افغانستان میں سکول ہو گا یا نہیں؟

video

انچاس سالہ حاجی محمد نبی ضلع قلعہ عبداللہ کے رہائشی ہیں۔انہوں نے توبہ اچکزئی دو بندی یونین کونسل میں 76 ایکڑ اراضی پر باغ لگا رکھا ہے۔ باغ کے سوا ان کے خاندان کا کوئی ذریعہ روزگار نہیں۔اس علاقے کو پہلے کچھ سال خشک سالی کا سامنا تھا۔پھر گزشتہ سال بارشوں اور سیلاب نے باغ اجاڑ کر رکھ دیا۔ بجلی کی طویل لوڈشیڈنگ تھی اور باغ کو پانی نہیں مل پا رہا تھا۔

&nbsp;محمد نبی بتاتے ہیں کہ کسی نے انہیں شمسی توانائی پر چلنے والا ٹیوب ویل لگانے کا مشورہ دیا۔ اور کہا کہ اس کی بدولت ان کا پانی کا مسئلہ حل ہو جائے گا۔ انہوں جیسے تیسے 15 لاکھ روپے جمع کیے اور سولر ٹیوب ویل لگا لیا اور چند روز میں ان کا باغ دوبارہ ہرا بھرا ہو گیا۔

&nbsp;اقوام متحدہ کے ادارہ برائے ترقیاتی پروگرام کی 2018 ء میں جاری رپورٹ میں بتایا گیا تھا کہ بلوچستان میں غربت کی شرح 71.2 فیصد ہے اور یہ چاروں صوبوں میں سب سے زیادہ ہے۔

بلوچستان میں زمینداروں کی بڑی تعداد پھلوں کی کاشت سے وابستہ ہے جن میں انگور ،کھجور، سیب ،چیری ،آڑو اور خوبانی خاص طور پر نمایاں ہیں۔ اس کے علاوہ صوبے میں زیرکاشت رقبے کے ایک نمایاں حصے پر پیاز، چاول اور گندم بھی اگائے جاتے ہیں۔

زرعی ترقیاتی بینک کی 2020ء کی رپورٹ کے مطابق بلوچستان میں 2.06 ملین ہیکٹر (5.9 فیصد) اراضی کاشت کی جاتی ہے۔ تاہم 54 فیصد تیار زمین پانی کی کمی کی وجہ سے خالی پڑی رہتی ہے۔ یہ رپورٹ بتاتی ہے کہ پانی دستیاب ہو تو یہاں مزید 4.85 ملین ہیکٹر(تقریباً ایک کروڑ 20 لاکھ ایکڑ) رقبہ زیر کاشت لایا جا سکتا ہے۔

نیشنل جیو گرافک سوسائٹی کے لیے کاریز سسٹم پر 2016ء میں کی جانے والی ایک ریسر چ رپورٹ کے مطابق بلوچستان میں کل زیر کاشت رقبے کا 43 فیصد حصہ نہروں اور باقی سارا ٹیوب ویل اور کاریز وں وغیرہ سے سیراب ہوتا ہے۔آبپاشی میں اب نہروں کا حصہ مزید کم ہو گیا ہے۔

ڈپٹی ڈائریکٹر محکمہ زراعت ڈاکٹر احمد علی دعویٰ کرتے ہیں کہ صوبے میں زرعی مقاصد کے لیے 67 ہزار 181 ٹیوب ویل ہیں ۔ان میں 25ہزار 667 سولر پینل جبکہ 37 ہزار 193 ٹیوب ویل بجلی پر چلتے ہیں۔

کوئٹہ الیکٹرک سپلائی کمپنی کے ڈپٹی مینجر تعلقات عامہ محمد افضل بتاتے ہیں کہ بلوچستان میں اوسطاً یومیہ ایک ہزار میگاواٹ بجلی فراہم کی جارہی ہے۔یہاں اکثر علاقوں میں بجلی چوری کی جاتی ہےاس لیے زیادہ بجلی مہیا نہیں کی جاتی۔

