واٹر کانفرنس: سندھ کا پانی دوسرے صوبوں کو ہرگز نہیں دیں گے

video

The Green Pakistan Initiative's new canal projects have sparked objections from Sindh due to fears of water scarcity, environmental degradation, and threats to agriculture. Local communities

Why Sindh Opposes New Canals Under Green Pakistan Initiative

وفاقی حکومت نے دریائے سندھ سے چھ نئی نہریں نکالنے کا منصوبہ بنایا ہے لیکن سندھ کے کسانوں کی جانب سے اس کے خلاف شدید احتجاج کیا جا رہا ہے۔ مظاہرین کا کہنا ہے کہ دریا سے مزید نہریں نکالنے سے اُن کی زمینیں بنجر ہو جائیں گی۔ حکومت کی جانب سے منصوبے کے متعلق رازداری برتنے کے اقدام نے شکوک کو ہوا دی ہے۔

ماہرین، سندھ کے کسانوں کے ان خدشات کو بے بنیاد قرار نہیں دیتے۔

وفاقی حکومت کے ادارے سنٹرل ڈیویلپمنٹ ورکنگ پارٹی( سی ڈی ڈبلیو پی) نے 12 اکتوبر کو 231 ارب روپے کے منصوبے کی منظوری دی اور اسے آگے بڑھانے کے لیے معاملہ خاموشی سے نیشنل اکنامک کونسل کی ایگزیکٹو کمیٹی ( ایکنک) کو ارسال کر دیا۔

یہ منصوبہ &#39;چولستان کینال&#39; کے پہلے مرحلے کی تعمیر کا ہے جس کی بین الصوبائی خدشات کے باوجود منظوری وزیر منصوبہ بندی احسن اقبال کی زیر صدارت اجلاس میں دی گئی۔

اگرچہ اس اجلاس کے فیصلوں کا اب تک باضابطہ اعلان نہیں کیا گیا تاہم اگلے ہی روز یعنی 13 اکتوبر کو سندھ حکومت نے اس منصوبے کو مسترد کر دیا۔

&nbsp;<a href="https://www.dawnnews.tv/news/1244594">ڈان اخبار کی رپورٹ</a> کے مطابق حکومت پنجاب نے &#39;چولستان کینال اینڈ سسٹمز فیز ون&#39; کی لاگت کا تخمینہ 211 ارب 34 کروڑ روپے لگایا ہے جبکہ منصوبے کے راستے سے دفاعی تنصیبات کی منتقلی کے اخراجات ساڑھے 19 ارب 50 کروڑ روپے بتائے جا رہے ہیں۔

رپورٹ میں بتایا گیا ہے کہ ایکنک کو یہ فیصلہ بھی کرنا ہوگا کہ کیا پانی کے اس منصوبے کو مشترکہ مفادات کونسل (سی سی آئی) کی منظوری کے بغیر آگے بڑھایا جا سکتا ہے یا نہیں؟

اس رپورٹ کے مطابق مجوزہ کینال کا منصوبہ &#39;گرین پاکستان انیشیٹو&#39;کا حصہ ہے جس کو وفاقی حکومت، پنجاب حکومت اور خصوصی سرمایہ کاری سہولت کونسل (ایس آئی ایف سی) کی حمایت حاصل ہے۔

<h2>گرین پاکستان انیشیٹو</h2>

وفاقی حکومت &#39;گرین پاکستان انیشیٹو&#39; کے تحت آئندہ چار پانچ سال کے دوران زرعی شعبے میں 30 سے 50 ارب ڈالر کی غیرملکی سرمایہ کاری لانے کا ارادہ رکھتی ہے جس کے لیے <a href="https://www.sifc.gov.pk/news/149">سپیشل انویسٹمنٹ فسیلیٹیشن سنٹر&nbsp; (ایس آئی ایف سی)</a> پہلے ہی خوراک و زراعت کے منصوبوں سمیت 28 پراجیکٹس کی منظوری دے چکا ہے۔

اس پروگرام کا مقصد پاکستان بھر میں نو کروڑ 10 لاکھ ایکڑ غیر آباد زمینوں کو زراعت، لائیو سٹاک اور فارمنگ کے لیے زیر استعمال لانا ہے جس میں سرمایہ کاری کے لیے سعودی عرب، قطر، بحرین اور عرب امارات سمیت خلیجی ممالک دلچسپی ظاہر کر رہے ہیں۔

چولستان کینال کا منصوبہ منظر عام پر آتے ہی مزید پانچ نہریں نکالنے کی اطلاعات گردش کرنے لگیں تو سندھ بھر میں سیاسی، سماجی اور کسان تنظیموں کا احتجاج اور مظاہرے شروع ہو گئے۔

<h2>نئی نہریں نکالنے کا منصوبہ کیا ہے</h2>

انجنیئر ابھایو خشک، آبی امور کے ماہر ہیں۔ وہ بتاتے ہیں کہ ملک میں بنجر زمینوں کی آباد کاری کے لیے چھ نہریں نکالنے کا منصوبہ تو بہت عرصے سے زیر بحث ہے مگر حالیہ دنوں میں اس میں پیشرفت نظر آئی ہے۔

وہ کہتے ہیں کہ اس منصوبے میں دو نہریں سندھ کی ہیں، ایک سکھر بیراج سے نکالی گئی رینی کینال کا فیز ٹو ہے جس میں سے اب تھر کینال بھی نکالی جائے گی۔

تیسری نہر تونسہ بیراج سے بلوچستان کے لیے نکالی گئی کچھی کینال کا فیز ٹو ہے اور چوتھی چشمہ رائٹ بینک کینال کا فیز ٹو ہے۔

ان کا کہنا ہے کہ اس منصوبے کے تحت پنجاب کے لیے دو نہریں بنائی جانی ہیں جن میں گریٹر تھل کینال کا فیز ٹو اور چولستان کینال شامل ہے۔ ان دونوں نہروں کو بھی دریائے سندھ سے پانی فراہم کیا جائے گا۔

