Discover how Balochistan, Pakistan's dates production industry grapples with the impacts of climate change. Learn about the challenges faced, innovative adaptation strategies, and the resilie

Balochistan's Dates Production: Navigating Climate Change Challenges

ضلع کیچ کے نواحی علاقوں میں کجھور کے درجنوں باغات ہیں جہاں کئی اقسام کی کھجوریں پیدا ہوتی ہیں۔ عبدالرحیم کا باغ نواحی علاقے سامی میں ہے۔ انہوں نے 10 ایکڑ پر کھجور کی مختلف اقسام کے تقریباً ایک ہزار درخت لگا رکھے ہیں۔ ان میں بیگم جنگی، حلینی، حسینی اور کونگو&nbsp; اقسام اہم ہیں۔ تاہم عبدالرحیم اپنے کام سے خوش نہیں ہیں۔

وہ بتاتے ہیں کہ ایک درخت سال میں تقریبا ایک من کھجور دیتا ہے۔ اس میں کمی&nbsp; بیشی بھی ہوتی رہتی ہے لیکن پچھلے چند سال سے پیداوار میں بہت زیادہ گراوٹ ہے۔

&quot;بے موسمی بارشوں اور پھر ان کے نتیجے میں آنے والے سیلابوں نے کھجور کی پیداوار پر منفی اثرات مرتب کیے ہیں۔ پیداوار کا ایک چوتھائی گل سڑ جاتا ہے، یہی ہماری آمدن تھی جس سے ہم محروم ہوگئے ہیں&quot;۔

ایگریکلچر مارکیٹنگ اینڈ انفارمیشن سروس کے مطابق کیچ&nbsp; میں تقریباً 61 ہزار ایکڑ پر کجھور کے باغات ہیں اور یہاں کجھور کی سالانہ پیداوار ایک لاکھ 50 ہزار ٹن سے زائد ہے۔

یہاں پیدا ہونے والی کھجور کی مشہور اقسام میں موزاتی، ایلینی، شکر، گوک ناہ، پشپاک،&nbsp; کُنگو، کُروچ،&nbsp; دشتیاری، گوں زلی، آب دندان اور چپشوک شامل ہیں۔

بلوچی زبان میں کھجور کے لیے&nbsp; اورماگ اور ناہ کے الفاظ استعمال کیے جاتے ہیں۔ جس سیزن میں کھجور اتاری جاتی ہے اسے &quot;ہامین &quot; کہا جاتا ہے۔

پنجگور، بلوچستان میں کھجور کی پیداوار کے لحاظ سے دوسرا بڑا ضلع ہے۔ یہاں&nbsp; تقریباً 47 ہزار ایکڑ&nbsp; پر پھیلے کجھور&nbsp; کے باغات سے سالانہ&nbsp; تقریباً ایک&nbsp; لاکھ 20 ہزار ٹن پیداوار ہوتی ہے۔

اس ضلع میں موزاوتی، کہربا، جوان سہر، سبزو، ربئی اور شریفہ کھجور کی معروف اقسام ہیں۔

ان میں سب سے زیادہ قیمتی اور لذیز&nbsp; کجھور موزاوتی ہے۔ پنجگور میں موزاوتی کی پیداور ضلعے کی کل پیداوار کا تقریباً 20 فیصد ہے۔

واشک، خاران، آواران&nbsp; اضلاع اور&nbsp; ضلع&nbsp; کچھی کی تحصیل&nbsp; مچھ میں بھی محدود پیمانے پر کجھور کی پیداوار ہوتی ہے۔

ورلڈ سٹیس کے مطابق 2023ء میں دنیا بھر میں کھجور کی پیداوار میں مصر، سعودی عرب، ایران، الجیریا اورعراق کے بعد پاکستان چھٹے نمبر پر ہے۔&nbsp; حکومتی اعداد و شمار کے مطابق پاکستان میں&nbsp; 2013-14ء&nbsp; سے لے کر 2021-22ء تک&nbsp; ہر سال اوسطً تقریباً پانچ لاکھ 43 ہزار ٹن کھجور پیدا ہوئی ہے۔

مالی سال 2021-22ء میں پاکستان میں کل آٹھ لاکھ 38 ہزار ٹن کجھور پیدا ہوئی تھی جس میں سے پانچ لاکھ 94 ہزار ٹن بلوچستان سے تھی یعنی کھجور کی مجموعی پیداوار میں بلوچستان کا حصہ 71 فیصد تھا۔ لیکن ملک بھر میں سے صرف ایک لاکھ ٹن سے زائد کھجور برآمد کی جاتی ہیں اور باقی یا تو مقامی طور پر استعمال ہوتی ہیں یا پھر ضائع ہو جاتی ہیں۔

مکران ڈویژن میں کھجور کی درجنوں اقسام پیدا ہوتی ہیں، جنہیں امریکہ، کینیڈا اور دیگر ممالک کو برآمد کیا جا سکتا ہے۔

محکمہ زراعت کے ریسرچ آفیسر حامد آزاد بلوچ نے لوک سجاگ کو بتایا کہ پاکستان میں اعلی معیار کی کھجور پیداہوتی ہے لیکن موسمیاتی تبدیلیوں کے اثرات کجھور کے باغات پر بھی پڑ رہے ہیں۔ بے وقت اور غیر معمولی بارشوں کی وجہ سے کجھور کی پیداوار متاثر ہوئی ہے۔بدقسمتی سے مکران ڈویژن میں کھجور کے کاشتکاروں کو پہلے پانی کی کمی اور پھر شدید سیلاب کی وجہ سے بہت زیادہ نقصان ہوا ہے۔

وہ بتاتے ہیں کہ بے وقت کی بارشوں سے موسم نم ہوجاتا&nbsp; ہے اور کجھور کے لیے نمی نقصان دہ ہوتی ہے۔

&quot;جب کجھور پولینیشن پراسس میں ہو یا پکنے کے آخری مراحل میں ہو تو&nbsp; زیادہ نمی کی وجہ سے سڑنے کا خطرہ زیادہ رہتا&nbsp; ہے۔کجھور کو پکنے کے لیے خشک اور گرم موسم کی ضرورت ہوتی ہے۔ یہی وجہ ہے کہ&nbsp; 2020ء میں زیادہ بے موسمی بارشوں کی وجہ سے پنجگور میں تقریباً 90 فیصد کجھور ضائع ہو گئی تھی جس سے&nbsp; زمینداروں کو&nbsp;&nbsp; کروڑوں روپوں کا نقصان ہوا۔

