Complaints of sexual harassment of female students are on the rise in universities across the country, but the administration often fails to deal with these complaints.

How the university administration fails to resolve sexual harassment complaints.

نومبر 2020 کے دوسرے ہفتے میں گلگت میں قائم قراقرم انٹرنیشنل یونیورسٹی کی ایک طالبہ نے اپنے وائس چانسلر کو خط لکھا جس میں انہوں نے کہا کہ یونیورسٹی کے سکالرشپ افیئرز آفس کے ایک مرد اہل کار نے انہیں نا مناسب طریقے سے چھوا ہے اور جنسی طور پر ہراساں بھی کیا ہے۔ &nbsp;

خط لکھنے والی طالبہ شعبہ معاشیات میں پڑھتی ہیں۔ ان کے مطابق یہ واقعہ اس وقت پیش آیا جب وہ اپنی بہن کے یونیورسٹی میں داخلے کے سلسلے میں سکالرشپ افیئرز آفس گئیں۔ ان کا کہنا ہے کہ وہ ہراساں کیے جانے پر اس قدر دہشت زدہ ہو گئیں کہ ہراساں کرنے والے مرد کو فوری طور پر کچھ بھی نہ کہہ سکیں

بلکہ اس کے بجائے روتے ہوئے یونیورسٹی میں ہی موجود اپنے بھائی کے پاس چلی گئیں۔

بعد ازاں اپنے شوہر کو اعتماد میں لے کر انہوں نے وائس چانسلر کو خط لکھنے کا فیصلہ کیا۔

اپنے خط میں انہوں نے مطالبہ کیا ہے کہ انہیں ہراساں کرنے والے اہل کار کو یونیورسٹی سے نکالا جائے۔ انہوں نے یہ بھی لکھا ہے کہ اگر خط بھیجنے کے بعد انہیں کسی منفی ردِ عمل کا سامنا کرنا پڑتا ہے تو اس کی ذمہ داری یونیورسٹی انتظامیہ پر ہوگی۔

انہوں نے یہ سوال بھی اٹھایا ہے کہ انتظامیہ کے کمروں میں کیمرے کیوں نہیں لگائے جاتے حالانکہ یونیورسٹی میں باقی ہر جگہ طلبا کی نگرانی کے لیے کیمرے موجود ہیں۔ ان کیمروں کی غیر موجودگی میں، ان کے بقول، اگر کوئی یونیورسٹی اہل کار اپنے اختیار کا ناجائز فائدہ اٹھا کر طالبات کو ہراساں کرے تو وہ اس کے خلاف کوئی ثبوت پیش نہیں کر سکتیں۔&nbsp;

خط کے بھیجے جانے کے اگلے ہی روز یونیورسٹی کیمپس میں موجود طلبا نے بڑی تعداد میں جمع ہو کر اس واقعے کے خلاف احتجاج کیا جس میں انہوں نے مطالبہ کیا کہ طالبہ کو ہراساں کرنے والے اہل کار کے خلاف فوری طور پر انتظامی اور قانونی کارروائی کی جائے تا کہ مستقبل کے لئے ایسے واقعات کی حوصلہ شکنی کی جا سکے۔

احتجاج کرنے والی بہت سی اور طالبات کو بھی سکالرشپ افئیرز آفس کے اسی اہل کار کے بارے میں شکایت ہے۔ ان کا کہنا ہے کہ اس کا رویہ خواتین کے ساتھ عام طور پر نازیبا ہوتا ہے۔ ان میں سے کچھ نے تو یہ دعویٰ بھی کیا ہے کہ وہ یونیورسٹی انتظامیہ کو اس معاملے سے بذریعہ ای میل آگاہ کر چکی ہیں اگرچہ ان کی شکایات پر کوئی کارروائی سامنے نہیں آئی۔

کئی دیگر طالبات نے بھی دورانِ احتجاج کہا کہ انہیں بھی یونیورسٹی کی اندر جنسی طور پر ہراساں کیا گیا ہے لیکن وہ اس خوف سے خاموش رہی ہیں کہ اس کے بارے میں بات کرنے پر کہیں انہیں ایسی بدنامی کا سامنا نہ کرنا پڑے جس کے نتیجے میں انہیں پڑھائی چھوڑنے پر ہی مجبور نہ ہونا پڑے۔&nbsp;

اسی یونیورسٹی کے ایک مرد طالب علم، محمد نوید* ، کا کہنا ہے کہ احتجاج سے پہلے ان سمیت کئی &nbsp;طلبا وائس چانسلر سے ملے جنہوں نے انہیں یونیورسٹی کی جنسی خوف و ہراس کے بارے میں بنائی گئی کمیٹی سے رجوع کرنے کا کہا۔ لیکن جب طلبا اس کمیٹی کے ممبران سے ملے تو وہ خود الجھن کا شکار تھے کہ وہ اس معاملے میں کیا کارروائی کر سکتے ہیں لہٰذا وہ طلبہ سے پوچھنے لگے کہ آیا اس معاملے کی تحقیق اور تفتیش ہائر ایجوکیشن کمیشن کے قواعد کے تحت کی جائے یا ملزم کے خلاف کوئی عدالتی مقدمہ چلایا جائے۔&nbsp;

کمیٹی کی یہ الجھن حیران کن معلوم ہوتی ہے کیونکہ کام کی جگہوں پر جنسی خوف و ہراس کو روکنے کے لئے 2010 میں بنائے گئے ایک قانون کے تحت ہائر ایجوکیشن کمیشن نے اس طرح کے معاملات میں باقاعدہ قواعد بنا رکھے ہیں جن میں ہر یونیورسٹی کو پابند کیا گیا ہے کہ وہ جنسی خوف و ہراس کی شکایتوں کو سننے اور ان کا ازالہ کرنے کے لئے ایک خصوصی کمیٹی بنائے گی جس کے پاس تحقیق، تفتیش اور سزا متعین کرنے کے تمام اختیارات موجود ہوں۔ اس کمیٹی کے ارکان میں کم از کم ایک خاتون کا ہونا بھی لازمی ہے۔

ان ضوابط کی موجودگی کے باوجود انتظامیہ کی طرف سے کوئی عملی اقدام نہ اٹھائے جانے کا فوری نتیجہ، محمد نوید کے بقول، یہ نکلا کہ کچھ بیرونی عناصر &ndash; جنہیں یونیورسٹی کے کچھ طلبہ کی حمایت بھی حاصل تھی &ndash; منگل ہی کے روز یونیورسٹی میں گھس آئے اور احتجاج کرنے والے طلبہ پر پِل پڑے۔ ان کے حملے کے نتیجے میں متاثرہ طالبہ کے ایک کزن شدید زخمی ہو گئے۔

اس مار پیٹ کے ردِ عمل کے طور پر دو احتجاجی طلبا نے اسی روز ہراساں کرنے کے ملزم اہل کار کو بھی تشدد کا نشانہ بنایا۔

اس تمام ہنگامہ آرائی کے نتیجے میں یونیورسٹی تین روز کے لیے بند کر دی گئی۔

اسی دوران کچھ طلبا نے گلگت پریس کلب کے سامنے مظاہرہ کرتے ہوئے سکالرشپ افیئرز آفس کے اہل کار پر لگائے گئے الزامات کو بے بنیاد قرار دیا اور یونیورسٹی انتظامیہ سے مطالبہ کیا کہ وہ اس معاملے پر جلد از جلد کارروائی کرے تا کہ ملزم اپنے اوپر لگائے گئے الزام کو غلط ثابت کر کے با عزت زندگی گزار سکے۔

محمد نوید کا کہنا ہے کہ اہل کار کے حامی افراد معاملے کو ایک شیعہ-سنی اختلاف کا رنگ دینے کی کوشش کر رہے ہیں تاکہ اصل مسئلے سے دھیان ہٹایا جا سکے۔ انہیں یہ بھی شکایت ہے کہ متاثرہ طالبہ کی تصویر اور دوسری ذاتی معلومات پچھلے چند روز سے سوشل میڈیا پر گردش میں ہیں جس کی وجہ سے ان پر ہر طرح کی تنقید کی جا رہی ہے۔

اس ضمن میں بنائی گئی متعدد سوشل میڈیا پوسٹس میں سے ایک میں طالبہ کی تصویر کے ساتھ &nbsp;لکھا گیا ہے کہ &#39;یہ وہ جھوٹی ۔۔۔ لڑکی ہے جس نے KIU میں ایک ایماندار افسر پر جھوٹا الزام لگایا تھا۔ قانون نافذ کرنے والے اداروں سے گزارش ہے اس لڑکی کے خلاف کاروائی کریں۔ بصورت دیگر گلگت کے حالات کی ذمہ داری انتظامیہ پر ہو گی&#39;۔

قراقرم انٹرنیشنل یونیورسٹی کے ترجمان میر تعظیم اختر اس سارے قضیے کے بارے میں کہتے ہیں کہ یونیورسٹی انتظامیہ اس معاملے میں ہائر ایجوکیشن کمیشن کی طرف سے بنائے گئے ضابطوں کے تحت کاروائی کر رہی ہے اور الزام ثابت ہونے یا نہ ثابت ہونے کی صورت میں مناسب اقدامات کیے جائیں گے۔

تاہم ان کا یہ بھی کہنا ہے کہ کچھ ایسے طلبا اس معاملے کو ہوا دے رہے ہیں جنہیں فیسوں کی ادائیگی اور دیگر تعلیمی وجوہات کی بنا پر یونیورسٹی کی طرف سے تادیبی کارروائی کا سامنا ہے۔ وہ ایسے طلبا کو اپنی تعلیم پر دھیان دینے کا مشورہ دیتے ہوئے کہتے ہیں کہ انہیں ایسے عناصر کے ہاتھوں استعمال ہونے سے بچنا چاہئے جو پاکستان اور گلگت بلتستان کے دشمن ہیں۔ اگرچہ وہ ان دشمنوں کی نشاندہی نہیں کرتے لیکن یہ بات واضح ہے کہ وہ اس پورے معاملے کو جنسی خوف و ہراس کی ایک ذاتی شکایت کے بجائے کسی گروہی یا فرقہ وارانہ اختلاف کا شاخسانہ سمجھتے ہیں۔&nbsp;

<h2>ایک نہیں، دو نہیں، بیسیوں شکایات</h2>

اسلامیہ کالج یونیورسٹی پشاور میں 11 نومبر 2020 کو ایک طلبہ تنظیم نے طالبات کو پیش آنے والے جنسی خوف و ہراس کے بڑھتے ہوئے واقعات کے خلاف ایک احتجاجی مظاہرہ کیا جس میں مختلف مقامی یونیورسٹیوں کے طلبا و طالبات نے شرکت کی۔

احتجاج کے شرکا نے یونیورسٹی انتظامیہ سے مطالبہ کیا طالبات کو جنسی خوف و ہراس سے محفوظ رکھنے کے لئے اس ضمن میں بنائے گئے ہائر ایجوکیشن کمیشن کے قواعد و ضوابط پر عملدرآمد یقینی بنایا جائے۔ انہوں نے یہ مطالبہ بھی کیا کہ جنسی ہراس کے زیرِ التوا کیسوں پر کارروائی کو تیز کیا جائے۔

ان میں سے ایک اہم کیس میں اسلامیہ کالج یونیورسٹی کے سابق وائس چانسلر پر الزام ہے کہ انہوں نے ایک طالبہ کو جنسی طور پر ہراساں کیا۔ یہ معاملہ ایک سال سے چل رہا ہے مگر اس پر ابھی تک کوئی عملی قدم منظرِ عام پر نہیں آ سکا۔ اسی طرح احتجاج سے دو روز قبل یونیورسٹی انتطامیہ کو بتایا گیا کہ پولیٹیکل سائنس ڈیپارٹمنٹ کے سربراہ نے بھی ایک طالبہ کو ہراساں کیا ہے لیکن انتظامیہ نے اس شکایت پر بھی کوئی کاروائی نہیں کی۔

اس کے برعکس، ایک طالبہ کے بقول، یونیورسٹی کے اساتذہ کے ایک حالیہ اجلاس کے بعد ایک پریس ریلیز جاری کی گئی ہے جس میں اساتذہ کے خلاف جنسی خوف و ہراس پیدا کرنے کے الزامات کو ان پر &#39;حملہ&#39; قرار دیا گیا ہے اور کہا گیا ہے کہ ایک استاد پر &#39;حملے&#39; کو تمام اساتذہ پر &#39;حملہ&#39; تصور کیا جائے گا۔

یونیورسٹی طالبات محض ان اساتذہ کی طرف سے ہی دباؤ کا شکار نہیں بلکہ، ان کے مطابق، زیادہ تر لڑکیاں اس معاملے پر اس لئے آواز نہیں اٹھاتیں کیونکہ انہیں یونیورسٹی انتظامیہ اور اساتذہ کے علاوہ اپنے خاندان اور گلی محلے کی طرف سے بھی مخالفت کا سامنا کرنا پڑتا ہے۔ جیسے کہ ایک طالبہ کا کہنا ہے: &#39;اس طرح کے واقعات پر چپ سادھ لینا ہی اس پدر شاہانہ معاشرے میں مناسب سمجھا جاتا ہے۔ یہاں اگر کوئی لڑکی آواز اٹھائے بھی تو اسے فکر رہتی ہے کہ کہیں اس کے گھر والے اس کی پڑھائی نہ بند کر دیں&#39;۔

تاہم طالبات کی شکایات کا نوٹس لیتے ہوئے گورنر خیبر پختون خوا شاہ فرمان نے اسلامیہ کالج یونیورسٹی میں جنسی خوف و ہراس کے سلسلے میں پیدا ہونے والے تمام مسائل کی غیر جانب دارانہ تحقیقات کے لیے ایک خصوصی ٹیم تشکیل دی ہے جو طلبہ، اساتذہ اور انتظامیہ کا نقطہ نظر ریکارڈ کرنے کے بعد اپنے نتائج گورنر کو پیش کرے گی۔ شاہ فرمان نے ایک ٹویٹ کے ذریعے یہ اعلان بھی کیا ہے کہ خیبر پختونخوا میں کسی بھی سرکاری یونیورسٹی کے حوالے سے جنسی خوف و ہراس &nbsp;کی شکایت ان کے شکایات سیل میں بذریعہ کال درج کرائی جا سکتی ہے۔

<h2>قانونی نقطہِ نظر</h2>

نوجوان قانون دان حبا اکبر کا کہنا ہے کہ تعلیمی ادارے ان قواعد و ضوابط کو سنجیدگی سے نہیں لیتے جو ہائرایجوکیشن کمیشن نے اس ضمن میں وضع کر رکھے ہیں۔ وہ کہتی ہیں: &#39;اس طرح کی شکایات کو یونیورسٹیاں اپنی عزت اور نام پر حملہ سمجھتی ہے لہٰذا وہ متاثرہ طالبات کو خاموش رکھنے کی ہر ممکن کوشش کرتی ہیں&#39;۔

ان کا یہ بھی کہنا ہے کہ زیادہ تر تعلیمی اداروں میں جنسی خوف و ہراس سے نمٹنے کے لئے کوئی کمیٹی موجود ہی نہیں اور جہاں یہ کمیٹی موجود ہے وہاں اس کے ارکان کو معلوم نہیں کہ انہوں نے اپنے فرائض کیسے ادا کرنے ہیں۔ &#39;لیکن اس حوالے سے کوئی آگاہی پروگرام یا مہم منعقد کروانا بھی یونیورسٹیاں اپنی ذمہ داری نہیں سمجھتیں&#39;۔

٭فرضی نام

یہ رپورٹ لوک سجاگ نے پہلی دفعہ&nbsp;24 نومبر 2020&nbsp;کو اپنی پرانی ویب سائٹ پر شائع کی تھی۔

مدد چاہتی ہے یہ حوا کی بیٹی: گلگت کی قراقرم انٹرنیشنل یونیورسٹی میں طالبات کو جنسی ہراس کا سامنا۔

text

Why don't students who have gone abroad to study on HEC scholarships return to Pakistan?

Why HEC scholars absconding abroad?

