Explore the rich heritage of Dhatki, the language that brings Thar’s folk songs to life. Discover its culture, music, and enduring traditions.

The Story of Dhatki: Language of Folk Songs in Thar

تھر کی لوک گلوکارہ مائی ڈھائی کا گایا یہ گیت بہت مقبول ہے

&#39;آنکھڑلی پھڑو کے مہارے گھراں ناں پدھارو تھانا جوئے جوئے جیواں&#39;

ترجمہ: میری آنکھ پھڑک رہی ہے، میرے گھر آؤ، میں تمہیں دیکھ دیکھ کے جیوں

لیکن اس گیت پر سر دھننے والوں میں سے بیشتر یہ نہیں جانتے کہ یہ بول کس زبان کے ہیں

کیا آپ کو معلوم ہے؟

&nbsp;یہ ڈھاٹکی زبان کا لوک گیت ہے جو پاکستان اور بھارت میں پھیلے صحرائے تھر میں بولی سمجھی جاتی ہے۔ یہ وادی ہاکڑہ کی پرانی زبانوں میں سے ایک ہے جو مارواڑی اور سندھی سے قربت رکھتی ہے۔

تھر کے معروف ادیب اور ڈھاٹکی زبان پر تحقیق کرنے والے بھارو مل امرانی بتاتے ہیں کہ صحرائے تھر کے دو حصے ہیں، ایک کو ڈھاٹ اور دوسرے کو راجپوتانہ یا راجستھان کہا جاتا تھا۔ تقسیم کے وقت ڈھاٹ کا علاقہ پاکستان اور راجستھان بھارت کے حصے میں آیا۔ یوں علاقائی مناسبت سے پاکستان میں اس زبان کو ڈھاٹکی (بعض لوگ سوڈھکی بھی کہتے ہیں) اور بھارت میں راجستھانی یا مارواڑی کہا جاتا ہے۔

ڈھاٹکی لاکھوں لوگوں کی ماں بولی ہے۔ ڈھاٹ کی حدود میں موجودہ تحصیل عمرکوٹ کے تھر والے علاقے، تھرپارکر کی تحصیل مٹھی، اسلام کوٹ، چھاچھرو، ڈاہلی اور ننگرپارکر کے شمالی ریگستانی گاؤں آتے ہیں۔ اس کے علاوہ بدین، میرپورخاص، سانگھڑ، ٹنڈوالہیار، ٹنڈو محمد خان، مٹیاری اور حیدرآباد کے مختلف علاقوں میں بھی ڈھاٹکی بولی جاتی ہے۔

عمرکوٹ، مٹھی، چیلہار، چھاچھرو، نیوچھور، چھور، ڈیپلو اور عمرکوٹ میں مارکیٹ کی زبان بھی ڈھاٹکی ہے۔

ڈاکٹر عبد الجبار جونیجو اور ماہر لسانیات ڈاکٹر ہدایت پریم کی تحقیق کے مطابق تھرپارکر کے 75 فیصد لوگوں کی مادری زبان ڈھاٹکی ہے اور 97 فیصد اسے اچھی طرح بول اور سمجھ سکتے ہیں۔ ضلع عمرکوٹ کے 54 فیصد افراد کی مادری زبان ڈھاٹکی ہے اور 80 فیصد سے زائد لوگ اسے سمجھتے اور بولتے ہیں۔

سلاوٹ برادری کے حیدرآباد میں پہلے سے آباد لوگ اور تقسیم کے بعد جیسلمیر سے کراچی و حیدرآباد آنے والے بھی ڈھاٹکی زبان ہی بولتے ہیں۔

<h2>&#39;ڈھاٹکی اپںے جوہر میں ایک مکمل زبان ہے&#39;</h2>

سندھی لینگویج اتھارٹی کے مرتب کردہ <a href="https://encyclopediasindhiana.org/article.php?Dflt=%DA%8D%D8%A7%D9%BD%DA%AA%D9%8A">انسائیکلوپیڈیا سندھیانا</a> کے مطابق &#39;ڈھاڈکی&#39; سندھی زبان کا لہجہ ہے جسے ڈھاٹی یا تھری کے ناموں سے بھی پکارا جاتا ہے۔

انسائیکلوپیڈیا سندھیانا کہتا ہے کہ تھرپارکر طبعی طور پر سات حصوں میں تقسیم ہے جو ڈھاٹ، سامروٹی، وٹ، ونگی، پارکر، کھائڑ اور کنٹھی کہلاتے ہیں۔ ہر حصے میں ڈھاٹکی کا ایک ذیلی لہجہ (سب ڈائلیکٹ) بولا جاتا ہے۔

تھر میں رہنے والے ٹھکر، سونارا، مہراج، واڻیا، سوٹهڑ، میگھواڑ، راہما، نہڑی، سمیجا، بھیل، بجیر، کنبھر، منگریا، آریسر، ملاح اور کئی دیگر مسلم و ہندو برادریاں اس زبان کو گھریلو زبان کے طور پر بولتی ہیں۔

ڈھاٹکی لہجے میں اکثر اسم کے ساتھ &#39;یو&#39; لگا دیاجاتا ہے، مثلاً سومار کو سوماریو، واحد کو واحدیو کہہ کر مخاطب کیا جاتا ہے۔ یہ زبان بولنے والے بہت سے افراد صوبے کے مختلف شہروں میں تعلیم اور روزگار سے وابستہ ہیں جو بخوبی معیاری سندھی بولتے ہیں۔

سندھ لینگویج اتھارٹی کے برعکس ماہر تعلیم اور ادیب پروفیسر نور احمد جنجھی ڈھاٹکی کو مکمل زبان سمجھتے ہیں۔

ان کے بقول &quot;کچھ لوگوں کو مغالطہ ہے کہ ڈھاٹکی کوئی لہجہ ہے جبکہ یہ اپںے جوہر میں مکمل زبان ہے۔ یہ ٹھیک ہے کہ اس کے حروف تہجی پوری طرح رائج نہیں مگر اس حوالے سے بھی بہت کام ہو رہا ہے۔&quot;

