کس جرم کی پائی ہے سزا: پاکستان میں جبری گمشدگیوں کا مسئلہ حل کیوں نہیں ہوتا؟

video

'خواتین کے مسائل کے حل لے لیے کوئی نہیں آتا'

سندھ کے باشندے اپنی مدد آپ کے تحت سیلاب کی تباہیوں سے کیسے نمٹ رہے ہیں؟

'قدرتی آبی گزرگاہوں پر رکاوٹیں اور غیر قانونی تعمیرات سیلاب کا سبب بنی'

'سیلاب نے خواتین کی مشکلات کو تین گنا بڑھا دیا ہے'

سندھ کے سیلاب متاثرین اب تک امداد کے بغیر کس طرح زندگی گزار رہے ہیں

پاکستان میں بجلی پیدا کرنے کا نظام کس طرح چلتا ہے اور اس سے جڑے اہم مسائل

گوادر میں عوامی حقوق کے لیے جاری مظاہرے

کچے مکان جتنے تھے بارش میں بہہ گئے: سردیوں میں کھلے آسمان تلے رہنا پڑے گا

مویشیوں کے ساتھ سیلاب نے بیٹا اور بیوی بھی چھین لیے

سعیدہ تالپور کا گھرانہ سیلاب میں تو کسی نہ کسی طرح جان بچانے میں کامیاب رہا لیکن اب اس آفت کے بعد پھیلنے والی بیماریوں اور زندگی کی بحالی کے مسائل نے ان کا جینا دوبھر کر دیا ہے۔ وہ سندھ کے ضلع خیرپور کی تحصیل کوٹ ڈیجی میں سیلابی پانی سے گھرے اپنے گھر میں شوہر اور تین بچوں کے ساتھ رہتی ہیں۔

تالپور وڈا نامی اس علاقے میں اب بھی کئی فٹ پانی جمع ہے جو ناصرف نقل و حرکت میں رکاوٹ ہے بلکہ علاقے میں کئی طرح کی بیماریاں بھی پھیلا رہا ہے۔&nbsp;

کمزور جسم، پیلی رنگت اور دھنسے گالوں والی تیس سالہ سعیدہ کو دیکھ کر یہ اندازہ کرنا مشکل نہیں ہوتا کہ وہ صحت کے مسائل سے دوچار ہیں۔ ان کا کمسن بیٹا بھی کئی ہفتوں سے بخار اور کمردرد میں مبتلا ہے اور علاج معالجے تک مناسب رسائی نہ ہونے کے باعث اس کی بیماری بڑھتی جا رہی ہے۔&nbsp;

سعیدہ کے شوہر دیہاڑی پر مزدوری کرتے ہیں اور کام کے سلسلے میں اکثر گھر سے باہر رہتے ہیں۔ سعیدہ کے پاس نہ تو بچے کا علاج کرانے کے لیے کوئی مالی وسائل ہیں اور نہ ہی ان میں سیلابی پانی کو پار کر کے کسی دوسرے شہر جانے اور بچے کا طبی معائنہ کرانے کی سکت ہے۔ سردی بڑھنے کے ساتھ انہیں خوراک اور حرارت کا انتظام کرنے میں بھی مشکل پیش آ رہی ہے کیونکہ بجلی اور گیس کی سہولت نہ ہونے کے باعث ان کا انحصار لکڑیوں کی آگ پر ہے جبکہ سیلابی علاقے میں خشک لکڑی ڈھونڈنا بجائے خود ایک جوکھم ہے۔

جولائی اور اگست میں ہونے والی شدید بارشوں کے بعد جب اس علاقے میں سیلاب آیا تو بہت سے لوگ گھر بار چھوڑ کر محفوظ جگہوں پر چلے گئے۔ سعیدہ اور ان کے شوہر نے اس امید پر اپنے گھر میں ہی ٹھہرنے کا فیصلہ کیا کہ سیلاب جلد گزر جائے گا لیکن پانی کم ہونے کے بجائے بڑھتا رہا جس سے بچنے کے لیے انہوں نے گھر کی چھت پر پناہ لے لی۔ ان کے مویشی سیلاب کے پہلے ہی ریلے میں بہہ گئے تھے اور مالی وسائل نہ ہونے کے باعث ان کے لیے کسی اور جگہ جا کر رہنا ممکن نہیں تھا۔ تاہم منہ زور پانی نے انہیں بھی گھر چھوڑنے پر مجبور کر دیا۔&nbsp;

