2014 میں جب گوادر میں پہلی مرتبہ کتاب میلہ لگایا گیا تو اسے اس قدر کامیابی اور مقبولیت حاصل ہوئی کہ بلوچستان بھر میں تواتر سے ایسے میلے منعقد ہونے لگے۔

اِس سال 23 فروری کو گوادر میلے کے دسویں سال بلوچی زبان و ادب پر پینل ڈسکشن، تاریخ، جغرافیہ و آرکیالوجی پر گفتگو، سیاست و سماج پر مکالمہ، دستاویزی فلموں، تھیٹر، محفلِ موسیقی اور آرٹ کی نمائش کو دیکھ کر یہ یہ دعویٰ کرنا مشکل نہیں تھا کہ وقت کے ساتھ اس میلے نے اپنا معیار ناصرف برقرار رکھا ہے بلکہ اس میں کئی گنا اضافہ بھی ہو گیا ہے۔

2020ء اور 2021ء میں کورونا وائرس کی وبا کے باعث گوادر کتاب میلہ منعقد نہیں ہو سکا تھا۔ اس برس جب یہ میلہ شروع ہوا تو بلوچستان کے علاقہ بارکھان میں مقامی سردار کی مبینہ قید میں تین افراد کی ہلاکت کا واقعہ پیش آ چکا تھا۔ 
میلے کے آغاز پر بارکھان کے مقتولین کی یاد میں دو منٹ کی خاموشی اختیار کی گئی اور ایک مذمتی قرارداد بھی منظور کی گئی۔

میلے کی افتتاحی تقریب سے سرپرستِ اعلیٰ آر سی ڈی کلب گوادر خدابخش ہاشم، صدر آر سی ڈی کلب ناصر رحیم سہرابی، ایم پی اے گوادر میر حمل کَلمَتی، سابقہ سینیٹر مصطفیٰ نواز کھوکر، وائس چانسلر گوادر یونیورسٹی عبدالرزاق صابر، انجمن ترقی اردو پاکستان کی ڈاکٹر فاطمہ حسن اور بلوچی زبان کے معروف ادیب&nbsp; اے آر داد نے خطاب کیا۔

میلے کے تین دنوں میں پندرہ سے زیادہ سیشن منعقد ہوئے اور دس سے زیادہ کتابوں کی رونمائی ہوئی۔ ان نشستوں میں بلوچستان کے سابق وزیراعلیٰ ڈاکٹر عبدالمالک بلوچ، مشاہد حسین سید اور ڈاکٹر پرویز ہود بھائی ودیگر لوگ بھی شامل رہے۔ &quot;موجودہ معاشی بحران اور پاکستان کا مُستقبل&quot;، &quot;بلیو اکانومی، پائیدار ترقی اور ساحلِ مکران&quot;، &quot;گوادر، پاکستان اور ارضی معاشی صورتحال&quot;جیسے موضوعات پر گفتگو ہوئی۔

تھیٹر پرفارمنس کے موقع پر خیر جان آرٹ اکیڈمی گوادر نے ڈرامہ پیش کیا۔ تھیٹر شو میں ایک عدالت لگائی گئی جس میں بنیادی منصوبہ بندی میں نقائص کے سبب انسانی جانوں کے زیاں اور ذمہ داروں کے تعین کو موضوع بنایا گیا تھا۔ ایک سیشن میں &quot;قومی میڈیا اور بلوچستان&quot; پر مذاکرے کا انعقاد کیا گیا۔

&nbsp;میلے میں دوسرے روز کا آخری سیشن صرف خواتین کے لیے تھا جس میں یونیورسٹی آف گوادر، گرلز کالج اور گرلز ہائی اسکول کی طالبات کی قابل ذکر تعداد موجود تھی ۔ سیشن میں زیتون عبداللہ، جنت حمید، مہر بلوچ، سمی بلوچ اور گل صبا نے بالعموم بلوچستان اور بالخصوص گوادر میں خواتین کے&nbsp; مسائل پر گفتگو کی۔

میلے میں مصوری اور فوٹوگرافی کی نمائش بھی کی گئی۔ مصوری میں شبینہ سلیم اور صادق حسین کے فن پاروں کی نمائش ہوئی جبکہ فوٹوگرافی میں خیر جان خیرل، طارق فیض اور رحیم عابد کی تصاویر&nbsp; پیش کی گئی تھیں۔

&nbsp;سیشنز کا اختتام اردو اور بلوچی مشاعرے پر ہوا جس میں لوگوں کی بڑی تعداد موجود تھی۔چیف سیکرٹری بلوچستان عبدالعزیز عقیلی بھی میلے میں شریک ہوئے اورگوادر کتاب میلے کی سالانہ گرانٹ 10 لاکھ روپے سے بڑھا کر 20 لاکھ کرنے کا بھی اعلان کیا۔

اس سال چار روزہ میلے میں ملک بھر سے 29 ناشروں اور کتب فروشوں نے سٹال لگائے۔ میلے میں آٹھ ہزار کے قریب کتابیں فروخت ہوئیں۔

میلے میں کتابوں کے علاوہ برن آرٹ کا سٹال، مصوری اور فوٹوگرافی کے سٹال بھی شامل تھے۔ گوادر کے علاقے پلیری سے تعلق رکھنے والے نوجوانوں نے مُلا ابابگر کَلمَتی اکیڈمی کی طرف سے بلوچ کلچرل سٹال لگایا جس میں روزمرہ استعمال کی جدید کے ساتھ نایاب و قدیم اشیا بھی رکھی گئی تھیں۔

گوادر کتب میلے کے منتظمین کے مطابق کتاب میلے میں مجموعی طور پر19 لاکھ 60 ہزار روپے کی کتابیں اور پینٹنگ فروخت ہوئیں۔

وہاب مجید جو خود مقامی لکھاری ہیں انہوں نے بک سٹالز کا سروے کرنے کے بعد بتایا کہ بڑے لکھاریوں البرٹ کامیو، فرانز کافکا، فرانز فینن، ارشد محمود، ڈاکٹر مبارک علی، شاہ محمد مری، منیر بادینی، جون ایلیا اور&nbsp; اے آر داد کی کتابیں سب زیادہ فروخت ہوئیں۔ جب کہ مذہبی موضوعات کی کتابیں بہت کم فروخت ہوئی ہیں۔&nbsp;

میلے میں گوادر و مکران کے علاوہ ملک بھر سےلوگوں نے شرکت کی۔ بلوچ کلچر کا اسٹال لگانے والےنوجوان قیوم غنی نے لوک سجاگ کو بتایا کہ اس سٹال کا مقصد نئے نسل کو اس امر سے روشناس کرانا ہے کہ ہمارے آبا و اجداد کیسی زندگی گزارتے تھے اور کون سے اوزار و اشیا استعمال کرتے تھے۔

