Cases of honor killings are alarmingly increasing in Swat, Khyber Pakhtunkhwa. Explore the reasons behind this surge and how loopholes in the justice system allow accused individuals to evade

Rising Honor Killings in Swat: Why Do Accused Escape Punishment?

بوری بند لاش ملنے کے اگلے روز یعنی 17 اکتوبر کو ضلعے میں دو مزید خواتین قتل کر دی گئیں۔

پولیس رپورٹس کے مطابق تحصیل کبل کے تھانہ توتانو بانڈز کے حدود میں سسر نے بہو کو ذبح کر دیا جبکہ تحصیل بریکوٹ کے علاقے نویکلے کوٹہ میں مبینہ طور پر شوہر نے بیوی کو گھریلو ناچاقی پر قتل کردیا۔

ان واقعات سے قبل 10 اکتوبر کو تھانہ مینگورہ کے علاقے ملوک آباد میں مبینہ طور پر شوہر نے خاتون کو فائرنگ کر کے ہلاک کر دیا جس کی 16 سال پہلے شادی ہوئی تھی۔

&nbsp;اس کے علاوہ 12 اکتوبر کو تھانہ منگلور کی حدود میں ایک بچی کی ماں کو ذبح کرکے کھائی میں پھینک دیا گیا تھا جس کے الزام میں پولیس نے بعد ازاں مقتولہ کے دو بھائیوں، شوہر اور دیور کو گرفتار کیا۔

پولیس نے بوری بند لاش کا معاملہ چند ہی روز میں حل ہو جانے کا دعویٰ کیا اور ایف آئی آر میں بھی ملزمان کو نامزد کر دیا۔

اس کیس میں پولیس نے تین ملزمان کو گرفتار کر کے عدالت میں پیش کیا جن میں مقتولہ کا سسر، دیور اور ساس شامل تھے۔ تاہم عدالت نے دو ملزموں کو مقدمے سے ڈسچارج کردیا جبکہ ایک ملزم سوداگر (سسر) کو جوڈیشل پر جیل بھجوا دیا۔

ایک ہفتے کے دوران قتل کے پانچ واقعات ضلعے میں خواتین کے خلاف جرائم میں تشویش ناک اضافے کو ظاہر کرتے ہیں جن کی وجوہات پولیس نے &#39;غیرت &#39; اور گھریلو ناچاقی بتائی ہیں۔

سوات میں خواتین کی حقوق کے لیے کام کرنے والی سماجی تنظیم &#39;دی اویکنگ&#39; یہاں پچھلے آٹھ برسوں سے خواتین کے خلاف تشدد اور ان کے قتل کا ڈیٹا جمع کر رہی ہے۔

اس تنظیم کے ایگزیکٹیو ڈائریکٹر عرفان حسین بابک بتاتے ہیں کہ ضلعے میں 2022ء کے دوران 16 خواتین ہلاک یا قتل ہوئیں اور 2023ء میں یہ تعداد 32 تک پہنچ گئی۔ رواں سال جنوری سے 21 اکتوبر تک 49 خواتین کی ہلاکتیں رپورٹ ہو چکی ہیں جن میں غیرت سمیت مختلف بہانوں سے ہونے والے قتل اور خودکشیاں شامل ہیں۔

&nbsp;وہ کہتے ہیں کہ خواتین پر تشدد اور قتل کے اسباب مختلف ہوتے ہیں۔ ان کے مطابق گھریلو تنازعات، زبردستی کی شادیاں اور جبری ازدواجی تعلقات میاں بیوی میں اختلافات کا باعث بنتے ہیں جہاں سے بات مار پیٹ اور قتل تک پہنچ جاتی ہے۔

&quot;ہم نے یہ بھی دیکھا ہے کہ جو خواتین اپنے شوہروں کے ساتھ زندگی نہیں گزارنا چاہتیں وہ جب خلع کے لیے عدالت سے رجوع کرتی ہیں تو انہیں اکثر اوقات شوہر یا بھائی غیرت کے نام پر قتل کردیتے ہیں۔&quot;

ان کا کہنا ہے کہ خودکشیوں کے واقعات میں زیادہ تر ہلاکتیں جواں سال لڑکیوں کی ہوتی ہیں۔ بیشتر بچیاں تعلیم حاصل کرنا چاہتی ہیں اور شادی کے لیے رضامند نہیں ہوتیں۔ جب ان پر زور زبردستی کی جاتی تو وہ خوکشی کر لیتی ہیں۔

