Explore the myriad challenges confronting disabled individuals in Pakistan, from accessibility issues to societal attitudes, and discover the resilience and advocacy shaping their journey tow

Overcoming Barriers: Challenges Faced by Disabled Individuals in Pakistan

چھبیس سالہ عظیم اعجاز جھنگ کی ذوالفقار کالونی کے رہائشی ہیں جو بچپن میں پولیو کا شکار ہونے کے باعث وہیل چیئر استعمال کرتے ہیں۔ انہوں نے یہیں سے بی ایس کیا اور پھر چھ سال مقامی کالج میں پڑھاتے رہے مگر آج کل بیروزگار ہیں۔

وہ بتاتے ہیں کہ وہ گھر سے ٹرائی سائیکل پر کالج پہنچتے تھے لیکن کلاس روم میں جانے کے لیے رینگ کے سیڑھیاں چڑھنا پڑتی تھیں یا پھر دوست انہیں مریض کی طرح اٹھا کر اوپر لے جاتے تھے۔ &quot;وہاں مجھے جو تکلیف اور خجالت محسوس ہوتی تھی اسے صرف میں ہی جانتا ہوں۔&quot;

انہیں شکوہ ہے کہ معذور افراد کو کہا تو &#39;سپیشل پرسنز&#39; جاتا ہے لیکن شہر کے کسی دفتر یا تعلیمی ادارے میں ان کے جانے کے لیے کوئی ریمپ نہیں ہے اور نہ ہی وہیل چیئر کا راستہ ہے۔ ہر جگہ ان لوگوں کو نئی رکاوٹوں کا سامنا ہوتا ہے۔

&quot;جب میں کالج میں پڑھاتا تھا تو بعض اوقات تو سارا سارا دن واش روم استعمال نہیں کر سکتا تھا کیونکہ ٹوائلٹ بلاکس میں ایک بھی واش روم ایسا نہیں تھا جو ہم جیسے افراد کے لیے موزوں ہو۔&quot;

یہ مسئلہ صرف عظیم اعجاز کا نہیں بلکہ ملک میں موجود لاکھوں خصوصی افراد کا ہے جنہیں سکولوں سے دفاتر اور بینکوں تک جانے کے لیے سہولیات میسر نہیں ہیں۔

یواین ڈی پی کی 2023ء میں شائع ہونے والی ایک رپورٹ&nbsp; کے مطابق دنیا بھر میں کم از کم ایک ارب 30 کروڑ افراد کسی نہ کسی معذوری کا شکار ہیں جو کہ دنیا کی کل آبادی کا 16 فیصد بنتے ہیں۔ جبکہ ورلڈ بینک یہ تعداد ایک ارب یعنی 15 فیصد بتاتا ہے۔

1998ء کی مردم شماری کے مطابق&nbsp; پاکستان میں معذور افراد کی تعداد 32 لاکھ 86 ہزار 630 یعنی کل آبادی کا 2.48 فیصد تھی۔ لیکن 2017ء میں یہ تعداد 9 لاکھ 13 ہزار 667 بتائی گئی تھی جو 0.44 فیصد بنتے ہیں۔

<h2>معذوری کیا ہے؟</h2>

&nbsp;امریکی ادارہ برائے ڈیزیز کنٹرول اینڈ پریونشن&nbsp; (سی ڈی سی) کے مطابق &#39;معذوری&#39; جسم یا دماغ کی ایسی حالت (خرابی) ہے جو اس خرابی میں مبتلا شخص کی کچھ سرگرمیاں محدود کرتی ہے اور ارد گرد کی دنیا سے اس کے میل جول کو زیادہ مشکل بناتی ہے۔

یہ ادارہ معذوری کی نو اقسام کی نشاندہی کرتا ہے جن میں بصارت اور نقل و حرکت سے لے کر دماغی صحت اور سماجی تعلقات تک کی مشکلات شامل ہیں۔

عالمی ادارہ صحت (ڈبلیو ایچ او) کے مطابق معذوری&nbsp; کا نتیجہ صحت کی خراب حالت، جیسے دماغی فالج، ڈاؤن سنڈروم اور ڈپریشن، ذاتی منفی رویے، ناقابل رسائی نقل و حمل(ٹرانسپورٹ اور عمارتوں میں جانے میں مشکلات) اور محدود سماجی رابطہ ہوتا ہے۔

پاکستان میں سرکاری سطح پر صرف نقل و حرکت میں مشکل (جسمانی معذوری)، بصارت و سماعت اور گویائی سے کلی یا جزوی محرومی کو ہی معذوری خیال کیا جاتا ہے۔

2021ء میں محکمہ ادارہ شماریات&nbsp; نے نادرا کا سپریم کورٹ میں جمع کرایا گیا ڈیٹا اپنی ویب سائٹ پر شائع کیا جو بتاتا ہے کہ ملک میں رجسٹرڈ خصوصی افراد کی کل تعداد تین لاکھ 71 ہزار 833 ہے جن میں پنجاب کے ایک لاکھ 47 ہزار 539 افراد شامل ہیں۔

نادرا کے مطابق ملک میں بصارت سے محروم افراد کی تعداد 19 ہزار 643، قوت سماعت و گویائی سے محروم افرد (گونگے بہرے) کی تعداد 25 ہزار 183 اور جسمانی معذوری کا شکار خصوصی افراد دو لاکھ 95 ہزار 93 ہیں۔