سبی سے آنے والے عمران ہاڑا نے بلوچی دستکاری&nbsp; کا سٹال لگایا۔ انہوں نے لوک سجاگ کو بتایا کہ انہوں نے جتنی فروخت گوادر میں کی ہے اتنی کسی اور جگہ نہیں ہوئی۔ کراچی سے آئی پروین ناز نے میلے کو کامیاب قراردیتے ہوئے اس رائے کا اظہار کیا کہ خواتین کی شرکت کو بڑھانے اور مزید مؤثر بنانے کی ضرورت ہے۔

تربت میں عطا شاد لٹریری فیسٹیول عام ادبی میلوں سے کیسے مختلف تھا

گوادر کتاب میلہ: بارود کے بدلے ہاتھوں میں آ جائے کتاب تو اچھا ہو

text

گوادر شہر میں ایئرپورٹ روڈ کے ایک حصے کو چوڑا کرنے کا منصوبہ مقامی لوگوں کی پر زور مخالفت اور انتظامیہ کی غیرلچک دار پالیسی کے باعث پچھلے سات سال سے نامکمل ہے۔ اس منصوبے کی زد میں آنے والی زمین کے مالکان اپنے مطالبات کو لے کر احتجاج کرتے چلے آئے ہیں لیکن نہ تو ان کی شنوائی ہوئی ہے اور نہ ہی منصوبے پر کام آگے بڑھ سکا ہے۔

ضلعی انتظامیہ ایئرپورٹ روڈ کے شہدائے جیونی چوک سے مُلا فاضل چوک تک حصے کو چوڑا کرنا چاہتی ہے۔ اس مقصد کے لیے اس نے 34 ہزار 538 مربع فٹ جگہ ایکوائر کی ہے۔ یہ جگہ مقامی لوگوں کی ہے جس پر 170 دکانیں اور چھ گھر واقع ہیں۔ تاہم انتظامیہ ان دکانوں اور گھروں کے مالکان کو جو معاوضہ دے رہی ہے وہ اسے قبول نہیں کرتے۔

گوادر کے رہائشی مراد سالک کے گھر کے دو کمرے، باورچی خانہ، ایک غسل خانہ اور دکان اس سڑک کی زد میں آ رہی ہے۔ ان کا کہنا ہے کہ حکومت نے انہیں اس نقصان کے ازالے کے طور پر صرف بارہ لاکھ روپے معاوضے کی پیشکش کی ہے جبکہ آج کل اتنی رقم میں گھر بنانا تو دور کی بات، زمین خریدنا بھی ناممکن ہے۔

مراد کی طرح حاجی مولا بخش بھی اس سڑک کے متاثرین میں شامل ہیں۔ ان کی ایک دکان سڑک کے توسیعی منصوبے کی نذر ہو رہی ہے۔ حکومت یہ دکان لے کر جو معاوضہ دے رہی ہے وہ انہیں قبول نہیں ہے۔ ان کا کہنا ہے کہ &#39;&#39;حکومت یہ تاثر دینا چاہتی ہے جیسے ہم گوادر کی ترقی نہیں چاہتے ۔ ہم شہر کی ترقی کے مخالف نہیں لیکن ہمیں ایسی ترقی نہیں چاہیے جو ہمارا روزگار ہی ختم کر دے۔&#39;&#39;

حالیہ دنوں ضلعی انتظامیہ نے سڑک کے اس حصے پر ہر طرح کی تعمیرات روکنے کے لیے لینڈ ایکوزیشن ایکٹ کی دفعہ 9 کے تحت ان دکانوں اور گھروں کے مالکان کو منصوبے پر اعتراضات جمع کرانے کا حکم دیا ہے۔

تاہم یہ انتظامیہ اور متاثرین کے درمیان پہلا رابطہ نہیں بلکہ پچھلے چند ماہ میں ان لوگوں کی ضلعی انتظامیہ اور گوادر ڈویلپمنٹ اتھارٹی کے ساتھ کئی ملاقاتیں ہو چکی ہیں۔ متاثرین کا کہنا ہے کہ اِن ملاقاتوں میں انہیں جذباتی طور پر بلیک میل کرنے کی کوشش کی جاتی ہے اور کہا جاتا ہے کہ وہ ترقی کے مخالف ہیں حالانکہ ان کا مطالبہ صرف یہ ہے کہ انہیں جائز معاوضہ اور متبادل جگہ دی جائے۔

تیس سالہ عبدالحمید بلوچ مچھلی کے شکار میں استعمال ہونے والے جال، کانٹے اور دیگر سازوسامان بیچتے ہیں۔ سڑک کی تعمیر سے ان کی دکان بھی متاثر ہو رہی ہے جس کی قیمت وہ تیس لاکھ مانگتے ہیں۔ ان کا کہنا ہے کہ &quot;انتظامیہ نے انہیں جس معاوضے کی پیشکش کی ہے وہ بہت کم ہے اور اس سے زیادہ پیسے تو مالکان کو کرایہ داروں سے ایڈوانس رقم کی صورت میں مل جاتے ہیں&quot;۔ وہ بتاتے ہیں کہ دکانوں کی قیمت طے کرنے کے معاملے پر ان کی اور دوسرے دکانداروں کی ضلعی انتظامیہ اور گوادر ڈویلپمنٹ اتھارٹی کے ساتھ کئی ملاقاتیں ہو چکی ہیں جن کا کوئی نتیجہ نہیں نکلا۔

انتظامیہ نے منصوبے کی زد میں آنے والی دکانوں کے لیے پانچ ہزار اور گھروں کے لیے تین ہزار روپے فی مربع فٹ معاوضہ طے کیا ہے۔

گوادر میں پراپرٹی کے کاروبار سے منسلک سلیم نور کے مطابق مُلا فاضل چوک اور اس کے اردگرد ایک عام دکان کی قیمت کم از کم چالیس لاکھ تک ہے۔ چونکہ یہ گوادر کا مصروف ترین کاروباری علاقہ ہے اس لیے یہاں پچاس لاکھ روپے سے کم میں دکان نہیں ملتی۔ اس لیے حکومت متاثرین کو دکانوں کی جو قیمت دے رہی ہے وہ بہت کم ہے۔

ضلعی انتظامیہ نے ایک بار پھر متاثرین سے کہا ہے کہ وہ ضلعی آفیسر کے دفتر میں آ کر معاوضے کی رقم وصول کریں جسے متاثرین نے ایک بار پھر مسترد کر دیا ہے۔

