جیکب آباد کی پانچ یونین کونسلوں میں 2010ء کے سیلاب میں کھمبے گرنے کے بعد منقطع ہونے والی بجلی آج تک بحال نہیں ہو سکی۔ یہاں کے لوگ سولر پینل اور بیٹری سے بجلی حاصل کرتے ہیں جس سے ان کی روزمرہ ضروریات پوری نہیں ہوتیں۔

بجلی سے محروم یونین کونسل ناؤڑا کے کاشت کار عبدالرزاق 30 ایکڑ اراضی کے مالک ہیں جہاں وہ چاول، گندم اور سبزیاں اگاتے ہیں۔ بجلی نہ ہونے کی وجہ سے انہیں اپنی فصلوں کو پانی دینے کے لئے جنریٹر سے ٹیوب ویل چلانا پڑتا ہے جس سے ان کا خرچہ بہت بڑھ گیا ہے۔

اس یونین کونسل میں آٹے کی چار اور چاول کی ایک مل ہے جو پچھلے تیرہ سال سے بند پڑی ہیں اور مقامی لوگ آٹے کی ضرورت پوری کرنے کے لئے ٹریکٹر کے ذریعے بجلی پیدا کرتے ہیں۔

اس علاقے میں بیشتر جگہوں پر زیرزمین پانی نمکین ہے۔ جن جگہوں پر میٹھا پانی آتا ہے وہاں ٹیوب ویل لگائے گئے ہیں۔ لیکن بجلی نہ ہونے کی وجہ سے ٹیوب ویل بھی بند ہیں اور لوگوں کو ہینڈ پمپ سے پانی حاصل کرنا پڑتا ہے۔ لیکن یہ پانی صرف غسلخانے میں ہی استعمال کیا جا سکتا اور پینے کا پانی لینے کے لئے لوگوں کو دور دراز جگہوں پر جانا پڑتا ہے۔

بجلی کی غیرموجودگی میں طلبہ کی تعلیم اور لوگوں کے کاروبار بھی متاثر ہوئے ہیں۔

سکھر الیکٹرک پاور کمپنی (سیپکو) کے چیف ایگزیکٹو منظور احمد سومرو بتاتے ہیں کہ 2010ء کے سیلاب میں کھمبے اور تاریں گرنے کے باعث یونین کونسل ناؤڑا، شاہ پور، میراں پور اور آس پاس کے کچھ علاقوں میں بجلی منقطع ہو گئی تھی جسے کچھ عرصہ بعد بحال کر دیا گیا۔ لیکن اسی دوران ان علاقوں میں ٹرانسفارمر، بجلی کے کھمبے اور تار چوری ہونے لگے۔ سیپکو نے ان واقعات پر مقدمات بھی درج کرائے لیکن پولیس کسی ملزم کو نہیں پکڑ سکی۔

<h2>چوروں کے &#39;کنکشن&#39;</h2>

منظور سومرو الزام عائد کرتے ہیں کہ سیاسی شخصیات پولیس کو ملزموں کے خلاف کارروائی سے روکتی ہیں کیونکہ انہوں نے مقامی لوگوں سے ووٹ لینا ہوتے ہیں۔ اس کے علاوہ ان علاقوں میں بجلی کے بلوں کے مد میں ریکوری بھی صفر ہے اور 2010ء سے پہلے بھی یہاں کے لوگ بل ادا نہیں کرتے تھے۔

اگر مقامی سیاسی شخصیات یقین دہانی کرائیں کہ ٹرانسفارمر، کھمبے اور تاریں چوری نہیں ہوں گی اور لوگ بل بھی باقاعدگی سے ادا کریں گے تو اسی صورت بجلی کی بحالی ممکن ہے۔

راجہ بلیدی کا خاندان یونین کونسل شاہ پور میں 500 ایکڑ زری اراضی کا مالک ہے۔ لیکن اب یہ لوگ اپنا علاقہ چھوڑ کر جیکب آباد میں کرائے کے گھر مقیم ہیں کیونکہ بجلی نہ ہونے کی وجہ سے شاہ پور میں زندگی گزارنا آسان نہیں۔

