In a concerning development at the University of Azad Jammu and Kashmir, a female student is subjected to discrimination for her protest against a fee hike. Delve into the gender dynamics at

Female Student at University of Azad Jammu and Kashmir Faces Discrimination for Protesting Fee Hike: Advocating for Gender Equity and Student Rights

یونیورسٹی آف آزاد جموں و کشمیر: علم طاقت نہیں، عہدہ طاقت ہے

video

ڈاکٹر سہیل راجا نے 2012ء میں جب سپیشلائزیشن کے لیے پلمونولوجی (سانس اور پھیپڑوں کا شعبہ) کا انتخاب کیا تو وہ &nbsp;کشمیر کی آب و ہوا کو صاف تصور کرتے تھے لیکن دوران تربیت انہیں معلوم ہوا کہ اس علاقے میں سانس کی بیماریاں بہت زیادہ ہیں۔ گہرے مطالعے کے بعد انکشاف ہوا کہ فضا میں پارٹیکولیٹ میٹر( ذرات) &nbsp;بہت زیادہ ہیں۔

فضائی آلودگی کا سبب بننے والے کیمیائی مادوں کے نظر نہ آنے والے کیمیائی اجزاء اور گرد و مٹی کے ذرات سانس کے ذریعے جسم میں داخل ہوتے ہیں اور پھیپھڑوں کے راستے خون میں شامل ہو جاتے ہیں، جس کی پیمائش کرکے انہیں پارٹیکولیٹ میٹر(پی ایم) 1٫0، 2.5 اور پی ایم 10 کے کے نام دیے جاتے ہیں۔

سہیل راجا مظفر آباد میں قائم آزاد کشمیر کے بڑے ہسپتال عباس انسٹی ٹیوٹ آف میڈیکل سائنسز (ایمز) میں کام کرتے ہیں۔ وہ کہتے ہیں کہ ایمز کے شعبہ بیرونی مریضاں (او پی ڈی) میں روزانہ لگ بھگ 40 افراد پھیپھڑوں کی بیماریوں کی شکایت لے کر آتے ہیں۔ چوبیس بستروں پر مشتمل ان کا وارڈ ہر وقت مریضوں سے بھرا رہتا ہے۔

2017ء میں ایروسول اینڈ ائیر کوالٹی نامی جریدے میں شائع ہونے والے ایک مطالعے سے تصدیق ہوتی ہے کہ مظفر آباد شہر کی فضا میں آلودگی خطرناک حد تک بڑھ چکی ہے۔ اس سٹڈی میں یونیورسٹی آف آزاد جموں و کشمیر کے دو اساتذہ شامل تھے۔ شعبہ کمپیوٹر سائنس کے ڈاکٹر واجد عزیز ان میں سے ایک ہیں۔&nbsp;

ڈاکٹر واجد کا کہنا ہے کہ مظفر آباد کی فضا میں تین طرح کے پارٹیکولیٹ میٹر(پی ایم) یا باریک ذرات پی ایم 10، پی ایم 2.5 اور پی ایم 1.0 کی زیادتی ہے۔ اس سٹڈی میں ڈیٹا جمع کرنے کے لیے چھ مقامات چہلا بانڈی، سی ایم ایچ چوک، مسلم بک لینڈ، اولڈ سیکرٹریٹ، چھتر اور قادری ٹریولز کا انتخاب کیا گیا۔&nbsp;

&quot;ان مقامات پر پی ایم 1.0 کی اوسط مقدار سوا چار سو مائیکروگرام فی کیوبک میٹر کے قریب تھی جبکہ پی ایم 2.5 کی اوسط مقدار سوا پانچ سو مائیکروگرام فی کیوبک میٹر کے لگ بھگ تھی۔ عالمی ادارہ صحت کے مطابق پی ایم 2.5 کی محفوظ حد 25 مائیکروگرام فی کیوبک میٹر، پی ایم 1.0 کی 10 مائیکروگرام فی کیوبک میٹر اور پی ایم 10 کی محفوظ حد 50 مائیکروگرام فی کیوبک میٹر ہے۔&quot;

ڈاکٹر واجد عزیز نے بتایا کہ پی ایم 1.0 اور پی ایم 2.5 زیادہ نقصان دہ ہیں کیونکہ یہ انتہائی چھوٹے ذرات سانس کے ذریعے دماغ، خون کی شریانوں اور پھیپھڑوں میں داخل ہو جاتے ہیں جس سے سانس کی بیماریاں اور کینسر دونوں ہو سکتے ہیں۔ ان کے مطابق مظفر آباد میں رہنے والے تمام لوگ اس فضائی آلودگی سے پیدا ہونے والی بیماریوں کے خطرے سے دوچار ہیں لہٰذا حکومت اس کی کے روک تھام کے اقدامات کرے۔

ماہرین &nbsp;کے مطابق اس اضافے میں 2005ء کے تباہ کن زلزلے کے بعد وسیع پیمانے پر تعمیر نو، بڑھتی ہوئی ٹریفک اور کان کنی کی سرگرمیوں جیسے عوامل کارفرما ہو سکتے ہیں۔&nbsp;

محکمہ تحفظ ماحولیات کے ڈائریکٹر شفیق عباسی کے مطابق 2005 کے زلزلے کے بعد دیہی علاقوں سے لوگوں نے شہروں کا رخ کیا، جن کے لیے باقاعدہ طور پر انتظام نہیں کیا گیا۔

