Exploring how promoting green buildings in the construction sector can positively impact the lives of ordinary citizens by addressing the energy crisis and mitigating rising temperatures due

Can Green Buildings in the Construction Sector Address the Energy Crisis and Climate Change?

احمد رضا کھرل، لاہور میں فیض پور انٹر چینج کے قریب طیبہ گارڈن میں رہتے ہیں۔ انہوں نے یہاں پانچ مرلے کا پلاٹ لے کر تین منزلہ مکان بنایا تھا جو گھر کم اور کچن گارڈن زیادہ لگتا ہے۔ برآمدے اور اوپر کے دونوں فلورز کی بالکونیوں میں سجے گملے پھولوں اور سبزی کی بیلوں سے ڈھکے ہوئے ہیں۔

وہ بتاتے ہیں کہ ان کے والد &#39;نیموفلسٹ&#39; یعنی درختوں کے عاشق تھے۔ انہیں بھی صاف ماحول اور سبزہ اچھا لگتا ہے۔

&quot;پندرہ سال پہلے جب گھر بنایا تو اس کے فوراً بعد ہی چھت پر سولر پلیٹیں لگا لی تھیں اور جہاں ممکن ہوا پھول پودے اگا لیے۔ تھوڑی جگہ اور ہوتی تو میں ایک آم اور جامن کا درخت ضرور لگاتا۔&quot;

وہ کہتے ہیں کہ سبزے کی وجہ سے کمروں میں داخل ہوتے ہی فرحت کا احساس ہوتا ہے اور گھر کے درجہ حرارت میں 10 ڈگری تک کا فرق ہوتا ہے۔ لوگوں کو اپنے گھروں کے لیے پودوں اور گرین انرجی کو اہمیت دینا ہو گی ورنہ درخت کاٹ کر عمارتیں بنانے کا شوق شہروں کو ناقابل رہائش بنا دے گا۔

ورلڈ رین فاریسٹس رپورٹ&nbsp; کے مطابق 2000 ء میں پاکستان کے کل رقبے میں سے 24 لاکھ 18 ہزار 319 ایکڑ (1.3فیصد) اراضی پر جنگلات یا درخت تھے۔ 2020ء تک&nbsp; ان میں سے تقریباً 23 ہزار 930 ایکڑ ( ایک فیصد) جنگلات ختم ہو چکے تھے۔

اعدادو شمار کے مطابق ملک میں سب سے زیادہ نقصان لاہور میں نظر آیا جہاں ان 20 برسوں میں 16.3فیصد درخت کم ہو گئے۔ فیصل آباد میں اس دوران درختوں میں 11.4 فیصد، گوجرانوالہ میں سات اور ملتان میں 1.6 فیصد کمی آئی۔

احمد رضا کھرل کا کہنا ہے کہ پاکستان میں جنگلات پہلے ہی کم تھے، رہی سہی کثر ہاؤسنگ سوسائٹیوں نے نکال دی ہے جو گھر بنانے کی آڑ میں درخت کاٹ کر ماحول خراب کر رہی ہیں۔ اچھی رہائشی سہولیات دینا ہی مقصود ہے تو سبز عمارتوں (گرین بلڈنگز) کا ماڈل اپنایا جا سکتا ہے۔

<h2>گرین بلڈنگ یا سبز عمارت کیا ہے؟</h2>

&#39;گرین بلڈنگ&#39; محض وہ عمارت نہیں جس کو ہرا رنگ کیا گیا ہو یا جس پر سبزہ اور ہریالی دکھائی دے رہی ہو۔

امریکی انوائرمنٹل پروٹیکشن ایجنسی&nbsp; کہتی ہے کہ &#39;گرین بلڈنگ ڈھانچہ (عمارت کا سٹرکچر) بنانے اور اسے استعمال کرنے کا وہ طریقہ ہے جس میں عمارت کے ڈیزائن سے لے کر تعمیر، تزئین و آرائش اور تعمیر نو تک، ہمیشہ کے لیے ماحول کے لحاظ سے وسائل کا ذمہ دار استعمال کیا گیا ہو۔

&quot;&#39;گرین بلڈنگز کو اس طرح ڈیزائن کیا جاتا ہے کہ اس سے توانائی، پانی اور دیگر وسائل کا استعمال کم لیکن مؤثر ہوتا ہے۔ یہاں رہنے والوں کی صحت کا تحفظ اور ملازمین (کاروباری مرکز کی صورت میں) کی پیداواری صلاحیت میں بہتری یقینی ہوتی ہے جبکہ فضلے اور ماحولیاتی آلودگی میں کمی آتی ہے۔&quot;

&#39;گرین بلڈنگ&#39; کو پائیدار یا اعلیٰ کارکردگی والی عمارت بھی کہا جاتا ہے۔

یو این کے پروگرام کلائمیٹ ٹیکنالوجی سنٹر اینڈ نیٹ ورک&nbsp; (سی ٹی سی این) کے مطابق پاکستان میں گرین گیسز کے اخراج میں سب سے زیادہ حصہ انرجی سیکٹر کا رہا ہے جس کا 2018ء میں تخمینہ 44 فیصد لگا یا گیا تھا۔

&quot;تعمیراتی شعبہ دنیا بھر میں زیادہ توانائی استعمال کرتا ہے اور زیادہ کاربن پیدا کرتا ہے جس کا کاربن کے عالمی اخراج میں حصہ 25 اور 40 فیصد کے درمیان بنتا ہے۔کاربن ڈائی آکسائیڈ کے مجموعی عالمی اخراج کا تقریباً آٹھ فیصد سٹیل اور کنکریٹ کی پیداوار سے آتا ہے۔&quot;

اقوام متحدہ کے تعاون سے پاکستان میں گرین بلڈنگز کے حوالے سے اکتوبر 2023ء میں تیار کی جانے والی رپورٹ&nbsp; کہتی ہے کہ تقریباً 23 کروڑ آبادی ( اس وقت کے اعداد و شمار)&nbsp; والے اس ملک میں گرین بلڈنگز کی شدید ضرورت ہے جہاں شہر تیزی سے پھیل رہے ہیں۔

اس رپورٹ کے مطابق دیگر ترقی پذیر ممالک کی طرح پاکستان میں بھی آبادی کے ساتھ آمدن میں اضافہ ہو رہا ہے جس سے گھروں و تعمیرات کی مانگ بڑھ رہی ہے۔ نتیجتاً اس کے تعمیراتی سیکٹر کی توانائی کھپت 23 فیصد تک پہنچ چکی ہے۔

