Solar-powered stoves are gaining popularity in Afghanistan due to their cost-effectiveness and efficiency, offering a sustainable alternative for daily cooking needs.

Solar-Powered Stoves: A Cost-Effective Trend in Afghanistan

میڈ ان افغانستان چولہے، خرچ کم تپش زیادہ

video

Explore how villages can utilize animal waste (dung) to meet their gas and electricity needs, providing a sustainable and cost-effective energy solution for rural areas.

Meeting Gas and Electricity Needs in Villages Using Animal Waste

چھیالیس سالہ احسان اللہ، بلوچستان کے ضلع پشین کے رہائشی ہیں جو اپنی زندگی میں پہلی بار لوڈ شیڈنگ کے بغیر 24 گھنٹے بجلی و گیس کی سہولت سے مستفید ہو رہے ہیں۔

وہ بتاتے ہیں کہ چند ماہ پہلے انہوں نے ڈیجٹل اور سوشل میڈیا پر لوک سجاگ کی ایک ویڈیو سٹوری دیکھی تھی جس میں لورالائی کے سکول ٹیچر سید خان ناصر کے ماحول دوست بائیو گیس پلانٹ سے متعلق بتایا گیا تھا۔

&quot;مجھے معلوم ہوا کہ سید خان دو گائے کے ویسٹ (گوبر) سے بائیو پلانٹ چلا رہے ہیں جس سے وہ روزانہ ایک کلو سے زائد گیس حاصل کرتے ہیں۔ یہ دیکھ کر میں نے سوچا کہ ہم نے تو گھر میں دودھ کے لیے چار گائے رکھی ہوئی ہیں، کیوں نہ اسی طرز کا پلانٹ لگا لیں جس پر خرچہ بھی زیادہ نہیں ہوتا۔&quot;

احسان اللہ نے بتایا کہ انہوں نے سید خان ناصر کے پلانٹ کی پیروی میں ان سے نسبتاً بڑا بائیوگیس پلانٹ لگانے کا فیصلہ کیا۔ اس دوران انہوں نے سید خان سے رابطہ کیا اور ان سے پلانٹ لگانے میں مدد کی درخوست کی۔

&quot;سید خان ناصر لورالائی سے کسی پس و پیش کے بغیر ہمارے پاس آ گئے اور انہوں نے پلانٹ لگانے میں ہماری مدد کی اور کوئی معاوضہ بھی نہیں لیا۔ اب ہمیں روزانہ کی بنیاد پر دو سے تین کلو گیس مل رہی ہے جبکہ گرمی کے موسم میں گیس کی پیداوار بڑھ گئی ہے۔&quot;

احسان بتاتے ہیں بائیو گیس کا استعمال گھر میں کھانا پکانے اور چائے وغیرہ کے لیے کرتے تھے لیکن جب زیادہ گرمی پڑنا شروع ہوئی تو گیس کے مقدار بڑھ گئی لیکن اس کا استعمال سردیوں کی نسبت کم ہو چکا تھا جس کی وجہ سے بہت ساری گیس ضائع ہو رہی تھی۔

&quot;ہم نے فالتو گیس سے بجلی بنانے کے استعمال کرنے کا فیصلہ کیا اور بازار سے گیس پر چلنے والا جنریٹر خرید لیا۔ اب اسی بائیوگیس سے گھر میں کھانا پکانے کی ضرورت پوری ہوتی ہے اور بجلی بھی 24 گھنٹے مفت میں مل رہی ہے۔&quot;

اس شدید گرمی کے باوجود اب احسان اللہ کے گھر میں بائیوگیس کی بدولت نہ تو کوئی سرکاری بجلی آنے کا انتظار کرتا ہے اور نہ ہی سردیوں میں کسی کو ایندھن (کوئلہ، لکڑی وغیرہ) کی فکر ہوتی ہے۔

پاکستان کو طویل مدت سے توانائی کے بحران کا سامنا ہے جس کے لیے دو تین عشرے قبل نجی کمپنیوں کے ذریعے بجلی بنانے والے کارخانے لگائے گئے تھے، جس كے باعث ملک میں بجلی كی پیداواری صلاحیت تو بڑھ گئی مگر پاور سیکٹر کا سرکولر ڈیٹ&nbsp; کا حجم رواں سال جنوری میں 26 کھرب 36 ارب روپے تک پہنچ چکا تھا۔

