Discover the latest on the government's wavering stance on wheat procurement and its implications for Punjab farmers. Learn why uncertainty over prices is causing apprehension among agricultu

Government's Indecisiveness on Wheat Procurement Sparks Farmer Concerns Over Low Rates in Punjab

گندم: حکومت خریداری میں سنجیدہ نہیں، کسانوں کو کم قیمت ملنے کا خدشہ

video

ضلع ننکانہ صاحب میں امیدواروں نے انتخابی مہم شروع تو کر رکھی ہے لیکن ابھی تک عام انتخابات کے روایتی رنگ دکھائی نہیں دے رہے۔

2018ء کے انتخابات میں ضلع ننکانہ سے ن لیگ نے ایک قومی اور تین صوبائی نشستیں جیتی تھیں۔ تحریک انصاف ایک قومی اور ایک صوبائی نشست لینے میں کامیاب ہوئی تھی۔

اس ضلعے کی آبادی 16 لاکھ 34 ہزار 871 ہے۔ یہاں رجسٹرڈ ووٹرز کی تعداد نو لاکھ 46 ہزار 64 ہے جن میں سے پانچ لاکھ 14 ہزار 667 مرد اور چار لاکھ 31 ہزار 397 خواتین ووٹر ہیں۔

آئندہ الیکشن کے لیے یہاں دو قومی اور چار صوبائی نشستوں پر 171 امیدوار سامنے آئے ہیں۔ جن میں سے 16 کے کاغذات نامزدگی ابتدائی جانچ پڑتال میں مسترد ہو ئے ہیں۔

این اے 111 ننکانہ ون میں تحصیل شاہ کوٹ، سانگلہ ہل اور قصبہ وار برٹن شامل ہیں۔

پچھلے عام انتخابات میں اس قومی حلقے (سابقہ این اے 117) پر ن لیگ کے چوہدری برجیس طاہر کا سامنا پی ٹی آئی ٹکٹ ہولڈر چوہدری بلال احمد ورک اور سابق ایم پی اے آزاد امیدوار چوھدری طارق محمود باجوہ سے ہوا تھا۔

برجیس طاہر یہ مقابلہ طارق محمود سے صرف تین ہزار ووٹوں کی برتری سے جیتے تھے۔ پی ٹی آئی کے بلال ورک تیسرے نمبر پر رہے تھے۔

آئندہ الیکشن کے لیےاس نشست پر 26 امیدوار تھے جن میں سے بلال ورک اور پی ٹی آئی رہنما احسن رضا سمیت چار کے کاغذات نامزدگی مسترد کر دیے گئے ہیں۔

<hr />
<h2 style="text-align:center">ننکانہ صاحب نئی حلقہ بندیاں 2023</h2>

2018 کا قومی اسمبلی کا حلقہ این اے 117 ننکانہ صاحب 1 اب این اے 111 ننکانہ صاحب 1 ہے 
ننکانہ صاحب ضلع کا یہ حلقہ سانگلہ ہل اور شاہ کوٹ کی تحصیلوں پر مشتمل ہے۔ اس میں قصبہ واربرٹن کی میونسپل کمیٹی بھی شامل ہے۔ 2023 کی نئی حلقہ بندیوں کے تحت اس حلقے میں یہ تبدیلی کی گئی ہے کہ سوائے مصطفی آباد پٹوار سرکل کے پورے واربرٹن قانون گو حلقے کو نکال دیا گیا ہے۔ ننکانہ صاحب تحصیل کے ہی شیریں جھنگڑ،بال لیلا اور مال جی صاحب پٹوار سرکلز کو شامل کیا گیا ہے۔

2018 کا قومی اسمبلی کا حلقہ این اے 118 ننکانہ صاحب 2 اب این اے 112 ننکانہ صاحب 2 ہے 
یہ حلقہ ننکانہ صاحب کی شہری اور دیہی آبادی پر مشتمل ہے۔&nbsp; نئی حلقہ بندیوں کے تحت اس حلقے میں سوائے مصطفی آباد پٹوار سرکل کے پورے قصبہ واربرٹن قانون گوئی حلقے کو شامل کرلیا گیا ہے۔&nbsp; ننکانہ صاحب تحصیل کے ہی شیریں جھنگڑ،بال لیلا&nbsp; اور مال جی صاحب پٹوار سرکلز اس حلقے سے نکال دیے گئے ہیں۔

2018 کا صوبائی حلقہ پی پی 131 ننکانہ صاحب 1 اب پی پی 132 ننکانہ صاحب 1 ہے 
یہ سانگلہ ہل تحصیل کی مکمل آبادی پر مشتمل حلقہ ہے۔ جس میں شاہ کوٹ تحصیل کے پانچ پٹوار سرکل بھی شامل ہیں۔ نئی حلقہ بندیوں کے تحت اس حلقے میں تبدیلی یہ ہوئی ہے کہ سوائے پانچ پٹوار سرکل کے پورے شاہ کوٹ قانون گوئی حلقے کو نکال دیا گیا ہے۔

2018 کا صوبائی حلقہ پی پی 132 ننکانہ صاحب 2 اب پی پی 133 ننکانہ صاحب 2 ہے 
یہ حلقہ شاہ کوٹ تحصیل پر مشتمل ہے۔ جس میں ننکانہ صاحب تحصیل کے قصبے واربرٹن کی شہری آبادی بھی شامل ہے۔ پہلے اس حلقے میں واربرٹن قانون گوئی حلقہ بھی شامل تھا لیکن نئی حلقہ بندیوں میں سوائے ایک پٹوار سرکل کے باقی کو نکال دیا گیا ہے۔ شاہ کوٹ قانون گوئی کے پانچ پٹوار سرکل اب اس میں شامل ہیں اسی طرح ننکانہ صاحب قانون گوئی ون کے تین پٹوار سرکلز کو بھی شامل کیا گیا ہے۔

2018 کا صوبائی حلقہ پی پی 133 ننکانہ صاحب 3 اب پی پی 134 ننکانہ صاحب 3 ہے 
یہ ننکانہ صاحب کا شہری حلقہ ہے جس میں ریحان والا قصبے کے دیہات بھی شامل ہیں۔ نئی حلقہ بندیوں میں اس حلقے میں ایک پٹوار سرکل چھوڑ کر پورے واربرٹن قصبہ قانون گوئی حلقے کو شامل کرلیا گیا ہے۔ اسی طرح مانگٹانوالہ قصبے کا چاندپور پٹوار سرکل بھی اب اس حلقے کا حصہ ہے۔ ننکانہ صاحب ون اور ٹو قانون گوئی حلقوں کے پانچ پٹوار سرکلز کو اس حلقے سے نکال دیا گیا ہے۔

2018 کا صوبائی حلقہ پی پی 134 ننکانہ صاحب 4 اب پی پی 135 ننکانہ صاحب 4 ہے 
یہ ننکانہ صاحب تحصیل کا دیہی حلقہ ہے جس میں سید والا اور بڑا گھر قصبوں کی آبادیاں بھی شامل ہیں۔ نئی حلقہ بندیوں میں اس حلقے میں ننکانہ صاحب تحصیل کے پٹوار سرکل بدھے اور برخوردار کو شامل کیا گیا ہے جبکہ چاند پور پٹوار سرکل کو اس حلقے سے نکال دیا گیا ہے۔

<hr />

اب یہاں ن لیگ کے چوہدری برجیس طاہر اور طارق محمود باجوہ میں فائنل ریس نظر آ رہی۔ طارق باجوہ آزاد حثیت سے میدان میں اتریں گے حالانکہ وہ تحریک انصاف میں شامل ہو گئے تھے۔ لیکن اب ان کی انتخابی سرگرمیوں میں کہیں سیاسی وابستگی کا ذکر نہیں ہوتا۔

اس حلقے میں جٹ، رائے، ارائیں اور شیخ بڑی بڑی برادریاں ہیں مگر جٹ برادری کے ووٹ زیادہ ہیں۔ ماضی میں بلال ورک کی کامیابی میں بھی اسی برادری کا ہاتھ رہا ہے۔

طارق باجوہ کا اس حلقے میں اچھا خاصا ذاتی ووٹ بینک ہے تو برجیس طاہر یہاں اپنے ترقیاتی کاموں پر فخر کرتے ہیں۔ اب بھی ان دونوں میں کانٹے دار مقابلے کی توقع کی جا رہی ہے۔

&nbsp;بلال ورک ایک بار ق لیگ اور دو مرتبہ ن لیگ کے ٹکٹ پر یہاں سے رکن قومی اسمبلی منتخب ہو چکے ہیں۔ وہ کاغذات منظور ہونے اور پی ٹی آئی ٹکٹ ملنے کی صورت میں مقابلے کی پوزیشن میں واپس آ سکتے ہیں۔

این اے 112 ننکانہ ٹو ننکانہ صاحب شہر، بچیکی، سید والہ، منڈی فیض آباد اور مانگٹانوالہ وغیرہ پر مشتمل ہے۔

2013 ء میں اس حلقے (سابق این اے 118)میں ن لیگ کے رائے منصب علی نے تحریک انصاف کے برگیڈئیر ریٹائرڈ اعجاز احمد شاہ کو ہرا یا تھا۔

2015ء میں رائے منصب علی کے انتقال پر ڈاکٹر شذرہ منصب نے اعجاز شاہ کو شکست دی تھی۔ پچھلے عام انتخابات میں پی ٹی آئی کے اعجاز شاہ نے ڈاکٹر شذرہ مںصب سے یہ سیٹ چھین لی تھی۔

تحریک لبیک کے سید افضال حسین رضوی 49 ہزار ووٹوں کے ساتھ تیسرے اور پیپلز پارٹی کے شاہ جہان بھٹی چوتھے نمبر پر رہے تھے۔ 2023ء میں اعجاز کے استعفے پر یہاں ضمنی الیکشن ہوا تو اس حلقے سے عمران خان جیت گئے۔

آئندہ انتخابات کے لیے اس نشست پر 22 امیدواروں نے کاغذات نامزدگی جمع کرائے تھے۔ ان میں سے چار کے کاغذات نامزدگی مسترد کر دیے گئے ہیں جن میں پی ٹی آئی رہنما جمیل حسن، نواز چڈھر اور مرکزی مسلم لیگ کے غریب عالم شامل ہیں۔

&nbsp;اب سابقہ ایم این اے ڈاکٹر شذرہ منصب علی ن لیگ اور سابق وزیر داخلہ اعجاز شاہ پی ٹی آئی کے امیدوار ہیں۔ تحریک لبیک کے پیر افضال حسین شاہ، استحکام پاکستان پارٹی کے راٸے اسلم خاں، پیپلز پارٹی کے رائے شاہ جہاں بھٹی اور آزاد امیدوار رائے فیصل رشید بھٹی بھی میدان میں ہیں۔

تاہم اس حلقے میں ڈاکٹر شذرہ منصب اور اعجاز احمد شاہ کے درمیان سخت مقابلے کی توقع کی جا رہی ہے۔ پیر افضال حسین شاہ بھی مریدوں کی بڑی تعداد کے باعث مضبوط امیدوار ہیں۔

اس حلقے میں رائے اور ارائیں بڑی برادریاں ہیں ہیں جو امیدوار دونوں کی حمایت حاصل کر لیتا ہے وہی کامیاب ہوتا ہے۔رائے فیصل کے دستبردار نہ ہونے کی صورت میں اعجاز شاہ کو نقصان ہو سکتا ہے۔