سعیدہ کا گھرانہ محفوظ جگہ کی تلاش میں نکلا تو اس وقت رات کا اندھیرا پھیل رہا تھا۔ اس دوران علاقے کی مرکزی سڑک تک پہنچنے کی کوشش میں وہ شوہر سے بچھڑ گئیں۔ اس وقت سعیدہ کے دو کمسن بیٹے ان کے ساتھ تھے جبکہ چھوٹی بیٹی کو ان کے شوہر نے اٹھا رکھا تھا۔ وہ کسی طور جان بچا کر بیٹوں کے ہمراہ ایک محفوظ علاقے میں پہنچ گئیں لیکن ان کے شوہر اور بیٹی کا کوئی اتہ پتہ نہیں تھا۔

سعیدہ دو ماہ ان کی جدائی میں نڈھال رہیں یہاں تک کہ ایک دن اچانک دونوں ان سے آن ملے۔ اس موقع پر ان کی خوشی کا کوئی ٹھکانہ نہیں تھا تاہم اب انہیں یہ مسئلہ درپیش تھا کہ زندگی کو آگے کیسے بڑھایا جائے کیونکہ عارضی پناہ گاہوں میں زیادہ دیر رہنا ممکن نہیں تھا اور کسی اور جگہ زندگی شروع کرنے کے لیے مالی وسائل درکار تھے جبکہ ان کے پاس پھوٹی کوڑی بھی نہیں بچی تھی۔ چنانچہ سیلاب کا زور ٹوٹنے پر یہ لوگ اپنے گھر واپس آ گئے۔&nbsp;

تاہم تقریباً دو کنال کا یہ گھر اب پہلے جیسا نہیں رہا۔ سیلابی پانی نے اس کے زیادہ تر حصے کو قابل استعمال نہیں چھوڑا اور وہ اس میں آٹھ فٹ چوڑے اور چودہ فٹ لمبے ایک کمرے میں اپنے تینوں بچوں کے ساتھ رہتی ہیں جس کی تین دیواریں ہی سلامت ہیں۔ سعیدہ کو خدشہ ہے کہ سردی کے موسم میں ان کے بچے بیمار پڑ سکتے ہیں کیونکہ یہ جگہ انہیں موسمی سختی سے بچانے کے لیے کافی نہیں ہے۔&nbsp;

سیلاب کے بعد گھر کے اردگرد تین سے چار فٹ تک پانی جمع ہے جسے نکالنے کے لیے انتظامیہ نے اب تک کوئی کارروائی نہیں کی۔ اس علاقے میں تقریباً تمام گھروں کی کم و بیش یہی حالت ہے اور ان کے مکینوں کو کہیں آنے جانے کے لیے سیلابی پانی سے گزرنا پڑتا ہے یا کشتی کا انتظام کرنا ہوتا ہے جو ہر ایک کے بس کی بات نہیں۔&nbsp;

مسلسل پانی جمع رہنے کے باعث اس علاقے کی زمین دلدلی ہو گئی ہے جس میں مچھلیاں، مینڈک اور آبی حشرات بھی پائے جاتے ہیں۔ سعیدہ کہتی ہیں کہ ان کے گھر کے قریب پانی میں سانپ بھی دیکھے گئے ہیں۔ چار مہینوں سے جمع اس پانی میں کئی طرح کی بیماریوں کے جراثیم بھی پیدا ہو گئے ہیں۔ غذائی قلت اور بیماریوں کے باعث اس علاقے میں لوگوں کی قوت مدافعت اب پہلے جیسی نہیں رہی اس لیے یہ پانی ان کی صحت کے لیے بہت بڑا خطرہ ہو سکتا ہے۔

9500 نفوس پر مشمل اس آبادی میں سیلاب کے بعد بجلی اور گیس کی فراہمی بحال نہیں ہو سکی اور اس کا فوری امکان بھی دکھائی نہیں دیتا کیونکہ اس سے پہلے یہاں سے پانی نکالنا ضروری ہے۔ مقامی لوگوں کو ایندھن کے لیے لکڑیوں پر انحصار کرنا پڑتا ہے لیکن ہر جگہ سیلابی پانی کھڑا ہونے کے باعث خشک لکڑی ملنا بھی دشوار ہے۔