اقتصادے سروے 2023-24ء كے مطابق&nbsp; پاکستان میں بجلی بنانے کی صلاحیت (انسٹالڈ کپیسیٹی) 41 ہزار میگا واٹ ہے جس میں سے پانی سے بننے والی بجلی کا تناسب 25.8 فیصد، تھرمل (تیل، کوئلہ اور گیس) بجلی کا 58.8 فیصد، ایٹمی بجلی 8.6 فیصد اور متبادل ذرائع سے بجلی کی پیداوار کا حصہ 6.8 فیصد بنتا ہے۔

ملک میں اگرچہ گرمیوں میں بھی زیادہ سے زیادہ طلب 26 ہزار میگاواٹ ( رواں سال جون) ہی رہتی ہے۔ تاہم تھرمل بجلی کے مہنگے ایندھن اور سرکلر ڈیٹ کی وجہ سے یہ ڈیمانڈ بھی پوری نہیں ہو پاتی اور اکثر اوقات شارٹ فال&nbsp; چھ ہزار میگاواٹ تک پہنچ جا تا ہے۔

ماہر معیشت اور یونیورسٹی آف بلوچستان كے پروفیسر شاكر علی كہتے ہیں کہ پاکستان میں گھریلو صارفین کے لیے بجلی کے نرخ فی یونٹ 7.74 (100 یونٹ تک ) روپے سے 42 روپے (500 یونٹ سے زائد پر) فی یونٹ تک پہنچ چکے ہیں۔

&quot;پٹرول گیس اور بجلی کی قیمتوں نے نہ صرف عام آدمی بلکہ پورے ملک کو افراط زر کی اذیت میں ڈبو دیا ہے۔ اب حالت یہ ہے کہ بڑھتی مہنگائی اور كم اجرت كے باعث مڈل كلاس کے لیے بھی بھاری بھرکم بلوں کی ادائیگی ناممکن ہو گئی ہے۔&quot;

کوئٹہ الیکٹرک سپلائی کمپنی (کیسکو) کے ترجمان محمد افضل تصدیق کرتے ہیں کہ کیسکو بجلی چوری اور بلوں کی عدم ادائیگی كے سبب طلب کے مطابق بجلی فراہم نہیں كر رہی جس کی وجہ سے دور دراز علاقوں میں 20 گھنٹے تک لوڈ شیڈنگ ہوتی ہے۔

نیپرا کی 2022 -23 کی رپورٹ&nbsp; کے مطابق کیسکو ملک کی سب سے زیادہ خسارے میں چلنے والی بجلی کمپنیوں میں سے ایک ہے جو ماہانہ تقریباً 22 ارب روپے کا نقصان کر رہی ہے جبکہ وصولیوں کی شرح صرف 37 فیصد ہے۔

ملک میں گیس کی صورتحال بھی بجلی سے مختلف نہیں۔ اقتصادی سروے&nbsp; بتاتا ہے کہ پاکستان میں گزشتہ سال مجموعی طور پر تین ہزار 258 ایم ایم سی ایف ڈی گیس استعمال کی گئی جس میں سے ایل این جی (امپورٹڈ) کا حصہ 631 ایم ایم سی ایف ڈی تھا۔

اس رپورٹ کے مطابق مجموعی طور پر 907 ایم ایم سی ایف ڈی گیس گھروں میں استعمال کی گئی۔

ماہرین کہتے ہیں کہ قدرتی گیس میں میتھین (جلنے والا عنصر) 85 سے 95 فیصد ہوتی ہے جبکہ بائیو گیس میں یہ تناسب 75 فیصد تک ہوتا ہے جو گھریلو استعمال کے لیے کافی ہے۔

ضلع لورالائی کے رہائشی سید خان ناصر پیشے کے اعتبار سے تو سکول ٹیچر ہیں مگر پچھلے چار سال سے ماحول کے تحفظ کے لیے بھی سرگرم عمل ہے۔

