جس جگہ ملیر ایکسپریس وے کا قائدآباد انٹرچینج بنایا جا رہا ہے اس میں وہ پانچ ایکڑ زرعی زمین بھی شامل ہے جس کی ملکیت کے دعوے دار ایک 65 سالہ مقامی کاشت کار عظیم دہقان ہیں۔ اس لیے وہ اس سڑک کی تعمیر پر ناراض بھی ہیں اور مایوس بھی۔ &nbsp;

وہ 20 فروری 2022 کو اتوار کے روز گیارہ بجے صبح کراچی کے شمال مشرقی ضلعے ملیر کے کمیونٹی ہال میں مقامی آبادی کی ایک بڑی تعداد کے ساتھ موجود ہیں۔ ان لوگوں کو سندھ کے محکمہ ماحولیات نے بلا رکھا ہے تاکہ وہ قدرتی ماحول پر ایکسپریس وے کے ممکنہ اثرات کے بارے میں اپنی آرا پیش کر سکیں۔ ان میں سے اکثر کو شکایت ہے کہ صوبائی حکومت نے اس سڑک کی تعمیر شروع کرنے سے پہلے اُنہیں اعتماد میں نہیں لیا حالانکہ وہ کہتے ہیں کہ اس کے بننے سے ان کی روزی روٹی براہ راست متاثر ہو گی۔ عظیم دہقان کے الفاظ میں &quot;حکومت ہم سے زبردستی وہ زمین لینا چاہتی ہے جس سے ہماری زندگی اور ہمارا روزگار وابستہ ہیں&quot;۔&nbsp;

ملیر ایکسپریس وے کے متاثرین نے سندھ انڈِجنس رائٹس الائنس نامی مقامی باشندوں کی تنظیم کے پلیٹ فارم سے اس کی تعمیر کے خلاف متعدد احتجاجی مظاہرے بھی کیے ہیں۔ ان کا کہنا ہے کہ ان کے پاس ایسی قانونی اور سرکاری دستاویزات موجود ہیں جن سے ثابت ہوتا ہے کہ سڑک کے لیے لی جانے والی زمین کا ایک بڑا حصہ ان کی جائز ملکیت ہے اس لیے حکومت جبراً انہیں اس سے بے دخل نہیں کر سکتی۔ عظیم دہقان کے بقول &quot;ہم کئی دہائیوں سے اس زمین کے قانونی مالک ہیں اس لیے حکومت اس کا بہتر متبادل فراہم کیے بغیر اسے ہم سے نہیں چھین سکتی&quot;۔&nbsp;

لیکن حکومتی اہل کاروں کا کہنا ہے کہ یہ زمین کبھی کسی کی ذاتی ملکیت تھی ہی نہیں بلکہ اسے لیز پر مقامی لوگوں کو دیا گیا تھا جسے ختم کر کے حکومت اب یہ زمین واپس لے رہی ہے۔ &nbsp;

<h2>تتلیاں کہاں جائیں؟</h2>

نجی شعبے اور سندھ حکومت کے اشتراک (پبلک پرائیویٹ پارٹنرشپ) کے تحت تقریباً 160 ملین ڈالر کی لاگت سے بنائی جانے والی ملیر ایکسپریس وے کا افتتاح دسمبر 2020 میں صوبے کی حکمران جماعت پاکستان پیپلز پارٹی کے سربراہ بلاول بھٹو زرداری نے کیا۔ صوبائی حکومت کا کہنا ہے کہ اسے جون 2023 تک مکمل کر لیا جائے گا۔&nbsp;

چھ لین پر مشتمل اور 39 کلومیٹر طویل یہ سڑک کراچی کی ڈیفنس ہاؤسنگ اتھارٹی کے شمال مشرقی سرے پر واقع کورنگی کریک روڈ سے شروع ہوگی اور ملیر ندی کے ساتھ ساتھ چلتی ہوئی کاٹھور کے مقام پر کراچی-حیدرآباد شاہراہ سے مل جائے گی۔ ماحولیاتی آلودگی سے پیدا ہونے والے مسائل کو اجاگر کرنے والے کارکنوں کا کہنا ہے کہ اس کی زد میں آنے والے علاقوں کا قدرتی ماحول کراچی کے تمام دوسرے علاقوں کی نسبت کہیں زیادہ سرسبز اور شاداب ہے۔ یہی وجہ ہے کہ، ان کے مطابق، اس کی تعمیر سے 19 ہزار کے قریب پودوں اور درختوں، پرندوں کی ایک سو 76 اقسام اور 73 طرح کی تتلیوں کی جائے افزائش کو ناقابلِ تلافی نقصان پہنچنے کا خدشہ ہے۔&nbsp;

تین سو 88 فٹ (ایک سو میٹر) چوڑی ایکسپریس وے ملیر ندی کے متوازی تعمیر کی جائے گی جس کے باعث اس کا پاٹ تنگ ہو جائے گا۔ یوں برسات کے موسم میں ندی کے ارد گرد واقع بستیوں میں سیلاب کا خطرہ بڑھ جائے گا۔