انہوں نے مزید بتایا کہ صوبے کے&nbsp; مکران ڈویژن میں تقریباً ایک تہائی زمینداروں کا ذریعہ معاش کجھور پر منحصر ہے۔ تاہم&nbsp; صوبے میں سرکاری سطح&nbsp; پر کھجوروں کی پیداوار کو محفوظ بنانے کے لیے&nbsp; جدید طریقے کی سہولیات کا فقدان ہے۔

&quot;کولڈ&nbsp; اسٹوریج، پراسیسنگ یونٹ نہ ہونے کی وجہ سے ہر سال پیداوار کا 30 فیصد&nbsp; حصہ ضائع ہو جاتا ہے، ایسے میں مقامی زمینداروں کی جانب سے مختلف روایتی طریقوں کا استعمال کر کے فصل کو&nbsp; محفوظ بنانے کی کوشش کرتے ہیں&quot;۔

انہو نے کہا کہ&nbsp; اس وقت کیچ&nbsp; کی تحصیل تربت اور پنجگور میں ایک ایک سرکاری کولڈ سٹوریج موجود ہیں لیکن پنجگور کا سرد خانہ غیر فعال ہے۔ ان علاقوں میں دو نجی کولڈ سٹوریج اور پراسیسنگ یونٹ کام کر رہے ہیں جو کہ ناکافی ہیں۔

زرعی ماہر حامد آزاد بلوچ کے مطابق سرکاری سطع پر ایک کولڈ اسٹوریج میں کجھور رکھنے کی گنجائش صرف ایک ہزار ٹن ہے اور نجی کولڈ اسٹوریج میں کجھور رکھنے اور اسٹور کرنے کی گنجائش صرف 100 ٹن کی ہے، جو کہ آٹے میں نمک کے برابر ہے۔

حامد آزاد بلوچ نے لوک سجاگ کو بتایا کجھور کی پیداوار کو موسمیاتی تبدیلی&nbsp; سے بچانے&nbsp; کے لیے حکومت کچھ حد تک&nbsp; اقدامات کر رہی ہے۔

گذشتہ&nbsp; کچھ سالوں سے محکمہ زراعت اور دیگر غیر سرکاری تنظیموں&nbsp; کے تعاون سے زمینداروں کو نہ صرف آگاہی تربیت فراہم کی جا رہی ہے بلکہ اس دوران&nbsp; زمینداروں کے مختلف گروپس کو ملکی اور غیر ملکی دورے بھی کرائے گئے ہیں&nbsp; جس سے&nbsp; انہیں معلومات اور نئی ٹیکنالوجی سے آگاہی ملی&nbsp; ہے۔

&quot;لیکن تربیتی عمل محدود پیمانے پر ہونے کی وجہ سے ابھی بھی&nbsp; بہت سے مقامی زمیندار اس تربیتی پروگرام سے&nbsp; محروم ہیں۔ اس سلسلے میں حکومت اور نجی شعبے کو ایسے آگہی پروگراموں کو وسعت دینے کی ضرورت ہے&quot;۔

انہوں نے کہا کہ کھجور کو زیادہ پانی درکار نہیں ہوتا لیکن بلوچستان میں کاریز سسٹم، جو کہ یہاں کا ایک پرانا طریقہ آب پاشی ہے، بھی عدم توجہی کا شکار ہے جسے اپ گریڈ کرنے کی ضرورت ہے۔

&quot;حکومت کو چاہیے کہ زمینداروں کو سولر انرجی پر منتقل ہونے میں مدد کرے اس کے ساتھ ساتھ پراسسنگ یونٹ اور کولڈ سٹوریج کی تعداد کو بھی دوگنا کرنا ہوگا&quot;۔

تربت میں کجھور کے باغات میں کام کرنے&nbsp; والے مزدور عبداللہ بلوچ نے لوک سجاگ کو بتایا کہ تربت میں انڈسٹری اور نوکریاں نہ ہونے کی وجہ سے شہر کی آبادی کا&nbsp; بڑا حصہ&nbsp; زراعت سے وابستہ ہے۔ 
&quot;تربت کی کجھور دنیا میں پسند کی جاتی ہیں لیکن حکومتی عدم دلچسپی کے باعث زمینداروں کو ہر سال نقصان کا سامنا کرنا پڑتا ہے&quot;۔&nbsp;

انہوں نے بتایا کہ مقامی زمینداروں کو ایکسپورٹ اور کوالٹی پیکنگ کے حوالے سے بھی مسائل کا سامنا ہے۔

&quot;موسمیاتی تبدیلی سے بچنے کے لیے پکے ہوئے خوشوں کو نمی سے محفوظ رکھنے کے لیے ڈھانپنا ضروری ہے۔ اس کے لیے پلاسٹک بیگز،گرین ہاوس جالیاں وغیرہ استعمال کی جاتی ہیں لیکن یہ طریقہ مہنگا پڑتا ہے اور غریب اور متوسط طبقے کے زمینداراروں کی گنجائش&nbsp; سے&nbsp; باہر ہے&quot;۔

پنجگور کے زمیندار گہرام بلوچ نے لوک سجاگ سے گفتگو کرتے ہوئے بتایا کہ مقامی زمینداروں کے پاس وسائل اور تربیت&nbsp; کے فقدان کے باعث ضلع&nbsp; کی کجھور مقامی مارکیٹ&nbsp; تک پہنچتے پہنچتے خراب ہو جاتی ہیں۔ پنجگور میں سرکاری کولڈ اسٹوریج مکمل فعال نہ ہونے کی وجہ سے مقامی زمینداروں کو&nbsp; پرائیوٹ کولڈ اسٹوریج میں کجھوروں کو رکھنا پڑتا ہے۔ جو پورے شہر کے لیے ناکافی ہیں اور زمینداروں پر اضافی بوجھ الگ سے&nbsp; پڑتا ہے۔

&quot;پاکستان کی مارکیٹوں میں ایرانی کجھور تو باآسانی دستیاب ہے&nbsp; لیکن بلوچستان کی کجھور بہت کم ملتی ہے&quot;۔