&quot;پاکستان کا تعمیراتی سیکٹر (رہائشی، تجارتی اور عوامی) دو دہائیوں سے مسلسل فروغ پا رہا ہے جس کی سالانہ کمپاؤنڈ شرح نمو 12.3 فیصد بنتی ہے۔&quot;

<h2>گرین بلڈنگ کوڈ کیا ہے</h2>

جہاں توانائی کا جتنا زیادہ استعمال ہو گا وہاں سے گرین گیسز کا اتنا ہی زیادہ اخراج ہوتا ہے۔ اس لیے دنیا کے کئی ممالک نے انرجی کا کم سے کم استعمال یقینی بنانے کے لیے بلڈنگ کوڈ (تعمیراتی قوانین) تبدیل کر دیے ہیں یا ان میں شرائط کا اضافہ کر دیا ہے۔

مثال کے طور پر امریکی ریاست ٹیکساس میں 2015ء سے لاگو بلڈنگ کوڈ&nbsp; (قانون) یہاں تک وضاحت کرتا ہے کہ عمارت کو ٹھنڈا رکھنے کے لیے رہائش کی تعمیر کے دوران چھت پر لگائے جانے والے میٹیریل کا معیار کیا ہونا چاہیے یعنی اس میں دھوپ یا سورج کی حدت کو منعکس (ریفلیکٹ) کرنے کی کتنی صلاحیت ہو۔

مذکورہ قانون یہاں تک رہنمائی فراہم کرتا ہے کہ چھت میں انسولیشن ( گرمی یا سردی کا اثر کم کرنے والا میٹیریل ) کی تہہ کتنی ہونی چاہیے۔

<h2>پاکستان کا بلڈنگ انرجی کوڈ</h2>

قانون کے تحت پاکستان میں بلڈنگ انرجی کوڈز کی تشکیل، پاکستان انجینئرنگ کونسل (پی ای سی)کے دائرہ اختیار میں آتی ہے۔ اس سے قبل یہاں توانائی کی بچت کی کوششیں نیشنل انرجی کنزرویشن سنٹر نے شروع کی تھیں جو وزارت منصوبہ بندی و ترقی کی زیرنگرانی یو ایس ایڈ کے تعاون سے بنائی گئی تھی۔

پاکستان کا پہلا انرجی بلڈنگ کوڈ 1990ء میں متعارف کرایا گیا تھا لیکن 2005ء کے زلزلے کے بعد اس پر نظر ثانی کی گئی۔ تاہم 2023ء میں انجنیئرنگ کونسل نے انٹرنیشنل کوڈ کونسل سمیت ملکی و بین الاقوامی اداروں سے مل کر اپنا بلڈنگ کوڈ جاری کیا تھا۔

پاکستان میں گرین بلڈنگز کی پیشرفت سے متعلق رپورٹ بتاتی ہے کہ ملک میں ویسے تو تین قسم کے گھر موجود ہیں جہاں 35 فیصد کچے (زیادہ تر دیہات میں) یعنی گارے مٹی اور سرکنڈہ وغیرہ سے بنے ہوئے ہیں۔ گیارہ فیصد نیم پکے (دیواریں پکی اور چھتیں کچی) جبکہ تقریباً 54 فیصد پکے گھر ہیں۔

دیہات میں بلڈنگ انرجی کوڈ کا نفاذ مشکل ہے البتہ شہروں میں زیادہ بہتر کام کیا جا سکتا ہے۔

ماہرین انرجی کوڈز سے متعلق سفارش کرتے ہیں کہ گرین بلڈنگ کی تعمیر اور اس میں استعمال ہونے والا تعمیراتی میٹیریل (مواد) پائیدار ہو۔ کول روٖف (ٹھنڈی چھت) کے ساتھ ہیٹنگ (گرم کرنے)، وینٹیلیشن (ہوا گذرنے کا راستہ ) اور ایئر کنڈیشنگ سسٹم میں توانائی کم سے کم استعمال ہونی چاہیے۔

&quot;گرین بلڈنگ کے لیے شمسی پینلز بہت اہمیت رکھتے ہیں جہاں روشنی کے لیے ایل ای ڈی ٹیکنالوجی اور اکوپینسی سینسر کا استعمال ہونا چاہیے۔ عمارت کی کھڑکیاں گرمی اور سردی روکنے کے لیے موثر ہوں۔&quot;

&quot;آٹومیشن کے ساتھ بجلی کی کھپت اور بلڈنگ کی مانیٹرنگ ضروری ہے، پانی کی فٹنگ کا نظام موثر ہونا چاہیے جو آبی وسائل کے تحفظ کو یقینی بنائے۔&quot;

گرین بلڈنگز کو اپنانے میں امریکا کو &#39;ورلڈ لیڈر&#39; مانا جا تا ہے۔امریکی گرین بلڈنگ کونسل کے &quot;لیڈرشپ ان انرجی اینڈ انوائرمنٹل ڈیزائن&quot; (ایل ای ای ڈی/ لیڈ) پر کامیاب عملدرآمد کی وجہ سے اسے فروغ ملا۔ اب&nbsp; گرین بلڈنگ کے ضمن میں &#39;لیڈ&#39; دنیا بھر میں معیار بن چکا ہے۔

گرین بلڈنگز کی تعمیر میں یورپی یونین اور چین کے بعد بھارت میں بھی کسی حد تک پیشرفت ہوئی ہے۔

یورپی یونین نے توانائی کی بچت کے لحاظ عمارتوں کو &#39; اے&#39; سے &#39;جی&#39; تک کا لیبل دے رکھا ہے لیکن بہت سے رکن ممالک سی لیبل کے کارکردگی کا میعار ہی اپنا رہے ہیں۔

پاکستان میں گرین بلڈنگز کا کل رقبہ (جسے فی الحال لیڈ سرٹیفائیڈ عمارتیں کہا جاتا ہے) ایک کروڑ ساڑھے 32لاکھ مربع فٹ بنتا ہے جو حوصلہ افزا رحجان ہے۔ ملک میں 2014ء میں صرف 10 لیڈ سرٹیفائیڈ عمارتیں تھیں جو 2023ء میں 60 ہو چکی تھیں۔ ان عمارتوں میں ایوان صدر اور پارلیمنٹ ہاؤس بھی شامل ہیں۔

<h2>گرین بلڈنگ کے مالی فوائد</h2>

بیشتر سٹڈیز&nbsp; سے ظاہر ہوتا ہے کہ روایتی تعمیر کی نسبت گرین بلڈنگ پر پانچ سے 15 فیصد اضافی اخراجات آتے ہیں جو تین سے پانچ سال میں ہی پے بیک (پورے) ہو جاتے ہیں۔