&quot;اصل مسئلہ چولستان کینال ہے جس کے لیے پانی دریائے چناب کے ذریعے ستلج میں ڈالا جائے گا اور وہاں سے چولستان کو ملے گا۔ پہلے مرحلے میں اس مقصد کے لیے ارسا سے چھ لاکھ ایکڑ رقبے کے پانی کی منظوری لی گئی مگر اب مزید 20 لاکھ ایکڑ کے لیے پانی مانگا گیا ہے۔&quot;

صوبائی وزیر آبپاشی جام خان شورو بتاتے ہیں کہ ایسے متنازع منصوبے پر سندھ کو سخت اعتراضات ہیں جن کے باوجود چولستان کینال کا معاملہ سی ڈی ڈبلیو پی نے ایکنک کو بھیج دیا۔ وہ اس فیصلے کو رد کرتے ہوئے پر زور احتجاج کا اعلان کرتے ہیں۔

&nbsp;وزیر اعلیٰ سندھ نے بھی <a href="https://arynews.tv/sindh-challenges-irsa-projects-six-canals-indus-cm/">وزیر منصوبہ بندی اور نائب وزیر اعظم کو خط&nbsp; لکھا</a> ہے جس میں سی سی آئی کا اجلاس بلاکر نہروں سے متعلق فیصلہ واپس لینے کا مطالبہ کیا گیا۔

<h2>سندھ کو نئی نہروں پر اعتراضات کیوں ہیں؟</h2>

جام خان شورو کہتے ہیں کہ چولستان کے لیے پہلے صرف سیلابی پانی لینے کا منصوبہ بنایا گیا تھا، لیکن سی ڈی ڈبلیو پی نے اس کو مستقل (Perennial) کینال میں بدل دیا ہے۔ سندھ پہلے ہی پانی کی قلت کا شکار ہےاس فیصلے سے صوبے کی زمین بنجر ہو جائے گی۔

سندھ، ملک کا نچلا علاقہ (Lower riparian) ہونے کے ناطے ہمیشہ کوٹری بیراج سے نیچے دریا میں پانی نہ ملنے کا شکوہ کرتا آرہا ہے&nbsp; جبکہ عالمی سماجی و ماحولیاتی ماہرین کہتے ہیں کہ سمندر میں پانی کی طے شدہ مقدار(10 ملین ایکڑ فٹ) نہ چھوڑی گئی تو انڈس ڈیلٹا برباد ہو جائے گا۔

<h2>انڈس ڈیلٹا کیا ہے؟</h2>

میدانوں سے گزرتے دریا جہاں جہاں رخ بدلتے ہیں یا سمندر میں گرتے ہیں تو وہاں ایک نئی دھرتی کو جنم دیتے ہیں جسے &#39;ڈیلٹا&#39; (بیٹ یا کچا)کہا جاتا ہے۔

فرات و دجلہ کا ہمسر دریائے سندھ (شیر دریا) ہمالیہ، قراقرم کے پہاڑوں، وادیوں اور پنجاب و سندھ کے میدانوں سے ہوتا ہواجب کوٹری پہنچتا ہے تو پانی کے ساتھ لاکھوں ٹن زرخیز مٹی بھی لاتا ہے۔ یہ مٹی صدیوں جمع ہوتی رہی جس سے ایک وسیع علاقے نے جنم لیا جو &#39;انڈس ڈیلٹا&#39; کہلاتا ہے۔

دریا میں آنےوالا یہ پانی اور مٹی نہ صرف سمندر کو پیچھے دھکیلتے ہیں بلکہ اپنی زرخیزی کی وجہ سے مینگروز یعنی تمر کے جنگلات، بلائنڈ ڈولفن، &#39;پلا&#39; سمیت مختلف مچھلیوں ، کیکڑے، کریب وغیرہ کے لیے بھی نرسری کا کام کرتی ہے۔

تمر کے جنگلات سمندری طوفانوں، سونامی کو روکنے میں دیوار کا کام کرتے ہیں اور سمندر کو آگے بڑھنے سے بھی روکتے ہیں۔

پرویز مشرف دور میں ملک میں جب گریٹر تھل کینال، کچھی کینال وغیرہ بنانے کا فیصلہ کیا گیا تو اس وقت سیلابی پانی کے &quot;ضیاع&quot; پر بحث چھڑ گئی تھی۔

اسی دوران &#39;شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی(زابسٹ) نے 10 جولائی 2003ء کو لاہور میں ایک تحقیقی سیمینار کا اہتمام کیا تھا۔

اس سیمینار کا عنوان تھا &quot;کوٹری بیراج سے نیچے دریائے سندھ کا بہاؤ: ضرورت یا ضیاع؟&quot; سیمینار میں اس وقت کے چیئرمین واپڈا، چیئرمین ارسا اور کئی ایوارڈ یافتہ ماہرین و انجنیئرز نے شرکت کی۔ اس <a href="https://www.academia.edu/32262537/Indus_Flow_Downstream_Kotri_Barrage_Need_Or_Wastage_">سیمینار کی رپورٹ</a>&nbsp; بعد ازاں عوام کے لیے جاری کی گئی تھی۔

زابسٹ کی مرتب کردہ یہ رپورٹ بتاتی ہے کہ دریائے سندھ کی کوٹری سے سمندر تک لمبائی تقریباً 280 کلومیٹر( 174 میل) ہےجو ایک محور یا قوس بناتا ہوا 17 کریکس(کھاڑیوں یا شاخوں) کی صورت میں بحیرہ عرب میں جا گرتا ہے۔

یہ مثلث نما انڈس ڈیلٹا 14 لاکھ 86 ہزار 632 ایکڑ (چھ لاکھ ہیکٹر) رقبے پر محیط ہے جو کوٹری سے آگے 16 کلومیٹر چوڑی دریائی پٹی اور کراچی سے رن آف کچھ تک(220 کلومیٹر) پھیلا ہوا ہے۔

<h2>ڈیلٹا، ماحولیات اور قدرتی وسائل</h2>

اس رپورٹ کے مطابق ڈیلٹا میں انحطاط کے باوجود (2002ء کے اعدادوشمار) 88 ہزار 882 ایکڑ رقبے پر جنگلات(گھنی جھاڑیاں)، 95 ہزار ایکڑ سے زائد زرعی زمینیں اور چھ لاکھ 42 ہزار 474 ایکڑ رقبے پر مینگروو کے جنگلات ہیں۔

