ملک بھر کی طرح خوشاب میں بھی عام انتخابات 2024ء کے پہلے مرحلے کا آغاز ہو گیا ہے۔ اگرچہ یہاں بھی نامزدگی فارمز کے حصول کے دوران پکڑ دھکڑ کے واقعات ہوئے لیکن بالآخر تمام امیدوارں نے کاغذات جمع کرا&nbsp; لیے ہیں۔ انتخابی مہم آہستہ آہستہ شروع ہو رہی ہے۔&nbsp; تاہم پارٹی ٹکٹوں کے اعلانات ابھی باقی ہیں۔

2018ء کے عام انتخابات میں ضلع خوشاب کی دو قومی اور تین صوبائی نشستیں تھیں۔

تب یہاں قومی نشست این اے 93 خوشاب ون (نو شہرہ تحصیل اور خوشاب) سے عمر اسلم اعوان نے تحریکِ انصاف کے ٹکٹ پر ن لیگ کی امیدوار سمیرا ملک کو شکست دی تھی۔ دوسرے حلقے این اے 94 خوشاب ٹو (تحصیل قائد آباد اور نور پور تھل) پر تحریکِ انصاف کے ملک احسان ٹوانہ نے ن لیگ کے شاکر بشیر اعوان کو ہرایا تھا۔

پچھلے الیکشن میں صوبائی حلقہ پی پی 82 خوشاب ون(نو شہرہ، خوشاب) سے تحریک انصاف کے فتح خالق بندیال نے مسلم لیگ ن کے کرم الٰہی بندیال کو شکست دی تھی جبکہ پی پی 83&nbsp; خوشاب ٹو(خوشاب، جوہر آباد) سےغلام رسول سنگھا آزاد الیکشن جیتے تھے اور تحریک انصاف میں شامل ہو گئے تھے۔

&nbsp;پھر 2022ء میں غلام رسول کے&nbsp; منحرف اراکین میں شامل ہونے پر یہاں ضمنی الیکشن ہوا تھا جس میں تحریک انصاف کے حسن اسلم اعوان جیت گئے تھے اور آصف بھا بطور آزاد امیدوار دوسرے نمبر پر رہے تھے۔

<hr />
<h2 style="text-align:center">خوشاب نئی حلقہ بندیاں 2023</h2>

2018&nbsp;&nbsp; کا قومی اسمبلی کا حلقہ این اے 93 خوشاب 1 اب این اے 87 خوشاب 1 ہے 
تحصیل نوشہرہ کی مکمل اور خوشاب تحصیل کی بیشتر آبادی پر مشتمل ہے۔ نئی حلقہ بندیوں میں اس حلقے سے قائد آباد تحصیل کی تمام آبادی کو نکال دیا گیا ہے جبکہ اس کی جگہ خوشاب تحصیل کے قصبے جوہر آباد کی میونسپل کمیٹی اور بیشتر دیہات، ٹاؤن کمیٹی ہڈالی اور مٹھا ٹوانہ کو شامل کیا گیا ہے۔

2018&nbsp;&nbsp; کا قومی اسمبلی کا حلقہ این اے 94 خوشاب 2 اب این اے 88 خوشاب 2 ہے 
یہ حلقہ نور پور تھل اور قائدآباد تحصیل کی آبادی پر مشتمل ہے۔ 2023 کی حلقہ بندیوں کے تحت اس حلقے میں بڑی تبدیلیاں کی گئی ہیں۔ اس حلقے میں مکمل قائد آباد تحصیل کو شامل کر لیا گیا ہے۔ جبکہ اس کی جگہ خوشاب تحصیل کے قصبے جوہر آباد کی میونسپل کمیٹٰی اور قانون گو حلقے کے بیشتر دیہات، ٹاؤن کمیٹی ہڈالی اور ٹاؤن کمیٹی مٹھا ٹوانہ کو نکال دیا گیا ہے۔

2018&nbsp; کا صوبائی حلقہ پی پی 82 خوشاب 1 اب پی پی 81 خوشاب 1 ہے 
ضلع خوشاب میں صوبائی اسمبلی کا یہ حلقہ نوشیرہ&nbsp; تحصل پر مشتمل ہے۔ جس میں پہلے قائدآباد تحصیل کے بیشتر دیہات بھی شامل تھا۔ لیکن نئی حلقہ بندیوں کے تحت تحصیل قائد آباد کے ان تمام دیہات کو نکال دیا گیا ہے جبکہ اس کی جگہ خوشاب تحصیل کے کنڈ شمالی، خوشاب ایک اور خوشاب دو قانون گو حلقے شامل کیے گئے ہیں۔

2018&nbsp; کا صوبائی حلقہ پی پی 83 خوشاب 2 اب پی پی 82 خوشاب 2 ہے 
یہ ضلع خوشاب کا شہری حلقہ ہے۔ جس میں قصبہ جوہر آباد، ہڈالی اور مٹھہ ٹوانہ کی آبادیاں بھی شامل ہیں۔ نئی حلقہ بندیوں میں اس حلقے سے خوشاب تحصیل کے تین قانون گو حلقے کنڈ شمالی، خوشاب ایک اور خوشاب دو کو&nbsp; نکال کر ان کی جگہ مٹھہ ٹوانہ میونسپل کمیٹی اور دو پٹوار سرکل بوتالہ اور بازار جنوبی شامل کیے گئے ہیں۔ پہلے اس میں خوشاب تحصیل کا&nbsp; پورا جوہر آباد قانون گو حلقہ شامل تھا لیکن اب اس کے بیشتر پٹوار سرکل کو نکال دیا گیا ہے۔