<h2>قران پاک سے لے کر شیخ ایاز کے کلام تک ڈھاٹکی میں ترجمہ ہو چکے ہیں</h2>

ڈھاٹکی زبان کی قدیم تحریریں دیوناگری رسم الخط میں ملتی ہیں۔ بھارتی ریاستوں راجستھان اور گجرات میں یہ اب بھی دیوناگری میں لکھی جاتی ہے تاہم سندھ میں عربی رسم الخط میں تحریر کی جا رہی ہے۔

ڈھاٹکی کی ترقی کے لیے انفرادی سطح پر کام کا آغاز 1980ء کی دہائی میں ہوا۔ یہاں کے لوک گیت دوسرے علاقوں تک پہنچے تو شاعری آگے بڑھی اور تحریر کی کوششیں شروع ہوئیں۔ سندھی و عربی رسم الخط سے حروف تہجی طے کیے گئے جن میں 34 حروف شامل ہیں۔

&nbsp;ا، ب، ٻ، ڀ، ت، ٿ، ٽ، ٺ، پ، ج، جهه، چ، ڇ، د، ڌ، ڏ، ڊ، ڍ، ر، ڙ، ز، س، ڦ، ڪ، ک، گ، گهه، ل، م، ن، ڻ، و، ه، ي۔

ان میں ناں تو عربی حروف ث، ح، ذ، ص، ض، ط، ظ، ع، غ، ف، ق اور نہ ہی سندھی حروف ڄ اور ڳ، ڃ اور ڱ شامل کیے گئے ہیں۔

میرپورخاص کے سماجی کارکن پونم پاسکل بتاتے ہیں کہ مشنری ادارہ <a href="https://www.ialtrust.org/home/">انسٹیٹیوٹ آف اپلائیڈ لنگوئسٹکس</a> نے ناں صرف ڈھاٹکی زبان میں ابتدائی تعلیم کے لیے کورسز تیار کیے تھے بلکہ انجیل مقدس کا ترجمہ بھی کرایا تھا۔

ڈھاٹکی میں قرآنِ پاک کا ترجمہ بھی موجود ہے جو حاجی محمد صدیق راہموں نے کیا۔ پہلی کہانی حاجی محمد کنبھَر نے لکھی اور شاہ لطیف کی شاعری (شاہ جو رسالو) کا اس زبان میں ترجمہ معروف سندھی ادیب لقمان لغاری المعروف استاد لغاری نے کیا ہے۔ شیخ ایاز کے کلام کا ڈھاٹکی ترجمہ بھی چھپ چکا ہے۔

تراجم کے علاوہ ڈھاٹکی میں بھارومل امراںی کی کتابیں چتر بولی چارںاں (چارن برادری کی شاعری کا تجزیہ)، دھرتی گائے گیت، گیت سانوں من بھاون جا، سروپ چند شاد کے شعری مجموعے سمیت کئی کتابیں شائع ہو چکی ہیں۔ مزید اشاعتی کام بھی جاری ہے۔

<h2>ڈھاٹکی رنگ میں گاتے بھگت: مائی بھاگی سے شفیع فقیر تک</h2>

دنیا کی بڑی زبانوں کی طرح ڈھاٹکی میں بھی وسیع ذخیرہ الفاظ موجود ہے جس کی تصدیق سرحدپار مرتب کی جانے والی صحرائی زبان کی لغات سے ہوتی ہے۔ ہمیرنام مالا، ڈنگل کوش، ہیکارتهی کوش اور اُدھارام کوش وہ لغات ہیں جن میں سیکڑوں ڈھاٹکی الفاظ درج کیے گئے ہیں۔

سندھ میں آزاد عبد الکریم سمیجو نے ڈھاٹکی لغت مرتب کی ہے۔ سندھی لینگوئیج اتھارٹی کے بانی چیئرمین ڈاکٹر نبی بخش بلوچ کی زیرسربراہی مرتب کردہ سندھی لغات میں بھی تھری الفاظ کے تحت ڈھاٹکی کے الفاظ ملتے ہیں۔

معروف شاعر، ادیب اور دانشور بھارومل امرانی بتاتے ہیں کہ ڈھاٹکی میں شاعری کا وافر ذخیرہ موجود ہے، خاص طور پر لوک گیت، دوہا اور سورٹھا بہت ہیں۔ اب بیت، غزل اور نظم بھی لکھی جا رہی ہیں۔&nbsp;

مصری شاہ اور خلیفہ نبی بخش قاسم کلاسیکی شاعروں میں شمار ہوتے ہیں، باغ علی شوق (راجستھان) اور بانکی داس چَرن معروف نام ہیں۔

جدید شعراء میں سروپ چند شاد، سائیں داد ساند، فیض محمد فراقی، پیارو شووانی، بھارو مل امرانی، چتون روہلائی، مرچو ورتیو، مہندرو مستانو، رامچند رحمی اور دیگر نمایاں ہیں۔

ڈھاٹکی لوک ادب کی بات ہو تو ڈورو اور چرمی وغیرہ مشہور لوک گیت ہیں۔ سَدونت سارنگا، ڈھول ماروئل، اوڈھے ہوٹھل کے قصے سمیت کئی لوک داستانیں اس زبان کا ادبی شاہکار ہیں۔

ڈھاٹکی شاعری کو تھری فنکاروں نے دنیا بھر میں متعارف کروایا۔مائی بھاگی، مائی ڈھائی، شفیع فقیر، مراد فقیر، بدھو فقیر، صادق فقیر، برکت فقیر، بھگڑو ناچیز، کریم فقیر، رجب فقیر دیگر گلوکاروں کی شہرت ملکی سرحدیں پار کر چکی ہے۔

تھر میں بھگت (بھجن گانے والے) ہندی، سندھی، مارواڑی اور دیگر زبانوں کی شاعری کو اکثر ڈھاٹکی رنگ یا بھگتی گائیکی میں گاتے ہیں۔