ایکسپریس وے کے متاثرین کی ایکشن کمیٹی کے رکن بشیر بلوچ بھی اسی طرح کے خدشات کا اظہار کرتے ہیں۔ ان کا کہنا ہے کہ کراچی کے رہائشی اور تجارتی علاقوں کے پھیلاؤ کی وجہ سے ملیر کا زرعی رقبہ پچھلے 20 سالوں میں 60 ہزار ایکڑ سے کم ہو کر 19 ہزار ایکڑ رہ گیا ہے جو اس سڑک کی تعمیر سے مزید کم ہو جائے گا۔ ان کے مطابق اس سڑک کی وجہ سے اس رقبے کو سیراب کرنے والے 27 کنوئیں بھی ختم ہو جائیں گے۔

ان خطرات کی نشان دہی کرتے ہوئے ملیر سے تعلق رکھنے والے قومی اسمبلی کے دو اور صوبائی اسمبلی کے چھ ارکان نے وزیر اعلیٰ سندھ کو ایک خط بھی لکھا ہے۔ بشیر بلوچ کے بقول اس خط میں انہوں نے مطالبہ کیا ہے کہ دیہات اور زرعی زمینوں کو بچانے کے لیے سڑک کو زمین پر بنانے کے بجائے ایک اوور ہیڈ برج کی طرح تعمیر کیا جانا چاہیے۔&nbsp;

سندھ انڈیجنس رائٹس الائنس کے رہنما حفیظ بلوچ اس موقف کی تائید کرتے ہوئے کہتے ہیں کہ ایکسپریس وے کی تعمیر سے ملیر کے کئی دیہات دو حصوں میں تقسیم ہو جائیں گے جن کے رہنے والے لوگ سڑک کے ساتھ لگی باڑ کی وجہ سے ایک حصے سے دوسرے حصے تک جا بھی نہیں پائیں گے۔

لیکن ان کے نزدیک اس سے بھی بڑا مسئلہ یہ ہے کہ موٹرسائیکل اور آٹو رکشا جیسی چھوٹی گاڑیوں کو اس سڑک پر چڑھنے کی اجازت نہیں ہو گی جس کا مطلب یہ ہے کہ &quot;ملیر کے رہنے والے کم آمدن والے لوگوں کو اس کا کوئی فائدہ نہیں پہنچے گا&quot;۔

اگرچہ ملیر ایکسپریس وے کی تعمیر کے بعد کراچی کے انتہائی جنوب میں رہنے والے لوگوں کو شہر کے انتہائی شمالی حصے تک پہنچنے میں محض آدھا گھنٹہ لگے گا لیکن کراچی میں مقیم ماہر ماحولیات توحید احمد کہتے ہیں کہ &quot;یہ فائدہ اس نقصان کے مقابلے میں کہیں کم ہے جو ملیر کی جنگلی حیات، قدرتی ماحول اور زراعت کو پہنچے گا&quot;۔

<h2>کہ خوشی سے مر نہ جاتے اگر اعتبار ہوتا</h2>

ملیر ایکسپریس وے کے بارے میں تمام عوامی اعتراضات کو رد کرتے ہوئے سندھ کے ماحولیاتی تحفظ کے ادارے (Sindh Environmental Protection Agency) نے 20 اپریل 2022 کو اس کے ماحولیاتی اثرات کے جائزے پر مبنی رپورٹ (environment impact assessment report) کو تسلی بخش قرار دے دیا جس سے اس کی تعمیر کی راہ ہموار ہو گئی ہے۔ اس رپورٹ میں کہا گیا ہے کہ سڑک کے لیے مختص تمام رقم کا 15 فیصد درختوں، کھیتوں، سرسبز جگہوں اور جنگلی حیات کے تحفظ کو یقینی بنانے پر خرچ کیا جائے گا۔ اس میں یہ دعویٰ بھی کیا گیا ہے کہ سڑک کی وجہ سے متاثر ہونے والے درختوں، کھیتوں اور سرسبز جگہوں کے لیے متبادل زمین فراہم کی جائے گی۔ ماحولیاتی تحفظ کے صوبائی ادارے نے اس کے متاثرین سے یہ وعدہ بھی کیا ہے کہ انہیں ان کے نقصان کا معاوضہ دے کر متبادل جگہوں پر آباد کیا جائے گا۔

لیکن متاثرین اور ان کے ساتھ کام کرنے والے سماجی کارکنوں کو ان سرکاری وعدوں اور دعووں پر اعتبار نہیں۔ کراچی کی رہنے والی وکیل عبیرہ اشفاق کہتی ہیں کہ ملیر ایکسپریس وے ایسا پہلا منصوبہ نہیں جو کراچی کے ماحول پر شدید منفی اثرات مرتب کرے گا بلکہ، ان کے مطابق، پچھلے 10 سالوں میں شہر کے شمالی دیہی علاقوں میں ایسی کئی تعمیرات کی گئی ہیں جن کے مضر اثرات کوہ کھیرتھر تک پہنچ رہے ہیں جو ملیر اور لیاری جیسی کئی ندیوں کا ماخذ ہے۔ ان کا کہنا ہے کہ &quot;ایکسپریس وے اور بحریہ ٹاؤن جیسے بڑے تعمیراتی منصوبوں نے کراچی میں جنگلات، جنگلی حیات، آبی ذخائر، زیرآب پانی کی سطح اور فضا کو جو نقصان پہنچایا ہے اس کی تلافی ماحولیاتی تحفظ کے ادارے کے کھوکھلے وعدوں سے نہیں ہو سکتی&quot;۔&nbsp;