گرین بلڈنگز کے رہائشیوں کو یوٹیلیٹی بلوں کی مد میں 15 سے 20 فیصد فائدہ ہوتا ہے جبکہ کمرشل سیکٹر میں گرین بلڈنگز بنانے سے یہاں آپریٹنگ اخراجات روایتی عمارت کی نسبت 18 سے 37 فیصد کم ہوتے ہیں۔

ماہرین کہتے ہیں کہ عمارت کی چھت اور دیواروں میں صرف انسولیشن (سردی اور گرمی روکنے کا میٹیریل لگانا یا خلا چھوڑنا) سے ہی توانائی کے استعمال میں 29.77 فیصد کمی آتی ہے۔

&quot;پاکستان کی کنسٹرکشن مارکیٹ 79 فیصد رہائشی اور 21 فیصد کمرشل عمارتوں پر مشتمل ہے۔ امکان ہے کہ 2025ء میں پاکستانی ریئل اسٹیٹ کا حجم دو کھرب 90 ارب ( 290 بلین) ڈالر تک پہنچ جائے گا۔&quot;

مالی فوائد کو دیکھا جائے تو گرین بلڈنگز سے پاکستان نہ صرف انرجی کی مد میں اربوں ڈالر بچا سکتا ہے بلکہ کاربن گیسز کے اخراج میں کمی کر کے ماحول کو بھی صاف رکھا جا سکتا ہے۔

عدنان کھتری صحافی ہیں اور ایک عرصے سے ماحولیاتی تبدیلیوں پر رپورٹنگ کر رہے ہیں۔ وہ کہتے ہیں کہ امریکی انوائرمنٹ پروٹیکشن ایجنسی وہاں محکمہ توانائی سے مل کر کام کرتی ہے اور ہر نئے منصوبے کے ماحولیاتی اثرات پر نظر رکھتی ہے۔ بدقسمتی سے پاکستان میں ایسا کچھ نہیں ہے۔

&quot;ہمارے ہاں بے شمار نجی ہاؤسنگ سکیمیں جو بظاہر اشرافیہ کے لیے بنائی جاتی ہیں، وہ بھی ماحول دوست نہیں ہیں۔ ایسی عمارتیں تعمیر کی جانی چاہئیں جو سورج کی گرمی کو کم سے کم جذب کریں اور جہاں گھروں میں&nbsp; اے سی، مائیکرو ویو اوون، واشنگ مشین تک تمام ہوم اپلائنسز سمارٹ اور ایکو فرینڈلی ہوں۔&quot;

ماہر ماحولیات مریم شبیر، سسٹین ایبل ڈیویلپمنٹ پالیسی انسٹیٹیوٹ (ایس ڈی پی آئی) سے وابستہ ہیں۔ وہ کہتی ہیں کہ ہائی رائز بلڈنگز کو گرین بلڈنگ بنانا نسبتاً زیادہ آسان ہوتا ہے۔

وہ تجویز کرتی ہیں کہ پاکستان میں چین کی طرز پر کثیر منزلہ عمارتوں کو رواج دینا چاہیے جس میں نجی ہاؤسنگ سوسائٹیاں ہراول دستے کا کردار ادا کر سکتی ہیں۔ حکومت ان کو مراعات دے تو رہائشی منصوبوں کو گرین بلڈنگز میں بدلا جا سکتا ہے۔

&quot;ہاوسنگ سکیموں میں شجرکاری اور ماحول دوست ہائی رائز بلڈنگز کے ہر اپارٹمنٹ میں پودے لگا کر درجہ حرارت کو مزید کم کیا جا سکتا ہے۔ ایسی تعمیرات کو قصبوں تک میں لاگو کیا جا نا چاہیے جس کے لیے عوام میں آگاہی کی ضرورت ہے۔&quot;

ہارٹیکلچر کی ماہر ماریہ عبید بتاتی ہیں کہ دنیا میں لوگ گھروں کے ساتھ ملٹی سٹوری فلیٹس میں بھی کچن گارڈننگ کرتے ہیں مگر یہ ہر آدمی کے لیے آسان نہیں ہوتا۔

&quot;گھروں میں ایسے پودے لگانے چاہئیں جو ہمارے ماحول سے مطابقت رکھتے ہوں۔ سدا بہار، چمپا، سیاہ جیٹروپا، پیپسیکن اور کروٹن ایسے پودے ہیں جو پورا سال پھولوں سے لدے رہتے ہیں۔ دیسی سدا بہار پر دو رنگوں جبکہ امپورٹڈ پر 18 رنگوں کے پھول&nbsp; کھلتے ہیں۔&quot;

گرین بلڈنگز میں پیشرفت کی رپورٹ کے مطابق پاکستان میں بلڈنگ انرجی کوڈز پر وزارت موسمیاتی تبدیلی کام کر رہی ہے تاہم یہاں گرین بلڈنگز کے طریقوں کو اپنانے میں کئی رکاوٹیں ہیں جن میں زیادہ ابتدائی لاگت، پائیدار تعمیراتی مواد تک محدود رسائی اور ہنر مند لیبر کی کمی وغیرہ شامل ہیں۔

&quot;یہاں ماحول دوست عمارتوں کے فروغ کے لیے ریگولیٹری فریم ورک یعنی انرجی کوڈز کی تیاری، عوامی بیداری، پائیدار مواد تک رسائی اور لیبر کی تربیت سمیت کئی کوششیں کرنا ہوں گی۔&quot;

رپورٹ کہتی ہے کہ گرین بلڈنگز کی لاگت کو پورا کرنے کے لیے مالی مراعات اور نچلی سطح تک کوڈزکے نفاذ کی نگرانی کرنا ہو گی۔ اس میں مقامی حکومت کی شمولیت اہم ہوگی۔

قیمتی جنگل ہاوسنگ سوسائٹی میں تبدیل ہو رہا ہے

تعمیراتی سیکٹر کے 'گرین بلڈنگز'  کی طرف آنے کا کیا فائدہ ہو گا؟

text

Every year, thousands of people in Pakistan, mostly pedestrians, lose their lives in road traffic accidents. Despite this, city and road planning prioritizes drivers, neglecting pedestrian sa

Pedestrian Safety Ignored: Thousands Die in Pakistan Road Accidents Annually as City Planning Focuses on Drivers

پاکستان کا شمار ان خطرناک ممالک میں ہوتا ہے جہاں ہر سال سڑک پر ہونے والے ٹریفک حادثات کی وجہ سے 27 ہزار اموات ریکارڈ کی جاتی ہیں، اس سے سالانہ 9 ارب ڈالر کا نقصان ہوتا ہے جو جی ڈی پی کے 4 فیصد کے مساوی ہے۔