ڈاکٹر عبدالجبار جونیجو کی تحقیق کے مطابق ڈھاٹکی کا تقریباً 70 فیصد لوک ادب ہمسایہ صحرائی زبانوں کے اثر میں رنگا ہوا ہے جس میں نہ صرف کردار ایک جیسے ہیں بلکہ تخلیق کار بھی وہی لوگ ہیں۔ فن کے امین ان قبائل میں چارَن، بھاٹ، بھان اور مگنہار کا کردار انتہائی قابل تحسین ہے۔

اس وقت ریڈیو پاکستان مٹھی سے ڈھاٹکی میں دو پروگرام نشر ہوتے ہیں اور مٹھی ایف ایم ریڈیو بھی لوکل گیت اور پروگرامز چلاتا ہے۔

<h2>ڈھاٹکی کے تحفظ کے لیے کون کیا کر رہا ہے؟</h2>

تھر سے تعلق رکھنے والے صحافی سہیل سانگی کہتے ہیں کہ ڈھاٹکی دنیا کی ان زبانوں میں سے ایک ہے جو صرف بولی جاتی ہیں۔ تھر سے لوگوں کی تعلیم و روزگار کے لیے نقل مکانی بھی یہاں کی زبان پر اثر انداز ہورہی ہے تاہم اب اس کی تحریر پر بھی کام ہو رہا ہے۔

ان کا ماننا ہے کہ ڈھاٹکی جیسا وسیع ادب، شاعری اور لوک ادب بہت کم زبانوں میں ہوتا ہے۔ اسے ماضی میں کیسیٹوں اور وڈیوز کے ذریعے محفوظ کرنے کی کچھ کوششیں ہوئی تھیں مگر ابھی بہت کام ہوناباقی ہے۔

پروفیسر نور احمد جنجھی پر امید ہیں کہ سکولوں کالجوں اور ڈیجیٹل میڈیا میں اب ڈھاٹکی کا عام استعمال دیکھا جا رہا ہے۔ لوگ سرحد کے دونوں جانب اپنی زبان میں روزانہ فیس بک، ٹک ٹاک اور دیگر پلیٹ فارمز پر بہت سا مواد اپ لوڈ کر رہے ہیں اور نوجوانوں میں ماں بولی کو اپنانے کا رجحان بھی بڑھ رہا ہے۔

ڈھاٹکی زبان اور لوک ادب میں پی ایچ ڈی کرنے والے ڈاکٹر پُھلو سندر مینگھواڑ بتاتے ہیں کہ بھارومل امرانی، امر رائے سنگھ راجپوت، پروفیسر نور احمد جنجھی جیسے کچھ افراد اپنے طور پر ڈھاٹکی کے تحفظ اور ڈاکیومینٹیشن پر کام کر رہے ہیں مگر سرکاری اور ادارتی سطح پر ایسا کچھ نہیں ہورہا۔

آئین کا آرٹیکل 251 اور 28 مقامی ثقافتوں و زبانوں کے تحفظ کی ضمانت دیتے ہیں مگر ابھی تک یہاں سرکاری وسائل خرچ ہوتے نظر نہیں آئے۔ تھر میں مشنری اداروں نے پہلی دوسری جماعت تک بچوں کو پڑھانے کے لیے نصابی کتب مرتب کی تھیں مگر سرکاری سکولوں میں ایسا کچھ نہیں ہوا۔

وہ تجویز دیتے ہیں کہ انڈیجینیس لینگویجز کے لیے الگ سرکاری ادارہ ہونا چاہیے یا سندھ لینگوئج اتھارٹی میں مقامی زبانوں کی ترقی کے لیے کچھ بجٹ مخصوص کیا جائے جس سے ڈھاٹکی جیسی زبانوں کے ادب کو آئندہ نسلوں کے لیے ڈیجیٹلائیز بھی کیا جا سکتا ہے۔

مہارے گھراں ناں پدھارو: تھر میں گونجتے لوک گیتوں کی زبان ڈھاٹکی کی داستان

text

پاکستان میں شادی کی لازمی رجسٹریشن اور خانگی تنازعات طے کرنے سے متعلق قانون &#39;مسلم فیملی لاز آرڈیننس&#39; کے نام سے 1961ء میں نافذ کیا گیا۔ چاہیے تو یہ تھا کہ ملک کے تمام شہریوں کے لیے ایک ساتھ قانون سازی کر لی جاتی مگر یہاں سب سے بڑی اقلیت یعنی ہندو برادری اس قانونی حق سے عشروں محروم رہی۔

بالآخر پارلیمنٹ نے 2017ء میں ہندو میرج ایکٹ منظور کیا جس کا دائرہ عمل وفاقی دارالحکومت اسلام آباد، پنجاب، خیبرپختونخوا اور بلوچستان تک محدود رکھا گیا کیونکہ سندھ میں اس سے ملتا جلتا قانون پہلے سے موجود تھا۔

وہاں صوبائی اسمبلی نے سندھ ہندو میرج (ترمیمی) ایکٹ کی 2018ء میں منظوری دی اور ایک سال بعد 2019ء میں قواعد بنا کر اسے صوبے میں لاگو کر دیا گیا۔ بلوچستان سرکار نے 2019ء میں سندھ کے قواعد کو اپنا کر ہندو شادی ایکٹ کے اطلاق کا اعلان کر دیا۔

پنجاب اور اسلام آباد میں ایکٹ منظور ہونے کے بعد رولز بننے پر سات برس مزید لگ گئے مگر گذشتہ سال وہاں بھی باضابطہ نفاذ شروع کر دیا گیا۔ تاہم خیبرپختونخواہ کی ہندو برادری آٹھ سال سے زائد عرصہ گزرنے کے باوجود اس قانون کے اطلاق کی منتظر ہے۔

سماجی کارکن پشپا کماری، سندھ ہیومن رائٹس کمیشن کی سابق رکن اور ہندو میریج ایکٹ کی منظوری میں اہم کردار ادا کرنے والے نیشنل لابنگ ڈیلیگیشن (این ایل ڈی) فار مینارٹیز کی ممبر ہیں۔