ضلع ننکانہ صاحب کے چار صوبائی حلقوں میں 123 امیدواروں سامنے آئے تھے جن میں سے آٹھ امیدواروں کے کاغذات نامزدگی مسترد ہو گٸے ہیں۔

&nbsp;پی پی 132 میں تحصیل شاہ کوٹ کے چکوک اور تحصیل سانگلہ ہل کے علاقے شامل ہیں۔

پچھلے انتخابات میں یہاں (سابقہ پی پی 131) سے ن لیگ کے میاں اعجاز بھٹی معمولی برتری کے ساتھ آزاد امیدوار شازیہ چیمہ سے جیت گئے تھے۔ جبکہ پی ٹی آئی کے طارق سعید گھمن تیسرے نمبر پر آئے تھے۔

&nbsp;سابق ایم پی اے میاں اعجاز بھٹی اس حلقے سے ن لیگ کے دوبارہ متوقع امیدوار ہیں جنہیں برجیس طاہر کی مکمل حمایت حاصل ہے۔ دو پی ٹی آئی رہنماؤں طارق سعید گھمن اور چوہدری ارشد ساہی کے کاغذات مسترد ہو چکے ہیں۔

پی ٹی آئی اس نشست پر ابھی امیدوار کا فیصلہ نہیں کیا۔ اس حلقے میں تاحال مقابلہ میاں اعجاز اور آزاد امیدوار طارق باجوہ کے درمیان ہوتا نظر آ رہا ہے۔

پی پی 133 تحصیل شاہ کوٹ کے چکوک، وار برٹن اور تحصیل ننکانہ صاحب کے کچھ علاقوں پر مشتمل ہے۔

2018ء میں اس حلقے(سابقہ 132) سے پی ٹی آئی کے میاں عاطف نے ن لیگ کے امیدوار رانا ارشد کو شکست دی تھی۔

آئندہ انتخابات کے لیے سابق ایم پی اے میاں عاطف کےکاغذات نامزدگی ابتدائی جانچ پڑتال میں مسترد کر دیے گئے ہیں۔

&nbsp;یہاں رانا ارشد ن لیگ کے متوقع امیدوار ہیں۔ پی ٹی آئی کا ٹکٹ ملنے کی صورت میں سابق ایم پی اے کی اہلیہ فائزہ عاطف مضبوط امیدوار ہوں گی۔ استحکام پاکسان پارٹی کے چوہدری نوشیر مان بھی میدان میں ہیں۔

اگرچہ اس حلقے سے مزید کئی امیدواروں نے کاغذات نامزدگی جمع کر رکھے ہیں۔ تاہم فائنل راؤنڈ رانا ارشد، فاٸزہ عاطف اور نوشیر مان کے درمیان ہونے کی توقع ہے۔

&nbsp;پی پی 134 میں میونسپل کمیٹی ننکانہ، مانگٹانوالہ، میونسپل کمیٹی واربرٹن وغیرہ شامل ہیں۔ یہاں ن لیگ، پی ٹی آئی اور پیپلز پارٹی میں کانٹے کا مقابلہ ہوا تھا۔ جس میں ن لیگ کے محمد کاشف جیت گئے تھے۔ پی ٹی آئی کے شاہد منظور گل تھوڑے کم ووٹوں کے سات دوسرے اور پیپلز پارٹی کے سید ابرار تیسرے نمبر پر تھے۔

اب شاہد منظور گل، طاہر منظور گل اور راٸے رضوان طاہر کے کاغذات مسترد ہو چکے ہیں۔ اس نشست پر سابقہ حریف ن لیگ کے کاشف رنگ الٰہی پڈھیار اور پیپلز پارٹی کے سید ابرار میدان میں ہیں۔ شاہد منظور کی جگہ پی ٹی آئی کے سہیل منظور گل نے لے لی ہے۔

سیاسی مبصرین اس حلقے میں آئندہ ہونے الیکشن میں ان تینوں کے درمیان دلچسپ مقابلے کی توقع کر رہے ہیں تاہم جیت کس کا مقدر ٹھہرے گی یہ کہنا قبل از وقت ہو گا۔

پی پی 135 میں تحصیل ننکانہ کے علاقے ناتھا ،بڑا گھر، سید والہ وغیرہ آتے ہیں ۔اس حلقے میں زیادہ ترمقابلہ آغا، راجپوت اور رائے برادریوں میں ہوتا ہے۔ ایک بار آغا تو اگلے الیکشن میں راجپوت یا رائے برادری کی شخصیت جیت جاتی ہے۔

پچھلے چناؤ میں آغا علی حیدر نے ن لیگ کے ٹکٹ پر پی ٹی آ ئی کے رائے اسلم کھرل کو ہرایا تھا۔ آزاد امیدوار رانا جمیل تیسرے نمبر پر تھے۔

اب یہاں آغا علی حیدر ن لیگ اور رائے اسلم استحکام پاکستان پارٹی کے پلیٹ فارم سے انتخابی مہم شروع کر چکے ہیں۔ پی ٹی آئی رہنما و سابق ایم پی اے رانا جمیل حسن کے کاغذات نامزدگی مسترد ہو گئے ہیں۔

&nbsp;تاہم پی ٹی آئی کے ٹکٹ کے لیے رانا جمیل کے بھتیجے رانا شیرافضل خاں، سابق مشیر راٸے ملازم حسین کھرل اور نوجوان وکیل چوہدری اویس باور بھی امیدوار ہیں۔ یوں اس حلقے میں بھی تین امیدواروں کے درمیان مقابلہ متوقع ہیں۔

شیخو پورہ میں پارٹی ووٹ اہم، کس حلقے میں کن امیدواروں کے درمیان فائنل ریس متوقع ہے؟

ننکانہ صاحب میں روایتی حریفوں میں مقابلے، بڑی برادریاں کس امیدوار کے ساتھ کھڑی ہوں گی؟

text

ننکانہ صاحب سے 45 کلومیٹر جنوب مشرق میں قصبہ سید والہ(پرانا) صدیوں سے آباد ہے۔ راوی کنارے موجود اس قصبے کو سات عشرے قبل سیلاب نے ڈبو دیا تھا اور اس وقت یہاں مقیم لگ بھگ آٹھ ہزار لوگ بے گھر ہو گئے تھے۔

پاکستان بنے ابھی چند سال ہوئے تھے، حکومت نے ان سیلاب متاثرین کو قریب ہی دو کلومیٹرکے فاصلے پر موجود سرکاری اراضی پر بسانے کا فیصلہ کیا جہاں انہوں نے ڈیرے ڈال رکھے تھے۔ یہاں سو ایکڑ اراضی پر پانچ ہزار لوگ آباد ہوئے جبکہ باقی علاقہ چھوڑ کر جا چکے ہیں۔

یوں &#39;نیا سید والہ&#39; آباد ہو گیا جو اب ایک لاکھ سے زائد آبادی پر مشتمل ٹاؤن کمیٹی بن چکا ہے۔

سید والہ کی اسی سرکاری اراضی کے ایک حصے کو چند خاندانوں نے &#39;بستی علی نگر&#39; کا نام دیا اور یہیں رہنا شروع کر دیا تھا۔

تینتالیس سالہ حاجی قیصر اسی بستی میں پیدا ہوئے تھے اور یہیں جوان ہوئے۔

وہ بتاتے ہیں کہ ان کا خاندان چار نسلوں سے یہاں آباد ہے لیکن 2019ء میں ضلعی انتظامیہ نے سو سے زائد گھروں کی اس بستی کو تجاوزات کے خلاف آپریشن کے نام پر مسمار کر دیا۔ انتظامیہ کا کہنا تھا کہ یہ تمام&nbsp; گھر قبرستان کی اراضی پر قبضہ کر کے بنائے گئے ہیں۔

&quot;جولائی 2019 کی تپتی دوپہر کو ہمارے سروں سے سائبان چھین لیا گیا۔ چار سال بعد بھی ہم چھوٹے چھوٹے بچوں کے ساتھ جھونپڑیوں میں رہنے پر مجبور&nbsp; ہیں۔ جہاں پانی اور بجلی جیسی بنیادی سہولتیں بھی میسر نہیں ہیں۔&quot;

وہ کہتے ہیں کہ ان کے خاندان 1952ء سے یہاں رہ رہے تھے جبکہ قبرستان بعد میں بنایا گیا تھا۔ آپریشن کے وقت&nbsp; انتظامیہ اور سیاسی رہنماؤں نے یہاں کے مکینوں کو متبادل جگہ دینے کا وعدہ کیا جو آج تک پورا نہیں ہو سکا۔

سید والہ کے رہائشی ریٹائرڈ ٹیچر شیخ ریاض احمد شاہد بتاتے ہیں کہ جڑانوالہ روڈ پر نیا سیدوالہ کا ریکارڈ دفتر پٹوار میں موجود ہے لیکن یہ زمین کبھی لوگوں کے نام منتقل نہیں ہوئی۔

وہ کہتے ہیں کہ الاٹمنٹ کے دوران اسی سو ایکڑ میں سے 32 کنال زمین قبرستان کے لیے بھی مختص کی گئی تھی۔ جس میں سے 12 کنال پر قبرستان ہے اور باقی 20 کنال پر سو کے قریب کچے پکے گھروں پر مشتمل بستی &#39;علی نگر&#39; کہلاتی تھی۔

بستی کو جب مسمار کیا گیا تو اس وقت یہاں آٹھ سو سے زائد لوگ آباد تھے۔ اگرچہ حاجی قیصر کا دعویٰ ہے کہ یہ زمین بستی کے مکینوں کو الاٹ کر دی گئی تھی۔ تاہم ان کے پاس اس بات کا کوئی ثبوت نہیں ہے اور حکام بھی اس دعوے کی تردید کرتے ہیں۔

موضع سیدوالہ کے پٹواری شاہد امین بتاتے ہیں کہ ریکارڈ کے مطابق بستی والی ساری زمین قبرستان کے لیے وقف ہے اور یہ کبھی کسی کو الاٹ نہیں کی گئی۔

اسسٹنٹ کمشنر ننکانہ اللہ توکل وٹو پٹواری کے موقف کی تائیدکرتے ہیں۔ انہوں نے لوک سجاگ کو بتایا کہ یہ زمین قبرستان ہی کی ہے جس پر ان لوگوں نے مختلف اوقات میں گھر بنا لیے تھے۔ &quot;عوامی شکایات پر&quot; 2019ء میں آپریشن کر کے یہ اراضی واگزار کرا لی گئی تھی۔

&quot;ضلعی انتظامیہ نے ان لوگوں کو متبادل جگہ&nbsp; دینے کے لیے ریونیو بورڈ میں کیس بھیجا تھا، مگر مختلف اعتراضات کی وجہ سے یہ کام مکمل نہیں ہو سکا۔&quot;

تاہم انہوں نے اعتراضات کی تفصیل نہیں بتائی۔

شاہد امین کہتے ہیں کہ تھانہ سیدوالہ کے قریب دو ایکڑ سرکاری اراضی میسر ہے۔ علی نگر کے رہائشیوں کو یہ جگہ دینے کے معاملے پر کچھ پیش رفت بھی ہوئی لیکن پھر&nbsp; اس سلسلے میں پیشرفت نہ ہو سکی۔

&nbsp;&quot; مذکورہ دو ایکڑ زمین 2022ء میں آفتاب نامی شہری نے پانچ سالہ لیز پر حاصل کر لی، وہ اس مد میں مقررہ رقم بھی خزانے میں جمع کرا چکے ہیں۔&quot;

