FIA report finds irregularities in peshawar bus rapid transit project

irregularities in peshawar bus rapid transit project

وفاقی تحقیقاتی ادارے (ایف آئی آے) نے ایک خصوصی رپورٹ میں انکشاف کیا ہے کہ پشاور شہر کے اندر چلنے والے ٹرانسپورٹ کے سرکاری نظام، بس ریپڈ ٹرانزٹ (بی آر ٹی)، کی تعمیر کا ٹھیکہ حاصل کرنے والی کمپنیوں نے جعلی بنک ضمانتیں جمع کرائیں۔ تاہم متعلقہ حکومتی اداروں کو یہ بات معلوم ہونے کے باوجود اُن کمپنیوں کے خلاف کوئی کارروائی نہیں کی گئی۔

پشاور ہائی کورٹ کے حکم پر تیار کی گئی اس رپورٹ کا کہنا ہے کہ خیبر پختونخوا کی حکومت نے 6 اکتوبر 2017 کو بی آر ٹی کے لیے 27 کلومیٹر لمبی سڑک اور متعدد بس سٹیشن بنانے کا ٹھیکہ اکتوبر 2015 میں قائم کی گئی پاکستانی کمپنی مقبول کالسنز جے وی پرائیویٹ لمیٹڈ اور اس کی شراکت دار تین چینی کمپنیوں (سی چوان پراونس جیالوجیکل انجنیئرنگ کمپلیکس، چائنا ریلوے 21 واں بیورو گروپ اور اے این ایچ یو آئی کنسٹرکشن انجینئرنگ گروپ) کو دیا۔ ٹھیکہ دینے کے بعد ان کمپنیوں کو کہا گیا کہ وہ 28 دن کے اندر ایسی مالی ضمانتیں جمع کرائیں جنہیں ان کی کارکردگی خراب ہونے کی صورت میں بحقِ سرکار ضبط کیا جا سکے۔

اس سرکاری حکم کی تعمیل کرتے ہوئے شروع میں انہوں نے جے ایس بنک، حبیب میٹرو پولیٹن بنک اور بنک الفلاح نامی پاکستانی مالیاتی اداروں کی ضمانتیں فراہم کیں۔ لیکن 29 نومبر 2017 کو انہوں نے بی آر ٹی کا ٹھیکہ دینے والے سرکاری ادارے پشاور ڈویلپمنٹ اتھارٹی (پی ڈی اے) کے اُس وقت کے ڈائریکٹر جنرل اسرارالحق کو ایک خط لکھ کر یہ ضمانتیں واپس لے لیں اور ٹرسٹ انویسٹمنٹ بنک لمیٹڈ نامی ادارے کے توسط سے بنک آف ویسٹ انڈیز کی فراہم کردہ ساڑھے تین ارب روپے سے زیادہ کی نئی ضمانتیں دے دیں۔

ایف آئی اے کی رپورٹ کے مطابق پی ڈی اے نے ان ضمانتوں کو تسلیم کر لیا حالانکہ نئے ضامن ادارے اُس معاہدے کی شق نمبر 4.2 پر پورا نہیں اترتے تھے جو پی ڈی اے اور ٹھیکے دار کمپنیوں کےدرمیان طے پایا تھا۔&nbsp; اس شق کے مطابق یہ ضمانتیں یا تو معروف پاکستانی بنک دے سکتے تھے یا ایسے جانے پہچانے غیرملکی بنک جن کا نمائندہ ادارہ پاکستان میں موجود ہو تاکہ اُس سے ان ضمانتوں کی تعمیل کرائی جا سکے۔

لیکن رپورٹ کا کہنا ہے کہ بنک آف ویسٹ انڈیز نہ تو کوئی جانا پہچانا غیر ملکی بنک ہے اور نہ ہی اس کے مبینہ پاکستانی نمائندے، ٹرسٹ انویسٹمنٹ بنک، کو سٹیٹ بنک آف پاکستان کی طرف سے ایک بنک کے طور پر کام کرنے کی اجازت ہے۔ بلکہ یہ سکیورٹیز اینڈ ایکسچینج کمیشن آف پاکستان (ایس ای سی پی) میں محض ایک نجی کمپنی کے طور پر رجسٹرڈ ہے۔

یکم نومبر 2019 کو اُس وقت کے پی ڈی اے کے ڈائریکٹر جنرل محمد عُزیر نے بھی ٹھیکہ دار کمپنیوں کو لکھے گئے ایک خط میں ان ضمانتوں پر شدید تحفظات کا اظہار کیا اور کہا کہ &quot;بنک آف ویسٹ انڈیز ایک لمیٹڈ کمپنی ہے جو اگست 2016 میں افریقہ کے ملک گیمبیا میں قائم کی گئی تھی اور جسے اُس ملک کے قانون کے تحت بنک کے طور پر کام کرنے کی اجازت نہیں&quot;۔ ان کا یہ بھی کہنا تھا کہ 31 دسمبر 2017 کو بنک آف ویسٹ انڈیز کے اثاثوں کی مجموعی مالیت ایک لاکھ ستاسی ہزار یورو تھی جو اس کی طرف سے دی گئی ضمانتوں کی مالیت کا ایک فیصد بھی نہیں بنتا۔

ایف آئی اے کی رپورٹ میں یہ انکشاف بھی کیا گیا ہے کہ پی ڈی اے نے ان ضمانتوں کی تصدیق کے لئے 23 جنوری 2020 کو ٹرسٹ انویسٹمنٹ بنک کے چیف ایگزیکٹو آفیسر کو ایک خط لکھا۔ اس کے جواب میں اس کے منیجر کارپوریٹ افیئرز عامر عزیز نے پی ڈی اے کو بتایا کہ ان کی کمپنی نے نہ تو کوئی ایسی ضمانت دی ہے اور نہ ہی اس سلسلے میں بینک آف ویسٹ انڈیز اور پی ڈی اے کے درمیان ہونے والی خط و کتابت میں اس کے کسی اہل کار کے دستخط ہیں۔ ان کا یہ بھی کہنا تھا کہ &quot;ایسی کوئی خط و کتابت ہمارے ریکارڈ میں بھی موجود نہیں&quot;۔

تاہم پی ڈی اے کے سابق سربراہ اسرارالحق کہتے ہیں کہ ضمانتوں میں ان تبدیلیوں سے &quot;کوئی خاص فرق نہیں پڑا&quot;۔ ان کے مطابق &quot;ہمارا اصل ہدف یہ تھا کہ ٹھیکہ دار سے معیاری کام کروایا جائے اور ہم اس ہدف کو حاصل کرنے میں کامیاب رہے&quot;۔

<h2>چینی کمپنیوں کا کردار</h2>

نومبر 2019 میں پشاور ہائی کورٹ کے اُس وقت کے چیف جسٹس وقار احمد سیٹھ نے ایف آئی اے پشاور کو حکم دیا کہ وہ بی آر ٹی منصوبے میں مبینہ بے ضابطگیوں کی تحقیقات کر کے ڈیڑھ ماہ کے اندر ایک تفصیلی رپورٹ عدالت میں پیش کرے۔ اس حکم کی تعمیل کرتے ہوئے ایف آئی اے کے اینٹی کرپشن سرکل کے اسسٹنٹ ڈائریکٹر کی سربراہی میں ایک پانچ رکنی ٹیم بنائی گئی جس نے 31 جنوری 2020 کو اپنی رپورٹ پشاور ہائی کورٹ میں جمع کروا دی۔

لیکن فروری 2020 میں خیبر پختونخوا کی صوبائی حکومت نے پشاور ہائی کورٹ میں ہونے والی اس کارروائی کو سپریم کورٹ میں چیلنج کر دیا جس نے ایک حکمِ امتناعی جاری کر کے اسے فوری طور پر روک دیا۔ یوں سوا دو سال سے زیادہ عرصہ گزرنے کے باوجود ایف آئی اے کی رپورٹ نہ تو عدالت میں زیرِبحث آئی ہے اور نہ ہی اس کی بنیاد پر کسی سے کوئی پوچھ گچھ ہوئی ہے۔

اس رپورٹ میں بہت سے دوسرے مسائل کی نشان دہی کرنے کے ساتھ ساتھ کہا گیا ہے کہ بی آر ٹی کا ٹھیکہ جیتنے والی چینی کمپنیوں کے چینی اہل کار کبھی بھی منصوبے کے تعمیراتی مقامات پر نہیں دیکھے گئے۔ اس کی نگرانی کرنے والے ادارے (جو لاہور کی ایک انجنیئرنگ کمپنی ایم ایم پاکستان پرائیویٹ لمیٹڈ، اور ایک برطانوی کمپنی، ماٹ میکڈانلڈ، کے اشتراک سے وجود میں آیا) کے انجنیئر ٹِیگ میکرین نے ایف آئی اے کو دیے گئے اپنے بیان میں لکھا کہ &quot;میں نے مقبول کالسنز سے کہا کہ وہ منصوبے کی تکمیل کے مراحل میں چینی کمپنیوں کی موجودگی کو یقینی بنائیں لیکن ایسا کچھ نہ ہوا&quot;۔

اسی دوران ایشیائی ترقیاتی بنک نے بھی اسلام آباد میں قائم چینی سفارتخانے کو لکھا کہ چینی کمپنیوں کو اس بات کا پابند بنایا جائے کہ ان میں کام کرنے والے تجربہ کار لوگ بی آر ٹی کی تعمیر میں ضرور شریک ہوں۔ ٹِیگ میکرین کا کہنا ہے کہ چینی سفارتخانے نے بعدازاں ان چینی کمپنیوں کے ڈائریکٹروں کو ایک اجلاس میں بلا کر یہ بھی بتایا کہ منصوبے پر ہونے والا کام بین الاقوامی معیار کے مطابق نہیں ہے لہٰذا وہ جلد از جلد چینی انجنیئروں کو تعمیراتی مقامات پر بھیج کر اس کے معیار میں بہتری لائیں۔

ایف آئی اے کا کہنا ہے کہ دو ماہ بعد چند چینی انجنیئروں کو ان مقامات پر بھیجا تو گیا لیکن اُس وقت تک بی آر ٹی کا تعمیراتی کام مکمل ہو چکا تھا۔

