Despite the hefty investment in a parking plaza in Quetta three years ago, the city's parking troubles persist. Illegal parking thrives as the issue remains unsolved, posing challenges for re

Quetta's Parking Woes Persist Despite Billion Rupees Plaza: Illegal Parking Thrives

کوئٹہ کے شہری طویل عرصے سے ایک ایسے مسئلے سے دوچار ہیں جو سنگین شکل اختیار کر چکا ہے۔ اس معاملے کے پیچھے چھپی وجہ ایسی ہے جسے سب جانتے ہیں مگر بے بس ہیں۔

نعمت اللہ کوئٹہ کے رہائشی ہیں جو قندھاری بازار میں اپنی دکان چلاتے ہیں۔ وہ بتاتے ہیں کہ شہر کی کسی بھی سڑک یا بازار میں جائیں راستے بند ملتے ہیں جبکہ قندھاری بازار کا روڈ تو اکثر بند ہی رہتا ہے۔ یہاں لوگوں کے لیے پیدل چلنا مشکل ہو گیا ہے جس کی وجہ سے ان کا کاروبار شدید متاثر ہو رہا ہے۔

وہ بتاتے ہیں کہ ایک تو جگہ جگہ موٹر سائیکلیں اور گاڑیاں غلط پارک کرنے سے ٹریفک جام ہو جاتا ہے، دوسرے جس کا جہاں دل کرتا ہے وہیں &#39;رسیاں لگا کر پارکنگ&#39; بنا لیتا ہے جس سے ساری ٹریفک پھنس کر رہ جاتی ہے۔

&quot;شہر میں رسی والی پارکنگ برائی کی جڑ ہے جب ہم ان افراد کو یہاں سے پارکنگ ہٹانے کا کہتے ہیں تو یہ بدمعاشی کرتے اور دھمکیاں دیتے ہیں۔ ہمارے سامنے دو غیر قانونی سٹینڈز موجود ہیں جبکہ انتظامیہ کئی بار شکایت کرنے کے باوجود کوئی ایکشن نہیں لیتی۔&quot;

ان کا کہنا تھا کہ بازاروں میں گاڑیاں کھڑی کرنے کی ناکافی سہولیات کے باعث غیرقانوںی پارکنگ اچھا خاصا کاروبار بن چکا ہے۔

خاص طور پر قندھاری بازار، لیاقت بازار، عبدالستار روڈ، ایئرپورٹ روڈ، شہباز ٹاون، مسجد روڈ، عدالت روڈ ، گلوبل سینٹر، علمدرا روڈ اور شہر کے مختلف مصروف کاورباری علاقوں میں 100 سے زائد غیر قانونی پارکنگ (سٹینڈز) موجود ہیں۔

یہاں تک کہ نادرا آفس سمیت متعدد سرکاری دفاتر کے ساتھ اور نجی اکیڈمیوں کے سامنے درجنوں غیر قانونی سٹینڈ ہیں جو بچوں سے 30 روپے اور کہیں50&nbsp; روپے اینٹھ لیتے ہیں لیکن اس کی سزا شہر والوں کو ٹریفک جام اور آلودگی میں اضافے کی صورت میں بھگتنا پڑتی ہے۔

<a href="https://www.researchgate.net/publication/368425994_Exploring_Causes_Effects_and_Possible_Solutions_of_Traffic_Congestion_in_Pakistan_The_Case_of_Quetta_Metropolitan_City">بنکاک کی چلالانگ کرن یونیورسٹی اور بلوچستان یونیورسٹی کوئٹہ کے سٹوڈنٹس نے 2021ء میں ایک تحقیق</a> کی تھی جس کا مقصد کوئٹہ میں ٹریفک کے رش کی وجوہات، اثرات اور ممکنہ حل تلاش کرنا تھا۔ یہ رپورٹ 2023ء میں جاری کی گئی تھی۔

اس مطالعہ (سٹڈی) کے دوران سیمپلنگ سروے میں ایمبولینس، موٹر کار، واٹر ٹینکر، ٹیکسی، ڈمپر ٹرک، منی بس، بس، وین، ٹریکٹر، پک اپ، رکشہ اور ٹرک کے 400 ڈرائیوروں کو شامل کیا گیا تھا جن میں سے 78.8 فیصد کل وقتی ڈرائیور جبکہ 21.2 فیصد طلبا، بزنس مین اور و دیگر شعبوں کے افراد تھے۔