عرفان بابک نے تشویش کا اظہار کرتے ہوئے بتایا کہ سوات میں خواتین کے خلاف تشدد میں روز بروز اضافہ ہوتا جارہا ہے۔

&quot;ہمارے پاس ایسے کیسسز بھی رپورٹ ہوتے ہیں جن میں خواتین کو قتل کر کے واقعے کو خودکشی کا نام دے دیا جاتا ہے۔ تاہم دیکھا یہ گیا ہے کہ قتل کو خود کشی کا رنگ دیا گیا ہو یا کوئی کچھ اور، دونوں صورتوں میں کمزور انویسٹی گیشن کے باعث زیادہ تر ملزم بری ہوجاتے ہیں۔&quot;

سونیا اعجاز، ضلع سوات میں شعبہ وکالت سے منسلک ہیں جو کئی سالوں سے &#39;دی اویکنگ&#39; میں بطور لیگل ایڈ آفسیر خدمات انجام دے رہی ہیں۔

وہ بھی اتفاق کرتی ہیں کہ یہاں غیرت کے نام پر قتل کی شرح بہت زیادہ ہے۔ عام طور پر پسند کی شادی کی خواہش کے اظہار پر لڑکیوں کو قتل کر کے خودکشی قرار دے دیا جاتا ہے۔

&quot;ہمارے ہاں بعض اوقات وراثتی جائیداد اور خلع جیسے شریعی حقوق مانگنے پر بھی خواتین کو غیرت کے نام پر قتل کر دیا جاتا ہے۔ لیکن بدقسمتی سے عدالتوں میں 93 فیصد کیسز میں مجرم بری ہوجاتے ہیں جس کی بڑی وجوہ ناقص تفتیش اور پراسیکیوشن کا صحیح طریقے سے شواہد پیش نہ کرنا ہیں۔&quot;

قائم مقام ضلعی پولیس آفیسر سوات بادشاہ حضرت بتاتے ہیں کہ اکثر جرائم کے پیچھے تین بنیادی عوامل یعنی زر (پیسہ)، زن (عورت) اور زمین ہوتے ہیں۔ تاہم سوات کی آبادی اب 28 لاکھ سے تجاوز کر چکی ہے اور یہاں مختلف علاقوں سے لوگ آکر آباد ہو رہے ہیں۔

&quot;جیسے جیسے آبادی، سیاحت اور کاروبار میں اضافہ ہو رہا ہے جرائم کی نوعیت بھی بدل رہی ہے۔ ہر واردات کے پیچھے محرکات مختلف ہوتے ہیں تاہم تمام قتل کیسوں کو کامیابی کے ساتھ حل کیا گیا ہے اور ملزم بھی گرفتار ہوئے ہیں۔&quot;

وہ کہتے ہیں کہ پولیس جرائم کی روک تھام کے لیے مسلسل کوشش کر رہی ہے۔ سماجی مسائل اور معاشی مشکلات اکثر جرائم کا سبب بنتے ہیں جن کے تدارک کے لیے مختلف سماجی تنظیموں کے تعاون سے بھی مختلف اقدامات کیے جا رہے ہیں۔

سوات کے رہائشی شوکت سلیم خان ایڈوکیٹ انسانی حقوق کے کمیشن کی کور کمیٹی کے رکن ہیں۔ وہ سمجھتے ہیں کہ خواتین کے خلاف تشدد میں اضافے کی وجہ &#39;ناقص نظام انصاف&#39; ہے جہاں تفتیشی عملے میں تربیت کی کمی، وسائل کا فقدان، جنسی امتیاز اور انصاف میں تاخیر جیسے بڑے مسائل درپیش ہیں۔

وہ کہتے ہیں کہ لوگ تھانے میں رپورٹ درج کرانے، عدالت آنے، وکیل کرنے اور شہادت دینے سے بھی گھبراتے ہیں جبکہ خواتین کے قتل کیسز میں اکثر انصاف نہیں مل پاتا۔ مرد کی سماجی طاقت اس نا انصافی کا سبب بنتی ہے جس پر قابو پانے کی ضرورت ہے۔

&quot;ہمارے ہاں غیرت کے نام پر قتل کے خلاف قوانین تو بن چکے ہیں لیکن ان پر پوری طرح عملدرآمد کم ہی دکھائی دیتا ہے۔&quot;

"قاتلوں کو علم ہوتا ہے کہ وہ بچ جائیں گے": سوات میں ساڑھے تین برس میں 34 افراد غیرت کے نام پر قتل