مسلم لیگ ن الزام لگاتی ہے کہ پی ٹی آئی حکومت نے ان کے ووٹرز اور سپورٹرز کو سیاسی انتقام کا نشانہ بنایا ہے اور بستی مسمار کرا دی جبکہ تحریک انصاف اس الزام کی تردید کرتی ہے اور ن لیگ پر متاثرین کو متبادل جگہ نہ دینے کا ذمہ دار قرار دیتی ہے۔

سابق ایم پی اے اسلم خاں کھرل 2019ء میں&nbsp; تحریک انصاف تحصیل ننکانہ صاحب کے صدر تھے۔ ان کا تعلق سید والہ سے ہے۔ وہ بتاتے ہیں کہ آپریشن کے بعد اس وقت کے ڈپٹی کمشنر نے بستی کے متاثرین کو نئی جگہ دینے کے لیے کیس بھیجا تھا۔

&nbsp;وہ کہتے ہیں کہ تحصیلدار نے نئی آبادی کے لیے&nbsp; تھانے کے قریب والی جگہ کی نشاندہی کی تھی۔

&quot;الاٹمنٹ کے لیے 96 کے قریب خاندانوں کی فہرست بھی تیار کر لی گئی تھی۔ مگر حکومت تبدیل ہوتے ہی یہ منصوبہ ختم کرا دیا گیا۔ اب بھی یہاں سرکاری زمینیں خالی پڑی ہیں جن میں سے ان بے گھر افراد کو جگہ دی جانی چاہیے&quot;۔

سیدوالہ کے رہائشی آغا علی حیدر خاں گزشتہ انتخابات میں اسی حلقے سے مسلم لیگ ن کے ایم پی اے منتخب ہوئے تھے۔ وہ سمجھتے ہیں کہ علی نگر کے باسیوں کو ن لیگ کا ساتھ دینے کی سزا دی گئی۔ اگرچہ زمین قبرستان کی تھی لیکن یہاں لوگ دہاٸیوں سے رہائش پذیر تھے۔ متبادل جگہ دینے کے بعد بھی یہ زمین خالی کرائی جا سکتی تھی۔

&quot;میں نے بستی کے مکینوں کو بےگھر کرنے کے خلاف اس وقت پنجاب اسمبلی میں بھی آواز اٹھائی تھی لیکن حکومت نے ان سنی کر دی تھی۔ گزشتہ ماہ جب حمزہ شہباز شریف&nbsp; سیدوالہ آئے تھے تو انہوں نے متاثرین کو متبادل جگہ دلوانے کا وعدہ کیا ہے۔&quot;

بورڈ آف ریونیو میں کیس ڈراپ ہونے سے متعلق ان کا کہنا تھا کہ یہ صرف ایک خواب تھا جو پی ٹی آئی کے سابق ایم این اے نے ان غریبوں کو دکھایا تھا۔ ایسا کوئی منصوبہ شروع ہی نہیں ہوا تو اسے مسلم لیگ ن کی طرف سے کیسے رکوایا جا سکتا ہے؟ وہ وعدہ کرتے ہیں کہ ان کی جماعت پہلی ترجیح میں ان بےگھر افراد کو متبادل جگہ فراہم کرے گی۔

بشریٰ بی بی کے تین بیٹیوں سمیت سات بچے ہیں۔ بستی مسمار ہونے سے یہ خاندان بھی بے گھر ہوا تو کرائے پر مکان لے لیا۔ مگر چند ماہ بعد ہی بشریٰ بی بی کے شوہر تحفیظ الحسن دل کا دورہ پڑنے سے انتقال کر گئے۔اب وہ شدید مالی مشکلات کا شکار ہیں۔

ساٹھ سالہ منظور احمد&nbsp; علی نگر میں پیدا ہوئے۔ وہیں پلے بڑھے اور وہیں اپنے بچوں کی شادیاں کیں۔ جب بے گھر ہوئے تو پانچ ماہ&nbsp; کرائے کے گھر میں مقیم رہے لیکن محدود آمدنی کی وجہ سے ماہانہ پانچ ہزار روپے کرایہ نکالنا مشکل تھا۔ اب وہ ایک جھونپڑی بنا کر رہ رہے ہیں۔

حاجی قیصر کہتے ہیں کہ یہ سب لو گ حکمرانوں کا وعدہ پورا ہونے کے منتظر ہیں کہ کب انہیں متبادل جگہ فراہم کی جاتی ہے؟

ننکانہ صاحب میں تعمیراتی پالیسی کی عدم موجودگی مذہبی ہم آہنگی کے لیے خطرہ بن گئی

ننکانہ صاحب: سید والہ میں"تجاوزات آپریشن" کے 800 متاثرین کو کب چھت میسر آئے گی؟

بچیکی ،ضلع ننکانہ صاحب کا ایک چھوٹا سا شہر ہے، جہاں کے زیادہ تر لوگ کھیتی باڑی اور محنت مزدوری کرتے ہیں۔ علی اکبر بھی اپنے چار بچوں کاپیٹ، مزدوری کر کے پال رہے ہیں۔

ان کی سب سے بڑی بیٹی آمنہ میٹرک کے بعد ایف ایس سی کرنا چاہتی تھی، لیکن علی اکبر کی جیب اس بات کی اجازت نہیں دیتی کہ وہ اپنی بچی کو کسی نجی کالج میں بھیج سکیں تاہم انہوں نے آمنہ کو بچیکی گورنمنٹ ایسوسی ایٹ کالج برائے خواتین میں ایف ایس سی سال اول میں داخلہ دلوا دیا۔

آمنہ ایک مہینے تک اسی انتظار میں کالج جاتی رہی کہ کسی دن تو پڑھائی کا آغاز ہو گا لیکن ایسا نہیں ہو سکا، کیونکہ کالج میں سائنس پڑھانے کیلئے اساتذہ ہی موجود نہیں تھیں۔

علی اکبر بتاتے ہیں کہ ان کی بیٹی اس قدر مایوس ہوئی کہ اس نے کالج جانا چھوڑ دیا اور والدین سے کسی نجی کالج میں داخلے کیلئے ضد بھی کی لیکن وہ&nbsp; نجی کالج کے اخراجات کے متحمل نہیں ہو سکتے۔ نتیجتاَ ان کی بیٹی&nbsp; گھر میں ہی پرائیویٹ ایف اے کی تیاری کر&nbsp; رہی ہے۔

علی اکبر کا کہنا ہے کہ حکومت نے کروڑوں روپے خرچ کر&nbsp; کے کالج تو بنا دیا مگر یہاں سائنس مضامین کے لئے اساتذہ کو تعینات&nbsp; ہی نہیں کیا گیا جس کی وجہ سے میری بیٹی کی طرح علاقے کی سیکڑوں بچیاں پریشان ہیں اور وہ اپنا تعلیمی سلسلہ ترک کرنے پر مجبور&nbsp; ہیں۔

پروفیسر ڈاکٹر طاہرہ بتول نے جولائی 2023ء میں دوسری بار بچیکی گورنمنٹ ایسوسی ایٹ کالج برائے خواتین کو بطور پرنسپل جوائن کیا،&nbsp; وہ اس سے پہلے 2019ء سے 2021ء تک اسی کالج میں بطور پرنسپل خدمات سر انجام دی چکی ہیں۔

وہ بتاتی ہیں کہ 2018ء میں اس کالج کی عمارت کا افتتاح تو کر دیا گیا مگر تب سے اساتذہ کی کمی کا مسئلہ حل نہیں ہو سکا۔

ہم نے&nbsp; عارضی بنیادوں پر 11 اساتذہ سی ٹی آئی پروگرام (کالج ٹیچنگ انٹرنز)کے تحت&nbsp; بھرتی کئے۔ جس کے نتیجے میں&nbsp; 2021-22ء&nbsp; کے سیشن میں طالبات کی تعداد 700 تک پہنچ گئی، لیکن تعلیمی سال 2023ء میں یہ تعداد کم ہو کر 250 طالبات تک پہنچ چکی ہے۔

کالج میں بی ایس سی کی کلاسز شروع کرنے کا سوال ہی نہیں پیدا ہوتا ہے کیونکہ اس وقت کالج میں منظور شدہ 19سیٹوں میں سے صرف 8 اساتذہ موجود ہیں جن میں ایک بھی سائنس ٹیچر نہیں ہے۔

سی ٹی آئی&nbsp; پروگرام کے تحت&nbsp; حکومت پنجاب کا ہائر ایجوکیشن ڈیپارٹمنٹ ، ایسے کالجز جہاں اساتذہ کی مطلوبہ تعداد پوری نہ ہو، وہاں عارضی بنیادوں پر اساتذہ کو پانچ ماہ کی عارضی مدت کیلئے بھرتی کرتا ہے ۔ ان اساتذہ کو 45 ہزار ماہانہ وظیفہ بھی دیا جاتا ہے۔ تعلیمی سال 2021-22ء کیلئے حکومت پنجاب نے صوبے بھر میں 1700سی ٹی آئی اساتذہ کو بھرتی کیا تھا۔

بچیکی کالج کے سنیئر کلرک جو کالج کی داخلہ کمیٹی کے رکن بھی ہیں، وہ بتاتے ہیں کہ کالج میں بیشتر مضامین، جیسا کہ&nbsp; فزکس، کیمسٹری ، بائیولوجی، ریاضی، ہیلتھ اینڈ فزیکل ایجوکیشن اورلائبری سائنس سمیت آٹھ سیٹیں خالی ہیں جبکہ نان ٹیچنگ سٹاف کی بھی 6 سیٹیں عرصہ دراز سے خالی ہیں۔

سیماب زہرہ&nbsp; اسی کالج میں فارسی زبان پڑھاتی ہیں، وہ اس کالج کی پہلی مستقل ٹیچر ہیں جن کا تبادلہ راولپنڈی سے دسمبر 2020 میں یہاں کیا گیا تھا۔ وہ بتاتی ہیں کہ پہلے ہی زیادہ نمبر حاصل کرنے والی طالبات قریبی شہروں، ننکانہ صاحب، جڑانوالہ اور موڑ کھنڈا کے نجی کالجز میں چلی جاتی ہیں، رہی سہی کسر یہاں اساتذہ کی عدم دستیابی نے پوری کر دی جس کی وجہ سے کالج میں طالبات کی تعداد کم ہوتی گئی۔

مبرہ مقبول بچیکی کالج میں بطور سربراہ برائے سی ٹی آئی کام کرتی رہی ہیں، وہ بتاتی ہیں کہ 2019 میں، مجھ سمیت 11 عارضی اساتذہ نے اس کالج میں تدریس کا سلسلہ شروع کیا تھا، پہلے ہی سال میں یہاں 430 سے زائد طالبات&nbsp; نے داخلہ لیا۔

لیکن ایک سال کے بعد ہماری تنخواہیں روک لی گئیں، حتیٰ کہ کچھ عارضی بنیادوں پر کام کرنے والی اساتذہ کو تنخواہوں کی ادائیگی کئے بغیر ہی فارغ کر دیا گیا۔ اگر شروع میں ہی سائنس سمیت تمام مضامین کیلئے مستقل&nbsp; بنیادوں پر اساتذہ کی تعیناتی کر دی جاتی تو کالج اتنے مسائل کا شکار نہ ہوتا اور آج&nbsp; یہاں طالبات کی تعداد ہزاروں میں پہنچ چکی ہوتی۔

