سندھ پنجاب کے سنگم پر واقع ضلع گھوٹکی کی سیاست سرداروں کے گرد گھومتی ہے اور وہی یہاں سیاہ و سفید کے مالک سمجھے جاتے ہیں لیکن درگاہ سے وابستہ میاں عبدالحق عرف میاں مٹھو بھی اہم سیاسی کھلاڑی ہیں۔

اس ضلعے میں دو قومی اور چار صوبائی نشستوں&nbsp; پر انتخابات ہوں گے جہاں ووٹرز کی کل تعداد نو لاکھ 10ہزار 662 ہے جن میں چار لاکھ 92 ہزار 379 مرد اور چار لاکھ 18 ہزار 283 خاتون ووٹرز ہیں۔

این اے 198 میں تحصیل میرپور ماتھیلو، ڈہرکی اور اوباڑو&nbsp; کے علاقے شامل ہیں جہاں سے پچھلے عام انتخابات میں پیپلز پارٹی&nbsp; کے خالد احمد خان لونڈ نے لگ بھگ ایک لاکھ ووٹ لے کر کامیابی سمیٹی تھی جبکہ آزاد امیدوار میاں مٹھو نے 72 ہزار کے قریب ووٹ لیے تھے۔

اس مرتبہ بھی پیپلز پارٹی کے امیدوار خالد احمد لونڈ&nbsp; ہیں جن کا مقابلہ جے یو آئی کے مولانا اسحاق لغاری، آزاد امیدوار میاں مٹھو، صغیر لونڈ و دیگر سے ہو گا۔ اس نشست پر&nbsp; پی پی کے سابق ایم پی اے عبدالباری پتافی نے بھی بطور آزاد امیدوار کاغذات جمع کرا رکھے ہیں۔

عبدالحفیظ دایو گورنمنٹ کالج گھوٹکی&nbsp; کے پروفیسر ہیں اور ماضی میں کمیونسٹ پارٹی سے وابستہ رہ چکے ہیں۔ وہ بتاتے ہیں کہ اس حلقے میں لونڈ، شر اور ڈہر سرداروں کا اپنی اپنی برادریوں پر بہت زیادہ اثر ہے۔ انہی تین برادریوں کے ووٹ انتخابات میں فیصلہ کن کردار ادا کرتے ہیں۔

<hr />
<h2 style="text-align:center">گھوٹکی نئی حلقہ بندیاں 2023</h2>

2018 کا قومی اسمبلی کا حلقہ این&nbsp; اے 204 گھوٹکی 1 اب این اے 198 گھوٹکی 1 ہے 
اس حلقے میں اوباڑو، ڈھرکی اور میرپور ماتھیلو تعلقوں کی آبادی شامل ہے۔ نئی حلقہ بندیوں کے تحت اس حلقے کی حدود میں کوئی تبدیلی نہیں کی گئی ہے۔

2018 کا قومی اسمبلی کا حلقہ این&nbsp; اے 205 گھوٹکی 2 اب این اے 199 گھوٹکی 2 ہے 
یہ حلقہ گھوٹکی ، خان گڑھ اور میرپور ماتھیلو کے قصبات پر مشتمل ہے۔ 2023ء کی نئی حلقہ بندیوں کے تحت اس حلقے کی حدود میں کوئی تبدیلی نہیں کی گئی ہے۔

2018 کا صوبائی اسمبلی کا حلقہ پی ایس 18 گھوٹکی 1 اب پی ایس 18 گھوٹکی 1 ہے 
یہ حلقہ اوباڑو تعلقہ اور ڈہرکی تعلقے کے علاقوں پر مشتمل ہے۔ 2023ء کی نئی حلقہ بندیوں کے تحت اس حلقے میں معمولی تبدیلی کر کے ڈھرکی تعلقے کے بیروتہ&nbsp; ٹپے دار سرکل کو نکال دیا ہے۔

2018 کا صوبائی اسمبلی کا حلقہ پی ایس 19 گھوٹکی 2 اب پی ایس 19 گھوٹکی 2 ہے 
ضلع گھوٹکی کا یہ حلقہ ڈہرکی تعلقے اور میرپور ماتھیلو تعلقے کے علاقوں کی آبادی پر مشتمل ہے۔نئی حلقہ بندیوں کے تحت ضلع گھوٹکی کی اس حلقے می&nbsp; بیروتہ&nbsp; ٹپے دار سرکل کو شامل کیا ہے۔

2018 کا صوبائی اسمبلی کا حلقہ پی ایس 20 گھوٹکی 3 اب پی ایس 20 گھوٹکی 3 ہے 
ضلع گھوٹکی کا یہ حلقہ پورے خان گڑہ تعلقہ، گھوٹکی تعلقہ اور میرپور ماتھیلو تعلقے کے کچھ علاقوں پر مشتمل ہے۔ نئی حلقہ بندیوں کے تحت ضلع گھوٹکی کی اس حلقے میں کوئی ردوبدل نہیں کی گئی ہے۔

2018 کا صوبائی اسمبلی کا حلقہ پی ایس 21 گھوٹکی 4 اب پی ایس 21 گھوٹکی 4 ہے 
ضلع گھوٹکی کا یہ حلقہ گھوٹکی تعلقے کی آبادی پر مشتمل ہے۔ نئی حلقہ بندیوں کے تحت ضلع گھوٹکی کی اس حلقے میں کوئی ردوبدل نہیں کی گئی ہے۔

<hr />

وہ کہتے ہیں کہ لونڈ خاندان&nbsp; کے سربراہ نور محمد خان رکن پارلیمنٹ رہے پھر ان کے صاحبزادے خالد احمد خان پیپلز پارٹی سے ایم این اے بنے اور اب پھر امیدوار ہیں۔ اسی طرح اوباڑو کے ڈہر برادران اور شہریار شر اپنی برادریوں کے بل پر الیکشن جیت چکے ہیں جبکہ&nbsp; نادر اکمل لغاری اور پتافی برادران کا بھی علاقے میں خاصا ووٹ ہے۔

&nbsp;ان کا کہنا تھا کہ اس قومی حلقے میں درگاہ بھرچونڈی شریف کے مرید بڑی تعداد&nbsp; میں ہیں جن کی وجہ سے سیاستدان اکثر اوقات گدی نشینوں کی حمایت کے متلاشی رہتے ہیں جبکہ اس خاندان کے میاں مٹھو سیاست میں سرگرم ہیں اور پیپلز پارٹی کے ایم این اے رہ چکے ہیں تاہم پی پی نے رنکل کماری کے تبدیلی مذہب والے کیس&nbsp; کے بعد ان سے لاتعلقی اختیار کر لی تھی۔

سماجی کارکن حنان لغاری کا خیال ہےکہ اس ضلعے میں الیکشن جیتنے یا جتوانے والے&nbsp; سردار گھرانے&nbsp; لونڈ، مہر، پتافی، شر اور دھاریجو سب پیپلز پارٹی کی کشتی میں سوار ہیں۔ اس لیے اس بار یہاں ماضی کی طرح مقابلے دیکھنے کو نہیں ملیں گے&nbsp; لیکن پارٹی میں اندرونی اختلافات کے باعث&nbsp; کہیں بازی پلٹ بھی سکتی ہے۔

اس قومی نشست کے نیچے سندھ اسمبلی کے دو حلقے آتے ہیں جن میں سے پہلا پی ایس 18 اوباڑو ہے جہاں پچھلی بار پی ٹی آئی کے شہریار خان شر نے پی پی&nbsp; کے جام مہتاب ڈہر کو شکست دی تھی۔

لیکن اب شہریار شر پی پی میں شامل ہو چکے ہیں اور پارٹی نے انہیں اسی حلقے سے ٹکٹ بھی دے دیا ہے جس پر جام مہتاب ناراض ہو کر آزاد الیکشن لڑ رہے ہیں۔ان دو کے علاوہ یہاں&nbsp; ایم کیو ایم کے عرفان علی، مرکزی مسلم لیگ کے شیر محمد و دیگر امیدوار میدان میں اترے ہیں۔

حنان لغاری بتاتے ہیں کہ اوباوڑو میں جام مہتاب ڈہر اور شھریار شر کا&nbsp; اثر و رسوخ&nbsp; زیادہ ہے۔ یہاں خالد خان لونڈ اور علی گوہر مہر کے حامی بھی موجود ہیں۔

وہ کہتے ہیں کہ اس صوبائی ٹکٹ کے لیے پیپلز پارٹی میں اختلافات ہوئے تو چیئرمین بلاول بھٹو جام مہتاب&nbsp; کے پاس&nbsp; آئے اور ان کو شہریار شر کی حمایت پر آمادہ کرنے کی کوشش کی لیکن وہ نہیں مانے اور آزاد الیکشن لڑ رہے ہیں۔

پی ایس 19 میرپور ماتھیلو سے 2018ء میں پیپلزپارٹی کے عبدالباری پتافی جیت گئے تھے اور&nbsp; جی ڈی ای کے علی گوھر مہر رنر اپ تھے۔ اس بار&nbsp; پی پی نے پھر عبدالباری پتافی کو ٹکٹ دیا ہے جن کا مقابلہ آزاد امیدوار نادر اکمل لغاری، ایم کیو ایم کے منیر احمد، تحریک لبیک کے سیف رضا و دیگر سے ہو گا۔