بلوچستان نیشنل پارٹی (مینگل) کے ماجد سہرابی متاثرین کے مطالبات کو جائز قرار دیتے ہوئے&nbsp;&nbsp; کہتے ہیں &quot;اگر نئی سڑک بن جائے تو سبھی کے لیے بہت سی آسانیاں پیدا ہوں گی لیکن گوادر ڈویلپمنٹ اتھارٹی کو چاہیے کہ وہ متاثرین کے ساتھ سختی سے پیش آنے کے بجائے ان سے منصفانہ سلوک کرے اور ان کے جائز مطالبات تسلیم کیے جائیں&quot;۔

جب اس مسئلے پر گوادر ڈیولپمنٹ اتھارٹی کے چیف انجینئر سید محمد بلوچ سے بات کی گئی تو ان کا کہنا تھا کہ اتھارٹی نے یہ مسئلہ ضلعی انتظامیہ کے سپرد کیا ہے جسے ڈپٹی کمشنر خود دیکھ رہے ہیں۔ متاثرین کے لیے اعلان کردہ معاوضے کی رقم کا تعین محکمہ ریونیو نے کیا ہے جو کہ ایک جائز قیمت ہے۔ اس کے باوجود متاثرین کے احتجاج پر یہی کہا جا سکتا ہے کہ وہ سڑک کی توسیع و تعمیر نہیں چاہتے۔

مراد سالک کو خدشہ ہے کہ اس منصوبے کے نتیجے میں وہ اپنا گھر اور روزگار کھو دیں گے۔ وہ غصے کے عالم میں کہتے ہیں &quot;یہاں شہدائے جیونی چوک کے نام پر پہلے ہی ایک چوک موجود ہے۔ شاید اب گوادر ڈویلپمنٹ اتھارٹی کو شہدا کے نام سے کوئی سڑک بھی چاہیے، اسی لیے وہ ہماری زندگیاں تباہ کرنا چاہتی ہے۔&#39;&#39;

&nbsp;

بجلی ہے نہ پانی، مچھلی ہے نہ کاروبار : ہم نے یہ مانا گوادر میں رہیں کھائیں گے کیا؟

گوادر ائیرپورٹ روڈ میں توسیع: ترقی چاہیے تو اپنی زمین اونے پونے بیچو

گوادر کی شو پیس کشتیاں: ہنر اور تعلیم ساتھ ساتھ

video

گوادر میں عوامی حقوق کے لیے جاری مظاہرے

baloch women not only earning their livelihood from doch embroidery but also promoting their culture

baloch women earning their livelihood from doch embroidery

بلوچستان کے ساحلی شہر گوادر کی رہائشی 35 سالہ آسیہ بی بی کے شوہر چند برس پہلے معدے کی بیماری میں مبتلا ہونے کے بعد کام کاج کرنے کے قابل نہ رہے تو گھر داری چلانے کی ذمہ داری خود اُن پر آ پڑی۔ اس مسئلے کے حل کے لیے انہوں نے بچپن میں سیکھے ہوئے دوچ نامی بلوچی کشیدہ کاری کے ہنر کو کام میں لانے کا فیصلہ کیا۔ جلد ہی اس سے انہیں اتنی آمدن ہونے لگی کہ وہ اپنے شوہر کا علاج کرانے کے ساتھ ساتھ اپنی گھریلو اخراجات بھی پورے کرنے لگیں۔

دو سال پہلے ان کے شوہر فوت ہو گئے لیکن اس سے ان کی گھریلو معیشت پر کوئی برا اثر نہیں پڑا بلکہ ان کا کشیدہ کاری کا کام اتنا پھیل گیا ہے کہ اسے پورا کرنے کے لیے انہوں نے کچھ مقامی عورتوں کو ملازم رکھ لیا ہے۔ وہ کہتی ہیں کہ دوچ کے ذریعے وہ اوسطاً 30 ہزار روپے ماہانہ کما لیتی ہیں جس سے وہ نہ صرف اپنے گھر کا خرچہ بہ خوبی چلا رہی ہیں بلکہ اپنے چھ بچوں کی تعلیم کے اخراجات بھی پورے کر رہی ہیں۔

آسیہ بی بی بنیادی طور پر پاک-ایران سرحد سے متصل ضلع کیچ کی تحصیل دشت کی رہنے والی ہیں لیکن چونکہ وہاں پچھلی ڈیڑھ دہائی سے پاکستانی فوج اور بلوچ علیحدگی پسندوں کے درمیان مسلح تنازعہ چل رہا ہے اس لیے چھ سال پہلے وہ اپنے شوہر اور بچوں کے ساتھ گوادر منتقل ہو گئی تھیں۔ وہ کہتی ہیں کہ بچپن میں انہوں نے کبھی دوچ کو ایک پیشے کے طور پر اپنانے کا نہیں سوچا تھا لیکن وہ خوش ہیں کہ انہوں نے یہ کام سیکھ رکھا تھا کیونکہ اس کی بدولت انہیں نہ صرف مشکل حالات میں دوسروں کے سامنے ہاتھ نہیں پھیلانا پڑا بلکہ ان کی زندگی بھی پہلے سے بہتر گزر رہی ہے۔

انہی کی طرح گوادر ہی کی رہائشی 30 سالہ عابدہ بلوچ بھی دوچ کے فن سے فائدہ اٹھا کر اپنے چار بچوں کی پرورش کر رہی ہیں۔ ان کے شوہر نشے کے عادی ہیں اور کوئی کام نہیں کرتے لہٰذا وہ خود کڑھائی کر کے اپنے گھر کے اخراجات پورے کر رہی ہیں اور اپنے دو بڑے بچوں کو تعلیم بھی دلا رہی ہیں۔

گورنمنٹ گرلز ڈگری کالج گوادر میں فرسٹ ایئر پری میڈیکل کی 17 سالہ طالبہ بسمہ بلوچ بھی یہ کڑھائی کرتی رہتی ہیں۔ وہ کہتی ہیں کہ اس کام نے ان کے لیے اتنی مالی آسانیاں پیدا کر دی ہیں کہ اپنے تعلیمی اخراجات کے لیے انہیں اب اپنے خاندان پر انحصار نہیں کرنا پڑتا۔

گوادر اور اس کے گرونواح میں ایسی کہانیاں عام ہیں۔

دوچ بنانے والی خواتین کے حقوق کے تحفظ کے لیے کام کرنے والی 30 سالہ مقامی ٹیچر، انیلا یوسف، کہتی ہیں کہ وہ کئی ایسی خواتین سے واقف ہیں جنہوں نے آسیہ بی بی اور عابدہ بلوچ کی طرح دوچ کی کمائی سے معاشی خودکفالت حاصل کر لی ہے۔ ان کے مطابق &quot;ان میں سے کچھ نے تو اس فن کی مدد سے اپنے شوہروں اور اپنے بچوں کو اتنی اچھی تعلیم دلائی ہے کہ وہ ڈاکٹر اور اعلیٰ سرکاری افسر بن چکے ہیں&quot;۔