2018 کی ماحولیاتی رپورٹ کے مطابق 2000 سے 2017 تک مظفرآباد میں تعمیراتی علاقے میں 153 فیصد اضافہ ہوچکا ہے۔ نقل مکانی کی وجہ سے شہری آبادیوں میں اضافہ ہوا، نالے اور دریاؤں کے کناروں پر مختلف تعمیرات ہوئیں، یہاں مختلف ریگولیٹری اتھارٹیز ہیں، انہوں نے اس حوالے سے کوئی کردار ادا نہیں کیا۔

&quot;ان برسوں میں آپ کے سارے ندی، نالے تعمیرات میں تبدیل ہو گئے، سڑکیں بنیں، تجارتی مراکز بنے اور پھر جب آبادی بڑھتی ہے تو وسائل کی کھپت بڑھتی ہے، اسی حساب سے فضلہ اور کوڑا کرکٹ بھی پیدا ہوتا ہے

&quot;مظفرآباد میں سڑکوں کی توسیع کا بڑا کام زلزلہ کے بعد ہوا، نلوچھی بائی پاس بھی بنا تو امید تھی کہ ٹریفک کی بھیڑ اب کم ہو گی، لیکن آبادی اتنی بڑھ چکی ہے کہ روڈ سائیڈ پر آپکو پارکنگ نظر نہیں آتی، تو جہاں آبادی زیادہ ہو گی، وہاں ماحولیاتی مسائل تو ہوں گے۔&quot; 
&nbsp; 
ڈاکٹر سہیل راجا نے ماحولیاتی آلودگی سے ہونے والی بیماریوں میں اضافے کے حوالے سے کہا کہ ان علاقوں میں گرمیوں میں بھی سانس اور پھیپھڑوں کی بیماریوں کے مریضوں سے وارڈز بھرے رہتے ہیں۔

&quot;اس اضافے کی اہم وجہ وہ باریک ذرات ہیں جوایندھن کے جلنے اور گھر میں جلائی جانے والی آگ سے ہوا میں خارج ہوتے ہیں، کیونکہ لوگوں کے پاس توانائی کا کوئی متبادل ذریعہ نہیں ہے۔ گرمیوں میں کھانے پکانے کے لیے لکڑی کا استعمال اور پھر سردیوں کے سات، آٹھ ماہ وہ گھروں میں آگ جلاتے ہیں جن سے پیدا ہونے والے باریک ذرات سگریٹ نہ پینے والی عورتوں اور بچوں میں بھی سانس کی بیماریاں، پھیپھڑوں کا کینسر، دمہ اور ٹی بی کے امکانات بڑھا دیتے ہیں&quot;۔

رواں سال کے اوائل میں پاکستان جنرل آف پبلک ہیلتھ میں شائع ہونے والی ایک سٹڈی کے مطابق آزاد کشمیر میں اس وقت ہر ایک لاکھ میں سے 270 افراد کو تپ دق (ٹی بی) لاحق ہے۔&nbsp; 
ایمز میں دل کی بیماریوں کے ماہر ڈاکٹر ولید کا کہنا ہے کہ ان کے ہسپتال میں روزانہ تقریباً 40 سے 50 افراد دل کے امراض کی شکایات لے کر آتے ہیں اور ہر روز وارڈز میں مریض داخل کیے جاتے ہیں۔ ان میں سے چند ایک کا علاج اسی ہسپتال میں ہو جاتا ہے مگر جدید ٹیکنالوجی نہ ہونے کے سبب دیگر کو راولپنڈی ریفر کر دیا جاتا ہے۔

انہوں نے کہا کہ شریانوں میں تنگی کی شکایت 40 سال سے زیادہ عمر کے لوگوں میں پائی جاتی تھی لیکن حالیہ ڈیٹا کے مطابق اب یہ 20 سے 40 سال کے لوگوں میں بھی ہے جسکی بڑی وجوہات جسمانی سرگرمیوں کی کمی، ذیابیطس اور بلڈ پریشر کے امراض میں اضافے کے علاوہ زیادہ مقدار میں جنک فوڈ اور منشیات کا استعمال شامل ہیں۔ نیز فضائی آلودگی سے بھی دل کے امراض بڑھ رہے ہیں۔

عالمی ادارہ صحت کےڈائریکٹر ٹیڈ روس اڈھانوم &nbsp;کیمیائی اجزاء کی حامل آلودہ فضا کو &quot;نیا تمباکو&quot; قرار دے چکے ہیں اور کہتے ہیں کہ جس طرح دنیا بھر میں تمباکو کے مضر صحت اثرات کے حوالے سے بات ہوتی ہے، دنیا کو اس نئی قسم کے تمباکو پر بھی آگاہی کی ضرورت ہے کیونکہ یہ دنیا بھر کے انسانوں کو بلا تفریق رنگ و نسل اور امیر غریب کے امتیاز کے بغیر متاثر کر رہا ہے۔

آزاد کشمیر کا محکمہ ماحولیات بھی فضا میں نقصان دہ ذرات سے پیدا شدہ فضائی آلودگی کی سنگین صورت حال سے آگاہ ہے۔سیکرٹری محمد نعیم بسمل کا کہنا ہے کہ ان کے محکمے کی جانب سے 2021ء میں مظفر آباد کے جمع کردہ ڈیٹا سے پتا چلا کہ فضا میں پارٹیکولیٹ میٹر محفوظ سطح سے بہت زیادہ ہیں۔ انہوں نے شہر کے مضافات میں واقع چہلہ میں کرش مشینوں اور بڑھتی ہوئی ٹریفک کو اس کی بڑی وجہ قرار دیا۔

