"Explore the unfolding political dynamics in Gujrat, Pakistan, as the region braces for elections. Stay updated on key candidates, issues, and the pulse of the electorate. Your comprehensive

"Decisive Showdown: Gujrat, Pakistan Gears Up for Elections - Stay Informed on the Political Landscape"

&nbsp;&#39;چوہدریوں&#39; کا ضلع گجرات کئی عشروں سے سیاست میں اہم کردار ادا کر رہا ہے جہاں آٹھ فروری کو چار قومی اور آٹھ صوبائی نشستوں پر انتخابات ہوں گے۔ 
&nbsp; 
گذشتہ عام انتخابات میں تحریک انصاف اور مسلم لیگ ق اتحادی جماعتیں تھیں اور دونوں نے اس ضلعے میں سیٹ ایڈجسٹمنٹ کے تحت امیدوار کھڑے کیے تھے۔ لیکن اس مرتبہ یہاں کے &#39;چوہدریوں&#39; کا خاندان تقسیم ہے۔ 
&nbsp;چوہدری شجاعت حسین کی زیر قیادت ق لیگ نے مسلم لیگ ن اور پیپلز پارٹی کے ساتھ سیٹ ایڈجسٹمنٹ کی ہے جبکہ چوہدری پرویز الہیٰ ایک سال قبل تحریک انصاف میں شامل ہو گئے تھے اور ابھی تک جیل میں ہیں۔

ضلع گجرات میں رجسٹرڈ ووٹرز کی کل تعداد 21 لاکھ 98 ہزار 188 ہیں جن میں 11 لاکھ 58 ہزار 254 مرد اور 10 لاکھ 39 ہزار 934 خواتین ووٹر ہیں۔

الیکشن کمیشن کی ترتیب کے لحاظ سے گجرات کی پہلی قومی نشست این اے 62 سرائے عالمگیر، کھاریاں و دیگر علاقوں پر مشتمل ہے۔ جہاں سے پچھلی بار ن لیگ کے چوہدری عابد رضا نے تحریک انصاف کے چوہدری الیاس کو صرف سات ہزار ووٹوں کی برتری سے ہرایا تھا۔

&nbsp;اس بار ن لیگ نے پچھلے دو انتخابات جیتنے والے عابد رضا اور ق لیگ نے چوہدری وجاہت کے بیٹے موسیٰ الہیٰ کو میدان اتارا ہے۔ یہاں تحریک انصاف کے حمایت یافتہ چوہدری محمد الیاس سمیت 25 امیدوار الیکشن لڑ رہے ہیں۔ 
&nbsp;

اس حلقے میں عابد رضا، موسیٰ الہیٰ اور چوہدری الیاس فرنٹ رنر ہیں۔ عابد رضا کو مقامی جوڑ توڑ، ن لیگ کے ووٹر اور حلقے میں ان کے کرائے گئے ترقیاتی کاموں پر بھروسا ہے۔

&nbsp;چوہدری الیاس کو پی ٹی آئی کے پاپولر ووٹ سے بھر پور امیدیں ہیں اور ان کے حامی انتخابی مہم میں رکاوٹوں کے الزامات کے باوجود جیت کے لیے پرامید ہیں۔

<hr />
<h2 style="text-align:center">گجرات نئی حلقہ بندیاں 2023</h2>

2018 کا قومی اسمبلی کا حلقہ این&nbsp; اے 68 گجرات 1 اب این اے 63 گجرات 2 ہے 
یہ حلقہ جلال پور جٹاں تحصیل کا ہے۔ جلال پور قصبے کو حال ہی میں تحصیل کا درجہ دیا گیا ہے اور اس حلقے میں وہ تمام قصبے اور دیہات شامل ہیں جن کو اس تحصیل کا حصہ بنایا گیا ہے۔

2018 کا قومی اسمبلی کا حلقہ این&nbsp; اے 69 گجرات 2 اب این اے 64 گجرات 3 ہے 
یہ گجرات کا شہری حلقہ ہے۔ جس میں گجرات اور کنجاہ تحصیلوں کے دیہی علاقے بھی شامل ہیں۔ نئی حلقہ بندیوں میں&nbsp; اس حلقے میں چند بڑی تبدیلیاں بھی کی گئی ہیں جیسا کہ شادی وال قانون گو حلقے اور قصبہ دیونہ کے پٹوار موسی کمال، آدو وال، کنجاہ اور جندو وال پٹوار سرکل کو شامل کیا گیا ہے۔ گجرات تحصیل کے&nbsp; قانون گو حلقے دیونہ ایک کے پٹوار سرکل&nbsp; ہریانوالہ اور دیونہ دو کے پٹوار سرکل ماجرا کو نکال دیا گیا ہے۔