رپورٹ بتاتی ہے کہ ان ڈرائیوروں میں 68 فیصد افراد نے روزانہ ٹریفک بھیڑ میں پھنسنے کی شکایت کی۔ ان کی تجاویز میں، اس مسئلے کے سدھار کے لیے کاروباری مراکز کی باہر منتقلی، پارکنگ پلازوں کی تعمیر، سٹریٹ پارکنگ اور ڈبل پارکنگ پر پابندی اور تجاوزات کا خاتمہ شامل تھیں۔

سروے میں ان افراد کو مرکزی شاہراہوں سریاب روڈ، جناح روڈ، سبزل روڈ، زرغون روڈ اور بروری روڈ پر سب سے زیادہ رش کی شکایات تھیں۔ بازاروں کی صورت حال اس سے کہیں خراب ہے جہاں غیر قانونی پارکنگ کی وجہ سے پیدل چلنا&nbsp; بھی دشوار ہے۔

یو این ورلڈ اربن پراسپیکٹس&nbsp; کے تخمینے کے مطابق کوئٹہ کی آبادی 12لاکھ 21ہزار سے زائد ہے لیکن یہاں کبھی گاڑیوں اور رکشوں اور موٹرسائیکلوں کی درست تعداد معلوم نہیں ہو سکی کیونکہ مبینہ طور پر رجسٹرڈ گاڑیوں سے غیر رجسٹرڈ کی تعداد زیادہ ہے۔

کوئٹہ ٹریفک پولیس کہتی ہے کہ شہر میں لاکھوں گاڑیاں ہیں اور یہاں 13 ہزار سے زائد غیر رجسٹرڈ رکشے چلتے ہیں۔

کوئٹہ ٹریفک پولیس جن 12 بڑے مسائل&nbsp; ( جو آفیشل ویب پر دیکھے جا سکتے ہیں)کا برملا اظہار کرتی ہے ان میں تنگ سڑکوں اور تجاوزات کے علاوہ پارکنگ سہولیات کا فقدان بھی شامل ہے۔ تاہم ایس ایس پی ٹریفک بہرام مندوخیل کا کہنا تھا کہ ٹریفک مسائل سے جلد عوام کی جان چھڑا دی جائے گی۔

کوئٹہ میں 2021ء میں اس وقت کے وزیر اعلیٰ میر عبدالقدوس بزنجو نے ایک چھ منزلہ سرکاری پارکنگ پلازے کا افتتاح کیا تھا جس میں 600 کاریں اور 678 موٹر سائیکل کھڑی کرنے کی گنجائش ہے۔ بارہ سال سے زیادہ عرصے میں مکمل ہونے والے اس پلازے پر ایک ارب روپے سے رقم خرچ ہوئی تھی مگر اس سے بھی پارکنگ کا مسئلہ حل نہیں ہوا۔

میٹرو پولیٹن کارپوریشن کے ایڈمنسٹریٹر&nbsp; جبار بلوچ اعتراف کرتے ہیں کہ شہر میں پارکنگ کے مسائل حل نہیں ہو پائے جبکہ جگہ جگہ موٹر سائیکلوں کے غیر قانونی سٹینڈز موجود ہیں جو عوام کو لوٹ رہے ہیں۔

وہ کہتے ہیں کہ اگر ٹریفک کی روانی کے لیے کہیں پارکنگ کے لیے جگہ چاہیے ہو تو بلدیہ ٹینڈرز کے ذریعے پارکنگ فراہم کرتی ہے۔ شہر میں کارپوریشن کی 17 پارکنگ سائٹس ہیں جن میں جناح ٹاؤن، میزان چوک بلدیہ پلازہ سٹی تھانہ وغیرہ شامل ہیں۔

انہوں نے بتایا کہ جناح روڈ پر پانچ مقامات پارکنگ کے لیے طے کیے گئے تھے مگر ٹریفک میں تعطل کے باعث ان کو ختم کر دیا گیا ہے۔ اس روڈ پر بڑی پارکنگ فتح خان مارکیٹ کے سامنے تھی جس کو گلی میں شفٹ کر دیا گیا ہے۔ مگر انہوں نے گلہ کیا کہ لوگ پھر بھی راستوں اور شاہراہوں پر موٹر سائیکل کھڑی کر دیتے ہیں۔