سعیدہ کا کہنا ہے کہ کھانا بنانے کے لیے انہیں لکڑی ڈھونڈنے میں سارا دن لگ جاتا ہے۔ اس کے بعد وہ صاف پانی کی تلاش میں نکل کھڑی ہوتی ہیں۔ گھر کے اردگرد سیلابی پانی سے روزانہ مینڈکوں کے ٹرٹرانے کی آوازیں آتی رہتی ہیں جس سے ان کے بچے رات کو سکون کی نیند نہیں سو سکتے۔

سعیدہ کو یہاں رہتے ہوئے جلد کے مسائل بھی لاحق ہو گئے جس کا سبب وہ سیلابی پانی کو قرار دیتی ہیں کیونکہ نکاسی آب کا نظام تباہ ہو جانے کے باعث کھڑے پانے کے علاوہ زیرزمین پانی میں بھی آلودگی خطرناک حد تک بڑھ گئی ہے۔ ان کا کہنا ہے کہ اس علاقے میں ہر گھر میں جلدی بیماری پائی جاتی ہے اور بچے خاص طور پر اس سے متاثر ہو رہے ہیں۔ سعیدہ کو خدشہ ہے کہ اگر علاقے میں ڈینگی اور ملیریا پھیل گیا تو ان کے بچوں کی زندگی خطرے میں پڑ جائے گی۔

سیلاب کو چار ماہ سے زیادہ عرصہ گزرنے کے باوجود اس علاقے میں پانی اترنے کا کوئی امکان دکھائی نہیں دیتا۔ پہلے پہل لوگوں کا خیال تھا کہ انتظامیہ ان کی مدد کو آئے گی لیکن تباہی کی وسعت اور حجم بہت زیادہ ہونے کے باعث مستقبل قریب میں تالپور وڈا اور اس جیسے ہزاروں دیہات میں زندگی معمول پر آتی دکھائی نہیں دیتی۔ سعیدہ اپنی زندگی کی بحالی کے لیے حکومت سے زیادہ توقع نہیں رکھتیں تاہم ان کا مطالبہ ہے کہ اگر اس علاقے سے سیلابی پانی کو ہی دور کر دیا جائے تو تب بھی ان کے بہت سے مسائل دور ہو جائیں گے۔

'اگر حکومت علاقے سے صرف سیلابی پانی کو ہی نکال دے تو بہت سے مسائل دور ہو جائیں گے'

text

سندھ کے شمال مغربی ضلع قمبر شہداد کوٹ سے لاڑکانہ کی طرف سفر کے دوران مرکزی شاہراہ کے دونوں طرف سیلاب متاثرین کی بہت سی خیمہ بستیاں دکھائی دیتی ہیں۔ قصبہ میرو خان کے قریب گھاس پھوس سے بنی چند جھونپڑیوں اور تین خیموں پر مشتمل ایسی ہی ایک بستی میں رہنے والے 10 خاندانوں کو یوں تو درجنوں مسائل درپیش ہیں لیکن بستی میں بیت الخلا کی مناسب سہولت نہ ہونے سے ان لوگوں خصوصاً یہاں رہنے والی خواتین کی صحت اور تحفظ کو خطرات لاحق ہیں۔

اس بستی میں ایک ہی بیت الخلا ہے جس کی دیواریں پلاسٹک کے تھیلوں سے بنائی گئی ہیں اور اس کی اونچائی صرف ڈھائی فٹ ہے۔ یہاں رہنے والی لیلیٰ بی بی کا کہنا ہے کہ اس بستی میں تقریباً 40 خواتین اور لڑکیوں کے لئے دن کے وقت بیت الخلا کا رخ کرنا دشوار ہوتا ہے کیوں کہ وہ کھلے عام وہاں جانے میں شرم محسوس کرتی ہیں اور انہیں عدم تحفظ کا احساس بھی رہتا ہے۔ اسی لئے وہ بیت الخلا استعمال کرنے کے لئے رات ہونے کا انتظار کرتی رہتی ہیں۔

