Discover the reasons behind the rapid growth of Allied Health Sciences colleges in Khyber Pakhtunkhwa and the increasing student enrollment. Explore the factors driving this educational trend

Rising Demand: Why Allied Health Sciences Colleges Are Booming in Khyber Pakhtunkhwa

عائشہ ایمن، ڈسٹرکٹ ہیڈکوارٹر کرک کی رہائشی ہیں جنہوں نے حال ہی میں بی فارمیسی ٹیکنیشن (بی کیٹگری کا دو سالہ ڈپلومہ) کورس میں داخلہ لیا ہے۔ وہ بتاتی ہیں کہ ان کے والد چاہتے تھے کہ ان کی بیٹی میڈیکل کے کسی شعبے میں داخلہ لے لیکن مالی مشکلات کے باعث وہ میڈیکل کالج کے اخراجات برداشت نہیں کر سکتے۔

ان کے والد نے انہیں کرک ہی کے الائیڈ ہیلتھ سائنسز کالج میں داخل کرانے کا فیصلہ کیا اور انہوں نے بھی اس پر عمل کرنا بہتر سمجھا۔

&nbsp;&quot;آج کے دور میں سرکاری نوکریاں سفارش کے بغیر نہیں ملتیں اس لیے ہم نے اپنے وسائل کے مطابق اپنی روزی کمانے کا راستہ تلاش کیا ہے۔ والد کی خواہش ہے کہ میں یہ ڈگری حاصل کر کے ایک چھوٹی سی فارمیسی کھول لوں اور عزت سے دو وقت کی روٹی کماؤں۔ بابا بھی فارمیسی کھولنے میں میری ہر ممکن مدد کریں گے۔&quot;

محمد اسحاق کا تعلق ضلع اورکزئی ایجنسی سے ہےجو خیبر میڈیکل یونیورسٹی کے صوابی کیپمس میں نرسنگ کے طالب علم ہیں۔ انہوں نے بچپن سے ڈاکٹر بننے کا خواب دیکھا تھا۔

وہ بتاتے ہیں کہ ان کے علاقے میں ہسپتالوں کی حالت انتہائی خراب ہے اور مریضوں کو کافی تکلیف کا سامنا کرنا پڑتا ہے۔ وہ ڈاکٹر بن کر اپنے لوگوں کی خدمت کرنا چاہتے تھے لیکن بدقسمتی سے میڈیکل کالج میں داخلہ لینے میں ناکام رہے جس کے بعد انہوں نے نرسنگ کا فیصلہ کیا۔

محمد اسحاق نے تعلیم کے ساتھ خون عطیہ کرنے والا ( بلڈ ڈونیشن) ایک ادارہ بھی جوائن کر لیا ہے جو تھیلیسمیا کے مریضوں یا دیگر مریضوں کے لیے خیبر پختونخوا کے تمام اضلاع میں کام کر رہا ہے۔

خیبر پختونخوا میں گزشتہ تین سال کے دوران الائیڈ ہیلتھ سائنسز کے کالجوں میں بے تحاشا اضافہ ہوا ہے جہاں صوبہ بھر میں پرائیویٹ کالجز نے بی ایڈ، منیجمنٹ سائنسز، سپورٹس سائنسز کے مضامین چھوڑ کر الائیڈ ہیلتھ سائنسز میں داخلے شروع کردیے ہیں۔ یہاں تک کہ کالجوں کے نام بھی تبدیل کر لیے ہیں۔

نام ظاہر نہ کرنے کی شرط پر ایک نجی کالج کے سربراہ کا کہنا تھا کہ لوگ سادہ بی ایس، ایم ایس یا ایم فل کرنے کے بعد بھی بے روزگار پھر رہے ہیں۔ کو ئی ایسی تعلیم تو ہو جس سے کم از کم آدمی روزی روٹی ہی کما لے۔

<a href="https://tradingeconomics.com/pakistan/unemployment-rate#:~:text=Unemployment%20Rate%20in%20Pakistan%20increased,source%3A%20World%20Bank">ورلڈ بینک&nbsp; کے ذرائع کے مطابق پاکستان میں بے روزگاری کی شرح 2022ء میں 5.60 فیصد تھی</a> جو 2023ء میں بڑھ کر 5.70 فیصد ہوگئی۔ 1986ء سے 2023ء تک ملک میں بیروزگاری کی شرح اوسطاً 5.71 فیصد رہی ہے۔

اقتصادی سروے&nbsp; آف پاکستان 24-2023ء میں بتایا گیا کہ ملک میں تین سال سے لیبر فورس سروے نہیں کیا گیا۔ آخری سروے 21-2020ء میں ہوا تھا جس کے مطابق <a href="https://finance.gov.pk/survey/chapter_24/Economic_Survey_2023_24.pdf">پاکستان میں مجموعی لیبر فورس لگ بھگ سات کروڑ 18 لاکھ ہے</a> جس میں سے چھ کروڑ 72 لاکھ لوگ برسرروزگار اور 45 لاکھ سے زائد بیروزگار ہیں۔

یعنی ملک میں بیروزگاری کی مجموعی شرح 6.3 ہے۔

تاہم عالمی مالیاتی فنڈ&nbsp; ( آئی ایم ایف) نے <a href="https://www.imf.org/external/datamapper/LUR@WEO/PAK">2023ء کے اختتام میں پاکستان میں بیروزگاری کی شرح کا تخمینہ 8.5 فیصد لگایا تھا جس کے مطابق اب یہ شرح آٹھ فیصد ہو چکی ہے۔</a>

جبکہ انٹر نیشنل لیبر آرگنائزیشن&nbsp; (آئی ایل او) کی ستمبر 2023 کی رپورٹ کے مطابق&nbsp;<a href="https://www.ilo.org/resource/news/ilo-forecasts-pakistan-unemployment-15-million-2021"> پاکستان میں بے روزگار افراد ( جو فعال طور پر کام کی تلاش میں ہیں) کی تعداد 56 لاکھ تک ہونے کا امکان تھا اور یہ ڈیٹا آئی ایم ایف کے تخمینے سے ملتا ہے</a>۔

&quot;خواتین میں بے روزگاری کی شرح بلند ترین سطح پر، مردوں سے ڈیڑھ گنا زیادہ یعنی 11.1 فی صد تک ہو سکتی ہے۔&quot;

اقتصادی سروے رپورٹ کے مطابق پاکستان میں پچھلی کئی دہائیوں سے روزگار کی نوعیت تبدیل ہو چکی ہے۔ زرعی شعبہ جو کسی زمانے میں سب سے زیادہ لوگوں کو روزگار دیا کرتا تھا ٹیکنالوجی کے فروغ ( ٹیکنالوجیکل ٹرانسفارمیشن) کے بعد بہت پیچھے چلا (روزگار میں حصہ تقریباً 37فیصد) گیا ہے جبکہ سروسز کے شعبے نے تیزی سے ترقی کی ہے۔

یہاں یہ واضح کرنا ضروری ہے کہ اگرچہ آئین ہر شہری کو تعلیم و صحت کی سہولیات کی فراہمی کی ضمانت دیتا ہے تاہم پاکستان میں ان دونوں&nbsp; شعبوں کو بھی سروسز سیکٹر میں شمار کیا جاتا ہے۔

عالمی اعدادو شمار پر نظر رکھنے والی بین الاقوامی ویب سائٹ سٹیٹسٹا بتاتی ہے کہ پاکستانی نوجوانوں کی بے روزگاری کی شرح میں&nbsp; <a href="https://www.statista.com/statistics/812897/youth-unemployment-rate-in-pakistan/">2022ء کے مقابلے میں 2023ء میں بھی کوئی خاص تبدیلی نہیں آئی اور یہ 9.65 فیصد کے قریب رہی ہے۔</a>

یہ ویب سائٹ واضح کرتی ہے کہ نوجوانوں کی بے روزگاری کی شرح سے مراد 15 سے 24 سال کی عمر کی کل افرادی قوت کا وہ حصہ ہے جو اس وقت کام کے بغیر ہے اور روزگار کی تلاش میں ہے۔ اس میں معاشی طور پر غیر فعال افراد جیسے کل وقتی طلباء یا طویل مدتی بے روزگار افراد شامل نہیں ہیں۔

<a href="https://finance.gov.pk/survey/chapter_24/Economic_Survey_2023_24.pdf">اقتصادی سروے رپورٹ تصدیق کرتی ہے کہ ملک میں سب سے زیادہ بیروزگاری 15 سے 24 سال تک کے نوجوانوں میں ہے جس کی شرح 11 فیصد سے زائد ہے</a>۔ ان میں لگ بھگ 10 فیصد لڑکے اور ساڑھے 14 فیصد لڑکیاں شامل ہیں۔

&quot;بیورو آف امیگریشن اینڈ اوورسیز ایمپلائمنٹ&nbsp; اور اوورسیز ایمپلائمنٹ کارپوریشن نے 2023ءکے دوران بیرون ملک ملازمت کے لیے جانے والے آٹھ لاکھ 62 ہزار 625 افراد کو رجسٹر کیا جبکہ 2022ء میں آٹھ لاکھ 32 ہزار339 پاکستانی روزگار کے لیے بیرون ملک گئے تھے یعنی باہر جانے والوں میں مجموعی طور پر چار فیصد اضافے کا رجحان دیکھا گیا۔&quot;

ان دو سال میں جانے والوں کا ہنر یا مہارت کے لحاظ سے تقابلی تجزیہ کیا جائے تو 2022 ء کے 20 ہزار 865 کے مقابلے میں 2023 میں 45 ہزار 687 انتہائی ہنر مند (ہائیلی سکلڈ) افراد بیرون ملک روانہ ہوئے۔

