Discover the root causes of the annual smog crisis in Punjab during October and November, its devastating effects on health and the environment, and potential solutions to combat air pollutio

Causes and Solutions: Tackling Smog in Punjab

نومبر 2024ء کے ابتدائی دو ہفتوں میں لاہور میں رہنے والوں کو دنیا کی بدترین فضائی آلودگی کا سامنا کرنا پڑا، جس میں سانس لینا ایک سنگین چیلنج بن چکا تھا۔

ان دنوں میں لاہور کا ائیر کوالٹی انڈکس 600 سے لے کر 2000 تک گیا۔ جو عالمی ادارہ صحت کے فضائی آلودگی کی بدترین حد سے کئی گنا زیادہ ہے۔

عالمی ادارہ صحت 300 سے اوپر کی ریڈنگ کو صحت کے لیے انتہائی خطرناک قرار دیتا ہے۔

کبھی باغات اور خوشبوؤں کا شہر کہلانے والا لاہور، سموگ کی ایسی گھنی چادر میں ڈوبا کہ خلا سے سموگ کے سوا شہر کا کوئی حصہ نظر نہیں آتا تھا۔

ڈاکٹر کرن سراج لاہور یونیورسٹی آف مینجمنٹ سائنسز(لمز) میں موسمیاتی تبدیلی کی روک تھام کے لیے تحقیق کررہی ہیں۔ وہ سمجھتی ہیں کہ فضائی آلودگی کی اس سنگینی کے محرکات میں انسانی اور قدرتی دنوں اقسام کے عوامل شامل ہیں۔

قدرتی عوامل میں موسم، محل وقوع اور ہوا کی رفتار جبکہ انسانی عوامل میں گاڑیوں اور فیکٹریوں کا دھواں شامل ہے جس میں آلودہ ذرات اور گیسیں پائی جاتی ہیں۔

ان کا ماننا ہے کہ سموگ، دھند (fog) میں فضائی آلودگی کی آمیزش ہے۔ پنجاب میں سردیوں کے موسم میں دھند تو اکثر ہوتی ہے جو دراصل درجہ حرارت گرنے کی وجہ سے نمی کے فضا میں معلق ہونے سے بنتی ہے اور آہستہ آہستہ زمین پر اترتی ہے۔ 
 
اسی دوران جب زمین سے اٹھنے والی مضر گیسیں اور زہریلے ذرات فضا میں پہنچتے ہیں تو وہ نمی کے ساتھ مل جاتے ہیں۔ کاربن اور دیگر گیسوں کے ان ذرات کے نمی سے ملاپ کے بعد کی صورتحال کو سموگ کہا جاتا ہے۔

وہ اس بات کی سائنسی توضیح اس طرح کرتی ہیں کہ سموگ زمینی اوزون، مضر صحت پرائمری اور سیکنڈری ذرات کا مرکب ہے۔

صوبہ پنجاب میں نومبر کے دوسرے ہفتے سموگ اتنی شدت اختیار کرگئی کہ پنجاب حکومت کو سکولوں میں چھٹیوں سمیت شہر کے مختلف علاقوں میں سمارٹ لاک ڈاؤن کے ساتھ صحت کی ہنگامی صورت حال کا نفاذ کرنا پڑا۔

محکمہ صحت پنجاب کی ایک رپورٹ کے مطابق 14 نومبر تک فضائی آلودگی کی وجہ سے سانس سے جڑی بیماریوں کے صوبہ میں 19 لاکھ 30 ہزار کیس رپورٹ ہوئے جن میں 12 لاکھ 62 ہزار مریض صرف لاہور میں تھے۔

ڈاکٹر کرن کے مطابق سموگ میں پائے جانے والے صحت کے لیے انتہائی مضر ذرات کی دو اقسام ہیں۔پہلی قسم گردوغبار، فصلوں کی باقیات، لکڑی، پیٹرول اور کوئلے کو جلانے سے پیدا ہونے والے ٹھوس ذرات ہے جنہیں پارٹیکل میٹیریلز کہا جاتا ہے۔ دوسری قسم کے ذرات انہی ذرائع سے پیدا ہونے والی مائع یا گیس کی حالت میں ہوتے ہیں اور فضا ئی آلودگی کا سبب بنتے ہیں۔

<h2>مضر ذرات سموگ کا باعث کیسے بنتے ہیں؟</h2>

سائنسی تحقیق کے مطابق گاڑیوں، فیکٹریوں اور کوئلے کے جلنے سے پیدا ہونے والے دھویں میں موجود مختلف گیسیں اور مادے زمین پر اوزون گیس بنانے کا سبب بنتے ہیں۔ اوزون انسانی صحت کے لیے انتہائی مضر گیس ہے۔

عام حالات میں اوزون دوبارہ سے نائٹروجن ڈائی آکسائیڈ میں بدل جاتی ہے اور زمین کے قریب جمع نہیں ہوتی۔

لیکن زیادہ نمی، ہوا کی کم رفتار اور 20 سے 24 ڈگری سینٹی گریڈ درجہ حرارت جیسے فضائی اور موسمیاتی عوامل کی وجہ سے اس میں موجود آلودہ ذرات اور گیسیں اسی حالت میں فضا میں معلق ہوجاتے ہیں۔

سموگ میں موجود چھوٹے ذرات میں سب سے خطرناک پی ایم 2.5 ہے، یہ ذرات بھی گاڑیوں، فیکٹریوں اور گھروں میں استعمال ہونے والے ایندھن، فصلوں کی باقیات کو جلانے سے بنتے ہیں۔