<a href="https://www.who.int/news-room/fact-sheets/detail/road-traffic-injuries">عالمی ادارہ صحت کے مطابق دنیا بھر میں ہر سال تقریباً 12 لاکھ لوگ سڑک پر ہونے والے ٹریفک حادثات میں اپنی جان گنوا بیٹھتے ہیں۔</a> سڑکوں پر ٹریفک حادثات میں مرنے والوں میں نصف سے زیادہ پیدل چلنے والے، سائیکل سوار اور موٹر سائیکل سوار شامل ہیں۔

قائداعظم یونیورسٹی اسلام آباد میں شعبہ عمرانیات کے چیئرمین اور ایچ ای سی کے پروجیکٹ، روڈ سیفٹی کے نگران ڈاکٹر محمد زمان بتاتے ہیں کہ پاکستان کے بڑے شہروں میں&nbsp; 84 فیصد سڑکیں ایسی ہیں جہاں پیدل چلنے والوں کے لیے زیبرا کراسنگ، پل، پگڈنڈی یا فٹ پاتھ کچھ بھی موجود نہیں ہے۔

&quot;پیدل افراد اپنی جان خطرے میں ڈال کر سڑکیں پار کرتے ہیں جبکہ&nbsp; گاڑی والے ان کے حقوق کی خلاف ورزی کرتے ہیں۔ جہاں سڑک پر زیادہ رش ہو وہیں ڈرائیور فٹ پاتھ استعمال کرنا شروع کر دیتے ہیں جس&nbsp; سے حادثوں میں پیدل چلنے والے ہی متاثر ہوتے ہیں۔&quot;

وہ کہتے ہیں کہ کہ پاکستان کے ٹریفک قوانین میں موٹر وہیکل آرڈیننس 1965ءاور موٹر وہیکل ریگولیشنز 1969ء شامل ہیں۔ یہ چھ دہائیاں پرانے یہ قوانین پیدل اور سائیکل سواروں کے لیے محفوظ ماحول اور کوئی بہتر حکمت عملی پیش نہیں کرتے۔

نیشنل روڈ سیفٹی سٹریٹجی 30-2018ء کی رپورٹ بھی ڈاکٹر زمان کے ان خیالات کی تائید&nbsp; کرتی ہے۔

لاہور ڈیویلپمنٹ اتھارٹی کے ذیلی ادارے ٹریفک انجینئرنگ اینڈ ٹرانسپورٹ پلاننگ ایجنسی (ٹیپا) کی ایک ذمہ داری یہ بھی ہے کہ وہ پیدل چلنے والوں کی ضروریات اور ان کو فراہم کی جانے والی سہولیات کی نشاندہی کرے گی۔

لوک سجاگ نے جب&nbsp; ٹیپا&nbsp; سے لاہور کی&nbsp; شاہراہوں کے ساتھ موجود فٹ پاتھوں کی تفصیل کے لیے رابطہ کیا تو ان کا کہنا تھا کہ ان کے پاس ایسا کوئی ڈیٹا موجود نہیں ہے۔

لاہور شہر کے ماسٹر پلان 2021ء میں روڈ ڈیویلپمنٹ پالیسی اور روڈ سیفٹی کے حوالے سے پیدل اور سائیکل سواروں&nbsp; کی نقل و حرکت اور ضروریات پوری کرنے&nbsp; کی بات کی گئی ہے لیکن وہ ضروریات کیا ہوں گی اور انہیں کیسے پورا کیا جائے گا، اس کی کوئی تفصیل فراہم نہیں کی گئی۔

<a href="https://rs.qau.edu.pk/road-safety-book/">روڈ سیفٹی پر قائداعظم یونیورسٹی کی 2023ء کی ایک رپورٹ سے ظاہر ہوتا ہے</a> کہ پاکستان کے پانچ بڑے شہروں اسلام آباد، لاہور، کراچی، پشاور اور کوئٹہ میں سڑک پر موجود ہر دوسرے ڈرائیور یعنی 49 فیصد کے پاس ڈرائیونگ لائسنس ہی نہیں تھا۔

دلچسپ بات یہ ہے کہ پاکستان کے میٹروپولیٹن شہروں میں 67 فیصد ڈرائیوروں کا خیال تھا کہ سڑک پر پیش آنے والے یہ حادثات انسانی غلطیوں کی بجائے&#39; قسمت کا لکھا&#39; ہوتے ہیں۔

&nbsp;10 مئی 2024ء&nbsp; کو جاری کردہ ریسکیو 1122 کے اعداد و شمار کے مطابق رواں سال کے چار ماہ میں لاہور کی سڑکوں پر ٹریفک کے&nbsp; کل 32 ہزار 777 حادثات پیش آئے۔

ان حادثات میں 154 افراد ہلاک اور&nbsp; 35 ہزار 139&nbsp; زخمی ہوئے جن میں 28 ہزار 107 مرد اور چھ ہزار 438 خواتین شامل ہیں۔ زخمیوں میں 12 ہزار 672&nbsp; کی حالت تشویش ناک تھی۔ ان حادثات کی زد میں آنے والوں میں پانچ ہزار 624 راہگیر شامل تھے جو پیدل سفر کر رہے تھے ۔

ماحولیاتی قانون سازی کے&nbsp; ماہر احمد رافع عالم کہتے ہیں کہ ملکی آئین کا آرٹیکل 15 ہر شہری کی آزادانہ نقل و حرکت کی ضمانت دیتا ہے لیکن اس پر عمل نہیں ہوتا۔ بلکہ سڑکوں کا ڈیزائین گاڑیوں والوں کی سہولت کے لیے تشکیل دیا جاتا ہےحالانکہ زیادہ تعداد پیدل چلنے والوں کی ہے۔

وہ بتاتے ہیں کہ جائیکا نے 10 سال قبل ایک رپورٹ ترتیب دی تھی جس کے مطابق لاہور میں روزانہ 45 فیصد لوگ اپنے دفاتر یا منزل پر پیدل جانا پسند کرتے تھے جبکہ شہر کا ماسٹر پلان کہتا ہے کہ شاہراہیں بنانے میں پیدل افراد کو مد نظر رکھا جائے۔

پنجاب میں سگنل فری کوریڈورز 2013 ء میں شہباز شریف کی وزارت اعلیٰ کے دوران بننا شروع ہوئے اور لاہور میں سب سے بڑا سگنل فری کوریڈور کینال روڈ بنایا گیا۔