2018 کا قومی اسمبلی کا حلقہ این&nbsp; اے 70 گجرات 3 اب این اے 65 گجرات 4 ہے 
یہ حلقہ تحصیل کھاریاں اور لالہ موسی کے علاقوں پر مشتمل ہے۔ نئی حلقہ بندیوں میں اس حلقے میں بہت ساری تبدیلیاں کی گئی ہیں۔ کھاریاں تحصیل کے صبور&nbsp; قانون گو حلقے کے کچھ پٹوار سرکلز کو شامل کیا گیا ہے، گجرات تحصیل کے منگووال غربی قانون گو حلقے اور منگوال غربی چارج نمبر 27 بھی اب اس حلقے کا حصہ ہے۔ گجرات تحصیل کے مزید دو پٹوار سرکل بھی اب اس حلقے میں آگئے ہیں۔

2018 کا قومی اسمبلی کا حلقہ این&nbsp; اے 71 گجرات 4 اب این اے 62 گجرات 1 ہے 
یہ حلقہ سرائے عالمگیر، کھاریاں تحصیل کے علاقوں پر مشتمل ہے جس میں کھاریاں کینٹ بھی شامل ہے۔ نئی حلقہ بندیوں میں اس حلقے کی جغرافیائی حدود میں یہ تبدیلی آئی ہے کہ کھاریاں تحصیل کے چھ پٹوار سرکلز کو نکال دیا گیا ہے۔

<hr />

تاہم فائنل ریس روایتی حریف چوہدری الیاس اور عابد رضا کے درمیان متوقع ہے۔ تاہم چوہدری خاندان کی تقسیم اور موسیٰ الہیٰ کے میدان میں ہونے کے باعث چوہدری الیاس کو نقصان بھی ہوسکتا ہے۔

پاکستان پیپلز پارٹی نے اس حلقے میں کسی امیدوار کو نامزد نہیں کیا۔

قومی اسمبلی کے اس حلقے کے نیچے صوبائی نشست پی پی 27 میں مسلم لیگ ن کے ملک حنیف اعوان اور تحریک انصاف کے حمایت یافتہ نعمان اشرف کے درمیان کانٹے کا مقابلہ متوقع ہے۔

ملک حنیف اعوان کے حامی اقتدار کی امید اور مستقبل کے منصوبوں پر حمایت حاصل کرنے کی کوشش کر رہے ہیں جبکہ نعمان اشرف کو پاپولر پارٹی اور پرویز الہی کے دور میں ہونے والے ترقیاتی کاموں سے ووٹ ملنے کا یقین ہے۔

حلقہ پی پی 28 میں اس بار دو بھائی آمنے سامنے ہیں جن میں سے چوہدری شبیر کوٹلہ ن لیگ اور چوہدری شاہد رضا کوٹلہ کو تحریک انصاف کی حمایت حاصل ہے۔ جبکہ پیپلز پارٹی نے اس حلقے میں بھی اپنا امیدوار کھڑا نہیں کیا۔

&nbsp;این اے 63 جلالپور جٹاں، بھاگووال اور ملحقہ علاقوں پر مشتمل ہے جہاں سے گزشتہ الیکشن میں مسلم لیگ ق کے چوہدری حسین الٰہی نے ن لیگ کے نوابزادہ غضنفر علی گل کو شکست دی تھی اور یہاں تیسری نمبر پر تحریک لبیک آئی تھی۔

اب کی بار مسلم لیگ ق کے امیدوار چوہدری حسین الٰہی مسلم لیگ ن کے نوابزادہ غضنفر علی گل اور پی ٹی آئی کے حمایت یافتہ چوہدری یوسف چھنی کے درمیان کانٹے دار مقابلہ متوقع ہے۔

تاہم مسلم لیگ ق کے چوہدری حسین الٰہی آگے نظر آتے ہیں جنہوں نے اپنے دور اقتدار میں حلقے میں اربوں روپے کے ترقیاتی منصوبہ جات مکمل کروائے۔

اس نشست پر پیپلز پارٹی کے چوہدری شوکت علی، جماعت اسلامی کے محمد مدبر صدیق، تحریک لبیک کے محمود قادری و دیگر امیدوار بھی میدان میں ہیں۔

