Explore the pressing issue of poor solid waste management in Quetta, Pakistan, and its impact on the environment and public health. Learn about the challenges faced and potential solutions to

Addressing Quetta's Solid Waste Management Crisis: Challenges and Solutions

پھلوں اور سیاحت کا شہر کوئٹہ ہر گزرتے دن کے ساتھ کچرے اور پلاسٹک کے ڈھیر میں تبدیل ہوتا جا رہا ہے۔ لیکن سرکاری محکمے، غیرسرکاری تنظیمیں اور نجی ادارے مل کر بھی اس مسئلے کا موثر حل نہیں نکال پا رہے۔

بلوچستان کے ساڑھے تین ہزار مربع کلومیٹر رقبے پر پھیلے صوبائی دارالحکومت کی آبادی 12 لاکھ سے زائد ہو چکی ہے جہاں میٹروپولیٹن کارپوریشن کے مطابق روزانہ 16 سے17 سو ٹن کچرا پیدا ہوتا ہے۔

لیکن بدقسمتی سے میٹروپولیٹن کارپوریشن میں روزانہ پانچ سو ٹن سے زیادہ کوڑا شہر سے باہر نکالنے کی صلاحیت ہی نہیں ہے جس کا مطلب یہ ہے کہ شہر میں روازنہ گیارہ سے بارہ سو ٹن کوڑا جمع ہو رہا ہے یا پھر جلایا جا رہا ہے۔ یعنی دونوں صورتوں میں شہر ناقابل رہائش ہوتا جا رہا ہے۔

حاجی شہزادہ کوئٹہ میں قائم واحد &#39;ری سائیکلنگ پلانٹ&#39; کے مالک ہیں۔ وہ بتاتے ہیں کہ شہر کے کوڑے میں کم از کم ساڑھے پانچ ٹن پلاسٹک شامل ہوتا ہے جس کے لیے انہوں نے 2008ء میں میونسپل کارپوریشن کے ساتھ ایک معاہدے کے تحت &#39;ری سائیکلنگ پلانٹ&#39; لگایا تھا۔

ری سائیکلنگ پلانٹ میں ویسٹ منیجمنٹ کے نمائندے سلمان علی بتاتے ہیں کہ 29 سالہ لیز ایگریمنٹ میں طے پایا تھا کہ ٹھیکیدار ری سائیکلنگ پلانٹ لگانے کے لیے سرمایہ کاری کرے گا جبکہ میٹرو پولیٹن کارپوریشن یومیہ پانچ سو ٹن کچرا پلانٹ تک پہنچائے گی۔ ان کی کمپنی نے یہ ٹھیکہ ٹینڈر کے ذریعے حاصل کیا تھا۔

حاجی شہزادہ کہتے ہیں کہ 2008ء میں ری سائیکلنگ پلانٹ پر لگ بھگ 10 کروڑ روپے خرچ ہوئے تھے جس میں مختلف قسم کا کوڑا ری سائیکل کیا جانا تھا۔ لیکن بنیادی مقصد کوئٹہ شہر سے پلاسٹک کے ڈھیروں پر قابو پانا تھا۔

ان کا کہنا تھا کہ پلانٹ کی یومیہ ری سائیکلنگ صلاحیت ایک ہزار ٹن ہے لیکن مطلوبہ مقدار میں کچرا نہ ملنے کی وجہ سے کچھ عرصے بعد پلانٹ بند کرنا پڑا تھا۔ جونہی پلانٹ بند ہوا شہر میں کباڑیوں نے جگہ جگہ دکانیں (گودام) کھول لیں اور ڈور ٹو ڈور کچرا جمع کرنے کے لیے بچوں کو کام پر لگا دیا۔

ان کا کہنا تھا کہ شہر کا کچرہ اٹھانا اور پلانٹ تک لانا میٹروپولیٹن کارپوریشن کی ذمہ داری ہے لیکن جب پلانٹ دوبارہ فعال ہوا تو چند دنوں تک 40 ٹرک یعنی تقریباً 300 ٹن کچرا روزانہ پہنچایا جاتا رہا۔ جبکہ کارپویشن نے یومیہ 500 ٹن سپلائی دینی تھی۔