&quot;بیرون ملک جانے والے ہائی کوالیفائیڈ اور نیم ہنرمند (سیمی سکلڈ) افراد کی شرح میں بالترتیب 26.6 فیصد اور اور 2.28 فیصد اضافہ ہوا جبکہ غیر ہنرمند افراد کی تعداد بھی8.7 فیصد بڑھی۔ تاہم مجموعی طور پر بیرون ملک رجسٹرڈ ہنر مند کارکنوں کی تعداد تقریباً 33 ہزار&nbsp; کے قریب کم ہو گئی۔ کیونکہ بین الاقوامی ضرویات کو پورا کرنے کے لیے عالمی معیارات پر پورا اترنا وقت کی ضرورت ہے۔&quot;

سرکاری ریکارڈ کے مطابق خیبر میڈیکل یونیورسٹی نے پچھلے دو سال کے دوران صوبہ بھر میں الائیڈ ہیلتھ سائنسز کے 166اداروں (انسٹی ٹیوٹس) کی الحاق (ایفیلیششن) دیا ہے۔

ان میں نرسنگ پوسٹ آر این، ڈاکٹر آف فزیکل تھراپی، میڈیکل لیب ٹیکنالوجی (ایم ایل ٹی)، ڈینٹل ٹیکنالوجی، ریڈیالوجی، سپیچ اینڈ لینگویج تھراپی، سرجیکل ٹیکنالوجی، ایمرجنسی ٹیکنالوجی، انیستھیزیا، پبلک ہیلتھ، ویژن سائنسز، رینل ڈائلیسز، ہیلتھ ٹیکنالوجی، ڈی پی ٹی، بی پروستھیٹک اینڈ آرتھوٹیکس ودیگر کے بی ایس کے پروگرام شامل ہیں۔

ان اداروں میں ایک اور دو سالہ ڈپلومہ کورسز کے علاوہ پانچ سالہ بی ایچ ایم ایس(بیچلر آف ہومیو میڈیکل سائنس) بھی ہیں۔ خیبر میڈیکل یونیورسٹی نے 16 سرکاری تعلیمی اداروں کو رجسٹریشن دی ہے جو بی ایس کے مختلف پروگرام آفر کرتے ہیں۔

&nbsp;صوبے کی دو خواتین جامعات، ویمن یونیورسٹی صوابی اور سرحد یونیورسٹی پشاور نے بھی الائیڈ ہیلتھ سائنسز کے لیے مکمل فیکلٹیز بنائی ہیں جہاں بی ایس اور ایم ایس پروگرامز میں داخلے کیے جا رہے ہیں۔

&nbsp;یونیورسٹیوں میں چونکہ سٹیچیوٹری باڈی ( ضوابط بنانے والا ادارہ) ہوتی ہے اس لیے انہیں خیبر میڈیکل یونیورسٹی سے رجسٹریشن کی ضرورت نہیں ہوتی۔

ان جامعات میں ایم ایل ٹی، ڈائیگناسٹک میڈیکل سونوگرافی، پبلک ہیلتھ، بائیو انفارمیٹکس سمیت دیگر شعبہ جات شامل ہیں جہاں طلباء و طالبات کی تعداد روز بروز بڑھ رہی ہے۔

اس حوالے سے خیبر میڈیکل یونیورسٹی کے رجسٹرار انعام اللہ وزیر بتاتے ہیں کہ میڈیکل کالجوں میں داخلہ لینے کے لیے ہر سال 50 ہزار سے زیادہ امیدوار ہوتے ہیں جن میں صرف تین ہزار کے قریب کامیاب ہوتے ہیں۔

&quot;ان تین ہزار میں سے ایک ہزار 700 طلباء و طالبات سرکاری میڈیکل کالجوں میں داخلہ لے لیتے ہیں، باقی ایک ہزار 300 پرائیویٹ میڈیکل کالجوں میں جاتے ہیں۔&quot;

وہ کہتے ہیں کہ میڈیکل کالجوں میں داخلہ حاصل نہ کر پانے والے امیدواروں کی اکثریت الائیڈ ہیلتھ سائنسز کا رخ کرتی ہے جن میں فزیو تھراپی، ایم ایل ٹی، ڈینٹل ٹیکنالوجی، ریڈیالوجی، سپیچ اینڈ لینگویج تھراپی، سرجیکل، ایمرجنسی ٹیکنالوجی، انیستھیزیا، پبلک ہیلتھ، ویژن سائنسز، ڈائلیسز و دیگر شعبہ جات شامل ہیں۔

وہ تصدیق کرتے ہیں کہ خیبر میڈیکل یونیورسٹی نے 16 سرکاری اداروں سمیت 166 ایسے اداروں کو رجسٹریشن دی ہے جو الائیڈ ہیلتھ سائنسز میں ڈگریاں دے رہے ہیں۔ خیبر میڈیکل یونیورسٹی کا کام ان اداروں کے بہتر معیار کو یقینی بنانا اور ان کی رہنمائی کرنا ہے۔

<a href="https://beoe.gov.pk/files/statistics/2024/province.pdf">بیورو آف امیگریشن ایڈ اوورسیز ایمپلائمنٹ&nbsp; کے مطابق رواں سال جولائی تک تین لاکھ 90 ہزار 119 رجسٹرڈ پاکستانی کارکن باہر جا چکے ہیں</a> جن میں سے 95 ہزار 551 کا تعلق صوبہ خیبر پختونخوا سے ہے، قبائلی اضلاع کے 15 ہزار سے زائد لوگ اس کے علاوہ ہیں۔

یہ اعدادو شمار بتاتے ہیں کہ بیورو میں کل ایک کروڑ 31 لاکھ سے زائد پاکستانی اوورسیز رجسٹر ہیں جن میں سے قبائلی اضلاع کے چھ لاکھ 52 ہزار افراد کے علاوہ تقریباً 33 لاکھ 56 ہزار لوگ خیبر پختونخوا کے رہائشی ہیں۔

یہی وجہ ہے کہ بیروزگاری پر قابو پانے اور افرادی قوت کی عالمی مارکیٹ کی ضروریات پوری کرنے کے لیے تعلیمی رحجانات میں تبدیلیاں نظر آ رہی ہیں۔

گیریژن کالج آف الائیڈ ہیلتھ سائنسز کے سربراہ ڈاکٹر حضرت اللہ خٹک اتفاق کرتے ہیں کہ الائیڈ ہیلتھ سائنسز کی بڑھتی مقبولیت کا ایک اہم سبب پاکستان میں بے روزگاری کا مسئلہ ہے۔

&quot;ہم پہلے ایف ایس سی، بی ایڈ اور سپورٹس سائنسز پڑھاتے تھے اور کالج کا نام &#39; گیریژن کالج آف سائنس اینڈ ٹیکنالوجی&#39; تھا مگر کالج میں داخلے نہ ہونے کے برابر تھے۔ پھر ہم نے اس کا نام &#39;گیریژن کالج آف الائیڈ ہیلتھ سائنسز&#39; رکھا اور انہی مضامین میں داخلے دے لے رہے ہیں۔&quot;

حضرت اللہ کے مطابق لوگ تعلیم اس لیےحاصل کرتے ہیں تاکہ روزگار حاصل کر سکیں۔ اب الائیڈ ہیلتھ سائنسز کے فارغ التحصیل طلباء بے روزگار نہیں بیٹھیں گے۔ کچھ شعبوں (ڈپلوما کورسز) میں میٹرک کی بنیاد پر بھی داخلہ مل جاتا ہے اس لیے بھی لوگ الائیڈ سائنسز میں زیادہ دلچسپی لیتے ہیں۔

&quot;فارمیسی کیٹگری بی سے نوجوان اپنا میڈیکل سٹور کھول سکتے ہیں۔ نرسز کی پاکستان میں بہت کمی ہے اس شعبے کی طرف رجحان میں اضافہ ہوا ہے جنہیں سرکاری اور پرائیویٹ ہسپتالوں میں آسانی سے16 سکیل کی ملازمت مل سکتی ہے۔&quot;

ڈاکٹر حضرت اللہ خٹک کا کہنا ہے کہ الائیڈ ہیلتھ سائنسز کے پروگرام اب مارکیٹ کی ڈیمانڈ ہیں یہ طلباء کو یقینی روزگار فراہم کرتے ہیں اور ان کی تعلیم اور مہارتیں بازار کی ضروریات کے مطابق ہیں۔

سرحد یونیورسٹی پشاور کے وائس چانسلر پروفیسر ڈاکٹر سلیم الرحمان بتاتے ہیں کہ ان کی جامعہ نے الائیڈ ہیلتھ سائنسز کے جو پروگرام متعارف کرائے ہیں ان کے لیے طلبہ و طالبات کو جدید ترین لیبز اور فیکلٹی کی خدمات فراہم کی جاتی ہیں، تاکہ وہ بہترین پروفیشنلز بن سکیں۔

ویمن یونیورسٹی صوابی کی داخلہ انچارج رئیسہ بانو بتاتی ہیں کہ اب زیادہ تر طالبات الائیڈ ہیلتھ سائنسز کے شعبہ ڈائیگناسٹک میڈیکل سونوگرافی، پبلک ہیلتھ، ہیلتھ انفارمیٹکس، فوڈ سائنسز اینڈ نیوٹریشن کی طرف آ رہی ہیں۔ ان شعبوں میں داخلے کی شرح دیگر مضامین کی نسبت بڑھ گئی ہے۔

صوابی کی دونوں سرکاری یونیورسٹیوں میں ماس کمونیکیشن کے شعبے کیوں بند ہو گئے؟

الائیڈ ہیلتھ سائنسز میں طلباء و طالبات کے داخلوں کی شرح کیوں بڑھ رہی ہے؟

text

Despite the Prime Minister's education emergency, two universities in Swabi, Khyber Pakhtunkhwa, have halted admissions for mass communication students since last year, highlighting a critica