وہ کہتی ہیں کہ ہندو برادریوں میں خواتین کی اکثریت ناخواندہ ہے جنہیں نہ تو قانون اور نہ ہی اپنے حقوق کا علم ہوتا ہے۔ اسی وجہ سے ہندو عورت مسلسل سماجی ناانصافی کی چکی میں پستی رہتی ہے۔ اس قانون کے تحت شادیوں کی رجسٹریشن سے انہیں کم سے کم گھریلو جھگڑے کی صورت میں تو تحفظ ملے گا۔

&#39;بدقسمتی سے ملک کے بیشتر حصوں میں ہندو میرج ایکٹ پر پوری طرح عمل ہوتا دکھائی نہیں دے رہا۔&#39;

<h2>دلہا دلہن راضی لیکن پنڈت کہاں غائب ہیں؟</h2>

ہندو میریج ایکٹ 2017ء کے مطابق شادی کی تقریبات مقامی یا کسی ایک فریق کے رسوم رواج کے مطابق انجام پا سکتی ہیں جس کے لیے دولہا دلہن دونوں کی آزادانہ رضامندی اور دو بالغ گواہوں کی موجودگی لازم ہے۔

اس ایکٹ میں شادی پرت یا فارم شامل کیا گیا جس کو رجسٹرار(رجسٹرڈ پنڈت) پُر کرے گا۔ اس پرت پر دلہا، دلہن اور گواہان اپنے دستخط کریں گے جبکہ رجسٹرار بطور مجاز افسر دستخط ثبت کرے گا۔

قانون کے تحت 15 روز کے اندر شادی کی رجسٹریشن ضروری ہو گی۔ یہ کام شادی رجسٹرار (رجسٹرڈ پنڈت) کی ذمہ داری ہو گی جو شادی پرت کی کاپی متعلقہ فریقین کو فراہم کرے گا اور سرکاری ریکارڈ میں اس کی موجودگی یقینی بنائے گا۔

قانون کہتا ہے کہ شادی رجسٹرار کا تقرر حکومت سرکاری گزٹ نوٹیفکیشن کے ذریعے کرے گی جو کسی ضلعے یا علاقے میں رہنے والی ہندو آبادی کی سہولت کے لیے ایک یا ایک سے زائد ہو سکتے ہیں۔

طریقہ کار کے مطابق شادی کا اندراج (رجسٹریشن) مکمل ہونے کے بعد یونین کونسل (یو سی) کی جانب سے کمپیوٹرائزڈ میرج سرٹیفکیٹ یا نادرا فارم جاری کر دیا جاتا ہے۔ 
اس کا مطلب یہ ہے کہ ہندو شادی کے قانون میں شادی رجسٹرار یا پنڈت کا اتنا ہی کردار ہے جتنا مسلم شادی میں نکاح خواں یا نکاح رجسٹرار کا ہوتا ہے۔

ٹنڈو الہیار کے سماجی کارکن بابولال بھیل کہتے ہیں کہ سندھ میں ہندو میرج کے قانون کا نفاذ سب سے پہلے ہوا مگر کئی علاقوں میں ابھی تک کوئی پنڈت رجسٹر نہیں ہوا۔ بعض یونین کونسلز میں کوئی پنڈت رجسٹریشن کے لیے چلا بھی جائے تو آگاہی نہ ہونے باعث رجسٹریشن کرنے والا عملہ مشکل میں پڑ جاتا ہے۔

&quot;نتیجتاً بہت سے ہندو اکثریتی علاقوں میں اس قانون کے تحت شادیوں کی رجسٹریشن نہ ہونے کے برابر ہے۔&quot;

<h2>شادی کرانے والے پنڈتوں کی رجسٹریشن کیوں نہیں ہو رہی؟</h2>

حیدرآباد شہر کی یونین کونسل نمبر 14 کی آبادی تقریباً 30 ہزار ہے جن میں 25 ہزار مسلمان اور پانچ ہزار سے زائد ہندو کمیونٹی کے لوگ شامل ہیں۔ یہاں 15 نکاح خواں رجسٹرڈ ہیں یعنی لگ بھگ ڈیڑھ ہزار مسلم آبادی کے لیے ایک نکاح رجسٹرار موجود ہے جبکہ ہندو شادیاں کرانے والے ایک بھی پنڈت کی رجسٹریشن نہیں ہو پائی۔

یو سی سیکریٹری محمد زبیر تصدیق کرتے ہیں کہ ابھی تک ہندو شادی یا پنڈت کی رجسٹریشن کے لیے ان کے پاس کوئی نہیں آیا۔

پینتیس سالہ تلوک چند، تھرپارکر کی تحصیل چھاچھرو کے گاؤں دونباڑو کے رہائشی ہیں جو یہاں آباد سب سے بڑی ہندو برادری مینگھواڑ کے پنڈت ہیں۔ ان کا کام ہی شادی کرانا اور دیگر مذہبی رسومات ادا کرنا ہے۔

وہ بتاتے ہیں کہ انہیں پچھلے سال (2025ء) اکتوبر میں معلوم ہوا کہ صوبے میں ہندو شادیوں کا قانون نافذ ہو گیا ہے جس کے لیے اب انہیں (پنڈت کو) اپنی رجسٹریشن کرانا ہوگی۔

&quot;میں رجسٹریشن کرانے کے لیے یو سی آفس پہنچا تو سیکریٹری ہی اس قانون سے لاعلم تھے۔ انہیں بتایا کہ عمرکوٹ میں پنڈتوں کی رجسٹریشن ہو رہی ہے میں بھی اسی لیے آیا ہوں مگر انہوں نے انکار کر دیا۔ ڈیڑھ ماہ بعد یو سی چیئرمین کے کہنے پر میری رجسٹریشن کی گئی۔&quot;

دنیا بھر میں نئے قوانین کے اطلاق سے پہلے آگاہی مہم چلائی جاتی ہے اور ان کے نفاذ کے لیے عوام کو آسانیاں فراہم کی جاتی ہیں مگر یہاں ایسا کچھ نہیں ہوا۔