<h2>مالی وسائل کا بے دریغ استعمال</h2>

تحقیقاتی رپورٹ میں یہ دعویٰ بھی کیا گیا ہے کہ بی آر ٹی کی تعمیر کا آغاز ہونے سے پہلے ہی اس کی لاگت میں 35 فیصد اضافہ کر دیا گیا تھا حالانکہ منصوبہ بندی کے سرکاری قواعدوضوابط کی رُو سے اس میں صرف 15 فیصد اضافہ کیا جا سکتا ہے۔ تاہم اسرار الحق کا کہنا ہے سرکاری منصوبوں میں اس طرح کا اضافہ &quot;کوئی غیر معمولی بات نہیں&quot;۔ وہ دریائے نیلم اور دریائے جہلم کے سنگم پر بنائے جانے والے پن بجلی کے ایک سرکاری منصوبے کو حوالہ دیتے ہوئے کہتے ہیں کہ اس کی لاگت میں &quot;بیس مرتبہ تبدیلیاں کی گئیں&quot;۔

دوسری طرف ایف آئی اے نے بی آر ٹی کی آڈٹ رپورٹ کا حوالہ دیتے ہوئے یہ بھی کہا ہے کہ اس کے لیے مختص کردہ رقم میں سے صوبائی ایڈیشنل چیف سیکرٹری، سیکرٹری لوکل گورنمنٹ، سیکرٹری ٹرانسپورٹ اور کمشنر پشاور کو بغیر کسی ٹھوس وجہ کے ایک کروڑ 70 لاکھ روپے ادا کئے گئے۔ جب آڈٹ کے دوران اس ادائیگی کی نشان دہی ہوئی تو کمشنر پشاور نے تو 36 لاکھ روپے واپس کر دیے مگر، تحقیقاتی رپورٹ کے مطابق، باقی افسروں نے ابھی تک خود کو ملنے والی رقوم واپس نہیں کیں۔

منصوبے میں پائی جانے والی چند دیگر بے ضابطگیوں کی نشان دہی کرتے ہوئے ایف آئی اے کا کہنا ہے کہ ایشیائی ترقیاتی بنک نے 22 ستمبر 2017 کو ایک فیکس کے ذریعہ پی ڈی اے کو متنبہ کیا تھا کہ ایک ٹھیکے دار کو منصوبے کے ایک سے زیادہ حصوں کا ٹھیکہ نہ دیا جائے تاہم پی ڈی اے نے اس انتباہ کو نظرانداز کرتے ہوئے اس کے چھ کے چھ حصوں کا ٹھیکہ ایک ہی ٹھیکیدار کو دے دیا۔

اربوں روپے کی لاہور اورنج لائن میٹرو ٹرین مسافروں کی ترجیح کیوں نہیں؟

پشاور بس ریپڈ ٹرانزٹ منصوبہ: ایف آئی اے کی رپورٹ نے متعدد بے ضابطگیوں کی نشان دہی کر دی۔

text

Are legal solutions available for marital disputes between couples belonging to different religions?

Inter-religion marriages: caught in the middle

عبیرہ امبر کو شادی کے چند ماہ بعد ہی گھریلو کش مکش اور ساس بہو کے جھگڑوں کا سامنا کرنا پڑا جس کی وجہ سے انہیں ایک آدھ بار سسرال سے روٹھ کر اپنے والدین کے گھر بھی جانا پڑا اور اس سے پیدا ہونے والے ذہنی تناؤ کے باعث اُن کا اسقاطِ حمل بھی ہو گیا۔

ان کی شادی 19 سال کی عمر میں 8 دسمبر 2018 کو ان کے آبائی شہر ڈیرہ اسماعیل خان میں ویویک کھوکھر سے ہوئی جو ضلع کوہاٹ کی تحصیل لاچی میں سرکاری ملازمت کرتے ہیں۔ فروری 2020 میں ان کے دوسرے حمل کے آٹھویں ماہ ان کے ہاں ایک بیٹا پیدا ہوا جس کے نام پر بھی اس کے والدین میں اتفاقِ رائے نہ ہو سکا۔ ویویک نے اس کا نام کملِیش رکھا لیکن عبیرہ اسے کارتِش کہہ کر بلاتی ہیں۔

اس دوران میاں بیوی کے اختلافات اس قدر بڑھ گئے کہ بچے کی پیدائش کے ڈیڑھ ماہ بعد ویویک نے اسے اپنے پاس رکھ کر عبیرہ کو گھر سے نکال دیا حالانکہ وقت سے پہلے پیدا ہونے کی وجہ سے بچہ بہت کمزور تھا اور اسے علاج اور مسلسل نگہداشت کی ضرورت تھی۔

خاوند کا گھر چھوڑنے کے بعد عبیرہ نے کوہاٹ کے ایڈیشنل ڈسٹرکٹ اینڈ سیشنز جج کو درخواست کی کہ ان کا شیر خوار بیٹا ان کے حوالے کیا جائے۔ عدالت نے ان کی بات مان لی لیکن ساتھ ہی 17 اپریل 2020 کو کیے گئے اپنے فیصلے میں لکھا کہ &quot;بچے کے طِبی ریکارڈ کے پیش نظر اس کی ماں کو ہدایت کی جاتی ہے کہ وہ اس کا علاج یقینی بنائے&quot;۔

یوں عبیرہ کو ان کا بیٹا تو مِل گیا لیکن اس کی کفالت اور علاج کی تمام تر ذمہ داری بھی انہی پر آن پڑی۔ اگرچہ انہوں نے ڈیرہ اسماعیل کی گومل یونیورسٹی سے زوالوجی میں بی ایس سی کی ڈگری حاصل کر رکھی ہے لیکن وہ کوئی ملازمت نہیں کرتیں اس لئے بچے کے علاج کے لئے انہیں اپنی شادی کے موقع پر اپنے والدین کی طرف سے ملنے والے طلائی زیورات بیچنے پڑے۔

عبیرہ نے ڈیرہ اسماعیل خان کی ایک عدالت میں بھی دعویٰ دائر کر رکھا ہے کہ ویویک کو ان کا اور ان کے بیٹےکا خرچہ دینے کا پابند بنایا جائے لیکن انہیں اس دعوے کی کامیابی کی کوئی خاص امید نہیں۔

اس عدالتی صورتِ حال کی بنیادی وجہ 1872 کا سپیشل ہندو میرج ایکٹ ہے جس کے تحت عبیرہ کی شادی انجام پائی تھی۔ ہندو اقلیت کے حقوق کے لئے کام کرنے والے ایک سماجی کارکن ہارون سرب دِیال کا کہنا ہے کہ اس ڈیڑھ سو سال پرانے قانون کی رو سے مرد کو اس کی بیوی اور بچوں کی کفالت کا پابند نہیں کیا جا سکتا۔

لیکن عبیرہ کی شادی میں ایک اضافی پیچیدگی بھی ہے جو ان کے قانونی حقوق کے آڑے آ رہی ہے۔ ان کا تعلق ایک سکھ خاندان سے ہے لیکن ان کے شوہر ہندو ہیں۔ اس لئے، ہارون سرب دِیال کے مطابق، ان دونوں کی شادی کی کوئی قانونی حیثیت ہی نہیں ہے کیونکہ سپیشل ہندو میرج ایکٹ کے تحت ہونے والی شادی کے لئے مرد اور عورت دونوں کا ہندو ہونا ضروری ہے۔ ان کے بقول &quot;جب ایک عورت کی شادی کی رجسٹریشن ہی قانونی اعتبار سے صحیح نہیں ہے تو وہ اپنے عائلی حقوق کے لئے کیا عدالتی چارہ جوئی کر پائے گی؟&quot;

تاہم اگر یہ شادی ستمبر 2016 میں مرکزی پارلیمنٹ میں منظور کئے گئے ہندو میرج ایکٹ کے تحت ہوئی ہوتی تو ویویک کو بچے کی پرورش اور بیوی کا خرچہ ضرور دینا پڑتا کیونکہ اس قانون میں نہ صرف طلاق کی صورت میں بلکہ عدالت کے ذریعے شادی کی تنسیخ کی صورت میں بھی مرد کو بیوی اور بچوں کے نان و نفقہ کا ذمہ دار ٹھہرایا گیا ہے۔

عبیرہ کی شادی سے سوا دو سال پہلے یہ قانون صوبہ سندھ کے سِوا پاکستان کے تمام دوسرے علاقوں میں رہنے والے لگ بھگ تین لاکھ ہندوؤں پر لاگو ہو چکا تھا۔ (سندھ میں، جہاں 41 لاکھ 75 ہزار سے زیادہ ہندو بستے ہیں، اسی طرح کا ایک صوبائی قانون موجود ہے۔)

لیکن ان کی شادی ہندو میرج ایکٹ کے مطابق نہ ہونے کی ایک اہم وجہ یہ تھی کہ اس قانون میں شادی کی رجسٹریشن کے لئے درکار سرٹیفیکیٹ کا نمونہ تو دیا گیا ہے لیکن یہ سرٹیفیکیٹ مقامی سطح پر حکومتی اہل کاروں کو فراہم نہیں کیا گیا۔ اسی طرح اس میں کئی دیگر اہم باتوں کا تعین نہیں بھی کیا گیا جیسے کہ شادی کرانے والے پنڈت کی اہلیت کیا ہوگی اور اس کی تعیناتی کون کرے گا۔

یہ سب تفصیلات در حقیقت ہندو میرج ایکٹ کو عملی طور پر لاگو کرنے کے لئے درکار قواعد کا حصہ ہونی چاہئیں جن میں یہ طے کیا گیا ہو کہ اس قانون کے کس حصے پر عمل درآمد کی ذمہ داری کس سرکاری محمکے یا کس سرکاری اہل کار کی ہے اور اس عمل درآمد کے لئے کس طرح کا دستاویزی اور انتظامی طریقہِ کار اختیار کیا جائے۔

لیکن پارلیمنٹ سے اس قانون کی منظوری کے چار سال بعد بھی وفاقی اور صوبائی حکومتوں نے یہ قواعد نہیں بنائے۔ ہارون سرب دِیال کہتے ہیں کہ &quot;ان قواعد کی عدم موجودگی میں اس قانون کی حیثیت محض کاغذی ہے اور اس کا ہندو خاندانوں کے عائلی مسائل کے حل میں کوئی کردار نہیں&quot;۔

یہ رپورٹ لوک سجاگ نے پہلی دفعہ 12 جولائی 2021 کو اپنی پرانی ویب سائٹ پر شائع کی تھی۔

بین المذاہب شادی: مختلف مذہبی برادریوں سے تعلق رکھنے والے میاں بیوی کے درمیان تنازعات کا قانونی حل کیسے ممکن ہے؟