ضلع ننکانہ کے ڈپٹی ڈائریکٹر کالجز پروفیسر ڈاکٹر ملک مختار احمد نے سجا گ کو بتایا کہ&nbsp; وہ اپنی تمام تر کوششوں کے باوجود بچیکی کالج میں اساتذہ کی کمی کا مسئلہ حل نہیں کر سکے، اس کی وجہ یہ ہے کہ بچیکی ایک پسماندہ علاقہ ہے، ننکانہ صاحب کے قرب و جوار کے اضلاع جیسا کہ&nbsp; فیصل آباد اور شیخوپورہ&nbsp; سے یہاں تعینات ہونے والی اساتذہ موقع ملتے ہی اپنے علاقوں میں تبادلہ کروا لیتی ہیں۔ مقامی اساتذہ کی تعیناتی تک اس مسئلے کا مستقل حل مشکل ہی نظر آتا ہے۔

ننکانہ صاحب کے ووکیشنل ٹریننگ ادارے فنڈز کی عدم دستیابی کے باعث بند ہونے لگے

گورنمنٹ ایسوسی ایٹ کالج فار گرلز بچیکی: پانچ سال بعد بھی بی ایس کی کلاسز شروع نہ ہو سکیں، طالبات کی تعداد 700 سے کم ہو کر 250 تک رہ گئی

محمد اقبال کی بڑی بیٹی مہوش نے دو سال پہلے میٹرک کیا تو وہ اس کے مستقبل کے لیے بہت فکرمند تھے۔

انہیں کسی نے بتایا کہ قریبی قصبے، بُچیکی میں ایسا سرکاری ادارہ ہے جہاں نہ صرف مختلف تربیتی کورس کروائے جاتے ہیں بلکہ کسی قسم کی فیس نہیں لی جا تی، دوران تعلیم 500 روپے وظیفہ ملتا ہے اور کورس مکمل ہونے پر اعزازیہ بھی دیا جاتا ہے۔

مہوش نے ڈریس میکنگ میں داخلہ لیا۔ انہیں بُچیکی جانے کے لیے روزانہ آٹھ کلو میٹر جانے اور آٹھ کلو میٹر آنے یعنی 16 کلو میٹر کا کا فاصلہ طے کرنا ہوتا تھا۔ تاہم انہوں نے چھ مہینے کا ڈریس میکنگ کا کورس کامیابی سے مکمل کر لیا۔

تربیتی کورس مکمل ہونے پر مہوش کو پانچ ہزار روپے اعزازیہ بھی ملا تھا۔ ان پیسوں سے اقبال نے بیٹی کو سلائی مشین دلا دی۔

مہوش نے محلے میں خواتین اور بچوں کے کپڑے سلائی کرنا شروع کر دیے اور کچھ ہی عرصے میں مہوش اتنا کمانے لگیں کہ اپنے اخراجات کے ساتھ انہوں نے اہل خانہ کو بھی سپورٹ کرنا شروع کر دیا۔

اقبال بہت خوش تھے اور وہ بیٹی کی آمدن کے بہتر مواقعوں کے لیے اپنے گاؤں سے بچیکی شفٹ ہو گئے۔

اس سال جب ان کی چھوٹی بیٹی سدرہ نے میٹرک کیا تو وہ اسے بھی لے کر&nbsp; ووکیشنل ٹریننگ انسٹی ٹیوٹ پہنچ گئے۔ لیکن وہاں انہیں معلوم ہوا فنڈز کی کمی کے باعث انسٹیٹیوٹ میں کئی پروگرام بند کردیے گئے ہیں۔

ان کے لیے یہ خبر&nbsp; بہت پریشان کن تھی۔

اقبال محنت مزدوری کرتے ہیں اور ان کے سات بچے ہیں، تین بیٹے اور چار بیٹیاں۔

&quot;مجھے بتایا گیا کہ جون 2023ء کے بعد انسٹی ٹیوٹ میں ڈریس میکنگ کے کورس کو بند کر دیا گیا ہے کیونکہ ادارے کے پاس فنڈز نہیں ہیں&quot;۔

وہ کہتے ہیں کہ بیٹی کے ہاتھ بٹانے سے ان کی مشکلات میں کمی آنے لگی تھی، دوسری بیٹی بھی ہاتھ بٹانے لگتی تو گھر کے حالات اچھے ہو جاتے۔

محمد کاشف سبحانی ووکیشنل ٹریننگ انسٹی ٹیوٹ ننکانہ صاحب اور اس کے سب کیمپس بچیکی میں بطور پرنسپل خدمات سرانجام دے رہے ہیں۔

انہوں نے لوک سجاگ کو بتایا&nbsp; کہ رواں سال کے آغاز تک ننکانہ کے ووکیشنل ٹریننگ انسٹی میں ڈریس میکنگ، کلینیکل اسسٹنٹ، فریج،&nbsp; اے سی مکینک اور طلباء اور طالبات کے لٸے کمپیوٹر کی الگ الگ کلاسز میں 150 سے زاٸد سٹوڈنٹس زیرتعلیم تھے۔

جون 2023 میں فنڈز کی عدم فراہمی کی وجہ سے یہاں کمپیوٹر اور کلینیکل اسسٹنٹ کی کلاسز کو بند کرنا پڑا۔ بعدازاں کمپیوٹر کورس کو سیلف فنانس کر دیا گیا اور بچوں سے آٹھ ہزار روپے ماہانہ وصول کی جانے لگی۔ فی الحال یہاں ڈریس میکنگ اور فریج،&nbsp; اے سی مکینک کی فری کلاسز میں کل 20 جبکہ کمپیوٹر کی سیلف فنانس کلاس میں 22 طلباء اور طالبات زیرتعلیم ہیں۔

&quot;ضلع کے سب کمیپسز میں تو حالات اس سے بھی بدتر ہیں۔ جون سے قبل ووکیشنل ٹریننگ انسٹی ٹیوٹ بُچیکی میں کمپیوٹر، بیوٹیشن، ڈریس میکنگ، الیکٹریکل اور موٹرساٸیکل مکینک کورسز کیلئے دو شفٹوں میں کلاسیں دی جا رہی تھیں، پہلی شفٹ میں 150 طلبا و طالبات زیرتعلیم تھے جبکہ دوسری شفٹ میں بھی 150 بچے تربیتی کورس کررہے تھے، ان بچوں کو ماہانہ 500 روپے وظیفہ بھی دیا جا تا تھا۔مگر جون کے بعد فنڈز کی عدم فراہمی کی وجہ سے پانچ کورسز میں سے تین کو بند کرنا پڑا جبکہ کمپیوٹر کورس کو سیلف فنانس کر دیا گیا&quot;۔

کاشف بتاتے ہیں کہ اس کا اثر یہ ہوا کہ رواں برس جون سے قبل طلبا و طالبات کی جو تعداد 300 تھی وہ کم ہو کر 50 رہ گئی ہے۔

&quot;ووکیشنل ٹریننگ انسٹی ٹیوٹ سیدوالہ میں 180 طلباء اور طالبات زیرتعلیم تھے، اسے فنڈز کی عدم فراہمی کی وجہ سے مکمل طور پر بند کر دیا گیا ہے۔ قلعہ میاں سنگھ کے ووکیشنل ٹریننگ انسٹی ٹیوٹ کو بھی فنڈز کی عدم فراہمی کی وجہ سے بند کر دیا گیا ہے جہاں مختلف کورسز میں 90 طلباء و طالبات تعلیم حاصل کر رہے تھے۔

ضلع ننکانہ صاحب میں ووکیشنل تربیتی اداروں کے اس&nbsp; زوال سے نہ صرف ہنر سیکھنے والے بچوں کا نقصان ہوا بلکہ اساتذہ کو بھی مشکلات کا سامنا کرنا پڑا۔ انہیں دیگر اضلاع جیسا کہ شیخوپورہ، فیصل آباد اور لاہورمیں ٹرانسفر کیا جا رہا ہے۔

وحید عمران گزشتہ کئی برسوں سے ضلع ننکانہ کے دیگرعلاقوں میں قائم ووکیشنل ٹریننگ اداروں سے منسلک رہے ہیں۔ اس وقت وہ&nbsp; ووکیشنل انسٹی ٹیوٹ سانگلہ ہل اور اس کے سب کیمپس پنواں میں بطور پرنسپل خدمات سر انجام دے رہے ہیں۔

وہ بتاتے ہیں کہ تحصیل سانگلہ ہل میں پہلا ووکیشنل ٹریننگ ادارہ 2012ء میں قائم کیا گیا تھا۔ وہاں رواں برس جون سے قبل دیگر کورسز میں 200 سے زاٸد طلباء اور طالبات داخل تھے لیکن بعدازاں فنڈز کی عدم فراہمی کے بعد اب صرف تین کورسز میں 60 بچے مفت جبکہ کمپیوٹر کی کلاس میں 14 بچے اور بچیاں آٹھ ہزار روپے ماہانہ فیس کے ساتھ تعلیم حاصل کر رہے ہیں۔

&quot;پنواں میں قائم انسٹی ٹیوٹ میں تعلیمی سال کے آغٓاز پر مختلف کورسز میں کل 180 بچے زیرتعلیم تھے، جون 2023ء کے بعد اب یہاں کمپیوٹر اور ڈریس میکنگ کی کلاسوں میں صرف بیس بیس طلبا و طالبات تعلیم حاصل کر رہے ہیں۔ باقی تمام کورسز کو فنڈز کی عدم فراہمی کی وجہ سے بند کردیا گیا ہے&quot;۔

اورنگزیب بھٹی ایک سیاسی و سماجی رہنما ہیں جو اپنی زندگی کا ایک طویل حصہ امریکا میں گزار کر آئے ہیں۔ ان دنوں وہ پنجاب ووکیشنل ٹریننگ کونسل ننکانہ صاحب میں بطور صدر کام کر رہے ہیں۔

ان کا کہنا ہے کہ ووکیشنل ٹریننگ کے اداروں کو ملنے والے فنڈز کو انتہاٸی کم کر دیا گیا ہے جس کی وجہ سے کچھ اداروں کومکمل طور پر بند اور باقی میں کٸی کورسز کو بند کرنا پڑا۔

&quot;ہم اس مسئلے کے حل کیلئے اعلی حکام سے بھی بات کر رہے ہیں لیکن حالات میں بہتری کی کوئی صورت نظر نہیں آ رہی۔ ہوسکتا ہے حکومت ان اداروں کو نجی ملکیت میں دیدے یا پھر سبسڈائزڈ کورس شروع کیے جائیں&quot;۔

محمد سلیم ضلعی محکمہ زکوٰة ننکانہ صاحب میں آڈٹ آفیسر اور ووکیشنل ٹریننگ انسٹی ٹیوٹ کی داخلہ کمیٹی کے رکن ہیں۔

&nbsp;ان کا کہنا ہے ضلع کے تمام ووکیشنل ٹریننگ انسٹی ٹیوٹ کو ضلعی محکمہ زکوٰة کی طرف سے فنڈز دئیے جاتے ہیں۔

وہ بتاتے ہیں کہ اس وقت ضلع ننکانہ صاحب میں چار ووکیشنل ٹریننگ کے چار ادارے، سانگلہ ہل، سب کیمپس پنواں، ننکانہ صاحب اور سب کیمپس بچیکی کام کر ر ہے ہیں۔ جبکہ جون 2023ء سے قبل ان کی تعداد چھ تھی۔

&quot;دو اداروں کے مکمل بند ہونے اور دیگر میں کورسز کی تعداد میں کمی کی وجہ سے گرانٹ میں مزید کمی آئے گی&quot;۔