&quot; کمرشل بلڈنگ بناتے وقت سڑک کے ساتھ 12 فٹ جگہ چھوڑنا ضروری ہوتا ہے مگر لوگ زیادہ تر سامان اور جنریٹر وغیرہ اسی جگہ پر رکھتے ہیں جو تجاوزات ہے۔&quot;

بلوچستان بلڈنگ کنٹرول اینڈ ٹاؤن پلاننگ کے قواعد&nbsp; 2022 ء کا چیپٹر6 عمارت کی زمین کے استعمال سے متعلق ہے جس کی شق 33 (3 ) میں کمرشل پلازوں کی بیسمنٹ، ریمپ اور انڈر گراؤنڈ پارکنگ کی تفصیلات دی گئی ہیں۔

اگرچہ کوئٹہ میں انڈر گراؤنڈ پارکنگ بنانے کا رواج بہت کم ہے تاہم یہ پابندی ضرور لگائی گئی ہے کہ انڈر گراؤنڈ پارکنگ کا ریمپ پلاٹ کے اندر سے ہی شروع ہو گا۔

اس چیپٹر کی شق 4 کمرشل عمارتوں (دکانوں وغیرہ)کے لیے عمومی معیارات کا احاطہ کرتی ہے جس کے مطابق کورڈ ایریا کے ہر ہزار مربع فٹ پر ایک کار کی جگہ چھوڑنا ہوگی جبکہ پارکنگ کی 40 فیصد جگہ سائیکل اور موٹر سائیکل کے لیے مختص کی جائے گی۔

اسی طرح بلڈنگ اور سڑک کے درمیان آرکیڈز (پاتھ وے یا خالی جگہ) ڈویژن/ضلعی ہیڈ کوارٹرز میں 10 فٹ جبکہ محلے کی دکانوں کی صورت میں یہ جگہ پانچ فٹ سے کم نہیں ہونی چاہیے۔

جبار بلوچ کمرشل بلڈنگز کی تعمیر میں پارکنگ کے لیے جگہ نہ چھوڑنے والوں کے خلاف کارروائی سے صرف نظر کرنے کی تردید کرتے ہیں۔

انہوں نے دعویٰ کیا کہ تعمیراتی قوانین کی خلاف ورزی کی صورت میں بلڈنگ مالکان کے خلاف ایکشن لیا جاتا ہے اور جرمانے بھی کیے جاتے ہیں۔ تاہم انہوں نے اس کی کوئی مثال نہیں دی۔

کمشنر کوئٹہ حمزہ شفقات کہتے ہیں کہ آبادی میں اضافے اور شہر کے پھیلاؤ سے رش بڑھ گیا ہے جس کے مستقل حل کے لیے سخت اقدامات ناگریز ہیں۔ اس سلسلے میں ضلعی انتظامیہ اور ٹریفک پولیس مل کر حکمت عملی بنا رہے ہیں، جلد بہتری آئے گی۔

کمشنر کے مطابق مسجد روڈ، فروٹ مارکیٹ اور کٹ پیس گلی میں ضلعی انتظامیہ نے تجاوزات کا خاتمہ کر دیا ہے ۔ اب علمدار روڈ، کندھاری بازار، میزان چوک، سبزی مارکیٹ، شہباز ٹاون اور ایئرپورٹ روڈ کی باری آئے گی۔ تیسرے فیز میں جناح روڈ سے سریاب روڈ تک تجاوزات&nbsp; ہٹائی جائیں گی۔ 
تاہم ایڈمنسٹریٹر کوئٹہ کہتے ہیں کہ غیر قانونی پارکنگ مستقل بنیادوں پر نہیں ہوتی یہ چوہے بلی کے کھیل جیسا ہے۔

&quot;یہ لوگ پارکنگ یا سٹینڈ بناتے ہیں مگر جیسے ہی ہماری ٹیمیں وہاں جاتی ہیں یہ لوگ بھاگ جاتے ہیں۔جو پکڑے جاتے ہیں انہیں جرمانہ کر کے چھوڑ دیا جاتا ہے۔ لیکن کچھ دن بعد یہ لوگ واپس وہی کام شروع کر دیتے ہیں۔&quot;

انہوں نے بتایا کہ سرکاری زمین پر غیرقانونی سٹینڈ بنانا جرم ہے۔

&quot;ہم پچھلے دنوں مرکزی شاہراہوں سے 15 کے قریب غیر قانونی پارکنگ ختم کرا چکے ہیں۔ خلاف ورزی کرنے والے کے خلاف آئندہ بھی کارروائی ہوگی۔&quot;