Education Emergency vs. Reality: Mass Communication Admissions Halted in Swabi Universities

آسیہ خان، صوابی یونیورسٹی برائے خواتین کے شعبہ صحافت میں چوتھے سمسٹر کی طالبہ ہیں۔ وہ بتاتی ہیں کہ اس یونیورسٹی نے چند سال پہلے ماس کمونیکیشن ڈیپارٹمنٹ میں نئے داخلے اچانک روک دیے گئے تھے جس کی وجہ سے انہیں انتظار کرنا پڑا اور ان کا ایک سال ضائع ہو گیا۔

آسیہ خان کہتی ہیں کہ خیبر پختونخوا میں قبائلی روایات کی وجہ سے شعبہ صحافت میں طالبات کی تعداد اگرچہ کم ہے لیکن جن لڑکیوں کو یہاں پڑھنے کا موقع ملا وہ دلجمعی کے ساتھ فیلڈ میں کام کر رہی ہیں۔

&quot;میں خاندان سے بمشکل اجازت لےکر یونیورسٹی تک پہنچی ہوں، میرے جیسی نہ جانے کتنی لڑکیاں ماس کمونیکیشن پڑھنا اور فیلڈ میں کام کرنا چاہتی ہیں لیکن اگر یہ شعبہ بند ہو گیا تو یہ صوابی کی طالبات کے ساتھ زیادتی ہو گی۔&quot;

ویمن یونیورسٹی صوابی میں جرنلزم کی طالبات نے ہمیشہ محنت اور لگن سے کام سے کیا جس کے نتیجے میں اس یونیورسٹی کے نہ صرف تمام سوشل میڈیا اکاؤنٹس بشمول یوٹیوب، فیس بک، انسٹاگرام، ٹک ٹاک اور ایکس ویریفائیڈ (تصدیق شدہ) ہیں بلکہ ان کے ہزاروں فالوور اور لاکھوں ویورز بھی موجود ہیں۔

یہاں جرنلزم کی طالبات ہی ان سوشل میڈیا پلیٹ فارمز پر نشریات اور پوسٹوں کا اہتمام کرتی ہیں جن میں حالات حاضرہ پر تبصرے، سماجی موضوعات و مسائل پر گفتگو اور تفریحی پروگرام شامل ہیں۔ ان پروگراموں کی پروڈکشن سے پیش کش تک تمام مراحل کی ذمہ داری بھی سٹوڈنٹس نے لے رکھی ہے۔

لیکن رواں سال اس شعبے میں یونیورسٹی نے نئے داخلے ہی نہیں کیے۔

&nbsp;خیبر پختونخوا میں خواتین کی تین جامعات ہیں لیکن ان میں سے صرف &#39;ویمن یونیورسٹی صوابی&#39; میں 2018ء میں جرنلزم ڈیپارٹمنٹ شروع کیا گیا تھا۔ یہاں سے اب تک 15طالبات بی ایس جرنلزم کی ڈگری لے چکی ہیں اور اس وقت سات طالبات پانچویں سمسٹر میں زیر تعلیم ہیں۔

ضلع صوابی میں دو سرکاری جامعات ہیں جن میں یونیورسٹی آف صوابی اور ویمن یونیورسٹی صوابی شامل ہیں لیکن پچھلے سال ان دونوں جامعات میں بی ایس ماس کمونیکیشن (صحافت) کے نئے داخلے نہیں کیے گئے جبکہ امسال بھی داخلے بند ہیں۔

ضلع صوابی کی کل&nbsp; آبادی 18 لاکھ 94 ہزار سے زائد نفوس پر مشتمل ہے۔ اگرچہ یہاں مرد و زن کی تعداد میں زیادہ فرق نہیں تاہم 2017ء کی مردم شماری&nbsp; کے مطابق یہاں شرح خواندگی میں واضح تفریق موجود ہے جو مردوں میں 73.99 فیصد اور خواتین میں 44.35 فیصد ہے۔

&nbsp;یونیورسٹی آف صوابی میں جرنلزم ڈیپارٹمنٹ کا آغاز2017ء میں ہوا جس کو منیجمنٹ سائنسز کے زیر سرپرستی رکھا گیا تھا۔ لیکن یہاں مستقل اساتذہ کی تعیناتی عمل میں نہیں لائی گئی تھی اور چار بیجز کو عارضی اساتذہ (وزٹنگ فیکلٹی) پڑھاتے رہے۔

ہائیر ایجوکیشن کمیشن کے طے کردہ اصولوں کےمطابق کسی بھی یونیورسٹی میں کوئی ڈیپارٹمنٹ شروع کرنے کے لیے مستقل فیکلٹی (اساتذہ) کی ضرورت ہوتی ہے جن میں ایک پروفیسر، دوایسوسی ایٹ پروفیسر، تین اسسٹنٹ پروفیسر اور لیکچرز شامل ہوں۔ تاہم ان دونوں یونیورسٹیوں (یونیورسٹی آف صوابی اور ویمن یونیورسٹی صوابی) میں مستقل اساتذہ کبھی تعینات نہیں کیے گئے۔

محمدارشد، پانچ سال سے صوابی یونیورسٹی میں بطور وزٹنگ لیکچرر پڑھا رہے ہیں۔ وہ بتاتے ہیں کہ جدید تقاضوں کے مطابق صحافت پڑھانے کے لیے ادارے میں کیمرے، نیوز رومز، سٹوڈیو اور ڈیجیٹل لیب کا ہونا ضروری ہے لیکن یہاں ایک کمرے پر مشتمل جرنلزم ڈیپارٹمنٹ میں ایسی کوئی سہولت میسر نہیں۔

وہ کہتے ہیں کہ نامساعد حالات کے باوجود یہاں کے کئی فارغ التحصیل طلبا ملک بھر کے مختلف میڈیا اداروں میں کام کر رہے ہیں۔ صوابی یونیورسٹی سے اب تک 30 کے قریب طلبا ڈگریاں حاصل کر چکے ہیں جبکہ یہاں اس وقت سات طلبا آخری سمسٹر میں ہیں۔

آسیہ خان نے بتا یا کہ ویمن یونیورسٹی صوابی میں بھی انہیں جرنلزم کے تمام مضامین ایک ہی ٹیچر پڑھا رہے ہیں۔

&quot;ادارے میں ہمارے پاس تکنیکی سہولیات میسر نہیں ہیں لیکن ہم پریکٹکل کے لیے اپنے فون اور لیپ ٹاپ کی مدد سے پوڈ کاسٹ، ویڈیو میکنگ اور ایڈیٹنگ کی پریکٹس کرتی ہیں۔&quot;

صوبے کی دیگر جامعات، خوشحال خان خٹک یونیورسٹی کرک، کوہاٹ یونیورسٹی اور گومل یونیورسٹی ڈی آئی خان میں بھی حالات مختلف نہیں ہیں۔

خوشحال خان خٹک یونیورسٹی کرک میں ماس کمونیکیش ڈیپارٹمنٹ 2014ء میں شروع ہوا جہاں سے اب تک 40 کے قریب طالب علم ڈگری مکمل کر چکے ہیں۔ یہاں اس وقت مجموعی طور پر20 طلبا زیر تعلیم ہیں تاہم رواں سال ایم فل کی کلاسز کا آغاز کیا گیا ہے جہاں آٹھ امیدواروں کو داخلہ ملا ہے۔

گومل یونیورسٹی ڈیرہ اسماعیل خان میں شعبہ صحافت 45 برس سے کام کر رہا ہے لیکن یہاں طلبہ کی تعداد کم ہونے کے باعث پچھلے سال یہ ڈیپارٹمنٹ بند کرنے کا فیصلہ کیا گیا تھا۔ مگر یونیورسٹی سنڈیکیٹ نے اسے فعال رکھنے کے لیے کچھ ڈپلومہ کورسز شروع کرنے کی تجویز منظور کر لی جس کے لیے علاقائی صحافیوں کی خدمات لی گئیں۔

&nbsp;لیکن اب گومل یونیورسٹی میں ایم فل اور پی ایچ ڈی کی کلاسز شروع کی جا چکی ہیں۔ اب اس ڈیپارٹمنٹ میں طلبا و طالبات کی کل تعداد 30 کے قریب ہے جبکہ 20 لوگ ایم فل اور پی ایچ ڈی بھی کر رہے ہیں۔

اس حوالے سے نمل یونیورسٹی اسلام آباد کے ڈین آف سوشل سائنسز پروفیسر ڈاکٹر خالد سلطان کہتے ہیں کہ خیبر پختونخوا میں صحافت کے کم مواقع ہونے کے باعث یہاں طلبا کی بہت کم تعداد جرنلزم میں داخلہ لیتی ہے۔

&quot;اسی لیے ہماری یونیورسٹی نے پشاور کیمپس میں ماس کمونیکیشن کا شعبہ ہی قائم نہیں کیا جبکہ پنجاب میں جرنلزم کا شوق مزید بڑھ رہا ہے۔ وہاں نمل یونیورسٹی کے جرنلزم ڈیپارٹمنٹ میں ایک ہزار 300 کے قریب طلبا و طالبات زیر تعلیم ہیں اور ہر سال یہ تعداد بڑھ رہی ہے۔&quot;

نوائے وقت پشاور کے بیورو چیف اور سینئر صحافی ایم ریاض خان بتاتے ہیں کہ سال 2000ء کے بعد ملک میں میڈیا کو عروج ملا۔ نجی چینلز مارکیٹ میں آئے تو تعلیمی اداروں نے نئے تقاضوں کے مطابق ابلاغ عامہ کے شعبہ جات کا آغاز کیا جبکہ طالب علموں نے بھی دھڑا دھڑ داخلے لیے اور جرنلزم &#39;کمرشل&#39; ہو گیا۔