پشاور کا بس ریپِڈ ٹرانزٹ (بی آر ٹی) سسٹم محض پینتیس دِن چلنے کے بعد رک گیا ہے اور اس کو چلانے والوں کو معلوم نہیں کہ یہ دوبارہ کب رواں ہو سکے گا۔ اس غیر معینہ تعطل کی وجہ یہ ہے کہ اگست کی 13 تاریخ سے لے کر 16 ستمبر تک اس کی بسوں میں فنی خرابیوں کے باعث چار بار آگ لگ چکی ہے۔

بی آر ٹی چلانے والے ادارے ٹرانس پشاور کے ترجمان محمد عمیر خان کا کہنا ہے کہ بس سروس بحال کرنے سے پہلے جس کمپنی نے یہ بسیں بنائی ہیں اس کی ٹیم ہر بس کو تکنیکی اعتبار سے مکمل طور پر پرکھے گی۔ &#39;جب تمام بسیں نقائص سے پاک پائی جائیں گی تبھی وہ دوبارہ چلنا شروع ہوں گی&#39;۔

<h2>سسٹم کی خوبیاں اور خامیاں</h2>

بی آر ٹی کا افتتاح 13 اگست کو وزیراعظم عمران خان نے کیا۔ اس موقعے پر انہوں نے اسے ملک کا سب سے بہترین میٹرو بس منصوبہ قرار دیا۔

بی آر ٹی کا ایک گھنٹے کا سفر پشاور کے مشرقی علاقے چکمنی سے شروع ہوتا ہے اور شہر کے وسط سے گذرتے ہوئے 27.5 کلومیٹر کے بعد مغرب میں کارخانو مارکیٹ پر ختم ہوتا ہے۔ اس راستے پر 31 بس سٹیشن بنائے گئے ہیں جو ایک دوسرے سے 850 میٹر کے اوسط فاصلے پر ہیں۔

بڑی عمر کے خان گل اس ماہ کی دس تاریخ کو کالا چشمہ لگائے، سر پر سفید رومال اور سفید رنگ کی ٹوپی پہنے اور اپنے کم سن پوتے کو گود میں بٹھائے پہلی دفعہ بی آر ٹی کی بس میں ہشت نگری سے کارخانو مارکیٹ تک سفر کر رہے ہیں۔ وہ بی آر ٹی کی سروس کے شروع ہونے پر بہت خوش ہیں۔&nbsp; 
تاہم اسی دن چمکنی میں واقع سٹیشن پر موجود مسافروں کو &nbsp;کچھ شکایت بھی ہے- ان کا کہنا ہے کہ انہیں قریب ترین سڑک سے سٹیشن تک پہنچنے کے لئے ایک کلو میٹر سے زائد کا سفر پیدل طے کرنا پڑتا ہے۔&nbsp;

پشاور کے قریبی شہر نوشہرہ سے آئے ہوئے جواں سال سمیع ﷲ کے لیے تو یہ راستہ طے کرنا کوئی بڑی بات نہیں لیکن وہ سمجھتے ہیں کہ بڑی عمر کے لوگوں، خواتین اور بچوں کے لیے اتنا لمبا سفر پیدل طے کرنا مشکل ہے۔ ان کا یہ بھی مطالبہ ہے کہ &rsquo;جب تک کسی متبادل راستے کا انتظام نہیں ہو جاتا اُس وقت تک اس راستے پر دھوپ سے بچاؤ کے لیے کم از کم سائبان کا انتظام ہی کر دیا جائے&lsquo;۔

اسی طرح جیسے جیسے بس چمکنی سے آگے بڑھتی ہے اس میں بھیڑ بڑھنے لگتی ہے اور سیٹ حاصل کرنا محال ہو جاتا ہے۔ حتیٰ کہ لگ بھگ پانچ کلو میٹر بعد ہشت نگری سٹیشن پر اس میں تِل دھرنے کی جگہ بھی نہیں رہتی۔

خان گل کو بھی سِیٹ حاصل کرنے کے لئے اپنے گھر کے قریب ترین سٹیشن سے چار سٹیشن پیچھے جانا پڑا۔ وہ مطالبہ کرتے ہیں کہ بسوں کی تعداد بڑھائی جائے تاکہ لوگ &rsquo;بھیڑ بکریوں کی طرح ان میں سوار نہ ہوں&lsquo;۔

بسوں میں حفاظتی اقدامات کا بھی فقدان ہے۔ دورانِ سفر لاؤڈ سپیکر سے بار بار اعلان کیا جاتا ہے کہ مسافر اپنے سامان کی خود حفاظت کریں۔

پشاور صدر میں ایف سی چوک سٹیشن سے بس میں سوار ہونے والے ادھیڑ عمر مظہر حسین کے بقول &rsquo;بی آر ٹی پر لوگوں کی جیب کٹنا معمول کی بات ہے&#39;۔ وہ اپنے گھر اور دفتر کے درمیان ان بسوں میں روزانہ سفر کرتے ہیں۔

ایک حالیہ سفر کے دوران انہوں نے ایک ہاتھ سے بس کی چھت پر لگے ہینڈل کو تھاما ہوا ہے جبکہ دوسرے ہاتھ سے انہوں نے اپنی قمیض کی بغلی جیب کو پکڑ رکھا ہے۔وہ سمجھتے ہیں کہ جیب کٹنے کی اہم وجہ بسوں میں گنجائش سے زیادہ لوگوں کا سوار ہونا ہے۔

ان کے خیال میں &rsquo;کوئی ایسا انتظام ہونا چاہیے کہ ایک خاص تعداد سے زیادہ لوگ بس میں سوار نہ ہو سکیں۔ اس سے نہ صرف جیب کٹنے کے واقعات کم ہوں گے بلکہ لوگ بھی سکون سے سفر کریں گے&lsquo;۔

کئی مسافروں کو یہ بھی شکایت ہے کہ حیات آباد سٹیشن ایک کھلے گندے نالے پر بنایا گیا ہے جس کی ناقابلِ برداشت بو کی وجہ سے وہاں چند لمحے کھڑا ہونا بھی محال ہے۔ اس سٹیشن پر تعینات ایک بی آر ٹی اہلکار کا کہنا ہے کہ مسافر تو کچھ دیر بعد وہاں سے چلے جاتے ہیں لیکن اُنہیں وہیں دس سے بارہ گھنٹے ڈیوٹی کرنا ہوتی ہے جس کے دوران &rsquo;بدبو کے ساتھ ساتھ مچھر بھی ان کا جینا حرام کر دیتے ہیں&lsquo;۔

اسی سٹیشن پر ایک مکینک برقی سیڑھیوں کی مرمت میں مصروف ہے حالانکہ انہیں چلتے ہوئے ابھی ایک مہینہ ہی ہوا ہے۔ بی آر ٹی کے مختلف حصوں میں اس طرح کے تکنیکی مسائل روز کا معمول ہیں۔ &nbsp;

منصوبے میں شامل چند دیگر سہولتیں &ndash; جیسا کہ مسافروں کی گاڑیوں کے لیے پارکنگ کی جگہ، بی آر ٹی کے ٹریک کے ساتھ بنائی جانے والی تجارتی عمارات اور اس کے ساتھ ساتھ چلنے والا بائیسکل ٹریک -- ابھی زیرِ تعمیر ہیں۔ ان میں سے کچھ سہولتوں کے مکمل ہونے میں مزید کئی سال لگ سکتے ہیں۔

بسوں کی پارکنگ اور مرمت کے لیے بنائے جانے والے تین ڈپوؤں میں سے بھی صرف ایک ابھی مکمل ہوا ہے جبکہ باقی دو میں سے ایک پر 70 فیصد اور دوسرے پر 75 فیصد کام باقی ہے۔

<h2>بی آر ٹی کے مالی اور انتظامی معاملات</h2>

خیبر پختونخوا کی صوبائی اسمبلی میں پیش کیے گئے اعداد و شمار کے مطابق بی آر ٹی کی ابتدائی لاگت 49 ارب 34 کروڑ 60 لاکھ روپے تھی تاہم اس کے شروع ہونے کے کچھ عرصے بعد ہی اس کا تخمینہ 66 ارب 43 کروڑ 70 لاکھ تک جا پہنچا لیکن بات یہیں نہیں رکی بلکہ اب تک اس پر 71 ارب روپے خرچ ہو چکے ہیں۔

لاگت میں اِن تبدیلیوں کے ساتھ ساتھ منصوبے کے ڈیزائن کو بھی 37 بار بدلا گیا ہے۔ ان میں سے ایک اہم تبدیلی یہ تھی کہ ابتدائی طور پر بی آر ٹی کا ٹریک چمکنی سے حیات آباد تک بنایا جانا تھا لیکن بعد میں اس میں ایک کلو میٹر کا اضافہ کر کے اسے کارخانو مارکیٹ تک بڑھا دیا گیا۔ اسی طرح گلبہار اور تہکال کے مقامات پر فلائی اوورز کی تعمیر بھی ابتدائی ڈیزائن میں شامل نہ تھی۔

اس منصوبے کے لیے حکومت نے ایشیائی ترقیاتی بنک (اے ڈی بی) سے 47 کروڑ 10 لاکھ امریکی ڈالر قرضہ لیا ہے جو اسے بیس سال میں واپس کرنا ہے۔ 17 اکتوبر 2020 کو انگریزی روزنامے ایکسپریس ٹریبون میں شائع ہونے والی ایک رپورٹ کے مطابق صوبائی حکومت اس قرضے پر 15 ارب روپے صرف سُود کی مد میں ادا کرے گی۔

ایک اور قرضہ فرانس کے ایک بینک سے لیا گیا ہے جس کی مالیت 12 کروڑ 20 لاکھ امریکی ڈالر ہے۔ ان دونوں قرضوں پر سود کی ادائیگی 2023 سے شروع ہو گی۔

خیبر پختونخوا کی صوبائی حکومت نے بی آر ٹی کی تعمیر پر اپنے ذرائع سے بھی رقم خرچ کی ہے۔ ابتدائی طور پر اس رقم کا تخمینہ 7 ارب 46 کروڑ 50 لاکھ روپے لگایا گیا تھا لیکن بعد میں اسے بڑھا کر 13 ارب 11 کروڑ 70 لاکھ روپے کر دیا گیا۔