اس قومی نشست کے نیچے پی پی 29 میں گجرات شہر اور مضافاتی علاقے شامل ہیں جہاں مسلم لیگ ن کے نوابزادہ حیدر مہدی، مسلم لیگ ق کے خالد اصغر گھرال، پیپلز پارٹی کے راجہ محمد ادریس، پی ٹی آئی کی حمایت یافتہ عافیہ نورین سمیت کئی امیدوار قسمت آزمائی کر رہے ہیں۔

یہاں نوابزادہ حیدر مہدی اور چوہدری خالد اصغر گھرال کے درمیان سخت مقابلہ متوقع ہے لیکن عافیہ نورین بھی سرپرائز دے سکتی ہیں۔

این اے 64 گجرات شہر کا حلقہ ہے جو چوہدری برادران کی آبائی نشست ہے اور یہاں سے اکثر وہی منتخب ہوتے رہے ہیں لیکن پرویز الٰہی اور شجاعت حسین کی راہیں جدا ہونے کے بعد یہاں صورت حال بہت دلچسپ ہو گئی ہے۔

اس بار سے اس حلقے میں چوہدری شجاعت کے بیٹے سالک حسین کا پی ٹی آئی کے صدر چوہدری پرویز الٰہی سے متوقع مقابلہ تھا لیکن ان کے کاغذات مسترد ہو گئے تھے۔ جس پر اب پرویز الٰہی کی اہلیہ اور چوہدری ظہور الٰہی کی بیٹی قیصرہ الٰہی پی ٹی آئی کی حمایت یافتہ امیدوار ہیں۔

مسلم لیگ ق سے ایڈجسٹمنٹ کے باعث مسلم لیگ ن نے چوہدری سالک کے مقابلے میں کسی کو ٹکٹ جاری نہیں کیا اور اپنے امیدوار علیم الدین وڑائچ کو آزاد الیکشن لڑنے سے بھی روک دیا۔

گجرات کا یہ ہائی وولٹیج حلقہ لوگوں کی دلچسپی کا مرکز بنا ہوا ہے جہاں انتخابی مہم میں دونوں امیدوار ایک دوسرے کو تنقید کا نشانہ بنا رہے ہیں۔

قیصرہ الٰہی اپنے شوہر کے جیل میں ہونے اور پی ٹی آئی کی ہمدردی کا ووٹ لینے کی بھر پور کوشش کر رہی ہیں۔&nbsp; 2018ء میں پرویز الٰہی کے یہ نشست چھوڑنے پر یہاں ضمنی الیکشن میں پرویز الٰہی کے بیٹے مونس الٰہی منتخب ہوئے تھے۔

سیاسی کارکن حفیظ احمد بتاتے ہیں کہ یہاں پر کانٹے کا مقابلہ ہو گا کیونکہ پکڑ دھکڑ اور گرفتاریوں کے باعث گجرات کے بیشتر نوجوانوں کا جھکاؤ پی ٹی آئی کی طرف ہو چکا ہے۔

وہ کہتے ہیں کہ اگر پولنگ کے روز ٹرن آؤٹ زیادہ رہا تو قیصرہ الٰہی کامیاب ہو جائیں گی لیکن اگر کم لوگ ووٹ ڈالنے کے لیے نکلے تو قیصرہ الٰہی کو نقصان ہوسکتا ہے۔

اس حلقے میں پیپلز پارٹی نے مبین ارشدکو میدان میں اتارا ہے جبکہ پی ٹی آئی کے منحرف رہنما محمد افضل گوندل، جماعت اسلامی کے ساجد شریف، تحریک لبیک کے چوہدری عبدالکریم اور جے یو آئی کے عبدالرشید وڑائچ بھی میدان میں موجود ہیں۔

یہاں تحریک لبیک کافی ووٹ لے سکتی ہے اگر ایسا ہوا تو اس کا فائدہ ق لیگ کو ہو گا۔

&nbsp;پی پی 31 میں مسلم لیگ ق کے چوہدری شافع حسین کا مقابلہ پی ٹی آئی کے حمایت یافتہ مدثر مچھیانہ سے ہے جو عمران خان کے ذاتی سکیورٹی انچارج ہیں۔

یہاں مسلم لیگ ن اور پیپلز پارٹی نے ق لیگ سے ایڈجسٹمنٹ کے تحت اپنا امیدوار کھڑا نہیں کیا۔ 
&nbsp; 
&nbsp;اس حلقے میں زیاد تر بڑی برادریاں اور دھڑے چوہدری شافع کے ساتھ ہیں لیکن شہری حلقہ ہونے کی وجہ سے تحریک انصاف کے بھی کافی حامی ہیں جو باہر نکل کر نعرے تو نہیں لگا رہے لیکن پولنگ سیٹشن پر سرپرائز دے سکتے ہیں۔