وہ بتاتے ہیں کہ ان کے علاقے میں لوگ درختوں کو کاٹ کر ایندھن کے طور پر استعمال کرتے ہیں جس سے جنگلات کم ہو رہے ہیں اور اس کا ماحول پر منفی اثر پڑ رہا ہے۔ اسی وجہ سے انہوں نے آگ جلانے کے لیے اپنے گھر میں بائیوگیس پلانٹ لگایا تھا۔

سید خان اس بات سے خوش ہیں کہ لوگ بائیو گیس کی طرف مائل ہو رہے ہیں۔ کہتے ہیں کہ اس پیشرفت سے نہ صرف درختوں کی کٹائی رک جائے گی بلکہ بائیوگیس اور بجلی مفت میں ملے گی۔ جبکہ بائیوگیس پلانٹ سے بچ جانے والا ویسٹ (گوبر) فصلوں اور باغات کے لیے بہترین کھاد کے طور پر استعمال ہو گا۔

سید خان ناصر کا ماننا ہے کہ دیہات میں جانوروں کا ویسٹ(گوبر) بڑی مقدار میں دستیا ب ہوتا ہے۔ اگر اس کو بائیو گیس کے لیے استعمال کیا جائے تو دیہی آبادی کو سرکاری گیس اور بجلی کی ضرورت ہی نہیں رہے گی۔ اس سے نہ صرف لوگوں کو بلوں کی مصیبت سے چھٹکارا ملے گا بلکہ ملک کا قیمتی زرمبادلہ بھی بچے گا اور ماحولیاتی مسائل بھی کم ہوں گے۔

بلوچستان: دیسی بائیو گیس پلانٹ ضرورت کے ساتھ منافع بھی

دیہی آبادی کے لیے بجلی و گیس کے بھاری بلوں کا متبادل کیا ہے؟

text

In Balochistan, a boxer selected for a world competition is struggling to make ends meet by working in a vegetable market, highlighting the dire financial conditions and lack of support for a

Balochistan: Boxer Selected for World Competition Forced to Earn a Living by Laboring in Vegetable Market

بلوچستان: عالمی مقابلے کے لیے منتخب باکسر سبزی منڈی میں مزدوری کر رہا ہے

Since October 2023, protesters in Chaman Balochistan have been opposing new visa regulations, causing significant disruptions to Pak-Afghan trade. Discover the reasons behind the protests and

Protests in Chaman Balochistan Stall Pak-Afghan Trade Over New Visa Rules Since October 2023

بلوچستان: چمن بارڈر 8 ماہ سے بند ہے، حکومت کے پاس مذاکرات کے اختیارات نہیں

Unlock the potential of Desi biogas plants in Loralai, Balochistan, as both a renewable fuel source and a lucrative economic opportunity. Discover how this sustainable technology is driving e

Empowering Loralai, Balochistan: Harnessing Desi Biogas Plants for Sustainable Fuel and Economic Growth

منگل 30 جنوری کو سبی میں تحریک انصاف کی ریلی جناح روڈ سے گذر رہی تھی کہ خوفناک بم دھماکہ ہوا جس میں چار افراد جاں بحق اور پانچ شدید زخمی ہو گئے۔

تحریک انصاف کے صوبائی ایڈیشنل جنرل سیکرٹری عالم خان کاکڑ بتاتے ہیں کہ سبی دھماکے میں جاں بحق تین افراد محمد رفیق، حماد اور زاہد ان کی پارٹی کے کارکن تھے۔ وہ کہتے ہیں کہ ریلی سے پہلے ان کے امیدوار صدام ترین نے سیکورٹی کے لیے انتظانیہ کو خط بھی لکھا تھا۔

اگلے روز بدھ کو کوئٹہ میں پیپلز پارٹی کے سریاب الیکشن آفس پر دستی بم حملہ کیا گیا جس میں پانچ افراد زخمی ہوئے تاہم&nbsp; پی پی رہنما اور امیدوار علی مدد جتک بال بال بچ گئے۔ اسی دوران کیچ کے علاقے بلیدہ میں پیپلز پارٹی کے امیدوار ظہور بلیدی کے گھر پر دو دستی بم پھینکے گئے تاہم اس میں کوئی جانی نقصان نہیں ہوا۔