وہ اس کی یہ وجہ بتاتے ہیں کہ ایران میں حکومت ہر زمیندار کو تمام سہولیات جیسا کہ پانی اور کھاد بھی مفت فراہم کرتی ہے۔ پھل تیار ہونے کے بعد سرکار کی جانب سے ہی کھجور خرید لی جاتی ہے۔ یوں زمیندار پر کسی قسم کا بوجھ نہیں پڑتا۔

&quot;لیکن پاکستان میں تمام اخراجات زمیندار خود کرتا ہے۔ اس کے باوجود مارکیٹ میں پروڈکٹ کی مناسب قیمت نہیں ملتی جس سے زمینداروں کی دلچسپی کم ہو جاتی ہے&quot;۔&nbsp;&nbsp;

ہواؤں کے بدلتے رخ سے انجان رہے ہم: پاکستان کا زرعی شعبہ موسمیاتی تبدیلی سے کن تبدیلیوں کی زد میں ہے؟

موسمیاتی تبدیلیاں بلوچستان میں کھجور کو کیسے متاثر کر رہی ہیں؟

text

بلوچستان کے 65 رکنی ایوان میں خواتین کی طرح اقلیتوں کی تین مخصوص نشستیں ہیں جو جنرل الیکشن میں پانچ فیصد سے زائد حلقے جیتنے والی سیاسی جماعتوں کو الاٹ ہوتی ہیں۔

مگر یہاں کی اقلیتوں کو شکایت ہے کہ سیاسی پارٹیاں &#39;مخصوص&quot; افراد کو نامزد کر دیتی ہیں اور ان کے انتخاب میں اقلیتوں کی رائے شامل نہیں ہوتی اور نہ ہی یہ لوگ ان کے مسائل پر توجہ دیتے ہیں۔

الیکشن کمیشن کے مطابق بلوچستان کے 35 اضلاع میں 51 ہزار 245 غیر مسلم آبادی ہے جن میں27 ہزار 15 مرد اور24 ہزار 230 خواتین ہیں۔ یہاں سب سے زیادہ غیر مسلم آبادی کوئٹہ میں ہے جہاں اقلیتی برادریوں کے 19 ہزار 567 لوگ رہتے ہیں۔

&nbsp;دوسرے نمبر پر ضلع جعفرآباد میں پانچ ہزار 115 غیر مسلم آباد ہیں۔اسی طرح لسبیلہ میں چار ہزار 278 اور خضدار میں ڈھائی ہزار لوگ ہیں۔

لیکن یہاں شاید ہی کبھی کسی سیاسی جماعت نے جنرل نشست پر غیر مسلم امیدوار کو ٹکٹ دیا ہو۔

مسیحی برادری سے تعلق رکھنے والے اکمی راجر بتاتے ہیں کہ انتخابات میں ان کی برادری ہمیشہ ووٹ ڈالتی ہے اور کسی نہ کسی پارٹی کے امیدوار کو جتوانے میں کردار ادا کرتی ہے۔

&quot;جب ہمارے لوگ پانی، بجلی،گیس اور نوکری کے مسائل لے کر منتخب نمائندوں کے پاس جاتے ہیں تو جواب ملتا ہےکہ اپنی برادری کے ایم پی ایز کے پاس جائیں۔ اقلیتی نمائندہ کہتا ہے، مجھے پارٹی نے سلیکٹ کیا ہے تو کوٹا اور فنڈز بھی پارٹی کی مرضی پر خرچ ہوں گے۔&quot;

راجر&nbsp; کہتے ہیں کہ لوگ براہ راست اپنا نمائندہ منتخب کریں تو اقلیتوں کے حقیقی نمائندے اسمبلیوں میں جائیں گے۔ ان پر پارٹی کا دباؤ نہیں ہوگا اور اقلیتوں کے مسائل بھی حل ہوں گے۔

آئین پاکستان 1973ء کہتا ہے کہ ملک کے ہر بالغ شہری کو الیکشن لڑنے اور ووٹ کے ذریعے اپنا نمائندہ منتخب کرنے کا حق ہے۔ 2002ء میں الیکشن سے قبل جنرل پرویز مشرف نے &quot;اقلیتوں کو قومی دھارے میں لانے کے لیے&quot; آئین کے آرٹیکل 33 کی ذیلی شقوں میں ترمیم کر دی تھی۔

اس ترمیم کے تحت قومی اسمبلی میں مخصوص اقلیتی نشتوں کو آٹھ سے بڑھا کر 10 کر دیا گیا اور &#39;جداگانہ انتخاب&#39; کو &#39;مخلوط طریقہ انتخاب&#39; میں تبدیل کر دیا گیا تھا۔

بلوچستان میں سیاسی جماعتوں نے مخلوط طریقہ انتخاب میں اب تک کسی اقلیتی رکن کو&nbsp; جنرل نشست پر ٹکٹ نہیں دیا بلکہ ان کی نامزدگی الیکشن کمیشن کے کوٹے کے مطابق کی جاتی ہے۔

نئے انتخابی طریقہ کار کے مطابق عام انتخابات میں ووٹر اپنے حلقے میں سیاسی جماعت کے امیدوار کو ووٹ دیتا ہے۔ بعد ازاں اسمبلیوں میں مخصوص اقلیتی نشستوں کو سیاسی جماعتوں میں ان کی جنرل نشستوں کے تناسب سے تقسیم کر دیا جاتا ہے۔ ان نشستوں پر پارٹیاں اپنے اقلیتی نمائندے نامزد کر دیتی ہیں۔

بلوچستان عوامی پارٹی کے اقلیتی رہنما سموئیل ایوب سمجھتے ہیں کہ&nbsp; پاکستان خصوصاً بلوچستان میں لوگ مذہب، قومیت، قبیلے اور برادری کی بنیاد پر ووٹ دیتے ہیں۔ اس لیے سیاسی پارٹیاں اقلیتی امیدوار کو جنرل سیٹ پر ٹکٹ نہیں دیتیں۔

وہ کہتے ہیں کہ اگر سیاسی پارٹی اقلیتی نمائندے کو جنرل نشست پر ٹکٹ دے اور سپورٹ کرے تو کوئی بھی جیت سکتا ہے۔