اس نشست پر جماعت اسلامی کے چوہدری انصر دھول اور ق لیگ کے منحرف رہنما چوہدری عدیل ارشد سمیت کئی دیگر امیدوار بھی الیکشن لڑ رہے ہیں۔

حلقہ پی پی 32 کنجاہ اور مضافاتی علاقوں پر مشتمل ہے جہاں مسلم لیگ ق کے امیدوار چوہدری سالک حسین کا مقابلہ پی ٹی آئی کے صدر چوہدری پرویز الٰہی سے ہے۔ تاہم پرویز الٰہی کی پوزیشن بہتر بتائی جا رہی ہے لیکن ق لیگ کے حامی اس دعوے کو تسلیم نہیں کرتے۔

&nbsp;این 65 میں لالہ موسیٰ، ڈنگہ وغیرہ آتے ہیں اور یہ ہائی وولٹیج حلقہ ہے۔ یہ پیپلز پارٹی کے مرکزی رہنما قمر زمان کائرہ کی آبائی نشست ہے جہاں سے وہ اس بار بھی الیکشن لڑ رہے ہیں۔ ان کا مقابلہ مسلم لیگ ن کے چوہدری نصیر احمد سدھ اور پی ٹی آئی کے حمایت یافتہ وجاہت حسنین شاہ سے ہے۔

گزشتہ الیکشن میں اس حلقے میں پی ٹی آئی کے سید فیض الحسن نے ن لیگ کے چوہدری جعفر اقبال اور پیپلز پارٹی کے قمر زمان کائرہ کو شکست دی تھی۔ اب یہاں قمر زمان کائرہ اور سید وجاہت کے درمیان کانٹے کے مقابلے کی توقع ہے۔

لالہ موسیٰ اور مضافات پر مشتمل صوبائی حلقے پی پی 33 میں پیپلز پارٹی کے ندیم اصغر کائرہ، مسلم لیگ ن کے محمد علی، مسلم لیگ ق کے سید مدد علی شاہ اور تحریک انصاف کے حمایت یافتہ چوہدری عمر لیاقت امیدوار ہیں۔

گزشتہ الیکشن میں یہاں سے تحریک انصاف کے چوہدری لیاقت کامیاب ہوئے تھے لیکن اس بار عمر لیاقت کو ندیم اصغر کائرہ سے سخت مقابلے کا سامنا ہے۔

&nbsp;پی پی 34 ڈنگہ اور کنجاہ قصبات کی آبادیوں پر مشتمل ہے جہاں سے گزشتہ الیکشن میں سے پی ٹی آئی جیتی تھی۔

اس بار یہاں چوہدری ظہور الٰہی کی بیٹی سمیرا الٰہی پی ٹی آئی کی حمایت یافتہ امیدوار ہیں جبکہ مسلم لیگ ن نے میاں طارق محمود، پیپلز پارٹی نے خالد رفیق اور جماعت اسلامی نے معصب لبیب کو میدان میں اتارا ہے۔

اس حلقے میں میاں طارق محمود اور سمیرا الٰہی کے درمیان زور دار مقابلہ دیکھنے کو ملے گا۔

ضلع سرگودھا میں ہائی وولٹیج مقابلے مریم نواز کے مد مقابل کون الیکشن لڑے گا؟

گجرات کے چوہدریوں کی آپسی لڑائی سے مسلم لیگ ن کو کس حد تک فائدہ ملے گا؟

text

28 اگست 2023 کی صبح ضلع گجرات کے ایک معروف سکول کے سامنے لوگوں کی بھیڑ جمع ہے جن میں اکثریت خواتین اور بچوں کی ہے۔ یہ لوگ سکول کے اندر داخل ہونے کی کوشش کررہے ہیں لیکن انتظامیہ انہیں اجازت نہیں دے رہی حالانکہ یہ بچے اسی سکول میں زیر تعلیم ہیں اور ساتھ میں ان کے والدین ہیں۔

تھوڑی دیر بعد انتظامیہ کی طرف سے چند بچوں اور ان کے والدین کو داخلے کی اجازت مل جاتی ہے لیکن بہت سارے والدین سے ان کے فون نمبر لے لیے گئے ہیں اور ان سے وعدہ کیا گیا ہے کہ جب انہیں سکول سے فون آئے گا تو وہ آسکتے ہیں۔

یہ ملک کے ایک معروف، مہنگے اور معیاری سمجھے جانے والے سکول سسٹم &#39;لاہور گرائمر سکول&#39; کی گجرات میں قائم شاخ کے مناظر ہیں۔