صوبائی حکومت نے بی آر ٹی کو چلتا رکھنے کے لیے بھی ایک ارب 60 کروڑ روپے سالانہ مختص کیے ہیں لیکن اگر بی آر ٹی کی بسوں میں حکومتی اندازوں سے کم مسافر سوار ہوتے ہیں تو اس رقم میں اضافہ کرنا پڑے گا-

خیبر پختونخوا کے ٹرانسپورٹ کے وزیر شاہ محمد کا کہنا ہے کہ اگر بسوں میں سفر کرنے والے لوگوں کی روزانہ تعداد ساڑھے تین لاکھ سے چار لاکھ تک پہنچ جائے تو اس سروس کو رواں دواں رہنے کے لیے صوبائی حکومت کی مالی امداد کی ضرورت نہیں رہے گی۔ تاہم مسافروں کی بھیڑ کو دیکھتے ہوئے یہ کہنا بے جا نہ ہو گا کہ بی آر ٹی کے لیے درآمد کی گئی 200 بسیں اتنے مسافروں کے لئے انتہائی نا کافی ہے۔ ان میں سے بھی محض 130 بسیں حالیہ تعطل سے پہلے چل رہی تھیں جبکہ باقی، محمد عمیر خان کے مطابق، جانچ پڑتال کے مختلف مراحل سے گذر رہی ہیں۔

<h2>الزامات اور تحفظات</h2>

پشاور ہائی کورٹ کے چیف جسٹس وقار احمد سیٹھ نے 19 جولائی 2018 کو جمعیت علماءِ اسلام (فضل) کے ایک مقامی رہنما امان ﷲ حقانی کی جانب سے دائر کی گئی ایک پٹیشن پر فیصلہ سناتے ہوئے اس منصوبہ کو &#39;مشکوک&#39; قرار دیا اور قومی احتساب بیورو کو ہدایت کی کہ وہ پانچ ستمبر 2018 تک اس کی مکمل چھان بین کر کے تحقیقی رپورٹ پشاور ہائیکورٹ میں جمع کرائے۔

لیکن خیبر پختونخوا حکومت نے اس فیصلے کے خلاف فوری طور پر سپریم کورٹ میں ایک اپیل دائر کی جس کے نتیجے میں اس وقت کے چیف جسٹس میاں ثاقب نثار نے قومی احتساب بیورو کو تحقیقات کرنے سے روک دیا۔

اسی طرح 7 دسمبر 2019 کو پشاور ہائی کورٹ نے مختلف لوگوں کی جانب سے دائر کی گئی ایک ہی جیسی پٹیشنز پر فیصلہ دیتے ہوئے کہا کہ بی آر ٹی کو شروع کرنے سے پہلے اس کے معاشی، مالیاتی اور تکنیکی امور کی سرکاری قواعد و ضوابط کے مطابق مکمل جانچ پڑتال نہیں کئی گئی۔ عدالت نے اپنے فیصلے میں لکھا کہ &rsquo;بی آر ٹی کی فی کلو میٹر لاگت 242 کروڑ 70 لاکھ روپے ہے جو بہت زیادہ ہے&lsquo; اور وفاقی تحقیقاتی ادارے (ایف آئی اے) کو حکم دیا کہ 45 روز کے اندر اندر اس منصوبے کی مکمل چھان بین کر کے اس کی رپورٹ عدالت میں پیش کرے۔

لیکن ایک دفعہ پھر سپریم کورٹ نے4 &nbsp;اپریل 2020 &nbsp;کو ایک حکم امتناعی کے ذریعے ایف آئی اے کو چھان بین سے روک دیا۔ &nbsp;

یکم اپریل 2019 کو خیبر پختونخوا کی صوبائی انسپیکشن ٹیم نے بھی صوبائی وزیر اعلیٰ کو پیش کی گئی ایک رپورٹ میں بی آر ٹی کی تعمیر کے دوران سات ارب روپے کی خُرد بُرد کا انکشاف کیا۔ انسپیکشن ٹیم نے اپنی رپورٹ میں یہ بھی کہا کہ یہ منصوبہ کسی جامع منصوبہ بندی کے بغیر شروع کیا گیا جس کی وجہ سے اس میں کئی تبدیلیاں کرنا پڑیں جو کہ اس کی لاگت میں خطیر اضافے کا باعث بنی ہیں۔

رواں برس فروری میں آڈیٹر جنرل آف پاکستان کی رپورٹ میں بھی بی آر ٹی میں ناقص منصوبہ بندی، &nbsp;مالی بے ضابطگیوں اور اربوں روپے کے ضیاع کی نشاندہی کی گئی۔ اس رپورٹ کے مطابق اس منصوبے میں 10.4 ارب روپے کے ایسے اخراجات شامل ہیں جو اس میں تبدیلیوں کے باعث ہوئے ہیں حالانکہ آڈیٹر جنرل کے مطابق صوبائی حکومت ان اخراجات کی قطعی مجاز نہ تھی۔ اس رپورٹ میں ساڑھے نو کروڑ روپے کی تنخواہوں کا بھی ذکر ہے جو کہ بغیر کسی سروس سٹرکچر کے بی آر ٹی کے ملازمین کو دی گئیں۔

یہ رپورٹ لوک سجاگ نے پہلی دفعہ 19 ستمبر&nbsp; 2020&nbsp;&nbsp;کو اپنی پرانی ویب سائٹ پر شائع کی تھی۔

موٹر سائیکلوں اور گاڑیوں کی رجسٹریشن: 'اگر جیب میں پیسے نہیں تو ایکسائز دفتر کا رخ نہ کریں'

پشاور میٹرو بس سروس: شہریوں کے لیے سہولت یا خزانے پر بوجھ؟

Bannu people protest killing of four teenage boys

بارہ سالہ نظام ﷲ اپنے تین ہم عمر ساتھیوں کے ساتھ جنگلی خرگوش کا شکار کرنے کے لئے چار مارچ 2021 کو گھر سے نِکلا &nbsp;لیکن واپس نہ آیا۔ &nbsp;

اس کے بوڑھے والد جسمانی معذوری کے باعث اس کی تلاش میں نہیں جا سکتے تھے چنانچہ اس کی ضعیف والدہ غائب ہونے والے ایک دوسرے بچے، عاطف ﷲ، کے والد زر نواز کے پیچھے موٹر سائیکل پر بیٹھ کر ہر روز قرب و جوار میں اپنے بیٹے کی تلاش میں نکلتیں۔ زر نواز کا اس بارے میں کہنا ہے: &quot;ہم روزانہ صبح اپنے بچوں کو ڈھونڈنے نکلتے اور رات کو ان کا کھوج لگائے بغیر گھر لوٹ آتے&quot;۔&nbsp;

بالآخر 21 مارچ کوایک گڈریے نے اتفاقاْ نظام ﷲ اور اس کے ساتھیوں کی لاشیں دریافت کیں۔&nbsp;

اس دن بھیڑ بکریاں چراتے ہوئے گڈریے نے اپنے کتے کو زمین کھودتے دیکھا جس میں سے تھوڑی دیر میں ایک انسانی ہاتھ برآمد ہوا۔ اس نے کتے کو فوراْ اس جگہ سے ہٹایا اور کچھ دور ایک جنازے کے لئے جمع ہونے والے لوگوں کو فون پر اس صورتِ حال کے بارے میں آگاہ کیا۔ جب لوگوں نے اکٹھے ہو کر اس جگہ کو مزید کھودا تو اس میں سے یکے بعد دیگرے نظام اللہ اور اس کے تینوں ساتھیوں کی لاشیں برآمد ہوئیں۔ ان میں سے ایک کا سر کٹا ہوا تھا اور دیگر تین کے چہرے مسخ تھے۔

یہ واقعہ خیبر پختونخوا کے جنوبی شہر بنوں سے تقریباً 30 کلو میٹر کے فاصلہ پر واقع جانی خیل نامی علاقے میں پیش آیا جہاں ایک پختون قبیلے، جانی خیل، کے لوگ رہائش پذیر ہیں۔ اس کے مشرق میں ضلع لکی مروت اور جنوب میں جنوبی وزیرستان واقع ہیں۔

لاشوں کا پتہ چلنے کے بعد جانی خیل کے قبائلی رہنماؤں نے فیصلہ کیا کہ وہ انہیں اس وقت تک دفن نہیں کریں گے جب تک ریاستی ادارے ان کے علاقے میں امن قائم کرنے کی ضمانت نہیں دیتے۔ انہوں نے نظام اللہ کے بھائی نواب خان کو اس بارے میں آگاہ کیا تو ان کا کہنا تھا کہ &quot;اگر میرے دس بھائیوں کی لاشیں بھی پڑی ہوتیں اور ان کے ذریعہ ہمارے علاقہ میں امن آ سکتا تو میں انہیں منع نہ کرتا&quot;۔

چنانچہ اگلے روز سہ پہر کے وقت ہلاک شدگان کی نمازِ جنازہ پڑھا کر جانی خیل سے تعلق رکھنے والے چار افراد ان کی میتیں لے کر ایک ایسے مقامی قلعے کے باہر دھرنا دے کر بیٹھ گئے جہاں 2009 سے پاکستان آرمی کے دستے تعینات ہیں۔ اسی روز خیبر پختونخوا کے صوبائی وزیر ٹرانسپورٹ شاہ محمد وزیر (جن کے حلقہ انتخاب میں جانی خیل بھی شامل ہے) ضلع بنوں کے ڈپٹی کمشنر کے ہمراہ اس دھرنے میں پہنچ گئے تاکہ وہ مظاہرین کو احتجاج ختم کر نے پر راضی کر سکیں۔ &nbsp;

ان حکام کے ساتھ ہونے والی بات چیت کے بارے میں جانی خیل سے تعلق رکھنے والے سابق رکن صوبائی اسمبلی عدنان وزیر کا کہنا ہےکہ &quot;ان کے ساتھ ہماری تمام گفتگو بے سود تھی کیونکہ علاقے میں امن کی ضمانت دینا نہ تو صوبائی وزیر کے دائرہ اختیار میں ہے اور نہ ہی ضلعی انتظامیہ کے&quot;۔

ان مذاکرات کی ناکامی کے بعد دھرنے میں لوگوں کی شمولیت بڑھنے لگی اور چند دن میں مظاہرین کی تعداد سینکڑوں تک جا پہنچی۔ اس دوران حکومت کی طرف سے کئی لوگوں نے مظاہرین سے بات چیت کی لیکن اس کا کوئی نتیجہ نہ نکل سکا۔&nbsp;