&quot;مثال کے طور پر پچھلے الیکشن میں کوئٹہ کے حلقہ پی بی 25 میں اقلیتی آبادی کی چھ کالونیاں آتی تھیں۔ کوئٹہ کی غیرمسلم آبادی کا بڑا حصہ ان کالونیوں میں رہتا ہے۔ 2018ء میں ملک سکندر یہاں چار ہزار 750 ووٹ لے کر جیتے تھے۔ مگر یہاں کسی اقلیتی امیدوار کو ٹکٹ نہیں دیا گیا تھا&quot;۔

سموئیل ایوب کے مطابق کیونکہ اقلیتی برادری کا کوئی بھی امیدوار الیکشن نہیں لڑ رہا ہوتا اس لیے یہ اقلیتیں انتخابی سر گرمیوں میں بھر پور حصہ نہیں لیتیں۔ ستم ظرفی یہ بھی ہے بہت کم سیاسی پارٹیاں ووٹ لینے کے لیے اقلیتوں کے علاقوں کا رخ کرتی ہیں۔

&quot;اگر ہم پچھلے 15 برسوں کا ریکارڈ دیکھیں تو اقلیتی نشستوں پر نامزد افراد میں بہت کم سیاسی بیک گراونڈ رکھتے تھے۔ زیادہ تر نامزد ارکان اسمبلی &#39;پارٹی فنڈ&#39; کے نام پر پیسے دیتے ہیں اور یہ اقلیتی نمائندوں سے زیادتی ہے۔&quot;

1985ء کے الیکشن سے قبل ڈکٹیٹر ضیاء الحق نے قانون میں ترمیم کرکے اقلیتوں کے لئے جداگانہ انتخابات وضع کئے۔ مگر اس میں پایا جانے والا ابہام دور نہ کیا گیا۔ اس ترمیم کی وجہ سے قومی اسمبلی کے امید وار کے لئے پورا پاکستان اور صوبائی اسمبلی کے لئے پورا صوبہ انتخابی حلقہ تھا۔ اقلیتی &quot;منتخب&quot; نمائندوں کا کوئی خاص حلقہ نہ ہونے کی وجہ سے اقلیتی عوام کی اپنے نمائندوں تک رسائی انتہائی مشکل ہو گئی۔

سموئیل بتاتے ہیں کہ 2002ء میں دوسرے ڈکٹیٹر پرویز مشرف نے ترمیم کو ختم کرکے مخلوط انتخابات کا سلسلہ بحال کر دیا۔ اس وقت قومی اسمبلی میں اقلیتوں کی مخصوص نشستوں کی تعداد 10 ہے۔

مسلم لیگ ن کے سابق رکن اور ایوارڈ یافتہ ہیومین رائٹس ڈیفینڈر سردار جسویت سنگھ بتاتے ہیں&nbsp; کہ قائداعظم محمد علی جناح نے پہلی آئین ساز اسمبلی میں برابری کی بات کی تھی لیکن پچھلے 50 سال میں یہ بات ختم ہو چکی ہے۔

وہ الزام لگاتے ہیں کہ سیاسی جماعتیں الیکشن کے بعد اقلیتی سیٹوں کی بولیاں لگاتی ہیں۔ بلوچستان میں اقلیتوں کی بڑی تعداد کے باوجود ان کی حقیقی نمائندگی نہیں ہو رہی۔

&nbsp;&quot;ہماری برادری میں سخت مایوسی ہے۔کشمیری شہریوں کی طرح اقلیتوں کو بھی دہرے ووٹ کا حق ہونا چاہیے تاکہ وہ قومی دھارے میں بھی رہیں اور اپنے نمائندے بھی منتخب کرسکیں۔&quot;

ان کا کہنا تھا کہ یہاں نواب اکبر بگٹی نے ایک بار ایک سکھ اقلیتی نمائندے کو وزیر اعلیٰ کے لیے کھڑا کیا تھا، پھر کبھی ایسا نہیں ہوا۔ سیاسی جماعتوں کو پانچ سے دس فیصد ٹکٹیں اقلیتی نمائندوں کو دینے کا پابند کیا جاناچا ہیے۔

&quot;ہم (اقلیتی رہنما) پانچ سال ایک پارٹی کو سپورٹ کرتے ہیں۔ جب وہ الیکشن جیت جاتی ہے تو راتوں رات کہیں سےکوئی اقلیتی شخص &quot;بڑا بیگ&quot; لے کر آتا ہے اور پارٹی اسے صوبائی یا قومی اسمبلی کا رکن بنا دیتی ہے۔ پھر ان میں سے کوئی سرکاری کالونی منظور کراتا ہے تو کوئی کہیں اور سے پیسے بناتا ہے۔&quot;

بلوچستان اسمبلی سیکریٹریٹ کے مطابق پچھلی اسمبلی میں شام لال مجلس عمل جبکہ خلیل جارج اور ٹائٹس جانسن بی اے پی سے رکن اسمبلی رہے ہیں۔

اس سے پہلے دو اسمبلیوں میں انیتا عرفان ن لیگ گنشام داس مدوانی بی این پی، ویلیم جان برکت پشتونخواہ میپ، انجنئیر بسنت لال گلشن ہم خیال گروپ، جعفر جارج پیپلز پارٹی اور جے پرکاش جمعیت علماءاسلام (ف) کے رکن رہ چکے ہیں۔

&nbsp; مسلم لیگ ن بلوچستان کےنائب صدر نسیم الرحمن کا کہنا تھا کہ اقلیتی ارکان ایک لیڈر کی طرح&nbsp; سوچیں اور فیصلہ کریں کہ ان کو پارٹی سے ٹکٹ کا مطالبہ کرنا چاہئے یا نہیں۔

&quot;اگر وہ سمجھتے ہیں کہ وہ کسی بھی حلقے سے سیٹ جیت سکتے ہیں تو ان کو پارٹی میں درخواست کرنی چاہیے ورنہ نہیں۔&quot;

وہ کہتے ہیں کہ&nbsp; اقلیتی نمائندوں کو اپنی برادری کے لیےایک قدم&nbsp; آگے آنا چاہیے۔ تمام جمہوری&nbsp; پارٹیاں جمہوری میکنزم کے تحت ٹکٹ جاری کرتی ہیں۔ اگر کوئی اقلیتی رہنما سمجھتا&nbsp; ہے&nbsp; کہ وہ ٹکٹ کا حقدار ہے تو اسے اپنی کوشش جاری رکھنے کا حق ہے۔