پی ایم 2.5 اس قدر چھوٹے ہوتے ہیں کہ انسانی آنکھ ان کو ںہیں دیکھ سکتی کیوں کہ یہ حجم میں انسانی بال سے بھی 30 گنا چھوٹے ہوتے ہیں۔

ان&nbsp; ذرات کی ہوا میں مقدار عالمی ادارہ صحت کی گائیڈ لائن کے مطابق سالانہ اوسط پانچ&nbsp; جبکہ تین سے چار روز تک کی اوسط 15 سے زیادہ نہیں ہونی چاہیے۔

مطلب یہ ہے کہ 2.5 مائیکرومیٹر حجم کے ذرات ایک کیوبک میٹر ہوا (ایسا ڈبہ جو چاروں اطراف میں ایک میٹر ہو، یعنی تقریبا ایک ریفریجریٹر کا سائز)میں 15 مائیکرو گرام سے زیادہ نہیں ہونے چاہئیں۔

لیکن لاہور میں 14 نومبر کو ان ذرات کی مقدار 631.7 تک ریکارڈ کی گئی۔

اسی طرح دو نومبر سے 15 نومبر تک یہ مقدار کسی دن بھی214.7 سے کم نہیں ہوئی۔

<h2>یہیں چراغ جلے تھے دھواں کہاں جائے</h2>

حکومت پنجاب کے محکمے اربن یونٹ کی رپورٹ کے مطابق لاہور میں ٹرانسپورٹ، انڈسٹری، فصلوں کی باقیات اور کوڑے کو جلانے کے ساتھ کاروباری اور گھریلو ذرائع آلودہ ذرات اور گرین ہاؤس گیسز کا باعث بنتے ہیں۔

گرین ہاؤس گیسوں میں کاربن ڈائی آکسائیڈ، میتھین، اوزون، نائٹرس آکسائیڈ، کلورو فلورو کاربن اور پانی کے بخارات شامل ہیں۔ پانی کے بخارات کو گرین ہاؤس گیس میں اس لیے شامل کیا گیا ہے کہ یہ درجہ حرارت کی تبدیلی پر ان گیسوں کے ساتھ مل کر ان کا اثر بڑھاتے ہیں۔

رپورٹ کے مطابق ٹرانسپورٹ سیکٹر کا آلودگی میں حصہ 83.15 فیصد ہے، انڈسٹری 9.7، زراعت 3.9 اور کوڑےجلانے سے 3.6 فیصد آلودگی پیدا ہوتی ہے۔ کمرشل اور گھریلو ذرائع 0.14 اور 0.11 فیصد کا حصہ ڈالتے ہیں۔

ٹرانسپورٹ کا شعبہ لاہور کی فضائی آلودگی کا سب سے بڑا سبب ہے۔

اربن یونٹ کی رپورٹ یہ بھی بتاتی ہے کہ 2011ء سے لے کر اب تک پچھلے 13 سالوں میں لاہور میں گاڑیوں کی تعداد میں تین گنا سے بھی زیادہ اضافہ ہوا ہے۔

2011ء میں شہر میں رجسٹرڈ گاڑیوں کی تعداد 23 لاکھ 90 ہزار تھی جو ایکسائز ڈیپارٹمنٹ پنجاب کے مطابق بڑھ کر&nbsp; اب ساڑھے 73 لاکھ ہوچکی ہے، یہ صوبے میں کل گاڑیوں کا 31 فیصد ہیں۔

ڈاکٹر کرن سراج بھی تائید کرتی ہیں کہ لاہور میں ٹریفک کا بہت زیادہ دباؤ سموگ کی مقدار بڑھاتا ہے۔

گاڑیوں کے تعداد زیادہ ہونے کی ایک بڑی وجہ تیزی سے ہوتی ہوئی اربنائزیشن ہے، جس سے ناصرف گاڑیوں کی تعداد بلکہ تعمیرات میں بھی اضافہ اور سبز ے میں کمی آئی ہے۔

پچھلے 30 سالوں میں لاہور کے سبز رقبے میں 392.78 مربع کلومیٹر کمی آئی ہے، جو کہ تقریباً 97 ہزار ایکڑ کے برابر بنتی ہے۔ اسی دوران تعمیر شدہ رقبہ 113.85 مربع کلومیٹر بڑھا ہے، جو تقریباً&nbsp; 28 ہزار ایکڑ کے برابر ہے۔

شہر میں گرد و غبار، تعمیراتی میٹریل سے اڑنے والے ذرات اور گیسیں فضائی آلودگی میں اضافہ کا باعث بنتے ہیں۔ تیزی سے بڑھتی ہوئی اربنائزیشن دنیا بھر میں گرین ہاؤس گیسوں کے اخراج کی ایک اہم وجہ ہے۔ تاہم وسیع گرین ایریاز&nbsp; فضائی آلودگی میں کمی&nbsp; لاتے ہیں۔ 
ٹرانسپورٹ کے بعد لاہور میں آلودگی کا دوسرا بڑا سبب صنعتیں ہیں۔

لاہور میں رجسٹرڈ فیکٹریوں کی تعداد 2015ء تک چار ہزار 800 اور بھٹوں کی تعداد 230 تھی۔ زیادہ تر فیکٹریوں اور بھٹوں میں دھویں کو صاف کرنے والے بفرز نہیں لگے ہوئے اور وہ رہائشی علاقوں کے 20 کلومیٹر کے فاصلے کے اندر واقع ہیں۔ان کے ساتھ لوکل کول اور گیس پر چلنے والے پاور پراجیکٹ بھی سموگ کا سبب ہیں۔