پنڈت رانا رام، میرپور خاص شہر کی راجڑ کالونی کے رہائشی ہیں جنہوں نے اس ضلعے میں سب سے پہلے بطور شادی رجسٹرار اپنا اندراج کرایا۔ وہ بتاتے ہیں کہ انہیں اپنی رجسٹریشن کے لیے فیس کی مد میں پانچ ہزار روپے ادا کرنا پڑے۔ میونسپل افسر نے صاف کہہ دیا کہ اپنا اندراج کرانا ہے تو یہ فیس ہر صورت دینا پڑے گی۔

واضح رہے مسلم نکاح خواں کی رجسٹریشن کے لیے اسی ضلع کی مختلف یونین کونسلز میں سرکاری فیس 800 سے ایک ہزار روپے تک لی جاتی ہے۔

<h2>&#39;ہر پنڈت اپنی مرضی کا شادی پرت بنا کر دے دیتا ہے&#39;</h2>

چندن مالہی، این ایل ڈی کے رکن اور سندھ میں قومی کمیشن برائے انسانی حقوق کے کوآرڈینیٹر ہیں۔

وہ بتاتے ہیں کہ قانون پر مکمل عملدرآمد میں کچھ رکاوٹیں ہیں۔ سندھ میں بلدیاتی ادارے اپنی فیسیں مقرر کرنے میں خودمختار ہیں جنہوں نے مختلف یوسیز میں پنڈتوں اور شادیوں کی رجسٹریشن فیسیں اپنے اپنے حساب سے مقرر کر رکھی ہیں۔

وہ کہتے ہیں کہ دوسرا اہم مسئلہ یہ ہے کہ جیسے ملک بھر میں مسلم شہریوں کے لیے نکاح نامے کا یکساں پرت ہوتا ہے، حکومت نے ہندو شادیوں کے لیے ایسا کوئی فارم یا پرت تیار نہیں کیا۔ ہر پنڈت اپنی مرضی کا شادی پرت بنا کر دے دیتا ہے جس سے مسائل پیدا ہونے کا امکان بڑھ جائے گا۔

&quot;پچھلے ہفتے ہمارے وفد نے صوبائی ایڈیشنل سیکریٹری لوکل گورنمینٹ عامر حسین پنوھر سے ملاقات کی جس میں مساوی رجسٹریشن فیسوں اور یکساں شادی پرت کے معاملات ان کے سامنے رکھے گئے۔&nbsp;

ایڈیشنل سیکریٹری نے یقین دلایا کہ نئے رولز میں ہمارے دونوں مسائل کو حل کیا جائے گا۔ اس حوالے سے افسران کو تربیت بھی دی جائے گی جس کے لیے ہندو میرج ایکٹ کو پہلے ہی لوکل گورنمنٹ اکیڈمی کے نصاب میں شامل کیا جا چکا ہے۔&quot;

مندروں کی دیکھ بھال کے لیے قائم وفاقی ادارے پاکستان ہندو مندر منیجمینٹ کمیٹی کے چیئرمین کرشن شرما کہتے ہیں کہ شادی قانون پر مکمل عملدرآمد بہت ضروری ہے۔ اس سلسلے میں ان کا نہ صرف متعلقہ حکام سے رابطہ ہے بلکہ تمام ساتھی اپنی اپنی برادریوں میں آگاہی مہم بھی چلا رہے ہیں۔

وہ خاصے پُرامید دکھائی دیے، ان کا ماننا ہے کہ میرج ایکٹ پر عمل کی رفتار سست ضرور ہے مگر صورت حال میں مسلسل بہتری آرہی ہے۔

<h2>آٹھ سال بعد یاد آیا کہ قانون میں &#39;گورنمنٹ&#39; نہیں &#39;لوکل گورنمنٹ&#39; لکھنا تھا!</h2>

کرشن شرما بتاتے ہیں کہ ہندو میرج ایکٹ چاروں صوبوں میں لاگو ہے لیکن بدقسمتی سے خیبر پختونخواہ میں ابھی تک قواعد ہی نہیں بنائے جا سکے۔ انہوں نے دیگر ساتھیوں کے ہمراہ پشاور میں صوبائی وزراء اور سپیکر صوبائی اسمبلی سے بھی ملاقاتیں کی ہیں۔

ان کے بقول مجوزہ قواعد وہاں پہلے مختلف صوبائی وزارتوں کے درمیان فٹ بال بنے رہے۔اب پتا چلا کہ خیبرپختونخواہ کی وزارت قانون کو اس ایکٹ میں سقم نظر آیا گیا ہے جس کے لیے انہوں نے ایک ترمیم تجویز کی ہے۔

انہوں نے بتایا کہ سندھ بلوچستان میں پنڈت اور شادی کی رجسٹریشن کی ذمہ داری محکمہ بلدیات کو دی گئی ہے۔ خیبرپختونخواہ کی وزارت قانون سمجھتی ہے کہ قانون میں رجسٹریشن کا ذمہ دار &#39;گورنمنٹ&#39; کو بنایا گیا ہے جس کا مطلب &#39;کابینہ&#39; ہوتا ہے۔

لہٰذا شادی و پنڈت کی رجسٹریشن یا تو صوبائی کابینہ کرے یا قانون میں ترمیم کر کے لفظ &#39;گورنمنٹ&#39; کی جگہ &#39;لوکل گورنمنٹ&#39; لکھا جائے۔&nbsp;

خیبر پختونخواہ میں ہندو کمیونٹی کے رہنما اور سماجی کارکن ہارون سربدیال بتاتے ہیں کہ صوبے کی عدالتوں میں درجنوں کیس زیرالتوا ہیں جن کا فیصلہ اس قانون کے رولز نہ ہونے کی وجہ سے نہیں ہو پا رہا۔

&quot;یہ قانون ہماری بہو بیٹیوں کے تحفظ کے لیے بنایا گیا لیکن قواعد تشکیل نہ پانےکے باعث برسوں بعد بھی ہم لوگ اپنی شادیاں رجسٹر نہیں کرا پا رہے۔ اس لیے ضروری ہے کہ صوبے میں فوری طور پر رولز منظور کرائے جائیں۔&quot;

