After investing significant funds into a school building project in Sindh's Tando Muhammad Khan, its non-functionality persists after 15 years. Who bears responsibility: the bureaucratic syst

15 Years and Counting: The Unfunctional School Building in Sindh's Tando Muhammad Khan – Blame on Bureaucracy or Politicians?

اٹھارہ سالہ اویس احمد، ٹنڈو محمد خان کے نواحی گاؤں &#39;بھائی خان تالپور&#39; کے رہائشی ہیں۔ وہ بتاتے ہیں کہ ان کے والد جب پہلی بار انہیں سکول چھوڑنے آ رہے تھے تو راستے میں ایک بڑی زیر تعمیر عمارت کی طرف اشارہ کر کے انہوں نے بتایا کہ یہاں پبلک سکول بن رہا ہے۔

&quot;پھر روزانہ ہم اس سڑک سے گزرتے تھے تو میرے والد اکثر مجھے کہتے کہ جب یہ سکول شروع ہو گا میں آپ کو اسی سکول میں داخل کراؤں گا۔ اب بابا اللہ کو پیارے ہو چکے ہیں اور میں نے انٹر پاس کر لیا ہے مگر پبلک سکول کی عمارت ابھی تک نامکمل اور ویران پڑی ہے۔&quot;

وزیر اعلیٰ ارباب غلام رحیم کے دور میں ستمبر 2007ء میں پراونشل ڈیویلپمینٹ ورکنگ پارٹی نے امبریلا سکیم کے تحت سندھ کے سات اضلاع میں ہائیر سیکنڈری پبلک سکول بنانے کی منظوری دی تھی جن میں سانگھڑ، ٹنڈو محمد خان، ٹنڈوالہیار، گھوٹکی، مٹیاری، قمبر ایٹ شہدادکوٹ اور کشمور ایٹ کندھ کوٹ شامل تھے۔

ایجوکیشن ورکس ڈیپارٹمنٹ کے مطابق ٹنڈو محمد خان پبلک سکول کے لیے 47 کروڑ 47 لاکھ 50 ہزار روپے مختص کیے گئے تھے۔ 2008ء میں پی پی حکومت نے پھلکارہ روڈ پر ایوب ہوٹل سٹاپ کے قریب اس منصوبے کے لیے سابق وزیر محسن شاہ بخاری سے 50 ایکڑ زمین خریدنے کی منظوری دی۔

پلان کے تحت 25 ایکڑ زمین سکول کی عمارت و دیگر ضرویات جبکہ 25 ایکڑ ادارے کے رننگ اخراجات پورے کرنے کے لیے زرعی مقاصد کی خاطر مختص کی گئی تھی۔ تاہم اس منصوبے&nbsp; پر 2009ء میں کام شروع کیا گیا۔

ایگزیکٹو انجنیئر ورکس محبوب میمن بتاتے ہیں کہ منصوبے میں چھٹی جماعت سے بارہویں تک کی کلاسز کے کلاس رومز، انفارمیشن ٹیکنالاجی ڈیپارٹمینٹ، طلباء کے لیے دو منزلہ ہاسٹل بشمول ڈائینگ ہال اور پرنسپل کی رہائش گاہ بنائی گئی ہے۔

&quot;یہاں ایک بڑا آڈیٹوریم، ٹیچنگ سٹاف کوارٹرز، جونیئر عملے کی رہائش کے لیے فلیٹس، ایک مسجد، پیش امام کی رہائش گاہ، کینٹین، اوور ہیڈ برج، انڈرگراؤنڈ واٹر ٹینک، بجلی و پانی کی فراہمی، کرکٹ گراؤنڈ، باؤنڈر وال ودیگر سہولیات بھی دی گئی ہیں۔&quot;

مگر نہ صرف یہ پبلک سکول آج تک بچوں کے لیے کھولا نہیں جا سکا بلکہ امبریلا سکیم کے تحت دیگر اضلاع میں قائم باقی چھ پبلک سکولوں کا حال بھی یہی بتایا جاتا ہے۔

2023ء کی مردم شماری کے مطابق ضلع ٹنڈو محمد خان کی کل آبادی سات لاکھ 26 ہزار 119 نفوس پر مشتمل ہے جس کی تفصیلات ابھی تک جاری نہیں گئیں۔ تاہم ڈسٹرکٹ پروفائل بتاتا ہے کہ یہاں کی آبادی میں مرد 52 فیصد جبکہ خواتین 48 فیصد ہیں۔

بدقسمتی سے ٹنڈو محمد خان کا شمار سندھ کے سب سے کم شرح خواندگی والے اضلاع میں ہوتا ہے جہاں ایک طرف تعلیم کے مواقع کم ہیں تو دوسری طرف غربت بہت زیادہ ہے۔

<a href="https://www.adb.org/sites/default/files/project-documents/51126/51126-002-iee-en.pdf">ایشیائی ترقیاتی بینک&nbsp; کی 2023ء میں جاری کی گئی رپورٹ بتاتی ہے</a> کہ سندھ میں مجموعی طور پر مردوں (عمر 15 سے 49 سال) میں شرح خواندگی 59 فیصد اور عورتوں میں 40.9 فیصد ہے جبکہ ضلع ٹنڈو محمد خان میں یہ شرح بالترتیب 44.2 اور 18.3 فیصد ہے۔

اس رپورٹ کے مطابق ایم پی آئی (ملٹی پل ڈائمینشنل پاورٹی انڈیکس) کے لحاظ سے سندھ میں شدید غربت کا تناسب 28.3 فیصد ہے جبکہ اس ضلع میں شدید غربت کا شکار آبادی کی شرح 61.60 فیصد ہے۔ یعنی یہاں بہت ہی کم لوگ بچوں کی تعلیم کے لیے وسائل رکھتے ہیں۔

تاہم اس صورت حال کے باوجود ٹنڈو محمد خاں میں پبلک سکول کا یہ شاندار منصوبہ 15 سال بعد بھی مکمل نہیں ہو سکا۔