حنان لغاری کا کہنا ہے کہ یہاں بھی مہر، لونڈ اور پتافی پیپلز پارٹی میں ہونے کے باوجود ایک پیج پر دکھائی نہیں دے رہے۔ پارٹی نے اس حلقے میں عبدالباری پتافی کو ٹکٹ دیا ہے جنہوں نے&nbsp; علی گوہر&nbsp; اور خالد خان کے مقابلے میں کاغذات نامزدگی جمع کرا رکھے ہیں اور ابھی تک واپس نہیں لیے۔

&nbsp;&quot;اس ضمن میں جب خالد خان لونڈ سے پوچھا گیا کہ کیا عبدالباری ان کے اور علی گوہر&nbsp; مہر کے مقابلے میں قومی نشستوں پر الیکشن لڑ رہے ہیں؟ تو ان کا کہنا تھا کہ وہ پہلے اپنی سیٹ پر تو جیت کے دکھائے۔&quot;

پروفیسر عبدالحفیظ نے بتایا کہ گھوٹکی میں ہندو آبادی کثیر تعداد میں موجود ہے مگر اس کا سیاست میں کردار بہت محدود ہے۔ 2017ء میں اس ضلعے میں ایک لاکھ سے زائد ہندو برادری کے لوگ رہتے تھے لیکن اب یہ آبادی سوا لاکھ سے زیادہ ہو چکی ہو گی جس کی تصدیق نئی مردم شماری&nbsp; کی تفصیل سامنے آنے پر ہی ہو سکتی ہے۔

ان کے مطابق یہاں کی ہندو اکثریت میں بیشتر مینگھواڑ اور بھیل برادریوں کے لوگ ہیں۔ رہڑکی، شدھانی، حیات پتافی و دیگر درباروں سے وابستہ ہیں مگر یہ سب بھی سرداروں کے زیر اثر ہیں۔

اس ضلعے کی دوسری قومی نشست این اے 199 خان گڑھ خان پور مہر اور گھوٹکی تحصیل پر مشتمل ہے۔ جہاں سے&nbsp; 2018ء میں آزاد امیدوار علی محمد مہر نے پیپلز پارٹی کے احسان سندرانی کو لگ بھگ 30 ہزار ووٹوں سے شکست دی تھی۔

اب یہاں سے علی گوہر خان مہر پی پی کے امیدوار ہیں جن کا مقابلہ ٹی ایل پی کے منظور احمد، ایم کیو ایم کے محمد شاہد، جے یو آئی کے عبدالقیوم، جماعت اسلامی کی شکیلا سے ہو گا۔ عبدالباری پتافی نے بھی یہاں آزاد حیثیت سے کاغذات نامزدگی جمع کرا رکھے ہیں۔

پروفیسر حفیظ بتاتے ہیں کہ خان گڑہ کا مہر خاندان اس علاقے میں سب سے زیادہ بااثر مانا جاتا ہے جس کے سربراہ غلام محمد مہر&nbsp; 1964ء میں پہلی بار رکن قومی اسمبلی&nbsp; بنے تھے اور اس کے بعد کئی بار ممبر پارلیمنٹ اور وفاقی وزیر رہے۔

سردار غلام محمد مہر کے صاحبزادے محمد بخش مہر، بھتیجے علی گوہر مہر اور علی نواز ارکان اسمبلی جبکہ علی محمد مہر وزیر اعلیٰ رہ چکے ہیں۔ اگرچہ ان کزنز کے درمیان&nbsp; کچھ عرصہ پہلے تک محاذ آرائی چلتی رہی اور انہوں نے ایک دوسرے کے خلاف الیکشن بھی لڑے مگر اب تمام پیپلز پارٹی میں اکھٹے ہو چکے ہیں۔

گھوٹکی کے رہائشی الطاف حسین بھٹو اپنا کاروبار کرتے ہیں۔ وہ سمجھتے ہیں کہ محسوس یہی ہو رہا کہ پیپلز پارٹی اس ضلعے میں کلین سویپ کرنا چاہتی ہے کیونکہ آصف زرداری نے پیپلز پارٹی مخالف اتحاد&nbsp; جی ڈی&nbsp; اے کے اہم رہنما علی گوہر خان مہر اور پی ٹی آئی کے&nbsp; شہریار شر کو اپنی پارٹی میں شامل کر لیا ہے۔

پی ایس 20 خان گڑھ سے پچھلے انتخابات میں آزاد امیدوار علی گوہر مہر اپنے بھائی پیپلز پارٹی کے امیدوار علی نواز مہر کو ہرا کر جیتے تھے۔ اب کی بار اس نشست پر&nbsp; پی پی سے محمد بخش مہر، جے یو آئی سے اسحاق لغاری، ٹی ایل پی سے سانول خان نمایاں امیدوار ہیں۔

الطاف بھٹو کہتے ہیں کہ مہر سردار یہ آبائی نشست ہمیشہ سے جیت رہے ہیں۔ پچھلی بار سردار علی گوہر اور&nbsp; محمد بخش مہر ایک دوسرے کے مقابل تھے لیکن اس مرتبہ ایک قومی اور دوسرے صوبائی حلقے میں پیپلز پارٹی کے امیدوار ہیں۔ اب جبکہ دونوں چچازاد اکٹھے ہو چکے ہیں تو ان کا مقابلہ کرنا کسی کے بس کی بات نہیں۔&nbsp;

&nbsp;پی ایس 21 میں تحصیل گھوٹکی کے علاقے آتے ہیں جہاں 2018ء میں پیپلز پارٹی کے علی نواز مہر کامیاب ہوئے تھے اور متحدہ مجلس عمل کے سیف اللہ دھاریجو رنر اپ تھے۔

اب یہاں&nbsp; پی پی کے علی نواز مہر، جے یو آئی کے پپو چاچڑ، ایم کیو ایم&nbsp; کے کبیر اختر سمیت سات امیدواران کے درمیان مقابلہ ہو گا۔

الطاف بھٹو کا کہنا ہے کہ بلدیاتی الیکشن میں گھوٹکی میونسپل کمیٹی کا چیئرمین دھاریجو گروپ کا بنا ہے جبکہ پہلے چیئرمین شپ مہر گروپ کے حصے میں آتی رہی ہے۔ اس مرتبہ بھی مہر گروپ نے یونین کونسل کی زیادہ نشستیں جیتی تھیں لیکن آصف زرداری کی مداخلت پر چیئرمین شپ کے بدلے دھاریجو اس صوبائی نشست سے دستبردار ہو گئے تھے۔

انہوں نے بتایا کہ کچھ عرصہ قبل مہر اور دھاریجو ایک بار پھر صوبائی نشست پر آمنے سامنے آگئے تھے لیکن بلاول بھٹو زرداری نے یہاں آکر معاملات کو سنبھال لیا۔ انہوں نے اس نشست کے بدلے جام اکرام اللہ دھاریجو کو پنو عاقل سے پارٹی ٹکٹ دیا ہے جس کے بعد علی نواز مہر کی کامیابی یقینی بتائی جا رہی ہے۔

گھوٹکی کی سیاست میں سب سے بڑی تبدیلی یہ آئی ہے کہ 30 برسوں تک ایک دوسرے کے حریف رہنے والے لونڈ اور مہر سردار اب اکٹھے ہو گئے ہیں۔ علی گوہر مہر خالد آباد پہنچے اور سردار خالد احمد لونڈ نے ان کی پیپلز پارٹی میں واپسی کا خیر مقدم کیا ہے۔ یوں اس بار یہاں کوئی بڑا مقابلہ شاید دیکھنے کو نہ ملے۔

ضلع مٹیاری  میں ہالہ کے مخدوم کبھی  نہیں ہارے۔ اب نیا کیا ہو رہا ہے؟

سرداروں کے گڑھ ضلع گھوٹکی کی سیاست میں 30 برسوں بعد کیا تبدیلی آئی ہے؟

text

ضلع گھوٹکی میں کھاد کی قلت کے خلاف کسان ایک ماہ میں کئی بار احتجاج ریکارڈ کرا چکے ہیں۔ تیس نومبر کو ڈی سی اور اسسٹنٹ کمشنروں کے دفاتر کے سامنے دھرنے دیے گئے۔

خان پور مہر میں اے سی اور دھرنے کے شرکا کے درمیان تلخ کلامی کی ویڈیو بھی سوشل پر وائرل ہوئی جس میں اسسٹنٹ کمشنر ردا ٹالپر نے احتجاجی کسانوں کو جواب دیا تھا کہ &quot;کھاد دلوانا میرے بس میں نہیں یہ محمکہ زراعت کا کام ہے۔ ایسے تو کل آپ مجھے بچوں کا رشتہ کرانے کا کہہ دیں گے۔&quot;

حاجی خان کورائی میرپور ماتھیلو کی نواحی بستی رنگ علی شاہ کے رہائشی ہیں۔ انہوں نے اپنی دس ایکڑ زمین پر گندم کاشت کر رکھی ہے۔ وہ بتاتے ہیں کہ انہوں نے یوریا کھاد کی بوری پانچ ہزار روپے میں خریدی ہے۔