نعیم بسمل نے کہا کہ فضائی آلودگی کی جانچ کے لیے ماہرین کے علاوہ &#39;ایمبنٹ ایئر کوالٹی مانیٹرنگ سسٹم&#39; موجود ہے۔ اس صورت حال پر قابو پانے کے لیے کان کنی کے ضوابط کار کا نفاذ کرنے کے ساتھ سالانہ بنیادوں پر ماحولیاتی صورت حال یا سٹیٹ آف انوائرمنٹ رپورٹ کا اجرا کیا جاتا ہے۔ گاڑیوں کی جانچ کا نظام بھی قائم کیا گیا ہے۔اس نظام سے گاڑیوں کی حالت اور دھواں چھوڑنے کی مقدار جاننے میں مدد ملتی ہے۔

کرش مشینوں کے بارے میں شفیق عباسی کا کہنا تھا &nbsp;کہ شوائی میں دو چار کرش مشینیں چل رہی ہیں لیکن &nbsp;وہ سخت ماحولیاتی سماجی بچاؤ کے تحت چل رہی ہیں، انہیں کنکریٹ عمارات کے اندر منتقل کیا گیا ہے اور جو خشک میٹریل ہوتا ہے، اسے کریش نہیں کرتے، پہلے اسے واش کرتے ہیں پھر کریش کیا جاتا ہے، جس سےآلودگی میں کسی حد تک کمی ہوئی ہے 
&nbsp; 
محکمہ پولیس کے مطابق دھواں چھوڑنے والی گاڑیوں کے خلاف 2021 میں کل 426 چالان اور ایک لاکھ 77 ہزار روپے جرمانہ کیا گیا، 2022 میں کل 721 چالان کیے گئے، اور دو لاکھ 67 ہزار جرمانہ کیا گیا جبکہ 2023 میں اب تک 395 چالان ہوئے ہیں جن میں ایک 98 ہزار 850 روپے &nbsp;کل جرمانہ کیا گیا ہے۔

ان تمام اقدامات کے باوجود مظفر آباد میں فضائی آلودگی خطرناک حد تک پہنچ چکی ہے جس سے انسانی زندگیوں کو خطرات لاحق ہیں۔ دوسری جانب اہم مسئلے کے بارے میں آگاہی کا فقدان ہے جس کے لیے ڈاکٹر واجد عزیز کا مشورہ ہے کہ تعلیمی اداروں میں ماحولیات کی تعلیم دی جائے۔

شوگر ملوں سے بہتا زہریلا فضلہ جنوبی سندھ کو ویران کر دے گا

مظفر آباد میں فضائی آلودگی سے انسانی زندگیوں کو لاحق خطرات

text

اپنے خوبصورت مناظر، دلکش نظاروں اور بھرپور ثقافتی ورثے کے ساتھ آزاد کشمیر کا علاقہ سیاحوں کی ایک بڑی تعداد کی منزل ٹھہرتا ہے۔ آزاد کشمیر کے محکمۂ سیاحت کے مطابق رواں سال ستمبر تک یہاں آنے والے سیاحوں کی تعداد متاثرہ کن طور پر گیارہ لاکھ 25 ہزار تک پہنچ گئی ہے۔

یہ تعداد گزشتہ برس کی نسبت تین لاکھ ساٹھ ہزار زیادہ ہے۔ 2018 کے بعد رواں سال آزاد کشمیر میں سب سے زیادہ سیّاح آئے۔ 2018 میں 14 لاکھ سیاح آزاد کشمیر&nbsp; آئے تھے۔ اس کے بعد&nbsp; کورونا وائرس کی وبا اور لائن آف کنٹرول پر کشیدگی کی وجہ سے اس میں بہت کمی آ گئی تھی۔ لیکن فروری 2021 سے لائن آف کنٹرول پر امن کے باعث سیاحوں میں بتدریج اضافہ دیکھنے میں آ رہا ہے۔

سیاحوں کی اکثریت وادیٔ نیلم، شاونٹر جھیل، لیپا ویلی اور رتّی گلی جیسی جگہوں کا رخ کرتی ہے، ان کی بڑھتی ہوئی تعداد کے باعث مقامی ٹرانسپورٹروں، دکانداروں، شورومز ، پٹرول پمپوں، ہوٹلوں اور گیسٹ ہاؤس مالکان، یہاں تک کہ گھوڑا بانوں کی آمدنی میں بھی اضافہ ہوا ہے۔

آزاد کشمیر میں جہاں سرکاری نوکری کے علاوہ ملازمت کے کوئی خاص مواقع نہیں ہیں، سیاحوں کی بڑی تعداد کے آنے کے باعث ٹوریسٹ گائیڈز کے علاوہ ہوٹلوں اور گیسٹ ہاؤسز میں لوگوں کو ملازمتیں مل جاتی ہیں، اگرچہ انہیں یہ فائدہ صرف سیاحتی سیزن میں ہی ہوتا ہے، لیکن بہر حال یہ ان کی آمدنی کا ایک اہم ذریعہ ہے۔

وادیٔ نیلم سے تعلق رکھنے والے گیسٹ ہاؤس مالک خواجہ بلال گرمیوں میں اپنے چار کمروں کے گھر کو گیسٹ ہاوس میں تبدیل کر دیتے ہیں اور کمرے کرائے پر دیتے ہیں۔