زرعی زمینوں، باغات، ندیوں، دریا کے متروک راستوں(ڈھورے) اور جھیلوں (ڈھنڈوں) پر مشتمل یہ کچے کا علاقہ ایک عشرہ پہلے تک بے پناہ حیاتیاتی تنوع، ماہی گیری اور قدرتی وسائل سے مالا مال تھا۔

<a href="https://wwf.panda.org/discover/knowledge_hub/where_we_work/indus_delta/">ورلڈ وائڈ فنڈ فار نیچر&nbsp; (ڈبلیو ڈبلیو ایف)</a> کہتا ہے کہ انڈس ڈیلٹا دنیا کا پانچواں بڑا ڈیلٹا ہے جس میں مینگروز کے ساتویں بڑے جنگلات واقع ہیں۔اس علاقے کو پانچ نومبر 2002ء کو &#39;رامسر ویٹ لینڈ&#39; کا درجہ دیا گیا تھا۔

<h2>انڈس ڈیلٹا کی تباہی کب اور کیسے</h2>

زابسٹ کی رپورٹ(2003ء)کہتی ہے کہ ماضی میں(معاہدہ سندھ طاس سے قبل) دریا ڈیلٹا کے لیے سالانہ تقریباً 150 ملین ایکڑ فٹ پانی کے ساتھ لگ بھگ 400 ملین میٹرک ٹن زرخیز مٹی(گاد) ساتھ لاتا تھا۔

لیکن بیراجوں اور آبی ذخائر کی تعمیر کے بعد پانی کا بہاؤ کم ہو کر اوسطاً 10 ملین ایکڑ فٹ رہ گیا جو تقریباً 100 میٹرک ٹن مٹی لانے لگا۔

&nbsp;99-2000ء میں کوٹری بیراج سے نیچے(ڈاؤن سٹریم) پانی کا بہاؤ 8.83 ملین ایکڑ فٹ ریکارڈ کیا گیا اور بعد کے سالوں میں بہاؤ مزید کم ہو گیا۔

دریائے سندھ میں پانی کی کمی کا آغاز انگریز دور کے منصوبوں سکھر بیراج، منگلا و تربیلا ڈیمز سے ہوا۔ لیکن 1950ء اور 1960ء کی دہائی میں کوٹری و گدو بیراج بننے پر پانی مزید کم ہوا تو ڈیلٹا سکڑنا شروع ہو گیا۔

ماہرین نے زابسٹ سیمینار میں سفارش کی تھی کہ ڈاؤن سٹریم میں معاہدے کے مطابق پانی کا بہاؤ کم از کم 10 ملین ایکڑ فٹ ہر صورت برقرار رکھا جائے۔

<h2>لوگوں کی نقل مکانی، زمین سمندر نگل رہا ہے</h2>

محمد اسلم سموں، انڈس ڈیلٹا کے قدیمی مرکز &#39;کیٹی بندر ٹاؤن&#39; کے رہائشی ہیں۔ وہ بتاتے ہیں کہ ریونیو ریکارڈ کے مطابق ایک عشرہ قبل کیٹی بندر کے نواح میں 10، 15 سال پہلے تک 48 گاؤں آباد تھے جہاں اب 10 باقی رہ گئے ہیں جبکہ کھاروچھان کے 38 گاؤں میں سے صرف تین ہی آباد ہیں دیگر تمام ویران ہو گئے۔

&quot;ڈیلٹا سرخ چاول، دودھ، مکھن، شہد اور پلا مچھلی کی پیداوار کے لیے مشہور تھا، لوگ دور دور سے یہاں مزدوری کے لیے آتے تھے۔ لیکن اب ہم اسے اپنے سامنے دم توڑتے دیکھ رہے ہیں۔ ہزاروں خاندان یہ علاقہ چھوڑ کر جا چکے ہیں اور باقی دیگر علاقوں میں مزدوری کے لیے در بدر پھر رہے ہیں۔&quot;

وہ کہتے ہیں کہ 1991ء کے بین الصوبائی معاہدے(واٹر اکارڈ) میں طےکیا گیا تھا کہ ڈیلٹا کے ماحولیاتی نظام (ایکو سسٹم) کو بچانے کے لیے سالانہ دس ملین ایکڑ فٹ پانی برقرار رکھا جائے گا مگر اس پر کبھی عمل نہیں کیا گیا۔

<a href="https://water.muet.edu.pk/wp-content/uploads/2019/07/Report-on-Indus-Delta.pdf">پاک امریکا سنٹرز فار ایڈوانسڈ سٹڈیز ان واٹر</a>&nbsp; نے انحطاط پذیر انڈس ڈیلٹا کو بچانے کے لیے 2018ء میں ایک رپورٹ تیار کی تھی جس میں بتایا گیا کہ ڈیلٹا کے اچھے دنوں میں یہاں دریا کی 17 شاخیں&nbsp; (کریک) ہوا کرتی تھیں جن میں سے اب صرف دو فعال رہ گئی ہیں۔

ڈیلٹا کے لیے 1935ء سے 2017ء تک دریا کے پانی میں تقریباً 80 فیصد کمی آئی ہے جس کی وجہ سے سمندر ڈیلٹا کا تقریباً 80 ایکڑ رقبہ روزانہ تباہ کر رہا ہے۔اس رپورٹ کے مطابق دو صدیوں میں ڈیلٹا کا 92 فیصد زرخیز رقبہ سمندر برد ہو چکا ہے۔

سرکاری اعداد و شمار کے حوالے سے دعویٰ کیا جاتا ہے کہ <a href="https://tribune.com.pk/story/2494443/indus-deltas-downstream-dilemma">سمندر اب تک ساحلی اضلاع کی 23 لاکھ ایکڑ&nbsp; زمین نگل چکا ہے۔</a>

یہاں تمر کے جنگلات ختم ہو رہے ہیں جبکہ1951 میں یہاں دریائی مچھلی کی پیداوار پانچ ہزار ٹن تھی جو محض 300 ٹن رہ گئی ہے۔