زکوۃ فنڈ کے اعدادو شمار ان کی بات کی تصدیق کرتے ہیں۔

انہوں نے بتایا کہ پنجاب حکومت کی طرف سے ضلعی محکمہ زکوٰة کو مالی سال 20-2019 میں ووکیشنل اداروں&nbsp; کے طلبا و طالبات کے لیے ایک کروڑ 45 لاکھ روپے کے فنڈز وصول ہوٸے تھے۔ سال 2020-ء21 اور&nbsp; 2021-22ء میں بھی لگ بھگ اتنی ہی رقم تھی لیکن سال 2022-23ء میں یہ رقم کم ہوکر تقریبا 98 لاکھ روپے رہ گئی۔

سلیم بتاتے ہیں کہ آئندہ فنڈز&nbsp; زیر تعلیم طلباء و طالبات کی تعداد کے حساب سے آٸیں گے۔

محکمہ زکوٰۃ کی ضلعی افسر حرا شاہین نے لوک سجاگ کو بتایا کہ معاشی بحران کی وجہ سے لوگوں نے زکوٰۃ دینا کم کردی ہے۔

&quot;صوبے بھر میں زکوٰۃ جمع نہ ہونے کی وجہ سے تمام فنڈز کم کر دیے گئے ہیں۔ جس کا اثر ضلع&nbsp; ننکانہ صاحب پر بھی ہوا ہے&quot;۔

محمد اقبال کے پاس سدرہ کو مزید تعلیم دلانے کے وسائل نہیں اور ہنر مندی والے ادارے بند ہورہے ہیں۔

وہ کہتے ہیں کہ حکمرانوں کے پاس عیاشیوں کے لیے تو پیسے ہیں لیکن غریب آدمی کے بچوں کو باہنر بنانے اور انہیں باعزت ذریعہ معاش دینے کے لیے فنڈز نہیں ہیں۔

متروکہ املاک کا ضلع: ننکانہ صاحب کی میونسپل کمیٹی کنگال کیوں ہوئی؟

&nbsp;30 اگست کا دن محنت کش صدر عباس کے لیے کسی قیامت سے کم نہ تھا۔ اس شام ان کی سات سالہ بیٹی کنیز فاطمہ اور چار سالہ بیٹا مقداد حسین گھر کے قریب ایک جھیل میں ڈوب کر جاں بحق ہو گئے۔

ضلع ننکانہ صاحب کی تحصیل شاہ کوٹ کے محلہ پہاڑی، وارڈ 15 میں رہنے والے صدر عباس کے بقول اس شام ان کی بیٹی اور بیٹا قرآن پاک پڑھنے کے لیے جا رہے تھے کہ بیٹے کا جوتا کتے نے منہ میں دبوچ لیا اور بھاگ کر جھیل میں چلا گیا۔ معصوم بیٹا بھی ناسمجھی میں اس کا پیچھا کرتے ہوئے جھیل میں اتر گیا اور پانی میں ڈوبنے لگا۔ بہن نے بھائی کو بچانے کے لیے پانی میں چھلانگ لگا دی اور دونوں ڈوب گئے۔

وہ بتاتے ہیں کہ بچوں کی چیخیں سن کر ان کی والدہ عظمیٰ بی بی اور دس سال بھائی عمار یاسر بھی جھیل میں اتر گئے لیکن تب تک بہت دیر ہوچکی تھی۔ بیوی اور بڑا بیٹا بھی تقریباً ڈوبنے ہی والے تھے کہ اہل علاقہ نے انہیں بچا لیا۔

صدر عباس سائیکل پر گاؤں گاؤں دال پوڑا اور پاپڑ بیچتے ہیں۔ 29 اگست کو وہ سامان خریدنے کے لیے سائیکل پر ہی 50 کلومیٹر دور شیخوپورہ گئے ہوئے تھے۔ ان کے پاس موبائل فون بھی نہیں ہے، اس لیے انہیں بچوں کے جان بحق ہونے کی خبر تین گھنٹے بعد اس وقت ملی جب گاؤں کے دو نوجوان موٹر سائیکل پر ڈھونڈتے ہوئے انہیں اڈہ مانانوالہ کے مقام پر ملے۔

ایک کلومیٹر طویل اور نصف کلومیٹر عریض اس جھیل کے گرد حفاظتی باڑ ہے اور نہ ہی انسانوں اور جانوروں کو اس سے دور رکھنے کے کوئی اور انتظامات دکھائی دیتے ہیں۔ جھیل کے قرب و جوار میں لگ بھگ دو سو خاندان آباد ہیں جن کی زندگیاں مسلسل خطرے میں ہیں۔ صدر&nbsp; عباس کا گھر جھیل سے چند ہی فرلانگ دور ہے۔

&nbsp;صدر عباس کا خیال ہے کہ یہ جھیل ماضی میں یہاں قریب پہاڑی کو بارودی مواد سے توڑنے کے نتیجے میں معرض وجود میں آئی تھی جس کا پانی بھی بارود کی وجہ سے انتہائی زہریلا ہے۔

ان کو یہ بھی لگتا ہے کہ ان کے بچے ڈوبنے سے نہیں بلکہ پانی کے زہریلے پن کی وجہ سے جاں بحق ہوئے ہیں۔

پچھلے چند سال میں صدر عباس کے ماموں سفیر حسین سمیت تقریباً 20 افراد اس جھیل میں ڈوب کر جاں بحق ہو چکے ہیں جن میں اکثریت چھوٹے بچوں کی ہے۔ اسی لیے اب اسے &quot;خونی جھیل&quot; کہا جاتا ہے۔

مقامی صحافی عاشق حسین بھٹی تصدیق کرتے ہیں کہ اس جھیل میں ڈوب کر جاں بحق ہونے والوں کی تعداد دو درجن سے زیادہ ہی ہو گی۔ ایسے چند واقعات میں جاں بحق ہونے والے لوگوں کے حوالے سے انھوں نے خبریں بھی شائع کرائی ہیں۔

عاشق کا کہنا ہے کہ اتنے زیادہ حادثات کے بعد اس علاقے میں والدین نے اپنے بچوں کا گھر سے باہر نکل کر کھیلنا محدود کر رکھا ہے۔ اہل علاقہ نے جھیل پر حفاظتی انتظامات نہ ہونے کے خلاف کئی مرتبہ احتجاج بھی کیا مگر ضلعی انتظامیہ اور مقامی سیاستدانوں پر اس کا کوٸی اثر نہیں ہوا۔

ریسکیو 1122 کے میڈیا فوکل پرسن علی اکبر بتاتے ہیں کہ جاں بحق ہونے والے افراد کی لاشوں کو جھیل سے نکالنے کے علاوہ ان کے ادارے نے اس جگہ کم از کم نصف درجن لوگوں کی زندگیاں بھی بجائی ہیں۔

یہ جھیل ایک پہاڑی سے متصل ہے۔ پنجاب مائنز اینڈ منرل ڈیپارٹمنٹ کی ویب سائیٹ کے مطابق یہ پنجاب میں واقع کرانہ پہاڑی چٹانوں کا ایک حصہ ہے جن سے حاصل ہونے والے پتھر تعمیراتی کام کے لیے استعمال ہوتے ہیں۔ پاکستان میں کرانہ پہاڑیاں سرگودھا شہر سے 12 کلومیٹر جنوب میں واقع ہیں اور اسی ساخت کی چٹانیں شاہ کوٹ، سانگلہ ہل( ضلع ننکانہ) اور ضلع چنیوٹ میں بھی بعض مقام پر موجود ہیں۔

اس محکمے کے اہلکار تنویر احمد کے مطابق کرانہ پہاڑیاں دو قسم کی ہوتی ہیں، ایک وہ جو زمین کے اوپر ہوتی ہیں ان کو کرانہ ہل اور وہ جو زیر زمین ہوتی ہیں ان کو شیلڈ راکس کہا جاتا ہے۔

&nbsp;اس ڈیپارٹمنٹ کے سرگودھا ریجن کے ڈپٹی ڈائریکٹر فاروق سلطان کا کہنا ہے کہ یہ کوئی قدرتی جھیل نہیں بلکہ کھدائی کے بعد بنی ہے اور اس میں بارش اور سیوریج کا پانی جمع رہتا ہے۔

شاہ کوٹ میں واقع اس پہاڑی کو زیر زمین ہی نہیں بلکہ سطح زمین سے اوپر بھی چاروں اطراف سے توڑا جاچکا ہے اور جو بچا کچھا حصہ ہے وہ بھی صرف اس لیے محفوظ ہے کیوں کہ اس کے اوپر معروف صوفی بزرگ سید مراد علی شاہ المعروف بابا نو لکھ ہزاری کی &rdquo;منظر کرامت پنجہ شیر بکری&ldquo; موجود ہے۔۔

دربار کے گدی نشین صاحبزادہ علی رضا شاہ مجاور بتاتے ہیں کہ 60ء کی دہاٸی کے بعد اس پہاڑی سے سڑکوں کی تعمیر کے لیے پتھر نکالنے کا سلسلہ شروع ہوا جو 2007ء میں اس وقت تک جاری رہا جب پہاڑی کا صرف وہ حصہ بچ گیا جہاں پر اب دربار ہے۔

&nbsp;ان کے بقول پتھر نکالنے کے لیے بارودی مواد کا استعمال کیا جاتا تھا۔ اسی دوران پہاڑی کے اس حصے کو جہاں پر جھیل ہے اتنا گہرا کھودا گیا کہ زیر زمین پانی نکل آیا۔ اس جھیل میں زیر زمین پانی کے علاوہ علاقے کا گندا پانی بھی شامل ہو رہا ہے۔

ہر سال 23 مارچ کو بابا نولکھ ہزاری کے عرس کی تقریبات میں ملک بھر سے ہزاروں مریدین اور عقیدت مند شرکت کرتے ہیں۔ ان دنوں میں وقتی طور پر پولیس سیکیورٹی بڑھا دی جاتی ہے تاکہ جھیل کے قریب کوئی ناخوشگوار واقع پیش نہ آئے لیکن مستقل بنیادوں پر اس کا کوئی بندوبست نہیں کیا گیا ہے۔

مقامی سماجی تنظیم شاہ کوٹ کی آواز کے سربراہ شوکت علی شوکت کا بھی یہی ماننا ہے کہ زیادہ سے زیادہ پتھر نکالنے کے لالچ میں ٹھیکیداروں نے 100 فٹ سے بھی زیادہ کھداٸی کر دی جس کی وجہ سے زیرزمین پانی اوپر آ گیا اور جھیل وجود میں آ گٸی۔

ان کا کہنا ہے کہ جو اس وقت پتھر توڑنے کے لیے بارود استعمال کیا جا رہا تھا اس کے اثرات ابھی تک علاقے کے لوگ بھگت رہے ہیں کیوں کہ یہاں ملحقہ آبادیوں کا پانی بھی مضر صحت ہو چکا ہے۔ تقریبا دس سال قبل اس وقت کے وزیر اعلیٰ پنجاب میاں شہباز شریف نے جھیل سے چند میٹرز کے فاصلے پر پانچ کروڑ روپے کی لاگت سے خوبصورت فیملی پارک کا افتتاح کیا تھا مگر اس جھیل اور اس میں ہونے والے حادثات کی وجہ سے آج یہ پارک ویران ہو چکا ہے۔