ابھی تک 2023ء کی مردم شماری کے تفصیلی نتائج سامنے نہیں آئے تاہم اقوام متحدہ کے ترقیاتی ادارے(یو این ڈی پی)&nbsp; کے مطابق پاکستان میں تقریباً 6.2 فیصد لوگ کسی نہ کسی معذوری کا شکار ہیں۔

ادارہ شماریات کا سوشل اینڈ لیونگ سٹینڈرڈز میئرمنٹ (پی ایس ایل ایم) سروے 20-2019 بتاتا ہے کہ ملک میں معذور افراد کی شرح 3.41 فیصد ہے، مردوں میں یہ شرح 3.61 فیصد جبکہ خواتین میں 3.20 فیصد پائی گئی۔

اسی سروے کے مطابق پاکستان میں محدود صلاحیت&nbsp; کے حامل افراد (Persons with Functional Limitations ) 10.69 فیصد ہیں۔ جن کی پنجاب میں شرح سب سے زیادہ 11.47 فیصد، سندھ میں 10.16 فیصد، خیبر پختونخوا میں 9.56 فیصد اور بلوچستان میں شرح نو فیصد ہے۔

اگر اس سروے رپورٹ کے حساب سے ہی دیکھا جائے تو پاکستان کی لگ بھگ 24 کروڑ 15 لاکھ آباد ی میں معذود افراد 82 لاکھ 35 ہزار سے زائد بنتے ہیں۔

عالمی بینک کا کہنا ہے کہ&nbsp; معذور افراد کو اکثر اوقات چھوٹی ملازمت، کمزور صحت، غربت، روزگار و تعلیم کے مواقع کی کمی اور کم اجرت جیسے منفی سماجی و اقتصادی نتائج کا سامنا کرنا پڑتا ہے۔

پی ایس ایل ایم سروے کے مطابق ضلع جھنگ میں معذور افراد کی شرح 4.59 ہے جو 30 لاکھ 77 ہزار 720 کی آبادی کے حساب سے تقریباً ایک لاکھ 41 ہزار سے زائد بنتی ہے۔ تاہم محکمہ سوشل ویلفیئر جھنگ میں صرف 11 ہزار خصوصی افراد رجسٹرڈ ہیں۔

جھنگ کے رہائشی 32 سالہ قاسم طاہر آرچری (تیراندازی) کے خصوصی عالمی مقابلوں میں کئی بار پاکستان کی نمائندگی کر چکے ہیں۔ انہوں نے دو مرتبہ ورلڈ آرچری چیمپیئن شپ اور 2023ء کی ایشین پیرا گیمز میں بھی حصہ لیا ہے۔

وہ بتاتے ہیں کہ دنیا میں کہیں بھی معذور افراد کے لیے ریمپ، سیڑھی یا ٹائلٹ جیسے مسائل نظر نہیں آتے لیکن پاکستان میں انہیں دفاتر سے تعلیمی اداروں تک جگہ جگہ رکاوٹوں کا سامنا کرنا پڑتا ہے۔ ان سب سے زیادہ تکلیف لوگوں کے عجیب و غریب رویے سے ہوتی ہے۔

وہ کہتے ہیں کہ جھنگ کے بھی سرکاری یا نجی دفتر میں ریمپ نہیں ہے نہ ہی خصوصی افراد کے لیے ٹائلٹ کی سہولت ہے۔ انٹرسٹی سفر کرنا کسی امتحان سے کم نہیں کیونکہ ٹرین سمیت ملک بھر کی ٹرانسپورٹ میں خصوصی افراد کے سوار ہونے اور اترنے کی سہولت رکھی ہی نہیں جاتی۔ 
قاسم طاہر کا کہنا ہے کہ ایسی حالات میں معذور لوگوں کے لیے روزگار تو دور تعلیم کا حصول بھی ممکن نظر نہیں آتا۔

گیلپ پاکستان&nbsp; نے مردم شماری 2017ء کی تجزیاتی رپورٹ میں بتایا تھا کہ اس وقت معذور افراد میں خواندگی کی شرح 31.6 تھی جب ملک میں مجموعی شرح خواندگی 58.04 فیصد بتائی گئی تھی۔

اس رپورٹ کے مطابق معذور افراد کا دوسرا بڑا مسئلہ بے روزگاری ہے جس کی وجہ سے یہ لوگ کسمپرسی کی زندگی گزارنے پر مجبور ہیں۔

معذور افراد&nbsp; کی بہبود کے لیے حکومت نے ملک میں پہلی بار1981ء میں &#39;ڈس ایبلڈ پرسنز (روزگار و بحالی) آرڈیننس&#39; جاری کیا تھا جس کے تحت سرکاری ملازمتوں میں خصوصی افراد کے لیے ایک فیصد کوٹہ مقرر کیا گیا تھا۔

اس آرڈیننس میں تعلیم اور بحالی سمیت خصوصی افراد کے حقوق کے تحفظ کو یقینی بنانے پر زور دیا گیا اور اس مقصد کے لیے فنڈ اور قومی کونسل قائم کرنے کے اقدامات کی نوید سنائی گئی تھی۔ تاہم اس قانون پر عمل درآمد یقینی نہیں بنایا جا سکا۔