یہاں پر آئے والدین کا کہنا ہے کہ وہ اس لیے یہاں جمع ہوئے ہیں کیونکہ انتظامیہ نے سکول میں پڑھنے والے بچوں کے لیے اچانک دو نظام رائج کردیے ہیں۔

پہلے اس سکول میں تمام بچوں کو یکساں فیس کے ساتھ ایک جیسی سہولیات میسر تھیں لیکن اب آئی بی (انکوائری پروگرام) کے نام سے ایسے سیکشن بنا دیے گئے ہیں جن میں بچوں سے ڈھائی گنا زیادہ فیسیں وصول کرتے ہوئے ملٹی میڈیا، ایئرکنڈیشنڈ سمارٹ کلاس روم، لائبریری، سائنس لیب، آن لائن کمپیٹیشن اور دوسری سہولیات&nbsp; میں چند کا اضافہ کردیا گیا ہے جبکہ باقی بچوں کو پہلے سے میسر سہولتوں میں کمی کر دی گئی ہے۔

والدین کا موقف ہے کہ جس وقت انھوں نے اپنے بچوں کو سکول میں داخل کرایا تھا تو انہیں اسی فیس میں وہ تمام سہولیات دینے کا وعدہ کیا گیا تھا جو اب چھینی جارہی ہیں۔ وہ اس نظام کو سکول میں طبقاتی تقسیم پیدا کرنے کے مترادف قرار دیتے ہوئے خوف زدہ ہیں کہ اس سے ان کے بچوں کے ذہنوں پر منفی اثرات مرتب ہوں گے۔

لاہور گرائمر سکول کا آغاز 1979 میں لاہور سے ہوا تھا اور اسے عام طور پر قدرے بہتر آمدنی والے طبقے سے تعلق رکھنے والے بچوں کی تعلیم کا ایک معیاری ادارہ سمجھا جاتا ہے۔

لاہور گرائمر سکول پرائیویٹ لمیٹڈ، انٹرپرائزز سکول سسٹم نامی کمپنی کا ذیلی ادارہ ہے۔ اس کمپنی کی ویب سائیٹ کے مطابق ملک بھر میں اس سکول کی 60 سے زیادہ شاخیں ہیں۔ گجرات میں قائم لاہور گرائمر سکول بھی اس میں شامل ہے۔

گجرات میں اس سکول کے دو کیمپس ہیں جن میں ایک میٹرک اور دوسرا&nbsp; اے او لیول یا اس سے اوپر کی کلاسوں کے لیے ہے۔

سرکاری سکول کی ریٹائرڈ ٹیچر عطیہ کوکب کا نواسہ بھی اسی سکول میں کلاس ون کا طالب علم ہے۔ ان کے بقول پچھلے سال جب انھوں نے اپنے نواسے کا داخلہ اس سکول میں 12 ہزار روپے فیس کے ساتھ کرایا تھا تو انہیں تمام سہولیات میسر تھیں اور ان میں مزید اضافے کا وعدہ کیا گیا تھا۔ لیکن رواں سیشن میں جب ان کا نواسا کلاس ون میں گیا ہے تو اس کی فیس بڑھا کر 13400 روپے کر دی گئی ہے۔

وہ بتاتی ہیں کہ جیسے ہی ستمبر میں نئے سیشن کا آغاز ہوا تو سکول انتظامیہ نے ان سمیت دیگر بچوں کے والدین کو بلاکر بتایا کہ اب سے سکول میں دو سیکشن ہوں گے۔ ایک سیکشن کی وہی پرانی فیس ہو گی اور دوسرے سیکشن کی فیس 28 سے 30 ہزار روپے تک وصول کی جائے گی۔

عطیہ کے مطابق سکول انتظامیہ کہتی ہے کہ اب 28 ہزار روپے دینے والے بچوں کو ہی ائرکنڈیشنر، آن لائن کمپیٹشن، ملٹی میڈیا کے ذریعے سٹوری میکنگ اور آئی بی کی سہولیات ملیں گی۔

اس سسٹم کا نام آئی بی کیوں رکھا گیا ہے اس حوالے سے عطیہ کوکب کہتی ہیں کہ آئی بی پروگرام وہ طریقہ تعلیم ہے جس میں بچوں کو سوشل ورک کے حوالے سے مشقیں کرائی جاتی ہیں اور اس سے ان میں خود اعتمادی بڑھتی ہے۔

جو والدین اتنی بڑی فیس برداشت نہیں کرسکتے ان کے بچوں سے پرانی سہولیات چھین لی گئی ہیں۔ انہیں عمارت کے بالائی فلور پر کمرے دیے گئے ہیں جن کی حالت چار پانچ ہزار فیس والے نجی سکولوں یا سرکاری سکولوں سے بھی زیادہ خراب ہے۔