چیف آفیسر میونسپل کمیٹی شاہ کوٹ ارشد غفور بھی اس جھیل میں ہونے والے جانی نقصان کا اعتراف کرتے ہیں لیکن ان کے مطابق ان کا ادارہ اس حوالے سے کوئی اقدامات نہیں کر سکتا۔ اس کی وجہ وہ یہ بتاتے ہیں کہ یہ پہاڑی محکمہ معدنیات کے زیر انتظام تھی جس نے یہاں سے پتھر نکالنے کا خود ٹھیکہ دیا۔ حفاظتی باڑ سمیت دیگر حفاظتی اقدامات پر ایک خطیر رقم خرچ ہونی ہے اور میونسپل کمیٹی کے پاس اتنے فنڈز نہیں ہیں اور محکمہ معدنیات کو یہ اقدامات اٹھانے چاہیئں۔

لیکن مائنز اینڈ منرلز ڈیپارٹمنٹ(محکمہ معدنیات) کا کوئی بھی عہدے دار اس ذمہ داری کو قبول کرنے کے لیے تیار نہیں ہے، ان کے لاہور آفس میں فون کیا گیا تو ان کا کہنا تھا کہ اس حوالے سے معلومات سرگودھا ریجن سے مل سکتی ہیں لیکن سرگودھا ریجن فون کیا گیا تو ان کا موقف تھا کہ یہ لاہور ریجن کے ڈیپارٹمنٹ کے زیر کنٹرول ہے۔

صدر حسین کہتے ہیں ان کی تو یہی خواہش ہے کہ اس جھیل کو مٹی ڈال کر ختم کر دینا چاہیے لیکن بیشتر اہل علاقہ کے خیال میں یہاں اگر حفاظتی باڑ لگانے کے ساتھ دیگر حفاظتی انتظامات کرکے اس جھیل میں دو کشتیوں کا بندوبست کردیا جائے تو یہ اہم سیاحتی مرکز بھی بن سکتا ہے، کیوں کہ اس کے قریب ایک پارک پہلے سے ہی موجود ہے۔

میانوالی میں نمل ڈیم کی جھیل سوکھنے لگی، زرخیز زمینیں بنجر ہونے کا خدشہ

شاہ کوٹ کی 'خونی جھیل' بیسیوں جانیں لے گئی، کوئی محکمہ حفاظتی انتظامات کے لیے تیار نہیں

محمد اعظم بھٹی ننکانہ صاحب کے نواحی گاٶں خیرپور خونی میں پانچ ایکڑ زمین کے مالک ہیں۔ یہی ان کے پانچ افراد پر مشتمل کنبے کی کفالت کا واحد ذریعہ ہے۔انہوں نے اپنی جوانی تو کھیتوں میں گزار دی مگر چاہتے ہیں کہ ان کے بچے پڑھ لکھ جائیں اور بہتر زندگی گزاریں۔

اعظم بھٹی کی بیٹی اور دو بیٹے ابھی پرائمری میں پڑھتے ہیں۔مگر وہ جانتے تھے کہ چند سال بعد انہیں بچوں کو شہر بھیجنا پڑے گا۔اس لیے انہوں نے پہلے ہی خاندان سمیت ننکانہ شہر منتقل ہونے کا فیصلہ کرلیا۔

اس مقصد کے لیے انہوں نے اپنی جمع پونجی اکٹھی کی، چند دوستوں سے ادھار پکڑا اور ننکانہ صاحب میں پانچ مرلے کا پلاٹ خرید لیا۔

وہ بتاتے ہیں کہ انھوں نے پلاٹ پر تعمیر کا آغاز کیا تو متروکہ وقف املاک بورڈ کا عملہ وہاں پہنچ گیا۔

اہلکاروں نے انہیں کہا کہ &quot;آپ اس زمین پر گھر تعمیر نہیں کر سکتے۔ اگر ایسا کیا گیا تو تعمیرات کو گرا کر سامان قبضے میں لے لیا جائےگا اور ان کے خلاف قانونی کارروائی ہو گی۔&quot;

&nbsp;اعظم پریشان ہو گئے۔انہوں نے مقامی سیاسی دوستوں کے ذریعے متروکہ وقف بورڈ کے ذمہ داران سے ملاقات کی۔ یہاں انہیں پلاٹ پر تعمیر کا &quot;طریقہ&quot; تومعلوم ہو گیا لیکن&nbsp; وہ کسی اور مشکل میں نہیں پڑنا چاہتے تھے۔

انہوں نے ننکانہ شہر میں ایک مکان کرائے پر لیا اور اس میں منتقل ہو گئے۔اسی دوران انہوں نے اپنا پلاٹ اونے پونے داموں بیچ دیا۔

یہ تکلیف صرف اعظم کو ہی برداشت نہیں کرنا پڑی بلکہ یہاں ہر ایک کے ساتھ یہی مسئلہ ہے۔

ننکانہ صاحب سکھ مذہب کے بانی بابا گورونانک کی جاٸے پیداٸش ہے۔وہ 15 اپریل 1469ء کو یہیں پیدا ہوٸے تھے۔ اس شہر کا پرانا نام &#39;راٸے بھوٸے دی تلونڈی&#39; تھا۔

کہا جاتا ہے کہ بابا گورونانک کے والد کلیان یہاں کے بڑے جاگیردار راٸے بلار بھٹی کی زمینوں کا حساب کتاب رکھتے تھے۔روایتوں کے مطابق رائے بلار بھٹی، بابا گورونانک کے پرچار سے بہت متاثر ہوئے اور اپنی 15 سو مربع (ساڑھے37 ہزار ایکڑ) زمین میں سے آدھی بابا گورونانک کو دے دی۔

1947 کے بعد سے ننکانہ صاحب شہر اور نواح میں واقع یہ ساڑھے سات سو مربع (18 ہزار 7 سو پانچ ایکڑ) اراضی متروکہ وقف املاک بورڈ کی تحویل میں ہے۔ ضلعی ڈپٹی ایڈمنسٹریٹر بورڈ عمر جاوید اعوان تصدیق کرتے ہیں کہ یہ اراضی ان کے ادارے کے زیر انتظام ہے۔

وہ بتاتے ہیں کہ بورڈ کے قوانین کے تحت وہ افراد جن کا اس زمین کے کسی حصے پر 1995 سے پہلے کا قبضہ ہے وہ بورڈ کے کرایہ دار بن کر تعمیرات کر سکتے ہیں۔ اس کے سوا یہاں کوئی تعمیرات نہیں کر سکتا۔

یوں ننکانہ صاحب &#39;کرائے کا شہر&#39;بن کر رہ گیا ہے۔ ڈپٹی ایڈمنسٹریٹر کہتے ہیں کہ کوئی طے شدہ طریقہ کار سے ہٹ کر یہاں کوئی بھی تعمیر &#39;ناجائز&#39; تصور ہوگی اور اس کے خلاف محکمہ فوری کارروائی کا استحقاق رکھتا ہے۔

&quot;محکمہ قابضین سے مارکیٹ ویلیو کے مطابق کرایہ وصول کرتا ہے۔ رہائشی مکان کا کرایہ تین سے پانچ سو روپے فی مرلہ جبکہ کمرشل جگہ کا کرایہ پانچ سے 20 ہزار روپےتک مقرر کیا گیا ہے۔ کرایہ ہر دو ماہ بعد بل بنوا کر آن لاٸن جمع کرایا جاتا ہے۔ زرعی زمین مخصوص مدت کے لیے نیلامی کے ذریعے پٹے (ٹھیکہ) پر دی جاتی ہے۔ 2018ء تک فی ایکڑ ٹھیکہ ایک ہزار460 روپے تھا اس کے بعد سے یہ بڑھا کر ساڑھے چار ہزارروپے فی ایکڑ کر دیا گیا ہے۔&quot;

ان کے مطابق یہ تمام آمدنی متروکہ وقف املاک بورڈ کے لاہور آفس میں جمع ہوتی ہے اور اوقاف بورڈ کے ارکان کی منظوری سے ملک بھر میں&nbsp; گوردواروں، ترقیاتی کاموں اور سکھ برادری کی بہبود پر خرچ کی جاتی ہے۔

اس آمدنی سے کئی سکول، ہسپتال، ڈسپنسریاں اور دیگر فلاحی ادارے بھی چل رہے ہیں اور ان سے&nbsp; تمام مذاہب کے ماننے والے مستفید ہو رہے ہیں۔

لیکن مقامی لوگوں کا اعتراض ہے کہ محکمہ وقف املاک ننکانہ صاحب سے بہت بڑی رقم جمع کرتا ہے لیکن اس سرمائے کو شہر کی ترقی پر لگانے کی بجائے دوسرے شہروں میں استعمال کیا جارہا ہے۔ اس کا اندازہ یوں بھی ہوتا ہے کہ ضلعی ہیڈکوارٹر ننکانہ صاحب کی حالت کسی پسماندہ قصے&nbsp; سے بھی زیادہ خراب ہے۔

بابا گورو نانک گرودوارے کے سامنے والے بازار کی دکانیں بھی انتہائی خستہ حال ہیں۔ شہر میں صحت اور تعلیم کا سرکاری و نجی نظام بھی بہتر نہیں ہے۔

ایک مقامی نوجوان جو اپنا نام ظاہر نہیں کرنا چاہتے، کہتے ہیں کہ بابا گورونانک کے جنم دن پر یہاں ہزاروں یاتری آتے ہیں لیکن ان کی رہائش کے لیے ایک آدھ کے سوا کوئی اچھا ہوٹل نہیں ہے۔

&nbsp;&quot;اس شہر میں خریداری کے لیے کوئی ڈھنگ کی دکان ہے نہ کھانے کے لیے اچھا ریسٹورنٹ&quot;۔

وہ بتاتے ہیں کہ ایک سال پہلے ان کے ایک مسلمان دوست کسی اور شہر سے گوردوارہ دیکھنے آئے۔ رات کو انہیں ننکانہ صاحب میں ہی ٹھہرنا تھا۔انہوں نے پورے شہر میں رہائش کے لیے جگہ تلاش کی تو صرف ایک ہوٹل ایسا ملا جو قدرے بہتر تھا لیکن وہاں کمرہ خالی نہیں تھا۔ مجبوراً انہیں دوست کو گوردوارے ہی میں ٹھہرانا پڑا۔

وہ کہتے ہیں کہ جو لوگ قدرے خوشحال ہیں انہیں خریداری کے لیے لاہور، فیصل آباد یا شیخوپورہ جانا پڑتا ہے ۔یہاں صحت اور تعلیم کی ناقص سہولیات کے باعث بہت سے لوگ دوسرے شہروں یا قریبی قصبوں بچیکی اور واربرٹن چلے جاتے ہیں۔

شہر بھر میں زیادہ تر پرانے گھر ہیں۔ مقامی لوگ &#39;کرائے کے مکانوں&#39; پر سرمایہ کیوں لگائیں گے جبکہ انہیں خدشہ رہتا ہے کہ کسی نہ کسی دن محکمے والوں نے یہ مکان ان سے واپس لے لینا ہیں۔

گوردوارہ جنم استھان ننکانہ صاحب کے گرنتھی گیانی بلونت سنگھ کہتے ہیں کہ اصولاً تو اس زمین کی تمام آمدن گوردواروں اور انسانی فلاح&nbsp; پر خرچ ہونی چاہیے۔&quot;اگر&nbsp; یہ آمدنی ایمانداری سے یہاں خرچ کی جاٸے تو ننکانہ صاحب&nbsp; چند سال میں دنیا کا خوبصوت ترین شہر بن سکتا ہے مگر افسوس ایسا کبھی کسی نے نہیں سوچا۔&quot;۔