لاہور میں شہری امور پر رپوٹنگ کرنے والے صحافی زین العابدین بتاتے ہیں کہ شہر کی 15 سے زائد مرکزی شاہراہیں اب&nbsp; سگنل فری کوریڈور میں تبدیل ہو چکی ہیں۔ جن میں&nbsp; نظریہ پاکستان روڈ، خیابان جناح اور خیابان فردوسی پر پیدل سڑک کراس کرنے کے لیے کوئی ایک بھی پل (برج) موجود نہیں۔

&quot;مولانا شوکت علی روڈ،کینال روڈ ٹھوکر سے شاہکام، سرکلر روڈ شیرانوالہ فلائی اوور کے بعد سگنل فری بن گیا ہے مگر سرکلر روڈ پر نہ ہی واک وے بنا اور نہ ہی پیڈیسٹرین(پیدل چلنے والوں&nbsp; کے لیے) پل بن سکا۔ سنٹر پوائنٹ گلبرگ سے والٹن روڈ کو سگنل فری بنانے کا کام مکمل کر لیا گیا ہے مگر پنجاب کے سینٹرل بزنس ڈسٹرکٹ نے بھی پیڈیسٹرین برج تعمیر نہیں کیے۔&quot;

وہ کہتے ہیں کہ اس وقت لاہور&nbsp; کی جیل روڈ ، پائن ایونیو ، فیروز پور روڈ گجومتہ سے مزنگ، کینال روڈ ٹھوکر سے بی آر بی کینال،کریم بلاک سے کچا جیل روڈ، سرکلر روڈ سے شمالی لاہور، راوی سے شاہدرہ تک اہم شاہراہیں سگنل فری کوریڈور بن چکی ہیں۔ لیکن سگنل ختم ہونے سے پیدل افراد کے لیے یہ شاہراہیں عبور کرنا بہت مشکل ہو گیا ہے۔

&quot;یہاں سڑکوں کو سگنل فری تو کر دیا گیا ہے مگر دنیا بھر میں پیدل چلنے والوں کی طرح دستیاب سہولتیں نہیں دی گئیں۔&quot;

ان کے مطابق پاکستان میں سگنل فری کوریڈور کا آئیڈیا ترکیہ اور دبئی سے لیا گیا جس کے لیے ٹیپا کے ملازمین کو ترکیہ سے ٹریننگ بھی کرائی گئی تھی&nbsp; تاہم اس حوالے سے شہر میں کوئی خاص منصوبہ بندی یا تبدیلی دیکھنے کو نہیں ملی۔

&quot;نگران دور میں لاہور کی&nbsp; اے کیٹگری کی 90 فیصد سے زائد سڑکیں سگنل فری بن چکی ہیں، لیکن پیڈیسٹرین زون (وہ عوامی مقامات جہاں صرف پیدل چلنے والوں اور سائیکل سواروں کو جانے کی اجازت ہوتی ہے)&nbsp; سے محروم ہیں۔ نگران صوبائی حکومت نے 50 ارب روپے کے منصوبے مکمل کیے لیکن ایک ارب کے پیڈیسٹرین زون نہ بنا سکی۔&quot;

زین العابدین کا کہنا تھا&nbsp; کہ عثمان بزدار نے اپنے تین سالہ دور میں پورے شہر میں صرف ایک پیڈیسٹرین برج بنایا جو روڈ سیفٹی اور پیدل چلنے والے شہریوں کے حوالے سےحکومتی سنجیدگی کو عیاں کرتا ہے۔

جیو گرافیکل انفارمیشن سسٹم ایکسپرٹ، عمار ملک بتاتے ہیں کہ پاکستان میں سڑکیں بنیادی طور پر گاڑیوں کی آمدورفت کو مدِنظر رکھ کر بنائی جاتی ہیں جس میں پیدل چلنے والوں کی ضروریات کو نظر انداز کر دیا جاتا ہے۔

وہ کہتے ہیں کہ&nbsp; پیدل، سائیکل سواروں اور گاڑی والوں کے لیے الگ الگ لینز، پیدل چلنے والوں کے لیے موزوں کراسنگ، سڑک پر حفاظتی نشانات، فٹ پاتھ کی سہولت اور پبلک ٹرانسپورٹ سسٹم کو بہتر کرنے سے حادثات کو بہت کم کیا جا سکتا ہے۔

&quot;ہمیں اپنے شہروں میں &#39;ترقی&#39; کے مروجہ ماڈلز پر نظرثانی کرنے کی ضرورت ہے، ہمارے شہری مںصوبہ سازوں کو یہ سمجھنا ہو گا کہ شہروں کو مشینوں کے لیے نہیں بلکہ انسانوں کے رہنے کے قابل بنانے کی ضرورت ہے۔&quot;

<a href="http://www.ntrc.gov.pk/wp-content/uploads/2020/02/Pakistan%20NRS%20Strategy%20Final.pdf">نیشنل روڈ سیفٹی سٹریٹجی 30-2018ء کی رپورٹ تمام سڑک استعمال کرنے والوں کی حفاظت کے لیے ایک جامع اور ڈیٹا پر مبنی حکمت عملی کی بات کرتی ہے</a> جس&nbsp; میں پیدل چلنے والوں اور سائیکل سواروں کے لیے علیحدہ لین اور گاڑیوں کی حد رفتار کم&nbsp; رکھنےکی بات گئی ہے۔

<a href="https://fda.gov.pk/uploads/documents/ruleslaws/tender_punjab-road-sector-policy_3697_25022023095935.pdf">اربن یونٹ کی پنجاب روڈ سیکٹر پالیسی رپورٹ 2020ء میں بھی شہری مقامات پر پیدل چلنے والوں کے لیے</a> واک وے کی فراہمی یقینی بنانے کے ساتھ موجودہ سڑکوں کی تعمیر نو اور نئی سڑکوں کو بناتے وقت پیدل چلنے والے افراد کا لازمی خیال رکھنے کی بات کی گئی۔ مگر یہ سب بھی بس اب رپورٹ کی صورت میں باقی رہ گیا ہے۔

اس رپورٹ کے مطابق 2018ء تک پاکستان میں رجسٹرڈ گاڑیاں ایک کروڑ 80 لاکھ تھی جبکہ 2025ء میں پانچ کروڑ اور 2030ء تک ساڑھے چھ کروڑ تک پہنچنے کا امکان ہے۔ اس وقت پاکستان میں شہری آبادی 37 فیصد ہے جو 2050ء تک 50 فیصد سے زیادہ ہونے کی توقع ہے۔