وہ کہتے ہیں کہ &quot;سیاحوں کی آمد مارچ اپریل سے شروع ہوتی ہے اور ستمبر تک جاری رہتی ہے، مئی سے اگست تک میں روزانہ اوسطاً تین سے چار ہزار روپے کما لیتا ہوں، ویسے تو برف باری کے دونوں میں بھی سیاح آتے ہیں، مگر ان کی تعداد بہت کم ہوتی ہے۔&quot;

خواجہ بلال ماضی کو یاد کرتے ہوئے کہتے ہیں کہ نوے کی دہائی میں جب بھارت کے زیر انتظام کشمیر میں آزادی کی مسلح تحریک شروع ہوئی اور لائن آف کنٹرول پر وادیٔ نیلم میں پاک بھارت افوج کے درمیان جھڑپیں جاری رہتی تھیں تو یہ وادیٔ دونوں ممالک کے درمیان نومبر 2003 کے فائر بندی معاہدے تک دنیا سے کٹ گئی تھی۔

&quot;لوگ بنکروں میں زندگی بسر کرتے تھے، روز گارختم ہوچکا تھا۔ فائر بندی کے بعد یہاں سیاح آنے لگے اور ان کی تعداد میں بتدریج اضافہ ہوا۔&quot;

ان کا کہنا ہے کہ چند سال کے بعد لائن آف کنڑول پر دوبارہ دو طرفہ فائرنگ کا آغاز ہوا، جس کی وجہ سے سیاحت پھر سے متاثر ہوئی لیکن فروری 2021 میں پاکستان اور بھارت کے درمیان&nbsp; 2003 کی فائر بندی کے معاہدے کی پاسداری پر اتفاق کے بعد اب سکون ہے اور سیاح بھی آنے لگے ہیں۔

آزاد کشمیر کے اسسٹنٹ ڈائریکٹر ٹورازم رئیس خواجہ کا اندازہ ہے کہ اگر ہر سیاح اپنے دورے کے دوران، جو کم ازکم تین دن پر محیط ہو، اوسطاً دس ہزار روپے خرچ کرے تو اس سے ریاست کی معیشت کو 11 بلین روپے کا فائدہ ہوتا ہے۔

&quot;حکومت کی پالیسی ہے کہ نئے گیسٹ ہاوسز تعمیر نہ کیے جائیں بلکہ سیاحتی مقام کو ترقی دی جائے اور سرمایہ کاری کیلئے پرائیویٹ سیکٹر کی حوصلہ افزائی کی جائے تاکہ حکومتی آمدنی میں اضافہ ہو سکے۔&quot;

رئیس خواجہ کا کہنا ہے کہ محکمہ سیاحت کو رواں سال گیسٹ ہاؤسز سے پونے دو کروڑ&nbsp; روپے کی آمدنی ہوئی، جبکہ اس سے پہلے اسی دورانیے میں ایک سے ڈیڑھ کروڑ تک آمدنی ہوتی رہی ہے۔

محکمۂ سیاحت کے مطابق، آزاد کشمیر میں 3422 کمروں پر مشتمل 619 گیسٹ ہاؤس اور ہوٹل ہیں جن میں 60 سرکاری گیسٹ ہاؤس بھی شامل ہیں، ان میں 30 گیسٹ ہاؤس محمکۂ سیاحت کے زیرانتظام ہیں۔

نیلم ڈویلپمنٹ بورڈ گاڑیوں سے دس سے بیس روپے فی گاڑی ٹیکس لیتا ہے جس سے 20 تا 25&nbsp; لاکھ روپے سالانہ آمدنی ہوتی ہے۔ اس کے علاوہ، آزاد کشمیر حکومت کو سیاحت سے کوئی آمدنی نہیں ہوتی۔

لاہور سے وادیٔ نیلم کی سیر پر آئے ہوئے ایک خاندان کے سربراہ منیر احمد اس جگہ کی خوبصورتی کے معترف ہیں اور بار بار یہاں آنے کے خواہشمند ہیں، لیکن انہیں شکایت ہے کہ اس خطے میں سہولیات کا شدید فقدان ہے۔

وہ کہتے ہیں کہ اکثر مقامات پر سڑک کی حالت خراب ہے، راستے میں موبائل فون کے سگنل نہیں آتے، بعض مقامات پر فوج کے مواصلاتی شعبے سپیشل کمیونیکیشن آرگناٰئزیشن (ایس سی او) کا موبائل فون چلتا ہے، جس کیلئے الگ سے سم لینی پڑتی ہے۔

&quot;انٹرنیٹ کہیں چلتا ہے، کہیں نہیں، مقامی آرگینک فوڈ کے بجائے عام بازاری کھانا ملتا ہے، جو بدمزہ ہوتا ہے، صحت کی سہولیات بھی بہت کم ہیں اور صفائی ستھرائی کا انتظام بھی نہیں&nbsp; ہے۔&quot;

ایک اور سیاح فرہاد بٹ کو شکایت ہے کہ سیاحوں سے جگہ جگہ ٹیکس(چونگی) لیا جاتا ہے، جو لوگ وادیٔ نیلم میں خصوصاً اڑنگ کیل جاتے ہیں انہیں اپنی گاڑیاں کیل میں پارک کرنا پڑتی ہیں اور ان سے پارکنگ کی فیس کے نام پر بھاری رقم وصول کی جاتی ہے۔