&quot;ہمارے پاس پہنچنے والے کچرے میں پلاسٹک نہ ہونے کے برابر تھی جس کے لیے ہم نے سرمایہ کاری کی تھی۔ میں نے کارپوریشن کو پیشکش کی ہے کہ آپ کباڑیوں والا پلاسٹک کا کام بند کرائیں میں شاپر جمع کرنے والے بچوں کو روزانہ کا معاوضہ دینے کے لیے بھی تیار ہوں لیکن کوئی فائدہ نہیں ہوا&quot;۔

&quot;ہمارے پلانٹ میں پلاسٹک ری سائیکل کر کے بوریاں، رسی اور پلاسٹک کے ڈبے بنائے جاتے ہیں۔ لیکن مجھے خدشہ ہے اگر حکومت نے کوئی موثر اقدام نہ کیا تو کوئٹہ شہر میں پلاسٹک اور کچرا جمع ہو جائے گا&quot;۔

میٹروپولیٹن کارپوریشن کوئٹہ کے ایڈمنسٹریٹر عبدالجبار بلوچ تصدیق کرتے ہیں کہ شہر میں روزانہ 16 سے 17سو ٹن کچرا پیدا ہوتا لیکن ان کا دعویٰ ہے کہ یومیہ 700 ٹن کچرہ اٹھا لیا جاتا ہے۔ جبکہ ری سائیکلنگ پلانٹ کے اعداد و شمار اس دعوے کو بھی درست ثابت نہیں کرتے۔

ایڈمنسٹریٹر بتاتے ہیں کہ کارپوریشن کے پاس کل 95 ڈمپر اور 78 چھوٹی گاڑیاں ہیں جن کے ساتھ دہاڑی دار مزدوروں سمیت 400 ملازم کام کرتے ہیں جو شہر کا پورا کچرا اٹھانے کے لیے کافی نہیں ہیں۔

&nbsp;انوائرمنٹل سوشیالوجسٹ ڈاکٹر جانان کاکڑ بتاتے ہیں کہ شہروں میں نالیوں اور سیوریج کی بندش کے علاوہ بھی پلاسٹک کے بے شمار نقصانات ہیں۔ لیکن دنیا بھر میں پلاسٹک کے اندھا دھند استعمال کی بڑی وجہ اس کی کم قیمت اور ہر جگہ دستیابی ہے۔

وہ بتاتے ہیں کہ دنیا بھر میں پلاسٹک کے سالانہ تقریباً 500 بلین تھیلے استعمال ہوتے ہیں جبکہ پاکستان میں سالانہ 60 ارب پلاسٹک تھیلیاں استعمال ہوتی ہیں۔ اس طرح ہر منٹ میں دس لاکھ سے زیادہ پولی تھین بیگ عالمی ماحولیات کو تباہ کر رہے ہیں۔

وہ کہتے ہیں کہ بظاہر تو پلاسٹک گل جاتا ہے لیکن کبھی مکمل طور پر ختم نہیں ہوتا۔ بلکہ چھوٹے چھوٹے ذرات میں بدل جاتا ہے جو ہوا یا پانی کے ذریعے جانوروں، انسانوں اور سمندری حیات کو شدید متاثر کرتے ہیں۔ جبکہ پلاسٹک کی ایک بوتل کو لینڈ فل سائٹ پر گلنے میں 450 سال لگ سکتے ہیں۔

&nbsp;ادارہ تحفظ ماحولیات بلوچستان کے فوکل پرسن محمد علی کاکڑ بتاتے ہیں کہ ان کا ادارہ صوبے میں 23 سال سے پلاسٹک کے خلاف کام کر رہا ہے جس کے لیے ہر قسم کے پلاسٹک کے استعمال پر مکمل پابندی عائد کی گئی اور آگاہی مہم بھی چلائی گئی۔