وہ کہتے ہیں کہ بجلی کے بغیر شاہ پور اور گردونواح کی یونین کونسلوں میں سکولوں اور بنیادی مراکز صحت سمیت ہر سہولت معطل ہے اس لئے وہ اپنا علاقہ چھوڑ کر شہر آ گئے ہیں۔ انہی کی طرح شاہ پور کے دیگر لوگ بھی شہر میں آنا چاہتے ہیں لیکن مہنگائی کے باعث ہر ایک کے لئے نقل مکانی کرنا ممکن نہیں ہوتا۔

راجہ بلیدی بتاتے ہیں کہ سیلاب سے کچھ عرصہ بعد شاہ پور، میراں پور اور گردونواح کے چند دیہات کو مولاداد فیڈر سے بجلی مہیا کی جاتی رہی لیکن 2018ء میں یہ سلسلہ بند ہو گیا۔ اہل علاقہ نے بجلی کی بحالی کے لئے سیپکو کے چیف ایگزیکٹو، ایف آئی اے اور اس وقت کے وزیراعظم کو بھی درخواستیں دیں لیکن بجلی بحال نہ ہو سکی۔

<h2>کیا مسئلے کا کوئی حل ہے؟</h2>

مقامی لوگ الزام عائد کرتے ہیں کہ سیلاب کے بعد بہت سی جگہوں پر بجلی بحال نہ ہوئی لیکن بعض دیہات ایسے بھی تھے جہاں 2018ء تک غیر قانونی طور پر بجلی فراہم کی جاتی رہی۔

تاہم اس کے جواب میں مولاداد فیڈر کے لائن سپرنٹنڈنٹ محمد علی سرہیو کا کہنا ہے کہ 2010ء میں بجلی منقطع ہونے کے بعد شاہ پور اور میراں پور کے مکین مولاداد اور واٹر سپلائی کے فیڈر سے بجلی چوری کرتے تھے۔ محکمے نے کئی مرتبہ ان کے کنکشن کاٹے لیکن یہ لوگ انہیں دوبارہ جوڑ لیتے تھے۔ یہ سلسلہ 2018ء تک چلتا رہا یہاں تک کہ علاقے سے بجلی کے کھمبے اور تاریں چوری ہو گئیں۔

بجلی کی بحالی کے حوالے سے جب سیپکو کےایگزیکٹو انجینئر محمد شفقت لاشاری سے بات کی گئی تو انہوں نے کہا کہ یہ سوال ایس ڈی او شہباز اعوان سے پوچھا جائے۔ شہباز اعوان کا کہنا تھا کہ وہ چند ہی روز پہلے اس فیڈر پر تعینات ہوئے ہیں اس لئے یہ سوال لائن سپرنٹنڈنٹ سے کیا جائے۔

لائن سپرنٹنڈنٹ کے مطابق علاقے میں بجلی کے نئے کھمبے، ٹرانسفارمر اور تاریں نصب کرنے کی منظوری سیپکو کے چیف ایگزیکٹو ہی دے سکتے ہیں۔ اس سلسلے میں انہیں متعدد درخواستیں بھی دی جا چکی ہیں لیکن انہوں نے اس کا کوئی جواب نہیں دیا۔

مقامی لوگوں کو شکوہ ہے کہ جیکب آباد سے منتخب ارکان قومی و صوبائی اسمبلی محمد میاں سومرو، اسلم ابڑو اور ممتاز جاکھرانی نے بھی اس اہم مسئلے پر توجہ نہیں دی۔

جیکب آباد سے 2018ء میں تحریک انصاف کی ٹکٹ پر منتخب ہونے والے رکن قومی اسمبلی محمد میاں سومرو کا الزام ہے کہ یونین کونسل ناؤڑا، شاہ پور اور میراں پور میں ان کے سیاسی مخالفین کا اثرورسوخ ہے جنہوں نے جان بوجھ کر کھمبے اور تاریں چوری کروائیں اور وہی بجلی کی بحالی میں رکاوٹ ہیں۔ انہوں نے یہ بھی کہا کہ اس علاقے کے لوگوں نے انہیں بجلی بحال کرانے کے لئے کبھی کوئی درخواست نہیں دی اگر لوگوں نے کہا تو وہ وزیر توانائی کو بجلی بحال کرنے کی سفارش ضرور کریں گے۔