2018&nbsp; کا صوبائی حلقہ پی پی 84 خوشاب 3 اب پی پی 83 خوشاب 3 ہے 
یہ حلقہ نور پور تھل تحصیل پر مشتمل ہے۔ نئی حلقہ بندیوں کے تحت اس حلقے میں بڑی تبدیلیاں کی گئی ہیں جیسا کہ نورپور تحصیل کے پورےآدھی کوٹ ، مٹھہ ٹوانہ قانون گو اور رنگ پورے کے بیشتر دیہات کو نکال دیا گیا ہے، اسی طرح قائدہ آباد تحصیل کا ایک قانون گو حلقہ بھی اس سے نکالا گیا ہے۔&nbsp; خوشاب تحصیل کے قصبے جوہر آباد کے پانچ پٹوار سرکل اس میں شامل ہوئے ہیں۔

صوبائی حلقہ پی پی 84 خوشاب 4 
نئی حلقہ بندیوں میں ضلع خوشاب میں ایک صوبائی اسمبلی کے حلقے کا اضافہ کیا گیا ہے۔ پہلے اس ضلع کے تین صوبائی حلقے تھے اب چار ہو گئے ہیں۔ پی پی 84 خوشاب فور کے نام سے بننے والے اس حلقے میں مکمل قائدآباد تحصیل اور نور پور تحصیل کے تقربیاً 90 ہزار آبادی کے دیہات کو شامل کیا گیا ہے۔

<hr />

&nbsp;خوشاب کے تیسرے صوبائی حلقے پی پی 84 خوشاب تھری (گروٹ، مٹھا ٹوانہ) سے ن لیگ کے ملک وارث کلو ایم پی اے&nbsp; بنے تھے۔ ان کے انتقال پر مرحوم کے بیٹے ملک معظم کلو ن لیگ کے ٹکٹ پر منتخب ہوئے تھے۔

نئی حلقہ بندیوں میں اس ضلعے کے دو قومی حلقے برقرار ہیں جبکہ صوبائی نشستیں&nbsp; تین سے بڑھ کر چار ہو گئی ہیں۔

اب کی بار این اے 87 خوشاب ون سے شاکر بشیر اعوان اور نواب آف کالا باغ خاندان کی سمیرا ملک دونوں مسلم لیگ ن کے ٹکٹ کے خواہاں ہیں لیکن ابھی تک پارٹی کا فیصلہ سامنے نہیں آیا۔ اس حلقے سے محمد علی ساول پیپلز پارٹی کے امیدوار ہیں۔ پی ٹی آئی کے سابق ایم این اے عمر اسلم اعوان اس بار بھی&nbsp; اپنے کاغذاتِ نامزدگی جمع کرا چکے ہیں۔

پروفیسر محمد عمران مقامی سیاست پر گہری نظر رکھتے ہیں۔ وہ بتاتے ہیں کہ لیگی رہنما سمیرا ملک اور شاکر بشیر ایک سے زائد بار ممبر قومی اسمبلی کے رہ چکے ہیں۔ اگرچہ دونوں کے درمیان این اے 87 پر ن لیگ کے ٹکٹ کے لیے مقابلہ ہے۔ تاہم امکان یہی ہے کہ ٹکٹ شاکر بشیر کو ملے گا اور سمیرا ملک کو خصوصی نشست یا سینٹ رکنیت کی پیش کش کی جائے گی۔

وہ کہتے ہیں کہ سابق ایم این اے ملک عمر اسلم اعوان کے لیے اگر پی ٹی آئی سے الیکشن لڑنا ممکن نہ ہوا تو وہ آزاد یا استحکام پاکستان پارٹی کے امیدوار ہو سکتے ہیں۔ اس حلقے میں ٹکر کا مقابلہ ہو گا۔

قومی حلقہ این اے 88 خوشاب ٹو پر ن لیگ سے سابق ایم پی اے ملک معظم کلو اور استحکام پاکستان پارٹی سے گل اصغر بگھور بطور امیدوار سامنے ہیں۔ یہاں سے تیسرا نام معروف ٹرانسپورٹر ملک فاروق بندیال کے بھائی ملک ہارون بندیال کا آ رہا ہے جو ابھی تک کسی پارٹی سے منسلک نہیں ہیں۔

اس حلقے سے مفتی سلطان احمد کلو جمیعت علمائے اسلام اور محمد وارث جسرہ ایڈوکیٹ جماعت اسلامی کے امیدوار ہیں۔

پی پی 81 خوشاب ون میں ابھی تک کسی بڑی سیاسی جماعت نے اپنے امیدوار کا اعلان نہیں کیا۔ تاہم اس نشست پر امیر حیدر سنگھا استحکام پارٹی کے امیدوار ہیں۔ جاوید اعوان جو تین بار ایم پی اے منتخب رہ چکے ہیں ن لیگ اور پیپلز پارٹی، دونوں طرف دیکھ رہے ہیں۔ سمیرا ملک اس حلقے سے اپنے صاحبزادے سالار اعوان کے لیے مسلم لیگ ن کا ٹکٹ لینے کی کوشش کر رہی ہیں۔ جاوید اعوان ن لیگ میں گئے تو اظہر اعوان پیپلزپارٹی کے امیدوار ہوں گے۔