عظیم دہقان بھی کہتے ہیں کہ یہ وعدے محض وعدے ہی رہیں گے کیونکہ صوبائی حکومت نے ماضی میں اسی طرح کے منصوبوں کے منفی اثرات کا شکار ہونے والے لوگوں کی شکایات کا کبھی کوئی ازالہ نہیں کیا۔ ان کا کہنا ہے کہ &quot;سندھ حکومت نے ایسے ہی وعدے اورنگی اور گجر نالوں اور سرکلر ریلوے کے متاثرین سے بھی کیے تھے لیکن انہیں ابھی تک کچھ بھی نہیں ملا&quot;۔

سوات ایکسپریس وے کے دوسرے مرحلے کی تعمیر: 'ہم سے ہمارے باغات اور زمینیں چھینی جا رہی ہیں'۔

کراچی میں ملیر ایکسپریس وے کی تعمیر: 'حکومت ہم سے ہماری زندگی، ہمارا روزگار چھین رہی ہے'۔

text

Development activities on Bundal and Buddo islands will make fishermen unemployed, damage aquatic and wildlife and make karachi an easy target for natural disastersd

Construction on new islands: Danger of environmental degradation in Karachi

دابلو قبیلے کے ماہی گیر سندھ کے زیریں ضلع ٹھٹھہ کے علاقے کیٹی بندر میں رہتے تھے لیکن کچھ دہائیاں پہلے سمندر کا کھارا پانی ان کی زمینوں اور بستیوں میں گھس کر انہیں نا قابلِ رہائش بنانے لگا تو انہیں اپنے گھر بار چھوڑ کر کسی دوسری جگہ منتقل ہونے کے بارے میں سوچنا پڑا۔

ان میں سے ایک ماہی گیر علی حسن کے بقول نئی جگہ کے انتخاب کے دوران ان کے پیشِ نظر دو ہی باتیں تھیں، ایک یہ کہ وہ وہاں آسانی سے مچھلیاں پکڑ سکیں اور دوسری یہ کہ انہیں اپنا نیا گھر جلدی نہ چھوڑنا پڑے۔ اس لئے انہوں نے کراچی کے ساحل کے ساتھ واقع دو سمندری جزیروں &ndash; بھنڈار اور ڈنگی -- کا انتخاب کیا جو ڈیفنس ہاؤسنگ اتھارٹی کے انتہائی مغربی حصے &ndash; فیز آٹھ &ndash; سے لگ بھگ ڈھائی کلومیٹر مغرب میں سمندر کے اندر واقع ہیں اور باقی شہر سے مکمل طور پر کٹے ہوئے ہیں۔

علی حسن اور ان کا قبیلہ یہاں کئی برسوں سے رہ رہا ہے۔

لیکن اب انہیں ایک بار پھر نقل مکانی کا سامنا ہے کیونکہ صدرِ پاکستان عارف علوی کی طرف سے یکم ستمبر 2020 کو ایک آرڈیننس نافذ کیا گیا ہے جس کے تحت پاکستان کی سرحدوں کے اندر واقع تمام سمندری جزیروں پر رہائشی، تجارتی اور صنعتی منصوبوں کو فروغ دینے کے لئے پاکستان آئی لینڈ ڈویلپمنٹ اتھارٹی کے نام سے ایک نیا وفاقی ادارہ بنایا جائے گا جس کے اولین منصوبوں میں بھنڈار اور ڈنگی &ndash; جنہیں سرکاری کاغذات میں بُنڈل اور بُڈو کہتے ہیں -- میں پرُ آسائش رہائشی سکیموں اور اونچی اونچی تجارتی عمارات کی تعمیر شامل ہے۔

علی حسن کہتے ہیں کہ وفاقی حکومت نے یہ آرڈیننس جاری کر کے ان جزیروں پر ماہی گیروں کے حقِ ملکیت کی خلاف ورزی کی ہے۔ ان کا کہنا ہے کہ &#39;یہ جزیرے اور ان سے ملحقہ تمر (mangrove) کے جنگلات قانونی طور پر ہماری ملکیت ہیں۔ ان کی رجسٹریشن کے کاغذات ہمارے پاس موجود ہیں&#39;۔

خطرات اور خدشات

محمد علی شاہ پچھلی کئی سالوں سے ماہی گیروں کے حقوق کے تحفظ کے لئے ایک غیر سرکاری تنظیم پاکستان فشر فوک فورم چلا رہے ہیں۔ ان کے مطابق، کراچی کے جنوب مغرب میں واقع جزائر، جن میں بھنڈار اور ڈنگی بھی شامل ہیں، آٹھ لاکھ کے قریب ماہی گیروں کے لیے روزگار اور رہائش کا ذریعہ ہیں۔ &#39;اگر یہاں شہر تعمیر کر دیے جاتے ہیں تو بہت بڑی تعداد میں ماہی گیروں کے بیروزگار ہونے کا خدشہ ہے&#39;۔