اس بیت الخلا سے خارج ہونے والا پانی قریب ہی ایک جوہڑ میں جاتا ہے جس کی وجہ سے یہ جگہ ہر وقت متعفن رہتی ہے۔ بستی کی خواتین نے بتایا کہ جس جگہ یہ بیت الخلا بنایا گیا ہے وہ اس قدر اونچی نیچی اور نم دار ہے کہ وہاں پاؤں جمانا بھی مشکل ہوتا ہے۔ لیلیٰ بتاتی ہیں کہ اس بیت الخلا کی دیواریں پردے کے لئے کافی نہیں ہیں۔ یہی وجہ ہے کہ جب کسی خاتون کو دن کے اوقات میں یہاں آنا ہو تو اس کے گرد چادروں سے پردہ کرنے کے لئے دیگر خواتین کو بھی اس کے ساتھ آنا پڑتا ہے۔

یہ حالات اس بستی یا قمبر شہداد کوٹ تک ہی محدود نہیں بلکہ اس سے جنوب میں ضلع دادُو میں قائم کی جانے والی سیلاب متاثرین کی بستیوں میں بھی خواتین کو ایسے ہی مسائل کا سامنا ہے۔ دادُو کی تحصیل خیرپور ناتھن شاہ سے 10 کلومیٹر مغرب کی جانب عبداللہ کھوسہ گاؤں میں سو سے زیادہ گھر سیلاب میں مکمل یا جزوی طور پر تباہ ہو گئے ہیں۔ اس جگہ رہنے والے سینکڑوں سیلاب متاثرین کے لئے صرف سات بیت الخلا ہیں جن میں سے تین کچی اینٹوں سے بنے ہیں جبکہ چار پلاسٹک کے تھیلوں کو جوڑ کر بنائے گئے ہیں۔ یہاں سے خارج ہونے والا فضلہ اور گندا پانی کچھ فاصلے پر جمع ہوتا رہتا ہے۔

اس گاؤں کی رہنے والی 40 سالہ سکینہ کہتی ہیں کہ بھوک افلاس اور بے سروسامانی اپنی جگہ لیکن مناسب بیت الخلا نہ ہونا اس بستی کی عورتوں اور بچیوں کا اصل مسئلہ ہے۔ وہ بتاتی ہیں کہ یہاں کی خواتین نے اپنی مدد آپ کے تحت چند پرانے بیت الخلا بحال کیے ہیں اور چند نئے بیت الخلا بھی بنائے ہیں لیکن یہ تین سو سے زیادہ خواتین کے لئے ناکافی ہیں۔

اسی بستی کی رہائشی 35 سالہ رُباب کھوسہ کے بقول یہاں لگ بھگ پچاس خواتین حاملہ ہیں جن کا اس طرح کے بیت الخلا میں جانا انتہائی خطرناک ہو سکتا ہے کیونکہ یہاں پانی کے باعث پھسلن رہتی ہے، حفظان صحت کا کوئی انتظام نہیں ہے اور غیر محفوظ انداز میں بیت الخلا استعمال کرنے سے ماں اور بچے دونوں کی صحت اور زندگی کو خطرہ ہو سکتا ہے۔

اس بستی کی عورتوں کا کہنا ہے کہ سیلاب کے بعد چند غیر سرکاری تنظیمیں ان کی مدد کے لئے آئی تھیں جنہوں نے انہیں کھانا اور چند خیمے فراہم کیے تھے لیکن بیت الخلا بنانے کے لئے کسی نے کوئی کام نہیں کیا۔

<h2>حالات کے رحم و کرم پر</h2>

صوبائی ڈیزاسٹر مینجمنٹ اتھارٹی کی جانب سے جاری کردہ تازہ ترین معلومات کے مطابق سندھ میں تقریباً ایک کروڑ 23 لاکھ اور 57 ہزار افراد سیلاب سے متاثر ہوئے ہیں جن میں دو لاکھ سے زائد کو نقل مکانی کرنا پڑی ہے۔ ان میں تقریباً ساڑھے چار ہزار افراد کو ہی امدادی کیمپوں میں جگہ ملی ہے جبکہ باقی تمام لوگ اپنی مدد آپ کے تحت ٹیلوں پر، بڑی سڑکوں کے کنارے یا سیلاب سے محفوظ آبادیوں کے قریب رہ رہے ہیں۔ ان لوگوں میں خواتین کی تعداد ایک لاکھ سے زیادہ ہے۔