تاہم وہ کہتے ہیں کہ شاپنگ بیگ کا ایک بار استعمال (سنگل ٹائم یوز) بہت زیادہ ہے اور یہ بازار میں باآسانی دستیاب ہے۔ جس کی وجہ سے شاپر کے مسئلے پر قابو پانا خاصا مشکل تھا۔

&quot;اس لیے ہم نے فیصلہ کیا کہ 50 مائیکرون موٹائی کے پلاسٹک بیگز بنانے کی اجازت دے دی جائے اور اگر کوئی نجی ادارہ یہ بیگز کوئٹہ میں بنانا چاہے تو ادارہ تحفظ ماحولیات اس کی مانیٹرنگ کرے گا۔ تاکہ یہ بیگ ایک سے زیادہ مرتبہ استعمال ہو سکے۔ لیکن پھر تاجروں نے اس کی قیمت پر اعتراضات اٹھا دیے&quot;۔

انہوں نے بتایا کہ کوئٹہ میں بیگ کی تیاری اور قیمتوں پر اعتراضات کے بعد ادارہ تحفظ ماحولیات نے جولائی 2023ء میں صوبائی اسمبلی سے قانون منظور کرایا جس کے تحت 50 مائیکرون سے کم موٹائی والے پلاسٹک بیگ کی تیاری خرید و فروخت، نمائش، ذخیرہ اندوزی، ایکسپورٹ اور امپورٹ پر پابندی عائد کی گئی۔ خلاف ورزی پر چھ ماہ قید یا پانچ لاکھ روپے جرنامہ یا بیک وقت دونوں سزائیں تجویز کی گئی ہیں۔

فوکل پرسن کا کہنا تھا کہ بل پاس ہونے کے بعد تین ماہ میں پلاسٹک کی درآمد اور برآمد پر پابندی لگانے کا فیصلہ کیا گیا تھا اور طے پایا تھا کہ اگلے تین مہنے میں پلاسٹک کی خرید و فروخت پر مکمل پابندی لگا دی جائے گی۔ لیکن اس قانون پر عمل نہیں ہو سکا۔

&nbsp;ان کے مطابق قانون کا نفاذ اس لیے نہیں ہو سکا کہ پلاسٹک کی سمگلنگ ہو رہی ہے اور پہلے مرحلے میں پلاسٹک کی امپورٹ کو روکنا ضروری ہے۔ اس ضمن میں کوسٹ گارڈ، کسٹمز اور تمام ڈپٹی کمشنرز کو ہدایات جاری کر دی گئی ہیں۔ پلاسٹک کی سمگلنگ اور امپورٹ روکے جانے کے بعد دکانداروں کے خلاف ایکش لیا جائے گا۔

کوئٹہ میں ماحولیاتی تبدیلیوں کے حوالے سے کام کرنے والی غیر سرکاری تنظیم ایجوکیشنل یوتھ امپاورمنٹ کے ڈائریکٹر محمد سمیع خان شارق بتاتے ہیں کہ ان کی تنظیم نے پانچ ماہ قبل&nbsp; پلاسٹک بیگ کے متبادل کے طور پر کپڑے کے تھیلے بنانے کا ایک آزمائشی منصوبہ شروع کیا ہے۔

&quot;ہم نے ابتدائی طور پر ایک لاکھ بیگز بنانے کا ہدف رکھا ہے جن کو بنانے کا کام جاری ہے۔ ہم نے تاجروں کو پیشکش کی ہے کہ وہ ان تھیلوں پر اپنے برانڈز کے ٹرید مارک لگوا لیں۔ بظاہر کپڑے کے تھیلے مہنگے پڑتے ہیں لیکن کئی بار استعمال ہو سکتے ہیں&quot;۔