ایگزیکٹو انجنیئر ورکس تصدیق کرتے ہیں کہ 47کروڑ 47 لاکھ 50 ہزار روپے میں سے سندھ حکومت مختلف اوقات میں 30 کروڑ 70 لاکھ جاری کر چکی ہے۔ جس میں سے ڈیڑھ کروڑ روپے سے منصوبے کے لیے زمین خریدی گئی تھی جبکہ محکمہ اس پر 29 کروڑ 93 لاکھ کا کام کرا چکا ہے۔

&quot;ہم باقی 16 کروڑ 77 لاکھ کے اجرا کے لیے صوبائی حکومت کو سمری بھیج چکے ہیں جیسے ہی رقم ریلیز ہوگی کام مکمل ہو جائے گا۔&quot;

ان کے بیان سے لگتا ہے کہ وہ زمینی حقائق سے ناواقف ہیں۔

کروڑوں روپے کی لاگت سے تعمیر ہونے والی پبلک سکول کی یہ عمارت کسمپرسی کی تصویر بنی ہوئی ہے۔

دروازے، کھڑکیاں، الیکٹرک فٹنگ، تار، بورڈز اور پانی کی موٹریں تو پہلے ہی چور اکھاڑ کر لے جا چکے تھے۔ حال ہی میں یہا ں سے بجلی کے پولز اور ٹرانسفارمر بھی غائب ہو گئے ہیں۔

حالت یہ ہے کہ لوگ اس عمارت کی چھت توڑ کر سریا نکال رہے ہیں مگر ضلعی انتظامیہ سمیت کسی کے کان پر جوں تک نہیں رینگی۔

پچھلے سال صرف ایک بار ٹندو محمد خان کے سب انجنیئر ایجوکیش ورکس مقبول احمد شیخ نے تھانہ بی سیکشن میں سکول کے کنسٹرکشن مٹیریل کی چوری کامقدمہ درج کرایا تھا جو 2019ء سے یہاں پڑا تھا۔ لیکن اس کیس میں بھی کوئی پیشرفت نہیں ہو سکی۔

&nbsp;جب ڈپٹی کمشنر ٹنڈو محمد خان دھرموں مل بھوانی سے لوک سجاگ نے عمارت کی حالت زار اور چوری کی ان وارداتوں سے متعلق سوال کیا تو انہوں نے یہ کہہ کر جان چھڑا لی کہ &quot;آپ اس پر ہماری ہائر اتھارٹیز سے بات کر لیں میں اس کا جواب دینے کا مجاز نہیں ہوں۔&quot;

تاہم ایس ایس پی ٹنڈو محمد خان امداد حسین شاہ کا چوری کی تفتیش میں پیشرفت سے متعلق کہنا تھا کہ پولیس چوروں کے قریب پہنچ چکی ہے۔ ان وارداتوں میں ایک بڑا گینگ ملوث ہے جس کو جلد گرفتار کرلیں گے۔

طالب علم اویس احمد بتاتے ہیں کہ سکول کی عمارت تقریباً 90 فیصد مکمل تھی جس کو اب سیلن لگ چکی ہے۔مختلف لوگوں نے قبضہ کر رکھا ہے جو یہاں اپنے خاندانوں سمیت رہائش پذیر ہیں جہاں اب وہ کسی کو آنے بھی نہیں دیتے۔

اس حوالے سے سابق وزیراعلیٰ سندہ کے ڈاکٹر ارباب غلام رحیم&nbsp; نے لوک سجاگ کو بتایا&nbsp; کہ صوبے میں سب سے بڑا بجٹ محکمہ تعلیم کا ہے مگر بچوں کو معیاری تعلیم میسر نہیں۔ اس صورت حال کو دیکھتے ہوئے انہوں نے ہر ضلع و تحصیل میں انگلش میڈیم سکول کھولنے کا منصوبہ بنایا تھا۔

&quot;ہمارا پروگرام تھا کہ کیڈٹ کالجز یا پبلک سکولز کھول کر سری لنکا جیسے ملکوں سے اساتذہ لے آئیں گے کیوںکہ ہمارے زیادہ تر مقامی ٹیچر سکول ہی نہیں جاتے جبکہ اکثر اوقات سکولوں کی عمارتوں میں مال مویشی اور گدھے بندھے دکھائی دیتے ہیں۔&quot;

سابق وزیر اعلیٰ منصوبے میں تاخیر کا ذمہ دار صوبائی بیوروکریسی کو ٹھراتے ہیں۔

&quot; بیوروکریٹ مافیا سسٹم کی خرابی کا ذمہ دار ہے۔ میں کسی ایک حکومت پر الزام نہیں لگاتا لیکن سندھ سیکرٹریٹ میں بیٹھے محکمہ تعلیم کے لوگ بچوں کو فوڈ سپلیمینٹ دودھ وغیرہ دینے جیسے منصوبے لاتے ہیں جن سے بچوں کا تو کوئی فائدہ نہیں ہوتا البتہ بیوروکریٹ مزید موٹے ہو جاتے ہیں۔&quot;

ان کا کہنا تھا کہ مٹھی کیڈٹ کالج بھی تاحال فنکشنل نہیں ہو سکا جس کی بلڈنگ ویسی ہی پڑی ہے۔ تاہم حکومتوں کی تبدیلی سے عوامی فلاح کی سکیموں پر فرق نہیں پڑنا چاہیے۔

اب امبریلا جیسی نئی سکیموں پر پابندی لگائی جا چکی ہے۔

رواں صوبائی بجٹ سے پہلے پلاننگ ڈیپارٹمنٹ نے سالانہ ترقیاتی پروگرام کے لیے جو گائیڈ لائنز جاری کی تھیں ان کے تحت&nbsp; ہر ضلعے کے لیے الگ ترقیاتی سکیم بنے گی۔

<a href="http://www.sindheducation.gov.pk/Contents/Notifications/95327%20Notification%20to%20constitute%20Umbrella%20Scheme%20Committee%20to%20assess%20the%20feasibility%20for%20selection%20of%20remaining%20Schools%20of%20Longstanding%20Umbrella%20Schemes.PDF">تاہم صوبائی حکومت نے تجویز کردہ امبریلا سکیموں کا فیصلہ کرنے کے لیے ضلعے کی سطح پر ایک چار رکنی کمیٹی بنا دی ہے</a> جس کے سربراہ متعلقہ ڈسٹرکٹ ایجوکیشن افسر ہوں گے جبکہ ایگزیکٹو انجینئر ایجوکیشن ورکس، متعلقہ چیف مانیٹرنگ افسر اور ریفارم سپورٹ یونٹ کے متعلقہ سربراہ اس کے رکن ہوں گے۔