عالمی کنونشنز، خصوصی افراد کی بڑھتی تعداد اور سول سوسائٹی کے دباؤ کے پیش نظر 2002ء میں وفاقی حکومت نے نئی پالیسی بنائی جس میں ملازمتوں کا خصوصی کوٹہ ایک یا دو فیصد بڑھانے کی سفارش کی گئی مگر معاملہ تاخیر کا شکار ہوتا چلا گیا۔

2015ء میں ڈس ایبلڈ پرسنز (روزگار و بحالی) آرڈیننس 1981ء میں کچھ ترامیم کی گئیں۔ تاہم 2020ء میں وفاقی حکومت نے &#39;رائٹس آف پرسنز ود ڈس ایبلٹی ایکٹ&#39; کے نام سے ایک جامع قانون منظور کیا جس کی پیروی میں صوبوں نے بھی قوانین بنا لیے۔ تاہم ان پر عملدرآمد سے متعلق شکوے اور احتجاج ہمیشہ سامنے آتے رہے۔

یو این ڈی پی کی رپورٹ 2020ء کہتی ہے کہ معذور افراد (روزگار اور بحالی) آرڈیننس میں ترامیم کی گئی تھیں لیکن پاکستان نے اس قانون کے نفاذ میں کارکردگی نہیں دکھائی۔ سرکاری اور نجی جگہوں کو معذور افراد کے لیے قابل رسائی نہیں بنایا جا سکا جس سے انہیں عوامی زندگی میں مشکلات ہیں۔

اس رپورٹ کے مطابق معذور خواتین کے لیے اضافی مسائل ہیں جنہیں جنسی ہراسانی، امتیازی سلوک اور جبری نس بندی و دیگر خطرات کا سامنا رہتا ہے۔

2015ء میں نیب کی بھرتیوں کے دوران خصوصی افراد کو کوٹہ نہ دینے پر ایک امیدوار&nbsp; پیرزادہ وقار عالم نے اسلام آباد ہائیکورٹ میں درخواست دائر کی تھی مگر یہ مسترد کر دی گئی جس کے خلاف انہوں نے سپریم کورٹ میں اپیل کی تھی۔

جسٹس منصور علی شاہ کی سربراہی میں سپریم کورٹ کے دو رکنی بنچ نے پیرزادہ وقار عالم بنام نیب&nbsp; کیس کا دسمبر 2022ء میں فیصلہ سنایا جس کے تحت نہ صرف پٹیشنر کا موقف تسلیم کیا گیا بلکہ معذور افراد کا خصوصی کوٹہ بھی تین فیصد کنفرم قرار پایا۔

وفاقی قانون کی طرح پنجاب ایمپاورمنٹ آف پرسنز ود ڈس ایبلٹیز ایکٹ 2022ء ان افراد کے بہت سے مسائل کا مکمل احاطہ کرتا ہے۔

تاہم انسانی حقوق کے لیے کام کرنے والے سماجی کارکن آصف منور اس سے مطمئن نہیں ہیں۔ وہ سمجھتے ہیں کہ اس ایکٹ پر عمل درآمد یقینی بنانے کے لیے نہ تو کوئی میکنزم بنایا گیا ہے اور نہ ہی معذور افراد کی معاشی بحالی کے لیے کوئی مستحکم پلان سامنے آیا ہے۔

وہ کہتے ہیں کہ اس قانون پر عمل نہ ہونے کا سب سے بڑا ثبوت تو یہ ہےکہ جھنگ کی کسی سرکاری عمارت میں کوئی ریمپ یا خصوصی ٹائلٹ، بصارت سے محروم افراد کے لیے کوئی مدد گار یا گونگے بہرے افراد کے لیے کوئی اشاراتی پوسٹر موجود نہیں ہے۔ شاید فیصلہ ساز ان کے مسائل کو مسئلہ سمجھتے ہی نہیں ہیں۔

منور عباس چھ سال سے سوشل ویلفیئر آفس جھنگ میں &#39;مینٹور فار بلائنڈ&#39; ہیں۔ وہ کہتے ہیں یورپ میں گاڑیاں ڈیزائن کرتے ہوئے وہیل چیئر والے اور نابینا افراد کی ضرورت کا خیال رکھا جاتا ہے تاکہ انہیں سوار ہونے میں آسانی ہو۔ یہاں بڑی بڑی سرکاری ونجی عمارت میں ریمپ تک نہیں رکھا جاتا۔

&quot;زکریا یونیورسٹی میں ہمارے ایک ویل چیئر والے ساتھی مجبوری میں گھسٹ گھسٹ کر سیڑھیاں چڑھتے تھے۔ کسی کو یہ خیال نہیں آتا کہ جب آپ عمارت بنا ہی رہے ہیں تو وہاں ریمپ بھی بنا دیں جیسے ہسپتالوں میں بناتے ہیں۔ بس دو فٹ جگہ زیادہ لگ جائے گی.&quot;