بلوچستان میں پلاسٹک بیگز پر پابندی کے قوانین پر دکان داروں کو شدید تحفظات ہیں۔

انجمن تاجران کے صدر رحیم آغا کہتے ہیں کہ حکومت شاپنگ بیگز کا استعمال روکنے کے لیے دکانداروں پر تو دباو ڈال رہی ہے لیکن دنیا بھر سے درآمدی اشیاء پلاسٹک پیکنگ میں آ رہی ہیں اور سرحدوں سے پلاسٹک کی کھلے عام سمگلنگ ہو رہی ہے۔ جبکہ حکومت دونوں کو نہیں روک سکی۔

دو ماہ قبل نگراں وزیر اعلیٰ مردان ڈومکی کی زیر صدارت اجلاس ہوا تھا جس میں پولی تھین بیگز کے استعمال پر مکمل پابندی، کوئٹہ شہر کے کچرے کی آؤٹ سورسنگ اور سالڈ ویسٹ مینجمنٹ کے نظام کو موثر بنانے کا فیصلہ کیا گیا تھا۔

تاہم اس کے بھی کوئی نتائج سامنے نہیں آئے۔ کوئٹہ شہر میں پلاسٹک بیگ کے استعمال کا خاتمہ تو دور کچرے کے ڈھیر بھی ختم نہیں کیے جا سکے۔

کوئٹہ کی گلیوں سڑکوں پر کچرے کے ڈھیر: باغوں کے شہر کا تعفن کیسے ختم ہو گا؟

کوئٹہ شہر کچرے اور پلاسٹک کا ڈھیر کیوں بنتا جا رہا ہے؟

text

پی بی- 43 کوئٹہ: ٹکٹ نہ ملنے پر آزاد امیدوار کی حیثیت سے الیکشن لڑنے والی خاتون سیاست دان، ثنا درانی

video

عبدالصبور کاسی: پاکستان کے پہلے معذور شخص جو انتخابات میں حصہ لینے جا رہے ہیں

ضلع ژوب سے 120 کلومیٹر کے فاصلے پر واقع کلی درے خان زئی کے بہرام خان کی بھابھی اور پھر بیوی یکے بعد دیگرے دوران زچگی فوت ہو گئیں۔

&nbsp;زچگی سے قبل اپنی اہلیہ کو اومژہ کے بنیادی مرکز صحت لے جانے لگے تو معلوم ہوا کہ وہاں ضروری ادویات نہیں ہیں۔ اس کے بعد انہوں نے ژوب شہر کا رخ کیا لیکن راستہ خراب ہونے کی وجہ سے انہیں دیر ہو گئی۔

ان کا کہنا ہے کہ جب وہ ڈسٹرکٹ ہیڈ کوارٹرز ہسپتال پہنچے تو وہاں لیڈی ڈاکٹر نہیں تھی اور نہ ہی کوئی طبی سہولیات میسر تھیں۔ ہسپتال انتظامیہ نے انہیں سی ایم ایچ لے جانے کو کہا تاہم وہاں جاتے ہوئے راستے میں ہی ڈلیوری ہو گئی۔ اس دوران خون بہت ضائع ہوا اور جیسے ہی وہ سی ایم ایچ پہنچے تو ان کی اہلیہ زندگی کی بازی ہار چکی تھیں۔&quot;

بہرام خان نے بتایا کہ اس وقت پیدا ہونے والا ان کا بیٹا اب 18 ماہ کا ہے جس کی پرورش ان کی دادی کرتی ہیں۔

&quot;اہلیہ کی وفات سے پہلے میرے بڑے بھائی کی اہلیہ بھی اسی طرح وفات پا گئی تھیں۔ دونوں کے بچے ماں کی ممتا سے محروم ہیں۔ یہ صرف میرے خاندان کا معاملہ ہی نہیں بلکہ علاقے میں بہت سی خواتین کی دوران زچگی موت ہو چکی ہے۔&quot;

ضلع ژوب کی آبادی تین لاکھ 55 ہزار ہے اور اس میں اضافے کی شرح 2.30 فیصد ہے۔

دوسری جانب ضلع کی تقریباً ساڑھے تین لاکھ آبادی کے لیے واحد ڈی ایچ کیو ٹیچنگ ہسپتال میں زچگی کی سہولیات کا فقدان ہے۔