وہ کہتے ہیں کہ 2018ء کے بعد جب میڈیا پر مختلف طریقوں سے پابندیاں لگائی گئیں تو میڈیا ہاؤسز نے ملازمین کی تنخواہیں کم کر دیں۔ اس دوران کئی ٹی وی چینل اور اخبارات بند ہو گئے اور بڑے بڑے صحافیوں نے سوشل میڈیا کا رخ کر لیا۔

&quot;سوشل میڈیا منظرنامے پر چھانے لگا تو لوگوں کو لگا کہ جب وہ اپنے موبائل فون اور ایک فیس بک پیج سے صحافی بن سکتے ہیں تو انہیں کسی تعلیمی ادارے میں چار سال ضائع کرنے کی کیا ضرورت ہے۔&quot;

&quot;ان خود ساختہ صحافیوں کے آنے سے جہاں صحافت کا جنازہ نکلا وہاں اصلی اور فیک نیوز میں تفریق بھی ختم ہو گئی۔&quot;

ان کا ماننا ہے کہ صرف خیبر پختونخوا ہی نہیں ملک بھر کے تعلیمی اداروں اور میڈیا ہاؤسز کو مل کر سوچنا ہو گا&nbsp; کہ وہ اس ڈیجیٹل دور میں صحافت کی بقا کے لیے کیا کر سکتے ہیں؟ انہیں تھیوری اور عملی صحافت کے مابین توازن بھی قائم کرنا پڑے گا۔

سرکاری اعداد و&nbsp; شمار بتاتے ہیں کہ خیبر پختونخوا کی 26 کے قریب سرکاری اور نو نجی یونیورسٹیوں کے شعبۂ صحافت میں مجموعی طور پر 50 اساتذہ اپنے فرائض انجام دے رہے ہیں جن میں 10 پی ایچ ڈی اساتذہ شامل ہیں۔

&nbsp;تاہم صوبہ بھر میں صرف ایک ہی ٹیچر کو پروفیسر کے عہدے پر تعینات کیا گیا ہے جبکہ 16 اسسٹنٹ پروفیسر ہیں۔ لیکن کسی ایک کو بھی ایسوسی ایٹ پروفیسر کے عہدے پر ترقی نہیں دی گئی۔

ڈائریکٹر صوابی یونیورسٹی ڈاکٹر روئیداد خان نے لوک سجاگ کو بتایاکہ جامعہ کے کسی شعبےکو فعال رکھنےکے لیے سالانہ کم از کم 20 داخلے ہونے چاہئیں مگر صوابی یونیورسٹی اور ویمن یونیورسٹی صوابی کے جرنلزم ڈیپارٹمنٹس میں امیدواروں کی تعداد پوری نہیں ہو رہی تھی۔ اسی لیے دونوں جامعات میں فی الحال شعبہ صحافت کو غیرفعال کیا جا رہا ہے۔

میانوالی کے کالجوں میں اساتذہ کی راہ دیکھتے طلبہ اپنے مستقبل سے مایوس ہونے لگے

Discover the repercussions of land ownership disputes between donors and the Khyber Pakhtunkhwa government on students in government schools. From potential disruptions to educational service

Land Ownership Dispute in Khyber Pakhtunkhwa: Impacts on Students of Government Schools

&nbsp;ساتویں جماعت کی عائشہ عید کی چھٹیوں کے بعد معمول کے مطابق سکول پہنچیں تو&nbsp; گیٹ بند اور باہر طالبات کا رش تھا۔ عائشہ دیگر طالبات کی طرح بارش میں بھیگتی گیٹ کھلنے کا انتظار کرتی رہیں۔ جیسے جیسے وقت گزرتا جا رہا تھا طالبات کارش بڑھتا جا رہا تھا۔

سکول کی ٹیچرز بھی بچیوں کے ساتھ باہر کھڑی تھیں۔ سکول کا وقت گزر گیا لیکن گیٹ نہیں کھلا۔ ان سب کو مایوس اپنے گھروں کی طرف لوٹنا پڑا۔

عائشہ بتاتی ہیں کہ انہیں لگا شاید بارش کی وجہ سے چوکیدار نہیں آیا۔ لیکن تھوڑی دیر میں&nbsp; پرنسپل صاحبہ نے پیغام بھیجا کہ سکول آج نہیں کھلے گا اور شاید کچھ دن مزید نہیں کھلے گا۔

&quot; ایسا پہلی بار نہیں ہو ا تھا۔ اس سے پہلے بھی سکول کی زمین کے مالک نے سکول کو تالا لگا دیا تھا لیکن کچھ دنوں بعد کھول بھی دیا تھا۔&quot;

خواجہ رشکہ میں قائم گرلز ہائر سکینڈری سکول میں بچیوں کی تعداد 200 سے زائد ہے۔ یہ ضلع مردان کی یونین کونسل مہو ڈھیری کا چھوٹا سا گاؤں ہے جس کی آبادی پانچ ہزار گھرانوں پر مشتمل ہے۔ گاؤں میں لڑکیوں کی تعلیم کے لیے ایک ہی سکول ہے۔

عائشہ کے والد نوید رحمان نے لوک سجاگ کو بتایا کہ گورنمنٹ گرلز ہائر سیکنڈری سکول نجی اراضی پر بنا ہوا ہے مالک نے سکول کی زمین حکومت کو عطیہ کی تھی۔

&quot;حکومت نے سکول کی زمین کے بدلے مالک کو درجہ چہارم کی چند ملازمتیں دینے کا وعدہ کیا تھا لیکن چھ سال گزر جانے کے بعد بھی وعدہ پورا نہیں کیا۔ اب زمین کا مالک بار بار سکول کو تالا لگا دیتا ہے اور ہمیشہ کے لیے بند کرنے کی دھمکی دیتا ہے۔&quot;

خیبر پختونخوا میں 2005ء اور 2010ء کے زلزلے میں کئی سکول تباہ ہو گئے تھے۔ اس وقت دہشت گردی سے نبرد آزما حکومت کے پاس اتنے مالی وسائل نہیں تھے کہ وہ نئے سکول تعمیر کرنے کے لیے زمین خریدتی۔ اس لیے مقامی لوگوں سے درخواست کی گئی کہ وہ اپنی زمینیں عطیہ کریں۔ مقامی لوگوں نے حکومت کو زمینیں عطیہ کی اور ان پر سکول تعمیر&nbsp; کئے۔

<a href="http://175.107.63.45/newimusite/images/reports/ASC_Report_2020-21_Final.pdf">ضم اضلاع میں سکولوں کی سالانہ مردم شماری کی 2020-21ء کی رپورٹ</a> میں &quot;Donated&quot; لفظ کی تشریح یوں کی گئی ہے؛ اس میں وہ زمینیں اور عمارتیں شامل ہیں جنہیں عوام کی جانب سے&nbsp; سکول کی تعمیر کے لیے عطیہ کیا گیا، لیکن ان کی ملکیت حکومت کو منتقل نہیں کی گئی۔ اسی رپورٹ کے مطابق خیبر پختونخوا میں لڑکے لڑکیوں کے کل 408 سکول عطیہ کی گئی زمینوں پر تعمیر کیے گئے ہیں، جن میں سے 351 لڑکوں اور 57 لڑکیوں کے سکول ہیں۔

ضلع مردان کی کل آبادی 27 لاکھ 44 ہزار 898 ہے۔

محکمہ تعلیم مردان میں کام کرنے والے سینئر کلرک ایچ ارشاد حسین نے لوک سجاگ کو بتایا کہ اس سکول کے لیے، نواب مہمند جو امن اسلامی جرگہ کے جنرل سیکرٹری بھی ہیں، نے چھ سال پہلے اپنی زمین سکول کی تعمیر کے لیے پیش کی تھی۔ حکومت سکول کی تعمیر پر 13 کروڑ روپے خرچ&nbsp; کرچکی ہے۔

&quot;زمین مالکان عطیے کے بدلے اپنے خاندان کے&nbsp; افراد کو درجہ چہارم&nbsp; کی نوکری دلواتے ہیں۔ یعنی اسی سکول میں انہیں قاصد، نائب قاصد کی سیٹوں پر بھرتی کر لیا جاتا ہے۔&quot;

ارشاد بتاتے ہیں کہ معاملہ صرف نوکریاں ملنے تک محدود نہیں رہتا۔

&quot; مالکان کی اور بھی شرطیں ہوتی ہیں۔ جیسے کہ&nbsp; ان کے ملازموں کا&nbsp; دوسرے سکول میں ٹرانسفر نہیں ہوگا۔ وہ تاحیات اسی پوسٹ پر کریں گے،&nbsp; ان کی ریٹائرمنٹ یا موت کی صورت میں ان کی اولاد میں سے کسی کو اس سیٹ پر بھرتی کر لیا جائے گا۔&quot;

ارشاد کہتے ہیں کہ یہ مالکان قانون یا میرٹ کو خاطر میں نہیں لاتے۔ زمین&nbsp; دینے کے بدلے میں&nbsp; ملازمت کی پشکش&nbsp; ایک غیر قانونی عمل ہے اس کے باوجود محکمہ تعلیم برسوں سے غیر قانونی بھرتیاں کر رہا ہے اور ہزاروں لوگ گھر بیٹھے تنخواہیں وصول کر رہے ہیں۔

روح اللہ خان ضلعی محکمہ تعلیم کے اسسٹنٹ ڈائریکٹر پلاننگ اینڈ ڈیویلپمنٹ ہیں۔ انہوں نے لوک سجاگ کو بتایا کہ سکول مالکان کی بلیک میلنگ ان کے علم میں ہے۔ اس کا ایک ہی حل ہے کہ حکومت ان زمینوں کو خرید لے لیکن ابھی تک صوبائی حکومت نے&nbsp; ایسی کوئی پالیسی نہیں بنائی۔