پاکستان میں بجلی پیدا کرنے کا نظام کس طرح چلتا ہے اور اس سے جڑے اہم مسائل

جیکب آباد کے متعدد دیہات کی بجلی 2010ء سے کیوں بند ہے؟

text

'سیلاب کے بعد سڑکوں پر رہ کر گزر بسر کر رہے ہیں'

video

اللہ  سے بس یہی کہتے تھے بارش بند کر دے

گھر کو بچائیں یا بچوں کا پیٹ پالیں؟

شبیر احمد یرقان اور تَپ دِق میں مبتلا ہیں لیکن ان کے پاس اپنا علاج کرانے کے لیے پیسے نہیں کیونکہ محنت مزدوری کر کے وہ روزانہ جو کچھ کماتے ہیں اس میں وہ مشکل سے اپنے خاندان کے لیے دو وقت کی روٹی کا انتظام ہی کر پاتے ہیں۔&nbsp;

محض چند سال پہلے وہ ایک خوش حال زمین دار تھے اور اپنی سو ایکڑ سے زیادہ زرعی زمین پر گندم، چاول، گنا اور سبزیاں کاشت کر کے ہر سال لاکھوں روپے کما رہے تھے۔ لیکن وہ کہتے ہیں کہ &quot;مسلسل سیلابی پانی کی زد میں رہنے کے باعث ان کی اراضی ناقابلِ کاشت ہو چکی ہے&quot; اس لیے وہ ایک مزدور کے طور پر کام کرنے پر مجبور ہو گئے ہیں۔&nbsp;

بالائی سندھ کے شہر جیکب آباد سے 20 کلومیٹر شمال کی جانب واقع یونین کونسل احمدپور کے رہنے والے 38 سالہ شبیر احمد اپنی معاشی بدحالی کا ذمہ دار صوبائی محکمہ آب پاشی کو قرار دیتے ہیں۔ ان کا کہنا ہے کہ اس &quot;محکمے کی بدانتظامی کا یہ حال ہے کہ ایک طرف تو صوبہ سندھ کے کئی علاقے کے لوگ نہری پانی کو ترستے رہتے ہیں اور دوسری طرف ہمارے علاقے میں ہر سال اتنا نہری پانی جمع ہو جاتا ہے کہ ہماری زمینیں اس میں ڈوب جاتی ہیں&quot;۔&nbsp;

ان کے مطابق اس مسئلے کی ابتدا 2010 میں دریائے سندھ میں آنے والے سیلاب سے ہوئی جب جیکب آباد کی مشرقی تحصیل ٹُھل کے کئی دیہات اس لیے پانی میں ڈوب گئے کہ اُس علاقے سے گزرنے والی ایک سڑک نے سیلابی ریلے کو آگے بڑھنے سے روک دیا تھا۔ وہ کہتے ہیں کہ &quot;سیلاب کے ختم ہونے کے بعد ضلعی انتظامیہ نے اس سڑک کے نیچے آٹھ بڑے بڑے پائپ بچھا دیے تاکہ آئندہ سیلاب کا پانی کسی رکاوٹ کے بغیر ان میں سے گزر کر اس کے دوسری جانب چلا جائے&quot;۔&nbsp;

لیکن پانی کی یہ گزر گاہ جلد ہی یونین کونسل احمدپور کے لیے عذاب بن گئی۔&nbsp;

اس کی وجہ بیان کرتے ہوئے شبیر احمد کا کہنا ہے کہ &quot;دریائے سندھ پر بنے گدو بیراج سے نکلنے والی نہروں کا پانی متعدد شاخوں کے ذریعے ضلع جیکب آباد کے مختلف حصوں کو سیراب کرتا ہے۔ ہر سال اگست-ستمبر میں ان شاخوں میں سال کے باقی مہینوں کی نسبت زیادہ پانی دستیاب ہوتا ہے کیونکہ مون سون کی بارشوں کی وجہ سے ان دو مہینوں میں دریا کا بہاؤ بھی بہت بڑھ جاتا ہے۔ چونکہ بعض اوقات اور بعض مقامات پر ان شاخوں میں بہنے والا پانی مقامی زمین داروں کی آب پاشی کی ضروریات سے زیادہ ہوتا ہے اس لیے وہ ان شاخوں کے کھلے ہوئے آخری سروں سے نکل کر یونین کونسل احمدپور جیسے نشیبی علاقوں کی طرف بہنے لگتا ہے&quot;۔&nbsp;