اس نوٹیفکیشن میں کمیٹی کے ٹی او آرز (ٹرمز آف ریفرنسز) سے یہ واضح نہیں کہ ٹنڈو محمد خان پبلک سکول جیسی پرانی یا جاری امبریلا سکیموں کا کیا بنے گا؟

مقامی ایم پی اے اعجاز شاہ بخاری بتاتے ہیں کہ سکول کی تعمیر شہر اور ضلعے کے لیے نہایت اہم&nbsp; ہے۔ اس منصوبے کے فنڈز کے لیے انہوں نے پچھلی اسمبلی میں بھی آواز اٹھائی تھی مگر کورونا اور سیلاب کی وجہ سے یہ التوا کا شکار ہو گیا۔

اگرچہ وہ پرامید ہیں کہ پبلک سکول پر کام بہت جلد دوبارہ شروع کیا جائے گا تاہم&nbsp; یہاں کے شہریوں کو اس منصوبے سے مایوسی کے سوا کچھ ہاتھ نہیں آیا۔

روز بروز مسمار ہوتا واحد پرائمری سکول

ٹنڈو محمد خان میں 15 سال سے زیر تعمیر پبلک سکول جس کا کوئی وارث نہیں؟

text

"Dive into the heart of Tando Muhammad Khan's political landscape with the Election 2024. Uncover the issues that matter, witness the candidates' visions, and engage in the democratic process

"Deciding Tomorrow: Tando Muhammad Khan Election 2024 - Shaping the Future"

ضلع ٹنڈو محمد خان میں قومی اسمبلی کی&nbsp; ایک اور صوبائی اسمبلی کی دو نشتیں ہیں۔ پیپلز پارٹی کے سید نوید قمر 33 سال سے قومی اسمبلی میں اس علاقے کی نمائندگی کر رہے ہیں۔

اس ضلعے میں درج ووٹوں کی کل تعداد تین لاکھ 56 ہزار 444 جن میں ایک لاکھ 91 ہزار194 مرد اور ایک لاکھ 65 ہزار 250 خاتون ووٹرز ہیں۔

&nbsp;ٹنڈو محمد خان کے رہائشی اور پرانے سیاسی کارکن 55 سالہ نوید احمد بتاتے ہیں کہ اس ضلع کی سیاست میں ٹنڈو محمد خان کے تالپور، ٹکھڑ کے سید میراں شاہ، ٹنڈو سائیں داد کے سرہندی، سیدپور کے سید قبول محمد شاہ، جنہان سومرو کے عبدالخالق سومرو کے خاندانوں کا اہم کردار رہا ہے۔

وہ کہتے ہیں کہ تالپور خاندان کے میر اعجاز تالپور 1971ء میں پیپلز پارٹی کے ایم این اے بنے تھے جن کے صاحبزادے میر عنایت تالپور ایم این اے اور ضلع ناظم رہے ہیں۔ ان کے انتقال کے بعد یہ خاندان پارٹیاں بدلنے سے کمزور پڑ گیا تھا لیکن اب میر عنایت کے بھائی سجاد تالپور اور ان کے صاحبزادے حیدر علی تالپور پیپلز پارٹی میں واپس آ چکے ہیں۔

ٹکھڑ کے سید خاندان کے میراں محمد شاہ سندھ اسمبلی کے سپیکر رہ چکے ہیں اور ان کے صاحبزادے قمر الزماں شاہ 1971ء میں رکن سندھ اسمبلی بنے جن کے بعد ان کے صاحبزادے نوید قمر آٹھویں بار قومی اسمبلی کا انتخاب لڑ رہے ہیں۔ اب ان کے صاحبزادے قاسم نوید ضلع کونسل کے چیئرمین ہیں جو صوبائی مشیر بھی رہ چکے ہیں اور یہ خاندان ہمیشہ سے پی پی کے ساتھ رہا ہے۔

ٹنڈو سائیں داد کے سرہندی خاندان سے پیر محمد سعید جان ایم پی اے رہے ہیں اور ان کے صاحبزادے پیر خالد جان 2005ء میں ضلع ٹنڈو محمد خان کے ضلع بننے سے پہلے دو مرتبہ چیئرمین ضلع کونسل حیدر آباد رہے ہیں۔

پیر خالد جان کے صاحبزادے احمد سعید پی ایس 67 پر آزاد امیدوار کے طور پر الیکشن میں حصہ لے رہے ہیں لیکن ان کے چچا پیر سجاد جان پیپلز پارٹی کی حمایت کر رہے ہیں۔

سیدپور کے قبول محمد شاہ دو مرتبہ ایم پی اے رہ چکے ہیں اور یہاں کی سید، ملاح، سولنگی، سٹھیو، کاتیار، گوپانگ اور سومرو برادریوں میں ان کا وسیع اثر و رسوخ ہے۔ سید قاسم نوید سے پہلے قبول محمد شاہ کے صاحبزادے سعید محمد چیئرمین ضلع کونسل تھے اور یہ خانوادہ بھی پیلز پارٹی کے ساتھ ہے۔

جنہاں سومرو کے عبدالخالق سومرو ایم پی اے تھے اور پھر ان کے صاحبزادے عبدالکریم سومرو منتخب ہوتے رہے۔ پیپلز پارٹی سے وابستہ اس خاندان کی تیسری نسل الیکشن لڑ رہی ہے اور اب عبدالکریم سومرو کے صاحبزادے خرم کریم صوبائی اسمبلی کے لیے امیدوار ہیں۔

ٹنڈو محمد خان کی واحد قومی نشست( این اے 221 ) سے پچھلی بار سید نوید قمر نے لگ بھگ 76 ہزار اور جی ڈی اے کے علی نواز تالپور نے 45 ہزار ووٹ لیے تھے۔ پی ٹی آئی کے عبدالجبار میمن 15 ہزار ووٹ کے ساتھ تیسرے نمبر پر تھے۔