بڑھتی ہوئی گاڑیاں، اربنائزیشن، آبادی اور صنعتیں تو دنیا کے کئی شہروں میں بھی ہیں بلکہ آبادی کے لحاظ سے پاکستان کے سب سے بڑے شہر کراچی میں بھی یہ تمام عوامل کار فرماء ہیں مگر سموگ کی شدت میں لاہور، دہلی ہی سرفہرست کیوں ہیں؟

جب فضائی آلودگی ان شہروں کے جغرافیائی محل و قوع اور مخصوص موسمیاتی عوامل سے مل جاتی ہے تو حالات سموگ کے لیے مزید سازگار ہوجاتے ہیں۔ اس کے لیے ہمیں کچھ قدرتی عوام کو سمجھنا ہوگا۔ 
ممکن نہیں ہواؤں سے رشتہ کیے بغیر - ٹمپریچر انورژن

درجہ حرارت کا پلٹنا یا ٹمپریچر انورژن کی موسمیاتی اصطلاح کو سمجھنے کے لیے اس اصول کو ذہن میں رکھنا ہوگا کہ عمومی حالات میں گرم ہوا زمین سے اوپر اٹھتی ہے اور زمین پر پیدا ہونے والے مضر صحت ذرات کو فضا میں بکھیرتی رہتی ہے۔

گرم ہوا بلا روک ٹوک اوپر جاتی رہے تو زمینی سطح کے قریب سرد ہوا اس کی جگہ لیتی رہتی ہے، اس عمل کو ہوا کا چلنا کہتے ہیں۔ ہوا کی رفتار جس قدر تیز ہوگی وہ اسی تیزی سے اوپر اٹھتی رہے گی اور ٹھنڈی ہوا اسی تیزی سے اس کی جگہ لیتی رہے گی۔

سردیوں کے آنے پر درجہ حرارت بتدریج گرتا ہے تو زمین کے قریب والی ہوا جلد ٹھنڈی ہوجاتی ہے لیکن&nbsp; اوپر والی ہوا قدرے گرم رہتی ہے۔ اسی دوران ہوا میں موجود ذرات گرم اور سرد ہوا کے درمیان پھنس کر معلق ہوجاتے ہیں اور ان کی وسیع تہہ بن جاتی ہے۔سموگ کی چادر ٹھنڈی ہوا اوپر کی گرم ہوا کے درمیان تن جانے سے ہوا چلنے کے امکانات مزید کم ہوجاتے ہیں۔یہ عمل ٹمپریچر انورژن کہلاتا ہے۔

<h2>دلی نزدیک است</h2>

لاہور اور دہلی ایسے مقام پر واقع ہیں جہاں شمال سے آنے والی ہواوں کے راستے میں کوہ ہمالیہ کا پہاڑی سلسلہ رکاوٹ بنتا ہے جس کی وجہ سے یہاں ان کی رفتار شدید کم ہوجاتی ہے۔

ہوا کی کوالٹی ماپنے والے ادارے آئی کیو ایئر کے مطابق سموگ کی شدت والے دنوں میں لاہور میں ہوا کی رفتار 7.2 کلومیٹر فی گھنٹہ یا اس سے کم رہی ہے، 14 نومبر کو جس دن ایئر کوالٹی انڈکس 11 سو سے اوپر تھا اور ہوا میں آلودہ ذرات(پی ایم 2.5) کی مقدار 631 تھی اس دن لاہور میں ہوا کی رفتار 3.4 کلومیٹر فی گھنٹہ ریکارڈ کی گئی۔

سائنسی تحقیق یہ بتاتی ہے کہ 7.2 کلومیٹر فی گھنٹہ یا اس سے کم رفتار کی ہوا فضائی آلودگی کی شدت کو بڑھا دیتی ہے۔

سموگ کی چادر کو بکھیرنے کے لیے ہوا کی سازگار رفتار10 سے 18 کلومیٹر کے درمیان ہونی چاہیے۔

ڈاکٹر کرن سراج لاہور، ملتان، فیصل آباد یا دہلی کو درپیش سموگ کے مسئلے کی دوسری اہم وجہ ہوا کی سمت کو بھی بتاتی ہیں۔

&quot;ہوائیں مختلف اطراف سے پاکستان میں داخل ہوتی ہیں، تاہم ان کی سمت ایسی ہوتی ہے کہ وہ باہر کی جانب نکلنے کے بجائے مخصوص جگہ پر چکر کاٹتی رہتی ہیں۔ ان کے ساتھ آلودگی پیدا کرنے والی گیسیں اور ذرات بھی ایک ہی جگہ گھومتے رہتے ہیں۔

<h2>درجہ حرارت میں اضافہ</h2>

سموگ کی چادر میں پھنسے مضر صحت ذرات اور گیسوں&nbsp; کی &quot;رہائی&quot; کے لیے ضروری ہے کہ اوپر والی ہوا قدرے ٹھنڈی ہوجائے یا پھر اس کی حرکت تیز ہوجائے۔

ایشین ترقیاتی بنک کی رپورٹ کے مطابق پچھلے 50 سال میں پاکستان کے سالانہ اوسط درجہ حرارت میں 0.5 سینٹی گریڈ کا اضافہ ہوا ہے اور گرم موسم کا دورانیہ بھی زیادہ ہوگیا ہے۔