<h2>روایت سے روزگار تک</h2>

دوچ خواتین کے ملبوسات پر کی جانے والی ایک روایتی کڑھائی ہے جو قدیم زمانے سے بلوچستان میں مقبول ہے۔ اس کے بہت سے نام ہیں جو بلوچستان کی ثقافت، تاریخ، علاقوں اور شخصیات کی نمائندگی کرتے ہیں۔ ان میں سبزبات بلوچستان، نال و جالار، سرمچار قطار، عارف چادر، سسی پنوں، رندانی دیوان، کیچ چنال، اپسرا زید، گُل اور دود و ربیدگ خاص طور پر معروف ہیں۔

دوچ کی قیمت اس کے ڈیزائن اور کڑھائی کے معیار کی بنیاد پر طے ہوتی ہے اور تین ہزار روپے فی ملبوس سے لے کر دو لاکھ روپے فی ملبوس تک ہو سکتی ہے۔ اسی طرح اس پر خرچ ہونے والا وقت بھی اس کے ڈیزائن کی پیچیدگی پر منحصر ہوتا ہے۔ جہاں ایک سادہ ڈیزائن چند دن میں تیار ہو جاتا ہے وہیں ایک مشکل ڈیزائن کو مکمل کرنے میں کچھ مہینے بھی لگ سکتے ہیں۔

دوچ بنانے والی خواتین کو جب کوئی مشکل کام ملتا ہے تو وہ اسے آپس میں بانٹ لیتی ہیں کیونکہ ہر خاتون کو دوچ کے تمام ڈیزائن یا ایک ہی پیچیدہ ڈیزائن کے مختلف حصے بنانا نہیں آتے۔ اس کام میں وہ مرد بھی ان کا ہاتھ بٹاتے ہیں جو انہیں کپڑا، دھاگا اور دوسرا سامان لا کر دیتے ہیں اور پھر ان کے بنائے ہوئے دوچ کو بازار میں فروخت کرتے ہیں۔

اگرچہ کچھ بلوچ مرد خود بھی دوچ بنانا سیکھ رہے ہیں لیکن بنیادی طور پر اسے زنانہ ہنر ہی سمجھا جاتا ہے۔ اس کی ماہر خاتون کو دوچ گر کہا جاتا ہے۔ آسیہ بی بی کے مطابق &#39;&#39;ہمارے گھروں میں بچیاں ہوش سنبھالتے ہی اپنی ماؤں، بڑی بہنوں اور رشتہ دار خواتین سے دوچ بنانا سیکھنے لگتی ہیں۔ ابتدا میں انہیں چھوٹا اور آسان ڈیزائن سکھایا جاتا ہے&quot;۔ لیکن وہ کہتی ہیں کہ سب بچیوں میں سیکھنے کی صلاحیت یکساں نہیں ہوتی۔ &quot;بعض تو چند ہفتوں میں مشکل سے مشکل ڈیزائن سیکھ لیتی ہیں لیکن دوسروں کو اس میں کئی مہینے بلکہ سال بھی لگ جاتے ہیں&quot;۔

انیلہ یوسف، جو گوادر کی نواحی یونین کونسل پشکان کے گورنمنٹ ہائر سیکنڈری سکول میں پڑھاتی بھی ہیں، کہتی ہیں کہ روایتی بلوچ سماج میں خواتین کی زندگی عموماً ان کے گھر تک محدود رہتی ہے جہاں وہ فارغ اوقات میں دوچ جیسے کام کرنے لگتی ہیں۔ ان کے مطابق شروع میں لڑکیاں عام طور پر اس لیے دوچ بنانا شروع کرتی ہیں کہ وہ اپنی شادی کے لیے پیسے اکٹھے کر سکیں۔ لیکن &quot;بعد میں معاشی ضرورریات انہیں مجبور کر دیتی ہیں کہ وہ اس ہنر کو محض ایک مشغلے کے طور پر اختیار کرنے کے بجائے اسے روزگار کا مستقل ذریعہ بنا لیں&quot;۔

<h2>محنت زیادہ اجرت کم</h2>

دوچ گری کوئی آسان کام نہیں ہے۔ آسیہ بی بی اپنی انگلیاں دکھاتے ہوئی کہتی ہیں کہ &quot;میرے ہاتھوں میں اکثر سوئیاں چبھتی رہتی ہیں۔ کبھی کبھی تو نیند میں بھی خیال آتا ہے کہ انگلی میں سوئی چبھ گئی ہے اور اس میں سے خون نکل رہا ہے&quot;۔ ان کا یہ بھی کہنا ہے دوچ بنانا اتنا باریک کام ہے کہ اسے مسلسل کرتے رہنے سے &quot;خواتین کی بینائی بہت جلد کمزور ہو جاتی ہے&quot;۔

لیکن عابدہ بلوچ کو شکایت ہے کہ انہیں اتنے مشکل اور محنت طلب کام کا وہ معاوضہ نہیں ملتا جس کی وہ حق دار ہیں۔ بلکہ وہ کہتی ہیں کہ ان سے دوچ بنوانے والے کچھ لوگ یہ کہہ کر ان سے دوبارہ کڑھائی کا مطالبہ کرتے ہیں کہ ڈیزائن میں استعمال کیے گئے رنگ انہیں پسند نہیں آئے یا دوچ کا سائز ان کی خواہش کے مطابق نہیں۔ ان کے بقول، &quot;ان گاہکوں کی بات مان کر اگر ان کی پسند کی تبدیلیاں کر بھی دی جائیں تو وہ اس اضافی کام کا کوئی معاوضہ ادا نہیں کرتے&quot;۔

اسی وجہ سے وہ مقامی کے بجائے غیرملکی گاہکوں کے لیے کام کرنے کو ترجیح دیتی ہیں۔ اگرچہ ایران، اومان اور متحدہ امارات سے دوچ بنوانے والے لوگ انہیں وہی معاوضہ دیتے ہیں جو انہیں مقامی لوگوں سے ملتا ہے لیکن، ان کے مطابق، وہ انہیں بنا بنایا دوچ واپس بھیج کر اس میں تبدیلیاں نہیں کراتے۔

