Explore the contentious issue unfolding in Muzaffargarh and Kot Addu districts, where farmers face eviction from their lands for solar power projects despite ample government-owned land avail

Land Displacement Dilemma: Farmers Facing Eviction for Solar Power Plants in Muzaffargarh District.

&quot;وہ ہمارے باپ دادا کی زمین اور ہماری چھتیں چھین رہے ہیں۔ ہمارے پاس رہنے کے لیے کوئی اور جگہ بھی نہیں۔ ہم ان چھوٹے چھوٹے بچوں کو لے کر کہاں جائیں؟ سیکڑوں لوگ بے گھر ہو رہے ہیں نیلی چھتری والا انصاف ضرور کرے گا۔&quot;

یہ کہنا ہے 80 سالہ نوراں بی بی کا جو&nbsp; کوٹ ادو کے تھل میں واقع چاہ حاصل والا کی رہائشی ہیں لیکن آج کل بہت پریشان ہیں۔

حاصل والا صرف چند سال پہلے تک بے آب و گیاہ ٹیلوں پر مشتمل ایک بنجر علاقہ تھا لیکن پھر سولر ٹیکنالوجی نے یہاں جادو جگایا جس سے لوگوں نے سولر ٹیوب ویل لگائے اور محنت کر کے ٹیلے ہموار کیے۔ وہاں اب فصلیں لہلہا رہی ہیں اور آبپاشی کے لیے پختہ کھال بن چکے ہیں۔

لیکن اب اس علاقے کی ڈھائی ہزار ایکڑ سے زائد اراضی سولر پاور پلانٹ کے لیے حاصل کر لی گئی ہے۔

نوراں بی بی سمیت تھل کا کوئی رہائشی اس سولر پراجیکٹ کے خلاف نہیں ہے تاہم زمین کے حصول کے ناقص طریقہ کار اور انتہائی کم معاوضے نے لوگوں میں بے چینی پیدا کر دی ہے۔ انہیں تشویش یہ ہے کہ سرکار&nbsp; زمینیوں کے بدلے جو رقم (ایکوزیشن ایوارڈ ) دے رہی ہے وہ اس سے نئی زندگی کیسے شروع کر پایئں گے؟

&quot;ہم نے تھل آباد کیا اور اب حکومت ہمیں یہاں سے نکالنا چاہتی ہے جبکہ کوئی یہ نہیں بتا رہا کہ بچوں اور مال مویشی کو لے کر ہم کہاں جائیں؟&quot;

ستمبر 2022ء میں شہباز شریف حکومت نے بجلی بحران پر قابو پانے کے لیے شمسی توانائی سے دو ہزار میگاواٹ بجلی پیدا کرنے کا منصوبہ منظور کیا تھا۔ منصوبے کا بنیادی مقصد مہنگے تھرمل بجلی گھروں پر انحصار کم کر کے زرمبادلہ بچانا اور شمسی توانائی سے کم قیمت اور ماحول دوست بجلی کرنا تھا۔

&nbsp;اسی منصوبے کے تحت حکومت نے مظفرگڑھ شہر سے لگ بھگ 35 کلو میٹر شمال میں (ایم ایم روڈ اور رنگ پور روڈ کے درمیان) 600 میگاواٹ بجلی پیدا کرنے والا سولر پلانٹ لگانے فیصلہ کیا تھا جس کے لیے سروے اور زمین خریدنے کا کام <a href="https://www.thenews.com.pk/print/1077169-setback-as-no-bids-received-for-600mw-solar-power-project">وفاقی ادارے نیشنل ٹرانسمیشن اینڈ ڈیسپیچ کمپنی (این ٹی ڈی سی) کو سونپا گیا۔</a>

اس سولر پاور پلانٹ کی مجوزہ سائٹ میں تحصیل مظفرگڑھ اور ضلع کوٹ ادو کی تحصیل چوک سرور شہید کا رقبہ شامل ہے جس میں موضع واندڑ شرقی، پتی سلطان محمود شرقی اور موضع خدائی کے دیہات آتے ہیں۔

یہاں زمین کے حصول کے لیے لینڈ ایکوزیشن ایکٹ کی شق فور کے تحت کارروائی (ابتدائی نوٹس) اور زمین کے تخمینے کا کام ضلعی انتظامیہ&nbsp; مظفرگڑھ (تب کوٹ ادو ضلع نہیں بنا تھا) کے سپرد کیا گیا تھا، جس کا <a href="https://www.brecorder.com/news/40239583">ابتدائی تخمینہ ایک ارب 40 کروڑ روپے</a> کے قریب لگایا گیا تھا لیکن ضلع انتظامیہ نے زمین کی قیمت 93 کروڑ روپے سے بھی کم بتائی جس کی صدر پاکستان منظوری دے چکے ہیں۔