آصف منور کا ماننا ہے کہ معذور افراد کی نقل و حرکت کا معاملہ بنیادی انسانی حقوق کے ساتھ جڑا ہوا ہے جبکہ ان سے متعلق قوانین پر عمل درآمد نہ ہونے کے برا بر ہے۔ اگر حکومت سرکاری اور کمرشل عمارتوں کے نقشے ریمپس اور خصوصی ٹائلٹس کے بغیر منظور ہی نہ کرے تو یہ مسائل ختم ہو سکتے ہیں۔

ان کا کہنا ہے کہ سب سے پہلے تو تمام خصوصی افراد سوشل ویلفیئر ڈیپارٹمنٹ میں اپنی رجسٹریشن کرائیں اور نادار سے اپنا شناختی کارڈ بنوائیں۔ اس کے علاوہ سفری کارڈ کے لیے ٹرانسپورٹ اتھارٹی اور بائیومیٹرک کے لیے بینکوں کے نظام کو بھی بہتر کرنے کی ضرورت ہے۔اس حوالے سماجی رویے بھی تبدیل کرنا ہوں گے۔

غیر سرکاری تنظیم سنٹر فار پیس اینڈ ڈیویلپمنٹ انیشیٹیو(سی پی ڈی آئی) کے منیجر پنجاب فیصل منظور انور بتاتے ہیں کہ ان کی تنظیم نے معذور افراد کی رسائی اور سہولیات کے حوالے سے جھنگ میں ڈپٹی کمشنر دفتر اور بنکوں سمیت 12 سرکاری اداروں کا سروے کیا۔

&quot;کسی دفتر میں کوئی سہولت نہیں بلکہ سوشل ویلفیئر ڈیپارٹمنٹ میں بھی کوئی ٹائلٹ اس قابل نہیں کہ اسے معذور افراد استعمال کر سکیں۔ ہم نے ڈپٹی کمشنر جھنگ کو خط لکھا ہے جس میں ریمپ کی پیمائش اور ٹائلٹس سے متعلق اقدامات کی درخواست کی گئی ہے۔&quot;

یونیورسٹی آف جھنگ کے شعبہ نفسیات کی سربراہ ڈاکٹر سیدہ راہیا بتاتی ہیں کہ معذور افراد میں نہ صرف جسمانی بلکہ بہت سارے نفسیاتی مسائل پیدا ہو سکتے ہیں خصوصا اس وقت جب یہ بڑے ہورہے ہوتے ہیں اور سکول جارہے ہوتے ہیں۔

&quot;ہمارے معاشرے میں ایسے بچوں کو بار بار احساس دلایا جاتا ہے کہ وہ دوسروں سے مخلتف ہیں یعنی یا تو انہیں نظرانداز کیا جاتا ہے یا پھر ضرورت سے زیادہ توجہ دی جاتی ہے۔ دونوں صورتوں میں وہ خود کو باقی بچوں سے الگ محسوس کرنا شروع دیتے ہیں۔&quot;

وہ کہتی ہیں کہ ان رویوں سے خصوصی افراد کئی طرح کے مسائل جیسا کہ تنہائی یاڈپریشن یا پھر اینگزائٹی کا شکار ہوسکتے ہیں۔

اسسٹنٹ ڈائریکٹر سوشل ویلفیئر جھنگ شاہد امین بتاتے ہیں کہ 11 ہزار سے زائد رجسٹرڈ معذور افراد کو محکمہ دستیاب وسائل میں سہولیات کی فراہمی میں اپنا کردار ادا کر رہا ہے۔&nbsp; روزگار، تعلیم، صحت اور سفری سہولیات کے حصول میں ان کی بلاتفریق مدد دی جاتی ہے۔

&quot; اپنے دفتر میں خصوصی افراد کے واش روم کے لیے ہم نے قطر چیئرئٹی کے ساتھ ایم او یو سائن کیا ہے اور ریمپ کے حوالے سے بھی کام کیا جا رہا ہے۔ پنجاب میں اب تمام نئی یا پرانی عمارتیں میں خصوصی افراد کی رسائی کو ممکن بنایا جائے گا۔&quot;

وہ کہتے ہیں کہ معذور افراد کو تحفظ فراہم کرنے کے لیے 2020ء کے ایکٹ کے تحت خصوصی عدالتیں قائم کی جائیں گی اور جب تک یہ عدالتیں نہیں بن پاتیں تو سیشن اور ایڈیشنل سیشن ججوں کو سپیشل کورٹس کا درجہ دیا جائے گا۔

ان کا کہنا تھا کہ خصوصی افرد کو تضحیک کا نشانہ بنانے، ان کے حقوق غضب کرنے یا ہراساں کرنے پر ملزم کو سزا دی جائے گی جو ایک لاکھ روپے جرمانہ اور دو سال قید بھی ہو سکتی ہے۔

اسسٹنٹ ڈائر یکٹر کے مطابق محکمے نے &#39;انیبل پورٹل فار سپیشل پرسن&#39; شروع کیا ہے جس میں ڈونر اور معذور افراد دونوں کو رجسٹرڈ کیا جا رہا ہے۔ ایسے افراد کو مصنوعی آلات دینے اور ملازمتوں میں تین فیصد کوٹہ یقینی بنانے کے لیے اقدامات کیے جا رہے ہیں۔

"حکومت معذور بچوں کو پڑھا لکھا دیتی تو مجھے بڑھاپے میں مزدوری نہ کرنا پڑتی"