خالد فاروق سلامت 2007 میں فرانس پڑھنے کے لئے گئے۔ انہیں پیرس دیدیرو یونیورسٹی میں داخلہ ملا جہاں ان کی پڑھائی اور رہائش کے تمام اخراجات پاکستان میں اعلیٰ تعلیم کی نگرانی کرنے والے سرکاری ادارے ہائر ایجوکیشن کمیشن نے ادا کیے۔ کمیشن نے اس کے علاوہ انہیں پیرس آنے جانے کا سفر خرچ، کتابوں کی خریداری پر اٹھنے والے اخراجات، تحقیقی کام کے لئے ضروری مالی وسائل اور علاج معالجے کے لئے درکار رقم بھی فراہم کی۔&nbsp;

لیکن خالد فاروق سلامت نے ڈاکٹریٹ کی ڈگری لینے کے بعد پاکستان آنے کے بجائے بیرونِ ملک ہی مزید تعلیم حاصل کرنا شروع کر دی۔ ایک تحقیقی جریدے میں چھپے ہوئے مضمون کے مطابق وہ اس وقت برطانیہ کی یونیورسٹی آف ایڈنبرا کے روزلِن انسٹی ٹیوٹ میں ویٹرنری سائنس میں تحقیق کر رہے ہیں۔&nbsp;

ان کے پاکستان نہ آنے پر ہائر ایجوکیشن کمیشن نے انہیں مطلع کیا کہ انہیں وہ تمام رقم واپس کرنا ہو گی جو انہیں وظیفے کے طور پر دی گئی تھی۔ کمیشن کی ویب سائٹ پر دی گئی معلومات کے مطابق ان کے ذمے واجب الادا رقم ایک کروڑ 53 لاکھ روپے ہے۔ &nbsp;&nbsp;

لیکن خالد فاروق سلامت کی طرف سے کمیشن کو کوئی جواب موصول نہیں ہوا اس لئے ان سے رقم کی واپسی کے لئے عدالت میں مقدمہ دائر کر دیا گیا ہے۔

انہی کی طرح صائمہ اعجاز 2008 میں سرکاری وظیفے پر نیوزی لینڈ &nbsp;کی میسی یونیورسٹی میں بزنس مینجمنٹ کے مضمون میں پی ایچ ڈی کرنے کے لئے گئیں لیکن انہوں نے کمیشن کو بتائے بغیر پڑھائی چھوڑ دی۔ اب ان سے دو کڑور روپے واپس لینے کے لئے قانونی کارروائی کی جا رہی ہے۔

اس طرح کی کارروائی عباس مقبول کے خلاف بھی کی جا رہی ہے۔ کمیشن کا کہنا ہے کہ ان کے ذمے دو کڑور 21 لاکھ روپے واجب الادا ہیں۔ انہیں 2007 میں انگلستان کی یارک یونیورسٹی سے بائیو ٹیکنالوجی میں پی ایچ ڈی کرنے کے لئے وظیفہ دیا گیا تھا تاہم اپنی تعلیم مکمل کرنے کے بعد انہوں نے لندن کی ایک لیبارٹری میں نوکری کر لی ہے۔&nbsp;

کمیشن کی ویب سائٹ پر ایسے 94 مزید لوگوں کا ذکر ہے جنہیں بیرونِ ملک پی ایچ ڈی کرنے کے لئے وظائف دیے گئے لیکن انہوں نے یا تو اپنی تعلیم ادھوری چھوڑ دی، یا انہوں نے مزید تعلیم حاصل کرنا شروع کر دی اور یا پھر انہوں نے تعلیم مکمل کرنے کے بعد بیرونِ ملک ملازمت کر لی۔

کمیشن کے مطابق ایسے لوگوں کے ذمے کل واجب الادا رقم دو ارب 85 کروڑ روپے بنتی ہے جس کی واپسی کے لئے ان سب کے خلاف عدالتی کارروائی کی جا رہی ہے۔&nbsp;

اس معاملے کا ایک اہم پہلو یہ بھی ہے کہ یہ سب لوگ 2007 سے 2012 کے درمیان بیرونِ ملک گئے جبکہ اس سے پہلے اور بعد میں بھی سینکڑوں لوگ ہائر ایجوکیشن کے چودہ مختلف پروگراموں کے تحت وظائف حاصل کر کے غیر ملکی تعلیمی اداروں میں جا چکے ہیں۔ ان میں سے کتنے لوگ پاکستان واپس نہیں آئے اس کے کوئی حتمی اعداد و شمار دستیاب نہیں۔&nbsp;

ہائر ایجوکیشن کمیشن نے خود اس حوالے سے مختلف اوقات میں مختلف اعداد و شمار پیش کیے ہیں۔ مثال کے طور پر ستمبر 2020 میں ڈان اخبار میں چھپنے والی ایک رپورٹ کے مطابق کمیشن نے پبلک اکاونٹس کمیٹی کی ایک ذیلی کمیٹی کو پی ایچ ڈی کے بیاسی ایسے طالب علموں کے بارے میں بتایا جو تعلیم مکمل کرنے کے بعد پاکستان نہیں لوٹے- کمیشن نے کمیٹی کو 52 دیگر طالب علموں کے بارے میں بھی بتایا جو وظیفے پر بیرونِ ملک پڑھنے کے لئے گئے تھے لیکن وہاں جا کر امتحانات میں فیل ہو گئے تھے۔ &nbsp;&nbsp;

ان 134 لوگوں کی تعلیم پر مجموعی طور پر سرکاری خزانے سے 95 کروڑ 50 لاکھ روپے خرچ کیے گئے تھے۔&nbsp;

دوسری طرف فروری 2018 میں ڈان اخبار میں ہی چھپنے والی ایک خبر کے مطابق کمیشن نے سینیٹ کی ایک سٹینڈنگ کمیٹی کو بتایا کہ اس نے 5,780 طالب علموں کو اعلیٰ تعلیم کے حصول کے لیے بیرونِ ملک بھیجا جن میں سے 3,807 طالب علم پڑھائی مکمل کر چکے ہیں، 1,537 ابھی پڑھ رہے ہیں جبکہ 428 پاکستان واپس نہیں آئے۔

کمیشن کا یہ بھی کہنا تھا کہ واپس نہ آنے والوں میں سے 55 لوگوں نے وظیفے کی رقم جرمانے سمیت واپس کر دی ہے اور 11 مزید لوگ وظیفے اور جرمانے کی واپسی کے مختلف مراحل سے گزر رہے ہیں جبکہ 116 لوگوں کے خلاف عدالتی کارروائی کی جا رہی ہے۔

کمیشن نے باقی بچنے والے 338 افراد کے خلاف بھی عدالتی کارروائی شروع کرنے کا عندیہ دیا۔

<h2>گھر واپسی کیوں ضروری؟&nbsp;</h2>

سرکاری وظیفے پر اعلیٰ تعلیم کے حصول کے لئے بیرونِ ملک جانے والے افراد کو ایک اقرار نامے پر دستخط کرتے ہیں جس کے مطابق انہیں ڈگری وصول کرنے کے بعد ایک مہینے کے اندر اندر پاکستان واپس آ کر ہائر ایجوکیشن کمیشن کے دفتر میں حاضر ہونا ہوتا ہے۔ اس اقرار نامے کے تحت وہ اپنی تعلیم مکمل کر کے کم از کم پانچ سال پاکستان میں کام کرنے کے بھی پابند ہوتے ہیں۔ وہ اس بات کا عہد کرتے ہیں کہ ان پانچ سالوں میں نہ تو وہ مزید تعلیم حاصل کریں گے اور نہ ہی بیرونِ ملک نوکری کریں گے۔ &nbsp;

اس اقرار نامے پر بیرونِ ملک پڑھنے والے فرد کے علاوہ ایک ضامن کے دستخط بھی ہوتے ہیں جو اس بات کی ضمانت دیتا ہے کہ وظیفے پر پڑھائی کرنے والا شخص اقرار نامے کی شرائط کی پابندی کرے گا اور ان کی خلاف ورزی کرنے کی صورت میں اپنی تعلیم پر آنے والے اخراجات کی جرمانے کے ساتھ واپسی کا ذمہ دار ہو گا۔ &nbsp;

لیکن وظیفہ خواروں کی ایک بڑی تعداد کا پاکستان نہ آنا ظاہر کرتا ہے کہ ہائر ایجوکیشن کمیشن اس اقرار نامے کی مکمل تعمیل میں ناکام رہا ہے۔ یہ جاننے کے لئے کہ آیا کمیشن نے اس صورتِ حال کو تبدیل کرنے کے لئے کوئی اقدامات اٹھائے ہیں سجاگ نے اس کے کئی اہل کاروں سے رابطہ کیا لیکن ان میں سے کسی نے بھی ہمارے سوالوں کا جواب نہیں دیا۔ کمیشن کی میڈیا ڈائریکٹر عائشہ اکرام کو بھیجی گئی ایک ای میل کا جواب 17 روز گزرنے کے باوجود ابھی تک موصول نہیں ہوا۔

<h2>بیرونِ ملک پڑھنے والے واپس کیوں نہیں آنا چاہتے؟</h2>

سرکاری وظیفے پر بیرونِ ملک تعلیم حاصل کرنے والے ایک محقق نے سجاگ کو بتایا کہ اپنی تعلیم مکمل کرنے کے بعد وہ تقریباً تین سال پنجاب یونیورسٹی میں بطور اسسٹنٹ پروفیسر پڑھاتے رہے لیکن وہ پاکستان میں دو سال مزید نہیں گزار پائے کیونکہ ان کے بقول ریاستی قدغنوں اور آمریتی اثرات کے باعث یہاں ان کے لئے آزادانہ طور پر تحقیقی کام کرنا مشکل ہو گیا تھا۔&nbsp;

ان کے مطابق &nbsp;ایسے محقق جو پاکستانی ریاست کی پالیسیوں کے بارے میں ایک تنقیدی نقطہِ نظر رکھتے ہیں انہیں ان کی تحقیق کے حوالے سے دھمکایا جاتا ہے۔ &#39;انہیں کہا جاتا ہے کہ وہ ایسی تحقیق نہ کریں جسے ملک دشمن عناصر اپنے حق میں استعمال کر سکتے ہوں&#39;۔&nbsp;

ان کا کہنا ہے کہ اس صورتِ حال میں ان کے پاس دو ہی راستے تھے۔ &#39;ایک یہ کہ میں اپنی مرضی کے موضوعات پر تحقیق کرنا بند کر دیتا اور ریاست کو یہ طے کرنا کا حق دے دیتا کہ کون سے سماجی، سائنسی اور سیاسی سوال اہم ہیں اور کون سے نہیں۔ دوسرا راستہ یہ تھا کہ میں پاکستان ہی چھوڑ دیتا&#39;۔&nbsp;

اعلیٰ تعلیم کے ایک اور پہلو کی نشان دہی کرتے ہوئے وہ کہتے ہیں کہ جنرل پرویز مشرف کے دورِ حکومت میں سوشل سائینسز اور ادب میں تحقیق کی حوصلہ شکنی کر کے تکنیکی ڈگریوں کی حوصلہ افزائی کی گئی اور تحقیق کے معیار کو بہتر بنانے کے بجائے اس کے حجم میں اضافے پر توجہ مرکوز کی گئی۔ اس صورتِ حال میں ان کے بقول ان کے لئے پاکستان میں کام کرتے رہنا ممکن نہ تھا۔ &nbsp;

پنجاب یونیورسٹی کے استاد شفیق کمبوہ ایسے مزید عوامل کی نشان دہی کرتے ہیں جو بیرونِ ملک اعلیٰ تعلیم حاصل کرنے والے افراد کی پاکستان واپسی کی حوصلہ شکنی کرتے ہیں۔ وہ خود 2015 میں ذرائعِ ابلاغ میں پی ایچ ڈی کرنے کے لیے جرمنی گئے اور پاکستان واپس آ کر پنجاب یونیورسٹی میں پڑھانے کا ارادہ رکھتے ہیں۔

ان کے مطابق غیر ملکی یونیورسٹیوں میں پڑھنے والے پاکستانی وہاں کے تعلیمی کلچر، طرزِ زندگی اور صاف آب و ہوا کے عادی ہو جاتے ہیں اس لئے ان کے لئے پاکستان واپس آ کر ایک مختلف قسم کے ماحول میں کام کرنا اور زندگی گزارنا مشکل ہو جاتا ہے۔

ان کا یہ بھی کہنا ہے کہ &#39;پاکستانی یونیورسٹیوں میں انتظامی سطح پر سیاست کا عمل دخل بہت زیادہ ہے جس کی وجہ سے آپ کو تقرری سے لے کر مستقل عہدہ ملنے تک میرٹ کے بجائے طاقت ور گروپوں کے ساتھ روابط استعمال کرنا پڑتے ہیں۔ بیرونِ ملک پڑھنے والے لوگ اس طرح کے ماحول میں واپس آنے کے بجائے وہیں بس جانے کو ترجیح دیتے ہیں&#39;۔&nbsp;

اس ضمن میں سب سے اہم مسئلہ پاکستان واپس آنے والے لوگوں کے لئے سرکاری نوکری کی فراہمی ہے۔ اکثر اوقات پاکستانی یونیورسٹیوں میں ان کے مضمون سے منسلک اسامیاں یا تو خالی نہیں ہوتیں یا سرے سے موجود ہی نہیں ہوتیں۔

اس مسئلے کو حل کرنے کے لئے ہائر ایجوکیسن کمیشن نے 2009 میں عبوری بھرتی کا ایک پروگرام وضع کیا جس کے تحت بیرونِ ملک سے واپس آنے والے تحقیق کاروں کو ایک سال کے لیے کسی سرکاری یونیورسٹی میں کمیشن کے خرچے پر ملازمت دی جاتی ہے۔ جبکہ اس عرصے کے دوران انہیں اپنے لئے مستقل سرکاری نوکری کا انتظام کرنا ہوتا ہے۔

پنجاب یونیورسٹی میں فزکس کے ایسوسی ایٹ پروفیسر ڈاکٹر محمود حسن کہتے ہیں کہ کہ یہ پروگرام زیادہ کارآمد ثابت نہیں ہوا۔ ان کے مطابق ایک سال ختم ہونے کے بعد ان افراد کو مزید نوکری نہیں ملتی کیونکہ زیادہ تر سرکاری یونیورسٹیاں ان کی ملازمت کے اخراجات اٹھانے میں ہچکچاہٹ کا مظاہرہ کرتی ہیں۔&nbsp;

ایک ایسے وقت میں جب کچھ یونیورسٹیاں اپنے موجودہ ملازمین کی تنخواہیں بھی نہیں دے پا رہیں، جیسا کہ حال ہی میں پشاور یونیورسٹی میں دیکھنے میں آیا ہے، ان کی انتظامیہ کا مزید اخراجات سے بچنا کوئی زیادہ حیران کن بات نہیں۔&nbsp;

لاہور یونیورسٹی آف مینجمنٹ سائنسز (لمز) میں معاشیات کے استاد، ماہر تعلیم اور ہائر ایجوکیشن کمیشن کے بورڈ کے رکن ڈاکٹر فیصل باری سمجھتے ہیں کہ اس مسئلے کا حل بیرونِ ملک منتقل ہونے والے تعلیم یافتہ لوگوں پر جرمانے عائد کرنا نہیں بلکہ اس کے بجائے &#39;ہمیں اپنی یونیورسٹیوں کے نظام کو اتنا دلکش بنانا چاہیئے کہ ان لوگوں کو پاکستان واپس آنا ایک مجبوری نہ محسوس ہو&#39;۔

ان کا &nbsp;یہ بھی کہنا ہے کہ اگر سرکاری وظیفے پر بیرونِ ملک پڑھنے والا کوئی فرد پی ایچ ڈی کرنے کے بعد مزید تعلیم حاصل کرنے لگے تو اسے وظیفے اور جرمانے کی رقم کی واپسی کے نوٹس بھیجنے کے بجائے قائل کیا جانا چاہیئے کہ جب بھی اس کی تعلیم مکمل ہو جائے وہ پاکستان لوٹ آئے اور اپنے اقرار نامے کی&nbsp; شرائط&nbsp;کے مطابق یہاں نوکری کرے۔