&quot;میں نےکئی دن دکانوں پر دھکے کھاتا رہا۔ یہ ظلم ہے جس سے کھاد خریدی اس دکان دار نے پکا بل بھی بنا کر نہیں دیا۔&quot;

سرکاری اعداد و شمار کے مطابق ضلع گھوٹکی کا 51 فیصد رقبہ یعنی آٹھ لاکھ 17 ہزار ایکڑ قابل کاشت ہے۔ جس میں سے دو لاکھ 71 ہزار 700 ایکڑ پر گندم اور ایک لاکھ 54 ہزار 140 ایکڑ پر گنا کاشت کیا گیا ھے۔

ضلع گھوٹکی کا شمار صوبہ سندھ میں گندم کے زیرکاشت رقبے اور پیداوار کے حوالے سے سرفہرست چار اضلاع میں ہوتا ہے۔

2021 میں اس ضلع میں دو لاکھ 76 ہزار ایکڑ سے زائد رقبے سے تین لاکھ 75 ہزار سے زیادہ میٹرک ٹن پیداوار حاصل کی گئی تھی۔ 2022 میں تقریباً دو لاکھ 69 ہزار ایکڑ رقبے پر گندم کاشت ہوئی جس سے دو لاکھ 88 ہزار میٹرک ٹن سے زائد پیداوار ہوئی۔

2023 میں گھوٹکی ضلع میں 2 لاکھ 66 ہزار 421 ایکڑ رقبے سے 2 لاکھ 89 ہزار 646 میٹرک ٹن پیدوار لی گئی۔ دو سال میں نہ صرف گندم کے قابل کاشت رقبے میں 3.6 فیصد کمی دیکھنے میں آئی بلکہ پیداوار میں 23 فیصد کی کمی واقع ہوئی۔

گھوٹکی کے علاوہ خیرپور، نوشیرو فیروز اور سانگھڑ میں سب سے زیادہ رقبے پر گندم کی فصل کاشت ہوتی ہے۔

ایڈیشنل ڈائریکٹر زراعت گھوٹکی نیاز کھوسو بتاتے ہیں کہ اس بار یہاں گندم کی کاشت کا سرکاری ہدف لگ بھگ پونے تین لاکھ ایکڑ تھا جو پورا ہو چکا ھے۔ جس کے لیے محکمے نے 10 لاکھ 84 ہزار 700 بوری یوریا کی مانگ کی تھی۔

کھاد کمپنیوں کی جانب سے محکمہ زراعت کو فراہم کردہ معلومات کے مطابق ضلعے میں تین ماہ کے دوران 24 ڈیلروں کو یوریا اور ڈی اے پی سمیت مختلف کھادوں کی چھ لاکھ 71 ہزار 129 بوریاں فراہم کی گئی ہیں۔

&nbsp;مگر یہ بھی حقیقت ہے کہ یوریا کا بحران ختم ہونے کو نہیں آ رہا۔

&nbsp;کسان تین ہزار 700 روپے سرکاری ریٹ والی بوری بلیک میں ساڑھے پانچ ہزار روپے تک کی خرید رہے ہیں۔

پنجاب کی سرحد پر واقع اوباڑو کے زمیندار عبدالھادی چاچڑ نے 40 ایکڑ گندم کاشت کی ہے۔ وہ بتاتے ہیں کہ کھاد وقت پر نہ ملی تو گندم کی نشوونما رک جائے گی اور پیداوار میں کمی کا نقصان کاشتکار ہی کو اٹھانا پڑے گا۔

&quot;ستم ظریفی یہ ہے کہ ہمارے ارد گرد کھاد کی تین بڑی بڑی فیکٹریاں ہیں اور پھر بھی ایک ایک بوری کے لیے چکر لگانے پڑ رہے ہیں۔&quot;

ضلع گھوٹکی میں کھاد بنانے والے دو بڑے کارخانے کام کر رہے ہیں جن میں سے ایک فوجی فرٹیلائزرز اور دوسرا پلانٹ اینگرو کی ملکیت ہے۔ تیسرا کارخانہ فاطمہ فرٹیلائزرز 50 کلومیٹر دور صادق آباد میں واقع ہے۔ تینوں پلانٹس میں لگ بھگ 25 لاکھ ٹن سالانہ یوریا بنانے کی صلاحیت ہے۔

محکمہ زراعت کے ماہرین کہتے ہیں کہ ضلع گھوٹکی میں اکتوبر سے جنوری تک یوریا کی طلب تقریباً پانچ لاکھ بوری ہے۔ کھاد کمپنیوں کی جانب سے محکمہ زراعت کو فراہم کردہ معلومات کو بھی درست مان لیا جائے تو یہاں کھاد کی کمی نہیں ہونی چاہیے تھی۔

ادھر انتظامیہ نے کھاد کی قلت پر قابو پانے کے لیے اکا دکا کارروائیاں بھی کی ہیں۔ سات نومبر کو اے سی ڈہرکی نے پانچ ڈیلرز کو مجموعی طور 95 ہزار روپے جرمانہ کیا۔ اسی طرح گھوٹکی میں تین ڈیلروں کو 50 ہزار جبکہ میرپور ماتھیلو میں 40 ہزار روپے جرمانہ کیا گیا۔

&nbsp;اسی طرح چھ دسمبر کو بھی ڈہرکی کے تین ڈیلرز کو ڈھائی لاکھ جرمانہ کیا گیا ہے۔ جبکہ اسسٹنٹ کمشنر خان گڑھ نے مختلف گوداموں پر چھاپے مار کر دو گودام سیل کر دیے تھے۔

&nbsp;لیکن ان کارروائیوں سے کوئی فرق نہیں پڑا۔

ڈپٹی کمشنر گھوٹکی آغا شیر زمان نے 27 نومبر کو کھاد بنانے والی تینوں فیکٹریوں کو خط لکھا ہے۔ جس میں کہا گیا ہے کہ ضلع گھوٹکی کی 70 فیصد آبادی کا انحصار زراعت پر ہے۔ کھاد بحران کے باعث یہاں امن وامان کا مسئلہ ہو سکتا ہے اور گندم کی فصل بھی متاثر ہونے کا خدشہ ہے۔

&quot;لہٰذا ادارے ضلعے کے کوٹے میں اضافہ کر کے کھاد کا بحران ختم کرائیں اور ذخیرہ اندوزی روکنے بھی اپنا کردار ادا کریں۔&quot;

میرپور ماتھیلو کے ڈیلر پون کمار بتاتے ہیں کہ پچھلے ماہ ضلعے میں ڈیلرز کو کوٹے سے 50 ہزار بوری یوریا کم فراہم کی گئی تھی جس کی وجہ سےقلت پیدا ہوئی۔ ورنہ عموماً جنوری تک اس ضلعے میں کھپت پانچ لاکھ بوری تک ہی رہتی ہے۔

وہ کہتے ہیں یہاں ڈیلرز کو پانچ لاکھ بوری&nbsp; سے زیادہ کھاد ملتی ہے جس میں بیشتر وہ دو سرے صوبوں کو سمگل کر دیتے ہیں۔ کھاد کی قلت کی ایک یہ بھی وجہ ہے۔

ایس ایس پی گھوٹکی انور کھیتران کھاد کی سمگلنگ کے بارے میں پون کمار کے موقف کی تصدیق کرتے ہوئے بتاتے ہیں کہ ڈہرکی کے فیصل گڈز ٹرانسپورٹ اڈے کے مالک یوریا کی ڈمپنگ میں ملوث ہیں۔

&quot;پولیس نے 600 بوری یوریا سے لدے ٹرالر کو قبضے میں لے کر مقدمہ بھی درج کر لیا ہے اور اڈےکا لائسنس منسوخ کرنے کے لیے کھاد کمپنیوں کو بھی لکھ دیا ہے&quot;۔

وہ بتاتے ہیں کہ سندھ پنجاب بارڈر پر پولیس کھاد سے بھری گاڑیاں روکتی ہے تو کمپنی والے کہتے ہیں کہ یہ ان کے ڈیلر ہیں انہیں جانے دیں۔ انور کھیتران کہتے ہیں کہ پولیس کے ساتھ محکمہ زراعت کا کوئی افسر نہ ہونے کی وجہ سے پولیس یہ کام اکیلے نہیں کر سکتی۔

رواں ماہ کے پہلے ہفتے میں ڈپٹی کمشنر کی زیر صدارت کھاد کی قلت اور ناجائز منافع خوری روکنے سے متعلق اجلاس ہوا۔ جس میں یوریا کی دیگر اضلاع کو غیر قانونی منتقلی روکنےاور اوباڑو ٹول پلازا پر چیک پوسٹ بنانے کے احکامات دیے گئے۔

اجلاس میں کھاد کمپنیوں کے نمائندوں کو دسمبر اور جنوری کے کوٹے میں 50 ہزار بوری اضافی مہیا کر نے کے لیے بھی کہا گیا ہے۔

ایف ایف سی کے مارکیٹنگ افسر وقار حسین بحران کا ذمہ دار کاشت کاروں کو قرار دیتے ہیں۔وہ کہتے ہیں کہ کھاد کی کوئی قلت نہیں ہے کاشتکاروں کے پاس پیسہ بہت ہے۔ ضرورت 50 بوری کی ہوتی ہے وہ ڈیڑھ سو بوری خرید لیتے ہیں۔