'جانے کس جرم کی پائی ہے سزا یاد نہیں' کیا خصوصی افراد کو کبھی حق ملے گا؟

text

&#39;ہیر کی دھرتی&#39; جھنگ میں تین قومی اور سات صوبائی نشستوں کے لیے انتخابات ہو ں گے۔

اس ضلعے میں رجسٹرڈ ووٹرز کی کل تعداد 17 لاکھ 53 ہزار 999 ہے جن میں نو لاکھ 36 ہزار 55 مرد اور آٹھ لاکھ 17 ہزار 944 خاتوں ووٹرز ہیں۔

ضلع جھنگ مجموعی طور پنجاب کے روایتی طرز سیاست یعنی تھانہ کچہری، زمنیوں کے جھگڑوں اور سرکاری ملازمین کے تقرر و تبادلوں کا عکس پیش کرتا ہے اور یہاں گدی نشین اور شخصیات سیاسی جماعتوں سے زیادہ با اثر شمار ہوتے ہیں۔ شہر میں عشروں سے فرقہ واریت کا اہم کردار رہا ہے۔

لیکن 2022ء میں اس ضلعے کی دو صوبائی نشستوں پر ہونے والے ضمنی انتخاب میں سیاسی پارٹیوں کا رنگ بہت نمایاں نظر آیا تھا جس میں تحریک انصاف سرفہرست تھی۔

این اے 108 میں تحصیل اٹھارہ ہزاری اور جھنگ کے کئی دیہات شامل ہیں جہاں سے گزشتہ عام انتخابات میں تحریک انصاف کے صاحبزادہ محبوب سلطان نے پیپلز پارٹی کے سید فیصل صالح حیات کو لگ بھگ ساڑھے چار سو ووٹوں سے شکست دی تھی۔

یہ حلقہ اس لحاظ منفرد ہے کہ اس میں دریائے جہلم اور چناب کے دونوں اطراف کے علاقے آتے ہیں جہاں زیادہ تر ووٹ ذات برادری کی بنیاد پر پڑتا ہے۔ اس حلقے میں بلوچ، سیال، سپرا،کھوکھر اور سید اکثریتی برادریاں ہیں جن پر پیروں، گدی نشینوں کے علاوہ مقامی زمینداروں کا بھی کافی اثر ہے۔

اس بار یہاں سےفیصل صالح حیات ن لیگ، تحریک انصاف کے محبوب سلطان آزاد، محمد حیدر شاہ پیپلز پارٹی، محمد رمضان تحریک لیبک اور محمد ریاض جے یو آئی کے امیدوار ہیں۔

مخدوم فیصل صالح حیات چھ بار جبکہ محبوب سلطان پہلے تین بار منتخب ہوچکے ہیں جن کے کزن صاحبزادہ نذیر سلطان کئی بار ایم این اے رہ چکے ہیں۔

اس نشست پر محبوب سلطان اور فیصل صالح حیات کے درمیان کانٹے کا مقابلہ ہوگا جو بنیادی طور دو سیاسی جماعتوں کے درمیان نہیں بلکہ اس علاقے کی دو بڑی گدیوں کے مابین ہے۔

&nbsp;مخدوم فیصل صالح درگا پیر شاہ جیونہ کے گدی نشین جبکہ صاحبزادہ محبوب سلطان درگا سلطان باہو سے وابستہ ہیں۔ جس کی وجہ سے یہاں دونوں کے مریدین کی بڑی تعداد اور مختلف برادریوں میں ان کا ذاتی اثر و رسوخ ہے۔

یہاں پیپلز پارٹی کے امیدوار سید حیدر شاہ سابق رکن اسمبلی اور چیئرمین پی سی بی سید ذاولفقار علی بخاری مرحوم کے پوتے ہیں اور شاہ جیونہ ہی کے رہائشی ہیں۔ ان کے خاندان کی پی پی کے ساتھ پرانی وابستگی ہے جن کی حلقے میں موجودگی کا زیادہ نقصان فیصل صالح کو ہو سکتا ہے۔

اس قومی نشست کے نیچے دو صوبائی حلقے پی پی125،پی پی 131 آتے ہیں۔

پی پی 125 شاہ جیونہ اور نواحی علاقوں پر مشتمل یہ نشست 2018ء میں آزاد امیدوار تیمور بھٹی نے جیتی تھی جبکہ پیپلز پارٹی کے سید علی اکبر دوسرے اور تحریک انصاف کے غلام احمد گاڈی تیسرے نمبر پر نظر آئے تھے۔

اب یہاں ن لیگ سے مخدوم فیصل صالح حیات، تحریک انصاف سے غلام احمد گاڈی اور آزاد امیدوار تیمور بھٹی سر فہرست امیدوار ہیں۔ اس بار یہ حلقہ تمام امیدواروں کے لئے انتہائی مشکل ثابت ہوگا تاہم فیصل صالح حیات، تیمور بھٹی اور غلام احمد گاڈی کے مابین سخت مقابلے کی توقع کی جا رہی ہے۔