این اے 221 پر اس بار پی پی پی کے سید نوید قمر ، پی ٹی آئی کے حمایت یافتہ محمد عرفان نظامانی سمیت 17 امیدوار میدان میں ہیں۔ جی ڈی اے کے علی نواز تالپور غیر اعلانیہ طور الیکشن سے دستبردار ہو گئے ہیں۔

اس ضلعے کی درگاہ ملا کاتیار کے سجادہ نشیں میاں تاج محمد، جت برادری کے سردار اور وائس چیئرمین ضلع کونسل غلام مصطفیٰ اور سٹھیو برادری کے بابو اللہ رکھیو سٹھیو پی پی امیدوار نوید قمر کی حمایت کر رہے ہیں۔ ان کے علاوہ بینظیر انکم سپورٹ پروگرام سے فائدہ اٹھانے والی 51 ہزار 305 خواتین بھی زیادہ تر پیپلز پارٹی کو ووٹ کرتی ہیں۔

پی ایس 66 ٹنڈو محمد خان کی شہری صوبائی نشست ہے جہاں سے گذشتہ انتخابات میں پیپلز پارٹی کے اعجاز شاہ جیتے تھے۔ یہ نشست 1988ء سے پی پی حاصل کر رہی ہے لیکن یہاں سے 2002ء میں علی نواز تالپور مقامی اتحاد بنا کر پانچ سو ووٹوں سے جیت گئے تھے۔

اب یہاں سے پی پی کے اعجاز شاہ، جی ڈی اے کے علی نواز تالپور ، پی ٹی آئی کے الطاف نظامانی، تحریک لبیک کے پیر محمد علی جان سرھندی، مرکزی مسلم لیگ کی مسمات نعیمہ سمیت 20 امیدوار میدان میں ہیں۔

جے یو آئی نے پہلی بار اس حلقے میں خاتون امیدوار امبر شفیع محمد نظامانی کو ٹکٹ دے کر میدان میں اتارا ہے لیکن وہ انتخابی نشان الاٹ کرانے کے بعد شوہر کے ساتھ عمرہ کرنے کے لیے چلی گئی ہیں۔

گذشتہ انتخابات میں یہاں پیپلز پارٹی کے اعجاز شاہ نے 32 ہزار 665 ووٹ لیے تھے جبکہ پی پی مخالفین کو مجموعی طور پر 43 ہزار 617 ووٹ پڑے تھے جس پر پیپلز پارٹی کو تشویش لاحق ہوئی تھی۔

صورتحال پر قابو پانے کے لیے پیپلز پارٹی نے 33 برس سے پارٹی کے مخالف تالپور خاندان کے سربراہ میر سجاد تالپور اور ان کے صاحبزادے علی حیدر تالپور کو پارٹی میں شامل کر لیا ہے اور یوں اس نشست پر روایتی مخالفت کا خاتمہ ہو گیا ہے۔ جس کا فائدہ نوید قمر کو بھی ہوا اور علی نواز تالپور دل برداشتہ ہو کر گھر بیٹھ گئے ہیں۔

&nbsp;البتہ اس نشست پر پیر احمد جان سرھندی کی انٹری نے شھر کے ووٹرز کو اپنی دھواں دار تقریروں سے گرما دیا ہے لیکن ان کو کتنے ووٹ پڑتے ہیں یہ کہنا قبل از وقت ہے۔

پی ایس 67 بلڑی شاہ کریم اور ٹنڈو غلام حیدر تحصیلوں پر مشتمل ہے جہاں سے پی پی امیدوار 1988 سے کامیاب ہوتے آرہے ہیں اور پچھلی بار عبدالکریم سومرو جیتے تھے۔ جی ڈی اے کے عبدالرحیم کاتیار دوسرے نمبر پر تھے۔

اس بار یہاں سے قوم پرست رہنما اور ترقی پسند پارٹی کے چیئرمین ڈاکٹر قادر مگسی، پیپلز پارٹی کے خرم کریم سومرو ، جی ڈی اے چھوڑ کر تحریک انصاف میں شامل ہونے والے عبد الرحیم کاتیار، تحریک لبیک کے نور محمد ترک اور پیر احمد سعید جان آزاد سمیت 13 امیدوار ہیں۔

بلڑی شاہ کریم کے سماجی رہنما مہتاب علی بتاتے ہیں کہ اس نشست پر ڈاکٹر قادر مگسی کی حمایت میں نادر اکمل لغاری نے اپنی برادری کے نامور وکیل عاجز لغاری کو الیکشن سے دستبردار کرایا ہے۔ عوامی تحریک کے ایاز لطیف پلیجو اور سندھ ہاری کمیٹی کے چیئرمین ثمر جتوئی بھی قادر مگسی کا ساتھ دے رہے ہیں۔

جے یو آئی کے امیدوار یہاں سے قادر مگسی کی حمایت میں دستبردار ہو گئے ہیں جبکہ سندھ یونائیٹڈ پارٹی اور جیئے سندھ محاذ بھی ( ریاض چانڈیو ) بھی قوم پرست رہنما کی حمایت کر رہی ہیں۔ اس طرح اس نشست پر کانٹے دار مقابلے کی توقع کی جا رہی ہے۔

ٹنڈوالہیار: ایم کیو ایم اور جے یو آئی بھی جی ڈی اے  کے حق میں دستبردار، کیا کوئی تبدیلی آئے گی؟

ٹنڈو محمد خان کی سیاست میں قوم پرست رہنما اور ٹی ایل پی کی انٹری، کیا پیپلز پارٹی پر کوئی اثر پڑے گا؟

45 سالہ اسماعیل کمہار بچے کی پیدائش کے لیے اپنی حاملہ اہلیہ کو تین روز قبل ڈسٹرکٹ ہیڈ کوارٹر ہسپتال ٹنڈو محمد خان لائے۔ وہ کہتے ہیں کہ بیوی کو داخل کرنے کے بعد مجھے خون کا بندوبست کرنے کا کہا گیا۔ وہ ہوا تو بتایا گیا کہ اسے نجی میمن ہسپتال میں رکھوا دو&nbsp; کیونکہ ڈی ایچ کیو ہسپتال میں خون کو محفوظ رکھنے کا انتظام نہیں ہے۔ دوسرے روز ڈاکٹر صاحبہ نے مجھے آپریشن کا سامان لکھ کر دیا&nbsp; اور کہا کہ نجی میمن میڈیکل سٹور سے لے آؤ۔ ادویات کی خریداری کے علاوہ بھی اخراجات ہوئے۔