محمد علی شاہ کا یہ بھی کہنا ہے کہ چار ہزار کے قریب مزید ماہی گیر جو کراچی اور ٹھٹھہ سے منسلک ساحل پر رہتے ہیں مختلف ندیوں کے ذریعے کھلے پانیوں تک رسائی حاصل کرتے ہیں جو انہی جزیروں کے پاس سے گذرتی ہیں اور جن میں سب سے بڑی ملیر ندی ہے۔ &#39;لیکن صدارتی آرڈیننس کے تحت جب بھنڈار اور ڈنگی کو شہر کے باقی حصوں سے ملا دیا جائے گا تو ماہی گیروں کی یہ رسائی ختم ہو جائے گی جس کے باعث ان کا روزگار شدید طور پر متاثر ہو گا&#39;۔

ماہرہ عمر کو ماہی گیروں کے معاشی نقصان کے ساتھ ساتھ آبی اور جنگلی حیات کو لاحق ہونے والے سنگین خطرات کی بھی فکر ہے۔ وہ ماحولیاتی تبدیلیوں پر دستاویزی فلمیں بناتی ہیں اور انہوں نے کراچی اور اس کے ارد گرد موجود تمر کے جنگلات پر کئی سال تحقیق بھی کی ہے- ان کا کہنا ہے کہ بھنڈار، ڈنگی اور اس طرح کے دوسرے جزائر &#39;کے ایک ایک انچ پر قسم قسم کی سمندری مخلوق پائی جاتی ہے جو یہاں موجود قدرتی ماحول میں افزائش پاتی ہے&#39;۔ اس لئے وہ سمجھتی ہیں کہ &#39;ان جزائر پر ترقیاتی منصوبوں کا آغاز یہاں موجود آبی اور قدرتی حیات کے لیے زہرِ قاتل ثابت ہو گا&#39;۔

بھنڈار اور ڈنگی کے بارے میں ماہرہ عمر کا خاص طور پر کہنا ہے کہ ان جزائر پر پختہ زمین نہ ہونے کے برابر ہے اور ان کا بیشتر حصہ کیچڑ اور گیلی مٹی پر مشتمل ہے کیونکہ یہ دریاؤں کی لائی ہوئی سِلٹ کے نتیجے میں وجود میں آئے ہیں۔ &#39;یہ کیچڑ اور دلدلی زمین گھونگوں اور کیچڑ میں پیدا ہونے والی مچھلیوں کی قدرتی نشوونما کے لیے لازم ہیں۔ شہری بستیوں کی تعمیر سے اس تمام آبی حیات کو ناقابلِ تلافی نقصان پہنچے گا&#39;۔

ماحولیاتی امور کے ایک اور ماہر نصیر میمن کا خیال ہے کہ بھنڈار اور ڈنگی پر رہائشی اور تجارتی عمارات کی تعمیر پورے کراچی کے لئے ایک ماحولیاتی خطرہ بن سکتی ہے۔ وہ کہتے ہیں کہ کبھی ان جزائر پر لاکھوں ایکڑ پر تمر کے جنگلات پھیلے ہوئے تھے لیکن اب ان کا رقبہ سکڑ کر ستر ہزار ایکڑ تک رہ گیا ہے۔ &#39;اگر یہاں سے مزید جنگلات ختم کیے گئے تو مستقبل میں کراچی کو خطرناک سونامیوں کا سامنا ہو سکتا ہے&#39;۔

کراچی کے مشہور سماجی محقق اور ماہرِ تعمیرات عارف حسن بھی معاشی اور ماحولیاتی وجوہات کی بنا پر اِن جزیروں پر شہری آبادیاں بسانے کے خلاف ہیں۔ ان کا کہنا ہے کہ صدارتی آرڈیننس کے تحت یہاں تعمیرات کی اجازت دینا دراصل رامسار کنوینشن (Ramsar Convention) کی کھلی خلاف ورزی ہے جس پر پاکستان نے دستخط کر رکھے ہیں۔

یہ بین الاقوامی کنوینشن 1971 میں ایران کے شہر رامسار میں منظور کیا گیا اس کا مقصد دنیا کے مختلف حصوں میں موجود نم زمینوں (wetlands) کو جنگلی اور آبی حیات کی پناہ گاہوں کے طور محفوظ کرنا ہے۔ جب پاکستان نے 23 نومبر 1976 کو اس کنوینشن کی توثیق کی تو 19 مقامی جگہوں کو اس کے تحت تحفظ مل گیا۔ ان جگہوں میں وہ تمام جزائر، ساحلی علاقے اور جھیلیں شامل ہیں جو دریائے سندھ اور دوسری ندیوں کے سمندر میں گرنے کی وجہ سے قدرتی طور پر وجود میں آئی ہیں۔ ان wetlands کا کل رقبہ 1،343،807 ہیکٹر ہے۔