کوئٹہ میں ٹریفک کا دباؤ اور آلودگی کم کرنے کا منصوبہ 35 سال میں مکمل نہ ہو سکا

کوئٹہ شہر کی سڑکوں پر چوہے بلی کا کھیل کون کھیل رہا ہے؟

text

محمد قاسم قلعہ عبداللہ کے رہائشی ہیں اور گھر کے قریب واقع سٹون کرشنگ پلانٹ پر کام کرتے ہیں۔ جہاں سے انہیں ساڑھے پینتس ہزار روپے ماہانہ اجرت ملتی ہے۔ ان کے چار بچے ہیں اور خاندان کی کفالت انہیں کی ذمہ داری ہے۔

چند ماہ قبل وہ پھیپھڑوں کے کینسر مبتلا ہو گئے تھے۔ کوئٹہ کے سینار (سنٹر فار نیوکلیئر میڈیسن اینڈ ریڈیالوجی) کینسر ہسپتال میں ان کا علاج ہوتا رہا اور صحت بحال ہوتے ہی کام پر واپس آ گئے ہیں۔

&#39;سٹون کرشر&#39; صرف ایک یونٹ ہی نہیں ہوتا بلکہ پہاڑ کو بارود سے توڑ کر وہاں سے پتھر بھی لایا جاتا ہے۔ پتھر کو پلانٹ پر کرش کر کے بجری یا دوسرا بلڈنگ مٹیریل بنایا جاتا ہے۔ اس لیے اسے سرفیس مائننگ بھی کہا جاتا ہے۔

پینتیس سالہ محمد قاسم بتاتے ہیں کہ پھیپھڑے کی بیماری سے پہلے وہ سائٹ پر کئی بار حادثوں کا شکار ہو چکے ہیں۔ کچھ عرصہ قبل دھماکے کے بعد پتھر لگنے سے وہ اور ان کے دو ساتھی مزدور شدید زخمی ہو گئے تھے۔ خوش قسمتی سے وہ تو جلدی صحت یاب ہو گئے مگر ان کے دوست ابھی تک زندگی اور موت کی جنگ لڑ رہے ہیں۔

&quot;سٹون کرشنگ ایک کٹھن اور جان لیوا کام ہے مگر ان کا معاوضہ نہ ہونے کے برابر ہے۔ دوسرا اس خطرناک مائننگ سے ماحول تباہ ہو رہا ہے۔ مزدور بیماریوں میں مبتلا ہو رہے ہیں اور کمپنیاں صرف حادثہ پیش آنے کی صورت میں ان کا علاج کراتی ہیں&quot;۔

محکمہ معدنیات کے مطابق ضلع قلعہ عبداللہ میں 12 اور بلوچستان بھر میں لگ بھگ 240 سٹون کرشنگ پلانٹس کام کر رہے ہیں۔ ورکرز ویلفیئر بورڈ بلوچستان کے پاس ان یونٹس میں کام کر نے والے چھ ہزار سے زائد مزدوروں کی رجسڑیشن کرائی گئی ہے۔

&nbsp;کرشنگ یونٹس کی رجسٹریشن انوائرمنٹ پروٹیکشن ایجنسی (ای پی اے) کی اجازت کے بعد مائنز ایکٹ 1923ء کے تحت ہوتی ہے۔ ان یونٹس کو جگہ اور لیز محکمہ معدنیات دیتا ہے۔ تاہم ان کی نگرانی ای پی اے کرتی ہے۔

&nbsp;سینار کینسر ہسپتال کوئٹہ کے ڈائریکٹر ڈاکٹر خوش نصیب احمد بتاتے ہیں کہ پچھلے ایک سال میں یہاں پھیپھڑوں کے کینسر کے 171 مریض لائے گئے جن میں 112 مائن ورکرز شامل تھے۔

&quot;جب مزدوروں کو ہسپتال میں داخل کیا گیا تو کمپنیو ں نے اخراجات ادا کرنے سے معذرت کر لی، پھر یہ اخراجات حکومت کو اٹھانا پڑے&quot;۔

وہ کہتے ہیں کہ پھیپھڑوں کا کینسر دھول، مٹی اور آکسیجن کی کمی کی وجہ سے ہوتا ہے۔ سٹون کرشنگ اور دھماکوں سے اٹھنے والے ذرات ماحول کو خراب کر دیتے ہیں۔ یہی آلودگی مزدوروں اور شہریوں میں بیماریاں کا باعث بنتی ہے۔