ضلع سوات کی تحصیل مٹہ کے علاقے شیر پلم میں 16 اکتوبر کو ایک بوری بند لاش ملی۔ پولیس کے مطابق یہ لاش 22/23 سالہ نامعلوم خاتون کی تھی جسے تیز دھار آلے سے قتل کر کے یہاں قبرستان کے قریب سڑک کنارے پھینک دیا گیا تھا۔

تھانہ شکردرہ کی ابتدائی اطلاعاتی رپورٹ(ایف آئی آر) کے مطابق بوری میں خاتون کی لاش کو زرد دوپٹے اور سرخ پھولدار چارد میں لپیٹا گیا تھا جبکہ گلے و گردن پر زخموں اور خراشوں کے نشانات تھے۔

پولیس نے فنگرپرنٹس لینے کے بعد لاش پوسٹمارٹم کے لیے بھجوا دی اور لاش کی شناخت کے لیے جہاں مختلف تھانے کو اطلاع دی وہاں سوشل میڈیا کا بھی سہارا لیا۔

خاتون کی شناخت نہ ہونے پر لاش کو میونسپل کمیٹی کی مدد سے نماز جنازہ کے بعد امانتاً سپرد خاک کر دیا گیا اور پولیس نے کیس کی تفتیش شروع کر دی۔

<h2>ایک ہفتے میں پانچ خواتین کا قتل</h2>

سوشل میڈیا پر بوری بند لاش کی خبر وائرل ہونے سے ضلع بھر میں تشویش کی لہر دوڑ گئی۔ یہ اسی ہفتے کے دوران یکے بعد دیگرے قتل ہونے والی تیسری خاتون تھیں لیکن معاملہ یہیں پر نہیں رکا۔

سوات میں غیرت کے نام پر قتل کے روز بروز بڑھتے واقعات، آخر وجہ کیا ہے؟

text

خیبر پختونخوا کا ضلع سوات موسمیاتی تبدیلیوں سے انتہائی متاثر ہوا ہے، خصوصاً سوات کے بالائی علاقے جہاں سال 2010ء اور 2022ء میں بہت زیادہ نقصانات ہوئے۔ کالام کے قریب واقع مٹلتان کے رہائشی ملک فرید اللہ بھی دیگر لوگوں کی طرح اپنے خاندان سمیت عارضی نقل مکانی پر مجبور ہو گئے تھے۔

ملک فرید اللہ کہتے ہیں کہ 2010ء جیسا سیلاب پہلے نہیں دیکھا، اس میں مٹلتان، پلوگاہ اور آس پاس کے علاقوں کے 200 سے زائد تک گھر سیلاب میں بہہ گئے تھے، جس کے باعث لوگ ہجرت کرکے دیگر علاقوں میں آباد ہو گئے تھے، پھر چند سال بعد دوبارہ اپنے علاقوں میں واپس آ گئے۔

&quot;ابھی ہم 2010ء کے سیلاب کے اثرات سے بمشکل سنبھلے ہی تھےکہ 2022ء میں دوبارہ سیلاب آ گیا اور ایک بار پھر گھر، مال ومتاع، مال مویشی، زمین اور کھیت سیلاب میں بہہ گئے۔ اس بار انتہائی بڑا مسئلہ نقل مکانی کا تھا کیونکہ سڑکیں سیلاب کے وجہ سے بہہ گئی تھیں اور راستے انتہائی خراب تھے، ہم نے بڑی مشکل سے نقل مکانی کی۔ پہلے سیلاب میں مال مویشی بہہ گئے پھر&nbsp; دوسرے سیلاب کے دنوں میں کھیتوں میں چارہ نہ ہونے&nbsp; یا بیمار ہونے کی وجہ سے بھی بھیڑ بکریاں مر گئی تھیں&quot;۔

<h2>سال 2010ء کا سیلاب</h2>

2010ء میں ہائیڈرالوجی ایریگیشن سے معلومات تک رسائی کے قانون کے تحت حاصل کی گئی معلومات کے مطابق خوازہ خیلہ کے مقام پر دریائے سوات میں سیلابی پانی کی مقدار&nbsp; ایک&nbsp; لاکھ 75 ہزار 546 کیوسک ریکارڈ کی گئی تھی جبکہ پاکستان میٹریالوجیکل ڈیپارٹمنٹ کے مطابق سیلاب کا باعث بننے والے بارش (27 جولائی 2010ء سے 30 جولائی 2010ء کے درمیان) سیدوشریف، سوات&nbsp; میں 338 ملی میٹر ریکارڈ کی گئی تھی۔ اس سیلاب سے سوات کے تحصیل بحرین کے علاقے میں سڑکیں، انفراسٹرکچر تباہ ہو گیا تھا۔