مظفرگڑھ میں مظفر خان مگسی متحرک سرائیکی رہنما ہیں۔ وہ بتاتے ہیں کہ تھل میں حکومت نے سڑکیں دیں نہ بجلی اور نہ ہی صاف پانی فراہم کیا۔ اب جبکہ لوگوں نے رقبے آباد کر لیے تو حکومت یہ زرعی زمینیں اونے پونے خرید کر پاور پلانٹ لگانا چاہتی ہے۔

وہ کہتے ہیں کہ لگ بھگ تین سو خاندان بیروزگار اور بےگھر ہو جائیں گے جبکہ ان کا تحفظ بھی منصوبے کا حصہ ہونا چاہیے تھا،&nbsp; مگر کسی نے نہیں سوچا کہ ان ہزاروں لوگوں کی آباد کاری کا کیا بنے گا؟

سولہ مارچ&nbsp; 2024ء کو این ٹی ڈی ہیڈکوارٹرز، واپڈا ہاؤس نے ایک پریس ریلیز جاری کی جس میں بتایا گیا تھا کہ&quot;سولر پاور پلانٹ کے لیے تحصیل چوک سرور شہید میں دو ہزار 553 ایکڑ، چھ کنال اور نو مرلے اراضی کامیابی کے ساتھ ایکوئر&nbsp; کر کے آج اس کا قبضہ لے لیا گیا ہے۔&quot;

&quot; لینڈ ایکوزیشن کلکٹر نے مذکورہ اراضی کے لینڈ ایکوزیشن ایکٹ 1894ء (حصول زمین کا قانون) کی شق 11 کے تحت ایوارڈ کا اعلان کیا۔ اس موقع پر ڈائریٹر جنرل (لینڈ) این ٹی ڈی سی و دیگر حکام بھی موجود تھے۔&quot;

اس پریس ریلیز کے ساتھ ایک تصویر بھی جاری کی گئی جس میں &#39;ایوارڈ کی تقریب&#39; کا بینر نظر آ رہا ہے۔

تاہم زمین مالکان، این ٹی ڈی سی کے سیکشن 11 کے تحت ایوارڈ کے اعلان کی کارروئی کے دعوے کو &quot; جھوٹ پر مبنی&quot; قرار دیتے ہیں۔

شفقت نوناری مقامی کسان ہیں اور وہ سائٹ کے قریب &#39;اڈا چوک&#39; پر دکان چلاتے ہیں۔ وہ بتاتے ہیں کہ نہ ان کے اعتراضات کی سماعت ہوئی نہ ایوارڈ کے لیے انہیں کسی قسم کے نوٹسز جاری ہوئے اور نہ ہی انہیں ان کی زمینوں کے بدلے ادائیگیاں کی گئیں۔

وہ کہتے ہیں کہ سال پہلے چند لوگ آئے اور کچھ بتائے بغیر ان کی زمینوں کا سروے شروع کر دیا جس کا سلسلہ وقفے وقفے سے جاری رہا۔

&quot; آٹھویں/ نویں بار جب آئے تو انہوں نے ہمیں بتایا کہ یہاں سولر پلانٹ لگانا ہے۔ انہوں نے بتایا کہ ہماری زمین کا فی ایکڑ سوا دولاکھ سے دو لاکھ 80 ہزار تخمینہ لگایا گیا ہے۔ موضع واندڑ کا ایک لاکھ 80 ہزار سے سوا دولاکھ روپے فی ایکڑ ریٹ مقرر ہوا ہے۔ تاہم موضع پتی سلطان میں زمینداروں کو چار سے پانچ لاکھ روپے ایکڑ معاوضہ ملے گا۔&quot;

شفقت بتاتے ہیں کہ وہاں کے لوگوں نے یہ پیشکش مسترد کر دی اور اعتراضات جمع کرا دیے۔ کچھ دن بعد زمین مالکان کو بلایا گیا کہ ایوارڈ کی کاروائی ہے اور اپنی اپنی زمینوں کے پیسے لے لیں۔

&quot;ہم نے انہیں اعتراضات سے متعلق بتایا تو سرکاری افسروں نے کہا کہ آپ لوگ پیسے لے لیں ورنہ ان کے لیے بھی لاہورکے چکر لگانے پڑیں گے۔&quot;

&nbsp;وہ کہتے ہیں کہ اس کارروائی کے بعد سرکاری اہلکاروں نے بینر لگا کر تصاویر بنوائیں اور چلے گئے۔ اگلے روز خبریں لگوا دیں کہ عوام سے زمین خرید کر لی گئی ہے لیکن چند روز قبل جب سرکاری ٹیمیں دوبارہ آئیں تو مقامی لوگوں نے مزاحمت کر کے انہیں نئے سروے سے روک دیا۔