نیشنل روڈ سیفٹی کے اندازے کے مطابق پاکستان میں سڑکوں پر ہونے والے حادثات کو روکنے کی کوئی حکمت عملی پیش نہ کی گئی تو ان حادثات کی تعداد 2030 میں 200 فیصد تک بڑھنے کا خدشہ ہے۔

الائی میں خستہ حال خطرناک سڑکیں 50 سال سے مرمت کی منتظر: خطرناک گڑھے آئے روز انسانی جانیں لینے لگے

کیا سڑکوں پر صرف گاڑی چلانے والوں کا حق ہے؟

"Discover the resilient Christian community in Pakistan, as we delve into their rich heritage, vibrant culture, and contributions to the nation's diversity. This meta description offers insig

"Nurturing Faith and Identity: Exploring the Christian Community in Pakistan's Cultural Mosaic"

پی پی- 119 ٹوبہ ٹیک سنگھ: ہم مسیحی ہیں لیکن پاکستان کے شہری ہیں

video

پی پی- 120 ٹوبہ ٹیک سنگھ: ووٹ سے پہلے بھائی بعد میں عیسائی

عام انتخابات جوں جوں قریب آ رہے ہیں ماحول بھی بنتا جا رہا ہے۔ بابا فرید کے ضلع پاکپتن میں دو قومی اور پانچ صوبائی حلقوں میں الیکشن ہو گا۔

پچھلے دونوں عام انتخابات میں ضلع پاکپتن کی بیشتر قومی اور صوبائی نشستیں ن لیگ نے جیتی تھیں ۔ اب بھی حالات ان کے حق میں ہیں لیکن تحریک انصاف کے نشان کا معاملہ طے ہونے میں تاخیر کی وجہ سے پارٹی امیدوار پریشانی میں مبتلا ہیں۔

دوسری طرف پیپلز پارٹی، تحریک لبیک پاکستان اور دیگر جماعتیں پی ٹی آئی اور ن لیگ کی کارکردگی پر تنقید کے نشتر چلا رہی ہیں۔ تحریک انصاف مظلومیت کو کیش کرانے کی بھر مہم چلا رہی ہے۔

اس ضلعے کی آبادی 21 لاکھ 36 ہزار 170 نفوس پر مشتمل ہے جہاں رجسٹرڈ ووٹرز کی تعداد 12 لاکھ چار ہزار 136 ہے جن میں چھ لاکھ 48 ہزار 261 مرد اور پانچ لاکھ 55 ہزار 875 خواتین ووٹر ہیں۔

&nbsp;ضلع پاکپتن کی پہلی قومی نشست این اے 139 میں شہر اور پاکپتن تحصیل کے بیشتر علاقے شامل ہیں۔ پچھلی بار یہ نشست ن لیگ کے احمد رضا مانیکا نے جیتی تھی اور پی ٹی آئی کے محمد شاہ کھگہ دوسرے نمبر پر آئے تھے۔آزاد امیدوار منصب علی ڈوگر اور راؤ نسیم ہاشم نے بالترتیب لگ بھگ ساڑھے 23 ہزار اور ساڑھے 25 ہزار ووٹ لیے تھے۔

اس بار منصب علی ڈوگر مسلم لیگ نواز میں واپس آ چکے ہیں جبکہ احمد رضا مانیکا یہاں سے دوبارہ ن لیگ کے امیدوار ہیں۔ راؤ نسیم ہاشم کی جگہ ان کے صاحبزادے راؤ عمر ہاشم پی ٹی آئی کے امیدوار ہیں۔ ان کےکاغذات نامزدگی ابتدائی سکروٹنی میں مسترد ہوئے تھے۔

اس حلقے میں راجپوت (رانا اور راؤ) وٹو، چشتی، مانیکا، جٹ، کھوکھر، ملک، رحمانی، نوناری، بھٹی، سکھیرا اور مغل بڑی برادریاں ہیں۔

<hr />
<h2 style="text-align:center">پاکپتن نئی حلقہ بندیاں 2023</h2>

2018 کا قومی اسمبلی کا حلقہ این اے 145 پاکپتن 1 اب این اے 139 پاکپتن 1 ہے 
قومی اسمبلی کا یہ حلقہ تحصیل پاکپتن کا شہری اور دیہی حلقہ ہے۔ نئی حلقہ بندیوں کے تحت اس حلقے میں قصبہ کلیانہ قانون گوئی کے پٹوار سرکلز، بونگہ امام دین، چک نمبر 8 کے بی، ہوتہ، کوٹ بہاول، کوٹ بخشا، کوٹ حاکم اور ماڑی امب کو شامل کیا گیا ہے جبکہ پاکپتن تحصیل کے قصبہ نور پور قانون گوئی حلقے کے پٹوار سرکل رکھ ملکاں ہانس اور چک 93 ڈی کو نکال دیا گیا ہے۔

2018 کا قومی اسمبلی کا حلقہ این اے 146 پاکپتن 2 اب این اے 140 پاکپتن 2 ہے 
یہ حلقہ عارف والا تحصیل پر مشتمل ہے۔ نئی حلقہ بندیوں کے تحت اس حلقے معمولی تبدیلی یہ آئی ہے کہ حلقہ پاکپتن ون سے نکالے گئے پاکپتن تحصیل، نور پور قصبے کے پٹوار سرکلز رکھ ملکاں ہانس اور چک 93 ڈی کو شامل کرلیا گیا ہے جبکہ تحصیل پاکپتن کے&nbsp; قصبہ کلیانہ قانون گوئی کے پٹوار سرکلز، بونگہ امام دیں، چک نمبر 8 کے بی، ہوتہ، کوٹ بہاول، کوٹ بخشا، کوٹ حاکم اور ماڑی امب کو نکال دیا گیا ہے۔

&nbsp;2018 کا صوبائی اسمبلی کا حلقہ پی پی 191 پاکپتن 1 اب پی پی 193 پاکپتن 1 ہے 
یہ حلقہ پاکپتن تحصیل کے قصبوں بونگہ حیات، گوبند پور اور پیرغنی کی آبادیوں پر مشتمل ہے۔ نئی حلقہ بندیوں کے تحت اس حلقے میں پاکپتن تحصیل کے دو پٹوار سرکل بہرام پور اورJaura کو شامل اور چک نمبر 18 ایس پی اور گُر دتہ کو نکال دیا گیا ہے۔

2018 کا صوبائی اسمبلی کا حلقہ پی پی 192 پاکپتن 2 اب پی پی 194 پاکپتن 2 ہے 
&nbsp;یہ پاکپتن کا شہری حلقہ ہے۔ نئی حلقہ بندیوں میں اس حلقے میں پاکپتن تحصیل کے دو پٹوار سرکل بہرام پور اور جوڑا کو نکال کر20 ایس پی پٹوار سرکل کو شامل کرلیا گیا ہے۔