شبیر احمد کہتے ہیں کہ محکمہ آب پاشی اس مسئلے کو پیدا ہونے سے پہلے ہی روک سکتا ہے اگر اس کے اہل کار ہر سال یہ بات یقینی بنا لیں کہ جن چار بڑی شاخوں میں اضافی پانی آ رہا ہے ان کے آخری سرے اچھی طرح بند ہیں۔ &quot;لیکن ان کے ایسا نہ کرنے سے ان سے نکلنے والا پانی ایک مقامی سیلاب کی شکل اختیار کر لیتا ہے&quot;۔&nbsp;

2014 میں جب ایسا ہوا تو، ان کے مطابق، تحصیل ٹُھل کے خیر محمد بروہی، آڑی کاپ، رحمت اللہ کھوسہ، اسلم ابڑو، اور بشیر احمد کھوسہ نامی دیہات کے لوگوں نے اس سیلاب سے بچنے کے لیے اس کے راستے میں کئی رکاوٹیں کھڑی کر دیں جس کے نتیجے میں مذکورہ بالا سڑک کے نیچے بچھے پائپوں کے راستے &quot;اس کے پانی نے یونین کونسل احمدپور کا رخ کر لیا&quot; جہاں 30 ہزار ایکڑ زرعی زمین اگلے آٹھ مہینے اس میں ڈوبی رہی۔&nbsp;

ایک 45 سالہ مقامی زمین دار امتیاز حسین شاہ کہتے ہیں کہ پچھلے آٹھ سال سے ہر اگست-ستمبر میں یہی ہوتا ہے کہ نہروں سے نکلنے والا پانی بالآخر یونین کونسل احمدپور کی زمینوں میں آ کر جمع ہو جاتا ہے۔ یہی وجہ ہے کہ ہر سال وہ اپنی 85 ایکڑ اراضی کاشت ہی نہیں کر پاتے۔

نتیجتاً وہ اپنے گاؤں میں چھوٹی سی دکان کھول کر سرسوں کے تیل جیسی روزمرہ کے استعمال کی چیزیں بیچنے پر مجبور ہو گئے ہیں اور کہتے ہیں کہ ان کے خراب مالی حالات کی وجہ سے ان کے دو بیٹوں نے، جن کی عمریں 20 سال اور 14 سال ہیں، اپنی &quot;تعلیم ادھوری چھوڑ کر محنت مزدوری شروع کر دی ہے&quot;۔ &nbsp;

<h2>محکمہ آبپاشی&nbsp;بمقابلہ&nbsp;یونین کونسل</h2>

احمد پور یونین کونسل میں رہنے والے لوگوں نے کئی مرتبہ ضلعی انتظامیہ، محکمہ آبپاشی، سندھ حکومت اور وزیراعظم پاکستان کو تحریری درخواستیں بھیج کر مطالبہ کیا ہے کہ ان کی زمینوں کو اس سالانہ نہری سیلاب سے بچایا جائے۔ لیکن وہ کہتے ہیں کہ تاحال اس مسئلے کا کوئی مستقل حل نہیں کیا گیا۔&nbsp; 
شبیر احمد کا خیال ہے کہ محکمہ آب پاشی کو حل کی تلاش میں کوئی دلچسپی ہی نہیں۔ یہاں تک کہ &quot;اس کے اہل کار یہ سننے کو بھی تیار نہیں کہ شاخوں کے کھلے ہوئے آخری سرے بند کر دینے سے ہمارا مسئلہ حل ہو جائے گا&quot;۔ اگرچہ، ان کے مطابق، &quot;اس حل پر لاکھوں کروڑوں روپے بھی خرچ نہیں ہو گے لیکن اس کے باوجود محکمہ ایسا نہیں کر رہا&quot;۔&nbsp; 
دوسری طرف جیکب آباد میں متعین محکمہ آب پاشی کے اعلیٰ ترین اہل کار سب ڈویژنل آفیسر مختار شیخ کہتے ہیں کہ یہ ٹوٹے ہوئے سِرے ان کی حدودِ کار سے باہر واقع ہیں اس لیے وہ ان کے بارے میں کچھ بھی نہیں کر سکتے۔ان کے مطابق &quot;ان کا خیال رکھنا تحصیل ٹُھل میں موجود محکمہ آب پاشی کے ذیلی دفتر کا کام ہے&quot;۔

لیکن اُس دفتر میں تعینات اہل کار بھی ان کی مرمت کی ذمہ داری لینے کو تیار نہیں۔ اس کے برعکس وہ سمجھتے ہیں کہ یہ ایک لاحاصل کام ہے کیونکہ، ان کے مطابق، &quot;کئی مقامی زمین دار ہر سال خود ہی ان شاخوں کو توڑ دیتے ہیں تاکہ وہ اپنی زمینوں کو ان میں آنے والے اضافی پانی سے بچا سکیں&quot;۔&nbsp;