&nbsp;آٹھ فروری کو بلوچستان کے 36 اضلاع میں قومی اسمبلی کی 16 اور صوبائی اسمبلی کی 51 نشستوں پر انتخابات ہوں گے جس کے لیے نگراں حکومت اور الیکشن کمیشن سکیورٹی انتظامات کو حتمی شکل دے رہے ہیں۔

صوبے میں 20 جنوری کے بعد میں اب تک تحریک انصاف، پیپلز پارٹی، نیشنل پارٹی، مسلم لیگ ن، جمعیت علماء اسلام اور جمعیت علماء اسلام نظریاتی کے امیدواروں، دفاتر اور سیاسی سرگرمیوں كو نشانہ بنایا گیا ہے۔ انتخابی عملے اور الیکشن کمیشن کے ریجنل دفتر پر بھی حملے كیے گئے ہیں۔

بلوچستان میں اس بار عام انتخابات میں 53 لاکھ 71 ہزار 947 ووٹرز حق رائے دہی استعمال کریں گے تاہم کچھ علاقوں امن و امان کے حوالے سے ووٹرز کو تحفظات ہو سکتے ہیں جس کا اثر براہ راست ٹرن آؤٹ پر پڑتا ہے جیسا کہ آواران میں 2013ء میں تشدد اور کالعدم مسلح تنظیموں کی دھمکیوں کے باعث ٹرن آؤٹ دو فیصد سے بھی کم رہا تھا۔

&nbsp;گزشتہ ماہ یعنی 10 جنوری كو تربت میں ن لیگ کے امیدوار قومی اسمبلی، سینیٹر اسلم بلیدی کو نامعلوم افراد نے اندھا دھند فائرنگ کر کے زخمی کر دیا تھا۔اس سے ایک روز قبل كوئٹہ میں جے یو آئی نظریاتی كے مركزی رہنما قاری مہر اللہ پر حملے كی كوشش كی گئی تھی۔

&nbsp;پانچ روز بعد 15 جنوری کو ضلع خاران میں پریزائنڈنگ افسران کو تربیتی اجلاس کے دوران دستی بم کا نشانہ بنایا گیا۔

اس صورت حال پر اٹھارہ جنوری كو پنجگور، کوہلو، ڈیرہ بگٹی اور مستونگ کے ڈپٹی کمشنروں نے علاقے میں ممکنہ دہشت گردی کے خدشے سے متعلق سکیورٹی ایڈوائزری بھی جاری كی تھی جس میں کہا گیا تھا کہ انتخابات کی گہما گہمی کے دوران دہشت گرد امیدواروں کو نشانہ بنا سکتے ہیں۔ اس لیے سیاسی جماعتیں اور امیدوار کھلی جگہوں پر اجتماعات کے انعقاد سے گریز کریں۔

اسی دوران 20 جنوری كو تربت کے علاقے دشت کھڈان میں مسلح افراد نے اور سابق وزیر لالہ رشید اور سینیٹر کہدہ اکرم دشتی نیشنل پارٹی کے امیدوار کے قافلے پر فائرنگ کر دی۔ تاہم خوش قسمتی سے وہ محفوظ رہے۔

ایک روز بعد ہی 21 جنوری کو مستونگ میں پیپلز پارٹی کے امیدوار نور احمد بنگلزئی کے انتخابی دفتر پر دستی بم سے حملہ کیا گیا ۔ اسی دوران خاران شہر میں بھی پی پی امیدوار نورالدین نوشیروانی کے گھر کے قریب دھماکہ ہوا تھا تاہم کوئی جانی نقصان نہیں ہوا۔

پچیس جنوری كو تربت میں نامعلوم حملہ آور الیکشن کمیشن کے ریجنل آفس میں داخل ہوئے جہاں دو طرفہ فائرنگ میں ایک پولیس اہلکارکی جان چلی گئی۔ اسی شب ضلع سوراب میں دو نامعلوم موٹرسائیکل سواروں نے فائرنگ کی جس میں جے یو آئی كے ضلعی رہنما اور کونسلر حاجی عبد الحمید مینگل جاں بحق ہو گئے۔