<h2>لینڈ ایکوزیشن&nbsp; ایکٹ 1894 کا سیکشن 11 کیا ہے؟</h2>

کلکٹر انکوائری کرے گا تاکہ یہ معلوم کیا جا سکے کہ زمین کی قیمت کیا ہے اور کون معاوضے کا مستحق ہے۔

کلکٹر ان اعتراضات کو بھی سنے گا جو کسی نے زمین کی پیمائش یا قیمت کے بارے میں کیے ہیں۔

کلکٹر ایک ایوارڈ جاری کرے گا جس میں بتایا جائے گا کہ کون کتنا معاوضہ حاصل کرے گا۔

اسی قانون کی شق 4(1) کہتی ہے کہ جب بھی ضلع&nbsp; کلکٹر محسوس کرے کہ ضلع کی حدود میں مفاد عامہ میں کسی جگہ زمین درکار ہے تو اس کے لیے کلکٹر سب سے پہلے ابتدائی آفیشل گزٹ نوٹیفکیشن کے ذریعے درکار زمین کی نشان دہی کر کے اسے ریکارڈ پر لائے گا۔اور وہ (کلکٹر) اس نوٹیفکیشن کے مواد کو عوامی نوٹس کے ذریعے متعلقہ علاقے میں مناسب جگہوں پر لگوائے گا۔

سب کلاز (2)&nbsp; میں ہدایت کی گئی ہے کہ افسر مجاز یا ماتحت عملہ سروے یا نشان لگانے کے لیے بھی کھڑی فصل، باڑ یا جنگل نہیں کاٹے جائیں گے اور مالک/ قابض کی رضا مندی (یا سات روز کا نوٹس)کے بغیر کسی عمارت یا مکان کے احاطے یا باغ میں داخل نہیں ہوا جا سکتا۔

سیکشن (3) کے تحت مجاز افسر سروے کے دوران توڑ پھوڑ یا کسی نقصان کی صورت میں اس کی ادائیگی یقینی بنائے گا جبکہ رقم پر تنازعے کی صورت میں ضلع کے کلکٹر کو آگاہ کرے گا جس کا فیصلہ حتمی ہو گا۔

تاہم یہاں سولر پاور پلانٹ کی مجوزہ سائٹ کے زمین مالکان نے شق 4 (1) کے تحت کسی بھی نوٹیفیکیشن سے متعلق لاعلمی کا اظہار کیا ہے۔

اسی طرح لینڈ ایکوزیشن ایکٹ کی شق فائیو&nbsp; اے، ایکوئر کی جانے والی زمین کے مالکان کے اعتراضات کی سماعت اور انکوائری سے متعلق ہے جن کی سماعت کی کسی نے ضرورت ہی نہیں سمجھی اور موقع پر جا کر حکم سنا دیا گیا۔

مہر اعجاز جو تھل کے زمیندار ہیں اور مظفرگڑھ میں بطور وکیل پریکٹس کرتے ہیں۔ وہ بتاتے ہیں کہ لینڈ ایکوزیشن کلکٹر لاہور بیٹھتے ہیں جہاں 50 سے زائد زمین مالکان نے اعتراضات پر مبنی پٹیشن دائر کی ہے جن میں واندڑ شرقی، اور پتی سلطان شرقی کے متاثرین شامل تھے۔

وہ کہتے ہیں کہ پٹیشنرز نے ایکوزیشن ایکٹ 1894ء کی مختلف شقوں کے اطلاق اور اراضی کے حصول کے لیے قیمت کے تعین میں قواعد کی سنگین خلاف ورزیاں سے متعلق اعتراضات اٹھائے ہیں۔

&quot;ہمارے اعتراضات کو نہیں سنا گیا اور یکطرفہ طور پر معاملات چلائے جا رہے ہیں۔ تاہم اس حوالے سے میں نے ایک پٹیشن ضلع مظفرگڑھ کے ایڈیشنل ڈپٹی کمشنر کی عدالت میں دائر کی تھی لیکن وہاں سے بھی انصاف نہ ملا۔&quot;

تھل کے زمیندار میاں امیر نواز کہتے ہیں کہ حکومت یہاں زراعت کو ختم کرنے کی بنیاد ڈال رہی ہے۔سولر پلانٹ تک پہنچنے کے لیے 21 ایکڑ رقبہ الگ سے خریدا جا رہا ہے جس پر 300 فٹ چوڑی سڑک تعمیر کی جائےگی۔

&quot;کاش! کمشنر ڈیرہ غازی خان اپنے ڈپٹی کمشنرز کے ساتھ سائٹ اور ان زرخیز زمینوں کا وزٹ کر لیں مجھے یقین ہے وہ سولر پلانٹ کی جگہ تبدیل کرا دیں گے۔&quot;