وہ کہتے ہیں کہ بلوچستان میں زمینداروں کو سبسڈی ملتی ہے۔ اس کا 60 فیصد حصہ صوبائی اور 40 فیصد وفاق حکومت دیتی ہے۔اکثر ٹیوب ویلوں پر میٹر ہی نہیں ہوتے اس لیے چھ ہزار روپے فکس بل بھیجا جاتا ہے۔

اگرچہ چھ ہزار بل میں بلوچستان کے کاشتکار کو نقصان نہیں ہے تاہم سبسڈی کی رقم بھی قومی وسائل میں سے جا رہی ہے۔ سب سے بڑا مسئلہ بجلی کی پیداوار سے جنم لینے والی مشکلات اور ماحولیاتی آلودگی ہے۔

پاکستان پہلے ہی ماحولیاتی مشکلات سے دوچار ہے۔ گلوبل کلائمیٹ رسک انڈیکس کے مطابق پاکستان ماحولیاتی تبدیلی کے بدترین اثرات کے شکار پہلے دس ممالک میں پانچویں نمبر پر ہے۔

سینٹر فار ریسرچ آن انرجی اینڈ کلین ایئر&#39; کی جاری کردہ تحقیقی رپورٹ میں کہا گیا ہے پاکستان میں آلودگی کی بڑی وجوہات میں کوئلے اور فرنس آئل سےبجلی پیدا کرنے والے پلانٹ ہیں۔

رپورٹ کے مطابق پاکستان کوئلے سے پانچ ہزار 90 میگاواٹ بجلی پیدا کر رہا ہے۔چار ہزار 900 میگا واٹ بجلی والے کول پاور پلانٹ گزشتہ تین سال میں تعمیر کیے گئے ہیں۔

اسی عرصے کے دوران 2019 ءمیں بلوچستان کے علاقے حب میں بھی ایک کول پاور پلانٹ مکمل کیا گیا۔اس سےایک ہزار 320 میگا واٹ بجلی پیدا ہورہی ہے۔ اس مقصد کے لیے کثیر زرمبادلہ سے کوئلہ درآمد کیا گیا ہے۔

حاجی فریال اچکزئی ان کاشت کاروں میں سے ایک ہیں جن کے باغات کو گزشتہ سال آنے والی غیر معمولی بارشوں نے شدید نقصان پہنچایاتھا۔وہ قلعہ عبداللہ کے علاقے گلستان میں 35 ایکڑ رقبے پر باغ کے مالک ہیں۔

حاجی فریال کے باغ میں سیب، انگور اور خوبانی پیدا ہوتے ہیں۔ انہوں نے پودوں کو پانی دینے کے لئے تین سولر ٹیوب ویل لگائے رکھے ہیں ۔تین سال پہلے تک یہ تینوں بجلی پر چلتے تھے۔

&nbsp;فریال اچکزئی بتاتے ہیں کہ 24 گھنٹوں میں صرف چار گھنٹے بجلی آتی تھی۔ وولٹیج ڈراپ ہوتے توکئی بار موٹریں جل گئیں۔ مرمت کا اضافی خرچ الگ ہوتا تھا۔ ہر ٹیوب ویل پر سولر پینل سمیت 30 لاکھ روپے خرچ آئے تھے جبکہ ایک ٹیوب ویل 5 ایکڑ باغ کے لئے کافی ہوتا ہے۔

ماہر ماحولیات پروفیسر ثناء اللہ کہتے ہیں کہ تھرمل (فرنس آئل) یا کوئلے سے بجلی پیدا کرنا ماحول کیلئے تباہی ہے۔ان سے خارج ہونے والی کاربن مونو آکسائیڈ اور دیگر زہریلی گیسیں آلودگی پھیلا رہی ہیں۔ اس کے برعکس شمسی توانائی ماحول دوست ہے۔