پیپلز پارٹی کی سابق سینیٹر سسی پلیجو کا تشویش کا اظہار کرتے ہوئے کہتی ہیں کہ اگر دریا میں پانی کی یہی صورت حال رہی تو 2050ء تک ٹھٹہ، سجاول اور بدین کی زیادہ تر زمین سمندر کھا جائے گا۔

<a href="https://water.muet.edu.pk/wp-content/uploads/2019/07/Report-on-Indus-Delta.pdf">پاک امریکن سنٹرز کے ماہرین</a>&nbsp; نے بھی تجویز کیا تھا کہ ڈیلٹا میں ماحولیاتی استحکام، ماہی گیری، دریائی چینل کو برقرار رکھنے اور سمندر کو روکنے کے لیے کوٹری سے نیچے سال بھر پانچ ہزار کیوسک پانی کا اخراج یقینی بنانا ہو گا۔

<a href="https://documents1.worldbank.org/curated/en/650851468288636753/pdf/Indus-basin-of-Pakistan-impacts-of-climate-risks-on-water-and-agriculture.pdf">ورلڈ بینک&nbsp; کی رپورٹ</a> کہتی ہے کہ انڈس ڈیلٹا کی تنزلی (degradation) سے ملک کو سالانہ تقریباً دو ارب ڈالر کا نقصان ہورہا ہے۔

&nbsp;لیکن بد قسمتی سے ملک کے بیشتر شہریوں میں عام طور پر یہ تاثر پایا جاتا ہے کہ سمندر میں جانے والا پانی ضائع ہورہا ہے اور نہروں اور آبی ذخائر کے مخالف ملکی ترقی کے &quot;مخالف&quot; ہیں۔

انجنیئر اوبھایو خشک کو خدشہ ہے کہ اگر چولستان کینال بن گئی تو سکھر بیراج کے لاکھوں ایکڑ کمانڈ ایریا کے لیے پانی نہیں بچے گا اور سندھ ویران ہو جائے گا۔

وہ کہتے ہیں کہ1991ءکے معاہدے کے تحت پنجاب کے حصے میں جو پانی آتا ہے وہ سارا وہی استعمال کرتا ہے۔ اب وہاں نئی زمینیں آباد کرنے کے لیے جتنا بھی مزید پانی جائے گا یہ سندھ کے ہی حصے سے لیا جائے گا۔

سندھ کی سیاسی و سماجی تنظیمیں نئے کینال منصوبوں کو رد کرتی ہیں۔بدین میں پاکستان فشر فوک فورم کے زیر اہتمام احتجاجی ریلی نکالی گئی۔ مہران شاہ فشر فوک فورم کے چیئرمین ہیں۔ وہ سمجھتے ہیں کہ چھ کینالیں بنانے کا منصوبہ سندھ کے لیے ایک نہیں، دو کالاباغ ڈیم تعمیر کرنے کے برابر ہے۔

کراچی میں 17 نومبر کو سندھیانی تحریک نے ریلی نکالی جس میں محمد اسلم سموں بھی شریک تھے۔ وہ کہتے ہیں کہ ڈیلٹا دھیرے دھیرے مر رہا ہے، ماہی گیری، زراعت اور لوگ سب تباہ ہورہے ہیں۔

&quot;لیکن ہمارے حکمران ایک طرف تو انڈس ڈیلٹا کو درکار پانی نہیں دیتے، اوپر سے بارشوں اور سیلاب کاجو تھوڑا بہت پانی آتا ہے وہ بھی روکنے کی کوششیں کر رہے ہیں۔&quot;

چوبارہ برانچ پر سندھ کا اعتراض: 'تھل میں ایک نئی نہر بنانے سے ہمارے حصے کا پانی اور بھی کم ہو جائے گا'۔

نئی نہریں نکالنے کے منصوبے کے خلاف سندھ میں احتجاج اور مظاہرے کیوں؟

text

For years, MD CAT test papers in Sindh have been leaked before the exam, undermining the credibility of the examination process. Despite efforts, the administration has been unable to resolve

MD CAT Test Paper Leak: Ongoing Issue in Sindh's Examination System

فیضان آفریدی کراچی کے رہائشی ہیں جنہوں نے گزشتہ سال پری میڈیکل میں ایف ایس سی پاس کی تھی۔ انہوں نے ایم بی بی ایس میں داخلے کے لیے پچھلے سال ایم ڈی کیٹ(میڈیکل اینڈ ڈینٹل کالجز ایڈمشن ٹیسٹ) دیا تھا اور رواں سال بھی دیا، لیکن دونوں ہی بار امتحانات متنازع ہو گئے۔

وہ بتاتے ہیں کہ رواں برس 21 ستمبر کی رات انہوں نے جاگتےگذاری۔ وہ پڑھتے رہے اور ساتھ واٹس ایپ و فیس بک بھی دیکھتے رہے۔ اس رات صبح تین بجے تک سوشل میڈیا گروپس میں ایم ڈی کیٹ کے تین مختلف سوالیہ پرچے شیئر ( آؤٹ) ہو چکے تھے۔

&quot;میں نے فیس بک پر جو آخری پرچہ دیکھا وہ تقرِیباً صبح چار بجے اپلوڈ کیا گیا تھا۔ میں تھک چکا تھا اور صبح ٹیسٹ دینا تھا، اس لیے میں اس پرچے کا صرف انگریزی والا سیکشن ہی پڑھ سکا اور سو گیا۔&quot;

پاکستان بھر کے میڈیکل کالجز اور یونیورسٹیوں میں داخلے کے لیے امتحان پاکستان میڈیکل اینڈ ڈینٹل کونسل (پی ایم ڈی سی) لیتی ہے جو ایک قانونی ریگولیٹری باڈی ہے۔

ایم ڈی کیٹ کے ذریعے مستقبل کے مسیحاؤں کا انتخاب کیا جاتا ہے مگر یہ امتحان پیپر لیک، بدانتظامی اور بدعنوانی کی وجہ سے متنازع ہوتا چلا آ رہا ہے۔