پندرہ مارچ کو خدائی بس سٹاپ پر متاثرین نے احتجاجی مظاہرہ کیا۔ ان کا کہنا تھا کہ حکومت نے سوا دو لاکھ روپے فی ایکڑ معاوضہ ادا کرنے کا فیصلہ کیا ہے جبکہ ایک ایکڑ بنجر زمین کو صرف ہموار کرنے اور اسے قابل کاشت بنانے پر آٹھ سے دس لاکھ روپے لاگت آتی ہے۔

&quot;بنجر اور آباد زمین ملاکر ہم پر اوسطاً دو لاکھ روپے فی ایکڑ قبول کرنے کے لیے دباؤ ڈالا جا رہا ہے جو ہمیں کسی صورت قبول نہیں۔&quot;

بستی خدائی کے امیر نوار خدائی بھی اس احتجاج میں شریک تھے۔ انہوں نے تجویز دی کہ ضلع مظفر گڑھ اور کوٹ ادو میں ہزاروں ایکڑ سرکاری اراضی خالی پڑی ہے جہاں حکومت پاور پلانٹ لگا سکتی ہے جبکہ زرعی رقبہ اور قومی سرمایہ بھی بچ جائےگا۔

شفقت نوناری نے شکوہ کیا کہ یہاں زمینوں پر لوگوں نے ڈرپ اریگیشن، سولر ٹیوب ویل اور امپورٹڈ سینٹرل پیوٹ ایری گیشن سسٹم (CPIS) لگا رکھے ہیں جہاں گندم، چنا، لہلہاتے باغات اور فش فارمز ہیں مگر حکومتی ریکارڈ میں انہیں بنجر ظاہر کر کے کوڑیوں کے بھاؤ چھینا جا رہا ہے۔

&quot;ہماری زمینوں کا مارکیٹ ریٹ دس سے پندرہ اور اٹھارہ لاکھ ایکڑ ہے جس کی محکمے والوں نے سوا دولاکھ روپے قیمت لگائی ہے۔ اگر زبرستی زمین لینی ہے تو کم از کم مارکیٹ ریٹ کے مطابق ادائیگیاں تو کی جائیں۔&quot;

موضع واندڑ شرقی کے پٹواری طاہر گھمن نے لوک سجاگ کو بتایا کہ سولر پلانٹ کے مجوزہ رقبے میں آباد اور بنجر دونوں طرح کی اراضی شامل ہے۔ تاہم انہوں نے تصدیق کی کہ یہاں اکثر رقبے آباد ہو چکے ہیں مگر محکمہ مال نے اپنا ریکارڈ اپ ڈیٹ نہیں کیا جس کی وجہ سے ان کی قیمت کم دی جا رہی ہے۔

اس حوالے سے ڈپٹی کمشنر میاں عثمان علی نے لوک سجاگ کو بتایا&nbsp; کہ پلانٹ کے لیے زمین محکمہ ریونیو کے ذریعے حاصل کی گئی ہے اور قیمت کا فیصلہ بھی قانون کے مطابق کیا گیا ہے۔

<h2>&nbsp;کیا منصوبہ کھٹائی میں پڑ گیا ہے؟</h2>

&#39;فاسٹ ٹریک ٹریک سولر پی وی انیشیٹوز 2022ء&#39; کے تحت مظفرگڑھ/کوٹ ادو سولر پاور پلانٹ کا یہ حکومتی &#39;پائلٹ پراجیکٹ&#39; جنوری 2024ء میں بھی عالمی بڈرز (بولی دہندگان) کی توجہ حاصل کرنے میں ناکام رہا تھا۔

&nbsp;وفاقی حکومت نے کئی بار عالمی مارکیٹ میں 600 میگا واٹ کے اس سولر پلانٹ کے لیے پیشکشیں طلب کی ہیں جبکہ ابتدائی ٹیرف سے لے کر مراعات تک ہر معاملے پر نظرثانی کی ہے لیکن کسی بولی دہندہ نے دلچسپی ظاہر نہیں دکھائی۔

سولر انرجی کے شعبہ سے وابستہ ٹیکنیکل انجنیئرز کے مطابق مظفرگڑھ سولر پلانٹ کا منصوبہ &#39;مس ہینڈل&#39; ہوا ہے ورنہ بولی نہ لگنے والی بات نہیں تھی۔

ملتان الیکٹرک پاور کمپنی کے ریٹائرڈ انجنیئر عباس لاشاری کا ماننا ہے کہ بولی نہ آنے کی دو بڑی وجوہات ہوسکتی ہیں، فی یونٹ ٹیرف یا مدت معاہدہ۔

وہ کہتے ہیں کہ اخباری اطلاعات کے مطابق حکومت نے 3.4 سینٹ فی یونٹ ریٹ مقرر کیا جبکہ معاہدے کی مدت (بلڈ، اون، آپریٹ اینڈ ٹرانسفر) 25 سال رکھی ہے۔ اگر 3.4 سینٹ (10-11 روپے) فی یونٹ والی بات درست ہے تو یہ آفر انتہائی پرکشش ہے۔