<h2>سال 2022ء میں سیلاب سے کتنا نقصان ہوا تھا ؟</h2>

ضلع سوات کی تاریخ کا سب سے بڑا سیلاب 2022ء میں آیا، جس میں سیلابی پانی کی مقدار دو لاکھ 46 ہزار 392 کیوسک ریکارڈ کی گئی۔

سوات کے ایڈیشنل ڈپٹی کمشنر ریلیف اینڈ ہیومن رائٹس سے حاصل کی گئی معلومات کے مطابق، سال 2022ء کے تباہ کن سیلاب میں ضلع سوات میں 39 افراد جاں بحق اور سات زخمی ہوئے تھے۔ ضلعی انتظامیہ کے مطابق سال 2022 کے سیلاب میں 74 گھر مکمل تباہ ہوگئے تھے جبکہ 122 گھروں کو جزوی نقصان پہنچا تھا اسی طرح 77 عشاریہ 32 کلومیٹر سڑکوں کو نقصان پہنچا جبکہ 51 ہوٹلز اور 32 رابطہ پل بھی سیلاب سے متاثر ہوئے ہیں۔

<h2>خواتین اور نوجوان بری طرح متاثر</h2>

سیلاب سے متاثرہ علاقوں میں خواتین کو بھی شدید مشکلات کا سامنا کرنا پڑا، ان ہی میں ناہید اختر بھی شامل ہیں۔

وہ بتاتی ہیں کہ ان کا گھر دو بار سیلاب میں بہہ چکا ہے جس سے انہیں شدید نقصان اٹھانا پڑا۔ 2022ء&nbsp; کے سیلاب میں گھر بہہ جانے سے وہ اپنے میاں اور بچوں کے ساتھ نقل مکانی کر گئی تھیں، ناہید اختر کے میاں نجی بینک میں ملازم ہیں جبکہ ان کے تین بیٹے اور دوبیٹیاں ہیں۔ 
&quot; بچے اب بھی بارش سے ڈرتے ہیں، جب آسمان پر بادل آ جاتے ہیں، تو سب خوفزدہ ہو جاتے ہیں۔&quot;

&nbsp;ناہید اختر اپنی میاں اور بچوں کے ساتھ عارضی جگہ پر رہائش پذیر ہیں۔

بحرین کے مضافاتی علاقہ چیل&nbsp; سے تعلق رکھنے والے سیف الدین، یونیورسٹی آف انجینئرنگ اینڈ ٹیکنالوجی، مردان میں بی ایس الیکٹریکل انجینرنگ کے طالب علم ہیں۔ وہ کہتے ہیں کہ ان کے گاؤں میں 28 گھر آباد تھے جو سب کے سب 2010ء کے سیلاب میں بہہ گئے تھے۔ سالوں کی تگ و دو کے بعد لوگوں نے دوبارہ انہیں آباد کیا تو 2022ء سیلاب آ گیا اور پورا گاؤں بہا لے گیا، لوگ پھر سے نقل مکانی پر مجبور ہوئے۔

&quot;لوگ بہت زیادہ مسائل کا شکار ہیں، سیلاب سے ہوٹل بھی تباہ ہوئے جس سے مقامی لوگ روزگار سے بھی محروم ہوئے، علاقے کے طلبہ ان سب حالات کے باعث ذہنی مریض بن گئے ہیں، میں خود ڈپریشن کا مریض بن چکا ہوں، جس سے میرا تعلیمی سلسلہ بھی متاثر ہوا ہے&quot;۔

<h2>سیلاب سے زراعت کا نقصان</h2>

محکمہ زراعت ضلع سوات کے مطابق، سوات میں 110,579 ایکٹر زرعی زمین ہے اور 2022ء کے سیلاب میں 15,393 ایکٹر زرعی زمین متاثر ہوئی، جبکہ تقریباً&nbsp; 3 ارب 92 کروڑ 40 لاکھ روپے کا نقصان ہوا تھا۔