عطیہ کوکب بتاتی ہیں کہ ان کے داماد مڈل ایسٹ میں سول انجیئنر ہیں اور ایک اچھی فرم میں کام کرتے ہیں۔ پہلے ان&nbsp; کی بیٹی اور نواسہ وہیں ان کے ساتھ رہتے تھے لیکن دو سال پہلے خاندان نے یہ فیصلہ کیا تھا کہ بیٹی اور نواسہ پاکستان آجائیں کیوں کہ ان کا خیال تھا کہ اب انہیں گجرات میں ہی معیاری تعلیم مل سکتی ہے۔

گجرات میں انہوں نے لاہور گرائمر سکول کا انتخاب بھی اسی لیے کیا تھا کہ اس میں پڑھائی کے ساتھ بچوں کو خود اعتمادی، سوشل ورک اور دوسرے کیمپس کے ساتھ آن لائن مقابلوں جیسی سہولیات فراہم کی جاتی تھیں۔

اس سکول مہیں پری کے جی کے طالب علم صارم وڑائچ کی والدہ عیشا احمد عطیہ کوکب کی بات کو آگئے بڑھاتے ہوئے بتاتی ہیں یہاں پر بہتر سہولیات اور غیر نصابی سرگرمیوں میں بچوں کی شمولیت کو دیکھ کر ہی انھوں نے اپنے بچے کو یہاں داخل کرانے کا فیصلہ کیا تھا لیکن اب اچانک یہ تمام سہولیات ان سے چھین لی گئی ہیں۔

گجرات میں لوکل گورنمٹ کے چیف آفیسر محمد منیر ملک کے تین بچے بھی اسی سکول میں پڑھتے ہیں، وہ نیا نظام رائج کیے جانے کے علاوہ سکول انتظامیہ کی طرف سے ایک سے زیادہ بچوں کو فیس کی مد میں ملنے والی رعایت ختم کرنے کے بارے میں بھی بتاتے ہیں۔

محمد منیر کا کہنا ہے کہ دو ماہ پہلے جب انہیں اس بارے میں آگاہ کیا گیا تو انھوں نے سکول جاکر اس پر بات کرنا چاہی لیکن انتظامیہ کا موقف تھا کہ یہ فیصلہ ہیڈ آفس کی طرف سے آیا ہے اور اس پر سختی سے عمل درآمد ہوگا۔

وہ کہتے ہیں کہ اس فیصلے کو انھوں نے نہ چاہتے ہوئے بھی بچوں کے بہتر مستقبل کی خاطر قبول کرلیا لیکن اب ایک ہی سکول میں دہرا نظام تعلیم انہیں ہرگز منظور نہیں۔

وہ یہ بھی بتاتے ہیں کہ انتظامیہ کے اصرار پر انہوں ںے اپنے بچوں کو لاکھوں روپے خرچ کرکے مہنگے ٹیبلٹ لے کر دیے لیکن اب کم فیس والے سیکشن کے سلیبس میں سے کمپیوٹر کو ہی ختم کردیا گیا ہے۔ یہی نہیں بلکہ اگر کم فیس دینے والا کوئی بچہ لائبریری اور کمپیوٹر لیب تک رسائی کی کوشش کرتا ہے تو اسے روک دیا جاتا ہے۔

&quot;میرے بچے شکایت کرتے ہیں کہ انہیں آئی بی سیکشن میں پڑھنے والے اپنے پرانے دوستوں سے ملنے کی اجازت بھی نہیں ہے۔&quot;

عطیہ بتاتی ہیں کہ کم فیس والے بچوں سے ائرکنڈیشنر کے علاوہ یو پی ایس کی سہولت بھی چھین لی گئی ہے۔ جب بجلی بند ہوتی ہے تو اساتذہ انہیں یہ کہہ کر بہلاتے ہیں کہ پنکھے ہی خراب ہوگئے ہیں۔

&quot;جس کلاس میں میرا نواسہ پڑھ رہا ہے اس میں بچوں کی تعداد 46 ہے جبکہ کسی سرکاری سکول کے ایک کمرے میں بھی اتنے بچوں کو رکھنے کی اجازت نہیں ہوتی۔ کیا 46 بچوں کی فی کس 13400 روپے فیس سے دو ائرکنڈیشنرز کا بل بھی نہیں نکل سکتا۔&quot;