ہائر ایجوکیشن کمیشن کے چئرمین ڈاکٹر طارق بنوری بھی بیرونِ ملک رہ جانے وظیفہ خواروں پر سختی کرنے کے قائل نہِیں۔ ایک میگزین کو دیے گئے انٹرویو میں ان کا کہنا ہے کہ &#39;واپس نہ آنے والے تحقیق کاروں کو جرمانے کے خطوط بھیج کر دھمکانے کے بجائے ان سے یہ رقم قسطوں میں واپس لی جانی چاہیئے تا کہ اس رقم سے کسی اور طالب علم کو وظیفہ دے کر پڑھایا جا سکے&#39;۔

یہ رپورٹ لوک سجاگ نے پہلی دفعہ&nbsp;29 جنوری 2021&nbsp;کو اپنی پرانی ویب سائٹ پر شائع کی تھی۔

مقابلے کے امتحان میں پیسے کا عمل دخل: پنجاب پبلک سروس کمیشن کے عملے سے مل کر پرچے آؤٹ کرانے والا گروہ کیسے پکڑا گیا؟

ہائر ایجوکیشن کمیشن کے بھگوڑے سکالر

ڈاکٹر بشریٰ بشیر کو خدشہ ہے کہ وہ کبھی اپنی پی ایچ ڈی مکمل نہیں کر پائیں گی۔

وہ لاہور کے میو ہسپتال میں سینئر رجسٹرار کے طور پر کام کر رہی ہیں اور 2013 سے کِنگ ایڈورڈ میڈیکل یونیورسٹی کے شعبہ ڈرماٹالوجی میں پی ایچ ڈی کی طالبہ ہیں۔ ان کا کہنا ہے کہ جولائی 2019 میں جب یونیورسٹی انتظامیہ نے شعبہ بائیو کیمسٹری کے سربراہ ڈاکٹر نخشب چوہدری کو اس لیبارٹری کا انتظام سنبھالنے پر مامور کیا جہاں وہ تحقیق کر رہی تھیں تو اس وقت تک وہ تمام درسی امتحانات پاس کرچکی تھیں۔

ڈاکٹر نخشب نے آتے ہی ڈاکٹر بشریٰ کو لیبارٹری میں کام کرنے سے روک دیا اور انہیں کچھ دستاویزات پیش کرنے کا کہا۔ وہ کہتی ہیں: &quot;کبھی مجھ سے تحقیقی جائزے کے لئے درکار مشینری کی خریداری کے لئے جاری کیے گئے حکم نامے منگوائے گئے اور کبھی میری تحقیق کا 2016 میں منظور شدہ خاکہ طلب کیا گیا&quot;۔

لیکن وہ کہتی ہیں کہ یہ سارے کاغذات پیش کرنے کے باوجود انہیں کہا گیا کہ لیبارٹری استعمال کرنے کے لئے انہیں نئے سرے سے درخواست دینا ہو گی کیونکہ اس سے متعلقہ قواعد و ضوابط تبدیل کردیے گئے ہیں۔ اس طرح کی دستاویزی ضروریات پوری کرنے میں ڈاکٹر بشریٰ کو تین ماہ لگ گئے لیکن پھر بھی انہیں لیبارٹری میں کام کرنے کی اجازت نہ ملی۔

ستمبر 2019 میں وہ یونیورسٹی کے وائس چانسلر ڈاکٹر خالد مسعود گوندل &nbsp;کے پاس شکایت لے کر گئیں کہ ان کے کام میں بلاوجہ رکاوٹیں ڈالی جا رہی ہیں جن کی وجہ سے ان کے تحقیقی نمونے خراب ہو رہے ہیں۔ ان کے مطابق وائس چانسلر نے انہیں بتایا کہ وہ اس معاملے میں کچھ نہیں کر سکتے۔&nbsp;

جب فروری 2020 تک صورتِ حال میں کوئی تبدیلی نہ ہوئی تو ڈاکٹر بشریٰ نے یونیورسٹی انتظامیہ کو ایک تحریری شکایت پیش کی جس میں انہوں نے ڈاکٹر نخشب کے خلاف کارروائی کرنے کی استدعا کی کیونکہ، ڈاکٹر بشریٰ کے بقول، وہ اپنے عہدے اور اختیار کا غلط استعمال کر کے ان کی تحقیق کے راستے میں روڑے اٹکا رہے تھے۔&nbsp;

ان کی شکایت پر یونیورسٹی نے ایک تحقیقاتی کمیٹی تشکیل دی لیکن ڈاکٹر بشریٰ کا کہناٰ ہے کہ اس کمیٹی نے نہ تو ان کا موقف سنا اور نہ ہی کسی قسم کی تحقیق کی بلکہ اس کے بجائے فیصلہ دیا کہ ان کے تحقیقی کام کی تکمیل کے لیے ان کے ساتھ تعاون کیا جائے۔

<h2>اسی سے متعلق&nbsp;</h2>

اس فیصلے کے نتیجے میں انہیں ہفتے میں تین دن لیبارٹری میں کام کرنے کی اجازت تو مل گئی لیکن اس کے لئے جو اوقات مختص کیے گئے وہ ان کے لئے قابلِ عمل نہیں تھے۔ انہوں نے ان اوقات میں تبدیلی کے لئے متعدد درخواستیں دی لیکن ان کی بات نہ سنی گئی۔ مارچ 2020 میں انہوں نے بالآخر یونیورسٹی آف ویٹرنری اینڈ اینیمل سائنسز کی لیبارٹری میں کام کرنے کی اجازت لے لی لیکن کورونا وبا کے باعث یہ لیبارٹری بھی بند کر دی گئی جس کی وجہ سے وہ اپنا تحقیقی کام ابھی تک مکمل نہیں کر پائیں۔&nbsp;

اس دوران، ڈاکٹر بشریٰ کے بقول، نہ صرف کِنگ ایڈورڈ میڈیکل یونیورسٹی کی لیبارٹری میں موجود ان کا تحقیقی ڈیٹا اور اس کے نتائج انہیں دینے سے انکار کر دیا گیا بلکہ ڈاکٹر نخشب انہیں &quot;مسلسل دھمکاتے رہے۔ وہ کہتے تھے کہ میرا تحقیقی کام بالآخر انہیں کے پاس جمع ہونا ہے کیونکہ وہ ڈاکٹریٹ پروگرام کی کوآرڈی نیشن کمیٹی کے سربراہ بھی ہیں۔ اس لئے اگر میں نے اپنی تحقیق کہیں مکمل کر بھی لی تو اس کا آڈٹ کرنے میں وہ مجھے پکڑ لیں گے&quot;۔&nbsp;

<h2>انتظامی ہراس</h2>

جولائی 2020 میں ڈاکٹر بشریٰ نے ڈاکٹر نخشب کے خلاف کام کی جگہ پر ہونے والے ہراس کے قانون کے تحت بنائی گئی پنجاب کی خاتون محتسب کی عدالت میں انتظامی ہراس اور بد سلوکی کی شکایت درج کرائی۔ 
پہلی دو پیشیوں میں ڈاکٹر نخشب غیر حاضر رہے۔

اس فیصلے کے نتیجے میں انہیں ہفتے میں تین دن لیبارٹری میں کام کرنے کی اجازت تو مل گئی لیکن اس کے لئے جو اوقات مختص کیے گئے وہ ان کے لئے قابلِ عمل نہیں تھے۔ انہوں نے ان اوقات میں تبدیلی کے لئے متعدد درخواستیں دی لیکن ان کی بات نہ سنی گئی۔ مارچ 2020 میں انہوں نے بالآخر یونیورسٹی آف ویٹرنری اینڈ اینیمل سائنسز کی لیبارٹری میں کام کرنے کی اجازت لے لی لیکن کورونا وبا کے باعث یہ لیبارٹری بھی بند کر دی گئی جس کی وجہ سے وہ اپنا تحقیقی کام ابھی تک مکمل نہیں کر پائیں۔&nbsp;

اس دوران، ڈاکٹر بشریٰ کے بقول، نہ صرف کِنگ ایڈورڈ میڈیکل یونیورسٹی کی لیبارٹری میں موجود ان کا تحقیقی ڈیٹا اور اس کے نتائج انہیں دینے سے انکار کر دیا گیا بلکہ ڈاکٹر نخشب انہیں &quot;مسلسل دھمکاتے رہے۔ وہ کہتے تھے کہ میرا تحقیقی کام بالآخر انہیں کے پاس جمع ہونا ہے کیونکہ وہ ڈاکٹریٹ پروگرام کی کوآرڈی نیشن کمیٹی کے سربراہ بھی ہیں۔ اس لئے اگر میں نے اپنی تحقیق کہیں مکمل کر بھی لی تو اس کا آڈٹ کرنے میں وہ مجھے پکڑ لیں گے&quot;۔&nbsp;

<h2>انتظامی ہراس</h2>

جولائی 2020 میں ڈاکٹر بشریٰ نے ڈاکٹر نخشب کے خلاف کام کی جگہ پر ہونے والے ہراس کے قانون کے تحت بنائی گئی پنجاب کی خاتون محتسب کی عدالت میں انتظامی ہراس اور بد سلوکی کی شکایت درج کرائی۔

پہلی دو پیشیوں میں ڈاکٹر نخشب غیر حاضر رہے۔

ہراس کے قانون کی شق 8(2) کے تحت شکایت رجسٹرڈ ہونے کے بعد پانچ دنوں کے اندر ملزم نے اپنا تحریری جواب جمع کرانا ہوتا ہے۔ اگر کسی مناسب وجہ کی عدم موجودگی میں وہ جواب جمع نہ کرائے تو محتسب اس کے خلاف یک طرفہ کاروائی کر سکتی ہیں لیکن ڈاکٹر نخشب نے مقررہ مدت کے اندر جواب جمع کرانے کے بجائے عدالت کو لکھ بھیجا کہ ان کے خلاف ڈاکٹر بشریٰ کی شکایت یونیورسٹی کی ہراس کمیٹی میں بھی سنی جا رہی ہے لہٰذا اس پر محتسب کا دائرہ کار لاگو نہیں ہوتا۔

دوسری طرف ڈاکٹر بشریٰ کا موقف تھا کہ نہ تو انہوں نے کبھی یونیورسٹی کی ہراس کمیٹی کے سامنے کوئی شکایت پیش کی اور نہ ہی انہیں کبھی بتایا گیا کہ ان کی کسی شکایت پر کارروائی کی جا رہی ہے۔ ان کا کہنا ہے کہ &quot;میں محتسب کے پاس اس لئے گئی تھی کہ میری شکایت کا ازالہ کرنے کے لئے یونیورسٹی اپنی ہی تحقیقی کمیٹی کی ہدایات پر عمل نہیں کرا سکی تھی&lsquo;&lsquo;۔&nbsp;

محتسب نے 8 ستمبر 2020 کو بالآخر فیصلہ دیا کہ &quot;یونیورسٹی کی کمیٹی ہراس کی شکایت کا جائزہ نہیں لے رہی اس لئے ڈاکٹر نخشب کا اعتراض رد کیا جاتا ہے&quot;۔&nbsp;

اس فیصلے کے باوجود ڈاکٹر نخشب محتسب کے سامنے پیش نہیں ہوئے بلکہ 18 نومبر کو انہوں نے دوبارہ محتسب کو بتایا کہ یونیورسٹی کی ہراس کمیٹی کی کارروائی مکمل ہو چکی ہے۔ 27 نومبر کو یونیورسٹی کی جانب سے کمیٹی کی کارروائی کی تفصیلات بھی محتسب کو جمع کرائی گئیں جن میں درج تھا کہ ڈاکٹر بشریٰ کی شکایت قانون میں دی گئی ہراس کی تعریف پر پورا نہیں اترتی کیونکہ قانون میں جنسی ہراس کا ذکر ہے نہ کہ انتظامی ہراس کا۔&nbsp;

ان تفصیلات کے مطابق کمیٹی نے یہ فیصلہ 10 اکتوبر 2020 کو دیا حالانکہ اس کے کئی دِن بعد 13 نومبر کو یونیورسٹی کے سینئر لا افسر نے محتسب کو بتایا کہ کمیٹی نے ڈاکٹر نخشب کے خلاف انتظامی ہراس کی شکایت پر ابھی تک کوئی کارروائی نہیں کی۔&nbsp;

اسی طرح ان تفصیلات میں جن چار افراد کے بارے میں دعویٰ کیا گیا کہ وہ کمیٹی کی کارروائی میں موجود تھے ان میں سے کم از کم ایک کا کہنا ہے کہ انہیں اس معاملے کے بارے میں کچھ معلوم نہیں۔ ان کا نام ڈاکٹر عائشہ شوکت ہے اور وہ یونیورسٹی میں سرجری کے شعبے کی پروفیسر ہیں۔ سجاگ سے بات کرتے ہوئے ان کا کہنا ہے کہ وہ نہ تو کسی ڈاکٹر بشریٰ کو جانتی ہیں اور نہ ہی وہ جنسی ہراس پر بنی کسی کمیٹی کا حصہ ہیں۔&nbsp;

میڈیسن کے شعبے کے پروفیسر ڈاکٹر عادل اقبال کمیٹی کی کارروائی میں اپنی موجودگی تسلیم تو کرتے ہیں لیکن ان کا کہنا ہے کہ ڈاکٹر نخشب کے خلاف شکایت پر تحقیق کا آغاز اکتوبر میں نہیں بلکہ دسمبر میں ہوا۔&nbsp;

اس کے باوجود محتسب کا فیصلہ ڈاکٹر نخشب کے حق میں آیا۔&nbsp;

ڈاکٹر بشریٰ کہتی ہیں کہ وہ یکم فروری 2021 کو ہونے والی سماعت کا انتظار کر رہی تھیں جب محتسب کی عدالت کے قانونی مشیر محمد اسلم نے 11 جنوری کو انہیں عدالتی فیصلہ واٹس ایپ کے ذریعے بھیجا۔ اس میں لکھا تھا کہ: &rsquo;کنگ ایڈورڈ میڈیکل یونیورسٹی کی ہراس پر بنائی گئی تحقیقاتی کمیٹی اس کیس میں فیصلہ سنا چکی ہے اس لیے (محتسب کی عدالت) میں اس شکایت پر دوبارہ تحقیقات نہیں ہو سکتیں البتہ اگر درخواست گزار چاہیں تو وہ یونیورسٹی کی کمیٹی کی کارروائی کے خلاف اپیل کر سکتی ہیں&quot;۔&nbsp;

ڈاکٹر بشریٰ کا کہنا ہے کہ چونکہ انہوں نے یونیورسٹی کی کمیٹی کو ہراس کے بارے میں شکایت ہی نہیں کی اور نہ ہی انہیں کبھی اس کی کسی کارروائی میں باقاعدہ طور پر بلایا گیا تو وہ اس کے فیصلے کو کیوں تسلیم کریں۔ ان کا موقف ہے کہ محتسب کی عدالت کو خود ان کی شکایت پر تحقیقات کرنا چاہیے تھی۔

لہٰذا انہوں نے محتسب کے فیصلے پر نظرثانی کے لیے گورنر پنجاب کو اپیل کی لیکن گورنر نے یہ اپیل اس تکنیکی بنیاد پر رد کر دی کہ محتسب نے ان کی شکایت پر ملزم کے خلاف یا اس کے حق میں کسی ایسی کارروائی کا حکم نہیں دیا تھا جس پر نظرِ ثانی کی جا سکے۔&nbsp;

<h2>متنازعہ شخصیت؟</h2>

ڈاکٹر نخشب کے خلاف اکتوبر 2020 میں محتسب کی عدالت میں ایک اور شکایت بھی درج کرائی گئی جس میں ان پر انتظامی ہراس، اختیار اور عہدے کے غلط استعمال اور کام میں رکاوٹیں پیدا کرنے کے الزامات لگائے گئے۔&nbsp;