اس حلقے میں بھٹی، بلوچ، سپرا، سید، کھوکھر اور سیال اکثریتی برادریاں ہیں۔ امیدواروں میں سے تیمور خان کا تعلق بھٹی برادی ہے اور امکان ہے کہ بھٹی برادری اس بار بھی ان کو سپورٹ کرے گی۔

یہاں غلام احمد گاڈی بلوچ برادری سے تعلق رکھتے ہیں جنہیں برادری کے ساتھ محبوب سلطان اور پارٹی ووٹ کی حمایت بھی حاصل ہے جبکہ شاہ جیونہ فیصل صالح حیات کا آبائی علاقہ ہے جہاں ان کے مریدوں کی بڑی تعداد رہتی ہے جس کا انہیں زیادہ فائدہ ہو سکتا ہے۔

پی پی&nbsp; 131 میں زیادہ تر تحصیل 18-ہزاری کا علاقہ شامل ہے جہاں سے پچھلی بار آزاد امیدوار فیصل حیات جبوآنہ پی ٹی آئی کے محمد اعظم چیلہ کو ہرا کر تحریک انصاف میں شامل ہو گئے تھے۔

لیکن 2022ء میں پارٹی انحراف پر فیصل جبوآنہ کو اس نشست سے ہاتھ دھونا پڑے جس پر ضمنی الیکشن ہو ا تو تحریک انصاف کے اعظم چیلہ نے انہیں بڑے مارجن سے ہرا دیا تھا۔&nbsp;

اس بار ن لیگ سے فیصل جبوانہ، تحریک انصاف سے محمد اعظم چیلہ آزاد، پیپلز پارٹی سے مراتب علی شاہ و دیگر امیدوار ہیں۔ لیکن یہاں چیلہ اور جبوآنہ خاندان روایتی حریف ہیں جو دہائیوں سے ایک دوسرے کے خلاف الیکشن لڑتے آ رہے ہیں۔

اب بھی مقابلہ فیصل جبوآنہ اور میاں اعظم چیلہ کے درمیان ہو گا جن میں سے جبوآنہ کو فیصل صالح حیات اور ن لیگ کی حمایت حاصل ہے اور اعظم چیلہ کو محبوب سلطان اور پی ٹی آئی کی حمایت پر بھروسا ہے۔

اس صورت حال کے پیش نظر اس حلقے میں برادریوں کا ووٹ فیصلہ کن کردار ادا کرے گا جن کی حمایت حاصل کرنے کے لیے دونوں امیدوار پورا زور لگا رہے ہیں۔

این اے 109 میں زیادہ حصہ جھنگ شہر کا اور کچھ دیہی علاقہ شامل ہے جہاں سے پچھلی بار تحریک انصاف کی غلام بی بی بھروانہ کامیاب ہوئی تھیں۔ جبکہ آزار امیدوار محمد احمد لدھیانوی دوسرے اور شیخ وقاص اکرم تیسرے نمبر پر آئے تھے۔

اس بار یہاں تحریک انصاف کے شیخ وقاص اکرم آزاد، ن لیگ کے محمد یعقوب اور راہ حق پارٹی (سابق اہلسنت والجماعت) کے محمد احمد لدھیانوی، پیپلز پارٹی کے سید حیدر علی اور عابدہ حسین کی بیٹی صغریٰ امام آزاد امیدوار ہیں۔

غلام بی بی بھروانہ نے بھی اس نشست پر کاغذات نامزدگی جمع کرائے تھے لیکن وہ اس بار چنیوٹ سے آزاد حثیت میں الیکشن لڑ رہی ہیں۔

اس حلقے میں الیکشن پر ذات برادری زیادہ اثر انداز نہیں ہوتی بلکہ مذہبی عنصر اور سیاسی شخصیات کی ذاتی گروپ بندی اہم کردار ادا کرتی ہے۔ یہاں ایک عرصے تک محمد احمد لدھیانوی کی جماعت کو خاصی حمایت حاصل رہی اور وہ رکن اسمبلی بھی بنے۔

2018ء کے بعد یہاں فرقہ واریت کے عنصر میں کمی آئی اور خاص طور 2022ء کے ضمنی الیکشن میں سیاسی جماعتوں کی مقبولیت سر چڑھ کر بول رہی تھی۔

شیخ وقاص اکرم اور ان کے والد شیخ محمد اکرم دونوں یہاں سے رکن قومی اسمبلی رہ چکے ہیں۔ شیخ اکرم صوبائی نشست پر امیدوار ہیں جن کا شہر میں ایک مضبوط سیاسی گروپ ہے اور اب تحریک انصاف کا ووٹ ان کے لیے کارآمد ثابت ہوسکتا ہے۔

ن لیگ کے شیخ محمد یعقوب اور ان کی اہلیہ راشدہ یعقوب شیخ پہلے بھی رکن صوبائی اسمبلی منتخب ہو چکے ہیں۔ شیخ یعقوب اب قومی اور ان کی اہلیہ بھی صوبائی نشست پر ن لیگ ن کی امیدوار ہیں۔ یہ دونوں میاں بیوی یہاں ذاتی ووٹ رکھتے ہیں۔

اس قومی حلقے میں شیخ وقاص اکرم، شیخ محمد یعقوب اور مولانا محمد احمد لدھیانوی کے مابین سخت مقابلہ دیکھنے کو ملے گا۔