عارف حسن کے مطابق ان جزائر پر شہری آبادی بنانا ایک طرف تو کراچی کے ماحولیاتی بگاڑ کو اور شدید کردے گا اور دوسری طرف یہ اقدام یہاں موجود پرندوں، کیکڑوں اور نایاب ہرے کھچووں کی قدرتی افزائش کو مکمل طور پر ختم کر دے گا۔ وہ کہتے ہیں: &#39;بھنڈار اور ڈنگی کے سبز جزائر کراچی کے گرد و نواح میں بچ جانے والے وہ واحد علاقے ہیں جہاں ابھی تک کوئی ترقیاتی کام نہیں کیا گیا جسکی وجہ سے شہر میں ماحولیاتی استحکام قائم رکھنے میں ان جزائر کا ایک اہم کردار ہے۔ ان پر پختہ تعمیرات کرنا کراچی کو مستقبل میں سنگین قدرتی آفات کے منہ میں دھکیل دے گا&#39;۔

عارف حسن وزیرِ اعظم عمران خان کو یاد دلانا چاہتے ہیں کہ وہ بین الاقوامی سطح پر اپنی ہر تقریر میں اس بات پر زور دیتے ہیں کہ پاکستان ماحولیاتی تبدیلی سے شدید متاثر ہونے والے ممالک میں شامل ہے &#39;مگر خود آپ کے دور حکومت میں اس طرح کے آرڈیننس کا نفاذ ماحول دوستی کے خلاف ہے&#39;۔

نئے جال، پرانے شکاری

محمد علی شاہ کا دعویٰ ہے کہ بھنڈار اور ڈنگی کے جزائر پر صدارتی آرڈیننس کے تحت شہر بنانے کی اجازت دینا آئین میں دی گئی صوبائی خود مختاری کی ضمانت کی خلاف ورزی ہے اور مضبوط مرکزی حکومت کی حامی قوتوں کی طرف سے سندھ اور بلوچستان کے ساحلی علاقوں کو وفاقی کنٹرول کے تحت لانے کے وسیع عمل کا پہلا مرحلہ ہے۔

ان کے بقول اس طرح کی کوششیں پہلے بھی ہو چکی ہیں۔ &#39;اس سے پہلے جنرل پرویز مشرف کے دورِ حکومت میں اس وقت کے وزیر اعظم شوکت عزیز نے بھی ایسا ہی ایک قدم اٹھایا تھا جب انہوں نے بھنڈار اور ڈنگی کو دبئی کی ایک نجی تعمیراتی کمپنی عمار کو بیچنے کی منظوری دی تھی&#39;۔

اس وقت وفاقی حکومت نے ایک وفاقی ادارے، پورٹ قاسم اتھارٹی، کو عمار کے ساتھ دونوں جزیروں کی خرید و فروخت کا معاہدہ کرنے کا مکمل اختیار دیا تھا حالانکہ، محمد علی شاہ کے مطابق، اس ادارے کے پاس ایسا کوئی ثبوت نہیں تھا کہ وہ یہاں کی زمین کا مالک ہے۔

تاہم عمار اور پورٹ قاسم اتھارٹی میں معاہدہ طے پانے کے بعد پاکستان فشر فوک فورم، سندھی دانشور اور سیاستدان رسول بخش پالیجو کی تنظیم عوامی تحریک اور اس وقت کی اپوزیشن جماعت پاکستان پیپلز پارٹی سمیت کئی سیاسی اور سماجی تنظیموں نے شدید احتجاج کیا جس کے نتیجے میں وفاقی حکومت کو پیچھا ہٹنا پڑا اور عمار کے ساتھ کیا گیا معاہدہ منسوخ کر دیا گیا۔

اگر پاکستان تحریکِ انصاف کے وفاقی وزیر برائے بحری امورعلی زیدی کی بات پر یقین کر لیا جائے تو اب صوبہ سندھ میں پاکستان پیپلز پارٹی کی اپنی حکومت خود ہی وفاقی حکومت کو ان دونوں جزیروں پر بستیاں تعمیر کرنے کی اجازت دی رہی ہے۔ چند روز پہلے انہوں نے سوشل میڈیا پر جاری کی گئی ٹویٹس میں سندھ حکومت کی طرف سے وفاقی حکومت کو بھیجے گئے ایک خط کی نقل شائع کی جس میں کہا گیا ہے کہ سندھ کی کابینہ نے چند ماہ پہلے ہونے والے ایک اجلاس میں ان جزائر کو وفاقی حکومت کے استعمال میں دینے کی منظوری دے دی تھی۔