ان کے خیال میں معاہدے کی مدت بہت زیادہ ہے کیونکہ سرمایہ کار سوچتا ہے کہ اتنے لمبے عرصے میں ملکی حالات میں سیاسی استحکام رہے گا یا نہیں؟ ان کے ذہین میں مختلف خدشات پیدا ہو جاتے ہیں۔ اگر پراجیکٹ کی مدت چار پانچ&nbsp; سال کر دی جائے تو ریٹ پر زیادہ فرق نہیں کرنا پڑے گا۔ لیکن یہ بات شاید حکومت کو قبول نہیں ہو گی۔

گولاڑچی کے بیشتر کسان اپنی زمینوں کے مالک کیوں نہیں رہے؟

مظفرگڑھ سولر پاور منصوبے کے خلاف احتجاج کیوں ہو رہا ہے؟

text

تحصیل کبیر والہ کے علاقے نواں شہر میں ڈھائی ایکڑ رقبے پر کاشت کاری کرنے والے محمد ناصر دھنو کے خلاف اپنی فصل کی باقیات جلانے پر حال ہی میں ایف آئی آر درج ہوئی ہے۔ تھانہ نواں شہر میں اس کا اندراج محکمہ زراعت کے فیلڈ اسسٹنٹ کی درخواست پر ہوا۔ محمد ناصر کہتے ہیں کہ وہ باقیات جلانے سے نجات دلانے والی لاکھوں روپے کی مشینری خریدنے کی استطاعت نہیں رکھتے۔

ملتان کے موضع لاڑ کے کاشت کار اور پاکستان کسان کمیٹی کے صدر ملک اقبال کہتے ہیں کہ محکمہ زراعت نے فصلوں کی باقیات جلانے والے کسانوں کے خلاف مقدمات درج کرنے اور بھاری جرمانے عائد کرنے کا تہیہ کر رکھا ہے، مگر کسان ان مشینوں سے محروم ہیں جن کے استعمال سے باقیات جلانے کی ضرورت نہیں رہتی جبکہ نہ جلانے پر ان کی اگلی فصل کی بیجائی متاثر ہو سکتی ہے۔

ملک اقبال کے مطابق حکومت نے تمام کسانوں کو بلا تخصیص ہیپی سیڈر اور پاک سیڈر 80 تا 50 فیصد رعایتی قیمت پر فراہم کرنے کا وعدہ کیا تھا مگر کم از کم ملتان اور جنوبی پنجاب کے دیگر اضلاع میں چھوٹے کاشت کاروں کو یہ سہولت فراہم نہیں کی گئی۔

2020ء میں محکمہ زراعت پنجاب نے رعایتی نرخوں پر رائس سٹرا شریڈر اور&nbsp; ہیپی سیڈر فراہم کرنے کا محدود پروگرام شروع کیا۔ ان مشینوں کی مدد سے دھان کی باقیات کو جلانے کے بجائے کارآمد بنایا جا سکتا ہے۔

زرعی انجینئرنگ فیلڈ ونگ کے ایک ٹیکنیکل افسر نے نام ظاہر نہ کرنے کی شرط پر بتایا کہ اس منصوبے کو پنجاب کے چاول اگانے والے اضلاع کے کسانوں کے لیے مخصوص کیا گیا تھا۔ ان اضلاع میں گوجرانوالہ، شیخوپورہ، قصور، اوکاڑہ، حافظ آباد، سیالکوٹ، ننکانہ صاحب، بہاولنگر، جھنگ، نارووال، قصور، منڈی بہاالدین، چنیوٹ، گجرات اور لاہور کے اضلاع شامل ہیں۔

بہاالدین زکریا یونیورسٹی میں شعبہ کیمسٹری کے استاد پروفیسر ڈاکٹر نجم الحق کے مطابق دھان کے مڈھوں اور فصلوں کی باقیات کو وسیع پیمانے پر جلایا جاتا ہے۔ اس سے نائٹروجن ڈائی آکسائیڈ، سلفر ڈائی آکسائیڈ، کاربن مونو آکسائیڈ، کاربن ڈائی آکسائیڈ اور میتھین جیسی زہریلی اور مضر صحت گیسیں پیدا ہوتی ہیں۔