&nbsp;پی پی 81 خوشاب ون قومی حلقہ این اے 87 کے نیچے آتا ہے۔ یہاں سنگھا خاندان کے امیر حیدر سنگھا، اعوان خاندان کے جاوید اعوان اور اظہر اعوان تینوں متحرک امید ہیں اور اپنا اپنا ووٹ بینک رکھتے ہیں۔ اس حلقے سے پی ٹی آئی کے سابق ایم این اے عمر اسلم اعوان بھی مضبوط امیدوار ہیں۔ ان کے علاوہ حسن اعزاز الحسن نے یہاں سے کاغذات نامزدگی جمع کرا رکھے ہیں۔

پی پی 82 خوشاب ٹو میں صورت حال بڑی دلچسپ ہے۔ اس نشست پر آصف بھا ن لیگ کے امیدوار ہیں۔ وہ تین بار ممبر پنجاب اسمبلی اور وزیر رہ چکے ہیں۔ سنگھا خاندان کی رہائش بھی اسی حلقے میں ہے لیکن امیر حیدر پی پی 81 سے امیدوار ہیں۔ سردار الطاف رضا بلوچ آزاد ہیں لیکن وہ استحکام پارٹی کے امیدوار ہو سکتے ہیں۔ یہاں سےحامد وڈھل کے قریبی حلقے انہیں پیپلز پارٹی کا امیدوار بتا رہے ہیں مگر انہوں نے تا حال انتخابی مہم شروع نہیں کی ہے۔

&nbsp;اس نشست پر تحریک انصاف سے سابقہ ایم پی اے حسن اسلم اعوان اور پی ٹی آئی کے ضلعی صدر مسعود کنڈان کے نام سامنے آئے ہیں۔ ڈاکٹر ضیاء اللہ ملک&nbsp; جماعت اسلامی کے امیدوار ہیں۔ اس حلقے میں استحکام پاکستان پارٹی اور نون لیگ کے درمیان سیٹ ایڈجسٹمنٹ کی باتیں بھی ہو رہی ہیں لیکن کہیں سے تصدیق یا تردید نہیں آئی۔

خوشاب کے رہائشی لائبریرین اور دانشور مہران خان کا خیال ہے کہ سردار الطاف بلوچ کا الیکشن لڑنا آصف بھا گروپ کے لیے نقصان کا باعث بنے گا کیونکہ اب تک یہ دونوں خاندان ہمیشہ اکٹھے ہوا کرتے تھے۔ اس کے علاو اس نشست پر پیپلز پارٹی نے اس خاندان کے سردار شفقت خان بلوچ کو ٹکٹ آفر کیا ہے تاہم ابھی جواب سامنے نہیں آیا۔

پی پی 83 خوشاب تھری سے علی حسین بلوچ ن لیگ اور ملک احسان اللہ ٹوانہ استحکام پارٹی کے امیدوار ہیں۔ امجد گجر تحریک انصاف کے ٹکٹ کی توقع کر رہے ہیں۔

یہ حلقہ&nbsp; قومی نشست این اے 88 کے نیچے آتا ہے۔ یہاں غیر متوقع طور پر کلو بلوچ&nbsp; اور ٹوانہ بگھور اتحاد سامنے آئے ہیں جس کا کچھ عرصہ پہلے تک کسی کو وہم و گمان بھی نہیں تھا۔ یہ گروپ ماضی میں ایک دوسرے کے خلاف الیکشن لڑتے رہے ہیں۔ مگر اب علی حسین بلوچ اور معظم کلو ن لیگ سے مشترکہ مہم چلا رہے ہیں جبکہ ملک احسان ٹوانہ اور گل اصغر بگھور استحکام پارٹی کے پلیٹ فارم پر ایک ساتھ ہیں۔

اسسٹنٹ ڈائریکٹر عہدے کے افسر اور مقامی رہائشی تصور حسین بتاتے ہیں کہ نئی حلقہ بندی سے معظم کلو کو نقصان ہوا اور کلو برادری کا ووٹ بینک تقسیم ہو گیا ہے۔ یہاں بلوچ برادری کا کافی ووٹ ہے اور علی حسین بلوچ پچھلے صوبائی ضمنی الیکشن میں معظم کلو سے لگ بھگ سات ووٹوں سے ہارے تھے۔ اس لیے ان کا اتحاد دونوں امیدواروں کے لیے سود مند ہو سکتا ہے۔

دوسری طرف احسان ٹوانہ بھی دھڑے کی سیاست میں مہارت رکھتے ہیں اور کئی دہائیوں سے متحرک ہیں۔ انہوں نے علاقے میں خاصے ترقیاتی کام کرائے مگر وہ کئی پارٹیاں بدل چکے ہیں۔

صوبائی حلقہ 84 خوشاب فور میں کرم الٰہی بندیال مسلم لیگ ن کے امیدوار&nbsp; ہیں اور زبیر حیات اترا استحکام پارٹی کے ٹکٹ کے لیے کوشش کر رہے ہیں۔ پی ٹی آئی کے فتح خالق بندیال اور اکرم نیازی بھی یہاں سےکاغذات نامزدگی جمع کرا چکے ہیں۔