&quot;سب سے زیادہ مسئلہ سڑک کی خستہ حالی اور اس کے کناروں پر رکاوٹوں کا نہ ہونا ہے، دوسرا یہ کہ اگر کوئی سیاح بیمار ہو جاتا ہے یا کوئی ایمرجنسی ہو جاتی ہے تو وادیٔ نیلم میں ایک بھی اچھا ہسپتال یا اچھا ڈاکٹر موجود نہیں ہے۔&quot;

سیاحوں کی بڑھتی تعداد اپنے ساتھ مسائل بھی لے کر آرہی ہے، جیسا کہ نئے گیسٹ ہاؤسز کی بلا روک ٹوک تعمیر نے تفریحی مقامات پر کھلی جگہوں کے سکڑنے اور مقامی ماحولیات پر دباؤ کے خدشات کو جنم دیا ہے۔ ان خدشات کے حوالے سے محکمۂ سیاحت کے رئیس خواجہ کہتے ہیں کہ کہ&nbsp; قدرتی حسن کے تحفظ اور پائیدار بنیادوں پر سیاحت یقینی بنانے کیلئے کوششیں کی جا رہی ہیں۔

انہوں نے بتایا کہ محکمۂ سیاحت نے ریاستی حکومت کو لکھا ہے کہ گیسٹ ہاؤسز کی تعمیر سے پہلے اجازت کے حصول کے لیے قوانین بنائے جائیں اور سیاحتی مقام تک رسائی کیلئے سڑکوں کو بہتر کیا جائے۔

&quot;گیسٹ ہاؤسز کی تعداد میں بے تحاشہ اضافے کو کنٹرول کرنے کے ساتھ ٹریفک قوانین کا سختی سے نفاذ اور ذمہ دارانہ سفری طریقوں کے بارے میں سیاحوں میں آگاہی پیدا کرنا ضروری ہے۔&quot;

'انہی پتھروں پہ چل کر اگر آ سکو تو آؤ'، گلگت بلتستان میں سیاحوں کی تعداد نصف سے کم رہ گئی

سیاحوں کی تعداد اور معاشی سرگرمیوں میں اضافہ: وادی نیلم میں ماحولیاتی آلودگی بڑھنے لگی

اکیس سالہ عذیر (فرضی نام) بچپن میں اپنے سکول کے پرنسپل کے ہاتھوں جنسی استحصال کا نشانہ بنے اور ان تلخ احساسات کو بھلانا ان کے لیے آسان نہیں ہے۔ آج بھی انہیں اس بات پر سخت پچھتاوا ہے کہ جب یہ سب کچھ ہو رہا تھا تو انہوں نے اس وقت اپنے والدین کو آگاہ کیوں نہیں کیا اور اگر وہ ایسا کر لیتے تو شاید بہت سے دوسروں بچوں کو انہی جیسے حالات کا سامنا نہ کرنا پڑتا۔

عذیر کا تعلق آزاد کشمیر کے دارالحکومت مظفرآباد سے ہے۔ جب ان کی عمر سات سال تھی تو والدین نے انہیں شہر میں اچھی ساکھ کے حامل نجی سکول میں دوسری جماعت میں داخلہ دلایا۔ اس سکول کا انتخاب اس لیے بھی کیا گیا کہ یہ ان کے گھر کے قریب تھا اور عذیر کے والدین کا خیال تھا کہ بچے کو سکول آنے جانے میں سہولت اور حفاظت رہےگی۔

وہ بتاتے ہیں کہ ایک دن سکول کے پرنسپل نے ان سے ٹیوشن پڑھنے کو کہا۔ عذیر نے والدین نے سے بات کی تو انہوں نے اجازت دے دی اور انہوں نے روزانہ شام کے وقت پرنسپل کے گھر پڑھنے کے لیے جانا شرو ع کر دیا۔

جب وہ چھٹی جماعت میں پہنچے اور اس دوران امتحانات ہونے لگے تو ایک دن پرنسپل نے انہیں کہا کہ اگر وہ اس کی بات مان لیں تو اول پوزیشن لے کر پاس ہو جائیں گے ورنہ انہیں فیل کر دیا جائے گا۔

عذیر سمجھ نہ پائے کہ ان سے کیا توقع کی جا رہی ہے۔ اسی دوران پرنسپل نے ان کی کمزوری سے فائدہ اٹھاتے ہوئے انہیں زیادتی کا نشانہ بنایا اور اس کی ویڈیو بھی بنا لی۔

عذیر یہ بھی نہیں جانتے تھے کہ اس ہولناک واقعے کے بعد انہیں کیا ردعمل دینا چاہیے۔ وہ خوف اور شرمندگی کے مارے خاموش رہے جس سے فائدہ اٹھاتے ہوئے پرنسپل نے اسے معمول بنا لیا۔

&quot;وقت کے ساتھ مجھے شدت سے احساس ہونے لگا کہ جو کچھ بھی ہو رہا ہے وہ غلط ہے۔ مجھے ویڈیو عام کرنے کی دھمکی دے کر زیادتی کا نشانہ بنایا جاتا رہا۔ مجھ میں کسی کو یہ سب کچھ بتانے کی ہمت نہیں تھی اس لیے میں نے آٹھویں جماعت پاس کر کے سکول چھوڑ دیا۔&quot;