وہ تجویز دیتے ہیں کہ زمینداروں کو سبسیڈائز ریٹ پر سولر پینل فراہم کیے جائیں۔اس سےتھرمل یا کول انرجی پر انحصار کم ہوگا۔ اگر بلوچستان میں زرعی ٹیوب ویل ہی شمسی توانائی پر منتقل ہو جائیں تو ماحول پر بہت بہتر اثر پڑے گا۔

پاکستان کونسل آف ریسرچ آن واٹر ریسورسز کے مطابق بلوچستان میں 1970ء سے 2020ء تک ٹیوب ویل کی تعداد پانچ ہزار سے بڑھ کر 40 ہزار ہو گئی تھی۔ اب ٹیوب ویل لگانے کی شرح میں تیزی سے اضافہ ہو ریا ہے۔ ٹیوب ویلوں کے باعث زیر زمین واٹر ٹیبل نیچے جا رہا ہے۔

باغبان حاجی محمد نبی بتاتے ہیں کہ وہ سولر ٹیوب ویل سے روزانہ بارہ گھنٹے پانی نکالتے ہیں۔اس پانی کو تالاب میں جمع کر کے حسب ضرورت باغ کو دیا جاتا ہے۔

پروفیسر ثناء اللہ پانی کواس طریقے سے استعمال کرنےکو خطرناک سمجھتے ہیں ۔ان کا کہنا ہے کہ زمیندار عموماً سولر کے ذریعے صبح سے غروب آفتاب تک پانی نکالتے ہیں جس کی بڑی مقدار ضائع ہو جاتی ہے اور اس سے زیر زمین پانی کی سطح تیزی سے کم ہورہی ہے۔

وہ تجویز دیتے ہیں کہ کاشتکاروں کو جدید کاشتکاری اور پانی بچانے کے طریقوں کی تربیت دے جائے جبکہ زمینداروں کو ڈرپ ایریگیشن پا سپرنکلر سسٹم لگا نے پر تیار کیا جائے۔ اس طریقے سے ناصرف پانی کی بچت ہو گی بلکہ زیادہ سے زیادہ رقبے کو قابل کاشت بنایا جا سکے گا۔

شمسی توانائی کے واٹر پمپ اور گلگت بلتستان کے آخری گاؤں کا ننھا منا زرعی انقلاب

سولر پینلز سے پانی کا حصول: بلوچستان میں پھلوں کے کاشتکار متبادل توانائی کی جانب منتقل ہونے لگے

text

اِس سال 27 مئی کو پشین کے شاہ محمد رات ایک بجے معدے کے قریب درد کے باعث بے چین ہو کر جاگ گئے۔ انہوں ںے اسے تیزابیت سمجھ کر پیٹ کا درد دور کرنے والی دوا کھائی لیکن ان کی تکلیف کم نہ ہوئی۔

شاہ محمد ںے ڈاکٹر سے رجوع کرنے کے بجائے یہ سوچا کہ شاید درد خود بخود ختم ہو جائے گا، لیکن اگلے روز شام تک افاقہ نہ ہوا۔ درد کے ساتھ ان کے ہاتھ پاؤں بھی سن ہونے لگے اور بالآخر وہ بے حس و حرکت ہو کر گر گئے۔

بیٹوں نے انہیں فوری طور پر پشین کے سول ہسپتال میں پہنچایا۔ ابتدائی طبی امداد کے بعد انہیں ایک نجی ہسپتال میں لے جایا گیا جہاں ڈاکٹروں نے بتایا کہ انہیں دل کا دورہ پڑا ہے۔

چونکہ سول ہسپتال میں ای سی جی کی سہولت صرف دوپہر تک میسر ہوتی ہے اس لئے بعد میں آنے والے اگر کسی مریض کو ای سی جی کروانا ہو تو اسے نجی ہسپتال جانا پڑتا ہے۔