سندھ میں ایم ڈی کیٹ 22 ستمبر کو ڈاؤ یونیورسٹی کے زیر انتظام پانچ شہروں کراچی، جامشورو، شہید بینظیر آباد، لاڑکانہ اور سکھر میں بیک وقت لیا گیا جس میں 38 ہزار امیدواروں نے حصہ لیا اور 22 ہزار 366 کامیاب قرار دیے گئے۔

تاہم ینگ ڈاکٹرز ایسوسی ایشن نے یہ الزام لگا دیا کہ ٹیسٹ سے پہلے ہی پیپر لیک ہو چکا تھا۔

تنظیم کے صدر ڈاکٹر محبوب نوناری بتاتے ہیں کہ کئی امیدواروں سے انہیں شکایات کیں اور انہیں شواہد بھی موصول ہوئے۔وہ الزام لگاتے ہیں کہ&nbsp; پرچہ آؤٹ کرنے میں ڈاؤ یونیورسٹی کے وائس چانسلر اور انتظامیہ ملوث ہیں۔

فیضان آفریدی تصدیق کرتے ہیں کہ <a href="https://www.facebook.com/groups/etp.pk/permalink/1259093285109130/">وہ سوالیہ پیپر دیکھ کر حیران رہ گئے۔ انگریزی کا سیکشن وہی تھا جو انہوں نے چار بجے والی پوسٹ میں دیکھا تھا۔</a> پیپر ختم ہونے کے بعد انہوں نے سوشل میڈیا پر موجود پیپر&nbsp; کا جائزہ لیا تو ہوبہو وہی تھا جو امتحان میں آیا۔ 
&nbsp; 
عمران خان کے دور حکومت میں پی ایم ڈی سی کو ختم کرکے &#39;پاکستان میڈیکل کمیشن&#39;بنایا گیا تھا جس کے تحت ملک بھر میں ایم ڈی کیٹ کی یکساں امتحانات لیے جاتے تھے۔ تاہم 2022ء میں اسلام آباد ہائیکورٹ کے ایک حکم کے بعد پارلیمنٹ&nbsp; نے ترمیمی بل منظور کر کے پی ایم ڈی سی کو بحال کردیا۔

اب پی ایم ڈی سی کسی بھی ادارے یا یونیورسٹی کے ذریعے ایم ڈی کیٹ کا امتحان منعقد کرا سکتی ہے جو صوبائی سطح پر ہوتا ہے۔ پچھلے سال صوبے میں یہ امتحان جناح سندھ میڈیکل یونیورسٹی کے زیر انتظام لیا گیا لیکن پرچہ آؤٹ ہو گیا جس پر یہ ٹیسٹ ڈاؤ میڈیکل یونیورسٹی نے لیا۔

رواں سال ٹیسٹ لینے کی ذمہ داری ڈاؤ یونیورسٹی کراچی ہی کو دی گئی لیکن اس بار یہاں سے بھی پرچہ آؤٹ ہو گیا۔

ڈاکٹر محبوب نوناری کا کہنا ہےکہ رواں سال شکایات ملنے پر انہوں نے حکام سے رابطہ کیا لیکن کوئی ریسپانس نہیں ملا۔ وہ ڈاؤ یونیورسٹی گئے تو کہا گیا کہ متعلقہ دفاتر کو سیل کر دیا گیا ہے جبکہ عدالت جانے پر انہیں وی سی کی جانب سے دھمکیاں ملنے لگیں۔

بعدازاں 16 امیدواروں نے بھی ایم ڈی کیٹ کے خلاف سندھ ہائی کورٹ سے رجوع کر لیا۔ ان کے وکیل بیرسٹر شعیب کھٹیان بتاتے ہیں کہ انہوں نے شواہد کے ساتھ ثابت کیا کہ پرچہ صرف ٹیسٹ سے پہلے آؤٹ ہی نہیں ہوا بلکہ رقم لے کر بیچا گیا تھا۔

فیضان آفریدی پٹیشنرز میں سے ایک ہیں۔ ان کا کہنا ہے کہ ڈاؤ یونیورسٹی سے پیپر تو لیک ہوا ہی ہے، ان کے مارکس کو بھی کم کرکے دکھایا گیا۔

&rsquo;&rsquo;میری کاربن کاپی کے مطابق میرے نمبر 175 بنتے تھے لیکن نتائج میں 165 دکھائے گئے۔ چونکہ میرا پچھلے سال کا تجربہ تھا اس لیے میں نے مارکنگ سوچ سمجھ کر کی تھی۔ فرضی امتحانات (موک ٹیسٹ) میں بھی میرے نمبر ہمیشہ 180 سے زیادہ آتے رہے۔&quot;

ان کے بقول کئی طلباء کی کاربن کاپیوں میں نمبر زیادہ ہیں لیکن ڈاؤ یونیورسٹی کے جاری کردہ نتائج میں کم لگائے گئے۔

سندھ ہائی کورٹ میں 26 اکتوبر کو جمع کرائی جانے والی چھ رکنی حکومتی کمیٹی نے اپنی رپورٹ میں پیپر لیک ہونے کے شواہد کی تصدیق کی ہے۔ اس موقع پر پی ایم ڈی سی نے بتایا کہ سندھ میں 38 ہزار سے زائد امیدواروں میں سے 683 نے 190 سے زیادہ نمبر حاصل کیے۔

عدالت میں سامنے آیا کہ کچھ طلبا جن کا بورڈ کے امتحانات میں سکور بہت کم تھا انہوں نے اس ٹیسٹ میں 190 سے زیادہ مارکس حاصل کیے۔ صرف رانی پور انسٹیٹوٹ آف میڈیکل سائنسز کے 30 طلبا نے 190 سے زیادہ مارکس لیے۔

&nbsp;عدالت نے ایم ڈی کیٹ کے نتائج کو منسوخ کرتے ہوئے حکم دیا کہ یہ ٹیسٹ ایک ماہ کے اندر آئی بی اے کراچی اور آئی بی اے سکھر کے زیر انتظام دوبارہ کرائے جائیں، لیکن آئی بی اے کراچی نے امتحانات کا انتظام سنبھالنے سے معذرت کر لی ہے۔