&quot;جن سکول مالکان کے &quot;مطالبے&quot; پورے نہیں ہوئے وہاں روزانہ کی بنیاد پر سکولوں کو تالے لگائے جاتے ہیں یا انتظامیہ کو ہراساں کیا جاتا ہے۔ حکومت کوئی کارروائی نہیں کرتی۔&quot;

وہ بتاتے ہیں کہ حکومت کی اس پالیسی کی سزا محکمہ تعلیم کو بھگتنا پڑتی ہے۔

گرلز ہائر سیکنڈری سکول خواجہ رشکہ کے زمین کے مالک نواب مہمند لوک سجاگ سے گفتگو کرتے ہوئے دعویٰ کرتے ہیں کہ انہوں نے چھ کروڑ روپے مالیت&nbsp; کی زمین سکول کے لیے دی ہوئی ہے۔

&quot;مجھے میرا حق نہیں مل رہا۔ مجھ سے اس وعدے پر زمین لی گئی تھی کہ میرے بندوں کو درجہ چہارم اور سات پر بھرتی کیا جائے گا۔ اگر حکومت نے میرے بندے بھرتی نہیں کرنے تو وہ مجھے چھ سال کا کرایہ ادا کر دے۔&quot;

وہ مزید کہتے ہیں، انہوں نے کئی بار اس مسئلے کو ضلعی انتظامیہ، مئیر مردان حمایت اللہ مایار اور محکمہ تعلیم کے سامنے رکھا مگر ہر بار مذاکرت ناکام ہوئے۔

سابق ڈپٹی کمشنر کیپٹن عبدالرحمان اور حمایت اللہ مایار نے نگران حکومت کے دور میں جرگہ کیا تھا۔ اس میں وعدہ کیا گیا کہ محکمہ تعلیم سے بات کرکے یہ مسئلہ حل کر دیا جائے گا۔

&quot;جرگے میں فیصلہ ہوا کہ ہم لوگ سکول کھول دیں۔ ہمارے لوگوں کو نوکریاں مل جائیں گی۔ جس کے&nbsp; بعد ہم نے بارہ دن سے بند سکول کھول دیا مگر تب الیکشن کمیشن نے نئی بھرتیوں پر پابندی عائد کر دی۔&quot;

نواب مہمند کہتے ہیں کہ نئی حکومت آنے کے بعد بھی ان کے مطالبات منظور نہیں کیے جا رہے۔

&quot;لہٰذا میرے پاس سکول بند کرنے کے سوا کوئی آپشن نہیں۔ اسی لیے اس بار&nbsp; نئے سیشن کے لیے داخلے بھی بند کر دئے ہیں۔&quot;

ارشاد حسین امید کرتے ہیں کہ نئی حکومت جو ں ہی بھرتیوں پر پابندی اٹھائے گی، پہلے اس سکول میں ملازمین کی بھرتی عمل میں لائی جائے گی۔&nbsp;

ڈی ای او عابدہ پروین نے لوک سجاگ سے گفتگو کرتے ہوئے بتایا حکومت اور الیکشن کمیشن کے پابندی کی وجہ سے یہ مسئلہ طول پکڑ گیا ہے۔ ورنہ یہ اتنا بڑا مسئلہ نہیں ہے۔

&quot;فی الحال ہم نے مئیر اور کمشنر کی معیت میں نواب مہمند کے ساتھ جرگہ کرتے ہوئے انہیں سکول کھولنے پر آمادہ کر لیا ہے۔ جلد ہی ان کے مطالبات بھی پورے کر دئے جائیں گے۔&quot;

نواب مہمند ایک ہی بات پر اڑے ہوئے ہیں۔ وہ کہتے ہیں کہ ان کی بات نہ مانی گئی تو وہ پھر سے سکول کو تالہ لگا دیں گے۔

پشاور کے سینئیر صحافی محمد ہارون نے لوک سجاگ سے گفتگو کرتے ہوئے بتایا کہ سرکار کو زمین عطیہ کرنے کے بدلے سرکاری نوکری کا وعدہ ایک غیر قانونی عمل ہے۔

پشاور ہائی کورٹ میں 2015ء میں ایک شخص نے دعوی دائر کیا تھا کہ اس کے والد نے ہسپتال کی تعمیر کے لیے زمین دی تھی، اس لیے وہ ملازمت کا حقدار ہے۔

پشاور ہائی کورٹ (ایبٹ آباد بنچ)&nbsp; نے زمین&nbsp; دینے کے عوض نوکری کے وعدے کو غیر قانونی قرار دیا تھا اور پٹشن کو مسترد کر دیا تھا۔&nbsp; ہائی کورٹ بنچ نے 1997ء کے سپریم کورٹ کے فیصلے کا حوالہ بھی دیا تھا کہ ایسے معاہدے سماجی انصاف اور مساوات کے اصولوں کے منافی ہیں۔

&quot;اس کے باوجود ای ڈی او اور کمشنر مردان زمین مالکان اور ان کے غیر قانونی مطالبات ماننے پر تیار ہیں۔&quot;

&nbsp;اس حوالے سے منسٹر ایجوکیشن خیبر پختونخوا فیصل ترکئی، سیکرٹری ایجوکیشن مسعود خان، ایڈیشنل سیکرٹری ایجوکیشن عبدالاکرام اور ڈائریکٹر ایجوکیشن پشاور ثمینہ الطاف سے ان کا موقف جاننے کے لیے&nbsp; رابطہ کیا گیا مگر انہوں نے کوئی جواب نہیں دیا۔

سوات: سرکاری دفاتر بناتے ہیں لیکن سرکاری سکول کوئی نہیں بناتا

مردان کے گورنمنٹ گرلز سکول کے مالک کو غصہ کیوں آتا ہے؟

Discover how the community of Aisak Khamari village in Karak district, Khyber Pakhtunkhwa, broke free from the burden of load shedding and expensive electricity bills. Learn how they embraced

Empowering Aisak Khamari: A Solar Success Story in Karak District, Khyber Pakhtunkhwa

کرک شہر سے پچاس کلو میٹر دور تھل لاچی روڈ پر عیسک خماری کے نام سے ایک گاؤں آباد ہے۔ اس گاؤں کی خاص بات یہ ہے کہ یہاں گزشتہ چھ برس سے کسی بھی گھر میں بجلی کا کنکشن موجود نہیں ہے۔اس کے باوجود چوبیس گھنٹے بجلی دستیاب ہوتی ہے۔

اب یہاں کوئی بھی یہ نہیں کہتا کہ (بجلی لاڑہ بجلی راغلہ ) بجلی آئی اور بجلی گئی۔

عیسک خماری، ضلع کرک کی تحصیل بندہ داؤد شاہ کا ایک گاؤں ہے۔اس کی آبادی تقریبا بارہ ہزار نفوس پر مشتمل ہے۔ یہاں کے زیادہ تر لوگ کاشت کاری سے وابستہ ہیں یا پھر بیرون ملک جاکر محنت مزدوری کرتے ہیں۔

محمد وارث یہاں کے رہائشی ہیں وہ بتاتے ہیں کہ کچھ عرصہ پہلے گاؤں کے لوگ اس بات سے نالاں رہتے تھے کہ بیس بیس گھنٹے کی لوڈ شیڈنگ کے باوجود انہیں ہزاروں روپے بجلی کا بل ادا کرنا پڑتا تھا۔

&quot;میرے گھر میں سوائے چند لائٹوں، دو پنکھوں کے بجلی کا کوئی استعمال نہیں تھا۔ اس کے باوجود میرے بل میں دو سو سے تین سو یونٹ اضافی یونٹ شامل ہوتے تھے۔ اس کی بنیادی وجہ یہ تھی کہ ہمارے گاؤں میں کوئی میٹر ریڈر میٹر ریڈنگ کے لیے نہیں آتا تھا بلکہ واپڈا کے اہلکار پچاس کلومیٹر دور تحصیل لاچی میں بیٹھ کر خود سے یونٹ ڈال لیتے تھے۔&quot;

انہوں نے بتایا کہ گرمیوں میں لوڈشیڈنگ کا دورانیہ بیس گھنٹوں سے بھی بڑھ جاتا تھا۔

گاؤں والوں نے لوڈ شیڈنگ اور اوور بلنگ کے خلاف بارہا احتجاج کیا لیکن کسی نے نہیں سنی۔

&quot;آخر جون 2018ء&nbsp; میں سب گاؤں والوں نے احتجاجا بجلی کے بل جمع نہیں کروائے اور واپڈا نے پورے گاؤں کی بجلی کاٹ دی۔&quot;

لوگوں کے پاس سوائے واپڈا کی بجلی کا متبادل تلاش کرنے کے سوا کوئی چارہ نہیں تھا۔ 
&quot;اس لئے گاؤں کے ہر گھر نے اپنی سہولت کے مطابق اپنے گھر میں سولرسسٹم لگوا لیا۔ سولر لگوانے پر ایک ہی بار پیسے خرچ کرنا پڑے ، اس کے بعد لوڈ شیڈنگ اور بجلی کے بھاری بلوں سے جان چھوٹ گئی۔&quot;

عیسک خمار میں گھروں کی تعداد ایک ہزار 33 ہے جن میں سے 980 گھروں میں بجلی کے کنکشن موجود تھے۔

محمد قاسم، عیسک خماری میں پچھلے تین سالوں سے سولر سسٹم لگانے کا کام کر رہے ہیں۔ انہوں نے لوک سجاگ کو بتایا کہ صرف انہوں نے&nbsp; گاؤں کے&nbsp; ساڑھے تین سو گھرانوں کو سولر سسٹم پر منتقل کیا ہے۔

وہ بتاتے ہیں کہ&nbsp; کم سے کم لاگت والا سولر سسٹم تین لاکھ کا اور زیادہ سے زیادہ دس لاکھ کا ہے۔