یہ شکایت ڈاکٹر فائزہ رشید نے درج کرائی جو 2016 سے کِنگ ایڈورڈ میڈیکل یونیورسٹی کے شعبہ بائیوکیمسٹری میں ایم فل کی طالبہ ہیں۔ ڈاکٹر نخشب ان کے تحقیقی کام کے نگران تھے۔

جنوبی پنجاب کے ضلعے لودھراں کی رہائشی ڈاکٹر فائزہ کا کہنا ہے کہ 2017 میں ان کے دو آپریشن ہوئے جس کی وجہ سے وہ اپنی پڑھائی باقاعدگی سے نہ کر پائیں لیکن ان کی بیماری سے آگاہ ہونے کے باوجود ڈاکٹر نخشب نے اس سلسلے میں ان کی کوئی مدد نہ کی بلکہ ڈاکٹر نخشب نے انہیں اس ڈیٹا کے نتائج دینے بھی سے انکار کر دیا جو انہوں نے اپنی تحقیق کے دوران اکٹھا کیا تھا۔ انہوں نے مبینہ طور پر ڈاکٹر فائزہ کا تحقیقی مقالہ بھی یونیورسٹی کے شعبہِ امتحانات کو نہ بھیجا۔&nbsp;

وہ کہتی ہیں کہ اس دوران انہیں ڈاکٹر نخشب کی جانب سے مسلسل بد سلوکی، دھمکیوں اور تذلیل کا بھی سامنا کرنا پڑا۔

اگرچہ ڈاکٹر بشریٰ کی طرح انہوں نے بھی یونیورسٹی کی ہراس پر بنی کمیٹی کے پاس اس بارے میں شکایت درج نہیں کرائی تھی لیکن نومبر 2020 میں یونیورسٹی کی انتظامیہ نے انہیں خط بھیجا کہ یہ کمیٹی ان کی شکایت کا جائزہ لی رہی ہے۔ کمیٹی نے بعد ازاں وہی فیصلہ صادر کیا جو وہ ڈاکٹر بشریٰ کے کیس میں کر چکی تھی کہ ان کی شکایت جنسی ہراس کے قانون کے دائرہ کار میں نہیں آتی۔&nbsp;

اسی فیصلے کی بنیاد پر محتسب کی عدالت نے بھی ڈاکٹر فائزہ کو بتایا کہ ان کی شکایت پر کارروائی نہیں کی جا سکتی کیونکہ یونیورسٹی کی کمیٹی اس پر پہلے ہی کارروائی کر چکی ہے۔&nbsp;

کچھ دوسرے طلبا نے ڈاکٹر نخشب کے بارے میں یونیورسٹی انتظامیہ کو بھی شکایات بھیجییں لیکن ان کی کوئی شنوائی نہ ہوئی۔ ان میں سے ایک طارق رحمانی ہیں۔ وہ 2012 سے کِنگ ایڈورڈ میڈیکل یونیورسٹی کے شعبہ پیتھالوجی میں پی ایچ ڈی کر رہے تھے لیکن اپریل 2016 میں انہوں نے پڑھائی چھوڑ دی اور یونیورسٹی کے وائس چانسلر کو خط لکھ کر بتایا کہ وہ پانچ بار ڈاکٹر نخشب کو اپنی تحقیق کا خاکہ جمع کرا چکے ہیں اس کے باوجود ان کا داخلہ اس وجہ سے منسوخ کر دیا گیا ہے کہ انہوں نے یہ خاکہ جمع نہیں کرایا۔

ان الزامات کے حوالے سے ڈاکٹر نخشب کا کہنا ہے کہ &rsquo;&rsquo;ڈاکٹروں کی پی ایچ ڈی کوئی چھوٹی بات نہیں ہوتی۔ میرے لئے یہ ممکن نہیں کہ میں ہر کسی کو ڈگریاں بانٹتا پھروں&quot;۔ سجاگ سے بات کرتے ہوئے وہ دعویٰ کرتے ہیں کہ ان کے رویے کے شاکی طالب علم در اصل &quot;اپنی نا اہلی چھپانے کے لیے ان پر الزامات لگا دیتے ہیں&lsquo;&lsquo;۔&nbsp;

تاہم ان الزامات کے علاوہ ڈاکٹر نخشب کو پنجاب کے صوبائِی محکمہِ صحت کی طرف سے انضباطی کارروائی کا بھی سامنا ہے۔

کِنگ ایڈورڈ میڈیکل یونیورسٹی کے سنڈیکیٹ کے 6 اگست 2015 کو ہونے والے ایک اجلاس میں ان کی طرف سے جمع کرائے گئے پیشہ وارانہ تجربے کے سرٹیفیکیٹ کے اصلی ہونے پر سوال اٹھایا گیا جس پر سنڈیکیٹ نے کہا کہ ان کی بطور پروفیسر تقرری کی منظوری اس وقت تک نہیں دی جائے گی جب تک مجاز اتھارٹی ان کے سرٹیفیکیٹ کی حیثیت واضح نہیں کر دیتی۔&nbsp;

اس فیصلے پر عمل درآمد کے لئے محکمہِ صحت نے ایک تحقیقاتی کمیٹی بنائی جس نے ان کے سرٹیفیکیٹ کو جعلی قرار دیا اور تجویز کیا کہ ان کے خلاف پنجاب ایمپلائز ایفیشنسی، ڈسپلن اینڈ اکاونٹیبلٹی ایکٹ (2006) کے تحت کارروائی کی جائے۔ ڈان اخبار میں چھپی ہوئی ایک رپورٹ کے مطابق بعد ازاں محکمہِ صحت نے اس معاملے کی چھان بیں کے لئے ایک اور کمیٹی بنائی جس نے پہلی کمیٹی کے فیصلے کی توثیق کرتے ہوئے تجویز کیا کہ ڈاکٹر نخشب کو نوکری سے نکال دیا جائے کیونکہ انہوں نے اپنے تجربے کے بارے میں جھوٹا دعویٰ کیا ہے۔&nbsp;

ڈاکٹر نخشب کا کہنا ہے کہ محکمہِ صحت ان کے خلاف کارروائی کرنے کا مجاز نہیں کیونکہ وہ کِنگ ایڈورڈ میڈیکل یونیورسٹی کے ملازم ہیں جو ایک خود مختار ادارہ ہے اور محکمے کے دائرہِ اختیار سے باہر ہے۔ تاہم ان کے مخالفین کا کہنا ہے کہ جعلی سرٹیفیکیٹ پیش کرتے وقت وہ محکمہِ صحت ہی کے ملازم تھے اس لئے ان پر صوبائی قوانین کا اطلاق کیا جا سکتا ہے۔&nbsp;

اس معاملے میں حتمی فیصلہ لاہور ہائی کورٹ نے کرنا ہے جہاں اس پر عدالتی کارروائی مختلف مراحل سے گزر رہی ہے۔

لیکن حیران کن بات یہ ہے کہ اتنے سنگین الزام کا سامنا کرنے والے ڈاکٹر نخشب کے پاس کِنگ ایڈورڈ میڈیکل یونیورسٹی میں ایک نہیں متعدد اہم عہدے ہیں۔ وہ شعبہ بائیو کیمسٹری کے سربراہ ہونے کے ساتھ ساتھ ڈاکٹریٹ پروگرام کی کوآرڈی نیشن کمیٹی کے سربراہ بھی ہیں اور ان کے پاس یونیورسٹی کے مالی وسائل سے رقوم نکالنے اور انہیں خرچ کرنے کا بھی اختیار ہے۔ اس کے علاوہ شعبہ بائیو میڈیکل سائنسز کی لیبارٹری کی نگرانی بھی ان کی اضافی ذمہ داری ہے۔&nbsp;

ڈاکٹر بشریٰ کا کہنا ہے کہ اس قدر با اختیار شخص کے خلاف ان کی شکایات پر انہیں کبھی بھی انصاف نہیں مِل پائے گا بلکہ الٹا ان کا اپنا تحقیقی کام اور پیشہ وارانہ کیرئر ہی متاثر ہوگا۔ اس کے باوجود وہ ہر اس ادارے میں جانے کا ارادہ رکھتی ہیں جہاں وہ ڈاکٹر نخشب کے مبینہ رویے کے خلاف آواز اٹھا سکیں۔

یہ رپورٹ لوک سجاگ نے پہلی دفعہ 17 &nbsp;مارچ 2021&nbsp; کو اپنی پرانی ویب سائٹ پر شائع کی تھی۔

میڈیکل کالجوں کے داخلہ ٹیسٹ میں بد انتظامی: 'پی ایم سی نے  ہزاروں طلبا کا مستقبل داؤ پر لگا دیا'۔

کنگ ایڈورڈ میں انتظامی ہراس کے بڑھتے الزامات

ڈاکٹر ڈالیہ محمود ایک رپورٹ جمع کرانے کے لئے جب لاہور کی کِنگ ایڈورڈ میڈیکل یونیورسٹی کے وائس چانسلر ڈاکٹر خالد مسعود گوندل کے دفتر گئیں تو ان کے بقول انہیں ایک بالکل غیر متوقع صورتِ حال کا سامنا کرنا پڑا۔

ان کے مطابق خالد مسعود گوندل انہیں کہنے لگے کہ &rsquo;آپ کی شادی کی عمر ہو چکی ہے۔ آٓپ شادی کیوں نہیں کرتیں؟ معاشرے میں مرد کے بغیر عورت کو ٹھیک نگاہ سے نہیں دیکھا جاتا۔ شادی کے بعد عورت کی طاقت میں بہت اضافہ ہو جاتا ہے&#39;۔

انہوں نے یہ بھی کہا کہ &#39;آپ فکر نہ کریں۔ میں آپ کی شادی کرا دوں گا&#39;۔

ڈالیہ محمود نے انہیں جواب دیا کہ ان کی شادی کا فیصلہ ان کی والدہ کریں گی۔ یہ کہہ کر وہ دفتر سے نکل گئیں۔

یہ واقعہ اپریل 2019 میں پیش آیا۔

اس وقت ڈالیہ محمود کِنگ ایڈورڈ میڈیکل یونیورسٹی کے ہاسٹل میں اسسٹنٹ وارڈن کے طور پر کام کر رہی تھیں۔ اگرچہ کام کے سلسلے میں انہیں اکثر وائس چانسلر سے واسطہ پڑتا رہتا تھا لیکن اس واقعے کے بعد انہوں نے خالد مسعود گوندل کے دفتر جانے سے اجتناب کرنا شروع کر دیا جس پر، ان کے بقول، یونیورسٹی انتظامیہ نے انہیں تنگ کرنا شروع کر دیا۔

مثال کے طور پر جب انہوں نے لڑکیوں کے ہاسٹل میں کسی انجان آدمی کے گھسنے کی رپورٹ انتظامیہ کو دی تو، باوجود اس کے کہ یہ رپورٹ انہوں نے ہاسٹل کے چیف وارڈن کے کہنے پر کی تھی، ایڈمن آفسر نے ایک کمیٹی بنا کر انہی کے خلاف تحقیقات شروع کر دیں۔ کچھ عرصے بعد انہیں ہاسٹل کا وہ کمرہ خالی کرنے کو کہا گیا جہاں وہ اسسٹنٹ وارڈن ہونے کی حیثیت سے اپنے فرائض انجام دیتی تھیں۔

ڈالیہ محمود کے مطابق جب انہوں نے انتظامیہ کو کہا کہ انہیں کمرہ خالی کرنے کا تحریری حکم دکھایا جائے تو وائس چانسلر نے انہیں اپنے دفتر میں بلا کر دھمکانا شروع کر دیا۔ وہ کہتی ہیں کہ خالد محمود گوندل نے ان سے پوچھا کہ &rsquo;آپ کی کیا مجال ہے کہ آپ وائس چانسلر سےتحریری آرڈر مانگیں۔ آپ کو صرف ایک ہی تحریری آرڈر ملے گا۔ آپ کی نوکری سے چھٹی کا&#39;۔

وائس چانسلر نے انہیں یہ بھی کہا کہ ایک سپرنٹنڈنٹ آف پولیس ان کے جاننے والے ہیں جن کی مدد سے وہ ان کا سامان کمرے سے باہر بھی پِھنکوا سکتے ہیں۔

ڈالیہ محمود نے اس کے بعد کمرے کی چابی وائس چانسلر کو بھجوا دی۔

کچھ دن بعد خالد محمود گوندل کے ذاتی معاون (پرسنل اسسٹنٹ) نے انہیں اپنے دفتر بلایا اور وائس چانسلر کی تعریفیں کرنا شروع کر دیں۔ اس نے ڈالیہ محمود کو مشورہ دیا کہ ان کے مستقبل کے لیے بہتر ہوگا اگر وہ وائس چانسلر کے ساتھ بنا کے رکھیں۔

کچھ عرصے بعد، ستمبر 2019 میں، جب یونیورسٹی انتظامیہ نے لڑکیوں کے ہاسٹل کے لیے ایک علیحدہ چیف وارڈن کے طور پر ڈاکٹر بلقیس شبیر کا تقرر کیا تو ڈالیہ محمود کو لگا کہ یہ تقرری انہیں تنگ کرنے کے لیے کی گئی ہے &#39;تا کہ میں مدد کے لیے وائس چانسلر کے پاس جانے پر مجبور ہو جا ؤں&#39;۔ 
اس کی وضاحت کرتے ہوئے وہ کہتی ہیں کہ ڈاکٹر بلقیس شبیر کا تقرر نا تو یونیورسٹی کے قواعد و ضوابط کے مطابق تھا اور نا ہی یونیورسٹی کے سِنڈیکیٹ یا سینیٹ سے اس کی منظوری لی گئی تھی۔

دو مہینے بعد ہاسٹل میں رہنے والی طالبات نے شکایت کی کہ انہیں ہاسٹل میں باسی کھانا دیا گیا جس کے باعث ان کی طبیعت خراب ہو گئی۔ اس شکایت کے ازالے کے لئے جب ڈالیہ محمود نے کچھ انتظامی تبدیلیاں کیں تو ڈاکٹر بلقیس شبیر کی جانب سے ایک نوٹیفکیشن جاری کیا گیا کہ چیف وارڈن کی

منظوری کے بغیر ہاسٹل میں کوئی تبدیلی نہیں ہو گی۔ لیکن اگلے دن کچھ طلبہ نے فیس بک پر باسی کھانے کا مسئلہ اٹھایا تو انتظامیہ نے ڈالیہ محمود کو ہی کھانے کے معیار کا ذمے دار ٹھہرایا اور کسی تحقیق کے بغیر انہیں ایک وارننگ بھی دے دی۔

<h2>انتظامی کارروائی یا انتقامی کارروائی؟</h2>

انتیس سالہ ڈالیہ محمود نے 2016 میں لاہور کی فاطمہ جناح میڈیکل یونیورسٹی سے ایم بی بی ایس کی ڈگری لی۔ وہ مئی 2017 سے کِنگ ایڈورڈ میڈیکل یونیورسٹی میں ڈیمانسٹریٹر کے طور پر کام کر رہی ہیں۔ کچھ عرصہ بعد انہوں نے اسی یونیورسٹی کے فورنزک سائنس کے شعبے سے ایم فِل بھی کرنا شروع کر دیا اور اکتوبر 2018 میں اس کے ہاسٹل کی اسسٹنٹ وارڈن بھی بنائی گئیں۔

ان کا تعلق پنجاب کے مغربی دیہاتی ضلعے خوشاب سے ہے۔ ان کے خاندان میں ان کے علاوہ ان کی والدہ اور ایک بہن ہیں۔ وہ دونوں کچھ عرصہ ان کے ساتھ ہاسٹل میں بھی رہی ہیں۔

ان کا کہنا ہے کہ &#39;نوکری کرنا میری مجبوری ہے لیکن وائس چانسلر چاہتے ہیں کہ یا تو میں ان کی ہر بات مانتی رہوں اور یا نوکری چھوڑ دوں۔ اس لئے مجھے مسلسل انتقامی کارروائیوں کا نشانہ بنایا جا رہا ہے&#39;۔