تاہم سندھ حکومت نے بعد ازاں اس دعوے کی تردید کر دی اور کہا کہ اس کی طرف سے وفاقی حکومت کو لکھے گئے خط میں واضح طور پر کہا گیا ہے کہ یہ جزائر سندھ کی ملکیت ہیں اور وفاقی حکومت کو ان کے استعمال کی اجازت اس شرط پر دی گئی کہ وفاقی حکومت یک طرفہ طور پر اور صوبائی حکومت کی مرضی کے بغیر وہاں کوئی قدم نہیں اٹھائے گی اور یہ کہ وہاں بسنے والے ماہی گیروں کے حقوق کا مکمل تحفظ کیا جائے گا۔ 
اس تنازعے کو مکمل طور پر ختم کرنے کے لئے سندھ حکومت نے کابینہ کے ایک تازہ ترین اجلاس میں اس خط میں دی گئی اجازت کی تنسیخ ہی کر دی ہے اور آئینی اور قانونی حوالے دے کر کہا ہے کہ بھنڈار اور ڈنگی دونوں صوبائی حکومت کی ملکیت ہیں جنہیں آئین میں تبدیلیاں کیے بغیر وفاقی حکومت کی ملکیت میں نہیں دیا جا سکتا۔ 
&nbsp;

اس رپورٹ کی تیاری میں لاہور سے زاہد علی نے حصہ لیا۔

یہ رپورٹ لوک سجاگ نے پہلی دفعہ 9 اکتوبر 2020 کو اپنی پرانی ویب سائٹ پر شائع کی تھی۔

کراچی کے ساحلی جزیروں پر تعمیرات کا منصوبہ: ماہی گیروں اور قدرتی ماحول کے لیے سنگین خطرہ۔

The survival of water resources in Karoonjhar is in jeopardy due to granite mining and construction of dams.

Negative impacts of granite mining on environment in Karoonjhar.

سانولی رنگت اور سرمئی بالوں والے 55 سالہ اللہ رکھیو ستمبر 2021 میں ایک دن کارونجھر کے پہاڑوں کے دامن میں بیٹھے اپنے اردگرد پھیلی چھوٹی بڑی پہاڑی چوٹیوں اور ان سے بہہ کر آنے والے پانی کو دیکھ رہے ہیں۔&nbsp;

یہ پہاڑ سندھ کے مشرقی ضلعے تھرپارکر میں ننگر پارکر کے قصبے سے چند کلومیٹر جنوب مغرب میں پاکستان اور انڈیا کی سرحد سے 16 کلومیٹر کے فاصلے پر واقع ہیں۔ ان میں ہندو اور جین مذاہب کی تقریباً ایک سو آٹھ قدیم عبادت گاہیں موجود ہیں جن میں سے بہت سی دیکھ بھال نہ ہونے کے باعث کھنڈرات میں تبدیل ہو چکی ہیں۔&nbsp;

اس پہاڑی سلسلے کی لمبائی 19 کلومیٹر اور سطحِ سمندر سے اونچائی 305 میٹر ہے۔ اس میں سنگِ مرمر کی طرح کا آرائشی پتھر گرینائٹ بہت بڑی مقدار میں پایا جاتا ہے جسے نکالنے کے لیے کان کنی کا آغاز 1988 میں ہوا جب حکومت نے مِل راک نامی کمپنی کو اس کام کا ٹھیکہ دیا۔ اس کمپنی نے بنک سے قرضہ لے کر کان کنی شروع کی تاہم کچھ عرصہ بعد ہی اس نے اسے ترک کر دیا اور کارونجھر سے چلی گئی۔&nbsp;

بعد ازاں پاک راک نامی کمپنی نے 1990 میں کارونجھر سے گرینائٹ نکالنے کا عمل شروع کیا۔ اس میں کام کرنے والے انجینئر غلام مصطفیٰ کھوسو کا کہنا ہے کہ یہ کمپنی ایک مہینے میں ایک ہزار سے دو ہزار ٹن کے درمیان پتھر نکالتی تھی جس کے لیے ڈائنامائٹ کا استعمال کر کے پہاڑوں کو توڑا جاتا تھا۔ ان کے مطابق، اس عمل کے نتیجے میں نہ صرف بڑی مقدار میں پتھر ضائع ہو جاتے تھے بلکہ ڈائنامائٹ کے دھماکوں کا کارونجھر کے قدرتی ماحول پر بھی ناقص اثر پڑتا تھا۔

ان مسائل کی نشان دہی کرتے ہوئے مقامی لوگوں نے 2010 میں پاک راک کمپنی کے خلاف سپریم کورٹ میں درخواست دی۔ انہوں نے عدالت کو بتایا کہ اس کی سرگرمیوں کے باعث پہاڑوں میں واقع ایک تاریخی عبادت گاہ، چوڑیو نامی دیہات میں واقع دُرگا ماتا کا قدیم مندر، منہدم ہونے کا خدشہ ہے۔ عدالت نے ان کی درخواست قبول کرتے ہوئے کمپنی کو کام روکنے کا حکم دے دیا۔

لیکن اس سے پہلے ہی 2004 میں کوہِ نور ماربل نامی کمپنی نے بھی مختلف ٹھیکے لے کر کارونجھر سے گرینائٹ نکالنا شروع کر دیا تھا۔ بعد میں اس کمپنی نے ایک معاہدے کے ذریعے اپنے ٹھیکے پاکستان آرمی کے شعبہِ انجینئرنگ، فرنٹیئر ورکس آرگنائزیشن (ایف ڈبلیو او)، کے حوالے کر دیے جو اس علاقے میں اب بڑے پیمانے پر کان کنی کر رہا ہے۔&nbsp;