پلوگاہ، مٹلتان سے تعلق رکھنے والا کاشتکار گل زمان بتاتے ہیں کہ یہاں کاشت کا ایک ہی سیزن ہوتا ہے کیونکہ سردیوں میں شدید برفباری ہوتی ہے۔ اسی ایک سیزن میں مقامی کاشت کار سبزی، آلو، گوبھی اور مٹر کی فصل کاشت کرتے ہیں۔ 2010ء اور 2022ء کے سیلابوں میں پہلے فصلیں بہہ گئیں جو بچی تھیں، وہ سڑکیں اور راستے کئی ماہ تک بند ہونے کے باعث منڈیوں تک نہ پہنچ سکیں، جس سے کاشتکاروں کو کروڑوں کا نقصان ہوا۔

<h2>سیلاب مچھلیوں کے فارمز بھی بہا لے گیا</h2>

محمکہ فشریز ضلع سوات کے مطابق، 2022ء کے سیلاب میں مچھلیوں کی 237 ہیچریاں بہہ گئیں تھیں، جن کا مجموعی نقصان تقریباً ایک ارب 36 کروڑ روپے کے لگ بھگ تھا، ان میں سب سے زیادہ نقصان سرکاری ٹراؤٹ ہیچری، مدین کا ہوا جو تقریباً 25 کروڑ روپے تھا۔

اسسٹنٹ ڈائریکٹر فشریز یحییٰ جعفر نے بتایا کہ سیلاب میں بہہ جانے والی ہچریوں میں سرکاری ہیچری کے علاوہ تحصیل مٹہ اور بحرین کے علاقوں میں پرائیویٹ یعنی مقامی لوگوں کی ہیچریاں بہت متاثر ہوئیں جو ان لوگوں کا ذریعہ معاش تھا، وہ ہیچریاں ابھی تک بحال نہیں ہو سکی ہیں۔

مدین میں ایک ہیچری کے مالک خالد کہتے ہیں کہ گزشتہ سال کے سیلاب کے باعث ٹراؤٹ کی بیشتر ہیچریاں تباہ ہو چکی ہیں، پھر موسمیاتی تبدیلی کے باعث درجہ حرارت میں اضافے کی وجہ سے اب مدین کے علاقوں میں ٹراؤٹ کی افزائش بھی متاثر ہوئی ہے، کیونکہ ٹراؤٹ مچھلیوں کو انتہائی ٹھنڈے پانی کی ضرورت ہوتی ہے

<h2>سال سے زائد کا عرصہ گزر گیا مگر سیلاب کی تباہ کاریاں موجود</h2>

گزشتہ سال آنے والے سیلاب میں سوات کے علاقے منڈل ڈاگ اور آس پاس میں رہائش پذیر لوگوں کے گھر پانی میں بہہ گئے تھے جس کے بعد&nbsp; درجنوں متاثرین دیگر علاقوں میں عارضی رہائش پذیر ہیں اور ابھی تک ان کے گھر نہیں بنے۔

منڈل ڈاگ سے تعلق رکھنے والے اسماعیل کہتے ہیں کہ&nbsp; ان کا علاقہ 2022ء کے سیلاب میں شدید متاثر ہوا ہے جس سے لوگوں کی گھر بھی تباہ ہوئے ہیں اور آج بھی ان علاقوں میں راستے تعمیر نہیں کئے گئے اور آمدورفت میں مشکلات کا سامنا ہے۔

آصف علی شہزاد کا تعلق اتروڑ سے ہے وہ کہتے ہیں&nbsp; کہ سیلاب سے ان کے علاقے میں لڑکیوں کا سکول بھی متاثر ہوا ہے جس سے علاقے میں لڑکیوں کے تعلیم پر اثر پڑا ہے جبکہ اس کے ساتھ اتروڑ اور گبرال میں صحت مراکز بھی متاثر ہوئے ہیں، جو بحالی کے منتظر ہیں۔

<h2>موسمیاتی تبدیلیوں کی وجہ سے گلیشئرز پر اثرات</h2>

ماہرین کے مطابق ہندوکش، ہمالیہ اور قراقرم کے پہاڑی سلسلہ میں سات ہزار کے لگ بھگ بڑے گلیشئرز موجود ہیں جبکہ اس کے علاوہ چھوٹے چھوٹے بے شمار&nbsp; گلیشئرز ہیں جبکہ سوات کے بالائی پہاڑی سلسلوں میں گلیئشرز کے تعداد 700 کے قریب بتائی جاتی ہے۔

ماہرین کے مطابق گزشتہ کئی سالوں سے موسمیاتی تبدیلیوں اور گرمی کی شدت سے یہ گلیشئرز پگھل رہے ہیں، جس کی وجہ سے پاکستان کے شمالی علاقوں میں سیلاب اور برفانی تودوں کے گرنے کی واقعات میں مسلسل اضافہ ہو رہا ہے۔

