"An exciting fishing competition organized by the Department of Fisheries in Gilgit-Baltistan aimed at promoting fish farming saw winners taking home prizes, while even the losers left with r

Exciting Fishing Competition in Gilgit-Baltistan: Promoting Fish Farming with Prizes for All Participants

جیتنے والے انعام پائیں گے، ہارنے والے بھی خالی نہیں جائیں گے

video

Discover how solar energy has transformed the lives of school children in Gilgit Baltistan, where 18-hour load shedding was once the norm. Through sustainable power solutions, students now ha

Empowering Education: Solar Energy's Impact on Students in Gilgit Baltistan Amid 18-Hour Load Shedding

انس ملک ہائی سکول نمبر ون گلگت میں نویں جماعت کے طالب علم ہیں۔ جب وہ چھٹی جماعت میں تھے تو کمپیوٹر کا مضمون ان کے نصاب میں شامل کر دیا گیا تھا۔ مگر آٹھویں جماعت تک وہ کمپیوٹر کے بارے میں صرف اتنا ہی جانتےتھے جتنا انہوں نے کتاب سے پڑھا تھا کیونکہ پریکٹکل کے لیے ضروری تھا کہ سکول کی لیب میں رکھے کمیپوٹر آن ہوتے۔

اس کی وجہ یہ نہیں تھی کہ کمپیوٹر خراب تھے یا سکول میں انہیں چلانے والا کوئی نہیں تھا۔ وجہ سادہ لیکن افسوسناک تھی۔ سکول میں بجلی ہی نہیں آتی تھی۔

انس کے لیے بجلی نہ ہونا غیر معمولی بات نہیں۔ ان کے گھر اور سکول میں&nbsp; 18، 18 گھنٹے کی لوڈشیڈنگ ہوتی ہے۔ انہیں سکول میں بھی گراؤنڈ میں بیٹھ کر پڑھنا پڑتا تھا۔

مگر اب صورت حال بدل گئی ہے۔ لیب کے کمپیوٹر چل پڑے ہیں اور&nbsp; انس اور ان کے کلاس فیلوز اب کمروں میں بیٹھ کر کلاسیں لیتے ہیں۔

<h2>کمپیوٹر کیسے چلے؟</h2>

انس بتاتے ہیں کہ پچھلے سال ان کے سکول کو سولر پر منتقل کر دیا گیا تھا۔ اب سکول میں بجلی نہیں جاتی۔

دو ملین سے زائد آبادی والا گلگت بلتستان اپنے بلند و بالا پہاڑوں، گلیشئرز، آبشاروں، صحرا اور تاریخی مقامات کی وجہ سے قومی اور بین الاقوامی سیاحوں کی توجہ کا مرکز ہے لیکن یہاں لوڈ شیڈنگ سے معمولات زندگی بری طرح متاثر ہوجاتے ہیں۔

سکردو، ہنزہ کے علاقوں میں روزانہ 12 گھنٹے سے زائد کی لوڈشیڈنگ ہوتی ہے جبکہ ان علاقوں مہں سردیوں میں لوڈشیڈنگ کا دورانیہ 20 گھنٹے سے بھی زائد ہو تا ہے۔ اس کے علاوہ دیگر تمام اضلاع میں بھی بجلی کی شکایت ہمیشہ رہتی ہے۔

<h2>گلگت-بلتستان میں بجلی کی طلب اور شارٹ فال</h2>

<a href="https://portal.pnd.gog.pk/Content/Files/Reports/Gilgit%20Baltistan%20at%20a%20Glance%20New%20Design%202020%20Final_210554160.pdf">گلگت کے دس اضلاع میں گرمیوں میں بجلی کی طلب 254.82 میگاواٹ جبکہ سردیوں میں 452.19 میگاواٹ تک پہنچ جاتی ہے۔ </a>جبکہ شارٹ فال سردیوں میں 366.07 اور گرمیوں میں 141.17 تک پہنچ جاتا ہے۔&nbsp; گلگگت بلتستان میں 149 ہائیڈل اسٹیشن یہاں کے لوگوں کو بجلی مہیا کرتے ہیں۔

تاہم نیشنل گرڈ کے ساتھ نہ جڑنے اور تمام پاور ہاؤسس کی پاور کم ہونے کے باعث یہاں کے لوگوں کو طویل ترین لودشیڈنگ کا سامنا رہتا ہے۔ یہ پاور ہاؤس گرمیوں میں 113.65 جبکہ سردیوں میں 86.12 میگاواٹ بجلی پیدا کرتے ہیں۔