&quot;جب ہم پوچھتے ہیں کہ ایسا کیوں کررہے ہو تو جواب ملتا ہے کہ کھاد روز مہنگی ہو رہی ہے اس لیے ابھی سے خرید کر رکھ لی۔&quot;

&nbsp;وہ کہتے ہیں کہ کمپنیاں دسمبر میں صرف دسمبر کی ضرورت کی کھاد بناتی ہیں مگر کاشتکار جنوری اور فروری کی ضرورت کی کھاد بھی ساتھ خرید لیتے ہیں۔ اس لیے قلت تو ہونی ہی ہے کیونکہ سپلائی اتنی نہیں ہوتی۔

گندم کی فصل کو بروقت کھاد دینا ضروری ہوتا ہے۔ زرعی گریجویٹ اور مقامی زمیندار محمد علی مہر بتاتے ہیں کہ عام طور پر اس فصل کو چار مرتبہ کھاد دی جاتی ہے۔ پہلی کھاد بیجائی کے دو سے چار ہفتوں بعد اور دوسری اس کے دو ہفتے بعد ڈالی جاتی ہے۔

&quot;ہمیں موسم اور زمین کی زرخیزی کو بھی پیش نظر رکھنا ہوتا ہے۔ گندم کی فصل میں اکثر اوقات فی ایکڑ تین سے چار بوریاں ڈالی جاتی ہیں۔ آخری کھاد اس وقت پر دی جاتی ہے جب دانہ بن رہا ہوتا ہے۔&quot;

" گندم کی کاشت کے وقت ڈی اے پی کھاد کا بحران ہوتا ہے، اس کے بعد یوریا نہیں ملتی"

کھاد بنانے کے کارخانوں کا مرکز ضلع گھوٹکی میں بھی یوریا کی قلت، ذمہ دار کون ہے؟

سندھ کے ضلع گھوٹکی کی تحصیل ڈہرکی کے باسیوں نے صاف پانی کے بارے میں سن تو رکھا ہے لیکن یہ انہیں نصیب کبھی نہیں ہوا۔ یہاں کے لوگ نلکوں میں آنے والا کھارا اور مضر صحت پانی پیتے ہیں۔ پچھلے دس سے سننے میں آ رہا ہے کہ شہر میں واٹر سپلائی سکیم بچھائی جا رہی ہے لیکن اس کے مکمل ہونے کا دور دور تک کوئی امکان دکھائی نہیں دیتا۔

سمیع کالونی کے رہنے والے صفدر سليم نجی ادارے میں نوکری کرتے ہیں اور سماجی کاموں میں بھی بڑھ چڑھ کر حصہ لیتے ہیں۔ ان کا کہنا ہے کہ ایک تو اس منصوبے پر عملدرآمد میں طویل تاخیر ہوئی اور اب محکمہ پبلک ہیلتھ نے اس سکیم کا ڈیزائن&nbsp; تبدیل کر دیا ہے جس کا نقصان یہ ہو گا کہ اگر سکیم بن بھی گئی تو بہت سی آبادی اس سے فائدہ نہیں اٹھا سکے گی۔

ڈاکٹروں کے مطابق نمکیات زیادہ ہونے کی وجہ سے ڈہرکی کا زیر زمین پانی پینے کے قابل نہیں ہے مگر ہم مجبوری میں وہ استعمال کرتے ہیں۔ ایک تجزیاتی رپورٹ کے مطابق اس پانی میں ہارڈنیس 300 کے بجاء 692 ، کیلشیم 75 ہونا چاہیے وہ 674 ہے، میگنیشم 50 کی جگہ پر 766 اور پوٹیشیم 774 جبکہ سوڈیم&nbsp; 774&nbsp; ملی گرام فی لیٹر موجود ہے جو کسی بھی حالت میں پینے کے قابل نہیں۔

سندھ نے ڈہرکی سٹی کے لئے 2014 میں 19 کروڑ کی لاگت سے پینے کے صاف پانی فراہمی کے لئے میگا پراجیکٹ دیا تھا جس پر کام ابھی تک مکمل نہیں ہو سکا۔ اس منصوبے سے شہر کے&nbsp; تمام رہائشی علاقوں میں پینے کا صاف پانی فراہم کیا جانا تھا لیکن تاحال ایسا نہیں ہو سکا۔

مین بازار، ظفر بازار، سینما روڈ، گلاب شاہ کالونی، محلہ عبدالسمیع، مسلم کالونی ودیگر علاقوں میں مین پائپ لائین بچھانے کا کام تک مکمل نہیں کیا گیا اور مین سٹیشن کا کام بھی 10 برس&nbsp; سے ادھورا ہے۔ شہریوں نے سکیم کو مکمل کرنے کے لئے کئی مرتبہ احتجاج کئے معاملہ جوں کا توں رہا۔

ڈہرکی کے جن علاقوں میں پانی کی فراہمی کے لئے پائپ بچھائے گئے ہیں ان میں سے اکثر پانی کا دباؤ برداشت کرنے کے قابل نہیں ہیں۔ ایک مہینہ پہلے ٹرائل کے طور پر ان پائپوں میں پانی چھوڑا گیا تو بیشتر لیک کرنے لگے جن کی مرمت کا کام ابھی ہو رہا ہے۔

محکمہ پبلک ہیلتھ کے اسسٹنٹ انجینئر ماجد دایو نے بتایا کہ یہ منصوبہ آخری مراحل میں ہے اور چند ہفتوں میں پائپ بچھانے کا کام مکمل کر لیا جائے گا۔ ان کا کہنا ہے کہ شہر کے 12 پوائنٹس پر پائپ ڈال کر پانی پہنچایا جائے گا جن میں چوہان محلہ، سینما روڈ، ڈہر واہ، پولیس اسٹیشن، ناکہ نمبر 5، بشیر کالونی و دیگر شامل ہیں جس کے بعد ٹاؤن انتظامیہ کا کام ہوگا کہ وہ گھروں تک پانی کی لائنیں بچھائے۔

2017 کی مردم شماری کے مطابق ڈہرکی شہر کی آبادی ایک لاکھ تین ہزار تھی۔ اس سکیم کے مکمل نہ ہونے کی وجہ سے یہاں کے لوگ صاف پانی خرید کر پینے پر مجبور ہیں۔

شہر میں خدمت خلق فاؤنڈیشن کی جانب سے واٹر پلانٹ لگایا گیا ہے جہاں سے لوگ پانی بھرتے ہیں لیکن یہ پانی بھی قیمتاً ملتا ہے جو لوگ پیسوں سے پانی نہیں خرید سکتے وہ زیر زمین پانی پی رہے ہیں جو نمکیات سے بھرپور اور مضر صحت ہے۔

ڈاکٹروں کے مطابق نمکیات زیادہ ہونے کی وجہ سےڈہرکی کا زیر زمین پانی پینے کے قابل نہیں ہے۔ ایک تجزیاتی رپورٹ کے مطابق اس پانی میں ہارڈنیس 300 کے بجائے 692 ، کیلشیم 75 کے بجائے 674، میگنیشیم 50 کے بجائے 766 اور پوٹاشیم 774 جبکہ سوڈیم&nbsp; 774&nbsp; ملی گرام فی لیٹر موجود ہے جو کسی بھی صورت میں پینے کے قابل نہیں۔

پولیس سٹیشن محلے کے رہائشی شہزاد ڈاہر نے بتایا کہ شہر میں دس سال سے پائپ ڈالنے کا کام بھی مکمل نہیں ہوا اور ابھی بھی پبلک ہیلتھ والے کہتے ہیں کہ وہ پائپ گھروں تک نہیں بچھائیں گے کیونکہ یہ کام ٹاؤن کمیٹی والوں کا ہے۔ نجانے اب اس منصوبے کی مکمل تکمیل میں کتنے سال لگیں گے۔

ڈہرکی میں حال ہی میں تعینات ہونے والی اسسٹنٹ کمشنر ردا ٹالپر نے شہریوں کی شکایات پر محکمہ پبلک ہیلتھ کے انجینئر میہر داس کو بلا کر واٹر سپلائی منصوبے کا جائزہ لیا اور اسے فوری مکمل کرنے کے احکامات جاری کئے۔ ان کا کہنا تھا کہ انتظامیہ پوری کوشش کر رہی ہے کہ شہریوں کو مزید انتظار نہ کرنا پڑے اور انہیں صاف پانی کی سہولت جلد از جلد دستیاب ہو۔

'نہ تو فلٹر پلانٹس کی مرمت ہوتی ہے اور نہ ہی ان کی صفائی ستھرائی کا کوئی انتظام ہے': گجرات میں شہری آلودہ پانی پینے پر مجبور

ڈہرکی میں واٹر سپلائی سکیم پر کام 10 سال سے 'جاری'، شہری صاف پانی کو ترس گئے

غلام رسول&nbsp; بھٹو اور زرینہ بخش بھٹو ایک ہی گاؤں میں پیدا ہوئے۔دونوں کے والدین اوباڑو کے گوٹھ لک پور میں رہتے تھے اور دونوں کی برادری بھی ایک ہے۔&nbsp; دونوں کاتعلق بھٹو برادری سے ہے۔