ہسپتال کے میڈیکل سپرنٹنڈنٹ نورالحق کاکڑ کے مطابق ہسپتال میں روزانہ اوسطاً 50 حاملہ عورتیں آتی ہیں۔ ان میں دو سے تین کیس سی ایم ایچ ژوب یا کوئٹہ منتقل کیے جاتے ہیں۔ انہوں نے بتایا کہ ضلع ژوب کے ٹیچنگ ہسپتال میں نو لیڈی ڈاکٹر تعینات ہیں جن کی ڈیوٹی شفٹوں کی بنیاد پر ہوتی ہے۔ البتہ ٹیچنگ ہسپتال میں زچہ و بچہ کے لیے بلڈ بینک، نرسری اور مستقل ماہر اطفال نہیں ہیں۔

بنیادی طبی سہولیات کی عدم دستیابی کے باعث ضلع ژوب میں سالانہ لگ بھگ 15 عورتیں دوران زچگی فوت ہوتی ہیں۔

بلوچستان کے ڈائریکٹریٹ ہیلتھ کے دفتر کے مطابق ضلع ژوب کے ڈی ایچ کیو ٹیچنگ ہسپتال میں رواں سال جنوری سے ستمبر تک 610 حاملہ عورتوں کا چیک اپ کیا گیا اور 68 بچوں کی پیدائش ہوئی۔ اس دوران کوئی ڈلیوری آپریشن سے نہیں ہوئی اور نہ کسی زچہ و بچہ کی موت واقع ہوئی۔

میٹرنل مورٹیلٹی سروے 2019ء کے مطابق پاکستان میں زچگی کے دوران ایک لاکھ میں سے 186 عورتیں جاں بحق ہو جاتی ہیں۔ بلوچستان میں یہ تناسب دوسرے صوبوں کی نسبت سب سے زیادہ ہے جہاں دورن زچگی ایک لاکھ میں سے 298 خواتین جانبر نہیں ہو پاتیں۔

&nbsp;محکمہ صحت کے ایک افسر نے نام ظاہر نہ کرنے کی شرط پر بتایا کہ ضلع ژوب سے انہیں ملنے والی تمام رپورٹوں میں نارمل ڈلیوری ظاہر کی گئی ہوتی ہیں۔

&quot;ژوب میں ہسپتال انتظامیہ زچگی کے سنجیدہ کیس داخل نہیں کرتی۔ ہسپتال انتظامیہ چاہتی ہے کہ کیس سے جان چھڑائے اس لیے اسے کہیں اور ریفر کر دیتی ہے۔&quot;

نورالحق ہسپتال میں زچگی سے اموات نہ ہونے کا سبب سہولیات کی عدم دستیابی کو قرار دیتے ہیں۔ ان کا کہنا ہے کہ شعبہ صحت سے منسلک افراد نجی طور پر تسلیم کرتے ہیں کہ ضلع ژوب میں سالانہ متعدد عورتیں دوران زچگی فوت ہوتی ہیں جس کی بڑی وجہ ضلعی ٹیچنگ ہسپتال میں سہولیات کی عدم دستیابی، دور دراز علاقوں میں صحت کے بنیادی مراکز کا غیرفعال ہونا یا ان میں سہولیات کا فقدان ہے۔

ژوب کے بیشتر علاقوں میں بنیادی صحت کے مراکز غیرفعال ہیں یا جزوی طور پر فعال ہیں۔ ان میں مہینوں بعد ادویات آتی ہیں جو چند روز میں ختم ہو جاتی ہیں۔

دور دراز کے علاقوں کے لوگ بھی دوران زچگی اموات کی تصدیق کرتے ہیں۔ ان کے مطابق کلی خواجہ زئی میں پچھلے پانچ سال میں دوران زچگی 12 عورتوں کی موت ہوئی۔ اسی طرح ژوب سے 90 کلومیٹر کے فاصلے پر واقع کلی دانہ عبد اللہ زئی میں پچھلے ایک سال کے دوران 10 خواتین زچگی کے دوران موت میں منہ میں چلی گئیں۔