اسی طرح دو سال پہلے جب تھرپارکر میں متعدد چھوٹے ڈیموں کی تعمیر شروع ہوئی تو ابتدا میں اس میں بھی مقامی پتھر استعمال کیا گیا کیونکہ اس منصوبے پر کام کرنے والے ٹھیکیداروں کو یہ پتھر ڈیموں کی جائے تعمیر تک لانے کے لیے محض 1500 روپے فی ٹرک خرچ کرنا پڑتے تھے جبکہ حیدرآباد کے ساتھ واقع جام شورو ضلعے سے پتھروں کا ایک ٹرک لانے میں 60 ہزار روپے خرچ ہوتے تھے۔&nbsp;

لیکن مقامی لوگوں نے اس پر شدید احتجاج کیا اور سوشل میڈیا پر ایک بھرپور مہم چلائی۔ تھرپارکر بار ایسوسی ایشن کے وکلا نے بھی ڈیموں میں مقامی پتھروں کے استعمال کے خلاف سندھ ہائی کورٹ کے حیدرآباد بنچ سے رجوع کیا جس&nbsp; نے 14 نومبر 2019 کو یہ عمل روک دیا۔

تاہم ایف ڈبلیو او اب بھی بڑے پیمانے پر ڈائنامائٹ سے پہاڑ توڑ کر پتھر نکال رہا ہے۔&nbsp;

اللہ رکھیو اس پر غم و غصے کا اظہار کرتے ہوئے کہتے ہیں کہ دوسرے علاقوں سے آنے والے لوگ ہوسِ زر کی خاطر کارونجھر کے خوبصورت پہاڑوں کو کاٹ رہے ہیں تاکہ &quot;ان کے پتھر امرا کے غسل خانوں کی زینت بنائے جا سکیں&quot;۔

<h2>پہاڑ کی تباہی، ماحول کی تباہی</h2>

اللہ رکھیو کے لیے کارونجھر ایک &quot;زندہ&quot; پہاڑی سلسلہ ہے &quot;جس میں دل بھی دھڑکتا ہے اور جو مقامی لوگوں کو تمام ضروریاتِ زندگی بھی فراہم کرتا ہے&quot;۔ وہ کہتے ہیں کہ یہ پہاڑ مقامی باشندوں کو &quot;روزانہ سوا کلو سونا دیتے ہیں&quot; جس کا مطلب یہ ہے کہ اِن لوگوں کا ذریعہِ معاش ان پہاڑوں سے جڑا ہوا ہے کیونکہ وہ ان میں پائی جانے والی مختلف جڑی بوٹیاں، سفید پیاز اور شہد بیچ کر اپنا رزق کماتے ہیں۔&nbsp;

اللہ رکھیو کہتے ہیں کہ وہ ان پہاڑوں کے قدرتی ماحول کو برباد نہیں ہونے دیں گے کیونکہ &quot;جب ہمارے کنویں سوکھ گئے تو کارونجھر نے ہماری پیاس بجھائی تھی۔ جب اس پہاڑ نے ہمیں اکیلا نہیں چھوڑا تو ہم اسے کیسے اکیلا چھوڑ دیں&#39;&#39;۔

انہوں نے کئی سال پہلے کارونجھر بچاؤ تحریک شروع کی تھی۔ اس وقت وہ اکیلے تھے لیکن ان کا کہنا ہے کہ اب انہیں اس مہم میں پورے سندھ سے مدد مل رہی ہے۔ اس عوامی حمایت کا ذکر کرتے ہوئے وہ کہتے ہیں کہ &quot;مقامی ہندو ہوں یا مقامی مسلمان۔ کوئی بھی اس علاقے میں نہ تو درخت کاٹتا ہے اور نہ ہی ان کی لکڑیاں جلاتا ہے۔ اس لیے جب ہم درخت نہیں کاٹتے تو کارونجھر کو کٹتا ہوا کیسے دیکھ سکتے ہیں جو ہزاروں درختوں کی پناہ گاہ ہے&quot;۔&nbsp;

وہ اس بات پر شدید افسوسں کا اظہار کرتے ہیں کہ کان کنی کے لیے ڈائنامائٹ سے کیے جانے والے دھماکوں کے باعث کارونجھر میں پائے جانے والے گِدھوں کی آبادی کم ہو رہی ہے اور بارہ سنگھے، ہرن، &nbsp;پاڑے اور چیتے جیسے کئی مقامی جانور اور بہت سی اقسام کے مقامی پرندے بھی اب دکھائی نہیں دیتے۔ اسی طرح، ان کے مطابق، کان کنی کے باعث &nbsp;گگرال کے درخت سوکھتے چلے جا رہے ہیں اور &quot;جلد ہی ماضی کی داستان بن کر رہ جائیں گے&quot;۔&nbsp;