دسمبر 2022ء میں گلگت بلتستان کے ہائر سکینڈری سکولوں میں &quot;بلینڈڈ لرننگ سمارٹ کلاسز&quot; کا آغاز کیا گیا۔ ان کلاسوں میں اساتذہ پڑھانے کے لیے جدید تدریسی ٹولز جیسا کہ سمارٹ ٹی وی، انٹیگریٹڈ ایل ایم ایس سسٹمز اور کروم بکس کا استعمال کرتے ہیں۔

اس کے ساتھ ہی ٹیک فیلو پروگرام بھی شروع کیا گیا۔ جس کے تحت 100 ٹیک فیلو کی خدمات حاصل کی گئیں جنہوں نے&nbsp; تقریبا 200 سکولوں میں چھٹی، ساتویں اور آٹھویں کلاس کے طلبا کو کمپیوٹر کی تعلیم دینا تھی۔ اس سلسلے میں گلگت بلتستان کے سکولوں میں کمپیوٹر لیبز بھی قائم کی گئیں۔

مگر مسئلہ یہ تھا کہ بجلی نہیں ہے تو کمپیوٹر کیسے چلیں گے؟

محکمہ تعلیم کے چیف انجینئر شفا علی نے لوک سجاگ کو بتایا کہ ان کمپیوٹر لیبز سے اس وقت تک مستفید نہیں ہوا جا سکتا تھا جب تک سکول گھنٹوں جاری رہنے والی لوڈ شیڈنگ سے چھٹکارہ حاصل نہ کر لیتے۔

&quot;اس مسئلے کے حل کے لیے سابق چیف سیکرٹری محی الدین احمد وانی نے خصوصی دلچسپی دکھائی اور سکولوں کو شمسی توانائی پر منتقل کر دیا۔&quot;

<a href="https://pmrugb.gov.pk/old-wooden-wall-and-green-bicycle/#:~:text=The%20Gilgit%2DBaltistan%20Government%20has,the%20essential%20need%20for%20support.">محکمہ تعلیم نے ٹیلی فون انڈسٹریز آف پاکستان (ٹی آئی پی) کے تعاون سے دسمبر 2022ء میں گلگت بلتستان کے تعلیمی اداروں کو سولر انرجی پر منتقل کرنے کے لیے انقلابی اقدام شروع کیا</a>۔ منصوبے کے تحت&nbsp; گلگت بلتستان کے 181 سکولوں کو سولر پر منتقل کیا گیا۔

منصوبے&nbsp; کی مجموعی لاگت کا تخمینہ 26 کروڑ روپے سے زائد تھا۔ منصوبے کے لیے جون 2023ء میں تقریباً 24 کروڑ روپے کا بجٹ جاری کیا گیا۔

30 دسمبر 2023ء میں اس پراجیکٹ پر عملی کام کا آغاز کیا گیا&nbsp; جس کے تحت ہر سکول میں پانچ کلو واٹ کا سولر سسٹم نصب کیا گیا۔ جس سےتقریبا 60 ہزار طلبا و طالبات مستفید ہو رہے ہیں۔

شفا علی بتاتے ہیں&nbsp; کہ گلگت بلتستان کے 181 سکولوں میں اب 24 گھنٹے بجلی دستیاب ہے۔

سمارٹ کلاس رومز پروجیکٹ کا مقصد انفارمیشن ٹیکنالوجی اور کمپیوٹر کے استعمال کو ہر سکول میں لازمی قرار دیتے ہوئے عام کرنا ہے۔

&quot;اس پروجیکٹ کے توسط سے ہم اس قابل ہو گئے ہیں کہ ملک کے بڑے تعلیمی اداروں سے ماہرین کے لیکچر&nbsp; وڈیو لنک کے ذریعے براہ راست دکھا سکیں۔&quot;

گلگت بلتستان میں مجموعی طور پر شرح خواندگی 53 فیصد ہے، جبکہ مردوں میں 66 فیصد اور خواتین میں 41 فیصد ہے۔

ڈائریکٹوریٹ آف ایجوکیشن گلگت بلتستان کے مطابق&nbsp; گلگت بلتستان میں کل ایک ہزار 732 سکول موجود ہیں جن میں سے 932 لڑکوں، 521 لڑکیوں اور 279میں مخلوط نظام تعلیم ہے۔