دو روز بعد 27 جنوری كو خاران میں نامعلوم مسلح افراد نے سابق صوبائی وزیر داخلہ شعیب نوشیروانی كی انتخابی كارنر میٹینگ كو دستی بم كا نشانہ بنایا جس میں دو افراد زخمی ہوئے۔ 
&nbsp; 
کالعدم علیحدگی پسند مسلح تنظیموں کے اتحاد &#39;براس&#39;( بلوچ راجی اجوروئی سنگر) نے 21 دسمبر کو نامعلوم مقام سےایک بیان جاری کیا تھا جس میں کہا گیا تھا کہ بلوچ آئندہ انتخابات کا حصہ نہ بنیں۔ 
&nbsp; 
&nbsp;عالمی اداروں کی رپورٹس کے مطابق جولائی 2020ء میں پاکستان میں چین کے مفادات کو نشانہ بنانے کے لیے براس نامی اتحاد بنایا گیا تھا جس میں اللہ نذر بلوچ کی بی ایل ایف، بشیر زیب کی بی ایل اے، گلزار امام کی بی آر&nbsp; اے اور بختیار ڈومکی کی بی آر جی نامی کالعدم تنظیموں کے نام آئے تھے۔ سندھ کے ایک ایس آر&nbsp; اے نامی کالعدم مسلح گروپ نے بھی اس میں شمولیت کا اعلان کیا تھا۔

كالعدم بلوچ تنظیموں كے علاوہ شدت پسند گروہ داعش ( اسلامی ریاست خراسان ) نے بھی بلوچستان بھر میں انتخابات کو حرام قرار دے كر نشانہ بنانے كی دھمكی دی تھی۔ ان کے برعکس کالعدم ٹی ٹی پی نے اپنے اعلامیے میں کہا تھا کہ وہ كسی انتخابی سرگرمی كو نشانہ بنانے كا ارادہ نہیں ركھتے۔ 
&nbsp; 
&nbsp;رواں سال کے آغاز (آٹھ جنوری) میں كالعدم بی ایل ایف ایک سوشل میڈیا سائٹ پر بلوچوں کو انتخابات میں حصہ نہ لینے كی &quot;ہدایت&quot; دیتی نظر آئی تھی۔ اس کے علاوہ کالعدم تنظیم بی ایس او آزاد بھی انتخابات میں حصہ نہ لینے کا پر چار کر رہی ہے جس کے لیے ایک کتابچہ بھی سامنے آیا ہے۔

گزشتہ عام انتخابات میں بھی انتخابی مہم کے دوران آوران، تربت، خاران اور حب میں نیشنل پارٹی، ن لیگ اور تحریک انصاف کے امیدواروں کے انتخابی کیمپوں کو حملوں كا نشانہ بنایا گیا تھا۔ تاہم صوبے میں ٹرن آوٹ 45.3 فیصد رہا تھا بجبکہ صوبائی حلقہ آواران کم پنجگور میں ٹرن آؤٹ کی شرح 34.28 فیصد تھی۔

تاہم 2013ء میں اس وقت کے یورپی آبزرور مشن کی رپورٹ بتاتی ہے کہ تشدد کے باعث ضلع آواران کے صوبائی حلقے میں 57 ہزار 666 ووٹوں میں سے صرف 672 کاسٹ ہوئے تھے یعنی ٹوٹل ٹرن آؤٹ 1.18 فیصد تھا۔ ان کاسٹ ہونے والے ووٹوں میں سے عبدالقدوس بزنجو 544 ووٹ لے کر رکن اسمبلی منتخب ہوئے تھے جو بعد ازاں وزیر اعلیٰ بھی بنے۔

عام انتخات 2024ء میں آواران میں 92&nbsp; ہزار 104 ووٹرز حق رائے دہی استعمال کریں گے۔