ان کے بقول انہیں پہلی بار اس طرح کی کارروائی کا سامنا جنوری 2019 میں اس وقت کرنا پڑا جب انہیں اسسٹنٹ وارڈن کے عہدے پر فائز ہوئے چند ماہ ہی ہوئے تھے۔ &nbsp;

وہ کہتی ہیں ان کے ایم فل کے سپروائزر اس تقرری سے خوش نہیں تھے۔ &#39;انہوں نے مجھے اپنے دفتر میں بلایا اور پوچھا کہ ان کی اجازت کے بغیر مجھے اسسٹنٹ وارڈن کے عہدے پر کیسے رکھا گیا ہے۔ انہوں نے مجھے دھمکی دی کہ وہ مجھے ایم فل نہیں کرائیں گے اور نوکری سے نکلوا دیں گے&#39;۔

اس طرح ایک بار &#39;جب رات کے دو بجے مجھے ایمرجنسی ڈیوٹی کے لئے فون کیا گیا تو میں وہ کال اٹھا نہ سکی۔ اس پر وائس چانسلر کو میرے خلاف ایک تحریری شکایت بھیج دی گئی&#39;۔

اس شکایت پر پرو وائس چانسلر کی سربراہی میں ایک تحقیقاتی کمیٹی بنائی گئی جسے ڈالیہ محمود نے ایک خط لکھ کر اپنی صفائی پیش کرنے کی کوشش کی۔ اس خط میں انہوں نے کمیٹی کو یہ بھی بتایا کہ انہیں امتیازی سلوک کا نشانہ بنایا جا رہا ہے۔ لیکن ان کا کہنا ہے کہ کمیٹی نے ان کی باتوں پر توجہ دینے کے بجائے انہیں خبردار کیا کہ اگر وہ قصور وار پائی گئیں تو انہیں نوکری سے نکالا بھی جا سکتا ہے۔

اس پر جب &rsquo;میں صوبائی محکمہِ صحت کے ڈپٹی سکریٹری کے پاس اپنی شکایت لے کر گئی تو وائس چانسلر نے میری بہن کو، جو ان کی سٹوڈنٹ رہ چکی ہیں، فون پر چیختے ہوے کہا کہ آخر ڈالیہ کا مسئلہ کیا ہے&#39;۔

ایک ماہ بعد انہیں فورنزک سائنس سے فزیالوجی کے شعبے میں منتقل کر دیا گیا۔ لیکن چونکہ ان کے ایم فل کے سپروائزر کا تعلق فورنزک سائنس کے شعبے سے تھا اس لئے انہوں نے درخواست دی کہ انہیں نئے شعبے میں کسی اور سپروائزر کی نگرانی میں دیا جائے۔ جس پر یونیورسٹی انتظامیہ نے انہیں بتایا کہ سپروائزر صرف تین ہی صورتوں میں تبدیل ہو سکتا ہے: اس کا تبادلہ ہو جائے، وہ ریٹائر ہو جائے یا وہ انتقال کر جائے۔

نتیجتاً ڈالیہ محمود کو ایم فِل چھوڑنا پڑا۔

تاہم، ان کے بقول، اس مسئلے کے بعد وائس چانسلر نے ان کے معاملات میں زیادہ دلچسپی لینا شروع کر دی اور وہ غروبِ آفتاب کے بعد باقاعدگی سے ہاسٹل کا چکر لگانے لگے۔ وہ کہتی ہیں کہ کبھی چھٹی کے دن وہ گھر کے کپڑوں میں یا ٹریک سوٹ میں ہوتیں تو وائس چانسلر کے دورے کے دوران انہیں بہت بے چینی محسوس ہوتی &#39;کیونکہ وہ مجھے ایسے دیکھتے تھے جیسے میرا جسمانی معائنہ کر رہے ہوں&#39;۔

ان کے بقول خالد مسعود گوندل ان کے کپڑوں اور ان کی عمر پر &#39;ناروا &nbsp;تبصرے&#39; بھی کرتے۔ ایک بار انہوں نے ڈالیہ محمود سے یہ بھی پوچھا کہ کیا وہ ان کو پسند نہیں کرتیں۔ جب انہوں نے وائس چانسلر سے پوچھا کہ وہ ایسا کیوں کہہ رہے ہیں تو وہ &#39;کہنے لگے کہ وہ اپنے کام کے حوالے سے یہ سوال پوچھ رہے ہیں&#39;۔

قانونی چارہ جوئی 
دسمبر 2020 میں ڈالیہ محمود اپنا مسئلہ لے کر پنجاب کی خاتون محتسب، رخسانہ گیلانی، کے پاس پہنچ گئیں جن کی ذمہ داری ہے کہ وہ خواتین کو پیشہ وارانہ فرائض کی انجام دہی کے دوران پیش آنے والی جنسی خوف و ہراس کے معاملات کی تحقیق کریں اور مجرمان کو سزا دیں۔ محتسب نے ان کا مسئلہ سننے کے بعد خالد مسعود گوندل کو جواب طلبی کا نوٹس جاری کر دیا۔

22 &nbsp;دسمبر کو محتسب نے اس سلسلے میں پہلی سماعت کرنا تھی لیکن جب ڈالیہ محمود محتسب کے دفتر پہنچیں تو انہیں بتایا گیا کہ سماعت 7 جنوری 2021 تک ملتوی کر دی گئی ہے۔ اسی دوران 2 جنوری کو انہیں محتسب کی جانب سے ایک خط موصول ہوا جس میں کہا گیا کہ رخسانہ گیلانی نے اپنے دفتر کے ایک قانونی کنسلٹنٹ کو تحقیقاتی کمیشن کے اختیارات دے کر حکم دیا ہے کہ وہ اس حوالے سے کنگ ایڈورڈ میڈیکل یونیورسٹی میں ہی اپنی تحقیقی کارروائی سر انجام دیں۔

ڈالیہ محمود کے وکیل اِس فیصلے کو غیر قانونی سمجھتے ہیں۔ ان کا کہنا ہے کہ &#39;محتسب کا اپنے عدالتی اختیارات کمیشن کو تفویض کرنا آئینِ پاکستان کے آرٹیکل دس-اے کی خلاف ورزی ہے جو ایک منصفانہ عدالتی سماعت کی ضمانت دیتا ہے&#39;۔ ان کا یہ بھی کہنا ہے کہ مقدمہ کی تفتیش اور سماعت کے لیے کنگ ایڈورڈ میڈیکل یونیورسٹی کو &#39;مختص کرنا ایسا ہی ہے جیسے کسی ملزم کے گھر میں اس کے خلاف مقدمہ چلانا&#39;۔

لہٰذا انہوں نے کمیشن بنانے کا فیصلہ لاہور ہائی کورٹ میں چیلنج کیا جس نے فوری طور پر اسے معطل کر دیا اور مزید سماعت کے لئے محتسب اور خالد مسعود گوندل کو 26 جنوری 2021 کو طلب کر لیا۔

اسی دوران سوشل میڈیا پر ڈالیہ محمود کی تصاویر گردش کرنے لگیں۔ ساتھ ہی بہت سے پروفیسر اور طلبا سوشل میڈیا پر ڈاکٹر خالد مسعود گوندل کے اعلیٰ کردار کی گواہی بھی دینے لگے۔ ان میں سے کچھ لوگوں نے ڈالیہ محمود کے وکیل کو بھی مشورہ دیا کہ وہ اس مقدمے کو چھوڑ دیں۔

سجاگ کو بھی کچھ اسی طرح کی صورتِ حال پیش آئی۔ ہم نے وائس چانسلر سے ان کا موقف جاننے کے لئے انہیں ایک ای میل بھیجی لیکن ہمیں ان کی طرف سے اس کا کوئی جواب موصول نہیں ہوا۔

تاہم ای میل بھیجے جانے کے کچھ روز بعد ہمیں چیف وارڈن ڈاکٹر بلقیس شبیر کی طرف سے ایک ای میل موصول ہوئی جس میں انہوں نے کہا کہ خالد مسعود گوندل اس معاملے پر تبصرہ نہیں کر سکیں گے کیونکہ اس پر عدالتی کارروائی چل رہی ہے۔

اگرچہ انہوں نے وضاحت نہیں کی کہ وہ ای میل اپنی ذاتی حیثیت میں لکھ رہی ہیں یا وائس چانسلر کے نمائندے کے طور پر لیکن انہوں نے اس میں یہ ضرور لکھا کہ وہ ڈاکٹر خالد مسعود کو ذاتی، تعلیمی اور پیشہ وارانہ حیثیتوں میں تیس سالوں سے جانتی ہیں اور ان کے اچھے کردار کی گواہی دیتی ہیں۔ ان کا یہ بھی کہنا تھا کہ &#39;طبی شعبہ سے تعلق رکھنے والے تمام لوگ، طالب علم، مریض اور وہ تمام افراد جو ڈاکٹر خالد کی شفقت سے مستفید ہوے ہیں ان کے خلاف بے بنیاد جھوٹے الزامات پر ششدر ہیں۔ یہ لوگ ان الزامات پر اپنے احساسات کا اظہار سوشل میڈیا پر بھی کر رہے ہیں&#39;۔

ڈاکٹر بلقیس شبیر کے مطابق یہ الزامات ایک ایسی خاتون کی طرف سے لگائے گئے ہیں &#39;جو ماضی میں بھی اپنے افسران پر اسی طرح کے الزامات لگاتی رہی ہیں&#39;۔

یہ رپورٹ لوک سجاگ نے پہلی دفعہ&nbsp;9 جنوری 2021 &nbsp;کو اپنی پرانی ویب سائٹ پر شائع کی تھی۔

''ہراس کے خلاف ہر قیمت پر ہر در کھٹکھٹاؤں گی''

'وہ چاہتے ہیں میں ان کی ہر بات مانتی رہوں یا نوکری چھوڑ دوں'

حفیظ اللہ خان سیاسیات، سماجیات، قانون اور لسانیات جیسے موضوعات پر شائع ہونے والے متعدد جرائد کے سرپرستِ اعلیٰ ہیں۔ ان جرائد کو شائع کرنے والے ادارے، ہیومینیٹی پبلیکیشنز(Humanity Publications) پرائیویٹ لیمیٹڈ، کی ویب سائٹ کے مطابق یہ ادارہ کل گیارہ تحقیقی جرائد چھاپتا ہے جن میں اب تک 409 مضامین چھاپے گئے ہیں جو 1040 مصنفین نے لکھے ہیں جبکہ کمپنی کے پاس ان مضامین کا تنقیدی جائزہ لینے کے لئے 2369 تنقید نگار موجود ہیں۔ 
&nbsp;&nbsp; 
ہائر ایجوکیشن کمیشن نے بھی ان میں سے دس جرائد کی اشاعت کی منظوری دے رکھی ہے لیکن اس کے مطابق یہ جرائد ہیومینیٹی پبلیکیشنز نہیں بلکہ ہیومینیٹی اونلی (Humanity Only) نام کا ایک تحقیقی ادارہ شائع کرتا ہے۔&nbsp;

تاہم ہیومینیٹی اونلی کی نہ تو کوِئی اپنی ویب سائٹ ہے اور نہ ہی یہ سیکیورٹی اینڈ ایکسچینج کمیشن آف پاکستان میں رجسٹرڈ ہے البتہ ہیومینیٹی پبلیکیشنز کے شائع کردہ تمام جرائد کی ویب سائٹوں میں اس کا بٹن موجود ہے۔ اگر اس بٹن کو کلِک کریں تو ہیومینیٹی اونلی کے بارے میں صرف یہ پتہ چلتا ہے کہ اس کے اغراض و مقاصد کیا ہیں لیکن اس بات کا کہیں ذکر نہیں کہ اسے کون لوگ چلاتے ہیں اور ہیومینیٹی پبلیکیشنز کے ساتھ اس کا کیا تعلق ہے۔

اس کے اغراض و مقاصد میں ہیومینیٹی ریسرچ کونسل (Humanity Research Council) کا ذکر بھی ہے جو ہیومینیٹی ڈویلپمنٹ سوسائٹی (Humanity Development Society) نامی ایک ادارے کا حصہ ہے جس میں اس کے علاوہ بین المذاہب ہم آہنگی اور کھیلوں کے فروغ پر کام کرنے والی دو کونسلیں اور جوانوں، عوامی فلاح اور میڈیا پر کام کرنے والی تین تنظیمیں بھی شامل ہیں۔ یہ کونسلیں اور تنظیمیں کہاں کام کرتی ہیں اور ان میں کون لوگ شامل ہیں اس کے بارے میں آن لائن کوئی معلومات دستیاب نہیں۔&nbsp;

جب سجاگ نے ہیومینیٹی پبلیکیشنز کی ویب سائٹ پر دیے ہوئے فون نمبر پر رابطہ کیا تو دوسری طرف سے حفیظ اللہ خان نے ہی جواب دیا۔ ان کا کہنا ہے کہ &#39;وہ پچھلے چھ سال سے تحقیقی جرائد کی اشاعت کا کام کر رہے ہیں۔&#39;&nbsp;

چھ سال پہلے وہ خیبر پختونخوا کی عبدالولی خان یونیورسٹی مردان کے شعبہِ سیاسیات میں ایم فل کے پہلے سال کے طالب علم تھے۔ (اب وہ اسی یونیورسٹی کے اسی شعبے میں لیکچرار ہیں)۔ اس کے بارے میں ان کا کہنا ہے کہ جرائد شائع کے لئے &#39;میرا پڑھا لکھا ہونا ضروری نہیں بلکہ اس کے لئے ہائر ایجوکیشن کمیشن نے کچھ اور شرائط رکھی ہوئی ہیں جنہیں ہم پورا کرتے ہیں&#39;۔&nbsp;

ان شرائط کے مطابق ہائر ایجوکیشن کمیشن سے ایک تحقیقی جریدے کی اشاعت کی منظوری لینے کے لئے اس کے اہداف، مقاصد اور دائرہِ کار (aims, objectives and scope) &nbsp;واضح طور پر متعین ہونے چاہئیں، اس کا ایک واضح نام اور انٹرنیشنل سٹینڈرڈ سیریل نمبر (ِISSN) ہونا چاہیئے، اس کا ایک ایسا یو آر آیل (URL) ہونا چاہیئے جس کی تصدیق انٹرنیشنل سٹینڈرڈ سیریل نمبر جاری کرنے والے بین الاقوامی ادارے نے کی ہوئی ہو۔ اسی طرح جریدے کی ویب سائٹ پر لکھا ہونا چاہیے کہ آیا یہ مصنفین سے کوئی فیس لیتا ہے یا نہیں، یہ اشاعت کے لئے درکار رقم کہاں سے لیتا ہے اور کس طریقہِ کار کے تحت تحقیق کو اشاعت کے لئے قبول کرتا ہے۔ ایسے جریدے کا باقاعدگی سے چھپنا بھی ضروری ہے۔&nbsp;

ہائر ایجوکیش کمیشن کے مطابق صرف یونیورسٹیاں، اعلیٰ تعلیم کے اداروں کے شعبہ جات، رجسٹرڈ تحقیقی ادارے یا ایسے غیر منافع بخش ادارے جنہیں تحقیق کا اختیار (mandate) حاصل ہو تحقیقی جریدے چھاپ سکتے ہیں۔ لیکن ان سب اداروں کے لئے ضروری ہے کہ ان کا انتظام و انصرام کئی افراد پر مبنی ایک باقاعدہ اداراتی نظم و نسق کے تحت چلایا جا رہا ہو جو سیکیورٹی اینڈ ایکسچینج کمیشن یا رجسٹرار آف سوسائٹیز کے پاس باقاعدہ رجسٹرڈ ہو۔&nbsp;

اگرچہ ہیومینیٹی پبلیکیشنز سیکیورٹی اینڈ ایکسچینج کمیشن کے پاس رجسٹرڈ ہے لیکن اس کی رجسٹریشن 26 اپریل 2018 کو ہوئی جبکہ اس کی ویب سائٹ کے مطابق اس کے جرائد 2016 سے چھپ رہے ہیں۔ اس کمپنی کا &nbsp;کوئی باقاعدہ اداراتی نظم و نسق بھی موجود نہیں۔ سیکیورٹی اینڈ ایکسچینج کمیشن کے مطابق یہ در حقیقیت فردِ واحد کی ملکیت ہے۔ &nbsp;