فضا میں نائٹروجن ڈائی آکسائیڈ زیادہ ہونے سے سانس کی نالی کے اوپری حصے میں ہلکی جلن، کھانسی، گلے کی سوزش، آشوب چشم، سر درد، چکر آنا، متلی، ناک کی سوزش، سینے کی جکڑن، الٹی اور تھکاوٹ کے مسائل پیدا ہو سکتے ہیں۔ کاربن مونو آکسائیڈ دل کی دھڑکن متاثر کر سکتی ہے جس سے جان بھی جا سکتی ہے۔ جلنے سے خارج ہونے والے ذرات پھیپھڑوں کی گہرائی تک چلے جاتے ہیں جن سے سینے اور&nbsp; سانس&nbsp; کی بیماریوں کے علاوہ&nbsp; الرجی ہو سکتی ہے۔

ڈائریکٹوریٹ آف اگریکلچر انفارمیشن پنجاب کے سینئر افسر نوید عصمت کاہلوں کے مطابق دھان کے مڈھوں کو آگ لگانے سے پیدا ہونے والی فضائی آلودگی سے انسانوں کے علاوہ فصلات، باغات اور سبزیوں پر منفی اثرات مرتب ہونے کا اندیشہ موجود ہوتا ہے۔دھان کے مڈھوں کو آگ لگانے سے زمین کی بالائی سطح پر موجود نامیاتی مادوں کو نقصان پہنچتا ہے اور زمین کی زرخیزی متاثر ہوتی ہے۔

تحقیقاتی ادارے کنسورشیم فار ڈویلپمنٹ پالیسی ریسرچ کے مطابق 2019ء میں&nbsp; حکومت پنجاب نے ایک پالیسی کے تحت ہر سال اکتوبر میں فصلوں کے جلانے پر مکمل پابندی لگائی۔ اس پالیسی کے تحت ضلعی حکومتوں کو یہ اختیار دیا گیا کہ وہ محکمہ زراعت کے تعاون سے خلاف ورزی کرنے والوں کو 50 ہزار روپے فی کس جرمانہ کر سکتی ہیں۔ البتہ متبادل کی عدم موجودگی کی وجہ سے اس پالیسی پر مکمل عمل درآمد نہ ہو سکا۔ ادارے کے مطابق سستے متبادل تک رسائی کے بغیر فصلیں جلانے کا سلسلہ جاری رہنے کا امکان ہے۔

ماہرین ٹرانسپورٹ سے پیدا ہونے والے دھویں کو سموگ کا&nbsp; ایک بڑا سبب سمجھتے ہیں۔ پنجاب انوائرمنٹ پروٹیکشن ڈیپارٹمنٹ ملتان کے ڈپٹی ڈائریکٹر مہر شمشاد کہتے ہیں کہ سموگ کے خلاف بھرپور مہم جاری ہے۔

ڈیپارٹمنٹ کے مطابق گزشتہ ماہ ستمبر میں شروع ہونے والی مہم کے دوران ملتان ڈویژن میں ایسی 125 گاڑیوں کی نشان دہی ہوئی جن کا دھواں آلودگی یا سموگ کا باعث بن رہا تھا۔

ان میں سے 29 گاڑیوں کے چالان کیے گئے اور چار گاڑیوں کو تھانوں میں بند کیا گیا۔ دیگر 92 گاڑیوں کو چند ہزار روپے جرمانہ عائد کر کے اور وارننگ دے کر چھوڑ دیا گیا۔ کسانوں کے برعکس ان گاڑیوں کے مالکان کے خلاف کوئی ایف آئی آر درج نہیں کی گئی۔

ضلع خانیوال میں ایسی 43 گاڑیوں کی نشان دہی ہوئی جن میں سے آٹھ گاڑیوں کے چالان ہوئے اور چار کو تھانوں میں بند کیا گیا۔ دیگر 31 گاڑیوں پر کل 14500 روپے جرمانہ عائد ہوا۔ ضلع وہاڑی میں ایسی 31 گاڑیوں میں سے تین گاڑیوں کے چالان کیے گئے اور دیگر کو جرمانہ ہوا۔

جاری مہم میں پنجاب انوائرمنٹ پروٹیکشن ڈیپارٹمنٹ کی ٹیموں نے ملتان ڈویژن میں سموگ کا سبب بننے والے 48 اینٹوں کے بھٹوں میں سے نو کو سیل کیا، تین کو نوٹسز جاری کیے گئے اور دو لاکھ روپے جرمانے کی مد میں وصول کیے۔

انہوں نے ملتان ڈویژن میں نو صنعتی یونٹس کا دورہ کیا۔ ان میں سے پانچ یونٹس کو ماحولیاتی قوانین کی خلاف ورزی پر نوٹسز جاری کیے، ایک صنعتی یونٹ کے خلاف ایف آئی آر درج کی گئی۔ البتہ کسی صنعتی یونٹ پر جرمانہ عائد نہیں کیا گیا۔ ملتان ضلع میں چار صنعتی یونٹس کو نوٹسز جاری کیے گئے، ایک صنعتی یونٹ کو سیل کیا گیا جبکہ ایک صنعتی یونٹ کے خلاف ایف آئی آر درج کی گئی۔ ضلع وہاڑی میں ایک صنعتی یونٹ کو نوٹس جاری کیا گیا۔