تاہم سیٹلائٹ ٹاؤن جھنگ کے رہائشی اور ن لیگ کے ضلعی سیکرٹری اطلاعات کنور محمد علی دعویٰ کرتے ہیں کہ ضلع جھنگ کی کوئی نشست ان کی پارٹی نہیں ہارے گی۔ ان کے نزدیک جیت کی اس سے بڑی وجہ کیا ہو سکتی ہے کہ یہاں ہاکی سٹیڈیم، کالجز سے لے کر حویلی بہادر شاہ پاور پلانٹس تک تمام ترقیاتی کام مسلم لیگ ن کے دور میں ہوئے ہیں۔

پی پی 126 سے 2018ء میں مہر اسلم بھروانہ آزاد الیکشن جیت کر پی ٹی آئی میں شامل ہوئے تھے لیکن 2022ء میں منحرف ہو گئے تھے۔ جس پر ضمنی انتخاب میں تحریک انصاف کے مہر نواز بھروانہ منتخب ہو گئے تھے۔

اب یہاں ن لیگ کے مہر اسلم بھروانہ تحریک انصاف کے نواز بھروانہ، پیپلز پارٹی کے محمد مصطفیٰ اور راہ حق پارٹی کے شیخ حاکم علی نمایاں امیدوار ہیں۔

اس حلقےمیں اسلم بھروانہ اور نواز بھروانہ دونوں ایک ہی برادری سے تعلق رکھتے ہیں لیکن یہاں پیر سیال شریف کے مریدین بڑی تعداد میں موجود ہیں۔ اس حلقے کی دوسری بڑی برادری بلوچ اور سپرا ہیں جن میں سے سپرا برادری کی اکثریت نواز بھروانہ کے ساتھ ہے۔

دیکھنا یہ ہو گا کہ پیر سیال شریف اور بلوچ برادری اپنا وزن کس پلڑے میں ڈالتے ہیں۔

پی پی 127 بھی جھنگ شہر کا حلقہ ہے جہاں سے راہ حق پارٹی کے معاویہ اعظم کامیاب ہوئے تھے اور انہوں نے شیخ وقاص اکرم کے بھائی شیخ شیراز کو شکست دی تھی۔

اب اس حلقے سے ن لیگ کی راشدہ یعقوب شیخ، تحریک انصاف کے شیخ محمد اکرم، راہ حق پارٹی کے محمد احمد لدھیانوی، پیپلز پارٹی کے ناصر عباس سمیت 36 امیدوار ہیں۔ ان میں سے راشدہ یعقوب شیخ، شیخ محمد اکرم اور محمد احمد لدھیانوی فرنٹ رنر بتائے جاتے ہیں۔

اس نشست پر امیدوار محمد احمد لدھیانوی کی جماعت کے سابق رکن اسمبلی معاویہ اعظم جو مولانا محمد اعظم طارق کے صاحبزادے ہیں اس بار اپنی جماعت سے ناراض ہیں۔ انہوں نے اپنے بھائی محمد انس کو قومی اور صوبائی دونوں حلقوں سے میدان میں اتارا ہے۔

ان کےعلاوہ حق نواز جھنگوی کے صاحبزادے مولانا مسرور نواز بھی آزاد امیدوار کے طور پر الیکش لڑ رہے ہیں۔

پی پی&nbsp; 128&nbsp; تحصیل جھنگ اور شور کوٹ کے علاقوں پر مشتمل ہے اور یہاں سے 2018ء میں تحریک انصاف کے کرنل (ر) غضنفر عباس شاہ آزاد امیدوار مہر خالد سرگانہ کو ہرا کر کامیاب ہوئے تھے۔

اب اس حلقے میں ن لیگ کے مہرخالد سرگانہ، تحریک انصاف کے غضنفر عباس شاہ، پیپلز پارٹی کے محمد آصف و دیگر امیدوار ہیں۔ جہاں خالد سرگانہ اور غضنفر شاہ کے درمیان ٹکر کا مقابلہ ہو گا۔

&nbsp;غضفر عباس شاہ یہاں سے دو مرتبہ منتخب ہوچکے ہیں اور انہیں صاحبزادہ امیر سلطان اور سید برادری کی حمایت حاصل ہے۔ مہر خالد سرگانہ یہاں سے تین بار رکن اسمبلی بن چکے ہیں اور انہیں ن لیگ اور سیال برادری کے ووٹ کا کافی فائدہ ہوسکتا ہے۔

این اے 110 میں شورکوٹ، احمد پور سیال کے زیادہ تر علاقے آتے ہیں جہاں سے تحریک انصاف کے صاحبزادہ محمد امیر سلطان نے آزاد امیدوار محمد آصف معاویہ کو ہرایا تھا۔

اس بار آصف معاویہ مسلم لیگ ن اور صاحبزادہ امیر سلطان تحریک انصاف کے آزاد امیدوار ہیں جن کے مابین کانٹے دار مقابلے کی توقع کی جا رہی ہے۔ اس نشست پر پیپلز پارٹی کے عمر آفتاب اور آزاد امیدوار صائمہ اختر بھروانہ بھی میدان میں موجود ہیں۔