نجی ہسپتال کے ڈاکٹروں نے شاہ محمد کی جان بچانے کے لئے انہیں کوئٹہ منتقل کرنے کا مشورہ دیا۔

کوئٹہ تک 55 کلومیٹر سفر کے دوران شاہ محمد کی طبیعت مزید بگڑتی گئی اور ان کے ایک ہاتھ نے کام کرنا چھوڑ دیا۔ کوئٹہ میں سول ہسپتال کے امراض قلب وارڈ میں منتقلی کے دوران وہ بے ہوش ہو چکے تھے۔ ڈاکٹروں نے ان کے دل میں سٹنٹ ڈالے (انجیو پلاسٹی) کی جس کے بعد ان کی طبیعت میں کچھ بہتری آئی۔

شاہ محمد کے علاج کرنے والے ایک ڈاکٹر نے بتایا کہ انہیں ہسپتال پہنچنے میں مزید دیر ہو جاتی تو ان کی جان بچانا مشکل ہو جاتا۔

پشین کوئٹہ سے متصل تقریباً 12 لاکھ آبادی کا ضلع ہے جہاں دو تحصیل ہیڈ کوارٹر ہسپتال، 10 ریجنل ہیلتھ سنٹر، زچہ بچہ کے چار طبی مراکز اور 40 بنیادی مراکز صحت ہیں۔

پشین کے ڈسٹرکٹ ہیلتھ آفیسر سلطان موسیٰ خیل تصدیق کرتے ہیں کہ پشین میں دل کے مریضوں کو علاج کی سہولیات میسر نہیں ہیں۔

انہوں نے لوک سجاگ کو بتایا کہ پورے ضلع میں تمام امراض کے صرف 12 ڈاکٹر ہیں اور عملے و بنیادی سہولیات کی کمی کے باعث مریضوں کو کوئٹہ منتقل کرنا پڑتا ہے۔

&quot;پشین کے مراکز صحت میں بجلی چلے جانے کی صورت میں توانائی کے متبادل ذرائع بھی میسر نہیں ہیں۔ پانی کی کمیابی کے باعث ہسپتالوں کی صفائی تک نہیں ہو پاتی۔ اس حوالے سے حکام کو بہت سی شکایات کی جا چکی ہیں لیکن ان پر کوئی کارروائی نہیں کی گئی۔&quot;

رات کے وقت پشین سول ہسپتال کے ایمرجنسی وارڈ میں ڈاکٹر نہ ہونے کی شکایات تواتر سے سامنے آتی ہیں جن کی تصدیق خود موسیٰ خیل بھی کرتے ہیں۔

تاہم ہسپتال کے ایم ایس ڈاکٹر عبدالغفار،&nbsp; ڈسٹرکٹ ہیلتھ آفیسر کی بات کی تردید کرتے ہیں۔ انہوں نے نے لوک سجاگ سے بات کرتے ہوئے اس بات پر زور دیا کہ کہ رات کے وقت ہسپتال میں ڈاکٹر حاضر ہوتے ہیں۔ ان کا کہنا ہے کہ ہسپتال میں ماہانہ دل کے 600 سے زیادہ مریض آتے ہیں تاہم ان کے لئے مخصوص ڈاکٹر موجود نہ ہونے کے باعث انہیں کوئٹہ منتقل کرنا پڑتا ہے۔

ان کا کہنا ہے کہ ہسپتال میں جدید آلات، ایمبولینس اور ماہر عملے کی کمی ہے۔ اگر یہ ضروریات پوری ہو جائیں تو بہت سے مریضوں کو دوسرے ہسپتالوں کو ریفر نہیں کرنا پڑے گا۔