"مخصوص نشستوں پر منتخب اقلیتی ارکان کے پاس اتنا فنڈ نہیں ہوتا جس سے وہ اپنے لوگوں کے مسائل حل کر سکیں"

سیاسی جماعتیں عام انتخابات میں اقلیتی امیدواروں کو ٹکٹ کیوں نہیں دیتیں؟

ہم حکومت کو ٹیکس دیتے ہیں اور فوڈ اتھارٹی میں بھی رجسٹرڈ ہیں۔ اس کے باوجود ہمیں تنگ کیا جاتا ہے۔ آئے دن پولیس اور دیگر ادارے ہماری دکانوں پر چھاپہ مارتے اور بلیک میل کرتے ہیں۔&quot;

یہ کہنا ہے افغان مہاجر اور کوئٹہ میں افغانی ریسٹورنٹ کے مالک عبدالواحد کا۔ ان کے مطابق چار دہائیوں سے ان کا خاندان کوئٹہ میں آباد ہے اور وہ اسی شہر میں پیدا ہوئے۔

کوئٹہ میں پرچون کا کاروبار کرنے والے افغان مہاجر امین اللہ کو بھی اسی طرح کا گلہ ہے۔

&quot;ہم حکومت پاکستان سے مکمل تعاون کر رہے ہیں۔ دکان، گھر اور گاڑی کا ٹیکس دے رہے ہیں۔ گیس اور بجلی کا بل بھی جمع کرا رہے ہیں۔ نادرا کا رجسٹریشن کارڈ ہونے کے باوجود پتا نہیں کیوں پولیس اور دیگر ادارے ہمیں تنگ کرتے ہیں۔ قانونی کاروبار کرنے کے باوجود ہم سے رشوت طلب کی جاتی ہے۔&quot;

ہول سیل کے کاروبار سے منسلک افغان مہاجر رحیم اللہ کا کہنا ہے کہ انہوں نے آج تک افغانستان نہیں دیکھا، ان کے والد والدہ، دادا، بھائی اور خاندان کے دیگر افراد کی قبریں کوئٹہ میں ہیں۔ انہوں نے کہا کہ حکومت پاکستان کو انہیں کچھ وقت دینا چاہیے۔

یہ کارروائیاں وفاقی حکومت کے ان احکامات کے بعد شروع ہوئیں جن میں غیرقانونی تارکین وطن یا مہاجرین کو 31 اکتوبر 2023ء تک آبائی وطن واپس جانے کا کہا گیا ہے۔

کمشنر کوئٹہ حمزہ شفقات کا کہنا ہے کہ وہ لوگ جو خفیہ راستوں سے غیر قانونی طور پر پاکستان میں داخل ہوئے اور یہاں آباد ہونا چاہتے ہیں، ان کے خلاف پہلے مرحلے میں کارروائی شروع کی گئی ہے۔

ایس ایس پی آپریشز کوئٹہ جواد طارق نے بتایا کہ بلوچستان میں تمام اضلاع کی انتظامیہ اور پولیس نے غیر قانونی طور پر مقیم افراد کے خلاف کارروائیوں کا آغاز کیا ہے۔

ان کے مطابق کوئٹہ پولیس نے غیر قانونی طور پر رہائش پذیر 122 سے زائد افغان باشندوں کو گرفتار کر لیا ہے جبکہ فارن ایکٹ کے تحت 52 مقدمات درج کیے گئے ہیں۔

انہوں نے کہا کہ چمن باب دوستی سے رواں سال یکم اکتوبر سے 20 اکتوبر&nbsp; تک 10 ہزار سے زائد افغان شہری وطن واپس جا چکے ہیں۔

خیال رہے کہ مہاجرین کی بڑی تعداد جن کے پاس پی او آر کارڈ نہیں تھے انہیں نادرا کی جانب سے افغان سٹیزن کارڈ دیے گئے تاکہ وہ پاکستان میں قانونی قیام کر سکیں۔

نگران وزیر اطلاعات بلوچستان جان محمد اچکزئی نے لوک سجاگ کو بتایا کہ محکمہ داخلہ کے اعداد و شمار کی روشنی میں صوبے میں تمام ڈھائی لاکھ یا اس سے زیادہ غیر قانونی تارکین وطن کو مہلت ختم ہونے پر ملک بدر کیا جائے گا۔ اس کے لیے نادرا نے خصوصی سافٹ وئیر بنایا ہے۔ 
&quot;ملک بدر کیے جانے والے افراد کے فنگر پرنٹس لیے جائیں گے۔ کل کوئی واپس بھی آتا ہے تو ان کے فنگر پرنٹس ہوں گے اور ان کی شناخت آسانی سے ہو سکے گی۔ یہ سسٹم بہت فول پروف ہے۔&quot;

ان کے مطابق غیر قانونی تارکین وطن کا تعلق خواہ کسی بھی ملک یا قومیت سے ہو، انہیں یہ ملک یکم نومبر سے قبل چھوڑنا ہو گا ورنہ انھیں زبردستی نکالا جائے گا۔

قبل ازیں چار اکتوبر کو ہونے والی ایک پریس کانفرنس میں نگران وزیر اطلاعات نے کہا تھا کہ افغان سیٹیزنز کارڈ اور پروف آف رجسٹریشن کارڈ کے حامل افراد کے خلاف کارروائی نہیں ہو گی۔

ان کی جانب سے اس موقع پر دیے گئے اعداد و شمار کے مطابق پی او آر کے حامل افراد کی تعداد تین لاکھ 13 ہزار 643 ہے جبکہ رجسٹرڈ افغان سٹیزنز (اے سی سی) دو لاکھ 74 ہزار 246 ہیں۔

حکومتی ادارے کمیشنریٹ افغان ریفیوجیز کے&nbsp; کمشنر ارباب طالب کا کہنا ہے کہ رجسٹرڈ مہاجرین کی تعداد غیر رجسٹرڈ مہاجرین سے کہیں زیادہ ہو سکتی ہے۔ یہ شہری اور دیہی دونوں علاقوں میں آباد ہیں اور کئی کی چھوٹی بڑی جائیدادیں بھی ہیں۔