اٹھائیس سالہ غلام رسول اور بائیس سالہ زرینہ نے 2016 میں پسند کی شادی کر لی۔ چالیس روز کے بعد غلام رسول&nbsp; کیخلاف ان کی بیوی زرینہ کے اغوا کا مقدمہ درج ہو گیا اور پولیس نے میاں بیوی کو گرفتار کر لیا۔

جب انہیں عدالت کے روبرو پیش کیا گیا تو زرینہ نے بیان دیا کہ اس نے غلام رسول کے ساتھ اپنی مرضی سے شادی کی ہے۔ فاضل جج نے دونوں کو آزاد کرنے کے احکامات جاری کر دیئے۔ جس کے بعد پولیس نے انہیں چھوڑ دیا۔مگر مقدمہ درج کرانے والے لڑکی کے رشتہ داروں&nbsp; اور مقامی وڈیروں نے 15 فروی 2017ء کو خود ساختہ جرگہ بلا لیا۔

جرگے والوں نےمیاں بیوی پر سیاہ کاری کا الزام لگا کر غلام رسول پر پانچ لاکھ جرمانہ اور ان کی یتیم بھتیجی فاطمہ کو ونی کر نے کا فیصلہ سنادیا۔

جرگے کا فیصلہ نہ ماننے پر وڈیروں نے غلام رسول کے گھر دھاوا بول دیا۔ان کے والد بہاول بھٹو اور والدہ کو&nbsp; تشدد&nbsp; کا نشانہ بنایا اور ان کے گھر، دکان اور زمین پر بھی قبضہ کر لیا۔

&nbsp;غلام رسول بتاتے ہیں کہ پسند کی شادی کرنے پر ان کے&nbsp; خاندان پر ظلم ڈھائے گئے تو وہ احتجاج کے لیے اسلام آباد پہنچ گئے اور 18 مارچ 2018 سے پریس کلب کے سامنے کیمپ لگا لیا۔ ایک ماہ قبل ان کے بوڑھے والد قرآن لے کر وڈیروں کے پاس&nbsp; گئے۔

وہ کہتے ہیں کہ ان کے والد گھر، زمین اور دکانوں کی واپسی کے لیے گئے تھے۔ اس پر وڈیروں نے دوبارہ جرگہ بلا لیا او ان کی 13 سالہ بھتیجی آسیہ کو ونی کر دیا ہے۔

انہوں نے بتایا کہ وہ دس روز قبل اسلام آباد سے واپس آئے ہیں اور ضلع رحیم یارخان کے قصبے کوٹ سبزل میں رہ رہے ہیں۔ وہاں سے انہوں نے سوشل میڈیا پر ویڈیو پیغام کے ذریعے لوگوں کو اس ظلم سے آگاہ کیا۔

غلام رسول کی وڈیو وائرل ہونے پر سندھ کے نگران وزیر داخلہ حارث نواز نے جرگے کا نوٹس لے لیا اور سیکرٹری داخلہ سندھ نے پولیس کو فوری کارروائی اور مبینہ واقعے کی رپورٹ پیش کرنے کا حکم دیا۔

&nbsp;اوباوڑو پولیس نے مقدمہ درج کر کے ملزم نصیر اور مدد علی بھٹو کو گرفتار کر لیا ہے۔ پولیس کے اعلامیے میں کہا گیا ہے کہ غلام رسول اور زرینہ نے پسند کی شادی کی تھی۔ اب سات سال بعد آٹھ اگست 2023 ءکو&nbsp; زرینہ بھٹو کے والد الہیٰ بخش&nbsp; نے اپنی برادری کے 14 اور چار نامعلوم افراد کے ساتھ مل کر جرگہ کیا۔

پولیس کے مطابق جرگے نے غلام رسول بھٹو پر 10 لاکھ روپے جرمانہ اور ان کی 12 سالہ&nbsp; بھتیجی آسیہ کو ونی میں دینے کا فیصلہ دیا تھا جس پر سرکار کی مدعیت میں&nbsp; مقدمہ درج کر دو ملزموں کو گرفتار کر لیا گیا ہے۔ پولیس کا کہنا ہے کہ باق مفرور ملزموں کو بھی جلد&nbsp; گرفتار کر لیا جائے گا۔

سپریم کورٹ کی پابندی کے باوجود سندھ میں اب بھی سیاہ کاری کے نام پر خود ساختہ جرگے ہو رہے ہیں۔ رواں سال گھوٹکی میں چار جرگے کر کے بچیوں کو ونی میں دینے کا حکم سنایا گیا ہے۔

داد لغاری تھانے کے حدود میں 13 جون 2023ء کو ایک جرگہ ہوا ۔اس میں ایک فریق پر سات لاکھ جرمانہ اور چھ سالہ بچی فاطمہ کو ونی کیا گیا ۔اس کا مقدمہ سرکار کی مدعیت میں درج کیا گیااور اس کے تین ملزم ضمانت پر ہیں۔

روانتی میں چھ جولائی کو&nbsp; جرگہ ہوا ۔اس میں 22 لاکھ جرمانے کے ساتھ ایک لڑکی داؤدہ کوش کو ونی میں دیا گیا۔سات اگست کو اوباوڑو میں جرگہ کیا گیا جس میں13 سالہ آسیہ بھٹو کو ونی میں دینے کا فیصلہ سنایا گیا۔

داد لغاری میں 15 اگست کو جرگہ کر کے عروج پتافی کو ونی میں دینے کا فیصلہ سنایا گیا ہے۔ یہ چاروں وہ ہیں جن میں ملزموں کے خلاف مقدمات درج کئے گئے جبکہ ایسے جرگے بھی ہو رہے ہیں جو رپورٹ نہیں ہو سکے۔

جو لوگ ان جرگوں&nbsp; کا فیصلہ ماننے سے انکار کرتے ہیں وہاں پسند کی شادی کرنے والوں کو سیاہ کاری کا الزام لگا کر قتل کر دیا جاتا ہے۔ سندھ کے مختلف اضلاع میں رواں سال جنوری سےجون تک چھ ماہ میں غیرت کے نام پر 123 قتل کئے گئے۔

خواتین کےحقوق کے لیے کام کرنے والی سماجی تنظیم سندھ سُھائی آرگنائزیشن کی چیئرپرسن ڈاکٹر عائشہ حسن دھاریجو&nbsp; بتاتی ہیں کہ یہاں خواتین کو بھیڑ بکریوں کی طرح قتل کیا جا رہا ہے۔ چھ ماہ میں 91 عورتیں اور 32 مرد قتل ہوچکے ہیں۔

انہوں نے لوک سجاگ کو بتایا کہ جیکب آباد اس قتال میں سرفہرست ہے جہاں 12 عورتوں اور سات مردوں کی سیاہ کاری کے الزام میں جان لے لی گئی۔کشمور میں 11 عورتیں اور پانچ مرد قتل ہوئےاور شکارپور میں 10 عورتیں اور دو مرد ہلاک کر دیئے گئے۔

ڈاکٹر عائشہ کہتی ہیں کہ گھوٹکی میں چھ عورتیں اور ایک مرد جان سے گئے۔ سکھر&nbsp; میں نو خواتین اور ایک مرد کو غیرت کی بھنٹ چڑھایا گیا۔خیرپور میں چار عورتیں اور ایک مرد قتل ہوا جبکہ لاڑکانہ میں چار خواتین اور ایک مرد کی جان لی گئی جبکہ دیگر اضلاع میں 35 عورتیں اور 14 مرد قتل ہوئے۔

راجن پور: تین سال میں غیرت کے نام پر 50 افراد قتل، 44 واقعات میں ملزم سزا سے بچ نکلے

کاروکاری: سندھ میں غیرت کے نام پر موت کا کھیل چھ ماہ میں 123 جانیں لے گیا

سندھ کے ضلع گھوٹکی میں دو سال پہلے تین کروڑ 57 لاکھ روپے کی لاگت سے پانی کے 17 فلٹریشن پلانٹ لگائے گئے تھے جن میں سے 13 اب بند پڑے ہیں۔ جن علاقوں میں یہ پلانٹ نصب کیے گئے تھے وہاں کے باسی اب یا تو آلودہ پانی پینے پر مجبور ہیں یا انہیں طویل فاصلہ طے کر کے صاف پانی لانا پڑتا ہے۔

یہ آر او (ریورس اوسموسس) فلٹریشن پلانٹ ڈسٹرکٹ ڈویلپمنٹ کمیٹی کی سفارش پر گھوٹکی کے علاقے ڈھرکی، اوباڑو، میرپور ماتھیلو اور ان کے دیہات یارو لونڈ، سعید خان چانڈیو، اسلام لاشاری، مارو والا، پنہوں ملک، واحد بخش مہر اور واحد بخش جویو میں نصب کیے گئے تھے۔ ان کا افتتاح جولائی 2021ء میں کیا گیا۔

فلٹریشن پلانٹ کے اس منصوبے کے لیے مالی وسائل نجی کمپنی ماڑی پیٹرولیم نے فراہم کیے تھے اور ان کی تنصیب محکمہ پبلک ہیلتھ کے ذمہ تھی۔ تاہم ان کی دیکھ بھال اور مرمت کے لیے فنڈ نہیں رکھے گئے تھے۔ چنانچہ جب ان میں خرابیاں پیدا ہوئیں تو یہ ایک ایک کر کے بند ہوتے گئے۔