2018 کا صوبائی اسمبلی کا حلقہ پی پی 193 پاکپتن 3 اب پی پی 197 پاکپتن 5 ہے 
یہ حلقہ نورپور، ملکہ ہانس اور چک شفیع کی آبادیوں پر مشتمل ہے۔ نئی حلقہ بندیوں میں اس حلقےمیں پاکپتن تحصیل کے پٹوار سرکل چک نمبر 18 ایس پی اور گُر دتہ کو شامل کیا گیا ہے جبکہ چک نمبر 20 ایس پی کو نکال دیا گیا ہے۔

2018 کا صوبائی اسمبلی کا حلقہ پی پی 194 پاکپتن 4 اب پی پی 196 پاکپتن 4 ہے 
یہ عارف والا کا شہری حلقہ ہے۔ جس میں قصبہ محمد نگر اور چک 72 ای بی کی آبادی بھی شامل ہے، نئی حلقہ بندیوں میں اس حلقے سے محمد نگر قصبے کے پٹوار سرکل 83 ای بی کو نکال کر 91 ای بی کو شامل کیا گیا ہے۔

2018 کا صوبائی اسمبلی کا حلقہ پی پی 195 پاکپتن 5 اب پی پی 195 پاکپتن 3 ہے 
یہ حلقہ عارف والا تحصیل کی دیہی آبادی پر مشتمل ہے۔ جس میں قصبہ احمد یار اور قبولہ بھی شامل ہیں، نئی حلقہ بندیوں کے تحت اس حلقے سے چک 91 ای بی پٹوار سرکل کو نکال کر چک 83 ای بی پٹوار سرکل کو شامل کیا گیا ہے۔

<hr />

اگرچہ پی ٹی آئی زیر عتاب ہے تاہم راؤ عمر ہاشم کی راجپوت برادری کا یہاں بڑا ووٹ بینک ہے۔ ان کے دادا راؤ ہاشم خان پیپلز پارٹی کے رہنما اور یہاں&nbsp; 1977ء سے 1997ء تک پارلیمٹیرین اور چیئرمین لینڈ کمیشن رہے جبکہ والد راؤ نسیم ہاشم ضلع نا ظم رہ چکے ہیں۔

&nbsp;اسی طرح سابق رکن اسمبلی احمد رضا مانیکا بھی علاقے میں خاندانی اثر و رسوخ رکھتے ہیں۔ کھگہ فیملی سے اس بار محمد شا ہ کی جگہ ان کے بھائی سابق ایم پی اے احمد شاہ کھگہ قومی نشست پر الیکشن لڑ رہے ہیں۔

کھگہ خاندان بھی اس حلقے میں قابل ذکر ووٹ بینک رکھتا ہے۔ احمد شا ہ قومی اور ان کے بھائی محمد شاہ کھگہ صوبائی نشست پر ابھی تک آزاد حیثیت میں انتخابی مہم چلا رہے ہیں تاہم وہ پیپلز پارٹی یا آئی پی پی کے امیدوار&nbsp; ہو سکتے ہیں۔

اس نشست پر&nbsp; ہونے والے معرکے میں برادریاں اور مقامی جوڑ توڑ کے ساتھ بڑی پارٹیوں کی حکمت عملی بھی اہم کردار ادا کرے گی۔ جس پارٹی نے کمزور حکمت عملی اپنائی اسے عوامی حمایت کے باوجود شہ مات ہو سکتی ہے۔

صحافی محمود احمد بتاتے ہیں کہ لیگی دھڑے قومی حلقے کی حد تک تو متفق ہیں لیکن صوبائی حلقوں میں ن لیگ تقسیم نظر آ رہی ہے۔ اگر ان اختلافات کا حل نہ نکالا گیا تو ن لیگ کو نقصان ہو سکتا ہے۔

این اے 140 میں زیادہ تر تحصیل عارف والہ آتی ہے۔گزشتہ انتخابات میں یہاں سے ن لیگ کے رانا ارادت شریف کامیاب قرار پائے تھے۔ تحریک انصاف کے امجد جوئیہ 37 ہزار ووٹوں کے فرق سے رنر اپ اور پیپلز پارٹی کے امیدوار شوکت باجوہ چوتھے نمبر پر رہے تھے۔

اس نشست پر ہیومن پارٹی کے غلام مصطفیٰ نے 21 ہزار سے زائد اور ٹی ایل پی نے دس ہزار کے قریب ووٹ لیے تھے۔

اس حلقے میں ن لیگ کی جانب سے سابقہ رکن قومی اسمبلی رانا ارادت شریف ہی ہیں۔ یہاں راجپوت برادری کے ساتھ جوئیہ اور ارائیں برادری کا بھی کافی ووٹ ہے۔

&nbsp;امجد جوئیہ تو ابھی تک خاموش ہیں لیکن اس حلقے سے ان کی برادری کے ڈاکٹر جنید ممتاز جوئیہ پیپلز پارٹی کے ممکنہ امیدوار بتائے جا رہے ہیں اور شوکت علی باجوہ بھی پی پی قیادت سے رابطے میں ہیں۔

&nbsp;پی ٹی آئی کے نعیم ابراہیم اور تحریک لبیک کےچوہدری سلطان علی دونوں کا تعلق ارائیں برادری سے ہے۔ اس کا نقصان تحریک انصاف کو ہو سکتا ہے۔

یوں اس بار رانا ارادت، نعیم ابراہیم اور جنید ممتاز جوئیہ میں مقابلہ متوقع ہے تاہم ابھی تک یہاں ن لیگ کا پلہ بھاری لگ رہا ہے۔

احمد حسن اسی حلقے کے رہائشی ہیں۔وہ شکایت کرتے ہیں کہ ن لیگ یہاں سے مسلسل جیت رہی ہے لیکن پاکپتن میں کوئی اچھا ہسپتال، یونیورسٹی یا ٹیکنیکل کالج نہیں بنا۔ ترقیاتی کام گلی اور سولنگ تک محدود ہیں۔

&nbsp;پی پی 193 پاکپتن ون میں بونگہ حیات، کانی پور، شام گڑھ وغیرہ شامل ہیں۔ یہاں سے میاں حیات اور فاروق مانیکا ن لیگ کے ٹکٹ کے لیے کوشاں ہیں۔ میاں حیات سابق وزیراعظم عمران خان کی اہلیہ بشریٰ بی بی کے داماد اور سابق وزیر عطا مانیکا کے صاحبزادے ہیں جو پچھلے الیکشن میں ن لیگ کے امیدوار تھے۔