یہ صوبائی حلقہ قومی نشست این اے 88 میں آتا ہے۔ اس نشست کے لیے امیدوار کرم الہی بندیال پرانے سیاست کار اور دو مرتبہ ممبر پنجاب اسمبلی رہ چکے ہیں۔ فتح خالق بندیال پی ٹی آئی کے سابق ایم پی اے ہیں۔ جبکہ ملک زبیر حیات نیا چہرہ ضرور ہیں مگر ان کے والد ملک حیات اترا یہاں سے ایم پی اے منتخب ہوئے تھے اور وہ خود یوسی چیئرمین رہے ہیں۔

اگرچہ یہاں کئی نشستوں پر دلچسپ مقابلوں کی توقع کی جا رہی ہے تاہم پارٹی ٹکٹوں کی تقسیم اور مقامی دھڑوں کی صف بندی امیدواروں کی ہار جیت میں اہم کردار ادا کرے گی۔

ضلع نارووال: "ووٹ سیاسی بنیاد پر کم، برادری کے نام پر زیادہ پڑتا ہے" تو پلہ کس کا بھاری ہے؟

خوشاب میں ماضی کے اتحادی آمنے سامنے، مخالف ایک دوسرے کے مددگار بن گئے

text

نئی حلقہ بندیوں پر سیاسی کارکنوں میں جوش و خروش نظر آ رہا ہے۔ ضلع خوشاب میں ایک صوبائی نشست کے اضافہ اور حلقوں کی &#39;تشکیل نو&#39; زیر بحث ہے۔ تحفظات سامنے آ رہے ہیں اور اعتراضات بھی جمع کرائے جا رہے ہیں۔

2018ء کے انتخابات میں ضلع خوشاب میں قومی اسمبلی کے دو اور صوبائی اسمبلی کے تین حلقے تھے۔ نئی حلقہ بندیوں میں دونوں قومی حلقے برقرار رکھنے کے ساتھ ان کے کچھ علاقوں میں ردو بدل کیا گیا ہے۔اب ان کے نمبر جو پہلے این اے 93 اور این اے 94 تھے اب این اے 87 اور این اے 88 ہو&nbsp; گئے ہیں۔

نئی حلقہ بندی میں یہاں صوبائی حلقوں کی تعداد چار کر دی گئی ہے۔ دلچسپ بات یہ ہے کہ 2002ء سے ضلع خوشاب میں چار صوبائی نشستیں چلی آرہی تھیں۔ مگر پچھلی الیکشن سے قبل اچانک ایک حلقہ کم کر دیا گیا تھا۔ اب دوبارہ چار حلقے کر دیے گئے ہیں۔

گزشتہ عام انتخابات میں خوشاب کے صوبائی حلقے پی پی 82 سے پی پی 84 تک تھے۔ اب ان میں پی پی 81 کا اضافہ ہو گیا ہے۔اور اس نئے حلقے کی تشکیل کے لیے پہلے والے تینوں حلقوں سے مختلف علاقے لیے گئے ہیں۔

پی پی 81 خوشاب ون میں وادی سون اور دیگر پہاڑی علاقے آتے ہیں۔ یہ حلقہ تحصیل نوشہرہ، کٹھہ سگھرال قانونگوئی حلقہ، کنڈ شمالی قانونگوئی حلقہ، خوشاب ون قانونگوئی حلقہ اور خوشاب ٹو قانونگو ئی پر مشتمل ہے۔

پی پی 82 خوشاب ٹو میں میونسپل کمیٹی خوشاب کےچارج 15 سے 17، میونسپل کمیٹی جوہرآباد کے چارج 13 اور 14، میونسپل کمیٹی ہڈالی چارج 10،میونسپل کمیٹی مٹھہ ٹوانہ چارج 11، جوہرآباد قانونگوئی کے کچھ علاقے اور مٹھہ ٹوانہ قانونگوئی کے پٹوار سرکل بوتالہ اور بجار جنوبی شامل ہیں۔

پی پی 83 خوشاب تھری، تھل کے علاقوں ٹاؤن کمیٹی گروٹ، گروٹ قانونگو ئی حلقہ، مٹھہ ٹوانہ قانونگو ئی کا پورا علاقہ ماسوائے پٹوار سرکل بوتالہ اور بجار جنوبی ، جوہرآباد قانونگوئی کے پٹوار سرکل چک 39 ایم بی، 45 ایم بی، چک 48 ایم بی، 50 ایم بی اور چک 51 ایم بی پر مشتمل ہے۔

&nbsp;اس کے علاوہ نور پور تھل تحصیل بھی پی پی 83 میں شامل کی گئی ہے۔ تاہم اس میں سے آدھی پور قانونگوئی اور رنگ پور قانونگوئی کے کچھ علاقے نکال دیے گئے ہیں۔

پی پی 84 خوشاب فور قائدآباد تحصیل، نور پور تھل تحصیل کی آدھی کوٹ قانونگوئی اور رنگپور کا قانونگوئی کے پٹوار سرکل رنگ پپ بغور، چک نمبر 41 بی ڈی اور 49 بی ڈی پر مشتمل ہو گا۔