<h2>رحیم یار خان: دو لاکھ ہندو آبادی لیکن شادی اندارج ابھی تک شروع نہیں ہوا&nbsp;</h2>

پنجاب میں اس قانون پر عمل تو شروع ہو گیا ہے مگر طریقہ کار بہت پیچیدہ ہے۔ سندھ کے برعکس یہاں پنڈت کی رجسٹریشن کی ذمہ داری محکمہ انسانی حقوق و اقلیتی امور جبکہ شادیوں کی رجسٹریشن بلدیاتی اداروں کو سونپی گئی ہے۔

پنجاب ہندو میرج رولز 2025ء کے مطابق پنڈت اپنی رجسٹریشن کے لیے ڈپٹی کمشنر کو درخواست دے گا جو جانچ پڑتال کے بعد اسے انسانی حقوق و اقلیتی امور ڈیپارٹمنٹ کو بھیجے گا۔ یہی محکمہ پنڈت کو رجسٹریشن سرٹیفیکیٹ جاری کرے گا۔

پنڈت (میرج رجسٹرار) شادی پرت جاری کرنے اور ان کا ریکارڈ رکھنے کا ذمہ دار ہو گا۔ وہی شادی پرت کو متعلقہ یوسی میں جمع کروائے گا جہاں سے نادرا سرٹیفیکیٹ جاری ہوگا۔ 
پنجاب کے ضلع رحیم یار خان میں صوبے کی سب سے زیادہ ہندو آبادی رہتی ہے جو ایک لاکھ 76 ہزار 416 افراد پر مشمل ہے۔ یہاں کے رہائشی پنڈت دیواجی رام بتاتے ہیں کہ ضلع بھر میں اب تک صرف پانچ پنڈتوں کی رجسٹریشن ہوئی ہے شادیوں کی رجسٹریشن تاحال شروع نہیں ہوئی۔&nbsp;

وفاقی دارالحکومت اسلام آباد میں گزشتہ برس ہندو میرج ایکٹ کے رولز منظور کیے گئے تھے۔اس سلسلے میں چیف کمشنر کی جانب سے نوٹیفکیشن بھی جاری کیا گیا ہے، تاہم ان قوانین کے تحت ابھی تک کسی پنڈت کو رجسٹر نہیں کیا گیا۔ پاکستان ہندو ٹیمپل مینجمنٹ کمیٹی کے چیئرمین کرشن شرما کو امید ہے کہ کچھ پنڈتوں کو جلد رجسٹر کر لیا جائے گا کیونکہ اب اس عمل میں کوئی قانونی رکاوٹ نہیں ہے۔

بلوچستان میں چھ سال قبل ہندو میرج کے نفاذ ہوا جہاں سندھ کے رولز اپنائے گئے ہیں لیکن صوبے بھر میں ابھی تک پنڈت (شادی رجسٹرارز) یا شادی رجسٹریشن کا آغاز نہیں ہو سکا۔ تاہم کوئٹہ سے این ایل ڈی کے رکن شیزان ولیم کا کہنا ہے کہ چیزیں سٹریم لائن ہو گئی ہیں۔ امید ہے یہاں شادی رجسٹریشن جلد شروع ہو جائے گی۔

سندھ ہندو میرج ایکٹ: 'شیڈولڈ کاسٹ ہندو عورتوں کو معلوم ہی نہیں کہ وہ قانونی طریقے سے طلاق لے سکتی ہیں'۔

دلہا دلہن راضی اور پنڈت غائب: ہندو میرج ایکٹ کا اطلاق کس صوبے میں کہاں رکا ہوا ہے؟

Despite the passage of the Hindu Marriage Act in Pakistan, the Hindu minority continues to face challenges in its implementation. Issues include delays in the registration of Pandits and the 

Challenges Faced by the Hindu Minority Under the Hindu Marriage Act in Pakistan

سندھ: 'سب کچھ ثابت کر سکتے مگر اپنی بیوی کا شوہر ہونا ثابت نہیں کر سکے'

video

Despite the passage of Sindh's Hindu Marriage Act, the registration of Pandits and issuance of marriage certificates remain unresolved. Explore the challenges and delays faced by the Hindu co

Sindh's Hindu Marriage Act: When Will Pandit Registration and Marriage Certificates Be Finalized

سندھ: ہندو میرج ایکٹ تو پاس ہو گیا مگر پنڈتوں کی رجسٹریشن کب ہو گی؟ نکاح نامہ کب تیار ہو گا؟

سارا مسیح خانیوال میں رہتی ہیں اور گریڈ 16 کی سرکاری ملازم ہیں۔ جب وہ بیس سال کی تھیں تو ان کے والدین نے ان کی شادی تھامس سے کروا دی، جو پیشے کے لحاظ سے وکیل تھے۔ شادی کے بعد تھامس نے سارا کے ساتھ اچھا سلوک روا نہیں رکھا، کیونکہ انہوں نے سارا سے شادی والدین کے دباؤ میں آ کر کی تھی۔ جب سارا حمل سے تھیں تو تھامس نے شرط رکھی اگر بیٹا ہو گا تو وہ سارا کے ساتھ رشتہ نبھائیں گے وگرنہ علیحدگی اختیار کر لیں گے۔ شومئی قسمت سارا نے بیٹی کو جنم دیا،&nbsp; تھامس نے نہ صرف بچی کو دیکھنے سے انکار کر دیا بلکہ سارا پر بدچلنی کا الزام لگا کر طلاق کا کیس فائل کر دیا۔

کیس عدالت تک پہنچا تو تھامس نے اس کی پیروی نہیں کی مگر&nbsp; سارا ہر پیشی پر جاتی رہیں۔ عدالت نے کیس کےحوالے سے اخبارات میں اشتہارات بھی شائع کروائے مگر تھامس ایک مرتبہ بھی عدالت میں نہیں آیا۔

آخر کار سول عدالت نے ایکس پارٹی ( یکرفہ) فیصلہ سناتے ہوئے سارا&nbsp; کی طلاق موثر قرار دے دی۔