تاہم اب سندھ کابینہ نے منظوری دی ہے کہ ایم ڈی کیٹ چار کی بجائے چھ ہفتے میں ہوں گے جو آئی بی اے سکھر کے زیر انتظام منعقد کرائے جائیں گے۔

سندھ میں جب امتحانات اور خاص طور پر میڈیکل ٹیسٹ کی بات آئے تو نتائج میں ضلع تھرپارکر کے طلباء ہر بار سرفہرست ہوتے ہیں۔

رواں سال یہاں کے تقرِیباً ڈیڑھ سو امیدواروں نے 190 یا اس سے زیادہ مارکس لیے جبکہ اس ضلعے کی نشستیں صرف 26 ہیں۔

پروفیسر بھوانی شنکر پچھلے 27 برس سے تھر میں اکیڈمی چلا رہے ہیں۔ وہ بتاتے ہیں کہ ان کے سینٹر کے بچے ہر بار میڈیکل میں ٹاپ سکور کرتے ہیں۔اس بار بھی کچھ طلبا نے 190 سے زیادہ نمبرز حاصل کیے مگر نتائج منسوخ ہو گئے جس کا انہیں بہت دکھ ہے۔

&nbsp;ایک طالب علم جن کے نمبر 187 اور 190 کے درمیان آٓئے ہیں، انہوں نے نام ظاہر نہ کرنے کی شرط پر بتایا کہ وہ پچھلے سال صرف دو نمبروں سے رہ گئے تھے، اس بار امید تھی کہ ان کا میڈیکل میں داخلہ ہو جائے گا لیکن ساری محنت پر پانی پھیر گیا۔

&nbsp;تاہم بیرسٹر شعیب کھٹیان کا کہنا ہے کہ جو طالب علم قابلیت رکھتے ہیں انہیں کوئی پریشانی نہیں ہونی چاہیے۔انہیں تیاری کے لیے مزید وقت مل گیا ہے وہ اور زیادہ نمبر حاصل کر سکتے ہیں۔

فیضان آفریدی اور تھر کے کچھ طالب علم پریشان ہیں کیوںکہ وہ دوبارہ امتحان دینے والے (امپروور) ہیں اور پی ایم ڈی سی انہیں رجسٹر نہیں کر رہی۔

ایک طالب علم نے بتایا کہ تھرپارکر کے امیدواروں میں مقابلہ زیادہ سخت ہے کیوںکہ پچھلے سال 26 میں سے صرف پانچ/چھ نشستیں نئے (فریش) امیدواروں کو ملی تھیں جبکہ باقی ساری سیٹیں دوبارہ امتحان دینے والے لے اڑے تھے۔

فیضان کو یہ بھی خدشہ ہے کہ اگر وہ رجسٹر ہو بھی جاتے ہیں تو کیا آئی بی اے سکھر کے زیر انتظام دوبارہ لیا جانے والا امتحان شفاف ہو گا؟

انہوں نے دلیل دی کہ سیلف فنانس پر ایم بی بی ایس کے طالب علم کو ایک کروڑ روپے خرچ کرنا پڑتے ہیں۔ اگر کہیں سے ان لوگوں کو 30 یا 40 لاکھ روپے میں پیپر مل جائے تو کیوں نہیں لیں گے؟

&quot;امیر والدین کی جانب سے بولیاں تو اب بھی لگیں گی لیکن اب اس کا انحصار آئی بی اے سکھر پر ہے کہ وہ کس طرح ٹیسٹ میں شفافیت کو یقینی بناتا ہے۔&quot;

دوسری جانب وفاقی تحقیقاتی ادارہ ( ایف آئی اے)، عدالتی حکم کے تحت پیپر آؤٹ ہونے کی تحقیقات کر رہا ہے جس نے ابتدائی طور پر ونود کمار اور ڈاکٹر سجاد محمود علوی کو اس معاملے میں مشکوک قرار دیا ہے۔

&nbsp;ونود کمار، لیاقت میڈیکل یونیورسٹی میں تھرڈ ایئر کے طالب علم ہیں اور میڈیکو انجنیئرنگ کے نام سے پلیٹ فارم بھی چلاتے ہیں۔وہ بتاتے ہیں کہ 21 ستمبر کی رات انہوں نے خود سے سوشل میڈیا پر کوئی پیپر نہیں بھیجا۔

&quot;مختلف واٹس ایپ گروپس سے پیپر آ رہے تھے جو ہم نے بھی آگے بھیج (فارورڈ کر) دیے تھے۔ میں نے کسی سے پرچہ لیا ہوتا اور اسے بیچنا ہوتا تو گروپ میں شیئر کیوں کرتا؟

ایف آئی اے نے مجھے تین بار بلایا اور فون بھی لے لیا ہے۔ تاہم میں ہر سطح پر اپنا دفاع کروں گا۔&quot;

دفعہ 144 نافذ، موبائل فون سروس معطل: خیبر پختونخوا میں ایم ڈی کیٹ کے ہزاروں امیدواروں کی بے یقینی ختم نہیں ہوئی

سندھ میں ایم ڈی کیٹ دوبارہ، "بولیاں تو اب بھی لگیں گی"

In Umarkot, a city known for religious harmony, the Hindu community faces fear and uncertainty this Diwali. Discover the underlying issues impacting their sense of security during this sacred

Overshadows Diwali for Hindu Community in Umarkot Despite Its Tradition of Tolerance

&quot;میں بس سے اتر کر سڑک کے اس پار جانے کے لیے ٹریفک رکنے کا انتظار کر رہا تھا. ایسے میں مجھے ایک مذہبی نعرہ سنائی دیا۔&quot;

یہ کہنا تھا ماہ دیو (فرضی نام)&nbsp; کا، جو ہیں تو عمرکوٹ کے رہائشی لیکن پچھلے چھ برسوں سے کراچی میں رہتے ہیں۔ 
&nbsp; 
&quot;ایسا لگا کہ منی بس کے پیچھے ایک مجمع ہے جو نعرے لگا رہا ہے۔ مجھے خوف محسوس ہونے لگا اور میں نے سوچا کہ پھر سے کچھ ہونے والا ہے۔&quot;