دوچ گر خواتین کو&nbsp; یہ شکایت بھی ہے کہ ملبوسات بیچنے والے بڑے بڑے برانڈ ان کے ڈیزائن چوری کر لیتے ہیں اور مشینوں کے ذریعے انہیں بڑی تعداد میں تیار کر کے کروڑوں روپے کما لیتے ہیں۔ انیلا یوسف کہتی ہیں چونکہ بلوچ خواتین کے پاس اپنے ڈیزائنوں کے مالکانہ حقوق نہیں ہوتے اس لیے وہ اس چوری کے خلاف کوئی قانونی کارروائی نہیں کر سکتیں۔

اگرچہ چند غیر سرکاری تنظیمیں مقامی طور پر اس پیشے سے وابستہ خواتین کے پیشہ وارانہ حقوق کے تحفظ کے لیے کام کر رہی ہیں لیکن ان کا کہنا ہے کہ یہ کام حکومتی سرپرستی کے بغیر ممکن نہیں۔ اس لیے وہ مطالبہ کرتی ہیں کہ حکومت ایسے اقدامات کرے جن کی مدد سے اس فن کو ایک باقاعدہ پیشے کے طور پر تسلیم کرانے، دوچ بنانے والی خواتین کا مالی استحصال روکنے اور انہیں کام ڈھونڈنے میں آسانیاں پیدا ہو سکیں۔

گوادر کے گرد باڑ لگا کر مقامی زمین پر قبضہ کرنے کی کوشش کی جا رہی ہے۔

گوادر کی دوچ گر خواتین: 'کبھی کبھی نیند میں خیال آتا ہے کہ انگلی میں سوئی چبھ گئی ہے اور اس میں سے خون نکل رہا ہے'۔

اپوزیشن کی متعدد سیاسی جماعتوں کے مقامی نمائندے گذشتہ روز گوادر شہر میں جمع ہوئے۔ اس اجتماع کے دوران انہوں نے گوادر کے گرد بنائی جانے والی باڑ کی شدید مخالفت کی، اسے مقامی زمین پر قبضہ کرنے کی کوشش قرار دیا اور کہا کہ مقامی لوگ اس کی تعمیر کو کبھی تسلیم نہیں کریں گے۔

لوہے کے ڈنڈوں اور خاردار تار سے بنی اس باڑ کی تعمیر کئی ہفتوں سے جاری ہے۔ لیکن نیوز میڈیا میں اس کا ذکر اس وقت آیا جب اس کی مخالفت کرنے والی جماعتوں، بلوچستان نیشنل پارٹی (مینگل)، نیشنل پارٹی، پاکستان پیپلز پارٹی، پاکستان مسلم لیگ نواز اور جمیعت علمائے اسلام (فضل)، نے رواں ماہ کے اوائل میں ضلع گوادر کی مختلف تحصیلوں میں اس کے بارے میں عوامی اجتماعات کرنا شروع کیے۔

اتوار (27 دسمبر 2020) &nbsp;کو ہونے والے اجتماع سے بھی جمیعت علمائے اسلام (فضل) کے ضلعی امیر عبدالحمید انقلابی، بلوچستان نیشنل پارٹی (مینگل) کے ضلعی صدر کہدہ علی، نیشنل پارٹی کے ضلعی صدر فیض نگوری، پاکستان پیپلز پارٹی مکران ڈویژن کے سیکرٹری اطلاعات یوسف فریادی اور پاکستان مسلم لیگ نواز کے ضلعی صدر عثمان کلمتی سمیت کئی سیاسی اور سماجی تنظیموں سے وابستہ افراد نے خطاب کیا۔ ان جماعتوں اور تنظیموں نے اس اجتماع میں مقامی شہریوں کی شرکت یقینی بنانے کے لئے کافی کوشش کی۔ شہر بھر میں اس کے بارے میں پمفلٹ تقسیم کیے گئے اور لاؤڈ سپیکر پر اعلانات بھی کیے گئے۔ تاہم اس میں لوگوں کی شرکت منتظمین کی توقع سے کافی کم رہی۔

باڑ کی مخالف جماعتوں اور تنظیموں کا موقف ہے کہ اس کی تعمیر سے گوادر شہر گوادر ضلع کے باقی علاقوں سے کٹ جائے گا اور اس میں آنے جانے کے لئے چند مخصوص راستے ہی باقی رہ جائیں گے جنہیں ضرورت پڑنے پر بند بھی کیا جا سکے گا جس سے مقامی لوگوں کا آزادانہ طور پر نقل و حرکت کرنے کا ائینی حق متاثر ہو گا۔

ان خدشات کا ایک اہم سبب گوادر کا جغرافیہ ہے۔

یہ شہر ایک جزیرہ نما پر واقع ہے جس کے مشرق، مغرب اور جنوب میں سمندر ہے جبکہ شمال میں خشکی ہے۔ متنازعہ باڑ شہر کے مشرق میں مکران کوسٹل ہائی وے کے قریب واقع کوہِ مہدی سے شروع ہوتی ہے اور لگ بھگ 24 کلومیٹر مغرب میں پشکان چیک پوسٹ پر ختم ہوتی ہے جہاں گوادر کی میرین ڈرائیو اور پشکان کی جانب جانے والی سڑک آپس میں ملتے ہیں۔

گوادر کی انتظامیہ کا کہنا ہے کہ باڑ صرف کھلے مقامات پر سکیورٹی خدشات کی وجہ سے لگائی جارہی ہے اور اس کا مقصد شہر میں آنے جانے والے راستوں کو بند کرنا نہیں۔گوادر کی انتظامیہ کا کہنا ہے کہ باڑ صرف کھلے مقامات پر سکیورٹی خدشات کی وجہ سے لگائی جارہی ہے اور اس کا مقصد شہر میں آنے جانے والے راستوں کو بند کرنا نہیں۔

باڑ کی تعمیر مکمل ہونے کے بعد گوادر میں آنے جانے کے لئے صرف دو راستے رہ جائیں گے۔ ان میں سے ایک مکران کوسٹل ہائی وے ہے جو شہر کو ایک طرف کراچی سے ملاتی ہے اور دوسری طرف کوئٹہ اور تربت سے۔ دوسرا راستہ جنوب میں پشکان سے ہوتا ہوا ایرانی سرحد پر واقع علاقے جیونی تک جاتا ہے۔

گوادر کے بیشتر شہری بھی باڑ کے بارے میں کئی خدشات کا شکار ہیں۔ اس موضوع پر بات کرتے ہوئے ان میں سے اکثر کا کہنا ہے کہ انہیں پہلے ہی سے اس کے بننے کا ڈر تھا۔ اب انہیں یہ خطرہ ہے کہ اس کی تعمیر مکمل ہونے کے بعد گوادر کی مقامی آبادی کو کہیں شہر سے نکال باہر ہی نہ کیا جائے۔