وفاقی محکمہ موسمیات کی حالیہ رپورٹ یہ بتاتی ہے کہ اکتوبر 2024ء پاکستان کی تاریخ کا گرم ترین اکتوبر تھا۔

ملک میں اس ماہ کا اوسط درجہ حرارت 23.59 سینٹی گریڈ ہے لیکن اکتوبر 2024ء میں درجہ حرارت 25.46 سینٹی گریڈ ریکارڈ کیا گیا جو معمول سے 2.48 سینٹی گریڈ زیادہ تھا۔ اسی طرح نصف نومبر تک دن کا درجہ حرارت 20 اور24&nbsp; ڈگری سینٹی گریڈ رہا ہے، درجہ حرارت کا کم نہ ہونا زمینی اوزون اور آلودہ ذرات کو قید کرنے کے لیے سازگار ماحول پیدا کرتا ہے۔

<h2>بارش میں کمی</h2>

سموگ کو کم کرنے میں ہوا کی تیز رفتاری کے ساتھ بارش کا ہونا بھی مدد گار ہوتا ہے کیونکہ بارش ہوا میں معلق آلودہ ذرات کو زمین پر بیٹھا دیتی اور فضا کو صاف کرتی ہے، اس کے علاوہ زمینی اوزون میں مقید گرین گیسوں کو ختم کرتی ہے۔

لیکن یہاں قابل غور بات یہ ہے کہ رواں سال اکتوبر میں بارش بھی اوسط سے 40 فیصد تک کم ہوئی، پنجاب میں اس مہینے بارش کی اوسط مقدار 8.1 ملی میٹر ہے لیکن اکتوبر 2024 میں صرف 4.8 ملی میٹر ہی بارش ریکارڈ کی گئی۔

<h2>حل کیا ہے؟</h2>

ڈاکٹرکرن سراج کا کہنا ہے کہ مسئلے کا فوری حل ممکن نہیں، لیکن مختصر مدتی منصوبے اس میں کمی لا سکتے ہیں۔

&quot;مثال کے طور پر2020 میں کووڈ-19 لاک ڈاؤن کے دوران صنعتی اور گاڑیوں کی سرگرمیوں میں کمی کی وجہ سے پی ایم 2.5 ذرات میں تقریباً 50 فیصد کمی ہوئی تھی۔&quot;

وہ کہتی ہیں کہ صنعتیں بند اور گاڑیاں کم استعمال ہوں گی تو آلودگی میں کمی آئے گی، لیکن اس سے معیشت متاثر ہو سکتی ہے۔ ضروری ہے کہ ایسے اقدامات کیے جائیں جن سے معیشت پر منفی اثر نہ پڑے، جیسے سمارٹ لاک ڈاؤن، جسے دیگر ممالک میں کامیابی سے اپنایا گیا ہے۔

&quot;پبلک ٹرانسپورٹ کے نظام کو بہتر بنانا ہوگا تاکہ لوگ اپنی گاڑیوں کے بجائے اس پر سفر کریں۔ شہری منصوبہ بندی میں پیدل چلنے والوں کے لیے محفوظ راستے، درختوں کا سایہ، اور دیگر سہولیات فراہم کرنی ہوں گی تاکہ لوگ زیادہ فاصلے تک پیدل چل سکیں۔&quot;

وہ کہتی ہیں کہ اس مسئلے سے مستقل نمٹنے کے لیے فوسل فیول سے چلنے والے پلانٹس کو قابل تجدید توانائی میں تبدیل کرنا، کاربن اخراج کے قوانین سخت کرنا، بجلی سے چلنے والی گاڑیوں کی حوصلہ افزائی کرنا، اور کسانوں کو فصل کی باقیات کے بہتر استعمال کے لیے تربیت دینا ضروری ہے۔

فصائی آلودگی میں کمی کے لیے گرین لاک ڈاؤن کے منفی نتائج کون بھگت رہا ہے؟

سموگ: یہ دھواں کہاں سے اٹھتا ہے؟

text

Exploring the 76-year struggle of minorities in Pakistan, their challenges, and potential pathways for a lasting solution. Can Pakistan ensure equal rights and protections for all religious a

Minorities in Pakistan: Can a Lasting Solution Be Found After 76 Years?

لیپ آف فیتھ: اقلیتی رہنماؤں کے ساتھ پوڈ کاسٹ سیریز- پیٹر جیکب

video

An in-depth look into the lives of daily-wage sanitary workers in Sheikhupura. With low wages, lack of job security, and harsh working conditions, these workers face immense challenges in the

Struggling to Survive: The Daily-Wage Sanitary Workers of Sheikhupura

دن کے ایک بجے کے قریب اقبال اور ان کے تھکے ماندے ساتھی پانی کی ایک پرانی ٹنکی کے نیچے جمع ہو رہے ہیں۔ ایک دن پہلے ہونے والی بارش کی وجہ سے ہر طرف کیچڑ ہے۔ پندرہ سینیٹری ورکرز کا یہ گروپ بوسیدہ اور پھٹے ہوئے کپڑوں میں ملبوس ہے۔ ان میں سے کچھ کے پیروں کے ناخن گٹروں کے کالے کیچڑ سے بھرے ہیں۔ ان کی شفٹ صبح 10 ختم ہوتی ہے اور اب وہ اپنے سپروائزر کا انتظار کر رہے ہیں جو ان کی دوسری شفٹ میں حاضری لگا کر انہیں ڈیوٹی سونپے گا۔