ڈاکٹر خوش نصیب کا کہنا ہے کہ مائننگ کرنے والے ورکرز میں سے کسی کی بھی لائف انشورنس نہیں ہوتی نہ ہی کان کنوں کے لیے مناسب حفاظتی تدابیر کی جاتی ہیں۔

&quot;مائن ورکز کے ہیلمٹ اتنے مضبوط نہیں ہوتے کہ پتھر کا پریشر یا زیادہ وزن برداشت کر سکیں۔ اس لیے انہیں اکثر اوقات سر پر گہری چوٹیں آتی ہیں اور دماغ کو زیادہ نقصان پہنچتا ہے۔&quot;

ہیومن رائٹس کمیشن آف پاکستان کی رپورٹ کے مطابق جون 2022ء سے جون 2023ء تک بلوچستان کول مائنز کے حادثات میں 71 کان کن جاں بحق اور 25 سے زائد زخمی ہوئے ہیں۔ تاہم کمیشن کی رپورٹ میں سرفیس مائننگ کا احاطہ نہیں کیا گیا۔

محکمہ ورکرز ویلفیئر بورڈ کا دعویٰ ہے کہ وہ مزدوروں کا پورا خیال رکھ رہے ہیں۔ بورڈ کی پالیسی کے مطابق کرشنگ یونٹ پر حادثے میں وفات کی صورت میں کارکن کے اہل خانہ کو پانچ لاکھ امداد فراہم کی جاتی ہے اور بیٹی کی شادی کے لیے مزدوروں کو ایک لاکھ تک کی میرج گرانٹ ملتی ہے۔

پالیسی کے تحت زمین پر(سرفیس مائننگ) یا زیر زمین کام کرنے والے کان کنوں کے بچوں کو ایک ہزار 600 سو سے ساڑھے چھ ہزار روپے تک تعلیمی گرانٹ دی جاتی ہے۔ اس طرح بچوں کے انجینئرنگ/ میڈیکل کالجز کے اخراجات بھی صوبائی حکومت برداشت کرتی ہے۔

تاہم بلوچستان لیبر فیڈریشن کے رہنما عابد بٹ، محکمہ ورکرز ویلفیئر بورڈ کے دعوؤں پر یقین نہیں رکھتے۔ وہ کہتے ہیں کہ صوبے میں پالیسیاں اور قوانین تو موجود ہیں مگر ان پر عملدرآمد نہ ہونے کے برابر ہے۔

&quot;حکومت مزدوروں کو کوئی امداد نہیں دیتی، نہ ہی ان کی حفاظت اور صحت سے متعلق قوانین پر سختی سے عمل کراتی ہے۔ وہ بیمار ہو جائیں تب بھی کوئی نہیں پوچھتا۔ البتہ حادثے میں&nbsp; مرنے کی گرانٹ پر عمل ہو جاتا ہے۔&quot;

مائن کمپنی میں بطور منیجر کام کرنے والے بشیر احمد کا بھی یہی خیال ہے۔

وہ بتاتے ہیں کہ سٹون کرشنگ میں حکومت کوئی کردار ادا نہیں کر رہی۔ ان کے پاس 350 مزدور کام کر رہے ہیں۔ تمام کی ٹرانسپورٹ اور ہیلتھ انشورنس سب کمپنی کی ذمہ داری ہے۔

محمد قاسم گریجویٹ ہیں اور وہ سات سال سے سرفیس مائننگ کر رہے ہیں۔ ان کا ماننا ہے کہ سٹون کرشنگ تعمیراتی شعبے کی بنیاد ہے۔ یہ کام جتنا مشکل ہے اتنا ہی اس کو کرانے والے یعنی کمپنیاں اور حکومت غیر ذمہ داری کا ثبوت دے رہے ہیں۔

&nbsp;&quot; ادارے اپنے اپنے دھندوں میں اتنے مگن ہیں کہ انہیں ماحول کی تباہی کا احساس ہی نہیں ہے۔ لوگ کینسر جیسی بیماریوں کا شکار ہو رہے ہیں۔ اگر کرشنگ کے شعبے میں جدید ٹیکنالوجی لائیں اور کارکنوں کو تربیت دیں تو محنت کش طبقے اور ماحول کے نقصانات کو کم سے کم کیا جا سکتا ہے۔&quot;