<h2>پیشگی وارننگ سسٹم</h2>

گلیشئرز لیک آوٹ برسٹ ٹو پراجیکٹ کے تحت ضلع سوات کے علاقے کالام اور پلوگاہ میں کمیونٹی بیسڈ ڈیزاسٹر رسک مینجمنٹ کمیٹی کے تحت مختلف منصوبوں پر کام کا آغاز ہو گیا ہے جس میں پیشگی وارننگ سسٹم، پروٹیکشن وال، شجر کاری اور چیک ڈیمز شامل ہیں ۔ان منصوبوں پر کام کا آغاز ہونے سے عوام میں موسمیاتی تبدیلیوں کے تحت پیدا ہونے والے سیلاب سے بچاؤ کی امید پیدا ہوئی ہے۔

سوات میں گزشتہ سال سیلاب کے بعد اقوام متحدہ کے ادارے یو این ڈی پی کے جانب سے کالام کے مقام پر ارلی وارننگ سسٹم نصب کیا جا رہا ہے اور اس پر کام کا آغاز ہو چکا ہے۔ ارلی وارننگ سسٹم میں بارش کی مقدار، دریا میں پانی کی مقدار، آٹومیٹک موسمیاتی اسٹیشن سمیت مختلف قسم کے گیجز کا مربوط نظام شامل کیا گیا ہے۔

ارلی وارننگ سسٹم کے حوالے سے ماہر راشد خان نے کہا کہ جب بارش زیادہ ہوجاتی ہے یا دریا میں سیلابی صورتحال پیدا ہو جائے تو مستقبل میں انسانی جانوں کے ضیاع سے بچنے میں یہ سسٹم بہت کارآمد ثابت ہو گا۔ 
کالام کے رہائشی عزیز کہتا ہے کہ 2022ء کے سیلاب کے دوران اگر پیشگی وارننگ سسٹم نصب کیا جاتا تو اتنا نقصان نہ ہوتا۔

<h2>پلو گاہ کے مقام پر پروٹیکشن وال کی تعمیر کا آغاز</h2>

موسمیاتی تبدیلیوں اور سیلاب سے متاثرہ سوات کے علاقے مٹلتان پلوگاہ میں غیر سرکاری تنظیم کے فنڈز اور حکومت خیبر پختونخوا کے تعاون سے مقامی لوگوں کو سیلاب سے بچانے کے لئے دریائے سوات کے قریب پروٹیکشن وال پر کام جاری ہے۔

ڈسٹرکٹ ڈائریکٹر سائیل اینڈ واٹر کنزرویشن سوات سے حاصل کردہ معلومات کے مطابق اس منصوبے پر 1 کروڑ 25 لاکھ 98 ہزار 852 روپے کی لاگت آئے گی۔

مٹلتان کی رہائشی ملک فرید اللہ نے پروٹیکشن وال کے حوالے سے کہا کہ جب سیلاب آتا ہے تو پانی ہمارے گھروں تک آجاتا ہے اور انہیں بہا لے جاتا ہے، امید ہے کہ اس پروٹیکشن وال سے کافی حد تک نقصان سے بچ جائیں گے۔

گزشتہ کئی سالوں سے پاکستان کے صوبہ خیبر پختونخوا کا علاقہ ضلع سوات موسمیاتی تبدیلیوں سے پیدا ہونے والے تباہ کاریوں کی لپیٹ میں ہے، گزشتہ سال سیلاب کے بعد تو بعض جگہوں پر کام جاری ہے مگر اب بھی لوگ موسمیاتی تبدیلیوں کو نہیں سمجھتے، جبکہ بحالی کیلئے مزید کام کی ضرورت ہے، جیسا کہ صاف پانی کی منصوبے، گھروں میں واش رومز سمیت آگاہی کے لئے لوگوں میں شعور اجاگر کرنے کیلئے مہمات کی ضرورت ہے، عوام کا یہ بھی گلہ ہے کہ ان علاقوں میں سڑکیں اب بھی خراب ہیں، پل ٹوٹے ہوئے ہیں، روزگار کے مسائل ہیں، جس کے لئے مزید فنڈز کی ضرورت ہے۔

ہواؤں کے بدلتے رخ سے انجان رہے ہم: پاکستان کا زرعی شعبہ موسمیاتی تبدیلی سے کن تبدیلیوں کی زد میں ہے؟