گورنمنٹ گرلز ہائر سیکنڈری سکول گلگت کی پرنسپل گل رخشندہ نے لوک سجاگ سے کو بتایا کہ پہلے بجلی کی لوڈشیڈنگ کے باعث انہیں بچوں کو کمپیو ٹر کی عملی پڑھائی اور پریکٹیکل کرانے میں مشکلات کا سامنا رہتا تھا۔

سولر پروجیکٹ کے ایکسٹینشن کے حوالے سے محکمہ تعلیم کے چیف انجینئر شفا علی بتاتے ہیں پہلے فیز میں اور ہر سکول کے لیے 10 لاکھ روپے کا بجٹ رکھا گیا تھا۔ اگلے فیز میں گلگت بلتستان کے باقی تمام سکولوں میں بھی شمسی توانائی فراہم کر دی جائے گی۔

چیف سیکرٹری گلگت بلتستان، ابرار احمد مرزا نے لوک سجاگ کو بتایا کہ اس وقت 400&nbsp; سکولوں میں کمپیوٹرائزیشن اور سولرائزیشن کا عمل جاری ہے۔

&quot;مالی وسائل ملتے رہیں گے لیکن ہمارا ٹارگٹ گلگت بلتستان کے سو فیصد سکولوں کو شمسی توانائی پر منتقلی اور ہر سکول میں سمارٹ کلاسوں کا اجرا ہے۔&quot;

وہ&nbsp; مزید بتاتے ہیں کہ سرکاری عمارتوں خصوصاً سکول، ہیلتھ سنٹرز اور پبلک دفاتر کو توانائی پر منتقل کیا جا رہا ہے۔ اس کے علاوہ گلگت بلتستان حکومت نے وفاقی حکومت کو 50 میگاواٹ کے شمسی منصوبے کی تجویز دی ہے۔

&quot;یہ منصوبہ منظور ہوتا ہے تو ہم گلگت بلتستان میں لوڈشیڈنگ پر بہت حد تک قابو پا لیں گے۔&quot;

انس اور ان کے کلاس فیلوز بہت خوش ہیں۔ وہ بتاتے ہیں کہ انہیں گرمی میں پنکھوں کے بغیر بیٹھ کر نہیں پڑھنا پڑتا۔ کمپیوٹر کی کلاسیں بھی روزانہ ہو رہی ہیں۔

شمسی توانائی کے واٹر پمپ اور گلگت بلتستان کے آخری گاؤں کا ننھا منا زرعی انقلاب

گلگت بلتستان: انس کے سکول کے کمپیوٹر کیسے چلے؟

text

بلتستان کے لوگ&nbsp; ہر سال 21 دسمبر کی رات ایک خاص تہوار مناتے ہیں جسے &quot;مے فنگ&quot; کہا جاتا ہے، بلتی زبان میں &quot;مے&quot; کا مطلب آگ اور &quot;فنگ&quot; کا مطلب پھینکنا ہے، یعنی آگ سے کھیلنا ہے۔ مقامی لوگوں کے مطابق صدیوں پرانے اس تہوار کو منانے کا مقصد بہار کی آمد پر اسے خوش آمدید کہنا ہے۔

جشن مے فنگ میں شام کو اندھیرا چھاتے ہی لوگ اپنے گھروں سے آگ کے گولے یا مشعلیں لے کر گروپ کی شکل میں گیت گاتے ہوئے نکلتے ہیں اور کسی بلند ٹیلے یا پہاڑی پر چڑھ جاتے ہیں۔ وہاں ایک بڑا اجتماعی الاؤ روشن کر کے دائرے کی شکل میں بیٹھ کر قدیم گیت گانا اور رقص کرنا اس جشن کا اہم حصہ ہے۔

اس رقص کو مقامی زبان میں &quot;مے ہژس&quot; یعنی آگ کا رقص کہتے ہیں۔ &quot;مے فنگ&quot; کے تہوار کی جڑیں تبتی بدھ مت ثقافت سے ملتی ہیں اور اس میں آتش بازی، موسیقی اور رقص شامل ہے۔

اس سال بھی گلگت بلتستان کی وادی خپلو میں جعمرات کی شام لوگوں نے اپنے اپنے گاؤں میں اس تہوار کو منایا جبکہ مرکزی جشن شاہی پولو گراؤنڈ سے متصل ایک پہاڑی سے ایک شمع بردار ریلی سے شروع ہو کر گراؤنڈ میں رقص اور موسیقی کے ساتھ اختتام پذیر ہوا۔