افغانستان میں روسی مداخلت کے بعد ایک اندازے کے مطابق 30 لاکھ کے لگ بھگ افغان باشندے 1980ء کی دہائی کے اوائل میں اپنا وطن چھوڑ کر پاکستان آ گئے تھے جن کی ایک بڑی تعداد بلوچستان میں رہنے لگی۔

صوبے کی بلوچ اور پشتون قوم پرست سیاسی جماعتیں افغان مہاجرین کی واپسی پر الگ الگ مؤقف رکھتی ہیں۔

پشتونخواہ عوامی پارٹی کے سینئر رہنما اور سابق ایم پی اے نصراللہ زیرے کا کہنا ہے &quot;جب تک افغانستان کے حالات مکمل طور پر ٹھیک نہیں ہو جاتے افغان مہاجرین کا انخلا درست نہیں۔ میں سمجھتا ہوں کہ جب بھی حالات ٹھیک ہوں گے یہ لوگ اپنے گھروں کو واپس جائیں گے۔&quot;

ان کا کہنا تھاکہ آج کل غیر قانونی افغان شہریوں کے نام پر نادرا سے رجسٹرڈ افغان مہاجرین کو تنگ کیا جا رہا ہے جو سراسر ناانصافی ہے۔ صوبے کی معیشت میں کردار ادا کرنے والے رجسٹرڈ افغان مہاجرین کو باعزت طور پر اپنا کام کرنے کی اجازت ہونی چاہیے البتہ دہشت گردوں کو گرفتار کر کے سزا دینا ریاست کی ذمہ داری ہے۔

بلوچستان نیشنل پارٹی کے سینئر رہنما اور سابق ایم پی اے ثنا اللہ بلوچ کا کہنا ہے کہ افغان مہاجرین کی باعزت وطن واپسی ممکن بنانے کے لیے حکومت پاکستان کو کلیدی کردار ادا کرنا چاہیے۔ حکومت اس معاملے میں تمام جماعتوں اور سٹیک ہولڈرز کو اعتماد میں لے کر فیصلہ کرے۔

ان کے مطابق &quot;بلوچستان میں غیر قانونی مقیم لاکھوں غیر ملکی نہ صرف صوبے کی معیشت پر بوجھ ہے بلکہ اس سے صوبے کا سماجی و اقتصادی نظام بری طرح متاثر ہو کر رہ گیا ہے۔&quot;

پناہ گزینوں کے لیے کام کرنے والے ادارے یو این ایچ سی آر بلوچستان کی ترجمان حمیرہ کریم کا کہنا ہے کہ گزشتہ ماہ ستمبر میں پی او آر کارڈ رکھنے والے چھ ہزار&nbsp; رجسٹرڈ افغان مہاجرین چمن کے راستے پاکستان سے اپنے ملک افغانستان واپس چلے گئے۔

ان کا کہنا ہے کہ افغانستان جانے والے رجسٹرڈ افغان مہاجر پاکستان میں یو این ایچ سی آر کے دو مراکز پر اپنا پی او آر کارڈ واپس کرتے ہیں جس کے بعد بطور مہاجر ان کی حیثیت ختم ہو جاتی ہے۔ ان میں سے ایک مرکز کوئٹہ میں بلیلی ائیر پورٹ روڈ اور دوسرا خیبر پختونخوا کے پشاور سینٹر میں ہے۔

&quot;یو این ایچ سی آر کی طرف سے افغانستان واپس جانے والے رجسٹرڈ افغان مہاجر کو 375 ڈالرز دیے جاتے ہیں۔ وہ قندھار پہنچ پر انکیشمنٹ سینٹر سے یہ رقم وصول کریں گے۔ اپنے ملک میں تین ماہ رہ لینے پر انہیں 700 ڈالر دیے جاتے ہیں تاکہ وہ وہاں بس سکیں۔

'ان افغان مہاجرین کو افغانستان واپس نہ بھیجا جائے جن کی زندگیوں کو خطرہ ہے'۔

بلوچستان میں غیرقانونی تارکین وطن کے خلاف کارروائی سے رجسٹرد افغان مہاجرین کے لیے مسائل کھڑے ہو گئے

کوئٹہ کے پچاس سالہ ندیم اعوان&nbsp; چند ماہ پہلے تک سینئر صحافی ہوا کرتے تھے۔ مگر آج کل بے روزگار ہیں اور اپنا گھر چلانے کے لیے دکان بنانے کی کوشش کر رہے ہیں۔

انہوں نے صحافتی کیریئر کا آغاز 1998 ء میں کوئٹہ کے ایک اخبار سے بطور فوٹوگرافر کیا تھا۔ وہ بتاتے ہیں کہ اس وقت صحافی کی تنخواہ سرکاری طور پر مقرر کم از کم اجرت کے برابر نہیں تھی اور آج بھی نہیں ہے۔ انہوں نے 2004ء میں الیکٹرانک میڈیا کے لیےبطور کیمرہ مین کام شروع کیا۔

2007ء میں جیو نیوز سے منسلک ہو گئے اور 2016ء میں بول چینل کو ایسوسی ایٹ رپورٹر کے طور پر جوائن&nbsp; کر لیا۔

ندیم اعوان بتاتے ہیں کہ میڈیا انڈسٹری وہ واحد شعبہ ہے جہاں کارکنوں&nbsp; کی تنخواہیں برسوں نہیں بڑھتیں ۔بلکہ گاہے بگاہے بحران کے نام پر اجرتوں میں کمی کر دی جاتی ہے۔

&quot;پہلے میری تنخواہ 20 فیصد کم گئی اور پھر30 فیصد مزید کٹوتی کی گئی اور آخر کار دو ماہ قبل مجھے کوئی نوٹس دیے بغیر نوکری سے فارغ کر دیا گیا۔&quot;

وہ کہتےہیں کہ انہوں نے صحافت کو 25 سال دیے۔لیکن آج اپنے تین بچوں کی تعلیم اور روزی روٹی کے لیے دوستوں سے ادھار لینے پر مجبور ہیں۔ وہ دوسروں کے حقوق کے لیے ہمیشہ لڑتے رہے مگر ان کی خاطر کوئی بات کرنے والا بھی نہیں ہے۔