لیکن سکول کے پرنسپل نے تب بھی ان کا پیچھا نہ چھوڑا اور ویڈیو دوسرے لوگوں کو دکھانے کی دھمکی دے کر اسے بلیک میل کرتا رہا اور عذیر اس کا کہنا مانتے رہے۔ عذیر جانتے تھے کہ ویڈیو میں صرف انہی کا چہرہ دکھائی دیتا ہے اور اگر وہ پرنسپل کی شکایت کریں گے تو اس کے خلاف بظاہر کوئی ثبوت نہیں ہو گا۔

جب وہ بارہویں جماعت میں پہنچے تو انہیں معلوم ہوا کہ اسی سکول کے ایک&nbsp; بچے نے اسی پرنسپل کے ہاتھوں اپنے ساتھ ہونے والی جنسی زیادتی کے خلاف آواز اٹھائی ہے۔ افسوس ناک امر یہ ہے کہ بچے کی بات کسی نے نہ سنی اور اس سے ثبوت مانگا گیا۔ چونکہ بچہ ثبوت مہیا نہ کر سکا اس لیے پرنسپل بے قصور قرار پایا۔

یہ دیکھ کر عذیر نے پرنسپل کے خلاف کارروائی کرنے کی ٹھانی اور کچھ لوگوں سے مدد مانگی، انہوں نے بھی ان سے بھی ثبوت طلب کیے۔ عذیر نے انہیں پرنسپل کے فون سے خود کو بھیجے گئے پیغامات سنائے جن میں وہ ویڈیو وائرل کرنے کی دھمکی دے کر اپنا مطالبہ منوانے کی کوشش کرتے سنائی دیے۔

تاہم جو لوگ بظاہر ان کی مدد پر آمادہ تھے، ان کی نظر میں یہ ثبوت ناکافی تھے، وہ چاہتے تھے کہ کوئی ایسی ویڈیو ہو جس کے ذریعے اس پرنسپل کو بے نقاب کرنا آسان ہو۔

عذیر کا کہنا تھا کہ اس گھناؤنے کردار کو روکنے کے لیے وہ ہرممکن کوشش کے لیے تیار ہو گئے۔ چنانچہ وہ پرنسپل کے پاس گئے اور کسی طرح اس کے ساتھ اپنی ویڈیو بنا کر ان لوگوں کو دکھائی۔ لیکن انہوں ںے ان کی مدد کرنے کے بجائے الٹا ان کا مذاق اڑایا۔

ہر طرف سے مایوس ہو کر انہوں نے اکیلے جدوجہد کا فیصلہ کیا اور ہمت کر کے پولیس کے پاس گئے اور ثبوت ان کے سامنے رکھ دیے۔ پولیس نے پرنسپل کو گرفتار کرلیا۔ تاہم چند روز کے بعد پرنسپل نے عذیر کے خاندان سے سمجھوتہ کر لیا اور کیس واپس لینے کے بدلے علاقہ چھوڑ گیا۔

عذیر کو افسوس ہے کہ جب انہوں ںے اپنے ساتھ ہونے والی زیادتی سے دوسروں کو آگاہ کیا تو کسی نے ان کی مدد نہ کی اور الٹا ان کا مذاق اڑایا گیا اور ان سے نفرت کی گئی۔

2021 سے اب تک صرف مظفرآباد شہر میں بچوں کے ساتھ جنسی زیادتی کے 20 مقدمات درج ہوئے ہیں۔ڈی ایس پی سید اشتیاق گیلانی&nbsp; کے مطابق ان میں سے 19مقدمات میں چالان ہوچکا ہے جبکہ ایک مقدمہ زیر تفتیش ہے۔ 14 مقدمات عدالتوں میں زیر سماعت ہیں۔ ان میں نامزد ملزموں میں بیشتر لوگ متاثرین کے عزیز، رشتہ دار اور ہمسائے ہیں۔

&nbsp;اشتیاق گیلانی کہتے ہیں کہ ایسے واقعات کو عموماً چھپایا جاتا ہے، بہت کم لوگ اس بارے میں پولیس کے پاس رپورٹ درج کرتے ہیں، ان کا کہنا ہے کہ خاموشی اختیار کرنے سے ان واقعات میں اضافہ ہوتا ہے۔

انہوں نے بتایا کہ پچھلے تین سال میں پولیس کے پاس ایسے مقدمات تواتر سے آنے لگے ہیں۔ ضرورت اس امر کی ہے کہ متعلقہ ادارے لوگوں کی تربیت کریں اور آگاہی مہمات چلائیں تاکہ ایسے واقعات کا سدباب ہو سکے۔

ایڈیشنل انسپکٹر جنرل پولیس طاہر قریشی نے بتایا کہ رواں سال پورے آزاد کشمیر میں اب بچوں کے خلاف جنسے زیادتی کے 51 واقعات رپورٹ ہوئے ہیں۔

آزاد کشمیر اسمبلی نے 2020 میں پینل کوڈ کی شق 352 اے اور 377 اے میں ترامیم کی تھیں جن کے تحت 18 سال سے کم عمر بچوں کے ساتھ جنسی زیادتی کا ارتکاب کرنے والوں کو سزائے موت، عمر قید یا جنسی صلاحیت سے محرومی و دس سے پچاس لاکھ روپے تک جرمانے کی سزائیں دی جا سکتی ہیں۔