موسمیاتی تبدیلیوں سے متاثرہ علاقوں میں بحالی کے کام سے سیلاب کا بچاو ممکن ہے ؟

گزشتہ دنوں سوشل میڈیا پر ایک تصویر وائرل ہوئی جس میں قتل ہونے والی ایک خاتون کی سڑک پر پڑی لاش کے قریب اس کا کم سن بیٹا رو رہا ہے۔ ضلع سوات کے شہری علاقے مینگورہ میں پیش آنے والے اس واقعے میں گھریلو ناچاقی پر اختر علی نے بیٹے کے سامنے اپنی بیوی کا مبینہ قتل کیا۔

مقتولہ نائلہ اور اختر علی کی شادی 2014 میں ہوئی۔ ان کے بچوں میں بیٹی سپوگمئی سات سال اور بیٹا وصال پانچ سال کا ہے۔ گھریلو ناچاقی اور تنازعات کے باعث 2019ء میں نائلہ اپنے میکے چلی گئیں اور تب سے آس پاس کے گھروں میں کام کر کے گزر بسر کر رہی تھیں۔

کام پر جاتے ہوئے وہ دونوں بچوں کو ان کے ننھیال چھوڑ جایا کرتیں۔ رواں سال پانچ ستمبر کو بیٹے نے ضد کی کہ کام پر جاتے ہوئے اسے بھی ساتھ لے جائے۔ وہ اسے ساتھ لے کر جا رہی تھیں کہ شوہر نے فائرنگ کر کے انہیں قتل کر دیا۔ پولیس نے ملزم کو موقع ہی پر آلہ قتل سمیت گرفتار کر لیا۔

اس واقعے نے سوشل اور مین سٹریم میڈیا کی توجہ حاصل کر لی۔ تاہم سوات میں عورتوں کے خلاف اس نوعیت کے جرائم کو ذرائع ابلاغ میں عموماً کم ہی جگہ ملتی ہے۔

غیرت کے نام پر قتل کے بارے میں سوات پولیس سے معلومات تک رسائی کے قانون کے تحت حاصل کیے گئے اعداد و شمار کے مطابق 2020ء میں ایک مرد اور تین عورتوں کو غیرت کے نام پر قتل کیا گیا، جس پر تین ملزمان گرفتار ہوئے۔

&nbsp;2021ء میں چھ مردوں اور پانچ عورتوں کو غیرت کے نام پر قتل اور 13 ملزمان کو گرفتار کیا گیا۔

&nbsp;2022ء میں نو مردوں اور سات عورتوں کو غیرت کے نام پر قتل کیا گیا، جس پر 25 ملزمان گرفتار ہوئے۔

رواں سال جون تک تین عورتیں غیرت کے نام پر قتل کی جا چکی ہیں جبکہ پانچ ملزمان گرفتار ہوئے ہیں۔

خواتین کے حقوق کے لیے متحرک غیر سرکاری تنظیم دی اویکننگ کے مختلف ذرائع سے جمع کردہ اعداد و شمار کے مطابق ضلع سوات میں 2020ء میں 29 افراد، 2021ء میں 18، 2022ء میں 15 اور 2023ء میں جون تک 26 افراد غیرت کے نام پر قتل کیے گئے۔

تنظیم کے ڈائریکٹر عرفان حسین بابک کے مطابق ایسے واقعات میں بیشتر قاتل سزا سے بچ جاتے ہیں۔ انہوں نے بتایا کہ سوات کے ایک علاقے میں شادی کے تین چار دن بعد ہی شوہر نے نوجوان بیوی کو قتل کر دیا۔ انہوں نے اپنے وکیل کے ہمراہ اس کیس کی پیروی شروع کی۔ کچھ ہی عرصے بعد مقتول لڑکی کے خاندان نے صلح کر لی اور مبینہ طور پر لاکھوں روپے لے کر قاتل کو معاف کر دیا۔

شوکت سلیم خان ایڈووکیٹ 1998ء سے انسانی حقوق کمیشن کی کور کمیٹی کے رکن ہیں۔ وہ پاکستان کے عدالتی نظام کی سست روی، تفتیش کے ناقص معیار، تفتیشی عملے کے پاس وسائل کی کمی اور عورتوں کے خلاف امتیازی رویوں کو انصاف کی راہ میں رکاوٹ گردانتے ہیں۔