دوسری طرف گوادر کے ڈپٹی کمشنر میجر (ریٹائرڈ) کبیر زرکون نے گزشتہ دنوں گوادر میں ایک عوامی اجتماع کے دوران کہا کہ باڑ کے متعلق یہ بات غلط فہمی پر مبنی ہے کہ اس کا مقصد شہر کو اس کے ارد گرد کے علاقوں سے الگ تھلگ کرنا ہے۔ ان کا کہنا تھا کہ باڑ صرف کھلے مقامات پر سکیورٹی خدشات کی وجہ سے لگائی جارہی ہے لیکن اس کا مقصد شہر میں آنے جانے والے راستوں کو بند کرنا نہیں۔

اسی طرح گوادر سے تعلق رکھنے والے سینئٹر کہدہ بابر بلوچ، جن کا تعلق بلوچستان کی حکمران جماعت بلوچستان عوامی پارٹی سے ہے، &nbsp;باڑ لگانے کی مکمل حمایت کرتے ہیں اور شہر کی حفاظت یقینی بنانے کے لئے اس کی تعمیر کو لازمی قرار دیتے ہیں۔

گوادر چیمبر آف کامرس کے صدر اور 2018 میں بنائی گئی نگران حکومت میں صوبائی وزیر کے طور پر کام کرنے والے میر نوید کلمتی بھی باڑ لگانے کے حق میں ہیں۔ ان کے مطابق شہر میں سرمایہ کاری بڑھانے کے لئے سرمایہ کاروں کے سکیورٹی سے متعلق خدشات دور کرنا ہونگے جس کے لئے باڑ لگانا ضروری ہے۔

<h2>دعویٰ، جواب دعویٰ</h2>

کبیر زرکون کا یہ بھی کہنا ہے کہ باڑ کی تعمیر گوادر کے ماسٹر پلان کا حصہ ہے۔ اسی طرح بلوچستان کی صوبائی انتظامیہ کا دعویٰ ہے کہ اس کی تعمیر گوادر سیف سٹی پراجیکٹ کے تحت کی جا رہی ہے جو 2000 کی دہائی میں منظور کیا گیا تھا۔

لیکن گوادر پریس کلب کے صدر اسماعیل صابرکہتے ہیں کہ گوادر کا &nbsp;کوئی ایک ماسٹر پلان نہیں بلکہ اب تک اس کے تین ماسٹر پلان بن چکے ہیں اور ان سب کا مسئلہ یہ ہے کہ ان میں سے کسی ایک میں بھی مقامی سیاسی قیادت اور منتخب نمائندوں کی رضامندی شامل نہیں تھی۔

اسماٰعیل صابر اس ضمن میں بابو گلاب کا ذکر کرتے ہیں جو 2003 سے لے کر 2008 تک گوادر کی ضلعی حکومت کے سربراہ رہے۔ وہ کہتے ہیں کہ &#39;بابو گلاب دو دفعہ مختلف معاہدوں پر دستخط کرنے کے لئے چین گئے۔ میں نے ان سے کئی مرتبہ پوچھا کہ ان معاہدات میں کون کون سے نکات شامل تھے مگر انھوں نے کبھی بھی اس کے بارے میں کھل کر بات نہیں کی&#39;۔

بابو گلاب اِس وقت صوبائی حکمران جماعت پلوچستان عوامی پارٹی کا حصہ ہیں لیکن 2000 کی دہائی میں ان کا تعلق نیشنل پارٹی سے تھا جو 2013 سے لیکر 2018 تک صوبائی حکومت میں بھی شامل رہی ہے۔ اس پارٹی کے ضلعی صدر فیض نگوری کا کہنا ہے کہ اگر سیف سٹی پراجیکٹ میں حفاظتی باڑ کی تعمیر شامل تھی بھی تو بابو گلاب نے کبھی نیشنل پارٹی سے اس کا ذکر نہیں کیا۔ 
 
تاہم بلوچستان نیشنل پارٹی (مینگل) کے ضلعی صدر کہدہ علی باڑ کی تعمیر کی ذمہ داری بلوچستان کی موجودہ صوبائی حکومت پر ڈالتے ہیں اور کہتے ہیں یہ حکومت گوادر کو وفاق کے حوالے کر رہی ہے اور مقامی لوگوں اور مقامی سیاسی نمائندگان کو اس پورے عمل سے لاعلم رکھا جا رہا ہے۔ ان کا دعویٰ ہے کہ &#39;باڑ لگانے کا عمل ایک سازش ہے جس کا مقصد گوادر کو بلوچستان سے الگ کرنا ہے&#39;۔

یہ رپورٹ لوک سجاگ نے پہلی&nbsp;دفعہ 14 جنوری 2021&nbsp;کو اپنی پرانی ویب سائٹ پر شائع کی تھی۔

سومار بلوچ کے گھر میں بارش کا اتنا پانی جمع ہوا کہ اس کی چار دیواری کا ایک حصہ ہی نیچے آ گرا۔ وہ اس کے گرنے کی ذمہ داری حکومتی اداروں پر ڈالتے ہیں جو، ان کے مطابق، ان کے گھر سے بارشی پانی بروقت نہیں نکال سکے۔&nbsp;

وہ جنوبی بلوچستان کے ساحلی شہر گوادر کے محلہ گھٹی ڈھور میں رہتے ہیں اور کہتے ہیں کہ 4 جنوری 2022 کی رات شروع ہونے والی بارش کا پانی ان کے گھر کے اندر جمع ہو کر چاردیواری کی بنیادوں میں رِستا رہا کیونکہ حکومت اس کے اخراج کے بند راستے فوری طور پر کھولنے میں ناکام رہی۔&nbsp;

اب اگرچہ بارش کو ختم ہوئے کئی روز گزر چکے ہیں لیکن 45 سالہ سومار بلوچ ابھی تک دیوار کو دوبارہ نہیں بنوا سکے۔ وہ کہتے ہیں کہ ان کے پاس اس کام کے لیے درکار رقم موجود نہیں کیونکہ وہ بھیڑ بکریاں بیچ کر مشکل سے روزی روٹی کماتے ہیں۔ چنانچہ ان کا کہنا ہے کہ &quot;میں ابھی تک انتظار میں ہوں کہ کب حکومت کی طرف سے مجھے کوئی مالی امداد فراہم کی جائے گی&quot;۔

