہوں نے عدالت سے حکم نامہ جاری کرا رکھا تھا کہ انہیں 12 اگست تک گرفتار نہ کیا جائے۔ واپسی کے بعد انہوں نے نیب کے ساتھ مذاکرات شروع کیےجن میں نیب نے انہیں کہا کہ اگر وہ 16 ارب روپے لوٹا دیں تو ان کے خلاف کی جانے والی عدالتی کارروائی ختم دی جائے گی لیکن انہوں نے جواباً کہا کہ وہ صرف نو ارب روپے ہی واپس کر سکتے ہیں۔ انہوں نے یہ دعویٰ بھی کیا کہ وہ بہت سے لوگوں کو پہلے ہی پلاٹوں کی ملکیت کی دستاویزات جاری کر چکے ہیں۔

میمونہ جبین ایسے لوگوں میں شامل ہیں جنہیں یہ دستاویزات فراہم کی گئیں۔

ان کا کہنا ہے کہ انہوں نے ایڈن ہاؤسنگ لمیٹڈ کو دو تعمیر شدہ گھروں کے پیسے دے رکھے تھے لیکن انہیں دو خالی پلاٹوں کے ملکیتی کاغذات ہی دیے گئے جو درحقیقت کسی کام کے &nbsp;نہیں کیونکہ 2018 میں جب چھ سال کی جدوجہد کے بعد وہ سرکاری دفاتر سے ایڈن ہاؤسنگ لمیٹڈ کا ریکارڈ نکلوانے میں کامیاب ہوئیں تو انہیں پتہ چلا کہ ان کے دونوں پلاٹ ایل ڈی اے نے بطور ضمانت اپنے پاس رکھے ہوئے ہیں۔

سرکاری ضوابط کے مطابق یہ پلاٹ اس وقت تک ایڈن ہاؤسنگ لمیٹڈ یا میمونہ جبین کو نہیں دیے جائیں گے جب تک اس منصوبے کے تمام ترقیاتی کام مکمل نہیں ہو جاتے جس کا وہ حصہ ہیں۔ (اسی قسم کے کاغذات وصول کرنے والے دوسرے لوگوں کا بھی یہی کہنا ہے کہ ان کی کوئی عملی حیثیت نہیں۔)

میمونہ جبین کہتی ہیں کہ ان کا گھر بنانے کا خواب کبھی پورا نہیں ہو سکے گا کیونکہ ایڈن ہاؤسنگ لمیٹڈ کے اعلان کردہ منصوبوں کی تکمیل اور اس کے نتیجے میں ایل ڈی اے سے ان پلاٹوں کی واپسی کا کوئی امکان نہیں۔

ان کے خدشات کو مزید تقویت ڈاکٹر محمد امجد کی وفات سے مِلی۔ وہ نیب کے ساتھ مذاکرات کے دوران بیمار پڑ گئے تھے اور 23 اگست 2021 کو فوت ہو گئے۔

لیکن ان کی تدفین سے پہلے ہی ان کے تعمیراتی منصوبوں کے متاثرین بڑی تعداد میں ان کی رہائش گاہ پر پہنچ گئے اور احتجاج کرنے لگے۔ ان کا مطالبہ تھا کہ انہیں دفن کرنے سے پہلے ان کی ڈوبی ہوئی رقوم واپس کی جائیں۔

اس احتجاج میں شامل سعید قریشی نامی شخص کا کہنا ہے کہ ایسا غالباً پاکستان کی تاریخ میں پہلی بار ہوا ہے کہ کسی کاروباری شخص کا جنازہ اس طرح روک دیا گیا ہو۔ ان کے بقول یہ واقعہ ان سب لوگوں کے لیے باعثِ عبرت ہونا چاہیے جو دوسروں کے پیسے دبائے بیٹھے ہیں۔

ڈاکٹر محمد امجد کی وفات کے بعد ان کے کمپنی کے متاثرین کے احتجاج کا رخ نیب کی طرف مڑ گیا ہے جس کے بارے میں انہیں شکایت ہے کہ وہ ان کے مطالبات پورا کرنے میں غیر ضروری تاخیر سے کام لے رہی ہے۔

دوسری طرف نیب کے ترجمان کا کہنا ہے کہ تاخیر کی بنیادی وجہ کمپنی کے خلاف دائر کیے گئے ہزاروں دعوے ہیں جن کی تصدیق کرنا بہت ضروری تھا۔ ان کے مطابق یہ تصدیق اب مکمل ہو چکی ہے اور نیب نے ایڈن ہاؤسنگ لمیٹڈ سے ایک ارب روپے واپس لے بھی لیے ہیں۔ اس لیے وہ کہتے ہیں کہ جلد ہی متاثرین کو ادائیگیاں شروع ہو جائیں گی۔

ارحبا وسیم

ارحبا وسیم نے گورنمنٹ کالج یونیورسٹی لاہور سے انگریزی ادب میں بی اے آنرز کیا ہے۔ وہ خواتین اور پسماندہ طبقات کو درپیش سماجی و معاشی مسائل پر رپورٹنگ کرتی ہیں۔

اگلے جنم مجھے خواجہ سرا نہ کیجیو: 'ٹرانس جینڈر قانون میں مجوزہ ترامیم نہ تو آئینی ہیں اور نہ ہی اسلامی'۔

کورونا وبا سے فیکٹریوں کی بندش: لاہور کی سینکڑوں مزدور خواتین نوکریوں سے نکال دی گئیں۔

مسیحی جوڑوں کے لیے طلاق کے قانون کی عدم موجودگی: 'میں اپنی بیوی پر جھوٹا الزام نہیں لگانا چاہتا تھا'۔

'مشکلیں اتنی پڑیں': سکیورٹی گارڈ خواتین کو درپیش نامناسب حالاتِ کار کا حل کیسے ممکن ہے۔

کم سِن بیاہتائیں: جن کی آنکھوں کے گُل کھلنے سے پہلے ہی مرجھا گئے ہیں۔

ٹرانس جینڈر پروٹیکشن ایکٹ کے خلاف عدالتی درخواستیں: 'ناقدین اس قانون سے واقف ہی نہیں'۔

بچوں سے جنسی زیادتی کے مقدمات: ملزموں کو معاف کرنے کے لیے لواحقین پر کس قِسم کا دباؤ ہوتا ہے۔

ایڈن ہاوسنگ لمیٹڈ کے مالک کا انتقال: کمپنی کے متاثرین شکایات کے ازالے کے لیے کس کے پاس جائیں؟

Lok Sujag