دھرنے کے آٹھویں روز یعنی 28 مارچ کو مظاہرین نے بالآخر لاشوں کو اٹھایا اور بنوں شہر کی جانب چل پڑے۔ انہوں نے اعلان کیا کہ بنوں کے بعد ان کا اگلا پڑاؤ اسلام آباد ہو گا۔ لیکن مقامی انتظامیہ نے بنوں کے راستے میں آنے والے ایک پل پر انہیں روک دیا اور ایک بار پھر انہیں مذاکرات کی پیش کش کی۔&nbsp;

عدنان وزیر، ، جن کا خاندان جانی خیل قبیلے کا سربراہ بھی ہے، کہتے ہیں: &quot;اس دوران صوبائی وزیر برائے سوشل ویلفئیر ھشام انعام ﷲ میرے پاس آئے اور انہوں نے اپنی چادر میرے پیروں پر رکھ کر کہا کہ خدارا آگے نہ جائیں اور مذاکرات کریں لیکن جب ہم نے مذاکرات کی پیش کش قبول کر لی تو ھشام انعام ﷲ غائب ہو گئے&quot;۔&nbsp;

لہٰذا، عدنان وزیر کے مطابق، مظاہرین نے انتظامیہ کی طرف سے کھڑی کی گئی رکاوٹیں عبور کر کے آگے بڑھنے کا فیصلہ کر لیا۔ وہ کہتے ہیں کہ &quot;ابھی ہم نے تھوڑا فاصلہ ہی طے کیا تھا کہ انتظامیہ نے ہمیں آنسو گیس اور ہوائی فائرنگ سے روکنے کی کوشش کی&quot;۔

اس موقعے پر قبائلی ضلع خیبر سے تعلق رکھنے والے قومی اسمبلی کے رکن شاہ جی گل نے عدنان وزیر اور ان کے ساتھیوں سے رابطہ کیا اور انہیں بنوں کے کمشنر ہاؤس میں موجود جرگہ ہال میں مذاکرات کے لئے راضی کر لیا۔ یہ مذاکرات رات گیارہ بجے شروع ہوئے اور اگلی صبح مکمل ہوئے۔

ان کے نتیجے میں مظاہرین اپنے گھروں کو چلے گئے اور چاروں ہلاک شدگان کی لاشوں کو ان کے آبائی قبرستان میں دفن کر دیا گیا۔ دوسری طرف فوج نے امن و امان قائم برقرار رکھنے کی ضمانت دی اور تقریباً پانچ ماہ سے زیرِ حراست ایک قبائلی امین ﷲ کو رہا کر دیا۔ وہ ایک ہلاک شدہ بچے، عاطف ﷲ، کے بھائی ہیں۔&nbsp;

<h2>بچوں کی ہلاکت کا ذمہ دار کون؟</h2>

جانی خیل میں گردش کرنے والے کچھ ماہ پرانے ایک ویڈیو کلِپ میں تیرہ سالہ عاطف اللہ کو نظام اللہ اور ایک تیسرے بچے کے ساتھ دیکھا جا سکتا ہے جس میں وہ تینوں فوج کو برا بھلا کہہ رہے ہیں اور اس کے خلاف ہتھیار اٹھانے کی حمایت کر رہے ہیں۔ ایسے طالبان جنہوں نے علاقے میں فوجی آپریشن کے بعد ہتھیار ڈال دیے ہیں اور &#39;اچھے طالبان&#39; کے نام سے جانے جاتے ہیں ان کے بارے میں بات کرتے ہوئے ان بچوں کا کہنا ہے کہ وہ فوج کے جاسوس ہیں اس لئے ان کے خلاف لڑنا بھی روا ہے۔&nbsp;

اس ویڈیو کے پہلی بار منظرِ عام پر آنے کے بعد &#39;اچھے طالبان&#39; نے عاطف ﷲ کو پکڑ کر اس سے ایک اور ویڈیو ریکارڈ کرائی جس میں وہ اقرار کرتا سنائی دیتا ہےکہ اس نے پہلی ویڈیو فوج کے خلاف لڑنے والے &#39;برے طالبان&#39; کے کہنے پر ریکارڈ کی تھی۔ جانی خیل کے ایک باسی کے مطابق لگ بھگ تین چار ماہ قبل &#39;اچھے &nbsp;طالبان&#39; نے ویڈیو میں نظر آنے والے تینوں بچوں کے والدین کو تنبیہہ بھی کی کہ وہ اپنے بچوں کو اس قسم کی حرکات دوہرانے سے روکیں۔

مقامی لوگوں کا خیال ہے کہ یہی کلِپ تینوں بچوں کی موت کا سبب بنے ہیں۔ بہت سے لوگ یہ بھی سمجھتے ہیں کہ اس واقعے میں &#39;اچھے طالبان&#39; (جنہیں مقامی لوگ گُڈ طالبان کہتے ہیں) ملوث ہیں کیونکہ بچوں کی لاشیں جس علاقے سے برآمد ہوئیں وہ انہی طالبان کے زیرِ اثر ہے۔&nbsp;

لیکن اس واقعے کے پسِ پردہ کئی ایسے عوامل کار فرما ہیں جن کا تعلق جانی خیل کی معیشت، معاشرت اور تاریخ پر ہے۔

یہ علاقہ زیادہ تر بنجر زمینوں پر مشتمل ہے جہاں تعلیم اور روزگار کے مواقع نہ ہونے کے برابر ہیں۔ یہی وجہ ہے کہ یہاں کے لوگوں کی ایک کثیر تعداد بیرونِ ملک، خصوصی طور پر سعودی عرب اور خلیجی ممالک میں، مزدوری کرتی ہے۔ 1980 کی دہائی سے یہاں کے مقامی لوگ افغانستان جا کر وہاں موجود غیر ملکی فوجوں کے خلاف بھی لڑتے رہے ہیں۔ ان میں سے کئی ایک وہاں مارے بھی گئے ہیں۔

اسی طرح 1996 میں جب افغانستان میں طالبان نے اپنی حکومت قائم کی تو جانی خیل میں بھی مقامی مذہبی رہنما شرعی قوانین کے تحت لوگوں کو سزائیں دینے لگے۔ مقامی طالبان 2002 اور 2006 کے درمیان اس قدر مضبوط ہو گئے کہ انہوں نے رستوں پر رکاوٹیں کھڑی کر کے لوگوں کی آمدورفت کو کنٹرول کرنا شروع کر دیا۔ 2008 میں بنوں شہر کے تنازعات بھی جانی خیل میں قائم شرعی عدالتیں حل کرنے لگیں۔

عدنان وزیر کہتے ہیں کہ 2002 میں مقامی طالبان نے ان کے بھائی کی شادی کے موقع پر ڈھول بجانے کے جرم میں ان کے خاندان پر تین ہزار روپے جرمانہ عائد کر دیا۔ اسی طرح جب 2008 میں انہوں نے اپنے آبائی علاقہ سے انتخاب لڑنے کا ارادہ کیا تو انہیں طالبان سے درخواست کرنا پڑی کہ وہ ان کے مخالف امیدوار کی حمایت نہ کریں۔

انتخاب کے ایک سال بعد جب جانی خیل میں فوجی آپریشن شروع ہوا تو یہاں اُزبک، تُرکمان، چیچن اور عرب جنگجوؤں کی ایک بڑی تعداد موجود تھی۔ ان میں القاعدہ کے دو ارکان ابو معظم اور ابو دُجانہ بھی شامل تھے جو اسی علاقے میں ہونے والے امریکی ڈرون حملوں میں مارے گئے۔&nbsp;

مقامی لوگ کہتے ہیں کہ ابتداء میں جانی خیل میں حافظ گل بہادر گروپ کا اثر و نفوذ زیادہ تھا۔لیکن فوجی آپریشن شروع ہونے کے بعد دیگر گروپ &ndash; سیف الدین گروپ، اختر محمد گروپ، صدر حیات گروپ، شیر عالم گروپ اور مولوی اسحاق گروپ &ndash; فوج کے خلاف متحد ہو گئے اور اکٹھے فوج سے لڑنے لگے۔ بعد ازاں ان میں سے مولوی اسحاق کے گروپ نے فوج کے سامنے ہتھیار ڈال دیئے اور &#39;اچھے طالبان&#39; کا لقب حاصل کیا۔&nbsp;

<h2>امن و امان کا مطالبہ</h2>

ایک مقامی قبائلی رہنما وزیر زادہ کہتے ہیں کہ جب جون 2009 میں فوجی آپریشن شروع ہوا تو جانی خیل کی تمام آبادی کو نقل مکانی کرنا پڑی۔ لگ بھگ دو ماہ بعد فوج نے ان کے علاقے کو دہشت گردوں سے پاک قرار دے کر انہیں گھر واپس آنے کی اجازت دے دی لیکن اس دوران ان کا تمام اسلحہ ان سے لے لیا گیا تھا۔ وزیر زادہ کہتے ہیں:&quot;میں نے خود فوج کو اپنی دو کلاشنکوف رائفلیں جمع کرائیں&quot;۔&nbsp;

لیکن وہ سمجھتے ہیں کہ یہ اقدام انتہائی نقصان دہ ثابت ہوا۔ ان کے مطابق، &quot;اس سے پہلے کبھی ایسا نہیں ہوا تھا کہ دہشت گردوں نے لوگوں کو ان کے گھروں میں گھس کر قتل کیا ہو لیکن اب رات کی تاریکی میں ایسا بھی ہونے لگا کیونکہ لوگ نہتے تھے اور حملہ آور مسلح&quot;۔&nbsp;

عدنان وزیر کو بھی اسی طرح کی شکایات ہیں۔ وہ کہتے ہیں کہ &quot;فوج گزشتہ بارہ سال سے ہمارے علاقہ میں موجود ہے۔ اس نے یہاں کئی آپریشن بھی کئے ہیں جن میں مقامی لوگوں کے گھر تک مسمار کیے گئے اور کئی لوگ لاپتہ بھی ہو گئے ہیں لیکن شدت پسندی کا مسئلہ جوں کا توں ہے&quot;۔ ان کا مطالبہ ہے کہ &quot;ہمیں امن چاہئے لیکن اس کے لئے عام لوگوں کے خون کا ایک قطرہ بھی نہ بہایا جائے&quot;۔&nbsp;

اس مطالبے کی وضاحت کرتے ہوئے ان کا کہنا ہے کہ &quot;ہم اپنی زمین کو طالبان کے وجود سے پاک چاہتے ہیں چاہے وہ اچھے طالبان ہوں یا بُرے طالبان۔ اگر ان کا تعلق جانی خیل قبیلہ سے ہے تو بھی انہیں پکڑ کر جہازوں سے زمین پر دے ماریں لیکن ہمیں امن سے رہنے دیں&quot;۔

یہ رپورٹ لوک سجاگ نے پہلی دفعہ&nbsp;9 اپریل 2021 کو اپنی پرانی ویب سائٹ پر شائع کی تھی۔

افغانستان میں طالبان کے آنے سے طورخم بارڈر کے آر پار لوگوں اور تجارتی سامان کی آمدورفت شدید مشکلات کا شکار۔

جانی خیل میں بچوں کا قتل: پسِ پردہ حقائق کیا ہیں

Farmers protest in Swabi against a ban on tobacco sales.