&quot;میں نے دس کروڑ روپے کے سولر پلانٹ لگائے ہیں جس میں بڑے اور چھوٹے سولر پینل شامل ہیں۔&quot;

انہوں نے بتایا کہ غریب گھرانے سولر کے دو پینل اور دو بیٹریاں لگوا لیتے ہیں، جس پر 80 ہزار روپے تک خرچ آ جاتا ہے۔

&quot;اس سے دو تین پنکھے اور چار پانچ بلب جل جاتے ہیں لیکن&nbsp; اے سی، فریج یا مشینیں چلانے کے لئے بڑا سسٹم لگوانا پڑتا ہے، جس پر خرچ بھی زیادہ آتا ہے۔&quot;

عمران نے حال ہی میں اپنے گھر کو مکمل طور پر سولر سسٹم پر منتقل کیا ہے۔ انہوں نے لوک سجاگ سے گفتگو کرتے ہوئے بتایا کہ جب گاؤں کی بجلی کٹ گئی تھی تو انہوں نے سولر کی دو پلیٹیں لگو ائی تھیں جس سے ایک لائٹ اور دو پنکھے چلتے تھے۔

&quot;اس وقت میرے پاس اتنے پیسے نہیں تھے کہ پورے گھر کو سولر سسٹم پر منتقل کرواتا۔ اس سے ان کے گھر کی خواتین کو بہت زیادہ مشکلات کا سامنا کرنا پڑا، کیونکہ انہیں دور سے پانی بھر کر لانا پڑتا تھا۔&quot;

عمران بتاتے ہیں کہ کچھ عرصے بعد وہ قطر چلے گئے،&nbsp; وہاں جا کر انہوں نے پیسے جمع کیے اور گھر کو مکمل طور پر سولر سسٹم پر منتقل کر لیا۔

&quot; اب ہمارے گھر میں پانی کی موٹر بھی چلتی ہے اور فریج بھی چلتا ہے لیکن ہمیں اس بات کی فکر نہیں ستاتی کہ بجلی کے یونٹ بڑھ رہے ہیں یا ہمیں زیادہ بل ادا کرنا پڑے گا۔&quot;

عمران مزید بتاتے ہیں کہ ان کے ہاں آٹھ مہینے تو گرمی پڑتی ہے اور سورج آب و تاب سے چمکتا رہتا ہے۔سردیوں میں بھی ایک دفعہ چارج ہوئی بیٹیریاں دو سے تین دن تک بجلی فراہم کرتی رہتی ہیں۔

عیسک خماری نے لوڈ شیڈنگ اور اوور بلنگ سے تو نجات پالی لیکن اس گاؤں کے تمام لوگ واپڈا کے چودہ کروڑ روپے کے مقروض ہو گئے۔

لاچی میں واپڈا سب ڈویژن کے ایکسین احسان مروت نے لوک سجاگ کو بتایا کہ گاؤں کے لوگوں نے اپریل 2018ء سے بجلی کے بل جمع نہیں کرائے۔ انہیں بار بار نوٹس بھیجے گئے مگر اُن کی طرف سے کوئی مثبت ردعمل نہیں ملا۔

&quot;حتیٰ کہ پختون روایات کے مطابق جرگہ بھی کیا گیا۔ علاقہ کے عمائدین سے بات کی گئی مگر وہ راضی نہیں ہوئے جس کے بعد چاروناچار&nbsp; واپڈ حکام کے پاس بجلی کاٹنے کے علاوہ کوئی چارہ نہیں تھا۔&quot;

وہ بتاتے ہیں کہ جون 2018ء&nbsp; میں پورے گاؤں کی بجلی کاٹ دی گئی تھی۔ بلوں کی مد میں&nbsp; واجب الادا رقم کی چھ سال گزر جانے کے بعد بھی ادائیگی نہیں ہو ئی ہے۔

انہوں نے بتایا کہ بل نہ دینے والے کچھ اور دیہات کی بجلی بھی کاٹ دی گئی تھی جو بقایا جات کی ادائیگی کے بعد بحال کر دی گئی۔

چونکہ واپڈا نے پورے گاؤں کا کنکشن منقطع کر دیا تھا اس لئے گاؤں میں موجود سکول، ہسپتال، مساجد اور دیگر سرکاری و نجی دفاتر بھی بجلی کے بغیر کام کر رہے ہیں۔

پشاور ہائیکورٹ کے سابق چیف جسٹس، جسٹس لعل جان خٹک کا تعلق بھی اس گاؤں سے ہے۔

وہ گزشتہ سال پشاور ہائیکورٹ سے ریٹائرڈ ہوئے ہیں۔ انہوں نے بھی واپڈا اور گاؤں والوں کے درمیان مصالحت کروانے کی کوشش کی لیکن ناکام رہے۔

انہوں نے لوک سجاگ کو بتایا کہ&nbsp; گاؤں کے لوگ بقایا جات، نئے بلوں میں تھوڑے تھوڑے کرکے ادا کرنے کو تیار ہیں مگر واپڈا یہ مطالبات ماننے کے لئے راضی نہیں۔

&quot;میں نے اپنے گھر میں 20 لاکھ مالیت کا سولر سسٹم لگوایا ہے۔ میرا کام تو ہو گیا لیکن&nbsp; گاؤں میں بجلی کی بحالی ہونا بھی ضروری ہے کیونکہ یہاں لڑکے اور لڑکیوں کے چار سرکاری اور ایک کمیونٹی سکول ہیں۔ ان میں مجموعی طور پر تین ہزار کے قریب بچے تعلیم حاصل کر رہے ہیں۔&quot;

جسٹس ریٹائرڈ لعل جان خٹک کہتے ہیں کہ بجلی نہ ہونے کی وجہ سے بچے سخت گرمی میں بھی پنکھوں اور ٹھنڈے پانی کے بغیر بیٹھ کر پڑھنے پر مجبور ہیں۔

انہوں نے بتایا کہ&nbsp; محکمہ تعلیم نے گورنمنٹ گرلز مڈل سکول میں سولر سسٹم لگوایا ہے، باقی کسی بھی سکول میں بجلی کی سہولت موجود نہیں۔

محمد وارث بتاتے ہیں، گاؤں میں تین ٹیوب ویلوں میں سے&nbsp; دو کو محکمہ آب پاشی نے سولر پر منتقل کر دیا ہے، جس سے علاقے کے لوگوں کو پانی کی ترسیل ہوتی ہے۔ ایک ٹیوب ویل خراب ہے۔

وہ کہتے ہیں کہ جن لوگوں نے اپنے گھروں کو مکمل طور پر سولر سسٹم پر منتقل کر رکھا ہے، انہوں نے اپنے محلے کی مساجد کو بجلی کا کنکشن دے رکھا ہے۔

بنک اور دیگر نجی ادارے بھی جنریٹر یا سولر پر چل رہے ہیں۔

&quot;لیکن سکول کے بچوں کو گرمی برداشت کرتے ہوئے دیکھ کر ہمارا دل دکھتا ہے، اگر حکومت وہاں بھی سولر سسٹم لگوا دے تو کم از کم بچے سکون سے پڑھائی تو کر سکیں گے۔&quot;

بھکر کے کاشت کار اپنے ٹیوب ویل سولر سسٹم پر کیوں منتقل کر رہے ہیں؟

عیسک خماری میں اب کیوں کوئی نہیں کہتا: بجلی لاڑہ بجلی راغلہ

خیبر پختونخوا کے میڈیکل اینڈ ڈینٹل کالجز میں داخلے کا ٹیسٹ یعنی ایم ڈی کیٹ 26 نومبر کو صوبے کے مختلف شہروں میں دوبارہ لیا جا رہا ہے لیکن پچھلی بار کے تجربے کی وجہ سے امیدوار اب بھی بے یقینی کا شکار&nbsp; ہیں۔

کرک کی طالبہ جویریہ کا کہنا تھا کہ اگرچہ وہ اپنے نتیجے سے مطمئن تھیں مگر کچھ امیدواروں کے&nbsp; بڑے مارجن سے نمبر آنے اور پھر بلیوٹوتھ ڈیوائس کے استعمال کا سن کر سخت مایوسی ہوئیں، تاہم گورنمنٹ کی طرف سے دوبارہ انعقاد پر بہت خوشی محسوس ہو رہی ہے۔

&quot;ہم نے تو پہلے بھی نقل نہیں کی تھی۔ ٹیسٹ ایٹا لے یا خیبر میڈیکل یونیورسٹی، ہماری محنت رنگ لائے گی۔ البتہ اب بھی یہ ڈر لگا ہوا ہے کہ پہلے کی طرح ایسا کچھ نہ ہو جس سے مزید وقت ضائع ہو جائے۔&quot;

ایم ڈی کیٹ کا انعقاد اس سال 10 ستمبر کو ایجوکیشنل ٹیسٹنگ اینڈ ایولیوایشن ایجنسی (ایٹا) کے زیر اہتمام صوبے بھر میں قائم 44 امتحانی مراکز میں ہوا تھا جس میں تقریباً 46 ہزار طلبہ و طالبات شریک ہوئے تھے۔

ٹیسٹ کے دوران ڈیرہ اسماعیل خان اور پشاور کے مراکز سے کل 53 امیدوار (ڈیرہ اسماعیل خان 10، پشاور میں 33 طلبہ اور 10 طالبات) نقل کرتے ہوئے پکڑے گئے۔ یہ تمام افراد نقل کے لیے ایک ہی طریق کار یعنی ایک بلیو ٹوتھ ڈیوائس کا استعمال کر رہے تھے۔

ان تمام افراد کو ٹیسٹ کے لیے وی آئی پی پاسز جاری کیے گئے تھے اور اس کے لیے ان سے بھاری رقوم وصول کی گئی تھیں۔