&nbsp;تاہم اب کی بار الیکشن کمشنر بلوچستان اعجاز انور چوہان پرعزم ہیں کہ الیکشن کمیشن سکیورٹی سے متعلق اپنی ذمہ داری پوری کرے گا اور ضرورت پڑی تو دیگر سکیورٹی فورسز کے ساتھ فوج کی خدمات بھی لی جائیں گی۔

ان کا کہنا تھا کہ صوبے بھر میں پانچ ہزار 28 پولنگ سٹیشنز قائم کئے جا رہے ہیں جن میں ایک ہزار 511 مردوں اور ایک ہزار 317 خواتین كے لیے مختص ہوں گے۔ دو ہزار 200 پولنگ سٹیشنز مشتركہ ہوں گے۔ 
نگراں صوبائی وزیر داخلہ میر زبیر جمالی بتاتے ہیں بلوچستان کےدو ہزار 58 پولنگ سٹیشنز کو انتہائی حساس اور دو ہزار 180 کو حساس قرار دیا گیا ہے۔ ان کی سکیورٹی کے لیے موثر پلان ترتیب دے دیا گیا ہے۔ انتہائی حساس پولنگ سٹیشن پر ایک کمانڈر اور آٹھ اہلکار جبکہ حساس پولنگ پر ایک کمانڈر اور چھ اہلکار فرائض سرانجام دیں گے۔ اس کے ساتھ ہی کوئیک ریسپانس کے لیے ٹیمیں &#39;سٹینڈ بائی &#39; ہوں گی۔

چیف سیکریٹری بلوچستان شکیل قادر خان كے مطابق حساس اور انتہائی حساس پولنگ سٹیشنوں پر آٹھ ہزار سی سی ٹی وی کیمرے نصب کیے جائیں گے۔

&nbsp;سیکرٹری صحت مجیب الرحمن قمبرانی بتاتے ہیں كہ عام انتخابات کے دوران بلوچستان کے تمام ہسپتالوں میں کسی بھی ہنگامی صورتحال سے نمٹنے کے لیے ایمرجنسی نافذ کر دی گئی ہے۔ ایمرجنسی کی صورت میں ٹراما سنٹر&#39; فوکل پوائنٹ&#39; ہو گا اور سرکاری کے ساتھ نجی ہسپتالوں کو بھی فعال رہنے كے احكامات كیے گئے ہیں۔

نگران وزیر اطلاعات جان اچكزئی کا کہنا ہے كہ بلوچستان بھر میں پرامن انتخابات کے لیےحکومت پوری تیاری كر رہی ہے جس کے لیے زیادہ تر صوبائی وسائل پر انحصار کیا جائے گا۔ 
&nbsp;&quot;ہم لیویز اور نئے بھرتی ہونے والے سكیورٹی اہلكاروں كے ساتھ ریٹائرڈ پولیس افسران كو بھی انتخابات سے متعلق تربیت دے رہے ہیں۔&quot;

دہشت گرد حملوں كا حساب ركھنے والی بین الاقوامی تنظیم &#39; ساوتھ ایشیا ٹیررازم پورٹل&#39; کے مطابق 2023ء میں بلوچستان میں 169 حملے ہوئے تھے جن میں 160 سویلینز، 186 سیكورٹی اہلكار اور مسلح تنظیموں كے 125 افراد سمیت 471&nbsp; افراد جاں بحق ہوئے تھے۔ 
&nbsp;&nbsp;&nbsp;

عزیز الرحمن صباؤن

میڈ ان افغانستان چولہے، خرچ کم تپش زیادہ

دیہی آبادی کے لیے بجلی و گیس کے بھاری بلوں کا متبادل کیا ہے؟

بلوچستان: عالمی مقابلے کے لیے منتخب باکسر سبزی منڈی میں مزدوری کر رہا ہے

بلوچستان: چمن بارڈر 8 ماہ سے بند ہے، حکومت کے پاس مذاکرات کے اختیارات نہیں

بلوچستان: دیسی بائیو گیس پلانٹ ضرورت کے ساتھ منافع بھی

بلوچستان میں انتخابی مہم پر حملے: حساس پولنگ سٹیشنوں پر بھاری سکیورٹی تعینات، ہسپتالوں میں ایمرجنسی