What effecting sale of tobacco in Pakistan?

محمد اعظم نے مِنت سماجت سے سگریٹ بنانے والی ایک کمپنی کو اپنی&nbsp;تمباکو کی فصل خریدنے پر تو آمادہ کر لیا لیکن جب انہیں پتہ چلا کہ اس کے پیسے انہیں اگلے سال 11 اپریل کو ملیں گے تو انہوں نے سودا کرنے سے انکار کر دیا۔&nbsp;

ان کا تعلق خیبر پختونخوا کے وسطی ضلع صوابی سے ہے اور وہ تمباکو اگانے والے کسانوں کی ایک تنظیم، کاشت کار کوآرڈی نیشن کونسل، کے صدر ہیں۔ ان کا کہنا ہے کہ رقم کی ادائیگی میں اس قدر طویل تاخیر حکومت کے نافذ کردہ ٹوبیکو مارکیٹنگ کنٹرول رولز کی خلاف ورزی ہے جن کے تحت سگریٹ بنانے والی کمپنیاں اس بات کی پابند ہیں کہ وہ تمباکو خریدنے کے ایک ماہ کے اندر کاشت کاروں کو اس کی قیمت ادا کریں۔&nbsp;

صوابی ہی کے علاقہ شیوا سے تعلق رکھنے والے 67 سالہ کسان محمد اقبال اس صورتِ حال کے بارے میں بات کرتے ہوئے کہتے ہیں کہ &rsquo;&rsquo;ہم سے تمباکو خریدتے وقت کمپنیاں ایک ظالم قصاب کی طرح ناپ تول کرتی ہیں لیکن رقم کی ادائیگی کے لئے وہ ہمیں قیامت کی تاریخ دے دیتی ہیں&lsquo;&lsquo;۔&nbsp;

تاہم محمد اعظم کا کہنا ہے کہ ادائیگیوں میں تاخیر سے بھی اہم مسئلہ سگریٹ بنانے والی کمپنیوں کی طرف سے ستمبر کے وسط میں تمباکو کی خریداری کی بندش تھی حالانکہ اس وقت ان کے ضلعے کے کسانوں کے پاس کئی لاکھ کلو گرام تمباکو فروخت کے لیے پڑا ہوا تھا۔&nbsp;

مقامی کاشت کاروں نے اس مسئلے کے حل کے لئے ستمبر کے آخری دو ہفتے خوب احتجاج کیا۔ ان کا کہنا تھا کہ ان کا احتجاج اس وقت تک جاری رہے گا جب تک کمپنیاں صوابی میں پیدا شدہ تمام تمباکو خرید نہیں لیں گی۔ یہ مطالبہ منوانے کے لئے 27 ستمبر 2021 کو انہوں نے ایک بڑے جلوس کی شکل میں پورے ضلعے کاچکر لگایا اور آخر میں پشاور-اسلام آباد موٹروے کو تین گھنٹے کے لئے ہر طرح کی ٹریفک کے لئے بند کر دیا۔

اس احتجاج سے ایک ہفتہ پہلے مقامی کاشتکاروں نے یار حسین نامی علاقے میں جگ ناتھ کے مقام پر سگریٹ بنانے والے ایک بڑے ادارے، پاکستان ٹوبیکو کمپنی، کے تمباکو خریداری سنٹر کے باہر ایک جلسہِ عام بھی منعقد کیا جس کے بعد انہوں نے وہیں پر ایک احتجاجی دھرنا شروع کیا جو کئی دن تک جاری رہا۔ &nbsp;

<h2>مسائل کی جڑ: خریداری کے معاہدے</h2>

پاکستان میں سگریٹ میں استعمال ہونے والے تمباکو، فلو کیورڈ ورجینیا (Flue Cured Virginia) یا ایف سی وی، کا 98 فیصد حصہ خیبر پختونخوا میں پیدا ہوتا ہے جس میں سے 60 فیصد صرف ضلع صوابی میں اگایا جاتا ہے۔ تمباکو کی خرید و فروخت کی نگرانی کرنے والے حکومتی ادارے، پاکستان ٹوبیکو بورڈ، کے ایک اہلکار کے مطابق اس ضلعے میں ہر سال 32 ہزار پانچ سو ایکڑ اراضی پر ایف سی وی تمباکو کاشت کیا جاتا ہے۔&nbsp;

اس کے بعد سب سے زیادہ (20 فیصد) ایف سی وی تمباکو ضلع مردان میں کاشت ہوتا ہے۔ اس فہرست میں تیسرا نمبر ضلع چارسدہ کا ہے جہاں اس تمباکو کا آٹھ فیصد حصہ پیدا ہوتا ہے۔ صوبے کا باقی ماندہ ایف سی وی تمباکو نوشہرہ، بونیر، مانسہرہ اور مالاکنڈ کے اضلاع میں اگایا جاتا ہے۔

سرکاری قواعد کے مطابق پاکستان ٹوبیکو کمپنی اور فلپ مورس پاکستان سمیت سگریٹ بنانے والی 50 کمپنیاں پاکستان ٹوبیکو بورڈ کو ہر سال بتاتی ہیں کہ انہیں کتنا تمباکو درکار ہو گا جس کے بعد یہ بورڈ نہ صرف یہ طے کرتا ہے کہ کون سی کمپنی کس علاقے سے اور کتنی خریداری کرے گی بلکہ یہ تمباکو کی سرکاری قیمت بھی طے کرتا ہے تا کہ کمپنیاں اس سے کم نرخوں پر کاشت کاروں سے خریداری نہ کر سکیں۔&nbsp;

پاکستان ٹوبیکو بورڈ کی طرف سے مقرر کردہ انفرادی مانگ کی بنیاد پر سگریٹ بنانے والی کمپنیاں ہر کاشت کار سے ایک معاہدہ کرتی ہیں جس کے تحت وہ اُس سے 21 سو کلوگرام خام تمباکو خریدنے کی پابند ہوتی ہیں۔کسانوں کی ایک تنظیم، ٹوبیکو گروؤرز ایسوسی ایشن آف پاکستان، کے چئرمین لیاقت یوسف زئی کا کہنا ہے کہ اس وقت مختلف کمپنیوں نے صوابی میں 17 ہزار کے قریب کاشت کاروں سے خریداری کے معاہدے کئے ہوئے ہیں۔&nbsp;

صوابی ہی کے کاشت کار ناصر خان کا کہنا ہے کہ تمباکو کی خرید و فروخت میں کاشت کاروں کو درپیش مسائل کی ایک اہم وجہ یہی معاہدے ہیں۔ اپنی بات کی وضاحت کرتے ہوئے وہ کہتے ہیں کہ ان کے ضلعے میں ایسی بھٹیوں کی تعداد 30 ہزار کے قریب ہے جہاں کاشت کار تمباکو بیچنے سے پہلے اسے خشک کرتے ہیں لیکن، ان کے مطابق، ان میں سے 13 ہزار کے قریب بھٹیوں کے مالکان تمباکو کی فروخت کے کسی معاہدے کا حصہ نہیں ہوتے جبکہ دوسری طرف چند ہزار بھٹیاں ایسی بھی ہیں جن کے مالکان نے اپنا اثر و رسوخ استعمال کر کے ایک سے زیادہ کمپنیوں کے ساتھ معاہدے کر رکھے ہیں۔

نتیجتاً کچھ لوگ تو دوہرے معاہدوں کی وجہ سے اپنے کوٹے سے زیادہ تمباکو فروخت کرنے میں کامیاب ہو جاتے ہیں لیکن مقامی کاشت کاروں کی ایک بڑی تعداد معاہدوں کی عدم موجودگی کی وجہ سے اپنی فصل کسی ایک کمپنی کو بھی فروخت نہیں کر پاتی۔ &nbsp;

احتجاجی کاشت کاروں کا یہ بھی دعویٰ ہے کہ سگریٹ بنانے والی کمپنیاں حکومت کو فراہم کیے گئے اعداد و شمار میں اپنی تمباکو کی سالانہ ضرورت حقیقت سے کم دکھاتی ہیں تا کہ انہیں تمام مطلوبہ تمباکو کی سرکاری قیمت نہ دینا پڑے۔ ان کے مطابق جب پاکستان ٹوبیکو بورڈ کی طرف سے مقرر کردہ اِن کمپنیوں کا خریداری کا کوٹہ پورا ہوجاتا ہے تو وہ کاشت کاروں سے خریداری بند کر دیتی ہیں جس کی وجہ سے وہ مجبوراً اپنی اضافی فصل سستے داموں بیچ دیتے ہیں۔ لیکن ان کا کہنا ہے کہ اس کے بعد یہی کمپنیاں کھلی منڈی سے سستا تمباکو خریدنا شروع کر دیتی ہیں۔

لیاقت یوسف زئی کے مطابق اس سال سگریٹ بنانے والی کمپنیوں نے پاکستان ٹوبیکو بورڈ کو بتایا ہے کہ وہ پورے خیبر پختونخوا سے پانچ کروڑ 60 لاکھ کلو گرام تمباکو خریدیں گی حالانکہ پچھلے سال کی طرح اس سال بھی صوبے میں پیدا ہونے والے ایف سی وی تمباکو کی کل مقدار چھ کروڑ 90 لاکھ کلوگرام کے لگ بھگ ہے۔ دوسرے لفظوں میں کاشت کاروں کے پاس ایک کروڑ کلو گرام سے بھی زیادہ ایسا تمباکو بچ جائے گا جو وہ کسی کمپنی کو نہیں بیچ پائیں گے۔&nbsp;