شبیر احمد تسلیم کرتے ہیں کہ کچھ زمین دار ایسا ہی کرتے ہیں۔ یہی وجہ ہے کہ ان کے ساتھ ان کی یونین کونسل کے باسیوں کی &quot;آئے روز لڑائیاں بھی ہوتی رہتی ہیں&quot;۔ ان کا یہ بھی ماننا ہے کہ ان کی یونین کونسل کے کئی زمین داروں نے خود بھی پانی کا رخ بدلنے کے لیے &quot;آٹھ فٹ تک اونچے بند باندھ رکھے ہیں&quot;۔

لیکن ان کی یہ ترکیب ہر سال ناکام رہتی ہے اور &quot;سیلابی پانی ان بندوں کو توڑ کر ان کی زمینوں میں داخل ہو جاتا ہے&quot;۔&nbsp;

حکومتِ سندھ نے بھی 2017 میں ان زمینوں کو بیگاری نہر سے نکلنے والی دو شاخوں، کٹہ اور دل مراد، میں آنے والے اضافی پانی سے بچانے کے لیے کچھ حفاظتی بند بنائے تھے۔ لیکن شبیر احمد کے مطابق، &quot;وہ بند اُسی سال پانی کے دباؤ کی وجہ سے ٹوٹ گئے تھے&quot;۔&nbsp;

ان ناکام تجربات کے پیش نظر مختار شیخ کہتے ہیں کہ بند باندھنا اس مسئلے کا حل ہی نہیں ہے کیونکہ، ان کے مطابق، &quot;اگر اس طرح یونین کونسل احمدپور کی زمین کو بچا بھی لیا جائے تو یہ پانی کسی اور نشیبی زرعی زمین کا رخ کر لے گا&quot;۔ اس لیے ان کی نظر میں اس مسئلے کا واحد حل یہ ہے کہ ایک نالہ بنا کر &quot;اس پانی کو واپس کسی قریبی نہر میں ڈالا جائے&quot;۔

جیکب آباد سے ہی تعلق رکھنے والے وزیر اعلیٰ سندھ کے مشیر اعجاز جاکھرانی کہتے ہیں کہ صوبائی حکومت بھی یہی سوچ رہی ہے کہ ایک آبی گزرگاہ بنا کر &quot;اس پانی کو بیگاری نہر کی سم شاخ میں ڈالا جائے&quot;۔ تاہم ابھی تک اس منصوبے پر کوئی عملی کام شروع نہیں ہوا۔&nbsp;

اس کے بجائے ضلعی انتظامیہ ہر سال یونین کونسل احمدپور میں جمع ہونے والے پانی کو فائر بریگیڈ کے ٹرکوں کے ذریعے ان علاقوں میں لے جاتی ہے جہاں اس کی قلت ہے۔ لیکن مختار شیخ کے مطابق اس طریقے سے پانی کی بہت ہی محدود مقدار زرعی زمینوں سے نکالی جا سکتی ہے۔

امتیاز حسین شاہ بھی کہتے ہیں کہ &#39;&#39;ہماری زمینوں میں جمع ہونے والا پانی اتنا زیادہ ہے کہ اسے نکالنے کے لیے درکار مشینری اور مالی وسائل ضلعی انتظامیہ کے پاس موجود ہی نہیں&quot;۔

جنید علی

جنید علی کا تعلق سندھ کے ضلع جیکب آباد سے ہے میں 2013 سے صحافت سے وابستہ ہیں۔ وہ سرکاری اداروں میں کرپشن کے خلاف اور کرنٹ ایشوز پر کام کرتے ہیں۔

جیکب آباد کے متعدد دیہات کی بجلی 2010ء سے کیوں بند ہے؟

'سیلاب کے بعد سڑکوں پر رہ کر گزر بسر کر رہے ہیں'

اللہ سے بس یہی کہتے تھے بارش بند کر دے

گھر کو بچائیں یا بچوں کا پیٹ پالیں؟

کئی طوفان آئیں گے اب اس سیلاب سے آگے: 'مسلسل سیلابی پانی کی زد میں رہنے سے جیکب آباد کی زرعی زمین ناقابل کاشت ہو گئی ہے'۔