لوک سجاگ سے گفتگو کرتے ہوئے وزیر بلدیات حاجی عبدالحمید نے بتایا کہ &quot;مے فنگ کے قدیم تہوار کو منانے کے لیے لوگ بڑی تعداد میں جمع ہوتے ہیں، کیونکہ یہ ہمیں اپنے آباء و اجداد کے ساتھ ہمارے تعلق کی یاد دلاتا ہے، جنہوں نے اسے صدیوں پہلے منانا شروع کیا تھا۔ یہ علاقے کے رہائشیوں کے لیے خوشی کا دن ہے کیونکہ یہ سال کی طویل ترین رات اور سردیوں کے موسم کے اختتام کا آغاز ہے&quot;۔

مقامی مورخ محمد حسن حسرت کے مطابق، اس تہوار کی ابتداء غیر واضح ہے، لیکن بہت سے لوگ اسے نئے سال کے آمد کے طور پر دیکھتے ہیں۔

&quot;یہ بھی خیال کیا جاتا ہے کہ یہ تہوار مقپون خاندان کے دور میں شروع ہوا جو 12ویں صدی میں خطے میں ابھرا اور تقریباً 700 سال تک جاری رہا&quot;۔

ان کا کہنا تھا کہ چند لوگوں نے اسے 17ویں صدی کی افسانوی کہانی آدم خور حکمران، راجہ ابدال خان سے منسوب کیا، جو اپنے ظلم کے لیے جانا جاتا تھا۔

محمد حسن کہتے ہیں کہ یہ تہوار چترال، گلگت کے علاوہ چین کے بعض علاقوں میں بھی منایا جاتا ہے۔

&quot;جب 21 دسمبر کا سورج غروب ہوتا ہے، تو لوگ خاص طور پر بچے اور نوجوان اپنے ہاتھوں میں شمع بردار لاٹھیاں اٹھا کر ہوا میں لہراتے ہیں اور رقص کرتے ہیں۔اگرچہ یہ تقریبات گزشتہ 40 سے 50 سالوں سے کم ہو رہی تھیں، لیکن یہ ایک بار پھر لوگوں میں مقبول ہو رہی ہیں&quot;۔

مقامی فنکار غلام عباس بلغاری ڈھول بجانے کے&nbsp; ماہر ہیں۔ انہوں نے لوک سجاگ کو بتایا کہ وہ 1987 سے مقامی طور پر بکرے کی کھال سے تیار کردہ اپنا ڈھول بجاتے ہیں۔ انہیں مے فنگ کے میلے میں ڈھول بجانا بہت پسند ہے۔

&quot;2005ء سے یہ تہوار بلتستان کی مختلف وادیوں شگر، روندو، سکردو، کھرمنگ اور خپلو میں باقاعدگی سے منایا جاتا ہے۔ میں نے کئی سالوں کے وقفے کے بعد آج وادی خپلو میں رنگا رنگ مے فنگ فیسٹیول میں شرکت کی ہے&quot;۔

گلوکار زاہد حسین نے لوک سجاگ کو بتایا، &quot;میں نے لوگوں میں ایسا جوش و خروش پہلے کبھی نہیں دیکھا، آپ یہاں سینکڑوں لوگوں کو دیکھ سکتے ہیں، جو اتنے ٹھنڈے موسم میں بھی اس جشن میں شرکت کرنے کے لئے آئے ہوئے ہیں۔&nbsp; یہ ہماری ذمہ داری ہے کہ ہم اپنے ثقافتی تہواروں کو زندہ رکھیں۔&quot;

قدیم زمانوں میں جشن مے فنگ 21 دسمبر سے تین ہفتے قبل اور تین ہفتے بعد تک منایا جاتا تھا مگر دور حاضر میں بلتی لوگ صرف 21 دسمبر کو یہ جشن مناتے ہیں۔

وادی خپلو سے تعلق رکھنے والے نذیر علی نے کہا کہ ہر سال 21 دسمبر کو صبح ہوتے ہی بچے لکڑی کے سرے پر آگ لگا کر مشعل بنانے کی ضد کرتے ہیں، اس مشعل کو مقامی زبان میں ڈانڈریا، لانڈر کہتے ہیں۔

&quot;اس دن شام سے پہلے بچوں کے لئے ڈانڈریا تیار کر کے انہیں تہوار کے مقام پر لے جایا جاتا ہے تاکہ وہ بھی دوسروں کے ساتھ اس تہوار میں حصہ لے سکیں۔&quot;