&nbsp;کچھ عرصہ قبل کوئٹہ شہر اور نواح میں سرفیس مائننگ پر پابندی عائد کر دی گئی ہے۔ سپریم کورٹ کے حکم پر یہاں 34 کرشنگ پلانٹس سیل کر دیئے گئے ہیں۔ ان کمپنیوں کی لیز بھی منسوخ کر دی گئی ہے۔ اب ای پی اے کی کلیئرنس کے بعد مائننگ کی اجازت دی جائے گی۔

بلوچستان انوائرمنٹ پروٹیکشن ایجنسی میں ڈائریکٹر آف کلائمیٹ چینج اینڈ انفورسمنٹ غلام مرتضیٰ بتاتے ہیں کہ یہاں کاربن اور سٹون کرشنگ کی گرد سے زیادہ نقصان ہو رہا تھا۔ کوئٹہ اور ملحقہ علاقوں میں فضائی آلودگی بڑھ رہی تھی۔

وہ کہتے ہیں کہ سپریم کورٹ کے حکم پر کوئٹہ میں کرشنگ پلانٹس سیل ہو چکے ہیں۔ اب محکمہ معدنیات کی نئی پالیسی کے تحت تین علاقوں کو کرشنگ کے لیے مخصوص کر دیا گیا ہے۔ جہاں پلانٹس شفٹ ہوں گے اور یہ کام جلد شروع کر دیا جائے گا۔

غلام مرتضیٰ کا کہنا تھا کہ تُربت میں 13، پنجگور میں چھ اور گوادر میں آٹھ کرشنگ پلانٹ ہیں۔ نہ صرف کوئٹہ کے تمام 34 پلانٹس بلکہ مکران میں بھی بہت سے کرشنگ پلانٹس کو بند کرایا گیا ہے۔ وہاں پلانٹس نے ای پی اے کا این او سی نہیں لیا تھا۔

بشیر احمد اس بات سے اتفاق کرتے ہیں کہ سرفیس مائننگ آبادی کے پاس نہیں ہونی چاہیے۔ ہزار گنجی میں ان کی ایک مائن کو بھی سیل کر دیا گیا ہے۔ تاہم بقول ان کے اس میں کمپنی کا کوئی قصور نہیں تھا۔

&quot;دس سال پہلے پہاڑ شہر سے دور تھا مگر آبادیاں اب پہاڑوں کے پاس آ گئی ہیں&quot;۔

وہ&nbsp; کہتے ہیں کہ ان کے پاس کام کرنے والے مزدور زیر زمین اور سرفیس مائننگ دونوں کام اپنی مہارت کی بنیاد پر کرتے ہیں۔

&quot;اگرچہ ورکرز کے پاس ہیلمٹ، جیکٹس اور لائف سیونگ کٹ موجود ہیں۔ تاہم حفاظتی آلات کی فراہمی حکومتی مدد کے بغیر ناممکن ہے&quot;۔

'ہاتھ پاؤں سلامت ہیں تو کان کن قیمتی، معذور ہو جائے تو کوئی پوچھتا بھی نہیں'

کوئٹہ: تعمیراتی انڈسٹری کی بنیاد 'سٹون کرشنگ پلانٹس'  کے  مزدور کس حال میں ہیں؟

کوئٹہ کی ہزارہ برادری سے تعلق رکھنے والی 70 سالہ شاہدہ بی بی کو دو برس سے چھاتی کا سرطان یا بریسٹ کینسر ہے۔ ان کے شوہر وفات پا چکے ہیں اور تین بیٹے معذور ہیں۔ ان کا گزر بسر گھر میں دوسروں کے کپڑے سینے سے ہوتا ہے۔

انہوں نے آب دیدہ ہو کر کہا &quot;مجھے علاج کے لیے مالی مدد فراہم نہیں کی جا رہی۔ پہلے ہر چھ ماہ بعد زکوٰۃ کی مد میں نو ہزار روپےملتے تھے لیکن دو سال ہوئے ایک روپیہ نہیں ملا۔&quot;

چیئرمین ضلعی زکوٰۃ کمیٹی کوئٹہ زین العابدین خلجی 2018ء سے اس عہدے پر فائز ہیں۔ ان کا کہنا ہے کہ دفتر جانے پر ان کے پاس سیکڑوں مستحقین آ جاتے ہیں کیونکہ انہیں دو سال سے زکوٰۃ نہیں ملی۔