پورے ضلع صحبت پور میں ایک لیڈی ڈاکٹر: 'ایسا نہ ہوتا تو بیٹی کے سر پر ماں کا سایہ سلامت ہوتا'

ژوب میں زچہ بچہ کی اموات کی بلند شرح، ڈی ایچ کیو ہسپتال سے 'سب اچھا' کی رپورٹ

محمد طاہر کی شادی 2004 میں ہوئی اور ان کے ہاں دس بچوں نے جنم لیا جن میں سے دو وفات پا چکے ہیں۔ ان دونوں کی موت شدید غذائی قلت کا نتیجہ تھی۔ ان دنوں ان کا ڈیڑھ سالہ سب سے چھوٹا بیٹا بھی غذائی قلت کے باعث شدید جسمانی کمزوری کا شکار ہے جس کی حالت روز بروز بگڑتی جا رہی ہے۔

طاہر اکثر بے روزگار رہتے ہیں اور ان کی اہلیہ کی صحت بھی اچھی نہیں ہے جس کے باعث وہ بچے کو اپنا دودھ نہیں پلا سکتیں۔ اس لیے جب ان کے پاس پیسے ہوں تو وہ بچوں کے لیے خشک دودھ لے آتے ہیں۔ کبھی انہیں اپنے چھوٹے بچوں کو بکریوں کا دودھ پلانا پڑتا ہے جس سے ان کا پیٹ اکثر خراب رہتا ہے۔

اس گھرانے کا تعلق بلوچستان کے ضلع ژوب کی یونین کونسل اشیوت سے ہے۔ یہ 60 گھروں پر مشتمل گاؤں ہے جہاں واحد طبی سہولت ایک بنیادی مرکز صحت ہے جس پر ایک مرد نرس تعینات ہے۔

طاہر بتاتے ہیں کہ اس مرکز صحت میں اگرچہ بنیادی نوعیت کی دوائیں میسر ہوتی ہیں لیکن غذائیت کے حوالے سے کسی قسم کی مدد دستیاب نہیں ہے۔

&nbsp;&quot;کئی سال پہلے یہاں غذائی مدد بھی فراہم کی جاتی تھی جس سے خوراک کی قلت کا شکار بچہ اور ماں دونوں تندرست ہوجاتے تھے۔ لیکن اب ایسا کچھ بھی میسر نہیں ہے۔ ہم نے سنا ہے کہ ژوب شہر اور قریبی علاقوں میں اب بھی غذائی مدد دی جاتی ہے لیکن ہمارے گاؤں کے لوگوں کی مشکلات پر کسی نے توجہ نہیں دی۔&quot;

بنیادی مرکز صحت میں تعینات نرس نے بتایا کہ جب غذائی قلت پر قابو پانے کا پروگرام چل رہا تھا تو اس وقت وہ سٹرپنگ سے معلوم کر لیتے تھے کہ کون سا بچہ یا خاتون غذائی قلت کا شکار ہے لیکن اب اس مرکز صحت میں یہ پروگرام بند ہو گیا ہے اس لیے ان کے پاس غذائی قلت کی نشاندہی کرنے والا آلہ نہیں ہے۔ تاہم وہ مریض کی جسمانی حالت دیکھ کر اندازہ لگا لیتے ہیں کہ آیا وہ غذائی کمی کا شکار ہے یا نہیں۔ اب ایسے لوگوں کو صرف مشورہ ہی دیا جا سکتا ہے کہ وہ شہر جا کر کسی غذائی پروگرام سے مدد حاصل کریں۔

ژوب کے نیوٹریشن کوارڈینیٹر اجمل خان مندوخیل&nbsp; بتاتے ہیں کہ ضلع میں غذائی قلت پر قابو پانے کے لیے 5 آوٹ پیشنٹ تھیراپیٹک سنٹر یا او ٹی پی مراکز ہیں جن میں سول ہسپتال ژوب، بنیادی صحت مرکز صحت یونین کونسل گردا بابر، آر ایچ سی یونین کونسل شیخان،&nbsp; یول ڈسپنسری یونین کونسل بادینزئی اور کمیونٹی سنٹر ناصرآباد شامل ہیں۔