یہ صورتحال صرف پشین سے ہی مخصوص نہیں بلکہ بلوچستان کے بیشتر ہسپتالوں میں امراض قلب کے علاج کی مناسب سہولت میسر نہیں ہے اور اسی لئے ایسے بیشتر مریضوں کو سول ہسپتال کوئٹہ یا دوسرے صوبوں کے ہسپتالوں میں بھیج دیا جاتا ہے۔ ان میں زیادہ تعداد ایسے مریضوں کی ہوتی ہے جنہیں سندھ کے ہسپتالوں سے علاج کرانے کو کہا جاتا ہے۔

&nbsp;کوئٹہ کے نواحی علاقے پنجپائی کے 61 سالہ حاجی محمد نعیم نے سندھ کے ہسپتال &#39;این آئی سی وی ڈی&#39; سے اپنا علاج کرایا ہے۔

گزشتہ سال سول ہسپتال کوئٹہ کے ڈاکٹروں نے انہیں بتایا تھا کہ ان کے دل کے تین وال بند ہیں جس کے لئے انہیں انجیو پلاسٹی کرانا ہو گی اور اس مقصد کے لئے درکار سٹنٹ بھی انہیں خود خریدنا ہوں گے۔

نعیم کے علاج کے لئے دو لاکھ روپے درکار تھے۔ رقم کا بروقت انتظام نہ ہونے کے باعث ڈاکٹر چار روز تک انہیں انجکشن لگاتے رہے تاکہ ان کی حالت بگڑنے نہ پائے۔ سٹنٹس کا انتظام ہونے تک انہیں گھر میں رہنا پڑا اور اس دوران وہ شدید تکلیف میں تھے۔ دو روز بعد جب سٹنٹس کا انتظام ہو گیا تو ان کی انجیو پلاسٹی کر دی گئی۔

نعیم کے مطابق انہیں تین سٹنٹس خریدنے کو کہا گیا۔ ان کے بیٹے نے بتایا کہ ایک جان پہچان والے ملازم نے انہیں ایک سٹنٹ مفت فراہم کیا تھا۔

انجیو پلاسٹی کے بعد جب ان کے بیٹے نے اپنے والد کی رپورٹس ایک شناسا ڈاکٹر کو دکھائیں تو انہوں نے بتایا کہ ان کے والد کو تین کے بجائے دو سٹنٹ ڈالے گئے ہیں۔

یہ انکشاف ہونے پر انہوں نے بصد مشکل ہسپتال سے سٹنٹ واپس لیا۔

انجیو پلاسٹی کے باوجود نعیم کی طبعیت ٹھیک نہ ہوئی تو انہیں سندھ لے جانا پڑا جہاں ان کا کامیاب علاج عمل میں آیا۔

سول ہسپتال کوئٹہ میں شعبہ امراض قلب کے سینئیر رجسٹررار ڈاکٹر عجب خان خروٹی کا کہنا ہے کہ اس وارڈ میں صوبے بھر سے مریض آتے ہیں جبکہ اتنی بڑی تعداد میں لوگوں کے لئے درکار طبی سہولتوں کا فقدان ہے۔

انہوں نے لوک سجاگ کو بتایا کہ ہپستال میں گزشتہ سال 134 مریضوں کی اوپن ہارٹ سرجری کی گئی جبکہ 12 سو مریضوں کو سٹنٹ ڈالے گئے۔

&quot;حکومت کی جانب سے سالانہ 300 سٹنٹ فراہم کئے جاتے ہیں۔ جب یہ استعمال ہو جاتے ہیں تو بقیہ مریضوں کو خود سٹنٹ خریدنا پڑتے ہیں&quot;۔

ان کا کہنا ہے کہ جن مریضوں کے پاس سٹنٹ کے پیسے نہیں ہوتے ان کا ادویات کے ذریعے علاج جاری رکھنا پڑتا ہے جس سے عارضی طور پر تو مریض کی حالت سنبھل جاتی ہے لیکن یہ کوئی طویل مدتی علاج نہیں ہے۔