طلاق کے بعد سارا کی مشکلات اور بڑھ گئیں۔

جب ان کی بیٹی کو سکول داخل کروانے کا وقت آیا تو ان سے بچی کا ب فارم مانگا گیا۔ لیکن سارا کے سابق شوہر نے بچی کی پیدائش کا اندراج ہی نہیں کروایا تھا۔ ب فارم کے بغیر انہوں نے بچی کو ایک نجی سکول میں داخل کروا دیا۔ وقت گزرتا گیا اور ان کی بچی اس لئے میٹرک کا داخلہ نہیں بھیج سکی کیونکہ ب فارم میٹرک کے داخلہ فارم کا سب سے اہم جزو تھا۔

سارا بتاتی ہیں کہ ان کی بیٹی کو یہ مسئلہ اس لئے پیش آیا کیونکہ ان کی طلاق ہی آج تک رجسٹرڈ نہیں ہوئی۔ یونین کونسل والوں نے ان کی طلاق کا اندراج کرنے سے یہ کہہ کر انکار کر دیا ہے کہ وہ صرف فیملی کورٹ سے ہونے والی طلاق کا اندراج کرتے ہیں۔ سارا کہتی ہیں کہ کرسچن ڈائیوورس ایکٹ 1869ء کے تحت طلاق کا مقدمہ&nbsp; سول کورٹ میں ہی چلتا ہےتاہم طلاق سے متعلق اس کے فیصلے یونین کونسل کو منظور نہیں۔

مسلم عائلی قوانین کے تحت مقدمے فیملی کورٹ میں چلتے ہیں اور فیملی کورٹ کیس کا فیصلہ چھ ماہ کے اندر دینے کی پابند ہے جبکہ سول کورٹ میں کیس کے فیصلے کے لیے کوئی مدت مقرر نہیں، یہاں برسوں کیس چلتے ہیں۔ لوکل گورنمنٹ&nbsp; آرڈیننس کے تحت بھی فیملی کورٹ سے ہونے والی طلاق ہی یونین کونسل میں رجسٹرڈ ہوتی ہے۔

سار ا کی عمر 44 سال ہو چکی ہے، اُن کے مسائل تو حل نہیں ہوئے لیکن اب ان کی بیٹی کا مستقبل بھی تاریک ہو&nbsp; رہا ہے۔

مسیحی برادری کے عائلی قوانین انگریز دور حکومت میں بنے تھے۔ نیشنل پیس کمیٹی فار انٹر فیتھ ہارمنی بلوچستان کے صدر شیزان ولیم کہتے ہیں کہ انگریز سرکار نے 1869ء کرسچن ڈائیوورس ایکٹ پاس کیا اور اس کے تین سال بعد 1872ء میں کرسچن میریج ایکٹ بنایا۔ &quot;اس دور کی ضرورتوں اور انگریز حکومت کی ترجیحات کے بنیاد پر بنائے گئے یہ قوانین آج کی جدید دور کی حالات اور تقاضوں پر پورا نہیں اترتے&quot;۔

شیزان ولیم کہتے ہیں کہ ان قوانین میں لکھا گیا ہے کہ شادی کرنے والے جوڑے میں سے ایک کا کرسچئن ہونا لازمی ہے۔ شادی کے لیے بچیوں کی شادی کی عمر 13 سال لکھی گئے ہے جبکہ سندھ میں موجود سندھ چائلڈ میریج ریسٹرینٹ ایکٹ کے تحت شادی کی کم سے کم عمر 18 سال اور ملک کے دیگرصوبوں&nbsp; میں 16 سال ہے۔

&quot;مسیحی عائلی قوانین ریاستی قانون سے ٹکرا رہے ہیں۔ انگریز کے بنائے قانون میں یہ بھی لکھا ہے کہ مسیحی غروب افتاب کے بعد شادی نہیں کر سکتے&quot;۔

شیزان کہتے ہیں کہ اس دور میں آمدورفت کے ذرائع قلیل اور بجلی وغیرہ نہیں تھی مگر اب تو شادیاں ہوتی ہی رات میں ہیں، تو اس قانون کے حساب سے تو وہ ساری شادیاں غیر قانونی ہیں۔

&quot;اس لیے ہم مطالبہ کرتے ہیں کہ ان قوانین میں ترامیم کی جائیں&quot;۔

ملتان کی مریم مسیح کی شادی البرٹ سے 15 برس کی عمر میں ہوئی تھی۔ مریم کا شوہر نشے کا عادی تھا اور وہ ان پر تشدد کرتا تھا۔ شادی کے دوسرے سال مریم کے ہاں بچی نے جنم لیا لیکن شوہر مارپیٹ سے باز نہیں آیا۔ تنگ آ کر مریم نے شوہر سے علیحدگی کا فیصلہ کیا۔

مریم کے والد نے اپنی برادری کے سامنے مدعا پیش کیا۔ فریقین کی رضا مندی اور برادری کے فیصلے کے مطابق البرٹ نے مریم کو طلاق دے دی۔ ایک سال بعد مریم نے دوسری جگہ شادی کر لی، کچھ ہی عرصے میں البرٹ نے بھی کہیں اور شادی کر لی لیکن اولاد کی نعمت سے محروم رہا۔ اب البرٹ نہ صرف مریم سے بیٹی چھیننا چاہتا ہے بلکہ وہ&nbsp; اس بات سے بھی انکاری ہے کہ وہ مریم کو طلاق دے چکا ہے۔

مریم بے حد پریشان ہے ، کیونکہ اسٹامپ پیپر پر لکھی طلاق کی کوئی قانونی حیثیت نہیں ہے۔

&quot;بیٹی کو بچانے کے لیے عدالت جانا چاہتی ہوں لیکن مقدمے طویل اور بےحد زیادہ خرچے والے ہوتے ہیں، ہم ان میں پڑیں گے تو پریشانیاں اور بڑھیں گی&quot;۔