شیخوپورہ شہر کی یونین کونسل 60 میں گلیوں اور کھلے نالوں کو صاف رکھنے اور سیور کو تمام ہفتے چوبیس گھنٹے ٹھیک طرح سے چلائے رکھنے کے ذمہ دار یہ سبھی مسیحی سینیٹری ورکرز یومیہ اجرت پر کام کرتے ہیں۔

ان میں سے کچھ کو کام کرتے&nbsp; 20 سال سے زائد کا عرصہ ہو چکا ہے، لیکن وہ اب بھی مستقل ملازمت، پنشن، الاؤنس، گریجویٹی یا ڈیوٹی کے دوران موت کے معاوضے سے محروم ہیں۔

<h2>سازوسامان خریدنے کا اضافی مالی بوجھ</h2>

سینیٹری ورکرز&nbsp; کے اس گروپ میں 47 سالہ اقبال سب سے زیادہ عرصے سے یومیہ اجرت پر کام کرنے والے مزدور ہیں۔ وہ گزشتہ 23&nbsp; سال سے تحصیل میونسپل کارپوریشن کے ساتھ کام کر رہے ہیں۔

انہیں 26 دنوں کے کام کے 32 ہزار روپے ملتے ہیں۔ وہ کسی ہنگامی یا خاندانی مصروفیت کی وجہ سے چھٹی کریں تو انہیں اپنی یومیہ اجرت سے محروم ہونا پڑتا ہے۔

&quot;پہلے جب مہنگائی اتنی زیادہ نہیں تھی تو میں کچھ پیسے بچا لیتا تھا لیکن اب یہ ناممکن ہے۔&quot;

وہ اپنے ساتھی کارکنوں کی طرف دیکھتے ہوئے وہ کہتے ہیں کہ وہ سبھی قرض کے شدید دباؤ میں ہیں۔

&quot;مجھ پر تقریبا سات لاکھ روپے کا قرض ہے، بینک والے میری 32 ہزار روپے ماہانہ اجرت میں سے 13 ہزار روپے کاٹ لیتے ہیں۔&quot;

اقبال کا کہنا ہے کہ حکومت نے کم از کم اجرت 37 ہزار روپے مقرر کرنے کا اعلان کیا ہے لیکن ان کی اور ساتھیوں کی تنخواہ میں کوئی اضافہ نہیں کیا گیا۔

ان ورکروں کی مالی مشکلات میں اس وقت اوراضافہ ہوجاتا ہے جب انہیں جھاڑو ، صفائی اور کچرے کو ٹھکانے لگانے کے لیے متعلقہ چیزیں خود خریدنا پڑتی ہیں۔

انہیں خراب ہونے والے سامان کی مرمت کے اخراجات بھی خود ہی پورے کرنا ہوتے ہیں۔

دو بچوں کے والد 27 سالہ آصف 10 سال سے یومیہ اجرت پر کام کر رہے ہیں، ان کو سپروائزر نے کہا کہ اگر وہ کام کرنا چاہتے ہیں تو اپنا صفائی کا ساز و سامان خود لائیں۔

&nbsp;انہوں نے دوستوں سے ادھار لے کر 40 ہزار روپے کی کوڑا اٹھانے والے ٹرالی خریدی ہے۔

&#39;&#39;میں یومیہ مزدور ہوں، مستقل مزدور نہیں، میں کوئی مطالبہ نہیں کر سکتا۔&quot;

لوک سجاگ سے بات کرتے ہوئے ایڈیشنل ڈپٹی کمشنر محمد جمیل ان الزامات کی تردید کرتے ہیں۔

&quot;مجھے کوئی ایسی کوئی شکایت موصول نہیں ہوئی نہ ہی کسی سینیٹری ورکر نے سامان کی کمی کے بارے میں کچھ بتایا۔ کسی نے مجھ سے رابطہ کیا ہوتا تو میں ضرور کارروائی کرتا۔&quot;

<h2>عدم تحفظ کی لٹکتی تلوار</h2>

اقبال، آصف اور ان کے ساتھیوں جیسے یومیہ اجرت پر کام کرنے والوں کو نہ صرف اپنے محدود وسائل میں گزارہ کرنا پڑتا ہے بلکہ وہ اپنے باس کی مرضی پر کسی بھی دن نوکری سے نکالے جانے کے مسلسل خوف کے ساتھ زندگی بسر کرتے ہیں۔

اقبال کے سینئر ساتھی شکیل بتاتے ہیں کہ ایک مرتبہ وہ دوستوں کے ساتھ عدالت میں پٹیشن دائر کرنے کے امکان پر بات چیت کر رہے تھے۔ تحصیل میونسپل آفیسر نے کہیں سے سن لیا اور انہیں معطل کردیا۔

شکیل تو کسی نہ کسی طرح بحال ہوگئے لیکن وہ بتاتے ہیں کہ تمام لوگ ان کی طرح خوش قسمت نہیں تھے۔

شکیل یومیہ اجرت پر کام کرنے والے ان 31 سینیٹری ورکرز کے گروپ کا حصہ تھے جنہوں نے 2013ء سے 2018ء تک پنجاب میں میونسپل کارپوریشنوں کی نگرانی کرنے والی مقامی حکومت کے خلاف کامیاب قانونی جنگ لڑی اور اپنے لیے &#39;مستقل ملازم کا درجہ&#39; حاصل کیا۔