ٹنڈو محمد خان سے 30 کلومیٹر دور بلڑی شاہ کریم میں سندھ آبادگار شوگر ملز کے پاس رہنے والے اسماعیل کا کہنا ہے کہ ہم غریب لوگ مفت علاج کے لیے سرکاری ہسپتالوں میں آتے ہیں مگر اخراجات نجی ہسپتال جیسے ہوتے ہیں اور خواری الگ ہوتی ہے۔

2023ء کی آدم شماری کے مطابق حیدر آباد سے الگ کیے جانے والے ضلعے ٹنڈو محمد خان کی آبادی سات لاکھ 26 ہزار ایک سو 19 ہے۔ ٹنڈو محمد خان شہر سوا لاکھ نفوس پر مشتمل ہے مگر اس میں واقع ضلع کے سب سے بڑے سرکاری ہسپتال میں خون محفوظ رکھنے کی بھی سہولت نہیں۔

ٹنڈو محمد خان کے صحافی اور روزنامہ عبرت کے ڈسٹرکٹ رپورٹر 50 سالہ ذوالفقار چانڈیو کہتے ہیں کہ عدم توجہی کے سبب ہسپتال کا ایکسرے سیکشن بند ہے اور ایکسرے ٹیکنیشن کی تقرری نہیں ہوئی۔ لیبارٹری ٹیکنیشن&nbsp; نہ ہونے سے ہیپاٹائٹس بی اور سی جیسے خطرناک امراض کے پی سی آر اور دیگر ٹیسٹس نہیں ہو رہے۔ انہوں نے کہا کہ بلب اور پنکھوں کی قلت کے باعث مریض عموماً کم روشنی اور گرمی کی شکایت کرتے ہیں۔

ہسپتال کے اعداد و شمار کے مطابق 60&nbsp; بیڈز کے اس ہسپتال میں روزانہ 25 سو سے تین ہزار مریض او پی ڈی میں رجسٹرڈ ہوتے ہیں۔ جولائی 2022ء سے جون 2023ء تک تین لاکھ چھ ہزار 975 مریض علاج کے لیے ہسپتال کی او پی ڈی آئے۔ ہسپتال میں بچوں کے لیے صرف 14 بیڈ ہیں۔ نیوٹریشن کے وارڈ میں بھی 14 بیڈ ہیں۔ عورتوں کے لیے 22 اور مردوں کے لیے 10 بیڈ ہیں۔

ہسپتال ریکارڈ کے مطابق اس میں ڈاکٹرز، پیرا میڈیکل سٹاف اور لوئر سٹاف کی 468 پوسٹس رکھی گئی ہیں لیکن 155 پر سٹاف خدمت انجام دے رہا ہے، باقی 313 پوسٹس خالی ہیں۔

امراض قلب کے ماہر ڈاکٹر، سینیئر ڈینٹل سرجن، ای این ٹی سپیشلسٹ، فیمیل سرجن، فزیشن اور اے ایم ایس کی تقرری نہ ہونے سے مریض علاج کے لیے&nbsp; دوسرے شہروں میں جانے پر مجبور ہیں۔

ہسپتال کی صفائی کے لیے سویپرز کی 28 نشستوں ہیں مگر صرف چھ پر تعیناتیاں ہوئی ہیں جس کی وجہ سے ہسپتال میں جگہ جگہ گندگی کے ڈھیر لگے&nbsp; ہیں۔

ہسپتال میں مریضوں کے زیراستعمال بیڈشیٹس اور سٹاف کے خصوص لباس کی دھلائی کے لیے دھوبی کا تقرر نہیں ہوا لہٰذا باہر سے دھلائی کروائی جاتی ہے۔ ہسپتال میں الیکٹریشن کی پوسٹ 18 سال سے کسی کی راہ تک رہی ہے۔

ادویات کی خریداری کے لیے سالانہ نو کروڑ روپے کا بجٹ ہونے کے باوجود مریضوں کو شکایت رہتی ہے کہ انہیں نجی میڈیکل سٹورز سے انہیں خریدنا پڑتا ہے۔

ٹنڈو محمد خان شہر کے 22 سالہ نوجوان اویس احمد نے بتایا کہ میرا چچا شوگر کا مریض ہے لیکن اس ہسپتال میں انسولین موجود نہیں۔ خارش کی ادویہ باہر سے خریدنے کے لیے لکھ کر دی ہیں۔ ہسپتال کے سٹور سے ایک طاقت کی گولی اور ایک اینٹی بائیوٹک کیپسول ہی&nbsp; دیا گیا ہے۔

سماجی کارکن 32 سالہ&nbsp; ونود کمار میگھواڑ کا کہنا تھا کہ ہسپتال کو اعلان کی حد تک ڈی ایچ کیو بنایا گیا ہے۔ اس سے پہلے یہ تعلقہ/تحصیل ہسپتال تھی۔ اس میں اس وقت بھی عملہ پورا نہیں تھا۔ اسی کو ضلعی ہیڈکوارٹر ہسپتال بنا دیا گیا ہے۔

رابطہ کرنے پر ٹنڈو محمد خان کے ڈسٹرکٹ ہیلتھ افسر ڈاکٹر یوسف جھیجو نے تسلیم کیا کہ ہمارے پاس لیبارٹری اور ایکسرے&nbsp; کے ٹیکنیشن&nbsp; کی تقرری نہیں ہوئی۔

&quot;ہم ہفتے میں تین دن ماتلی سے ایکسرے ٹیکنیشن کو بلاتے ہیں جو آ کر مریضوں کےایکسرے کرتا ہے لیکن باقی تین دن مریضوں کو پریشانی ہوتی ہے۔&quot;