منڈی بہاءالدین کے ڈسٹرکٹ آفیسر فنانس میاں آفتاب احمد کے دو بچے بھی اس سکول میں زیرتعلیم ہیں۔ وہ بتاتے ہیں کہ گزشتہ دنوں ان کا ایک بچہ اپنے کسی پرانے کلاس فیلو سے بات کرنے کے لیے دونوں سیکشنز کی درمیانی کھڑکی میں کھڑا تھا تو سکیورٹی سٹاف نے اسے سختی سے دور بھگایا۔ بچہ اس رویے سے اس قدر دلبراشتہ ہوا کہ اب وہ سکول جانے سے ہی کترانے لگا ہے۔

میاں آفتاب احمد بھی سوال اٹھاتے ہیں کہ کیسے کوئی والدین اپنے بچے کو ذہنی اذیت کا شکار بننے دے سکتے ہیں؟ اور ایک جمہوری اور با شعور ریاست میں یہ کیسے ممکن ہے کہ ایک ہی سکول میں دو طبقاتی نظام رائج کر دیے جائیں۔

وہ بتاتے ہیں کہ بہت سارے والدین نے مل کر اس سکول کے خلاف وزیراعلیٰ پنجاب کے شکایت سیل میں بھی اپیل کی ہے اور انتظامیہ کو نظر ثانی کی درخواست بھی دی ہے لیکن ابھی تک دونوں طرف سے کوئی جواب موصول نہیں ہوا۔

مقامی شہری حافظ سلیمان احمد کا بیٹا اس سکول میں گریڈ تھری میں پڑھتا جنہوں ںے نیا نظام نافذ ہونے کے بعد اسے سکول سے اٹھا کر ایک اور پرائیویٹ سکول میں داخل کرا دیا ہے۔

وہ بتاتے ہیں کہ&nbsp; اس مسئلے پر جب انھوں نے سکول انتظامیہ سے ملاقات کی کوشش کی تو پرنسپل، ایڈمن سٹاف اور کوآرڈینیٹر سمیت کسی ذمہ دار نے ان سے ملنا گوارا نہیں کیا جبکہ اسی روز اپنے بچوں کو آئی بی سیکشن میں منتقل کرنے پر رضامندی ظاہر کرنے والے والدین کو انتہائی عزت و احترام سے بریفنگ دی گئی۔

حافظ سلیمان کے خیال میں انتظامیہ کو بچوں کی تعلیم سے غرض نہیں بلکہ وہ اسے اپنے کاروبار کے طور پر ترقی دینا چاہتے ہیں۔

عطیہ کوکب کے بقول سکول کی اس برانچ میں بچوں کی تعداد ایک ہزار سے زیادہ ہے۔ تاہم چند ماہ پہلے تک وہاں تعلیم دینے والے ایک استاد کا کہنا ہے کہ نیا نظام آنے کے بعد تقریباً&nbsp; سو بچے سکول چھوڑ چکے ہیں اور اب وہاں 900 کے قریب طلبہ پڑھ رہے ہیں۔

عطیہ کوکب کہتی ہیں کہ سکول انتظامیہ کلاسوں کو طبقاتی بنیاد پر تقسیم کر کے بچوں کو یہ پیغام دے رہی ہے کہ فلاں کے والدین ماہانہ 30 ہزار روپے ادا کرنے کی استطاعت رکھتے ہیں اور تمہارے والدین کے پاس اتنے پیسے نہیں ہیں۔

اس معاملے میں جب سکول انتظامیہ سے رابطے کے لیے کیمپس میں جانے کی کوشش کی گئی تو گیٹ پر تعینات عبداللہ نامی ایڈمن آفیسر نے واضح کیا کہ میڈیا کو سکول کے اندر داخلے کی اجازت نہیں ہے۔

اس کے بعد لاہور گرائمر سکول کی ورکنگ ڈائریکٹر ڈاکٹر نیلم حسین سے رابطہ کیا گیا تو ان کا جواب تھا کہ وہ نیلم حسین نہیں بلکہ ایل جی ایس سکول سسٹم کے فرنٹ ڈیسک سے بات کررہی ہیں۔

جب ان سے سوال کیا گیا کہ گجرات برانچ میں ایک ہی عمارت میں دو الگ الگ نظام کیوں چلائے جارہے ہیں تو ان کا کہنا تھا کہ گجرات میں سکول کی دو عمارتیں ہیں جن میں تین نظام چل رہے ہیں۔