نئے قانون کے تحت عدالت کو پابند کیا گیا ہے کہ وہ ایسے مقدمات کا ٹرائل 60 دن کے اندر مکمل کرے اور اگر یہ فیصلہ اس عرصہ میں نہ ہو سکے تو عدالت کو مزید 30 دن کی مہلت دی جائے گی۔ قانون کے تحت ایسے مقدمات کی تفتیش ڈی ایس پی یا اس سے بڑے رینک کا افسر ہی کر سکتا ہے۔

تاہم قانون میں ترامیم کے باوجود، جنسی زیادتی کے مجرموں کو سزا دینے کی شرح بہت کم ہے اور فوری ٹرائل کے قانون کے باوجود مہینوں اور سالوں تک مقدمات چلتے رہتے ہیں۔

ملتان میں جنسی زیادتی کے مقدمات میں ملزموں کی اکثریت بری کیوں ہو جاتی ہے؟

'جنسی زیادتی کے خلاف آواز اٹھائی تو ثبوت مانگے گئے، مدد کرنے کے بجائے مذاق اڑایا گیا'

مظفرآباد شہر میں پیٹ کے امراض وبائی صورت اختیار کرگئے ہیں جہاں ہر مہینے سینکڑوں بچے ہسپتالوں میں لائے جارہے ہیں۔ شہر کے سب سے بڑے ہسپتال عباس انسٹیٹیوٹ آف میڈیکل ساٰئنسز(ایمز) میں علاج کی غرض سے لائے جانے والے بچوں کی نصف سے زیادہ تعداد اسہال، یرقان اور ٹائیفائڈ میں مبتلا ہوتی ہے۔

کم و بیش یہی صورتحال شہر میں قاٰئم ایک اور بڑے ہسپتال شیخ خلیفہ بن زید النہیان میں بھی ہے۔ اس ہسپتال میں بیرونی مریضوں کے شعبے (او پی ڈی) میں ہر روز 43 فیصد بچے انہی بیماریوں کی شکایات کے ساتھ لائے جاتے ہیں۔ ہسپتال انتظامیہ کے مطابق ان میں 35 فیصد اسہال، پانچ فیصد یرقان، چار فیصد پیچش اور تین فیصد ٹائیفائیڈ میں مبتلا ہوتے ہیں۔

&#39;ایمز&#39; میں بچوں کے امراض کے ماہر ڈاکٹر وقار اشرف نے بتایا ہے کہ ان بیماریوں کے بڑھنے کی بنیادی وجہ شہر میں پینے کے پانی کی آلودگی ہے۔ ہر دوسرا بچہ انہی شکایات کے ساتھ ہسپتال لایا جاتا ہے۔ شیخ زید ہسپتال میں بچوں کے امراض کے ماہر ڈاکٹر نعیم احمد بھی اس کی تصدیق کرتے ہیں۔

فروری 2022 میں سینیٹ میں جمع کرائے گئے ایک سوال کے تحریری جواب میں محکمۂ سائنس اینڈ ٹیکنالوجی کی جانب سے بتایا گیا تھا کہ مظفر آباد میں ٹیسٹنگ کے غرض سے لیے گئے پانی کے 70 فیصد نمونے صحت کے لیے غیر محفوظ تھے۔

پاکستان کونسل آف ریسرچ آن واٹر ریسورسز (پی سی آر ڈبلیو آر) کی جانب سے 2015 میں کی گئی تحقیق کے مطابق مظفرآباد شہر میں پانی کے دونوں ذرائع یعنی قدرتی چشموں اور محکمہ پبلک ہیلتھ انجنیئرنگ کی طرف سے گھروں کو فراہمی کے نظام سے حاصل کیا جانے والا پانی 40 فیصد تک آلودہ تھا جبکہ 2021-2020 کے جائزے مطابق یہ آلودگی بڑھ کر 70 فیصد تک پہنچ گئی تھی۔

پی سی آر ڈبلیو آر کے عہدیدار اکرم عزیز کہتے ہیں کہ چشموں کے پانی کی آلودگی کی وجوہات میں لوگوں کا کھلی جگہوں پر رفع حاجت کرنا، چشموں کے ارد گرد سیپٹک ٹینکز کی موجودگی اور گندے پانی کی صفائی کا ناکافی بندوبست (ایک فیصد سے بھی کم) ہیں۔

تجزیے سے معلوم ہوا کہ مظفرآباد کے پانی کے ذرائع میں ٹوٹل کولیفارمز( فضلے کے جرثومے) 60 فیصد ہیں جبکہ 20 فیصد گَدلا پن ( ٹربیڈیٹی) ہے۔&nbsp; پانی میں 41 فیصد جرثومے ،14 فیصد کل تحلیل شدہ ٹھوس مواد(ٹی ڈی ایس)، 14 فیصد آئرن، 10 فیصد کثافت، نو فیصد گندگی (ٹربیڈیٹی)، آٹھ فیصد کلورائیڈ، پانچ فیصد آرسینک، چار فیصد نائٹریٹ ، چار فیصد فلورائیڈ اور ایک فیصد ہائی پی ایچ پایا گیا۔

اکرم عزیز نے بتایا کہ مظفرآباد شہر کی 43 فیصد آبادی چشموں کے پانی پر انحصار کرتی ہے جبکہ 90 سے 95 فیصد چشمے آلودہ ہیں جن کا پانی پینے کے قابل نہیں ہے۔

صائمہ فرید ایک گھریلو خاتون ہیں، وہ بھی پینے کا پانی گھر کے قریب واقع چشمے سے لے کر آتی ہیں۔ انہیں سرکاری حکام کی ایسی کسی ہدایت کا علم نہیں جس میں اس چشمے کے پانی کو آلودہ کہا گیا ہو۔