تاہم پاکستان ٹوبیکو بورڈ کے ایک اہل کار کا کہنا ہے کہ اس مسئلے کی بنیادی وجہ وہ کاشت کار ہیں جو کسی بھی کمپنی سے معاہدہ نہ ہونے کے باوجود تمباکو کاشت کرتے ہیں حالانکہ سرکاری قواعد و ضوابط کے تحت ہر سال نومبر کے مہینہ میں انہیں خبردار کیا جاتا ہے کہ وہ ایسا نہ کریں۔ اپنا نام پوشیدہ رکھنے کی شرط پر وہ کہتے ہیں کہ صرف صوابی میں تمباکو کے تیس فیصد کاشت کاروں نے اپنی فصل کی فروخت کے لئے کوئی معاہدہ نہیں کر رکھا لیکن پھر بھی وہ چاہتے ہیں کہ &rsquo;&rsquo;ان کا تمباکو سرکاری نرخوں پر ہی خریدا جائے&lsquo;&lsquo;۔&nbsp;

اس اہل کار کا یہ بھی دعویٰ ہے کہ کاشت کاروں کو مالی مسائل سے بچانے کے لئے حکومت نے سگریٹ بنانے والی کمپنیوں کو رضامند کر لیا ہے کہ وہ اس سال 50 لاکھ کلوگرام مزید تمباکو خریدیں۔ تازہ ترین اطلاعات کے مطابق یہ اضافی خریداری شروع ہو چکی ہے۔

<h2>پیداواری اخراجات میں اضافہ</h2>

ورلڈ بینک گروپ (گلوبل ٹوبیکو کنٹرول پروگرام) کی جون 2019 میں جاری ہونے والی رپورٹ کے مطابق 1960 کی دہائی میں پاکستان میں ایک لاکھ 72 ہزار نو سو 74 ایکڑ اراضی پر تمباکو کی کاشت ہوتی تھی جو کہ 1987 میں کم ہوتے ہوتے 98 ہزار آٹھ سو 42 ایکڑ رہ گئی۔ لیکن 1990 کی دہائی میں تمباکو کے زیرِ کاشت رقبے میں دوبارہ اضافہ ہونا شروع ہوا حتیٰ کہ کچھ ہی عرصے میں یہ فصل ایک لاکھ 23 ہزار 552 ایکڑ زمین پر کاشت کی جانے لگی۔

اگرچہ اس رپورٹ میں یہ واضح نہیں کیا گیا کہ پچھلی دو دہائیوں میں اس رقبے میں اضافہ ہوا ہے یا کمی لیکن اس کے مطابق اس وقت پورے ملک میں تمباکو کے 75 ہزار کاشت کار ہیں جن میں سے 45 ہزار کا تعلق خیبر پختونخوا سے ہے۔ اس صوبے کے کاشت کار مجموعی طور پر 74 ہزار ایک سو 31 ایکڑ پر ایف سی وی تمباکو اگاتے ہیں۔

ورلڈ بینک گروپ کی رپورٹ کا یہ بھی کہنا ہے کہ 2009 سے&nbsp; لے کر 2014 تک خیبر پختوٖنخوا میں ایف سی وی تمباکو کی سالانہ پیداوار آٹھ کروڑ کلو گرام&nbsp; اور ساڑھے آٹھ کروڑ کلو گرام کے درمیان رہی لیکن 2016 اور 2018 کے درمیان اس کی سالانہ پیداوار کم ہو کر ساڑھے چھ کروڑ کلو گرام اور سات کروڑ کلو گرام کے درمیان رہی۔

پاکستان ٹوبیکو بورڈ کے جاری کردہ اعداد و شمار بھی ظاہر کرتے ہیں کہ ملک میں تمباکو کی پیداوار گر رہی ہے۔ بورڈ کے مطابق 20-2019 میں تمباکو کی فی ایکڑ پیداوار 2013-14 میں اس کی فی ایکڑ پیداوار سے لگ بھگ 24 فیصد کم رہی۔

تاہم کاشت کاروں کا دعویٰ ہے کہ فصل کی پیداوار میں اس سے کہیں زیادہ کمی آئی ہے۔ وہ کہتے ہیں کہ تین سال پہلے تمباکو کی اوسط فی ایکڑ پیداوار 15 سو 38کلو گرام تھی جو اس سال کم ہو کر آٹھ سو 80 کلو گرام رہ گئی ہے۔

ورلڈ بینک گروپ کا کہنا ہے کہ پیداوار میں اس کمی کی بڑی وجہ کاشت کاروں کی یہ شکایت ہے کہ تمباکو کی سرکاری امدادی قیمت طے کرتے وقت پاکستان ٹوبیکو بورڈ ان کی فصل کی پیداواری لاگت کا تخمینہ اصل سے کم لگاتا ہے جس سے انہیں اس کی کاشت سے فائدہ&nbsp; ہونے کے بجائے نقصان ہوتا ہے۔

صوابی کے کاشت کار اس تجزیے کی توثیق کرتے ہیں۔

محمد اعظم کہتے ہیں کہ اگرچہ پیداواری لاگت کا تخمینہ لگانے کے عمل میں کسانوں کا ایک نمائندہ بھی شامل ہوتا ہے لیکن، ان کے مطابق، اس کا حتمی فیصلہ اسلام آباد میں بیٹھے پاکستان ٹوبیکو بورڈ کے کرتا دھرتا ہی کرتے ہیں۔ ان کا کہنا ہے کہ اس تخمینے میں کچھ خرچے یا تو شمار ہی نہیں کیے جاتے یا ان کی مالیت بہت کم رکھی جاتی ہے۔ ان میں گودام کا کرایہ، مزدوروں کی خوراک پر آنے والا خرچہ اور تمباکو کو کھیت سے خریداری مرکز تک پہنچانے کے اخراجات شامل ہیں۔&nbsp;

محمد اعظم یہ بھی کہتے ہیں کہ فصل کی کاشت کے وقت کسان جو قرض اٹھاتے ہیں اس پر انہیں 15 فیصد سے 17 فیصد سود دینا پڑتا ہے لیکن لاگت کا تخمینہ لگاتے وقت ان کے منافع کی شرح صرف تین فیصد تصور کی جاتی ہے۔&nbsp;

صوابی کے موضع گواہٹی سے تعلق رکھنے والے ادھیڑ عمر کاشت کار فرید ﷲ تمباکو کی فصل پر اٹھنے والے اخراجات میں ہر سال اضافے سے اس قدر تنگ آ گئے ہیں کہ وہ اس کی کاشت ترک کرنے کا سوچ رہے ہیں۔ ان کے مطابق ایک سال میں کھاد کی قیمت دو گنی ہو گئی ہے جبکہ اسی عرصے میں زمین میں ہل چلوانے کا معاوضہ 800 روپے فی گھنٹہ سے بڑھ کر 1,300 روپے فی گھنٹہ ہو گیا ہے۔ اسی طرح ان کا کہنا ہے کہ بھٹی میں استعمال ہونے والی لکڑی کی قیمت 500 روپے فی 50 کلوگرام سے بڑھ کر 750 روپے فی 50 کلوگرام ہو گئی ہے اور بھٹی میں آگ جلانے والے مزدور کا ماہانہ معاوضہ 16 ہزار روپے سے بڑھ کر 26 ہزار روپے ہو گیا ہے۔ &nbsp;

لیکن فریداللہ کے بقول خرچے میں اتنے شدید اضافے کے باوجود تمباکو کی امدادی قیمت میں پچھلے تین سالوں میں صرف 10 فیصد اضافہ ہوا ہے جس کے نتیجے میں &rsquo;&rsquo;تمباکو کی کاشت سراسر گھاٹے کا سودا بن گئی ہے&lsquo;&lsquo;۔&nbsp;

کورونا وبا کے اثرات یا کھاد کمپنیوں کی مَن مانی: ڈی اے پی کی قیمت ایک سال میں دگنی ہو گئی۔

سگریٹ سازی کی صنعت: تمباکو کی خریداری میں رائج کوٹہ سسٹم کیسے کاشت کاروں کا استحصال کر رہا ہے۔

pak afghan trade and refugees after taliban

pak afghan trade after taliban

خیبر پختونخوا کے شمال مغربی ضلعے خیبر میں طورخم کے مقام پر واقع پاک-افغان سرحدی دروازے کے پاس جمعہ، 27 اگست 2021، کو حالات معمول سے بہت مختلف تھے۔ اس دن 40 کے قریب افغان باشندے اس دروازے سے تقریباً 50 میٹر شمال میں سرحد پر لگی خار دار باڑ کو عبور کر کے پاکستان میں داخل ہونا چاہتے تھے۔ وہ بار بار باڑ کے پاس آ کر اسے کاٹنے کی کوشش کرتے لیکن سرحد کے اِس طرف متعین پاکستانی اہلکار انہیں ہوائی فائرنگ کر کے پیچھے ہٹا دیتے۔

جب پاکستانی حکام کو محسوس ہوا کہ وہ صرف ہوائی فائرنگ کے ذریعے افغانوں کو سرحد عبور کرنے سے نہیں روک سکتے تو دوپہر ایک بجے کے قریب انہوں نے باڑ عبور کرنے کی کوشش کرنے والوں پر فائرنگ کر دی۔ طورخم میں متعین پاکستانی اہل کاروں کا اپنے نام ظاہر نہ کرنے کی شرط پر کہنا ہے کہ اس فائرنگ سے تین افراد ہلاک ہوئے۔ تاہم افغان خبر رساں ایجنسی، پژواک افغان نیوز، کے مطابق ہلاک ہونے والوں کی تعداد چھ تھی۔

یہ افغان باشندے باڑ کاٹ کر سرحد کے اِس پار آنے کی کوشش اس لئے کر رہے تھے کہ ان کے پاس پاکستان میں قانونی داخلے کے لئے درکار دستاویزات موجود نہیں تھیں۔

دوسری طرف پاکستانی حکام انہیں اس لئے روک رہے تھے کہ 1980 کی دہائی کے برعکس پاکستان اس بار نہیں چاہتا کہ افغان بڑی تعداد میں ہجرت کر کے اِدھر آ جائیں۔