اس ضلعے کی حلقہ بندی پر اب تک امید واروں اور شہریوں کی طرف سے اعتراضات پر مشتمل کل 16 درخواستیں جمع کرائی جا چکی ہیں۔ پی پی 84 خوشاب فور میں تحصیل نور پور تھل کے علاقوں کی شمولیت سب سے زیادہ متنازع بنی ہوئی ہے۔

زیادہ تر اعتراضات بھی نور پور تھل، رنگ پور تھل اور چکوک کے لوگوں کی طرف سے جمع کرائے گئے ہیں۔جو پی پی 83 میں شامل ہونا چاہتے ہیں۔

&nbsp;اسی طرح سابق ایم پی اے کرم علی بندیال نے بھی اعتراض داخل کرایا ہے کہ نور پور تھل میں ان کی آبائی یونین کونسل آدھی کوٹ کو پی پی 83 نور پور تھل سے کاٹ کر پی پی 84 قائد آباد میں شامل کر دیا گیا ہے۔

پروفیسر مسرت عباس مقامی سیاست پر گہری نظر رکھتے ہیں۔ وہ سمجھتے ہیں کہ نئی حلقہ بندی سے 2018ء کی غلطیوں کو کسی حد تک سدھار لیا گیا ہے۔ پہلے حلقوں سے نہ صرف عوام بلکہ امیدواروں کو بھی کافی مسائل کا سامنا تھا۔

یہاں سیاسی حلقوں کا خیال ہے کہ نئی حلقہ بندی کا تحریک انصاف کے سابق ایم پی ایز حسن اسلم اعوان اور فتح خالق بندیال کا نقصان ہو سکتا ہے۔ حسن اسلم کا حلقہ پہلے پی پی 83 تھا جس میں تینوں میونسپل کمیٹیاں تھیں۔ اب وہ پی پی 81 سے انتخاب لڑیں گے جو تحصیل نوشہرہ، کٹھہ سگھرال، کنڈ شمالی وغیرہ پر مشتمل ہو گا۔

اسی طرح فتح خالق بندیال کا حلقہ پی پی 82 تھا جو قائدآباد کے ساتھ نوشہرہ تحصیل اور پہاڑی علاقے تک جاتا تھا۔ لیکن اب ان کے حلقہ پی پی 84 میں قائد آباد، آدھی کوٹ اور رنگپور تھل کے علاقے شامل ہے۔ یوں حسن اسلم اور فتح خالق دونوں اپنے ترقیاتی کاموں کا فائدہ نہیں اٹھا سکیں گے۔

&nbsp;پی پی 83 میں سے نون لیگ کے ملک وارث کلو مرحوم اور ان کے بیٹے معظم شیر ایم پی اے بنے تھے۔اب علاقوں میں ردوبدل سے انہیں بھی کچھ حامیوں سے محروم ہونا پڑا ہے۔

جوہر آباد ڈسٹرکٹ بار کے رکن عطااللہ جسرہ بتاتے ہیں کہ ضلع خوشاب میں حلقہ بندیوں کو نون لیگ کے امیدواروں اور ان کے سپورٹرز نے چیلنج کر رکھا ہے۔ تحریک انصاف کی طرف سے ایسی کوئی درخواست دائر نہیں کی گئی۔

حلقہ پی پی 84 سے امیدوار اور تحریک انصاف کے رہنما امجد رضا گجر نئی حلقہ بندیوں سے مطمئن ہیں۔ وہ کہتے ہیں کہ حلقہ بندیوں میں کوئی مسئلہ نہیں ہے۔علاقوں میں رد و بدل کا مطالبہ صرف نون لیگ والے ہی کر رہے ہیں۔

مسلم لیگ نون کےضلعی سینئر نائب صدر ملک اصف نواز بتاتے ہیں کہ جتنے اعتراضات دائر کیے جا رہے ہیں ان میں کسی زیادتی یا سیاسی مداخلت کی شکایت نہیں کی گئی۔ بیشتر اعتراضات شہریوں کی اپنے نمائندے تک آسانی رسائی کے لیے جمع کرائے گئے ہیں۔

خوشاب کے قومی حلقوں کی بھی &#39;تشکیل نو&#39; کر دی گئی ہے۔حلقہ این اے 87 اب وادی سون سے دامن پہاڑ تک جاتا ہے جس میں تحصیل نوشہرہ،کٹھہ سگھرال قانون گو حلقہ، کنڈ جنوبی قانونگو ئی میونسپل کمیٹی خوشاب، میونسپل کمیٹی جوہرآباد، میونسپل کمیٹی ہڈالی،میونسپل کمیٹی مٹھہ ٹوانہ وغیرہ شامل ہیں۔

اسی طرح این اے 88 میں تحصیل نور پور تھل ، تحصیل قائدآباد ، تحصیل خوشاب کی گروٹ قانونگوئی۔ جوہرآباد قانونگوئی حلقہ کے پٹوار سرکل 39 ایم بی، 45 ایم بی، 45 ایم بی، 50 ایم بی، 51 ایم بی اور ٹاؤن کمیٹی گروٹ شامل کیے گئے ہیں۔

یہاں قومی اسمبلی کی نشستوں کے حوالے سے ملک طاہر سرفراز، ملک ظفر اور ملک خان طارق محمد نے اعتراضات داخل کرائے ہیں۔ جنہوں نے این اے 87 اور این اے 88 کے کچھ علاقوں میں تبدیلی کا مطالبہ کیا گیا ہے۔