اس کی ویب سائٹ پر موجود بورڈ آف ڈائریکٹرز کا بٹن کلِک کرنے پر 24 دسمبر 2020 کی سہ پہر تین بجے تک ایک ایسا صفحہ کھلتا تھا جس پر ایسی تصویریں اور نام موجود تھے جن کا حقیققت میں کوئی وجود نہِیں اور جو ویب سائٹیں بنانے اور فروخت کرنے والے ادارے خود ہی ان پر ڈال دیتے ہیں۔&nbsp;

حفیظ اللہ تسلیم کرتے ہیں کہ یہ تصویریں اور نام فرضی ہیں کیونکہ &#39;ہماری ویب سائٹ ابھی بن رہی ہے&#39;۔ لیکن سجاگ سے ان کی بات چیت کے کچھ ہی دیر بعد یہ نام اور تصویریں ویب سائٹ سے غائب ہو گئے۔ &nbsp;

اس &nbsp;ویب سائٹ پر یہ ذکر بھی موجود نہیں کہ ہیومینیٹی پبلیکیشنز کو تحقیق کرنے کا اختیار (mandate) کیسے، کب اور کس نے دیا ہے، اس کے پاس جرائد کی اشاعت کے لئے درکار رقم کہاں سے آتی ہے اور کیا یہ کمپنی مصنفین سے کوئی فیس لیتی ہے یا نہیں۔ مصنفین، مدیران اور تنقید نگاروں کے لئے درکار گائیڈ لائن کے خانے تو اس کی ویب سائٹ پر بنے ہوئے ہیں لیکن ان میں سے کسی کو بھی کھولا نہیں جا سکتا۔&nbsp;

اسی طرح اس ویب سائٹ پر دو ایسے جرائد موجود ہیں جن کا دائرہِ کار (scope) ابھی تک متعین نہیں کیا گیا۔ دو مزید جرائد کا انٹرنیشنل سٹینڈرڈ سیریل نمبر ہی موجود نہیں جبکہ پانچ جرائد ایسے ہیں جن کے پرنٹ ایڈیشن کا سیریل نمبر تو ہے لیکن آن لائن ایڈیشن کا نہیں۔&nbsp;

اس سے بھی اہم بات یہ ہے کہ ان میں سے کوئی جریدہ باقاعدگی سے شائع نہیں ہوتا۔ ہائر ایجوکیشن کمیشن کے قواعد کے مطابق 2016 سے چھپنے والے ان سہ ماہی جرائد میں سے ہر ایک کے 20 شمارے شائع ہونے چاہئیں لیکن ان میں سے دو تو ایسے ہیں جن کا ایک شمارہ بھی شائع نہیں ہوا۔ &nbsp;چھ ایسے ہیں جن کے پانچ شمارے شائع ہوئے ہیں (اگرچہ ویب سائٹ پر ان میں سے صرف ایک شمارہ کھلتا ہے) اور ایک ایسا ہے جس کے سات شمارے شائع ہوئے ہیں (حالانکہ ان میں سے صرف تین کو آن لائن کھولا جا سکتا ہے)۔&nbsp;

صرف ایک جریدہ، گلوبل سوشل سائنسز ریویو، ایسا ہے جس کے بارہ کے بارہ شائع شدہ شمارے آن لائن کھولے جا سکتے ہیں۔ لیکن اس کے ایڈوائزری ادارتی بورڈ میں دیے گئے پہلے شخص کا نام یا تو غلط لکھا گیا ہے یا اس کا کوئی وجود ہی نہیں۔&nbsp;

اگرچہ اس بورڈ میں شامل لوگوں کی اکثریت برِاعظم افریقہ کے مختلف حصوں اور دیگر بیرونی ممالک میں رہتی ہے لیکن اس میں کچھ پاکستانی بھی شامل ہیں۔ سجاگ نے ان میں سے دو پاکستانیوں، ڈاکٹر اعجاز احمد خان اور ڈاکٹر اے زیڈ ہلالی، سے رابطہ کیا ہے۔ &nbsp;

پشاور یونیورسٹی کے شعبہِ بین الاقوامی تعلقات کے سابقہ پروفیسر ڈاکٹر اعجاز احمد خان کا کہنا ہے کہ وہ ہیومینیٹی پبلیکیشنز کا نام پہلی بار سن رہے ہیں جبکہ گلوبل سوشل سائنسز ریویو کا نام تو انہوں نے سن رکھا ہے لیکن انہیں یہ معلوم نہیں کہ اس کو چھاپنے والے لوگ کون ہیں اور نہ ہی کبھی کسی نے انہیں اس کے ایڈوائزری ادارتی بورڈ میں شامل ہونے کو کہا ہے۔

پشاور یونیورسٹی کے ہی شعبہِ سیاسیات کے سابق سربراہ ڈاکٹر اے زیڈ ہلالی کا کہنا ہے کہ ان سے اس بورڈ میں ان کا نام شامل کرنے کی اجازت تو لی گئی لیکن ان کے پاس کوئی طریقہِ کار نہیں جس سے وہ معلوم کر سکیں کہ آیا یہ جریدہ صحیح طور سے کام کر رہا ہے یا نہیں۔ ان کے مطابق &#39;یہ کام ہائر ایجوکیشن کمیشن کا ہے&#39;۔&nbsp;

ڈاکٹر فیصل باری، جو لاہور یونیورسٹی آف مینیجمنٹ سائنسز (لمز) میں معاشیات پڑھاتے ہیں اور ہائر ایجوکیشن کمیشن کے بورڈ کے رکن بھی ہیں، مانتے ہیں کہ تحقیقی جریدوں کی منظوری اور درجہ بندی میں بہت سے مسائل موجود ہیں۔ ان مسائل کے حل کے لئے وہ تجویز کرتے ہیں کہ جرائد کی منظوری اور درجہ بندی کا &#39;طریقہِ کار ڈھکا چھپا نہ ہو بلکہ ہر کسی کو معلوم ہو تا کہ لوگ اس پر اعتماد کر سکیں&#39;۔

<h2>ذاتی ترقی یا اجتماعی بہتری</h2>

ڈاکٹر عطا الرحمان وزیرِ اعظم عمران خان کی طرف سے سائنس اور ٹیکنالوجی پر بنائی گئی ٹاسک فورس کے چیئرمین ہیں۔ وہ انفارمیشن ٹیکنالوجی کی قومی ٹاسک فورس کے شریک چیئرمین اور نالج اکانومی ٹاسک فورس کے نائب چیئرمین بھی ہیں۔ اس سے پہلے 2000 کی دہائی میں وہ ہائر ایجوکیشن کمیشن کے پہلے چیئرمین بھی رہے ہیں۔&nbsp;

ان کا پہلا تحقیقی مضمون 1976 میں چھپا۔ اس وقت سے لے کر اب تک وہ 1207 تحقیقی کام مکمل کر چکے ہیں -- گویا پچھلے 44 سال میں اوسطاً ہر 13 دن بعد ان کی کوئی تحقیق سامنے آئی ہے۔

دوسری طرف عالمی شہرت یافتہ ماہرِ لسانیات و سیاسیات نوم چومسکی نے 1953 سے لے کر اب تک 311 تحقیقی تصانیف شائع کی ہیں &ndash; یعنی لگ بھگ 78 دنوں میں ایک تصنیف۔ ( اس ڈیٹا کی میم)

یہ تقابلی جائزہ واضح کرتا ہے کہ ڈاکٹر عطا الرحمان نے اپنی تحقیق میں معیار سے زیادہ مقدار پر زور دیا ہے۔ ان کی سرپرستی میں بننے والے ہائر ایجوکیشن کمیشن کا زور بھی تحقیق کے معیار سے زیادہ اس کی مقدار پر ہی رہا ہے۔

اس کا ایک ثبوت اس وقت سامنے آیا جب کلیریویٹ اینالِٹکس (Clarivate Analytics) نامی ایک امریکی تحقیقی کمپنی نے اپنی ایک رپورٹ میں بتایا کہ 2018 میں پاکستانیوں کی شائع کردہ تحقیقی تصانیف میں پچھلے سال کی نسبت 21 فیصد اضافہ ہوا جو کسی بھی دوسرے ملک سے زیادہ تھا۔ &nbsp;&nbsp;

یونیورسٹی آف سنٹرل پنجاب کے اسسٹنٹ پروفیسر ڈاکٹرجلیل اختر کہتے ہیں کہ اس اضافے کی بنیادی وجہ یہ ہے کہ ہائر ایجوکیشن کمیشن نے یونیورسٹیوں کے اساتذہ کی پیشہ وارانہ ترقی کو تحقیقی تصانیف کی اشاعت سے مشروط کیا ہوا ہے جس کے باعث اساتذہ &#39;غیرمعیاری جریدوں میں پیسے دے کر یا بہتر معیار کے جریدوں میں اثر و رسوخ استعمال کر کے اپنا تحقیقی کام چھپوا لیتے ہیں&#39;۔&nbsp;

ہائر ایجوکیشن کمیشن کے ضوابط کی رو سے کوئی لیکچرار اس وقت تک اسسٹنٹ پروفیسر نہیں بن سکتا جب تک اس کے پاس پی ایچ ڈی کی ڈگری نہ ہو جبکہ اسسٹنٹ پروفیسر سے ایسوسی ایٹ پروفیسر بننے کے لیے دس تحقیقی مضامین کی اشاعت اور ایسوسی ایٹ پروفیسر سے پروفیسر بننے کے لیے 15 تحقیقی مظامین کا چھپوانا ضروری ہے۔&nbsp;

ڈاکٹر جلیل اختر کہتے ہیں کہ اساتذہ کی ترقی کو ان کی شائع کردہ تحقیق کی تعداد سے جوڑ کر انہیں &#39;ایک ایسی اندھی دوڑ میں لگا دیا گیا ہے جس کے باعث تخلیقی صلاحیت، تحقیقی سوال اٹھانے کا ہنر، تصورات کا اچھوتا پن، لکھنے کی مہارت اور تحقیق کی سائنسی، سماجی اور معاشی اہمیت جیسے اہم عناصر بالکل پسِ پردہ چلے گئے ہیں&#39;۔

ان کے بقول نوبت یہاں تک پہنچ گئی ہے کہ بہت سے استاد طلبہ کے تحقیقی مقالوں کی نگرانی کا کام ہی اسی نیت سے اپنے ذمے لیتے ہیں کہ وہ ان مقالوں کے شریک مصنف بن کر اپنی ترقی کی شرائط پوری کر سکیں۔&nbsp;

ڈاکٹر جلیل اختر کا ایک تحقیقی مضمون پچھلے تین سال سے امریکی ریاست لوئزیانا کی نارتھ ویسٹرن سٹیٹ یونیورسٹی کے ایک جریدے میں اشاعت کے مختلف مراحل سے گزر رہا ہے۔ وہ کہتے ہیں کہ ایک معیاری تحقیقی مضمون لکھنے اور شائع کرنے میں کم از کم پانچ ماہ لگتے ہیں۔

گویا ایک اسسٹنٹ پروفیسر کو ایسوسی ایٹ پروفیسر بننے کے لئے کم از کم پچاس ماہ کا عرصہ چاہیئے لیکن اگر اس کی تحقیق اس رفتار سے شائع ہو جس رفتار سے ڈاکٹر عطا الرحمان کی تحقیق منظرِ عام پر آتی ہے تو اسے یہ ترقی حاصل کرنے کے لئے محض چار مہینے اور دس دن درکار ہیں۔&nbsp;

لمز کی استاد ڈاکٹر تانیہ سعید کا خیال ہے کہ اساتذہ پر تحقیقی مضامین شائع کرانے کا دباؤ پاکستان تک محدود نہیں بلکہ پوری دنیا میں ہی موجود &nbsp;ہے۔ انہوں نے خود برطانیہ کی آکسفورڈ یونیورسٹی سے شعبہِ تعلیم میں پی ایچ ڈی کر رکھی ہے۔ ان کا کہنا ہے کہ &#39;تحقیق شائع کریں یا تعلیمی میدان سے باہر ہو جائیں&#39; کا رواج پوری دنیا میں پڑ چکا ہے جس کی وجہ سے یونیورسٹیوں کے علمی اور تحقیقی کام کے معیار پر ایک سوالیہ نشان لگ گیا ہے۔&nbsp;

<h2>تحقیق کا ادنیٰ معیار &nbsp;</h2>

چند ہفتے سے پاکستانی نیوز میڈیا میں یہ خبر گردش کر رہی ہے کہ امریکہ کی سٹینفورڈ یونیورسٹی نے دنیا بھر کے تحققیق کاروں کی فہرست میں سب سے اوپر موجود دو فیصد افراد میں 81 پاکستانیوں کو بھی شامل کیا ہے۔ اس فہرست میں شامل کچھ پاکستانی تحقیق کاروں کے حالاتِ زندگی اور حالاتِ کار کے بارے میں کئی خبریں بھی شائع ہو چکی ہیں۔&nbsp;

لیکن ابھی تک ایک آدھ مضمون کو چھوڑ کر کہِیں بھی اس فہرست کا کوئی تنقیدی جائزہ نہیں لیا گیا۔ کسی نے یہ نہیں پوچھا کہ آیا ان دو فیصد افراد کی تحقیق کے معیار کو جانچا گیا یا محض اس کی مقدار کو۔ اسی طرح یہ سوال بھی نہیں اٹھایا گیا کہ اس فہرست میں شامل لوگوں کا تعلق سائنس، آرٹس اور سوشل سائنس میں سے کس شعبے سے ہے اور کیا سائنس کے میدان میں ہونے والی تحقیق کا معیاری موازنہ لسانیات اور ادب کے شعبے میں ہونے والی تحقیق سے کیا جا سکتا ہے۔

یہ سوال بھی خبروں سے غائب ہے کہ اخر دو فیصد تحقیق کاروں کی اس فہرست میں کل کتنے لوگ شامل ہیں۔ اگر تو ان کی تعداد دس ہزار ہے تو اس میں پاکستانیوں کی شرح 0.81 فیصد بنتی ہے جو ایک طرح سے مناسب ہے لیکن اگر ان کی تعداد ایک لاکھ ہے تو اس میں سے پاکستانی محض 0.081 &nbsp;فیصد ہی ہیں جو کسی صورت ایک مناسب شرح نہیں۔&nbsp;

پرویز ہود بھائی نے ڈان اخبار میں یہ انکشاف بھی کیا ہے کہ سٹینفورڈ یونیورسٹی نے سرے سے ایسی کوئی فہرست شائع ہی نہیں کی بلکہ در حقیقت اس کے چار مرتبین میں سے صرف ایک سٹینفورڈ یونیورسٹی میں طبی اعداد و شمار کے پروفیسر ہیں۔&nbsp;

پرویز ہود بھائی کا یہ بھی کہنا ہے کہ یہ فہرست تحقیقی کام کے معیار یا اس کی افادیت کی بنا پر نہیں بنائی گئی بلکہ اس کی بنیاد اس بات پر رکھی گئی ہے کہ کس تحقیق کار کی تصانیف کا حوالہ کتنی بار دوسرے تحققیق کاروں کی تصانیف میں دیا گیا ہے۔&nbsp;

یعنی آپ ایک مضمون چھپوائیں اور دوسرے اساتذہ، آپ کے شاگرد، آپ کے ساتھ کام کرنے والے لوگ اور اپ کے دوست احباب اس کا حوالہ اپنے اپنے مضامین میں دے دیں تو آپ کا نام بھی اس فہرست میں آ سکتا ہے چاہے آپ کے کام کا حوالہ آپ کی تحقیق کو غلط ثابت کرنے کے لئے ہی دیا گیا ہو۔

یہ رپورٹ لوک سجاگ نے پہلی دفعہ 15 جنوری 2021 &nbsp;کو اپنی پرانی ویب سائٹ پر شائع کی تھی۔

ہائر ایجوکیشن کمیشن یا صوبائی حکومتیں: اعلیٰ تعلیم کے غیرقانونی اداروں کی بھرمار کا ذمہ دار کون؟

'ریسرچ پیپرز' کا چور بازار

Highly educated transgender name Faizi was rejected by the Punjab Public Service Commission for the job on the basis of her gender.