لیکن ایسا کچھ نہیں تھا۔ بس چلنے لگی تو انہوں نے دیکھا کہ چند مرد اور خواتین ہیں جو اسی بس سے اتر کر اپنے اپنے گھروں کی جانب روانہ ہو رہے تھے۔

انہوں نے بتایا کہ ان کا خوف حیرانی میں بدل چکا تھا، وہ سوچ رہے تھے کہ انہیں ایسا کیوں اور کیسے محسوس ہوا؟

یہ بیس ستمبر کی شام کی بات ہے۔

اس سے ایک دن پہلے عمرکوٹ کے رہائشی، توہین مذہب کے ملزم ڈاکٹر شاہنواز کو میرپورخاص پولیس نے ایک مبینہ&nbsp; جعلی مقابلے میں قتل کر دیا تھا، اور مشتعل لوگوں نے ان کی لاش کو آگ لگا دی تھی۔ اس واقعے نے نہ صرف ماہ دیو بلکہ پورے سندھ کو خوفزدہ بلکہ سن کر دیا تھا۔

دوسرے دن ہزاروں کے تعداد میں سوشل میڈیا صارفین، بشمول دانشور، &quot;ایفی ڈیوٹ&quot; کے ساتھ وضاحتیں دینا شروع ہو گئے کہ ان کے اکاؤنٹ سے کسی بھی قسم کا توہین آمیز مواد شیر کیا جائے، تو وہ ذمہ دار نہیں ہوں گے۔

<h2>ڈاکٹر شاہنواز کمبہر کا ماورائے عدالت قتل</h2>

اب تو یہ واضح ہو چکا ہے کہ ڈاکٹر شاہنواز، خود ایک وڈیو بیان میں توہین آمیز پوسٹ کے تردید کر چکے تھے، لیکن پولیس نے انہیں کراچی سے پکڑ کر میرپورخاص کے تھانہ سندھڑی کے قریب مبینہ جعلی مقابلی میں قتل کر دیا۔ اس پر مذہبی جماعتوں کی جانب سے پولیس افسران کو پھولوں کے ہار بھی پہنائے گئے۔

بعد میں <a href="https://www.dawn.com/news/1864452">سندھ ہیومن رائٹس کمیشن نے اپنی فیکٹ فائنڈنگ رپورٹ میں اس پولیس مقابلہ کو ماورائے عدالت قتل قرار دیا تھا۔</a>&nbsp; یہ بھی کہا گیا کہ ڈاکٹر شاہنواز پر توہین مذہب کا جو مقدمہ درج کیا گیا، وہ بھی مشکوک ہے اور یہی غلطی ان کے قتل کا سبب بنی۔

تین دن کے بعد سول سوسائٹی نے جرات کا مظاہرہ کیا اور عمرکوٹ جا کر ڈاکٹر شاہنواز کی نماز جنازہ پڑھی، ان کی قبر پر پھول چڑھائے اور صوفی راگ کی محفل سجا کر مذہبی جنونیت کو رد کیا۔ لیکن اس کی بھی شاید ایک قیمت تھی جو عمرکوٹ کے باسیوں کو چکانی پڑ رہی ہے۔

سول سوسائٹی کے احتجاج اور مظاہروں کے بعد مذہبی جماعتوں کے لوگ میدان میں آ گئے اور عمرکوٹ میں انہوں نے بھرپور پاور شو کیے، جس کے باعث وہاں کے لوگوں، خاص طور پر ہندو برادری میں مزید خوف و ہراس پھیل گیا۔

<h2>اب بھی خوف کا ماحول ہے</h2>

ڈاکٹر شاہنواز کے واقعے کو تقریباً ایک ماہ سے زیادہ وقت گزر چکا ہے، لیکن عمرکوٹ میں اب بھی خوف و ہراس کا ماحول ہے۔

عمر کوٹ پاکستان کا وہ واحد ضلع ہے جہاں 54 فیصد آبادی ہندو مذہب سے تعلق رکھتی ہے۔ یہاں صدیوں سے ہندو اور مسلمان مذہبی ہم آہنگی سے رہتے آئے ہیں۔

دیوالی اور ہولی ہو یا عید، سبھی مل کر مناتے ہیں، ایک دوسرے کو شادی بیاہ کی دعوتیں دیتے ہیں۔ عید الضحیٰ پر مسلمان، ہندو بھائیوں کے احترام میں گائے کی قربانی نہیں کرتے لیکن موجودہ صورتحال نے سب کو خوفزدہ کر دیا ہے۔

اشفاق لغاری ایک صحافی ہیں، جو پہلے دن سے اس واقعے کو رپورٹ کرتے آئے ہیں۔ وہ بتاتے ہیں کہ عمرکوٹ کی سب سے بڑی پہچان مذہبی رواداری ہے۔ عمرکوٹ کی جامع مسجد کی تعمیرات کے لیے سب سے زیادہ چندہ ہندو برادری نے دیا تھا۔ لیکن ڈاکٹر شاہنواز کمبہر کے قتل کے بعد جو جلاو گھیرا اور شہر میں خوف کا ماحول پیدا کیا گیا، اس سے ہندو مسلم کے مابین مذہبی ہم آہنگی کی فضا بری طرح متاثر ہوئی ہے اور اس نے ہندو برادری پر گہرے اثرات چھوڑے ہیں۔

&quot;وہ کہتے ہیں کہ ان کے خیال میں یہ ایک فرد کا نہیں بلکہ ایک رواداری کے کلچر کا قتل ہوا ہے۔

<h2>نہ دیپ جلے، نہ مٹھایاں، نہ پٹاخے</h2>

عمرکوٹ اور تھرپارکر ایسے اضلاع ہیں جہاں ہولی اور دیوالی کی تیاریاں تقریباً ایک ماہ پہلے شروع ہو جاتی ہیں۔ لیکن اس بار عمرکوٹ میں ہر طرف سناٹا ہی سناٹا ہے۔ نہ تو مٹھائی کی دکانیں سجی ہیں، نہ ہی پٹاخوں اور موم بیتیوں کے ٹھیلے لگے ہیں۔ گھروں اور مندروں میں دیپ بھی بجھے بجھے سے ہیں۔