&nbsp;انہوں نے کہا کہ ہم نے حکومت سندھ کو لکھا ہے کہ ہسپتال میں فزیشن نہیں ہے، امراض قلب کا سپیشلسٹ نہیں، ای این ٹی اور جلد کے بھی سپیشلسٹ نہیں۔ ان کے مطابق حکومت جیسے ہی تعیناتیاں کرے گی صورت حال میں بہتری آ جائے گی۔

'ہسپتال ہے مگر علاج نہیں'، تھرپارکر کے باسی ٹی ایچ کیو اسلام کوٹ سے مایوس

دوائیں، نہ ٹیسٹ نہ ڈاکٹر: ٹنڈو محمد خان کا ضلعی ہسپتال مریضوں کے لیے 'مسائل گاہ' بن گیا

42 سالہ محمد حسین (فرضی نام) سندھ پولیس میں ہیڈ کانسٹیبل ہیں۔ وہ طویل عرصہ سے ضلع ٹنڈو محمد خان میں فرائض انجام دے رہےہیں اور آج کل تھانہ آبادگار شوگر ملز میں تعینات ہیں۔ محمد حسین عام طور پر پولیس موبائل پر ڈیوٹی کرتے ہیں۔

&nbsp;ان کا کہنا ہے کہ جب وہ رات کو گشت کر رہے ہوتے ہیں تو ممکن ہے اس سے شہریوں کو اپنے تحفظ کا احساس ہوتا ہو۔ مگر انہیں ہمیشہ یہی خوف رہتا ہے کہ ان کی کھٹارا گاڑی کہیں بیچ راستے خراب نہ ہو جائے یا اس کا پٹرول ختم نہ ہو جائے۔

وہ کہتے ہیں کہ اگر کبھی جرائم پیشہ افراد کا پیچھا کرنا پڑے تو پولیس موبائل اکثر جواب دے جاتی ہے۔ ایسے میں لوگ پولیس کو برا بھلا کہتے ہیں اور اہل کار گاڑی کو دھکا لگا رہے ہوتے ہیں۔ ایسا کئی بار ہو چکا ہے۔

محمد حسین نے بتایا کہ ان کی مشکل صرف گاڑی تک ہی محدود نہیں ہے بلکہ تھانے میں واش روم ہی نہیں ہے۔ اہل کاروں کو رفع حاجت کے لیے جھاڑیوں میں جانا پڑتا ہے۔ ان حالات میں پولیس کو دعاؤں اور تحفظ کی ضرورت ہے۔

سات لاکھ 26 ہزار 119 آبادی کا ضلع ٹنڈو محمد خان تین تحصیلوں (تعلقہ) ٹنڈو محمد خان، بلڑی شاہ کریم اور ٹنڈو غلام حیدر پر مشتمل ہے۔

&nbsp;ضلع بھر میں گیارہ تھانے ہیں جن میں سے ایک خواتین کے لیے مخصوص ہے۔تحصیل ٹنڈو محمد خان کے علاقے میں پانچ تھانے ہیں جن میں سے تین بلڑی شاہ کریم اور تحصیل ٹنڈو غلام میں واقع ہیں۔

ٹنڈو محمد خان پولیس کے اپنے اعدادوشمار بتاتے ہوئے کہتے ہیں کہ ضلع میں منشیات، چوری اور ڈکیتی کی وارداتوں میں مسلسل اضافہ ہو رہا ہے۔گزشتہ چھ ماہ کے دوران ان جرائم کے 497 مقدمات درج ہوئے۔

ایس ایس پی ٹنڈو محمد خان کے پی آر او پارس میمن تصدیق کرتے ہیں کہ رواں سال جنوری سے جولائی تک ضلعی ہیڈ کوارٹر کے صرف تین تھانوں میں 208 وارداتوں کے مقدمات درج کیے گئے۔ چوتھے (ویمن) پولیس سٹیشن میں درج منشیات فروشی اور چوری کے 14 مقدمات اس کے&nbsp; علاوہ ہیں۔

دیگر تھانوں میں گٹکا مین پوری،چرس افیون اور آئس فروشی،کیمیکل سے دیسی شراب کی تیاری اور فروخت، بغیر لائسنس آتشیں اسلحہ رکھنے وغیرہ کے مقدمات درج کیے گئے ہیں۔

سماجی کارکن ریاست مقبول مسیح بتاتے ہیں کہ شہر میں منشیات بڑی مقدار میں فروخت ہورہی ہیں۔ مین پوری، گٹکا ،انڈین سفینہ، چرس افیون ہیروئن اور آئس یہاں ایسے بک رہے ہیں جیسے پرچون کی دکان پر اشیاء خورونوش بکتی ہیں۔

&nbsp;جرائم اور مقدمات کی تشویشناک صورتحال اپنی جگہ، پولیس کی حالت اس سے بھی زیادہ خراب ہے۔ ہیڈ کانسٹیبل کے بقول &quot;شہری جرائم کا قصوروار پولیس کو تو ٹھہراتے ہیں لیکن وہ دیکھ ہی رہے ہیں کہ ہمارا بھی کوئی پرسان حال نہیں ہے۔&quot;

ٹنڈو محمد خان کو وزیر اعلیٰ ارباب غلام رحیم کے دور میں 2005ء میں حیدرآباد سے الگ کرکے ضلع کا درجہ دیا گیا۔ ضلعی ہیڈ کوارٹر بننے کے بعد یہاں 18 سال میں تمام محکموں کے دفاتر نئے بن گئے ہیں مگر پولیسنگ پر توجہ دکھائی نہیں دیتی۔

ضلع کے گیارہ تھانوں میں سے صرف چار کی اپنی عمارتیں ہیں جب کہ چھ تھانے مختلف محکموں کی چھوڑی ہوئی پرانی بوسیدہ عمارتوں میں قائم ہیں ۔ضلع پولیس لائنز سابقہ محکمہ ٹیلی فون کے پرانےکوارٹرز میں بنائی گئی ہے اور تعلقہ پولیس سٹیشن بھی انہیں کوارٹرز میں کام کر رہا ہے۔

تھانہ شیخ بھرکیو، بی سیکشن ، ڈندو اور مویا سمیت چاروں تھانوں کے اہلکار محکمہ بلدیات کی عمارتوں میں بیٹھے ہیں۔ تھانہ ملاکاتیار محکمہ انہار اور تھانہ آبادگار مقامی شوگر ملز کی لیبر کالونی میں قائم ہیں اور محکمہ ریونیو کی ایک پرانی عمارت کو ویمن پولیس سٹیشن کا نام دے دیا گیا ہے ۔