پاکستان میں اقلیتوں کے عائلی قوانین کے حوالے سے گذشتہ 12 سالوں سے جدوجہد کرنے والے گروپ &quot;نیشنل لابنگ ڈیلیگیشن فار منارٹی رائیٹس &quot; کے ممبر اور سماجی تنظیم بیٹھک کے چیف ایگزیکیٹو شہزاد فرانسس کہتے ہیں کہ بہتر قوانین نہ ہونے کی وجہ سے مسیحی بچیاں اور عورتیں بہت زیادہ مسائل کا شکار ہیں۔

&quot;فرسودہ قوانین کی وجہ سے اپنی شادی میں ہونے والی خرابیوں سے پریشان لڑکیاں جان بچانے کے لیے مذہب کی تبدیلی پر مجبور ہوتی ہیں&quot;۔

انہوں نے لوک سجاگ کو بتایا کہ دنیا کے&nbsp; بیشتر ممالک میں بہتر عائلی قانون موجود ہیں مگر پاکستانی&nbsp; ریاست ڈیڑھ سو سال پرانے قوانین پر تکیہ کیے ہوئے ہے۔

&quot;کیتھولک مسیحیوں میں شادی ختم ہونے کا تصور نہیں۔ وہ مزید بتاتے ہیں کہ ان کے خاندان میں ایسا واقعہ ہو چکا ہے۔ ان کی ایک عزیزہ کے شوہر شادی کے فورا بعد ہی بیرون&nbsp; ملک چلے گئے اور وہاں دوسری شادی کر لی، لیکن پہلی بیوی کو طلاق نہیں دی۔ وہ خاتون ابھی تک اسی بندھن میں قید ہے، ہم نے چرچ سے بھی رابطہ کیا مگر وہاں سے بھی انصاف نہیں ملا۔ ہم چاہتے ہیں کہ ایسے قانون بنائے جائیں جو اس طرح کے ظلم کے خلاف عورتوں کو انصاف دلائیں&quot;۔

سندھ اسیمبلی کی سابق رکن انتھونی نوید نے بتایا کہ کرسچن ڈائیوورس ایکٹ 1869ء میں علحیدگی کے لیے مختلف شرائط دی گئی ہیں۔

سیکشن سات کو ضیاِء دور میں معطل کر دیا گیا۔ ( کرسچن ڈائیورس ایکٹ 1869 کے سیکشن 7 کو ضیاء مارشل لا دؤر میں&nbsp; فیڈرل لا ز(رویین اینڈ ڈکلیئریشن) آرڈیننس&nbsp; 1981 کے تحت معطل کر دیا گیا تھا ، اس سیکشن کے تحت تبدیلی مذہب، دوسری شادی، ریپ، بدفعلی، بدکاری،&nbsp; حیوانیت،&nbsp; چھوڑ کر گم ہو جانے، تشدد&nbsp; سمیت&nbsp; آٹھ مختلف وجوہات کے بنیاد پر طلاق ہو سکتی تھی)۔

&quot;اب صرف بدکاری ثابت کرنے کے علاوہ طلاق ہو ہی نہیں سکتی۔ اگر کسی لڑکی پر بدکاری کا الزام لگے تو اس کی آگے کی زندگی تباہ ہو جاتی ہے&quot;۔

انہوں نے بتایا کہ&nbsp; لاہور ہائی کورٹ کے سابق چیف جسٹس اور سپریم کورٹ کے موجودہ جج جسٹس منصور علی شاہ نے امین مسیح کیس میں سیکشن سات کو بحال کر کے ان کو علحیدگی کی اجازت دی تھی کیونکہ امین نے اپنی بیوی پر بدکاری کا لزام لگانے سے انکار کر دیا تھا۔

انتھونی کہتے ہیں کہ پاکستان کے تمام اہم چرچوں کے بشپ صاحبان کی منظوری سے بنا ہوا نئے قانون کا مسودہ&nbsp; گذشتہ چھ سال سے قانون اور انسانی حقوق کی وزارتوں کے درمیان فٹ بال بنا ہوا ہے۔

&quot;میری معلومات کے مطابق اس وقت وہ مسودہ قانون کے وفاقی سیکریٹری کے پاس پڑا ہے۔ ہم چاہتے ہیں کہ جلد سے جلد اس مسودے کو باقائدہ قانونی شکل دی جائے تاکہ لوگوں اور خاص طور پر مسیحی خواتین کی مشکلات ختم ہوں۔

پنجاب بار کی رکن اور ہائی کورٹ کی ایڈووکیٹ سمیرا شفیق نے بتایا کہ ان کے پاس مسیحی لڑکیوں کی طلاق&nbsp; کے ایسے بہت سے کیس آتے ہیں جن کا برسوں تک فیصلہ نہیں ہو پاتا۔ اکثر وکیل لڑکیوں یا لڑکوں کو شادی ختم کرنے کے لیے تبدیلی مذہب کا مشورہ دیتے ہیں کیونکہ بدکاری کا الزام ثابت کرنا انتہائی مشکل ہوتا ہے۔

قانون شہادت کے تحت گواہوں کا ہونا ضروری ہے جو عام طور پر ناممکن ہوتا ہے۔ اس لیے ایک بہتر اور آسان قانون وقت کی اہم ضرورت ہے۔

جئہ پرکاش

جئہ پرکاش مورانی تیس سالوں سے صحافت کر رہے ہیں۔ وہ سندھی اخبار "عبرت" کے سینیئر نیوز ایڈیٹر ہیں۔

مہارے گھراں ناں پدھارو: تھر میں گونجتے لوک گیتوں کی زبان ڈھاٹکی کی داستان

دلہا دلہن راضی اور پنڈت غائب: ہندو میرج ایکٹ کا اطلاق کس صوبے میں کہاں رکا ہوا ہے؟

سندھ: 'سب کچھ ثابت کر سکتے مگر اپنی بیوی کا شوہر ہونا ثابت نہیں کر سکے'

سندھ: ہندو میرج ایکٹ تو پاس ہو گیا مگر پنڈتوں کی رجسٹریشن کب ہو گی؟ نکاح نامہ کب تیار ہو گا؟

"مسیحی عائلی قانون کا مسودہ 6 سال سے قانون اور انسانی حقوق کی وزارتوں کے درمیان فٹ بال بنا ہوا ہے"