جشن مے فنگ میں ڈانڈریا لہراتے ہوئے انہیں بلند مقام سے نیچے پھینکنے سے متعلق یہ مانا جاتا ہے کہ لوگ گھروں سے جب آگ لے کر نکلتے ہیں تو گھر میں موجود آسیب بلائیں سب اس آگ کے ساتھ نکل جاتی ہیں۔

&quot; لوگ دعا کرتے ہیں کہ آنے والا وقت ہمارے لئے اچھا ہو، پانی وافر مقدار میں آئے اور فصلیں بہتر ہوں، یہ سب دعائیں مانگ کر پھر آگ کو بلندی سے نیچے پھینک دیا جاتا ہے&quot;۔

بلتستان میں نئے سال کا جشن مے فنگ،  مقامی لوگ سال کی طویل ترین رات کو سردیوں کے اختتام کے آغاز کے طور پر مناتے ہیں

گلگت بلتستان کے شمال مشرق میں سیاری گاؤں پاکستانی حدود میں واقع آخری انسانی آبادیوں میں سے ایک ہے۔ اس سے دو کلومیٹر دور فرانو گاؤں کے بعد انڈیا کا علاقہ شروع ہو جاتا ہے۔سیاری اپنے خوبصورت قدرتی نظاروں کی وجہ سے بھی خاص پہچان رکھتا ہے۔ اسی گھرانوں پر مشتمل اس گاؤں کے بیشتر لوگوں کا ذریعہ معاش کھیتی باڑی ہے۔

یہاں کے لوگ سالہا سال سے صرف چارہ، گندم اور آلو کاشت کرتے آئے تھے لیکن اب انہوں نے جو، پلاگ (ساگ)، سٹرنما (مٹر) اور پیاز بھی اگانا شروع کر دیے ہیں۔ اس کی وجہ یہ ہے کہ پہلے اس علاقے میں آبپاشی کے لئے تھوڑا سا پانی میسر ہوتا تھا جس کی اب فراوانی ہے۔

اس گاؤں کی کاشت کار خدیجہ بتول بتاتی ہیں کہ وہ پانی کی کمی کے باعث سال میں صرف ایک مرتبہ ہی کاشت کاری کر سکتے تھے۔ تاہم اِس سال حکومت نے شمسی توانائی کے ایک منصوبے کے ذریعے اس علاقے میں دریا کا پانی پہنچا دیا ہے جس سے ان کے لئے سال میں دو مرتبہ فصلیں بونا ممکن ہو گیا ہے۔

خدیجہ کا گھرانہ 13 افراد پر مشتمل ہے۔ ان کے شوہر قریبی شہر خپلو میں دکان پر کام کرتے ہیں۔ خدیجہ گھریلو کام کاج کے علاوہ اپنی زمینوں پر کھیتی باڑی بھی خود کرتی ہیں جس میں گھر کے دیگر افراد ان کا ہاتھ بٹاتے ہیں۔

2022ء سے پہلے ان کی زمین موسم گرما میں گلیشیئروں کے پگھلنے سے ندی نالوں میں آنے والے پانی سے سیراب ہوتی تھی۔ یہ پانی ہر سال مئی کے قریب دستیاب ہوتا تھا جس سے صرف ایک مرتبہ ہی فصل کاشت کی جا سکتی تھی۔ لیکن پچھلے سال گلگت کے واٹر مینجمنٹ ڈیپارٹمنٹ نے آغا خان رورل سپورٹ پروگرام کے اشتراک سے اس گاؤں میں دو جگہوں پر شمسی توانائی کے پلانٹ نصب کر کے دریائے شیوک کا پانی اونچائی پر چڑھانا (اپ لفٹ) کرنا شروع کر دیا ہے۔

یہ پانی مئی سے بہت پہلے مل جاتا ہے جس کی بدولت یہ لوگ سال میں دو مرتبہ فصلیں بونے کے قابل ہو گئے ہیں۔ یہی نہیں بلکہ وافر پانی کی دستیابی کے بعد گاؤں کے لوگوں نے مزید 500 کنال بنجر زمین کو بھی قابل کاشت بنا لیا ہے۔

یہ لوگ اپنی فصلوں کو مقامی مارکیٹ میں بیچتے ہیں یا ڈیڑھ سو کلومیٹر دور ضلع سکردو سے آنے والے بیوپاری گاؤں کے لوگوں سے براہ راست ان کی پیداوار خرید لیتے ہیں۔