جہاں چاہ وہاں راہ: پنجاب کے ایک کسان نے چاول کی باقیات تلف کرنے کا ماحول دوست طریقہ ڈھونڈ لیا۔

'فصل کی باقیات نہ جلائیں تو اور کیا کریں'، ملتان میں سموگ کے خلاف مہم میں مقدموں پر کسانوں کا احتجاج

&quot;کیا قبائلی لڑکیاں اس لیے ہیں کہ کم عمری میں انہیں کسی کے نام کر دیا جائے، لڑکا بڑا ہو کر جرائم پیشہ اور اشتہاری بن جائے تب بھی قبیلہ زبردستی شادی کر دے اور لڑکیوں کی زندگی کے فیصلے پنچایت میں کیے جائیں؟&quot;

یہ باتیں ضلع ڈیرہ غازی خان کے قبائلی علاقے فاضلہ کَچھ سے تعلق رکھنے والی چند برقعہ پوش خواتین کی ہیں جن میں رخسانہ ناز بھی شامل ہیں۔

رخسانہ کا تعلق فاضلہ کَچھ میں آباد بزدار قبیلے کی شاخ جونگلانی سے ہے۔ یہ پنجاب کے سابق وزیر اعلیٰ سردار عثمان احمد خان بزدار کا حلقہ انتخاب بھی ہے۔

سات ماہ کی عمر میں رخسانہ کا رشتہ اپنے قبیلے کے ایک بچے زبیر صدیق&nbsp; سے طے کر دیا گیا۔ جوان ہونے پر زبیر کا چال چلن دیکھتے ہوئے رخسانہ نے بچپن میں کیے گئے اس رشتے کی مخالفت شروع کر دی۔ معاملہ قبائلی پنچایت تک پہنچا جس نے رخسانہ کی شادی ہر صورت زبیر سے کرنے کا حکم دے دیا۔ آخری چارے کے طور پر رخسانه نے ڈیرہ غازی خان میں دارالامان میں پناہ لے لی ہے۔

پولیس ریکارڈ کے مطابق رخسانہ ناز نے تھانہ بارڈر ملڑی پولیس (بی ایم پی) فاضلہ کَچھ میں 14 جولائی 2022ء کو ایف آئی آر درج کرائی تھی۔ اس میں انہوں نے اپنے والد امیر حسن اور زبیر صدیق سے تحفظ فراہم کرنے استدعا کرتے ہوئے کہا ہے کہ دونوں انہیں جان سے مارنے کی دھمکیاں دے رہے ہیں۔ ان کا دباؤ ہے کہ اگر انہوں نے کسی اور جگہ شادی کی تو انہیں قتل کر دیا جائے گا۔ رخسانہ کے مطابق وہ سخت ذہنی اذیت سے دوچار ہیں۔

ان کی مرضی کے بغیر زبیر سے شادی کا حکم دینے والی پنچایت میں سابق ناظم وڈیرا&nbsp; محمد رمضان، جوانسال جونگلانی اور سردار رشید خان مٹھوانی شامل تھے۔درخواست میں فرسودہ قبائلی رسوم و رواج کے تحت فیصلے کرنے والوں کے خلاف فی الفور اور مؤثر قانونی کارروائی کا مطالبہ کیا گیا ہے۔

ڈیرہ غازی خان میں انسانی حقوق کمیشن کے رکن ذوالفقار بلوچ کے مطابق رخسانہ ناز نے انسانی حقوق کمیشن جنوبی پنجاب کے کوارڈینیٹر فیصل تنگوانی کو وٹس ایپ کے ذریعے ایک درخواست بھیجی تھی جس میں کہا گیا کہ وہ زبیر سے شادی نہیں کرنا چاہتیں کیونکہ وہ جرائم پیشہ ہے لیکن &quot;میرے والد مجھے اس کے ہاتھ &#39;فروخت&#39; کرنا چاہتے ہیں۔&quot;

کمیشن نے ذوالفقار بلوچ کے ذریعے اور تونسہ پولیس کی مدد سے رخسانه کو گھر سے برآمد کرایا اور ان کی منشا کے مطابق ڈیرہ غازی خان دارالامان میں داخل کرا دیا۔

رخسانہ کہتی ہیں کہ زبیر سے شادی نہ ہونے کی ضمانت دی جائے تو وہ اپنے والدین کے گھر منتقل ہو سکتی ہیں۔ تاہم اس کے خاندان کے لیے اس مطالبے کو تسلیم کرنے کی راہ میں کئی رکاوٹیں کھڑی کر دی گئی ہیں۔ قبائلی خواتین کے مطابق خاندان پر شادی کے لیے شدید دباؤ ہے۔