<h2>یومیہ اجرت، ایک مستقل جال</h2>

لوکل گورنمنٹ اینڈ کمیونٹیز ڈپارٹمنٹ کے تحت کام کرنے والی شیخوپورہ شہر کی میونسپل کارپوریشن، سینیٹری ورکرز کے لیے ریگولیٹری باڈی کے طور پر کام کرتی ہے۔ یہ ان کی بھرتی، برطرفی، خدمات کی حیثیت اور سازوسامان کی فراہمی کے لیے ذمہ دار ہے۔ شہر کی مجموعی آبادی پانچ لاکھ، 91 ہزار سے زائد افراد پر مشتمل ہے جو 89 ہزار 70 گھرانوں میں رہائش پذیر ہے۔

یہاں 310 کارکن (175 یومیہ اجرت پر کام کرنے والے اور 135 مستقل ملازم) ہیں جو صفائی ستھرائی کے فرائض انجام دیتے ہیں۔ اس کا مطلب ہے کہ ہر کارکن تقریبا 287 گھروں کی صفائی کی ضروریات کے لیے ذمہ دار ہے۔

&#39;جفاکش مزدور یونین&#39; (جے ایم یو) کے سابق صدر، سینیٹری ورکر شہزاد&nbsp; کہتے ہیں کہ آبادی کے لحاظ سے ورکروں کی تعداد کم ہے۔

افرادی قوت کی یہ کمی موجودہ کارکنوں پر بہت زیادہ دباؤ ڈالتی ہے۔ شہر کو صاف ستھرا رکھنے کی ضرورت کے باوجود پنجاب حکومت یومیہ اجرت پر کام کرنے والوں کو مستقل ملازمت نہیں دے رہی ہے۔

پنجاب حکومت کے سروسز اینڈ جنرل ایڈمنسٹریشن ڈیپارٹمنٹ کے 2021ء کے ایک نوٹیفکیشن میں بڑی تعداد میں بھرتی عارضی ملازمین کی نشاندھی کی گئی تھی۔ حکام کو بتایا گیا تھا کہ کسی ورکر کو 90 روز سے زائد یومیہ اجرت پر&nbsp; رکھنا غیر قانونی ہے۔ ان احکامات پر عملدرآمد نہ کرنے والوں کے خلاف تادیبی کارروائی کی دھمکی دی گئی تھی۔

یومیہ اجرت کی پالیسی ریاست کے لیے، خاص طور پر مقامی حکومت کے لیے، شاید قومی خزانے پر مالی بوجھ کو کم سے کم کرنے کا ایک طریقہ ہے لیکن مزدوروں کے لیے، اس کا مطلب بیگار ہے۔

شہزاد کہتے ہیں یومیہ اجرت پر کام کرنے والوں کی کسی کو پروا نہیں۔

&quot;وہ مر بھی جائیں انہیں کوئی معاوضہ نہیں ملے گا۔&quot;

مقامی حکومت نے ہر 89 دن بعد نئے احکامات جاری کرکے یومیہ اجرت پر کام کرنے والوں کو مسلسل مزدوری کے چکر میں جکڑے رکھنے کی حکمت عملی اپنائی ہوئی ہے۔

شہزاد بتاتے ہیں کہ قانونی طور پر 90 دن کے بعد حکام کو یا تو ملازم کو مستقل کرنا ہوتا ہے یا فارغ، اس لیے ڈیلی ویجز پر کام کرنے والے تمام ورکروں کی مدت کاغذی طور پر ملازمت 89 دن رکھی جاتی ہے۔

&quot;2016ء کے بعد سے کوئی نئی بھرتی نہیں ہوئی جس کی وجہ سے افرادی قوت کی بڑے پیمانے پر کمی ہوئی ہے۔&quot;

<h2>&#39;مستقل کارکن&#39; یا &#39;مستقل ملازم&#39;</h2>

شہزاد کے ساتھی سجاول نے تحصیل موینسپل کمیٹی شیخوپورہ سے تعلق رکھنے والے 149 دیگر سینیٹری ورکرز کے ساتھ مل کر 2022ء میں لاہور ہائی کورٹ میں رٹ پٹیشن دائر کی تھی کہ ان کی خدمات کو ریگولرائز کیا جائے اور انہیں مناسب مراعات دی جائیں۔

اس پٹیشن میں درج شکایات پنجاب بھر کے سینیٹری ورکرز کی جانب سے شیئر کی گئی ہیں۔ سجاول کے کیس کے بعد لاہور ہائی کورٹ میں اسی طرح کی 20 سے زائد درخواستیں دائر کی گئی تھیں۔

درخواست میں چیف آفیسر میونسپل کارپوریشن شیخوپورہ اور سیکرٹری لوکل گورنمنٹ اینڈ کمیونٹی ڈیویلپمنٹ لاہور کو فریق بنایا گیا ہے کیونکہ انہوں نے کئی سالوں سے مزدوروں کو یومیہ اجرت پر کام کرنے والوں کا درجہ دیا ہوا ہے۔

پٹیشن کے جواب میں ہائی کورٹ نے میونسپل کارپوریشن شیخوپورہ کے چیف آفیسر کو حکم دیا کہ وہ تمام فریقین کو سماعت کا موقع فراہم کرنے کے بعد قانون کے مطابق اس معاملے کا فیصلہ کریں۔

چیف آفیسر نے 10 اکتوبر، 2022 کو ایک آرڈر جاری کیا جس میں سپریم کورٹ کے 2013 کے فیصلے کو بنیاد بنایا گیا۔ اس آرڈر میں درخواست گزاروں اور دیگر سینیٹری ورکرز کو &#39;مستقل ملازمین&#39; کے بجائے &#39;مستقل ورک مین&#39; قرار دیا گیا۔