فوٹوگرافر عدنان 2010 ءسے نیوز ایجنسی آئی این پی سے وابستہ ہیں۔ وہ بتاتے ہیں کہ کہ 13 سال قبل ان کی تنخواہ سات ہزار روپے مقرر کی گئی تھی اور وہ آج تک اسی تنخواہ پر کام کر رہے ہیں۔ کیا اس آمدنی سے کوئی پانچ افراد پر مشمل کنبے کو پال سکتا ہے؟

&quot;میڈیا مالکان دوسروں پر تنقید تو کرتے ہیں لیکن خود کو کسی قانون یا اخلاقی ضابطے کا پابند نہیں سمجھتے۔کار کنوں کی اتنی کم اجرت پر بھی انہیں کوئی فرق نہیں پڑتا۔انہوں نے ہمیں مجبور کر دیا ہے کہ ہم دوسروں سے پیسے مانگیں۔&quot;

بلوچستان یونین آف جرنلسٹس(بی یو جے) کے مطابق صوبے میں پرنٹ اور الیکٹرانک میڈیا سے وابستہ صحافیوں کی کل تعداد دو ہزار سے زیادہ ہے۔لیکن نجی شعبے کے میڈیا اداروں میں کبھی ویج بورڈ کے فیصلوں یا پیمرا قوانین کا نفاذ نہیں ہوا۔بلکہ پرنٹ میڈیا میں تو&nbsp; کبھی از کم اجرت کے قانون پر بھی عمل نہیں کرایا گیا۔

سینئر صحافی اشتیاق مصطفیٰ بخاری کے مطابق ویج بورڈ کی رو سے اخبارات میں کام کرنے والے جونیئر رپورٹر، سب ایڈیٹر اور فوٹو گرافر کی کم از کم تنخواہ 38 سے 40 ہزار روپے تک ہونی چاہیے۔ ان تینوں شعبوں میں کام کرنے والے جس صحافی کے پاس 10 سال کا تجربہ ہو، ویج بورڈ کے تحت اس کی کم از کم تنخواہ 50 تا 55 ہزار روپے ہونا لازمی ہے۔

بی یو جے کے سابق جنرل سیکرٹری&nbsp; فتح&nbsp; شاکر بتاتے ہیں کہ صحافیوں کو مالکان کے ناجائز مطالبات اور ڈیوٹی ٹائم سے زیادہ کام اور سہولتیں نہ ملنے کی شکایات پہلے بھی تھیں۔اب تو صورت حال بہت ہی ابتر ہے۔ صحافیوں کو چھ، چھ ماہ بغیر تنخواہ کام کرنا پڑتا ہے۔

وہ کہتے ہیں کہ بلوچستان میں ذرائع&nbsp; ابلاغ کے اداروں سے سیکڑوں کارکن نکالے جا چکے ہیں۔ انڈسٹری اور نجی اشتہارات نہ ہونے کی وجہ سے چار چینل کے نیوز بیوو دفاتر بند ہو جانے سے مزید تین درجن صحافی بیروزگار ہوئے ہیں ۔

فتح شاکر نے 2006ء میں بطور&nbsp; کیمرہ مین صحافت شروع کی تھی۔ اس وقت ان کی&nbsp; تنخواہ&nbsp; 30 ہزا ر روپے تھی پھر اس میں کبھی اضافہ نہیں ہوا۔ ان کا کہنا ہے کہ مہنگائی بے تحاشہ&nbsp; بڑھ چکی ہے۔ تیس ہزار تنخواہ میں گھر کا کرایہ، کچن، بچوں کی فیسیں بیماری اور دیگر اخراجات&nbsp; پورے کرنا ناممکن ہے۔ میں کیسے&nbsp; گزارا&nbsp; کر رہا ہوں یہ میں ہی جانتا ہوں۔&quot;

ان کا کہنا ہے کہ میڈیا اداروں کے بیورو چیفس اور صحافتی&nbsp; تنظیموں کے نمائندوں کو صرف اپنی مراعات کا غم ہوتا ہے۔کارکن مسائل یا تںخواہ پر بات کریں تو جواب ملتا ہے &quot; مالکان کا&nbsp; بجٹ کم ہے۔ ورکرز&nbsp; کے حق میں بولنے سے بیورو انچارج کو یہ ڈر ہوتا ہے کہ کہیں&nbsp; ان کی سہولتیں کم نہ&nbsp; ہوجائیں۔&quot;

ان کا کہنا تھا کہ انہوں نے 2021 ء میں بی یو جے کے جنرل سیکرٹری&nbsp; کی حیثیت سے صحافیوں کے معاشی مسائل پر جب&nbsp; سروے کیا تو انکشاف ہوا کہ صوبے میں 80 فیصد صحافی غربت کی لکیر&nbsp; سے نیچے&nbsp; زندگی گزاررہے ہیں۔اور 33 اضلاع&nbsp; میں بیشتر نامہ نگار مفت کام کرتے ہیں۔

خضدار پریس کلب کے جنرل سیکرٹری&nbsp; محمد اقبال مینگل بتاتے ہیں کہ&nbsp; کلب کے 22 ارکان ہیں۔ان میں سے صرف تین ہی صحافیوں کو تنخواہ ملتی ہےجو بڑے قومی میڈیا ہاؤسز سے وابستہ ہیں۔ باقی 19 کو میڈیا ادارے کچھ نہیں دیتےاور اگر کام کے دوران کسی کو حادثہ پیش آئے یا اس کی موت واقع ہو جائے تو تب بھی کوئی نہیں پوچھتا۔ان لوگوں کوگھر چلانے کے لیےکہیں نہ کہیں کسی سے مالی مدد لینا پڑتی ہے۔

کوئٹہ پریس کلب کے صدر عبدالخالق رند کا کہنا ہے کہ&nbsp; &quot;ہم زندگی نہیں گزار رہے بلکہ زندگی ہمیں گزار رہی ہے۔ خبر چھاپیں تو جان&nbsp; کا خطرہ ہے۔صحافت میں جاب سیکورٹی کا کوئی تصور ہی باقی نہیں رہا۔ تنخواہیں ناصرف بہت کم ہیں بیشتر اداروں میں وقت پر ملتی بھی نہیں۔&quot;