فیضی اسلام آباد میں تھیں جب ان کی ایک دوست نے انہیں بتایا کہ پنجاب حکومت کالجوں میں لیکچرار بھرتی کرنا چاہتی ہے اور یہ کہ پنجاب پبلک سروس کمیشن (پی پی ایس سی) نے ان بھرتیوں کے بارے میں اخبارات میں ایک اشتہار شائع کیا ہے۔&nbsp;

فیضی &ndash; جو سرکاری کاغذات میں فیاض کے نام سے جانی جاتی ہیں &ndash; علامہ اقبال اوپن یونیورسٹی سے اردو میں ایم فل کر چکی ہیں۔ انہوں نے اپنا حتمی مقالہ اِسی سال اگست میں یونیورسٹی میں جمع کرایا ہے۔اس تعلیمی قابلیت کی وجہ سے وہ پی پی ایس سی کے اشتہار میں دی گئی شرائط کے مطابق بھرتی کے لئے درخواست دینے کی اہل تھیں۔

لیکن اس میں دِقت یہ تھی کہ وہ عورت یا مرد کے بجائے ایک ٹرانس جینڈر فرد کے طور پر اپنی درخواست جمع کرانا چاہتی تھیں (ان کا قومی شناختی کارڈ بھی ایک ٹرانس جینڈر فرد کے طور پر بنا ہوا ہے) لیکن اشتہار میں لکھا تھا کہ بھرتی کے امیدوار صرف مرد یا عورتیں ہی ہو سکتے ہیں۔&nbsp;

فیضی نے اپنی ایک دوست سے مشورہ کیا جس نے انہیں عورت کے طور پر درخواست بھرنے کی تجویز دی۔ فیضی اس تجویز سے مطمئن نہیں ہوئیں لہٰذا انہوں نے علامہ اقبال اوپن یونیورسٹی میں اردو کے شعبے کے سربراہ سے مشورہ کیا جنہوں نے تجویز کیا کہ فیضی پی پی ایس سی کو ایک خط لکھ کر پوچھیں کہ آیا وہ ایک ٹرانس جینڈر فرد کے طور پر لیکچرار بھرتی ہونے کی درخواست دے سکتی ہیں۔

فیضی کو یہ تجویز اچھی لگی۔

انہوں نے بھرتی کے لئے مقررہ فارم بھرا، بنک میں مقررہ فیس جمع کرائی اور اپنی درخواست پی پی ایس سی کو جمع کرا دی۔ اس درخواست کے ساتھ انہوں نے پی پی ایس سی کے نام ایک خط بھی بھیجا جس میں انہوں نے لکھا کہ انہیں ایک ٹرانس جینڈر امیدوار سمجھا جائے۔

لیکن پی پی ایس سی کے سربراہ لیفٹننٹ جنرل ریٹائرڈ مقصود احمد نے 29 اکتوبر 2020 کو انہیں ایک جوابی خط بھیجا جس میں لکھا تھا کہ &#39;ٹرانسجینڈر امیدوار اس عہدے کے لیے اہل نہیں۔ آپ کی گزارش پر غور نہیں کیا جا سکتا۔ اس لئے اردو لیکچرار کے لیے آپ کی درخواست رَد کی جاتی ہے&lsquo;۔

فیضی اس جواب سے بہت دِل برداشتہ ہوئیں۔ان کا خیال تھا کہ ایک لیکچرار کے طور پر بھرتی ہو کر وہ بالاآخر اس &nbsp;مشکلات بھری زندگی سے نکل آئیں گی جو انہوں نے اب تک گذاری ہے۔&nbsp;

<h2>&#39;زندگی جبرِ مسلسل کی طرح کاٹی ہے&#39;</h2>

فیضی بتیس سال پہلے ٹوبہ ٹیک سنگھ نامی شہر میں پیدا ہوئیں۔ جب وہ تعلیم حاصل کرنے کی عمر کو پہنچیں تو انہیں لڑکوں کے سکول میں داخل کروایا گیا۔ اگرچہ وہاں انہیں اپنے ہم جماعتوں اور اساتذہ دونوں کی طرف سے جذباتی اور جنسی طور پر ہراساں کیا جاتا تھا اور ہر طرح کی طعن و تشنیع کا نشانہ بنایا جاتا تھا لیکن اس کے باوجود وہ انٹرمیڈیٹ تک لڑکوں کے ساتھ ہی پڑھتی رہیں۔

اس دوران ان کے گھر والوں نے انہیں کہنا شروع کیا کہ وہ پڑھائی چھوڑ دیں جس کی وجہ سے ان کے اپنے خاندان والوں کے ساتھ اختلافات ہونے لگے۔ جب ان اختلافات میں کچھ دیگر مسائل بھی شامل ہو گئے تو فیضی نے اپنا گھر چھوڑ دیا اور دیگر ٹرانس جینڈر افراد کے ساتھ رہنے لگیں۔ وہیں رہتے رہتے انہوں نے پرائیویٹ طور پر بی اے اور ایم اے کر لیا۔

ایم اے میں اچھا گریڈ لینے کی بنیاد پر انہیں ایک حکومتی وظیفہ بھی ملا جس کے تحت انہوں نے ٹوبہ ٹیک سنگھ کے ایک سرکاری سکول میں نو ماہ ایک انٹرن کے طور پر کام کیا۔ یہ تجربہ انہیں اس قدر پسند آیا کہ اگلے دو سال وہ رضاکارانہ طور پر ایک مقامی سرکاری کالج میں پڑھاتی رہیں۔

ان کی لگن کو دیکھتے ہوئے حکومت نے انہیں کالج میں پڑھانے کی تربیت بھی دی جس کا دورانیہ تین ماہ تھا۔ اس کے بعد انہوں نے علامہ اقبال اوپن یونیورسٹی میں ایم فل میں داخلہ لے لیا۔

جب اگست میں پی پی ایس سی نے 31 مختلف مضامین پڑھانے کے لئے 2451 لکچرار &nbsp;بھرتی کرنے کا اشتہار چھاپا تو اس میں1435 نشستیں خواتین کے لیے اور 1061 اسامیاں مردوں کے لیے رکھی گئیں۔لیکن ٹرانس جینڈر افراد کے لئے کوئی ایک سیٹ بھی مخصوص نہ کی گئی حالانکہ 2018 میں بنائے گئے ایک وفاقی قانون نے انہیں اپنی علیحدہ صنفی شناخت رکھنے اور اس کے مطابق زندگی گذارنے کا حق دیا ہے۔

پی پی ایس سی کا موقف ہے کہ محکمہِ تعلیم میں بھرتیوں کے لئے اس کی جانب سے جاری کردہ اشتہارات اعلیٰ تعلیم کے لئے بنائے گئے صوبائی کمیشن کی ضروریات کو مدِنظر رکھ کر بنائے جاتے ہیں لہٰذا بھرتیوں کے لئے مقرر کردہ درخواست فارم میں تیسری جنس کا خانہ ہونا یا نہ ہونا پی پی ایس سی کا مسئلہ نہیں۔

دوسری طرف فیضی کہتی ہیں کہ وہ پی پی ایس سی کا جواب پڑھ کر سکتے میں چلی گئیں۔ &#39;پی پی ایس سی نے اپنے جواب میں میرے وجود کو ہی رَد کر دیا جیسے وہ مجھے کہہ رہیں ہوں کہ آپ کو معلوم ہی نہیں کہ یہ عہدہ آپ کے لیے نہیں ہے۔ ظاہر ہے اس پر میرا احتجاج ہی بنتا تھا&lsquo;۔

چنانچہ انہوں نے سوشل میڈیا کے ذریعے یہ سوال پوچھنا شروع کر دیا کہ ٹرانس جینڈر افراد اگر مشکل سے پڑھ لکھ ہی جائیں تو ان کے لئے نوکریوں کا حصول ناممکن کیوں ہے۔

<h2>&#39;چلے چلو کہ وہ منزل ابھی نہیں آئی&#39;</h2>

مہلب جمیل لاہور میں صنفی موضوعات پر تحقیق اور صنفی مساوات کی ترویج کے لئے کام کرتی ہیں۔ وہ وفاقی اور صوبائی سطح پر ٹرانس جینڈر افراد کے حقوق پر قانون سازی کے عمل میں شامل رہی ہیں۔ ان کا کہنا ہے کہ اگرچہ 2012 میں سپریم کورٹ آف پاکستان نے وفاقی حکومت کو حکم دیا تھا کہ ٹرانس جینڈر افراد کے لیے سرکاری نوکریوں میں دو فیصد کوٹہ مختص کیا جائے لیکن جب 2018 میں وفاقی پارلیمان نے بالآخر ٹرانس جینڈر افراد کے حقوق کے تحفظ کے لیے ایک قانون بنایا تو اس میں اس کوٹہ کو عملی جامہ پہنانے کے لئے کوئی قدم نہیں اٹھایا گیا۔

مہلب کے مطابق اس کی بنیادی وجہ یہ ہے کہ 2017 میں ہونے والی آدم شماری میں ٹرانس جینڈر افراد کی اصل تعداد سامنے نہیں آئی کیونکہ زیادہ تر ٹرانس جینڈر افراد نے سماجی دباؤ &nbsp;کے تحت خود کو یا مرد یا عورت کے طور پر ہی رجسٹر کرایا۔ &#39;چونکہ آدم شماری میں صرف دس ہزار افراد بطور ٹرانس جینڈر رجسٹر ہوئے اس لئے حکومت کے لئے مشکل ہو گیا کہ ان کے لئے نوکریوں میں دو فیصد کوٹہ رکھ سکے&#39;۔

لیکن اس کوٹے کی عدم موجودگی میں ٹرانس جینڈر افراد انتہائی تکلیف دہ معاشی زندگی گذارتے ہیں۔ &nbsp;

لاہور کے جنوب مشرق میں واقع شہر قصور میں قائم ایک سماجی تنظیم گُڈ تھنکرز آرگنایزیشن &ndash; جو ٹرانس جینڈر افراد کے حقوق کے تحفظ کے لئے بھی کام کرتی ہے &ndash; نے 2016 میں ایک رپورٹ چھاپی جس کے مطابق پاکستان میں ٹرانسجینڈر افراد کی اکثریت چار شعبوں سے منسلک ہے۔ ان میں سے 68 فیصد افراد شادیوں اور نجی پارٹیوں میں رقص کا شعبہ اختیار کیے ہوئے ہیں جب کہ 22 فیصد افراد سڑکوں اور ٹریفک اشاروں پر بھیک مانگ کر، چھ فیصد افراد بیوٹی پارلروں میں کام کر کے اور تین فیصد کپڑے سی کر گذر بسر کر رہے ہیں۔ محض ایک فیصد ٹرانسجینڈر افراد نِجی شعبے میں باقاعدہ ملازمتیں کرتے ہیں۔

فیضی نے اس صورتِ حال کو بدلنے کے لئے پنجاب اور مرکز کی حکمران جماعت پاکستان تحریکِ انصاف سے تعلق رکھنے والی پنجاب اسمبلی کی خاتون رکن مومنہ وحید سے رابطہ کیا تا کہ وہ ٹرانس جینڈر افراد کے لئے نوکریوں کا کوٹہ مخصوص کرنے کے بارے میں اسمبلی سے ایک قرارداد منظور کرائیں۔ لیکن مومنہ وحید کے کرونا وائرس کا شکار ہونے کی وجہ سے ان کی یہ کوشش کامیاب نہ ہو سکی۔

تاہم گزشتہ ہفتے پنجاب حکومت نے خود ہی فیضی کو ایک مشاورتی اجلاس کے لئے ٹوبہ ٹیک سنگھ سے لاہور بلایا۔ اس اجلاس میں انہیں کہا گیا کہ وہ پنجاب کے انسانی حقوق اور اقلیتوں کے امور کے محکمے کے نام اپنے مسئلے کے بارے میں ایک خط لکھیں۔

ان کو یہ خط بھیجے ہوئے کئی دِن ہو چکے ہیں لیکن ابھی تک انہیں اس کا کوئی جواب موصول نہیں ہوا۔ اس پر فیضی کا کہنا ہے:&rsquo;مجھ سے صرف درخواستیں مانگیں جا رہیں ہیں۔ اور جو بھی مجھ سے درخواست مانگتا ہے میں اسے درخواست بھیج دیتی ہوں۔ لیکن کسی بھی ادارے میں کوئی معنی خیز پیش رفت نہیں ہو رہی۔ ایسے لگتا ہے جیسے کسی ادارے کو خود خبر نہیں کہ اس کا کردار ہے کیا&lsquo;۔

گھر میں امتیازی سلوک اور باہر مذہبی تعصب کا سامنا: احمدی خواتین 'دوہرے ظلم' کا شکار۔

'تم مرد ہو نہ عورت، تمہیں نوکری نہیں ملے گی'

What are the factors behind the rising incidence of student suicides and how can they be overcome?

Why suicide is so common in teenage students?

اقرا نذیر کا تعلق ضلع وہاڑی کی تحصیل میلسی سے تھا اور وہ لاہور کے ایک نِجی تعلیمی ادارے یونیورسٹی آف مینجمنٹ اینڈ ٹیکنالوجی (یو ایم ٹی) میں فزیو تھراپی کے شعبے میں اپنے آخری سمسٹر کی پڑھائی کر رہی تھیں۔&nbsp;

انہوں نے 17 جنوری 2021 کو یونیورسٹی کے قریب واقع ایک نِجی ہاسٹل میں خود کو دوپٹے کے ذریعے اپنے کمرے میں لگے پنکھے سے لٹکا کر خُود کشی کر لی۔ ان کی عمر 24 سال تھی۔&nbsp;

اقرا کے والدین کا انتقال ہو چکا تھا اور ان کی بڑی بہن ان کے تعلیمی اخراجات اٹھا رہی تھیں۔ ہاسٹل کی انتظامیہ کا کہنا ہے کہ اقرا کے پاس دوسری لڑکیوں کا آنا جانا بہت کم تھا اور یونیورسٹی کے اوقات کے علاوہ وہ زیادہ وقت اپنے کمرے میں ہی گزارتی تھیں۔&nbsp;

اس واقعے سے لگ بھگ دو سال پہلے نومبر 2018 میں لاہور ہی میں واقع بیکن ہاؤس نیشنل یونیورسٹی کے ویژوئل آرٹس اور ڈیزائن کے شعبے میں بی اے آنرز کے پانچویں سمسٹر کی طالبہ روشان فرخ چوتھی منزل پر واقع اپنے شعبے کی چھت کی منڈیر پر بیٹھیں تھیں۔ نیچے یونیورسٹی کے صحن میں بہت سے طلبا جمع تھے جن میں سے کچھ روشان کو منڈیر سے اترنے پر آمادہ کرنے کی کوشش کر رہے تھے اور کچھ اس تمام واقعے کی ویڈیو بنا رہے تھے۔ اس اثنا میں یونیورسٹی کے حفاظتی عملے نے چھت پر چڑھ کو روشان کو پکڑنے کی کوشش کی لیکن ان کے قریب پہنچنے سے پہلے ہی انہوں نے نیچے چھلانگ لگا دی۔

روشان کے گرنے کے بعد یونیورسٹی انتظامیہ کے کچھ لوگ اور کچھ طلبا انہیں ایک گاڑی میں ڈال کر دس بارہ منٹ کی مسافت پر واقع ایک نِجی ہسپتال لے گئے جہاں موجود ڈاکٹروں نے ان کا علاج کرنے سے انکار کر دیا کیونکہ ان کے خیال میں پولیس کو اطلاع دیے بغیر ان کی مرہم پٹی کرنا غیر قانونی تھا۔&nbsp;