ان کا کہنا تھا کہ دکھ کی بات ہے کہ بابا گرونانک جی کی زمین پر رات کے اندھیرے میں تو تعمیرات ہوتی ہیں لیکن&nbsp; دن کی روشنی میں سکھوں سمیت کوئی بھی قانونی طور پر یہاں گھر نہیں بناسکتا۔

ان کا ماننا ہے کہ ننکانہ صاحب میں سب کواپنا گھر بنانے میں مشکلات کا سامنا ہے۔ عالمی اہمیت کے حامل اس شہر میں لوگ ہوٹل، کالج، یونیورسٹیوں اور مختلف برانڈز پر سرمایہ کاری کرنا چاہتے ہیں لیکن اس کا کوئی قانونی راستہ نہیں ہے۔

ان کے خیال میں ننکانہ میں کاروبار اور سرمایہ کاری نہ ہونے کے باعث لوگوں کے پاس زرعی مزدوری کے سوا روزگار کا کوئی آپشن ہی نہیں ہے۔ ضلع میں غربت اور شہر میں غیرقانونی تعمیرات دونوں بےہنگم طریقے سے بڑھ رہی ہیں۔

وہ مشورہ دیتے ہیں کہ بہتر یہی ہوگا کہ قانونی طریقے سے نئی کالونیاں بناٸی جائیں جہاں پارک مسجد، مندر، ہسپتال سکول سمیت تمام ضروری سہولیات موجود ہوں۔

گیانی بلونت سنگھ کہتے ہیں کہ جنم استھان سمیت ساتوں گوردواروں کو ایک ہی احاطے&nbsp; میں ہونا چاہیے تاکہ سکھ یاتری یا سیاح باآسانی ان گوردواروں کی یاترا کر سکیں۔ ایسا کرنے سے جو لوگ یہاں سے باہر منتقل ہوں حکومت انہیں&nbsp; متبادل کے طور پر اچھی رہائش گاہیں فراہم کرے۔

&nbsp;پنجابی سکھ سنگت پاکستان کے چیئرمین سردار گوپال سنگھ کا بھی یہی خیال ہے کہ یہاں تعمیرات بورڈ ملازمین کی ملی بھگت سے ہی ممکن ہو سکتی ہیں۔ بابا گورونانک کی زمین پر تعمیرات کے لیے آسان پالیسی بنانی چاہیے جس سے لوگوں کو&nbsp; آسانی اور محکمے کی آمدن میں اضافہ ہو۔

ان کا کہنا تھا کہ گوردواروں کا زیادہ تر کام&nbsp; کارسیوا کمیٹیاں دنیا بھر سے عطیات جمع کر کے کرواتی ہیں۔ متروکہ وقف املاک کی آمدنی کو خرچ کرنے کے طریقہ کار میں بھی بہتری لانے کی ضرورت ہے۔ بالخصوص اس معاملے میں سکھ کمیونٹی سے مشاورت ہونی چاہیے۔

سماجی کارکن ڈاکٹر عابد علی عابد کا کہنا ہے کہ 2005 میں ننکانہ صاحب کو جب ضلع بنایاگیا تو اس وقت یہاں تعمیراتی&nbsp; پالیسی بھی بنا لینی چاہیے تھی۔ شہر میں عمارتیں، دفاتر ،رہائش گاہیں&nbsp; بنانے کی ضرورت تھی مگر اس جانب توجہ نہیں دی گئی۔

وہ بتاتے ہیں&nbsp; کہ 1998ء میں ننکانہ شہر کی آبادی ساڑھے68 ہزار تھی اور 2017ء میں یہ صرف 80 ہزار&nbsp; تک پہنچی ہے کیونکہ لوگ یہاں سے نقل مکانی کر جاتے ہیں۔ اس کے مقابلے میں واربرٹن اور بچیکی کی آبادی تیزی سے بڑھ رہی ہے کیوں وہاں ترقی کے مواقع ننکانہ شہر سے زیادہ ہیں۔

ڈاکٹر عابد نےبتایا کہ شہر میں کوئی قانونی رہائشی کالونی یا ہاؤسنگ سوسائٹی نہیں ہے ۔بعض بااثر افراد نے محکمے کی مبینہ ملی بھگت سے کچھ اراضی فروخت کر کے اسے کالونیوں کا نام دے دیا ہے۔ لیکن ان میں پارک یا سکول جیسی کوئی سہولت میسر نہیں ہے۔

مقامی لوگوں کا یہ خیال بھی ہے کہ متروکہ وقف املاک کے زیر کنٹرول یہ زمین شہر میں مذہبی ہم آہنگی کا ماحول بھی خراب کر رہی ہے۔

دلاور سنگھ پڑھے لکھے نوجوان ہیں جو اس خیال سے اتفاق کرتے ہیں۔ان کا کہنا ہے چونکہ یہ جائیداد گوردوارہ صاحب کی ملکیت ہے۔ اس لیے جب بھی کرائے کا مسئلہ ہوتا ہے یا حکومت قابضین سے کوئی جگہ خالی کرانے کی کوشش کرتی ہے تو لوگوں کو لگتا ہے کہ اس کے پیچھے سکھ کمیونٹی کا ہاتھ ہے۔

&nbsp;سینئر صحافی عابد حمید فاروقی بھی اس بات سے متفق ہیں۔ وہ بتاتے ہیں کہ 2016ء میں حکومت نے ناجائز قابضین سے زمین واگزار کرانے کی کوشش کی تو احتجاج شروع ہو گیا اور گوردوارے کے سامنے وقف املاک کے دفتر کو آگ لگا دی گئی۔

وہ کہتے ہیں کہ دفتر گوردوارہ صاحب کے عین سامنے تھا تو دنیا بھر میں یہ تاثر گیا کہ شاید&nbsp; سکھوں کے مقدس مقام پر حملہ ہوا ہے۔

ان کا ماننا ہے کہ اگر وقف زمین پر تعمیراتی پالیسی باقاعدہ اور آسان پالیسی بنا دی جاٸے تو شہر کی خوبصورتی اور حکومتی آمدنی بڑھے گی۔ لوگوں کو بہتر سہولیات ملیں گی اور شہر میں مذہبی ہم آہنگی کو بھی فروغ ملے گا۔

یہاں ضلعی انتظامیہ بھی متروکہ وقف املاک کے قوانین سے تنگ اور برہمی کی حد تک بے بس نظر آتی ہے۔ترجمان ثاقب شہزاد کے مطابق وقف املاک کی زمین پر تعمیرات سے متعلق بورڈ کے قوانین ننکانہ صاحب شہر کی ترقی میں سب سے بڑی رکاوٹ ہیں۔

وہ بتاتے ہیں کہ یہاں جدیدٹراما سنٹر کا منصوبہ جگہ کی وجہ سے تاخیر کا شکار ہوا۔اب یہ سنٹر ڈی ایچ کیو ہسپتال کے اندر ہی بن ریا ہے۔جگہ کی وجہ سے بےشمار مساٸل کا سامنا ہے۔وقف بورڈ کی وجہ سے تعلیم صحت اور کھیل سمیت کئی منصوبے شروع نہیں ہوسکے۔

ترجمان کہتے ہیں کہ مختلف اداروں کےدفاتر کے لیے جگہ نہیں ہے۔ کئی دفاتر کرائے کی جگہ پر&nbsp; ہیں ۔یہاں تک کہ&nbsp; ڈپٹی کمشنر کمپلیکس بھی بواٸز کالج کی آدھی عمارت کو الگ کر کے بنایا گیا۔اس سے کالج کو بھی جگہ کی کمی کا سامنا ہے۔

ان کا کہنا ہے کہ متروکہ وقف املاک وفاقی محکمہ ہے۔ ڈپٹی کمشنر آفس&nbsp; نے وقف بورڈ کے اعلیٰ حکام کو متعدد مرتبہ شہر میں اس اراضی پر تعمیرات کی&nbsp; واضع اور آسان پالیسی بنانے کی درخواست کی ہے۔ اگر اس پر غور کر لیا جائے تو شہر کے بہت سے مسائل حل ہو سکتے ہیں۔

منظوراں بی بی 2018ء کے عام انتخابات میں گاؤں کے کچھ نوجوانوں کے کہنے پر ایک سیاسی جماعت کو ووٹ دینے پر تو رضامند ہو گئی تھیں لیکن وہ ووٹ کاسٹ نہیں کر سکیں۔

تریسٹھ سالہ منظوراں ضلع ننکانہ صاحب کے قصبہ بڑا گھر کے نواحی گاؤں ہلہ سیداں کی رہنے والی ہیں۔

منظوراں بتاتی ہیں کہ 2018ء کے عام انتخابات کے وقت ان کا شناختی کارڈ نہیں بنا ہوا تھا &quot;تو ووٹ کیسے ڈالتی؟&quot;

منظوراں بی بی کے بقول نہ ہی ان کی کوئی زمین جائیداد ہے کہ جس کا حصہ لینا ہو&nbsp; تو ان کے بقول وہ اتنی تگ و دو کرتیں؟ ویسے بھی ان کے شوہر ان پڑھ اور محنت مزدوری کرتے ہیں۔ انہیں شناختی بنوانے کے لیے ننکانہ صاحب جانے کے لیے مزدوری چھوڑ کر جانا پڑتا۔

2017ء کی مردم شماری کے مطابق منظوراں بی بی کے گاؤں میں 18 سال یا اس سے زائد عمر کے 25 فیصد لوگوں کے پاس شناختی کارڈ نہیں بنے ہوئے تھے۔

وہ جس یونین کونسل میں رہتی ہیں وہاں ان کے گاؤں سمیت آٹھ اور چھوٹے دیہات ہیں لیکن یہاں کے حالات اور بھی زیادہ برے ہیں کیوں کہ یہاں 29 فیصد لوگ اپنی شناخت سے محروم ہیں۔

ہلہ سیداں گاؤں میں خواتین میں خواندگی کی شرح 22 فیصد ہے جبکہ اس پوری یونین کونسل میں یہ شرح 26 فیصد ہے۔

منظوراں کا خیال ہے کہ جن لوگوں کے پاس شناختی کارڈ نہیں ہیں ان میں اکثریت خواتین کی ہے۔

مردم شماری اور نادرا کا ریکارڈ منظوراں کے خیال کی تصدیق کرتا ہے۔

2017ء کی مردم شماری کے مطابق ضلع ننکانہ صاحب کے دیہی علاقوں میں32 فیصد خواتین کے پاس شناختی کارڈ نہیں ہے جبکہ مردوں میں یہ شرح 12 فیصد ہے۔

ننکانہ صاحب کے دیہات میں تین لاکھ سے زائد خواتین ایسی ہیں جو 18 سال یا اس سے زائد عمر کی ہیں لیکن ان میں سے 97 ہزار کے لگ بھگ خواتین کے شناختی کارڈ نہیں بنے۔

اس ضلع کی دیہی خواتین کے شناختی کارڈ نہ بننے کی شرح صوبہ پنجاب کے دیہی علاقوں میں رہنے والی خواتین کے مقابلے میں بھی پانچ فیصد زیادہ ہے۔

الیکشن کمیشن آفس ننکانہ صاحب سے بھی اس بات کی تصدیق ہوتی ہے کہ 2018ء میں عام انتخابات کے وقت ضلع ننکانہ صاحب میں چار لاکھ 43 ہزار مرد ووٹرزکے مقابلے میں خواتین ووٹرز کی تعداد تین لاکھ 40 ہزار تھی۔

یعنی مرد اور خواتین ووٹروں میں ایک لاکھ سے زائد کا فرق تھا۔ اس کا مطلب یہ بھی ہے کہ ان خواتین کے شناختی کارڈ ہی نہیں بنے تھے۔