یہ فرق اس لیے اہم ہے کیونکہ &#39;مستقل ورک مین&#39; کو پنشن، گریجویٹی اور وہ فوائد نہیں ملتے ہیں جن کے &#39;مستقل ملازمین&#39; حقدار ہیں۔

اس اقدام سے غیر مطمئن مزدوروں نے اس آرڈر کو چیلنج کرتے ہوئے ایک اور درخواست دائر کی، جس میں دلیل دی گئی کہ یہ غیر قانونی ہے اور اس کا اطلاق درخواست گذار پر نہیں ہوتا۔

مزدوروں کے وکیل مدثر فاروق وضاحت کرتے ہیں کہ چیف افسر نے اپنے آرڈر میں 1968ء کے جس آرڈیننس کا ذکر کیا اس کا اطلاق صرف تجارتی اداروں پر ہوتا ہے، مقامی حکومت کوئی تجارتی ادارہ نہیں ہے۔ مقامی حکومت سیوریج، نکاسی آب اور سولنگ سمیت اضلاع اور میونسپل کمیٹیوں میں ترقیاتی کاموں کے لیے ذمہ دار ہے۔ لہٰذا، اس کی تجارتی ادارے کے طور پر درجہ بندی نہیں کی جا سکتی۔سینیٹری ورکرز پر 1968 کے آرڈیننس کا اطلاق غیر قانونی ہے۔

مدثر مزید کہتے ہیں کہ چیف افسر نے 2013ء والے سپریم کورٹ کے فیصلے کی غلط تشریح کی ہے۔ وہ فیصلہ ورکس ڈپارٹمنٹ کے ایک ٹھیکیدار کے ذریعہ کرائے پر رکھے گئے ملازم کے لیے تھا۔

اس کے برعکس، اس معاملے میں، درخواست گزار اور دیگر کارکنوں کو مقامی حکومت کی طرف سے کسی مخصوص تعمیراتی کام کے لیے نہیں، بلکہ ایک ایسے کام کے لیے ملازمت دی گئی تھی جو فطری طور پر مستقل نوعیت کا ہے۔

&quot;یومیہ اجرت پر کام کرنے والے مزدوروں کے سروس سٹرکچر کو چلانے کے لیے مناسب قانونی فریم ورک پنجاب لوکل کونسل سرونٹس (سروسز) رولز 1997 ہے۔&quot;

ان قواعد کے مطابق، کارکنوں کو &#39;مستقل ملازمین&#39; کے طور پر ریگولرائز کیا جانا چاہئے، جس سے انہیں پنشن اور گریجویٹی سمیت مکمل فوائد حاصل ہوں گے۔

<h2>ایک جیسے مزدور، مختلف قوانین</h2>

میونسپل کارپوریشن شیخوپورہ 2018ء میں بھی اسی طرح کا کیس ہار چکی ہے۔ شکیل، جنہیں اس کیس کے نتیجے میں ریگولرائز کیا گیا تھا، بتاتے ہیں کہ کس طرح انہوں نے اور 30 دیگر ساتھیوں نے لیبر کورٹ میں رٹ دائر کی اور کیس جیت گئے۔

محکمہ نے لیبر اپیلٹ ٹریبونل میں اپیل کی، جس نے عدالت کے فیصلے کو برقرار رکھا۔ میونسپل کارپوریشن اس معاملے کو ہائی کورٹ لے گئی، لیکن وہاں بھی مزدوروں کے حق میں فیصلہ سنایا گیا۔

قانونی لڑائیوں کی یہ کہانیاں پریشان کن ہیں کہ مزدوروں کے حق میں واضح فیصلوں کے باوجود، محکمہ عدالتی حکم کی تعمیل کرنے کے بجائے مزاحمت جاری رکھے ہوئے ہے اور مزدوروں کو جائز فوائد دینے سے بچنے کے لیے قانونی خامیوں کا فائدہ اٹھاتا ہے۔

چیف آفیسر میونسپل کارپوریشن کے دفتر نے اس سے پہلے 13 جنوری 2018 کو ایک آفس آرڈر کے ذریعے 28 سینیٹری ورکرز اور پانچ مئی 2019ء کو ایک نوٹیفکیشن کے ذریعے نو بیلداروں کو ریگولرائز کیا تھا۔

ریگولرائزیشن کا عمل پنجاب لوکل کونسل سرونٹس (سروسز) رولز 1997 کی بنیاد پر کیا گیا تھا۔

مدثر فاروق سوال اٹھاتے ہیں کہ اسی دفتر نے سجاول اور 149 دیگر یومیہ اجرت پر کام کرنے والے سینیٹری ورکرز کے لیے مذکورہ بالا معاملوں میں مزدوروں کے مقابلے میں مختلف آرڈر کیوں جاری کیے اور انڈسٹریل کمرشل ایمپلائمنٹ (اسٹینڈنگ آرڈرز) آرڈیننس 1968ء کے تحت درخواست گزاروں سے نمٹنے پر اصرار کیوں کیا جارہا ہے؟

&quot; شیخوپورہ کی میونسپل کارپوریشن ایک ہی معاملے پر دو مختلف قوانین لاگو کر رہی ہے، جو امتیازی سلوک کے مترادف ہے۔&quot;