این اے 87 سے قومی اسمبلی کے امیدوار اور پیپلز پارٹی کے ٹکٹ ہولڈر محمد علی ساول بتاتے ہیں کہ اگرچہ کچھ علاقوں کے متعلق تحفظات موجود ہیں۔ پہاڑی بیلٹ سے اعوان قبیلے کے علاقں چُوھا، ڈھوکڑی، گولے والی اور وڑچھہ کو حلقہ این اے 87 کے بجائے حلقہ این اے 88 میں شامل کیا گیا ہے۔

وہ سمجھتے ہیں کہ حلقہ بندی میں کوئی مداخلت نظر نہیں آئی ۔جن افراد نے حلقہ بندیوں کو چیلنج کیا ہے انہوں نے بھی کلچرل یا ٹرائبل تقسیم کو درست کرنے کی ڈیمانڈ کی ہے۔

صحافی نعمت اللہ مسعود کی رائے مختلف ہے۔ ان کا ماننا ہے کہ سیاست دانوں نے پچھلے پانچ سال اپنے اپنے حلقہ میں محنت کی ہے۔

&quot; سارے حلقوں میں توڑ پھوڑ سے سیاسی کارکنوں کی محنت ضائع ہو گئی ہے اور اب انہیں نئےعلاقوں میں نئے سرے سے اپنا ووٹ بینک بنانا ہو گا۔&quot;

پشاور میں ایک صوبائی نشست کم ہونے سے حلقوں میں تبدیلیاں، کس کا حلقہ ختم ہو گیا؟

خوشاب میں ایک صوبائی نشست کا اضافہ، " پرانی غلطیوں کو کسی حد تک سدھار لیا گیا"

صحرائے تھل کے ضلع خوشاب کی تحصیل نورپور اور اس سے متصل شہر قائدآباد ساتھ ساتھ واقع ہیں۔ یہ دونوں علاقے کبھی چنے، گوار اور مونگ پھلی کی کاشت کے لیے مشہور تھے لیکن اب یہاں ان فصلوں کا زیرکاشت رقبہ تیزی سے کم ہوتا جا رہا ہے۔

فصل کی کمی کے نتیجے میں ان اجناس کی قیمتیں بھی آسمان کو چھو رہی ہیں۔ اس کا اندازہ یوں لگایا جا سکتا ہے کہ 2010 میں اس علاقے میں چنے کی ایک بوری کا ریٹ 3,200 روپے تھا جو اب 20 ہزار روپے میں ملتی ہے۔

اگرچہ موسمیاتی تبدیلیاں اور بیج کی قیمتوں سے لے کر ان کی بوائی، حفاظت، کٹائی اور منڈی یا گودام تک ترسیل کے اخراجات سمیت بہت سے عوامل بھی اس مہنگائی کے ذمہ دار ہیں۔ لیکن تھل کی ان تحصیلوں میں چنے اور دیگر روایتی فصلوں کی کاشت میں کمی کا ایک بڑا سبب سفیدے کا درخت بھی ہے۔

اس درخت نے پچھلے 30 سال میں تھل کے زرعی کلچر کو تبدیل کر کے رکھ دیا ہے۔ اس علاقے میں 10 ایکڑ والے زمیندار سے لے کر 100 ایکڑ کے مالک تک سبھی اپنی زمینوں پر سفیدہ اگانے کو ترجیح دینے لگے ہیں۔

نورپور کے علاقے آدھی سرگل سے تعلق رکھنے والے ملک خدا یار سلہال نے 2005ء میں پانچ ایکڑ رقبے پر سفیدہ کاشت کیا اور پانچ سال بعد یہ درخت ایک لاکھ 30 ہزار روپے فی ایکڑ کے حساب سے ساڑھے چھہ لاکھ میں فروخت کئے۔ اُس سال تھل میں فی ایکڑ پر چنے کی فصل نو ہزار 960 روپے آمدنی دے رہی تھی۔ اس طرح خدایار کو چنے کے مقابلے میں سفیدے سے 14 گنا زیادہ منافع ملا۔

تحصیل قائد آباد سے تعلق رکھنے والے ریٹائرڈ ٹیچر ملک عبدالرحمٰن اتراء آڑھت کے کاروبار سے وابستہ ہیں۔انہوں نے 2010ء میں تحصیل قائد آباد کے علاقے جے سنگھ میں 18 ایکڑ رقبہ پر سفیدہ کاشت کیا۔ وہ بتاتے ہیں کہ انہوں ںے اپنے درخت 36 لاکھ میں فروخت کیے۔انہی درختوں نے جب دوبارہ پرورش پائی تو وہ 26 لاکھ کے فروخت ہوئے۔

اس طرح 18 ایکڑ پر سفیدے سے انہیں سات سے آٹھ سال میں 58 لاکھ روپے کی آمدنی ہوئی جو وہ کسی فصل سے حاصل نہیں کر سکتے تھے۔ سفیدے کو تناور درخت بننے میں تقریباً چار سال لگتے ہیں۔

عبدالرحمٰن کے مطابق 2010ء میں سفیدہ اگانے پر ان کے فی ایکڑ اخراجات 15 ہزار روپے تھے۔ اس طرح 18 ایکڑ رقبہ پر ان کے تقریباً پونے تین لاکھ روپے خرچ ہوئے۔