ٹنڈو محمد خاں کے ڈی ایس پی محمد خان زنئور کہتے ہیں کہ زیادہ تر تھانے مختلف محکموں کی پرانی اور متروک عمارتوں میں قائم ہیں۔ لہذا جس تھانے کی عمارت ہی نہیں ہے وہاں واش روم یا پانی کی سہولت کیا ہوگی۔ویمن پولیس سٹیشن میں بھی واش روم کاعارضی بندوبست کیا گیا ہے۔

یہاں ضلعی پولیس سربراہ اور آٹھ ڈی ایس پیز سمیت مجموعی طور پر ایک ہزار86 اہلکار اور افسر ہیں۔ مگر صرف تین ڈی ایس پیز اور تین ایس ایچ اوز کو سرکاری رہائش گاہیں میسر ہیں۔ یہاں تک کہ ایس ایس پی بھی انہار افسروں کے لیے مخصوص بنگلے میں قیام پذیر ہیں۔

ٹنڈو محمد خان تاجران فیڈریشن کے جنرل سیکریٹری سلیم گدی بتاتے ہیں کہ ٹنڈو محمد خان اور ٹنڈو غلام حیدر کے ڈی ایس پیز ایک ہی کوارٹر کے کمروں میں رہتے ہیں جبکہ بلڑی شاہ کریم کے ڈی ایس پی چوکی کے ایک کمرے میں مقیم ہیں۔تعلقہ (ٹنڈو محمد خان) تھانے والی عمارت تو کسی بھی وقت دھماکے سےگر سکتی ہے۔

ڈی ایس پی ٹنڈو محمد خاں اعتراف کرتے ہیں کہ جوانوں اور افسروں کی رہائش کا انتظام ہے نہ ہی ایس ایچ اوز کے دفاتر کا کچھ پتا۔پولیس کے جوان علاج معالجے اور بچوں کی تعلیم کے لیے الگ پریشان ہیں۔ مگر مشکلات کے باوجود پولیس اپنا کام فرض شناسی سے انجام دے رہی ہے۔

&nbsp;انہوں نے بتایا کہ سابقہ صوبائی حکومت نے ضلع پولیس ہیڈکوارٹرز بنانے کی منظوری دی تھی، تعمیراتی کام بھی چل رہا ہے۔ ہیڈ کوارٹرز کی تکمیل سے یہاں شہر میں تو مسائل کچھ کم ہو جائیں گے مگر دیگر تھانوں کے لیے بھی سوچنا پڑے گا اور تب تک مشکلات برقرار رہیں گی۔

سماجی رہنما راؤ غلام حسین بتاتے ہیں کہ ٹنڈو محمد خان پولیس کی گاڑیوں میں سے بیشتر تو چلتی ہی نہیں ہیں۔ جو قابل استعمال ہیں ان میں پٹرول نہیں ہوتا۔

&quot;جب بھی کوئی فریادی تھانے جاتا ہے۔ پولیس والے انہیں کہتے ہیں کہ پہلے آپ ہماری گاڑی میں پٹرول ڈلواؤ پھر آپ کے کیس کی تفتیش شروع کریں گے۔&quot;

سرکاری ریکارڈ کے مطابق ضلع میں پولیس کے پاس کل 30 پولیس موبائل گاڑیاں ہیں۔ان میں سے زیادہ تر گاڑیاں 2006ء ماڈل کی ہیں جو تقریباً کھٹارہ ہو چکی ہیں۔ کچھ 2010ء میں خریدی گئی تھیں یہ نسبتاً بہتر حالت میں ہیں جبکہ صرف ایک گاڑی نئی ہے۔یہاں پولیس کےپاس 30 فائٹر موٹر سائیکلیں بھی موجود ہیں جن میں سے نصف ناکارہ ہو چکی ہیں۔

گاڑیوں کے پٹرول سے متعلق سوال پر پولیس افسروں نے بجٹ کو &#39;سیکرٹ ڈاکومنٹ&#39; قرار دے کر تفصیلات بتانے سے انکار کر دیا۔ تاہم ایک پولیس افسر نے نام ظاہر نہ کرنے کی شرط پر بتایا کہ وہ اپنے وسائل سے گاڑیوں کی مرمت اور دیکھ بھال کرتے ہیں۔

ایس ایس پی ٹنڈو محمد خان کا کہنا تھا کہ ان کی حال ہی میں تعیناتی ہوئی ہے۔اس لیے وہ مسائل پر بریفنگ لینے کے بعد ہی کچھ کہنے کی پوزیشن میں ہونگے۔&nbsp;

ویمن ہیلپ ڈیسک کی حقیقت اور گوجرانوالہ کے ویمن پولیس سٹیشن کے گیٹ پر پڑے تالے کی کتھا

ٹنڈو محمد خان پولیس کی خستہ حالی، 'مجرموں کا پیچھا کرنے جائیں تو ڈر رہتا ہےکہ گاڑی میں پٹرول ختم نہ ہو جائے'

سندھ کے ضلع ٹنڈو محمد خان کے رہنے والے عبدالستار بروہی، ان کے بھائی عبدالمجید اور ماموں جمعہ خان ہیپاٹائٹس میں مبتلا ہیں۔ دو برس پہلے عبدالستار کی والدہ اسی مرض کی پیچیدگیوں سے لڑتے ہوئے وفات پا گئی تھیں جبکہ ان سے پہلے یہ مرض ان کے چار قریبی رشتہ داروں کی جان بھی لے چکا ہے۔&nbsp;

عبدالستار وسی ملوک شاہ کے قریبی گاؤں حبیب فارم کے رہائشی ہیں جہاں لوگوں کی بہت بڑی تعداد اس مہلک مرض میں مبتلا ہے۔ ان کا کہنا ہے کہ وہ آغا خان ہسپتال سمیت متعدد جگہوں سے اپنا علاج کروا چکے ہیں لیکن ہر چھ مہینے یا ایک سال کے بعد یہ مرض لوٹ آتا ہے۔&nbsp;