پاکستان مسلم لیگ نواز سے تعلق رکھنے والی سیاسی کارکن رائے روبینہ آصف کھرل 2018ء کے عام انتخابات میں قومی اسمبلی کے حلقہ این اے117 میں اپنی پارٹی کے امیدوار چودھری برجیس طاہر اور صوبائی حلقہ پی پی 132 میں رانا محمد ارشد کی انتخابی مہم چلارہی تھیں۔

وہ بتاتی ہیں کہ اس وقت انھوں نے بہت سی خواتین کو ووٹ کے لیے قائل کرنے کی کوشش کی تاہم انہیں معلوم ہوا کہ نہ صرف ان کے اپنے گاؤں بلکہ حلقہ کے بہت سارے دیہی علاقوں میں خواتین کے شناختی کارڈ ہی نہیں بنے ہو ئے ہیں۔

<h2>خواتین کے شناختی کارڈ کیوں نہیں بنے؟</h2>

منظوراں بی بی کہتی ہیں اس سے پہلے جتنے بھی انتخابات ہوئے ہیں ان سے کسی نے نہیں پوچھا کہ ان کا شناختی کارڈ ہے یا نہیں؟ اور نہ ہی کبھی انہیں اس کی ضرورت پڑی ہے کیوں کہ ان کی زندگی تو گھریلو ذمہ داریاں نبھاتے ہی گزر گئی ہے۔

ذکیہ رانی پاکستان پیپلز پارٹی شعبہ خواتین ضلع ننکانہ صاحب کی صدر ہیں۔ان کا بھی یہی ماننا ہے کہ گھریلو ذمہ داریاں اور تعلیم اور سیاسی شعور کی کمی کی وجہ سے خواتین شناختی کارڈ نہیں بنواتیں۔

&quot;بے نظیر انکم سپورٹ پروگرام کے تحت مالی امداد کی وصولی کے لیے اب خواتین میں شناختی کارڈ بنوانے کے رجحان میں اضافہ ہوا ہے۔&quot;

پاکستان تحریک انصاف شعبہ خواتین کی ضلعی صدر شاہین فاطمہ کھرل کا کہنا ہے کہ خواتین کسی بھی سیاسی جماعت کی ترجیحات میں شامل نہیں ہیں۔

&quot;تمام سیاسی جماعتوں میں شعبہ خواتین رسمی طور پر بنے ہوئے ہیں۔ سیاسی جماعتوں میں مرد عہدیدار اپنی ہی جماعت کے شعبہ خواتین کو مضبوط ہوتا برداشت نہیں کرتے&quot;۔

شاہین سوال کرتی ہیں کہ جب کسی جماعت کا شعبہ خواتین ہی حقیقی طور پر فعال نہیں ہوگا تو فیلڈ ورک کیسے ہو گا اور دیہات میں خواتین کے شناختی کارڈ بنوانے میں کیسے دلچسپی لے گا؟

مسلم لیگ نواز کی کارکن روبینہ آصف کھرل کے خیال میں 2018ء کے مقابلے میں اب حالات میں بہتری آئی ہے۔

وہ بتاتی ہیں کہ پچھلے عام انتخابات کے بعد انھوں نے ایک سماجی تنظیم &quot;ساؤتھ ایشیاء پارٹنر شپ پاکستان &quot; میں بطور ڈسٹرکٹ کوآرڈی نیٹر ضلع بھر میں خواتین میں سیاسی شعور کی آگاہی، ان کے شناختی کارڈ بنوانے اور ووٹ کے اندراج کے لیے کام کیا۔

اور بقول پچھلے پانچ سال میں 15 ہزار سے زائد ایسی خواتین کی نشاندہی کی جن کے شناختی کارڈ نہیں بنے تھے۔ ان خواتین میں سے پانچ ہزار سے زائد نے اپنے شناختی کارڈ بنوائے جن کا ووٹ کا بھی اندراج ہو گیا۔

2018ء کے الیکشن میں منظوراں کے حلقے سے پی ٹی آئی کے رہنما اعجاز احمد شاہ نے کامیابی حاصل کی اور وہ وفاقی وزیر داخلہ بن گئے۔

ان کے مطابق اعجاز شاہ کی کوششوں سے ان&nbsp; کے گھر سے 15 کلو میٹر دور سید والہ میں نادرا دفتر بنا تو ان سمیت گاؤں کی کچھ عورتوں نے اپنے شناختی کارڈ بنوا لیے۔

سہیل ندیم نادرا کے ضلعی دفتر میں اسسٹنٹ ڈائریکٹر کے طور پر کام کرتے ہیں۔&nbsp; وہ بتاتے ہیں کہ 2018ء میں ضلع ننکانہ صاحب میں صرف تین نادرا سنٹر تھے جبکہ اس وقت ضلع بھر میں چھ سنٹر کام کر رہے ہیں۔

ان میں ننکانہ صاحب، سید والہ، موڑ کھنڈا، واربرٹن، سانگلہ ہل اور شاہ کوٹ شامل ہیں۔

&quot;ان تمام سنٹرز پر روزانہ 700سے زائد مرد وخواتین کے شناختی کارڈ بنائے جاتے ہیں جبکہ چار موبائل وینز ضلع کے مختلف مقامات پر روزانہ 300 سے زائد افراد کے شناختی کارڈ بناتی ہیں&quot;۔

انہوں نے بتایا کہ نادرا سنٹروں اور موبائل وین پر روزانہ ایک ہزار سے زائد افراد شناختی کارڈ بنوا رہے ہیں جن میں سے 60 فی صد سے زائد خواتین شامل ہوتی ہیں۔

سہیل ندیم کہتے ہیں کہ تمام نادرا سنٹرز پر خواتین کی سہولت کے لیے علیحدہ کاؤنٹرز بنائے گئے ہیں اور ان کے ترجیحی بنیادوں پر شناختی کارڈ بنائے جاتے ہیں۔

&quot;ضلعی ہیڈ کوآرٹر ننکانہ صاحب کے نادرا سنٹر میں اس وقت پانچ کاؤنٹر کام کر رہے ہیں جن میں سے ایک کاؤنٹر خواتین کے لیے مخصوص ہے جہاں نادرا کی خاتون اہلکار تصاویر سمیت شناختی کارڈ کے حصول کے تمام مراحل مکمل کر تی ہیں۔&quot;

انہوں نے بتایا کہ ننکانہ صاحب میں پانچ میں سے تین کاؤنٹرز پر خواتین اہلکار ڈیوٹی کے فرائض سر انجام دیتی ہیں۔

&quot;تمام نادرا سنٹرز پر جمعہ کا دن خواتین کے لیے مخصوص کیا گیا ہے اور تمام سنٹرز پر ترجیحی بنیادوں پر خواتین کے شناختی کارڈ بنائے جاتے ہیں&quot;۔

لیکن الیکشن کمیشن کے اعدادو شمار اس سے مختلف ہیں۔

الیکشن کمیشن آف پاکستان کی طرف سے 20 مارچ 2023ء کو جاری کردہ رپورٹ میں بتایا گیا ہے کہ ضلع ننکانہ صاحب میں رجسٹرڈ خواتین ووٹرز کی تعداد چار لاکھ 20 ہزار سے زائد ہے۔

&nbsp;لیکن یہ تعداد اب بھی اس ضلع میں مرد ووٹرز کے مقابلے میں86 ہزار یعنی 9.28 فیصد کم ہے۔

ڈاکٹر عابد علی عابد سماجی تنظیم پہچان ویلفیئر سوسائٹی کے صدر ہیں اور وہ فری اینڈ فیئر الیکشن نیٹ ورک (فافن )کے لیے بطور ڈسٹرکٹ کوآرڈی نیٹر بھی کام کرتے ہیں۔ وہ نادرا افسر کے دعوؤں سے متفق نہیں ہیں۔

وہ کہتے ہیں&nbsp; کہ ضلعے میں تمام نادرا سنٹروں کے مخصوص اوقات کار ہیں اور بڑے شہروں کی طرح کوئی بھی نادرا سنٹر 24گھنٹے کھلا نہیں ہوتا۔ کچھ عرصہ قبل تک نادرا سنٹرز پر ایک دن خواتین کے لیے مخصوص ہوتا تھا جس پر اب عمل درآمد نہیں ہوتا۔

عابد علی عابد کا کہنا ہے کہ خواتین میں شناختی کارڈ بنوانے کا رجحان مردوں کی نسبت پہلے ہی کم ہوتا ہے جبکہ رہی سہی کسر نادرا دفاتر میں ان کے فارم پر لگائے جانے والے اعتراضات پوری کر دیتے ہیں۔

وہ کہتے ہیں کہ کہ دیہی خواتین سارا دن گھر اور کھیتوں میں کام کرتی ہیں۔ جب وہ شناختی کارڈ بنوانے موبائل وین پر جائیں اور وہاں ان کے فارم پر اعتراضات لگا کر یا والدین کو ساتھ لانے کا کہہ کر واپس بھیج دیا جائے تو بہت سی خواتین ایسی ہوتی ہیں جو وقت بچانے کے لئے دوبارہ وین کا رخ نہیں کرتیں۔

ہلہ سیداں کی پینتیس سالہ نیکاں بی بی کی باتوں سے اس کی تصدیق ہوتی ہے جنہوں نے ابھی تک شناختی کارڈ نہیں بنوایا۔

اس کی وجہ وہ یہ بتاتی ہیں کہ شادی کے بعد جب وہ ننکانہ صاحب شہر کے نادرا دفتر اس مقصد کے لیے گئی تھیں تو عملے نے نکاح نامے میں بعض نقص نکال کر انہیں درست کرانے کی ہدایت کی۔ جب دوسری بار وہ اسے درست کرکے گئیں تو والدین کو شناختی کارڈ سمیت ساتھ لانے کی شرط رکھ دی گئی۔

نیکاں بی بی کے بقول ان کی والدہ کی طبیعت ایسی نہیں تھی کہ وہ انہیں بغیر ذاتی گاڑی کے 40 کلومیٹر دور لے جاتیں۔اس لئے انہوں ںے شناختی کارڈ بنوانے کا ارادہ ہی ترک کر دیا۔

عابد علی کے مطابق ننکانہ صاحب میں جن خواتین کے شناختی کارڈ نہیں بنے ان میں اکثریت عمر رسیدہ عورتوں کی ہے جن کے لواحقین ان کا کارڈ بنوانے کا تردد نہیں کرتے کیوں کہ دیہی علاقوں میں نہ تو خواتین کو وراثتی جائیداد میں حصہ دینے کا رواج ہے اور نہ ہی ان کے نام پر کوئی زمین جائیداد خریدی جاتی ہے۔

اسی گاٶں کی 60 سالہ شمیم بی بی اور 65 سالہ شاداں بی بی تصدیق کرتی ہیں کہ انہیں زندگی میں شناختی کارڈ کی ضرورت ہی نہیں پڑی اس لیے انھوں نے بنوانے کی کوشش ہی نہیں کی۔

ووٹ ڈالنے کے سوال پر دونوں کا موقف تقریباً ایک جیسا ہی تھا کہ &quot;الیکشن سے ان کا کون سا کوئی فائدہ ہوتا ہے۔ ووٹ دیں یا نہ دیں روٹی تو انہیں خود ہی کمانی پڑتی ہے۔&quot;

جاوید احمد معاویہ

جاوید احمد معاویہ کا تعلق ننکانہ صاحب سے ہے۔ عرصہ بیس سال سے شعبہ صحافت سے وابستہ ہیں۔