محکمہ جنگلات کے مطابق اس وقت تحصیل نورپور میں مجموعی زیرکاشت رقبے کے تقریباً 50 فیصد حصے پر سفیدہ اگایا گیا ہے جبکہ قائدآباد میں یہ رقبہ 30 فیصد ہے۔

تحصیل نورپور تھل کے علاقے نور پور، روڈہ، راہداری، لُکو اور رنگ پور جبکہ تحصیل قائدآباد کے علاقے جے سنگھ، شاہ والا اور مٹھہ کھوہ بالخصوص &#39;سفیدے کے علاقے&#39; بن چکے ہیں۔

سفیدہ ہارڈ بورڈ، فرنیچر اور پلائی وڈ کی صنعت میں استعمال ہوتا ہے۔ اس کے علاوہ ماچس&nbsp; کی تیلیاں اور چھتوں کی کڑیاں بھی سفیدے سے بنائی جاتی ہیں۔ نورپور کے علاقے چن اور رنگ پور میں ہارڈ بورڈ بنانے کی دو فیکٹریاں کام کر رہی ہیں۔ سفیدے کی مانگ اور اس کی کاشت میں اضافے کے بعد میانوالی ملتان روڈ پر لکڑی سے مختلف اشیا بنانے کے چار مزید کارخانے بھی لگ رہے ہیں۔

قائدآباد میں محکمہ جنگلات کے فاریسٹ رینج آفیسر ملک عمر فاروق اتراء نے بتایا کہ آسٹریلیا سے درآمد ہونے والے اس درخت کی تھل میں کاشت کا رحجان 1990ء کی دہائی میں &quot;پنجاب فاریسٹ سیکٹر ڈیویلپمنٹ پراجیکٹ&quot; کے تحت ہوا۔

یہ پروگرام موسمیاتی تبدیلیوں اور بارشوں کے بدلتے پیٹرن کی وجہ سے تھل میں متاثر ہونے والی روایتی فصلوں کا متبادل سامنے لانے اور زمیندار کو نقصان سے بچانے کی کوششوں کے طور پر کیا گیا تھا۔

&quot;اس تجربے نے علاقے میں زراعت کو بدل کر رکھ دیا۔ اب سفیدے کی مانگ اور قیمت اس قدر بڑھ گئی ہے کہ کسی کو چنا اور گوار اگانے میں دلچسپی نہیں رہی اور اسے صرف ناگزیر ضروریات پوری کرنے کے لیے ہی کاشت کیا جاتا ہے۔&#39;&#39;

تھل میں سفیدے کی کاشت کے تین طریقے معروف ہیں جن میں سے ایک ٹھیکیداری نظام، دوسرا حصہ داری نظام اور تیسرا زمینداروں کا نجی پراجیکٹ کہلاتا ہے۔

ٹھیکیداری نظام کے تحت زمیندار اپنی زمین ٹھیکے دار کو دیتا ہے جس پر سفیدہ کاشت کرنے کے لیے زمین میں بور کروانے اور پانی کھینچنے کے لیے پیٹر انجن کا بندوبست کرنے کی ذمہ داری ٹھیکے دار کی ہوتی ہے۔ ٹھیکیدار تین ماہ تک درختوں کی حفاظت اور نگہداشت کا ذمہ دار ہوتا ہے اور معاہدے کی مدت ختم ہونے پر زمیندار کو فی ایکڑ پرورش شدہ درخت پورے کر کے دینے کا پابند ہوتا ہے۔

حصہ داری نظام میں زمیندار کسی دوسرے فرد سے سفیدے کی کاشت کا معاہدہ کر لیتا ہے۔ اس طریقے میں رقبہ زمیندار مہیا کرتا ہے جبکہ سفیدے کی کاشت نگہداشت اور اس کے متعلق تمام انتظامات حصہ دار کے ذمہ ہوتے ہیں۔

آج کل جو معاہدے چل رہے ہیں ان کے مطابق سفیدے کی نگہداشت و پرورش کی مدت پانچ تا سات سال مقرر کی جاتی ہے۔ حصہ دار کا فروخت کے بعد حاصل ہونے والی رقم میں تیسرا یا دوسرا حصہ ہوتا ہے۔ جب اسی سفیدے کی دوسری نسل فروخت ہوتی ہے تو اس میں سے حصہ دار کو کچھ نہیں ملتا۔ تاہم جب تک سفیدے کا جنگل موجود رہتا ہے اس کے فروخت ہونے والے پتوں میں حصہ دار اور زمیندار دونوں کا حصہ ہوتا ہے۔

تیسرے طریقے میں زمیندار خود رقبہ تیار کرتا ہے، مزدوروں کی مدد سے زمین میں سفیدہ کاشت کرواتا ہے اور زمین میں پانی کے لیے بور اور پیٹر انجن کا بندوبست بھی خود کرتا ہے۔ کاشت کاروں کے بقول یہ طریقہ باقی دونوں طریقوں سے زیادہ منافع بخش ہے اور اس میں درختوں کی دیکھ بھال بھی بہت اچھی ہوتی ہے۔