کچھ لوگ بہرحال اپنے محلوں یا گھروں کے اندر پٹاخے اور موم بتیاں بیچ رہے ہیں۔

تنو مل مٹھائی کی دکان چلاتے ہیں، ان کا کہنا ہے کہ عام طور پر کم از کم پندرہ دن پہلے دیوالی کی خریداری شروع ہو جاتی تھی، مٹھائیاں اور پٹاخے وغیرہ بکنا شروع ہو جاتے تھے۔

&quot; اب ایک دو روز ہی بچے ہیں لیکن، گاہک دیکھنے میں نہیں آ رہے۔&quot;

دلیپ کمار مولچندانی میونسپل کمیٹی کے کونسلر ہیں، وہ اعتراف کرتے ہیں کہ موجودہ صورتحال کی وجہ سے دیوالی کی تیاریوں میں دیر ضرور ہوئی ہے، کئی افراد جو شہر سے باہر رہتے ہیں وہ بھی ابھی تک دیوالی منانے کے لیے واپس اپنے گھروں کو نہیں لوٹے۔

&quot;لیکن ہم انتظامیہ سے رابطے میں ہیں اور ہمیں یقین ہے کہ دیوالی پرسکون طریقے سے گذر جائے گی۔&quot;

ماہ دیو کا کہنا ہے کہ ان کے خاندان کے افراد بازار تو جاتے ہیں لیکن وہ ڈرے ڈرے رہتے ہیں۔

&quot;ہر کوئی اس خوف میں مبتلا ہے، ہم تو ہندو ہیں، لیکن مسلمان بھی ڈرتے ہیں کہ کوئی ڈاکٹر شاہنواز کے قتل کا قصہ نہ چھیڑ دے اور کوئی اس کے ماورائے عدالت کے قتل کے خلاف بول دے تو کیا ہوگا؟&quot;

<h2>خوف کے ماحول میں دیوالی کیسی؟</h2>

پچھلے چھ برس میں کبھی بھی ایسا نہیں ہوا کہ ماہ دیو اپنی اہلیہ اور بچوں کے ساتھ ہولی یا دیوالی منانے کے لیے عمرکوٹ نہ گئے ہوں۔ لیکن اس بار وہ دیوالی کراچی میں منائیں گے۔ ماہ دیو اکیلے نہیں ہیں، کئی نوجوان جو ملازمتوں کی وجہ سے عمرکوٹ سے باہر رہتے ہیں وہ اس بار خوف کے باعث عمرکوٹ نہیں جا رہے۔

ماہ دیو بتاتے ہیں کہ ان کے گھر کے کسی بھی فرد نے نئے کپڑے نہیں لیے، صرف بچوں کے لیے خریداری کی گئی ہے۔

&quot;آپ سمجھ سکتے ہیں کہ عمرکوٹ میں کیسا ماحول ہے، دیوالی کیسی ؟ میرا دل نہیں کرتا کہ عمرکوٹ جاؤں، نہ ہی میرے والدین مجھے آنے کے لیے کہتے ہیں۔&quot;

<h2>امید کی کرن</h2>

ڈاکٹر شاہنواز کے قتل کے بعد اب عمرکوٹ میں کئی احتجاج ہو چکے ہیں۔ لیکن ابھی تک کسی بھی تنظیم یا سول سوسائٹی نے ہندو برادری کے ساتھ دیوالی منانے کا اعلان نہیں کیا۔ 
&nbsp; 
سندھو نواز گھانگھرو سندھ رواداری کمیٹی کی بانی ممبر ہیں۔ انہوں نے بتایا کہ انہوں نے اس بار دیوالی عمرکوٹ میں منانے کا پروگرام بنایا تھا، تاہم ماحول ایسا ہے کہ کوئی حتمی پروگرام نہیں بن سکا۔

&quot;لیکن ہمارے کچھ لوگ ضرور جائیں گے اور ہندو بھائیوں کے ساتھ دیوالی منائیں گے۔&quot; &nbsp;

پروفیسر اللہ جڑیو مہران عمرکوٹ کے رہائشی ہیں، وہ بتاتے ہیں کہ یہاں کہ ہندو اور مسلمان صدیوں سے رواداری کے ساتھ رہتے آئے ہیں۔ ان کا کہنا تھا کہ اسلام انسانیت اور رواداری کا درس دیتا ہے، اور اس موقع پر ہم یقیناً ہندو برادری کے محافظ بنیں گے اور ان کے ساتھ دیوالی منائیں گے۔

دوسری جانب، ایس ایچ او عطا محمد لغاری تھانہ سٹی&nbsp; کا کہنا ہے کہ انہیں پہلے سے ہی اعلیٰ حکام کی جانب سے ہدایات دی گئی ہیں کہ دیوالی کے موقعے پر سکیورٹی سخت کی جائے۔ 
&nbsp; 
&quot; نفری اور موبائلوں کا گشت بڑھا دیا ہے۔ یہاں کے لوگ امن پسند ہیں اور یہاں ہندو مسلمان اپنے تہوار مل کر مناتے ہیں۔ انشااللہ دیوالی امن سے گزر جائے گی۔&quot;

منیش کمار

منیش کمار ملٹی میڈیا صحافی ہیں، جن کا تعلق تھرپارکر سندھ سے ہے، وہ ماحولیات، ماحولیاتی تبدیلی، انسانی حقوق اور پسماندہ طبقات کے بارے میں رپورٹنگ کرتے ہیں۔

واٹر کانفرنس: سندھ کا پانی دوسرے صوبوں کو ہرگز نہیں دیں گے

نئی نہریں نکالنے کے منصوبے کے خلاف سندھ میں احتجاج اور مظاہرے کیوں؟

سندھ میں ایم ڈی کیٹ دوبارہ، "بولیاں تو اب بھی لگیں گی"

عمرکوٹ سانحہ: "خوف کے ماحول میں دیوالی کیسے منائیں؟"