ڈاکٹروں نے عبدالستار کو بتایا ہے کہ انہیں یہ بیماری آلودہ پانی پینے سے لگی ہے جو اس علاقے میں بہت بڑی آبادی کو بیمار کر رہا ہے۔ حیدر آباد ریجن کے چاروں اضلاع، ٹنڈو محمد خان، سجاول، بدین اور تعلقہ حیدرآباد میں ہر خاندان کا کوئی نہ کوئی فرد ہیپا ٹائٹس یا پیٹ کے کسی نہ کسی مرض میں مبتلا ہے۔&nbsp;

ان چاروں اضلاع کی 42 لاکھ سے زیادہ آبادی اور لاکھوں مویشیوں اور دیگر زمینی و آبی حیات کا انحصار کوٹری بیراج سے نکلنے والی نہروں کے پانی پر ہے۔ جامشورو کے مقام پر بیراج کے بائیں کنارے سے نکلنے والی کرم واھ، پھلیلی اور پنجاری نہریں حیدرآباد کی شہری آبادی سے گزرتی ہیں اور راستے میں جا بجا شہر بھر کا سیوریج اور فیکٹریوں کا فضلہ لے کر آنے والے نالے انہی نہروں میں گرتے ہیں جس سے ان کا پانی آلودگی کی خطرناک ترین حد سے بھی تجاوز کر گیا ہے۔

ٹنڈو محمد خان این جی او نیٹ ورک کے کوآرڈینیٹر علی نواز لوند بتاتے ہیں کہ ان کے ادارے نے ضلعے کے 25 مقامات سے ھینڈ پمپ کے پانی کے نمونے ٹنڈو جام ایگریکلچر لیبارٹری سے ٹیسٹ کروائے تو انکشاف ہوا کہ اس پانی میں 600 پی پی ایم سے زیادہ مقدار میں آرسینک (سنکھیا) موجود ہے۔&nbsp;

جس پانی میں اس قدر بڑی مقدار میں آرسینک ہو وہ کسی صورت پینے کے قابل نہیں ہوتا اور اگر گہرائی سے نکالا جانے والا ہینڈ پمپ کا پانی اس قدر خراب ہے تو نہروں میں پائی جانے والی آلودگی اس سے کئی گنا زیادہ ہو گی۔

اس بارے میں جب ٹنڈو محمد خان کے ڈسٹرکٹ ہیلتھ افسر ڈاکٹر لچھمن داس سے پوچھا گیا تو ان کا کہنا تھا کہ سیوریج اور فیکٹریوں کے فضلے سے آلودہ پانی پینے کے باعث شہر میں ہیپا ٹائٹس، ٹائیفائیڈ اور ملیریا کے علاوہ جلدی بیماریاں بھی تیزی سے پھیل رہی ہیں۔ انہوں نے بتایا کہ آلودہ پانی پولیو کے خاتمے کی راہ میں بھی رکاوٹ ہے کیونکہ پولیو کا وائرس عام طور پر پانی کے ذریعے لاحق ہوتا ہے۔

آلودہ پانی سے متعلق شکایات پر کچھ عرصہ پہلے سپریم کورٹ نے ریٹائرڈ جسٹس امیر ہانی مسلم کی سربراہی میں واٹر کمیشن بنایا تھا جس نے اپنے سفارشات میں کہا کہ حیدرآباد، ٹنڈو محمد خان اور ماتلی سمیت جن شہروں سے نہریں گزرتی ہیں وہاں سیوریج اور فیکٹریوں کے پانی کو پلانٹ میں صاف کر کے نہروں میں چھوڑا جائے۔

ٹنڈو محمد خان کے ڈپٹی کمشنر یاسر بھٹی کہتے ہیں کہ کمیشن کی سفارشات کے مطابق ٹنڈو محمد خان میں پانی صاف کرنے کے منصوبوں پر کام جاری ہے۔ جب یہ منصوبے مکمل ہو جائیں گے تو شہر کا گندا پانی صاف کر کے نہروں میں ڈالا جائے گا۔ ان کا کہنا ہے کہ پانی کی فراہمی، نکاسی آب اور پانی صاف کرنے سے متعلق واٹر کمیشن کی تمام سفارشاشات پر عمل ہو رہا ہے لیکن ان مںصوبوں کو مکمل ہونے میں کچھ وقت لگے گا۔

سندھ کے محکمہ آبپاشی و نکاسی آب کے ترجمان حزب اللہ منگریو کے مطابق حیدر آباد اور گردونواح کے علاقوں میں گندے پانی کی نکاسی اور اسے ایل بی او ڈی میں ڈالنے کا کام جاری ہے۔ صوبائی حکومت نے سپریم کورٹ کے احکامات پر عمل کرتے ہوئے فیکٹریوں کو پابند کیا ہے کہ وہ آلودہ پانی کی نکاسی کے مقامات پر فلٹر پلانٹ لگائیں جس پر عملدآمد کی صورتحال تسلی بخش ہے۔

رمضان شورو

رمضان شورو گزشتہ 22 سال سے صحافت کے پیشے سے وابستہ ہیں۔ وہ خواتین، بچوں، اقلیتوں اور سماج کے پسماندہ طبقات کے حقوق اور مسائل پر رپورٹنگ کرتے ہیں۔

ٹنڈو محمد خان میں 15 سال سے زیر تعمیر پبلک سکول جس کا کوئی وارث نہیں؟

ٹنڈو محمد خان کی سیاست میں قوم پرست رہنما اور ٹی ایل پی کی انٹری، کیا پیپلز پارٹی پر کوئی اثر پڑے گا؟

دوائیں، نہ ٹیسٹ نہ ڈاکٹر: ٹنڈو محمد خان کا ضلعی ہسپتال مریضوں کے لیے 'مسائل گاہ' بن گیا

ٹنڈو محمد خان پولیس کی خستہ حالی، 'مجرموں کا پیچھا کرنے جائیں تو ڈر رہتا ہےکہ گاڑی میں پٹرول ختم نہ ہو جائے'

حیدر آباد ریجن میں ہیپاٹائٹس کے ڈیرے: 42 لاکھ آبادی کی صحت خطرے میں پڑ گئی