<h2>سفیدہ: فائدہ مند یا نقصان دہ؟</h2>

سفیدے کو &#39;پانی چوسنے والا درخت&#39; سمجھا جاتا ہے اور عام رائے کے مطابق اس کا ایک درخت روزانہ قریباً چالیس گیلن پانی کھینچتا ہے جس سے زیرزمین پانی کی سطح کم ہوجاتی ہے۔ لیکن ملک عبدالرحمن اسے زمین کے لیے فائدہ مند درخت سمجھتے ہیں۔

&#39;&#39;جب سفیدے کی کاشت کو ختم کر کے زمین کو دیگر فصلوں کے لیے تیار کیا جاتا ہے تو اس کی زرخیزی میں اضافہ ہو جاتا ہے کیونکہ اس کی جڑیں افقی انداز میں 50 سے 70 فٹ تک پھیلی ہوتی ہیں۔ اس طرح جب زمین کھودی جاتی ہے تو اوپر والی مٹی نچلی اور ذرخیز مٹی سے تبدیل ہو جاتی ہے۔&#39;&#39;

عمر فاروق اتراء سفیدے کو بے تحاشہ پانی پینے والا درخت نہیں سمجھتے اور اپنے اس دعوے کے حق میں یہ دلیل دیتے ہیں کہ مٹھہ کھوہ، جے سنگھ ور ملحقہ علاقوں میں ایک دہائی پہلے ٹیوب ویل کا بور 100 سے ایک 120فٹ پر ہوتا تھا اور آج بھی یہ سطح برقرارر ہے۔

ان کا کہنا ہے کہ یہ بات بھی تحقیق کی متقاضی ہے کہ سفیدے کی پانچ من لکڑی تیار ہونے کےلیے کتنا پانی استعمال کرتی ہے اور شیشم یا بیری کی پانچ من لکڑی کتنا پانی استعمال کرنے کے بعد تیار ہوتی ہے؟ وہ بتاتے ہیں کہ سفیدہ زیادہ سے زیادہ پانچ برس میں تیار ہو جاتا ہے اور شیشم کا درخت جوان ہونے میں دو دہائیوں سے بھی زیادہ وقت لیتا ہے۔

تاہم ایگریکلچر افسر ملک وقاص سلہال اس توجیہ سے اتفاق نہیں کرتے۔ ان کا کہنا ہے کہ سفیدے کے درخت کی بے تحاشا کاشت زیر زمین پانی کے ذخائر کو متاثر نہ بھی کرے تو تب بھی یہ درخت زمین کے بالائی حصے میں پانی کو پوری طرح چوس لیتا ہے جس سے زمینی سطح خشک ہونے لگتی ہے اور دیگر فصلوں یا درختوں کے لیے پانی نہیں بچتا۔

سفیدے کے حوالے سے زرعی ماہرین کی آرا بھی وقاص سلہال کی تصدیق کرتی ہیں جن کا کہنا ہے سیم اور شور زدہ علاقے ہی اس درخت کی کاشت کے لیے موزوں ہیں یا پھر اسے ایسی جگہوں پر کاشت کیا جانا چاہیے جہاں کوئی فصل کاشت نہ ہوتی ہو۔ علاوہ ازیں اگر کسی نہری رقبے پر دھان، کماد اور گندم وغیرہ کاشت ہوتی ہو تو وہاں سفیدے کی موجودگی فصلوں کو شدید نقصان پہنچائے گی۔

ماہرین کا یہ بھی کہنا ہے کہ ایسے علاقے جہاں دیگر مقامی یا روایتی درخت جیسا کہ شیشم، پیپل یا بیری موجود ہوں وہاں سفیدہ اگانا نقصان دہ ہے۔ اسی طرح چراگاہوں یا پرندوں کے مساکن، پتھریلے علاقوں، زرعی رقبے پر پگڈنڈیوں اور کھالوں کے کناروں پر بھی اس درخت کو اگانا ٹھیک نہیں ہے۔

زرعی مقاصد کے لیے پانی کی کمی، ڈیزل کی بڑھتی ہوئی قیمتوں اور بارشوں کے بدلتے پیٹرن میں زمینداروں کو سفیدے سے زیادہ منافع بخش کوئی اور چیز دکھائی نہیں دیتی۔ تھل میں میں اب نہری رقبوں پر بھی لوگوں نے روایتی فصلوں کے بجائے سفیدہ اگانا شروع کر دیا ہے جسے دیکھتے ہوئے یوں لگتا ہے کہ آںے والے وقت میں یہاں کے کسان چنے اور گوارے کی طرح گندم، کماد اور چاول کی کاشت سے بھی منہ موڑ لیں گے۔

جہان خان

جہان خان کا تعلق ضلع خوشاب کی تحصیل قائد آباد سے ہے۔ پنجاب ہائیر ایجوکیشن ڈیپارٹمنٹ میں بطور لیکچرر (ہسٹری) ملازم ہیں۔ لٹریچر اور تاریخ کے مضامین میں خصوصی دل چسپی ہے.

خوشاب میں ماضی کے اتحادی آمنے سامنے، مخالف ایک دوسرے کے مددگار بن گئے

خوشاب میں ایک صوبائی نشست کا اضافہ، " پرانی غلطیوں کو کسی حد تک سدھار لیا گیا"

تھل میں کسانوں نے روایتی فصلوں کی کاشت سے منہ موڑ لیا، چنے، مونگ پھلی اور گوار کے کھیت سکڑنے لگے