امیر سلطان کے والد صاحبزادہ نذیر سلطان یہاں سے کئی بار رکن قومی اسمبلی اور ایک بار ضلع ناظم بھی رہ چکے ہیں۔ سلطان باہو کے گدی نشین خاندان کا فرد ہونے کی وجہ سے ان کا علاقے میں بڑا اثر ہے۔ اس کے علاوہ کاٹھیا اور راجپوت برادریاں بھی ان کے ساتھ کھڑی ہیں۔

ن لیگ کے آصف معاویہ کا تعلق سیال برادری سے ہے جو گزشتہ الیکشن میں صوبائی نشست پر تحریک انصاف کے غضنفر عباس شاہ سے ہار گئے تھے تاہم مذہبی حلقوں میں خاصا اثر رکھتے ہیں۔ یہان سیال برادری کا ووٹ تقیسم ہونے کا امکان ہے کیونکہ یہاں سابق ایم این اے صائمہ اختر بھروانہ(سیال) بھی الیکشن لڑ رہی ہیں۔

پی پی 129 شور کوٹ سے پچھلی بار تحریک انصاف کے میاں آصف کاٹھیا جیتے تھے جبکہ آزاد امیدوار مادھولال حسین دوسرے اور خالد غنی چوہدری تیسرے نمبر پر آئے تھے۔

اس بار یہاں سے خالد غنی ن لیگ، محمد آصف کاٹھیا تحریک انصاف ، شہباز علی پیپلز پارٹی، محمد اقبال جماعت اسلامی، محمد اسلم تحریک لبیک اور مادھولال حسین پاکستان مسلم لیگ اور میاں قمر حیات کاٹھیا آزاد امیدوار ہیں۔

اس حلقے میں آصف کاٹھیا، خالد غنی چوہدری اور میاں مادھو لال اور میاں قمر حیات کاٹھیا بہتر پوزیشن میں لگ رہے ہیں۔ آصف اور قمرحیات دونوں ایک ہی برادری سے ہیں اور دونوں دو دو مرتبہ اس حلقے سے منتخب ہو چکے۔ پچھلی بار کی طرح اب بھی کاٹھیا برادری کا ووٹ تقسیم ہو گا لیکن اس بار آصف کاٹھیا کو صاحبزادہ امیر سلطان کی حمایت بھی حاصل ہے۔

ن لیگ کے خالد غنی چوہدری پہلے ایک بار اس حلقے سے منتخب ہو چکے ہیں اس بار انہیں محمد آصف معاویہ کی وجہ سے سیال برادری کی حمایت بھی حاصل ہو گئی۔ جبکہ میاں مادھولال علاقے ڈب کلاں میں ایک بڑا مضبوط ووٹ بینک رکھتے ہیں۔

پی پی 130 احمد پور سیال میں تحریک انصاف کے رانا شہباز احمد جیتے تھے اور آزاد امیدوار میاں عون عباس رنر اپ تھے۔

اس بار عون عباس کے انتقال کے بعد ان کے کزن امیر عباس سیال ن لیگ، رانا شہباز تحریک انصاف، عابد حسین پیپلز پارٹی، اعجاز علی جماعت اسلامی، محمد رمضان مصطفیٰ تحریک لبیک کے امیدوار ہیں۔

اس علاقے میں راجپوت، سیال، سید، بلوچ اور کھوکھر اکثریتی برادریاں ہیں۔ لیکن سیال برادری کے آزاد امیدوار بھی میدان میں ہیں جس کا سابق ممبر قومی اسمبلی عون عباس سیال مرحوم کے کزن امیر عباس کو نقصان ہو سکتا ہے۔

رانا شہباز احمد کو راجپوت برادری کے علاوہ سلطان باہو کی گدی نشینوں کی حمایت حاصل ہے اور وہ فرنٹ رنر نظر آتے ہیں۔

گڑھ مہاراجہ کے رہائشی تحریک انصاف کے کارکن رانا شاہد کہتے ہیں کہ پی ٹی آئی کو جتنا مرضی دیوار سے لگا لیں جھنگ کے بیشتر قومی و صوبائی حلقے وہی جیتے گی اور اس کی ایک جھلک لوگ 2022ء کے ضمنی الیکشن میں دیکھ چکے ہیں۔

تاہم پیپلز یوتھ آرگنائزیشن سنٹرل پنجاب کے رہنما فہیم عباس راہی دونوں مخالف پارٹیوں کے دعووں کو نہیں مانتے۔ وہ کہتے ہیں کہ جو سیاسی پارٹیاں سمجھتی ہیں کہ جھنگ سے پیپلز پارٹی کا صفایا کر دیا گیا ہے تو ان کی خوش فہمی 8 فروری کو دور ہو جائے گئی اور انہیں جھنگ میں سرپرائز ملے گا۔

ملک اکمل

ملک اکمل جھنگ سے تعلق رکھنے والے سینئر صحافی ہیں۔ کئی ملکی اخبارات اور ٹی وی چینلز کے ساتھ کام کر چکے ہیں۔

'جانے کس جرم کی پائی ہے سزا یاد نہیں' کیا خصوصی افراد کو کبھی حق ملے گا؟

جھنگ :شاہ جیونہ اور باہو سلطان کے گدی نشین، شیخ اور سیال مدمقابل، فرقہ وارانہ عنصر میں کتنا کمی آئی ہے