رپورٹ کے مطابق حکومت نے صوبہ بھر میں سیلاب متاثرین کو ایک ہزار تین سو 70عارضی بیت الخلا مہیا کیے ہیں۔ اگر بے گھر ہونے والے تمام متاثرین کو مدِ نظر رکھا جائے تو تقریباً ڈیڑھ سو افراد کے لئے ایک بیت الخلا دستیاب ہے۔

بچوں کے امراض کے ماہر ڈاکٹر سیف اللہ &rsquo;سیف چائلڈ&lsquo; کے نام سے ایک غیر سرکاری تنظیم چلا رہے ہیں جو سیلاب سے متاثرہ علاقوں میں بچوں اور ماؤں کی صحت کے حوالے سے کام کر رہی ہے۔ ان کا کہنا ہے کہ متاثرین کی بستیوں میں بیت الخلا کی مناسب سہولیات نہ ہونے کے باعث گیسٹرو، خونی پیچش اور پیپاٹائٹس اے جیسی بیماریاں تیزی سے پھیل رہی ہیں۔

ان کا کہنا ہے کہ سیلاب متاثرین کو روزِمرہ استعمال کے لئے صاف پانی میسر نہیں ہے اور جو پانی وہ استعمال کرتے ہیں وہ بھی فضلے سے آلودہ ہو رہا ہے جس سے بیکٹیریل اور وائرل انفیکشن عام ہونے کا خدشہ ہے۔

&nbsp;اسی طرح ہاتھوں اور جسم کی اچھی طرح صفائی نہ ہونے اور گندے پانی میں دُھلے کپڑے پہننے کے باعث بہت سی جِلدی بیماریاں پھیلنے کا خطرہ بھی بڑھ گیا ہے۔ ڈاکٹر سیف کے مطابق حمل یا حیض کے ایّام میں ناقص بیت الخلا استعمال کرنے والی خواتین مثانے کی نالی کے انفیکشن کا شکار ہو رہی ہیں۔ دورانِ حمل خواتین کو بیت الخلا استعمال کرنے کی حاجت بھی زیادہ ہوتی ہے جسے زیادہ دیر تک روکنا طبّی اعتبار سے بہت خطرناک ہوتا ہے۔ وہ تجویز کرتے ہیں کہ اگر حکومت ہر دو خاندانوں کو ایک سے دوسری جگہ منتقل کیا جانے والا بیت الخلا مہیا کر دے تو خواتین کی صحت کو کافی حد تک تحفظ مل سکتا ہے۔

سیلاب سے متاثرہ علاقوں میں بیشتر خواتین کا بھی یہی مطالبہ ہے کہ انہیں کم از کم ایسے بیت الخلا ضرور مہیا کیے جائیں جہاں پردے کا مناسب انتظام ہو۔ رُباب کھوسہ شکوہ کرتی ہیں کہ سیلاب میں حکومت نے خواتین کے مخصوص مسائل کی طرف کوئی توجہ نہیں دی اور کسی غیر سرکاری تنظیم نہیں بھی انہیں توجہ کے قابل نہیں سمجھا۔

قمبر شہداد کوٹ کی سیلاب زدہ خواتین بیت الخلا کی عدم دستیابی کی وجہ سے طبّی مسائل کا شکار

سیلاب نے گھر بھی تباہ کر دیا اور مزدوری بھی چھین لی

سخت سردی میں سیلاب متاثرین امدادی کیمپوں میں رہنے پر مجبور

سندھ ہندو میرج ایکٹ: 'ہندو عورتیں ابھی تک اس سے پوری  طرح فائدہ  نہیں اٹھا سکیں'-

Why Scheduled Caste/Hindu nomads prefer to marry off their children at tender age?]

Gypsy children: young parents

کم سن والدین: سندھ کے خانہ بدوش بچوں کی شادیاں کم عمری میں کیوں ہو جاتی ہیں؟

sialokt sri lankan manager mob lynching incident and workers economic exploitations in pakistan

مومل زیدی

مومل زیدی سُجاگ میں بطور وڈیو جرنلسٹ کام کرتی ہیں۔ سماجی مسائل خصوصا خواتین کے مسائل کی رپورٹنگ اور وڈیو ڈاکو مینٹری ان کے کام کا حصہ ہے۔