انہوں نے واضح کیا کہ بلوچستان کا نیوٹریشن پروگرام ژوب میں بھی فعال ہے جس کیلئے مالی تعاون عالمی ادارہ برائے خوارک، ڈبلیو ایف پی، یونیسف، صحت کا عالمی ادارہ ڈبلیو ایچ او اور یو ایس ایڈ کرہے ہیں جبکہ ایمرجنسی ریلیف فار ریفیوجیز پروگرام سے 6 سے 59 ماہ کی عمر کے بچوں کوغذائی خوراک فراہم کی جا رہی ہے۔

متعدد مراکز صحت پر غذائی مدد میسر نہ ہونے کے حوالے سے ایک سوال کے جواب میں انہوں ںے بتایا کہ 2022 کے پہلے چھ مہینے میں سہ ماہی بنیادوں پر ان کے ضلعے کو ایک ہزار کارٹن غذائی خوراک (ریڈی ٹو یوز تھیراپیٹک فوڈ، آی ایف اے یا آئرن فولک ایسڈ کی گولیاں) موصول ہوئی جس کے بعد دسمبر تک امداد بند رہی جبکہ رواں سال جب دوبارہ غذائی قلت پر قابو پانے اک پروگرام دوبارہ شروع ہوا تو تب سے مہنے میں سو کارٹن ملتے ہیں جو کافی نہیں ہوتے۔

&nbsp;پولیو پروگرام ای پی آئی سے اخذ شدہ اعداد و شمار کا حوالہ دیتے ہوئے اجمل خان نے بتایا کہ ضلع ژوب کی پانچ یونین کونسلوں میں غذائی قلت کا شکار افراد کی تعداد 18 ہزار 215 ہے جن میں 7015 دودھ پلانے والی یا حاملہ خواتین ہیں۔

مراد بی بی( فرضی نام)&nbsp; کا تعلق ضلع ژوب سے تقریبا 60 کلو میٹر کے فاصلے پر واقع ایک گاوں سے ہے۔ وہ ہر تین مہینے بعد ژوب کے بازار میں واقع ایک کلینک آتی ہیں جہاں انہیں اور ان کے بچے کو سہ ماہی بنیاد پر 15 سے 20 ہزار روپے مالیت کی ایسی ادویات دی جاتی ہیں جن سے غذائی قلت پوری ہو جاتی ہے۔

وہ بتاتی ہیں کہ ان کی عمر 35 سال ہے اور ان کے چار بچے ہیں، سب سے چھوٹا بیٹا دو مہینے کا ہے جس کو وہ اپنا دودھ پلاتی ہیں۔ ان کا کہنا ہے کہ خرابی صحت کےباعث ان کا دوودھ بچے کے کافی نہیں ہوتا۔ علاوہ ازیں دودھ پلانے کے بعد خود انہیں درد ہونے لگتا ہے اور چکر آتے ہیں۔ چونکہ ان کے علاقے میں غذائیت کے حوالے سے سرکاری سطح مدد میسر نہیں اس لیے انہیں یہاں آنا پڑتا ہے۔

طبی ماہر ڈاکٹر جمیلہ کا کہنا ہے کہ جو مائیں اپنے بچوں کو دودھ نہیں پلا پاتیں یا انہیں درست طریقے سے دودھ پلانا نہیں آتا ان کے بچے بھوکے رہتے ہیں اور رفتہ رفتہ غذائی قلت کا شکار ہو جاتے ہیں۔ اس کے علاوہ بچے کو ایسی بوتل میں دودھ پلایا جائے جو صاف نہ ہو تو اس کا پیٹ خراب ہو جاتا ہے اور قے و اسہال کے نتیجے میں اس کے جسم سے ضروری نمکیات خارج ہو جاتے ہیں جو غذائی قلت کا سبب بنتے ہیں۔