ڈاکٹر خروٹی کہتے ہیں کہ جن مریضوں کو انجیو پلاسٹی کی ضرورت ہوتی ہے انہیں 12 گھنٹوں کے اندر علاج کی سہولت فراہم کرنا ضروری ہوتا ہے۔ دور دراز علاقوں کے مریض طویل اور خراب راستوں کی وجہ سے بروقت ہسپتال نہیں پہنچ پاتے جس سے ان کی حالت بگڑ جاتی ہے۔

ان کا کہنا ہے کہ سول ہسپتال کے شعبہ امراض قلب میں صرف تین سرکاری ڈاکٹر تعینات ہیں۔ ان کے علاوہ مریضوں کو دیکھنے والے پانچ معالجین کی تنخواہ مخیر لوگوں کے عطیات سے پوری کی جاتی ہے۔

اس معاملے پر جب بلوچستان کے سیکرٹری صحت اسفند یار کاکڑ سے سوال کیا گیا تو انہوں نے جواب دینے سے گریز کیا۔

کوئٹہ کے سول ہسپتال اور بولان میڈیکل کمپلیکس میں انجیو پلاسٹی اور انجیو گرافی کی مشینری ڈیڑھ سال تک خراب پڑی رہنے اور دیگر سہولیات کی عدم دستیابی کے خلاف ینگ ڈاکٹرز ایسوسی ایشن نے نومبر 2021ء سے مئی 2022ء تک طویل احتجاج کیا۔

&nbsp;ایسوسی ایشن کے صدر ڈاکٹر کلیم اللہ بتاتے ہیں کہ اس احتجاج کی بدولت سول ہسپتال کی مشین تو ٹھیک کردی گئی لیکن بی ایم سی کی مشین تاحال خراب پڑی ہے جس کی وجہ سے وہاں کے مریضوں کا بوجھ سول ہسپتال کو برداشت کرنا پڑتا ہے۔

ان کا کہنا ہے کہ دل کے مریضوں کے لئے الگ ہسپتال کا قیام عمل میں لایا جانا چاہئے جہاں مریضوں کو تمام سہولتیں میسر ہوں اور انہیں دوسرے صوبوں کا رخ نہ کرنا پڑے۔

&nbsp;ڈاکٹر خروٹی تجویز دیتے ہیں کہ دل کے مریضوں کے لئے کوئٹہ میں علیحدہ ہسپتال قائم کیا جانا چاہئے جس کے سیٹلائٹ سنٹر پورے صوبے میں پھیلے ہوں۔ ان طبی مراکز میں قابل ڈاکٹروں کو تعینات کر کے ہر مرکز میں ان کی باری باری ڈیوٹیاں لگائی جائیں تو صوبے میں امراض قلب کے مریضوں کا بروقت اور کامیاب علاج آسان ہو جائے گا۔

سیکرٹری صحت اسفند یار کاکڑ نے بتایا ہے کہ محکمہ صحت نے 11 رکنی ماہرین کا&nbsp; ایک ورکنگ گروپ تشکیل دیا ہے جو امراض قلب کے علیحدہ ہسپتال کے قیام کے لئے دس روز میں سفارشات پیش کرے گا جس کے بعد اس پر عملی کام شروع کیا جائے گا۔

سید ضیاء آغا

سید ضیاء آغا نے جامعہ بلوچستان سے شعبہ صحافت کی ڈگری حاصل کررکھی ہے۔ وہ انسانی حقوق، خواتین، اقلیتوں، موسمیاتی تبدیلیوں، تنازعات اور سیاست پر رپورٹ کرتے ہیں۔

افغانستان میں سکول ہو گا یا نہیں؟

سولر پینلز سے پانی کا حصول: بلوچستان میں پھلوں کے کاشتکار متبادل توانائی کی جانب منتقل ہونے لگے

سول ہسپتال کوئٹہ میں شعبہ امراض قلب کی حالت نازک