اس وقت جو چار پلانٹ کام کر رہے ہیں انہیں مقامی لوگ اپنی مدد آپ کے تحت چالو رکھے ہوئے ہیں۔

پبلک ہیلتھ ڈیپارٹمنٹ کے ہیڈ کلرک تاج محمد کولاچی بتاتے ہیں کہ محکمے نے گزشتہ برس جنوری میں گھوٹکی کے ڈپٹی کمشنر کو لکھا تھا کہ پلانٹ چلانے کے لیے فی پلانٹ ماہانہ پانچ لاکھ روپے فراہم کیے جائیں۔ یہ رقم پلانٹ کے کی مرمت اور اس کے ملازم کی تنخواہ پر خرچ کی جانا تھی۔

لیکن اس درخواست پر کوئی کارروائی کے بجائے کہا گیا کہ اس سلسلے میں پبلک ہیلتھ ڈیپارٹمنٹ کے اعلیٰ حکام سے رجوع کیا جائے۔

تاج محمد کے مطابق اس بارے میں محکمے کے سیکرٹری کو بھی بتایا گیا لیکن ان کی جانب سے کوئی جواب نہ آیا۔

میرپور ماتھیلو کے رہنے والے عمر کورائی بتاتے ہیں کہ ان کے علاقے میں دو پلانٹ بند پڑے ہیں۔ ہر پلانٹ کی تنصیب پر 21 لاکھ روپے لاگت آئی تھی لیکن یہ دو ماہ بھی نہ چل سکے۔ اہل علاقہ نے کئی مرتبہ حکام کو اطلاع دی لیکن اس کے باوجود پلانٹ نہیں چلائے گئے۔ اب یہ صورتحال ہے کہ پلانٹ کے پائپ اور نلکے تک چوری کر لیے گئے ہیں۔

گاؤں سعید خان چانڈیو میں پلانٹ بمشکل 20 دن ہی چل سکا۔ اب اس گاؤں میں پینے کے لیے صاف پانی میسر نہیں ہے۔ جن لوگوں کے پاس وسائل ہیں وہ منرل واٹر خرید کر پیتے ہیں۔ کچھ لوگ تین کلو میٹر دور نجی کمپنی ایف ایف سی کے فلٹر پلانٹ سے پانی بھر کر لاتے ہیں جبکہ یہاں کے باسیوں کی اکثریت گھروں کی ٹونٹیوں میں آنے والا آلودہ پانی پی رہی ہے۔

اس گاؤں میں متعدد افراد ہیپاٹائٹس اے اور ای میں مبتلا ہیں۔ چونکہ علاقے میں بیشتر آبادی غریب ہے اس لیے اکثر لوگوں کے پاس علاج کرانے کے وسائل بھی نہیں ہیں۔

مقامی رہائشی سیف اللہ چانڈیو بتاتے ہیں کہ علاقے میں زیرزمین پانی کا ٹیسٹ کروانے پر پتا چلا ہے کہ اس میں حل شدہ ٹھوس مواد (ٹی ڈی ایس) کی سطح 2500 تک ہے جبکہ یہ 300 سے زیادہ نہیں ہونی چاہیے۔ پانی میں آرسینک یا سنکھیا بھی محفوظ حد سے کہیں زیادہ مقدار میں پایا گیا ہے۔

انہوں نے بتایا کہ گاؤں میں آلودہ پانی سے پیدا ہونے والی بیماریاں 15 سے زیادہ لوگوں کی جان لے چکی ہیں۔

میرپور ماتھیلو میں ڈسٹرکٹ ہیڈکوارٹر ہسپتال کے ڈاکٹر ستیوان داس کا کہنا ہے کہ صنعتوں سے نکلنے والے پانی میں کئی طرح کے کیمیکل ہوتے ہیں جو زیر زمین پانی میں شامل ہو جاتے ہیں۔ ضلع گھوٹکی میں انڈسٹریل زون بھی واقع ہے جہاں بہت ساری فیکٹریاں ہیں۔ ان فیکٹریوں سے نکلنے والا پانی جب زیرزمین پانی کا حصہ بنتا ہے تو اسے بھی آلودہ کر دیتا ہے۔

میرپو ماتھیلو کی یونین کونسل جہان خان انڑ کے گاؤں ونگو میں رہنے والے شفقت اللہ نے بتایا کہ &quot;ان کے گاؤں میں پانی پینے کے قابل نہیں رہا۔ اس کا ذائقہ اور رنگت تبدیل ہو چکی ہے۔ اگر پانی کو برتن میں بھریں تو اس کا رنگ پیلا دکھائی دیتا ہے۔ گاؤں میں فلٹریشن پلانٹ تو موجود ہے لیکن یہ کام نہیں کر رہا۔

گھوٹکی میں محکمہ پبلک ہیلتھ کے انجینئر مہرداس فلٹریشن پلانٹ بند ہونے کی وضاحت کرتے ہوئے کہتے ہیں کہ محکمے کے پاس صرف پلانٹ نصب کرنے کا بجٹ تھا۔ اسی لیے لوگوں کو بتا دیا گیا تھا کہ پلانٹ مرمت کرنے کی ذمہ داری ان کی ہے اور وہ اپنی مدد آپ کے تحت اسے چلائیں گے۔ جو پلانٹ نہیں چل رہے ان کی مرمت کے لیے محکمے کے پاس مالی وسائل نہیں ہیں۔

واسا اور میونسپل کارپوریشن کی تُو تُو میں میں: گوجرانوالہ میں واٹر فلٹریشن پلانٹس کے فلٹر آخری بار کب تبدیل ہوئے تھے؟

سماجی کارکن ارشاد کلادی کہتے ہیں کہ ماڑی پٹرولیم نے رقم دے کر اور محکمہ پبلک ہیلتھ نے پلانٹ نصب کر کے ہاتھ کھینچ لیے۔ کسی نے یہ نہ سوچا کہ پلانٹ کیسے چلیں گے اور انہیں کون چلائے گا۔ مقامی سطح پر لوگوں کی باہمی مخاصمت ایسے منصوبوں کی اتفاق رائے سے دیکھ بھال ہونے نہیں دیتی۔ مقامی سطح پر کوئی ایسے ادارے یا تنظیمیں بھی وجود نہیں رکھتیں جو پلانٹ کو چلا سکیں۔

انہوں نے بتایا کہ اس وقت جو چند پلانٹ چل رہے ہیں ان میں ایک ہندوبرادری کے مندر کے باہر نصب ہے جسے پنچایت چلاتی ہے جبکہ دوسرا مہر برادری کے گاؤں میں ہے جسے مقامی وڈیرا چلا رہا ہے۔

مہرداس نے بتایا کہ حال ہی میں ماڑی پیٹرولیم نے کاروباری اداروں پر قانوناً عائد ہونے والی سماجی ذمہ داری کے تحت ضلع میں 62 نئے فلٹریشن پلانٹ لگائے ہیں۔ ان میں تین طرح کے آر او پلانٹ شامل ہیں جن میں یومیہ پندرہ سو، تین ہزار اور پانچ ہزار گیلن پانی فراہم کرنے کی صلاحیت ہو گی۔ مہرداس کہتے ہیں کہ ان کی بدولت شہر کے تمام لوگوں کو پینے کا صاف پانی میسر آئے گا۔ تاہم انہوں نے یہ نہیں بتایا کہ ان پلانٹس کو کب چالو کیا جائے گا اور انہیں چلانے اور ان کی مرمت کی ذمہ داری کس کی ہو گی۔

گھوٹکی میں کروڑوں کی لاگت سے لگائے گئے واٹر فلٹریشن پلانٹ 2 ماہ بھی نہ چل سکے

ضلع گھوٹکی کی پانچ تعلقے یا تحصیلیں ہیں اور ہر ایک میں ایک پبلک لائبریری ہے لیکن تعلقہ اوباڑو اور ڈہرکی کی سرکاری لائبریریاں بند پڑی ہیں، گھوٹکی کی امیر بخاری پبلک لائبریری بھی فعال نہیں ہے جبکہ اظہر گیلانی لائبریری صرف مونو ٹیکنک انسٹیٹیوٹ کے طلبہ کے لئے مخصوص رکھی گئی ہے۔

تیرہ سال پہلے سابق ضلعی ناظم علی گوھر مہر نے اپنے آبائی تعلقے خان گڑھ میں ایک لائبریری کی عمارت تعمیر کروائی تھی لیکن اسے تاحال کسی محکمے کے حوالے نہیں کیا گیا جس کی وجہ سے عمارت خالی پڑی ہے۔

لوک سجاگ نے حال ہی میں میرپور ماتھیلو کی تعلقہ پبلک لائبریری کا دورہ کیا۔

یہاں سندھ یونیورسٹی کے گریجوایٹ اعجاز احمد سی ایس ایس کی تیاری میں مصروف ہیں۔

پرسکون ماحول میں پڑھنے اور مختلف موضوعات پر علمی مواد حاصل کرنے کے لئے وہ اس لائبریری میں آتے ہیں لیکن انہیں یہاں مایوسی کے سوا کچھ نہیں ملتا۔