&quot;جب ماں کی اپنی بنیادی غذا پوری نہ ہو اور وہ ہر سال بچے پیدا کرے گی تو ماں اور بچے دونوں کی صحت پر اثر پڑےگا۔ بچوں میں کم سے کم دو سال کا وقفہ ضروری ہے۔ ایک تو اس سے ماں دوبارہ صحت یاب ہو گی جبکہ اس طرح بچے کو بھی ماں کا دودھ مکمل طور پر مل جائے گا اور یوں دونوں کسی حد تک غذائی قلت کے خطرے سے بچ جائیں گے۔&quot;

ضلع ژوب کی آبادی ساڑھے تین لاکھ سے زیادہ ہے اور یہاں تقریباً 50 ہزار گھرانے آباد ہیں۔ یہاں آبادی میں اضافے کی سالانہ شرح 2.30 فیصد ہے۔ غذائیت کے حوالے سے قومی سروے 2018 کے مطابق ضلع ژوب میں شدید غذائی قلت کا شکار بچوں کی تعداد میں سالانہ سات فیصد کی شرح سے اضافہ ہو رہا ہے۔

بلوچستان میں پانی کی قلت اور خشک سالی کے حالیہ ادوار نے صوبے کے 33 اضلاع میں سے 20 کو شدید متاثر کیا ہے۔ سرکاری اعدادوشمار کے مطابق تقریباً ایک لاکھ خاندان اور سترہ لاکھ مال مویشی پانی کی قلت اور خشک سالی سے بری طرح متاثر ہوئے ہیں جس سے صحت اور غذائیت کے سنگین مسائل نے جنم لیا ہے۔

اجمل خان کے مطابق غذائی پروگرام کا آغاز بنیادی مراکز صحت میں شروع کرنا ہوتا ہے لیکن اکثر علاقوں میں اول صحت کی سہولیات سرے سے ہی موجود ہی نہیں اور اگر ہیں بھی تو وہ غیر فعال ہیں۔ لوگ مراکز صحت میں ڈیوٹی دینے سے پرہیز کرتے ہیں یا سرے سے وہاں جاتے ہی نہیں۔ 
ڈی ایچ او ژوب کے دفتر سے ملنے والی اطلاعات کے مطابق ضلع کے بیشتر علاقوں میں مراکز صحت غیرفعال یا جزوی فعال ہیں جن میں مہینوں بعد بنیادی ضرورت کی ادویات آتی ہیں جو ایک سے دو روز میں تقسیم ہو کر ختم ہو جاتی ہیں۔

اجمل خان کے مطابق ضلع میں موجودہ پانچ او ٹی پیز سے غذائی قلت پر قابو پانا مشکل ہے۔ اسی لیے مدد کے لیے یونیسف سے رابطہ کیا گیا جس کی طرف سے یقین دہانی کرائی گئی ہے کہ ضلع ژوب کی ان یونین کونسلوں میں مزید 10او ٹی پیز سنٹر بنائے جائیں گے جہاں غذائی قلت کا شکار افراد کی تعداد سب سے زیادہ ہے

عطا کاکڑ

کوئٹہ سے تعلق رکھنے والے عطا کاکڑ فری لانس صحافی ہیں۔

کوئٹہ شہر کچرے اور پلاسٹک کا ڈھیر کیوں بنتا جا رہا ہے؟

پی بی- 43 کوئٹہ: ٹکٹ نہ ملنے پر آزاد امیدوار کی حیثیت سے الیکشن لڑنے والی خاتون سیاست دان، ثنا درانی

عبدالصبور کاسی: پاکستان کے پہلے معذور شخص جو انتخابات میں حصہ لینے جا رہے ہیں

ژوب میں زچہ بچہ کی اموات کی بلند شرح، ڈی ایچ کیو ہسپتال سے 'سب اچھا' کی رپورٹ

ژوب میں غذائی قلت: امدادی طبی غذائیت پر انحصار کرنے والے سیکڑوں افراد کی زندگیوں کو خطرہ