اسی گاؤں کے غلام رسول پچھلے 20 سال سے کھیتی باڑی کر رہے ہیں۔ وہ بتاتے ہیں کہ مئی کے آخر تک یہ علاقہ پانی نہ ہونے کے باعث خشک پڑا ہوتا تھا لیکن اب اس مہینے میں یہاں سرسبز فصلیں لہلہا رہی ہیں کیونکہ اب یہاں مارچ سے پہلے ہی پانی مل جاتا ہے۔

&quot;وقت پر پانی نہ آنے کی باعث یہاں کے لوگ علاقائی فصلیں کاشت نہیں کر پاتے تھے اور صرف گندم اور آلو ہی اگاتے تھے۔اب ہم یہاں ہر طرح کی فصل اور سبزیاں کاشت کر سکتے ہیں۔&quot;

اس گاؤں کے سرکردہ (نمبردار) اشرف حسین بتاتے ہیں کہ پانی کی قلت کے باعث لوگ یہاں سے نقل مکانی کرنا شروع ہو گئے تھے۔ علاقے میں شمسی توانائی کے ذریعے دریائے شیوک کے پانی کی فراہمی کے بعد یہاں خوشحالی آئی ہے لوگ اور اپنے علاقے میں واپس آ رہے ہیں۔

ان کا کہنا ہے کہ پانی کی فراہمی کے اس منصوبے کے بدولت بنجر زمین تیزی سے آباد ہوتی جا رہی ہے جبکہ پانچ ہزار نئے درخت بھی اگائے گئے ہیں۔ اگر حکومت مزید سولر پلانٹ لگا دے تو مزید ہزاروں کینال زمین کو آباد کیا جا سکتا ہے۔

واٹر مینجمنٹ ڈیپارٹمنٹ کے اسسٹنٹ ایگزیکٹو انجینئر وارث اقبال بتاتے ہیں کہ گلگت بلتستان میں مجموعی رقبے کا صرف دو فیصد قابل کاشت ہے اور باقی 98 فیصد حصہ پہاڑوں، چراگاہوں، نیشنل پارک اور گلیشیئروں پر مشتمل ہے۔

&quot;کہنے کو یہاں دریاؤں، جھیلوں اور گلیشیئروں سمیت پانی کے بہت سے ذرائع ہیں لیکن جہاں ضرورت ہو وہاں پانی میسر نہیں ہوتا۔ علاقے میں آب پاشی کے لئے پانی کی بہت قلت تھی۔ سیاری گاؤں میں بھی پانی کا بحران رہتا تھا کیونکہ دریائے شیوک گاؤں سے نیچے بہتا ہے اس لئے ندی نالے کھود کر سیاری تک پانی پہنچانا ممکن نہیں تھا۔ یہی وجہ ہے کہ شمسی توانائی کے پمپ لگا کر یہ مسئلہ حل کیا گیا جس کے بہت اچھے نتائج آئے ہیں۔&quot;

انہوں نے بتایا کہ فی الوقت گلگت بلتستان میں 15 جگہوں پر ایسے پلانٹ نصب کئے گئے ہیں جبکہ محکمہ جنگلات، محکمہ زراعت اور دیگر ادارے بھی اسی طریقے سے پانی حاصل کرنے کا اہتمام کر رہے ہیں۔

وارث نے بتایا کہ ایک پلانٹ کی تعمیر پر 12 سے 14 لاکھ روپے خرچ ہوتے ہیں۔ گلگت بلتستان میں مزید 10 مقامات پر یہ پلانٹ لگانے کا منصوبہ ہے جس پر کام جلد شروع ہو جائے گا۔

نثار علی

نثارعلی کا تعلق گلگت بلتستان کے ضلع گانچھے سے ہے۔ موسمیاتی تبدیلی اور ماحولیات کے علاوہ شمالی علاقوں کے ایشوز پر نیشنل اور انٹرنیشنل میڈیا کو رپورٹنگ کرتے ہیں۔

جیتنے والے انعام پائیں گے، ہارنے والے بھی خالی نہیں جائیں گے

گلگت بلتستان: انس کے سکول کے کمپیوٹر کیسے چلے؟

بلتستان میں نئے سال کا جشن مے فنگ، مقامی لوگ سال کی طویل ترین رات کو سردیوں کے اختتام کے آغاز کے طور پر مناتے ہیں

شمسی توانائی کے واٹر پمپ اور گلگت بلتستان کے آخری گاؤں کا ننھا منا زرعی انقلاب