وہ بتاتے ہیں کہ لائبریری میں صرف پرانی کتابیں موجود ہیں جن کے نئے ایڈیشن نہیں ملتے۔ نہ تو بجلی آتی ہے اور نہ ہی پینے کے پانی اور بیت الخلا کا کوئی بندوبست ہے۔

&nbsp;&quot;لائبریری میں ڈھنگ سے بیٹھنےکا بھی مناسب انتظام نہیں جس کی وجہ سے اپنی کتابیں ساتھ لا کر پرسکون ماحول میں مطالعے کا مقصد بھی پورا نہیں ہوتا۔&quot;

گورنمنٹ گرلز مڈل سکول کی لیڈی ٹیچر موراں میرانی کو شکایت ہے کہ اس لائبریری میں خواتین کے بیٹھنے کا الگ انتظام نہیں ہے جس کی وجہ سے طالبات یہاں کا رخ نہیں کرتیں۔

میرپور ماتھیلو کی یہ لائبریری 1988ء میں ایک کمرے میں قائم کی گئی تھی جسے 2005ء میں موجودہ عمارت میں منتقل کیا گیا جو ایک بڑے ہال اور دو کمروں پر مشتمل ہے۔ اس میں ایک کمرہ عملے کے بیٹھنے اور ایک سٹور روم کے طور پر استعمال ہوتا ہے۔

لائبریری کے انچارج سعید احمد بتاتے ہیں کہ وہ 1992ء سے یہاں کام کر رہے ہیں اور اس عرصہ میں لائبریری کو کہیں سے کوئی فنڈ نہیں ملے۔

&quot;لائبریری میں فرنیچر کی کمی ہے۔الماریاں 18 سال پرانی ہیں۔ لائبریری میں صرف چار میزیں اور 20 کرسیاں ہیں۔ بیشتر کتابیں وہی ہیں جو لائبریری کے قیام کے وقت دی گئی تھیں۔ 2020ء میں میونسپل کمیٹی نے 200 کتابیں فراہم کیں اور کچھ عرصہ پہلے نجی ادارے ایف ایف سی ماتھیلو نے 400 کتب عطیہ کی ہیں۔ یہاں مجموعی طور پر&nbsp; دو ہزار 700 کتابیں ہیں جن کی حفاظت کا مناسب انتظام نہیں ہے۔&quot;

تعلقہ لائبریری میں ایک سال پہلے تک 30 سے زیادہ سندھی اور اردو اخبارات آتے تھے جو بل ادا نہ ہونے کی وجہ سے بند ہو چکے ہیں۔

اب یہاں صرف چار سندھی اخبار آتے ہیں۔ لائبریری میں یہ اخبار پہنچانے والے ہاکر کا کہنا ہے کہ پچھلے پانچ سال سے کبھی وقت پر بل ادا نہیں کیا گیا اور اب بھی لائبریری کے ذمے چھ ماہ کا بل واجب الادا ہے۔

یہ لائبریری میونسپل کمیٹی چلاتی ہے۔ پانچ ماہ تک بل ادا نہ کرنے کی وجہ سے اس سال جنوری میں لائبریری کی بجلی کاٹ دی گئی تھی جو اب تک بحال نہیں ہوئی۔

تین سال پہلے میونسپل کمیٹی نے لائبریری کی عمارت کی مرمت کرائی، اس میں ٹائلیں لگوائیں اور بیرونی دروازے کے سامنے چھوٹا سا لان بھی بنایا گیا۔ لیکن دیکھ بھال نہ ہونے کے سبب ٹائلیں اکھڑ گئی ہیں اور لان ویران پڑا ہے۔

لائبریری میں پانچ ملازم کام کرتے ہیں جن میں انچارج کے علاوہ ایک کلرک، دو اٹینڈنٹ اور ایک چوکیدار شامل ہیں۔

ان کی تنخواہ میونسپل کمیٹی سے آتی ہے۔ سعید احمد میونسپل کمیٹی میں لائبریری کے لئے مختص ہونے والے سالانہ بجٹ کے بارے میں کچھ نہیں جانتے۔

ان کا کہنا ہےکہ وہ کمیٹی کو کئی مرتبہ تحریری طور پر کہہ چکے ہیں کہ لائبریری کی بجلی بحال کرائی جائے اور اس میں سہولتیں مہیا کی جائیں لیکن ان کی شکایات پر کبھی کوئی کارروائی نہیں ہوئی۔

2017ء کی مردم شماری کے مطابق ضلع گھوٹکی کی آبادی ساڑھے 16 لاکھ تھی اور تعلقہ میرپور ماتھیلو کی سوا چار لاکھ۔

تعلقے کے صدر مقام میرپورماتھیلو شہر میں لڑکوں اور لڑکیوں کے ڈگری کالج اور ہائی سکول قائم ہیں۔

شہر میں چار بڑے پرائیوٹ سکول بھی ہیں جن میں بارہویں جماعت تک تعلیم دی جاتی ہے۔ ان تمام ادروں میں سے صرف ایک نجی سکول میں ہی لائبریری موجود ہے لیکن اس سے صرف سکول کے طلبہ ہی استفادہ کر سکتے ہیں۔

لائبریری میں سہولتوں کے فقدان اور اس کے لئے مختص کردہ فنڈ کی بابت میونسپل ایڈمنسٹریٹر زاہد نائچ سے کئی مرتبہ رابطہ کیا گیا لیکن انہوں نے کسی سوال کا جواب نہیں دیا۔

مقامی سماجی رہنما علی نواز جلبانی سمجھتے ہیں کہ لائبریریاں نوجوان نسل کو منفی سرگرمیوں سے بچاتی اور انہیں مثبت راہ پر ڈالتی ہیں۔

&quot;اگر تعلقہ لائبریری کو ضروری سہولیات سے مزین کر دیا جائے تو یہ شہر کے نوجوانوں پر احسان ہو گا&quot;۔

کتابیں جمنیزیم میں ڈھیر اور عمارت پر تالا: کیا تربت پبلک لائبریری پر قبضہ ہو چکا ہے؟

میرپور ماتھیلو کی تعلقہ پبلک لائبریری کا 'آنکھوں دیکھا حال'

عظمت مہر چند ماہ بعد محکمہ ریلوے سے ریٹائر ہونے والے ہیں۔ان کا خیال تھا کہ اب وہ بھاری اوزاروں سے بھرا بیس کلو وزنی تھیلہ اپنے کندھے سے اتار کر آرام کریں گے لیکن انہیں لگتا ہے کہ آرام ان کے نصیب میں نہیں ہے۔

عظمت کا تعلق سندھ کے ضلع گھوٹکی سے ہے جہاں وہ میرپور ماتھیلو ریلوے اسٹیشن پر گینگ مین کی حیثیت سے مستقل ملازم ہیں۔

گینگ مین کا کام ریل کی پٹڑی کی مرمت کرنا اور اسے فعال رکھنا ہوتا ہے۔ یہ لوگ اپنے قدیم زمانے کے اوزاروں کا تھیلا اٹھائے دن بھر پٹڑی کے ساتھ ساتھ کئی کلومیٹر کا سفر کرتے ہیں۔ بعض اوقات انہیں ٹریک کی مرمت والی جگہ تک پہنچنے کے لیے پٹڑی پر چلنے والی گاڑی تو مل جاتی ہے لیکن انگریزوں کے زمانے کی اس ہتھ گاڑی کو بھی خود دھکیلنا پڑتا ہے جو بجائے خود ایک کڑی مشقت ہوتا ہے۔

دنیا بھر میں ریل کا نظام جدید ہو رہا ہے لیکن پاکستان ریلوے کے گینگ مین اب بھی پرانے طریقوں سے کام کرتے ہیں۔ خستہ حال پٹڑی کو اکھاڑنا ہو، اس کی مرمت کرنی ہو یا نئی پٹڑی بچھانی ہو، گینگ مین یہ کام انہی اوزاروں کے ذریعے ہاتھوں سے کرتے ہیں۔ یہ کام بھاری ہونے کے ساتھ ساتھ بے حد احتیاط کا بھی تقاضا کرتا ہے کیونکہ ذرا سی غلطی حادثے کا باعث بن سکتی ہے۔

عظمت کا جواں سال بیٹا کام کے دوران اسی طرح کے ایک حادثے میں جان سے ہاتھ دھو بیٹھا۔ اب اسکی بیوا اور ایک معذور بیٹی سمیت اس کے تین چھوٹے بچوں کو سنبھالنے کی ذمہ داری بھی عظمت کے کندھوں پر آن پڑی ہے۔ وہ یہ سوچ سوچ کر پریشان ہیں کہ اپنی معمولی سی پنشن میں اپنے خاندان کو کیسے پالیں گے۔

عظمت تو ریلوے کے مستقل ملازم ہیں لیکن ان کا بیٹا کنٹریکٹ پر عارضی ملازم تھا۔ اگرچہ اس کی وفات ڈیوٹی کے دوران ہوئی لیکن محکمے نے اس کے اہلخانہ کی کوئی مالی معاوضہ یا امداد نہیں دی۔