جب ان سے کہا گیا کہ دو نظام دو الگ الگ عمارتوں میں کیوں نہیں چلائے جا رہے تو ان کا کہنا تھا کہ کروڑوپے روپے خرچ کر کے عمارتیں تعمیر کرنے والوں کو انہیں اپنی مرضی سے استعمال کرنے کا حق کیوں نہیں؟ انہوں ںے مزید کہا کہ سکول میں آئی بی کے علاوہ بھی مزید دس پروگرام شروع کیے جا رہے ہیں۔ سکول کے مالکان اپنے ادارے کو اپنی شرائط پر چلانے کے لیے آزاد ہیں۔

ان کا کہنا تھا کہ سکول کی دونوں عمارتوں میں تین تین گیٹ بنائے گئے ہیں اور ہر سسٹم میں پڑھنے والے بچے الگ الگ گیٹ سے سکول میں آتے ہیں۔

تاہم مقامی لوگوں کے مطابق سکول میں میٹرک کے درجے تک تعلیم دینے والے حصے کے دو دروازے ضرور ہیں لیکن بچوں کا داخلہ ایک ہی مرکزی گیٹ سے ہوتا ہے اور چھٹی کے بعد والدین انہیں وہیں سے واپس لیتے ہیں۔ سکول میں قائم آئی بی سسٹم کی کلاسیں گراؤنڈ فلور پر ہوتی ہیں جبکہ عام انگریزی سسٹم کی کلاسوں کا اہتمام بالائی فلور پر ہے۔

عطیہ کوکب، حافظ سلیمان اور بعض دوسرے والدین کے خیال میں سکول کا دہرا نظام صرف اسی صورت قدرے قابل قبول ہو سکتا ہےکہ دونوں حصوں کی عمارتیں الگ کر دی جائیں اور آئی بی نظام کے تحت نئے سرے سے داخلے دیے جائیں۔ سکول میں پہلے سے ہی زیرتعلیم بچوں کو فیس کی بنیاد پر دو حصوں میں تقسیم کرنا کسی طور قابل قبول نہیں۔

گجرات میں محکمہ تعلیم کے چیف ایگزیکٹو آفیسر (سی ای او) ڈاکٹر سیف اللہ ڈھلوں بھی ایک عمارت میں دو تعلیمی نظام قائم کیے جانے کو غلط قرار دیتے ہیں۔تاہم ان کا یہ بھی کہنا ہے کہ لاہور گرامر سکول کے متاثرہ والدین کی طرف سے ان کے محکمے کو ابھی تک اس حوالے سے کوئی شکایت درج نہیں کرائی گئی ہے جس کی بنیاد پر وہ محکمانہ کارروائی کر سکیں۔

وہ بتاتے ہیں کہ ضلع میں پرائیویٹ سکولوں کی تعداد تقریباً 1400 ہے۔ نجی سکولوں کے لیے ہر ضلعے میں ایک ڈسٹرکٹ رجسٹریشن اتھارٹی کام کرتی ہے جس کا کام صرف ادارے کی رجسٹریشن کرنا ہوتا ہے۔ کوئی بھی سکو ل ضلعی اتھارٹی کی اجازت کے بغیر اپنی ماہانہ فیس میں اضافہ نہیں کر سکتا۔ فیس میں اضافے کیلئے باقاعدہ درخواست دی جاتی ہے جس کے بعد ضلعی اتھارٹی بھی پانچ فیصد سے زیادہ فیس بڑھانے کی اجازت نہیں دے سکتی۔

انہوں نے بتایا کہ کسی بھی سکول سسٹم کے آغاز میں اس کی فیس کا تعین بھی ضلعی اتھارٹی نہیں کرتی۔ لاہور گرامر سکول سمیت دیگر پرائیویٹ ادارے والدین اور بچوں کو دی جانے والی سہولیات کی بنیاد پر اپنی فیس طے کرتے ہیں اور اپنے بچوں کو ایسے سکولوں میں بھیجنے والے والدین بھاری بھر کم فیس کے ساتھ دیگر اخراجات بھی برداشت کر سکتے ہیں۔

(اس سٹوری کی تیاری میں لاہور سے آصف ریاض نے بھی مدد فراہم کی۔)

طاہر جمیل سیال

گجرات سے تعلق رکھنے والے طاہر جمیل 18سال سے صحافت سے وابستہ ہیں۔ مختلف مقامی اور قومی اخبارات میں بحثیت رپورٹر و کالم نگار کام کر رہے ہیں۔

گجرات کے چوہدریوں کی آپسی لڑائی سے مسلم لیگ ن کو کس حد تک فائدہ ملے گا؟

'عام' بچے کو 'خاص' سہولت نہیں ملے گی، لاہور گرائمر سکول گجرات میں مالی حیثیت کی بنیاد پر طلبہ کی 'تقسیم'