ان کے مطابق کوئٹہ میں مقامی سطح پر زکوٰۃ کمیٹیوں کی تعداد 191 ہے جس سے تقریباً چار ہزار گھرانوں اور خاندانوں کو ہر چھ ماہ بعد ایک ساتھ رقم دی جاتی ہے۔ ان کا کہنا ہے کہ 2018ء سے اب تک صرف ایک سال زکوٰۃ کمیٹی چیئرمین کے لیے فنڈز ریلیز ہوئے۔

&nbsp;&quot;بلوچستان کے تمام ڈسٹرکٹ زکوٰۃ چیئرمینز کو 2021ء کا بجٹ ملا مگر سابق سیکرٹری مذہبی امور نے 2022-23ء اور 2023-24ء کے بجٹ کا اجرا روک دیا۔اس پر نئے سیکرٹری مذہبی امور ندیم رحمان سے ہمارے مذاکرات ہوئے ہیں۔ ان کا کہنا تھا کہ سابق صوبائی زکوٰۃ کونسل کے چیئرمین کی مدت ختم ہونے سے وہ باڈی موجود نہیں جس کی تجویز پر بجٹ جاری ہوتا ہے۔&quot;

زین العابدین کا کہنا تھا کہ بیروزگاری اور مہنگائی کے دور میں ہم مشکلات سے دوچار معذوروں کو جلد از جلد کوئی ریلیف دینے کی کوشش میں ہیں۔ اس سلسلے میں میری نگران وزیر اعلیٰ بلوچستان سے تمام زکوٰۃ کمیٹی چیئرمینز کے ہمراہ ملاقات ہوئی۔ انہیں تحفظات و خدشات سے آگاہ کیا گیا جس پر انہوں نے مسئلے کے حل کی یقین دہانی کروائی ہے۔

ڈیرہ مراد جمالی کی عائشہ 275 کلومیٹر کا سفر کر کے اپنی والدہ کو کوئٹہ لائی ہیں۔ تین سال علاج کرانے کے بعد ان کی والدہ کینسر سے چھٹکارہ پا چکی ہیں لیکن انہیں ہر تین ماہ بعد ڈاکٹر سے معائنہ کروانے صوبائی دارالحکومت آنا پڑتا ہے۔

عائشہ کا کہنا ہے کہ بلوچستان میں آنے والے گزشتہ سیلاب میں ان کا گھر اور مال مویشی سب بہہ گئے۔ اب ان کے والد دیہاڑی دار مزدور اور گھر کے واحد کفیل ہیں۔

&quot;والدہ کی دوائیں ختم ہو گئی تھیں جس کے بعد انہیں تکلیف ہونا شروع ہو گئی۔ میں والدہ کو اس امید پر کوئٹہ لائی کہ دوائیں ملیں گی مگر یہاں آ کر پتا چلا کہ ہسپتال کے پاس فنڈز ختم ہو چکے ہیں اس لیے وہ نہیں مل سکیں گی۔&quot;

ڈاکٹر فیروز اچکزئی ریڈی ایشن اینڈ میڈیکل اونکولوجسٹ کنسلٹنٹ ہیں اور سینار ہسپتال میں آٹھ سال سے خدمات سرانجام دے رہے ہیں۔ انہوں نے بتایا کہ سینار ہسپتال حکومت بلوچستان کے زیر انتظام چلنے والا واحد کینسر ہسپتال ہے۔

سینار کے ریکارڈ کے مطابق بلوچستان میں ماہانہ 800 سے 900 عورتیں بریسٹ کینسر کا علاج کروانے آتی ہے۔ یہاں علاج کے اخراجات بلوچستان عوامی انڈومنٹ فنڈ، پاکستان بیت المال اور زکوٰۃ کی رقوم سے کیے جاتے ہیں۔

ڈاکٹر فیروز اچکزئی کہتے ہیں کہ سالانہ زکوٰۃ فنڈ میں سے انہیں ایک کروڑ 20 لاکھ دیے جاتے ہیں۔

&quot;یہ رقم آٹے میں نمک کے برابر ہے۔ کینسر کی دوائیں مہنگی اور عام افراد کی پہنچ سے باہر ہوتی ہیں۔ اس لیے ہم مریضوں کو کم نرخ والی دوائیاں دیتے ہیں تاکہ ان کا علاج مکمل ہو سکے۔ زکوٰۃ کے سالانہ فنڈ میں سے ایک مریض کو پانچ سے چھ ہزار روپے کی دوائیں دی جاتی ہیں۔&quot;