یہ اپنی نوعیت کا پہلا سکینڈل تھا جس میں وسیع اور منظم انداز میں نقل کروانے کا طریقہ اختیار کیا گیا۔ جب ٹیسٹ کا نتیجہ آیا تو ایک ہزار سے زائد طلبہ و طالبات نے بہت زیادہ نمبر حاصل کیے تھے، حالانکہ عام طور پر یہ تعداد بمشکل چند سو ہوتی ہے۔

قانون نافذ کرنے والے اداروں کی جانب سے تفتیش کے نتیجے میں مختلف اضلاع سے 335 ایسے طلبہ کی نشاندہی اور گرفتاری عمل میں آئی جنہوں نے اس ڈیوائس کا استعمال کیا تھا۔

امکان یہ ظاہر کیا گیا کہ 1500 سے زائد طلبہ و طالبات نے یہ طریقہ استعمال کیا ہے جس کی وجہ سے ٹیسٹ میں 170 سے زائد نمبر لینے والے تمام طلبہ کو کمیٹی کے سامنے پیش کرنے کا فیصلہ کیا گیا۔

سولہ ستمبر کو پشاور ہائی کورٹ کے ہیومن رائٹس سیل میں دی گئی طلبہ کی درخواست پر ٹیسٹ کے نتائج کا اجرا عدالت کے اگلے حکم تک روک دیا گیا جبکہ حکومت کی جانب سے اس معاملے کی تحقیقات کے لیے جوائنٹ انویسٹی گیشن ٹیم تشکیل دی گئی۔

تئیس ستمبر کو پولیس حکام&nbsp; نے اس سکینڈل کا مرکزی کردار ظفر محمود خٹک، اس کے بھائی اور کئی ساتھیوں کو گرفتار کر لیا۔

ابتدائی رپورٹ میں کہا گیا کہ یہ گروہ امتحان میں شامل طالب علموں کو بلیو ٹوتھ ڈیوائس کے ذریعے نقل کرانے کے لیے 25 لاکھ روپے سے 35 لاکھ روپے تک وصول کر رہا تھا۔

پولیس نے پشاور سمیت خیبرپختونخوا کے دیگر اضلاع میں کی جانے والی کارروائی کے دوران گرفتار ہونے والے افراد سے 44 الیکٹرانک ڈیوائسز، چار عدد مائیکرو فون، تین عدد موبائل فون، ایک سمارٹ واچ اور لاکھوں روپے کا ایک بینک چیک بھی برآمد کیا تھا۔

ایم ڈی کیٹ سکینڈل کے مرکزی ملزم ظفر محمود خٹک 2016ء میں انجینیئرنگ یونیورسٹی کے داخلہ ٹیسٹ میں رنگے ہاتھوں پکڑا گیا تھا، جہاں وہ نگران امتحان یا انویجیلیٹر کے روپ میں ٹیسٹ میں موجود تھا۔ ملزم کےخلاف پولیس اسٹیشن، یونیورسٹی کیمپس میں ایف آئی آر بھی درج کی گئی تھی۔ اس کے صرف ایک ہفتہ بعد 24 جولائی 2016ء کو ملزم نے ایم ڈی کیٹ میں بطور جعلی امیدوار حصہ لیا۔

ملزم فیڈرل پبلک سروس کمیشن میں اسسٹنٹ ڈائریکٹر جبکہ اس کا بھائی نور سردار ریسکیو ڈپارٹمنٹ میں ملازم ہے۔ دوسرا مبینہ ساتھی حماد قانون نافذ کرنے والے ادارے میں انسپکٹر کے عہدے پر فائز تھا۔ ان کرداروں کے ساتھ اس کھیل میں یونیورسٹیوں اور دیگر اداروں کے لوگ بھی مبینہ طور پر ملوث ہیں۔

جے آئی ٹی کی رپورٹ کے بعد حکومت نے 26 ستمبر کو ایم ڈی کیٹ ٹیسٹ کے نتائج منسوخ کر دیے اور خیبر میڈیکل یونیورسٹی کے تحت ٹیسٹ کے دوبارہ انعقاد کا فیصلہ کیا۔ پشاور ہائی کورٹ نے بھی حکومت کے فیصلے کی توثیق کر دی جس کے بعد ٹیسٹ کے لیے نئی تاریخ کا اعلان کیا گیا۔

ضلع کرک سے تعلق رکھنے والے اعجاز (فرضی نام ) اس گینگ کے طریق واردات کے بارے میں ہونے والے ایک ذاتی تجربے کے حوالے بتاتے ہیں کہ کچھ عرصہ قبل ان کی ایک خاتون عزیز نے ان سے رابطہ کیا۔ وہ پبلک سروس کمیشن کے ذریعے بطور لیکچرار بھرتی ہونے کی خواہش مند تھیں جس کے لیے ان سے 30 لاکھ روپے کا مطالبہ کیا گیا تھا اور رقم کام ہونے کے بعد دینے کی بات کی گئی تھی۔

اعجاز کہتے ہیں کہ خاتون عزیز نے انہیں ان سے معاملات طے کرنے کا کہا، جس پر میں نے ایک وٹس ایپ نمبر پر ان سے بات شروع کی۔ اعتماد قائم ہونے کے بعد انہوں نے فون پر رابطہ کیا۔

&quot;انہوں نے دعویٰ کیا کہ جہاں آپ کی مرضی ہو، آپ پوسٹ بتائیں، ہم وہی ملازمت مہیا کر دیں گے، جس سے مجھے حیرانی ہوئی۔ پبلک سروس کمیشن والی پوسٹس پر بھی کہا کہ کوئی مشکل نہیں ہے، کام ہو جائے گا، مگر اس کے لیے ٹیسٹ میں ڈیوائس استعمال کرنی پڑے گی۔&quot; 
اعجاز نے مبینہ ثبوت، واٹس ایپ چیٹ اور وائس نوٹس لوک سجاگ کو بھی دکھائے۔

اعجاز کہتے ہیں کہ انہوں نے گزشتہ سال کے ایم ڈی کیٹ ٹیسٹ کے بارے میں بھی دعویٰ کیا اس میں ڈیوائس کے استعمال سے بہت سے طلبہ کو کامیاب کرایا گیا جو اب میڈیکل کالجز میں زیر تعلیم ہیں۔

یہ بھی بتایا گیا کہ اسی طرح کا کام وہ ہر ٹیسٹنگ ایجنسی میں کرتے ہیں حتیٰ کہ خیبر پختونخوا کی یونیورسٹیوں میں بھی اس ڈیوائس کے ذریعے ٹیسٹ پاس کروائے گئے اور سلیکشن بورڈ میں بھی افراد کو پاس کروایا گیا ہے جن میں 17 اور 18 سکیل میں 30 سے 40 لاکھ کی ادائیگی پر بھرتیاں کرائی گئیں ہیں۔

&quot;خاتون عزیز کے اہل خانہ نے رقم کے انتظام کے لیے زمین بیچنے کی تیاری کر لی تھی مگر وہ ڈیوائس کے ذریعے امتحان میں بیٹھ کر ٹیسٹ حل کرنے میں ہچکچاہٹ محسوس کر رہی تھیں۔ اس لیے بات نہیں بن پائی اور خود ہی ٹیسٹ کی تیاری کی، جو پاس تو ہو گیا لیکن انٹرویو میں ناکامی ہوئی۔ اب وہی بندہ ایم ڈی کیٹ ٹیسٹ میں ملوث پایا گیا ہے جس نے مجھ سے رابطہ کیا تھا۔&quot;

صوابی سے تعلق رکھنے والے طالب علم صائم کہتے ہیں کہ ان ملزمان کی گرفتاری اگرچہ خوش آئند ہے لیکن ان کے ساتھ ملوث درجنوں افراد کی نشاندہی اور گرفتاری ابھی بھی باقی ہے۔ ٹیسٹ کے انعقاد سے پہلے تمام متعلقہ کرداروں کی نشاندہی ہونی چاہیے تھی تاکہ طلبہ کا اعتماد بحال ہو کہ آئندہ ایسا کچھ نہیں ہو گا۔

اس بار ٹیسٹ کا انعقاد خیبر میڈیکل یونیورسٹی (کے ایم یو) پشاور کے تحت&nbsp; ہو رہا ہے۔ ٹیسٹ کی تیاری اور چھپائی کے تمام مراحل میں مختلف قانون نافذ کرنے والے اداروں کی جانب سے کڑی نظر رکھی گئی ہے۔ امتحانی مراکز میں کسی قسم کا سامان یا الیکٹرانک آلات لے جانے کی مکمل ممانعت ہوگی۔ ٹیسٹ کی سکیورٹی کے نام پر پشاور میں دفعہ 144 بھی نافذ کر دی گئی ہے۔ نگراں صوبائی حکومت نے یہ بھی فیصلہ کیا ہے کہ ٹیسٹ کے دوران امتحانی مراکز کے اطراف موبائل فون سروسز معطل رکھی جائیں گی۔

مقابلے کے امتحان میں پیسے کا عمل دخل: پنجاب پبلک سروس کمیشن کے عملے سے مل کر پرچے آؤٹ کرانے والا گروہ کیسے پکڑا گیا؟

دفعہ 144 نافذ، موبائل فون سروس معطل: خیبر پختونخوا میں ایم ڈی کیٹ کے ہزاروں امیدواروں کی بے یقینی ختم نہیں ہوئی

ضلع کرک کے گاؤں گرگری کے ولسن سکول میں دوسری جماعت کی طالبہ عائشہ جمیل کو ایک دن اپنے چہرے پر تکلیف محسوس ہوئی۔ اگلے روز ان کے گال پر ایک پھوڑا بن گیا۔ ان کی والدہ نے اسے عام پھنسی سمجھ کر نظرانداز کیا اور سکول بھیج دیا۔ سکول میں انہیں اپنے محلے کی چند دوسری طالبات کے چہروں اور ہاتھوں پر اسی طرح کے&nbsp; پھوڑے دکھائی دیے۔