وہ کہتے ہیں کہ میڈیا مالکان سے تنخواہوں کی بات کریں تو جواب ملتا ہے&nbsp; &quot;بلوچستان سے&nbsp; بزنس نہیں مل رہا&quot;۔ یہ بات درست نہیں ہے کیونکہ&nbsp; ہر سال بلوچستان حکومت سے اشاعتوں کی مد میں ایک بڑی رقم انہی مقامی اور قومی میڈیا مالکان کو ملتی ہے۔&quot;

روزنامہ آزادی کوئٹہ کےمالک اور&nbsp; ایڈیٹر آصف بلوچ اس صورت حال کا ذمہ دار&nbsp; وفاق اور صوبائی حکومتوں&nbsp; کو قرار دیتے ہیں۔ وہ کہتے ہیں کہ یہاں اخباری صنعت&nbsp; پر توجہ نہیں دی جا رہی۔ صوبائی حکومت کے اشتہارات&nbsp; نہ ہونے کے برابر ہیں۔ مالی مشکلات کے باعث بہت سے لوکل اخبارات بند ہوچکے ہیں۔

&quot;پرنٹ میڈیا کا تمام سامان درآمد ہوتا ہے اور ڈالر کی ہر روز قیمت بڑھتی جارہی ہے۔ 20 روپے میں والا اخبار ہمیں دو سو روپے میں پڑتا ہے۔ نجی اشتہارات سے تنخواہیں پوری نہیں ہوتیں۔سرکاری اشتہارات کے بل پاس ہونے میں چھ ماہ لگ جاتے ہیں۔اس لیے صحافیوں کو تنخواہیں بھی وقت پر نہیں ملتی۔&quot;

انہوں نے کہا کہ حکومت کو اس انڈسٹری کو بچانے کیلئے اپنا کردار ادا کرنا چاہیے کیونکہ بہرحال پرنٹ میڈیا کو نظر انداز نہیں کیا جاسکتا اس لیے اس کی اہمیت کو محفوظ خاطر رکھتے ہوئے اس صنعت کو ترجیح دیتے ہوئے مختص فنڈز میں اضافہ کیا جائے۔

مقامی اخبارات &#39;نوی ژوند &#39;، &#39;اعلان&#39; اور روزنامہ صداقت کے مالک انور شاہ بتاتے ہیں کہ&nbsp; صوبے&nbsp; میں 130 مقامی اخبارات ہیں لیکن صوبائی&nbsp; اور وفاقی حکومتیں اشتہارات&nbsp; قومی اخباروں کو دیتی ہیں۔سیاسی جماعتیں بھی قومی میڈیا پر اپنی مہم چلاتی ہیں۔

&quot;سیاسی جماعتوں کو دیکھنا چاہیے کہ ان کا ووٹر تو مقامی اخبارات پڑھتا ہے۔یہاں دور دراز علاقوں میں صرف&nbsp; مقامی اخبارات کی ترسیل ہوتی ہے۔ قومی اخبارات وہاں تک پہنچ ہی نہیں سکتے مگر اشتہارات کا بجٹ صرف قومی میڈیا کو ملتا ہے۔ برسراقتدار سیاسی جماعتوں کو دوسرے صوبوں کی طرح بلوچستان کے حوالے سے بھی قانون سازی کرنی چاہیے۔&quot;

صوبے کے نگران وزیر اطلاعات جان محمد اچکزئی بتاتے ہیں کہ بلوچستان میں انڈسٹری نہ ہونے کی وجہ سے میڈیا کی کوئی آمدنی نہیں ہے۔جب حکومت میڈیا مالکان سے صحافیوں کی تنخواہیں بڑھانے کی بات کرتی ہے تو جواب ملتا ہے &quot;حکومت کیا مدد&nbsp; کر رہی ہے؟&quot;

وہ کہتے ہیں کہ اگر ہم دیگر صوبوں&nbsp; کو دیکھیں تو سندھ میں انڈسٹری کے علاوہ صوبائی حکومت کا 12 ارب روپے کا اشاعتی بجٹ ہے۔ پنجاب کااشاعتی بجٹ 18 ارب روپے ہے اور بلوچستان کا&nbsp; صرف 55 کروڑ ہے جو کافی نہیں۔ میڈیا مالکان حکومت سے بزنس کی بنیاد پر ڈیل کرتے ہیں۔

چئیرمین بلوچستان بار کونسل&nbsp; راحب بلیدی کہتے ہیں کہ قانوناً ہرسرکاری اور نجی ادارے&nbsp; پر کم از کم اجرت کے قانون پر عمل کرنا لازم ہے۔اگر کوئی ایسا نہیں کرتا توحکومت یا صحافتی تنظیمیں&nbsp; لیبر کورٹ&nbsp; سے رجوع کر سکتی ہیں۔متعلقہ ادارے کو جرمانہ اور سزا&nbsp; بھی ہوسکتی ہے۔ اسی طرح نئے میڈیا قوانین کے تحت صحافیوں کو تنخواہ کی ادائیگی میں دو ماہ زیادہ تاخیر نہیں کی جا سکتی۔

بی یو جے کے جنرل سیکرٹری منظوررند کہتے ہیں کہ سوشل میڈیا آنے کے بعد پرنٹ اور الیکٹرانک میڈیا سے کار کنوں کونکالا جا رہا ہے۔ بی یو جے نے بے روزگار کی کفالت کے لیے صحافیوں کے لیے ویلفیئر فنڈ فنڈ بنایا ہے۔ ان کا کہنا ہے کہ تنظیم صحافیوں کو درپیش مسائل پر احتجا ج کر رہی ہے اور کم&nbsp; سے کم اجرت کے قانون پر عملدرآمد میں جلد کامیابی ملے گی۔

فیروز خان خلجی

موسمیاتی تبدیلیاں بلوچستان میں کھجور کو کیسے متاثر کر رہی ہیں؟

سیاسی جماعتیں عام انتخابات میں اقلیتی امیدواروں کو ٹکٹ کیوں نہیں دیتیں؟

بلوچستان میں غیرقانونی تارکین وطن کے خلاف کارروائی سے رجسٹرد افغان مہاجرین کے لیے مسائل کھڑے ہو گئے

'ہم زندگی نہیں گزار رہے، زندگی ہمیں گزار رہی ہے'، بلوچستان میں سیکڑوں صحافی بغیر تنخواہ کام کرنے پر مجبور