فراز بلوچ نامی ایک نوجوان گوادری ماہی گیر بھی اسی مسئلے سے دوچار ہیں۔ ان کا کہنا ہے کہ ان کے گھر کی چاردیواری بھی جنوری کے پہلے ہفتے میں ہونے والی بارشوں میں گر گئی کیونکہ سرکاری ادارے ان کے محلے میں جمع ہونے والا بارشی پانی فوری طور پر باہر نہیں نکال سکے تھے۔ لیکن سومار بلوچ کی طرح انہیں بھی شکایت ہے کہ ابھی تک حکومت نے انہیں &quot;کوئی مالی مدد فراہم نہیں کی&quot;۔&nbsp;

حقیقت یہ ہے کہ اس طرح کی شکایات ضلع گوادر کے طول و عرض میں عام ہیں۔ حال ہی میں &#39;گوادر کو حق دو&#39; نامی عوامی تحریک کے پلیٹ فارم سے ہونے والے احتجاجی مظاہروں کی قیادت کرنے والی بزرگ خاتون، ماسی زینب، ان شکایات کی وجہ بیان کرتے ہوئے کہتی ہیں کہ &quot;جب شہر میں پانی کی نکاسی کا کوئی نظام نہیں ہوگا تو بارشی پانی لوگوں کے گھروں میں ہی تو جمع ہوگا&quot;۔&nbsp;

تاہم حکومتی اہلکار کہتے ہیں کہ بارش کی شدت ان کے لیے اتنی غیر متوقع تھی کہ وہ اس سے بچاؤ کے لیے خاطرخواہ انتظامات نہیں کر سکے۔ گوادر کے چیف میونسپل آفیسر افضل شہزادہ نے 18 جنوری 2022 کو گوادر پریس کلب میں صحافیوں سے گفتگو کرتے ہوئے یہی نکتہِ نظر اختیار کیا اور کہا کہ &quot;میرے گمان میں بھی نہیں تھا کہ اتنے بڑے پیمانے پر بارشیں ہوں گی&quot;۔&nbsp;

صوبائی محکمہِ موسمیات کے اعدادوشمار ظاہر کرتے ہیں کہ اس سال جنوری کے شروع میں ہونے والی بارشیں واقعی غیر معمولی طور پر شدید تھیں۔ ان کے مطابق ضلع گوادر کی تحصیل پسنی میں ان دنوں میں ایک سو 15 ملی میٹر بارش ریکارڈ کی گئی جبکہ تحصیل گوادر میں 64 ملی میٹر اور تحصیل اوڑماڑہ میں 60 ملی میٹر بارش ہوئی۔ اس کے برعکس پچھلے کئی سالوں کے سرکاری حساب کتاب کے مطابق جنوری کے پورے مہینے میں ضلع گوادر میں اوسطاً صرف 25.9 ملی میٹر بارش پڑنی چاہیے۔

<h2>اداروں کی &#39;نااہلی&#39;</h2>

گوادر کی ضلعی انتظامیہ نے حال ہی میں ایک رپورٹ جاری کی ہے جس میں کہا گیا ہے کہ بارش سے ضلعے کے 47 مختلف مقامات پر سات سو چھ مکانات متاثر ہوئے ہیں جن میں تین ہزار ایک سو 60 افراد رہتے تھے۔ اس رپورٹ کا یہ بھی کہنا ہے کہ بارش کے پیدا کردہ سیلاب کی وجہ سے کئی مقامات پر ندی نالوں کے گرد بنائے گئے حفاظتی بند بہہ گئے اور پانی کے ریلوں کی زد میں آ کر کئی رابطہ سڑکیں ٹوٹ پھوٹ گئیں۔

ان قدرتی آفات نے پسنی تحصیل کو سب سے زیادہ نقصان پہنچایا ہے۔ بارش کے دوران اور اس کے بعد وہاں کے 21 دیہات کا باقی دنیا سے زمینی رابطہ کئی دن منقطع رہا حتیٰ کہ وہاں پھنسے ہوئے لوگوں کو فوجی ہیلی کاپٹروں کے ذریعے راشن، کمبل، پانی اور دیگر ضروری اشیا پہنچانا پڑیں۔&nbsp;

حکومتی اہلکاروں کا کہنا ہے کہ عسکری اداروں سمیت کئی سرکاری محکمے مل کر بارش کے متاثرین کی مدد کرنے میں لگے ہوئے ہیں۔ بلوچستان کی صوبائی حکومت نے گوادر اور پسنی تحصیلوں کو آفت زدہ قرار دے کر وہاں سرکاری محصولات اور سرکاری قرضوں کی وصولی بھی روک دی ہے۔ &nbsp;

تاہم گوادر شہر کی حد تک ماسی زینب اس صورتِ حال کی ذمہ داری ترقیاتی منصوبوں پر ڈالتی ہیں۔ ان کا کہنا ہے کہ &quot;بارشوں نے لوگوں کو اتنا نقصان نہیں پہنچایا جتنا گوادر ڈویلپمنٹ اتھارٹی اور دوسرے حکومتی اداروں کی طرف سے تعمیر کیے جانے والے مختلف ترقیاتی منصوبوں نے پہنچایا ہے&quot;۔ وہ تو یہاں تک کہتی ہیں کہ یہ ادارے ان منصوبوں کو مقامی لوگوں کے لیے &quot;قبرستان بنانا چاہتے ہیں&quot;۔&nbsp;

اپنی بات کی وضاحت کرتے ہوئے وہ کہتی ہیں کہ ماضی میں بھی گوادر میں بڑی موسلادھار بارشیں ہو چکی ہیں لیکن وہ شہریوں کے لیے وبالِ جان نہیں بنیں کیونکہ اس وقت شہر میں بڑی بڑی سرکاری تنصیبات اور ان سے منسلک سڑکوں جیسی تعمیرات نہ ہونے کے برابر تھیں۔ وہ گوادر کی بین الاقوامی بندرگاہ اور فش ہاربر کا حوالہ دیتے ہوئے کہتی ہیں کہ &quot;آج جن جگہوں پر یہ تعمیرات کھڑی ہیں وہ ماضی میں بارشی پانی کی سمندر میں نکاسی کے لیے استعمال ہوتے تھے&quot;۔&nbsp;

گوادر کے معروف سماجی کارکن کے بی فراق بھی سمجھتے ہیں کہ ان منصوبوں کا مقصد مقامی لوگوں کی ترقی نہیں بلکہ انہیں &quot;اس قدر تنگ کرنا ہے کہ وہ گوادر چھوڑ کر کہیں اور چلے جائیں تاکہ حکومت سارے شہر میں تجارتی تعمیرات کر سکے&quot;۔