گھر واپسی پر ان کے والد جمیل الرحمان بیٹی کو تکلیف میں دیکھ کر مقامی ہسپتال لے گئے۔ وہاں چہرے پر ایسی ہی علامتوں والے دیگر بچے بھی اپنے والدین کے ساتھ موجود تھے۔ ہسپتال میں عائشہ کو لشمینیا نامی&nbsp; بیماری کے علاج کے لیے انجیکشن لگایا گیا اور دوسری خوراک کے لیے تین دن بعد آنے کو کہا گیا۔

لشمینیا سینڈ فلائی نامی مکھی کے کاٹنے سے لاحق ہونے والا مرض ہے۔ یہ مکھی عام طور پر مئی سے اگست تک فعال ہوتی ہے اور خیبر پختونخوا کے ضلع کرک میں پچھلے چند برسوں کے دوران ان مہینوں میں اس بیماری کے بہت سے کیس سامنے آ رہے ہیں۔

ہر سال پہلے اس بیماری کے اکا دکا مریض سامنے آتے ہیں اور پھر یہ وبائی صورت اختیار کر لیتی ہے۔ اس مرتبہ لشمنینیا کا آغاز تحصیل بانڈہ داؤد شاہ کے گاؤں اوربشی اور گرگری سے ہوا ہے جہاں درجنوں بچے اور خواتین اس بیماری سے متاثر ہو چکے ہیں۔

سینڈ فلائی چھوٹی سی مکھی ہے جو تین یا چار فٹ سے زیادہ بلند پرواز نہیں کر سکتی۔ خیال کیا جاتا ہے کہ یہ مکھی افغانستان سے آنے والے خانہ بدوش قبائل کے مال مویشیوں&nbsp; کے ساتھ پاکستان کے سرحدی علاقوں تک پہنچتی ہے۔ خیبر پختونخوا کے جنوبی اضلاع اور افغانستان کی سرحد سے ملحقہ بلوچستان کے اضلاع کئی برسوں سے لشمینیا کی لپیٹ میں آرہے ہیں۔

معالجین کی بین الاقوامی تنظیم ڈاکٹرز ود آؤٹ بارڈرز کے مطابق اس نے 2022ء میں خیبر پختونخوا اور بلوچستان کے متاثرہ اضلاع میں پانچ ہزار 974 مریضوں کو علاج معالجے کی سہولیات فراہم کی ہیں۔

ملک میں لشمینیا کے علاج کے لیے استعمال ہونے والے گلوکن ٹائم انجیکشن کا بندوبست عالمی ادارہ صحت اور اور ڈاکٹرز ود آؤٹ بارڈرز کر رہے ہیں۔&nbsp;

دونوں اداروں کے مطابق کچے یا بغیر پلستر اینٹوں کے مکانات اور ایسی جگہیں سینڈ فلائی کی آماجگاہ بن سکتی ہیں جہاں مویشی پائے جاتے ہیں یا ان کا فضلہ پڑا ہوتا ہے۔

اوربشی اور گرگری ضلع کرک کے دور افتادہ گاؤں ہیں۔ وہاں زیادہ تر آبادی کچے مکانات میں رہتی ہے اورصفائی کی سہولیات نہیں ہیں۔ چنانچہ یہ حالات اس مکھی کی افزائش میں معاون ہیں۔

طبی ماہرین کے مطابق بروقت علاج نہ ہونے پر مریض کے چہرے پر مکھی کے کاٹے سے بننے والے زخم کے نشانات رہ جاتے ہیں۔ یہی نہیں بلکہ مناسب علاج نہ ہو تو مریض کے ہاتھوں یا پیروں سے معذور ہونے کا امکان ہوتا ہے اور بعض صورتوں میں موت بھی واقع ہو جاتی ہے۔ اس مکھی کے کاٹنے کے بعد بیماری کی علامات تین ہفتوں سے تین ماہ کے درمیان ظاہر ہوتی ہیں۔

خیبرپختونخوا میں اس کا علاج مخصوص وقفوں میں انجیکشن لگا کر کیا جا رہا ہے۔ مقامی سطح پر دوا کی عدم دستیابی پر مریض کو طویل اور کٹھن&nbsp; سفر بھی کرنا پڑتا ہے۔ اس صورت میں بعض مریضوں کا علاج&nbsp; ادھورا رہ جاتا ہے۔

تحصیل ہسپتال بانڈہ داؤد شاہ کے ڈاکٹر ذوالقرنین کا کہنا ہے کہ بعض مریض انجیکشن کی دو خوراکیں لگانے سے ٹھیک ہو جاتے ہیں اور بعض کو تین لگانی پڑتی ہیں۔

سول ہسپتال گرگری کے لیبارٹری انچارج محمد اسرار نے بتایا کہ پچھلے کئی برس سے انہی دنوں میں یہ بیماری پھیل جاتی ہے۔ زیادہ تر بچے اور خواتین اس کا شکار ہوتے ہیں۔ انہیں یہ مکھی جسم کے کھلے حصوں، چہرے، بازوؤں اور پنڈلیوں پر کاٹتی ہے۔ انہوں نے یہ بھی بتایا کہ مریضوں کی بڑی تعداد کے پیش نظر انجیکشن کم پڑ رہے ہیں۔

انہوں نے بتایا کہ ایک دن میں اس بیماری کے بیس مریض ہسپتال میں آئے ہیں جن میں زیادہ تعداد خواتین اور بچوں کی ہے۔

ضلع کرک میں لشمینیا کے لیے سرکاری فوکل پرسن ڈاکٹر اسد ظہور کا کہنا ہے کہ انتظامیہ گرگری ہسپتال سے روزانہ کی بنیاد پر اپ ڈیٹس لیتی اور انجیکشن بھجواتی ہے۔ اسسٹنٹ کمشنر بانڈہ داؤد شاہ سے بھی بات کی جا چکی ہے جنہوں نے اُن علاقوں میں اے آر ایس سپرے کی یقین دہانی کرائی ہے جہاں بیماری کے زیادہ واقعات رپورٹ ہو رہے ہیں۔ انہوں نے امید ظاہر کی کہ اس سپرے سے مریضوں کی تعداد میں کمی آئے گی۔

یونین کونسل ٹیری کے چیئرمین محمد سجاد بتاتے ہیں کہ تحصیل بانڈہ داؤد شاہ کے گاؤں گرگری کے بعد ٹیری کو بھی اس بیماری نے اپنی لپیٹ میں لے لیا ہے۔ روزانہ درجنوں مریض سول ہسپتال ٹیری میں رجسٹرڈ ہو رہے ہیں۔ بیماری کی روک تھام کے لیے سپرے کرنے کی اشد ضرورت ہے۔ اس حوالے سے ٹی ایم او اور اسسٹنٹ کمشنر سے بات ہو چکی ہے مگر ابھی تک کوئی پیش رفت نہیں ہوئی۔

یہ سپرے مچھروں اور سینڈ فلائی سمیت کئی خطرناک کیڑے مکوڑوں کو مار دیتا ہے۔

انجیکشن کی ناکافی مقدار کے بارے میں سوال پر اسد ظہور کا کہنا تھا کہ انہیں صوبائی سطح پر جتنی مقدار دی جاتی ہے اسی کو آگے بھجوا دیا جاتا ہے اور ہر ضلعے کو اس کے کوٹے کے مطابق فراہمی کی جاتی ہے۔

انہوں نے کہا کہ موجودہ صورت حال کے پیش نظر صوبائی محکمہ صحت سے ضلع کرک کے لیے اضافی انجیکشن بھجوانے کا مطالبہ کیا گیا ہے۔ اضافی تعداد کی فراہمی کے ساتھ یہ مسئلہ بھی حل ہو جائے گا۔

گرگری کی &#39;اصلاحی تنظیم&#39; کے سربراہ میر خان کہتے ہیں&nbsp; کہ ہسپتال انتظامیہ اپنی طرف سے مکمل تعاون کر رہی ہے مگر بیماری سے متاثرہ مریض زیادہ ہیں اور انجیکشن عام مارکیٹ میں آسانی سے دستیاب نہیں اس لیے اس مرض پر قابو پانے میں مشکل ہو رہی ہے۔ انہوں نے بتایا کہ پچھلے چند برس میں اس انجیکشن کی قیمت 375 روپے سے بڑھ کر 2000 روپے تک پہنچ گئی ہے جو غریب آدمی کی استطاعت سے باہر ہے۔

وسیم خٹک

وسیم خٹک صحافی اور مصنف ہیں۔ صحافت کا دس سالہ تجربہ رکھتے ہیں اور ویمن یونیورسٹی صوابی میں شعبہ صحافت کے سربراہ ہیں۔

الائیڈ ہیلتھ سائنسز میں طلباء و طالبات کے داخلوں کی شرح کیوں بڑھ رہی ہے؟

صوابی کی دونوں سرکاری یونیورسٹیوں میں ماس کمونیکیشن کے شعبے کیوں بند ہو گئے؟

مردان کے گورنمنٹ گرلز سکول کے مالک کو غصہ کیوں آتا ہے؟

عیسک خماری میں اب کیوں کوئی نہیں کہتا: بجلی لاڑہ بجلی راغلہ

دفعہ 144 نافذ، موبائل فون سروس معطل: خیبر پختونخوا میں ایم ڈی کیٹ کے ہزاروں امیدواروں کی بے یقینی ختم نہیں ہوئی

چھوٹی سی مکھی نے کرک کے ہسپتال مریضوں سے بھر دیے، متاثرین کے چہرے داغدار ہونے کا خدشہ