انسانی حقوق کی کارکن آمنہ زہرہ کا کہنا ہے کہ رخسانہ کا خاندان خوف و ہراس کا شکار ہے اور زبیر کے خاندان اور قبائلی شاخ کی طرف سے شادی سے انکار پر سارے خاندان کو سنگین نتائج کی دھمکیاں دی جا رہی ہیں۔ انہیں کہا جا رہا ہے کہ انہیں اپنی آبائی زمین سے بھی محروم ہونا پڑے گا۔ اطلاعات کے مطابق رخسانہ کے والد زبیر کے مقروض بھی ہیں۔

تھانہ بی ایم پی فاضلہ&nbsp; کَچھ کے پولیس افسروں کے مطابق زبیر بلوچستان کے مختلف تھانوں میں درج مقدمات میں اشتہاری ہے۔

بارڈر ملٹری پولیس تھانہ فاضلہ کَچھ کے جمعدار حاجی مقبول نے بتایا کہ بی ایم پی نے ملزم زبیر صدیق کو پکڑنے کی کوشش کی مگر اس نے عدالت سے ضمانت قبل از گرفتاری کرا لی۔ ان کے مطابق وہ ملزم کی عبوری ضمانت منسوخ کرانے کی کوشش کر رہے ہیں اور اس حوالے سے جلد ہی کسی پیش رفت کا امکان ہے۔

زبیر صدیق اور اس کی حمایت کرنے والے قبائلیوں نے مطالبہ کیا ہے کہ علاقائی رسم و رواج کے مطابق&nbsp; خاندان یا تو رشتہ دے یا بطور ہرجانہ 15 لاکھ روپے ادا کرے۔ نیز شادی نہ ہونے کی صورت میں اس خاندان کو اپنی آبائی زمینیں چھوڑ کر علاقہ بدر ہونا ہو گا۔

فاضلہ کَچھ کی متعدد قبائلی خواتین بی ایم پی کے کردار سے مطمئن نہیں۔ ان&nbsp; کا کہنا ہے کہ بارڈر ملٹری پولیس والوں کو خواتین پر تشدد کے خلاف قانون سازی ازبر کرائی جائے اور قبائلی علاقے میں انسانی حقوق کا ادراک رکھنے والے اور ان کی خلاف ورزیوں کے خلاف نوٹس لینے والے افسر تعینات کیے جائیں۔

انسانی حقوق کمیشن کی ایک رپورٹ کے مطابق جنوبی پنجاب میں انسانی حقوق کی سنگین خلاف ورزیاں مشاہدے میں آئی ہیں۔ بالخصوص ڈیرہ غازی خان اور راجن پور کے قبائلی علاقوں میں خواتین کے خلاف قبیح رسوم جیسا کہ کاروکاری (کالا کالی) اور ونی ابھی تک رائج ہیں۔ بارڈر ملڑی پولیس ایسے واقعات میں خواتین کی مدد کرنے سے قاصر ہے۔ ان قبائلی علاقوں میں عورتوں کی مناسب ڈاکومینٹیشن نہ ہونے سے ان کی سیاسی آواز نہیں بن پاتی۔

&nbsp;ذوالفقار بلوچ اور آمنہ زہرہ کے مطابق عورتوں کے خلاف بہت سے جرائم رپورٹ ہی نہیں ہوتے لیکن مختلف افراد سے جو اطلاعات ان تک پہنچتی ہیں ان سے یہ معلوم ہوتا ہے کہ کالا کالی، ونی، لڑکیوں کی فروخت اور جائیداد سے محرومی کے واقعات تواتر رونما ہوتے رہتے ہیں۔ انہوں نے بتایا کہ گذشتہ چند ہفتوں تین چار ایسے واقعات کے کوائف اکھٹے کیے گئے ہیں۔

متعدد کوششوں کے باوجود اس معاملے میں زبیر صدیق اور ان کے خاندان سے مؤقف حاصل نہیں کیا جا سکا۔

ندیم شاہ

ندیم شاہ کاونٹر ٹیریرازم ریسرچر ہیں اور انگریزی صحافت سے وابستہ ہیں۔ مذہبی انتہا پسندی۔ طالبان مدرسہ میکینزم ان کے خصوصی موضوعات ہیں۔

مظفرگڑھ سولر پاور منصوبے کے خلاف احتجاج کیوں ہو رہا ہے؟

'فصل کی باقیات نہ جلائیں تو اور کیا کریں'، ملتان میں سموگ کے خلاف مہم میں مقدموں پر کسانوں کا احتجاج

شادی کرو یا 15 لاکھ ہرجانہ دو: پنجاب کے قبائلی علاقوں میں لڑکیوں کی زندگی پنچایت کے ہاتھ میں کھلونا بن گئی