ان کی عمر 45 سال ہے اور وہ اپنے بچپن کے زمانے کو یاد کرتے ہوئے کہتے ہیں کہ اُن دنوں گوادر میں چار مختلف جگہوں پر ایسی آبی گزرگاہیں بنائی گئی تھیں جن کے ذریعے شہر کے مختلف حصوں میں پڑنے والی بارش کا پانی خود بخود سمندر میں چلا جاتا تھا۔ لیکن، ان کے مطابق، &quot;اب صورتِ حال یہ ہے کہ ہاربر روڈ اور فش ہاربر کی دیوار کی تعمیر کے نتیجے میں ان چاروں مقامات کو مکمل طور بند کر دیا گیا ہے&quot;۔ &nbsp;

ان کے خیال میں ان مسائل کی ایک اہم وجہ گوادر ڈویلپمنٹ اتھارٹی کے حکام کی &quot;نااہلی&quot; ہے۔ ان کا کہنا ہے کہ اس اتھارٹی کے اکاؤنٹ میں اربوں روپے کے فنڈ تو موجود ہیں لیکن &quot;اس کے پاس نہ تو اچھے منصوبہ ساز ہیں اور نہ ہی زمینی حقائق سے واقفیت رکھنے والی قیادت&quot;۔ وہ حال ہی میں اس کی طرف سے شہر کے کئی حصوں میں تعمیر کیے گئے نئے سیوریج سسٹم کو اپنی بات کے ثبوت کے طور پر پیش کرتے ہیں اور کہتے ہیں کہ &quot;بارشوں میں یہ سسٹم مکمل طور پر ناکام ہو گیا&quot;۔&nbsp;

ان کے مطابق اس سسٹم کی موجودگی کے باوجود &quot;بارشی پانی کی نکاسی کے لیے فش ہاربر کی دیوار کو دو جگہ سے توڑنا پڑا اور کئی دوسری جگہوں سے پمپ لگا کر پانی نکالنا پڑا&quot;۔&nbsp;

<h2>کیا منتخب نمائندے گوادر کے مسائل حل کر سکتے ہیں؟&nbsp;</h2>

گوادر کے چیف میونسپل آفیسر افضل شہزادہ کے مطابق ان مسائل کی وجہ یہ ہے کہ مقامی حکومتی اداروں کے پاس قدرتی آفات سے نمٹنے کے لیے درکار انسانی، مالی اور تکنیکی وسائل موجود نہیں۔

مقامی صحافیوں سے بات چیت کرتے ہوئے انہوں نے خبردار کیا کہ مستقبل میں یہ مسائل اور بھی شدت اختیار کر سکتے ہیں کیونکہ &quot;گوادر کی آبادی تیزی سے بڑھ رہی ہے&quot; لیکن گوادر میونسپل کمیٹی کو ایسے مالی وسائل فراہم ہی نہیں کیے جا رہے جنہیں استعمال کر کے وہ &quot;شہر کو صاف ستھرا رکھنے کے لیے درکار عملہ بھرتی کر سکے اور کوڑے کرکٹ کی تلفی کے لیے جدید مشینری خرید سکے&quot;۔ &nbsp;

انہوں نے یہ انکشاف بھی کیا کہ صوبائی حکومت نے کمیٹی کو گزشتہ آٹھ مہینوں سے سرے سے کوئی رقم نہیں دی &quot;جس کی وجہ سے ہمیں ملازمین کی تنخواہوں کی ادائیگی کے علاوہ شہری مسائل کو حل کرنے میں بھی مشکلات پیش آ رہی ہیں&quot;۔

کے بی فراق جیسے مقامی مبصرین افضل شہزادہ سے متفق ہیں کہ میونسپل کمیٹی کے پاس شہر کے ترقیاتی مسائل کو حل کرنے کے لیے پیسے نہیں لیکن وہ اس بات کی نشان دہی بھی کرتے ہیں کہ اس وقت اس میں ایسے منتخب نمائندے بھی موجود نہیں جنہیں شہری مسائل کے حل میں ناکامی پر عوامی ردِ عمل کا خوف ہو۔ اس کے آخری انتخابات 2015 میں ہوئے تھے جن میں منتخب ہونے والے نمائندوں کے عہدوں کی مدت 2019 میں ختم ہو گئی جبکہ مخلتف سیاسی اور انتظامی وجوہات کی بنا پر اس کے نئے انتخابات ابھی تک نہیں ہو سکے۔ نتیجتاً کمیٹی کا انتظام و انصرام مکمل طور پر افسرشاہی کے ہاتھ میں ہے۔

تاہم ان مقامی مبصرین کا یہ بھی کہنا ہے کہ گوادر کے مجموعی انتظامی ڈھانچے میں بہر طور منتخب اداروں کے بجائے غیرمنتخب اداروں کو زیادہ اہمیت حاصل ہے۔ اس ضمن میں گوادر ڈویلپمنٹ اتھارٹی کی مثال دیتے ہوئے وہ کہتے ہیں کہ اس کے پاس گوادر میونسپل کمیٹی سے کہیں زیادہ اختیارات اور مالی وسائل موجود ہیں لیکن بنیادی طور پر یہ اتھارٹی صوبائی حکومت کا ادارہ ہے جس کے اہل کار مقامی لوگوں کو جواب دہ ہونے کے بجائے براہِ راست صوبائی کابینہ اور وزیرِ اعلیٰ کے ماتحت کام کرتے ہیں۔&nbsp;

شاید اسی لیے گوادر کے شہریوں کو اس سے ہمیشہ بہت شکایات رہتی ہیں جن کا اظہار انہوں نے 14 جنوری 2022 کو منعقد کی گئی ایک کھلی کچہری میں بھی کیا۔ اس موقع پر موجود مقامی لوگوں نے اتھارٹی کے مختلف ترقیاتی منصوبوں پر شدید تنقید کی اور اسے ان کی بہتری کے لیے بہت سے مشورے بھی دیے۔

ان کا خاص طور پر کہنا تھا کہ شہر میں بنایا گیا سیوریج سسٹم نکاسیِ آب کی ضروریات کو پورا نہیں کرتا۔ ان کا یہ بھی کہنا تھا کہ کئی دیگر ترقیاتی منصوبے مقامی لوگوں کی زندگیاں بہتر بنانے کے بجائے ان میں دشواریاں پیدا کرنے کا سبب بن رہے ہیں۔&nbsp;

تاہم اتھارٹی کے ڈائرکٹرجنرل مجیب الرحمن قمبرانی نے کھلی کچہری کے شرکا کو یقین دلایا کہ ان کی تنقید اور تجاویز کی روشنی میں نہ صرف سیورج لائن کی بہتری کے لیے کام کیا جائے گا بلکہ دیگر ترقیاتی کاموں کے نقائص بھی دور کیے جائیں گے۔&nbsp;

جاوید بلوچ

جاوید بلوچ کا تعلق گوادر بلوچستان سے اور وہ صحافت کے طالب علم ہیں۔