اس کے بعد انہیں جنرل ہسپتال لے جایا گیا جو اس نِجی ہسپتال سے چالیس منٹ کی دوری پر واقع ہے لیکن وہاں سرجری کے دوران وہ دم توڑ گئیں۔&nbsp;

ان کے بارے میں کہا جاتا ہے کہ وہ ڈپریشن کا شکار تھیں لیکن حیدر کلیم، جو 2018 میں خود بھی بیکن ہاؤس نیشنل یونیورسٹی کے طالب علم تھے اور اپنے کچھ دوستوں کی وساطت سے روشان کو جانتے بھی تھے، کہتے ہیں کہ &#39;&#39;وہ ہمیشہ خوش نظر آنے والی اور دوسری کی مدد کرنے والی لڑکی تھی&#39;&#39;۔

روشان کی موت کے کئی روز بعد یونیورسٹی کے طلبا شدید غم و غصے کا شکار رہے اور یونیورسٹی انتظامیہ کو ان کی موت کا ذمہ دار ٹھہراتے رہے۔&nbsp;

حیدر کلیم سمجھتے ہیں کہ طلبا کے غصے کی وجہ روشان کی خود کشی کے ساتھ ساتھ ان کے اپنے نفسیاتی مسائل بھی تھے۔ ان مسائل کی وضاحت کرتے ہوئے وہ کہتے ہیں: &quot;طلبا کے مابین کوئی معنی خیز ربط نہیں ہوتا۔ زیادہ تر استادوں اور طلبا کے درمیان ایک رسمی تدریسی تعلق کے علاوہ زیادہ بات چیت نہیں ہوتی۔ مختلف شعبوں میں پڑھنے اور سینئر جونیئر کی تفریق کی وجہ سے بھی طلبا ایک دوسرے سے کٹے ہوئے ہوتے ہیں&quot;۔&nbsp;

تاہم ان کے مطابق روشان کی خود کشی کے بعد طلبا نے ان معاملات پر بات چیت کرنے کے لئے ایک بیٹھک کا انعقاد کیا جس میں مختلف شعبوں میں پڑھنے والے طلبا سمیت انتظامیہ کے اہلکاروں اور اساتذہ نے بھی شرکت کی۔ اس بیٹھک میں انتظامیہ نے طلبا کی آراء اور مطالبات سنے اور اس کے نتیجے میں طلبا کا ایک وفد تشکیل دیا تا کہ وہ جائزہ لے کہ لاہور یونیورسٹی آف مینجمنٹ سائنسز (لمز) نے طلبا کے نفسیاتی مسائل کے حل کے لئے کس قسم کی سہولیات فراہم کر رکھی ہیں۔&nbsp;

اس وفد نے لمز کے دورے کے دوران وہاں کی طلبا کونسل سے مشورے کیے اور اپنی یونیورسٹی واپس آ کر تمام معاملے پر ایک کھلی بحث کی جس کی بنیاد پر انتظامیہ کو کئی تحریری مطالبات پیش کیے گئے۔ بعد ازاں ان میں سے کچھ مطالبات پر عمل کرتے ہوئے یونیورسٹی نے طلبا کمیونٹی سنٹر بنانے کی منظوری دی، یونیورسٹی کے اندر ایک ایمبولنس اور ابتدائی طبی امداد کے ایک مرکز کی موجودگی کو یقینی بنایا اور ماہرین کو بلا کر خود کشی اور نفسیاتی مسائل کے حل کے موضوعات پر متعدد پروگرام منعقد کیے۔

<h2>لوگ خود کشی کیوں کرتے ہیں؟</h2>

زاہدہ خالد اسلامیہ یونیورسٹی بہاولپور کے شعبہ نفسیات میں گریجویشن کے آخری سمسٹر کی طالبہ ہیں۔ انہوں اپنے تحقیقی مقالے کے لیے صدمے کے نتیجے میں پیدا ہونے والے ذہنی اور نفسیاتی دباؤ میں ثقافت اور معاشرت کے کردار کا موضوع چنا ہے۔ پچھلے سال کورونا وبا کے پھیلنے کے بعد انہوں نے نفسیاتی صحت پر بات چیت کے لیے ایک فیس بک گروپ بھی تشکیل دیا۔&nbsp;

ان کا کہنا ہے کہ دورانِ تعلیم وہ خود کئی نفسیاتی مسائل کا شکار رہی ہیں۔ جہاں ایک طرف انہیں جنسی خوف و ہراس کا سامنا تھا وہاں ان کو کوئی ایسے دوست بھی نہ مِل سکے جن کے سامنے وہ اپنی الجھنوں کا کھل کر اظہار کر سکتیں۔ یونیورسٹی نے بھی طلبا کی نفسیاتی رہنمائی کے لئے کوئی باقاعدہ انتظام نہیں کر رکھا تھا۔ نتیجتاً وہ ہر وقت شدید نفسیاتی تناؤ کا شکار رہتیں۔&nbsp;

اس صورتِ حال سے نمٹنے کے لئے انہوں نے بالآخر خود ہی کچھ کرنے کا فیصلہ کیا۔ ان کا کہنا ہے کہ &quot;سب سے پہلے تو میں نے اپنے ان مسائل کی شناخت کی جن کی وجہ سے میں ذہنی الجھنوں کا شکار تھی۔ پھر میں نے یہ جائزہ لیا کہ ان مسائل کی وجہ سے میری زندگی کس طرح متاثر ہو رہی ہے۔ اس کے بعد میں نے یہ سوچنا شروع کیا کہ ان میں سے کون سے ایسے مسائل ہیں جنہیں حل کیا جا سکتا ہے اور کون سے ایسے ہیں جن کے ساتھ گزارا کرنے کے لئے مجھے اپنی توقعات اور اپنے حالات میں مطابقت پیدا کرنا ہو گی&quot;۔&nbsp;

اسی دوران یونیورسٹی نے بھی طلبا کو بارہ سے زائد انجمنوں میں شمولیت کی اجازت دے دی۔ زاہدہ خالد نے تعمیرِ کردار کے لئے بنائی گئی انجمن میں حصہ لینا شروع کیا جس کی وجہ سے انہیں اپنی نفسیاتی صحت میں بہتری محسوس ہونے لگی۔ ان کے مطابق &quot;ان انجمنوں کی موجودگی طلبا کو ان کے مسائل کے حل میں مدد فراہم کر سکتی ہے کیونکہ ان کے ذریعے طلبا اپنی اپنی دلچسپیوں کے مطابق اپنی ذات کے اظہار کے عمل سے گزرتے ہیں، اپنی صلاحیتوں کو بڑھاتے ہیں اور اپنے جیسے دوسرے لوگوں سے ملتے ہیں&quot;۔

ڈاکٹر منیبہ شکیل بھی کچھ اسی طرح کی بات کرتی ہیں۔&nbsp;

وہ کامسیٹس یونیورسٹی میں نفسیات کی استاد ہیں اور دس سال سے زیادہ عرصے سے نفسیاتی مریضوں کا علاج کر رہی ہیں۔

انہوں نے 2019 میں طلبا میں خودکشی کے رجحان پر ایک تحقیقی پرچہ بھی تحریر کیا جس کے لئے انہوں نے پاکستان کے گیارہ اخبارات کے آن لائن ایڈیشنوں میں گزشتہ سات سالوں کے دوران طلبا کی خود کشی سے متعلق چھپی ہوئی 68 رپورٹوں کا جائزہ لیا۔&nbsp;

ان کے مطابق ان میں سے تقریباً 50 فیصد رپورٹوں کا تعلق صوبہ پنجاب سے تھا جبکہ طِب کی تعلیم حاصل کرنے والے طلبا میں دوسرے طلبا کی نسبت خود کشی کا رجحان زیادہ نمایاں تھا۔&nbsp;

لیکن ان کا یہ بھی کہنا ہے کہ کوئی حکومتی ادارہ خودکشی کرنے والے افراد کے بارے میں اعداد و شمار اکٹھے نہیں کرتا لہٰذا یہ تعین کرنا قریب قریب نا ممکن ہے کہ خودکشی کرنے والوں میں کس عمر کے لوگ زیادہ ہوتے ہیں یا کن وجوہات کی بنا پر اور کن ذرائع سے زیادہ تر لوگ خود کشی کرتے ہیں۔&nbsp;

اس طرح کے اعداد و شمار اکٹھے نہ کرنے کی وجہ سے ان کے مطابق &quot;نفسیات کے شعبے میں کام کرنے والے ماہرین خود کشی کے تدارک کے لئے ایک کارآمد حکمت عملی تیار کرنے سے قاصر رہتے ہیں&#39;&#39;۔&nbsp;

سجاگ کی اپنی ایک غیر رسمی تحقیق کے مطابق 2018 سے اب تک 15 طلبا کی خودکشی کے واقعات اخبارات میں رپورٹ ہو چکے ہیں۔ اس طرح کے واقعات کی وجوہات پر روشنی ڈالتے ہوئے ڈاکٹر منیبہ شکیل کہتی ہیں کہ &quot;طلبا میں ڈپریشن، بے چینی، خودکشی کی سوچ، مایوسی اور بے چارگی جیسے احساسات بہت عام ہیں۔ ان احساست کی اہم وجوہات میں پڑھائی کا دباؤ، تعلیمی اداروں میں مقابلہ بازی کی فضا، ہم عمروں کی طرف سے پڑنے والا نفسیاتی دباؤ، باہمی تعلقات کے دوران پیدا ہونے والے مسائل، مالی الجھنیں اور گھریلو ماحول شامل ہیں&quot;۔

ان کے خیال میں طالب علمی کا زمانہ نفسیاتی اعتبار سے بہت اہم ہوتا ہے کیونکہ اس کے دوران جوان لوگ اپنی شناخت طے کرنے کے عمل سے گزر رہے ہوتے ہیں جس کی وجہ سے انہیں ایک اندرونی بحران کا سامنا ہوتا ہے۔ &quot;ان سالوں کے دوران نوجوان ہر وقت پڑھائی، پیشہ وارانہ کیریئر اور نئے سماجی تعلقات کے بارے میں سوچتے رہتے ہیں۔ اس عرصے میں اگر وہ اپنی شناخت اور اپنے ارد گرد کے لوگوں اور ماحول کے ساتھ مطابقت پیدا کرنے میں کامیاب ہو جائیں تو یہ کامیابی زندگی میں آگے چل کر ان کے کام آتی ہے لیکن اگر وہ اس میں ناکام رہیں تو وہ ایسے مسائل میں الجھتے رہتے ہیں جن کے باعث ان میں بے چارگی اور ناکامی کے جذبات جنم لیتے ہیں جو نفسیاتی رہنمائی نہ ملنے پر ڈیپریشن، بے چینی یا خُود کشی کی شکل اختیار کر سکتے ہیں&quot;۔

<h2>انفرادی مسئلہ یا اجتماعی مصیبت؟&nbsp;</h2>

ورلڈ ہیلتھ آرگنائزیشن (ڈبلیو ایچ او) نے 2019 میں خودکشی کے بارے میں ایک رپورٹ جاری کی جس کے مطابق دنیا بھر میں مجموعی طور پر خود کشی 15 سے 29 سال کی عمر کے لوگوں میں موت کی دوسری بڑی وجہ ہے۔ اس رپورٹ کے مطابق ہر سال آٹھ لاکھ افراد دنیا کے مختلف ممالک میں خودکشی کر کے اپنی زندگی ختم کر لیتے ہیں۔ ان میں سے زیادہ تر کا تعلق جوان نسل سے ہوتا ہے جبکہ ان میں سے تقریباً 80 فیصد کم یا متوسط آمدنی والے ممالک میں رہتے ہیں۔&nbsp;

ڈبلیو ایچ او کا یہ بھی کہنا ہے کہ بین الاقوامی سطح پر ہر ایک لاکھ لوگوں میں سے اوسطاً 6.1 لوگ خود کشی کرتے ہیں۔ پاکستان میں اگرچہ یہ شرح عالمی اوسط سے کافی کم ہے لیکن یہاں بھی ہر ایک لاکھ لوگوں میں سے ہر سال 2.9 افراد خود کشی کا شکار ہوتے ہیں۔ دوسرے لفظوں میں ہر سال 6380 پاکستانی اپنے ہاتھوں سے اپنی جان لے لیتے ہیں۔ اس حساب سے پاکستان میں خود کشی کے روزانہ ہونے والے واقعات کی تعداد 17 کے لگ بھگ بنتی ہے۔&nbsp;

تاہم ڈاکٹر منیبہ شکیل کا کہنا ہے کہ پاکستان میں ہونے والی 60 فیصد سے زیادہ خود کشیوں کے واقعات اخبارات میں آتے ہی نہیں اور نہ ہی ان کے بارے میں پولیس کو پتہ چلتا ہے کیونکہ خود کشی کرنے والے افراد کے اہلِ خانہ اسلام میں خود کشی کے حرام ہونے اور معاشرے میں بدنامی کے باعث انہیں منظرِ عام پر لاتے ہی نہیں۔&nbsp;

دوسری طرف پاکستان کے مشہور ماہرِ نفسیات ڈاکٹر مراد موسیٰ خان، جو اس وقت خود کشی کے تدارک کے لئے بنائی گئی بین الاقوامی انجمن کے صدر بھی ہیں، کہتے ہیں کہ تحقیق نے یہ بات ثابت کر دی ہے کہ خود کشی ایک اجتماعی مسئلہ ہے۔ ان کے مطابق &quot;اس مسئلے کو سائنسی انداز میں سمجھنے کے لئے خود کشی کرنے والے فرد کے ذاتی حالاتِ زندگی،اس کی &nbsp;ذہنی حالت اور اس کے گرد و پیش کے ماحول کے ساتھ ساتھ ان معاشی، سیاسی اور سماجی نظاموں پر غور کرنا بھی ضروری ہے جن سے اس کا واسطہ پڑتا ہے&quot;۔

ان کا کہنا ہے کہ جس عرصے میں طلبا انتہائی اہم ذہنی تبدیلیوں سے گذر رہے ہوتے ہیں اسی دوران وہ اپنے دن کا ایک تہائی حصہ تعلیمی اداروں میں گزارتے ہیں۔ &quot;اس لئے تعلیمی اداروں کی اخلاقی ذمہ داری بنتی ہے کہ وہ طلبہ کو اس طرح کی سہولیات مہیا کریں جن کی مدد &nbsp;سے ان میں اپنے بارے میں فیصلہ کرنے، اپنے مسائل کو خود حل کرنے، اپنی توقعات اور اپنے حالات میں مطابقت پیدا کرنے اور ہر طرح کے لوگوں کو قبول کرنے کی اہلیت پیدا ہو&quot;۔&nbsp; 
وہ کہتے کہ اس طرح کی سہولیات دینے کے لیے تعلیمی اداروں کو پیسہ تو خرچ کرنا پڑے گا لیکن &quot;اگر جوان نسل کی الجھنوں کا حل نہ نکالا گیا تو وہ یا تو خود کو نقصان پہنچائیں گے یا کسی اور کو&quot;۔&nbsp;

لہٰذا وہ تجویز کرتے ہیں کہ حکومت صحت کے بجٹ میں اضافے کر کے اس کا کچھ حصہ نفسیاتی صحت کے لیے مختص کرے تا کہ لوگوں کو اپنی نفسیاتی صحت بہتر بنانے کے لئے درکار سہولیات تک رسائی حاصل ہو سکے۔ اس تجویز کے حق میں وہ مغربی یورپ کے ممالک کے ساتھ ساتھ نیوزی لینڈ اور آسٹریلیا کی مثال دیتے ہیں جہاں ان کے مطابق نفسیاتی صحت کی سہولیات کی فراہمی کے بعد پچھلے 50 سالوں میں خود کشی کے رجحان میں کمی دیکھنے میں آئی ہے۔

یہ رپورٹ لوک سجاگ نے پہلی دفعہ 23 فروری 2021 کو اپنی پرانی ویب سائٹ پر شائع کی تھی۔

عروج اورنگزیب