اس لئے پاکستان نے طورخم کے راستے افغانستان سے پاکستان آنے والوں کی قانونی آمدورفت کو بھی بہت محدود کر دیا ہے۔ موجودہ پاکستانی قواعد کے مطابق افغانستان میں پھنسے پاکستانی بلا روک ٹوک اپنے ملک واپس آ سکتے ہیں بشرطیکہ ان کے پاس ان کا پاکستانی پاسپورٹ موجود ہو۔ وہ افغان شہری بھی پاکستان آ سکتے ہیں جن کے پاس سفارتی پاسپورٹ ہیں۔ سفارت کاروں کے ساتھ ساتھ ان افغانوں کو بھی پاکستان میں داخلے کی اجازت ہے جن کی آمد کے بارے میں پاکستان کے دفترِ خارجہ یا وزارتِ داخلہ نے سرحد پر تعینات اہل کاروں کو خصوصی ہدایات جاری کر رکھی ہیں۔

لیکن ان اہل کاروں کا کہنا ہے کہ طورخم کے آر پار انسانی نقل و حرکت کو محدود رکھنے کے لئے عام افغان باشندوں کو پاکستان آنے کی اجازت نہیں دی جا رہی خواہ ان کے پاس پاکستان کا ویزا بھی موجود ہو۔ نتیجتاً روزانہ صرف تین سو کے قریب افراد طورخم کے راستے افغانستان سے پاکستان آ رہے ہیں جبکہ 15 سو کے قریب لوگ اسی راستے سے ہر روز پاکستان سے افغانستان جا رہے ہیں جن میں پاکستانی اور افغان دونوں شامل ہیں۔

ان پابندیوں کی وجہ سے عام افغانوں کے پاس غیر قانونی طور پر سرحد پار کر کے پاکستان میں داخل ہونے کے سوا کوئی راستہ باقی نہیں رہا۔ ضلع خیبر کے رہائشی، انسانی حقوق کے کارکن اور سپریم کورٹ بار ایسوسی ایشن کے صدر عبداللطیف آفریدی اس صورتِ حال کو انسانی حقوق کی سنگین خلاف ورزی قرار دیتے ہیں۔ ان کے بقول &quot;یہ نہایت افسوس ناک بات ہے کہ صاحبِ حیثیت افغان تو ہوائی جہاز کے ذریعے آسانی سے پاکستان آ رہے ہیں لیکن پیدل سرحد پار کرنے والے عام لوگوں کو اِس طرف آنے کی اجازت نہیں دی جا رہی&quot;۔

ان کا یہ بھی کہنا ہے کہ 15 اگست 2021 کو افغانستان میں افغان صدر اشرف غنی کی حکومت کے غائب ہو جانے اور افغان دارالحکومت کابل میں طالبان کی طرف سے انتظامی معامالات اپنے ہاتھ میں لینے کے بعد &quot;ان تمام لوگوں کی جان اور مال خطرے میں پڑ گئے ہیں جو طالبان کے نظریاتی مخالف رہے ہیں&quot;۔ ان کے خیال میں ایسے لوگوں کی پاکستان میں آمد پر پابندی ان کی جانوں کے ضیاع کا باعث بن سکتی ہے۔

<h2>پاک-افغان تجارت میں سُست روی کیوں؟</h2>

حاجی کامل کا تعلق شینواری قبیلہ سے ہے جو پاک-افغان سرحد کے دونوں جانب آباد ہے ۔ وہ طور خم سے متصل قصبے لنڈی کوتل میں رہتے ہیں اور گزشتہ 23 سال سے افغانستان سے ٹماٹر درآمد کر کے پشاور کی منڈی میں فروخت کر رہے ہیں۔

24 اگست 2021 کی دوپہر کو وہ شدید گرمی اور حبس کی وجہ سے طور خم میں واقع خیبر ایوانِ صنعت و تجارت کے ایک کمرے پر مشتمل ایئر کنڈیشنڈ دفتر میں بیٹھے ہیں۔ لیکن دفتر کا یخ بستہ ماحول بھی ان کے جذبات کا پارہ کم کرنے میں مددگار ثابت نہیں ہو رہا۔

ان کا کہنا ہے کہ 22 اگست سے &quot;میرے ٹماٹروں کے 20 ٹرک سرحد کے دوسری طرف ایک چیک پوسٹ پر کھڑے ہیں لیکن انہیں پاکستان میں نہیں آنے دیا جا رہا&quot;۔ ان کے مطابق اگر ایک آدھ دن مزید یہی صورتِ حال برقرار رہی تو 660 ٹن کے قریب یہ &quot;تمام ٹماٹر گل سڑ جائیں گے&quot;۔

حاجی کامل کہتے ہیں کہ سرحد کے اُس طرف موجود طالبان انہیں بتاتے ہیں کہ انہیں &quot;ٹرکوں کے پاکستان جانے پر کوئی اعتراض نہیں بلکہ یہ ٹرک اس لئے رکے ہوئے ہیں کہ پاکستانی حکام انہیں اپنی حدود میں داخل ہونے کی اجازت نہیں دے رہے۔ دوسری طرف پاکستانی حکام کا کہنا ہے کہ انہوں نے افغانستان سے تجارتی سامان کی آمد پر کوئی پابندی نہیں لگا رکھی&quot;۔

افغان ڈرائیور ہستی گل بھی اس بات کی تصدیق کرتے ہیں کہ طورخم سرحد کے اُس پار بہت سے ٹرک پاکستان آنے کا انتظار کر رہے ہیں لیکن انہیں طالبان کی طرف سے سرحد پار کرنے کی اجازت نہیں مِل رہی۔ وہ 1998 سے کراچی اور افغانستان کے شہر جلال آباد کے درمیان ٹرک چلا رہے ہیں اور کہتے ہیں کہ اِس دفعہ انہیں جلال آباد سے واپسی پر پاکستان میں داخلے کے لیے 22 دن انتظار کرنا پڑا۔

پاک افغان مشترکہ ایوانِ صنعت و تجارت کے سابق سینئر نائب صدر ضیا الحق سرحدی کے مطابق اس صورتِ حال کی وجہ افغانستان کے حالات ہیں۔ ان کا کہنا ہے کہ اشرف غنی کے دورِ حکومت میں پاکستان سے روزانہ تین سو سے چار سو تجارتی ٹرک افغانستان جاتے تھے جبکہ دو سو سے ڈھائی سو ٹرک افغانستان سے پاکستان آتے تھے لیکن اس وقت یہ دو طرفہ ٹریفک نہ ہونے کے برابر ہے کیونکہ &quot;افغانستان کی غیر یقینی صورتِ حال کی وجہ سے دونوں طرف کے تاجر ایک دوسرے سے تجارت کرنے سے احتراز کر رہے ہیں&quot;۔

تاہم طورخم اور پشاور میں بہت سے پاکستانی تاجر اس تعطل کو عارضی سمجھتے ہیں اور کہتے ہیں کہ آنے والے دنوں میں پاک-افغان تجارت بڑھ جائے گی کیونکہ ان کے خیال میں طالبان پاکستانی برامدات پر لگائے جانے والے افغان ٹیکسوں کی شرح میں کمی کر دیں گے۔

لنڈی کوتل کے رہنے والے شریف الدین نامی تاجر اس توقع کے بارے میں بات کرتے ہوئے کہتے ہیں کہ اشرف غنی کے عہدِ حکومت میں پاکستان سے افغانستان جانی والی اشیا پر بہت زیادہ کسٹم ڈیوٹی لگائی جا رہی تھی۔ ان کے بقول &quot;ایک ہی دوا کی برآمد پر پاکستانی تاجروں کو انڈین تاجروں کی نسبت پانچ گُنا زیادہ ٹیکس ادا کرنا پڑتا تھا&quot;۔

خیبر ایوانِ صنعت و تجارت کے سابق صدر حضرت عمر شینواری اس بات سے اتفاق کرتے ہوئے کہتے ہیں کہ اشرف غنی کے دور میں افغان حکام پاکستانی اشیا پر کم از کم 15 فیصد درآمدی ٹیکس لگاتے تھے جبکہ انڈیا، ترکی، ایران اور چین سے درآمد کی جانے والی اشیا پر لگایا جانے والا کم از کم ٹیکس سات سے آٹھ فیصد ہوتا تھا۔ ان کے مطابق اس فرق کی وجہ سے پاکستان سے افغانستان جانے والی اشیا دوسرے ملکوں سے افغانستان پہنچنے والی اشیا سے مہنگی ہو گئیں اور پاک-افغان تجارت پر بہت منفی اثر پڑا۔

لیکن افغان طالبان اور پاکستانی حکومت کے درمیان موجود رابطوں کی وجہ سے انہیں امید ہے کہ اب افغانستان میں پاکستانی برآمدات کے ساتھ ہونے والا منفی امتیازی سلوک ختم ہو جائے گا۔

کچھ تاجروں کا دعویٰ ہے کہ طالبان نے پہلے ہی پاکستان سے افغانستان بھیجی جانے والی اشیا پر ٹیکس کم کر دیا ہے۔ مثال کے طور پر وہ کہتے ہیں کہ پہلے جُوس کے ایک ٹرک کی برآمد پر ساڑھے چار لاکھ افغانی (نو لاکھ پاکستانی روپے) بطور ٹیکس لئے جاتے تھے لیکن اب یہ رقم کم ہو کر 90 ہزار روپے افغانی تک آ گئی ہے۔

لیکن مقامی تاجر رہنماؤں کا کہنا ہے کہ اس کمی کی بنیادی وجہ افغان درآمدی پالیسی میں تبدیلی نہیں بلکہ سرحد پر متعین طالبان کی ٹیکس اکٹھا کرنے کے معاملے میں نا تجربہ کاری ہے۔ لنڈی کوتل کے ایک تاجر رہنما کے مطابق یہ طالبان ٹرک ڈرائیوروں سے صرف یہ پوچھتے ہیں کہ ان کے ٹرک میں کیا سامان ہے اور اس کا کتنا وزن ہے اور پھر محض انہی سوالوں کے جواب کی بنیاد پر ٹیکس لاگو کر دیتے ہیں۔

حضرت عمر شینواری کا بھی کہنا ہے کہ &quot;آج کل افغانستان&nbsp; میں برآمدی ٹیکس اس لئے کم ہے کہ وہاں ٹیکس وصولی کا پورا نظام معطل ہوا پڑا ہے&quot;۔لیکن وہ سمجھتے ہیں کہ &quot;جیسے ہی پرانا نظام بحال ہو گا تو&nbsp; ٹیکس کی وصولی بھی بڑھ جائے گی&quot;۔

غلام دستگیر