گینگ مین دوسرے پے سکیل کا ملازم ہوتا ہے۔ اس سے اوپر کی مین کا عہدہ ہے جسے تیسرا سکیل ملتا ہے جبکہ پانچویں سکیل میں کام کرنے والا میٹ گینگ مین کا انچارج ہوتا ہے۔

جو ملازمین مستقل بنیادوں پر بھرتی ہوتے ہیں ان کی تنخواہ میں سالانہ اضافہ ہوتا ہے اور انہیں سنیارٹی کی بنیاد پر یا تو اگلے سکیل میں ترقی ملتی ہے یا اس کے عوض ان کی تنخواہ میں اضافہ ہوتا ہے لیکن کنٹریکٹ پر کام کرنے والے یا &#39;کچے&#39; ملازموں کو بس ماہانہ 25 ہزار روپے ادا کیے جاتے ہیں اور کوئی مراعات نہیں دی جاتیں۔

گھوٹکی اسٹیشن پر تعینات گینگ مین احسان علی بتاتے ہیں کہ وہ پچھلے بارہ سال سے کنٹریکٹ پر کام کر رہے ہیں اور انہیں ماہانہ تنخواہ بھی باقاعدگی سے نہیں ملتی۔ وہ چار بچوں کے باپ ہیں اور کرایے کے مکان میں رہتے ہیں۔ غربت کے باعث وہ اپنے دو بچوں کو ہی پڑھا لکھا رہے ہیں۔

ان کا کہنا ہے کہ اگر کسی حادثے میں کوئی کنٹریکٹر ملازم ہلاک ہو جائے تو اسے یا اس کے اہلخانہ کو کوئی معاوضہ نہیں ملتا۔ دوران ڈیوٹی حادثوں میں معذور ہونے والوں کے لیے بھی کچھ نہیں کیا جاتا بلکہ انہیں محکمہ انہیں نوکری سے نکال دیتا ہے۔

صرف گھوٹکی میں پچھلے ایک سال میں پانچ گینگ مین حادثات کا شکار ہو چکے ہیں جن میں عظمت کا بیٹا تو زندگی ہی ہار گیا جبکہ باقی چار عمر بھر کے لیے معذور ہو گئے۔

وہ یہ بھی بتاتے ہیں کہ گینگ مین کو کام کے دوران کسی قسم کا حفاظتی سامان جیسے ہیلمٹ، مخصوص جوتے اور یونیفارم بھی میسر نہیں ہوتا۔

<h2>پکی ڈیوٹی، کچے ملازم</h2>

پنوعاقل سے صادق آباد تک ریل کی پٹڑی پر 200 گینگ مین ملازم ہیں۔ عام طور پر ان کے کام کا دورانیہ آٹھ گھنٹے ہوتا ہے لیکن ہنگامی حالات میں انہیں چوبیس سے اڑتالیس گھنٹے تک بھی کام کرنا پڑتا ہے۔ اپنے کام کے علاوہ ان سے پٹڑی کی نگرانی کرنے کی اضافی ذمہ داری بھی لی جاتی ہے حالانکہ اس کام کے لیے ریلوے پولیس بھی موجود ہے۔

گھوٹکی میں گینگ مین کی حیثیت سے کام کرنے والے عملے کے انچارج اختر علی کلہوڑو ان ملازموں کے حالات کار کو &#39;جبری مشقت&#39; قرار دیتے ہیں۔ ان کا کہنا ہے کہ گھوٹکی کے علاقے گنگی سے پنجاب میں صادق آباد تک 70.73 کلومیٹر ٹریک پر ایک سو 26 گینگ مین کام کر رہے ہیں جن میں 46 عارضی کنٹریکٹ ملازم ہیں۔ اتنے لمبے ٹریک کے لیے زیادہ ملازمین کی ضرورت ہے لیکن پچھلے دس سال میں کوئی نیا ملازم بھرتی نہیں کیا گیا اور کام کا فاضل بوجھ بھی موجودہ ملازمین ہی اٹھا رہے ہیں۔

کنٹریکٹ پر کام کرنے والے گینگ مین غالب حسین کہتے ہیں کہ ان جیسے ملازمین کو نہ تو تنخواہ باقاعدگی سے ملتی ہے اور نہ ہی اوور ٹائم دیا جاتا ہے۔ ڈیوٹی کے دوران ملازمین کو اپنے کھانے کا انتظام بھی خود کرنا پڑتا ہے اور سرکاری کام سے آنے جانے کے لیے کرایہ بھی اپنی جیب سے ادا کرنا ہوتا ہے۔

جو گینگ مین اپنے شہر سے باہر ڈیوٹی دیتے ہیں انہیں محکمے کی طرف سے رہائش کی سہولت بھی نہیں ملتی اور انہیں کرایے کے مکانوں میں رہنا پڑتا ہے۔ میرپور ماتھیلو ریلوے سٹیشن پر گینگ مین کے طور پر کام کرنے والوں کے لیے انگریز دور میں بنائے گئے کوارٹر تو موجود ہیں لیکن یہ اس قدر خستہ حال ہو چکے ہیں کہ ان میں رہنا ممکن نہیں ہے۔ کرایے کے مکانوں میں رہنے والے ان مزدوروں کو کسی طرح کا کوئی رہائش الاؤنس بھی نہیں دیا جاتا۔

ریلوے ملازموں کی تنظیم پریم یونین کے مرکزی سیکرٹری جنرل خیر محمد تونیو کو شکوہ ہے کہ ہر حکومت وعدہ کرتی ہے کہ وہ ریلوے مزدوروں مستقل کر دے گی لیکن بات وعدے سے آگے نہیں بڑھتی۔ ریلوے کے سابق وزراء شیخ رشید اور ان کے بعد خواجہ سعد رفیق یہ وعدہ کر چکے ہیں جو تاحال ایفا نہیں ہوا۔ ان کے مطابق ریلوے میں بڑی تعداد میں اسامیاں خالی ہیں اور اگر تمام عارضی ملازموں کو مستقل کر دیا جائے تب بھی بہت سی اسامیاں خالی رہیں گی۔

خیرمحمد کا یہ بھی کہنا ہے کہ قانون کے مطابق جو ملازم 90 روز تک کنٹریکٹ پر کام کر لیتا ہے وہ مستقل ملازمت کا حق دار ہو جاتا ہے۔ لیکن صورتحال یہ ہے کہ جو گینگ مین دس دس سال سے کام کر رہے ہیں انہیں بھی مستقل نہیں کیا جا رہا۔

سندھ ہائی کورٹ کے لاڑکانہ بینچ میں کنٹریکٹ ملازمین کو مستقل کرنے کا مقدمہ چار سال سے زیرسماعت ہے جس پر ابھی تک فیصلہ نہیں آیا۔

<h2>&#39;ہماری وزارت حساس ہے&#39;</h2>

گینگ مینوں کے حالت کار اور ان کی ضرورت سے کم تعداد صرف چند ملازمین کے حقوق کی پامالی کا ہی مسئلہ نہیں بلکہ یہ ریلوے ٹریک کو خستہ حال بنانے کا ذمہ دار بھی ہے جس سے ریل حادثوں کے امکانات بڑھ جاتے ہیں۔

7 جون 2021 کو گھوٹکی کے ریتی اسٹیشن کے قریب پٹڑی خراب ہونے کی وجہ سے پیش آنے والے حادثے میں 66 افراد ہلاک اور 130 زخمی ہو گئے تھے۔ اس حادثے کی انکوائری رپورٹ میں بتایا گیا کہ اسٹیشن کے قریب پٹڑی ٹوٹ گئی تھی جسے درست طریقے سے جوڑا نہیں گیا تھا۔ چنانچہ جب ٹرین وہاں سے گزری تو بوگیاں ٹریک سے اتر گئیں۔

اسی رپورٹ میں یہ بھی بتایا گیا کہ روہڑی سے ملتان کے درمیان 13 جگہوں پر پٹڑی انتہائی خستہ حال ہے۔ اسی ٹریک پر 17 دسمبر 2022 کو گھوٹکی میں ایک مال بردار ٹرین کا انجن اور تین بوگیاں پٹری سے اتر گئی تھیں۔

ٹرینوں کو زیادہ تر حادثات پٹڑی خراب ہونے کی وجہ سے پیش آتے ہیں۔ ریلوے کی ایک رپورٹ کے مطابق 2020 میں ملک بھر میں ٹرینوں کے حادثات کی تعداد 152 تھی جو 22-2021 میں کم ہو کر 56 پر آ گئی۔

گینگ مینوں کے نمائندے کہتے ہیں اس بہتری میں ان کا خون پسینہ بھی شامل ہے لیکن انہیں کبھی اس کا صلہ نہیں ملتا اور ان کی حالت جوں کی توں ہی رہتی ہے۔

کنٹریکٹ ملازمین کو استحقاق کے باوجود مستقل نہ کیے جانے کی وجوہات جاننے کے لیے جب سکھر کے ڈویژنل سپریٹنڈنٹ ریلوے کے آفس سے رابطہ کیا گیا تو وہاں سے جواب ملا کہ &#39;&#39;ہماری وزارت حساس ہے اور اسی لیے ہمیں میڈیا سے بات کرنے کی اجازت نہیں۔&#39;&#39;

برکت میرانی