اسی پارٹی کے فاروق مانیکا سابق ایم این اے احمد رضا کے بھائی ہیں اور انہوں نے پچھلی بار آزاد الیکشن لڑا تھا مگر پی ٹی آئی کے امیدوار سے سو ووٹوں سے ہار گئے تھے۔

&nbsp;پچھلی بار یہاں سے پی ٹی آئی ٹکٹ پر کامیاب ہونے والے فرخ ممتاز مانیکا اب استحکام پاکستان پارٹی سے الیکشن لڑ رہے ہیں۔ تحریک لبیک کے محمد افتخار گولڑوی اور آزاد امیدوار زاہد سرفراز وٹو بھی نمایاں امیدواروں میں شامل ہیں۔

اگرچہ اس نشست پر ن لیگ کے مضبوط امیدوار موجود ہیں تاہم یہ حلقہ سیٹ ایڈجسٹمنٹ میں آئی پی پی کے پاس بھی آ سکتا ہے۔

پی پی 194 پاکپتن شہر، ملکہ ہانس وغیرہ پر مشتمل ہے جہاں چشتی، وٹو اور ارائیں اکثریتی برادریاں ہیں۔ اس حلقے میں امیدواروں کی قسمت کا فیصلہ برادری ووٹ کرتا ہے اس لیے ماضی میں یہاں زیادہ تر ارائیں اور چشتی امیدوار کامیاب ہوتے رہے ۔ پچھلی بار یہ نشست ارائیں برادری کے حصے میں آئی تھی۔

صحافی احمد شہزاد بتاتے ہیں کہ اس صوبائی نشت پر ن لیگ تین دھڑوں میں بٹ چکی ہے جن میں ایک سابق ایم پی اے میاں نوید علی، دوسرا چودھری جاوید احمد اور تیسرا دھڑا چودھری بشیر احمد کا ہے۔ یہ تینوں ہی ٹکٹ کے لیے پُرامید ہیں۔

&nbsp;وہ کہتے ہیں کہ اس صوبائی حلقے میں ارائیں برادری زیادہ مضبوط ہےاور ن لیگ کے تینوں امیدوار ارائیں برادری سے تعلق رکھتے ہیں۔

&quot;اگر میاں نوید علی کو ٹکٹ ملتی ہے تو ان کا مقابلہ چودھری جاوید سے متوقع ہے جو ٹکٹ نہ ملنے کی صورت میں آزاد حیثیت میں الیکشن لڑ سکتے ہیں۔ ارائیں برادری سے دو امیدوار آنے کے باعث ن لیگ کو نقصان ہو سکتا ہے۔&quot;

پی پی 195 میں منصب علی ڈوگر ن لیگ اور سلمان صفدر ڈھلوں پی ٹی آئی سے امیدوار ہیں۔ جبکہ محمد شاہ کھگہ بطور آزاد امیدوار سامنے آئے ہیں۔ اس نشست کے لیے تینوں امیدواروں میں کانٹے دار مقابلے کا امکان ہے۔

اس حلقے سے راؤ جمیل ہاشم نے بھی کاغذات نامزدگی جمع کرائے تھے لیکن انہوں نے یہاں اپنی انتخابی مہم شروع نہیں کی۔

محمد اعظم مقامی سیاست سے اچھی طرح واقف ہیں۔ وہ بتاتے ہیں کہ عارف والا شہر میں انفرادی ووٹ ہے یا یوں کہہ لیں کہ ووٹر آزاد ہے اور لوگ اپنی مرضی سے ووٹ دیتے ہیں۔ لیکن دیہی علاقوں میں دھڑا بندیاں اہمیت کی حامل ہیں۔ پی پی 195 اور پی پی دونوں تحصیل عارف والہ میں آتے ہیں۔

پی پی&nbsp; 196 سے ڈاکٹر فرخ جاوید ن لیگ اور سید فخرالسلام شاہ پی پی پی کے امیدوار ہیں۔ پی ٹی آئی کے نعیم ابراہیم اور راجہ طلعت سعید کے درمیان پارٹی ٹکٹ کے لیے مقابلہ ہے۔ یہاں احمد ذیشان کھوکھر مرکزی مسلم لیگ اورمفتی عبدالرسول رضوی تحریک لبیک کے امیدوار ہیں۔

اعظم کہتے ہیں کہ یہاں چک نمبر 149 ای بی میں ارائیں، 163 ای بی محمد نگر میں ڈاہا، 167 چک میں کمبوہ جبکہ 161ای بی میں وٹو برادری رہائشی پذیر ہے جبکہ 351 اور 353 ای بی میں گجر برادری کا ووٹ ہے۔ ان چکوک میں الگ الگ برادریاں اور اکٹھا ووٹ ہونے کے سبب امیدوار کے لیے جوڑ توڑ زیادہ کام آتا ہے۔

ان کا کہنا تھا کہ 145،143,، 155 اور 157 ای بی یعنی چاروں چکوک راجپوت برادری کے ہیں جو عام طور پر ایک ہی امیدوار کے ساتھ جاتے ہیں اور یہی ووٹ قومی اور دونوں صوبائی حلقوں میں فیصلہ کردار ادر کرتا ہے۔

پی پی 197 میں عارف والا اور پاکپتن تحصیل دونوں کے علاقے نور پور، دھاپی، ملکہ ہانس، شافی وغیرہ شامل ہیں۔ اس نشست پر اگرچہ دیگر امیدوار بھی موجود ہیں تاہم ن لیگ کے کاشف علی چشتی اور پی ٹی آئی سے سلمان صفدر ڈھلوں کے درمیان فائنل ریس متوقع ہے۔

یہاں ٹی ایل پی کے امیدوار بھی خا صے سرگرم ہیں جو کاشف چشتی کا مذہبی ووٹ بینک متاثر کر سکتے ہیں۔ تاہم اس حلقے میں زور دار مقابلہ متوقع ہے۔

وارث پراچہ

تعمیراتی سیکٹر کے 'گرین بلڈنگز' کی طرف آنے کا کیا فائدہ ہو گا؟

کیا سڑکوں پر صرف گاڑی چلانے والوں کا حق ہے؟

پی پی- 119 ٹوبہ ٹیک سنگھ: ہم مسیحی ہیں لیکن پاکستان کے شہری ہیں

پی پی- 120 ٹوبہ ٹیک سنگھ: ووٹ سے پہلے بھائی بعد میں عیسائی

پاکپتن: راؤ، مانیکا، کھگہ، ڈوگر اور جوئیہ خاندان آمنے سامنے، کس کو شہ مات ہو سکتی ہے؟