ڈاکٹر فیروز کا کہنا ہے کہ فنڈز کی عدم ادائیگی سے ہمارے پاس دوائیوں کی قلت پیدا ہو چکی ہے۔ ہم نے بہت بار محکمہ مذہبی امور کو خط لکھ کر آگاہ کیا اور درخواست کی کہ زکوٰۃ فنڈ کو ایک کروڑ 20 لاکھ روپے سے بڑھا کر پانچ کروڑ روپے تک کیا جائے مگر کوئی شنوائی نہیں ہوئی۔

سیکرٹری مذہبی امور بلوچستان ندیم الرحمٰن کو چارج سنبھالے ہوئے چند ماہ ہی ہوئے ہیں۔ ان کا کہنا تھا کہ ہمارے ہاں سے 32000 سے زائد مستحقین کو 1500 روپے ماہانہ کے حساب سے زکوٰۃ دی جاتی ہے۔ محکمہ مذہبی امور طلبہ کے لیے وظائف، شادیوں کے لیے جہیز اور مستحقین کے لیے ویل چیئرز بھی فراہم کرتا ہے۔ بیمار افراد کے علاج کے لیے مختلف ہسپتالوں کو فنڈنگ بھی کی جاتی ہے۔

&nbsp;فی الحال سب سے زیادہ رقم بلوچستان کے واحد بریسٹ کینسر ہسپتال سینار کو دی جا رہی ہے جو ایک کروڑ 20 لاکھ روپے ہے۔ اسے بڑھانے کی سمری اس سال منظور ہو جائے گی جس کے بعد ہسپتال کو سالانہ ایک کروڑ 50 لاکھ روپے ملیں گے۔

انہوں نے مزید کہا کہ مستحقین کو سہولیات فراہم کرنے اور سسٹم کو صاف شفاف بنانے کے لیے اس عمل کو بائیو میٹرک کیا جا رہا ہے۔

ان کے مطابق زکوٰۃ کی رقم ملک بھر سے جمع کرنے کے بعد وفاق صوبوں کو آبادی کے حساب سے منتقل کرتا ہے۔ بلوچستان میں فنڈ ریلیز نہ ہونے کی وجہ صوبائی زکوٰۃ کونسل کا نہ ہونا ہے۔ محکمہ مذہبی امور کی جانب سے اس کی سمری وزیر اعلیٰ بلوچستان کو بھیجی گئی ہے مگر یہ اب تک منظور نہیں ہوئی۔

انہوں نے امید ظاہر کی کہ وزیر اعلیٰ بلوچستان جلد سمری پر دستخط کر دیں گے جس سے صوبائی کونسل کا قیام عمل میں آ جائے گا اور مستحقین کے واجبات ادا کیے جائیں گے۔

نو رکنی صوبائی زکوٰۃ کونسل کی صدارت حاضر سروس یا ریٹائرڈ جج کو سونپی جاتی ہے۔ عدالت عالیہ کمشنر کوئٹہ کو ان کا نام ارسال کرتی ہے۔ کمشنر چیئرمین اور ممبران کا نام محکمہ مذہبی امور کو بھیجتے ہیں۔ سیکرٹری مذہبی امور اس کی سمری وزیر اعلیٰ بلوچستان تک پہنچاتے ہیں۔ وزیر اعلیٰ سمری منظور کر کے واپس محکمہ کو ارسال کرتے ہیں۔ اس کے بعد محکمہ مذہبی امور صوبائی زکوٰۃ کونسل کا نوٹیفکیشن جاری کرتا ہے۔ اس میں 45 سال یا اس سے زائد عمر کی کم از کم دو عورتوں کا ہونا لازمی ہے۔

شاہ زیب رضا

کوئٹہ شہر کی سڑکوں پر چوہے بلی کا کھیل کون کھیل رہا ہے؟

کوئٹہ: تعمیراتی انڈسٹری کی بنیاد 'سٹون کرشنگ پلانٹس' کے مزدور کس حال میں ہیں؟

بلوچستان کا واحد سرکاری کینسر ہسپتال دو سال سے زکوٰۃ فنڈ کا منتظر، مالی وسائل کی قلت سے علاج متاثر