&nbsp;بارہ جون 2024ء کو اختتامی دلائل کے دوران پنجاب کے اسسٹنٹ ایڈووکیٹ جنرل نے اعلان کیا کہ حکومت یومیہ اجرت پر کام کرنے والے مزدوروں کی سروس سٹیٹس سے متعلق تمام ہدایات اور متنازع نوٹسز واپس لینے کا ارادہ رکھتی ہے، جس میں انہیں &quot;مستقل ورک مین&quot; قرار دینا بھی شامل ہے۔

<h2>بے خبر سرکاری نظام کی بھول بھلیاں</h2>

پنجاب حکومت کی یقین دہانی کے باوجود نہ تو ورکرز کے خلاف متنازع نوٹسز واپس لیے گئے نہ ہی نئی ہدایات جاری کی گئیں۔

لوک سجاگ نے 27 اگست کو سیکریٹری لوکل گورنمنٹ کے دفتر سے رابطہ کیا تو سیکرٹری نے سرکاری موقف دینے کے بجائے لاہور ویسٹ مینجمنٹ کمپنی سے رابطہ کرنے کو کہا، حالانکہ اس کمپنی کا پنجاب بھر میں میونسپل کارپوریشنوں کے تحت کام کرنے والے میونسپل ملازمین کے معاملے میں کوئی کردار نہیں ہے۔

تاہم 28 اگست 2024 کو محکمہ لوکل گورنمنٹ اینڈ کمیونٹی ڈویلپمنٹ نے پنجاب کی تمام میٹروپولیٹن اور میونسپل کارپوریشنز، کمیٹیوں اور ضلعی کونسلوں کو ہدایت کی کہ وہ ان اداروں میں یومیہ اجرت پر کام کرنے والے تمام ورکروں کو شوکاز نوٹس جاری کریں۔

اس ہدایت میں ان تمام اداروں سے مطالبہ کیا گیا ہے کہ وہ ذاتی سماعت کا موقع فراہم کریں اور مزدوروں کو &quot;مستقل ورک مین&quot; قرار دینے کے احکامات جاری کریں - ایک ایسی حیثیت جس میں اب بھی بنیادی تنخواہ اور متعلقہ فوائد کا فقدان ہے۔

"ستھرا پنجاب" کے ورکروں کے ساتھ غیر انسانی سلوک کا ذمہ دار کون ہے؟

سینیٹری ورکرز کی یومیہ اجرت کا منحوس چکر اور پنجاب حکومت کی چالبازیاں

لیپ آف فیتھ: اقلیتی رہنماؤں کے ساتھ پوڈ کاسٹ سیریز- رومانہ بشیر

Despite 76 years of independence, minorities in Pakistan continue to face social and legal challenges. Can a lasting solution be found? Insights and opinions from minority leaders shed light

لیپ آف فیتھ: اقلیتی رہنماؤں کے ساتھ پوڈ کاسٹ سیریز- کلیان سنگھ

لیپ آف فیتھ: اقلیتی رہنماؤں کے ساتھ پوڈ کاسٹ سیریز- جیا جگّی

The LACCA event, focused on monitoring air pollution in Lahore, saw active participation from representatives of ten local universities, highlighting a collaborative effort to tackle environm

Representatives from Ten Local Universities Participate in LACCA Event to Monitor Lahore's Air Pollution.

لاہور کی یونیورسٹیاں، فضائی آلودگی کے خلاف متحد

Minorities in Pakistan continue to face social and legal challenges even after 76 years. Can a lasting solution be found? Insights and opinions from minority leaders highlight the ongoing dif

Difficulties and Prejudices Faced by Minorities in Pakistan: Can a Lasting Solution Be Found? Insights from Minority Leaders.

لیپ آف فیتھ: اقلیتی رہنماؤں کے ساتھ پوڈ کاسٹ سیریز- ڈاکٹر یعقوب بنگش

لیپ آف فیتھ: اقلیتی رہنماؤں کے ساتھ پوڈ کاسٹ سیریز- پُشپا کماری، سندھ

Explore the pivotal 1985 elections in Pakistan, marked by the absence of political parties. Delve into the political landscape of the time and the implications of this unique electoral approa

1985 Pakistan Elections: Unraveling the Legacy of the Partyless Polls

الیکشن 1985: وہ انتخابات جس میں سب آزاد تھے

Explore the riveting narrative of the 1965 Presidential Election in Pakistan, as Fatima Jinnah courageously challenged Ayub Khan's reign. Delve into the political intrigue, societal dynamics,

Unveiling Pakistan's Political Landscape: The Historic Presidential Election of 1965 Between Fatima Jinnah and Ayub Khan

جب ایک عورت نے ایک آمر کو للکارا

Delve into the historic 1977 election of Pakistan and its aftermath, including the imposition of martial law by Zia ul Haq. Uncover the controversies, political turmoil, and lasting impacts o

1977 Pakistan Election: Unraveling the Controversies and Consequences

نظام مصطفیٰ، ضیاالحق اور 1977 کے انتخابات کی کہانی

"Step back in time to the pivotal year of 1970, as we unravel the significance of Pakistan's landmark elections. This meta description delves into the historical context, electoral dynamics,

"Turning Tides: The Significance of Pakistan's 1970 Elections in Shaping National Destiny"

پاکستان میں بالغ حق رائے دہی کی بنیاد پر ہونے والے پہلے عام انتخابات

"Embark on a journey through Pakistan's election history with this meta description. From its early days post-independence to the present, witness the evolution of democratic processes, polit

عبداللہ چیمہ