&quot;ہم نے تو لوگوں سے یہی سنا ہے کہ اس پانی کا لیبارٹری میں تجزیہ کیا گیا جس سے یہ معلوم ہوا ہے کہ یہ پانی پینے کے قابل ہے۔ ہمیں ابھی تک اس پانی کی وجہ سے کوئی مسئلہ نہیں ہوا۔ حکومت کی طرف سے نلکوں میں آنے والے پانی سے بدبو آتی ہے، اس لئے ہم وہ استعمال نہیں کرتے۔&quot;

اس حوالے سے اکرم عزیز کا کہنا ہے کہ پبلک ہیلتتھ انجینئرنگ (پی ایچ ای) کا محکمہ پانی کو صاف کرکے فراہم تو کرتا ہے مگر لوگوں تک صاف پانی پہنچتا ہے یا نہیں اس کا تجزیہ نہیں کیا جاتا۔ ٹوٹے پھوٹے پائپوں میں رساؤ کے باعث آنے والے پانی میں سیوریج کا گندا پانی مل جاتا ہے جس کی وجہ سے 70 فیصد&nbsp; پانی آلودہ ہوتا ہے۔

پی ایچ ای کے افسر عمران مختار دعویٰ کرتے ہیں کہ ان کی طرف سے فراہم کیا جانے والا پانی صاف ہے۔ ان کا کہنا ہے کہ لوگوں کو بار بار تاکید کی جاتی ہے کہ وہ محکمے کی جانب سے فراہم کیا جانے والا پانی ہی استعمال کریں اور چشموں کا پانی استعمال کرنے سے گریز کریں۔ 
&nbsp;&quot;چشموں کے قریب سائن&nbsp; بورڈ بھی لگے ہوتے ہیں جن پر یہ لکھا ہوتا ہے کہ ان چشموں کا پانی استعمال کرنے سے اجتناب کیا جائے۔&quot;

نلکوں میں آنے والے پانی میں بدبو کے حوالے سے اعتراض کے جواب میں ان کا کہنا تھا کہ صفائی کی خاطر پانی میں کلورین اور پھٹکڑی ڈالی جاتی ہے جس سے اس کا ذائقہ قدرے مختلف ہوجاتا ہے، جس کی وجہ سے لوگ اس پانی کے بجائے چشموں کا پانی استعمال کرتے ہیں۔

عمر مختار کا کہنا ہے کہ مظفرآباد شہر میں سکولوں، کالجوں، سرکاری دفاتر اور فوجی چھاؤنیوں میں پانی زیادہ استعمال ہوتا ہے۔ شہر میں 450 سے 500 کلومیٹر واٹر پائپ لائنیں بچھی ہیں اور کل 19 ہزار جائز کنکشن دیے گئے ہیں جن سے روزانہ پچانوے لاکھ گیلن پانی فرایم کیا جاتا ہے، جو ضرورت سے کچھ زیادہ ہی ہے۔

شہر میں پہلی واٹرسپلائی سکیم 1986 میں مکمل ہوئی تھی۔ لیکن 2005 کے تباہ کن زلزلے میں یہ نظام مکمل طور پر تباہ ہوگیا تھا۔ ابتدا میں یونیسیف کے تعاون سے مرمت کرکے اسے بحال کیا گیا تھا۔ چند سال بعد مظفرآباد سٹی ڈویلپمنٹ پراجیکٹ (ایم سی ڈی پی) کے تحت تعمیر نو اور بحالی کے ادارے ایرا نے ساڑھے چار ارب روپے کی لاگت سے مظفرآباد شہر کے لیے ایک نئی واٹر سپلائی اسکیم تعمیر کروائی&nbsp; لیکن یہ سکیم مبینہ بدعنوانی کی نذر ہو گئی۔

عمران مختار کہتے ہیں کہ 2020 میں 54 کروڑ&nbsp; روپے کی لاگت سے واٹر سپلائی کی بہتری، بحالی اور مرمت کا منصوبہ شروع کیا گیا تھا جو اب تکمیل کے مراحل میں ہے۔ اس منصوبے کے مکمل ہونے کے بعد صورت حال بہتر ہوجائے گی۔

تاہم اکرم عزیز صورتحال میں بہتری کے حوالے سے زیادہ پر امید نہیں ہیں اور تجویز کرتے ہیں کہ پی ایچ ای جو پانی فراہم کرتا ہے وہ خود اس کا ٹیسٹ کرنے کے بجائے کسی تیسرے فریق سے کرائے تو پانی کا معیار بہتر بنایا جا سکتا ہے۔

صائمہ اشرف

یونیورسٹی آف آزاد جموں و کشمیر: علم طاقت نہیں، عہدہ طاقت ہے

مظفر آباد میں فضائی آلودگی سے انسانی زندگیوں کو لاحق خطرات

سیاحوں کی تعداد اور معاشی سرگرمیوں میں اضافہ: وادی نیلم میں ماحولیاتی آلودگی بڑھنے لگی

'جنسی زیادتی کے خلاف آواز اٹھائی تو ثبوت مانگے گئے، مدد کرنے کے بجائے مذاق اڑایا گیا'

مظفرآباد میں پیٹ کے امراض وبائی صورت اختیار کر گئے، ہسپتالوں میں اسہال، یرقان اور ٹائیفائیڈ کے مریضوں کا رش