مقامی محقق مشکور فلھکارو بھی کارونجھر کے بارے میں اسی طرح کے خیالات رکھتے ہیں۔ ان کے مطابق اس پہاڑی سلسلے کی ایک خصوصیت یہ ہے کہ اس کے ہر پہاڑ کا ماحولیاتی نظام دوسرے سے مختلف ہے۔ اگر ایک پر صرف چندور کے درخت دکھائی دیتے ہیں تو دوسرے پر صرف گِدھ پائے جاتے ہیں۔ اسی طرح ایک پہاڑ پر مٹی کھانے والی مکھی ملتی ہے تو دوسرے پر چمگادڑوں کا بسیرا ہے۔&nbsp;

اینگرو نامی کمپنی کی طرف سے تھرپارکر پر کی گئی ایک حالیہ تحقیق کا حوالہ دیتے ہوئے فلھکارو کہتے ہیں کہ کارونجھر میں پائی جانے والی گرینائٹ کی چٹانیں زمین میں 990 فٹ کی گہرائی تک پائی جاتی ہیں۔ ان کا کہنا ہے کہ یہ گہری چٹانیں ایک ایسے ماحولیاتی دفاعی نظام کے طور پر کام کرتی ہیں جو تھر پارکر کو سمندری پانی اور اس کے اثرات سے بچاتا ہے۔

لیکن ماہرین ارضیات خبردار کرتے ہیں کہ اگر ان چٹانوں کو اسی طرح کاٹا جاتا رہا تو بحیرہِ عرب نہ صرف تھرپارکر بلکہ اس کے شمال میں واقع ضلعے سانگھڑ میں بھی زیر زمین پانی کھارا کر دے گا۔

مقامی لوگوں کو یہ بھی خدشہ ہے کہ کان کنی اور ڈیموں کی تعمیر کی وجہ سے کارونجھر میں پائے جانے والے آبی وسائل کی بقا خطرے میں ہے۔ ان کے مطابق ان پہاڑوں میں موجود بہت سے قدرتی چشموں میں سارا سال پانی موجود رہتا ہے۔ درحقیقت یہ پہاڑ ننگر پارکر کے علاقے میں پینے کے صاف پانی کا واحد ذریعہ ہیں کیونکہ ان میں واقع کنوؤں کا پانی میٹھا ہوتا ہے جبکہ ان کے ساتھ ہی واقع میدانی علاقے میں پائے جانے والے کنوؤں کا پانی کھارا ہے۔

اللہ رکھیو کا کہنا ہے کہ مقامی لوگوں نے پرانے زمانے میں بارش کا پانی جمع کرنے کے لیے پہاڑوں میں کنوئیں اور تالاب کھود رکھے تھے جن میں سے کئی اب بھی موجود ہیں۔ انہیں مقامی زبان میں &#39;سر&#39; کہا جاتا ہے جیسے بھوڈے سر، رام سر وغیرہ۔ ان قدیم کنوؤں اور تالابوں کا ذکر سندھی صوفی شاعر شاہ عبداللطیف بھٹائی نے تین سو سال پہلے اپنی شاعری میں بھی کیا ہے۔ 
تاہم ان میں پایا جانے والا پانی نزدیکی آبادیوں کی ضروریات پوری کرنے کے لیے کافی نہیں۔ اس لیے حکومتِ سندھ نے ورلڈ بنک کے تعاون سے ایک منصوبہ شروع کیا ہے جس کے تحت کارونجھر سمیت تھرپارکر کے مختلف حصوں میں چھوٹے بڑے 21 ڈیم بنائے جائیں گے۔&nbsp;

ماحولیاتی مسائل کے حل کے لیے سوشل میڈیا پر مہم چلانے والے ایک مقامی نوجوان ذوالفقار کھوسو اس منصوبے سے خوش نہیں۔ ان کا کہنا ہے کہ ان ڈیموں کی تعمیر کسی جامع سائنسی تحقیق اور مقامی لوگوں کے تعاون کے بغیر کی جا رہی ہے جس کے نتیجے میں پہاڑوں سے پانی کا قدرتی بہاؤ بند ہو جائے گا۔

وہ کہتے ہیں کہ مقامی لوگوں کو اس منصوبے کا فائدہ تبھی ہو سکتا ہے جب ڈیم مناسب جگہوں پر بنائے جائیں۔ لیکن، ان کے مطابق، &quot;بہت سے ڈیم ایسی جگہوں پر تعمیر کیے جا رہے ہیں جہاں وہ پہاڑوں سے آنے والے پانی کے بہاؤ کی شدت کو برداشت نہیں کر پائیں گے اور ٹوٹ جائیں گے&quot;۔&nbsp;

جئہ کمار

جئہ کمار فری لانس صحافی ہیں اور سندھ میں متنوع سماجی و سیاسی موضوعات پر رپورٹنگ کرتے ہیں۔

کراچی میں ملیر ایکسپریس وے کی تعمیر: 'حکومت ہم سے ہماری زندگی، ہمارا روزگار چھین رہی ہے'۔

کراچی کے ساحلی جزیروں پر تعمیرات کا منصوبہ: ماہی گیروں اور قدرتی ماحول کے لیے سنگین خطرہ۔

کارونجھر کے 'زندہ' پہاڑ: گرینائٹ کی کان کنی کیسے ایک تاریخی پہاڑی سلسلے کی بقا کے لئے خطرہ بن گئی ہے۔