&quot;عام لوگ عدالتی عمل میں پڑنے، وکیل کرنے، پیشیوں پر حاضری دینے اور گواہ بننے سے کتراتے ہیں۔ پولیس کو جائے وقوعہ کا نقشہ مرتب کرنے، شہادتی مواد اکٹھا کرنے میں بھی تعاون نہیں ملتا۔ دوسری جانب متاثرہ خاندان کے ساتھ پولیس کا غیر مناسب رویہ اور ہمدردی حاصل نہ ہونا ان کی کیس میں عدم دلچسپی کا سبب بنتا ہے۔&quot;

انہوں نے کہا کہ غیرت کے نام پر الگ قانون سازی ہوئی ہے مگر بدقسمتی سے ہمارے معاشرے میں مرد کی بالا دستی ہے اور عورتوں کو کمتر سمجھا جاتا ہے۔ یہ سماجی مسئلہ قانون پر عمل درآمد میں بڑی رکاوٹ ہے۔

نیلم رحیم ایڈووکیٹ عورتوں کے حقوق کے لیے کام کرتی ہیں۔ ان کا کہنا ہے کہ ہمارے ہاں غیرت کے نام پر قتل کی خبروں کو بعض اوقات دبا دیا جاتا ہے۔

&quot;کئی واقعات میں غیرت کے نام پر قتل کو خودکشی کا رنگ دیا گیا۔ جب ہم موقع پر پہنچے تو خاندان والے کہنے لگے کہ ہماری عزت کا سوال ہے۔&quot;

نیلم رحیم نے کہا کہ مجرمان کو سزا نہ ملنے سے ایسے واقعات زیادہ تعداد میں ہونے لگے ہیں کیونکہ قاتلوں کو علم ہوتا ہے کہ وہ بچ جائیں گے۔

&quot;عموماً غیرت کے نام پر قتل بھائی، شوہر یا گھر کا کوئی اور فرد کرتا ہے۔ چونکہ مدعی اسی گھر کے ہوتے ہیں، اس لیے معاف کر دیتے ہیں۔&quot;

انہوں نے کہا کہ قدامت پرست روایات کے باعث اکثر اوقات رشتہ طے کرتے وقت لڑکی کی رائے نہیں لی جاتی۔ اعتراض کرنے پر کہا جاتا ہے کہ عورت سے پوچھنا ہمارا کلچر نہیں ہے۔ ایسی شادیوں سے بعدازاں گھریلو ناچاقیوں کا امکان بڑھ جاتا ہے۔

ماہرین قانون کے مطابق قتل کی دفعات میں سے دفعہ 302 قابل صلح ہے۔ دفعہ 311 لگنے کی صورت میں پولیس اپنی مدعیت میں مقدمہ درج کرتی ہے۔ البتہ غیرت کے نام پر قتل میں اکثر دفعہ 311 نہیں لگائی جاتی۔

عرفان حسین کے مطابق غیرت کے نام پر قتل کے مقدمے میں سی آر پی سی کی دفعہ 311 لگ جائے تو جرم ثابت ہونے پر سخت سزا ہو جاتی ہے۔

&nbsp;ضلعی پولیس آفیسر (ڈی پی او) شفیع اللہ خان گنڈا پور اس بارے میں کہتے ہیں کہ غیرت کے نام پر قتل جیسے جرائم کی روک تھام کے لیے ضروری ہے کہ تعلیم کو عام کیا جائے۔ والدین اپنے بچوں کی رضامندی اور رائے لیے بغیر ان کی شادی نہ کریں۔

انہوں نے کہا کہ اگر کسی بالغ کی زبردستی شادی کی جا رہی ہو تو وہ قریبی پولیس اسٹیشن سے رابطہ کرے تاکہ ممکنہ پیچیدگیوں کا بروقت ازالہ کیا جا سکے۔

وقار احمد

وقار احمد کا تعلق ضلع سوات سے ہے، انہوں ںے میڈیا اینڈ ماس کمیونکیشن میں ایم فل کیا ہے ماحولیات، انسانی حقوق،تعلیم ،الیکشن اوردیگر موضوعات پر رپورٹنگ کرتے ہیں۔

سوات میں غیرت کے نام پر قتل کے روز بروز بڑھتے واقعات، آخر وجہ کیا ہے؟

موسمیاتی تبدیلیوں سے متاثرہ علاقوں میں بحالی کے کام سے سیلاب کا بچاو ممکن ہے ؟

"قاتلوں کو علم ہوتا ہے کہ وہ بچ جائیں گے": سوات میں ساڑھے تین برس میں 34 افراد غیرت کے نام پر قتل